Post: #1
Title: مبروك للرائعين د. ياسريحيى وهو يغني للخليل ولمهيرة د.ندىالباقر تغني لشعبها في زمن العتمة
Author: hanadi yousif
Date: 12-24-2006, 03:09 PM
Parent: #0
تم زواج اجمل ناس في ملحمة رائعة يوم 12/12
ياسر يحيى وندى الباقر"
التهاني موصولة للاصدقاء خريجي جامعة الجزيرة وناس بوري وناس الكلاكلة وكمان ناس ايرلندا
دي من نـــــــــــــــــــــــــــــــــــــــدىلياسر
جلبت ليك من بلادالله البعيدة
صنوف من الوجد .. المُلِحْ
قلت ألقاك بالسّمح
درت ألقاك فى السّمح
كنت اصطاد فى الظهيرة
من مناقير الكنار
بوصل السكك .. الأغانى
ومن ثُرى الليل القصيّا
أنتشل عطر الأمانى
ولو ألاقى اللون .. أدسّو
لمّا يغرس فينى حِسّو
لى ملاقاتك .. هدية
واتفقد الرعشة المعبّية .. فى إيديا
دي من ياســـــــــــــــــــــــــر لندى
سمحة وسمرية
محبوبتى ولفتاتة غزالة
خضرة ومسقية
وجنب النيل مشتولة النالة
بهواك يا بنيـّة كتبتو قصيد
وبقولو مقالة
بتفتحى فيـّـا معانى غناى
تديلة مجالا
************
زهرة وبرية
بشوق الأرض عيونا كُحالة
تريانة ندية
بعرق الناس والناس فى بالة
يا خوفة علىّ عقل وثبات
ماهـا الولوالة
************
من فرحى البيـّا
قلعت الخوف وكستنى بسالة
قت ليها النية متين نتلم
والحال بطالة
قالت لى غنية وإنت معاى
مستورة حالة
بت سودانية محبوبتى
ولفتاتة غزالة
|
Post: #2
Title: Re: مبروك للرائعين د. ياسريحيى وهو يغني للخليل ولمهيرة د.ندىالباقر تغني لشعبها في زمن العتمة
Author: خضر حسين خليل
Date: 12-24-2006, 03:18 PM
Parent: #1
تهانينا ياهنادي للعزيز ياسر فتحي وللعزيزة ندي ومليون سلام للاشراق الفي عينيهم
خضر
|
Post: #3
Title: Re: مبروك للرائعين د. ياسريحيى وهو يغني للخليل ولمهيرة د.ندىالباقر تغني لشعبها في زمن العتمة
Author: hanadi yousif
Date: 12-24-2006, 03:33 PM
Parent: #2
خضر العزيز
لك الود
ومبروك ياناس الكلاكلةلولدكم الجميل الرائع
ومبروك لندوية الجميلة .
|
|