Post: #1
Title: شكرا بكري أبوبكر، وكل عام وأنت بخير يا وجه الخير
Author: عفاف أبو حريرة
Date: 12-28-2006, 11:17 PM
باش مهندس يكري أبوبكر
لك مني ومن الأسرة أسمى آيات التقدير والعرفان على الجهد المقدر الذي بذلته لاستضافتي بالمنبر، وإنه لشرف عظيم لي أن أكون عضواً ًمن أعضاء كوكبتك الرائعة، وأروع ما فيها قيادتك لدفة المنبر الذي أطل علينا مع إطلالة العام الجديد في أبهى حلله
ودمتم.
عفاف أبو حريرة
|
Post: #2
Title: Re: شكرا بكري أبوبكر، وكل عام وأنت بخير يا وجه الخير
Author: نصار
Date: 12-29-2006, 03:18 AM
Parent: #1
العزيزة عفاف ابو حريرة
اكرر الترحاب بك بعد أن فعلت في دار اختك سمية
التي زينت رسالته بقوطف من صفات هي من خواصكم
تؤصلها فيكم عبقرية المكان و اصالة الموروث
و طيب المحتد
مرحبتين حبابك
|
Post: #3
Title: Re: شكرا بكري أبوبكر، وكل عام وأنت بخير يا وجه الخير
Author: يسرى معتصم
Date: 12-29-2006, 03:20 AM
Parent: #2
مـرحـبتين أخـتنا الكريمه والدار دارك
|
Post: #4
Title: Re: شكرا بكري أبوبكر، وكل عام وأنت بخير يا وجه الخير
Author: معتز القريش
Date: 12-29-2006, 08:32 AM
Parent: #3
أهلا تاني بالأخت عفاف
وشكرا للباشمهندس بكري أبوبكر
|
Post: #5
Title: Re: شكرا بكري أبوبكر، وكل عام وأنت بخير يا وجه الخير
Author: معتز القريش
Date: 12-29-2006, 08:33 AM
Parent: #3
أهلا تاني بالأخت عفاف
وشكرا للباشمهندس بكري أبوبكر
|
Post: #6
Title: Re: شكرا بكري أبوبكر، وكل عام وأنت بخير يا وجه الخير
Author: الطيب شيقوق
Date: 12-29-2006, 03:56 PM
Parent: #5
هلا هلا هلا هلا امانة ما الديار عمرت حرم اديتها عرضة ودقت كراع تاااااااااااااااح لبت ابي حريرة الوردت الميس ضحى .
كتر خيرك الاخ الباشمهندس بكرى وكتر خيرك بت طلحة بنت الصالحين الخبر وصلنى قبييييييييييييل مع صلاة الصبح قالوا هلالنا هلا ومنبرنا عمر بانضمام ام احمد للمنبر .
اها يا يا ود المحرب ابقوا عشرة على وليداتكم ما تقابلوا فاروق وابي بكر ديل كبروا وربوا خلاص والبيت مليان فتوت مافي عوجا وراهم دحين انتو يا ود المحرب العبوا في المنبر بالشوبة يوم لام احمد ويوم ليك انت لكن حرم اكان انعدلت ليكم انا بعد الاجازة في المنبر اكان عملتوا نفير ما يفككم منى .
اها ودعتكم الله وليكم عودة بعد امهل شوية دخلتي دى هسع انسراقة من الضيوف وام عبد الله
|
Post: #7
Title: Re: شكرا بكري أبوبكر، وكل عام وأنت بخير يا وجه الخير
Author: احمد حماد ادريس
Date: 12-29-2006, 04:31 PM
Parent: #6
الاخت عفاف ابو حريرة--
مرحبتين حبابك ومرحبا بكل مبدع يتلالا فى هذا الفضاء الاسفيرى الواسع وان شاء الله تكونى اضافة حقيقية لهذا البورد الف مرحب وكل عام وكل ال ابو حريرة بالف خير عام سعيد مجيد والتحية لشاعرتنا سمية وكل سنة وكل الاسرة من العايدين والفائزين--
|
Post: #8
Title: Re: شكرا بكري أبوبكر، وكل عام وأنت بخير يا وجه الخير
Author: Ahmed Yousif Abu Harira
Date: 12-29-2006, 06:27 PM
Parent: #7
حبابك ترليووووون يأأم أحمد
وما أجملها مفاجأة....
ومن حقي أن أشكر نيابة عنك وعن كل الكرام والمناضلين ، مهندسنا وربان السفينة ، المهندس أبا بكر على كرمه الذي يمتد إلينا باعا بعد باع ويوما بعد يوم....
|
Post: #9
Title: Re: شكرا بكري أبوبكر، وكل عام وأنت بخير يا وجه الخير
Author: khalid almohrib
Date: 12-30-2006, 10:02 AM
Parent: #8
الاخوة الاكارم نحن والله ضيوف فى قطر بمناسبة العيد جينا نعيد مع ال ابوحريره فى الدوحه يعنى نطلب العذر فى عدم التفاعل معكم وشكرا
ودالمحرب
|
Post: #10
Title: Re: شكرا بكري أبوبكر، وكل عام وأنت بخير يا وجه الخير
Author: ناذر محمد الخليفة
Date: 12-30-2006, 10:34 AM
Parent: #1
مرحب بيك أخت عفاف ..
شنكل :
في خلل في البروفايل تبعك !! الرجاء التعديل !!
|
Post: #11
Title: Re: شكرا بكري أبوبكر، وكل عام وأنت بخير يا وجه الخير
Author: nourelhadi awad
Date: 12-30-2006, 10:58 AM
Parent: #1
عفاف الاسم وحده يعلن عن الجهة والأب
مدد ياأهل الله مدد
وياود شيقوق حرم ما بتعرض براك إنت قايل البلد مافيها رجال
أنا خائف تجيب ليها بطان أركز ساي ياجني
ولأنك ضي رتينة جيتينا يوم العيد.. وليس مصادفة
أقعدي واتفوججي... دارك وعزوتك .. نحن ضيوفك
ودي دائما
نورالهادي
تشكيلي متقاعد حتى اشعر اخر
|
Post: #12
Title: Re: شكرا بكري أبوبكر، وكل عام وأنت بخير يا وجه الخير
Author: سمية الحسن طلحة
Date: 12-31-2006, 00:15 AM
Parent: #11
نور الهادي كيف حالك؟
ياود عز الرجال ضو المكبسة ضلامو
كباس الدهم البتواردو عشامو
نورك باقي هادي للورا وقدامو
خاتم للنفايل و قايدن بي زمامو
كل سنة وانتوا طيبين وتامين ولامين ان شاء الله
كنت اخر متداخل في برق الصعيد الذي اختفى للاسف خلف سحب الارشفة
ما يكون طلع عندكم في قطر بالزيفة والقرة
سمية الحسن طلحة
|
Post: #13
Title: Re: شكرا بكري أبوبكر، وكل عام وأنت بخير يا وجه الخير
Author: nourelhadi awad
Date: 12-31-2006, 10:26 AM
Parent: #1
حباب بت الشيوخ
بت الكرم والجود
جميل ان ابتدي صباحاتي في حضورك الرائع
في جراب الذاكرة دوباي زولا شبه حالي:
في ضل المخازن وتحت الكرينات نومنا
ودوا خبرنا للمابدورن شنافنا ولومنا
ام من جبنا مالا نقضي بيهو همومنا
وإم من في أب حشيش بقت الكفانا هدومنا
في رواية أخري
إم من جبنا مالا نفرح الراجيانا
وإم من فرشن بريشن واتكتحن لي بكانا
ضهبنا المحنة .. في درب الرزق
علا ياسمية
البرق القبيل من تال الصعيد ..
ما بتق زرع ..
ومارتعتن بنات أم ساق في مدارك الصي
وجانا السيل وبردا يحرق الجوف ويخلف الكي
عشان الناس مابتحمدالمنان
الكرم القبيل نبراس .. تاهبو الدرب ضهبان
وزي ما بنزرع كمان نحصد ..
حصدنا الوجع كيمان
هناك ياسمية.. ياحليلي وحليلو هناك
قلوب للرحمة باقية سبيل
أرابيب وأهل حوبة
وقدح ضيفان
والكفيل الله
دائما ما تطلين ومعاك أهلي
طعم ريا وبت الشول..... وشلوخ أمي
اخاف ياسمية في فد يوم
ألم عفشي
وأسرجو قعودي عنافي
واضرب الصي
ومحل ما يقبل بشم النيل
وانوم وأحلم ..
أحوم من حد البلد شرقي لي غربي.. وجنوبا شمال
ابارك العيد للامات .. وألملم كافة البكيات
وافك ساجوري ... والكج الموالفني ليهو زمان
واخرت من طرف الجرف تمرات
واتحزم وأدق سدري واتمولص أشق النيل
وأزور شيخي...
هناك في بنية الصادقاب
واجر وردي تلت الليل
.......
سمية
طولت عليك ... أعفي لي والنصم الكتر صهاب
سلام لبت اب حريرة و للمعاك ولي الفي خاطرك قراب وبعاد
ولي ناس بلدنا عموم
تشكيلي متقاعد حتى إشعار اخر
|
Post: #14
Title: Re: شكرا بكري أبوبكر، وكل عام وأنت بخير يا وجه الخير
Author: سمية الحسن طلحة
Date: 01-02-2007, 10:08 PM
Parent: #13
Quote:
تشكيلي متقاعد حتى إشعار اخر |
معقول الفنانين البنشرو البهجة والفرح يحملون كل هذا الوجع؟!
فهذا الحديث هو نوع من أحدث أنواع الفنون التى تدرس الآن وهو الرسم على الأعصاب والحس
منذ ان قرأت لك لأول مرة توسمت فيك ملامح التجانى يوسف بشير هذا الشاعر الذى لم يأت عصره بعد
فهو سابق لأوانه بقرون....حيث يقول شعرا ماترسمون انتم لوحة :
صـور على الأعصاب
وأرسـم عـلى حـسى
واستدنى بابا باب
واقعد على نفسى
لك التحية ونواصل
|
Post: #15
Title: Re: شكرا بكري أبوبكر، وكل عام وأنت بخير يا وجه الخير
Author: ماجدة عوض خوجلى
Date: 01-03-2007, 00:28 AM
Parent: #14
مرحب بيك خيتى قلت ارحب بيك فى الاول وبعدين نجيك راجعين برواقه
|
Post: #16
Title: Re: شكرا بكري أبوبكر، وكل عام وأنت بخير يا وجه الخير
Author: سمية الحسن طلحة
Date: 01-03-2007, 06:05 PM
Parent: #15
| Quote: مرحب بيك خيتى قلت ارحب بيك فى الاول وبعدين نجيك راجعين برواقه |
نيابة عن صاخبة البوست لحين عودتها بالسلامة
مرحب بيك ماجدة
حالتك دى قلتى مابتعرفى كلامنا ده انت فايتانا بى غادى
ولو عرفتى كنت بتسوى شنو!؟؟؟ اكتر من كده.
|
|