طلاق زوجة بسبب طاقية

عمنا حسين اخبر الناس انه ما حيغير طاقيته الخضراء وحلف طلاق مغلظ انه ما حيغيرها لو اتصلقت السماء علي ا .
هذه الحليفة اتت علي خلفية انه الناس قالوا ليه انه الطاقية الخضراء اتقطعت وبقت ما مغطية راسه وحاله بقي مكشوف واقترحوا عليه طاقية زرقاء وقالوا له نحن بندفع تمنها.
صاحبه "عبد الرحيم" حلف للجماعة بالله وتالله ووالله انه حسين ما حيغير الطاقية وكاتم اسراره ومصدر معلوماته "صلاح" برضه حلف انه الطاقية الزرقاء لو جبتوها مصيرها الحرق.
نحن ما عارفين لكن الجماعة من الهزار قلبوا الموضوع جد والظاهر ماسكين حاجة علي عمك فجاءة وبعد زيارة عمنا "احمد" عمك حسين وافق علي الطاقية الزرقاء بدون اي مقدمات.
بقت مشكلة حليفة الطلاق وحلائف عبد الرحيم صاحبه، مشوا لعالم دين فقال ليهم عبد الرحيم يصوم تلاتة يوم واما حسين فقال له بما انك متزوج اتنين ولما حلفت الطلاق كنت منفعل وظاهر انك ما كنت محدد ياتوا واحدة يقع عليها الطلاق، اذا فلست ملزم باي شئ ويعتبر طلاقك كطلقة في الهواء زي البضروبها في العرس سواء كان عرس جماعي او عرس شهيد.