يا بكرى أبوبكر... المسيقار حمد إسماعيل، منتظر (باس وورد)جديد:...

يا ريس بكرى
مساءك وردى
عازف البيز جيتار حمد إسماعيل
هو أحد أعضاء سودانيزأونلاين
لم يتمكن من الكتابة لأسباب فنية
منذ أن أرسلتم له username and password
لقد أرسل لك مراراً وتكراراً
لمده بباسويرد جديد
ولكن للأسف لم يتحصل منكم على شئ
غير مده من الفترة والأخرى بأخبار
سودانيزأونلاين وتحديثاتها عبر الإميل

وده إيميله يا بكرى [email protected]

_________
وياناس المزيكة وأهل الفن قاطبة
صاحبكم حمد إسماعيل حايم بى برة
ومافى زول جايب خبرو
منتظر بكرى
وبكرى يشيل ويرسل ليهو:
فى الأعياد (كل سنة وانت طيب)
وأخيراً بكرى رسل ليهوا: بإفتتاح منبر (فلادلفيا)
كيف صاحبكم يمشى فلادلفيا وإسمو فى الحدود ممنوع من الدخول
كلموا بكرى
يا يرسل ليهو الباس ويرد
ولا حمد ح يعمل ليهو منبر براهو وقال ح يسميهو
سودانيز أوف/أون ضوط أى حاجة
كيتاً على بكرى

يا بكرى
حمد قال ليك
ما مكن
دكتور الفاتح يكتب من السودان
والسمندل يكتب من السويد
وترهاقا يكتب من السعودية
وناس الباقين خليهم ساكت
وأنا لو ركبت عجلة أصلك، وتلقانى جمب السيرفر
وتخلينى حايم بى برة!!

ياحمد ياعجوز انت من زمن ترهاقا في السعوديه

ترهاقا هسع فركة كعب بالعربيه يتغدي مع بكري هذه واحده

وبعدين لو مابليت ايك في الزيت وعزفت آغنياتي مابنديك الباص ورد


آخيرا يابكري بالله ادي ولدنا الجلو ده الباص ورد

ياود البلال سلام

التحيه الشوق الامانى السندسيه
انتو ما امريكان بتعرفو محلات بعض
ساطور لى منه زمن طويل وبركه الرجع بالسلامه
تشكر لظهورك هنا
انته من زمن الزيت هنا فى حاجات تانيه
رسل النوته بنديها لزول يضربه ونحفظ منه
و تسمعه ببوهاراته كمان.

يا بكري وصلتني اشاعة انو حمد اسماعيل كان ما حليت مشكلتو
بورداب كندا حيدخلوا فى اضراب مفتوح


...............................................





و يا ود طيفور انت لابد وين؟؟

شمسنا الدافئة
كيفك يا برجوازى
والله ليك وحشة يا صديق
جيت من كم إسبوع كدة على الشباب
وسألتهم منك
كنت شوية (موعوك)
فلم يتسنى لى حضور زواج الرائع عبدالله عثمان
وعشان كده الواحد زى الغاب من المدينة


بمناسبة باسوورد حمد
طبعاً حمداً من اللصيقين جداً بسودانيزأونلاين
وبكرى رسل ليهو باسوورد زمان
ولكن نسبة لإشكالات فنية، حمد لم يتمكن من الدخول
وخاطب بكرى كذا مرة
ولكن لم تكلل مخاطباته بالنجاح
__________
حمد قال: بكرى ده ما عارف مشكلتوا معاى شنو
أصحابى كلهم قاعدين فى الصندوق ده،
وأنا لافى بى برة

المهم خليك قريب وخلى البوست فوق عسى ولعل بكرى ينتبه

المك نمر
مالك علينا ؟
جايب لينا مصيبه
وجايى تفتش فى باسوورد ؟

خليهو يحاحى بره بره
هو نحنا ناقصين؟

ويلا يا بوردينا غنى
وشدو اوتار المغنى



التحايا للود حمد
ربنا يوصله بالسلامه

كمال أوسلى
كيف يا طاعم ومكاجر
انت عارف يا أوسلى
حمد يكون نسى باسوورد سودانيزأونلاين
لأنو(روقة) كل يوم كان عندها باسوورد جديد
هو يحفظ شنو ويخلى شنو

_________
حمد قال لي: الواحد يكون متابع ليهو بوست
لما يجى راجع ليهو مرة تانية
يبحت سودانيزأونلاين فوق تحت ما يلقاهو.
أنا قلت ليهو إيمكن يكون البوست راح الخور.
بقيت قدر ما أمشى ليهو وألقاهو فاتح سودانيزأونلاين
أقول ليهو بكرى لسه ما رسل ليك مفتاح الخور

ياسر تيفور
الوجيه القيافة
والله قيافتك دي تلقاك شاكي معاها ومضيقه كمان
ياخي قوم كده !حمد اسماعيل يتاع فنيلتك
هو البوست ده ناقص كمان عشان اخشفيهو حمد اسماعيل
يعني لودخل حمد، وخرج الولد والجمل..
نعمل شنو ؟؟افرض رجعنا الولد الجمل نرجعوا كيف ؟
لحدي ما ترجعوا الجمل انا وتمادور وبدرالدين شنا بنسيب الموقع ده
ونفتح موقع جديد نسميهو سودانيز اوووف اوف لايـت ـ
وقع ليك الكلام يالمنطط عينيك ..طبعا مستغرب وأصلك مستغرب لانك رحت غرب العالم
وقاعد هناك عايز تدي حمد اسماعيل باص وورد
وهو حمد الجن ماعندو باص جبتار عايز شنو بالباص بتاع بكري
وفي الأبيض عندو باص مأجروا لي ناس الحفلات والعداد بتاعو قال لي السواق ادفنو لي تحت الشجرةالقدام بيتناوماعارف ناس المجاري بجوا احفرواوبسف التراب وبجن وامشي اطقع بالشوارع
احسن حاجةخليهو في قعدتووروح جيب ليهو الباص بتاعوا لامن شاف ولادرى اصلوا الزول ده بتاع مشاكل !وقول لي بكري الزول بفرتق ليك الحفلة ومتعود افرتق الحفلات انا لي منو عشرين سنةماشفتولكن واثق انو ما اتغير مش ياهو حمد اسماعيل القيافة ود الأبيض البرمي النكته براحه زي الماعمل شئ؟ ياهو هو الزول الساخر البسخر من روحو وكل الخلايق ؟ياهو؟ياهو حمد الكل يوم عندو نكتة جديدة؟ياهو ؟ لو هو ! امانة الموقع ماجاهو بلا، ونحن نشيل بيوتنا مابتنقدر على كده الواحد اخر المخيره اموت من الضحك وكون الكتلو حمد اسماعيل لو ده الزول الإنت قاصدوقول ليهو السنى ليهو زمن واقفه نكته في حلقو راجيك بيها ومعاي اشواقي ومحبتي ياحمد واسئلة كتيرة وريدة ضاعت في الغربة ..احبكم

الأستاذ الفنان الرائع
محمد السنى دفع الله
يا بركة روحة باسوورد حمد الجابتك لينا، وإنشاء الله بيزو زاتو يروح عشان تجى صادى
ياهو ذاتو حمد القطيم
وتقرياً ، أى زول بعرف حمد بكون (تأذى) من لسانو الساخر وضحك فى غيرو.
مرة وأنا داخل العمارة، حمد فى شقتو كان فاتح القناة59 البتجيب المدخل الرئيسى، فشافنى أنا داخل..
بعد كم يوم كده قال لي شايفك!
قلت ليهو شايفنى وين؟
قال لي وانت داخل العمارة
قلت ليهو: يا حليلك يا أستاذ حمد
زمان كنا بنشوفك فى تلفزيون السودان
وهسى انت بقيت تشوفنا فى تلفزيون الباب
المهم، انا أخدت حصانة من لسانو، وبقيت أرد ليه الصاع صاعين.
لكن برضو هو طبعا بى خبرتو الطويلة فى (نجاض الأمة) وجماهيرو ، بيغلبك.
كلامك الفوق ده كلو صاح، يا هو ذاتو ذى ما قال ليك معز
وأضيف عليها كمان، جاب ليهو Attitude
شكراً يا سنى على المرور الباهى

يا السنى انا حبى ليك جننى

اشتاق اليك كاشتياق الغريق الى الماء

طبعا دا بكون غرقان فى فوله(فوله دى عندنا فى الابيض بحر صغير)

والله بركه الشفتنى طيب(ها والله انتهيت نهاية بطل حصانه مات)
ومسدسه راح.

زمن طويل من هنا(كندا)لغاية الحاره 127

(قالو الحارات وصلت كوستى وديل مصرين انها امدرمان)

الكلام كتير خالص مالص بالص

لما نتلاقه ليك الف قبله سعوديه( فى النخره)

ياسر تحية ليك و لي حمد

هو مالو بقي يروح الحاجات زي عمر منصور!

أنا ما عرفت المنبر ده ما شفت زول رايحة عليه باسوورده إلا عمر و حمد!

قول ليه عمر هسة مروح كل حاجة حتي الكمنجة (يشهد الله)!

الناس ديل وردي عامل ليهم عمل!

و بعدين حمد ده نحن كنا قايلينو في الحج هسة قول ليه كندا دي أدوك ليها( قطعة واطة).. بارك الله في من زار و خف !

و يا محمد السني(طبعا أنا زايغ منكم من ما جبت لي سيرة الكنجالات لي فرقتكم الجديدة في الدوحة) أها حمد ده ياهو زاااتو بي ضبانتو .. كتلتو كتل و ما خليت ليه قفى !

يا بكري نطالب نحن بورداب كندا بإعطاء حمد باسوورده اليوم قبل الغد و إلا زي ما قال ليك شمس الدين السنوسي !

حبيبنا المعز
بالمناسبة الحاصل شنو لى عمر منصور، لسة ما أدانا طلة!
لما الأستاذة تماضر فتحت بوست لى عمر منصور،
لقيت حمد فاتح سودانيزأونلاين
قال لي: يعنى الشغلانة جابت ليها واسطة
أنا البتوسط لى منو!
بكرى ده لو إسمى ما عاجبو،
الليعمل لى أي إسم من عندو
المهم شوف شمس الدين، وجهزو العريضة
عشان بكرى ده يا أدى حمد باسووردو،
ولا نلاقيهو فى ال City Hall

يا معز سلام
زمن طويل انته فى امريكا ولا هنا
اها جيناكم يا حبايبنا بعد ما لقينا
المفتاح بتاع الحوش

تسلم حبيب

الأخ ياسر
سلامات

معك ننادي العزيز بكري حتّى نرى ملك البيز العزيز أستاذ حمد هنا بيننا ..
له ولأخيه الأستاذ خليل إسماعيل التّحيّة ..



تحاياي

العزيز المتحضر لؤى
مرورك هادئ زيك
(المتحضر) ما حصل قلتها لى زول، ولكن مرور السنى ذكرنى ليها على ما أظن، ولأنها تنطبق عليك فعلاً وقولاً..
بمناسبة ذكر الفنان الأستاذ خليل إسماعيل، له التحايا العطرة
ولو عندك (الأمانى العذبة) ممكن تعزبنا بيها شوية
لما نقول حمد إسماعيل أخو الأستاذ خليل إسماعيل
حمد فى سخريته المستدامة يقول:
لا، خليل إسماعيل أخو الأستاذ حمد إسماعيل،
ويزيد، أن زول قائم بى ذاتى
تسلم يا لؤى يا راقى

الأخ المحترم ياسر
سلام تاني

أشكرك جدّاً على كلماتك الطّيّبة وعلى حُسن ظنّك بي يا كريم الأصل ..

للأستاذ حمد ((أب شنب)) التّحيّة ، وللأستاذ خليل كذلك ..

ولك ((الأماني العذبة))


الأماني العذبة

ياسر والشباب

ناوى اعمل شكله فى بوست مجاور

لو الود دا جاء
ادونى خبر

Quote: ياسر والشباب ناوى اعمل شكله فى بوست مجاور لو الود دا جاء ادونى خبر

يا أوسلى أعمل الشكلة هنا
عسى ولعل بكرى يجى يشوف الحاصل شنو!
يا رجع لى حمد باسووردو
يا كبانا فى الخور

الهادئ لؤى شمت
شكراً على الإهداء الجميل البشبهك
تعرف يا عزيزى لؤى، (الأمانى العذبة)
بتعمل فينى عمايل.. أجارك الله
التحية ليك وللأستاذ خليل إسماعيل

بكرة يا قلبي الحزين تلقي السعادة
والسرور يملأ حياتي ويبقي زادها
وعيني تشبع نوم بعد ما طال سهادها
وأنسي غلبي .. والرياحين تملأ دربي
وأمسح الدمع البسيل يملأ الوسادة
..........
...............
...................
الأماني العذبة تتراقص حيالي
والأمل بسّام يداعب في خيالي
..........
حلمي بكرة..
وذكري أيامي الخوالي
..............
............
.........
(شئ عجيب يا ريال)

ود عمي ود طيفور ..



وينك ياخ !! مشتاقين !!

ود عمى ناذر ود الخليفة
كيف يا حبيب

الشوق بالطن

الأيامات دى مشغول شوية
لكن طوالى إنتو
معاى
زى ضلى

سلامات ياسر

ياخ مفقود والله

ليك وحشة يا رجل,

من زمن وصوتك مش مسموع,


البيز جيتار ليهو حوبة

خصوصا لما يدق طمبور


خلاص يا بكري شوف اخونا الموسيقار دا,

وأرضي لينا الارابيب


تحيات بالجملة



أحمـد الشايقي

Quote: يا أوسلى أعمل الشكلة هنا عسى ولعل بكرى يجى يشوف الحاصل شنو! يا رجع لى حمد باسووردو يا كبانا فى الخور

كبة الخور بجيبا ليكم
دخول ناذر


شكلة العلم
خليها مكانا
وجية بكرى ملحوقه
ما تقنع
خلى حمد يعزف وانت تكورك
وبكرى ما بطول عليكم
قبل ارشفة 2007 بجيكم مار بهنا

Quote: ياسر تيفور الوجيه القيافة والله قيافتك دي تلقاك شاكي معاها ومضيقه كمان ياخي قوم كده !حمد اسماعيل يتاع فنيلتك هو البوست ده ناقص كمان عشان اخشفيهو حمد اسماعيل يعني لودخل حمد، وخرج الولد والجمل.. نعمل شنو ؟؟افرض رجعنا الولد الجمل نرجعوا كيف ؟ لحدي ما ترجعوا الجمل انا وتمادور وبدرالدين شنا بنسيب الموقع ده ونفتح موقع جديد نسميهو سودانيز اوووف اوف لايـت ـ وقع ليك الكلام يالمنطط عينيك ..طبعا مستغرب وأصلك مستغرب لانك رحت غرب العالم وقاعد هناك عايز تدي حمد اسماعيل باص وورد وهو حمد الجن ماعندو باص جبتار عايز شنو بالباص بتاع بكري وفي الأبيض عندو باص مأجروا لي ناس الحفلات والعداد بتاعو قال لي السواق ادفنو لي تحت الشجرةالقدام بيتناوماعارف ناس المجاري بجوا احفرواوبسف التراب وبجن وامشي اطقع بالشوارع احسن حاجةخليهو في قعدتووروح جيب ليهو الباص بتاعوا لامن شاف ولادرى اصلوا الزول ده بتاع مشاكل !وقول لي بكري الزول بفرتق ليك الحفلة ومتعود افرتق الحفلات انا لي منو عشرين سنةماشفتولكن واثق انو ما اتغير مش ياهو حمد اسماعيل القيافة ود الأبيض البرمي النكته براحه زي الماعمل شئ؟ ياهو هو الزول الساخر البسخر من روحو وكل الخلايق ؟ياهو؟ياهو حمد الكل يوم عندو نكتة جديدة؟ياهو ؟ لو هو ! امانة الموقع ماجاهو بلا، ونحن نشيل بيوتنا مابتنقدر على كده الواحد اخر المخيره اموت من الضحك وكون الكتلو حمد اسماعيل لو ده الزول الإنت قاصدوقول ليهو السنى ليهو زمن واقفه نكته في حلقو راجيك بيها ومعاي اشواقي ومحبتي ياحمد واسئلة كتيرة وريدة ضاعت في الغربة ..احبكم الرائع محمد السنى والله ياهو ده زاتو حمد كما وصفته ويا اوسلى مادام ود الابيض حايم بى بره انت المقعدك شنو.. مش كان فى مبدا فى روقه البيتحاوم بى بره واحد يطلع ليه ..عشان ياخد فرصة كمان وما تعمل فيه انك ادمن والله ود الابيض ده جنو وجن الحوامه بى بره غايتو يا ود طيفور اتصرف فى الموضوع ده..والله اقول ليك خلى البوست دايما فى المقدمه حتى الارشفة الجايه زى ماقال قريبى اوسلى يمكن بكرى يجى مارى بيجاى

Quote: ويا اوسلى مادام ود الابيض حايم بى بره انت المقعدك شنو.. مش كان فى مبدا فى روقه البيتحاوم بى بره واحد يطلع ليه ..عشان ياخد فرصة كمان وما تعمل فيه انك ادمن والله ود الابيض ده جنو وجن الحوامه بى بره

قريبى منعم4
ودالابيض ام درمانيه موصانى عليه
والزمن دا كلو لابد هنا ما فال انا ود الابيض
لما الباسوورد راح بقى يجقلب


غايتو نقول شنو غير


بركه الراح

الصديق العزيز
عبد المنعم سيد أحمد

Quote: الرائع محمد السنى والله ياهو ده زاتو حمد كما وصفته ويا اوسلى مادام ود الابيض حايم بى بره انت المقعدك شنو.. مش كان فى مبدا فى روقه البيتحاوم بى بره واحد يطلع ليه ..عشان ياخد فرصة كمان وما تعمل فيه انك ادمن والله ود الابيض ده جنو وجن الحوامه بى بره غايتو يا ود طيفور اتصرف فى الموضوع ده..والله اقول ليك خلى البوست دايما فى المقدمه حتى الارشفة الجايه زى ماقال قريبى اوسلى يمكن بكرى يجى مارى بيجاى

يا منعم يا حليل أيام زمان
زمان الزول بيمرق لى أخو
لكن هنا البيمرق، يدخلو الله
المهم شوفو لينا طريقة
دخلوا لينا حمد ده
وانا بمرق
تسلم يا منعمنا يا راقى
كن بخير يا صديق

الرجل الجميل زى كلامه منعم4

وين يااخى لابد ولا اه الاسطوانه المعروفه الجرى

تعرف يا منعم انحنا ما نقيف من الجرى ده الا

فى السودان هناك قالو الجرى بقى جرى السواد و الرماد

برضه ما تحصل حاجه .

مشتاقون ونتلاقه ان شاء الكريم

يا أوسلى
كيفك يا حبيب
صاحبك حمد
قال لى: مسيقار مرة واحدة!!!
انت يا ود داير تجيب أجلى
مسيقار ده زول عندو مؤلفات وعندو بلاوى كتيرة جداً جداً
وأضاف، انا زول بتاع بيز ساكت، وفى الفرقة بقيف وراء

الشقيق الرفيع
أحمد الشايقى
كيفك يا ملك
والله مقصرين معاك ومع الوطن
ولكن ياشقيقى ما باليد حيلة
شكراً للمرور والسؤال عنى
كن بخير ومن حولك
بجيك راجع بى رواقة

ياسر القيافة
طلعت اي كلام
انا قلت لي هسي تكون سجلت حمد
والأبيض كلها
انتو قريب لي الراجل سيد الحوش
ولحدي هسي ما رجع الباس وورد
الحكاية فيها ان
الظاهر دي تمثيلية منكم تتظاهروا انكم عايزين حمد ارجع
وتحت تحت ما عايزنو
لانو بنشف ريقكم وريقنا
ياحمد راجع الأيميل في حاجة ؟؟
لالالا
راجع صندوق البوستة
في حاجة ؟ لالالا
ماقلت ليك الحكاية فيها
ان
دي مش ان بس
دي ان واخواتها عديل كده ..

حبيبنا ود السنى
صاحبك طلع أى كلام
وفضحنا مع بكرى
بكرى رسل ليهو الباسوورد من تانى يوم
وحمد ما جايب خبر
ولا فتح إميلو
كان ضارب عدادات مع الحبش فى الكريسماس، شايل بيزو زى ضراب الكلاب وحايم من مدينة لى مدينة وما جايب خبر


نشكر حبيبنا الريس بكرى على سرعة الإستجابة

يا سلام يا سلام،،

حمد زااااااااااتو ح يجينا هنا،،

يا الف مرحبا،،

و تسلم يا ياسر،،
بدون مناسبة،، مشتاقين،،
ثم بعدين،، مالك في صورتك دي شكلك بقيت مسكين مسكين كدة

بسم الله الرحمن الرحيم

اول مره ادخل لى محل بالرجلين الاتنيين

كتر خيرك يا بكرى وربنا يديك الفى مرادك

شكرا لكل الذين اتو للمشاركه فى هذا

الموكب السلمى.

بالمناسبه انا بكتب براحه خايف ادوس حاجه غلط

اقوم اطش زى ما طشيت قبال سنتيين.

قلته اجرب هنا اول وبعدين اشوف

اجمل التحايا و الود.

تسلم ياياسر ياقيافة
طلع الراجل اي كلام
والله فضيحة بي جلاجل
بعدين انتو الحكاية دي حليتوها كيف
حكاية الحبوش والصومال والسودان
ده ما راس سنة ومولع
حمد احبك وليك الف تحية وعام سعيد
والحبوش ماانفعوك
ياسلطان العشاق
يبديع وجميل وكل عام وانت بخير

Quote: اول مره ادخل لى محل بالرجلين الاتنيين

الحراميه سبقوك
ناس تلب ما ادوك السبق النطى

نفهم من كده انك
جيت ناطى


طشاش سنتين بغد فرقه


تحياتى
والف حمد الله على السلامه



طيفور
خروف الكرامه وين ؟
ادينى خبر سريع بمكانه
لو السنى سبقنا
ما اظن نلم فى الراس والجلد

يا أوسلى
عليك شوف جنس ده

Quote: تاريخ التسجيل: 27-01-2005 مجموع المشاركات: 1

يا كيمو كلم بكرى (يجدع) ليهو (خمشة) مداخلات..
بى مداخلته الواحدة، بقى سنير على كمان

_______
يا أوسلى صاحبك ده أكيد قبل ما يكتب بسم الله الرحمن الرحيم
بكون غسل إيدو

حبيبنا ود السنى
صاحبك شرط عينا

Quote: تاريخ التسجيل: 27-01-2005 مجموع المشاركات: 1

من الزمن داك!!!
ذكرنى واحد صاحبنا
بخاف من الcredit cards
يرسولو ليهو الكرت، ولما الكرت مدة صلاحيتو تنتهى
Activation ما بكون عملا ليهو
عامل مداخلتو الواحدة دى
وكما بسم الله الرحمن الرحيم
يا ود السنى أكلت مع صاحبك ده أكتر من الف (حلة)
ولا مرة واحدة ما سمعت بسم الله دى
نقول شنو!
غير كتر خيرك يا بكرى

Quote: بسم الله الرحمن الرحيم

سبحان الله يا جارى العزيز
انا ساكن معاك فى العمارة دى لى ستة سنين
أول مرة أسمع ولا أقرأ بسم الله وكمان معاها الرحمن الرحيم
انت بكرى دخلك سودانيزأونلاين ولا دخلك الإسلام

_________
خلى دى تحت الحساب
نتغدا بيك قبل ما تفكر فى العشاء

عزوزة
كيفك يا رفيقة
جاييك بى هناك جمب شاويش
وبركة حمد الجابك
غايتو جنس عنصرية
نحنا إلا نجيكم بالابيض
تسلمى يا بت ياذوق

يا سوميتا يا من اصل سوميتا

( او سوميته)

ازيك وازى السوميته الام ان شاء الله

كل الامور على ما يرام.عرفته انها فى السودان

ولا ما تكون معلوماتى قديمه.امشى الحفله مع صاحبتك

بس اعملو حساب الطريق لانه العالم دى كلها دايشه

والدنيا راس سنه. بقينا ما عارفيين راسه من قعره.


كان اتكلمتى مع السوميته الكبيره بلغيها التحايا.

كل سنه وانتى طيبه.

Quote: سبحان الله يا جارى العزيز انا ساكن معاك فى العمارة دى لى ستة سنين أول مرة أسمع ولا أقرأ بسم الله وكمان معاها الرحمن الرحيم انت بكرى دخلك سودانيزأونلاين ولا دخلك الإسلام

انت بس يا ود طيفور الما جايب خبر
وانا لمن سألت انت وين ما كان ساكت

حمد دخل الاسلام فى الـBasment البهناك
والايام دي شغال كورسات تقيلة فى حلقات الشيخ (أشرف صالح)

انته بس اقعد لجنس ده

هسه مالك وريتو الحته البنتلمه فيها

هو مشغوول لاكين عارفه حيجى عشان يشوف الحاصل

شنو.

لانه ما دام فى اشرف معناها فى عضه.



تحيه واحترام وتسلم

Welcome Hamad
How are you.
It's been nearly 20 years since we last met,when we played the last concerts in qa3at alsadagah and usat Al-khartoum.......Those days and all those people are still in my mind..and god bless Abdurahman Abdalla and Ustaz Mustafa sid Ahmed..
trully yours
Mohammed makky