Post: #1
Title: يا حليلي
Author: د.محمد حسن
Date: 12-21-2006, 01:20 PM
Parent: #0
طبعا جيت المتدى مكبس وماشايف
واعاين القى اللون ما هو اللون
قلت يمكن الكومبيوتر لطش او الشاشة اتدغمشت
والا انا نظري بقى ( خمسة على خمسة)
قلت اشوف مواضيعي الحصل فيها شنو
وشايف الناس مواضيعها كلها ارشفات قللت الناس ديل صحوا والا انا كنت نايم
وانتهت الصفحة واسمك يا محمد حسن مافي
قلت اشوف الصفحة التانية يمكن اتدردقت للتالتة كمان
ولقيت انو ما في الا صفحة واحدة
يا ربي الصفحات الكتيرة دي مشت وين
الا شالوها ناس الضرائب
واخيرا اكتشفت اني اصبحت (مأرشف)
|
Post: #2
Title: Re: يا حليلي
Author: خالدة البدوي
Date: 12-21-2006, 01:35 PM
يا حليلك يا دكتور
كلنا يا حليلنا
حتى أنا أول ما فكرت فيه
قلت الليلة انا ما نسيت يوم 20/12
الله يجازيكن ( لا تهتم بصغائر الامور )
ورجعت ياحليلي كتبت من جديد عشان اتواصل
مع حباني ،،
دمت ،،،
|
|