تهانينا القلبية الصادقة للإخوة المسيحيين بأعياد الميلاد المجيدة، أعادها الله علينا وعليكم بالخير واليمن والبركات
بإسمي وباسم المسلمين بهذا البورد أهنيء جميع أخوتنا المسيحيين بعيد الكريسماس، وكل سنة وأنتم طيبون وأخص بالتهنئة، أخي وصديقي المناضل العزيز دينق ( فقد كان أول من بارك لي عيد فطرنا، وكانت لوقع معايدته أبلغ الأثر فى نفسي) وأتمنى لك رحلة سعيدة بصحبة الأهل بالسودان، وكل المسيحيين بهذا البورد ولم تتسنَ لي معرفتهم لكثرة أعضاء هذا المنتدى ودخولي الغير منتظم له.
Quote: العريس دى يا النذير سمعتها فى واحد من مجارى البورد
أوسلي تحياتي يا ملك، والله الشمار دا ما جاني كلو كلو، والله لو دينق عملا وماكلمنا يكون بالغ وح أحاول إتصل عليهو فى السودان وأبارك ليهو، ونرسل ليهو حق الكشف لو عامل كشف ويستاهل كل خير
12-23-2006, 04:31 AM
Kostawi Kostawi
تاريخ التسجيل: 02-04-2002
مجموع المشاركات: 39989
العزيز ود الشيخ بالمناسبة كوستاوي دا طردناهو من الجمعية بتاعتنا لأنو من بنودها الناس الجلاكين ما معانا ، وإنتا وأوسلي أركبا معنا ولا تكونا كإبن نوح وتصبحا من النادمين
بمناسبة أعياد الكريسماس والهنكا والفطر يا ود الشيخ والله الشعب الأمريكي شعب يؤثرون على أنفسهم ولو كان لهم به خصاصة، فمثلاً يباركون للمسلمين عيد الفطر أنظر لهذا الطابع الأمريكي: ولليهود عيد الهنكا أنظر لهذا الطابع الأمريكي: وفى عيدهم وهم 98% مسيحيون يقولون "هابي هولي ديي" (من غير أي إشارة لعيدية دينية) أنظر ل"قوقول": دا بقى كرم أديان موش تسامح أديان، والتحية للمسيحيين رواد التسامح الديني والشعب الأمريكي العملاق بعيد الكريسماس المجيد
12-24-2006, 05:04 AM
النذير حجازي النذير حجازي
تاريخ التسجيل: 05-10-2006
مجموع المشاركات: 6013
Quote: الاخ العزيز النزير حجازي وبقية الاخوة الكرام.
شكرا لهذا اللفتة الكريمة وهي ليس غريبة عن شخص مثلك يا نزير.
يا أوسلي.
معلومتك غير صحيحة.
دينق.
المُحتفى به دينق، والله مشتاقين وبركة الجيت، ونحنا عندنا كام دينق؟ وبمناسبة كلام أوسلي دا يا دينق، أنا ما بحمل كلام الشوايقة فى الوييك إند محمل الجد وإنتا عارف وأنا عارف وهو زاتو عارف والله عارف وموضوعو دا خليهو مُغطى ومُغرق شطة
12-24-2006, 05:08 AM
النذير حجازي النذير حجازي
تاريخ التسجيل: 05-10-2006
مجموع المشاركات: 6013
Quote: المُحتفى به دينق، والله مشتاقين وبركة الجيت، ونحنا عندنا كام دينق؟ وبمناسبة كلام أوسلي دا يا دينق، أنا ما بحمل كلام الشوايقة فى الوييك إند محمل الجد وإنتا عارف وأنا عارف وهو زاتو عارف والله عارف وموضوعو دا خليهو مُغطى ومُغرق شطة
نزازيرو صاحبك زاغ بالدو لكن بعد دا كلو الدامه حارساهو
ويا دينق الاتبله اخير يعوم
12-24-2006, 05:36 AM
النذير حجازي النذير حجازي
تاريخ التسجيل: 05-10-2006
مجموع المشاركات: 6013
Quote: نزازيرو صاحبك زاغ بالدو لكن بعد دا كلو الدامه حارساهو ويا دينق الاتبله اخير يعوم
أوسلي اللذيذ، أنا ح إتفاهم معاك يوم التلاتاء لأنو الإتنين برضو طلع إجازة ، وهسا من دربي دا ماشي لي فردتك المُصرج تاج السر الزول اللذيذ دا لميت فيهو فى ياتو إنداية؟
12-24-2006, 01:19 PM
osly2 osly2
تاريخ التسجيل: 10-17-2002
مجموع المشاركات: 3541
Quote: أوسلي اللذيذ، أنا ح إتفاهم معاك يوم التلاتاء لأنو الإتنين برضو طلع إجازة ، وهسا من دربي دا ماشي لي فردتك المُصرج تاج السر الزول اللذيذ دا لميت فيهو فى ياتو إنداية؟
النذير تشابه عليك اللعيبه ياخ دا تاج السر ما داريوكان يضقل بالبيضه والحجر دا لو اتفرغ لراكوبة جمعيتكم دى الا يشيلكم اعوادها فوق رؤوسكم
بعدين انت ممنوع من الكلام فى ايام محدده والا شنو ؟ اه اتذكرت الجمعه اجازتكم الزماااااان السبت بقيتوا تاخدوه اجازه بعد رفرفة العلم والاحد مشاطره لناس دينق واوع كمان اسمع بيك صادقت الهندوس والسيخ وما نلقى يوم نتكلم فيه معاك
Quote: كل سنة والإنسانيه كلها ماشية في طـريق التسامح والمحبة.. كل سنة وانت والجميع بخير مني
المناضلة والفاضلة منى خوجلي، وإنتي طيبة يا ست الكل، وإن شاء الله القابلة على أمانيك، وألف مبروك لآية إبنة شهداؤنا الذين وهبوا حياتهم فداءً للوطن، وأشكرك على الدعوات الطيبات والمرور الزاهي الذي أدخل فى نفسي السرور، وإن شاء الله أيامك كلها مسرات.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
النذير حجازي
osly2
Kostawi
Ahmed Abdallah
Deng
انعام عبد الحفيظ
المسافر
Haytham Abdulaziz
Muna Khugali
فيس بوك
تويتر
انستقرام
يوتيوب
بنتيريست