Post: #1
Title: منطقكم اعوج يا القلتو.. سخافه
Author: mohsin_alsla7aby
Date: 12-23-2006, 09:19 AM
Parent: #0
واحد اخونامن الرشاشاتااللسانو سليط كبقية مشجعى نادى ((الهلاك)) اقصد..الهلال
تصورو مؤمن تماما بأن (هلاكو) اقصد..هلالو احسن من الزعيم
والمصيبة انه حاول بشتى الطرق ان يقنعنى بهذا الكلام
فقلت له ياخوى عدد لى ((العجز بتاعكم)) وانا سوف اقوم بتعديد (( إنجازاتنا))
طبعا بديت انا (( لانه اخونا عدمان )) وعندما وصلت به لمحطة( كاسات سيكافا) قال لى : دى مابنقتنع بيها لانها(( سخافه))
فقلت فى نفسى والله الهلالاب ديل الواحد فيهم ممكن يغالطك فى (( اسمك ذاتو بعد ده ))، فساهرت حتى الصباح تصورو..للصباح لكى اعدد الانجازات بتاعتنا المهولة من الالف للباء...(( لاحظو ديل حرفين فقط من ابجدية زعيم الاندية السودانية )) لاننى مقتنع تماما.. كما هو ايضا مقتنع جدا بأن ما يفعله (( الوالى الغالى )) هذه الايام
سيجعل (( الزعيم )) فى مصاف الاندية العالمية
وياريت يا ناس الصفوة (( لو نسيت )) اى شئ من الانجازات تذكرونى
بداية نسوقها للتعريف *** مريخنا عظيم عندو نقيف
نبدأ زمان ولا قريب ؟ *** احسن حاجة بالتقريب
كلو واحد زمان او هسع *** مريخنا ياناس دائما" يبدع
سنة سبعين ما بالظبط *** مريخنا هناك عامل ربط
هلال ام در فى جولات *** هزمو ياناس ثمان مرات
زى سنتين وعدة ايام *** خليناهم زى الايتام
من يوم داك لربى حامد *** غلبناهم بكابتن ماجد
إنجاز اول وبعدو التانى *** مريخنا ياعالم زيدوهو تهانى
يلا خلاص نجيكم جد *** مريخ مانديلا فات الحد
الدورى فى بلدو شالو عزيمة *** بدون تعادل او اى هزيمه
(( دى ما بتصدق دى اكيد تخريمه ))
وعاد الكره بدرون واحد *** والتاريخ لينا شاهد
تحرير بحراوى يوم داك جاهد *** اكيد ياناس ده اشطر واحد
مفروض يدوهو وسام انجاز *** فى حد زاتو ده اكيد اعجاز
إنجاز ثالث ماسكين العد *** مريخنا ياناس جاكم جد
نرجع تانى ليك يا هلال *** وانجازاتنا عليك تنهال
هزيمة وثانية فى اربعة ليال *** مشهورين بطول البال
سبت وثلاث بدون تخديش *** ما بتنسوهم ابراهومه واسامه بريش
نطلع بره لمدينة جوبا *** مريخنا هناك فارس الحوبا
اول مره هناك نتلاقى *** مريخ فارسها دى اول سابقه
احلى امانى واحر تهانى *** بعيدنا الاول وربنا يرحم سامى
قريب يا اخوان هلال ام در *** قال بضوقنا طعم المر
ست مرات هزائم تنهال *** وكسرناها بالشبال
قالو(توالى) غلب طوالى *** حزنا شديد لموت الوالى
احسن تنسونا ياهلالاب *** ابدا" تانى ما بننعاب
بعبع افريقيا الاهلى المصرى ما بنهاب *** وآخر مره خربنا خراب
قبل الاهلى زمالك مصر *** دبى الذهبى ده كاس العصر
مريخ مانديلا دائما" هباش *** ادغال افريقيا والاحراش
اكتر من مره كاس سيكافا *** منطقكم اعوج قلتو سخافه
إتبكمتو لسانكم زلا *** اخرسناكم بكاس مانديلا
درع الانقاز مسمار واحد *** مستر بلاتر اظنو الشاهد
ده يوم العجب نط النطه *** إغراق عام لحوض البطه
كاس السودان عبر التاريخ *** ماركة مسجله باسم المريخ
المره الفاتت داريوكانو *** الموزمبيقى ده طائى زمانو
وآخر مره ايداهو عجبكو *** عذاب يا داريو برضو سحبكو
والى وصاعقه اتلمو سوا *** اذن ارباب قوم اتلما
جمهور الصفوة مريخنا بخير *** والجايات اكتر بكتير
|
Post: #2
Title: Re: منطقكم اعوج يا القلتو.. سخافه
Author: mohsin_alsla7aby
Date: 12-24-2006, 07:47 AM
Parent: #1
المانى اسمو اتوفيستر * تكتيك هادى ومسطر – بس ريكاردو شافو * بقى يرجف واتوتر
شكانا : اتنين بس رشانا
شكانا : يوم الخميس تنانا
قالو اسمو ناتالى * صغيرون فنو عالى – بس ريتشارد شافو قال ده زول انانى
شكانا : شوارع بس خلانا
شكانا : عمو ريتشارد سرانا
قالو اسمو ايداهو * فاول ومشى عليهو – بس شافو المعز * قال شطب نفسو براهو
شكانا : الزول فى الواطا رمانا
شكانا : ايداهو عرف دوانا
قالو اسمو العجب * حريف وجبدو صعب – بس داريو شافو * قال اقيسو ليكم بالكعب
شكانا : غلطنا واتلافانا
شكانا : وبشمالو ازانا
المارد الاحمر * لابو الهل فتر – الكاس للمره السابعه * والجاى انشاء الله اخطر
شكانا : ده مريخ ولا دانا
شكانا :
قالو اسمو ده الوالى * رزين وفى عيونا غالى – كل الهلالاب اتباكو * قالو ده زول هلالى
شكانا : الناس دى فلسانا
قالو اسمو ده الصاعقة * ضرباتو متتابعة – بس اربابو شافو * قال زوبعه فى الفاضيه
شكانا : الزول ده بشتن حالنا
شكانا : يابرير سجلو معانا
نرجع تانى للوالى * رئيسنا المونديالى – الدفعو كاش طوالى * الطلعنا فى العلالى
شكانا : الوالى الله ادانا
شكانا : ديما الوصيف ورانا
قالو اسمو علاء * لابو الهل جاء – خلاص قرب يوقع * قلنا اقرارو اهو دا
شكانا : علا فييرا يخطانا
شكانا : وما دايرنو معانا
شكانا : كروتو شالانا
شكانا : يكفينا طمبل الجانا
|
Post: #5
Title: Re: منطقكم اعوج يا القلتو.. سخافه
Author: حيدر حسن ميرغني
Date: 12-25-2006, 08:55 AM
Parent: #4
محسن
وينك ياوزل
|
|