رحبوا بي ... وبابا يغسل العدة ... عربون محبة وعيدية...

سكان الحوش
ازيكم
شوق ما اعتيادي
قلت أقدم نفسي براي بدل ما يقدمني زول ( ما الجماعة قالوا سيدنا يوسف رشح نفسه براه).
لقد لازمت المنتدى طيلة حولين كاملين من مقاعد المتفرجين، وشجعت اللعبة الحلوة دون تمييز أو تحيز لتيار دون آخر.
وعلى الرغم من اتفاقي مع البعض واختلافي مع الكثيرين من البعض الآخر فيما طرحوا من خلال بوستاتهم الجميلة ومشاركاتهم الرائعة في بوستات الآخرين الا أنني أحمل ودا وحبا لهم جميعا.
وطالما أني لا أطيق البعاد عنكم ولا عن حوشكم، قررت أخيرا أن أكون جزءا من هذا البيت الكبير
وفردا من أفراده.
والأول شرط آخره نور
حأجننكم
استحملوني.
والله عيديتكم عذبتني وأبت تنزل (النية واصلة).

محمدنور

الف اهلا وسهلا اخى محمد نور
وان شاء الله تفيد وتستفيد

توقفت هنا للحظه هنا

Quote: صحفي تشادي/سوداني-مقيم بأمريكا

الاب سودانى الام تشادى الاقامة امريكا
ولا العكس هو الصحيح
الف مرحب بيك والدار نورت بوجودك

وليد
سلامات
انت عارف الوحيد الرحب بي حتى الآن إنت، دي ما حأنساها ليك .
الجماعة قروا وفاتو، مستخسرين فيني كلمتين.
أنا صحفي تشادي الجنسية والميلاد والنشأة
سوداني الثقافة(حلوة دي مش؟).
مباري السودان من قولة تت.
من أولى إبتدائي للماستر.
مقيم في اميركا حيث وجدت فيها مراغما كثيرا وسعة.
أها لقيتني نشادي ولا سوداني؟

اهلا بيك اخى محمد
اصلا يا سيدى العزيز مافى فرق بين السودان
وتشاد انا اجدهم دولة واحده داخل دولتين
نفس العادات نفس التقاليد نفس الثقافة
اجدد ترحيبى وصادق محبتى

عـزيزنـا حمـادة !!!

مـرحـب بيـك مليـون ..

محبتنـا ليـك لا تحتـاج عـربـون ..

ومـرحـب بعيـديتك ..

وأتمنى لك اقامـة طيبة ..

بس أوع تطلع ادريس دبي جديد

سلامات يا سحس يارائع
شكرا على الترحيب
إنت عارف أنا خاشي المنتدى عشان ديبي ده !!!!!!!
ضيق علينا الدنيا كلها، ما خل لي غير حوش بكري، وده ذاته أنا خايف يحصلني فيه، حاسي إنه عنده جماعة هنا(ربك يستر).
ده كله من الجماعة إياهم، الله يجازي الكان السبب.
في بوست جاهز عن الوضع السياسي الراهن في نشاد باعتيار أن الأوضاع في تشاد مؤثرة على السودان بدرجة كبيرة.


جاييك.

الف مرحب بيك عزيزنا محمد
و غسيل العدة ملحوق البركة في جيتك
يلا عجل ببوستك الجاهز عن الاوضاع في تشاد و ورينا مدي اهمية
الاتفاقية بتاع امس الاتوقعت في طرابلس

حبيبنا نصار

مالك يا زول حاسد ولا بغران؟

خليني اتربع على عرش الترحيب ده شوية ياخي قبلما نخش في بوستات الشكل والمجابده (الله لا جابيهن)

إحساس جميل بالمناسبة حكاية يرحبو بيك دي، بالضبط زي الراكب الليموزين ومواتر النجده حواليك.

شكرا على الترحيب


جاييك.....


محمدنور

محمد نور
منور الحوش
إقامة سعيدة كلنا عندنا دبي
الحال من بعضة
عمك حسن

نوّرت المنبر يا محمّد نور.
باين عليك مكسب كبير.
سعيدون بإنضمامك إلينا.
و نأمل أن يطيب لك المقام بيننا.

طارق الفزاري
ود زينب

- عم حسن
شكرا على التراحيب الحارة.

فعلا كلنا في الهم ديبي.

لكن إنت عارف أنا ممكون أكتر منك لأنه ديبي التبعي جابو ديبي بتاعك الهسع قالب عليه ده ذاته.
(أوع تقول لي ما فاهم حاجة).

- عزبزنا الفزاري ود زينب

ده إنت المكسب والله.

إنشاءالله عند حسن ظنك.

نلاقيكم.

محمدنور

مراحب كبيرة يامحمد نور بالمواتر والنجدات كان عاوز

نتمنى ان تكون اضافة نوعية للمنبر وما نشوف منك الا كل خير

وتشاد بلدنا برضـو

ياهلا بيك

ألف مرحب بيك يا محمد نور

أوعى تكون انت محمد نور

بتاع الانقلابات القبض قبيضو

وحمد سيدو !!!!!!!!!!!


يا هلا بيك ........

آلاااااااااااااااف مراحب بيك أُستاذنا محمد نور...

يا هلا بيك شرفت ونورت...

تفضل الدار دارك أسرح علييييييييي كيفك...

كميات مودتي...


أبو الحســـــــــــــين...

مرحب بيك كتير يا محمد نور ..

- عزيزنا حيدر حسن ميرغني
شكرا ع المرور والترحيب.

- حبيبنا أبو الحسين
يا لسعادتي بيك والله.

- أخونا منذر
ياكا بتاع الصنفرة البتحسس الواحد بالخربشة في جسمو؟
أهنئ نفسي بيك.

جاييكم....

محمدنور

أخي الكريم محمد نور


يسعد صباحك بكل خير ، ، ،

نزلت أهلاً وحللت سهلاً مرحباً بك في بيتك الكبير .

مرحب بيك يا محمد ،،، راكب ليموزين وناس النجدة حوليك + والناس واقفة صف يمين وشمال ويصفقوا ويرحبوا بيك،،،،


منتظرين