هولندا تفصل سفيرها بالخرطوم لأسباب اخلاقية

اصدرت الخارجية الهولندية قرارا بفصل سفيرها المعتمد لدى الخرطوم أدريان كوجمانس وامتنعت الخارجية الهولندية عن التعليق الا انها اشارت الى ان فصله لاسباب تأديبية وانه فعل اشياء ما كان ينبغي ان يفعلها.وقال السفير في تصريحات له ان فصله متعلق بعلاقة غير شرعية مع احدى الموظفات في السفارة ولم يحدد ما اذا كانت هولندية ام من جنسية اخرى واضاف السفير ان العلاقة مبنية على تراضٍ ولم أتعد حدودي ولم تكن استغلالاً لنفوذي في السفارة واشارت الخارجية الى ان الحادثة وقعت في يونيو الماضي بعد ان ضبط السفير في حالة تلبس مع الموظفة وكونت لجنة تحقيق اوصت بفصله عن العمل.

Quote: اصدرت الخارجية الهولندية قرارا بفصل سفيرها المعتمد لدى الخرطوم أدريان كوجمانس وامتنعت الخارجية الهولندية عن التعليق الا انها اشارت الى ان فصله لاسباب تأديبية وانه فعل اشياء ما كان ينبغي ان يفعلها.وقال السفير في تصريحات له ان فصله متعلق بعلاقة غير شرعية مع احدى الموظفات في السفارة ولم يحدد ما اذا كانت هولندية ام من جنسية اخرى واضاف السفير ان العلاقة مبنية على تراضٍ ولم أتعد حدودي ولم تكن استغلالاً لنفوذي في السفارة واشارت الخارجية الى ان الحادثة وقعت في يونيو الماضي بعد ان ضبط السفير في حالة تلبس مع الموظفة وكونت لجنة تحقيق اوصت بفصله عن العمل.

يا اخوانا الكفار ديل ما لهم كدا ؟؟

احنا ما عندنا موظف مسلم يتحرش بزميلته او موظفة تعمل لديه.

الجميع يرعى بقيدو

حقو يقفلوا السفارات الزي دي، عشان موظفينا ما يتعلموا
منهم الحاجات الوسخة دي.
.

.

ممكن سؤال: رغم اخلاقنا السمحة دي ليه نسبة الايدز عندنا عالية؟

الأخ / زول وحيد

Quote: احنا ما عندنا موظف مسلم يتحرش بزميلته او موظفة تعمل لديه.

و الله عندنا و نص لكن نحن ما عندنا محاسبة يعني القوي بياكل الضعيف و عندهم الإنسان هو الإنسان مهما كانت مرتبتة فهناك قوانين لا يتعداها.

عندنا الفاسد بترقي يعني السفير دة لو كان سوداني كانوا ناس عمر البشير عينوه وزير خارجية



خالد

Quote: عندنا الفاسد بترقي يعني السفير دة لو كان سوداني كانوا ناس عمر البشير عينوه وزير خارجية

شكرا يا خالد

انا كتبت الكلام دا لاني عارف بعض الاخوة والاخوات في البورد ده لهم
مقدرة عجيبة في نقل الايات القرآنية والادعية ولصقها في البوستات الزي دي.
كان القرآن هو سلوكهم وسلوك دولتهم.

اي حدث كهذا يلصقون آية قرآنية ترتبط بتعذيب اليهود والنصاري او غيرهم
اما نحن المسلمون فلا اخطاء. يكفي ان نشهد الشهادتين
ثم نغض الطرف عن جرائمنا.

نسبة الايدز عندنا اعلى نسبة في الشرق الاوسط وشمال افريقيا(اسرائيل داخلة).

يمكن الايدز جانا من فول الحاجات؟

محمد عادل


اعمل حسابك الزول ده لو اشتكاك بتجلد , يا تاتي باربعة شهود او تجلد كما جلد كبير الكيزان في كلية التربية ايام شريعة نميري

Quote: محمد عادل اعمل حسابك الزول ده لو اشتكاك بتجلد , يا تاتي باربعة شهود او تجلد كما جلد كبير الكيزان في كلية التربية ايام شريعة نميري

عمى ودعوج الدرب
هذا الخبر تمى نقله من صحيفة الراى العام
وغايتو نتمحن نحنا فى زمن الكيزان ديل
اى شى سمعناهو فى عهدهم

Quote: يمكن الايدز جانا من فول الحاجات؟

لو ما قلة شغلة من الهولنديين لزومو شنو يعملو سفارة في الخرتوم

عمايل السفير ما مستغربة من زول اساسا ما عندو شغلة يسويها

حذر متداخل من لصق ايات قرانيه فى مقام الحديث عماجرى لهذا السفير عليه الدين مهما كان اسمه لايحكم دول اوربا بمافيها الفاتيكان ولايحدد اللسلوك اليومى للمواطن الحر فى توجهاته الخاصه يتجلى ذلك بوضوح فى الدول الاوربيه الملكيه وليس الجمهوريات والتى تدين بالمذهب البروتستنانى المتحرر الذى يعتبره بعض غلاه النصارى خروجا عن تعاليم المسيح عليه السلام اضف ان بريطانيا وهولنده اكثر دول اوربا تحررافى فى قيودها الجنسيه وهما الدولتان الوحيدتان باوربا اللتان تتيحان زواج المثليين.
الجميل بهذه البلدان فصلها بين الخاص والعام فالسفير تمت محاسبته لان تصرف غلط فى مكان عام هو السفاره الهولنديه التى لايملكها شخصيامرتديا قناع السفير اما ان كان تم الامر بعيدا عن ذلك فلايحاسبه احد سوى زوجته التى من حقها طلب الطلاق المدنى وستحصل عليه مع تعويض منه.
ببريطانيا الكثير من هذه الامور التى تحاسب الموظف على اخطائه الجنسيه ان صرح بها او مارسها فى مكان عام وخير دليل وزير تجاره Thatcher القوى باركر الذى تم فصله من الوزارة بعد تورطه فى علاقه مع سكرتيرته بالمكتب وحملها سفاحا منه الامر الذى تكرر فى عهد بلير الاول مع وزير شؤون ايرلنده الذى اصطاداها رجلان شاذان فى حديقه عامه للشواذ بمنطقه Calpham Garden باختصار ليس للامر علاقه بالدين او الاخلاق بل فرز للجانب الشخصى من العام فى سلوك موظف الدوله وهو امر غير متوفر فى كل البلاد المسماة زورا اسلاميه واولها وطنى السودن الذى لايراعى خاصا ولاعاما ولادينا ولا اخلاقا فى حياه المجتمع بكل اسف.

Quote: و الله عندنا و نص لكن نحن ما عندنا محاسبة يعني القوي بياكل الضعيف و عندهم الإنسان هو الإنسان مهما كانت مرتبتة فهناك قوانين لا يتعداها. عندنا الفاسد بترقي يعني السفير دة لو كان سوداني كانوا ناس عمر البشير عينوه وزير خارجية خالد

الحبيب خالد اوفيت والله

Quote: ممكن سؤال: رغم اخلاقنا السمحة دي ليه نسبة الايدز عندنا عالية؟

الحبيب زول
ممكن تسال وزارة الصحة هذا السؤال

Quote: حقو يقفلوا السفارات الزي دي،

عشان ما يعلموا دبلوماسيننا قلة الادب


حلوة والله

Quote: يا اخوانا الكفار ديل ما لهم كدا ؟؟ احنا ما عندنا موظف مسلم يتحرش بزميلته او موظفة تعمل لديه. الجميع يرعى بقيدو حقو يقفلوا السفارات الزي دي، عشان موظفينا ما يتعلموا منهم الحاجات الوسخة دي.

رهيييب!!!لكن يازول ياواحد رغم اننا خايفين علي اخلاقنا منهم!!!

الفرق بيننا وبنهم انو الواحد بيأدبوا وكفاية انو الحكومة

بترجعوا وتفصلوا, ‘‘ولكن عندنا الواحد يقربوا يعملوا ليه تمثال

والامثلة كثيرة‘‘‘

اشكر جميع الاخوة المتداخلين
وساعود لاحقا