الوصية يا دينق ... وبالصور... عليك الله

ياجورج
باللهي عليك.. تقول لي الاجزخانة لسة مقاضدة بيتكم ولا حولوها بوتيك؟
الاوبل بتاعت الجنيد اخبارا شنو؟
فوت على كشك التلج واقيف قدام بيت ناس عادل جون واتذكر؟؟

سلم على اولاد قرناص وشوف التيمان بشارع الاطلال (المركز الطبي)
عماد ظهران وبكري وصلاح الدين..
وليد مدني معاكم في دي سي لكين وائل لسة بهناك..

ممدوح يون... و عادل ش.. عاملين شنو؟؟

فوت علي السوري والارمني.. وسلم على زكريا في نادي (السيارات) الخليج
امش الحق الدونبوسكو في الكاثوليكي
وحوض السباحة في الايطالي..
وماتنسي البلياردو في العربي
والفلم في المكتبة...
سلم على علي بتاع الفول وجنوبي حارس الباب
وبعد ده اقيف في الحلة وابكي...

ما تتعب بالرد ياخوي.. انا بس بحسدك على سفرتك
واتذكر معاك ناس كانوا هناك... وشوارع اتهدمت
ومواقع اتبدلت.. ودنيا راحت.. وزمان ولى..

*

لا تنسى يا دينق وسط الزحام وصية أخوك الملتاع صفوت

اجازة سعيدة .. وربنا يرجَعك بالسلامة

وقول ليه ما تنسى العشا عند أبو دقن

الاخ وليد صفوت.

أنا لي هسع ما فاهم حاجة في الخرطوم.
زحمة بتاعت عربات صغيرة ودعايات ومباني تم بنائها بطرق عشواعية شوهت منظر العاصمة تشويه حقيقي.