مابتفوت..!

ومابتفوت...

ياصندل الروح البفر

جوَّة في صوتك ..صداك

وتفضل تشد حيل الأغاني

النغمة في.. حسك ..براك

ولابتموت...

جوَّانا ..متوسِّد ..خلود

رغم اليباس ..لسَّه متعطِّر شذاك

رغم الجفاف ...نحنا بنخدِّر ..معاك..

هل تفتكر ..

مرَّة حيصيبك ..خفوت ؟؟

وإنتا بتحنِّس ....سماك

تسند ..كتوف كل البيوت

تشتل الأفراح ...خُطاك..

مابتحتضر ..

بتحدَّى فيك ..قانون ..وجود

تعرف ..؟؟

إنِّي ..بتنفَّس ..هواك..!!

وروحي إتشرَّت ..خيوت ..

منضومة بي شوقك ..براك

معتوقة ..من جيد ..القيود ...

مطلية بي لونين ..رضاك...

والتاني ..ماطبعو ..السكوت

تعرف ؟؟

فينى كمَّلتا... البراح ..

قويت ..عصب.. ضد.. الهلاك..

ومابتفوت..

يافرح ..عِز الحريق

ورقصة على.. صوت الصديق ...

وحرف ..بتوجَّع ..شهيق !!.

رائعة

ان شاء الله كان دا ما السودان

أكون أنا

سلامات معتز ...
أكيد بتكون إنت في شعور واحدي بتريدك ...
تسلم كتير ..

الأخت تماضر
كل عام وأنت والأسرة بخير بمناسبة عيد الأضحى المبارك وعيد ميلاد السيد المسيح وراس السنة خلينا أحسن نقول

يا فرح وقت الربيع

نرهف السمع

أخوك
ابوبكر

سلامات ..أبوبكر...
يسعدني دائماً مرورك ..
كل عام وأنت أجمل ..وكما تشتهي ..
كل الود..

http://www.fileden.com/files/2006/8/9/161414/ya%207abeebi.wav

لو في طريقة زول إرفع الأغنية دي مشكوراً ..

تمادر
شكلنا موعودين بي شعراء حُرفا في سودانيز
مرحب بيكـ و البيت بيتكـ

خدر ..
إرفعوك أولادك لامن تكعكع ..
تسلم ...

تماضر التي تنتمي الى دغل الياسمين..

اليابس عندك مُـعطر..
ولاجفاف في ربيع كلماتك..


لازلنا نستمتع باشعارك..
انا وصحبتي ..

دكين ..
ولازلت ..أترقَّب حضورك عند كل إشراق ..
دمت أنت وهي ...كما تشتهيان ..
عيدك ..أحلى من السنة الفاتت ..وسنة جديدة أكثر سعادةً ..
كل الود...

إعجاب

و

إنتشاء

و

طرب

ثم

إنحناءة

إنحناءة بحجم أقواس قزح القصائد الملونة ببهاء الكلام

وروعة ونضارة المقام

أبوذر ..
لي ضعف مالك من الإحساس ..عند حضورك ..
دمت ...بإنتشاء...

تماضر الله يديك العافية

ودمتي رائعة وجميلة

محبتي

نانا ..ربنا يديك كل الفي بالك ..
ربي يسعدك ..
تسلمي كتير ..