بورداب الخرطوم الجميلين أخجلنا أحتفاؤكم بنا ... صور اللقاء

بورداب الخرطوم
لكم كل الجمال الذي يشع منكم وشاحا يطوق عنقي وأعناق كل بورداب الخارج الذين حضروا إحتفاءكم الجميل وشهدوا أريحيتكم الموقدة وكأننا حين إلتقينا كنا نلتقي كل يوم مذ كنا صغارا نلهوا فلم تكن هناك حواجز تعارف ولا تصنع بل كان اللقاء يوضح بساطة وطيبة وصفات كنت أظنها قد إندثرت في هذا الزمن القبيح ..

وشكر خاص وعميق لكل البورداب من الداخل والخارج الجميلين الذين شرفوا حفل زواجي والذين أحتفوا بنا في يوم اللقاء بشارع المطار ..

الفنان المبدع والصديق والأخ الوفي عاصم البنا كنت رائعا بحق ...
الصديق النقي خالد ماساوكفى إنه صديقي من الذمن الجميل ...
الصديق الجميل ناذر الذي تغنى وأدهشنا في يوم الحنة ويوم الذواج زاحم المبدع نادر خضر وياسر تمتام في عرسي التاني (دي عارفة ناذر يا حاسد ومالو لو عرست مرتين في شهر واحد؟؟ عالم حاسدين بشكل) الله يديك غزالة قدر نيتك..
المهندس محمد عثمان مهندس العلاقات الاجتماعية للبورداب طلع قريبي ..
الأخوات الرائعات
إنعام عبد الحفيظ لها كل التعازي في الفقد الغالي طلعت قريبت المدام ..
الرائعتين إشراقة وإنعام حيمورة أخجلني بحق تواضعهما ورقيهما ..
القردابي العزيز مشى معاي من هنا وكان متألقا كعادته..
معروف حمدين أيضا من هنا وكان لي شرف اللقاء بهذا الأنيق المبهر أدبا وثقافة ..
أخي العزيز ياسر تمتام الفنان المبدع أبكانا وأضحكنا طالب عضوية يا بكري..
الجميل معتز تروتسكي بتلفونه كان معنا..
صديقي محمد علي يوسف ما عندو عذر للغياب قال كان في أمري ..
التليد بلنجة طالب عضوية برضو يابكري ومعاهو الكاتب عمرو شعبان صالح...
عبير خيري مشيت عرس أخوها يوم حنتي وما جاتني ..
علي فضل المولى ماعندك عذر ..
حسين يوسف ماعندك عذر برضو مشيت لي ناصف وماجيتني..
الملك أتلومت أنت وقرمبوز طلعتوا بس خليها ساكت ماو كتر خيرو ..
أحمد العربي كنت معنا هناك ..
ديل الجوا العرس ولو نسيت واحد يقوم يعذرني تمام ويجي يشاكلني في البوست ده ..

اللقاء ..

المدهش العمدة ود قاسم والجميل طلال عفيفي والمهندس ومولانا الشقيق أحمد الشايقي وعمنا الجميل أبو مهيار والشقيق الصديق عضو البورد الزعلان وائل عبد الخالق والأستاذة هالة والدكتورة شذى صاحبت المدام شايفة والرائعة سوميتا والأستاذة صباح وبقال (حيرني والله دنيا عجيبة غايتو) والجميل حتى الثمالة أبونورة ومعروف وقردابي وماسا وناذر وعادل وودعكر (حكايتو حكاية مع المغتربين) والملك الملك إنعام وإنعام وإشراقة وووووووووووو أي زول إسموا هنا يجي والنسيناهم يجوا يشاكلونا ..
وشخصيتين كنت متمني ألقاهم ما لاقيتهم ود جمعة المتحديني وملاسي بس فضول لرؤية سدنة مايو وهم بصورتهم الجديدة..


الصور تحت الطبع (وش مادي لسانو)

المبدع عاصم البنا
هو وياسر تمام ونادر خضر عطروا سماء البراري فناً وإبداع ..



الثلاثي المبدع




التليد بلنجة




معروف وماسا



المهندس والقردابي وود عكر سارح



أبو النيز والبتاعات



وبقية الصور في صور أسياده قالوا لا وفي صور أسياده لازم يدفعوا أول...

أخــي العــريٍس عـثــمان

1000 مــبــــــــــــــــروك يــا أبـو عـفــان

ومـا أجـملـها مـن لـيلـة ومـا أحــلاه من جــمــع

وعــقــبال مــا تفـرح بالولــيد أبو البنيه عـشان

البنات ما يـزعــلوا وخصـوصا في حضـور قوي للبوردابيات .



أدام الـلـه أفــراح الكــــل


صــلاح واســبة

العزيز صلاح

ربنا يجعل كل أيامك أفراح يا جميل ..

والله ياعثمان تستاهل كل خير
بس بلنجة دة الجابو شنو؟
والبشرب فيهو ناذر دة (واين) ولا حاجة تانية؟؟!!

الجميل سنهوري

سلامت الولد الحماك الجية العرس وإنشاء الله ما يشوف شر ...

بس عليك لوم كبير وإنت عارف يا بروتس...

بلنجة ملك الريد واين تصدق إنو سابو نهائي واليوم داك كان فل الفل خصوصا وإنو زول عريس وكده ...

العريس عثمان ..

Quote: ويوم الذواج زاحم المبدع نادر خضر وياسر تمتام في عرسي التاني (دي عارفة ناذر يا حاسد ومالو لو عرست مرتين في شهر واحد؟؟

والله إنت زولا مبروك .. كون إنو تكون عريس مرتين في خلال شهر واحد وبي نفس الزفة والكوفير والحفلة والبدلة فدي (ما بيلقاها زولاً زيي أنا شنو كدة ما عارف)



صحبك نادر خضر دا يكون لي يوم الليلة مخلوع و

سنهوري :

Quote: والبشرب فيهو ناذر دة (واين) ولا حاجة تانية؟؟!!

واين خالي من الكحول

ألف مليون مبروك يا عثمان....وربنا يهنيك....


بيت مال وعيال....



واضح انه كان عرس بهجة....في حضرة هؤلاء الرائعين...

الرائع نذار حسين

والله كانت أيام لا تنسى منذ اليوم الأول للقاء الرائعين والحفل كان لا يمكن تصوره قمة في الروعة ينقصه فقط حضوركم بقية البورداب في الخارج ...

وربنا يجعل كل ايامك روعة وأفراح ...

أبو النيز والله أبدعت في الحنة مع ناجي وخلعت الراجل ياخي مش كان الوكت داك عاصم بعزف أورغن ليهو غايتو كويس عاصم عرفك قبلي تطلع المسرح بس الفانتا إبداع وسنهوري ده مالو معاك وبلنجة ..

مع مرتضى في لحظة تجلي



علي ووائل عبد الخالق ومرتضى وقاسم غبار



ماسا وبلنجة


وفي شارع المطار مع الدكتورة

مبروك ومبارك... ماعارف اقول ود حلتنا والا ود طيش "الحقيبة" اجمل من نضم الحرف
تعرف ياعثمان انا اكثركم دهشه وفرح .. لانى اول مره احضر لمة بورداب علىالمستوى الداخلى او الخارجى وانا"سرحان " فى محاوله يائسة لمقارنة اسماءالحضور من الاعضاء مع اشخاصهم امامى .. ومع ذلك فشلت فى ذلك ولكنى سعدت باللقاء والتعرف على الجميع فى حضرة بركةالعرسان وابداع نيزو ..
فالتحيه للجميع ولك وعقبال مال وعيال
ضفرة: اخخخخخخخخخخ على جهاز المغتربين وان شاءالله نرجع نلقاه بقى حاجة تانية... او فى خبر كان

ود عكر يعني إلا يجيبو صورتك حتين تظهر !!

ود حلتنا وقريبنا ود عكر

غايتو أنا طبعا في البداية حاولت لكن لقيت ولا واحد كتاباتو عندها علاقة بي شكلو إلا الطفل المعجزة ده مافي فرق بين أسلوبو وكتاباتو تيبيكال قمت جليت الفكرة ولقيت إنو بورداب الخرطوم ديل أجمل ناس بتلقائيتهم وطيبتهم الظاهرة ورقيهم النادر...
المغتربين وما أدراك ما المغتربين غايتو الجهاز ده أزى بس ...

الحبيب العريس عثمان

الف الف مبروك وعقبال البكاري

ربنا يسعدك ويهنيك ويرزقك الزرية الصالحه

الجميل عباس
والله كنا فاقدنك وعقبال تفرح بي التومات وأخوانهم يا جميل يا أذرق ..

الأخ العزيز عثمان
ألف حمد لله على سلامة العودة
وعقبال وصول المدام
وتمنياتى لكم بحياه هنية
و من الزريه ميه
















أما بورداب الخرطوم....
فديل حكاية تانية
لهم الحب و التقدير


نسيت تذكر فى الحضور نجمة الحلفة سلمى ( بت اشراقة حيمورة)

والله فرحنا لك
وبيت مال وعيال
مودتي

تسلم يا عربي

والله أنا كنت خايف تجي تقول لي التصوير كده ؟؟؟ لكن طبعا إنت عارف الكام وكده رغم إمكانياته الضعيفة طلعت حلوة ...


ما تحمر لي يا أستاذ ..

القردابي
عقبال تفرح بي بناتك والتمبوش الصغير ده يكمل ليك شعرك أبيض وتفرح بيهو كمان وحقيقة ما شاء الله قمة الرقي والتهذيب كأمها وخالتها تماما بس أنا أفتكرتها أخت إشراقة ما شاء الله ليها العتبى ..

الخال ود قاسم


الملك


جماعية


طلال ومحمد علي سنونو بره


الأستاذة

Quote: والرائعة سوميتا

العريـــــــــس،،

آ يابا مبرووووك عليك،،

بي الحب و الحياة الهنية و الاولاد حلوين،،

بعداك المااااااال الكتير،،

بس عندي سؤال،،
اصلك الرائعة دي ما بظننيها،،
لكن سوميتا دي،، ما انا؟

ياخ ده كان مناي اكون مع الناس القلتهم كلهم ديل،،
وفوق ده كلو اشاركك فرحك،،

مبرووك مجدداً،،

الرائعة سوميتا

لك العتبى المقصودة بلقاء بورداب الخرطوم الرائعة الهادئة سمرية ولا فرق فكلتاكما رائعتان فأنتن بنات بلدي ...

عثمان ..

غايتو بالغت في الصورة ديك

أبو النيز



ياته؟؟





أنا لسة ما نزلت ديلك الحالة ...

الف مبروك يا عريس
و لك و عروسك اماني بجماليات شعر الوالد الخالد
و التحية لبورداب الداخل الق الفرح وشيالين التقيلة

الجميل نصار

لك كل الود والجمال
ولبورداب الخرطوم أجمل الأماني الطيبة بطيب لقاهم....