سجادة (صلاتنا) ما بين المواطن/ تُور .. و سعادة/ السفير!

رندا عطية

المغرب وقته ضيق عشان كده بنتحلق حوالين الحنفية للوضوء لنشعر بعد ذلك ان عدد سجادات الصلاة قليل ومثل هذه المعاناة لا يعلمها الا من نشأ وسط اسرة ممتدة, او يعمل بوظيفة ساعاتها متمددة, لذا لا تستغربوا دعائي لزميلنا (المواطن) كاتب عمود (لويل كودو)تُور اخوي .. الله لا جاب يوم شكرك), وكيفن ما ادعي ليهو واول احتكاك لي به كان فيما المغرب يسارع ليقالد العشاء ـ ونحن منهمكون بالاستعداد للعودة لمصافحتكم يوميا ـ لابحث مع الزميلة/ نبيلة عبد المطلب بقلق عن سجادة للصلاة, لنسمع من يقول لنا بهدؤيا بنات .. هاكم السجادة دي), ليداخلني من يومها اطمئنان بان المغرب بالسوداني لن يفوتني يوما لعلمي بان سجادة صلاتنا لدى (تُور) الذي بعد ما احس بمعاناتنا تعهد بحفظها لنا بدرج مكتبه, والذي حينما همست احدى الزميلات في اذني قائلة رندا .. انا دايره اسال (جير!) يساعدني في الكمبيوتر لكن انا (خايفة) انطق اسمه غلط يقوم يزعل .. عارفه (احسن) لي انسى الموضوع وما اساله!
لاج%E

..
.
عارفه يا رندا قبل فترة قريت ليك
عمودك فى صحيفة السودانى اسمو ( انتباهة مش ..!!
ما فهمت حاجة منو خالص ..
قعدت افكر البت اما عبقرية وانا فهمى تقل اما بتتفلسف
وبتكتب كلام مثقافتية لا يصلح للمواطن البسيط ولا يرتقي لفهم الشارع السودانى
هسي هنا والله ما قدرت اربط بين صلاة المغرب والسجادات فى الاسر الممتدة
وعمود ( المواطن ) وسجادتكم المحفوظ لدى ما اعتقد يسمى ( تور)

مع قبايل العيد دا تعالي فهمينى
ولو فى واحد فهم برضو ما عيب يشرح
اعتبرونى فى قائمة ..
شخص لا يفهم ويفهم انه لا يفهم وهذا احمق فعلموه..

واخيراً
جير .. دا اسم زول !!؟

__________________

شغله الصحافة دا خليناها عشان الحاجات دى
الواحد كان لمن يكتب كلام بفهمو الا هو براهو ..

Tabaldina
كيفنك ..

و اول حاجة انت تسلم من عدم الفهم .. كلنا عارفين كيفن المغرب وقتو ضيق و لو انت

قمت وسط اخوالك و خالاتك و اولادهم بالتاكيد ح تتذكر زحمة ناس البيت حوالين الماسورة وكتين

المغرب يكبس عليهم عشان يلحقوا الصلاة .. و لانك عارف كيف يومنا بيكون طويل في الجريدة لما بعد

المغرب و يمكن هو يخش عليك و انت مدنقر تكتب .. عشان كده كانت حاجة مميزة انه اللي ادانا سجادة

نصلي فيها هو زميلنا الصحفي (قير تور) كاتب عمود (لويل كودو) .. و هو هنا حل لينا مشكلتنا بغض

النظر عن اتفاقه معانا في الديانة و الا لا .. و انا حبيت اقول انه الاحتكاك ضروري بين ابناء

الوطن الوحيد لانه بيخلينا نتعرف على بعض و عندك زميلتي اللي اشرت ليها في العمود و اللي نطقت

اسم قير غلط بقولها (جير) و خافت تغلط قدامو قلت ليها اغلطي قدامه عشان يصلحك و انا ذاتي تعبت

من نطق اسم عموده في البداية لكن حسع بقيت انطقه بسلاسة ..

فانا حبيت اقول انه الوطن هو الاول و هو الاخر ..

و بعدين لو لاحظت انا مضيت باسم امي شان اقول انه انحنا انعكاس لاماتنا و ابهاتنا في نفس الوقت

بعدين يا Tabaldina عليك الله دي وين سمعت ليك بفيلسوفة بتقول انا و الله يا بنات امي بدور ازور)

اهه بعد ده اتخيل لي من حقي اقول ليك ما تنقطع من قراية عمود انتباهة قلم لكاتبته ..

بت الحلة/ رندا عطية

و كل سنة و انت طيب