Post: #1
Title: قهوة بالمايونيز!
Author: mamkouna
Date: 12-21-2006, 11:25 AM
وقف أستاذ الفلسفة أمام طلابه وقد وضع على الطاولة المنتصبة أمامه بعض الأشياء. وحين بدأ الدرس أخذ البروفسور، ودون أن ينبس بكلمة، جرّة مايونيز كبيرة فارغة وأخذ يضع بداخلها مجموعة من كرات الغولف. بعد ذلك سأل البروفسور طلابه إن كانت الجرة قد امتلأت، فردوا بالإيجاب. بعدها تناول البروفسور صندوقا مملوءً بالحصى فأفرغه في جرّة المايونيز ثم هزّ الجرّة برفق فانسابت الحجارة الصغيرة في الفراغات الكائنة بين كرات الغولف. ومرة أخرى سأل البروفسور الطلاب إن كانت الجرة قد امتلأت، فاجابوا بنعم. بعد ذلك تناول البروفسور صندوقا مملوءً رملا فأفرغه في الجرّة فملأ الرمل ما بقي من فراغات في جرّة المايونيز. ومرة ثالثة سأل البروفسور طلابه إن كانت الجّرة قد امتلأت، فأجابوه أنها لم يعد فيها مسرباً. عندها أخرج البروفسور من تحت الطاولة كوبين مملوءين بالقهوة وأفرغهما في جرّة المايونيز فشغلت القهوة الفراغات الموجودة بين حبات الرمل، فانفجر الطلاب بالضحك.
|
Post: #2
Title: Re: قهوة بالمايونيز!
Author: mamkouna
Date: 12-21-2006, 11:26 AM
Parent: #1
بعد أن هدأت نوبة الضحك التي أصابت الطلاب خاطبهم البروفسور قائلا:
"الآن، يجب أن تعلموا أن هذه الجرّة ترمز لحياتكم. وأما كرات الغولف فتمثل الأشياء الضرورية في حياتكم كالله والأسرة والأبناء والصحة والأصدقاء إلخ..، وهي أشياء لو بقيت وذهب كل ما عداها من أشياء، فستظل حياتك مملوءة وعامرة. أما الحجارة الصغيرة فهي تمثل الأمور التي يحتاجها المرء مثل الوظيفة والمنزل والسيارة، وأما حبات الرمل فترمز لما عدا ذلك من شئون صغيرة." ثم أضاف البروفسور قائلا: "لو وضعت الرمل في الجرّة أولا لما بقيت مساحة لكرات الغولف والحصى، وهذا هو مثل الحياة، فإن أنفقت عمرك في مباشرة الأشياء الصغيرة والانشغال بها أضعت الأشياء المهمة. فاحرص على أن تقدّم الأمور التي تتوقف عليها سعادتك: داعب أطفالك، اجرِ لنفسك فحوصات طبية دورية، أخرج أنت وزوجتك لتناول وجبة غداء في أحد المطاعم، افعل غير ذلك مما يباشره من هم في سن الثامنة عشرة، ولا تنزعج، فستجد دوما وقتا لتنظيف البيت وإصلاح حنفية المطبخ. فابدأ بكرات الغولف أو الأشياء المهمة، رتّب أولوياتك، وأعلم أن ما سوى ذلك... رمل ليس إلا.
|
Post: #3
Title: Re: قهوة بالمايونيز!
Author: mamkouna
Date: 12-21-2006, 11:28 AM
Parent: #2
عندها وقف أحد الطلاب وسأل البروفسور قائلا: "لم تخبرنا يا أستاذ لأي شيئ ترمز القهوة." ابتسم البروفسور وأجابه قائلا: "يسرني أنك سألت. استخدمت القهوة لأُريك أنه مهما تكالبت عليك الهموم، فلن تُعدم وقتاً لتناول فنجان أو فنجانين من القهوة مع أحد أصدقائك."
|
Post: #4
Title: Re: قهوة بالمايونيز!
Author: mamkouna
Date: 12-21-2006, 11:30 AM
Parent: #3
إخواتي..إخواني ببورد 2007
إقرأوا القصة بإمعان و تفهم....
وتعالوا..
عازماكم...كلكم....
قهوة بالمايونيز....!!!!!
|
Post: #5
Title: Re: قهوة بالمايونيز!
Author: فاروق حامد محمد
Date: 12-21-2006, 11:37 AM
Parent: #1
حلوة ياممكونة .....
وعشان أنا عندي بدايات alzhaeimer
قلت أقول ليك كل سنة وانت طيبة
و Happy new year أنت والأسرة الكريمة
لأنه احتمال كبير لمن تجي النيو يير اكون نسيت
مع خالص الود ....
|
Post: #6
Title: Re: قهوة بالمايونيز!
Author: Hussein Mallasi
Date: 12-21-2006, 11:46 AM
Parent: #5
| Quote: افعل غير ذلك مما يباشره من هم في سن الثامنة عشرة |
سأفعل .. و سأحيل كافة النظرات المستغربة - و المستهجنة - للبروفيسور.
|
Post: #8
Title: Re: قهوة بالمايونيز!
Author: mohamed osman bakry
Date: 12-21-2006, 12:03 PM
Parent: #6
برطمانيتي بتاعة المايونيز
إنشقت ,
و أنا بملاها بـ كور الغولف دي.
أسوي شنو?
|
Post: #14
Title: Re: قهوة بالمايونيز!
Author: mamkouna
Date: 12-21-2006, 11:17 PM
Parent: #8
محمد عثمان بكري..
إشتري ليك برطمانية مايونيز تانية..
بس تكون..
قليلة الدسم!!!
|
Post: #13
Title: Re: قهوة بالمايونيز!
Author: mamkouna
Date: 12-21-2006, 02:04 PM
Parent: #6
ملاسي..
أحِلنا نظراتك المستغربَة و المستهجنَة إلى البروفيسور..
فما كان منه..
إلا أن إستهجنَ و إستغربَ..أولوياتَك!!!
|
Post: #7
Title: Re: قهوة بالمايونيز!
Author: nazar hussien
Date: 12-21-2006, 11:49 AM
Parent: #5
نحن وحلانين وحل في الرمل يا ممكونة...محتاجين تراكتور يطلعنا....
ومن رمال حلتنا....بنقول ليك كل سنة وانت طيبة....
غايتو طلعتي لينا رمال حلتنا اي كلام....
|
Post: #9
Title: Re: قهوة بالمايونيز!
Author: Dr. Moiz Bakhiet
Date: 12-21-2006, 12:16 PM
Parent: #7
كل سنة وانت طيبة يا ممكونة
ومكنك الله من كل جميل..
|
Post: #21
Title: Re: قهوة بالمايونيز!
Author: mamkouna
Date: 12-25-2006, 01:18 PM
Parent: #9
و إنت طيب يا بروف..
البروفيسور بتاع القصة دا بتعرفو؟ و لا تشابه أسماء ساي  ؟!!
--------------
الدواوين لسه ما وصلت ..
رسٌلتها بالبر و لا شنو ؟؟؟
|
Post: #17
Title: Re: قهوة بالمايونيز!
Author: mamkouna
Date: 12-24-2006, 09:31 AM
Parent: #7
رمال حلتكم يا نزار تُعادل كرات الجولف عند البروفيسور..
هي رمال..لكنها في ثقل المجوهرات و الأحجار الكريمة..
خليك وحلان يا نزار..
و مافي داعي للتراكتور!
|
Post: #10
Title: Re: قهوة بالمايونيز!
Author: mamkouna
Date: 12-21-2006, 01:44 PM
Parent: #5
تبرا و تستبرا من اللزهايمر يا أستاذ فاروق..
غايتو للضمان..كل سنة و إنت طيب..
..بمناسبة..
الكريسماس..
رأس السنة..
عيد الضحية..
و..
الفالانتاين!
|
Post: #11
Title: Re: قهوة بالمايونيز!
Author: فاروق حامد محمد
Date: 12-21-2006, 01:49 PM
Parent: #10
Quote: الكريسماس..
رأس السنة..
عيد الضحية..
و..
الفالانتاين! |
بالله ديل كلهم بجو مع بعض ......يا ممكونة ؟؟؟؟
ما قلت ليك ال Alzhaeimer !!!!!!!!!
|
Post: #12
Title: Re: قهوة بالمايونيز!
Author: Muna Khugali
Date: 12-21-2006, 02:01 PM
Parent: #11
Quote: "استخدمت القهوة لأُريك أنه مهما تكالبت عليك الهموم، فلن تُعدم وقتاً لتناول فنجان أو
فنجانين من القهوة مع أحد أصدقائك." |
ومافي أحسـن من القهوه..
كـل أرشـفة وانتي بخير..
مني
|
Post: #29
Title: Re: قهوة بالمايونيز!
Author: mamkouna
Date: 12-26-2006, 11:37 AM
Parent: #12
Quote: قهوتنا حـبيبتي تحتاج الي جـنزبيل وهبهان ..وجـبنه ممسحة بالصندليه ومبخرة بالمستكة..
وبجانبها بخـور تيمان هو ذاتو مبخر.. |
صباح البخور و العطور يا مُنمُن..
صباح الصندلية و السُُرتية و المحلبية..
تعرفي يا منى..الجبَنَة كانت بتتمسح بالصندلية زمااااااااااان..
حسي من ما ناس البيئة حاربوا قطع أشجار الصندل..
بقت الجَبَنَة...مرفوع عنها الدعم ..
خايفة تبقى علينا البقت على الديناصورات !
|
Post: #15
Title: Re: قهوة بالمايونيز!
Author: لؤى
Date: 12-21-2006, 11:27 PM
Parent: #1
ممكونة
سلام
ممكن تبدّلي لي المايونيز في فنجاني بحليب ؟؟
ولاّ عزومتك دي أعفيني منّها
كُلّ الوُد
|
Post: #30
Title: Re: قهوة بالمايونيز!
Author: mamkouna
Date: 12-26-2006, 12:07 PM
Parent: #15
لؤي..
ممكن نبدل ليك المايونيز..
مستردة كيف معاك ؟؟!!!
أو..
نديك ليها سااااادة و بالطريقة دي... 
|
Post: #16
Title: Re: قهوة بالمايونيز!
Author: alfatih
Date: 12-22-2006, 10:09 AM
Parent: #1
العزيزة ممكونة
كل قهوة بالمايونيز وانتى طيبة
اتمعنت جنس تمعن فى السرد دا ... لحدما قربت اتمعن
غايتو مشتاقين شوق خرافى
تحت تحت :
و الما بشرب قهوة ؟
|
Post: #31
Title: Re: قهوة بالمايونيز!
Author: mamkouna
Date: 12-26-2006, 02:03 PM
Parent: #16
الفاتح!!
وينك يا راجل؟!!!
يعني إلا نشٌرك ليك بالمايونيز ؟!!!
شوقنا ليك..شوق القهوة أم قرنجان و هبهان..
|
Post: #18
Title: Re: قهوة بالمايونيز!
Author: Tabaldina
Date: 12-24-2006, 09:53 AM
Parent: #1
..
.
تأكد لى تماماً ان ملاسي
صدق فيما قال ..
____________________
HaPpy NeW YeAr 2 all
|
Post: #19
Title: Re: قهوة بالمايونيز!
Author: حليمة محمد عبد الرحمن
Date: 12-24-2006, 11:17 AM
Parent: #18
| Quote: يسرني أنك سألت. استخدمت القهوة لأُريك أنه مهما تكالبت عليك الهموم، فلن تُعدم وقتاً لتناول فنجان أو فنجانين من القهوة مع أحد أصدقائك." |
يا ممكونة
دي القهوة ساكت في تلتلة خلي لما تلخبتيها بالمايونيز.. بعدين والله انا المايونيز دا تب ما بتباصر معاي ..اصلو ريحة البيض دي ما بتنطاق.. بعدين قصدك ريحة البن يمكن تودر ريحة المِح؟ انا والله من يوم قريت عنوان البوست دا نفسي ادخل واداخل بس دايرة اقولك قهوتك دي ياها الحامياني اصلها ما بتتباصر.. اسمعي ح اعمل زي اخونا لؤي واطالب باعطائي فنجان منها باللبن حقنا..
وشئ تاني اخير.. عنوان قهوتك خلاني اخلي قصة الاستاذ بعيد واكنكش في المايونيز الما جاي مع القهوة..
رغم جمال القصة بس العنوان صرفني
دي قهوة تنشرب كيف؟ قصدك يعني لازم نبلع بالغصب كما هو واقع الحال، وانو الشغلانية ماها كيف ساكت؟
افتينا جزيتي خيرا..
|
Post: #20
Title: Re: قهوة بالمايونيز!
Author: Muna Khugali
Date: 12-25-2006, 12:09 PM
Parent: #19
قهوتنا حـبيبتي تحتاج الي جـنزبيل وهبهان ..وجـبنه ممسحة بالصندليه ومبخرة بالمستكة..
وبجانبها بخـور تيمان هو ذاتو مبخر..
نشرب معاك و نسمعك بمزاج..
توقيعي تكمله لإسمك لو سـمحتي سـيكون
صـابرة..
|
Post: #34
Title: Re: قهوة بالمايونيز!
Author: mamkouna
Date: 12-28-2006, 10:48 AM
Parent: #19
| Quote: رغم جمال القصة بس العنوان صرفني |
عنواني أنا..
و لا عنوانك يا حليمة ؟!!!
رأيك شنو في الصورة دي؟!!
نضيفها ل بوستك؟!!
|
Post: #33
Title: Re: قهوة بالمايونيز!
Author: mamkouna
Date: 12-27-2006, 11:20 AM
Parent: #18
ليك مخصووووص يا تبلدينا..
و عشان كلامك الحلو دا....
قهوة..في الوريد.. !!
|
Post: #22
Title: Re: قهوة بالمايونيز!
Author: محمد أبوالعزائم أبوالريش
Date: 12-25-2006, 01:46 PM
Parent: #1
ممكونة ...
العنوان مجنون ... دخلتنا "الكريزة" لقينا نفسنا إحن المجانين
ريحة قهوتك جاتني هنا
الله يصبرنا عليك و ........ أفحمتينا
لك التحية
|
Post: #23
Title: Re: قهوة بالمايونيز!
Author: عبد المنعم سيد احمد
Date: 12-25-2006, 05:26 PM
Parent: #22
ياسلام
لو كانت فريش فانيلا ((من تيم هورتن))
شكرا للدعوة الكريمة.
وللفلسفة ان تعطر اجواء المكان
|
Post: #36
Title: Re: قهوة بالمايونيز!
Author: mamkouna
Date: 12-29-2006, 12:26 PM
Parent: #22
محمد أبوالعزائم أبوالريش...
تحياتي و أشواقي..
عُرفت (( الكريفَة)) منذ قِدَم التاريخ
و كان ما مصدقني شوف الصورة دي...
|
Post: #24
Title: Re: قهوة بالمايونيز!
Author: abubakr
Date: 12-25-2006, 08:08 PM
Parent: #1
| Quote: قهوة بالمايونيز....!!!!! |
قهوة باي حاجة ما يهم بس قهوة .. علاقتي بالقهوة ابتدات وانا اندرايج (حوالي عشرة سنوات ) فلقد اوكل الي بتحضيير قهوة لجدي الله يرحمو ( والرطانة قهوتم تقيلة ومرة ) فكنت اخد ضوقة وشوية شوية ادمنت والان وبعد اكثر من اربع عقود فانا لا اكاد ان اتخيل العالم بلا قهوة ....
|
Post: #25
Title: Re: قهوة بالمايونيز!
Author: شهاب الفاتح عثمان
Date: 12-25-2006, 09:45 PM
Parent: #24
الامتلاء و الفراغ شيء نسبي.
و الحياة وعاء كبير تخير كيف تملاه
شكرا يا ممكونة.
|
Post: #26
Title: Re: قهوة بالمايونيز!
Author: فاروق حامد محمد
Date: 12-26-2006, 08:23 AM
Parent: #24
قهوة باي حاجة ما يهم بس قهوة .. علاقتي بالقهوة ابتدات وانا اندرايج (حوالي عشرة سنوات ) فلقد اوكل الي بتحضيير قهوة لجدي الله يرحمو ( والرطانة قهوتم تقيلة ومرة ) فكنت اخد ضوقة وشوية شوية ادمنت والان وبعد اكثر من اربع عقود فانا لا اكاد ان اتخيل العالم بلا قهوة ....
عالم بلا قهوة يا أبكر هو عالم بلا ألوان !!!!!!
كل سنة وانت طيبة ياممكونة واسرتك الكريمة بمافيهم
"الممكون زوجك المصون" وسلامي للعيال .....
|
Post: #27
Title: Re: قهوة بالمايونيز!
Author: محمد نور أحمد
Date: 12-26-2006, 08:39 AM
Parent: #26
ممكونة ازيك
انشاءالله 2007 تبقي ممكونة وصابرة.
بالمناسبة حكاية تكون ممكون دي عندها أي فوائد أوإيحابيات؟
أفيدينا يرحمك الله.
البروف بتاع الغولف ده ما جاب سيرة لي شاي بنعناع؟ أو بالعدم شاي بحبهان أو جنزبيل؟
راجعيه لي عليك الله ، أصلو في بروف تاني غيره وغير بروف المعز حاميني القهوة حساده ساكت.
أها القهوة وحامني ليها، فما عارف لمن تكون بالمايونيز الرأي حيكون شنو؟
لكن من باب الضمان أمان شوفي لي موضوع الشاي ده.
لك مودتي
محمدنور
|
Post: #28
Title: Re: قهوة بالمايونيز!
Author: مريم الطيب
Date: 12-26-2006, 08:49 AM
Parent: #27
شكرا ياممكونة من القلب
لهذة الحكاية
التي
ا
ح
ت
ا
ج
ه
ا
في عالم كثرت فيه الرمال
كل سنة وانتي متمكنة‘‘‘
|
Post: #32
Title: Re: قهوة بالمايونيز!
Author: حبيب نورة
Date: 12-26-2006, 10:15 PM
Parent: #28
ممكونة
انا غايتوا جابتني ريحة الهبهان
وطعم البخور العدني والجاولي
مايونيزك دة حبشي يا أختي؟
العوافي
وكل سنة وانتي طيبة
|
Post: #35
Title: Re: قهوة بالمايونيز!
Author: محمد ابراهيم قرض
Date: 12-28-2006, 06:41 PM
Parent: #1
ممكونة ..
رايك شنو في مايونيز بالكباب شينو؟؟
|
Post: #37
Title: Re: قهوة بالمايونيز!
Author: حبيب نورة
Date: 01-19-2007, 09:04 PM
Parent: #35
mamkoona
yaaaaaaaaah
up
|
Post: #38
Title: Re: قهوة بالمايونيز!
Author: mamkouna
Date: 01-20-2007, 08:06 AM
Parent: #1
حبيب نورة
شكراً لرفع البوست.
كل عام هجري و إنت و نورة و كل زوار البوست الكرام بألف خير.
تسلم
|
|