مشكلة الكــــرعين .. ما بين السـكاكات والكلوجـة ..!! ( بحث ميداني )

ملاحظة قالها لي رجل مخضرم..
قال بأنه أيام ( الميني جوب ) و ( الميدي جوب ) ..
كانت سيقان الفتيات تُغري بالنظرة ( الأولى ) التي لنا و ( الثانية ) التي علينا ..
و ربما ( جرَّ ) الموضوع ليصل درجة البحلقة..
فماذا حدث للسيقان لتصل مرحلة ( السكاكات و الكلوجة ) ..؟
من المعروف أن الجينات تلعب دوراً هاماً و كبيراً في توريث العوامل الخَلْقية ..
لذا فإن جينات أمهات الشابات منذ الستينات و حتى يومنا هذا حدث له تخريب في ( حتة الكرعين ) ..
ما السبب يا ترى ..؟

حميدة كيفك ..

Quote: قال بأنه أيام ( الميني جوب ) و ( الميدي جوب ) ..

ديل شنو ديل ؟!!

بالمناسبة ...

أحسن حتة تعمل فيها بحث ميداني في موضوع كلوجة الكرعين أوصفو ليك ..

في كافتريا فاتحة في الشارع البيودي لي جامعة النيلين لحدي محل المواصلات .. الشارع دا بيمروا بيهو الطلبة والطالبات من الجامعات لحدي الموقف .. تمشي الكافتريا المطلة على الشارع دي وتطلب عصير جوافة وتقعد في الكرسي العلي الشارع و(تعاين) في الكلاويج !!

شنكل :

صدقني ما بتندم !!

عارف يا ود يا نازر ..
ختورية الموضوع لو القوات الاجنبية جات ..
العندهم ( سكاكات ) ديل ما تعبو من الجري ..!!

سألت ( د.سجيمان ) .. قبل فترة ..
انتو في البلد دي ( السعودية ) بتفرزوا نسوانكم كيف من ( حريم ) الآخرين ..
في حالة ( اختلاط ) ربعنا مع ربعهم ..!!
خت سفة .. ورجع لورا .. وقال لي شوف يا ابني يا حميده ..
الكرعين السودانية دي .. ( ماركة مسجلة ) ..
بنفرز نسوانا من ( الكرعين ) .. ( وما في داعي نخش في التفاصيل ) ..!!
رغم انه زمان كان بفرزوهم بـ( الشفع ) ..
لكن كما يبدو انه شفع الزمن من النوع البحب ( الماء والخدرة والوجه الحسن ) ..

Quote: حميدة كيفك .. Quote: قال بأنه أيام ( الميني جوب ) و ( الميدي جوب ) .. ديل شنو ديل ؟!!

قبل ما اوريك ليهم شنو .. اقرأ الخبر دا ..

Quote: في بودابست بالمجر صرح جورجي ميتنيان رئيس بلدية الدائرة أنه يريد منع الموظفات اللواتي لا يتمتعن بـ (سيقان جميلة) من ارتداء التنانير القصيرة حسبما ذكرت وسائل الإعلام المجرية.. وفي اقتراح سيرفعه إلى المجلس البلدي الأسبوع المقبل يريد ميتنيان إلزام الرجال بارتداء اللباس الرسمي والسماح حصرا للموظفات اللواتي يتحلين بـ (سيقان جميلة جدا) بارتداء التنانير القصيرة. كما أوضح أن طول التنانير يجب أن لا يرتفع عن الركبة بأكثر من ثلاثة سنتيمترات. ولكن رئيس بلدية بودابست جابور ديمزكي أعرب عن معارضته لهذا الإجراء الذي وصفه بأنه ( فظ ) حسب ما ذكرت وكالة الأنباء المجرية.

!!!!!!!!

Quote: صرح جورجي ميتنيان رئيس بلدية الدائرة أنه يريد منع الموظفات اللواتي لا يتمتعن بـ (سيقان جميلة) من ارتداء التنانير القصيرة حسبما ذكرت وسائل الإعلام المجرية..

رئيس البلدية دا جابوهو يرعى شئون بلديتو ولا يعاين لي كرعين الموظفات ؟!!

Quote: رئيس البلدية دا جابوهو يرعى شئون بلديتو ولا يعاين لي كرعين الموظفات

دي من ( صميم ) أعمال البلدية ..
اتخيل معاي لو ( كلتوم ) جارتنا .. لبست ( جكسا في خط ستة ) ..
ومشت بيهو ( دكان علي ) ..
أكيد أكيد يا نازر ( الحلة ) كلها حتجيها ( بلهارسيا ) ..
واحتمال كبير ناس ( Green Cross International ) .. يدخلوا في الموضوع ..
و تبقى علينا ( قوات اجنبية ) .. وناس ( التطعيم )..!!

فى ذات السياق اوصتنى حبوبتى ام صالح بالاتى:

المره ام ساقا رهيف
كان ضربك البرد والزيف
بى عند بيته ما تقيف

انت يا خالد ( حبوبتك ) دي كان عندها ( طابونة ) ..!

++