Post: #1
Title: سيف اليزل (خير استهلال)
Author: احمد العربي
Date: 12-21-2006, 11:55 AM
Parent: #0
التشكيلي المبدع
رائحة الزمن الجميل واختلاجات يرتبها فينا الفنان
صاحب الحرف المموسق سيف اليزل الماحي
فالنرحب به
وكل عام وانتو الحب
وشكرا باشمهندس بكري
|
Post: #2
Title: Re: سيف اليزل (خير استهلال)
Author: Hussein Mallasi
Date: 12-21-2006, 12:19 PM
Parent: #1
رواد مطعم الباشا يرحبون بالاخ سيف اليزل الماحي.
|
Post: #3
Title: Re: سيف اليزل (خير استهلال)
Author: فاروق حامد محمد
Date: 12-21-2006, 12:31 PM
Parent: #2
ونرحب به معك أخي أحمد ونرجو أن يكون
معه خبر أو تلفون لصديقي وأخي التشكيلي الفنان
ابراهيم العوام نمر حفيد "الباشا"
|
Post: #4
Title: Re: سيف اليزل (خير استهلال)
Author: عوض الجزولي سعيد
Date: 12-22-2006, 03:48 PM
Parent: #1
الف مرحب بيك يازول يارئع..
وشكرا لصاحب البيت الجميل..
|
Post: #5
Title: Re: سيف اليزل (خير استهلال)
Author: nourelhadi awad
Date: 12-22-2006, 04:10 PM
Parent: #1
احمد العربي
سلامات
دعني أرحب معك بالأخ سيف
مزيد من اللون الكتابة
لك وله ان تكونو بألف خير
ودي
نورالهادي
تشكيلي متقاعد
|
Post: #6
Title: Re: سيف اليزل (خير استهلال)
Author: معتصم الطاهر
Date: 12-22-2006, 04:41 PM
Parent: #1
مرحب باستهلال 2007
وأرجو أن لا يصيبك استهلاك 2006
|
Post: #7
Title: Re: سيف اليزل (خير استهلال)
Author: رأفت ميلاد
Date: 12-22-2006, 04:50 PM
Parent: #6
ألف مرحب بالأخ سيف اليزل
|
Post: #8
Title: Re: سيف اليزل (خير استهلال)
Author: طيفور
Date: 12-22-2006, 11:11 PM
Parent: #7
ديشاااااااااااااااااك
خلااااااااااس اتلملمتو يا ناس الاس تي اس...؟؟
الله يدينيا خيركوم
|
Post: #9
Title: Re: سيف اليزل (خير استهلال)
Author: خدر
Date: 12-23-2006, 12:48 PM
Parent: #8
سيف اليزل سلامات ياخي
و حمدلله علي السلامه و بركة الشفناكـ اونلاين من جديد
شكلو احمد العربي سرو باتع الاقنعكـ تجينا بي جاي 
و اتمني انو سودانيزاونلاين تكون برداَ و سلاماَ و ترحيباَ بيكـ
انا عارف مدي حزنكـ و وجعكـ .. لكن يا سيف يا اخوي
خلافات الويب سايد دي فورتها مليون و المواقف فيها بتتفرز
وتتضح بعد سنوات (بعد الفحص الدوري ) و بعد داكـ
الناس دي كلها بتتقالد وتتطايب في اول عيد فطر مباركـ
دع حزنكـ جانبا و سن قلمكـ و ريشتكـ و كاريكاتيراتكـ
وابقا داخل
|
Post: #10
Title: Re: سيف اليزل (خير استهلال)
Author: gessan
Date: 12-23-2006, 02:26 PM
Parent: #1
تعرف يا عربي ..ويا خدر ..
في نُص سنين التسعينات ..خمسة وتسعين ستة وتسعين .. تقريباً
طلب عميد شئون الطلاب بالجامعة (د.عبد المحمود) الإجتماع
باللجنة التفيذية الجديدة لرابطة طلاب كلية الفنون ..
ففي بداية الإجتماع قال لنا انه "بالأمس تم ضبط بعض الطلاب يتغنون بالعود
داخل قاعة الرسم بالكلية -لاحظ- وانه سيمنع الموسيقى في القاعات نهائياً..ثم تساءل لماذا انتم يا طلاب الفنون دائما خارجين عن الإطار في جامعتنا دي؟؟!!
ضحكنا كلنا لسؤاله الذي لم نستغربه في تلك الايام..
فرد عليه سيف اليزل متساءلاً..بوصفه رئيس الرابطة بأن الجامعة في إحدى كلياتها تُدرس الموسيقى والدراما فكيف تنظر لآلة العود بأنه اداة جريمة؟؟؟؟ وبعدين خارجين عن الإطار دي المقصود بيها شنو يا دكتور؟؟
فكان رد السيد العميد مباشرة:"وإنتا عشان فصاحتك دي سووك رئيس الرابطة؟؟؟؟" ..
فضحكنا مرة اخرى ..وتأكدنا تماماً بأن العميد ما ناوي يجيبها البر ..
واكملنا اجتماعنا معه على اي حال ..
ومنذ ذلك اليوم اصبحت الصديقة إجلال محمد شريف تقولها لسيف اليزل ممازحة: وإنتا عشان فصاحتك دي سووك رئيس الرابطة؟؟
لك التحية يا إجلال اينما كنتي ..
ومرحبيك يا سيف..يا رئيس رابطتنا..
Quote: و سن قلمكـ و ريشتكـ و كاريكاتيراتكـ
وابقا داخل |
وازميلك برضو ..يا نحات ..
انا اصلو بيني وبينك قاعد احب النحت جدا..
وكل عام وانتم بخير ..والدنيا اعياد..
|
Post: #11
Title: Re: سيف اليزل (خير استهلال)
Author: خدر
Date: 12-23-2006, 03:48 PM
Parent: #10
| Quote: انا اصلو بيني وبينك قاعد احب النحت جدا.. |
يا قيسان
بعيدا عن العمل النقابي اعلاه
لقيتكـ شمشار جد
اصبر لي !!
بختها ليكـ في بوست مُطرف
و حا اجي اونسكـ بي قصتنا في معهد المزيكه مع عميدنا
احمد عبدالعال .. ارجاني
|
Post: #12
Title: Re: سيف اليزل (خير استهلال)
Author: esam gabralla
Date: 12-23-2006, 04:10 PM
Parent: #1
مرحب بالرفيق النملى في مقبرة من لا مقبرة له كما قيل في المقبرة الاسفيرية على كيبورد خازن مفاتيحها و دفاتر رفدياتها...
طلعت رباطى من زماااان... يا اخوى الناس دى ما غلطت عليك و يكونو شمو فيك ريحة "قلة ادب"....
| Quote: ومرحبيك يا سيف..يا رئيس رابطتنا.. |
يا زول انت اعمل حسابك... ترحب ساااكت ... دى بتكون اتسجلت ليك في حسابك..
قيسان: فترت من ارسال الميلات .. و ارقامك دى بقت ما بتجمع معاى .... متاكد انك في سرك بتقول عصام ال.... باعنا، لز النمر خلينا نشوف حاصل عليك شنو
طارق... انعل... عذبتنى في رقبتى دى... يلمو فيك كيف؟ اونلاين و ما بترد؟
اها يا شباب ... دى دخلة استثنائية، في حالة استجمام و تامل ...الى حين ...
و بالناس المحبة
و على الارض السلام
سلام
عصام
|
Post: #13
Title: Re: سيف اليزل (خير استهلال)
Author: ALGARADABI
Date: 12-24-2006, 06:26 AM
Parent: #1
مرحبا به
البجى من طرفك كلو كويس
|
Post: #14
Title: Re: سيف اليزل (خير استهلال)
Author: احمد العربي
Date: 12-24-2006, 09:20 AM
Parent: #13
الشباب الرائع
شكرا على المرور
وسيف اضافه حقيقيه وهو مقاتل جسور
بالون والكلمه
وينك يا سيف
نتمنى انو التأخير ما يكون
من عند الباشمهندس بكري
اومن عندك
منتظرنكم الاتنين
مودتي
|
Post: #15
Title: Re: سيف اليزل (خير استهلال)
Author: gessan
Date: 12-24-2006, 11:54 AM
Parent: #1
سلام تاني ..
خدر ياخي ازيك ..
الغريبة انا لما قلتا قسم النحت كنتا قاصد..
قسم ناس اماني (إنتا قايلها قرت مطبعة زيي؟؟)..
لاكين انتا براك تقلّب في الحجارة ..
والله بالجد "إنشاء الله ينقلوك جدة" ..
* الكويسة يا خدر انو الاجتماع بتاع العميد دا صاحبك مجدي آدم ما حضرو معانا ..
----------------------
عصام جبر الله كيف حالك ..
راجع الايميل ..لذينا ليك العناوين ..
المرة دي لو ما رديت ..الخاتيها في بالك بنقولا ليك ..
سلام للجميع ..
|
Post: #16
Title: Re: سيف اليزل (خير استهلال)
Author: عصام عبد الحفيظ
Date: 12-24-2006, 12:19 PM
Parent: #15
مرحـــــبا سيف اليزل
فالشمس لا زالت تشرق هناك !!!
ـــــــــــــــــــ... ده باص قوون يا عزيز
Quote: والله بالجد "إنشاء الله ينقلوك جدة" ..
|
|
Post: #17
Title: Re: سيف اليزل (خير استهلال)
Author: خدر
Date: 12-25-2006, 01:38 PM
Parent: #16
اها نحكي ليكم احمد ع العال عمل شنو معانا
بعد حدث شهير وضعنا كطلاب علي حقيقه الاداره الجديده الجايه (تآدب) طلاب معهد الموسيقي و
المسرح .. جمعنا العميد في قاعه جديده غير مُكيفه تم تجهيزها علي عجل لتنفيذ خُطط السيد
العميد (المُعين ) لتأديبنا .. احمد عبدالعال
استهل السيد العميد بالحديث عن الاخلاق و انتهي بالقيم السودانيه وطوال عرضه لمجريات تاريخ
الاخلاق و نشؤ و إرتقاء القيم السودانيه متفاديا بحرفنه سائق عجوز يعبر كبري القوات المسلحه
اي حديث عن الفنون او تقاطعاته بما سبق من حديثه.. حدث هذا في اجتماع مع طلاب معهد فنون
تخيلوا
ابتدرت (انا) الغبيان بخشونه لعب العميد و العشمان في منطق يربط لي صواميل نافوخي الكبير
ده .. قلت انو ( انا خايف انو المنطق البتكلم بيهو السيد العميد يكون سراط مطلوب مننا
السير عليهو !!)
اها صاحبكم العميد قبض في (انا خايف دي) بس و قال بالحرف الواحد (الطالب لازم يخاف )
وانتفخت اوداجه بفخر و عاجل المتحدث التالي (حسن مباركـ الخليفه) و قاطعه قائلا
فاليعلم حسن مباركـ .. بلا بلا بلا
و صارت نكته نحكي بها و عنها و واصلنا في سجمنا و رمادنا.*
تقول لي فصاحة سيف !!
_________________
* سجمنا ورمادنا اي واصلنا فيما نعتقد فيه ولم نعر كلام العميد التفاتا
|
Post: #18
Title: Re: سيف اليزل (خير استهلال)
Author: سيف اليزل الماحي
Date: 12-26-2006, 08:00 AM
Parent: #1
الاعزاء جميعا
وليمثلهم هنا المهندس بكري أبوبكر
وللأصدقاء هنا... من شرفوني بهذا الحضور الباهي
احمد العربي
حسين ملاسي
فاروق
عوض الجزولي
نور الهادي
معتصم
رأفت ميلاد
طيفور
خدر
قيسان
عصام
القرضابي
عصام عبد الحفيظ
كل عام وانتم بخير ...
سيف اليزل
|
Post: #19
Title: Re: سيف اليزل (خير استهلال)
Author: أبوذر بابكر
Date: 12-26-2006, 08:21 AM
Parent: #1
مدد مدد
يا بشارات الضوء الملون
يا الأزاميل التشكل وش الدنيا
والريشة أصبع غنيتك
اللوحة غنوة شمسك الخدرا
آلاف المراحب بسيف اليزل
وكيفك يا أحمد يا عربى
|
Post: #20
Title: Re: سيف اليزل (خير استهلال)
Author: mahdy alamin
Date: 12-26-2006, 11:06 AM
Parent: #1
ألف مرحب بالأخ سيف اليزل
|
Post: #21
Title: Re: سيف اليزل (خير استهلال)
Author: mazin mustafa
Date: 12-26-2006, 09:27 PM
Parent: #20
سيف اليزل سلامات ياخي
و حمدلله علي السلامه و بركة الشفناكـ اونلاين من جديد
مع
محبتي
مازن
|
Post: #22
Title: Re: سيف اليزل (خير استهلال)
Author: مجدي شبندر
Date: 12-27-2006, 08:56 PM
Parent: #21
صديقي الاستاذ احمد العربي
شكرا لك وانت تزيح الغيوم عن مسار الشمس ليطل علينا احد ابنائها الاستاذ الشعاع سيف اليزل أحد ابناء الضوء حقا انة انسان ضوء بفكرة وثقافتة وابداعة ومساهماتة السياسية .حقا يجب ان يكون بيننا اضافة حقيقية ونوعية لهذا البورد
اين انت يا سيف قد باعدت بيننا مشاغل الدهر رغم وجودنا في مدينة واحدة
يا عربي متين نشوفك .عموما لا زال هنالك مخزون في الذاكرة اقتات منه حين يصيبني الحنين .شكرا لذلك الزمن الجميل الذي كون سناما ضخما ,اقاوم به قساوة صحراء الغربة والفقدان
مجدي شبندر
|
Post: #23
Title: Re: سيف اليزل (خير استهلال)
Author: سيف اليزل الماحي
Date: 12-28-2006, 09:23 AM
Parent: #1
تحايا للجميع
وأنا ممتن لهذه الحفاوة
الأعزاء :
أبوذر بابكر
mahdy alamin
mazin Mustafa
مجدي شبندر
تحايا الورد لكم والأمنيات
سأكتب لكم جميعا
سيف اليزل
|
|