Post: #1 Title: ناس الزقازيق ... أجدع ناس (4) .. Author: ميسرة سيد أحمد Date: 01-13-2011, 07:37 AM Parent: #0
بسم الله نبدأ الدورة الجديدة نحمل غصن الزيتون معاً
Post: #2 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-13-2011, 07:41 AM Parent: #1
الوجيه عصام دهب يلقي خطاب الدورة السابقة
بسم الله .. أخواتي .. أخواني من الزقازيقاب و أصدقائهم .. كل عام و أنتم جميعاً بكل خير و في أتم صحة و عافية .. و بسم الله نبداً لنمد جسوراً جديدة لتواصلنا عبر سودانيز أون لاين .. و نحمد الله كثيراً أن هيأ لنا هذه المساحة التي وثقت من عرى صلاتنا الطيبة .. و أختصرت بيننا السنوات و المسافات .. فالشكر من بعد الله لسودانيز أون لاين و لربانها الأخ الفاضل / بكري أبوبكر .. و الشكر لكل من تواصل معنا مشاركاً بالكلمة و داعماً بالفكرة و الرأي و مؤآزراً و داعماً بجهده و ماله و وقته .. حتى أضحت رابطتنا العملاقة حقيقة تحدث إنجازاتها عن نفسها .. الشكر لأخوتنا و أصدقائنا و لجميع الذين تواصلوا معنا طيلة الفترة الماضية و نتعشم في إستمرار تواصلهم معنا .. و تعالوا بإسم الله تعالى و بعونه نجدد و نجذر أسمى علائق الأخوة النبيلة .. و لنستصحب معنا دوماًبوستنا الأثير ..
ناس الزقازيق .. أجدع ناس .
Post: #3 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-13-2011, 07:46 AM Parent: #2
خطاب الدورة الجديدة
عندما نعاشر أناس نعتبرهم من الأحباب فإننا ندون ذكرياتنا معهم.
نسطرها بين ضلوع القلب ونعطر أيامنا بذكرياتهم
فهذا الطريق يذكرنــا بهم..
لنزرع في الطريق ورود.. ليدوم التواصل
قد تنكر العين ضوء الشمس من رمد
وقد ينكر الفم طعم الماء من سقم
ولا يستطيع أن ينكر أحد فضلكم أخوتي دام ودكم ،،،،
شكراً للرعيل الأول الذين وضعوا اللمسات الأولى لهذا الصرح العظيم
ونقول بكل فخر وامتنان شكراً لكم جميعاً ،،، شكراً يا عصام دهب،،،،
من أعمق نقطة صفاء في دواخلي أقول لكم :
شكراً على صداقتكم شكراً على خوتكم شكراً على ودكم شكراً على وجودنا معاً .
Post: #5 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 07:50 AM Parent: #3
Post: #4 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-13-2011, 07:48 AM Parent: #2
لنك الحفظ : اضغط بزر الماوس الايمن واختار Save Target As ثم اختار Save
وتقدمان لهم تشكيلة حلويات الاستقبال التى جلبنها من سويت بســام وقصر فرســاى
Post: #8 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 07:57 AM Parent: #7
وبدأ ت الاحتفالات بالأهازيج الجميلة واطلاق المناطيد والنواقيس البلورية وبانرات النيون والالعاب النارية .. ..
Post: #9 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 07:59 AM Parent: #8
Post: #10 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:01 AM Parent: #9
Post: #11 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:03 AM Parent: #10
الان يعتلى خشبة المسرح البلبل الصــداح وعندليب الزقازيق .. احمد عوض ليشــدو ويطــرب الحضور .
Post: #12 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:06 AM Parent: #11
ويلمع فى سماء الاحتفال .. كوكب الزقازبقاب وهو يدور فى اعلى مدارات سودانيز اون لاين
* الفكرة والسيناريو للريس ميسره
Post: #13 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:08 AM Parent: #12
نتوقف الآن لتكريم الرجل الذى ظل يقود رحلة الزقازيقاب المبدعة طوال الفترة الفائتة وكان له الفضل الكبير فى تجميع هذه الباقة المتفردة من الورود والازهار ونجح فى جمع شتات افراد القبيلة بعد أكثر من عشرين عاما من التشتت فى بقاع الارض .. وقام بانشاء هذه الواحة الوارفة التى استظل بها الجميع واجتمع شملهم فى ظلالها .. نكرمه اليوم وهو يترجل فى وفاء الرجال عن قيادة الدفة ويسلمها بكل ود لرفيقه وصديقه الريس ميسرة ويبادر فى ســمو نبيل فى تثنية وتأييد مقترح اخاه وزميله المنصور بتدوير وتداول دفة قيادة مسيرة الأحباب ..
دهب ... ايها الجميل .. شــكرا جميلا لك ...
Post: #14 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:11 AM Parent: #13
لابد ان يشمل التكريم شخصيات كان لها القدح المعلى فى تعميق وانماء هذا التلاقى الفريد ...
وأستأذن اخوتى وأخواتى فى تخصيص التكريم هذه المرة فى بعض من أجمل الشخصيات التى أسهمت
وما زالت تسهم فى مسيرتنا الجميلة نحو الكيان الحلـــم الذى نشدوه ونتطلع اليه ... مع اكيد امتناننا لبقية
جنود كتيبة الداخل التى لا تخطئها العين فى مجهوداتها
Post: #18 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 08:16 AM Parent: #17
زهـــير الزناتى ... دينمو ومكوك القبيلة وفارســـها الذى ظل ممتطيا فرســه وحاملا سيفه قائدا لجيوشها يخوض الوغى ويقود فرسانها نحو مرافىء النجاح .. ظل ابو الزوز رأس الرمح فى كل نجاحات الجمعية وعوامل تكوين هذا التلاقى اثناء وجوده بالوطن او فى مهجره الاخير ..
التحية والاحترام والتقدير لكل القائمين علي امر هذا الاحتفال ... الريس ميسرة ... محمد عيد ... والزميلة مني يونس والتي يحلو لنا ان نسميها مني ميسرة ... وللابنة محسنة ميسرة اصغر اعضاء سودانيز اون لاين سناً ... وللنضيف الفنان عبد الدائم ...
ولا بد من افساح مساحة واسعة من الشكر للاخ عصام دهب ... صاحب الفكرة ومفترع الخيط الذي اسهم في جمع كل الناس ... وكان له القدح المعلي في ان يصير كيان ناس الزقازيق ... جمعية يشار لها بالبنان ... لها اعمالها الخيرية واستثماراتها المالية ... فقد صبر وصابر فاثمر هذا الجهد هذه النتيجة التي نراها هنا اليوم ... التحية لعصام دهب الذي يصادف يوم تكريمه ميلاد ابنه وسط ثلاث من الزهرات الجميلات ... فآلاف التبريكات والتهاني له ولزوجته الاخت مروة وللزهرات النضرات ... ولا بد ان نشير ان عصام قد ترجل لوحده وبكامل ارادته لاتاحة الفرصة ان يبتدر الخيط شخص في كل مرة من رموز الزقازيق ... حتي لا تذهب التفسيرات في منحي آخر او تفسيرها لخلافات سياسية ... لان الاصل في العلاقة والود قائم وكل الاختلافات السياسية هي شان آخر نتعارك فيه في ميدان المخصص له ... ولعصام كل الحب والاحترام ونفس المكانة التي كان يحتلها حينما كان في الصفوف الاخري .... وهو لا زال رمزاً من رموز الحركة الطلابية في الزقازيق ورمزاً من رموزها في كل الاشكال التي ابتدعتها وتبتدعها في المستقبل ... وحينما نجده في ميادين الخلاف نختلف معه باحترام ... وان كنا لا نرفع عنه لعصبية او زمالة دراسة فكل في اتجاه ... وقد لا يفهم الكثيرين من هم خارج الزقازيق هذه المعادلة ...ولكنها الحقيقة ...
قد تسمع بان زيد او عبيد من الناس شخص محترم... الا انك ستعرف معني ان شخصاً ما محترم حينما تقابل الريس ميسرة سيد احمد ... ابن كوستي الجميلة ... ورئيس انجح دورة لاتحاد الزقازيق ... وهي دورة التجمع الاولي بعد انتفاضة ابريل المجيدة ... لا نحتفي بميسرة السياسي والقائد الطلابي والزعيم التاريخي لمؤتمر المستقلين بالزقازيق فحسب وانما نحتفل بميسرة الانسان والصديق وزميل الدراسة والشخص الودود وضو القبيلة ... واخو الاخوان ... فهو شخص من طينة مختلفة عن البشر العاديين حباه الله بحباً للجميع يوزعه كما يشاء فلا ينضب ... ركازة لنا ولاهله ولا نريد ان نتحدث عن هذا الجانب حتي لا نبدد اجر الرجل ... ميسرة شخص جدير بالاحترام له منا كل التقدير .. اتفق الناس باجماع سكوتي علي ان يقود الدفة في الفترة القادمة تكريماً لمجمل اعماله علي جميع الاصعدة .. اضافة الي انه ركيزة اساسية من ركائز هذا البوست ... التحية له ولرفيقة دربه الزميلة مني سيد احمد والتي كما قلت لا يحلو لنا الا وان نناديها بمني ميسرة ... وهما عنوان لنجاح زيجة من الوسط الزقازيق ... تقف خلفها كثير من القصص والعلائق الجميلة والاسر الزقازيقة التي تكونت ونجحت ... دلالة علي المناخ الجميل والبيئة النظيفة التي عاش فيها الجميع هناك بمختلف مشاربهم وميولهم وثقافتهم وقبائلهم ... وسنحكي عن عشرات الاسر الزقازيقية التي كان عنوانها الكبير وخطها العريض مني وميسرة ... واطفالهم الحلوين صاحبة اللمسات الفنية والاصابع المبدعة محسنة ميسرة ... اكبر ابناء الريس وشقيقها منذر ... وصديقتي مشكاة التي اشتاق ان اتحدث اليها ... واوعدها اليوم بحديث ضافي فقد تعودت ان تختبر معلوماتي ولغتي الانجليزي والتي طالما هزمتني ابنة السبعة سنوات ....
مبروك المولود يا دهب وربنا يجعله من الصالحين القانتين بإذن واحد أحد شكراً محسنة على الإبداع و الجمال بتاعك
Quote: وضاح جعفر العسل .. ومحمد سنى ووابتسامة لي ناس ازقازيق الف تحية وسلام سمحونه ـ احلام وهبي
تشكرات كتيرة لإحلام وهبي و عليك الله ما تغيبي من البوست و نيابة عن القبيلة التحيات الزاكيات لوضاح و الأستاذ الفاضل لمحمد السني
Quote: ابداع يامحمد عيد ... صور فنانه كل سنه وجميع الزقازيقاب بخير وربنا يحفظ اولادكم الحلوين يارب
عليك الله يا وليد نحن محتفلين تجينا بي جلابية؟؟؟؟ لك الحب دوماً و أين ما كنت
Quote: لست زقازيقيا ولكن ساقتني الصدفة هنا لارى هذا الابداع والالق
فعلا شغل جميل بك المقاييس
لك الشكر و التقدير على الكمات الطيبة و أعمل حساب الصدف مرات تسوقك و توديك سقط لقط؟؟؟؟ وحكاية الزول دا متذكرك أشك في ذلك.... لأن الباندويدث بتاعو زي بتاع بكري ما بستحمل كتير
Quote: هلا هلا اجده ناس تحياتي صفية
صفيه لك التحية مثلها الحنة بتاعت و د جبرين ما تقربيها
ناس الزقازيق يشكلون حضوراً لافتاً في المنبر ولهم مساهمات في كل المجالات التحية لهم :
1 ابتهاج عبد الله 2 ابو بكر حامد الأمين 3 احلام وهبي 4 احمد اسماعيل 5 احمد عوض عجوز 6 اسامة ابتر 7 البادي النور 8 الرشيد بابكر 9 السموأل ابو سن 10 السهيلي حمد مجذوب 11 جلال عثمان 12 جمال السنوسي 13 حنان مجمر 14 حيدر حسن ميرغني 15 د. احمد امين (D. Ahmed Amin) 16 د. احمد سليمان 17 د. احمد طراوة 18 "د. الصادق عبد الله Dr.Elsadig Abdalla " 19 د. جمال فارح 20 د. حاتم جبارة 21 د. خالد محي الدين 22 د. رجاء عثمان 23 د. سناء الصباغ 24 د. سيف النصر محي الدين 25 د. صفية مساعد safia mohamed 26 د. صلاح الامين (salah elamin) 32 د. طارق جبريل 27 د. نورا كرم الله 71 د. ياسر شبيكة 28 زهير الزناتي 29 زينب التجاني 30 سامي عبد الوهاب ادريس 31 صالح عبد الرحمن (تبلدينا) 33 عائشة صلاح الدين 34 عبد الحفيظ عباس 35 عبد الحميد البرنس 36 عبد الدائم سيد احمد 37 عبد القادر بابكر 38 عثمان الجيلي 39 عثمان الخير 40 عرفة محمد سعيد 41 عصام دهب 42 عفاف علي ميرغني 43 عمر المهدي 44 عمر نملة 45 عمر هواري 46 قيس جمال الدين 47 كمال الشادي 48 كوثر داؤود 49 مبارك جادين 50 مجتبي فاروق 51 مجد الدين عوض السيد 52 محسنة ميسرة 53 محمد العبيد 54 محمد آدم النور 55 محمد صديق 56 محمد عثمان 57 محمد عيد 58 مدثر ابا يزيد 59 مشاعر بدوي 60 مصطفي عجب سيدو 61 معاوية الزبير 62 معتصم سلمان جعفر 63 منصور عبد الرازق 64 مني عباس 65 مني يونس 66 موسي الراجل 67 موسي عيسي 68 ميسرة سيد احمد 69 نجاة حوفي 70 نزار الشقليني 72 ياسر نجيلة
الشكر الى أبراهام لنكولن هذا البوست عصام دهب.. الذي حررنا من التباعد و التجافي ليجمعنا في هذه الحديقة الغناء... لم يكن الأمر مجرد فتح بوست في سودانيز أون لاين يحمل اسم الزقازيق... بل قام عصام بأكثر من ذلك حيث حرضنا على التواصل و المتابعة... كان ينشر كل ما يرد على بريده الاليكتروني يوم كانت العضويه محدودة.. بل و يرد على كل الايميلات التي ترده من كافة الزقازيقاب... حببنا في البوست بنشره ما نرسله اليه حتى أصبحنا أعضاءا... عصام دهب...كل الأدلة تثبت انك ضالع ضلوعا لا شك فيه في أن جمعتنا بمحبة... بل انك الرأس المدبر و المخطط لكل هذا الجمال و الابداع... ندينك و نحكم عليك حبا بالشكر و التقدير...
للريس ميسره كل التقدير و الحب على هذا الابداع و لأسرته الجميلة بقيادته الرشيدة... و لرفيقة دربه و كفاحه الأستاذة منى...لها كل المودة و التقدير... و لمحسنة كل التقدير و عظيم الاعجاب بهذا الابداع... نسأل الله أن يحفظك و يجعلك دائما من المتفوقات...
حبيبنا محمد عيد...يعجز اللسان عن التعبير بهذا الكم و الكيف من الجمال... نشكر لك منحنا كل هذا الوقت من وقتك الثمين... و نشكر لك امتاعنا بهذه الأعمال الرائعة... و أشكر لك تسجيلي بميلان...
Post: #75 Title: Re: ناس الزقازيق ... أجدع ناس (4) .. Author: محمد عيد Date: 01-13-2011, 02:11 PM Parent: #74
Quote: دايما احمل الفرح كل ما الاقي زول من الزقازيق
ناهيكم عن مساحة نتلاقى فيها تخفف وتمسح كل الكراكيب الماليانا
صاحبة التمائم ...
اطلالتك اليوم بعد الغياب ... اعطت للفرح طعما آخرا ..
لو قالو ليك اوصف جمالهم تفتكر تقدر تقول كل الحقيقه الشكر لكم وانتم تنثرون الفن والجمال والمحبه بيننا التحيه لمبدعينا على كل هذا الالق والتفرد --التحيه لكل من ساهم في الاحتفاليه المتفرده بقياده عيد والابنه توتا
ياســــلام ... ابداع وجهد مقدر ... شكرا ياريس ... شكرا ... محمد عيد ... وشكر خاص وتعظيم سلام للابنة محسنة ربنا يحفظ ويوفقك
Post: #77 Title: Re: ناس الزقازيق ... أجدع ناس (4) .. Author: أحمد إسماعيل Date: 01-13-2011, 03:13 PM Parent: #74
إيه يا عم عبد الرازئ ماحن خوات أهو و محدش أحسن من حد آه بس الزازيئ حاقة تانية خالص. واخد بال حضرتك .. دا حنا بنؤول الزازيئ و ما بنئصدش الزازيئ لوحدها دا إنتو كلكم قدعان أه و النبي .. ميت مساء .. و سلملي على شارع قيهان وشارع الأسواء و كبري طلخا داحنا بنحبكو و الله العظيم .. و أتفضل يا عم إن شاء الله محدش حوش .. تخريمة : يا سيدي .. الزقازيق هي الرمز .. وجميع من درس في مصر يعلم أن مجتمع الزقازيق كان مثالاً لمجتمع الطلاب السودانيين بمصر .. و بالمناسبة ناس الزقازيق ديل معروف عنهم إنهم عزموا القطر .. !! القطر ذااتنو !! يعني عادي ممكن تدخل و دي ما دايرة ليها عزومة مرحب بك عبد الرزاق و ناس القاهرة ، أسكندرية ، طنطا ، المنوفية ، أسيوط ، بني سويف ، كفر الشيخ ، قناة السويس ، مشتهر ، بنها ، الإسماعيلية ، المنيا ـ .. مرحب بكم جميعاً .. و ليستمر التواصل و يبقى الحب ..
هذه من ردود فعل حبيبنا عصام دهب عند بدايات فتحه لبوست الزقازيقاب جزاك الله عنا كل خير وجعل الله ثمرات هذا التواصل في ميزان حسناتك والف الف مبروك على المولود جعله الله من أبناء المسلمين البارين بوالديهم
يا الله ابداع....... تميز وتفرد حدالدهشة. كل التهانئ لمن ساهم فى خلق وابداع هذاالجمال والروعة فى ظل تلك المحبة النقية الراقية التى جمعت قلوبكم فاينعت ثمارا
تتزين بها حياتنا.تلك الشجرة التى تظلنا اضحت متكئأ جميل ندنو اليه حبا لكم ولكل ما يتعلق بكم فبتم حاضرأ وماضى وآت نغمض اجفاننا على زكرى تلك الخوالى... نحلم...ونفيق فرحا بكم..شكرا لكم منحنا هذا الالق ...... شكرا راعى الباحة التى وسعت الكل . شكرا ميسرة.محمدعيد.مني محسنة الرائعة .عبد الدائم جعلتم يومنا عيد وما اجمله عيد ف فالي الامام والتحية للجميع الذين يعطرون سماواتنا
يا محمد عيد والله ما متذكرها ... شفت الكارثة ... الذاكرة كلها اصبحت ثقوب ... بس الواحد تاني حا يكون عنده مداخلة والتانية اعتذار ... مداخلة والبعديها اعتذار ... وهكذا حتي يقضي الله امراً كان مفعولا ... يا زول انت قائل مفارقة الاحباب دي حاجة هينة ...
Post: #95 Title: Re: ناس الزقازيق ... أجدع ناس (4) .. Author: محمد عيد Date: 01-15-2011, 09:06 AM Parent: #94
Quote: التحية له ولرفيقة دربه الزميلة مني سيد احمد والتي كما قلت لا يحلو لنا الا وان نناديها بمني ميسرة .
مين منى سيد احمد دى ..؟؟
داير تجيب للريس الهوا وتلحقه بن على ؟؟1
Post: #96 Title: Re: ناس الزقازيق ... أجدع ناس (4) .. Author: جمال السنوسي Date: 01-15-2011, 09:43 AM Parent: #95
البورقاب
ازيكم
وكيفنكم
والحمد الله الشفناكم جينا نزور
لقينا الباب فاتح
قلنا نسلم
قبل مواعيد التونسية
باقي لي التونسية دي اليويمن ديل
مواعيدها مظبوطة
اها لي قدام
Post: #97 Title: Re: ناس الزقازيق ... أجدع ناس (4) .. Author: ابتهاج عبد الله Date: 01-15-2011, 10:21 AM Parent: #96
يا زول بعد ده الناس مفروض تعذرني وتفوت الحاجات دي .... خلاص الماسورة حلجت ... والريس ميسرة يبري ويستبري من بن علي
*************
اها يا جماعة بعد ده حقو تعذروني وقدر ما اجي اصلحها اطبظها .....
ودعتكم الله
Post: #99 Title: Re: ناس الزقازيق ... أجدع ناس (4) .. Author: منصور عبد الرازق Date: 01-15-2011, 10:41 AM Parent: #96
نبدا بالنهاية احسن يا زول الجابك هنا شنو ؟؟؟ الأيام دى لا فى هلال , ولا فى مريخ , ولا فى قصص قصيرة الذكرك لينا منو ياجمال السنوسى ؟؟؟ هسى انت اديت ناس زهير ديل فاتحتهم , ولا داخل فينا توش ساكت ذكرتنى مرة فى اجازتى ما عارف القبل الأخيرة ولا القبلها ما عارف ما قابلت حسن دهب , والأجازة قربت تخلص لما فينى قاعد جنب دكان ناس عبد الله نينى قمت ليك فيهو بالأحضان , ازيكيا ابو الدهب , مشتاقين الراجل سلم على بمساخة شكلو زعلان ماليك خمستاشر يوم , ما بتعزينى مالك المات ليكم منو , والله ما عارف يا ابو الدهب فى اللحظة دى اتدخل عبد الله معقولة ما عزيت ابو الدهب , عمك دهب ما اتوفى ياخ يا سلاااام ياخ , احسن الله عزاكم ,يمين بالله مافى زول قال لى هنا تدخل ابو الدهب بلسانه اللاذع نبرى ذاتا ماتت , (نبرى هى والدة ابو الدهب , وللمعلومية فان نبرى تعنى ايضك دهب فى رطانة ولهجة الحلفاويين ) البركة فيكم والله يا ابو الدهب , انت زول ما ساهل , لكن والله ما اتذكرت , وانت عارف الشغوليات والدنيا والجرى الله يباريك فيك يا سيدى -رد ابو الدهب بما يشبه الرضا والأقتناع لكن والله لازم اسجل ليكم زيارة فى البيت عشان اعزى الأخوات , واعزى كمان بالمرة ناس علوب وماماو -ماماو زاتو مات
(طبعا فى اللحظة ديك , انا ما عرفت ادخل وين , لوالبوست ده كان جنبى , كنت دخلت فيهو عااادى ) اها هسى انت ما تأكلنا حنك , جايينا وسط الحفلة وعامل فيها بتبشر والودرقاااص يعنى اها اقول ليك حاجة , خال ميسرة زاتو مات !!!!!!!
Post: #100 Title: Re: ناس الزقازيق ... أجدع ناس (4) .. Author: منصور عبد الرازق Date: 01-15-2011, 10:54 AM Parent: #99
طبعا الأشارة للأحتفال , وللمجهود المبذول فيهو , من محسنة ميسرة ومنى (سيد احمد ) ومحمدعيد وميسرة ومن ثم تذكر فضل عصام دهب فى (خلق ) هذا البوست التلاحمى الفريد ومجهودات ريس الداخل , وكومندان جوة , وكومندان برة (الكان جوة ) ولمجهودات وحرص كل المتداخلين هى من باب لزوم ما يلزم , فمجرد الأشارة والتذكر , لا تعطيهم حقهم ولكن وعدكم باستمرار هذا التفاعل والتواصل الحميم , هى ثمرة الأحتفال والأحتفاء التى (تنضج ويقوى عودها باستمرار ) وهى زاد المسيرة ووقودها , احرقوا الجازولين يا ل(وابور جاز) ودوروا بينا (البلد دا )
صفية مساعد دى , يا ربى قدر ده حريصة على باندوث بكرى ولا شنو ؟؟؟ انتى كمان تعالى ادينا فاتحتنا , مشتاقين ياخ ,عليك ما بتتذكرى حفلة كابلى الزماااان , اسرة زراعة الزقازيق (محمد عيد ومجدى ومنصور ) بالتضامن مع اسرة امدرمان (صفية مساعد ومعاوية يحى ) عبد الكريم الكابلى , قاعة الصداقة , بعتى التذاكر ولا لسا يا دكتورة صفية ؟؟؟!!
Post: #101 Title: Re: ناس الزقازيق ... أجدع ناس (4) .. Author: محمد عيد Date: 01-15-2011, 11:13 AM Parent: #100
أحـــر التعازى لاخونا العزيز / مكــى حمزة فى وفاة خاله وابن عمه ... لهما الرحمة
Quote: طبعا فى اللحظة ديك , انا ما عرفت ادخل وين , لوالبوست ده كان جنبى , كنت دخلت فيهو عااادى ) اها هسى انت ما تأكلنا حنك , جايينا وسط الحفلة وعامل فيها بتبشر والودرقاااص يعنى اها اقول ليك حاجة , خال ميسرة زاتو مات !!!!!!!
منص يا منص
والله من هسه
الفاااااااااااااااااااااااااااتحة لكل من له/لها عزيز رحل او عزيزة رحلت
كلما يجي واحد مصري مسافر يسألني توصيني بحاقه من مصر... لا و الله سلامتك تمشي و ترجع بالسلامة ان شاء الله... لا و الله مش ممكن لازم تئول..نفسك في ايه... طيب جيبلي معاك فطير مشلتت... بس يكون بتاع فلاحين...ما تجيبليش بتاع المخابز... حاضر...عيني...بس كده... يمشي و يجي راجع بالسلامة... يجي شايل كيس شكلو كده ما فطير مشلتت... معليش سامحني أصلي انزنأت و ما عرفتش أقيب فطير... قبتلك لب عشان تأزأز بيه و انت بتتفرج على الماتش... اتكررت معاي الحكاية دي أكتر من مرة.. لحدي ما بقت كمية اللب العندي في البيت تكفيني لحدي آخر السنة... و ما زال ركب المسافرين الى مصر مستمر... و بقيت لما يصروا علي و يلحوا الحاحا... أقول ليهم جيبوا لي معاكم لب... أنا متأكد ان اللب جاي جاي... و يجيك الواحد راجع شايل اللب بفخر و اعتزاز... أهي الحاجة اللانت طلبتها.. كنت حأقيبلك حاجة تانية بس انت طلبت كده أعملك ايه...
حد عايز لب يا جماعة نصدر ليهو...
موسى و جلا...
كنت راضي تدللك براي بتحمل صعابي إلا ما برضى التجاهل لي شعوري لي عذابي
Post: #120 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-16-2011, 09:01 AM Parent: #118
صباح الخير ،،، يا وجوه الخير
أصبحنا وأصبح الملك لله وحده،،،
تغادرنا عصر اليوم الأخت العزيزة نوال البلول
إلى السودان بعد أن تماثلت للشفاء بعد العملية
الجراحية الكبيرة ونحن فرحين لأنها تعود إلى أولادها
وحزينين لفراقها ، على الرغم من معرفتنا الزقازيقية
بالأخت نوال إلا أننا تعرفنا على هذه الإنسانه الأصيله
أكثر وأكثر بجده ،،، تصحبك السلامة يا أختنا العزيزة
Post: #121 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-16-2011, 09:25 AM Parent: #120
Quote: ما زال صاحبي موسى عيسى مسجل غياب... أبقى ظاهر يا أبو عيسى...و الا...
أما صديقي الآخر جلا برضو مسجل غياب... ربما يكون الديسك مليان...ربما...
غايتو لو رشيت الزول دا ما أظن حيجيكم منص طلب منو يدينا فاتحتنا طوالي زولكم رشانا
Quote: الفاااااااااااااااااااااااااااتحة لكل من له/لها عزيز رحل او عزيزة رحلت
اخوان اخوات امات اباء اصول او فروع
وجيران اهل او حبايب
أخليهو و لا أرشو ليكم؟؟؟؟؟ أنا بستأذن السناير هنا أبو الزوز لأنك ما سنيري و برضو طاشي شبكة ما تعلق على مداخلتي دي لأنو حا تخربها و عارفك بعدين تقوم تعتذر....
يا جلا جمال السنوسي ده ترشوا بنلحقك امات طه ... هلالابي وخريج تجارة ومعارضة ومغترب في السعودية .. ومن الصحافة كمان ... يعني زول عنده حماية محل ما تقبل عشان كده اعمل حسابك ... انت صاحبك موسي عيسي ما قادر ترشو ... تجي ترش السناير الكبار ... اعمل حسابك رجعت الشبكة ...
Post: #129 Title: Re: ناس الزقازيق ... أجدع ناس (4) .. Author: أحمد إسماعيل Date: 01-16-2011, 03:51 PM Parent: #128
سلام ياكرام مسئولين من الخير وين ( أجدع ناس للتجارة والإستثمار المحدودة) وين عبد الحفيظ عباس وين كل الإخوة الذين متحركين في شأن هذه الشركة هذه الشركة لازم نهتم فيها ولازم تنجح لأتها بداية تجربة لمجموعة فاعلة (إمكانيات علمية ونوعية ومالية وعددية وإنتشارية وإسفيرية وعالمية ومحلية)
لقيت البوست راقد سلطة و متنفقل في الصفحة التانية قلت أكيد وردية الليل ناس القطاع الشرقي من العالم تكون ضربت الرز بي لبن و نامت بدري أما ناس القطاع الغربي الدوميكاني و صحبه بيكونو ناموالعصرية بتاعتهم أنا من ناس قطاع الشمال الشمال الجغرافي!!!!
نرجع لموضوع الإحتفالية بمناسبة البوست الجديد الإحتفال روعة و لا شك إلا أن الزمن لا يتناسب و الفرحة من المفترض أن نحتفل بالمئوية عند يوم الأرشفة و دا ما حصل إذن يوجد خلل المعالجة تقسيم المئوية على أربع يعني كل أرشفة ربعية يكون عندنا 25 ميل يعني كل شهر يكون عندنا 8 أميال و 33 مداخلة يعني 27 مداخلة يومياً تقريباً عشان كدا أنا سأكتفي ب مداخلتين يومياً و الله ولي التوفيق
Post: #135 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-17-2011, 05:39 AM Parent: #134
بدري يا محمد آدم نحنا جايين نخت الكراسي في ضل العصرية ونتفرج على الشباب بلعبو الدافوري نادي معاك موسى عيسي عشان يتذكر جولاته الكروية وامجاده الزقازيقية ونشرب الشاي بمزاج
أيها الشاعر الرقيق أين أنت منِّي لك أقول كما قالت بنتنا الكسلاوية
وأحتجتُ أن ألقاك
حين تربع الشوق المسافر وإستراح
وطفقتُ أبحث عنك
في مدن المنافي السافرات
بلا جناح
كان إحتياجي ..
أن تضمخ حوليَ الأرجاءَ
يا عطراً يزاور في الصباح
كان إحتياجي .. أن تجيءَ إليَّ مسبحة ً
تخفف وطأة الترحال ..
Post: #137 Title: Re: ناس الزقازيق ... أجدع ناس (4) .. Author: أحمد إسماعيل Date: 01-17-2011, 06:06 AM Parent: #135
أصبحنا وأصبح الملك لله رب العالمين مساء أمس إلتقت مجموعة طيبة من زقازيقاب الرياض بفندق قصر الستين بحي الملز بالأخ والزميل الدكتور /عمر عبد الله الذي قدم إلينا من كندا وإن شاء نوضح ذلك بالصور
Post: #145 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-17-2011, 09:03 AM Parent: #143
الاسبوع الفات جابو حلقة فى التلفزيون عن عوضية سمك نديكم نبذة بسيطة عنها لمن فاتتهم الحلقة
الخالة عوضية عبده امرأة عصامية وطموحة سقف طموحاتها ارتفع خلال سبعة عشر عاماً حتى وصل بها لتصبح أول تاجرة أسماك امرأة بموردة مدينة أم درمان. قصدناها لإجراء حوار معها فقابلتنا بترحاب فاق كثافة دخان صاج السمك الذي يرقد بجانبها وتمطره بين الحين والحين بوابل من السمك المتعدد الأنواع والأحجام والأسعار. جلسنا إليها في ونسة دقاقة نسألها عن مهنتها وحكايتها مع التجارة بالأسماك فقالت: أنا اسمي عوضية عبده عبد الله آدم، أسكن منطقة أمبدة وقصتي مع تحمير السمك بدأت قبل 17 سنة على شاطئ النيل بمحاذاة الموردة مع "السماكة" بدأت ببيع الشاي والزلابية ثم تدريجياً انتقلت إلى العمل في مجال الأسماك لأن العمل في مجال الشاي غير مريح. × أنتِ كامرأة هل كان من السهل لك الولوج في سوق السمك لتنافسي الرجال... أحكي لنا عن ذلك؟ -البداية بالنسبة لي كانت صعبة جداً أولاً لأنني امرأة وثانياً لأنني أعاني من إعاقة حركية كما تلاحظين.. ولكن قوة الإرادة والعزيمة والتوكل على الله هي التي أعانتني على تحقيق هدفي إضافة إلى المساعدات العظيمة التي قدمتها لي منظمة تحدي الإعاقة من تجهيز الشواية بهذا الشكل الذي يرضي كثيراً من الزبائن وشكل الشواية والمطعم واحدة من الحاجات التي حققت لي النجاح – بارك الله في منظمة تحدي الإعاقة. وجزأهم الله ألف خير. × هل الدعم هو الدافع الوحيد.. أم أن هنالك دوافع أخرى؟ مثل ماذا.. لم أفهم قصدك -أقصد إنتي يعني ما كنتي راغبة تتعلمي تحمير وشواء السمك وتسويقه لكي تحسني وضعك؟ في قصة كده حصلت لي في المستقبل مع شراء السمك هي التي دفعتني للتعرف على أنواع السمك ثم المتاجرة به وتجهيزه وطهيه وبيعه للزبائن هنا. × ممكن تحكي لينا القصة دي؟ أيوه جداً.. في البداية زي ما قلت ليك أنا كنت شغالة ببيع الشاي وظروفي كانت صعبة وفي مرة طلبت من واحد من تجار سمك يديني سمك أوديهو لأولادي في البيت قام جاب لي كيس كبير مليان.. فرحت بيهو شديد وديتو لأولادي لقيتو كلو كبده سمك... واليوم الثاني كلمت واحد من السماكة الطيبين... فزعلتوا الحكاية دي وقال لي دا ما كويس ومرات بيعمل تسمم فطلبت منه يعلمني نظافة السمك عشان أتعرف عليهو أكثر وفعلاً علمني الكثير عن السمك وأنواعه ويمكن دا الخلاني أخش مجال طهي السمك وبيعه فيما بعد.
× يعني دي ما كانت البداية؟ - أيوه وطبعاً ما كانت بداية ساهلة زي ما إنتي شايفة المنافسة شديدة ومرات المعروض بيكون أكثر من الطلب.. إضافة إلى المضايقات الشديدة والإجراءات بتاعة ناس المحلية. × ماذا عن أبنائك والتعليم؟ عندي اولاد وبنات والحمد لله فيهم البيقروا في الجامعات منهم مودة وجيهان. والأولاد منهم طارق المعاي في الشغل. × بالتأكيد رسوم الجامعة كثيرة هل دخلك يكفي؟ - بدفع رسوم الجامعة بالأقساط، بدفع 3 ملايين لطالبة واحدة والثانية مليون ونصف والحكاية صعبة جداً. كيف بتضعوا أسعار السمك؟ - السمكة الكبيرة زي دي من 20 إلى 15 جنيهاً وآخر سعر للطلب هو 7 ونصف جنيه وبتماشي مع الناس وفي ناس بيشتروا بخمسين جنيه وديل يكونوا مجموعة وفي ناس بي 30 جنيه. والحمد لله الزبائن زايدين كل يوم وأنا بعمل سمك بس. × هل بتشتغلي يومياً؟ من الساعة 8 صباحاً حتى 8 مساءً دون انقطاع وبشغل معاي أولادي وأخواني وبنات عمي حتى في الأمطار الشغل متواصل وما بنقطع وشهر رمضان بنعتبره راحة وإجازة وبجهز مصاريفو من بدري. × ذكرتي ناس المحلية بضايقوك.. كيف يعني؟ - هم خير وشر في وقت واحد. كانوا معذبني والآن بعد مساعدة المنظمة أموري مشت تمام. × لماذا اخترتي شارع الموردة دون غيره؟ - كنت في البداية في سوق الموردة فلما ضايقوني شديد والناس اضايقوا من وجودي معهم كامرأة انتقلت لدكان آخر برضو ضايقوني وبعد 30 يوم رحلت بعد ما لقيت مضايقة من الناس الحولي خاصة أصحاب الشوايات. حتى في واحد جاء ومسك الدكان الجمبي كمان. × ما هي الأشياء التي يفضلها الزبون مع السمك؟ طبعاً العيش والشطة والبصل والسلطة عشان غالية بيشتريها الزبون بألفين جنيه وبعد دا بنبيع سمك البلطي بـ10 جنيه والصغار من 9 إلى 10 جنيه والبرفض نديهو بـ7 جنيه. × هل قعدتي في الشوايات قبل ما تبيعي السمك؟ الشهادة لله قبل الشغل ما حصل أكلت طلب سمك لأنو ما عندي قروش آكل سمك وأشرب بارد كنت باكل فول وعيش بشاي لأنو الوراي كثير وأول مرة بعد اشتغلت اشتريت 7 ملايات للبيت أولادي قعدوا يكوركوا من الفرح الشديد وحسيت بالسعادة واليوم داك اتملت دموع الخالة عوضية بالدموع من الفرح.
× متى يرتفع سعر السمك؟ - في الصيف الشديد وفي موسم الخريف × أبرز الشخصيات من الزبائن؟ الليلة جانا مدير هيئة المرور ومن شدة الزحمة لم أنتبه إليه ومن كل المؤسسات لدي زبائن كتار. × الديكور الموجود بالمحل منو العملو؟ - عملتو جمعية المعاقين وكلفنا 2 مليون جنيه وناس الضرائب مصرين يدفعوني الضريبة والمفروض يعفوني لأني معاقة وبربي اولاد وبنات. × رسالة لمن تبعثيها؟ - إلى كل مسئول نقول ليهو بنصبر على أرزاقنا بالرغم من كل المضايقات الموجودة دائماً. × ذكرت إحدى النساء المشتريات للسمك بأن الخالة عوضية امرأة محترمة ومقدرة لأنها معاقة وتعمل وتشهد لها أنها لا تتمسك كثيراً في السعر يعني مجاملة مع أنها محتاجة للالتزامات. × وذكر أمين عام منظمة متحدي الإعاقة الفاضل موسى محمد والأستاذة مشاعر مصطفى قالوا إذا نجح المعاق في حياته لا يجب أن نكسر جناحاته وأن يعفى من الضريبة. وعلى الدولة تنفيذ هذا البند.. فعوضية تقوم بتشغيل المعاقين معها وكل يوم جمعة تقدم وجبة لسجن النساء بأم درمان وتساعد الفقراء وتعتبر أنها تعمل للبر والإحسان أكثر من التجارة.
Post: #144 Title: Re: ناس الزقازيق ... أجدع ناس (4) .. Author: محمد عيد Date: 01-17-2011, 08:43 AM Parent: #142
الف أهلا وسهلا بالشاعر الرقسق ..
والأديب الأريب .. عادل عبد الرحمن
نرجو ان يطيب لك المقام بيننا ...
فمكانك بيننا مازال شاغرا ..
وهذا البوست يتشوق الى أنفاسك الشعرية العطرة ...
مشكور للتحية ونرجو دوام التواجد ..!!!
&&&&&&&&&&
الاخ بتاع القطاع الشمالى .. صاحب النزعات اياها ...
اعتراضك على التوقيت لماذا لم يظهر حينما تم تحديد ذلك قبل الاحتفال باسبوع ؟؟ ...
بالله هســـه الداير رش منو ؟؟
عموما اقتراحك الاخير به بعض وجاهة ..
ومبدئيا سيكون هناك احتفال خاص بســعادتكم ...!! بس كيف يظهر موسى عيسى ..!
غايتو الصورة طالما فيها أحمد إسماعيل طوالي تبادر إلى ذهني حركة جديدة من دارفور بس لو طلع منها كمال الشادي و الناطق الرسمي للحركة الزول اللابس جاكت أبيض
أي زول بكون لابس جلابية ديل الناس المهمشين وه بالتحديد من ناس المعسكرااات عليك الله تخلوهو يقوم من الكرسي عشان منصور يقعد فيهو؟؟؟ أها دي زاتا الفوقية يعني عشان لابس جلابية؟؟؟ و بعدين بتاع السيرفيرس قلتو لهيو تعال الكمرة جاهزة و أخد الصورة خاصة و إنك جيت خاشي طرف
إنت يا جلال موبايلك دا تلاتين عشرة أبو كمرة؟؟؟؟ لأنو الصور واحدة مع إختلاف الناس القايمة و قاعدة تكون الذاكرة بتاعتو خربت وجاطت ليهو الصور يقوم ينسخ واحدة و يشيل نفس الصورة و يجيبها؟؟؟
عوض عبده خليل .... لو ما اخاف الكضب ..... بس مفاجأتك التانية دي حقوا الواحد يحرقها ليك .... انت عارف اي زول بيمشي المغرب لازك ياخد تاشيرة خروج مني الرابطة
Post: #161 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-17-2011, 10:42 AM Parent: #159
اهم حاجة د. عمر جاى جده متين
يا طارق اعمل حسابك عوض عبدو عندو ولدو الصغير عكليت خلاص زول خشن ومتخصص بجلد الشفع كان مجنن بنات عصام دهب جن بخمشهم ليك جنس خمش ، غايتو ارتحنا منهم لما نقلوه الطايف بس برضو مشتاقين ليهو كتير
Quote: هاك ياحبيب دا موبايلى ... اوعا تقول داير زيو
إنت زعلت و لا شنو يا دكتور؟؟؟؟
Quote: غايتو ارتحنا منهم لما نقلوه الطايف
و الله حقو الواحد يغترب مخصوص و كمان لي جدة بس عشان عندي واحد زي ولد عوض دا و يجي يجضم ليك الأمورات بتاعنك ديل
Post: #163 Title: Re: ناس الزقازيق ... أجدع ناس (4) .. Author: جلال عثمان Date: 01-17-2011, 11:21 AM Parent: #162
Quote: إنت زعلت و لا شنو يا دكتور؟؟؟؟
يعني الزول ما يقشر معاكم ولا شنو
اها بما انو الناس كلها طلعت ناقشة "اواد ابدو هليل" ننتظر مفاجاءة جبرييلا التانية
جبرييلا قلت لي دكتور عمر رفع عنه مسح الرأس في الوضوء
Post: #164 Title: Re: ناس الزقازيق ... أجدع ناس (4) .. Author: محمد عيد Date: 01-17-2011, 01:14 PM Parent: #163
سأل عالم تلميذ: منذ متى صحبتني؟
فقال التلميذ: منذ ثلاثة وثلاثين سنة...
فقال العالم: فماذا تعلمت مني في هذه الفترة؟ !
قال التلميذ: ثماني مسائل...
قال العالم: إنا لله وإنا إليه راجعون ذهب عمري معك ولم تتعلم الا ثماني مسائل؟ !
قال التلميذ: يا أستاذ لم أتعلم غيرها ولا أحب أن أكذب.
فقال الأستاذ: هات ما عندك لأسمع ...
قال التلميذ:
الأولي :
أني نظرت إلي الخلق فرأيت كل واحد يحب محبوبا فإذا ذهب إلي القبر فارقه محبوبه
فجعلت الحسنات محبوبي فإذا دخلت القبر دخلت معي .
الثانية:
أني نظرت إلي قول الله تعالي :
'وأما من خاف مقام ربه ونهى النفس عن الهوى فإن الجنة هي المأوى '
فأجهدت نفسي في دفع الهوى حتى استقرت علي طاعة الله
الثالثة :
أني نظرت إلي هذا الخلق فرأيت أن كل من معه شيء له قيمة حفظه حتي لا يضيع
ثم نظرت إلي قول الله تعالي: 'ما عندكم ينفذ وما عند الله باق'
فكلما وقع في يدي شيء ذو قيمة وجهته لله ليحفظه عنده .
الرابعة:
أني نظرت إلي الخلق فرأيت كل واحد يتباهي بماله أو حسبه أو نسبه،
ثم نظرت إلي قول الله تعالي: 'إن أكرمكم عند الله أتقاكم'
فعملت في التقوي حتي أكون عند الله كريما .
الخامسة:
أني نظرت في الخلق وهم يطعن بعضهم في بعض ويلعن بعضهم بعضا،
وأصل هذا كله الحسد،
ثم نظرت إلي قول الله عز وجل: ' نحن قسمنا بينهم معيشتهم في الحياة الدنيا '
فتركت الحسد واجتنبت الناس وعلمت ان القسمة من عند الله فتركت الحسد عني .
السادسة :
أني نظرت إلي الخلق يعادي بعضهم بعضا ويبغي بعضهم علي بعض ويقاتل بعضهم بعضا ونظرت إلي قول الله تعالي: 'إن الشيطان لكم عدو فاتخذوه عدوا '
فتركت عداوة الخلق وتفرغت لعداوة الشيطان وحده .
السابعة:
أني نظرت إلي الخلق فرأيت كل واحد منهم يكابد نفسه ويذلها في طلب الرزق
حتي انه قد يدخل فيما لا يحل له،
ونظرت إلي قول الله عز وجل: 'وما من دابة في الأرض إلا علي الله رزقها'
فعلمت أني واحد من هذه الدواب فاشتغلت بما لله عليّ وتركت ما لي عنده .
الثامنة :
أني نظرت إلي الخلق فرأيت كل مخلوق منهم متوكل علي مخلوق مثله, هذا علي ماله وهذا علي ضيعته وهذا علي صحته وهذا علي مركزه
ونظرت إلي قول الله تعالي 'ومن يتوكل علي الله فهو حسبه'
فتركت التوكل علي الخلق واجتهدت في التوكل علي الله .
Post: #165 Title: Re: ناس الزقازيق ... أجدع ناس (4) .. Author: أحمد إسماعيل Date: 01-17-2011, 02:39 PM Parent: #164
يا موسى عيسى بتاع القطاع الشمالي يقصد شننو بالكلام أدناه
غايتو الصورة طالما فيها أحمد إسماعيل طوالي تبادر إلى ذهني حركة جديدة من دارفور بس لو طلع منها كمال الشادي و الناطق الرسمي للحركة الزول اللابس جاكت أبيض
التحية للأخ الدكتور عمر عبد الله و الذي كانت آخر مرة شفناهو فيها كان الشعر يغطي أذنيه... الآن و بعد دخوله نادي المائة أصبح من الصعوبة التعرف عليه... نادي الميه ده فيهو جبريلا و حاتم جبارة و حاج الركز و جمال مصطفى و بس... ديل كم ؟؟؟ أرجو أن يطيب لك المقام أين ما حللت و ما عايز أدعي عليك و أقول ليك ربنا يرد غربتك...
جلال لكن وجاهة تتعدى الخيال (العبارة دي مستلفة من بت الشيخ)... لكن مالكم كلكم اتفقتو على اللون الرمادي ده... ما لقيتو ليكم لون بمبي و لا شنو...
و عيني بارده على صاحبي منصور... استعاد جزء كبير من رشاقته... التحية من هنا لبت الشيخ و التي فرضت حصارا قويا على منصور...
صاحبي موسى عيسى..الجاكت لكن ما رهيب... ذكرتني حسن عطية بالبدله البيضاء دي...
حاج الركز مبسوط و يتبسم ساكت... شعر انو مايكل جاكسون مع عمر عبد الله... أنا لو مكان حاج الركز اصاحب عمر عبد الله و حاتم جبارة و جبريلا... عشان يشعر بالخنفسه في وجودهم...
يا ناس الرياض و الله لماتكم دايما فيها نفس خاص بيكم... فيها روح جميلة و تنظيم جميل و مميز... خايف أقول ليكم ما انتو معاكم منصور و أنا عارفو بيحب الحكحكة... تقوموا تقولوا لي هو صاحبك عمل شنو غير جاء لابس الجاكيت بتاع الجلد ده... لكن دايما لماتكم تخلي الواحد يتمنى تجمعو معاكم لمة زي دي... ياخي ما تعملوا لينا حفلة كده على شرفنا... و ترسلوا لي زيارة و لأولادي... و تذاكر طيران لي و لأولادي... و أحجزوا لي في فندق خمسة نجوم بس... سبعة نجوم ما عايز... و بعد داك كان ما جيت لوموني...
Post: #170 Title: Re: ناس الزقازيق ... أجدع ناس (4) .. Author: أحمد إسماعيل Date: 01-18-2011, 05:45 AM Parent: #169
أصبحنا وأصبح الملك لله صور عفوية على هامش لقائنا بالدكتور عمر عبد الله نترك التعليق للأخ جلا ومن لف لفه
Post: #171 Title: Re: ناس الزقازيق ... أجدع ناس (4) .. Author: أحمد إسماعيل Date: 01-18-2011, 06:02 AM Parent: #170
Post: #172 Title: Re: ناس الزقازيق ... أجدع ناس (4) .. Author: أحمد إسماعيل Date: 01-18-2011, 06:04 AM Parent: #170
Post: #173 Title: Re: ناس الزقازيق ... أجدع ناس (4) .. Author: أحمد إسماعيل Date: 01-18-2011, 06:10 AM Parent: #172
Post: #175 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 01-18-2011, 06:23 AM Parent: #173
يا سلااااااااااام... د. عمر عدييييييييييل كدا... أكثر الجدعان تهذيبا ورقياً
والله أيام يا زمان
ويا ناس الرياض أبدا ما بتقصرو
ولمتكم في منتهى الروعة
والقشرة!!!
حاجة تمام
Post: #174 Title: Re: ناس الزقازيق ... أجدع ناس (4) .. Author: أحمد إسماعيل Date: 01-18-2011, 06:16 AM Parent: #172
Post: #176 Title: Re: ناس الزقازيق ... أجدع ناس (4) .. Author: جلال عثمان Date: 01-18-2011, 06:42 AM Parent: #174
Quote: يا ناس الرياض و الله لماتكم دايما فيها نفس خاص بيكم... فيها روح جميلة و تنظيم جميل و مميز... خايف أقول ليكم ما انتو معاكم منصور و أنا عارفو بيحب الحكحكة... تقوموا تقولوا لي هو صاحبك عمل شنو غير جاء لابس الجاكيت بتاع الجلد ده... لكن دايما لماتكم تخلي الواحد يتمنى تجمعو معاكم لمة زي دي... ياخي ما تعملوا لينا حفلة كده على شرفنا... و ترسلوا لي زيارة و لأولادي... و تذاكر طيران لي و لأولادي... و أحجزوا لي في فندق خمسة نجوم بس... سبعة نجوم ما عايز... و بعد داك كان ما جيت لوموني...
رش ياحبيبنا ... والله كم نتمنى ونشتهي ان تجمعنا بك لمة ان شاء الله في برج خليفة ... آخر دور عشان نحلق مع النجوم وشد حيلك الزيارة انا برسلا ليك ومعاها التذاكر .. وحجز الاوتيل.. وكل حاجة بس النبى فيك وانت جاي جيب لي معاك "همر" ان شاء الله موديل قديم ياخ الرياض دي من امس السماء "انقدت" فيها مطر شديد ياخ عاوز ليهو همر وبالعدم "سيكويا"
عارفك ما بتقصر يا ابو مهند
Post: #177 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-18-2011, 08:33 AM Parent: #176
والله يا عفاف يا بتي من قبيل غالبني اعلق ... يا ربي ده دفعه ... ولا واحد يشبهوا ... ما شاء الله عليه وجاهة ... واناقة ... اكيد الواحد حا يطلب نقلية الرياض ... محل الناس النضاف ... والله يا ناس الرياض عقدتوا النضيف ذاتو ....
Post: #181 Title: Re: ناس الزقازيق ... أجدع ناس (4) .. Author: منصور عبد الرازق Date: 01-18-2011, 09:14 AM Parent: #180
والقال ليكم منو , دفعة كان معانا الذ حاجة فى عبد المحسن ده , ان اسمو , دفعة عشان كدة الواحد ممكن يقول دفعتو عادى , عشان مافى اى زول قاعد يقول ليهو الا دفعة بس مافى زول بيقول دفعة كم لى درجة الناس كلها رشحته يفتتح الجلسة , ما دفعة عاد وكده دفعة الكان معانا ياناس , الليلة ما جانا
Post: #182 Title: Re: ناس الزقازيق ... أجدع ناس (4) .. Author: منصور عبد الرازق Date: 01-18-2011, 09:19 AM Parent: #181
وانما ترتفع المعنويات لأسباب ثلاث مطر منهمر تتلفت يمين تلقى موسى عيسى , تتلفت شمال , دكتور عمر قيل ثم اى واحد يقول ليك رشاقة والتانى يطلب سيكويا وبالعدم همر
Post: #184 Title: Re: ناس الزقازيق ... أجدع ناس (4) .. Author: منصور عبد الرازق Date: 01-18-2011, 09:35 AM Parent: #182
والجاكتات , ترفعن المعنويات كانت هذه مقولة قديمة واثيرة عند الحلبى الحبيب , رفعت نور الدين الذى كان , والى عهد مضى , يكمل معى (زيتون وجبنة ) بيضاء , مدغمسة فى صحن عشاء لا يمكن رؤيته او مشاهدته بالعين المجردة والجبنة والزيتون (لحداقتهما ) , وطيب معشرهما , ولاذع مذاقهما , وتضاد الوانهما يشكلان دائما , معن واذا ما اجتمعا , رماحا تأبى على التكسر , وتستعصى على الأنتشار رباطهما , يشبه سالب الأحداثيات الكهربية , وموجب العلاقات الأنسانية ومتعادل مباريات اصدقاء (رونالدو وزيدان ) اذا اردتم ابدالهما , بباجيو وحاتم جبارة , فلا ادنى مانع عندى , ولكن بعد استئذان موسى عيسى لماذا موسى عيسى بالذات باعتباره (موترا) اصيلا , و(فيسبا ) اصلية , عملت فى شوارع الزقازيق , سواة الركشة فى شوارع الصحافة ولا اقول (سواة العاصفة فى ساق الشتيل النى , وفعل السيل وكت يتحدر يكسح ما يفضل شىْ) ولكن دعونا نعود , للمعنويات المرتفعة , بفعل الجاكتات البرد رفيق المطر , والمطر عاوز دفأ , والدفا عاوز جاكيت , والجاكيت راقد فى السوق , والسوق عاوز ضحاكات والضحاكات عاوزة شركات , والشركات دايرة التسجيل , والتسجيل داير محامى , والمحامى عامل تقيل , والتقيل يعمل ريجيم والريجيم داير اصرار , والأصرار عاوز عزيمة , والعزيمة لازما خروف , والخروف عند المسلخ , والمسلخ عاوز مشوار , والمشوار داير عربية والعربية فى الكرين , والكرين داير محمد الهادى , ومحمد الهادى عايز باسويرد , والباسويرد داير واسطة , والواسطة عاوزة ابو الزوز وابو الزوز قاعد يبكى , والمنديل داير بهجة , والبهجة دايرة الربة , والربة عند احمد عوض , واحمد عوض فى السودان , والسودان وينو , اكلو الدودو وبس ________!!!!!!!!
Post: #185 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-18-2011, 09:49 AM Parent: #183
Quote: والله يا ناس الرياض عقدتوا النضيف ذاتو ....
من فوق هلهلة ومن تحت يعلم الله
الناس دى جاية خايجة موية المطر ولا شنو ...
مع انو اللقطة دى ممكن تقودنا الى نقطة مهمة جدا" بنشاهدها كل يوم فى قنواتنا الفضائية ، ليه الضيوف فى البرامج بيقدو ويمددو رجليهم كانهم قاعدين فى ضل الضحى ... كااااك
ابو الزوز والله الثاني لومته قلت ليه نحن عندنا فيك تلتين
Quote:
عمتي الزهرة سليمان ود كنيش الشهيرة بي الزهرة بت ككو
- انت يا عمتي دحين موش حجيتي - ايي يا ولدي احمد الله - قالولي خربتي الدنيي هناك - ههههه حج معاي عمك محمد سليمان وعمتك خضرة رحمهم الله - الرسول يا عمتي شن سويتي - يا ولدي لقيتي ايرانيات ولا خرابات لابسات أسود ويبكن ويكوركن ويس ك ل بن قمت سألت عمتك خضر: انت الخرابات ديل مالن يكوركن في الحج قالتلي يبكن علي النبي (ص) قلتلا نان هو النبي ميت من هسي البني ما مات من حياة جدي مالن فاتحات البكي تاني - ههههههههههههه م اظنها حجتك دي قايمي من بُكانها دة - قام عمك محمد رحمه الله قالي: يا الزهرة حجتك سمحة واقعة يوم جمعة يعني بي سبعة حجات اخديلك اربعة والباقي قسميهو علي عاشة وخالاتي - اها - قلتلو انا مارضتهن لامن ماتن رحمن الله حجتي آبديها ليهن والله ان بقيت فرشتها في سوق كريمة آبديها ليهن - هههههههههههههه الله يقلعك يا عمتي ماك نصيحي شي - والعجب يا ولدي الكبسة دي هرونا بيها هري زي الماروق قبل يلموه من تحت النعاج - هههههههههههههه
تواصل الأمطار الهطول صباح هذا اليوم... و يصبح الشارع منطقة خطرة يجب الابتعاد عنها... حيث أن الشباب الاماراتي ينتهزون هذه الفرصة للتفحيص أو التفحيط بالسيارات... التقيت أحدهم هذا الصباح و أدرت معه هذا الحوار... قلت له...شكلك ما نايم من البارحة... ايش دراك... مبين عليك انك ما نايم... صحيح..و الله أنا من البارحة أفحض بالسيارة لين الساعة ست الصبح... ليش شو السبب..هذا خطر على الناس و امكن تدعم ليك واحد... يا ريال كم مرة في السنة بينزل مطر... و بعدين شنو يعني لو دعمت واحد.. هذا يومه... بدفع الفلوس مالت الديه و خلاص... يا راجل تجلس سهران الليل بحاله و ترهق نفسك و تسوق سيارتك باهمال و تقولي يومه... هيه يومه...و الله أدوس على البترول و ما هماني شيء... فانهيت الحوار معه لأنه لا يفضي الى شيء... فقلت له روح...روح ناملك شويه و تعال كمل تفحيصك... عدد الذين ماتوا هنا في السلع وحدها بمثل هكذا حوادث عدد كبير... و لكن لم تتوقف تلك الممارسات... زمان عندما كنا صغارا كنا نفحص عند نزول الأمطار... و لكنه تفحيص يختلف عن هذا التفحيص... كنا نشابك أيدينا و ندور في حلقات و نردد... يا مطيرة صبي لينا...صبي لينا في عينينا...
Post: #204 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-19-2011, 06:00 AM Parent: #203
شفت يا رشدى ناس عادل رحمن كيف اللون البمبى لابسنو وضاربنو بوهية كمان على قول الدعاية الالمان وصلوو
يا احمد اسماعيل .... تجيبوا تايمة بتاع شنو اولاد تربية تراهم قاعدين مودبين الكلام فى الناس الواقفة قدام البوفية المفتوح وما عارفة تبدأ بسلطة الروب ولا الباسطة ...
Post: #205 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-19-2011, 06:17 AM Parent: #204
عبدالدائم صباح الخير
Quote: شفت يا رشدى ناس عادل رحمن كيف اللون البمبى لابسنو وضاربنو بوهية كمان على قول الدعاية الالمان وصلوو
عبدالدائم إنت الظاهر عليك مسحت صور ناس الزقازيق ما عرفت الزول الفوق ده واحد من جيلنا الذهبي الذي شارك مع موسى عيسى وأحمد أسماعيل وأسامة الطيب في دك حصون فريق تربية وهزيمتهم شر هزيمة في أكثر من مرة وميدان المدرسة العسكرية يشهد بذلك. بعدين عادل رحمن ده هندي وله ألماني
Post: #206 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-19-2011, 06:23 AM Parent: #205
يا هندى ما عرفتو ، لانى ما متعود اشوف ناس تجارة بالالوان زاهية
جيبو لي مغبش اكيد باقى الناس حتعرفو معاي
قال دك حصون قال
Post: #208 Title: Re: ناس الزقازيق ... أجدع ناس (4) .. Author: جلال عثمان Date: 01-19-2011, 06:40 AM Parent: #205
Quote: دك حصون فريق تربية وهزيمتهم شر هزيمة في أكثر من مرة وميدان المدرسة العسكرية يشهد بذلك.
هوي يا عادل والله الكلام دا بتابهو ... والله صاحبك تاج الدين دا صحيح كان حريف ومنقطا لكن كنا بنكرها ليهو عديل ... اسالوا من ولدنا طارق عثمان ود الدامر كان بقفلوا لما يقول الروب لكن والله بعد الشباب ديل اتخرجوا (موسى/اسامة/تاج) حقرنا بيكم حقارة خلينا ليك (رضا) يشرب ما يروى التحية لاولئك الشباب الرائعون وذلك الزمن الزين
والتحية للرشيد القاعد يتفرج في التفحيط وعبدالدائم والعنصرية "ظهرت"
Post: #207 Title: Re: ناس الزقازيق ... أجدع ناس (4) .. Author: أحمد إسماعيل Date: 01-19-2011, 06:34 AM Parent: #204
يا عبد الدائم الذين كانوا متقدمين أمام البوفيه المفتوح دكتور عمر والمخضرم منصور بكلامك ده قصد عديل لمنصور الأولى في الأحذية وعدت على خير والثانية حكاية مابعرف يبدا الأكل بالسلطة ولا الباسطة ، الله يكون في عونك مع منصور ، والحقيقة منصور رفض ان يبدا التعارف لأنه ماممكن يكون الأكبر في حضور تلك الصلعات ، إلا انه تقدم الصفوف لأنه كان برفقة دكتور عمر
Post: #209 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-19-2011, 06:49 AM Parent: #207
الاخ جلال
بعد ما أتخرجنا ممكن يكون حصل لكن من 84إلى 88 هزيمة واحدة من تربية وبقية المباريات لمصلحتنا. يا خي نحنا حتى المشجعين ما ساهلين أسألوا حلمي أحمد رقم الله وكيف قفز من المدرجات. وبعدين لعيبة تجارة وتربية موجودين معانا في المنبر خلي مولانا محمد صديق يجي بهنا.
يا أبو عمر الصورة بتاعت منصور في مكان السلطات دي ما نافعه... جيبو لي محل الأطايب عشان أرسل الصورة لي بت الشيخ عشان تشوف شغلها معاهو... بسبب حرصها الشديد صاحبي بقى يلبس جاكيت الجلد و الجزمة الكلاركس بتاعات أحمد...
ديدو...عرفت البمبي و طشيت من الراجل... احجز كوتك بتاعت الكركم بسرعة من محمد عيد... و خلي زهير يدفع ليك من صندوق التكافل...
جلجل...قلت أحكي ليكم مغامرات الصباح دي... و أفحط...
Quote: و الله في حالة دبرسة شديدة جدا علي حال السودان و مآلاته
و كنت حريصا علي عدم الفرح لولا اجبرني العزيز عادل عبدالرحمن
و قدر ينتزع منى و يخلخل دافع الاعتصام من كل شي , طبعا يالرشيد
إنت التاج دا ما بتكون حضرته بلغب في الزقازيق لانه بدأ من
سنة ثالثة يعني بعد تخرجك باربعة سنة حسب رواية منصور في اللقاء
السابق و بشهود الجميع بانك كنت الدفعة القدامه و ربته سنه
بقيت معاهم و عملت صحبه لكثرة الجكس حواليه
و أنا أقول العشراقة الدخلت فيني ليها كم يوم دي من شنو... أظنها من يوم لمتكم بتاعت الرياض القعدتو تقطعوا فيها... لكن عايز أقول ليك انها دي ضريبة النجومية...
أما عن حال السودان يا صديقي صحيح انها حالة تحزن و تقرف... لكن اعتكافنا و اعتصامنا لن يغير من الأمر شيء... بل على العكس تماما فلا بد من التحدث و التفاعل...
Post: #215 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-19-2011, 07:46 AM Parent: #207
يا موسي سلامات .... معليش خليني اقول ليك لكل مقام مقال .... ما عايز اقوم احد من حرية الناس واقول ما يتكلموا في السياسة ... لكن بعتقد انه السياسة امر خلافي .... ولا تجلب الا الشقاق ... وطبيعة هذا البوست طبيعة اجتماعية ... لا يعني ذلك بطبيعة الحال غض النظر عن اشياء هامة واحداث تمر بها البلاد ... ودي المحتاجة مننا للتفاعل ... ما عدا ذلك هذا البوست لا يحتمل مثل هذه النقاشات .... اعتقد بانك قد تتفهم وجهة نظري بحصافتك السياسية ... قد يكون 70% منا علي سبيل المثال ضد الانقاذ ... ولكننا ليس علي قلب رجل واحد ... علي سبيل المثال هنالك من ينادي بدولة تستند علي الشريعة والقوانين الاسلامية ومنا من يرفض ذلك جملة وتفصيلا ... مثل هذه المواضيع اذا ما طرحت هنا ستدمر هذا البوست ... علي العموم هنالك متسع من البوستات في المنبر العام لمناقشة الامر السياسي ... وكذلك هنالك بوستات للرياضة ... والتي ايضاً لا يمكن ان نناقش فيها السياسي ... وكذلك يمكن فتح بوستات في منبر ناس الزقازيق ... المابيهو ده وجاري منه ... وتعال نتعارك كما يحلو لنا ... في منبرنا هذا ... اتمني ان تكون وجهة نظري قد وصلت دون اي حساسية ... من هؤلاء او اولئك ... وللجميع المحبة والمودة ....
اتفق معك في ان هنالك اشياء لا يمكن ان نتغاضي عنها او نتجاوزها .... مثل حادثة جلد الفتاة ... او امر مصيري مثل انفصال الجنوب الذي له تبعات تهدد حتي وجود الوطن نفسه ... وهي مواضيع يمكن تناولها من زاوية بناء ونقد مؤسس ... انفصال الجنوب اصبح امراً واقعاً وهي مسالة وقت ليس الا ... يجب ان نتدارك الاخطاء التي ادت الي انفصال ذلك الجزء العزيز من وطننا ... حتي لا تنتقل العدوي لمناطق تنتظر اشارة البدء ... وهذه الاخطاء كثيرة منها ما هو شخصي في سلوكنا كمواطنين عاديين ... ومنها ما يتعلق بالسياسة والاحزاب السياسية دون فرز داخل او خارج الحكومة ....
Post: #219 Title: Re: ناس الزقازيق ... أجدع ناس (4) .. Author: محمد صديق Date: 01-19-2011, 09:27 AM Parent: #218
سلامات يا ناس
السلام عليكم جميعاً
Quote: عبدالدائم إنت الظاهر عليك مسحت صور ناس الزقازيق ما عرفت الزول الفوق ده واحد من جيلنا الذهبي الذي شارك مع موسى عيسى وأحمد أسماعيل وأسامة الطيب في دك حصون فريق تربية وهزيمتهم شر هزيمة في أكثر من مرة وميدان المدرسة العسكرية يشهد بذلك. بعدين عادل رحمن ده هندي وله ألماني
سلام يا عادل عبدالرحمن
وعساك بخير
ومرحباً بعودتك.
Post: #220 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-19-2011, 09:34 AM Parent: #219
أحترم حزنك يا موسى عن ما يدور بالسودان و أؤيد رش و أبو الزوز فيما ذهبا إليه عليك أن تأخذ خذ من عفاف طرف حبل الود بتاعاها الآن لأننا ماسكين الطرف الآخر و تمعن في الصورة في هذه اللحظة تمنيت أن أكون في الزقازيق بصحبته نلعب هارت أسبوعين و الفورة ما في زول يحصلها أو وست وهو زميلي و نكون على وشك نديك سيك إنت و أسامة نجد أن أسامة بوش في الآتو من اللعبة التانية و في النهاية نكتشف عندو آتو
الزول دا زمان كان لعبو في الكورة ما بطال لو جبتوهو في البوست دا أنا مخليهو ليكم وحا أجدع الباسويرد دا في الكوشة
Post: #223 Title: Re: ناس الزقازيق ... أجدع ناس (4) .. Author: منصور عبد الرازق Date: 01-19-2011, 09:57 AM Parent: #219
موسى عيسى معاهو حق عاوز يتنفس , لأنو مخنوق زى الناس كلهم وابو الزوز معاهو حق كمان عشان عاوز يحافظ على تواصل الناس واجتماعياتهم وانا كمان عندى حق , لأنو الكوت بتاعى جلد اصلى , وجزمتى كلاركس انجليزى بى ميتين ريال اها ----قلتو شنو ؟؟؟!!!
في هذه اللحظة تمنيت أن أكون في الزقازيق بصحبته نلعب هارت أسبوعين و الفورة ما في زول يحصلها أو وست وهو زميلي و نكون على وشك نديك سيك إنت و أسامة نجد أن أسامة بوش في الآتو من اللعبة التانية و في النهاية نكتشف عندو آتو
يا جلا :
اسامة حريف بيعرف كيف يتصرف لانو نوعكم دا ما بجدع الورق ساي
بس يا جلا انت كنت برضك حرامي اتو مره شلت اتو من الصندوق
العندك و جلدت و لمن قبضوك متلبس دكيت الورق عامل فيها نزيه
و قلت و كمان جابت ليها اتهامات و علي طول كسحت الاتحاد !!!
الغربية يا جلا الشباب كانو بمشوا الاتحاد لاغراض اخري يعني ناس
طارق جبريل برافق حاتم جبارة لانه حريف في التنس و ناس عادل الجعلي
امشى كدى ولا كدى يا حيمورة احمد عجوز ان شاء الله ما ينفعكم انت وهو تجو لابسين جلاليب وعمم لو رفعوها من رويساتكم دى الشعر الفيهم , ما يكمل سبيبتين !!!
عليك الله الله يا حيمورة لمن عجوز يغنى انا انا فى التمنى ديمة حبيبى ساجع كان ما قمت اخدت ليك نقزة , واوهب النقزة دى لى اخوك منصور وكمان لو خليت انعام تفك ليها زغرودة , امانة ما بتكون ريحتنى فى حنانى زاتو ياخ
Quote: عليك الله الله يا حيمورة لمن عجوز يغنى انا انا فى التمنى ديمة حبيبى ساجع كان ما قمت اخدت ليك نقزة , واوهب النقزة دى لى اخوك منصور وكمان لو خليت انعام تفك ليها زغرودة , امانة ما بتكون ريحتنى فى حنانى زاتو ياخ
بريحك يا ود عبد الرازق ...
مشتاقين والله الليلة احمد بالاوركسترا كمان .. يعني الما جاء الليلة حقو راح ...
Post: #236 Title: Re: ناس الزقازيق ... أجدع ناس (4) .. Author: محمد عيد Date: 01-19-2011, 01:31 PM Parent: #234
اختلاف الراي لا يفسد للود قضية
يحكى أن ثلاثة من العميان دخلوا في غرفة بها فيل..و طلب منهم أن يكتشفوا ما هو الفيل ليبدءوا في وصفه ..
بدءوا في تحسس الفيل و خرج كل منهم ليبدأ في الوصف
قال الأول : الفيل هو أربعة عمدان على الأرض !
قال الثاني : الفيل يشبه الثعبان تماما !
و قال الثالث : الفيل يشبه المكنسة !
و حين وجدوا أنهم مختلفون بدءوا في الشجار..و تمسك كل منهم برأيه و ر...احوا يتجادلون و يتهم كل منهم أنه كاذب و مدع !
بالتأكيد لاحظت أن الأول أمسك بأرجل الفيل ...و الثاني بخرطومه,و الثالث بذيله ..كل منهم كان يعتمد على برمجته و تجاربه السابقة..لكن ..هل التفتّ إلى تجارب الآخرين ؟
" من منهم على خطأ ؟ "
في القصة السابقة ..هل كان أحدهم يكذب ؟
بالتأكيد لا ..أليس كذلك ؟
من الطريف أن الكثيرين منا لا يستوعبون فكرة أن للحقيقة أكثر من وجه..فحين نختلف لا يعني هذا أن أحدنا على خطأ !!
قد نكون جميعا على صواب لكن كل منا يرى مالا يراه الآخر !
( إن لم تكن معنا فأنت ضدنا !)
Quote: ما عايز اقوم احد من حرية الناس واقول ما يتكلموا في السياسة ... لكن بعتقد انه السياسة امر خلافي .... ولا تجلب الا الشقاق ... وطبيعة هذا البوست طبيعة اجتماعية ... لا يعني ذلك بطبيعة الحال غض النظر عن اشياء هامة واحداث تمر بها البلاد ... ودي المحتاجة مننا للتفاعل ... ما عدا ذلك هذا البوست لا يحتمل مثل هذه النقاشات .... اعتقد بانك قد تتفهم وجهة نظري بحصافتك السياسية ... قد يكون 70% منا علي سبيل المثال ضد الانقاذ ... ولكننا ليس علي قلب رجل واحد ...
كلام سليم .. بس خلو الناس تأخد راحتها هنا وللا هناك العاوز يشارك بالرد مع صاحب الموضوع (السياسي)المطروح اليشارك والماعاوز يجلي الشغلة ويواصل مشواره المعتاد سلام لموسى ود عيسى
Post: #242 Title: Re: ناس الزقازيق ... أجدع ناس (4) .. Author: أحمد إسماعيل Date: 01-19-2011, 05:24 PM Parent: #241
السودان أصبح حقل تجارب الإنقاذ طبقت فيه كثير من النظريات وآخرها نظرية تجزئته إلى جزئين وممكن بكرة تشوف إذا تجزا إلى ثلاثة وبعدها إلى أربعة والله يستر ما يكون كل مدينة لها حاكم لذا حتما ولا بد نحي ونتحرك.
انا لله و انا اليه راجعون... و لا حول و لا قوة الا بالله...
أعزيكم و نفسي في رحيل الأخ الدكتور هاشم البنا... كما و نعزي أهله و ذويه و أصدقائه و نسأل الله لهم الصبر الجميل... أللهم لاتحرمنا أجره ولا تفتنا بعده واغفرلنا وله . أللهم تقبله وثبته بالقول الثابت .. أللهم تقبل دعاء المسلمين فيه برضاءٍ من عندك وعفواً وغفرانا .
رحم الله الاخ هاشم البنا رحمة واسعة واسكنه فسيح جناته مع الصديقين والشهداء .... له الرحمة والمغفرة ... ولا نقول الا ما يرضي الله انا لله وانا اليه راجعون ....
Post: #248 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-20-2011, 05:55 AM Parent: #247
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #251 Title: Re: ناس الزقازيق ... أجدع ناس (4) .. Author: أحمد إسماعيل Date: 01-20-2011, 06:05 AM Parent: #248
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #249 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-20-2011, 05:59 AM Parent: #247
زهير صباح الخير
الزول الفوق الختيت صوروتو ده منو بصراحة ما عرفته لكنه وجه مألوف
Quote: رحم الله الاخ هاشم البنا رحمة واسعة واسكنه فسيح جناته مع الصديقين والشهداء .... له الرحمة والمغفرة ... ولا نقول الا ما يرضي الله انا لله وانا اليه راجعون ....
Post: #256 Title: Re: ناس الزقازيق ... أجدع ناس (4) .. Author: محمد عيد Date: 01-20-2011, 07:17 AM Parent: #255
انا لله و انا اليه راجعون... و لا حول و لا قوة الا بالله...
أعزيكم و نفسي في رحيل الأخ الدكتور هاشم البنا... كما و نعزي أهله و ذويه و أصدقائه و نسأل الله لهم الصبر الجميل... أللهم لاتحرمنا أجره ولا تفتنا بعده واغفرلنا وله . أللهم تقبله وثبته بالقول الثابت .. أللهم تقبل دعاء المسلمين فيه برضاءٍ من عندك وعفواً وغفرانا .
أن تأتي متأخرا ... وفاهم الحاصل خيرا من ان لاتأتي ... أو تأتي ... مسطحا ... ضم الميم وكسر السين والطاء ....
انا لله وانا اليه راجعون ...
نسأل الله الرحمة والمغفرة لاخانا وزميلنا الراحل / هاشم البنا
ونتضرع اليه ان يجعله فى عليين مع الصديقين والصالحين
العزاء موصول لآل البنا وجموع الزقازيقاب
غايتو زعلت عمر نملة ... كيفتني ... وحردان موسي عيسي ... عشان تقسيم السودان ... زعلني ... وولادة عصام دهب للولد بعد تلاته بنات ... اداني الأمل للبنيه بعد تلاته أولاد ... الف مبروك وكمان البادي ده ماولدو ليهو ولد وهو مغترب جديد في قطر .... مليون مبروك وخرف ولدنا زهير الزناتي ... خوفني .... الدور جايي ... وعزوف ولدنا طارق جبريل ... عن كتابات الاجازة ... دبرس بي ودخول بتنا ابتهاج ... المتواصل ... ابهجنا ... واحتفالية الجزء الرابع ... بقيادة الريس ميسرة ومني يونس ... ومشكاة والمبدع محمد عيد .... فاتتني .... وظهور عادل عبدالرحمن ... الجاب صور التاج ... اسعدنا وجلسة الرياض ... احتفالا بدكتور عمر ... بالبدل الرماديه ... والجزم البي 200 ريال ... وطلبات الهمر ... والامطار ... خلتني اكتر استمتاعا ... ومحمد جلا ... جاييك بعدين ...
======================================================= زهير الزناتي كتب ابتهاج اول واحده في قائمة متواصلين البوست .... بالرغم من دخولها مؤخرا وكتبني آخر واحد بالرغم من دخولي للبوست يوميا من 4 سنوات ... طبعا ياشباب عشان ابجدية الحروف .... وليس رعشة الخوف .... من بنات الشيخ زهير ياحبيب ابدأ لينا قائمة الذين لم يتزوجو في الزقازيقاب ... ماتخاف النضيف بتمها ...
علمت من الاخ موسي عيسي ... ان الصلاة علي جثمان العزيز الراحل ستكون بعد صلاة العصر بمسجد الراجحي ... والدفن بمقابر النسيم .... رحم الله فقيدنا واسكنه فسيح جناته
Post: #267 Title: Re: ناس الزقازيق ... أجدع ناس (4) .. Author: محمد عيد Date: 01-20-2011, 11:54 AM Parent: #266
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #268 Title: Re: ناس الزقازيق ... أجدع ناس (4) .. Author: محمد عيد Date: 01-20-2011, 12:00 PM Parent: #267
الراحل العزيز .. فى احــدى جلســـات الزقازيق
مع الاحباب ..
بابكر بخيت - الرشيد بابكر - د. نجيب - رفعت نور الدين - كمال عبد البارى - عبده مضوى
نسأل الله الرحمة والمغفرة للأخ الزميل الراحل / هاشم البنا ونتضرع اليه ان يجعله فى عليين مع الصديقين والصالحين وان يتقبله القبول الحسن خالص التعازي لجميع أسرة الفقيد وزملائه ولا حول ولا قوة الا بالله
نسأل الله الرحمة والمغفرة للأخ الزميل الراحل / هاشم البنا ونتضرع اليه ان يجعله فى عليين مع الصديقين والصالحين وان يتقبله القبول الحسن خالص التعازي لجميع أسرة الفقيد وزملائه ولا حول ولا قوة الا بالله
Post: #271 Title: Re: ناس الزقازيق ... أجدع ناس (4) .. Author: أحمد إسماعيل Date: 01-20-2011, 04:16 PM Parent: #269
عندي ثنائيات كثيرة من لقائنا بدكتور عمر كلما وجدت البوست إدردق لجوة بجيبوا الصفحة الأولى بواحدة من الصور كهذه
Post: #272 Title: Re: ناس الزقازيق ... أجدع ناس (4) .. Author: أحمد إسماعيل Date: 01-20-2011, 05:13 PM Parent: #271
أسال الله تعالى أن يتغمد فقيدنا الراحل الدكتور / هاشم البنا بواسع رحمته و عظيم مغفرته و أن يدخله فسيح جناته و أن يلهم أسرته و أصدقائه و زملائه الصبر الجميل على فقده .. التعازي الصادقة لأسرة الفقيد و لكل الزقازيقاب في مصابهم و فقدهم و الدعوات الصادقات لله تعالى أن يرحم فقيدنا و يسكنه الفراديس العلى من الجنان ..
Post: #284 Title: Re: ناس الزقازيق ... أجدع ناس (4) .. Author: منصور عبد الرازق Date: 01-22-2011, 09:35 AM Parent: #282
بالدمع السخين , ودعنا هاشم ود البنا , عصر الخميس واريناه الثرى , وسط دعوات الناس وحبهم الظاهر من الزقازيقاب كان هناك عدد مقدر وحزنى على دكتور هاشم البنا , حزن مضاعف , لأننى لم اقابله فى هذه الرياض وهو المستقر فيها , كما انا , منذ زمن طويل تبرلمنا , بدايات حضورنا للزقازيق , على ايادى العديد من الزقازيقاب اصحاب السراير البيضاء النظيفة فى شقة عمارة جودة عمار , العالية شديدة العلو سكنا فى مواجهتهم , اول سنواتنا فى الزقازيق كان معه فى نفس الشقة , دكتور ازهرى حمدتو , دكتور خليل , حسين شنقراى (تجارة ) ومعاهم دكتور عبد الله احمد عبد الله الذى صادفناه فى الدفن يبكى صديق عمره من ايام الزقازيق , لم نقابل دكتور عبد الله , الا فى مقابر النسيم , دافنين لدكتور هاشم البنا (يا معتصم جعفر ) شفتوا الدنيا دى كيف حكى لى ضيفنا المحتفى به دكتور عمر القادم من كندا , انه اتصل على دكتور هاشم البنا مرتين خلال وجوده فى الرياض عدم رد دكتور هاشم على تلفون دكتور عمر , خلاهو يرسل ليهو رسالة معرفا فيها بنفسه ومعربا عن رغبته الملحة فى المقابلة قال لى دكتور عمر ان للدكتور هاشم افضال برلمة ورعاية باعتبارهم زملاء كلية واحدة , لا تعد ولا تحصى , تجعله فى اشد الحرص لمقابلة هذا الرجل عدم رد دكتور هاشم على مكالمات دكتور عمر الذى اجتهد اجتهادا كبيرا فى الحصول على رقمه , ثم عدم رده على الرسالة زاد من قلق دكتور عمر على دكتور هاشم قال لى دكتور عمر , ليس هناك ادنى شك فى ان دكتور هاشم ليس بخير لو تلفونه صحيح , وقرا الرسالة , فان عدم اتصاله من المستحيلات لأنه ببساطة , رجل بشوش وحبوب حتى لمن لا يعرف , فكيف بمن يعرف ولم يلاقى سنين عددا صدق حس دكتور عمر , فدكتور هاشم ساعة الرسالة كان يصارع المرض , وصادف ذلك موعد احتفالنا الأسبوع الماضى بدكتور عمر وهاهو دكتور عمر يحضر دافنته , بدلا من ان يلاقيه ويسعد بذكريات الماضى والوفاء لها رحم الله دكتور هاشم البنا , وادخله فسيح جنانه , مع الصديقين والشهداء , وحسن اولئك رفيقا
Post: #283 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 01-22-2011, 09:08 AM Parent: #281
صباح الورد يا زقازيقاب
بالمناسبة أخبار موقعنا الزمان مع الهكر الحصل فيهو شنو
يعني خلاص ما فيهو أمل
موسى عيسى ومحمد صديق وجلا وكل الكورنجية دعوة للمرور في البوست الخاص بوداع التاج محجوب في مسقط بعد قرر العودة للسودان
أصالة عن نفسي ونيابة عن الأسرة الكريمة في كل مكان نتقدم بجزيل الشكر والامتنان للإخوة والاصدقاء:
ميسرة سيد احمد احمد اسماعيل الرشيد بابكر عبدالدائم سيد احمد محمد صديق دكتور خالد محي الدين معتصم سلمان جعفر منصورعبدالرازق عمر المهدي عبدالحفيظ عباس محمد عيد جلال عثمان عادل الحسين .
.ولكل من قدم لنا واجب العزاء.. بالاتصال او عبرالرسائل او بالحضور.. وهذا إن دل على شيء فإنما يدل على طيب أصلكم وصادق شعوركم..لقد عجزت أن أُسطر ما تستحقونه من الثناء والإجلال والتقدير والعرفان ولكل من اتصل معزيا من كل مكان أومن حضر بنفسه معزيا ومواسيا وللذين حالت ظروفهم الوصول ..
اشكركم جزيل الشكر إذ بحضوركم وباتصالكم خففتم عنا وواسيتمونا كثيرا أسال الله العلي القدير ان يجعل ذلك في موازين حسناتكم وأن لا يريكم مكروها في عزيز لديكم ..يارب
اللـهـم انه عبدك و ابن عبدك و ابن امتك مات و هو يشهد لك بالوحدانية و لرسولك بالشهادة فأغفر له إنك انت الغفاراللـهـم لا تحرمنا اجره ولا تفتنا بعده و اغفر لنا و له و اجمعنا معه في جنات النعيم يا رب العالمين .. اللـهـم انزل علي اهله الصبر والسلوان و ارضهم بقضائك.
اللـهـم ثبتهم علي القول الثابت في الحياه الدنيا وفي الاخره ويوم يقوم الاشهاد. نسأل الله له واسع الرحمة وعظيم المغفرة إنا لله وإنا إليه راجعون ،،،،
مكي احمد حمزة
Post: #289 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 01-22-2011, 04:20 PM Parent: #288
بسم الله الرحمن الرحيم
( وبشر الصابرين الذين اذا اصابتهم مصيبة قالوا إنا لله وإنا اليه راجعون )
والله إنا لفقدك لمحزونون ...وإنا لفراقك لمكلومون ... كنت بالامس هرماً شامخاً بيننا ... كنت ثغرا باسما بيننا... واليوم قلوبنا يعصرها الحزن واعيوننا تفيض دمعا لفراقك ..ايها العزيز
لكن لانقول الا ما يرضي الله
( إنا لله وإنا اليه راجعون )
نسأل الله ان يتغمد عزيننا دكتور هاشم برحمته وان يلزم اهله زاسرته الصير الجميل
.. . فى اى علاقة تربطنى بالناس ديل ؟؟ ديل دفعة سنة كم ؟؟ رجاااال كبار عددديل والله .. مش قلت ليكم انتو قريتو الخلوة حتى سن 11 سنة وجابوكم المدرسة .. وانحنا اولاد معلمين دخلنا سن 4 سنوات ..
يا زهير يا زناتى ياخى انت مالك استيعابك فى الفيسبوك تقيل كدا اقول ليك انا بستمع للقاء فى الراديو .. تقول لى عروس هاتش باك وكورة برشلونة .. ياخى نحن عايشين حياتنا
المهم
امس كنت فى اجتماع باحد الفيلل الراقية بمنطقة المظلات اجتماع ضم عدد من الوزراء ورجالات التعليم والمجتمع الاقتصادى والسياسيى فى لقاء مجلس الامناء المختص ببناء مستشفى سرطان الاطفال وبالله ننتظر لاحقا علاقاتكم ودعمكم المادى والمعنوى وكل وسائل الفندريزنغ المتاحة لكم ..
المهم غادرت بعد انقضاء الاجتماع فى تمام الساعة 10:30 ليلا .. والواحد لمن قاصد بيت الريس معتصم تحركت يدى للراديو فادرت الاذاعة المحببة ولافضل FM100 فجاة اسمع ليك المذيعة تقول : ارحب بالكاتب والمترجم مجدى النعيم فى لقاء اليوم .. الخ اها المشوار دا ماخد معاى 30 دقيقة وانا استمتع بالحوار السلس مع مجدى النعيم وحقيقة استمتعت خلال اللقاء باغنيات للكاشف .. وتحدث مجدى عن مسيرتة ككاتب للقصة القصيرة وقرأت المذيعة نصوص ادبية من قصة ( العطر ) التى جسدت قصة جثمان امراة فى اطار فلسفى ومزج للغة العربية الفصحى مع اللهجة العامية واحتوت على مسميات لم نذكرها من سنوات مضت كنستاتازيا.. وتحدث مجدى عن من كان لهم اثر فى تشجيعه وتحميسة منهم الشرقاوى وما اثار عجبنى ان قال: لخالد كودى اثر فى صقل موهبته اندهشت .. خالد كودى .. !! وتحدث مجدى عن حياتة العملية فى مجال الترجمه الفورية وتحدث عن كلية التربية والادب الانجليزى .. بس غايتو ما جاب سيرة الزقازيق نهائى :( واوضح غياب المترجمين ودوره ونشاطه ..حقيقة كان لقاء ارشادى ونصائحى وتطرق لنقاط هامه حول كيفية صقل الموهبة .. كما عبر منه للسياسة والووضع الراهن .. حقيقة كنت استمع واقارن بين مجدى النعيم فى اركان النقاش ومجدى النعيم الان .. فرق شاسع فرغم قدم مقدرته الا انه بالامس كان فى نظرى متحدث لبق .. ومثقف عال .. واديب رائع وسياسي بارع ..
وصلت المنزل الساعة 11:00 ليلا وفتحت الراديو ايضا ووجدت الحوار ما زال متواصلا حتى الساعة 12:00 .. وكل شوية اقول لزهير ياخى انا متابع مجدى النعيم يقول لى مبارة برشلونة ..
اذكر ان اخر لقاء لى مع مجدى كان منذ عامين فى مدينة جوبا او اظن رمبيك فى صالة الديسكو .. فى ليلة رائعة جلسنا معا حتى الساعة الثالثة صباحا .. واهدى لى هدية قيمة :) واستودعته فى الصباح الباكر كل الى وجهته و كان لا يزال يحمل شنطته فى كتفه فقط تغيرت فى محتواها من منشورات الى لاب توب ..هكذا اجابنى ضاحكا عندما سالته عن المحتوى ..
التحية للاخ مجدى ولكل الزقازيقاب فى نجاحاتهم فى حياتهم العملية .. وتطورهم
------
اتمنى من له رقم اتصال بالاخ مجدى النعيم ارساله لى او ضعه هنا او فى صفحة عناوين وتلفونات .. فهناك شخص يسال عنه بشدة ..
Post: #296 Title: Re: ناس الزقازيق ... أجدع ناس (4) .. Author: محمد عيد Date: 01-23-2011, 02:53 PM Parent: #295
من شابــه أبـــاه فمــا ظلم ..!
عبد الدايم ... تعليقك ..؟
Post: #297 Title: Re: ناس الزقازيق ... أجدع ناس (4) .. Author: أحمد إسماعيل Date: 01-23-2011, 04:18 PM Parent: #296
تصدق ياصالح أبو شال (ابوصلعة) الفي يمين الصورة يكون برلومك كمان
Quote: والله، يا طارق، حضورك دا في السلك، لأنو صاحبك محتار بعد ما زار الزقازيق بعد السنوات دي، وعايز شوية فضفضة. أولا: لو مشيت الزقازيق هسع حا تروح. كان معاي أحد أدباء الشرقية مرافقا. قلت له عايز أشوف حياتنا وأنحنا طلاب. مشيت لقيت دار الكتب اتهدمت. مرينا بجسر الشبان المسلمين. لا أثر للمحلج على الضفة الأخرى وتلاجة زهير الزناتي المسنودة بأشياء مثل الكرسي. قامت هناك مجمعات سكنية عملاقة من قبل أحد البنوك. ثم قلت أشم ريحة أصدقائي ياسر السراج وعابدين وزمرة المستقلين بعد المعهد التجاري وعبثا باءت محاولاتي للعثور على شقة السراج الأرضية تلك. قلنا كويس نتجاوز عمر أفندي وشقة عوض المفتاح ذات البشاكير التي تشبه دكان الحلاق خلال حرب الخليج الأولى ونخش على شارع الشهيد حيث بيت الطالبات. ولم أتعرف على تلك البناية. ربما لأن الواحد كان يمر من هناك ماسكا قلبه في يده. كبكبة!. المهم عند تقاطع الشهيد مع القومية قلنا نمشي دار الاتحاد وصورة أركان نقاش عادل الجعلي وصابون أومو في ذهني. لم نعثر هناك على مبنى الاتحاد تماما. قامت في مكانه عمارة سكنية ضخمة يتواضع أمامها مركز جاويش الطبي الذي أُذيلت مصطبته التي تذكرك بمجتبى فاروق وسريته فيما يتعلق باعتصام السفارة. واتجهنا صوب مساكن الجامعة حيث تشاركت السطح في بناية تتوسط الحقول والجواميس مع المرحوم أسامة محمد صالح ولم نتوصل إليها إلا بعد السؤال هنا وهناك. وعند ناصية زراعة بدت أبراج سكنية عملاقة ماحية كل أثر لتلك الذكريات عن محمد حسن ومناهل ومعتصم وغيرهم. أما كازينو النهر حيث كنا نلتقي هناك أحيانا صديقنا الطبيب الحوري فقد زال تماما عن الوجود. قام في مكانه مركز إعلامي ومركز سوزان مبارك للطفل ولم يتبق منه سوى شجرة توت. المهم، تحياتي.
Post: #301 Title: Re: ناس الزقازيق ... أجدع ناس (4) .. Author: أحمد إسماعيل Date: 01-24-2011, 06:25 AM Parent: #300
الأخ زهير صباح الخير 000 أفتكر المحتاجين تعريف هم أبو شال في اللقطة السابقة وهوالفاتح علي عبد الله - تجارة اما في هذه الصورة ونمرة 3 وقوفامن اليمينن هو 00 محي الدين عابدين تجارة 00 وآخر واحد وقوفا هو عبد المحسن دفعة 00 تربية الجالسين من اليمين 00 الصادق أبو سكين والذي بعد دكتور عمر 00 حبيب الله قدام تربية
Post: #302 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-24-2011, 06:35 AM Parent: #300
Quote: آآآآآآخ لو اعرف اسم كريم الشعر او الوكيل للكريم البستعملو عمر نملة له ولولـدو
كان رسلت علبتين لطارق جبريل وحاتم ...
نحن قطعنا فاتورة الحاجات دي بعد التخرج
Post: #308 Title: Re: ناس الزقازيق ... أجدع ناس (4) .. Author: منصور عبد الرازق Date: 01-24-2011, 10:22 AM Parent: #306
هاهى صفحة الكتابة الرابعة ,تلوح فى الأفق انتظار الأشياء , قد يفسدها , بعض الاحيان تركنا حائط كتابتنا الأخير , مطليا بلون الحياة والتواصل اذا كان العدد والترقيم ذوا اهمية ما , فاننا كنا فى وش الطلاء الثالث والتسعون لكن بكرى ابو بكر , غدر بنا ونحن على مشارف المئة الفرق شنو بين تلاتة وتسعين ومية , سبعة وشوش طلاء كاملات , تحتاج الى جردلين بوماستك , وتلاتة جرادل جير ابيض !!! يعنى شنو طيب , بالحساب القديم , فان (الفورة ام مية ) , ما تزال على مرمى (تلاثة وشوش طلاء كاملة ) وجرادل بوماستكنا , لا ندرى لو كانت بتكفى ولا لا احساس الجوع , بدا ينتابنى , ويتاورنى الهجعة بعد الهجعة وصوت المطر , وكون ان الشمس فى (اجازة ) , يحد من ساعات اليوم , حد الأحساس ان (لا بركة فيها ) ليست اربعة وعشرون بالتأكيد وليست سبعة ايام ما فى ذلك شك
محاولة لا ادرى مدى نجاحها (بعد صدقها ) , فى محو تاتاة بدات تصيب (اعضاء حسى ) تست ------- تست --------- تست تأتاة اخيرة , وتلعثم ختامى
Post: #309 Title: Re: ناس الزقازيق ... أجدع ناس (4) .. Author: منصور عبد الرازق Date: 01-24-2011, 10:42 AM Parent: #308
ما ياهو كلام الطير فى الباقير مش عاوزين ترسلو الكريم بتاع ناس نملوز لى حاتم وطارق ؟؟؟؟ عشان يختوهو وين ما عارف كلامى الأخير ده , اعتبروهو من ذات فصيلة الكلام الدنيا فى البيت , امتحانات الدنيا فى الشغل , انشغالات والدنيا فى الشارع , برد لمن عوارات والدنيا فى السودان , احتقانات والدنيا عند البادى , مولود جديد واحتفالات وعند زهير الزناتى , فيسبوكات والرشيد مسجل غيابات وجلا , روحات وجيات
Quote: الدنيا فى البيت , امتحانات الدنيا فى الشغل , انشغالات والدنيا فى الشارع , برد لمن عوارات والدنيا فى السودان , احتقانات والدنيا عند البادى , مولود جديد واحتفالات وعند زهير الزناتى , فيسبوكات والرشيد مسجل غيابات وجلا , روحات وجيات
اللهم اهدنا و اهد بنا العنوان: حلة ماشي غادي اسم الشارع شارع بيتنا منزل تانية ناصية منزل رقم خليهو في حنانك إنشاء الله الزول دا يكون عرف الوصف و يصلني!!!!!!
صعيدى رشح نفسه فى الانتخابات كتب تحت صورته و عسى ان تكرهوا شئ و هو خير لكم ************ ********* **** صعيدى رجع من الشغل لقى مراته مطبختش فزعل و دخل نام فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع ************ ********* **** تاجر مخدرات راح يخطب واحدة فأبوها بيسأله انت بتشتغل ايه؟ قال له فنى تكييف ************ ********* **** واحد راح لشيخ و قال له هو ينفع اصلى جماعة وراالامام فى التليفزيون؟ قال له ما تحط ملايه سودا على التلاجة و تحج بالمرة ! ************ ********* **** واحد مصرى اتجوز واحدة صينية باسها بوستين و باظت ************ ********* **** صعيدى دعى ربنا 15 سنة يرزقه بولد نزل ملك من السما قال له ابوس ايد امك اتجوز الأول ************ ********* **** واحد بيقول لحبيبته يمكن مكونش غنى و لا عندى فلوس ولا فيلا و لا عربية زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن ************ ********* **** مذيع بيسأل صعيدى: أحمد زويل اخد جايزة نوبل فى ايه؟؟ قال له فى علبة قطيفة حمرا ********* **** هو ليه فى سندباد و مفيش هندباد؟ مع ان فى جوز هند بس مفيش جوز سند! و ليه فى شهرزاد و مفيش اسبوع زاد او نقص؟؟ و ليه فى باكستانى و مفيش باكستالت ولا رابع؟؟ اكيد ربنا له حكمة.. محشش يتأمل ملكوت الله ******* صعيدى فى الجيش بيقول لعسكرى زميله فى الحرب: انت من دشنا؟؟ قال له لأ راح ضربه بالنار و قال له تبقى من ديش العدو ******* ندل انقذ شخص كان بيتحرق كرموه و سألوه ايه سبب شجاعتك؟ قال لهم انقذته لسببين الاول: علشان ميموتش شهيد الثانى: علشان يعيش بقية حياته مشوه ******* ظابط قبض على طفل بيشم قال له الشمام الصغير اسمه ايه؟؟ قال له كنتالوب يا باشا ******* صعيدى شغال سواق تاكسى فى الصين كل ما حد يشاورله يقول له : ابو شكلك انا لسة موصلك ******* واحد بيقول لصاحبه بتحب ابوك ولا اللحمة؟؟ قال له انت عبيط دى الشوربة بس برقبته ******* عصفور صدمته عربية و اغمى عليه صاحب العربية وقف و اخده البيت و حطه فى قفص صحى العصفور لقى نفسه فى القفص مسجون قال معقوله يكون الراجل مات !! ******* صعيدى طلب يتعين فى مجلس الشعب قالوا له انت اهبل ! قال لهم يعنى لازم الشرط ده؟؟ ******* صعيدى بيقول للتانى: بيجولوا البابا شنوده وجع فى البانيو رجله اتكسرت التانى قال له : ايه البانيو ده؟؟ قال له : و انا ايش عرفنى هوا انا مسيحى؟ ******* سألوا صعيدى ايه اخبار الصيام؟ رد و قال و الله لولا الوضوء كنا متنا من العطش ******* صعيدى عايز يشنق نفسه من رجليه سألوه ليه؟ قال جربت من رقبتى كنت هموت ****** واحد واقف ادام الكعبة بيدعى يارب سامحنى على كل كلمة قلتها على الصعايدة فواحد صعيدى وراه قال له هى القبلة ازاى؟ قال له شفت يارب هما اللى بينكشونى ******* ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتادن و عمرك ما ركعتها ******* محشش بيقول لصيدلى عندك شريط للبرد؟ قاله اه قاله شغله خلينا نسمع ******* بخيل عمل شوربة لحمة سألوه فين اللحمة؟ قال لهم : يعنى هوا شاى العروسة فيه عروسة؟ ***** واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟ ******* واحد صعيدى مثقف اوى بعت رساله لاخوه بيقول له: Open happy wrote his book on in in Friday يقصد: فتحى سعيد كتب كتابه على فيفى جمعه ******* محشش وقفوه فى كمين سألوه مش رابط الحزام ليه؟ رد انا اصلا مش لابس البنطلون ******* واحد مسطول ماشى بعربيته عكس الاتجاه سمع المذيعة فى الراديو بتقول: الشرطة تلاحق واحد يمشى عكس الاتجاه قال لنفسه: هههه هوا واحد بس دنا شايف عشرين لحد دلوقتى ******* راجل قام من النوم على صوت زعيق سأل الجيران فى ايه؟ قالوا له تصدق المياه مسممة مراته صحيت سألته فى ايه؟ قال لها : المياه هتقطع اشربى و نامى
******* صعيدى قاعد على الشط شاف واحد بيغرق كل ما يرفع ايده يقول له و عليكم السلام و رحمة الله ******* سألوا مصرى ليه المصريين بيحلفوا كتير؟ قال: طب و الله العظيم دى اشاعة قسما بالله ده افترى و المصحف ما صحيح و عهد الله ده ظلم و ربنا احنا مش كدة ******* صعيدى مش عايز يرد على صاحبه بعتله رساله انا ناسى الموبيل فى البيت ******* واحدة بتقول لشيخ انا بصلى و محجبة و بقرأ قرءان قال لها ده مفتاح الجنة واحدة تانية بتقوله انا بحب البس شورتات و مايوهات قال لها و ده مفتاح الشقة ******* واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة ******* صعيدى سرق مليون جنيه خدهم و شالهم فى حفرة و كتب "مفيش فلوس هنا" راح حمدان ابن عمه خدهم و كتب " حمدان مخدش حاجة" ******* واحد و مراته متخانقين و هما مسافرين بالعربية شافوا عزبة بقر قال لها يقربولك دول؟ قالت له اه دول اهل جوزى ******* صعيدى مسكوه مع شبكة ارهابية قالوا له ايه اخر عملية عملتها؟ قال البواسير *******
أسباب كثيرة كانت وراء اختفائي في الأيام الماضية... و ان تعددت الأسباب فهي في محصلتها النهائية انشغال أو مشغولية... و أنا و ان غبت فمن أعماق قلبي أعتذر عن الغياب... و أشكر صديقي و توأما روحي محمد عيد و منصور على السؤال... و على الاتصال و على النداء الحبيب الحميم من محمد عيد...
أجد ان العلاقة التي تربطني بأبو الزوز تعطيني الحق في قول أي شيء... هنالك ما أهمس له به وحده في أذنه و هو كثير و بعضه أجاهر به على صفات الأسافير... و هنا أقول له اذا كانت حالة البوست هي التي دفعت بك الى صفحات الفيس بوك... فانني أجد ان البوست ستسوء حالته أكثر و أكثر... و سيصبح مثل جريدة الوسيط نأتي اليه لنشر الاعلانات المجانية.... و ان كانت هي للتواصل مع من ليس له عضوية في سودانيز أون لاين... فانه هدف نبيل و لكنه يأخذ الكثير من الوقت الذي تحججون جميعا بأنكم لا تملكونه... ليس هنالك من بديل لهذا المنبر الا موقع خاص بنا كالسابق يجمع الجميع...
ضحكنا أنا و بت الشيخ كما لم نضحك من قبل على نكت ياسر نجيلة... فبعضها أقرأه أو أسمعه لأول مرة ... و أكتر اتنين عجبوني يا ياسر...بتاعت المساج....و العايز يصلي وراء امام التلفزيون... يخرب مطنك يا نجيلة...
يا جلا انت جاهز... عشان لو انت جاهز أنا جاهز... أنا بتغاظ جدا لما اتنين يقعدوا يكلمو بعض بالألغاز في البوست... و أعتقد انه لو في أسٍرار ممكن ببساطة ترسل مسنجر لمن تريد أن تخبره سرا... الا السر البيني و بين جلا ده مكانه هنا ما المسنجر... و أعدكم جميعا ان شاء الله بالبوح به صباح الخميس أو الجمعة...
Quote: يا جلا انت جاهز... عشان لو انت جاهز أنا جاهز...
السواي ما حداث
Quote: الا السر البيني و بين جلا ده مكانه هنا ما المسنجر...
وسوستك لأبو الزوز و شكرك لصديقك و توأم روحك منصور و حبيبك الحبيب محمد عيد وتاج راسك بت الشيخ تجعلني أسحب قواعدي حتى حدود مغادرتك الزقازيق و أعيد النظر في السر القلتو لي و لا أقول ليك سرك معاي مضروب ليهو 8 أيام علماً بأن الكوتش قالو لي إذن عليك بنكت نجيلة ..أما أسراري فعليها العوض
يا رشدي صباح الخير ... تعرف لمن فتحت الصفحة في الفيس بوك .... كان هدفي الاساسي انه الناس العندها هناك عضوية تشاركنا الافراح ... ويتخيل لي من اليوم الاول ظهروا ناس كتار ... وده شئ كويس ... بس اتمني انه الموضوع ما يكون خصم علي البوست ولا منبر ناس الزقازيق ... وده يكون مكمل لي ده .... قطع شك مافي اي حركات انفصالية .. او تكتلات خارج الاطر التنظيمية
شكراً يا كوتش مبرووووك كتييييير لأخت مشااااااعر بالتأكيد هناك برنامج أليس كذلك يا هذا؟؟؟؟
Post: #321 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-25-2011, 06:47 AM Parent: #320
العروس ام ضروس ( على قول حبوبتى ) بركة بالطلة ومبروك تانى وتالت ورابع
والله يا رشدى صفحة الفيس بوك هى لذيذة وبالذات للناس البحبو الهترشة زى ناس جلا ديل ، لكن فى الحقيقة بتاخد وقت كتير من الواحد والخوف فعلا" تكون خصم على البوست ده . لكن بالجد الصفحة عاملة زى شارع القومية كلها سلام ومشاغلات ظريفة
اها انستر مع صحبك العازمه شاورما علي الهواء داك ؟؟ انا
صيامي خليهو !!!
و بهديك الاغنية بتاعت : الغريب عن وطنو مهما طال غيابو
مصيرو يرجع تاني لاهلو و صحابو ..........كمل الباقي
Post: #323 Title: Re: ناس الزقازيق ... أجدع ناس (4) .. Author: ابتهاج عبد الله Date: 01-25-2011, 06:48 AM Parent: #316
صباحاتكم بيض ياالحبان.
ياسر نجيله والله نكاتك ضحكتنا شديد الله يديك العافيه توتاوالله مشتاقين ومنورة...ومبروك الاخبار الحلوة الرشيد بركه الجيت عشان تفتح ازهار محمد عيدوتملى بيتنانوار سلام يا كوتش كما يحلو لهم ولى الحق فى الاحتفاظ بتسميتى يا... عبرك التحايا للحلوين تبعك .. 1...2....3 جلا
Post: #324 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-25-2011, 07:01 AM Parent: #323
اول مرة اشوف لي ( حريم ) فى السعودية بيصحو بـــدرى ابتهاج انتى لسه شغالة بسستم السودان ....
هوي يا موسي عيسي ... ارعي بقيدك ... جلا ده والله لو سمعنا عطس ساكت حا نحرك قواتنا من الدمام للرياض ... ولا نبقي علي كل ما تقع عليه عيوننا ... ولا عذر لمن انذر ...
Quote: و لا أقول ليك سرك معاي مضروب ليهو 8 أيام علماً بأن الكوتش قالو لي إذن عليك بنكت نجيلة ..أما أسراري فعليها العوض
يا جلا لو عايز تزوغ كلمني من حسه عشان ما أضيع وقتي ساكت... بعدين السر لو قالوهو للكوتش يبقى لسه سر... بس لو قالوهو لموسى عيسى يبقى شنو؟؟؟ على أي حال موسى وقع اقرار بعدم الافشاء...
سعيد بالظهور الجميل للزول الجميل موسى عيسى... حتى و لو جاء بعض الناس كده و قالو لي هي عرفت من بتين... فموسى رجل يحمل هم الوطن بين جنباته... و هذا الهم يقلقه كثيرا و يجعله يشعر أن مجرد الونسه تعتبر خيانه... و أنا أقدر كثيرا مشاعر رجل بهمة موسى و حرصه على مستقبل الوطن... و بقول ليهو مجرد بيننا يذكرنا بالوطن ان نسينا يا موسى...
صديقي العزيز أبو الزوز... أعرف انك أحرص الناس على لم الشمل... و لقد حملت هذا الهم حتى بعد غربتك الأخيرة... و أعرف أنك لم تلجأ الى الفيس بوك الا لجلب المزيد من الوجوه الجميلة... كل ما أرجوه أن تكون النافذتان أو النفاجان مطلتان و يفتحان على بعضهما البعض...
بهجة شكرا على الترحيب و ان شاء الله تكوني ظبطتي حلة البامية...
و شكرا يا حماده على الترحيب الجميل...لك مني كل الود و التقدير....
الزول البين قاقرين والنقر دة عرفتوه زول كان لعاااااااااب وحريف شديد
يا ابو الزوز كيفنك ياخي انا متفق مع الرشيد ميتين في المية الفيس بوك حا ينهي ليكم البوست دة زي ما النفاج الخاص بي ناس الزقازيق قبل كدة عمل نفس العملية يعني مع الزمن الممحوق دة الواحد لا يعرف يدخل منبر ناس الزقازيق ولا يجي البوست دة ولا يمشي الفيس البوك وقناعاتي انه البوست دة كان كافي جدا ولا زلت عند موقفي.. منبر الزقازيق كان خصما على هذا البوست وشكل التواصل الفيه يا حبيب العديل رأي والأعوج رأي
Quote: يعني مع الزمن الممحوق دة الواحد لا يعرف يدخل منبر ناس الزقازيق ولا يجي البوست دة ولا يمشي الفيس البوك وقناعاتي انه البوست دة كان كافي جدا ولا زلت عند موقفي.. منبر الزقازيق كان خصما على هذا البوست وشكل التواصل الفيه
لما تلقي ليك واحد عسل ينشن مباشرة ... ويكتب الفي بالك ... بريحك في حنانك زاتووووووو......
يا نجيلة صباح الخير بتوقيت المغرب البوست دة كان عامل زخم كبير جدا جدا حتى الناس الما كان عندها باسوورد كانت بتراسل الناس البتكتب هنا وحتى بكري لمن عمل لينا نفاج تاني زاد عدد الاعضاء من الزقازيق لكن للاسف معظم العضوية الجديدة ان لم يكن الكل.. هي عضوية غير نشيطة بدليل انه الناس البتكتب وبتتواصل ياها ذاتها من زمااان عشان كدة تشتيت الكورة ما كويس انا غايتو لي هسي بجي داخل هنا توووووووووووش ونادر جدا ما امشي بهناك ولا زلت عند موقفي
محمد ادم النور ... سلامات ياخي الجلابية دي بنلبسها في المناسبات الرسمية متل لبسة بابا نويل وجيناكم بيها عشان صور اطفالكم الحلوين وربنا يحفظهم ليكم . . ود جبرين لبست ليه اللبني قايلاهو من بحري احب بحري وخالك ابودية ذاتو
مالك يازول عايز تفرتق لينا الحفلة بهناك
. . الزقازيقاب فترتونا بالقراية مالكم قايمين بنمرة اربعة ود جبرين كلامك سليم ماشايف ابداعات التسجيلات الجديدة اغلبها من الاعضاء القدام الذين لهم الفضل في تكوين منبر الزقازيقاب
Quote: بعدين ما تنسى انا وطارق لكوظ كنا مقفلنها ورا ومعانا كمال زولوجي
يا جبريلا...الناس كانوا بيخافو من ياسر لورد ساكت... مرة أداني ليك كتف في ميدان المدرسة العسكرية مرقني في لكوظ... ده كلو عشان ضربت حاتم جباره من غير قصد... مع انو هو صديق عمري...قمنا سوا و ترعرعنا زي الأخوان يعلم الله...
قميص البرد ده انتظرني لحدي ما أبقى حركه شعبيه... انت ما كان تخلي مبارك جادين يرسل ليك واحد شتوي كمان... بس فالح فيني أنا...
أنا قلت أترجل إلى حين.. لكن كلام المسنوح موسى حرقني.. لأنو حقيقه.. ما شلنا كاس الدوري.. لكن شلنا كاس الخريج.. وأي كأس طائره شلناهو.. إلا واحد قسمناهو لي ناس خالد محي الدين.. وأي كأس شطرنج شالوهو أولادنا.. إزدهار ومحجوب منقه.. وأي كاس تنس شالتو بتنا الياسمين.. وشلنا لينا كم كاس تنس حق رجال.. إلا مافي مره انتو شلتو الكاس مننا بي حق الله.. كل مره ببلنتيات.. وأشهر من كان بيضيع أسامه طياره.. ومش لو جبت عادل وياسر.. لو إستعنت معاهم بالتاج وأسامه ما بيحلك.. وكنتوا مشترين عمكم الحكم.. ولو ما مشترينو.. قاعد تهرشرهو.. لأنكم كنتم زي مليون.. ونحن كلنا كنا 15..
يا موسى عيسى شوف الشطرنج والتنس والطائرة اصلك ما تتكلم فيهم الكاسات كلها شلناها انا كنت كابتن الطائرة في بيطرة يمين عادل سريان كامل يجهز لي وامعط فيكم يا خالد محي دين تعال كلم الزول دة بيكون شرب ليه باربكان معتق
ياخوي كوتش شنو الراجيهو.. كاس واحد شلتوهو سنينا كلها.. وبرضو كاس خريج.. العجبني أديتو تجاره 5 في طريق البطوله.. تهانينا..
Quote: يا حاتم كاسات الحنكشة دى ما بحسبوها
كاسات الحنكشه.. للحناكيش.. ما للشرامه ناس تجاره وتربيه..
Quote: غايتو انا مما جيت تجارة دي ... غير شيل الكاسأت ماعندي حاجة ....
غايتو نحن من جينا الزقازيق.. ما شفنا ليك كاس.. يعني عايز تقول لي كنت قاعد تغلب ناس شقتكم.. أحمد عزمي وابراهيم النضيف.. ديل كانو محترفين ومنقطينها من النادي العربي..
Quote: و في الكورة الطائرة آخر كاس كنا في السنة الرابعة 88 كان من نصيب اسياد البلد وقتها بقيادة الكابتن ياسر نجيلة و لو عندك كلام بنادي جلا !!!!!
يعني ناديت جلا خلاص.. أها سنه 88 دي بالذات أنا متذكرها.. شلنا 5 كؤوس.. أو كاسات على وزن الزناتي..
Quote: دي تتحسب لناس الجبهة الديمقراطية ... ولا نامت اعين الجبناء ...
نعم ياخوي.. ما قلنا بلاااش سياسه.. (دردقه لي موسى عيسى)..
وينهم ناس زراعه.. امبارح شايفهم حاولو يخشو في موضوع الكاسات.. لكن براحه انسحبوا..
لكن برضو ناس تجارة كانوا اسياد بلد ..... اولاً ناس زراعة كانوا كلهم جكس ... وما عندهم شغلة بالكورة ... ناس بيطرة ما عندهم حاجة غير درديري جوه الميدان وجمال فارح خارج الميدان ..... اما ناس تربية ديل فكنا بنطلشهم ليك والشمس حية ... غير الكوتش يخربهم الباقين كلهم قاعدين مستمتعين بالعاب الكوتش وفنياته .... مافي فريق منافس لينا غير آداب حتي اسالوا موسي عيسي وجلا ولا شنو بالله يا نجيلة ....انا غايتو بشجع فريق آداب والماجبه يكلم لي محمد يسري طلبه عويضة ...
Quote: والله لي نفس أسبابك.. أنا زاتي أشجع ناس آداب بشده.. لعابين جنس لعب.. إلهي منهم..
اها ياود جبارة ... بديت تتكلم صح ... وخاصة لعب آداب مع تجارة ... بالله يا النضيف وريهو ... اللعب على اصولو بدءاُ بالريس ميسرة .... ومرورا بالحبيب الزناتي .... وهلم جرا عليك الله القايمة كلها ....
====================== والله ياود جبارة ... ذكرتني كاسات أحمد عزمي وابراهيم عبد المجيد ... دي انا كنت ماحسبها .... والعجب لو دخلنا السبكي وابراهيم الحاج في النص ... الحساب حيطول خلاص ...
يا أبوالزوز آداب كان فيها مبارك زروق والنفراوي وفي واحد كدا بتاع لغة عربية كلاسيكية نسيت إسمو .. والله الزول دا لو إتكلم باللغة العربية الفصحى والله ما تفهم أي حاجة كأنك تستمع لعوض عبدو وهو يرطن ...
يا ناس جدة سلامات ... انشاء الله الامطار تكون بره وبعيد ...
Post: #375 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-27-2011, 09:09 AM Parent: #373
الحالة الجداوية التي مررنا بهم يوم أمس
ولا في الأحلام شئ أكبر من الخيال،،، وكأننا نشاهد فيلم
هندي نسجت خيوط الدراما بعناية فائقة ،،،،،،
في إتصال مع عصام دهب قال بأنه ترك العمل في تمام الساعة
الثانية ظهراً على سيارته ولكنه وصل منزله في تمام الساعة 11 ليلاً
حافي القديم بعد أن ترك سيارته في الطريق وأكل المسير - كداري -
عبدالدائم محظوظ ساكن جنب المكتب طلع على السطوح وقفز إلى البيت
جوالات باقي الزملاء لم تستجب على الرغم بأن الأتصالات من داخل جدة مجاني ولمدة يومين
نحن وأولادي تعرضنا لأمتحان صعب حيث تحرك الأولاد قبل الساعة الثانية ظهراً بواسطة احد معارفنا
وأمتلات عربته بها أكثر من 10 أطفال وتعرضوا لموجة مياه دخلت داخل السيارة وتوقفت السيارة في منتصف
الطريق وأن السيارة خارج السيطرة فأخذهم واحد واحد حتى أوصلهم الرصيف لأن الأطفال في طول مسشكاة يمكن
أن تكون المياه أعلى من طولها ،،،،
وبعد ساعات طويلة تعطف عليهم واحد شامي يقود سيارة جمس وأوصلهم لأقرب منزل من معارفنا ووصلوا البيت بعد الساعة الخامسة مساءً ونحن في المكتب تركينا سياراتنا وتوكلنا على الله ونصلينا الظهر وتحركنا نحو
منازلنا وحاولت المرور بمدرسة الأولاد ولكني لم أجد لهم أثر والحمد لله عبرنا جميع شوارع جدة المغمورة بالماء والمطر نازل ووصلنا قبل صلاة المغرب بقليل والحمد لله وتم إحضار الأولاد ، إبن أخي لم يستطع الحضور حتى هذه اللحظة وهو في المرحلة الثانية الإبتدائية ولكنه بخير كانوا بالمدرسة حتى الساعة تسعة مساءً وتم إيوائهم في منزل أستاذة بحوار المدرسة ، كل ناس يحملوا قصة تختلف ،،،
طمنونا يا ناس محمد عيد والآخرين
Post: #376 Title: Re: ناس الزقازيق ... أجدع ناس (4) .. Author: جلال عثمان Date: 01-27-2011, 09:39 AM Parent: #375
سلامات ياريس وبالله طمنونا على الجميع ونسأل الله ان تكون أمطار خير وبركة
وياناس الرياض ... يشرفنا الآن حبيبنا دكتور خالد محي الدين ولظروف الدكتور سوف نلتقيه عند الثانية ظهرا بمطاعم النافورة بشارع الستين ... عليه، نرجو من الجميع "كل حسب ظروفه" ان يلتقينا هناك ... لتناول وجبة الغداء سويا... وبدون شك سوف يكون طعاما شهيا ذو نكهة تجملها طلة الدكتور البهية ولكم الود
يا جبارة ... وكت ما في زول قوم شتت يا زول اتونس مع الحاج ... مالك قاعد براك .... الشغل ملحوق ... انت ما سوداني ولا شنو .؟ ما شفت الجماعة المطرة لو شالت ساكت الناس تاجز ..
يا البادى ....وزناتى اداب لعابه لما غلط وكفى ============== غنى محمد عوض فابدع جلس مبارك جادين وعمر بسكو شريف وشخصى ضمن الحضور غضبك جميل ذى بسمتك \انا افريقى انا سودانى كانتا مسك الختام ...صفق الحضور كثيرا =============== الخميس الماضى كان عقد قران كريمة الاخ محمد عبدالعزيز تجمع زقازيقى للاجيال المعتقه وضاق مسجد الشهيد بالضيوف على سعته... مبارك انشاءالله
يا وهم ... ركب جرافات في كرعينك .... وانت ماشيف نيو مكسيكو دي ولا صغير علي السفر
يا ريسنا شكرا ليك وانت بتنقلنا لموقع الحدث ... كويس برضو شاركتو في الحراك السياسي بانا سوداني ... بس مظاهرات الاحد دي ما تفوتكم رغم عارفكم الجري بتاع البمبان ما بتقدروا عليه ...
Post: #390 Title: Re: ناس الزقازيق ... أجدع ناس (4) .. Author: أحمد إسماعيل Date: 01-29-2011, 06:00 AM Parent: #388
السلام عليكم أيها الكرام مامعقوووول البوست رجع للصفحة الخامسة
قعدنا نتغالط أنا و بت الشيخ صباح الأربعاء... بت الشيخ تقول لي نحن شكلنا كده واقفين في الصف الغلط.... أقول ليها لا ما غلط... انت متأكد... متأكد ميه في الميه.... لكن مافي و لا سوداني واقف في الصف ده... طيب مالو...انت عارفه السودانيين بيجو متأخرين... و الله أنا شاكه في الصف ده... أها شوفي ديل سودانيين جايين...
كنا في مطار أبو ظبي أمام البوابة التي تؤدي الى الطائرة... كان الغالبية من الآسيوين متوجهن الى الخرطوم مثلنا... حملنا في ايدينا كمية من الشنط تفوق التي وزناها... و نحمل في دواخلنا كمية من الأشواق تفوق قدرتنا على احتمالها... ركبنا الطائرة الى الأرض التي ما زالت مليون ميل مربع... تجكرنا في الطائرة و سبقتنا أشواقنا الى هناك.... كانت أربع ساعات طوال و و جبة واحدة مسيخة... و كيف لا تكون مسيخة و لقد هيأت نفسي لملاح نعيمية أمي... بالعصيدة له طعم و بالكسرة له طعم آخر... هبطت الطائرة في مطار الخرطوم... و جدنا في استقبالنا في الصالة المديرة الكبيرة شوش.... شوش وجه جميل تودعنا و تستقبلنا مهما كانت مشغولياتها... ثم تفرد لنا مساحة من الوقت من بين جدول قل ما يوصف به أنه مزدحم... ثم كان الكوتش و آخرين نحبهم خارج الصالة... خففوا علينا كثيرا من عبء أشواقنا... حتى التقيت أمي و أبي فأزحت عن كاهلي ما تبقى منها...
أنا بالخرطوم منذ مساء الأربعاء.... شلت فاتحة واحدة و حاضر حفلتين عرس.... ألتقيت الكثيرين و أعدت الكثير من الذكريات في يومين... و باقي كثير من اللوم...
صباح خرطومي جميل مع قهوة أمي الصباحية.... كيتا في محمد عيد برضو.... ألف سلامة لناس جده....
Post: #394 Title: Re: ناس الزقازيق ... أجدع ناس (4) .. Author: مبارك جادين Date: 01-29-2011, 07:45 AM Parent: #391
الواحد كان في جوبا في مهمة غير رسمية وكتبت مداخلة زي حقت منصور والرشيد شبعانة على قول الزناتي لكن ما عارف هبشت شنو في الكي بورد قومي يا المداخلة طشي يعني حاجة تخلي الواحد يصالح جلا زاتو بعد داك الشبكة طشت يعني ناس سوداني فصلوها قبل ما ننفصل
يا جماعة طالما الكلام عن اداب وفضل اداب على سائر الكليات فنحن ناس علوم كان عندنا السبق في محاولة التؤامة مع اداب في حفل التخريج سنة1989
لكن ناس المعارضة ناس مبارك جادين ما ادونا فرصة وراحت علينا التؤامة ورجعنا لناس طب وصيدلة وبيطرة تجمع الكليات العلمية بعيدا عن ناس جلا ناس تجارة ومعاه موسى عيسى عشان ما يزعل (حاكم الزول اخونا وصاحبنا من زمان)
عشان كدة ناس اداب ديل بالله عليكم لمن تجيب سيرتهم اذكروا مقولة البروف ان الكليات علوم واداب والبقية مهن وحرف
والسر في اداب يسال عنه الزناتي ولايفوتني ارسال احر التحايا لناس اداي عصام سيكولوجي وعوض المفتاح الذي كان بيحمر لينا لمن نجي بهناك هو ومعاه ادروب ود كسلا الذي كان بيزعل عديل
اما عن الدوري فنحن ناس علوم نعترف باننا من الامم المستضعفة في الكورة لكن كان عندنا الحوري ومحي الدين عبد الستار والمرحوم منير موسى والسكرتير الرياضي يا عبد الدائم !!!!!!!!!!!!!!!!!!!!!!
كانت الليله جميلة مع احمد عوض في بيت الفنون والواحد افتكر نفسه في النادي الزراعي الرجاء من ناس الداخل المواظبة على الحضور الاربعاء وكل اربعاء فرسالة احمد عوض لينا انه ينداح في الغناء لمن يكونوا ناس الزقازيق حاضرين
النكتة بعد ما احمد عوض غنى من الاسكلا قال في المكرفون دي اخر مرة قبل الاستفتاء يا مبارك والمرة الجاية حنغنيها لحد كوستي بس
أبو الزوز يا صديق... أديني في الأول اسم ست الشاي و ست الطعمية الفي الشهداء عشان أمشي أسلم ليك عليهم... و لو عندك أي وصايا تاني عجل بها لأني ما قاعد كتير...
كنت متردد جدا في القدوم الى الخرطوم لما يدور في أجهزة الأعلام عن سيناريوهات محتملة.... حجزت التذاكر و ما زلت متردد... اشترينا الهداايا و ما زلت مترددا أيضا.... ثم قلت أنا خايف من شنو ياخي خليني أمشي... في الآخر حأكون في أسوأ الأحوال محجوز في دولة الشمال...
Post: #404 Title: Re: ناس الزقازيق ... أجدع ناس (4) .. Author: محمد عيد Date: 01-29-2011, 08:57 AM Parent: #400
Quote: يسقط منو؟؟؟؟
جـــــلا ...!
اجازة سعيده يا حبيب ..
وتحياتى للحجة والوالد والاخوان جميعا
والكجيك ما بناباهو ... سيول جده خلتنا زى القاعدين فى المويلح ..
Post: #408 Title: Re: ناس الزقازيق ... أجدع ناس (4) .. Author: جلال عثمان Date: 01-29-2011, 09:27 AM Parent: #400
غايتو الحج السري وعرفناه لكن يطرشنا ما سمعنا بالاجازة "الغير معلنة" دي عموما امنياتي لك وللزميلة "بت الشيخ" والوليدات باجازة سعيدة في السودان الشغيغـ ---- اوعا تمرقوا بكرة من البيت حناكيش ابوظبي ما بقدروا على البنبان --- امنيات لكم وللوطن بالسلامة
يا جماعة أنا في السودان.... و حسه أخدت لي حمام بااااااااااااااارد و قاعد منتظر ملاح النعيمية بالعصيدة.... و كان ما مصدقني حسه بنادي ليكم الحاجة.... يا حاجه تعالي شوفي الحاسدين ديل.... أقول ليهم شنو... قول ليهم الحساده ما بخاته...
بطل الخرخرة يا خرخار....
تخريمة.... انتو تلفونات السودان دي كلها مغلقة ماله.... متضامنين مع مصر و لا شنو...
تخريمة تاني.... هوي أنا ما جاي عشان اقعد معاكم في النت... كفاية عليكم كده.... و الله لو ما منتظر ملاح النعيمية ده ما كان رديت عليكم زاتو....
توفي اليوم الاخ طارق صديق (بربر) خريج تجارة ..... له الرحمة والمغفرة .....
Post: #410 Title: Re: ناس الزقازيق ... أجدع ناس (4) .. Author: محمد عيد Date: 01-29-2011, 10:16 AM Parent: #409
لا حول ولا قوة الا بالله وانا لله وانا اليه راجعون
رحم الله الاخ / طارق رحمة واسعة وغفر له
وأسكنه الجنة مع الانبياء والصالحين .
Post: #411 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-29-2011, 10:21 AM Parent: #409
انا لله وانا اليه راجعون
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #412 Title: Re: ناس الزقازيق ... أجدع ناس (4) .. Author: منصور عبد الرازق Date: 01-29-2011, 10:54 AM Parent: #411
الله يرحم طارق صديق بربر اما انت يا الرشيد , فعبى من (حنانيك) ما تستطيع قلبا وعدلا مية وعشرة , وميتين وعشرين اركويت والفردوس والما بطلعك بكرة شنو دس اولادك فى الفردوس وامرق رافعا هامتك , رافعا رأسك , رافعا سقف مطالبك لا تكتفى بالنعيمية , ولا بالعصيدة تجاهل ستات الشاى والكسرة ما تشتغل بى بيت الفنون , احمدعجوز زاااتو افتح ليهو كان جبت قميص شتوى لى طارق جبريل المدبرس يلزمك تجيب منو واحد بى فروة , لى حاتم جبارة , عشان ما يمشى نيو مكسيكو يلحق عمك جبارة استمتعنا بصحبة خالد محى الدين , عصر الخميس وضربنا الشيات والحوت والشوربات الأسبايسى وجلال زاتو (حموهو الجية ) لكن احمد السنى جا , وانا جيت , وحتى دكتور مطيع الما قاعد يجى جا قيس جمال الدين زاااتو جا , موسى عيسى كان جا ولا ما جا ما بعرفو ده كلو ما مهم المهم الناس كلها تجى بكرة فى الميعاد , شارع القصر سمعونا صوتكم , ولا تخربوا , اسمعونا الصوت المكتوم الزى ما يكون العبرة خانقاهو على باليمين , صوتكم اذا طلع , سيكون احلى من صوت البلابل زاااتو يا نهر الوعى -------
Post: #413 Title: Re: ناس الزقازيق ... أجدع ناس (4) .. Author: محمد عيد Date: 01-29-2011, 12:24 PM Parent: #412
Quote: سمعونا صوتكم , ولا تخربوا , اسمعونا الصوت المكتوم الزى ما يكون العبرة خانقاهو على باليمين , صوتكم اذا طلع , سيكون احلى من صوت البلابل زاااتو
ســـلمت يداك ابا احمد الحبيب ...
الصوت غدا صوت مزمار كرومة وزنقار وخليل فرح
صوت مصطفى سيد احمد ...
صوت سودانى الجوه وجدانى ..
واتذكروا انو جدودنا زمان وصونا على الوطن ...
غنوا وغنوا .. بدماءنا حنبنى الثورة
والســادن يطلع بره ..!
استهانتنا باخوتنا المصريين وبوعيهم السياسى .. تهاوت تحت اصوات حناجرهم الفتية رجالا ونساء
أعتذر منكم بشــدة يا اهلنا فى شمال الوادى ونصفنا الآخر .. فقد أســأت الظن بكم من عقود طويلة
ولكنكم أثبتم انكم احفاد أبطال وتجرى فى عروقكم دماء النضال ...
وغدا يكمل اخوانكم فى الجنوب مراسم فرحنا القادم .. ونحن نســمو جميعا لمعانقة النجوم ...
الراحل من مدينة بربر كما عرفت من الريس معتصم .. وهو من الدفعات الاولي ... والخبر جاء عن طريق الاخ عمر الفنوب ... والطيب شيبس ... له الرحمة والمغفرة ....
يا موسى الرشيد فى زياره سريه لكن حا يمشى مننا وين جاينك جاينك بعدين يا موسى اداب فوق مش ريس ميسره افاد سعدت بزياره جميله من زميلين اعزاء فى يوم واحد العزيز صلاح عبد المجيد والمخضرم مختار دفع الله مش قلته ليكم اداب حديد
اخى محمد عيد انتهى زمان التعتيم الاعلامى انهم شباب الفيس بوك شباب مستنير يعرف ماذا يريد فشلت الاله العسكريه الضخمه من امن مركزى وغيره فى اسكاتهم او سرق مجهودهم ولابد ان الله ناصرهم الامريكان يتربصون ولايمكن ان يسمحوا لنظام غير موالى لهم لان ذلك يعنى صحوه للوطن العربى كله .....
أسال الله تعالى أن يرحم أخانا و زميلنا / طارق صديق و أن يغفر له و يتقبله قبولاً حسناً و ينزله الفراديس العلى من الجنان مع الشهداء والصديقين و أن يجعل البركة في أهله .. التعازي الصادقة لأسرة الفقيد و لزملائه و أصدقائه و لإخوتي و أخواتي الزقازيقاب في مصابهم الجلل و فقدهم الأليم .. و لا حول و لا قوة إلا بالله العلي العظيم ..
Post: #424 Title: Re: ناس الزقازيق ... أجدع ناس (4) .. Author: محمد صديق Date: 01-30-2011, 06:07 AM Parent: #422
سلامات يا ناس
السلام عليكم يا ناس
رحم الله طارق صديق
ومرحب بالرشيد وسط الاهل والاحبة.
Post: #425 Title: Re: ناس الزقازيق ... أجدع ناس (4) .. Author: محمد عيد Date: 01-30-2011, 07:07 AM Parent: #424
Quote: الامريكان يتربصون ولايمكن ان يسمحوا لنظام غير موالى لهم لان ذلك يعنى صحوه للوطن العربى كله .....
صدقت يا ريس .. لكن الابواب المفتوحة الآن تتيح للناس معرفة وتحليل نوايا الامريكان او غيرهم
وبالتالى يمكن تنظيم حركة الشارع حولها ..
وبينى وبينك .. زى مبارك وأب دعول اللينا ده لو بدلوهم لينا بأى شىء مافى خسارة
انتهى عهد الديناصورات الحاكمة والكهنوت المتجذرة فى السلطة ..!!
&&&&&&&&&&&
يا كوتش مبروك عليكم زيارة الرشيد ...
بالله دايرين لينا جلســة أدبية حالمة ..
وصاحبك ده بيكون عامل حاجات جديده كتير .. بس - طبعا بسبب كبر الســن وكده - بيضيعها ..
حاول تفتش جيوبه - ليس بحثا عن دراهم - بل ابحث عن قصاقيص ووريقات صغيره ...
وجيب الرشيد ما بيخلاش ...
Post: #426 Title: Re: ناس الزقازيق ... أجدع ناس (4) .. Author: محمد صديق Date: 01-30-2011, 07:13 AM Parent: #425
سلامات يا ناس
Quote: يا كوتش مبروك عليكم زيارة الرشيد ...
بالله دايرين لينا جلســة أدبية حالمة ..
سلام يا حبيب...
جارى الترتيب.
Post: #427 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-30-2011, 07:37 AM Parent: #426
رحم الله طارق صديق واسكنه فسيح جناته مع الصديقين والشهداء وحسن اؤلئك رفيقا خالص التعازي لجميع افراد اسرته .. وزملائه
طبعا لا يخفى على فطنة القاريء اني داخل من حساب محمد صديق.... جلسة في مكتب الكوتش يحضرها محمد المرتضى... و تدور فيها كؤوس القهوة مرة و مثنى... و لولا شفقة محمد المرتضى لكانت الثالثة... تقبلوا تحيات محمد المرتضى (سيف الجامعة)... محمد المرتضى بالنيو لوك يرتدى كاب لاخفاء آثار الزمن... فأصبح يشبه سيف الجامعة رغم بشاعة صوته....
يمة كيفنك ان شاء الله طيبي ونصيحي في عضامك يمة نعلو السكري ماهو تاعبك شي .. باقي انا عارفك آآآبتسويلك رجيم لا شيتين.. وباقيلي ان سجنوكي آآبتخلي شراب الشاي.. يمة خصمتك بالنبي تخلي شراب السكر.. يمة انت ماكي دايراني اجي اشوفك.. يمة عبد العزيز خالي كيفنهو.. لا يبقى كفتو الجن تاني وقال داير يرجع للبلد زي عامن أول.. يمة المصاريف قاعد ارسلن ليكي مع شيخ طه الله يخضر ضراعه.. باقي التحويل من هني قاسي وماهو ساهل شي.. فشان كدة ان بقت اتاخرت لا تقلقي بلقالي زولا نازل للخرتوم وبرسلن ليكي معاهو.. وان بقيتي مشتهالك شي من هني قوليلي.. باقي نزار ود الجزيرة قال مندلي لي أهلو في العيد.. كنت داير اجي واعيد معاكي علي وليداتي لليلي يقروا وما اجزولم.. وزي ماكي عارفي ريم السنة دي ممتحني للمتوسط.. الرسول يمة تدعيلا في صلاتك ووكتين تقعدي في الدرابزين تسبحي مع العصر.. يمة ابراهيم اخوي طول مني آآآبعرفوا مالو قاطع الخبر.. ان شاء الله يكون قاعد يرسلك الجوابات.. وماني عارف ولادو جوا ولا لليلي.. الايام دي ياها ايام جيتن.. الرسول يمة ان بقيتي سويتيلك كعكي ناعم ترسليلي علبة مع نزار حتى ان بقى عتت.. وان كمان ما سويتيهو رسليلي قرقوش وويكة ودكوة.. نزار قالي غاشي السعودية.. قلتلو يشتريلك توبين وجزمة وريحة.. ان بقيتي دايرالك شي تاني كلميني فشان اديهو القروش يشيلو ليكي من جدة.. يمة الرسول خالتي زينب الزرقا كيفنها.. الله بيسألني الشوق كاتلني في دربها.. وان بقيتي شوفتي عم عبد الله قوليلو الغرض ماني ناسيهو وبجيبو معاي.. الرسول تسلمي علي عمتي حواء بت الخضر وقوليلا طارق مشتهي ونستك ومشتهي حرف أليل قراصي بي تركين في التُكل اللااااجوووووووة داك.. يمة ان بقيتي نزلتي علي البلد قولي مبروك ود الطيب لا تسوي العرس هسي.. قوليلو ينتظرني لامن اجي.. قوليلو لا يستعجل شي داير اجي احضر ((اللعبي)) ألتو.. يمة السلام امانة.. سلميلي علي اخواتي ووليداتن وعلي لطفي اخوي وقوليلو لا تضيق كل شي بيتعدل.. وان الله كتبلي العمر ان شاء الله بجي لي عيد الضحيي.. وبجي أصلحلك البرندة المن تالا التُكل.. يمة الغربة طعيمها مر لكني بصبر بالجبر..
العنوان: مقابر الصحافة شاهد رقم 4652
Post: #431 Title: Re: ناس الزقازيق ... أجدع ناس (4) .. Author: محمد عيد Date: 01-31-2011, 12:43 PM Parent: #430
حقيقى وحشنا المنبر , فى ساعات غيبته الفائتة يمين صح لسان من قال انه منبر من لا منبر له يتامى نحن من غيره , وصوتنا مبحوح اللهم اجعله دائما صوتا للحق , وللحرية
Post: #456 Title: Re: ناس الزقازيق ... أجدع ناس (4) .. Author: محمد عيد Date: 02-04-2011, 03:15 PM Parent: #455
Quote: يا جماعة وين باقي مداخلاتنا وكلامناحول الشعار
تخيل كلامك صاح ..
هســه يادوب لاحظت اختفاءها ...
بوست بكرى ده من بداية ثورة 25 يناير ما شاف خير ..!!
Post: #457 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-05-2011, 06:50 AM Parent: #456
صباح الخير ،،، يا وجوه الخير
أصبحنا وأصبح الملك لله وحده،،،،
اللهم :-
من أحييته منا فأحيه على الإسلام
ومن تزفيته منا فتوفه على الإيمان
Post: #458 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-05-2011, 06:59 AM Parent: #457
ناس الرياض كان عندهم لمة سمحة وحفلة كاربة يوم الخميس احتفاءا" بالدكاترة عمر عبدالله وخالد محى الدين وحسن اسماعيل كنت اتمنى ان اكون معكم .
استمعت عبر الهاتف لفاصل كامل مع الفنان عمار السنوسى
لكن باين عليهم لسه نايمين من السهر التقيل
يا شباب مستنين الصور ويا حبذا لو زول شفت كده نزل لينا فيديو من الحفلة
Post: #459 Title: Re: ناس الزقازيق ... أجدع ناس (4) .. Author: أحمد إسماعيل Date: 02-05-2011, 07:30 AM Parent: #458
صباح الخير وصباح النور والسلام عليكم ورحمة الله وبركاته
يا أخ عبد الدائم 000 والله كانت حفلة وكنا متوقعنك وفاتك شيء كثير ياسلام ياسلام ايه أحكي وأقول أقول في المبدع الكشكول عمار السنوسي ولا أقول في قيس جمال الدين مهندس اللقاء ولا أقول في الزعيم موسى عيسى مع كفتيرة الشاي ولا أقول في الدكاترة خالد محي الدين وعمر عبد الله ومطيع الحوري ولا دكتور حسن إسماعيل والأخ أحمد السني والكشف والحت بل جميع الزقازيقاب ، والله جمال لحظات يتوه فيها العقل أحسن ننتظر الصور هي أكثر بيانا أو الأخ منصور يدخل معبر عن ذلك اللقاء الجميل
للاسف فقدت التليفون ومشت معاهو كل الارقام اليوم فقط رجعت نفس الرقم بالله اخسروا علينا رسالة فيها الاسم عشان نسجل الداتا من جديد غلبني امشي بوست سامي داك بتاع العناوين
Post: #478 Title: Re: ناس الزقازيق ... أجدع ناس (4) .. Author: أحمد إسماعيل Date: 02-05-2011, 03:55 PM Parent: #477
Post: #479 Title: Re: ناس الزقازيق ... أجدع ناس (4) .. Author: أحمد إسماعيل Date: 02-05-2011, 04:10 PM Parent: #477
زقازيقاب بالحفلة كان بينهم الإخوة عبد الرحمن الرشيد، أحمد السني، صلاح سعد، حمدان رضوان، صديق ابولكيلك، مكي عباس عبد المنعم عبد الله، صلاح السر، هشام النعيم، حامد صاغة، محمد حسين، موسى الراجل عصام عبد الدائم، مدثر أبا يزيد،دكتور مطيع الحوري، محي الدين عابدين،الفاتح علي نأمل من غير كركم التعرف عليهم من الصور ، وياجلال نزل صور الذين لم يظهروا منهم بالصور أعلاه
Post: #480 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-06-2011, 05:52 AM Parent: #479
هو يا زهير الحفلة كان فى شقة ناس منووو تراهم قاعدين ليهم فى ركن واحد كانهم بشوفو فى مبارة كرة قدم ولا عشان البرد يا ربى
احمد اسماعيل كاميرا جوالك تلاتييين عشرة ده بالله زغللت عيونا بقينا نشوف صلاح سعد خنفس واحمد السنى مركب طقم اسنان نرسل ليكم محسنة ميسرة تصور ليكم حفلاتكم ....
ما قلتو لينا العشاء كان شنو ...
موسى عيسى مالو ما ظاهر ..
Post: #481 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-06-2011, 06:23 AM Parent: #480
ايوه اتفق معك ... واتضامن معك ... ومعاً من اجل عودة جلا ولا نامت اعين الجبناء ...
Post: #494 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-07-2011, 07:47 AM Parent: #491
الحالة الثانية:-
حضرت سيارات فارهه إلى صيوان العزاء بالقاهرة
ونزل منها مجموعة ممشوقة القوام قوية البنية يحمل
فرد منهم لا سلكي وسألوا عن أهل العزاء ثم قالوا نحن
الحرس الشخصي للسيد جمال مبارك ،،، وأن سعادته سوف يأتي
بعد قليل لأداء واجب العزاء ،،،،
وأمر المسؤول الأمني بجمع جميع أجهزة الهاتف الجوال وغيره
من المعزين وتسليم إيصال بنوع الجوال وإسم صاحبه وذلك لدواعي أمنية
ثم قامت المجموعة وعلى عينك يا تاجر بركوب السيارات وقالوا للمعزين
مع السلامة لقد تعرضم لسرقة منظمة .
Post: #495 Title: Re: ناس الزقازيق ... أجدع ناس (4) .. Author: محمد عيد Date: 02-07-2011, 08:03 AM Parent: #494
حالة خاصة يا ريس
الرئيس مبارك ومعاو عائلتو راكبين طيارتم الخاصة ماشين شرم الشيخ قام جمال قال لمبارك لو رميت 25 جنيه حا تسعد ليك اسرة مصرية قال ليو يعنى لو رميت 50 جنيه حا اسعد لى اسرتين قامت سوزان قالت ليو يعنى لو رميت 100 جنيه حا تسعد اربعة اسر مصرية قام الطيار قال ليو يا ريس انت لو رميت نفسك حا تسعد 80مليون مصرى ..!!
Post: #496 Title: Re: ناس الزقازيق ... أجدع ناس (4) .. Author: محمد عيد Date: 02-07-2011, 08:15 AM Parent: #495
الجن ده جانا تانى ولا شنو يا ريس ..
يعنى معقوله الصفحة حتقلب بعد 6 مداخلات ؟؟
Post: #497 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-07-2011, 09:08 AM Parent: #494
أما الحالة الخاصة بالسودان فقد أرسلها لي
الريس معتصم في البريد الخاص
وإستأذنه لنشرها هنا عسى ولعل أن ينتبه أخونا جلا
ويقرأ مضمون البريد:-
البطارية نزلت
ذهبت الى منزل صديقى (مأمون) أحمد له السلامة لنجاته من حادث وهو يقود عربته بالقرب من مستشفى أم درمان ، قلت له وأنا أنظر للجهة اليسرى من العربة التى تهشمت تماماً : - ياخى والله ده حادث كبير .. الحمدلله ربنا شاف ليك وما جاتك حاجه. قال لى وهو يبتسم ... والله أنا ما غايظنى الحادث بقدر ما غايظنى شئ تانى حصل مع الحادث، وبدأ يحكى لى :
العربية العملت معاى الحادث دى عربية بتتبع لإحدى الجهات النظامية .. وأول ما الحادث حصل الناس إتلمت كعادة السودانيين .. واحد من الناس خاطب سائق العربة وقال ليهو يا زول إنتا غلطان .. إلا أن أحد الأشخاص (الواقفين) إنبرى لهذه الشخص ,وخاطبه بلهجة حازمة قائلاً :
- أسكت يا زول .. ما تتدخل فى الموضوع ده. ولم يكتف هذا الشخص بردع ذلك المواطن بل عندما أراد أحد الجنود الذين كانو بالعربة التحدث امره أيضاً بالسكوت. يواصل صديقى مأمون قائلاً :
جاءت عربة المرور وقاموا برسم الحادث وطلبوا منا أن نذهب إلى القسم إلى أن سائق العربة (الجهة نظامية) قال بأن لديه مشواراً قريباً هاماً سيذهب له وسوف يلحق بنا فى قسم المرور ، وقد لفت نظرى حينها أن ذلك الشاب ذا اللهجة الحادة قد ركب معهم فى العربة . ذهبت إلى القسم منتظراً حضور العربة وبينما أنا كذلك دخل إلى القسم ذلك الشاب ذو اللهجة الحادة فقمت على الفور بسؤاله :
- الجماعة ديل وين؟ - قاعدين ينزلو ليهم فى حاجات فى بيت اللواء فلان وح يجو هسه ... إنتا عربيتك مأمنة؟ - أيوه مأمنة تأمين شامل. - خلاس أنا أمشى أخلى العسكرى المسئول من تقارير الحوادث يجى يعمل التقرير ويمشينا بى سرعة. يواصل صديقى (مأمون) : دخل ذلك الشاب إلى مكتب التقارير ومكث بعض الوقت ثم جاءنى فسألته عن تأخر (العربة) قال لى : - الناس ديل ما مفروض يتأخروا عشان بيت اللواء فلان ده قريب بى جاى .. كدى خلينى أتصل فيهم أشوفهم تأخروا ليه. - (وهو يمسك بالموبايل والمكرفون مفتوح ) : - أيوه معاك الملازم ياسر. - أيوه سعادتك. - مالكم إتأخرتواأنا منتظركم فى قسم المرور. - خلاس قربنا ننتهى سعادتك. - يلا تعالوا بى سرعة عشان أنهى ليكم الموضوع ده. بعد دقائق .. أخرج الموبايل أيضاً ليتصل لكنه أعاده إلى جيبه ومد لى يده قائلاً : - لو سمحت يا أستاذ موبايلك أكلم ناس البيت الظاهر (بطاريته نزلت) يواصل مأمون : أديتو الموبايل .. إبتعد قليلا وهو يتحدث بيديه فى عصبية ... متجها نحو باب القسم ... إنشغلت عنه بعض الشئ ولما لم يعد للقسم خرجت إلى الشارع ... وفص ملح وذاب !! بعد قليل حضرت عربة القوات النظامية .. سألت أفرادها : - يا جماعة الملازم ياسر الكان راكب معاكم ده جاء هنا ومشى يكون راح وين؟ - ملازم شنو ؟ تقصد الشاب الركب معانا العربية من مكان الحادث. - أيوة ! - ده قال لينا يا جماعة وصلونى قدام معاكم !!
إنتهت (البطارية نزلت) بتاعت أخونا (مأمون) وتعالو معى إلى بطارية نزلت من نوع آخر فقد حكى لى صديقى (مصطفى) وهو يعمل مسئولا عن إدارة أحد المطاعم الخرطومية الخمسة نجوم بان أحد المضيفين قد أخبره بان هنالك فتاة تجلس وحيدة لأكثر من ساعة والدموع تنهمر من عينيها ، يقول (مصطفى) بانه قد نزل من مكتبه إلى صالة الطعام حيث وجد الفتاة تنتحب بالفعل ، عرفها بنفسه وطلب منها أن تهدأ وأخبرها بأن المشكلة لو فى (الحساب) فإدارة المطعم تتنازل عنه .. إلا أن الفتاة إزداد نحيبها فطلب منها الخروج من الصالة حتى لا تلفت الأنظار وعندما خرجت وكفكفت دموعها أخبرته بالقصة : أنا خريجه ليا ستة سنين وبكوس لى شغل وما لاقية .. لقيت فى جريدة إعلانية إعلان عن وظيفة بى نفس المؤهلات بتاعتى .. إتصلتا عليهم رد عليا المدير وقال ليا تعالى نعمل ليكى إنترفيو وجيبى معاكى السى فى بتاعك وشهاداتك الأصلية ، قلتا ليهو الشركة وين ؟ قام قال ليا (جوار المطعم الفلانى) ممكن تنتظرى هناك أنا ح ابعت ليك موظفة تجيبك ، أها لمن جيت فى المواعيد ووقفت جانى زول لابس بدلة وكرافته وشايل ليهو ملفات وأوراق وبعد ما سلم عليا عرفنى بى نفسو وطوالى قام قال ليا : - لو ممكن بس نشرب لينا حاجة فى المطعم وبعدين نمشى الشركة وهى فى الشارع التانى .. طلب عصير ومشويات ومعجنات وحاجات كتيرة .. وكان كل مرة يمسك بالموبايل ويقول كلام كبار كبار .. الشيكات .. البنوك ... العطاء .. وفجأة بيتكلم ليهو فى محادثة قام دخل الموبايل فى جيبو وقال ليا لو سمحتى أدينى موبايلك (البطارية نزلت) .. قمت أديتو ليهو .. قعد يتكلم ويأشر بى أيدينو .. ورجع شال الورق الكان شايلو قعد يقلب فيهو ويتكلم وهو ماشى لمن فتح الباب وطلع ! (وهى تجهش بالبكاء) والله يا أستاذ أنا ما حارقنى الموبايل ولا الأكل الطلبو الزول ده ... أنا حارقانى الوظيفة الأملتا فيها !! كسرة: تحذير : مافى زول يقول ليك (البطارية نزلت) تديهو موبايلك !
Post: #498 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-07-2011, 09:17 AM Parent: #497
Quote: الجن ده جانا تانى ولا شنو يا ريس ..
يعنى معقوله الصفحة حتقلب بعد 6 مداخلات ؟؟
بيكون بكري عامل لينا حسابه سرية (على وزن الحاج السري)
لتعويض الصفحات بتاعتنا الإختفت على الميل ده نفسه،،،
أو بكون حسب معانا طارق جبرين لأنه عنده بوست بيحضر الناس
على عرس المغربيات ، الغريبة عمل 105 مداخلات ومازال في الصفحة الأولى
قبل كده الحكاية دي حصلت لي بدر الدين محمد احمد برضو واحد جاهو في المكتب ... وبقصة انسانية واخوه في السجن وعايز ليهو محامي وبعدين البطارية قطعت وبعدين فص ملح وداب .... يعني اي زول يقول ليك البطارية كملت للاحتياطي اقطع فيهو كف طوالي ...
رحم الله الزميل خالد الحاج رحمة واسعة .... ونسال الله ان يسكنه فسيح جناته مع الصديقين والشهداء ... والرحمة لكل فقدانا ....
Post: #507 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-08-2011, 07:19 AM Parent: #505
البوست في سبات نوم عميق
قرأت على الفيس بوك عن زهير الزناتي
بأن زميلتنا عفاف على ميرغني سوف تظهر
على التلفزيون السعودي القناة الأولى
الساعة الثانية ظهراً ،،،
كما أن الأستاذه منى يونس جهزت شريط فيديو للتسجيل
والشريط بعدين بخمسة ريال فقط ،،،
=============================
كسرة يا شباب :
تواجد الناس في الفيس بوك جيد وممتاز بس ما يكون على حساب البوست.
Post: #508 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 07:31 AM Parent: #507
صباح الخير يا شباب هاهو ثلث فبراير ينقضى وهاهى سنة الألفين وحداشر تطوى بين ثناياها , خمسة عشرة بالمئة منها , او تزيد يا الهى منكم اين انتم ؟؟ هل اخذكم الفيس بوك , ام انكم الى الونسة المباشرة تجنحون احتفلنا بمئوية سابقة , فاحسنا الأحتفال ولكن الجو العام , ملبد بغيمة كبيرة ولئيمة وسحابات التغيير التى حامت حوالينا , اخذتنا كل مأخذ , حتى بتنا ننوم ونصحى , فى ميدان التحرير وتبادلنا نكاتا , واجتررنا كلاما كثيرا , ومرت بنا غيوم الدبرسة والأستطراد فعركتنا وعركناها , مشينا معاها الواطة ودقينا الدلجة , ثم انتفضنا واقفين انا جعان كتابة , فهل انتم مستحملون ؟؟؟
Post: #509 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 07:38 AM Parent: #508
وبى سكر تملكنى واعجب , ان كيف بى سكر !!! رددت الخمر عن شفتى , لعل جمالك الخمر ؟؟!!!!! ومن السكر وحالات الوقوف (لط ) ما لا تعرف له سببا ولا تعليلا وهذا ترف لا ابحث عنه , لا حقيقة ولا ادعاءا ياخى الناس تفتش على سكرة ينى دى , ويحسدو ينى عليها حسادة العدو وانت ما عارف تقول لى سبب سكرتى دى شنو , ما تحمد الله على ان وهبك نعمة السكر ووقفة اللط دونما سبب او تعليل ولا (ريحة حتى ) فلا تضيعن وقتك وجهدك فيما لا يفيد سكران واقف لط , ولا خمر , ولا شربوت حتى , فلا تتبطرن على الله فى نعمته غيرك بيمرق ليها فى بلدا كتر , ويبذل لها وفيها الأنصاص والأرباع والكبايات والفتايل وانت تجيك بااااااردة , وتقعد تقول يا ربى السكرنى شنو بالله عليك قوم لف
Post: #513 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 08:07 AM Parent: #509
عنما مات حجازى عبد الرازق محمد فضل سنوات خلت وعندما سقط فى حمام منزلى الكائن فى حى الخالدية برياض السعودية وسمعت سقطته فى حمامه الأخير ذاك , بنت شيخى ورفيقة الدرب فاطلقت صرخة استغاثة عالية , سمرتنى فى مكانى , والزمان رمضان , والمكان صيف معتدل سمى رياضا (ولا خضرة فيه ) عرفت , وانا احاول حمل جسده الذى بدا لى ثقيلا , مقارنة بماذا لا ادرى حيث اننى لا اذكر اننى حاولت يوما حمل جسد حجازى , العكس قد يكون صحيحا ولكن ثقل الجسد , كان واضحا , ازاء معافرتى انا والصادق اخى فى حمله من بانيو الحمام ولكننى عرفت لاحقا , ان ذلك الثقل , كان اول علامات فناء الجسد الذى كان ثم كان حمله , وادخاله الى العربة السوزوكى الصغيرة او قل حشره حشرا ثم المرور على مستوصف الخالدية القريب ثم قولة الطبيب العام المناوب الوحيد (القاسية والثقيلة لا بل الخالية من كل احساس ) ثم اعادة حشر الجسد الثقيل فى ذات العربة السوزوكى التى بدت اقل حجما الآن وبما ان الزمان رمضان , وبما ان الوقت , عصر متجه الى مغارب فان الشوارع كانت متنوعة النكهة , ونحن فى طريقنا الى الشميسى التى بدت ابعد مثلما ان السيارة السوزوكى , كانت تزداد ضيقا , وصبرى انا ودموعى , فى تناسب عكسى (مضطرد) ولكن الصادق , المحسوب لدى العارفين , اصغر عمرا اظهر علامات من التماسك , تحيرنى كلما ذكرتها انا لا اعرف للصادق جلدا وصبرا كذاك ولم اجده فيه لا قبلا ولا بعدا ولكنه , ازاحنى من موقع القيادة , بعد ان لاحظ اننى امثل التهور كله او جله وحجازى يتمدد فى كرسينا الخلفى , وقد كست وجهه ابتسامة يا الطاف الله , لم تكن هذه الأبتسامة موجودة , لا وانا احاول حمل جسده الثقيل من على بانيو حمام منزلى ولا اذ انا والصادق وبعض الجيران , نسجيه قبل ان نحشره فى كراسى السوزوكى الخلفية البالغة الضيق ولا حتى وانا اتعارك مع طبيب مستشفى الخالدية العام , وهو يظهر جلافته ولا انسانيته تلك حقيقة الأمر , ان (الجلافة ) هى الحقيقة الوحيدة , فى احيان عديدة وبدا لى الصادق اكثر تماسكا وهو يقطع الأشارات , مثلى تماما عندما كنت اتولى القيادة ولكن بحكمة وصبر وجلد , حتى ولكأنه يكاد يشرح لكل صاحب سيارة , سبب قطعه للأشارة متقمصا حالة سيارات الأسعاف , واضعا يده على البورى بشكل متواصل وبدت الشميسى المستشفى , بعيدة , بعيدة , بعيدة , ثم اكثر بعدا وبعدا ولكننا وصلناها اخيرا , وهب لنجدتنا طاقم ممرضين وممرضات , خطفوا منا جسد حجازى المسجى , فى لمحة كالبصر ولكن هيهات ,هيهات , قرأناها على وجوه الأطباء , واستنتجناها من ايماءات الممرضات مضى ابو عبد الرازق الى حيث يمضى الجميع , خاتمة المطاف جاءنا زائرا ليموت عندنا , بعد ان مضى الى السودان , قبل سنة , فى محاولة استقرار متاخرة وما جاءنا , الا مجددا للأقامة , او لاغيا لها سيان , مع انه كان لفكرة الأستقرار من الكارهين مات عندنا ها هنا , ليدفنه من عرف واحب , وهو القائل بأنه تفأجا بانه فى سودان الأستقرار بدا وكأنه لا يعرف احدا قال لى انه بدأ رحلة اغتراب جديدة فى السودان , بعد ان كان يزظن انه ذهب اليه طالبا الأستقرار كانت ملاحظته تلك , بمثابة الموتة الأولى , اذا صح ان للأنسان (موتتان ) واولى الموتات , انما تسلمك للثانية , جاهزا مستسلما هل لذلك الأحساس , اى علاقة بابتسامته المتأخرة تلك ؟؟؟
يا منص سلامات ... اكتب واكتب وقد عين الشيطان ... البورد كلما يخرج من عكة يدخل في التانية .... وكل مرة تخيم سحب تحجب الرؤية ... والناس اصبحت سريعة التاثر بكل حدث ... مثلاً وفاة الزميل خالد الحاج لم اعرفه قبل ذلك الا من خلال ايملين بخصوص منظمة رد الجميل الا ان حزني عليه اليوم كاني اعرفه منذ فترة طويلة ... رغم اني اري صورته للمرة الاولي في بوست نعيه ... يبدو ان الانسان كلما تقدم في العمر رهف شعوره واصبح اكثر حساسية خاصة الاخبار الحزينة ... هل تصدق البارحة ان عمر البشير اعلن قبول السودان رسمياً بانفصال الجنوب ... وكانت هنالك جلسة استثنائية لمجلس الوزراء لمناقشة الامر ... مر هذا الخبر مرور الكرام ولم يلتفت له احد ... من جسامة الاحداث اصبح خبرا مثل هذا اكثر من عادي ...
بسم الله السلام على من اتبع الهدى أن تسرق اللحظات لتكون مع أحب الناس إذن أنت في الزقازيق أو أنت في الرياض أو أنت في جدة أو أنت بالسودان في إجازة وهنا ما عليك إلا أن تقابل الجمال إلا من أبى فقلنا: و من يأبى يا هذا فقال: فلان ابن فلان فقلنا: ثم من؟ قال: ثم فلان بن فلان بن فلان قلنا: و يحك ما بال فلان بن علان؟ قال: دعوه في غاره فإنه أحوج للذكر منِّا تمتمت .... هل سيطول إنتظارنا إليه؟؟؟ أم نأتيه و إن كلّف السفر إليه ما كلّف؟ زهير و أولاده غير معنيين بي فلان و علان
هذا جيِّد جيعان كتابة عليك أن تضع في الحسبان أشياء كثيرة ما نوع الكتابة التي تريد أن تكتبها؟ هل الكتابة زي الصينية بتاعت السماية بتاعت نجيلة؟ و المقتطر فيها رغيفتين؟ أم جيعان لي نوع واحد من الكتابة زي صحن الفول الما فوقو أي دعومات؟ مثلاً: زيت سمسم صافي، جبنة، طعمية، صلطة خضراء وبي الجنبة كدا صحن شطة حمراء كانت أو خضراء المقطع الثاني البحث عن الناس البتستحملك وهنا تكمن أس المشكلة عن نفسي غير موافق!!!!! لأنو بالتأكيد سيجمع عليك كل الناس الداقسة بأن كلامك طاعم و مافي منك و خجلانين ما قادرين نرد عليك و هكذا دواليك أنا هنا...يبقى من البديهي أن تسأذنني فيما تكتب وهذا رأي شخصي فإذا كتبت و أنا ما مستحملك فهذا يعني أنك حجرت على حرياتي الكلام البي بولط دا عجبني موسى عيسى خليك في غيبوبتك دي لغاية ما استعد كويس .... إتفقنا؟؟
اليوم الساعة الثانية ظهراً بتوقيت السعودية والسودان ... عفاف علي ميرغني في التلفزيون السعودي القناة الاولي ... متحدثة عن الازياء الشعبية في السودان
يا ميسرة الخمسة ريـال شاملة اجرة البريد
Post: #515 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 08:19 AM Parent: #512
حسنا يا جلا وتعال الى يا زهير صدقونى اننى احتضن الكى بورد احتضانا ولم لا , فانا سكران , يا حبيبى انا سكران , سكران ليك , يا ريت يدوم هنانا واما وقد جاءنى الأذن مشروطا حينا , ومفتوحا فى احيان أخر فليسألنى احدكم مثلا السكران ليها شنو ؟؟؟
السؤال الأخير ده , ما يجاوب عليهو الا طارق جبريل , علما بانى , لا داير مغربية ولا حاجة وبوستيك زاااتو , غير ما بيوقفنى لط زيادة , ما بيعمل فوقى حاجة
Post: #516 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 08:27 AM Parent: #515
ومصدر استغرابى , تن هؤلاء الزقازيقاب يعرفون اخبار بعضهم البعض دون اتصال حتى , ودون ان تكتب تلك الأخبار ايضا ومن شاكلة ذلك ان جلا عرف ان موسى عيسى فى غيبوبة ما علما بأن موسى عيسى فى غبيراء الرياض (بغيبوبته يستمتع ) وجلا ماضيا بين فاو وفاو , كادوقلى والخرطوم ويصلى فى مسجد الجيش وكذلك (بغيبوبة موسى عيسى الفى الرياض البعيد , يستمتع كذلك ) اذن هما فى غيبوبة وكانهما (سكرانين ) وانا هنا سكران عدييييل ولكن ما علاقىة غيبوبتهما , وسكرة ينى التى تنتابنى , وموت حجازى عبد الرازق ليس ذلك فحسب بل ان احداث مصر , وشباب فيس بوك السودان , وموت خالد الحاج الذى لم اتشرف حتى بمعرفته وسفر الرشيد للسودان , وعرس المغربيات الذى يروج له طارق ود جبرين كله محصل بعضه يا حلوين
قلت جيعان صدقناك أما السكر فله شروط هو أن تكون شبعان ومدفق شبعان مشاعر ومدفقة، شبعان خيال و مدفق شبعان راحة نفسية و مدفقة، شبعا بال مرتاح و مدفق وهنا و حسب معلواتي أن كل الشبع السابق يسمى مزَّة عدا شبع البطن السؤال السكران ليها شنو؟؟؟ حتقول لي أيواااسألتني؟؟؟؟
وقيل ان السكرة لا تربط الا علي جوع ... لذا يقتات اهلها من المزة شوية شوية ... ويعبون من الخمر عبا ... جماعة رسلوا واحد يجيب السكر والعشاء ادوه مية جنيه ... جاب ليهم سكر بتسعين جنيه وعشاء بعشرة ... قالوا لي ياخي عملت لينا القروش كلها عشاء ... اها يا منصور واصل ونحن متابعين
Post: #519 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 08:36 AM Parent: #517
تحركت العربات ومعاها حافلة وبوكسى هايلوكس , ميممة شطر الجزيرة , فى حنتوب الجميلة , البيها يدوم هنانا , يا علاء حجازى , انا فرحان , فرحان بيك انا عارف الكلام ده , ما مكانه المنتدى العام , لكن اعمل شنو , فانا فرحان , وبيكم انتو كمان , برضو يدوم هنانا بعض الأحداث تنتظرها وتنتظرها , تاتى او لا تأتى , ولكن عندما ياتى بعضها , ياخذك من (تلابيبك ) , فتستغرب كيف كان , وكيف يكون , مع انك كنت له من (المنتظرين ) انا اسمى منصور , طيب ما عارفين يا بايخ يا سخيف , الغالطك منو ؟؟ كنت فى اسرة صغيرة , قوامها من الابناء ثلاث , مثلما لها من البنات وكحال اسر شمال السودان , الذين هجروه واستوطنوا فى وسطه الذى يحتمل كل جيرة (هجين ) , اخذتنا معمعات الحياة كل مأخذ وكحال اسر الدناقلة عموما , فان عماد الأسرة وابوها , يضرب فى فجاج الأرض بحثا عن رزق ما , فى مكان ما , حتى انهم , اذا ما طال بهم المسير ,اتخذوه وطنا بديلا وماكانت رفقة الأسرة وافرادها من المطلوبات , ذلك العهد البعيد , الا ان الأسرة , وهى تتلقى اعانات عائلها الشهرية او نصف السنوية المعتادة , من مكان ما فى فجاج الأرض , بعيدة كانت -الى عهود مضت , وقريبة اصبحت , فى عهود تلت , مابين بورسعيد وطرابلس الشرق والغرب وجدة البحر الأحمر ودمام الخليج العربى ورياض الجزيرة العربية , ومن ثم مرورا ما (مجرد مرور ) , على منزل الأسرة ومقره الدائم , فى مكان ما , فى (الخرطوم اللامة ) وما بين هذا وذاك , فان اباء الدناقلة عموما , تركوا مهام الأبوة , لأكبر الأبناء دائما , حتى ان الكثيرين منهم عندما يعودون لماما فى اجازاتهم , يتفآجأون بان ابنهم الكبير , قد اصبح نسخة مصغرة منهم , ويمكن ان يكون مقلوب نفس الكلام صحيحا وفى بعض الاحيان اكثر صحة , هذا اذا قلت انهم يتفاجأوون بانفسهم التى تبدو وكأنها نسخة مكبرة , من ابنهم ذلك الذى لم يلاحظوا انه فى كل سنة يغيبون فيها بحثا عن ريالات ودولارات مبعثرة هنا وهناك , انه يكبر سنوات عشر اوتزيد , يا الهى يخليهو عمره سبعة سنوات , يرجع بعد سنة يلقاهو عمره سبعتاشر , ثم فى الأجازة البعدها , يلقاهو تام النضج حاضر البديهة حاملا هم البيت على اك######## , ويتفاجأ به -اكثر ما يتفاجا , ابا صغيرا حانيا بسيطا , يدرس فى المدرسة صباحا او فى الجامعة , ويمارس ابوة صغيرة نادرة مركبا لكل مقام (مقاله ) , طائشا مع الطائشين , لا عبا مع اللاعبين , رزينا مع الرزينين , ابا مع الأباء , ابنا ساعة البنوة , وصدرا حانيا ذا معشر غاية فى اللطف تستغرب من اين اتته كل هذه المقدرات المتنوعة , ولا تملك الا ان تقول ساعتها , سبحان الله وبحمده والحمد لله الذى بنعمته تتم الصالحات
Post: #521 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 08:44 AM Parent: #519
يا الهى منهم يا زهير , الناس البطينييين الجنهم اكل ديل عشاء بى عشر كاملات ؟؟!!! طيب خلو للسكر البيسأل منو جلا شنو التسعين دى , يمين حقت (ترتيحة واحدة بس ) وفى هذا الزمن (المغشوش جانبه زى منديل ابو داؤؤد ) الراس او الدماغ فيهو , عايزالها قعدة , ودايرالها كلفة كمان دونك ودون تعمير راسك وعدل مزاجك , المسافات الطوال ووين ووين لمن يجيك احساس السكر والوقفة اللط لمن يجيك , اقبض فيهو قوى ان شاء الله بعد داك ., تبيت القوى وبما ان جلا قال , اها يا السكران , وما ختا بعد كلامو ده لا استفهام ولا تعجب ولا كمان فل استوب فنحن براااانا , بعد ما عرفنا سبب اذانا , نخت (شولتنا ) , ونواصل ايوا نواصل (اكل ) , مش قلنا جعانين ؟؟؟!!
Quote: ولكن ما علاقىة غيبوبتهما , وسكرة ينى التى تنتابنى , وموت حجازى عبد الرازق
لحجازي عبدالرازق الرحمة و المغفرة و أن يرزقه المولى عز وجل الجنة مع الصديقين و الشهداء سكرة يني التي تنتابك دي زي تكون ما داير تعمل حاجة لكن مفروض تعملها ومن هنا تأتي الكاروشة الزقازيقية و التي دائماً ما تبدأ بنهايات الشتاء و دخول الصيف فإذا عملتها وما وجدت الرواج فتجد إنك تلوم نفسك و إذا لم تعملها فبتكون لايص وسكران و خايف تقع ليك في بير خت في بالك موسى عيسى الأيامات الفاتت كان ببمر بي نفس السكرة بتاعتك و ما عمل الحاجة الكان داير يعملها
الرحمة لحجازي .... والبركة في ذريته ... وواصل يا منص عشان نجي للتبريكات والتهانئ ... الزول ده مش صاحبي ولا واحد تاني
Post: #526 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 09:02 AM Parent: #520
هاهو علاء حجازى , يلحق حرف الدال مقترنا بأسمه فى الأول , فيتبادل معه الفخار فى صورة تراتبية عميقة اذهلتنى , حتى اننى تساءلت , هل ولد ومعه ذلك الحرف , ام ان الحرف كان مقرونا معه اساسا دون ان ندرى , ولكن المسألة عندى فيها اعماق تراتبية اخرى جعلتنى ابدا هذا الحكى كما بدات , , ولكن دعونى اكمل لكم القصة كما حاولت ان ابتدرها , , فحقيقة الأمور ان هناك اب صغير واخ كبير , ولك ان تختار احدهما او كليهما ما شاء لك الأختيار , لعب الدورين بأجادة دونها اجادة يحيى الفخرانى لشخوصه , وفى ساعات الأغتراب الأول -لى انا منصور عبد الرازق -كان ابو عبد الرازق حجازى -معلما صامتا , لا لمهنة امتهنها , ولا عيش اكتسبه , ولكن لحياة احياها بمعناها , ببساطتها احياها , وبتعقيداتها استوعبها ثم احياها , وبالوانها ارسمها ثم احياها , وبمعانيها افهمها فأحياها , حتى اذا ما صار ابناؤه اخوة لى قبل ان اصير ابا لهم , كانت تنساب فينا وخلالنا ابوة كما الأخوة , واخوة تلبس جلباب الأبوة , وانا الآن عندما الحظ ان قطار حياته الذى لم يتوقف حتى وان مات , مازال يمرق فى عباب وصحارى الحياة كما السهم الأخضر , وهو وان كان يمرق فى ما بين محطاته كما الأكسبريس , الا انه لا ينسى ان يمتلىء بقيمها كما يفعل القطر القشاش , الواقف فى كل محطة , فلا تنزل منها قيمة , ولكن تركب قيم , وتجلس فينا وجدت مقعدا او لم تجد , ويمر عليها كمساريها ومحصلها حاملا بطاريته التى سرعان ما يطفيها ملاحظا ان بطاريته تبدو كسهم ضوء خافت ازاء الأنوار التى تملأ المكان , فيعرض بضاعته وتذاكره التى سرعان ما يكتشف بوارها وكسادها امام بضاعة تزاحمت على الأرفف والطرقات ,جد ومسئولية واجتهاد , حنو وابوة واخوة , صرامة ووداعة ولين جانب , وهاهو الدكتور علاء حجازى , ينزل من هذا القطار ولا ينزل , يقعد فى كنباته ويقف فى الطرقات , امامه عبد الرازق وعمرو , وخلفه محمد واحمد منصور وايثار ومجتبى , ويقف حجازى (الثانى ) صغيرا ككبير , طفلا كرجل , سيدا بين اسياد , لتمسك بكتفه مدرار , تتبعها لدن وهتون , ومن ثم محمد الصادق على البعد برعما كزهرة , وسهما نافذا من جراب ملؤه الأسهم النافذات ,عشت يا علاء حجازى , ولا توقفت مسيرة ذلكم القطار , وما اقواك من شجرة غرست , عانت وربت , ثم سقيت فنورت , ثم اخضرت واينعت , حتى اذا ما اثمرت وطرحت , شق على العارفين ان يعرفوا ثمرها , ذلك حلو المذاق , وضاح المحيا , صارم القسمات حى الشعور , يا دكتور علاء حجازى , شفتك انا وابتهجت , وين يا غالى انت , مليون مبروك لك وانت تصل الى (بداياتك ) , بجدك واجتهادك , لك منى التحيات , الزاكيات , العطرات , النضرات , السابقات اللاحقات , , وكونك الآن فى زمرة الأطباء الصيادلة , كلمة منك حلوة , كنت مستنيها , بالأمل والسلوى , من زماااااااان راجيييها , اها هاانذا اقول كل الكلام الأول , والكلام التانى جاييكم , كلام ناس سكرانيين بى سببهم , وعلاء حجازى , الدكتور الصيدلانى المتخرج توا من جامعة الجزيرة , والذى عجزت ان التحق بحفل تخريجه الخميس الفائت , الا اننى استعضت عنه بسكرة اضافية , حمل هم تحقيقها وحمل متاعها جمال الشيل الزقازيقيون , فكانت استراحة القوس , وكان عمار السنوسى , وكان سكرا لليفة , حتى اننى تخيلت ان الجميع يحتفلون بتخريج علاء حجازى , فاصبحت سكرانا بين مجموعة (طشامى ) , وفرحا فى زمرة فرحين , لكل سببه وعلته , وتعددت السكرات , ووقفة اللط (واحدة ) ,سكر ولا ما سكر يا جلا ؟؟ ولكن اسباب سكرتى ما تزال تترى , فبعضها يدعوك للفرحة مما صوره الدكتور الصغير علاء حجازى عبد الرازق , او ما ابدعه فينا السنوسى عمار بدءا من (ولى المسا) وصولا الى اليوم نرفع راية استقلالنا , ولكن ما خفى آت , كما انه وبالتأكيد , (اعظم )
التحية و التجلة للدكتور الصيدلاني علاء حجازي و ألف رحمة و مغفرة لحجازي عبدالرازق و فرحتك مشروعة بس يا ريت ما تكون سكران للطيش أنا يا دوب سكرت عندما إنتهيت إلى تخرج الدكتور من جامعة الجزيرة و يا له من سكر لكن سكرة استراحة القوس فعندي فيها كلام ياخ شدة ما كنتوا سكرانيين الزول البصور زاتو واقف لمبة و الصور مهزوزة والصور زاتها طاشمة حتى أسألو ديدو فحقو تفرز بين السكرة و الطشمة قلت لي الجماعة واقفين لط؟؟؟ بالمناسبة أنا اللمة بتاعتكم جاتني صوت حتى الصوت الزول الأداني ليها كان كلامو ما مفهموم عشان كدا لي هس في غيبوبة
Post: #528 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 09:25 AM Parent: #526
وروى عن ابو داؤؤد عبد العزيز (وهو فنان سودانى دفعة ناس الكوتش ويعرفه ابوبكر محمد صديق زى جوع بطنه ) , انه وفى عهد طغيان الفنانين البكاسى الذين يرددون ويعتاشون من انتاج الفنانين الكبار الآخرين , روى ان هؤلاء الفنانين الكبار , قد ضاقت بهم ماديا من فرط سيطرة البكاسى هؤلاء على سوق الحفلات لرخص اسهار حفلاتهم , وهذا وضع اجبر هؤلاء الفنانين الكبار على استجداء الحفلات وتنزيل الأسعار حتى ولو بالدس دس لأن الجوع كافر كما يقولون , حكى ابوداؤؤد , ان احد هؤلاء الفنانين الكبار , جاءه عريس طالبا فنانا لحفلة , قال العريس , انه شاف ليهو فنان اسود وسميييين بيغنى اغنيات ناس جمال فرفور والطيب مدثر , ابو داؤؤد عرف انه المقصود , ولما كانت الحكاية قارصة معاهو قرصة شديدة , والسخانة ضاربة بيهو الواطة , قر ان يمضى بالمر لنهايته ممنيا النفس بان يطلع ليهو بكم الف كده حق حلة بكرة , ايوا قال ليهو ده انا ذاتى , يمين اغنى ليك اغنيات الجماعة ديل احسن منهم زااااتو , وبدا الجدال والمفاصلة على القيمة المادية للحفلة اها وبتطلع بى كم يا اخينا ما حا نختلف قول لى ياخ عشان الأوله شرط آخره نور ياخى قول انت وما حا نختلف يا زول ورينا نحن ناس ميزانيتنا محدودة , ولو ما كده كنا مشينا لى فرفور عديييل وما جيناكم على بالطلاق ما بنختلف يا زول تقول ولا نشوف غيرك مليون كيف ؟؟ طوالى العريس ادى ليك ابوداؤؤد ظهره طيب ما اتم عليها واجيب فرفور زاااتو تعال ياخ انت داير تدفع كم كلامك بعيد خلاص ياخ , انعل ابو الزمن الرمانا فى الناس البيقلدوا ديل , لو كان الواحد كان عنده قروش ما كان وقع الوقعة دى ما بنختلف ياخ , الحكاية يفتح الله ويستر الله من دربى ده ماشى لى فرفور ان شاء يغنى لى بالدين تعال يا زول رجع العريس ناويا حسم الأمور نهائيا شوف يا زول , انا لو عندى مليون ما كان جيتك داير تدفع كم مية الف بس ما عندى ليك غيرها طيب ما تقول كده ياخ , يعنى معقول نختلف لينا فى تسعمية الف بس
Quote: مية الف بس ما عندى ليك غيرها طيب ما تقول كده ياخ , يعنى معقول نختلف لينا فى تسعمية الف بس
تعرف يا منص حاولت أجد رابط ما بين نكتتك دي و نكتة زهير التسعمية ألف يا ها التسعسن جنيه و المية ألف ياها العشرة جنيه و زولك ماختلف في التسعمية لكن جماعة زهير استنكروا أن العشاء أخد كل القروش
و زاتو أنا مالي سكران و لا شنو؟؟؟
Post: #530 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 09:51 AM Parent: #528
وامور السكر ووقفان اللط , متشابكة ومتداخلة حد الأرباك يا عزيزى يا جلا وما تشابكها واختلاطها بين تخريج دكتور علاء حجازى , ولمة استراحة القوس الا مجرد لمحة من لمحات , وصفحة من كتاب كبير , طويل وعريض صفحة شنو , الشغلة سطرين فقط لا ثالث لهما ولا تدخل بينهما ولا فيهما , غيبوبة موسى عيسى , وما عندها اى دخل بى طلة صاحبة التوائم (من التلفزيون السعودى ظهر اليوم ) ثم , وما دخل عفاف على ميرغنى بالتراث الا اذا قالت انها تستوحى كلامها ومعلوماتها عن التراث , من (صلعة الزول القاعد جنبها داك ) اذا جينا للتراث , ف (داك ) ياهو التراث زااااتو ) هى حصلت يا عفاف تجيبى لينا صلعت الزول داك , فى التلفزيون عديييييل لكن ما تراث لكن !!!!!!
Quote: وما دخل عفاف على ميرغنى بالتراث الا اذا قالت انها تستوحى كلامها ومعلوماتها عن التراث , من (صلعة الزول القاعد جنبها داك ) اذا جينا للتراث , ف (داك ) ياهو التراث زااااتو )
أخال أن صاحبة التمائم تتحدث في معرض حديثها أيضاً عن التراث البيجاوي و شموخ جبال التاكا الأشم و دعني أن أأخذ مفراداتك و أقول أنها تستوحي شموخ جبال التاكا كما استوحت التراث من (شموخ الزول القاعد جنبهاداك) لله درك أيتها الكسلاوية
Post: #532 Title: Re: ناس الزقازيق ... أجدع ناس (4) .. Author: منصور عبد الرازق Date: 02-08-2011, 10:11 AM Parent: #530
ولكن الرابط موجود يا جلا ولا علاقة له بروابط اسبيستوون الوهمية المصطنعة الا ان السكر هو السكر , تختلف اسبابه ويبقى السكر ياهو زاااتو الا ان تكتيفاته المشاعرية , تبقى مستمدة من حالة السكران الجادة السابقة لقرار سكرته الا نعرف ان هناك (سكرة موت ) وهو هذيان اخير وارتعاشة قصوى تسبق خروج الروح من سجن الجسد واصحاب زهير , اذ يستكثرون عشرة جنيهات كاملات , على مجرد عشاء وابو داؤؤد , اذ لا يرى فرقا بين المليون والمية الف , ساعة عسرته (ودرجة حرارته المرتفعة ) ما اشبههم جميعا , بمنظر ذلك الثور الأسود , الذى ذبحه الطيب مصطفى وربعه , محتفلين بمضى الجنوب وابتعاده عن الشمال اها دى براااها , دايرة ليها سكرة , يمين البيخسر قروشنا دونها فى مجرد عشاء , الا نعلن عليه الحرب الضروس فلو علمنا اننا سكرنا طربا , من تخريج الدكتور علاء حجازى وسكرنا القا , اذ التقينا فى (القوس ) وبيننا السنوسى عمار , وحوالينا رهط حلو تجمع من كندا , حتى القصيم بريدة , بينما تخلفت الدمام عن الحضور ومعها (هفوف الأحساء ) وعبد الدائم (نضيف جدة لى حدها ) فان سكرتنا يوم ذبح الثور الأسود , كانت اكبر واعمق انهم يبشرون يا جلا , حيث ان فرحتهم بما تم ويتم ( تشبه ) , يوم تخريج علاء , وتحمل ملامح فرحة دكتور خالد محى الدين بالتقاء احبابه الزقازيقاب حتى اختلط عليه الأمر , هل هى استراحة القصر , ام النادى الزراعى ؟؟؟ عندما غنى عمار السنوسى فليشهد التاريخ ابطالا لنا عبد اللطيف وصحبه كان يعنى , اذ يغنى وهو يرفع علم الأستقلال (الزمان ) كان يعنى (على عبد اللطيف ) هل يعلم اصحاب الثور الأسود المذبوح قربانا واحتفالا انهم يحتفلون بتجريد (على عبد اللطيف من جنسيته ) ؟؟؟؟؟؟!!!! لو كانوا يعلمون ويحتفلون , فياها دى السكرة زااااتا وان كانوا لا يعلمون ويحتفلون , فان فى لحم الثور , مزة معتبرة ولكننا , علمنا , ما احتفلنا , ولا حتى اقمنا سرادقا للعزاء لأننا , ببساطة كده , سكرانين لط الم يقل عمار السنوسى على لسان الخليفة سيد ناقلا عن التيجانى يوسف بشير -ذلك السكرا ن ديمة -(يا بخته ) قم يا طير الشباب غنى لنا غنى يا حلو يا مستطاب انشودة (الجن ) واعصر لى (الأعناب) , واملأ بها دنى من عبقرى الرباب او حرمى الفنى
يبدو لي أننا و اقفين لط و طالما السكر هو السكر فمن ذا الذي يخرجنا من هذه السكرة ويحدثنا بأن إحد العربات إنفصلت عن المسار دعهم يذبحون ثوراً أسود فهذا ما في قلوبهم وحمدت ربي أنهم لم يذبحوهو أبيض سكرنا أم لم نسكر غفونا منها أم لم نغفو يعتصرنا الألم شئنا أم أبينا فوالدي الذي عمل بمنطقة شرق الإستوائية يحدثني و في حلقه مرارة و أنا هنا يتملكني الحزن... و لا أدري أن كان نبيل أم لا بأن إحدى جارات بت الشيخ تهاتفها ليلاً ليتحدثن مع بعضهن في شئون شتى و لكنني أرفض أن أغفو من سكرة تخرج الدكتور علاء فهذه تكفي قليلاً عن تلك أما عن سكرة إستراحة القوس و قوس حاجبها من كل ناحية و نبل مقلتها ترمي بها كبدي نالت على يدها ما لم تنله يدي نقشاً على معصمي أوهت به جلدي أبو الزفت ياها دي السكرة الجد جد فمن الأفضل أن نقول حمدو في بطنو
Post: #537 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-08-2011, 10:57 AM Parent: #535
جـلا ما يشــيل معــانا
واحد سكرجى يا منص ، مرة سكر سكر يني ووقع فى الشارع جماعة من الجيران شالوه دخلوه البيت واثناء ما شايلنو فتح عين واحدة لقى واحد من الشايلنو كان عندو معاهو خلاف ومتخاصمين ليهم زمن قام قال للجماعة استوب .... استوب .... استوب ... الزول ده ما يشيل معانا
الف مبروك لولد المرحوم حجازى وتمنياتنا له بحياة عملية موفقة
وتانى لما يكون عندك مزاج كتابة عالى وتووووويل اكتب فى الووورد
غايتو يا ديدو كان الزول الشايلنو دا موسى عيسى أنا زاتي ما جاي طرفكم مش يعاين لي بي عين واحد كان مفتح ما بشيل معاكم أما إذا كان الزول الشايلنو دا منصور برضو ما أظن حا أشيل معاكم طبعاً الوزن و كدا
بالمناسبة منص دفع الشيرنج بتاع عشا الليلة مع الريس معتصم عشان كدا حضرو الزول البشيل معاكم
Post: #539 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-08-2011, 11:20 AM Parent: #538
عليك الله يا جلا فى العشاء بعدين الحس لى شوية ( مش ) بكسر الميم
تبدع الآن صاحبة التمائم فى عرض مميزاتها ( هسه قاعده تعمل فى القراصة بالدمعة ) ..
ما أجمل هذا الخبر يا منص ...
فلتهنأ يا حجازى فى مرقدك ... فغرسك قد اينع الآن وأثمر ..
مبروك يا دكتور علاء ... وهذا الشبل من ذاك الاسد
والتهنئة موصولة لوالدتك الفاضلة التى لا انسى حتى اليوم مذاق أكلها الجميل
سواء ايام الجمع او فى رمضان ...
اســكر يا منص ثم أســكر حتى تثمل .. فحصاد اليوم ايضا لك فيه نصيب
لكن أبعد من أى مســكر يأتيك من كادوقلى او الفاو او حتى من الدمازين ..
فأنا لا أضمنه حتى لو تزين بعلامة الجوده ..!!!!!
Post: #545 Title: Re: ناس الزقازيق ... أجدع ناس (4) .. Author: سيف النصر محي الدين محمد أحمد Date: 02-08-2011, 12:19 PM Parent: #544
سلام يا اهلنا الصديقة عفاف علي ميرغني منورة شاشة القناة الأولى للتلفزيون السعودي متحدثة عن الثقافة السودانية بكل حب و اقتدار. الآن تختم الحلقة بعرض لايف لطريقة عمل القراصة بالدمعة مع التحلية بالليقمات ، عفاف قدمت القراصة باناقة تؤهلها لاحتلال مكانة متقدمة في قائمة الاطعمة العالمية .
Quote: لكن أبعد من أى مســكر يأتيك من كادوقلى او الفاو او حتى من الدمازين ..
فأنا لا أضمنه حتى لو تزين بعلامة الجوده ..!!!!!
في كل مداخلاتي السابقة التي كتبتها ينتابني شعور بأنك قادم ولكن طال إنتظاري فإذا بالسكر ينتهي مفعوله و تأتي متأخراً حتى أنني لم أجد الكلمات لأرصها يبدو أنني بعد تناول العشاء مع الريس معتصم وفي حضرة الأخ الرشيد أعود لتلكم الحالة التي إنتابت صديقي اللدود موسى و أتساءل هل سأكون و كأني بمنصور في سكراته علماً أن إبن أخي يادوبك تجاوز السنة الثانية أساس أظن أنني سأسكر...لأنه أيضاً يعد نجاح إلا أنه ليس كالذي ناله حجازي علامة الجودة موجودة ويضمن ذلك حضور الكوتش ومحمد المرتضى سيقول قائل إنه التضاد يمشي على رجلين الله يستر الليلة!!!! علامات التعجب الأخيرة حسب طلب الأخ منصور
Zuhair Zenaty يا سلام علي البت عفاف في التلفزيون السعودي ...كانت في قمة التالق والاناقة .. رفعت راسنا عالياً ... ويا سلام علي البمبي .. حاج الركز موت ركن ...
مبروك الدكترة لعلاء حجازي ... وعقبال الشهادة الكبيرة .... ومبروك لمنصور لاني اعرف ان علاء في مقام ابنك ... والتهاني لكل الاسرة من هنا لي دنقلا هناك ... والمسالة عايزه ليها ختفة كراع سريعة للرياض للمباركة والتهاني ... الا موسي عيسي وموسي الراجل بيكسروا لي كرعيني ...
والله يا جماعة انا كنت سامع بانه المغتربين ديل بيخافوا من نسوانهم ما صدقت الكلام ده الا لمن جيت البلد دي ... وانطبقن علي الاثنين ... شفت في الناس وشفت في روحي ....
شوفي يا بت الشيخ • اليوم داك كان معزومين شاي مغرب أما الليلة معزومين عشاء • أنا عرفتها المناسبة بتاعت زولكم الجا من الأمارات وقلت داير تعزمو سمك مع عوضية صح؟ • غايتو جنس فتن...آي زاتو...بس السمك طلع شراب قهوة في المكتب...إنشاء الله ارتحتي!!!! • أها بتجي متين ..يعني الساعة كم؟؟؟ • غايتو العشاء حسب كلام زهير بيكون بي تسعين جنيه إفتراضاً الباقي ما عارفو • طيب ما تموهو عشان يبقى مية جنيه • الله يستر كان تميناهو مية • يعني شنو؟؟؟ • عشاء ما عندك فيهو شيرنج ما تاكليهو
• أيوا يا بسكو..إنت وين؟؟؟ • في الثورة. • أها معانا و لا مع الخيانة؟؟ • كيف..نحن جوا الجك. • يا زول قول بسم الله هي زاتا المناظر ما بدت تقوم تخش توش. • مالك في شنو؟؟؟ • كدي هدي اللعب...أها تجيني و لا نتقابل في حتة معينة...أصلو أنا قافل على الآكسن بتاعك...ما توصيلة وكدا. • ما عندك أي مشكلة ..أها في شنو؟؟ منو العيان من ناس الزقازيق ؟؟؟ طيب حايدفنو وين و الساعة كم؟؟؟ • يا زول إنت في الثورة و لا في حتة تانية...أقول ليك حاجة.... قول آهه؟ • لا الفهم شنو؟؟؟ • يا بسكو نحن ماشين العشا بتاع الريس .... إحتفاءً بالرشيد • ياخ من قبيل ما تقول كدا....طيب أركب المواصلات وانزل الطلمبة الفي شارع الأربعين عشان ناخد معانا عبدالرحمن إنشاءالله الطلمبة دي تطلع بتاعت بنزين....الزول دا في الرجعة أحسن أختا دربو
Post: #556 Title: Re: ناس الزقازيق ... أجدع ناس (4) .. Author: منصور عبد الرازق Date: 02-09-2011, 07:50 AM Parent: #554
بنات الشيوخ , ما بيحبو الأرقام المكسورة مهمتهم فى هذه الدنيا , جبر الخواطر , بعد جبر الكسور التسعين تبقى مية , وتبقى الصداقة قرابة ونكسب الودين بس جماعة ابو الزوز , لو جابو العشاء بالتسعين كلها , برضو ما بيكفى فالقصة فيها طلمبات , وشارع الأربعين براهو الفيهو عبد الرحمن ده , ما بيخلى لينا فى التسعين باقى غير (خمسين والجوكر يبقى بايظ ) لو كان عشاكم عند عوضية , فالجكة واااجبة , حتى لو كان بسكو عمر , جوة الجك زاااتو اما لو كان عشاكم عند الريس والدكتورة , ابو سلمان وام دعاء , فمعناتا دى (الهرولة زاااااتا ) لأنكم ساعتها , تكونون بين (العمودين الأخضرين ) تاكلو حلاوة تاكلوا جاتووووووه , تاكلو كل اللى تحبوووه اسعد الله ايامكم , مثلما اسعدتونى بمباركة نجاح دكتور علاء حجازى , يا كلكم
Post: #557 Title: Re: ناس الزقازيق ... أجدع ناس (4) .. Author: منصور عبد الرازق Date: 02-09-2011, 08:09 AM Parent: #556
ومازال سكرى يتملكنى , بل واتمسك به سكرانا واقفا لط والأرقام كذلك , ومدلولاتها , وتضاربها , تسكرك وتطلع حنانك زااااتو ملايين الواقفين والمعتصمين فى ميدان التحرير قالوا لى مبارك , اتطلب الله , وورينا عرض اكتافك بينما قالت انتخابات اخيرة , ان هؤلاء لاوزن لهم ولا قيمة لاطعم لهم ولا رائحة , ولا صوت كمان جاءت الأنتخابات البرلمانية الأخيرة , فى مصر ببرلمان يخلو من صوت يقول لا برلمان حزب وطنى من الأول للأخير ولا يماثله برلمان , الا البرلمان السودانى , الذى سقط فيه كل من صدق عملية الأنتخاب ونزاهتها , شر سقوط اصبحت دنيتنا , كما دنيا المصريين , حزب وطنى ومؤتمر وطنى وغيرهما , فليذهبوا لميدان التحرير وجاءت كذلك نتيجة الأستفتاء على تقرير المصير تسعة وتسعون بالمية , تنقص قليلا , قالوا لوحدة السودان اذهبى الى مزبلة التاريخ لا , انها تسعة وتسعون بالمية بالتمام والكمال , اذا ما اضفت لها (ثور الطيب مصطفى الأسود المذبوح ) معقولة الناس ديل مكجننا قدر ده ؟؟!!! ما دام كده , ساتوقف شخصيا عن استخدام لفظة انفصال الجماعة ديل استقلوا عديييل , زى ما نحنا عملنا كده قبل خمسين سنة والعاوز يستقل , من باقينا يعنى , فليسلك طريق الأقدمين والدرب بقى ظاااهر وباين ومعروف هسى قلتو لى معادلتنا بقت كيف ؟؟ خمسة وخمسين سنة استقلال , منها واحد وعشرين انقاذ وستاشر مايو وستة عبود الباقى ما يادووووووووووووووووووووووووب حق العشاء بس
ما زلنا فى انتظار الونش ================== قبل مده كان هناك مقال امريكى عن شرق اوسط جديد تتغير فيه كثير من انظمة الحكم فى المنطقه العربيه فهل ما حدث عمل مخطط له فعلا ام ثورات شعبيه عفويه؟
Post: #566 Title: Re: ناس الزقازيق ... أجدع ناس (4) .. Author: محمد عيد Date: 02-12-2011, 06:32 AM Parent: #565
Quote: قبل مده كان هناك مقال امريكى عن شرق اوسط جديد تتغير فيه كثير من انظمة الحكم فى المنطقه العربيه فهل ما حدث عمل مخطط له فعلا ام ثورات شعبيه عفويه؟
يا ريس صباح الخيرات والثورات ...
الشرق الاوسط الجديد المزعوم يقوم على تفتيت الدول العربية الى دويلات صغيرة اولا
ثم ابتداع انظمة او اشكال حكم تقوم اساسا على التبعية والولاء للغرب ..
ما حدث فى تونس والكنانة - فى رأيى - هى انتفاضات شعبية - خارج حسابات الغرب والصهاينة
وهى مرشحة للامتداد والانتشار فى المحيط العربى باعتبار سرعة انتقال حركات التحرر فى المنطقة
مثلما حدث بعد يوليو 1952
Post: #567 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-12-2011, 07:18 AM Parent: #566
Post: #575 Title: Re: ناس الزقازيق ... أجدع ناس (4) .. Author: محمد عيد Date: 02-13-2011, 09:41 AM Parent: #574
انابــة عن الريس ميسره
أصبحنا واصبح الملك لله ...
اللهم انا نسألك العفو والعافية فى الدنيا والآخرة
يا شباب .. معقوله كده يعنى
برضو مافى فايده .. ؟!
يكونش البوست ده اتهكر وكل زول قاعد يكورك براهو ؟؟
Post: #576 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-13-2011, 11:03 AM Parent: #575
حد يصحى ناس الرياض
حد يصحى ناس السودان
Post: #577 Title: Re: ناس الزقازيق ... أجدع ناس (4) .. Author: منصور عبد الرازق Date: 02-13-2011, 11:26 AM Parent: #576
صدقت يا نضيف فنحن والله نائمون لو قالوا لوائل غنيم ,او للشهيد خالد سعيد ان حروفكم التى بدأتم فى كتابتها , فى حوائطكم على الفيس بوك , ستبلغ كل هذا الأثر ؟؟ ولو قالوا لهم , ان فعلهم مرادف فى المعنى , لما فعله احمد عرابى , والأمام محمد عبده لأسقط فى يدهم , وما صدقوا ذلك ثمانية عشرة يوما حسوما , شكلت علامة فارقة فى تاريخ مصر والمنطقة ما اعلاك يا صوت البنى آدم المؤمن , وما احلاك وانت تجلجل به فى الميدان , وتقول للظلم لا مصر بلد عظيمة , والبلدان العظيمة , هى التى تنتج ثورات عظيمة الملايين التى احتشدت فى ميدان التحرير , لا تملك ولا نائبا واحدا فى برلمان تم انتخابه بى ديمقراطية اخنق فطس مافى ولا سبب واحد بيهو يكون بوست ناس الزقازيق منتعش ازاء هذه الحالة الفارقة والفريدة من عمر الشعوب هل نحن دولة فاشلة , واذا كنا كذلك , كيف نجح الآخرون وتجاوزوا فشلهم كيف صحى النائمون , وكيف حفروا بوسمهم ووشمهم بعيدا فى (ذلك الجلد التخين ) ما اشبه حسنى مبارك , وهو يعمل فيها ما فاهم , سادا دى بى طينة ودى بى عجينة , ثلاثون عاما ثم ثمانية عشرة يوما خالدات ما اشبهه , وما اقرب ملامحه لحكام السودان , وهم يؤججون صراعات السودان , ويسدوا دى بى بندقية ودى بى كلاشنكوف ولما الأتنين فتروا , البندقية والكلاشنكوف , اتفاجاوا , بأن الطريفى قد فارق (جمله ) سد الأضان المتعمد , عن تعددات السودان الأثنية والثقافية , كان أخرها الحتمى , انفصالا مقيتا بطعم العلقم المر ثم بعد ذلك , فتحوا لنا صفحة سد حنك جديد قالوا انهم تسعين فى المية من السودانيين فى رحلة اقصاء بليد جديدة ,بدأت يوم (ذبح الثور الأسود ) فهم حسنى مبارك البيفهمنا يا ربى منو ؟؟؟؟؟
Post: #578 Title: Re: ناس الزقازيق ... أجدع ناس (4) .. Author: منصور عبد الرازق Date: 02-13-2011, 11:48 AM Parent: #577
التغيير الحلم فى السودان للخروج بدولتنا من تهمة الفشل اللاصق بها منذ الأستقلال سيبقى حلما بعيدا , طالما ان هذه حكومتنا وهذه معارضتنا لو لاحظتوا معاى , ان الخامس والعشرين من يناير ذلك التاريخ الفارق حمل معه قواعد جديدة للتغيير لم يحمل من سماته واشاراته , اى ملمح قديم او مبتذل انه تغيير جديد ليس فى الأسلوب فحسب انه حامل لملامح الجدة والحداثة فى كل ملامحه وشخوصه ما حكى المصريون لا عن الأخوان المسلمين , ولا عن التجمع ولا حزب الوفد مع ان لا احد ينكر , انهم جميعا , كانوا صوت التغيير البعيد ولا حظوا معى ان لا احد , لا فى ميدان التحرير ولا فى حوائط الفيس بوك والتويتر واليوتيوب سال سؤال البلادة المعتاد , ان البديل منو كانوا يتحدثون جميعا ويتساءلون فى صوت العارفين , ان البديل شنو ؟؟؟ لا تنتظروا خيرا طالما ان حديث الشارع عندنا , مجرد مقارنات بين البشير والصادق المهدى والميرغنى ومحمد ابراهيم نقد لو لم ننتقل الى مرحلة اننا الآن نحكم بنظام فاشل , ومهمتنا ان ننتقل الى دولة المؤسسات والنظام الجديد (الذى ينقلنا من براثن الفشل ويستشرق بنا ابواب النجاح ) فاننا فى فشلنا سنظل نرزح ونتقلب نحن دولة فاشلة ولا شك , لأننا ارتضينا ان نحكم هكذا اكثر من اربعين سنة من اصل عمرنا البلغ يا دوب خمسة وخمسين لم نراعى تنوعنا الثقافى والأثنى , فذهب منا الجنوب متبرئا , وقال لنا تسعة وتسعون من سكانه لا بصوت جهير وما ان ذهب الجنوب ,وظهر صوت احتجاجات صغيرة هنا وهناك, الا وقال لنا ريئسنا الذى لم ننتخب ,ان (ناسه ) هم تسعون بالمئة من السودانيين ) وانه لو شاء , لفكاهم فينا , فنعلم نحن الظالمون (اى منقلب ننقلب ) يا لغربتى انا , فانا من غير هذه الأغلبية بالتأكيد , امشى انا وين واقبل وين وا نارى (الما بقيت منكم ) اذن فنحن امام رحلة اقصاء جديدة , لا نعلم هل تنتهى كما انتهت رحلة الأقصاء الأولى بالجنوبيين ام ان نهايتنا تختلف ؟؟؟ عزاؤنا اننا نمتلك سودانيزاونلاين , وزقازيقاب دوت كم , وشركة الزقازيق القابضة بتاعت اجدع ناس
Post: #579 Title: Re: ناس الزقازيق ... أجدع ناس (4) .. Author: محمد عيد Date: 02-13-2011, 12:38 PM Parent: #578
Quote: كانوا يتحدثون جميعا ويتساءلون فى صوت العارفين , ان البديل شنو ؟؟؟ لا تنتظروا خيرا طالما ان حديث الشارع عندنا , مجرد مقارنات بين البشير والصادق المهدى والميرغنى ومحمد ابراهيم نقد لو لم ننتقل الى مرحلة اننا الآن نحكم بنظام فاشل , ومهمتنا ان ننتقل الى دولة المؤسسات والنظام الجديد (الذى ينقلنا من براثن الفشل ويستشرق بنا ابواب النجاح )
صــدقت .. ابا أحمد
المصريون كادت ثورتهم ان تذهب ادراج الرياح عندما أوشك أذناب النظام البائد فى توسيع
رقعة الكلام الخايب .. مثل ( مين يعنى حيكون أحسن منو ؟ ) ولعبهم لبذر الفتنة بين النشطاء
والاحزاب الموجوده
ولكن الاشاوس تمسكوا بالهدف الأسمى والخيار الأًوحد .. ازالة النظام الفاسد اولا ..
لله درهم ...
الآن فى مرابعنا .. حكومتنا تمارس نفس ايدلوجيتها .. تماما مثل ايام اتحادات الطلاب
سياسة فــرّق تســـــد ....
وبذر الفتنة بين بقية الطوائف + اختراقاتهم الشهيره
والنتيجة ان لا ثقة لأحد فى آخــر ..!!
وفى النهاية يرضخ الناس للمقولة الخائبة ..( جنا" تعرفو ولا جنا" ما بتعرفوا ..!! )
ما وصلت حد الشوق... و لا سالمت كل الناس... و لا اتفشيت محنة و ريد... كانت سبعة عشر يوما قصار... لم تلبي كل طموحات اللقيا... و لم تمكنني من معانقة كل الأحضان الدافئة... و لا استنشقت كل الروائح الخالدة... لم يسعفني الزمن... و لا ساعدتني العافية... و رغم كثرة الركشات و الأمجاد... الا أنني كنت غريبا على الطرقات... و لم أستدل الأماكن...
الجن الما بنعرفو يمكن يكون اخير من العرفناهووفى الحاله دى ماحا يكون....... اما الاحزاب القديمه لابد ان تفسح المجال للجيل الشباب الجديد مع الحفاظ على المساحه البين الاتنين
منذ الوهلة الأولى عرفت ان أي قائمة ستسقط... حتى و ان تم اعدادها بعناية فائقة... فلا يمكن لسبعة عشر يوما أن تكون كافية لتغطية أحداث سنة و نصف... خاصة و أنها تبدأ بزواج ابن عمة بت الشيخ... و تتخللها فواتح بالكوم و الردوم... كما و ان من أهم أجندتي البحث عن بيت المستقبل... زد على ذلك عدم معرفتي بالكثير من البيوت التي أنوي زيارتها... فلم يكن الاعتماد على نفسي ليحل مشكلتي... و لا حتى الاعتماد على اخوتي...فهم يعودون الى البيت عند الثامنة مساء... كما و ان المغص الذي لازمني طوال فترة اجازتي فاقم من مشكلتي... حيث كنت أبدأ يومي بحقنة في الوريد... ثم حمام بارد لينشطني... التقيت جل أهل بت شيخي في مناسبة الزواج و اكتفيت بذلك... تجاهلت المناسبات الحزينة التي مرت بمعظم الذين تحلقوا حول العريس... كانوا يضحكون من أعماقهم و يرقصون فلم أرد تذكيرهم بأحزانهم... أعرف بأنهم لاموني لوم السنين... و لكني لم أتجرأ على افساد فرحهم في يومي الأول بالسودان... و رغم لومهم لي جرجروني الى حلبة الرقص فوجدتني قد نسيت الكثير من الحركات... فجاملتهم قليلا ثم هرولت الى حيث يجلس من هم في سني... لقد سرقت مني الغربة الكثير... أهمها أن تضحك من القلب كما يفعل الناس هناك...
Quote: منذ الوهلة الأولى عرفت ان أي قائمة ستسقط... حتى و ان تم اعدادها بعناية فائقة... فلا يمكن لسبعة عشر يوما أن تكون كافية لتغطية أحداث سنة و نصف...
لك التحية و التقدير و حمد لله بالسلامة أظن أن هناك رابط بينك و بين الثورة المصرية سبعة عشر يوماً كانت غير كافية لتغطية أحداث سنة و نصف بالنسبة لك إلا أن الثورة المصرية و التي إستمرت ثمانية عشر يوماً كانت كافية لإسقاط ثلاثون عاماً لله درهم يا أخانا الذي بالسلع
سبعة عشر يوماً كان حظي فيها ليلتان و بعض يوم سبعة عشر يوماً و أنا برة الشبكة سبعة عشر يوماً لم أحظى بنصفك الآخر ما يغيظني أن ود المرتضى أخذ ثلاث أرباعها أو يزيد و سبعة عشر عاماً و أحمد عجوز يسأل عن نصفك الآخر عند القدوم مرة أخرى سأكون أيضاً في إجازة علَّني أستعيض عنها بتلك عوداً حميداً أيها الرجل
أخانا الذي يقبع خلف الديسك... كانت اليومان و نصف اليوم التي التقيتك فيها من الأيام التي تحصى و تعد... فالجلوس اليك له نكهة القهوة التي شربتها عندك... كنت أمني النفس بالمزيد و لكن هيهات... كانت أيام مرت سريعا... أكثر من التقيت كان محمد المرتضى لسبب أو لآخر... و لعلك من اللبابة بحيث تدرك سبب مغصي المستمر... اتصل بي عمي محمد حوفي بعد عودتي الى الامارات ليطمئن على صحتي... فأجبته بأنني بخير و قد زال كل ما كنت أعاني منه بالسودان... فقال لي أعتقد ان المغص الكان عندك ده كان من الوشوش الشينة الكنت بتقابله كل يوم... رغم انه لم يلتقي محمد المرتضى الا أنه أدرك ذلك بحدسة...
أما بت الشيخ فكان لكل منا أجندته الخاصة... فتفارقنا في المطار و التقينا به عند العودة.... لم يكن بالامكان أن يجمعنا مشوار الا القليل جدا منها... كان من حسن حظي أن ألتقيك ليومين و نصف... و كان من سوء حظها أن لا تلتقيك...
عند زيارة اللأخ الحاج حاتم جبارة للسودان كان محمد حسن البرلوم كفيل الحاج في زيارته الأخيرة كما كان محمد المرتضى عند قدومك و ما أصابك قد أصاب حاتم جبارة من قبل و هنا أيضاً رابط فترة وجود توأمي موسى عيسى في زيارته الأخيرة لم أوفق كما كان ود المرتضى معك و إذا كان كما هو حالكما لكانت إصابته أبلغ و أشد فالحمد لله أنه نفد بجلده أصدقكم القول أنني أتشوق إليه و إلى كتابته حد اللهفة فإذا أقسم بالصيام فإنني سأنوب عنه و لا عليه
بالنسبة لزهير عند عودته إنشاء الله سيكون هو كافل نفسه أماالأخ منصور فبنت شيخه أنسب
إعلان: عند قدوم زقازيقيو الخارج للسودان تخيرو الكفيل و نوع الإصابة التي تتمنوها ولكم الشكر و التقدير و التجلة
Post: #586 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-14-2011, 06:35 AM Parent: #585
صباح الخير،،، ياجوه الخير
أصبحنا وأصبح الملك لله وحده،،،
حمد لله على السلامة رشيد القوم
وعودة حميداً مستطاب،،،،،
أدهشتنا الثورة المصرية وأعجبنا الإنتصار
القوي المدوي الذي هز أركان المعمورة ،،،،
وما زالت الأصداء تُسمع،،،،
Post: #587 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-14-2011, 06:39 AM Parent: #585
حمد الله بسلامتكم يا رشدى انت والاولاد والمدام
واجازة سعيدة رغم قصرها
والله من شدة المفاجأة لا عرفت اضحك ولا عرفت اواسيك رغم انى مريت بنفس التجربة قبل كده ( دى عين يا حبيب ) والمغص ده ما بفكو ليك الا صالح تبلدينا بعصير قنقليز تقييييل ...
شوف الناس القابلوك فى المطار منو والكان بعاين ليك فى قميصك البمبى منو ...
Quote: والله يا جماعة انا كنت سامع بانه المغتربين ديل بيخافوا من نسوانهم ما صدقت الكلام ده الا لمن جيت البلد دي ... وانطبقن علي الاثنين ... شفت في الناس وشفت في روحي ....
ود الزناتي ... ارجوك لا تدس .... العسل في الزبادي .... كمال الشادي وشرد خلى البوست ... البرد عليك منو ... الا اجيب ليك مني عباس ... ولا اقول ليك .... جلا " رشو" لي ... يعني الولد ماخاف إلا بعد ما اغترب ....
Post: #589 Title: Re: ناس الزقازيق ... أجدع ناس (4) .. Author: محمد عيد Date: 02-14-2011, 08:40 AM Parent: #588
صباح سعيد وجميل ذاك الذى أتــى لنا بعودة الأحباب ورائحة البنفسج بعد غيبة ..
رشيد الحبيب .. حمدا لله على السلامة .. وألف كفارة .. بس المغص معروف سببه منو ؟؟
محمد المرتضى ليس وحده من يأتى بالمغص فى المصارين ..!
أضحكتنى حكاية فرز العيشة مع بت الشيخ من المطار وحتى المطار .. وهى فعلا لسان حال كل عائد للوطن
فى أيام معدودات ...
شــيخ الدمازين ... ينتابنى احساس بأنك فى الايام الفائتة والتى كنا فيها نطلق صيحات الاستغاثة بسبب قفر البوست
قد كنت قانصا لنا خلف الحوائط وتتلذذ بشكوى الحوش من عدم الزوار ..!!
يعنى باختصار .. الشىء الوحيد الذى تعلمته من ثورة مصر .. هو اسلوب الشرطة والاجهزة الامنية .. أضرب وألبــد ..!!
ود نجيلة .. حباب الطله ..
يا اخوى انت كنت داقى تأشيرة خروج وعوده مع الرشيد ولا شنو ؟؟
يا ريت لو عملت لينا اســتراحة كاااربة عن الثورة المصرية .. خصوصا وان احداثها مليئة بالمواد الشيقة .
Post: #590 Title: Re: ناس الزقازيق ... أجدع ناس (4) .. Author: منصور عبد الرازق Date: 02-14-2011, 09:46 AM Parent: #589
والعائد من اجازة السودان ,بى مغص بس بعد صحبة محمد المرتضى معظم الأجازة وجلا , يومين وبعض يوم وبدون بت الشيخ , من المطار للمطار فقد فاز فوزا عظيما
Post: #591 Title: Re: ناس الزقازيق ... أجدع ناس (4) .. Author: محمد عيد Date: 02-14-2011, 09:55 AM Parent: #590
Post: #593 Title: Re: ناس الزقازيق ... أجدع ناس (4) .. Author: منصور عبد الرازق Date: 02-14-2011, 10:08 AM Parent: #590
ثورة الخامس والعشرين من يناير المصرية فتحت ملف الأعلام والميديا , على مصراعيه لا ادارة رشيدة لأى صراع ما , ولا تكوين لأجنة التغيير والحداثة الا من خلال اعلام حر , حدادى مدادى , تقول فيه كلمتك, ثم تتحمل مسئوليتها كاملة غير منقوصة تردد الأعلام المصرى بمافيته القديمة واندفاع الجزيرة , المحسوب منه , وغير المحسوب وموازنات العربية , ومحاولان ارتداء لباس المهنية عند البى بى سى , والحرة والأعلام الحكومى فى كل دول الجوار العربى , الذى ما تفوق على انتظار وترقب شعبان عبد الرحيم الا من خلال المكياج واكسسوارات (الأغانى ) كل ذلك , شكل مع تدفق المعلومات اللامتناهى , والمرصود من موقع الحدث , دونما اشراف تحريرى ,ودونما هواجس الممنوع والمرصود والمترقب والموزون عبر اسافير الأنترنت , بيوتيوبها , وتويترها , وفيس بوكها شكلوا صورة متضاربة ومتزاحمة حد التناقض ولكن اهم المعطيات والدروس الواجب وضعها فى الأعتبار ان محاولة حجب معلومة ما او حتى اشاعة , صار خرافة من خرافات الماضى الأولوية لبث الخبر كما هو , دونما رتوش او مكياج التصديق من عدمه , والتحليل حسب وجه الصورة الذى تراه صار حدثا مختلفا وتاليا ولكن مرحلة تحليل الخبر , وما يسمى باستطلاع اراء الخبراء والعارفين صار ذا اهمية اعظم واكبر حتى ان كلنا , كان يحس بالحاجة لمن يشرح له ويوضح ويربط ما بين كم المعلومات المتدفق , والمختلف فى الأسلوب والتناول
والله متابعين ابداعاتك ... الفي البوست ... والمن خلف الكواليس
ان شاء ربنا يعدل المزاج ... ونجيكم بما يفرح
======================================= بخصوص دورة الامم الافريقية للاعبيين المحليين بالله ناس مدني ديل مابخجلو أأأ بالرغم من حبنا الزايد لهم لكن بلصورة الظهر بيها استادهم ... خجلونا عديل كده واشيد بناس بورتسودان ... نظافة وتنسيق وفهم ... وخاصة الاستديوم بعد المباراة فاقو ناس الخرتوم ... يدل على اخلاصهم لبلدهم ... والدورة دي ماليها علاقة بالمسؤولين ... ناس البلد والمجتمع الرياضي كان يتكاتفو للظهور بصورة مشرفه ... ماعاوز اقول العالم بتفرج علينا ولكن اقلها ... كل السودان وجزء كبير من افريقيا متابعين ... والله ممغوص عديل كده ومهما كانت التبريرات الدخلت مابتمرق بالساهل .... لان هذه فرصة لاتعوض ... للمدن المختارة لإقامة الدورة ... البجي ويقول المسؤولين ... اكلو الدعم المحلي والافريقي وبتاع الاتحاد العام ... حارد عليهو ..... هم نفس مسؤولين بوتسودان والخرتوم ومن نفس الحكومة .... قرفونا ....
Post: #594 Title: Re: ناس الزقازيق ... أجدع ناس (4) .. Author: منصور عبد الرازق Date: 02-14-2011, 10:15 AM Parent: #592
هل السودان دولة فاشلة ؟؟؟؟ دخلت فى مناقشات عديدة مع احد الأصدقاء , فى محاولة الأجابة ورفدتكم ببعض خواطرى , وانا اتناقش مع ذلك الصديق (يحى ساتى ) , حول ذلك السؤال وبما اننى ما ازال احاوره واتحدث معه , حول ذات الموضوع اسمحوا لى ان انقل لكم ما كتبته له هذا الصباح على الأقل البوست يعانى من الركود الذى افهم سببه تماما يعنى سمبهارى كده , كلامى بتاع السياسة البايخ ده على الأقل , لن يزيد البوست ركودا
دى ملاحظة مهمة يا يحيى ساتى , وجديرة كمان بالمناقشة , وعشان نصطاد عصفورين بى حجر واحد , ممكن نربط ملاحظتك الذكية دى , بكلام العبد الفقير بتاع الديمقراطية وربطها بالجينات , وكلام ان الديمقراطية ما سووها عشان العرب ,وخلينا كمان نقفز فوق مقولة انونحن عرب من اساسه , ونجى نتكلم عن فوارق جوهرية بين شعوب وسحنات , وحانلقى انو كل ما كان التعدد الأثنى والثقافى فى بلد ما , اكبر ويبدو ظاهرا للعيان , كلما كانت حوجتهم للديمقراطية اكبر واعمق , وخلينا نكون واضحين ومباشرين يا ساتينتود , اوافقك بأن دولة السودان لم تتخطى مرحلة الفشل بعد ,والسبب المباشر فى ذلك , هوعدم اعتراف انظمتها الديكتاتورية المتعاقبة بالتعدد اساسا , وان اعترفت به , فانها لا تعطيه مساحته التعبيرية اللازمة , فتأمل معى حرب الجنوب الممتدة من الأستقلال , والتى امعن حكامنا فيها فى ممارسات اقصائية احادية النظرة كانت نهايتها المنطقية ان الجنوبيين قالوا ما دايرين , وهى تستخدم الديمقراطية عندما تريد الأقصاء فقط , فكان الأستفتاء الأخير فى اطار الصفقة المعلومة , اذهبوا بجنوبكم واتركوا لنا الشمال , وبعد ان ذهب الجنوب , وذبح ناس الطيب مصطفى الثيران ابتهاجا , هاهو البشير يمارس اقصائته من جديد , ويقول بعلو صوته , ان تسعين بالمئة من السودانيين هم مؤتمر وطنى , علما بأن هذا الحديث الأنفعالى كان فى اطار رده على مجرد بداية احتجاجات وصفت بأنها صغيرة هنا وهناك , قال ليهم لو فكينا ليكم ناسنا , فانهم حاياكلوكم اكل , قاصدا المتظاهرين والمحتجين العزل , ومستندا على ذات النظرية الزمان التى اجج بها حرب الجنوب اذ قال , العاوزها يشيل سلاحه ويجينا , ومن المعلوم ان البشير وحكومته لم يجلسوا الى طاولة مفاوضات ويستجيبوا لها , الا بعد حرب , فعلو ذلك مع الجنوبيين , ومع ناس الشرق , ومع ناس دارفور , اما اللذين يبادلون الحجة العسكرية بالمظاهرات والأحتجاجات السلمية , فيمارس معهم المزيد من الأقصاء , يعنى بالعربى كده فأنه لا يستمع الا لصوت السلاح , استخدم سلاحه للسطو على ىالسلطة , وغير مستعد للتفاهم حولها الا مع من يحملون السلاح , ان النظام والرؤية السياسية هى اهم مقومات الدولة (غير الفاشلة ) , ومصر اوافقك الرأى على انها دولة غير فاشلة , لا فى ديكتاتورياتها , ولا فى ديمقراطيتها المرتقبة , ويبقى الفرق دائما موجودا بيننا وبينهم فى اشياء كثيرة , اولها المؤسسة العسكرية نفسها , فحسنى مبارك مثلا جاء الى السلطة من المؤسسة العسكرية , وحتى عندما دخل الحياة السياسية , خلع سترة العساكر واسس حزب وسط جديد , ولكنه حاد عن الديمقراطية كنظام , ومارس الأقصاء المنظم كسلوك , بينما ان البشير حنث بقسم عسكريته وموه بها لصالح حزب سياسى كان موجودا فى الحياة السياسية , فاتى الى السلطة حاملا معه موبقات الأحزاب جميعها ومصطحبا معها همجية (بعض العساكر ) ,فكان النتاج الهجين , حزبا يوهمنا بمحاولات الوصول للديمقراطية من شارع (ديكتاتورية العساكر ) , زى الماشى (شارع الحرية ) من خلال (السجانة ) , اول ما يوصل شارع الحرية القاصده , يكون سجن فى الطريق كل من يقابله او يناقشه , هذا اذا اكتفى بسجنهم , ولم يمارس معهم بالأضافة الى اقصائته السياسية , اقصائيات اقتصادية (صالح عام وضرائب وجبايات وخلافه ) , واقصائيات اخرى من كل شكل ولون , وبما اننا اتفقنا على اننا فى دولة (فاشلة ) , احقو ننطلق من هنا يا يحى , كيف فى ظنك نخرج من فشلنا , ونستشرق افاق النجاح المقصود ؟؟؟؟ ومصر مثلا , مع انها دولة غير فاشلة حسب كلامك الذى اتفق معك فيه , قعدت بها ديكتاتورية انظمتها الحاكمة عن التطور والرقى , وهاهى , تبحث اول ما تبحث فى طريقها الى الرقى والتطور المنشود , عن ديقراطيتها الضائعة , فهى دولة ديمقراطية من ايام حكمها الملكى , لا وحتى من ايام الأستعمار , وقد عاد بها نظام مبارك الاف الخطوات الى الوراء , فهل سمعت صوتا واحدا ينادى بغير ذلك , وهميستشرقون طريق التطور والنهوض , وبمثل ذلك , فأن الدولة الفاشلة التى تسمى السودان , ما فشلت الا لأنها فارقت الديمقراطية كنظام , ولم تتلمس خطواتها فيه , الا اقل من تسع سنوات فقط من عمر الدولة البالغ خمسة وخمسون عاما , وصحيح الأمر انك لن تجد الا قلة من السودانيين , من اللذين لا يحملون ولاءا ما لحزب او على الأقل اتجاها سياسيا , سواء وسطا او يمينا او يسارا , وصحيح ان هناك احزاب سياسية نشأت فى ظروف قمعية معروفة (زى الأتحاد الأشتراكى والمؤتمر الوطنى وكمان الحزب الوطنى بتاع ناس السادات ومبارك ) , وهذه تكونت نتاجا (لهجين العساكر الوالجين للسياسة ) من باب السياسة الواسع , وعبر بوابة العسكرية البالغة الضيق , لذا فهى احزاب منتفخة كالبالون , لا يمكنها تحاشى الأنفجار والذوبان , مع هبة اول نسمة حرية نقية , فاين الأتحادالأشتراكى الآن ؟؟ , واين الحزب الوطنى المصرى كذلك , ولن تجد هذا المؤتمر الوطنى ولا (فى سقط لقط ) , مع اول لمسة عدالة واول هبة نسائم الحرية , واصارحك القول , ان احزابنا الحقيقية , المؤمنة بالديمقراطية كمنهاج حكم , ما زالت لم تشب على الطوق , فهى جنين صغير ما بلغ الفطام بعد , لأن الديمقراطية ممارسة وتداول , وممارسة تعنى ديمقراطية جواها اولا حتى تستطيع ان تصدرها وتحميها , فحزب الأمة والأتحادى والشيوعى والأخوان المسلمون وخلافهم وخلافهم , هم اصحاب الأستقلال السودانى الحقيقيون , ولكنهم ما يزالون صغارا حتى ولو بلغوا من الكبر عتيا , لأن اعمار مثل هذه المؤسسات لا تقاس من لحظة ميلادها , انما بحساب مما مارست من سياسة ومسئولية , وخلى بالك من الكلمتين المترادفتين ديل فانا ما اوردتهما اعتباطا ولا صدفة , ممارسة ومسئولية , يمشيان ويمضيان جنبا الى جنب , تخلف احداهما يعنى تخلف الثانية بطبيعة الحال , ولعلمك حتى مصر , الدولة غير الفاشلة , والمعتادة على المؤسسية , ستدخل فى فترة معاناة ومخاض عسيرين , والمعاناة والعسر ناتجان من تخلف الممارسة , ونقص المسئولية , فديمراطيتهم التى انتزعوها , تشبه ان تعطى مسئولية اتخاذ القرار لطفل صغير , او قل مجموعة اطفال صغار , او ان تعطيهم مصروف سنة كاملة , سيبعثرها بعضهم , ويبددها بعضهم , ويسىء صرفها بعضهم الآخر , ولكنهم يمارسون عملا لازما للتعلم واكتساب المسئولية , فلا يأتى واحد منا عامل فيها (ابوهم الكبير ) ويقول لينا الشفع ديل ما تدوهم المصروف فى ايدهم , لأنهم كملوا مصروف السنة فى اسبوع , يعمل فيها وصى عليهم , فيضيع عليهم فرصة المعرفة والتعلم , ويقعد يديهم مصروف الفطور براهو , ثم مصروف الغداء براهو , وهكذا , ليتفاجأ بعد حين ان اطفاله هؤلاء , بلغوا الخمسين من عمرهم (او الخمسة وخمسين كمان ) , وهم لا يقدرون على تحمل مسئولية , ولا يستطيعون تكوين اسرة جديدة , باختصار تتفاجأ بأطفال ما زالوا (خدجا وغير مكتملى النمو ) , على الرغم من ان عمرهم خمسة وخمسين , مع ملاحظة ان ابوهم ده , الما صبر على تعليمهم وممارستهم للمسئولية حتى يتعلموها , برضو كمان الزمن خلاهو برة الشبكة , وبيته اتملأ بالفساد والمحسوبية والظلم والأستبداد , ده كلو بحجة ان الولاد بتاعين الزمن ده , فوضويين , وما عندهم اى مسئولية اجارك الله
التهاني و التبريكات هذا الصباح لعلاء حجازي عبد الرازق... و لأسرته الصغيرة الممثلة في والدته و اخوانه... و لعماته عيشه و احسان اللتان كان دورهما بقدر فرحتهما... و لروح والده الراحل حجازي... و لصديقي منصور عبد الرازق الرجل الانسان الذي يحمل هم الجميع...
قمت متأخرا من النوم في ذلك الصباح الثاني لي بالخرطوم... ألقيت تحية الصباح على أمي و أبي و أخواتي ثم دلفت الى الحمام مباشرة... كان الماء باردا جدا الا انني احتملته بشجاعة حتى أكملت حمامي... قال لي أبي عندما كنت أنشر بشكيري ليجف لماذا لم تغلق ماء الصهريج فهو بارد جدا... كان ذلك الدرس الأول لي في كيفية الاستحمام بالسودان... و عندما فرغت من ارتداء ملابسي كانت قهوتي جاهزة... و ما ان فرغت منها حتى نادوني لتناول وجبة الافطار مع أبي... يا الهي ما كل هذا العدد من الصحون الذي تزدحم به الصينية... علقت على ذلك فأجابتني أمي بأن أبوك ما زال يعيش في الزمن القديم... خرجت الى الشارع و ركبت عربة أمجاد ثم اتصلت بنهلة نجم الدين و أنا بالعربة... لم ترد نهلة على تلفوني و لكني طلبت من السائق التوجه الى شارع النيل.... ثم عاودت الاتصال بنهلة عدة مرات حتى ردت في احداها لتخبرني بأنها في اجتماع... رغم ذلك واصلت طريقي الى شارع النيل حيث مكتب نهلة... نزلت من الأمجاد و بحثت عن مكتب نهلة فلم استدله... مررت من أمام الباب الحديدي عدة مرات دون أن أعرف المكان... و نهلة ما زالت لا ترد على تلفوناتي... قررت أن أبحث عن المكان للمرة الأخيرة ثم أذهب الى مكان آخر... في المرة الأخيرة عرفت المكان فدخلت اليه و تجنبت ازعاج نهلة حتى تفرغ من اجتماعها... فاذا بنهلة تراني من خلف الزجاج المعتم و تخرج لاستقبالي... استقبال نهلة ليس مثله استقبال...هشاشة و بشاشة و ابتسامه تضيء الدواخل... اعتذرت عن تجاهل اتصالاتي و أخبرتني بأنها كانت مزنوقة مع ناس الضرايب... ثم جلست اليها داخل مكتبها و هي الصديقة الصدوقة... أخذت ترفدني بالأخبار و كأنها مراسل للجزيرة بميدان التحرير... رغم انشغالها الشديد لم تجعلني أشعر بأنني ضيف ثقيل... قامت بعدة اتصالات لتجتذب الينا أعزاء آخرون... ثم وضعت أمامي ثرموس مليء بالقهوة و جريدة أخبار اليوم و استأذنت لقضاء بعض الأعمال... عندما فرغت نهلة من أعمالها حضر الينا ماجدة عبد الرحمن و محمد العوض الطيب... يا الهي...لقد عاد بي الزمن سنوات طوال... فآخر عهدي بمحمد و ماجدة كان قبل عقدين على الأقل... ثم اذا بالريس معتصم يتصل بي يسأل عن مكاني فأخبرته بأني مع نهلة في المكتب... فأقبل الريس ليكمل العقد الفريد... كانت أول مرة ألتقي الريس وجها لوجه...و يا لها من لقيا... كانت المفاجأة الأكبر عندما أخرج محمد العوض قصاصة من جيبه بها رقم تلفون... قال لي ان هذا الرقم لمحمد سيد محمد ناصر و قد جاء يسأل عنه منذ عدة أيام... أخذت منه القصاصة و اتصلت بالرقم مباشرة... آلو...محمد سيد محمد ناصر... أيوه مين انت... ما عرفتني يا ما عندك عشرة... لا و الله ما عرفتك...قرب لي الموضوع شوية... أنا لو أديتك راس الخيط حأكون أديتك كل الخيط...لكن ما مشكلة... الزقازيق لكوط سنة 83... برضو ما عرفتك و الله... أنا الرشيد يا محمد... الرشيد بابكر سيداحمد... نعم... مستحيل...و الرشيد الجابو هنا شنو...عليك الله انت منو... أنا الرشيد يا محمد جيت في اجازة... فاذا بالرجل يبكي من الطرف الآخر و يردد...الرشيد..الرشيد...الرشيد... انت وين أنا بجيك حسه وين ما تكون... أنا في شارع النيل... مع نهلة نجم الدين... أيوا مع نهلة نجم الدين... عليكم الله انتظروني أنا بجيكم حسه...
انتظروني بجيكم صاد.... صبحكم الله بالخير...
Post: #597 Title: Re: ناس الزقازيق ... أجدع ناس (4) .. Author: محمد عيد Date: 02-15-2011, 07:41 AM Parent: #596
حاســـدك عديل كــده يالرشـــيد ..!!
Quote: عندما فرغت نهلة من أعمالها حضر الينا ماجدة عبد الرحمن و محمد العوض الطيب...
حـأعييييييط ...!!
Quote: آلو...محمد سيد محمد ناصر...
ياااااخ ما عذبتنــا ...!!!
Post: #598 Title: Re: ناس الزقازيق ... أجدع ناس (4) .. Author: محمد عيد Date: 02-15-2011, 07:48 AM Parent: #597
ليتك يا رشا تحليت بالحدس الصحفى الذى يتميز به ابو الزوز ...
الاحداث متلاحقة والمواضيع المطروحة للنقاش عديدة ... لذا لم استطع الكتابة ... في الايام السابقة ... في احدي المرات كتبت رداً علي منصور عبد الرازق وعفاف علي ميرغني نصف صفحة A4 ... عن الثورة المصرية ... حينما عدت للبوست بعد عدة ساعات لم اجدها ... لا اعرف حتي الآن اين ذهبت ... هل اصابها الهكر في مقتل ... ام اني لم اكتبها ... او اني كتبتها ولم ارسلها .؟؟ الي الآن الحقيقة غائبة .... وهو امر يصيب المرء بالاحباط ... كويس نبدا من جديد وما حا نتحدث عن الثورة المصرية ولا حتي السودانية ... حفاظاً علي العدة ... بس نقول لمنص ياخ تسلم يدك علي التحليل والكلام الموضوعي ....
وبعدين نقول لمحمد عيد ... انا راصدك كويس ...
وكمان لرشدي ياخي حمد الله علي السلامة وانشاء الله تكون مليت معنويات تقعدك للسنة الجاية ..
محمد عيد الحبيب... كنت أحمل بجيبي أكثر من تلفون و لكن من يتذكر أن يوثق في مثل هكذا موقف...
موسى عيسى يا صديقي...أشكرك على الاتصال... حمدا لله على السلامة و ان شاء الله ما تشوف شر يا صديقي... دي الظاهر عليها عين جاتك من منظمة الفاو... يا موسى لقاء نهلة كان أول الحكايا.. و سوف آتي الى صاحبك بتاع سمك عوضية الذي تحول بقدرة قادر الى قهوة عوضية..
الريس ميسرة تحياتي لك و للأسرة الكريمة...
أبو الزوز...سعدت بالتحدث اليك بعد طول غياب... تحياتي لبهجة و للعيال...
منص...أنوي الاتصال بك منذ وصولي الى الامارات و لم أفعل... توقع اتصالي اليوم...
Post: #600 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 02-15-2011, 08:15 AM Parent: #598
يا شباب كل عام وأنتم بخير بمناسبة المولد النبوي الشريف ، جهزوا حلاوة المولد بختكم يا ناس جلا لحضور قفلة المولد في السودان
Post: #602 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-15-2011, 08:29 AM Parent: #600
Quote: بإذن الله تعالى سوف نستلم الشهادات عربي إنجليزي غدا حسب إفادة المسجل التجاري ... انتهينا من كل حاجة حتى الرسوم قمنا بتسديدهاوطبعا شركة برأسمال 200 مليون كانت متعبة شوية ورسومها زيادة فلكم التهاني أخيرا
هنالك فرصة إستثمارية جيدة حسب رأي أرسلت بها ايميل للأخ زهير ولأنها فرصة مميزة ما ممكن نطرحها هنا لان الشغلانة في السوق ويمكن يلهفها مننا زول ولا جهة أخرى وبالمناسبة هي ممكن تكون مفتوحة للمساهمين وغيرهم من ناس الزقازيق لكن تحت راية شركة أجدع ناس للتجارة والإستثمار المحدودة فإتصلوا سريعا بزهير وبعدين ما تقولوا ما كلمونا. عذرا بدلا من أقوم بالتسجيل فقط هأنذا أدخل في عمل تنفيذي لكن والله الفرصة عجبتني .... مدهشة هل هو حلم يكاد أن يتحقق نسأل الله ذلك سارع بالإتصال بزهير... قبل أن تفوتنا وتفوتك الفرصة اللهم هل بلغت الهم فأشهد
لمزيد من التفاصيل 0566847522 /0566 او الاتصال علي الايميل [email protected]
جلست فى الحديقة العامة و الدموع تكاد تنزل من عينى ....
كنت فى غاية الضيق والحزن، ظروفى فى العمل في غاية الصعوبة، بالإضافة إلى بعض المشاكل الشخصية الأخرى.
بعد عدة دقائق رأيت طفلاً مقبلاً نحوى و هو يقول: "ما أجمل هذه الوردة رائحتها جميلة جداً". تعجبت لأن الوردة لم تكن جميلة بل ذابلة، ولكنى أردت التخلص من الطفل فقلت: "فعلاً، جميلة للغاية".
عاد الولد فقال: "هل تأخذها ؟". دهشت و لكنى أحسست إننى لو رفضتها سيحزن، فمددت يدى و قلت: "سأحب ذلك كثيراً، شكراً ".
انتظرت أن يعطيني الوردة و لكن يده بقيت معلقة فى الهواء و هنا أدركت ما لم أدركه بسبب أنانيتي وانشغالي فى همومي...
فالولد كان ضريراً !! أخذت الوردة من يده، ثم احتضنته و شكرته بحرارة و تركته يتلمس طريقه و ينادى على أمه
بعض من أمور حياتنا تدفعنا للتذمر
فلنتأملها فى ضوء مختلف يدفعنا للشكر
الضوضاء ، لأن هذا يعنى إننا نسمع، زحمة المرور، وهذا يعنى إننا نستطيع أن نتحرك و نخرج من بيوتنا.
النافذة المحتاجة للتنظيف و الأواني التي فى الحوض، لأن هذا يعنى إننا نسكن فى بيت، بينما الملايين في العالم مشردون.
البيت غير النظيف بعد زيارة الضيوف،لأن هذا يعنى إن لدينا أصدقاء يحبوننا.
الضرائب، لأن هذا يعنى أننا نعمل و نكسب.
التعب الذى نشعر به فى نهاية اليوم، لأن هذا يعنى إن ربنا أعطانا الصحة لإتمام واجباتنا. وجود اشخاص يسالون عنك عندما تختفي فجاءة فهذا دليل بان لديك من يبادلك الاهتمام و المنبه الذى يوقظنا فى الصباح من أحلى نوم، لأن هذا يعنى إننى مازلنا على قيد الحياة ، ولنا فرصة جديدة للتوبة و العودة إلى الله
إنه من إحسان الله الينا أننا لم نفنى
فلكم التحية مجددا احبتي فكم انا مفتقدكم كثيرا في سابق الايام و لكننا لا نستطيع ان بعبر لمن نحب بصراحة ووضوح فلكم حبي .
Post: #606 Title: Re: ناس الزقازيق ... أجدع ناس (4) .. Author: منصور عبد الرازق Date: 02-15-2011, 11:15 AM Parent: #605
وبين فشل السودان كدولة واشارات اى تجمع زقازيقى ناجح نقف متأملين محمد العوض الطيب , وماجدة عبد الرحمن , ومعاهم نهلة نجم الدين ومعتصم سليمان جعفر ويجمعهم الرشيد بابكر سيد احمد , وحضرة الأفوكاتو الذى انجز تسجيل الزقازيق القابضة اللابسة عباءة الأجدع ناس ثم ضيق موسى عيسى الظاهر للعيان والبوست الذى يعكس مكنونات كل هذه التناقضات كل ذلك يصلح مدعاة للتساؤل البرىء ياخى ما تدوا الزقازيقاب فرصة يقودوا ليكم دولتكم دى ؟؟؟!!! انت يا زهير الزناتى تلفونك كم ؟؟
هل تريد الأنقاذ ان تتغير فعلا ؟؟؟ واذا ارادت , هل تستطيع ؟؟؟ هى تريد ان تستخدم سكينة البصل , عشان تقطع بيها اللحمة السمينة هل يجوز ذلك ؟؟ وهل هو ممكن اصلا سكينة الضبح , يجب ان تكون للضبح بس , سنينة وحادة , واستخدامها للبصل ,يضعفها ويحط من قدرها هكذا يقول الجزارون احتلف السودانيون فى اشياء عديدة , ولكنهم ان اختلفوا فى بسط الحريات , يرجعون عن اختلافهم ذات يوم ولكنهم يعودون ليضيقوا بها , عند اول منعطف برامج الأحزاب السودانية المختلفة , تتفق على الديمقراطية كمنهج , وان اختلفت فى الأسلوب حتى الأنقاذ , تتبنى برنامج التحول الديمقراطى الشامل , او هكذا تقول ولكنها سقطت فى امتحان الأنتخابات الأخيرة , وفوتت على الناس فرصة تحول فعلى , كان ممكنا نظريا لو ارادت الأنقاذ ان تلعب نفس الدور الذى تلعبه المؤسسة العسكرية المصرية الآن , لما استطاعت فهى غارقة فى مثالب الحزبية (غير الموضوعية ) حتى اذنيها وهى تتفاوض مع الأحزاب التى ما تزال (فى ضلالها القديم ) وحقيقة الأمر , من اين لتلك الأحزاب ان تتطور ممارستها الديمقراطية , وتنهض بسلوكهم المفترض انه ديمقراطى وهى ابعد ما تكون عن الممارسة اصلا وهذا الأمر , يشمل حتى (المؤتمر الوطنى ) الذى يحكم كما قلت , بجبروت العسكر , دون ان يتخلص من مثالب (عدم الممارسة الديمقراطية للأحزاب ) يعنى حزب قديم , مركب مكنة فعالية متجبرة عسكرية يعنى بعد اتنين وعشرين سنة انفراد بالسلطة , لا هو تطور كحزب (علما بأن تطوره كحزب مستحيل ) ولا هو كمان مثل لينا دور المؤسسة العسكرية المحايدة اذن فرصيد الممارسة السياسية عندنا , هو صفر كبير واى كلام عن سد وكبارى وبترول وخلافه , بشبه محاولة البناء على (شفا جرف هار ) فكل مثل هذه الأحتياجات البشرية , انما يبنيها الأنسان , للأنسان , وبألانسان وهذا الأنسان , مع اخيه الأنسان , علاقتته التواصلية والتجادلية يجب ان تبنى على اساس واضح قوامه تواتر واضح بين الراى الخطأ الذى يحتمل عندى صوابا والرأى الصواب الذى يحتمل عند غيرى الخطا وبغير ذلك , ومن دون ذلك , فلا علاقة الا التنكيل والتشفى والأستبداد برأى وحيد اول من يتحول عنه , هو صاحبه نفسه عندما (تقفل معاهو زى الضمنة ) فيتبدل حديث الجهاد المرفوع , قبل سنوات , الى حديث سلام وتتبدل امنيات الوحدة , الى سراب التشتت والدولار ابو اتناشر جنيه , الى جنيه عائم يكافح الغرق واقتصاد التحرير , يختنق بأخيه تحرير الأقتصاد قبل الرجوع الى سياسات دعم (مدسوسة ومختبئة ) وتطلعات الأنضمامالى (الجات ) , الى قائمة طويلة من السلع الممنوع استيرادها وهب ان مفاوضات الحكومة مع الأحزاب اثمرت واينعت وشكلوا معا (حكومة عريضة ولا قومية ولا وحدة وطنية سمها ما شئت ) ساعتها , تستطيعوا ان تتأملوا معى الفشل فى ثوبه الأكثر وضوحا لن يخرجنا من فشلنا المزمن هذا الا عودة حقيقية لمشروع تداول السلطة المؤؤد تداول يعنى تداول لا فيهو اقصاء ولا فيهو ابعاد ولنعلم ان التغيير , بميكانيكة متفق عليها ,وبقوانين ودساتير تتخذ من قوانين ودساتير السودان الأساسية الديمقراطية بتاعت الأستقلال تتخذ منها نبراسا ونقطة انطلاق بهذا فقط , يمكن ان نتلمس لدولتنا الغارقة فى فشلها , اول خطوات النجاح حزب الزقازيقاب كيف ؟؟؟؟
Post: #609 Title: Re: ناس الزقازيق ... أجدع ناس (4) .. Author: محمد عيد Date: 02-15-2011, 01:24 PM Parent: #608
قصيدة للشاعر الكبير الاستاذ هاشم صديق ،
القاها في شجاعة بتلفزيون قناة النيل الازرق 18يناير 2011 في احتفالية سنوية المرحوم بدرالدين عجاج بحضور نانسي عجاج
تمت إذاعة الحلقة من منزل الأستاذ جعفر عباس و يقال أن بعض الإداريين بقناة النيل الأزرق تم فصلهم أو كما عنوان القصيدة...تمت إحالتهم للصالح العام..!!
معليش القصيده طويلة .. لكن لجمالها الذى شدنى .. حبيت انقلها ليكم هنا
كتب د\ عصام احمد البشير بجريدة الانتباهة عدد الامس عن الوعى الحضارى للشعب المصرى خلال ثمانية عشر يوما اعتصم الشباب فيها بالصبر الجميل والسلوك الحسن, بات فيها الغنى المترف جوار الفقير المعدم, والسلم جنب المسيحى فى غبراء ميدان التحرير, نقلت تلك الايام المعدوده مصر العزيزه من عهد الى دعهد وكان من الممكن ان يستجاب الى داعى الاصلاح بهدؤ طوال السنوات الماضيه بل الشهور المنصرمه وقد بدات رياح التغيير فى العالم وتعد الحقائق القديمه هى المعانى القائمه فى العالم اليوم فقد عصفت رياح التغيير بالانظمه الطاغيه والفرعونيه الحاكمه والقارونيه الكانزه, ولكن ما اكثر العبر وما اقل الاعتبار نحن نرجو كل من فيه بقايا خجل أن يستقيلا نحن لا نسالكم الا الرحيلا وعلى رغم القباحات التى خلفتموها سوف لن ننسى لكم هذا الجميلا ارحلو ام تحسبون الله لم يخلق لنا عنكم بديلا[/B من دروس الثوره المصريه ان الامه هى مصدر شرعية الحاكم عبر اراده حره رضائيه وان سائر الشرعيات التى تعتمد على تاييد اعداء الامه لاستبقاء هذه العروش الهزيله مثلها ( كمثل الشيطان اذ قال للانسان اكفر فلما كفر قال انى برئ منك انى اخاف الله رب العالمين )
تمنيت دخول نجيلة قبلي وذلك لتلخيص المداخلات السابقة فتعدد الكتابات أصابني بدوار و لم أفهم موسى عيسى بعد هل لا تزال اللياقة عنده تقف عند 20% أم أن إقتراح منصور بتكوين الحزب الزقازيقي سيكون بعد المصادقة على الشركة الزقازيقية أخاف أن أقول وجه الشبه بين قصيدة الصالح العام ومداخلة الريس معتصم قائم أما إلتقاء الأخير بالرشيد للمرة الأولى فيكفي أن سيرمس القهوة الموجود بمكتب نهلة نجم الدين هو القاسم المشترك لإلتقاء تلكم الكوكبة الزقازيقة سئلت مرة ما هي العلاقة بينك و الزراعيين؟؟ فقلت زي العلاقة بين القادمين للسودان و المغص الحائم بينهم عند مغادرتهم له و حتى لا أتهم بأن سمك عوضية أصبح بقدرة قادر قهوة عوضية عليه يجب أحدد إتجاهاتي فقسم عليَّ.... سأسقي من نفس القهوة إذا أتاني الزراعي محمد عيد عند مكتبي!!! أظنه سيفعلها و لا شك!!!! ألا هل بلغت!!!
Do you know the meaning of W I F E? It means, Without Information, Fighting Everytime! Wife: No darling, it means,With Idiot For Ever ************ ********* ********* ********* ********* ******* Wife: I wish I was a newspaper, So I'd be in your hands all day. Husband: I too wish that you were a newspaper, So I could have a new one everyday.
After a quarrel, a wife said to her husband, You know, I was a fool when I married you.. The husband replied, "Yes dear, but I was in love and didn't notice
========================================= منصور : تحياتي على مشاعرك .... التريانه
Post: #615 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-16-2011, 06:32 AM Parent: #613
دعاء اليوم :
اللهم يامن رزقت الدودة العمياء في جوف الصخرة الصماء،،،،،،،،،، ان ترزقنا الرزق الكثير المبارك الحلال الطيب وأن تبارك لنا في ما وهبته وأكرمتنا به برحمتك يا أرحم الراحمين أنك على كل شيء قدير
Post: #618 Title: Re: ناس الزقازيق ... أجدع ناس (4) .. Author: منصور عبد الرازق Date: 02-16-2011, 07:55 AM Parent: #615
لمجرد الأحتفاء بعودة الود حاتم جبارة وابلاغه , بانها لسة رابطة هل تنصحنى بقهوة جلا ؟؟؟ يا اخوى خليها رابطة هو اللاقيها منو !! مش اخير من (المغص يالعزابة ) ؟؟!!
كانت آخر كلمات محمد سيد في التلفون أن انتظروني فأنا قادم اليكم... ثم أردف ..خلي بالك انك ما حتعرفني الا من خلال لكنتي الحلفاوية... كانت هذه الكلمات بمثابة تحدي لي فشغلتني و أنا اتجاذب الحديث مع الآخرين في انتظار اطلالة محمد سيد... لو قيل لي قبل أن أحضر الى السودان بأن ثمن التذكرة عشرة ألف دولار... و انك ستذهب لتجلس مثل هذه الجلسة قثط ثم تعود لما ترددت لحظة في شراء التذكرة... نهلة جمعتنا بنبلها و بشاشتها و كرمها...فما أن يفرغ ثرموس القهوة حتى يأتي آخر... ماجدة عبد الرحمن لم يغير الزمن من ضحكتها شيئا بل أضاف اليها الكثير... ما زالت بنفس البراءة و الثقة بالنفس و الشجاعة و الصدق... كنا نتحدث الى بعضنا و كأننا افترقنا البارحة و ليس قبل أكثر ما يزيد عن العشرين عاما... لم نكن نحتاج الى أن نتعرف على بعضنا البعض من جديد لنعرف مدى تأثير الزمن علينا... بدونا و كأننا كنا مجتمعين بمربع كاي في اليوم السابق للقاء... في هذه اللحظة أطل وجه من خلف مدخل المكتب الزجاجي... بضع و عشرون عاما من الشقاء فعلت فعلها بوجه محمد سيد محمد ناصر... ذلك الوجه النضير الجميل البريء... لكنها كل تلك السنون لم تفلح في أخفاء معالمه عني... و لم تكن قادرة على تضليلي... عرفته من النظرة الأولى و هو الذي لم تغيب معالم وجهه عني طوال تلك السنين... و كنت كثيرا ما أمني النفس بلقياه... هرعت اليه عند الباب فضماني بقوة ثم أخذ يتمتم و يهمهم و بقول كلمات لا أفهمها... لم تكن بالعربية و لا بالحلفاوية و لا حتى بالسواحيلية... ثم أخذ يقذف بي في بحر أشواقه ناحية اليمين تارة و ناحية اليسار تارة أخرى... و أنا أجاريه و أتمايل معه صامتا عاجزا عن النطق بأي كلام... أظننا بقينا لمدة طويله هكذا و الآخرون في انتظار أن ينفض هذا الاشتباك الحميم... ثم انشطرنا و جلس كل منا مقابل الآخر ثم أخذ يلخص لي العشرون سنة الفائتة... رغم التزامات نهلة و ماجده و الريس معتصم و محمد العوض و محمد سيد الا أنهم لم يهتموا للزمن... الذي كان يمضي سريعا و لا يراعي لحالنا... ثم قلت لهم يا جماعة لنلتقي مرة أخرى و لكن يجب عليكم أن تذهبوا الى بيوتكم الآن... فمنكم من ينتظره عياله بالطعام و منكم من ينتظرونه بالكسرة أو العيش... كنت أعلم أن فرصة مثل هذه لن تتكرر و لكني كنت أمني نفسي بلقاء آخر فحسب... ثم افترقنا على أمل اللقاء و كانت الساعة قد قاربت الخامسة عصرا...
جاييكم لي قهوة عوضية ما تستعجلوا...
Post: #620 Title: Re: ناس الزقازيق ... أجدع ناس (4) .. Author: منصور عبد الرازق Date: 02-16-2011, 08:14 AM Parent: #619
اها قهوة عوضية دى قبل سنة واحدة بس كانت سمك ما قلت ليكم السودان ده , دولة فاشلة هاكم صالح عام بتاعت هاشم صديق الوقفت النيل الأزرق على رجل واحدة وفى رواية اخرى شالت طميه وحولتومن ازرق هائج طميان الى ابيض هادى وديع , شفاف
Post: #621 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-16-2011, 08:27 AM Parent: #620
استيقظت مبكرا جدا ذلك الصباح الأمر الذي أقلق والدتي التي كانت تصلي الفجر... فسألتني ان كنت بخير فقلت لها بأنني بخير و لكنني أنوي الذهاب الى جهاز المغتربين... حتى أخلص نفسي من هذا الهم و أتفرغ تماما للاجازة... بعد الحمام تمتعت بقهوة (تقست ) الحبشية التي تعمل مع والدتي ثم لبست و هممت بالخروج... اتصال من محمد صديق يسأل عن الحال و البرنامج فأخبرته بأنني ذاهب للمغتربين.... و كحال محمد صديق دائما قام بمدي بالدعم اللازم لتسهيل الأمر علي داخل حوش المغتربين... ثم اتصال من محمد المرتضى فأخبرته ببرنامجي ثم تواعدنا باللقاء بالمغتربين... ركبت مع أخي عماد الذي أقلني الى المغتربين ثم عندما وصلنا قام بالاتصال بأحد معارفه بالداخل... دخلت الى داخل الجهاز فوجدت أحدهم بانتظاري فتولي جميع أموري ... تعال من هنا و أنا أتبعه بصمت ثم يقف أمام الكاونتر ليقول لهم ان هذا ابن خالي... و بقيت أتبعه من كاونتر الى آخر و هو يحاجج الموظفين و أنا أحرك رأسي موافقا... أخذني الى مكتب الزكاة لنحاججهم في تخفيض المبلغ الذي تراكم كثيرا... قابلتني الموظفة الظريفة بابتسامة عريضة و قالت لي... قبلك و قبالك...لكن ما اتلومت لوم السنين ...مالك خليتها تتراكم كده.... كانت مكنتي اني بدفع في السفارة و في السفارة مافي زكاة فقط المساهمة كما يسمونها... وافقت على أن أدفع جزء من المبلغ فدفعت و خرجت حيث تأشيرة الخروج... كان لدعم الكوتش دور كبير في أن تسير الأمور بسهولة و يسر... و بعد أن فرغت من جميع أموري اتصلت على محمد المرتضى ليلاقيني أمام الباب... بعد عشرة دقائق اتصل محمد ليخرني بأنه أمام الباب... سألته مباشرة...عندك شنو... رد بتحفظ...ليه عندك شنو انت... عايز أمشي للكوتش في المكتب في أم درمان و حتمشي معاي غصبا عنك... شنو حكايتكم انت و منصور دايما تفرضوا علي حاجاتكم...ياخي أنا عندي طلبه بدرس فيهم... أضرب ليهم تلفون أعتذر ليهم حسه و يالله نمشي... ثم اتصلنا على الكوتش لنخبره بقدومنا... سألت محمد صديق عن المحفذات التي تجعلنا نأتي اليه في أم درمان... فقال لي ليس لكم عندي غير القهوة... كان صاحب العربه الأمجاد أحد العائدين من السعودية بعد سنين خدمة طويلة... عاد الى السودان بمحض ارادته على حد قوله قبل بضع سنوات... و لكنه رغم عودته الاختياريه أحسست بأنه عندما كان يتكلم عن السعودية كان يتحدث عن أحلى سنوات عمره... وجد ضالته في محمد المرتضى الذي قضى أربعة سنوات في الرياض... تحدثا طويلا عن أماكن و شوارع بالعاصمة السعودية الرياض.... و أثناء ما الرجل مندمج مع محمد المرتضى طلبت منه مازحا أن يشغل جهاز التكييف... فوضع يده لا شعوريا حيث المفاتيح ثم التفت الي محرجا قائلا لي لا يوجد عندي تكييف... كنت أشعر أن العربة تسير بببطء شديد عبر شارع كترينا ثم بيو يو كوان لتعبرهما الى شارع الغابة... و عند المقرن بدأت العمارتين الشاهقتين و اللتان تمثلان جزءا من مشروع السنط الذي لم يكتمل... قلت لمحمد المرتضى مفاخرا بأن الشركة التي أعمل بها هي صاحبة التصميم... و كأني أنا الذي صممت ما يعرف بمنهاتن الخرطوم... عندما صعدنا الى الكبري كان محمد المرتضى يتصل بأحدهم لنقل رسالة ما... كان يريد ابلاغ طلبته بالتأجيل الطاريء للحصة بسببي... آلو...معاك محمد ....محمد عبد العزيز ياخي....ثم بانفعال...ياخي محمد جارك....معقوله ياخي... أسمع...الماظ في...الحبشية بتاعتكم في...الحبشية....الحبشية... ياخي عايز الحبشية بتاعتكم تمشي لي الحبشية بتاعتنا تقول ليها لو الجماعة بتاعين الحصة جو خليهم يتصلوا بي... الحقيقة حتى أنا و الذي أجلس مباشرة بجوار محمد وجدت صعوبة شديده في أن أفهمه... فكيف يكون حال الشخص الذي يتحدث اليه محمد و نحن أعلى الكبري... و العربة الأمجاد تصدر أصواتا مزعجة و بالكاد تسمع من يجلس بجوارك... أخذ محمد يردد للرجل حبشيتنا و حبشيتكم..فيما يشبه الغلوتية تقدر حبشيتكم تحبش حبشيتنا... لم أتمالك نفسي من الضحك من المشهد الذي أخذ وقتا طويلا حتى اقتربنا الى اللفة التى تدخلنا الى مكتب الكوتش...
Quote: ياخي عايز الحبشية بتاعتكم تمشي لي الحبشية بتاعتنا تقول ليها لو الجماعة بتاعين الحصة جو خليهم يتصلوا بي...
حاولت جاهداً أن أعرف الحصة شنو غلبني!!!! في نفس السياق عايز أسأل الكلام دا بالليل و لا بالنهار؟؟؟؟ بالمناسبة ناس المغتربين ممكن يشتغلو بالليل ما تحكوها معااااي!!!!
أياً كانت المسافة بين الحبش و جمهور المعجبين قريبة أم بعيدة فإن الحبش بلا شك يتمتعون بعمل القهوة الماخمج و أظن أن شهرة القهوة لم تأخذ شهرة سمك عوضية بعد بيد أنها عالية الجودة فأنا أحد جمهور المعجبين فالعلاقة بيني و بين الحبش كالعلاقة بيني و بين اللغة التركية أما عن التوأم الآخر فأظنه بدأ بكورسات تعلم اللغة التركية و ذهب فيها مراحل متقدمة
Post: #631 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-16-2011, 10:58 AM Parent: #630
انتو فى الحبش ولا فى منصور بعد الدبل كيك العملو دا يا اما جاهو شد عصبى ولا مغــــص .....
الرشيد بابكر ومحمد عيد وكل ناس زراعة وبيطرة معفيين من معرفة الشخص صاحب الصورة أدناه خريج تربية أنجليزي أصحابه عوض الله جاكسون وعبدالمجيد عيسى وياسر قسومة وحسن طبلة ركزوا معاي في الصورة
قام محمد المرتضى بتوجيه الأمجاد حتى توقفت أمام مبنى أمامه عدد من أفراد الشرطة... كان المبنى كخلية النحل حركة و نشاط...أفراد يدخلون و آخرون يخرجون... دفعت لسائق الأمجاد مبلغ العشرون جنيها المتفق عليها و نزلنا من العربة... عندما حاول سائق الأمجاد مواصلة طريقة ليعبر الى شارع الأربعين استوقفه أفراد الشرطة.. و طلبوا منه أن يعود من حيث أتى و عرفت أن ذلك كان بسبب المظاهرات التي كانت بالجامعة الأهلية... و في طريقنا الى داخل المبنى حيث مكتب الاستقبال استوقفنا أحد أفراد الشرطة... ماشين وين يا جماعة... قلت له...ماشين نشرب قهوة جوه..عندك مانع... و عندما أحس بالثقة و الثبات في كلامي و في ملامحي قال لي...بس كلمونا يا جماعة.. طيب ياخي نحن ماشين لي محمد صديق... طيب اتفضلوا أسألوا في الاستقبال... في الاستقبال قوبلنا باحترام و تقدير و عندما سألنا عن محمد صديق تم اصطحابنا الى مكتب الكوتش... كان الكوتش في انتظارنا و لكنه كان يهم بالاستعداد لصلاة الظهر عندما دخلنا عليه... قام من مكتبه و استقبلنا عند الباب هاشا باشا بابتسامته العريضة... ثم جلسنا أمامه في الكنبة الوثيرة التي في مقابله... شربنا القهوة مرة و مثنى و لولا شفقة محمد المرتضى لكانت الثالثة... صلينا الظهر عنده ثم انضم لمجلسنا أحد الضباط أو الظباط الظراف... كان أسمه يس...و عندما قام محمد صديق بتعريفنا بأننا من الزقازيق.. قال له يس ياخي جننتنا جن بالزقازيق و ناس الزقازيق... كان ليسين ابن عم زقازيقي تخرج من كلية التجارة و أسمه مامون و هو يعمل بجدة السعودية... اتصل به و أخبره بوجوده معنا ثم طلب مني محادثته.. تكلمت مع مامون و طلبت منه التواصل مع زقازيقي جده حتى ينضم الى الركب... و طالت القعده و أرسل الكوتش سائقه من أجل ارجاع أبناءه من المدرسة... و أخذ مرتضى يتململ فهو يريد العودة الى طلابه... و كثرت التلفونات مرة من بت شيخي تسأل عن مكاني و مرة من أمي.... كانت الحاجة تنتظرني بالغداء و تتصل بي لتعرف ان كنت سأحضر... و الجلسة مع الكوتش لا تمل و تتمنى أن تطول و تطول... و مع ململة محمد المرتضى و الحاح التلفونات استأذنا من الكوتش و انصرفنا... توجهنا الى شارع الأربعين و أوقفنا أمجاد.... بادر مرتضى صاحب الأمجاد قائلا... أسمع حتنزلني أنا في شارع محمد نجيب و بعدين تمشي تودي الزول ده أركويت... بس أسمع أوع تقول لينا بي خمستاشر جنيه... قال له سائق الأمجاد...أها علي بالطلاق غير بي عشرين ما بوديكم... خلاص يا زول وقت بقى فيها طلاق يالله بس تغشينا نشيل لينا ساندوتشات... ما مشكلة مستعد أقيف بيكم في أي مكان... كانت هذه الطريقة التي اتبعها مرتضى ليوافق الرجل على مبلغ العشرين جنيه... ركبنا معه و في الطريق توقفنا و اشترينا بعض الساندوتشات... ثم توجهنا الى شارع محمد نجيب.... حكى لنا سائق الأمجاد كثيرا من بطولاته مع ركابه و كيف أنه تغلب عليهم... يبدو ان الرجل لم يطمئن من وجود محمد المرتضى في عربته فحاول تحذيره... بينما حاول محمد المرتضى تطمين الرجل فحكى له عدد من النكات التي كنت أسمع الكثير منها...
فى مقابله بادارة بيت الفنون طرح ضعف المشاركه الزقازيقية فى جلسات الاستماع للزقازيقى الرائع اخمد عوض (عجوز ) كل اربعاء اسيوعيا وانا بدورى اناشد الجميع للحضور فبجانب دعمنا للاخ احمد عوض فهى فرصه للتلاقى , وقد تم الترحيب بفكرة تخصيص يوم اسبوعيا للزقازيقاب ليلتفوا فيه ببيت الفنون وحدهم ونحن اذ نشكر هذه الدعوه الكريمه ندعوا الجميع لمناقشتها وصولا لكيفية الاستفاده متها .
طلب موسى عليه السلام يوما من الباري تعالي أثناء مناجاته أن يريه جليسه بالجنة في هذه الدنيا فأتاه جبرائيل على الحال وقال: يا موسى جليسك هو القصاب الفلاني .. الساكن في المحلة الفلانيه ذهب موسى عليه السلام إلى دكان القصاب فرآه شابا يشبه الحارس الليلي وهو مشغولا ببيع اللحم بقى موسى عليه السلام مراقبا لأعماله من قريب ليرى عمله لعله يشخص ما يفعله ذلك القصاب
لكنه لم يشاهد شئ غريب لما جن الليل اخذ القصاب مقدار من اللحم وذهب إلى منزله . ذهب موسى عليه السلام خلفه وطلب موسى عليه السلام ضيافته الليلة بدون أن يعرّف بنفسه ... فأستقبله بصدر رحب وأدخله البيت بأدب كامل وبقى موسى يراقبه فرأى عليه السلام أن هذا الشاب قام بتهيئة الطعام وأنزل زنبيلا كان معلقا في السقف
وأخرج منه عجوز كهله غسلها وأبدل ملابسها وأطعمها بيديه وبعد أن أكمل إطعامها أعادها إلى مكانها الأول . فشاهد موسى أن الأم تلفظ كلمات غير مفهومة ثم أدى الشاب أصول الضيافة وحضر الطعام وبدأوا بتناول الطعام سويه سئل موسى عليه السلام من هذه العجوز ؟ أجاب : هي أمي .. أنا أقوم بخدمتها سئل عليه السلام : وماذا قالت أمك بلغتها ؟؟ أجاب : كل وقت أخدمها تقول :غفر الله لك وجعلك جليس موسى يوم القيامة في قبته ودرجته
فقال عليه السلام : يا شاب أبشرك أن الله تعالى قد استجاب دعوة أمك رجوته أن يريني جليسي في الجنه فكنت أنت المعرف وراقبت أعمالك ولم أرى منك سوى تجليلك لأمك واحترامك وإحسانك إليها وهذا جزاء الإحسان واحترام الوالدين
دعاء للوالدة اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب اللهم اكفها كل هول دون الجنة حتى تُبَلِّغْها إياها .. برحمتك يا ارحم الراحمين اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك اللهم و أقر أعينها بما تتمناه لنا في الدنيا اللهم إجعل أوقاتها بذكرك معمورة اللهم أسعدها بتقواك اللهم اجعلها في ضمانك وأمانك وإحسانك اللهم ارزقها عيشا قارا ، ورزقا دارا ، وعملا بارا اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل اللهم اجعلها من الذاكرين لك ، الشاكرين لك ، الطائعين لك ، المنيبين لك اللهم واجعل أوسع رزقها عند كبر سنها اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى به عنها اللهم تقبل توبتها ، وأجب دعوتها اللهم إنا نعوذ بك أن تردها إلى أرذل العمر اللهم واختم بالحسنات أعمالها..... اللهم آمين اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها اللهم ورضها علينا ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها اللهم ارزقنا رضاها ونعوذ بك من عقوقها اللهم ارزقنا رضاها ونعوذ بك من عقوقها اللهم ارزقنا رضاها ونعوذ بك من عقوقها اللهم آمين اللهم آمين اللهم آمين وصلى الله على نبينا محمد وعلى آله و صحبه ومن تبعهم بإحسان إلى يوم الدين واعلم لو نشرته لأصدقائك ستكون هناك رحمه لوالدتك فلا تبخل عليها بالرحمة وجزيت خيراً اللي أمه حية ترزق الله يطول له بعمرها ويريح بالها ويعطيها الصحة والعافية وكل الخير واللي امه متوفية الله يرحمها برحمته ويتغمدها بواسع جناته يا أرحم الراحمين
Post: #651 Title: Re: ناس الزقازيق ... أجدع ناس (4) .. Author: منصور عبد الرازق Date: 02-19-2011, 09:16 AM Parent: #650
صباح الخير يا احباب ما شفتوا قون الود واين رونى فى مرمى ما نشستر ستى وتيب !!!!! على فكرة , لغاية هسى انا ضعيف فى التكنولوجيا لكن قصة الفيديو دى , لقيتها ليكم زى شراب الموية الشغلة ما مجرد كوبى بيست بس خاصة لو كان النقل , من المصدر الأساسى , موقع اليوتيوب نفسه الأربعاء , فاز ارسنال على برشلونة , فنمت قرير العين هانيها فوز ارسنال بالذات , ليس ككل فوز وفوزه على برشلونة بالذات , ليس ككل فوز يمين مشتاق للكوتش جنس شوق ما عارف , حاسى كده انو مكجنا ومكجن بوستينا ده زاتو مشتاقين يا كوتش
Post: #652 Title: Re: ناس الزقازيق ... أجدع ناس (4) .. Author: منصور عبد الرازق Date: 02-19-2011, 09:47 AM Parent: #651
لا اعرف السمؤال خلف الله وزير الثقافة السودانى ولم يسبق لى مقابلته ولكنى اعرف انه كان ريئسا لأتحاد طلاب القاهرة او سكرتيرا ثقافيا لا اذكر وقت ان كان الأتحاد يصدر مجلة الثقافى لسان حال الطلاب السوداننين فى جمهورية مصر عندما تم تعيينه وزيرا للثقافة , حسيت بان هناك تغييرا ثقافيا ما ,سيحدث على الأقل , فان وزارة الثقافة والأعلام , يمكن لها ان تخلع ثوب ( الأعلام الموجه ) , او على الأقل , تستقل بصوت وثوب (ثقافى حر ) شخصيا , والله ما بتذكر اسم وزير ثقافة , لا فى الحقب القريبة او البعيدة آخر اسم وزير ثقافة وقفت عنده , كان عمر الحاج موسى , وزير الثقافة ابان مايو اول شىء , يبدو ان فصل الأعلام من الثقافة , خاصة فى الأنظمة الشمولية , خطوة مهمة واساسية , حتى نتقى شر اعتداء الأعلام وسطوته الموجهة , على الثقافة وطبيعتها الحرة الغير قابلة للتوجيه من الأساس البنى آدم الذى يرتدى ثوب الثقافة , حتى ولو كان غارقا فى توجهاته الحزبية فان لباس الثقافة الفضفاض , قادر على ان يطوى داخله , كل ما عداه من ثياب خاصة فى بلد كالسودان نسيت ان اقول , قبل ان استرسل , ان الثقافة بضروبها السودانية المختلفة والمتنوعة والبالغة الثراء هى واحدة من اوجه الأضاءة المستمرة فى دولة السودان الفاشلة كما ان سببا اساسيا من اسباب فشل الدولة , هى معاملة الثقافة وكأنها ترف غير لازم لا ينبغى ان يبين ويظهر , الا فى اوقات التجلى والأستقرار ومعلوم انه لو صح حديثى هذا ولو صح لنا ان ننتظر استقرار او ننتظر تجليا , فاننا نكتب بيدنا هذه , اسباب تنحى ثقافتنا الغنية والثرة , عن حياتنا ومشوار تطورنا المتعثر نتذكر جميعا , مهرجانات الثقافة التى بدأت فى مايو وخرج لنا من بين ثناياها , مصطفى سيد احمد مثلا , ولو كان وحده الخارج لنا منها لكفاها نعانى احادية النظرة ونفى الآخر فى لغتنا السياسية الممتدة من الأستقلال واول اوجه نفى الآخر , ومن علاماته الظاهرة , والتى صدمتنا بها فصل الجنوب الحبيب هى ممارسات الأستعلاء الثقافى , سواء كان ذلك الأستعلاء من خلال القبض على ادوات التعبير واجهزته او سطوة ثقافة الوسط , من خلال ذراع دينى طويل ومتعصب وسيطرة لغة تفاهم واحدة ووحيدة , وغربة لغات ولهجات سودانوية منفية بالأمكانيات المحدودة , والسيطرة الأقتصادية القابضة او كذلك من خلال معاملة الثقافة عموما , كترف وباذخ غير لازم , وهذه بالذات نحت العمل الثقافى عموما , وتضررت منها الثقافة غض النظر عن تنوعها واقول الآن , ان مظاهر البعث الثقافى التى نراها هذه الأيام والتى بدأت بليالى الخرطوم الثقافية , وتمتد الآن بليالى ام در ذكرتنا بايام مهرجانات الثقافة ايام نميرى لا شك انها مجهود مهم ومقدر ويصب فى الأتجاه الصحيح فالثقافة فى السودان , تنوع وتعدد فى طبيعتها ولا مجال فيها لأى احادية او نفى او اقصاء ولو قدر لها ان تمضى فى طريقها , دونما محاولات تحجيم او سيطرة او تصنيف (فى الأول وفى الأخير ) فان وزارة الثقافة , تعطينا مشكورة اول ادوات التغيير المنشود ولو صح الشعار المرفوع فى ان الثقافة تقود الحياة فلنبشر جميعا , بالتغيير الذى ستقوده الثقافة
اليوم أكتب اليكم من السلع في أول يوم عمل بعد الاجازة... يبدو ان قضاء أسبوع بأبوظبي بعد عودتي من السودان سهل من أمر العودة... و جعل منها أمرا عاديا بدون أي تعقيدات نفسية و عاطفية... و هانئذا أعود الى مكتبي بعد غياب دام أكثر من ثلاثة أسابيع و كأني كنت هنا البارحة... مع توصلي الى نتيجة هامة جدا... ألا و هي ان الاجازة شيء مهم جدا... حتى ولو كانت لأسبوع... فهي تفعل فعل السحر في النفوس...
أها وصلنا وين في حكاوي الاجازة... بجيكم راجع ليها برواقة... بس ما زي رواقة الكوتش...
Post: #654 Title: Re: ناس الزقازيق ... أجدع ناس (4) .. Author: محمد عيد Date: 02-19-2011, 01:16 PM Parent: #653
يا منص صاحبك الكوتش اتصلت بيهو ... اداني ليك واحد هرشة ... قلت ليهو ياخي ما تخشوا الاسكاي بي ده ناخد لينا معاكم عشرة ونسة .. قال لي ما عايز معاكم ونسة ولا عايز اشوف خلقتكم دي ... اها انا بعمل في عملية تجميل لتغيير الخلقة وبعدين اتصل بيهو ...
يا رشيد حمد الله علي السلامة ... وانشاء البطارية تقعد اطول فترة ولغاية الاجازة الجاية ...
يا ريس ميسرة معقولة من يوم السماية غاتسين ما قادرين تظهروا .... والله لكن السماية ماعندكم اها في انتظار الصور ...
لا يخفي لا فطنة القارئ باني فطيت مداخلة محمد عيد
Post: #657 Title: Re: ناس الزقازيق ... أجدع ناس (4) .. Author: محمد عيد Date: 02-19-2011, 03:10 PM Parent: #656
Quote: لا يخفي لا فطنة القارئ باني فطيت مداخلة محمد عيد
يا حمادة من كم يوم كده قعدت أقول لنجاة الشعب يريد اسقاط المدام... حسه الليلة لو مرت من هنا حتقوم تفتكر اني أديتك الفكره بتاعت الكارياتير ده... و انت عارف أنا لما قلت كده ما كانت شجاعة مني... بس لأني شاعر قديم شفت انو القافيه لافقه... فقعدت أقول الشعب يريد اسقاط المدام... قامت قالت لي...شايفاك من ما جيت من السودان بقيت عايز تسقط المدام... شفت شنو هناك... قلت ليها ما شفت أي حاجه هناك بس جو الديمقراطية المتاح بالبيت شجعني أعبر عن رأي... شفت المكنة دي كيف...
منذ أن حطت قدماي الى أرض الوطن أو ربما قبل ذلك كنت قد هيأت نفسي لسمك عوضية... و كنت أتوقع كل يوم أن يتصل بي جلا لتحديد الموعد... طال انتظاري كثيرا الأمر الذي جعلني أقلق على جلا... مثلما قلقت على أن أعود الى ابو ظبي دون أن أتذوق سمك عوضية... بعد الدعاية الكبيرة التي قام بها منصور... زاد من أشواقي بوست في المنبر عن عوضية و عصاميتها و سمكها اللذيذ... عندما لم يتصل جلا قررت اتخن جلدي و أتصل بيهو أنا... اتصلت فلم يرد علي فاعتقدت انو الرجل زايغ مني... فقلت ياربي الحاصل شنو... تذكرت قصة الموظف الذي سئل عن أصعب أيام في الشهر... فقال انها التسعة و عشرون يوم الأخيره في الشهر... فقلت ربما يعاني جلا من فلسة التسعة و عشرين يوم... في ذات يوم قررت مداهمة الرجل و محاصرته... بعد أن تناولت نعيمية الحاجه اللذيذة و قضيت بعض الأعمال الصباحية اتصلت عليه... هذه المرة رد علي و أعتذر عن عدم الاتصال لسوء الاتصالات في كادقلي... المكنه قسمت فيني بسهولة شديدة... فرغبتي في ملاقاة جلا أكبر كثيرا من اشتهائي لسمك عوضية... و لولا ان المرأة لا ذنب لها لقلت له عوضية طايرة عايزين نشوفك بس... أسمع انت قاعد في المكتب... أيوه قاعد... أنا جاييك حسه وصف لي مكتبكم... بتعرف الهيئة العربية...شارع عثمان دقنه...بس نحن هناك... تكرم أخي عماد بتوصيلي الى شارع عثمان دفنه حيث مكتب الفاو.... مكتب يشبه في شكله مكاتب الأمم المتحده... تراصت أمامه عدد من عربات الأمم المتحده... دخلت الى مكتب الاستقبال فوجدت امرأة بيضاء شعرهاقصير مقصوص كالرجال... خاطبتها بالانجليزية...Hi...Good Morning فردت علي بالعربية...أهلا و سهلا... عرفت انها بأنها قبطية وليست خواجيه ضارباها شمس السودان... خجلت و لعنت الغربة التي جعلت كل البقر يتشابه علينا... ثم سألتها عن محمد آدم النور فأجابتني بأنه في الآخر و ليس هنا... ثم دلتني الى حيث مكان المكتب الآخر... كان في الجهة الأخرى من الشارع فذهبت فوجدت استقبالا آخر... دخلت و سألت على المدعو جلا... تم أخذ بطاقتي و وقعت على دفتر الزوار ثم طلبوا أن أذهب خلف السلم... عند الباب الزجاجي الداخلي استقبلني جلا ثم أخذني الى مكتبه... و طلب لي القهوة اللذيذة... و عرفني على زميلاته بالمكتب (ان شاء الله بت الشيخ تقرأ المداخلة دي).... ليس بالمكتب زملاء...تخرج زميلة و تدخل أخرى... حتى تسائلت أين ذهب رجال الوطن... فمنذ حضوري وجدت أن معظم العاملين بالمكاتب من النساء... في بنك الخرطوم و ضرائب المغتربين و الزكاة و النصر لللشقق و غيرها من الأماكن... كلهن من النساء أو الشابات المؤهلات جدا للحقيقة... جلست و جلا نتجاذب الحديث ثم تدخل زميلة و تشاركنا الحديث... ثنينا القهوة كعادتي و طال الجلوس و الوقت يمضي الى نهاية دوام... بقيت مع جلا حتى نهاية الدوام... قلت وقت جيت الخرطوم أحسن أمر على عواطف دفع الله في مكتبها أيضا... اتصلت عليها فوجدتها ما زالت في مكتبها... قلت ليها حأمر عليك قبل نهاية الدوام... و تكرم جلا بتوصيلي الى البنك الزراعي حيث مكتب عواطف دفع الله... و قلت الحمد لله المرقت من جلا بقهوة عوضية... أخذت بطاقتي من مكتب الاستقبال و ركبت البوكس الدبل كابينة... و الذي أخذ طريقة بصعوبة في زحمة الخرطوم و اشاراتها ذات الأرقام المائة... حتى توقف بعد بعض أمام البنك الزراعي فودعت جلا على أن نلتقي عند نهلة نجم الدين...
والله يا رشدي ناس السودان بالغوا معاك ... تمشي الخرطوم وما تمشي سمك عوضية .... لا لا دي كتيرة ... والله اني ارثي لحال اجازتك ... طبعا الكوتش مقاطع سمك عوضية ... بس الناس التانين ... ليه يتلوموا معاك كده ...والله انا لو في محلك اقطعه معاهم ناشف ....
Post: #661 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-20-2011, 08:18 AM Parent: #660
ورغم ( القهوات ) الكتيرات ديل يقول ليك كان عندى مغص الظاهر كانت من غير زنجبيل ... معناها لو مشى الموردة كان لازمو طه القرشى الى الان .... بعد الشر طبعا"
يا ميسرة الصور سليت روحنا زى جلال وحفلة الرياض ..
Post: #662 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2011, 08:28 AM Parent: #661
صباح الخير،،، ياوجوه الخير
أصحبنا واصبح الملك لله وحده
Quote: يا ميسرة الصور سليت روحنا زى جلال وحفلة الرياض ..
حاضر يا سيدي ،،، أمرك مطاع
Post: #663 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2011, 08:41 AM Parent: #662
لقطات من عقيقة الإبن أحمد عصام دهب
Post: #664 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2011, 08:49 AM Parent: #663
Post: #666 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2011, 08:54 AM Parent: #664
بسم الله السلام عليكم مبروك العضة و بيت مال و عيال إنشاء الله نجيكم في السمح و ربنا يهنيكم في حياتكم العملية و العلمية حكاية إنكم معزومين عقيقةّّ!!!! أشك فيها لكن ممكن أخمن!!!! غايتو زي معزومين فطور رمضان
أول مرة رمضان يجي لحام مع المولد
Post: #673 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-20-2011, 09:48 AM Parent: #672
انا قدر ناس ميسرة ولا آحمد السيد ما اهو عثمان الجيلى لابس بدلة وزارة الاسكان
Quote: شوف يا عبدالدائم اسمع كلام عصام دهب ده
ابقى مؤتمر وطنى يعنى ولا شنو ... النصيحة ( الكيزان ) عزوماتم كاربة ...
Post: #674 Title: Re: ناس الزقازيق ... أجدع ناس (4) .. Author: منصور عبد الرازق Date: 02-20-2011, 10:47 AM Parent: #673
مبروك سماية الأبن احمد دهب والعضة عليكم بخيتة وسعيدة , وان شاء الله تسمنكم وتعمل ليكم جضوم فى الحقيقة ان شاء الله تعمل عثمان الجيلى براااهو جضوم الريس والنضيف والباقين ديل لو قامت ليهم جضوم فوق لى جضومهم دى بعد داك الا نفرز عويناتهم دى , بى شنو ما عارف
عوض عبده خليل , ربنا يكتب سلامة الوالد , ويواليهو بالعافية قالت نكتة شائعة هذه الأيام انه ما ان وصل حسنى مبارك , الى حيث يوجد انور السادات حتى بادره الأخير سائلا متسائلا ايوا يا بيه , منصة برضو , ولا سم ؟؟ فبادره حسنى مباغتا , فيس بوك يا بيه !!!
Post: #675 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2011, 11:14 AM Parent: #674
Quote: دكتور حسن بتاع الصيدلية عملو ليهو عشاء مخصوص طبعا" عارفين السبب ....
!!!!!!!!!!!!!!!!!!!!!!!!!!!!!!!!!!!!!!!!!!!!!!!
عارف يا ياسر نجيلة أنا سألت عبدالدئام قبل الوليمة
نلبس شنو قال لي جلابية علشان بالنطلون ما بنقدر نقعد في الأرض
وكنت على موعد معاهو بأن يأتي إلى المنزل ونمشي مع بعض،،،
سألته إيه الخيانة دي قال لي لو عندك بنطلون جنز ممكن تلبسوا
يا خي أنا تركت لبس الفنايل الكت وبناطلين الجنز زمان ،،،
Post: #677 Title: Re: ناس الزقازيق ... أجدع ناس (4) .. Author: جلال عثمان Date: 02-20-2011, 11:35 AM Parent: #675
سلامات يا ناس
حمدا لله على السلامة ياالرشيد
لم اكن متابعاً ولا مستمتعا لظروف طششان خارج الشبكة
بس انشاء الله تربو و تمسكو درب اهلو ما تمشو تخرب لينا
و تبقو مؤتمر وطني !!!! و العضة دي كانت سايلنت و لا شنو
ما شيفينا لينا صنية لافه و علي حسب تعليق جلا قال السماية
كانت تيك اوى take away ؟؟؟؟ انشاء يتبارك احمد دهب .
سلامة الوالد يا عوض انشاء ربنا يكتب سلامته .
Post: #676 Title: Re: ناس الزقازيق ... أجدع ناس (4) .. Author: منصور عبد الرازق Date: 02-20-2011, 11:31 AM Parent: #674
ولا شك ان السادات انور , ما يزال واقفا متمحنا ازاء اجابة حسنى مبارك فالأدوات, ما عادت هى الأدوات , يا واد يا حاتم جبارة والزمن , ليس هو الزمن فالملايين التى وضعت اصواتها لمصلحة مرشحى الحزب الوطنى المصرى فجاءت ببرلمان كامل الدسم , لا يأتيه الباطل لا من خلفه ولا امامه لم تكن تدرى , ان هناك ملايين اخرى , صنعت لنفسها برلمانا جديدا انه برلمان الميديا , الفاتح على البحرى تكتب كلمتك وتمضى , فتقع على كلمة من سواك حتى اذا ما تطابقتا , سن الناس قوانينهم , واجازوها او لم يجيزوها فى مراحل القراءة الثلاث ثم تتكون الكلمة فى رحم الشارع , وما تلبث ان تضع جنينها على اول رصيف ثم تتعدد الأجنة , وما تزال مربوطة مع شارعها الأم ,بحبل سرى لا يعرف الكذب ولا التدليس واحد زائد واحد , يساوى اتنين تجاوز الهياكل القديمة , لأحداث التغيير المنشود , واجب الساعة الأصيل صوت التغيير القادم , لو عرف مواضع قوته , لأحدث التغيير فى لحظة (من وسن ) تغسل عنى حزنى , فتحملنى , وترجعنى , الى عيون وطنى , يا وطنى والتغيير المطلوب , لا يهتم لا باشخاص , ولا بأتفاقات احزاب لن يسأل ابدا , عن البديل منو لن يعنيه ان يكون على رأس السودان زيد او عبيد من الأشخاص سيهتم فقط , بقوانين , ودستور , وثقافة تقود المجتمع , وحرية , وديمقراطية , وتداول سلمى للسلطة لا حظر فيه لأحد , ولا حجر فيه على رأى احد قال البشير مخاطبا شباب المؤتمر الوطنى انه امر بتكوين , مفوضية عليا لتشغيل الشباب حسنى مبارك فى اطار شرحه لميكانيزم التغيير الذى اطاح به واوصله الى حيث انور السادات لا شك انه سيستعين بهذه الحكاية , حتى يعرف السادات (يعنى شنو فيس بوك ) هل يشتغل الشباب ويتوظفون من خلال (مفوضيات خاصة ) هل شغل الشباب وتوفر فرص العمل لهم , امر بمعزل عن حركة الأقتصاد القومى اصلا ؟؟؟ لنعلم ان الوظائف او فرص العمل التى (تخلق ) على طريقة اخنق فطس من شاكلة , فقاسات الدجاج , والبيوت المحمية , وتمويل البنوك الأصغر هى من باب (طاقية ده , فى راس ده ) لأن حركة الأنتاج فى دولة السودان (الفاشلة ) , هى اس البلاء اصلا وسبب الفشل والشقاء فنحن فى حل من ان نضيف لجيش (صغار المنتجين الفاشلين القدامى ) , صغار منتجين موعودون بالفشل الجديد ولا فرق بين الأثنين , الا من مول من ؟؟؟ بينما تتلقفهم معضلات الأنتاج والضرائب والأتاوات والزكوات والقيم المضافة المركبة ,رامية بهم الى اتون فشل جديد تبدو معه عطالتهم القديمة , حكلم وردى بعيد المنال وما حكايات ابو زمام التى تابعناها مع الرشيد , الا مثل قديم تجدده الحكومة الآن , خشية الفيس بوك ونتائجه الوخيمة نعرف ان فى بلدنا , وزارة تسمى وزارة العمل يفترض ان تنتج لها , حركة اقتصاد الدولة (ذات الأيرادات الأعلى منذ الأستقلال ) فرص عمل جديدة حقيقية وناتجة من ارقام توسع اقتصادى ظاهر وبائن الا ان حقيقة الأداء الأقتصادى , تقول وتظهر الحقيقة المرة (فما فى القدر , تجيبو المغرافة كما يقولون ) وراعى الضان فى الخلا , يعرف ان السودان دولة بمقومات زراعة والزراعة نشاط اقتصادى , لا تقوده الا الدولة وعندما اقول تقوده , فهذا يعنى ان تصرف عليه , وتتحمل مخاطره , حتى تنشىء له بنية تحتية مناسبة وقوية والزراعة الآن , واقعة فى اسر دعاوى الأستثمار الخارجى هل بربكم شهدتم او سمعتم بدولة تبنى هيكل اقتصادها العظمى على يد (اجانب ) ؟؟؟ فلتتجه الدولة بربع (ميزانيات امنها ودفاعها فقط ) , لأقامة خمسة او ستة مشاريع زراعية كبيرة فى كل طرف من اطراف السودان البعيدة فتخلق بذلك , فرص عمل حقيقية ومنتجة , وتتجمل بذلك عبئها ومخاطرها الجسيمة وساعتها , لو انضم الى هيكل انتاجنا الزراعى الوليد , الف رافد اجنبى , فيا مليون مرحبا به خشية الفيس بوك , لا تخلق اقتصادا , وهى غير قادرة على ولادة (فرص عمل ) ؟؟؟!!!!!!
هنالك لحظات تمر علي المرء يتمنى فيها ان يدور الزمان دورة للخلف حتى يستظل ببعض ما اختزناه من جمال في مخزن الحياة التي نحسبها جميلة و نحن دوما لتلك الايام و اشتاق لاشخاصها و كانهم بساتين حياتنانسرع اليها كلما ضاق بنا بطش الغربة البغيضة لذا اخوتي فللصداقة معنى يعتصرني الما منذ وقت بعيد وفي هذه الايام بالتحديد لذا اقول : فالصداقة مشاعر سامية تتميز بالدفء والحنان وبالحب والتفاهم و الانسجام التام بين الصديقين ولكن للأسف فقد أصبحت الصداقة في زمانا هذا كأسطورة تحكى من قديم الزمان وكأنها لم تعد موجودة ألا في الحكايات فقد أصبحت الصداقات في هذا الزمان هي أمر لا صحة له ولا تقوم على بنيان صلب قوي حيث أنها تنهار أمام أول وأقل مشكلة يواجهها الصديقان .
فالصديق الحقيقي هو الذي يؤمن بك ويفهمك ويثق فيك ويعلم أنه يمكنه الاعتماد عليك.
هو الذي لا يخجل من إظهار ضعفه أمامك فيكون على طبيعته معك كما انك تكون على طبيعتك وأنت معه وتستطيع أن تظهر ما بداخلك بدون تكليف وبدون محاولة أن تبدو بصورة أفضل فهو يعلم انك لست إنسانا كاملا ومع ذلك يحبك ويتقبلك كما أنت حتى لو لم يوافق على بعض أفعالك. يعاملك باحترام وكرامه. مكانه محفوظ في قلبك حتى لو لم يكن أمام عينيك.
ينصحك عندما تحتاج النصيحة ولكن لا يفرض آراؤه عليك بل يدعك تتخذ قراراتك بنفسك. يشجعك ويدعمك عندما تلجأ إليه ويساعدك لتصبح إنسان أفضل وانجح ولا يشعر بالغيرة من نجاحك. يستطيع أن يجعلك تبتسم في أوقات الشدة. يحبك ويكون قريب منك بدون أن يتعدى على حريتك الشخصية أو خصوصياتك ولا يلغى كيانك وشخصيتك أو تصبح تابعا له... بل يستطيع كل منكما أن يحقق ذاته في وجود الآخر. يدعوك ويأنس بصحبتك بدون أن يطالبك بشيء. لديه الشجاعة والحساسية واللباقة لنقدك لكن بدون لومك أو تجريحك أو إشعارك بالذنب وبذلك نقده لك يكون بناء ليس هدام. يربطك به علاقة اخذ وعطاء لا يأخذ كل الوقت ولا يعطى كل الوقت ولديه القدرة على العطاء النفسي فيشاركك بجزء من وقته واهتمامه وإحساسه وبفكرة. لا يتنازل عنك أبدا أو يتخلى عنك برغم خلافاتكم أو مشاحناتكم ولديه القدرة على أن يسامحك. يهتم بمشاكلك ويحس بمعاناتك. يستطيع أن ينفذ إلى أعماقك ليرى جوانب الخير والجمال بداخلك وبذلك فهو مرآتك الصادقة تستطيع أن تكشف جوهرك الحقيقي من خلاله وتتعرف على نفسك أكثر وأكثر.
الصداقة الحقيقية هي نوع من أنواع الحب وهى مسؤليه مشتركة لا تبنى على طرف واحد أبدا.
هي البستان الذي تزرع فيه بذور الحب والعطف والاحترام والاهتمام والثقة والتضحية والدعم والتواصل والتسامح فنحس بالثراء النفسي ونجنى ثمار السعادة الحقيقية في الحياة.
وأخيرا
- فإذا كان لك صديق بهذه الصفات مثل جلا و تاج و صديق ابكر و يوسف عيسى و و و و؟؟ فليبارك لك الله فيه ويديم عليكم نعمة هذه الصداقة الحقيقية فلا تضيع الوقت واعترف له بمكانته عندك وأرسل له هذه الرسالة لتكون بمثابة برهان على تقديرك له ولا تؤجل بوحك بمشاعرك له إلى الغد وتعلم من الحكمة القائلة: " املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد".
- وإن لم يكن لك صديق بمثل هذه الصفات فحاول أنت أن تتحلى بهذه الصفات مع كل من حولك واعمل بالحكمة القائلة: " كن صديقا ولا تطمع أن يكون لك
Post: #687 Title: Re: ناس الزقازيق ... أجدع ناس (4) .. Author: منصور عبد الرازق Date: 02-21-2011, 08:07 AM Parent: #686
استفزنى سيف الأسلام القذافى ليلة البارحة , استفزازا (حمانى النوم ) معقول يا (سيف ألسلام ) , تقول للناس , يا تقبلوا باصلاحات نعلمها نحن يا كمان الدم بيناتنا للركب انظر بالله عليك كيف يتم اختصار مصير دولة وامة فى اسم رجل وشخص الله , معمر , ليبيا وبس شوفو بالله معاى هذا الهتاف الفطير البائس وشوفوا ايحاءاته السخيفة انا ختيت فاصلة بين عناصر الهتاف الثلاثة لأن الناس ديل وهم بيهتفوا , ما ورونا العلامة البين الأسماء التلاتة شنو يا ربى تكون واو عطف ؟؟!! ما اعتقد انهم يكونوا لدرجة الوقوع فى مثل هذا الخطا اما اذا كانت العلامة تفيد الترتيب يعنى بمعنى الله ثم القذافى ثم ليبيا , فدى مشكلة كبيرة والله متى نعى ان الأشخاص , لا اهمية لهم , بعد ارساء نظاتم (يعمل ) ونظام مهمة , ويعمل , اكثر اهمية وبعدها فليكن الشخص كائنا من كان زيد ولا عبيد ما مهم فلان ولا فرتكان , لا فرق ومن ثم بعد ذلك فان الأشخاص يبنون مجدهم من مدى تمسكهم بهيبة النظام , واحترامهم لسطوة القانون لأن الأشخاص , بمنتهى البساطة ’ زائلون تعرفوا احيان كثيرة بيجينى احساس انو عمر البشير زول كويس , على رأس (لا نظام ) لذا فانه ريئس مثالى يخدم وجوده فى ظل اللا نظام (زمرة المنتفعين والفاسدين المفسدين ) أمر رئيس جمهورية السودان بتكوين مفوضية محاربة الفساد ما اشبه ذلك بتكوين محاكم العدالة الناجزة انها آليات مستحدثة , ومخلوقة خلقا , تبرز عندما تشيخ آليات الدولة وتهرم عندما تصاب بالترهل , وتضيع بين عتباتها (الطاسة ) فنحتاج عندها ,مفوضية لتشغيل الخريخين , تقوم مقام وزارات العمل والأقطاع الأقتصادى ومفوضية لمحاربة الفساد , , تعمل عمل دوائر العدل والقانون ولجان النهضة الزراعية , تقوم مقام وزارات الزراعة فى كل ولاية يا امة السودان , التى كانت امة للأمجاد والماضى العريق اما فيكم من رجل رشيد ؟؟
توفيت صباح اليوم والدة الاخ محمد عثمان عبد الرحيم (حاج الركز) لها الرحمة والمغفرة وللاخ محمد عثمان صادق التعازي ... ووالتعازي للاخت عفاف علي ميرغني والاسرة
Post: #693 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-21-2011, 10:54 AM Parent: #692
صادق التعازى للاخ محمد عثمان والاخت عفاف
انا لله وانا اليه راجعون آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار اللهم إن كانت محسنًة فزد في إحسانها وإن كانت مسيئًة فتجاوز عن سيئاتها اللهم ألحقها بالشهداء
أصدق التعازي للأخ و الصديق محمد عثمان و للأخت عفاف في فقيدتهم... نسأل الله لها الرحمة و المغفرة...
زالت الصعوبات التي كنت أعاني منها في الدخول الى المنبر بصورة خاصة... و مع زوال هذه الصعوبات ربما يعود مزاج الكتابة مرة أخرى و نواصل المسلسل...
Post: #700 Title: Re: ناس الزقازيق ... أجدع ناس (4) .. Author: محمد عيد Date: 02-22-2011, 07:30 AM Parent: #699
Quote: و مع زوال هذه الصعوبات ربما يعود مزاج الكتابة مرة أخرى و نواصل المسلسل...
ســـبب واحد يخلى مزاج الكتابة ما يعود مافى .. !! الا اذا كنت مســاهر مع القذافى
شوف عبد الله الهندى يجيب ليك واحد قهوة مظبوط .. ولا اقول ليك .. عود بالذاكرة الى رائحة قهوة منظمة الفاو ديييك ..
...
شوية فرفشــه عشان الظهور الجميل هذا الصباح للفارس جــلا
الحياة فرص ... اغتنمها دخل لص مسلح أحد البنوك ويقوم بالسطو وسلب الفلوس وقبل مغادرته يلتفت إلى أحد الزبائن ويسأله : هل رأيتني أسرق البنك ؟؟
فيجيبه الرجل : نعم يا سيدي لقد رأيتك فيطلق اللص النار عليه و يرديه قتيلاً ثم يلتفت إلى رجل وزوجته ويسأل الزوج : هل رأيتاني أسرق هذا البنك ؟؟ فيجيبه الزوج : لا يا سيدي أنا لم أراك ولكن زوجتي رأتك
Quote: ســـبب واحد يخلى مزاج الكتابة ما يعود مافى .. !! الا اذا كنت مســاهر مع القذافى
حمادة يا حبيب...
و الله عكران المزاج بسبب النت... المداخلة الواحدة تحتاج الى زمن طويل... و هذا الزمن أصبح غير متوفر في ظروف عودة من اجازة و تراكم الشغل... أما من ناحية المزاج العام فهو و الحمد لله عال العال... و الجراب مليان حكاوي... آخر مرة وقفت عند ذهابي لزيارة عواطف دفع الله... سأحكي في المرة القادمة كيف ان عواطف لم تتعرف علي و أغلقت دوني المصعد... سأكمل في المرة القادمة و ان شاء الله النت يساعد...
البركة فيكم اخى حاج الركز فى مصابكم بوفاة الوالدة البركة فيكم يا عفاف وعلى ومؤيد التعزية موصلة لى ناس فاروق وكامل وكل ناس البيت المرحومة توفيت وهى فى طريق العودة من الخرطوم لى عطبرة بصحبة ابنها كامل حاج الركز مساء اليوم فى مطار الخرطوم على طيران ناس الذى سيقلع من الرياض الساعة سبعة ونص بتوقيتى السودان والسعودية زمن الوصول المتوقع العاشرة مساء تلفون حاج الركز السعودى المكتوب بواسطة زهير , شغال فى السودان عند الوصول
لم توازيها الا نفس الحالة التى انتابتنى عند استماعى لمعلق مباريات المنتخب ...!!
يا دودى .. الليلة شوال ليمون ما بيحلنا ..!!
Post: #710 Title: Re: ناس الزقازيق ... أجدع ناس (4) .. Author: جلال عثمان Date: 02-23-2011, 08:31 AM Parent: #709
Quote: مهند الطاهر ..... مدثر كاريكا .....
====================== سيدا .....
وضياع حلم جميل ... بس ما ديل براهم الكانو السبب ما بنعرف نلعب كورة نحن ياخ والله وما عارف في الفترة الاخيرة دي قاعد احب كمال شداد بقيت رغم (شعروا) انهم حقيقي فاقد تربوي ...
نجيلة ازيك ياخ ولعلك طيب
Post: #711 Title: Re: ناس الزقازيق ... أجدع ناس (4) .. Author: جلال عثمان Date: 02-23-2011, 08:44 AM Parent: #710
Quote: اصــابتنى بحالــة من القــرف وطمام البطن ...
غايتو انا فايتك مسافة... قرف وطمام بطن بس يا ود عيد والله انت في نعمة ... بالله شفت الراجل (الحمـ....ار) دا قال شنو لست برئيس انما انا قائد أممي روح جاتك داهية ووشك يشبه مركوبي الصبت فيهو المطرة (مع الاعتذار للمركوب)
عيدنا ... حمور زيادة عندو بوست تلقاهو في المنبر العام امكن يودر ليك طمام البطن ... وازعاج الاسمو سوارالدهب دا ... هو نحن العملا فينا شنو غير "الغويشات"
كادوا أن يقنعوني أثناء مباراة السودان و النيجر بأن الأخيرة قد مارست السحر... و عملت عمل جعل الوصول الى مرماها يستحيل على مهاجمينا... فلا يعقل أن يطيح كاريكا الرهيب و بكري المدينة الفلته بكل الكرات خارج المرمى.. و أنه لولا دعاء الجمهور لما أفلحنا في ابطال سحرهم و الفوز بركلات الترجيح... و يبدو أن انجولا قد راقبت مباراتنا مع النيجر جيدا و استفادت من الدرس... فعرفوا أن السحر على طريقة النيجر سيتم ابطاله لا محالة بدعاء الجمهور... و فكروا في طريقة أخرى وهي أن يمارسوا سحرا بطريقة مختلفة... فقرروا أن يعملوا عمل للاعبينا و أن يجعلوهم غير قادرين حتى على التصويب... أو حتى التمرير أو الاستلام الجيد للكره... بدوا و كأنهم لم يلعبوا الكرة من قبل... بالاضافة الى العمل المعمول لهم هنالك الارهاق و الاعداد غير الجيد... و لا حتى مشروعية السؤال عن ضرورة استضافة بطولة لا يتابعها أحد... و لا حتى السؤال عن أولوية اكمال المدينة الرياضية بدل الانفاق على هذه البطولة.. و غيرها من الأمور ال########ة و التي ليست بأهمية العمل المعمول على منتخبنا... كيف نبرر لبلاتر و بلاتيني عدم فوزنا ببطولة قاتلنا لكي نستضيفها... و كيف نبرر أولا لجمهورنا الذي صدق أن المنتخب الذي تعادل مع غانا... بامكانه الفوز بالبطولة و غيرها من البطولات... لا تحزن يا جمهورنا الحبيب فلولا العمل لكنا قد فزنا بالبطولة... و لكنا أمطرنا شباك المنافسين بوابل من الأهداف و دكينا حصونهم... و لقد خطر ببالي انه طالما ان فرقنا تلعب ضد سحرة و مشعوذين... و أن مدربينا غير قادرن على ازالة السحر و العمل... و لأن المسألة ليس لها علاقة بالاختيارات الجيدة لللاعبين و لا بالخطط المناسبة... و لا حتى بالقراءة الجيده للمباريات و لا اجراء التغييرات المناسبة... فانه من الأنسب لنا و لمنتخباتنا كلها لتتخطى مثل هكذا مشاكل... أن تختار أي لاعبين و أن تقوم بتعيين فكي كمدرب للفريق...
مش أحسن؟؟؟؟
Post: #713 Title: Re: ناس الزقازيق ... أجدع ناس (4) .. Author: جلال عثمان Date: 02-23-2011, 09:19 AM Parent: #712
يا جماعة ما تشيلوا حال الاولاد ساي والله لعبوا وما قصروا ... ومازدا احسن مدرب في المنطقة ... عاينوا للنصف الآخر من الكوب واننا وصلنا دور الاربعة ... ياخي ما تخلوا الحركات دي ... يا نجيلة سلامات ومشتاقين
Post: #716 Title: Re: ناس الزقازيق ... أجدع ناس (4) .. Author: محمد عيد Date: 02-23-2011, 10:19 AM Parent: #715
ســــؤال بيطرح نفســه ...
ما ســبب ايتلاء غالبية الدول العربيــة
بحكام اما مهســترين او معتوهين .. او بليدييييين ...؟
من النميرى لى مبارك لى القذافى .. على عبد الله صالح .. بن على ...... البشــــير ..؟!
حاشية :
عندنا فى شمبات شخصية معروفة .. واحد مسكين مريض بالتخلف العقلى ...
Quote: عاينوا للنصف الآخر من الكوب واننا وصلنا دور الاربعة ... ياخي ما تخلوا الحركات دي ...
كان ممكن نصل النهائي .... بسهولة شديد .... إلا ...
عيد ياخي رسل لي شوية .... ليمـــــــــــــــــون ... ولا اقول ليك ... انا ماشي اخنق .... النصر ... زاتــــــــــــــو
Post: #718 Title: Re: ناس الزقازيق ... أجدع ناس (4) .. Author: منصور عبد الرازق Date: 02-23-2011, 11:40 AM Parent: #717
وفى محاولة لعصر الليمون على (الحالة العامة ) كتبت فى احد منتدياتنا الأقليمية , محاورا صديقا آخرا لى وما دام الشغلة ليمون , فان المنطقى ان يكون الموضوع , سياسة الجن والقرف ولأنو ما عندى ليمون ليكم , يا عيد وجلال ونجيلة هاكم قزتزة (الخل ) دى
ازيك يالعبد الفقير , مشتاقين واضح انك بتخاطب فى زول معين , وخاتى فيهو راى معين , ومصنفو تصنيف كمان معين , وعاوزمن ده كله , تطلع بى نتيجة معينة , مش كده ولالا ؟؟؟ عموما , اذا كان لى ان اخمن , فانت تخاطب محمد بشرى , لكن محمد بشرى لو براهو, بيقولوا ليهو انت , اما ان تخاطبه بى انتو , فانت قاصد بالتأكيد الناس الأنت متخيل انو محمد بشرى ده بيمثلهم حلو التحليل , ولا ننزل المحطة الجاية ؟؟؟ وعشان انت كنت عندك راى صريح وواضح ومباشر فى انو الديمقراطية دى , مفصلة لى ناسا تانين , جيناتهم مختلفة , وخلصت بذلك التحليل الى انها ما راكبة معانا , فانت بالنسبة لى فرصة عظيمة عشان اتكلم مباشرة على انو المعركة المفترضة هى بين تيارين , لا ندعى انه لا ثالث لهما , بل ان اس المشكلة هى وجود ثوالث وروابع وخوامس كمان , يعنى لو المعركة اتعرفت انها ما بين دعاة ديمقراطية , ودعاة عكسها , ايا كان الأسم الذى تطلقه انت على عكسها , فالأمر سيبدو سهلا وفى غاية البساطة , لا وكمان خلينى امشى خطوة واقول ليك , انو مشكلة السودان الأولى هى فى عدم (فرز الكيمان ) ما بين هاتين المدرستين تحديدا , فلو ان مؤيدى مدرسة (تعارض الديمقراطية اساسا مع جيناتنا ) تفرغوا لدعوتهم هذه ونافحوا عنها ودافعوا باستماتة , ونسوا كل شىء عدا ذلك الى ان يحين موعده , او ان منافحى ومؤيدى نظرية الديمقراطية والذين يعتبرونها احسن نتاج للعقل البشرى رسم نموذجا لأدارة الدول ,ركزوا جهودهم على ترسيتها وبناء اسسها ومرتكزاتها مؤجلين خلافاتهم الأخرى حتى يكتمل بناء الصرح , لو فعل كل من المدرستين ذلك لأمكن حل الأشكال او فرز الكيمان بسرعة شديدة , ولكن العكس هو الحاصل , بينما يخاطب كلا الطرفين الآخر بضمير مستتر تقديره (اما محمد بشرى او العبد الفقير ) , ولكن لو جيت ودققت , لهالك (الخلط الفظيع ) الكامن فى كلا مراحل (النظريتين ) بدءا من الفكرة نفسها وحتى مدارس تطبيقها المختلفة , والغريبة ان اعتى اعداء فكرة الديمقراطية يضطرون للبس (لباسها ) فجاة وذات صباح , حتى انك لتتخيل ان وحيا ما قد نزل عليهم فجاة , ولكنك سرعان ما تكتشف ان شيئا واحدا هو الذى يحركهم ويضطرهم الى تغيير التوب وتلوينه كلما هبت رياح , الا وهو (حب السلطة وشهوة الكرسى ) , وعلى فكرة قبل ما تجينى جارى عشان تضرب لى الأمثال , فان نفس الشى قد يعترى حتى (عتاة مؤيدى مدرسة الديمقراطية ) , فبعضهم ينقلب عليها ,فجأة ايضا , تحت ضغط نفس الشهوة بتاعت السلطة , وهذان المثالان اذا ما طبقناهم على الحالة السودانية , فاننا نجدها (منطبقة تمام الأنطباق) على جانبى الحكم , حكومة ومعارضة , فالحكومة مركبة ليها مكنة ديمقراطية (سكند هاند ) ليها مدة كده ,وهاهى تتحدث عن (تحول ديمقراطى ) , وتتحدث عن انتخابات , وتتكلم عن برلمان منتخب , حتى انها فصلت جزءا عزيزا من الوطن , وترشح كذلك اجزاءا عزيزة اخرى لذات ونفس المصير , ولكنها (اى حكومتنا الحالية ) تريد ان تستخدم فى (تحولها غير الصادق هذا ) , نفس الأدوات التى استخدمتها فى انقلابها على (حكومة ديمقراطية منتخبة ) , عارف يالعبد الفقير الناس ديل بقوا عاملين زى منو , زى الجزار العاوز يضبح ليهو تور كبييير ولا كمان ممكن يخون (خروف مدوعل سمين ) , مستخدمين نفس السكين الطول عمرهم بيقطعوا بيها البصل , عليك الله بتجى الحكاية دى ؟؟يعنى ممكن ناس نافع وقوش الطول عمرهم بيرهبوا فى الناس ويأذوهم , ممكن بى قدرة قادر كده , وفجأة كده يبقوا ملائكة رحمة وقلبهم على الناس ومصالحهم , وعشان ابقى متوازن معاك وكل غرضى ان اوصل ليك الفكرة , لأنى والله العظيم بعاين ليك من زاوية ما فيها الا (الحب والأحترام والتقدير ) , فانا ساضرب نفس المثل بمشاكل طلاب الديمقراطية واحتمالية انو كمان بمجرد ان تقول الديمقراطية كلمتها ويجلسون على الكرسى ويتعرضون لحساب ومسئولية الديمقراطية (القاسية ) , فان مكنة ديمقراطيتهم معرضة ايضا الى انها (تخف او يعتريها بعض التفويت ) , اى ان المشكلة يمكن ان تتم من الطرفين , ولكن المحيرنى يالعبد الفقير يا اخوى , هو انك (انت بالذات بما انك صاحب نظرية انو الديمقراطية اصلا ما بتنفع معانا ) , بتكون فى مشكلة كبيرة فى كل الأحوال ومع كلا المدرستين , اولا مع ناس الأنقلاب البيحاولوا يركبوا مكنة ديمقراطية (آخر ايامهم ) , فانت من المفترض حسب فهمى (ان تعارضهم مبدئيا فى محاولات تحولهم هذه ) , لأنهم ماشين عكس اتجاهك , هذا اذا كنت تصدقهم وتصدق محاولات تحولهم هذا ,اما اذا كنت لا تصدقهم فهم ناسك عديييل , وناسك دى بعنى بيها انك تؤيدهم حتى ولو باضعف الأيمان , دون ان تنتمى اليهم (وانا اصدقك فى هذا تمام التصديق طالما انت نفيتها بالفم المليان ) , اما طرف المعادلة الآخر فانت ضدهم وهذا ينسجم مع كونك (عدو ) لفكرة الديمقراطية من الأساس , ولو عدو الختيتها ليك بين قوسين دى ما عجبتك او حتى ضايقتك, شيلها بدون تردد وخت بدلها اى كلمة تفيد معنى (عدم ايمانك بالديمقراطية اساسا ) , المهم فى خلاصة هذا الموضوع , هو ان لكل طرف من طرفى المعادلة دى , الحق فى ان (تسود معادلته التى يؤمن بها ) , وعشان نتواصل فى النقاش ده , انت محتاج فى الأول تأكد لى النقطة دى او تنفيها , وانا بقصد بالتحديد (فكرة انو كلا طرفى المعادلة بتاعت ديمقراطية او عدم ديمقراطية من حقه العمل على ان تسود فكرته فى المجتمع اللى هو جزء منه ) , توافقنى على ذلك او لا , وانا محتاج للتأكيد ده لمجرد انك جاهرت بعدم ايمانك بفكرة الديمقراطية فى الأساس , لأنو لو كنت عكس ذلك من مؤيديها , كانت اجابة مثل هذا السؤال ستكون بدهية عندى , الا وهى (نعم بالصوت العالى لتداول السلطة بطريقة سلمية ) , يكون الأحتكام فيها لأصوات الناس بقوانين ودساتير عادلة وفرص متكافئة ومتساوية , والحتة دى بالذات ضرورية واساسة مش بس بين الأحزاب المتصارعة الحاملة لبرلمج مختلفة , لا بل وداخل الحزب الواحد الحامل لنفس البرنامج ولكن برؤى مختلفة يحملها اشخاص مختلفون , المصيبة انو التداول ده فى وجود انظمة ديمقراطية , ممكن وطبيعى من ممارسة ديمقراطية منتظمة ومجدولة , يعنى لو ناس البشير وحزبه ما عملوا انقلابهم يوم 29-6- 1989 وانتظروا انتخابات ابريل 1990 وجابتهم الصناديق عبر اول تداول ديمقراطى سلمى للسلطة , لكن وضعهم عندى شديد الأختلاف , ولكنا عدنا نفس الممارسة فى خمسة او ستة عمليات انتخابية وتداول للسلطة حتى موعدنا هذا , ساعتها فان (الحشاش يملأ شبكته يا حبيب ) ,ولكنهم اوقفوا تاريخ السودان عند نقطة فارقة وفاصلة , فلا هم احتكموا للصناديق , ولا هم سمحوا للهياكل الديمقراطية الطبيعية زى كل بلدان الدنيا المتحضرة (اللى هى الأحزاب طبعا ) ان تمارس السياسة فى جو سليم من المنافسة , تتبادل الحكم فيما بينها , ثم تتبادل المعارضة كذلك , وفى البناء الديمقراطى فان كلا الطرفين (حكم ومعارضة ) هما جانبا المعادلة الصحيح , واحد ينفذ ويحكم وينزل خططه وبرامجه لآرض الواقع , والثانى يحاسب ويبرز القصور ويبشر ببرامجه ويقارنها بالبرامج التى يتم تنفيذها , وانا اعلم ان مثل هذه المسيرة لن تمضى (وردية وحلوة بهذه الصورة ) , بل ان كثير من الأخفاقات (لدى الجانبين ) ستعتريها , ولكن طريق التغيير والتبشير معروف , اما واننا لايتوفر عندنا هذا الجو الذى احكى عنه , ويحكمنا نفس النظام الذى سطا على حكومة انتخبناها واعطيناها اصواتنا فى انتخابات (لم يدعى اى طرف من الأطراف انها غير نزيهة او ان فرصها غير متساوية ) , فكيف ستظن ان اعضاء مدرسة الديمقراطية ومؤيديها , سيحدثون هذا التغيير , معندهمش طريقة يا عبد يا فقير يا اخوى , الا بالتحريض على الثورة والرهان على الشارع , وهى مسيرة قاصدة وواصلة باذن الله , لو استغرقت سنة او قرن فهى واصلة , ولم يكن احدنا يتخيل ان تثور مصر , او تونس , او ليبيا , والسودان حقق ثورتين فى حياة شعبه وهو قادر على تحقيق ثالثة كذلك , لو كانت الثورة عروس تحتاج كوافير فهى قادمة , ولو كانت غير ذلك برضو هى جاية ونراها فى الأفق ,مصر وتونس الان , انعتقتا من قيود (نظام الحزب الواحد والفرد الواحد ) , وهاهما تستنهضان الهمم , وتستشعرا المسئولية , وتنظمان الصفوف , وتستلهمان تنظيمات وتشكيلات حزبية وفكرية خلنا او خيل لنا للحظة انها اندثرت او علاها التراب من طول زمن الدوس عليها والتنكيل بها , حتى اذا هبت نسائم الحرية , وجدنا اطفالا صغارا يرفعون لافتات (حسن البنا والهضيبى ) , وبناتا فى عمر الزهور يرددون هتافات ناصر وجمال , فلنعلم اذن ان الأفكار لا تموت ولا تبلى ,ولكن تطورها وتلمسها لحاجات الناس رهين باستمرار ممارستها , والأستفادة من اخطائها , كما ان استمرار حكم الفرد والنظام الواحد يستمر دائما حاملا للنار تحت الرماد , يوقف اشتعالها لبعض الوقت هذا صحيح وهو كذلك خصم على تاريخ الشعوب والأمم ومسيرتها وتطورها , ولكنه لا يقتلها ابدا , ولا تطور ولا مضى فى دروب الرقى والحضارة الا بها , وبممارستها , وتلمس اخطائها لاصلاحها بدل اهالة التراب عليها ركزوا على الفكرة هداكم الله , عضدوها او انقدوها , قوموها اونافحوها حجة بحجة , واجعلوا لأنفسكم حقوقا وواجبات مثلما ترضونها وترتضونها لغيركم بذات القسط ونفس المقدار
Post: #722 Title: Re: ناس الزقازيق ... أجدع ناس (4) .. Author: جلال عثمان Date: 02-24-2011, 09:05 AM Parent: #721
Quote: سلام يا اجدع ناس ...
وعليكم السلام ...
حالة البوست تحنن الكافر والله او قل تحنن القذافي
عموما مبسوط انا بحالة القرف العام التي تمرون بها ليس شماتة بكم ... ولكن لمعدنكم الاصيل في انكم جميعا لم ترتضون الراهن الاني لله دركم او رجاءا ماهي تلك الوصفة السحرية التى وحدت مشاعركم ...؟؟؟
Post: #723 Title: Re: ناس الزقازيق ... أجدع ناس (4) .. Author: منصور عبد الرازق Date: 02-24-2011, 09:45 AM Parent: #722
القصة جابت ليها طراش استفراغ يعنى معناتها لا الليمون نفع ولا الخل بتاع امبارح جاب نتائج يا ربى نخت لليمون شطة ونطعمه بالعجور ؟؟؟
عاوز الجد يا العبد الفقير اخوى ما لقيت فى ردك اى اجابة , بالعكس لقيت لى مواضع اسئلة جديدة ومحيرة , وكمان عشان اكون صادق معاك زيادة , لمن جانى احساس بانك زى عاوز تكلفتنى بسرعة سرعة وترد على محمد بشرى , هسى معقول بس بعد قلت واكدت قبل كده انو الديمقراطية دى ما عملوها لينا نحن (العرب ) , تجى تقول انك مقتنع بيها وكمان مية فى المية لو اتطبقت صاح !!!!هل الحد الفاصل بين صلاح اى نظرية او عدم صلاحها هو صحة تطبيقها من عدمه ؟؟معقول يكون ده ياهو المنطق ؟؟!!اى شىء فى الدنيا دى بيبدأ بى كلمة , بى نظرية يعنى , تتطبق صاح تتطبق غلط تبقى الكلمة والنظرية ياهم الكلمة والنظرية , ومدى صحة انزالها الى ارض الواقع يبقى فارقا بين الناس والبشر , واى زول فى الدنيا دى من المفترض يكون عنده (تارقت وهدف ) , وبعد داك يصل ليهو بياتو نسبة , من صفر لى مية , هذا يبقى نجاحا للشخص او عدم نجاح له , ومن المستحيل ان يكون حكمك اذ ذاك على انو النظرية نجحت ولا فشلت , اظنك توافقنى على اننا فى الشرق عموما وخلينا نتكلم عن السودان خصوصا ,ناس متخلفين سياسيا واداريا , بسبب عدم شفافيتنا وبسبب نفينا للآخر , كلنا يحتكر الحقيقة عن كلنا , يبدا الطفل حياته الدراسية من الصفر الكبير , ما بيعرف ولا شىء , ثم يتخرج بعد مسيرة دراسة وتحصيل طويلتين , مهندسا او طبيبا , محاسبا او اداريا , وهو يعرف الكثير فى مجاله , واليسير فى مجالات اخرى كثيرة , وهذه المعرفة التى يكتسبها هى نتاج الممارسة والتحصيل , والغلط والصاح , والسقوط والفشل ثم النجاح والتفوق , هل من المنطق ان نقول اننا لا نصلح للتعليم او ان التعليم ما بيصلح لينا لأن مخنا تخين ؟؟!!هذا مع العلم ان المسيرة هذه التى ينجح فيها بعضنا , يرسب فيها بعض آخر , ولكن يبقى التعليم هدفا والتحصيل والمعرفة هما سبيل الأولين والآخرين , وعلم ادارة مصالح الناس وتسييرها , هو ما يطلق عليه (سياسة ) , وهذا علم بحر لجى متلاطم الأمواج , سبيلنا اليه وطريقنا هو الشفافية والديمقراطية ورأى الأغلبية , والشفافية والديمقراطية (ثابتان ) ورأى الأغلبية (متغير ومتحول ) , واعنى بذلك ان راى الناس فى مسألة ما عرضة للتحول والتغير ولا مجال لقداسة فيها , وكذلك استفتاء الناس فى شخصية من يحكم ويدير شئونهم محكومة بمدى رضانا عن برنامجه (اولا ) وعن شخصه بعد ذلك , وانت وكثيرون منا يقدمون الثانية على الأولى , فرغم انك ترى عدم صلاحية الديمقراطية لمجتمعاتنا رغم ضعف حجتك فى هذه الرؤية (وهى عدم التطبيق الصحيح ) , فانت تؤيدهم رغم اعلانهم عن تحول ديمقراطى مزعوم , وسبب هذا عندى انك (مكجن كبير ) لرموز الديمقراطية الأخيرة , عليك الله يا العبد الفقير شفت حجم التناقضات الدخلت نفسك فيها ؟؟!!وبعدين منو القال ليك انو طبيعتنا كده ؟؟؟يا للهول !!!وكمان تركيبتنا برضو كده ؟؟؟يا للتعاسة !!!!!قمنا لقينا الدنيا ماشة كده ؟؟؟ياخى انت ما قربت تقول لى ده دين ابائنا الأولين , لا يا العبد الفقير يا اخوى , اباءنا واجدادنا كانوا سمحين وودودين , شفافين وديمقراطيين , من الأزهرى للمحجوب وحتى عبد الخالق والشفيع , كانوا سمحين اذا اشتروا سمحين اذا باعوا , لينين ساعة اللين وشديدين ساعات الشدة , يتنافحوا بالرأى والحجة تحت قبة البرلمان وبعد داك غداهم مع بعض ,وما بينسوا فاتحات بعض ولا عقود اولاد وبنات بعض , اما النماذج التى تراها فهى الصوت النشاز , وبعدين ياتو تاريخ ده القرونا ليهو وقالوا ان الديمقراطية (رجس جايينا من بعيييد فابعدوا منه ) اما استقلال الجنوب او انفصاله (سيان فكلاهما صحيح لبعضنا البعض ) , خلينا كده نقول انو اصلا نحن دولتين , فالحصل انو الدولتين ديل اتوحدوا , وعيد الوحدة كان ثلاثة مارس , والوحدة هى مطلب شمالى كاسح مثلما اتضح ان الأنفصال والأستقلال مطلب جنوبى كاسح , والدنيا كلها تتجه اتجاه التوحيد , حتى من تعذر عليهم التوحيد السياسى فى دولة واحدة , اتجهوا الى التوحيد فى مجالات اخرى , لأنو اصلا لايعقل ان يخير البنى آدم بين (تابى الرماح اذا اجتمعن تكسرا ) وبين (اذا افترقن تكسرت آحادا ) , ويقوم بكامل قواه العقلية يختار التانية !!!الأنفصال يتم استجابة لظروف موضوعية محورها عدم التفهم وعدم وجود ثوابت وقواسم مشتركة , ودى موجود منها فى حالتنا , ولكن اسباب التوحد والألتئام والمصير الواحد موجودة كمان ومتوفرة وعلى قفا من يشيل , قصار النظر والقامة , لا يرون الا الأولى , بينما غيرهم , يغلبون الثانية , ونحن فى زمن (القصار طالوا) , بسبب انعدام الشفافية وسيطرة الحزب الواحد الوحيد , وعلى فكرة لفت نظرى ترديدك دائما لحادثة التعويضات الشهيرة , تعرف دى زمن الديمقراطية (الكسيحة ديك ) , البرلمان وقف فيها لام الف , لكننا فى زمن (الشمولية وانعدام الشفافية ) , يتم صرفها (تحت تحت ) لرموز الأحزاب القديمة , تحت بنود صرف مختلفة , مرة تسويات , ومرة اعانة انتخابية مع صفقة (انسحابات ) , ومرة ترغيب , ومرة ترهيب , وانت بعد اتنين وعشرين سنة منها ما تزال تذكرها كسلبية لرموز الديمقراطية , ولا يفتح الله عليك بأى (تهمة ) , لمن صرفوها لهم , تحت اى بند كانت , انها عين الرضا يا صاحب , بينما تلك (عين الديمقراطية الساهرة التى تسمى كل شىء بأسمه الصحيح ) يعلم الله , قومت نفسى يا العبد الفقير
Post: #724 Title: Re: ناس الزقازيق ... أجدع ناس (4) .. Author: محمد عيد Date: 02-24-2011, 11:28 AM Parent: #723
Quote: القصة جابت ليها طراش استفراغ يعنى معناتها لا الليمون نفع ولا الخل بتاع امبارح جاب نتائج يا ربى نخت لليمون شطة ونطعمه بالعجور ؟؟؟
مع زوال مشكلة النت هنا في البيت ربما أتمكن هذا المساء من تنزيل صور السودان....
Post: #727 Title: Re: ناس الزقازيق ... أجدع ناس (4) .. Author: محمد عيد Date: 02-25-2011, 01:24 PM Parent: #726
جمعة مباركة
*لا إله إلا الله الحليم الكريم* *لا اله إلا الله العلى العظيم* *لا اله إلا الله رب السماوات السبع و رب العرش العظيم*
*اللهم إنا نسألك زيادة في الدين* *وبركة في العمر* *وصحة في الجسد* *وسعة في الرزق* *وتوبة قبل الموت* *وشهادة عند الموت* *ومغفرة بعد الموت* *وعفوا عند الحساب* *وأمانا من العذاب* *ونصيبا من الجنة* *وارزقنا النظر إلى وجهك الكريم* *اللهم ارحم موتانا وموتى المسلمين واشفي مرضانا ومرضى المسلمين* *اللهم اغفر للمسلمين والمسلمات والمؤمنين والمؤمنات الأحياء منهم والأموات*
*
*
*
*اللهم ارزقني حسن الخاتمة* *اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين* *اللهم اجعل قبري روضة من رياض الجنة ولا تجعله حفرة من حفر النار* *اللهم إني أعوذ بك من فتن الدنيا* *اللهم أني أعوذ بك من فتن الدنيا*
*اللهم أني أعوذ بك من فتن الدنيا* *اللهم قوي إيماننا ووحد كلمتنا وانصرنا على أعدائك أعداء الدين* *اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان* *اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك** *وبارك اللهم على سيدنا محمد صلى الله عليه وسلم*
رزق الوجيه محي الدين علي يوسف زيدان و الدكتورة خالدة امورة جميلة يوم الاثنين السابق نسال الله ان يجعلها من التقيات و من البارات بوالديها و ان يقر بها اعينهما . تلفون الاستاذ :0507234020
صادق آيات التعازي و المواساة لزميلين الفاضلين / عوض عبده خليل في وفاة المغفور له بإذن الله والده .. و / سيد احمد نافع فى وفاة المغفور لها باذن الله والدته ..
و أسال الله تعالى أن يتغمدهما بواسع رحمته و عظيم مغفرته و أن ينزلهما الفراديس العلى من الجنان و أن يلهم زميلينا الفاضلين و أسرتيهما الصبر الجميل و أن يجيرهما في مصابيهما و يجبر كسريهما ..
و لا حول و لا قوة إلا بالله العلي العظيم و ( انا لله وانا اليه راجعون ) ..
Post: #738 Title: Re: ناس الزقازيق ... أجدع ناس (4) .. Author: جلال عثمان Date: 02-26-2011, 09:25 AM Parent: #737
خالص آيات العزاء للاخ / عوض عبده فى وفاة المغفور له باذن الله والده ..
وللاخ / سيد احمد نافع فى وفاة المغفور لها باذن الله والدته ..
ونسأل الله لهما الرحمة والمغفرة والفوز بالجنة
وانا لله وانا اليه راجعون
Post: #739 Title: Re: ناس الزقازيق ... أجدع ناس (4) .. Author: جلال عثمان Date: 02-26-2011, 09:28 AM Parent: #738
الف مبروك للاخ محى الدين و زوجته تتربى فى عزكم وربنا يجعلها من المستورات
أنا أنتمي لعائلة أبو شيبة و هي عائلة أمي... أفراد عائلة أبو شيبة يتسمون بالذكاء كما يروى في الأسطورة... كذلك يتصفون بانهم سلامهم بايخ و مسيخ جدا... فاذا زرت أحدهم تتمنى انك لم تزره عندما يسلم عليك... و لكن بمجرد ما أن تقعد و يونسوك تتمنى أن لا تقوم من عندهم... كذلك يتصفون بالملل و القلق الشديدين... عندما كنا في السودان كان فيصل ابن خالتي يأتي لزيارتنا في أركويت... كان يأتي وقتها من مدينة النيل... و كان بمجرد أن يدخل و يسلم يجلس قليلا ثم يقوم ليقول...هوي أنا ماشي... يا زول ماشي وين... يقول ماشي مدينة النيل... نقول ليهو طيب جيت ليه... أنا أعتقد انني ورثت القلق و الملل ده من آل أبو شيبة... كنت أظن أن مللي هذا باستطاعته أن يفرق بيني و بين أي شيء الا البوست ده... و لكن هنالك ما يسبب لي الملل لدرجة بامكانه أن يفرق بيني و بين البوست... و ده طبعا ما المساخة بتاعتكم حاشا لله... ما انتو من زمان مسيخين لكن الواحد برضو بيجي و بيدخل... لكن السبب هو البطء الشديد جدا في الانترنت هنا في مكان عملي و سكني... و الذي ربما يعزى لمشكلة في السيرفر...لقدمه أو لزيادة عدد المستخدمين.. و لكنه بطء حرمني من التداخل طوال الفترة السابقة... فهذه المداخلة مثلا أخذت مني قرابة ال45 دقيقة... و هو أمر غير محتمل... لكن قلت ما دام فتحت معاي أحسن آخد حقي بالكامل... و أعمل لي مداخلة تكفيني الأسبوع كله... ده طبعا بعد ما أسالمكم بمساخة زي سلام أهلي ناس أبو شيبة... و أوادعكم كمان بمساخة...
جلا هذه الأيام متواجد بكامب ديفد الجزيرة بالقرب من مدني... ضارب الهواء و الهمبريب و فاتح ليكم...
نا أنتمي لعائلة الزقازيق من الجهتين الجهة الشمالية الغربية و الجهة الغربية الشمالية ما عارف بتصفو العائلة دي بي شنو؟؟؟؟ لكن ختو ليكم أي وصف يعجبكم تلقوهو فيهم أنا أختلف من العائلة دي لكن على خفيف يعني كان جاني ضيف كان ما جليتو ..بكون أكرمتو بي كبايتين جبنة ودا أضعف الإيمان و كمان بمجرد ماتجي البوست و تلقاهو تقيل في الدخول تقول أنا الجابني شنو زاتو؟؟؟ أها تقوم تاخد فيهم الأجر و تقول ليهم أها أنا رفعت ليكم البوست و ماشي طوالي الجماعة يقولو ليك فيك الخير لو ما قعت شوية و كبيت ليك مداخلة مداخلتين و طولي الزول يكب ليكم كلام حنان زي دا
Quote: ما انتو من زمان مسيخين لكن الواحد برضو بيجي و بيدخل...
أنا برضو فتحت معاي و بعد تعب شديد زي رشيد القوم و استأذن القذافي في عبارته الشهيرة و أقول ثورة.... لكن من غير أدق ليكم الطربيزة ثم أردفها بالعبارة المقتبسة و أقول
Quote: و أوادعكم كمان بمساخة...
متواجد الآن بمدينة ود مدني - منتجع الكاسح- كما ذكر آنفاً (آنفاً دي عجبتني) و ذلك لتنفيذ دورة تدريبية عن مهارات الإدارة و الإتصال الهمبريب أحد مقومات نجاح الدورة التدريبية و لا شك أما حكاية فاتح ليكم فتقبل الإحتمال الآخر الجملة الأخيرة زولي حايمشي فيها سااااكت!!! و الله أعلم أها مع السلامة... يا ربي أنا رشيد القوم و لا جلا المشهور بي محمد آدم؟؟؟؟؟
خالص آيات العزاء للاخ / محمد عثمان والاخت عفاف فى وفاة والدته وللاخ / عوض عبده فى وفاة المغفور له باذن الله والده .. وللاخ / سيد احمد نافع فى وفاة المغفور لها باذن الله والدته ..
مبالغة يا نجيله ... والله الواحد مشتهي ليهو صينية زي دي ...
Post: #756 Title: Re: ناس الزقازيق ... أجدع ناس (4) .. Author: منصور عبد الرازق Date: 02-28-2011, 09:15 AM Parent: #755
يا زول العيش وينو ؟؟ فى الحالة دى , انا عاوز السجوق والبيمد يده لى جك الشربوت داك بكسرها ليهو طوالى ولا يا ربى ده قنقليز ؟؟؟
Post: #757 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-28-2011, 10:40 AM Parent: #756
وحات الله من الجوع ما شايف قدامى ولا داير عيش زاتووو من الصباح على كباية شاى احمر كمان صحنين سجوك
قال ليك واحد جعان جوعة شديدة جابوه ليهو صينية زى دى ضرب ضرب تمام لمن ما قادر يتنفس واتضايق ضيق شديد قالو ليهو نوديك المستشفى رفض ... اخوه قال ليهو خلاص لمن متضايق كده دخل اصبعك فى خشمك استفرق عشان ترتاح ... عاين لاخوه كدددده ... قال ليهو انا لو فى طريقة ادخل اصبعى ما كان اكلت لى سجكاية ....
يا خسارة تعبى معاك يا ساتينتود بالجد كده , احبطتنى اشد الأحباطات زاااتو يا ربى حصل انو انا قلت لى يحيى ساتى ده , الا تصدق الشريط وتبقى انت القاضى حتى لمن ذكرتك بى شريط الخج الأنتخابى , كنت ادلل على ان حدسك التكذيبى , طلع فشنك, فاحقو تراجعه وما تستمر تثق فيه الثقة دى كلها والشك يا حبيب , هو اول درجات اليقين , لمن يسعون الى الحقائق مجردة ,ولكن هناك فرق بين (جدلية الشك ) كخطوة اولى لليقين المنشود , وكمحرض اساسى يستخدمه الأسوياء للتحقق او الوصول للحقائق , ومن ثم يستخدمون نتائجهم تلك , للتقييم والتقويم لكنك (مقيم ومقوم جاهز ) , شكك فى امر ما , يشبه عندك تمام الشبه , عدم شكك وتصديقك لأمر آخر , فالأمور عندك مقسمة سلفا , كل حادثة جديدة تقييمها ومن ثم تقويمها مصنف فى خانات مسبقة الصب , يمين مسبقة الصب دى , عجبتنى جنس عجب , فهى بقدر ما تعنى (الصلابة ) فى بعض مواضع , فهى تعنى كذلك انها مصمتة ولا نفاذية لها , يعنى بالعربى كده , ما تخرش الموية , ما نفاذة , لا تتنفس ولا يعبرها الأكسجين لا عند الدخول ولا ساعة الخروج , يعنى ممكن تقيس اكسجينها الداخل وما يساورك اى شك فى ان اكسجينها الخارج مساوى لذلك الذى دخل , ما فيش اى (تفاعلات فى النص) , لا خلق ولا تخليق ولا ابداع بين الحالتين اوتكوين مخلوق اعتبارى جديد, ستة جزئيات اكسجين دخلت من اتناشر جزء موية , يا كافى البلاء طلعن من الناحية التانية (زى ما هن ) !!!! وطبعا دى فى نظريات الأحتراق الذاتى , الموت ذات نفسه , يعنى هسى الشريط بتاع الخج الأنت كتبت فيهو ما كتبت عن انو (غير جدير بالتصديق ولا حتى التفكير فيه كمثال سالب لعملية نعتها الناس بأنها عملية مزورة ) , ما اثار فيك اى (جدل ) داخلى عن اندفاعك وراء (حدسك ) واليات التصديق والتكذيب عندك ؟؟؟ ما خلى بالله عيونك حتى (ترمش ) او تقرر على الأقل انك تتريث خلينا من (التصديق والتكذيب المفترض آلياتهم تكون مختلفة حسب الحدث ) , بس تتريث فى تقويم الحدث الدال عليهو موضوع الشريط ؟؟!!ما خطر ببالك ليه الحكومة الشيطانة دى سليلة الحزب التفتيحة ده بتزور لى شنو فى انتخابات (ما عندها فيها منافس ) ؟؟!!وبالمناسبة تصحيحا لمعلوماتك فان صفية اسحاق البت التى ادعت انها اغتصبت (شفت انحنا بنتعامل مع الموضوع كيف رغم ميلنا لتصديقه ) , هى نفسها فعل , يعنى ما تجتهد كتير فى كون انها (مجرد زولة تم اغتصابها او ادعت هى ذلك لمجرد ان يستفيد من الحدث احزاب معارضة هشة ) , لا انها فى ذاتها وفى تحديها لكثير من المحاذير المجتمعية وفى انتمائها لحركة قرفنا , هى شكل جديد من اشكال المعارضة الما عاجباك بى شكلها القديم , صفية اسحق يا يحى ساتى عمرها خمسة وعشرين سنة , يعنى (معارضة السجم والرماد دى لمن كانت حاكمة آخر مرة ) , صفية عمرها كان ثلاثة سنين بس , الا يدل لك ذلك على انها شكل جديد من اشكال المعارضة تصل لدرجة ان تجاهر بأنها اغتصبت املا ان يساهم ذلك فى التغيير الذى تنشده او كما قالت بنفسها وبلغة بسيطة (عشان الحاجات تبقى كويسة ) , الم تتامل معى فى انها طالبة فنون جميلة وهى فنانة تشكيلية ناشطة فى الفعل المعارض عمليا بالتظاهر ورمزيا باللوحات ومن ثم بتبنى كشف ممارسات قمعية قصدتها فى شرفها فلم (تنزوى وترعوى وتخاف ) بل انها صادمت وخطت الاف الخطوات الى الأمام فى الوقت الذى توقع الذين قمعوها ان تكون هذه الخطوات (سريعة ولكن الى الخلف ) !!! والله اى ظننت ما ذكرت اعلاه انه لمن البدهيات التى لا تستعصى عليك بالذات يا يحى , ومجرد كتابتها لك الآن بأحساس انها لم تراودك ولم تستحوذ على حتى جزء من تفكيرك , ليزيدنى احباطا على احباط , ولما كنت انا من المؤمنين بأن عجلة الحياة انما تمضى للأمام برصيد مشترك من افكار تتلاقح حتى وان لم تتطابق , فاننى فى شك كبير من رصيد التلاقح ذاك , ويهولنى ان كم رصيد عدم التطابق الجائز والمفهوم , تحول فى زمان كهذا , وفى دولة كهذه , ومع تفكير مثل هذا , الى جو عام يسود فيه ليس قصر النظر فحسب , لا بل انه فى يقينى اننا نحتاج الى (نظارات قلوب ) , تصحح بصائرنا , بعد ان يئست عدسات الدنيا كلها من ان تصحح بصرنا ديونك كترت يا حبيب , وانحنا ما دايمين ليك
وانت يا يحى ساتى العزيز , ادمنت وضع نفسك (خارج قوس التفاعل ) , فتتحدث عن حكومة انت على مسافة منها , فتقول ما تقول , ثم تتحدث عن معارضة انت على مسافة اكبر منها , فتحكى عنها ما تحكى , وانت ما تزال (خارج القوس ) ,وهذا شىء غريب , انك تحاول ان تأخذ كامل مزايا الفريقين , اذا كان لكلاهما مزايا ,دون ان تصطلى بنار المثالب عندهما , فانت ما تزال (خارج القوس ) , الشىء الوحيد الذى تشهر سلاحك فيه وتبقى (داخل القوس ) مشتركا فى ذلك مع ساتى وير والعبد الفقير , هو (محمد بشرى ) وما يكتب مستنتجا من حدث او مستدركا عبر مقال منقول او شريط او مستند يستعين به ,ولكن محمد بشرى يبقى (داخل القوس ) فى كل احواله ومجادعاته وتصدياته , وليس فى مثل هذا الطرح (بتاع جزة وبرة القوس ) ما يفيد مدحا ولا ذما لا لهذا ولا لذاك , ولكنه معين لى على شرح موقفك (الهزاز) , والموقف الهزاز مقصود بيهو النقد ولا شك فى توضيح اضافى مطلوب منعا للأستنتاجات , فانت تخاطبنى كمعارضة لا انكرها , ولا انكرها اذا ما كان الأمر معارضة بس , بينما قد يتطور الأمر عندى لأن افاخر بها اذا انتقل الأمر لخانة (معارضة حكومة زى حكومتنا دى بالذات ) , لأن معارضتها اصبحت امرا يفوق معايير السياسة ليصل الى معايير الأخلاق , وفى مرحلة المعارضة بس فاننى زى كل الناس اعرف ان المعارضة (خشم بيوت ) , وناس المعارضة زاااتم خشم بيوت كمان , ولكننى اتفق معهم فى ضرورة التغيير وحتميته , دون ان اصبح معهم فى (ماعون واحد ) , لأن الغرض هو الأنتقال من مرحلة عدم وجود فرصة تعبير وامكانية قفز للأمام ,الى مرحلة توجد فيها تلك الفرصة , لى ولك وللجميع , ولكنك يا يحى ساتى ,تريد ان (تعارض المعارضة ) دون ان تقول انك (تؤيد الحكومة ) , لا باللله !!!حريف والله !!!طوالى برة القوس تتكلم عن شريط وتكتب عن ديمقراطية ما نافعة وحكومة شيطانة , محمد بشرى سمى ذلك تشتيتا , انا وضعته فى خانة اقل من التشتيت ولكنها اعلى من (وجود هدف واضح ), سوى هدف مجادلة (محمد بشرى ) بمثلما بدا هو , لكنه بدا (اى محمد بشرى ) وما يزال (داخل القوس ) , بينما بدأت انت خارجه وتصر على ان تكون كذلك عدا فيما يخص (محمد بشرى ) فاصبح الأمر محيرا عندى يا حبيب , هل اعد ذلك شفتنة او شيطنة كما تقول انت ؟؟او انه مسكنة من عندى جعلتنى اقف مع خيار ان اعارض حكومة شيطانة زى دى حتى البيكتبوا وبيناقشوا معارضيها فى بوستات زى دى , عندهم القدرة على عدم الوصول الى اى نتيجة من اى حوار ,واى شىء ما بيعنى ليهم اى شىء , لو قالوا شريط الخج مزور وطلع صحيح مافى اى فرق , لو طلعت بت هى بنفسها معارضة (زيك يا منصور ) بس هى اشجع واعلى قامة وتتقدم الصفوف بالأفعال وبالترميز , باللوحات وقولة الحق المليانة جسارة ,بانها رضت ان تكون تميمة من تمائم التغيير المطلوب , برضو ناس يحى ساتى يمشوا وراء (حدسهم ) المجرب , مع انه يحى ساتى لو شغل قرون استشعاره وانصاع لى جدلية الشك (بتاعت باحثى الحقيقة ) فانى اعلم ان عنده من (الأدوات ) ما يخرج به بنتيجة ما , لكن هو البيخليهو يفتش اصلا عن نتائج (متكونة عنده خلقة شنو ) , مصطفى محمود رحمه الله , تلاعبت به (جدليات الشك المزروعة عند العظماء ) فانتقلت به من اقاصى الشك الى مراسى اليقين , ولولا الأولى لما كانت الثانية , فهو افضل علماء العصر القادرين على الحديث الممنهج عن دلالات الدين , فيصل الى عقلك بسرعة تعادل عشرة مرات من سرعة اى (مرتدى للجبة عشان المصطلح ده بقى عنده رواد ومعانى فى المنتدى ده وهذا لمجرد تقريب الفكرة لاغير ) , ولكن من يدرى ؟؟!! من يكون من المصلحة , ان نترك يحى ساتى , بعدم نفاذيته (يستمتع ) الكراس مش اتملى , ده لمن دفق بى غادى , خففوا من الديون يرحمكم الله ,نقبل الكاش , والأشياء العينية كمان
Post: #760 Title: Re: ناس الزقازيق ... أجدع ناس (4) .. Author: محمد عيد Date: 02-28-2011, 02:30 PM Parent: #759
دونا عن غالبية الناس .. رأيت ان احاول الابحار فى عقلية وثقافة ذلك المعتوه لمحاولة فهمه
وبدأت مطالعة بعض مدونات كتابه الأخضر المزعوم ..
ويبقى السؤال ... هل استطعت ان افهمه ؟؟؟
السؤال محول لمقرر عام جمعية نصرة بنات الشيوخ المحلوله .. الشيخ جلا ... عله يفتينا بما استعصى علينا ادراكه ..!!
ما زال الحال كما هو عليه فيما يخص سرعة النت هنا... لكن اذا الشعب يوما أراد التداخل فلا بد أن يستجيب السيرفر... و سأتسلل من خلال السرعة المتاحة لأطل عليكم...
لاكمال حلقات زيارتي للسودان لا بد أن يساعد النت في ذلك... و يبدو أن هنالك بعض الأشخاص لا يرغبون في أن أكمل الحلقات... فقاموا بعمل تشويش على السيرفر بتاعنا... و قد علمنا أن مصدر التشويش منتجع بالقرب من مدني (لا يوجد صور).. لكن معلوماتنا من مصادر موثوق بها... سنعمل على تغيير الترددات حتى يتسنى لنا اكمال الحلقات...
الكوتش محمد صديق ما زال غائبا رغم أنه لا يعاني صعوبات في النت مثلي... أنا عارف ان الكوتش مشغول شغله شديده... و ما عندو طايوق للتداخل... لكن يا كوتش مشتاقين ياخي... نعمل شنو؟؟؟
كذلك أفتقد الصديق موسى عيسى... كان ما خايف الكضب أظن الحكومة الأيام دي في الرياض... و موسى يلازم يأخد بيرميشن على كل حاجة... ياخي أدخل بالنهار...
أتفق تماماً مع الأخ رش في البطء الشديد في التداخل أما حكاية أمهاتنا و أخواتنا و زوجاتنا و خالاتنا و عماتنا و بناتنا و بنات أخواننا و بنات أخواتنا و بنات عماتنا و بنات خالاتنا وبنات أعمامنا و بنات أخوالنا في أنهن عيانات العمر كلو!!!! فدا معناهو إن انتاجهن في الحياة يعادل صفراً كبيراً فلك أن تتخيل بعد ذلك المقولة وراء كل رجل عظيم إمرأة فدي مكنة مع القذافي ما مقسمة معاهو لكن شدني ما قالته زميلة لي بأنه قد قال في كتابه على المرأة كانت ذكراً أم أنثى لها الحق في الإقتراع والأنتخاب
أول مرة أكتب مداخلة و تطش ما تقعد في مكانها ودي حصلت معاي أمبارح المهم خلاصة الموضوع كان ذكرت في المداخلة بعد ما تقومو بالصينية و قبل ما تشربو وتسكرو من الشربوت إدعو للآخ محمد عطية (بيطرة الزقازيق - مدينة عطبرة) بدوام الصحة و العافية الآن يتماثل للشفاء بمنزلهم بمدينة الخرطوم بحري بعد إجراء عملية قسطرة للقلب اللهم أنت الشافي لا شفاء إلا شفاءك تلفون محمد عطية لي ناس الخارج 00249912603355 أما تلفونو لي ناس الداخل تقوم تشيل 0249 أما عن ....
أي تشويش الآيامات في أي حاجة معناها هناك ثورة و ثورة مضادة أنا شخصياً ليس لدي الآمكانات في تشويش السيرفر و طالما أن الإنسان في حالة تشويش متعمد أظن أنه يمكن أن يستقل إمكانياته في إيجاد ترددات أخرى بسعة كبيرة وهذه الترددات يمكن أن تكون في شكل كبايتين جبنة حبشية بشكل أفقي أو أن تقوم بالواجب من الشربوت الموجود في صينية نجيلة وهو تردد ممتاز و بشكل عمودي يفضل الأخير إستخدامه في السودان و الدول المجاورة فقط أما الترددالأول فيفضل الإستعانة به من القاطنين في الدول الأخرى مع التحذير وهذا التحذير يشمل موسى و طارق جبريل أما عن.....
Quote: يا جلا ما تقعد تحوقص لو داير شربوت قولها عدييييل
أما ما محوقص في الشربوت أنا محوقص في الحاجة المغطنها بي الصينية الصغيرة و الله قدر ما حاولت أرفع الغطا ما لقيت طريقة عليك الله يا نجيلة جيبها لي في الخاص
يا جماعة شربوت شنو ... الصورة دي في رمضان ... ما شايفين ... الحوش مرشوش ومقشوش ... والبرش مفروش ... اتحدي حاتم جبارة يفسر الجملة الفوق دي ... دون الاستعانة بطارق ود جبرين ....
====================== منص ياخوي ... كلامك بقي قلاد خلاص .... سياسة صرفه ... تزيد القرفه بقينا نخلي كتاباتك ... نقراها في البيت برواقه بعد العشا .... مافي اختشا بس النظام ده عاوز نضال نيو لوك (New Look) عشان يطير وكل تنظيمات الساحة الحاليه... دقتا بقت قديمة شديد ...
Post: #779 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-02-2011, 06:00 AM Parent: #778
جابك على كيتو يا جبارة ولا جابك البرش
بالمرة يا بنجاوى شوفنا لينا اخبار خديجة ابراهيم مع القذافى شنو
كانت مواظبة مع المجموعة فى الفيس بووك ومع الاحداث اخبارها انقطعت
Post: #780 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-02-2011, 07:23 AM Parent: #779
صباح الخير ،،، يا وجوه الخير
أصبحنا وأصبح الملك لله وحده،،،
قول الشيطان : أهلكت بني آدم بالذنوب فأهلكوني بالإستغفار
يقول الله سبحانه وتعالى : استغفروا ربكم إنه كان غفاراً:
Post: #782 Title: Re: ناس الزقازيق ... أجدع ناس (4) .. Author: منصور عبد الرازق Date: 03-02-2011, 09:52 AM Parent: #781
سيد الحيشان التلاتة , يا عديلا لييه الفوقا جالس بانبساطة , يا عدييلا ليه دفع المية للمشاطة , يا عدييلا ليه يومو الدخل الدارة (جاطا ) يا عديلا ليه
دخل الدارة جاطة ؟؟!!!!دى جبتها من وين يا ولد يا منص انت ؟؟!!ده كلو من عدم (العيش ) , او كمان سببها يكون جية العيش متأخرا عن السجوك والفول , وملاح التقلية الشوية داك الما متناسب مع الكسرة , القصة شنو يا جماعة , سفسفة كتيييرة من غير عيش ولا كمان كسرة مردومة وملاح تقلية يشفق , الا لو كانت الكسرة مملحة مسبقا ,فاننا نسحب الكلام الفوق ده كلو ونعلن انصياعنا لى قعدة البرش فى (الحوش ولا النجيلة سيان ) , مش اساسا الأصل فى الموضوع اننا (فوق النجيلة جلسنا ,وعن الهوى اتحادثنا ) ولكن يا نجيلة ويا جبارة , جلسات النجيلة التى كان حديثها (عن الهوى ) , انما تبدلت وتحولت واصبحت تجيب (هوا ) , عشان كده تجدنى امارس (انفصاما ) لذيذا وبه استمتع , فالبنى آدم وليد (محيطه ) , وانا اصحو واولد كل صباح على نغمات ثورة تونس , وعلى روائح انتفاضة ام الدنيا مصر واشاهد بعينى هاتين توجع ليبيا فى ولادتها القيصرية , علما بان عندنا ومعنا يا حبيب من بذور وتيراب ثورة تونس , حواشات وافدنة , ومن تجليات انتفاضة شباب الأهرامات , المعادل الموضوعى من البجراوية وحتى كنائس دنقلا العجوز , ولكننا اصبحنا نثور وهمنا الأقتصاص لشرف (اشارة مرور ) وندفن جثث التاكا بجبال الثلج الأبيض قبل ان نهيل عليها تراب (الزهج والضجر والقرف ) , اختلطت المعايير يا ياسر يا اخوى وادمنا تدليس المعانى بقت الدار توزع اكثر من اجعص صحيفة , والناس بقت تستسهل اى شى وكل شى , يا قليب ياما سرحنا , مرة جينا والف رحنا , جاى تسألنى الدبارة ؟؟ يا نجيلة مافيش دبارة , ولا نحنا كمان شايفين المنارة , ما نحنا اصلا , مرة شاى عصرية فى ضل (دليبة ) , ومرة انفعالات للغمامة , تانى ما تسالنى الدبارة يا حبيب , انتوا عارفين , انا ذاتى با نجيلة يا لذيذ انتا , الأيام دى شاعر انو ما انا , وفعلا قصة التغيير النيو لوك دى , واقعة لى جنس وقعة , ما اصلو ناس تونس لمن هبوا هبتهم لقوا نفسهم اتجاوزوا قوالب الماضى الكانو محجوزين فيها , ولمن ناس مصر اعتصموا بى ثورتهم وبى ميدانهم, الأخوان المسلمين والتجمع والوفد وكل قوالب الماضى قليلة النفاذية , لقت نفسها بتلهث لملاقاة الواقع الجديد فى اول لفة بعد ميدان التحرير , ودهواقع مختلف يا احباب , لأنو نحن كنا دائما مبدعين , نحن ديل السودانيين طبعا , لما ولدتنا اكتوبر , كانت ام عبقرية , ولمن ولدنا مارس الماسك كتف ابريل , كنا جيل تغيير مبدع , مبدع بس لكن , لأننا اكتفينا بالولادة وما شغلنا نفسنا بى هم التربية , فكانت انتفاضة تعانى شيزوفرينيا الولادة والتربية , لى درجة انها سلمت الجنين المولود , لى اساليب تربية مش خنقتوا بس , دى فطستوا ومنعت عنه اكسجين الحياة قبل ان تحرمه من اكسير النمو والتطور , فكان زى طماطم البيوت المحمية , مدغلبة وذات شكل هندسى منتظم , ولكن طعمها لاعب فيهو (الحبرليك اسيد لعب تقيل ) , والجبرليك اسيد للناس (الأدبيين ) , هو من شاكلة الهرمونات منظمات النمو , التى تسرع فى مراحل نمو الثمرة او تبطئها حسب طلب وزمن السوق ,لو السوق حار , تقطع طماطمك عشان تلحقها السوق وما عليك الا بى رشة رشتين منه , فيكون احمرا قانيا بعد اذ كان (ما يزال اخضرا واعدا ) , وما زلنا نستغرب نتائج مارس الماسك كتف ابريل كلما اعدنا تذوقها حتى الآن , ولكن واقع غيرها ادهى وامر , عشان كده نحنا فعلا يا نجيلة يا اخوى , محتاجين ان نتعاطى مع (مساخة السياسة دى ) للتعامل مع الهدف الواضح الجديد (اللى هو تغيير عبقرى جديد ادواته واسبابه متوفرة وطافحة لمن عاملة ريحة ) , العبارة البين قوسين ديل , حتة مش مناسبة عشان الزول يقفل مداخلته , لكن ما دام الكلام اصلو عن طمام وشطة وليمون وواقع يطمم البطن , لكن لا يضير الشاة (سلخها بعد ذبحها ) , هسى انحنا محتاجين ولادة جديدة , لانك صدقت لمن قلت انو الأدوات ما عادت نفسها , فعشان كده , يا نجدد نفسنا , يا كمان نفسح الطريق للناس الحاملين لواء (اللوك الجديد )
ألهم رب العرش... أذهب البأس عن عبدك محمد عطية واشفه شفاءا لا يغادر سقما... ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـمحمد عطية من وجع .
أمبارح يوم حلو.. رغم المعاناه مع الصداع النصفي من أربعه أيام.. قلتلي ليه كان يوم حلو? أقول لك تشيلسي إنتصر على المانيو يا رجاله.. سجلت المباراه لحين العوده من الشغل.. وبعد رجعت.. بديت تحانيس في ساره بتي.. متعودين نحضر الكور سوا.. يا بت يا ساره.. ياللا ياخي.. Hold on daddy, I have to finish my homework.. خليصيهو بعدين ياخ.. والله باحضرها براي.. Few more minutes please daddy... وتمر الدقايق زي الساعات.. كلي خوف وقلق.. إنو الكيشه روني يعملها فينا.. وبدأ اللعب وتشيلسي متحمس ولكن هيهات.. فرض المانيو سيطره كامله وإتقدم بهدف الزول النحس.. وبنهايه الشوط الأول زاد علي الصداع ودارت بي الدنيا ودوائرها.. Don't worry daddy, it's just a game.. Just a game? يا بت أقول ليكي المانيو دا ما بريدو وما باحبذو.. والله تشيلسي يتغلب الليله مافي مرقه ليك أسبوع.. That's not fair.. what did I do? جبتي لي الفقر.. قومي ياللا أعملي الواجب.. (ضحكنا).. بدا الشوط التاني.. وبدت الكواريك مع كل فرصه لتشيلسي تضيع.. والجرس كل ما الوهم المانيو يقرب يجيب قون.. لمن تشيلسي إتعادل من شده كوركت بت الشيخ جات طايره.. Why are you shouting? I thought you have a headache.. آي عندي.. لكن ما جبنا قون.. I don't see the point.. كدي قنبي إتفرجي معانا.. بلنتييييي.. جات الفيلسوفه رانيا طايره.. What's going on? Oh, you are watching soccer تشيلسي جاب القون التاني.. Who's Chelsea? أمشي هوي شوفي ليكي شغله.. Okaaaay, but it's just soccer.. بنهايه المباراه ما عرفت أنا مبسوط تشيلسي فاز.. والا المانيو إتغلب.. حاجه واحده متأكد منها.. إني بس جعان شماته في فيرجسون وأولاده.. التقول ديل المريخ.. ولا نامت أعين الجبناء..
Post: #795 Title: Re: ناس الزقازيق ... أجدع ناس (4) .. Author: محمد عيد Date: 03-02-2011, 06:28 PM Parent: #794
Quote:
ني بس جعان شماته في فيرجسون وأولاده.. التقول ديل المريخ..
بما انك حجيت حجة مبرورة الى بيت الله الحرام .. وانشاء الله مقبوله ..
فاسمح لى بان افتيك بأن الشماتة فى المريخ - بالذات - حرااااام ...!
وبما ان انتماءك ملك لك لا اقوى على ان أغيره فلا استطيع ..
سوى ان اتضامن مع الفيلسوفة الجميلة رانيا واقول ليك ..
دخلت مرة أقرا مواضيع في بوست لا أذكر عنوانو لكن كانت هناك مداخلة للأخ تمبس يحكي أن مجموعة من أصحابو بتاعين شديدة قوية و معروف ناس الشديدة إنو ما بحبو الكلام الكتير و هم أصحاب خيال واسع و إذا كانو في جلسة شديدة ممنوع الكلام و لو بالهمس يقول تمبس أنه جا داخل لأصحابه ديل و كانو في آخر متعة من الشدايد بتاعتهم وكانو بتفرجو في فيم أجنبي أها طوالي قعد و سألهم قال ليهم الفلم دا إسمو شنو؟؟؟؟ مافي زول قال ليهو عينك في راسك و بعد فترة من مشاهدة الفلم ظهر تمساح عشاري في الفلم المعلم الكبير بتاع الجلسة قام إستمخ و رجع لي ورا و طلع كمية من الدخان و قال لاااااااااااااااااااااااكوست ياااااااااااااااااااااااااااااااخ عندها قال تمبس يا دوب أنا فهمت إنو اسم الفلم هو التمساح المداخلة دي ما عندها أي علاقة بي مداخلات منصور و الأقتباس التالي
Quote: واشاهد بعينى هاتين توجع ليبيا فى ولادتها القيصرية
Post: #798 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-03-2011, 06:55 AM Parent: #797
شوف دى قوية كيف يا جلا
Quote: لمن تشيلسي إتعادل من شده كوركت بت الشيخ جات طايره.. Why are you shouting? I thought you have a headache.. آي عندي.. لكن ما جبنا قون.. I don't see the point.. كدي قنبي إتفرجي معانا..
لالا يا حاتم ما تدغمس الكلام ، ما دام جات طايرة اكيد قالت ليك قوم اعمل الهووم ويرك وبعدين لو عندك كورة ولا غيرووو تعال تمها ... واشرت ليك بايدا كداااا
وفي المواقف دي ... ياود جبارة اوعك تغالط النضيف ...
مجرررررب .......
Post: #800 Title: Re: ناس الزقازيق ... أجدع ناس (4) .. Author: جلال عثمان Date: 03-03-2011, 07:50 AM Parent: #799
بعيدا عن الهوم ويرك ...
الزول دا بسلم عليكم .....
Quote: الاخوة الزقازيقاب السلام عليكم ورحمة الله تعالى وبركانه الشوق اليكم شديد ودائما احبتي معي بالذاكرة التي هرمت ومحتاجة لكاش ميموري جديد احب ان اطمئن الجميع باني ومن معي بليبيا في منطقة الجنوب الغربي ( غات )بخير وعافية وبعيدين كل البعد عن مناطق التوتر ونحمد الله على ذلك من اراد التواصل اليكم ارقام الهواتف 00218924618143 او 00218917614793 او عن طريق الايميل [email protected] ولكم جزيل شكري اخيكم محمدو الشين
تسلم من كل شر ياولدنا ...
----- حاتم جبارة يبدو والله اعلم انك وقعت في شباك النضيف يحلك الحلا بله "مثل تايلاندي"
صبحكم الله بالخير كنت أنوي أن أواصل مسلسل الاجازة في السودان... و أن أرويها لكم ساعة بساعة و دقيقة بدقيقة... و لكن ما يحدث هنا معي بفعل سرعة الانترنت خرب المزاج... فخشيت أن تمضي الأيام دون أشكر الزقازيقاب الذين جعلوا من أيامي هناك أياما تعد و تحصى... جعلوا منها أياما لا تنسي و لا تنمحي من الذاكرة التي بدأت تصدأ... أشكر و بدون ترتيب و لنبدأ بالسيدات أولا... نهلة نجم الدين التي استقطعت من وقتها الثمين الكثير و خصتنا به... فتحت لنا قلبها و مكتبها و بيتها بمحبة و كرم.. لها و لأسرتها الشكر الكثير... ماجدة عبد الرحمن...لقد زادها الزمن بريقا و براءة و ثقة... عواطف دفع اللله...كنا نناديها بيا ماما أيام الزقازيق فوجدناها كما هي... صفاء عباس...زرتها و أنا خجلان منها لانقطاعي عنها لفترة طويلة.. لامتني لوم الأخوان ثم غفرت لي كل تقصيري...و ودعتني بمطار الخرطوم.. الكوتش محمد صديق..رجل من طراز اسماعيل الأزهري و المحجوب... له همة الأزهري و رومانسية و شاعرية المحجوب... رغم مشاغله الكثيرة استقبلني و جمع الناس من حولي... نظم و نسق و شارك... جلا...رجل تحبه للحسن فيه...لو اكتفى بالابتسام في وجهي فقط لكفاني... فما بالك بكوبان من العبير و خيط ماء... محمد المرتضى...الصديق الصدوق (الشين)... معاوية يحي..الذهب لا يصدأ...لقد ازداد معاوية طولة بال على باله الطويل.. مجدي عبد الله...لا تقدر الا أن تحبه لما فيه من أصالة و جمال... عبدو مضوي...صديق من زمن جميل لم يغيره الزمن... أحمد عوض...صدح و أطرب و حلق بنا فوق السحاب...وحدنا... محمد سيد...لن أجد كلمات توصفه..لقد أعادني 27 سنة الى الوراء... محمد العوض الطيب..و الله روحي كانت متشحتفه ألاقي ود العوض... لم أصدق نفسي عندما التقيته..ربما تكون ملاقاته من أجمل ما حدث لي في الاجازة... عمر بسكو...الصورة التي رسمتها له في خيالي أنه ظريف و لطيف... و جدتني قد ظلمت الرجل كثيرا فلقد فاق كل توقعاتي... تبلدينا و ما أدراك ما تبلدينا...صالح الصالح المتصالح مع نفسه و مع الحياة... التقيته أولا في أمواج..ثم التقينا عند نهلة و عند الريس معتصم جعفر... و قام بتوصيلي بعربيته الفارهة حتى بيتنا في أركويت... فائز حسن التوم أو فايز الراجل...وعدني و أخلف الميعاد و هو عارف شوقي كم... و لأنه ختامه مسك نختم بالريس معتصم جعفر ...كنت أتمنى أن ألتقي بالريس في هذه الاجازة... فلبى طلبي منذ البداية فكان من أوائل الذين التقيتهم و سعدت كثيرا بذلك... ثم كانت دعوته الكريمة هو و زوجته لنا في منزله العامر... فأكرمونا و أحسنوا استقبالنا و أشعرونا بأننا أهل الدار و هم الضيوف... لهم مني جميعا خالص الشكر و التقدير و أسأل الله أن التقيهم مرة أخرى... و أرجو أن لا أكون قد أسقطت سهوا أي واحد و ان فعلت فليعذرني...
Post: #802 Title: Re: ناس الزقازيق ... أجدع ناس (4) .. Author: منصور عبد الرازق Date: 03-03-2011, 08:11 AM Parent: #799
اريتنى لو حضرتها معاك يا ود يا حاتم حالتك حاضرها بايتة ؟؟!!! انا متضامن معاك اشد اغلتضامنات زاااتو بس ما عشان سواد عيون انشيلوتى وجماعته انا كنت رامى بعيد من يوم الأحد , لمن ناس بيرمنجهام سيتى العواليق ديل لحسو مننا الكاس بالطريقة الدراماتيك ديك قلت بينى وبين نفسى لن يشفى غليلى الا فوز تشيلسى على على المان يو انا بقى حضرتها لايف جنبى احمد ولدى , زول مسيخ خلاس يا حاتم , مجننى بى قون رونى الجابو فى المان سيتى قبل اسبوعين تلاثة ويشيلو ويرسلو لى فى الميل بوكس بتاعى كل يومين هو عاد لكن قون نصاح اها لمن الزول ده جاب قونو الأول المن سقط لقط داك فى بيتر شيك وبى مظهر البلوز الما بيسر القلب اديت ليك احمد نهرة ورسلتو ليك ابعد مشوار ممكن ما بين الشوطين عليك امان الله الزول انجز المشوار المفروض ينجزو فى تلاتة ارباع الساعة فى عشرة دقائق بس وجانى ليك طائر لكن ولدكم ابو شعر الجاى من بنفيكا ده (برازيلى مش كده ) ما بوظ اعصابى وقرب يودينى التوج فى الأول بخشونته الغير مبررة المع الود المكسيكى هرنانديز وبعدين لمن جاب قون الدرون بينى وبينك انا الدرون زااااتو كان كويس معاى لكن لمن دخل الود دروغبا , طمعت النصيحة , وطمعى كان فى محله جضمهم ليك جضيم السنين ورجع للقانرز ارسنال الأمل فى الدورى مرة تانية
يا جماعة الدنيا هارش ومهروش , ما فيها شى لمن رسلت احمدحدر لى حدرة وقرب يقول لى حا اكلم ليك امى !!!!
Post: #803 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-03-2011, 08:39 AM Parent: #802
الاهداء لود جبارة وعمر T
،،،،،،،،،،،،،،،،
محمدو ( انشاء الله تكونو ما فقدتو زول كلكم تامين ) على قول بطل الفلم سلامتك وعبودى ال######ـــ ...ان كرامتك
Post: #804 Title: Re: ناس الزقازيق ... أجدع ناس (4) .. Author: منصور عبد الرازق Date: 03-03-2011, 10:09 AM Parent: #803
ومن الصديقة والزميلة العزيزة حنان الخطيب وصلنى الأيميل الخفيف الظريف ده بيشبهكم والله وتستاهلوهو
عوض دكام يوم جاتو واحدة من بنات اهله زعلانة وبتحكي ليه: قالت ليه كنت راكبة عربيه مع واحد شغال فى الحكومة نظام فضل ظهر وكدا اسموا يونس النباح الذى اشتهر بتقديم التعليق السياسى بعد نشرة ثلاثة فى الاذاعة المهم الراجل دا سالنى رايك شنو فى حكومتنا قلتو ليها سجم ورماد نبزنى وقال لي يا خادم ونزلنى من عربيتو،
فرد عليها عوض دكام ليطيب خاطرها هو نبز خادم الحرمين الشريفين خلي انتي يا خادم العباسية قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك ! قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر !! ابوداؤد كان بغنى فى حفلة والصف الاول كان كلو جكس حجم عائلي كلو واحدة اسمن من التانية وبعد الاغنية الاولى قام الجماعة كوركو ليهو بالله يا استاذ فريع البان ...قام عاين ليهم وعاين للصف الاول...وقال ليهم فريع البان كيف مع شجر التبلدى بتاعكم دة ! قال ليك عوض دكام كان فى فراش بكا وكان يوم رفع الفراش وعوض دكام مشى عشان يدفع فى الكشف واحد من اصحابو قال ليهو انت يا عوض مفروض تدفع بالدولار عوض دكام قال ليهو لية فارشين فى السوق الحر!! قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟ فقال أبوداوود : ما تعدموه تريحونا منّو يا ريس . فضحك النميري ، وأمر بإطلاق سراح وردي أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليئة حطب شي"شاف" وشي ما "شاف" وطلح وصندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب !
*****
ابو داؤؤد شغال عن واحد مديح تقيل والزول متلحهو زلابية وشاي سادة الليل كلو . المهم في الاخر قام طلب منو مدحة اسد الله البضرع ..وطبعا هو زعلان شديد منو . قام رد عليهو يا زول انت ماك نصيح ولا شنو كمان الليلة اسد الله يضرع ليهو فوق زلابية ّ! .... مرة أبوداؤد عامل حفلة في بيت عزابة في السعودية وطبعا المطوعين مانعين الحفلات والعزابة خائفين ويكوركو لي بعض سكرو الباب, سكرو الشباك, قام أبوداؤد قال ليهم كدي سكرو الفنان في الأول
Post: #806 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-03-2011, 10:23 AM Parent: #804
البلابل جو داخلين بعربيتم ( السهان بيرد ) دار الاذاعة الغفير فتح ليهم الباب جاء ابو داؤد راكب كركعوبتو قام الغفير قفل الباب طلع وشو قال للغفير ليه دى بتبعر
يا سلام ياخي لمن تبدأ يومك بي ونسة جميلة مع زولة ما شفتها من عشرين سنة د. سلمى احمد البشرى زمن يا سلمى ياخي طبعا يا احباب سلمى دي كانت فردة السكاشن انا وهي بنعديها نقة في السكاشن لامن الله يغفر لينا لك التحية يا سلمى ولزوجك واطفالك وشكرا لزينب التجاني التي جعلت هذا التواصل ممكنا شكرا يا زوبة ياخي ودة تليفون سلمى احمد البشرى: 00249121009208
جلا يا حربي.. إنجليزي شنو.. أنا وبت الشيخ أسباني ساااي..
هوي يا نضيف هرشه دوت كم.. كان بت الشيخ تقول كلام زي دا.. الا طوالي أصرف ليها ورقتها.. أفو.. قلت لي حماد كتلوهو في العجاجه.. جنس تسلطك دا ما شفت في حياتي...
ود عيد.. عرفتك أول واحد في الصهاينه بتجي خاشي.. أقول ليك.. أنا ضد برشلونه ذاتها..
نجيله وجلال.. خلواالصيد في المويه العكره..
منص ياحبيب.. مشتاقين والله.. قون روني لكن ما متعه.. كان راجي الأرسنال يشيل الدوري واطاتك ما أصبحت.. رغم حلاوه اللعب الا تنقصه سمات الأبطال.. زي الهلال كدا.. يا محمد عيد..
رش.. الشباب ما قصروا معاك تب.. علا قصه الآزهري والمحجوب دي ما اتوفقت فوقها..
أسأل الله العلي القدير أن يرحمكم و يغفر لكم و يتولاكم و يييسر لكم أموركم و أن يوسع لكم في رزقكم...
Quote: Relatively speaking يعني يا رش? والا بالنسبه لي جورج وكدا? تحياتي للبت حوفي والعيال.. وإن شاءالله الواحد مره يمر على الإمارات ويلقاكم..
يا حبيب حبابك عشرة بلا كشرة... سنسعد كثيرا بزيارتك انت و العيال... بس كلمنا قبلها بي فترة عشان ندخل لينا كورس أسباني... لحدي حسه بعرف أميقو...سنيور...سنيوريتا...قراسياس...أولا.. عليك الله مش باقي لي شوية و أجضم الأسبانية؟؟؟
يا سلام علي الونسة الطاعمة ... بس يا حاتم والله حكاية الازهري والمحجوب دي عجبتني لصاحبي الكوتش ... صراحة الراجل يستاهلها ...
اها يا ناس ارسنال قبل الدوري الله يحلكم من برشلونة في مباراة الرد وبعدين الباقي كله هين ...والله يستر عليكم من رش السنة الفاتت ... بعدين يا حاتم جبارة قالوا تشيلسي ده فريق الناس المرتاحين والمروقين ... والحناكيش ....
حنان مجمر حمد الله علي السلامة .,... وما تبقي طلة وجرية بس ....
Post: #817 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-05-2011, 07:43 AM Parent: #816
و متابعة بشغف للونسة الطاعمة و الحكايات الظريفة ..
و دعوات صادقات للمولى عز و جل أن يشف أخانا / محمد عطية شفاءاً تاماً و يأخذ بيده نحو مرافئ العافية ..
و شكراً يا طارق جبريل أن أتيتنا بأخبار د. سلمى أحمد البشرى ـ بت جيرانا ـ و التي لم ألتقيها منذ 1991م ..
و بارك الله فيك يا حنان مجمر و شكراً على التهنئة و تتباركي ما تتشاركي ..
وتحية لكل أحبابنا الزقازيقاب و أصدقائهم في ليبيا و ربنا ستركم و يغطي عليكم يا محمدو و صحبه و واصلونا بأخباركم ..
و تحية لكل من أمتعونا بمداخلاتهم و تحية كبيرة أوي للريس و هو يقود دفة هذا البوست و يبتدر يومنا بصالح الدعوات ..
تحية ليكم كووووولكم .. زول زول .. فرد فرد ( زنقة .. زنقة ) على هذا التواصل النبيل ..
و أبقوا عشرة على خوتنا ..
Post: #820 Title: Re: ناس الزقازيق ... أجدع ناس (4) .. Author: محمد عيد Date: 03-05-2011, 08:53 AM Parent: #819
صــباحو ...
مرحبتين بت المجمر
وبرضو مرجبتين بـ دهب المجمر ..
....
مشاركة عبر الاسفير .. من الطيب عاليب
ومهداة بصورة اخرى للزعيم ابو الزوز
قصيدة بعنوان "أنا السبب"
أنا السببْ
في كل ما جرى لكم يا أيها العربْ سلبتُكم أنهارَكم والتينَ والزيتونَ والعنبْ أنا الذي اغتصبتُ أرضَكم وعِرضَكم ، وكلَّ غالٍ عندكم أنا الذي طردتُكم من هضْبة الجولان والجليلِ والنقبْ
والقدسُ ، في ضياعها ، كنتُ أنا السببْ
نعم أنا .. أنا السببْ
أنا الذي لمَّا أتيتُ : المسجدُ الأقصى ذهبْ
أنا الذي أمرتُ جيشي ، في الحروب كلها بالانسحاب فانسحبْ
أنا الذي هزمتُكم أنا الذي شردتُكم وبعتكم في السوق مثل عيدان القصبْ
أنا الذي كنتُ أقول للذي يفتح منكم فمَهُ
Shut up
*** نعم أنا .. أنا السببْ . في كل ما جرى لكم يا أيها العربْ . وكلُّ من قال لكم ، غير الذي أقولهُ
فقد كَذبْ
فمن لأرضكم سلبْ ..؟
ومن لمالكم نَهبْ .؟
ومن سوايَ مثلما اغتصبتكم قد اغتَصبْ .؟
أقولها صريحةً بكل ما أوتيتُ من وقاحةٍ وجرأةٍ وقلةٍ في الذوق والأدبْ أنا الذي أخذتُ منكم كل ما هبَّ ودبْ ولا أخاف أحداً ألستُ رغم أنفكم أنا الزعيمُ المنتخَبْ .!؟ لم ينتخبني أحدٌ لكنني إذا طلبتُ منكم في ذات يوم ، طلباً هل يستطيعٌ واحدٌ منكم أن يرفض لي الطلبْ .؟
أشنقهُ أقتلهُ
أجعلهُ يغوص في دمائه حتى الرُّكبْ
فلتقبلوني ، هكذا كما أنا
أو فاشربوا
"من بحر العرب"
ما دام لم يعجبْكم العجبْ ولا الصيامُ في رجبْ
فلتغضبوا إذا استطعتم بعدما قتلتُ في نفوسكم روحَ التحدي والغضبْ
وبعدما شجَّعتكم على الفسوق والمجون والطربْ
وبعدما أقنعتكم أن المظاهراتِ فوضى ليس إلا وشَغَبْ
وبعدما علَّمتكم أن السكوتَ من ذهبْ وبعدما حوَّلتُكم إلى جليدٍ وحديدٍ وخشبْ
وبعدما أرهقتُكم وبعدما أتعبتُكم حتى قضى عليكمُ الإرهاقُ والتعبْ
*** يا من غدوتم في يديَّ كالدُّمى وكاللعبْ
نعم أنا .. أنا السببْ
في كل ما جرى لكم فلتشتموني في الفضائياتِ إن أردتم والخطبْ
وادعوا عليَّ في صلاتكم وردِّدوا
' تبت يداهُ مثلما تبت يدا أبي لهبْ '
قولوا بأني خائنٌ لكم و######ٌ وابن ######ْ
ماذا يضيرني أنا ؟! ما دام كل واحدٍ في بيتهِ
يريد أن يسقطني بصوتهِ
وبالضجيج والصَخب أنا هنا ، ما زلتُ أحمل الألقاب كلها وأحملُ الرتبْ . أُطِلُّ ، كالثعبان ، من جحري عليكم فإذا ما غاب رأسي لحظةً ، ظلَّ الذَنَبْ .!
اتصلت يوم الخميس على الأخ عادل عبد العظيم في طرابلس ليبيا للاطمئنان عليه... طمئنني عليه و شككني في كل ما يبث على القنوات الفضائية... و قال لي أنا حسه جاي داخل من الشغل... يا ربي نصدق منو؟؟؟
اكتشفت ان رفع المعنويات مثله مثل رفع أي أثقال... فهو يحتاج الى تدريب و تمارين متصاعده من خفيف الى ثقيل... حتى تصل الى المستوى الذي تسعى اليه... ثم قبل أي رفع يجب عليك الاحماء جيدا... فليس من السهل أن تقوم برفع معنوياتك و أنت بلياقة ضعيفة... لياقة نفسية طبعا...
ما زال مجهودي في انقاص وزني مستمر... لغيت الخبز أو العيش و لا أثر لذلك على الوزن... وقفت اللحوم الحمراء فكان لها أثر طيب على الجيب.. أما على الوزن...فلا... أكثرت من الخضروات و الفواكه و لم يجدي ذلك نفعا.. واحد صاحبي قال لي ياخي أكل ساكت حتلقى نفسك نزلت... أسمع كلامو؟؟؟
Post: #822 Title: Re: ناس الزقازيق ... أجدع ناس (4) .. Author: منصور عبد الرازق Date: 03-05-2011, 10:49 AM Parent: #820
صباحاتكم زى اللبن الحليب لكن هوى اعملوا شخيط واقيفوا بعيد البيرش ارسنال بالبتاع الفوق ده بنرشو بالبتاع داك عارفين ولا ازيدكم ما دام بيمتعنا , يا معلم باجيو شن فائدة الصفيح والقزاز ؟؟؟ ارسنال مع ارسين فينجر قاعدين يحققوا فى المعادلة الصعبة بتاعت الموهبة والأمتاعون اما سياسة تلقيط النجوم , واحسن لاعب فى كل خانة وتجميعهم فى فريق واحد فدى سياسة لا فيها لا ابداع ولا امتاع وبعد ده كلو يجى ارسنال واولاده ,يكونوا مع اصحاب السياسة ############ة دى الكتف بالكتف , والراس قصاد الراس وبعد ده لمن يفرق انو الكاس يمشى لى منو ولا منو كان بى غلطة حارس , ولا دقسة مدافع , ولا تطفيشة مهاجم , ولا صهينة حكم فهو فرق (لامعنوى ) ولا يسوى عندى شيئا (لأن مثل هذه الأخطاء يتساوى فيها ومعها , اللاعب ابو مية مليون يورو وابو مليون واحد ببساطة كده , ما تراه فى ارسنال اليوم , لن تراه عند غيره الا بعد حين وهذا يكفى عندى يا حلوين
Post: #823 Title: Re: ناس الزقازيق ... أجدع ناس (4) .. Author: منصور عبد الرازق Date: 03-05-2011, 10:58 AM Parent: #822
منقصو مالك وزنك يا معلم ؟؟؟ انحنا غايتو ختينا الدرب ده زمااااان تمارينا زاتا بقت حقت تنشيط دورة دموية سااااكت الليلة الصباح واحد زميل سألنى السؤال ده كيفك يا منص سلامات يا معلم باين عليك خليت التمارين (مع ملاحظة انو زى كان مركز على كرشتى وكده ) والله ما خليتا , لكن بقينا بتاعين دورة دموية سااااكت قرب يسالنى تانى الزميل البايخ ده ويقول لى الدورة الدموية دى السودان مشترك فيها بس انا ما اديتو اى فرصة تانية لمن لقيتو لسه بيعاين على الكرشة لأنو زى ده , السؤال البعده حا يكون مقاس بنطلونك كم ؟؟ لو سألنى السؤال ده , كنت حا اقول ليهو , انت فتحت ليك دكان ترزى ولا شنو ؟؟!!! منقصو ما لك يالرشيد ؟؟ الكلام دورتك الدموية كيف ؟؟؟؟
Post: #824 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-05-2011, 11:15 AM Parent: #823
جايين لينا ساعة الغدا تتكلموا عن الرجيم والدورة الدموية
نقصوا ... نقصوا وتمرنوا يرحمكم الله ... وتحكموا في مستوي السكر في الدم تزداد اعماركم
Quote: التحكم في السكري يطيل العمر.. الأكاديمية الوطنية للعناية بالعجزة وكبار السن الأميركية أوضحت أنه كما أن مرض السكري قد يؤثر سلبياً على طول العمر بحوالي 5 سنوات أو أكثر وخاصة لمن تجاوزت أعمارهم الستين فإن التحكم بسكر الدم قد يطيل العمر لسنوات قد تزيد عن الثمانية سنوات. إلى ذلك ربطت جامعة برنستون هذا الأمر بتأثير السكري على القلب.
وتجنبوا البتاع دا
Quote: الكوليسترول... يحصل الجسم على نحو 40% من احتياجاته اليومية من الكوليسترول من الغذاء (500-800 ملغم) و60% يتم تصنيعها داخل الجسم في الكبد . وتؤدي زيادة مستوى الكوليسترول في الدم إلى الإصابة بأمراض القلب , وهذا لايعني أن خطر الإصابة بأمراض القلب تحدث بتناول كميات كبيرة من الكوليسترول بل هناك عوامل نمط حياة أخرى تساهم في حدوث ارتفاع مستوى الكوليسترول وهي : زيادة الوزن وقلة النشاط والتوترالنفسي والتدخين .
Quote: مقاس بنطلونك كم ؟؟ لو سألنى السؤال ده , كنت حا اقول ليهو , انت فتحت ليك دكان ترزى ولا شنو ؟؟!!!
أنا لو محلك و سألوني السؤال دا كنت رجعت السودان طوالي و أديت فرصة لغيري عالم مكنكشة في الإغتراب ....زي القذافي بس!!!!!! إرشادات الطاعم تنبئ أن العودة قريبة جداَ و لا بد لو أخونا شاويش عايز يزيد وزنو ما هي النصائح؟؟؟ أحبكم و كفى
الرجل الذي عض زوجته هذي واقعة حقيقية وليست قصة شر البلية مايضحك- - !!
التفريق بين حرف الضاد وحرف الظاء في السعودية والخليج يكاد يكون معدوماً
الرجل الذي عض زوجته شر البلية مايضحك- - !! امرأة اشتكت في ألمحكمه بأن زوجها قام بإيذائها و (عضها ) بشده وعنف مما سبب لها الأذى النفسى و الجسدي الكبير خصوصاً وأنه عند كل خلاف (ينتهي الزوج بعض الزوجة بوحشية) حتى تتأدب على حد قوله .. ولما عرض ذلك على الزوج اعترف بفعله, وبسؤاله عن سبب هذا الفعل الغريب قال: هذا جائز شرعا ,
واستند إلى قوله تعالى(واللاتي تخافون نشوزهن فعظوهن ... ) النساء (آية:34) وقد فهم خطا أن الآية تجيز العض, ولم يفهم ان المعنى هوالوعظ والنصح والإرشاد
Quote: عل طاقية اليهود دي شنو اللبستني ليها دي يا أخوي...
إتخيلتك عامل إستايل جديد بت مجمر حددي وجهتك إنتي من ناس وردية الليل و لا وردية النهار؟؟؟ وزاتو إنتو الليل عندكم يبدأ متين و النهار ينتهي متين؟؟؟؟ في زولة إسمحا كوثر داؤود حداكم؟؟؟
Post: #836 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-06-2011, 07:06 AM Parent: #835
صباح الخير ،،، يا وجوه الخير
أصبحنا وأصبح الملك لله وحده،،،
أستغفر الله العظيم من كل ذنب أذنبته في ضياء النهار أو سواد الليل في ملأ أو خلا أو سر أو علانية
ياشباب ... ممكن مدنا بتلفون دكتور خليل درس طب الزقازبق دفعة الناس العجائز الرشيد ومنص وعيد ... طلب اسري ملح شديد ... ومستعجل او اي معلومة تقودنا الى عنوانه ...
Post: #840 Title: Re: ناس الزقازيق ... أجدع ناس (4) .. Author: منصور عبد الرازق Date: 03-06-2011, 08:34 AM Parent: #838
فى يوم دافنة المرحوم دكتور هاشم البنا قبل مدة يا ياسر التقينا مجموعة , وجات سيرة الزول الرائع دكتور خليل الله يطراهو بالخير شخصيا لم التقيه منذ تخرجه من الزقازيق على ما اذكر هو من خريجى 83 او 84 لكن علمت من ذلك اللقاء ان دكتور خليل موجود فى امريكا على ما اظن يعنى مثلا دكتور عمر عبد الله فى كندا ممكن يفيد او كمان حسين شنقراى اظن تلفونه موجود فى قائمة سامى عبد الوهاب وهو كان من اللصيقين بى دكتور خليل , علاوة على انه يتردد على كندا مع اسرته كمان عرفنا من دكتور عبد الله , زميله الموجود فى مستشفى الأمل فى السعودية (احتمال تلفونه يكون اما مع موسى عيسى او كمال الشادى ) ان دكتور ازهرى حمدتو (برضو دفعة دكتور خليل ودكتور عبد الله والمرحوم هاشم البنا ) موجود فى السودان على رأس احد المءسسات الصحية المختصة بالعلاج النفسى (مستشفى الدكتور طه بعشر على ما اظن ) اها يا ياسر , دى الخيوط العندى عن عنوان دكتور خليل ان شاء الله تكون مفيدة
Post: #842 Title: Re: ناس الزقازيق ... أجدع ناس (4) .. Author: جلال عثمان Date: 03-06-2011, 11:07 AM Parent: #841
Quote: البربور هو مديدة التمر بالشايقي
ها زول ها وحاة الرسول قايلوا "الفاصوليا" المفروكة اول مرة اعرف انو انا تايواني -----
واحد سخيف جنبي بالمناسبة دي حكي لي نكتة ...
قال لي ليه عينو بان كي مون الكوري امين عام للامم المتحدة؟
-
-
-
-
-
-
-
-
-
-
-
-
-
-
-
لانو ما لقو ياباني اصلي
Post: #843 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-06-2011, 11:40 AM Parent: #842
البربور عند الجعلية هو الفاصوليا المسلوقة ثم تهرس و( تتلايق ) بالويكة ثم تضاف ليها بصرة محمرة وصلصة من غير لحم ، وعادة تقدم فى المأتم
ده الشى البعرفو ... اما مديدة التمر ياها مديدة التمر الحناكيش بعملوا ليها شوية جوز هند
Post: #844 Title: Re: ناس الزقازيق ... أجدع ناس (4) .. Author: جلال عثمان Date: 03-06-2011, 11:53 AM Parent: #843
Quote: البربور عند الجعلية هو الفاصوليا المسلوقة ثم تهرس و( تتلايق ) بالويكة ثم تضاف ليها بصرة محمرة وصلصة من غير لحم
اها الحناكيش ظهروا ... قال شنو ... بصلة محمرة وصلصة ... والله ديل ما بنسمع بيهم الا في "الرحمتات" ودي كان ما جاك ود جبرين لي السنة الجاية لا انت ولا جلا ولا عزيزي القارئ اتحداكم كان تعرفوها ...
جابت ليها بربور كمان !!!! حمته باااالغة YOU CAN'T WIN WITH WOMEN
WIFE VS. HUSBAND
A couple drove down a country road for several miles, not saying a word. An earlier discussion had led to an argument andneither of them wanted to concede their position. As they passed a barnyard of mules, goats, and pigs, the husband asked sarcastically, "Relatives of yours?" "Yep," the wife replied, "in-laws."
W O R D S
A husband read an article to his wife about how many words women use a day... 30,000 to a man's 15,000. The wife replied, "The reason has to be because we have to repeat everything to men... The husband then turned to his wife and asked, "What?"
CREATION
A man said to his wife one day, "I don't know how you can be so stupid and so beautiful all at the same time." The wife responded, "Allow me to explain . God made me beautiful so you would be attracted to me; God made me stupid so I would be attracted to you!"
WHO DOES WHAT
A man and his wife were having an argument about who should brew the coffee each morning. The wife said, "You should do it, because you get up first, and then we don't have to wait as long to get our coffee." The husband said, " You are in charge of cooking around here and you should do it, because that is your job, and I can just wait for my coffee." Wife replies, "No, you should do it, and besides, it is in the Bible that the man should do the coffee." Husband replies, "I can't believe that, show me." So she fetched the Bible, and opened the New Testament and showed him at the top of several pages, that it indeed says.........."HEBREWS"
The Silent Treatment
A man and his wife were having some problems at home and were giving each other the silent treatment. Suddenly, the man realized that the next day, he would need his wife to wake him at 5:00 AM for an early morning business flight. Not wanting to be the first to break the silence (and LOSE) , he wrote on a piece of paper, "Please wake me at 5:00 AM ." He left it where he knew she would find it. The next morning, the man woke up, only to discover it was 9:00 AM and he had missed his flight. Furious, he was about to go and see why his wife hadn't wakened him, when he noticed a piece of paper by the bed. The paper said, "It is 5:00 AM . Wake up." Men are not equipped for these kinds of contests.
God may have created man before woman, but there is always a rough draft before the masterpiece.
SEND THIS TO SMART WOMEN WHO NEED A LAUGH AND TO MEN YOU THINK CAN HANDLE IT !
المتأكل ليها شنو يا جبريلا يعنى هسى انت العمايل العاملة دى كلها , حالتا بدون تأمل ولد ده !!!!! حنان الخطيب , زميلتنا وصديقتنا الزقازيقية الزراعية تبلغكم تحاياها وتهدى اعضاء هرشة دوت كم النكات الأنجليزية التالية البربور ما معانا فى النكت دى
Quote: ان دكتور خليل موجود فى امريكا على ما اظن يعنى مثلا دكتور عمر عبد الله فى كندا ممكن يفيد او كمان حسين شنقراى اظن تلفونه موجود فى قائمة سامى عبد الوهاب وهو كان من اللصيقين بى دكتور خليل , علاوة على انه يتردد على كندا مع اسرته
مشكووور ولدنا منص ... معلوماتك جابت عنوان الدكتور خليل في اقل من خمسة دقائق دخلنا على الداتا بتاعة سامي عبدالوهاب واتصلنا على دكتور حسين شنقراي ... وقام بالواجب وزيادة وتقبلوا سلام وتحايا دكتور شنقراي من كندا ...
وشكر خاص لولدنا الجميل سامي عبدالوهاب ... لولا بوست الداتا العملي الرائع لما تم التواصل بين خريجي الزقازيق وخدماته امتدت للاسر خارج البوست ... حيث اتصلت بي هذه الأسرة المقيمة بالإمارات بعد الإطلاع على بوست ناس الزقازيق ... والدخول على بوست الداتا بتاع ولدنا سامي ... واختارو تلفوني عشوائيا من القائمة بحكم إقامتي بالإمارات وتم سؤالي عن دكتور خليل ... حيث تم عرض الامر كما تعلمون بالبوست العام ... ومنصور ربط الخيوط بالحكام وأعطانا طرف الخيط بحرفته شديدة ... وقمنا بالاتصال والتوصل إلى المطلوب بفضل هذا البوست والتواصل الرائع .....
مشكورين ياشباب ... والشكر من اسرة فقدت التواصل بصديقها دكتور خليل منذ اكثر من عشرين سنة ...
Quote: زمن الرَّكْشَه! آه يا زمن الرَّكْشَه... زمن الفوضى العَمْيَا و طَرْشَا و زمن الوَهَم العَسْكَرْ فى البلد الغَشَّه بلاد الناس الغَبْشَا.. الناس الجاريه الدَّاقشه شن لاحقين؟ الشُّغُل العاطل وَلَّا الأمل الطَّشَّ؟َ و لَّا سراب المليونات و رهاب العربيات الرَّقشه؟
الموهومين الما شايفين هم وين فى الهَرَم الكَشَّ الكوم الفوق اتركَّزْ و حَشَّ و هُمْ أكوام أُمْ فِتْفِتْ وعَفْشَه ماكلين ألغام و كلام يِنْدَشَّ مغشوشين فى العيش والفول و التِبْشَه و مغشوشين بترول إنْقشَّ و مغشوشين فى حِلْماً راح و انْكَشَّ و مغشوشين فى المويه الزرقا و غَبْشَا و حتى كروت الكهربا غَشَّه
بيوت السكن "الشعبى" العامر غَشَّه بيوت السكن "الوطنى" الفاخر غَشَّه و مكشوشين فى الدِّين البَيِّن كَشَّه و مغشوشين فى حروب و سلام.. و مغشوشين خِدْمَات إلزام.. و جِهَادُم أكبر غَشَّه و مغشوشين جامْعَات أوهام.. قارِيْن الطب فى خلوة شيخ لا معمل لا تشريح لا مرجع لا تدريب لا دَوْشه
و بكره الواحد دكتور و عياده و نَفْشَه و أمسك أقطع كبده و كرشه و فى زمن الركشه لا شايلين هَمْ لى بلد إتفرتق لا شايفين بترول بتدفق لا حاسِّين بالنار بِتْبُق لا هم ضايقين التَّشه مشغولين "رَكْشَات" و "التِيشَيْرْتات" و "الدِيجِيْتالات" و مَلْهِيين "برصيد" و "شرايح" و "موبايلات" و "المِسْكولات" و "بالتشكسات" و "الكافيتيريات" و "المُنْتجَعَات"
و "النِسْكَافَيْه" و "النَتْ كَافَيْه" و "مسلسلات" و "باشا" و "بيه" و مكتولات و مكتولين و هم ساكتين تمكين و شريعه و هَرْشَه و الناس الفوق بانين أدوار.. عاملين أسوار.. طالعين أحرار..نازلين أحرار.. لامعين أنوار خَاتِيْن الخَرْشَه خَالِّين الشارع للفايرين ذى نمل السُّكَّر.. للحايمين ذى ###### الحَر..
و للطايرين ودَّ ابْرق و عَشَّه لو ماشين كدارى تقول ما راكب زول كل الدنيا كُرَاعَيْن مَاشَّه و لو راكبين بتشوف الشارع وَرْشه "الأمجاد" تتراجف ذى القشّه و "الحافلات" فى حُفر المويه قِرِنتى و قِرْشَه و تلقى "جياد" تِتَّنَّّى و ناسْيَه قروض البنك الغَشَّه و الطيبين راكبين خازوق لا هم لاحقين الناس الفوق لا هم بالدخل الشهرى الممحوق
تامِّين أقساط البنك الدُّقْشَه و منهوكين بي "ربا إسلامى حلال" و بنوك الناس الفوق راسمال بفتاوى شيوخ السوق يتوَشَّى مُضاربه مَرَّه و مَرَّه مُشاركه والشيكات تتطاير طاشَّه و مافيا السوق تِتْمَكَّن سرقه و لَطْشَه آه يا زمن الركشه و ما أدراكْ ما الركشه الركشه كُدُنْدَاره و عَمْشَا
تطير و ترِك محل ما تدور فى راس البيت.. فى أقرب خور.. أو فى راس الزول كان قال يِتْمَشَّى سايطه الشارع ذى الكَمْشه بتطلع داقشه و تنزل داقشه و السَّوَّاق بس كابتن طياره.. مَهَنْدَم و آخر حَشَّه و الطبلون مرصوص بالنَّدْ و فتايل ريحه و فُرشه و مَكَوَّم "سِيْدِيهات" بالدُّقشه
الغُنا مصرى و سورى و "زَفَّه" و "دَبْشه" "نانسى العجرم" و "سَيِّد طُلْبه القفْشه" "حماده البت!" يا حليل "الكاشف" و "عَشَّه" و ال"رَيْقِى" و ال"راب" ضاربين الدَّوْشه و العجلات تتراقش رقشه و كرسى الركاب بس أودة نوم فى أحسن فَرْشه و تنزل "فاطنه" و تركب "عشّه" و ماشين وين..اللهُ عليم و قروش من وين..اللهُ كريم لا زول سائل..لا زول مسئول.. لا دَهْشَه
و رِكيشة الهنا - يا كافى البلا- لا نور قِدَّام لا وَرا خَطَرَات..لا فيها مَنَشَّه بالليل وطواط سرحان عميان فى المطره قَعُوْنْجَه تنَطِِّط رَوْشَا ترُش بالطين و باللعنات.. و بالبُنْيات بتْتِم الرَّشَّه و الشارع مُوْلِد و غايب سِيْدُو لا قانون لمرور لا عمود نور لا عبد الظنبور الفالح ياخد حقو و حق الناس الهَشَّه و المسكين العُر خليهو تجيهو الكِشَّه
الراكب يلعن أم الماشِّى و يوم الماشَّه و الماشِّين قادْلِين و أضان الحامل طَرْشا و البوليس بس دَايْر يِتْعَشَّى بى عَصْرَه يخلى الترخيص فى رَمْشَه و بى ربع المبلغ يخَلِّى الدَّقشه "الإيصالات" حركات فَنِّيَّه و الشِّفِت الفاهم يِنْقُشَا نَقْشَه و الناس العَرْضِ و طول كان كتلو الزول مارقين بى بطاقه و خُمْشه
و لو ضابط عَنْقَد ياها الطَّفشَه و لو واحد خَرْخَرْ آخرو الطَّشه و لو أهل الميت طلبوا الدم ما بيلقوا النّتْشَه لا تار لا دِيَّه..لا الواحد قِدِر يتفَشَّى آه يا زمن الركشه.. و زمن "البيت السورى" و "مصرى" مَالا "بيوت السودان" اتمسخت قِبْلى و بحرى..عَمَاره و عُشَّه؟ خلينا "الكِسره" بناكل "بيتزا" و "كُشرى" و "طَقْشَه" وين "الشرموط" و "الوَيْكَه" .. وين "الكَرْشه"؟ آه يا زمن الركشه
و زمن "الدُّكَّان" الأصبح "سنتر" و بقى "للعنوان" إسماً أشتر و اليافطات بالصِّينى و باللاتينى فى بلداً ما فكَّ حروف العربى الطَّرْشَا "عَوْلَمَه" دى؟ أم عالَم خلوهو قُعاد على هَبْشه؟ لا معصوم من "الديجيتال" لا هُوْ حصين من "سوداتل" لا عندو وجيع لا حارس باب لا معروف المارق من الخشَّ آه يا زمن الركشه..
و زمن "السوق الليبى" و "سوق الناقه" و زمن الفاقه..زمان الفاقه و "حمَّام السوق" الدَّهْشه ياللعار! فيك الإبريق بإيجار و جُمَار الناس أسعار و حكومتك تجبى ضريبة الظرطه و تجبى ضريبة اللقمه و رَىَّ العَطْشه و تفتح دفتر للبِتْجَشَّا آه يا زمن الركشه..
و زمن ال"موبيتل" و ال"سوداتل" و "أريبا" خاتياك الرِّّيبه.. و تخْتاك الهَبْشَه شركاتك كِتْرَتْ و "موبايلاتك" مَلَتْ الشارع دَخَلَتْ جوَّه المدرسه..جوَّه الجامع ناس تتكلم فى المليان و الفارغ و ناساً تملا جيوبا و بالمسكين تتعشَّى و الموبايل يكُورِكْ شوفونى محجَّبه شاقه الحِسْ و منقَّبه ما بتدِسْ و مكَهْرَبه لابسه الجينز
و الموبايل آخر لقطه و رقشه آه يا زمن الركشه.. و زمن العِرِس "العُرفى" و عِرْس "المتعه" و "راجل المَرَه دَه" و "بِتْ القلعه" و زمن الشِّقَق الفَرْشَه و ألف لقيط فى الشهر الواحد و ألف فضيحه و كَشَّه آه يا زمن الركشه و زمن "المُوْل" الأجنبى و "الأوزون"
زمن "الأفيون" أولادك فى "عفراء" حايمين و بناتك لا فى المدرسه لا فى البيت قاعدين يا ترى هم وين.. بل وين اليَد الحِمْشَه ؟ آه يا زمن الركشه و زمن البلد الصَّبْحتْ سِتَّه جيوشا "القومى" ده واحد و "دفاعنا الشعبى" اتنين و تلاته "القوات الخاصه" و الرابعه "الشرطه"
و خمسه "الحركه" و من دارفور السَّاتَّه و لِسَّه "القوات الدوليه" ده غير الميليشيات المِيَّه حكوميه و شعبيه و "شعوب" مَنسِيَّه "مَهَمَّشَه" نارا تولِّع و ألفين قنبله موقوته وجاهزه تفرقع و مليون بُعْبُع و مليون غشَّه و آآآه يا زمن الركشه
الفيك الشَّعْبِ انغشَّ..انكشَّ..انقشَّ و ساكت هَرْشَه!!!!!
Post: #852 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-07-2011, 06:34 AM Parent: #851
صباح الخير ،،، يا وجوه الخير أصبحنا وأصبح الملك لله وحده،،،
اللهم اغفر لي ولوالدى والمسلمين والمسلمات الأحياء والأموات اللهم اشرح لي صدرى ويسر لي امرى
أؤمن كثيراً بأن المساحه الفاصلة بين { الحلم والواقعُ } مجرد دعاء يا إلهيً لا تحرمنيْ مطلبي !
التحايا والتجله لكل الزقازيقاب .. نود ان نفيدكم فيما يتعلق بشركة ( اجدع ناس ) للاستثمار فقد تقرر فى مشاورة من المساهمين بالداخل والخارج بتكوين مجلس إدارة مؤقت لتنظيم وتسير العمل فى المرحلة القادمة حتى اشعار اخر .. ويتكون المجلس من (5) اعضاء .. اربعة من الداخل وواحد من الخارج بالاضافة الى مستشار قانونى وتم الموافقة المبدئية على الأتية اسمائهم (مبدئيا):
1- محمد صديق 2- عبدالسلام مكى 3- نهلة نجم الدين 4- صالح عبدالرحمن 5- عبدالدائم سيداحمد ( من الخارج ) 6- عبدالحفيظ عباس ( مستشار قانونى ) هذا المجلس سيجتمع للاتفاق على فتح الحساب والاتصال لتحويل قيمة الاسهم بالاضافة للتنسيق والمتابعة فى المشاريع الإستثمارية المقترحة..
نرجو من الاخوة المساهمين ابدا الرائ والاقتراحات لمجلس الادارة هنا او فى منبر الزقازيق بالاضافة لقروب الفيس بوك ..
--------
وتقبلوا معزتنا وامتنانا
ع /المجلس المقترح - صالح تبلدينا
Post: #854 Title: Re: ناس الزقازيق ... أجدع ناس (4) .. Author: منصور عبد الرازق Date: 03-07-2011, 09:11 AM Parent: #853
يا حاتم جبارة هووووى البطولات عبارة عن مجموع نتائج والنتائج , فى بعض المباريات لا مربوطة لا بى اجتهاد , ولا بى لعب واداء انا عارف انو دى مش قاعدة دائمة اها براك جبتا سيرة كورة ارسنال والبلاك كاتس (سندرلاند ) ارسنال , كان افضل من سندرلاند فى مجموع المباراة ولا شك ضاعت منه العديد من الفرص لا لشىء , الا لعدم التوفيق مع توفيق وتألق حارس السندرلاند ولما القون جا , الحكم ابى يعده اها , ممكن النقطتين الفقدهم ارسنال فى الكورة دى يكونوا السبب فى انو ما ياخد البطولة انا معاك انو ارسن فينجر , ما قاعد يدى عامل الخبرة , اهميته اللازمة علما بأن حتى هذا العامل عند ارسنال , مفهومه مختلف خبرة ارسنال دائما لا يتعدى عمرها خمسة وعشرين سنة فابريجاس هو ممثل الخبرة عند ارسنال علما بان الكثير من اندية اوروبا , تلهث وراء خدماته , باعتباره عنصر شاب وفعال التوفيق فقط هو ما ينقص ارسنال طوال هذا الموسم , فقد ارسنال مباريتين فقط بسبب ان الفريق المقابل تفوق عليه فى الملعب واحدة مع تشيلسى فى الدور الأول 2-صفر والتانية تعادل 4-4 مع نيوكاسل فى الدور الثانى كل المباريات التى فقد فيها الأرسنال نقاطا عدا تلك المباريتين , كانت بسبب عدم التوفيق والعكس تماما عند عند المان يو , فقد كسب العديد من النقاط هذا الموسم , لأن التوفيق حالفه عموما الدورى الأنجليزى يا حاتم , دورى المنافسة والمتعة والأثارة وزيك انا اتمنى ان لم يذهب الدورى لأرسنال ان يفوز به اى فريق آخر غير المحظوظين بتاعين مانشستر ديل علما بان فوز ليفربول امس , فتح باب المنافسة للعديدين مرة اخرى
** ان شاء الله احمد ولدى ما يقرأ المداخلة دى , غايتو امبارح بعد قون كويت التالت , عمل فيها ماشى يجيب جلابيتو الجديدة من الترزى !!!!
Post: #855 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-07-2011, 10:13 AM Parent: #854
اها يا جماعة عندي خبر بلميون دولار ... افتو ولا شوية كده .... كدي نشوف اول حاجة موضوع الشركة وموضوع الارسنال ... وبعدين نجي للخبارات ... اكيد في حاجة كده فطيتها لسببين ...
يا ريس مطعم شنو .؟ عبد الدائم ده راجل ضلالي ومضلل ... صديق الصادق خطب وعايز يتزوج في الفترة الجاية ... كواحد من عمالقة العزاب ... وبذا انهد ركن ركين من قلعة العزوبية ... عقبال اللي بالي بالك ..
يا زهير لو أخو بت الشيخ داير يعرس و إنت مغترب وحضورك بي ذات نفسك مهم و تقوم تعتزر و تقول بعد ما ينتهي العرس رسلو لي الأولاد!!!! طيب حيكون موقفك شنو تجاهه الأمم المتحدة؟؟؟؟
يا زول السودان ده تاني ما بجيهو لو بت الشيخ ذاتها عرست ....
Post: #875 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-08-2011, 10:05 AM Parent: #874
حمد الله بسلامة العودة يا عفاف
شوفى كورال الاحفاد ده كيف جميل ومعبر وبتناول قضية مهمة جدا" نفسى اعرف مين كاتب الكلمات ، البنات السمحات ديل اتقطعوا فى الاداء ذكرونى ايامنا الجميلة وجمعية الثـريا ، كل واحدة فيهن ادت الكوبليه بتاعها بتعبير يختلف من التانية واعمق فى تأثيرو
عم صوت اجراس الخطر ... كل اركان البلاد ودنت ساعة النصر ... سينضم صوت محمد احمد عاليا زي مهيرة ... لا لنطالب بعيد للرجل مثل 8 مارس ... ولكن لوطن حبيب يسع الجميع ... بدون قيود او تكبيل حديد ولا للتقسيم ورسم الحدود .... وعيد سعيد لصحيبات مهيرة ....
=========================================
Quote: يا زول السودان ده تاني ما بجيهو لو بت الشيخ ذاتها عرست ....
غايتو دي قلبت فيها هبوبا عديل كده ... انتو ابتهاج وين ....
صبحكم الله بالخير مشتاقين.. غياب قسري...و قيصري كمان... يلاقيك واحد يقطع قلبك يقول ليك لا حوله مالك يا زول كبرت فجأة كده... بعد ساعتين تلاقي واحد يقول ليك ما شاء الله عليك... انت يا زول كنت مقرش (من قراش) ولا شنو... واحد يقول ليك انت مالك سودت كده الظاهر عليك شقيان.. بعد شوية تلاقي تاني يقول ليك الظاهر عليك مرتاااااح لمن لونك بقى أبيض... قدر ما حاولت القى لي تفسير للتناقضات دي غلبني... وأصبحت اتعامل معها بمبدأ أن لا أحبط و لا أفرح... ولكن لم تتزعزع ثقتي فيمن حولي من المقربين... و ما زلت أؤمن بأن المرء مرآة أخيه... و المرأة مرآة زوجها مثلما الرجل مرآة زوجتة... شريطة أن تقرأ التحذير المكتوب على المرآة... مثل التحذير الذي يكتب على المرآة الجانبية للسيارة... (أحذر... الصورة أقرب من الواقع) او عكس ذلك... فالمرأة تعكس لزوجها صورة جميلة طوال الوقت حتى تكتشف خطأها... و يكون نتيجة ذلك أن يغتر بنفسه و يبدأ يلعب بديله ... و عندما تكتشف ذلك تعكس له صورة مغايرة... مثل يا راجل اختشي علي شيبك ...أو انت ما شايف نفسك و لا شنو... بدل أن كانت انت مافي زول بيشبهك و مافي زول بلحقك في الأناقة... و مهما اختلفت المرايا ...و اختلفت أنواعها و صورها المعكوسة... حقيقية كانت أم انطباعية...مقعرة أو محدبة أو غيرها... فليس خير من... امرء عرف قدر نفسه... رحمكم الله...
Post: #878 Title: Re: ناس الزقازيق ... أجدع ناس (4) .. Author: محمد عيد Date: 03-08-2011, 11:16 AM Parent: #877
يقلقني المشهد العربي..
بعد ساعات من التنقل بين القنوات الإخبارية ومواقع الانترنت العربية والمراقبة الحثيثة لأسباب التغيير الذي جرى في تونس ومصر وما يجري الآن في ليبيا والجزائر واليمن والبحرين الخخخخخخ..
فقد أطفأت التلفزيون وأغلقت "اللاب توب" وقررت اجراء بعض الخطوات الضرورية مع الأولاد قبل فوات الأوان:
أولاً :
قررت الجلوس مع العائلة لمدة ساعتين يومياً لبحث مشاكلهم و الأستماع الى مطالبهم ورفع منسوب "الحريات" لاسيما السماح لهم بإبداء الرأي حول "فسحة آخر الاسبوع
" وحضور مسلسل "حسب اختيارهم" والتجمع السلمي باي ممر او ميدان داخل المنزل دون أخذ اذن مسبق من أمهم / "الحاكم الاداري".
ثانياً:
زيادة مصروف الاولاد ما قيمته"عشرة" ريال على المصروف ألأساسي بدءاً من الفصل الدراسي الثاني.
ثالثا:
زيادة ساعات استخدام النت من 8 ساعات الى 12 ساعة يومياً وزيادة سرعة النت اتحملها من جيبي الخاص.
رابعاً:
تقديم المتسبب في أكل "2 كيلو موز صومالي" من فوق الثلاجة للعدالة ومحاسبة كل المتواطئين في القضية المذكورة ، و إحالة ملف كرتون "شوكلاتة جلاكسي" لمكافحة الفساد.
خامساً:
التعهّد بضبط النفقات الشخصية كشراء بطاقات الموبايل والجلوس في المقاهي،واجراء إصلاحات اقتصادية حقيقية تخفف من المديونية العامة وعجز الموازنة.
سادساً:
تجديد "أغلفة القماش" في: غرفة الجلوس – الصالون- والستائر ،واستبدالها بأخرى جديدة في مدة زمنية أقصاها ابريل المقبل.
سابعاً:
التعهّد بعدم الترشح لمنصب "رب أسرة" مرة أخرى وإفساح المجال لقيادات جديدة داخل الأسرة وفق قانون انتخابي عصري.
ثامناً:
الحصول على ضمانات شعبية من الأولاد وامهم بعدم تغيير "قفل" الباب فور قيامي بأي جولة مكوكية بين البيت والسوبرماركت. ***
بالعكس لم تفهم بعد مراجعة المادة 13 و إلغاء الفقرة (ب) من الدستور إلغاء المادة 37 من الدستور محاسبتك في التعسفات السابقة إرجاع كل الأموال التي إستخدمتها في غير موضعها الأسرة تريد تغيير الدوام بتاعك
Post: #880 Title: Re: ناس الزقازيق ... أجدع ناس (4) .. Author: محمد عيد Date: 03-08-2011, 12:14 PM Parent: #879
احر التعازى للزميلة عزة عباس واسرتها فى وفاة والدتها
انا لله وانا اليه راجعون
================================== يانضيف ... كورال بنات الأحفاد ... رهيب والله سمعتو بمزاج في البيت ... وكمان فيديو العريس معاهو كمية نكت مبالغة ... غايتو امس ساهرت بي لحدي ما جات مواعيد مباراة ارسنال وبرشلونة الساعة اتناشر بالليل وبعدين نمت قبل ما اخلص الشوط الأول
Post: #889 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 03-09-2011, 10:24 AM Parent: #888
سلام لكل الرائعين تهنيئة خاصة لكل نساء الارض واروع نساء الكون الزقازيقيات بمناسبة يوم المراة العالمى . التعازى الحارة لكل من فقد عزيز خاصة عزة عباس ربنا يرحم والدتها ويلهمهم الصبر. صراحة ما عارفة ابدا من وين؟؟ غيابى غير المقصود طال اشكر زقازيقاب الداخل بضيافتهم وترحيبهم لينا وشكر خاص لمحمد صديق لاستقباله لينا من المطار والمديرة شوش من الصالة مرورا بالجمارك ووصلتنا بعربيتها الما خمج( عافيه ليك سا شوش العملها فينى حزام العربية), نهلة نجم الدين والريس معتصم جعفر وبعتزر لعدم تلبية الدعوات اصلا انا نزلت من الطيارة على الحفلات طوالى يعنى ممكن تقولوا على ساوند سيستم .. و اهلى لو وقعت حيطة بعملوا حفلة ما بالكم عرس مخططنى ليه من 6 شهور وتوقيته يناسب كل الاحباب..بالمناسبة دى اهنى فيصل الاقرع ود عمتى وعروسه سماح الصادق وربنا يهنيهم.. تحية خاصة لعزة التجانى والمديرةشوش على الفطور الفاخر والله اول مرة اعرف انه البنات ديل نسوان طباخات كدة ( حياتهم كلها كانت بيض ولانشون) ( ما تزعلوا قصدى زمان) . وكنت عايزة انزل الصور فى الفيس بوك ( لشى فى نفس يعقوب) ونفسى وسناء الصباغ كمان. التحية لزوبة وعارفنك زعلانة ( زوبة قلبها طيب وبتحبنى شديد حسه بضرب ليها تلفون ومتاكدةانها حا تسامحنها) بعد ما كملنا كل الحفلات تتخيلوا حتى جيراناالقدامنا والورانا والفى شارع الستين كل يوم عرس وحفلة يعنى لفيت ليكم الخرطوم دى شارع شارع بيت بيت زنقة زنقة مبارية الحفلات .. بردنا ليكم جوفنا بالايسكريم الابنوسى بالفانيلا نحن واهلنا واصحابنا وليوم مسافرين الجردل ملان شكرا منصور على الايسكريم وتحياتى لامانى والاولاد.. بعد سنين طويلة ما زال صالح هو صالح سعدت بلقائة فى امواج ( بس ما خالط). ماعارفة ايقاعاتى مضطربة امكن لطول الغياب ولا عشان الواحد الونسة كثيرة اعتبروا دى تحية والتمس العزر على الغياب.. راجعة ليكم تانى خليكم قريبين وما تهربوا عارفنى لما برايتى تكون سنينة. ودمتم جميعا سالمين
Post: #900 Title: Re: ناس الزقازيق ... أجدع ناس (4) .. Author: محمد عيد Date: 03-11-2011, 11:12 PM Parent: #899
بت حوفى العزيزه ...
وشك حلــو علينا رغما عن بعلك الجميل الذى حتما ليس مثلنا فى قمة مزاجه الرائق ...
مبروك لكل صفوة المنبر
الحمر الميامين ...
وتهنئة خاصة للجميل .. ياسر نجيلة .. وجه السعد والفال السمح
وفى كل مرة يتوقع ياسر انتصارا للاحمر .. تصدق توقعاته ..
صبحكم الله بالخير والعافية يا عيدنا مبروك للمريخاب اهم شى الروح الرياضية الكورة غالب ومغلوب ما تخرب على المباركة الاكثر من الازم بتجيب اللوم نحن بالبيت كلنا ازرق حتى مهند.وازوجة على دين زوجها. رشيد القوم روحه رياضية والمعنويات مرتفعة لانه كان هنودى من الجمهور المشجع للهلال.. ودمتم سالمين
Post: #902 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-12-2011, 06:49 AM Parent: #901
حمد الله بسلامتك يا حوفى
ما تبقى زى حنان مجمر اتقطعت فترة ورجعت وما خلصنا من السلام عليها الا وتانى اختفت
Post: #903 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-12-2011, 08:03 AM Parent: #901
صباح الخير ،،، يا وجوه الخير
أصبحنا وأصبح الملك لله وحده،،،
اللهم ارفع عنا البلاء اللهم عافنا من كل بلاء اللهم اشفنا من كل داء اللهم لا تجعل لشيطان علينا سبيلا اللهم أبطل أثر كل عين نظرت وما بركت اللهم اكفنا شر كل عين
Post: #904 Title: Re: ناس الزقازيق ... أجدع ناس (4) .. Author: منصور عبد الرازق Date: 03-12-2011, 09:06 AM Parent: #903
ارسنال من البرشا , اتزعط وسيد البلد , من مريخ السجم , اتمعط ونصر السعودية , من هلالها , لمن راسو , لف وانظبط والليلة , القانرز , لو من ناس الشياطين والمان يو , يا حاتم يا ود جبارة اتلحسوا لامن شعرهم التقول بالفازلين , انجلط ؟؟ الواحد يخلى الكورة , ويبارى السياسة , ومع انهم الأتنين , رافعين للضغط
Post: #905 Title: Re: ناس الزقازيق ... أجدع ناس (4) .. Author: جلال عثمان Date: 03-12-2011, 11:12 AM Parent: #904
مبروك للشباب الحمر النصر وبس ...
Post: #906 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-12-2011, 11:36 AM Parent: #905
Quote: ارسنال من البرشا , اتزعط وسيد البلد , من مريخ السجم , اتمعط ونصر السعودية , من هلالها , لمن راسو , لف وانظبط والليلة , القانرز , لو من ناس الشياطين والمان يو , يا حاتم يا ود جبارة اتلحسوا لامن شعرهم التقول بالفازلين , انجلط ؟؟ الواحد يخلى الكورة , ويبارى السياسة , ومع انهم الأتنين , رافعين للضغط
ما بيصل الحد كيف اذا طارق جبريل , عاوز يبقى رئيس !!!
السيد الرئيس * ردم خور جانقى فورا , واعادة ستات الشاى لى محطة سبعة * اللقيمات وما ادراك ما القيمات , والزيت البيقول طشششششششششش داك , كل ما رميتلك فيهو , طعميايى ولا لقيماتة , مافى اى فرق * بيت الفنون داك تقلعوا لينا ما طارق جبريل , احمد عجوز يغنى يوم الخميس بدل الأربعاء , * مافى اى خيار او فقوس فى قصة الدرابزينات دى , لكن يتم استثناء الدرابزين الليل عمنا جبرين , ويبقى دار فنون لمناطق الأمتداد وما جاورها * ايقاف اى تسهيلات لى عرس المغربيات , وان شئت حصرها على الشوايقى , بس * دمج كليات البيطرة مع شقيقاتها كليات الفنون الجميلة , ده مطلب اساسى لن نحيد عنه * المريخ ده لمن يفوز , يدوهو التلات نقاط عااادى , بس من اول خسارة , يجردوهو من نقاطه الشالها من بداية الموسم لا نهايتو , كيتن كده للسيد الرئيس * تشغيل مطار البركل الجديد, وتحويل عطاءات مطار الصالحة الجديد ليهو فورا دون ابطاء * نانسى عجاج دى , تغنى من بداية الأرسال , لين نهايته , والبيمعط منها الميكروفون قبل ما وصلتها تخلص , يعاقب بتهمة الخيانة العظمى * سودانيز اون لاين , يدوها كامل ميزانية وزارة الأعلام , وبكرى ابو بكر , يترقى لى مرتبة وزير ,ووزارة الأعلام دى , يمسحوها بى استيكة
أولا أهني المريخاب و على رأسهم محمد عيد بالانتصار المستحق على الهلال السجمان... الا أن المباراة لم تكن لتستحق مني أكثر من نصف ساعة قضيتها و أنا في غاية الملل... حتى مهند الذي كان ينتظر المباراة منذ الصباح نام بعد ربع ساعة فقط من انطلاق المباراة...
كلما ألقي بجسدي المرهق على أريكتي المسكينة عصر كل يوم تتعالى في راسي انفعالات الثوار في تونس و مصر و ليبيا... و فكرت أعمل ليهم Top 8 ...و سأبدأ من الآخر... 8)من ليبيا...يا معمر يا أبو شفشوفا شعب ليبيا بكره تشوفا... 7)من تونس...اذا الشعب يوما أراد الحياة فلا بد أن يستجيب القدر... 6)من ليبيا...قولو لمعمر ليبيا فيها رجال... 5) من تونس...الشاب الذي يصرخ الشعب التونسي ما يموت......عليها يا رب.... 4)من ليبيا...الفتاة الليبية التي تقول...قولو لمعمر نحن ما نخافوش منك و حنطلعوك بالسيف... 3)الفتاة المصرية من ميدان التحرير...شكرا للجزيرة و شكرا لتونس...مافيش خوف تاني... 2)الشعار التاريخي الذي رددته كل العواصم العربية...اعتصام اعتصام حتى يسقط النظام... 1)و يحتل المركز الأول قول القذافي...حنطاردهم بيت بيت و شارع شارع و زنقه زنقه...
هاردلك يا منص ارسنال من مانشستر انجلط... و ارسين فينجر انبرط.. و قال السنة الجاية حيجيب مهاجم لبط... حقو يا منص تغير لي توتنهام تخلي أرسنال ده يكسب ليهو بطولة...
صباح أمس و بعد أن غادرت أبو ظبي مستصحبا دعوات بت الشيخ... لا اله الا الله...و رافقتك السلامة ثم أضافت اليهم ربي يخدر ضراعك... قلت ليها مالك مخدره ضراعي في الشارع الطويل ده..اتهجمت.. فهي بالطبع لم تقصد ذلك لكن أنا متلقي حجج ساكت... قالت يخضر مش يخدر يعني يخليها خضراء و أسهبت في الشرح... لدرجة شعرت اني فعلا متلقي حجج... في الطريق الى سمرقند كما يحلو لي و هو الطريق الى السلع... أدخلت يدي في صندوق الأشرطة و طلع معاي سي دي للنصري فيهو ست الدار... و استوقفتني...قلبي معاكم...قلبي معاكم...ربي يخدر عود ضرعاتكم... و قلت بيني و بين نفسي الليلة الخدر المباريني ده شنو... ما أنا متلقي حجج...حسه ست الدار قاصده خدر ولا خضار... لو كان خدر ما كان قالت ليهو...قلبي معاك يا الزين ود حامد... قلبي معاك والشوق الشوق ...خلى شدير الجوف محروق... المهم الشارع طويل و الهواء شديد و الرمال عاصفة... الهواء يشيل العربية شمال ويمين...تمر جمب شاحنة تحس انها حتشفطك... ثم رتل من الشاحنات تحجز الهواء و تستقر العربية... و بمجرد تجاوز الشاحنات تنجرف السيارة مرة أخرى... و الله كان ما دعوات زي دعوات بت الشيخ دي.. الشارع ده صعب خلاص... و دعوات بت الشيخ مدعومة بدعوات أمي و دعوات أم بت الشيخ... و عندما وصلت الى وجهتي كان يعرض في الجزيرة صور من زلزال اليابان... و شاهدت كيف الموجة الواحدة تحمل آلاف السيارات و ترمي بها كأنها قطع فلين... و سمعت أحدهم يقول انه كان يقود سيارته في الطريق عند حدوث الزلزال.. فشعر و كأنه على ظهر قارب صغير في خضم موجة عاتية من شدة الزلزال... فقلت الحمد لله اننا نواجه مجرد رياح و ان اشتدت فهي مقدور عليها...
بت الشيخ سامعاني يا اخيتي ومرتي وامي وأم الكل... ما تنقطعي من الدعوات...
والله يا جماعة فريق ارسنال ده فريق ما هين .. شوف الفرق بينه وتشيلسي ... ده فريق الاغنياء والموسرين واولاد الراحات والحناكيش زي حاتم جبارة .. وفريق الارسنال فريق ... الشغيلة والعمال ... والجماهير الكادحة ... عشان كده نتعاطف مع منصور ونشجع حاتم جبارة ...
Post: #913 Title: Re: ناس الزقازيق ... أجدع ناس (4) .. Author: محمد عيد Date: 03-13-2011, 07:09 AM Parent: #912
شــوية فرفشة صباحية
عشان خاطر منصور ولزوم رفع المعنويات حبــه ...
بعد 42 سنة من الكوميديا . . . . . القذافي يتجه نحو الاكشن
واحد بيقول لمبارك ياريس انا بعت قيراط الارض اللى حيلتى علشان اوظف الواد و متوظفش . . . . . . . . . مبارك: انا بعت مصر كلها علشان اوظف جمال و متوظفش
أحمد عز بيقول لجمال: على فكره أبوك غلط غلطة عمره جمال قاله : ليه ؟؟ أحمد عز : أبوك باع البلد كلها ونسى يبيع ميدان التحرير
Post: #914 Title: Re: ناس الزقازيق ... أجدع ناس (4) .. Author: محمد عيد Date: 03-13-2011, 09:10 AM Parent: #913
مافى زول قال عوووك .. ؟
طيب برضو هاكم دى ...
طول عمرنا نسمع بكيد النساء
بس ماعمرنا سمعنا بكيد الرجال الإ دهااااااااااااااء الرجال
اتركم مع القصه
قصة حلوة عنوانها كيد ٱلرجال
ٱورد الدكتور عبدالعزيز الخويطر حكايةً ظريفة فارسها هو قاضي في منطقة ٺبوك
وقال : كنت بصحبة سمو الأمير سلطان بن عبدالعزيز في رحلة لتبوك ، في برنامج إنشاء القواعد العسكرية ، وفي اثناء انتظارنا آذان المغرب .
قال مدير الشرطة يا سمو الأمير دع الشيخ القاضي يحكي قصته مع زوجته غير المعلنة ؟!
( متزوجها بالسر X_X)
فطلب اﻷمير من القاضي ان يقولها
فقال الشيخ : إني قد تزوجت بخفيھ عن زوجتي الأولى ، ولكنها أحسّت بذلك دون دليل ، وصرت كلما أثارت الموضوع أقنعتها بأن ما تتخيله وهم .
ثم اتفقت أنا وزوجتي الأخيرھ على خطھ لإقناعها، ولتنفيذ الخطة ذهبت زوجتي الثانية ، إلى بيتي وقت صلاة الظهر ، وقالت لزوجتي الأولى : إني أريد أن أستشير الشيخ في أمراً ما..
فرّحبت بها الزوجة الأولى وقالت :
ٱنتظريه ،فسوف يعود بعد الصلاة ،عاد الشيخ من الصلاة ،وأخبرته أن امرأة في الصالون تنتظره ، فدخل ومعه زوجته الأولى..
استمع الشيخ لما لدى المرأة من أمر يتلخص في :
أن لها زوجاً تحبه ويحبها ، ولكنها لاحظت في الأيام الأخيرة ،ما جعلها تشك أنه قد تزوج عليها وفاتحته فأنكر وأقنعها أن هذه وساوس الشيطان الذي لم يرضى الانسجام التام بيننا
وكلما أثرت الموضوع معه ، لأني لا أصبر ،أقنعني بأن ما أتوهمه بعيد عن الحقيقه، فقال الشيخ بعدما انتهت الزوجة الثانية من حديثها :
ٱسمعي يا بنتي زوجك صادق، هذه وسوسة من وساوس الشيطان ، يقدمها أمامك إذا أراد أن يفسد بين المرء وزوجه فاستعيذي منه ، وأبعدي الشكوك من رأسك..
ثم قال : لماذا نذهب بعيداً ، هذه زوجتي قد عشش إبليس في رأسها وأوهمها بأني متزوج ،وكلما قدمت لها الأدلة اقتنعت ولكنه لا يتركها، ويعود إلى وسوستها ثم تعود إلى نفس الموضوع ..
وأنا أمامك الآن أقـول:
إن كان لي زوجة خارج هذه الغرفة ، فهي : ((طـالق))
فقفزت زوجته الأولى ، وقبلت ركبتيه وقالت : ما بعد هذا شيء ، سوف ادحر إبليس ، ولن أعود للشك مرةً آخرى...!!!
جلال قايل نفسك قاضي تبوك والا شنو.. مكنه القاضي دي ما بتمشي علي بت الشيخ..
حمدلله علي السلامه يا رش... الله يخضر طريقك دايما..
كفاره يا منص.. ضربتين فوق الراس بيوجعوا.. إن شاءالله أرسين حقكم دا يتعظ.. ويعرف إنو نظرياتو فاشله.. ياخي فابيو ورافاييل يغلبوكم؟ فريقكم دا كاس رابطه ما يشيلو بالطريقه دي.. شنو يعني باصات سمحه وتجي تنكسر في الدفاع.. أولا حراسكم التلاته تعبانين.. وسط الدفاع منتهي.. لكن سانيا وكليشي وجيب تمام.. رمزي وويلشير وفابرجاس تمام.. إتخلصوا من روزيسكي وارتشافين وولكت وديابي سريع.. أما دنيلسون دا ما اتوفقتوا فوقو.. فانبيرسي براهو ما بيأكلكم عيش.. طوالي مصاب ولو راجين الشماخ ووبنتدنر.. رحتوا فيها.. باختصار.. محتاجين حراس وثيردباكات ومهاجمين.. ومدرب...
اتعجب حد الدهشة من بعض الزملاء والاصدقاء ... الذين اراهم غاية الاهتمام والقلق ... بابنائهم الطلاب ومتابعة دروسهم بكثير من التوتر ... منذ ان التحق ابنائي بالمدارس ... تعاملت مع هذه المسالة بكثير من الارتخاء ... والهدوء ... اليوم عرفت القلق والتوتر ... وحساب الساعات والدقائق واحد ابناءك يتوجه الي قاعة الامتحانات ... ان كنت لم اعرف السبب ... الا اني وجدت الاعذار لكل اصدقائي ... ميار rfg قليل من الآن دخلت اول امتحان في شهادة الاساس لهذا العام ... هذه الكلمات هي اعتذار في البدء لاصدقائي ... ثم تضامن مع صغيرتي التي تبعدني عنها آلاف الكيلومترات والدموع والعبرات ... رغم انها طفلة في عمرها ... الا اني علي ثقة بانها ستجتاز هذه التجربة بكل نجاح ... فقد ربيتها علي ان تكون كبيرة دوماً ... لا احلم ولا اطلب منها ان تحرز المراتب الاولي ... يكفيني فقط شرف انها حاولت وبذلت كل ما في جهدها ... لها التحية ولكل زملاءها الذين يجلسون معها الآن
Post: #924 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-14-2011, 07:10 AM Parent: #923
اكيد حتنجح وتطلع شاطرة زى امها
ومبروك مقدما" النجاح وعقبال اخوانها
اتحدى اى واحد يعرف لى زهير قاصد شنو هنا
Quote: ميار rfg
Post: #925 Title: Re: ناس الزقازيق ... أجدع ناس (4) .. Author: محمد عيد Date: 03-14-2011, 07:46 AM Parent: #924
الدعوات وكل الامنيات لابنتنا ميار الزناتى بالتوفيق والنجاح
ولكافة ابناءنا وبناتنا ...
Post: #926 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-14-2011, 09:14 AM Parent: #925
صباح الخير ،،، يا وجوه الخير
أصبحنا وأصبح الملك لله وحده،،،
يا ودود يا ودود يا ودود .. ياذا العرش المجيد .. يا مبدئ يا معيد .. يا فعالا لما يريد ..
أجعل أول هذا اليوم نجاح (ميار) وآخره فلاح (زهير ، إبتهاج)
وجميع الأبناء يا رب
Post: #927 Title: Re: ناس الزقازيق ... أجدع ناس (4) .. Author: مبارك جادين Date: 03-14-2011, 09:22 AM Parent: #925
يا ميار ربنا يساعدك ويكون معاك في الامتحان وطبعا دة دليل ان العمر قد مر
البركة فيكم للاخت عزة عباس وربنا يرحم الوالدة ويسكنها فسيح جناته مع الصديقين والشهداء وانا لله وانا اليه راجعون
يا جلال قصة مولانا شايفها وقعت ليك في جرح مرسى الزناتي اتهزم يا رجالة بالانجليزي
Post: #928 Title: Re: ناس الزقازيق ... أجدع ناس (4) .. Author: جلال عثمان Date: 03-14-2011, 10:10 AM Parent: #927
Quote: اتحدى اى واحد يعرف لى زهير قاصد شنو هنا
Quote: ميار rfg
يادودو ياخ ما للدرجة دي كمان يعني عشان زهير متكبكب والرجفة خلتوا يخلط العربي بالانجليزي كمان نحن ما بنعرف قبل من بعد
هذا مع امنياتي القلبية لابنتي مـــيار بالتوفيق والنجاح وربنا يوفقها ان شاء الله
يابركة: اشواق بلا حدود ياخ وكلام الزول دا فعلا وقع لي في جرح لكن حاتم جبارة دا ما بطمئن وقال المكنة دي ما بتقسم مع بت الشيخ لذلك جاري البحث عن مكنات اخر ...
كمنداننا ... بالغت لكن ... مشتهنك عديل والله يااااك دي ما بتبل الشوق
Post: #931 Title: Re: ناس الزقازيق ... أجدع ناس (4) .. Author: منصور عبد الرازق Date: 03-14-2011, 10:37 AM Parent: #928
زى اللمحت لى زول بيشبه الكوتش ومن بعييييد كجه شايف زول ملامحه ملامح مبارك جادين وكمان ملاوزة لى صورة زى صورة ميار الزول الثقيل الأسمو حاتم جبارة ده , لا شايفو ولا كمان فارز ضله ولا صلعته الكبيرة ديك والله ارسنال ده , مش كان غلبوهو الشواطين ناس برشلونة ديك ولا كان حظه دائما ما تمام مع الشواطين الحمر بتاعين انجلترا ديل ارسنال يبقى فريق كرة قدم يلعب الكورة بطعم مختلف وبى نظرية مختلفة يعنى هسى ارسين فينجر ده , لو قام كده , اشترى باتو بتاع الميلان والكس بتاع تشيلسى ولا كمان بيبى بتاع ريال مدريد بكرة طوالى حا يقوم يشيل ليهو بطولة بطولتين لكن بس بى كده نظرية ارسين فينجر حا تكون اتنسفت من اساسها نظرية المنافسة فى كرة القدم , باسماء تخلق داخل النادى دى انا نظرية بحترمها جدا تشافى وانيستا وبويول وبيدرو وبوسكيتس , اسماء من نفس مدرسة النظرية بتاعت المواهب لكن برشلونة درج على تطعيمهم كل سنة , بنجوم جاهزة تساهم فى حصد البطولات عشان كده قلت ليك لو فينجر ما كان ملتزم بالنظرية , فطريق البطولات حا يكون سااااهل حتى اسهل ليهو من ريال مدريد مثلا , عارف ليه لأنو الريال متبنى النظرية العكس نظرية فينجر مباشرة وبرضو ما قاعد يفوز بى بطولات ليهو مدة ارسنال يقارع اى فريق فى العالم قاطبة , ويظل ممسكا بفرص فوز متساوية معه على الأقل بس برشلونة استثناء , حتى اننى ازعم ان برشلونة تسبب فى ضعف المنافسة (فى الدورى الأسبانى ) ما اقوله ان فوز ارسنال ببطولات كبيرة بعد اضافة لاعبين جاهزين من سوق اللاعبين لن يشكل اضافة , لا لأرسنال ولا للكرة العالمية , ولكن الفوز بالبطولات ممكن دائما لمن ينافس عليها بشكل منتظم مثل ارسنال رغم انه يعتمد على المواهب الشابة ولكن هذا لا ينفى ان لأرسنال ومدربه مشاكل حتى فى اطار النظرية نفسها , وهذا ما يجب نقاشه والوصول فيه لحل
Quote: اتحدى اى واحد يعرف لى زهير قاصد شنو هنا Quote: ميار rfg
Post: #932 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-14-2011, 10:47 AM Parent: #930
على الفيس بوك يتواجد الشاعر الزقازيقي حسين شنقراي إبن كلية التجارة ومن مؤسسي حركة الآداب والفنون بالزقازيق
كلمات:حسين شنقراى
يا جميل يا زينة أجيالك سلامى إليك وإنت كيف حالك أبقى أطرانى وخلينى فى بالك ديمة ساطع نور يا الحلوة أفعالك ----------------- ما لقيت فى الكون تانى أمثالك ألقى زيك وين ياريتنى بى فالك ويا ليت آمالى لو تصبح آمالك كيف حظى يبسم لى زى ما الدنيا باسمالك ------------------- أدبك معاه جمال ديل هما رأسمالك ديمة شارق الناس وكايد إنت عزالك ليه رحلت بعيد خليتنا مالك وأصلى ما حبيت فى الدنيا قبالك
Post: #933 Title: Re: ناس الزقازيق ... أجدع ناس (4) .. Author: منصور عبد الرازق Date: 03-14-2011, 11:14 AM Parent: #932
نرحب بى حسين شنقراى , سينيرنا المبجل المقيم فى كندا على ردهات التواصل الزقازيقى , اينما كانت يا ريس ميسرة لكن حاتم جبارة ما خلى لينا جنبة نرقد عليها مع ارسنالنا ده عشان كده , زحوا لى منو عليكم الله , يمين الكوتش زاتو ما يحلنى منك يا اب صلعة انت يمين لو ما بنيتك السميحونة ديك يا حاتم , الأنا خاطبها لى احمد ولدى كان خليت طارق جبريل يدخلك فى بوست البواسير بتاعو , غصبا عنك وكمان تخش ما بى رجليك , تخش بى راسك (الدلجة ) ده تعرف يا حاتم , فعلا ارسن فينجر , مع انى بحترم احيازه لى نظرية المواهب الشابة بعض مرات كده بيرفع ضغطى لأنو طالما اصلا انت متمسك بالنظرية , وانت ضد اللاعب الجاهز المستورد فانت كمان لازم يكون عندك حد ادنى من مدد الأحتفاظ بمواهبك التى تتفتح فعلا هو ينجح فى صناعة نجوم شابة بشكل مستمر , ولكنه ينصاع بسرعة لقواعد السوق الأحترافية ولكن فى اتجاه واحد فقط , فهو يبيع دائما , ولكنه يشترى قليلا وبمواصفات عمرية محددة اى انه يشترى موهبة فى طور التكون , ويبيع نجما اكتمل تكوينه وبناؤه هنا بقت النظرية مجحفة فى حق ارسنال , وفى حق جمهوره حتى انك تجد ظاهرة منتشرة وسط جمهور ارسنال , لن تجدها فى جمهور اى فريق آخر فهم بالأضافة لتشجيع ارسنال الفريق , تجدهم يكنون للاعبى ارسنال المنتقلين لفرق اخرى , نفس الولاء القديم وكمان العكس صحيح , الا فى حالات نادرة , مثل حالة اديبايور مثلا , الذى لم ينصاع لقواعد نظرية فينجر , فتخلص منه فينجر ولم يحتفظ لهجمهور ارسنال بأى ود ولكن شفت معاى احتفاء الأرسناليين , بهنرى , وفييرا , وفلامينى , وحتى الود الصغير ادواردو البيلعب مع شاختار الروسى الآن شفت لمن ادواردو جاب فى ارسنال فى الأدوار التمهيدية يمين انا كنت ارسنال الجاب القون , ظاهرة ما طبيعية ابدا لكنها برضو ما متوازنة , ودى حس بيها فينجر السنة دى بس , لمن ابى يوافق على بيع فابريجاس للبرشا والغريبة انو فابريجاس بادله نفس الشعور لكن الشعور ده , بقى عامل بتاع ضغط لى فينجر وفابريجاس , وحتى لى جمهور ارسنال لمن جات ساعات الحصاد , ارسين فينجر لعب فابريجاس رغم عدم اكتمال جاهزيته فكان سببا مباشرا فى هزيمة ارسنال , دون ان اقصد عدم احقية برشلونة فى الفوز طبعا , حتى ولو لم يخطىء فابريقاس ذلك الخطأ وكمان كان الضغط على المدرب واللعيبة والجمهور , ظاهرا كمان فى كورة الكاس , مع انها مع بيرمنجهام , الفريق المتوسط المستوى وعملية ناس برشلونة العملوها فى ارسنال فى الكامب نو , شكلت ضغط جديد على ناس ارسنال فى مباراة اول امبارح قدام مانشستر ولن يتخلص الأرسناليون من توابع هذه الضغوط , الا بعد الفوز بأى بطولة , ان شاء كاس صفيح بعد داك , فارسنال يقارع اى فريق فى العالم , بنجومه الشابة عديمة الخبرة ولمن تنتهى العقدة دى , ويشيلوا من على انفسهم الضغط ده حا تشوف فريق غريب يا حاتم , ويومها كتير جدا من متابعى الكورة فى العالم , حتى ولو لم يكونوا ارسناليين سيحتفلوا بنظرية انتصار الموهبة , امام نظريات تجارة واستثمار كرة القدم واللاعبين السائدة وذلك فجر جديد ننتظره بصبر كامل , وايمان شديد
طبعاً أبو الجل طقطق ليكم ديدو أنا مافي دا!!!! أنا في النصائح القاعد يقدمها حاتم جبارة لي منص و بالمجان ومنص داقي طناااااش و تبريرات عاااااضة أنا لو في محل منص أمشي أشوف محل الفورميلا وين و أقعد أذاكر!!! بالنسبة للبتاع قوم يا ودجادين أدينا فاتحتنا!!!!
أولا.. بتنا الأموره ميار من المتفوقات إن شاء الكريم..
منص يا حبيبنا..أتفق معاك تماما فيما قلت.. لكن أعتقد أرسين بعد فرصه سنه كمان لازم يتغير لو ما فاز.. رغم إنو نظريه الإعتماد على الشباب وتنميتهم نظريه تمام.. إلا انو أرسين أخد فرصتو وزياده.. من الجنون إنو يواصل بي نفس طري قتو ويتوقع نتيجه أخرى.. والله كنت داير اتلايق فيك جنس لياقه شوايقه..
آخر معلوماتي عن حنين من شهرين إنو في سيريلانكا..
Post: #938 Title: Re: ناس الزقازيق ... أجدع ناس (4) .. Author: أحمد إسماعيل Date: 03-14-2011, 05:56 PM Parent: #937
ونهدي الزقازيقابي المرابط بالبوست (الواطين جمر البوست) هذه الأبيات
مثل الصباح إذا أطلا ؛؛؛ يجلو المناور والمحلا ويصـوغ مـن أفكارهـ ؛؛؛ وردا وريحانا وفــلا يهوى الحياة مراغما ؛؛؛ يطوي على الإبداع نيلا وتراهـ في عـليائه ،،، بدر السماء إذا تجلى يستقبل اليوم الجديد ؛؛؛ ببسمة العدل المولى في ناظريه صدى اليقين ؛؛؛ يشـع إشراقا وظــلا ويجـود من انفاســه ؛؛؛ روحا مكللة وعـلما يحنو على كل القلوب ؛؛؛ ويرتقي أدبـا وفضلا
نسأل الله التوفيق والنجاح الباهر لميار الزيناتي وللإبنة ضحى أحمد إسماعيل التي تمتحن شهادة أساس سودانية ، السفار بالرياض
Post: #939 Title: Re: ناس الزقازيق ... أجدع ناس (4) .. Author: أحمد إسماعيل Date: 03-14-2011, 06:08 PM Parent: #938
أخونا المبدع الفنان محمد عيد وبقية الزملاء يسأل عنكم الخير يا أهل الخير والخيرات والخيرين
Post: #940 Title: Re: ناس الزقازيق ... أجدع ناس (4) .. Author: محمد عيد Date: 03-14-2011, 10:46 PM Parent: #939
شكرا يا حلوين علي الامنيات ... ونتمني كذلك للابنة ضحي احمد اسماعيل ... التوفيق والنجاح ... ولو عارفين يا احمد عندك بت ممحتنة كان خلينا ميار تمتحن من بيت عمها احمد اسماعيل في الرياض ... لكن معليش ... ان الله مد في الايام بنجيكم في امتحان الشهادة الثانوية ...
Post: #944 Title: Re: ناس الزقازيق ... أجدع ناس (4) .. Author: محمد عيد Date: 03-15-2011, 08:38 AM Parent: #943
Quote: ضربة ركنية: يا جماعة ما تدخلو لي عمر ولدي معاكم في الأمنيات بتاعتكم دي!!!!!
انشاء الله يا عمر يا ولدى .. ربنا يهدى ابوكم
ويجيب ليكم اخوانكم التانين المشتتين فى الدمازين وكادوقلى ..
وتحققوا تمام الوحدة الطوعية ..
Post: #945 Title: Re: ناس الزقازيق ... أجدع ناس (4) .. Author: منصور عبد الرازق Date: 03-15-2011, 09:22 AM Parent: #944
قال كان عاوز يتلايق فينى ملايقة شوايقة قال ؟؟؟ يا محمد عيد , كيفن داير ناس عمر يعملوا وحدة طوعية مع بطان كادقلى وجبل مرة ؟؟؟ انت يا زول , ما تحاسب فى كلامك , الوثائق الزمن ده بقت تتطاقش ويكليكس قااااعد على الهبشة , يسجل سااااكت ابو ضحى المكنى باحمد اسماعيل المسمى ابو عمر زمااان نشتاق ليك وانت معانا ؟؟!!!معقولة ياخ , فى زول اسمه موسى عيسى كان دفعتكم زمااااان , بتعرفو ؟؟؟ ولا انا
***** البيسمع صوت حاتم جبارة فى التلفون , يقول لا عنده صلعة ولا حاجة طمنونا على حيدر حنين من العمارات البقت زى قطع الأسفنج ديك !!!
Post: #946 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-15-2011, 10:54 AM Parent: #945
يا حبايب حيدر حسن ميرغنى فى سيرلانكا منذ مدة
وهو و عائلته بخير متابعين ومستمتعين
زمان قلنا البوست ده بلم الناس هسه لابفينا نلملم فى ناس البوست زاتووو
Post: #947 Title: Re: ناس الزقازيق ... أجدع ناس (4) .. Author: جلال عثمان Date: 03-15-2011, 11:29 AM Parent: #946
Quote: يا حبايب حيدر حسن ميرغنى فى سيرلانكا منذ مدة
وهو و عائلته بخير متابعين ومستمتعين
الحمد لله البقو طيبين ... وما حضروا الكارثة دي
هذا مع التحية لناس البوست الما لامين فيهم
-------- ابوعمر ... حمدا لله على السلامة وربنا ينجح البنية ويوفقها ان شاء الله
حتى لا نكون من شباب الثورة (البوست) الموجودين وما موجودين
بالله يامنصور شوف شباب دي حلوه كيف،،
ايضا كل الامنيات لابنتنا النجيبة
ضــحى احمد اسماعيل
بالنجاح والتوفيق فى امتحان مرحلة الاساس
طارق ود بت أبو دية ،،،،،،
الإبن الصالح الذي يدعو إلى أمه
ندعوا لها أن تكون من أهل اليمين وأهل الجنة الميامين البرره
Post: #953 Title: Re: ناس الزقازيق ... أجدع ناس (4) .. Author: أحمد إسماعيل Date: 03-15-2011, 03:44 PM Parent: #952
ياجلا ضربة ركنية بس بتديك ضربة جزاء عديل عشان إن شاء الله قووون لعمر دعواتنا وأمنياتنا القلبية لعمر وعائلة أبو عمر بدوام الصحة والعافية والسعادة والتوفيق والنجاح. يا منصور زول محمد آدم الظاهر عاوده الحنين ، ما أصل الولف كتال ، يانقنعوا يعمل ريوس يا نعمل ليه كشف ويستغنى عن الجهجه دي ، وإن شاء الله نحن نبل راسنا بعده نسأل الله للحاجة بت أبو دية الرحمة وأن يستبدل كل سيئاتها حسنات ويدخلها الجنة مع الصالحات والمحسنات ، ونسأله جلا وعلا أن يرحم جميع موتانا أجمعين وأن يحسن حالنا واحوالنا في الدنيا والآخرة يا أبو ميار كان يكون لنا عظيم الشرف بإستضافة بنتنا ميار والتي أكيد حتفيد ضحى وحتستفيد منها نسأل الله لهما النجاح المشرف. جزيل الشكر للاخوة منصور ومحمد عيد وجلا وجلال وميسرة والأخ حاتم إن شاء الله عمي جبارة مستأنسن نتمنى له الصحة والعافية والسرور وأن تتهنوا ببعض. وأضا نشكر الجميع على الدعاء الطيب للممتحنات.
صبحكم الله بالخير نسأل التوفيق و السداد لميار و ضحى... و الرحمة و المغفرة للوالدة عاشة أبو دية...
أصبح العالم قرية صغيرة و مخيفة بفعل ثورة الاتصالات... فالمعلومات و الأخبار تصلك من كل أنحاء العالم في نفس لحظة وقوعها... و لكنها تجعل من العالم قرية مخيفة أيضا في نفس الوقت... فما أن تفتح تلفازك و على أي قناة تصفعك مشاهد الموت و الدمار... مشاهد الزلازل و البراكين و السونامي و الانفجارات النووية... رائحة الدم و البارود تكاد تستنشقها من خلال الشاشات... كثيرا ما يبتدر مذيع النشرة بأن علي أصحاب القلوب الضعيفة الامتناع عن المشاهدة... و لكن التلفزيون أصبح يستهدف كل حواسنا حتى الشم و التذوق و اللمس... وليس فقط حاستي السمع و البصر... في السابق كانت تحدث الكثير من الكوارث و الحروب... و ربما كانت أكثر قوة و تدميرا مما هي عليه الآن... و لكن لم تكن تتوفر وسائل الاتصال المتاحة الان.. ولذلك كنا نشعر بأن العالم كان آمنا و الحياة ممتعة و جميلة...
وتقاعس العالم الغربي عن حماية المدنين المغلوبين على أمرهم
والدمار الذي حل بالعالم ،،،، صرت لصيق بالشاشة لدرجة أولادي
يبحثوا عني حتى بوست ناس الزقازيق صار يسأل عني ليلاً ،،،،
طلعت بقرارات ،،،
- سوف أفارق هذه القنوات التي تجلب الدمار وحبس الأنفس - العودة للبوست ليلاً وتحت أي ظرف - عودة الإتصال الهاتفي بكافة الزملاء - مشاهدة كرة القدم ومجاراة منصور والرشيد وحاتم جبارة - مشاهدة قناة الحيوانات والطبيعة - الإستمتاع بكتابات منصور وود جبرين وود الزناتي والرشيد ولمن فاتهم الإستماع - تنشيط الذاكرة ؟؟؟؟؟!!!محمد عيد شوال الكركم خلص
يا سلام عليك يا ريس علي هذه المبادرة ... وعقبال كل الطيور المهاجرة تعود الي البوست ..انا ملاحظ ان حركة البوست تتناسب عكسياًمع حركة المنبر ... الايام دي المنبر هادئ ... لذا اتوقع نشاط في هذا البوست ... يا جماعة العنده حاجة مع موسي عيسي ده يخلصها سريع سريع ... شايف الراجل مطلع اعلان في الفيس بوك بهذا المعني ... يتخيل لي قال مسافر ولا حاجة زي ... غايتو قلنا نديكم الخبر ...
Post: #961 Title: Re: ناس الزقازيق ... أجدع ناس (4) .. Author: محمد عيد Date: 03-16-2011, 03:29 PM Parent: #960
قرارات السيد الرئيس
بيـــان رقم واحد
Quote: - سوف أفارق هذه القنوات التي تجلب الدمار وحبس الأنفس - العودة للبوست ليلاً وتحت أي ظرف - عودة الإتصال الهاتفي بكافة الزملاء - مشاهدة كرة القدم ومجاراة منصور والرشيد وحاتم جبارة - مشاهدة قناة الحيوانات والطبيعة - الإستمتاع بكتابات منصور وود جبرين وود الزناتي والرشيد ولمن فاتهم الإستماع - تنشيط الذاكرة ؟؟؟؟؟!!!محمد عيد شوال الكركم خلص
- تمت مراحعة البوست في وردية الليل - تمت الدردشة الهاتفية مع زهير الزناتي برفقة منى يونس وإبتهاج نآآآآيما - على جميع وحدات وردية الليل العودة إلى سكناتها وممارسة مهامها القديمة - مراقبة مربع كاي بعد أن تم فض دوار اللؤلؤة - عودة بنات الشيخ الضاللات الطريق إلى البوست. - إنشاء محاكم عسكرية للتايهين عن البوست أمثال الفي بالي وبالك
أهديكم أغنية الوكر المهجور كلمات الشاعر حسين بازرعة
غناء سيد الطرب (سيد البلد) الفنان الراحل عثمان حسين
::::::::::::::
كانت لنا أيام في قلبي ذكراها ما زلت أطراها يا ليتنا عدنا .. أو عادت الأيام ****** إن أنسى ما أنسى ذكراك يا سلمى في وكرنا المهجور والصمت قد عم تحلو لنا الشكوى والحب والنجوى لن أنسى نجواكي والهمسة والبسمة وحرارة الأنفاس في قبلتي لما ضمتك يمنايا يا سعد دنياي وغفوتي في صدري نشوانة بالأحلام **** كيف أنسى أيامي وفكرتي الكبرى يا وحي إلهامي أنا عمت بالذكرى ذكرى لياليكي في خدر واديكي الليل أهواه في شعرك الناعم لكن تباعدنا دهرا وما عدنا للوكر يا سلمى أو عادت الأيام
نشكر الريس والسيدة الاولي علي هذه المحادثة اللطيفة ... ونشكر الريس ايضاعلي اهتمامه بالبوست ...ونتمني ان يستمع الجميع لمناشدته بالعودة خاصة بنات الشيخ ...
Post: #967 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-17-2011, 05:57 AM Parent: #966
. انا جيتكم بموضوع للنقاش: قبل يومين وجدت ملحوظة بدفتر الملاحظات – Daily Note Book - لابني عمار - 8 سنوات – Grade 4 بأنه تسبب في مشكلة بالمدرسة وتطلب مني مدرسة الفصل – Class Teacher - الاتصال بها للمناقشة ... وبعد الاتصال بالمدرسة ومعرفة تفاصيل المشكلة. جلست مع عمار ابني لعرفة المشكلة بمفهومه ... فقال لي: في فسحة الفطور - Lunch Break- وإثناء تناوله وجبه الفطور جاء طالب – سمي اسمه – ضرب يدي فوقع صندوق العصير في الأرض دون خسائر بالعصير لأنه لم يفتح الصندوق بعد ... فقام ابني البطل بأخذ صندوق الأكل - Lunch Box- بناع الطالب ورماه في الزبالة، فذهب الطالب مهروا وباكيا للاستعانة بأخته في الصف السادس، والتي أتت هي الأخرى إلى الفصل لنجدته والدفاع عن اخيها، وبما أن الفترة هي " فسحة الفطور" جاءت أخت الطالب ومعها الـ - Lunch Box – بتاعا فما ... كان من ابننا الهمام الا واخذ صندوقها ورماه بشباك الفصل – والفصل بالطابق الثالث – فوقع بالساحة الرئيسية بالمدرسة - فلكم أن تتخيلو الهرج والمرج الذي حدث بالمدرسة بعدها. وعرفت من مدرسة الفصل أن هذا الطالب من الطلبة الهادين جدا وغير مشاغب وهذا الكلام أكده عمار ابني أيضا ... مما تيقنت أن الطالب لم يقصد الإضاحه بعصير ابني، وكان الحادث صدفه، وردود فعل عمار كانت مبالغة ... بعد أن أدينا عمار محاضرة طويلة عن الأخلاق وحسن التعامل مع الزملاء وخاصة الطلبة المساكين وغير المشاغبين .... وان ليس كل الإحداث مقصوده ويجب أن يميز بين الفعل المقصود والعفوي ، مع إعطاءه أمثله وافيه. قلنا نختم المحاضرة بعظة وعبره وشيء من الحكمة: فقلت له منهي الحديث يا عمار ما تكون زول "حقار" و " تحقر" بالطلبة المساكين والهادئين... وعليك الله احترام المدرسة الإنت فيها وخلى تصرفاتك محترمة ... وكمان في نفس الوقت ما تكون ولد مسكين و" طروره" وخاصة مع الطلبة المشاغبين عشان ما " يحقرو" بيك ..... وبعد مدة جاني راجع مبتسما ... وقال لي: انت يا بابا – طراد وحقره حرقور يعني شنو ... عرفتو قاصد – طروره وحقار ... ويحقرو بيك ... وحاولنا نعيد الكلام باستخدام كل اللهجات الخليجية والشاميه والمصريه ... والهندي عربي... بس والله حسيت أن المعني القاصدو ما وصل – زى ما كان حيصل ليهو لو كان عارف معني كلمة حقار .... وطروره ... وتذكرت حينها ريسنا ميسرة ومعاناته مع بنته مشكاة في معاني الشروق والنجوم والتي كانت جزء من حياتنا ولا تحتاج لشرح ... وكذلك بنات حاتم جبارة في الاجازة ... وبت كمال الشادي مع رمضان جانا ... وابناء رشيد القوم واصدقائهم مع كلمة البنبر .....
========================================= واحدة تانية سريعة ... مرة بعد رجوعي من الشغل وجدت أحمد ابني بهدوم المدرسة ... لسه ما غير ولبس هدوم البيت .... ولا شعوريا قلت له بحده: امشي " أملص" هدومك ديل وألبس هدوم البيت .... جاني بعد فتره وهو يضحك ... انت قلت شنو يابابا ... تقولو لي مدار بت منصور بتفهم سوداني ....
المداخلة دي بعد دعوة الريس ميسرة للجهاد ... ضد الانقطاع عن البوست ....
يا سلام يا ناس يعني عملتوا لبكري قصة بعيد من العين بعيد من القلب .... والله بالغته الراجل لازم يزعل ... خاصة من ناس الشرقية الشافوا كل شئ بعينهم وسمعوه باضانهم ...
نجيلة القصة لذيذة... قريتها بتمعن .. طبعا الجمرة بتحرق الواطيها ... طبعا نحن واطنها بس بجزمة بس ما حفيانيين ... المهم القصة لها ركنين هامين .... الاول حول تعامل الابناء مع اقرانهم في المدرسة .... والثانية حول اللهجة السودانية ومعرفتها بالنسبة لاولاد المغتربين ... او الجيل الحالي عموماً .... لانه حتي في السودان الجيل الحالي في كلمات كتيرة بتروح عليه ... والمصريين قالوا كل زمن وليه آدان..
Post: #974 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-17-2011, 09:13 AM Parent: #973
يا نجيلة ما سمعت ببنت المغتربين المشت تقرأ الجامعة فى السودان اهلها بسألوها تعرفى ده وتعرفى ده ... ايوا ... ولا وتعرفى العـــتود ... قالت ليهم لا ما بعرفو .. لكين هو قال ليكم بعرفنى !
امى فى اجازتها دى معانا شابكة عناب .. قنبــى هنا جمبى ولما تكح ( كــر ) يقح عدوكى الشغالة زاتا بقت تقول ( كــر )
Quote: ونتمني ان يستمع الجميع لمناشدته بالعودة خاصة بنات الشيخ ...
سمعاوطاعا ياريس
اسجل نفسى ضمن وردية الليل
الدعوة عامة
Post: #976 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-17-2011, 11:44 AM Parent: #975
صباح الخير ،،، يا وجوه الخير
الحمد لله الإستجابة عالية والمد زاحف
Quote: وتعرفى العـــتود ... قالت ليهم لا ما بعرفو .. لكين هو قال ليكم بعرفنى !
بمناسبة قصة ولد ياسر نجيلة ، عندي محسنة ما بتقبل الحقارة كانت مشتركة في بص المدرسة زمان وفي بنت هندية أكبر منها بكتير تسحب محسنة من شعرها وتعمل نايمه محسنة كشف البنت ولأن البنت كبيرة عضت ليه البنت بحرقة وتبكي ورفضت تفكها حتى سال الدم والصراخ داخل البص والغلبة كانت لمحسنة لأن خروج الدم غير كفت ميزان المعركة والبنت أهلها ذهبوا بها إلى المستشفى واليوم التاني كان إستدعاؤناإلى إدرة المدرسة ومن ذلك اليوم تركنا مسألة التوصيل بباص المدرسة. =========================== يا عبدالدائم الأولاد سألوا عن ما هو العتود الكتبوا عمو عبدالدائم شرحنا لهم ده ود الغنماية ماهي الغنماية هي المعزة وطيب وبت الغنماية إسمهاشنو ( السخلة)
جيب لينا خبر البادي وكمال الشادي يا أبوالزوز سريع..
فاتتنا إنتفاضه الريس وقراراته.. وونسه الليل.. وتساؤلات جلا.. والنضيف أنانيا 2.. كر عليهو من التمرد.. وأبوالدقيق.. عمار نجيله.. معقوله بس يا ياسر.. ياخي طروره دي أنا زاتي ما بعرفها..
والله الأطفال متعه.. قبل كم سنه.. رانيا بتي عمر خمسه سته.. قلنا ليها يا شاطره لو كنت مهذبه بنعمل ليك مفاجأه.. البت دي إتمحركت جاي جاي.. وقدر ما شاغلتها عشان تنسى وتعمل شغب.. أبت كلو كلو.. ياللا بالمسا.. قلت ليها إنتي بت كبيره ومهذبه.. أنا مبسوط منك خالص.. حأقوم أكلم أمك تضرب ليك منكير في يدك.. فعلا حصل.. رانيا دي داير تطير بالفرح.. تقوم تجيب يدها كدا قدام أختها.. I love my fingernail polish.. تمشي وتجيها تاني.. I love my fingernail polish.. نظام إغاظه وكدا.. جات باليل كدا لسع مبسوطه.. تبوس وتحضن فوقي.. Thank you daddy, you're the best... etc خلاص كفايه قلت ليها.. it's bed time ضامه يدها كدا تعاين في المنكير في أصابعينا.. قلبت لي عيونها معاها صره حواجب وقالت لي بي فلسفه.. I'm not sleepy.. specially my fingernail polish..
تحت تحت.. قالو بكوري هو المدور الشغب زاتو..
Post: #980 Title: Re: ناس الزقازيق ... أجدع ناس (4) .. Author: محمد عيد Date: 03-17-2011, 08:45 PM Parent: #979
Quote: تحت تحت.. قالو بكوري هو المدور الشغب زاتو..
تعرف ياود عيد. كان عندنا شله حلوه جدا آخر أيامنا في الزقازيق.. فيها الوجيه بكوري والرجل الحلو أحمد عمر.. وعروه علي موسى ومجتبى فاروق وناصر جبريلا.. وآخرون.. أحمد عمر كان عندو خالو ساكن روكسي.. كل مره بيمشي يرطب عندو.. تقول ليهو كيف بالله روكسي.. يقوم يتجدع كدا ويقول ليك.. يا سلام ياخ.. روكسي عشقي.. والله لمن الواحد جلدو يفور.. خالو دا قام سافر الحج.. تعال شوف.. الشله كلها اتجدعت ليك في شقتو.. وبقينا مواطنين عديييل في روكسي.. مره راجعين بالليل على شقه الخال.. مفلسين وداقين الكدر.. مع الونسات والضحك.. بكوري وأحمد عمر بقوا ورانا بي مسافه.. لمن إختفوا.. وصلنا وقعدنا مسافه يمكن قريب ساعتين.. ما ظهروا.. بعد ساعه تاني او أكتر جوا داخلين.. عرقانين زي الراشينهم بي خرطوش.. الجماعه رايحين كانوا.. بكوري من الدبرسه داير يطرشق.. عروه قال ليهو مالك يا بكوري؟ قال ليهو ياخي دا عامل فيها حافظها.. شابكنا روكسي عشقي روكسي عشقي.. لمن مرقنا في مدينه نصر..
Post: #982 Title: Re: ناس الزقازيق ... أجدع ناس (4) .. Author: محمد عيد Date: 03-18-2011, 00:29 AM Parent: #981
والله يا ود جباره ذكرتنى بأخونا الحبيب وود دفعتنا .. مجدى عبد الله على صالح
وهو زيك والدته الحاجة صديقة - الله يرحمها - كانت من مصر الشقيقة وبالتالى كان عندهم ارتباط شديد بمصر
وكان عندهم شــقه فاخرة جدا فى المعادى الجديده .. كنا كلما نزلنا القاهرة بنمشى نرطب فيها خاصة ايام اجازة نص السنة
وايام معرض الكتاب الدولى منتصف يناير ...
اها طبعا مجدى برضو عامل فيها انو مجضــّم القاهرة تمام .. وكل مرة يسوقنا ليك فى جولات ترفيهية وسياحية
مرة يا زول كنا فى الدقى فى زيارة لجماعة اصحابنا ... وكنا عاوزين نرجع المعادى الجديده ..
وكنا متعودين نركب ميكروباص من رمسيس بيودى طوالى لى هناك . لكن صاحبنا أصر اننا ما لازم نرجع رمسيس ونركب
المهم بقينا كل شوية نركب اتوبيس ونسأل ... يقولوا لينا انزلوا هنا واركبوا اتوبيس رقم xxxxxx وننزل ونلقى الفجــة ما ياها
تابعت باستمتاع حضوركم الظريف استجابة لدعوة الريس ميسرة... و حكاويكم الممتعة عن البذورة (العيال)... و عدم حضوري كان بسبب مشاكل تقنية في الانترنت عندنا بالسلع... و ليس عدم استجابة لدعوة الريس... لذلك أدعو الجميع للاستجابة و الحضور الزاهي و الأنيق... فان تحسنت الأحوال عندنا شاركناكم و ان لم تتحسن استمتعنا بحضوركم...
Quote: يبدأ تجميع القوات فى السادسة صباحا بتوقيت قناة الجزيرة ويستمر حتى مرور مواكب المقاتلين المتجهة من السلع الى ابو ظبى
حمادة الصديق... و الله عندنا مشكلة في سرعة الانترنت في السلع لا تغرف أسبابها... هل هي من الموديوم أم من شيء آخر... و المداخلة الواحدة تأخذ مني وقتا طويلا جدا لا أملكه... عند حضوري الى أبو ظبي لا مشكلة في النت و لكن المشكلة في الوقت...
Post: #984 Title: Re: ناس الزقازيق ... أجدع ناس (4) .. Author: محمد عيد Date: 03-18-2011, 11:55 AM Parent: #983
جمعة مباركــــة
Post: #985 Title: Re: ناس الزقازيق ... أجدع ناس (4) .. Author: محمد عيد Date: 03-18-2011, 12:07 PM Parent: #984
Quote: و الله عندنا مشكلة في سرعة الانترنت في السلع لا تغرف أسبابها... هل هي من الموديوم أم من شيء آخر... و المداخلة الواحدة تأخذ مني وقتا طويلا جدا لا أملكه... عند حضوري الى أبو ظبي لا مشكلة في النت و لكن المشكلة في الوقت...
رشيد الحبيب ...
جمعة مباركة عليك وعلى اسرتك الجميلة
عندما خصصنا بداية تحرك القوات من الســــلع الى ابو ظبى ..انما قصدنا استنهاض
القوى الكبرى فى هذا البوست ومحركاته الاساسية التى تسهم بالحق فى دفع بقية المحركات
وانا ادرك تماما انه لولا تلك المشكلات التقنية فى السلع ( التى لا نعرف سبب تسميتها حتى الان )
كل الامنيات للاخت سامية اسماعيل وهي ... تدخل غرفة العمليات بعد ساعات ... لاجراء عملية استئصال ورم .... نسال الله لها الشفاء كل دعواتنا معها والعزيز عادل الجعلي ....
Sweet sixteen ياخوانا ما تشوفوا لينا معاكم فرقه في الخليج.. إن شاءالله في البحرين.. قولوا لي ليه.. امبارح (17 مارس) كان عيد ميلاد ساره بتي.. قبل اسبوعين بدت تتمحرك.. قالت دايره تحتفل.. إستغربت شديد.. ما من عادتها تقول دايره إحتفال.. لينا كم سنه نسألها دايره تحتفلي؟ تقول لأ.. قلت ليها مالك يا ساره السنه دي؟ ما كل مره بتقولي ما دايره.. قالت لي.. But daddy you don't understand طيب فهميني.. It's my sweet sixteen.. نعم؟ في الحقيقه إرتبكت.. طيب يعني شنو؟ It's different... إيه الفرق؟ بعدين إنتي عارفه نحن ما عندنا عادات الأمريكان.. It's not because I'm American or anything... أها سامعك.. When anyone asks me my age.. I say fifteen I feel like I'm still a little kid... When I'm sixteen.. It's a milestone.. I will feel like a grown up.. لا بالله.. خلاص يعني عقلتي؟ Yes.. absolutely.. إذن حان وقت العرس.. نمشي السودان نشوف ليك عريس.. Come on daddy.. don't be silly.. why go all the way to Sudan? Plenty of grooms available here... يا بت ال ك#####.. مسيخه زي أهل أمك..
Post: #996 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-19-2011, 06:26 AM Parent: #995
صباح الخير ،،، يا وجوه الخير
أصبحنا وأصبح الملك لله وحده ،،،
كامل الشفاء للأخت سامية إسماعيل
وللأخ/ عادل الجعلي والأسرة ،،،،
تم تأجيل العملية لصباح يوم الأحد
لوجود عطلة اليوم السبت بالمملكة العربية السعودية
====================================
عزاري كل سنة وأنتي طيبة وعقبال مائة شمعة يا رب
سارة حاتم جبارة كل عام وإنتي بخير ونحتفل معاك كمان
في الـ seventeen عقبال الشمعة المائة.
نحند الله عادت إلينا كثير من الطيور المهاجرة
وعلى رأسها الريس الكبير معتصم وعقبال ناس موسى عيسي
اتصلت علي الاخت سامية اسماعيل وهي بروح معنوية عالية جداً ... وتغري الجميع تحياتها دون فرز ... ودعواتنا معها والاخ عادل الجعلي ... تلفون سامية 0566266919
Post: #998 Title: Re: ناس الزقازيق ... أجدع ناس (4) .. Author: جلال عثمان Date: 03-19-2011, 09:11 AM Parent: #997
خالص الامنيات للزميلة العزيزة سامية بالشفاء العاجل ونسأل الله ان يمن عليها بالشفاء ويدثرها بثوب الصحة والعافية ... وربنا يطمنكم عليها اخي عادل الجعلي ويردها لكم ووليداتها وهي في اتم صحة. --------
وعزارى الحي كل سنة وانت طيبة وعقبال كل العمر يارب وان شاء الله تشوفها عروس يا عبدالدائم --------
Post: #1003 Title: Re: ناس الزقازيق ... أجدع ناس (4) .. Author: عمر المهدى Date: 03-19-2011, 09:57 AM Parent: #999
الامنيات الطيبه للجميع نحن والله اتعودنا علي الوجبات السريعه وطولنا من الوجبات العائليه ربنا يديم الالفه بيننا الفيس بوك اخذ الناس شويه لكن هنا غير
Post: #1000 Title: Re: ناس الزقازيق ... أجدع ناس (4) .. Author: منصور عبد الرازق Date: 03-19-2011, 09:41 AM Parent: #997
ده شنو يا جماعة عينى (شديدة البرودة ) عليكم يا احباب اشمعنى يعنى انتفاضات الرؤساء بس , القاعد تنجح عارفين , شكلكم كده , (قمركم ) , لف ورجع مكانه دورتكم الشمسية , رجعت لى مركزها تانى سلامات لى امانى اسماعيل وما تشوف شر ان شاء الله بكور مشتاقين ليهو , لمن متلومين والبادى النور , نصرف ليهو من نفس مكنة بكور عذارى ,عقبال تطفى الشمعة المية محسنة ميسرة , استمتعت بالكلام معاك , يا اميرة انتى ضحى وميار ,الأمنيات ليكم , ان تجضموا الأمتحانات , زى ما (ابواتكم ) مجضمين الدفاتر والحسابات وما سكينها (لمن ما قادرة تتنفس ) (بس للأسف فى حاجات كتيييييرة تانية ما قادرين يمسكوها ) الرشيد بابكر , غير التردد بتاعك فى السلع , وامشى على الهوتبيرد , 11717 , 27500 معدل تصحيح الخطا , سبعتاشر على تمنتاشر , وما تنسى تغير الباسويرد بتاعتك القديمة دى , حاتلقى التحميل عندك , بقى اسرع من جون بولت يا محمدعيد , بالله انت ومجدى كنتو بتمشى العادى , قدر ما حنستو ابى لى , اوعى تقول لى كان معاكم عبده مضوى , زول بايت فى المعادى , البيوديهو يهابش فى اتوبسات الدراسة والف مسكن شنو ؟؟!!برالمة دايشين جنس دوش !!! ياسر نجيلة وحاتم جبارة , يتم تعيينهم , فى مجلس قيادة الثورة الجديدة , فى منصب مستشارين للريس , لشئون الأسرة جابو لى مواضيع مبالغة ياخ , جاييكم يا حلوين عشان الحق اقلع منصب فى (الحكومة الجديدة دى )
* معتصم سلمان جعفر ,هسى يعنى شنقراى البرلمنى ده , انت سنير عليهو ؟؟؟؟ معنى كده انت ما فى زول سنير عليك , الا طلبة عويضة !!! مشتاقين يا راجل يا امير
Post: #1001 Title: Re: ناس الزقازيق ... أجدع ناس (4) .. Author: محمد عيد Date: 03-19-2011, 09:53 AM Parent: #1000
Quote: سلامات لى امانى اسماعيل وما تشوف شر ان شاء الله
يا منص جضيم ابهاتن ده خلو ... حمدو في بطنو ... مافي زول شايفه ... اهو الناس سامعين بيهو من زي كلامك ده ... لكن شوف زي البشتنة دي ... عليك الله يا رشيد ومحمد عيد الزول ده ودودهو الضل .... حالة صعبة ... يمين دي فايتة موضوع الجكة بهناك ... اني آمني بهرشة دوت كوم
من وعينا أنا واخواتي.. يوم 15 مارس دا يوم احتفال وتقدير للحاجه.. كانت بتفرح بي اهتمامنا بي عيدميلادها شده الفرح.. وتعاتبنا لو واحد فينا نسي يقول ليها كل سنه وانتي طيبه.. "يا وله انت عندك كم أم.." "معليش يا ماما.. كل سنه وانتي طيبه.. الله يخليكي لينا.." "أيوه كدا اتعدل.." "أديني راسك أبوسها.." "يا وله بطل شغل الخمس ورقات.."
الحاجه كانت من ما تصحي في عيدالأم.. تدور أغنيه ست الحبايب بي صوت فائزه أحمد.. تتذكر أمها وهاك يا بكاء.. عيد الام بقي كل سنه بيجيني بدري.. يوم 15 تحديدا.. تشاء الظروف.. اني أواصل في خطاها..
التحيه ليك يا ست الحبايب في أعيادك..
ست الحبايب ياحبيبة يا اغلى من روحي ودمي يــــاحنينة وكلك طيبة يــارب يخليكي يا أمي يا ست الحبايب ياحبيبة *** زمان سهرتي وتعبتي وشلتي من عمري ليالي ولـــسه برضه دلوقتي بتحملي الهم بــدالي انام وتسهري وتباتي تفكري وتصحي من الآدان وتيجي تشقري يارب يخليكي يا أمي يا ست الحبايب ياحبيبة *** تعيشي لي ياحبيبتي يا أمي ويدوم لي رضاكي أنا روحي من روحك انت وعايشة من سر دعاكي بتحسي بفرحتي قبل الهنا بسنة وتحسي بشكوتي من قبل ماأحس أنا يارب يخليك ياأمي يا ست الحبايب ياحبيبة *** لو عشت طول عمري أوفي جمايلك الغاليه علي أجيب منين عمر يكفي وألاقي فين أغلى هدية نور عيني ومهجتي وحياتي ودنيتي لو ترضي تقبليهم دول هم هديتي يارب يخليكي ياأمي يا ست الحبايب ياحبيبة
صادق الدعوات والامنيات بالشفاء للاخت العزيزة سامية اسماعيل اللهم رب الناس اذهب الباس ، اشف انت الشافى لا شفاء الا شفاؤك شفاء لا يغادر سقما
مليون شمعة لبتنا ... عزاري وتمنياتنا لها بعمر مديد لها ولأختها وأمها وأبيها ....
Quote: إذن حان وقت العرس.. نمشي السودان نشوف ليك عريس.. Come on daddy.. don't be silly.. why go all the way to Sudan? Plenty of grooms available here... يا بت ال ك#####.. مسيخه زي أهل أمك..
ود جبارة ... والله انت عايش افلام .... رهيبة بهناك ... ضحكتنا من الصباح ... بالله عليك الله ماتكون حقار مع اولادك ... كما اتمني ان لا تكون طرورة امام بت الشيخ .... اهنيك ... تسنامي جايك ... وحتبقي جد ... قريبا جدا ...
========================================
كنت منتظر ان يلعب فريق الأحمر الوهاج بثوبة الجديد مباراة دولية بعد ان شاهدته يلعب داخليا ... وقد تم له بالأمس ذلك ... انتر كلوب الانغولي .... وفاز ... ولم يخيب ظني ...
وأقولها الآن صراحة ... من يريد أن يقابل فريق المريخ عليه آن يستعد لملاقاة فريقين في آن واحد ... فريق المريخ .... وعصام الحضري ... هدفنا الكاسات السنة دي ... وبذكركم ... ان ربنا مد في عمرنا الدوري ... والسودان ... والأبطال ان شاء الله ....
انا شخصيا لو الوصيف فاز اليوم .... بكرة من الصباح ... ح ابارك ليكم ...
Post: #1014 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-20-2011, 06:25 AM Parent: #1013
صباح الخير ،،، يا وجوه الخير
أصبحنا وأصبح الملك لله وحده ،،،
اللهم رب الناس اذهب الباس اشف انت الشافى لا شفاء الا شفاؤك شفاء لا يغادر سقما
تستعد الأخت / سامية إسماعيل للدخول إلى غرفة العمليات في تمام الساعة الثانية ظهر اليوم ،،،، ندعوا لها جميعنا بالشفاء العاجل والعودة إلى أبنائها سالمة غانمة بإذنه تعالى
Post: #1015 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-20-2011, 06:42 AM Parent: #1014
اللهم رب الناس أذهب البأس عن زميلتنا و أختنا / سامية أسماعيل و أشفها يا الله شفاءاً تاماً ..
اللهم خذ بيدها إلى كمال الصحة و العافية ..
و ألف .. الف سلامة يا سامية و عادل و أسرتكم الكريمة و ربنا يحفظكم جميعاً بحفظه ..
ــ
و ألف مليون مبروك عيد ميلاد عذارى و ربنا يحفظها و أختها و والدينهم و إن شاء الله عقبال ألف شمعة .. و شكراً يا محسنة يا رائعة على هذه الصور الحلوووووة و ربي يحفظكم كوووولكم بحفظه ..
ـ و يا عبدالدائم تاني أوعة تعمل حركة يوم الخميس كويس !!
Post: #1019 Title: Re: ناس الزقازيق ... أجدع ناس (4) .. Author: محمد عيد Date: 03-20-2011, 05:50 PM Parent: #1018
بحمد الله غادرت الاخت سامية اسماعيل غرفة العمليات ..
بعد تكلل العملية الجراحية بالنجاح بحمد الله ..
وهى الآن فى حالة صحية ومعنوية طيبة ...
ولسانها يلهج بحمد الله وشكركم جميعا على احاطتها بالدعوات الصالحات ...
وكذلك العزيز ود الجعلى الذى تهدج صوته بالشكر لله ولقبيلة الزقازيقاب ..
نسأل الله ان يوالى اختنا العزيزه سامية بالعافية وان يتمم شفاءها
كنا في زيارة للغرفة رقم 120 الدور الخامس حيث ترقد سامية إسماعيل بمستشفى الجامعة بجدة ونحمد الله بأنها تجاوزت المرحلة الحرجة وننماثل للشفاء وتشكر الجميع على إهتمامهم وسؤالهم الدائم عنها
سلام يا ناس وردية الليل .
Post: #1021 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-21-2011, 06:16 AM Parent: #1020
Quote: و يا عبدالدائم تاني أوعة تعمل حركة يوم الخميس كويس !!
عصام دهب بقيت حـرامى عربيات على اخر عمرك كمان
يوم الخميس وقفت عربيتى ( مــدورة ) قدام احد المحلات ببنى مالك لما طلعت من المحل بعد 5 دقايق لقيت العربية مافى سألت راجل كبير قاعد امام المحل وين العربية الكانت هنا قال لى انت ما عارف المكان ده كلو حرامية ، ركب فيها واحد وكسح بيها
الناس اتلمت يا زول بلغ الشرطة ، وانت كيف تخليها ( مدورة ) وانت وما انت ...الخ
فى لحظة طلعت الجوال وعملتــ 99 لسه ما تميت الـ 9 التالتة جاء اخونا عصام يضحك وشايل المفتاح ، لما شاف الناس خاف واتهجم .. قال لى قبضا ليك الحرامى ...
رغم زعلنى الا انو اشترى لى كيلو باسطة ولحمة سواكنى وعيش سودانى بـ 3 ريال
ألف حمدلله على سلامة بتنا سامية اسماعيل ... نسأل لها الشفاء التاااااام
=================================== ألف مبروك لاولادنا الهلالاب ... الفوز المستحق ونتمني التفوق والفوز للجميع ...وتكلملة المشوار للنهاية
===================================== عبد الدايم لما يكون في عيد ميلاد لبناتك ارجوك احلق اللحية بتاعتك .... ديل بنات .... ياخي
Post: #1028 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-21-2011, 08:30 AM Parent: #1022
صباح الخير ،،، يا وجوه الخير
أصبحنا وأصبح الملك لله وحده ،،،
دعاء الصباح :- اللهم إنا نسألك زيادة في الأيمان. وبركة في العمر .. وصحة في الجسد .. وسعة في الرزق .. وتوبة قبل الموت .. وشهادة عند الموت .. ومغفرة بعد الموت .. وعفواً عند الحساب ...
صبحكم الله بالخير اذا هبت رياحك فأغتنمها فبعد كل عاصفة سكون... أغتنم فرصة التحسن النوعي في سرعة النت للتواصل معكم...
سعدت مساء البارحة بالتحدث الى ود الجعلي و سامية اسماعيل... أعجبتني الروح العالية لكليهما و التوكل و التعامل بشجاعة مع المرض... تحدثت مطولا الى سامية وربما تكون هذه المرة الأولى التي أتحدث اليها... صوت سامية و طريقتها في الكلام ذكرتني بالأخت و الصديقة هويدا أحمد عوض الكريم.. سامية اسماعيل دي شيخه عديل كده..لم أقابل أحد بهذه الروح في مثل هكذا ظروف... ثم تحدثت بعد ذلك الى ود الجعلي الذي اجتهد في أن يتعرف علي من صوتي... فلم تسعفة الذاكرة و لا الظروف و الأحداث الكثيرة في اليوم... حتى أخبرته من أنا فقال لي كيف نجاة ليؤكد لي انه عرفني جيدا... سعدت لسماع ضحكات ود الجعلي و سامية الأمر الذي طمأنني كثيرا عليهما... نسأل الله لها تمام العافية و دوام العافية...
سعدت كثيرا لفوز أبو الهل مساء البارحة فنمت بعدها نوم قرير العين هانيها... في بداية المباراة خفت أن يفسد الهلال ليلتي... أو بالأحرى خفت أن يفسد ميشو ليلتي و لكن الله ستر... بالرغم من النهاية السعيدة الا أن الهلال يحتاج الى اعادة ترتيب....
و ألف حمداً و شكراً لله على سلامة أختنا الفاضلة / سامية إسماعيل .. و أجر و عافية إن شاء الله و التهانئ بالسلامة موصولة لحبيبنا / عادل الجعلي و الأسرة الكريمة .. و إن شاء الله الكرامة في رابغ عشان نتلم كلنا هناك ..
Quote: عصام دهب بقيت حـرامى عربيات على اخر عمرك كمان
معليش يا نضيف أنا عارف الخُلعة الدخلتك ما بتمرق بي هين .. و أصل الحكاية يا جماعة يوم السبت الفات أنا كنت في إجازة جاتنا ملح كقطاع خاص بعد مكرمة خادم الحرمين ( يديهو العافية ) للقطاع الحكومي .. طلعت من البيت عشان أمشي أدخل عربيتي الشركة بعيد عنكم تلاجة المكيف راحت في الباي باي بسبب الطين و الوحل في سيول جدة الأخيرة .. مشيت فرع تويوتا في حلتنا ( النسيم ) قالوا لي أمشي فرع تاني عشان جهاز الفحص عندنا برضو راح في المشمش .. الدنيا نصة نهار و السخانة ألف جاءني أمر من القيادة و السيطرة بالذهاب لإحضار مخزون الكسرة من بني مالك .. حاضر .. كويس .. طيب .. دي عشان باقي الأوامر .. في عز السخانة و السموم و الوش المكندك بالرطوبة و العرق أشوف ليك الكامري .. كامري السرور و الخاتر المجبور .. الما خمج ( ما شاء الله تبارك الله ) و أشوف ليك زول جوة طازج و مندي و جددددديد و نضييف تقول فاكنو من الورقة هسة دي ( ماشاء الله عيني باردة ) .. أعاين فيهو و أتأمل ألاقيهو ليك نضيفنا ذاتوو .. الزول جايي من الشغل اليشوفو يقول يا دوب ماشي ( الله بجيب كسافتك لكن برضو ما شاء الله ) .. و عشان أخونا مستعجل ثم ما عايز يقفل العربية عشان ما يوقف المكيف لحظة .. قوووم يا ولد أنزل من العربية و خليها شغالة .. و قوووم يا أنا لما شفتو نزل .. تنقش .. تنقش .. تنقش .. مشيت بررراحة و ركبت ليك العربية لقيتها صااااقطة ( الشيء فريزر !! و اللا تلاجة موز ) لما فكرت أنووم ذاتووو .. أتحركت بالعربية دقيت ريووس و كتلت ليك أقرب ملف في بني مالك و أقرب زنقة زنقة و دغمست العربية زي الما حصل شيء .. أهة مشيت وقفت بعيييد جمب الفرن بتاع العيش السوداني و قعدت أعاين لي الزول دة .. جاء مارق .. أتلفت يمين .. يسار .. أبتسم على شنو ما عارف .. دخل يدينو في جيوبو .. نطط عيونو .. حك راسو .. شال ليهو منديل ورق بدأ يمسح في وشو .. طلع الجوال .. رجعو .. عيونو رقرقت .. أتكلم مع ست الكسرة .. سالت منو دمعة .. الأمة مجتمعة .. أنا في نفسي قلت أرحم سيب حركاتك حبيب روحي يا أبو بلمعة يا نضيف .. بعد شوية أشوف ليك الزول أتفن في سيراميك الله القدام المحل و جاب ليهو علبة مناديل كاملة ختاها قدامو و زي السمعتو قاعد يعزي .. الليلة يا الجابوكي من الوكالة .. الليلة يا الماعرفتي درب الدلالة .. يا الجنوطك ماغنوم الليلة يوم الشوم .. الليلة يا البيجية الليلة كر علي .. و شوية كدة أشوف ليك ست الكسرة نطت من كرسيها و سـ كـ لبت .. حي ووب .. حي ووب .. الليلة يا عشاي .. و الليلة يا الكنت هسة واقف بي جاي .. و جا بتاع الباسطة و بتاع السمك و المغسلة و ناس المطعم و كهربائي السيارات و بتاع التسالي و ناس القهوة .. و الرجال كسروا ليك في البيت ( ياتو بيت ) .. و بعد شويتين كدة أسمع ليك .. وا .. ويي .. وا .. وا .. وا وييي .. وا وييي .. و المايكرفون ( طريق يا راعي الكورسيدا ) (طريق يا شباب ) جابت ليها هلال أحمر كمان ؟؟.. الكلام دخل الحوش .. و أنا صراحة لاوذت .. قلت الزول دة أغمن عليهو عدييل إحتمال الحكاية تتطور !! طلعت ليك من مخبئي اللعين حيث كنت أراقبه و جيت وسط الزحمة فجيت الخلوق .. و وقفت جد .. ياخي أخونا شم ليك ريحة المفتاح .. يا جماعة مفتاح عربية النضيف كيفن بس ما يكون معطر بس .. الزول فتح ليك عيونو بتثاقل كدة و قرب يغني لي فرمالتو بتاعت ( قلبي دق ) .. لكن هو قلبو بيكون فرنب عديييل كدة ما دق و بس .. أهة حق الله .. بق الله .. سلامات أزي الحال .. أجدع ناس .. يتاع .. ثم كمية من النصائح عن عدم ترك السيارة في وضع التشغيل و كدا .. و أخونا شدة ما كان ما مخلوع مع السلامة ما قال لي .. الخلعة الياها .. هو أشترى لي باسطة و أشترى لي نفسو و لي ست الكسرة كمان .. هسة مفتكر أنا أشتريت ليهو .. يا جماعة الزول دة رحمنوووه .. و وحدووووووه ..
Post: #1029 Title: Re: ناس الزقازيق ... أجدع ناس (4) .. Author: محمد عيد Date: 03-21-2011, 08:39 AM Parent: #1026
التحيــــة المبجــلة لكل الأمهات فى عيدهن ...
ربنا يحفظ امهاتنا جميعا ويجزهن عنا خير الجزاء ...
الرحمة لوالداتنا الراحلات
والدة زميلتنا ... عزه عباس ووالدة محمد عثمان عبد الرحيم ووالدة طارق جبريل
يوم الاربعاء الماضي ... ذهبت الصيدلية لشراء دواء لابتهاج بعد اصابتها بنزلة برد ... وجدت ميزان الضغط خالي ... في كل زياراتي السابقة للصيدلية كنت اتجاهله لاني علي ثقة بانه سيحمل لي اخبار غير سارة ... وانا من الذين لا يحبون سماع الاخبار غير السارة ... كان ذلك سيجعلها غير موجودة ... هنالك شئ ما دفعني لان اجلس علي الكرسي خاصة واني قد وزنت الضغط قبل شهرين وكان مرتفع لحد ما ... عادة لا اشعر باي اعراض لارتفاع الضغط مثل الصداع ... الفتور ... ضربات القلب ... النعاس ... العيون الحمراء او غيرها من الاعراض المختلفة ... استجبت للدافع الخفي ..... وجلست علي الطاولة وادخلت يدي ... وبدات عملية الوزن لاجد ان الضغط 220/120 .... لم اصدق عيني ... وقلت في سري قطع شك ان هذا الميزان به خطا ما ... الم يقل الاطباء ان الميزان الزنبركي لا ياتيه الخطا الا في كسر من الواحد في المائة ... عكس هذا الميزان الرقمي .... الذي لا يعرف كيف يقوم بوزن ضغط شاب مثلي .... كانما سمع الميزان الحوار الداخلي ... قام بتكرار العملية من نفسه ثلاث مرات متتالية دون ان اطلب منه ذلك ... وكانت النتيجة كما هي .... 220/118 وما جاورها من عشرينات ... لم اخبر احد توجهت الي البيت اعشم نفسي بان الامر فيه خطا ما اذ لا يمكن ان يكون الضغط عند هذا المستوي ولا اشعر بشئ انتظمت علي غير العادة في تناول الحبوب ... ثم الاكل مع التركيز علي الشاي الاخضر والكركدي ... ثم جئت يوم السبت مساء علي امل ان يكون هناك جديد ... لدهشتي وجدت ان القياس هو هو ... كل هذه الجهود باءت بالفشل ... قررت زيارة الطيب علي وجه السرعة ... وفي خلال ساعة كنت عنده ... كان في غاية العجب من هذا الرقم الكبير ... مثل تعجبي من حقنة العضل التي كنت اخالها حتي تلك اللحظة حصرا علي الاطفال الصغار ... تجاوزت عن ثقالة الممرضة المصرية ... لان اخلاق المهنة واحدة في كل العالم ... مثل السواقين الباكستان الذين لا يفرقهم عن اخوتهم في السودان سوي اللون ... او المحامين الذين نشاهدهم في الافلام الامريكية ... نفس سلوك محامينا الا ان اولئك يحملون الجنسية الامريكية ... وهكذا الحال بالنسبة لباقي المهن ... حذرني الاختصاصي (كما يحلو لاهل اللغة) رغم يقيني بان اخصائي اسلم واجمل ... من اني ساتبول كثيراً هذه الليلة .... مع تحذير شديد بان احضر له صباح الغد ... (مش 2012 زي ما حضرتك متعود) ... لم اتخيل يوماً ما اني سادلق هذه الكمية من السوائل ... استمر مسلسلها حتي الثانية ... وعند الثامنة والنصف كنت امام غرفته ومعي حراسة مشددة ... وبالفعل وجد ان الضغط قد وصل منطقة التسعينات .,.. وهي قد تكون آمنة او في طريق الامان ... ثم صرف لي حبوب اخري اضافة لتلك التي استعملها ... للحظة غضبت حينما تذكرت باني قد اصبحت مع منصور عبد الرازق في نفس الخانة والعقارين للضغط رغم الفارق في العمر الذي يتجاوز الخمسة عشر عاماً ... الا ان عدلت عن ثورة الغضب ... تلك حفاظا علي الضغط ... وقررت معها ان اتجاوز عن كل التحرشات خاصة تلك التي تتم من الاخ مجد والذي اني علي ثقة تامة بانه لديه نصيب حوالي 20% من هذا الارتفاع ... و15% رهاب الميزان ... لاني هم وزن الضغط هم لا يدانيه الا هم فشل مظاهرة اعد لها الناس كثيراً ... ثم 20% بوستات سودانيز اونلاين التي لا تحمل الا الاخبار السيئة ... والتخاشن اللفظي ... والشجارات التي لا طائل منها .... ثم 20% اكل ابتهاج المحمر والدسم والمملح حيث لا تراعي ان هنالك مريض بضفط الدم في البيت (رغم اني احاول دائماً ان انقل لها احساس اني غير مريض حتي صدقت هذه الفرية) ... حتي كدت اصدق بانها تشارك في مؤامرة ضدي او لا تخاف الترمل حسب جيناتها الجعلية ... ثم 20% لمباريات الهلال التي تم حرماني من مشاهدة من جزء كبير من مباراة البارحة الا بعد ان ايقنت ان الهلال غالب 3 صفر ... الا ان بعض لاعبي الهلال يرفعون الضغط حتي لو كان الهلال فائز 20 صفر (في ذمتك يا منصور كورة سادمبا الطار فيها جوز ديك براها ما تودي الضغط زيادة من 100 بمقياس ريختر) ....
Post: #1030 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-21-2011, 08:50 AM Parent: #1027
ست الحبايب ياحبيبة يا اغلى من روحي ودمي يــــاحنينة وكلك طيبة يــارب يخليكي يا أمي
يا ست الحبايب ياحبيبة
التحية والسلام لكل الأمهات ربنا يديكم طولة العمر ،،، في الدنيا يوم ما يؤلمك أمي الله يسلمك،،،
سبقنا حاتم جبارة بالأحتفال بأمهم في موعدها المعتاد حافظ على السيرة العطرة وعود أولادكم عليها ،،،،
Post: #1031 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-21-2011, 10:31 AM Parent: #1030
Quote: الخلعة الياها .. هو أشترى لي باسطة و أشترى لي نفسو و لي ست الكسرة كمان .. هسة مفتكر أنا أشتريت ليهو .. يا جماعة الزول دة رحمنوووه .. و وحدووووووه ..
عفيت منك يا ود دهب لعب على اصولُ أخدت حق الناس كلها دايماً هو ممقلب الناس وضاحك على البرالمة أسأل الكاشف أخوي (جلال عثمان زمان)
مقلب من أبو ديك ،،، يا عيني أنا صعب تكراره يا حريف، يا عيني أنا معليش يا النضيف ،،، يا عيني أنا ود دهب لعبة عنيف،،، يا عيني أنا بالله زغرودة يا ظريف،،،
Post: #1032 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-21-2011, 10:54 AM Parent: #1031
عصام دهب ده يوم حــيدقـــوهــو فى بنى مالك
قبل كم سنة كان عندو عربية لونها اخضر تقريبا وقف فى بنى مالك يشترى كسرة برضو جات وقفت قدام عربيتو عربية بنفس الموديل ، زولنا خلص مشترياتو وجاء طوالى فتح باب العربية وركب زوجة الراجل جوة العربية بقت تكورك وهو من الخلعة يقول ليها مالك .. مالك فى شنو
سلام يا ناس ربنا يشفي اختنا سامية واجر وعافية ان شاء الله
وعقبال مليون شمعة لي سارة يا ود جبارة بعد دة شوف ليك شايقي من القرير واعقد للبت دي
تعرف يا حاتم لي اسبوع باكاتي كلها مجهجهة خالتك عشة بت ابو دية ماتت يوم عيد الأم دة الله يرحمها ويحست إليها ويرحم خالتنا اسحان عبد الحليم
Post: #1034 Title: Re: ناس الزقازيق ... أجدع ناس (4) .. Author: منصور عبد الرازق Date: 03-21-2011, 11:49 AM Parent: #1033
اكتر حاجة بترفع الضغط , محاولات شيل حاجات تقيلة مافى داعى ليها تشيل الغاز وانت مجبور , لانو لو مافى غاز , معناتها مافى اكل , لا دسم ولا خالى الدسم تشيل الموية , برضو مافى خيار تانى , لأنو شراب الموية , فى الحر ده , من الواجبات المقدسة لكن البيجبرك تشيل شنب قدر ده شنو ؟؟؟ جرب خففه , ضغطك حا يبقى زى ضغط كفرات العربات البتتلحس فى بنى مالك دى بالغت والله يا عصام دهب مع الزول ده ؟؟؟ قلت لى لغاية هسى ما عارف الأشترى الباسطة منو ؟؟؟ وانتو مالكم بتشتروا باسطة فى الحر ده , ما تحترموا مشاعر ابو الجل ده ياخ الراجل بقى يخاف من الكسرة , تجيبوا ليهو باسطة !!! حمد الله على سلامة سامية اسماعيل يا زقازيقاب وميلاد سعيد لعذارى الحى وكلما اجى اكتب عن سارة the little woman يا يجينى الكفيل , يا يسرقوا عربية النضيف , يا كمان ضغط الزول ده يبقى الف فعلا يا ياسر نجيلة الحضرى اضافة لى اى فريق يلعب ليهو بس يا حات جبارة قولوا لى زولكم ده , يا خسارة قروشكم الضيعتوها فى توريس دى ماكان عليك الله بتجيب ليهو تلاتة زى (راميريز اللعاب ده ) ؟؟؟ راجع ليكم , يا بعد ما اتحلى من المدير العكليتة ده يا كمان لما الزول ده يعرف الدفع حق الباسطة منو ؟؟؟
يديكم العافية ... وكل الامهات بخير وعلى خير وفي خير ونترحم على امهاتنا الراحلات ونسأل الله لهن الرحمة والمغفرة والدرجات العلى من الجنان ...
ونسأل الله ان يتمم على اختنا سامية شفاؤها وان يرجعها سالمة معافية لى وليداتها وبعلها عادل الجعلى ...
غايتو يا النضيف عجبتني ليك جنس عجب ... ياخ برافو عليك والله ياعصام ... ياخ الزول دا لكن ما جهجهت باكاتو ياخ واي انا ... بالله الكامري ... ياخ كانت هنا اسى دي ياناس ياخ دقيقة بس وما لقيتا ... اها وعندك نفس تاكل باسطة كمان اوعك تاني تسيب العربية شغالة وتنزل منها خليك حريص يا اخوي
ابو الزوز .... شوف يا خوي موضوع ارتفاع ضغط الدم دا ما فيهو ااااااااي لعب وما تقول لي ما قاعد اشعر باعراض وكلام فاضي ... انت قايل سموهو القاتل الصامت ليه؟ المهم بجانب المراجعة الدورية مع الاختصاصي (الاخصائي) لابد من ممارسة الرياضة - وخصوصا شايفك يا اخوي "اتبرمت" كدة وعملت ليك "كضيمات" بين الاقواس كان غلبك خلي جبريلا يترجم ليك ممارسة الرياضة (على الاقل المشي) تساعد في الحفاظ على مستوي ضغط الدم ودا ما كلامي انا قبال كدة منصور و الرشيد تطرقوا لهذا الموضوع ... المهم يا اخوي انا خلتى دي والله عزيزة على وما برضى ليها البشتنة وكل يوم سايقة الراجل دا مودياهو الدكتور دحين يا اخوي هوي ما تلعب بي رقبتك وان شاء الله الهلال طاير في السماء وسودانيز في كرعينو ...
غايتو يا ود دهب ... كيفتنا جنس كيف ... بلغتك ديييك يعني .... كيفتنا في حنانا زاتوووو .... النضيف ده ... زمان مقالبو ابدا مابتقيف ... عجبني ليهو ... واكيد هو الاشتري الباسطة ... حتي دقنو نسي يحلقو ... برغم عيد الميلاد سنة يا أنا ...
=========================== ود الزناتي ... يا اخوي اعمل حسابك ... بعد ده خلي شغل النطيط ... انت قايل نفسك صغير ... يعني حتي لو خمستاشر سنة اصغر من منص ... يعني دخلت الخمسين براحة ... عليك بنصيحة المجريب ... اقصد جلال عثمان ... او اقلب مريخابي ... انا اضمن ليك ضغطتك حينزل 40% الموسم ده ...
Post: #1039 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-22-2011, 06:22 AM Parent: #1038
صباح الخير ،،، يا وجوه الخير
أصبحنا وأصبح الملك لله وحده،،،
اللهم احفظنا: من أعين الناظرين ومن كيد الكائدين و من قلوب الحاسدين ومن سحر الساحرين برحمتك يا أرحم الراحمين
لم يحدث أن فتحت هذه النافذة لعمل مداخلة و عصلج معاي الموضوع كما يحدث معي اليوم... وقفت محتار أطالع أو أناظر شاشة كمبيوتري فلم توحي الي بأي شيء... ثم أخذت أنظر بعيدا عبر زجاج النافذة الأخرى التي أمامي فسرحت في ملكوت الله... عجبتني بشتنة عصام دهب لي ديدو لكن عصام ما أدانا فرقة نقول حاجه... خوفة زهير الزناتي كيفتني على الأخر لأنه كل ما أقول ليهو يا زهير أعمل حسابك.. يقول لي...لا و الله أنا ماشاعر بي أي زيادة في الوزن... لكن برضو زهير ما خلى لينا فرقة نقول حاجة... حتى انتبهت على تلفون من محمد المرتضى فقلت بعد التلفون ده أكيد حتفرج... و برضوا ما فرجت... و لما تفرج النت ما يفتح... المهم انتو ان شاء الله طيبين... و ما عندكم عوجه...
صحوت علي غير العادة في الصباح الباكر ... قبل النباه ... لم اجد شئ افعله سوي التفكير وهي الحاسة التي عطلتها منذ فترة طويلة ... رافة بنفسي ... وجدت انني افتقد اصدقائي نادر فاروق ، محمد صديق ، محمد حسن ، نهلة نجم الدين ، زينب التجاني ، خالدة ، رجاء ، عشي ، فارح ، سامي ، نزار ، صديق الصادق ، بودي ، شاويش ، منتصر ، معاوية يحيي وآخرين لم انساهم بل هؤلاء علي سبيل المثال ... كنت ابنهم المدلل ... اذا ما المت بي مثل هذه الوعكة ... تجد وفودهم تغدو وتروح ... تخفف عنك المرض ... الا اني جئت في مدينة لا اعرف حتي شوارعها الرئيسية ولا اميز ناسها سوي بلهجاتهم وبعض ازيائهم .... حتي اصدقائي خارج السودان افتقدت هواتفهم في مثل هذه الحالات ... مكفرين وعارضين كل مساعدة ممكنة .... الرشيد ، منصور ، عبد الدائم ، نجيلة ، موسي والريس ميسرة وغيرهم ... اعتبروني ترساً مثلهم في هذه الماكينة العملاقة التي تنتج اناس لا يعرفون سوي الدوام والكفيل ... والانتباه لشوارع مدن مسرعة تذكرك دائماً بان الحياة قصيرة ويجب اقتناص كل ثانية ممكنة ..... افتقدت حتي هؤلاء الذين كنت اظن باني قد جئت بالقرب منهم ... وكان ظني جغرافي فقط ... لا يطيب خاطري سوي المداخلات هنا وفي الفيس بوك شدت من ازري ... في صراعي المرير مع ارتفاع الضغط والذي لم ينزل للمستويات المطمئنة حتي الآن ... وان كنت اعزي نفسي بان الكلام عبر الهاتف لن يزيد الضغط الا ارتفاعاً .... الا ان هنالك اناس ما ان تري رقم هواتفهم علي الشاشة حتي تشعر بان حالتك الصحية في افضل وضع ممكن ... لم اتعود ان الوم اصدقائي وليس هذا بلوم ... وانما هي خاطرة حب لكل الناس الذين احبهم ... واريد ان اطمئنهم بان الامور تسير علي ما يرام ... واعتقد ان بعض الاشياء التي تزيد التوتر في سبيلها للانقضاء مثل امتحانات ميار قد انتهت اليوم علي ما يرام ... وان الهادي الزناتي قد اقتنع اخيراً بان يغادر ليبيا تحت اصرارنا والحاحنا الدائميين ... وقد يحدث هذا اليوم او غداً كما ان نجاح عملية الاخت سامية اسماعيل قد حسن كثيرا من المعنويات ... وكثير من الاشياء في طريقها لان تسير كما نريد ... وهي اخبار بكل تاكيد تساعد علي تحسن الصحة ... فقط يتبقي هاتف انتظرته كثيراً ... اتمني ان ياتي اليوم او غداً حتي اذهب لمقابلة الطبيب يوم الخميس في كامل المعنويات ... فهل يا تري اكون محظوظاً واتلقي هذا الهاتف ... اليوم او غداً ...
Post: #1042 Title: Re: ناس الزقازيق ... أجدع ناس (4) .. Author: محمد عيد Date: 03-22-2011, 09:04 AM Parent: #1040
الاسبوع دا زي الزفت معاك.... حيتسرق موبيالك ... القلب: البتحبو بفكر يديك شاكوش.... لكن كضاب ما بيقدر ... داخل في ضفورو من كبايات الشربات السقيتن ليهو...
حيتاورك الحبن مرة تانية .... ما تشتغل بي زول وامشي بالطريقة البتريحك
القلب: الجكس بتاعك حتنقطع أضانو اليمين في حادث حركة .. اوصيك بشعار الحب في القلب ما في الإضنين
برج الجداده :- 25\10 الي 24\11
######تكم حتلد ستة جريوات حتفقدو اتنين منهن .... ركز علي جيرانكم اليمين الخشم بابهم اخضر
القلب : صدق الجكس بتاعك لانه ساهر بالليل فعلا لكن ما حبا فيك .. لانو في جندبة دخلت اضانو بالغلط .... احمد ربك انها دخلت الاضان
برج الدباسة 25\11الي 24\12
المال تلتو ولا كتلتو..... لكن كتلتو تصيبك....استعوض ربك ....
القلب: بت الجيران الحمى حتطلع ليها في راسها وتهضرب وتحكي كل البينك وبينها ... شيل شيلتك .... وابقى رقيق عشان الشباك يخارجك من الولية...!!
Post: #1043 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 03-22-2011, 09:57 AM Parent: #1042
اللهم رب الناس أذهب البأس عن زميلتنا و أختنا / سامية أسماعيل و أشفها يا الله شفاءاً تاماً ..
اللهم خذ بيدها إلى كمال الصحة و العافية ..
و ألف سلامة يا سامية و عادل ..
ونأسف لهذا الإنقطاع وهذا التأخير لأسباب صحية ونفسية (الكفيل وكدا)... يعني المزاج معكّر شوية
بس الآن الحمد لله... تمام
_________________
و عيد ميلاد سعيد وعمر مديد لعذارى
_____________________
وسلامات يا زناتي وما تشوف شر إن شاء الله
وإنتبه شديد ... أعتاب الخمسينات دي أصلها كدا
Post: #1044 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-22-2011, 10:13 AM Parent: #1042
يا زهير شايفك متقل الشغلانة
الوالد والوالدة اصلو ما بــدورو السعودية والقعاد فيها
امى اى واحدة بتجى تسلم عليها بعد اسبوع اسبوعين تسألها وينك .. تقول ليها والله انا واولادى كنا راقدين بالنزلـــة بعيد عنك .. والكلام ده بيتكرر مع كل واحدة ( حقيقة النزلات وامراض الحساسية كتيرة هنا بفعل الرطوبة العالية )
اها امى بتعوج لينا خشما وتقول لينا هو جــــده فيها شنو بلا النزلـــــة ... برى برى مصطبة الشارع حقتنا ديك براها بالدنيا ...
اما الوالــد لاول مرة يجيهو ( الدغت ) الشهر الفات مشينا راجعنا الدكتور بعد نزلة برد برضو لقينا الضغت مرتفع ... وهكذا كم مرة ... يعنى زى حالتك ومن ضمن الاسباب الدكتور قال ليهو عدم الحركة . جينا راجعين من الدكتور مشى طوالى على الدولاب لملم هدومو وتالت يوم كان فى الخرطوم .. هسه بقى تمام التمام .. حبة اسبرين .. كركدية بارد .. شراب موية كتير
،،،،،،،،
شايف موضوع العربية ده مفرحكم .. انا عربيتى ( مأمنــة ) حتى التغطية شاملة السيول والامطار خلى ناس قريعتى راحت وتلاجة المكيف باظت ديل ينفعوكم ...
رشا كنت فاكرك معايا ..
Post: #1045 Title: Re: ناس الزقازيق ... أجدع ناس (4) .. Author: منصور عبد الرازق Date: 03-22-2011, 11:59 AM Parent: #1044
والله انا زول بليد جنس بلادة فى قصة التلفونات دى !!! من يوم جا الأختراع السمو جوال ده , وانا علاقتى بصنف التلفونات عموما يشوبها توتر ظاااهر المكان الوحيد البتعامل فيهو مع التلفونات بى جدية , لمن اكون فى المكتب لمن ارجع البيت , ما برد الا على جوالى تلفون البيت ده لو قعديرن اليوم كلو , ما بشتغل بيهو بت الشيخ اعتبرت السلوك ده , حقارة عديييل حتى تلفونى الجوال , لمن اصل البيت , فغالبا ما يكون فى ابعد مكان , عن العين واليد دون ان اقصد طبعا يا جوة جيب البنطلون , ويا جوة جيب الجلابية , والزاد الطين بلة , ان مكان الشحن الوحيد المتاح لنوعية جوالى موجود فى ابعد غرفة , عن مكان ما تعودنا ان نجلس والأسرة يعنى لمن يكون التلفون تحت الشحن , فانا زاتى بتكون بطاريتى نزلت من زمااااااان انا ممن تعودوا ان يكتبوا الأشياء المفترض انجازها , فى ورقة ما , او على صفحات التقويم الموجوده امامى على مكتبى عشان كده يا جماعة اى زول احس بيهو هبشنى فى حتة ما اتصلت على ليه , طوالى دموعى بتجرى , وكمان الزول ده يبقى ابو الزوز ؟؟!!! تبرأ انت من الألم , يا ابو الزوز قلت لى قصرت الشنب , طيب ده ماياهو زااااتو الرافع ليك ضغطك ابو الزوز ادانا احساس بانو دخل فى روتين الغربة بسرعة , ودون خسائر تذكر وشابكنا ابتهاج قالت وابتهاج فعلت وابتهاج قالت الغربة طلعت ماسورة اتارى صاحبتا شايل وساكت , اين نحن من حميمية محمد صديق , ومن الهوسبتلتى بتاعت ناس محمد حسن البرلوم وصديق الصادق اها الزول الأخير ده , من كتر الهوسبتلتى بتاعتو , لمن يا دوبو اتذكر العرس اما نحن يا ابو الزوز , دخلنا فى زمرة (المتخشبين ) ودى زمرة المغتربين الواقعين تحت ضغط الكفلاء , لعشرة سنوات او اكثر الى ان تتخشب مثلنا , توقع مننا , كل يوم تلفون والواح مننا لمن يلقى ليهو زول ما (اتخشب لسه ) طوالى يلقى نفسه بيغنى , (الخشبونى منك ) , انا يا حبيب قلبى , سائل دوام عنك
* انتو مالكم كل يوم فاتحين لى موضوع جديد , ما قلنا ليكم دايرين نتكلم عن ال little woman يا خ حاتم جبارة هاك الباسطة دى
والله بشتنت عصام دهب لزولنا ود النضيف عجبت كل الناس بدون إستثناء يعني 99.99% نافست إنتخابات السودان زاتو،،،،، معليش يا حلو ،،، إتسداها في ولده لمن يكبر
كالعاده.. ورديه الليل خلاء.. والله ياريس قراراتك طلعت فشنك.. ومافي غيري أنا المخلص.. ملتزم ليك بيها..
نرجع لي "نساءصغيرات".. حقت منص ديك.. قبل أسبوعين تقريبا.. جايب البنات من المدرسه.. فكيت ليك فيهم المقرر اليومي.. كلام.. كيف يومكم الليله كان? عندكم واجب? أدوكم شنو الليله? حتذاكروا شنو? تكرار كدا.. أنا ذاتي زهجان منو.. عموما الكلام دايما بيتطور لمواضيع تانيه.. أو البنات بيقوموا ينوموا من عدم الموضوع.. اليوم داك بالذات جات سيره العرس.. قالوا في بت خطبوها.. علي شلاقتي قلت فرصه أديهم ليكتشر أبوكديس.. عن طريقه الزواج الصحيحه في الإسلام والشرع وكدا.. يا سلاااام زميلتكم دي حتعرس علي الطريقه الصحيحه.. Excuse me daddy, what do you mean? والله يا بنات العرس طبعا بيتم عن طريق الأهل.. أهل العريس بيتقدموا ويطلبو يد العروس.. و..و.. This is so traditional..how would one know if the person is good.. يعني أنا وأمكم ما حنقصر.. حنسأل عن الأهل وعن أخلاق الزول.. والمهم الزول بيراعي ربه وأهله ويكون.. ويكون.. But don't you think that people should get to know each other.. How would they know if they are compatible? صاح.. عشان كدا بتكون في فتره خطوبه عشان يتعرفوا علي بعض.. You mean dating? لا.. لا.. يعني الزياره مثلا بحضور واحد من الأهل وكدا.. I don't think this is what's going on in the muslim world? طبعا حاصل.. C'mmon daddy, we saw people dating in Sudan and Egypt.. حالات نادره جدا.. معظم الشفتوهم ديل متزوجين.. Rare, then how did you and mommy get married? Did you ask her hand in marriage from her parents? في اللحظه ديك أنا بافتح في باب الشارع.. أمشوا ياللا أعملوا الواجب وبطلوا الكلام الكتير.. أنا ذاتي ما عندي بنات بيعرسوا إلا يخلصوا الجامعه.. You started it!
Quote: Rare, then how did you and mommy get married? Did you ask her hand in marriage from her parents?
كنت زعلان عشان ماعندي بنات .... وزعلان اكتر عشان اغتربت في الخليج ... كنت عاوز بلاد المهجر عشان الإقامة الدايمة والجواز ... لكن انا طلعت محظوظ بشكل .....
================================== زهير يا حبيب ... بكل صدق ... امس استلمت كم مكالمة ... لاني اجزم اكتر من مائة شخص لم يجد فرصة للتحدث معك ... الخط مشغوووووووول لحدي مانمت في الكرسي ....
يا سلام امبارح الضفط زاد زيادة من كترة التلفونات يانجيلة .... زي ما قلت لم يسكت الهاتف عن الرنين ... بس تقول استعلامات المطار ... ومكالمات طويلة من النوع القلبك يحبها ... وتذكرك ايام الوداد .... وشئ ايميلات وماسنجرات وديل الانا كمان بحبهم ... يعني الواحد من الصباح ... يفتح المنبر يقول ليك زهير الزناتي لديك اثنين ماسنجر ... اكيد فيهم اخبار حلوة ... لغاية الآن تجربتي مع الماسنجر ايجابية بس امبارح كانت اكثر ايجابية ... فيهم كلام جميل ... وكمان نكات جديدة ... يعني الزول طول ما سمع نكتة جديدة حتي اسالوا الرشيد بابكر حكيت لي اثنين منهم ... متاكد لغاية هسه يضحك .... شكراً لمن اتصل ... وخاصة من كنت انتظر هاتفه فقد اتصل بهاتف طويييييييييييييييييييل .... كان له بالغ الاثر في رفع المعنويات ... وصلتني رسالة لذيذة من الكوتش (وين يا فليكس سلامتك قالوا كهرمانة رفعت ليك ضغطك) طبعا الرسالة ريحتني ليك في حناني لانها بتدعم المجهود الحربي بتاعي .... اها يا ياسر نجيلة تشكر يا حبيب علي المحاولات ... وده برضو ما بيعفيك ... فاضلات زي خمسة نقاط ويعود الضغط الي ما كان عليه ... راجي تلفونك انت وواحد صاحبي متاكد الليلة حا يتصل ... اها نسيت اقول ليكم سيد التلفون الراجيهو منو .؟ ولا اقول ليكم خلوه للحلقة القادمة ... برضو لازم شكرا كتير للريس ميسرة .... فعلا يا جماعة المريسة (من ريس وليس مريسة السكر) دي ما حاجة هينة ... عايزه زول يكون قدرها ... والزول الناس لمن يقدموه قدامهم ما بيكون الكلام ده من فراغ ... عبد الدائم النضيف ... يعني موضوع شكرك ذاته بقي مشكلة ... يشكروه علي شنو ولا علي شنو ولا علي شنو ... يمين عبد الدائم ده ما يمر يومين الا والتالت يتصل يسال ... مش هو الكفيل برضك ... ما طيب ... ياخي الراجل ما بيشبه الناس في كل شئ مختلف ... بس حركة عصام دهب جبـانة ... وانا مع النضيف قلباً وقالباً ... خاصة انه عصام دهب مؤتمر وطني ... ده بيخلي موقفي كمان ايدولوجي عديل كده .... لكن ناس الفيس بوك الهي منهم ...
وبمناسبة المقلب ده بالله واحد يهدينا اغنية حركة جبـانة ... وتكون باوكسترا كاملة
حاتم جبارة ... يمين قاعد استمتع بحوارك مع جكسيك ده عديل كده ... ما شاء الله عليهم ... ياخي نحن ما لقينا فرصة نتحاور مع اي زول ... لا علي مستوي الاسرة ... المدرسة او المجتمع ... دائما كانت الحاجات مفروضة علينا عشان كده لمن نلقي زول بعد العمر ده يتحاوز معانا بنكون متكيفين .... الجيل الحالي جيل رهيب وابن كــلب ومقرم ... ووعي مبالغة ... شوف رغم النشاة في دول مختلفة وثقافات مختلفة ... الا انك بتلقي في شئ كتير مشترك بيناتهم .... يعني ممكن طفل في امبدة يلعب ببلاي استشين زيه وزي واحد موجود في شيكاغو ... زمان الناس طلعت القمر ونحن ما جايبين خبر نلعب في شدّة ... ونستني القمر كل شهر عشان نتونس بالليل علي نورها ... يمكن التقنيات الحديثة دي ما شفناها الا قريب ....وديل اتربوا معاها الحجل بالرجل .... بالله واصل يا حبيب في الحوارات دي واضح انه البنات ديل حا ينقلوك نقلة نوعية وثقافية ... ويحضروك شوية ... صراحة كدي رغم انكم ابوهم لكن ما قاعدين يقولوا ليك يا بابا انت لسه زول بدوي و Uncivilized
تقيم الجمعية السودانية لخريجي جامعة الزقازيق .... رحلة اسرية ترفيهية يوم 15 ابريل القادم بمزارع الجامعة بشمبات ... الريس معتصم واركان حربه ... اكملوا كل الترتيبات ... لنجاح هذه الرحلة ... وهي دعوة لكل ناس الزقازيق واولادهم واحفادهم .... بتبرع سخي من الريس معتصم ونهلة نجم الدين ... اختيار التوقيت بعد انتهاء امتحانات الشهادة السودانية .... لنعمل جميعاً حتي تنجح هذه الرحلة واللمة الزقازيقية والا تقل عن تلك التي كانت قبل اربعة اعوام في معرض الخرطوم الدولي ...
يا جماعة في زول شاف موسي عيسي ... يا ابو اجل فتش الراجل ده والمسالة فيها جائزة مليونية ...
Post: #1053 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-23-2011, 07:36 AM Parent: #1051
صباح الخير ،،، يا وجوه الخير
أصبحنا وأصبح الملك لله وحده ،،،
يا من إذا دعي أجاب .. يا سريع الحساب .. يا رب الأرباب .. يا عظيم الجناب ..
============================
Quote: كالعاده.. ورديه الليل خلاء.. والله ياريس قراراتك طلعت فشنك.. ومافي غيري أنا المخلص.. ملتزم ليك بيها.. يا كريم يا وهّاب ..
يا حاتم نحن دعونا لإحياء وردية الليل وأنت أكبر الداعمين لها ولكن ظروف ناس جدة تعني - سامية إسماعيل- لازم بعد العمل مباشرة نضع الملابس الرسمية ونصلي المغرب ونذهب إلى المستشفى ونسهر هناك ، يوم أمس ذهبنا إليها في المستشفى وقالت لي الحرف الواحد (الحمد لله إنكم جيتي) كانت زهجانه وعايش تدردش على الطبيعة مع أي حد لأن الظروف منعت عادل من الحضور من رابغ وجلسنا وساهرنا وإنضمنا إلينا مبارك الكنزي من طلاب القاهرة وكان حضور فاعل في الزقازيق ويعرف كل ناس الزقازيق فرد فرد وزنقة زنقة،،،
أها تشيل ورديت الليل دي لحدي ما يتم تسليح الثوار وتنضم إليك جميع الكتائب.
رحم الله الحاجة بت ابو دية.... والوالدة احسان وكل الامهات .... والتحية لكل الامهات الجميلات ... دون فرز ... ما اعظم الامهات ... وما اكبر دورهن في هذه الحياة .... من يعتقد ان الحياة شراكة مناصفة بين الرجل والمراءة واهم .. فالنساء لهن ما يزيد عن ذلك كثيراً ... الا اننا استولينا في غفلة من الزمان علي كل شئ دون وجه حق ....
هدية لكل الامهات
وهذه هدية لامي زينب الانصارية ...
Post: #1055 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-23-2011, 08:06 AM Parent: #1054
توفيت اليوم والــــدة الاخ عادل عبدالقادر ( حقوق 86 م ) بمدنى تـ 00249912892908
نسال الله لها الرحمة ولذويها وللأخ عادل الصبر اانا لله وانا اليه راجعون
Post: #1060 Title: Re: ناس الزقازيق ... أجدع ناس (4) .. Author: منصور عبد الرازق Date: 03-23-2011, 09:43 AM Parent: #1058
رحم الله والدة الخ عادل , واحسن عزاؤه , وانزلها مقعد صدق عند مليك مقتدر آمين يا رب العالمين سامى عبد الوهاب مشتاقين , انت بالذات اوعك تدبرس خلى بطاريتك دائما مليانة , وما تخلى رصيد حيويتك ابدا ينزل عن (خطين ) صدقنى دائما (لمن سيرتك يجيبوها ) اتلذذ برعايتك لولدك اللذيذ داك , ياخى انا بريدو جنس ريدة وشايف احتواءك -مع بت شيخك طبعا , لواقع انو مصاب بالسكرى شايفو ليك , من امثلة الرعاية (النواضر ) , التى يجب ان يتذكرها ابو الزوز , كلما جاهوخاطر انو عنده ضغط مرتفع يمين بالله , لمن انا ذاتى ضغطى ,تقول نزلوهو بى سلبة طويييييلة , ما بيبقى صفر عديل , لمن يقربوا يدونى محلول ملح عليك الله كان ما بسته لى , بى جاى وبى جاى ومرة مرة كده , من واقع التجربة والتعود , ورينا ما يرفع معنوياتنا ربنا يحفظه ليكم , ويحفظكم ليهو , قادر يا كريم
Post: #1061 Title: Re: ناس الزقازيق ... أجدع ناس (4) .. Author: منصور عبد الرازق Date: 03-23-2011, 10:08 AM Parent: #1060
يو استارتد ات يا حاتم جبارة فلا تلومن الا نفسك حقيقة الأمر ان موضوع النساء الصغيرات معقد وشائك , فى كل مكان يا حاتم على ان ظروف التربية فى بلدان الصقيع , للبنات تحديدا تكون اكثر تعقيدا كما تفضلت ولكن كون ان بنت الشيخ من جنسية غير (عربية ) غير عربية شنو , ممكن نقول غير سودانية كمان هو واقع , يعقد بعض التفاصيل ولكنه كمان , يسهل تفاصيل اخرى كثيرة يعنى شنو ؟؟؟ مثلا , انحنا عايشين فى بلد اسمها السعودية فى حتة منها اسمها الرياض نحن مشاكلنا فى التربية عموما , يمكن بحس بيها تجى فى الناصية المختلفة , والبعيييدة جدا , من ناصيىة رؤيتكم لتعقيدات التربية للأولاد عموما وللبنات بشكل خاص , وطالما ان الحديث عن واقع نساءنا الصغيرات , خلونا نركز عليهم هنا مجتمعات امريكا وكندا واوربا والغرب عموما , انتم تعانون فيها , على ما اظن , من انفتاحها (الأكثر من اللازم ) بينما واقع مشاكلنا , فى الرياض خصوصا , تنبعث من العكس تماما , اى ( الأنغلاق الفايت حده ) كتير ما يتخيل لى , انو محاصرة مشاكل الأنفتاح الزائد , تبدو اسهل عندى , من محاصرة ومعالجة مشاكل الأنغلاق ومركبات العقد ده مع الوضع فى الاعتبار , ان الواقع القياسى عندى , هو الواقع السودانوى , فى التربية وهو واقع منفتح من وجهة نظرى , مع احتفاظه بجينات المحظورات والممنوعات , بشكل تقليدى , مكون من خليط (مؤسس وقائم على عناصر كتيرة ) اغلبها تقاليدى عاداتى موروث وبعضها دينى صرف البيتبنى على الأول بنقول ليهو العيب والقائم على التانى , بيسموهو حرام وفى النص بيناتهم ,هناك الكثير من المسكوت عنه , من فصيلة ما لوحظ عنه انه قائم على الأثنين معا ودى معظمها منحصر فى حتة علاقات الأسر والأقارب ببعضها البعض (من شاكلة عدم التفريق بين الأخ وود العم وود الخال وود الخالة ) طيب عشان الفقرة دى ما تبقى طويلة , خلينا نقول , برغراف , سطر جديد ,نافذة جديدة وده مراعاة لمن يستخدمون نظارات القراءة , وعشان ما تختلط عليهم السطور , واهو الواحد بالمرة , يشرب النسكافى البارد الليهو ساعة قاعد فى المكتب ده
Post: #1062 Title: Re: ناس الزقازيق ... أجدع ناس (4) .. Author: منصور عبد الرازق Date: 03-23-2011, 10:49 AM Parent: #1061
اولا خلونا كده , نحاول نطرح كم سؤال كده , يخلقوا لينا اساس لنقاش وتبادل وجهات نظر الأولاد عموما , وانا بقصد بيها الأبناء عموما , الذكور منهم والأناث هم اكثر قربا للأمهات , بحكم الفطرة وبالتالى , فان تأثير الأباء عليهم , يتوقف على مقدرة الأب على التقرب منهم بمجهوده الذاتى فهم بالفطرة اقرب لأمهم كما ذكرت , ونجاحك او فشلك كأب فى التقرب اليهم , هو سلوك مكتسب يتوقف على مكونات شخصية , وصفات خاصة , قد تتوفر فيك , وقد لا تتوفر وامهات ابنائنا , اللى هم بنات شيوخنا , هم اناث تمت تربيتهم بوقائع تربية قياسية خاضعة لقوانين الموروث السودانوى القائمة على لست وقوائم طوييييلة , من العيب والحرام وهذه القوائم -من طولها - فانك تتساءل عن قوائم المسموح شنو , من غير العيب , وغير الخاضع لقوانين الحرام وهى للأسف , لا يتم استنباطها استنباطا , وانما قاعدتها قائمة على الأملاء تحت بند واحد اسمه (اخنق فطس ) هذا من ناحية ولكن من ناحية تانية , فان عناصر المجتمع السودانوى التى تضطلع بالعملية التربوية , للأبناء والبنات فيها مساحات واسعة لأشخاص آخرين عدا الأبوين واعنى بذلك , اقارب الدرجة الأولى , وفى بعض الأحيان حتى الدرجة الثانية , فى ظل منظومات اسرية تتسع وتضيق وفقا لقواعد الأسر الممتدة وهذا من حسن الطالع غالبا , غير انها لا تخلو من (مثالب ) يمكن تلخيصها فى تشتت (الرسالة التربوية الواصلة ) وهذا التشتت , يمكن ان يتسع ليصل الى درجة (عدم الأتساق ) ولكن ومع ذلك , فانا من انصار ان اتساع هذه الدائرة له من المحاسن اكثر بكثير مما له من المثالب كما ان للشارع المكون من الجيران انفسهم , دور ملحوظ فى العملية التربوية قد يزيد فى تشتت الرسالة احيانا , غير انه يبقى كذلك وعاءا اضافيا , (لمشارب ) تربوية تثرى العملية التربوية برمتها وبمجرد خروجك من هذه الدوائر السودانية للتربية بفعل خضوعك واسرتك لواقع (الغربة والأغتراب ) فانت تنتقل الى واقع تربوى جديد ومختلف اهم اختلافاته الظاهرة , ان دوائر العملية التربوية , تضيق من حيث واقع الأسر الممتدة , ومن واقع الشارع كذلك الا ان لاعبا جديدا وخطيرا , ينضم للمنظومة , الا وهو (المدرسة ) المدارس فى السودان تلعب دورا تربويا يمكن اعتباره صغيرا , فقط لأن دورها لا يختلف كثيرا عن دور البيت والشارع فافراد المدرسة , غالبا هم اولاد الجيران نفسهم , وهم العناصر المكونة للشارع عموما ولكن ابناءنا خارج السودان , يذهبون لمدارس , السودانيون فيها (قلة ) , كما ان التنوع فيها (اكبر بكثير ) لذا فان دور الأبوين والأسرة فى التربية , واضطلاعه بالعملية التربوية من خلال رصيد معرفى قائم على (العيب والحرام ) يجد نفسه امام تحد جديد ومختلف , ليس له علم باى من ادواتها الا بمقدار احتكاكه بمكونات هذا الواقع الجديد والواقع الجديد ده , مختلف بالضرورة , فى امريكا عند حاتم , وفى مراكش عند طارق جبريل , وفى رابغ عند سامية وود الجعلى وفى جده البحر عند النضيف والريس ومحمد عيد , وفى الشرقية الخليج عند ابو الزوز وسامى عبد الوهاب , وفى بريدة القصيم عند ناس دكتور خالد محى الدين وعاطف القوز , وفى الرياض عند حاج الركز وعفاف , وفى اوتاوا وفانكوفر عند ناس دكتور عمر عبد الله وحسين شنقراى , فليكتب كل منكم تجربته حسب واقعه وظروفه , واضعين فى الأعتبار , ان عنصر الأبناء وطبائعهم نفسه عنصر متغير , مش متغير بس , ده كمان شديد التغير ,حتى انه يصعب على الكثيرين منا ,محاصرته وتلخيصه ووضع خارطة طريق مفترضة له , لذا فان الحكى فى هذا الموضوع , سيشبه (الأسكيما ) , التى كنا ندخل بها امتحانات العملى فى مواد الكيمياء العضوية والمولارية , او جداول (اللوغريثمات ) التى كنا نستعين بها فى حل اختبارات الرياضيات وحساب المثلثات
Quote: كنت زعلان عشان ماعندي بنات .... وزعلان اكتر عشان اغتربت في الخليج ... كنت عاوز بلاد المهجر عشان الإقامة الدايمة والجواز ... لكن انا طلعت محظوظ بشكل .....
ماك عارف حاجه ساي.. والله البنات مافي زيهم.. حنينات و رقيقات..
Quote: هم عارفينك بقيت الزنداني بعد ما ظهرت الصلعة...
الزنداني منو ما عرفتو.. لكن أقول ليك كلام.. الصلعه من جات كومي قاعد يكبر.. إذن أنا شليق..
Quote: صراحة كدي رغم انكم ابوهم لكن ما قاعدين يقولوا ليك يا بابا انت لسه زول بدوي و Uncivilized
أبوالزوز.. قايلني جاي من أمبده.. بجيكم راجع إنت ومنص لي موضوع التربيه.. أبلع لي حبوب ضغط وقرحه وأجيكم..
يا ريس حاتم ده حصلوا .... ضغط وقرحة كمان ... لوووووووووووووول
يا سلام علي البنات وتربايت البنات .... مش برضك عمنا صلاح جاهين قال البنات احلي الكائنات ....
Post: #1066 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 03-24-2011, 07:49 AM Parent: #1065
Quote: سامى عبد الوهاب مشتاقين , انت بالذات اوعك تدبرس خلى بطاريتك دائما مليانة , وما تخلى رصيد حيويتك ابدا ينزل عن (خطين ) صدقنى دائما (لمن سيرتك يجيبوها ) اتلذذ برعايتك لولدك اللذيذ داك , ياخى انا بريدو جنس ريدة وشايف احتواءك -مع بت شيخك طبعا , لواقع انو مصاب بالسكرى شايفو ليك , من امثلة الرعاية (النواضر ) , التى يجب ان يتذكرها ابو الزوز , كلما جاهوخاطر انو عنده ضغط مرتفع يمين بالله , لمن انا ذاتى ضغطى ,تقول نزلوهو بى سلبة طويييييلة , ما بيبقى صفر عديل , لمن يقربوا يدونى محلول ملح عليك الله كان ما بسته لى , بى جاى وبى جاى ومرة مرة كده , من واقع التجربة والتعود , ورينا ما يرفع معنوياتنا ربنا يحفظه ليكم , ويحفظكم ليهو , قادر يا كريم
والله يا منصور إنت زول أكثر من رائع
يعني أصلك ما بتقصر وما بتفوت عليك أي حاجة بتتكتب هنا (ما شاء الله)
بس المشكلة أنا شخصيا ماااااااااااااااااا بقدر أجاريك في أسلوبك الجميل في الكتابة والحكي الطاعم
يمين بالله إنت تفك أي دبرسة
ويا سيدي مشكور على مشاعرك النبيلة تجاه محمد سامي... وأحب أطمئنك وكل الأخوان إنو محمد بخير ومتعايش مع السكر بشكل كويس والحمد لله
وتحياتي لك والأسرة الكريمة
Post: #1067 Title: Re: ناس الزقازيق ... أجدع ناس (4) .. Author: أحمد إسماعيل Date: 03-24-2011, 07:58 AM Parent: #1065
اللهم رب الناس أذهب البأس أشف أنت الشافي لا شفاء إلا شفاؤك اللهم أشفي الأخت سامية إسماعيل وأبعد عنها كل ما يؤذيها.
أحسن الله عزاء الأخ عادل عبد القادر في وفاة والدته ربنا يرحمها ويغفر لها ويحسن مثواها مع الصالحين وإنا لله وإنا إليه راجعون
والله زي ما قال زهير ، ياحاتم متعتنا بنقاشك الشيق والجميل مع بناتك وأسلوبك الهل الممتنع ربنا يوفقك وإياهنّ
يا محمد عيد ياخي طال ما هناك برج أم سيسي مفروض يكون برج الكدك والككو موجود
Post: #1068 Title: Re: ناس الزقازيق ... أجدع ناس (4) .. Author: أحمد إسماعيل Date: 03-24-2011, 08:40 AM Parent: #1067
في موضوع النساء الصغيرات تحليل ممتاز يامنصور لكن أس المشكلة يامنصور ( الحرام والعيب) مع الغزو الثقافي الغربي (حكاية البوي فريند) الواضحة في الأفلام والمسلسلات والتي أصبحت لبناتنا لا مفر منها وخاصة في بلاد(الإنغلاق الفايت حدو دهـ) يعني بقينا شاطر ومشطور وبيتهما طازج كبسولة المسكن للإخوة الذين وضعهم زي حلاتنا إذا البنت وصلت في دراستها ثامن أساس خلوها تمتحن شهادة الأساس أولا تتعامل مع بنات جلدتها وتفهم منهن الكثير ثانيا بتأخذ كمية من المعلومات عن السودان على الأقل تاريخ وجغرافية السودان وممكن تواصل تعليمها الثانوي أيضا لأن الآن بالرياض توجد مجموع من المدارس للمرحلتين والذي يؤكد ذلك ،هذا العام في السفارة بالرياض (إمتحن 120 طالب و إمتحنت 80 طالبة لمرحلة الأساس) اما مرحلة الثانوي يجلس للإمتحان بعد بكرة 256 طالبة و218 طالب وهناك ما يقارب هذا العدد بجدة لانها أيضا مركز إمتحان ، كدي نشوف موسى عيسى ، ممكن يكون محمود الحوري كبير مراقبين أحد المركزين
Post: #1069 Title: Re: ناس الزقازيق ... أجدع ناس (4) .. Author: أحمد إسماعيل Date: 03-24-2011, 09:14 AM Parent: #1068
الأخ زهير شفاك الله وعافاك من الضغط وإن شاء الله مايرجع لك ثاني
أطمنكم بأن الأخ موسى عيسى اليوم في أحسن حال وعال العال لأنه مع عيالوا الواصلين أمس ، لذلك نتوقع أن يظهر هنا يوم السبت
جلست لإمتحان الأساس بالرياض / بنت د. حسن إسماعيل وبنت د. مطيع الحوري
تعازينا لكل اهل مدنى فى وفاه المغفور لها باذن الله والف سلامه للاخت ساميه اسماعيل
طبعا انا واحد من الطاشين لكن عرفت الدرب خلاص وتحياتى للاخ محمد آدم النور سبحان الله سامع ونستكم لكن ما عارف اصل ليكم كيف وجزى الله خيرا اخونا احمد اسماعيل وكان ماهو والله لهسه بطاقش فى الدروب الشاته
Post: #1071 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-24-2011, 09:52 AM Parent: #1070
نقابة العمال .. الصالون الاخضر اليوم الساعة الخامسة مساء .. عيد الخريج السابع الــدعــــوة عــامـــــــــــة
..
،،
Post: #1072 Title: Re: ناس الزقازيق ... أجدع ناس (4) .. Author: أحمد إسماعيل Date: 03-24-2011, 09:58 AM Parent: #1070
الأخ موسى الراجل حمد الله على السلامة انت طاشي من البوست لكن درب القون ماناسيه أمس ما شاء الله قينانك تتلتل بعد ما عادلت لينا جماعتك ما جبنا تايمهم بالثلاثة.
البركه فيك يا كوتش رايك يا ابوعمر قون امبارح دا ما بودينا لناس ميسى اصلا قالوا عاين فوق واصلا الواحد مابذكر الرافعين ضغط اخونا زهير عشان ما عندهم كوره و لا احمر و لا ازرق و الاربعه الوان ديك و الله غالب
Post: #1074 Title: Re: ناس الزقازيق ... أجدع ناس (4) .. Author: جلال عثمان Date: 03-24-2011, 11:33 AM Parent: #1073
سجمك يا عبدالدائم ... الحق زهير في الفيسبوك طلعك اول دفعة جابها طلبة عويضة
ابوعمر مشتاقين
موسى الراجل وين ياخ ... انتو التمارين دي براكم بس ما"تشركونا" معاكم
يا عبد الدائم مبروك التخريج.... صراحة كدي الواحد لقي ناس كتار مخزنهم في الذاكرة وقاعدين ... وفي ناس كتار اتمسحوا ... بس يا عبد الدائم هدي قاسم الزبير دي جابها شنو من المنيا للزقازيق ... بالمناسبة بت جيرانا وناس اهلنا عديل كده .. والي اليوم علاقتهم بيهم ممتدة رغم انهم تركوا كسلا ورجعوا الحلفايا اهلهم ...
و التحية لموسى الراجل ... الذي اهتدى الى البوست العام أخيرا... مرحبا بك يا موسى...
Quote: التحيه لكل أمهاتنا في أعيادهن.. خاصه الحاجه علويه.. الداسينها في مربع كاي.. يديهم الصحه والعافيه وطوله العمر..
شكرا يا حاتم و لقد قمت بابلاغها تحياتك... ولقد قمت بتهنئتها في مربع كاي لأنها من المتابعات للمربع... بعد أن كتبت عنها عدة مرات هناك... و من قبل ذلك عندما كتبت عن جدتي حاجة أمونة والدة أمي... فرحت أمي كثيرا بذلك و أصبحت تمدني بالمواد و تحكي لي ما لا أعرفه...
اتصلت بي صديقة ... لدهشتي وجدتها متابعة لبوست ناس الزقازيق .... وكان مرتكز نقاشها في الاتصال ... هو الحوار بينك وبناتك العسل ... مبسوطة جداً من شكل الحوار ... وحملتني امانة ان ابلغك بهذه الاشادة ... رغم عدم قناعتي بهذا الا اني لا املك سوي ان اوصل لك التحية والاشادة ...
Post: #1085 Title: Re: ناس الزقازيق ... أجدع ناس (4) .. Author: أحمد إسماعيل Date: 03-26-2011, 06:02 AM Parent: #1080
واحد زي حاتم جبارة هاجر إلى أمريكا بس يختلف من حاتم بأن والديه ثقافتهم ثقافة إنقاذية بأن أمريكا أرض الكفر ، كل ما يتصل هذا الإبن بوالديه يقولا له أرجع ما يخربوك الكفار وهكذا ، مرة إتصل على والديه مخبرهم بأنه إتزوج أمريكية الوالد قال : لا حول ولا قوة إلا بالله ، إتزوجت كافرة ثم قال : ياولدي والله مشتاقين لك كثير تعال نشوفك بس ماتجيب معاك الكافرة ، الإبن قال: لو أجي لازم أجيب معاى زوجتي عشان تعرفوها وتتعرف عليكم في الآخر وقت طال حنين وشوق الوالدين لإبنهم قالا: أمرنا لله جيب معاك الكافرة الإبن وصل مع زوجته وكان معاهـ أمانات داخل السودان في أماكن مختلفة ترك زوجته مع والديه وذهب ، الأمريكية وجدت أبو زوجها تعبان خالص فتولته بعناية خاصة كباية عصير صباحية وداك يا الطعام الصحي وشوية تمارين تمشية، الإبن رجع بعد اسبوعين وجد أبوه حالته إتغيّرت قام سأل والده : ها كيف لقيت الكافرة الوالد قال: دي أبدا ما كافرة ، الكافرة أمك !!!!
موسي الراجل انت اصلك دائما ضهبان ... ... نصيحتي ليك يا جلال ما تباري الراجل ده بيضيعك انت زول عندك سكري ... موسي عيسي وين يا جماعة ... اتصلت عليهو تلفوناته كلها مقفلة ... يا جماعة ما قلنا ليكم افقدوا لينا الراجل ده .... يعني نعمل زيارة لجلا يجي يفتش صاحبه يا ابو عمر ....
Post: #1087 Title: Re: ناس الزقازيق ... أجدع ناس (4) .. Author: أحمد إسماعيل Date: 03-26-2011, 06:35 AM Parent: #1085
بمناسبة عيد الأم تحية خاصة لكل أم وربنا يديهنّ طولة العمر والصحة والعافية ويجعل كل ماقدّمنه في موازين حسناتهن ويرحم ويغفر للآتي توفاهنّ الموت
Post: #1089 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-26-2011, 07:01 AM Parent: #1087
صباح الخير ،،، يا وجوه الخير
أصبحنا وأصبح الملك لله وحده ،،،
أحسن الله عزاء الأخ عادل عبد القادر في وفاة والدته ربنا يرحمها ويغفر لها ويحسن مثواها مع الصالحين وإنا لله وإنا إليه راجعون
Post: #1090 Title: Re: ناس الزقازيق ... أجدع ناس (4) .. Author: أحمد إسماعيل Date: 03-26-2011, 07:51 AM Parent: #1089
Quote: ربنا ينجح كل الممتحنين.. أها يابوحميد بناتي ديل.. أوديهم يمتحنوا أساس وين؟
الأخ حاتم وناس الدول الغربية زي ما قال منصور الله يعينكم لكن برضو ممكن تفكروا في حكاية المدارس السودانية لأن السودان ممكن يوصل الإمتحانات لسفاراته المختلفة وخاصة أنكم في بلاد الحرية مسموح لكم بفتح المدارس بالطريقة التي تريحكم ، أما نحن برغم كثرة الطلاب إلا انه غير مسموح بفتح مدرسة لاي جالية عربية لأن الجامعة العربية تلزم كل عضويتها أن توفر التعليم دون الجامعي لكل الجاليات العربية ، إلا إننا بالتحايل قدرنا عملنا مدارس يدرس فيها أبنائنا المنهج السوداني ، أخونا دكتور حسن إسماعيل جاب إبنه من خارج الرياض مسافة تزيد عن 400 كلم إمتحن أساس قبل سنتين وهذه السنة أحضر بنته جلست لنفس الإمتحان.
Post: #1092 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-26-2011, 08:14 AM Parent: #1090
التحية لموسى الراجل بعد أن
وجد الطريق ،،، =============================
توددت اليها
شكوت اليها نار الوجد وحر الصبوة
ووقد الوجد بقلبك يستشرى
جأرتَ وبُحت فما باحت
توسلت بكل فنون القول
وقول الصمت فما لانت..
يا كوتش محمد صديق براحة علينا
الكلام الكبير والجميل ده ما بنقدر
عليه ،،، هذه عربون محبة ، عودة دائماً لها طعم خاص
Post: #1091 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-26-2011, 07:59 AM Parent: #1089
من متين ليكم لما تسمعوا بحفلة بتعملو فيها الاولاد تقااال غير زهير وحاتم وجلال زول بارك لينا عيد تخرجنا الـ... مافى يمكن عشان ناس تمت ربع قرن ما عاوزة تجيب السيرة
يا جبارة حكمة حسن برى دى من بعد ما صرفو لينا كتيب التخريج ونحن بنتناقش فيها ..
يا زهير هدى قاسم الزبير هى ابنة عم عبدالله الزبير ولدنا ....
،،،،،
رحم الله السكرتير الاكاديمى للاسرة الزميل نجم الدين على ابراهيم / قسم بيولوجى
كما لا يفوتى من ذكر بعض الزملاء ( دفعة ) تأخرو عنا لاسباب اكاديمية ولكن شاركونا الفرحة يوم تخرجنا : سارة سايمون طابو كاجى عاطف خليفة عجيب راشد احمد راشد احمد انجليزى طارق بابكر صالحة بيولوجى راخية الحسن محمد عثمان على عبدالمعروف عباس جبر الله سميرة عبدالرحمن عبدالصادق هاشم تيسير حسن خليفة محمود حسين سعاد عبدالرحمن الصادق صلاح الدين السنى بورسودان فضل المامون
Post: #1093 Title: Re: ناس الزقازيق ... أجدع ناس (4) .. Author: منصور عبد الرازق Date: 03-26-2011, 08:21 AM Parent: #1089
الأجازة المدرسية البتجى فجأة دى , لذيذة جنس لذاذة !!! ردود افعال الأولاد والبنات , لمن تقول ليهم بكرة مافى مدارس ردود تستغرب ليها فى الأول , لكنك لما تتأمل فيها تلقى نفسك كنت بتعمل ازيد منها بى كتيييير امبارح بالليل , اجتاحت الرياض عاصفة ترابية فظيعة يعنى ببساطة كده وانت سايق فى الشارع , بتشوف الأنوار العالية بس تانى لو شفت اى حاجة فى الدنيا , فانت وزرقاء اليمامة , اخوان لزم رجعت ليكم البيت الساعة حداشر باالليل , ناس البيت ولا جايبين خبر الكتاحة البرة وطبعا يوم الجمعة ده اصعب يوم فى انصياع الشباب لمواعيد النوم والتقيد بها بت الشيخ بتكون ماسكة عصايتا وساكاهم , ولو انا اتاخرت , بعاين للتلفون لو رن لو بت الشيخ , بعمل اقنور طوااالى , عشان انا ذاتى يمكن اسمع كلام ما ياهو من نواتج انفعالها من مساككة الجماعة امبارح وصلت قبل ما تلفونى يرن حجازى وايثار ومجتبى , عاملين فيها نايمين , لكن صوت الضحك المكتوم واصل لغاية خشم الباب , وده حالته مكتوم طبعا احمد عامل فيها كبير وخارج المنظومة , مازالت سماعاته فى اضنينو , ويبحلق فى اللاب توب يا امى خالتو هاجر (اخت بت الشيخ الفى امريكا ) , معاى فى الفيس بوك بتسألنى لو انت لسه صاحية , قلت ليها أيوة وفعلا بمجرد ما خلص كلامه جرس التلفون الثابت رن وصوت الضحك المكتوم , ما يزال يصلنى مع انه مجرد ضحك مكتوم لمن دخلت عليهم وقلت ليهم انتو لسه صاحين يا اولاد ؟؟؟ارتفع صوت الضحك فصار (قهقهة تشبه الحشرجات من محاولات كتمها الفاشلة والمستمرة ) مدرار طبعا صااااحية , وهى خارج منظومة اطاعة الأوامر , لأنو ببساطة لا فى زول بيقدر عليها ولا شيتين الله قال بى قولك لو حاولت فى لحظة (عنفوان ) تعمل فيها فيها راجل و(ابوها ) وتنهرها وتقول ليها ات از تايم تو بيد بتديك فى حنانك طوالى , عشان كده طريقة السيطرة عليها العملية الوحيدة , هى اعتبارها غير موجودة اصلا , واطفاء الأنوار والأستغناء القصرى عن متابعة (حصاد اليوم الأخبارى ) والحسرة مالياك الساعة القلت ليهم ممكن تصحو ليكم ساعة تانى لأنو بكرة اجازة ملأ الصراخ الغرفة , وتشتت البطاطين , حتى كادت هاجر ان تطلع لينا من التلفون الكانت بتتكلمه مع اختها من امريكا يا ربى الناس ديل بيحبو الأجازة ؟؟ ولا بيكرهوا المدرسة ؟؟؟؟ علما بأن هذا هو السبت التانى على التوالى , الذى يستمتعون فيه باحساس الأجازة المفاجئة , ويوم السبت كمان الصباح كنت بتكلم مع صديقى وقريبى فيصل عبد الغفار وحكيت ليهو الحكاية استلقيت على ظهرى من شدة الضحك عندما حكى لى ردة فعل ابنه الصغير (نبيل ) على نفس هذه الأجازة قال لى امبارح نمنا بدرى دون ان نعرف خبر الأجازة صحى الجميع صباحا فى موعد المدرسة المعتاد اعتادوا ان يكون نبيل آخر المستيقظين بعد ان يفضى الحمام من زحمة الصباح المعتادة لغاية ما اخوان نبيل جهزوا تقريبا , جاهم تلفون من اخو فيصل وراهم خبر الأجازة تعال شوف الكواريك , قام نبيل صحى على الصوت العالى , فى شنو يا جماعة الليلة اجازة فيصل قال لى لمن نبيل ده (تسعة سنوات ) قعد فى نص السرير زى القرد , رافعا سبابته الى اعلى فى وضع التشهد وهاتفا بصوت عااااالى , الله اكبر الله اكبر انا لمن خفت انو نفسى ينقطع من كومة الضحك الدخلت فيها بالله نبيل ما بالغ ؟؟؟!!!
Post: #1095 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-26-2011, 08:38 AM Parent: #1093
تأثيرك
كلمات: الشاعر الزقازيقي حسين شنقراى إبن كسلام وكلية التجارة
باين فينى تأثيرك محال أنساك وأحب غيرك بقيت عايش على خيرك حرام ياخى تأخيرك ------------- خدود بالبهجة دفاقة وعيون فى الدمعة رقراقة تجيكا قلوبنا مشتاقة خلاص فيض الحنان ساقه -------------- مهما تبقى متعالى وتحرق قلبي يا سالى حبك ديمه راس مالى ومكانك فى الفؤاد غالى ---------------- قلوب تهواك ملتاعة تسلم ليكا منصاعة ترجو لقاكا لو ساعة وبرضو تقول ياخى طماعة وياما تقول لينا طماعة
Post: #1096 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-26-2011, 08:45 AM Parent: #1095
يا سلام الرياض تكتسي بالسندس الأخضر
وتكتحل عيوم موسى عيسى بالحضور البهي للعائلة
حمد لله على السلامة الوصول ،،،،
الفرح الجميل الفك دبرستك
يفك دبرست سامي عبدالوهاب وكمال الشادي
سلام يا جلا ،،، ولا ما سامعنا
Post: #1097 Title: Re: ناس الزقازيق ... أجدع ناس (4) .. Author: منصور عبد الرازق Date: 03-26-2011, 09:01 AM Parent: #1093
ازيك يا ابو عمر احمد اسماعيل كده اديتنى خيط جديد استمر بيهو فى الكلام عن النساء الصغيرات الشغلة شغلة تربية زى ما قلنا ولمن تكون بيئة المدارس سودانية الطابع , فاكيد انت بتوفر بيئة طبيعية لى بتك ولا ولدك بس انتبهوا لوصف طبيعية ده , لأنو معناهو توفير بيئة متسقة مع بيئة التربية لأبناء السودانيين الباقين دون ان اتجرأ وازعم ان هذه البيئة هى المثال الأفضل لبئية التربية المطلوبة بس فى الحالة دى , بنتك او ولدك , لو قدر ليهو يرجع يحيا حياته فى السودان تانى حايكون متسق ومتصالح مع المحيط العام , ليس بالضرورة ان يكون ناظرا اليه من (فوق ) باعتبار انه نتاج بيئة افضل ولا من تحت , باعتباره نتاج بيئة اقل حاتم جبارة فى اسرته عنده ادفانتتج باعتبار ان محصلة التربية عنده , نانجة من بيئات (هجينة ) ودى فى وجهة نظرى , اذا تمكنا من السيطرة على الأسس (المتفق عليها ) ودى مسألة السيطرة عليها ساهلة باعتبارها تدخل ضمن شروط الأختيار للزوجة (من الأساس ) فانه وبعد ذلك , وبوجود الحوار المستمر العلى شاكلة الحوار الجاب ليهو معجبين (بتاع حاتم ده ) وخاصة فى حالة البنات , باعتبار ان الأبناء جميعا اقرب لأمهاتهم تربويا , خاصة البنات فانه فى وجهة نظرى , ان الجرعات التربوية التى تصل للبنات من ابواتهم -فى حالة حاتم تكون فى حاجة لتفكير مسبق منه , كما انها تحتاج الى تفهم اكبر فبعض ما تربى عليه حاتم نفسه انه من الممنوعات والمحظورات حتى فى الحديث والأشارة يتحتم على (حاتم ) ان يوزنها بمقياس وزن جديد , لا مانع ان يخضع هذا الميزان , لبعض (وحدات القياس القديمة المخزنة عنده ) ولكن ليس بالضرورة ان يخضع لها كلها وهذه مهمة كبيرة يا حاتم , وشائكة كمان , وذات ابعاد مختلفة جدا , وبعض مرات عاوزة استشارات عديل تعرف انا بعد مرات , بتفاجأ بى (اشو ) معين مطروح للنقاش بين بت الشيخ وبنتها (مشروع الللتل ومن ذات الأربعة عشرة ربيعا ) انا بيكون رايى فى الموضوع المطروح , ماشى فى اتجاه معين , قد يكون فى بعض الحالات مختلف تماما عن اتجاهه عند بت الشيخ لمن اتلمس اتجاه نفس الموضوع (عند سيدتنا الصغيرة المشروع ) , احس مبدئيا , انها تتجه باتجاه اقرب لأتجاهى ولكن ادواتى فى نقاش ذلك ( الأشو ) , بلقاها قاصرة جدا يا حاتم , وما مكتملة بجوانب (خبرة حياتية ) فاقول كلاما اقرب للتنظير ولكنى لمن القى سيدتنا الصغيرة مشت فى اتجاه رأى امها -بعد مضى بعض الوقت - بسلاح الصمت احيانا , وبى سلاح الأقتناع الكامل احيانا اخرى لمن احتار زاتو , والمواقف الزى دى علمتنى ان اقول رأيى , دون ان اتمسك به وبينى وبينك , بعض مرات بقيت انوم بى رأيى عديييل اها الحتة دى , عند حاتم جبارة , محتاجة تفهم اكتر من حقى ده , بى مليون مرة كده جوانب كتيرة من جوانب التربية , اتمنى ان نتحول فيها الى ( خواجات ) وجوانب تانية , اتمنى صادقا فيها , ان نرجع الى احضان الريف المافيهو لا تلفزيون ولا كمبيوتر عشان اولادنا وبناتنا يتشربوا بيها انا شخصيا محتاج لتبادل اراء كثيف وفعال فى الحتة دى فقناعتى , ان رجال الشرق , لا يعرفون مكنونات صدور النساء , الصغار منهم والكبار الا القليل اليسير , ولا شنو يا جماعة ؟؟؟!!!
افتح المنبر القي ليك منصور قاعد في نص الهكر .... يمين فقري يا منص ... دي عملتها كيف ... البوست الوحيد الموجود وسط بوستات الهكر
Post: #1099 Title: Re: ناس الزقازيق ... أجدع ناس (4) .. Author: جلال عثمان Date: 03-26-2011, 10:05 AM Parent: #1098
ما شاء الله ... ما شاء الله تقراء بلحن حاجة كولن كولن . .. عيني باردة وسبت اخدر ... لانو اجازة زي ما قال منصور وما ادراك ما اجازة وما ادراك ما منصور زاتو ... انا من الله ما خلقي ما لاقني زول قاعد "يجلع" الكلام زي منصور دا اي والله جلع عديل كدا ... وحيا الله اخونا كشاح فهو صاحب التعبير حتى اسألوا عبدالدائم ... ولا ازيع لكم سرا بأننى صرت افتح باب الحوش بتاعنا دا الساعة واحدة ظهرا بتوقيت الرياض .... ليه ... ليه لانو والله منصور بكون اتداخل ووضع ليك خارطة طريقة لن تجد صعوبة من التداخل بعدها.... لانو منص بكلامه السلس "الجزيل" بكون وصل ليك كم فكرة كدة كانت غائبة عنك او قل لم تكن في الخاطر ... لذلك لن تدبرس ابدا بعدها وتقوم طوالى تضغط على ايقونة رد وتقوم تنداح وحيث ان ابو احمد عودنا على انو "يجلع" ليك مداخلتين وراء بعض اها بكون وصلك قمة الاندياح ولن تجد للدبرسة سبيلا بعد ذلك او قل لن تجد لك الدبرسة مدخلا بعد ذلك ... حياك الغمام ابا احمد
موسى الراجل ... الاربعاء معاكم طوالى ... وكدة ايا ابو رداء موسى عبسى: شرفت والله والرياض نورت يعنى ما كلمتني بوصول العيال . .. .. بجي راجع تاني الليلة ما اجازة وكدة
طيب الونسة لذيذة ومتشعبة ... يا عبد الدائم مداخلتك بتاعت الناس الرصيتهم ديل ما موفقة خالص .... يعني ده شيل حال عديل ....
اها بالنسبة للاجازة ... طبعا قبل الاجازة العجاجة دي مفاجاة لينا عديل كده ... زمان انا قايل الغبار ده في السودان محصور علي مثل عطبر الخرطوم كسلا ورياح الهبباي ... الا امبارح آمنت عديل بالغبار ... ده ياخي اصلي بلاده يعني السعودية دي ممكن الزول يقول انها ماسورة عديل كده ... حاجاتها كلها زي السودان ... المهم كالعادة الصباح الجماهير صحت ولقت ليك الدنيا بره خلا ... جوني يا والدنا اتصل بناس الترحيل ورينا الحاصل شنو ... عرفنا الاجازة بعد سبعة الا عشرة ... اها الجماعة اتكيفوا شديد .... بس نحن عندنا ميار حالة استثنائية ... الاجازة دي بتزعل منها ... ما شفت لي زول يحب المدرسة زيها .... طبعاً هي المسئولة عن الصحيان بدري وظبط المنبه ... وما اليه ... يوم نامت وصحت متاخرة جداً .... جات صحتني قالت لي يا بابا الترحيل فاتنا قوم وصلنا المدرسة ... قلت ليها يا ميار العربية مع معز خالك في الجرافة ... قالت لي اتصلت بيهو قبيل وهو جاي في السكة ... طبعا انا كرهتي في الدنيا اصحي بدري ... قلت ليها والله عقوبة ليك حقو الواحد ما يوصلكم الليلة المدرسة تنومي كيف وما تصحي ولا تصحي اخوانك ... قالت لي ما مشكلة بمشي بكرعيني وانشاء الله احضر الحصة السابعة ... لاحظوا انه المدرسة كانت في الحارة الاولي بشارع الشنقيطي ونحن قصاد الحارة 21 و 19 بالوادي ... لكن باقي الشباب يتكيفوا جدا للاجازة .... بعدين نجي راجعين لقصة النساء الصغيرات او الليتل ليدي كما قال منصور ... ياخي ده موضوع جميل وشيق ... والناس محتاجه تتناقش فيهو باستفاضة ... وتتبادل فيهو الخبرات ...
يا جماعة موسي عيسي ده الليلة مالو .؟ اوعي تكون عنده الحمي . يا جلال انت ما بتسمع الكلام مالك ... ما قلنا ليك الزول ده افقده ... اها شوف الحاله البقي عليها ... بس بيني وبينك النيو لوك خطير وخليك كده علي طول ...
Post: #1104 Title: Re: ناس الزقازيق ... أجدع ناس (4) .. Author: منصور عبد الرازق Date: 03-26-2011, 11:32 AM Parent: #1103
اوضعتم تخاجلنا يا ابو الجل , يا الحلاتك مدفقة زى روب طارق جبريل بس روب طارق جبريل , جاب ليهو حاجات تانية حاميانى لمن قالوا ليك تتلخبط مع الجلسرين , تبقى الحكاية حكاية ونكسب (الودين ) , وتبقى الصداقة قرابة والله ما عرفت موسى عيسى مكنتوا الجدبدة , ما استاندرد عدييييل دى مكنة دى ولا (آيبود ) ياخ ومستمتعين يا ريس , بتجليات الصديق حسين شنقراى فداوم , على نشرها , وما تفكر يا شنقراى , تنسانى
* عبد الدائم , مدرستكم المتوسطة اسمها شنو ؟؟؟بألأنجليزى كمان !!!! انا ما كنت قايلك قريت معانا فى سستر اسكول ياخ !!!!!!
خالص التعازي للأخت مها ابوبكر الرفاعي/ تربية في وفاة شقيقها د/مجاهد والتعازي موصولة لجميع الاهل بالقرير وكل ربوع السودان و(المهاجر) ونسأل الله ان يتقبل الفقيد القبول الحسن وأن يعوض شبابه الجنة
إنا لله وإنا إليه راجعون
التعديل: التعازي موصولة أيضاً للأخت / أميرة سيداحمد عبدالهادي (آداب) حيث انها عمة الفقيد "تقريباً"
و الله لو ما خايف تفهموني غلط كان قلت ليكم ان شاء الله تبقى أيامكم كلها كتاحة... عشان تاجزوا و تجوا تنداحوا الاندياح ده كلو... اندياحكم ده خلاني أقعد في نص السرير و أرفع أصبعي و أقول الله أكبر.... بس ان شاء الله نفدر نفرأ كل ما كتبتوه...
موسى عيسى يا حبيب عودا حميدا... و حمدا لله على سلامة الأولاد... و مبسوط لانبساطتك و معنوياتك العالية...
رغم الكتاحة الشديدة ركبت سيارتي و عدت الى السلع... نفثت الصحراء كل غضبها علي و على سيارتي... و لكن بفضل دعوات أمي و بت شيخي و دعواتكم طبعا وصلت سالما... سأخرج معتصما في السلع مرددا...الشعب يريد اجازة في الكتاحة...
قالت أمنية لأمها...بابا ده بقيت أشوفو غريب غريب... يجينا يوم في الأسبوع و يمشي... كنت ما زلت أنظر اليها باعتبارها طفلة تكبر... حتى عرفت اليوم بأنها أصبحت ليتل ومان... و بما ان كل النساء يعتبرون أزواجهم أطفال صغار... لذلك أصبحنا أنا و ابني مهند فقط الأطفال في البيت... اذا استثنينا الشغالة بتاعتنا و التي لآ أعرف الى أي فئة أنسبها...
Post: #1118 Title: Re: ناس الزقازيق ... أجدع ناس (4) .. Author: أحمد إسماعيل Date: 03-27-2011, 06:09 AM Parent: #1116
Quote: حاتم جبارة ... يمين قاعد استمتع بحوارك مع جكسيك ده عديل كده ... ما شاء الله عليهم
Quote: حاتم جبارة سلامات ...
اتصلت بي صديقة ... لدهشتي وجدتها متابعة لبوست ناس الزقازيق .... وكان مرتكز نقاشها في الاتصال ... هو الحوار بينك وبناتك العسل ... مبسوطة جداً من شكل الحوار ... وحملتني امانة ان ابلغك بهذه الاشادة ... رغم عدم قناعتي بهذا الا اني لا املك سوي ان اوصل لك التحية والاشادة
أنت يا أبو سارة ، زهير مالو (بشرك وبحاحي)
Post: #1119 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-27-2011, 06:23 AM Parent: #1118
نقلا" من صفحة ناس الزقازيق بالفيس بوك للزميل صالح عبدالرحمن
بسم الله الرحمن الرحيم
الاخوة اعضاء خريجى رابطة الزقازيق والسادة مساهمى شركة اجدع ناس واعضاء مجلس الإدارة ( المقترح)
السلام عليكم ورحمه الله وبركاته؛
الموضوع : الإجتماع الاول لمجلس الإدارة
بالاشارة للموضوع اعلاه ، يدعو المكتب التنسيقى لاعضاء مجلس الإدارة الاتية اسمائهم للاجتماع الاول للمجلس وذلك لاستعراض البنود التى ستذكر لاحقا واعضاء المجلس (المؤقت ) هم :؛ 1- محمد صديق 2- عبدالسلام مكى 3- نهلة نجم الدين 4- صالح عبدالرحمن 5- فاروق نصر على 6- عبدالدائم سيداحمد ( من الخارج ) ؛ 7- عبدالحفيظ عباس ( مستشار قانونى )؛
وسينعقد المجلس فى اول اجتماعاته لمناقشة البنود والاجندة التالية : .1.تشكيل المجلس وتوزيع المناصب 2.وضع خطة عمل واقتراح المشاريع الإستثمارية 3- تحديد تاريخ لعمل دراسات جدوى للمشاريع المقترحة او بعض منها 4. فتح حساب بإسم الشركة . 5. تحديد الموقع الدائم .وتعين سكرتير مجلس الإدارة 6. تحديد وسيلة التواصل بين الداخل والخارج وبين اعضاء المجلس 7. تحديد الإحتياجات الوظيفية وتحديد موعد لتعينهم 8. اللائحة الداخلية - والاتفاق على الموقع الالكترونى وشعاراته ومصممه .. الخ من التقنيات
وهذا سيعقد الاجتماع فى :؛ الزمان : الثلاثاء الموافق 29 مارس 2011 م التوقيت : الساعة السابعة مساءا المكان : قاعة اجتماعات شركة البازم الموقع : الخرطوم - الرياض - شارع 117 - بعد مبنى شركة إل جى يوجد يمينا مكتب الفاتح اخوان للعقارات - نفس المبنى
للتنسيق الرجاء الإتصال عبر الهواتف التالية 0912397336 - صالح 0912351006 عبدالسلام
الرجاء من الاخوة اعضاء منبر الزقازيق بنقل هذا الاعلان للموقع فى منبر الزقازيق او المنبر العام نسبه لعدم تمكنى من دخول المنبر
يا ابو حميد واضح انه المنافسة قوية .... غايتو نحن بنخطط من هسه للنسب ... لغاية 2022 مع كاس العالم في قطر نكون انجزنا ... اها الكبيرة دي حلال عليكم .... ابوها حر يديها لاي زول عايزه ... بس الصغيرة دي يمين ما تطلع مننا .... ياخي حاتم جبارة ده زول دفعتي وفردتي .... آي هو اكبر مني .... ما فيها كلام ... بس دفعة ....
Post: #1122 Title: Re: ناس الزقازيق ... أجدع ناس (4) .. Author: أحمد إسماعيل Date: 03-27-2011, 07:09 AM Parent: #1121
يا زهير بكلامك دة ، أنت عايز النساء الصغيرات ديل يقولن علي أعمامهم الزقازيقاب دقة قديمة ومتخرجين قبل عشرين سنة من الجامعة ، ومافاهمين هذا العصر الفيهو القرار ليهن ، وما على الوالدين بعد شوية توجيه إلا أن يقولا آمين
Post: #1123 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-27-2011, 07:29 AM Parent: #1122
صباح الخير ،،، يا وجوه الخير
أصبحنا وأصبح الملك لله وحده ،،،
ننعم اليوم بهذا الصباح الوضاح بإستشفاء العزيزة سامية إسماعيل والآن هي تكمل إجراءات الخروج من المستشفى سالمة متعافيه بحمد الله ،،، ولقد كانت لوقفت ناس الزقازيق ورهط من الأهل والأصدقاء والروح المعنوية لهذه الإنسانة القوية الأثر الطيب في سرعة الإستجابة للشفاء
الأخت سامية والأخ/ عادل أدام الله لكم العافية والصحة المحبة
Post: #1124 Title: Re: ناس الزقازيق ... أجدع ناس (4) .. Author: منصور عبد الرازق Date: 03-27-2011, 07:33 AM Parent: #1122
سلام كبير لجنابو محمد صديق و الف حمدلله علي السلامة
وسع يا جدع راصني يا جدع جبابو وصل وسلامة الغالية
سامية اسماعيل و انشاء اجتماع موفق لقادة الداخل
بس ما شايف مندوب الخارج جهز غرفة الاجتماعات و لا
شايفين لينا شربات يتقاش رغم الخطوبة من قبل اب شنب
عموما نحن في الجمعية العمومية بتاعت الخارجة القادمة
نسعي سعي حثيث لاسقاط دودي لعدم تبنيه لرغبات الجماهير
الهادرة التي تسعي باذن الله للتغير من قولت تيت ..........
يعني زنقة زنقة احسن ليك تواصل من اول بنفس واحد !!!!
يا جماعة وين صحبي جلا افتقدتو في الون تو دا ؟؟
Post: #1129 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-27-2011, 08:51 AM Parent: #1127
يا موسى ناس الخارج على الاقل يتبرعوا بتذكرة عشان امشى احضر الاجتماع ده واهو كلو بتمنو بعدين
ويا كوتش مبروك عيد تخرجكم الكم وكمييين وانا كنت فاكر القصيدة بالمناسبة دى وفى اطار احتفالنا ده يا كوتش لقيت تلفونات عدد من الزملاء منهم صاحبى العباسى ومجذوب ابو لكيلك بقطر وتيسير حسن خليفة وانور الحاج موسى وعباس جبر الله وسكينة قرشى عاوز لحدى السنة الجاية لو ربنا سهل الم كل الدفعة فى بوست منفصل والاحتفال يكون مغلق والدخول الا بالكروت
ـ،،،،
يا موسى يا راجل شايفك متألق فى بوست الفاتولة جاب الواحوالــة ... بالله انتا من الناس البحلو بالرز مع الكسترد .... عليك الله جضم لينا احمد اسماعيل ده من زمان شابكنا مصطلحات كده من عندهم ويختنا فى امتحان صعب
Post: #1130 Title: Re: ناس الزقازيق ... أجدع ناس (4) .. Author: منصور عبد الرازق Date: 03-27-2011, 09:14 AM Parent: #1129
طالع الشجرة
Excellent and expressive rhyme based on the old one we used to sing as children, unknown author , but certainly touches the sensitive strings
كيفكم ... عاد للبوست رونقه بعودة الكوتش والكمندان كما يحلو لي مناداته "بحكم مهنة البوليس وتربية الاشلاقات" يعطي لهذا المكان رونقاً كالصبح البديع ... كيف لا ودخوله بعد غيبة وعربون محبته للمكان كان عبر تلكم الابيات. ورغم اني وبحكم النشأة، متذوق غير جيد للشعر "زي اخوي الكاشف" الا ان مايأتي به الكمندان "يعحبني ويسر بالي" ليس تكسير ثلجا او غيره ولكن للثقة التي لا تهتز في ان الكوتش كما يحلو لكم والكمندان كما يحلو لي - شاعرا نحريرا واديبا اريبا وزواقة للشعر والادب. قد يدور بذهن بعضكم ان لماذا فدخول اخانا الذي بالرياض قد كان ايضا عبر ابيات نثرها في صفحة هذا الحوش وأقول نعم وقد اصابنا في مقتل فقد كان يغني على ليلاه ولم يكد يصدح بغناه حتى تفاجأ باغنية الرحيل وودعوه وسافروا ...
عبدالدايم سلام الرز بالكستر ياحلاتو بس ترى الا فى المناسابات وكان زمان احمد اسماعيل دى حاجات سامعها فى السوق بس كيسه فاضى من هكذا اشياء ،، والراجل( كمورى ) زيك كدا
قبل سنين طوييييله.. إتصلت بينا أخت بت الشيخ للتهنئه بالعرس وكدا.. حق الله.. وسلامات.. إتكلمنا معاها زين هي وزوجها.. ومع السلامه.. مع السلامه.. ياللا بت الشيخ مبسوطه تحكي لي عن زوج أختها.. My brother in love said this and that My brother in love did this and that طبعا هي بتقصد "my brother in law" وبيني وبينكم أنا الكلمه طاقشه أضاني.. وكل مره في نفسي أقول يا ربي الزوله بتقول شنو.. مرت أيام وشهور طويله.. لحدي يوم بت الشيخ فتحت الموضوع.. My sister and my brother in love called me today.. في نفسي قلت الا أحسم الموضوع دا الليله.. إنتي يا ليلي قلتي منو إتصل؟ My sister and my brother in love... قلت أتأكد ما أكون سامع غلط.. يعني راجل أختك دا سموه كدا عشان يعني بيحب أختك؟ Yes.. طيب قبل ما يعرسوا كان برضو بيحب أختك؟ Yes.. طيب إشمعنى هسي بقي يور برزر إن لوف وفي الاول لأ؟ They are married now so he became my brother.. سمح.. مرت الايام.. وتشاء الظروف ونحن في زياره لجماعه أصدقائنا.. بت الشيخ فتحت الموضوع تحكي.. My brother in love said this and did that.. ياللا صحبانا ما انستروا معاها.. يازوله ما اسموا كدا.. اسموا brother in law.. Oh really? I didn't know.. وتشيل وتحمر لي باقي المساء.. ركبتنا العربيه.. إنفجرت.. You are so mean.. (غتيت غتاته) في شنو؟ You knew since that day I was saying it wrong.. والله يا ليلي.. عجبني منطقك عشان كدا سكت.. I don't care.. He is like my brother and I love him..
من اولها كده تضييع لحقوق المساهمين و تاجيل اجتماعات ؟؟
طيب نصيبنا من ايام التاخير دي تتخصم من مكافاة مجلس الادارة !!!
وين صحبي جلا الموضوع بقي خطير اظهر قبل الخروج للشارع ...
Post: #1158 Title: Re: ناس الزقازيق ... أجدع ناس (4) .. Author: منصور عبد الرازق Date: 03-28-2011, 09:48 AM Parent: #1157
الله يجازى محنك يا واد يا باجيو انت !!!! برذر وسستر ان لو دى , انا كمان عندى معاها حكاية بت الشيخ طبعا بت جيرانا , قبل ان تنزل لمرتبة (بت شيخ دى ) وجيران كمان ما اى جيران , نوع الحيطة بالحيطة , والنفاج , والحيطة الفيها ممر سرى ديك لذا فانا معاصر لمراحلها الدراسية , هى واخواتها السبعة , واهلها الباقين كمان وهم طبعا اصغر منى (يارب ان شاء الله عبد المحسن دفعة ما يقرأ الكلام ده ولاكمان واحد من الحاسدين يحكيهو ليهو ) حركة الزيارات فى بيوت السودان المفتوحة ديك , المن نوع تجر السلك بتاع الباب وتبقى داخل ديك رغم انها سلوك حميم , الا انه يضايق البنات والصبايا , خاصة فى مراحل ولوجهم للأنوثة الكاملة او ايام ان يكن ,نساء صغيرات , ومع انى عاصرتهن -واعنى بذلك بنت شيخى واخواتها -وهن صغيرات فقد جاءت مرحلة من المراحل , بدأن فيها بعض التحفظ , وسرت بعد القوانين والقيود (غير المهضومة ) , غير انها (مفهومة ) وبعد الزواج , ومع شلاقة اخوكم , وعدم وضعه اى اعتبار لتلك القيود المصطنعة كترت الدخلة والمرقة من عندى , واصبح تكسير تلك القيود واعادة الحياة الى طبيعتها واجبا من واجبات المرحلة تتخيل يا حاتم , برذر ان لو , وسستر ان لو ديل بالذات , كانوا احد اسلحتى , التى الهمنى الله بها دون تحضير مسبق من زماااان اصلا الأكسبرشن ده عاجبنى , حتى اننى اترجمه الى (اخ فى الحسبة , واخت فى الحساب ) وهو تغطية نظرية شديدة الفعالية عندى , لمناطق يحدث فيها اصطدام , ما بين هو دينى عقدى , ومابين هو (تقاليدى عاداتى ) واماكن الأصطدام هذه , تتمحور فى حتة الجيران , وصلات القرابة بتاعت الدرجة التانية من شاكلة بت عمى , وود خالتى , وود خالى , وبت عمتى الكثيرون من اهالى السودان , يستبدلون هذه العلاقات , وكنايات القربى , بى اكسبرشنز اكثر حميمية يقولون اخوى ود عمى , واختى بت عمتى , واخوى ود خالى وهكذا واختصارها ياهو اخوى ولا اختى فى (الحسبة ) مدام ليلى جابت ليها اختصار احلى والطف , اخوى ولا اختى فى (الحب والوداد ) انا اثنى ياخ , ده ما كلام زى اللوز , وانت شن عرفك بألأنجليزى ؟؟؟!!!اصلا من الأساس قاعدين تشنقلوا فى الكلام انت والمسنوح طارق جبريل داك وصلتوها لغاية برذر ان لوف ؟؟؟؟!!!!! دغالتكم ما عينة لكن !!!! الدغالة , هى بت عم الغتاتة واختها لزم dagala is gatata sister in low
عا########ي الونسة لكن بحب انداح من البيت الود محمد الشليق طبز ليه حاجة في جهاز البيت بقى عامل زي قعر الصاج كله اسود لامن نفضى ونمشي نصلحه بنكون مستمتعين من برة كدة
صبحكم الله بالخير حاتم جبارة ...أنا و الله زاتي متكيف من مسلسل desperate house wife بتاعك ده... و اتكيفت أكتر لما لقيت غتيت حقتكم بالانجليزي... و اشتهيت و الله بت الشيخ تقول لي أي حاجة بالانجليزي.. ان شاء الله يا ثقيل...و لا تقول لي غور أو حاجه من هذا القبيل... انت يا حاتم غور بالانجليزي بقولوها كيف؟؟؟ غور يعني شتت كان نسيت... مش غور الأردن... أنا و الله بت الشيخ كان قالت لي راجل أختها my brother in love... بقول ليها انتي جنيتي و لا شنو... مش أحسن من الشكل الما بيجيب نتيجه ده؟؟؟
يا موسى تغش بت الشيخ...يغس عليك... أنا لو مكانها ما أنساها ليك أبدا... و كل ما تجي الذكرى السنوية للحاكية دي أجيب مفراكتي و أجي أحتفل معاك...
Quote: النبي فيكم يا الحبان شوفتوا قراية البطان الزمن دة كيفنها.. بالله الواحد امه تقوم صباحي وتجهزلو في الغداء اليشيلو معاهو.. يا همبرغر هاجرينو بين جِبنايتين صُفُر في العيش العلي القحف داك.. يا كمان العيش الممصرن العلي (البزديق) داك يدهنوهوا بــ(الكرافت).. ولا حبات ألات سجك يشووهن ويغتسوهن في (الكاتشب) ويزرقوهن في العيش العلي ضنب الكــلـب داك.. ولا الخرابة العفن داك اليقولوا (الهوت دوق).. وبعد دة يلفوهوا بالألمونيوم فشان يبقى سخن لي وقت الغداء ويهجروهوا في شنيطي صغووويري كدي ألت الأكل.. ويطلعلوم عصير أليل منقة ولا برتكان ومعاهو القصبايي البيشفطوبا العصير ديك.. ويختلولم تفاحيي يا موزايي يا يوسف افندي يا كمان كوميثرايي.. وبعد دة كلو يختولم زبادي دانيت ومعاهو بسكويت عشان الفسحة القبل الغداء.. ودة كله في شنيطة الجن دي..
حليلنا نحن وحليل قرايتنا.. وحات نضري انا مرة جيت من المدرسة للفطور.. لقيت امي رحمها الله ماها في.. دخلت علي التُكل لقيتلي كوريي فوق النمليي فيها روب.. وفي طبق الكسري لقيتلي فطيرتين كبيت فيهن الروب.. وضرضرتلي فيهن سُكر وشلتهن طويتن وانا ماشي علي المدرسة وألوغد فيهن.. والروب ينقط في القميص ومرة مرة اقشقش في مخاخيتي.. والدنيا برد وجضومي علي العليهن مليانات قشروب وماني قادر اضحك من الشقيق.. وأصلو الروب مع المخاخيت والشقيق وكتين نشف وحات ود الكرسني جضومي زي اليبسوهن بي جبص.. بقيت حنكي ماني قادر احركو.. وأصلو القميص اللبني داك مع الردا اللزرق بقن منقطات بالروب و(الشدة) من لاااتحت مكودبي والرجلين مغبرات مع الجلسرين.. اصلي بقيت زي أهل الكهف.. اها ورفقاني برضو الماكلو فاصوليي مكرتبي ولا لوبي عفن.. وتعالوا شوفوا من دخلنا الحصة التالتة دي وامة محمد منفوخي وتتنفس من لاااا تحت.. اصلو الفصل دة بقى علي كفاي الجداد ولا مراح النعاج من العفني.. وأصلها الحصي ألت الدين ديك يمين مافي زول حافظلو سورة.. مع ((البنج)) المالي الفصل دة.. واصلو ان كان لي استاذ الدين تلقاهو ممرق وشو بالشباك ويقري فينا..
دة كلو كوم والشنط ألت القرايي ألت البُطان ديل كوم.. بالله نشتري في الشنط السمحي دي وليها (ترتارين) وليها يد كدي علي (كماشة) الفحم فيها شيتا كدي تطبزو تجيك ناطي ووش الشنطة يا تلقى فيهو (ميسي).. يا كمان (فولا).. والخرابة ملياني جيوب.. شي للكراريس وشي للكتب وشنيطي صغوووووووووويري فيها الأقلام والألوان والاستيكة.. نان هن اقلام.. شي احمر وشي اخضر وشي ازرق.. والعجب في الاستيكة.. وحات نضري ليها ريحي.. ومرة ليها شكل كورة ومرة ليها شكل حصان... تشهيك المسح..
وتاني يا حليلنا نحن.. بالله خرتايي تخيتها ليك امك من باقي الدموريي ألت اللحفات.. وتسويلك ليها سوستة.. وعَلاقة فشان تختها في كتفك.. واصلهن كراسين مافي غيرن.. مجلدات بالجلاد البني داك.. ومبرقعات بي زيت الزلابية.. وصفحاتن مقدقدات من كترة المسيح.. واصلنا ما شفنالنا ترتار غير ترتار صندوق البرنجي داك البتختو مع الهوا وتجري وراهو النهار كلو.. وكل يوم تحسب في السنين متين تصل سنة رابعة فشان ترتاح من قلم الرصاص.. وقادر الله تقعد تكتب بي قلم الحبر..والحبر يتسايل في أصابعينك والله بيسألني مرات الحبر يصل لي كوعك.. ومن مسيح المخاخيت مع الحبر تسويلك شنب ضُومة ضُومة.. وأصلك كل يوم تجي ماشي جنب سنة خامسة وسادسة.. وتشتهي متين تصلن فشان يشترولك علبة الهندسة.. وتقعد تسوي في الورود بالبرجل وتشيل تقطعن من الكرسي وتمشي علي بت الجيران ترميهو ليها في طريقها.. وهي تسكت تتبسم.. وانت تشيلك الهاشميي وتضاحك برااااااك
اها يا الحبان بعد دة كله الشافع يسولوا الفطور.. شي كرواسة وشي كيك وشي عصير.. ويلبسوهوا هدماتا سمحات ومعاهن كرفتة.. ويسوقوهوا بالعربيي لاااعند المدرسة ووكتين تشوفو نازل وجاري الشنطة أم ترتارات ديك والشنيطي ألت الأكل في الايد.. والكرفتة تتطابر من هني لااااهني تحلف تقول مدير بنك
دحين باقيلكم قرايتنا مو ياها القرايي ام دق مع البُطان ديل
الكلام لا يشمل ديدو وود جبارة ما ناقصين شيل حال ياخي
الروب الينخقك إن شاءالله.. عامل مخاخيطك النازله دي.. شيل الحال دا.. إنت خليت لينا فيهو فرقه..
شكيتك يا موسى عيسى.. بت شيخك دي الله يسألها.. الكمثرى بيلخبطوها مع الجوافه?
منص.. قلت لي سويت الدرب ساساق بمكنه أخت في الحسبه? آخرتها بقت إن لوف عديييل..
د. سناء بت الصباغ.. حوله.. سهر قدر دا?
رش.. إنت ياالغريب تبرا من غور.. إنت بيودعوك بدعواتا خضر..
ديدو.. كل يغني على ليلاه.. بت الشيخ إسمها Lilly وليس Laila..
كان الله هون أجيكم ورديه الليل..
تخريمه: غور عند الأمريكان ترجمتها كدا.. "Get the #### outa here, man"
Post: #1164 Title: Re: ناس الزقازيق ... أجدع ناس (4) .. Author: أحمد إسماعيل Date: 03-28-2011, 04:26 PM Parent: #1163
با حاتم الظاهر عقدتو الراي مع زهير
ياديدو ما يغرك موسى الراجل بالكلمتين القالهم ناس بحر أبيض كثبر من ثقافتهم من عندنا ولو مكذبيني أسأل موسى عيسى
Post: #1165 Title: Re: ناس الزقازيق ... أجدع ناس (4) .. Author: أحمد إسماعيل Date: 03-28-2011, 04:55 PM Parent: #1163
قبل ستة سنة أنا ومعاي ثلاثة زملاء من الشركة ، سوريان وسوداني ذهبنا في سيارة واحدة لإداء عمرة بعد ما ادينا العمرة وراجعين للرياض واحد من الإخوة لاحظ سيارة قايداها إمرأة وقال لنا، سبحانة الله تعجبنا وإستنكرنا، إمرأة سايقة سيارة في السعودية رغم أن عادي النساء يسوقن السيارات في بلدينا. هدينا سيارتنا عشان نشوف هذه السيدة التي تتجرأ وتسوق وسط 00000000000 فإذا بها المسكينة تصاب من عيون أحدنا لأنها عندما قاصدتنا فلتت منها السيارة وأخذت نصف دائرة وخرجت من الخط ودخلت في مجموعة شجيرات صغيرة صحراوية ، حسينا بالذنب وأسرعنا لنجدتهم ، الحمد لله كل العائلة سليمة لكن تعطلت السيارة تماما، دي حالنا عيونا باردة وأقلّ تعطشا من أهل البلد. الرحلة من بعض الدول بالبر لمكة المكرمة أكثر من 2000 كيلو وممكن رب الأسرة يكون عنده سبب يمنعه من مواصلة السواقة فلا قضاضة أن يتعاون معه من يجيد القيادة ( زوجة أو إبن) ، بس في حالة المرأة داخل المملكة يجب أن تحطاط وتتنكر في شكل رجل وما قصتنا أعلاه ببعيد
تكروني راح مصر، أتصل على أمه وقالها أنا في الهرم.. قالت له: سلي ركئتين يا ولدي وأدئيلي!! (هُِهُِهُِهُِهُِهُِـُِ =D)ـُِهُِهُِهُِهُِهُِهُِ=))
تكروني عنده امتحان عربي جاه سؤال .. أكمل البيت : من لم يمت بالسيف .... ؟ قعد التكروني يحك رأسه ،، وبعد تفكير عميق قال: من لم يمت بالسيف .. مات بالشتاء هههههههههههههههههههههههههههه :|
تكرونيه شافت مصريه تحت عماره تبكي .. سألتها وش فيك..؟ قالت المصريه : تايهه..!! قالت التكرونيه : اللهو أكبر .. تايهه من فوق وما تموتي !! ...... مسريه كزابه =D هَـہًہًًہًًہًًہًًہًًہًًہًـآآآآ ۓ ھَھٍھَھٍ)ھَھٍ
================================ طبعا انا مستمتع .... ومتابع ... عن قرب ود جبارة (بتك شرط) بس ولدي صغير .... النكت الفوق دي ود جبارة وشلته يمتنعون .... عاوزين شرح غايتو للتسهيل : تكرونية = فلاتيه تكروني = فلاتي هذا للإضاح ... ووجب التنويه ...
Post: #1174 Title: Re: ناس الزقازيق ... أجدع ناس (4) .. Author: أحمد إسماعيل Date: 03-29-2011, 06:32 AM Parent: #1172
أصبحنا وأصبح الملك لله الواحد الأحد ود جبارة 00 ما شاء الله تبارك الله 00 رانيا ربنا يحفظها ويرعاها ويوفقك وإياها ، وإن شاء الله تكون من بنات المسلمين اللاتي يشار إليهن بالبنان .
الليلة الواحد عنده مزاج يكتب بس ما لاقي ليهو موضوع .... بالله العنده موضوع يقول لينا يمكن يصادف هوي في النفس ... والنفس امارة بالسوء ... يا سلام علي رانيا بت ام رانيا ... ياخي بت عسل ربنا يحفظها ويحرسها من كل سوء ... ويعلي مراتبها ويجعلها اضافة حقيقية لكل الانسانية عندنا ولا في امريكا ولا اهلها ناس الدومنيكان ... وتهون ليها كل القواسي وتسهل ليها امتحاناتها ... ونشوفها كبيرة واميرة علي ابوها وامها ... واختها سارة كمان ... بس يا حاتم عند اهلنا البني عامر مثل يقول ليك ... (المره والحطب جيبهم من قريب) اها يا حبيب الظروف لو رجعتك واستقريت في السودان (وده طبعاً بعد الشر عليك ) ليلي دي عندها سماية اختها ولا اخوها ان لوف ده كسر رجله ولا حبوبتها ماتت ... ياخوي المشوار ده ما بعيد عليكم .... ما تخليك نصيح وشفت زي منصور ده الحيطة بالحيطة ... غايتو نقول شنو القسمة ... ياخي علي الاقل كان تتعظ من اخوك مرقها في عطبرة والله المشوار داك ادبني ليك ادب من زمن الشارع واطه ساكت لمن سوهو زلط انا اساسق ... لمن جو اهلها واستقره الخرطوم ... قلت ليهم يا جماعة صراحة ربنا كده ... تاني سفر مافي والفاتحه محلية اعفو لي واعفي ليكم ...
اخيراً وصل جلا .... يلا يا ناس ... عايزين زول يقش الحوش ... بنات الشيخ قالوا زهجوا من نضافة البيوت .... انا غايتو علي المسح ... زول يمشي الدكان يجيب البارد ... اها محمد صديق حلف الا يجب خروف لي جلا ... شية بس يا ناس زي حقت الريس الزمان ديك عملها للنضيف ... يمين ما انساها كله كله ... ولا يوم مشينا قندهار مع سناء ... ياخي الواحد قرمان لشية عديل كده ... اها قلتوا لي جلا جا راجع ... هو جلا ده ذاته منو ؟ اها اتذكرته ولد جيرانا في كسلا .... وكان معانا في كلية تجارة ... ولا انا الكنت معاهم ... ايوه صاح ...حتي بالامارة في سنة وهو خريج سكنت معاهو ... ياخي اتذكرته اها مالو .؟ ايوه ايوه اتذكرت جا راجع المنبر .. وهو كان وين .؟ لا لا كترت الاسئلة ... دي الا يجاوب ليك عليها شخصياً ...
قلت لي جا كمان لابس وطنية ... قال سلام ايها الوطن ... ياربي قاصد سودانيز اونلاين ولا السودان ... معناها الزول ده كان بره السودان ايوه صاح ممكن يكون حج تاني ... مش هو الحاج السري ... ليه لا ممكن يحج في موسم سري غير موسم الحج ... طيب معناها حا يعمل كرامة وحا تكون في شية ... والله دي فاتتني لكن ... المكرفون مع منصور يلا واصل يا منص ..
سلام للجميع طارق جبريل يا رائع جدا بس المكان يختلف وبدل الروب حليب وكان روبكم بخنق كنت بتظمت كيف يا طارق اصله حاتم من ما فتح عرف الروب باسم( اللبن )
عبدالدايم سيد احمد اخجل وشك و ما تبارى بالكوش وكان ما النقل البرى وين كنت تبيع الطعميه و الدردمه يا بتاع ( الكوانين) بشوف ود البوش ما حمل الكلام الا اكل وقش فينا
زهير ليه ورديه ليل ؟ والبحل الواجبات ليك منه ونرجو عدم التهرب من دفع الضريبه
Post: #1184 Title: Re: ناس الزقازيق ... أجدع ناس (4) .. Author: منصور عبد الرازق Date: 03-29-2011, 08:27 AM Parent: #1179
الدبيب عاد ما بيمرق ويجيكم كيفن ؟؟؟؟ شوف انت يا ود يا حاتم جبارة ما تقعد تشحتف روحنا واحدة واحدة ورينا (الجوافة ) كلها نعزلها (كمثراية كمثراية ) عشان نختار (المزة الدايرنها ) بعدين اولاد الزمن ده , انت ما عارف عيونهم طائرة الواحد كده ضمن المزة وضمن كمان معاها , هار سستر ان لوف صورة جماعية يا زول وبعد داك , احمد وضميره يا زول
* والله العظيم احمد الأيامات دى مواظب على الجم جنس مواظبة
Post: #1186 Title: Re: ناس الزقازيق ... أجدع ناس (4) .. Author: محمد عيد Date: 03-29-2011, 08:39 AM Parent: #1184
غايتو الناس لمن تكون داير ليها موضوع و ما تلقاهو و بعدين ربنا يفتحها عليهم بي طلع البدر علينا يقوموا ما يصدقوا و ينداحو
أياً كان الغياب القسري أو الإياب القيصري إلا أنه لم يأتي بجديد مثل صديقي الكوتش عليه لا وجود لتحالفات أو ثنائيات أو تكتيكات
هذه أولاً
Post: #1187 Title: Re: ناس الزقازيق ... أجدع ناس (4) .. Author: منصور عبد الرازق Date: 03-29-2011, 08:44 AM Parent: #1184
كدى عليك الله زح كده شوية يا موسى الراجل ما سمعت قالوا ليك المكرفون مع منص ؟؟؟ بعدين انت متييين عرفت الدرب بعد ما كنت طاشى عشان تجى تقالع فى مكرفونات الناس كمان محمد المرتضى لغاية هسى قايل انو الباسويرد ادوهو ليهو مخسووووس عشان مربع كاى الرشيد ياخ فهم الزول ده , قول ليهو المفتاح العنده , بيفتح حتات كتيرة يعنى لو مشيت المربع ولقيت مافيهو الا اسعد اب كرنك ممكن تاخذ ليك لفة وتجى الكافتريا تلقى ناس الريس ومحمد عيد وموسى عيسى والزناتى زهير كمان , وكان رجله طولت شوية وعاين للميدان الورا الكافتريا حا يلقى حاتم جبارة قااااعد بى شورته وبانداته الفرق بس الباندات بقى يعلقها فى جيب التى شيرت الصغير لأنو الدلجة الفوق دى , كان حقته ولا اللات فردته ود جبريل تانى لا بتشيل ليها باندة , ولا حتى منديل فاين عموما , طالما الميكرفون معاى , وجلا جا داخل , وسناء الصباغ تاوقت وفرتقت وذكرت ابو الزوز الشية فالمانع شنو الزول يقول , مشتاقين يا جلا هو انت كنت رايح وين ؟؟؟؟؟
أما بالنسبة للوطن لأن بداية التسجيل للعام الدراسي 2011 - 2012 بدأ و قومي يا إنتصار عايزة تدخل المدرسة و عشان نسجلها لازم تخضع لإمتحان قدرات و لمن سألوها قالو ليها قولي نشيد فقامت قالت ليهم نحن جند الله جند الوطن
أنا أركب دئن.. وأروح لأبوكي.. وأئولو.. أنا مستعار.. ************************ المشهد دا تألق فيه محمد نجم مع ليلى علوي.. كل ما أحس بي دبرسه.. أجلس كما الشاعر.. إلى منضده عاريه.. أنظر في نفسي.. أتذكر هذاالمشهد.. فأضحك.. *********************** تمسحتنا يا كوتش..
يوم في يوم غريب فيهو الشمس لمت غروبها وسافرت بانت نجوم متفرقات زي الدموع فى خد حبيب ودع حبيبتو السافرت والليل ضفائر حزنو مداها الألم زي التقول عارف النهاية القاربت شفتا الفريق ضامي الفرح فى دار حبيب ضميتو في قلبي الحنين ماتت خطاي ضاع الأمل واحترتا في خوفي الدفين عاينتا لقيت الحبيب في عرشوا في تاجو الحزين حولوا العيون فيها الفرح بس الفرح في عيونوا ماقادر يبين والدمعة في عينيك تودع طيف حبيب خليتو لي قدر السنين
اشتقتا لي طيف الحبيب ومشيت طريق اسمو المصير ودعتا زهرات الأماني ورجعتا لي ألمي الكبير حسيت شعور الراهب السار السنين مشتاق يفتش ليهو دير لمن تعب سارت خطاهو علي الدرب خاف الأمل كره المسير ياحبي عيش كلمات خطاب من الحبيب كان النهاية حرفوا الدموع صدروا النحيب والحسرة كانت فيهو غاية خلاني اغرق في المصير وانا لسه عايش في البداية أندم علي الحلم اللي راح واطفي الشموع وابكي النهاية وابكييييي وابكيييي النهاية القاربت .
موسى عيسى تحياتى بتبرطع فيه ليك كم سنه فيه وكان قلت نمرق حاضرين وتانى ما بعتر ليك و مرقه رزق من المشيخه شايف ابوعمر طالب الاستعانه بك على ناس بحر ابيض وانا كنت مالى بيك يدى يفرقنا بحر و يجمعنا البنطون
Post: #1201 Title: Re: ناس الزقازيق ... أجدع ناس (4) .. Author: محمد صديق Date: 03-30-2011, 09:53 AM Parent: #1200
سلامات يا ناس
سلام ايها القوم
جلا ده ما فى زول يقربوا
انا كلمتكم...بالذات ياسر نجيلة
Post: #1202 Title: Re: ناس الزقازيق ... أجدع ناس (4) .. Author: منصور عبد الرازق Date: 03-30-2011, 10:35 AM Parent: #1201
بمناسبة جلا مافى زول يقربوا دى يا ياسر نجيلة انت عارف ليه ما يقربوهو طيب اسمع الحكاية دى
أقراء واستمتع
شاب إنزعج من حبيبته من كثرة مطالبتها له بخاتم الزواج وتأجيله للموضوع
فأهداها دب فغضبت ورمت الدب في منتصف الطريق
وعندما جاء حبيبها ليلتقطه من الطريق فصدمته سيارة ومات
وفي عزائه كانت تمسك بالدب وتحضنه بشدة وتبكي وفجأة تكلمت الآله الموجوده داخل الدب تتزوجيني الخاتم موجود في جيبي فقالت والدموع تسيل من عيونها: نعم أقبل فرفع الكفن عن نفسه وقال : لها تو الناس ياشمعة الجلاس !! فماتت البنت من الصدمه ثم مات الشاب حزنا على حبيبته ومآت المخرج ومات واحد ماأعرفه ومات مدير خدمات عملاء في Stc ومات فزاع وأخذ جائزه أفضل ميت وعينوا ناصر الجوهر بديلن لهم مؤقتاً وتظل الشحرورة صباح صامدة وكل هذا من ضمن الخطط المدروسه التي ادت الى خروج حسني مبارك مع تحيات محشش جرب الصنف اللي يستخدمه القـذافي هههههههههههههههههههههههه
Post: #1203 Title: Re: ناس الزقازيق ... أجدع ناس (4) .. Author: منصور عبد الرازق Date: 03-30-2011, 10:44 AM Parent: #1202
وطالما الكوتش قال ليكم , ما تقربوا جلا ده فاوعاكم توقعوا كلام جنابوا ده واطة والا فعليكم , ان لا تتعاملوا مع الجردقة , زى الكانها واطة برضو ولو قلتوا انها فعلا واطة , منتظرين شنو طيب , ما تنزلوا تخموا
رباطابيات ... وكدة !
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحوهو .. جا واحد جعلي قال ليهم: انتو البنطون دا مطلعنوا من البحر ليه؟ رد عليه واحد منهم: والله البحر ما نفع معاهو قلنا نجرب الظلط .. ---------------------------------------------------------------- رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف .. ------------------------------------------------------------------ رباطابي بتاع فرن جاءهو واحد قال ليهو العيش في النار .. رد ليهو لا يا اخوي في الجنة .. ------------------------------------------------------------------ رباطابي جاهو شايقي من السفر قال ليه ارح وريني قبر امي الرباطابي مشى معاهو المقابر وقال للشايقي اها ده قبر امك الشايقي قال ليه حددو لي بالضبط ياخي ده ولا ده؟؟ الرباطابي قال ليه يا زول شيل فاتحتك ساي ..اصلك انت داير تديها مصاريف؟؟ ------------------------------------------------------------------ رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو؟ تطلع في كراع بتاع الناس، انت ما عارف زاتو ماشي وين ... الرباطابي رد عليهو : انا ماشي عند اهلي انت ماشى وين .. ------------------------------------------------------------------ رباطابي لابس جزمة قديمة أصابعينو الخمسة مارقين بره. مشى لي بتاع ورنيش مد ليهو كراعو. بتاع الورنيش قال ليهو: أورنش ليك؟ قال ليهو: لا لا .. طقطقم لي!! ------------------------------------------------------------------ رباطابي جزار جاو واحد قال ليهو عايز راس نيفة بس صلحو كويس قال ليه اصلحو كيف يعني البسو نضارة ------------------------------------------------------------------ رباطابي بتاع لبن .. عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو .. جا زوجها المحامي وقال ليهو انحنا ماممكن تغالطنا ابدا .. الرباطابي قال ليه اغالطك كيف وانت الغلاط فاتح لو مكتب ------------------------------------------------------------------ رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كنتو خاتنو في الشاحن ... ------------------------------------------------------------------ رباطابي مشى لواحد بعمل في لقيمات في المحطة، داك كلما يخت الصاج في الكانون الصاج يميل لي جمبه، الرباطابي قال ليهو بتظبت في الدش عايز تجيب ياتوا قناة فضائية؟ صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش) .. الرباطابي قال ليهو اكيد دي قناة الجزيرة زولنا طوالي طفى الصاج ومشى بيتهم. ------------------------------------------------------------------ رباطابية بتبيع زلابية وطعمية للركاب في محطة ابوحمد و الايام ديك شغلو القطر الاكسبرس وكان ما بيقيف في اي محطة .. المهم القطر جا ماشي فيها فووووو وماباعت اي حاجة وقامت رجعت البيت، قام راجلها قال ليها انشاء الله بعتي كويس الليلة؟؟ قالت ليهو- ابيع كيف والقطر جا ماشي فيني زي ترجمة الفلم الاجنبي ------------------------------------------------------------------ الرباطابي عمل ليهو محل فول في البلد ومشى معاهو كويس، قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل .. جاهو صاحبو رباطابي قال ليهو يا دكتور عينت ليك (فحيص) معاك ولا شنو!! ----------------------------------------------------------------- رباطابى عمل شكله بالليل واتفلق .. ابوهو وداهو للدكتور والدكتور كان طالع عاين للولد لقا الجرح كبير قال لي ابوهو ولدك دا كان تجيبو بدري ابو الولد قال ليهو بدرى كيف يعنى كان اجيبو ليك قبل مايفلقو ------------------------------------------------------------------ شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!! ------------------------------------------------------------------ واحد رباطابي راكب القطر قاعد جنب الشباك ... فطلب منو الزول القاعد جنبو: ممكن اقعد جنب الشباك عشان انا بسف السـعوط وبتف ... الربطابي رد عليو: نان وانا بسف وببلعو؟؟ .. ------------------------------------------------------------------ رباطابى نزل ضيف عند جماعة وكان عندهم تيس فى الزريبة جنب الصالون عندو نزلة، الليل كلو يعطس ... الصباح بدرى سيد البيت جا وسأل الرباطابى" ان شاء الله نمت كويس؟؟ الرباطابى قال ليهو انوم بى وين لى تيسك ده التقول مكوجى مقابل العيد ------------------------------------------------------------------ واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش قاليها يابتى عندنا قراصة كان دايرة سندوتش جيبى ابرة وخيط ------------------------------------------------------------------ رباطابي شاف عتود اسود واضنينو بيض قال مالو دا عامل زي البنطلون القالبين جيوبو ------------------------------------------------------------------ الحاجة جات للدكتور الرباطابي في المركز الصحي وقالت ليهو دايراك تحولني المستشفى عشان هناك بكشفو علي بالسماعة . قال ليها نان الشايفاها مدروعة في رقبتي دي قايلاها نبلة؟؟ ------------------------------------------------------------------ رباطابي جارو عندو غنماية عايز يبيعا بعدين في السوق الغنماية قربت تزوووغ قام رفع ليها ولدا عشان تشوفو .. جات راجعه، والرباطابي مصور الموقف كلو قام قال ليهو اسمع ياصاحبي جبتها بالريمووووووت؟؟ ------------------------------------------------------------------ شايقي جاء لرباطابي قال ليهو انا بقيت شاعر وقام قرأ ليهو ما بين الشتاء والفواصل حبك سكن المفاصل .. الرباطابي قال ليهو انت ما شاعر انت عندك رطوبة امشى اكشف ------------------------------------------------------------------ رباطابي مره بي جماعه من اهلنا الهدندوة بشربو في قهوة وكانوا لابسين لبستم المعروفة الواحد يكون لابس سروال طويل وباقي جسمو عريان ورابط العمه خلف خلاف .. الرباطابي قال ليهم يا اخوانا داير لي فنجان جبنة نط واحد من الهدندوة قاليهو ياخي انتو سحارين ما بنديك الرباطابي قاليهو عليك الله انت هسي يسحرو ليك شنو زي الفانوس القزازتو مكسرة ------------------------------------------------------------------ في واحد رباطابي جـنو شراب .. وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمره دي (موت بطيييييء) .. الرباطابي اتلفت وقال ليهو: (أنا زاتي ما مستعجل) !!!!! ------------------------------------------------------------------ قالوا رباطابي قاعد في مطعم وجنبو زول احوص، الرباطابي طالب كباب والجنبو طالب فول .. اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف .. ما بتضوق؟؟؟؟ ------------------------------------------------------------------ واحد قال لرباطابى انتوا عليكم الله عندكم موية؟ ... الرباطابى قال ليهو طيب الشجر العندنا داااك قام بالتيمم؟؟ ... ------------------------------------------------------------------ رباطابى في قرية .. جارهم تعب شايلنوا مودينو المستشفى ركب معاهم فى العربية، الرباطابي ساكت ساى يعاين للمريض والمريض ماعاوز يدى اى اقوال ولا كلمة .. اول ماجاء في شارع المطار قامت العربية دقدقت قام المريض قال نحنا وين؟؟ الرباطابي قال ليهم ( زولكم يادوب خش الشبكة ) -----------------------------
شافع رباطابي شايلو جردقة في صينية بيعرضها للبيع عند محطة قطار أبوحمد ، شايقية راكبة القطر مدت راسا قالت ليهو ها جني الجردقه بي كم ، الشافع رفع راسو وقال بالفين ، ردت الشايقة كيفن بالفين مي واطاا ، رد الشافع تطي العقرب وكت واطا ما تنزلي تخمي.
* النكات واردة من الزميلة الصديقة حنان عبد الرازق الخطيب
موسي ياراجل ... جهازك ضربو فايروس ... ولا دخلو تكروني .... موسي ياعيسي ... وعليك الله وساطة عند ولدنا ده ... لطباعة الترجمة على الشريط ..... ======================================== جنابو العزيز ود صديق خلاص توبه ... جلا ده مابنقربو ... امرك ياحلو ... حتي لو ماجا عرس باقي اخواني الاتنين ... لكن البقنع هناي داااااك منو .... حريش بالايميل .... والتلفون ... ================================================ منصور ده متجلع براهو في الصفحة مالو ... ادوهو اجازة ولا علاوة ..... ولا حاتم جبارة وافق على خطوبة بنتو العسل رانية على ولدو الرشيق بتاع الجم أحمد ....
بعض النكات رغم انه الزول سمعها الا انه ضحك شديد ... قلنا نسمع نكات يمكن الضغط يقل قالوا الضحك بيرفعه .... ضغط الجن ده كل شئ ترفعه طيب بالنزله شنو .؟ ما علينا حاولت اختار احلي نكتة ما قدرت .... الا يمين بتاعت ترجمة الفيلم الاجنبي دي قوية ....
نجيلة اعمل ساتر انت وصاحبك بتاع الرياض جلا بقي تحت الحماية المسلحة ... نيران حية ... وضرب في المليان ...
Post: #1208 Title: Re: ناس الزقازيق ... أجدع ناس (4) .. Author: أحمد إسماعيل Date: 03-31-2011, 07:09 AM Parent: #1206
صباح النور يا كرام يا موسى الراجل خذ المصطلحات دي ( سنو مادلا ، وإنا زاكا) مبارة هلال مريخ زمان تكروني مريخابي على السكين حضر المبارة وجاء يحكي كيف كان هدف المريخ دونن وهبة تجى سامي باني هكا ، باني هكا ، باني هكا دونن وهبة تجى حموري ، حموري طوالي في الزاوية البئيدة
منصور أعذرني ما عرفت الكورال بتاع المدرسة ده عشان شنو... تأملت في الأولاد المتنكرين في شكل بن لادن ديل بحثا عن حجازي فما استطعت... أخرجت نضارتي من مخبأها لتوضيح الرؤيا و لم أستطع أيضا... نفيت نفيا جازما انك تريد فقط اثبات قدرتك على تنزيل الفيديو... قلت منصور ده حاشاهاو البوبار..و بعدين وقت يتبوبر..يتبوبر ليهو بي فيديو... يبدو انه قد آن الأوان لاستبدال شاشة الكمبيوتر بأخرى 32 بوصة..
ياسر نجيلة...وينك ياخي...طولنا منك... نفسي و الله آخد لي اجازة يومين أجي اتجدع فيها في دبي... زي جديع منصور في البوست ده و كمان نحظى بزيارتكم ان شاء الله.. كنت عايز أقول الله يقطع السلع و يقطع يومه... لكن تاني قلت يقطعها أكتر من كده كيف... لنا لقاء ان شاء الله...
Quote: سنو آفيه
موسى...سنو كدي...
Post: #1209 Title: Re: ناس الزقازيق ... أجدع ناس (4) .. Author: أحمد إسماعيل Date: 03-31-2011, 07:30 AM Parent: #1207
ياموسى الراجل طال ما تتحالف مع موسى عيسى وجابت ليها بنطون
بعد كدة بعاملك بالتكروني بس ، والآن بقول ليك
( متهي قدة)
Post: #1210 Title: Re: ناس الزقازيق ... أجدع ناس (4) .. Author: منصور عبد الرازق Date: 03-31-2011, 07:31 AM Parent: #1207
كل ما فى الأمر يا رشا يا كحيل انو مجتبى استلمنا ليك امبارح قال اخد المركز الأول فى الألقاء الشعرى فى منافسة مدرسية , ضمت العديد من المدارس الأبتدائية فى منطقة الرياض حتى قال لى لو ما مصدق , تعال نعمل سيرش فى اليوتيوب , لنو نزلوها الليلة عملت نائم ونعسان و ابى يخلينى جاتنى ايثار جارية صحتنى للمرة التانية اجرى يا بابا تعال شوف مجتبى جايبنو فى اليوتيوب قربت اقول ليهم وانا نصف صاحى اليوتيوب ده رقمه كم فى الرسيفر رسيفر شنو يا بابا , قوم انت تعال وانا اوريك اها , انا ذاتى ما عرفته وهو متنكر ولابس الجلابية والغترة السعودية (اللى هى من شروط الأشتراك فى منافسة الألقاء الشعرى ---تتصور ؟؟!!!) بينى وبينك , اتكيفت منو , وانا بين نايم وصاحى واتذكرت انا مرة زمااااان فزت بى نفس الجائزة فى مدرسة الصحافة المتوسطة سنة كم ؟؟؟ وانتو مالكم يا ثقلاء , قال سنة كم قال لكن بتذكر المسرحية الشعرية كانت عن عنترة بن شداد انا كنت عنترة طبعا , والله ما عشان اللون بس عشان اللون , وحاجات تانية حاميانى بتذكر كنت شايل لى سيف , عاوز ليهو عتالى عديييل لكن لمن كنت اتجدع كده واقول راسى ورأسك فى الميزان قد وضعا وحكم سيفك او سيفى هو الجارى والمسرح ده يقعد يصفق لى كنت بقعد الاوى فى السيف , عشان لا يقع منى , ولا اقع منو اها مجتبى هو المتحدث الثالث عند بداية الشريط , من ضمن المتحدثين الأربعة الأساسيين لأنى انا ذاااتى ما عرفتو , الا لمن شرحوا لى
* اها يا حاتم , ده سبب اضافى للأتفاق على الصفقة الكبرى , احمد وسارة , ومجتبى مع الصغيرونة ام نضارات دى على الأقل مجتبى ده , يجضمهم ليك عربى من بتاع ناس عنترة داك , لامن تآمنو زاتو اها قلت شنو ؟؟ الواد ده ضربت شهرته اليوتيوبات , ما قاعد ليكم طوالى يا معلم
حبيبنا الرشيد والله مكانك محفوظ ... وشوقنا ليك بالكوم ومنتظرين زيارتك لينا ولي دبي ... بس انت اخلص النية ... للحج و ..... زيارتنا ... =================================== ود الزناتي ... حماية الكمندان لجلا ... ما بناباها ... ولكن حضورم لعرس موسي عيسي ... في سقط لقط وطنيشم لي ... حارقني لي هسع ....
وتتخيل من يوم مانويت اضرب ليك ... والله مسكتني نزلة من النوع ابو كديس ... ولي هسع ... حتي أسأل ولدنا موسي عيسي ... اتفكرني مغير صوتي عشان هربان من زول ... لكن حاضرب ليك ولو بصوت ..... متنكر ====================================
Quote: ( سنو مادلا ، وإنا زاكا)
Quote: باني هكا ، باني هكا ، باني هكا
اعلان هام ... التداخل في هذه الصفحة ... لحملة اللغات فقط .....
في الصفحة السابقة ... نكات التكارنة .... وقصيدة شنقراي ....طنشتوها ليه ....
Post: #1212 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-31-2011, 08:04 AM Parent: #1211
يا منصور كده العروسة حتطير من يدكم الفيديو اعلاه لا يصلح كواسطة تعارف ( ده طبعا" بعد ما اقول مبروك لولدنا على شجاعتك الادبية ) قول لى ليه اولا" لا انت عرفتو ولا انا و لا الرشيد ولبس البدو ده حيخيل للعروسة اول ما تجى حيلبسوها العباية والبرقع والخمار من فوق لتحت ( مخمخمة )
انا اتخيل لى لو ركزتو على صور ماليزيا يكون احسن وبتقدرو تاكلو راســـــــا
النضيف انا مش قلت ليك حسادتك دي البتولدك البنات ياخي ماتخليني ننافس شوية ... صور ماليزيا بتقصينا بالضربة القاضية .... بعدين احمد وباركنا ليهو ... اها حجازي ده ما عنده طريقة معانا ... نبارك ليهو الشجاعة الادبية ... ويا ريت منصور كمان ينزل لينا صورته بسيف عنترة عشان حاتم ذاتو يقوم جاري ....
يا نجيلة يا حبيب ان تاتي متاخراً خيرا من الا تاتي ويا حبيب والله تلفونك ده زي الضربته ... لكن برضو ما عافينك منه ... ياخي مشتهين نسمع صوتك ....
قلت قصيدة شنقراي مالها ... انا غايتو الشعر ده ما عندي ليهو رقبة ... بس صراحة القصيدة سمحه وتستحق الناس يقيفوا فيها شوية ... والموضوع محول لمحمد صديق ومن لف لفه من الشعراء ناس الرشيد وعيد ومنصور وبقية العقد النضيد (لكن عليك الله في ذمتك النضيد دي براها ما عايزه ليها بوست منفصل يمين لمن كتبتها لمن حسيت الضغط ارتفع ....
Post: #1214 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-31-2011, 08:22 AM Parent: #1213
نأمل من الاخوة اعضاء مجلس الادارة المؤقت ان ينقلوا لنا بما دار فى اجتماع الامس
يها القوم.....أيها القوم أهو أهو أهو أحم أحم أحم مالي أرى النضيف محتجاً في ما تناولتوه عني
فأنا لا أريد أقترن بتلكم الخيارات المتاحة فإن البدوي يا هؤلاء متى طلب الثريا نالها عليه:
فمدحشر بين الشاحرين مشحرف وشاحر المشحور قد شح حراشفو
موسيقى تصويرية: من ليس معي فهو ضدي شكراً جنابو على الدعم و المساندة
Post: #1216 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-31-2011, 09:06 AM Parent: #1215
يا جلا العنب بياكلوه حبة حبة
لو قدرنا نجيب الاولى اكيد التانية بتجى
لكن بالطريقة دى الاجازة زاتا حيقولو ما ماشينها
حاتم ده عزيز عليا وانا فى الحالة دى من اهل العروس
Post: #1217 Title: Re: ناس الزقازيق ... أجدع ناس (4) .. Author: منصور عبد الرازق Date: 03-31-2011, 09:09 AM Parent: #1215
دعم منو ومساندة شنو يا اخوى ؟؟؟ انت راكب من وين ؟؟؟ كدى اول شى نقعد النضيف ده فى علبه نحن يا حبيى , ما قاعدين نستخدم الأسلحة التقليدية الجماعة ديل عندهم مشكلة لغات وريناهم زولنا مجتبى ده , بيجضم ليهم العربى التقول عنتر بن شداد والأنجليزى , بيقعدوا ليهم فى واطات الله دى , من از لى دظ لغاية الغتاتة والمين واللماضة والدغالة ما تنسى عندك كمان الجم عارف الخطوة الجاية شنو كاس العالم بتاع الفين واربعتاشر , مش فى البرازيل والبرازيل دى , مش جنب الدومنيكان ؟؟؟ مجتبى زاتو من امبارح , قلب وبقى يشجع (تشيلسى ) وفى الدنيا دى ما بنكره حاجة زى ما بنكره ماتنشستر يونايتد شفت اسلحتنا متنوعة كيف ياااااى , تراديشنال خااااالس
Post: #1218 Title: Re: ناس الزقازيق ... أجدع ناس (4) .. Author: أحمد إسماعيل Date: 03-31-2011, 09:18 AM Parent: #1214
حبيبنا نجيلة والطلعة البهية البهية دي هنا على وزن نضيد يازهير يانجيلة كيف فارسكم أكيد عيونه حمر وحكيم مش حكاية شيلان سيوف وخلاص جلا مالو هاج وماج وكمان يورور مرة أطلعوا معاي الخلا ، ومرة ماعايز كلام مع أي زول أنا ما فاضي وآخرها الحصانة الدبلوماسية ، قايتو الملف الأخدو جلال عثمان زنقة زنقة ممكن يعمل حاجة من قبل قوات الحماية تحس
يانجيلة النكات إستمتعنا بها وقصيد شنقراوي حلاوتها كلمات قليلة وسهلة ومعبرة خالص
منص.. ذكرتنا المرحوم فريد شوقي.. قام بدور عنتره في أكتر من فلم.. وشاركتو الفنانه كوكا بدور عبله.. أتذكر مشهد مربطينو بجنازير في الحيطه.. وعبله بتنادي فوقو.. عنتره.. عنتره.. يقوم يقاوم في السلاسل وهو بيقول.. عبله تناديني والحديد يقاويني.. ويقلع الجنازير من الحيطه.. أبو الريده زاتو..
نجيله.. حليلك يا ودأمي.. إنت البيزود عنك منو.. والبيحضر عرس أخوك منو.. إنت منو البيجيك في القريب وبيمشي البعيد.. حليلك إنت.. عليك الله ما رهيب? في فاتن حمامه زيي?
ياحلوين.. شكرا لي دعواتكم لي رانيا.. والله محتاجينها.. شكرا على القصيده الرايعه يا رش.. نحن ما مدرستنا المتوسطه واحده.. لكن مادام تميت الخمسين.. معناها أنا وراك كان عشره كان عشرين..
موسى عيسى.. كلام زي الورد.. ما تدي منه البينك وبينو مسافه بنطون.. عشان نقدر نفهم بيقول في شنو..
ونسه الخميس دايما دقااااقه.. أمبارح.. ساره بتي رسلت لي رساله.. Daddy, we have soccer practice today at school.. بافهم من كدا انو أمشي ليهم متأخر ساعتين أسوقهم من المدرسه.. وصلت جنب المدرسه.. لقيت فاضل نص ساعه لي مواعيدهم.. شغلت لي شريط قديم لعقد الجلاد وقدت أسمع.. "أحتاج دوزنه.. نفسا جديدا.." إتذكرت حفله عقد الجلاد في الزقازيق.. شويه كدا وسرحت.. فكرت أنا الوداني الزقازيق شنو.. إتذكرت إنو في تانيه عالي كان عندنا أستاذ فيزياء ثقيل ثقاله.. ممل ملل ما عادي.. والله حصتو لو الأولى.. بنوم زي الماخد فاليوم.. "حاتم جباره.. أطلع بره أمشي تم نومتك.." بقيت لا بعرف إستاتيكا من ديناميكا ولا شيكابيكا زاتو.. وكرهت حاجه إسمها فيزياء.. لمن إمتحنت شهاده.. ناس التصحيح ما قصروا معاي.. أدوني على أسمي وكم تعريف وكم مسأله من المسائل البيسخنو بيها ديك.. جبت فرت خمسين.. 50 فقط.. طبعا 50 فقط دي ما بتأكل عيش لو ممتحن أحياء وداير تخش طب.. وحقيقه كنت لعبنجي.. والبوكسينج مرضخ.. قامت في راسي قلت ماشي رومانيا أقرا طب.. الحاج والحاجه أدوني راسي.. يازول رومانيا شنو.. حتمشى تضيع سنه لغه.. وإنت عمرك لسع صغير.. ممكن تمتحن تاني.. بس خلي الصياعه واللعب..و..و..و.. "يا وله إهمد شويه ومتبقاش صايع.." خلاص أمتحن من منازلهم.. "منازلهم إيه ياروح أمك.. أبوك حيرجعك المدرسه تاني.." يازوله ناظر الجديده ما بخلي زول يعيد.. "بس.. مالكش دعوه.. أبوك بيعرفه" وقد كان.. مرت الأيام.. قلت أساعد نفسي شويه.. مادام أنا باقي المواد لو إنكربت ممكن أجيب نمر عاليه.. أما هذه الفيزياء.. لازم أخش ليها كورس.. فعلا خشيت كورس مع مجموعه من أولاد حلتنا.. في مركز والا نادي ما متذكر.. المهم ما موضوعنا.. تشاء الظروف.. إنو الكورس مختلط.. زمن السودان بي خيره.. معانا كان بت.. أقول ليكم شنو.. حلاه قاطعه.. علي القمره زي ما واحد أخونا بيقول.. وأنا ما داير لزه.. غاااصب نفسي علي الفهم.. مره من شده سرحت وقهيت.. البت ضحكت وهزت لي راسها.. نظام أهلا بي لطافه كدا.. أها الليل كلو أنا ما نمت.. قلت لازم بكره أمشي أتعرف..
تب تب تب.. جيت خاشي المركز ولا أبو الجراءه.. لقيتها واقفه جمب باب الفصل ومعاها تلاته من صاحباتها قاعدين في كنبه.. "إزاي الحال.." الخفه كاتلاني.. "أهلا وسهلا.." الصوت جاييني زي المزيكا.. "ديل صاحباتي.." نظام سلم عليهم برضو.. "أهلا وسهلا.. إتشرفنا.." سلمت علي الأولى في يدها.. "أهلا.. أهلا.." نمره إتنين برضو.. لمن جيت لي التالته لاحظتها محجبه ولابسه جونتي أسود.. والحكايه ماشيه سريع.. ومع خفتي مديت ليها يدي.. "أهلا.." "سوري.. ما باصافح.." "شنو?" "آسفه.. ما باصافح.." حسيت بي سخانه شديده.. والعرق دا تقول نافوره.. في بالي قلت.. وطيب لابسه جونتي ليه لو ما دايره تصافحي.. وخلاص يعني ترجمتي لي سوري.. وأنا الجابرني شنو زاتو أجي الحته دي.. فيزياء وما بعرف.. طوالي خلف در.. والباب الجابني مرقت بيهو.. وتاني ما عتبت الكورس.. أولاد الحله جوني.. يازول تعال أخير ليك.. والله البت تسأل منك وقالت ليك عادي ما تاخد فيها.. أصلو أبيت أمشي.. ومن اليوم داك لو كتلوني ما أمد لي بت يدي لو ما مدت هي أول..
عدت إمتحانات الشهاده.. وحققت نتائج عاليه في كل المواد.. ما عدا الفيزياء.. جبت 51.. سنه كاااامله.. في درجه واحده.. طبعا ما أكلت عيش برضو.. فقدمت مصر.. وكتبت جواب مع الورق طلبت يوزعوني الزقازيق عشان عندي قريبي فوقها.. وحصل.. جيت عشان أكون وسط ناسي وأهلي.. فشكرا للفيزياء.. وأستاذ الفيزياء.. وشكرا للبت أنصار السنه اللابسه جونتي أسود.. الما بتصافح..
يا سلام يا حبارة يمين بالله في مرتبة واحدة مع منصور والرشيد ... كتابة سمحة طيب مالو لو كل زول جا كتب لينا زي حاتم قصته مع الزقازيق ... اكيد حا نطلع بحكاوي كتيرة .... او كمان يحكي لينا قصته مع انصار السنة ,... اكيد في ناس كتار مروا بنفس الموقف في مرات كتيرة كان اولاد كان بنات .... في زوله كان في الزقازيق بتسلم تحت التوب ... مرة عبد الله شمس الدين العربي صاحب بودي وماجد ... جا يسلم عليها غطت يدها بالتوب ... رفع بيده الشمال التوب ... وباليمين سلم عليها .... من اليوم داك بقت ما بتسلم عليهو
تعرف يا حاتم انا كنت زول لعبنجي وما شاطر ... لمن قربت امتحانات الشهادة حسيت ومعاي شلة معتبرة بانه الضغوط حا تكتر علينا بانه نذاكر .... رحلنا مشينا الداخلية بعدما قدمنا طلب للناظر وهو من اشهر الاساتذة في السودان بانه زول صعب وشخصيته قوية ... اسمه الزين حامد ... المهم الزين حامد ده اترشح فيما بعد وبقي نائب كسلا في الجمعية التاسيسية وهو شخصية قيادية في الحزب الاتحادي ... المهم فصلونا من الداخلية لسوء السلوك بعد ايام معدودة ... ليه لانه الناظر جا لقي العنبر كل في حفلة ببادي محمد الطيب في الميرغنية حلة ناس شاويش وابتر وقريبه من ناس مصطفي محمد الحسن .... المهم بعد واسطات واجاويد رجع الناس لكن وزعهم في العنابر وسط الطلاب حتي يتشتت دمهم وسط دم اولاد الريف المساكين ... الا انا ابي يرجعني ... لانه لقي عجلتي في العنبر وده سبب كافي لانه كان ممكن اتحرم من امتحان الشهادة ... المهم امتحنا جبت 48% في العربي 50 بالله والجلالة متاكد انه فيها بوش ... وفي الادب الانجليزي يتخيل 30 النجاح ... ابوي طوالي نفاني ابو جبيهة ... عمك الزناتي كان مشهور بانه راجل صعب ... علي نطاق كسلا ... اب شرس جداً ... متاكد تماماً ما في زول فيكم حظي باب زي عمك الزناتي .... المهم مشيت ابو جبيهة اول حاجة فتشت ناس الكورة وسجلت في فريق درجة اولي بعدين حتين مشيت المدرسة ... للامانة والتاريخ اجتهدت في آخر تلاتة شهور .... وركزت شديد في التاريخ لانه قالوا اكبر نمرة في كردفان في التاريخ حا يدوهو موتر .... انا خليت كل حاجة وذاكرت التاريخ .. وبقيت متخصص في الامتحانات القديمة .... وعملت اسبوتنج ابن كـلب... للاسف الاسبوتنج جله وبالتلتلة جبت 55 .... ونسبتي كانت 72% ما في زول مصدق اقفز القفزة دي اولاد الكـلب لو كان ضرب معاي التاريخ وجبت 90% فيهو زي ما مخطط كان خشيت اقتصاد الخرطوم بمزاج ... بس من حسن حظي عشان اكون وسط الناس الجميلين ديل التاريخ ما ضرب معاي وخسرت الموتر ... بس اكيد كسيت حياة جديدة واهل وناس وعشيرة الزول يفاخر بيهم ليوم الدين .... جليت من آداب الخرطوم بشوية كان بامكاني ادخل الفرع او الاسلامية بس فضلت مصر ... لانه في اجازة تانية عملنا رحلة من فصلنا في كسلا الثانوية لمصر شفنا مصر وناس مصر وعجبوني جدا طلاب مصر وقررت اقرا في مصر والحمد الله الامنية اتحققت .... في العلاقات الثقافية مشيت اقدم لقيت حامد عبد الوهاب (الشهير بحامد كرتون) ود تجارة .... ود حلتنا وفي مقام اخونا الكبير ... قال لي بتعمل شنو هنا يا ولد ... قلت ليهو بقدم لي مصر ... قال لي لو انت محظوظ يشيلوك الزقازيق وبالفعل كان تجارة الزقازيق ... نسيت اقول ليك ... الاتصالات بين كسلا وابو جبيهة كانت شبه مقطوعة ... وبالتاكيد عايز اقل حاجة تلاتة ايام عشان تصل كسلا في احسن الاحوال ... المهم بعد ما خلصت الامتحانات .... رجعت كسلا ومعاي ضيف زميلي في المدرسة من ناس ابو كرشولا اسمه سيف .... مشيت كوستي ومن هناك سنار القضارف ... وطوالي لكسلا .... مستعجل عايز اشوف الناس .... اول ما وصلت الموقف ... نزلت لقيت استاذ حسن مديرنا في الابتدائي .... وصاحب ابوي .. اول من شافني قام من كرسيه وشال معاي الفاتحة .... بعد ما نزلنا الفاتحه سالته قلت ليهو المات منو .؟ نطط عيونه كبار وقال لي انت ما عارف انه ابوك مات ليهو قريب الاثنين وعشرين يوم ... قلت ليهو لا والله .... للاسف لم يراني في الجامعة كما كان يحب ... له الرحمة ... عشان كده برضو بقول شكراً للتاريخ ... ولاسبوتنج التاريخ ... وكمان لحاتم جبارة .... برضو نسيت اقول ليك يا حاتم جينا الزقازيق انا ودفعتك محجوب منقة .. من ابو جبيهة ...
ياخي معقول.. الرشيد ومنص حته واحده.. لو بيكتبوا زيي والله حظهم.. واحد بيشجع الأرسنال وجكيك.. والتاني ساكن السلع..
خساره الموتر.. عليك الله في زول ممتحن أدبي وما بيعرف تاريخ.. دي زي الممتحن اضافيه وما بيعرف رياضيات.. تعرف.. أنا جيت ملحق واحد في سنين الجامعه.. قديت ليك فيزياء بي مزاج في سنه أولى.. أصلها ورايا ورايا.. الوله الرائع محجوب منقه.. يتخطى في الجرح يطيب.. حبيت أبوجبيهه عشانو من غير أشوفها.. تحياتي ليهو.. هو قريب منك.. بس هو الدفعه الوراي.. وعارفك داير تصغر نفسك..
يا حاتم ونستك الدقاقة بتاعت يوم الخميس لذيذة بالجد... وكتابتك لأنها من القلب و الى القلب ما بتتلحق... لازم الواحد بعد كده يمشي يشحذ أدواته عشان يلحقك... بس أول مرة أعرف ان خفتك هي الجابتك الزقازيق... و يا ريت لو استفدت من الدرس... لا خليت الخفة و لا الشلاقة...
بالله انت قريت في مدرسة العمارات... سنة كم عشان أقول ليك الفرق بيناتنا كم... و ممكن كمان أقول ليك دفعتك منو...
Quote: اول ما وصلت الموقف ... نزلت لقيت استاذ حسن مديرنا في الابتدائي .... وصاحب ابوي .. اول من شافني قام من كرسيه وشال معاي الفاتحة .... بعد ما نزلنا الفاتحه سالته قلت ليهو المات منو .؟ نطط عيونه كبار وقال لي انت ما عارف انه ابوك مات ليهو قريب الاثنين وعشرين يوم ... قلت ليهو لا والله .... للاسف لم يراني في الجامعة كما كان يحب ... له الرحمة
يا أبو الزوز ألف رحمة و نور على الزناتي الكبير... نسٍال الله أن يجعل قبره روضة من رياض الجنة...
وجدت في قرار نفيك الى أبو جبيهة قرارا حكيما جدا يا أبو الزوز... و ان دل هذا على شيء يدل على بعد النظر و الحكمة التي تمتع بها المرحوم والدكم... و رغم أنه لم ينتظر حتى يري نتاج حسن عمله و تقديره... الا أنه لا شك كسب ابنا ناجحا صالحا مثلك يدعو له... وكسبنا نحن و كل الزقازيقيون شخصا بقامتك...
يا رشدي سلامات انا جني وجن الزول الما عارف حاجة يفتي فيها ... انت زول علمي مالك ومال تاريخنا ياخي في اساتذة بتوعين تاريخ يختو ليك عشرة مقالات بس كلها تجي في الامتحان ... انت قايل التاريخ ده ساهل زي الكيمياء ولا زي الفيزياء المعذبه حاتم جبارة دي ... ديل كتابين في عين العدو ...
Post: #1227 Title: Re: ناس الزقازيق ... أجدع ناس (4) .. Author: محمد عيد Date: 04-01-2011, 12:23 PM Parent: #1225
جمعة مباركــــــة
Post: #1228 Title: Re: ناس الزقازيق ... أجدع ناس (4) .. Author: محمد عيد Date: 04-01-2011, 12:47 PM Parent: #1227
Post: #1229 Title: Re: ناس الزقازيق ... أجدع ناس (4) .. Author: محمد عيد Date: 04-01-2011, 12:52 PM Parent: #1227
Quote:
Quote: ومن اليوم داك لو كتلوني ما أمد لي بت يدي لو ما مدت هي أول..
يا سلام يا حبارة يمين بالله في مرتبة واحدة مع منصور والرشيد ... كتابة سمحة طيب مالو لو كل زول جا كتب لينا زي حاتم قصته مع الزقازيق ... اكيد حا نطلع بحكاوي كتيرة .... او كمان يحكي لينا قصته مع انصار السنة ,...
يعنى انت ذاتك قلبت انصار ســنة يا ود مدرسة العمارات والسان فرانسيس ..؟؟!
ابو الزوز ... رحم الله والدكم وجعل الجنة مثواه واكيد ارضاءك له وصله حيا ومميتا ...
عارف زى قصة ود جباره دى فعلا حصلت اكثر من مرة فى الزقازيق ..
وبدون ما أذكر أســـماء ..
كان معانا فى الكلية واحد انصار ســنة من اولاد الجزيره .. ومعروف انو كان بيتجنب مصافحة الزميلات .. بل وحتى الحديث معهن ...
ولما كان مربع كاى هو المتكأ اليومى لناس زراعة ... يبتدءون به يومهم فى الصباح بالتسامر ، ويعودون اليه فى البريكات
كان كل قادم الى داخل الكلية يلزم عليه المرور بمربع كاى وتحية ومصافحة الموجودين .. حتى وان كان قابلهم فى نفس اليوم
الشــاهد ان هناك احدى البرومات الجدد وكانت فى غاية اللطافة والظرافة وكانت مشدوده ومعجبه بشكل الحياة الاجتماعية
التى وجدتها فى الكلية والتى كانت لها بلسما لـ آلام الغربة وهى فى مقتبل ايامها بيننا ...
وكان ان دلفت الى مربع كاى تلك الزميلة هاشة باشة فى وجوه الموجودين وبدأت فى مصافحتهم كما اعتادت
وكان بيننا ذلك الاخ ( انصار السنة ) ولم تكن تعرفه ..
وعندما مدت اليه يدها بالسلام .. انتفض بشكل هستيرى فى وجهها وصاح ..
انا ما باسلم على البنات ... انتى ما كلموكى ؟؟
وكان الموقف محرجا ومدهشا لنا .. وانفجرت تلك الزميلة فى بكاء وتشنج أدى الى تجمع كل من كان بحوش الكلية فى ذلك الوقت ..!
ولم يخف تشنجها وبكاءها الا بعد مجهودات كبيرة .. كان من أهمها غرامة اكثر من 20 حاجة باردة فى الكافتريا لتلك الجموع التى
كانت تحاول تهدئتها ..!
ولكن النقطة المهمة .. ان تلك الزميلة ومنذ تلك الحادثة .. انقلبت 180 درجة .. واصبحت منطوية بشكل كبير بل اصبحت تتحاشى
كافة تجمعات السودانيين فى الكلية او فى الاتحاد ... !!!
تلييشة :
الرشيد ومنصور ... ما تتشيطنوا وتحاولوا تعرفوا الاسماء .. لانو ده حصل بعد ما اتخرجتوا من الكلية بى زمن طوييييييل ..!!
ولدنا كمال الشادي .... ربنا يرحم الفقيد ويغفر له ويحسن إليه.. وعزاءنا موصول لك ولزوجتك الكريمة ولأفراد الاسرة جميعا .. ويصبركم على هذا المصاب.. انا لله وإنا إليه راجعون ....
Post: #1247 Title: Re: ناس الزقازيق ... أجدع ناس (4) .. Author: منصور عبد الرازق Date: 04-03-2011, 10:53 AM Parent: #1246
نبدأ بى تعزية كمال الشادى وحسناء ولا ننتهى بيهم ؟؟؟ نشوف انصار السنة الغيرت مسار حياة حاتم جبارة ؟؟ ولا نقرأ ما بين سطور عملية نفى احمد عرابى الجديد الى ابو جبيهة ست المنقا , بدلا من سمرقند الجزيرة !!! ولا اقول ليكم البركة فيكم يا كمال وحسناء وده ما سلامك , يا زولة يا القطعت قلب الزول الرقيق الأسمه حاتم جبارة ده ويا زهير الزناتى , احمد عرابى عاد بعد النفى , قائدا لثورة اما انت , فقد عدت يا حبيبى ,كما يعود عيد (زيدان ابراهيم ) بدون زهور , وين قمرنا ؟؟وين البدور , الغابوا عنى فلا انت فزت بالموتر سيكل ولا انت قفلت التاريخ وفوق لى دا كله , رجعت لقيت الوالد قد انتقل الى رحمة الله وما بين كل ذلك يا اخوانى واحبابى اسالكم بالله , ان تدعو فى صلواتكم , ان يشفى الله اخانا امير الجمرى الراقد فى مستشفى الحبيب بالرياض وقد يكون الفاصل بين سقمه وشفائه ان يستجيب الله لدعوة (احدكم ) , فخصصوا له دعواتكم ليل اليوم وفجر الغد اللهم اشف امير الجمرى , ياعزيز يا جبار يا متكبر يا من بيدك مقاليد كل الأمور ان امير الجمرى عبدك الضعيف , بلغه شفائك يا كريم , واسبغ عليه من ثياب صحكتك وعنفوانك ما يبلغه الشفاء الذى لا يغادر سقما , برحمتك يا حنان يا منان
Post: #1249 Title: Re: ناس الزقازيق ... أجدع ناس (4) .. Author: منصور عبد الرازق Date: 04-03-2011, 11:18 AM Parent: #1247
انتو لمن تقوموا للكتابة بتجننوا حروف اللغة , وتهزوها هز السنين وتقلعوا المعانى الحلوة , وتفكوها من اسرها فتخرج الى العلن , وكأنها (مانديلا ) المعانى المأسورة والمحدد اقامتها , عندما تخرج الى الفضاء الفسيح تفعل الأفاعيل العجاب , وترن فى الخواطر والأفئدة , رنة (جرس ) جديد لنج بمجرد ضغطة زر عليه , فان الفاصل بين اذنك والصمم ( قيد شعرة ومقدار خفقة ) قاسم الكتابة عنكم , ان صدقها يمشى برجلين قويتين , ويضرب بلسان (عربى مبين ) انا شخصيا , اجزم اننى اعرف انصار السنة تلك , ذات الشرابات السوداء لو كانت تدرى , ان حاتما ما مد يده اليها ليصافحها , الا لمعانى (اكمال الصورة ) عند الرقيقين امثاله لعرفت ان يدها (البضة تلك ) , ما عادت (عورة ) ساعتها هى مجرد التقاء يد بيد , وهو الى ( الآلية والميكانيكية ) اقرب لا فيه لا شعور , ولا هو مغلف بأحساس فحاتم عندها , كان قد تحول الى (كتلة احساس ) ملكتها ابتسامة والأبتسامة هنا , احسن مثال , لكون ان ابتسامتك فى وجه اخيك صدقة وعكسها تماما , ان تضن اخرى عليه بملامسة يد (ميكانيكية ) , لا تسمن ولا تغنى من جوع لكن تعرف يا حاتم , انت رباطة جاشك , اتاريها كلها راحت مع (شعرك ) لمن كنت عندك باندا , فانك بدلا من الحلاق , ذهبت الى معهد التقوية داك , فحلقوا ليك مرتين مرة بمكنة الأبتسامة , والتانية , بمكنة , انا لا اصافح الرجال والأتنين , امواس حلاقتهم سنينة خلاس راح الشعر , وضاعت الفيزياء ولكن حاتما بقى منتظرا على قارعة الطريق , منتظرا (سارة ورانيا ) قلت لى سوكر عديييل ؟؟؟ يا زول حسابك ما تقل معانا بيناتنا ابتسامة , ويد لا تصافح , وسارة , ورانيا , وتمرين سوكر وفريق ما قادر يغلب ستوك ستى
* انت مالك ومال بلاكبيرن ؟؟يمين بالله امبارح ارسن فينجر ده , شفتوا اقرب ما يكون شبها , بتلك التى لا تصافح , رجلا رقيقا مثلك ارسنال -ارسن فينجر يساوى حاتم جبارة - الفيزياء وكلا عمليتى الطرح يعطيك ناتجا عالى الجودة
Post: #1248 Title: Re: ناس الزقازيق ... أجدع ناس (4) .. Author: عمر المهدى Date: 04-03-2011, 11:02 AM Parent: #1246
السلام والتحيه لكل الحبان والشكر لكم على هذا الاندياح الجميل وكما يقول منصور الظاهر اقماركم اليومين دول في برج الابداع شكرا لابو جبيهه وشكرا للبنت اللابسه جونتي اسود
عمر ود المهدى ازيك يا جميل الفرق شنو تعتقدوا , بين منحك لمن يليك ابتسامة او منعك له , مصافحة يدين ؟؟؟ فى البص , فى الحافلة , فى اشارة المرور الذى يوزع الأبتسامات , على المارة اللذين لا يعرفهم حتى بنى آدم , يحمل فى تقاسيم وجهه المبتسم خارطة طريق , تختصر المسافات , وتطويها , وتفعل بها , سواة العاصفة بى ساق الشتيل النى ولا غرو انها , تقوم مقام التسونامى اليابانى الحديث لأن المبتسم فى اشارة المرور مثلا , لو تعطلت سيارته وهو فى عنفوان توزيع الأبتسامات واوكازيونها الخالى من الغرض لوجد ان من ابتسم فى وجههم , يتمنون لو يحملونه من على الأرض حملا ان مساحة المشاركة , فى هذه الدنيا الواسعة , هى فرصة اثبات آدميتنا الوحيدة والمشاركة قد تبدأ بابتسامة , وقد تنتهى بها , وان فعلت هكذا فقد فعلت كل شىء وعكسها تماما , وضع الفواصل المفتعلة بين الآدميين , ورص المحاذير المانعة من الأقتراب والتصوير كما يرص رجال الأمن حواجزهم الأسمنتية , ويتخيرون لذلك , اثقل الأوزان واقلها عرضة (للزحزحة والتحريك ) فيتفأجاوون - ذات صباح او فى لمحة ظلام - ان مثل هذه الحواجز , لا تمنع ولا تقى , الا كما (يمنع الحذر القدر ) هكذا ارى انا تلك الأبتسامة , وهكذا اتخيل منع اليد من مجرد المصافحة فلو اضمر الآدمى سوءا وشرا , فانه لا يحتاج (لمواصلات ) ولو كان المقصود بهذا الشر المضمر (خلف بروج مشيدة ) تواصل الآدميين , كالموت - لا راد له ولا مانع , الا بمقدار الأستجابة وعدمها وهو يبدأ متعادلا فى الشعور والأحساس -بطبيعته وطبيعة الأشياء وهو قابل للتطور فى الأتجاهين فان خير وايجابية , فخير وايجابية وان شر وسلبية , فشر وسلبية وان احتفظ بطبيعته عند نقطة التعادل التى بدأ بها , فله ان يبقى كذلك ولكن ان تقطعه من الدابر , من لغاليغه كما يقولون , فان هذا عندى , ضد طبيعة الأشياء والحجة دائما , قائمة على فروق البيولوجيا , التى تبقى مجرد فروق بيولوجيا هى ليست الا مجرد مكون واحد , من مجموعة مكونات انسانية عديدة بين الآدميين اما التقت وتوافقت , او ايضا التقت وتنافرت , والنتيجة التى نطلق عليها توافقا او اختلافا مرهونة , بالألتقاء , ومرتبطة بنتائجه وفروقات البيولوجيا تلك , تتراجع الى حجمها الطبيعى , كلما كان الألتقاء طبيعيا ومحكوما بموضوع ما ولكنها تتضخم ووتورم اخذة مساحة غير طبيعية , كلما كان اللقاء مفتعلا ومحكوما (باللا موضوع ) ونية عدم السلام اساسا , هى مقدمة غير موضوعية , تفترض ان اختلاف البيولوجيا هو الموضوع الأساس !!!!! وهو كما ترون لقاء ابتدأ (بهواجس ) صورتها عدم نية مصافحة مفتعلة افلحت فى ان تجعل عدم المصافحة يبدو كجبل , بينما ابتسامة وضحكة , تحولت الى مجرد (حفنة تراب ) عندما يتغلب الأفتعال على التلقائية , فان الجوانتيات السوداء تتحول للحظة وتبدو وكأنها (لوالب ) مانعة للحمل الذى يبدو بعيدا على رؤؤس اصابع اليد الممتدة للسلام فهل هذا تصوير صحيح ؟؟؟!!!! هذا مع احترامى لخيارات كل الناس , من اعرف ومن لا اعرف ولكنها مجرد تداعيات خواطر , لم تبنى على (حرمان حاتم من دروس الفيزياء الأضافية ) وان كانت سببا فى استدعائها من مكان ما من (تراكمات ذاكرتى ) القريبة البعيدة عليكم الله كان ما استدعيتوها زى ما سويت انا
طلب أحمد إسماعيل وكمان جلا يحول إلى سيد الكلمة منصور عبدالرازق
Post: #1253 Title: Re: ناس الزقازيق ... أجدع ناس (4) .. Author: أحمد إسماعيل Date: 04-03-2011, 05:59 PM Parent: #1252
ياسلام نيالا توأم كسلا إقتربت من الأخ شاويش، أياميها تأخرنا لدور نوفمبر في مادتي ( بحوث العمليات ونظم المعلومات) للدكتور فخري مكي فوجدت أوجه شبه كثيرة بيني وبين الأخ / عبد الرحمن محمد إسماعيل شاويش وأحمد محمد إسماعيل النور والده مساعد طبي بمستشفى كسلا وأنا والدي م. طبي بمستشفى نيالا الملكي وهناك اوجه شبه أخرى مافي داعي لذكرها الآن حكاية النفي الذي حصل لاخونا زهير من والده بسبب التعليم حصل لنا من والدنا بس هناك إختلاف شقاوة زهير بعد المتوسطة ويمكن ذلك لتوفر فرص التعليم في (دار صباح) ، شقاوتنا تبدأ قبيل المتوسطة ، وذلك لأن المتوسطة عندنا غير ( الواحد خلاص راجل + التحول من لبس الجلابية المعهودة إلى اللبس الأفرنجي /قميص ورداء / وأهم من كل دة الساعة هدية الدخول للمتوسط لذلك عندنا يبدأ التميّز من هنا ، أما الآن رغم كثرة المدارس إلا أن الفاقد التربوي أكثر فمن أمثلة النفى أرسل الوالد الأخ صديق الأمين العام الحالي لحزب الأمة للدراسة في منطقةحسكنيتة شرق دارفور وأيضا أرسل الأخ آدم الهلباوي لرهيد البردي ، أما أنا الحمد نفيت داخل نيالا بس جنوب الوادي بحي كوريا فسبحان الله كثير ممن عاش معنا في نيالا ويعرف كسلا يقول: مافي بلد تشبه نيالا زي كسلا يازهير ربنا يغفر للوالد ويرحمه رحمة واسعة ويدخله الفردوس الأعلى مع المفلحين والصالحين و حسن اولئك رفيقا
أنا همي ما في الزولة اللابسة جونتي أسود ولا في الزول الودوهو المنفا عشان يلقط المنقة بتاعت أبوجبيهة ولا كلام الريس ميسرة عن الحب و الأمكنة و لا في الزول البجيك راصي الكلمات زي لوري البطيخ أنا همي في اللتل ومان المنشرة لي حس و بتكون لعبت أو شاهدت ال soccer بتاعها في المدرسة من زومااااااااااااااان و أبوها الجا الزقازيق نتيجة فشلو في إحراز نتيجة كويسة في الفيزياء إنشاء الله يا بتي أبوك يقوم من رقدتو دي و يكون رجعك البيت
Post: #1255 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-04-2011, 06:18 AM Parent: #1254
صباح الخير ،،، ياوجوه الخير
أصبحنا وأصبح الملك لله وحده،،،
نهدي هذا الصباح الجميل للزعيم الكبير
زهير الزناتي ونقول له :
وعقبال تطفي الشمعة الميه ومعاك رفيقة الدرب ،،، وكل عام وإنت بخير يا ابو الزوز
Post: #1256 Title: Re: ناس الزقازيق ... أجدع ناس (4) .. Author: أحمد إسماعيل Date: 04-04-2011, 06:18 AM Parent: #1254
Quote: إنشاء الله يا بتي أبوك يقوم من رقدتو دي و يكون رجعك البيت
هاك عمك/ محمد سليمان بتاع جراب الحاوي ولجنة التحكيم في برنامج نجوم الغد
Quote: زول كان بلقط المنقة فى ابو جبيهه وعايد فى سنة سادسة جاى يعمل لينا فيها بتاع بارتيهات وهابى بيرث داى
هو التورتة زاتو ياكلوها مع ياتو شـــــنب
ينصر دينك يا هلييييييفة قال أنا ودوني أبو جبيهة مخصوص عشان أمشي الزقازيق لا بالله!!!!! أعمل حسابك المنظراتية حيجو و يقول ليك دا ما مبرر إنو نمع الناس ما تحتفل بهذا اليوم العظيم يا كمساااري هوووي بالله نزلني المحطة الجاية و أديني الباقي حقي
ولدنا الشايل المنقة دي فكوا طريقوا لانو في حلف معاه مؤقت
لغاية يوم الخميس و بعدها تستطيعوا ان تواصل الغارات الجوية؟؟
Post: #1262 Title: Re: ناس الزقازيق ... أجدع ناس (4) .. Author: أحمد إسماعيل Date: 04-04-2011, 07:53 AM Parent: #1261
Quote:
ينصر دينك يا هلييييييفة
عندنا واحد مسافر في قطار نيالا وماعنده حجز ، قام نام في الممر بتاع الشاي حلفاوي ولا هدندوي ماشي في الممر وماشاف الزول وعفصو على رأسه قام الراجل مخلوع وقال : ياخي كتلتنا ، بتاع الشاي قال: دينك ياشيخ ، أنت للآن حي تتكلم معانا
جيت أهني الزول الجميل أبو الزوز لبلوغه الرابعة و العشرون.. و ذلك حسب حسابات ياسر نجيلة... و ان كنت أشك في ان نجيلة أكل الزول ده في سنة.. و للمرجفين الذين يقولون ان شنب أبو الزوز بس عمره 24 سنه... بقول ليهم أرجعوا الى الصور القديمة و الوثائق لتعرفوا ان عمر الشنب 20 سنة... حيث انها كانت احدى الظواهر التي تحدث عنها الناس كثيرا في ذلك الوقت... عندما نما للطفل زهير شنب و هو في عمر الرابعة... فأهدته والدته مكنة حلاقة و هو في عمر الخامسة... و امتحن لرخصة القيادة و هو في عمر الثامنة و تحصل عليها... و كاد أن يصبح سواق قطر و هو في عمر السابعة عشر... لولا أن والده رحمة الله عليه نفاه الى أبو جبيهة...
كل الأمنيات الطيبات لأبو ميار...
Post: #1268 Title: Re: ناس الزقازيق ... أجدع ناس (4) .. Author: منصور عبد الرازق Date: 04-04-2011, 09:43 AM Parent: #1266
(اولاضمى ) وابوى كمان , ازيكم وعمتم صباحا عمتم صباحا دى , تمشى تترجمها طوالى يا حاتم , لى رانيا وسارة , وليلى زااااتا وترجع تورينا ترجمتها كيف ؟؟؟ عشان مجتبى ولدى يصحح ليك الترجمة وكان قدرت كمان تترجم معاها ولضمى واولاضمى ,يكون كتر خيرك بس صحى القالوا عنك ده , لغاية هسى واقف منتظر هو قيم السوكر بتاعم ده كم شوط ؟؟؟ لقيتو واقف منتظر تشتاق عيونو لى روعته نفس الملامح والشبه والوقفة زااتا وقدلتو اقول ليك حاجة ----- نجيب ليك مجتبى ينتظر بدلك شوية ؟؟؟ وبالمرة زااااتو نخلص من الموضوع ده مع انو انحنا ولا خايفين من المنافسة ولا شيتين المنافسنا , زماااان نفوهو ياكل منقة انا مستعد انفيهو ليكم السلع زاتا بس خلو عيد ميلاده السبعين ده يخلص
Post: #1270 Title: Re: ناس الزقازيق ... أجدع ناس (4) .. Author: منصور عبد الرازق Date: 04-04-2011, 09:57 AM Parent: #1268
هى انا ما نسيت عقبال تطفى الشمعة المية يا زهير الزناتى
الزول دا مابستحمل يعاين للشيكولاتة و ما ياخد منها حتة عشاان كدا ما تفقدوهو هس خلو أب شنب دا يجي و يطفي الدنميت بتاعتو دا و أكلو شكولاتاتكم و أمسحو خشومكم يرحمكم الله بعدين أفقدو الطاعم
يا جماعة والله الواحد خجلان مرتين ... مرة عشان زول كبير كده ويحتفلوا ليهو بعيد ميلاده ... الواحد ما احتفل بعيد ميلاده الا بعد ما كبر وجاب اولاد ... وبقت دي ثقافتهم .... زمان الواحد ما يتذكر حتي يوم ميلاده .... نحن اناس في طبعهم كثير من البداوة والريفية ... حتي يوم ميلادي تذكرته احدي القريبات وهو علي عهدتها .... ولدت عن طريق قابلة لم تهتم حتي باستخراج سجل رسمي من مواليد السودان ... رغم انه كان مجاني .... اكدت قريبتي انه يوم مولدي هو الرابع من ابريل ... لا احد يستطيع ان يختلف معها ... فهو تاريخ جميل ولذيذ ويرضي كل الاطراف .... من الاشياء التي عضدت هذا التاريخ ان هنالك صورة عائلية وجدت في ارشيف العائلة .... اكد بعض الشهود بانها اخذت يوم مولدي .... لذا الاحتفال به ما هو الا نزولا لرغبة الاولاد والاخ الفيس بوك ... وخجلان مرة تانية لهذا التداعي الحميم من كل الاصدقاء لمشاركتي هذه الفرحة ... مثلنا لا يمثل لهم عيد الميلاد الا يوم عادي مثل غيره من الايام ... من الصعب ان نكتسب ثقافة جديدة لم نعتاد عليها ... فقط يسعدنا حب من حولنا .... شكري للجميع .....
Post: #1276 Title: Re: ناس الزقازيق ... أجدع ناس (4) .. Author: أحمد إسماعيل Date: 04-04-2011, 04:53 PM Parent: #1274
Quote: يا جماعة معليش زولي قافل على التورتة
ولضمي شن قولك في الليد دا
توة ولضمي جيتني عديل ، وكت الليد دا صايت ولكييع ما تخلا يلخ اللخ دة ( عطى عيش بلبن أو رز بكسر الراء أو روابة متل هنت ول جبريل ديك)
Quote: والله أي زول عرفتو من نيالا حلو.. أمسك عندك أحمد اسماعيل.. وأولاد بيطره.. محمد بكري ومحمد البشير.. مويتكم مويه سكر والا شنو يابوحميد..
هذا لأنك كلك ذوق وعسل كمان الأخ/ محمد بكري كان يعمل مع منظمة إسمها (spcr) اللجنة الشعبية للإغاثة وإعادة التعمير هو كان ماسك إعادة التعمير لاكن الآن يعمل ببيطري نيالا وهناك أيضا الأخ الصادق محمد خميس والأخت نعمات النور السميح
احمد اسماعيل .... سلامات ... من محاسن الصدف ان يكون لدي اصدقاء كثر من نيالا ... ما يجمع اهل نيالا الادب الجم والتحدث بصوت خفيض ... لا ادري لماذا ...اعرف آل مفضل تربطني بهم علاقة ود مقيم ...عن طريق الاخ علي مفضل ... لعلك تعلم ان اخيه الاكبر احمد مفضل خريج تجارة الزقازيق ... 1983م وهو شخص ودود وغاية في التهذيب والادب ...وهو الآن مدير الامن الاقتصادي ... وكذلك اخيه ابراهيم خريج كلية الهندية - شبرا وكانت تتبع في ذلك الوقت لجامعة الزقازيق ... اما صديقي جلال كردمان فهو من الطف الذين يمكن ان تلتقيهم في هذه الحياة .... علي ذكر رهيد البردي ..... التقيت الكترونياً قبل ايام مع صديقي محمد عيسي وهو من ابناء رهيد البردي ... درس بجامعة اسيوط ... طافت بنا الذكريات والاحاديث لمواضيع شتي ... سالته عن احوال رهيد البردي ... فقال لي لا زالت هي رهيد البردي ولا زلت الشيوعي الوحيد بها .... تطول قائمة اصدقائي من نيالا ومنهم ما هو علني وما هو سري ... الا يقولون بان الصلاة بها العلن والسر .... احب نيالا التي تشبه كسلا حتي بواديها العظيم وجبالها الشامخة ... احب انسان نيالا الجميل ...
Post: #1279 Title: Re: ناس الزقازيق ... أجدع ناس (4) .. Author: عمر المهدى Date: 04-05-2011, 06:24 AM Parent: #1276
صباح النور عليك يازهور الصباح دا بندرشو ليكم انتو تعالو نعمو سلام لكل الاحباب
Post: #1280 Title: Re: ناس الزقازيق ... أجدع ناس (4) .. Author: جلال عثمان Date: 04-05-2011, 06:55 AM Parent: #1279
كل سنة وانت طيب يا ابوالزوز ونأسف للانتقطاع لظروف تقنية بحتة ... ويسأل منك الخير ياحاتم جبارة .... وبركة بالشوفة ياجلا ياخ ... عادت للبوست نكهة الريحان والله
--------- ونعزي الاخ كمال الشادي وزوجته في فقدهم الاليم ونسأل الله الرحمة والمغفرة للفقيد وان يتقبله الله القبول الحسن
Post: #1281 Title: Re: ناس الزقازيق ... أجدع ناس (4) .. Author: أحمد إسماعيل Date: 04-05-2011, 07:05 AM Parent: #1279
ولضمي الزيناتي أنت ما قتلت الدجاجة وخميت بيضها آل مفضل أبناء عمومتنا أخوهم الأكبر / محمد إبراهيم علي مفضل متزوج شقيقتي نعم أحمد إبراهيم خريج تجارة الزقازيق وكان ملحق عسكري في تشاد أيضا الأخ حسن إبراهيم خريج زراعة مشتهر كانت تابعة لجامعة الزقازيق وأخوهم المهندس آدم إبراهيم والضابط علي وأخوهم الصغيرمفضل بامريكا اما آل كردمان مشهورين في نيالا ، أخوهم الكبير كان لاعب محترم في هلال نيالا وأخوه معتصم كردمان درسنا في مدرسة الثورة التوسطة شفت كيف يا أبو الزوز نحن الزقازيقاب محل ما نلتفت بنلقى زيادة إلفة سبحان الله مقدر الظروف والأحوال
Post: #1282 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-05-2011, 09:36 AM Parent: #1281
صباح الخير ،،، يا وجوه الخير
أصبحنا وأصبح الملك لله وحده،،،
اللهم صلي وسلم على سيدنا محمد وعلى آل محمد – بعدد رحمة الله ، بعدد فضل الله بعدد خلق الله ، بعدد مافي علم الله ، بعدد كلمات الله ، بعدد كرم الله ، بعدد حروف كلام الله بعدد قطر الأمطار ، بعدد ورق الأشجار ،بعدد رمل القفار ،
Post: #1283 Title: Re: ناس الزقازيق ... أجدع ناس (4) .. Author: منصور عبد الرازق Date: 04-05-2011, 10:27 AM Parent: #1282
احمد رجب ومصطفى حسين الكاريكاتيرست الشهير كان لهم سلسلة مقروءة ومتابعة من العديدين فى جريدة الأخبار المصرية مقالات من احمد رجب خفيفة , ومعاهو صلاح السعدنى كمان وكاريكاتير يومى من مصطفى حسين وكلو تحت العنوان , الحب هو الريس ميسرة عرف الحب , تعريفين مرتبطين بالسكوت , والنضم فى حضرة الصمت , وفى حضرة النقاش والنقة , يفرض الحب طريقة صمت تخصه كما ان النقاش والنقار والنقة , يفرق بين ان يكون نقاش محبين من غيره وعلى منوال التعريف هذا , فان الحب هو ان تحتفل بعيد ميلادك الأربعة وعشرين بالرغم من انك و لا عارف , لا عاوز احمد رجب ولا ما احمد رجب
* يمين جنس تنظير يا حاتم , خصوصا فى كورة بلاكبيرن دى معقولة يا ارسين فينغر , قدام بلاكبيرن تلعب سبعين دقيقة بى مهاجم واحد بس ووين , فى ستاد الأمارات بس انتو الله يحلكم من ناس السير ديل بكرة انشلوتى زااااتو باين قنع من خيرا فيكم يعنى توريس ده , لازم يلعب يعنى
الحب :فرصة ليصبح الإنسان أفضل وأجمـل وأرقـى ,,, الحب ليس عاطفــةً ووجدانــاً فقط إنما هو طاقة ـ وإنتــاج ,,, الحب : هو أعظم مدرسةٍ يتعلم كل عاشقٍ فيها لغةٌ لا تشبهُها لغةٌ أخرى ,,, الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة ,,,
كويس حصلتني وكتبت عن الحب.. عشان الإنجلاخه ما تحصل..
يازول نحن المانيو بنغلبهم وبيغلبونا.. بنعرف ليهم كويس.. الله يحلهم هم.. شفت لكن الصبي المكسيكي.. موبااالغه.. أما صاحبنا أبراموفيتش شكلو شروه الترماج.. زي لمن أصر يشتري شفشينكو وفرضو على مورينهو.. الشي المحيرني أنو لاعب زي توريس يفقد الثقه بالطريقه دي.. حتى لمستو للكوره ما ياها.. بيني وبينك كان إنت دفعت 50 مليون إسترليني في لاعب.. يقوم يجي المدرب مايلعبو? والله إلا كان تدقو..
رحم الله ياسر الشفيع ... الذي رغم ان رحيله كان قبل سنوات طوال الا ان الجميع لا زال يذكره بكل خير .. هي السيرة العطرة التي تعيش وراء صاحبها وتخلده .... اتمني ان يتحرك اصدقائه ورفاقه لتكريمه عبر اي عمل اجتماعي او ثقافي يتنادوا له من كل انجاء العالم ... شكرا احمد الحاج ايها الوفي
من بوست الاخ احمد الحاج .... في صفحة ناس الزقازيق بالفيس بوك
Post: #1290 Title: Re: ناس الزقازيق ... أجدع ناس (4) .. Author: محمد عيد Date: 04-06-2011, 07:37 AM Parent: #1289
زهيــر ... بالله أكتب لينا هنـــا الوصفة العلاجية الأدوك ليها للارتفاع الشديد بتاع الضغط ..!! .. آآآآآآآه يا بلــد
شترى على كرتي- وزير الخارجية – فندق قصر الصداقة ببحري بمبلغ (85) مليون دولار ، دفع منها نقداً (55) مليون دولار ، على ان تقسط بقية المبلغ (30) مليون دولار على مدى ستة أشهر فقط . والفندق من أملاك المحتال السعودي جمعة الجمعة المسجون في السعودية حالياً بعد ادانته بالنصب والاحتيال ، وقد جذبه للاستثمار في السودان – هو والنصاب الآخر بن خرباش ، من الامارات العربية المتحدة ، والمسجون ايضاً الآن بتهم الاختلاس – مناخ الفوضى وغياب سيادة حكم القانون في السودان ، واستقطبهما بصورة مباشرة عبد الله حسن احمد البشير – أخ المشير البشير – كما اعترف بذلك في حواره مع صحيفة (السوداني) . وكان وزير شؤون مجلس الوزراء السابق الجنرال صلاح احمد محمد صالح يتابع اجراءات جمعة الجمعة وكأنه سكرتير خاص له ، وحين خرج من الوزارة تحول الى العمل علناً في استثمارات جمعة الجمعة . وبعد سجنه في السعودية عجز جمعة الجمعة عن سداد ما عليه من التزامات مالية للبنك العقاري السوداني ، وامهل فترة محددة لتوفيق أوضاعه ، وعندما أوشكت الفترة على الانتهاء عرض مدير أعمال الجمعة الفندق للبيع ، وتفاجأ حضورالحفل الفخيم الذي اقيم للصفقة ، بوزير الخارجية علي كرتي الذي دفع (55) مليون دولار لحظة توقيع عقد البيع ، وقسط (30) مليون اخرى لمدة ستة أشهر فقط. وشرع المالك الجديد كرتي في عمل اصلاحات فورية بالفندق لتدشين العمل به . وفي غياب الديمقراطية ، حيث لا يمكن فحص ادعاءات الحكام عن انفسهم ، وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته !
والله يا محمد عيد انا شايل هم الزول ده ... مفروض كان يقسطوا ليهو المبلغ ده شوية كده كمان سنة سنتين يعني الدنيا دي طايرة ... مش يراعوا ظروفه ياخي الراجل موظف في الحكومة ويا دوبك المرتب علي قدر حاله ... يجيب ليهم تلاتين مليون دولار في ستة شهور من وين ... غايتو اقترح نرفع التماس للجهة البائعة بعمل تسهيلات للاخ علي ...وتخفيض المبلغ شوية ... واذا ما كان في طريقة طريقة ... تقوم الحكومة تدعمه شوية كده وتدفع ليهو 29 مليون دولار ... الراجل ما قصر معاها قاد ليها قوات الدفاع الشعبي دي فترة ما هينة .... والباقي مافي مشكلة نتموا ليهو نحن من صندوق التكافل بتاع ناس الزقازيق ....
Post: #1292 Title: Re: ناس الزقازيق ... أجدع ناس (4) .. Author: محمد عيد Date: 04-06-2011, 08:17 AM Parent: #1291
Quote: الراجل ما قصر معاها قاد ليها قوات الدفاع الشعبي دي فترة ما هينة .... والباقي مافي مشكلة نتموا ليهو نحن من صندوق التكافل بتاع ناس الزقازيق ....
ســـعادتك .. وانا كمان متبرع ليهو بتصماميم الحملة الاعلانية واللوحات واعلانات الميديا .. ياخى قائد الدبابين ما هين .!
Post: #1293 Title: Re: ناس الزقازيق ... أجدع ناس (4) .. Author: منصور عبد الرازق Date: 04-06-2011, 08:29 AM Parent: #1291
كرتى ولا كرتك انت لا هذا ولا ذاك , ده طلع (كرت ) الناس كلهم هسى انتو عاملين ليكم شركة طوييييلة عريييضة وعاوزين تشتروا ليكم اراضى فى سقط لقط , بى مبلغ وقدره ما شايفين قصر الصداقة المعروض للبيع ده وبى جنس التسهيلات دى !!! الزول ده , ما بيرضى ياخد ليهو كم سهم مننا كده يا تبلدينا ؟؟؟
* استمتعوا اليوم بأثارة الكرة الأنجليزية فى لقاء مان يونايتد وتشيلسى
Post: #1295 Title: Re: ناس الزقازيق ... أجدع ناس (4) .. Author: محمد صديق Date: 04-06-2011, 09:33 AM Parent: #1293
صبحكم الله بالخير رحم الله ياسر الشفيع و جعل مثواه الجنة...
أبو الزوز يسأل منك الخير... ما زال النت عندنا بطيئا ... مداخلة واحدة تستوجب كثير من الصبر و حتى الايمان... فأصبح عمل مداخلة أخير منها تتفرج في مباراة في الدوري السوداني... و تكون بتتفرج فيها في قناة قون و يكون الرشيد بدوي عبيد بيقدم الاستوديو التحليلي... بالاضافة الى انني مشغووووول جدا هذه الأيام...
عجبني أمبارح كلامكم عن نيالا... و لأني عشت فترة من حياتي في جنوب كردفان ذكرني كلامكم بتلك الفترة... وقتها كان هنالك ارتباط تجاري قوي بين كردفان و دارفور و حتى أواسط السودان... فعبر مليط كانت تجارة الحدود مزدهرة و كانت تعبر الكثير من البضائع الى السودان... و أذكر أن العطور و الأقمشة الفخمة و الأجهزة الكهربائية و الالكترونية و غيرها... وكانت نيالا تقوم بدور التوزيع لكل تلك البضائع الى باقي المدن و الأقاليم عبر خط السكة حديد أو عبر النقل البري .... كانت أسواق المدن الكبيرة في دارفور و كردفان أكثر عمارا من أسواق مدن أواسط و شمال السودان... لم أقم بزيارة نيالا...و لكني رأيتها من خلالكثير من اللوحات التي يقوم برسمها فنانيها... فكان فناني نيالا يعرضون لوحات يرسمون فيها ملامح من مدينتهم و منطقتهم... كانت لوحات جميلة قادرة على نقلك الى نيالا و مناطق جبال مرة الجميلة... لقد كانت حركة الفنون أيضا مزدهرة جدا في تلك الفترة....
أمشي ليكم على بابنوسة و لا تقولوا الروووووووووب....
Post: #1300 Title: Re: ناس الزقازيق ... أجدع ناس (4) .. Author: أحمد إسماعيل Date: 04-06-2011, 03:10 PM Parent: #1298
والله يا ابو الرشد كلام زي السكر ، سلامات يا كوتش الكلام سمح عن نيالا ، بس ناقصه كروراك لكن ما يخالف نديكم رأينا في نيالا من قول الأستاذ/عثمان عبد الله محمود تربية الزقازيق
نيالا العز نيالا الهنـا ×××× نيالا جـمالك عنـدنا
Post: #1301 Title: Re: ناس الزقازيق ... أجدع ناس (4) .. Author: أحمد إسماعيل Date: 04-06-2011, 05:36 PM Parent: #1300
يا موسى عيسى ما شفت ول أبّ أيوم يوم دا كما عرّد نديهو الرمبية ويمشي بوجة للعد يملى التبريك عندي غابّات ينسئل منهن ، اليوم يوم ورودهن
وصاحبك موسى الراجل كلام التكارنة غلبوا ، ما قال بجي مالو ما جا؟
تحياتى للجميع ابوعمر انا اجى كيف كان منصور قلع المايق وموسى عيسى قال ما اشوفك تجى حايم بيجاى قلنا احسن نربى بناتنا بس لكن ربنا فرجها شايف ود كرتى رافع له شكوى فى ناس الطياره الضربت السوناتا بس فاكس لحاتم جباره ويزق شكوتنا و اشوفك مهنضب يا موسى عيسى بركه جاه ابو عركى الحرمونا من سهرته ، والشكوى لمجلس حقوق الرجال ، مدد مدد يا حاج الركز
يوم الخميس عندكم بيبدأ من يوم الأربعاء والا شنو? نفسكم بقى ضعيف شديد..
إنتو بابنوسه دي مش العملو فوقها مصنع ألبان في الخطه الخمسيه الأولى? وتاني قلبوهو مصنع كركدي وحاجات تانيه? ياها? كان كدا زبادي عديييل.. مش روب.. الكلام دا إعتبره دردقه يا رش..
خشيت بي هناك.. لقيت واحد فاتح ليهو بوست عن المريخ.. بوست غير موفق ياأخ ياسر..
أموت وأعرف التلغرافات بين أحمد وموسى بتقول شنو.. أمدونا بترجمان..
من أمبارح بطني طااامه.. طبعا يا منص إنت عارف العلي.. أنا أصل اللون الأحمر ما بحبوش..
تخريمه: قلت أجي أكتب عن الحب.. فسألت بت شيخي رأيك شنو في الحب? قالت لي.. ما بدورو.. قلت ليها.. ليه.. مالو.. عيبو شنو? قالت لي.. بعد العمر دا كلو والشفتو منه.. تاني ما دايره.. قلت ليها.. بالله.. لا أحسن تدوري.. ضحكنا من القلب.. ودا حب اللياقه حقنا..
التعازي القلبية للاخ كمال الشادي وزوجته الاخت حسناء جعلها الله اخر الاحزان وانا لله وانا اليه راجعون
الحديث عن الحب شايفوا مافي زول هببوا يا ناس انتوا كبرتوا واحسن بعد كدة تبقوا ناس مصلاية ونوم بدري بعد العشاء رغم سنوات الزناتي الارعة وعشرين ونقول ليهو كل عام وانت بخير ساعود لموضوعين هما عن الحب وسنينو وعن ابوجبيهة مفاجاءة عيد الميلاد الارحم الله العم محمد عثمان الزناتي واسكنه فسيح جناته مع الصديقين والشهداء وحسن اولئك رفيقا
يا محمد عيد ال85 مليون دولار هي بداية جبل الجليد وما خفي اعظم
السلام عليكم جميعا وناسف للانقطاع التوقيع ماجد سرحان
احتفلنا يوم الثلا ثاء بختان ابننا محمد وكان الاحتفال محصور في الاسرة والجيران وعقبال الزواج يا محمد تقبل القروش بالسوداني والدولار كما يوجد حساب خاص للاخوة بالخارج حتى تكون مخدة العريس سمينة
Quote: احتفلنا يوم الثلا ثاء بختان ابننا محمد وكان الاحتفال محصور في الاسرة والجيران وعقبال الزواج يا محمد تقبل القروش بالسوداني والدولار كما يوجد حساب خاص للاخوة بالخارج حتى تكون مخدة العريس سمينة
ألف مبروك ختان ولدنا محمد ...
====================== انتو يا مبارك لسة في طهور الأولاد ... نحنا بعد اسبوع بس ... بسلموك الحلقة تلبسها خاتم .. قروش شنو ... كدي غطي حق أولادي التلاته وعرس عمهم على ... بعدين فتش حق مخدة محمد ... عالم بتاعه حب النفس بس ... جلا وين انت ... احجزوني من الزول ده ...
================================= ود جبارة الأحمر الوهاج فريق كبير .... وحيكون الفريق الأول في أفريقيا .... وبداية خطوات اكيده ... لتنفيذ الخطة ... كدي خش البوست مرة اخري بعد التطورات الجديدة في النقاش ... اقرأ تعليقي الآخير عن خطط إدارة فريق المريخ ... والأيام بيننا ...
هوي يا نجيله.. خطه شنو عليك الله؟ وإهتمام شنو بالناشئين البيعرفو المريخ؟ حقو الواحد يجيك بالدرب يحدثك.. عندي خلفيه عن المريخ ومجتمعه طويله.. لعبت في أشباله.. كره طائره.. واتمرنت كم تمرين مع بعض من ناشئين القدم.. ثم تانيا.. قلت شنو؟ الأول في أفريقيا؟ كدي ما تمشوا بعيد وأبقوا الأوائل في أمدرمان.. دايما يا مريخاب بتشطحوا بعيد.. كان شلتو كاس.. بتخيل ليكم شلتو كاس العالم.. كان صلحتو إستادكم.. كانو إستاد شنو داك في البرازيل.. البيشيل ميه ألف داك.. هدافكم.. أحسن لاعب في أفريقيا.. كاس السودان.. أحسن كاس في الدنيا.. ممتاز شنو الكعب دا.. لمن تشيلوهو كل خمسه سنين يبقى سمح.. كأس الكئوس دا مافي زيو.. ودوري الأبطال دا كعب.. يلعبوكم فيهو مع الرأفه.. تعملوا فيها أسياده لحدي ما تطيروا من الأدوار الأولى.. عموما نحي فيكم حبكم وإخلاصكم لناديكم.. بس ما تكتروها شديد.. لأنو نضاره الحب عمياء.. ودا كلامي عن حب المريخ..
التحية لمبارك جادين و نبارك له طهور ابنه محمد... رسل لينا رقم حساب المخدة أو رقم السويفت...
يا نجيلة مثلي مثل حاتم أحي حبك و دعمك للمريخ... نتمنى أن يحقق المريخ كل خططه و برامجه الطموحة... فالمنافسة يجب أن تكون بين كل الأندية و في شتى المجالات... في نوعية اللاعبين و الملاعب و التدريب والناشئين و المناشط الأخرى... حتى ترتقي الرياضة في السودان...
حاتم جبارة كارلو انشيلوتي خذلكم و الله... لاعب بستة أو سبعة مدافعين في ستامفورد بريدج... يعني في Old Trafford حيعمل شنو...الله يعينكم عليهو... حتى لما عمل تغيير دخل ميكيل و خلى كالو قاعد بره...
Quote: كان صلحتو إستادكم.. كانو إستاد شنو داك في البرازيل.. البيشيل ميه ألف داك..
سلام يا اجدع ناس هاكم فاتحتكم العزاء لكل من فقد عزيز وبنبارك لكل حدث سعيد والشوق ليكم كلكم بس ادعو لمحاسن بتى وهى بتجلس لللشهادة السودانية وبكرة اخر جلسة يا ناس جده ومكة كربو الدعاء جهياكم برواقة
Post: #1311 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-08-2011, 07:52 PM Parent: #1310
زوبة بت النوبة سعيد انا والله اول واحد يرحب بيك بعد الغيبة دى كلها طمنينا عليك فقدناك كتير الفترة الماضية انشاء الله محاسن حتفرحك وتفرحنا كلنا وتجيب نتيجة كبيرة و مشرفة
يعنى دعوة ناس امريكا ودبى ما بتنفع ولا كيف ...
،،،
شكرا" تبلدينا وربنا يوفق ويكون اجتماع حاسم لكثير من الامور
يارب نجح محاسن ووفقها ونور طريقها.. ومبروك لولدنا محمد المبارك..
زول ياخوانا شغال في الحكومه الأمريكيه يدوهو صالح عام؟ الحمدلله إنو صالح عام مؤقت.. وإن شاءالله قفيل الحكومه ما يبقى.. رغم كدا الواحد مبسوط.. قاعدين علي كف عفريت وبرضو مبسوطين.. والله الديمقراطيه دي نعيم.. عقبال شفعنا الماسكين السودان ما يكبروا..
زوبه.. زول يغيب 4 شهور.. حمدلله علي السلامه يا بتنا..
دودي.. الشوق ليك كتير يا صديقي..
رش.. أنشيلوتي خذلنا براهو؟ ومعاهو دروجبه وتوريز ولامبارد وآخرون.. ولولا ما داير أتبكبك زي فينجر وأشمت فيني منص.. كان قلت ليك الحكم كمان خذلنا..
Post: #1314 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-09-2011, 06:22 AM Parent: #1313
صباح الخير ،،، يا وجوه الخير
أصبحنا وأصبح الملك لله وحده،،،
إلهي : ما أعطفك علي وأكرمك مع عظيم جهلي
وما أرحمك بي مع قبيح فعلي
وما أقربك من برحمتك ! وما أبعدني عنك بجهلي وإسرافي على نفسي؟؟؟
Post: #1315 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 06:31 AM Parent: #1313
اصبحنا وأصبح الملك لله الواحد الأحد ليلة أمس شرفونا الإخوة والاخوات الاعزاء زهير وإبتهاج وقيس جمال الدين وموسى عيسى والأخت عفاف بزيارة في بيتنا كان لها أثر وصدى طيب في نفوسنا، لهم التحية والتقدير ودامت الإلفة والمودة
Quote: احتفلنا يوم الثلا ثاء بختان ابننا محمد وكان الاحتفال محصور في الاسرة والجيران وعقبال الزواج يا محمد تقبل القروش بالسوداني والدولار كما يوجد حساب خاص للاخوة بالخارج حتى تكون مخدة العريس سمينة
عقبال العرس الما خمج يا ولدنا محمد جادين و يا مبارك الجربيكه
دفتوها وين ؟؟ . راجع جلا تمت تحويل اهل الرياض عن طريقه اوعي يلعب
بيك و يقول ليك اي حاجة و علي طول كلم عبدالحفيظ يعمل امر قبض بواسطة
جنابو و بنقول ليهو وااااااااااحشنيييييييييييييييييييييي ؟؟ ماأروعك يا عركي !!!
الحبيب حاتمجبارة ماشاء الله منور البوست و كمان حب و ريدة بيني وبينك
حب الكبر شين شنانة مشاته كلو كلو فربنا يسعدكم و يهنيكم .
زنوبة كيف حالك و الف حمدلله علي الطلة بعد غيبة و عذرك معاك ربنا يوفقك
البنية و نشوفها من الاوائل انشاء الله و ربنا يوفق الجميع في الامتحان اليوم.
Post: #1317 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 06:53 AM Parent: #1315
ألف مرحب بالأخت زوبة والأخ مبارك جادين سائل المولى عز وجل أن يجعل بتنا/ محاسن من المتفوقات ومحققة أكثر مما تتمناه أمها زينب ومبروك لإبننا محمد البارك 000 ودامت الأفراح إنشاء الله
Post: #1322 Title: Re: ناس الزقازيق ... أجدع ناس (4) .. Author: مبارك جادين Date: 04-09-2011, 08:14 AM Parent: #1317
بعد حديث مقتضب مع صديقي ..قررت ان اذهب اليها في بيتها واقول ليها بحبك .. وبعد داك يحصل اليحصل ..لقد تمكن حبها مني تماما .,,وحسب الشكل العام والنظرات والاهتمام ...اقتنعت انها تحبني وتبادلني المشاعر والاحاسيس ...توكلت عل الكريم ومشيت يبتهم اقدم رجل واخر رجل ...حتى وصلت البيت ...دقيت الباب ...ويا للروعة فتحت الباب بنفسها .كانت موجودة بكل جمالها الذي اعرفها به .استقبلتني بابتسامة ولا اروع منها .احضرت لي كوب من العصير الاصفر كلونها .تجرعته وان انظر في تمثال الفتنة الذي ينظر الى بكل ود وحب وهيام .قلت احسن اكون صاحب المبادرة قلت لها بدون مقدمات انني احبها .تجمعت دموع في عيونها الجميلة وافتر في نفس الوقت فمها عن ابتسامة جميلة خلابة قالت وانها ايضا تحبني
اعلاه مقتطف من مذكرات قديمة كتبتها بعد تجربة حب فاشله في الثمانينات من القرن الماضي عن واحدة من الغراميات غير الواتية كما يقول ماركيز بانها تذكره برائحة اللوز المر .حيث يقول (لا مناص :فرائحة اللوز المر تذكره بمصير الغراميات غير المواتية)
Post: #1318 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 07:28 AM Parent: #1315
قبل نفي شايل المنقة كان المنفي الكبيرالشاعر / البارودي ، هذه الأبيات قالها في إبنته تأوب طيف من سميرة زائر 000 وما الطيف إلا ما تريه الخواطر طوى سدفة الظلماء والليل صارب 000 بارواقه والنجم بالأفـق حائـر فيـالك من طيـف ألمّ ودونـه 000 بحر من المحيط الجنوبي زاخـر المّ ولم يلبث وليـتـه أطـال 000 ولو أطالـت علـيّ الـديـاجـر
Post: #1319 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 07:32 AM Parent: #1315
مكمل لللأبيات أعلاه
خـماسـية لم تـدر ما السـرى 000 ولم تنحسر عن صفحتيها الخواطر عـقيلـة اتراب توالين حولها 000 كما دار بالبدر النجوم الزواهر تمثلها الذكرى لعيني كأني إليها 000 علـى بـعد مـن الأرض ناظـر فتارة أخـال الظـن حـقا وتارة 000 أهـيم فتغشى مقلتيّ السمادر فيا بـعد مابيني وبين احبتي 000 وياقرب ما التفت عليه الضمائر
Post: #1320 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-09-2011, 08:03 AM Parent: #1319
الف مبروك لولدنا محمد جادين ود الطهور بيدوهو الفكــــة عشان قروشو تبقى كتيرة العرس بدرى عليك
يا الله عليك يا احمد اسماعيل قصيدة طيف سميرة كانت فى سنة رابعة ولا خامسة ابتدائى
كدى اتذكر معاى
Post: #1321 Title: Re: ناس الزقازيق ... أجدع ناس (4) .. Author: منصور عبد الرازق Date: 04-09-2011, 08:13 AM Parent: #1319
نبدأ بى زوبة طبعا , ودى دايرة كلام لمن زوبا تجى , انشيلوتى زاتو ما عندنا بيهو شغلة يلعب جون اوبى ميكيل , يطلع دروغبا , يخلى سجم الرماد السعره خمسين مليون يورو داك قااااعد يحمد الله انشلوتى غايتو , كان ما جية زوبة , يمين ما كان خليت ليهو جنبة يرقد عليها محاسن ان شاء الله تتعلى ما تتدلى , يا بركة الله ورسوله نسمع اسمها كده من المية المتفوقين لمن المذيع حق التلفزيون يقول محاسن بت عمر اتفوقت يا رجالة اول واحد يحمد ربه , انشيلوتى ومعاهو حكم المباراة الما شاف وقعة راميريز ولا طرد لينا الواد باتريك ايفرا سامحنا الحكم , ولا زعلانين كمان من توريس الغبيان داك وحاتم جبارة زاتو قال الكورة الاخيرة دى , بقت ما بتعنى ليهو اى شى طالما المجال مجال دعوات لى محاسن عمر , بنت العزيزة الغالية زينب بت التيجانى ابو رفاد يا ربى , تنجح محاسن وتعلى مراتبها , وتفرح بيها اهلها , خاصة امها وابوها
* مشتاقين يا بت النوبا , لمن الشوق غلب
Post: #1324 Title: Re: ناس الزقازيق ... أجدع ناس (4) .. Author: منصور عبد الرازق Date: 04-09-2011, 08:41 AM Parent: #1321
وكمان مبارك جادين , حبيبنا الما (منظور ) ينسانا جانا طالى , شايل معاهو ود الطهور محمد لابس عراقى ولا ما لابس عراقى يا مبارك ؟؟؟ ياسر نجيلة لبس ليهو تلاتة حلقان قبل كده من الشغلة دى , حسب ما افاد اها انتو , بتلبسوهو حلقان , ولا بتوهبوهو للمسجد الجنبكم ؟؟؟ وانت مالك يا الرشيد بابكر , ان شاء الله يعملوهو (فروة للصلاة ) !!! حاتم جبارة انت كلامى وكلام مبارك جادين ده مع تعليق ياسر نجيلة لا بيخصك ولا بيخصك , انت زول بتاع جكس سااااى انت الأيام موت ساااكت بى مغسة انشلوتى وتابعه توريس يمين بالله انا مش بشجع ارسنال لو ما المسافة بعيدة , انا كنت خنقت الحم ده فى الدقيقة اتنين وتسعين كتيرة على ناس تشيلسى فى كورة واحدة يبقى عليهم انشيلوتى , وتوريس , وكمان الحكم ياخى ده مش بلنتى ساكت ده حادث من نوع البيدخل سيده السجن داك يعمل فيها ما شايفه والغاظنى اكثر بعد دقيقة واحدة ادى ليكم توريس كرت اصفر بحجة التمثيل اتكيفت اللحظة ديك انو الكرت بقى لى توريس , رغم انه كرت ظالم وغير مستحق بس الواد عاوز يعمل فيها متابع وشايف
* ان شاء الله تحضر عرس محمد وتشوف جديده يا بركة يا ود جادين بس الهناى داك , ورينى اتصرفتوا فيهو كيف ؟؟؟؟
Post: #1323 Title: Re: ناس الزقازيق ... أجدع ناس (4) .. Author: محمد عيد Date: 04-09-2011, 08:33 AM Parent: #1319
قبل يومين لم نستطع النوم طيلة الليل بسبب احتفال اسرة سعودية فى عمارة مواجهة لنا
بحفل قران احدى بناتها .. وذلك بسبب الصخب العالى والمزعج جدا من مكبرات الصوت
الموضوعة على سطح العمارة .
المضطــر يركب الركشة .. غايتو قعدت اومعاى بت الشيخ والاولاد نسمع فى الاغانى التى كانت تجلل فى سكون الليل ..
غالبية الغناء .. كان من الغناء الهابط السعودى لما يسمى بالطقاقات ( جمع طقاقة يا عبد الدايم )
يعنى زى غنايات الاعراس بتاعننا ...
المهم تفردت المغنية فى الصياح ( بصوت أجش ) بعديد من الاغنيات بلهجات مختلفة .. اتفقت جميع تلك الاغنيات
فى سقوط كلماتها وتناولها بشكل يجعلك تتململ وانت مغصوب عليك الاستماع اليها وبرفقة اسرتك ..1
المهم فى الأمر .. ان المغنية فجــأة قلبــت على الغنا السودانى ...
وتفننت فى اختيار باقة ( مع جواز التعبير ) من أردأ اغنيات السقوط الأخلاقى
وفى مقدمتها اغنية .. راجل المرا .....
يعنى بعد جهود ناس وردى وابو اللمين وشرحبيل وسيد خليفة والسمندل و... و......
أهم ما أخذه العرب عنــا ... راجل المرا حلو حلا ...!!!! ؟؟
Post: #1326 Title: Re: ناس الزقازيق ... أجدع ناس (4) .. Author: منصور عبد الرازق Date: 04-09-2011, 09:05 AM Parent: #1323
نهاية هذا الأسبوع , كانت مليانة بشكل ما طبيعى كان عندى ارتباطات متعددة , الأربعاء والخميس والجمعة مع ان العزيزة عفاف على ميرغنى , اخبرتنى من فترة طويلة ان ابو عركى البخيت سيغنى يوم الخميس احترت فى الحقيقة كيف اوفق بين ارتباطاتى المختلفة وكنت على وشك ان اضحى بى ابو عركى , من ضغط والحاح هذه الأرتباطات وهذه الأرتباطات , اربكتنى بشكل مباشر , وساهمت فى ارباك بت الشيخ وبت الشيخ لمن تكتر عليها (الأرباكات الزى دى ) بتحلها بأن تحرد جميع الأرتباطات وتلزم بيتها فالنساء عموما , وبنات الشيوخ , لا يجدن استجابات اللحظات الأخيرة فلكل حدث عندهن , استجابة مقدرة تليق بالحدث تتناسب معه فى الأتجاه , وتتناسب معه فى القوة الله قال بى قولك لو كان التناسب ده متناسق مع النظرية الفيزيائية الشايعة القائمة على تناسب الطرد والعكس لكل فعل رد فعل مساو له فى القوة ( ودى ما فيها مشكلة ) لكن المشكلة حا تبقى لمن نجى للجزء التانى بتاع ( ومضاد له فى الأتجاه ديك ) ابذل كل جدهدك لمن تقع فى المغارز الزى دى , من تضاد الأتجاهات داك القوة خليها تبقى قوة خارقة لكن اوعك ثم اوعك من تضاد الأتجاهات داك
نسمات الشرقية هبت و سالت الافراح بقدوم الاستاذة ابتهاج عبدالله
و في معيتها الاستاذ اب شنب و الكبير مجد و باقي الكتيبة و كان
اللقاء جميلا بحضور الاستاذ حاج الركز والمناضل موسى الراجل و شخصي
و كانت حلاوة اللقاء الحفل الرائع للرائع دوما ابوعركي البخيت الذي
حرك الشجون و طاف بنا سنين عدة من البهجة والطرب الذي افتقدناه زمنا
طويلا حتى حسبنا ان احساسنا بهذه الاشياء قد تبدلت و لكن كان لوقع جمسي
انتحل و واحشني و بخاف في حضور الاحبة المنصور حاج الركز و الزناتي
و احمد اسماعيل وقيس جمال الدين واحمد السيد و محسن دفعة كانت البهجة
و كان التطريب العالي بحضور مثالي لسماع الجميل ابوعركي كانت ليلة ولا
الف ليله .
كما التقينا الاستاذ جمال السنوسي بالحفل وكان مبتهجا مع النغم الجميل
الذي قاده من شواطي جده للرياض للعملاق ابوعركي و ايضا كان لنا لقاء اخر
مع السنوسي في لقاء البورداب . فلك التحية اخي جمال ونتمنى ان يديم الله
علينا ساعات التلاقي في السمحات و مرحب بيك في الرياض .
Post: #1327 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 10:01 AM Parent: #1325
سلامات يادودي والله عندك كورنات حيرت جلا وعبد الله كورنا ياخي عندك ارشيف مبااالغة
لكن يادودي تقصد القطة وليس طيف سميرة لي قطة صغيرة سميتها سميرة تنام في الليل معي وتلعب بـي اصابعي
Post: #1328 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-09-2011, 11:58 AM Parent: #1319
اجعل قلبك كالقبر لايدخله سوى واحد .... ولاتجعله كالبئر يشرب منه أكثر من واحد
والواحد هو الحب بشى صنوفه ، الجميع هرب من الخوض في هذا الجمال عدا أخونا مبارك وحاتم ومنصور ،،،،
هل فقدنا جذوة الإنجذاب وتراخينا عن الإهتمام بالحب هل الحياة تفقر الحب ،،،، هل يموت الحب ويندثر بعد الزواج هل إنتقالنا إلى صنوف الحب المتعددة شتت الكورة أين الحب القديم ،،،، هل تفتقدونه ،،،، ولماذا نخاف أن نكثر الحديث عنه؟؟؟؟
الحب شكل من أشكال الجمال الرباني التي وهبها الله إياها لنستظل به من وعثاء الحياة وروتينها اليومي.
Quote: محاسن ان شاء الله تتعلى ما تتدلى , يا بركة الله ورسوله نسمع اسمها كده من المية المتفوقين لمن المذيع حق التلفزيون يقول محاسن بت عمر اتفوقت يا رجالة اول واحد يحمد ربه
سلامة العودة يا زوبة وكلنا كدي مبسوطين لقرار العودة الطوعية ،،، واصلي لأنه فاتت أشياء كتيرة وجميلة.
مبارك ود جادين ربنا يطول في عمرك علشان كمان تقوم بمهام العرس (ما تفهم غلط) للود.
يا ناس الرياض مبروك عليكم زيارة آل الزناتي وتجمعكم ، وعلشان حاسدنكم كمان ناس جدة مسافرين لمدينة رابغ زيارة للإطمئنان على سامية إسماعيل بعد فترة النقاهة
الدعوة لكل ناس جدة وعبدالدائم بيقول السفر يوم الجمعة القادم الساعة 8صباحاً
السؤال عن البتاعة عملنا بيها شنو خارج المضبطة بتاعت البوست وانحنا بنخاف كما خاف ابوعركي الذي نهنئكم يا ناس الرياض على حفله
____________________________________________________________________________________________ لكن هاشم في العيد ما لقطة يا دودي شكرا
Post: #1332 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 03:04 PM Parent: #1330
Quote: الحب : تجربة إنسانية معقدة ,,,
فعلا الحب مقوماته كثيرة منها الغيرة المحمودة التي تعتبر أداة للتعبير عن الحب بأن يهتم كل طرف بالآخر ويجعله محور حياته ، ولا يسمح لأي شخص أن ينازعه فيه ، مما يولد الثقة ، شرط أن تكون الغيرة المحمودة والحرص بالكلمات الطيبة اللطيفة التي لا تعطل الطرفين من آداء عملهما مراعاة لمصلحة الأسرة
Post: #1333 Title: Re: ناس الزقازيق ... أجدع ناس (4) .. Author: أحمد إسماعيل Date: 04-09-2011, 03:29 PM Parent: #1332
وجهة نظر ياريس /ميسرة بدل المجموعة الجزئية ( الحب) تكون المجموعة الكلية الحياة أو السعادة الزوجيّة
معليش حساب المجموعات دا معشعش في الرأس من إمتحان الأساس
اولاً مبروك يا محمد المبارك ... الطهور ... وانشاء الله تكون يد الطهار طاعمة .... وانشاء الله مبارك تكونوا وديتهوا للراجل في العمدة داك .... الراس عنده بمية جنيه ... طبعاً اول ما جا محمد للوجود مشينا الدايات نبارك ... ابتهاج سالتني قالت لي مبارك سمي ولدوا منو ... قلت ليها والله كعادة آل جادين سماهو اسم مركب ... محمد المبارك ... قالت لي اجي يا زهير ... كيف اسم مركب انت نسيت انه المبارك ده هو ذاتو مبارك ... ومن هنا بدا مسلسل الزهايمر ... مبروك يا محمد الطهورة ويا بنج نحن بننضم لصف المطالبين بمعرفة المصير ... انشاء الله تغني لينا المصير وتخليها فرملة جديدة بدل الضواحي .... ياخي انشاء الله تيمنا بنانسي عجاج ... افضل من غني المصير حتي الآن (عين حادرة للكوتش ومحمد عيد وكل الكوامر وفي رواية ملبد سكين بوراء ... قال ابراهيم عوض قال) ....
يمين بالله التعديل ده الليلة لو عرفوه ناس موسي عيسي وجلا الواحد الا يطلب اللجوء السياسي
ثانياً ترحيب كبير اوي بالصديقة زوبة بت ام زوبة .... حمد الله علي السلامة بعد الفاتحة والذي منه ... ندعو الله بن يوفق بتنا محاسن ... ويجعلها من المتفوقات والكلية النفسها فيها ... والدعاء ايضاً لعهود موسي عيسي ... انشاء الله طب القصر العيني ... وكل بناتنا الممتحنات .... واولادنا الممتحنين .... ويا زوبة خليك قاعدة ... الامتحانات وانتهت ...
Post: #1336 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-10-2011, 06:33 AM Parent: #1335
صباح الخير ،،، يا وجوه الخير
صباح الحب،،،
صباح الجمال،،،
صباح الناس الحلوه،،،
نحن في إنتظار ناس الجمعية العمومية
ونشوفهم إشتغلوا بأي دستور ،،،
شاهدنا الصور في الفيس بوك بس التفاصيل قالوا
عند صالح تبلدينا ===================================================
أنا شايف هباني
وسامي الطاهر في الجمعية العمومية وكمان أدروب وصلاح جلال
ومجدي النعيم وزاهر الصادق والناس تهتف ، يا أكتوبر جاك أبريل
تشكر الاستاذة ابتهاج عبد الله سليمان والوفد المرافق لها ... اهل الرياض بدون فرز .... حيث كانت واسرتها في زيارة الرياض لمدة ثلاث ايام .... التقت فيها بكل الجميلين ... اجدع ناس .... كان في استقبالها والوفد المرافق ... محمد عثمان حاج الركز والموسيان ... عيسي والراجل .... قضينا مع اسرة عفاف علي ميرغني هذه الايام الثلاث ... فلهم الشكر مع اشادة وشكر خاص للاخ علي محمد عثمان ... ما شاء الله عليهو .... وبس ... الشكر لك من التقانا وقدم لنا الدعوة لزيارته ... دفعة ... منصور ... قيس ... احمد السيد .... اما اجمل حدث في هذه الزيارة ... فهو وجودنا في معية احمد اسماعيل واسرته ... وقد كانت بحق اجمل ما حدث لنا ... اما حفل ابو عركي فهو حدث استثنائي ... لا يتكرر في العمر سوي مرة واحدة ... بس شايفك يا موسي فطيت منصور في موضوع الحفلة .... عليك الله منصور ده بيتنسي مادياً او معنوياً والله لكن اتلومت لوم السنين (فاتن حمامة عديل كده) ...
تعلن رابطة خريجي الزقازيق عن قيام رحلة ترفيهية أسرية يوم الجمعة 15 أبريل على أن تكون المساهمة 10 جنيه للإستفسار نرجو الإتصال على الأخ محمد صديق 0912162923 أو على محمد آدم النور 0912319724 نقدر إهتمامكم مقدماً
حاجة أساسية: بعد ما رسلت هذه الرسالة عبر الهواتف التي معي جاءتني مكالمات كتيرة مقدر و شاكر كل الذين تواصلو معي شاكر أيضاً الذين يتواصلون عبر هذا البوست في إرسال هذه الرسالة للآخرين الذين لم تصلهم الدعوة بعد مع علمي التام هم راغبون بأن يكونوا في الزمان و المكان مع الأحبة
زوباااااا ما تجينا في رحلتنا دي طارق جبريل رسل المساهمة بتاعتك مع إحتفاظك بحق البهجة متى كان ذلك ممكنا
Post: #1340 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-10-2011, 06:49 AM Parent: #1338
الرحلة ماشة وين بلبيس ولا القناطر فيها خلط ولا نجيب اطفالنا معانا
غايتو يا جلا لو الرحلة دى حصل فيها كانى مانى شيل شيلتك مع الكوتش وخصوصا" ده اختبار صعب بعد سفر الزول ابن شنب داك
Quote: و يا ناس جده لو اخرتو الزيارة للجمعة الجاية قطع
شك سامية اسماعيل ما ساهلة و تستاهل
أقلاها و نحن في رحلتنا نكون تحدثنا معها هاتفياً خاصة و الرحلة لامة ناس كتار
بالمناسبة الرحلة برضو بمناسبة طهور محمد المبارك يا موسى طارق جبريل لو خت تحت المخدة بجلينا في مساهمة الرحلة و الراجل خاتنو لي عوزة ما تخرب لينا مجهوداتنا
Quote: غايتو يا جلا لو الرحلة دى حصل فيها كانى مانى شيل شيلتك مع الكوتش
تعرف يا ديدو أنا ضهري مأمن عندي نهلة نجم الدين و معتصم سلمان جعفر يعني أخوك خاتي رجل على رجل يعني لو الناس ما جو طوالي بمشي لي نهلة في بيتا و أكون مثلت كل شرائح المجتمع و بي كدا الرحلة قامت شنو ليك؟؟؟؟؟
متوقع صاحبي يجي شايت ضفاري اللهم حوالينا و ما علينا على الآكام و الوديان و الشجر
Quote: ناس جدة مسافرين لمدينة رابغ زيارة للإطمئنان على سامية إسماعيل بعد فترة النقاهة الدعوة لكل ناس جدة وعبدالدائم بيقول السفر يوم الجمعة القادم الساعة 8صباحاً
ثم كتب الزول داك من غير ذكر أسماء
Quote: و يا ناس جده لو اخرتو الزيارة للجمعة الجاية قطع شك سامية اسماعيل ما ساهلة و تستاهل
منصور حذاري ثم حذاري أن تجد تفسير لهذه الجمل!!!! خليك في الأرسنال و أنشلوتي الطلياني بتاعك داك
سلامات يا اجدع ناس والله كنت فى غربه وانا بعيده عنكم يا ود جادين مبروك لولدنا محمد بلمناسبه البعيدين شويه ممكن برسلو لمحمد تحويل رصيد يا منصور ويا جلا ويه ود اسماعيل وود الزناتى ويا دودوى ويا مبارك ويا ميسرة وكووووووووووووووولكم بدون فرز والله محاسن بتكم وعارفه دعواتكم من القلب
غايتو خلاص حاسجل حضور دائم زى عبد الدائم
Post: #1348 Title: Re: ناس الزقازيق ... أجدع ناس (4) .. Author: منصور عبد الرازق Date: 04-10-2011, 08:11 AM Parent: #1345
اب شنب عرفناهو اب ضنب , منو ؟؟؟؟ الثلاثاء بعد بكرة ده , ولا البعدو ؟؟؟ الرابط شنو بين معتصم سليمان جعفر , ونهلة نجم الدين كل واحد منهم , قاعد على جناح كبرى , يتلقف الزائرين شايلين من البحر , جنس شيل الحب هو , يا ريس ميسرة ان تقعد على جناح الكبرى , وتقول , هل من مزيد لقيتونى كيف ؟؟؟؟
* خارج المضبطة , القال ليك منو ؟؟!! ده ياهو ( المضبطة زااااااااتا ) المخدة دى , ما قربت تنفجر يا جماعة , فضوها لينا عشان نخت (ختتنا )
Post: #1349 Title: Re: ناس الزقازيق ... أجدع ناس (4) .. Author: منصور عبد الرازق Date: 04-10-2011, 08:33 AM Parent: #1348
انا كنت بقول شنو , امبارح ما الليلة ايواااااا , لمن نظرية الفعل ورد الفعل دى , تبقى جاياكم اوعى بس من تضاد الأتجاهات زى ما قلت ليكم , كنت مشغول اشد الأنشغالات زاتو حتى اننى فكرت ان اضحى بحفلة ابو عركى البخيت لكن يوم الأربعاء , حدث حدثان اسهما فى اعادة ترتيب اوراقى فى جلسة بسيطة لترتيب الأولويات , وايجاد صيغة تفاهم للمزاجات احمد ومجتبى , كانت وجهتهم واضحة وصريحة , وانحازوا للبرنامج البيتوافق مع ميولهم وهم ميولهم رياضية , تنحاز لنشاطات الجم , وبرامج السباحة حضروا عدة السباحة من بدرى وقطعوا امرهم , وقربوا يقولوا لى , (ابو عركى بتاع فنيلتك , امشى شوف حنانك وين ) ما اتفاجات ولا استغربت , لأنى اتوقعت الخيار ده , وكنت منحاز ليهو مبدئيا خاصة وان ايثار , ماى سمول ليدى , كانت تبدو منحازة لذات الخيار , لأن الأستراحة الدورية بتاعة بداية كل شهر , الصادفت الخميس الفات والبتتوافق المرة دى مع بداية اجازة (الربيع ولا ربيع ) ولكن انحيازها كان بسبب آخر مختلف تماما عن اسباب اخوانها , الا وهو التقاءها برفيقاتها وصويحباتها من اهلها المقاربين لها فى السن بت الشيخ , اخدتها من قاصرها وتمردت على البرامج المتنوعة دى , بحجة انها مش حمل تلتلة وهى ككل النساء , يحبذن ان تكون برامجهم نجيضة من بدرى ,حتى يعطونها حقها ومستحقها من ( الأستعدادت اللازمة ) وامثالى ( من المشلهتين ) العاوزين يلحسوا عنب اليمن وبلح الشام , والذين يحددون برامجهم فى اللحظات الأخيرة هم (اعدى اعداء ) برامج النساء وبنات الشيوخ , مما يضطرهن للحردان , ايثار السلامة , محبذين اجابة الأستاذة منى , لا هذا ولا ذاك مش انا قلت ليكم حصلت حاجتين اعادتا ترتيب الأوراق فى اللحظات الأخيرة من يوم الأربعاء يا ربى هم شنو ؟؟؟؟؟
Post: #1351 Title: Re: ناس الزقازيق ... أجدع ناس (4) .. Author: منصور عبد الرازق Date: 04-10-2011, 08:38 AM Parent: #1349
يكونش جلا ده ناوى عمرة سرية يوم التلاثاء ؟؟؟ عبد الدائم زيارتكم لى سامية اسماعيل ما تتأجل ولا يوم جلا كان داير يمشى رابغ يمشى مع موسى عيسى براااااهم دى شبك شنو يا اخوانا ؟؟؟
Post: #1352 Title: Re: ناس الزقازيق ... أجدع ناس (4) .. Author: منصور عبد الرازق Date: 04-10-2011, 09:10 AM Parent: #1351
اما الحدث الأول , فقد اتصل الزناتى زهير وقال جاى مساء الأربعاء , سيحضر حفلة ابو عركى الخميس ويعود الى (دمامه ) يوم الجمعة وزهير لمن يجى , وخاصة لو معاهو ابتهاج , وكمان لو حا نشوف معاهم ميار اليادوب جاية من امتحانات السودان ومعاها مزن وحنا ومجد , فان توفير زمن مناسب لشوفتهم , امر لازم وحتمى لو زهير جاى براهو , على الرغم من معزته , فان لدى تجاهه من التلقائية والوضوح , ما يجعل عدم مقابلتى له حدثا عاديا وان كان موزوزنا بموازين (الخسارات الفادحة ) ولكنى اتوق للقاء اسرى مع ابتهاج واسرتها , فى زيارتهم الأولى للرياض , هذا هو الحدث الأول اما الحدث الثانى , فهو مختلف تماما فى المعنى والمضمون ايثار بتى , تحب الموسيقى والغناء , وان كان ذلك بمزاج (متغرب ) بتأثير الحدث الأول اعلاه , فكرت اخلى احمج ومجتبى يمشوا برنامجهم براهم واصطحب انا ايثار معى , لأصطاد متعة الأستماع لابوعركى والألتقاء باسرة زهير , بحجر واحد وايثار كانت منحازة لبرنامج الأستراحة والألتقاء بصديقاتها زى ما قلت ليكم لكنى شعرت ان خياراتها قابلة للزحزحة بمغريات الأستماع الى موسيقى جميلة من نوعية (ابو عركى البخيت ) ولكن نتيجة (التخيير ده ) كانت كارثية , وضربت معنوياتى (التربوية ) فى الصميم ايثار , انتى مش بتحبى الموسيقى موت يا بابا انا الليلة حا اسمعك موسيقى والحان عجب بالجد يا بابا , وين ومتين حاتمشى معاى يعنى , لأنو ماما قالت ما ماشة طوالى يا باب , ما دام فيها مزيكا خلاص انا اوصل ناس احمد ومجتبى , واجى القاكى لآبسة يااااى , بفرحة شديدة , ولكن مع تساؤل استدراكى قاتل وين يا بابا قاعة ما عارف اسمها شنو والله فى الفحص الدورى اوعى يكون عرس بس عرس شنو يا بت , اقول ليكى موسيقى تقولى لى عرس حفلة يعنى ؟؟ ايوة الحايغنى منو ؟؟؟ ابوعركى منو ؟؟؟!!!!!!!!! ابو عركى البخيت وده منو ابو عركى البخيت ده ؟؟؟!!! ما بتعرفى ابو عركى البخيت !!! مستغربا ما سمعت بيهو مش انا مرة كنت بغنى ليكى بخاف , وماما قلت ليكى دى اغنيتها المفضلة ؟؟. آآآآآه , فنان سودانى يعنى ؟؟؟ ومال انا حاوديكى تسمعى فنان جنسه شنو ؟؟؟ بس انا ما بحب الغناء السودانى يا بابا (بى زعل وتأفف ظااااهر ) لا بالله , خلاص انتظرى لغاية ما تامر حسنى يجى يعمل حفلة , واسوقك ليها !!! يعنى هسى ابو عركى ده , احسن من تامر حسنى عاوز تقول انت ولا شنو ؟؟ صمت ومقاومة لبوادر دوخة ودوران ارض ظاهر اخير لى امشى اقابل صاحباتى امتعاض ولفة راس ودخول للحمام وضرب الباب بقوة كبيرة (وفى البعيد ضحك مكتوم وشماتة من بت الشيخ زادت من لفة الراس واصبحت احتمالات الغثيان اكبر من الأول ) الموية الباردة , ساعدت على اعادة ترتيب اوراقى , وكظم غيظى , وخرجت من الحمام مستبدلا ملابسى , ومستبدلا معاها خطة التعامل مع الواقع الجديد - ايثار البسى تودينى الأستراحة مع ناس احمد ؟؟؟ لا , انتى حاتمشى معاى تسمعى ابو عركى صمت عشان تعرفى الفرق بين تامر حسنى , وابو عركى البخيت صمت تامر حسنى شنو , وجستن بيبر زاتو شنو صمت اوصل ناس احمد واجى القاكى جاهزة حاضر , بس ماما دى بتضحك مالا ؟؟!!
Post: #1354 Title: Re: ناس الزقازيق ... أجدع ناس (4) .. Author: أحمد إسماعيل Date: 04-10-2011, 04:22 PM Parent: #1353
نسيبنا أبو عركي البخيت هبش أوتار حساسة فينا باغنياته وكلامه ربنا يوفقه ورفيقة دربه الأستاذة المربية الدكتورة عفاف الصادق حمد النيل هناك الشاعر المصري/هشام الجخ في برنامج أمير الشعراء وشاعر المليون بقناة ابو ظبي AD poed برنامج يتكرر باستمرار ارجو متابعته للإستمتاع.
Post: #1355 Title: Re: ناس الزقازيق ... أجدع ناس (4) .. Author: أحمد إسماعيل Date: 04-10-2011, 06:02 PM Parent: #1354
وقيل في الحب اما العتاب فبالأحبة أخلق ؛؛؛؛ والحب يصلح بالعتاب ويصدق
صباح الاثنين 4\4\11 كنت ادخل حاملا الهاند باك الى احد فنادق دبى المدينه التى ازهلتنى بمعمارها ونظافتها ونوافيرها الراقصه والادب الجم لقائدى المركبات بانواعها يا الله لو حركة السير تصبح هكذا فى خرطومنا. الخميس مساء كان لقاء لاينسى بالمستشار اسامه دبلوك وجلسه جميله الى الساعات الاولى من الصباح الذى ما ان لاح حتى شددنا الرحال الى ابو ظبى دون ان التقى رشيدالقوم الذى كان من اولويات زيارة ابوظبى فرجعت بعض المغرب الى دبى وانا العن تلك الذاكره الخربه التى انستنى الموبايل وبالتالى فقدت الطريقه الوحيده للاتصال بكل الاخوان وحرمتنى من الذ فنجان قهوه بينهم فلهم اعتذارى. السبت وصلنا الخرطوم لنعيش الواقع ويا له من واقع . الثلاثا انشاالله تحتضننا ارض الكنانه لاربع ايام اتمنى ان تتاح لى فرصة زيارة الزقازيق ولكن هل هناك زقازيق بدون ذاك الزخم الاسمر؟؟؟؟؟
Quote: صباح الاثنين 4\4\11 كنت ادخل حاملا الهاند باك الى احد فنادق دبى المدينه التى ازهلتنى بمعمارها ونظافتها ونوافيرها الراقصه والادب الجم لقائدى المركبات بانواعها يا الله لو حركة السير تصبح هكذا فى خرطومنا.
أبو الزوز تلفون الرابطة بتاعك دا بتاع مشاكل عملت رسالة عن قيام الرحلة جاتني رسالة زي السيف قبل ما أكمل Hi قبل ما أرد جاتني واحدة طايرة who r u ثم L و أثناء ما كنت قاعد أكتب في الرد جات نابلة واحدة تانية whats ur name قلت ناخد أجر و أرد رد مختصر my name & phone r there و الله الزول التقول ترزي ما خلاني أتابع مواصلة إرسال الرسائل dont. bug me i dont know u قلت دي مشاكل شنو الوقعت فيها دي غايتو تمتمت i am sorry for disturb
هس دا يشيلو منو 10 جنيه مساهمة كيف؟؟؟
Post: #1360 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-11-2011, 05:59 AM Parent: #1358
حمد الله الف عل السلامة يا ريس وربنا يوصلك ارض الكنانة بالسلامة فعلا" اتصلت عليك قبل كم يوم تلفونك مقفول شكلك كده ما حتحضر الرحلة
الناس القادة عربى فى امتحان الشهادة و امتحان القيد الصحفى هاك النكته دى حقيقية والله عندنا ود جيرانا اسمو عادل ملقبنو فى الحلة بـ ( مــكوك ) زول كان بليد وما شاطر قمت يوم سألت دفعتو مالكم سامنو كده قالو لى اول ما ظهرت لغة الراندوك هم كشلة كانو بستعملوها مع بعض فى اى مكان
المهم يوم فى حصة الدين الاستاذ سألو ماهى المدينة التى يطلق عليها اسم ام القرى الزول سكت ما عرف يجاوب ، اصحابو بصوت خافت وبلغة الرندوك قالو ليهو مكوك ... مكوك صاحبنا ما صدق طوالى قال .... مــكوك يا استاذ الاستاذ طاااااخ اداهو كف .....
عجبني للمرقود يا جلا .... الرسائل دي ما عايزه حرفنه يعزلوها عزيل ويرسلوها... المهم الزول ده شوفوا منوا واتصل عليهو بالدرب ووقع ليهو الشغلة ؟؟؟؟
يا النضيف زولك ده ... ذكرني الاستاذ سال واحد بنفس الطريقة .... اذكر واحدة من امهات المؤمنين ... قام ابراهيم الزناتي بصوت براحة قال ليهو .... فاطمة ... وجا للولد في صمة خشمه كف ... وبرضو مرة تانية السؤال بالانجليزي ... what is meaning of ship وبرضو بصوت خفيض ... كباية شوب .... يعني مكوك ده موجود في كل مكان ... اها بالمناسبة بقيت اعرف انجليزي كمان اضافة للعربي مجدي النعيم زمان قال لي والله مشكلتك مشكلة لا عربي لا انجليزي .. اها الانجليزي ده اتاريهو ساهل ... تشبك الجماعة اي حاجة same same ... وخلاص المسالة انتهت ...
بس حركة الريس بتاعت دبي العلق عليها ياسر نجيلة ... كنت عايز اقول ليهو حركتك جبـانة ... وانزل ليكم فيديو لاغنية حركتك جبـانة ... بس عذرته لمن قريت باقي كلامه ... ويا نجيلة ما تتعامل مع المسالة علي طريقة (لا تقربوا الصلاة) ياخي ما تم كلام الريس فيهو اعتذار للناس كلها .... ما قدر يجيهم ... اها الريس ده البيقرب منو ... يمين اعمل زيارة مخصوص للامارات واركب الهمر بتاعتي دي نص ساعة بكون جوه ابو ظبي ... وبعدين يفرزونا بالقمصان ... وده قبل ما محمد صديق يجيبوا بالانتربول
Post: #1362 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-11-2011, 06:32 AM
شوف يا موسي الريس ده زول صاحب واجب ... انا عارفه كويس ما بيقصر الا الشديد القوي ... انت قايلوا زي صاحبك جلا .... يمين الريس ده لو زعل هسه يلغي رحلة مصر دي ويسافر يسلم علي مريخاب ابو ظبي واحد وكمان علي الرشيد ونجاة وكل ناس الزقازيق .... بس صاحبك جلا عجبني ليهو ... قلت لي بالانجليزي اللبع ... بس يا جلا ما وريتنا الزول ده جوه السودان ولا بره ... غايتو لو بره معذور وانت ذاتك تستاهل ما تعاين للارقام ... يعني لو زول في الصين ... ولا البرازيل يجي يحضر رحلتكم دي كيف ... غايتو عالم عجيبة ... اها شوف خسرتك هسه حق رسالة عالمية ومعاها زي خمسة رسائل تبرير .. اضرب اثنين في تلاتة باقي الشهر ده الا تموا مكرونة والسبب شلاقتك ...
Quote: حتى شددنا الرحال الى ابو ظبى دون ان التقى رشيدالقوم الذى كان من اولويات زيارة ابوظبى فرجعت بعض المغرب الى دبى وانا العن تلك الذاكره الخربه التى انستنى الموبايل وبالتالى فقدت الطريقه الوحيده للاتصال بكل الاخوان وحرمتنى من الذ فنجان قهوه بينهم فلهم اعتذارى.
يا ريس حسه الواحد يلومك و لا يلوم ذاكرتك... ربما نكون قد التقينا ذلك اليوم عدة مرات في طرقات أبو ظبي... ليتك كنت تحمل لافته من نوع ما، مثل تلك اللافتات التي تشاهدها في المطارات.. عندما يستقبل أحدهم شخص لا يعرفه... لقد فوتت علينا ذاكرتك لقاءا عزيزا...
Post: #1367 Title: Re: ناس الزقازيق ... أجدع ناس (4) .. Author: جلال عثمان Date: 04-11-2011, 08:32 AM Parent: #1366
معليش يا شباب الريس دا معزور والله الكلام على الناس البتجي تقعد في الرياض ثلاثة يوم .... وما يدوك خبر الا قبل 3 ساعات من سفرهم -------- محاولة لانقاذ الريس
يا ابو الجل عليك الله اخجل او كما يقول دينق اختشي ... ياخي نحن جينا الاربعاء .... الساعة حداشر بالليل واتصلنا عليك الخمس وسافرنا السبت ... اها المتلوم منو عليك الله ...
Post: #1370 Title: Re: ناس الزقازيق ... أجدع ناس (4) .. Author: منصور عبد الرازق Date: 04-11-2011, 09:38 AM Parent: #1369
الليلة الأتنين يعنى اليوم القبل التلاتاء طوالى يا ود عيسى يا (ولضمى ) اكان تلاتاء بكرة , باقى يوم واحد , وكان البعدها ثمانية يوم عليك الله كلمنا قبل وقت كافى عشان نقدر نضاير الحتة وكان الشغلة فيها احتمال جرى , خلينا نجهز الشورت والجزمة الرياضية (حليلك يا نملوز ) وكان فيها احتمال غناء , خلونا نرجع المايك من موسى الراجل (حليلك يا كمال الشادى ) ولو فيها مشاوير كتيرة وبنحتاج لينا لى امجاد زينب التيجانى دى كان ما كلمتوها من بدرى انا متأكد انها الخميس البعد نهاية امتحانات محاسن , بتكون محجوزة من بدرى (حليلك يا ندى القلعة ) غايتو موسى عيسى ده , انحنا حفظناهو حفظ من مارس لى نهاية مايو , معنوياته دى فى السماء كان قلت ليهو امشى الدرعية نص الليل , ما عنده مانع من ما يونيو ده يقرب يبدأ , الزول تقول ضربه تسونامى يابانى عارفين الفرق وين ؟؟ الفرق تلقوهو فى الجوافة طبعا يا يوم بكرة ما تسرع , تخفف لى نار وجدى
================================= غايتو يازناتي انا من يوم جلو عرس اخوي على ... وانا جنبهم هناك خلاص ... قلبي مات ... لو نزلو في البناية الفيها شقتي ... وما جوني بقيت مابزعل ... ما كفاية منصور ورشا ... برج دبي ده لو طلعو الطابق 514 كا ن شافوني ... عليك الله خلينا في المريخ ....
والزي الرئيسي احمر زي المريخ برضو طلع و بالتلاته!!
ما لو المريخ ما ناس تمام و استاد تمام و حارس عظيم
يعني شنو لو طلع ما عادي زي شيلسي البشجعوا اخونا حاتم
جبارة وطلع !! انا ذاتي معاك يا ابو احمد عموما الجاتك
في ابو ظبيك سامحتك و حقك علينا و لكن بس صحبي جلا البعزم
في الخوجات بره السودان للرحلة و غالبوا يحضر مناسبة في
الخرطوم بالله يا ياسر نجيلة دي تتبلع كيف !!!!!
عموما كلنا بقينا علي تشجيع المريخ و يوم الثلاثاء بس !!!
Post: #1374 Title: Re: ناس الزقازيق ... أجدع ناس (4) .. Author: جلال عثمان Date: 04-11-2011, 10:17 AM Parent: #1373
Quote: يا ابو الجل عليك الله اخجل او كما يقول دينق اختشي ... ياخي نحن جينا الاربعاء .... الساعة حداشر بالليل واتصلنا عليك الخمس وسافرنا السبت ... اها المتلوم منو عليك الله ...
ابوالزوز انت بي صحك ... وكتر خير حاج الركز يا اخوي اتصل علي الجمعة الساعة 2:24 وانت بي عضمة لسانك قلت لي مسافرين الساعة 8 عشان انت مداوم صح يا عزوز المهم ياسيدي ما في زعل والله انما كانت مزحة ارجو انك ماتجيرا لي ... والمرة الجاية تعالوا انزلوا عندنا عديل اصلوا نحن بينا وبين ناس الركز اشارة بس واقرب من ناس عبدالمحسن واحمد اسماعيل
Post: #1376 Title: Re: ناس الزقازيق ... أجدع ناس (4) .. Author: جلال عثمان Date: 04-11-2011, 10:24 AM Parent: #1374
Quote: فرحة للطيش: بمناسبة الثلاثاء حمد لله بالسلامة ومقدماً إنشاء الله تجي راجع معاهم
يازول هوي ... ما بسلم مش على كيفي .... أأأي زعلان انت مالك عليك الله هو زول يرسلوا ليهو رسالة ما يعاين لي الرقم الجايه منو ... انت بتعزم من طرف ولا شنو ... تاني ما ترسل لي رسالة بالله ... كلمني عديل ------- هذا ولا يخفى انها محاولة مني لنفي الامية التكنولوجية التى اتهمك بها صاحبك ... غايتو مؤقتا كدة ضيفني لناس الرحلة بس من غير "شيرنغ"
في الخوجات بره السودان للرحلة و غالبوا يحضر مناسبة في
الخرطوم بالله يا ياسر نجيلة دي تتبلع كيف !!!!!
و شرحو
Quote: ما بسلم مش على كيفي .... أأأي زعلان انت مالك
ما قدرت أبلع دي
Quote: وكان لي صاحبك بتاع الخواجات ... حاجاتو كلها .... جلا
عليه فقد قررت دخول كورس إنجليزي بريطاني تحسباً لإي دشمانات جاية مبروك عليك التلاتاء تقعد تمسك في التلاتاء دي و يقدر ربك الجماعة ما يجوك تقوم تفوت بي عدلك
Quote: يا جلال ياخي القنديلا الفي برفايلك دة هلكنا
كمان ماتقول خارتنو اسي من القنديلا الفى "سبيقة" ناس ود عكود ديك المن تالا الجدول التحت من الطندبي ..... جبريلا مالك على داير تبكيني آآآزول
Post: #1384 Title: Re: ناس الزقازيق ... أجدع ناس (4) .. Author: أحمد إسماعيل Date: 04-11-2011, 04:36 PM Parent: #1383
Quote: غايتو موسى عيسى ده , انحنا حفظناهو حفظ عارفين الفرق وين ؟؟ الفرق تلقوهو فى الجوافة طبعا
الظاهر منصور إحترف في الدوري الإنجليزي بعرف كيف يضرب في الإنكل ومايشوفو الحكم
Post: #1385 Title: Re: ناس الزقازيق ... أجدع ناس (4) .. Author: أحمد إسماعيل Date: 04-11-2011, 04:51 PM Parent: #1383
حكاية موسى حافظنو ذكرتني نكتة قديمة قالوا واحد من الفنانيين دفعة أبو عركي بضرب الجاجمبة صاح فدابما رايح وجاي من الحمام وبدأ فاصله ومدخل الأغنية على وشك إستعجل ودخل ناسي أن يقفل سستت البنطلون ، الجماهير تصيح وهو ينفعل واحد من المبشرين كأنه يطلب أغنية قال للفنان سستتك مفتوح ، قال ليه والله ماحافظها
نفهم من كدا إنو جلال ما مشى حفله أبو عركي? كما يقول واحد خواجه أخونا.. "عليه.. قررت.." "إيثار" الصمت.. لحدي ما يجي الريس يورينا عندو إنترنت في دبي والا ما عندو..
جلال والله ما بتقصر ونار موسى ميته مهما هباها والنت اجيبو من وين واسال منو والله غير الهنود وبقية الصفر ماشفته زول ويا زناتى والله ما كتيره على الرشيد ونجيله وحرم كان اكرره قريبا واسلم وارجع كان من المطار بس اشوف الموج الازرق فى الخليج ولا هو احمر يا موسى عيسى !!ويااااا زناتى
تذكير و تعديل لقد تقرر تأجيل رحلة الزقازيق لتكون يوم 6 مايو بدلاً من 15 أبريل وذلك حتى نتمكن من دعوة عدد مقدر من الأعضاء المساهمة لا زالت 10 جنيه للأستفسار نرجو الإتصال على الأخ محمد صديق 0912162923 أو الأخ محمد آدم النور 0912319724 نقدر إهتمامكم
Post: #1396 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-13-2011, 06:00 AM Parent: #1394
Quote: مندوبنا سوف يغادر يوم الخميس لذبح
الخراف قبل وصولنا يوم الجمعة .
نؤكد هناك شيه ومرارة نية سوف تكون جاهزة فور وصولكم ولا عزاء لناس قندهار
اول مرة اشوف لى خروف يضبحوهو قبل يوم وياكلو مرارتو تانى يوم ... نجيب ليكم صديق الصادق ولا شنو ....
واول مرة اشوف لى رحلة يأجلوها تلاتة اسابيع .. نرسل ليكم زهير ولا شنو ...
- ألو - وعليكم السلام و رحمة الله و بركاته - أهلاً ...ياخ أنا جاتني رسالة - أيوا يا فلان نحن ناس الز.. - ياخ فلقتونا عارفين و عندكم رحلة و مرة واحد عندو عزاء - معليش يا الأخو... - التلفون دا بتاعي أنا.... رجاءً - معليش أظن نحن كنا قاصدين زول من ناس الزقازيق - زولكم دا فتشوهو حتة تانية - ممكن أسألك عندك زول عندو علاقة بالزقازيق؟؟؟ - هو زاتو الزقازيق دي وين؟؟؟ - نكرر أسفنا يا أخ و نأسف للإزعاج
غايتو أنا حدي معاكم الرحلة
Post: #1395 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-13-2011, 05:57 AM Parent: #1393
صباح الخير ،،، ياجوه الخير
أصبحنا وأصبح الملك لله وحده،،،
اللهم أجعل عملنا كله خالصا لوجهك
اللهم اجعلنا ممن يسمعون القول ويتــَّبعوون احسنه يارب العالمين
اللهم لاتجعلنا ممن ضل سعيهم في الحياة الدنيا
وهم يحسبون انهم يحسنون صنعا،،، ً
Post: #1397 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-13-2011, 06:30 AM Parent: #1395
Quote: لقد تقرر تأجيل رحلة الزقازيق لتكون يوم 6 مايو بدلاً من 15 أبريل
يا جماعة الرحلة قائمة يوم 15 أبريل بالمملكة
العربية السعودية لناس المنطقة الغربية للذهاب
إلى مدينة رابغ لزيارة عادل الجعلي وسامية وأسرتهم
تحدثت بالهاتف مع أحدهم فأخبرني بتأجيل الرحلة !!!!!!
الرحلة المؤجلة دي رحلة داخل السودان وفيها على ما أظن
خواجات جايبهم الحاج جلا!!!!
يا جلا ياخي ما عذبتنا ؟؟؟؟؟؟؟؟؟؟؟
ما تلخبط لينا الكيمان
Post: #1399 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-13-2011, 06:38 AM Parent: #1397
Quote: اول مرة اشوف لى خروف يضبحوهو قبل يوم وياكلو مرارتو تانى يوم ... نجيب ليكم صديق الصادق ولا شنو ....
عبدالدائم عايز تخوف الناس مالك
الدبيحة صباح الجمعة وناس رابغ قالوا الساعة
عشرة صباحاً فطوركم مرارة وكبده نيه !!! وجع
شوفوا الناس الحناكيش حتقول هي ما بتاكل مرارة وكبدة نيه؟؟؟؟
رايك شنو يا زهير !!! كل الناس دي حتاكل كبده نيه
Post: #1400 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-13-2011, 06:42 AM Parent: #1397
زولك ده يا ريس قرأ اول سطرين ولا كيف من العشرة جنيهه دى مش واضح الرحلة فى السودان
Quote: تذكير و تعديل لقد تقرر تأجيل رحلة الزقازيق لتكون يوم 6 مايو بدلاً من 15 أبريل وذلك حتى نتمكن من دعوة عدد مقدر من الأعضاء المساهمة لا زالت 10 جنيه للأستفسار نرجو الإتصال على الأخ محمد صديق 0912162923 أو الأخ محمد آدم النور 0912319724 نقدر إهتمامكم
Quote: خواجات جايبهم الحاج جلا!!!! يا جلا ياخي ما عذبتنا ؟؟؟؟؟؟؟؟؟؟؟ ما تلخبط لينا الكيمان
يا ريس دايرين نظهر فعاليات ناس الزقازيق داخل و خارج السودان غايتو ناس الزقازيق الفي البلد أم صفقاً عراض (أوربا و كندا و أمريكا) خشمهم ملح ملح و الله يا ريس بقيت أخاف من التلفونات و الرسائل القاعد تجيني لكن عليك الله زولك الإتصل دا أديهو عقلو!!!!! رحلة بي 10 جنيه دي بس تكون وين؟؟؟؟؟؟ يعني رحتلنا دي لا فيها عضة و لا مرارة نية و لا مواصلات قزازة بيبسي و كفى المؤمنين شر القتال
يا ديدو تأجيل الرحلة تلاتة أسابيع بي فهم مش ساكت!!!! بالمناسبة شطبتك من القائمة يعني ما أظن حتجيك رسائل
Quote: - ألو - وعليكم السلام و رحمة الله و بركاته - أهلاً ...ياخ أنا جاتني رسالة - أيوا يا فلان نحن ناس الز.. - ياخ فلقتونا عارفين و عندكم رحلة و مرة واحد عندو عزاء - معليش يا الأخو... - التلفون دا بتاعي أنا.... رجاءً - معليش أظن نحن كنا قاصدين زول من ناس الزقازيق - زولكم دا فتشوهو حتة تانية - ممكن أسألك عندك زول عندو علاقة بالزقازيق؟؟؟ - هو زاتو الزقازيق دي وين؟؟؟ - نكرر أسفنا يا أخ و نأسف للإزعاج
- ألو.... السلام عليكم - و عليكم السلام و رحمة الله و بركاته ....( بسم الله ....حوالينا و ما علينا) - ياخ أنا سعيد جداً أتكلم معاك و أقول ليك الرسالة وصلت - (الحمد لله) ياخ ألف مرحب ...وهدفنا نتجمع و نتعاون فيما بيناتنا - يا ه......و الله ناس الزقازيق ديل عجيبين خلاص....و أنا في شوق شديد لي لقياهم - دا كلام صحيح...لكن أظن أنا ما قابلتك خلال دراستك - أنا يا سيدي إسمي إبراهيم يونس خريج تربية كيمياء 1986 - ياخ ألف مرجب أنا دفعة 88 تجارة يعني وراكم... - خلاص يا أبوحميد... أنا إنشاء الله أساسي في الرحلة دي و إذا إحتجتو لي أي حاجة ما عندك مشكلة و نحن تحت الخدمة - و الله تشكر كتير يا إبراهيم ....إنت شغال وين هس؟؟؟؟ - أنا عميد في القوات المسلحة ....و نائب مدير الخدمة الوطنية - يا مرحب و أنا سعيد أتواصل معاك و إنشاء الله تكون حضور في الرحلة - و الله أنا سعيد أكتر ...و عليك الله تحياتي لكل ناس الزقازيق حوه و بره السودان و لغاية موعد الرحلة - تشكر كتير .....و كتر خيرك ... مع السلامة - مع السلامة
الحمد لله التلفون دا جا برداً و سلاماً يا نجيلة إي زول عايز شهادة خدمة وطنية لي ولدو (بختك يا ديدو طلعت منها) الرسوم 300 جنيه
انا وحاتم ودودي وطارق جبريل والرشيد وصلاح الامين وموسى عيسى قرينا كتابي الاول والمرحلة كانت تسمى بالمرحلة الابتدائية جلا ومنصور وجلال وياسر نجيلة والزناتي واحمد اسماعينوالريسينميسرة ومعتصم قروا كتاب حسن البطل وكانت المرحلة تسمى بالاولية انحنا لبسنا الردا الازرق والقميص الازرق وهم لبسوا الجلابية البيضاء والعمة التي يمسكها واحدمن طرف والتاني الداير يلبسها يلف قلوووظ ميار بت الزناتي ومن لف لفها من لقوة الحديثة قروا كتاب البستان وسميت مرحلتهم بالاساس
زمان ناس جلا كان العقاب بالسوط الما خمج ويرفعوك اربعة منو انت عارف الكلام داك كان كيف
في زمنا انا وناس دودي كان المعلم يسمى استاذ واذا سال الاستاذ سؤال تلقى كل الدفعة تصيح استاذ استاذ استاذ لاننا كلنا اولاد عز وشطار ما زي ناس الزناتي واحمد اسماعين الذين كان المعلم في عهدهم يسمى افندي واذا سال سؤال تلقى الفصل نصه بس بيصيح فندي فندي فندي لان باقي الفصل ما عارف الموضوع شنو ذاتو
ونجي لناس ميار وحنة ففي عهدهم صار المعلم معلمة وتدعي مس فلانة وعجبي
يا بركة انا ما لبست الجلابية هسه خليها زمان ... لكن من هنا وقدام عايز اشوف لي عمة كبيرة ... خاصة جنبي الوجيه** سامي اشد لي منه عمة .... كاربة واباري اعراس المغتربين ... وفي كل عقد تلقاني جنب الماذون ... والاقامة سارية المفعول لزوم الشهادة وكده ...
ـــــــــــــــــــــ الوجيه علي وزن النضيف ... يعني تاني لمن نقول الوجيه معناها قاصدين سامي ... ولا نامت اعين الجبناء ***
طبعا مقصود بالجبناء ناس تجارة الما نضيفين ولا وجيهين ولو عايزين نماذج ممكن نقول ...
انتو يا جماعة الناس دي بتمشي وين يوم الخميس والجمعة نفسي اعرف
Post: #1415 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 04-14-2011, 08:31 AM Parent: #1414
نفسي في سندوتش فول من مصطفى درش وبعديهو طحنية سكلنس ويكون قاعد جنبي اسامة خضر وعادل يسلم ونمسك عادل يسلم (رئيس جكس زراعة) نمسح بيهو الواطة انا امشي لكوظ كداري واشتري فطاير من المزلقان وافك ليك عادل في اسامة خضر
هل تعلم ان الابتعاد عن التدخين : قرار صعب .. يحتاج الى دراسة خاصة .. وجلسة هادئة .. وفنجان قهوه .. وسيجارة !! ************************** وحده بتحكي لجوزها اذا متت حط بقبري ضو .. قال الها بحط بقبرك كندشن بس موتي!!!! ************************** وحدة بتقول لزوجها المغرم بنانسي عجرم :أنا مش عارفة شو عاجبك بنانسي ؟ جسم وعندي, شعر وعندي, شوفيها زيادة عني؟؟؟ قالها : صح ,, بس هي مرسومة رسم وانتي شخبط شخابيط ************************** نذل اتهاوش مع ابوه , طلع من البيت و راح على المقبرة , و لصق صورة ابوه بالمقبرة , و كتب تحت الصور coming soon ************************** طنط و اخته ماشيين بالشارع .. ولا في شب صار يعاكس اخته .. اطلع فيه الطنط و حكاله !! بتعرف انو اختي هلأ اخدت عنك فكرة مو منيحة !!! ************************** محشش إجاه ولد راح صام 3 ايام شكر لله تعالى . . . بعد 10 ايام مات الولد .. قال علي الطلاق غير اخصمهم من رمضان..؟؟ ************************** محشش صار معو حادث و صار ينازع !! وقفو عندو الناس و صارو يحكولو: الشهاده الشهاده انطق الشهاده ... صار يحكيلهم توجيهي راسب توجيهي راسب و مات !!! ************************** بسألو طنط .. ولك ليش ما الك شوارب ؟! قال: انا طالع للماما !! ************************** مره واحد طنــــــــــط شـــاف حبة صبار .. صار يحكي يا مـــــــامي فاكهـــه متوحشـــه !! ************************** محشش راح للدكتور حكاله : مشكلتي بشوف المشكلة قبل وقوعها ..حكاله الدكتور: وايمتا بدت معك المشكلة؟ حكاله : الخميس الجاي !! ************************** وحده طلعت مع تكسي مسطول .. قالتله نادي الشباب .. قالها ناديهم انتي و انا شو دخلني !! ************************** وحده كـل ما جابت ولد بموت ! راحت لدكتور محشش شرحت له الحاله .. قال لها: جدهـم عايـش ؟! قالت: لأ متوفي, قال: بس خلاص ... وراثة !!! ************************** واحد راح عند الدكتور قالو يا دكتو انا مشكلتي ان الكل بطنشني ..... قال الدكتور الي بعدو !!! ************************** محشش بحكي لصاحبه: شو قصة الوالد من أول ما توفى بطلنا نشوفه ؟!! ************************** مرة واحد راح يتحدى اليابانيين في الصناعة ... رجعوه في كرتونة مع كتلوج و ريموت وضمان سنة !! ************************** واحد طنط واقف ورا شيخ عم يقيم الصلاة فقال الشيخ : إعتدلو وأستقيمو .. حكاله الطنط .. اوكي حياتي جاهزين !! ************************** هل تعلم ان اسرع ثلاث كائنات في العالم : الفهد ... النعامة ... و بنت لاحقها صرصور !!! ************************** طفيلي قاعد بيصلي جماعة وباكل علكه .... اللي جنبه اتدايق منه و نكشه بإيده... قالّه الطفيلي والله ما معي غيرها ************************** دكتور محشش بسأل واحد بغرفة العمليات .. بدك بنج من الغالي ولا الرخيص .. حكاله من الرخيص ... صار يحكي الدكتور .... يلا تنام يلا تنام وادبحلك طير الحمام !!! ************************** مره اخرس بلع 10 قروش .. حكى دقيقه وفصل !! ************************** وحده بشعه بتحكي لجوزها زبطلنا شباك الحمام بلاش يشوفني جارنا ... قالها ما تخافي لما يشوفك هو بزبطه !!!
بمناسبة الناس قاعد تمشي وين يوم الخميس!! آخر معلومة عندي الخميس بيجي بعد التلاتاء و التلاتاء جات معاها أخبار أسرية ممتازة البقية يا عايز مسافة مقدرة أو الأستعداد للسفر لرابغ أو الكفيل قفل المكتب و مشى يصيف في أوربا
أما حكاية حضرنا الرحلة و لم نجدكم قولوها لي زول ما عندو حنك إذا عامل فيها مهم و عندك زي 13 تلفون يصلو لي عندك كيف؟؟؟؟؟
المساهمة في الرحلة 10 جنيه ترسل رصيد علماً أن جيبي يسع الجميع!!!!!!
سلام لاجدع ناس .. متابعين والله وبوست الزقازيق وجبة شبه يومية تنعش الروح وترم البدن ... وسعدنا لظهور كثير الزملاء والزميلات والوجوه الصبوحه التي تنفض عنك غبار السنين وتنقلك في لحظة الي سنة كم وتمنين
سوري يا نضيف علي التاخير لكن البتاعات ديل اخدو وقت عشان نلم فيهم تاني ..كانو في كرتونة والكرتونة في شوال والشوال في مخزن ,والمخزن في جنوب الجزيرة في السودان االشقيق .. عشان ماتقول طنشنا الموضوع ...
من دون ثلاثاء تكون كالجندي الذي يحارب بالسيف في زمن المدرعات .. لكنك في النهاية ستنتصر طلما هناك أمــــــــــــــــل فالامل هو ان تنتظــــــــــر لفترة من الوقت وهي السلعة الأكثر استهلاكاً لدى الإنسان عندما يكون يوم قادم فيه احساس جميل بقدوم كائنات من كوكب اخر يزخر بال : حــــــــــــــب فهو جواز سفر لقلوب الناس دون تأشيرة ، و لما لا طالما تنبع منه :
السعــــــــــــــادة فهي راحة البال .. لذا فهي ليست صعبة المنال لانه بدونها تصبح كل الايام بدون معنى و ليست لها طمع ولا رائحة حتى وان كنت وسط الزهور متصور !! لذا اخوتي الحلوين فإن :
الحيــــــــــــــاة هي الدوام و الاستمرار بالامل والحب و السعادة و لم يتم ذلك الا باكتمال طاقم الاسرة التي قدمت يوم ثلاثاء اخضر جميل كجمالكم فكانت له من المعاني الجميلة في النفس و اتمني ان لا تنقطع ابدا و ان لا يحرمك الزمان منها فحافظوا علي هذه النعم . لذا كان حبي للثلاثاء اخوتي .
النضيف قال لي .. ياخي صورني بعدين في الخط السريع ..
الضيف رد بسرعة للنضيف و قال ليهو ( يصورك في الخط السريع أصلو هو ساهر* ) ..
* ساهر هو نظام تصوير و ضبط المخالفات المرورية المعمول به في السعودية ..
و أظرف مافي الأمر و نحنا راجعين .. و معي جمال السنوسي و عمر المهدي و الضيف و منذر ميسرة و صاحبه .. و مع إني لا أحب السرعة لكن نسيت نفسي مع الونسة حتى تجاوزت سرعة 140كلم .. و قبل أن ندخل إلى جدة فجأة لمعت فلاشات كاميرا ساهر المنصوبة في سيارة متوقفة على جانب الخط .. جك .. جك .. جرك .. قشطوني مخالفة .. مع إنو خشمي بقى ملح .. ملح .. أبتسمت لأني في جدة ..
Post: #1434 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-16-2011, 07:30 AM Parent: #1432
تكبر و تنسى يا دهب المهم الوصول بالسلامة الضيف ده اخو ميسرة الصغير اسمه انور سيداحمد
حاجتين الى الان ما بعرف اشتريهم الخروف و البطيخ
Post: #1435 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-16-2011, 07:36 AM Parent: #1434
أنا عايز أفهم النضيف ده تجاوز 160كلم في الذهاب
ولم تسجل عليهو مخالفة وعصام دهب عمل 140كلم تقريباً
عمكم ساهر خبطوا مخالفة - 300ريال- السبب شنو؟؟؟؟؟؟؟؟؟
فاصل عمل ونواصل معاكم .
Post: #1437 Title: Re: ناس الزقازيق ... أجدع ناس (4) .. Author: جمال السنوسي Date: 04-16-2011, 08:40 AM Parent: #1435
الرحلة جميلة
وكانت لمة اعادت لتا ايام
وذكريات ايام خلت
وبا حليلها عاد
جامعة زمان
وقراية زمان
ولمة زمان
وخلطة زمان
والقومبة
والمساكن
و
و
و
Post: #1436 Title: Re: ناس الزقازيق ... أجدع ناس (4) .. Author: عمر المهدى Date: 04-16-2011, 07:42 AM Parent: #1432
كما كانت جمعه عبيد عبد الرحمن في شمبات فى غفلة الدهر أختلسنا نحن بيناتن جلسنا جلسة ما منظور مثيلها كانت جلستنا في رابغ في ضيافه العزيز عادل الجعلي وشقيقه السر وعائلتيهما وضويف كرام وصحبه جميله الريس ميسره والاسره الكريمه جمال السنوسي الرجل التلقائي والسيد النضيف االمنسق العام ومولانا عصام دهب قضينا يوما رائعا بين القفشات والذكريات وكرم الضيافه للجميع الامنيات الطيبه
Post: #1438 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-16-2011, 08:57 AM Parent: #1436
تخلف عننا في آخر لحظة لظروف طارئة:
عصام عبدالباقي - جدة إبراهيم فيش - جدة عوض عبده - الطائف عروه - مكة المكرمة سامي جمال - مكة المكرمة
وتخلف أيضاً لوعكة صحية طارئة مساء الخميس كل من:
- د. حسن أبو علي - عثمان الجيلي
نتمنى لهم الشفاء العاجل
Post: #1439 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-16-2011, 10:25 AM Parent: #1438
بخط اليد في كراس عربي و يفصلوا التزري بالابره بدون
و نقعد نكتب بالكربون !! يا عبدالدائم دي حركات ناس
الاقاليم والارياف ما عارف حناكيش الخرطوم كانت كروتهم كيف !!!
الله يفكنا من مداخلات جلا الليلة و اليوم يعدي علي خير !!!
Post: #1447 Title: Re: ناس الزقازيق ... أجدع ناس (4) .. Author: أحمد إسماعيل Date: 04-16-2011, 03:13 PM Parent: #1446
ألف ألف مرحب بالعزيز سامي الطاهر ياخي ماجننت حبيبتنا الزقازيق ، وقومت نفسنا لك جزيل الشكر ويا سلام على الصور
والله يا ناس جدة ما شاء الله كملتوا كل الفروض والسنن ربنا يجزيكم عنا كل خير ، وربنا يكمل شفاء أختنا/ سامية إسماعيل وما تشوف شر
Post: #1448 Title: Re: ناس الزقازيق ... أجدع ناس (4) .. Author: أحمد إسماعيل Date: 04-16-2011, 03:33 PM Parent: #1446
ياموسى عيسى مايجينا يوم نعمل جنبا سلاح أقصد (عمل) يعني في القربى كم سن المعاش خاصة لو زودنا لها غربة الدراسة الواحد مابكون عمرهـ زي زهير (24) سنة كدة ، هنا الواحد يفهم ويعيش الآية من قوله تعالى:( والله جعل لكم من أنفسكم ازواجا وجعل لكم من ازواجكم بنين وحفدة)
قايتو الواحد لو وصل مرحلتك دي ، يا أكون معهم ، يا إستأذن لإحضار نائبة بت الشيخ .
اصبحنا واصبح الملك لله والحمد لله ولا حولا ولا قوة الا بالله ازيكم يا اجدع ناس البوست ده رفعتو من الصفحة المليون حليل ايام ما كان بنزل من راس الصفحة الاولى سامية السماعيل انشاء الله الشر برة وبعيد وتسلمى وتسلم ايامك لى عيالك ولى ابوهم ولى اهلك ولى حبانك كووووووولهم يا ست الكل ويا ناس جده ربنا يديكم العافية ودايما متجمعين فى الخير بجيكم تانى
صادق التعازي لزميلنا / حسن عبد المجيد رحمة و كافة أفراد أسرتهم في وفاة وفاة والدهم الذي أسال الله تعالى أن يتغمده بواسع رحمته و عظيم مغفرته و أن يتقبله قبولاً حسن و يسكنه الفراديس العلى من الجنان و يلهم أسرته و ذويه الصبر الجميل ..
التعازي مجدداً لزميلنا حسن و آمل من الأخ / موسى عيسى أن يكتب رقم موبايل الأخ / حسن هنا حتى يتمكن زملائه من تعزيته ومواساته ..
Post: #1456 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-17-2011, 07:14 AM Parent: #1455
انا لله وانا اليه راجعون
خالص التعازى للاخ حسن عبدالمجيد والاسرة الكريمة فى وفاة والدهم
صادق التعازي لزميلنا / حسن عبد المجيد رحمة و كافة أفراد أسرتهم في وفاة والدهم نسأل الله تعالى أن يتغمده بواسع رحمته و عظيم مغفرته و أن يتقبله قبولاً حسن ... و يلهم أهلة الصبر الجميل .. انا لله وإنا إليه راجعون ....
صادق التعازي لزميلنا / حسن عبد المجيد رحمة و كافة أفراد أسرتهم في وفاة والدهم نسأل الله تعالى أن يتغمده بواسع رحمته و عظيم مغفرته و أن يتقبله قبولاً حسن ... و يلهم أهلة الصبر الجميل .. انا لله وإنا إليه راجعون ....
Post: #1459 Title: Re: ناس الزقازيق ... أجدع ناس (4) .. Author: أحمد إسماعيل Date: 04-17-2011, 08:49 AM Parent: #1457
خالص التعازي للأخ/ حسن عبد المجيد وكل أفراد اسرتهم في وفاة والدهم اللهم أغفر له وأرحمه وعافه وأعف عنه وأكرم نزله ووسع مدخله وأدخله الجنة ، وأعذه من عذاب القبر وعذاب النار وإنا لله وإنا إليه راجعون
Post: #1460 Title: Re: ناس الزقازيق ... أجدع ناس (4) .. Author: محمد صديق Date: 04-17-2011, 09:04 AM Parent: #1459
خالص التعازي للأخ/ حسن عبد المجيد واسرته الكريمة و نسأل الله ان يتغمد الوالد برحمته ويحسن اليه انه نعم المولى ونعم النصير انا لله وانا اليه راجعون و لاحول و لاقوة الا بالله
Post: #1462 Title: Re: ناس الزقازيق ... أجدع ناس (4) .. Author: جلال عثمان Date: 04-17-2011, 11:38 AM Parent: #1460
Quote: برضو نأمل فى انو الناس
تكتب التعازى فى البوست المخصص لذلك.
تمااااااااام يا فندم .... ومعاها رفعة يد وضرب الارض بالرجل اليمين (لامن وجعتني) وتم التنفيذ .... كل ذلك دليل شوق زائد كتر من ياااااك بالله خلينا نبل شوقنا
سلام عزينا بهناك يا محمد صديق برسل ليك قبل ما ارجع وكدى ما تستقبلونى فى صاله كبار الزوار تمام
بعد اداء واجب اجتماعى حريمى فى حلتنا قرررت امشى لنوال البلولة واسرة ولدنا عثمان الجيلى طبعا جيران وفركة كعب من بيتنا بس المشاغل ماسكة الرجل قضيت ضحوية حلوة مع نوال وبناتها وولدها زميل محمد ولدى كل الجلسة كانت عن ناس الزقازيق وناس جده كولهم واتكلمت عن ام مصطفى زوجة محمد عيد كلام زى العسل اما ناس ميسرة انشاء الله يوم شكرهم ما يجى وكل الناس بدون فرز الحمد لله الزى جعلنى زقازقابية
اثناء فترة قيابى عن البوست جاتنى تلفونات كتيرة وكانت مرة بعيدة غن التلفون ورفعت ماما عزيزة - الو اهلا وييين يا زنوبة - انت ازا من الابيض مدام قلت زنوبة لا انا ما من الابيض -ازا من الزقازيق منو انت الرشيد(كانت عارفة انو نانى جات) لا ما الرشيد -خلاص انا نسيبتا
-اهلا والله بتتكلم عنك كلام جميل ده كان ونسة عمر نملوز البلجيكى من اريج نسمات الشمال مليون تحية لنملوز واسرتو
ويييين يا جلا والله مشتاقين يا زول انا سيد بيتى مسافر ما بطلع من بيتى رحلة شنو كمان دايرة اسافر اجازة لو مشيت رحلة يقول لى ما اهو بتتفسحى مافى داعى للسفر مع انو لمتكم بتكون اجمل
Post: #1470 Title: Re: ناس الزقازيق ... أجدع ناس (4) .. Author: مبارك جادين Date: 04-18-2011, 05:30 AM Parent: #1467
اخلص التعازي للاخ حسن عبد لمجيد والاسرة وانا لله وانا اليه راجعون
Post: #1471 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-18-2011, 06:05 AM Parent: #1470
صباح الخير ،،، يا وجوه الخير
خالص التعازي للأخ/ حسن عبد المجيد وكل أفراد اسرتهم في وفاة والدهم،،،،،،،،، اللهم أغفر له وأرحمه وعافه وأعف عنه وأكرم نزله ووسع مدخله وأدخله الجنة ، وأعذه من عذاب القبر وعذاب النار وإنا لله وإنا إليه راجعون
يا ناس سلام ... فشل فكرة صندوق التكافل الاجتماعي هو فشل لكل القيم الجميلة التي نحملها ونسف لكل الارث الجميل الذي بنيانه منذ فترة الزقازيق .... هنالك الكثير من اعضاء الرابطة في حاجة ماسة لمساعدة عاجلة او وقفة حتي وان كانت معنوية ... لمواجهة الحياة واعباءه بضع دريهمات لن تؤثر علي كل منا ... عبء مساعدتنا للبعض يجب ان نحمله كلنا سوياً ... بدلاً من ان نثقل به كاهل بعض الاخوة الذين تعودوا ان يقفوا مع كل الحالات الانسانية ... التي مرت علينا في الفترات السابقة .... نتوزع هذا الحمل حتي لا يصير ثقيلاً علي البعض ليس هنالك شخص معصوم من اقدار الزمن ... ومن كان ينعم في بحبوحة من العيش اليوم لا يدري ماذا يخبئ له القدر صباح الغد ... صندوق التكافل ضمان لي ولك ولاناس نحبهم جمعنا بهم الزمان والمكان والحب والعلاقات الانسانية الجميلة ... لا نتكاسل ولا نتناسي اليوم قبل الغد يجب ان ننجز ما يفرضه علينا الضمير السليم .... نجاح صندوق التكافل الاجتماعي هو امتحان حقيقي يجب ان ننجح فيه ... اللهم هل بلغت فاشهد ...
مؤسف ان ننتظر حتي يقول احدنا ان زيد او عبيد او فلان او فلانة يمر بظرف ما ... وفاة عزيز له ... او مرض الم به او باحد ناسه ... لنتحرك ونجمع من هنا وهناك ... نسابق الزمن حتي لا تكون مساهمتنا عرضة خارج الدائرة ... او بعد فوات الاوان ... نحن علي ثقة بان الاشخاص الذين وليناهم امر الصندوق يديروا هذا الامر بكل جدارة ... عبد الدائم .... منصور ... موسي عيسي ... ميسرة ... لا نحتاج حتي ان نقول لهم من ساعدتم ومن لم تساعدوا .... هؤلاء الاربعة ومعهم آخرون اشهد بانهم من الذين حملوا لواء المساعدات الاجتماعية للكثير منا دون ان يعرف حتي اقرب الاقربين لهم ... يحزنني جدا ان اري الكثير من اخوة لنا مضوا الي دار اخري ولم نقدم حتي واجب العزاء لاهلم ... كاننا التقيناهم في سفر عابر ... او جلسوا جوارنا في ستاد لمشاهدة مباراة كرة قدم ... اين الوفاء ... لمن رحل ولم يتركوا لابنائهم سوي السيرة العطرة ... واين المساندة لم هزهم المرض ... او دارت بهم الدنيا ... حقيقة انا حزين هذا اليوم واري ان لمتنا لم تثمر ما كنا نريده لها ....
معاوية عبيد يا زول يا جميل كلما اراك ازداد حزناً علي صديقنا قرفة عليه الرحمة سعيدين بوجودك معنا ... وسعيدين برفقتك لهؤلاء الكوكبة الاعزاء ... وسعيدين بوجودك في هذا البوست ....
Post: #1479 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-18-2011, 07:39 AM Parent: #1475
اهلا" حبيبنا معاوية ود الصايم كيف اولادك وانشاء الله وصلتو بالسلامة بعد ما عرفت من ميسرة اثناء سيرنا انك سلكت طريق رابغ القديم
،،،
كلامك عين العقل يا زهير كتير من الاحيان بحس انو لا فايدة لتجمعنا هنا ما دام ما قدارين ندير صندوق صغير كصندوق التكافل الاجتماعى
اتمنى ان يكون كلامك محل اهتمام الكثيرين
،،
الرصيد وصل عند زولك كم يا كوتش هو يمكن قايل يوم 6 مايو ده بعيد ....
Post: #1480 Title: Re: ناس الزقازيق ... أجدع ناس (4) .. Author: محمد صديق Date: 04-18-2011, 07:56 AM Parent: #1479
سلامات يا ناس
Quote: كلامك عين العقل يا زهير كتير من الاحيان بحس انو لا فايدة لتجمعنا هنا ما دام ما قدارين ندير صندوق صغير كصندوق التكافل الاجتماعى
اتمنى ان يكون كلامك محل اهتمام الكثيرين
لا اضيف عليه اى شىء ...وانا ادعم ...وبرضو مستعد اكون مساهم
يا نضيف ...الرصيد لحدى هسة ...عشرة جنيه من نبيل سيد نصر ...ومرسلة من
الابيض ...يعنى ممكن تصل سبعة جنيه.
Post: #1481 Title: Re: ناس الزقازيق ... أجدع ناس (4) .. Author: محمد صديق Date: 04-18-2011, 08:02 AM Parent: #1480
المايسترو ميسرة وكل الزقازيقاب الاف التحايا ليكم لكن يازقازيقاب جدة عملتوها ظاهرة الواحد كل مره يجيبنا الشوق هنا بسكتكم ونسلم عليكم ياكافي البلا لازول يعزمنا لقيمات ولا ام فتفت تضربوا براكم على الاقل الواحد كنا اتعرفنا على باقي الشباب بالله النداعيكم بشنو بس ان شاء الله تامين وسالمين
الاخ وليد ليك التحايا و نحن نسعد دائما بمرورك علينا
و نتمنى ان تداوم عليه و ليك علينا نشيل اللوم من ناس
جده و بخرفان لي عندك في جده بس لوك الصبر و ما عدمناك انشاء الله.
الحقيقة اليوم زرفت الدموع سخية تاثرا بهذه الفصة ادناه رغم قراءتي
لها اكثر من مره سابقا و اسف علي الإزعاج و لكن املي ان تقرؤها للأخر :
القصة جميلة جدا و مؤثرة أقراها بتمعن
أقرأوها وتمعنوا فيها... أثابكم الله وقد ذكرها الشيخ خالد الراشد كثيرا... ويُقال انها قصته الشخصية:
لم أكن جاوزت الثلاثين حين أنجبت زوجتي أوّل أبنائي.. ما زلت أذكر تلك الليلة .. بقيت إلى آخر الليل مع الشّلة في إحدى الاستراحات.. كانت سهرة مليئة بالكلام الفارغ.. بل بالغيبة والتعليقات المحرمة... كنت أنا الذي أتولى في الغالب إضحاكهم.. وغيبة الناس.. وهم يضحكون. أذكر ليلتها أنّي أضحكتهم كثيراً.. كنت أمتلك موهبة عجيبة في التقليد.. بإمكاني تغيير نبرة صوتي حتى تصبح قريبة من الشخص الذي أسخر منه.. أجل كنت أسخر من هذا وذاك.. لم يسلم أحد منّي أحد حتى أصحابي.. صار بعض الناس يتجنّبني كي يسلم من لساني. أذكر أني تلك الليلة سخرت من أعمى رأيته يتسوّل في السّوق... والأدهى أنّي وضعت قدمي أمامه فتعثّر وسقط يتلفت برأسه لا يدري ما يقول.. وانطلقت ضحكتي تدوي في السّوق.. عدت إلى بيتي متأخراً كالعادة.. وجدت زوجتي في انتظاري.. كانت في حالة يرثى لها.. قالت بصوت متهدج: راشد.. أين كنتَ ؟ قلت ساخراً: في المريخ.. عند أصحابي بالطبع .... كان الإعياء ظاهراً عليها.. قالت والعبرة تخنقها: راشد… أنا تعبة جداً ..... الظاهر أن موعد ولادتي صار وشيكا .. سقطت دمعة صامته على خدها.. أحسست أنّي أهملت زوجتي.. كان المفروض أن أهتم بها وأقلّل من سهراتي... خاصة أنّها في شهرها التاسع . حملتها إلى المستشفى بسرعة.. دخلت غرفة الولادة... جعلت تقاسي الآلام ساعات طوال.. كنت أنتظر ولادتها بفارغ الصبر.. تعسرت ولادتها. فانتظرت طويلاً حتى تعبت.. فذهبت إلى البيت وتركت رقم هاتفي عندهم ليبشروني. بعد ساعة.. اتصلوا بي ليزفوا لي نبأ قدوم سالم ذهبت إلى المستشفى فوراً.. أول ما رأوني أسأل عن غرفتها.. طلبوا منّي مراجعة الطبيبة التي أشرفت على ولادة زوجتي. صرختُ بهم: أيُّ طبيبة ؟! المهم أن أرى ابني سالم. قالوا، أولاً راجع الطبيبة .. دخلت على الطبيبة.. كلمتني عن المصائب ..... والرضى بالأقدار . ثم قالت: ولدك به تشوه شديد في عينيه ويبدوا أنه فاقد البصر !! خفضت رأسي.. وأنا أدافع عبراتي.. تذكّرت ذاك المتسوّل الأعمى الذي دفعته في السوق وأضحكت عليه الناس. سبحان الله كما تدين تدان ! بقيت واجماً قليلاً.. لا أدري ماذا أقول.. ثم تذكرت زوجتي وولدي .. فشكرت الطبيبة على لطفها ومضيت لأرى زوجتي .. لم تحزن زوجتي.. كانت مؤمنة بقضاء الله.. راضية. طالما نصحتني أن أكف عن الاستهزاء بالناس.. كانت تردد دائماً، لا تغتب الناس .. خرجنا من المستشفى، وخرج سالم معنا. في الحقيقة، لم أكن أهتم به كثيراً. اعتبرته غير موجود في المنزل. حين يشتد بكاؤه أهرب إلى الصالة لأنام فيها. كانت زوجتي تهتم به كثيراً، وتحبّه كثيراً. أما أنا فلم أكن أكرهه، لكني لم أستطع أن أحبّه ! كبر سالم.. بدأ يحبو.. كانت حبوته غريبة.. قارب عمره السنة فبدأ يحاول المشي.. فاكتشفنا أنّه أعرج. أصبح ثقيلاً على نفسي أكثر. أنجبت زوجتي بعده عمر وخالداً. مرّت السنوات وكبر سالم، وكبر أخواه. كنت لا أحب الجلوس في البيت. دائماً مع أصحابي. في الحقيقة كنت كاللعبة في أيديهم .. لم تيأس زوجتي من إصلاحي. كانت تدعو لي دائماً بالهداية. لم تغضب من تصرّفاتي الطائشة، لكنها كانت تحزن كثيراً إذا رأت إهمالي لسالم واهتمامي بباقي إخوته. كبر سالم وكبُر معه همي. لم أمانع حين طلبت زوجتي تسجيله في أحدى المدارس الخاصة بالمعاقين. لم أكن أحس بمرور السنوات. أيّامي سواء . عمل ونوم وطعام وسهر. في يوم جمعة، استيقظت الساعة الحادية عشر ظهراً. ما يزال الوقت مبكراً بالنسبة لي. كنت مدعواً إلى وليمة. لبست وتعطّرت وهممت بالخروج. مررت بصالة المنزل فاستوقفني منظر سالم. كان يبكي بحرقة! إنّها المرّة الأولى التي أنتبه فيها إلى سالم يبكي مذ كان طفلاً. عشر سنوات مضت، لم ألتفت إليه. حاولت أن أتجاهله فلم أحتمل. كنت أسمع صوته ينادي أمه وأنا في الغرفة. التفت .... ثم اقتربت منه. قلت: سالم! لماذا تبكي؟! حين سمع صوتي توقّف عن البكاء. فلما شعر بقربي، بدأ يتحسّس ما حوله بيديه الصغيرتين. ما بِه يا ترى؟! اكتشفت أنه يحاول الابتعاد عني!! وكأنه يقول: الآن أحسست بي. أين أنت منذ عشر سنوات ؟! تبعته ... كان قد دخل غرفته. رفض أن يخبرني في البداية سبب بكائه. حاولت التلطف معه .. بدأ سالم يبين سبب بكائه، وأنا أستمع إليه وأنتفض. أتدري ما السبب!! تأخّر عليه أخوه عمر، الذي اعتاد أن يوصله إلى المسجد. ولأنها صلاة جمعة، خاف ألاّ يجد مكاناً في الصف الأوّل. نادى عمر.. ونادى والدته.. ولكن لا مجيب.. فبكى. أخذت أنظر إلى الدموع تتسرب من عينيه المكفوفتين. لم أستطع أن أتحمل بقية كلامه. وضعت يدي على فمه وقلت: لذلك بكيت يا سالم !!.. قال: نعم .. نسيت أصحابي، ونسيت الوليمة وقلت: سالم لا تحزن. هل تعلم من سيذهب بك اليوم إلى المسجد؟ قال: أكيد عمر ..... لكنه يتأخر دائماً .. قلت: لا .. بل أنا سأذهب بك .. دهش سالم .. لم يصدّق. ظنّ أنّي أسخر منه. استعبر ثم بكى. مسحت دموعه بيدي وأمسكت يده. أردت أن أوصله بالسيّارة. رفض قائلاً: المسجد قريب... أريد أن أخطو إلى المسجد - إي والله قال لي ذلك. لا أذكر متى كانت آخر مرّة دخلت فيها المسجد، لكنها المرّة الأولى التي أشعر فيها بالخوف والنّدم على ما فرّطته طوال السنوات الماضية. كان المسجد مليئاً بالمصلّين، إلاّ أنّي وجدت لسالم مكاناً في الصف الأوّل. استمعنا لخطبة الجمعة معاً وصلى بجانبي... بل في الحقيقة أنا صليت بجانبه .. بعد انتهاء الصلاة طلب منّي سالم مصحفاً. استغربت!! كيف سيقرأ وهو أعمى؟ كدت أن أتجاهل طلبه، لكني جاملته خوفاً من جرح مشاعره. ناولته المصحف ... طلب منّي أن أفتح المصحف على سورة الكهف. أخذت أقلب الصفحات تارة وأنظر في الفهرس تارة .. حتى وجدتها. أخذ مني المصحف ثم وضعه أمامه وبدأ في قراءة السورة .... وعيناه مغمضتان ... يا الله !! إنّه يحفظ سورة الكهف كاملة!! خجلت من نفسي. أمسكت مصحفاً ... أحسست برعشة في أوصالي... قرأت وقرأت... دعوت الله أن يغفر لي ويهديني. لم أستطع الاحتمال ..... فبدأت أبكي كالأطفال. كان بعض الناس لا يزال في المسجد يصلي السنة ... خجلت منهم فحاولت أن أكتم بكائي. تحول البكاء إلى نشيج وشهيق ... لم أشعر إلا ّ بيد صغيرة تتلمس وجهي ثم تمسح عنّي دموعي. إنه سالم !! ضممته إلى صدري... نظرت إليه. قلت في نفسي... لست أنت الأعمى بل أنا الأعمى، حين انسقت وراء فساق يجرونني إلى النار. عدنا إلى المنزل. كانت زوجتي قلقة كثيراً على سالم، لكن قلقها تحوّل إلى دموع حين علمت أنّي صلّيت الجمعة مع سالم . من ذلك اليوم لم تفتني صلاة جماعة في المسجد. هجرت رفقاء السوء .. وأصبحت لي رفقة خيّرة عرفتها في المسجد. ذقت طعم الإيمان معهم. عرفت منهم أشياء ألهتني عنها الدنيا. لم أفوّت حلقة ذكر أو صلاة الوتر. ختمت القرآن عدّة مرّات في شهر. رطّبت لساني بالذكر لعلّ الله يغفر لي غيبتي ######ريتي من النّاس. أحسست أنّي أكثر قرباً من أسرتي. اختفت نظرات الخوف والشفقة التي كانت تطل من عيون زوجتي. الابتسامة ما عادت تفارق وجه ابني سالم. من يراه يظنّه ملك الدنيا وما فيها. حمدت الله كثيراً على نعمه. ذات يوم ... قرر أصحابي الصالحون أن يتوجّهوا إلى أحدى المناطق البعيدة للدعوة. تردّدت في الذهاب. استخرت الله واستشرت زوجتي. توقعت أنها سترفض... لكن حدث العكس ! فرحت كثيراً، بل شجّعتني. فلقد كانت تراني في السابق أسافر دون استشارتها فسقاً وفجوراً. توجهت إلى سالم. أخبرته أني مسافر فضمني بذراعيه الصغيرين مودعاً... تغيّبت عن البيت ثلاثة أشهر ونصف، كنت خلال تلك الفترة أتصل كلّما سنحت لي الفرصة بزوجتي وأحدّث أبنائي. اشتقت إليهم كثيراً ..... آآآه كم اشتقت إلى سالم !! تمنّيت سماع صوته... هو الوحيد الذي لم يحدّثني منذ سافرت. إمّا أن يكون في المدرسة أو المسجد ساعة اتصالي بهم. كلّما حدّثت زوجتي عن شوقي إليه، كانت تضحك فرحاً وبشراً، إلاّ آخر مرّة هاتفتها فيها. لم أسمع ضحكتها المتوقّعة. تغيّر صوتها .. قلت لها: أبلغي سلامي لسالم، فقالت: إن شاء الله ... وسكتت... أخيراً عدت إلى المنزل. طرقت الباب. تمنّيت أن يفتح لي سالم، لكن فوجئت بابني خالد الذي لم يتجاوز الرابعة من عمره. حملته بين ذراعي وهو يصرخ: بابا .. بابا .. لا أدري لماذا انقبض صدري حين دخلت البيت. استعذت بالله من الشيطان الرجيم .. أقبلت إليّ زوجتي ... كان وجهها متغيراً. كأنها تتصنع الفرح. تأمّلتها جيداً ثم سألتها: ما بكِ؟ قالت: لا شيء . فجأة تذكّرت سالماً فقلت .. أين سالم ؟ خفضت رأسها. لم تجب. سقطت دمعات حارة على خديها... صرخت بها ... سالم! أين سالم .؟ لم أسمع حينها سوى صوت ابني خالد يقول بلغته: بابا ... ثالم لاح الجنّة ... عند الله... لم تتحمل زوجتي الموقف. أجهشت بالبكاء. كادت أن تسقط على الأرض، فخرجت من الغرفة عرفت بعدها أن سالم أصابته حمّى قبل موعد مجيئي بأسبوعين فأخذته زوجتي إلى المستشفى .. فاشتدت عليه الحمى ولم تفارقه ... حين فارقت روحه جسده .. إذا ضاقت عليك الأرض بما رحبت، وضاقت عليك نفسك بما حملت فاهتف ... يا الله إذا بارت الحيل، وضاقت السبل، وانتهت الآمال، وتقطعت الحبال، نادي ... يا الله لقد اراد الله سبحانه وتعالى ان يهدي والد سالم على يد سالم قبل موت سالم فيا الله ما ارحمك لا اله الا الله رب السموات السبع ورب العرش العظيم
Post: #1488 Title: Re: ناس الزقازيق ... أجدع ناس (4) .. Author: جلال عثمان Date: 04-18-2011, 10:37 AM Parent: #1487
في البداية .... ترحيب حار ب معاوية الصائم ووليد ولادنا عديل زقازيقين ونص .... وجدة غير
وعن اذنك يا موسى قبل ما يجي منصور .... وياريت يدعم خطي بعد ما يجي
Quote: يا ناس سلام ... فشل فكرة صندوق التكافل الاجتماعي هو فشل لكل القيم الجميلة التي نحملها
مافي اي سبب يخلي فكرة الصندوق تفشل لو كلوا زول سدد الاشتراك بتاعو في الموعد وحقيقي ... مفروض اللجنة المناط بها تسيير هذا الامر ، تذكر الناس من وقت لآخر بضرورة تسديد الاشتراكات وعندي مقترحات محددة يعني مثلا .... رسالة في الخاص .... يا جلال وين اشتراكات شهر كذا، ولا رسالة في الفيسبوك ولا في الجوال انتو قايلين داتا سامي دي رصاها ليكم كدة عشان تبروزوها ..... بعدين وين البوست بتاعك في الحوش بي هناك يازهير "حركو ياخ" ذكر فإن الذكرى تنفع المؤمنين والناس كبرت يازهير وبقت الذاكرة خربانة خربانة .... لقد هرمنا ... هرمنا ياخ ... ولابأس بالتذكير ومن هنا اناشد كل الاخوان في دعم هذا الصندوق ... ويقيني ان هنالك الكثير من الحالات التي تستوجب الدعم فعلوا الاشتراكات يرحمكم الله .....
Post: #1489 Title: Re: ناس الزقازيق ... أجدع ناس (4) .. Author: جلال عثمان Date: 04-18-2011, 10:53 AM Parent: #1488
Quote: إذا ضاقت عليك الأرض بما رحبت، وضاقت عليك نفسك بما حملت فاهتف ... يا الله إذا بارت الحيل، وضاقت السبل، وانتهت الآمال، وتقطعت الحبال، نادي ... يا الله لقد اراد الله سبحانه وتعالى ان يهدي والد سالم على يد سالم قبل موت سالم فيا الله ما ارحمك لا اله الا الله رب السموات السبع ورب العرش العظيم
ياالله .... ياالله اللهم ارحمنا برحمتك التى وسعت كل شيئ -------- شكرا ياموسى على القصة المعبرة ... ونسأل الله ان يعلمنا ماجهلنا وينفعنا بما علمنا
شكرا كثير الاخ موسى عيسى نسأل الله الذريه الصالحه للجميع وان ندرك انفسنا قبل ان تتدراكنا لحظات نعجز عن القيام بما كان ميسور ونرجو ثوابه
هل الصندوق ما زال فكره وان كان قائم بمن الاتصال وما مقدار الاشتراك الشهرى وهذه الافعال التى تعضد الترابط و تجعل من السهوله القيام بالواجب الاخوى بسرعه يحتاجها من فى حاجه عون الاخوان ونسأل الله ان يسلم الجميع و تحياتى
احبكم الشديد القوى بس , حامينى منكم اليومين ديل لكن لو كنت عارف لمن اغيب , بيكلمنى موسى عيسى شخصيا وبيكتب عنى الشباب ما كتبوا اذن لأستمرات الغياب , حتى اتلذذ بما تكتبون وتتصلون حسى زاتو , سرقت لى دقائق من يوم مشحون عشان اقول ليكم بس مشتاقين وعشان اقول لى حسن عبد المجيد البركة فيكم ولى معاوية عبيد الصائم ووليد عبد اللطيف اضفناكم لقائمة الزقازيقاب بفخر شديد واعلن ان وجود الكمندان محمد صديق ليومين متتاليين فى البوست اشارة خفية (للسبب الحمانى العيد هناك احضروا ) واقول ان الصندوق الخيرى الأجتماعى لا فشل ولا حاجة , بس محتاج لى تنظيم اضافى اما زنوبا بت النوبة , وهى تقول ان (سيد بيتها مافيش ) فقد فتحت لى طاقة من طاقات الجمال وهى تقول ( سيد بيتى دى ) يمين عجبتنى جنس عجب ذكرتنى يا ضلنا المرسوم على رمل المسافة , وشاكى من طول الطريق قول للبنية الخايفة من نار الحروف تحرق بيوتات الفريق قول ليها ما (تتخوفى ) دى البسمة بتجيب الأمل , والأمل بيصبح رفيق والأصلو فى الجوف اترسم لا بيتنسى , لا بيتمحى , لا بيغشاهو الحريق اكتبوا عن تلقائية سيد بيتى دى ما تشاؤؤن واعرفوا عبرها ومنها , كيف عرفت ماما عزيزة (نملوز ) الشادى السلك من المسافات البعيدة , باحثا عن بت النوبة (السارقة ) دى اس ال سيد بيتها , لتعلن عبره انحيازها للجمال قلتى لى نوال البلول قالت ليك شنو (عن فاطنة ومنى ؟؟؟) وكمان يقولوا الصندوق الخيرى التكافلى الأجتماعى فشل ؟؟؟ الناس ديل اديهم راسهم يا جلال صندوق التكافل البيفشلوا شنو مع (زى ديل ) !!!!! سأعود اليكم حين (ميسرة ) يا احباب
قف: للبيوت أسرار إذا كان سيد زنوبة سيد بيتها مسافر أنا ست بيتي برضو مسافرة و شالت الجماعة معاها لي كسلا يعني أنا و أخانا الذي بالسلع حاجة واحدة أخير مننا موسى عيسى قف: ما دخلت بوست و علقت إلا كان الأ وليد عبد اللطيف يرحب و يزيد في الإطراء فالزول دا زقازيقي حد الدهشة رايك شنو يا أبو الزوز في حد الدهشة دي؟؟؟ قف: و طالما معاوية عبيد الصايم كان معاكم في رابغ إذن شيلو منو إشتراك الصندوق الإجتماعي قف: ألف كفارة لعادل الجعلي قف: بمناسبة الرحلة الهدف منها أيضاً تنشيط الصندوق الإجتماعي و الرحلة في مواعيدها 6 مايو .... المساهمة 10 جنيه ترسل رصيد و لا زال جيبي يسع الجميع
نيابة عن الريس ميسرة ... الي ان ياتي في حين (ميسرة) او كما قال الابنوسي (منص) ......
كل يوم نجي نصبح نيابة عن الريس يوم واحد ما قال شكراً معقولة يا ريس الفتح ده ... يعني ما شايف كسير التلج ده ...
يا جبارة تمشي وتجي علي كيفك قايل البوست ده فوضي .... ياخي راجين تورينا الحصل معاك شنو في الشغل جيت اديتنا راس الكلام ومشيت ...
يا جماعة رشيد القوم لو ما ظهر لغاية الساعة الرابعة من عصر اليوم سنضطر الي ان تتحرك قوات زقازيقية حتي السلع او الحدود علي اقل تقدير .... او الاتصال بنجاة وسيكون المفعول سريع جداً ...
ياشباب قروش الصندوق دي انا لميتا واكلتها يمكن 514 مرة ... والسبب النضيف ... رسلت ليهو اكتر من ايميل طلبت منو اسمو واسم البنك بالانجليزي ... وكمان ورقم الحساب والسوفت كود SWIFT CODE وهو مطنشني ... لي هسع افتكر رقم الحساب المكتوب في موقع التكافل معكوس ...
عموما فكو لي المعلومات دي في الخاص أو العام ... والتحويل مابكلفي سوي النقر على الكي بورد .. وانا قاعد في الكرسي بتاعي .... او رسلو لينا معلومات اي حساب آخر ... بس بالانجليزي ... ونحنا مستعدين لدفع المعلوم واكتر ...
Quote: و انت صندوقكم التكافلي دا المفروض تجيبوا ليهو دعم من ود عمنا اوباما مباشرة .
هناك حظر على المنظمات الطوعية الإسلامية فما تعشم!!!!! بعدين زولك دا يا موسى من مشى بيت الله أصبحت الرقابة عليه مان تو مان خارجتك يا ود جبارة صاح
بالنسبة لي ناس المغرب رسل المعلوم... سلامك ما مابنو علا بندور الكشكوش أما زولكم موسى الراجل دا ضهبان و مودر زول قاعد يكتب في الأرشيف أكيد داير ليهو دروس خصوصية أخاف عليه من عبد الدائم عشان ما يتوهو تقوم تمسكو من جيبو و تخليهو يكب الحصحاص و يرسلو لينا عشان الرحلة و كدا
يا صحبي: جيبي يسع الجميع
Post: #1503 Title: Re: ناس الزقازيق ... أجدع ناس (4) .. Author: جلال عثمان Date: 04-19-2011, 05:55 AM Parent: #1501
اصبحنا واصبح الملك لله ... وشكرا يا ابوالزوز للمواظبة على الافتتاحية رغم انك رجفتنا من البرد ....
جلا ... هل يمكن تحويل الرصيد دولياً؟ وريني بالله ورسل لي نجيلة حساب عبدالدائم بالانجليزي طبعا عبدالدائم دا زول محاسب "تخصص جغرافيا" وما بعرف انجليزي وانت زول بتاع منظمات وكدة "تخصص محاسبة" والله لكن تعدي سافر على التخصصات ... ما تقول حاجة يا موسى
وين يا بردو البرتغالي ... قلت لي بلنتي متين؟ كدي خليك من البلنتي "الدربكة" القال موسى عيسى رسلوها ليك دي عرفتها ما طنشنا ساكت بالله الرد ... الرد ... الرد
نشكر الشباب علي تحريك موضوع الصندوق ... واصحي يا ديدو ...
اما بالنسبة لمداخلات جلا .... فقد اصبحت اشك بانه يتعاطي الممنوع رغم انه لم يعرف عنه ذلك طيلة حياته ... الاولاد في كسلا ... يسكن وحيدا في ضاحية الفتيحاب (تقول ويست منستر) .... علي مرمي حجر من الممنوعات ... النتيجة مداخلات متزمزعة خاصة بتاعت الفيس بوك ديك ... اذن جلا وقع في المحظور ... بلاغ لمحمد صديق بحكم التخصص وكشه رهيبة تداهم الوكر نص الليل ...
Quote: و تحت تحت قالوا لي ناس زهير الزناتي ذاتهم ما
سلموا من موضوع الاتوات في الصغر ..........
الله يجازي محنك يا جلا و عصام جلي !!!!!!!!!!
يعني يا اباالعهود ... الزول ده ارسل ليهو في الحساب الكتبو فوق بالانجليزي ومن غير مايكتب اسم البنك ولا دي معاوده لاسترجاع الماضي ...
======================= جلة ياحبيبنا .... جغرافيا شنو ... الزول ده لما زرتو في جده ... قال لي بصوت عالى وقدام بت الشيخ والأولاد ... محاسبة شنو الكنتو غاشيننا وبتساهرو ليها الليالي ....
زماااان حبوبتي كانت بتقول لي الدكتور ... ولما ظهرت النتيجة وعرفت انو قبلوني في كلية التجارة ... قعدت في نص السرير وقالت : هئ .. بس ... التجارة دي عاوزة ليها قراية ....
أبو الزوز لم يكن في يقيني بأن تعاطي الممنوع و بذات الشاكلة التي أكتب بها جريمة لها تبعاتها... قد تكون أدواتي التي استخدمها متطرفة وهذا بفعل فاعل و لا شك ... و أهم عنصر فيها سفر الأولاد... أما ضاحية الفتيحاب لا أعتقد سبب مباشر في التفلتات التي بمداخلاتي فإشلاق الشرطة و الذي يسكنه الزقازيقي عبد المنعم لهو جدير من كبح جماح التفلتات دون الإستعانة بالكمندان و الذي يتعاطى الممنوع و لكن بشئ من العقلانية أما عن المداخلات المتزمزعة دائماً يرصدها صديقي اللدود إذن لم أقع في المحظور بعد طالما لم يسجل لي في دفتر مخالفاته ما يشير ألى ذلك ... فإذا كان و لا بد من مداهمة الوكر في نص الليل ... فيقيني أن أخانا الذي بالسلع قد رتب جلساته بما لا يدع من الشك أن إستخدامه لذاك الوكر هو بقصد التأمل في مخاليق الخالق و كذلك أنا!!!! فلا داعي للمداهمة
Quote: الله يجازي محنك يا جلا و عصام جلي
يا موسى حكاية جيبي يسع الجميع و الله من غير ما أقصد وقعت لي في جرح و طوالي بديت أتذكر نقاط التفتيش التي كنا نعملها في الزقازيق يعني هي نفس الفكرة بتاعت الصندوق التكافلي بس الفئة كانت محدودة أحب الزقازيق و جيوبكم زاتو
فيقيني أن أخانا الذي بالسلع قد رتب جلساته بما لا يدع من الشك أن إستخدامه لذاك الوكر هو بقصد التأمل في مخاليق الخالق و كذلك أنا!!!! فلا داعي للمداهمة
يا جلا انا لا جبت ولا قلت شي انت براك قلت الوكر و انت الجبت طاري الحبش !!!
و علاقتهم بناس الامارات والسلع ....؟
Post: #1510 Title: Re: ناس الزقازيق ... أجدع ناس (4) .. Author: أحمد إسماعيل Date: 04-19-2011, 07:30 AM Parent: #1507
زمان القروش على قلتها كنا نوزعها في قدح يكفي الجميع وأن نتعازم (حلفت مدفوعة) ، لكن سبحان الله الآن ظهرت ثقافة جديدة ثقافة اللم والأنانية والجيوب الما خادمة أي غرض زي الفي جيب أخوي في جيبي والفي جيبي في حيب أخوي وأخيرا (حيبي يسع الجميع)
Quote: فيقيني أن أخانا الذي بالسلع قد رتب جلساته بما لا يدع من الشك أن إستخدامه لذاك الوكر هو بقصد التأمل في مخاليق الخالق و كذلك أنا!!!! فلا داعي للمداهمة
وقلت أنني لم أقع في المحظور بعد حيث تشهد شرطة بوست الزقازيق أنني حتى الآن في الجانب الصحيح من الطريق و عليه أنا أحتاج محامي لنفي التهم التي و جهت لي هل أطمع في الأفكاتو دهب لفك الإرتباط بيني و بين الذي يبعد عني المسافات إذا استعصى ذلك فأحتاج جودية من سامي داتا و ليس منص
Quote: يا جلا انا لا جبت ولا قلت شي انت براك قلت الوكر و انت الجبت طاري الحبش !!!
بالنسبة للذي بالسلع إنه يجأر بالشكوى لعدم تمكنه من التواصل معنا فشدوا له سلك حتى لا يتأمل في مخاليق الله أكثر من اللازم
موسى: إنت عارف القطيعة حرااام و أنا ما قلت حاجة للذي بالسلع
Quote: الفي جيب أخوي في جيبي والفي جيبي في حيب أخوي
يا جماعة علي عثمان محمد طه معانا و عندو باسويرد و لا شنو؟؟؟؟
Post: #1513 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2011, 08:47 AM Parent: #1510
مجدى عبد الله فى تلفونى على اليد الشمال وبوست اجدع ناس ملء البصر من امامى واوراق الشغل االمردومة فانها للحظة , شكلت عندى فراغا عريضا فانا لا راها , او لا اود ان اراها فعلت ذلك قبلى (ملكة الدار محمد ) فى فراغها العريض ورمى به رب العباد , بعضا من زمن فى (فؤاد ام موسى ) ولكن احساسى باوراقى المردمة , فى لحظة الحصار هذه بدأ وكأنه احساس (ام موسى ) وهى ترمى به (رضيعا ) الى لجة البحر حتى (يلتقطه بعض السيارة ) ثم يصلون به الى (عدو لها وله ) فيتخذونه ولدا الآن دعوا اوراقى جانبا فالوقت (ساعة مجدى عبد الله ) والزمان ( زمان بوست الأجدع ناس ) اذن الباقى شنو يا (الفريد فى عصرك ) غير انك تهدى لى من فضلك (نظرة من رمانك )
Quote: مجدى عبد الله فى تلفونى على اليد الشمال وبوست اجدع ناس ملء البصر من امامى واوراق الشغل االمردومة فانها للحظة , شكلت عندى فراغا عريضا فانا لا راها , او لا اود ان اراها
قول بسم الله و خلي تلفون مجدي على يدك اليمين البوست بتاعنا دا ...جليهو و حوِّد بصرك عنه فراغك العريض دا كان جبتو معاك هنا معناها واطتنا صبحت!!!! حوالينا و ما علينا بالمناسبة سمعت بي حاجة إسمها جيبي يسع الجميع؟؟؟؟
Post: #1515 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2011, 09:06 AM Parent: #1513
ماوقعت فى المحظور ؟؟؟!!! لسا -------؟؟؟؟!!!!!!!! نوت يت ؟؟؟؟ كان للظروف الموضوعية (حقات الوقعان فى المحظور ) فانت عندك منها الكثير عزابى وست بيتك ما فيشة , دى واحدة ترسل فى الرسائل وتجيك راجعة مظبطة , دى التانية رحلتكم يوم ستة مايو , ومافى زول لغاية هسى دفع , ودى التالتة واكبر واحدة جيبك المفتوح , الخارج منه مفقود , والداخل اليه , مفقود برضو , دى نمرة اربعة نقيف عند نمرة اربعة دى شوية ورينا فى الأول , انت يا زول (معشق , ولا فاضى ) وقبليها ورينا , انت عادى , ولا اتوماتيك لو عادى ومعشق وست بيتك مافيشة ورحلتكم يوم ستة مايو اخير ليك يا زول , يا تغترب وتمشى السلع ولا تخليهم يرسلوك مأمورية عاجلة لى جبال التاكا وكمان ما تقول الليلة (التلاتاء ) !!!! اقول ليك حاجة على جيب ابوى على جيب اخوى على (جيبى نا ) على جيب وجيب , على ايد وايد تجدع بعيد , من قفة لى راس (ميضنة ) حيكومة الفقر الدمار الكضبن والصهينة
* ده كلو لو انت عادى , وعشق , لكن لو حضرتك اتوماتيك , ومختوت على (الدى ) فمعناتا رحلتكم يوم ستة مايو , السنة الجاية ؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #1516 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2011, 09:26 AM Parent: #1515
ما شفتونى فاتح (ضراعاتى قدر شنو ) ؟؟؟ نان انا فاتحا لى منو ؟؟؟ بروفايلى ده , ما بروفايل (متعوب عليه ) لو تدرون مصور فى لجات بحور الأدرياتيك, نواحى جزر لأنكاوى الماليزية اكان انا ما مجنون , انتو البجيبكم هناك شنو ؟؟ لكن خاطرى قال لى , انكم ( بتطلعوا من صوت طفلة فى اللمة منسية ) وكمان بتطلعوا ( من غابات ومنى انا ) لمن فتحت ضراعاتى , فى ذلك البحر الأدرياتيكى البعيد برضو جيتونى وطلعتوا لى حتى لمن الحكم حسب البلنتى فى الدقيقة مية يا ود جبارة طلعت لى انت , وشفتك لابس فنيلة (ايبوى مرة ) ولابس قميص الحكم مرة تانية لكن يشهد الله ما شفتك اصلو لابس (بدلة فينجر ) لكن تخيلتك ,بى عراقى عادل الجعلى وبى صحبة معاوية الصائم وما عاوز اقول ليك , اكلنا مع بعض مرارة خرفان الرحلة (اللت رابغ ) وشفتك فى سؤال الزناتى عن (شغلك ) وشفقة النجيلة ياسر , عن البادى النور , والشادى كمال وضهبان (الراجل موسى )
* تقبلوا سلام نملوز , واعلموا انه ما يزال يجرى , ويجرى , ويجرى حتى ان (النسيان طوى جكتنا بتاعت السمك ) نملوز قال ليكم , اول ما يقيف , حا تلقوهو رجع البوست تانى
الحاجة الأنا عارفها زول فاتح ضرعاتو معناها خايف يقع في البحر خاصة مافي زول جنبك و مع علمي التام إنك حجر يعني كان و قعت معناها إلا تنقلب سمكة و تجي البحر الأحمر و تشتهي موية النيل و تمشي دمياط أو رشيد و تجي سابح عكس التيار و عند الموردة بس تقيف هناك و تطلع و تكون من ضمن أسماك عوضية أي زول فينا مشتهي الولد نملوز لكن جريهو دا لو قفو بكون أحسن عشان يجينا راجع البوست إنت قلت الجنينة نجيلة و لا نجيلة الجنينة و لأنهما سيان فقولها حافي من غير أي دس
Post: #1518 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2011, 09:46 AM Parent: #1516
عليك الله يا حاتم بلنتى ليفربول بتاع الدقيقة مية داك ما حرقك ؟؟؟ يمين انا دوخنى عديل الكورة كلها انا زعلان من فينغر لمن جا البلنتى ده , زعلتا عليهو كل الغلطات العملها اثناء المباراة , والجغمسة الكان قاعديسوى فيها وعلى الرغم من توتر فابريجاس طوال المباراة الا انه اهدى فريقه هدفا ذهبيا , فى الدقيقة تسعة وتسعين ونص فقلنا للحظة , ان التوفيق الذى خاصم ارسنال ولاعبيه طول الموسم اتكوم ليهم فى الكورة دى لكنه اى التوفيق , رجع بسرعة شديدة مادا لسانه لفينجر وايبوى وفابريجاس ولأرسنال ولى انا شخصيا , على مشارف الدقيقة مية لسان حال فينجر وهو متجه صوب مدرب ليفربول مع صافرة الحكم كان بيقول ليهو مالك عليا , انا عملت ليك شنو ياخ ؟؟؟!!!!!!!!!!!!!!!!!! البياخة الجد , كانت من الولد القاعد جنبى يحضر معاى الكورة وشايل شنطته منتظرها تنتهى عشان يمشى التمرين الولد الأسمو احمد منصور داك بايخ بياخة لو جاك داير بتك السمحة ديك لا تديهو ولا حاجة !!!!!!!!!!!!!!!!!!!
Quote: قف: ما دخلت بوست و علقت إلا كان الأ وليد عبد اللطيف يرحب و يزيد في الإطراء فالزول دا زقازيقي حد الدهشة رايك شنو يا أبو الزوز في حد الدهشة دي؟؟؟
هههههههه محمد ادم دي حلوة وملعوبة ياربي اكون عشان انا خريج الفرع وبحن للناس خريجين الزقازيق لكن بالجد الدهشة عندكم ولمة حلوة ناس تكتب بحرفنة ومهارة تحس البشاشة والفرحة وسط حروفهم تشوف منظر مقالدة وسلام محبة من غير ان ترى الاشخاص امامك ممتعين والله لذلك حتى اذا لم اعمل مشاركة ليس معناها اني غير متابع بالعكس بوست الزقازيقاب ملاذ نا عند الفرار من وجع راس المنبر مرات بقراهو وانا في قمة الاستمتاع والضحك الزقازيقاب عالم جميل
Post: #1521 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2011, 10:21 AM Parent: #1518
هى انا ما نسيت !!! زنوبة دى مش قالت (سيد بيتى ) هى قالت سيد بيتا شنو ؟؟؟ ومالو المهم عندى , سيد بيتى دى من ما انا قريتا , اعصابى باظت جنس بوظ طوالى مشيت لى (بت شيخى ) انتى انا ما سيد بيتك ولا شنو ؟؟؟ كيفن ما سيد بيتى , سيدو لمن انت ريئس مجلس السيادة زاتو طيب مالك ما بتقوليها لى من الليلة انت اسمك سيد بيتى
حقيقة الأمر , ان (اللفظة ) فى عضمها ده , عجبتنى شديييييد , وكسرتنى حتت حتت حتى تضاءلت عندها ومعها , كل الأسماء بما فيها لفظة بت الشيخ , وود الشيخ ياخى دى عبارة عبقرية , ولفظة عائمة فى بحور الجمال اعرف انها من القديم الذى كاد يندثر الا انها بعثت عندى من جديد , فى تلك اللحظة التى قالتها (بت النوبا ) قلت ليكم مرة انها رمتنى الى اتون روعة (ظلال يحى فضل الله ) بتاعت المسافة والضل والحريق لكنها تستدعى عندى , وبشكل متواتر , كلما اعدت انتاجها فى ذهنى ظلالا عديدة , وخواطر شتى , ومعانى متداخلة بدات بضل يحى فضل الله زى ما قلت ليكم ووصلت , هذا الصباح الى مرافىء مملوكك ولكنى (سلطان العشاق ) ما قلت ليكم
الموز روى قايم سوى خاطرك جوا فاطرين سوا قاعدين سوا قايمين سوا لو فى خط الأستوا حراسه مرتينهم عوا انا يا ناس بالنار جسمى انشوا
فرمان وامر رئاسى رقم 514 * يمنع منعا باتا استخدام تعبير بت الشيخ وود الشيخ ابتداءا من تاريخه ويستبدل فورا بتعبير سيد يتى وست بيتى وتسجل براءة الأختراع بأسم (زوبا بت النوبا ) * يتم اعلان ذلك فى الجريدة الرسمية * يتم توزيع هذا التعميم مكتوبا وممهورا بخاتم الدولة وتوقيع (السيد جلا ) صاحب الأختراع البائد(بت الشيخ ) ويتم توزيعه فى رحلة ستة مايو * تؤجل الرحلة للمرة الثانية لحين رجوع (سيد بيت زوبا ) من سفره حتى تستلم براءة اختراعها فى حضوره * صدر تحت توقيعى فى (مكتبى ) بالرياض وبعد التشاور مع السلع والخبر وامريكا وجدة ورابغ والشارقة والدوحة وبدون تشاور مع (الفتيحاب ) لأن من يتعاطى (المحظور عمدا غير شك , يتعاطى الحرام )
الأخ وليد لك الشكر أينما كنت و حيثما تكون شايفك مركب مكنة منصور و حروفك في أبهى صورها أما عن الملاذ الآمن ..لك أن تتخيل زول قدامو كمية من الآوراق عايزا إمضاء و يجي يتدفق هنا مش عليك الله ملاذ آمن (و بديت أحلم) إنت ماشي معنا الرحلة و لا حا تفع في الصندوق الخيري هناك أيضاً ملاذ آمن جيبي يسع الجميع بما فيهم إنت
* صدر تحت توقيعى فى (مكتبى ) بالرياض وبعد التشاور مع السلع والخبر وامريكا وجدة ورابغ والشارقة والدوحة وبدون تشاور مع (الفتيحاب ) لأن من يتعاطى (المحظور عمدا غير شك , يتعاطى الحرام ) أظنك وقعت في المحظور الفرمان بتاعك بالرقم 514 أظنو يمم شطر الرياض و ما جاورها فقط و هو بالطبع لا يعنينا في شئ بالنسبة لبراءة الأقتراع فكلمة سيدي إنتها عصرها و أفكار الليتل و مان و الأسمول ليدي ليست ببعيد يعني حا يدوك في كنكوجك دا زي الترتيب بلا سيدي بلا لمة و زولتك دي حتى لو الرحلة إتأجلت تلاتة سنوات فهي في البلاك لست... و ماحا تمشي معانا بس عليها تدفع الشيرنغ بتاعها و باي باي
Post: #1525 Title: Re: ناس الزقازيق ... أجدع ناس (4) .. Author: جلال عثمان Date: 04-19-2011, 11:12 AM Parent: #1523
اتمنى ومن جوة "نخاشيش" القلب ان تكون العودة "السلعية" بذات الامتاع والابداع والمحظور والمحرم كما كانت العودة الابنوسية ..... منصور انت "الشديد" دا من رياض السجم دي ولا مستورد من نواحي "الفتيحاب
Quote: لكن الذي نفسى بيده فإن الذي تعاطي المحظور في هذا اليوم لم يكن المذكور جلا و انما شخص اخر ابنوسي المظهر !!!
Quote: منصور انت "الشديد" دا من رياض السجم دي ولا مستورد من نواحي "الفتيحاب
إذن ياليت هذا الرجل تعاطى المحظور و إكتفى منه هذا الرجل هو المحظور نفسة و يمشي على رجلين (إذن هو الشديدة زاتها) نواحي الفتيحاب فيها شئ آخر أتدرون ما هو؟؟؟؟ إذا أخبرتكم ستقولون علينا بتبادل المواقع!!! شيلو شديتكم دي و إتخارجو قال الرياض قال!!! غياب أبو الزوز من الصباح أظنو مشى على السلع
إذا إفتقدتم جبريل عرجو على ود عيد في دربكم بالنسبة للكمندان فهو في مأمن و طايقو رايق بس قاعد بفكر في الرحلة الما حا تتأجل دي!!!!!
اما الشديدة يا انت يا زول يا شايل (حلاة الدنيا فيك ) فهى خشم بيوت لا علاقة لها لا بزمان ولا بمكان وما عندها اى رابط , لا بحزن قديم ولا فرح جديد بتتذكر الدوش فى ملحمة سعاد مش قال وسكرت جد قالوا ليك , ناس سكرانين خلقة قايمين من النوم سكرانين ينوموا لط , يقوموا لط , يمشوا لطين , يقيفوا لط , يقعدوا لط فالشديدة جواهم , تنوم وتقوم , متى ما شافتها وحركتها (الشجون ) ماله ايقظ الشجون وقاسى وحشة الليل واستثار الخيالا هين تستخفه بسمة الطفل قوى يصارع الأجيالا حاسر الرأس عند كل جمال مستشف من كل شىء جمالا خلقت طينة الأسى فكستها نار وجدى فاصبحت صلصالا ثم صاح القضاء كونى فكانت طينة البؤس شاعرا مثالا
شاعرا مثالا قال ليك ثم ان الدوش فى ملحمة سعاد , اعتقد انو لا كان فى سعاد ولا حتى كلتوم كان فى تكثيف مشاعرى خلاق , فلو لم تكن سعاد هناك لكانت هناك , بحتمية التكاثف المشاعرى الخلاق لااعنى نسف الصورة الملهمة للشاعر , بقدر ما ازعم ان قيمتها تتضاءل امام (الأتموسفير والجو العام ) ولكنها تبقى ضرورية باعتبارها (شرارة الأنطلاق الأولى ) وسكرت جد عند الدوش , بالرغم ان العديدين يركزون على سكرت دى فان تركيزى يبقى منصبا على (جد ) دى فالعرقى بيسكر والويسكى بيوقفك لط وشديدة الفتيحاب تخليك فيل سايق ليهو جحافل من النمل او اسد حارس ليهو مجموعة ارانب ولكن الوجود فى اتموسفير شفاف , فيهو كان سعاد كان كلتوم ولا جو عام تتدفق فيه المشاعر , تدفق اللبن الحليب بين ثنايا (الجالاكسى والكون زون ) ده بيوريك السكر الجد جد البيخلى ناس موسى عيسى وجلا محتارين ياربى الزول ده (انصققع ) بى شنو ؟؟!!! سيجارتى التى صقعتنى وجعلتنى ابدو كمثال حى لى (جسمى انتحل ) كانت فى ثنايا ان لكل بيت , سيد ولكل سيد , مملوك والمعادلة تستعدل وتتوزن بى كلام زى مملوكك , اى نعم ولكنى سلطان العشاق
نور وزهور وعطور واستلم المجال بى صوت منساب بللور شبه ناس قلال وخفة روح عصفور وابداعات خيال خلت قلوبنا (طيور ) حال ارواحنا حال !!!
سلام يا اجدع ناس وسلالالالالالالالالالالالالالالالالالام مربع للابنوسى منص يا منص ما غارفة ليه كل ما اسمع كابلى بيغنى كل الجمال بتزكرك مع المطلع ده يا بتزيد البوست الق ما تغيب ولى ست بيتك الف سلام حاقول عارف كنت حاقول سيد الاسم بس مدام ما منصور اجاز التسمية دى ازا يا جلا حتمشى يعنى حتمشى
التلقائية المعاكم دى دليل الانصهار الزقازيقى
الحمد لله الزى جعلنى بعض منكم جلا قلت لى ست بيتك فى كسلا اتاريك مجهجه كدى الله يجيبا بلسلامةهى ووليداتا يا وليد انت زقازيقى وسيد بيت انت من الناس اللما يجونابس بنخت لينا طرحة فى راسنا ونجى نقعد معاك منور دايما لعادل واسرتو الف سلامة جلا الرشيرينج حيجيك بس انا ما عارفة
Post: #1530 Title: Re: ناس الزقازيق ... أجدع ناس (4) .. Author: أحمد إسماعيل Date: 04-19-2011, 03:21 PM Parent: #1529
بعد ما منصور طاف بينا في الإبداع الأدبي والخيالات الشاعرية والإمتاع الما ليه حد ، وخلانا لحظيا نتعاطف مع مصطلح سيد وست بيتي لكن بتاع المحظورات جاب مبررات منطقية وخاصة مرتبطة باللتل ومان واللتل مان لذلك بعد إذنك يابت النوبة نضع إقتراحك وإقتراح جلا في الميزان وبالمرة تكون مادة للتسويق ، كل مؤيد لأحد الإقتراحين يدلي بدلوهـ على الأقل منصور يأتينا بما لم يأتي به الأوائل.
منص.. هسي الون تو مع جلا.. كان سووه ناسك يوم الأحد كان غلبتو مليون.. بلنتي شنو البيحرقني.. نحن دايرين نجي التواني.. ياخ أنا المباراه كلها جاري سبحتي ما تغلبوا.. عشششه بت الصديق.. (دي اسأل منها الكوتش)..
موسى عيسى.. صاحبك ما براهو.. والا لقى الجو فاضي?
الشيرينج عشره ألف.. جيبوا سندويتشاتكم.. الكوتش يكون محموأ المليجي هسي..
((ست البيت..)) آلو.. آلو.. كيفك يا جيبي (حبي الليلت جلا) كويسه.. مشغوله? والله الشغل كتير الليله.. معليش.. شدي حيلك.. إنت كيف? برضو قرف من دون الأيام.. ليه في شنو? ما عندي مزاج شغل.. اليوم زاتو ما يوم شغل.. ليه? إنتي ما عارفه الليله يوم كم? يوم 12 (أبريل).. نسيتي? شنو?.. ياالله.. الليله عيد زواجنا.. كدا عارفه إنتي مغلوبه كم? كم? 10 صفر.. إن شاءالله بس مبسوط.. أحمد ربي ما بقيت مغلوب.. مصيرك تنسى.. كدي حببي العليك أول.. كل سنه وإنت طيب.. وإنتي طيبه..
Post: #1532 Title: Re: ناس الزقازيق ... أجدع ناس (4) .. Author: أحمد إسماعيل Date: 04-19-2011, 04:53 PM Parent: #1531
نور وزهور وعطور واستلم المجال بى صوت منساب بللور شبه ناس قلال وخفة روح عصفور وابداعات خيال خلت قلوبنا (طيور ) أحال ارواحنا حال !!!
و الله يا جماعة التداخل معاكم يحتاج الى عظيم مثابرة... و لكن... وما نيل المطالب بالتمني .. ولكن تؤخذ الدنيا غلابا
أبدأ من حيث انتهى حاتم جبارة... ان شاء الله يا حاتم المرة الجاية تكون النتيجة 10/1.. ولو بي قون في الدقيقة 110... كل عام انت وست بيتك بألف خير...
أخي الأكبر محمد ورث عن جدي ضيق التنفس المعروف بالأزمة... و كان يعاني كثيرا من ذلك خصوصا أيام المدرسة... عندما كنا ببابنوسة أخبر بعض الأصدقاء أبي بفائدة الدخان بتاع روث الفيل في علاج الأزمة... و قام أبوي عمل بطريقة سيد الرايحة يفتش خشم البقرة... فقام جاب لي محمد بعرة فيل (لا مؤاخذه)... البعرة الواحدة بتاعت الفيل بتعمل ليها ربع شوال سكر... أصبح محمد يستنشق من دخان بعر الفيل ده... أنا زاتي رغم اني ما كان عندي أزمة بقيت أشم معاهو... كانت البعره الواحده تكفينا شهر... لكننا بقينا نكتر من الاستنشاق فأصبحت لا تكفينا أسبوع... و يقوم أبوي يوصي لي بعرة تانية... استنشاق البعر ده خلانا لما نكبر نصبح من المدخنين... أنا غايتو اتعلمت التدخين في الجامعة.. و كنت مره أدخن نكهة انجليزية زي البنسون و غيرها... و مرات نكهة أمريكية زي المارلبورو... لكن زي نكهة بعر الفيل ده كلو كلو ما لاقاني أبدا... فيا جلا لو عندكم في الفتيحاب حاجه كده فيها نكهة بعر الفيل... عليك الله كلمني... رغم اني تركت التدخين منذ سنين عددا و الحمد لله...
جلال و موسى...أنا و جلا نشترك هذه الأيام في عدة حاجات... الا حاجه واحدة بس... و هي الشديد القوي المخليهو يهضرب ساكت الليلة... لو كمان طلع بنكهة بعر الفيل...و رسل لي شوية كمان... بنكون اشتركنا في كل حاجه...
زوبه ليك التحيات العطرات و لي ماما عزيزة كمان... عارفك زعلانه مني و ليك ألف حق... فلكي العتبى حتى ترضي...
منص...متابع و مستمتع جدا... و مداخلاتك بتقصر علي الأسبوع في السلع... الخميس و الجمعة ما بشتغل بيك الشغله... حتى لو بقيت أبو العلاء المعري زاتو...
أبو الزوز...يسأل منك الخير عثمان ياخي... بس يا أبو الزوز انت صندوق التكافل ده قروش بس... مافي تحويلات بتاعت معنويات... عليك الله لو في رسل لي شوية... أخوك مزنوق....
و يوم جديد و أبدأ من حيث إنتهى أمس الآخرون و الآخرون هو الرشيد أما الآولون فهم أنا زاتي!!!! يستفسر رش عن صندوق التكافل و يقول هل هو قروش بس... يعني ممكن تحويلات بتاعت معنويات... و لم يسأل عن البتاع داك بشئ من التفصيل يا أبو الجل حتى النكهات فهو ليس له حاجة بها الآن إذن أخانا الذي بالسلع عايز يصحى من نومو و يلقى كومو بالرغم إنو كلها 5 أيام و يعود لي عيالو حرام عليك ياخ!!!!! موسى عيسى قاعد 8 شهور ما قال عايز معنويات صندوكم دا!!!! عليه فهو لا يشبهك في شئ أبو الجل دائماً يغني أودعكم ؟؟؟أفاركم؟؟؟؟ لا لا لا ما بقدر أودع؟؟؟ أودع؟؟؟ أودع كيف؟؟؟ أفارق؟؟؟ أفارق؟؟ أفارق كيف؟؟؟؟ إذن فهو مستبعد أنا عوملت بالمثل قالت طالما أنت مرة في بورسودان و مرة في كادقلي و مرة بالدمازين أنا المرة دي في كسلا..أكل نارك براااك (باراك أوباما) إذن ليس هناك ما يجمعنا إنت ساكن الخرطوم أركويت و درست الإبتدائي في العمارات وواحد من سنار ودرس في إشلاق البوليس و التالت من الجزيرة أبا ودرس الأولية في أم جر أنا من كسلا و درست الأساس في الحامية إذن ليس هناك تشابهه إنت درست في الزراعة و واحد درس تربية و التالت درس محاسبة أنا درست علوم إقتصاد (يعني ما كلية التجارة) إذن لا مجال للإلتقاء سوى نجتمع في البتاع داك و النكهة التي تفعل مفعولها الآخرون الذين يمتنعون عليكم قراءة مداخلات منص ...وكفى
Post: #1541 Title: Re: ناس الزقازيق ... أجدع ناس (4) .. Author: منصور عبد الرازق Date: 04-20-2011, 08:18 AM Parent: #1536
التوانى ؟؟ّ!!!!!!!!! بعدنا يعنى ؟؟!!!! نتمنى ليكم والله , خاصة بعد ما نيوكاسل ادانا فرصة جديدة تانى امبارح ولكن هل يستغلها ارسنال الجن ده كل اتناشر ابريل وانت وست بيتك (نور وزهور وعطور ) يا ابو عمر احمد اسماعيل صباحك زى اللبن الحليب مفهوم السيادة والعبودية الوارد فى لفظة سيد وست بيت جماله فى كونه سيادة طوعية ومملوكية عن رضا تام كما ان (ياء الملكية ) الجاية فى لاحقا فى (بيتى ) عند كلا الطرفين فيها اشارة ساحرة فانت تقر طوعا بانك عبد (فى مملكتك ) شعور لذيذ جنس لذة فانت عبد وانت لاتدرى ولكنك عبد (كلمته مسموعة ) عند سيد (ذليل) شفت السحر وين فى تضارب المعانى الما خمج ده وحقيقة الأمر انه تضارب (لفظى فقط ) يخفى وراءه ودونه توريات بليغة من (التلاحمات المعنوية ) وتعبير بت الشيخ كمان , تعبير لطفى غير ان دلالاته تبقى (عقلية ) وتتناول مفاهيم النسب والأحترام (بتعقل واتزان ) مقابل ( الأندياح العاطفى المجنون والتلقائى ) لسيد بيتى , وست بيتى ويبقى شعورنا واحساسنا واختيارنا لأحد التركيبتين اللفظيتين مرتبطا بحالتنا ساعة الأطلاق , وبجو الأطلاق , ومزاج الأطلاق ولو تذكرنا ان البنى آدم , خليط من الحالتين ولو كنا امام (نيران الأختيار ما بينهما ) فان اجابتى النموذجية هى هذا احبه , وهذا اريده وحتى عندما تختار احدهما , تستبعد الآخر للحظة حا تلقى نفسك بتقول ليك ده حار , وده (ما بنكوى بيهو )
Post: #1538 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-20-2011, 07:38 AM Parent: #1533
صباح الخير ،،، يا وجوه الخير
أصبحنا وأصبح الملك لله وحده،،،
غبنا منكم يوم واحد لزوم كثرة المشاغل
نفسنا قام علشان نواكب من ما يظهر منصور وجلا
الكورة دي بياخدوها من الحارس ويسلموها الحارس التاني
براحة علينا شوية.
يا أبو الزوز ياحبيب لمن إنت تعمل مداخلة صباحية أنا
Post: #1543 Title: Re: ناس الزقازيق ... أجدع ناس (4) .. Author: أحمد إسماعيل Date: 04-20-2011, 08:25 AM Parent: #1539
الذي يدخن سجارة بنقو يقولوا (ركب الفيل) وحتى المشى يصطاد الفيل يزوغ منه ويطعن في ظله حتى صار مثل فما بال الذي يدخن بعرة الفيل؟ خرمتك دي يا الرشيد أخوي الليها أكثر من 30 سنة مبررة وممكن قريافك دة يستمر أكثر , الله يكون في عون الجميع
Post: #1544 Title: Re: ناس الزقازيق ... أجدع ناس (4) .. Author: محمد صديق Date: 04-20-2011, 08:32 AM Parent: #1543
(تَذْكُرون أنّ الكتاب الحادى عشر من الإلياذة قَارَن أجاكس المُقاتِل بالحيوان الذى تعجز أعنف الضّربات فى إبعاده عن حقل الحِنْطة المُستديمة .....أَعْنِى حِمار بُورِيدان الذى ينتمى حقاً إلى حظائر تأريخ الفلسفة ...حيث يقف منذ العصور الوسطى فى منتصف الطريق بين كَوْمَينِ دَانِييَن مِنْ التِّبْن الشّذِى ،يتّفِقان فى الحجم والنّوع ويَنْفق من الجوع فى النهاية)
( غونتر ديبرون)
تقود سيارتك الأنيقة فى هذا المساء الخريفى الجميل وبجانبك زوجتك الجميلة ...وبالمقعد الخلفى يجلس الصغار ...يشرئبون برؤوسهم إلى الامام ووتتطاول حتى تُلامس كتفيكما ...ثمّ تعود رؤوسهم الصغيرة إلى الخلف ،ويرتمون على المقعد الخلفى محدثين صخباً مُحبباً إليهم وإليكما....كنت تجهد أن يكون تركيزك على الطريق المجنون وأن تتحاشى السيارات المنفلتة وحيناً آخر كنت تتفاعل مع الصّخب المُحبّب ،وتُعطى الطريق نصف اهتمام وعين.... وأحيان أخرى كنت تختلس النّظر إلى زوجتك الجميلة وهى ساهمة ....كنت تتساءل فيم هى ساهمة؟؟ هل بدأت تشعر بما يحدث؟؟؟خوفك كان عظيماً ....كنت حريصاً أن يكون الأمر طىّ الكتمان ....تنتبه فجأة إلى الطريق الذى ابتعدت عنه اهتماماً وعيوناً حال داهمك خاطر أن تكون الجميلة قد بدأت فى الشعور بالأمر ...تعود إلى الطريق مع صوت إطارات سيارة لحظة احتكاكها بالأسفلت نتيجة استخدام المكابح على نحو مفاجىء...لم تكن بين سيارتك وتلك السيارة إلا أمتاراً معدودة ...انفلتّ هارباً فى الوقت الذى كان سائق السيارة يُكيل إليك الشتائم.. ترجع إلى محيطك داخل السيارة والجميلة بجانبك ساهمة كما كانت ...والصغار بالمقعد الخلفى يصخبون ...تَذْكر وانت غض كنت تمنيت هذه الصورة الجميلة ....أن تكون لك زوجة جميلة وسيارة أنيقة ...تقودها وزوجتك إلى جوارك وصغارك بالمقعد الخلفى ....كنت تضع هذه الصورة فى خانة الأمنيات صعبة التحقيق ...مجرد أمنيات ...مُحببة ...مشتهاة ...لم يكن يخطر ببالك أن هذه الأمنية يُمكن أن تتحقق....كثيراً ما كنت تضع هذه الصورة أمامك وتخاطب نفسك :هل هذا أنا بالفعل ؟؟أهذه الجميلة هى زوجتى ؟؟؟وهؤلاء الصِّغار هم أبنائى ؟؟وهذه السيارة الأنيقة ملكى ؟؟؟كنت تعلم أن الكثيرين يحسدونك على هذا الوضع ، وخاصة أؤلئك الذين يعلمون عن نشأتك وحياتك الماضية ....... هذه الصورة الجميلة ...التى لازمتك منذ أن كانت أمنية مُحببة مُشْتهاة ،إلى أن صارت حقيقة ماثلة ..ظلت على ماهى عليه إلى زمان قريب ...قبل أن يتغيّر فيها شىء ويقتحمها آخر ،لم تكنْ الجميلة ساهمة أبداً ....ولم تَكنْ هنالك أُخْرى!!كنت تتساءل دوماً لِمَ هى صارت ساهمة ...ولكنك لم تكن تتساءل لِمَ اقتحمت الأخرى الصورة ...رغم أنّك لم تتمنى أبداً أن تكون هنالك أخرى فى الصورة ....وحدها هى والصغار والسيارة وانت تقود فى هدوء ....تُحدثها همساً وتُحدثك وتشاركان الصغار صخبهم المُحبّب ...هل كنت أنت سبباً فى اقتحام الأخرى للصورة ؟؟ أم تسببت هى فى اقتحام الأخرى للصورة أحياناً ترى أن الإجابة على هذين السؤالين ليست بذات أهمية اقتحام الأخرى للصورة أصبح يُبْهج ...تَجُد نفسك مع الأخرى فى أشياء عديدة ...تُحرّك فيك مشاعر أَصَاب مفاصِلها التَّكلُس فتختفى صورة الجميلة ....وحال عودتك إلى المنزل تَرْكَبُك الهواجس ...أولها أنّ الجميلة ربما تكون على علم بكل ذلك، كنتَ ترى فى نظراتها شيئاً ما ...لاتستطيع سؤالها ولكنك كنت تفسّر مغزى النظرات ...إحساسك بالخيانة يكاد يقتلك ...وحتى الصغار كنت ترى فى نظراتهم وفى أسئلتهم المتكررة عن جدوى هذه الوظيفة التى تجعلك بعيداً عن المنزل وعنهم كل تلك الساعات ...كنت ترى خيانتك مكتوبة على جباههم ....يَرِّن هاتفك النّقال ....تطالع شاشته فترى الإسم فتسارع إلى كتم صوت الرنين ،وتتجاهل المكالمة ...تنظر إليك الجميلة ...ولا تتكلم ...تجد نفسك تحدثها عن المتصل وعن سبب الإتصال وما دعاك إلى تجاهله ....فتبتسم هى ...ولا تزيد...ينغرز فى جنبك سهمٌ من نار....يطفىء نار هذا السهم نفيرٌ لسيارة مجنونة فتعود إلى الطريق سريعاً وتمتد قدمك كالبرق إلى المكابح فتمر السيارة من أمامك وهى تُزمْجِر ....تقف هنالك لثوان معدودة وانت ترتجف ...ثم تقود سيارتك إلى جانب الطريق ....تَوقّف الصّخب المُحبب ...ووجد الخوف طريقاً إليها هى والصغار ...تتمدد على مقعدك وتغوص فى صمتٍ عظيم ...يمرّ أمامك شريط من الأحداث طويل ...كنت تعلم أن حياتك امتلأت بالأكاذيب ..وكنت تعلم أن حبل هذه الأكاذيب قصير ....وكنت تعلم أن هذا الأمر ليس من ورائه جدوى ...وتعلم أيضاً أنّ فكاكك منه ليس بالأمر السهل ... كما كنت تعلم يقيناً أن حبك للجميلة ......مقيم... وأنه أمر لا جدال فيه .... الأمر الوحيد الذى كنت لا تعلمه .......هو أنك تجلس هناك ....تجلس بينها هى والصغار ....وبين الأخرى ....تجلس على نارٍ هادئة...... ولكنها بالطبع ...ليست هى تلك النار الهادئة التى تُنْضِج الطّعام جيداً.
مثابرة شديدة و الله و تسل الروح... و الله الواحد كان ما بيعزكم ما بيجي... و جيت عشان حاجات كتيره... أولها أن أدعو لوالدة وليد عبد اللطيف بدوام الصحة و العافية... و طول العمر و السعادة و أن ينجح ليها أولادها... و لوليد بأن يصل أمه سالما غانما و يجدها متمتعة بالعافية...
تانيا..موسى عيسى.. انت قايل أي كلام بيقولو جلا بيردوا عليهو... خاصة لما يكون الهناي بنكهة الدعاش... أحسن حاجة تعملها تقفل البوست و تعمل ساتر... و تعالوا نحن زي ما قال حميد.. تعالوا بدل نبني ساتر... نخيب ظن الصدام... و نتجنب الراجل ده...
واحد قال لي شنو انت الحكاية بعر فيل و بعر تنين.. انت ما قلت قريت في العمارات و حبيت في البلاط و اتولدت في الراهبات... قلت ليهو يا أخوي ما يغرك المنظر... أخير نحن استنشقنا دخان بعر الفيل .. و بتوصية كريمة كمان..
أمبارح جيت عابر في الفيس بوك ساكت... لا قصدي شات و لا يحزنون... كمان كنت تعبان و عايز أنوم... أقوم القى ليك منى عباس قااااعده... حق الله بق الله كيفك يا منى و أخبارك.. تهضرب معاي زي السلام عليكم... و أول ما أقول ليها ليه ما شايفنك في البوست.. تقول لي الكيبورد بتاعي ما معرب.. انتظرتها تقول لي سلم على ناس البوست... و لا حياة لمن تنادي... قلت أجي أكلمكم عشان لو لاقيتوها في الفيس بوك تقتحوا ليها... أنا بقول الكلام ده ليه... ست بيتي كل مره تقول لي انت ما بتتبل في خشمك فوله... انا أصلوا تاني ما بقول قدامك حاجه.. حسه عليكم الله في فوله هنا... منى عباس دي قالت حاجه...
تاني في شنو يا ربي...في شنو... خلاص بس..
Post: #1547 Title: Re: ناس الزقازيق ... أجدع ناس (4) .. Author: منصور عبد الرازق Date: 04-20-2011, 08:49 AM Parent: #1543
تتذكروا النكتة بتاعت الكديسة الزمااااان هسى ابو الزوز يقول ليك ياتو كديسة كلكم حا تقولوا لى ياتو نكتة الا ابو الزوز ده , الوحيد الحايقول لى ياتو كديسة ؟؟؟ ده طبعا على اساس انو النكات عنده كلها واصلة بالدبل والتربل كمان نكت الكدايس براها , وبتاعت الأفيال براها , وبتاعات الأسود كمان انا بقى عاوز اذكركم بتاعت الكديسة ياتا ؟؟؟!!! لمن البرلوم الجديد العاوز يطرح نفسه , لكن ما لاقى مقدمة موضوعية المقدمات الموضوعية بتاعت (الطرح ) طبعا مرتبطة دائما بالأجواء الحالمة والشعرية لكن برلومنا داك (بتاع النكتة يعنى ) زول مباشر , وقرر يطرح نفسه , دون ان يجد مقدمة موضوعية مناسبة هو فى حقيقة الأمر ( لايجيدها ) , ولكنه مضطر يلقى ليهو مقدمة تلفت الأنتباه فكانت مقدمته شترة جنس شتارة من نوعية شايفة الكديسة ديك يا فلانة سجمى ياتا البيضاء الحلوة ديك آ آ ى مالا ؟؟؟!! شايفاها حلالالالالالاتا مالا ؟؟!! والله احقو الزول يكيسك !!!!
Post: #1546 Title: Re: ناس الزقازيق ... أجدع ناس (4) .. Author: جلال عثمان Date: 04-20-2011, 08:41 AM Parent: #1539
Quote: سوى نجتمع في البتاع داك و النكهة التي تفعل مفعولها الآخرون الذين يمتنعون عليكم قراءة مداخلات منص ...وكفى
اضحك الله سنك .... بعدين بي كرتين من الصباح دي بتوديك التوج تعرف عاوز اول حاجة ابصم بالعشرة على قرارات منصور والتى ايدتها روح القانون بت النوبة .... ودي بخليها لي عصام دهب يجي يشرحها ليك بحكم التخصص لانو لكل قانون روح ... اذن القانون كائن حي يمشى على قدمين ولمثل ما لكل قانون روح فأنا ولانو انا قانون فروح قانوني "ست بيتي" ست بيتي دي ياحبيب مرة صابرة ومحتسبة ... ربنا يقدرنا على جزاها ونعمل ليها عيد زواج ... تصور ست بيتي بعد ان تزوجنا قضينا شهر العسل (ثلاثة شهور) وبعد ذلك هي في بلد وانا في سجم رماد لمدة اربعة سنين .... اي والله العظيم اربعة عجاف لم نلتقي خلالها الا عبر الاثير مش كدة وبس مريم بتي الكبيرة دي ما شفتها الا لما عمرها كان ثلاثة سنين تلك قصة محزنة لا اريد ان اعكر مزاجك بها .... وانت تستمتع الآن بنكهة (بعرة الفيل) المهم ياحبيب ذلك جميل يطوق عنقي .. وددت ان انتهز فرصة "ست البيت" هذه لشكر ست بيتي وواحدة من طرقي الكثيرة في الشكر هي اغنية اودعكم لا لا مااااااااااااااااااااااااابقدر
اللهم رب الناس أذهب البأس .... أشفها يا شافي ....لا شفاء إلا شفائك ... شفاء لا يغادر بعده سقما ... اللهم اعطيها طولة العمر .. والدة ولدنا وليد عبداللطيف ....
Post: #1549 Title: Re: ناس الزقازيق ... أجدع ناس (4) .. Author: جلال عثمان Date: 04-20-2011, 09:14 AM Parent: #1546
Quote: خصمتكم بالرسول كان تدعوا لي امي بالصحة والعافية
ان شاء الله ياوليد ربنا يحفظها ليك ويخليها ويسعدك بيها وتلقاها طيبة وفي امن وآمان .... امش ليها ابوي ... وبل شوقك والعاقبة عندنا في المسرات ان شاء الله
Post: #1550 Title: Re: ناس الزقازيق ... أجدع ناس (4) .. Author: منصور عبد الرازق Date: 04-20-2011, 09:23 AM Parent: #1546
ده شنو يا جماعة ؟؟؟؟ زحمة نضرة وزفة الوان ؟؟!! وغيمة تغازل كل زهرة , وخيال فنان ؟؟!!! ده مش يا هو مرسال الشوق عدييييل ؟؟؟ فى الحالة دى , الزول يجيب ورقة وقلم وعلبة الوان ويبدا يرقم * نمرة واحد , بعرة الفيل دى , نحولها لى جلا للتحليل والذى منه ؟؟؟ وحارنجع ليها (اكوردنغلى ) * نمرة اتنين , ربى يا قادر ياكريم , تشفى ام وليد وتبلغها عافيتك , ولمن تبوس راسا يا وليد , اوعاك تمشى من جنبها الا تقول ليك , راضية عنك يا جنى بطنى , انت اذن لسعيد * نمرة تلاثة , الياذة محمد صديق , المتداخلة ما بين مقارنة اجاكس ما بين المقاتل العملاق , وحمار بوريدان , ثم منظر العربة المنطلقة تحمل (ست البيت الجميلة ) فى المقعد الأمامى والوليدات الحلوين , فى المقعد الخلفى , تتوه فيها المقارنة , ثم تهتدى الى الطريق , مع سيارة الرشيد المنطلقة (ذهابا وايابا) ما بين سلع السجم والرماد , وابو ظبى البيت المحروس وسيده يكوس ,وخيالات المآتة البيضاء الشايلة معاها سيف (ساهر ) الما عارف بقابلها شنو فى مخالفات ابو ظبى المرورية , وبعدين مع اسقاطات ابو الجل المليان حلاة واحساسه بالأمتنان الأتدفق قدامنا للحظة من فرط (الأمتلاء) لى ست بيته , صورة دايرة ليها واحد فوتو شوب يا من محمد فوتو شوب المعروف باسم محمد عيد , بتعذر الفوتو شوب , فان الأمر يحال الى ياسر نجيلة , وتجيهوا الأوامر كالآتى , المريخ ده ما بياكلك عيش , ومواهبك انت شخصيا اكبر منه بكتير , جازف لينا الصورة دى وجضمها ياخ , ياخى انا اللى لا شاعر ولا حاجة ده , يمين قربت احرق ليكم الأجسام البيضاء الوقفت قدام الرشيد دى وخلتو يستحمل بوارى الناس الوراهو وتلويحات اياديهم (الشاتمة وهو يتجاوزونه ) , تجى انتا تفوت فرصة زى دى , يمين لا معاكا حق ولا حاجة , يلا سيح لينا فى المحلة دى واتدفق قدامنا , فى الياذة جديدة , عليك الله ما شايف قعدة الجهال ديل فى المقعد الخلفى و(ايوبية ) مدام جلال وهى تطبق امامه مقولة ( وراء كل -------) , يمين صورة مركبة جنس تركيب , وجاتك ورا بعضها جااااااهزة , انظمها يا حبيب , فهى قصيدة تمشى رجلين , وان كانت تمشى على (اربع عجلات ) فى الياذة الكوتش الكمندان * اها اكمل ليكم موضوع كديستى ولا تجاوزها (الزمن والحال ) ؟؟؟؟؟
Quote: المهم ياحبيب ذلك جميل يطوق عنقي .. وددت ان انتهز فرصة "ست البيت" هذه لشكر ست بيتي وواحدة من طرقي الكثيرة في الشكر هي اغنية اودعكم لا لا مااااااااااااااااااااااااابقدر
ولدنا جلال ياسكر .... واحد من اولادنا الفي الرياض يوصل الكلمات الحلاوة دي لبت شيخ .... جله من حقها قراءة الكلمات الجميلة دي ... ولا اقول ليك ياجلة ... ياخي ماتقول ليها الكلام ده ... مباشرة وانت سايق العربية بطريقة ولدنا الكمندان ... كما في القصة أعلاه ...
====================================================== منص ... يارائع ... ان شاء الله دخان .. السلع ... والفتيحاب ... ريحتو ما تقيف ... وانتو راسكم .... لا يخف .... ولا قلمكم يجف ....
Post: #1553 Title: Re: ناس الزقازيق ... أجدع ناس (4) .. Author: جلال عثمان Date: 04-20-2011, 10:10 AM Parent: #1552
نجيلة ياحبيب ..... تسلم يالغالي وحاتك الحاجة دي تقراء الكلام دا تقول "سجمي انتو الراجل دا جن ولا شنو" واحدة من اكثر عيوب الرجل السوداني كتمان مشاعره تجاه من يحب او كما قيل "ست بيته" وما كديسة منصور الا شاهدا على ذلك
ودا ما بعفيك من القصيدة ... طلبات منصور اوامر ياحبيب
إذن و بالتأكيد و القطع الناشف و جازم بأنه و حسب روح القانون السائد في البوست حيث لا توجد أدنى علاقة بين بت الشيخ (التي أريد بها بقدرة قادر أن تكون ست بيتي) و الفيديو الجايبو حاتم جبارة عليه أقول كل أبريل و إنتو طيبون أما الذي يكب الرندوك بعيداً عنهافإنه يحتاج لدخاخين الفتيحاب حتى يفرغ الهوا و الهوى يا وليد الصحة و العافية للست الكبيرة ..... دنيا و آخرة أما الصالحين من أهل الزقازيق فأظنم لم يأتو بعد و براك شايف الحالة... و لكن ربما تصدق الدعوات ... أنت في السودان...مطلوب العشرة جنيها ... و رحلتنا في بحري و إنت ما معزوم (تحسباً للدخاخين الحاتكون) إذا كان و لا بد من تشجيع الأرسنال فعليه يجب الفصل بين بعر الفيل و ضاحية الفتيحاب و إذا لم تستطع من ذلك فعليك ببعر الفيل و تشجيع الأرسنال خاصة أن ضاحية الفتيحاب تموووت في اللون الأخضر و الزول الأخضر كان شفتو بخدر و اللون الأخضر ليس له مثيل إلا في الأنيق و الأنيق في كسلا و كسلا هي سيد الحسن إذن لا بد من كسلا و إن طال السفر قال السلع قال!!!!!
Post: #1558 Title: Re: ناس الزقازيق ... أجدع ناس (4) .. Author: أحمد إسماعيل Date: 04-20-2011, 02:20 PM Parent: #1557
الأخ وليد عبد اللطيف ربنا يوصلك بالسلامة ونسأل الله الشافي الكافي المعافي أن يشفي والدتك ويعافيها ويبعد عنها كل مايؤذيها ويجعلك يا وليد بارا ليها ومرضيها
Quote: خرمتك دي يا الرشيد أخوي الليها أكثر من 30 سنة مبررة وممكن قريافك دة يستمر أكثر , الله يكون في عون الجميع
أبو عمر مساك الله بالخير... أيوه و الله قريفه ليها أكتر من 30 سنه... و القريفات بقت كتيره يا أبو عمر... ثريفه لي ألمي بارد حار... ألمي من النيل قبل ما يكتروا فيهو الشب.. و يضيعوا نكهته المافي نكهة زيها... قريفه لي ملاح ضرابه... قريفة لي الكول... لحدي الأن ما لقيت حاجه فيها طعم زي طعم الحاجات دي... لا البيتزا هت و لا الكنتاكي و لا البيرجر كنغ لا ماكدونالدز و لا حتى هارديز... الحاجات دي تشوف الصور و الأسماء بتاعتها تتمناها... تاكلها تلاقيها دعاية سااااكت... أما الحاجات الأنا متقريف ليها تشوف صورها تقرف... تتذوقها تقعد متقريف ليها طول عمرك... القريفه دي حدها وين يا أبو عمر...
سلام يا اجدع ناس اولا الف سلامة لوالده وليد ويصل بلسلامة يا حاتم كل سنة وانت وست بيتك بالف خير وربتا يخلى ليكم بنياتكم يارب وووويا الرشيد بهدى ليك اغنية ثنائى العاصمة نحن البينا عامره زى ما كنا اول بس حكاويك او نو يا جلا الهضربة عندك ست بيتك دى فرقتا قاسىه بلحيل ود اسماعيل كيف حال ست بيتك صوت معانا ياخ انت يا جلال بقى ست بيتك دى تقول ليها يا ستى عدييييل كدى نجيلة اخبار ست بيتك شنو ياخ
ليكم ولى ستتات بيوتكم الف تحية وعسكرية يا كوتش كمان
لن تمحى من ذاكراتى رحلة رابغ وال الزقازيق سعيد واسرتى بكم يا شباب ....
الان تحل ذكرى صديقنا معا الراحل محمد احمد عبد الرحمن (قرفة )(العربى)(اسيوط)
دعوات الجميع مهمة له ..بالرحمة و المغفرة باذن الله - اللهم نور له قبره ووسع مدخله وآنس وحشته
- اللهم ارحم غربته وارحم شيبته
- اللهم اجعل قبره روضة من رياض الجنة . لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين
- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( المتوفي ) برحمتك يا ارحم الراحمين
هل كان اوان الموت عاديا تماما كلا ................. هل رحل؟ اب شيبة ابوقصيصة شازلى معتصم الحاج ابراهيم عنكبة ال الكارب كيف نبكيك ياصديقي ..........هل ننظر كيف نتصور حالنا بعدك كيف انتهت امالنا بالعودة ......بالقاء بالحلم ان نفرح الغلابة ....... ان نحلم بوطن بلا جراح .......كم تفاقم جرحنا ياصديقي ...ياي كلمات نبكيك باي دمع نبكيك.........وهل انت حلمنا نحن فقط؟؟؟؟؟؟؟كلا ياصديقي انا بهذا اليوم ازداد سودنا وسواد كل دنيانا يالها من مصيبة ياصديقي ..............نحن لا نحتمل ........لا نحتمل ذلك لا لا ترحل مثلك ياصديقي لن يرحل فعذائنا هذا التراث الثر من الانسانية وصدق المشاعر ونبل المقاصد وشرف المنازلة .......وعفة اللسان ياقرفة ياه ياه ............لا اعرف ولا استطيع ان اواصل علي اترك المساحة لاصدقائك ووووووووووووووووووووووووووووووياللهول المصيبة لك المغفرة ولك وانا لله وانا اليه راجعون............سوف تكون منارتنا نبراسنا واجوم ياقرفة مثلك لن يموت طالما تحمل منارة من العلم واحلام البسطاء ...........
Quote: [رحل حسن عطية ورحلت انت الان اعلم كم تحبون يوليو وزاد الان حبنا الان ليوليو كل الاصدقاء لماذا هو يوليو وقت الاذية ياصديقي انها الام يوليو .............لا اعلم سر التوقيت ايها الرفاق ..........لماذا يرحل خيارنا في يوليو ؟ لا نعلم كيف نبكيك ياقرفة لا نعلم لمن تركتنا ياصديقي ..........شوقتنا ياخي لتلك الديار ........فطوبي رك و دعنا نبكيك يا يا يا يا يا .....................................؟ِ
في وسعي أن أخمن أنك كنت هادئاً حين ضج الموت حولك بعنفه الصخّـاب. فلطالما رأيتك ملتزماً هذا الهدوء الوسيم طوال حياتك منذ أن إلتقيتك لأول مرة في ثمانينات جامعة الخرطوم وحتى إفترقت عنا مغادراً فرجينيا إلى جوبا قبل شهور قليلة. يصطخب الأصدقاء في "ساس يسوس" فتصمت خفيفاً أو فتهمس بحكمتك الوديعة لأقرب الناس إليك مجلساً. كنت رزيناً في حلمك بوطن آخر وفي حماسك لإنسان آخر وفي غضبك أيضاً. أعرف أنك رأيت في السودان ما لم تتركه خلفك، منذ أن غادرته في معية جيل كامل هزمت أحلامه أشباح القرون الأولى، فكنت تخطط لعودة لم يترك لها الموت من وشك. كنا ننتظرك، كان المكان الآمن ينتظرك، وكانت هي أيضاً تنتظرك. لما أخلفت وعدك يا محمد أحمد؟ هل أخلفت حقاً؟ إذن من هذا الذي يشد فتيلة شعره الكثيفة وهو يجلس صامتاً على أريكتي؟ فليكن الذي يكون. أعرف أنك لن تمت. فنم هادئاً وإن كنت جريحاً بالحديد الصدئ، أو مرضوضاً حتى النخاع. ستظل ماشياً "بالتي هي أحسن" في ذاكرة واسعة يتعذب بحفيظتها، وحدهم، الأصدقاء/ات الذين واللواتي لمست أرواحهم بيد من حرير.
Quote: محمد أحمد عبدالرحمن عثمان؛ العربي.... قرفة.... كاريزما البساطة
لم يكن الرجل الخارق ولا كان من المشاهير أو المبدعين في أي مجال كي يخطب الناس وده، مع ذلك كان الكل وأنا أولهم يتمنون أن -ويبذلوا المجهود كي- يتقربوا ويكونوا في دائرة قرفة (رغم أن ذلك لا يحتاج لأي مجهود!!!)... لماذا؟ هو السؤال المحير والبسيط في آن واحد شأنه في ذلك شأن قرفة نفسه!!! قرفة كاريزما البساطة... تحب أن تكون في دائرته للكل الذي هو قرفة لا لشئ بعينه ضمن صفات الشخص المعجزة للحصر.
عدد مهول من الناس عرفوا قرفة وأماكن عدة شهدت مروره، إنتظاره أو عبوره، وأحداث تعجر عن الرصد كان هو أحد أطرافها، وكان الرجل ماضيا في الإضافة لهذا الزخم بنفس الـ"قرفة" الذي مر بما قبلهم... يبدو لي أن الدنيا لم تعد تتسع لقرفة لذا فضل الذهاب... وقد يكون هذا أفضل، فدائرة معارفه ماضية في إتساع بنفس التأثير الذي تركه في الآلاف التي تكتب عنه يوميا، وأي يوم يزيد مكلوما جديدا للمكلومين أمثالنا ممن ليس لهم ذنب سوى أنهم عرفوا قرفة وتعلقوا به. "ناس زي قرفة ما ناس حياة".
لم أك على اتصال دائم به رغم أننا أمضينا ردح من الزمن سويا في ظروف يمكن لها أن تجمع الغرماء، فما بالك بالارتباط الذي نتج عن الظروف والتقارب الفكري سويا... كانت المجموعة وكان قرفة الوتد والعمود، مجرد وجوده يعطي الكل الطمأنينة والاحساس أن "الدنيا بخير". الدنيا لن تفقد الخير برحيل قرفة ولكنها ستعود إلى طبيعتها بعد أن فقدت ما كان يجعلها أفضل حتى وان كان وهما.
لم أكن أريد أن اكتب اصلا أو أتداخل لولا صديقي معاوية العبيد، سأكتب عن قرفة لا عن حزني عليه، فهو أمر يخصني وحدي، لكن فرفة "يخص" الكل
قطعا هناك اناس يتركون عبيق سيرتهم اينما كانو .. وحتما محمد احمد "قرفة" من اميزهم ... كما شهد له الجميع ... لم نقابلة ولم نختلط به ... ولكن يكفي ذكركم الطيب له يا أخ معاوية ..... وهذا يكفي لندعو له عن ظهر غيب ....
Quote: - اللهم نور له قبره ووسع مدخله وآنس وحشته
- اللهم ارحم غربته وارحم شيبته
- اللهم اجعل قبره روضة من رياض الجنة . لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين
==================== زوبا يا جميلة .... ست بيتي بتسلم عليكم كلكم ... ورسالتك وصلت ... تاني الناس البتجيب تسميات جلا... ما عندنا شغلة بيها ... هي ست بيتي ... وست بيتي ... ولكم التحية ... يا أسيادنا ... وأسياد بيوتنا ...
غايتو المداخلة دي لو ماجابت ولدنا موسي عيسي ... وشايل جوافة ابقي مااسمي سيد بيتي .....
=========================================================== طبعا مساهر عشان البرشا والريال البجيبوها لينا بعد انصاص الليالي .... بكرة الشغل بنص عين ....
منص ياخوي انت مكنتك دي مابدور إلا يوم الخميس .... واصل ياخ ماتقطع ... كيفنا ...
اولادنا منص وحاتم جبارة ... قلت اجاريكم واحضر شويه كورة اوروبية .... امس ساهرت للصباح قلت عشان احضر مباراة البرشا والريال مع انو لا ناقة لى ولا جمل في تشجيع أي منهما ... البشيل الكاس يشيل ... مافارقة
انا بشجع المريخ ... وبس والفرق السودانية او الفريق القومي السوداني ... في المنافسات الخارجية .. وكل الفرق الأفريقية في جميع المنافسات العالمية ...
يعني مامكن تعقد 120 دقيقية تشوف قون واحد بس ... ومباراة ناعمة بشكل ... بالله دكتور واحد يدخل الملعب مافي ... اللعيبة براهم بساعدو في بعض ... ويرفعوهم من الارض ... اقصد البساط والغريبة ... عربية إسعاف واحده ما عندهم .. والملعب نظيف ... والجمهور بشجع بصوت واحد ... التقول موسيقي لخلفية لفلم ... والباصلات يملسوها مليس ... من لاعب لى لاعب ..
ديل ماشافو دورينا ... او مباراة في البطولات الافريقية .. اول حاجة عربية الاسعاف دي لازم نغيير ليها العجلات كل مباراة .. من كثرة الدخول والجري في الملعب .. وكمان جزمه جديدة لكل الطاقم الطبي ... أول كل مباراة ولازم يجرو اكتر من اللعيبة ... بنعمل ليهم تمارين لياقة خاصة ... وبنختارهم حسب اللياقة البدنية وليس المؤهلات الطبية .. لانو المطلوب فقط ... التدلتك بالتلج ... وتفريغ علبة مخدر ... وأهم شرط لضيافة المباريات توفير لوري تلج .. وبوكس مخدر .. تستهلك في اللعيبة ... والباقي للجمهور عشان يفلقو بيهو بعض ...
والعجب الباصات بين اللعيبة ... لازم صوت الباص " لب " تسمعو في التلفزيون .. انت قايل ملاعبهم في اوروبا حلوة وجميلة كده ليه .. عشان الباص بتاعم بملسوهو مليس .. نحنا باصنا ... اللاعب لازم يشيل معاهو مترين نجيلة ... وأربعة "كواريك" رملة ... وإلا ... لا يعتبر باص ...
والعجيبة منطقة المرمي ... دي لازم تكون "بادوبه " و "دلجة" عشان الحارس والمهاجمين بعد المباراة ... ياخدو اجازة شهرين ...
وده كلو كوم والجملة التالية التي تظهر لك في الشاشة كل خمس دقايق كومين : نعتذر للمشاهدين عن انقطاع الصورة من المصدر .... التقول المصدر ده ماليهو علاقة بقناة البث .... أو مسؤوليتهم ...
توبه ... تاني ما مساهر واحضر دوري أوروبي ولا سجم .. خلوني في الدوري البقوم النفس ويرفع الضغط ده ....
قال بان الصالحين من اهل الزقازيق لم ياتو يا وليد ليواصلوا الدعاء لوالدتكم وها نحن قد اتينا .... اللهم اشفي والدة وليد ... واسبغ عليها ثوب العافية وربنا يكتب ليك السلامة ....
وندعو كذلك لصديقنا الراحل قرفة بالرحمة والمغفرة ... قرفة كان انسان كامل الانسانية ... من لم يعرف قرفة فقد فقد جزء من انسانيته ... كل من تعامل معه احبه ... له الرحمة والمغفرة
وقبل كل ذلك ....
صباح الخير يا وجوه الخير ....
احب ان ااتي باكراً لاقولها قبل الريس .... والي حين ميسرة
معقولة يا النضيف تعرف آسيا ربيع وتتغابى العرفة في شبكش ... بالغت لكن والله واتلومت ...
يا جلا انا علي التحية والريس عليهو الادعية ....
Post: #1576 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-21-2011, 06:54 AM Parent: #1575
صباح الخير ،،، يا و جوه الخير
أصبحنا وأصبح الملك لله وحده ،،،
صباح خاص لزهير الزناتي والحبيب جلا
سمعت عن المرحم قرفة كثيراً لقد كان إنسان
رقيق ويغوص في الإنسانية هذا الرجل كان إنسان عظيم
رحمه الله رحمة واسعة ونور قبره وجعله من أهل الجنة
ولكم طيب ذكراهو.
الأخ وليد عبد اللطيف ربنا يوصلك بالسلامة ونسأل الله الشافي الكافي المعافي أن يشفي والدتك ويعافيها ويبعد عنها كل مايؤذيها ويجعلك يا وليد بارا ليها ومرضيها
عاينو قيس بقي قدر حبوبتي ولا العجيبة موسي عيسي يمين لو لقيته مع جلا تقول ابوه ... من حفل ابو عركي البخيت ... الصورة بواسطة صديق رحمة ... منتديات كسلا الجمال
Post: #1578 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-21-2011, 07:12 AM Parent: #1577
وانت يا زهير بقيت زى عم مصطفى بتاع المكتبــــــــــــــــــــــة ....
Post: #1579 Title: Re: ناس الزقازيق ... أجدع ناس (4) .. Author: أحمد إسماعيل Date: 04-21-2011, 07:47 AM Parent: #1574
سلامات ومرحب بالأخ الزقازيقابي معاوية عبيد الصايم اللهم أغفر للأخ محمد أحمد (قرفة) وأرحمه وعافه وأعف عته وأكرم نزله ووسع مدخله ونقه من الذنوب والخطايا كما ينقى الثوب الأبيض من الدنس ، وأبدله دارا خيرا من داره وأدخله الجنة وأعذه من عذاب القبر ومن عذاب النار. ونسألك اللهم أن تغفر لحينا وميتنا ، من أحييته منا فأحيه على الإسلام ، ومن توفيته منا فتوفه على الإيمان
Post: #1580 Title: Re: ناس الزقازيق ... أجدع ناس (4) .. Author: منصور عبد الرازق Date: 04-21-2011, 09:02 AM Parent: #1579
كديستى ما عجبتكم ولا شنو ؟؟؟ نادوا لينا شبوكش ده يدينا مقدمات موضوعية ان شاء الله يحكى لينا نكتة الكديسة تاااانى ربنا يرحم قرفة يا معاوية الصائم , ويديم وفاكم لى ذكراه طالما مافى زول هببوا لى كديستى فان شبوكش ما قصر , استخدمها استخدام عملى مباشر وادانى الحق -طالما مافى زول سألنى - اسال نفسى براى واجاوب خاصة وانوصورة ابو الزوز وقيس وموسى عيسى , ادتنى مقدمة موضوعية عملية من قلب الحدث تتذكروا لمن حكيت ليكم مشيتى لى حفلة ابو عركى , المتصورين فيها العجائز الفوق ديل ما عجائز كيفن عاد , اذا اصغر واحد فيهم اللى هو مجد زهير الزناتى بقى اكبر من عبد الدائم النضيف تتذكروا لمن سقت ايثار منصور بالغصب لى حفلة ابو عركى ايوا !!!لمن رفعت ضغطى وقالت لى ابو عركى ده منو ؟؟وقربت تقول لى ابو عركى بتاع فانيلتك !!! اها ايثار مشت معاى الحفلة بينى وبينكم , ولو تتذكروا , انا اليوم داك كنت مشغول اشد الأنشغالات زاتو ومشيت الحفلة بغرض مقابلة زهير واسرته , او بالأحرى مقابلة اسرة زهير وانا راكب العربية ماشى اغشى ناس زهير فى بيت ناس حاج الركز وعفاف (انتو الجماعة ديل وينهم ) ؟؟؟ هوجست بى الهواجس وانا داخل فى تحدى مع ايثار بأن اندمها على كلمتها القالتها عن عركى ولما كنت طولت جدا جدا ما حضرت لى حفلة لايف للزول الرائع ده , وهو المقاطع لأجهزة الأعلام منذ سنين طويلة دخلتنى خوفة بينى وبينكم , من انو السنوات تكون عملت عملتا مع عركى وصوته خاصة وانا اعرف ان امكانيات الأوركسترا واجهزة الصوت المصاحبة لن تكون قادرة على اخفاء اى عيب لو كان موجودا قربت اقول ليها خلاص امشى الأستراحة مع اخوانك خفت انو ناس تامر حسنى وعمرو دياب , يكسبوا معركة غير متكافئة على وجدانيات ماى سمول لفلى ليدى حمدت الله لمن ايثار قعدت جنب ناس عفاف وابتهاج بعيد منى فى الحفلة جو الحفلة كان رائع جدا , وفى زى الأجواء دى , زى ما بيكون النجاح رائع , السقوط والفشل كمان بيكون (رائع ) لكن من قولة تيت , تبددت كل مخاوفى وقعدت اتاوق للمقاعد الجنب ناس ايثار وابتهاج وعفاف , عشان اقعد جنبها البت دى , ذوقها عالى , لكن اعتقد انها محتاجة لى شوية ايضاحات وشرح ابو عركى اتدفق لينا فى المسرح ده جنس ابداع , التقول كان مقرش والمزاج العالى لعركى والمكان , زادوا صوته عنفوانا والقا وقوة اها من اليوم داك , ايثار ترجع من المدرسة , تستلف الايبود بتاعى ( يا النضيف ) البت غير ابو عركى بقى ما عندها واحشنى دى بالذات , والعجب لمن عرفت انو شاعرتها زوجته دكتورة عفاف الصادق ما عاوز اقول ليكم انو ابو عركى صحح مزاج بتى الوجدانى لكنه على الأقل , فتح عيونها على مكامن ابداع كانت عندها مقفولة على الأقل اها , كديستى كيف معاكم ؟؟؟؟
Post: #1581 Title: Re: ناس الزقازيق ... أجدع ناس (4) .. Author: منصور عبد الرازق Date: 04-21-2011, 09:17 AM Parent: #1580
لاشك ان برشلونة خاصة فى السنتين الأخيرتين حمل لواء كرة القدم المختلفة فى العالم اصبح فريقا من كوكب آخر كما يقولون الفرق بين كورته وكورة اى فريق آخر فى العالم , كبير جدا وارتفاع مستوى برشلونة , اسهم فى انخفاض مستوى الدورى الأسبانى وانا اعنى ما اقول فالدورى الأسبانى , خاصة فى السنتين الأخيرتين , بيجى من ناحية مستوى التنافس بعد الأنجليزى والأيطالى حتى وذلك بسبب المسافة الكبير ة بين برشلونة وباقى الفرق وعشان الكلام يتفهم فى مساره يا ياسر نجيلة اظن لو برشلونة كان فى دورى آخر , برضو حا يتسبب فى انخفاض مستواه (ولمن اقول مستواه اعنى بذلك مستوى ودرجة التنافس ) ورغم ان مستور ريال مدريد , ارتفع وتطور حتى فى السنتين السابقتين لتولى مورينيو تدريبهم الا ان المستوى بينه وبين برشلونة ,يبقى بعيدا عن المقارنة الموضوعية , وهذا قدم اسهاما اضافيا فى تدنى مستوى الدورى الأسبانى فالفرق فى المستوى بين البرشا والريال كبير وبين الريال وباقى الفرق برضو كبير فما بالك فى فرق المستوى بين البرشا وباقى الفرق الدور الأسبانى -بقى زى الدورى المن تلاتة مستويات - اواصل بعد قليل
Post: #1582 Title: Re: ناس الزقازيق ... أجدع ناس (4) .. Author: منصور عبد الرازق Date: 04-21-2011, 09:31 AM Parent: #1581
وعلى العكس من ذلك فأن الدورى الأنجليزى مثلا اقوى دورى فى العالم من ناحية منافسة على الرغم من انه لايوجد ولا فريق واحد مستواه مقارب حتى للبرشا ولكن فيه عشرة فرق على الأقل (من اصل عشرين ) درجة التنافس بينهم عالية جدا , ومستوياتهم جد متقاربة اضف الى ذلك , الى انه اكثر دورى فيه ديربيات ومباريات تنافسية تقليدية امبارح مثلا , فى الوقت الذى حرص فيه كل العالم على مباراة البرشا والريال كنت انا اشد حرصا -قبل البرشا والريال - على مباراة ارسنال وتوتنهام فهى بالأضافة الى انها ديربى تقليدى لشمال لندن فهى مهمة جدا لترتيب الفريقين , وان كانت الأهمية لأغراض مختلفة ارسنال للمنافسة على الصدارة , وتوتنهام للمنافسة على المقعد الرابع للمنافسات الأوربية ارسنال وتوتنهام بدت التاسعة وخمسة واربعين دقيقة بتوقيت السعودية بينما بدأت برشلونة وريال مدريد فى العاشرة والنصف لمن الشوط الأول بتاع ارسنال وتوتنهام انتهى , كانت نتيجته 3-2 لمصلحة ارسنال ومن النتيجة بتعرف شكل المباراة كان كيف شفت لى خمستاشر دقيقة من كورة الريال والبرشا فى فترة الراحة بين شوطى مباراة ارسنال من المرات القليلة التى نتفق فيها انا واحمد ولدى على ضرورة مشاهدة كورة ارسنال وتوتنتهام كاملة وعدم الرجوع لكورة الريال والبرشا , الا بعد انتهاء كورة ارسنال توتنهام كورة ارسنال وتوتنهام الأنتهت بالتعادل 3-3 , لن استطيع وصفها لكم ابدا متعة كرة القدم زى ما الله خلقها (التنافس والأثارة ) هما عاملى كرة القدم الأهم والأكثر جمالا وكل لحظة من مبارة ارسنال وتوتنهام , كانت مليانة بالتنافس والأثارة والجمال اواصل بعد شوية
بمناسبة كديستك دي أنا شخصياً مجليها قد أتفق معاك في أبوعركي ...و بس أي حاجة تاني ما عندي معاك شريعة و لآنك مشيت حفلة أبوعركي مش عشان ناس أسرة زهير أو مقابلة الصلع و الكروشك الكبيرة بتاعت أصحابي إنت مشيت و أصريت تمشي عشان تقنع الأسمول ليدي عشان تقول ليها تامر حسني بتاع فنلتك واحدة بي واحدة و البادي أظلم (إنتو مش في واحد إسمو البادي نوَّر) بالله فكنا من الأرسنال و شوف حاجة تانية قال منافس شرس!!! قدر ما تجيب سيرتو يا مغلوب يا متعادل مداخلاتك بالله زي الدرب لي زول ماسكاهو حمى أم برد و فاقد سوائل عليك الله حبة حبة إتخيل عندنا ملاريا و ملاريتنا ما بتطلع إلا بالكينين بالدرب و الكينين نقطة نقطة إنت مش الليلة إجازة...شوف بمتطلبات بت الشيخ و ما تكلها حنك ...و تقول ليها ست بيتي و الذي منو بالمناسبة الغالب منو في مباراة برشلونة و مدريد؟؟؟ كنت داير أسأل الجنينة نجيلة لكن أظنو نايم
Post: #1584 Title: Re: ناس الزقازيق ... أجدع ناس (4) .. Author: منصور عبد الرازق Date: 04-21-2011, 10:16 AM Parent: #1582
انا اتفهم ان يلعب مورينهو بالطريقة الوحيدة التى من المحتمل ان تجلب لفريقه الفوز فزى ما قلت ليكم , برشلونة فريق لا يمكن ان تجاريه الا بتكتيك مضاد والتكتيك المضاد الذى يعادل مهارات لا عبى البرشا هو القوة ومحاولة حرمانهم من الكرة والتصرف فيها وذلك بتضييق المساحات حاول ارسن فينجر اتباع هذا التكتيك , وفشل فشلا ذريعا لأن لاعبى ارسنال , هم من طينة مقاربة للاعبى برشلونة او عشان اكون دقيق , ليس لديهم من القوة ومحاولات تضييق المساحات شىء برشلونة فريق يستحوذ على الكورة فى اى مباراة بمعدل لا يقل عن خمسة وستين بالمئة وميزته الجديدة مع جارديولا , هى استعادة الكرة بسرعة خرافية لأن عنده لاعبين من القلائل فى العالم الذين يجمعون بين المهارة والقوة زى بوسكتس وبيدرو وانيستا وشافى (لاحظوا انا لسا ما جبت سيرة ميسى ) اى تكتيك لفريق يقابل البرشا , لا بد ان يعتمد على كسر شوكة امتلاك هذا الرباعى للكرة وعدم اعطاءهم لامساحة ولا زمن للتصرف فى الكورة (الحا يستحوذوا عليها كان بى رضاك ولا غصبا عنك ) مورينهو يعرف ذلك جيدا وجربه ضد برشلونة بأستخدام خامات لاعبين فى وسط الميدان بيعرفها براه فعل ذلك ضد البرشا مع تشيلسى ومع انترميلان كانت كلمة سره مع تشيلسى اسيان ودروغبا ومع الأنتر ناس صامويل والزول البيلبس قناع داك المرة دى , بعد ما وعى درس الخمسة فى الكامب نو جاهم بسلاح جديد اسمه بيبى بيبوظ الكورة ويشوتها فى اى اتجاه , حتى ولو كان قائم مرمى البرشا اليمين ثم تصل الكرات الطويلة باقل عدد من التمريرات واللمسات , للمهاجم الأوحد دروغبا مرة , ايتو ولا مليتو مرة , رونالدو ولا اديبايور مرة وظووووط قون , وانتهت الحكاية كورة لا جميلة ولا شافت الجمال , بس بتنجز المطلوب وبترجع للمبارة نكهة المنافسة والأثارة , حتى ولو كانت بنزع جماليات كرة القدم ارسنال وتوتنهام متعونا بالأثارة والمنافسة والجمال , بس خسر كل منهما نقطتين كلام زى ده عند مورينهو مافى بس طالما كسب بى طريقته دى اكتر من كاس ومن قدام برشلونة كمان فما علينا الا نحترمه ونحترم طريقته
نجيله يا رهييييب.. عليك بالدوري الإنجليزي كما أوصى منصور.. عشان تحس كأنك بتحضر مباراه المريخ..
ياسلام على البت العسل إيثار البقت بتتدمر في أبوعركي.. إنتو أبو عركي دا إسم فني والا حركي والا شنو? هسي في زول يسمي ولدو أبوعركي? والله السودان دا فيهو جنس محن..
أما الكديسه فلا دخل لها بنا.. لأنو الكلام بيذكرنا الشواكيش.. ولو بدينا في الإتجاه دا إلا تقوموا جارين.. إنتو جبريلا وينو?
يا صاحبه التمائم.. أين أنتي? أما أبوالجيفارات.. فقد قنعنا منو..
جهجهتني يا حاتم... فتشت الموبايل بتاعي ما لقيت تلفون من أمريكا... و لا حتى من الدومنيكان...امكن تكون في اجازة... فتشت الايميل بتاعي ما لقيت حاجه... سألتهم يا جماعة سمعتوا جرس الباب ده دقه... امكن تكون جاي دبي عمره...عمرة جيب طبعا.. مافي زول سمع حاجه... قلت حاتم ده بكون مكشوف عنه الحجاب... من أمريكا عرف اني نايم العصر... تنجدني و تفزعني يا شيخي الدومنيكاني...
لكن بعد ما حكيت راسي حك... عرفت انك كنت بي هناك... فلان الفلاني...
لم يفوتني ما كتب منص عن العبقري مورينيو.. بس قلت أستنى نجيله يصحى.. أتفق فيما كتب عن بيبي ووضعه في المباراه لكي يفسد وسط الملعب عن البارسا.. أما عن خطه اللعب فهناك تغييرين أساسيين قام بهما العبقري مورينيو في إختلاف عن مباراتهم السابقه.. أولا.. إستبدل بنزيمه بالالماني بأوزيل.. هذا التغيير كان له أثر كبير في وسط الملعب.. فأوزيل حركته أكثر من بنزيمه.. وكان له تأثير كبير في كسر حلقه الوصل بين دفاع البارسا وخط وسطه مما أدى لقله فاعليه أنيستا وزافي وبالاخص بوسكت.. خاصه في الشوط الأول.. ثانيا. وكما قال منص.. إعتمد على الكرات الطويله الا أن الغرض منها لم يكن الهجمات المرتده فحسب.. فهناك قصد آخر هو التقليل من فاعليه البارسا في الضغط على الخصوم لكسب الكره سريعا في النصف الخاص بالخصم.. فكأن مورينيو يقول لهم.. إذا أردتم الكره فلتبدئوا من خط دفاعكم وليس من وسط الملعب أو النصف الهجومي.. وبوجود أوتزيل وبيبي وخضيره.. نجح تماما في عزل خط دفاع البارسا عن وسطه وكان ذلك واضحا تماما.. وهكذا كان لهذين العاملين أكبر الأثر في فوز الريال بالكأس.. كان هناك عوامل أخرى منها تألق الأرجنتيني دي ماريا في الدورين الدفاعي والهجومي.. وأيضا في اعتقادي أن جوارديولا أخطأ في الزج بكارلوس بيول في المباراه الأولى قبل إكتمال شفاؤه مما أدى لإصابته.. وقد أفتقد البارسا روحه القتاليه وقيادته في الملعب..
Quote: فتشت الموبايل بتاعي ما لقيت تلفون من أمريكا...
ياخ معقول.. ضربت ليك بكرت حوالي 4 أو 4 ونص.. نومك تقيل..
Post: #1592 Title: Re: ناس الزقازيق ... أجدع ناس (4) .. Author: مبارك جادين Date: 04-23-2011, 00:04 AM Parent: #1591
اللهم ارحم قرفة رحمة واسعة والهمنا واصدقائه ومنهم معاوية عبيد الصائم عنكبة والشاذلي وعبد الباقي مختار وكثيرين يضيق الحيز عن ذكرهم جميعا
قبل رحيله بفترة كنت معاه في جوبا وكان في ضيوف اصر ان نتناول الغداء في مطعم رشحه هو ودفع الحساب حالفا كعادته لم استطيع دخول هذا المطعم مرة اخرى بعد وفاة قرفة رحمه الله كان شخصا ينطبق عليه وصف الشخص الذي تلقاه لاول مرة لكن يجيك احساس انك تعرفه منذ مدة طويلة بساطة وتلقائية وكرم حاتمي لكن هي الدنيا يفوت قرفة ويظلوا اخريين ظللنا ندعو الله منذ عشرين عاما وسنتين خلون ان يغادروا لعل الله يستجيب لنا امبن اميين امييييييييييييييييييييييييييييييييييين
الدعوة لكل ناس الزقازيق ..... العقد بمسجد سيدة سنهوري يوم 29 ابريل الجاري - الغداء بمنزل اسرة العروس - الرياض = شارع المشتل - العايز يبارك للعريس تلفونه 00249915425626 - وبرضو للعايز الوصف او تلفون الكوتش محمد صديق المرشح يكون وزير العريس ...طبعاً لو خالدة وافقت .... الحفل مساء بمجموعة كبيرة من الفنانين - لا تقل عن السبعة من فناني الدرجة الاولي - ده الزواج التاني .... الاول لم ينجح لعدم تطابق الرؤي والافكار .... يا ناس مافي داعي تحكوا الحاجات كده ... طبعا ما عقبالكم عقبال الوليدات ..
قلنا الخميس والجمعة بنات الشيخ وفي رواية زوبا ومنصور ستات بيوتكم بيهرشوكم ....
السبت مالكم ...
حاتم جبارة عليك الله ونسنا ... مشتاقين لونستك اللذيذة ... ياخي كدي احكي لينا عن البيلم الدومنيكات مع السودان شنو ... ثقافتين مختلفتين ... تماماً ... الجغرافية مختلفة .. التاريخ بعيد من بعضه اللغة الام ما واحدة ... آي يجمعكم الانجليزي كلغة وامريكا كوطن ثاني ... بس ياخي اكيد في مفارقات والمسالة عشان ما تنجح محتاجة لكتير من التنازلات المشتركة ... والبحث عن الارضية الواحدة البتجمع الانسان بشكله المجرد ... تجربة فعلا تشكل تحدي .... كبير ... ياخي ما تحكي لينا وتونسنا ... وكمان ما تنسي المفارقات الناتجة عن هذا الاختلاف ... اللي اكيد بيولد محبة زايدة ....
تعازينا القلبية لنجاة ميرغني في وفاة والدتها جعل الله قبرها روضة من رياض الجنة
قبل دقايق زارني بالبيت العريس صلاح الامين والكوتش الكمندان محمد صديق العريس عريس السرور ويستاهل الواحد يضبح ليهو ولان شبكش رجل غير عادي فقد جاء يحمل كعادته كتاب هدية من قاهرة المعز من مكتبة مدبولي ميدان طلعت حرب العريس مثقف شاب لذلك لا ينسانا من مثل هذه هدايا
الكتاب لصنع الله ابراهيم رواية في 215 من القطع المتوسط وعنوانها الجليد شكراابو سامر وانشاءالله بيت مال وعيال عاتبني صديقي محمد صديق لعدم تعليقي على القصة الاخيرة التي كتبها هنا وفي مربع الرشيد اتمنى ان اقراها ولي عودة
Post: #1603 Title: Re: ناس الزقازيق ... أجدع ناس (4) .. Author: أحمد إسماعيل Date: 04-23-2011, 05:51 PM Parent: #1602
Quote: هل بدأت تشعر بما يحدث؟؟؟خوفك كان عظيماً ....كنت حريصاً أن يكون الأمر طىّ الكتمان ....تنتبه فجأة إلى الطريق الذى ابتعدت عنه اهتماماً وعيوناً حال داهمك خاطر أن تكون الجميلة قد بدأت فى الشعور بالأمر
تعليقي ياكوتش بمثلين من دارفور 1- ما أي نقعة لقيتي تطردي حصانك 2- العندو بخور بنشم
اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار . اللـهـم عاملها بما انت اهله ولا تعاملها بما هي اهله . اللـهـم اجزها عن الاحسان إحسانا وعن الأساءة عفواً وغفراناً. اللـهـم إن كانت محسنةً فزد من حسناتها , وإن كان مسيئةً فتجاوز عن سيئاتها . اللـهـم ادخلها الجنة من غير مناقشة حساب ولا سابقة عذاب . اللـهـم اّنسها في وحدتها وفي وحشتها وفي غربتها. اللـهـم انزلها منزلاً مباركا وانت خير المنزلين . اللـهـم انزلاه منازل الصديقين والشهداء والصالحين وحسن اولئك رفيقا . اللـهـم اجعل قبرها روضة من رياض الجنة ,ولا تجعله حفرة من حفر النار . اللـهـم افسح لها في قبرها مد بصرها وافرش قبرها من فراش الجنة . اللـهـم اعذها من عذاب القبر ,وجاف ِالارض عن جنبيها . اللـهـم املأ قبرها بالرضا والنور والفسحة والسرور. اللـهـم إناه فى ذمتك وحبل جوارك فقها فتنة الفبر وعذاب النار , وانت أهل الوفاء والحق فاغفر لها وارحمها انك انت الغفور الرحيم. اللـهـم انها عبدتك وابن عبدك خرجت من الدنيا وسعتها ومحبوبيها وأحبائها إلي ظلمة القبر وماهو لاقته . اللـهـم انها كانت تشهد أنك لا إله الا انت وأن محمداً عبدك ورسولك وانت اعلم بها. اللهم ثبتها عند السؤال اللهم انا نتوسل بك اليك ونقسم بك عليك ان ترحمها ولا تعذبها . اللـهـم انها نَزَلت بك وأنت خير منزول به واصبحت فقيرة الي رحمتك وأنت غني عن عذابها . اللـهـم اّتها برحمتك ورضاك وقه فتنه القبر وعذابه و أّتها برحمتك الامن من عذابك حتي تبعثها إلي جنتك يا ارحم الراحمين.
احسن الله عزاءكم في فقدكم الجلل اخي محمد و الاسرة الكريمة.
صادق العزاء للاخت نجاة و خالد و اسامة وياسر بالرياض هاتف
نجاة 00249928213078
ياسر 0564353622
Post: #1608 Title: Re: ناس الزقازيق ... أجدع ناس (4) .. Author: منصور عبد الرازق Date: 04-24-2011, 07:42 AM Parent: #1607
التعازى القلبية الصادقة للزميلة نجاة ميرغنى فى وفاة والدتها وموسى عيسى البركة فيكم ووصل تعازينا للأسرة بالأنابة تهانينا لى شبوكش بالزواج ربنا يجمعكم , مع ست بيتك التى اخترت , فى بيت السعادة والتفاهم قبل ما تعرس يا شبوكش , تلفونك ما بيرد بعد يوم تسعة وعشرين , يا ربى فى امل ؟؟؟
Post: #1609 Title: Re: ناس الزقازيق ... أجدع ناس (4) .. Author: جلال عثمان Date: 04-24-2011, 07:46 AM Parent: #1607
رحم الله الوالدة حواء ونسأله سبحانه ان يغفر لها ويرحمها ويحسن قبولها ويجعلها في جناته العلى مع الصديقين والشهداء .... خالص التعازي للاخت نجاة ميرغني وكل افراد الاسرة انا لله وانا اليه راجعون البركة فيكم وفي زريتها اخي موسى ...
ازيكميا اجدع ناس تعازينا للاخت نجاة ميرغنى والاسرة للفقيدة الرحمة اللهم ارحم قرفة واسكنه مع الصدقين والشهداء الموت حق لكن زى ما بيقولو ما بتوالف قبل اسبوع اتوفى د. حاتم عوض بلسعودية فى ابها فى نفس اليوم المفروض يصل فيهو السودان للحاق باسرتو وحاتم ده متزوج د. نهلة ابوبكر خالد جارتنا وصديقتنا امكن ناس القصيم يكونو بيعرفوهم اب لى 3 اطفال اكبرهم 5سنوات واصغرهم شهرين ما عندو سبب غير انه نام وما قام ازعجتكم بلتفاصيل بس صدقونى متالمة جدا للاسرة دى وللشاب الخلوق حاتم اللهم ارحمة واغفر له يا رب
باع جورج هارشين من جنوب افريقيا مزرعته الى شركة تنقيب بعشرة جنيهات على انها غير صالحة للزراعة وحين شرعت الشركة لاستغلالها اكتشفت وجوووود اكبر منجم للذهب على الاطلاق واصبحت الشركة مسؤولة عن 70%من انتاااج الذهب في العالم.
في احدى ليالي عام 1696م اوى الخباز البريطاني جوفينز الى فراشة لكنه نسي اطفاء شعلة صغيرة بقيت في فرنه وقد ادى هذا الخطا الى اشتعال منزله ثم منازل جيرانه ثم الحارات المجاورة الى ان احترقت نصف لندن ومات الالاف من سكانها فيما يسمى بالحريق الكبير ولكن جوفينز نفسه لم يصب بأذى.
في عام 1347م دخلت بعض الفئران الى ثلاث سفن ايطالية كانت راسية على سواحل الصين وحين وصلت هذه السفن الى ميناء مسينا الايطالي خرجت الفئران ونشرت الطاعون في المدينة ثم في كامل ايطاليا وكان الطاعون قد قضى على نصف سكان الصين في ذالك الوقت ثم ايطاليا ثم انتقل ليشمل بلدان اوربا جميعها فقتل ثلث سكانها خلال عشرة سنوات****** يا ساااااتر
وهذه أخطاء عن بعض اكبر الأخطاء في عالمنا الإسلامي:
تذكر بعض المصادر ان بريطانيا اختلفت مع البابا وكانت بريطانيا كا ثو ليكيه - وكرد انتقامي - حرم البابا زواج البرياطانيين الامر الذي اوقع الملك في حرج مع شعبه وللخروج من هذا المأزق طلب من حكام دول الطوائف في الاندلس ارسال بعض المشايخ حتى تتحول بريطانيا الى دولة مسلمة ولكن اخواننا تقاعسوا عن الذهااااب وارسال المشايخ حتى وصل الخبر للبابا فرفع التحريم واصلح الخطا ***** تخيلو اخواني بريطانيا التي لا تغيب عنها الشمس مسلمه!!
وكانت فرصة مشابهة قد سنحت للمسلمين في معركة بلاط الشهداء قرب بواتيه في فرنسا ففي هذه المعركة كرر المسلمون نفس الخطا الذي وقع في معركة احد وتراجعوا لحماية غنائمهم من جيش شارلمان فتوقف الزحف.
من كتاب اكبر الاخطاء في التاريخ للمؤلف البريطاني نايجل بلندن
Post: #1618 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-25-2011, 09:17 AM Parent: #1615
صباح الخير ،،، يا وجوه الخير
دعاء ومناجاه لجميع الأحباب :-
إلهي ! أنت المحسن وأنا الُسئ ومن شأت المحسن إتمامً إحسانه ومن شأن المسئ الأعتراف بعدوانه
إلهي ! يا من أمهل وماأهمل وستر حتى كأنه غفر أنت الغني وأنا الفقير وأنت العزيزُ وأنا الحقير
Post: #1619 Title: Re: ناس الزقازيق ... أجدع ناس (4) .. Author: منصور عبد الرازق Date: 04-25-2011, 09:57 AM Parent: #1618
اللهم ارحم دكتور حاتم وصبر عائلته واسرته اما ارسنال , فوجع لى قلبى عدييييل والله يا حاتم لكن صدقنى , رغم النقد الكتير الممكن نوجهه للأعبين وارسين فينجر فان , 20فى المية بس من التوفيق اللاقيهو مانشستر لو لقيناهو نحنا فمافى فريق اجدر مننا بالبطولة الأنجليزية وعدم التوفيق امبارح , ما ارسنال براهو ومعاهو ابو الهل كمان ياخى ابت تدخل عدييييل والحكمين امبارح ناسين كروتهم فى البيت نعمل شنو ؟؟؟ الله غالب
امتحانات الأساس كيف يا ابو الزوز واحمد اسماعيل ؟؟؟
Post: #1620 Title: Re: ناس الزقازيق ... أجدع ناس (4) .. Author: منصور عبد الرازق Date: 04-25-2011, 10:07 AM Parent: #1619
نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز وذلك بألتصال التلفونى عليه اخو نملوز الكبير ,ستجرى له عملية نقل كلى قريبا اذ ابتلاه الله بفشل كلوى مزمن مازال عمر واخوته فى مراحل الفحوصات , لتحديد هوية المتبرع من بينهم ومن الجائز جدا ان يكون المتبرع عمر نفسه فى كل الأحوال نتمنى لعمر واخوه وكل افراد اسرته بلوغ الصحة والعافية باذن الله عند تحديد المتبرع , واكتمال الترتيبات فان الأحتمال الكبير , ان تتم العملية فى دوحة قطر يلا يا زقازيقاب قطر , انكربوا وانتو ما بتتوصوا ويلا يا زقازيقاب كل الدنيا , اردموا الزول ده محادثات هاتفية وارفعوا من معنوياته واتلمسوا احتياجاته , المعنوية قبل المادية يا حلوين وكونوا مستعدين دوما انتو مافى زول قادر يصحى ابو بكر حامد ده ولا شنو ؟؟؟
Post: #1621 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-25-2011, 10:21 AM Parent: #1620
الف الف مبروك ميار الزناتى خامسة ولاية الخرطوم
والف مليون مبروك ضحى احمد اسماعيل واريج حسن النتيجة مشرفة وترفع الرأس
مبروك ميار ومبروك يا ضحى احمد اسماعيل ومبروك لاريج حسن عقبال البقية يا رب
Post: #1623 Title: Re: ناس الزقازيق ... أجدع ناس (4) .. Author: جلال عثمان Date: 04-25-2011, 11:04 AM Parent: #1620
Quote: نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز
تسلم يامنص .... وقلوبنا مع الولد الراقي نملوز ودعواتنا ان يمن الله بالشفاء على اخوهو وان شاء الله تنجح العملية انا بالذات توقع منى تلفون "يوماتي" ياعمر .... فقد مررت بنفس التجربة حيث تمت زراعة كلى لاخي الاصغر "سيد" وبعد الفحوصات والذي منه ... تم اختيار اختي الصغري وقد كان عمرها حينها 20 سنة و"لفقت" كليتها من كل النواحي وقد تم اجراء العملية لهما بمستشفى الملك فيصل التخصصي بالرياض في 25/05/2005 ... ولو ان الأمور كانت مثل السابق لنصحتكم بإجراء العملية بها ... ولكن يقيني ان العملية يمكن ان تتم وبنفس الكفاءة بل واحسن بكثير في قطر حيث تتوفر كل الامكانيات في "مدينة حمد الطبية" ولي تجربة هناك ايضاً .... المهم ياحبيب الشاب والشابة ديل في اتم صحة وعافية .... دعواتي لهم ولاخوك بدوام الصحة والعافية ...
Post: #1626 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-25-2011, 11:21 AM Parent: #1623
Quote: نرجو من جميع الزقازيقاب الوقوف معنويا مع اخونا وزميلنا وحبيبنا رفيق البوست (المعتزل اعتزال مؤقت ) عمر نملوز وذلك بألتصال التلفونى عليه اخو نملوز الكبير ,ستجرى له عملية نقل كلى قريبا اذ ابتلاه الله بفشل كلوى مزمن مازال عمر واخوته فى مراحل الفحوصات , لتحديد هوية المتبرع من بينهم ومن الجائز جدا ان يكون المتبرع عمر نفسه
بإذن الله الجميع سوف يكونوا على قدر المسؤولية
وربنا يتمم العملية بخير ونجاح ,,,,,
Post: #1627 Title: Re: ناس الزقازيق ... أجدع ناس (4) .. Author: جلال عثمان Date: 04-25-2011, 11:22 AM Parent: #1623
ياسلام ياخ .... النجاح طعموا لذيذ ورائع .... والشابات المتفوقات ديل ربنا يوفقهم ان شاء الله ونشوفن في اعلى المراتب
ومن ثم الا ان نلقى كل واحدة ونديها هديتها تقبلوا خالص امنيات عمكن جلال
الف الف مبروك ميار الزناتى خامسة ولاية الخرطوم والف مليون مبروك ضحى احمد اسماعيل الف مليون مبروك اريج حسن
يا محمد عيد ما تكتح ياخي.... طبعا يا حماده لا يخفى على فطنتك اني زول متلقي حجج... زول قاعد براهو و منتظر ليهو أي واحد يجي بالليل عشان ينضم معاهو... شاغلتك من كم يوم كده في الفيس بوك...لكن فتحت لي... مشتاقين...
يا حماده تجنب أبو الزوز و جلا في الفيس بوك فانهم يودون الى التهلكة... يدردقوك و بعدين يتغابو فيك العرفه... أنا بالنهار مثلي مثلك تمنعني مشغوليات و سرعة النت من الدخول المحبب... و بالليل تتحسن سرعة النت و لما أجي بلقى الدار خلاء... الليلة جيت بفتش لي في سهرة كااااااربه كده...
بدأ بالأهم التعازي لأسرة نجاة ميرغني و للوالدة الرحمة و المغفرة
وأمنياتنا لشقيق الولد نملوز بالصحة و العافية و إنشاءالله ربنا يتمم شفاءه في قطر و أو في أي مكان
وباقات نجاح أهديها رزان بت ود المهدي ميار بت الزناتي ضحى بت أحمد إسماعيل أريج بت حسن
و بعدين في الآخر كدا تهاني لعمر و د محمد آدم حتقولو لي المناسبة شنو؟؟؟؟؟؟
Post: #1645 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-26-2011, 07:00 AM Parent: #1644
الاف التهانى والتبريكات لوئام عثمان الجيلى باحراز مجموع 243 درجة ورزان عمر المهدى ولابنة بدرية احمد صديق اداب والهام دوليب زراعة
ما ملاحظين كل المتفوقات بنـات .. اتمنى انو الممتحنين للشهادة السودانية من الابناء يكونو كلهم اولاد عشان فرق التلاتة سنين ديل بيكون فى صالح الجميع ..... وانتم ادرى ..
،،،،،
تمنياتنا للحبيب عمر نملة واخيـــه بدوام الصحة والعافية وانشاء الله وبأذن الله حنسمع عنكم اخبار طيبة وقلوبنا معاكم رقم عمر ببلجيكا 0032493409406
احكي لكم قصة اعلان النتيجة حصرياً ئ(مؤقتاً) لناس البوست :
فتحت علي جهاز المكتب تلفزيون السودان لحضور المؤتمر الصحفي منذ الساعة التاسعة رغم الاعلان بان المؤتمر الصحفي سيكون في تمام الساعة الحادية عشر صباحاً ... وللاحتياط فتحت قناتي النيل الازرق والشروق ...كل ذلك تحسباً لمفاجآت التلفزيون والوزارة ... بالفعل بعد الحادية عشر بحولي عشر دقائق بدا المؤتمر الصحفي ... وفي حسابنا ان عشرة دقائق ما (بيناتنا) عكس كل الامم ... وذلك حتي نغرس قيمة رخص الزمن في اذهان التلاميذ الصغار ...فكل شئ في بلادنا غالي عدا الزمن ... المهم بدايات المؤتمر الصحفي لم تكن ثرثرة من الوزير واركان حرب وزارته او خلناها كذلك في وقت كنا وآلاف الاسر في انتظار ان يعلن النتيجة .... بعد ان بدا مدير تعليم محلية الخرطوم السادي في اعلان اسماء تلاميذه المتفوقين ...(علي اكتر من مهله علي قول المصريين) .. قررت ان احضر ما تبقي من المؤتمر الصحفي في المنزل .. وكنت علي ثقة بان هذا المؤتمر بهذه الطريقة لن ينتهي قبل الرابعة عصراً بعد عشر دقائق من تحركي من المكتب اتصلت علي ابتهاج في البيت ... عرفت ان ثلاث محليات تم اذاعتها في هذه الدقائق العشر .... اسرعت حتي اكون في الوقت المناسب ... وجدت ميار وامها في حالة ترقب وتوتر ...ابتهاج تربط راسها بعصابة حمراء ... كاخوان ابو دجانة طرف الدفاع الشعبي ... وميار علي السرير المقابل تجلس القرفصاء اقل توتراً ... اما حنا ومزن لم يكن علي محياهم اي نوع من التعبير ... وهذا الثنائي تحديداً يدهشني ببرود يبز برود الانجليز ... لم استطع الجلوس ... دخلت وخرجت ما لا يقل عن المائة مرة... وجدت طوة مغطاة ...عليها اكل لم يستوي .... اكلت منه وعرفت لاحقاً بان حشيت فراخ نصف استواء مع مربى .... تذكرت موسي عيسي الذي ترجاني البارحة ان ارسل له رقم جلوس ميار حتي نعرف النتيجة قبل المؤتمر الصحفي ... الا اني رفضت حتي لا افسد لحظة الترقب والانتظار .... في تلك اللحظة ادركت عمق الخطا الذي ارتكبته خاصة وان الضغط يكاد يتجاوز معدلات 46 و 88 .... حينما بدا مدير تعليم كرري اذاعة الاسماء ... كنا نشاهد كل الاسماء المدونة علي الورقة دون ان نري اسم ميار ... مع الثوالث راينا اسم زملائها في المدرسة ... معين ومي ... في تلك اللحظة اتصل الاستاذ عصام من ادارة المدرسة وهو يؤكد لي ان ميار ستتم اذاعتها بعد قليل وقد احرزت 275 .... مع الخوامس ... هدات نفسي قليلا ... الا ان المذيعة وفي حركة ########ة منها ... اعلنت انتهاء محلية كرري لتعود مرة اخري وتعيد المايكرفون للاستاذ ... من المدهش انه تلعثم في قراءة اسم ميار ثم في زهير وبعدها لم نسمع سوي صيحاتنا .... تلقينا التهانئ والتبريكات من كل انحاء العالم ... من ناس الزقازيق والاهل ...والي الآن لم نسمع كلمة مبروك من حنا ومزن ... من المؤسف حقاً ان ناكل حلاوة النجاح وحدنا ... في تلك اللحظة افتقدنا الاهل والاصدقاء ووفود المهنئيين ... لم نسمع طرق الباب حتي الآن ... فكل التهانئ امااسفيرية او اثيرية ... يا للغربة ... ووحشتها ... تاخذ منك اضعاف ما تعطيك له .... فهل تقدر محبة الناس بثمن ... لا اعتقد ... الم يقل امل دنقل
أترى حين أفقأ عينيك، ثم أثبت جوهرتين مكانهما.. هل ترى..؟ هي أشياء لا تشترى وما لا يشتري يتعدد في حياة المرء ... ولا يدرك ذلك الا بعد فوات الاوان ... او كما قال حميد : ايه الدنيا غير لمة ناس في خير او ساعة حزن
في المساء ونحن جلوس علي التلفزيون ...ومنفعلين مع الهواتف والتبريكات ... قال حنا ببروده المعتاد (( هسه انتو فرحانين كده عشان الخامسة ... طيب لو جات الاولي حا تعملوا شنو )) لم يجيب عليه احد ... ولم يوضح له احدنا ماذا تعني هذه النتيجة ... في هذا التوقيت ... فهي فرحه في زمن عز فيه الفرح .... وفي مكان لابد ان تصطاد فيه الافراح بصبر صياد ... وعزيمة فارس من القرون الوسطي ... غداً سيكبر ويعرف معي ان ينجح ابنك رغم كل الظروف المحيطة ...
اها يا الحبان اخونا طارق جبريل والله زعلان زعل شديد ... قال غاب مافي زول فقده ... اها غايتو شدوا حيلكم الزول ده قال لي قشه ما تعتر ليكم ... والزول البيقول الكلمة دي معناها رمي طوبتكم ... بس ما اظن جبريلا يعملها ... لانه معزتنا جواه كبيرة ... والريدة ماليه الجوانح ... آي ممكن يزعل .. ويعتكف .. بس اعتذارنا ليهو واجب عشان يجي راجع ... وهو من الناس المهمين في البوست ده انا غايتو قلت ليهو يمكن الناس ديل ما عايزنك تجي هنا ... عايزين يتونسوا معاك بتحت تحت عشان بيخافوا من كلامك الكتر .. ويجيب ليهم مليص الاضنين من الحكومات ... غايتو البيزعل طارق جبريل ده الا مرتو هارشاهو عديل ... اها اي عايزين نعرف المهروشين منو والما مهروشين منو ....
Quote: حضرنا ولم نجدكم ،،، مكتوب على باب السلع بفحمة
يا ريس من سوء حظي اني في الوقت داك أنا كنت شاخر حامد... كنت قايل محمد عيد حيسهر شوية و لكن بعد عدة رفريشات تبين لي أن الرجل انسحب... فقضيت ما تبقى من السهرة بين مربع كاي و تبريكات ميار الزناتي... يا ريس الليلة كان جيت جيب معاك طبشيره... عشان نحن ضربنا باب السلع أسود...
عمر نملوز كان متابع و ما مستمتع... ضربت ليك ساعة المساء فرد الجناح لملم مصابيح النهار... و ناجيتك و ما رديت...
موسى عيسى...من لقى أحبابه ياخي...
جلا...بعد بكره الخميس... ما عندك باقي كرت تقدمني بيهو مسافه مقدره...
محمد عيد...أسمع كلامك....
Post: #1650 Title: Re: ناس الزقازيق ... أجدع ناس (4) .. Author: منصور عبد الرازق Date: 04-26-2011, 09:24 AM Parent: #1649
انا شخصيا , لمن زهير وابتهاج قرروا انو ميار تبقى فى السودان وحيدة لأكمال سنتها الدراسية لم اهضم ذلك القرار , الذى صنفته (قاسيا ) , فى حقها , وفى حقهما كذلك قبل ذلك التصنيف , انا اساسا , لم اقابل هذه الميار , الا مرة واحدة , وعلى عجل كمان هذه البنت , لا تعبر ملامحها الدقيقة , عن ما تحمله من صبر وجلد لمن فى السودان بنتونس , انا وزهير وابتهاج , فى بيتهم الذى كان فى آخر الدنيا نواحى نهايات شارع الوادى وقال لى انو ميار , تقوم بغسل وكى ملابسها براها قلت دى فرية ساكت , ومكنة ما قسمت معاى , لكنى اكلتها ومشيتها ايام حفلة ابو عركى , كان الغرض من جية ناس زهير وابتهاج اصلا , استقبال هذه الميار , وهى قادمة من السودان بعد ان اتمت سنتها الدراسية لمن شاكلت زهير على قراره بتاع انو ميار تكمل سنتها فى السودان براها وقال لى انو هى من اختارت ذلك , اتذكرت كلام الغسيل والمكوة , وضميت كلام زهير لتصنيفى الأول كمان زهير قال انو ميار تعرضت لبعض الضغوط من طاقم اساتذتها فى المدرسة , عشان تكمل السنة وتمتحن معاهم والضغوط دى , قابلها تخيير كامل من زهير وابتهاج لميار , انها تختار ما تراه مناسبا فاختارت ان تتم سنتها , بعيدا عن والديها واخوانها واخواتها (انا ما انتابنى اى نوع من الأستغراب لسلوك حنا ومزن البارد ) فتخيير زهير وابتهاج لميار , واعطاءها كامل الحق فى اختيار وين تقرأ ووين تمتحن بعيدا عن قرار الغربة الذى اتخذه والداها ده ياهو البرود زاتو جابو ليك البت معاهم من السودان بسرعة شديدة جواز راح وجواز اتلقى , عربية انسرقت وعربية اتلقت , اقامة عملوها واقامة ما عملوها الجماعة جو و(سكنوا ) لو بتتذكروا , قبل ما يسكنوا وقبل ما يسكنوا كويس تانى قاموا خمخموا ليك البنية الحليوونة دى , ورسلوها السودان عن طريق البحرين وحاة الله ما معاها اى زول الا ابو بكر حامد , استقبلها فى الأتوبيس ومشى معاها المطار امتحنت وجات راجعة عن طريق الرياض وصادفت حفلة ابو عركى قدر ما نقابلها , البت ميار نعسانة ما بتنعس كيفن , ما قاعدالا فوق راى لكن !!!! قلت لى المذيع اتلعثم فى ميار وكمان اتلعثم فى زهير طبعا مستحيل اساسا ما يتلعثم فى (الزناتى ) يا بت ميار , انتى بت زى الورد , الله يحفظك ويخليكى مزن وحنا , مستغربين لأحتفاءنا مع ابويك بيكى برودهم ده , برود ثقة فيكى ومعرفة بيكى ابوك وامك , حتى لو كانو عاملين فيها مدينك خياراتك التامة الا ان توتر الدنيا والآخرة , انفجر عندهم ساعة (نتيجتك ) خامسة الخرطوم عرفناها عليك الله , قاعدة تغسلى وتكوى براكى ؟؟؟!!!
* لرزان عمر المهدى , وضحى احمد اسماعيل , واريج حسن , ووئام عثمان الجيلى , وبت بدرية وبت الهام , نرفع القبعات ونوصل التبريكات , وعقبال بت موسى عيسى فى الشهادة الكبيرة , ومحاسن عمر بت زينب التيجانى كمان
Quote: جلا...بعد بكره الخميس... ما عندك باقي كرت تقدمني بيهو مسافه مقدره...
طبعاً يا رش...مشيت كسلا يوم الخميس و جيت أمبارح لأنو كان عندنا يومين إجازة بتاعت ناس (حطب النار) شم النسيم (Eastern Holyday) و الذهاب إلى كسلا ليومين تخيل معي كمية المعنويات الأنا لقيتها و الأنت قاعد تبحث عنها في الصندوق التكافلي بتاع ناس الزقازيق على أي حال نحن في الموعد
Post: #1652 Title: Re: ناس الزقازيق ... أجدع ناس (4) .. Author: جلال عثمان Date: 04-26-2011, 10:20 AM Parent: #1651
جبريلا ... حقك علينا ياخ والله سائلين منك ... بس قلنا المشغوليات هي البتكون غيبتك غايتو الزعل اصلوا ما لايق فيك كدي بالله نزل لينا صورتك وانت زعلان من الله خلقني ما شفتك زعلان ... ياربي يكون دا "النيو لوك" سواها فيك منتظرنك ياخ ....
Quote: --------- ياخ زول يصحي جبرييلا مافي ؟
Post: #1653 Title: Re: ناس الزقازيق ... أجدع ناس (4) .. Author: جلال عثمان Date: 04-26-2011, 10:24 AM Parent: #1652
Quote: طبعاً يا رش...مشيت كسلا يوم الخميس و جيت أمبارح
Quote: جلا...بعد بكره الخميس... ما عندك باقي كرت تقدمني بيهو مسافه مقدره...
هو يالرشيدالزول بقول ليك راسي واجعني تقوم تربط ليهو رجلو....!!!
والله دي حساده ساي الراجل سمع اذني قسم مكنة صاح في كسلا لمن
شفقت عليه ...ما قلتو نوبة تاني تجوا بهناك !!!احييي يا بري .
Quote: طبعاً يا رش...مشيت كسلا يوم الخميس و جيت أمبارح لأنو كان عندنا يومين إجازة بتاعت ناس (حطب النار) شم النسيم (Eastern Holyday) و الذهاب إلى كسلا ليومين تخيل معي كمية المعنويات الأنا لقيتها و الأنت قاعد تبحث عنها في الصندوق التكافلي بتاع ناس الزقازيق على أي حال نحن في الموعد
عشان تعرف حاجة الواحد فيكم بس يومين يعديها مساسكه بين كسلا
و الفتيحاب طيب ناس حليمة بنت ابراهيم القاعدين في السلع و لا
الرياض بالسنين ليهم الله , علشان كده يا ابو الصحب الاسبير واجب شرعي..
إذا نطقت عزفت كل سمفونيات العصر على شفتيها إذا صمتت جاء نسم الليل يسأل تجمع طهر الأرض بين كفيها وبراءة الكون بعينيها فتشت في معاجم اللغة كثير علي أجد وصفاً ينصفها *************** تقتل همي بإبتسامة وتضع كفيها على وجنتي كأجنحة حمامة تراقبني حيناً وتراقب القمر حيناً آخر
سألتها ؟؟؟ فقالت أسأل الليل
Post: #1657 Title: Re: ناس الزقازيق ... أجدع ناس (4) .. Author: أحمد إسماعيل Date: 04-27-2011, 05:41 AM Parent: #1656
اللهم انا نسألك خير هذا اليوم فتحه ونصره وبركته وهداه ونعوذ بك من شره وشر مابعده اللهم بك أصبحنا وبك أمسينا وبك نحيا وبك نموت وإليك النشور ، اللهم فاطر السماوات والأرض عالم الغيب والشهادة رب كل شيء ومليكه، أشهد أن لا إله إلا أنت أعوذ بك من شر نفسي ومن شر الشيطان وشركه اللهم إنا نسألك العفوة والعافية في ديني ودنياي وأهلي ومالي
Post: #1658 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-27-2011, 05:55 AM Parent: #1656
صباح الخير،،،، يا وجوه الخير
أصبحنا وأصبح الملك لله وحده،،،
دعاء الصباح :
اللهم إني إستغفرك من كل ذنب كان مني بعجب أو غرور أو سمعة أو رياء أو حقد أو شحناء
شرف الشرقية الوجية موسي عيسي في زيارة قصيرة ... ونتوقع عصر الغد العمدة احمد اسماعيل .... اها يا جماعة الحقوا شية الجمعة في الكورنيش وهذه دعوة للجميع ... قدامكم الليلة وبكره في انتظار الجميع
Post: #1660 Title: Re: ناس الزقازيق ... أجدع ناس (4) .. Author: أحمد إسماعيل Date: 04-27-2011, 06:02 AM Parent: #1656
تحياتي للأخ عمر نملوز وتمنياتي لأخوه الشفاء العاجل وكامل اصحة والعافية ونعوذ بعزة الله وقدرته من شر مانجد ونحاذر وألف مبروك لابنائنا المتفوقين ميار بنت الأخ زهير والأخت إبتهاج وإبن الزميلة بدرية صديق وإبن الزميلة إلهام الدوليب ووئام عثمان الجيلي ورزان عمر المهدي وأريج بنت دكتور حسن إسماعيل وضحى وعقبال الشهادة الكبيرة لبنتنا /عهود موسى عيسى ومحاسن عمر بنت ست بيت عمر/ زينب التيجاني
Post: #1661 Title: Re: ناس الزقازيق ... أجدع ناس (4) .. Author: أحمد إسماعيل Date: 04-27-2011, 06:19 AM Parent: #1656
نشكر الأخوة المهنئين عبر الإتصال أو من خلال موقعنا الجمبل هذا الأخ عبد الدائم النضيف ، الريس ميسرة ، الأخت زينب التجاني والأخ جلال عثمان وموسى عيسى والرشيد بابكر ومحمد عيد ومعاوية عبيد الصائم ومشاعر بدوي ومبارك جادين وموسى الراجل ومحمد ادم النور ومنصور عبد الرازق ربنا يديم التواصل والإلفة وعقبال النجاح في المستقبل.
أحمد إسماعيل ألحق صاحبك في الشرقية بالمناسبة عندما تشكر حاول بقدر المستطاع ما تذكر أسماء أشكر في سرك فلان و فلان وذلك حتى لا يتحسس الآخرون الذين لم يبادرو بالتهنئة أنهم قصروا معاك أنا طبعاً من الآخرون...حتى و لو ظهر إسمي الفرحة فرحة...وهي ليست فرحتكم وحدكم و التهاني و التبريكات مثنى و ثلاث و رباع لأبناءنا ربنا يديم علينا نعمة المحبة
Post: #1663 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 04-27-2011, 10:18 AM Parent: #1662
أولا تحية لأجدع ناس
والله الزقازيقيين الصغار ديل رفعوا راسنا شديد
فالف الف مبروك ميار الزناتى خامسة ولاية الخرطوم
والف مبروك ضحى احمد اسماعيل الف مبروك اريج حسن ووئام عثمان الجيلي وإبن الزميلة بدرية أحمد صديق ورزان عمر المهدى وملاك احمد السيد
وإبن إلهام السر الدوليب _______________
وقلوبنا مع عمر نملة ودعواتنا بأن يمن الله على شقيقه بالشفاء العاجل. _______________
مواطنون دونما وطن مطاردون كالعصافير على خرائط الزمن مسافرون دون أوراق .. وموتى دونما كفن نحن بغايا العصر كل حاكم يبيعنا ويقبض الثمن نحن جواري القصر يرسلوننا من حجرة لحجرة من قبضة لقبضة من مالك لمالك ومن وثن إلى وثن نركض كالكلاب كل ليلة من عدن لطنجة ومن طنجة إلى عدن نبحث عن قبيلة تقبلنا نبحث عن ستارة تسترنا وعن سكن....... وحولنا أولادنا إحدودبت ظهورهم وشاخوا وهم يفتشون في المعاجم القديمة عن جنة نظيرة عن كذبة كبيرة .. كبيرة تدعى الوطن
يا ريس القصيدة جميلة... لا أعرف متى كتبت القصيدة... و لكنها بمثابة تحريض منذ ما يربو على ال30 سنة... آتى أكله الآن فاندلعت الثورات في كل أرجاء الوطن العربي...
يا وطنى المصلوب فوق حائط الكراهية يا كرة النار التى تسير نحو الهاوية لا أحد من مضر .. أو من بني ثقيف أعطى لهذا الوطن الغارق بالنزيف زجاجة من دمه أو بوله الشريف لا أحد على امتداد هذه العباءة المرقعة أهداك يوماً معطفاً أو قبعة ********** يا وطنى المكسور مثل عشبة الخريف مقتلعون نحن كالأشجار من مكاننا مهجرون من أمانينا وذكرياتنا عيوننا تخاف من أصواتنا حكامنا آلهة يجري الدم الأزرق في عروقهم ونحن نسل الجارية لا سادة الحجاز يعرفوننا .. ولا رعاع البادية ولا أبو الطيب يستضيفنا .. ولا أبو العتاهية إذا مضى طاغية سلمنا لطاغية
مسافرون نحن فى سفينة الأحزان قائدنا مرتزق وشيخنا قرصان مكومون داخل الأقفاص كالجرذان لا مرفأ يقبلنا لا حانة تقبلنا كل الجوازات التى نحملها أصدرها الشيطان كل الكتابات التى نكتبها لا تعجب السلطان ********** مسافرون خارج الزمان والمكان مسافرون ضيعوا نقودهم .. ########وا متاعهم!! ضيعوا أبناءهم .. ########وا أسماءهم .. ########وا انتماءهم ########وا الإحساس بالأمان فلا بنو عدنان يعرفوننا .. ولا بنو قحطان ولا بنو ربيعة .. ولا بنو شيبان
يا وطني .. كل العصافير لها منازل إلا العصافير التى تحترف الحرية فهى تموت خارج الأوطان
يا ريس نسأل الله أن لا تستمر هذه المتوالية... يبدو اننا نستشرف عصر جديد... و سيكون صندوق الانتخابات هو المحك... أرجو أن يصبر عليه السياسيون... فالشعوب ملت من أن يأتي أحدهم كل مرة على ظهر دبابة و يدعي انه مخلصهم... ثم يذيقهم الويلات بعد أن يشعره الكرسي بأن البلاد ملكه وحده... فيتفرد وحده بالعرش و يتلاعب بمصائرها أيضا... أنا أفضل صندوق انتخابات حتى و ان أتى بمن يخالفنا الراي...
Post: #1673 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-28-2011, 06:00 AM Parent: #1668
صباح الخير ،،، يا وجوه الخير
أصبحنا وأصبح الملك لله وحده ،،،
من قال " سبحان الله وبحمده " في يوم مائة مرة حُطَّت خطاياه وإن كانت مثل زبد البحر
يأتي الخميس و كاني بالخميس الذي سبقه كان قبل يومين... الا أنه يوم محبب لا شك في ذلك مهما كانت السرعة التي يأتي بها... يوم محبب و ان كانت السواقة فيه لثلاثة ساعات ممله... يوم محبب و ان لم يقم أي منكم بتوصيلي لمسافة مقدرة... و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك...
الرشيد عامل كمين ...بس المنطط عيونه ده اكيد جلا يا سلام ياخي امبارح قضينا سهرة جميلة علي كورنيش الخبر مع موسي عيسي واسرته .... لغاية الساعة تلاتة صباحاً اكيد ما جبنا سيرة جلا
Quote: و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك... و ان كنت أجزم انه لا سماحتكم و لا أخلاقكم تسمح لكم بتركي وحيدا في الشارع... و لا ما هيك يا المنطر عينيك...
إنت قاعد تشحد من صندوق التكافل الأجتماعي و لا قاعد تشحد في ناس البوست البشوف حالتك تقول زي شايل ليك ورقة في جامع و واقف تتكلم بعد آداء الصلاة المفروضة بالنسبة لصندوق التكافل زي الصناديق بتاعت تبرع للمسجد الله يوصلك بالسلامة بالمناسبة رصيدي فنَّش!!!
Post: #1677 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-28-2011, 08:53 AM Parent: #1676
Quote: بحضرة من نهوى و في رحاب الهوى الشرقي و بجمال اهلها
الشرقية و اهل الشرقية استضافونا و نعم الضيافة
اليوم الجو حار شوية... والمشوار طويل كما تعلمون... فقلت قبل ما أمشي أشوف الغداء الجايبو معاي من أبو ظبي ده... و الست بيتي ساهرت فيهو الليل كلو.. أجي أقعد شوية في المكان الساااقط ده... و ان شاء الله صاحبي الوصلني مسافة مقدره يوم الخميس... يجي يرطب معاي شوية... بس تعال لابس تقيل يا صاحبي... الجليد نازل بغزاره هنا...
يا سلام علي عيد ميلاد الابنوسي الـ29 ... عيد ميلاد سعيد ... عمر مديد .... صحة حديد كل سنة وانت طيب .... بالله يا ابنوسي احكي لينا اول مرة تحتفل بعيد ميلادك متين ....
مبروك صلاح الامين .... آسيا ربيع ... بيت مال وعيال ... انتظروا صور الزواج حصرياً ... فقد كان مهرجاناً ... غني فيه كل من .... نجم الدين الفاضل ... الاطرش ... سيف الجامعة .. جلال الصحافة ... كمال ترباس .... حمد الريح .... سميرة دنيا ... اما من جاء للمشاركة ولم يسمح له الوقت بالغناء .... عبد القادر سالم ... حنان بلوبلو ... حنان السجانة ... علي السقيد ... فرقة زوجة شرحبيل ... القلع عبد الحفيظ - عامر الجوهري - حسين شندي .... الطيب مدثر .... وجاء ود الامين بعد نهاية الحفلة لارتباطه بمناسبة اخري .....
Post: #1690 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-01-2011, 06:24 AM Parent: #1689
صباح الفُل والياسمين
على الناس الحلوين
وعلى رأسهم زهير الزناتي
-كسير تلج صباحي- كان عجبك يا ....!
اللهم يا عزيز يا جبار
أن توفق عريسنا السمح صلاح الأمين وعروسته الجميلة أسيا،،،، في حياتهم الجديدة وأن تؤلف بين قلوبهم إلى أبد الآبدين يا أرحم الراحمين ،،، يا ذو الجلال والإكرام
Post: #1691 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-01-2011, 06:54 AM Parent: #1690
الف الف مبروك للعرسان اتمنى لهم حياة زوجية سعيدة
عليكم الله حنان السجانة قاعدة وما تغنى .... كان تختوها محل جلال الصحافة والحمد لله القلع عبدالحفيظ ما غنى وما لقى طريقة يطلع المسرح
باقى الفنانين كلهم تمام ...
،،،،،،
كل سنة وانت طيب يا منصور عقبال الــ 50 شمعة الباقية
Quote: يا سلام علي عيد ميلاد الابنوسي الـ29 ... عيد ميلاد سعيد ... عمر مديد .... صحة حديد كل سنة وانت طيب .... بالله يا ابنوسي احكي لينا اول مرة تحتفل بعيد ميلادك متين ....
Quote: كل سنة وانت طيب يا منصور عقبال الــ 50 شمعة الباقية ..
طبعا يامنص نحن بمبارك ليك ونتمني ليك طولة العمر ... بغض النظر عن حسابات العمر ....
سلام لاجدع ناس وطبعا التهاني بالجملة لجميع الاعزاء وكل سنة ومنصور بخير والاسرة الكريمة وكل طيور الزقازيق ربنا يديم الافراح الفديو دا مفروض يكون هنا طبعا لكن ضل طريقه الي مهرجان صلاح الامين فعذرا اصدقائنا .... خالص الود
الحرب خلاص إنتهت؟؟؟؟؟ طيب التعويضات كم؟؟؟؟ لأنو أنا عندي زي 8 أبراج دمرتها الحرب غايتو كان دايريني أصوَّت ليكم لي صالحكم إل تدوني بالتقيل و السلام عليكم و رحمة الله و بركاته
Post: #1701 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-02-2011, 09:19 AM Parent: #1700
Quote: إل تدوني بالتقيل
دي كانت زمان في السودان معناها
يا تضربه تأذيه يا تشتمو وتلعن سلسفيله
وإنت راجل حبيب قسانا الإتنين ما بتستاهلن!!!!!!
Post: #1703 Title: Re: ناس الزقازيق ... أجدع ناس (4) .. Author: جلال عثمان Date: 05-02-2011, 09:58 AM Parent: #1701
Quote: سلامات يا ناس
ياكوتش ما شاء الله منور في "فرح" صلاح الامين وطلة بهية ومعك سيادة اللواء والابناء حفظكم الباري
سلام ياريس وكامل تضامنى معك ودعمى لبرنامج العودة الطوعية وجلا دا بالله ماتقصر معاه في شأن التعويضات والدعم
أحيانا بكون في مود بشعر بان كل ما سأكتبه سيكون ممل و بايخ و ما بتيلع... زي المود بتاع اليوم... و الزول الفي مود زي المود بتاعي ده حقو الناس تقول ليهو... محمد معانا ما تغشانا... و لا كمان يعاملوهو معاملة الكتاحة... ولا المطره البتجيب السيول ديك... و يقولو ليهو حوالينا و لا علينا... عشان ما يسوي فيهم سواة العاصفه بي ساق الشتيل الني... و الناس هي أصلا ما ناقصه كآبة و غتامه و بؤس... لما يجي واحد زي كده يزيدها بؤس... الواحد بيجي هنا عشان يطلع من الحاله الهو فيها... مش يلقى ليهو واحد يغتسو أسفل سافلين... و أنا و الله فاهم الحاجه دي كويس... لكن لما يجي الريس و يطلب العودة الطوعية نعمل شنو... نتجاهل النداء و نرضخ للمود... و لا نستجيب للنداء و ان لم يستجيب المود... وجودي هنا اليوم هو استجابة للنداء رغم أنف المود... و كمان اكتشفت حاجه.. انه حتى لو جيت هنا بي مود مكركب... تجد نفسك بمجرد أن تكتب أول سطر المود استعدل و اتصلح.. غايتو أنا صلحت مودي و الحمد لله... لكن لو مودي الجيت بيهو في الأول لخبط مودكم... بقول ليكم... أنا مالي و مالكم...
Post: #1704 Title: Re: ناس الزقازيق ... أجدع ناس (4) .. Author: محمد عيد Date: 05-02-2011, 10:16 AM Parent: #1702
Quote: نناشدكم العودة الطوعية.
يا ريس .. الناس دايره حوافز ...
Quote: تجد نفسك بمجرد أن تكتب أول سطر المود استعدل و اتصلح.. غايتو أنا صلحت مودي و الحمد لله...
يا حبيب ... خمــّس لينا معاك نفــس ..!! ( فتحة على الفاء )
رحلة ناس الزقازيق 6 مايو ... المكان شمبات ...آخر محطة لمواصلات كلية الزراعة جامعة الخرطوم.... الزمان الساعة 11 صباحاً... نترقب إتصالكم لتأكيد حضوركم أو إعتذاركم و هما محل إهتمام و تقدير.... تلفون محمد صديق..0912162923 ..أو معتصم جعفر...0912304549 بالعدم شوفو تلفون محمد آدم 0912319724... لكم الحب في حلكم و ترحالكم و إغترابكم
طبعاً الوصف آخر محطة دي للناس الراجلة: الراجلة دي يا موسى عيسى يعني الناس الماعندها عربية يعين الناس الماشة بي 11 خ يعني الناس الجاية كداري يعني زي كدا غايتو جنس فهم!!! دا شنو ياخ
Post: #1709 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-03-2011, 06:18 AM Parent: #1708
صباح الخير ،،، يا وجوه الخير
أصبحنا واصبح الملك لله وحده،،،
دعاء الصباح :
اللهم إني إستغفرك من كل ذنب إستغفاراً :-
يكون لي نوراً في القبر وأمناً في الحشر وحجة في الحساب وثباتاً على الصراط
Post: #1710 Title: Re: ناس الزقازيق ... أجدع ناس (4) .. Author: محمد صديق Date: 05-03-2011, 07:00 AM Parent: #1709
يطلق على الحكايات و الحجاوي الطويلة التي ليست لها نهاية... أو الحجاوي الملخبطة و التي لا تعرف أولها من آخرها.. بأنها(حجوة أم ضبيبينة)... لآ أعرف لماذا أختير لها هذا الاسم و الى ماذا يرمز... و لكن لا شك في أنه بالنسبة لجيلي اسم يعبر تماما عن المعنى... و لكن الجاب سيرة حجوة أم ضبيبينة دي شنو في الصباح الباهي لونو ده.. الاعلان التالي ذكرتي بحجوة أم ضبيبينة...
Quote: رحلة ناس الزقازيق 6 مايو ...
عليكم الله دي مش رحلة أم ضبيبينة... حسه ده الآعلان رقم كم... لا طلعت رحلة و لا نزلت صور و لا يحزنون... ممكن يا جماعة تأجلوا الرحلة دي كمان شهر شهرين... عشان أجيب العيال و نجي نحرر ليكم الرحلة البايرة دي...
Quote: عليكم الله دي مش رحلة أم ضبيبينة... حسه ده الآعلان رقم كم... لا طلعت رحلة و لا نزلت صور و لا يحزنون...
بعد ما تقرو الإقتباس الفوق دا قرِّضو على كدا...و ما تقرو الإقتباس التحت دا
Quote: و الزول الفي مود زي المود بتاعي ده حقو الناس تقول ليهو... محمد معانا ما تغشانا... و لا كمان يعاملوهو معاملة الكتاحة... ولا المطره البتجيب السيول ديك... و يقولو ليهو حوالينا و لا علينا...
طبعاً نفسكم ما أمارة بالقراية ...يعني لازم تحرجونا و تقروهو عشان كدا زولك دا شوفو ليهو خيارات من الحاجات الكتبها أنا غايتو إخترتا حوالينا و ما علينا
Post: #1713 Title: Re: ناس الزقازيق ... أجدع ناس (4) .. Author: جلال عثمان Date: 05-03-2011, 07:41 AM Parent: #1712
Quote: وصباح جديد مع حسن طلب :
دي ياكوتش ذكرتني ابوعاج رحمة الله عليه و "المواطن على حسن سلوكه" المهم دا على سبيل وضع ارضية "للتفاهم" عشان البين الوردة والحجر ما يصل مرحلة الانفجار --------- صباحاتكم ندية .... ومودها عالى ...
بالنسبة للمقطع الأول شاكرين و إنشاءالله تكون كما يجب التانية دي خت تحتها خطين و أمشي أُكل ليك باسطة
Post: #1715 Title: Re: ناس الزقازيق ... أجدع ناس (4) .. Author: جلال عثمان Date: 05-03-2011, 09:29 AM Parent: #1714
Quote: و أمشي أُكل ليك باسطة
غايتو عالم حاقدة بشكل ... قال اكل ليك باسطة قال عاوز توديني التوج مش ... اسمع في حاجة في السودان اسما "الكمبا" .... بس كتلتها القاعد يغني ليها المرحوم خليل اسماعيل ديك زاتها ... تاني كل مرة قول لي سف ليك كمبا او ابلعها "اذا كانت غير مسحونة" قالوا بتنزل الزفت دا والله ... ---------- الحمد لله بقينا حقل تجارب ...
Post: #1716 Title: Re: ناس الزقازيق ... أجدع ناس (4) .. Author: محمد صديق Date: 05-03-2011, 10:26 AM Parent: #1715
تناول طعامك ليسهل نومك. حاول أن لا تذهب إلى النوم وأنت جائع، كما وتجنب أن تتناول كميات كبيرة من الطعام قبل وقت النوم. وهنا علاقة متوازنة بين كل من الشبع والجوع من جهة وبين النوم. ذلك أن الجوع والتخمة يُقللان من احتمالات الوصول إلى نوم مريح. وثمة إشارات علمية تقول إن بعضاً من الأطعمة قد تُساعد الكثيرين على النوم، منها الحليب، الذي يحتوي على بروتين "تريبتوفان" L-tryptophan. وكانت بعض الدراسات العلمية قد أشارت إلى دور هذا الحمض الأميني، من مكونات مركبات البروتينات، في تسهيل الخلود للنوم. ومن الأطعمة الأخرى كذلك سمك التونة والقرع والأرضي شوكي واللوز والبيض والمشمش والجوز والخوخ وبذور الشوفان والبطاطا والموز. كما أن من المهم عدم تناول وجبات كبيرة في العشاء، وجعل موعد تلك الوجبة قبل ساعتين على الأقل من موعد النوم. ومن المناسب حال الشعور بالجوع أثناء الليل، كما تقول نصائح الأكاديمية الأميركية لطب النوم، تناول كوب من الحليب أو أشياء أخرى خفيفة.
Post: #1727 Title: Re: ناس الزقازيق ... أجدع ناس (4) .. Author: محمد صديق Date: 05-04-2011, 08:53 AM Parent: #1726
سلامات يا ناس
رحم الله والدة الهام شمس الدين
وإنّا لله وإنّا إليه راجعون
Post: #1728 Title: Re: ناس الزقازيق ... أجدع ناس (4) .. Author: محمد صديق Date: 05-04-2011, 09:18 AM Parent: #1727
سلامات يا ناس
Quote: توفت والدة الهام شمس الدين زراعة الاثنين الفائت للفقيدة الرحمة ولزويها العزاء وربنا يضبرهم
Quote: رحم الله والدة الهام شمس الدين زراعة .... تغمدها الله بواسع رحمته ... اسكنها فسيح جناته .. العزاء موصول لها ولاسرتها ... انا لله وانا إليه راجعون ....
Quote: رحم الله الحاجة آسيا والدة إلهام شمس الدين
رحمة واسعة واللهم أهلها وذويها الصبر والسلوان
وجميع أفراد العائلة حسن العزاء
إنا لله وإنا إليه راجعون،،،،
كما توفيت شقيقة مكي عباس جاكسون (منقول من الفيس بوك)
تغمدها الله بواسع رحمته ولأخونا مكي كامل العزاء والصبر ،،،
إنا لله وإنا إليه راجعون،،،
Quote: للفقيدة الرحمة والمغفرة ... ولاسرتها صادق العزاء ...تعازينا للزميلة الهام شمس الدين وشقيقاتها ... انا لله وانا اليه راجعون
Quote: رحم الله والدة الأخت الهام شمس الدين.... تغمدها الله بواسع رحمته واسكنها فسيح جناته .. العزاء موصول لها ولاسرتها ... انا لله وانا إليه راجعون ....
Quote: للفقيدة الرحمة والمغفرة ... ولاسرتها صادق العزاء ...تعازينا للزميلة الهام شمس الدين
و الله يا كوتش عندك طولة بال سلبة بس ياخ خلي الدراويش في حالهم و الله الليلة عندي طايوق بي مزاج لكن لقيت ليك الحالة بطالة خلاص الفيس بوك حزايني للآخر و كمان البوست و نفس الناس الهناك يا هم زاتم هنا
ما قلتا ليك.... أمبارح اليوم الوحيد الشفت ليك فيهو برشلونة و ريال مدريد و الكورة مدورة و الحكم صفر للنهاية و أنا بغالط في الناس ياخ ما فااول يا ربي يكون حسب تسلل ولا ضربة جزاء الجماعة عاينو لي كدا ...واحد دخل إيدو في جيبو و أداني ألف جنيه قال لي أوع تاني تجي تحضر معانا كورة
Post: #1730 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-04-2011, 10:12 AM Parent: #1729
الدراويش مـقــدور عليهم
انتـــا داااا عملت شنو لرحلة بعد بكرة انشاء الله تكون جهزت سلطة الاســــــــود ...
ديدو يا منقة بالنسبة للرحلة ... و رغم إنو كثرة الإتصالات ما قسمت معاك زي ما قلت لكن و لا يهمك نحن زي فريق المريخ لمن قال المريخ بمن حضر و بعدين إترش زي الترتيب نحن رحلتنا دي برضو بمن حضر طالما موجود الكوتش و جمال الوالي ممثل في شخصية نهلة نجم الدين و الريس معتصم إذا إترشينا سلطة الأسود بنعملها باسطة و إذا نجحت و هذا ما نتمناه يكون حدي معاكم صندوق التكافل و الشركة و جيبي يسع الجميع
Quote: يا ريت الناس تعمل التعازى فى البوست المخصص لذلك
وانا طوالى حأترجاكم....اصلو ما حأزهج
انتو الزول ده يكلمكم كم مره... أعملوا حسابكم لحدي حسه الكلام أترجاكم و بعد اذنكم... لو لحق الكوتش ده و حمر ليكم كان في الضلمه و لا في غيرها... الكلام ده بتابوهو...
أحرز إبن عوض عبدالرحيم شلبي _تجارة الزقازيق_ دفعة 88 كاس اليوسي ماس في ماليزيا... عوض سيستقبل إبنه يوم الخميس بمطار الخرطوم... سيكون عوض شلبي حضور في رحلة ناس الزقازيق يوم الجمعة مبروووك عوض لإبنك و مزيد من النجاحات و التقدم تلفون عوض شلبي 0912630540
التعازي ودوها ... بوست التعازي الأفراح انقولها هناك ... في نفس بوست التعازي والافراح الصور .. ختوها في محلها .... نادي الصور والذكريات القصص والأشعار ... ودوها نادي القصة والشعر ومن مافتهم الاستماع ... الحكايات والذكريات ... تكون في مربع كاي ... الاجتماعيات ... بوست الاجتماعيات بتاع اختنا مني يونس المناسبات والرحلات الصور وغيرها .. يوجد بوست خاص بالمناسبات والرحلات ... صور نادي الشرطة الاغاني وفك الدبرست ... معرف طريقو بوين ... عليكم بولدنا عمر بيسكو ... المواضيع العلمية والتطوير ... موجوده مع بوست أحمد اسماعيل ... العناوين وارقام الاتصال والسؤال عن الناس ... امشو عديل بوابة ولدنا سامي عبدالوهاب .... المشاريع والاستثمار ... والتبرعات ... والحالات الاجتماعية ... كلو فاتح ابوابو منتظركم ... تاني شنو ... تاني شنو ... اها اي حاجة ودوها الرف بتاعا دغري ... مافي واحد يغشانا بي جاي ....
===================== الكوتش حبيبنا ... انا وطارق جبريل ... مابنقدر نرحل من هنا ... والمساككا ... مابنقدر عليها .... ومعانا ناس كتاااااااار .... ياحبيب يكفي أي واحد زقازيقي سمع بينا .... وداير يتاوق ... او من الناس الدايرة تعرف نحنا بنكتب في شنو ... ديل بجو خاشين دووووش هنا ... ياخي خليها كده ... لامه كل حاجة ..... مشاعرنا ... احداثنا .... خواطرنا... دردشتنا ... نختها هنا باريحية شديدة ... والداير يمشي الحيشان ... كمان مرشوشة ومفروشة .... هنا ... الساس والراس ...
Quote: الكوتش حبيبنا ... انا وطارق جبريل ... مابنقدر نرحل من هنا ... والمساككا ... مابنقدر عليها .... ومعانا ناس كتاااااااار ....
إنت و طارق جبريل معفيين دنيا و آخرة الناس الكتار ديل قول ليهم الرحلة يوم الجمعة 6 مايو الساعة 11 صباحاً و المكان شمبات ..آخر محطة لمواصلات كلية الزراعة جامعة الخرطوم
يا أبو الزوز الرحلة دي للناس الراجلة زي ما ذكرت ليك و قد فسرت ذلك في مداخلة سابقة معنى الرجلة دي بحكم موسى عيسى من الناطقين بغيرها أما الناس الجاية بعربات خاصة خليهم يتعبو شوية هناك حلان الآول و إنت ذكرتو التاني يقومو يتابعو الهايس بتاع المواصلات بحيث ما يتخطاهو أبداً... لغاية نزول آخر شخص من الهايس و يخلي الهايس يلف لفة الرجوع ... لأنو إذا ما لف معناها لسع ما وصل آخر محطة الخوف يكون صاحب الهايس ماشي ياخد ليهو جمة قبل صلاة الجمعة
ولدنا ياسر نجيلة ما بقدر على المساككا... و أنا ذاتي و الله تعبت من المساسقا... و للتفريق بين المساسقا و المساككا أستعين بأغنية صلاح مصطفى... أساسق بالدريب الجاى بحداك اقول يمكن اصادف مرة القاك اسالمك وينشرح قلبى الاصلو حباك أنا تعبت من المساسقة الأسبوعية بين أبو ظبي و السلع... وذلك لطول الطريق و معاناته بالاضافة الى اننا قد هرمنا... الا أن كل شيء يهون عندما يكون الرحيل الى من نحب... فلمثلهم تشد الرحال و لو كانوا في آخر الدنيا.. ان مداخلات ياسر نجيلة بمربع كاي تسعدني أيما سعادة... و لا أبالغ اذا قلت ان مداخلة واحدة منه تعطيني دافعا للكتابة لمدة طويلة.. و لا أريد أن أدخل في تفاصيل لماذا هذا و لماذا ذاك.. و لماذا هنا و لماذا هناك.. فلقد تم تناول هذا الأمر كثيرا... فقط أردت أن أقول لياسر نجيلة..لو كانت مساككه و لا مساسقة... فهي بلا شك تسعدنا و تفرحنا... و فوق كل ذلك تحفذنا... فمر علينا كما تفعل كل مرة عشان أسالمك و ينشرح قلبي الأصلو حباك...
Post: #1743 Title: Re: ناس الزقازيق ... أجدع ناس (4) .. Author: محمد صديق Date: 05-05-2011, 06:42 AM Parent: #1741
سلامات يا ناس
وصباحات المساككة....
Quote: الكوتش حبيبنا ... انا وطارق جبريل ... مابنقدر نرحل من هنا ... والمساككا ... مابنقدر عليها .... ومعانا ناس كتاااااااار ....
يا حبيب ...ويا كل الأحبة:
ما كل حاجة نحن بنعملها بنكون قادرين عليها...
أُعلن هاهنا :إنى لا أقدر على المساككة وسأستكين بالمنطقة التى تريحنى.
Quote: الا أن كل شيء يهون عندما يكون الرحيل الى من نحب... فلمثلهم تشد الرحال و لو كانوا في آخر الدنيا..
إذا كنت تشد الرحال إلى أبوظبي لإلتقاء من تحب فهذا شأنك أو أن يشد الأخ ياسر الرحال إلى مربع كاي فهذا يعني أنه يحبك و لا غضاضة في ذلك و بالرغم من حبي للناس المشتتة في بلاد الله هو شأن يخضكم كلكم فأعلمو أنني سأشد الرحال إلى الرياض و فوراً لأن الذي أحبه هو ليس في آخر الدنيا ولكن البعد الزمني طال رغم أن المسافة بيني و بينه هذا البوست بالطبع ليس هو موسى عيسى ... و لكنه الشديدة زاتها إنه منص فكيف أجعل ذلك هيناً
أبو الجل أعمل شخيط و أقيف بعيد...
Post: #1746 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-05-2011, 07:31 AM Parent: #1744
يا احبــــة انا اقترح الاتى ( للتعازى ) فقط ان تكتب فى البوست المخصص لها
كيف ؟ اى شخص اراد ان ينزل خبر تعزيه عليه ان يقوم بادرج الرابط ( هــنــا ) كمثال بوست عزاء ....
لسبب بسيط مثلا" فى التهانى التى تخص زواج الاخ صلاح الامين كنت اريد تنزيل اغنية ولكن لان الصفحة تحمل ايضا" تعازى لزملاء وزميلات فانه لا يجوز ذلك
ما عدا ذلك فاكتبوا ما شئتم سوا هنا ام هناك ....
مبروك لابن عوض شلبى
الحق الولد ده فى المطار يا جلا وقول ليهو بكره عندنا رحلة جانا كذا رصيد وكم زول آآكد الحضور وحجزنا كده واشترينا كده ... سريع سريع حيديك النتيجة
نفسي أتقرج على تغطية مباشرة من رحلة ناس الزقازيق اليوم... لنقف على آخر التطورات و المفاجآت التي أعدها المجلس الانتقالي... و لنعيش معهم أيضا الحدث لحظة بلحظة وبتفاصيله المختلفة... كل الأمنيات لهم بأن تكون رحلتهم جامعة و ممتعة...
Post: #1753 Title: Re: ناس الزقازيق ... أجدع ناس (4) .. Author: محمد عيد Date: 05-06-2011, 11:54 AM Parent: #1752
جمعــــه مباركـــــه
Post: #1754 Title: Re: ناس الزقازيق ... أجدع ناس (4) .. Author: محمد عيد Date: 05-06-2011, 02:05 PM Parent: #1753
فتاة قالت لسوداني ياأسود بنوع من السخريه فأنظروا بما جاوبها تقولين أســـود ؟؟؟ تقولين أســـود ؟؟؟ وكل من يزور الكعبة يقبل لوني بانحناء السواد هو صندوق سر لرحلات الفضاء السواد هو بترول مبدل صحاريك لواحة خضراء لولا السواد ما سطح نجم ولا ظهر بدر في السماء السواد هو لون بلال المؤذن لخير الأنبياء لولا السواد لا سكون ولا سكينة بل تعب وابتلاء تقولين أســـود ؟؟؟ تقولين لي أسود والسواد فيه التهجد والقيام والسجود والرجاء فيه الركوع والخشوع والتضرع لاستجابة الدعاء فيه ذهاب نبينا من مكة للأقصى ليلة الإسراء لو ضاع السواد منا علينا أن نستغفر ونجهش بالبكاء عزيزتي تأملي الزرع والضرع وسر حياتنا في سحابة سوداء اسمعيني والله أنتي مريضة بداء الكبرياء أنصتي لنصيحتي يا مرا و لوصفة الدواء عليك بحبة مباركة من لوني مع جرعة من ماء أنا لست مازحاً وستنعمين والله بالصحة والشفاء سامحيني يا مغرورة لكل حرف جاء وكلمة هجاء وكل ما ذكرت هو حلم في غفوة ليل أسود أو مساء ');"> كلنا من خلق الله الواحد نعود لآدم وأمنا حواء
مجموع الصور يتجاوز المائه الا اننى اعانى من مشكلة كبر حجمها وقد فشل برنامج الرسام فى تصغيرها للجهل التكنولجى واخيرا استعنا بسلمان كخبير اجنبى وما زالت المحاولات جاريه افيدونا افادكم الله
Post: #1768 Title: Re: ناس الزقازيق ... أجدع ناس (4) .. Author: أحمد إسماعيل Date: 05-07-2011, 05:09 PM Parent: #1767
وأخيرا وصل من الجبيل الوجيه / سامي وعائلته
Post: #1769 Title: Re: ناس الزقازيق ... أجدع ناس (4) .. Author: أحمد إسماعيل Date: 05-07-2011, 06:03 PM Parent: #1768
Quote: Quote: الحقونا ... بالعضــــة ....
رشهم سلطة اسود
حكايتك دي يا سعادتك زي الجاب ليه دجاجة للضيوف عندما ظبطها صحبه الطباخ قال لصاحبه: صدرني وورك نفسك وجنح الضيفان
أول شي خلوني أبارك للهلال تأهلة لدوري المجموعات... بعد أن تخطى الأفريقي التونسي بعد معركة شرسة... و التي انتهت بأحداث مؤسفة كان بطلها الجمهور التونسي... هو ذات الجمهور الذي جعلنا نتعاطف معه و هو ينادي بالحرية... ليس مأخذي عليه فقط للانفلاتات التي أظهرت وجها قبيحا للجمهور التونسي... بل أيضا للعبارات العنصرية التي وجهها الجمهور أثناء المباراة لأعضاء البعثة...
أبو عمر...يا سلام على الصور الجميلة على شاطيء الخليج.... و شايف صاحبك موسى مستمتع على الآخر.... و أنا خلاص عرفت سبب الطناش المطنشنا ليهو... قول ليهو بكره بيجي الريف و اللواري بتقيف...
أمبارح الجمعة جاني تلفون من السودان... كانت المتصلة نهلة نجم الدين... رديت و اذا بي أسمع موسيقى و صوت البلبل الصداح أحمد عوض... لم تقل نهلة حرفا واحدا...فقط أحمد عوض يؤدي في وصلة غنائية... لقد نجحت نهلة في اغاظتي... لكن بتسداها فيك يا نهلة... يوم بمشي لي ياسر نجيلة و نقوم نغني أنا و هو و نضرب ليك تلفون...
سلامات يا اجدع ناس مليون مبروك لهلال الملايين ودى جيتنا من الاستادبورى واعلام وهيصة شديدة وانتقلت سيرة النصر واحاطت باستاد المريخ وقفلو شارع العرضة كلو وبعد داك زى مليون عربية جنب حلويات شريف لصاحبها المريخابى بس الشعب السودانى جميل |............ ناس الرحلة تصلو بلسلامة اسكنو فى شمبات دى ويا ناس الشرقية تحياتى لهافمونوالله ايام الصورررررررررررررررررر
بسم الله الرحمن الرحيم صباح الخير يا وجوه الخير إلى حين ميسرة قصة الرحلة: نحن دائماً في الموعد هي رحلة و لا أحلى كل الجمال فيها فكاهه و غنا و كلام بجانب سلطة الأسود
و القصة إنتهت... كما تقول بنتي الكبيرة أسرار أما إنتصار الصغيرة فدائماً تقول تعال يا بابا أحكي ليك قصة في أضانك يعني بالدارجي كدا قصة لي ناس معينين يعني ما للجميع غايتو عمر أظنه سيقول دايرين أحكي ليكم عن الرحلة؟؟؟؟ طلِّعو الشيرنج
أما أنا فأقول ليكم أن جيبي دائماً يسع الجميع و قد كان
غايتو يا أحمد إسماعيل الفكي القاعد في السجادة دا ما يمشي يزوزي بي الشافع دا
Post: #1778 Title: Re: ناس الزقازيق ... أجدع ناس (4) .. Author: أحمد إسماعيل Date: 05-08-2011, 08:07 AM Parent: #1777
Quote: غايتو يا أحمد إسماعيل الفكي القاعد في السجادة دا ما يمشي يزوزي بي الشافع دا
يا محمد آدم الفكي عايز يفهم حيرانو واجبية القيام بالنفس فقال : خيل خمسة وعليم ناس كمسة وجلك كمسة وعبد الله واحد ، هنا القيام بالنفس واجب اما النجاة فمستهيل
Post: #1779 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-08-2011, 08:37 AM Parent: #1778
مرات يا جلال بيجيني احساس انه في مؤامرة ضد البوست ده بس الواحد يرجه لعقله ويقول منو يتآمر ضد منو .؟ يعني المسالة كسل ولا الناس قنعت ولا وصلت حالة التشبع قدر ما عملنا مناشدات وقدر ما كتبنا الناس عامله اضان الحامل طرشها ... عموماً نتمني انها تكون ظروف مرحلة يمر بها الناس ويعود البوست لسابق عهده ...
تعرف يا ابوالزوز .... البوست قاعد يشرح نفسو اغلب الاوقات .... فما بين حالة المود والدبرسة والمشغوليات وعدم توفر "نت" ووووو ...... يمكن اجمال الاسباب في ذلك ... لكن الايام دي الموضوع زي طول شوية .... وينبغي ان تحال هذه "الكيس" للدراسة (والله تقراها الكيس من بلاستيك او ورق) اعضيك في راسك اما نظرية المؤامرة ف (فور شور) ما واردة عندي احساس حاتم جبارة بجي ناطي اسا دي (الواد ده فين)؟
Post: #1786 Title: Re: ناس الزقازيق ... أجدع ناس (4) .. Author: أحمد إسماعيل Date: 05-10-2011, 04:41 AM Parent: #1785
مجموعة المصطفى يا ابو الزوز ينقصهم مصطفى موسى عيسى افتكر عندك تعليق ؛؛؛؛
Post: #1787 Title: Re: ناس الزقازيق ... أجدع ناس (4) .. Author: أحمد إسماعيل Date: 05-10-2011, 04:55 AM Parent: #1786
قلنا طال ما رحلة شمبات ما عندهم مزيد ، نشوف الوجيه سامي وهو يدلي بالكلام الشيق مما جعلنا نرى فاطر زهير
يا ابو الجل طالما ابو عمر جاب الصور خلينا نتونس شوية وننسي موضوع البوست البقي تعبان ... وقصة منصور الاتعود علي الغياب .... ولا البادي الما قدرنا نعرف ليهو بلد ... ولا طارق جبريل الزعلان وما لقي زول يطيب بخاطره ... ولا موسي عيسي الشغال معانا بيييييييييييياك ويقوم جاري ولا حتي صديقي الرشيد وبيضة الديك التي عودنا عليها منذ فترة فامسك بمكانة البادي النور سابقاً بجدارة ... ولا حتي عمر نملة الزعل مننا وابي يجينا .... وحتي الريس ميسرة بقت طلاته طشاش ... اما بنات الشيوخ فقصتهم بقت زي قصة الريدة القديمة ... البتذكروها مرة مرة ديك ... وحليل صديقي محمد صديق ... والقائمة تطول ... حتي سامي الظاهر في الصورة ده .... بقينا نشوفه بالدرب اكتر من البوست ....
عموماً الصور في جسر البحرين احتفاءً بناس الرياض فكي موسي وشقيقه طارق ... ثم حضر في اليوم التاني ابو عمر مع اسرته ... كانت ايام جميلة ... بالنسبة للمصطفيات يا ابو عمر اجتمع في ذلك اليوم ثلاث مصطفيات الا انه مصطفي الضيف ود الباشمهندس صديق فكي موسي والذي يظهر يمين الصورة مع ابن صديقي مصطفي عماد صباحي قد حاز علي الجائزة الاولي ... وجهجه ليك كل المصطفيات والمحمدات اللعبو معاه في الكورة .... ورشحناه يا ابو الجل لاشبال الهلال ... اما وجيه الجبيل فقد زاد الليلة فرحاً ... وما عايز اقول اكتر من كده عشان ناس النضيف ديل ما يقولوا كسير التلج ... شكرا يا احمد اسماعيل
بعد ما تردو التحية بتاعت صباح الخير يا وجوه الخير أردت أن تتأملو معي كلمات للشاعر كجراي وهذه بعض مقاطع من قصيدة الإحتراق في موسم الرياح ويخجلني امتداد الصمت ، لون الصمت ، عري الصمت في جدب المسافات تسائلني عصابات من الشعراء والفقراء، عن نار تمد لسانها المسعور في ساحات لوحاتي وعن عبق من الكافور عن قبس من الديجور كان يضيء في كل المسافات ماذا يا رفاق الدرب ما دامت تزلزلنا رياح القهر والاحباط في عقم البدايات
Post: #1790 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-10-2011, 05:57 AM Parent: #1789
عليكم السلام يا وجه الخير جلا عارف الشعر ما لايق معاك قول لي ليه ....
الحمد لله البقت بيضة ديك في الحرالحاره دي يا أبو الزوز... ما بقت بعرة فيل و مستوردة من الفتيحاب كمان... و الله أشعر بالحر الشديد... مشيت جبت البتاعات البركبوهم في قزاز العربية بالجمب ديلك لزوم زيادة التظليل... و برضو شاعر ان مكيف العربية و كأنه بيأذن في مالطه... ما يجي واحد يتفلسف و يقول لي استخدام غير صحيح لي يأذن في مالطه.. أنا براي حران و زهجان أستعمل العبارات بالطريقة البتريحني... المكيف و كأنه يؤذن في مالطه...مره تانية كمان.. في زول عنده اعتراض... قلت ليهم مكيف المكتب ده مالو حار تعالوا صلحوا المكيف... كركبك..كركبك...نفضوا الغبار من الفلتر... برضو مكيف المكتب و كأنه بيأذن في مالطة (مالكم و مالي)... المكيفات في السكن عايزه ليها تنضيف و تسليك... نضفك...نضفك...سلكك...سلكك..برضو المكيفات و كأنها بتأذن في مالطة... قلت الحل الوحيد أتصل بي صاحبي بتاع الفتيحاب يرسل لي حاجه... بعره كااااااربه كده... تخليني أنا ذاتي أمشي أأذن في مالطه...
Post: #1793 Title: Re: ناس الزقازيق ... أجدع ناس (4) .. Author: جلال عثمان Date: 05-10-2011, 07:32 AM Parent: #1792
والله لكن مكيفاتك "بنات حلال" او اولاد حسب المود تعال شوف نحن .... قال ليك "اقمنا الصلاة " عديل ولا اسى ما عرفناها بتأذن" ولا بتغني والله يالرشيد بلد بت كلـ......... ياخ صلاة الفجر والواحد عرقان ويناهد تقول "قراع" وقراع دي الا جبرييلا يجي يشرحا ليكم ....
عشان الواحد يخش معاكم في المود لازم أفرِّق بين التكييف و المكيفات فالتكييف و هو تفعيل بالشخص الداير يتكيف أما المكيفات فهو الإسم المشتق من الكيف فمثلاً داير تكييف معنى أن الجو محتاج لمثل هذا النوع من التكييف أو داير مكيِّف معناها الجو يفرض عليك أن تقوم بتشغيل المكِّيف وهكذا دواليك
نفسي و الله أمشي الاسكا... و أغشى منى عباس في فانكوفر في كندا... و أمر على حاتم جباره كمان... و أسلم على السهيلي... و بالمره أقعد يومين مع أولاد عمي في شيكاغو... و أعمل انتفرفيو مع أوبرا وينفري... و من هناك أركب الطيارة سييييييدا للبحرين أتكسر لي يومين مع بكري حامد... و البحرين دي لو سألتني عشان شنو... أقول ليك حتى تكتمل الصورة...
ما شاء الله و عيني بااااردة الكلام ما أنا.... الكلام إنت الحاضن الصورة ليك 13 يوم جاي تتطلعاها هس؟؟؟ بس إنشاء الله ما تكون بركت ليها في السجااادة أها إنشاءالله قريت ليها ياسين
كويس نبدا حملة لارجاع المفصولين للصالح العام في هذا البوست خيراً بدا محمد عيد بطارق جبريل ... رغم انه الولد ده مرات بيخرج بره النص الا انه وجود مهم اضم صوتي لصوت محمد عيد وطالب بعودة طارق جبريل .. وفوراً ...
بعدين الزول الكان بيتكلم معاي في التلفون ... قبيل وقال لي دقيقة ارجع ليك .... ياخي انا راجيك من قبيل ....
اول حاجة اشتغل معانا في حملة عودة الغائبين وعلي راسهم طارق جبريل وبعدين امشي محل ما عايز .... عشان برضو نعمل ليك حملة بتاعت ارجاع وعودة ... معا حتي عودة الغائبين ...
Quote: مسافر وين مخلينا .. لنار الفرقة تشقينا . ...
مسافر وين مخلينا ومنو البعدك بواسينا .. بزاورنا
وين بعدك نلاقي حنان و منو غيرك بواسينا .
الغنا زي دا ما بقسم معاي عندك غنا تاني غيرو ...كبو نحن غنانا نانسي عجاج و غادي محمد عيد ما تعلق بي جاي (خليك في الفيس بوك هناك) بمناسبة الباسويرد شوف الماسنجر بتاعك وهو أمانة في رقبتك أبو الزوز بدل تفتش طارق جبريل و بس داير أتعبك شوية عشان تفتش لي يا جماعة ما تقول الزول دا زاغ بي باقي الرحلة بس الزول محتاج لي راحة زهنية شوية يعني لمن الطايوق يروق أو إجازة ماليزيا تنتهي أو حوار الإسمول لدي يكتمل بعد داك لو عندكم تعازي أو فرح نجيكم غير كدا ممكن أقول ليكم صباح الخير يا وجوه الخير
إمام حلفاوي بيصلي بي جماعه من الحلفاويين, كُل يوم وكُل صلاة يقرا الحمدُو وبعدها وسورة -ألهاكم التكاثُر حتي زُرتُم المقابر-, أها الإمام مات قام جا ولدو بقا يصلي بالجماعه , أول يوم صلي قرا ليهم سورة - التين والزيتون- , الجماعه ورا طوالي قالو ليهو (أثناء الصلاة) أيوا كِدا الله ينصُر دينك جيب لينا الحاجات السمحه دِي, أبوك كُل يوم شابِكنا هاكُم التزاكِر أمشُو المقابر.
_________________________
واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله ... ده ما يومك .....
____________________
مسطول أخوهو مات ، الجماعه غسلوهو ولفوهو في الكفن ، قام إتلفَت ليهُم وقال ليهم مافي واحد معاهو ولاعه
______________________
واحد مرتوعضتة كديسه المره ماتت جاء واحد يعزى الراجل لقى الناس اعداد غفيره سال راجل المره الميته الناس دى كلها جايه العزاء الراجل قال ليه جاين يستلفو الكديسه
(( والعايز يستلف الكديسة يوريني وانا بدلو على مكانا ))
______________
إتنين شوايقه زهجانين من نسوانُن واحِد قال للتاني:نِحنا لمن نموت ونتزوج الحور العِين نِسوانا ديل بودُوهُم وِين؟ التاني قال ليهُو بعزِبو بيهُم الكُفار
_____________________
شايقي دخل البيت زعلان شديد .. مَرَتُو سألتو مالك يا راجِل قال ليها تخيلي الصيدليه عامله تخفيض كبير في الدواء وما عندنا زول عيان
-__________________
مسطول قالو ليهو عادل إمام مات قال ليهم الليله نكير الضحك شرطو
_____________________
مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة عندي الحمدو
__________________________
رُباطابي فتح دُكان جاب واحد فلاتي قرا فيهو يس أول شهر الدكان رِبح 4 مليون ..الفلاتي سمع جا للرباطابي قال الا يشيل 2 ملون .. الرباطابي قال ليهو لي إنتَ يس دي قايلا من تأليفك __________________
شايقى وجعلى ماشين فى الغاية فى الجنوب ظهر ليهم نمر عاتى وجاء هاجم عليهم الشايقى ... شال نعلينو فى ايدو . واستعده للجرى الجعلى قال ليهو شلته نعليك فى ايدك قايل نفسك دار تسبق ليك .نمر الشايقى قال للجعلى ..انا عارف نفسى ما بسبق النمر انا داير اسبقك انت..؛؛؛؛؛؛
__________________________
أمريكي و إنجليزي و سوداني دخلو نار جهنم سوا , الامريكي قال لي إبليس عليك الله شوف لي طريقه داير أتصل بي أهلي بواشنطن بالتلفون بس خمسه دقايق .. إبليس جاب ليهو الخط وبعد المكالمه إنتهت قال لي الحساب مليون دولار .. الانجليزي طلب نفس المُكالمه لي لندن و إبليس حاسبو بي مليون جنيه استرليني .. السوداني طلب مُكالمه للخرطوم قام إبليس أداهو ساعتين قام السوداني سأل الحساب كم؟ إبليس قال ليهو دولار واحد بس لأنها مُكالمه داخليه
غايتو بتاعنك ديل يا نجيلة بيكون لافينها بي بعرة فيل مسطول أخوهو مات ، الجماعه غسلوهو ولفوهو في الكفن ، قام إتلفَت ليهُم وقال ليهم مافي واحد معاهو ولاعه ______________________
مسطول قالو ليهو عادل إمام مات قال ليهم الليله نكير الضحك شرطو _____________________
مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة عندي الحمدو __________________________
هاهاهاهاهاهاهاها رُباطابي فتح دُكان جاب واحد فلاتي قرا فيهو يس أول شهر الدكان رِبح 4 مليون ..الفلاتي سمع جا للرباطابي قال الا يشيل 2 ملون .. الرباطابي قال ليهو لي إنتَ يس دي قايلا من تأليفك __________________
نجيلة غايتو حا أعيد النظر في القرار الكنت عايز إتخذو ليس حباً في مداخلتك بس حباً في نكاتك ال514
Post: #1812 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-11-2011, 06:29 AM Parent: #1811
صباح الخير ،،، يا وجوه الخير
أصبحنا وأصبح الملك لله وحده،،،
اللهم كن لي عونا ومعينا وحافظا و ناصر وأمينا اللهم احفظني من أعين الناظرين ومن كيد الكائدين و من قلوب الحاسدين ومن سحر الساحرين برحمتك يا أرحم الراحمين
صبحكم الله بالخير المقولة التي تقول جينا لي مكة تغنينا قلعت طواقينا... اذا أردنا الاستعلام عن صحة المقولة بالنسبة لمكة بالتحديد.. فأهل مكة أدرى بشعابها... و ليس أصلح من عصام دهب للاجابة على هذا السؤال... و أرجو اذا حضر عصام للاجابة على هذا السؤال... أن يفيض و يسترسل في أنواع الطواقي... أما الطاقية بتاعتي و التي اقتلعت عنوة مني أنا في الامارات... فهي عدة طواقي... أولها الشباب الذي قضيناه هنا رغم أنها كانت أياما جيدة... و الذي دفعني لقول ذلك الأوجاع الكثيرة هذه الأيام... تجلس في الصلاة فاذا بالركب تطقطق كلها.. حتى يخيل اليك ان أصل الانسان كان عنقريب... و ليس قردا كما أخطأ دارون... و القطايع التي لا حصر لها... و هنالك العديد من الطواقي الأخرى... والتي سآتي اليها لاحقا...
Quote: الزول بتاع السلع ...بي جازو
زيدني من دلك شوية...و كتر الأشواق علي... عشان نفقدك يا شقي الحال..
Post: #1818 Title: Re: ناس الزقازيق ... أجدع ناس (4) .. Author: جلال عثمان Date: 05-11-2011, 09:27 AM Parent: #1816
ايوااااااا ... خليكم على كدة بالله داوموا ادام الله عافيتكم .... حيث ان الكتابات هنا تجذب الآخرين فربما يجد بعضهم كلمة تستهويه ... او تعبيرا يعجبه .... او مزحة لامست شيئاً فيه ... فيقوم بالتداخل ... وان لم يجد أي من ذلك ... فلربما يجد جلا وهو يقوم بأرجاع باقي حساب الرحلة فينوبه من الطيب نصيب ....
سلام عليكم يا خوانا.. أولا.. تعازينا لكل من فقد عزيز لهم.. ثانيا.. مبروك النجاحات المشرفه لكل الأبناء والبنوتات.. ثالثا.. نأسف للانقطاع القسري.. آخر مره دخلت من زمن بعيد طقاني فايرس في كمبيوتر المكتب.. قربوا يلبسوني ######شات.. وشالوا العده.. وما رجعوها الا قبل يومين.. تاني نهي من دخول البوست من المكتب.. الوقت للعمل.. رابعا.. رجعوا لينا الناس المقاطعين زي جبريلا ونمله.. وين أجاويدكم.. خامسا.. صور الرحله البينزلوها بي غادي ما دايرينها.. سادسا.. شكرا لكل من سأل.. سابعا.. كل سنه والبت ناني طيبه.. ثامنا.. اسحبوا منو الباسويرد.. قبل ما يتنازل منو.. تاسعا.. نكت من سنه دو.. لكن لذيييييييذه.. كتر بس.. عاشرا.. تسلم من الزمجره.. وديل العشره مداخلات.. قبل ما يسحبوا العده..
Post: #1820 Title: Re: ناس الزقازيق ... أجدع ناس (4) .. Author: محمد عيد Date: 05-11-2011, 12:32 PM Parent: #1818
Quote: فلربما يجد جلا وهو يقوم بأرجاع باقي حساب الرحلة فينوبه من الطيب نصيب ....
سلامات يا طاعم ومشتاقين ...
الزول ده قدر ما زنقوهو قال ما بيرجع لاى زول باقيهو
الا من جلد الخروف او راسو او باقى اليتزا بتاعت نهلة
Post: #1821 Title: Re: ناس الزقازيق ... أجدع ناس (4) .. Author: محمد عيد Date: 05-11-2011, 03:57 PM Parent: #1820
Quote: وديل العشره مداخلات.. قبل ما يسحبوا العده..
والله رهيب يا ميســى ...
تخيل انت كنت رقم 3 فى حملة اعادة الـ ... بعد جبريلا ونملوز ...
لكن ما شاء الله حصانك جراااى ...
يظهر أثــر الحج ما زال باقيا" ... بركاتك يا حاج ...
تخريمة :
شايفك غطيت كل حاجة ..
لكن بس ما باركت لى صلاح اللمين .. ولا قلت العاقبة لى فلالالالالالان ...!!
Quote: ما انه عارف يوم الخميس ده مافي زول حا يجي يشتغل بي
منو القال ليك يا أبو الزوز... خليك متفائل ياخي شوية... بعدين الما بيجو يوم الخميس ديل المطاميس.. لكن ناس اللالوبة الزينا ديل قاااااعدين...
Post: #1827 Title: Re: ناس الزقازيق ... أجدع ناس (4) .. Author: عبد القادر بابكر Date: 05-12-2011, 08:57 AM Parent: #1826
التحية والتقدير والمحبة لكم جميعا يا أجدع ناس ...
المعذرة على طول الغياب وذلك لأسباب فنية وكفيلية طارئة ..
التعزية لكل من فقد عزيزا لديه وأسأل الله له المغفرة .. والتبريكات لكل أبناءنا الناجحين وانشاء الله يارب نشوفهم جميعا في أعلى المراتب.. والتهنئة موصولة لعريسنا الدكتور صلاح الأمين وعروسته اسيا ربيع مع امنياتي لهم بالمال والبنين ..
Quote: بعدين الما بيجو يوم الخميس ديل المطاميس.. لكن ناس اللالوبة الزينا ديل قاااااعدين...
عشان نحن من ناس اللالوبة .... لا مطاميس ولا حاجة ... انت البقعدك شنو لي هسة ؟؟؟ مالك ما ركبت الزلط ........
Post: #1829 Title: Re: ناس الزقازيق ... أجدع ناس (4) .. Author: عبد القادر بابكر Date: 05-12-2011, 09:03 AM Parent: #1827
Quote: الليلة حفلتنا بابو عركى اتفضلوا معانا توجد تذاكر مجانية و مواصلات بعد السهرة
.... وسلطة اسود
يا عبد الدائم غايتو أبو عركي مبروك عليكم لكن أووووووووعك من سلطة الأسود
كفاية العملتو فينا يوم حفلتنا هنا ......
Post: #1828 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2011, 09:01 AM Parent: #1826
صباح الخير يا وجو الخير ،،،
صباح زهير وصباح الرشيد وناس أبو عركي
اللهم إني اسألك من خير ما سألك به محمد صلى الله عليه وسلم .. واستعيذ بك من شر ما استعاذ به محمد صلى الله عليه وسلم ..
Post: #1830 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2011, 09:17 AM Parent: #1828
Quote: التحية والتقدير والمحبة لكم جميعا يا أجدع ناس ...
المعذرة على طول الغياب وذلك لأسباب فنية وكفيلية طارئة ..
زاد ركب العائدين ،،، وربنا يرجع لينا باقي المجموعات
الغريبة الزول دا ماموجود في لستتكم ديك و بعدين هو قال ليكم هو من أصحاب اللالوبة عشان كدا فتشو الناس المطاميس
Post: #1832 Title: Re: ناس الزقازيق ... أجدع ناس (4) .. Author: عبد القادر بابكر Date: 05-12-2011, 09:24 AM Parent: #1830
تحياتي لك أخي ميسرة ولعيالك
البيت منور وعامر بوجودكم دائما ...
مسكتنا منكم الظروف بس والله والقليب عمران بالمحبة والأشواق .....
Post: #1834 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-12-2011, 09:40 AM Parent: #1832
قدوره شخصيا" يا سلام ياخى كان كده حاج الركز حيجى بس بعد سنة
Post: #1835 Title: Re: ناس الزقازيق ... أجدع ناس (4) .. Author: عبد القادر بابكر Date: 05-12-2011, 09:41 AM Parent: #1832
أهلا بالعزيز جلا .. تحياتي لك
يكون الاسم سقط سهوا ... المهم الجية واللمة ......
Post: #1833 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2011, 09:34 AM Parent: #1830
مستقبل الوظائف بالسودان- منقول مره أخرى
أصبحنا وأصبح الملك لله .. قالها عم بدوى وهو ينهض من سريره متثاقلاً ويفرك عينيه متجها نحو باب الشارع بعد سماعه لطرقات عليه ، فتح عم بدوى الباب وهو ينهر (ك ل ب ت ه) التي دفعها حب الإستطلاع لمعرفة الطارق وما أن فتح عم بدوى الباب حتى وجد أمامه شاباً يحمل على كتفه شنطه جلدية سوداء: - السلام عليكم يا حاج - وعليكم السلام ورحمة الله تعالى وبركاته - معليش يا حاج بس عاوزين قروش النفايات أدخل عم بدوى يده داخل (العراقى البلدى) الذى كان يرتديه وأخرج عدداً من الجنيهات سلمها للشاب والذى قبل أن يقوم بتسليم الإيصال نظر إلى (ك ل ب ة) عم بدوى ملياً ثم نظر إليه وقال: - يا حاج (ال ك ل به) بتاعتكم دى باين عليها عندها مبادئ سعر... - (مندهشاً) : سعر شنو؟ ال ك ل به دى من البيت ما ب تطلع.. - كل الدلائل يا حاج بتقول إنها مصابه بفيروس السعر الإسمو Virus Lyssa - يا ولدى ال ك ل به دى أنا متاكد إنها سليمة .. - يا حاج ده شغلنا !! ذهل عم بدوى بعد أن إستمع للعبارة الأخيرة التى أطلقها الشاب (أيه صلة النفايات بالسعر) إلا أن ذهوله قد تلاشى تماما بعد أن أخبره الشاب بانه (فى الأصل< SPAN dir=ltr>) طبيب بيطرى إلا أنه لم يجد وظيفه فى مجال تخصصه فإشتغل (محصلاً) فى شركة النفايات. وهو يقوم بقفل الباب عائداً إلى داخل المنزل كان عم بدوى يردد عبارة - لا حول ولا قوة إلا بالله- الشئ الذى جعل زوجته الحاجه (محاسن) أن تسأله عن سر ترديده لتلك العبارة وعندما أخبرها رددت عليه قائلة : - ويعنى شنو؟ هسه (هاشم) ود نفيسه أختى ده ما عندو (دكتوراه فى القانون) وشغال طباخ مناسبات ! إرتدى عم بدوى ملابسه وخرج من المنزل قاصداً محطة المواصلات إذ كان عليه أن يذهب لإستلام معاشة الشهرى وعند وصوله إلى المحطة لم يجد حافلة واحده ذاهبة إلى الخرطوم ففكر أن يقوم بشراء صحيفة من كشك الجرائد ويشرب (فنجان قهوة) عند إحدى بائعات الشاى ريثما تأتى إحدى الحافلات وما أن جلس على بنبر البلاستيك أمام احدى ستات الشاى حتى وجدها تدير معركة (كلامية) حامية (ال و ط ي س) مع إحدى زميلاتها متهمة أياها بتصيد الزبائن : - أمشى كده يا بكالريوس محاسبه ، هو ذاتو الدنيا لو ما بت ك ل ب أنا وأنتى نقعد فى حته واحده! - بكالريوس المحاسبه مالو؟ عاجبنى ماجستيرك بتاع (التكاليف) ده ! (ثم تنظر إلى الأسطى عبدو) بتاع الأورنيش متوجهه له بالحديث : - عليك الله يا باشمهندس عوضيه دى ما حقارة؟ من الصباح تشيل فى زباينى وأنا ساكته ليها ! - (يجيبها وهو منهمكاً يمسح فى حذاء أحد الزبائن) : والله الأيام دى عوضيه دى بقى لسانا طويل بالحيل أمبارح القريبه دى عامله ليها (شمطيبه) مع دكتور عثمان) الببيع الأكياس، قالت ليهو عامل لينا زحمة أمشى بيع بعيد من الحته دى ! ? مواصلاً- هو ذاتو دكتور عثمان يستاهل عشان ما ب سمع الكلام قلنا ليهو إختار ليك شغلانية قريبه من (الجراحه) تخصصك يعنى بيع ليكا (أم فتفت .. كوارع) حاجه ذى دى ، قال أيه : الأكياس بتدخل ليهو كويس ! - مواصلاً- ماهو نحنا هسه عشان (مهندسين) إشتغلناهندسة أحذيه ! فى هذه اللحظة دخلت أحدى الحافلات إلى الموقف فقام عم بدوى بطى الجريده ووضعها فى جيب الجلابيه وناول ست الشاى (حق القهوة) متوجها إلى الحافلة التى كانت تقف بينما الركاب يتوافدون إليها تباعاً ، جلس عم بدوى على أحد الكراسى الأما ميه إلى جانب السائق الذى ما أن دخل إلى الراكبه آخر راكب حتى قام بقفل الأبواب ثم أمسك بمايكرفون معلق على الطابلون : - السادة الركاب مرحباً بكم على متن (الفرده) رقم 13 المتجهة إلى الخرطوم ، هذا سائق الحافلة (كابتن صابر) يحييكم ويتمنى لكم رحلة سعيدة ، سوف نسير بسرعة 60 كيلو فى الساعة ، تبلغ درجة الحرارة الخارجيّة الآن حوالي الأربعين درجة مئوية بينما تبلغ الداخلية خمس وأربعين ومن المتوقع وصولنا إلى (الإستاد) بعد نصف ساعة من الآن إن لم تواجهنا أى مطبات مرورية !! قبل أن يقوم (السائق) بالإقلاع إلتفت إلى عم بدوى الذى إمتلأت قسمات وجهه بعلامات الدهشة والإستغراب وخاطبه قائلاً : - ما تندهش يا حاج أنا أصلو طيار أيربص ( A330) لكن قلنا بدل الواحد ما يقعد عاطل أحسن يمشى أمورو
Post: #1836 Title: Re: ناس الزقازيق ... أجدع ناس (4) .. Author: عبد القادر بابكر Date: 05-12-2011, 09:55 AM Parent: #1833
كلام في السلك يا ميسرة يا خوي .. بيني وبينك الكلام ده حصل من زمان .....!!!!! بس ناس الجراحة والهندسة ديل لسه ما وصلوا .. لكن قربوا ...
أهلا يا عبد الدائم .. مشتاقين والله .... تحياتي ليك وللعيال ..
Post: #1838 Title: Re: ناس الزقازيق ... أجدع ناس (4) .. Author: ابتهاج عبد الله Date: 05-12-2011, 10:17 AM Parent: #1836
بنسلم وبنمسى علي الناس الجدعه نفرح دايمابلمتكم الجميله وتسعدنا فرحتكم ببعض ومناسباتكم السعيده ننزعج لاحزانكم
Post: #1839 Title: Re: ناس الزقازيق ... أجدع ناس (4) .. Author: محمد صديق Date: 05-12-2011, 10:31 AM Parent: #1836
السلام عليكم ايها الناس
Quote: التحية والتقدير والمحبة لكم جميعا يا أجدع ناس ...
المعذرة على طول الغياب وذلك لأسباب فنية وكفيلية طارئة ..
مبروك علينا جميعاً عودة قدورة ...وعقبال:
حاج الركز
عفاف
حنان مجمر
منى عباس
منى يونس
كوثر داوود
سناء الصباغ
نورا
عرفة
نملة
الشادى
سيف
السهيلى
بكرى حامد
د.احمد
د.الصادق
ودالمهدى
مجتبى
شقلينى
عجب سيدو
بسكو
معاوية
عشة
ودالمرتضى
قيس
الجدى
ابايزيد
وط ا ر ق ج ب ر ي ل....
Post: #1837 Title: Re: ناس الزقازيق ... أجدع ناس (4) .. Author: أحمد إسماعيل Date: 05-12-2011, 10:11 AM Parent: #1833
السلام عليكم يا أحباب والله ياريس حكاية طريفة ومعبرة عن واقع الحال الذي يغني عن السؤال لكن ناس الفاقد التربوي يمشوا وين ؟ وأصحاب المهن الفي الحكاية بالتخصصات العجيبة دي ، لو الواحد فيهم تأهل أكثر وزادت خبراته يترقى لوين؟
Post: #1840 Title: Re: ناس الزقازيق ... أجدع ناس (4) .. Author: محمد صديق Date: 05-12-2011, 11:10 AM Parent: #1837
السلام عليكم ايهاالقوم
Quote: وط ا ر ق ج ب ر ي ل....
والبرنس
عروة على موسى
صلاح الامين
سامى الطاهر
جمال السنوسى
جمال فارح
خالد محى الدين
عبدالحفيظ عباس
البادى النور
احمد سليمان
تبلدينا
مشاعر بدوى
ومبارك جادين
Post: #1841 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2011, 11:16 AM Parent: #1837
زهير الزناتي يا أخوي وينك
شفت خذلناك كيف الخميس ده جاب
ناس كتار ،،، حباب أختنا إبتهاج
Post: #1842 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2011, 11:35 AM Parent: #1841
Quote: وأصحاب المهن الفي الحكاية بالتخصصات العجيبة دي ، لو الواحد فيهم تأهل أكثر وزادت خبراته يترقى لوين؟
إلا يقوموا يعملوا ليهم إتحاد ويستحدثوا ليهم مهن جديدة وتجاز في الجمعية عمومية ،،،،،،،
و مساء التماسي للريس ميسرة... يا ريس من وحي القصة بتاعتك... عندنا ناطور صعيدي اسمه أحمد... ما حصل فتحت موضوع مع أحمد هذا الا و أدهشني بثقافته العالية... لم أسأله يوما عن دراسته... لكني أشك في أن أحمد هذا فيلسوف ضل طريقه الى الناطوريه...
Quote: عشان نحن من ناس اللالوبة .... لا مطاميس ولا حاجة ... انت البقعدك شنو لي هسة ؟؟؟ مالك ما ركبت الزلط ........
حباب قدوره... منور البوست اليوم... الأيام دي أجد نفسي بين مطرقة حر المكتب و سندان حر الطريق... و لكني أشواقي الى أسرتي تجعلني أحتمل حر الطريق... سعيد أنا بعودتك....
بهجة منوره البوست اليوم... أعتبري نفسك في اجازة مع ميار و داومي على الظهور... و خلي صاحبي ده يخفف وزنه شوية... و ما يعتمد على ان البنطلونات الواسعه بتاعت السودان ما زالت تناسبه...
Post: #1844 Title: Re: ناس الزقازيق ... أجدع ناس (4) .. Author: محمد عيد Date: 05-13-2011, 01:04 PM Parent: #1843
شكرا على السؤال ..تحياتي للجميع ..ويا ناس السودان جاييكم في الصيف السنه دي لمدة ثلاثه اسابيع من نهاية يونيو حتي بداية يوليو ..انشاء الله تكون برامجكم مدوره وما تكون انتهت بسفر الزناتي..
جمعتكم مباركة وحلوة التحية لكم جميعا ومرحب بعودة جميع الغائبين ونتمنى نشوف الجميع مسجلين حضور وانشاء لمتكم دائمة .. ... موسى عيسى تحياتي .. وين صور ابو عركي ياخي .. محمد عيد الله يديك العافية ويديم علينا أخبارك الحلوة فقد تفاجئت اليوم بظهور الجميل زاهر صادق على الفيس بوك ذلك الرائع الذي ضمخ أيامنا بهجة وروعة متعه الله بالصحة والعافية .. .. ود جبريل ..
Quote: هوي خوتكم لستك والفيكم اتعرفت انا ان بقيت تميت باقي الحوار (الله بيسألني حضرتو في البركل) بيقيمو علي الحد
ياخي بركة الجيت .. تمو وليك علي مافي حدا جاييك مافي كلاما كتلو زول ... نفيسي لكن مبااااالغة في الشمشرة... ضحكتنا الله يديك العافية .. .. ..
أن تستصحب معك موسى عيسى في طريق مغبر طويل فهي لا شك رفقة حسنة.. ضحكة صافية و قلب أخضر و كلام طيب...و..و.. و قطيعه حلال...
عودة جبريلا لا شك هي عودة ابتسامه و كتابة ممتعة و قلم ضل الطريق زمنا طويلا... عودة دكتور الصادق ما هي الا تعبير عن محبة صادقة لما للرجل من مشغوليات... ظهور زاهر الصادق و لو من على الفيس بوك دليل على أن الرجل قد اقترب كثيرا... عودة منى يونس... و كيف نرفض رجوع القمره لي وطن القماري...
أما عودة سناء خليل دي رغم أنها تفرحنا كل مرة... الا انني المره دي أوصي بالآتي... يجي زول كبير (ما أنا غايتو) و يقعد سناء دي في الواطه... و يقعد يلوم فيها لوم السنين... لحدي ما تحرم تنقطع مننا تاني... لكن صدقوني لو كل مره تغيب و تجي راجعه و نحن..مرحبا بسناء...مرحبا بسناء... الزوله دي حتستمرأ المسأله دي... أسألوني منها أنا...
تاني منو العاد... انتو جلا ده عاد و لا لسه.. عاااد...
الكثير منا يذكر قصة الأسد الذي اغتال مدربه ( محمد الحلو ) وقتله غدراً في أحد عروض... السيرك بالقاهرة
وما نشرته الجرائد بعد ذلك من انتحار الأسد في قفصه بحديقة الحيوان واضعاً نهاية عجيبة لفاجعة مثيرة من فواجع هذا الزمن
والقصة بدأت أمام جمهور غفير من المشاهدين في السيرك حينما استدار محمد الحلو ليتلقى تصفيق النظارة بعد نمرة ناجحة مع الأسد ( سلطان) ..
وفي لحظة خاطفة قفز الأسد على كتفه من الخلف وأنشب مخالبه وأسنانه في ظهره!..
وسقط المدرّب على الأرض ينزف دماً ومن فوقه الأسد الهائج.. واندفع الجمهور والحرّاس يحملون الكراسي
وهجم ابن الحلو على الأسد بقضيب من حديد وتمكن أن يخلص....أباه بعد فوات الأوان
.ومات الأب في المستشفى بعد ذلك بأيام أما الأسد سلطان فقد انطوى على نفسه في حالة ..اكتئاب ورفض الطعام وقرر مدير السيرك نقله إلى حديقة الحيوان باعتباره ..أسداً شرساً لا يصلح للتدريب
وفي حديقة الحيوان استمر سلطان على إضرابه عن الطعام
وأخيراً انتابته حالة جنون، فراح يعضّ جسده وهوى على ذيله بأسنانه فقصمه نصفين!!!.. ثم راح يعضّ ذراعه، الذراع نفسها التي اغتال بها مدرّبه، وراح يأكل منها في وحشية، وظل يأكل من لحمها حتى نزف ومات واضعاً بذلك خاتمة لقصة ندم من نوع فريد..
ندم حيوان أعجم وملك نبيل من ملوك الغاب عرف معنى-- الــوفـــــاء -- وأصاب منه ...!حظاً لا يصيبه الآدميون
...أسدٌ قاتل أكل يديه الآثمتين
درسٌ بليغ يعطيه حيوان للمسوخ البشرية التي تأكل شعوباً وتقتل ملايين في برود على الموائد الدبلوماسية وهي تقرع الكؤوس وتتبادل الأنخاب ثم تتخاصر في ضوء الأباجورات الحالمة وترقص على همس الموسيقى وترشف القبلات !في سعادة وكأنه لا شيء حدث. ===============================
نحن نشاهد هذه الأيام الإنسان العربي يبحث عن الحرية والديمقراطية وترك البحث عن لقمة العيش والجلاد يقتل بدون رحمة أو شفقة أو حتى ندم
!..إنّي أنحني احتراماً لهذا الأسد الإنسان !!!بل إني لأظلمه وأسبّه حين أصفه بالإنسانية
ألا يدلّ سلوك ذلك الأسد الذي انتحر على أننا أمام نفس راقية تفهم وتشعر وتحس وتؤمن بالجزاء والعقاب والمسؤولية؟؟!!..
نفس لها ضمير يتألّم للظلم !!!والجور والعدوان؟؟
فما بال هؤلاء القتله لا يحسون ولا يدركون ولا يتعلمون !!!!
Post: #1869 Title: Re: ناس الزقازيق ... أجدع ناس (4) .. Author: أحمد إسماعيل Date: 05-15-2011, 05:04 AM Parent: #1868
أصبحنا وأصبح الملك لله الواحد الأحد ألف مرحب بعودة الأحباب طارق جبريل ، ويا طارق شجرة الدمام من إتهوززت ياهبوباي يا ابلاي والأخ عبد القادر بابكر والمبدع زاهر الصادق والدكتورة سناء الصباغ والسيدة الأولى منى يونس والدكتور الصادق عبد الله وأم المتفوقة ميار وعقبال عودة البقية الباقية
Quote: مرحبتين بطلة الحبان ود جبريل (طيب صالح الزقازيق ).
ياخي دي ما بقدر افوتها ليك ... انا كنت قايل روحي بتاع تلج لكن دي اوسكار عديل ... احب التلج ذاتو في الحر ده ....والله يا موسي كيفتني قبل طارق جبريل .... دي غايتو نحيل اوارقها لفضيلة الشيخ جلا ... يفتي لينا فيها ....
نرحب ترحيب كبير أوي بالعودة الطوعية لكن داير أسأل لماذا العودة الطوعية؟؟؟؟ لماذا لا تكون عودة بعد إنقطاع أو العود الأحمد أو عودة الحب و الإخلاص أو عودة دون إنقطاع العودة الطوعية دي تذكرني بمفوضية اللاجئين (UNHCR) و تحية إجلال و تكريم و تقدير للأخ زاهر الصادق ودا تختوهو في ياتو عودة و لا دا لاجئ جديد لنج؟؟؟
Quote: تاني منو العاد... انتو جلا ده عاد و لا لسه.. عاااد...
عااااد دا ما أنا ما أعود كيف!!!! دحين الباسويرد بتاعي ما وقع في عينكم؟؟؟
Post: #1872 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-15-2011, 06:09 AM Parent: #1871
قــلتو لى جاء كم نفر من ناس ( العودة الطوعية ) لحدى الان
نابكم حيطلع على شونة .......
قـــالو يا سناء بت الصباغ النسيبة ماشة الحج ومحاربة ومقاطعة مرات ولـــــدا .... لا سلام لا كلام بينـاتـم الجيران يوم مسافرة قالو ليها الكلام ده ما صاح .. لازم تسامحيها عشان حجتك تتقبل والمسامح كريم قبلت الحاح الجيران على مضض وساعة طالعة على المطار سلمت على الناس كلهم ... وجات لمرات ولــدا اخر زول قالت ليها انا ماشة لبيت الله كان متـــــــه العفو و العافية وكان جيت راجعة كمان كلوووو شى فى محلوووو ....
هسه انتى كمان كان بتواصلينا وتزورينا وتشوفينا العفو والعافية ... وكان زى جيتــكم دى خلى كل شى فى محلووووو ..
بعض التعثر يلازم بيضة الديك هذا الصباح... ربما لنقص في الكالسيوم...
هذا الصباح و أنا أقبع حيث تصنع الأفكار النيره... أخذت أفكر على طريقة الدكتور جيكل و مستر هايد... دكتور جيكل كان يحدثني بأن أبو الزوز كان يقصد قلة المداخلات... و ذلك عندما وصف مداخلاتي ببيضة الديك... بينما كان مستر هايد يدفعني الى فهم أنه يقصد بأنها فارغة المحتوى... و لكنني عندما عدت الى نفسي قلت... الجاتك في بيضة ديكك سامحتك...
شجعت الريال فلم يكسب الدوري الأسباني... و شجعت المانشستر فلم يكسب الأرسنال الدوري الانجليزي... و شجعت الميلان فكانت فرحتي أكبر من فرحة بربارا برلسكوني... فأنا أشجع الميلان و هي تشجع باتو رغم أن والدها مالك النادي... البنية من ما جكست الولد باتو المعلقين جننونا بيها جن... بربارا جات ...بربارا مشت...بربارا اتلفتت... نص المباراة الكاميرا مركزة على بربارا... أنا بيني و بين نفسي كده قلت و الله بربارا أحسن... من اللاعبين الواقعين في الأرض و بيدردقوا ديل... أنا شكلي كده لو باتو السنة الجاية مشى اليوفي مثلا فأنا حأشجع اليوفي... ما تقولو عشان بربارا...
Quote: ياخي دي ما بقدر افوتها ليك ... انا كنت قايل روحي بتاع تلج لكن دي اوسكار عديل ... احب التلج ذاتو في الحر ده ....والله يا موسي كيفتني قبل طارق جبريل .... دي غايتو نحيل اوارقها لفضيلة الشيخ جلا ... يفتي لينا فيها ....
يا موسى عيسى ما تشتغل بالزول المكركب دة اصلو هلالابي حاقد وليك علي اخت ليك حكاوي ((نفيسي )) والمرة الجاية سميني ماركزي الزقازيق
خلاص يا عمك خلينا مع (مصطفى سعيد) وادخل هنا: كركار خدوم..
Post: #1880 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-15-2011, 11:46 AM Parent: #1879
منقول من موقع الفيس بوك
Waleed Hamdoon أهــل الشـيمة والنبــل !!
قـد يكـونوا فقـراء ولكنهم شرفـاء .. يصـونون العهود وفي صيتهم نبـلاء .. يلتقون عند المحن وليس فيهم ضعفاء .. غاية العز ديدن والمجد هـم له فـداء .. لا يشقـى اليتيم فيهم فهـم له آبــاء .. بدموعهم يلتقون وفي أفراحهم سـواء .. يلبون المنادي ولا يتجاهـلون النــداء .. يقدمون القـرى وفـي زادهم كرمـاء .. لا يمسكون ولكن يبذلون الفضل بسخاء .. لهـم الشكر ومنهم المزيد مـن العطاء .. يوحدون الحال حيث في السراء والضراء .. وفيضهم لفدى الأرامل مثل غيث بعـراء .. يتقاسمون الحزن والأفراح بـود وإخاء .. ويزودون عن حمى الجار بفخر وإبـاء .. وتلك شيمة ناس الزقازيق دون منن أو جزاء..
لكم اجزل التحايا علي هذا الوجود الجميل
Post: #1881 Title: Re: ناس الزقازيق ... أجدع ناس (4) .. Author: عبد القادر بابكر Date: 05-16-2011, 06:03 AM Parent: #1880
أسأل الله أن يديم عليكم الصحة والعافية وأن يعطر صباحاتكم وجميع أوقاتكم صباح الخيرات عليكم جميعا ...
البوست ده ماااااا غطس عدييييييييل كده !!!!! وين ناس الليل ؟؟
غايتو الرشيد جا رمى لينا بيضة ديكو وطار !!!! وود جبريل جا مسح لينا البوست بي كركار خدوم ونام ... وميسرة كما عودنا دائما قال الحكي الجميل وجر بطانيتو .. وياسر نجيلة عطرنا بالسلام وعدا فات .. وجلا جا بي جاي كايس علي باسويردو ومشى .. وعبد الدائم جا هدد دكتورتنا بت الصباغ ومشى وهو رافع اصبعو ( كناية عن شدة لهجة التهديد ).. وود الزناتي ذاتو امبارح نام من المغرب .. واحمد اسماعيل رمى السلام وعيييييك ... وود جبارة لكز ود جبريل على خفيف ومشى ... تاني منو ياربي ..... ...
انشاء الله بس تكونوا نمتو كويس وما هلوستو ؟؟؟؟؟ مش بيقولوا البخلي بيتو وينوم عند الجيران بهلوس ... . . وتيب ........ ( كما قال منصور ) ..
Post: #1882 Title: Re: ناس الزقازيق ... أجدع ناس (4) .. Author: عبد القادر بابكر Date: 05-16-2011, 06:25 AM Parent: #1881
.. .. ياربي اليوم إجازة وأنا ما جايب خبر ...؟؟؟؟؟ ..
.. نقوم نمشي علي حوش المصممين بي غادي .. على فكرة العايز شعار يجينا .. العايز اعلان يجينا ... العايز تصميم لي بيتو برضو يجينا .. تنزيلات .... تنزيلات
بالرغم من أن البترول في خزان سيارتي كان يكقيني اليوم و غدا... الا أنني قررت ان أتوجه الى محطة الوقود التي بقبالة البحر... و بينما عامل المحطة بملأ الخزان بالوقود وجهت نظري الى البحر متأملا... فوجدته ساكنا الا من بعض مويجات هنا و هناك يتاقفزن فرحا... و قلت لنفسي باسما وانا أتذكر صور التسونامي التي بثتها الفضائيات... حقا ان عاتي الأمواج من مستصغر الموج.... ثم قلت للبحر ضاحكا...يا بحر... أتامل سكونك أسدأك...أشوف نسوناميك أستغرب....
من الأقوال التي صارت مثلا ..ان القصير يا فتنة يا حكمة... و لكني أصبحت أنظر مؤخرا الى هذه المقولة بكثير من الشك... فلقد صادفت هنا من هم من طوال القامة و هم أصحاب الفتنة.... بينما لا يزال هنالك بعض الحكماء من قصار القامة... فقلت هذا زمن طالت فيه الفتنة و قصرت أو تقاصرت فيه الحكمة....
عندما تبحث عن البوست في الصفحة الأولى فلا تجده... فهذا أكبر دليل على أن الرجل كان محقا... و أنا هنا أقصد أبو الزوز... فيبدو أن الأمر يحتاج الى أكثر من بيضة ديك واحدة... ليتني كنت أملك حرفنة الكوتش... لكنت قسمت هذه البيضة الى أربع بيضات كاملات... و ربما اذا أمعنت في التقسيم... لجعلتها بدنة كاملة..
و أخيرا..... وشوشنى العبير ..فانتشيت وساقنى الهوى فما أبيت يد الحرير أرتعشت بكفى فبكيت من رقتها..بكيت
Post: #1885 Title: Re: ناس الزقازيق ... أجدع ناس (4) .. Author: عبد القادر بابكر Date: 05-16-2011, 07:20 AM Parent: #1884
صباح الخير يا اب شنب .. زولك عاد يجيب بيضة الديك من وين صاحبك كمل الكالسيوم حقو من المساسقة بين السلع وابوظبي ضهرو انسحك من قعاد العربية ...
Quote: عندما تبحث عن البوست في الصفحة الأولى فلا تجده...
ابو أمنية .. بركة الجيت يا خي .. يا خوي انت من زمن البوست غاطس ؟؟؟ نشلناهو قبييييييييل بي سنارة من البحر الكنت بتتأمل فيهو داك ...!!!
Post: #1886 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2011, 08:36 AM Parent: #1885
الزول الما جا الحتة دى من زمن البركة فيكم بتاعت الهام شمس الدين (ربنا يرحم والدتها ) ومن زمن احسن الله عزاكم بتاعت مكى عباس (ربنا يتولى اخته برحمته وغفرانه) ومن زمن ما ولد عوض عبد الرحيم شلبى , طلع الأول فى امتحان ماليزيا بتاع اليوسى ماس (مليوم مبروك وان شاء الله من المتفوقين دائما ) يعمل شنو ؟؟؟؟ يجى داخل سااااكت كده , ينفع ؟؟؟ وبعدين كونى اغيب قدر ده , وبرضى اجى راجع قبل ما صور ناس جلا فى شمبات تظهر ده معناتو انو الصور دى , راكبة شنو يا ربى ؟؟؟ تكون يا ربى راكبة مع الرشيد , لمن لاوز ليهو الرادار , وقام لقاهو مجرد صبة اسمنت ادو الصور دى لى عصام دهب , كلنا ندفع غرامة ساهر , بس نشوف الصور ياخ عموما , جينا جينا , كيا للمابينا
Post: #1887 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2011, 08:50 AM Parent: #1886
نخش فى الموضوع طوالى مود البنى آدم ومزاجه , مد وجزر متواصلين ده لو ثبتنا كل المتغيرات الأخرى يعنى حتى لو مزاجو وموده , معتدلين , ممكن كمان تغلبه حاجات تانية وتضرب روتين حياته فى مقتل لا يعرف عدلتها من قلبتها , ولا يعرف وشها من قفاها يحدث هذا للبنى آدم فى كل مجالات تماسه الحياتى القريبون منه , يتعودونها , ويساعدونه على (السردبة ) حتى تمر الموجة انا اغايتو غلبنى اعرف مسببات لى هذه التقلبات المزاجية التى تصيب كل انسان من حين الى آخر طبعا فى ناس اكتر من ناس ولكن كثرت ام قلت , فهى حالة تصيب العامة , ولا اعتقد ان اى انسان سوى يسلم منها وسردبة صاحب الحالة المزاجية نفسه (لتقلباته ) وتعوده عليها , مرحلة مهمة من مراحل التعايش ولكن سردبة المحيطين له (معه) ومساعدته للتعايش مع (الكيس يا طاعم ) مظهر راقى من مظاهر الفهم والتفهم خلونا نتناول غياب الناس من المساهمات البوستية , من هذا المنظار
Post: #1888 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2011, 09:05 AM Parent: #1887
بنو آد م , اصناف واجناس وانواع مختلفة منهم من لا يسمح لنفسه ان يظهر للعامة , الا بهندام كامل وهندام هنا , لا تنحصر فى جلاليب معممة , او بناطلين وقمصان (مكرفتة ) والأحذية كمان ممكن تتراوح فى هندمتها , من الشباشب والسفنجات , الى احذية الرياضة , وصولا التى الأحذية ذات الكعوب الرسمية مش زمان كانوا بيقولوا فى حيثيات الدعوة لمناسبات بعينها ان الدخول بالملابس الرسمية , يعنى تى شيرتات ما معانا يا ود جبارة , وبناطلين الجنز , غير مسموح بيها يا نماوز اذا كنت ما تزال (بتقرانا ) عموما فى ناس بتحصر ظهورها قدام الآخرين , مهما كانت درجة علاقتهم بهم , بتحصرها فى الظهور بالملابس الرسمية وعشان المعنى يصل , الملابس الرسمية تعنى هنا , لباس كامل التأنق , وحضور ذهنى ما عنده اى فرصة من فرص (انصاف الحضور ) يعنى ما بيسمح لنفسه ان بحضر قدام الناس , بذهنية فيها فرصة تشتيت , مهما كانت الفرصة دى بسيطة الناس الزى ديل , بيعقدوا حياتهم جنس تعقيد وبيحرموا انفسهم من فرص ان يعييشوا بتلقائية ومهما كانت درجات الأعجاب التى يحصدونها فى كل لقاء انسانى جراء حضورهم الكامل , وذهنيتهم الحاضرة , وتألقهم الدائم فهم يعيشون فى سجن الشخصية الدائمة , متربسين انفسهم داخل اطار مزعج , وان بدا براقا لامعا هذا مدخل اول
Post: #1889 Title: Re: ناس الزقازيق ... أجدع ناس (4) .. Author: فرحات عباس Date: 05-16-2011, 09:32 AM Parent: #1888
ناس الزقازيق السلام عليكم ...عساكم طيبين وتامين وتتجدد المتاوقة .. شوقاً لكل الوجوه الجميلة بهذا البوست .. للجميع حبي ..
Quote: فى ناس بتحصر ظهورها قدام الآخرين , مهما كانت درجة علاقتهم بهم , بتحصرها فى الظهور بالملابس الرسمية
إنت بالذات ما تتأنق و لا حاجة ألبس ليك أي دلقان وتعال الهندام تخليهو لي زوي السلع و القمصان البنفسجية
فرحات عباس أولاً ألف مرحب بيك و حبابك..إنشاء الله إنت تكون طيب إنت جاي بي هندامك و متأنق و لا جاي ساكت؟؟؟ شفت نفسك في مرايا قبل الدخول للبوست؟؟؟ لأنو في مدخل ثاني في الطريق
Post: #1890 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2011, 09:38 AM Parent: #1888
معظم غيابات زقازيقاب البوست , من التداخل فيه تصنف على انها مجرد مشغوليات حياة وده طبيعى وعادى ولكن غياب المزاج وعدم اكتمال المود وتقلبه وبعض شذرات وملامح من علامات (تعقيد الدنيا والعالمين ) قد تنتاب الكثيرين منا اتساءل هل من الطبيعى ان تستغرقك بعض التفاصيل الشخصية فى موضوع ما فتفقد القدرة على التفاعل مع اى موضوع آخر سواه ؟؟؟؟ ماذا لو دربنا انفسنا على نستخدم (حواجز نتوهمها ) , تفصل لنا بين الأشياء وتمنعها من الأختلاط ببعضها البعض من شاكلة انك تجى من الشغل مزاجك معكر بسبب مشكلة تخص العمل تقوم تعكر مزاج البيت كله لأنك من الأساس ناسى انك فى لحظات كتيرة بتمثل لى بيتك وعيالك (ترموميترهم القياسى ) واول ما تنجح فى انك توتر بيتك وتنقل ليهو توترك العملى لو جيت البوست ده وكتبت فيهو مداخلة متوترة , تقوم تقلبوا لى طاحونة بعد انت لقيتو وانت داخل محراب فنون وآداب اها تقوم تصل معاى للحتة العاوز اسالكم منها بى توترك اللابسك ده , فانت تخليت عن هندامك , يا عن جلابيتك وعمتك , يا عن بنطلونك وقميصك وكرافتتك ينفع تجى بى جلابية البيت ؟؟؟ولا اخير تنتظر لغاية ما تجهز هندامك وتجى داخل بيهو بعد حين ؟؟؟ لو الزول بيضمن انكم تعاملو جلابية البيت , زى كأنها بدلة اسموكنج ولو انتو مستعدين تتعاملو مع الشورت والفانيلة والكاب , كأنهم جلابية جناح ام جكو مع ملفحتها وعمتها فى الوكت داك , اطلبوا من الناس , لا يغيبوا ولا يتغير مزاجهم ولا مودهم اما عدا ذلك , وهو الطبيعى والعادى والمفهوم فخلوا البوست ترمومتر لقياس امزجتكم وموداتكم ولو موجود واحد بس فى البوست , متمتع بمزاجه المعتدل , فليدخل وليمارس اعتداله , حتى ولو لم يجد لحواره اى صدى ولكن ليعلم انه يجر امزجة الناس الى الأعتدال , وليعلم انه بكتابته وسؤاله واجتراره للكلام الغير ذى صدى حتى ولو لحين انما يمارس _(سردبة جميلة ومحمودة ) , يحتاجها احدنا فى بقعة من بقاع الدنيا , يصلها هذا الأرسال الأسفيرى العبقرى
Post: #1892 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-16-2011, 09:55 AM Parent: #1890
اهلا" ومرحبا" بالاخ فرحات عباس من زمان ما شفناك ،، زمن بدايات البوست حتى وجودك فى المنبر بقى قليل اتمنى ان تكون بخير وان يطيب بيك المقام وجوه كثيرة طلت عبر حوش الزقازيق
اولهم هذا الابنوسى ( منصور ) الساكن فؤادنا ومشتهنو ..
Post: #1893 Title: Re: ناس الزقازيق ... أجدع ناس (4) .. Author: محمد صديق Date: 05-16-2011, 09:58 AM Parent: #1890
سلامات يا ناس
Quote: ولو موجود واحد بس فى البوست , متمتع بمزاجه المعتدل , فليدخل وليمارس اعتداله , حتى ولو لم يجد لحواره اى صدى ولكن ليعلم انه يجر امزجة الناس الى الأعتدال , وليعلم انه بكتابته وسؤاله واجتراره للكلام الغير ذى صدى حتى ولو لحين انما يمارس _(سردبة جميلة ومحمودة ) , يحتاجها احدنا فى بقعة من بقاع الدنيا , يصلها هذا الأرسال الأسفيرى العبقرى
بعد مراحب يا منص....نقول حِكَمْ.
Post: #1894 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2011, 10:02 AM Parent: #1890
عن غيابى انا شخصيا من هذا البوست فهو خليط من انشغالات عملية وعدم اعتدالات مزاجية اما الأولى , فلا حل لها الا بها , تنشغل يعنى تنشغل يجيبوا ليك عشرين ورقة , تقول ليهم هل من مزيد اما عدم الأعتدال المزاجى , فعليكم بالسردبة , وهى معنى آخر للقول المأثور القديم (اتدمدم ونوم ) لكن النصيحة لى الله , آيبودى نفعنى جنس نفع والغريبة دائما المزاج الما معتدل , تصاحبه دائما روح شفافة لكنها فردانية هذه الروح الشفافة تتضاعف قدرتها على اكتشاف مواقع الجمال تكون شغال بدون صحن التقاط , لكن تلقى محطات الجمال بتاعت الدنيا دى كلها تتقافز قدام عيونك فى (زحمة الوان ) هاكم دى عشان تآمنوا
اتدللى واتدللى وانسينى ويوم ما تسألى انا قلبى بيك مبتلى ما بيسيب هواك لو تكتلى اتدللى واتدللى اتمهلى وزيدى الصدود واتجاهلى حالى العلى ما بتجهلى ضاع عمرى فيك تستاهلى اتدللى واتدللى اتاملى وضياع حبيبك حللى وانا وحدى بالنار اصطلى وراجيك ونورك ينجلى اتدللى واتدللى ما تسألى خلينى غيبى وطولى وانا قلبى بالريد مبتلى عا########ى يا ام قلبا خلى اتدللى واتدللى
Post: #1895 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-16-2011, 11:34 AM Parent: #1888
سلام و تحية و عودة حميدة ( طوعية ) لأعز و أجدع ناس .. و إن شاء الله دائماً تامين و لامين .. و شكراً كتير لكل من سأل عني خلال الأيام الفائتة .. فقد كنت فيإجازة إجبارية .. و كتر خيرك كتير يا كوتش جورج على السؤال و الرسالة و ليك علي مكالمة لما تقتنع بس خلي ( النفسيات ) تزول .. لكني هذه المرة أعود إليكم و في معيتي زقازيقابي جميل و عالم جليل .. هو فخرنا لنا كزقازيقاب و فخر لأمتنا السودانية قاطبة .. حيوا معي زميلكم العالم خريج طب الزقازيق الذي يتبوأ الأن منصباً مهما في وكالة الفضاء الأمريكية ناسا .. د. الرشيد زكريا علي الطاهر ..في وكالة ( ناسا ) قامة سودانية ( تشنق ) لها الطاقية .. د. الرشيد زكريا .. أفتخروا بزميلكم و أدعموه .. إحتفوا به و بمداخلاتكم كرموه .. و شنقوا طواقيكم و أعرضوا .. و أطلقوا زغاريدكن لأجله ..
ثم كونا دوما تامين و لامين و على المحبة مجتمعين
Post: #1899 Title: Re: ناس الزقازيق ... أجدع ناس (4) .. Author: محمد عيد Date: 05-16-2011, 10:28 PM Parent: #1898
* مرحبتين بعودة الابنوسى الجميل ... منصور قيثارة المنبر
والترياق الذى وصفته لعلاج الحالة المزاجية قد يكون ناجعا مع الكثيرين
ولكنه فى احايين اخرى لا يفلح مع آخرين ... واحسبنى منهم بكل أسف ..!!
اذن ابحث لنا بمبضعك عن أدواء أخــرى ... ولعمرى انت طبيبها المداويا ...
* فرح غامر باستمرار تواجد الحبيب قدوره ... وأطمع منك فى مساهمات من بعض ابداعاتك الفنية
تزين بها حديقتنا الغناء سواء هنا او حتى فى بوست خاص فى منبرنا الآخر ...
* العودة الجميلة للجميل دهـــب تســترعى الفرح ... فتواجد الدهب بيننا حقا يبعث الفرح
خاصة وقد جاء اليوم وفى معيته تلك القامة الزقازيقية الكبيره دكتور الرشيد زكريا ...
حرى بنا رجال البوست ان ننصب جلسات الفرح والفخر والشموخ ... وان نرقص على انغام السمو والعزة
وان نكحـــل بالعرضــة الزقازيقية ليالينا ...
كما انه حــرى بحرائر البوست من الزقازيقيات الماجدات ان يصدحن بزغاريد الفرح
بسم الله الرحمن الرحيم صباح الخير يا وجوه الخير إلى حين ميسرة يتهندم و يجي مبروك للزقازيقي الجميل د. الرشيد و مزيد من التقدم و النجاحات غايتو حكاية الهندمة دي ما وقعت لي لسع لكن زي (و الله أعل)م إنو عصام دهب دا مشا فتش البدل القديمة ديك و معاها كرفتة و جاكم... لكن الله أعلم حينتظم.... بالرغم من أنو متابع و ليس مستمتع أما فيما يخص الحرائر فإن ما يحجبهم عن البوست هو التكليف الخاص بالطبيخ و ريحة الملاح و البصل و التوم و الذي منه.. لكنهن إذا وجدن الشمارات بالبوست فإنهن لا يبالين بالقدوم
موسى عيس بي دلاقينك دي ما تجي لافي بي جاي محمد عيد قاعد يجيب الدراب الكبير دا من وين؟؟؟
Post: #1901 Title: Re: ناس الزقازيق ... أجدع ناس (4) .. Author: عبد القادر بابكر Date: 05-17-2011, 07:12 AM Parent: #1900
صباح الخيرات عليكم ونضر الله أيامكم .. .. تحية عطرة مليئة بالعزة والإفتخار للنابغة الزقازيقي د. الرشيد ونتمنى له المزيد من التفوق والتقدم ...
يا منصور ياخي تعال بي أي حاجة عايزينك والله حتى لو ............... يعني ممكن ببساطة يجي في راسك كلام حلو وجميل وأفكار خطيرة جدا .. وتنتبه تلقى نفسك لابس برمودة مثلا .. تقوم يعني تحرمنا من ابداعاتك الجاتك دي ؟؟؟؟ ما يجوز والله ... خليك دايما جاهز للإفراز الرائع وانت في أي مكان وبي أي هيئة ... ولو لابتوبك بعيد منك كورك للولية تجيبو ليك ... (فهمتني ؟؟؟) .. إتغلب على مودك الكعب ياخي وتعال داخل بيه توووووش يمكن تلقى دعوة طيبة من ميسرة تفرج همك .. ولا نكته حلوة من نجيلة ولا كمان يمكن تلقى الرشيد الرادار صادو تقوم تشمت وتضحك عليهو كاااااااااك .. ولو ده كلو ما أثر في مودك المعفن ده يمكن تشم ليك ريحة حلوة من حفرة دخان خدوم ولا خمرة نفيسي ولا تلقى ود عيد مركب صورتك في جسم شمبانزي مثلا ...
... أسوي ليك شنو أكثر من كده يا خي ؟؟؟ حيرتنا معاك انت ومودك الزي الطين ده ....
تعال ياخي انشاء الله حفيان ..........
Post: #1902 Title: Re: ناس الزقازيق ... أجدع ناس (4) .. Author: عبد القادر بابكر Date: 05-17-2011, 07:30 AM Parent: #1901
يا ود عيد ...
فكرتك حلوة والله وكانت في راسي من زمان نعمل بوست يكون زي واحة كده وفي نفس الوقت يكون خدمة لحبايبنا كلهم العايز شعار ومطبوعات وإعلانات .. والعاير ديكور داخلي ... والعاير حديقة ... والعايز يرجع صورتو عشرين سنة لي ورا .... والعايز يلعب في صورة عرسو .. وفي نفس الوقت يكون مجال للجميع للمشاركة بما لديهم من ابداع في كل المجالات حتى لو لقيت ليك صورة غريبة مثلا في أي مكان وعجبتك ممكن تنزلها في البوست
فكرة حلوة وأثني .. هل من مثني ؟؟؟؟
Post: #1903 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-17-2011, 07:43 AM Parent: #1900
صباح الخير ،،، يا وجوه الخير
أصبحنا وأصبح الملك لله وحده،،،
تحية الصباح نهديها للزقازيقي الجميل د. الرشيد
ونتمنى له مزيد من التقدم و النجاح .
تحية الصباح نهديها لناس العودة الطوعية وأخبارهم الحلوه
شكراً منصور شكراً ود عيد وشكراً يا كوتش
Post: #1904 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-17-2011, 08:56 AM Parent: #1903
Quote: ويا ناس السودان جاييكم في الصيف السنه دي لمدة ثلاثه اسابيع من نهاية يونيو حتي بداية يوليو ..انشاء الله تكون برامجكم مدوره وما تكون انتهت بسفر الزناتي..
والله اجيك زى ما قلت كده يا قدورة الا تانى ما تجى البوست ده كلو كلو!! انت بتهظر ولا شنو مش انا كنت قاعد جنبك فى حفلة ابو عركى شفت بعد سندوتشاتك بتاعت الفول البى طعمية ديك من تانى يوم انا مشقلبة معاى سندوتشاتك دى كان فيها شنو الزول د اقول ليهو جيب لى شاى يمشى ويجى يجيب لى فول , وبعده طعمية , عليك الله كان فيها شنو ؟؟؟ كيمياء البنى آدمين , حاجة معقدة جنس تعقيد جهازهم العصبى (السمبثاوى ) ده , لمن يتلخبط شفرتو دايرة ليها هكر عديييل عشان يفكها ولمن تتفكا , تقول اصلو ما كانت مشربكة قبل كده قابلت ليكم كمال الشادى فى حفلة ابو عركى الأخيرة الراجل قال كان مارى بى مود دبرسة من النوع ابو كديس استغربت انت دواك ما عندك يا زول شوف ليك عود ولا اورغن واقعد سمع من ضنين الوعد , لغاية عدى فات قال لى تعرف يا منصور بعد مرات عدى فات السمحة دى , تبقى ليك عزف العود النشاز حولا اللهم اعدل مزاجنا , وصالحنا مع انفسنا ابقوا عشرة على (باسويرداتكم بتاعت المزاج ) لو راحت ليكم يوم يومين , لغاية اسبوع ما عندكم مشكلة يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
والله اجيك زى ما قلت كده يا قدورة الا تانى ما تجى البوست ده كلو كلو!! انت بتهظر ولا شنو مش انا كنت قاعد جنبك فى حفلة ابو عركى شفت بعد سندوتشاتك بتاعت الفول البى طعمية ديك من تانى يوم انا مشقلبة معاى سندوتشاتك دى كان فيها شنو الزول د اقول ليهو جيب لى شاى يمشى ويجى يجيب لى فول , وبعده طعمية , عليك الله كان فيها شنو ؟؟؟ كيمياء البنى آدمين , حاجة معقدة جنس تعقيد جهازهم العصبى (السمبثاوى ) ده , لمن يتلخبط شفرتو دايرة ليها هكر عديييل عشان يفكها ولمن تتفكا , تقول اصلو ما كانت مشربكة قبل كده قابلت ليكم كمال الشادى فى حفلة ابو عركى الأخيرة الراجل قال كان مارى بى مود دبرسة من النوع ابو كديس استغربت انت دواك ما عندك يا زول شوف ليك عود ولا اورغن واقعد سمع من ضنين الوعد , لغاية عدى فات قال لى تعرف يا منصور بعد مرات عدى فات السمحة دى , تبقى ليك عزف العود النشاز حولا اللهم اعدل مزاجنا , وصالحنا مع انفسنا ابقوا عشرة على (باسويرداتكم بتاعت المزاج ) لو راحت ليكم يوم يومين , لغاية اسبوع ما عندكم مشكلة يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
والله اجيك زى ما قلت كده يا قدورة الا تانى ما تجى البوست ده كلو كلو!! انت بتهظر ولا شنو مش انا كنت قاعد جنبك فى حفلة ابو عركى شفت بعد سندوتشاتك بتاعت الفول البى طعمية ديك من تانى يوم انا مشقلبة معاى سندوتشاتك دى كان فيها شنو الزول د اقول ليهو جيب لى شاى يمشى ويجى يجيب لى فول , وبعده طعمية , عليك الله كان فيها شنو ؟؟؟ كيمياء البنى آدمين , حاجة معقدة جنس تعقيد جهازهم العصبى (السمبثاوى ) ده , لمن يتلخبط شفرتو دايرة ليها هكر عديييل عشان يفكها ولمن تتفكا , تقول اصلو ما كانت مشربكة قبل كده قابلت ليكم كمال الشادى فى حفلة ابو عركى الأخيرة الراجل قال كان مارى بى مود دبرسة من النوع ابو كديس استغربت انت دواك ما عندك يا زول شوف ليك عود ولا اورغن واقعد سمع من ضنين الوعد , لغاية عدى فات قال لى تعرف يا منصور بعد مرات عدى فات السمحة دى , تبقى ليك عزف العود النشاز حولا اللهم اعدل مزاجنا , وصالحنا مع انفسنا ابقوا عشرة على (باسويرداتكم بتاعت المزاج ) لو راحت ليكم يوم يومين , لغاية اسبوع ما عندكم مشكلة يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
نظريات الفيزياء القديمة العلى ايامنا كلها تقول ان لون كل شىء هو انعكاس لأشعة نظر تطلع منك تقع على الجسم البتشوفوا , تنعكس على شبكيتك تقوم تشوفها وتكون فيها (راى ) شفتوا الكلام ده كيف ؟؟؟ الوان الطيف سبعة , او على الأصح , قالوا لينا كده تقفل معاك وتفقد تصالحك مع نفسك يمين لون واحد فيهو ما تشوفه او كمان تشوفهم كلهم لون واحد يبا اسود يا ابيض يا سبحان الله , حتى لون الأشياء خاضع (لرأيك ) او بالأصح , خاضع الى انك والى اى مدى , متصالح مع نفسك وعاجباك روحك الأفراط فى الأعجاب بالنفس , مرض ونرجسية ذميمة ولا شك لكن المرض الألعن والأدهى والأمر , ان ترى نفسك بمنظار غير المعجب وغير المستريح لها اوعك تتورط الورطة دى , ولا تنجرف للدرك ده لمن تكون ما متصالح مع نفسك تستغرب انك اشتريت القميص اللابسه ده كيف وتستغرب ان رضيت تسكن فى البيت ده كيف وتستغرب انك صابر على وظيفتك الشغال ليك فيها عشرين سنة دى كيف بالله دى عربية تركبها ولا دى ساعة تلبسها شفتوا عين الرضا اللى هى عن كل عيب كليلة وعين السخط التى تبدى المساوئا !!! ما اباسها من عين , وما اقتمها من نظرة كن جميلا , ترى الوجود جميلا جمال الأشياء , نكسوه نحن لها , ونجرده نحن منها ونقتلعه اقتلاعا الأفعال جوانا , نخرجها كيف نشاء , ومتى نريد لو اردنا ان نلبسها احمر فعلنا , ولو اردنا ان نكسوها بالازرق , فعلبة الألوان عندنا ولو قمنا كمان على جننا , وكسيناها بالسواد , يمين بياضات الدنيا كلها ما تقدر عليهو
Post: #1913 Title: Re: ناس الزقازيق ... أجدع ناس (4) .. Author: محمد عيد Date: 05-17-2011, 12:34 PM Parent: #1911
قدورة بالله تانى ما تحنّس الزول ده ...
خليهو يتهندم ويضيقها تمام وبعدين يجى بى جزمته البيضاء ديك ...
هسى ديل البقاهم تلاتة كده شنو ؟؟!! يمين قدر ما حاولت الغيهن , غلبنى تب ما يبقوا تلاتة كان بقوا , ماشات يسون شنو لى باندوث بكرى ده الحمد لله باندوث قدر الضربة (عل درابزين ناس طارق جبريل القدامو الميدان داك ) هسى درابزين ناس طارق جبريل مع الميدان داك , كان التموا فيهو ناس الزقازيق (شت ) ماشى يتملى ؟؟؟ مشتاقين يا محمد عيد الزول ده ملانى ليك فول وطعمية لامن واحشنى دى بقيت اسمعها ليك زى (الحزن القديم ) انت هسى محجوب شريف ده فى الحزن القديم لمن قال الحزن القديم , مالو قالوا مطلق بدون تعريف كده ؟؟ لكن لمن عاوز يهبش الفرح , جابو ليك معرف وفضفاض حتى لونو ترك لينا حرية اختياره ولا الحزن القديم انتى ولا لون الفرح وبعدين مالو الحزن , قديم , الخلا يبقى قديم شنو تحس بيهو , مع انو منحاز للفرح والوانه (بطبيعة الحال والأحوال ) الا ان للحزن (ولو كان قديما ) , ومع لونه )الواحد الوحيد الفاقد للطعم والرائحة ) فان محجوب شريف , يحاول ان يجعله فى (سرج واحد مع علبة الألوان ديك ) يبدوا اننا نؤثر ان نحتفظ ببواقينا القديمة جوانا (ولو كانت شجنا اليما ) ولكن طعم الأفراح , هو مجرد طعم (مقارن ) , غير قادر على الوقوف امامنا , وغير قادرين نحن على تشخيصه (واحساسه) الا بأستدعاء (مسطرة الأحزان والأشجان القديمة ) غايتو البنى آدم ده !!!!!
Quote: مش انا كنت قاعد جنبك فى حفلة ابو عركى شفت بعد سندوتشاتك بتاعت الفول البى طعمية ديك من تانى يوم انا مشقلبة معاى سندوتشاتك دى كان فيها شنو
يا منص .. وده حالتك يا خوي ما مريت على السندوتشات بتاعة سلطة الأسود بالطعمية ... انا طبعا شفت الجماعة البيبيعوا السندوتشات حبش قلت خلاص الحبش ديل مشهورين بالطبيخ وقلت سلطة الأسود دي حتدي ربك العجب معاها وخصوصا لما تفت ليك فيها حبة طعمية .. أها يا مؤمن شلت السندوتشات وجيت عليك .. وانت الشهادة لله ما خذلتني في الفول لكن قدر ما جريتك على الطعمية بالسلطة أبيت تب .. قلت خلاص أقوم بيهم براي .. وحاتكم .. لا الطعمية طعمية .. ولا سلطة الأسود سلطة أسود غايتو حاجة كده لحدي هسه ما قادر أعرفها .. المهم الباقي خلوهو يالحبان وحمدو في بطنو .......
وزي ما قالوا المؤمن أخو المؤمن قبل كم يوم جانا ديدو فرحان قال عندهم أبو عركي .. ومن ضمن الحوافز والمغريات قال .. يوجد سلطة أسود ..... أنا طبعا مما شفت كلمة سلطة أسود الكاروشة قامت علي ... وقمت ليكم عليهو حذرتو .. ما قالوا المؤمن أخو المؤمن يا جماعة .... حذرتو .. لكن الظاهر عليهو ما سمع تحذيري ... هسه ديدو يظهر سطر ويفط سطر ... (انشاء الله يكون فهمني بس) ....!!!!
ما عارف .. لكن خلاص ابو عركي ارتبط عندي بي سلطة الأسود وبي منصور الجميل النام جنبي في الكرسي ورمي عنقرتو لي قدام .. وتاني في كل حفلة حأفتش عن الإثنين ديل .. سلطة الأسود عشان أختاها .. ومنصور عشان استمتع معاهو بالصحبة الحلوة .......
منصور ديمه عليهو وقعته سوده زي سلطة الاسود مرة جاكي ومرة نايم في الكرسي ... غايتو حكاية الزول ينوم في الكرسي دي قوية ... هو الكبر ده كيف بعدين منصور متعود ياكل اسكريم في حفلة ابو عركي تاكله فول كيف يا قدورة ...
أهلين أبو الزوز ود حلال والله ..المداخلة دي كنت ناوي أسأل عليك ..
والله أنا قلت الراجل يمكن يكون جعان زيي كده .. بعدين حكاية الأيسكريم دي ماني عارفها والله ..
بعدين الراجل كان قاعد كويس ومندمج مع ابو عركي فجأة أخد ليهو صنة مدة ما اتحرك ولا صفق .. إتلفت عليهو أشوف ليك الفقرة الما بتغباني مدلدلة لي قدام .. أنا طبعا بين مكضب ومصدق .. يكون نام ياربي في الساوند الما مظبوط كويس ده .. غايتو ما نظلموا ساي جائز تكون دقسة علي خفيف ... والنصيحة لي الله ما سمعت شخير ..!!
Quote: Quote: ويا ناس السودان جاييكم في الصيف السنه دي لمدة ثلاثه اسابيع من نهاية يونيو حتي بداية يوليو ..انشاء الله تكون برامجكم مدوره وما تكون انتهت بسفر الزناتي..
يا دكتور ....مرحب بيك ياخى اول ما تخت رجلك فى الخرطوم قول اناجيت.
Quote: انت هسى محجوب شريف ده فى الحزن القديم لمن قال الحزن القديم , مالو قالوا مطلق بدون تعريف
انا غايتو الحزن القديم دى ..معصلجة معاى كده انها حقت الدوش
دي بمناسبة مزاجات منصور التي ما زالت لم تراوح مكانها... ولكني بحثت في كل دواوين الشعر فلم أجد شيئا عن سلطة الأسود... كل شيء موجود الا سلطة الأسود... حتى النبق موجود في أغاني البنات...النبق..النبق ..النبق.. فأرجو أن يجد لنا قدورة العذر في تقصيرنا...
Post: #1922 Title: Re: ناس الزقازيق ... أجدع ناس (4) .. Author: محمد صديق Date: 05-18-2011, 07:15 AM Parent: #1921
الليلة قبل السابقة مرت بي سحابات من المزاج السيء... فقررت أن لا استسلم لها و أن أجعل من ليلتي ليلة مميزة... وأن أجعل من اليوم التالي كذلك يوما مميزا... و ذلك بأن أباعد بيني وبين الشعور بالضيق و أن أفسر الأشياء بايجابية... فقمت الصباح و أنا عاقد العزم على ذلك... أطلع ملابسي لألبسها فأجدها في غاية الكرفسة...قلت ما مشكلة... قضيت بعض الأعمال الصباحية خارج المكتب ثم عدت... حاولت الدخول الى المنبر فاستعصى علي الدخول تماما طول اليوم... برضو ما مشكلة... بعد الشغل مشيت المطعم ممنيا نفسي بوجبة دسمة فلم أجد... و كل ما استطعت تناوله هو شوربة عدس و سلطة خضراء...ما مشكلة... معظم ما حاولت القيام كان يختبر صبري و التزامي بقراراتي.. و لكني لم أفقد صبري و لا عزيمتي... و أخذت أعطي كل ما يحدث صبغة ايجابية... وقلت أنه كان من حظي أنلا أجد في المطعم الا سلطة وشوربة .. فالسلطة و الشوربة على الأقل أكل صحي و يتناسب مع برنامجي لانقاص الوزن... أما المنبر فلربما لو دخلت لكنت لقيت واحد مزاجه سيء و تأثرت بهذا المزاج... الحاجه الوحيدة الما لقيت ليها تفسير ايجابي الكرفسة دي... وديتها ناحية الزهد و التصوف لقيتها ما جايه معاي... قلت خلينا نقول موضه...موضه بعد أن هرمنا...برضو ما جايه... آخر حاجه فكرت فيها قلت هو اليوم لازم تكون فيهو كل حاجه 100%... 90% معقوله جدا ...ده اذا اعتبرنا الكرفسه تمثل 10% فقط... و بعدين تكون هدومك مكرفسة مش أحسن من تكون حالتك مكركبه... خليكم ايجابيين دايما...
حبش ... سلطة اسود ... ابوعركي البخيت ... بيضة الديك ... الهندام والملابس ... مزاج خربان ... حفرة الدخان والدلكة ... دلاقين موسي عيسي ... تاج الدين ... انجازات الدكتور الرشيد ذكريا ... ظهور الفطاحلة ...
======================= كلو في الصفحة 16
Post: #1929 Title: Re: ناس الزقازيق ... أجدع ناس (4) .. Author: منصور عبد الرازق Date: 05-18-2011, 08:38 AM Parent: #1926
الصفحة سبعتاشر والتاريخ تمنتاشر ايوة السلطة سوداء لكن نشهد ان اليوم ابيض زى اللبن الحليب الفرق شنو بين الحزن القديم , وبين جميلة ومستحيلة الفرق بيناتهم زى الفرق بين الدوش , ومحجوب شريف حزن قديم , وفرح جديد ومتجدد , انتو لون الفرح شنو ؟؟ عشان نتخذ منه شعار , ونخلى الولد الفنان قدورة ده , يرسمو لينا اول ما يقولوا ليك منصور دقس فى الكرسى , فاشهدوا بأن منصور قد استمتع , وان تخمة المشاعر قد ضربت فى نخاشيشه نحنا يا ننوم وندقس , يا كمان نجك ونجرى , عشان ننوم وندقس , فى محاولات متصلة لأن نكون ايجابيين قال محمد عبد اللله الريح , اللى هو حساس محمحد حساس ذات مرة , واصفا السودانيين يصلون الى مكاتبهم ومدارسهم متاخرين يشترون الجرايد او يتعاقدون مع متعهد لها ليأتيهم بأكبر كمية منها , الى مكاتبهم ختت (صلبهم ) فى كرسى المكاتب , يجعلون من قراءة الجريدة الأولى , مجرد تصبيرة , لتظبيط الفول يجتمعون على صحن الفول ليحكوا ملاحظاتهم على الجريدة الأولى وبعد الفطور , يكون شغلهم الشاغل تبادل كم الجرائد المتداول , ثم يحتفظون بالأخيرة التى لم يقراوها , كزاد لمشوار الرجوع الى البيت يوقعون فرادى على دفتر الحضور اليومى ولكن التوقيع الجماعى على دفتر الأنصراف , دائما حاضر فيوقع احدهم للجميع البيقعدهم شنو , ويقعدوا عشان شنو ؟؟؟!!! زحمة مواصلات العودة تبدأ فى الثانية , اذن فالقرار الحصيف , ان تصل للمواصلات قبل ان تزدحم واحدة ونص تنجعص فى الحافلة , فى الكرسى الورا , متجنبا كراسى النص (الهزازة ) التى تجعلك فى حالة قوم واقعد مستمرة العجب لو الجنبك مجرد ما قعدت كده قال ليك عليك جريدتك دى دقيقة بيكون خلاص (محق ليك رحلتك ) وبوظ ليك اعصابك يعنى هسه انت تقرأ شنو , وانت شايف جريدتك مستمتع بيها الزول الثقيل الركب جنبك ده ؟؟؟ ما يمد ليك الجريدة الا لمن يجى نازل , ومحطته يا دوب قيل محطتك بى محطتين ولو انت فكرت تنزل قبله , فعلى جريدتك السلام وعلى فكرة الجريدة دى , يكون عدد الناس القروها , اكبر من عدد الناس الكتبوا فيها وبعد الأستعجال ده كلو , صاحبك يصل البيت الساعة تلاتة , ما يعرف يعمل شنو يجر كرسى وعلى اقرب ضل قدام البيت وتانى يبدأ يقرا فى الجريدة
Post: #1930 Title: Re: ناس الزقازيق ... أجدع ناس (4) .. Author: منصور عبد الرازق Date: 05-18-2011, 08:59 AM Parent: #1929
انا امر بحالات عدم اعتدال مزاجى , مافى اى مشكلة انت يا الرشيد , لا ومليون لا كمان هدومك ما بتتكرفس كيف اذا بتتطبقها وتمشى بيها المشوار ده كله نفسى ارجع يا الرشيد اكوى قطعة قطعة زى ما كنا بنعمل فى الزقازيق الشغالة تردم الغسيل , وانت تختار كل يوم بنطلون وقميص تكويهم بمزااااج تتذكر لمن رفعت يكوى الجلابية البيضاء ؟؟؟ انا كنت بقرب اختفها من التربيزة قبل ما يطبقها , وآخد لى فيها سحبة زول بالو طويل بشكل !!!!!!! يا حليلو لمن كان بيجينا ويقول لينا , كويت ليك الجلابية , قوم غير اللابسة دى عشان ام محمد حا تغسل بكرة تقرب تقول ليهو , انت رفعت ولا (امى ) ياخ يا حليل رفعت , والله يرحم امى ياخ كترت الهدوم المدفوسة فى الدواليب , فقدتنا حميمية التواصل الزى ده الما بيكرفسها شنو طيب ؟؟!! تطلع القميص بعد مرات عشان تلبسو تستغرب انت آخر مرة لبست القميص ده متين كرفستو هينة المشكلة تلقاهو لا قدرك , ولا لحم سدرك اقول ليك احسن حاجة نعمل حملة اعدامات لملابسنا المخزنة باهمال دى ونكتفى بى سبعة بس كل يوم قميص ياخ شوفهم كدى كان يتكرفسوا تانى ؟؟!!!!!!!!!!!!!!!!!!!!
Post: #1932 Title: Re: ناس الزقازيق ... أجدع ناس (4) .. Author: منصور عبد الرازق Date: 05-18-2011, 09:17 AM Parent: #1930
محاولات تغيير المكان من المحاولات الناجحة , لأستعادة الأعتدال المزاجى المنشود تغيير شكل مكان النوم , او الوانه , او حتى وضعيته قد تكون سببا فى عودتك الى سلامك النفسى , او عودة سلامك النفسى اليك رفعت نور الدين , صديقنا الزقازيقى المقيم فى اوسلو النرويجية الآن كان له مقولات كثيرة فى هذا الموضوع رفعت من عاشقى الجينز القميص يتغبر , قشة ما تعتر ليهو لكن بنطلون الجينز , لا ومليون لا لمن تركبه حالة من حالات عدم الأتساق النفسى , الكانت راكبانى لفترة يطلع ليك الحلل السوداء والبيضاء والزرقاء وقمصان السهرة الهزازة , زى اللابسها زهير فى صورته الفى الفيسبوك ديك وما عنده مانع , سلطته فى اللحظات ديك , تصل لى دواليبنا , اللى مافيها اقفال ولا مفاتيح اصلا وقد يصل الأمر للبدلة الكاملة والكرافتة ولمن يستبدل جزمة القماش الملونة بتاعت الكلية ويدخل فى جزم سوداء او بنية من ذوات الكعب تعرف طوالى انو زولنا دخل فى حربه مع اتساقه الذاتى , الى مراحل عالية وما بعيد اليوم داك , يغديك فى الشرقاوى ولا لورد , ولا يصطحبك فى رحلة الى قصر فرساى او سويت بسام زااااتو يا اخونا انا منصور , انت قايلنى اشراقة الشافعى ولا شنو ؟؟؟؟ وبعد ان عرفنا رفعت احسن المستمعين , يتحول فى جلسة استعادة الأعتدال الذاتى تلك , الى احسن المتحدثين يأكل بالشوكة والسكين , ويستخدم مناديل الورق الملونة آخر النهار , يعود سلام رفعت الداخلى اليه , تتذكر يا الرشيد ؟؟؟؟ حينها كنت احس بعظمة وشان كبير , افرح كتير , فرح كبير , واكاد اطير من الفرح من اعظم نعم الله على الآدميين , ان يعرفوا خريطة الطريق الى استعادة السلام النفسى واتساق الذات مع الذات
Post: #1931 Title: Re: ناس الزقازيق ... أجدع ناس (4) .. Author: محمد عيد Date: 05-18-2011, 09:05 AM Parent: #1929
اخوتــى وأحبتــى ...
اليوم هو الاربعاء ... ارجو ان يبتهل كل منا هذه الفرصة ويدعو الله بما يريد ...
ولا ينسى ان يدعو لاخوته واخواته المسلمين والمسلمات
من السُّنَن المتروكة في هذه الأيام الدعاء بين الظهر والعصر يوم الأربعاء: عَنْ جَابِرِ بْنِ عَبْدِ اللَّهِ رَضِيَ الله عَنْهُ، أَنَّ النَّبِيَّ صَلَّى اللَّهُ عَلَيْهِ وَسَلَّمَ دَعَا فِي مَسْجِدِ الْفَتْحِ ثَلَاثًا يَوْمَ الِاثْنَيْنِ وَيَوْمَ الثُّلَاثَاءِ وَيَوْمَ الْأَرْبِعَاءِ فَاسْتُجِيبَ لَهُ يَوْمَ الْأَرْبِعَاءِ بَيْنَ الصَّلَاتَيْنِ فَعُرِفَ الْبِشْرُ فِي وَجْهِهِ، قَالَ جَابِرٌ: "فَلَمْ يَنْزِلْ بِي أَمْرٌ مُهِمٌّ غَلِيظٌ لَّا تَوَخَّيْتُ تِلْكَ السَّاعَةَ فَأَدْعُو فِيهَا فَأَعْرِفُ الْإِجَابَةَ". رواه البخاري في الأدب المفرد وأحمد والبزار وغيرهم وحسنه الألباني في "صحيح الأدب المفرد" (1/246) رقم: ( 704).
تحــروا هداكم الله هذه الساعة المباركة ولا تنسونا من صالح دعواتكم
جلا : اها بطلنا الدرّاب ...
Post: #1933 Title: Re: ناس الزقازيق ... أجدع ناس (4) .. Author: عمر المهدى Date: 05-18-2011, 11:01 AM Parent: #1931
بكل تداوينا فلم يشف مابنا * على ان قرب الدار خير من البعد داير قربك لكن محتار الاحباب لكم كامل الموده ومبروك عوده الروح ماتشتغلو بالكلام الفوق دا كلام خارم بارم بتاع واحد بناتو في السودان ومشتاق ليهم شديد ويوم والتاني بقولو ليه الجماعه بتاعين الاتصالات لقد تجاوزت الحد المسموح لك ومزنوق في العمل زنقه ك ل ب في طاحونه لو قدرت اقرا كلامكم الحلو دا اكون ماقصرت العايز اقوله اليوم لقيت نفسي اقدر اقول لاحرمنا الله منكم والامنيات بدوام التواصل والمحبه وهي الايام دول زي ماقال القائل يوما كربتيت ويوما عشانا ربيت *ويوما نسف التابا وعليها نبيت المترجمون يمتنعون
Quote: وأنا أُ مسكُ بخيوطِ الشَمسِ أرسم رتلاً من موجاتي وأداعبُ بعض وُريقاتي أنسجُ فستانا من نور أطرزه بالصبر أُحمِّله بعضا من آهاتي وأهديه إليك عبر رسائل فورية ومنافذ أليافٍ ضوئية وانتظر الزنبق ردا من عينيك والموجة تعلو وأنا أصبو وخيوط الشمس ترواغني أن أرشف عسلا من شفتيك وبعضا آخر من آهاتي
يبو لى ده باص بينى....
Post: #1937 Title: Re: ناس الزقازيق ... أجدع ناس (4) .. Author: أحمد إسماعيل Date: 05-18-2011, 04:50 PM Parent: #1935
أب شنب قلبها بالحبر السري .. ... موسى عيسى والله شاهد الله اليوم داك فتشت ليك جنس فتيش بي كمرتك ديك قلت قبل الزول ده يصحى تطق لينا فيهو فلاش عشان تكون صورة الموسم .. ويعني قايل بعد تصورو بخليك تمشي بيتكم بالكمرة ؟؟؟ بالللللله .... في أحسن الظروف كنت قعلت منك الميموري وخليتها ليك عضم ساي ... وتاني يوم كنت جيت فتحت بيها بوست خااااااص .. وهااااك يا فوتوشوب أنا وود عيد .. لكن صاحبك مرزق حتى جوالي موديل قديم وما فيهو كاميرا .. الله غالب ...
الكوتش الرائع و الصديق موسى عيسى... الكلام السمح ده بتاع الأستاذ الشاعر خالد الباشا... و غناء الأستاذ الفنان صاحب المشروع الفني محمد النصري... اسم القصيدة بلاد الشوق...
أبو الزوز الصديق ... يبدو انك محتاج لجرعتين كالسيوم... عشان لما تقلب الصفحة المره الجاية تكون المداخله مليانه...
يا منص التحبة ليك و أنت تحي فينا تلك الذكريات الجميلة... و ذلك بالحديث عن الأخ و الصديق رفعت نور الدين... ما أن قرأت كلامك عن الجلابية البيضاء مكوية حتى شميت ريحة الأرامس ديفين...
قدوره..عيني بااااارده ياخي... أنا أثني أيضا موضوع الصفحة الفنية...
ياسر نجيلة... انت عايز ليك كالسيوم برضو و لا شنو... و لا المزاجات ملكلكه شوية...
حاتم جباره... أين مني مجلس أنت به...
يا جماعة ما قلت ليك سناء الصباغ دي عايزه ليها زول كبير يلومها لوم السنين...
أبو الرشد يا غالي .. كيفنك يابا وانت انشاء الله تسلم من المود الكعب .. شفت يا منص .. شفت نتيجة مودك الكان مطين وجيت كبيتو لينا هنا ؟؟؟ أهو عايز تخرب علينا طبع الزول أب طبعا سمح .. وخليتو يتذكر انو في حاجة اسمها مود ومزاج ... وانو ممكن يوم يصحى الصباح يلقاهو كعب ومطين ... لكن هو من سماحة طبعو وجمال نفسو ما عارف المود الكعب جد جد .. يعني يا رشدي شوربة عدس أغلى وأحلى أنواع البروتين النباتي وأطيب ما يمكن شرابه من شوربه .. تفتكرها مود كعب ..... لا وكمان جنبو سلطة خضراء مشكلة وزحمة ألوان وكمية فيتامينات ترد الروح وتنضر البشرة ... برضو مود ومزاج مطين .... يعني لو جيت أكلت معانا الفول وسلطة الأسود بتاعة اليوم داك كنا دخلناك مصحة نفسية عديييل كده .. انشاء الله بعد الشر ... والله منص كوضمو زي الترتيب وكمان أخد ليهو دقسه بعد داك ..... .. كلامك صاح مية في المية يا رشدي .. الحياة مليانة بالتفاصيل ومحفزات المود والمزاج السيء ولو استسلمنا ليها سوف نعيش العمر كلو في نكد وضجر .. لابد من وضع مذكرة تفاهم بينك وبين نفسك ( زي خارطة الطريق بتاعة منص ) وتعرف كيف تتغلب على المحفزات دي أو على الأقل تتعامل معاها كحالة عارضة ما تلبث أن تزول لو أدرت لها ظهرك وتوجهت بوجهك إلى محفزات الفرح والسعادة الموجودة في دواخلك وهي بالتأكيد كثيرة ومتعددة ..
مش قلت ليك يا رشدي .. انت زول سمح وما ليك علاقة بالمود الكعب والدليل أهو انت جيت وفي أحلى حلة وأروع كلام... ما تسمع كلام منصور ده وخليك سمح كده طوالي ..........
عن المغرب والطيب صالح وأشياء اخرى.. كنت ناوي اكتب بوست بهذا المعنى لكن حال المنبر غير مشجع تماما وخروج فطاحلة كقمر بوبا وخضر حسين خليل وقيقراوي أدى المنبر طعم فاتر عشان كدة حا اقوم اقدكم قد السنين
بعد ظهور النتيجة في سنة التخرج.. حتمت علينا الظروف الانتظار لاستخراج الشهادات.. كانت الزقازيق شبه فارغة كنا مجموعة من الخريجين في انتظار ورقة تسمى ((الشهادة)) بياطرة في لكوظ ((شقة الفلسطيني)) واعتقد مبارك جادين من علوم وجورج من تربية وصديقنا بشير خفة من الاسكندرية وبعض الاحباء من زراعة.. كانت اللحظات مشحونة حينها.. شباب في مقتبل العمر وأماني وطموحات ربما تتجاوز حتى حدود الممكن.. وكان الأفق يبدو قاتما للكثيرين منا.. فحال البلد حينها لم يكن يدعو للتفكير في ما هو جميل وباعث للانشراح.. في الغالب الأعم كلنا تقريبا أتينا من أسر بسيطة ان لم تكن معدمة... وتخرج أحد الأبناء حينها كان بمثابة بصيص من الأمل في دائرة من الضنك تضيق يوما بعد يوم.. كان الجميع يخفي هواجسه دافنا نفسه في لحظة اننا مع بعض نقضي أياما جميلة كنت مسؤولا عن الميز ودفتر ((الفول والعدس)) يلازم غرفتي.. حولنا احدى الغرف إلى نادي صغير لـ((الحريق)).. كان منظر بش بش وهو ((قافل)) يحيلك إلى هستيريا من الضحك.. حيث يظل يتراجف من اخمص قدميه حتى رأسه.. وحين يجر ((الخمسين)) يكون قد سقط مكان ((البايظ)).. كانت تأتي علينا لحظات لا ننام تقريبا إلا لماما في انتظار ((قيمك)).. في ظل هذه الأجواء كان البعض يتسلل إلى البلكونة.. متأملا مستقبلا مجهولا.. وكان يصادف انت تجد احدهم بقربك دون أن تقولا شيئا.. لأن التفكير ربما كان في نفس الاتجاه: هي الشهادة اذن.. فماذا بعد؟؟؟ هواجش كثيرة تحلق بتفكيرك.. للبعض منا ((حبيبة)) في الانتظار.. ولبعضنا أسر تتوق لهذا اليوم.. هذا عدا الآمال والطموحات الذاتية جدا.. لكن دون تفكير منا كنا نؤجل التفكير في الأمر برمته والاستمتاع بما نحن فيه الآن.. حينها كان الطموح القريب أن تذهب للكلية وتجد ((شيكا)) في انتظارك.. وتمارس نوع من ((الغتاتة)) مع احدهم وتتسللا إلى ((أبو راشد)) خلسة. هكذا كانت الأمور تسير.. وتركناها تسير بنا برغبتنا.. ذات يوم استيقظت مبكرا كعادتي قبل الجميع.. وذهبت للكلية.. وجدت تلغرافا مبهما من شقيقي طلحة: الرجاْء مراجعة مكتب الشرق الأوسط بالقاهرة.. انتابني بعض القلق.. رجعت إلى الشقة وحملت جواز سفري معي وإلى ((بيجو القاهرة)).. في الطريق كعادة سائقي البيجوهات: سمعونا الصلاة على النبي.. اللهم صلي وسلم على حبيبنا محمد.. وبعد حين.. ((أروح لي مين)): الله يا ست هواجسي منعتني من الاستمتاع بـ((الست)).. سحائب كثيرة من الافكار مارست سلطتها علي.. هل هناك فقد ما ويودون اخباري بصورة تجعلني اتحمل الأمر.. من كثرة ظنوني خلت المسافة بين الزقازيق والقاهرة كأنما ساذهب من الخرطوم إلى بورتسودان على متن ((بارلينا)).. وصلت وانا اتصبب عرقا.. وجدت مدير المكتب حينها ((محمود الشناوي)) في انتظاري.. رحب بي كعادته وطلب مني جواز سفري وان كانت لدي صور.. لحسن الحظ كنت احمل صورتين... خرجنا سويا ووصلنا إلى السفارة المغربية.. بعد ربع ساعة وجدت انني احمل تأشيرة للمغرب وتذكرة عن طريق الخطوط المغربية.. وقال لي حينها استاذ الشناوي: ابسط يا عم طلحة قال عايزك تقضي معاهو شهر شهرين في المغرب..
ياخي انا نعست ههههههههههههه بكرة بنواصل ان شاء الله
جادي يا ود نجيلة وحا أواصل بي مزااااااااج كمان أها شن قولك
رجعت إلى الزقازيق وكل تفكيري (هذا المغرب).. تحدثت إلي ود جبارة وجورج... وبعد يومين حزمت حقيبتي ودلفت إلى مطار القاهرة.. أعلنت الخطوط المغربية عن قيام رحلتها المتجهة إلى المغرب.. استقبلتني مضيفة مغربية بابتسامة عريضة وأخذتني إلى مكاني.. كانت من النوع من النساء الذي يمكن أن تسميه (طاغي الأنوثة).. ولكم أن تتخيلوا وضع هذا القروي الذي رمت به الظروف في براثن هذا الجمال الأخاذ.. كانت الطائرة شبه فارغة.. وحين أعلن قائد الطائرة الاستعداد للإقلاع.. لم تجد تلك المضيفة سوى المقعد الذي بجانبي كي تجلس عليه... كانت تلبس سكيرت قصير وضيق يخفي خلفه جسما من البرونز.. نتوءات هنا وبروزات هناك.. ومع اهتزاز وأزيز الطائرة كان يهتز جسدها وأهتز أنا كليا كذلك.. لولا خوفي الشديد من ركوب الطائرات لكنت أقدمت على حماقات كثيرة.. لكن إحساسك وأنت في هذا ((الصندوق)) الطائر لا يترك لك المزيد من التفكير في ملذات الحياة.. كانت رحلة مملة جدا.. خمس ساعات وأنت في لا مكان.. فقط السحاب وأزيز المحركات ومضيفة (حلوة المبسم).. حطت الطائرة في مطار محمد الخامس بالدار البيضاء في منتصف النهار تقريبا.. الجو حينها بمقاييس المغاربة كان لاهبا.. وبمقاييسنا نحن (على مرمى حجر من خط الإستواء) كان جوا باعثا للجمال إن لم يكن (جو فول).. ترجلت عن الطائرة فوجدت شقيقي طلحة عند الباب.. فقلت في نفسي: يبدو أن هذا القروي أصبح له شأنا كبيرا هنا.. أن أجده أمامي بعد نزولي من الطائرة ومعه عميد في الأمن.. ثم يرحب بي العميد ويأخذ جوازي ليسلمه لأحد الضباط.. لعمري إن هذا (النجار) الذي كان يعمل صباحا ويدرس مساء أصبح ذو شأن هنا.. تعانقنا كثيرا.. ثم خرجنا من بوابة ليست لها علاقة ببوابات القادمين.. فوجدت الضابط عينه أمام سيارة طلحة الـ(ريقاتا) فسلمني جوازي وحقيبتي: مرحبا بسي طارق في المغرب.. تحركنا نحو الرباط... المطار الرئيسي في المغرب في الدار البيضاء (العاصمة الاقتصادية كما يسمونها).. المسافة إلى الرباط تستغرق ساعة ونصف تقريبا.. لفت نظري منذ أن غادرنا المطار... أن لا مباني في الطريق إلى الرباط.. حقول ثم حقول ثم حقول.. زنابيل من العنب على جنبات الطريق وبقايا حصاد القمح يمتد كـ(راحة اليد).. حكينا عن كل شئ حدث في حياتنا.. وكان محمد كرم الله ونيسنا (يا المشتهنك في غيابك روحنا بيك متجننة).. حين وصلنا الرباط اكتشفت أن أسرة طلحة في مدينة أصيلة.. حيث المهرجان الثقافي الضخم.. لذا كان علينا أن نقضي ليلتنا في الرباط ومن ثم نغادر إلى أصيلة.. هناك حيث سنغور وماركيز والطيب محمد صالح... ....
Post: #1943 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-19-2011, 09:10 AM Parent: #1942
وصلنا إلى شقة طلحة في حي بلاص بتري بالرباط.. دخلت وأخذت دشا دافئا.. حين خرجت وجدت طلحة يحادث أحدهم بدارجة مغربية صعبة الفهم.. عرفت منه أن نسيبه في انتظارنا بالغداء.. ذهبنا إلى مدينة سلا المجاورة للرباط.. منظر نهر أبو رقراق وأنت تعبر القنطرة (الكوبري) في طريقك من الرباط إلى سلا .. هناك حيث يلتقي بالأطلسي.. كأنما أب تفارق مع ابنه ردحا من الزمان وحين إلتقيا تعانقا بحرارة.. فأمواج الطلسي تعبر إلى داخل النهر.. كأنما تعاتبه على طول الغياب.. كانت عيني ترصد الأمكنة جيدا وذاكرتي تفتح صفحات جديدة من مشاهداتي.. وصلنا إلى سلا وحي تابركت.. ووجدنا نسيب طلحةوابنه وبناته في انتظارنا للغداء.. سلمت على القوم.. وكعادة أي مشرقي يأتي إلى المغرب.. لم أفهم غير (لا باس).. كنت مع القوم أحيَّر من ضب.. كانوا يحادثونني كأنما يعرفونيي وتكفل طلحة بالترجمة إلى الشايقية أحيانا.. واكتفيت أنا بهز رأسي شاكرا لهم حسن الضيافة.. دعاني نسيب طلحة إلى طاولة الغداء.. حاولت أن أجلس بقرب طلحة حفاظا على (الترجمة).. وكانت مائدة الطعام أول درس مغربي.. المطبخ المغربي غني جدا بالأطباق وله طقوس من عمق تاريخ الأندلس.. جيئ بالسلطات والمقبلات.. لا أخفيكم كنت اتضور جوعا.. بدأت أغرق في (الشلاضة) كما ينطق المغاربة (السلطة).. فكان أن (لكزني) طلحة أن الأكل لم يحن وقته بعض.. فالسلطة هنا مرادفة للحديث و(الونسة).. ثم جيئ بـ(الطاجين).. واندهش القروي القادم من تخوم البركل.. لأول مرة في حياتي أرى طعاما على آنية فخارية.. كان (طاجين حوت).. وهنا كلمت (حوت) مرادفة لجميع أنواع السمك.. حاول نسيب طلحة أن يجرني إلى الونسة.. لم أفهم من دارجته شيئا سوى (شحال في عمرك).. أجبته أن ما يسمونه بعيد ميلادي هو اليوم.. انفرجت أسارير الرجل ونادى على بنته الصغرى أن تحضر (الحلوى).. للإحتفال.. كالعادة كنت (أطرشا في الزفة).. جيئ بـ(الأتاي).. الشاي الأخضر المغربي المنعنع.. كان طعمه جميلا وراقني الأمر.. رغم أنني لست (كييفا) في أمور الشاي برغم (شايقيتي) الفاضحة.. جلس القوم يحادثونني وأنا في حيرتي تلك.. أحيانا أرد ردودا لا علاقة لها بالأسئلة.. وأحيانا أكتفي بهز رأسي.. ثم فجأة أحضر القوم (تورتة).. وأشعلو الشمع وبدأ الجميع يغني (سنة حلوة يا جميل).. كانت أول مرة في حياتي احتفل بعيد ميلادي.. من أين لهذا (التربال) أن يحتفل بعيد ميلاد لا يذكره حتى هو.. وفجأة ظهر لي خيال أمي رحمها الله.. اذكر أنني في أحد المرات قلت لها اليوم عيد ميلادي فكانت أن خاطبتني: أمشي المعراكة بتالقالك فيها حرِف أليل قراصي ضرضرلك فيهو سكر وكُبلك فيهو سمن وسوَلَك شمعاييي وأكل وأحمد ربك احتفى بي القوم وودعناهم ورجعنا لشقة طلحة نجتر ذكريات طفولتنا ونتذكر أماكن ترهات حياتنا.. حتى أصبح علينا الصباح وتوكلنا على الله في اتجاه مدينة أصيلة.. حيث صخب الكلمات ورموز الأدب العالمي ....
لم ننم ليلتها انا وطلحة كنا نتسامر حتى الصباح.. مدة طويلة لم نلتق.. كان يأتي إلى السودان شتاء بينما كانت عطلتنا الجامعية صيفا.. اكتشفت أنني الوحيد الذي لم ير أطفاله.. كنت تواقا لرؤية (رؤى وسلمى وإمرؤ القيس) أن تكون عما لأطفال لم تراهم شئ يصعب التفكير فيه.. تحدثنا تلك الليلة عن كل شئ حتى اسمي (طارق).. قال لي حين ولدت أصر الجميع على تسمية المولود الجديد حينها هبت والدتي رحمها الله وقالت لهم اكتبوا الاسماء ثم ضعوها على صحن (طلس) وساختار انا ورقة ونسمي شقيقكم.. فكان اختيارها من نصيب طلحة وهكذا اصبحت (طارقا) من حينها.. اخذت بعض الملابس في شنطة صغيرة.. وتحركنا صوب أصيلة.. المغرب له طبيعة خلابة جدا.. تمنيت أن اكون هاو للتصوير.. شدني جدا منظر حقول التوت (الفراولة) و(داليات) العنب.. على طول الطريق اصطفت قرويات شمال المغرب لبيع زنابيل العنب وسلال التوت.... منظر حين ترجع الى التاريخ.. يقودك الى الاندلس وولادة بنت المستكفي.. وداخل السيارة كان محمد كرم الله مبدعا: آهـ يا خلايا فجولي اللشوفا.. مسخت عوم البترطن في جروفا.. اغنية ابدع فيها ود الدابي في وصف احدى حسان الشايقية كتب الاغنية بين الفاصل.. وغناها محمد كرم الله في الفاصل الأخير من (اللعبة).. هكذا كانوا يبدعون حينها دون حوجة إلى (المشروع الحضاري) الذي قتل حتى الحلم.. بعد ساعة ونصف من (وعثاء السفر) رأى طلحة ان نستريح بأحد المقاهي المنتشرة على طول الطريق.. شربنا (الأتاي) المنعنع مع بعض (الملاوي) التي تعادل الفطير المشلت لدى المصريين.. بعد أن ارتوينا رأينا أن ترتوي السيارة ايضا.. افرغنا في جوفها البنزين وتحركنا صوب أصيلة.. تراءت لنا أصيلة من على البعد بمسارحها في الهواء الطلق كقرية للهنود الحمر تستعد للحرب.. طبول هنا ودفوف هناك ومزمار في الطرف الغربي.. وناي يحلق بالروح في الجزء الشرقي.. اكتست ساحاتها بأهازيج افريقية ولاتينية ومغربية.. كان يوم وصولي هو يوم الفنون الشعبية.. تسرب إلى سحر المكان.. احسست كأنني حوار صوفي في ليلة ذكر.. نشوة الفرح التي تعم المكان تتسرب الى شرايينك بسهولة ويسر.. وصلنا اخيرا الى فندق (وادي المخازن) حيث (أمينة وانجالها).. شعور من الصعب الحكي عنه..
....
Post: #1954 Title: Re: ناس الزقازيق ... أجدع ناس (4) .. Author: محمد عيد Date: 05-20-2011, 05:04 PM Parent: #1953
جمعـــــــة مباركــــــــــــــــة
Post: #1955 Title: Re: ناس الزقازيق ... أجدع ناس (4) .. Author: محمد عيد Date: 05-20-2011, 07:43 PM Parent: #1954
جبريلا ... الله يديك العافية ويخــدّر ضراعك انشاء الله
غايتو وانا بقرأ كتاباتك بأكون زى القاعد اسمع فى عثمان حسين
او بأتفرّج على كمال عبد الوهاب ولا فيصل العجــب ..
ســـهل ممتنع وممتع ...
رواقة ومزاج فى الحكى ...
تظبيط مزاج يخلى الواحد ما يقدر ينطق بس يقرا فى صمت ويمتع نفسو بالدهشـــه ...!!
واصــل بالله بدون انقطاع ... ومؤكد محبيك ومعجبى كتاباتك هنا لا يختلفون عن اصدقاءك فى الحوش الورانى ...
****
واصل يا حبيب لأنو عندى احساس انو اندياحك الجميل سيأتى لنا بكمال الشادى ......
ود عيد كيفنك ابوي يا حبيب الله يجبر بي خطرك ياخي هي في الاخير محاولات للخروج من دبرسا الغربة لا اكثر.. تعجبني الكتابة عن البسطاء.. والكتابة عن المشاهدات.. لا ادري ان كانت ترقى الى مستوى ((الكتابة)) لكنها على أية حال تظل محاولات..
نواصل...
وصلت فندق (وادي المخازن) في أصيلة تحت تأثير فرحة اللقاء.. تسالمنا أنا و(امينة) بارتباك واضح مني.. لهفتي لرؤية (رؤى وسلمى وإمروؤ القيس) جعلتني متوتر تماما.. بدت رؤى متحفظة ومرتبكة.. تقدمت نحوي سلمى.. اختطفتها من الارض وقبلتها: ازيك يا سلومة ففاجأتني: انت عمو طارق ياااك.. - ايوة يا بنتي انا عمك طارق عرفتيني.. - آه شفتك في تصاور (صور) بابا.. هكذا بدأت علاقتي بسلمى التي اصبحت اليوم عروسا.. حتى انها تركت غرفتها في الفندق واصبحت لا تفارقني.. صارت صديقتي من حينها.. تخرجت اليوم من كلية الاقتصاد بباريس.. اضطررت للتوجه لرؤى المتحفظة لكسر هذا الحاجز.. حين اخذتها بين ذراعي.. بدت خجولة جدا.. لكن بعد ساعتين انكسرت كل الحواجز بيننا.. وهي اليوم طبيبة تحاول التخصص في النساء والولادة امروء القيس كان عمره شهران حينها.. واليوم في سنته الاخيرة في الجامعة وبحث تخرجه عن مشكلة دارفور.. جاءت الفتاتان معي لغرفتي وتحدثنا كثيرا.. كسرت جميع الحواجز واصبح التواصل سهلا.. احسست بزهو وسعادة غامرة لهذا النصر مع الطفلتين.. ارتحت قليلا.. ثم توجهت الى شرفة الفندق.. بدا لي الاطلسي كعملاق لا نهاية له.. ثم بدأت الشمس في المغيب ونشرت صفار اشعتها على مياه الاطلسي.. ورجعت إلى هواجس الزقازيق.. والافق الباهت اللون.. ارخيت اذني لحديث المارة تحت شرفتي.. هؤلاء القوم يتكلمون لغة لها رنين مختلف.. نبض الكلمات هنا على شواطئ الأطلسي يختلف عنه عند ضفاف النيل.. بيئتهم ناعمة وتدعوك الى الانغماس فيها.. وبيئتنا مرهقة جسديا لكن متعتها الروحية لا تضاهى.. لكننا في الأخير نلتقي عند (الله).. افكار كثيرة وخيوط وملامح حياة مستقبلية تبدت امامي.. تركت لعقلي الغوص في خيوط افكاره.. بينما غرقت عينان في مغيب الشمس وهي تودع يومنا خلف امواج المحيط.. طرقات خفيفة على الباب اخذتني مما كنت فيه.. طلحة: ياخينا انت صحيت.. - من قبيل والله كنت بعاين من الشباك في بلدكم السمحة دي.. - يلاكا نمخشي فندق الخيمة شيخ الطيب منتظرنا هناك - شيخ الطيب دة منو كمان - الطيب صالح ياخي موش انت حافظ كتابه - انا لله.. الطيب صالح عديل كدة - هو ذاته بي شحمه ولحمه.. هو عارف انك جايي ومنتظرنا وعلى فكرة انا قلت ليه انك تقريبا حافظ (موسم الهجرة الى الشمال).. ألجمت لساني المفاجأة.. وطافت برأسي الكثير من الأفكار.. تذكرت (حسنة بت محمود).. وكلمات (ود الريس): النسوان والبنون زينة الحياة ثم (محجوب): ود الريس كهؤلاء الناس المغرمين باقتناء الحمير، الواحد منهم لا تعجبه الحمارة الا اذا رأى رجلا آخر ركبا عليها وظهر لي طيف (بت مجذوب) وخيل لي أنني سمعتها تقول: على الطلاق يا حاج احمد، كنت حين يرقد زوجي بين فخذي أصرخ صراخا تجفل منه البهائم المربوطة في مراحها في الساقية.. أسئلة كثيرة طافت بزهني.. تمنيت هذا اللقاء يوما.. وها هي الأقدار تقودني الى عالم الرجل الذي خلق لنا اسما بين الأمم..
يا موسي عيسي ... يمين بالله الزول يستاهل يكسروا ليهو التلج يا زول عافيين ليك لله والرسول ... اول مرة استمتع بكتابة طارق جبريل بالشكل ده ... لانه صراحة عندي مشكلة في اللهجة الشايفية واستساغتها ... مش عشان طارق ما بيعرف يكتب ... لكن الكتابةدي قريتها بتمهل واستمتاع ... وزعل كمان ... لانه كل ما اقرب للنهاية احس انه طارق جبريل ده ممكن يمقلبنا ويقيف بينا في نص السكة ... اها يا الحبيب كلنا في الصف نكسر اتلج ... ابقي مارق يا ود بت ابو دية وابقي قدر المعركة والناس المستنيين ... كتابة طاعمة وجميلة وتحس بانك جزء من هذا السرد لمعرفتك بكثير من شخوصه ... من ناحية وغوصه في عوالم لم تكن تعرف عنها شئ ... قبل فترة قصيرة قرات الخبز الحافي لمحمد شكري ... وهي جزء من سيرته الذاتية ... كتبها بكل وضوح وجراة .. وساح بنا في عوالم المغرب ... وريفه واسفل مدينته ... وما يحدث فيهما في عوالم تغوص في الفقر حتي اذنيها ... كان ذلك اوان الحقبة الاستعمارية الفرنسية ... اليوم نريد ان نري المغرب بعيون طارق جبريل وفي العصر الحديث ولنلاحظ الفرق بين تصوير محمد شكري الطفل ... لعوالمه وهو جزء منها وابنها وبين حكي طارق جبريل الرجل الراشد والمنحدر من بيئة مختلفة تماماً ..
Post: #1959 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-21-2011, 06:30 AM Parent: #1957
صباح الخير ،،، يا وجوه الخير
لكم كل الحب والود مع إطلالة هذا
الصباح الجميل ،،،،،،،،،
جذبتني جداً كتابات ود جبرين
الله يديك العافية ويخضر ضراعك
واصل ،،،،
حجبني عن الظهور يومي الخميس والجمعة عدم
وجود النيت ،،،،
أخونا كمال الشادي بخير وسوف يعود عن قريب
وربنا يعدل المود بتاعه ،،،،
Post: #1960 Title: Re: ناس الزقازيق ... أجدع ناس (4) .. Author: منصور عبد الرازق Date: 05-21-2011, 10:22 AM Parent: #1959
معقول يا طارق كتابتك دى , مفاجاة المفاجآت خليتنا ختيناك فى قالب , بغتاتتك دى ياخ اتاريكا قاعدلك فوق راى يا مسخوت كان عندى سجال تلفونى مع زهير , سبقنى هو لتلخيصه فى المداخلة الفوق انا اسمتع ايما استمتاع ,بلهجتك الدارجة , فى حكاياتك التى بطعم بنى شايق اتاريك عندك ماهو ادهى وامر هسى يعنى انت خصيتنا بالأندياح ده , عشان زعلان من غياب ناس فى المنبر الهى يا بكرى وانت جاهى , تحول الناس كلهم عندنا هنا فى بيتنا ده , واذا ما عاوز ترجعهم للمنبر العام , لا ترجعهم ولا شيتين عشان غتاتتك دى يا مقطوع الطارىء السرد الجميل والراقى ده , تواصل فيهو دون انقطاع وكمان , تفتح ليك بوست خاص فى حوش الزقازيق الخاص مخسس للسرد ده تو مداخلاتنا وتعليقاتنا هنا , فى المنبر العام ده بى هناك , ممنوع المداخلات والتعليقات سرد سكيتوا , على الناااااشف , للقراية والأستمتاع بس وكان اديتنا منه نسخة فى منتدى سورى , مالو ياخ , اصلو ماشين نخلص حبرك يلا يا اب صلعة , دوزن قلمك , وكب لينا الكلام الما خمج
Post: #1961 Title: Re: ناس الزقازيق ... أجدع ناس (4) .. Author: منصور عبد الرازق Date: 05-21-2011, 10:40 AM Parent: #1960
على فكرة لى زى يومين تلاتة كده , عاوز الكزكم تكتبوا عن (الدراما ) دراما الحياة عموما , وقصصها الفارهات ابو الزوز دلف بيكم على رواية لى محمود شكرى , قال انها سيرة ذاتية له ياخى الحاجات الزى دى , ممتعة لمن بس يعنى حتى شغف الناس والبسطاء بالأختراع الأسمه مسلسلات ده , يتخيل لى نابع من متعة انك تشوف شخوص بتتحرك امامك , زى ما انت بتسوى فى دنيتك دى تعرفوا حتى ولو كنت ما موافق على احداث ومواقف تصورها ليك دراما معينة يعنى حتى ولو كنت بتتفق او بتختلف , فالمتعة محمداك فى كل الأحوال واجمل تصاوير الدنيا , لمن يقدر ليك ان تقعد فى (بنبر ) , وتتفرج فى شخوص تتحرك قدامك بالخطأ والصواب برع البلاشفة الروس فى الفن القصصى السردى , وعموم اهل شرق اوروبا ولكن الأبداع القصصى الروائى لييس محصورا فيهم بلاشك , وان كانوا من رواده الطيب صالح , غرق فى العامية والمحلية , حتى وصل بها واوصلته الى عالمية يستحقها وتستحقه بس طارق جبريل الفوق ده , قلب الهوبة عدييييل , لأنه جاءنا بادوات مختلفة نترك الساحة له للأندياح , ولنا للأستمتاع ولنعتبرها ضربة بداية , لتصوير مقاطع من حياتنا , كل بأدواته , وكل باسلوبه فمثل هذا الضرب من ضروب الأبداع , سره جواه , وابداعه فى تفاصيله فمتى ما استحضرت احداث حياتك , وصدقت فيها ومعها , وسكبت فيها (عطرك الذى تحب وتشتهى ) فان النتيجة (فتاااااااااااااااااااااااااااااااااااااكة )
Post: #1963 Title: Re: ناس الزقازيق ... أجدع ناس (4) .. Author: محمد عيد Date: 05-21-2011, 11:05 AM Parent: #1961
Quote: فان النتيجة (فتاااااااااااااااااااااااااااااااااااااكة )
نافكـــال قلبوا مبيدات ولا شنو ؟؟
أنا اثنى مقترح بشــير عباس ...
Post: #1964 Title: Re: ناس الزقازيق ... أجدع ناس (4) .. Author: مبارك جادين Date: 05-21-2011, 11:06 AM Parent: #1960
اليوم هو يومي السادس من الاجازة السنوية باديس ابابا مع امنية واحمد ومحمد وروى سوف احاول انزال صور بجاي او في الفيس
التحايا لكل المتداخلين اتابع بشغف ما يكتب ود جبرين اذا كان هو يكتب لاننا غايبن فاعتبرنا غياب حتى تنتهي واكتب
قابت امرؤ القيس وقابلت طلحة فيا فرحتي التي تتفوق على فرحتك يا ود عبد الرازق يا الرشيد الكرفسة ما مشكلة لكن الدبرسة ليها اسباب اخرى ابحث عنها بعمق ولكن اكتب لينا لاننا في الصف نتمتع بما تكتب انت ومنصور ونجيلة وكل المنداحين
جبريلا تمنيت أن أزور المغرب و بخاصة الدار البيضاء أو كازا... و أقضي أوقاتا بين المدينة القديمة و الجديدة باحثا في روائعها... و أن أتمشي في شواطئها و تتكسر أمواجها على قدمي... دون التعرض لأي اختبارات برونزية أو خشبية حتى... و ذلك لمعرفتي مسبقا بأنني سأكون تحت رقابة لصيقة... فست بيتي تسمح لي بأن أشد الرحال وحدي الى أي مكان في الدنيا... الا مكانين...المغرب أحدهما... و ذلك ليس لجمال حسناواته فحسب... بل لأن كل الذين ذهبوا الى هناك عادوا متزوجين... يتزوجون جهرا أو سرا مدعين أنهم قد تم سحرهم هناك... و لعمري أنهم قد سحروا و لكن ليس السحر بمعنى العمل كما يدعون... لقد أوقفتني معك في تلك الشرفة المطلة على الأطلسي و لكن بهواجس مختلفة... و جعلتني أنصت الى أصوات الناس الذين يتحدثون بلغة غير مفهومة... و كشفت لي سر ابداع الراحل الطيب صالح... فمثلما خزن في ذاكرته تلك الصور الجميلة عن بيئتنا... و التي صاغها بروعة في وراياته... فلقد ملأ رئتيه بهواء الأطلسي المنعش الجميل... واصل الكتابة الرائعة يا حبريلا.. فلربما تحولت بقدرة قادر الى السياحة بدلا عن الصحافة... و أول زبون حيكون موسى عيسى...
موسى عيسى يا حبيب يا زول ناس جلا ديل ما قاعدين يكبوا في الجلكسات من ما بدا البوست دة مافي زول قال ليهم حاجة كب يا حبيب وانا بكب ليك وانعل ابو اي حاجة
ابو الزوز.. تعرف كتاباتي باللهجة الشايقية بجد فيها متعة كبيرة يمكن لانه اهلي جاؤوا الى الخرطوم ولكن بعقلية البركل نقلوا حياتهم من هناك الى الخرطوم.. لكن لهجتهم لم تتغير وزاد الامر وجود بيتنا في مكان وسط في الخرطوم خصوصا ايام السكة حديد فكل القرية كانت تنزل في بيتنا فاللهجة هنا كانت طاغية لدرجة بعيدة جدا حتى الاغاني داخل البيت كلها كانت تسير في نفس الاتجاه لذا وجدت راحة كبيرة في التعبير عن ما اود كتابته بلهجة اهلي ليس تعصبنا ولكن هي اداة اجيدها فقط دي الحكاية.. في عطلتي الاخيرة في السودان يوم كرامة حجة الدومينكاني وجدت عمته في البيت وهي والدة دكتور مجدي الشفيع الزقازيقي.. تعرف لقيت نفسي بتكلم معاها بالشايقي طوالي لانه لكنتها كانت واضحة.. طبعا يا زهير محمد شكري دة رحمه الله انا كانت عندي معاه ونسات وصولات وجولات وعلى ذكر كتبه.. تقريبا انا صممت كل كتبه الاخيرة خصوصا (زمن الاخطاْ) و(تينسي وليام)... وحا اجيك ليه بمزاج..
الريس ميسرة ياخي الله يجبر بي خاطرك وحسب الفيس بوك حقي انه عيد ميلادك الليلة كل سنة وانت طيب غايتو لو الفيس بوك حقي مجلي وداقس يا زول كل سنة وانت طيب طول السنة
منص يا حبيب يمكن مداخلاتك حقت فك الدبرسة كانت سبب في الكتابة دي على علاتها لكن اقول ليك شي: ياخي الكتابة باللغة العربية دي زي البتاكل ليك في عدس في حبات رملة ياخي حاسي انها ما لافقة معاي كلو كلو يا حبيب بنتم ليك باقي الحكي هنا.. لكن عليك الله اعفيني من الحوش داك وكمان اعفي معاي ياسر نجيلة ياخي ما بنقدر علي المساسقة دي كلو كلو لكن بودي ليك الحاجات دي كلها هناك في سوري.. بس انت جيب لينا كمال الشادي الزول دة حلو ياخي ويخفي (مصائب شايقية) يا ريت يجي يحكيها هنا
ود جادين يا حبيب والله ايامك ياخي تعرف نفسي اشوف الحبشة دي بحس انها دولة تستحق الزيارة والحبوش ديل ناس شكلهم حلوين زي حلات المغاربة ديل يا حبيب تحياتي لمن حولك وما تغيب مننا امبارح قشرت بالقميص وجاني احساس انه انا بقيت من عُلي القوم
يا رشا المغرب بلد يستحق الزيارة فيه روح جاذبة كدة غير عادية وما تسمع حتة السحر دي يمين اي سوداني جاء اتزوج هنا جابتو الجلكسات و(فنتازيا الجنس) ما يرموا القصة في السحر وعليك الله ورينا الحتة التانية الحامياك ليها بت الشيخ يمكن الواحد يفكر يمشيها عموما مرحب بيك في المغرب لكن كان سحروك لا تعرفني لا بعرفك
يزوروا فيك عديل يابركة ... ماداير اقول فوقك الملائكة ... عشان ام احمد ماتزعل المهم ياحبيب ... بالتفصيل الممل بالله عشان عندنا النية وكدة والا .... بقوم انسحر ليكم عند جبرييلا وبتاكلوا ناركم بعدين .... وبجيب ليكم الهوا ...
جبريلا ..... حقيقي سرد رائع وجميل وكتابة ادبية لا تقل شأن عن روائع ما كتب "ماداير اجيب سيرة شيخك" لانو تاني ما بنقدر نهظر معاك كان قلنا ليك زي كتابة شيخك الطيب ومابين العدس الفيهو رملة دا ... والنضمي الطاعم ضمة داك "العنصرية ظهرت" بأيهما كتبت ... كسبنا نحن اديباً اريباً ...... وأخاً رائعا ... وفقك الله ...
Post: #1967 Title: Re: ناس الزقازيق ... أجدع ناس (4) .. Author: محمد عيد Date: 05-21-2011, 12:43 PM Parent: #1965
ريســـنا ... حارسنا وفارســنا
كل سنة وانت طيب ...
والعمــر الطويل ليك انشاء الله
Post: #1968 Title: Re: ناس الزقازيق ... أجدع ناس (4) .. Author: أحمد إسماعيل Date: 05-21-2011, 05:07 PM Parent: #1967
Quote: ثم جيئ بـ(الطاجين).. واندهش القروي القادم من تخوم البركل.. لأول مرة في حياتي أرى طعاما على آنية فخارية..
ياسلام يا طارق على الحكي الجميل بالله زود منه
زمان يا طارق عندما كنا صغار بنلعب بالتراب أحد أصدقاء الوالد سأل أخي قائلا: أنت دحلوب ولا طاجون؟ رد أخي : دحلوب ، ضحك الرجل ثم سأل أخي الثاني نفس السؤال ، فرد الأخ الثاني بأنه طاجون أيضا ضحك الجل عليه، بعد كبرنا شوية عرفنا الدحلوب لأنه متواجد في البيئة لكن الطاجون لم أعرفه إلا اليوم ( الطاجن المغربي).
سلام الله يديك العافية يا ود عشة مستمتعة ومتابعة من الاول وحاجزة قدام بس واصل يا طارق
بلمناسبة يا طارق اصولنا مغاربة ويقال انو جدنا الكبير من فاس يلد سيدى احمد التجانى يعنى بيزورو فينا بعد حكيك دة نمشى نفتش اهلنا بس بمشى براااى انا وعيالى بس ما يقوم سيد بيتى يقول لى اقعدى بمشى افتشهم ليك
جلال يا حبيب تعرف لمن اكتب اللهجة الشايقية بكون متاكد انه انت اكتر زول بيكون فاهم من قولة تيت ما زي ناس حاتم شوايقة كليفورنيا يا حبيب طيب صالح شنو البشبهو انا العشرة سطور الاولى من موسم الهجرة الى الشمال براها قدر ادب الكون كله الله يجبر بي خاطرك يا حبيب
ود اسماعيل كيفنك الغريبة انه الدحلوب دة عندنا في منطقة الشايقية منتشر لكن الطاجين دة حق مغاربة
زوبة كيفنك ياخي اسمعيني انت كان جيتي هنا براك وانسحرتي اها عمر دة يقبل وين
ثانياً : يا مبارك جادين طلعت فارة قول لي كيف .؟ في زول يمشي اديس ابابا ويسوق معاه حراسة خاصة مشددة لكن ما بالغت ... علي العموم برضك حا تستمتع باديس ابابا والجو الجميل ... والوجه الحسن والماء والخضرة ... وبالله ركز لينا علي الجو الحسن ... اقصد الجو الجميل ... غايتو امنية اثبتت انها حكومية قوية ... وراسخة ورغم كل الثورات المحيطة الا انها قادرة تمسك بمفاصل الدولة ... بمعاونة الخيانة البني والكوز الصغير ... ما تنسي عبد السميع في السفارة السودانية ... بس عبد السميع ده ذاتو انا كان جيت اديس ابابا ما حااتصل بيهو الا في نهاية الاجازة ... واقابله آخر يومين واحلف اقول لي جيت امبارح ...
يا ود جبريل يمين بالله غيرت راي فيك وبقيت اعتقد فيك عديل ... يا زول انت مصاحب الطيب صالح وكمان محمد شكري لا لا ... اها كمان لو قلت لي قابلت القديس ماركيز في اصيلة يمين بالله ولدي الجاي الا اسميهو طارق جبريل موسي كاملة كده .... ياخي محمد شكري حتة واحدة ... اكيد بتهظر معانا ... علي العموم ما تدخل لينا بحمد وتطلع لينا بخوجلي ... السلسلة دي اقل حاجة فيها كم وتلاتين قطعة (لاحظ لي اقل حاجة دي) بنفس المقاس السابق غير كده ما بنقبل ... يلا شد حيلك انا بجيب ليك التمباك والسجائر ومحمد صديق عليهو بالشاي ... ومبارك جادين جاب القميس يبقي المكوة علي جلال ... والغسيل يا عبد الدائم النضيف يا موسي عيسي ... لانهم متعودين علي الغسيل في البيت .... اها الحلل تخصص الريس ميسرة ومنصور كل يوم علي زول ... قلنا نفيض الشقة علي احمد اسماعيل حلف باليمين عنده جيوب انفية واختار مراسيل الدكان ... اها النضافة بقت علي سامي لانه طويل وما يحتاج يدخل عود في السعافة ... اها بنات الشيخ السمحات ديل ما عايزين نتعبهم كفاية عليهم خدمة البيوت ... واحسن ذاتو في حكايات طارق جبريل يتلمن علي عيالهن ... يمكن في ناس كتار تفكر في موسم الهجرة الي المغرب .... وبس خلاس
Post: #1976 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-22-2011, 06:20 AM Parent: #1975
ميسرة انت اول امبارح فى الليل ما كنت معاى فى البيت مالك ما عزمتنى عيد ميلادك .... انا من حركات مشكاة عرفت فى حاجة ما طبيعية
أجمل التهاني و التبريكات للريس ميسرة... ان شاء الله دايما تامين و لا مين و محتفلين كمان... . . . . . دي ما بيضة اليوم... دي مقدمة ساكت... و تهنئة للريس قبل ما يسبقوني باقي الناس... البيضة ان الله أراد بتجي بعدين...
Post: #1980 Title: Re: ناس الزقازيق ... أجدع ناس (4) .. Author: محمد عيد Date: 05-22-2011, 07:24 AM Parent: #1977
Quote: دي ما بيضة اليوم...
؟؟؟؟؟؟؟؟؟؟؟
شكل المعاكسات بعد الثورة المصريه
اموت أنا وأثور سنة
طب وشرف رئيس الوزراء.. إنتي مزة
ده إنتي تقولي للريس قوم و أنا أقعد مطرحك
نفسي ايدي و ايد ابوكي تبقي ايد واحدة
أكيد مامي دبابة عشان تجيب الصاروخ دة كله
يا انسه يا انسه انا مش بعاكس والله بس ممكن تدينى رقمك القومى؟
أموت انا في الانفلات الأمنى!( دي قوية)
امووت في الشفافيه!
عاوزك في حوار وطني!
انا أبويا معتقل وأمي في التحرير والبيت فاضي يا جميل
يا حمادة علامة استفهام واحدة تكون محتار... علامتين confused... تلاته علامات...محتار دفع الله... حداشر علامة مره واحدة دي تبقيك القذافي عديل كده.. و ده كلو عشان شنو...عشان بيضة ديك...
ركب معي صباح اليوم (علم) من بنغلاديش... علم من بنغلاديش دي ذكرتني الشياطين التلتاشر... علم قضى ما يزيد عن التلاتين عاما في الامارات... قلت ليهو يا علم أول نفرات يجي يجلس خمسة سنة عشرة سنة و بعدين يرجع بلاد... الحين يجلس تلاتين سنة ما يرجع بلاد.. امكن كمان في موت و برضو ما يرجع... يودي داخل مقابر هنا... علم قال لي...انت في قصد أنا و لا شو... أنا والله ما كنت قاصدو..لكن ضحكت من أعماق قلبي... راس السوط هبش الراجل..و قلت ما دام الراجل اتحسس أزيدو شويه... قلت ليهو يا علم شوف الحين كيف الجو حار هنا... بعدين انت في موت تحت قبر واجد حار... أحسن شيء روح بلاد في مطر في جو بارد... علم فطسان من الضحك... و الله كلام مال انت صحيح... أنا شغل تلاتين سنه مافي فايده... بعدين موت.. بعدين قبر واجد حار... سرعة سرعة يصير بترول... بعدين هذا بلاد فايده...
Post: #1981 Title: Re: ناس الزقازيق ... أجدع ناس (4) .. Author: أحمد إسماعيل Date: 05-22-2011, 09:13 AM Parent: #1977
Quote: لا تـــشـــكي مـــن الأيام فليـــس لـــها بــديـــل
ولا تــبكـي عـلي الدنيـــا مـا دام آخـرهــا الـرحــيل
من تيسير الله على الأنبياء أن يؤخر لهم آجالهم إن أرادو ذلك من قصص الأنبياء ، يقال سيدنا موسى عليه السلام جاءهـ ملك الموت ليقبض روحهه فلكزهـ موسى بقوة، الملك قال لله جلّ شأنه ، عبدك موسى لايريد أن تقبض روحهه ، الله سبحانه وتعالى قال لملك الموت : إذهب إليه وقل له ، أن يضع كف يدهـ على ظهر ثور أو بقرة ، يمد له في عمره بقدر عدد الصوف الذي تحت يدهـ ، سيدنا موسى قال وماذا بعد ذلك، ملك الموت قال بعد ذلك الموت، سيدنا موسى قال إذا الآآآآن
ففي الآخر الرحييييل
Post: #1983 Title: Re: ناس الزقازيق ... أجدع ناس (4) .. Author: منصور عبد الرازق Date: 05-22-2011, 09:41 AM Parent: #1981
يا طارق جبريل , يا زول ما تقعد تتزاوغ لينا زى ود الموية فى اصيلة حصل شنو ياخ ؟؟؟
Post: #1984 Title: Re: ناس الزقازيق ... أجدع ناس (4) .. Author: منصور عبد الرازق Date: 05-22-2011, 09:48 AM Parent: #1983
للريس العزيز , ميسرة اب شنب , ابو محسنة وولدها يعلم الله نحن بنحبك قدر شنو , يا اخو الأخوان تسلم لينا وتطيب ايامك ان شاء الله يخلى ليك والدتك , ويرحم ليك والدك , ويحفظ ليك اخوانك ويديم ليك بيتك مفتوح وعلى راسه سته وعيالها بس
Post: #1985 Title: Re: ناس الزقازيق ... أجدع ناس (4) .. Author: منصور عبد الرازق Date: 05-22-2011, 10:20 AM Parent: #1984
اول زيارة لى للزهرة الجميلة والجديدة والتى لا تبلى ولا تقدم ابدا اديس ابابا كانت فى صيف العام 1993 (فى القرن الماضى يا زهير ) ذهبت اليها مستكشفا , عندما اقترحها على احد الأصدقاء , كمكان لشهر عسل خرافى كما قال تعليقات فطيرة زى حقت زهير بتاعت الزول يمشى اديس فى حراسة مشددة واخرى مرادفة زى بتاعت حد يمشى المطعم وشايل معاهو سندوتش احاطتنى من كل مكان , فالمغرضين من امثال زهير , كثيرون وصدقونى من اليوم داك, فان المرور على هذا المكان الساحر الجميل , فى غدواتى وروحاتى صحبة ست بيتى وام عيالى , من امتع ما افعل , لا بل ومعانا عيالنا كمان بينى وبينكم , اولادى ما حبوها شديد , لكنى مع ام احمد , نحب معالمها , ونحب طقوسها , ونحب قهوتها , ونحب كسرتها الأنجيرا ويا لها من كسرة , ويا لها من شطة , ويا له من جو الجمعة قبل امبارح ده , مدرار الشليقة مشت حفرت وطلعت ليها كمية من الألبومات القديمة واختصت البوما كبيرا وعزيزا , البوم متين جدا , لا اسمح له ان يتقطع او يبلى , ولا حتى ان تنسل صفحة من صفحاته ومن الأشياء الجميلة فى ذكريات اديس ابابا فى زيارتى الثانية لها ايام (شهر العسل ) اننى وبعد ان زرتها واكتشفتها فسحرتنى واصبحت من زوارها الدائمين ثم وصلت الى الخرطوم واكملت ايام زواجى نهايات يوليو من العام 1993 غفلت اليها راجعا وعارفا بتفاصيلها , يا مبارك جادين العزيز فكان ان صادفت فى صالة مغادرة مطار الخرطوم , الزقازيقى العتيق والجميل ابن عطبرة نصر الدين السيد وهو من خريجى زراعة الزقازيق 1984 كان نصر ذاهبا الى اديس (مستعسلا ايضا ) صحبة عروسته ابنة خالته على ما اذكر وهى مقيمة فى مدنى (حا اسال ليكم ام احمد بعدين تذكرنى بى اسمها ) انا كنت حاجز مبدئيا فى فندق اسمه (يوردونس هوتيل ) يا ود جادين كانت هذه خطتى التى طلعت بيها من زيارة الأستكشاف الأولى فانضم نصر الدين الى فى خطتى , على امل ان نستغنى عن الفندق , حال استرشادنا الى سكن عائلى يناسب شهر العسل وقد كان , ثلاثة ايام خرافية فى يوردونس هوتيل الجميل كنت مقررا المكوث فى هذه البلدة , اسبوعين بى خمستاشر ليلة ولكننا اهتدينا الى فيلا فى ضاحية (بولى رود ) , خلت ناس السودان يفتشوا علينا , لمن لقونا قالوا لينا , مش قلتوا اسبوعين ؟؟!!! قلنا ليهم , هى هى الأسبوعين تموا ولا شنو ؟؟ وحاتكم , من بعد تلك الأسابيع الثلاثة , فاننى زرت اجيس ابابا مع (ام عيالى ) فوق المرات السبعة منها تلاتة مرات فى ذات اليوردونس هوتيل وفى مرة من المرات كان نزولنا الى اديس مجرد ترانزيت 36 ساعة لما ناس الخطوط الأثيوبية , وقفوا الأتوبيس بتاعهم ونزلونا قدام يوردونس هوتيل , بت شيخى دى لمن قربت تطق الثكاليب ولن احكى لكم عن ليالى قيون , ولا عن اوفر نايتات هيلتون , ولا عن دبرزيت ولا فن فنى , ولا عاوزين كارامارا خلى مبارك جادين يحكى ليكم استمتع بايامك ولياليك انت ( وامنيتك ) يا ود جادين , وسلموا لى على سى باسترى , واشربوا لى معاكم فنجان قهوة فى (بيكوك) لو ما لقيتوا اى حاجة تعملوها , بس اقعدوا فى طرف (ريفليوشن اسكوير ) واتطلعوا فى جمال الدنيا والناس استمتع بى (سندوتشك المعاك يا بركة ) , ففيه من التوابل والنكهات , ما ليس فى اى (مطعم من مطاعم الدنيا والعالمين ) من لم يزر اديس ابابا صحبة (ست بيته ) , وادركه الموت , فقد مات ميتة جاهلية
سحائب الأفكار كانت أكبر من أن يستوعبها عقلي.. رجل تمنيت دائما أن ألتقيه.. وهو الآن في انتظاري في ريسبشن الفندق.. أليست هذه هي إحدى سخريات الأقدار... وصلت (الريقاتا) إلى فندق الخيمة وترجل منها طلحة.. بقيت أنا في الداخل مركزا بصرى على ريسبشن الفندق.. بدت لي من بعيد العمامة التي لا تخفى على.. وتلك النظرات التي تحمل الكثير.. هذا اذن هو شيخ الطيب الذي (يمور رأسه بطفولة شريرة).. تخيلته لأول مرة عدة شخصيات في شخص واحد.. وبدوت أنا كمصاب بالدوار.. تارة أرى فيه مصطفى سعيد وتارة أخرى يظهر لي كما لو أنه سعيد عشا البايتات.. ومرة أخرى اتخيله الزين يحادث الحنين.. ثم يبدو لي في هيئة محجوب زعيم القرية.. ترجلت عن السيارة وبدت خطواتي مسرعة كمن يبحث عن حبيبته بين الجموع.. تقدمني طلحة وقدمني لشيخ الطيب: دة طارق دكتور البقر الكلمتك عنه.. - اهلا بناس البركل.. ياخي البيطرة في الغرب علم نبيل وله مكانة.. احتضنني الرجل كما لو أنه يعرفني منذ سنين طويلة.. إزيك يا دكتور وحمد لله على السلامة..شقي الحال دة (طلحة) كلمني عنك كتير.. يا استاذ الطيب والله ما عارف اقول ليك شنو لكن ياخي شكرا علي استقبالك دة.. - يا ولدي استاذ شنو من الليلة انا عمك كويس - دة شرف لي يا استاذ.. تمنيت لقاءك دائما - كدي اقعد خليني اتونس معاك.. خلينا من استاذ دي.. شقي الحال دة اول امبارح قال لي عايز امشي المطار اجيب طارق.. ياخي دي بلد سمحة لازم كان تزورها.. نحن يا ولدي ما عندنا ثقافة الاجازة.. بنفتكر الاجازة مرادفة للنوم في البيت.. لازم تغيروا الافكار دي.. نحن خلاص زمنا فات وغناينا مات.. في هذه الأثناء جاء بلند الحيدري وجلس معنا.. طلب لي شيخ الطيب (أتاي) بينما هو وطلحة طلبوا شاي أحمر.. ضحك جدا عندما عرف أنني لا أشرب الشاي الأحمر وقال وفي عينيه شئ من الألق: ياخي إنت شايقي شنو الما بشرب شاي احمر دة.. - طلحة: يا شيخ الطيب حا اخلي طارق يسمع ليك مقطع من موسم الهجرة.. طارق عليك الله وريهو انك حافظها.. لا أخفي عليكم سررت جدا لأن الجلسة كانت في حضرة شيخ الطيب وانضم إلينا الصحفي التونسي الصافي سعيد.. وبلند الحيدري الذي كان يكتب في الشرق الأوسط حينها ثم حضر الكاتب المغربي الكبير الراحل عزيز الحبابي.. دون شعور مني وجدت نفسي أقول: "عدت إلى أهلي يا سادتي بعد غيبة طويلة، سبعة أعوام على وجه التحديد، كنتُ خلالها أتعلّم في أوروبا. تعلمت الكثير وغاب عني الكثير، لكن تلك قصة أخرى، المهم أنني عدت وبي شوق عظيم إلى أهلي في تلك القرية الصغيرة عند منحنى النيل . سبعة أعوام وأنا أحن إليهم وأحلم بهم ، ولما جئتهم كانت لحظة عجيبة أن وجدتني حقيقة قائماً بينهم ، فرحوا بي وضجوا ولم يمض وقت طويل حتى أحسست كأن ثلجاً يذوب في دخيلتي ، فكأنني مقرور طلعت عليه الشمس . ذاك دفء الحياة في العشيرة ، فقدته زماناً في بلاد " تموت من البرد حيتانها "" - دقيقة يا ولدي اقيف اقيف.. العاجبك شنو في النصايب دي.. - طلحة: يا شيخ الطيب عمق ما كتبت يغري كل محب للأدب أن يتطعمه.. - يا شقي الحال ما تقعد تهجم لينا الدكتور دة بالكلام الكبار كبار دة نظرت حولي فوجدت الكثير من الصحافيين المغاربة والأجانب يحيطون بمجلسنا.. جاءني إحساس أنني أصبحت من عُلي القوم - الصافي سعيد: يا استاذ الطيب كل من قابلته من السودانيين يحفظ موسم الهجرة إلى الشمال ليس على طريقة الدكتور... لكن على الأقل يحفظ مقاطع منها.. هذه رواية عبقرية للأسف قيل لي أن حكومة الخرطوم منعت تدريسها.. - شيخ الطيب: يا سيدي الفاضل هذا أمر يسعدني ويضيف إلي أعباء وزر هذه الرواية.. - طلحة: يا شيخ الطيب طارق دة زول علمي من يومه ورغم ذلك، وأنا أعرف هذه الحقيقة جيدا كان مغرما بكتاباتك منذ صغره.. كان يسرق كتبك من مكتبتي التي هي عبارة عن شنطة حديد تحت عنقريب في الأوضة.. عمق ما كتبت هو الذي يدفعنا للإحتفاء بهذا الزخم الأدبي الكبير.. إلتقيت أناسا كثر من بقاع مختلفة كلهم يحتفون بما كتبت.. - يا شقي الحال ليس لدي إحساس بالمرة بأهمية ما كتبت إن رأي الناس فيما أكتب شيئا مفيدا هذا شأنهم.. أنا كتبت بدافع الحنين أحسست أنني خنت بيئتي التي نشأت فيها.. بدا لي ذلك العالم فردوسا.. والكتابة كانت جسرا بيني وبين هذا العالم - طلحة: لكن في هذا تقريع عجيب للذات - شيخ الطيب: لا لا الله يرضى عليك.. ياخي خلينا نحتفي بالدكتور طارق.. يا جماعة عن اذنكم عايز اتمشى شوية مع الدكتور دة على الشاطئ.. إحساس غريب إمتلكني.. أن يستأذن شيخ الطيب هؤلاء القوم الأفذاذ لكي يتمشى معي (أنا ذلك المهضلم).. لعمري ذلك أمر دونه النجوم.. ....
طارق جبريل واصل الحكى فنحن مستمتعين برحلة المغرب منصور زرت اديس قبل فترة طويلة ولكن اتمنى زيارتها الف مرة بعد ان قمت بوصفها شكرا لمحمد صديق وبس على السؤال .
عليكم الله شفتونى غتيتة كيف ولابدة ليكم عشان ما بتسالوا عن الزول البغيب ويطول الغيبة
يا منص والله الوكت بقى ممحوق خلاص بعدين ياخي انا ما عايز اخسر لاعب كبير زي ابو الزوز الراجل قال آمن بي عديييييييل كدة يا زول انا مودي مرتفع الأيام دي يعني حا اكتب لمن تآمنو حا اقدكم قد السنين
ملئ بالصور والذكريات ... عصام سايكولوجي عامل شغل نضيف .... اها دي عينة الزول اللابس العمة وجلابية ... وواضح انه راجل كبير من زمان ده منو ..؟ ما يجي جلا يقول لي ده موسي عيسي ... الاجابة غلط
Post: #1993 Title: Re: ناس الزقازيق ... أجدع ناس (4) .. Author: أحمد إسماعيل Date: 05-22-2011, 03:42 PM Parent: #1991
ياريس ميسرة الف مبروك ودائما متهني مع أطيب الأمنيات والتبريكات وكل عام وأنت والعائلة بألف خير
Post: #1994 Title: Re: ناس الزقازيق ... أجدع ناس (4) .. Author: أحمد إسماعيل Date: 05-22-2011, 04:27 PM Parent: #1993
سلامات يا أبو الزوز مالك جايب لينا الكتاحة بعدين صور الزقازيق فيها شيء يخالف الحقيقة ماشايف ناس ستديو مصر يطلعوا لك الصورة ناعمة كدة التقول لاحسنها لحس ، لاحظ الكلام ده قبل الديجتال ٌُ!!!!
سلام ياخوانا.. هابي بيرث ديي يا ريس.. والله صفحه 17 دي تاريخيه.. حقو بكري يرفعها فوق.. نبدأ بي شرامه الامتداد.. إتجدعت يا صديق وبقيت تتمشي بي الشواطي مع الادباء.. والله حكيك طاعم من زمان ياولدنا.. أقرأ واتخيلك وإنت بتشيل في البنوتات.. والا عمك الطيب قاعد مستني في الفندق السمح.. عيشتنا في جو تاني.. تربت يداك...
قلتو لي أديس سمحه؟ طيب ما كان تقولوا لينا قبل الحج...
بت البدوي.. خللي الغتاته..
حبيبنا نجيله.. شكرا يا رهيب.. وين النكات؟ أقول ليك.. نكاتك كلها قاعد أترجمها لي ليلي والبنات.. بالذات متكيفين من نكات الرباطاب والشوايقه.. ليلي شبكت في الرباطاب.. كل ما اتماسخ عليها تقول لي.. رووباتابي بلهجه مكسره.. قبل كم يوم اتماسخت عليها.. قالت لي روووبي.. قلت ليها دا شنو كمان.. قالت إسم الدلع لي رووباتابي.. أظن قاصده قمه المساخه.. زيدنا يا أصلي..
الرشيد.. أرحكا المغرب نكوس أهل زوبه.. حقو الجوازات السودانيه يكتبوا فيها.. صالحه كل البلاد عدا إسرائيل.. والمغرب الا بڤيزا من بنات الشيخ..
Post: #1998 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-23-2011, 06:15 AM Parent: #1997
صباح الخير ،،، يا وجوه الخير
أصبحنا وأصبح الملك لله وحده،،،
شكراً لكم يا الحبان وأتمنى أن تكون حياتكم كلها سعيدة
بس بدأنا نفقد جلا ،،،،،،،،
حديث المغرب والطيب صالح والحكاوي الطاعمة
وحكاية مبارك بأديس وتابلوهات منصور عنها
زادت من ألق هذه الصفحة الأدبية الجميلة
هل من مزيد،،،،
العزيزة مشاعر بدوي زيارتك تسرنا ودوامي التواصل
Post: #1999 Title: Re: ناس الزقازيق ... أجدع ناس (4) .. Author: محمد صديق Date: 05-23-2011, 06:25 AM Parent: #1997
سلامات يا ناس
وصباحات التفاؤل
طبعاً لازم نبدأ بالريس :كل عام وانت بخير ويديم الله الصحة
والعافية لك وللعيال وست بيتك.
تان حاجة :شكراً لمشاعر لى (وبس دى).
مرحب حاتم جبارة.
جادين :اعمل حسابك.
نختم بطارق جبريل :مبروك على هذا الحكى (ولو ما راسك غليد
كان يكون بوست معتبر بالمنبر...اقلو كان حيحرك لينا سكونو
حاتم جباره... قلت لي نمشي المغرب... كنت عايز أقول ليك طوااااالي... لكن خايف ما يدوني تأشيرة... من ياتو حته دي متروكه لي تقديرك... يعني يا حبيب القصة ما انك تقنعني أناو بس...
تمشينا على ساحل الأطلسي في معية شيخ الطيب.. كنت أتمهل قليلا للاستمتع بحديث وحركات وسكنات الرجل.. هذا إذن هو (مصطفى سعيد).. هذا هو من شغل الناس وملأ الدنيا.. لا أدري إن كان ما يحدث الآن هي من سخريات الأقدار أم شئ آخر.. أن يستأذن هذا القامة القوم ليتمشى معي على شاطئ الأطلسي.. هذا لعمري أمر أندر من أسنان الدجاج.. قروي مثلي يحظى بكل هذا الكرم.. أسعدتني هذه المحبة التي أسبغها علي الرجل.. وقف الرجل ووضع يديه على خصره وراح يتأمل الأطلسي.. حينها فقط تذكرت كلماته: "إنني أعرف هذا العملاق الأخضر اللامنتهي، واستمرأت طيلة الرحلة ذلك الإحساس في أني في لا مكان، وحدي، أمامي وخلفي الأبد أو لا شئ وصفحة البحر حين يهدأ سراب آخر، دائم التبدل والتحول، مثل القناع الذي على وجه أمي.." ونحن نتأمل صفحة البحر تلك.. مرت بقربنا فتاة في مقتبل العمر.. ينهدل جيدها على كتفين تنوء تحت وطأة صدر ناهد.. خصرها يمكن أن تحيطة بالحلقة التي تضعها نساء (الماساي) على أعناقهن.. لها ساقان كتماثيل النحاس في متاحف الروم.. يميل كفلها لليمين.. لها وجنتان كحبتي كرز.. أثار جمالها ثلاثتنا.. - شيخ الطيب: بالله يا طلحة شفت البت سمحة كيف - طلحة: يا شيخ الطيب الجمال هنا مبعثر.. - يا طارق يا ولدي شوف ليك طريقة تقعد في البلد دي.. الناس ديل الله راضي عليهم - طلحة: ههههه ياخي دة شايقي مجنون قال عايز يرجع السودان ما عايز يغترب.. حاولت اقنعه يقعد هنا لامن يلقى ليه طريقة مخارجة - شوف يا ولدي الغربة دي مؤلمة لا شك.. لكن برضو عندها محاسنها والسودان هسي تحت قبضة ناس ما معروف يمشوا بالبلد وين.. دحين اسمع كلام اخوك دة.. ياخي شوف البت السمحة دي موش تخليك تقعد هنا طول عمرك.. - والله يا شيخ الطيب انا من النوع الما بعرف يعيش خارج محيطه.. فعايز امشي أجرب وربك يسهلها - طلحة: ياخي عنده رأي صادم في غربة الخليج - مالو الخليج يا طارق.. - يا شيخ الطيب الخليج الحياة فيه واقفة وارتبط بذهني بـ(الكروش وريحة ون مان شو) - طلحة: مالك ابيت تقول الفنانيس.. خجلت من شيخ الطيب - شيخ الطيب: هههههههههههه يا ولدي الفنانيس دي بنسويها برانا، انا قعدت في قطر فترة طويلة ما كان عندي فنانيس ههههههههه خلاص أمشي جرب ولو ما نفع معاك تعال راجع لي أخوك دة.. تذكرت كلماته تلك في طريق عودتي إلى المغرب بعد خمسة أشهر.. (هؤلاء الناس) قادوا البلد إلى القحط والخراب.. ولا زالوا (يعوون) في الإذاعة: أيها الشعب السوداني البطل التي حولها المغلوب على أمرهم: أيها الشعب السوداني الفضل .... ذهبنا إلى إحدى المقاهي قبالة الأطلسي.. كان طلحة قد بدأ مع الرجل فكرة كتاب يؤرخ لمسيرته ومرة أخرى قيض لي الحظ أن أكون شاهدا على كل تفاصيل الكتاب (على الدرب مع الطيب صالح) أدار طلحة جهاز التسجيل وبدأت سجالاتهما.. تراجعت أنا إلى الخلف منصتا.. لا شك أن الرجل من طينة أخرى.. أشعل الرجل سجارة وبدأ هادئا.. وظللت أنا أرقب حركاته وسكناته وسرحت بخيالي: " أي شئ جذب آن همند إلى؟ رأتني فرأت شفقا داكنا كفجر كاذب. كانت عكسي تحن إلى مناخات استوائية، وشموس قاسية، وآفاق أرجوانية. كنت في عينيها رمزا لكل هذا الحنين. وأنا جنوب يحن إلى الشمال والصقيع" القدر حين يكون سخيا معك يفجأك بأشياء لا تخطر على البال.. هاأنا ذا أمام رجل لم زحلم يوما بلقائه.. لكن القدر مارس إحدى أجمل هداياه.. منذ ذلك اليوم بدأت علاقتي بالرجل.. استمرت ما يقارب العقدين من الزمان.. ضحكنا كثيرا وتحدثنا كثيرا ومرت الكثير من المياه تحت جسر الوطن..
أحسست بنشوة المنتصر وأنا أودع الرجل على أن ألتقيه في المساء في قاعة الندوات في مهرجان أصيلة.. رجعت إلى (رؤى وسلمى) لأمارس (عمومتي) عليهن.. كانتا سعيدتين بوجودي وطلبتا مني الذهاب معهما إلى البحر صباح الغد - طلحة: انت عندك مايوه ولا شنورت - طلحة إنت باقيلي جنيت مايوه شنو وشورت شنو.. عندي عراقي وسروال جديييييييد بي تِكِي طويييييلي.. - يا زول تكة شنو هنا العوم عنده قوانين انت قايلو طلقيتة زي عوم البلد.. بعد نمشي نشتري ليك شورت وبكرة نمشي البحر الصباح عشان نتفرغ لي شيخ الطيب في المساء..
(نان هو كان يوم في البحر)
Post: #2010 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-23-2011, 10:05 AM Parent: #2009
Quote: - يا شيخ الطيب الخليج الحياة فيه واقفة وارتبط بذهني بـ(الكروش وريحة ون مان شو) - طلحة: مالك ابيت تقول الفنانيس.. خجلت من شيخ الطيب - شيخ الطيب: هههههههههههه يا ولدي الفنانيس دي بنسويها برانا، انا قعدت في قطر فترة طويلة ما كان عندي فنانيس ههههههههه
تراكــا شــفت صور ناس الخليج كلهم كدى ورينى واحد عندو كرش ولا فانووووس ....
Post: #2014 Title: Re: ناس الزقازيق ... أجدع ناس (4) .. Author: منصور عبد الرازق Date: 05-23-2011, 10:30 AM Parent: #2010
الطيب صالح , كان مقلا وبخيلا فى تصريحاته ذات الشأن السياسى يخيل الى , لأنه كان مشغولا بهم اكبر حتى انه عندما (طلع من علبه ) , واطلق تصريحه الشهير والذى اصبح فيما بعد (مانشيتا ) مأثورا عند الكثيرين (من اين اتى هؤلاء ؟؟؟) والذى نشره فى مقالته الأسبوعية فى مجلة المجلة -الصفحة الأخيرة على ما اظن - هذا التصريح , نزل بردا وسلاما على الكثيرين , لأنه كان تلخيصا لواقع الحال هنا يأتى حديثه الودى على ضفاف الأطلسى صحبة طلحة وطارق , كنادرة اخرى من نوادر تصريحاته ذات الصبغة السياسية حضرت له لقاءا جامعا فى الرياض , تسعينات القرن الماضى تحدث حديثا ادبيا جزلا ومتفردا , تطرق لكل شىء , وسألناه عن كل شىء افاض فى الحديث فاطربنا , الا انه رحمه الله , عندما كان يطلب منه حديثا سياسيا صارخا كنت تحس انه يفضل الأنين المكتوم ولكن ضفاف المحيط , وخفقانات الصدور الناهدة , والتى تئن بحملها (خاصرات تستخدم دبل الخطوبة حزاما ناسفا ) قادرة على ان تفك اسر الألسن (المعقودة ) اقول ليك حاجة يا زول , طريقتك دى لا نافعة معانا ولا شيتين ما بنقدر على سياسة (حبة عند اللزوم دى ) كب لينا الشغل ده فى اى حتة , ولا ورينا عنوانو وين وانت طوبة ما تعتر ليك شلهتنا يا مسخوت المساخيت هسى اديك كده فى صلعتك الكبيرة دى !!!!!!
Post: #2011 Title: Re: ناس الزقازيق ... أجدع ناس (4) .. Author: محمد صديق Date: 05-23-2011, 10:07 AM Parent: #2009
سلامات يا ناس
Quote: * يا كوتش ... حكيك صار شحيح .. والبخل ما من صفاتك ...
محمد عيد .....سلام
والله العظيم يُحزننى حال المنبر حقنا العملنا باختيارنا...انا احكى بى هناك
وبرضو ما بقول زى طارق ونجيلة انو صعب على اجى بى هنا ....انابجيكم بى هنا
للقاكم ...وما حأنقطع ....المهم تقبلونا كما نحن....
يا ود عيد ... الاستراحة والنكت قاااااااااااعدة بس ولدنا طارق جبريل ... ما مضمون خليكم حارسنو .... عشان كده قلنا ... نفضي ليهو الطريق ...
Quote: تذكرت كلماته تلك في طريق عودتي إلى المغرب بعد خمسة أشهر.. (هؤلاء الناس) قادوا البلد إلى القحط والخراب.. ولا زالوا (يعوون) في الإذاعة: أيها الشعب السوداني البطل التي حولها المغلوب على أمرهم: أيها الشعب السوداني الفضل
=================== ود عيسي ... والله انا فهمتك طوالي ... بس حبيت اختها واضحة لسؤال ولدنا زهير الزناتي ولكن اندهشت فعلا ... انك جليت نص الشلة ... وانا زيك ... راجين النضيف ...
Post: #2013 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-23-2011, 10:21 AM Parent: #2012
انا غايتو اتخيلت شكلك وذكرتنى الفاضل سعيد لما لبس المايوه فى فلم رحلة عيون مع صلاح بن البادية وسمية الالفى
Post: #2015 Title: Re: ناس الزقازيق ... أجدع ناس (4) .. Author: منصور عبد الرازق Date: 05-23-2011, 10:53 AM Parent: #2013
يا كوتشينا , يا غاية الآمال , لو تعرف الشوق انت بس زول مرهف زيادة عن اللزوم يا جميل يا سادة , يا وضاح المحيا اتلفت يوم شفته , ما قبلان تحية , من دلالو ولا مالو , خلى نيران قلبى حية الحروف ياها الحروف , يا اعز عزيز ما بيضيرها تتخت وين , وكمان زولنا اب صلعة ده , مخه ناشف جنس نشافة تقول شنو بس , شايقى كرت كرتونة , لقى نفسه فى بحر المحيط , وجنبو (البتاعات ديك تهتززززززززززززززز) عليك الرسول , وماليهو حق يتجنن ويركب راسو قدر ده عموما الونسة الدقاق مع الونتوهات , بى هنا الحاجات الجميلة البى صمة خشمها , بى هناك حتى كتابات الود المسخوت السمحة البى هنا دى , يا محمد عيد , اعمل ليها كوبى بيست فى بوست منفصل بى هناك جنبا الى جنب مع كاى المربع , واغانى الدبرسة , ولمن فاته الأستماع قايلنا سائلين فيهو ولا ماشين ننتظر موافقته ولا اذنو كبها يا محمد عيد , احى منننو لو كانت عندى كلها , كنت نشرتها بى هناك قبل ما يخلصها بى جاى نقول هذا ونعلن اننا نحب الحوشين , ونعشق شاى الصباح البى جاى , كما نحب صينية الفطور الفى ضل مسطبة الجاويش البى هناك تعرف زولك المسخوت طارق ده , هسى عامل ليهو حوشا تانى بى فجة (يقولولها الفيسبوك ) , مسميها حكاوى طارق جبريل هسى من حظنا انو بكرى مزعلو بى هناك ومغيب ليهو ناسا عززززززاز عليهو اها قام جاب لينا كلامو الحلو ده بى جاى اها مش جابو , انحنا بنختوا فى الحتة البتعجبنا , نتونس بيهو هنا ونحفظه للقراية والأستمتاع بى هناك محمد عيد , كوبى -بيست -فوتو -شوب سريع بى هناك
Post: #2016 Title: Re: ناس الزقازيق ... أجدع ناس (4) .. Author: منصور عبد الرازق Date: 05-23-2011, 11:28 AM Parent: #2015
تتذكروا يا جماعة , صورة البت بتاعت الخطوط الأثيوبية الزمااااااان يمين الصورة دى , تستحق اوسكار احلى صورة على مر التاريخ مش عشان جمال صاحبتها ولا عشان زيها القومى الحبشى ولا عشان طولها الفارع وعيونها الغلاد ولا عشان الطيارة الشاقة السحاب الجنبها شاقة السحاب شنو ؟؟ يمين ما تعرف الشاقى السحاب منو فيهن ؟؟الطيارة ولا البنية ذات (كاريزما الأنوثة الطاغية ) هى صورة ناطقة بمعنى الكلمة , وتجدها -ماتزال - فى مكتب الخطوط الأثيوبية الفى شارع الجمهورية وفى مكاتب الخطوط الأثيوبية , فى شوارع اديس ابابا المحتلفة وبما اننى ازعم اننى احكى عن (جمال الصورة ) , فان من تقع عينه عليها بسحابها وجمال صاحبتها الأخاذ خاصة واذا ما كان الجو هجيرا قائظا , كما هو الحال معظم الوقت فى السودان , وكل الوقت هنا فى الخليج فاننى قادر على الزعم ايضا , ان معظم الدخل السياحى لدولة اثيوبيا الحبشية , خاصة من السودانيين ناتج من مشاهدتم للصورة ديك لذا فان من صورها , واختارها , ونشرها , وختاها فى مكاتب سياحتهم وخطوط طيرانهم , زول عبقرى عدييييل لو كتب شنو داك , كتب ومجلدات ,فان ما سيكتبه وبقوله سيظل قاصرا عما قالته تلكم الصورة لمن النور صاحبى كان بيحاول يقنعنى , منتصف مايو 1993 , انى امشى شهر عسل لأديس ابابا ووصل الأمر به ان قطع لى التذاكر بنفسه على اساس (الرياض جده اديس ابابا الخرطوم اديس اباب الخرطوم تانى اديس ابابا تانى جدة الرياض ) فان ما ساهم (مع الحاح النور) على قبولى بهذا الروت المتعب للرحلة , هو خزينى من تداعيات (تلكم الصورة ) وعندما علمت انه قطع لى التذاكر على (اللوفتهانزا ) , قربت احرن وآبى ليهو عدييييل لأنو ضرب صورتى فى مقتل , وصورتى مربوطة ذهنيا مع الخطوط الأثيوبية فاستجاب لى النور وقسم البلد نصين , نص الرحلة لوفتهانزا , ونصى بتاع شهر العسل (بالأثيوبية ) فاعاد لى بذلك سلامى النفسى , وتصالحى مع ذاتى , واعتمادى على (مخزونى الأستراتيجى ) من تلكم الصورة انتو عرفتو الصورة مش كده ؟؟؟عرفتها يا حاتم جبارة ؟؟؟عرفتها يا انت يا هناك يالقاعد فى آخر كنبة ؟؟؟ ما تخلى بالك معانا ياخ لو عرفتوها ومتذكرينها , وعاوزين تكونوا مع مبارك جادين فى اجازته ولا تقطعوا تذاكر ولا تحجزوا فنادق بس صورتك الخائف عليها
Post: #2018 Title: Re: ناس الزقازيق ... أجدع ناس (4) .. Author: منصور عبد الرازق Date: 05-23-2011, 11:39 AM Parent: #2016
كمال الشادى , لأنو طول منكم قال ما حا يرجع , الا بمفأجاة (خماسية الأبعاد ) ابو الزفت ثلاثية الأبعاد وعرفناها , مى ياها الثرى دايمنشنز الخماسية دى , يطرشنا ويعمينا عموما بعد ما عكلت ليكم فيهو , واتشعبط ليكم فى ضهره ورانى بعدين بس (ضموا الباء بتاعت بعدين ) من الأبعاد الخمسة يا لطيف يا لطيف خمسة منهن , عاد ما بيكتلوا ليها زول يا كمال الشادى خاصة مع الحاجات البتتهز جنب المحيط دى ؟؟؟؟؟
Post: #2019 Title: Re: ناس الزقازيق ... أجدع ناس (4) .. Author: جلال عثمان Date: 05-23-2011, 11:54 AM Parent: #2016
لكن كمان فوانيس عبدالدائم دي ما بتتفوت .... قال فانوووووس قال ... عليكم الله عاينو جنس دا :
Quote: تراكــا شــفت صور ناس الخليج كلهم كدى ورينى واحد عندو كرش ولا فانووووس ....
عليك امان الله ضحكت كما لم يفعلها احد قبلي ولن يجروء احدا بعدي يالمطرطش مفردها "ف ن ي س ة" وتعني تماما كما قصدها جبرييلا ... وانكرها شيخ الطيب دحين أسأل جبريلا من معناها ... ولا اقول ليك ... انت ما سمعت بي فلان عندو اوضة وبرندة ... بس ...
Quote: يا جورج ياخي النبي فيك ما تزعل غايتو انا كان لقيت طولة بالك دي يمين اقدكم بهناك
يا حبيب ....كيفنك
يا خى مافى حاجة بتزعل ....وانا ابداً ما زعلان من زول
انا فقط حزين لحال المنبر .
فعلوا ما بدا لكم وانا سأظل ملتصقاً بالمنبر إلا أن (أزعل)
وبرضو بجيكم بى جاى.....
اصلوا لما اخش بفتح اربعة نوافذ...وبكون شغال اتنقل بينها
وهى عملية ما صعبة ولا بتقوّم النفس....
الإشكال الما بتعالج هو عدم الرغبة ...والإشكالية الأكبر انو
عدم الرغبة وصل الى مرحلة العدوى....التى أُصيب بها الكثيرون
....يلا ما حدش ماخد منها ايتها حاجة.....
Post: #2024 Title: Re: ناس الزقازيق ... أجدع ناس (4) .. Author: أحمد إسماعيل Date: 05-23-2011, 04:44 PM Parent: #2023
الأخ جلال كيفك والله ليك وحشة ، الفنانبيس دي مافعلها كالآتي إنفنس المغترب بالخليج أو مغترب الخليج منفنس ، هذا حاصل لكن الحق يقال مغتربي الخليج لهم اليد الطولى في تعليمنا وحل كثير من مشاكل الظروف المعيشية بالسودان ربنا يخلف لهم بالأبرك ويوسع لهم في رزقهم ويجزيهم الله أحسن ما عملوا ويزيدهم من فضله ونسأله جلّ وعلا أن يرزقهم بغير حساب .
ود اسماعيل ياخي اوعك تكون زعلت من (الفنانيس) دي.. ربنا يوسع ليكم في الرزق يا حبيب ويغنيكم من فضله
Post: #2026 Title: Re: ناس الزقازيق ... أجدع ناس (4) .. Author: أحمد إسماعيل Date: 05-23-2011, 05:05 PM Parent: #2024
Quote: احمد اسماعيل أكثر الناس محافظة على شبابه ( ماشاء الله )
محمد عيد الله ينصر دينك
يا أبو الزوز يلزمك تغيير النظارة
Post: #2027 Title: Re: ناس الزقازيق ... أجدع ناس (4) .. Author: أحمد إسماعيل Date: 05-23-2011, 06:02 PM Parent: #2026
يا طارق يا حكواتي إحكي والله مستمتعين ، انعشت البوست بس فكرتني المغتربين ولا هم المهجرين ، الله يكون في عوننا برضي أرجع وقول عندك كلمات يصعب شرحها زي مفرد فنانيس
موسى عيسى يا حبيب الحكي جايي بس قلنا ننشط ليكم الذاكرة شوية
Post: #2032 Title: Re: ناس الزقازيق ... أجدع ناس (4) .. Author: أحمد إسماعيل Date: 05-24-2011, 04:57 PM Parent: #2031
يا طارق خذ حكاية صاحبنا المغترب يمكن نجق ليك عين من عيون المنهل لديك لتمتعنا بفاصل آخر واحد مغترب بالسعودية نزل إجازة قبل عشر سنوات في حي الثورة بأم درمان تجمع عنده أصحابه شيء كشاتين وآخر قزقزة ومزمزة معاه وصاحبنا فتح قلبه يحكي عن بعض الأشياء التي عايشها بالسعودية عن السيارة الأوتوماتيك وكيف الواحد يسخن سيارته من على البلكونة بالريموت كنترول وحكايةالتعامل مع المكاين لشراء البيبسي والذي منه ، أصحابه كل واحد يشوف للآخر من هذه الحكاوي عند نهاية الإجازة واحد من أصحابه ذهب معه المطار ليودعه ، في المطار لاقوا صدفة زميل آخر من الحلة ، الزميل سأل المودع : شنو الجابك المطار اليوم بدري كده؟ رد المودع : اليوم ابو دليبة مسافر جيت أودعه شفت ياطارق شيء كروش وفنانيس وآخرتها أبو دليبة الما بتثتثني أي مغترب حتى لو في المغرب .
Post: #2033 Title: Re: ناس الزقازيق ... أجدع ناس (4) .. Author: أحمد إسماعيل Date: 05-25-2011, 05:44 AM Parent: #2032
بسم الله أصبحنا وأصبح الملك لله الواحد الأحد اللهم نسألك خير هذا اليوم فتحه ونصره ونوره وبركته وهداهـ ونعوذ بك من شره وشر مابعده. اللهم نعوذ بك من شر أنفسنا ومن شر الشيطان وشركه ، اللهم نسألك العفو والعافية في ديني ودنياي وأهلي ومالي
Post: #2034 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-25-2011, 05:59 AM Parent: #2033
صباح ا لخير يا وجوه الخير
دعاء وأمنية،،،،،،،،،،
~اللهم استرني فوق الارض وتحت الارض ويوم العرض ~
ألا ياالله
كان إللي بقى لي
بالعـمر ليله
عسى آخر جلوس لي
يكون بحضن {سجـآدهـ}..!
Post: #2035 Title: Re: ناس الزقازيق ... أجدع ناس (4) .. Author: عمر المهدى Date: 05-25-2011, 06:39 AM Parent: #2034
كثير من الوجوه تعبرنا مصبحه مبتسمه مقطبه سارحه وكم من صباحات نرسلها ونبثها من نحب صباحكم فل وياسمين وكادي صباحات زاهيه ونديه لكم كل المنى * ود جبرين ايها المتدثر بثوب الشيخ الطيب صالح اشتم رائحه الكليت والشاف واسمع رنه ضحكاتك ممزوجه بضحكات بت مجذوب وطعم قنديل بنقط في العسل ياريت شرابي في الانتظار
سلام يا أهلنا يبدو انكم ما عرفتوا الناس الفوق ديل الأولاني: د. أبو ذر الباقر خريج بيطرة ويعمل في السعودية الثاني: د. عثمان عبد الباقي (عثمانوما) كان يعمل في السعودية ورجع السودان نهائي
ود اسماعيل قصتك تحير يعلم الله
والمهدي الطب صالح عرفناهو الشاف والكليت ديل بجهجهوا باكاتنا ياخي
Post: #2037 Title: Re: ناس الزقازيق ... أجدع ناس (4) .. Author: محمد صديق Date: 05-25-2011, 08:48 AM Parent: #2036
سلات يا ناس
وصباحات الخريف
مراحب بعودة ود المهدى
وفى انتظار جلا...
Post: #2038 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-25-2011, 10:20 AM Parent: #2037
يا ريس حقو الليلة تسلفنا دعاء دعائين كده نرش بيه الناس ديل... فاليوم زياده على المشغوليات الطايوق (مستلفه من الكوتش) ما ياهو... يكون داير ليهو زيت صباح يا ربي و لا قدله في رمال الأطلسي... حتى لو هنايه ديك المره برونزيه و مره نحاسيه ما جات ماره... و لا امكن مطره زي بتاعت الكوتش...الكوتش قال صباح خريفي و هي مجرد كتاحة... يعني لو نقطت ليها نقطتين كان الكوتش قال صباح تسونامي... أنا عايز لي أي حاجه ان شاء الله أمشي ألحق جلا في منتجع (نسيت اسمه)... لكن عارف انه في مدني قريب من كبري حنتوب...
Post: #2040 Title: Re: ناس الزقازيق ... أجدع ناس (4) .. Author: محمد صديق Date: 05-25-2011, 11:10 AM Parent: #2037
سلامات يا ناس
.....وزهير وين؟؟
Post: #2042 Title: Re: ناس الزقازيق ... أجدع ناس (4) .. Author: محمد صديق Date: 05-25-2011, 11:32 AM Parent: #2040
سلامات يا ناس
Quote: خريف شنو يا كوتش .. من بدرى كده
يا نضيف ...حليلك ياخى نحن
المطر ده بيجينا أسرع من هدية
مرسلة من جدة.
Post: #2041 Title: Re: ناس الزقازيق ... أجدع ناس (4) .. Author: محمد صديق Date: 05-25-2011, 11:20 AM Parent: #2037
فرصة ... الصفحة جديدة ... واليوم خميس ... وطارق جبريل غائب ...
حكمة اليوم : إذا نكتنا جديدة .... أدينا بنضحكم وإذا قديمــــــة .... أدينا بنذكركم
للفيلسوف جلا العيساوي ...[/bold/]
الشوايقة:
شايقى مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب - قال لى بتاع التاكسى الله يرضى عليك أبغي الثوره - وفى الطريق الونسه كلها باللهجه السعوديه: والله بلدكم زينه ... وسوالفكم حلوه ... وديرتكم هواها زين - بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى القش تبعى هذا هنا - ولما نزلو قال للتكاسى كم يسوى المشوار؟ قال ليهو خمسين ألف ورد صاحبنا مذهولاً… فييييييى شينو ؟ ========
تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه ولا الدنيا راضية ارجعه ليها تاني .... ===========
الحلفاويون:
حلفاويه راكبه القطر قالو ليها لمن تصلى أبوحمد خشمك عندك ماتنضمى يقوموا يرزعوك بى كلمه تسمم بدنك - قالت ليهم سمح ياوليداتى - والحاجه دخلت فى نومه عميقه فى القطر والساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها: لبن عشر - الحاجه إستدركت قالت ليها سجمى دى أبوحمد؟؟؟- البت قالت ليها: لأ ... دى أبوظبى!!!! ========
الرباطاب:
دار الحوار التالي بين الرباطابي وابنه: الولـــــــــد : يابا يابا شوف الفار الرباطابي : تقول لي الفار نان قايلني كديسي الولــــــــد: نان يا يابا انا قلت ليك اكـــــــــلو ؟ ==========
اسرة رباطابية معزومين عشاء والسمك ريحتو ضاربه - بي شفقتم شوك السمك طعنهم - ابوهم قال لي سيد البيت: انت عازمنا عشا ولا فحص ملاريا ==========
رباطابي ولدو بتعلم في المشي بمسك في السرير ويمشي من الأول لأخر السرير ويرجع- ابوه شافو قال ليهو ياولد بفتش لي إذاعة لندن ==========
رباطاب بحفرو في قبر مرّ بيهم الجنوبي البتعلم في العربي قال ليهم البكاء ده هنا ولاخبر من البلد قالو ليه: خبر ... الا جينا ندفن التلغراف ==========
الجعليين :
الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها : الجعلي : ممكن اولع السيجارة ست الشاي شالت الجمرة بيدها وهي تقول : انا من جعلية المتمة .ومدت الجمرة للجعلي ، الجعلي شال الجمرة بيده وولع السيجارة ورجع الجمرة لي ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من جعلية وين .؟ ===========
قالو ليكم جعلي ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل ===========
جنوبييين :
جنوبى راكب فى البص يقرأ فى جريده جارو قال ليهو الساعة كم؟ الجنوبى مارد عليهو تانى سألوا وبرضو مارد عليهو قام الراجل لكزو قال ليهو انت مندمج ولا شنو؟ الجنوبى قال ليهو لا من واو ==========
المساطيل :
مسطول قابل مسطول ساله انا شفتك وين قبل كده؟ رد ابدااا ما متذكرك المسطول الاول رد غرررريبة انا برضو ما متذكرك - تعرف ديل بكونو اتنين غيرنا ============
واحد مسطول بيشرب سجارة وبيرجع البيت يفتح الباب بالمفتاح و يرقد ينوم – مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال ياربي أكون أنا شربت المفتاح =========
مسطول بيشاغل في واحدة لونها اسمر قاليها : وين يا بيبسي ؟ قامت تفت عليهو . قاليها : وكمان بتفوري .. =============
مسطول ماشي في غابه قام لحقو اسد المسطول جاري والاسد جاري وراهو المسطول لمن تعب قال للاسد تعال اكلني تاكل السم .. ============
مسطول دخل يدو في موية نار طلعا لقاها مافي دخل راسو يشوفا مشت وين .. ============
نكات ( رجال زوجاتم هارشاتنهم) ناس هرشة دوت كوم ...
وإهداء خاص لكمال الشادي .... ومني عباس ....
قالوا في مدير شركة عايز يعرف الموظفين المعاهو. هل نسوانم هارشاتنهم زيو والا لا؟ فقام أشترى عدد من البطيخ وعدد من السيارات الكامري أخر موديل. وجمع الموظفين ، وقال أي واحد مرتو هارشاهو يشيل ليهو بطيخة ، وأي راجل مرتو ما هارشاهو، يشيل ليهو مفتاح سياره كامري على Zero . الموظفين كل واحد منهم شال ليهو بطيخة وخرج ، ماعدا واحد فشال ليهو مفتاح وركب سياره كامري ومشى البيت فرحان ... وفى البيت المره شافتو فرحان، فسألتو ، مالك الليله فرحان كده ياراجل؟ فقال ليها اليوم المدير قدم لي هديه سياره ، قومي شوفيها ، بعد ما شافته ، قالت ليهو مالقيت غير اللون الأبيض ده أرجع شيل ليك واحده لونها يكون بالأحمر ، فرجع الشركه وقال للمدير أنا عائز ابدل السياره ده بلون أحمر. فسأله المدير مشيت البيت ؟ فأجاب نعم ... فنهرو المدير، وقال ليهو خت المفتاح ده هنا ... وشيل ليك بطيخه !!!
=================
قالوا في واحد مرتو هارشاهو، فجاء اليوم داك شايل ليهو كديسة ، دخل البيت وقابل زوجتو فقال عليك الله شوفى الغوريلا دي !!! فردت الزوجه انت ياراجل مانصيح دي كديسة ما غوريلا ... فرد عليها الزوج أنتي البتكلم معاك منو أنا بتكلم مع دي واشار الي الكديسه!!!! ====================
ادروبات :
ادروب لقى كرتونه مرقة ماجي...لم فيها بلع ساي ...ورمى الكرتونه... مسكته قبضة من أبو كديس ديك... مشى المستشفى الدكتور سألوا...أكلت شنو يا ادروب... قال ليه: (بسكويت أبو ديك أكلنا)
منوعات :
غبي مسكه المرور لأن لوحة سيارته الأمامية تختلف أرقامها عن الخلفية. قال له العسكري ليه عامل كدا ؟ رد عليهو : هل وشك زى قفاك؟ ============
كلــــــــــب بلدي شاف كلــــــــــب بوليسي مركبنو فى العربيه وأخر تسريحه للشعر ونظافه .... البلدي قام قال مشكلتنا بس ما كملنا تعليمنا ................. =============
واحد ايمانوا ضعيف وفى نفس الوقت غبى جدآ اتلموا فيهو عشره شياطين...... واحد يوسوس وتسعه يشرحو ليهو.....! ==========
أكتر يوم بكون حريص أكتب فيهو و لو نص مداخلة هو يوم الخميس... عشان ما يجو ناس الشمارات يقعدوا يقولو آي الليلة الخميس مافي زول بيجي... خصوصا بتاع السلع الماشي أبو ظبي داك... و مرات يشار الي بالمنطط عيونو... و بيني و بينكم الزمن ما في صالحي... عايز أكتب و عايز اتخارج في نفس الوقت... ممكن يجي واحد يكتب لي عادي.. لكن ما ممكن يجي واحد يتخارج لي... كنت عايز أوصي زهير يكتب لي.. لكن قلت هو زهير خليهو اليكتب لي نفسه الأول (وش نمس).. البوست ياهو... و الناس البتجي تكتب ياها... و المقادير ياها... لكن زهير ده ما ياهو...
التحية للريس معتصم... مداخلتك رغم انها مختصرة الا أنها معبره جدا...
يا نجيلة يا لذيذ... في نكت ضحكتنا... و في نكت ذكرتنا ليها... الا أنها في مجملها مش ابتسامة.. قهقهة خميسية جميلة...
دي مداخلة يوم خميس سااااكت...
ودعتكم لي أمين الوداعة الما بخون الوداعة...
كنت عايز أقول منو البوصلني مسافة مقدره... لكن قلت بيني وبين نفسي.. يا حليل رجال زمان الكانو بيوصولو مسافة مقدره...
عدنا.. ودعنا شيخ الطيب على أن نلتقيه مجددا.. ودعني الرجل بأدب وتواضع كبيرين.. كان ذلك يوما مشهودا في حياتي.. خدمتني الصدفة خدمة جليلية لأكون في معية ((مصطفى سعيد)).. ..... دلفنا إلى الفندق وأخذنا الطفلتين في جولة على مسارح المدينة لنأخذ حقنا من البهجة.. كانت الفرق الشعبية تملأ المكان صخبا وبهجة.. المغاربة شعب له مقدرة عجيبة على الاحتفاء بالآخر.. يتقنون لغة الجسد بشئ من الدهشة.. أخذتنا جولتنا إلى مسرح كانت به فرقة برازيلية.. تحلق المغاربة حولها بصورة لافتة.. الكل كان يرقص.. إحدى الفتيات دخلت في مرحلة (حذب) حقيقي.. طلعت إلى المسرح وشاركت الفرقة الرقص.. عينان زرقاوان وشعر كثيف يميل إلى الحُمرة.. مواصفات (أندلسية) حقيقية.. شمال المغرب هو موطن بديل لكل الذين هربوا بعد سقوط الأندلس.. الجمال هنا طاغي وصارخ.. " إيزابيلا سيمور.. أحس بها إلى جانبي وهجا من البرونز.. أحس بها مدينة من الأسرار والنعيم.. وأنا صحراء الظمأ، متاهة الرغائب الجنونية.. وفي عينيها عطف مسيحي.. مع الشواء والنبيذ انفرجت أساريرها.. قال لها: لا بد أن جدي كان جنديا في جيش طارق بن زياد.. ولا بد أنه قابل جدتك وهي تجني العنب في اشبيلية ولا بد أنه أحبها من أول نظرة" لا أدري ما الذي دفع بـ«ايزابيلا سيمور" إلى ذاكرتي.. ربما هذه الفتاة التي كانت ترقص وتتلوى مع (السامبا) ترجرجت أردافها على المسرح.. شئ مثل الرخاما في أعمدة قصور الملوك.. طالبها الحضور بالمزيد.. راحت تنافس البرازيليين الذين يتحلقون حولها.. فجأة قفزت إلى ذهني قريتي (شبا) في البركل.. تذكرت رقيص اهلي و(ترتراتهم).. حين يعلو صوت (الدليب) هناك ويدخل (عبد الوهاب الحلبي) و(علي عزاز).. يفقد الجميع بوصلة الوقار.. وتأخذ دائرة (اللعبة) محرابا لنشوة الرقص.. كانت (سُمرتنا) فاضحة وسط القوم.. وكانت مصدر فخر لنا أيضا.. نحن من السودان أرض النيل (ذلك الإله الأفعى).. وبلد الطيب صالح.. شاركنا القوم بهجتهم.. تارة بالرقيص وتارة بالابتسام.. و(الحياة في طفولتها التي لا تنتهي).. ... أخذتنا خطواتنا إلى (السويقة).. كان لزاما علي أن اشتري شورت و(سفنجة) خاصة بالبحر.. رجعنا الى الفندق... انزويت انا في غرفتي أقرأ (الطيب صالح عبقري الرواية العربية).. بقيت ساهرا حتى هدني النعاس وتركت لنفسي النوم في فندق كبار القوم.. هرعت إلى غرفتي الطفلتنا في الصباح.. يلا يا عمو: نفطر باش نمشوا البحر نزلت إلى بهو الفندق وأنا اموت خجلا بهذا الشورت اللعين.. وجدت ان معظم القوم بالشورتات (موت الجماعة عرس).. الطاولة كانت مليئة بـ(كيري ولافاش كيري والزبدة والعسل والكرواسون ونوع من الخبر الطري كمؤخرة الأجنة).. وسألت نفسي: هل هذا فطورا أم تحلية.. تركت لنفسي أن تفعل ما يفعله الآخرون.. و(حليت) قبل أن أفطر.. وتوجهنا إلى البحر هناك حيث تضاريس الجسد تمارس الغواية.. هناك حيث تاه الفتى.. ....
Post: #2054 Title: Re: ناس الزقازيق ... أجدع ناس (4) .. Author: جلال عثمان Date: 05-26-2011, 09:54 AM Parent: #2053
ياه .... ياطارق ... طارق بالله بطل مسكنة السودانين دي .... الكتابات دي رواية وادب رفيع جدا هنالك ... حيث تاه الفتى ... يصلح عنوان للرواية يلا فليكن شغلك الشاغل من الآن نشر مؤلفكم الاول ... وتجنا كلنا عون لك ... بس ات قول بسم الله وخت الرحمن في قلبك ------- الرشيد ربنا يوصلك بالسلامة وتحياتي للعيال وامهم ------- نجيلة اضحك الله سنك ياخي ... بس شايفك عصرت علينا وختيتنا وش كمان جبرييلا دا ما يقوم يزعل ويحرمنا من الابداع دا
ســـــــــــــــــــــــــــــــــــــــــــــــــــــــــــــــــــــــــــــــــــــــــــــــلام لكل الاحبـــــــــــــــــــــــــــــــــــــــــــــــــــــــــــــــــــاب وعزاز علينا خميسكم سعيد طارق خش الغريق وبطل (التضبضب) وبركه فى الوقت داك ما كان عندك (ف ن ي س ه) املط و احدب قفاك وضحتك من نكات صديقك خير وبركه وجعلها الله فى ميزان الحسنات ودعوات عمر عمر الله بها قلوب الجميع جنابو دا مطر رشاش ولا كتاحه ؟ بس انشاء الله يكون نزل المطروبرد الجو وفتكم بعافيه وخميسك لو تبيع قميصك
الواحد متابع البوسن ده متابعة لصيقة يمكن في كتير من المداخلات قريتها وهي طازه قبل ما يقراها زول تاني ... احياناً ومن دون ان تشعر تجد نفسك مكتفي بالمتابعة دون المشاركة دون ان يلفت ذلك انتباهك ... وحينما تجد الناس تسال عنك ... وعن غيابك تندهش لذلك وانت المتواجد اكثر منهم .... لكتشف بانك فعلا غياب دون ان تدري ... هذه الحالة سماها الكوتش محمد صديق متابع ومستمتع ...
Post: #2066 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-28-2011, 07:04 AM Parent: #2065
صباح الخير ،،، يا وجوه الخير
أصبحنا واصبح الملك لله وحده،،،
كلمات مأثورة :-
‫قد لا أكون الأفضل , وقد لا أكون الأروع وقد لا أكون الأذكى , وقد لا أكون الأبرع
ولكن !!! إذا جاءني المهموم أسمع .. وإذا ناداني صاحـبي لـحـاجة أنفع .. وحـتى إذا حـصدت شوكاً فسأظل للورد أزرع.. وإذا ما كان الكون وآآآآسعــاً فإن قلبي أوسع وأوسع أوسع من جيب جلا
Post: #2067 Title: Re: ناس الزقازيق ... أجدع ناس (4) .. Author: منصور عبد الرازق Date: 05-28-2011, 09:46 AM Parent: #2066
اهلا بموسى الراجل , باعتباره مطولا للغيبات لكن كتابة طارق جبريل , مت موبببببباااااالغة عديييييل ولد ده , يمين داهشنى اشد الأندهاشات زاتو قلت لى وهنا حلقة شيخ يرجحن , يضرب النوبة ضربا فتئن وترن عليك الله الأندلسية دى , وكت خشت الحلقة مع البرازيليات دى ما سلطة فواكه عديييل عارف انا بحلم برحلة تخترق جبل (طارق ده ) من عنديكم ونبقى شاقين على اشبيلية يمين نختوا قرض مع عنبهم داك ما يفرزونا منهم الا بال ماعارف شنو داك قبل كده حضرت لى فى لندن مهرجان زى ده بيختص بى فنون دول امريكا الجنوبية الشعبية طبعا لا بتفرز برازيلية من كولمبية من ارجنتينية الجماعة يرقصوا سامبتهم , وانا حتيتوا معاهم قرض اظنهم كانوا قايلينى منهم رجعت منهم اخر الليل (الوردة محمدانى اسبوع كامل ) اليوم كان جمعة بالليل صاحبى الكان معاى سماها (حمى ليلة السبت ) وما اجملها من حمى ابيع نص عمرى , وتانى ترتفع الحرارة ياخ مثل ما تكتب وكتبت , يستحق ان ينشر على الملأ وديهو محل ما داير بس ادينا منه كوبى بى جاى وما زلت مصرا على نسخة (منبر الزقازيق الخاصة ) المبرأة من كل تداخل وتعليق تكون جاااااهزة للطباعة يا حبيب هسى الحلقة الجاية متين , يا مقطوع الطارى
انتعل الفتى (سفنجة البحر) والـ(الشورت).. اقلتنا الـ(ريقاتا) إلى احد شواطئ أصيلة.. اخذنا مظلتنا وزادنا من الأكل والماء والعصاير.. ولازمني أنا توجس (الأجساد).. هؤلاء قوم متسقون مع أفكارهم.. للجسد هنا حق استقبال اشعة الشمس لمدة شهرين.. وجود الشمس هنا يخلق كرنفالا للأجساد.. وهناك حيث النيل يتلوى مرهقا قاطعا الصحراء.. هناك.. الشمس تمارس ساديتها لتخلق الظمأ.. كانت الفتاتات سعيدتين لوجود هذا الـ(العم) وسط القوم.. أمهلت اسرة طلحة ريثما تختار المكان الذي سيكون بداية علاقتي مع هذا الازرق الذي يمنح الحياة للصيادين والنوارس والمصطافين في الصيف.. طافت عيني في منظر بانورامي تلتهم (انبطاح) القوم.. هذه اجساد حقيقية وليست مثلما يتخيلها مراهقي بني جلدتي حين يطلبون النشوة في(عاداتهم السرية).. سقطت عينا الفتى مرارا من غرابة المنظر.. ورغم حديث الفتاتين المتكرر معي.. إلا أن صوتهما كأنه كان يأتي من بعيد.. كأنما تخاطباني من ضفة اخرى او عالم آخر ... حتى لساني ارتخت عضلاته ولم يعد يقو على التحرك في محجره.. إلتفت يمنة فاذا بفتاة تستلقي على بطنها ويتكور عجزها كقطعة اسفنج طرية.. تركت الشمس تغتصب مساماتها وراحت تقرأ كتابا فرنسيا.. احسست ان خفقات قلبي لم تعد منتظمة.. وطافت برأسي حكايات مراهقتي هناك.. لم نكن نملك سوى تخيل الممثلات المصريات في احضاننا.. حتى حين داهمنا (الحب).. كانت نظرة من بنت الجيران قادرة ان تحيل صحراء حواسك إلى بساتين من الفرح ويمتلكك احساس ان الكون كله يعلم انتصارك العاطفي.. لم يكن بمقدور الحظ أن يسعفنا بنظرة الى اجساد انثى في زيها الخاص.. انغلاق المجتمع هناك خلق من (الانداية) اسطورة.. وجعل مضاجعة بائعات الهوى والحديث عنه بين الانداد مفخرة كبيرة.. فجأة قامت الفتاة ولبست وراحت تصلي الظهر.. ايها الفتى من أية طينة هؤلاء القوم.. احسست ان فكي الأسفل كاد يقع بين يدي هاتين... أين انت يا (ود الريس).. قال لـ(بت مجذوب): "لو كنت تزوجتني لوجدت شيئا مثل مدافع الانجليز".. ليته كان معي الآن.. (الادرينالين) في قمة مستوياته.. وشهوة الجسد ظمأى.. كما هناك يا (مستر مصطفى سعيد).. هنا أيضا فخذان بيضاويان..لكن يغويات اشعة الشمس.. ويتركان (قمقم) الرغبة يئن أنينا مكتوما تحت الجلد.. اخذت الفتاتين ورحت اتجول في الشاطئ محاولا خفض معدلات (الادرينالين).. باءت العديد من محاولاتي تلك بالفشل مع هذه التضاريس الجسدية الشهية. في كثير من الحالات لم اجد غير البحر ملاذا لكبح جماح الغليان في داخلي.. مررنا ببنت قدرت عمرها بـ(عمر الزهور) تطالب والدها وتلح عليه لكي يقوم بالسباحة معها.. وتخيلت وجه والدي اطال الله عمره.. كان صارما حتى وهو يضحك لم استطع النظر في عينيه الا بعد دخولي الجامعة.. تعال يا حاج جبرين.. هنا القوم يسبحون ويصلون ويلهون ويغوون../red]
الصور من ملتقي خريجي آداب بالفيس بوك ... عصام سايكولوجي يمتلك كنز ثمين ... ومقدرة ومثابرة .... صور لكل الناس ... يظهر في الصورة الاولي مجتبي فاروق بزي رياضي كامل ... وعصام دهب آخر بخبخه ... ومحمد طاهر علي الكرسي ... كان سكرتيراً رياضياً .... خلي بالك الكيزان ديل من زمان متفلهمين علينا .... تحياتنا له اينما كان ....
وفي الصورة الاخري مبارك جادين قبل سفر اثيويبا بس بعشرمية سنة كده ... والبرلومة مها صالح ... والولد عصام سايكولوجي ... الآن مدير مستشفي عطبرة كما سمعت ...والله ايام يا زمان
Post: #2070 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-29-2011, 06:55 AM Parent: #2069
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم:
اللهم أرحمنا إذا فارقنا النعيم وإنقطع النسيم وقيل ما غرك بربك الكريم،،،،
صورك يا زهير اي صور عصام سمحة طب بس بجيك ليها بعدين.
الواحد ماعارف يبدا من وين و لا يقول ايه و لكني في قمة
النشوة الكروية فكانت ليلة البارحة ليلة ولا ألف ليلة طربت
و اتفشيت و استمتعت كثيرا باداء من جانب واحد في كل مره يتقابل
فيها البرشا مع الفرق التي تسمي سابقا عظيمة فتصبح طفل يحبو
امام السحرة الفيش و ماسكرانوا و الجميل بيكيه والفنان ابيدال
المعلم انيستا و المبهر تشافي و المعجزة ميسسي و الولد الشقي
فيا و الكبير بيدرو فهم فريق خرافي و اتوقع المزيد من هؤلاء الفتة
و افولها صراحة بدون مجاملة يا منصور ما عليك إلا ان تتخلي طواعية
عن حبك الارسنالي و تتحول مرغما للموسيقي البلغرانية و تمسك بالة
الكمان و تتابع المقاطع من الرهيب ميسى شافي انيستا .و لك منى
سوف تجد ما يرضى طموحك الكروي بل الفنى و سوف تستغني عن كل الايبودات
المملوكة والمهداه .
بالله يا زهير نزل لينا فيديو السحرة لو امكن خلي منصور و بتاع الدونيكان
ديل يامنوا ذاتو .
Post: #2073 Title: Re: ناس الزقازيق ... أجدع ناس (4) .. Author: منصور عبد الرازق Date: 05-29-2011, 08:55 AM Parent: #2072
ثلاثة مداخلات متسقة ايما اتساق هل جاء تواليها محض صدفة اذن فلرب صدفة احلى من الف ميعاد الأزرق العاتى , المحيط العظيم , واكوام اللحم التى (تتجدع ) على ضفافه وصورة مجتبى فاروق بالزى الرياضى , وعصام دهب بالسيجارة , ومبارك جادين ذلك الصغير الذى كبر (لغاية ما بقى يمشى اديس ابابا كمان ) والبرشا الذى اخترع نظرية كرة القدم الجديدة , وارسنال الذى يجرى نحو تطبيق ذات النظرية , دون ان يصرف فى سبيل انجاز هدفه , ولا يورو واحد الحال يبدو لى من بعضه اما ثقافة البحر , تلك التى تحرر الجسد من محبسه الأختيارى , مرة بسبب , ومرات بدون فهى لعمرى عنوان لكيف يمكنك ان تتعامل مع اسباب سجنك وحبسك , تعاملا طبيعيا , يجعل للأشياء بعدها الصحيح ولا يغلب بعدا على بعد هو الجسم , لحما مختلطا بعظم , تعددت الوانه , ولكن لغته هى ذات اللغة , ولكن الآذان التى تسمع , ما كلها نفس الأذان انت حر فيما تسمع من مجموع ما يقال , وهى حرة فيما تقول ليس عليها فى ان فى آذانكم (وقر ) وفى انكم انما تسمعون ما تريدون ان (تسمعون ) , ثم تسدوها مرة بطينة واخرى بعجينة , متى ما رأيتم ان صوتها عال حد الصراخ لتلك الأندلسية المتجدعة على حافة البحر المحيط جسد مثلما ان لبت مجذوب جسد ومدافع الأنجليز يا طارق , تجهز نفسها لغزوة حتى لا تموت ميتة جاهلية فتضرب معاقل بت مجذوب مرة , وتتخيل انها (تضرب ما سواها ) مرات اخر والمدافع , ياها ذااااتا المدافع وطلقاتها تتردد فى الخروخ (غازية ) تتساءل عن الجدوى وهى كذلك , ياها زااااتا نفس الطلقات ان اصابت معاقل بت مجذوب تقتل وان اصابت معاقل الخيال المتجدع , تقتل كذلك ولكنها فى الأولى , تقتل ثم تموت وفى الثانية , تقتل لتحيا فلنختار اذن , الموتة التى تتلوها حياة واى حياة ميسى احرز اول اهدافه فى اراضى بريطانيا العظمى ومبارك جادين , يحرز الأهداف مرارا وتكرارا , فى اراضى الهضبة العالية ومجتبى فاروق , لابس لبس الشغل من زماااااااااااااااااااااااااااااااااان
Post: #2074 Title: Re: ناس الزقازيق ... أجدع ناس (4) .. Author: جلال عثمان Date: 05-29-2011, 09:02 AM Parent: #2073
Quote: ان اصابت معاقل بت مجذوب تقتل وان اصابت معاقل الخيال المتجدع , تقتل كذلك ولكنها فى الأولى , تقتل ثم تموت وفى الثانية , تقتل لتحيا فلنختار اذن , الموتة التى تتلوها حياة
شــيخي ... وبس
Post: #2075 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-29-2011, 11:05 AM Parent: #2074
الفتى المراهق.. طلحه قصر معاك.. خطت كراعك يوديك البييتش.. كان يخليك تتأقلم شويه..
موسى يا حلو.. امبارح كنا في رحله.. جات مواعيد المباراه وبديت اتململ مع اني مسجلها.. قلت رغم كراهيتي للمانيو الا حاشجعه لتغصبي للدوري الانجليزي.. وحاتك ما قدرت.. سحروني شفع البارسا.. ديل مجانين.. بكوره وبدون كوره يجروا.. غايتو أدوا فيرجسون وجماعتو درس.. ما حينسوهو.. آل رد إعتبار آل.. قبل يومين قريت مقال عن البارسا وعن بداياتهم مع الكره الشامله.. رجعوا الثوره الى تأثير يوهان كرويف والكره الهولنديه في السبعينيات.. وانه هو من أحضر المدرسه الى برشلونه واهتمامه بالناشئين.. وكرويف عندما لعب للبارسا في السبعينيات.. أقنع رئيس النادي.. بتأسيس لاماسيا (مدرسه الناشئين) على غرار مدرسه اياكس الهولندي.. ومدرب أياكس في ذلك الوقت كان راينس ميتشل وهو مؤسس ثورة الكره الشامله في هولندا.. التي اجتاحت العالم في السبعينيات.. وعندما عاد كرويف لتدريب البارسا في عام 88.. أصر على الاهتمام بلاماسيا.. وعلى تطبيق الفلسفه الهولنديه.. وتدرب على يديه بيب جوارديولا وأصبح من اللاعبين الاساسيين.. ولازالت لاماسيا تخرج الناشئين كميسي، زافي، انيستا، بيدرو وغيرهم.. وهي ثمار اقناع كرويف وهو مازال لاعبا لرئيس ناديه بتأسيس مدرسه للناشئين..
Post: #2078 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-30-2011, 05:41 AM Parent: #2077
صباح الخير ،،، يا وجوه الخير
دعاء الصباح :
اللهم إني إستغفرك من كل ذنب يعقب الحسة ويورث الندامة ويحبس الرزق ويرد الدعاء
آمين يا رب العالمين
Post: #2079 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-30-2011, 05:53 AM Parent: #2077
يا منصور انا ما متفق معاك على اتساق المداخلات خالص خالص طارق بيحكى عن الشاطى وطاف معاهو خيالنا ... فجاتــن زهير جاب لينا صورة مجتبى فاروق لابس ليهو شراب كل فردة من بلد وعصام دهب لابس بنطلون مسطر وقميص بوليستر مشـخت .. ومجموعة دبايب من سكولوجى لحدى جادين .. مع الاعتذار لمها صالح بت امتداد الدرجة التالتة ..
جاء موسى تمة الباقى وعامل لينا فــــــــاول مع ميسى ...
تقول لينا اتساق ...
بالله لما تشوفو تانى كتابة ( بالاحمــــر ) مهــدو الطريق ...
،،،،
يا ميسرة فراق الحليوات صعب والله بس لو جيت كل كم يوم طبخــت لي ممكن اتصبر شوية
النضيف والله حكاية اتساق دي عجبتني جداً .... رفعت لي المزاج من الصباح ... وخلت اتسق مع نفسي ... يا سلام علي الزول لمن يكون متسق من الصباح ... هي دعوة للاتساق هذا اليوم ... هاكم الاتساق ده ...
اها قلت الريس يجي يطبخ ليك كل يوم ... والله بالغت يا النضيف ياخي بدل تتعب الزول وهو كبير في سنه ... ياخي امشي كل يوم اتغدي معاهم .... وريح نفسك ... وريحه ...
Post: #2081 Title: Re: ناس الزقازيق ... أجدع ناس (4) .. Author: عمر المهدى Date: 05-30-2011, 06:26 AM Parent: #2080
صباح الخير للزينين والله الموضوع فيها رؤساء ظل يادودي لما الريس يطبخ ليك والله دي تخوف عديل منك فزه -وشكله فرق الحبايب عننا حايسهر دمعنا ليالي طوال كما تقول ورده نتمنى لهم اجازه سعيده والله يصبرك يا دودي من حاتك الفوقه
وعشان صورة الاتساق تكون واضحة يادودي ... وبخصوص العزوبية ... مبرووووك مهداه من ولدنا منص للجميع .... ودي المرة 513 وليس الـ 514 يا كمندان .... واخدلي بالك يا جلة ... يا سكر ....
هريدى: كيفك يا هنداوى عامل ايه ؟ بجالى مده ماشفتكش .كيفك وكيف ابوك
هنداوى: أنا ماشي حالي الحمد لله بس الوالد البجية فى حياتك
هريدى: البجيه فى حياتك.. عارف كان عندو الجلب يالله الله يرحمو
هنداوى: بس والله ما مات من الجلب
هريدى: معجول ؟! كيف توفى؟
هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور
هريدى: واه واه موته وعره جوى، بكل الأحوال الله يرحمو
هنداوى: والله تعذبنا فيه كتير وعملنالو حوالى 12 عملية ليتحسن
هريدى: لكن كيف توفى؟ !
هنداوى: صار يمشى على عكازة ومرة عم بيجطع الطريج، سيارة مسرعة خبطتو
هريدى: يا لطيف ... الله يرحمو
هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب
هريدى: الله يرحمو بكل الأحوال
هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن
هريدى: طيب كيف مات
هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم
هريدى: الله يرحمو ارتاح
هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس
هريدى: لكان كيف مات؟ !
هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها
هريدى: يا لطيف على الموتة دى الله يرحمو
هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة
قد لا تكون مداخلتي هذه متسقة و لا مطبوخة جيدا... و لكنها قد تكون من حظ الناس الذين يفضلون المداخلات نص استواء... و من حظي أنا أيضا ان تمكنت من الحضور بينكم اليوم... فيومي أصبح مقلوبا رأسا على عقب... مثله مثل كثير من الأشياء و التي تبدو لي مقلوبه راس على عقب... حتى محمد رفيق الهندي و الذي لا يجيد العربية... دائما ما يتحدث الى بالانجليزية و لكنه اليوم أصر على أن يحدثني بالعربي... كان يكلمني عن أحد الموردين و يسميه بشركة ساحة الوهراء... استغربت من اسم الشركة العجيب ده و قلت ليهو ساحة الفداء بعرفها... لكن ساحة الوهراء دي أول مرة أسمع بيها... ثم اكتشفت بعد ذلك بأنه يقصد واحة الصحراء... كل شيء مقلوب... و اذا كان كل شيء مقلوب فهل يهم كثيرا أن يكون متسقا أو غير متسق... و هل يهم أن يكون مطبوخا جيدا أو نص استواء... و هل يهم من الطابخ و من المطبوخ له... . . . . المهم يا ديدو اجازة سعيدة للعيال و ان شاء الله تلحقهم قريب... بس نصيحتي ليك لو نويت تتغدى بره البيت قفل العربية بتاعتك كويس... امكن يكون عصام دهب مترصدك...
النضيف ميز مع عمر المهدي ده زي ما قال ليك موسي عيسي ... امشوا جيبوا الكسره والملاح المفروك الما خمج ... كلها ايام وتعدي ... علي الاقل بالاقتراح ده نكون عتقنا ميسرة من الطبيخ ....والله حليلكم يا النضيفات ...
يا رشدي ياخي المداخلة متسقة تماماً مع الاحوال العامة بس شوف النضيف ده يوم واحد عذابي بقي يتسق كيف ... وانت المسكين ليك تلاتة سنوات متسق خمسة ايام في الاسبوع اها الاتساقة دي محتاجة لمنصور يجي يتسق معانا
Post: #2086 Title: Re: ناس الزقازيق ... أجدع ناس (4) .. Author: محمد صديق Date: 05-30-2011, 08:50 AM Parent: #2085
سلامات يا ناس
وصباحات الإتساق( نقول دى بدل الخريف عشان
الرشيد ما ينط لينا فى راسنا)
انافرحان لسفر اولاد النضيف....
ومتسق مع ياسر نجيلة:
Quote: هنداوى: والله اخر ما زهقنا اضطرينا نـطـخـه
عارف يا نجيلة دى رقم صِفِر.
Post: #2088 Title: Re: ناس الزقازيق ... أجدع ناس (4) .. Author: جلال عثمان Date: 05-30-2011, 09:05 AM Parent: #2085
قالوا لي متسقين يعني .... وشنو بالله لو الواحد قعد عزابي شهر ولا اتنين ... ما تبقوا بكايين ربنا يرجع النضيفات والمهديات بالسلامة ... يادودي وعمر. .... نجيلة ... اضحك الله سنك (1) وليس 514 المهم هاك الـ515 واحد قال ليك ابوهو عجوز سايقو موديهو الدكتور .... لاقاهم جارهم ... وبعد السلام والذي منه... شنو ياخ الحاج مالو سلامتو ... والله ياخ الحاج السنون دي تاعباهو شديد ماشين نعمل ليه "طقم" لا لا ياخ ... طقم الوالد رحمة الله عليه جديد نديكم ليه ... وبعد فترة نفس السنياريو ... شنو ياخ الحاج سلامتو .... والله ياخ الحاج العيون تعبانة ماشين نعمل ليه نظارة ... لا لا ياخ نظارة الحاج قاعدة ياخ مافي داعي نديكم ليها ... وبعد فترة ..... نديكم ليها ...
وبعد فترة ..... نديكم ليها ...
وبعد فترة ..... نديكم ليها ... اها صاحبنا اتلفت على جاروا وقال ليه ...
إنتو الحاج دا دفنتو "شاسي" بس ولا شنو ....
Post: #2087 Title: Re: ناس الزقازيق ... أجدع ناس (4) .. Author: منصور عبد الرازق Date: 05-30-2011, 08:51 AM Parent: #2084
متسقين كووولكم وما شاء الله عليكم الا الود ديدو ما متسق على الأطلاق شتارته موباااالغة ومركز اتزانه وتوازنه , مايل شويتين ناحية البحر البحر الجنن مقطوع الطارى بتاع المغرب داك والبحر ما بجنن مالو ما جنن ناس زهير وموسى عيسى واحمد اسماعيل لمن قعدوا على ضفافه قبل اسبوعين ؟؟؟ محتفلين بهدف ميار وتمريرات ضحى المتخرجات من مدرسة الكرة الشاملة ولا ما جننى انا ذاااااااااااااااااتى لمن قعدنا على (هامشه ) انا والريس ومعانا ستات بيوتنا ومعانا محسنة من اليمين ومحسنة من الشمال يمين جننا جنس جن لكن جن البحر القام على الجانب الآخر من شواطىء الأندلس جن براااااهو , بعرفوهو ناسه واسياده جن كلكى لابس ملكى لكنه لابس ملكى بس وبعد داك ما لابس اى حاجة تانية لكننا نشهد ان مندوبنا للنواحى ديك , كان لابس شورت وسفنجة ومعاهم لابساهو حمى الكتابة , وجافلة بيهو (احصنة الأبداع ) ولدنا مركب مكنة (ف ن ا ي س ) , وشايف الدنيا بى عيون (الطبيعة ) تدى الجسم لى شمس الله دى , تقليهو لو دايرة , ولو كمان هفت ليها ان شاء الله تسوى (بروستد ) لكنها وقت (الروح ) , تقول للجسد , تعالى ادخلى سجنك الأختيارى ووقفتها فى (برش الصلاة ) تدى الروح كاملة لى سيد الروح وصاحب الجسد فتتلاوم , وتتسامى , وتتطاير , ويعود معها كل شىء الى (طبيعته ) بت مجذوب وصوفيا لورين فى الوكت داك , ما بيناتهم اى فرق ومدفع الأنجليز ومدفع البازوكا ومدفع (الدلاقين) الوكت داك زى احمد وحاج احمد ولكن التفريق بين الحالتين , واجب كل زمان وساعة فالحياة لا تستقيم (الا اذا ما اتسقا ) تماما كاتساق مداخلاتكم عدا (طبيخ الريس) , وميلان نقطة ارتكاز الود ديدو , جهة البحر وتااااانى قام جاب سيرة البحر
Quote: وانت المسكين ليك تلاتة سنوات متسق خمسة ايام في الاسبوع اها الاتساقة دي محتاجة لمنصور يجي يتسق معانا
وصباحات الإتساق( نقول دى بدل الخريف عشان
الرشيد ما ينط لينا فى راسنا)
هنداوى: والله اخر ما زهقنا اضطرينا نـطـخـه
إنتو الحاج دا دفنتو "شاسي" بس ولا شنو ....
يا أبو الزوز...أربعة سنوات و انت السادق... عليك الله كان ما اتسقت مش معذور...
يا كوتش سألت الحاجة قلت ليها صحي في عندكم مطر... قالت لي و غمام كمان... نظام بتكاوي فيني يعني... قلت ليها يا حاجه انتي السألك من الغمام منو... أنا بس كنت عايز أتأكد من كلام محمد صديق...
يا نجيلة يا لذيذ... أنا أحلف اني أول مره أسمع النكته دي... و ضحكت من أعماقي... رغم انها طويله... و آخرها طخ...
جلجل... قلت لي شاسي... الله يجازي محنك... انت النكت دي بتجيبها من وين... أنا مرات كده بجيني شك انك قاعد تألفهم... بعد بعره كاااااربه...
Quote: اها قلت الريس يجي يطبخ ليك كل يوم ... والله بالغت يا النضيف ياخي بدل تتعب الزول وهو كبير في سنه ... ياخي امشي كل يوم اتغدي معاهم .... وريح نفسك ... وريحه ...
هدف متسق يسجله الولد ميسي (زهير) على النضيف
يا خي أتخيل نفسك في الزقازيق ومنتشر تعال عند منى يونس
وكمان كسرة على أبو علي أو ود المهدي ،،،، قلوب في الغربة بكايا
وفي الفراق شكايا،،،،،،
Post: #2091 Title: Re: ناس الزقازيق ... أجدع ناس (4) .. Author: أحمد إسماعيل Date: 05-30-2011, 02:22 PM Parent: #2090
ابو عناب الله يقويك ، حكاية صمت البيت بعد أن كان عامر صعب شديد ومن هذا أيضا نعتبر ، البيت الواسع ده لمن يفضى مشكلة ، فكيف القبر ؟ نسال الله أن تكون لحودنا من رياض الجنة ولا نبتلى فيها.
يا طاعم زي حكايتك دي بس المرة دي مع الأم ، صاحبنا بعد ماتكعكعت أمه وبدأت تحس بآلآم الكبر كل يوم ماشي بيها لدكتور شيء آلآم في الظهر والكرعين والرقبة والأسنان وهلمجرا 00 إلى ان أتو لدكتور خفيف دم قال ليهم أمك ماعندها شيء ، بس أحسن تعرس ليها الراجل شاف أمه فرحت ، قال لأمه : يا حاجة من وين نلقى عريس عمره 80 سنة، قالت ياولدي ماتزعل هات إثنين من ابو 40
صور الوجيه سايكولوجي جميله جدا.. الإتساق الوحيد الشايفو إنو عصام دهب.. من زمااان بيحب الكاروهات..
النضيف ذكرتني الطبايخ والحلل.. أول أيامنا في أمريكا.. كنت متخصص.. على حس قريت في مصر قابض ليك الجو في الطبايخ.. الشباب المعاي كلهم ما بيعرفوا غير السلطه.. كلنا كنا مكسرين عطاله.. واحد صاحبنا دكتور الله فتحها عليهو لقى شغل كويس.. بس في مدينه تانيه.. وخلاص راحل تاني يوم.. اليوم داك ظابط صينيه بطاطس باللحمه المفرومه خطيره جد.. علمني ليها الوجيه أسامه موسى أواخرسنه 86.. صاحبك الدكتور أكل لمن عرق ويقشقش في المخاخيط.. فجأه عاين لي كدا وقال.. "ياخ ما ترحل معاي.." شفت زولك؟ أقوم أنا أتقلقل أرحل عشان داير ليهو طباخ..
Quote: اليوم داك ظابط صينيه بطاطس باللحمه المفرومه خطيره جد..
يا اخ ما تخجل ...دحنا اخوات ....اعترف قول عجة.
......عملت لى شنو فى موضوع عم جبارة ...شايفك مصهين.
Post: #2095 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-31-2011, 08:17 AM Parent: #2094
يا الله
يا فارج الهمّ ...... و يا كاشف الغمّ أسألك بعزّتك و جلالتك أن تفرّج عنّي همّي و حزني لا إله إلاّ أنت سبحانك ... إني كنت من الظالمين
Post: #2096 Title: Re: ناس الزقازيق ... أجدع ناس (4) .. Author: محمد عيد Date: 05-31-2011, 12:05 PM Parent: #2095
في لقاء أجراه شخص يعمل في قناة اسرائيليه مع الدكتور الاسرائيلي {مالحوم اخنوف }صاحب فكرة : ستار أكاديمي !! كان هذا اللقاء بالحرف الواحد » سأله السؤال الأول : ماهو شعورك اليوم وأنت حققت أكبر أمانيك ؟وهي ستار أكاديمي في عقر دار الاسلام فأجاب شعور لا يوصف ولكن أخذ من عمرنا الكثير حتى تمكنا من الوصول الى غايتنا !! فسأله ما قصدك بأخذ من عمرنا الكثير فقال نعم جلسنا سنين حتى تمكنا من ادراجه في الدول الغربيه " ثم الى الدول العربيه وكنا نعلم ان فكرتنا ستتحول الى أنجح خطه في مسيرة الدوله الاسرائيليه !! فسأله لماذا كنتم متأكدين انكم ستنجحون بهذه الفكره ؟ فقال لأننا نعلم ان المسلمين اليوم ابتعدوا عن دينهم وفي نفس الوقت الشباب المسلم أصبح يميل الى الالتزام الاسلامي الذي لو كبر سيقضي على دولتنا !! فسأله لماذا حرصتم على ان يكون ستار أكاديمي هو وسيلة للوصول للمسلمين ؟ فقال لأننا نريدهم ان يبتعدوا عن دينهم فسأله ماذا تخططون اليوم للهجوم على الاسلام بعد ستار أكاديمي ؟ وبكل تحدي ووقاحة قال نخطط لغزو البنات المسلمات : فسأله لماذا البنات المسلمات وليس الرجال ؟ فقال لأننا نعلم إذا انحرفت{ المسلمه } سينحرف جيل كامل من المسلمين وراءها ? فسأله مره اخرى بماذا تصفون غزوكم للمرأة المسلمة ؟ فقال نحن اليوم نحرص على غزو المسلمه وافسادها عقليا وفكريا وجسديا أكثر من صنع الدبابات والطائرات الحربية !! فسأله وهل لكم يد في ستار أكاديمي المقامه حاليا في لبنان ؟ فقال بالتأكيد فنحن نتبرع كل يوم لهم بمبلغ كبير من المال وهي تحت اشرافنا باستمرار !! وفي نهاية اللقاء ماذا تقول لامتنا الاسرائيليه وتبشرهم ؟ أقول لهم ان يستغلوا نوم الأمة الاسلامية فانها أمه إذا صحت تسترجع في سنين ما سلب منها في قرون ..!!!!!!
عدنا.. يوم موغل في الاندهاش قضيته بشاطئ أصيلة.. كأنما الأشياء تفقد حقيقتها وتصبح مجرد خيال.. ما بين الهنا والهناك.. تجري مياه كثيرة.. فخور أنا لانتمائي إلى الـ(هناك).. وسعيد كذلك لمشاهداتي (هنا).. الحياة تسير رغما عنا.. رغم إختلاف الحيوات لكن بذرة الفرح في دواخلنا ستنمو.. إن أردنا لها الموت.. سيكون ذلك بفعل أيدينا... لكن دعونا نأمل أن (يلعب الصبي كرة الماء مع التمساح ويمرح الحمل مع الذئب).. عدت منهكا ورأسي يضج بأفكار كثيرة.. تركت كل شئ وغفوت لا ألوي على شئ.. جاء المساء يحمل معه نسيما عليلا من جهة البحر.. بدأ العشاق في التسلل إلى كورنيش أصيلة.. تعانق البعض منهم وسرقوا قبلات ولحظات فرح أمام المارة.. للحب سطوة عجيبة تُعطل كل (العيب) وتتمرد على (الأعراف).. لكن لحظات المتعة تستحق المجازفة.. رحت اتسكع في شوارع أصيلة.. الثقافة خلقت من هذه القرية مدينة حقيقية.. الأفكار البسيطة أحيانا تنتج زخما لا يُصدق.. لكم أن تتخيلوا.. شوارع أصيلة كلها تحولت إلى لوحات.. الفكرة كانت بسيطة جدا.. أن يستقبل كل بيت فنان لمدة اسبوعين.. على أن يجعل هذا الفنان من واجهة البيت لوحة.. وهكذا تحولت المدينة كلها إلى لوحات غاية في الجمال... خلق المهرجان من أصيلة مدينة حقيقية.. راحت البنيات التحتية تنمو بوتيرة عجلى.. لنقل أن الثقافة دفعت باقتصادات المدينة للنمو وانعكس الأمر على ساكنتها.. دخلت قاعة المحاضرات.. إسبان وألمان ولاتينيين ومشارقة و.. و.. كلهم جاؤوا ليناقشوا قضايا هذا الكوكب.. الثقافة هنا مترعة... ماركيز وسنغور وايميل حبيبي والطيب صالح والقائمة تطول.. في حدود التاسعة ختمت الندوة على أن يتواصل الحوار غدا.. جاء شيخ الطيب ومعه طلحة وكان بينهم محمد شكري.. ثم انضم إليهم عزيز الحبابي.. - يا دكتور كيف كان البحر.. - والله يا شيخ الطيب كان منظر غريب على قروي مثلي... - هههههههههه ديل ناس الله راضي عليهم يا ولدي.. - طلحة: ياخي الشايقي دة اليوم كله خاتي يدينه في نصه ويعاين في خلق الله - شكري: يا دكتور طارق خذ حقك من الحياة عنوة.. عيش امرح وازني إن شئت - شيخ الطيب: يا ولدي عمك شكري دة عاش حياة متوترة عشان كدة وصاياهو دايما ماجنة هههههههه - طلحة: با شكري واش بغيتي تفسد اخلاق الدكتور - شكري: خليه يدير اللي بغا.. شوف آآولدي عيش حياتك وإلا بغيتي الساروت (المفتاح) ديال شقتي نعطيه ليك دابة - يا سيدي هذا لطف منك شكرا ليك - شكري: شوف آآسي طلحة السيد جبتيه عطلة خليه يدير اللي بغا - طلحة: يا سيدي هو حر.. شيخ الطيب سنتعشى سويا اليوم عند بتاع السمك - يا شقي الحال خلاص ساعة كدة وبجي عليكم.. - خلاص انا حا اكلم محمد ابراهيم الشوش وبقية الشلة.. .... كان يوما مشهودا من أيام أصيلة.. أجلسني الطيب صالح بقربه.. البعض كان يضع كيسان النبيذ امامه انا وشيخ الطيب اكتفينا بـ(الأتاي).. مارس محمد ابراهيم الشوش مشاغباته المعهودة بين القوم: ياخي ناس الخرطوم قالوا منعوا الجلع والدلال على النسوان - الراحل ابوبكر الشريف رحمه الله: طيب لو عايزين نسوانهم يتجلعوا حا يسووا يشنوا - الشوش: والله الا يخلوهن يهللن ويكبرن وهن مكبرتات ضحك شيخ الطيب حتى سالت دموعه.. - شكري: يا صالح قالوا لي انهم منعوا تدريس رواياتك.. - يا سيدي رواياتي ساهلة ديل حا يمنعوا حتى الشعب من انه يعيش.. الله سلطهم على راس العباد.. كان حديث القوم سلسا وجزلا.. وكانت أطباق السمك تأتي وتغيب.. انتحى بي شيخ الطيب جانبا: تعرف يا طارق يا ولدي عمك الشوش دة من اكتر خلق الله موهبة ما تشوف الفوضى دي الزول دة حصل على الدكتوراة صغير جدا.. الموهبة متعبة شديد عشان كدة الزول الموهوب بيظهر للناس العاديين انه زول ما طبيعي وفوضوي.. صلاح جاهين آخر ايامه كان يعيش كانما ينتحر الموهبة متعبة يا ولدي.، خلف الفوضى الظاهرة دي علي عمك الشوش دة في عقلية مريعة.. أكل أكل انت مالو أكلك ضعيف كدة.. - لا بس بحب استمع.. ديل ناس يمكن تاني ما اشوفهم بعد دة - ياخي اكل وشوف..
هكذا قضيت ايامي في اصيلة بين مجالس الطيب صالح وبين البحر كانت متعتي لا تضاهى وانا بقرب (الزين).. من الجهة الأخرى مارس البحر غواياته عليّ.. ....
قاعة المحاضرات في أصيلة والطيب صالح وطلحة يتسكعان في دروب أصيلة
يا جماعة المهمة بتاعت جلا العاطفية ما انتهت ... خلي بالكم موسي عيسي متضامن معاهو ... ولا يا ربي هو ذاتو في مهمة عاطفية ... والله دي قصة الايام دي في مشكلة بتاعت حنان حايمة في ناس الزقازيق بالمناسبة دي النضيف هسه يجيب ليكم عدد واحد حنان ويجيكم
Post: #2099 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-01-2011, 06:00 AM Parent: #2098
Quote: صباح الخير يا وجوه الخير .....
الي حين ميسرة
أصبحنا واصبح الملك لله ،،،
صباحك ورد وفل يا سيد الكل "زهير" ،،،
مسؤولين من الخير ما شفتوا لي أخوي النضيف
من سافروا البنيات وأمهم والزول ضهبان لا خبر ولا اثر
آخر إتصال كان معاهو لقيتو في المطار ،بين الأطلاب
اسألوا موسى عيسى يسأل لينا جلا الزول ده ما يكون متضامن معاهو
دعوة لعودة كمال الشادي
عود لينا يا ليل الفرح ،،،،،، داوي القليب الإنجرح ،،،،،،،
Post: #2100 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-01-2011, 06:48 AM Parent: #2099
لا هزة كانون لا كباية ليمون .... يا كافى البلاء يا ريس
كتر خير حسن ابو على امس اتصل بي وعازمنى غداء يوم الجمعة
وانت لا سألت ولا سألنا ... انشغلت علينا نحن ولا عليك نحن انشغلنا قول منو النور قلوبنا .. الفراق كيفن وصلنا ....
دى كانت اغنية الفنانة حنان ابراهيم او ( حنان السجانة ) الاشتركت بيها فى مهرجان الثقافة دفعة ناس الخالدى
النقاش فى الفيس بوك كان بيدور كم فنانة اسمها ( حنان ) فى السودان ده الحنان القاصدو انا يا زهير
من ايام الزقازيق النقاش ده مــدور
اغلبية الناس بتخلط ما بين حنان الصغيرة ( حنان احمد الريس ) بتاعت برنامج ركن الاطفال وصاحبة اجمل اغنية للام ( امى يا اجمل كلمة بقولا ) وما بين حنان ابراهيم ( حنان السجانة )
حــــــــــــــنـان الصــــــغـيرة
حــــنان ابراهيم ( السجانة ) نسبة لمركز شباب السجانة حتلقو ليها اغانى فيديو فى اليوتيوب مع الفنان حيدر حدربى وعبدالجليل ابو حراز
صاحبة الصوت الملائكى حنان النيل
حنان بلوبلو فنانة ناس ياسر نجيلة و محمد عيد ( بلالى انا نــادو ليا الريــد قســـم يا عينيــــــا ) وحبانى حبيتــــــــــــو و حصلت ظروف ونسيتو .... وين حب العنب .. حب حب حب حب
شوف يا زهير اللخبته حقتك دي خليها انا لا عزابي و لا حاجة
انا زول متاهل و احمدلله علي ذلك يعني لا بمشى فتش لي حنان
اخر الاسبوع ولا قاعد اساسك من الخرتوم لكسلا و لا كمان عيان
سافروا السودان و بقيت عياش براي وحداني . فاقول ليك :
نعم الإله علي العباد كثيرة و خيرهن عدم كسح الابناء !!!
الشي التاني انا لمن اتضامن ما بضامن مع جلا لانو من كشلا
و لا تعليق مع احترامي لناس كسلا عدا الاثنين المعنيين !!!
انا متضامن مع عمر المهدي في محنته و كذلك دودي فك الله عزوبته
و جمع الله شمل الاسرة .
مع كامل تضامني .
و لا نامت اعين الجبناء !!!!!( .....و .......).
Post: #2102 Title: Re: ناس الزقازيق ... أجدع ناس (4) .. Author: جلال عثمان Date: 06-01-2011, 11:07 AM Parent: #2101
سلامات ياناس ... والحقوق محفوظة وكدة عجبتني جدة الدرشة الدرشا وليد حمدون - ولد معهد تجاري للسودانين رجالا ونساء طبعا يا اخوانا ولد معهد تجاري مقصودة - وليد دا كان صغيروني استايل ناس تبلدينا اسا ماعارف بقي عجوز زينا ولا لازال متشبسا باهداب الشباب .... المهم :
Quote: Waleed Hamdoon هل حالفك الحظ عزيزتي السودانية / عزيزي السوداني و قام زوجك/زوجتك بمغازلتك قائلاً/قائلة : "حبيبتي / حبيبي"؟ إن كان هذا قد حدث بالله عليكم كيف شعرتم وقتها؟؟؟؟ ( في ذمتكم ما طلعت ليها ريحة فجل مخلل وصل طور العفونة بعد أن نسيه أصحابه خارج الثلاجة لمدة عشرة أيام )؟
هل حدث أن قارنتم بين كلمة (تقبريني) اللبنانية و كلمة ( أموت ليك ) أو (تدفنيني) السودانية؟؟
وأكيد كلكم مررتوا بتجربة رؤية عرسان سودانيين جدد في شهر العسل ، (ولا شنو يا ناس مصر) حيث أن وجهة معظم السودانيين لقضاء شهر العسل هي مصر أم الدنيا ... تجد العريس منقشط في البنطلون و القميص الجديد وربما جاكت أو بدلة كاااااااااااااااملة متقدماً عروسه بخطوات واسعة متباعدة و( صاري وشو) كأنه مغصوب على الزيجة ، أما العروس ، فهي تتهادي خلفه بأميال بخفر عبييييييييييييط ووشها في الواطة كأنها ( عاملة عمله) و مكنكشة بكل ما أمكنها و أمكن والدتها تجميعه من دهب ( أصلي وعيره و قشرة ) ... ثم الكعب العالي و الذي لم تكن ترتديه قبل الزواج مما ( يبشتن مشيتها ).... ثم الثوب الشهير ( سبب شهرته انو لازم يكون بالدهبي ) ، فتصبح كالكلمة الشاذة في شارع يضج بالحركة و العملية و اللهاث.........
هل صادفكم مشهد أم سودانية تدلل طفلها ( الدنقور كبر) أو ( الدنقشة ها ) أو في أقصى حالات (فورة البطن ) تخاطبه قائلة ( تعال أديني قدوم ) ... أو تفتح ذراعيها مرحبة به و هي تهتف ( الريدة الريدة الريدة ) ، فيأتيها راكضاً و يقذف بثقله في حضنها فيصيبها بالسعال الديكي ....
و يا سلااااااااااااااااااام عليها و هي توبخ طفلها لتقويم اعوجاج أخلاقه ، فترغي و تزبد بالكواريك والعبارات التي تضج بكل أنواع البلاغة و السجع و القافية ... ( يضربك الضريب ) ، ( البلا اليخمك) ، ( الحمى اليتبنوها بالعود) ، ( ( عليكم الله عاينو الشافع الشوم دا)، مع ملاحظة أن كلمة (الشافع ) تعني أن الطفل يشفع لوالديه يوم القيامة ، ( يا فقر يا وش النقر ) وبالمناسبة دي في زول فيكم عارف معنى كلمة ( النقر ) دي ... أسعفوني بالله عليكم... وهناك أيضاً الدعوة الشهيرة ( تنققققصصصصصصص ) و هي كلمة مشددة لمن روحها طالعة ولا بد معها من جز الأسنان بقوة حتى تؤدي غرضها ...
وصرة الوش يا أحباب هي شيء أساسي لدى الرجل السوداني ... وعلو الصوت لديه يعني ( الرجالة ) و النهرة للصغير و الكبير تعني ( أها شوفوني أنا بخوف) ... لذلك من الصعب جداً تخيله في دور رومانسي ، والتعامل معه على انه ( أنور وجدي) ولا عزاء للسودانيات الحالمات برجل مثل ( مهند) ....
أما المرأة السودانية فهي رقيقة ، جميلة ، حالمة ، ناعمة إلى أن تصطاد رجلاً و تصبح زوجته!!!!! تأتي بعدها الدشانة التلقائية التي لا بد منها فتصبح بايدها و شديدا ( يا مرة ) في نظره و يصبح هو ( يا راجل ) في نظرها ... ويتحدث عنها بصيغة ( الأولاد أو أولادي ) وتتحدث عنه بصيغة ( أبو الوليدات أو أبونا )....
كيف تصبح الزوجة ( يا مرة؟؟) سألتوني ...
هي تتغير تدريجياً _ في الشكل و المضمون ... فنجدها لاوية بوذها شبرين في وش زوجها إذا لم يعجبها تصرفه أو تقصيره في حق من حقوقها ( وهذا يحدث في معظم الأحيان) .... ( هنا أحب أن الفت النظر إلى أن في مجتمعنا السوداني ، يجب على المرأة تحمل كل عيوب زوجها و نقائصه لكي تكون أصيلة وبت رجال ... و إلا شالوا الناس حسها ، أما هو فمسكيييييييييييين شدييييييييييييييييد لو مرتوا مقصرة فيهو في شي ... مما يعطيه الحق في الزواج من أخرى وثالثة و رابعة ... إذا لزم الأمر متحججين بالآية (...........مثنى و ثلاث ورباع) و متناسين تماما الآية (.....ولن تعدلوا)... ما علينا ، ده ما موضوعنا ...
نرجع لموضوعنا ... تجد الزوجة لسانها منشار و صوتها عالي و عيونها جاحظة وشعرها منكوش و حالتها حالة...
الحنة و الدخان والمكياج و الأناقة و القيافة و القشرة ، ده للخروج فقط .. أما في البيت .. فحدث و لا حرج......
شاهدت مرة حلقة من برنامج ( صحتك) الذي تقدمه شاشة تلفزيون السودان القومي ، وكان احد الضيوف طبيب مشهور و هو استشاري لأمراض الكلى ، فطلب منه مقدم البرنامج د. مأمون حميدة إسداء النصح للمشاهدين لتفادي أمراض الكلى و فشلها ، و كيفية الحفاظ على سلامتها ، فما كان من النطاسي البارع إلا أن قال : " الواحد مفروض يشرب اقل شي 8 أكواب من الموية في اليوم الواحد ويقوم ( يبول لينا منها ) حوالي 4 أكواب أقل شي " !!!!!!!!!!
أحييييييييييييييييييييييييييي من الدشانة !!!!!!!!
يا جماعة .. أنا أتحدث عن السواد الأعظم ولا أقول الكل .... فلكل قاعدة شواذ
Post: #2103 Title: Re: ناس الزقازيق ... أجدع ناس (4) .. Author: عمر المهدى Date: 06-01-2011, 11:24 AM Parent: #2101
الاحباب لكم كامل مودتي ود جبرين وقفنا مشدوهين نعين تهنا في زحمه نعم في انتظار المزيد من الابداع دودي الجرسه دي كلها كم يوم انا خايفك تعمل زي حسام البدري وتطالب بعوده الحلوين والا حاتفضل تغني وين الحلوين وين راحو عيسى لك الشكر ومقدرين تضامنك ماتشوف عزوبيه وناس كسلا ناس طيبين وصحنا ياشادينا لحظك ام كؤوس الراح سقينا نثني دعوه الريس عود ياشادي
Post: #2104 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-01-2011, 11:35 AM Parent: #2101
يا ديدو يا نضيف إنت يا يابا ما محتاج عزومة
أنا سألتك في يوم سفر الجماعة تجي عندنا بالليل
بس قلت عندك غسيل عدة ومضايرة ،،،،،
أولا حاجة كل جمعة تعال عندنا بدون إحم ولا دستور
تاني حاجة أضرب سلف كل يوم بالليل وتعال دردس معانا شوية
هسع بعد غداء أبو علي ما تشرد عدي علينا المسافة بيني وأبو علي
يا ناس الليلة الخميس ... اها حا يبقي زي الخميس الفات الليلة يا حليلو ولا حا يلحق بوست منصور ... الخميس الفات الليلة يا حليلو ... يا جماعة الليلة مزاجنا في اتساق من منص ...
Post: #2106 Title: Re: ناس الزقازيق ... أجدع ناس (4) .. Author: محمد صديق Date: 06-02-2011, 06:50 AM Parent: #2105
Post: #2107 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-02-2011, 07:37 AM Parent: #2106
صباح الخير ،،، يا وجوه الخير
دعاء فك الكرب
لا اله الا الله الحليم الكريم
لا اله الا الله العلى العظيم
لا اله الا الله رب السماوات السبع ورب العرش العظيم
Post: #2108 Title: Re: ناس الزقازيق ... أجدع ناس (4) .. Author: منصور عبد الرازق Date: 06-02-2011, 08:14 AM Parent: #2107
من نعم الله على عباده قدره على التساق مع نفسه دى اول حاجة وبعد داك لو كملت اتساقك , مع محيطك , فيا بختك انا الأيامات دى , الوانى من شدة ما (متسقة ) مع بعضها لمن حاسى بى نفسى , دافنشى زاتو وليد حمدون يا ابو الجل , اجتهد فى تصوير موية السودانيين الناقصة جفاف مع تصحر , نتيجة طبيعية لموية كربيتر ما تامة النتيجة مضمونة , زى ضمان فوران البيبسى مع استمرار الرج الكلمة الطيبة قالوا , بخور البطن لكن ده طبعا لمن الواحد يكون (متسق ) والوانه راكبة , وعاملة ماتشنق لو ما متسق وعندك مضايرة فى البيت وعاوز تغسل العدة طبيعى حاتكون المسافة , البينى ما بينك حتى لو كنت ماشى قدام عروستك , فى ميدان العتبة زى المسافة بين الالف , والياء بس تمانية وعشرين حرف وهذه تعادل , بمقاييس الحنان بس , الف سنة ضوئية ومليون فرسخ , من فراسخ (الفهم الضائع ) ولسه بيناتنا المسافة , واللهفة والخوف والسكون رنة الحزن البخافا , تعدى بالحسرة وتكون
Post: #2109 Title: Re: ناس الزقازيق ... أجدع ناس (4) .. Author: أحمد إسماعيل Date: 06-02-2011, 03:47 PM Parent: #2108
سلام ايها الممتعين ذقنا المرارات كلها فلم نجد أمرّ من الحاجة إلى الناس ، كما قال الحكيم
Post: #2114 Title: Re: ناس الزقازيق ... أجدع ناس (4) .. Author: محمد عيد Date: 06-04-2011, 06:56 AM Parent: #2113
Quote: يا ريس ما عصرت علينا
ابو الزوز ...
احتياطى كده .. الريس سجلك رقم 1،6000،000،000
Post: #2115 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-04-2011, 07:51 AM Parent: #2114
ابو الزوز انا ظابط المنبه على الساعة 7 ص ياها مواعيد الشغل ومن ضمنها بصلى الصبح ( انا ساميها صلاة الشــغل ) استغفر الله عادة سيئة ما قادر اتخلص منها ....
Quote: وجدت الرشيد بابكر دخلت متشوقاً لاجد مداخلة سمينة وثمينة ... الا انه خذلني .... اكيد كلام الله ما بناباهو الا الفيك اتعرفت ...
عاد بي وين... و كيف.. و بتين... كانت خميس نوم و جمعة مهام... صحي ما زي المهام بتاعتك... لكنها كانت كافية لحبسي بالبيت... و منعي من القيام بأي مهام أخرى... فلقد أوكل الي تدريس أمنية مادة الرياضيات... و لأني ما بستقيد من تجاربي قمت بواجبي... في كل مره أذاكر مع أمنية... و تجيب نتيجة أقل درجتين أو تلاتة من الدرجه الكامله... تقول لي عشان انت ما ذاكرت معاي كويس... ماما بتذاكر معاي أحسن منك.. أقول ليها دي آخر مره أذاكر معاك... و أجي اذاكر معاها تاني... ان شاء الله تجيب الدرجة الكاملة المره دي...
يا ريس شكرا على التذكير بصلاة الفجر... تصلي الفجر جماعة... و تقرأ آيات من القرأن الكريم... و تتمشى شوية... أكيد حيكون يومك غير...
أبو الزوز المداخلة دي برضو ما دسمة... و ده لسبب واحد... لأنها Kids meal....
كنت عايز إتسق مع صاحب المداخلة الفاتت دي لكن طالما فيها وحوحة و شطة فالزول دا بتاع كوراع و كمونية عليه أناشد ديدو القاعد وحيدو أن لا يتسق مع زول النيفة دا
سعيد بان التقيكم في منبركم العامر وحقيقة زادت سعادتي وانا اتعرف على مجموعة كبيرة من الاخوة خريجي الزقازيق والمتواجدين في الخرطوم ومنتظر زهير الزناتي لحين عودته للخرطوم بما ان شقيقه عبد الله حل محله الى حين ...
اهلا بيكم اجدع ناس ..
Post: #2131 Title: Re: ناس الزقازيق ... أجدع ناس (4) .. Author: جلال عثمان Date: 06-05-2011, 10:33 AM Parent: #2126
Quote: حاولت أتسق مع البوست... لكن الكفيل اليومين ديل ماااااااااااااااا متسق معانا لذلك حنحاول نتسق مع السودان.......................................... إن شاء الله
حمدلله على السلامة يا سمسم ... شوقنا اكتر من "حرارة الرياض الساعة 2 ظهر" عملت ليك شرك في وش الكتاب ولا كتاب الوش ماعارف الاسمو فيس بوك وزهير وعبدالدائم ما قصروا طمنونا عليك
Quote: كل إتساق و إنتو طيبين
هو يازول هوي فاتحتنا بالله ... انت قايل الموضوع فوضى هو تجي خاشي توش كدة اخدت الاذن من الريس ... وبما انك "داخلي" عاوزين توقيع الريس معتصم وكان عندك رصيد سمعنا موافقة الريس ميسرة -------- والله ليك وحشة .... غايتو من غيرك البوست قاعد يفقد بعدو الرابع الخامس طبعا بي سيدو .... قالوا بجي منتظرنو ... حمدلله على السلامة ياخ ...
Quote: صباحات الإتِّساق.....
لله يا محسنين ...مداخلة واحدة فى المنبر كل يوم.
ياكوتش ... الله يدينا ويديك ياخ اليومين الفاتوا ديل جيت متاوق لقيت زهير شخت للرشيد في تلغرافاته قمت كبيت الزوقة قلت الزميل دا لسانو طويل وما بنقدر عليه ... وصباحاتك زي العسل ياخ ....
Quote: سبحت باسمك والشجون سوامرى حتى بكى قلبى بدمع محاجرى
ماعارف يامنصور ولكني تمنيت لو انه ابدل سبحت ب "لهجت" اظنني وقتها كنت سوف "اهيم وجدا" بين لهيجه وشجونه وبدون شك "اغرق" في دموع محاجره ... وادعو له بأن يشف الله قلبه وان يسهل الله له امره بأن لا ينسى موعده ....
والله الزول دا حبيب كيف ... اكسروا الحاء يرحمكم الله ... وشددوا ما شئتم من باقي حروف احبائكم.
حاولت أتسق مع البوست... لكن الكفيل اليومين ديل ماااااااااااااااا متسق معانا
لذلك حنحاول نتسق مع السودان.....................................................
إن شاء الله
ولدنا سامي ... حمد لله على السلامة ... حسيت من مداخلتك عدم اتساقك مع الكفيل ... بصورة مزعجة شوية اتمني ان تكون امورك شويه ضيق من الكفيل ... وتزول ... بس ماتصل اتساق السودان ... طمنا ... وورينا الحاصل شنو ...
جلا حمد لله على السلامة ...
دعوة صلاة الفجر ...في ميزان حسنات الريس ... وميزان كل من يقوم الفجر ...
لم يكن في بالي الشوت الضفاري للإخوة الضيوف لكن يدي ماكلاني التحية و التجلة لعلاء الدين
Quote: ومنتظر زهير الزناتي لحين عودته للخرطوم
غايتو أخير أسكت و أقول شرفتنا في ديارنا و بس!!!!!!
أما بالنسبة للفاتحة بتاعتكم يا طاعم فهي ما جايبة مريسة تامزين قلت لي البعد الرابع أنا بي جلالة قدري تقول لي البعد الرابع
شكراً نجيلة بالمناسبة أنا كنت متسق مع الكفيل بتاعي (بت الشيخ) في الفترة التي غبت فيها أي زول معاهو كفيلو الأنا قاصدو فهو في حالة إتساق حتى موسى عيسى ذات نفسو ... أما رش فهو حالة إنفرادية و يختلف عن ديدو الما متسق في هذه الأيام
Post: #2134 Title: Re: ناس الزقازيق ... أجدع ناس (4) .. Author: جلال عثمان Date: 06-05-2011, 11:29 AM Parent: #2133
Quote: ما بالنسبة للفاتحة بتاعتكم يا طاعم فهي ما جايبة مريسة تامزين قلت لي البعد الرابع أنا بي جلالة قدري تقول لي البعد الرابع
عليكم الله عاين زي دا .... اقول ليك البعد الرابع وما تعجبك؟ ياخ والله احبطني جنس احباط ... اسا انا قايل روحي نحت الجمجمة وشكرتك جنس شكر "ان شاء الله يوم شكرك مايجي" ياخ البعد الرابع دا حاجة كويسة والله حتى اسأل منصور .... والله صحي .
عجبتني لكن معادلة كفيلك "الكنت معاه " والاتساق .... بس بطل حندكة عشان ود المهدي ما يزعل منك لانو هو برضو زي اخوه الكاشف مااااااااااااا متسق نجيلة يا ولدنا ازيك ياخ .
----- جبرييلا ..... شوق من عندنا لغاية المضيق وشواطئ الاطلسي
Quote: يا رشدي المداخلة كاملة الدسم ... ومالية عينا بس انت تعال وسيبنا من التلغرافات ديك ...
و الله يا أبو الزوز عا########ي طريقتك بتاعت برشلونه دي... خير وسيلة للدفاع الهجوم...
Quote: ولكننا نشهد بأن رشيد القوم صاحب مقالات دسمة
وأشبعنا حتى التخمة وممكن تزوروا مربع كاي
أنحنا يكفينا دخوله البوست ولو كتب حرف واحد
شكرا يا ريس على الكلمات الكبيرة دي في حقي... واحد صاحبي قال لي شنو ياخي انت شابكنا كنت و كانت... انت قايل نفسك الطيب عبد الله و هو يقصد بروفيسور عبد الله الطيب... قلت ليهو لو كنت قايل نفسي الطيب عبدالله كنت شبكتكم... الغريب من وطنه مهما طال غيابه... مصيره يرجع تاني لي أهله و دياره..
Quote: اليومين الفاتوا ديل جيت متاوق لقيت زهير شخت للرشيد في تلغرافاته قمت كبيت الزوقة قلت الزميل دا لسانو طويل وما بنقدر عليه ...
يعني يا جلجل لقيت الشخيت... مشيت بعيد...
Quote: أي زول معاهو كفيلو الأنا قاصدو فهو في حالة إتساق حتى موسى عيسى ذات نفسو ... أما رش فهو حالة إنفرادية و يختلف عن ديدو الما متسق في هذه الأيام
و الله حاله انفرادية أحسن من بعد رابع... لو كان قلت استثنائية كان اتكيفت...
Post: #2138 Title: Re: ناس الزقازيق ... أجدع ناس (4) .. Author: عمر هواري Date: 06-06-2011, 05:44 AM Parent: #2137
صباحاتكم زين ياحلوين ،، ناس الزقازيق أحبائي لكم كل الود والله مشتاق ليكم شديد حبيبنا زهير ليك وحشة معليش إنقطعت عنكم بالرسائل ولكني لم أنقطع بالمتابعة للبوست لظروف أرجو أن تكون زالت علاء الدين حيمورة نورت البوست لك التحايا العاطرات تمنياتي للجميع بدوام التقدم والإزدهار
(11) قضيت أيامي الزاهية تلك في أصيلة، التي تنام على خاصرة الأطلس، ما بين الطيب صالح وممارسة عمومتي على الطفلتين.. كانتا سعيدتين لوجودي.. وكنت انا مبتهج وفخور لهذا الامتداد (الجبريلي) في المغرب.. نشأت بيني وبين شيخ الطيب نوع من الإلفة لم أجد لها تفسيرا ولم أتعب نفسي في التفكير فيها.. كنت آتي إليه في الصباح الباكر ونفطر سويا.. ربما (هذا الحنين) هو الذي جمعنا.. رغم نشأتي وميلادي في الخرطوم إلا أنني كنت مشدودا إلى أصلي وقريتي شبا في البركل.. حكيت له عن جدتي (نفيسي بت بغداد) وعن نوادرها الكثيرة.. كانت تأثرني حكاويها.. كنت أجد متعة كبيرة وأنا برفقتها.. كانت إمرأة عظيمة رحمها الله لا تتحرج في الكلام.. كانت (بت مجذوبا) أخرى.. حكيت له قصة زواجها من جدي بعد أن توفيت زوجته الأولى.. ضحك الرجل حتى سالت دموعه.. - يا شقي الحال انت وكتين حافظ التفاصيل دي كلها من البلد ما تكتب.. - يا شيخ الطيب الكتابة دي موهبة وانا زي ما انت شايف بيطري دايش.. - يا ولدي والله بي حكاويك دي لو ختيت الرحمن في قلبك حا تكتب حاجات سمحة خالص.. تعرف يا ولدي انا كتبت عن قرانا ديك وعن ناسها.. الأشخاص الذكرتهم في كتاباتي كلهم أشخاص حقيقيين.. كنت من خلال الكتابة أحاول أن أخلق جسرا بيني وبينهم.. ذلك كان عالما جميلا احببته بصدق.. وحين طوحت بي الأيام في المنافي وزمهرير الانجليز.. وجدت نفسي في بيئة غير بيئتي.. وأناس لا تربطني بهم أية صلة أو حتى شئ مشترك.. الحنين كان قاتلا حينها.. ياخي في بداية الخمسينيات لقيت نفسي في بلد البرد فيها حاجة كارثية.. وحكاية انت تتنفس والدخان يطلع من نخرينك دي ههههههههههه.. ولقيت نفسي في غرفة صغيرة ودافية وبطاطين وهيلمانة كدة.. وهناك كنت برقد في الحوش وأتأمل النجوم.. وأتونس مع رفقاني جنب التمر وفي الرملة بالليل.. ونقعد نغني غنانا السمح داك ونرقص ونضحك.. لم أجد غير الكتابة بديلا.. عشان كدة لمن يقولوا ليك الراوي والكاتب الموهوب والما عارف شنو.. هههههه والله يا ولدي أنا قاعد أضحك.. كأنما القوم يتحدثون عن شخص آخر.. ذكر لي شيخ الطيب شخوصه الأصلية.. من خلال تلك الجلسات تعرفت على بت مجذوب الحقيقية.. تعرفت على الزين ومحجوب وبكري والطاهر الرواسي وسعيد عشا البايتات... نقل الرجل كل شخوص القرية إلى رواياته.. اتاحت لي أصيلة التعرف عن قرب لشخوص هذا الكاتب الفذ.. وهكذا كانت علاقتنا التي امتدت لعقدين.. هو يحكي وأنا أنصت.. وكانت أصيلة هي مكاننا المحبب.. أتاحت لي هذه الرفقة معرفة الطيب صالح الإنسان.. الرجل البسيط.. تكلم عن زواجه وعن بناته.. وعن أصدقائه.. حتى عن مغامراته العاطفية.. وهكذا ولمدة عشرون عاما.. كان هو يحكي وأنا انصت.. وحين تحين ساعة الرحيل أذهب لغرفته وأجمع له حاجياته ثم أجمع حقائبه ونوصله أنا وشقيقي طلحة إلى المطار.. إمتدت علاقته بنا لتشمل والدي ووالدتي رحمها الله.. حين تزوجت أتيت إلى أصيلة وكانت زوجتي حامل بطفلتي الأولى ريم.. زعل زعلا شديدا وقالي لي أمامها: لماذا لم تدعوني للزواج.. راجلك دة زي ولدي.. على الأقل كان جبت ليك هديتك معاي.. لكن راجلك دة حسابي معاهو بعدين..
كان محبا للمغرب وللمغاربة: يا طارق يا ولدي المغاربة ديل أول ناس احتفوا بي ياخي ديل كرموني قبل أي شعب آخر.. المغاربة، وللأمانة، كانوا يحبون الرجل حبا شديدا وكرمته أصيلة ووضعت لوحة كبيرة في مدخل المدينة: الطيب صالح الإنسان والرمز.. كانت لفتة من مهرجان أصيلة والقيمين عليه.. أذكر مرة كنت أجلس معه في أحد المقاهي في انتظار طلحة ليكملوا مساجلاتهم.. كانت عمامته ظاهرة للعيان.. جاء صبي عمره في حدود 12 عاما وراح يصيح بقربنا: مصطفى سعيد..مصطفى سعيد..مصطفى سعيد.. أثار انتباهنا ونادينا عليه فجاء.. - علاش عيطي مصطفى سعيد ملي شفتينا - حيت مصطفى سعيد هو البطل ديال الطيب صالح.. ياك هادا هو الطيب صالح - وانت من فين عرفتي هاد الشي - حيت باب عزيز عليه الطيب صالح وديما تيحكي ليا عليه وعندنا الكتوبا ديالو.. وهاد العام راه اعطونا قطعة في التعبير من موسم الهجرة إلى الشمال.. هكذا أحب المغاربة الرجل.. وهكذا احتفوا به.. ودعت الرجل ودخلت إلى عوالم الرباط حيث (حسن) العاهر والداعر معا.. .....
أن تأتي بعد موسى عيسى المتسق لا شك أنك ستصاب بعدوى الاتساق... حتى و ان لم تكن لديك نفس المعطيات التي تسببت باتساق موسى... فقط كونك تأتي خلف موسى يكون كافيا... كل محاولاتي الصباحية بأن أتداخل معكم باءت بالفشل... و لكنني حرصت أن أدخل مساءا... حرام كل يوم يجي الريس ميسره و يقعد يترجانا عشان نسجل حضور... رغم ان الريس لم يظهر اليوم... و مداخلات زهير لا تحسب له... فأبو الزوز أدمن شيئين... اللعب بطريقة برشلونة... و الفيس بوك أو وش الكتاب كما تفضل جلال... و الفيس بوك موقع للتواصل لا يمكن تجاهله... و يجمع عدد من الوجوه النيره... و لكني لا أجد نفسي هناك... فحبي يظل دائما للحبيب الأول... و حنيني أبدا لأول منزل... لذلك جئت هذا المساء لأقول لأبو الزوز و آخرون... نقل فؤادك حيث شئت من الهوى... ما الحب الا للحبيب الأول...
Post: #2145 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-07-2011, 05:56 AM Parent: #2144
صباح الخير ،،، يا وجوه الخير
أصبحنا وأصبح الملك لله وحده،،،
ترانيم صباحية:
سبحانك جل جلالك ما أعظمك سبحانك تقدست أسماؤك ما أعظمك سبحانك تبارك وجهك ما أعظمك سبحانك ما أعظمك وأحلمك،،، يا اللــــــــه،،،
يا ناس سلام في اقتراح بتعديل فكرة صندوق التكافل تبقي زي فكرة الصندوق (الخته) او الجمعية علي قول المصريين ... اكيد كل زوله عنده فرقة في حياته ..قطعة ارض عايزه تمامه ...ولا مقاول فاتح خشمة عايز قروش ... ولا زول ماشي الجامعة ... ولا بت الشيخ عايزه دهب ... او حتي كمان عايز يعرس تاني زي صاحبي داك ... المهم الفكرة تكون دواره الناس تتفق علي امين خزينة ... ونفرين يديره الشغله عايزين اقتراحات ... لكل سهم وكيفية تحديد صاحب النصيب عايزين لينا خمسين نفر بحد ادني يكون عندهم العزيمة لمواصلة المشوار ... الفكره برضو عندها ابعاد اجتماعية .... اي زول حصل ليهو ظرف طارئ ومحتاج للصرفة يتخيل النفرين الماسكين الصندوق اضافة لامين المال يحددوا لو ممكن يعملوا ليهو تقديم ... وكل حاجة تتم برضا النفوس والمطايبة ... كمان لو في زول لا قدر الله من الاعضاء رحل للدار الآخرة ... تكون اول صرفة لاسرته اكيد بتكون لمسة انسانية هامة ... وبتجبر ليهم جزء من الكسر ويقدروا يرتبوا احوالهم لحد ما ... وتتعفي اسرته من باقي المساهمات وتتحول مساهمته للناس التانين ... وفي الغالب بيكون مبلغ رمزي كل شهر... اتمني انه السهم يكون معتبر يعني بقترح بحد ادني يكون خمسين دولار في الشهر ... وممكن الزول يخش باي كمية من الاسهم ... يعني 100 دولار ... 150 ومضاعفاتها ... ويا ريت برضو الناس تتفق علي العملة ... اعتقد انه الدولار لحد ما افضل من الحنيه السودان...ي رغم انه برضو بيفقد جزء من قيمته الشرائية كل سنة بفعل التضخم العالمي بس افضل من الجنيه .. عشان ما نظلم الناس في الصرفات الاخيرة .... يعني لو الالف دولار هسه بتجيب السلعة س اكيد بعد تلاثة او اربعة سنوات حا يكون سعر السلعة نفسها بقي الف ومية دولار ... يعني الدولار فقد كل سنة 2.5 من قيمته باجمالي عشرة في المية ...
بس الموضوع يتسحق انه الزول يقدم تنازلات لانه فيه مساعدة ومساندة لناس بيشكلو جزء من وجدانك .. و 10%% ما خسارة فيهم ... انا علي نفسي عايز في الصرفات الاخيرة يعني قبلان باي واحدة من العشرة الاواخر
كالعادة بقترح لامانة الصتدوق عبد الدائم النضيف ... وللادرة بختار موسي عيسي من الرياض والريس ميسرة من جدة لانه الاثنين ناس حسابات وبرضو من كبارنا ... وممكن الناس تزيد العدد لو حبت ... ولا في زول عنده راي في موسي عيسي (اكيد قاصد جلا) برضو يجي يقول تحفظاته بعدين الزول لمن يجنب ليهو مبلغ بسيط زي ده كل شهر اكيد ما حا يقدر يوفره براهو ... بس التزامه بفكرة الصندوق يخليهو كل شهر اول حاجة يطلع مساهمته ... ولمن تجيهو الصرفة اكيد بتقع ليهو في جرح ... اتمني تفاعل اكبر عدد من الناس ... وباكبر مبلغ ممكن الزول يقدر يوفره ... عشان الفكرة تكون اكتر فايدة ...
Post: #2148 Title: Re: ناس الزقازيق ... أجدع ناس (4) .. Author: منصور عبد الرازق Date: 06-07-2011, 08:14 AM Parent: #2147
من زماااان كنت عاوز اقول حاجة زى دى لكن تقول شنو , التساق كاتلنا اوافق واثنى ونفتح باب االأقتراحات لتطوير الفكرة
طارق جبريل ياخى زود السرعة شوية ياخ !!! سامى عبد الوهاب مشتافين وملاحظات نجيلة قلقتنا عليك شوية طمنا
سلام للجميع نؤيد الفكره اخ زهير كانت لنا فكره مماثله وكنا مجموعه من الاخوان تجمعنا ظروف حياتيه متشابهه ونعرف بعضنا البعض جيدا وكنا نجمع رأس المال اقتطاعا من رواتبنا الشهريه وكنا ملتزمين بالاقسط الشهريه 500ريال وعلى مدار ثلاث سنوات اسسنا شركه ورأسمالها 255مليون بالقديم وهى عباره عن ارض زراعيه على النيل واليوم سعرها تضاعف وهذه المقدمه تحفيزا ان العمل الجماعى مردوده افضل وخصوصا عند تشابه الظروف ومحدوديه الدخل فنرجو من الاخوان الاهتمام بالفكره .
الفكرة ممتازة زي ما قلت ليك في الفيس بوك و البداية بي 50 شخص برضو فيها شئ من العقلانية الحاجة البتكون شوية فيها مشكلة هي المشاركة بالجنيه السوداني إذن تحديد سعر الصرف مهم مثلاً السعر الرسمي 2.9 أما سعر السوق الأسود 3.3 فمثلاً نحدد نحن في السودان مبلغ 300 جنيه كمتوسط لسعر 100 دولار على أن يكون هناك ممثلان من السودان أنا ليس منهم لأنو مسألة جيبي يسع الجميع ما قسمت معاي المرة الفاتت إذن أنا أحد الأعضاء و الصرفة الأولى بتاعتي لأنو قافل على الريالات و الدولارات
Post: #2153 Title: Re: ناس الزقازيق ... أجدع ناس (4) .. Author: عمر هواري Date: 06-08-2011, 06:14 AM Parent: #2152
صباح الفل والياسمين يا أعز ناس أتمنى أن تكونوا على خير وفي أحسن حال فكرة جميلة جداً ويمكن أن يستفيد منها الناس كثيراً بس عاوزة شوية مجهود وتنسيق بالذات ناس السودان هل مع المجموعة ام منفصلين؟؟ تحياتي للجميع لكم كل الود
مره آخر شهر بعد ما استلمت الراتب قعدت أعمل التوزيعات... ما خليت حاجة ما حسبتها... الايجار..قروش المدرسة..حق الأكل...حق الله...بق الله... ما خليت شي...مصروفات منظورة...غير منظورة... لقيت ليك نفسي موفر مبلغ محترم من المال... اندهشت اندهاشة لما بقيت و أنا ماشي أضحك براي... معنوياتي في السماء أوزع ليك في الابتسامات شمال و يمين... قلت كمان دي مناسبة تلفون طوييييييل للسودان... الأقربون أولى بالمعروف... ما دام الشهر ده قدرنا نوفر لأول مره منذ قدومنا للامارات... خلينا نبر الحجاج ديل بي تلفون طويل... جيت داخل البيت آخر فرفشة و ضحك مع ست بيتي... أن توفر درهم بعد كم سنة من اغترابك فلا شك حاجة تستحق الاحتفال... حتى سألتني ست بيتي سؤال صعقني و الجم لساني... الدهشة التي يأتي بعدها فرح لا تسبب مشاكل صحية... لكن الصعقة و بعدها الدهشة دي بالقليل تدخلك في زمرة ناس منصور... ست بيتي قالت لي ان شاء الله تكون جبت معاك قروش الصندوق... الله ينعل الصندوق و قروش الصندوق و اليوم الدخلني انا في الصندوق ده... أنا من الصباح طاير في الهواء متخيل نفسي وفرت.. تطلع دي قروش الصندوق... صندوق مع ست بيتي ...و أخر في المكتب و ثالث في المدينة التي كنت أعمل سابقا... لدرجة بقيت أسجلها في الموبايل عشان ما أنساها... و قررت من اليوم داك اذا انتهت الصناديق دي تاني توبه لي حبوبة.. عايز آخر الشهر أمسك لي قروش في يدي أقول أنا وفرتها طواعية مش اجباري...
غايتو صندوق التكافل ده الا تحنسوني عشان أنضم ليكم... مع انه الفكره ما بطاله.. هي الفكرة دي حقت منو... عشان ندعي ليهو بطول العمر....
يامن احبه واهواه يامن اتمنى لقاه يارحمة من ربى لنا مهداه ياحبيبى ياالصندوق (القطه). بعد ان عرفتك وعلمت سيرتك ورأيتك فى حُلمى وحضنتنى طيبتك وسعدت بوجودى معك وفرحت برؤيتك أعترف لك بأنى احبك حب ملأ كيانى حب حقيقى ملأ إحساسى ووجدانى حب لايعلم أحد مداه حب أتذكره دوما ولاأنساه فأنت خير معين وروحى فدا لك قبل مزاحمت المارقين ( جلا و من شايعه ).
يا صالح انت المفروض تحجز بعد الطيش لا رسوم مدارس و لا.........؟؟؟؟؟
زمان تضرب لي أي زول تلفون تقول ليهو عايزين نجيكم أنا و المدام...قاعدين.. يقول ليك بعد تردد قاعدين و الله ...بس تعالوا لينا بعد المسلسل التركي... هو المسلسل التركي بتين طيب... العرض الأول و لا الاعادة؟؟؟؟ الاتنين ياخي...عشان نجيكم بين العرض الأول و الاعادة... حسه الفيس بوك ده عامل للبوست ده زي المسلسل التركي... تجي البوست ما تلقى زول... تمشي تلقاهم كلهم في المسلسل التركي... لكن ده ما الموضوع... الموضوع أنا الليلة جيت أسجل اعتراف خطير... طبعا كلكم شفتو الحمله الأنا شنيتها على الفيس بوك و على أبو الزوز... و الفصاحة الاتفاصحتها بي هنا... أمبارح و بدافع من فضول جيت ماشي بي جمب الفيس بوك ساكت... قلت كان الله هون أتاوق بي الحيطه أشوف الناس دي ماله... شافتني ليك زوبا قالت لي اتفضل أشرب شاي مقنن... دخلت توش و اتحكرت ليك كأني ما كنت بتفاصح الصباح... الونسه جرت و لمت ليك ناس كوثر من كندا و وليد من السعودية... و حتى الريس معتصم من السودان... في الأول اتعززت شوية...بعدين الونسة بقت لذيذة فتحت ليك معاهم... و الزمن ماشي و السهرة طولت و الونسه زايده حلاوة.... قامت زوبا قالت لي شفت كلامك الكتبتو الصباح عن الفيس بوك... كانت الساعة الوقت داك واحدة صباحا... وليد عمل انسحاب تكتيكي... أنا زاتي عملت انسحاب تكتيكي... زوبا الانسحاب وقع ليها في جرح... كانت عايزه تزوغ لكن كانت خجلانه مننا... المهم أنا جيت أعترف باني قضيت مساء البارحه كلو بتفرج في المسلسل التركي... و فتحت لي البوست... لكن تاني أنا كان شفتوني ماشي ساكت جمب الفيس بريسلي مش الفيس بوك...لوموني... أنا ما مابي الونسة اللذيذة الزي ححقت أممبارح دي... لكن أنا بقيت زول كبير و ما بقدر على السهر ده... و كان أنا زاتي مشيت الفيس بوك...البوست ده نقفلو و نجيب ليهو غفير... حاشا و كلا...أسمعوا يا ناس الفيس بوك أنا تاني ما جاييكم.... لكن عليكم الله كان الونسة سخنت أعملوا لي مس كول....
Post: #2162 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-09-2011, 08:23 AM Parent: #2161
يا رشدى والله انا كتير بجينى احساس انك قاعد تراقبنا فى الفيس بوك اول امس زى الساعة 3 بعد الظهر كنا حوالى 11 واحد من مختلف البلاد على الشــات ، زوبة مندمجة مع الونسة نست حلة الغداء على النار واتحرقت وقعدت العيال من غير غداء ... الفيس سمح ياخى .. الحاجة الوحيدة الما سمحة بالنسبة لــ ( منصور ) مثلا" بتقابل ناس خريجيين 96 واه واهـ من الفرق ما بين 96 و 86
لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد
Post: #2163 Title: Re: ناس الزقازيق ... أجدع ناس (4) .. Author: محمد عيد Date: 06-09-2011, 03:54 PM Parent: #2162
Quote: لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد
والله يا نضيف ختفتها من خشمى ...
انا لى كم يوم أجى الظهر القى ليك زوبة لامة الشله وزى ما قال الرشيد ونسه جميلة بالحيل ...
وانا ايضا كنت أحس بالغيره على البوست واحاول التمرد على كتاب الوش او وش الكتاب زى ما بيقول جلجل
لكن عندما تجد انك تحاور لايف مجموعة متميزة وجميلة الى ابعد الحدود ومن بقاع الدنيا كلها .. وهى غير موجودة فى سودانيز
تجد نفسك وانت الزقازيقى الدم واللحم ... منساقا دون ان تحس نحو تلك المجموعة المتجمهرة على مسطبة الجاويش او امام دار الاتحاد
او اما بقالة ابوعماد ولا حتى فى مربع كاى ولا كافتيريا بيطرة ...
وألذ ما فى الموضوع يا الرشيد انو اختك الصغيرة زوبا بتجى تفيح الديوان وتفرش العناقريب والبنابر وهى شايلة الكمشة بى يد والمفراكة بالتانية
وتجى ترمى ليها حنك حنكين وتقوم جارية تسوط فى حلة الملاح ..
ياخى يصراحه .. سحره لا يقاوم ...
وأمس بالليل كنت شغال ومخلى الجهاز شغال والصفحة مفتوحة ورجعت شوية المكتب لقيتك مكنتك لى ..
لكن بكل أسف يبدو انو ناس السلع طفوا ليكم النور ووزعوا ليكم الرز باللبن ...
Quote: لو حبينــا ننقذ البوست ده من ســطو الفيس بوك نجيب عصام سيكواوجى ونجم صالح صيدلة ومكى حمزة والطيب عاليب وامانى دفع الله ورفعت و مخلص وابوزر والنذير ووليد حمدون و على حسن وكل الناس المتألقة هناك ... الى سودانيز ده الحل الوحيد
يا ديدو...يا ريت... كلهم اخوه أعزاء... فيهم موديلات جديده و موديلات قديمة... لكن مسألة الموديلات دي لم تعد مشكلة... و الدليل أهو أنا و منصور في بوست واحد و أصحاب كمان... كنا نشكي أنا و الكوتش لطوب الأرض عن هجركم للمنبر... الآن العدوى امتدت للبوست العام... انتو حقو تقسموها عديل... الفيس بوك للموديلات الجديدة و بعض الموديلات القديمة التي لا تشكو أمية كمبيوترية... البوست العام لجيل الوسط و مافي داعي للأسماء... المنبر للكوامر زي أنا و الكوتش و بكري حامد... كويس معاكم كده...
Quote: أمس بالليل كنت شغال ومخلى الجهاز شغال والصفحة مفتوحة ورجعت شوية المكتب لقيتك مكنتك لى ..
لكن بكل أسف يبدو انو ناس السلع طفوا ليكم النور ووزعوا ليكم الرز باللبن ...
حماده مساك خير
أثناء ما انت بتكتب في المداخلة دي أنا كنت بكتب برضو... أمبارح شركنا ليك و شاغلناك و لحدي الساعة الواحده صباحا ما جيت... السلع دي فيها أي حاجه الا الرز باللبن...
سلام يا اجدع ناسس بينما انا بتجول الكترونيا لقيت ليكم الرشيد ماسك انية وهنودى بتامل فى بحر الفيسبوك قلت الزول دة على الكلام القالو عن الفيسبوك داير زول يحنسو ولا يحلف ععليهو بس زولكم ناديتو وحكيت ليهو بلمة بتاعة الساعة 3 جببتا ليكم رجلو بس فى ناس زيما قلنا ماا متاخ ليهم يجو هنا بتلاقيهم هناك ووالزقازيق اينما كانت عالم جميل
يالرشيد تانى لو جاك مسكول الساعة 3 او حواليها بس ادخل الشات توشك
Quote: الرشيد تانى لو جاك مسكول الساعة 3 او حواليها بس ادخل الشات توشك
يا زوبا غايتو لو حلفتوني بعز الرسول و بجيكم... لكن وصيتي ليكم جميعا... لا تهجروا البوست... فلقد ساهم هذا البوست و ما زال يساهم في جمع الناس... مداخلة أو مداخلتين في اليوم تكفي...
Post: #2169 Title: Re: ناس الزقازيق ... أجدع ناس (4) .. Author: محمد عيد Date: 06-09-2011, 10:05 PM Parent: #2168
Quote: محمد عيد (المقاطعنا)
حاشا وكلا يا جميل
ولكن ان كنت بهذا الاتهام تقصد تواجدنا الى حد ما بالفيس برسلى .ز وندرة ذلك هنا
فانا ايضا لا اعرف له سببا ...
ولكنى اذا اجتهدت قليلا يمكننى تبرير ذلك بسبب سرعة ايقاع الحياة التى نعيشها والتى استلبت منا كثيرا من الاشياء الجميلة ...
لعل أهمها ..القراءة ..!! أصدقك القول اننى منذ أكثر من ستة أِهر لا أذكر اننى فتحت كتابا ..!!
وبما اننا اعتدنا فى البوست ان تتناسب حركتنا فيه مع ايقاعه وتداول النقاشات فيه .. فان هبوط ايقاعه
يصيبنا بالعدوى ، وسرعان ما نجد انفسنا فى زمرة المتابعين والمستمتعين ..!!
بينما سرعة الايقاع فى ذلك المقام الآخر تجتذبك دون ان تحس ... خاصة مع سرعة الردود وتوفر عامل الشات الجماعى
الذى يجمعك بزقازيقيون كثر ، عديد منهم كان التعارف معهم عبر هذه الاحرف الكيبوردية ...
اذن .. يا صديقى هى ليست مقاطعة او تمنع .. ولكنها محاولة لمجاراة ايقاع العصر والحياة رغم عوامل السن ( الله يقدّر الرشيد ومنصور )
ولكنى أرى بالفعل ضرورة ان ندير نقاشا هنا لابتداع سبل ووسائل لتفعيل البوست واستعادة ألقــه وجذب زواره من جديد
Post: #2170 Title: Re: ناس الزقازيق ... أجدع ناس (4) .. Author: محمد عيد Date: 06-09-2011, 10:21 PM Parent: #2169
مهداه الى الكوتش الجميلة وجميع الاخوة والاخوات ...
من الرائع .. جبران خليل جبران ...
البعض نحبهم لكن لا نقترب منهم ........ فهم في البعد أحلى وهم في البعد أرقى وهم في البعد أغلى والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم. والبعض نحبهم ونتمنى أن نعيش حكاية جميله معهم ونفتعل الصدف لكي نلتقي بهم ونختلق الأسباب كي نراهم ونعيش في الخيال أكثر من الواقع معهم والبعض نحبهم لكن بيننا وبين أنفسنا فقط فنصمت برغم الم الصمت فلا نجاهر بحبهم حتى لهم لان العوائق كثيرة والعواقب مخيفه ومن الأفضل لنا ولهم أن تبقى الأبواب بيننا وبينهم مغلقه...
نتمني الشفاء العاجل للاخت العزيزة اماني سيد احمد زوجة الزقازيقي الرائع محي الدين عبد الستار بعاجل الشفاء اثر العملية الجراحية التي اجريت لها في القاهرة ... وهي الآن بخير وتحتاج لدعواتكم وامنياتكم لها ... تلفون اماني : 01523455713 ......اعتقد ان مفتاح مصر 002 ونستغني عن الصفر قبل الواحد ...
الصلاة خارج المسجد في يوم حار زي يوم الليلة ده تجربة عصيبة... و رغم سجادة الصلاة الا اني كنت شاعر و كأني واقف على جمر... الرطوبة في أبو ظبي عالية جدا... امام المسجد مراعاة للواقفين خارج المسجد خفف كثيرا في الصلاة... و لكن رغم ذلك الجلابية تبللت بالعرق الطاقية تبللت بالعرق... نضارة الشمس ...الموبايل...الساعة و حتى المركوب...كلها تبللت... و ما ان فرغنا من الصلاة حتى هرول الجميع للبحث عن ملاذ بااااارد... أنا دخلت بلد الخيرات حيث تباع المنتجات السودانية... و تجنبت الدخول الى دكان الحلاق صديقي خشية أن أتسبب له بالخوف... أما الآخرون فمنهم دخل البنايات القريبة و منهم دخل الى داخل المسجد... بعد أن خرج المصليين بالداخل... الصيف في الامارات و الذي يمتد حتى شهر تسعة يحتاج الى... بيت مكيف...مكتب مكيف...عربية مكيفة...مسجد مكيف...دكان مكيف... و ده كله متوفر...الا المسجد عندما تأتي متأخرا... يبدو ان الجمعة الجاية ان شاء الله لا بد من البدنة و البرودة...
Post: #2173 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-10-2011, 11:22 AM Parent: #2172
جمعة مباركة يا شباب من كترة ما الواحد جعان ومهوووى لما شاعر بالبــرد وبرجف .. حال العزابة يا رشدى كان جيت اتغديت معاك لكن شايفك حران وذهجان عشان كده قلت امشى على الريس ميسرة ومنى يونس نشوفــا فاركة شنو ....
تمنياتنا بدوام الصحة والعافية للاخت امانى . اجر وعافية انشاء الله
الكوتش ( الجميلة ) مشتاقين ياخى عاوزين لينا دورية تلقط الناس المتسيبة بهناك وتجيبهم هنا .. اولهم زهير وجلا
الزول ده لقيتو في الدمام .... مافي زول قالي الكلام ده اها اللوم ده علي ناس كتار ... المهم المسالة مطروحة في مسابقة الجائزة خمسين جنيه سوداني تستلم من محمد صديق الشنقيطي - الحارة 14 ....
عارف يا رشدي مره مشيت الشمالية تنقاسي لزواج ود اختي ... اها الجمعة بره الجامع في الرملة ... الحارة ديل الساعة اثنين وحفيانيين ... انا آمنت اليوم داك ... وحلفت انه ما اكرر التجربة دي لاني قربت ابكي عديل كده ... طبعا تجربة الصلاة خارج الجامعة ما تجربة الصلاة زي ما حا يفتكر موسي عيسي الخائن ,.... الايام دي طبعا ما في زول يسال منه الزول ده كويس ويغريكم السلام ... وقال ليكم مشغول شوية ,.... وانشاء الله بعد يوم 22 حا يكون ساكن ليكم في المنبر سكنه .... شايفه بيغادي يهاتر في عبد الدائم يقول ليهو السليقة كيف ـ.؟
الزول العايز يشارك بيشارك هنا ولا في الفيس بوك.... اهو نحن مشاركين في الاثنين ... انا يومياً اول حاجة بعملها برفع البوست ده ... بس في ناس كتار عامله اضان الحامل طرشها لا هنا لا هناك ... واهو ناس جلا وعبد الدايم ومن لف لفهم ... هنا وهناك ... العنده سبب تاني يقولوا ما تقولوا الفيس بوك لخم الناس من البوست ...
يا النضيف كنت متاكد من انك ما حا تلقي مفروك عن مني يونس اكيد حنكوشه وماليها في الحاجات دي ... بس اكيد السمك احسن ليك من اللايوق ... هنيا للجميع وتسلمي يا مني
Post: #2182 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-11-2011, 07:58 AM Parent: #2181
نرجع تانى للحنان مش منى يونس اسمها الاصلى حنان ...
العيون نادت آو ( عطر النداوة ) : حنان النيل والالحان بشير عباس
قلت أصبح عليكم تاني عشان الأولى كانت من غير نفس... لدرجة اني ما سمعت و لا شفت مداخلة دودي... يا أكون لسه مطشش من السفر أو يكون دودي رسلها بعد مداخلتي... و كمان جيت لقيت مداخلة أبو الزوز العاملة زي وش الكتاب دي... بمناسبة الفيس بوك يا أبو الزوز أمبارح أمنية بتي قالت لي أعمل لي صفحة يا بابا... قلت ليها بزعل لا ما بعمل ليك... قالت لي ليه يا بابا... قلت ليها عشان أنا مآخد موقف من الفيس بوك... زوبا قالت لي ست بيتي الرشيد شاني حرب على الفيس بوك... ست بيتي سألتني مالك شاني حملة على الفيس بوك... قلت ليها الفيس بوك خلى المنبر و البوست زي بيت جدي الفي الكوه... قالت لي آآآآآه أنا قايله في سبب تاني... قلت يا اخوانا دي محن شنو دي... أنا ألقاها من منو و لا منو.... على أي حال أنا لقيت نفسي بخوض في حرب خاسرة... فقررت أوقف الحرب و أنشر قواتي في المنبر و البوست... دفاعا عن المكتسبات... يا غرق يا جيت حازمه... حسه بقيت أمشي المنبر أقرأ ليك في مداخلاتي القديمة و أقعد أضحك براي... و أشكر ليك في نفسي براي في مربع كاي... يا رشيد يا رهيب...و الله دي قلبت فيها هوبه... يعني يا أبو الزوز بعد كم يوم كده كان جاك حجر في الدمام أعرف انو من صاحبك في السلع... و أنا عارفك بدل ما تقول صاحبي مسكين فكت منو... حتقول والله صاحبي ده بقى جداع خلاص... شكيتكم...
تحياتي للدكتور الدرديري... ما شاء الله لسه شباب و رياضة...
يا ديدو الأغنية جميلة... أنا عندي شريط نادر لحنان النيل فيهو الأغنية دي...
Post: #2185 Title: Re: ناس الزقازيق ... أجدع ناس (4) .. Author: منصور عبد الرازق Date: 06-11-2011, 10:49 AM Parent: #2184
منك انتى النغمة تكبر والمعانى الحلوة تظهر من سمح قولنا وكلامنا من غنانا الفرحة تكتر
يا الله عليكم , انتو ما جنة بس محل ما نلقاكم نحن معاكم , فى وش الكتاب ولا ضهره يا جماعة الدنيا قاعدة تصغر ,لكن لحسن حظنا , المعانى الحلوة قاعدة تكبر بعد ماكنا نفتش على التواصل بالجوابات , والشيكات بالبريد المسجل , وتسجيلات اشرطة الكاسيت ثم التلفون الثابت , فالجوالات و ورسائل الأس ام اس والوسائط الأخرى اهو جابت ليها مسنجرات ووش كتاب ومنتديات خشوا محل ما تخشو ووكت ما تخشو , تلقونا توووش معاكم ان شاء الله حللنا كلها تحرق , ما عندنا اى مانع نقضيها دلفرى ولا كمان نمشى عصائر لبنان و ونأكل سمك منى يونس الله على سمك منى يونس , وتقلية زنوبة بت النوبا الرشيد , نكسب كتير لمن مزاجك يكون رايق وحمى كتابتك تكون مرتفعة ماهمانا تخت حروفك وين , ان شاء الله ترسلها لينا دلفرى
يا ريس نعيميتى مالا عازماك نعيمية فى اول اجازة ليك انا نعيميتى دى اعترفت بيها حجة محاسن زاتا لما اعملا وتكون امى فى الابيض ذى الايام دى يقولو لى الجماعة رسلوها ليك معلبة من الابيضظ
زوبه إزييك.. والله النعيميه دي ملاحي المفضل.. لو إجتمعنا أنا وهي في تربيزه واحده.. المعانا إلا يشفقوا.. بت شيخي طبعا ما ليها في الأملحه.. ما عدا الباميه المفروكه.. الفرك بالبريستو طبعا.. فباطلب النعيميه دي بالتحانيس من السودانيات المعانا.. وباسمع لي كلمتين تلاته.. القال ليك عرس دومينيكانيه منو.. غايتو.. جتس غتاته..
يا حاج... تصل بالسلامه إن شاءالله.. ما تنسى تشيل شفره دافينشي من جورج.. أوع ياكل راسك ويقول ليك رجعتها لي حاتم.. ولا أديتها لي فلان.. قاعده في بيته.. تاكل بيها الكمبيوتر.. ومره لقيتو خاطي فوقها كبايه الشاي.. وعمر ولدو يشخبط فوقها..
عدنا.. انتهى صخب اصيلة ككل عام.. غادرها الزوار.. وانزوت هي الى عالمها الخاص.. حيث عاد البحارة إلى شباكهم.. وراح سكان مدينتها العتيقة يحصون ارباحهم جراء الحركة التجارية الكبيرة التي عرفتها مدينتهم اثناء المهرجان.. ورجعنا نحن الى الرباط وسط احاسيس متضاربة كعادتنا كل عام.. كل عام نقضي ثلاثة أسابيع هناك بين قاعات المحاضرات ومسارح الهواء الطلق وبلاجات أصيلة وفي رفقة شيخ الطيب رحمه الله.. قرطاس وقلم وأوتار وحمى الاجساد.. ورفقة نادرة.. كنت سعيدا جدا وسط هذا العالم المرح والجميل.. الرباط مدينة هادئة جدا.. حد الملل أحيانا.. اختار لها ساستها أن تكون مدينة إدارية بامتياز.. الحياة فيها تمشي بنغمة تكاد تكون محفوظة.. دواوين حكومية وبعثات اجنبية ومنظمات دولية.. لا مصانع ولا عُمال.. لذا تجدها في كثير من الاحيان تفتقد الى صخب البوليتاريا.. حركة الناس فيها تبدأ بعد شروق الشمس وتنتهي عند المغيب.. لذا تأخذ المدينة شكلان مختلفان.. اثناء ساعات النهار تضج بالحركة.. وبعد التاسعة ليلا يختفي الناس ويسكنون الى بيوتهم.. يقرؤون جرائد الغد ويستمتعون بـ(براريد الأتاي).. ويغوصون في (طواجين) اللحم.. يبدو ليل الرباط كئيبا الى حد ما.. لكن بالطبع هناك حياة اخرى لها عوالمها.. حين تستجم الدواوين الحكومية ومقار البعثات الدولية.. تبدأ حركة اخرى خفية.. مع السكون الذي يبدو لك وانت تتسكع ليلا في الرباط.. هناك عوالم اخرى تنضح بالصخب.. الحانات المنتشرة وسط المدينة وفي منطقة اكدال لها طقوسها وقوانينها.. هناك يجد بعض القوم ضالتهم في مص قناني الروج مصا.. ويتفحش الآخرون مع غانيات الليل.. ويستفيق الباحثون عن اللذة.. وتعج المراقص الليلية على قلتها بالرواد والعاهرات.. عالم تكسوه المساحيق واللزوجة.. وتنتشر على جنباته آهات مكتومة.. في البداية كانت منطقة الوداية هي احب الاماكن الى نفسي.. هناك حيث يلتقي الاطلسي بابي رقراق.. كنت اقضي فيها ساعات طوال بين قراءة كتاب او جريدة وبين الانغماس في امواج الاطلسي.. كنت اسرح ويذهب خيالي الى عوالم اهلي وقراهم.. شيخ الطيب قال انه فردوسا تركه دون سبب واضح.. وحاول ان يبني معه جسرا عن طريق الكتابة... وانا تركت هذا الفردوس لأن من أتى لـ(ينقذنا) ضيق علينا الخناق حتى ضربنا اصقاع الكون بحثا عن الطمأنينة والكرامة.. كان طيفا امي وجدتي نفيسي بت بغداد رحمهما الله لا يفارقاني.. امرأتان قضيت معهما سحابة عمري واندى لحظاته.. واحدة في الخرطوم واخرى في شبا (البركل)...امرأتان كان لهما أثرا كبيرا في حياتي.. كانتا حاضرتين معي على الدوام.. حين يغلبني الحنين في زمهرير الرباط.. كانت صورتيهما تجعلان العيش ممكنا في الاقاصي.. احيانا كنت اركب حافلات النقل دون سبب واضح.. اصل الى المحطة الاخيرة ومن ثم اعود ادراجي الى وسط المدينة.. كان توترا على ما يبدو للبعد عن الاهل.. لكن هذه الحركة جعلتني اتعرف على احياء وشوارع الرباط عن قرب.. كان هذا في البدايات قبل ان اغوص في متاهات الرباط وعوالمه.. حتى التقيت (حسن).. انور الذي عرفني على عالم المجون واللذة.. هناك حيث غاية القوم شهقة وارتعاشة..
أسأل الله أن يمن الشفاء العاجل للاخت أماني ... و تحياتنا للزول اللعاب شديد محي الدين عبدالستار ... و للأخ الدريدري اللعاب لمن غلط و نتمنى أن يتواصلو معانا و لا كيف؟؟؟؟؟؟
Post: #2204 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-12-2011, 06:12 AM Parent: #2203
كنت بتفرج في برنامج في النيل الأزرق عن التفاءل و التشاءم و المزاج العالي و المزاج المعكنن البرنامج مستضيف واحدة بتاعت علم نفس و كانت بتحلل عن الأوضاع التي تؤثر في أمزجة الناس و تذكرت أن الأخ منص تطرق لبعض أحوال البوست و الكوتش يجابد الناس للمنبر و رش و محاربتو للفيس بوك... وذلك كلو شئ موضوعي و مهم المهم قالت إذا كنت في مزاج غير رايق و حاولت أن تبعد بي نفسك عن البيئة الحواليك (البوست يعتبر من البيئة الحواليك) عشان ما تقوم بي مزاجك المعكنن دا تعكنن الباقين ...فهذا رأئ غير صائب ثم قالت شي جميل وهو.... إذا كان الناس المحيطين بيك بقدروا على إحتواءك (إحتواءك دي عجبتني) فعليك بالدخول مباشرة إلى أجوائهم فهم أقدر بجعل مزاجك ينعدل و يحتار عدوك فيك (العدو هنا المزاج غير الرايق) كل منا لديه طريقته في التعامل مع الحالة المزاجية بتاعتو و دا شئ جميل الحاجة المتأكد منها إنو أنا لمن أجي البوست أو المنبر بتكون الحالة بتاعتي زي الورد دا لو ختاني موسى عيسى ثم قالت بكرة أحلى ...ورددت تأكدوا إنو في ناس أجمل و أحلى لسع ما قابلوك في حياتك و قتها ...قلت يا دوب المرة دي بدأت تكضب في نفسي ...قلت أحلى من الناس ديل زاتو مافي و أنا ماعايز قال في ناس أجمل و بكرة أحلى!!!!! غايتو بكرة أحلى في حالة واحدة بس إذا كانت صرفة الصندوق الأولى بتاعتي
Post: #2207 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-12-2011, 07:37 AM Parent: #2205
صباح الخير ،،، يا وجوه الخير
دعاء اليوم :
يا علام الغيوب يا مقلب القلوب يا ستار العيوب يا غفار الذنوب يا مفرج كرب المكروب
أن تشفي جميع مرضانا وأختنا أماني سيدأحمد ومرضى المسلمين
اللهم آمين،،،،،،
Post: #2208 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-12-2011, 07:51 AM Parent: #2207
الصاح هو أسمها مني أحمد يونس ولكن معروفة عند أهلها
بالسودان والقاهرة بإسم حنان وإسم منى موجود فقط
عندي وعند ناس الزقازيق،،،،
وكثرة الأسماء دي مفيدة ومضرة وأذكر عند عقد القران
كان وكليها عمها وكتب في قسيمة الزواج حنان أحمد يونس
وعند عمل الإقامة تفاجأنا في القسيمة بإسم حنان والجواز السوداني
والإقامة بإسم منى يونس،،،،
وعملنا تاني تصادق على صحة عقد وعدلنا الإسم ،،،،
Post: #2209 Title: Re: ناس الزقازيق ... أجدع ناس (4) .. Author: منصور عبد الرازق Date: 06-12-2011, 08:08 AM Parent: #2205
زى وكتك داك , انا ذاااتى ما صاحى خليك من امانى سيد احمد العاملة ليها عملية لكن اكيد محى الدين عبد الستار صاحى سلامة المدام يا محى الدين , وما تشوفى شر يا امانى سيد احمد بعد مرات , قاعدين تحيرونى عندكم جنس نقة , بتعرفوها براكم هسى بوستيكم ده مالو , عيبوهو لى بالله مازى اللوز ياخ , براكم رايحة ليكم زهجة , وعاوزين تتخلقنوا فينا ساكت الونسة وسعة الصدر , غاية الناس اجمعين , وهى عاملة زى ضالة المؤمن انى وجدها , اخذها واقتدى بيها وسكاها كمان البوست يفرمل , عندك المنبر , المنبر يعضى , عندك وش الكتاب وش الكتاب لقيتو ما شغال معاك , عندك التلفون , كان ما عندك رصيد اس ام اس طوالى اها ورونى المشكلة شنو ؟؟؟؟ هسى مش انتو جبتوا سيرة جماع ودرديرى , احقوا تكلموا ناس المريخ ديل بدل المواسير البيجيبوها دى , يشوفوا الجماعة ديل لو مكنتهم خفت , يركبوا ليهم ان شاء مكنة (محمد حسن البرلوم ) عااادى حا يدوروا تانى
* حاتم جبارة مشتاقين , انت عاوز دومنيكانية , ومعاها قراصة كمان , عاد ما بالغت * طارق جبريل , متابعك لكن محرق روحى ياخ , حسى حاتقدر تخش لينا فى حتتك المع انور دى كيفن ياربى , اوعك تزوغ , ان شاء الله كان تكتبها بالحبر السرى * الريس الداخلى , لو محمد صديق زاااتومشتاق ليك , عاد نحن لينا الله وعيشة السوق * زينب التيجانى , نعيميتك جهزيها (فى رمضان ما ) , بس انا وحاتم جبارة اوعك تختينا فى مائدة واحدة * النضيف , حنان النيل ابداع عديييل , صوت ملائكى ياخ , شغلك زيك لمن كنت (ماعزابى ) * الرشيد بابكر , حراية مسجدكم , ولا رملة مسجد ناس زهير , كان ما فهمتها , اسال احمد اسماعيل * موسى عيسى , ايامك الأخيرة دى , اخير ليك اعتكف , ان شاء الله تتمها (جوافة )
Post: #2210 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-12-2011, 08:31 AM Parent: #2209
كتب زاهر الصادق على الفيس بوك
Quote: ياخواطر السكة قبل الارتحالة صادمي الشوق المعاند وختي في صمتي الصراحة اصلي شايلك في الحنايا اصلي كاتب في نهياتك بداية دوزني الفر البحسو وغني للزول الحكايا
اسقاطات الزقازيق واخونا العصامي الذي نال درجة الماجستير وفي الة العود منذ فترة قصيرة أنعم بعطائه قريبا سجل ياشبيكة للتاريخ
مبروك للأستاذ الفنان والمسيقار الزقازيقي أخونا محمد العصامي حصوله على درجة الماجستير في آلة العود وعقبال الدكتوراة
وقد أكمل العصامي دراستة في معهد الموسيقى والمسرح بعد تخرجه من الزقازيق ولن تنسى الزقازيق هذا الموسيقار القامة وإسهاماته في ذلك الزمن الجميل
Post: #2211 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-12-2011, 08:44 AM Parent: #2210
صورة جميلة وتهم ناس كتيرين وفيها كثير من الرائعين من موقع الفيس بوك صفحة زاهر الصادق،،،،،،
Quote: موسى عيسى , ايامك الأخيرة دى , اخير ليك اعتكف , ان شاء الله تتمها (جوافة )
إذا إعتكف و تماها جوافه فهو فرحان و ليس ندمان و هنا الإعتكاف ناقص الإعتكاف الجد جد لمن العيال يسافرو يقعد يبكي الليل و النهار يا دوبك نشهد له بحسن الأعمال دا إذا ختا درب الذي أخانا بالسلع
الأيامات دي ديدو معتكف و قاعد على الأسودين فقط
Post: #2213 Title: Re: ناس الزقازيق ... أجدع ناس (4) .. Author: محمد عيد Date: 06-12-2011, 09:29 AM Parent: #2212
قصــة قصـــيرة جدا
.. قبل الزواج بسنوات .. كنت أقف أمام المرآة لأقتلع أي شعرة بيضاء ..
بعد الزواج بسنوات أصبحت أقف أمام المرآة لأسحق أي شعرة .. سوداء ...!
Post: #2214 Title: Re: ناس الزقازيق ... أجدع ناس (4) .. Author: أحمد إسماعيل Date: 06-12-2011, 10:08 AM Parent: #2213
Quote: .. القال ليك عرس دومينيكانيه منو..
Quote: انت عاوز دومنيكانية , ومعاها قراصة كمان , عاد ما بالغت
ربنا يسهل على الحاج جبارة السفر ، ويوصله لأهله سالما غانما
مبروك الماجستير للفنان محمد العصامي
اللهم أشفي الأخت أماني سيد أحمد وأبعد عنها كل ما يؤذيها
احم احم....لا ما تفهموني غلط... أنا بطرق في صوتي بس...الليلة اتكلمت كتير في الشغل... و حلقي واجعني و كمان بقيت عندي بحه زي حقت ندى القلعة... حسة أقوم أرشكم بي عزاز علينا أخليكم تآمنوا... و كمان أهديها لي موسى عيسى لأنو كان صاحبي زمان و أولادو مسافرين... يا جلا عجبتني و الله الفلسفة بتاعت الدكتوره دي... أحسن حاجة لما تكون مدبرس أن تجد كتف حنين...يعني زول يحتويك... و يحتمل نكدك...بس كمان ما تكتر من النكد تصعب مسألة الاحتواء دي كمان.. بس المحيرني يا جلا دي جابوها بتين في قناة النيل الأزرق... الا لما أكون مشيت أصلي العشاء...بس الوقت داك كان في المسلسل... انت يا جلا متأكد انو جابوها في النيل الأزرق ما قناة زول... على أي حال في زول في الشروق الدكتورة دي ما ساهلة و الله...
يعني يا منص.. يا قراصه ونعيميه.. يا دومينيكانيه.. لو عارف كدا.. كان أحسنت الإختيار.. واتزوجت لي مغربيه.. هسي دي ما نعمه.. أخرمج زي ما داير.. ومافي لجنه محاسبه..
جلا.. الدكتوره نست حاجه مهمه في الإحتواء.. لو الناس الماشيلهم يحتووك ديل مافيشين.. مزاجك بيتعكنن زياده.. زي لمن تجي البوست وتلقاهو في الرابعه..
أضحكتني ياريس في قصه القسيمه.. هسي الأنيفيرسي حقكم يوم عرست حنان والا منى.. الصوره تاريخيه لكن.. عرفت كل الأشكال تقريبا.. تلاته زهرات وسط بحر من الأشواك.. عصام دهب فعلا السعوديه نفعت معاهو.. المحيرني.. ود بيطره المنغزي وسط الحفله دا.. آي البيصلح في نضارتو دا.. عشان الصوره تطلع كويسه..
ود إسماعيل يا راقي.. شكرا يا وجيه على دعواتك..
Post: #2218 Title: Re: ناس الزقازيق ... أجدع ناس (4) .. Author: محمد عيد Date: 06-12-2011, 02:03 PM Parent: #2217
غايتو يا ود جبارة .. القراصة والنعيمية ممكن تلقاهم فى أى مطعم
ولا فى أقرب انتشار لدى الاحباب ...
لكن انك تخرمج زى ما داير ... دى الناس حاسدينك عليها ساكت ..!!
رغم بعدي برسل سلامي *يحكي شوقي وكل احترامي دخلت لقيت مالذ وطاب من القراريص والتقليه والنعيميه والكلام الاحلى والالز من المفروكه وكما قال الشيخ الاكيل اين مني صحن فطير بلبن ضان خمير وفي التقليه قولان فاذا كشنت وبصلت اكلت بغير توان رغم الامتلاء ولكن اعرج بكم لامل دنقل رغم انه لاعلاقه له بالتقليه والنعيميه ولكن يجمعه بهما السبكه وجوده الصنعه رغم اني معجب بهذا الامل ولكن تستوقفني تطرفه وتمجيده للشيطان معبود الرياح *من قال لا في وجه من قالو نعم وايضا خيوله التي كانت في البدء بريه تتنفس حريه
اليكم خيول امل املا ان تطلق خيالات وخيول الابداع فينا
شكرا يا ود المهدي على قصيدة الخيول لأمل دنقل... لقد كنت أحفظ هذه القصيدة عن ظهر قلب... و كنت أقرأها في كل مكان... ظللت أرددها على ست بيتي حتى أصبح عندها حساسية من الخيول... ثم هجرتها زمنا طويلا... لم يكن السبب ان ست بيتي قالت لي يا أنا يا قصيدة الخيول دي... بل لأنني انتقلت الى غيرها عشان أورم بيها ست بيتي... حتى أنهاأصبحت تقسم حياتها الى مراحل... مرحلة أراكي غضبتي فكيف اعتذاري... و مرحلة الخيول... و مراحل أخرى... اليوم تأكد لي انني قد هرمت... لأنني لم أعد أحفظ منها الا مقاطع قليلة.....
(13) أتاح لي عملي في الطباعة والنشر في بداياتي في الرباط الالتقاء بالكثير من الأدباء المغاربة.. محمد شكري رحمه الله كان أحد هؤلاء الجميلين الذي غمروني بحبهم.. كان صديقا شخصيا لطلحة شقيقي لكن علاقتنا توطدت حين صممت له كتاب زمن الأخطاء، وتينسي وليامز وبول بولز في طنجة وعدة كتب أخرى، كان رجلا محبا للحياة بشكل غريب.. كان يتندر علي ضاحكا: قيل لي أنك لا تشرب الا الكوكا كولا والأتاي.. - سي محمد هي النفسي وما تشتهي - يا ولدي من لا يشرب النبيذ لا يستطعم الحياة بلونها الأحمر.. - سي شكري الاستمتاع بالحياة له عدة اوجه.. وانا اجد نفسي في عوالم الكوكا والأتاي.. - هههههههه أية عوالم هاته، اية حياة هذه التي لا يُمتص فيها النبيذ وتستمتع معه بحكاوي الغانيات وعاهرات الليل.. في احد الليالي انتهينا من تصميم احد كتبه وكان علينا الالتقاء بطلحة في احد المقاصف في وسط الرباط.. كان طلحة قد بدأ معه مشروع كتاب عن حياته المتقلبة تلك.. عن نشأته وطفولته وبدايات مراهقته، عن كل لحظات الألم والحرمان التي عاشها.. دلفنا الى المقصف في انتظار طلحة.. طلب هو قنينة نبيذ وظللت أنا وفيا للكوكا (الفرح المعبأ في قناني)، هكذا كنت اسميها.. اخذ كأسه وضربها على كأس الكوكا الذي أمامي وقال: في صحة الصوفي القادم من بلاد النيل، في صحة السوداني الاسمر الجميل.. كان مقصفا كأنه قطعة من الأندلس يديره يهودي له صوت شجي حين يغني (الأندلسي).. يصر هذا اليهودي على الطبخ بنفسه لزائريه الكثر.. ارتشف شكري كأسين بشكل سريع ثم ارتخت عضلاته ووضع بدلته جانبا وأخذ يدخن.. كانت الكثير من الغانيات يأتين لتحية شكري.. يبدو أن ودا خاصا كان يجمعهن به.. جاءت إحداهن وجلست معنا وبدأت تدخن بشراهة.. لم تقل شئا.. - سألها شكري: كي دايرين أخواتاتك - الحمد لله بييي خيير راهم تيقروا مزيان - عندك تخليهم يخرجوا للزنقة، راه غادي نقودها معاك - آآآسي شكري علاش أنا هنا - اخرج شكري مبلغا من المال ونفحه بها وقال: غدا حولي ليهم هادي الفلوس وربي غادي يسهلها.. قامت وقبلت شكري في جبينه وخرجت من المقصف.. أطلق شكري آهة كبيرة: هادي البنت راها عجيبة.. كتبيع بزولتها (نهدها) باش خواتاتها يقروا.. خيم صمت بيننا.. وسرحت عيني انا في المكان.. لكل غانية هنا قصة مؤلمة.. خلف هذا الكم الهائل من البسمات الكثير من الألم.. - اين سرحت آآآسي شكري.. - رجعت إلى سنين عجاف يا ابني.. سنين كان الألم فيها مثل سيل جارف... - سنين (الخبز الحافي) و(زمن الأخطاء)؟ - لقد عشت ضنكا لا مثيل له، انت تستغرب أنني أعطف كثيرا على العاهرات وبنات الليل.. كنت أحيانا يا ولدي ثلاثة أيام لا أتذوق الطعام حتى في المزابل.. كنت آتي الى أحد البارات المنتشرة في طنجة علني احصل على فتات احد السكارى.. هل تدري من كان يعطف علي؟؟ هؤلاء الغانيات، كن أحن علي حتى من أبي.. كنت أود تعلم القراءة والكتابة، كنت اذهب الى إحدي المدارس واقف خلف احد النوافذ... يوما بعد يوم كنت اكتشف انني قادر على التعلم، هل تعلم اين كنت أراجع دروسي؟؟ - أين؟ - كنت أراجع دروسي في البارات ههههههههههههه، كانت تساعدني احدى الغانيات.. - عجيب! - كانت حياة متوترة يا ابني، للشارع قوانين أخرى لا علاقة لها بالبشر.. اغتصبت طفولتنا مرات ومرات، كنا نلتحف السماء ونقتات على القمامة.. كان يحكي لي عن طفولته.. لمع في عينيه شئ من الألم.. كأنما نكأت جرحا عميقا في داخله.. لم أود أن أفتح جراحه لكن يبدو أنه كان يحكي ليرتاح.. قال إن أهله واخوته بحثوا عنه بعد أن صار غنيا من كتاباته.. طردهم من بيته يوما لأنهم حسب زعمه يودون أن يرثوه وهو عايش.. كانت له خادمة تدعى فتيحة كان يغدق عليها المال وعلى أسرتها.. - فتيحة هادي آآآسي طارق كتخاف علي بحال خوها.. هاد الشي علاش كنتهلا فيها.. قال كلاما كثيرا عن قوانين التشرد، تحدث عن جنس الشوارع بشئ من الألم.. كان يحكي كأنما يتخلص من كابوس يجثم علي صدره.. حضر طلحة وقطع عليه حديثه: با شكري تعطلت عليك ياك.. - ابدا كنت احكي لطارق عن أيام التشرد في طنجة.. - اهاااا اذن خلينا نواصلوا في هاداك الشي اللي بدينا امبارح - فين وقفنا - حكيت عن الاغتصاب من المتشردين الاكبر سنا.. أشعل سجارة ثم أخذ منها نفسا عميقا وتنهد.. كنت تعبا جدا لذا قررت الانسحاب.. استأذنت شكري في الانصراف.. خرجت فتبعني شكري: سي طارق كنت كنظن راك غادي تتعشى معايا.. - سي شكري راني مرهق جدا من الصباح وانا خدام.. عاود ما بغيتش نقطع حديثك انت وطلحة.. اخرج من يده مبلغا ووضعه في جيب القميص : قال لي طلحة انك أحمق.. وقسما بالله ترد هادي الفلوس ما غاديش نهدر معاك مرة اخرى... صير تتعشى واشرب الكوكا وغدا نتلاقو في مكتب طلحة.. - الله يهديك با شكري - ما تقول والو.. صير الله يهنيك تركته وعدت الى عالمي.. نسمة باردة من الأطلسي لفحت وجهي.. غصت في كلمات وألم شكري حتى وصلت الى شقتي في حي حسان بالرباط.. خلعت قميصي واغمضت عيني في نوم عمييييييييييق.. تذكرت كلماته تلك حين شيعه القوم إلى مثواه الأخير في طنجة.. رحل الرجل.. لكنه ترك لنا دليلا قاسيا عن قُبحنا.. .....
يا سلام عليك يا ود المهدي.. واحده من اكثر روائع أمل دنقل..
أستمحيكم عذرا يا حلوين.. كنت باحضر في فلم وثائقي عن الحرب الأهليه الأمريكيه.. قامت في عهد ابراهام لنكولن بين الولايات الجنوبيه وجيش الدوله الفيدرالي.. ممثل بالولايات الشماليه.. السبب الرئيسي للحرب تحرير لنكولن للعبيد.. (Emancipation of the Slaves) دارت عده معارك طاحنه في الحرب التي استمرت خمسه سنين تقريبا.. إنتهت بفوز الجيش الإتحادي والحكومه الفيدراليه.. فلم جميل من تمانيه أجزاء.. صنقرت فيهو يمكن عشره مرات من جيت البلد دي.. أكتر ما أدهشني.. عبقريه الرئيس لنكولن ومبادؤه وحبه لأمريكا وشعبها.. من ميه وخمسين سنه.. مما يجعلني أكاد أبكي الآن من أقزامنا الإتسلطوا علينا.. من أشهر المعارك في الحرب الأهليه.. كانت معركه جيتيسبيرج (Gettysburg).. في ولايه بنسيلفانيا (Pennsylvania).. ماتوا فيها عشرات الالاف من الجانبين.. إنتهت بفوز الشمال.. وبعدها.. ذهب لنكولن في 19 نوفمبر 1863 لتدشين مقابر الاتحاديين أو جيش الشمال.. وقف وألقى واحد من أشهر الخطابات السياسيه في التاريخ الأمريكي.. إستمر الخطاب لدقيقتين لا أكثر لدرجه إنو المصور ما لحق ياخد الصوره.. يا دوب الصوره ظهرت لنكولن وهو في طريقه للجلوس.. ما أروع التعبير في كلمات قليله حوالي 260 كلمه..
Four score and seven years ago our fathers brought forth on this continent, a new nation, conceived in Liberty, and dedicated to the proposition that all men are created equal. Now we are engaged in a great civil war, testing whether that nation, or any nation so conceived and so dedicated, can long endure. We are met on a great battle-field of that war. We have come to dedicate a portion of that field, as a final resting place for those who here gave their lives that that nation might live. It is altogether fitting and proper that we should do this. But, in a larger sense, we can not dedicate -- we can not consecrate -- we can not hallow -- this ground. The brave men, living and dead, who struggled here, have consecrated it, far above our poor power to add or detract. The world will little note, nor long remember what we say here, but it can never forget what they did here. It is for us the living, rather, to be dedicated here to the unfinished work which they who fought here have thus far so nobly advanced. It is rather for us to be here dedicated to the great task remaining before us -- that from these honored dead we take increased devotion to that cause for which they gave the last full measure of devotion -- that we here highly resolve that these dead shall not have died in vain -- that this nation, under God, shall have a new birth of freedom -- and that government of the people, by the people, for the people, shall not perish from the earth.
ياسلام عليك يا وله يا بيجو.. رغم الحزن والألم في كلمات الراحل.. الا اني سعيد انك كنت هناك.. لتكتب لنا بواقعيه جذابه.. عن تلك الليله..
كدي ما أخدت ليك شفطه من عمك جوني ووكر..
Post: #2224 Title: Re: ناس الزقازيق ... أجدع ناس (4) .. Author: محمد صديق Date: 06-13-2011, 05:43 AM Parent: #2223
سلامات يا ناس
وصباحات الغمام
والتحايا لكل المتداخلين ...امس مسكنا الشديد القوى
Quote: شكرا يا ود المهدي على قصيدة الخيول لأمل دنقل... لقد كنت أحفظ هذه القصيدة عن ظهر قلب... و كنت أقرأها في كل مكان... ظللت أرددها على ست بيتي حتى أصبح عندها حساسية من الخيول... ثم هجرتها زمنا طويلا
أن تكون مع الكوتش و في فهم واحد فهذا قمة الإحتواء إذن أنا اليوم تحت إحتواء الكوتش علماً بأن ود المهدي و المطموس و الدمنيكاني جاءوا بأشياء متفردة في هذه الحالة ما علي إلا تصديق الدكتورة بحتة الإحتواء و بكرة أحلى مع صرفة الصندوق الأولى يبقى كلامها مية مية
Post: #2227 Title: Re: ناس الزقازيق ... أجدع ناس (4) .. Author: محمد صديق Date: 06-13-2011, 07:20 AM Parent: #2225
سلامات يا ناس
Quote: تكون مع الكوتش و في فهم واحد فهذا قمة الإحتواء إذن أنا اليوم تحت إحتواء الكوتش
إذن ده معناه إنى محِتوى الصرفة الاولى...
ما مشكلة ...نقول 50% منها.
+++++++++++++++++++++++++++++++++
تاج الدين وين؟؟
+++++++++++++++++++++++++++++++++++
عملت لى شنو فى رسائل توثيق الرحلة
************************************* وبرضو موضوع الصرفة الاولى.
Post: #2226 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-13-2011, 07:09 AM Parent: #2224
يا جبريلا أنا غايتو ما زغت من حكاية الكتفين دي... أخوي الكاشف داك ما بعرفوا... و لا كمان هرشونا...و لا حتى خايفين... لكن كمان ما بنقدر يا أخوي على الدردرة آخر عمرنا ده...
و الله اليوم من شدة الزحمة الفي راسي طارت... الصباح كنت بي مزاج عالي قلت أجي أورمكم شوية... أول ما دخلت المكتب هجموا علي هجوم الضواري... أها حسة تعبان و جعان و نعسان... الواحد عادي ممكن يكتب و هو تعبان... و عادي ممكن يكتب و هو نعسان... ما ترانا كل يوم بنساهر مع النت... لكن جعان دي تتعالج كيف... و أول ما تكون جعان تقعد تفكر في حاجات كتيرة... يا ربي أمشي آكل الكسرة و الملاح الأدتني ليهم ست بيتي... و أقيف قربة الليل كله... لا..لا أحسن لي أختى الكسرة دي و أمشي أشوف لي مندي و لا مظبي... و الله المظبي فكرة كويسة.. دجاج مشوي لا يغلط عليك و لا ي###### ايديك... المرة دي سامحوني...جعان... امكن أجيكم بعدين أعمل بعبعة الشبع هنا...
Quote: يا رشا وجلا شايفكم جليتوا حتة انه بتفتشو ليكم علي كتف دي هرشوكم ولا شنو
غايتو أنا شخصياً كلامك دا أنا ما معاهو لأنو أنا متسق داخلياً حد الإرتواء أما خارجياً فيمكن الكتوف كلها متساوية (حالة زقازيقية فقط) فيمكن نلقا الصديق اللدود أو إنت المطموس...أو الدومنيكاني أو أي أحد من ذلكم النفر الجميل بالرغم إنك متسق و نعلم ذلك جلياً لكن أظنو عندك أكتر من كتف...لسع في الكوكا كولا و لا غيرت؟؟؟؟
Post: #2234 Title: Re: ناس الزقازيق ... أجدع ناس (4) .. Author: منصور عبد الرازق Date: 06-13-2011, 11:20 AM Parent: #2231
بكل تداوينا (قال ) فلم يشف مابنا , على ان (قرب الدار ) خير من البعد على ان قرب الدار ليس بنافع , اذا كان من تهواه (ليس بذى عهد )
شفتو البيت الجاهلى ده , يركب ليكم فى ستين حتة ( من كتاباتكم الشيطانية دى ) من قصيدة الخيول (المهجورة بت ال###### ) , طبعا بت ال###### هنا القصيدة , والمهجورة ذاااتا القصيدة لغاية قصص محمد عيد , اللو استمر فيها , حايجيب لينا الجلا , (تانى وقعنا فى الألتباسات ) عشان كده قلت ليكم ( الأتساق ) مهم يا جماعة , ما جبتوا خبرى برضو البيتين الجاهليين , واحقوا تعرفوا فى الأول انو (الجاهلين ) هما بيتى الشعر الفوق , يا ناس يا ملتبسين انتو برضو لو دايرين نركبهم على معادلة القراصة والنعيمية , والدومنيكان , بيركبوا جنس ركبة , لمن تحتاروا زاااتو تجيب البيتين الجاهليات , لمعادلة الأتاى والكوكا , او الفرح المعبأ فى (قزايز) , مع الجونى ووكر تقرب تقول القال البيتين ديل , يا شكرى صاحب طارق , يا بيجو زاااااتو الوحيد الفلت من المعادلة دى , ابراهام لنكولن الفقرى ده ياخى ده معادلته بتاعت مولد الحرية الجديد , ظابطة بشكل , لمن تخوف عدييييل 260 كلمة بس , ده خطاب ده ولا تلغراف جماعتنا مقاييسهم بتاعت الخطب , من كترة ما استعصت على الحروف , بقوا بيقيسوها بالمتر عدييييل يا حاتم واتقلبت الآية , وضاعت معالم المعادلات , بدل ما كل حاجة (from people,by the people,for the people) البيبول كلهم , بقوا بتاعين , الشنب الكبير يصحوا لمن يصحى , وكان ما نام , السهر محمدهم يمين يمين , شمال شمال معا جميعا حتى تحكمنا (حنان النيل ) وبالعدم , حنان يونس , ضرة منى يونس , مرة ريسنا , الما دايرين غيره ريئس سعدت جدا بماجستير العصامى الفى آلة العود قولوا ليهو عنى , ده الكلام والشغل النضيف
العيون نادت عليا جيتا من آخر زمانى جيتا شايل روح مهاجر حانى لى الفة مكانى كنت فاكر انتى ناسية والصباح لون لسانى جيت لقيتك زى قصائدى معايا روحى وكيانى *************** فى الرقيص سوقى الليالى ضوى فى النغم الجميل شيلى من عطر النداوة رشى درب المستحيل ريحى الخطوة المهاجرة تمى مشوارى الطويل
*ده غنا شنو السمح ده , يا طارق جبريل , خفت عليك من كتابة جوة البار , لكنك اجتزتها بنجاح حا ارجع ليهو قريب *انتو ناس حلوين على باليمين , مال رامينكم كده لى شنو ؟؟؟
إلهي منك يا ودعيد.. يا لها من قصه قصيره في السطور.. وعظيمه في المضمون..
الليله يا جلا.. وعدت الكوتش بي رسائل.. ما حيخليك إلا تديها ليهو.. برنا كمان..
عزيزي منص.. رغم إنو العبوديه إستمرت بعد تكوين الجمهوريه الأمريكيه قرابه الثمانين سنه.. إلا انو إعلان الإستقلال من بريطانيا وثيقه عظيمه.. في رأيي أن تدرس في كل المدارس حتى السودان.. وعي وإراده من مزارعين بسيطين في أواخر القرن التامن عشر.. أما الدستور الأمريكي وتعديلاته الكم تاشر.. فيخليك تتعجب مما يدور في مؤتمراتنا الدستوريه.. إنتقاليه كانت أم دائمه.. دا مقتطف بسيط من وثيقه إعلان الإستقلال.. الوثيقه كامله هنا: www. archives.gov/exhibits/charters/declaration.html
We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness.--That to secure these rights, Governments are instituted among Men, deriving their just powers from the consent of the governed, --That whenever any Form of Government becomes destructive of these ends, it is the Right of the People to alter or to abolish it, and to institute new Government, laying its foundation on such principles and organizing its powers in such form, as to them shall seem most likely to effect their Safety and Happiness. Prudence, indeed, will dictate that Governments long established should not be changed for light and transient causes; and accordingly all experience hath shewn, that mankind are more disposed to suffer, while evils are sufferable, than to right themselves by abolishing the forms to which they are accustomed. But when a long train of abuses and usurpations, pursuing invariably the same Object evinces a design to reduce them under absolute Despotism, it is their right, it is their duty, to throw off such Government, and to provide new Guards for their future security.--Such has been the patient sufferance of these Colonies; and such is now the necessity which constrains them to alter their former Systems of Government.
يا حاتم عرفتنا بأبراهام لنكولن... و خليتنا نمشي نبحث في الانسكيلوبيديا عن هاري ترومان... و علاقته بهيروشيما و نجازاكي... أيزنهاور و الذي أصبح من قائد أعلى لقوات الحلفاء رئيسا لأمريكا... خليتنا نرجع لحدى جورج واشنطن ، جون آدمز و توماس جيفرسون... وجدت تشابها كبيرا بين الرؤساء الأمريكان من جورج واشنطن و حتى باراك أوباما... كلهم قدموا مصلحة بلدهم على كل شيء... رغم ان الكثيرين منهم لم يكونوا نموذجيا جيدا على المستوى الشخصي... على الأقل بمقاييسنا نحن... و لكن ذلك لا يهم كثيرا في أمريكا... ثم عرفتنا بوثيقة اعلان الاستقلال... المهم يا صديقي بعد ما عرفنا كل المعلومات القيمة دي... البخلينا نفوز في اللوتري شنو مع حظنا العجيب ده... قدمت ليها زي عشرة مرات كده... و كل مره أقدم كان بأسمي أو باسم ست بيتي كنت أتسائل... يا ربي أنا فعلا عايز أمشي أمريكا و لا بعمل كده عشان بعدين ما أندم... و أقول يا ريتني لو قدمت للوتري... لم أجد اجابة لهذا السؤال و استمريت أقدم للوتري برغم ذلك... توقفت فترة عن التقديم حتى قدمت مرة أخرى قبل سنتين تقريبا... و كان ذلك بعد أن أقنعني صديق لي بالتقديم... قال لي عندنا واحد صاحبنا هندي كل ما يقدم لي زول يجيهو اللوتري... انت عارف حظ الهنود...خليهو يقدم ليك و ما حتندم... قدم لي أنا جاني اللوتري و قدم لي أصحابنا كتار برضو جاهم.. خليت الهندي صاحب صاحبي يقدم لي... و صاحبي بعد ما ظهرت النتيجة يضرب لي كل يوم يسألني... أها نقول مبروك...يغيب يومين ويضرب لي تاني..أها نقول مبروك... كجاني كجة عدوك على الكج الفيني... كج و لا ما كج أنا زاتي لحدي حسه ما عارف أنا عايز أمشي و لا ما عايز.... و لا أملك غير أن أقول شكرا يا حاتم على المعلومات القيمة... و شكرا لأنك خليتنا نمشي نقرأ و نبحث في تاريخ أمريكا... بس الله يجيب اللوتري و بعد داك نفكر عايزين نمشي و لا ما عايزين...
يازول حدد موقفك من هسي.. ما تاخد فرصه زول ويقع ليك تقول ما داير.. تعرف قبل أسبوع جابوا خبر في الراديو.. إنو إداره الهجره إعتذرت لي 22000 واحد وقع ليهم اللوتري.. وسحبتو منهم.. وطلبت منهم التقديم السنه الجايه.. السبب.. خطأ كمبيوتر.. بدل ما يعزل من كل الطلبات للمده كلها.. سحب القرعه من المقدمين في اليومين الاوائل.. تخيل يقع ليك ويجوا يقولوا ليك اووبس سوري.. عندنا واحد قريبنا محامي وكج برضو.. وقع ليهو اللوتري داير يموت من الفرح.. جهز أوراقو وشهاداتو وقروشو وتذاكرو.. ميه ميه كل حاجه.. وخش المقابله.. القنصل لمن إتحير.. شهادتو حقت العالي كانت قديمه خالص.. ومطلع واحده جديده مختمه وموثقه.. عمك القنصل قال ليهو.. بس دي مزوره.. قال للقنصل يازول كيف الكلام دا.. أنا زول خريج جامعه ومحامي كيف تقول كلام زي دا.. أها القنصل حرن كلو كلو.. وقال لمساعده.. Next person please.. يازول قريبنا إنفعل ليك وبدا يخبط في الكاونتر والشباك.. ناس القنصليه نادوا.. ال Security.. تقول لي كج برضو.. يا زول مالك ما قاعد مرتاح والحمدلله.. كدي ارجع اشتغل في دبي وخلّي السلع.. ما حتفكر في لوتري تاني..
Quote: يا زول مالك ما قاعد مرتاح والحمدلله.. كدي ارجع اشتغل في دبي وخلّي السلع.. ما حتفكر في لوتري تاني..
حاتم يا حبيب مداخلاتك البتكون بعد الرز و اللبن.. و بعد أن يدرك شهرزاد الصباح و تسكت عن الكلام المباح... يكون الرد عليها بعد أن تشرق الشمس تعلن عن الصباح... و كانت شهرزاد قدأخبرت مولاها شهريار عن سر تقديم السودانيين للوتري... و حتى يعرف السبب و يبطل العجب و نعرف لماذا نجد للوتري في الطلب.... نصدقك القول بان الهرم قادم و من لم يستعد له لا محالة نادم...
قدمت للامارات في العام 97 و عملت في أبو ظبي... يعني 14 سنة في الامارات أولها جهجهة ثم أعقبها استقرار في العمل... ثم تطور في الوضع الوظيفي و المالي سنة بعد أخرى... في الامارات لا تشعر بالغربة و لا نشكو من سوء معاملة... بل العكس تماما فنحن كسودانيين نحظى باحترام كل الجاليات... و نحظى باحترام و ثقة أهل البلد الذين عاملونا بحب و احترام... رغم قدوم بعض النماذج السيئة الى الامارات في الآونة الأخيرة... الحياة في الامارات لا تختلف كثيرا من مكان لآخر... فهي متشابهة تماما خاصة فيما يخص العمل... أما الترفيه بامكاننا الذهاب الى مكان داخل الامارات لقرب المسافات... خرجت الجامعات الاماراتية الكثير من الكوادر الوطنية الجيدة... و أصبحت الأولوية لهم في التوظيف على الأقل في الوظائف الحكومية... كذلك الزمت الشركات بتعيين أبناء البلد بنسبة محددة... كذلك دخول البلد لعصر التكنولوجيا قلل كثيرا من فرص العمل... أنا بفضل الله علي ما زلت أعمل بنفس الشركة منذ أن التحقت بها منذ خمس سنوات... و لكن غيري كثيرون فقدوا عملهم بسبب ماذكرت سابقا... و اذا فقدت عملك هنا تعطى فرصة شهر واحد لتعديل أوضاعك... في حالة لم تحصل على عمل تغادر البلاد فورا... لتعود الى السودان حيث لا عمل و لا قدرة حتى على المنافسة بحكم السن... لذلك تجد ان معظم المغتربين يفضلون الهجرة الى أوروبا... ثم تأتي كندا في المرحلة الثانية و أخيرا أمريكا... ليس فقط لتأمين مستقبلهم بل حتى و ان استمروا في العمل... لكي يوفروا لأبناءهم فرص الدراسة في الجامعات في تلك البلاد... ثم يعودوا مرة أخرى الى الخليج و معهم الشهادات و الجوازات التي تفتح الأبواب...
أعتذر عن تقديم ملاح تقلية و قراصة مع الصباح بدل الساندوتشات الخفيفة... قالوا قديما الجود بالموجود... و قالوا أيضا عيب الزاد و لا عيب سيدو....
Post: #2243 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-14-2011, 05:57 AM Parent: #2241
Post: #2244 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-14-2011, 06:04 AM Parent: #2243
Post: #2245 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-14-2011, 06:10 AM Parent: #2244
Post: #2246 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-14-2011, 06:33 AM Parent: #2245
كمال الشادى فى يوم عمل بمدينة جده اول مرة اشوف الشادى منذ اكثر من 20 سنة
انا غير مقتنع بالاسباب الذكرها ... المايك معاك يا كمال ..
Post: #2247 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 07:04 AM Parent: #2246
الحبيب عبد الدائم انا زاتي ما مقتنع الحبيب ميسرة ود المهدي الغالي عمر شكرا ليكم كتير على الليلة القصيرة والساعات الجميلة القضيناها امبارح مع بعض في جده الاسبوع البعد الجاي ان شاء الله نجي ونلقاكم بخير والاولاد خلصو الامتحانات ونستمتع بجده
الراجل الظريف محمد صديق كتير خيرك في سؤالك المتواصل عننا
الجميل ياسر نجيلة الله يديك العافية ويسأل منك الخير عثمان زاااااااااااااااتو
وكل زول سأل مني
تاني يا عبد الدائم انا زاتي ما مقتنع وبس
الراجل الحكاي الراقي طارق جبريل البيسأل مننا وبيتصل علينا من بلاد امير المؤمنين هسي عليك الله أكان بلدكم ديك فيها مؤمنين كان جنس حكاويك دي بتتحكي حاجات آخر الليل وحاجات اول الليل البلد كلها كابريهات يا كافي البلا الله لا كسبك
تحياتي للجميع
Post: #2249 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 07:08 AM Parent: #2247
الحبيب محمد عيد التحية ليك وللاود والله التلفون معاك امبارح ما شبعني كان نفسي اشوفك بعد السنين الطويلة دي لكن زي ما حكيت ليك ابت تظبط ان شاء الله بعد إسبوعين جاي جده تاني
رفيق الطفولة جمال السنوسي عرفت انك بنتك كانت مسافرة السودان امبارح ليك التحية والواحد مشتاق ليك كتير ونتقابل في ساعة خير ان شاء الله
و الله يا الشادي بالغت كل الوجاهة دي و مافي أسباب مقنعة؟؟؟؟؟ أنا غايتو لو في محلك كان كبيت كلام زي الترتيب كان إتلكمت عن الإتساق أو الفراخ المشوي بتاع أمبارح أو عن الأولاد الحايسافرو قريباً للسودان أو كان مسكت صنقوع منص دا وقلت هو السبب في الردم القاعد يردمو لينا بالكتير كان قلت كلو من المطموس صحبك الداير يقنعنا إنو غير الكوكا ما ضاق حاجة أو بالميت كان قلت لي ود جبارة هل ينفع أقدم لي اللتوري بي إسشتارة الهنود؟؟؟؟ و لا القعاد في السودان أحسن و لا تكون ماسك في كلام الدكتورة النفسانية الداير تتطلع لي في ناس أجمل من ناس الزقازيق لسع ما وصلوا و كلام بكرة أحلى أقول ليك حاجة إنت معانا في الصندوق و لا أحسن تاكل نعيمية زنوبة؟؟؟؟ بالمناسبة جلال عثمان ما سألك منك بتاتاً البتة و أبو الزوز داقي طناس في الفيس بوك الزول الوحيد الجاب خبرك ياسر نجيلة أحمد إسماعيل قال الزول دا حمدو في بطنو أنا شخصياً ما سألت منك لأنني في حالة إتساقية ياخ حرااااااااام عليك
Post: #2248 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-14-2011, 07:06 AM Parent: #2246
فاجأنا الشادي بحضورة إلى جدة لعدة ساعات
لحضور معرض خاص بالشركة ،،، وقد حاولنا المستحيل
مع الخطوط السعودية لإيجاد حجز صباح اليوم حتى نحتفل
بضيفنا الكريم والغالي علينا ولكن هيهات لم نستطع
وتجهزت الإحتفالات الأولية وحجز لنا ود عيد القاعة
والنضيف ظبط الكورال مع بنات آداب بس ما ظبطت
وقالوا القحة ولا صمت الخشم ،،،،،
وكان وداعنا له حتى المطار ووعد أن يعود في مهمة
عمل قريباً وقد تطول لأكثر من يوم،،،،
Post: #2250 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 07:15 AM Parent: #2248
تسلم يا ريس عارفك ما بتقصر بس جماعة نادي الشرقية زعلانين قالو لمن لغيت الحجز طالبتهم بالعربون والشباب ماراضيين يرجعوا العربون
المرة الجاية خليها في الشبان المسلمين !
Post: #2252 Title: Re: ناس الزقازيق ... أجدع ناس (4) .. Author: محمد عيد Date: 06-14-2011, 07:46 AM Parent: #2250
الشادى الجميل ...
كان مؤملا ان تكون ليلة من ذات الليالى
واستجمعت مشاعرنا قواها الخائرة لاستعادة بعض من رونق الزمن الجميل ...
ولكن الله لم يرد ..
وحتما سنمسك بحبال الأمل فى لقاء قريب ..
لك الود
Post: #2253 Title: Re: ناس الزقازيق ... أجدع ناس (4) .. Author: منصور عبد الرازق Date: 06-14-2011, 08:48 AM Parent: #2252
يعنى كمال الشادى جا حندكم بى طلة (مطارية) اها الزول ده عامل معانا نفس الفيلم ليهو مدة بس الفرق انتو فى المطار , ونحن فى حفلة ابو عركى بى الصيغة بتاعت اسبيس تون القديمة الرابط العجيب تعرفوهو لى حا يكون شنو ؟؟؟ آآآآآآى بين المطارات وابوعركى البخيت يا قلب طبعا , انا كنت قايلك تبت من تعب السفر ومن مخاواة القمارى ومن شراب موية المطر بعد اسبوعين قال ليكم ؟؟؟!!!!! تشوفوهو تانى فى المشمش
ده اولا طبعا , رغم ان صورة ميسرة وكمال والنضيف وود المهدى رجعت لى ايام خوالى , وزمن طاعم جميل , لا تقابل حلاتو الا حلاة الود المختفى جلال عثمان المشهور بالطاعم عندى صورة قديمة , فيها انا وكمال وميسرة فى شقة جديدة سكناها , حتى بوهية ما فيها , يعنى خالية من دسم الألوان لكننا كنا فى احتفال ما , راس سنة عيد استقلال عيد ميلاد زول ؟؟؟؟ ما عارف لكن الحوائط , الخالية من دسم الوان البوهية والطلاء تحولت بفعل اوراق الزينة المعلقة وكمان بفضل فرحنا الجوانا بى بعضنا الى معرض صور تشكيلية , الوانه غنية , شاربة من (شفق المغارب ) تقول لى دافنشى وفان غوخ , الوانكم الباهتة دى شنو ؟؟ مرحى لكم بكمال الشادى , حتى ولو فى بهو المطارات والمنارات والسفن يلا اذن , نعيد (ترتيب المعانى )
عيييييييك ود الشادي ياخي يعلم الله مشتهي ونسك يا المطيميس
Post: #2256 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 09:27 AM Parent: #2254
Quote: عيييييييك ود الشادي ياخي يعلم الله مشتهي ونسك يا المطيميس
Quote: إنت قاعد تتهبل كده لمتين الناس كلها قالو ليك بتعرف تكتب حلو وطريقة كتابتك دي تؤهلك انك ممكن تطلع كتاب أو رواية خلاص الماعندو راس الناس ورتو راسو وين واتنين لو قالو ليك يا طارق صلعتك بتلمع حقو تقتنع إنو صلعتك بتلمع
يعني عاجبك شغل انو الناس تصفق ليك وأنت عامل فيها متواضع والله شنو
يا أخي من الاخر كده إنت كتاب جدا وبتعرف توصف ( تربية حبوبات ) شوف موضوع تخين كده يصلح يكون عالمي الافق ويكون قاعدة عريضة لاهتمامات معظم الناس في العالم واعمل ليك رواية عنو وكلما تكتب فصل اخد راي الناس فيهو
اجيبها ليك من ناحية تانية يا مهبب
الناس الفي الدول المتقدمة ( زي ما بقول السني ) في الارهاب والكباب الواحد فيهم بيعيش ( ماديا ) بالحاجة البيعرف يجضمها ( يعني يتقنها ) يعني يا دايش ممكن رواية واحدة بس تطلعك السما ماديا وادبيا
يا أخي أنت خسران شنو ما ياها شغلتك الكتابة اقعد اكتب قعدك بلا يا خدك وهي الكتابة دي زاتا شنو ما ياهو جنس حكاويك بتاعة اخر الليل يا بتاع اخر الليل إنت !!!
مرة انا وجمال فارح مشينا طنطا وإتعرفنا بي واحد بيدرس طب هناك اسمو امير تاج السر الطيب صالح خالو وهو في السنة النهائية في الطب طبع رواية إسمها (كرمكول ) الليلة عندو سبع روايات وكل العالم العربي بيتكلم عنو
شد حيلك وسيبك من شغل ورا داك انت وحبيب نورا وركز ( قدام )
Post: #2257 Title: Re: ناس الزقازيق ... أجدع ناس (4) .. Author: جلال عثمان Date: 06-14-2011, 09:34 AM Parent: #2254
شتان ما بين فاتن حمامة (جلا)
Quote: بالمناسبة جلال عثمان ما سألك منك بتاتاً البتة
وعصافير خريف (منص)
Quote: رجعت لى ايام خوالى , وزمن طاعم جميل , لا تقابل حلاتو الا حلاة الود المختفى جلال عثمان المشهور بالطاعم
ولو لا انو المقام مقام ترحيب بالشفيف الظريف كمال الشادي كنا استرسلنا في سبر غور عدم الاتساق الذي يعاني منه البعض والعزوبية التى تعتري بعضهم هذه الايام والتي سوف تعتري بعضهم قريبا و لن تفلح حينها حتى نظريات "سبيس تون" المنصورية في ان يتوقف بكاؤهم وهو اقل الاضرار التى يتكبدونها حاليا وجعلت بعضهم يسهر حتى الفجر رقم دوامه الباكر ... ادعو معي يا اخوتي ...... فليحيا صبر الساهرين (تقرأ باللحن لو سمحتوا)
كمال الشادي .... بركة بالشوفة ياخ وما تحرمنا جمال جياتك
Post: #2255 Title: Re: ناس الزقازيق ... أجدع ناس (4) .. Author: منصور عبد الرازق Date: 06-14-2011, 09:27 AM Parent: #2253
ابشر بالردم يا زول كان الخيوط الكتيرة البتبعثروها دى , ما لميناها ليكم , الماشى يلمها ليكم منو ؟؟!! سؤال استنكارى استكرادى زى سؤال الزول الماعنده موضوع يدخل بيهو للموضوع الأساسى يقوم يقول للجكساية القاعدة قدامو تشرب فى كباية الليمون , الكديسة دى حقتكم تقوم تقول ليهو لا , يقوم داخل ليها فى الموضوع , والله احقو الزول يعرسك اسباب الردم كثيرة , نتخير منها فى البدء , هذا الولد المشحون قوافى وحروف , المسمى طارق بن جبريل انا كنت عارف انو من رواد المدرسة الطيب صالحية , وانها تستهويه الى حد ان حبوبته نفيسى , لها ملامح تكاد تجعلها مع بت مجذوب فى ذات المرتبة مدخلنا ليهو , كان دارجى جميل , بلكنة شايقية تسر الخاطر لمن فأجانى بتبنيه لى لغة اهل الوسط فى الكتابة , الشاربة من بحر الفصحى (شرابا لا يصل الى حد السكر ) كنت اتعارك مع مفرداته الوصفية فى شواطىء اصيلة , ولكنها (اى مفرداته ) صرعتنى بلكمات خطافيات حقيقة الأمر , هذا ما فعلته العيون التى فى طرفها حور , مع ذوى الألباب ممن سبقونى دعك منى انا (المطرطش الغبيان ) , فماذا هن فاعلات بى يا ترى ؟؟؟ّ!!!!!! انا ماعارف ليه بقى عندى فى ذهنى , ان ورود طارق جبريل الى عوالم الفرح المعبأ فى قوارير شتى سيكون امتحانا عسيرا للود طارق ربما لأننا , عندما صدمتنا بت مجذوب , تلك الصدمة الأولى التى لم يفق منها الكثيرون حتى الآن خفنا ان لا تتكرر الصدمة الأمر اشبه باحداثيات الأخراج السينمائى فى كثير من الأحيان , ترى ان المشهد الذى صمم خصيصا ليصدمك يكون هو السبب الأساس , لأن يهوى عندك الفيلم كله , من خانة النجاح الى خانة , التكرار الممل وآكشن الحركة فى افلام السينما شبيه عندى بصدمة الكلمات التى يفترض ان تكون عفوية , وفى ذات الوقت مليئة بى لغة الشارع الدارج والتى حدها التصنيفى الفاصل بين كونها اسفافا , وكونها (عفوية وتلقاء) هو مقدار القصاص والراوى على ان يقربك من شخصية (قائل الكلام ) عادل امام الآن , لو تحدث معى فى التلفون , لما توقفت مشاريع الأبتسامات المتوالية عندى , ولا دقيقة واحدة وبت مجذوب , لو كانت تتناقش وتحكى عن الحرب العالمية الثانية , لما خلت عباراتها عندى , عن اسقاطات العفوية الفاجرة اللذيذة لذا فان التحدى عند طارق جبريل -صور لى المشهد تصويرا مغايرا - كيف سيستطيع هذا الفتى الوالج عندى (ولوجا فجائيا ) الى عوالم الحكايات النواضر كيف سيستطيع ان يولف هذه المعادلة , التى اعترف انها ظالمة مظلومة اما انها ظالمة , فلأنها كانت ستهوى بنا من جبال شاهقة رفعنا بها صاحب الكلمات الذى خبرنا كتاباته منذ سنين عددا اما انها مظلومة , فلأنها بدأت من خيال وصل بنا الى الأقاصى , ومطلوب منها ان تواصل الأرتفاع , وتتحاشى الأنزلاق والسقوط معادلة صعبة جد , وزاد من صعوبتها انها تستعير -حينا بعد حين - السنة خبرناها , محمد شكرى والطيب صالح وطلحة جبريل كما الود طارق جبريل نفسه ولكننى الآن , وبعد ثلاثة عشرة حلقة بدأت فى الزقازيق , وهاهى الآن فى حانة من حانات الرباط يحتفى فيها طارق , بلسان محمد شكرى المشحون بالنبيذ المعتق وبخيال المسنوح الأصلع (وكيف للشعر ان ينمو فى رأس فيها ما فيها ) ولا يغذى خيالها الا كاسات الأتاى والكوكا اقرر الآتى ولد عندى كاتب وقصاص ورواء جديد عنده الفصحى ولغة اهل الوسط , لاتقل عن لغة فتى (شبا البركل ) الذى عرفنا فمرحى لنا بالمشروع الجديد الذى يحتاج الى (لملمة ) , بيعرفا برااااااااهو
Post: #2258 Title: Re: ناس الزقازيق ... أجدع ناس (4) .. Author: منصور عبد الرازق Date: 06-14-2011, 10:07 AM Parent: #2255
والردم الليلة محمدك يا ود يا جلا , لغاية ما تقول بس لملمتكم دى , تقوم النفس عدييييل ترموا لينا فى الخيوط يمين شمال , ونحن جننا وجن خيط يضيع مننا حاتم جبارة ده , عاوز يفتح لينا صفحة جديدة خيطك ده , ما بنسيبوا يقع واطة , يا ود يا جميل المسألة زى ما قال الرشيد , ممكن بدايتها او نهايتها ما عارف , تكون حلم اللوترى (الذى كان عندى لذيذا ) لكن , مسك الخيط من اوله , اولى وادهى وامر ما زمااااان , الفارق عمر , قال نفس الكلام ( all men are created equal) لكن المسافة , بين عمر , وعمر , كانت مسافة كبيرة وبعيدة لمن تتأمل انو فى سنة 1989 , قاموا فعلوا قانون الصالح العام القاموا وحدوا بيهو اتجاه الخدمة المدنية , ويمموا بيها فى اتجاه , الولاء للفكرة , ولا شى قبل ولا بعد الولاء للفكرة وجونا بعد كم وعشرين سنة , قالوا انو فكرة الصالح العام دى , كانت فكرة ظالمة , بس كانت فكرة مرحلية ختينا يدنا فى خدنا وقعدنا نتأمل لأنهم قالوا لا صالح عام بعد الآن قلنا ليهم (لقلقلق ) انحنا الأيام دى احوج ما نكون لصالح عام جديد , لأن ما اخذ بالصالح العام , لا يسترد الا بالصالح العام ذات نفسه خريطة الخدمة المدنية , التى كان معيارها الكفاءة والمنافسة ولجنة الأختيار واول مين ار كريتد ايكوال , زى ما قال عمر , زى ماقال بعد داك لنكولن , وختوها الناس فى دساتير البنى آدمين الوضعية واما حق انك ( it is their right , it is their duty to throw off such government and provide new guards for their future security ) فهذ حق دونه (خرط القتاد ) بس المعادلة دى , والعارفينها الناس كلهم , وبعد ان كانت معادلة (مسلمة تلبس الجلباب ) , بقت بتوالى الأيام , بتتكتب بالأنجليزى عشان الناس يتعرفوا عليها يا حاتم هسى انا اول ما شفتها بعد ما كتبتها انت , طوالى قلت ياربى الشى ده انا شفته وين ؟؟؟ عليك الله ادينا فكرة عن حقوق مواطنتك , انت الأمريكى الشايقى , بعد تجربة السنين دى وركز لينا على الفوارق (ان وجدت ) , ما بين (الورق ) و(الشارع ) و(الواقع المعاش ) وما تنسى تعرج بينا على هروبك من حقوق مواطنة , الى حقوق مواطنة اخرى , وتعايش اسرتك ( ما بين الأبعاد الثلاث ) ابعاد كونك سودانى , مواطن امريكى , متزوج من دومنيكانية , اولادك هجين ثقافتين , عايزين يدينوا بالولاء لى ثقافة تالتة احبك ياخ لو دخلت فى الموضوع ده بالعرض والطول ونورتنا
Post: #2260 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-14-2011, 10:34 AM Parent: #2259
يا منصور نحن ناس عزابة لسه ما اتغدينا طاقة مافى زى الوقت دا عشان نقرأ الكلام ده لو بت شيخك طمنتك بالتلفون هى عاملة شنو لغداء اليوم راعى لحالتنا ياخى احمد اسماعيل ما عندكم ملاح من ملحات دارفور ديك حتى لو بايت رسلو لى مع موسى عيسى
زهير قال مستمتع بالقراية من الصباح قاعد يعاين ليكم
Post: #2262 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 11:05 AM Parent: #2261
يا منصور بي طريقتك دي في الكتابة تحول كل الناس الهنا دي لمقاعد المتفرجين والمستمتعين بالقراءة فقط وما نقدر نكتب حاجة معاكم ارحمو أخاكم في الشرقية زهير الزناتي
الحبيب زهير كيفنك وكيف حالك يا أخي انا متلوم معاك كتييير اشكر سؤالك عني بشدة كتير خيرك ما هي دي أخلاق الاخوان الكبار لمن يسألو من اخوانهم الصغار
Post: #2263 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 11:15 AM Parent: #2262
الطاعم الجميل أبو الجل
Quote: ولو لا انو المقام مقام ترحيب بالشفيف الظريف كمال الشادي
كتر خيرك يا أخوي في ترحباك يرحبو بيك وليداتك ان شاء الله مشتاقين كتير والله يا جلال الرطل حصل كم الايام دي ؟ دوسو هو ما بيجي إلا بالدوس الله يديك العافية ان شاء الله
غايتو ردم زي دا أخير منو أن تكون غير متسق ردم يخليك تنسى كل حاجة ...قدامك و وراك أقلاها الزول البردم دا مفروض يحس إنو الوكت وكت غدا و عضة يعني من خلال الردم دا مفروض يتطرق لمسألة الجوع و الفراخ المشوي و بالعدم سمك عوضية رفقاً بالناس المامتسقة و التي هي بجدة أو التي هي بالسلع و التي تأتي محملة بزاد لا يتحمل مدة إقامة أكثر من ليلتين (الزاد) مش صاحب الزاد الزول مسك كل خيوط اللعبة السياسية السودانية و مقارنتها بالتجربة الدنماركية أقصد التجربة الدمينكانية و بدأ في توضيح الحقوق الأساسية لنا كبشر حق أن تكون إنسان قبل و بعد قانون الصالح العام أخيراً فهمت أن الحقوق تنتزع و لا تستجدى وهذا الفهم في الإطار الخارجي أما الإطار الداخلي (مع بت الشيخ) فالفهم دا عبارة عن أدبيات و ثقافة سياسية زيو وزي قانون النظام العام بالإضافة للخطوط الأدبية و التي تجعلني أتعاطى النبيذ بتاع المطرطش و أن أرى الحياة حسب مفردات الراحل محمد شكري باللون الأحمر و إن كان المطرطش يكتب بالأحمر فهل يعني أنني تناولت الكوكا و لا النبيذ؟؟؟؟؟ إذن هنيئاً يا طارق بالدراسة النقدية بتاعت زول الردام دا برضو دخول الغايبين بعد فترة تخلي ناس يطلعو و يقول لي ود الشادي كلام زي الليل عليه نيابة عن موسى عيسى أرحب أيما ترحاب بالعود و العود أجمل و أحلى و لك في القلب محبة فلا تشقينا ببعدك أيها الأجمل طبعاً قلت نيابة عن موسى لأنو صاحبي من الناس الناطقين بغيرها فالتعبير ربما يخونه
Post: #2265 Title: Re: ناس الزقازيق ... أجدع ناس (4) .. Author: كمال الشادي Date: 06-14-2011, 11:48 AM Parent: #2264
جلا يا جميل التحية والتجلة والاحترام وكل الحاجات الحلوة في المواعيد الصعبة دي واقصد بالحاجات الحلوة الجداد المقرمش من كنتاكي والسلطة الرايقة من المحل الجنبو
Quote: برضو دخول الغايبين بعد فترة تخلي ناس يطلعو و يقول لي ود الشادي كلام زي الليل عليه نيابة عن موسى عيسى أرحب أيما ترحاب بالعود و العود أجمل و أحلى و لك في القلب محبة فلا تشقينا ببعدك أيها الأجمل طبعاً قلت نيابة عن موسى لأنو صاحبي من الناس الناطقين بغيرها فالتعبير ربما يخونه
شكرا كتير بي ترحبيك يا جميل ويديك العافية وما تباري منصور عبد الرازق ده ابدا في زي المواعيد دي
باريهو بس آخر الاسبوع شرط ما يكون عندك لا ضيوف ولا سهرة ولا دخان ولا سوق ولا مستشفي غير كده يبوظ ليك أتساقك طوااااالي
اما موسى عيسي فأنا انتظر رده على ما ساقته يداك
الله يستر
Post: #2266 Title: Re: ناس الزقازيق ... أجدع ناس (4) .. Author: محمد عيد Date: 06-14-2011, 12:58 PM Parent: #2265
قصــه قصــيره جدا
في حينا كان الجميع يقول
دخل الثور ..خرج الثور.. قال الثور..
كان نحيفا طويلا وهادئا، ولم يكن حتى من مواليد برج الثور
قيل : في منطقته كان دائما يندفع خلف الفتاة المسربلة بالتنورة الحمراء ..
نزلت والخلوق متلاطمه *ياخلاي اخدو الخاتمه (الشهاده) اللي كبارنا جازمه وحاسمه *سيبوها دي دنميت كاتمه لقد جئتونا بما لاقبل لنا به واقد افتا العزيز الشادي بذلك ولامكان شاغر حتى في مقاعد المستمتعين والفراجه والشيخ منصور خمجو وزادو ماء لكم كل المحبه وانتم تتالقون ومراحب بعوده الشادي الذي سعدنا برؤيته بعد قرابه العشرين عام وكان في الاستقبال سعاد ه الريس ودوله رئيس الوزراء (الببكي بي عين واحده اليومين ) وزي مابتقول ورده فرق الحبايب عننا *حايسهر دمعنا ليالي طوال
يبدو أنه أثناء كتابتي لمداخلتي صباح اليوم كان الريس ينزل صور اللقاء بالشادي الجميل... و فاتني أن أشارك الجميع الترحيب بكيمو الجاهز لعودته الميمونة... و عاد للبوست تألقه المعتاد و فتحت شهية منصور للكتابة... فقام بردمنا ردم الجن...حيث ان ردم السواد و الرماد لا تتناسب و المقام... فالمقام مقام ترحيب بقامة كبيرة و رجل شفيف و جميل... و يا كيمو انشغلنا أنا و صاحبي بظروف خاصة لذلك لم نتمكن من الرد عليك... فأرجوو أن تقبل اعتذارنا عن التأخير و لك العتبى حتى ترضى...
Quote: في منطقته كان دائما يندفع خلف الفتاة المسربلة بالتنورة الحمراء ..
البت دي برشلونية و لا شنو يا حمادة... يخرب مطنك يا حمادة... مرة تقول اضنينو طويلة الواحد يتحسس أذنيه... و مرة يندفع خلف التنانير الحمراء الواحد يراجع تاريخه... أخشى على نفسي عندما تأتينا بقصة رجل يلهث و يسيل لعابه... فلا أعرف وقتها هل أتحسس أم أنبح....
Post: #2269 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-14-2011, 07:58 PM Parent: #2268
سلام عليكم يا حلوين.. وانتو بتضربوا الرز باللبن مع الملائكه...
فرق الوقت ضيع علي حفله إستقوداع الشادي.. لكن حارحب عشان بكره يجيكم يرد لي ترحيبي دا.. وما يتسبب بأسباب مقنعه.. حضورك أبهجنا يامبدع..
طرف الخيط حق الدستور الأمريكي وقع مني.. فتشت عليهو الليل دا كلو ما لقيتو.. قلت أجيكم بخيط جديد.. لقيتكم ما شاءالله عليكم.. تشيلوا خيط وتخطوا خيط.. وكل خيط وانتو طيبين..
و ا لترحاب بلغة اهلا جلا (......) ما بعرفها عليه التواصل !!!!!
ظهورا افرحنا جميعا و اخرجنا من جخانين زهير.
الف حمد لله علي السلامة و نورت الحوش .
طبعا الرندوك الفوق دا ترحيب اهلك الغير ناطقين باللغة العبرية !!!!
و احتفظت بحق الرد لحين ميسرة ( لا اقصد الريس ).
و ظاهر اتساقك الراقي كطببيعتك في جده المتسق دوما إلا واحد منهم حالتو
صعبة فنسال الله له الاتساق .
و يا جلال مالك مع صحبي جلا الراجل اورد حقائق بس ما جاب حاجة غلط ؟؟؟
Post: #2272 Title: Re: ناس الزقازيق ... أجدع ناس (4) .. Author: كمال الشادي Date: 06-15-2011, 05:41 AM Parent: #2271
الوجيه حاتم جبارة
Quote: فرق الوقت ضيع علي حفله إستقوداع الشادي.. لكن حارحب عشان بكره يجيكم يرد لي ترحيبي دا.. وما يتسبب بأسباب مقنعه.. حضورك أبهجنا يامبدع..
كتر خيرك في الترحاب ويرحبو بيك وليداتك ان شاء الله يعلم الله متابع مداخلاتك كلها إنت المبدع لك التحية
العزيز موسى
Quote: يا ود الشادي مسكاقني .
دبايوا كوتيوا يا شادي.
جيدن جيتوا يا شادي .
شيباك بالشادي .
والله ما قصرت تب بجميع لغات البلد يديك العافية ويخلي لي اولادك على فكرة الولد عيسي إيدو كيف ان شاء الله بلغ العافية ؟
Quote: ظهورا افرحنا جميعا و اخرجنا من جخانين زهير
الزول ده ما كويس معاك ومعانا مالك عايز تغلط عليهو إنت عارف يا موسى انا عامل بحث طويل جدا في مداخلات زهير الزناتي قبل الهجرة وبعد الهجرة قبل الهجرة إلى الدمام وبعد الهجرة إلى الدمام يا أخي الراجل الرطوبة أثرت فيهو جدا وبقى راجل delicate راجع مداخلتو في المنر العام أيام الكتاحة ( قبل الهجرة ) وراجع آخر خمسة مداخلات ليهو هسي بقي هدي ورضي وود ناس ولذيذ الله يستر من التحول الجاي
يا موسي ده شنو ده
Quote: طبعا الرندوك الفوق دا ترحيب اهلك الغير ناطقين باللغة العبرية !!!! أخينا في الله ده ما سجمتو عدييييييييل كده وديتو عديل لي نتنياهو حرام عليك
الاخ العزيز الرشيد
Quote: يخرب مطنك يا حمادة... مرة تقول اضنينو طويلة الواحد يتحسس أذنيه... و مرة يندفع خلف التنانير الحمراء الواحد يراجع تاريخه... أخشى على نفسي عندما تأتينا بقصة رجل يلهث و يسيل لعابه... فلا أعرف وقتها هل أتحسس أم أنبح....
يمين بالله انا قريت القصة القصيرة بتاعة محمد عيد وعاااااااااااااااااادي ما حسيت بأي حاجة لا صداع ولا حموضة وعااااااااااااادي إنت مالك طوالي مشيت هبشت راسك شكلك كده إتذكرت أيام ( الشأآوة ) بالمصري شكلك راجع تنوري وهذه يرجع أصلها إلى ذات التنورة الحمراء وقيل في الاثر البيج وربما الفوشيا يخرب مطانك إنت الحرامي في راسو ريشة
Post: #2273 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-15-2011, 06:36 AM Parent: #2272
صباح الخير ،،، يا وجوه الخير
أصبحنا وأصبح الملك لله وحده،،،
الحمد لله الملك الرحمن الذي علم بالقلم علم الإنسان ما لم يعلم
سلام يا حبايب ... متابع ومستمته بالحبه والدقة .... بس مشاغل الحياة والجري من يوم مداخلة ناس طارق جبريل السمينة عن محمد شكري كنت عايز اكتب ... بس غلبني ... ياخي محمد شكري ده من اعظم الرواة العرب ... قريت ليهو الخبز الحافي وزي ما قلت المرة الفاتت دي بتشكل جزء من سيرته الذاتية كتبها بوضوح وصراحة مافي زول يقدر عليهو ... وباسلوب ادبي خطير ... الزول حقيقي حاسدك يا طارق جبريل علي الناس المبدعين ديل ... الطيب صالح وشكري مره واحدة يعني لوما بقيت كتاب حقو يرجعوك تاني المصنع ويفرمتوك ... وينزلوا ليك ويندوز جديد .... اها منصور والرشيد كان عندي ليهم تعليق بس سقط بالتقادم ... خاصة انه وصول كمال الشادي دائما ما يمثل لينا فرح استثنائي ... بس الظاهر عليهو حبنا من طرف واحد .... والظاهر عليهو متعود علي الحكاية دي ... بتاعت الحب من طرف واحد ....عشان كده يقوم يختفي مننا ويخلينا في نار الشوق .... لكن ده برضو ما بيمنعنا كلنا مره نفرح ونهلل لي جيته ... زي رجعة القمره لوطن القماري بعدين مداخلاتي ذاتها يا الشادي ما اثرت عليها الرطوبة لسه ... لكن صدقني بالطريقة دي حا تصدي لانه الرطوبة عالية ...
اها يا جماعة انا والله ما غايب ... بس يمكن ما ظاهر ...
كامل التضامن مع موسي عيسي في سليقته اقصد محنته ... يا جماعة عايزين حملة تضامن واسعة مع موسي عيسي ...
Post: #2275 Title: Re: ناس الزقازيق ... أجدع ناس (4) .. Author: أحمد إسماعيل Date: 06-15-2011, 07:35 AM Parent: #2272
السلام عليكم يا الطيبين والممتعين الله يتمم كل مساعي الإلفة بالنجاح
ألف ألف مرحب بكمالنا وحمد الله على السلامة وجيدا جيت
حبيبنا ود الشادي ... عودا حميدا ... والعود أحمد ...
غيابك ... بضرنا ورجوعك ... بسرنا ...
ياخي مكانك شاغر .... وما خذلتنا ... وجيتنا راجع تحمل الفرح والمحبة ... قنبو طولا .....
=============================== محمد عيد ... وكبسولات القصص القصيرة ... متعة ... ومتابعة ... واصل ....
===================================== طارق جبرين ... ومشروع رواية ... سوف تري النور ... ان شاء الله ماتصغر نفسك ... صوت اعجاب ... متابع ... بس خايف تقطعنا في النص ...
Post: #2277 Title: Re: ناس الزقازيق ... أجدع ناس (4) .. Author: منصور عبد الرازق Date: 06-15-2011, 09:09 AM Parent: #2275
وطارق جبريل ده , هسى يلموهو كيف ؟؟؟ وعشان نتفق فى الأول , خلونا ندقق مع بعض فى مفردة يلموهو دى طارق , لا مشتت , ولا بيشبه التشتيت بمعنى انو , عايزين نلمو , ما عشان هو مشتت مع انو الشتيت لا هو هو عيب , ولا هو حرام انا بعرف ناس مشتتين كتاااار , بس طارق جبريل ما منهم انا واحد من (المشتتين ) فى الأرض ولمة الزول المشتت , صعبة جنس صعوبية بس لمة طارق , جاية من احساس مختلف من احساس انه مشتت ولكنه كما اظن -مبعثر - مش فى الكلمات المتقاطعة , اخر حاجة الزول بيحلها , او هى كمان بتجى وتلفق براها مع توالى الحلول , هى الحروف المبعثرة طارق جبريل يشبه -ضمن ملامح كثيرة - هذه البعثرة والبعثرة , سمة ملازمة وملاصقة لأرهاصات القلق وعدم الركون الى خط انتاجى حياتى واحد خط انتاجى حياتى واحد , غض النظر عن انو مستقيم او غير ذلك واستقامة خط الأنتاج الحياتى , لا علاقة لها البتة باستقامة صاحب الخط نفسه , بل هى فى كثير من الأحيان (تناقض نظرى لذيذ ) تناقض نظرى لذيذ مابين الممكن والمتاح , او ممكن كمان بين الخيال والواقع بت مجذوب الطيب صالح , ومصطفى سعيده , وحتى كمان نفيسى بت بغداد والشخوص الى دى , موجودة عند كل واحد , بالكوم والردوم , ولكن تجسيدها واخراجها وتداول احاديثها , يحتاج لمصورين بارعين لأن كلامهم واحاديثهم الضاربة فى جذورها تلقائية وعفوية ,بحد ذاتها ابداع لا يدانيه ابداع من هنا جاءت بعثرة الود طارق , فبدأ مصورا لهذا الجو , مستخدما لغة الجو و(ادواته يا حاتم جبارة ) لذا خيل لنا بدءا - انه مصور بارع فقط - ادهشنى انا شخصيا - بصوره الغنية بالوان الحياة , التريانة بسحر الشخوص والق الأماكن ولكن قلقه وتوتره الأبداعى , كان ظاهرا وبائنا للمدققين اختياره للأغانى واهتمامه بكوداتها , فضلا عن انتاجه الغزير الذى يصنف من ضمن الخط الأبداعى نفسه حتى ان نانسى عجاج عنده , مجرد ايقونة اغانى (مصنوعة ) وهذا تمرد وبعثرة اكثر منه (راى وذوق ) الراجل حتى منبرنا البى هناك , شايفو كيف كيف بالرغم من ان ذلك المنبر , يغذى خصلة البعثرة الجواهو , ولكنها عنده امر تعدى بعثرته الى (تشتيتنا ) وهنا اوضح مثال للفرق بين (بعثرته وتشيتنا ) بالعربى كده زى ما قال ليك كمال الشادى يا طارق , امسك امورك (توبك توبك , موضوع موضوع , خط خط , زنقة زنقة و حارة حارة ) لأن انتاجك محتاج (لملمة ) ومحتاج تبويب كمان تعرف لمن انت بديت سلسلتك الأخيرة , فى الأول كنت قايلا , انتاج قديم لكن يبدو انها , لملمة طازة , لأحداث قديمة , مبعثرة زى عادتك , وانت تحاول لملمتها هذه الأيام انا بديت معاك من صبى البناى , ووصلت معاك هسى لحانة العاهرات الفى ازقة الرباط لملم نفسك يا زول , لو غلبتك اللملمة , شوف ليك زول يلملمك هسى لو (لابتوبك ده قال كدة وضاع ولا انسرق ) هارد كوبى وااااحد ما نلقاهو , من حكاياتك دى ؟؟؟!!!!!!!!!!!! انشر يا زول , ويا شركة الزقازيق الوليدة , ده ما مشروع جااااهز ياخ غايتو جنس ردم !!!!!!!!!!!!!!!!!!!!!!
Post: #2278 Title: Re: ناس الزقازيق ... أجدع ناس (4) .. Author: محمد عيد Date: 06-15-2011, 09:27 AM Parent: #2277
قصــه قصــــــيره جدا
حين جلس أمام اول شاشة كان عمره بالكاد يعد على أصابع يد واحدة،
كل كتابة تسلمه الى وصلة، وكل وصلة تسلمه الى وصلة : اضغط هنا لتدرس،
اضغط هنا لتلعب ،اضغط هنا لتتسوق، اضغط هنا لتدردش، اضغط هنا لتمارس ال......
،اضغط هنا لتعمل اضغط هناواشتري بيتك وسيارتك،اضغط هنا لقضاء عطلتك
،اضغط هنا تجد ابنة الحلال... اضغط.. اضغط.. اضغط.. ا ضغط....
أتدفقي ما تبقي رقراق...أبقي يا ضل يا شموس يعني برضو ماتشتت أفكارك و إختار ما بين الإثنين و التشتت يصبح مشكلة عويصة في إمكانية إنك تلمها أما حكاية يلمها النمل و يوطاها الفيل فيمكن للمطرطش أن يلم قصاصاته تلك و يوديها لأقرب فيل مش عشان يوطاها بل عشان يخرجهاليهو في أي كتاب أما البعثرة الجد جد هي العلاقة بين بيطرة حيوان من جهة و الكتابة و الصحافة و القصة من جهة ثانية نرجع برضو للتشتت فنجد أنه يمكن لمعايير التشتت في الإحصاء في لملمة أي رقم طاشي و معالجته إكلينياً لإيجاد معنى للأرقام المشتتة و من هنا إذا أسقطنا معايير التشتت على الحالة الموسوية في الفترة ما بعد ال20 من يونيو فيصبح من الصعب بمكان لملمته إلا في حالتين الحالة الأولى الإرتحال للذي بالسلع أو الإتجاة شرقاً لوجود التضامن الخفي مع أبو الزوز علماً أنا و الكوتش مبعثرين أو قل مشتتين في أن نجد مساحة للإلتقاء بلإخوة الضيوف بالسودان الشقيق جماع، تاج الدين الخليل، و العريس صلاح الأمين، و نتوقع د. الصادق أها دا تشتت و لا تبعثر؟؟؟؟ ً
مداخلات النهار دي و الله صعبة خلاص... لكن الواحد يعمل شنو معاكم... أعاين ليكم ساكت شغالين تردموا و ما قادر أجاريكم...
Quote: إنت مالك طوالي مشيت هبشت راسك شكلك كده إتذكرت أيام ( الشأآوة ) بالمصري شكلك راجع تنوري
يا كيمو القصة لا حرامي و لا ريشة... دي اسمها بارانويا Paranoia... كتبتها ليكم بالانجليزي عشان ما يجي واحد يقراها لي بار...أنويا... زي ما أنا زاتي بعثرني منصور و شتتني لما قال لي طارق جبريل..
Quote: يا طارق , امسك امورك (توبك توبك
قلت يا ربي منصور ده قاصد ياتو توب... يعني كان ممكن يراعي لحالتي النهارية ويشكلها لينا و لا يكتبها لينا بالانجليزي... و البارانويا هي أن تأتي باستنتاجات مبنية على مقدمات مفهومة غلط... و دي حالة بيصل ليها الواحد لما يبعد من أولاده فترة طويلة... الواحد لو بقى على التلفزيون و النت ما بتجيهو عوجة... لكن ناس محمد عيد ديل تعمل معاهم شنو... حسه بكره يجي يقول ليك كانوا يطلقون عليه لقب الخروف...
منص/الشادي/نجيلة/ ابو الزوز ياخي كدي في الأول نقول ليكم الشكر أجزله على حسن الظن في كتاباتي على علاتها.. ما عارف بس عندي إحساس إنه الواحد بيكتب مناسباتيا كدة وبدون ما يستحضر الكتابة في ذهنه الطريقة دي بدأت معاي من قصة الطُلبة (صبي البناي).. حينها كانت والدتي رحمها الله مريضة جدا وفجأة ودون مقدمات قفزت إلى السطح تلك القصة.. خصوصا انها كانت شاهدة على بعض تفاصيلها بدأت أكتب من وعاء الذاكرة فقط دون تخطيط مني.. ربما الذاكرة كانت تخزن الكثير الكثير.. لذا طلعت الكتابة تلقائية جدا ثم أخذتني مشاكل الحياة المختلفة ووقفت عن الكتابة افتكر في الحلقة 47 من القصة.. عادة لا أحضر ماذا سأكتب.. فقط أتتبع أي خيط وأكتب من خلاله وبصورة لحظية.. يعني بقعد وبمسك الكيبورد دة وبطقطق الشي الجاء في راسي ساعتها وبقوم وأكاد أجزم أنني حتى لا أراجع ما أكتب.. بدوس إضافة رد وبمشي.. حلقات المغرب والطيب صالح حدثت بنفس الطريقة.. وجدت المجموعة الكاملة لشيخ الطيب مزيلة بإهداء منه.. ورجعت بي الذاكرة إلى عشرين عاما مضت وهكذا بدأت أدون في ذكرياتي تلك.. يمكن الكتابات الوحيدة البقعد ليها شوية بي مزاج هي حكاوي حبوبتي نفيسي بت بغداد.. نوادرها مثل زبد البحر.. كانت تؤثرني حكاويها وتشدني بشكل غريب.. قضيت معها أجمل أيامي في قريتنا الوادعة شبا في البركل.. كانت محورا للقرية.. لذا أجد متعة كبيرة في حكي نوادرها تلك كتابة متوترة كهذه ووليدة لحظات خاصة جدا لا أظن أنها تصلح للنشر.. للنشر قوانين ولغة ونحو و... و... ودة راسا ما عندي ليه شعر يا حبان ياخي انا اكره حاجة كانت عندي هي الإعراب والبلاغة.. ممكن أجري من الخرطوم لي مدني ولا أجري استعارة واحدة كل ما كتبته على علاته لا اعتقد أنه يصلح للنشر اذا فكرت في الأمر معناها أقعد (ألملم) الحاجات زي ما قال منص ويجب إعادة صياغتها من جديد.. والحاجة دي عايزة طولة بال زي بتاعة محمد صديق الشهير بـ(جورج) وكل المناقرة البيني وبين محمد صديق كانت في طولة البال دي تقول ليه ياخي يلا نمشي التمرين يقول ليك دقيقة وش القهوة دة ما طلع في التنكة غايتو الزول حا يفكر في الموضوع وربكم يسهل..
رجعت بيتي يوم الثلاثاء الماضي الساعة الثانية صباحا تقريبا بعد العودة من جده يملؤني حنين غريب وحالة من الهيام والشجن ما عرفت لها وصف
لم اقابل عبد الدائم وعمر المهدي منذ ايام الزقازيق مع اني أتحدث هاتفيا مع عبد الدائم بشكل مستمر
ميسرة شخص حبيب إلى نفسي إلى أبعد درجة بمجرد ذكر سيرته وأسمه تتقافز صور لايام رائعة امام مخيلتي عجيب هذا الميسرة في رسم الفرح في حياة الناس لا تفارقه الكاميرا منذ عرفته يسعدك ويفاجأك بتصوير أجمل اللحظات والمشاعر
وانا في الطائرة شعرت بعمر طويل وفيلم بطول المسافة بين جده والرياض شاهدت فيه آلاف الايام واللحظات التي مرت
لم أعرف كيف مرت
دخلت بيتي في الرياض حوالي الساعة الثانية صباحا عندما أذن الصبح ونتيجة للحالة التي كنت فيها تلك وحبا لكل الناس البحبهم وللزقازيق ولناسها ولميسرة وعبد الدائم وعمر المهدي ومحمد عيد ولكم جميعا كنت قد سجلت هذه الاغنية ارجو أن تعجبكم
الله عليك يا شادي ياخي انتشلت الروح من براثن الحنين الدفين تعرف قاعد قبيل مع بت الشيخ بحكي ليها عن شعر حسن الدابي وخصوصا (مسخت عوم البترطن في جرفها) هذه النوستالجيا يا حبيب في هذه المنافي ألم حده السماء الحروف والكتابة احيانا هي المسام الذي ننفث عبره آلامنا زي ما بتقول بت الشيخ كلما اعيش هنا يزداد حنيني الى شبا ومراتع الصبا هذا الحنين متخم بالم عميق
يا كيمو أداء رائع بل أكثر من رائع و عزف ممتاز لا نملك حيالهما الآ أن نرفع لك القبعات... و نبعث اليك بنفس الطائر و ما يخلي زول في الرياض الا ويبوس ايديه... اكراما لك و لآخرين عزاز علينا و شالو نوم عينينا... و يجي لحدي عندك و يبوس راسك تقديرا منا على هذا العمل الجميل... و هذا ليس بغريب و لا جديد عليك فأنت تملك كل مقومات الابداع... أسعد الله صباحك يا كيمو...
ملحوظة... رفع القبعات هنا اختياري... فلربما لا يرغب آخرون في اظهار ما تحت قبعاتهم...
Post: #2286 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-16-2011, 06:41 AM Parent: #2284
أول حاجة البتاع دا ما فتح معاي أدون توجيهات أو تعليمات عشان يفتح و ننطرب ألحقنا يا أبو مرواااااااا القصد دودي
Post: #2288 Title: Re: ناس الزقازيق ... أجدع ناس (4) .. Author: منصور عبد الرازق Date: 06-16-2011, 07:22 AM Parent: #2287
والله حاجة فى غاية الجمال والروعة يا كمال احساس عالى , ولحن بديع , واداء جميل وعزف اورغن ما يخلص اتملينا لكن , هل من مزيد ؟؟؟؟؟؟
Post: #2289 Title: Re: ناس الزقازيق ... أجدع ناس (4) .. Author: عبد القادر بابكر Date: 06-16-2011, 07:51 AM Parent: #2288
التحية والتقدير لكم جميعا ومرحبا بعودة الرائع الشادي وهو يحمل معه كل هذا الجمال والروعة الله يديك العافية وينور أيامك ...
Post: #2290 Title: Re: ناس الزقازيق ... أجدع ناس (4) .. Author: كمال الشادي Date: 06-16-2011, 08:08 AM Parent: #2289
الحبيب طارق ودجبرين الولد الرايح في اضواء المنافي البعيدة
Quote: الله عليك يا شادي ياخي انتشلت الروح من براثن الحنين الدفين
خلي الروح تقتات من لسع نحل الغربة لها وخليها تفرز أروع ما عندها لا تمسك عليك يد الابداع دعها فهي مامورة ... شكرا ليك كتير يا طارق اتمنى الا اخيب ظنك في
الحبيب الرشيد
Quote: يا كيمو أداء رائع بل أكثر من رائع و عزف ممتاز لا نملك حيالهما الآ أن نرفع لك القبعات... و نبعث اليك بنفس الطائر و ما يخلي زول في الرياض الا ويبوس ايديه... اكراما لك و لآخرين عزاز علينا و شالو نوم عينينا... و يجي لحدي عندك و يبوس راسك تقديرا منا على هذا العمل الجميل... و هذا ليس بغريب و لا جديد عليك فأنت تملك كل مقومات الابداع... أسعد الله صباحك يا كيمو...
الولد المسافر في الغربتين اعاد الله الروح للاحباب وللوطن وأشكر لك كل القبعات التي رفعت لك الشوق ليك وللمعاك لغاية ما نلقاك
الحبيب عبد الدائم النضيف الولد الخارج من جده الغير والداخل إلى جده الغير بغير الزي !!!!
Quote: جـده غيــر تجبر الشادى بالخروج عن صمــته
الشادى سيطرح اول البوماته الغنائية قريبا"
ادهشت الجميع يا كمال ...
شوفتك وفي جده تدهش اي إبداع جوه الزول الغنية دي المفروض الناس يشكروك عليها إنت والشباب المعاك شكرا لك كتير على جية لي اليوم داك وتوصيلك لي لحدى المطار الله يخلي ليك البنيات وأمهم ويردهم ليك بالعافية
الحبيب جلا الزل الرايح مع متاهات التكنولوجيا وما لاقي ليهو حتة يا عبد الدائم شوف للزول ده صرفة قبل ما يخرب الكمبيوتر
Quote: أول حاجة البتاع دا ما فتح معاي
الحبيب ابو أحمد منصور عبد الرازق
Quote: والله حاجة فى غاية الجمال والروعة يا كمال احساس عالى , ولحن بديع , واداء جميل وعزف اورغن ما يخلص اتملينا لكن , هل من مزيد ؟؟؟؟؟؟
صديق ايام البراءة والطفولة وصديق ايام كتيرة ماكان فيها براءة !!!!! يديك العافية ويخلي ليك الاولاد وشكرا على كلماتك الحلة المزيد إنت اكتر واحد يعرف إنو جاي !!! أدون توجيهات أو تعليمات عشان يفتح و ننطرب ألحقنا يا أبو مرواااااااا القصد دودي
الحبيب عبد القادر
Quote: التحية والتقدير لكم جميعا ومرحبا بعودة الرائع الشادي وهو يحمل معه كل هذا الجمال والروعة الله يديك العافية وينور أيامك ...
الولد المسافر مع متاهات الريشة والفوتو شوب بحاول اجاريك في إبداعك أشكر ليك كلماتك الجميلة وانشاء الل اكون عند حسن ظنك
(14) المغاربة كشعب لهم مقدرة عجيبة في دفعك للانغماس في مجتمعهم... حتمت علي ظروف استقراري الجديدة في المغرب أن أحاول فهم المجتمع الذي سأقضي معه جزءا من حياتي.. ولكي تفهم حركة المجتمع هنا لا بد أن تجد لك منافذ تقربك أكثر من الذهنية المغربية.. مجتمع طلحة الصغير المتكون من زوجته ونسابته غير قادر على أن يقودك للتقييم الصحيح.. وجدت ضالتي في بعض الطلبة الذين كانوا يدرسون هنا.. حسن.. طالب جاء من ضواحي الخرطوم.. اختار الإعلام لكي يبدأ حياته الجامعية.. كان رجلا محبا للحياة.. يعتني بهندامه إلى أقصى درجة.. قد يلغي الذهاب للمحاضرة إذا كان القميص لا يتناسب مع السروال حتى وإن كانت تلك المحاضرة سيُكشَف فيها الامتحان.. كان مزهوا بنفسه وسعيد أن وضعه الله في بلد تستطيع فيها صديقتك دعوتك للغداء في منزل ذويها دون حرج.. أحب إحدى زميلاته في سنته الثانية حبا جنونيا..بنى عليها كل آماله.. كان حبا مدمرا على كل حال.. في السنة الثالثة رأت البنت أن العلاقة لا تروقها.. فتخلت عنه.. تأزم حسن ووصل إلى مرحلة الهوس.. جن جنونه.. كان عاشقا متيما، وضع كل طموحاته وأمانيه في حبه لـ«حسنية».. أخذ وقتا طويلا لكي يتعافى من أسقام الحب تلك.. لكن بالمقابل كسرت التجربة قلبه وغيرت نظرته تجاه المرأة بشكل مخيف.. كلهن عاهرات.. هكذا كان يقول، ومن اليوم سأكون أنا أيضا داعرا وزنديقا.. كان موقفا مليودراميا بامتياز.. كلمات المواساة في هذه الحالة تصبح كالرهاب.. لا يجدي الوعظ هنا ولا حتى الأماني.. كما كان سيل الحب جارفا.. كانت كذلك احباطات الرجل من علاقة سقاها من دم قلبه مدمرة.. تلك كانت نقطة تحول في حياة الرجل.. كرس كل حياته في البحث عن اللذة في ليالي الرباط.. كان يقضي سحابة نهاره في النوم ويكتفي بتصوير المحاضرات من أصدقائه المغاربة.. وحين تعلن الشمس انسحابها من سماء الرباط وتدب الحركة في شارع محمد الخامس.. حينها فقط يتهندم حسن ويخرج ليتمشى بين الناس باحثا عن صيد جديد يملأ عليه غرفة نومه.. «هناك وجوه داعرة يا طارق لا تخطئها العين عليك بها».. هذه كانت كلماته على الدوام.. كنت اتندر عليه بأن جعل غاية الكون في إفراغ «سوائله اللزجة».. - «يا طارق عيش داعرا سترتاح صدقني»... - ياخي إنت حياتك كلها اختصرتها بين أفخاذ النساء.. بعضهن ينشدن المحبة وبعضهن يسعين إلى رفقة مطمئنة وإنت تختصر الأمر كله في طلب اللذة.. - حب شنو ياخي وريدة شنو ياخي متعة الفراش دي زيها مافي.. - ههههههههههه خلاص انت استمر في متعك دي لامن تجيب كثافتك كان يتكلم هكذا باقتناع تام.. كان يقول أن القناعات بُنيت على تجارب قوية.. عرفت معه قاع المجتمع والشوارع الخلفية للمغرب.. كان حين يرى أن إحداهن (لها وجه دعائري) يسارع للاقتراب منها.. يبذل كل جهده في اقناعها بالجلوس معه في أحد مقاهي وسط المدينة.. ومن هناك يخطط ويرسم حتى يدخلها إلى فراشه المسموم.. أحبته الكثيرات ومن أعماقهن.. لكنه لم يعر تلك المحبة اللاتي كن يصبغنها عليه.. كانت الحياة عنده تنتهي حين يستجم نهاية الليل وإحداهن بقربه.. كنت اجده متوترا إن مرّ اسبوعه دون ضحية جديدة.. كان يدفعه هذا الجنون إلى مراقص وعلب ليل مدينة القنيطرة.. هناك، حسب زعمه، الصيد وفير وبنات القرى المجاورة يسهل خداعهن بالكلام المعسول.. كنت أجد نفسي متعاطفا مع «الزُهرة» ريفية من مدينة خنيفرة.. أحبته حبا لا يُصدق.. كانت مستعدة لعمل أي شئ في سبيل أن يحبها.. حتى كبش العيد أحضرته له.. بدل الكريمات كانت تخفي قناني النبيذ في شنطتها.. حاولت أن تستميله بما يحب.. الطعام والنبيذ.. لكنها في كل مرة كانت تأتي لتجد معه ضحية أخرى.. كانت تبكي بحرقة وتقول له: ياك غير بغيتيني ننعس معاك.. أنا غادي نديرها.. ولكن عافاك ما تخونيش.. كانت كلماتها تجد صدى ضعيفا في أعماقه.. لم يعد يعنيه الحب.. حين تتعطل قيمة الإنسان في الدواخل يصبح الواحد منا كائنا غرائزيا لا غير.. يفقد أنبل قيمه التي منحها له الرب.. قيمة الحب.. هكذا شاءت لي الظروف أن أتعرف على مواخير المغرب وعالمها التحتي.. عالم له قوانين وعوالم أخرى.. لا يمكن يعيش إلا في سكون الليل.. كان حسن يكثر أحيانا من الشراب ويصبح ثملا إلى درجة لا تُطاق.. كان يخرج من الحانة ويصيح: أنا حسن السوداني.. أنا العاهر وصديق المومسات.. كان يقول ذلك بنوع من الألم وأحيانا تدمع عيناه.. جروح المحبة تبقى كثيرا لتختفي.. لكن في الغالب يبقى «الدمل» ينكئ عليك.. كنت أشفق عليه أحيانا.. كان يملك قلب طفل.. لكن «حسنية» حولت الطفل الى وحش..
العزيز محمد صديق اول حاجة شكرا ليك كتير في سؤالك عني الله يخلي ليك اولادك تانيا
Quote: سلامات يا ناس
مراحب بعودة الشادى ..
اول حاجة :اختيار موفق
تانى حاجة :عزف عجيب ..... راااااايق!!!
الصوت طبعاً من زمان عارفنو ....
شكراً على الإمتاع
شكرا لكلماتك الحلوة أتمنى الا اخذلك ابدا
على موضوع رااااااااااايق يا محمد صديق الاصل في الغنا انه مخاطبة للمشاعر سواء أكان المخاطب ( بضم الميم ) الحبيبة أو الوطن أو الام أو اي موضوع آخر فإن الاصل هي مخاطبة عاطفة ولا أعتقد أيا كان المخاطب ( بضم الميم ) يحتاج في مخاطبته الصوت العالي إذا كان الهدف هو العاطفة ...
الاستثناء مطلوب لاصله ( الاغاني الوطنية - إثارة الحرب ... الخ )
لذا فقناعتي طالما ان ال concept هو مخاطبة عاطفة يجب أن تأتي رااااااااااايقة ( في الاصل ) وحتى اثناء المخاطبة العاطفية الرايقة هناك مواقف تحتاج لتعلية الصوت ( النبرة ) احياناً لمن تكون الحبيبة ( ما قادرة تفهم ، أو راسها ناشف ) مثلاً
لاحظ النبرة العالية نسبيا في ( قبال تعود لازم تروح من تاني مرة ) عندما كان الموضوع هو التوجيه أو الامر للطائر
وبعدها هدأت النبرة إلى اقصى درجة ( درجة الترجي عندما قال : ما تنسى زول في الحلة إلا تسلم عليهو وتبوس إيديهو .. ) الموضوع شيق ولذيذ ممكن نتكلم فيهو ... لك التحية والحب
Post: #2295 Title: Re: ناس الزقازيق ... أجدع ناس (4) .. Author: محمد عيد Date: 06-16-2011, 05:43 PM Parent: #2294
قصــــه جميــــله جداااااااااااااااااااا
اليوم لبس هناك ما هو أجمـــل من تغريد هذا البلبل الصداح
هذا التطريب الذى أدمع أعيننا وتاه بقلوبنا فى فضاءات الجمال
حفظك الله لنا يا شادينا الجميل
وكما قال النضيف ... لن نقبل بأقل من البوم سريع يطفىء نيران الشوق ويبلل مشاعرنا
الجميل محمد عيد والله إشتهيت من كل قلبي إني اقابلك في جده لكن إن شاء الله لي جية قريبة لي جده الواحد يتشرف برؤياك
Quote: هذا التطريب الذى أدمع أعيننا وتاه بقلوبنا فى فضاءات الجمال
يا حبيب تسلم عينك من الدمع إن شاء الله إن شاء الله دائما دموعك دموع فرحة فرحة بي أولادك ونجاحاتهم في مشوار تعليمهم وفي كل حياتهم شكرا ليك كتير على الصورة الجميلة دي الغريبة بنتي ابت تقتنع إنها تركيب وقالت إنو بابا كان عندو فرقة موسيقية
جمعتكم مباركة وعاءكم مستجاب.. السموحة منكم للغياب المقصود بسبب الامتحانات النهائية .. بديت من الصفحة الاخيرة اعزرونى اذا فى حدث فاتنى اعذى كل من فقد عزيز لديه واهنئى كل من له حدث مفرح.. الاروع والاحلى ان تبدا صفحة بزول فنان راقى ومبدع ذيك يا شادى .. للاسف ما فتحت معاى الاغنية بس اجتريت مما اسمعتنا واطربتنا به فى الزقازيق واطربت نفسى الى ان احظى بسماع الاغنية .. الله يديك الف عافية..يامبدع. ودمتم سالمين
Post: #2298 Title: Re: ناس الزقازيق ... أجدع ناس (4) .. Author: كمال الشادي Date: 06-17-2011, 08:38 AM Parent: #2297
الاخوة والاخوات الاحباب جمعة مباركة وفي رحاب الحرم ان شاء الله
صبحني الصباح الجميل ده زول من آخر الدنيا عمر نملوز هاتفني الصباح وقال أن الاغنية عجبتو وإنو ما شاء الله ماشي تمام في التدريب لسباقات المارثون آخر سباق جا فيهو ال 34 نفس السباق العام الماضي جا فيهو بعد الالف ما شاء الله والغنية معمولة للزيك يا عمر بعيد ومتغرب الله يرد غربتك ظافر وناجح ان شاء الله
جيت افتح البوست اتصابحت بإم الاولاد الحلوين نجاة حوفي الله يديك العافية ويخلي ليك الاولاد وينجحهم ليك في حياتهم يا رب اسمعي الغنية مع الرشيد الظاهر الرشيد سرق اللاب توب الحلو وخلى ليك التاني خليك حريفة المرة الجاية دسيهو من الاول تحياتي للاولاد
يا كيمو هي بتستخدم لاب توب الشغل... و هم مقفلين ليهم كل حاجة عشان ما تأثر على السيرفر بتاعهم... لكن سمعتها الأغنية من اللاب توب بتاعي... و مثلها مثل الآخرين عجبها الاختيار و الأداء الجميل و العزف الراقي... و أصالة عن نفسي و نيابة عن ست بيتي نقول ليك .... الشعب يريد مزيد من الألحان الجميلة...
Post: #2300 Title: Re: ناس الزقازيق ... أجدع ناس (4) .. Author: كمال الشادي Date: 06-18-2011, 05:18 AM Parent: #2299
صباح الخير يا وجوه الخير الصباحات النديةالجميلة ما زي صباح الرياض كتاحة وغبار يعلم الله في السودان ما تلقاهم
الاخ الفاضل الرشيد
Quote: و أصالة عن نفسي و نيابة عن ست بيتي نقول ليك .... الشعب يريد مزيد من الألحان الجميلة...
اصالة عن نفسي برضو سوف اهديك واهدي ست البيت وأهدي كل الاحباب هنا مجموعة من الاعمال في الايام الجاية ان شاء الله
Post: #2301 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-18-2011, 06:02 AM Parent: #2300
صباح الخير ،،، يا وجوه الخير
أصبحنا وأصبح الملك لله وحده،،،
عجيب أن تكون غائب عن البوست يومي الخميس والجمعة
بدولة مكة المكرمة،،،،
جميل أن تأتي من الصبح وترغب في عمل مداخلة
وتتفاجأ بهذا الكم الجميل والأداء الراقي
طول عمري تأثرني الأشياء الجميلة والرومانسية وخاصة من مَن تحبهم
هنالك أميال كثيرة من مخزون الذكريات من أيام الزمن الجميل
ما زالت تعشعش في عقلي ،،، صراحة الأغنية راقية وجميلة وبها حسن إختيار
لإفتتاح مهرجان قادم يقوده شادينا في إنتظارك يا سيدي ،،،
لي ملاحظة لاحظت تشابه صوتك مع صوت العميري ،،،
هل الملاحظة حقيقية أم تأثرت أنا بصوت العميري في سيارة عبدالدائم
ونحن جميعنا في الطريق إلى المطار،،،
النضيف ليك فهم فني متقدم ، أفيدنا؟
Post: #2302 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-18-2011, 06:56 AM Parent: #2301
اقترح عليك يا كيمو أن تستهل كل صفحة بعمل على شاكلة هذا العمل... كما و أقترح عليك فتح بوست بالمنبر لأعمالك بحيث تجمع كلها في مكان واحد... بوست للأعمال الموسيقية فقط دون الحاجة الى أي كلام أو ردود... التعليقات على الأعمال تكون هنا في المنبر العام...
Quote: فتحت نافذة عيادته المطلة على الشارع .. قلت : ألا يكفي هذا سببا ...؟!
يا حمادة عيادة الدكتور ده في ياتو شارع... اذا عرف السبب بطل العجب... الشوارع خشم بيوت... مش الأستاذ محجوب شريف بيقول... المهنه: بناضل وبتعلم.. تلميذ فى مدرسة الشعبِ المدرسة.. فاتحه على الشارع والشارع فاتح فى القلبِ والقلب.. مساكن شعبيّه
تعليقاتي دي يا حماده انما تعبير عن اعجابي بهذه السلسلة من القصص القصيرة...
Post: #2305 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-18-2011, 09:18 AM Parent: #2304
Quote: اقترح عليك يا كيمو أن تستهل كل صفحة بعمل على شاكلة هذا العمل... كما و أقترح عليك فتح بوست بالمنبر لأعمالك بحيث تجمع كلها في مكان واحد... بوست للأعمال الموسيقية فقط دون الحاجة الى أي كلام أو ردود... التعليقات على الأعمال تكون هنا في المنبر العام...
الشادي معانا ماهمانا الحبيب الشادي اختيار جميل واداء قمه في الروعه وزي ماقال الرشيد في نكهه عميريه ولكنه عبق الاداء العميق الممتع لك التحيه اسعدتنا بطلتك في جده وتكرر لنا الفرح بهذا العمل الجميل مزيد من الابداع والتالق
عفاف كل سنة وانت بالف خير وعافية يا رب التحيات للحبيب محمد عثمان الركز وللاسرة الكريمة
Post: #2316 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-19-2011, 05:40 AM Parent: #2315
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
اللهم إني أعوذُ برضاك من سخطك وبمعافاتك من عقوبتك ،،، وأعوذُ بك منك لا أحصي ثناءً عليك أنت كما أثنيت على نفسك،،،،
Post: #2317 Title: Re: ناس الزقازيق ... أجدع ناس (4) .. Author: محمد عيد Date: 06-19-2011, 07:02 AM Parent: #2316
قصــه قصــيره جدا
قالت الشجرة الكبيرة للشجرة الصغيرة :
أنا أطول منك وأضخم
فأجابتها الصغيرة :لا فرق مادام التراب يغطي جذورنا
Post: #2318 Title: Re: ناس الزقازيق ... أجدع ناس (4) .. Author: كمال الشادي Date: 06-19-2011, 07:26 AM Parent: #2317
الحبيب محمد عيد داير اسألك قاعد تجيب الكلام الحلو ده من وين قصصك القصيرة من يوم ما الرشيد هبش راسو لمن جبت سيرة التنورة الحمراء الواحد كلما يقرأ واحدة يحس إنو إيدو بتنملو صراحة حاجة حلوة تحياتي
ما عارفة الواحد مفروض يفرح ولا يزعل انه سنة من عمره راحت 00 لكن تبقى داخلنا امنيات الحب والفرح دايما 000 00 ومن الليلة بدينا الاجازة 00 ودي فرحة تانية 00
Post: #2320 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-19-2011, 09:34 AM Parent: #2319
رزق الاخ قيس جمال الدين بمولـــــــود قبل ثلاثة ايام الف الف مبروك يتربى فى عزكم يا دكتور وحمد الله بسلامة المدام
ويا ناس الرياض مبروك عليكم السماية
ويا موسى عيسى عدة السامية لموها عندنا البغسلها ليكم بس دايرين لينا زول شاطر يسوى الجبنـــة ....
Post: #2321 Title: Re: ناس الزقازيق ... أجدع ناس (4) .. Author: منصور عبد الرازق Date: 06-19-2011, 09:40 AM Parent: #2319
تفرحى طبعا يا بت يا حديقة ما انتى سنتك , بتكونى عشتيها تقعدى كدة و طالما الأجازة بدت , تجيبى الورقة والقلم وجنبك حاج الركز والجيفارات وهاك يا جرد , وهاك يا كشف حساب كل سنة وانتى طيبة , ويخلى ليك سيد بيتك قولى آمين
Quote: ما عارفة الواحد مفروض يفرح ولا يزعل انه سنة من عمره راحت
أقول ليك حاجه يا فافي ...أزعلي و أفرحي... أزعلىي على ما مضى من الأيام و لن يعود... و أفرحي للقادم من جميل الأيام ...
تميمة...ع ندما يشعرك التعب بأنك قد تقدمت في السن... أصرفي الأولاد و أبوهم ليلعبوا الكرة بالحديقة... و أسحبي اليك صندوقك السحرى أو سحارتك... و أخرجي تلك الصور.. حيث التوكات و الشرابات و الفيونكات ... عندما كان حاج الركز لا زال يمشط شعره... فانك حتما ستشعرين بالحيوية مرة أخرى... تميمة أخرى... ان شاء الله العمر كله...عمر مليان سعاده و محبة... كل عام و أنتي بألف خير...
الله.. المداخلات بقوا يطاقشوا.. ما باسألك يا ودعيد.. دا مثلث برمودا والا شنو.. دي صوره تاريخيه.. حقو منصور يجي يعمل لينا ليها نقد بناء.. يبدأ لينا بي غسيل العده.. ونهايه بالمريله..
بالمناسبه.. البت عرفه.. فاتحه ليها بوست لذيذ جدا.. عن سيسيليا الكنديه وفرح معبأ في زجاجات..
Post: #2328 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-20-2011, 05:33 AM Parent: #2327
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
اللهم من أحييته منا فأحيه على الإسلام،،، ومن توفيته منا فتوفه على الإيمان
Post: #2329 Title: Re: ناس الزقازيق ... أجدع ناس (4) .. Author: محمد صديق Date: 06-20-2011, 06:19 AM Parent: #2328
هاهاهاهاهاهاههههههههههههههه والله ياود عيد ضحكتني ... بعد ما كانت قافلة معاي ... الله يريح بالك ... صورة زهير مباااااالغة ينوبك ثواي ... اعمل لينا واحده ... للزول البرمي الطعمية دااااااااااااك ....
========================== لما تجيك مكالمة عابرة للمحيطات .. من وشنطون دي سي ... بنكهة الدومنيكان ... تنسي الدنيا وهموما ... وتمتلئ فرحا ... بذكريات الزقازيق ... شكرا يا حاتم جبارة ... نردها ليك في الافراح
كلما كان يحدثني أبو الزوز عن واجباته يوم الجمعة كنت أعتقد أنه مدعي بطولات... حتى أتانا صاحب برنامج سري للغاية بالتوثيق... فقررت أن آتي مخصوص عشان أهنيه على هذه البطولات... أن تغسل العدة في حد ذاته عمل كبير... لكن أن تلبس المريله كمان لزوم الحماية من البلل فلا شك انه شيء كبير... فليس صحيحا ان كل الاتبلبلوا عاموا... نفسي يا محمد عيد أشوف أبو الزوز شايل المقشاشة بيكنس... عشان أصدق باقي كلامو...
من الباب بستقبلونا ... انت الطماطم دي جايبا حمرا شديد كده ليه ... وشبط الولد ده ما كان تجيبو كبير شويه ... وتدخل المطبخ تشرب مويه ... وتمشي تقرا مع الاولاد ... خشمك وعندك ... بدون ماتقول ... بغم ...
بعدين يالحبيب ... انا صوري ماقاعد اشتتا ساي كده ... عامل حسابي لليوم الزي ده ...
لكن والله لو عملتو لينا واحد لصاحبي داااك ... البرمي الطعميه ... يكون الكيف وصل 100% كدي شوف منص ... يمكن ينفع ..... اصلو انتو دافننو سواي بهناك ... الرياض ...
============================= محمد صديق ياكوتش ... يعني انت عاوز تقول ... المشي من دارو ... قل مقدارو ... غايتو ياابشنب ... عندك واحد من اتنين ... يا تحلق شنبك ده ... يا تغطي وشك من عيد وميسرة ... مع ملاحظ: اخونا بتاع باغات المويه ... واكياس الزبالة لسة ماوصل ... جلال ياسكر ... احوالك كيف ...
============================== ياشادي عاوز اعلق كمان شويه .... بس احجزوني من ... مني عباس ....
======================== كفايه ...
Post: #2340 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-21-2011, 06:19 AM Parent: #2339
نضف ... نضف لكن ابعد عن موداد النظافة من كلور آكس وداك وسوبر فلاش بتسبب الحساسية .. اسأل مجرب
مع انو نضافة السيراميك متعبة بس احسن من الموكيت لانو الموكيت برضو بسبب الحساسية وبالذات الغبار الطالع من المكنسة الكهربائية
والله يا زيزو لو عندك جبنــــــــــة بجى اقعد معاك اونسك لحدى ما تنتهى من النظافة ... انا بجيب الزنجبيــــــــل ..... وشريط بلوبلو ...
Post: #2341 Title: Re: ناس الزقازيق ... أجدع ناس (4) .. Author: محمد عيد Date: 06-21-2011, 06:54 AM Parent: #2340
قصــــه قصـــيره جدا
جميلة الوجه ، راقية الذوق ، رفيعة المستوى ،
تعرف نفسها إلى الناس: (أنا المهندسة ". . ." ابنة الدكتور ". . ." ).
تجاوزت الأربعين من العمر الآن ، لكنها أصبحت :
(أنا ". . . " عزباء وأقدر الحياة الزوجية ).
وأرفع لواء ... التعدد من اساسيات الحياه ...!
Post: #2342 Title: Re: ناس الزقازيق ... أجدع ناس (4) .. Author: كمال الشادي Date: 06-21-2011, 07:30 AM Parent: #2341
Quote: وأرفع لواء ... التعدد من اساسيات الحياه ...!
انا بالنيابة عن ياسر نجيلة ( وبصوته العالي )
إثني هذا الاقتراح وأدعمه بشده لان الاخ ياسر نجيلة من انصار التعدد والتعددية والثلاثية والرباعية
تاني يا كيمو موضوع التعدديه.. ما قلنا ليك ناسك ديل ما تتعب روحك معاهم.. غايتو نحن البوليجامي دا (polygamy) ضد القانون هنا.. وفيها سجن وكدا..
في واحد سوداني عرس كضب.. نظام يطلع الورق وكدا.. المهم أمورو مشت كويس واستلم الجرين كارد.. ومن بعدو الجنسيه.. زولكم ما صبر يتم إجراءات الطلاق.. ومشى عرس في السودان.. ورجع وطلق الأمريكيه.. حسب إتفاقهم.. وجاب زوجته السودانيه وعايش في سعاده تامه.. قال يطلع للمرأه الجديده جرين كارد.. وفعلا قدم ليها.. في الفورم سألوهو تاريخ العرس.. كتب الحقيقه.. ناس الهجره جوهو لحدي البيت.. يازول إنت كيف عرست قبل ما تطلق؟ ما عارف ال polygamy ممنوع.. سحبوا منو الجنسيه وقتي.. وحولو أوراقو للقضاء.. دايرين يدخلوهو السجن.. وقضايا كم سنه.. قالوا ساق أولادو ورجع السودان..
هوي.. لقطوا سكاكينكم دي وخلوا أب شنب في حالو.. وخقو تحتفلوا بيهو وتهنوه على انو الرجل المثالي.. زول بيساعد زوجته في شغل البيت وبيخفف عليها.. داير أكبر وأبقى زيك يا وله يا زناتي.. رفعت راسنا والله.. وأخجلتنا.. لكن المريلا حلوه.. والكرش فعلا كبيره.. شفت صاحبك الكوتش.. طوالي فكاك عكس الهوا..
نجيله يا حلو.. سعدت بسماع صوتك بعد كم وعشرين سنه.. كويس لقيتك صاحي ما زي ناس كدا.. تحياتي للأولاد.. ولبتنا رشا.. ست الأسم الأصلي.. أقبل ليك علي زولك بتاع السلع والا كفاهو؟
Quote: نجيله يا حلو.. سعدت بسماع صوتك بعد كم وعشرين سنه.. كويس لقيتك صاحي ما زي ناس كدا.. تحياتي للأولاد.. ولبتنا رشا.. ست الأسم الأصلي.. أقبل ليك علي زولك بتاع السلع والا كفاهو؟
ود جبارة ... قرض على كده ... انا هنا ماعندي غير ... ولدنا رشا ... وبتنا رشا .. لو كونا رابطة الزقازيق ... ماعندي غيرو ... لو عاوزين نزور ناس الزقازيق ... ماعندي غيرو ... لو زارونا ناس الزقازيق من بره ... بوديهم ليهو ... وما عندي غيرو ... عاوزين نعمل صندوق ... مختلفين في الصرفة الاولي ... لو الموضوع طرشق ... برضو ما عندي غيرو ... بحلفك يا ود جبارة ... وقف ... هنا ... بعدين زولك كلامو وقصصو ... جميلة بالحيل .... ومستمتعين بيها ...
بس لو تحنس لي ود عيد أو الريس ميسرة ... يجيبو لى ولدنا البرمي الطعمية ... تكون كفيت ... ووفيت ... وريحت بالي ...
Post: #2347 Title: Re: ناس الزقازيق ... أجدع ناس (4) .. Author: محمد صديق Date: 06-21-2011, 10:27 AM Parent: #2346
أول المصفين من قبل حكومة القتل و التصفية حكومة ال###### هو زميلنا الاستاذ
يعقوب التجاني الرجل الجميل نسال الله له الرحمة والمغفرة و نسال الله ان يسكنه
فسيح جناته مع الصديقين و الشهداء و حسن اولئك رفيقا .
علي جميع الشرفاء ادانة هذا السلوك البربري لأبناء الشعب السوداني .
لا ثم لا للاعدام و التصفية الجسدية و الابادة الجماعية لابناء جنوب كردفان.
لا للطغاة و مغتصبين قوت الشعب .
لا لتجار الدين و سارقين حقوق المغلوبين .
اللهم عليك بهم فإنهم لا يعجزونك !!!!
Post: #2348 Title: Re: ناس الزقازيق ... أجدع ناس (4) .. Author: منصور عبد الرازق Date: 06-21-2011, 10:27 AM Parent: #2345
سجم خشمى سجم خشمى , ده منو الزول ابو كرش ومريلة ده ؟؟؟؟!!! لا بعرفوا ولا يضرب لى تلفون تانى جابت ليها مرايل كمان عن نفسى انا , ساجتهد ايما اجتهاد , لأخفاء هذه الصورة البشعة خاصة عن ست بيتى انا فى الحتة دى , تخلف الدنيا دى كولها راكبنى لا بدخل مطبخ ولا بلبس مريلة ولا بتبرانى مقشاشة فى بيتنا زمان , فوقى بتين , وتحتى واحدة من ناحية العمر بقصد طبعا يمين بالله امى رحمة الله عليها , لو بالغلط كده لقتنى فى المطبخ , عاوز اعمل اى حاجة ولو كباية شاى كانت تقوم ليكم فى بناتها جنس قومة حقيقى لغاية ما انا ذاتى كنت باستغرب فى نهاية الأمر عرفت انها كانت توصل رسالة لى بناتها , بان عليهن تولى امور البيت جملة وتفصيلا عرفت بعد داك , انها كانت تحاول توصيل رسالة تربوية تهم البنات لكنها -رحمها الله - لم تلقى بالا للرسالة السلبية الوصلتنى من اليوم داك الرسالة السلبية ديك , وصلتنى بوضوح شديد , ومتمسك بيها لغاية هسى رداء ومريلة وشنب يا ابو الزوز لو امى -رحمها الله شافتك - كانت ورت اخواتك (المكشن بلا بصل ) قول لى ابتهاج , انا غايتو -كلام امى ما بوقعوا واطة - وصورتكم دى , لا بوريها لى امانى ولا بدخلها بيتنا ومن حسى ورونى الحتة البيمسحوا منها الصور وين ؟؟؟؟؟
خالص التعازي للجميع ... والى جنات الخلد الاخ الشهيد يعقوب التجاني ونسأل الله ان يجعلك في اعلى عليين.
Quote: نفسي أعرف الإنقاذ دي جات تنقذنا من شنو
والله يا طارق كان رجعونا الحتة الانقذونا منها يكون كتر خيرهم ولكن ليل الظلم قصير ياحبيب ... ويقيننا بأن الله ليس بغافل عن هؤلاء المجرمين وما يحيكونه بأهلنا ... نسأل الله ان ينغشع عنا ليل الانقاذ الحالك الطويل -------
رحم الله يعقوب التجاني رحمة واسعة ... واسكنه فسيح جناته مع الصديقين والشهداء ... ونسال الله ان ينتقم من قاتليه ... وان يلقوا جزاءهم .... وخالص التعازي لاسرته واهله ومعارفه .....
Post: #2355 Title: Re: ناس الزقازيق ... أجدع ناس (4) .. Author: كمال الشادي Date: 06-22-2011, 05:34 AM Parent: #2354
انا لله وانا اليه راجعون و لاحولة ولا قوة إلا بالله
رحم الله أخونا يعقوب التجاني
ونسأل الله أن يحتسبه مع الصديقين والشهداء
اللهم الهم أهله الصبر والسلوان
انا لله وإنا إليه راجعون
Post: #2357 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-22-2011, 05:57 AM Parent: #2355
حاولت ارفع الاغنية لليوتيوب ابت تنزل معاي في كمبيوتر المكتب وفي البيت نزلت ابت تترفع ... بالله ما اتلومت معاي الاغنية دي ياخي ما شاء الله لسه محافظ علي نداوة الصوت ... ولسه طازج ... والقدرة العالية علي التطريب .... غايتو بلبداتك الكتيرة قاعد تظلم نفسك وتظلمنا معاك ... ياخي انت زول فنان حرام البتعملوا في موهبتك دي .... شكرا علي الاغنيتين الجميلتين السريتين .... وقلت ليك الكلام ده هنا عشان اثير فضول من لم تصله حتي الآن ...
اها بالنسبة لصورة المقشاشة ... اولا دي ما مقشاشة دي مساحة سلامة النظر يا عجايز ... المقشاشة كانت قبل المسح ... بعدين غسيل العدة ... بعدين الملاح ... ثم غسيل الحمامات ..... يعني يوم الجمعة ديوتي كامل .. مما جميعه ...تسليم مفتاح الماعاجبه يشرب من البحر ... والما جنبه بحر يكلمنا نشرب ليهو .... اها البرنامج ما فيهو حمام مجد يا حاقدين ... ولا غسيل هدوم ... بس شكله من الاسبوع الجاي حا تخش الحاجات دي البرنامج ... يعني لفته نظر الجماعة لحاجات ما كانوا خاتين ليها بالهم .... ولا نامت اعين الجبناء ... ما عارف الجبناء ديل منو ... بس لا نامت اعينهم ... وليه اعينهم ما تنوم .... انا ذاتي ما عارف ....
Quote: المقشاشة كانت قبل المسح ... بعدين غسيل العدة ... بعدين الملاح ... ثم غسيل الحمامات ..... يعني يوم الجمعة ديوتي كامل .. مما جميعه ...تسليم مفتاح الماعاجبه يشرب من البحر ... .... ولا نامت اعين الجبناء ...
وهاك هديه خاصة لك ... مع تحيه كبير لأمثالكم – طبعا أنا معاكم – ولا عزاء للمتقاعسين عن الخدمة .. (الأبيات بتحريض عنيف من كمال الشادي ....
طعمية حارة مدنكلة ... شيخاتنا ستات البيون *** صحبتنا دايما مذهله لو حايمة في حوش الفريق *** الفرقة نحنا بنستره غسيل وترتيب بيوت ** "بالمقشاشة" ** الارض والحيطة مصنفره لو ضيوف أو زنقة وقت ** حاشاكي التعب ** بس ليك القعاد والصنقره نحنا الجنود خلقونا لراحة الحبيب *** وعيونا لراحتك مفنجله في المطبخ نجول حتي الصحون ** نظيفة قاعده متمره كانون فحم او بتجاز عيون ** نيرانا ديمه ملهلبه لبسو الطقوم وجخ في العطور ** ولعيونكم لبسنا المريله عشانكم نعوس كسرة فطير ... وبالزيت نحمر ... طعميه حاره مدنكله ...
Post: #2361 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-22-2011, 08:21 AM Parent: #2359
صباح الخير ،،، يا وجوه الخير
أصبحنا وأصبح الملك لله وحده،،،
تعجبني يا زهير الزناتي
يومين وأنا منتظر مداخلتك دي
وكمان مداخلة رشيد القوم لأن
الأمنية تحققت ليه بسرعة قاتلة
وأهم حاجة القناعةالكاملة
ولا نامت أعين ،،،،، الجماعة
والما عاجبوا يشرب من بحر جدة (علشان كله ملح)
Post: #2365 Title: Re: ناس الزقازيق ... أجدع ناس (4) .. Author: ابتهاج عبد الله Date: 06-22-2011, 09:35 AM Parent: #2359
نسال الله الرحمة والمغفرة للاستاذيعقوب التجاني... و نسال الله ان يسكنه فسيح جناته مع الصديقين و الشهداء و حسن اولئك رفيقا...
Quote: أقبل ليك علي زولك بتاع السلع والا كفاهو؟
نحن لاقينو وين قبيلكم... عليك الله قبل علي...
عارف يا حاتم حاجة غريبة جدا ان كل الناس كانو بينادوني يا رشا... كان ياسر لورد و كنا جيران بمدني يناديني بالصوت العالي يا رشا... و الوالد يقول لي ياسر بيناديك بره... أيام الكورة في ليق الخرطوم كانوا زملائي في الفريق ينادوني بيا رشا برضو... في شفع بين الشوطين مره وقفوا يشوفوني أنا سوداني و لا حبشي (514 مره)....
Quote: عاوزين نعمل صندوق ... مختلفين في الصرفة الاولي ... لو الموضوع طرشق ... برضو ما عندي غيرو ... بحلفك يا ود جبارة ... وقف ... هنا ... بعدين زولك كلامو وقصصو ... جميلة بالحيل .... ومستمتعين بيها ...
يا نجيلة بعد التلج ده الصرفه الأولى و التانية حقاتك... بس التالته خليها لي عندي التزامات... الأةلاد قالوا عايزين يمشوا يحضروا كوبا أمريكا في الأرجنتين... عشان يتصوروا مع ميسي و يجو راجعين... ميسي دخله في الشهر أكتر من مليون يورو.. يعني بيشوف حكاية انك تركب طياره من الامارات عشان تجي تتصور معاهو دي عادية جدا... لكن أنا دخلي من ما اتخرجت من الجامعة لحدي يومنا ده ما حصل الرقم ده... عليك الله ممكن أشوف الموضوع ده عادي... ما تنسى... الصرفه التالته محجوزه للأسباب أعلاه...
ربنا يرحم الاخ يعقوب ويتغمده بواسع رحمته مع الصديقين والشهداء ولذويه الصبر وحسن العزاء انا لله و انا اليه راجعون
Post: #2367 Title: Re: ناس الزقازيق ... أجدع ناس (4) .. Author: كمال الشادي Date: 06-22-2011, 10:19 AM Parent: #2366
العزيز ياسر نجيلة انا عايز اذكرك في الصفحة (3) من بوست صور نادي الشرطة تتذكر قلت ليك تعال نرصد سلوكيات ابو شنب قبل وبعد الرطوبة ويادوب بدينا نرصد دخل علينا البوست انا هنا بعمل ليك كوبي بيست لمداخلتو والتعليق عليها من عندك يا حبيب
Quote: ايها الرعاديد .... قبضت عليكم .... انا ابو شنب الذي اذا ما ظهر في المنزل ... يجلس الواقف ... ويقف الجالس ... ويتكلم الساكت ... ويسكت المتكلم .... ويصحو النائم وينام الصاحي ... ويهرول الواقف ... ويقف المهرول .... انا ابو شنب الذي لا ينظر لي جمال فارح وكاني بطل قومي .... انا من قالت فيه النساء شعراً ... ابو حيون حمراء وشرارة .... انا الذي لا يحمل الماء والغاز الا مضطراً ... ارعوا بقيدكم .... واسالوا مني محمد صديق فهو اكثر الناس قدرة علي الشهادة .... لما لمسه من قوة شكيمة وشجاعة يتحدث بها الركبان ... حتي كان يفغر فاهه دهشة ..... حينما يراني ازمجر كما الاسد .... واحدي قصصه التي لم تنشر كتبها عني .... ولولا استحلفته بكل ما هو عزيز لكنت موضوع احدي قصائده التي لم يكتب مثلها من قبل ...
اسالوا نادر فاروق .... اسالوا محمد حسن البرلوم ...وحتي حاتم جبارة الدومنيكاني ... يتمني ان يمنحه الله جزء من شجاعتي حتي يواجه بها ناس امريكا اللاتينية ... اسالوا عني مجتبي فاروق ... اسالوا كل ناس الداخل يحكوا لكم عن سيرة بطل لم تري الحياة الزوجية مثله قريباً...
انتو الله ما ليكم ....
Post: #2368 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-22-2011, 11:27 AM Parent: #2367
بعد الخطبة الطويلة دى يا كيمو ابو الزوز حيقول احــــييييي يا ضــــــهرى ,,,,,
رحمه الله ومغفرته على روح أخونا وابننا يعقوب التجاني.. إنا لله وإنا إليه راجعون.. اللهم نشكو إليك ضعفنا وهواننا.. اللهم تعلم ضيقنا فأفرغ علينا صبرا.. اللهم فرّج همنا.. وأنصرنا على من ظلمنا..
عييييييييييييييييييييييك ياود الشادي هو بالله ده نفس زولنا الزمان داااااااااااك ... انت لابد ليهو من الزمن دااااااااااااك ........ والله لقيتك حريف ... وغتت خلاص ....
هسع زماااااااان كان شابكنا ... عيون حمرا وشرارة ... واوقف ... واخوف ... وارجف ... تصور ياشادي .. يومها لما كتب الكلام ده ... انا طوالي جبت صورتو الكانت جنب الشجرة العجيبة ديك ... في غرب السودان وكان لابس التي شيرت ... والشنب يقول ياليل ... وعلقتها ليك في نص البيت ... ولما بت الشيخ تسألني وتقول لى : ده منو ... ده الزاكي طمل ولااسد الدميره النتر ... اقول ليها " بصوت عالي " لأ .. ده مثلي الاعلى ... ده ودالزناتي ... ده الشافو خلو ... والله تكتري معاي ... حسع اضرب ليهو تلفون ... يجي ناطي .. اصلو اغترب قريب جمبنا ...
مش هو بشحمو ولحمو في نفس البوست نادي ودعي ... للتعدديه ... ونحنا قمنا رجفنا ... وبطلنا دخول البوست
يعني على كده ياشادي ... لو شفنا الشنب ... قشوهو ... ومسحوهو ... وبقي نضيف زي السيرامك ... ما نستغرب دي غربة شنو دي ... البتهد الجبال ... يعني محمد صديق كان حاسس ... ولابد ساي .. بالله يادووب كلامو قع لي ... لما عمل مادخلتو المرثية ... والمبكيه ... عن صديقو الذي طاحت به الغربة ...
غايتو بجيكم بعدين ... راجع لما اتخيل ود الزناتي من غير ... شنب ... لو الشباب يقدرو (عيد والريس) يساعدوني في التخيل ده ..
عارف ياسر لمن صاحبك كتب الكلام ده اليوم داك انا يمين بالله خفت خوف قلت سبحان الله الناس كلها عندها شنبا ( جمع شنب ) لكن زي شنب ابو الرجال ده يمين مافي الزول ما عندو هرشة تهز الحلة
طبعا يا زناتي.. ناس نجيله وكيمو ومن لف لفهم.. وبالذات صاحبك بتاع زمان.. الشهير بي الكوتش.. ما فاهمين الحاجه الإنت بتعمل فيها دي.. رغم أسوديتك اللي بنشهد ليك بيها.. فأنت عطوف ورحيم بأهلك.. وحنين وحريص على راحتهم.. وقدوه لأولادك ديل.. نِعم المواقف والله.. فلو نزلت ليك صوره في دبي أو الرياض.. سأرفع لك ألف صوره بدلهم هنا.. يو آر ماي هيرو...
يا جبارة سلامات .... لمن اقول ليك نحن اولاد صغار ما بتصدقوا .... شوف اختلاف الاجيال والمفاهيم ... يمين جماعتك ديل عاملين زي اهل الكهف ... يسمعوا في الرمضانات ... (زايد + حسن) ومحمد حسنين وناس اصغر واحد فيهم مات سنة ستين .... وبنفس العقلية دي بيتعاملوا مع كل المسائل .... عشان كده ما كنت عايز ارد ليهم ... والله لو ما خايف علي صحتهم كان نزلت ليهم مزيد من الصور ... يمين في حاجات لو عرفوها .... الا الواحد يجيهو شلل اطفال ... ولا يمشي الانعاش .... ومهما كان الناس ديل في مقام اعمامنا ....المهم ان كلامهم ده ما شغال بيهو .... ولمزيد من اغاظتهم امبارح مساهر في الهدوم لتلاتة صباحاً غسيل وبتم الباقي الليلة عشان الجمعة المكوة والطبيق والدخيل في الدولايب .... وبرضو لا نامت اعين الجبناء ....
اليوم خميس ... نقدم ليكم القديم المتجدد ... لايصدأ أبدا ... 514 * 514 قصص الفنان أبوداوود والدكتور عوض دكام ... رحمهما الله
دكام كان مدير مستشفى الاسنان وشالوه من المنصب .. وجابو مدير جديد واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى (ما ضرتى جوه مابقدر ادخل ( بيقصد المدير الجديد ***************************** قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور قام قعد في طربيزة ومعاه مجموعة جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا قام نادي العريس وقال ليهو اسمع يا خوي انتو ضابحين زرافة ولا شنو؟؟ ***************************
قالو ابو داؤود مشى بيت فرح على اساس احياء حفل ، فوجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك ************* مرة عوض دكام جاء داخل العيادة بتاعته لقى في كشف المرضى اسم فتحي فرج الله لاعب المريخ زمان .... وبعدين ما كان شافو قبل كدا طبعا فتحي فرج الله عيونو في نص راسو ) .المهم دكام عاوز يشوفو قام ناداهو أول واحد) لما دخل عليه ، دكام اتخلع بي شناته ، كان متخيله نجم وجيه قال ليهو انت فتحي؟ قال ليهو أيوة أنا فتحي دكام رد بسرعة طيب فرج الله يكون كيف ؟؟؟ ****************** ابوداؤد كان بغنى فى حفلة والصف الاول كان كلو جكس حجم عائلىكلو واحدة اسمن من التانية وبعد الاغنية الاولى قام الجماعة كوركو ليهو بالله يا استاز فريع البان ...قام عاين ليهم وعاين للصف الاول...وقال ليهم فريع البان كيف مع شجر التبلدى بتاعكم دة **************** عوض دكام قال فى واحد مشى يقلع ضرسو فى مصر الدكاترة قالوا ليه يا زول ما عندكم دكاترة اسنان فى السودان السودانى قال ليه فى دكاترة بس الحكومة مانعانا نفتح خشمنا *********************** عوض دكام قال جاتو واحدة جميلة جميلة جميلة قدر ما فتشها لا سوسة ولا صفار ولا الم ولا التهاب لثة قال ليها انتى ما عندك حاجة مشكلتك شنو؟؟؟ قالت ليه عارفة بس جيتك تعمل لى فلجة *********************** مره عوض دكام كان واقف في محطه البنزين ومعهو زوجتو في العربيه الكل كان يعاين ومزهول بالجمال واللون الابيض اللامع دا عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا ************** عوض دكام قبضوه ناس الدورية وما بعرفوه يا زول شايل شنو فى الضهرية؟؟؟ قال ليهم جنا حرام يا زول نحن ما بنهظر فتحو الضهرية لقو بيض قالوا ليه انت بتلعب علينا؟؟؟ شايل جن جداد تقول جن حرام قال ليهم وده ما جن حرام شفتو ليكم ديك عقد ليه على جدادة؟؟ ********************************** قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون انتى يا اخوانا عرسكم ده خبر ولا شنو ********************* ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب قالو ليهو تعال يا عبد العزيز شوف المراره دى قال لا ما عايز، انا مستنى الكمينة ديك تطلع ******************* عوض دكام بقدم فى قعدة فيها على ابراهيم و زيدان ابراهيم اول ما بدأ على ابراهيم غنى تمساح اب كبلو الضارب الليه ،،، عوض دكام نطى لى طوالى قال ليهو التمساح الابلعك حسى دا وكت تماسيح زيدان عليك الله وسط الزهور متصور ************ قال ليك عوض دكام كان فى فراش بكا وكان يوم رفع الفراش وعوض دكام مشى عشان يدفع فى الكشف واحد من اصحابو قال ليهو انت يا عوض مفروض تدفع بالدولار عوض دكام قال ليهو لية فارشين فى السوق الحر ***************** في عيادته في بحري وهو يعالج احد المرضى ..وعنده تلفزيون في داخل العيادة وبدأت مباراة هلال مريخ ..ومعروف عنه انه لازم يحضرها في الاستاد ...خرج الى الصالة ووجد مجموعة كبيرة من المراجعين والمرضى ...واتلفت الى التلفزيون ورأى ان المباراة ستبدأ ...فالتفت الى المرضى قائلا انتو عاوزين الجد ولا ابن عمو؟ انا من ما فتحت العيادة دي ما شفت واحد كتلو ضرس امشو وتعالو بكره وما في زول بيكتلو ضرس *********** في مرة سايق العربية بتاعتو وقف في اشارة اتلفت يمينو لقى حامد بريمة حارس المريخ السابق سايق لفت باك حمراء جديدة ضرب ليهو العربية بيده وقالليهو ياحامد لو ما كورتك دي والطب بتاعي ده كان مكاوينا تتطاقش **************** بمناسبة حامد بريمه قالوا الزعيم فيلب عباس غبوش كان عندوا ندوه فى العشش قام قال للجماعه ... اولاد ارب ديل هقارين شديد كل شئ يشيلوه هم ويدونا شئ تعبان حتى فى كوره دى مصطفى النقر يودو لى قدام وحامد بريمه يخلوه اخر واهد فى الفريق شوف ليك هقاره *************** ومن الطرائف التى يحكيها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما.. ظلت تسال عبد العزيز كحال اى عروسة جديده تود ان تعبر عن حرصها على زوجها... تساله:عبد العزيز ماشى وين ؟؟ يقول: الاذاعة… هى: وحتجى متين انشاء الله ؟؟؟ هو :بعد ساعتين.. و فى وقت اخر:عبد العزيز ماشى وين؟.. هو عندنا حفلة عرس فى امدرمان... هى :وبتجى متين انشاء الله ؟؟؟ هو: بعد اربعة ساعات ..وهكذا من يوم لاخر.. وفجاة بادرها يوما... تعالىانتى يا فوزية انا مؤجر منك عجلة!!!!!؟؟؟ ***************** في واحد مجنن أبو داؤود كل ما يشوفو في حفلة أو قعدة يقول ليهو يا أبو داؤود عليك الله زهرة الروض .. الأغنية دي بترجعني !!! عشرين سنة لي ورا أبو داؤود زهج من الزول ده يوم قال ليهو ياخي زهجتني ، أسمع إنت عمرك كم سنة ؟؟ أخونا قال أربعين سنة أبوداؤود قال ليهو خلاص أنا بغنيها ليك مرتين !!! عشان ترجع في بطن أمك ونرتاح منك ياخي ************* كان فى فنان اعمى وعامل عملية بواسير قام ابوداود مشى ليه زيارة فى المستشفى وبعد السلامات والتهانى بالسلامة قعد يتونس مع باقى الناس الجايين للزيارة قام فجاة كده ابو داوود سكت مسافة طويلة وباقى الناس بقوا يتونسوا قام الراجل العيان سمع صوت الناس بس وقايل ابوداوود مشى ولا طلع من الاوضة قام قال ليهم انتوا العب ده مشى ولا شنو ابو داوود رد ليه انت علشان حركاتك دى الله قاطع منك موية ونور ************************************** في لقاء في التلفزيون مع ابو داؤود و فى فقره الاسئله الخفيفة سأل مقدم البرنامج الفنان عبد العزيز داؤود عن اسامي بعض المشاهير يعني لو ما كانو وصلو لي الوصلو ليهوالان كان حيطلعوا شنو . قام المقدم سالوا عن محمد الامين , ابو داود قال ليهو شايل كورتو و قاعد جنب الجامع الكبير ********************* قالوا عوض دكام لمن كان فى الدفاع الشعبى جاكين فى الكلاكله وعطشوا ... مروا بى شفع كده قام عوض دكام قال لى شافع جيب لينا جك مويه ... الشافع جاب المويه وسال دكام انت شغال ويني ياهناى ؟ دكام قال ليهو انا دكتور الشافع عاين لى صاحبو وقال ليهو ….. العب عايز يدقس بينا يافرده ياخوى اشرب مويتك دى وادينا جكنا قال دكتور قال *************************************** عوض دكام يوم جاتو واحدة من بنات اهله زعلانة وبتحكي ليه: قالت ليه كنت راكبة عربيه مع واحد شغال فى الحكومة نظام فضل ظهر وكدا اسموا يونس النباح الذى اشتهر بتقديم التعليق السياسى بعد نشرة ثلاثة فى الاذاعة المهم الراجل دا سالنى رايك شنو فى حكومتنا قلتو ليها سجم ورماد نبزنى ونزلنى من عربيتو، فرد عليها عوض دكام ليطيب خاطرها هو نبز خادم الحرمين الشريفين خلي انتي يا خادم العباسية *************************** قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر *****************************
أبو داؤود كان سايق عربيتو أشرت ليهو واحدة متحنكشة دايرة تملح وقف ليها وقام شغل شريط خاص بيهو أغنية نعيم الدنيا وهي طبعاً ما عارفة انها راكبة مع أبو داؤود في نص الأغنية سألها بتعرفي الفنان دا قالت ليهو فنان شنو دا حمار قال ليها قلت شنو قالت ليهو قلت ليك دا ما فنان دا عبارة عن حمار ياي ... أبو داؤود وقف العربية ونزل مشى على الباب الراكبة جنبو فتحو وقل ليها تنزلي والا أرفسك
Post: #2378 Title: Re: ناس الزقازيق ... أجدع ناس (4) .. Author: محمد صديق Date: 06-23-2011, 09:43 AM Parent: #2377
سلامات يا ناس
Quote: فلو نزلت ليك صوره في دبي أو الرياض.. سأرفع لك ألف صوره بدلهم هنا.. يو آر ماي هيرو...
نفهم من كده انو الصّور الجايّة حقتك؟
Post: #2379 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 06-23-2011, 09:56 AM Parent: #2378
Post: #2384 Title: Re: ناس الزقازيق ... أجدع ناس (4) .. Author: محمد عيد Date: 06-23-2011, 09:05 PM Parent: #2383
يُذكر أن شاباً تزوج وفي ليلة الزفاف استأذن عروسه لبعض الوقت فظنت أنه ذهب ليحضر لها هدية جميلة أو شيئا مما يقدم في مثل هذه ( الليلة خاصّة ) !! تأخّر عنها ولمّا عاد رأت في يده آثار ( علف الماشية ) !! سألته : ما هذا ؟!! فرد وعلى ثغره ابتسامة ( باردة ) : آه .. تذكرت أن حماري لم يأكل فذهبت أطعمه وأسقيه !! ابتلعت المسكينة هذا الموقف , وفي الصباح الباكر أيقظها في لهفة . . الحمار .. طلع النهار ولم يأكل علفه قومي إلى الحمار !! شهر العسل انقضى .. والعريس كل همّه .. هل أطعمت الحمار ، وكيف صنع الحمار ، وهل فهمت ماقال الحمار !! المسكينة .. أحسّت أنها تزوجت ( حمار ) !! أخذت شنطتها وذهبت إلى بيت أهلها تطلب الطلاق ! تدخّل أهل الخير .. وافهموه أن هذه عروسه ، والحياة تحتاج إلى ملاطفتها أكثر من أن يلاطف الحمار .. وعليه أن ينسى الحمار . ثم أخبروها أن سيأتي ليصالحها وأنه تعهّد أن ينسى ( حماره ) ! اتصل بها زوجها وفي نبرته صوت لهفة ( وحسرة ) . . أخبرها أنه سيأتي إليها بعد الظهر ليأخذها من بيت أهلها من بعد أن اصلح بينهم المصلحون ، وتعهّد أن لا ينشغل بالحمار عن زوجته . تأخّر . . ولم يصل إلى بيت أهل زوجته إلاّ بعد العصر . سألته عن سبب التأخّر !! فردّ عليها وهو يهزّ راسه اسفا . . تأخّر بي القطار .. ثم أردف قائلا : ووالله لو أنني أتيت بحماري لوصلت أسرع من أن يصل القطار ! الزوجة فغرت فاها مشدوهة . . وردّت وهي تولول : ارجع في نفس القطار الذي جئت به !
======================
* الطيور على أشكالها تقع . . بعض الأزواج ربما يلاطف جهاز ( جواله , الاب توب وووو) ويعتني به أكثر من عنايته بزوجته إذا مرضت أو احتاجت إليه ! شخصيّة ( الحمار ) تتغيّر وتتبدّل تبعاً للطفرة التقنيّة والحضارة الماديّة لكل زمن وفي كل بيت ! سؤال : هل عندك ( حـمـار) في البيت ؟!!؟
يا سلالالالالالالالالالالالالالالالالالالالالالالالالالالام عليك يا محمد عيد حاجة قمة في الرقي
تصور طول ما أنا بقرأ في القصة الرائعة دي اقول أيه الزول الدكم الابله ده حمار شنو الايشغلة عن عروستو لمن شفت سؤالك في نهاية القصة خفت والله وللاجابة عليه وارجو من الجميع ان يجيب وبصراحة هل عندك حمار في البيت انا شخصيا عندي حمارين في البيت زوجتي كل مشاكلها معاي في عبارة واحدة
يا قاعد في النت يا بتعزف على الاورج بتاعك ادينا شوية وقت إهتم بينا شوية
انا اعترف ان لي حمارين في البيت خلينا نشوف باقي الشباب
وتسلم ايدك يا محمد عيد
Post: #2386 Title: Re: ناس الزقازيق ... أجدع ناس (4) .. Author: كمال الشادي Date: 06-24-2011, 10:16 AM Parent: #2385
صباح الخير يا وجوه الخير
جمعة مباركة
اذكر نفسي واياكم بقراءة سورة الكهف والاكثار من الصلاة على رسول الله صلى الله عليه وسلم
Post: #2387 Title: Re: ناس الزقازيق ... أجدع ناس (4) .. Author: محمد عيد Date: 06-24-2011, 03:51 PM Parent: #2386
جمعتكم مباركة انشاء الله
Post: #2388 Title: Re: ناس الزقازيق ... أجدع ناس (4) .. Author: كمال الشادي Date: 06-25-2011, 05:08 AM Parent: #2387
صباح الخير يا وجوه الخير بداية اسبوع جميل بداية الاجازة الصيفية بداية الراحة من التوصيل الصباحي للاولاد بداية التخطيط للسفر الامنيات للجميع بتخطيط موفق واجازة حلوة وسهر ممتع للاود في البيوت
Post: #2389 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-25-2011, 06:19 AM Parent: #2388
صباح الخير ،،، يا وجوه الخير
دعاء بداية الإسبوع
اللهم إني أستغفرك من كل ذنب إستغفاراًً يكون لي:
نوراً في القبر وأمناً في الحشر وحُجة في الحساب وثباتاً على الصراط
Post: #2390 Title: Re: ناس الزقازيق ... أجدع ناس (4) .. Author: كمال الشادي Date: 06-25-2011, 06:28 AM Parent: #2389
نرجع لموضوع محمد عيد الرائع والسؤال للجميع
Quote: انا اعترف ان لي حمارين في البيت خلينا نشوف باقي الشباب
هل عندك حمار في البيت ؟؟
ما تفهونا غلط !!!!!!!!!!
Post: #2391 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-25-2011, 06:38 AM Parent: #2390
هو فى حمار اكتر من ناس الزقازيق
اى مشوار بعدين بعدين اى حاجة نطلبها بعدين بعدين
الا ناس الزقازيق ديل طلباتهم مجابة
ده كلام المدام وامى
رغم حبهم وتأقلهم مع ناس الزقازيق
Post: #2392 Title: Re: ناس الزقازيق ... أجدع ناس (4) .. Author: أحمد إسماعيل Date: 06-25-2011, 06:47 AM Parent: #2388
Post: #2393 Title: Re: ناس الزقازيق ... أجدع ناس (4) .. Author: كمال الشادي Date: 06-25-2011, 06:50 AM Parent: #2392
قول واحد
عبد الدائم عندو حمار
إسمو ناس الزقازيق
Post: #2394 Title: Re: ناس الزقازيق ... أجدع ناس (4) .. Author: محمد عيد Date: 06-25-2011, 08:27 AM Parent: #2393
Quote: قول واحد
عبد الدائم عندو حمار
إسمو ناس الزقازي
كان على الحمير يا كيمو ... عيييييك .... شيل واحسب ..
بس ربنا يصبراولادى وامهم ساى ...
1- الشغل وطبيعته الماعندها حدود ولا مواعيد ثابتة . 2- النت وجهاز الكمبيوتر . 3- قعــدة الشــيشـة فى البلكونة . 4- التلفون الما بيقيف دقيقة . 5- النوم ... سلطان الزمان ( وفى بعض الاقوال بسبب اشتهائى له افضله على الوجبات ..!! ) .
كفاك ولا ازيدك ..؟؟
Post: #2395 Title: Re: ناس الزقازيق ... أجدع ناس (4) .. Author: كمال الشادي Date: 06-25-2011, 08:47 AM Parent: #2394
Quote: كفاك ولا ازيدك ..؟؟
أعتقد يا محمد عيد إنك تسعى ليك 5 حمير مرة واحدة كتير كتير جدا
التهاني و التبريكات للأخوات عهود عيسى موسى محاسن بنت سيد بيت زينب التجاني التهاني موصولة للعم موسى عيسى و الخالة زينب التجاني
التوقيع عمر إنتصار أسرار بت الشيخ و أنا
Post: #2400 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-26-2011, 05:43 AM Parent: #2398
صباح الخير ،،، يا وجوه الخير
أصبحنا واصبح الملك لله وحده،،،
دعاء الصباح :
اللهم إني إستغفرك من كل ذنب -
نهيتني عنه فخالفتك فيه وحذرتني منه فأقمت عليه وقبحته لي فزينته لي نفسي
وصلي وسلم وبارك على سيدنا محمد ، وعلى آله وصحبه أجمعين
Post: #2401 Title: Re: ناس الزقازيق ... أجدع ناس (4) .. Author: أحمد إسماعيل Date: 06-26-2011, 06:01 AM Parent: #2398
ألف ألف مبروك لعهود بنت موسى عيسى و محاسن عمر بنت زينب التيجاني على النجاح الباهر في إمتحان الشهادة السـودانية ، إن شاء اللـه دائما أيامكم فلاح ونجاح وأفراح ، وعقبال لجميع ملائكة الزقازيقاب.
ويا الله نعيد سيرة جامعة الزقازيق من أول بابنائنا وبناتنا
مبروك لعهود موسي عيسي ... ومبروك لمحاسن بت زينب ومبروك لدكتور سلمان معتصم ومبروك لكل الناجحين من ابناء وبنات الزقازيق وكلام احمد اسماعيل ده ما ترموه واطة ...
Post: #2403 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-26-2011, 07:13 AM Parent: #2402
الف مبروك للابن سلمان معتصم جعفر بنجاحه من رابعة الى خامسة طب بتقدير والاف التبريكات للناجحين فى الشهادة السودانية عهود موسى عيسى محاسن عمر بت زينب التجانى محمد طارق عبدالجليل ابن صفية مساعد
وعقبال لسعاد بت امانى دفع الله الشهادة الثانوية السعودية فى مقبل الايام
رزق الاخ موسي الراجل ... ببنت ... انضمت لاختيها براء وولاء ... والمشاورات جارية لاختيار الاسم ... اها يا جماعة ساعدوا الراجل في الاسم .. والسماية الجمعة البعد الجاية ... ونحن علي راس وفد عالي من الدمام لحضور المناسبة... الف مبروك يا موسي ... وانشاء الله تتربي في عزكم ... ويجعلها من العاملات المنااضلات ... يلا عايزين اقتراحات للاسم .. وابوها جاييكم بعد شوية بالدرب
Post: #2405 Title: Re: ناس الزقازيق ... أجدع ناس (4) .. Author: منصور عبد الرازق Date: 06-26-2011, 08:42 AM Parent: #2404
مليون مبروك لنجاحات وتفوق البناء والبنات عهود موسى عيسى محاسن عمر محمد عمر (زينب التيجانى ) محمد طارق عبد الجليل (صفية مساعد) ومولودك يا موسى الراجل , يتربى فى عزك ان شاء الله
Post: #2406 Title: Re: ناس الزقازيق ... أجدع ناس (4) .. Author: محمد عيد Date: 06-26-2011, 09:06 AM Parent: #2405
الف مبروك للابن سلمان معتصم جعفر بنجاحه من رابعة الى خامسة طب بتقدير والاف التبريكات للناجحين فى الشهادة السودانية عهود موسى عيسى محاسن عمر بت زينب التجانى محمد طارق عبدالجليل ابن صفية مساعد
والله يا عبد الدائم من امبارح مفكر اختف رجلي لغاية السلع اشوف الحاصل شنو ... بيني وبينك قلق بينا لا تلفون لا مداخلة ... لكن انشاء الله الليلة نشد ليهو سلك ...
يا الشادي وصلتوا وين في موضوع الحمير ....
Post: #2418 Title: Re: ناس الزقازيق ... أجدع ناس (4) .. Author: كمال الشادي Date: 06-27-2011, 06:27 AM Parent: #2417
Quote: يا الشادي وصلتوا وين في موضوع الحمير ....
أخانا الزناتي :
.... والحمار ( تقنياً ) عند أخانا محمد بن العيد هو كل ما يشتت إنتباهك وتركيزك عن معاونة سيدة البيت في كل أمور بيتها
وقد إختار الكثير من الزملاء مابين النت والكشاتين وغيرها حميرا تلهيهم عن مساندة ومعاضدة سيدة البيت
وبما أنك ليس منا معشر ( مربي الحمير ) فلا تتطاول وتسأل عن حميرنا فأنت خير معين لسيدة بيتك فما شاء الله
مقشاشتك خضرة ورويانة وفوطك مربوطة ومحزمة
مالك ومال الحمير خلي الحمير لي أسيادها
Post: #2419 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-27-2011, 06:45 AM Parent: #2418
صباح الخير ،،، يا وجوه الخير
يا من إليه ترفع الشكوى يا عالم السر والنجوى يا سريع الحساب يا كريم يا وهاب لك الحمد ذكراً وشكراً ،،،،،
=================================
وتتواصل التبريكات .. محمد طارق عبد الجليل (صفية مساعد) ومولودك يا موسى الراجل , يتربى فى عزك ان شاء الله والدكتور سلمان معتصم جعفر
Post: #2420 Title: Re: ناس الزقازيق ... أجدع ناس (4) .. Author: عبد القادر بابكر Date: 06-27-2011, 07:53 AM Parent: #2419
سلام وتحية للجميع
أجمل الأماني وأحلى التهاني لأبنائنا الناجحين وانشاء الله ربنا يديم عليكم فرحة النجاح والتفوق ودائما في أعلى المراتب وربنا يخلي ليكم آبهاتكم وامهاتكم الرائعين ديل ويقر أعينهم بكم آمين يارب .....
أخونا موسى الراجل مبروك البنية وانشاء الله تربى في عزكم وربنا يجعلها من الصالحات والناجحات ومبروك عليك ضمنت الجنة ....
Post: #2421 Title: Re: ناس الزقازيق ... أجدع ناس (4) .. Author: جلال عثمان Date: 06-27-2011, 08:27 AM Parent: #2420
اجمل التهاني والتبريكات لكل الابناء الناجحين والناجحات والى مزيد من التفوق ان شاء الله
والتهاني موصولة لموسى الراجل بالبنية جعلها الله من الصالحات -------
اها قلتوا لي موضوع الحمير دا شنو ... الحمد لله من اول امس مساء لا حمير ولا غنم طلقيت ساكت يا قول الوالد "حفظه الله ورعاه" حيث تضامنا مع سنيري وصاحبي النضيف غادرتني في حفظ الله ورعايته ست بيتي وملائكتها في اجازة قد تطول وقد تقصر (حسب المصاريف) متوجهين نحو دوحة العرب ... ومنها الى السودان الشقيق .... وانا صابر محتسب ... اتشوي بنار الرياض و "الفراق"
و أطيب التهانئ و التبريكات لأبناء الزقازيقاب من الناجحين و الناجحات و لزملائنا آبائهم و أمهاتهم و عقبال دوام التوفيق و النجاحات و التهنئة موصولة لكل من : عهود موسى عيسى محاسن عمر محمد عمر ـ (زينب التيجانى ) محمد طارق عبد الجليل ـ (صفية مساعد) و تهنئه خاصة للدكتور . سلمان معتصم جعفر بمناسبة النجاح و عقبال الأستاذية ..
و ألف حمداً لله على سلامة المدام و مبارك لكم مقدم الأمورة يا موسى الراجل , و حفظها الله و أخواتها و حفظكم من كل سوء و يربوا فى عزكم ان شاء الله ..
Post: #2426 Title: Re: ناس الزقازيق ... أجدع ناس (4) .. Author: جلال عثمان Date: 06-27-2011, 09:40 AM Parent: #2424
يا جبرييلا كيفنك ابوي الله يديك الفي مرادك ... وياناس الداخل بالله واحد شدة سريع لي جبرييلا دا خلو الزول يبل شوقوا .... لكن يا الحبيب الشئ دي مي دايرالا قوز ... غايتو البحر ممكن يجيب الفرق والله يا طارق الواحد قاعد يحس بالامان مع مداخلاتك السمحة ... انا غايتو سأل ربي يرجعني البلد بين يوم وليلة ... ---------- عبدالدائم : ربنا ان شاء الله يحقق امنياتك ... وانت رجل صبور ياخ ولادة التيمان بتقدر عليها . لانو عندي خالى ساكن جاري وعرفت معاه يعني شنو يجوك تيمان في الغربة دي والله خالى دا وشوف عيني "حتى الرضيع" جربوا معاهم غايتو ما ارتاح الا لما تعدوا الاربعة سنوات
Post: #2427 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-27-2011, 09:40 AM Parent: #2424
تموت تخلى ده كان موضة ايام كنا فى الثانوى العام ( المتوسط ) مذكر عندى ولد خالتى معاى فى نفس المدرسة وساكن قريب من السوق الشعبى كلمتو يجيب لى واحد واديتو مقاس رجلى اها ود خالتنا ده بشيل كتبو فى شنطة دبلوماسية ( الزمن داك برضو كان موضة ) جانى فى الفصل الساعة الفتح ليك الشطة الدبلوماسية قدامى انا قايلو داير يدينى دولارات ولا بريد DHL الزول طلع ليك تموت تخلى الفصل كلو قعد يضحك
Quote: الحبيبين كيفنكم.. جيت مارق من درس العصر في المتوسط (الثانوي العام- الإعداد «للحناكيش»).. شايل كتيباتي في جلدايي ألت بلاستيك ومبسوط أدوني عشرين في الانجليزي.. ماشي اتقدل في الفسحة ألت مربع 12 في الامتداد.. شويتين يا الحبان جن بنيات الفريق اللااااافوق مننا ماشات وينضاحكن.. طالعات من معهد «الأمل» بعد ما كمَلِن حصَصِن.. ماشات يتهامسِن ويتبسمن.. جن مارات من فوقي.. الساعة الشفتة في عيونها وشافت فيني ودنقرت.. ووكتين اتبسمت وقامن كدي الوجنات غتسن.. والضفيري تتلولح من تحت الطرحة وفيها خرابات علي الجُلَلْ ويحيدي حمرا والتاني صفرا.. وعيني دقشت الخرابة المن لاااااقدام وهاجرنو بالكراريس وهو يتمايل من هني لاااا هني علي المنقايات الصغار وشايلاهن زيفي.. والعجب وكتين وقع منها قلم الرصاص ودنقرت شالتو.. وحاتكم يا الحبيبين النار انطلقت فوقي.. ورجليني و«التموت تخلى» بقن يغتسن في التراب ويقومن زي الباخرة في نص البحر وقامت عاصفة وتشوف فيها تغتس وتقوم.. وبقيت كلي انكرش زي الصايدني البُرجُم.. ووكتين وصلن جنب الشارع الساكنة فيهو وبقت تودع في صحباتها.. انا اصلي وِدِر ضومة ضومة.. دخلت الجلدايي بي الكراريس بين محسني والبنطلون.. وختيت ايدي في نصي ووقفت أشوف فيهن.. وأصلي بقيت أرجف كلي زي الصايداني الوٍردي.. وأعاين فيها لامن جرَتْ السلك أليل الباب.. ووكتين جات تقفل الباب رفعت راسها وشافت فيني ودنقرت وسدت الباب.. مع سدة الباب ديك القالت (كَرَب) ديك وأنا قلبي دة بقى يناتل... والكراريس وقعن في عِبِي وبقيت ماني قادر علي المشي.. وأتاريهو قلم الرصاص يا دابي بريتو قبل أمرق وبقى يطاعن فيني من تحت.. والشارع مليان ناس وماني قادر أدخل إيدي أمرقو.. وعلي العلي لابسلي لباس زي البيسووهن النسوان ديلك من باقي دمورية المرتبة.. والخرابة هاجرني في نصي... وأمي رحمها الله سوتلو لستكين من أبو قرش داك.. والعٍُقدة ألت اللستك كبيري وهاجراني في محسني ... وأصلو إن كان لي محل اللستك بقى زي الجدول أليل المويي.. وواحد من الكراريس الدبوس أليلو مرق ومع طعين قلم الرصاص أصلي بقيت ماشي علي الولد الطهروهوا كبيييييييييير وتلقاهو ماسك العراقي لاااقدام منو.. انتو قالولكم كان هاميني.. وحاتكم اشيل واتذكر في الوجنات وأبلع في ريقي.. وصلت البيت... وجري علي الحمام.. أتقولعت ومرقت الكراريس وقلم الرصاص.. إن كان ألقالكم الجسم كله مطعن وكله حبوب.. بالله التقول نمت في الحوش في بورتسودان وكبسني الباعوض.. جيت مارق مفَشِق ولبست العراقي والسروال وقعدت في الطربيزي الكبيري.. وكان عندي امتحان أليل دين.. نان أنا حفظت شي.. وحاتكم بس افتح كتاب الدين كدي أشوف الضفيري ألتا بين السطور.. جبتلي ورقة ألت فلسكاب وبقيت أكتبلها في جواب.. وكانت عا########ي كلمة ((الشامخة)) وبقيت افكر أدخلها في الجواب أليل الريدي دة.. وطوالي كتبت: حبيبتي.. إن مشاعري الشامخة.. و.... وبقيت أهضرب وأفسي في جواب الجن دة.. وأصابعيني ديل وهن يكتبن بالله علي إبرة مكنة الخياطة.. ينزلن ويطلعن.. ربكم رب الخير أصبحت الدنيي وأدونا الامتحان وما أظن جبت فيهو أكتر من 2 من عشرين.. ووكتين جاء العصر دة لامن روحي مرقت.. بس شفتهن جن طالعات وهي معاهن.. مشيت قدامن ورميت الجواب وفِرِد جرية للبيت.. ولي يوم الليلي ماني عارف قرت الجواب ولا لا
التحية لكم جميعا... و لأبو الزوز و ديدو على السؤال... و لحبيب الروح منصور على التلفون.. شوية انشغال في العمل و سفر بين أبو ظبي و السلع...
باركت لي زوبا بالتلفون... و كذلك لي موسى عيسى... باقي لي أبارك... لي محمد طارق عبد الجليل ابن الدكتورة صفية مساعد.... والمولود لي موسى الراجل , يتربى فى عزك ان شاء الله.... والدكتور سلمان معتصم جعفر ابن الريس معتصم...
Quote: ترى ماذا فعل السودانيون لبولندا وليتوانيا..نحن ممنوعين من الدخول إلى هناك
قبل سنوات، كنت أعتزم زيارة الخرطوم، لكن كانت لدي مخاوف أن تواكب الزيارة بعض"التعقيدات" يتعذر بعدها الخروج، طالما أننا في بلد لا يخرج مواطنوه إلا إذا حصلوا على "تأشيرة خروج" من وزارة الداخلية. أي أن حقاً من حقوق الإنسان الأساسية، وهو الحق في التنقل والتجول، مقيد فعلياً. كان صعباً علي "المغامرة" والسفر إلى الوطن الذي نحب، لأن عدم الخروج كان يعني أن المشاكل ستتوالد وتجر بعضها بعضاً.
كانت مثل هذه المخاوف حاضرة في ذلك الوقت،على الرغم من أن أناساً كنا معهم في "التجمع الوطني الديمقراطي" عادوا بل بعضهم أصبحوا وزراء ونواباً، لكن كان هناك آخرون، أصبحوا قلة الآن والداعي لكم بالخير منهم، يعتقدون أن لا شيء تغير يبرر"المصالحات" وبالتالي لا يمكن أن تصبح العودة إلى الوطن في حد ذاتها "إكرامية" تقرر السلطة الحاكمة متى تمنحها إذا أرادت وكيف تحجبها إذا رغبت. أتذكر الآن وخلال دردشة في واشنطن مع أحد قادة الحركة الشعبية، التي كانت قد وقعت وقتها اتفاقية "نيفاشا" وبات لها حكومة في جوبا ووزراء في الخرطوم، أن طرح عليّ سؤالاً عرضياً حول ما إذا كنت أنوي زيارة الخرطوم، كان جوابي"أتمنى ذلك اليوم قبل الغد، لكن لست مطمئناً أن الخروج يمكن أن يكون سهلاً" وكان أن أقترح عليّ اقتراحاً مثيراً، قال والرجل موجود يشهد على ذلك" إذا واجهتك مشاكل في الخروج من الخرطوم يمكننا أن تخرج عبر مطار جوبا". كان صادقاً في اقتراحه، ويريد بالفعل أن يساهم في حل مشكلة "مواطن". بدا لي وقتها هذا الاقتراح كلاماً معلقاً في الهواء، وكان جوابي أنه من الصعب على شخص يطالب "بدولة مؤسسات ديمقراطية منتخبة، وتعددية سياسية حقيقية، وحكام تأتي بهم صناديق الاقتراع في واضحة النهار، وليس ضباطاً يأتون فوق دبابات تتحرك في جنح الليل، أن يقبل الخروج من بلده متسللاً". كان ذلك قبل سنوات، لكن واقعة حدثت الأسبوع الماضي، أعادت إلى ذهني حكاية واشنطن وتلك الدردشة مع القيادي في الحركة الشعبية،على الرغم من أن العلاقة بينهما مكاناً وزماناً بل وحتى حيثيات تبدو بعيدة نسبياً، لكن المؤكد أن بينهما خيط رابط. هذا الخيط الرابط هو ما يمكن أن تجره السياسات الخاطئة لأي نظام على مواطنيه، وتجعلهم غير مطمئنين داخله، ولا يشعرون بكرامتهم خارجه، عندما يفكرون في "التنقل والتجول"، الذي هو حق من حقوق الإنسان الأساسية. تفاصيل ما وقع في الأسبوع الماضي، كان كالتالي: تلقيت دعوة من بلدية مدينة فرنسية صغيرة تسمى"غريغني" تقع جنوب باريس، رفقة مجموعة من أساتذة كلية الآداب في "جامعة إبن زهر" المغربية في اكادير، للمشاركة في إلقاء محاضرات حول " المساعدات التي يمكن أن تقدمها مدن أوربية صغيرة إلى مدن مماثلة في أفريقيا في مجال ترسيخ وتعزيز الديمقراطية المحلية". وفي هذا السياق أقترح عليّ إعداد ورقة حول دور الإعلام في مجال تعزيز الديمقراطية المحلية (عمل المجالس البلدية). رحبت بالدعوة ووافقت على الاقتراح، وأعددت ورقة أركز فيها على فكرتين: الفكرة الأولى أنه ليس صحيحاً على الإطلاق القول إن شعوب العالم الثالث، و إفريقيا على وجه التحديد، ليسوا مؤهلين للتجارب الديمقراطية، بسبب قلة الوعي والأمية وعدم انتشار التعليم ،لأن الشعوب متقدمة أو متخلفة لا يمكنها أن تتعلم الديمقراطية إلا إذا مارستها، وبالتالي لابد للأوربيين مساعدة الأفارقة بدعم مؤسساتهم المنتخبة، بتدريب هؤلاء المنتخبين على الممارسة الديمقراطية، كأن يشاركوا ولفترات طويلة، في اجتماعات بلديات مدن أوربية. والفكرة الثانية، أنه متى ما كان الإعلام يعني " تدفق المعلومات" إلا وقاد ذلك إلى نشر الوعي، مع شرح لتجربة مؤسسة "انترنيوز" الأمريكية التي يوجد مقرها في ولاية كالفورنيا، وهي مؤسسة تعمل في مناطق النزاعات و أين ما يوجد لاجئين أو نازحين، حيث تمول محطات إذاعية محلية تذيع باللغات أواللهجات المحلية، تساهم في رفع وعي أولئك اللاجئين، خاصة في مجال ممارسة الحق الانتخابي واختيار ممثليهم على مستوى البلديات، على اعتبار أن ذلك سيقود حتماً إلى وعي لاختيار ممثلين في البرلمان صعوداً إلى رئاسة الدولة، وبالتالي دعم المدن الأوربية للمحطات الإذاعية التي تقدم برامج باللهجات المحلية من خلال تدريب كوادر هذه الإذاعات في إذاعات أوربية، إذ أن الإذاعة هي الوسيلة الإعلامية الوحيدة التي يمكن أن تخاطب الأميين. أرسلت الورقة للجهة المنظمة مع إشارة إلى انه إذا تعذر عليّ الحضور، وكان لدي أحساس أن الحصول على تأشيرة على جواز سوداني ليست أمراً هيناً، فإن الورقة معهم ويمكنهم توزيعها على الحاضرين. ويبدو أن تلك الورقة راقتهم، لذلك طلبوا بإلحاح حضوري ،على أساس أن النقاش حول مضامين الورقة مع الحاضرين، يكتسي أهمية بالغة بالنسبة لهم. اقترنت دعوة بلدية "غريغني" بحجز في فندق مع رسالة إلى السفارة الفرنسية في الرباط لتسهيل الحصول على التأشيرة. وكان أن تلقيت رسالة عبر البريد الاليكتروني من مسؤولة القسم القنصلي تحدد لي فيها موعداً، مع إيضاحات حول الوثائق المطلوبة، ورسوم التأشيرة. كنت في القنصلية في الموعد، وكان أول سؤال طرحته عليّ موظفة القنصلية، حول نوع جواز السفر الذي أحمله، وما إذا كان جوازاً ديبلوماسياً، أو جوازاً خاصاً، أو جواز خدمة. وكان جوابي أنه "جواز عادي"أي ذلك الذي يحمله ناس السودان، قلت لها على سبيل الدعابة، كل ما كل ما أعرفه أنه كان جوازاً "أزرق" وأصبح لونه "أخضر". بعد أن تفحصت الوثائق التي قدمتها لها، قالت "متى تتوقع أن تسافر إلى فرنسا" أجبت: قبل يوم من موعد المحاضرة أي يوم الاثنين 27 يونيو. زمت شفتيها، تعبيراً عن أسفها، وهي تقول " تحتاج الجوازات السودانية عادة ما بين أسبوعين إلى ثلاثة أسابيع حتى يمكنك الحصول على تأشيرة شنغن (التأشيرة التي تتيح دخول معظم الدول الأوربية)". قلت طالما أن الأمر كذلك سأعتذر للجهة المنظمة، ربما يؤجلوا موعد المحاضرة. وقبل أن أغادر قالت الموظفة مستفسرة " إذا منحت لك التأشيرة هل تنوي بعد زيارتك فرنسا، أن تزور بولندا أو ليتوانيا؟". اعتقدت أنني كتبت شيئاً ملتبساً في طلب الحصول على التأشيرة ، قلت "لكن لماذا هذا السؤال؟ ولماذا بالضبط بولندا وليتوانيا؟". أجابت " تعرف أن تأشيرة شنغن تتيح لك زيارة عدة دول في أوربا، لكن على الرغم من أن بولندا وليتوانيا أصبحتا جزء من "اتفاقية شنغن" فإن هاتين الدولتين لا تقبلان دخول الذين يحملون جوازات سفر سودانية حتى ولو كانت بحوزتهم تأشيرة شنغن". قلت لها مازحاً، الذي اعرفه بان ليس لدينا حالة خصام أو عداء مع هاتين الدولتين، ويقيناً أن بلادنا أيام كانت تستضيف، مجموعات وشخصيات من كل الأصقاع "يعتقد" الغربيون أنهم من الإرهابيين، لا أظن أنه كان من بينهم أحد من بولندا وليتوانيا". غادرت القنصلية، وأنا أبحث عن جواب لسؤال محير، ترى ماذا فعل السودانيون لبولندا وليتوانيا؟ ثم تذكرت شيئاً، وهو أن الرئيس الوحيد الذي أجريت معه حواراً ولا ينتمي إلى ما كان يعرف باسم "أوربا الغربية" هو ليش فاليسا رئيس بولندا الأسبق، الذي قاد التغيير في بلاده عبر حركة " تضامن". يا لها من مفارقة. طلحة جبريل
عشان خاطر ابو الزوز عارفه بيحب المقالات الزي دي
حمد لله على سلامة رشا
يا ود جبارة نحن كنا بريئين ياخي ما صعاليق زيكم
Post: #2434 Title: Re: ناس الزقازيق ... أجدع ناس (4) .. Author: عمر هواري Date: 06-28-2011, 09:28 AM Parent: #2433
مبروك لكل الناجحين والله بجد حاجة مفرحة جداً أتمنى أن نشوف كل أبنا الزقازيقاب في المقدمة دائماً ومزيد من النجاحات في الحياة للأبناء والأمهات والآباء
يا طارق عارف اني معجب بطلحة ده ... ياخي زول كتاب ... وموقفه واضح في كل القضايا لا يلف يا يدور ... كمان زول قصة حياته براها حكاية ... كل مرة استغرب ليه طلحه ده ما شيوعي ... ياخي عليك الله تحياتي ليهو ... طبعاً انا محتار في حكاية انه بولندا وليتوانيا ديل ما بيدو تاشيرة للسودانيين ... وحكومتنا القفة دي ما سالت في الموضوع ... لانها اكيد بيكون عندها يد في المصيبة دي ونحن ما عارفين .... بعدين حكاية جوبا دي خلاص بعد يوم 9 يوليو ده بح ... بعرف ناس كتار سافروا عبر جوبا وهم ممنوعين من السفر من الخرطوم ... علي العموم بقترح حكاية اسمرا الدخول لارتريا بالبطاقة الشخصية لا جوازات ... لا كمبيوترات ... لا تاشيرات ومنها اسبوع سكسكة في اسمرا لمن اراد ....
محمد عيد قصص جميلة ..... والاخيرة دي لا تدعو الا للابتسام رغم اني ضد فكرة القصة القصيرة جداً دي ... شايف فيها نوع من الاستسهال والاستهبال .. بس خليتني اتابع القصص بشكل جدي ويمكن اغير راي منها ...
ود جبارة والله حكاية بولندا دي ممكن يكون سبب الخواجات ديل اصلهم ناس متلككين ...واحتمال يكون حرضهم عادل عبد العاطي هاهاهاهاهاها
يا اهلى الطيبين مساكم الله بالخيرالعافية. اولا الف مبروك لكل اولادنا وبناتنا الحلوين الناجحين وربنا يخليهم ودايما رافعين راسنا.. مبروك المولودة الجديدة وتتربى فى عزك.. نحن الايام دى مهيصين شديد فى حضرةالمديرة الكبيرة شوش واولادها الحلوين.. ونسة لذيذة واجترار للذكريات الجميلة...سوف نستعين بصديق شاطر لانزال الصور... وراجعين ليكم لو ربنا سهل وامد فى الاجال..
دمتم سالمين
Post: #2442 Title: Re: ناس الزقازيق ... أجدع ناس (4) .. Author: كمال الشادي Date: 06-29-2011, 05:28 AM Parent: #2441
صباح الخير يا وجوه الخير
دعاء تيسير الأمور: "اللهم يامسهل الشديد و يا ملين الحديد و يا منجز الوعيد .... و يا من هو كل يوم في أمرجديد أخرجني من حلق الضيق إلي أوسع الطريق بك أدفع ما لا أطيق و لا حول ولا قوة إلا بالله العلي العظيم ، يارب ضاقت بي السبل فمن لي سواك يفرجها " ... قال رسول الله صلي الله عليه و سلم :"من قالها و علمها للناس أذهب الله كربه و أطال فرحه
امبارح استمتعت بكمال الشادي علي الهواء مباشرة المناسبة شنو ما عرفت ... بس كان في حفلة شغالة في الرياض بيغني فيها الشادي ... ناس حلوة واكيد البيحضروا لي كمال الشادي كلهم ناس حلوين ... اتصلوا علي وسمعت اغاني رهيبة ... والله يا ود الشادي ربنا يديك العمر والصحة ... كنت في اللحظة مع سامي عبد الوهاب الوجيه طرف الجبيل ... اتفقنا انه الشادي ده لو كان اهتم شوية بموهبته دي كان الليلة في عالم تاني ... من فناني الدرجة الاولي في السودان ... وناس فلان وعلان ديلك القابضين الجو اليومين ديل كان قعدوا كنب .... بس كويس من فترة لفترة نستنتع بهذا الفن الجميل .... شكراً يا عفاف وشكراً رحاب وشكراً يا شادي القوم .... انشاء الله يا رشدي ما تكون اتغاتت وما رديت علي التلفون ...
Post: #2446 Title: Re: ناس الزقازيق ... أجدع ناس (4) .. Author: كمال الشادي Date: 06-30-2011, 06:34 AM Parent: #2445
شكرا يا زهير الزناتي على الكلام الحلو ده في حقي انت وسامي عبد الوهاب
الناس الكنت معاهم امبارح والله العظيم ما بعرفهم يا زهير لكن لي فترة طويلة جدا بسمع عنهم وكلهم تقريبا كلموني عشان انضم ليهم
الجمعية السودانية للثقافة والفنون وهم نفس المجموعة التي رتبت لحفل الفنان ابو عركي البخيث في الرياض وم نفس المجموعة الكانت تحتضن مصطفي سيد احمد عند زياراته للرياض
وتضم هذه المجموعة الشاعر نصار الحاج المسجل معنا في البورد والذي اوردت له عفاف بوست كامل في بوست ناس الزقازيق
كانت المجموعة تودع احد افرادها وهو الشاعر عصام الفكي رجل يقول الشعر حتى تقشعر مما تسمع من الطرب الجميل
قبل ذهابي الى مكان الحفل اتصل بي منظم الحفل ليقول لي اننا جهزنا لك مفاجأة احضرنا لك صديق مدثر
يا الله
الرجل انا اعرفه منذ زمن ولكني لم اقدم له نفسي ابدا بأية صفة فنية
والراجل كبر في السن
عندما طلب مني ان اغني ضنين الوعد طلبت ان يجلس بجاوري وامامي مباشرة
وفعلا ( تكلوهو ) لغاية ما وصل عندي وجلس بجواري مباشرة
قصدت ان اغني له شخصيا ضنين الوعد وفاجأني الرجل وانا اغني ضنين الوعد ببكاء جميل رأيت الدمع يلمع من عينيه وفوق خدية بكي الرجل وأطربني بكلمات رائعة من الثناء على غنائي لرائعته ضنين الوعد وعند نهاية الحفل قال لي تعالي في البيت عندي لك مفاجأة عندي لك قصيدة تلحنها وتغنيها انت
لي عودة
Post: #2447 Title: Re: ناس الزقازيق ... أجدع ناس (4) .. Author: كمال الشادي Date: 06-30-2011, 06:49 AM Parent: #2446
يا زهير ويا سامي شكرا مرة تانية
Quote: تفقنا انه الشادي ده لو كان اهتم شوية بموهبته دي كان الليلة في عالم تاني ... من فناني الدرجة الاولي في السودان ... وناس فلان وعلان ديلك القابضين الجو اليومين ديل كان قعدوا كنب
من تأثير غنائي على الناس اعرف مقداري وارجو الا اكون مغرورا لو قلت لك ان هناك مساحة ومقعد شاغر في ساحة الغناء السوداني يمكن لاي شخص أن يملاوه فقط يشترط فيه غير الموافصات الفنية في الصوت والموهبة
ان يكون ملتزما بقضايا وطنه أن يكون مهموما بتطوير نفسه ان يكون محترما في شخصه ان يكون محترما في سلوكه أن يكون محترما لاسرته ولعلاقاته أن لا يكون عضوا في مجتمعات الفن الليلية من قعدات وسكر وخلافه
هذا الشخص في السودان حسب علمي البسيط هو يتجسد في شخص الفنان ابو عركي البخيث فقط هذا الشخص في السودان كان حسب يتجسد في شخص الفنان الراحل مصطفي سيد احمد هذا الشخص في السودان حسب علمي يتجسد في شخص الفنان يوسف الموصلي هذا الشخص في السودان وحسب علمي يحتاج الفن ومجتمع الفن في السودان منه الكثير من الاشخاص
وحيث ان غناء أبوعركي البخيث لا يفهمه كل الناس الا الخاصة وحيث ان غناء مصطفي سيد احمد ليس لكل الناس وحيث ان موسيقى وغناء يوسف الموصلي صعب على العامة هاجر به بعيدا
فإن هذا المكان لا يزال يتسع لأكثر من شخص يحترم قيم المجتمع السوداني الجميلة وتكون عنده الموهبة العالية
ولكن حسب تقديري الشخصي الثمن غالي جدا فهي معركة عمر وانا اخترت معركتي غير الفن
معركة الفن يجب ان تكون مثلما يفعل عركي اليوم
تصور عركي محارب أ ن يغني في اجهزة الاعلام السودانية لاكثر من 17 سنة ويوسف هاجر بفنه الراقي إلى آخر الدنيا
هذه معركة صعبة العوم ضد تيار الركاكة في المجتمع ومحاربة كل القيم السيئة بالكلمات والغناء الراقي وإحتمالات الهجرة والمقاطعات و .. الخ داخل الوطن
ليست المسألة يا زهير مسألة موهبة فقط انا املك الموهبة والحمد لله ولكني غير قادر على مجاراة تيارات الركاكة الحالية في السودان اعرف ان صوتي اجمل واكثر مقدرة من كثيرين في السودان يملكون الملايين التي لن استطيع ان اجمعها حتى في الغربة ولكني أملك قيما لن اتنازل عنها لاكون فنانا مشهورا أو فنانا غنيا يملك الفلوس
يكفيني ما أحسه من طرب وإنتشاء وانا اغني لاناس اعرفهم ويعرفوني يحترموني وأحترمهم يكفيني ان اغني لجمع مثل جمع البارحة
لم أشأ أن تكون عودتي الى البوست في يوم الجمعة... و ذلك لأنه يوم لي فيه الكثير من الأنشطة الدينية والعائلية... و لكني خشيت أن يمتد غيابي ليوم آخر فيعتبر غيابي هجرا... و ان كان هجر الحبيب يؤلم... فان هجر (الحمار) كذلك يؤلم... و لكن رغم غيابي الذي يعد طويلا بمقياسي أنا... الا أن السؤال عني لم يرقى للمستوى الذي كنت أتوقعه... فقلت (حماري) البي حالي ماهو داري...يا (حماري)... ثم أخذت أبحث عن الأعذار و المبررات لمن نحب... ربما لأنه في نفس الوقت الذي غبت فيه.. غاب آخرون و بأسٍباب ربما تكون مشابهة... أو حتى غير مشابهة... و لكنها كانت وراء غيابهم القسري... و سببت لهم تدهور في حالة المود... أما الذين بشروا بالاتصال من خلال هذا البوست...لم يتصلوا... كنت عايز أقول ليهم أسمع كلامك أسدأك... لكن قلت أحسن منها أقول ليهم الفيكم اتعرفت...
يحول السؤال لسلمان معتصم جعفر... و اذا ما جاوب حوله لي جلا... لأني أنا والله محتار في التقويم الذي يتبعه جلا... مره قال لي أنا يوم الأحد الجاي حتلقاني في البوست كل يوم... لحدي يومنا ده ما ظهر... ما عارف الما جاء منو... جلا و لا يو م الأحد... و لا اكون امكن أنا الما جيت...
Quote: لو قلت لك ان هناك مساحة ومقعد شاغر في ساحة الغناء السوداني يمكن لاي شخص أن يملاوه فقط يشترط فيه غير الموافصات الفنية في الصوت والموهبة
ان يكون ملتزما بقضايا وطنه أن يكون مهموما بتطوير نفسه ان يكون محترما في شخصه ان يكون محترما في سلوكه أن يكون محترما لاسرته ولعلاقاته أن لا يكون عضوا في مجتمعات الفن الليلية من قعدات وسكر وخلافه
هذا الشخص في السودان حسب علمي البسيط هو يتجسد في شخص الفنان ابو عركي البخيث فقط هذا الشخص في السودان كان حسب يتجسد في شخص الفنان الراحل مصطفي سيد احمد هذا الشخص في السودان حسب علمي يتجسد في شخص الفنان يوسف الموصلي هذا الشخص في السودان وحسب علمي يحتاج الفن ومجتمع الفن في السودان منه الكثير من الاشخاص
آمل ألا يعدي هذا الكلام ويمر مرور الكرام!!!!!!!!!!!!!!!!!!!
ولكني أختلاف مع شقيقي كمال الشادي في عدم نشر موهبته
على الملآ وجعل الناس يتذوقون شئ من الشهد المكنون!!!!
أطلب من الجميع المداخلة والتعليق لأن الشادي ليس ملك نفسه فقط
Post: #2462 Title: Re: ناس الزقازيق ... أجدع ناس (4) .. Author: أحمد إسماعيل Date: 07-02-2011, 05:55 AM Parent: #2461
أصبحنا وأصبح الملك لله رب العالمين ربنا آتنا في الدنيا حسنة وفي الآخرة حسنة وقنا عذاب النار ، يا عـزيز يا غـفار وقضى ربك الا تعبدوا إلا اياه وبالوالدين إحسانا اللهم نسألك الرحمة والمغفرة والصحة والعافية لهما اللهم أرزقنا رضاهـم ونعوذ بك من عـقوقهم
Post: #2463 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2011, 05:55 AM Parent: #2461
صباحكم زين ودعوات مقبوله وفي ميزان حسناتكم ( ميسره ، احمد اسماعيل) سامى جمال منور والله بس الشغله ما ضلع ولا كيمان بحاول ارسل ليك الراس بس جهز الفلفل الحب وقرن اخضر بس ما تنسى اخونا حسن ابوعلى وناس ود الجعلى يعنى الراس تلته ولا كتلته
Post: #2465 Title: Re: ناس الزقازيق ... أجدع ناس (4) .. Author: محمد عيد Date: 07-02-2011, 08:08 AM Parent: #2464
قصــة قصـــــــــيرة جدا
كانت تسير في كتاباتها نحو المستقبل ..
فتاهت عند مفترق أشعارها ....
فعادت نحو الماضي
Post: #2466 Title: Re: ناس الزقازيق ... أجدع ناس (4) .. Author: محمد صديق Date: 07-02-2011, 08:26 AM Parent: #2465
سلامات يا ناس
السلام عليكم جميعاً ....
زهير ...شكراً على الترجمة.
شكراً ميسرة على اختيار طعامة غنا الشادى وشكراً للشادى الفنّان.
Quote: و لكن رغم غيابي الذي يعد طويلا بمقياسي أنا... الا أن السؤال عني لم يرقى للمستوى الذي كنت أتوقعه... فقلت (حماري) البي حالي ماهو داري...يا (حماري)... ثم أخذت أبحث عن الأعذار و المبررات لمن نحب...
يا زول السّلع ...سلام وشوق
تعرف الناس ديل كلهم ضاربم تشويش مخليهم (سُكارى وما هم بسُكارى)
أولا... شكرا يا ديدو على تلفونك اللذيذ... الذي لا يضاهيه شيء غير قعدتي اليوم مع ست بيتي و أولادي...
يا شادي مبااااااالغة عديل كده... شكر يا ريس على اتحافنا بالغناء الجميل ده...
Quote: يا زول السّلع ...سلام وشوق
تعرف الناس ديل كلهم ضاربم تشويش مخليهم (سُكارى وما هم بسُكارى)
تغيب ما تغيب انت معاهم وما معاهم ...
تجى ما تجى انت جيت وما جيت ...
يا كوتش سلامات... أشواق بالكوم و الردوم... و الله يا كوتش كلامك صاح... الناس دي جنت و لا شنو ما بعرف... و الله أنا ما بعرف ألوم الناس... لكن تاني من يوم الليلة الومهم ليك جنس لوم... الناس ديل طلعوا أي كلام يا راجل.... و العجب حبيبي...
Post: #2468 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2011, 11:23 AM Parent: #2467
Post: #2469 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2011, 11:25 AM Parent: #2468
Post: #2470 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2011, 11:27 AM Parent: #2469
Post: #2471 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2011, 11:28 AM Parent: #2470
لظرف طارئ خاص بالعمل يعود بكرة سامي إلى المنطقة الشرقية ويؤجل السفر إلى السودان بعد أن سافرت العائلة وسوف يعود قريباً يا ناس جدة وهو موجود في شقة العزابة - النضيف -
ميسرة تتذكر كان في مقولة مصرية مشهورة في فيلم أو في مسلسل ما عارف
الكبير كبير والنص نص نص نص والصغير ما نعرفوش
إنت اثبت إنو الكبير كبير يا باشا
اللمة ما عندك يا ميسرة كيفك سامي والله مشتاقين ليك ما شاء الله عليك يا ميسرة لماتك دائما عامرة ودائما بي ناس حلوين زي سامي الله يديم المحبة ويخلي بيتك دائما عامر يا ريس
بسم الله الرحمن الرحيم ما تستعجلو جايييكم و كمان بدون طايوق بوست عزاء ....
Post: #2475 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-03-2011, 06:09 AM Parent: #2474
صباح الخير ،،، يا وجوه الخير
اللهم أرحمنا إذا فارقنا النعيم
وأنقطع النسيم،،،
وقيل ما غرك بربك الكريم
اللهم أرحمنا وأرحم ميتنا يا رب العالمين
Post: #2476 Title: Re: ناس الزقازيق ... أجدع ناس (4) .. Author: عمر المهدى Date: 07-03-2011, 08:30 AM Parent: #2475
التحيه للعزيز سامي وهو يزين ايام جده ولانه سامي ديدو والريس ماادونا خبر وصولو جده وحرمونا التلاقي لكن رغم ذلك ظل هوانا باقي *الامنيات لاسرته باجازه سعيده على امل لقاءه في المرات الجايه والشكر للريس وعبد الدايم بما يقومون به من تواصل --لكم مودتي
Post: #2477 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-03-2011, 08:46 AM Parent: #2476
انتا آآآآ ود المهدى الكنتاكى ده بينفع مع ناس السكرى ....
والله يا عمر طلعنا من البيت بعد المغرب ومشينا دوار المعارض لعربية سامى ورجعنا لميسرة ذى 10 ونص ومشينا اتعشينا ... والوقت كان متأخر رجع سامى صباح اليوم للدمام وبجينا يوم الاربعاء وابقى خليك جاهز للمة وصور عم جــــــــودة
وتحية خاصة للأخوان: الريّس ميسرة والأخت منى وأسرتهما الجميلة والنضيف جدا عبد الدائم والأخ الجميل سامي جمال يومين بالرغم من كل الظروف المعاكسة كانا جميلين والتحية لكل جدعان جدة ونشوفكم إن شاء الله خلال أيام كان ربنا سهّل وأمورنا ظبطت مع (الكفيل)
______________
التهنئة لأخونا موسى الراجل بالمولودة
_____________
وكيفك يا كمال الشادي... واله إبداع شديد وإن شاء الله تزول كل الظروف البتمنعك من الغناء بشكل مستمر
______
جلجل يا حبيب... والله أنا قربت أكون هزلول 2011... لكن مااااااااااااااااااا ظبطت
Post: #2481 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-04-2011, 06:17 AM Parent: #2479
بسم الله الرحمن الرحيم أمبارح قلت ليكم بجيكم بدون طايوق صح؟؟؟؟ إذن إعتبروني لسع ما جيت
Quote: برضو تعبانيين
وهل يعني أنك متابع و مستمتع ؟؟؟
Post: #2487 Title: Re: ناس الزقازيق ... أجدع ناس (4) .. Author: محمد عيد Date: 07-04-2011, 07:31 AM Parent: #2483
Quote: والتحية لكل جدعان جدة ونشوفكم إن شاء الله خلال أيام كان ربنا سهّل وأمورنا ظبطت مع (الكفيل)
سمسم لك اجمل التحايا ...
والمعذرة ان لم تسنح لنا الفرصة بلقاك ...
بس النضيف اتلوم .. يعنى وانتو ماشين حراج السيارات كان ممكن يمر على ونتلاقى ....
عموما نحن فى انتظارك هذا الاسبوع بمشيئة المولى ...
Quote: إذن إعتبروني لسع ما جيت
يا ســـرى والله عاذرنك ...
بس انت خلص موضوع ابييى وبعدين أفضى لينا ..!!
Post: #2484 Title: Re: ناس الزقازيق ... أجدع ناس (4) .. Author: أحمد إسماعيل Date: 07-04-2011, 06:43 AM Parent: #2479
الحياة الزوجية ليست كرر وأعد وخلاص خلافات الزوجين هي بهارات الحياة الزوجية بالإضافة إلى بعض الشمار الأخضر الطازج ، وبدون هذه الخلافات حتكون الحياة رتيبة لأنها سوف تسير في إتجاه واحد ( كرر وأعد) بلا تغيير ، من المفيد للأزواج السعداء أن يتشاجروا ويختلفوا ، بالمشاجرة تكون العلاقة صحية جدا لأن العلاقة القوية بينهما تعتمد على قدرتهما على إدارة خلافاتهما دون السماح لها بتدمير الحب والإحترام المتبادل ، ولا شك أن تعدد الخلافات يجعل هناك تفاهم بين الزوجين بشرط وجود الحب بينهما لأنه سيجعل كل منهما يقدم بعض التنازلات ولا يتعمد كل منهما إهانة الآخر. وبمرور السنوات بين الزوجين تختفي المشكلات بسبب مشغوليات الحياة وظهور الأبناء في الساحة مما يتطلب نوعا من التعقل وبالتالي وجود مساحة أكبر للتفاهم والقضاء على جميع الخلافات.
قلت أشاغل منصور بهذه المداخل عسى ولعله يبين ويبيّن ، زمان عندنا واحد بتاع مشاكل كان سألته الله قال بقولك؟ كنا بنسميه جقو جاب نار اما منصور حيكون سالوه جاب الإبداع
التحية و التجلة ليك يا أبوحميد الحياة الزوجية بالنسبة لمنصور كرر و أعد يوم واحد ما قال أنا مختلف مع بت الشيخ أو ست بيني كما يدعي هو أو الزولة الإسمها بت النوبة ديك أيضاً ينطبق كرر و أعد لكثيرون و من غير ذكر أسماء (رش وكل خميس عايز تلفون و مسافة مقدرة حتى يصل بت شيخو و التي هي بدورها تنظره بفارق الصبر وشنو كدا ماعارف و أبو الزوز صاحب المكنسة الشهيرة و تقسيم اليوتي مع ست بينو و الذي هو جوار رش و لا يحتاج للعب ود الشادي الخشن.......وكثيرون هم بيننا) أنا بالنسبة لي برضو كرر و أعد ...لكن في مسألة الإختلاف الإختلاف بتاع يوم الليلة هو نفسو بتاع الإسبوع الفات ياهو نفسو بتاع السنة الفاتت يعني تعدد الخلافات دي ما قاعد تجينا
Quote: إدارة خلافاتهما دون السماح لها بتدمير الحب والإحترام المتبادل
صحبي خاشي في الكلام دا؟؟؟؟؟؟؟؟
حاجة كدا: رمضان كريم.... غايتو كان ما أخاف الكضب أقول رمضان خش في العضم
يا احمد اسماعيل انت ما جايب خبر ... منصور يتسمتع بنسمات بحر الشمال لجوار عمر نملة في اجازة خطط لها بسرية تامة ... فاصبح السائح السري علي وزن الحاج السري ... منصور في بلجيكا يا اولاد ....
Post: #2488 Title: Re: ناس الزقازيق ... أجدع ناس (4) .. Author: عمر هواري Date: 07-04-2011, 07:36 AM Parent: #2484
التحية لأعزائي و إخوتي الطيبين الجدعان حقيقي مشتاق ليكم كتير وربنا يجمعنا بيكم إنشاء الله شكر خاص للريس ميسرة على هذه الهدية الجميلة والله إبداع كبير من أحد عمالقة الزقازيق الأستاذ المرهف كمال الشادي وقد إندهشت عندما سمعت صوت كمال وهو يتغنى للراحل مصطفى وكان أداؤه للأغنية بمنتهى الإبداع والتعمق لم أسمع صوت الشادي منذ أن كنا في الزقازيق حيث كان يتحفنا بأغنيات الكابلي ومحمد ميرغني وغيرهم وكان صوته جميلاً جداً ولكنه الآن صار أجمل وقد تطور كثيراً كما قال الموسيقار الدكتور الموصلي وهو أكثر دراية منا كمستمعين عاديين لانفهم في الأصوات كثيراً إلى الأمام دوماً أخونا كمال الشادي ونتمنى أن نرى ناس الزقازيق دائماً في المقدمة يحققون أعلى النجاحات لكم الشكر جميعاً ونتمنى التوفيق للجميع
Post: #2489 Title: Re: ناس الزقازيق ... أجدع ناس (4) .. Author: محمد صديق Date: 07-04-2011, 10:47 AM Parent: #2488
سلامات يا ناس
تعبانين جداً
Post: #2490 Title: Re: ناس الزقازيق ... أجدع ناس (4) .. Author: كمال الشادي Date: 07-04-2011, 11:03 AM Parent: #2489
الحبيب عمر هواري كيفك يا غالي والله يديك العافية
Quote: والله إبداع كبير من أحد عمالقة الزقازيق الأستاذ المرهف كمال الشادي وقد إندهشت عندما سمعت صوت كمال وهو يتغنى للراحل مصطفى وكان أداؤه للأغنية بمنتهى الإبداع والتعمق
شكرا كتير لي كلامك الجميل في حقي وأتمني أن أكون عند حسن ظن ناس الزقازيق كلهم أول حاجة وبعدين الناس الباقين كلهم حقيقي كلامك أفرحني جدا
إستجابة لاقتراح الاخ الرشيد بابكر ان شاء الله قريب راح أفتح بوست في المنبر العام بتاعنا ( ناس الزقازيق ) وانزل فيهو مجموعة من الاغاني بصوتي انتظرني
الحبيب طارق جبريل تسلم يا خي وانشاء الله تشوف البوست في المنبر العام على طلبك قريب ان شاء الله
لكن قبل كل شيء السؤال ليك ولكل الاحباب اعرف لي الزول الانا متصور معاهو ده منو ؟
ودي الصورة الثانية
يا سيدي الراجل ده عم صديق
عرفتو ؟؟؟ صديق منو ؟
شوف يا طارق الراجل ده يستاهل تختو مع العقد الفريد بتاعك الكان معاك في المغرب بقيادة المرحوم الطيب صالح الراجل ده يتساهل تتعرف بيهو يا طارق وكل الناس الهنا
ده صديق مدثر شاعر يا ضنين الوعد في ليلة جميلة لجمعية الثقافة والفنون السودانية بالرياض تمت دعوتي للغناء وتمت دعوة هذا القامة لسماع ضنين الوعد مني
أجلسته بجوار حتى تكون الاغنية له وحده عندما سالت منه دمعتنا خفيفتان لم اصدق ما رأيت
يا أخي رجل رهيف وحساس بدرجة راقية جدا
اسعدني جدا ثناءه الكثير على غنائي
وبعدها مسك المايك ( كمافي الصورة ) وبدأ يحكي بدون حدود وبدون تركيز
من ضمن ما قال
اقسم بالله الكابلي ما غنا أحسن من ضنين الوحد حقتي دي
تعرفوا ( موجهاً كلامه لكل الحضور ) لمن كابلي غنا ضنين الوعد وردي غار جدا وما قدر يقعد
جاني وقالي تكتب لي حاجة أفظع وأقوى من ضنين الوعد
وفعلا كتبت ليهو عاد الحبيب فعادت الي احلى الليالي وكان الكاسب الرئيسي هو الشعب السوداني ليستمتع بمثل هذه الغيرة وهذا التنافس الرائع بين وردي وكابلي
حكيت للعم صديق مدثر عن الزقازيق وناس الزقازيق وكيف أننا كلنا بنحبو لدرجة ماطبيعية وإن اغنيتو صارت رمز لينا جيل كامل من الشباب كان يتغنى بضنين الوعد ما صدق
راح أحكي ليكم حكاية غريبة حكاية حفلة غنيت فيها ضنين الوعد المكان : الزقازيق - مسرح سينما قصر الثقافة عدد العازفين أكثر من 25 عازف ّ!!! المسرح مليء للاخر عدد السودانين الحضور 3 اشخاص فقط هم ميسرة منى عزه عباس على
والباقين ؟؟
الباقين كلهم كانو مصريين ؟
تتذكر الحفلة دي يا ميسرة ؟
Post: #2496 Title: Re: ناس الزقازيق ... أجدع ناس (4) .. Author: أحمد إسماعيل Date: 07-04-2011, 03:11 PM Parent: #2495
Quote: و أبو الزوز صاحب المكنسة الشهيرة و تقسيم اليوتي مع ست بينو
يا جلا ياسيد يا جيد حكاية ابو الزوز والمكنسة دي فيها تزوير ياخي ابو الزوز والشنب الكبير أكيد هناك ميار واخوتها تاني البوديه للمكنسة والعدة شنو ، لكن الراجيهو أكثر من المكنسة شايفو بدأ يفتح ليه دفاتر يسجل وقال الحساب ولد مع الابنـاء
Post: #2497 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 05:14 AM Parent: #2496
صديق مدثر/ وردى
الحبيب العائد _________ عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟ ***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى ***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً ***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى
تعرف يا احمد اسماعيل تعجبني فيك براءتك دي ... ما زي اولاد دفعتك موسي عيسي والمدعو جلا ....
يا كمال يا شادي ... سلامات ... برضو اغنية وردي ما زي اغنية الكابلي ... ضنين الوعد من عيون الغناء السوداني والحبيب العائد لا يعرفها سوي القليليين ..
يحكي لي عمك محجوب شريف ... عندما وجدت معه شخص يطلب منه قصيدة لتابين احد اصدقاء محجوب شريف الاقربيين ... اعتذر له بانه لا يعرف يقول القصيدة حسب الطلب وانما تاتي هكذا ... وقال له ان الدوش يظل من اقرب الناس الي نفسه واعز اصدقائه حينما توفي لم يستطيع ان يرثاه ... ولكن حينما توفي علي المك الذي لا تربطه به صلة سوي الهم العام ... نعاه بقصيدة ود باب السنط والدكة والنفاج *** والحوش الوسيع للساكنين افواج *** واللمة التي ربت جنا المحتاج*** والنار الدقش والريكة جنب الصاج *** الشاي باللبن براده لابس تاج *** صينته الدهب كر كش كبابي زجاج*** والسكسك المنضوم*** حول الجبينه نجوم والفنجرية تقوم تقهوج الحجاج**** طق طرق يابن القهوة كيييف ومزااااج*** خلي النعدل الراس ونحصل الترماج وهي من اغاني عقد الجلاد الجميلة وقد لا يعرف الكثيرين بانها قيلت في رثاء الاديب العلامة علي المك ..
ثم ذكر لي بانه لم يستطع ان ينعي فاروق كدودة اقرب اصدقائه وزميل زنازين المعتقلات لفترات طويلة .. واكثر الذين زاملوه في المعتقل .... ولكن حينما توفي عبد الكريم ميرغني الذي ايضاً لا تربطه به علاقة صداقة وانما علاقات العمل العام نعاه بقصيدة :
يابا مع السلامة يا سكة سلامة في الحزن المطير يا كالنخلة هامة قامة واستقامة هيبة مع البساطة اصدق ما يكون راحة ايديك تماماً متل الضفتين ضلك كم ترامى حضناً لليتامى خبزاً للذين هم لا يملكون بنفس البساطة والهمس الحنون ترحل يا حبيبي من باب الحياة لباب المنون روحك كالحمامة بترفرف هناك كم سيرة وسريرا من حولك ضراك والناس الذين خليتم وراك وعيونم حزينة بتبلل ثراك ابواب المدينة بتسلم عليك والشارع يتاوق يتنفس هواك يا حليلك حليلك يا حليل الحكاوي تتونس كانك يوم ما كنت ناوي تجمع لم تفرق بين الناس تساوي نارك ما بتحرق ما بتشد تلاوي ما بتحب تفرق من جيبك تداوي الحلم الجماعي والعدل اجتماعي والروح السماوي والحب الكبير في الزمن المكندك والحزن الاضافي جينا نقول نفرق نجي نلقاه مافي لا سافر مشرق لافتران وغافي وين عمي البطرق جواي القوافي يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي يا تلك الترامس وينو الصوتو هامس كالمترار يساسق يمشي كما الحفيف كم في الذهن عالق ثرثرة المعالق والشاي اللطيف تصطف الكبابي اجمل من صبايا بينات الروابي والضل الوريف احمر زاهي باهي يلفت انتباهي هل سكر زيادة ام سكر خفيف ينده للبنية يديها الحلاوة والخاطر يطيب يدخل جنو منو محبوب الشقاوة يستنى النصيب الدفو والنداوة السنا والعبير كالغزلان هناك في الوادي الخصيب حيث الموية عذبة والغصن الرطيب كم تحت المخدة اكتر من مودة للجنا والغريب عش وعشب اخضر جدول من حليب يابا ابوي يا يابا الشمس البتطلع بلت منو ريقا والنجمة البتسطع فيه تشوف بريقا الندى في حركتو يطفيها الحريقة ننهل من بركتو زي شيخ الطريقة شاييهو وطرقتو والايدي الصديقة يلا نسد فرقتو حب الناس درقتو يا موت لو تركتو مننا قد سرقتو كنا نقول ده وقتو لكنك حقيقة النفاجو فاتح ما بين دين ودين نفحة محمدية دفئاً كالضريح ميضنة كم تلالي جيداً في اليالي مجداً في الاعالي مريم والمسيح قلباً نبضو واصل ما بين جيل جيل ما بين كان وحاصل او ما قد يكون ما بتشوف فواصل الا الذكريات وآلام المفاصل بعضاً من شجون يابا مع السلامة يا سكة سلامة في الحزن المطير
التي لحنها مؤخرا شمت وتغنيها ايضاً فرقة عقد الجلاد .... وذكر بان شقيقته الوحيدة حينما توفت لم يستطع ان ينعاها ولكنه نعي ابن مرتضي الغالي حينما صعقته الكهرباء بقصيدة غير متوفرة لي الآن .. وهي ايضاً من قصائده الجميلة ...
ثم حكي قصة اغنية ... ودي في المرة الجاية
Post: #2499 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 06:53 AM Parent: #2498
الحبيب زهير الزناتي
كلامك صاح على المقارنة بين ضنين الوعد و عاد الحبيب
الغناء في الاصل مخاطبة للاحساس
في فنان حسا بالقصيدة من نفسو ولحنا وده كابلي مع ضنين الوعد
يبدو لي انها لمن شغلت المثقفين في الوكت داك قام وردي غار حسب كام صديق مدثر شخصيا
يعني الدافع الاساسي لوردي هو الغيرة من كابلي
في الحالة دي ( فنيا) إختلف المعيار
كابلي لحن لانو حب الكلمات وحساهاه ووردي لحن لانو غار من كابلي
مستحيييييييييييييييييييييييل اللحن التاني يطلع احسن من الاول
حتى صديق مدثر قالي انا ما عاجبني كوراك الالات الموسيقية في عاد الحبيب خصوصا آلات النفخ ( ودي وجهة نظر انا اقولها من سنين طويلة ) إنو آلات النفخ تستخدم في التنبيه العام ( العسكري ) وغير العسكري لا يمكن تستخدم في تنبيه الحبيب
رغم عن ذلك انا بعتبر وردي هرم وهرم كبير كمان لو كان وردي ده لبناني والله مصري كان زمان بقى اشهر من ام كلثوم لانه فعلا اعظم من ام كلثوم
ام كلثوم ما عندها غير صوتها الجميل حتى حسن الاختيار عندها تولى اشخاص كثيرين تعليمها له
لكن وردي مدرسة الحان رسمت خارطة الوجدان السوداني
في جية اوبو عركي البخيت الاخيرة للرياض قعدت معاهو قعدة راس انا وهو في حضور شخصين آخرين كانا يستمعان فقط
قلت ليهو اغنية بوعدك يا ذاتي يا اقرب قريبة رسمت وجدان الشعب السوداني في المناسبة دي
يعني اي زول خاطب بيفكر يغازل خطيبتو بيقول ليها كلام ابو عركي البخيت القالو لي عفاف حمد النيل لمن خطبها وهو بوعدك يا ذاتي يا اقرب قريبة
وردي رسم وجدان الشعب السودان لمن نفكر في الاحتفال بالاستقلال مافي شي يعبر عن فرحنا اكتر من اليوم نرفع راية استقلالنا وقيس عليها كل الحان وردي
طيب علي ذكر وردي اواصل ليك مع حكاوي عمك محجوب شريف .... قال في اواخر ايام نميري جاتو مجموعة من طلاب هندسة الخرطوم وكان عندهم كورال خطير وشهير في الوقت داك ... قال ليهو عايزين لينا اغنية نلحنها تعبر عن الراهن السياسي ... وقالو انهم اشتغلوا القصيدة بتاعت هاشم صديق البيقول في جزء منها .... والخلاص في وحدة يسارك .... مع احترامي ليكم ولهاشم صديق مافي تغيير بيجي الا بوحدة كل الشعب السوداني ... وانا ما بقدر اكتب اغنية حسب الطلب ... واذا ما كتبت حاجة في اي وقت ما عندي مانع اديكم ليها ... مرت ثلاثة شهور علي الكلام ده او اربعة ... وقال لي يوم قاعدين في بيت نسابته آل الجزولي في امدرمان القديمة جنب الشهداء ... وفي نص الونسة قال كمال الجزولي ... امدرمان دي كانت بيوتها كبيرها حدادي مدادي .... عمك طوالي طلع وما استاذن مشي قعد في القبر في الشهداء وكتب واحدة من اجمل الاغاني الوطنية ...
حنبنيهو البنحلم بيهو يوماتى وطن شامخ وطن عاتى وطن خيّر ديمقراطي وطن مالك زمام أمرو ومتوهج لهب جمرو وطن غالى نجومو تلالي فى العالي إرادة سيادة حريّة مكان الفرد تتقدم قيادتنا الجماعيّة مكان السجنِ مستشفى مكان المنفى كليّة مكان الأسرى ورديّة مكان الحسرة أغنيّة مكان الطلقة عصفورة تحلق حول نافورة تمازج شُفّع الروضة حنبنيهو البنحلم بيهو يوماتى وطن للسلم أجنحتو ضدّ الحرب أسلحتو عدد مافوق وما تحتو مدد للأرض محتلة سند للإيدو ملويّة حنبنيهو البنحلم بيهو يوماتى وطن حدّادي مدّادي ما بنبنيهو فرّادي ولا بالضجه فى الرادي ولا الخطب الحماسيّة وطن بالفيهو نتساوى نحلم.. نقرا ..نتداوى مساكن كهربا ومويه تحتنا الظلمة تتهاوى وتطلع شمس مقهورة بخط الشعب ممهورة تخلي الدنيا مبهورة إرادة وحدة شعبيّة
Post: #2501 Title: Re: ناس الزقازيق ... أجدع ناس (4) .. Author: جلال عثمان Date: 07-05-2011, 07:37 AM Parent: #2500
حقيقي قمة الاستمتاع بالديتو الجميل بين كمال الشادي وزهير الزناتي .... وكلام في الحنان يجبر الزول انو يجي جاري جري هنا قمة الاستمتاع غايتو ... يلا واصلوا
Post: #2502 Title: Re: ناس الزقازيق ... أجدع ناس (4) .. Author: أحمد إسماعيل Date: 07-05-2011, 08:32 AM Parent: #2501
Quote: تعرف يا احمد اسماعيل تعجبني فيك براءتك دي ... ما زي اولاد دفعتك موسي عيسي والمدعو جلا ....
يا أبو الزوز 00الحقانية والإعتدال بتاع عمك محجوب شريف 000 مش بالله هي مطلبنا
تعرف يا ابو الزوز في مشيتي الاخيرة طلبت مني دكتورة سوسن نمشي لي محجوب شريف قلت ليها هو انا لاقي قالت لي انا حكيت ليه عنك وعن كتباتك الشايقية خلاصة الامر مشينا سوى لي عمنا محجوب شريف قضيت معاهو حوالي اربعة ساعت يمين الزول دة ممتع لي حد بعيد وزول خسارة في السودان دة وانا طالع قال لي طلحة ما جايي قريب قلت ليه حا يجي بعد شهر تقريبا قال لي خليه يجيني عليك الله طلحة قام مشى ليه وقعد معاهو زي عشرة ساعات كدة وكان طلحة متوقف من الكتابة في جريدة الاحداث لخلافات مع عادل الباز قام عمك محجوب شال التليفون واتصل بمدير جريدة الاخبار قال لي قال ليهم بالحرف: انتو مجانين عندكم كاتب عمود زي طلحة جبريل دة وخالنو كدة يا زول تاني يوم الجريدة كلها جات بيتنا واتفق معاهم طلحة انه يكتب بشكل راتب كل خميس وفعلا مواصل معاهم لحدي هسي وعمك محجوب شريف مبسوط جدا من الحتة دي
العايز اقوله عمنا محجوب شريف شفاه الله عنده تفاصيل صغيرة كدة بيعرفها براهو وعنده ذاكرة ما عادية دة زول كنز ياخي
يا كمال ما تشتغل بي كلام محمد صديق دة انشر حاجاتك في المنبر العام لانه المتعة دي ما خاصة بي ناس الزقازيق المتعة حقت السودان كله ياخي ولا بقوم اضرب للحاجة امك قريبتي الشايقية وبستخدم اسلوب الضغط
الشادي يا رقيق يا مبدع ... اطربتنا ... طلاب وعزابة .. واليوم تطربنا مع أسرنا ... مازال تطريبك القديم من أيام الجامعة ... لم يفارق وجداننا .. وها أنت اليوم تزيده ... عمقا وإحساسا ... ونضجا ... متعك الله بالعافية ... وسعدت دنيا وآخرة .. كما أسعدنا ... دمت لنا ... فخرا ... وبك تطول سنين المتعة ... والفرح ...
======================================= بالمناسبة المناظرة بينك وبين ود الزناتي ... ومداخلات طارق جبرين ... ممتعة ومفيدة ... بل تصنف ... كتوثيق جميل ...وجاد ... في دروب الفن .... وخايف أقول واصلو ... وكل من أمتعنا .. وقولنا ليهو واصل ... قطعنا ... دون رجعة ...
المهم نحنا .... ما تعبانيين ... ولكن منهكين .... من الشوق والبحث عن الفن الرفيع ...
Post: #2505 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-05-2011, 09:41 AM Parent: #2503
لم أستطع الدخول من الصباح لكثافة العمل
ولكن الآن وقت صلاة الظهر وأعجبتني المجادلة
والمتابعة بين الشادي وأبو الزوز ،،،،،
يا سلام عليكم لمن يكون مزاجكم عالي وصافي
ويا شادي أسمع كلام ود جبرين وخليك جاهز وأنثر
الجميل الممتع ،،،،،
Post: #2506 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 09:55 AM Parent: #2505
الشباب الحلوين مواصلة لهذا المزاج الجميل
مرة كنت ( مبركن ) من عامل باركن يعني ( حاتل ) بالشايقي مع يوسف الموصلي في شقتو في عمارة النصر في ميدان الجيزة وكانت المناسبة إنو بيعملوا في شريط وكانت فرصة الواحد كل دقيقة بيجي زول من المشاهير داخل
المهم بالليل بت مع الراجل وبات معانا عز الدين هلالي وايامها انا بعرف عز الدين معرفة خفيفة في الزقازيق كان جا عمل ندوة شعرية
الراجل عز الدين هلالي لمن لقاني قاعد وبستمع بإهتمام فتح وإتجلى معاي
كنا بنتكلم عن عركي
قالي لي يا أخي ابو عركي البخيت ده راجل فنان فعلا
تعرف أديتو كلمات كتبتها في ولدي لمن إتولد عركي القصيدة قاعدة معاهو فترة طويلة وكلما اسألو يقول لي ما حاسي بيها
الايام ديك عركي كان متزوج جديد وما كان عندو أولاد لمن إتولد ليهو ولدو الاولاني حس بالقصيدة ولحنها
الموقف انا عجبني شديد وحسيتو طالع من فنان صادق في مشاعرو مع نفسو ومش بيلحن اي حاجة سلق بيض لمن لاقيت ابو عركي في الرياض حكيت ليهو القصة وأكدها لي
إندهش ابو عركي لمن لقاني حافظ القصيدة بالكامل
والقصيدة بتقول
يا بخت بلادنا وبختنا الليلة ميلاد طفلنا دوبنا عمرنا في جديد يحمل طهارة حبنا فيهو إخلاصنا ووفانا وفيهو آمال شعبنا
انا وحبيبتي ومن زمان عشنا ريدتنا وسنينا كلمة كلمة وخطوة خطوة وريده من آخر ضميرنا وقبل نعرف هو مين وقبل تكوين الجنين كان كلامنا عن المباديء وعنك إنتي يا بلادي وعننا وعن العلاقة البين فصيلة دمك إنتي ودمنا أهي دي العلاقة المستحيلة الممكنة
يا بختك إنتي وبختنا وبخت أبوي الكان قبيل شاف فيني ميلادو الجميل والليلة جا التاريخ يعيد نفس الحكاية معاي انا
يا بخت بلادنا وبختنا الليلة ميلاد طفلنا دوبنا عمرنافي جديد يحمل طهارة حبنا فيهو إخلاصنا ووفانا وفيهو آمال شعبنا
Post: #2507 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 10:09 AM Parent: #2506
آخر أيامي وانا طالع من مصر ختمها بي قصة حب كاربة جدا مع واحدة جلجلاية أبوها سوداني وامها مصرية وعايشين في القاهرة حب للدين
أجمل حاجة كانت في العلاقة إنها كانت بتكب ريد ممتع جدا المصريات والناس العايشين في مصر ماخدين الحتة بتاعة العاطفة الجياشة بتاعة المصريين البت المصرية لمن تحب بتكب حنان لمن صوفك يوقف يا طارق جبريل ( جربت الحتة دي والله لا ؟ ) الاعتراف هنا مافيهو حاجة للعايز يعترف
المهم بعد ما إتخرج ومواصلة لشلالات العشق والريدة والحب المسكوب قررت أتزوجها انا في السعودية سافر ابوي رحمة الله عليه الى مصر لخطبة سيت الريد وسبحان الله فجأة تدهورت الاشياء بصورة درامية ومشاكل في النهاية بقينا نقول كلام من عينة قسمة ونصيب والمكتوب في الجبين لابد تشوفو العين و في الليلة ديل لاهان على ...
وخشيت في موال بتاع دبرسة والولد معوق في حبو وحاجات من النوع ده
في الفترة دي انا كنت في جده إتعرفت على الشاعر الفنان عبد العال السيد عبد العال لل مابيعرفوهو كتب لفنانين كبار ابو عركي البخيت مصطفي سيد احمد كمال ترباس السقيد يوسف الموصلي
المهم كانت صداقة جميلة بيني وبينو خصوصا ان موصلي حاكي لي عنو وحاكي ليهو عني
المهم كنت عايش دبرسة فعلا الشعراء يفتشو لي زول زيي عشان يكتبو عنو قام كتب قصيدة بإسمي انا بعدين انا قمت لحنتها لحن أعتقد إنو جميل بجمال الشجن في تلك الايام
لمن أفتح بوست الاغاني حقي راح أنزلها لاني الايام دي شغال في توزيعها
المهم عبد العال السيد كتب شنو ؟
حزني أكبر من زماني ومن شكاتي حزني بطلع من عروقي ومن كلامي ومن سكاتي حزني مالي علي حياتي وماني لاقي معاهو ذاتي
يا حبيبة ويا قريبة لي عيونك يرحل الشوق والعصافير تنتشي لي ديارك يرحل الشوق والقوافل في المشي إنتي ذاتي وإنتي عمري وإنتي مهما غبتي عني إنتي في خاطري البعيشو وفي عيوني وجوه صمتي
البريدك تلقي في خيمة أساهو النجوم سمارو والاحزان حداهو كان بريدك تبقي في الايام معاهو يفتخر بيك يا فرح عمرو ومناهو
يا شادي ياخي انا قلبي دة ما انترناشيونال ناشيونال بس اول سنة لينا انا والشايقي المسلط ود جبارة طبعا كنا بنعرف بعض من الثانوي المهم جينا داخلين الكلية شفنا لينا واحدة دفعتنا اسمها جيهان من نجع حمادي يمين بالله الزولة دي عندها سماحة عيون ترمي عدييييييل وجبارة قام قال: دينااااااااااااااااااااااااااااااااك على عيون انا كان ردي: إني آمنت بالله عيون اجمل من المطوطي** غايتو البت دي ضربتها حمى اسبوع
ــــــــــــــــــــــــ ** المطوطي هو بلح الرطب لمن يكون نجيض ونازي عسل ودي ما بعرفها الا زول شافو في التمرجة عدييييييل
Post: #2510 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 10:32 AM Parent: #2507
انا عارف في نوع ناس شفقانة ما هماها القصيدة جميلة والله ما جميلة كل همهم الريدة وصلت وين والحب والحنان أخبارو شنو النوع البيقول ليك أها وعملتو شنو ؟
لهذا الجمهور اقول
ما إتزوجتها طبعا واصابتني عقدتها لبعض الوقت وإتعافيت منها
المهم مشيت مصر لمن زوجتي حامل ببنتي منار
مشيت ناس عمي في عين شمس في القاهرة ضمن زياراتي لهم في الاجازة
البت الحديقة دي هي بت جيران ناس عمي هي برضو اصابتها عقدة الريدة والوقت داك كانت لا تزال مضربة عن الزواج مع إنها كانت مش جميلة كانت ملكة جمال عدييييييييييييييل يا ود جبريل احييييييييييي انا شيل شيلتك عارفك هبابة وخفيف وخالي من الكريستول
مشيت ازور ناس عمي هي كانت عارفا إنو انا جاي ففضلت قاعدة منتظرة عايزا تشوف كمال بقا كيف وشكلو كيف والحاجات بتاعة الحبيبا ديك
المهم انا دخلت بيت ناس عمي والبيت الوكت داك فيهو حوالي 15 شخص كلهم عارفين قصتي من اول نظرة لغاية كل مواعيدنا
دخلت لقيتهم ساكتين هوس حسيت إنو في حاجة غلط جات ست الريد مارقا وقفنا انا وهي نعاين لبعض وبعدين فقعت بكيا بي صراخ ومخاخيت وعويل والبيت بقا بيت بكا في دقيقة إستأذنت وإتخارجت
الصفحة اليوم تخلي الواحد يتجاوز مجبرا حالة المتابعة و الاستمتاع الى التداخل... لأن الشادي بكتاباته التي أثبت فيها أنه أكثر من أنامل و حنجرة ذهبية جرجرنا للدخول... و لأن الزناتي بكتاباته التي نعرفها عاد الى الحبيب الأول عودة تخلينا نصالحه... كل هذا أخرجني من حالتي التي أنا فيها الآن... بعد أن ضربت موعدا و حبيب الروح منصور بأن نهرب سويا من صيف الخليج الى بحر الشمال... أبت الرياح و السفينة و حتى الربان أن نجتمع سويا في بحر الشمال... اتصل بي منصور من هناك و كان نملوز يجلس بجواره... قال لي انت يا الرشيد الطيب عبد الله ده جن و لا شنو... مالو يا منص... ياخي يقول ايه بحر الشمال و انت النيل حداك...نيل شنو كمان البيقارنوهو بي بحر الشمال... قلت ليهو يا منص أخير ليك بطل المكاواه حقتك دي... ثم تحدثت الى نملوز الذي أمعن في مكاواتي... قلت ليهو يا عمر الله يكون في عونك معاك منصور و العائلة المالكة كمان... منصور براهو كوم... قال لي الله يكون في عونكم انتو...نحن في سفينة في نص بحر الشمال... طبعا قعدت أردد بغيظ شديد...بالله عليك..ياخي ما ممكن... خفت الضغط يرتفع علي و ألحق زهير الزناتي قمت قفلت الخط... حتى زوبا قامت لقت ليها جنازة قالت أحسن تشبع فيها لطم... ضربت لي اليوم قالت لي كنت خايفة تكون مشيت بحر الشمال ده مع منصور... و أنا أقول العكس لي الموضوع شنو... أنا كان ما مشيت بحر الشمال بجيني ضغط و سكري... ان شاء الله أمشي في الشتاء و القاهو متجمد من أوله لي آخره.... أقعد أتزحلق سااااااكت فيهو أفش غبينتي... أمشو كده و لا كده...فشاكم فشش....
Post: #2513 Title: Re: ناس الزقازيق ... أجدع ناس (4) .. Author: كمال الشادي Date: 07-05-2011, 11:44 AM Parent: #2512
يا جلال يا طاعم
انا الفيس بوك ده ضعيف فيهو لمن غلط وريني الكلام يخشو ليهو من ياتو حتة
مخرج 15 والله 17
بالله شففني كيف اخش الحاجة والله رسل لي اللنك
Post: #2514 Title: Re: ناس الزقازيق ... أجدع ناس (4) .. Author: جلال عثمان Date: 07-05-2011, 11:59 AM Parent: #2513
شادي ياحبيب ... مخرج 15 دا لما تكون جايني البيت بس لما تكون ماشي صفحة ناس الزقازيق في الفيس بوك تقوم تعفص هنا https://www.facebook.com/home.php?sk=group_127705470629359&ap=1 تلقي الحبيبة بتشتغل منديل حرير لحبيب بعيد ... وكثير من الجمال وناس زي الورد ياخ - مكي حمزة - زاهر الصادق - شنقراي - احسان عبدالعزيز- ونجم (هذا اذا سألت عن الكوامر) وهذا على سبيل المثال لا الحصر ... اما سنايرنا وسناير سنايرنا فحدث ولاحرج مجموعة منتهى الجمال وحتى البرالمة الزينا "طبعاً انا وزهير اخر دفعة اتخرجت من الزقازيق" -------
رش ... يعلم الله اعد في الايام والليالي مستني رمضان ومشتاق لي تجلياتنا ديك ... خليك من بحر الشمال "وبرده" كبرت تاني ما بتقدر على الحتات دي كيفك يامان مشتاق ليك والله -------
في ناس كدا كانوا شابكننا "تعبانيين" الظاهر عليهم هم التعبانين ... او يكونوا زادوا ليهم "الديوتي" ولا يخفى على فطنة القارئ انني لا اقصد زهير وحده.
Quote: رش ... يعلم الله اعد في الايام والليالي مستني رمضان ومشتاق لي تجلياتنا ديك ... خليك من بحر الشمال "وبرده" كبرت تاني ما بتقدر على الحتات دي كيفك يامان مشتاق ليك والله
جلجل...يا حليل ايام رمضان... لكن يا حبيب أنا كان ما قدرت على برد بحر الشمال... البقدرني على حر رمضان شنو... العربي قال و الله كان ما جقيمات الموية البنبلعهم مع الوضوء رمضان ما بتقدر في الحر ده... حسه رمضان الجاي ده جقيمات بس ما بتصوم ليها زول.... تفتح الماسورة جرررررررررررررر في حلقك و برضو في كلام... أشواق بالكوم و الردوم...
طيب نبدا من وين والكورة اتشتت ... كلام الغنا نتمه انا اصلا ما خبير غنا بس الصدفة جابتني بالدرب ... تعرف يا كمال .... عبد العال السيد ده كنت ما بدوره ليك نهائي كتاباته بايخة خالص خالص في الصحافة فجاة اكتشفت ليك انه شاعر خطير وبيكتب لترباس ... وبالصدفة برضو عرفت انه كاتب ... من بعد ما عز المزار والليل سها وملت نجومه الانتظار ... وبقيت اعاين في الوجوه يمكن الاقي البيشبهك ... ياخي الاغنية دي بتطلع روحي عديل ... المهم فعلا الزول ده من اجمل شعراء الاغنية السودانية وزول ظريف شديد ومرة شفت لقاء معاهو في التلفزيون جايبنو في البيت وفي المكتب ... كان فعلا زول خفيف ومقبول ... المهم غيرت راي ... وعشان كمان حا اغير راي زيادة ....
Quote: شوف انا كتبت شنو عن قصتي مع عز الدين هلالي وابو عركي
و الله ما عايز أدخل بين البصلة و قشرتها يا أبو الزوز و كيمو... لكن ما يربطني بالصديق دكتور عز الدين هلالي خلاني أدخل... في أيامي الأولى بالامارات جمعني سكن مشترك بالدكتور عز الدين... كان معه في ذلك الوقت ابنه مازن صاحب أغنية عركي و ابنه محمد... مازن هذا من الروعة بمكان بحيث أنه يستحق أن يكتب فيه أبوه ديوان كاملا... و كتب فيه أو له قصيدة أخرى ألقاها دكتور عز الدين يوم زواج مازن... كان دكتور عز الدين قد تعاقد لتوه مع وزارة التربية و التعليم... و كان ينتظر اكتمال ترتيبات السكن لاحضار باقي أسرته... عرفته بنفسي بأني زميل و صديق للدكتورة فايزة هلالي شقيقته فنشأت بيننا صداقه... كانت على وزن صاحب صاحبك صاحبك... ثم أصبحت صداقة بنيت على معرفة لصيقة بيننا... ثم جمعت بين أسرتينا بعد ذلك علاقة أقرب ما تكون الى القرابة... في ذلك السكن الذي جمعنا كنت وحدي حيث كانت ست بيتي في السودان وقتها... و كنت عندما أدخل المطبخ لغسيل العده أغني شجن لعثمان حسين... فاذا بعز الدين هلالي يدخل المطبخ متذرعا بأي شيء ليغني معي... في ذلك الوقت جمع بيننا السكن و العزوبية و عثمان حسين... و عندما تعرفت عليه أكثر شهدت ميلاد عدد من الأغنيات الجميلة... و تعرفت في صالونه على عدد من المبدعين من الذين لفظتهم بلادي.... و آخرون مرابطون داخلها لم تزدهم المعاناة الا ابداعا... و سمعتهم كأسرة يغنون بجمال لا يدانيه جمال..الوحيدو سافر و خلى ريدو... و عرفت لأول مرة ان أغنية قول النصيحة من كلمات عز الدين هلالي و ألحان الماحي سليمان... و كنت أحسب أنها احدى اغنيات الحقيبة طول عمري... و... و... و... و أنا عارف انها ربما تكون المرة 514 و لكن لا بأس في التكرار... يا البصله و قشرته...
عارف يا كمال زي ما قلت ليك علاقتي بالغنا ضعيفة ... خاصة ابو عركي علاقتي بيهو بدات متاخرة ما كنت بسمع ليهو لكن اكتشفت اني كنت ظالم نفسي شديد ... ممكن كنت معجب بيهو علي مستوي الانساني ... طبعا زول خرافي .... مرة مشيت ليهو في وفاة ابوه مع عمك محجوب شريف ... شفت الزول ده كيف يتعامل مع الناس ومع اولاده ... زول صادق في كل حاجة .... حتي موقفه من وسائل الاعلام صادق فيهو شديد لو اي فنان تاني كان راح فيها ... الا ابو عركي قاعد ولسه في القمة ... يعني قادر يصل للناس بطريقته الخاصة وبقنواته الخاصة ... الغريبة صاحب محجوب شريف شديد وفردته عديل ... ومتفقين حول الموقف من وسائل الاعلام الرسمية ... بالاضافة للموقف السياسي المتقارب رغم انه ابو عركي ما بيتصنف شيوعي ... لكن اهو في النهاية في معسكر المعارضة ... الا انه ما تعاون فني كبير بيناتهم ... ويتخيل لي في اغنية واحدة مشتركة وحتي الاغنية دي ما متاكد منها ... المهم زي ما قلت ليك علاقتي بابو عركي بدات متاخرة شديد ولقيت اني كنت ظالم نفسي شديد ..... وحرام زول زي ابو عركي ده الواحد ما يكون عنده علاقة بيهو ... وده مردوده لعلاقتي بالغنا بشكل عام ... بس ابو عركي حقيقة علامة فارقة في الغنا السوداني ... ليهو استايله وطريقته الخاصة بيهو المابتشبه اي زول ... اما عز الدين هلالي طبعا اكيد شاعر متميز وليهو مكانته في خارطة الغنا السوداني ...
إنت نظرك ضعف والله شنو القصة ما بصل يا أخي قول التفاحة وقشرتها المنقا الخوخ وبلاش فصيلة البصليات دي عليك الله ( الملافظ سعد يا عب عال )
يا أخي خليتني أحب الراجل اكتر واكتر عز الدين هلالي انا معرفتي بيهو يا الرشيد بسيطة ايام مصر وتاني ما شفتو
لكن من اشد المعجبين بي شعرو وهو طبعا من الشعراء الملتزمين بمباديء جميلة في الحياة تجعلوا قدوة ومثال في ساحة بايخة مليانة فقاعات هايفة
عارف ولد ابو عركي الاتلحنت الاغنية عشانو لمن جا حفلتو الاخيرة في الرياض كان من ضمن العازفين معاهو كبرنا يا حبيب
ابو الزوز حكاويك مع محجوب شريف بل حكاويك بتاعة السودان كلها رائعة أكتبها لينا كلها هنا وخلينا نستمتع
Post: #2522 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-06-2011, 06:52 AM Parent: #2521
صباح الخير،،، يا وجوه الخير
يا الله يا فارج الهمّ ...... و يا كاشف الغمّ أسألك بعزّتك و جلالتك أن تفرّج عنّي همّي و حزني لا إله إلاّ أنت سبحانك ... إني كنت من الظالمين وحسبي الله ونعم الوكيل
Post: #2523 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-06-2011, 06:56 AM Parent: #2522
الزقازيقي الجميل حسين شنقراي يشارك بإبداعة الخاص
============================ ما تـقـســى
كلمات: حسين شنقراى
علًى ياغالى ما تــقســـى و لا بــتطول الزمن تنسى ولو فييا الحزن أمـســـى تكون الزكرى هى المرسى و ألاقي الفرحة فى همــسه --------------- متيـــن تغمـرنى أنفاســـك وأكون يا سيدى من ناسك عزيز و العزة تاج رأسك يشع برق السنون ماسك والقمر يا روحى مقياسك ومحال تلفــاهو بــى لمــسه و علىً يا غالى ما تــقسـى -------------- يا زينة شباب الحــىً يا حبة سواد عـييـنى تعال بالله شوف البىً تعال إنت وتعال لـىً و بــس تـعال هــــسه أسالم أنامـلك الخمســه وأدوب يا إنت فى اللمسه وحرام الريده تـنـدســـه وعلىً يا غالى ما تقسـى ولا بطول الزمن تنسى
خمسة أيام تفصلنا عن "لحظة مفصلية" في تاريخنا. في التاسع من الشهر الحالي، سيرفع علم جديد فوق سارياته في جوبا، وسيطوى علم آخر، ويحمل ملفوفاً إلى الخرطوم.
هذا هو المشهد في بعض تفاصيله الرمزية. أما في عمقه، فإن هذه "اللحظة المفصلية" هي "لحظة تاريخ" لا يمكن أن نخلط فيها بين العاطفة وانفعالاتها، والعقل وانشغالاته.
في التاسع من يوليو سيكون هناك حدثاً مدوياً، وبعض الأحداث يذهب عنها وهجها الإخباري لكن بعض قيمتها تظل باقية لأنها ببساطة تتحول من أخبار إلى تاريخ. تاريخ . سيكتب في يوم ما بإنصاف ونزاهة، بعد أن يتجاوز الناس مراراتهم، وأحزانهم، وبالتأكيد ضغائنهم وحتى لا يكون الحديث، عاطفياً مشحوناً، ونحن سنعيش "اللحظة المفصلية" سأقتصر على فقرة واحدة، أقول فيها لنفسي الآن ولم تعد هناك جدوى من القول، وأقول لنفسي الآن وقد فات الأوان، إن جيلي الذي ولد في خمسينيات القرن الماضي، بدأت علاقته مع "الجنوب"، الذي سيصبح بعد خمسة أيام "السودان الجنوبي" مع ذلك النشيد الذي يقول "منقو قل لا عاش من يفصلنا". وكان المقصود "منقو زمبيري" الذي يتحدر من "يامبيو" البعيدة. هكذا كنا نقول في أناشيدنا. كنا نعتقد وقتها أننا سنتجاوز بالفعل تاريخاً متوعكاً، بكلام عاطفي، لكن حين فهمنا أننا نعود إلى التاريخ لكي نعرف عنه وليس لكي نتمسك به، أدرك كثيرون، وكنت منهم، أن العواطف لا يمكن أن تحل المشاكل، بل أكثر من ذلك أن نهر النيل من حيث منابعه ومساره ومصبه، الذي أصبح يمر في 11 دولة، لا يمكن أن يكون "النيل الذي أرضعنا" إذ لا يمكن أن يخلق هذا النهر العظيم، وحدة وهمية بين هذه الدول. ثمة تحولات الآن، ورياح التغيير تهب من الجنوب على وادي النيل بقوة إعصار، وأعاصير التاريخ ليست أمراً هيناً، في كل الأحوال. لذلك نعود إلى حديث العقل. لا شك أن علاقة جوار عقلانية، تعتمد على مراعاة المصالح، ستكون مدخلاً مطلوباً ومرغوباً في علاقة "السودان" مع دولة "السودان الجنوبي". الآن هناك مؤشرات إيجابية. * قبول الطرفين نشر قوات سلام على الحدود، ونزع سلاح المناطق المتاخمة لهذه الحدود. * طرح إمكانية التعاون بين الجانبين، حول مسألة النفط، عبر الاستفادة من البنية التحتية في الشمال سواء تعلق الأمر بالأنابيب أو محطات التكرير. * دعوة حكومة جوبا إلى رفع العقوبات عن "السودان" من أجل تحقيق تكامل اقتصادي بين البلدين. * التوجه نحو حل قانوني وعقلاني لمسألة وجود الجنوبيين في الشمال. دولة "السودان الجنوبي" استعدت للاحتفالات، ورصدت لذلك ميزانية مهمة، وقدرت ميزانية الاحتفالات بحوالي 90 مليون دولار، وسيشمل ذلك توسيع مطار جوبا ليستقبل 300 طائرة لوفود ستشارك في الاحتفالات. إزاء ذلك، وفي هذه "اللحظة المفصلية" هل يعقل أن نبدو نحن في الشمال وفي هذا الزخم الاحتفالي، وكأن الاحتفال في حد ذاته "تنغيص لنا" بل "للإنتقام منا". إذا كان هناك من يفكر بهذه الطريقة، سيكون قد تبنى موقفاً تنقصه الشهامة والمروءة. لماذا؟ الجنوبيون اختاروا عن طواعية، وعبر استفتاء نزيه، قيام دولتهم، وكثيرون منا، وأنا أحدهم أقولها صريحة واضحة، كانوا يعتقدون ألا معنى للمطالبة بديمقراطية في الشمال، ونحن نتلكأ ونتلجلج، في منح الجنوبيين "حقهم في تقرير مصيرهم"، قلتها عام 1982، والحركة الشعبية لم تتأسس بعد. كنت أتمنى، أن يتجسد الدعم الحقيقي لهذه الدولة الفتية، وإبداء حسن النية، في العمل مع "الجنوبيين" لتدريب وتأهيل كوادر الدولة الجديدة، كما فعلت دولة جنوب أفريقيا مع الجنوبيين، حيث دربت، 1500 من الكوادر الجنوبية، للعمل في إنشاء جهاز الخدمة المدنية، ودبلوماسيين سيمثلون "السودان الجنوبي" في دول العالم. بل أكثر من ذلك، تعمل جنوب أفريقيا حالياً "حتى تبدو جوبا البئيسة على غرار نيروبي وكمبالا، ويشمل ذلك إقامة الحدائق والنافورات" على حد قول مسؤول حكومي في بريتوريا. نحن الآن أمام "لحظة مفصلية" وما يهم هو الأجيال الصاعدة في "السودان" و"السودان الجنوبي"، هذه الأجيال التي لم تشارك في الحروب، يجب ألا يضيع منهم الغد بسبب لا ذنب لهم فيه سوى أن آباءهم وأجدادهم تقاتلوا بالأمس، وهم لم يكونوا معهم. ما كان يعرف في أدبياتنا السياسية "بقضية الجنوب" طواها التاريخ. الآن "قضيتنا" في الشمال. وهنا أود أن أقول شيئاً ، وفي ظني أنني أتحرى الموضوعية. في اعتقادي أن المصائب التي جلبها الدكتور حسن الترابي على بلادنا، لا تحصى وتعد. لكن هناك جملة دالة قالها قبل "ثورة أكتوبر" عندما بدأت سلسلة الندوات حول "مشكلة الجنوب"، وهي الندوات التي قادت إلى تلك الثورة العظيمة، وكانت شراراتها استشهاد أحمد القرشي طه، في جامعة الخرطوم. يومها قال الترابي "المشكلة ليست في الجنوب، بل في الشمال". من الواضح الآن أن المشكلة ليست "مع الجنوب" أو "في الجنوب"، بل المشكلة في الشمال، في الخرطوم. وعلى أية حال هذه قضيتنا، ولا علاقة لدولة "السودان الجنوبي" بها، لذلك لا معنى إطلاقاً لتوجه بعض المعارضين والناقمين في "الهجرة إلى الجنوب". "الجنوبيون" سيحتفلون يوم السبت المقبل بقيام دولتهم. لكن مع زخم الاحتفالات لا شك أن في الرؤوس نشوة، وفيها أيضاً دوار وصداع سببهما معاناة وتذكر لسنوات الآلام والأحزان والحروب والمجاعات والمآسي، وما أتمناه أن نساهم في تخفيف هذا الدوار والصداع. علينا الآن أن نبحث عن "حسن الجوار"، وأن نعمل من أجل ذلك، لأن فكرة التضحية بأجيال من أجل مشكلة ما، تفكير بئيس وتعيس. جربنا ذلك وكانت النتيجة، على غير ما اعتقد هؤلاء الذين تحت التراب من الجانبين، العودة إلى ما كان يفترض أن يحدث عام 1953، عندما قال السياسيون الشماليون للجنوبيين "لنتحد ضد المستعمر وبعد ذلك نمنحكم حق تقرير المصير". *** كنت وعدت أن أخصص هذا الحيز، ولأسابيع، لموضوع "الجنوب"، وفي تقديري أنني قلت ما أعتقد وما أظن. وقبل أن أختم هذه السلسلة، أشير إلى مسألة، وهي أن بعض من أقدرهم، طلبوا مني الرد على تعقيبات نشرت هنا وهناك. وأقول لهؤلاء الأعزاء، إنني عودت نفسي ألا أرد على أحد مهما كان القول وأياً كان القائل. الصحافي يكتب ما يعتقد، ومن حق القارئ، أن يعلق كما يشاء. فضلت دائماً الصمت عزوفاً عن مشادات وجدتها إهداراً للوقت بلا معنى، واستهلاكاً للمساحات، ورقية أو إليكترونية، بدون طائل. أختم لأقول، هنيئاً للجنوبيين بعيد، هو عيدهم، يحتفلون فيه براياتهم ترفرف فوق ساريات جوبا.
طلحة جبريل
عن"الأخبار السودانية"
عشن عيون ابو الزوز
Post: #2525 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-06-2011, 10:44 AM Parent: #2524
الصفحة دى حتكون بعنوان فــــن و سياســة على قرار برنامج نسرين سوركتى فى قناة الشروق
فى انتظار الشادى لتطعيم الصفحة باغنية جديدة
اجزم بأن الصفحة السابقة اختتمت باجمل المداخلات والتحليلات الفنية والشعرية
ده يعود ( لاتساق ) المزاح .....
سؤال : منو القال ليكم منصور مشى يقضى اجازتو فى بحر الشمال مش ممكن مشى يتعلم ( الجـــك ) على اصــــولو ....
Quote: سؤال : منو القال ليكم منصور مشى يقضى اجازتو فى بحر الشمال مش ممكن مشى يتعلم ( الجـــك ) على اصــــولو ....
و الله يا ديدو لو نملوز دخل ليك منصور في برنامج الجكه ده... تاني ما تفرز منصور من الكوتش الا بالدبابير... ان شاء الله يكون مشى يتعلم الجك على أصولو... آخر مره جانا هنا في أبو ظبي كان حاجه بطاله... لو لبس عمه كبيره تحلف تقول ده القلع ما منصور...
تعرف يا طارق جبريل ....علاقتي بعمك محجوب شريف دي دائماقاشر ليك بيها علي الناس .... كنت في فترات طويلة قريب منه شديد .... عارف تفاصيل علاقته بمحمد لطيف رئيس تحرير الاخبار .... ومحمد لطيف يحترم عمك خالص خالص ... وعنده مكانه خاصة عنده ... وكذلك عمك محجوب شريف عنده ناس بيعتقد انهم ناس كويسين ونضيفين خاتيهم في مرتبة عالية جداً ... وقراب جداً من نفسه ... منهم محمد لطيف ده ... وطارق الامين .. واخو سليمان عبد الجليل الشاعر الجميل بتاع اغنية حمد الريح (يا حليل الراحو وخلو الريح تنوح فوق النخل ) وبضع من اجمال الاغاني السوداني له الرحمة ... اخوه اسمه عز الدين عبد الجليل ديل من اقرب الناس لعمك محجوب لا يمكن يرفض ليهم طلب او يرفضو ليهو طلب .. يعني لمن يرفع السماعة ويقول لمحمد لطيف عندك طلحة جبريل كاتب كبير ... خلاص الموضوع انتهي .... للاسف زول زي طلحه ده مفروض يتخاتفوه ختف بس الرقيب بتاع الصحافة في السودان اتحول من جهاز الامن لرئيس التحرير .... بقي اخطر من الرقيب الامني ... عشان كده دائما بيحاولوا يزوغوا من الناس العديلة ودغرية زي طلحة .... طبعاً اعتقادي في طلحة ما جا من ساهل ياخي الزول ده من نوع الناس البيكتبوا الحاجة النفسك تقولها ... ذكرني زمان احمد بهاء الدين بتاع الاهرام ... لو استشكل ليك اي موضوع وما قادر تحت راي فيهو اقرا راي احمد بهاء الدين واتبناهو بقلب قوي ... زول ما عنده اي علاقة باي حاجة غير الحقيقة زول واضح ودغري .... اها طلحة واحد من الناس ديل ... والحاجة دي ما بتجي بالساهل الزول لازم يكون متحرر من اي قيود ... واي ضغوط لا بيخاف من سلطة لا نفسه صغيره لمغنم ... بكده الزول بيحترم نفسه وقراءه ... وطلحة حقيقة واحد من الناس ديل ... والحاجة الاهم ما يكون مسيس لانه السياسة دائما بتجرك لمواقف انت ما عايزها .... شكرا ياخي لطلحة للمقال الجميل ... ولانصافه للجنوبيين الاتعودنا دائما اننا نظلمهم وعايزن نحد ونقلبها سواد يوم فرحهم الاكبر ... مفروض نرتفع لمستوي الحدث ونفرح لفرحهم ... ونتمني انه دولتهم تكون انموذج في المنطقة وربنا يبعدهم من اثنين القبلية والفساد ... ويتخيل لي بالعزيمة قادرين يتجاوزا الحاجات كلها ...
Quote: مفروض نرتفع لمستوي الحدث ونفرح لفرحهم ... ونتمني انه دولتهم تكون انموذج في المنطقة وربنا يبعدهم من اثنين القبلية والفساد ... ويتخيل لي بالعزيمة قادرين يتجاوزا الحاجات كلها ...
لست فرحا يا أبو الزوز... و لا حتى أستطيع أن أجامل في ذلك... لست فرحا البتة... لا من منظور سياسي أو عاطفي و لا حتى الاثنان معا... لست سعيدا... لا أستكثر على الجنوبيين أن تكون لهم دولتهم التي ينعمون فيهابالحرية و الديموقراطية و التنمية... ولا أِشكك في نزاهة الاستفتاء برغم الدور الكبير لبعض الدوائر الغربية ذات المصلحة في الانفصال... و لكني لست فرحا... كيف تبتر ساقيك و تفرح... أو تفقأ عينيك و تكون سعيدا... كيف أسعد و هنالك آلاف الجنوبيين الذين هم غير سعيدين... و هنالك من هم من أب شمالي و أم جنوبية أو العكس و هم محتارون و غير سعيدون أيضا... لست سعيدا و لا أجامل في ذلك...
شهادتي في الاخ المرهف والمتالق دوما / كمال الشادي ليست ككل الشهادات لانني بدات معه مشوار في دروب الفن العاتية فوجدت فيه ضالتي المنشودة لعدة اسباب : احساسه الصادق في التعبير في كل ما يتغني به نبرة الحزن التي تكسي صوته وتزيده حلاة علي حلاوته حضوره المسرحي العالي والذي يشد كل من يستمع اليه باهتمام بالغ ثقافته الفنية الثرة والتي تنعكس دوما في اداءه مستمع جيد جدا وله اذان مرهفة عزفت معه اجمل الالحان وتطورت بسببه وكنا لا نفترق ايام الراسة الجامعية (مصر) ونستمتع معا في اسعاد زملائنا في كل مدن مصر بدون عائد مادي 0 كمال الشادي (ربنا يحفظه) رجل غير عادي واتمني ان يواصل المسيرة واري نسبة نجاحه في الوسط الفني عالية جدا ويستطيع ان يشق طريقة بقوة 0 استاذي / الموصلي عزفت معك اجمل الالحان في مسرح جامعة المنصورة سنة 1986 وكنت وقتها بين مصدق وما مصدق ان اكون خلفك ولا ادري هل تتذكر وحتي ان لم تتذكر فانا احكيها دوما وبكل فخر لكل من اعرفه ولا اعرفه اخوكم / عماد شريف عازف اورج سابق وخريج جامعة قناة السويس / الاسماعيلية 1988م
قبل ان ارد على عماد شريف في مكان ما قال الكلام ده ما بعرف ليه حسيت إنو من حقو أول حاجة أرد عليهو هنا في منبرنا منبر ناس الزقازيق يمكن لانو عماد شريف كان ابن الزقازيق اكتر منو ابن الاسماعيلية يمكن لانو عماد شريف كان اصحابو الزقازيق كلها بجميع اطيافها ومناطقها يمكن لانو ناس الزقازيق حبو عماد شريف اكتر من حبهم لاي زول تاني وبإجماع يمكن لانو عماد شريف اسعد ليالي الزقايق بشكل خرافي ويمكن لانو لولا عماد شريف ماكان عندنا المخزون العجيب من الذكريات الرائعة عن بلد إسمها الزقازيق
سافرت انا وعماد شريف تقريبا لكل مدينة فيها طلبة سودانيين في مصر ولينا ذكريات عجيبة مع بعض جمعت بينا صداقة وحب غير طبيعي
عرفني عماد شريف على كل اولاد الابيض في مصر بقيت لمن امشي اسكندرية براي انزل في شقق ناس الابيض ولمن امشي القاهرة او طنطا أو المنصورة
شخص عجيب يجبرك إنك تحترمو اول حاجة صاحب مباديْ في الحياة وبعد ما تحترمو يسد عليك كل منافذ الخروج إلا انك تحبو وتحبو من كل قلبك
قادر إنو يسعد كل الناس الحولو ببساطتو وضحكتو الرنانة
رغم إني في المسارح كنت واقف قدامو إلا إنو دائما كان هو قدامي في حصاد حب الناس وإعجابهم
عماد شريف وانا إشتركنا في مهرجان شباب الجامعات المصرية إشترك عماد شريف عن فئة العزف المنفرد وانا إشتركت عن فئة الغناء الفردي
عماد شريف عزف اغنية لام كلثوم وفاز على المصريين
وانا غنيت ضنين الوعد وفزت على المصريين
المفروض السنة ديك انا وعماد شريف كجائزة من وزارة الشباب المصرية نمشي حاجة إسمها معسكر النابغين موسيقيا على مستوى العالم في شيكوسلوفاكيا ولكن ما حصل
اتمني عماد يخش هنا يحي الناس والناس تحيهو ويحكي لينا عن ذكرياتو مع الزقازيق وناس الزقازيق
Post: #2531 Title: Re: ناس الزقازيق ... أجدع ناس (4) .. Author: محمد عيد Date: 07-06-2011, 09:21 PM Parent: #2530
الحبيب .. والرائع دوما ... كمال الشادى
من يومين ومنذ ان انزل ميسرة تسجيل اغنية مصطفى سيد احمد بصوتك
واطلاعى على بوست سودانيز سونجز وكتابات المبدع الموصلى ..ز
منذ ذلك الحين وانا فى حالة توهان وافتتان لا حد لهما ..!!
ياخى والله حراااام والف حرااام انك تحرمنا وتحرم الســميعة من شدوك الجميل
عدت بذاكرتى الى اوائل التسعينات عندما كنت اعمل فى الرياض .. وتذكرت كيف انك كمن نشطا فى ذلك الوقت
فى تقديم الروائع وفى اتحافنا بصوتك الجميل ...
تذكرت تلك الســهرة فى فى شقة الاخ / عبد القادر حى الشميسى بشارع التلفزيون ( والتى سكنتها انا فيما بعد )
وانت تغنى لنا طوال الليل بالعود ...
وتذكرت ايضا شريط الكاست المسجل بصوتك والذى اشتريناه انا ومنصور من محل الشرائط السودانية بالمربع ...
وفجأة انتبهت وصاح صائح فى دواخلى ...
ماذا دهى كمال الشادى ؟؟
لماذا يتوقف مثل هذا البلبل الصداح ... ويترك اسملعنا تتشوه بهذا الغثاء الذى يملأ الاسماع
ويسهم كل يوم فى تلويث بيئة المشاعر والاحاسيس ...
أسالك بالله يا كمال ان تعود وتعيد لنا ذاك الألـق الجميل
وارجو ان تبحث عن ذلك الكاسيت وتعيد تسجيله وحتما ستجد ان قنوات الوصول الى الآذان الواعية قد ازدادت
عـــد الينا وريحنا بالله من العجـــاج والكتاحة ..!!
حبينا ود الشادي.. متابع معاكم لي كم يوم باستمتاع شديد.. طبعا أنا واحد من الناس لمن أكون وسط مجموعه.. تلقاني ساكت باصور في الحاصل قدامي.. وباستمتع بالناس وونستهم.. وبرضو عشان بعدين أجي أجمجر.. إلا ما قدرت أسكت لمن جبت سيره عماد شريف.. يعلم الله.. أحب هذا الإنسان من أعماق قلبي.. وما تتصور قدر فرحي حين قابلته لأول مره منذ تخرجه.. في لمه نادي الشرطه.. وكعادته.. كان هاشاً باشاً.. وأصابتني منه سعاده استمرت معي أيام طويله..
أما عن الشعر والشعراء.. فأترك الخبز لخبازينه.. لست من هواه الشعر.. لانه يفعل معي الأفاعيل.. الكوتش كان متخصص فوقي.. أول ما يألف بيتين تلاته يجي يرشني بيهم.. وأنا العوير دموعي يجرن فوق الخدود.. وهذا هو حالي مع الشعر والشعراء..
أول حاجة عماد شريف لانو ما عندو باسوورد هنا فهو متابع ارجو من الجميع أن يرحبو به فهو يقرأ كل يوم البوست واليوم بالذات نجعلوا للترحيب به
------------
الحبيب محمد عيد
أحيانا اشك في نفسي ( أعذرني ) كما تقول الست ام كلثوم بكلمات عبد الله الفيصل اشك احيانا ان من يشاور الناس اليه هو انا معليش محمد عيد لفترة طويلة مضت نظرت إلى نفسي بتواضع شديد وحرمت نفسي من التواصل مع الناس تصورت اني قادر ان اعيش بدون حب الناس الذي تولده علاقة الغناء بهم ومعهم ولكني إكتشفت أني مخطيء هذا سبب سبب تاني ان الغناء وفي مدينة جده بالذات ادخلني إلى مجتمعات ( زي الزفت ) انا بحكم تربيتي غريب عنها كل الغربة سايرتها زمنا ولكني وجدت نفسي فجاة جزء من نسيج جده ولياليها التي لا تنتهي عندما ذهبت إلى الرياض لم أجدها تختلف كثيرا عن جده ايقنت عندها أنه هو ذا مجتمع الفن وأهل الفن وانا اناى بنفسي عن ذلك ولا أريده ظللت طوال السنوات الماضية احفظ وأغني ارقي الكلمات وأحلاها وأغنيها لنفسي وبعض الاصدقاء في البيت فقط
منذ ان قررت تسجيل بعض الاعمال يعني منذ ثلاثة اربعة شهور تقريبا اجدني اكتشف انسانا جديدا وصوتا جديدا وإحساسا جديدا لفتني أليه بعض الاشخاص ومنهم اهلي من قبيلة الزقازيق
لي صديق إسمه لؤي محمد خير فنان تشكيلي ودارس لعلم الجمال في فرنسا أحبه واحب مرسمه ولوحاته اعرفه منذ اكثر من عشر سنوات يعرف اني اغني فقط لم يسمعني طوال عشر سنوات عندما سجلت ( عدا فات ) وارسلتها له بالايميل
خاف مني خاف مني خاف مني
اقسم بالله العظيم خاف مني قال لي انت بعاتي معقول بتعرف تغني كده ولي عشر سنوات وانت قدامي وانا ماعارف وانت قاعد تسوي شنو هنا في الرياض ما تمشي السودان !!!
كانت تربطه علاقة شخصية حميمة جدا مع مصطفي
قصص كثيرة سمعتها في الايام الماضية عموما محمد عيد لك الشكر كل الشكر والتقدير كل التقدير والحب كل الحب على كلماتك الجميلة
انا قررت ارجع للغناء وعندي مشروع مجرد فكرة في راسي الان خليني اقولها وآخد رأيك ورأي الشباب كلهم فيها
انا زاهد في اي فلوس من الغناء لذا سوف اتبني التبرع بكل فلوس الغناء إلى جهات تحتاجها اناقش هذه الايام الصديق يوسف الموصلي في إصدار اول شريط أو سي دي على أن تكون كل اغنياته لمصطفي سيد احمد ويكون كل دخله إلى اسرته اسرة المرحوم مصطفي سيد احمد رأيك شنو ؟
Quote: انا قررت ارجع للغناء وعندي مشروع مجرد فكرة في راسي الان خليني اقولها وآخد رأيك ورأي الشباب كلهم فيها .... .... .... على أن تكون كل اغنياته لمصطفي سيد احمد ويكون كل دخله إلى اسرته اسرة المرحوم مصطفي سيد احمد رأيك شنو ؟
انت كده ياشادي ... مش حترجع للغنا ... ولكن الغنا حيرجع لينا ... سعيدين بهذا القرار ... كل من سمعك حسه بمرارة بعدك عن الساحة الفنية ... مثلك ... مكانه في قمة هرم الغناء السوداني ... ولك بصمة ... نحنا فخورين بيك ....
============================== عماد شريف ... هو الآخر اكثر من مبدع ... كان يمكن ان يؤثر في خارطة الغنا ... ولكن كلنا استغرب اختفاؤكم ... تحياتنا يا عماد ... ونتمني ان يكون قرار الرجعه ... ثنائي .. ارجو ان تفكرو في الفكرة دي ...
كمال الشادي وعماد شريف ...
Post: #2535 Title: Re: ناس الزقازيق ... أجدع ناس (4) .. Author: جلال عثمان Date: 07-07-2011, 06:42 AM Parent: #2534
Quote: انا زاهد في اي فلوس من الغناء لذا سوف اتبني التبرع بكل فلوس الغناء إلى جهات تحتاجها اناقش هذه الايام الصديق يوسف الموصلي في إصدار اول شريط أو سي دي على أن تكون كل اغنياته لمصطفي سيد احمد ويكون كل دخله إلى اسرته اسرة المرحوم مصطفي سيد احمد رأيك شنو ؟
انت زول فنان بطبعك ... انسان راقي وفنان ... مليان مشاعر فكرة اهداء ريع الشريط او السي دي لاسرة مصطفي سيداحمد ... نابعة من نفس سوية انا شخصياً واحتراما للانسان الجواي وتفاعلا و (فرحاً) بعودتك حاجز 10 نسخ من الشريط ليس تبرعا ولكن عرفانا للفن ... والفن الراقي الذي قدمه الخالد مصطفي والذي سوف تزينه انت بابداعك كمال ... ربنا يوفقك ياخ -------- عماد شريف وما ادراك ما عماد شريف الزول الزوق الفنان الذي عطر سماواتنا في تلك الايام الجميلة قامة موسيقية ... حقيقة اندهشت تماما لاختفاء مثل كمال الشادي وعماد شريف من الساحة الفنية ونموت او تنفقع مرارتنا في اليوم الف مرة ونحن نستمع من خلال قنواتنا لانصاف المواهب والارزقية وهم يعتلون الاستيج ومثل كمال وعماد يتوارون خلف ذكرياتهم ... يلا ياشباب ... اقتراح نجيلة دا ما ترموهو واطة .... يمكنكم التغلب على كل الظروف وآلمني جدا ان يوقع عماد شريف خطابه للموصلي ب "عازف اورج سابق" سابق لي وانت مسكون بالابداع ... بطل كسل يازول
تعرف يا كيمو عماد شريف دة من شدة ما كنا بنحبه ووجوده في مجتمع البياطرة في الزقازيق كان طاغي جدا انا والله جات علي لحظات كنت فاكره بيقرأ معانا ياخي دة زول نادر خلاص دايما كورلات بيطرة كانت في السلك لانه عماد بيكون حريص جدا على البروفات بعدين كنت بحضر ليه حاجاته الكتامية في الزقازيق خصوصا في شقة الاعزاء الشريف عباس الشريف وأسامة موسى اما شقة امينوف الشهير بامين السمين دي حكاية براااااها عماد شريف الله يعدلها عليك شقيش تقبل
Post: #2537 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-07-2011, 08:49 AM Parent: #2536
Quote: دايما كورلات بيطرة كانت في السلك لانه عماد بيكون حريص جدا على البروفات
الكلام على الاصوات ... العزف وحده لا يكفى ....
فى زولة معانا هنا فى المنبر انا خايف لو جبت اسمها تجينى طايرة صوتـا من شدة ما نشاز بنسمعو نحن فى المساكن ...... مرة طلعت بره الزمن قمت انت يا جبريلا اديتا عفصة بكراعك ... صاح ...
اجمل حفلة انا حضرتها واتجدع فيها عماد شريف وابدع هى حفلة راشك سنة 87 م
هاتفني الاخ الحبيب عماد شريف قبل قليل متأثراً جدا بما كتبه الفاضل محمد عيد في حقه وما كتبه بقية الاخوان أخبرني بمكالمة الاخ محمد عيد معه قبل قليل وعد بإرسال ردود لكل الاخوان من خلال ايميلي ووصلني منه الان هذه الرسالة
Quote: الحبيب الغالي /كمال الشادي
تحياتي واشوقي
تعلمنا من هذه الحياة ان نعطي بلا حدود ولم ولن ننتظر المقابل وهذا ما تهجناه واتفقنا عليه وبالفعل كان مبدأ جميلا في حياتنا وكم كان ممتعا والان وبعد مرور السنوات والعراك مع متطلبات الحياة الكريمة جاء نفر كريم من زملائنا واصدقائنا ورفعوا الغطاء لينكشف كمال الشادي المرهف الاحاسيس ذو الصوت الشجي الذي متعنا طيلة ايام الدراسة والغربة فكان بلسما شافيا في غربتنا
رسالتك يا فنان يجب ان تصل مهما كانت الطروف والتي اعلمها جيدا وما كتبه الاحباب في حقنا كفيل بضخ الاحاسيس بقوة فهل انت مستعد واكيد مستعد دائما عماد شريف
Post: #2545 Title: Re: ناس الزقازيق ... أجدع ناس (4) .. Author: كمال الشادي Date: 07-08-2011, 05:25 AM Parent: #2544
احزنني عماد شريف حينما قال عازف اورغ سابق ... المبدعون لا ينزلون المعاش .... المبدع مبدع الي آخر يوم في حياته ... وطالما عماد شريف هو نفس الشخص الذي عطر ليالينا واسهم مع صديقة الشادي في تكوين وجداننا لا يمكن ان يصبح سابقاً ... ندعو عماد شريف للعودة الي الفن والابداع فلا زال العمر ندياً ... امثال عماد شريف خسارة ... ان تتوه دروبهم ما بين الغربة وتفاصيل الحياة اليومية ... اذا ما كنا في وطن يحترم بنيه ويقدر الفن ... لكانوا الآن هناك ... وليس هنا ....
كمال الشادي ... في رائعة مصطفي سيد احمد .... طالما في بحر في مي .... اغنية من اجمل ما صاغ حميد من شعر .... واجمل ما غني ولحن مصطفي سيد احمد .... تاتي اليوم في ظرف تاريخي ويوم مفصلي في تاريخ الوطن ... قد يمر هذا اليوم بالنسبة للكثيرين منا مثله مثل الايام الاخري ... الا ان تاثيره باقي في تفاصيلنا اليومية ما بقينا ... وكما قالت والدة احد ملوك الاندلس لابنها ... انه ملك لم تحافظوا عليه كالرجال فبكيتم عليه كالنساء ... وداعاً لوطن كان يتسع للفكرة فاصبح يضيق حتي بالعبارة ... وداعاً للسودان المتسع الشاسع الرحيب .... مرحب بسودان الحروب والخلافات العرقية والجهوية ... التي ستنهشه من كل حدوب وصوب ... لا نملك الا ان نقول لاخوتنا في الجنوب .... حظاً سعيداً .. ودولة يحفها التوفيق ... ولاهل الشمال ... حافظوا علي ما تبقي من وطنكم
Post: #2551 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-09-2011, 06:04 AM Parent: #2549
صباح الخير ،،، يا وجوه الخير
اليوم التاسع من يوليو 2011
كان عندنا وطن كبير وكنا بنحلم بيهو ونفتخر بيهو أكبر دولة عربية وأفريقية
ولكن لم يهنأ بالإستقرار ولم ينعم بالإمان فغابت عنه الحرية وضاعت منه الديمقراطية
تهاه بين قرارات الأمم المتحدة وحقوق الإنسان وأوكامبو ونحرت الحقيقية وضاع إنسان السودان
لنرتاح قليلا ونفكراً كثيراً ما هو المصير وأين المفر!!! ليهنأ أخواننا الجنوبين بدولتهم الوليدة ولتعم الأفراح جميع مناطق الجنوب،،،،،
وليلعق إنسان ا لشمال المرارة والإحساس بضياع جزء من أرضه وليضمد جراحة ولن تكون هي نهاية الدنيا ، لنبدأ من جديد
Post: #2552 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-09-2011, 07:07 AM Parent: #2551
حب الزقازيق وناس الزقازيق جرى في دمه
دون سابق إنذار فكان يحيط بهم ويحيطون به
طيلة الوقت وكثير من الناس كانوا يعتقدون بأنه
من إحدى الكليات التابعة للزقازيق البعيدة ، تواجد معنا
وتواصل معنا وصار أخ وصديق عزيز جداً وحينما طلق الموسيقى
حزنت جداً ولكن أحترمنا خصوصيته،،،،
عماد شريف وعد بالعودة القوية وربما تكون العودة ثنائية
برفقة شادينا ،،،،
عماد وعد ناس جدة بالحضور لزيارة ناس الزقازيق عن قريب بعد أداء مناسك العمرة،،،،
Post: #2553 Title: Re: ناس الزقازيق ... أجدع ناس (4) .. Author: محمد عيد Date: 07-09-2011, 07:11 AM Parent: #2551
قصـــة قصـــيره جدا
قال لها .. يا حليل ايام صفانا ..
قالت ... خـــوّة فرتك ...
قال .... جــــوبا مالك عليا ..؟
Post: #2554 Title: Re: ناس الزقازيق ... أجدع ناس (4) .. Author: أحمد إسماعيل Date: 07-09-2011, 07:30 AM Parent: #2551
وداعاً لوطن كان يتسع للفكرة فاصبح يضيق حتي بالعبارة ... وداعاً للسودان المتسع الشاسع الرحيب .... لا مرحب بسودان الحروب ولا مرحب بالخلافات العرقية والجهوية ... التي ستنهشه من كل حدوب وصوب ... إن شاء الله الذي جاب مقسمين السودان 000 يجيب لنا مصلحين يصلحوا حال السودان جنوبه وشماله وإن شاء الله الأمـل في الله كبير أن يوفقنا لتجاوز هذه الكارثة
ولا نملك الا ان نقول لاخوتنا في الجنوب .... حظاً سعيداً .. ودولة يحفها التوفيق ... ولاهل الشمال ... حافظوا علي ما تبقي من وطنكم
Post: #2555 Title: Re: ناس الزقازيق ... أجدع ناس (4) .. Author: كمال الشادي Date: 07-09-2011, 08:48 AM Parent: #2554
يا بلد اسمعيني وهاكِ كل البيعة كاملة إسمي هاشم ، أمي آمنة أبويا ميت وكان خضرجي ومرة صاحب قهوة في ركن الوزارة بيتنا طين واقع مشرّم ، ولما حال الطين يحنن نشقى شان نلقى الزبالة وما بهم إنتي زادي... وقصري .... والمال والكتابة منّك اتعلمت أصبُر وكيف أحس ألم الغلابة
Post: #2556 Title: Re: ناس الزقازيق ... أجدع ناس (4) .. Author: كمال الشادي Date: 07-09-2011, 09:03 AM Parent: #2555
ياطارق لي صديق من ناس الوسط حتى لغة ومفردات قبيلتو ما بيعرفتها سألني عن الصماح
Quote: ماهو فارز ريحة الدلكي من الصُماح
وقال انو بحث طويلا في مختار الصحاح ومنير البعلبكي ودكشنري اكسفورد ولم يجد شيئا ولكني نصحته ب جبريلا دكشنري أو شايجست بيبول Gebrella Dictionary of Shaygist People
خلونا نكون صريحين مع نفسنا.. يعني بنتوقع شنو.. الجنوبيين شافوا مننا شنو حلو عشان يتحدوا معانا.. ياخي عاملناهم مش درجه رابعه.. أخير منهم أي جنسيه في الدنيا.. نحن بعنصريتنا البغيضه مش شايفين نفسنا أحسن منهم وبس اللاجئين من الحبشه وأريتريا عاملناهم أفضل منهم وهم يفترض أهل البلد.. حتى زمان في الإبتدائي درسونا عن معاهدات إرسال العبيد من زمن عبدالله بن أبي السرح لي زمن الأتراك.. ياهو ربونا على كدا.. وين كنا ووين كان الحزن لمن الجنوبيين بينضبحوا في بيوتهم وقراهم ضبح الشاه.. أيوه.. مندسين ورا برضو أهلنا ماتوا وهم ضبحوا التجار.. وين كنا لمن الناس بيجاهدوا في الجنوبيين ووين كان الحزن الزمن داك.. والا الجنوبيين ديل أصلاً حاقدين علينا.. وينا مدارسهم ومستشفياتهم.. أيوه.. دي الحرب كدا ودا إختيارهم.. السودان الموحد حقنا قدم ليهم شنو عشان ينتموا ليهو.. والا لسه بنتدس ورا وينها التنميه في السودان عشان الجنوبيين يطالبوا بالتنميه.. طيب وين حق المواطنه.. وين حق الناس سواسيه كأسنان المشط.. وين حق العهود والمواثيق الاتفاقيات الكاذبه اللي كنا بنخدرهم بيها.. وينو حقالجنوبيين العايشين طول حياتهم في فقر مدقع ما عندهم أمل ولا طموح ونحن الفرص قدامنا نختار.. 9 يوليو حقو يكون يوم أي شمالي نظر لي نفسه في المرآه ويكون صريح مع نفسو.. "نحن منفصلين من زمان.."
ذاك الصباح جانا الخبر إنذار جسيم .... "شايلو الرجيم " بيان مركَّـز و مختصر "خبر إنشقاق نصف القمر" لا أعطى تفصيل لا صور عبر الوسائط والحوائط زي قطعة الليل البهيم غطى أركان الأديم بي سرعة النار في الهشيم زلزال عظيم ضرب الهواجس في الصميم وبعثرالحلم القديم **************************** "من غير ميعاد " عمَّ الحداد والنيل توشح بالسوااد إحتشدت أسراب الجراد سلقتنا السنة ٌ حِداد فقدنا أ سباب التمهُّل والتعقُّل والتظاهر بالحياد نكَّسنا رايات النشاط وسحبنا أطراف البساط وكل الأطالس من المدارس والمجالس والصراط و الوسائط والخرائط من "الجزائر " و"الرباط " وفتحنا دفتر للتعازي وسجل لتدوين المخازي للعجول الإنتهازي وللمواساة من "الحريري " و "جنبلاط " *************************** دخلنا مرحلة الخطر يوم إتفاق الحركة واهل المؤتمر على اقتسام جسم الوطن وعلى إقتطاع نصف الزمن "توريت " تجافت في العميق وبعد ت مسافات عن "كرن" أهملنا نصح أهل الفطن ووصية الراحل ""قرنق " وفلسفة حق المصير هي في الأساس صحوة ضمير تأكيد تلاحم في المسير لا تسلط لا أجير وحدة من منظور جديد مدخل إلى سودان جديد لم تكن تقرير مآل واعلان نهاية إحتلال عن سيطرة أهل الشمال !!! ********************** الدهشة أخرست اللسان عطلت لغة البيان عند المسيري والحمر كيف يخوض "بحر الغزال " ؟؟؟ وكيف يتابع للحلال يستشرف الأمر الجلل أشد َّ من كل احتمال "منقو" صابو الإعتلال كيف يشجع " للهلال " وكيف يشوف "مريخ جمال " ويقيم لوردي الكرنفال ويواصل أحباب الشمال محتار .... يراقب بإنفعال ذاك الجدال والساعد الأيمن يجاهد لانفصال زندو الشمال بعض الشمال أصبح جنوب بعض الجنوب أصبح شمال أصبح جنوبين في الشمال أصبحنا " صفر على الشمال " ************************* من يجيب عنو السؤال ؟؟؟؟ كيف نقسِّـم مجد "عزة " المستحيل ؟؟؟ كيف نخون نبض "الخليل "...؟؟؟ كيف نشطب الزمن الجميل ...؟؟؟؟ من يجترئ ؟؟؟؟ على اغتيال الفرحة في شدو " البلابل " ويقتلع غرس المناهل والسنابل ويطرد العابر السبيل مولاي رفقا ً بالجموع في وجه وطن المكرمات كانت دروع من أجل صون عز الديار كانت تجوع وطن المآثر الراسخة من غابر الدهر وطن التراحم والتلاحم والرصيد المدَّخر ظل في الحدقات مكرَّم .... و معتبر من عهد "ونجت " و.... "كتشنر " حفظنا اطراف الحدود وفرحنا بي كسر القيود وطربنا لي "وطن الجدود " و" صوت السما " "وحسنك أمر " "وعمارة دنقس " والككر كان الأمل تتشاطر الناس المصاعب والمتاعب والخطر لكن تبخرت الوعود وضاعت جهودنا سدى وهدر درسنا تاريخ الأمم وعبرنا أسواق الذمم هل من جديد نصنع قيم ؟؟!! نرجع نصارع من جديد نرجع نصيغ الذكريات ونعيد تفاصيلا السِّير من عهد "هارون الرشيد " ونعيد صياغات النشيد "سوداني" إنت من الجذور "سوداني" إنت مع الحضور "سوداني" من معدن أصيل رفقة في الدرب الطويل بين المرابيع "والجفيل " من بابنوسة إلى "أويل " أنت السند أنت المدد والدخري في ساعة الخطر
************************* من يدَّعي إرث الزبير ؟؟؟ وحقوق قصص ود النمير وحكمة قرنق وابل ألير وأويل و راجا وديم زبير وتاريخ "ضرار" "ونعوم شقير" كل الكيانات تجتمع كل الدويلات تصطنع أسباب توحد واتحاد وكل النداءات ترتفع من أجل تحقيق المراد ************************** لا تجدي شكوى ولا اعتذار خان الأمانة من اعتذر من يقبل التقسيم غشيم وكل من برر أثيم سلَّمنا بي خيار الشعوب ورضينا بي حكم القدر رغم اغتيال حلم السنين و زخم أمجاد نا الثمين من "سبت " أسد العرين ومن "الدريسة " ومن "أمين " وماجد وجكسا وقاقارين والسد ومنزول والقطر فشلنا في أكبر.... في تحدينا المحن وفي صميم أمر الوطن أهل العلوم أصل النجوم أهل اللسان أهل البيان عجزنا عن درء الفتن دون التحوُّط للمحن أسرفنا في بحر التمني وفي التجنِّي بلا حساب من دون مكابح أو رسن عقارب الساعات تدور والدار محاصرة بالشرور ومصيرنا في يد الضلالي الإنفعالي الغير مبالي ومن تنكر للجذور المقتفي أثر المراهن والمداهن والكجور
في الفهارس والمعاجم وجدنا أشكال الوطن : الوطن العليل وطن الخليل أطروحة الوطن الشهيد أنظومة الوطن الوليد وحدة اليمن السعيد وأضفنا جملة مفردات " وطن إنفطر " " وطن إنتحر " وطن .... إثير عبر الأثير أصبح خبر
عباس أبوريدة – الدوحة
Post: #2559 Title: Re: ناس الزقازيق ... أجدع ناس (4) .. Author: أحمد إسماعيل Date: 07-09-2011, 02:15 PM Parent: #2558
Quote: عجزنا عن درء الفتن دون التحوُّط للمحن أسرفنا في بحر التمني وفي التجنِّي بلا حساب من دون مكابح أو رسن عقارب الساعات تدور والدار محاصرة بالشرور ومصيرنا في يد الضلالي الإنفعالي الغير مبالي ومن تنكر للجذور المقتفي أثر المراهن والمداهن والكجور
فعلا هذه الأسباب وصلتنا إلى إنقسام السودان (جنوب وشمال)
Quote: خلونا نكون صريحين مع نفسنا.. يعني بنتوقع شنو.. الجنوبيين شافوا مننا شنو حلو عشان يتحدوا معانا.. ياخي عاملناهم مش درجه رابعه.. أخير منهم أي جنسيه في الدنيا.. نحن بعنصريتنا البغيضه مش شايفين نفسنا أحسن منهم وبس اللاجئين من الحبشه وأريتريا عاملناهم أفضل منهم وهم يفترض أهل البلد.. حتى زمان في الإبتدائي درسونا عن معاهدات إرسال العبيد من زمن عبدالله بن أبي السرح لي زمن الأتراك.. ياهو ربونا على كدا.. وين كنا ووين كان الحزن لمن الجنوبيين بينضبحوا في بيوتهم وقراهم ضبح الشاه.. أيوه.. مندسين ورا برضو أهلنا ماتوا وهم ضبحوا التجار.. وين كنا لمن الناس بيجاهدوا في الجنوبيين ووين كان الحزن الزمن داك.. والا الجنوبيين ديل أصلاً حاقدين علينا.. وينا مدارسهم ومستشفياتهم.. أيوه.. دي الحرب كدا ودا إختيارهم.. السودان الموحد حقنا قدم ليهم شنو عشان ينتموا ليهو.. والا لسه بنتدس ورا وينها التنميه في السودان عشان الجنوبيين يطالبوا بالتنميه.. طيب وين حق المواطنه.. وين حق الناس سواسيه كأسنان المشط.. وين حق العهود والمواثيق الاتفاقيات الكاذبه اللي كنا بنخدرهم بيها.. وينو حقالجنوبيين العايشين طول حياتهم في فقر مدقع ما عندهم أمل ولا طموح ونحن الفرص قدامنا نختار.. 9 يوليو حقو يكون يوم أي شمالي نظر لي نفسه في المرآه ويكون صريح مع نفسو.. "نحن منفصلين من زمان.."
يا سلام يا حاتم جبارة كلام في المليان ... افق واسع ورؤية سليمة ... ووضح بلا لف ولا دوران ... (لايك بشدة) دي بلغة الفيس بوك
من الدوحة سلام... من شارع حمد الكبير... من سوق واقف... من السد.. من الدفنة... من نجمه... عصام حسين و عادل فتح الرجمن... ناس من دهب لم يزدهم الزمن الا بريقا... و رغم الشيب و بعض الكروش الا أن الضحكة ما زالت تخرج صافية و من القلب... ناس يحتوك و يحتضنوك و يشملوك بعناية و رعاية تفوق حد التصور... كنت أعتقد قبل أن آتي الى هنا بأن الدوحة شارعين و عماره ثمانية طوابق... لقيت الدوحة شبه جاهزة لكاس العالم 2022... رغم أن تلك الصدفة و اللؤلؤة قبالة الكورنيش و التي تظهر في كل البرامج ما زالت تراوح مكانها... الا أن الكثير من الأبراج الشاهقة شيدت بعدها بمسافة قريبة... أما القطريين فهم يشعروك من المطار انك قادم الى بلدك الثاني ان لم يكن الأول.... النماذج التي التقيتها و ان كانت عشوائية فهي كانت خير ممثل لشعب كريم... الموظفة في المطار في يوم هبطت فيه كل الطائرات في وقت واحد قابلتني بترحاب أذهلني... لم تنرفذها ارتفاع درجة الحرارة في صالة اكتظت بالركاب الذين وفدوا الى الدوحة من كل أنحاء الدنيا... كل هذا رفع معنوياتي قليلا و جيت أسلم عليكم...
يا أبو الزوز لم أجد البادي في أي مكان ذهبت اليه في الدوحة... هل من تلفون؟؟؟...
ألف سلامة للأخت هلا أيوب... أجر و عافية ان شاء الله...
Quote: سمعت بأن زيارة دولة قطر منع منها السودانين هذه الأيام والسبب كما يُقال عدم عودة الزائرين في موعدهم المحدد - نظام زوغان - هل الكلام ده صحيح يا رشدي.
يا ريس ربما يكون وضعي مختلف قليلا باعتباري مقيم بالامارات... فلقد حصلت على تأشيرة الدخول من مطار الدوحة و بترحاب و معاملة أذهلتني... و أنا القادم من بلد يحسنون فيه معاملتنا... و لم أسمع أيضا بهذا هنا من الذين التقيتهم...
لا زال الاحباط يسيطر علي الجميع ... قلة المداخلات دليل علي هذه الحالة النفسية .... بفقدان الجنوب فقدان جزء عزيز من الوطن ... فقدنا نكهة التنوع وثراء التعدد ... نحاول بكل قوة الا نري الا لون واحد وثقافة واحدة وعرق واحد ... متناسين ان في التنوع القوة ... وان هذا اللون لا وجود له الا في خيالنا المريض ....
يا رشدي بالله اي زول تلاقيه اساله من البادي ... ياخي البادي ده زول عزيز علينا ما ممكن كل الفترة دي ما نكون عارفين الحاصل عليهو شنو .. في كل الاحوال نتمني انه يكون في احسن الاحوال وقد استقر بدوحة العرب ... ونتمني ليك زيارة جميلة وتحياتي لعادل فتح الرحمن ونور الدين وكل الشباب طرف الدوحة .....
العصفورة قالت ان منصور في جولة اوربية تبدا من بروكسل عاصمة بلجيكا والاتحاد الاوربي بالقطار الاوربي الما خمج ... مروراً بباريس وميلان وجنيفاوعدة دول اوربية اخري ثم العودة مرة اخري .... اها يا جماعة عايزين منصور يتفرغ لينا شهر كامل يحكي لينا بالرحلة الطويلة .... وينزل لينا الصور ... غايتو شدوا حيلكم الا تقوموا جاريين بس يا منصور لازم تمشي بودابوست اجمل مدن العالم قاطبة ... من لم يزر بودابست لم يزر اوربا ... اها شفتوا لقينا لينا حاجة نثبته بيها ...
الف كفارة للزميلة هلا ايوب اكيد دي عين واحد من زقازيقاب جدة ... اما ميسرة واما النضيف انا غايتو بتسبعد الريس ميسرة ... سلامة واجر وعافية ...
Post: #2568 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-11-2011, 06:02 AM Parent: #2567
صباح الخير ،،، يا وجوه الخير
تحية الصباح هدية من زولاً سمح الزقازيقي الجميل الشاعر حسين شنقراي
يا وطن إتكسر يا وطن إتكسر زي مريض السكر أعضاكا تتبتر وإنت الوحيد تخسر ------------- سيبونا من الفات ما نبكى نتحسر ما يمكن الجايات تصبح تكون أكتر ماتحركوا الهمات بعقولنا نتفكر دا الوطن لو مات ما بتلمى فى دبكر ------------ خلونا بس نتلم نوقف نزييف الدم ما نقيف ونتكلم نبني و نزيل الهم دا الفينا إتحكر ------------ جمعا نشوف ترياق أصلو المريض لو فاق ما بينفع الرواق ولامن تضيق أخلاق يبقى المزاج أعكر -------------- و الدنيا ياما تقوم تخرب بيوت خرطوم تصبح هجير وسموم والروح من الحلقوم ياما بي ناره تتككر --------------- ما قلنا نحنا زمان ما تخربوا السودان عربانا و الرطان ما برضو ذل وهوان يبنوا الوطن أكبر ومافيهم كمان أشتر لي وطن ما بيتكسر
Post: #2570 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-11-2011, 06:07 AM Parent: #2567
هو انا لما اسحر اسحر ناس حقوق بكره بكره يجى بكورى يقول سحرونى انا كمان
بعدين يا ريس المسافة ما بين العين والاضان ما واصلة عشرين سم حكاية عشرين غرزة دى الا نحقق فيها عموما" سلامة هلا ايوب ونقول ليها الرشاقة كتلت اشراقة وجوة البيت الواحدة بعد العمر ده المفروض تمشى شوية شوية
وتحياتنا لناس الدوحة يا رشا
Post: #2569 Title: Re: ناس الزقازيق ... أجدع ناس (4) .. Author: كمال الشادي Date: 07-11-2011, 06:04 AM Parent: #2566
اصبحنا واصبح الملك لله صباح الخير يا وجوه الخير
امبارح جاني تلفونين الاول من الرشيد بابكر من الدوحة في قطر وكلمت معه صديقي القديم عصام حسين حسن الراجل الراقي شكرا رش على التلفون الجميل وامتعك الله بالصحة والعافية وشوفت اصحابك وحبايبك
التلفون التاني من منصور عبد الرازق منصور ونملوز عمر نمله حكي لي منصور عن رحلة رائعة مابين بجليكا وهولندا والمانيا وفرنسا وسويسرا حاجة تفرح بصراحة وقال إنو درجة الحرارة مافي تقريبا ورغم كده الناس ماشيا ملط فقلت ليهو درجة الحرارة في الرياض الف زائد إنو امبارح واول امبارح عندنا كتاحة وعجاج يمين في الخرطوم مافي
تحياتي لمنصور ونملوز والرشيد وعصام حسين
Post: #2571 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-11-2011, 06:25 AM Parent: #2569
Quote: بعدين يا ريس المسافة ما بين العين والاضان ما واصلة عشرين سم حكاية عشرين غرزة دى الا نحقق فيها
إنت يا دودي جبت كلمة الأضان دي من وين أرجع للكلام وجيب لي كلمة أضان - عالم تزور سريع جداً - وبعدين إتصل على هلا وتجد عندها عشرين غرزة وأنحنا زرناها على جناح السرعة للإطمئنان على عينها.
======================== يا رشيد القوم المعلومة صحيحة من ناس السودان وكمان من ناس قطر - القطرين - أنفسهم قالوا سوف تترتب الأيام القادمة ولكن لربما تكون أنت من الأمارات العربية
================================ يا شادي صباح الخير كل يوم أنا لازم الصباح أفتح سودانيز أون لاين وأستمتع بأحد أغانيك الجميلة أو تجدني فاتح الكمبيوتر في البيت ومعلي الصوت للآخر منها أحس بالراحة والمتعة ،،،،،
منظرين عودة منصور والذي هرب من حضور لحظة تقسيم ا لوطن وإنشغل بالسياحة مع نملوز.
Post: #2572 Title: Re: ناس الزقازيق ... أجدع ناس (4) .. Author: عمر المهدى Date: 07-11-2011, 08:05 AM Parent: #2571
الاحباب سلام وتحيه الف حمد لله على سلامه الاخت هلا ايوب وقدر ولطف منصور الامنيات برحله سعيده شادينا مشينا حضرنا حفلتو في سودانيز سونغ وختينا قدحنا وسلام مربع للجدعان
تعرف يا ابو الزوز امبارح ضرب لي صديقي كومينجي بلال النور من جوبا واحد من ألطف خلق الله درس في جامعة القاهرة وكان ساكن في الجيزة جاء المغرب وعمل ماستر ودكتوراة ورجع السودان اشتغل في جامعة جوبا عنده تخصص نادر جدا جدا (تهيئة المجال الحضري وكيفية توزيع سبل المواصلات والمصانع في المدن) كان حزين جدا جدا وقال لي حرفيا: هسي يا طارق عشان أشوفك لازم أجي الخرطوم بي فيزا والله دي عوجة دي السودان كله تحت هول الصدمة هسي شمال علي جنوب.. ودي بداية مسلسل طويل جدا من الاحباطات كلام ود جبارة الفوق داك هو لُب الموضوع ودة النقد الذاتي المفروض يحصل تعاملنا دائما مع الجنوب بالعاطفة لكن على الأرض الواقع كنا مجحفين جدا جدا في حقهم على المستوى الشخصي موت جون قرنق كان فاجعة كبيرة جدا ربما وجوده كان سيعطي المسألة بعدا قوميا آخر ليت حكام الخرطوم يعون ما فعلوا ليت هذا الغير (نافع) يرعوي
يا ناس الزقازيق سلامات ... اختنا نوال البلول اضطرت ان تذهب ببتها ليلي لمستشفي البلك التعليمي للاطفال قبل شهر ... البنية الحلوة احتاجت لموجات صوتية ... قالوا ليها والله للاسف ما عندنا الجهاز ده الا تمشي مستشفي امدرمان ويبعد حوالي 7- 8 كيلومرات من البلك .. او مستشفي النو حوالي 2-3 كيلو بس ما ضمان تلقي في افلام او الجهاز شغال ...
بعد ما البت اتماثلت للشفاء بحمد الله وفضله وجهود الاطباء في المستشفي ده ... وبعد ما شافت نوال الاريحية الاتعاملوا بيها معاها ناس البلك ... والاهتمام الكبير ... قالت لي د. عاطف سعد مدير عام المستشفي بانه البت دي زقازيقية اماً واباً وديل النا...س القبل كده ساهموا معاكم في علاج ناس الانيميا المنجلية ... وانا مستعدة اتصل بي اهلي ناس الزقازيق في السعودية يجيبوا ليكم الجهاز ده في رمشة عين .. وده من ثقة نوال البلول في اخوانها ناس الزقازيق .... اها قامت اتصلت بي ...وانا جيت طرحت ليكم الموضوع ...
اتصلت قبل شوية بدكتور عاطف سعد وعدني انه اليوم حا يرسل لي ايميل بالجهاز المطلوب بالتحديد ... وسعره في السودان حوالي الاتناشر مليون جنيه هنا في السعودية اكيد اقل ... بعد ما تصل المواصفات حا نحولها لاهل الاختصاص زي اخونا حسن ابو علي ... عشان نعرف قيمة الجهاز المالية لانه قيمته المعنوية كبيرة جداً لالاف الاطفال البتعالجوا في المستشفي ده بالمجان
المستشفي تابع لجامعة التقانة حسب تجاربي العديدة معاهو مستشفي يهتم بكل الاطفال بكل الوانهم وطبقاتهم اهتمام ما عادي الخدمة البيقدمها مسشتفي البلك لاطفال الثورة وما جاورها تستحق اننا نقيف معاهم ...
انا بكل ثقة قلت لي نوال ابشري وقولي لدكتور عاطف الجهاز ده حا يكون معاك في رمضان ... وناس السودان ممثلين في الاخ معتصم سلمان جعفر واركان حربه قالوا متكفلين بكل النفقات لو كان جمارك ولا ترحيل او اي مصاريف تانية لغاية ما يصل الجهاز ده للمستشفي يبقي الدور علينا نحن ناس بره ... بعد ما تصل تكاليف الجهاز حا نقسم المسالة علينا كلنا وكل زول يرضي بالقسمة بتاعته ويحول لحساب عبد الدائم النضيف
وكل مره حا ننزل قائمة بالقروش الوصلت لغاية ما نصل لسعر الجهاز ... اها يا جماعة شدوا حيلكم معانا وانا واثق في اول رمضان حا يكون الجهاز ده موجود في المستشفي ومكتوب فيهو هدية من خريجي جامعة الزقازيق ...
شهر رمضان شهر الرحمة ... وفيه تقبل الاعمال والصدقات ... فلنجعل هذا الجهاز صدقة جارية لروح فقدائنا من رفاقنا واخوانا ناس الزقازيق الذين رحلوا عن هذه الفانية
اي زول يجيب لينا الفيها نصيب ولو عنده طريقة كمان يملص لينا ذو الكفل تبعه ... الناس دي بتتبرع في رمضان يلا جامعة عايزين نسمع واحد
اي زول يجيب لينا الفيها نصيب ولو عنده طريقة كمان يملص لينا ذو الكفل تبعه ... الناس دي بتتبرع في رمضان يلا جامعة عايزين نسمع واحد
Post: #2575 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-11-2011, 09:41 AM Parent: #2574
اهل الاختصاص فى الاجهزة الطبية هو الريس ميسرة حسب نشاط شركتهم ... اول ما يصلك الايميل بمواصفات الجهاز ارسله لميسرة
Post: #2576 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-11-2011, 10:01 AM Parent: #2574
Quote: بعد ما تصل المواصفات حا نحولها لاهل الاختصاص زي اخونا حسن ابو علي ... عشان نعرف قيمة الجهاز المالية
والله إتلومت لوم شديد ِيا ابو الزوز عينك في الفيل تضعن في ضله!!!!!!!!!!!؟؟؟؟؟؟؟؟؟؟
Post: #2577 Title: Re: ناس الزقازيق ... أجدع ناس (4) .. Author: عمر المهدى Date: 07-11-2011, 11:19 AM Parent: #2576
ربنا يقدركم على فعل الخير دايما ومستعدون للمساهمه في هذا العمل الخير الذي يشبه نبلكم زارني اليوم الشاب الخلوق سامي عبد الوهاب فانعش فينا الذكريات الطيبه بعد 25 عام رغم ضيق وقته فله مني اجزل التقدير والشكر موصول لسفير النوايا الحسنه وجمل الشيل عبد الدايم ِ
ما زلت مستمتعا بصيف الدوحة الذي ليس كصيف بروكسل و لا برلين... و لكنه بوجود شخص كعادل فتح الرحمن لا أظنه يقل كثيرا عنهم... بل ربما يزيد قليلا و أنا أشعر بالبرد من تكييف سيارته الباااارد... من أي طينة هذا العادل؟؟؟ لا أستطيع وصفه الا بأنه نبيل من سلالة النبلاء الزقازيقيين من أمثال... الريس ميسرة و الكوتش محمد صديق..نهلة نجم الدين و الريس معتصم و جلا و أبو الزوز... بل و كل الذين عرفتهم هنا من خلال هذا البوست أو تزاملنا بالزقازيق... عادل فرغ نفسه تماما لي ليعرفني على معالم الدوحة الكثيرة... و اذا لم أطلب منه أن يرجعني الى فندقي يظل يتجول بي من مكان لآخر حتى منتصف الليل... و فوق كل هذا و ذاك يستمع الى البري بتاعي بصبر أحسده عليه... لأني أنا شخصيا لو قابلت لي زول براي زي كده ما أظني كنت احتملته مثلما احتملني عادل...
Post: #2580 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-12-2011, 10:52 AM Parent: #2579
Quote: لا أستطيع وصفه الا بأنه نبيل من سلالة النبلاء الزقازيقيين من أمثال... الريس ميسرة و الكوتش محمد صديق..نهلة نجم الدين و الريس معتصم و جلا و أبو الزوز...
هكذا هم أهل الزقازيق طينة معجونة بماء سلسبيل ومزاجهم مسكٌ ،،،،،،
تحياتنا لأخونا عادل فتح الرحمن وتحية كبيرة لرشيد القوم وربنا يردك بالسلامة
للاخ وليد عبد اللطيف صديق البوست خالص العزاء في وفاة والدته نسال الله ان يسكنها فسيح جناته وان يرحمها رحمة واسعة ... يا ناس جدة لو عندكم تلفون وليد عشان نعزيه ...
Post: #2586 Title: Re: ناس الزقازيق ... أجدع ناس (4) .. Author: محمد عيد Date: 07-16-2011, 10:52 AM Parent: #2585
احم .. احم
أعوذ بالله من الشيطان الرجيم ... بسم الله الرحمن الرحيم
صبحكم الله بالخير أصدق التعازي للأخ وليد عبد اللطيف في وفاة والدته... نسأل الله أن يسكنها فسيح جناته مع الصديقين و الشهداء...
حمد لله على السلامة لعودة المنبر... هذه المرة كانت الضربة قوية و أكثر احترافية... و هذا دليل على أن المنبر يؤدي دوره جيدا... و بالرغم من أن المنبر كان و ما زال منبر لكل الآراء... الا أنه يبدو أن أحدهم لم يتسع صدره للرأي الآخر... فقرر التخلص من الرأي الآخر بالتصفية...
سعيد أنا بعودة المنبر...
Post: #2588 Title: Re: ناس الزقازيق ... أجدع ناس (4) .. Author: محمد عيد Date: 07-16-2011, 11:06 AM Parent: #2587
أصدق التعازي للأخ وليد عبد اللطيف في وفاة والدته... نسأل الله أن يسكنها فسيح جناته مع الصديقين و الشهداء...
رشا الحبيب ...
والله المنبر قطع راسنا .. وفعلا الضربة هذه المرة اكثر احترافية
غايتو عوضنا بعض الشىء بالفيس بوك ... لكن بالفعل اتضحت لنا اهمية وغلاوة منبرنا ..
نسأل الله انقشاع هذه الغمة ... وعودة جميع الاحباب
Post: #2589 Title: Re: ناس الزقازيق ... أجدع ناس (4) .. Author: أحمد إسماعيل Date: 07-16-2011, 05:08 PM Parent: #2588
صادق العزاء للأخ وليد عبد اللطيف في وفاة والدته ربنا يرحمها ويحسن مثواها ويدخلها الفردوس الأعلى مع الصالحين ، ونسأله جلا وعلى أن يلهم وليد وأهـلـه الصـبر وحسن العزاء
الواحد داخل و يتلفت شمال و يمين... امكن حاجة تظهر تهجمنا و تقطع قلوبنا... أنا أصلي من أيام شجرة النيم الكبيرة في بلدنا الكوة بحر... و من يوم ما عمي عثمان جاء فاكي البيرق قال ضربو شيطان... أنا قلبي بقى خفيف و أي حاجة بقت تهجمني...
اليوم الجو حار جدا... و البروفة بتاعت شعبان أمس و اليوم خلتنا نعرف الخطة بتاعت رمضان... بس الله يكفينا شر الهكر.... رمضان البوست منتظرنه من رمضان الفات...
Quote: يا رشا ياخي ما وثقت لينا الكروش القطرية بالصور
يا جبريلا أنا آخر مره مشيت لي دكتور... بعد التحاليل و الفحوصات و التشخيص... قال أبعد من التصوير نهائي... لا تصور ...لا يصوروك... قلت ليهو يصوروني دي عرفناها ...ليه ما أصور... قال لي طالما في تصوير امكن يصوروك بالخطأ... أبعد بعيد من الصور.... عارف يا جبريلا أصر راشد ولد عادل فتح الرحمن يصورني... قلت ليهو يا راشد أوع تصور الكرش... راشد بقى يصور ليك راسي بس... لآنو قدر ما حاول يتجنب الكرش ما قدر...
قطعة النت وتهكير الموقع دي ذكرتني حاجة مأساوية في حياتي
مرة لميت كل صور الطفولة من السودان وأخدتها معاي لمصر عشان اظبطها وأكبرها وأبروزها
الكرتونة الفيها الصور إتسرقت في السد العالي
من الوقت داك ولحدي اليوم حاسي إني افتقد جزء من حياتي لن يعود مرة تانية
لمن أشوف فيلم فيهو واحد فقد ذاكرتو بنزعج جدا بحس إني بشبهو في حاجة مشتركة بينا يا أخي فعلا الماضي ده حاجة مهمة جدا لحياة الانسان
اليومين الفاتو ديل
الزول القطع مننا الموقع ده الله لا كسبو حسسنا بأهمية تواصلنا وبأهمية موقعنا انا شخصيا ما عندي اي تفسير غير إنو التسجيل الصوتي النزلو بكري بتاعة علقة لندن هو السبب لانو بعدها الزول العجيب ده جابوهو في التلفزيون كم مرة نظام ( PR ) عشان يظبطوهو ( بالمصري ) عموماً زي ما بتقول ميادة الحناوي في اغنية رائعة لها ماتقدرش تغطي نور الشمس بأيديك
حمدا لله على السلامة
Post: #2598 Title: Re: ناس الزقازيق ... أجدع ناس (4) .. Author: محمد عيد Date: 07-17-2011, 12:33 PM Parent: #2594
Quote: عارف يا جبريلا أصر راشد ولد عادل فتح الرحمن يصورني... قلت ليهو يا راشد أوع تصور الكرش... راشد بقى يصور ليك راسي بس... لآنو قدر ما حاول يتجنب الكرش ما قدر...
ده ما نوع الأسئلة البتخليهم يهكروكم ذاتو... حسه أقوم أهكرك...
انت عارف يا حمادة أنا كمان بحب الأحذية البي رباط... الفترة الأخيرة دي حولت للجزم الكشف... و طبعا مجبر أخاك و ليس محبة للأحذية الكشف...
Post: #2600 Title: Re: ناس الزقازيق ... أجدع ناس (4) .. Author: محمد صديق Date: 07-18-2011, 05:54 AM Parent: #2599
سلامات يا ناس
وصباحات التفاؤل
Quote: انا جايً متحمي في البوليس دا وين ياكوتش شوق من هنا لاعندك
سلام يا جلجل
وشكراً على الترحيب...الغريبة انت شفتنى كيف؟الناس ديل
كلهم ما شافونى بسبب كرش الرشيد.
حاتم جبارة :أرشك بى بيتين شعر هسة اجيب قطرك.(من النوع داك)
يا زهير ....الفيك اتعرفت .
الشادى يا فنان...
فى زول جنبى كان بيسمع ابدى بعض الملاحظات على الاداء ...
1/تقليل سرعة الايقاع مع تخفيض نبرات الصوت فى حالة الصعود
2/ان يكون الاداء بنفس هادىء دون إجهاد
ملحوظة :الزول ده ما متخصص ...زول سمع ساى.
تحياتى لعماد شريف....
يا نضيف انت قايل عمرى 18 سنة؟ولا شايفنى من ناس طيحنى؟
لو لقيت فرصة بجيكم تانى...
Post: #2601 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-18-2011, 05:55 AM Parent: #2599
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم والهكر الظالم
يا من إليه ترفع الشكوى يا عالم السر والنجوى يا من يسمع ويرى يا رب الأرباب يا عظيم الجناب يا سريع الحساب
أن تنتقم لنا من سعى إلى تهكيرنا دون ذنب جنيناه ،،،، يا منتقم يا جبار
Post: #2602 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-18-2011, 06:00 AM Parent: #2601
صادق العزاء للأخ وليد عبد اللطيف في وفاة والدته ربنا يرحمها ويحسن مثواها ويدخلها الفردوس الأعلى مع الصالحين،،،، إنا لله وإنا إليه راجعون،،،
Post: #2603 Title: Re: ناس الزقازيق ... أجدع ناس (4) .. Author: جلال عثمان Date: 07-18-2011, 08:35 AM Parent: #2602
يبدو انو الامور ماضية في اتجاه عودة المنبر اولى الدلالات اختفاء ذلك المنبر الفاجر الذي استحدثه الهاكرز ومن باب التضامن نحي جهود الاخ بكري ابوبكر في اعادة سودانيز الذي نعرف ... ودعوة لكم اخوتي في التفاعل مع المنبر العام .... وحوشنا الوسيع
وشكراً على الترحيب...الغريبة انت شفتنى كيف؟الناس ديل
كلهم ما شافونى بسبب كرش الرشيد.
عودا حميدا يا كوتش... و الله يا كوتش الحاجة بتقول البشوف القلب... و نحن قلوبنا كلت ... و انت عارف القلوب اذا كلت عميت... ساعة فساعة... نأتي الى هنا في ساعة نمحو بها عناء الدهر... لك العتبى حتى ترضى... و من يوم الليلة ماشي الكورنيش برغم الحر و الرطوبة عشان أنزل الكرش... و تاني ما نتلوم معاك...
Post: #2605 Title: Re: ناس الزقازيق ... أجدع ناس (4) .. Author: جلال عثمان Date: 07-18-2011, 08:46 AM Parent: #2604
Quote: و من يوم الليلة ماشي الكورنيش برغم الحر و الرطوبة عشان أنزل الكرش...
نحن لينا الله يالرشيد ... كورنيش نلقاهو وين والله اخير انت راسك بنشاف والله انا تشوفني ساعة الحراية ديك والعرق ينقط بس زيرك الجديد
Post: #2606 Title: Re: ناس الزقازيق ... أجدع ناس (4) .. Author: محمد عيد Date: 07-18-2011, 09:13 AM Parent: #2605
Quote: اولى الدلالات اختفاء ذلك المنبر الفاجر الذي استحدثه الهاكرز
Quote: ساعة فساعة... نأتي الى هنا في ساعة نمحو بها عناء الدهر...
وايضا لكي اشكركم جزيل الشكر لوقوفكم خلفنا ومواساتنا في وفاة والدتنا الف ورحمة ومغفرة لها الشكر لكل الاخوان وعلى راسهم حبيبنا الزناتي وماعدمناك ياطيب الزقازيقاب هم كم عرفتهم من خلال حديثهم الطيب وحبهم لبعض والروح الطيبة التي تسود بينهم انتقلت لنا العدوى لكي احبكم ايضا اين ماكنتم لكم من كل التحايا والشكر
Post: #2608 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-19-2011, 05:35 AM Parent: #2607
صباح الخير ،،، يا وجوه الخير
أصبحنا وأصبح الملك لله وحده،،،
سبحان الله وبحمده عدد خلقه ورضا نفسه وزنة عشره ومداد كلماته
================
نقول للبوست غيب وتعال تلقانا نحنا يانا نحنا
Post: #2609 Title: Re: ناس الزقازيق ... أجدع ناس (4) .. Author: جلال عثمان Date: 07-19-2011, 06:27 AM Parent: #2608
حسنك أمر وآ لهفتي وآ لهفة القلب الرهيف حسنك أمر زي قارب الليل أغرقوا ما إتوسد آفاقو القمر
حسنك أمر مهما صعب درب الوصول لازم اصل ما بتشكي في دربك قلوب مابتذرف الدمعات مقل نتحدى دربك لو يطول ومين غيرنا نحنا بيحتمل وأيه يعنى فى دربك هجير للكل نيران تشتعل وأيه يعنى لحظات انتظار للعمرو ضاع ضاع من غير أمل
Post: #2612 Title: Re: ناس الزقازيق ... أجدع ناس (4) .. Author: محمد عيد Date: 07-19-2011, 09:52 AM Parent: #2611
قصـــة قصــــيره جدا
هم الاستاذ بالكتابة على السبورة .. تكسرت الطباشيره ..
حاول الكتابة بما تبقى في يده، خربش الطبشور السبورة في صوت مزعج
اغتاظ ..التفت الى يمينه قائلا
-اتفو على التخلف في زمن العولمة يسلموننا أرخص طباشير
اتم كتابة الدرس بصعوبة ..ألتفت الى تلاميذه وجد الذ كور يلعبون في أقراط آذانهم والاناث في أقراط سراتهن ..
التفت الى يساره وبصق على العولمة ..!!
Post: #2613 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-20-2011, 06:13 AM Parent: #2612
صباح الخير ،،، يا وجوه الخير
أصبحنا وأصبح الملك لله وحده،،،
إلهي :
وسيلتي إليك إنعمك علي
وشفيعي إليك إحسانك إلي
Post: #2614 Title: Re: ناس الزقازيق ... أجدع ناس (4) .. Author: كمال الشادي Date: 07-20-2011, 06:26 AM Parent: #2612
كثير من الأغنيات تسمعها أحيانا دون أن تنتبه لكلماتها... حتى تأتي مناسبة ما تجعلك تتأمل في كلماتها و تسمعها كلمة كلمة و حرف حرف... أداء كمال الشادي الرائع لأغنية مصطفى سيدأحمد و كلمات العملاق حميد جعلني أتأمل الأغنية... كلمة كلمة و حرف حرف... و هذه الكلمات مثلها مثل جل أشعار حميد تجعلك تتحد أو تتوحد معاها... تخاطبك و تخاطبها وتتنقل بك عبر الحالات التي توصفها... حالة تلو أخرى حتى تنهكك و تفطر قلبك و تبكيك أحيانا... و ما أن تنتهي الأغنية لا تعرف هل تقول الله يا حميد...و لا تقول مالك علينا يا حميد... الفينا مكفينا....
خروج الأرجنتين و البرازيل من كوبا أمريكا أفقدني الاهتمام بالبطولة... عندما خرجت الأرجنتين أحسست بأن لاعبي البرازيل أيضا فقدوا الاهتمام بالبطولة... و توقعت خروجهم أمام الباراجواي... فالبطولة لا تساوي شيئا بالنسبة لهم اذا لم يفوزوا على الأرجنتين... كما و أنهم يريدون أن ينعموا ببعض الراحة قبل الالتحاق باستعدادات أنديتهم... منذ البداية لم أتوقع أن أرى البرازيل في النهائي... هذه مجرد رؤيتي و تبريراتي الخاصة لخروج فريق لم يقدم ما يكفي ليفوز...
Quote: البادي في السودان من زمن.. لميت فيهو بي الرجاله..
و كمان قال ليك الناس دي كلها عارفة انو هو في السودان... طيب البخليني أنا أسأل عليهو الدوحة فردا فردا... البادي يا أخوانا ما شفتوهو... زول أصفر طويل ما شفتوهو... رايح مننا ليه زمن ما شفتوهو... جاكم هنا ليهو مده ما شفتوهو... توصيات قوية من أبو الزوز بجدية البحث وسؤال أي سوداني موجود بالدوحة... ناس السعودية يسألوا عن البادي... ناس السودان يسألوا عن البادي... منو العارف ان البادي موجود في السودان...
ما شفتوهو لى يا اخوانى؟ فى همس الحبيب وحبيبتو ساعة فى القمر يتلاقو من كتر الغرام والريدة لى عند الصباح ما فاقو *** كان فى رعدة كان فى غيم نزل نقناقو فوق نوار بريسيم رش بل اشواقو *** كوسو معايا يا جلابة ممكون قلبى شابا وشابا
يا سلام ياخي والله حمد الله سلامة ولدنا البادي .... ويا حاتم جبارة دي تاخد فيها الجائزة الاولي .... كان في اغنية شديدة عايز اهديها للبادي بس للاسف تحميل الاغاني متوقف ....
اكيد البوست حا يرب ..... بعودة الكوتش وود جبارة ... وخاصة ان معلوماتنا الدقيقة تقول ان منصور قد وصل الرياض سراً يوم الجمعة وهو في اطار تغطية متميزة لاجازة اوربا .... نصيحة عمر نملة للجميع بان يسلموا الباسويردات لبكري ابو بكر .... لان وصف منصور حا يكون اخطر من بتاع ماليزيا ... ونحن في الانتظار
Post: #2637 Title: Re: ناس الزقازيق ... أجدع ناس (4) .. Author: محمد صديق Date: 07-23-2011, 06:44 AM Parent: #2636
يا كوتش الفنان قال ليكم ما ممكن يغني في مسرح فاضي باوكسترا ... يبدا ليكم بالعود بعدين ممكن يجيب الاورغن ... وبعدين الاوركسترا الكاملة ... شدوا حيلكم شيلوا معاهو ....
Post: #2639 Title: Re: ناس الزقازيق ... أجدع ناس (4) .. Author: محمد صديق Date: 07-23-2011, 10:43 AM Parent: #2638
سلامات يا ناس
Quote: يا كوتش الفنان قال ليكم ما ممكن يغني في مسرح فاضي باوكسترا
الغنا بالعود نحن كويس معانا ...
بس المسرح الفاضى ده نحن نملا من وين..(مع الفيسبوك ده.
Post: #2640 Title: Re: ناس الزقازيق ... أجدع ناس (4) .. Author: محمد صديق Date: 07-23-2011, 10:55 AM Parent: #2639
Post: #2642 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-24-2011, 06:45 AM Parent: #2641
صباح الخير ،،، يا وجوه الخير
إبتهالات :
سبحانك جل جلالك ما أعظمك! سبحانك عز جاهك ما أعظمك! سبحانك تقدست أسماؤك ما أعظمك! سبحانك تبارك وجهك ما أعظمك!
Post: #2643 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-24-2011, 06:59 AM Parent: #2642
يبدو أن الهكر قد هكر نفسيات الناس وعقول الناس فهرب معظمهم ،،،،، نطالب بتعديل الموود وتنقية أجواء التهكير وتصفية مياه الشرب بالخرطوم،،،وخليكم زي الكوتش محمد صديق ، عودة ثلاثية الأبعاد
الحكم يجهز اللاعب البديل وأنا عارفه ح ينزل الميدان بعد عودته من زيارة نملوز.
الفنجرى ميسره سلام كل عام وانتم بخير و وين ناس البيت بقوا ذى العذابى اللبدوا وجهجهوا الحرامى امرقوا لا برا يا ناس هوى الزول دا قاعد ليكم برا فى المطره دى و عطشان
ود جبرين يا شقى سلام مجهجه روحك مالك يا زول حمدا لله بالسلامه الما عمطه العده بالنار والله خربت ان غلبك الحرف طيب ما كان تسوى لك عصيده اللات هجرج ساكت الحكايه ما مليه بطن وبس بكره جاييك رمضان الدباره كيف كان فطرت اوب وكان صمت اوبين
لم اعد مجرد سائحة في هذه الانحاء وها انا الآن ادخل حوشنا العامر بالباب واولاً القي سلاماتي وتقديري لكل اخواتي واخواني وارسل الرحمات لارواح سابقينا واشكر كل من رحب بنا البرالمة الجدد (في المنبر) واشكر الاخ بكري ابو بكر (كبير الأعدة دي كلها ) و شكرا لكبير أعدة الزقازيق عصام دهب وشكر بحجم الدنيا للعزيز الهميم زهير ) واقولها وبالميكرفون اني سعيدة ان اكون احدى قطرات هذا النبع الزقازيقي الصافي واتمنى ان اضيف لهذه الواحة بما يفيد وان انهل منها ما انهل واستنشق فيها عبق تلك الايام الحلوة ايام الزقازيق كيمان وزكائب من الود للجميع
مداخلة بتأريخ 10_11_2009
صاحبتها ..دخلت ...
ثم خرجت...
ولم تعُد...
رد الله غربتها وغربة كثيرين.
Post: #2648 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-25-2011, 06:16 AM Parent: #2647
يا ريس الناس بتخاف علي العدة الهكر ده لو لم في باسويردك بيجهجهك ... رغم انه الهكر الاخير لم يكن حرامي باسويردات ... ده كان حرامي اسماء ... سرق اسم الموقع والي الآن لم يرجعه رغم المحاولات الحثيثة ... علي العموم ستعود الامور لطبيعتها رويدا رويدا ... ابشركم بوصول الفتي الابنوسي من الاراضي الاوربية الشرقية ... وكنت اليوم معه في محادثة مطولة تعدت الساعة حكي لي فيها عن الخطوط العامة للرحلة ... ابشروا بحكي طاعم وصور جميلة ....
وسع يا جدع انت وهو ...
اتفضل يا منص
Post: #2651 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-26-2011, 06:21 AM Parent: #2650
صباح الخير ،،، يا وجوه الخير
أصبحنا وأصبح الملك لله وحده
الحمد لله الذي بتحميده يُستفتح كل كتاب وبذكره يُصدر كل خطاب
Quote: وسع يا جدع انت وهو ...
اتفضل يا منص
مرحب بعودة الأبنوسي والقاص الزقازيق الرائع
أخونا منصور والعائلة الكريمة ويحق لنا أن نُسميه
إبن البطوطه الزقازيقي ليعود ويحكي لنا عن بلاد العجم
وناس الزقازيق المنتشرين هناك،،،
مرحب بعودة أخي منصور وجميع أفراد عائلته،،،
Post: #2652 Title: Re: ناس الزقازيق ... أجدع ناس (4) .. Author: محمد عيد Date: 07-26-2011, 08:21 AM Parent: #2651
منقول ... للفائده
أحذرو الـ 3 دقائق الأولى من الإستيقاظ تعتبر الدقائق الثلاث التالية لاستيقاظ الإنسان في الصباح هي الأكثر خطورة في اليوم كله،إذ يحذر من النهوض فورا من الفراش بعد أن يدق جرس المنبه حيث يؤدى ذلك لحدوث اضطرابات عصبية وإدراكية وقد يصل الأمر إلى حدوث جلطة بشرايين المخ أو القلب لا قدر الله) كنتيجـة للاستيقاظ المفاجئ على صوت التليفون أو المنبه، حيث يفسر أخصائيون ذلك بأن النوم يمر بأربع مراحل معروفة تبدأ بمرحلة النوم الخفيف وتنتهي بمرحلة النوم العميق ولكل مرحله تأثيرها على الجسم ويختلف تأثير عملية الاستيقاظ المفاجئ باختلاف مرحلة النوم التي يستيقظ فيها الإنسان حيث نجد أنه عند مرحلة النوم العميق تكون ضربات القلب منتظمة وعضلات الجسم في حالة ارتخاء وإذا استيقظ الإنسان من نومه العميق قد يؤثر ذلك على ضربات قلبه مما يؤدى إلى سرعة التنفس نتيجة لسرعة ضربات القلب فإذا كان الشخص مريضا بالاكتئاب أو بأي مرض عصبي فان استيقاظه المفاجئ قد يوثر على جهازه العصبي بشكل سلبي ، كما يمكن أن يؤثر على القدرات الإدراكية وعلى الذاكرة فيما يعرف بالذاكرة القصيرة إلى جانب حدوث ارق واضطرابات في النوم واضطرابات عصبية وقد يصل الأمر في بعض الأحيان إلى حدوث نوبات صرعية بخاصة إذا كان جهازه العصبي لديه استعداد لذلك، ويؤكد الأطباء أن الاستيقاظ المفاجئ قد يكون ناتجا عن كابوس مخيف مما يؤدى إلى حالة الفزع وقد يكون بسبب أي مؤثرات خارجية مما يسبب ارتفاع ضغط الدم وزيادة ضربات القلب ومشاكل في الدورة الدموية ولكن يتأثر بشكل اكبر الأشخاص الذين يعانون أمراضا نفسية وعصبية، مثل التوتر الدائم أو القلق وكذلك مرضى السكر والقلب والضغط العصبي مما يسبب لهم (لا قدر الله) جلطة في شرايين القلب .
حمانا الله واياكم
Post: #2653 Title: Re: ناس الزقازيق ... أجدع ناس (4) .. Author: محمد صديق Date: 07-26-2011, 11:11 AM Parent: #2648
سلامات يا ناس
وصباحات الخريف
Quote: يافا رج الهمّ،
ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
آمين يا رب
سلام يا ريس...
شكلنا كده حنكون ريا وسكينة.
Post: #2654 Title: Re: ناس الزقازيق ... أجدع ناس (4) .. Author: محمد صديق Date: 07-26-2011, 11:22 AM Parent: #2653
و الحبان و بنارك لمني عباس وصول حنان مجمر و لاخونا زهير
انشاء الفرحة تكتمل بقدوم ود الشادي لشرق المملكة و انشاء
الله تكون لمه كاربه و شكلها كذلك طلما فيها الحلوين حاج الركز
و عفاف و باقي العقد الفريد نحسدكم عليها و ربنا يكفيكم شر
العوارض يعني ما تلقى ليك جلا في لفه !!!!
Post: #2665 Title: Re: ناس الزقازيق ... أجدع ناس (4) .. Author: محمد صديق Date: 07-27-2011, 10:16 AM Parent: #2664
سلامات يا ناس
اهلاً يا موسى ...حتقلب الصفحة ...تلقى جلا
قصرنا معاك؟
Quote:
فى منتصف القرية تماماً يقع الحوش الكبير ...يشابه السُّور أسوار منازل القرية جميعها فهو مصنوع من القَش المُثبّت بأعمدة خشبية مغروزة بالأرض ،ليس باستطاعة أحد أن يرى من بداخل الحوش ،حيث كانت تجلس (فًطُّومة ) وصويحباتها تحت ظل التبلدية الضخمة....يستطيع الذى يمرّ بالقرب من السّور أن يسمع همس الحديث وصدى الضحكات الشّابة دون تمييز تفاصيل الحديث ....تدور بينهن فناجين القهوة قاطعةً ذلك الحديث الحميم ريثما يعود مرةً اخرى ، لينقطع هذه المرة بظهور إناء الزيت المُعطّر ...تدلك الصبايا شعر رؤوسهن المُمشَط حتى يسيل الزيت على طول رقابهن الطويلة والنّديّة ...ويستمر الحديث الحميم المهموس والمُطعّم بالضحكات الشّابة ....حتى أنهنّ لم ينتبهن لمرور حاج (إبراهيم ) العائد من الحقل القريب ليدخل قُطِّيته التى تنتصب فى أقصى الركن الشمالى الغربى من الحوش الكبير...
في هذه الأيام يبدو وكأن العنف في عجلة من أمره في هذا الوطن الذي نحب، لكن ليس هذا هو موضوعي اليوم.
قصدت ذلك حتى لا تتحول الكتابة إلى تقليب مواجع. والله يشهد أن أمنيتي من كل هذه الكتابات أن تتعافى البلد من حروبها العبثية. وأن يختار السودانيون حكامهم كما يريدون ويشتهون. في بعض الأحيان ينأى بعض الناس بأنفسهم عن السياسة، وأزعم أنني أحدهم، لأنهم قالوا ما يجب أن يقال، ولا معنى للتكرار، إذ كما أقول دائماً، أعظم ما في الكلمة المكتوبة أنها مكتوبة,
سأترك كل هذا الذي حدث ويحدث، واطرق كما وعدت الأسبوع الماضي، موضوعاً قد يبدو بعيداً عن انشغالاتنا الراهنة، لكنه في الواقع يلامسها من زاوية أخرى، ربما سيتبادر إلى الأذهان ألا علاقة له بالواقع الذي نعيش، لكن الأمر ليس كذلك. في أحيان كثيرة، وأظن أن ذلك حال كثيرين، يتهاطل ركام من رسائل داخل علبة البريد الاليكتروني، أحرص في الغالب على مطالعة هذه الرسائل قدر الإمكان، على الرغم من فرضية الغث والسمين. وحتى لا يستهلك الوقت في وسائل تواصل تحيط بنا من كل جانب، وفي كل لحظة من هذا العصر، فقد ارتأيت منذ سنوات طويلة،الاستغناء عن مشاهدة التلفزيون، ومتابعة هذه الدنيا وناسها وأحداثها، عبر الراديو والصحف والكتب والانترنت، وهذا في اعتقادي أكثر من كاف. ساعات التلفزيون عوضتها ساعات الحاسوب، ولم أجد أنني خسرت شيئاً، بل ربحت الكثير من الوقت والمعرفة أيضاً. إذا أردت أن تشاهد حدثاً مصوراً، فإن الانترنت يوفر ذلك وبطريقة أفضل بكثير من التلفزيون، لأنك ببساطة تستطيع أن تعيد الصورة وتغوص في تفاصيلها، مرات ومرات. بقيت وما زلت أقول لطلابي في معاهد الصحافة والكليات، إذا أردتم أن تصبحوا صحافيين، عليكم قراءة الكتب. وفي كثير من الأحيان يسألون: ما السبيل إلى ذلك؟ وطوال سنوات ظل جوابي كما هو: اتركوا جانباً مشاهدة التلفزيون. يمكنكم أن تتعلموا طريقة وتقنيات العمل الصحافي في التلفزيون، لكن لا تتحولوا إلى مدمنين على مشاهدته.
راقتني شخصياً معادلة طريفة، لكنها مفيدة جداً. إذ الداعي لكم بالخير يتحدث كثيراً للقنوات الفضائية، لكنه لا يشاهدها. أقول ذلك، وأقر دائماً بأن التلفزيون في هذه الأزمنة صنع لنفسه عصراً بأكمله، وكان هذا "العصر التلفزيوني" حاضراً في كل بيت وملتقى، وهو الوسيلة التي اغتالت العمل السياسي الذي كان يعتمد على التواصل المباشر مع "الجماهير" منذ بدأت عهود الديمقراطية، وتحول التلفزيون صانع سياسة، لكن تكلفة ذلك على الوعي بل وعلى الحقيقة، كان باهظاً. أعود إلى علبة البريد الاليكتروني، فقد لاحظت في السنتين الأخيرتين، أن مجموعات من شرائح سودانية متعلمة، خلقوا شبكات تواصل خاصة بهم، خارج إطار شبكات التواصل الاجتماعية المعروفة. كما لاحظت أيضاً أن عدداً من أصحاب هذه الشبكات وضعوا عنواني على قائمة بريدهم، وفي بعض الأحيان حتى دون سابق معرفة شخصية، وأنا ممتن لهم.
صادقاً أقولها. وهكذا أصبحت تصل إلى العلبة الاليكترونية، أشياء كثيرة ومتنوعة. ومن هذا الكثير تلقيت شريط فيديو قصير لمطرب أثيوبي شاب، اسمه أبراهام آسيف. يترنم هذا المطرب الأثيوبي بأغنية سيد خليفة التي كتب كلماتها الشاعر إدريس جماع، والتي نعرفها باسم "أعلى الجمال تغار منا". يغني هذا المغني من القصيذة، بضعة أبيات فقط لا تتعدى أربعة، مع لقطات مصورة متخيلة (فيديو كليب) ثم يكمل بالأمهرية. إذ هو يغني الأبيات التي تقول: على الجمال تغار منا ماذا عليك إذا نظرنا هي نظرة تنسى الوقار وتسعد الروح المعنّى دنياي أنت وفرحتي ومنى الفؤاد إذا تمنّى أنتَ السماءُ بدتْ لنا واستعصمتْ بالبعدِ عنا علماً بأن القصيدة تستمر بعد ذلك لتقول: هلاَّ رحمتَ متيماً عصفت به الأشواق وهنا وهفت به الذكرى فطاف مع الدجى مغنى فمغنى هزته منك محاسن غنى بها لمَّا تغنَّى يا شعلةً طافتْ خواطرنا حَوَالَيْها وطفنا أنست فيكَ قداسةً ولمستُ إشراقاً وفناً ونظُرتُ في عينيكِ آفاقاً وأسراراً ومعنى كلّمْ عهوداً في الصبا وأسألْ عهوداً كيف كُنا كمْ باللقا سمحتْ لنا كمْ بالطهارةِ ظللتنا ذهبَ الصبا بعُهودِهِ ليتَ الطِفُوْلةَ عاودتنا صوت هذا الشاب الأثيوبي، من ذلك الذي يطلق عليه "الأصوات الرخيمة"، ولأن الأغنية لا تشي بالفرح بل فيها مسحة حزن، جاء أداؤه شجياً مؤثراً. خاصة عندما يصل إلى البيت الذي يقول: أنتَ السماءُ بدتْ لنا واستعصمتْ بالبعدِ عنا ثم ينهمر صوته كما ينهمر مطر الخريف في الوطن الذي نحب. لحن هذه القصيدة التي غناها الراحل سيد خليفة، مشحون بالطرب. وموسيقاها تتماهى مع الكلمات، وعندما أضاف المغني الأثيوبي نكهته، أصبحت موسيقى الأغنية حلوة، زاخرة بمتناقضات جعلتها أكثر عذوبة، إذ هي فرحة ومريرة، حزينة ومبتهجة، متفائلة ومنكسرة. ومما ساعد على الأداء الجيد لهذا المطرب، أن صوته مفعم بحيوية استثنائية. فيه الكثير من الدفء. لعل ما يلفت الانتباه أن كثيرين في الوطن يعتقدون أن الفنانين الأثيوبيين، عندما يتغنون بالأغاني السودانية، يتفوقون على الأصل. لا أود أن أقحم نفسي في هذا النقاش، إذ إن مثل هذه الأمور لها أصحابها. بيد أنني أريد فعلاً أن أطرح فكرة للتأمل حول الأغنية السودانية. ولا أزعم شيئاً في هذا المجال. قبل ذلك أود أن أقول بكل وضوح إنني حين غادرت الوطن، وبحكم ظروف النشأة، كان لا يستهويني سوى إيقاع "الدليب" الذي هو إيقاع أغاني الطنبور، وكنت لا اسمع في "سنوات الرباط الأولى" التي كتبت عنها كتاباً بعنوان "أيام الرباط الأولى" سوى أغاني الطنبور، إلى حد أن زميلاً عزيزاً من تلك الفترة، وهو الصديق محمد خالد محمد عثمان، وعلى الرغم من أنه "نوبي" من منطقة المحس، وتربى في مصر، راح جاهداً يحاول أن يتذوق تلك الأغاني مجاملة في البداية، ثم إعجاباً بعد ذلك. بيد أن الأمور ستتغير تماماً بعد سنوات الدراسة. في هذا الجانب أجد نفسي شديد الامتنان، إلى الصديق الأعز.. الطيب صالح. كان الطيب صالح "سودانياً" بكل الدلالات والحمولة التي تنطوي عليها هذه الكلمة . قال لي ذات مرة، إيقاع "الدليب" يطربني أيضاً، لكن حاول أن تستمع إلى أغاني "محمد أحمد سرور" وحتى تصل إلى تذوق "سرور" اقترح عليك أن تسمع أغاني "أحمد المصطفى". وأردف اعتقد أنه "محمد عبد الوهاب السودان". كان الطيب لا يخفي إعجابه بشاعر البطانة "الحردلو"، ربما بتأثير فترة أمضاها مدرساً للغة الانجليزية في مدرسة "الشيخ لطفي" في رفاعة، هذا الإعجاب جعله يتذوق كثيراً قصائد "الجاغريو" التي تغنى بها أحمد المصطفى. كانت نصيحة الاستماع إلى أغاني "سرور" من النصائح الدرر. يا لها من نصيحة، عملت بها، ووجدت فيها متعة لا تقدر. أدركت كم هو رائع هذا الوطن عندما يغني. اختم لأقول: صحيح أن الشعوب التي لا تعرف الكتابة والقراءة هي شعوب يسهل تضليلها، وأضيف إن الشعوب التي لا تتمتع بحس فني وقدرة على التذوق لن تدرك قط قيمة التسامح، ومن السهل جداً أن تتفشى فيها نزعات التطرف. وللحديث بقايا.
طلحة جبريل
Post: #2668 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-28-2011, 06:08 AM Parent: #2667
و الله يا ريس دقيت بي الدلجة أنا نائب موسى عيسى؟؟؟
أبو الزوز تعال شيل الباسويرد بتاع بكري دا مش إنت أديتني ليهو أنا ما دايرو خلاس
Post: #2673 Title: Re: ناس الزقازيق ... أجدع ناس (4) .. Author: جلال عثمان Date: 07-28-2011, 11:03 AM Parent: #2672
Quote: و الله يا ريس دقيت بي الدلجة أنا نائب موسى عيسى؟؟؟
يازول انت تطول تكون نائب موسى عيسى ... دا شعرا ما عندك ليه رقبة بس ماتزعل وكان جابت ليها رجيع باسورد بنعينك نائب الريس شخصياً ياخ مرات كدة عندك غتسات كدة بتعرفا براك قاعد تمشي وين بالله .... مشتاقين
ايها المارون في الكلمات العابرة احملوا أسمائكم .. و انصرفوا وأسحبوا ساعاتكم من وقتنا .. و انصرفوا وخذوا ما شئتم من زرقة الب و رمل الذاكرة و خذوا ما شئتم من صور،كي تعرفوا انكم لن تعرفوا كيف يبني حجر من ارضنا سقف السماء
ضرب لي عمر نملوز ليبشرني بكتابة مهولة للحبيب منصور... قال لي أرجو الراجيكم بري حتى الاشباع... و مع ان رمضان على الأبواب...كل سنة و انتو كلكم طيبين... و تصوموا و تفطروا على خير.... ومع ما يثار حول مواعيد بث برنامج أغاني و أغاني... و أنه تم الاتفاق على أن يكون بثه في تمام الساعة الحادية عشر مساءا بتوقيت السودان.... أعتقد انه يجب الاتفاق مع منصور على موعد بث برنامج أسفار و أسحار.... و رغم اني فكرت كثيرا في الموعد المناسب للبث الا انني لم أصل لشيء.... على أي حال نقول لي منصور بمجرد ما تجهز الحلقة رشها طوالي... ان جيتنا ليل ان جيت دغش طوالي أدفر الباب و خش...
Quote: الرشيد مختفي برضو ان شاء الله بس يكونوا طيبين
قااااااعد و طيب ...يطيبو أيامك...و يخلي ليك وليداتك... قاااعد عل ما عارف قاعد وين... بس ما قاعد لي فوق راي...
و البهارات قبل ما يدخل علينا رمضان و نكون دخلنا في
المحظور و معليش يالرشيد الكعبلة الفوق دي داخل 18 و انت
عديتها ساي بدون ما تصفر و تطلع الكرت الاحمر لجلا يعني
شغلانيتك في التحكيم بقى واضح فيها تحيز لكن خلي
الحكاوي الاوربية دي تعدي علي خير و كمان تفاصيل رحلة
الشادي و جلال لناس الشرقية تمر و حلو مر عفاف ميرغني نشربوا
بعدين بنرجع ليك في تحيزك للمدعو جلا , بالله يا جلال ابدا لينا
الرحلة قبل وصول الماسيترو منصور و خلي عكازك قريب !!!!
Post: #2684 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 07-30-2011, 07:33 AM Parent: #2683
رمضان كريم وتصومو وتفطرو على خير
وحمد الله عل السلامة يا منص
Post: #2685 Title: Re: ناس الزقازيق ... أجدع ناس (4) .. Author: جلال عثمان Date: 07-30-2011, 07:50 AM Parent: #2684
إلاهي منكم ... او كما قال .... حالتى دي قلت اجي اعمل ليكم مجنون برحلة الشرقية دي عشان اجر رجلكم اتاري رجلكم مجرورة خلقة ... عالم قاعدة على الهبشة ... منصور تتذكر العلاقة "الاسبيستونية" الصباح الباهي لونك .... كمال الشادي .... البوست فرتك لي المعطيات الفوق دي بعلاقة اسبيستونية .... عشان انا ما فاضي عاوز اسلم عليك ياخ واقول عليك حمدا لله على السلامة .... واسلم على الرشيد وعفاف وموسي ... واحكي ليكم عن ناس الدمام ... حلوين وبتحبوا
Post: #2686 Title: Re: ناس الزقازيق ... أجدع ناس (4) .. Author: كمال الشادي Date: 07-30-2011, 10:07 AM Parent: #2685
( برجع ليكم ) ( دي متاوقة سريعة ، وجاي تاني )
إقتباس من ادبيات الكوتش محمد صديق
منصور عبد الرازق يا أخي حمدا لله على السلامة على الطلاق انا رحلتك دي عجبتني جنس عجب اتقول انا المشيت ما إنت
السلام عليكم رمضان كريم السنة الجاية إنشاءالله في السعودية
Post: #2693 Title: Re: ناس الزقازيق ... أجدع ناس (4) .. Author: منصور عبد الرازق Date: 07-31-2011, 11:46 AM Parent: #2692
منو القال ليكم الدنيا دى دنيا واحدة لا ليست واحدة , قطعا للشك بل انها ليست حتى , دنيتين انها دنياوات ثلاث , على اقل تقدير واحدة نعيشا وواحدة تعيشنا وثالثة , تراودنا عن نفسها , كما راودت (امرأت العزيز يوسف عن نفسها ) ولكن الحقيقة , ستأتى بلا شك و(سيتحصحص الحق ) , شئنا او ابينا مسفرا عن ضياء وكاشفا لألق خذوا دنياكم هذى فدنياواتنا كثر
Post: #2694 Title: Re: ناس الزقازيق ... أجدع ناس (4) .. Author: منصور عبد الرازق Date: 07-31-2011, 11:52 AM Parent: #2693
عودة كمال الشادى للغناء وانتاجه الذى اتحف صندوق رسالاتى وهجرته الى الدمام (متحينا فرص الغناء ) صحبة جلال عثمان اسعدتنى ايما سعادة وغناؤه فى حضرة صاحب الوعد الضنين غناء الصفوة امام الصفوة هى مجرد بداية لأعادة الأشياء الى اصلها وهى هجرة الغناء الى الغناء وعودة القمرة , لى وطن القمارى
من امتع اشياء هذه الدنيا محاولتك -كبنى آدم - مطابقة صورك المتخيلة , بواقع تسعى اليه تسعى -ضمن ما تسعى - لأن تضرب موعدا مع (نملة ) فتخلف النملة الوعد تتلفت باحثا عنها فى كل اركان الدنيا وبوابات المطارات ولكن النملة (فص ملح وداب ) ثم تجد (فيلا) عملاقا له ايطلا ظبى وساقا نعامة وارخاء سرحان وتقريب (تتفل) واضيف انا (لجهل ذاك الجاهلى ) وجدائل شعر مسدلة , متسلسلة , متهدلة , متجدعة فتتعجب ان الفيل يستطيع حتى (ان يمضى الى الكوافير ) قبل ان يلاقيك , حاملا (بوكيه ورد )
فى قصص اجاثا كريستى القديمة وفى عوالم خيالية , كنا نعيشها كان التنقل السحرى للشخوص , ارتكبوا جرما او حاولوا منعه لا فرق كان له وقع خاص فى خيالاتى الصغيرة , يقرب للسحر والأنبهار وذلك العالم المتخيل , كان مزيجا من سحر , وبعضا من مطر رذاذ , وشيئا من انبهار ودهشة فسعاد حسنى مثلا , فى ذلك الفيلم القديم والذى كانت فيه عمياء فاقدة للبصر فعمدت الى ضاحية من ضواحى العالم الجديد , مستشفية وباحثة عن بصر ضائع وفى تلك المستشفى الريفية المحاطة بالأشجار او همام - الذى اتخذ من امستردام - مكانا ومنطلقا لرحلة ثراء سريع او حتى فكتور هوغو , راسما الصورة لأحدب نوتردام وديستوفسكى , مشرحا لعداء الأخوة ,او اخوة العداء ومكسيم غوركى , الذى جعل من شخصية (الأم ) اداة لتشريح النفس الأنسانية فى كل تلكم العوالم كان سيناريو المكان كثيرا ما يشغلنى ويربكنى عن سيناريو الزمان والحوار جريمة فى قطار الشرق كان القطار نفسه -ياخذنى ويستهلكنى ويمضى بى بعيدا - عن اسقاطات الجريمة وتخطيطات اخفاء ملامحها وادلتها الدامغة ثم تخطيطات (المحقق كونان ) لفكفكة طلاسمها وفرتقة حبالها المتشابكة لو علم (المؤلفون ) انشغالى بامكنتهم عن ازمنتهم وسيناريوهات حواراتهم , لضاقوا بى ذرعا ولطلبوا منى اعادة التوجية , او قالوها لى عنوة عد يا هذا الى جادة الطريق وما تتعبناش يا عم !!!
كل شى يبدا فكرة ثم يغدو خيالا ثم يرجع القهقرى , فكرة حتى اذا ما ارجعتها , لصور الخيال خلقت لنفسك ارضية للمتعة والدهشة انا شخصيا اتلذذ بها ايما تلذذ والغريب ان طول امد الفكرة وعمرها التحولى الى خيال , حتى رجوعها ثانية الى طور الفكرة ثم مقارنتها بطور الخيال يغذيها بالصور , ويملأها بالمعانى فاجمل الأفكار , تلك التى استعصت على تخطى طور الخيال فتستحيل خيالا دائما , او خيالا (طويل العمر ) ولكن كذلك , فان لتحولها بعد (عمر طويل ) الى فكرة ثانية مخاضا لذيذا , لا يشبهه الا صرخة المولود الجديد , التى تنتشل امه من (الم المخاض ) فتبرى الجروح , ويستطيب الخاطر , وتغدو الأم (ملكة من ملكات الجمال فى لحظة ) نك هل سمعتم عن (نورة النفاس وتورد الولادة ) ؟؟؟!!! فكل النساء جميلات حين (يلدن ) وكل خدودهن , مدمغة بعبير الورود , وكل (اثداءهن) , مكتنزات منتفخات (بحليب الحياة البديعة ) حلماتهن كانهن المدافع يرمينك بالطلقات ولا حرب يشملنك بالضياء ولا ظلام يدعونك الى المتعة الحلال فتتمنى ان لك مخزنا متنقلا (من محفزات الأثارة وفياغرا الحياة ) فلو زندها احتمل الندى لكسوت زندها ما يشاء ثوبا من العشب الطرى وابرتين من العبير وخيط ماء
التنقل بين مدن الدنيا الجديدة خيال (طال عمره عندى وامتد ) حتى خلت انه استلذ بمرحلة كمونه تلك حتى انا , بدا لى وكاننى استحليت اطالة عمر ذلك الخيال اللذيذ كنت ادور حوله , ولا الج اليه اصل الى اسطمبول والبوسفور , واعاين خيالى من بعيد تركيا الأسيوية وتركيا الآوربية , اقرب اهبشها , ثم اخاف على اصابعى من (حريق الخيال ) وعندما قدر لى زيارة انجلترا ولندن , وقيل لى ان تأشيرتهما لا تخول لك زيارة سواهما من امهات المدائن حزنت ظاهرا , ولكن متعة خفية تاورتنى كما (الام الضروس والأسنان ) فلقرب الخيال لذة , ولكن لبعده وامتناعه لذتان وفى العام الماضى , عندما تقدمت بطلب تأشيرة شنغن , وتم رفضها لخطأ فى الأجراءات حولت وجهى الى ماليزيا الجميلة وواصلت تلذذى الخفى بمنعى من (وصال الخيال ) فكان تلذذى واستمتاعى بجمال ماليزيا وسحرها , تلذذان ولكن النفس البشرية , نفس بت (لذينا ياخ ) تتقلب وتتمحرك , تهدأ ثم تنتفض , تابى الحاجة لينة , تفتش ليها ناشفة لا اخفيكم سرا بعد فترة وجيزة من اجازتى الفاتت , وبعد كل الجمال الذى زرعته فينى كوالالامبور وبعد شحنات الدهشة التى تمكنت وسكنت جنبات نفسى انتفضت فينى خيالاتى القديمة ويبدو اننى وصلت اخرى من تلذذات التمنع وطول امد الفكرة التى استعصت ان تغادر محطة الخيال قررت ان يكون مايو 2011 , هو آخر عهدى بفكرتى التى سكنتنى يا تطلع منى , يا كمان اطلع منها فاذا كانت فكرة مصطفى سيد احمد , راودته زمنا طال فابت تطلع لا من الواسوق , لا من الأبرول ولما طلعت من المدفع استحالت (خازوقا كبيرا ) ومسمارا (له ضل ) فلنبدأ نحن (تطليع فكرتنا اللئيمة ) والله يكفينا , شر الخوازيق
اللهم اعننا على صيامة اطراف النهار وارزقنا قيامه آناء الليل وان تجعلنا من المرحومين في اوله والمغفور لهم في اوسطه والمعتوقين من النار في آخره وانك قلت على لسان نبيك وقولك حق (يامحمد قسمت لك المعشر نصفين أنت الشفاعة وأنا الرحمه) اللهم اجعنا من الذين شملتهم شفاعة نبيك ورحمتك ... يا ارحم الراحمين ... يا الله
=========================== انت يكون رجوعك متزامننا مع ولدنا منص فهي المتعه بعينها ... اجازة قصيرة جدا لاتتعدي الاسبوع ... في القاهرة مجبر اخاك ... لابطل وصلنا الاولاد لجدهم ... الذي تعود صوم رمضان... بمصر ... شكرا لكل الذين سألو عنا هنا وفي الفيس بوك ...
مساكم الله بالخير ورمضان كريم ..تصوموا و تفطروا على خير...
أول ليالي الشهر الكريم تبدأ بظهور الهلال... و بداية الحكاية لرحلة تمنيتها مع أخي و صديقي منصور... ان لم تشأ الظروف أن نستمتع بها سويا.... فانها لم تحرمني من أستمتع بها من خلال حكاوي منصور... و السفر من خلال حكايا صديقي لا يقل متعة من السفر بالقطارات و الطائرات و المدن... سفر يجعلني أشهق زي شهقة زهور الدوش العطشانة فوق أحزانها متكية... متمتعا بالصحبة الحلوة و بالدهشة من رائع الكلم... سحور أول أيام الشهر يبشر بليالي دسمات...
فى جوانا وداخل معظمنا معادلات حياتية محتاجة تتوزن او كمان عاوزة (تتدوزن) مع وقع الأيقاعات وحسيس اوتار الدنيا الجديدة البقى الدنيا (جديدة ) شنو ؟؟؟؟ انا لى فى السعودية سنوات تعدت العشرين بتذكر لغاية هسى , انى جيت بى خطة قوامها , شغل سنتين , ثم الولوج الى عوالم حياتية مختلفة اتخيلو جينا السعودية او الخليج (ككل) بالفكرة دى يا لها من فكرة (عبيطة ) لمن احاول القى اصول موضوعية لحلمى (المستطيل ) بزيارة تسكعية لى موانىء الدنيا الجديدة تبرز عندى هذه الخاطرة (############ة ) رفعت نور الدين محمد عابدين , صديقى واخى الزقازيقى , الذى اقتسم معنا ميز شقة الزقازيق كانت فكرته اكثر وضوحا منذ ذلك الزمن (البعيد ) يا الرشيد بابكر كان يعرف انه ينتظر ورقة البكالريوس , وينتظر معها ما هو اهم , ورقة تسمح له بالولوج للدنيا الجديدة من مطار (اوسلو ) حاتم جبارة , يبدو انه كان مسكونا بنفس النوايا (العدوانية ) هذه وعمر محمد احمد عباس , الشهير بعمر نملة , مضى فى ذات الطريق وكثيرون غيرهم المشكلة الكبيرة اننا نبدأ حياتنا الفعلية متاخرين جدا بمعنى اننا (فى معظمنا ) نوهم انفسنا اننا نحيا (حياتين ) حياة اولى نعتمد فيها على غيرنا اعتمادا كاملا حتى سن الخامسة والعشرين ثم نلقى بها فى سلة المهملات ونبدا رحلة البحث عن حياة جديدة , بعد ذلك فتكون كل النتائج وخيمة وحارقة الناجحون فيها (فاشلون ) لأننا نرفض تصديق فكرة اننا (مهاجرون يحاولون ان يسلكوا سلوك المغتربين ) فلا صاروا مهاجرين , ولا جنوا ثمار الأغتراب اما علاقتنا مع مساقط الرأس وقطع الأراضى وحفنات التراب التى كانت (وطنا ) فهى علاقة مرتبكة , خالية ومنزوعة الدسم , اشبه ما تكون بعلاقات الشعراء مع اراضيهم (اليباب) ونحن عارفين انوعثمان مصطفى قال شنو ما بتنشتل , الزهرة , فى الأرض اليباب , ما بتنشتل هذا اذا ما وجدنا من يؤيدنا فى وصفنا لأنفسنا , باننا (زهرة ) هذا مع الأشارة الواجبة الى ان حياتنا فى (منافينا ) الخليجية الرطبة والحارة حياة بلا لون , وبلا طعم , وبلا رائحة فانت فيها مجرد اجنبى يربى عياله كل هدفه ان يعيد معهم سيناريو الأخطاء التى ادمن على ارتكابها فيبداون او يحاولون ان يبدأوون , حياة جديدة بعد سن الخامسة والعشرين وبظروف اكثر تعقيدا من ظروف والديهم فهم حتى وان افلح بعضهم فى تحسين اوضاعه المالية الا انهم زادوا تفاصيل احوالهم النفسية , تعقيدا على تعقيد شجيرات جديدة , ترنو الى السماء اكثر , بتطلعات اكبر , وطموح اشد , ورغبات اكثر جموحا ولكن بارجل وجذور معلقة , تأخذ ماء الحياة واكسير الطبيعة , من رضاعات اصطناعية فلا جذورها ثبتت فى الأرض , ولا اوراقها استطاعت ان تمتص اسباب الحياة الطبيعية يمين (طوطحناهم ليكم جنس طوطيح ) !!!!!!
الملخص اننا هربنا من وطن (فشلنا ) فى ان نكونه كما نريد الى منافى فشلت فى ان تحتوينا فشلت شنو يا زول بل انها رفضت ان تحتوينا محتاج اسمع من آخرين تجربتهم مع اوطانهم الجديدة , التى فتحت لهم الأذرع والأحضان وهذا زاد من اوار شوقى لزيارة تلكم البقاع , ولكنها عصية على الزائرين عموما تجربة الأغتراب عندنا يجب اعادة تقييمها اما تجربة الهجرة , فانا محتاج اسمع تقييم المهاجرين لى تجربتهم وان كنت رأيت شيئا من علامات ذلك التقييم فى رحلتى الأخيرة
فى صيف العام 2010 فى اواخر شهر مايو منه فردت امامى خريطة كبيرة لقارة اوروبا كيف الدخول الى هذا العالم صديقى قاسم محمدصالح حسن المهاجر السودانى الحامل للجنسية البريطانية كنت قد زرته فى مدينة الضباب لندن مرتين قبل ذلك مرة صاحبة صديقنا المشترك عبد الله محمد عبد الله المحامى ومرة صحبة ابنى الكبير احمد منصور فى المرة الأولى حصلت على التأشيرة من السفارة البيريطانية فى الخرطوم بموجب خطاب دعوة من قاسم حفيفة الأمر , الحصول على التاشيرة من الخرطوم تم دون تعقيدات تذكر , وبعد استيفاء المستندات المطلوبة ولكن الأمر كان اكثر تعقيدا فى المرة الثانية , التى حصلت فيها على التاشيرة من السفارة البريطانية فى الرياض مع اننى ابرزت كافة المستندات المطلوبة ,تماما كما فعلت فى المرة الأولى فهمت بعدها ان اصطحابى لأبنى احمد هو ما فرض تعقيدا جديدا على منحى التاشيرة فقد ظهر الأمر وكأننى زرت لندن فى المرة الأخرى , تمهيدا وترتيبا لنقل ابنى احمد لها كنت محظوظا لأن (القنصلة ) الأنجليزية لم تكتفى بظنونها لرفض اعطائى تأشيرة مع انها كانت يمكن ان تفعل ذلك ولكنها تعاملت مع رغبات الداعى (صديقى قاسم ) باعتباره مواطنا انجليزيا يجب استشارته فى الأمر علمت من قاسم انها اتصلت به تلفونيا اكثر من مرة لمناقشة الأمر وبعد ان حصلت على التطمينات الشفوية المطلوبة استدعتنى انا واحمد , وناقشت مع الأمر مجددا من كل الجوانب , وبشفافية شديدة ثم سلمتنى التاشيرة على الجوازين , وطلبت منى ان ازورها صحبة احمد ,حال عودتى للرياض بت اللذينا عاوزة تتطمن على عودتنا , وعلى انها اتخذت القرار الصحيح نموذج اعجبنى لتعامل شفاف ومرن , مع حالة اسهل حاجة فيها تقول لا وتكون فى السيف سايد سلمت علينا بابتسامة رضا , لما زرناها تانى يوم من عودتنا من الأجازة وكانت هذه خطوة اولى من خطوات دخول العالم الجديد
قال لى قاسم , ان اسباب منح التاشيرة لأوربا , ليست ضرورة مرتبطة بخطاب دعوة من مواطنى احد دولها خاصة لغرض السياحة , بعد استيفاء المستندات المطلوبة واقترح لى اسبانيا , باعتبار انها تصلح لأن تكون جزءا من رحلة جميلة , تبدأ من المغرب عبر مضيق جبل طارق نط لى ساعتها طارق جبريل , يا لها من فكرة اجازة جميلة ولكن نظرة اخرى الى الخريطة , وضحت لى , كم هى بعيدة اسبانيا من باقى الدول الأوربية فتاشيرة اسبانيا تتيح لك زيارة كل الدول الأوربية الأخرى عدا انجلترا ولكنى اصطدمت بالبعد الجغرافى وفجأة ظهر لى عمر نملة فى منتصف الخريطة , فى بروكسل البلجيكية يا له من موقع متوسط وجميل تلفون بعده لى نملوز , شهانى فى الرحلة وزاد من رغبتى فيها استفاض عمر نملة حماسا وهو يشرح لى مزايا بلجيكا , تحديدا مدينة اووستند الساحلية التى يقيم ويعمل فيها لم اطلب من عمر اى خطاب دعوة , باعتبار اننى وبعد زيارتى لموقع السفارة , عرفت ان خطاب الدعوة ليس شرطا اجباريا ولكن احضاره يعزز الفرصة طبعا عندى صديق يعمل فى وكالة سفر وسياحة , قال لى اضرب لى فلان الفلانى يفتيك فى الموضوع فلان الفلانى ده , بسط لى الأمور جنس تبسيط وقال لى انه يوميا ينجز عشرات تاشيرات الدخول لمختلف الدول الأوربية وعندما عدد لى المستندات المطلوبة , وجدنا انها كلها فى المتناول , وليس من بينها خطاب الدعوة من المستندات المطلوبة , حجوزات مؤكدة فى فنادق لمدة الزيارة الراجل قال لى جيب باقى المستندات , وانا بجهزليك تذاكر الطيران وحجوزات الفنادق ونتقابل يوم الأحد قدام السفارة وبالفعل , تقابلنا , انا بمستنداتى وهو بما وعد , وتم قبول اوراقنا وطلبوا منا المراجعة بعد اربعتاشر يوم بعد اكثر من شهر من المراجعات دون طائل , اصبح وجهى مالوفا فى السفارة وتعرفت على الموظف المسئول عن التاشيرات قال لى للأسف ان طلبك رفض لى شنو يا حبيب , قال والله ما عارف , لكنه وعدنى بالأطلاع على ملفى وطلب منى ان اتصل به لاحقا اخونا بتاع وكالة السفر , جايب لى حجز فى فندق (شيراتون بروكسل ) طوال مدة الزيارة خمسة وعشرون يوما بتكلفة حوالى ستاشر الف يورو وهذا غير منطقى مقارنة مع مستنداتى الأخرى التى من بينها شهادة توضح مصادر دخلى كيف لموظف محدود الدخل مثلى ان ينفق ستاشر الف يورو اجرة فندق فى اجازته السنوية !!!!! لم يسعنى الا ان اشكر الموظف , ######رت من نفسى سخرية شديدة وتذكرت القنصلة الأنجليزية التى تعاملت مع طلب تأشيرتى مع احمد ذلك التعامل الشفاف المتفهم اما انا وقد قدمت مستندات غير منطقية , فقد استحقيت ان يرفض طلبى للزيارة السياحية مع اسرتى كان درسا لا ينسى , جعلنى انتظر مايو 2011 بفارغ الصبر ولكن فوائد ذلك الدرس لم تنتهى عند ذلك فقد غيرت تذاكرى ووجهتى الى ماليزيا كوالالامبور فى تلك الرحلة (التى قديتكم بها )
يلا ... اول شئ وترتيبا للامور ... خلوا منصور ينتهي ونعلق ونناقش حكيوا وبعد داك نجي لي جبرييلا ثم حاتم ياخ والله هنالك الكثير من الامور التى يمكن ان تثار ونخرج بتجارب ومواقف عظيمة مرات كثيرة بتكون هنالك كثير من الامور الواحد عاوز يسألكم منها ولكن يحجم خوفا من الشتارة ..... لابد ان نستفيد من تجارب بعضنا والا لا فائدة من لمتنا هنا او هناك او فيسبكيا .... شفتو كيف رمضان كريم عليكم ياحلوين وتقبل الله منكم ومنا الطاعات
Post: #2712 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-02-2011, 08:21 AM Parent: #2711
Post: #2713 Title: Re: ناس الزقازيق ... أجدع ناس (4) .. Author: كمال الشادي Date: 08-02-2011, 10:03 AM Parent: #2712
Quote: عودة كمال الشادى للغناء وانتاجه الذى اتحف صندوق رسالاتى وهجرته الى الدمام (متحينا فرص الغناء ) صحبة جلال عثمان اسعدتنى ايما سعادة وغناؤه فى حضرة صاحب الوعد الضنين غناء الصفوة امام الصفوة هى مجرد بداية لأعادة الأشياء الى اصلها وهى هجرة الغناء الى الغناء وعودة القمرة , لى وطن القمارى
Quote: سودان كان يجب أن يتشكل من أم درمان "سرور وزنقار"
كثيرون يعتقدون أننا كل ما عدنا إلى الوراء، سنجد بلداً أفضل من "السودان" الحالي. هذه الفكرة يجب التعامل معها بحذر شديد، وأظن مرد الأمر إلى أن بلادنا تواجه مخاطر ومصاعب لا سابقة لها. إلى حد أننا لم نعد نعرف ما هي الخريطة النهائية لهذا الوطن الذي نحب.
ويجب أن نقول أيضاً للحاكمين، وعلى الرغم من كل الضجيج الذي نسمعه، إن بلادنا لم تشهد سوى القليل من التحسن الاجتماعي والتوجه نحو الديمقراطية، والتعددية السياسية الحقيقية ودولة المؤسسات. والآن لا يتذكر الناس وقتاً كان فيه "السودان" يواجه في الوقت نفسه مثل هذه المجموعة من المشاكل المستعصية.
)على الرغم من ذلك، لا أعتقد أن الأجيال الحالية سيهمها أن تسمع أن "السودان كان بلداً والخرطوم كانت عاصمة". هذه الأجيال تريد أن تعرف ما هو البلد الذي تعيش فيه وكيف سيكون حاله ومآله. ماذا يهم شاب الآن عمره في حدود 22 سنة، أن نحدثه عن "الديمقراطية الأولى والثانية والثالثة والقيادات الوطنية"؟. هذا الشاب منذ أن ولد، وجد أمامه نفس الوجوه بنفس السياسات. هو يريد الحاضر والمستقبل، وليس الماضي. لكن، وحتى أطرق موضوعي لهذا اليوم، سأقول إن أجمل ما في الماضي هو "الوجدان السوداني" هذا تحديداً هو الماضي الذي يجب أن تدركه أجيال الحاضر. "وجدان" أطلقت عليها من قبل "روح أم درمان". هنا تقفز من جديد رؤى الصديق الأعز، الطيب صالح. وهي رؤى جذابة تشد كل من يتأملها وتثير الإعجاب، وإذ أحس أحد من خلال ما أكتب بهذا الأمر، سأقول إن هذا الإحساس صحيح ولست أداريه ولا أحاول وإنما أقول به دائماً لكي أريح نفسي وأريح الآخرين، لذلك آمل أن أجد تفهمكم عندما أعود إلى تلك الرؤى. لا أزعم معرفة بأم درمان، لكن نحن نعرف يقيناً بأنها المدينة التي هاجر إليها كل السودان، في ظروف متباينة ولأسباب مختلفة، وانصهروا فيها ليشكلوا نسيجاً اجتماعياً متجانساً. كان الطيب صالح، الذي شاءت الظروف أن تكون رقدته الأبدية تحت ثراها، يعتقد أن "أم درمان" لو كان لها أن تتطور تطوراً طبيعياً، لأصبحت نموذجاً لجميع مدن السودان. وهو يقول في هذا الصدد، وهنا أنقل ما سمعته منه حرفياً " كانت أم درمان هي المدينة التي ترنو إليها باقي بلاد السودان، مدينة تحمل طابع القرية، وكان كل واحد منا يجد أن لديه أقارباً أو أهلاً في أم درمان، لأن قبائل كثيرة نزحت إليها واستقرت فيها، كانت مكاناً كما يقول الانجليز "ميكروكوزم" أي صورة مصغرة للقطر، لقد بدأت أم درمان تتكون بكيفية طبيعية، لكننا كسرناها لسوء الحظ... بنيت الخرطوم على النمط الأوروبي، لكن أم درمان نمت نمواً طبيعياً، ويا ليتهم كانوا قد حافظوا عليها وشيدوا مدناً أخرى على غرارها". شكل هذا الرأي الذي سمعته من الطيب صالح قبل سنوات طويلة، حافزاً لأتعرف على المدينة وناسها، لكن بسبب ظروف النزوح الذي طال في بلدان الآخرين وفي شتى أصقاع الأرض، وجدت أن الوسيلة المتاحة للتعرف على "روح" هذه المدينة ربما يكون عبر الإنصات إلى من يتحدرون منها والتأمل في ما يقولون، وطرائقهم في التفكير، والأهم نظرتهم إلى الحياة. خاصة إذا كانوا من نخبتها. ومن حسن الحظ أنني وجدت أن هناك وسيلة أخرى في المتناول، وهي الغوص في تفاصيل الأغنية السودانية، وتحديداً تلك التي نطلق عليها "أغاني الحقيبة"، وهي في واقع الأمر تمثل التراث الغنائي السوداني في أبهى تجلياته. وفي هذا المجال هناك إبداعات شعراء هذه الأغنية وفنانيها، ولعل أبرزهم "محمد أحمد سرور". إذ إن ما كتبه أولئك الشعراء، لم تكن مجرد حكايات عاطفية، بل كانت في عمقها توصيفاً دقيقاً لصور اجتماعية غنية. في بعض قصائد أولئك الشعراء، نجد أحياناً تفاصيل ملفتة لأحياء "أم درمان" وعادات ناسها وحتى الحراك داخل مجتمعاتها. من هذه الزاوية، سنجد أن تلك الأغاني وتأثيراتها الممتدة إلى يوم الناس هذا، هي بالضبط التي شكلت ما يمكن أن نطلق عليه "الوجدان السوداني"، إنها "روح أم درمان" المتعايشة والمتساكنة والمنفتحة. بعض الناس في كل الأحيان، يربطون ربطاً تعسفياً بين الحياة الخاصة للفنانين ومساهماتهم الفنية. وهو أمر لا يمكن أن تجده إلا في السودان. وهذا المنحى ألقى بظلال كثيفة، على هذا "الوجدان". ويكون الاهتمام بالحياة الخاصة لهؤلاء الفنانين عبر توصيفات لا تخلو من اختزال بئيس. إذ ماذا يعنينا مثلاً، أن يقال إن "محمد أحمد سرور" كان سائقاً لشاحنة. وهي إشارة بليدة تهدف إلى الحط من قيمة الرجل، أو أن "زنقار" كان مثلي الجنس. وهو اختزال يماثل تماماً، القول إن هذا الفنان أو ذاك، أدى أغنية تمجد هذا النظام أو ذاك. هذا يماثل القول إن الشاعر المتنبي، مدح جميع الحكام الذين التقى بهم، بما في ذلك كافور الأخشيدي، الذي عاد فهجاه هجاءً مٌراً. المتنبي لا يحاسب بهذا الأسلوب، بل نحاكمه طبقاً لمقاييس النقد العلمية، حول موضوعه الأساسي، أي الشعر. هل قال المتنبي شعراً، أم لم يقله؟ هذا هو السؤال. وفي اعتقادي أن المتنبي لم يمدح أحداً، لأنه مدح الكثيرين لكنه في كثير مدحه كان يمدح نفسه، وفي جميع الأحوال ترك لنا شعراً جميلاً وهذا هو لب المسألة. على ضوء ذلك أقول إن الأغنية السودانية، في جميع مراحلها، هي التي تشكل "الوجدان السوداني" وعبرت عنه تعبيراً دقيقاً. لكن حتى نتوخى الموضوعية، فإن هناك أسماء وازنة في هذا المجال، وكل ما عدنا إلى الوراء، سنجد أن العطاء كان رائعاً، وبالتالي تصبح "الأغنية السودانية" هي ربما الظاهرة الوحيدة في حياتنا العامة، التي كل ما عدنا إلى الوراء، سندرك أنها كانت فعلاً تجسيداً لوجدان ناس هذا الوطن بل ذاكرته. وبالتالي هي الاستثناء في مسألة الاحتفاء بالماضي. ولعل من مفارقات حالنا وأحوالنا، أن نجد وفي هذا الوقت، أن الذين يحتفون أكثر من غيرهم "بالأغنية السودانية" هم شعوب أخرى، وكم كانت سعادتي بالغة وأنا استمع في أحد فنادق "ياوندي" عاصمة الكاميرون، إلى مغنٍ كاميروني، وهو يردد أغنية سودانية من أغاني التراث. وكان ذلك عام 2000. لذلك لم أستغرب كثيراً وأنا أستمع إلى الفنان الأثيوبي الشاب أبراهام آسيف، وهو بعد في العشرينيات. يترنم بقصيدة إدريس جماع "أعلى الجمال تغار منا". هذا هو السودان المدهش، الذي نريده ونبحث عنه. البلد الذي يتمثل دوماً "روح أم درمان".
طلحة جبريل
Post: #2715 Title: Re: ناس الزقازيق ... أجدع ناس (4) .. Author: منصور عبد الرازق Date: 08-02-2011, 10:52 AM Parent: #2713
واشمعنى انا بس الأقدكم قدر ده ياحاتم ياخى مشتاقين ليك ورمضانك كريم ومافى اى داعى تنتظر يا طارق عشان تعمل لينا هايلايتس على تجربتك انا احكى , وحا استمر فى الحكى واى اضافات منكم (يا جلال ) هى عندى زى خرتوش الموية المفتوح فى البحر يزيد وما بنقص شيلوا معاى وانا بحكى , فانتم تزيدون الحكى (طعما )
Post: #2716 Title: Re: ناس الزقازيق ... أجدع ناس (4) .. Author: منصور عبد الرازق Date: 08-02-2011, 11:22 AM Parent: #2715
تفكيرى تحول الى الجدية المطلقة فى انجاز فكرة زيارة اوروبا منذ اللحظة التى فاتحنى فيها موظف تأشيرات سفارة بلجيكا فى الرياض بتحليله للسبب الذى ادى لرفض طلبى الأول سنة الفين وعشرة قلت ليهو لو انا كنت محل البنى آدم الأتخذ قرار الرفض ده لكان قرارى كقراره , ما ممكن ياخ واح يسوق اسرته عاوز يزور اوربا ويجيب حجز فى فندق , بقيمة اجمالية تساوى مرتب اكثر من سنة العقلية الخلت بتاع الوكالة ما يلاحظ النقطة دى والعقلية الخلتنى انا زااااتى , اسلم رقبتى ليهو واتعامل مع المستندات على انها مجرد ورق لا فيهو حياة ولا فيهو منطق ولا فيهو مجرد فكرة عن امكانية تحليل المعلومات الفيها هى عقلية ناتجة عن تجربتنا الحياتية فى بقع من بقاع العالم , تحط من قدر المعلومة , ولا تعطى للمنطق والتحليل اى قيمة لمن يقولوا لينا عاوزين شهادة ميلاد , فكل شهادات ميلادنا تثبت اننا من مواليد الفاتح من يناير الميدكال ريبورت , اسهل شىء عندنا ويكاد يباع فى ريسبشنات المستشفيات الخاصة كل عيوننا فى جوازاتنا لونها عسلى , واطوالنا جميعا خمسة اقدام وستة بوصات !!!! هذا المنطق جعل موظف وكالة السفر , يجيب حجز فندق دون اى فكرة عن تكلفته وهذه الرؤية جعلتنى اتناول منه الورقة (المستند ) على باب السفارة واضمها الى الملف ,دون ان اقرأها حتى حقيقى شعرت بخجل شديد , وانا استمع الى تحليل موظف السفارة البلجيكية انا عندى رغبة حقيقية فى زيارة اوروبا , ولكنى تعاملت مع الرغبة على فرضية ان يتم انجازها بفرضية الأوراق والمستندات لقد افترضت ان المعنيين , سيقراوون المستندات من عنواوينها الرئيسية , وان التفاصيل لا تهمهم نسيت للأسف الشديد , ان القنصلة الأنجليزية عندما ترددت فى منحى تأشيرة مع احمد ولدى , ترددت ايضا فى اتخاذ قرار عدم منحى لها لأنها اطلعت على مستنداتى , وفهمتها , وتجاوزت سطورها الى ما بينها لو قرات فقط المستندات من سطورها العليا ,لمنحتنا التأشيرة مباشرة ولو اكتفت بتحليلاتها القائمة على الشك فقط , لما ترددت فى اتخاذ القرار بعدم منحنا للتأشيرة ولكن (طبعنا يغلب تطبعنا ) بالضرورة ومن هنا انا مقتنع تمام الأقتناع , ان اى متقدممنا لمثل هذه التاشيرات اذا ما تعامل معها بجدية وصدق وقدم مستندات بحيثيات حقيقية صادقة فان لا مجال مع ناس يملكون مثل هذا النمط من التفكير الا رفض مقنع , او قبول مقنع وقد بيت انا النية على ان اسلك هذا الطريق
Post: #2717 Title: Re: ناس الزقازيق ... أجدع ناس (4) .. Author: منصور عبد الرازق Date: 08-02-2011, 11:53 AM Parent: #2716
اول خطوات ان تنجز ملفا فيه مستندات مقنعة هو ان تخطط لأجازة وعناصر التخطيط كثيرة , اولها الميزانية وثانيها جدول الرحلة وتوقيتها عاوز تقعد كم فى اوروبا يا منصور ؟؟؟ اجابة السؤال ده بتتوقف على الميزانية والميزانية عاوزة فكرة عن التكلفة التذاكر تكلفتها الشىء الفلانى طيب انا حا اقدم لتاشيرة لى بلجيكا الشرط الأول هو ان زيارتك لأوربا لابد ان تبدأ بالبلد التى منحتك التاشيرة يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى اخترت بلجيكا , عشان اصلا عندى ملف عندهم , وعشان كمان عندى هناك عمر نملة عمر نملة , الراجل (الفيل ) على باليمين ما عنده اى صفة من صفات النمل , الا حجمه الدقيق والصغير كما انه رجل (ضخم كفيل ) ولكن بحجم نملة صغيرة كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها اعطتها سببا قويا ثالثا لتكون محطتى الأولى اما كونها محطتى الأخيرة , فهذا تقرره معطيات اخرى وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر عما اذا كانت رووت الرحلة الرياض بروكسل , ثم بروكسل الرياض عجيبة جدا فلسفة تحديد اسعار التذاكر بهذه الآلية تصدقوا , حتى زمن الترانزيت , يؤثر سلبا وايجابا على سعر التذكرة بعد بحث شديد , انحصرت خياراتى على الخطوط المصرية رغبت فى ان انزل فى القاهرة يومين وانا ماشى , ويومين تلاتة وانا جاى زادت الأسعار ازاء هذه الرغبة البسيطة فاضطررت الى ان اكتفى بيومين وانا راجع , فنقصت الأسعار قريب للعشرين فى المية القصة دى عاوزة ليها زول حريف تذاكر وبعد ان اطلعت انا بنفسى على دينماكية الأسعار من موقع مصر للطيران الألكترونى ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة اذن , فلنتوكل على الله ونحجز وندفع كمان ونستلم التذاكر الرياض القاهرة فجر يوم2 يوليو , القاهرة بروكسل الساعة عشرة ونص بروكسل القاهرة عصر يوم 22 يوليو , ثم القاهرة الرياض مساء يوم 24 يوليو اصدقكم القول , رجفت جنس رجفى وانا بدفع القروش وبستلم التذاكر !!!!!!
Post: #2718 Title: Re: ناس الزقازيق ... أجدع ناس (4) .. Author: منصور عبد الرازق Date: 08-02-2011, 11:53 AM Parent: #2716
اول خطوات ان تنجز ملفا فيه مستندات مقنعة هو ان تخطط لأجازة وعناصر التخطيط كثيرة , اولها الميزانية وثانيها جدول الرحلة وتوقيتها عاوز تقعد كم فى اوروبا يا منصور ؟؟؟ اجابة السؤال ده بتتوقف على الميزانية والميزانية عاوزة فكرة عن التكلفة التذاكر تكلفتها الشىء الفلانى طيب انا حا اقدم لتاشيرة لى بلجيكا الشرط الأول هو ان زيارتك لأوربا لابد ان تبدأ بالبلد التى منحتك التاشيرة يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى اخترت بلجيكا , عشان اصلا عندى ملف عندهم , وعشان كمان عندى هناك عمر نملة عمر نملة , الراجل (الفيل ) على باليمين ما عنده اى صفة من صفات النمل , الا حجمه الدقيق والصغير كما انه رجل (ضخم كفيل ) ولكن بحجم نملة صغيرة كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها اعطتها سببا قويا ثالثا لتكون محطتى الأولى اما كونها محطتى الأخيرة , فهذا تقرره معطيات اخرى وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر عما اذا كانت رووت الرحلة الرياض بروكسل , ثم بروكسل الرياض عجيبة جدا فلسفة تحديد اسعار التذاكر بهذه الآلية تصدقوا , حتى زمن الترانزيت , يؤثر سلبا وايجابا على سعر التذكرة بعد بحث شديد , انحصرت خياراتى على الخطوط المصرية رغبت فى ان انزل فى القاهرة يومين وانا ماشى , ويومين تلاتة وانا جاى زادت الأسعار ازاء هذه الرغبة البسيطة فاضطررت الى ان اكتفى بيومين وانا راجع , فنقصت الأسعار قريب للعشرين فى المية القصة دى عاوزة ليها زول حريف تذاكر وبعد ان اطلعت انا بنفسى على دينماكية الأسعار من موقع مصر للطيران الألكترونى ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة اذن , فلنتوكل على الله ونحجز وندفع كمان ونستلم التذاكر الرياض القاهرة فجر يوم2 يوليو , القاهرة بروكسل الساعة عشرة ونص بروكسل القاهرة عصر يوم 22 يوليو , ثم القاهرة الرياض مساء يوم 24 يوليو اصدقكم القول , رجفت جنس رجفى وانا بدفع القروش وبستلم التذاكر !!!!!!
Post: #2719 Title: Re: ناس الزقازيق ... أجدع ناس (4) .. Author: منصور عبد الرازق Date: 08-02-2011, 11:54 AM Parent: #2716
اول خطوات ان تنجز ملفا فيه مستندات مقنعة هو ان تخطط لأجازة وعناصر التخطيط كثيرة , اولها الميزانية وثانيها جدول الرحلة وتوقيتها عاوز تقعد كم فى اوروبا يا منصور ؟؟؟ اجابة السؤال ده بتتوقف على الميزانية والميزانية عاوزة فكرة عن التكلفة التذاكر تكلفتها الشىء الفلانى طيب انا حا اقدم لتاشيرة لى بلجيكا الشرط الأول هو ان زيارتك لأوربا لابد ان تبدأ بالبلد التى منحتك التاشيرة يعنى ما ممكن تأخذ تأشيرة لى بلجيكا , ويبدأ دخولك لى اوربا من امستردام مثلا لكن العكس ممكن , تدخل بلجيكا اول , وبعد داك ان شاء ترجع تطلع من اوربا من اى بوابة تانى اخترت بلجيكا , عشان اصلا عندى ملف عندهم , وعشان كمان عندى هناك عمر نملة عمر نملة , الراجل (الفيل ) على باليمين ما عنده اى صفة من صفات النمل , الا حجمه الدقيق والصغير كما انه رجل (ضخم كفيل ) ولكن بحجم نملة صغيرة كما ان نظرة واحدة لخريطة اوروبا , خاصة من واحد زيى عاوز يزور اكبر قدر من بلدانها اعطتها سببا قويا ثالثا لتكون محطتى الأولى اما كونها محطتى الأخيرة , فهذا تقرره معطيات اخرى وهذا المعطيات الأخرى , حصرتنى فى خيار كونها محطة الدخول والخروج لأسباب جوهرية تخص تكلفة التذاكر كنت اتمنى ان يكون الخيار اكثر مرونة , حتى اتمكن من زيارة بلدان بعيدة من بلجيكا , مثل اسبانيا والبرتغال ولكن اتضح لى ان البدء ببروكسل مثلا والعودة من لشبونة او مدريد , سيؤدى الى مضاعفة سعر التذاكر عما اذا كانت رووت الرحلة الرياض بروكسل , ثم بروكسل الرياض عجيبة جدا فلسفة تحديد اسعار التذاكر بهذه الآلية تصدقوا , حتى زمن الترانزيت , يؤثر سلبا وايجابا على سعر التذكرة بعد بحث شديد , انحصرت خياراتى على الخطوط المصرية رغبت فى ان انزل فى القاهرة يومين وانا ماشى , ويومين تلاتة وانا جاى زادت الأسعار ازاء هذه الرغبة البسيطة فاضطررت الى ان اكتفى بيومين وانا راجع , فنقصت الأسعار قريب للعشرين فى المية القصة دى عاوزة ليها زول حريف تذاكر وبعد ان اطلعت انا بنفسى على دينماكية الأسعار من موقع مصر للطيران الألكترونى ربنا سخر لى موظف هدى ورضى فى مكتبهم , كرب لى الشغلة تمام , وجابها لى فى اسعار اعتبرتها انا مدهشة فى خيار تانى كان حا يدينى خصم اضافى عشرة فى المية , لكن مخاطرته كانت عالية شديد وهو ان تقطع تذاكرك فى درجة وكلاس اقل , لكنه مشروط بى انه (نوت ريفندابل ) , يعنى غير قابل للأرجاع والألغاء وانا الشرط ده غاية فى الأهمية عندى , لأنه التاشيرة ما مضمونة , وعملية الحوجة للألغاء واسترجاع المدفوع , تبقى عملية محتملة طبعا فى خيار انو تعمل تذكرة وهمية بدون قيمة , من نفس زولى القديم بتاع الوكالة , وهى الطريقة التى عملتها فى محاولتى الأولى للحصول على التأشيرة وهى بتكلفك مبلغ يقارب المبلغ الذى سيخصم لو قمت بألغاء الحجز واسترجاع قيمة التذاكر ولكنى فضلت هذه الطريقة , اولا لأنها تثبت الجدية , وثانيا لأن عملية الحجز غير مضمونة بعدما تحصل على التأشيرة فعليا واذا ما علمنا ان حجز الرحلة وتوقيتها سيتلوه حجز للفنادق , فان اى جهجهة فى الحجز , ستعقبها جهجهة شديدة فى جدول الفنادق والرحلة اذن , فلنتوكل على الله ونحجز وندفع كمان ونستلم التذاكر الرياض القاهرة فجر يوم2 يوليو , القاهرة بروكسل الساعة عشرة ونص بروكسل القاهرة عصر يوم 22 يوليو , ثم القاهرة الرياض مساء يوم 24 يوليو اصدقكم القول , رجفت جنس رجفى وانا بدفع القروش وبستلم التذاكر !!!!!!
مغتربون أم مهاجرون أذكر أننا عندما كنا بالزقازيق كانت هنالك فتاة مصرية ذات بشرة سمراء اسمها عيشة على ما أذكر... عيشة هي من الجيل الثاني أو الثالث من ابناء المحاربين السودانيين الذين عرفوا بالهجانة,,, جدها أطاع رؤسائه و لبى النداء فوجد نفسه يحارب على بعد آلاف الأميال... ثم لم يستطيعوا العودة الى السودان... فبقي مع من بقي و تزوجوا بنساء مصريات و أنجبوا بنين و بنات... و حاولوا الاندماج في المجتمع المصري و لكن عاش الكثيرون منهم في القاع.... عندما التقت عيشة بالسودانيين في كلية الزراعة وجدت فيهم الكثير من الصفات التي حدثها بها جدها... فاقتربت منهم رغم نظرة مجتمعها المصري السيئة لمثل هكذا تقرب... و اندمجت معهم لدرجة انها أنكرت بعد ذلك مصريتها و قالت أنها سودانية مية المية... ولكي تثبت ذلك قامت بدعوة مجموعة من الزملاء و الزميلات الى وجبة سودانية بمنزلهم.... لم أكن معهم و لكنهم أخبروني بأنهم وجدوا استقبالا حارا من كل أفراد الأسرة... استقبلوهم بالآحضان و الدموع ثم أطعموهم شيء يشبه الكسرة و ما هي بكسرة.... كانت عيشة الأكثر فرحا لأنها نجحت في أن تفرح جدها و تعيد اليه ذكريات حبيبة... و أحست لأول مرة في حياتها بالاعتزاز ببشرتها السمراء و كونها سودانية مية المية... قصة عيشة هذه تتحدث عن نفسها و لا تحتاج مني الى تحليل أو تأويل.... سمعت غيرها الكثير من القصص من قارات مختلفة و مدن مختلفة.... و بعض منها من أناس تربطني بهم صلة رحم...دم و لحم... سمعت قصص شبيهة بها من أسر سودانية بأمستردام و في سيدني و في لندن.... حيث ما زال الجيل الثاني من السسودانيين هناك يعوسون الكسرة و ما هي بالكسرة... أنا شخصيا لا أعرف الفرق بين المغترب و المهاجر لا من حيث النوع و لا الخطة... اللهم الا في قوانين البلد التي يعيشون فيها...فالمغترب يبقى مرتبط بالبلد التي هو بها بسبب العمل.... فمجرد ما أن يصبح غير قادر على العطاء يطرد من تلك البلد و يرجع لبلده... و لكنه لا يرجع الى السودان طواعية الا القليل منهم....بعد أن يكون قد أفنى زهرة شبابه... و لكن ان قدر له البقاء بصورة دائمة بوسيلة أو بأخرى فلن يرجع.... و ان كان الاغتراب مرتبط بالخليج فهنالك الكثير من السودانيين أصبحوا مهاجرين في الخليج بقدرة قادر... و أصبحوا يحملون الجوازات غير السودانية مثلهم مثل المهاجرين الى أوروبا و أمريكا.... أما المهاجرون فهم مثلهم مثل المغتربين... حيث لم يكن في نيتهم الهجرة و البقاء مدى الحياة خارج السودان.... ذهبوا للدراسة أو للعمل و أصبحوا مواطنين و حملوا الجوازات و الجنسيات... و لكن غالبيتهم رفضوا الاندماج الكامل في المجتمع و النهل من ثقافته... و الدليل على ذلك العدد الكبير من السودانيين العائدين الى الخليج بعد الحصول على الجوازات الأوروبية... خوفا على أبناءهم من أن يتأثروا بثقافة ذلك البلد خاصة البنات منهم... أنا لاأعرف نفسي ان كنت مغتربا أو مهاجرا حتى أحسم مسألة الجواز هذه... و على طريق صديقي محمد المرتضى أقول للحبيب منصور... مالك يا عمك نكأت الجراح... يا عمك أبدأ لنا بالتنانير القصيرة في شواطيء أوستندا... ثم عرج على شواطيء شنو داك ما عارف... حتى لا يتهمك طارق جبريل بالتقصير.... و يتهمك زهير بالتطرف.... و أتهمك أنا بالغتاتة....
Post: #2722 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-02-2011, 12:07 PM Parent: #2720
والرجفة ما زالت مستمرة
انت الظاهر عليك جاي كملان ويومين فى رمضان تمو الناقصة
منص ياحربي.. والله أجمل من مسلسلات ىمضان كلها.. إنتو ياناس الخليج برضو بتكوسوا التذاكر الرخيصه?
سودانيت عيشه.. يبدو إنغرزت فيها من حكاوي جدها والحنين الشديد.. ويمكن قرب المسافه وقرب الثقافه ليهو ضلع.. أما سودانيت المهاجر البعيده فمختلفه.. مثلا.. قبل أسبوعين.. البت رانيا أصرت نشتري ليها عجله بمناسبه عيدميلادها الأربعتاشر.. البت داير تعمل فيها رياضيه.. قلت ليها جدا.. بس تركبيها كل يوم.. قالت sure daddy, that's my plan.. أول يوم وتاني يوم البرنامج ماشي.. تالت يوم لقيتها تترقد من كنبه لي كنبه لي تلفزيون لي كمبيوتر.. قلت ليها تعالي وين برنامج العجله? قالت لي It's too hot daddy.. يابت خللي الدلع.. ماتنسي إنتي أصلك سودانيه الشمس ما بتسوي ليك شي.. والله في السودان الشمس بيدلوها ليك فوق راسك.. وبرضه ما يهمك.. قالت لي that's you daddy.. I wasn't born in Sudan.. I was born and raised here in the U.S... تقصد دي تجربتك إنت.. كفيت يدي فوق خدي.. وإتمحنت فوقها مسافه.. ضحكت وقالت.. ..don't worry, I will ride the bike tomorrow if it's cooler قلت ليها.. خاطي أبوك الرماك في السخانه دي..
الله عليك يا رشيد على هذه الأضاءة ولا جراج ولا حاجة ده واقع يجب ان نتعامل معه بجدية فى زيارة اوروبا الأخيرة دى لقيت نفسى قاعد اقارن بين نفسى زمان , وبين احمد ولدى هسه حا اجيك لى تفاصيل كتيرة يعنى لمن مشيت انا ماليزيا السنة الفاتت هاجت عندى العاطفة , واسرنى جمال الطبيعة الخلاب فى اوروبا , جمال وطبيعة آسرة ايضا ولكنها متسمة بنكهة عملية , تضع حسابا عندها لكل شىء وانت تستمتع ببرج ايفل او جنبات ديزنى لاند تلقى محفزات كثيرة تدفعك لحساب الأشياء وعقلنتها فى مطار بروكسل ونحنا راجعين كان فى وداعنا الزول السمح نملوز , وزوجته الأخت الفاضلة ندى والطيب ولده الكبير , وعيسى نور وليده الصغيرونى دخل نملوز فى حوار مع احمد وايثار ومجتبى , ولم يبقى على موعد رحلتنا الا ساعتين قال ليهم نملوز , شايفين البوليس دااااك تمشوا ليهو هسى وتقولوا ليهو داك ابونا ونحن ماشين معاهو السعودية غصبا عننا ونحن ما عاوزين نرجع واثبتوا فى كلامكم ده , وانا بتم ليكم الباقى خطر فى ذهنى للحظة لو ان احدهم عرض على نفس العرض , لمن كنت فى عمرهم كنت حا اعمل شنو ؟؟؟ اما احمد وايثار ومجتبى , فقد اعتبروها مجرد مداعبة وهظار ولكنى ما زلت واقعا تحت تأثير ذلك الحوار وها انت تلقى وتنثر على الفكرة , مزيدا من الشطة والليمون وين نملوز وطارق جبريل وود جبارة وجلال وزهير والشادى يكملوا السلطة دى , بالفلفل والشمار ؟؟؟؟!!!
الأستماع الى عشة الفلاتية مثلا من الآيبود بتاعك يا النضيف وامامك نافورة بحيرة جنيف بيعمل للزول لخبطة فى حنانه زااتو لا تعرف الأيبود ولا تعرف نافورة جنيف ولا تعرف عاشة الفلاتية زاااتا مشتاقين يا النضيف وحمد الله على سلامة الصغار وامهم بركة الأتلميت
Post: #2726 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-03-2011, 08:00 AM Parent: #2724
صباح الخير ،،، يا وجوه الخير
إلهي لك الحمد وسعت كل شئ رحمةً وعلماً غفرت الذنوب وسترت العيوب حناناً منك ورأفةً وحلماً
=============================
يوم أمس ليلاً كنا في زيارة حضرة عائلة النضيف ، والبنات إسودنناً وإحتفاصحن شديد يعني المشي للسودان للأطفال المقفولين ديل بيفتح المخ ويسهل النطق وكمان بقلل العفرته وترك عادت السهر ،،،
حمد لله على السلامة يا عبدالدايم وعقبال كمال الشادي،،،،،
تاكد لي هذه السنة ان رمضان يكون أمتع لما تكون في اجازة... العبادات تمام و في وقتها.... النوم مية مية... المزاج مظبوط و النرفذة بتاعت نص النهار ديك مافي... بس صيام و صلاة و قرآن و تسبيح ونوم... تشوفوني مارق ماشي للصلاة و شايل السبحة تحلف تقول الشيخ حسن ود حيسونة... بعد ده كلو ممكن تعمل ليك مداخلة مداخلتين و لا حنك حنكين في الفيس بوك...
Quote: الأستماع الى عشة الفلاتية مثلا من الآيبود بتاعك يا النضيف وامامك نافورة بحيرة جنيف بيعمل للزول لخبطة فى حنانه زااتو
يا منص انت دروجبا ياخي... ياخي انت ماشي تتفسح و لا لاعب في الشامبيونز ليق... آي بود شنو الليك جمب نافورة جنيف... ما تخلط ست بيتك دي شوية و تكب ليها الميراندا... حسي جمب نافورة جنيف دي مش كان فرصة تكتب فيها قصيدة... بدل ما انت مركب الآي بود و بتسمع في عاشة الفلاتية...
Post: #2727 Title: Re: ناس الزقازيق ... أجدع ناس (4) .. Author: محمد صديق Date: 08-03-2011, 08:16 AM Parent: #2724
Post: #2730 Title: Re: ناس الزقازيق ... أجدع ناس (4) .. Author: منصور عبد الرازق Date: 08-03-2011, 11:11 AM Parent: #2729
شفت يا حاتم يا هو ده المجننا زاااااتو هسى انت اتعاملت مع طلب رانيا للبايك , من منظور انها حا تستمر تتعامل مع فكرتها بالجدية اللازمة ولا لا ؟؟!! اها , انا ايثار عندى فى عمر رانيا تقريبا لو قالت عاوزة بايك , يمين امها الا تدقها وتمعط ليها شعرها انا زااااتى ,بالرغم من اننى ساحاول استيعاب الفكرة واعادة انتاجها وبرمجتها بالف سيناريو ومليون تبرير ساتوجس من الفكرة واستغربها على اقل تقدير قيادة العجلة , سلوك رائج فى كل الدنيا الجديدة وهو سلوك حضارى ,متماشى مع جو المعيشة العام , وله فوائد عديدة كل الناس فى اوروبا تقريبا ,يتعاملون بشكل ايجابى مع الحيوانات الأليفة , والعجلات الكلاب عندنا مخلوقات منبوذة , من خلفيات دينية مشوشة , مخلوطة مع خلفيات سلوكية ومجتمعية اكثر تشويشا العجلات , حتى للأولاد , عند استخدامها كوسيلة مواصلات لمسافات معقولة , تجد استغرابا غير انها عند البنات , تجد استنكارا ان لم اقل استهجانا طبعا الحر اللأتعللت بيهو رانيا , هو فعلا جزء من المشكلة لكن فهم رانيا فهم متقدم , بس فى سؤال مباشر ليك ترددك الأولانى ,هل خالطته اى رواسب من رواسب عقلك (القديم ) ؟؟؟؟ وهل انت حزين فعلا لأن رانيا توقفت عن استخدام البايك بعد اصرارها عليه الدنيا ما حر برضو ياخ الجماعة شفناهم فى الشواطىء والطرقات , مصطحبين كلابهم فى نزهات صيفية بينما درجات الحرارة لم تصل حتى للعشرين مرتدين الملابس الخفيفة دى نقطة تانية , الملابس الخفيفة دى , هى ملابس عملية تناسب الجو عندهم وحسب تفكيرهم وده البعد العقلى الوحيد البيخليهم يلبسوها , ده اتأكد لى تماما بينما انحنا البعد الوحيد البيخلينا ما نلبسها , هوبعد انا شخصيا ما قادر اصنفه انت رايك شنو ؟؟؟
يا رشا منص زايغ من حتة البلاجات دي يا زول احكي الشفتو كله بي ضبانته
Post: #2732 Title: Re: ناس الزقازيق ... أجدع ناس (4) .. Author: منصور عبد الرازق Date: 08-03-2011, 11:47 AM Parent: #2730
التذاكر دخلت الملف باقى ترتيب الرحلة بالزمان والمكان اعتمادا على الجغرافيا والخرائط كانت مهمة شاقة رغبة فى (التشبح ) وعمل كل شىء لكن الأيد قصيرة , والميزانية محدودة بروكسل محاطة بالمانيا , هولندا , فرنسا , ولوكسمبورغ وانجلترا مستبعدة لأن التاشيرة لا تشملها هذا الأمر اسعد احمد بفكرة انه سيظل متميزا على اخوانه باعتباره الوحيد منهم الذى زار لندن من قبل وربما انطلاقا من هذه النقطة (الخبيثة ) ما يزال يردد على مسامعهم , ان لندن اجمل من كل المدن التى زاروها بعد مجهودات كبيرة , وصلنا للشكل التقريبى لبرنامج الرحلة بعد مناقشة قاسم وعمر والأستنارة برأيهم , كان القطار هو وسيلة التنقل بين المدن ليس هو الخيار الأرخص , كما انه ليس الخيار الأجمل دائما هذا الأمر اجلته لحين الوصول , واضمرت فى سرى ان استخدم السيارة فى بعض التنقلات , والقطار فى تنقلات اخرى من بروكسل ,المسافة الى كولون ودوسلدوف الألمانيتين , مسافات قريبة , التنقل اليها بالسيارة المستاجرة خيار جميل ورخيص وكذلك امستردام الهولندية , ولوكسمبورغ برضو فرنسا كذلك مسافتها قريبة جدا ولكن المسافة من فرنسا الى سويسرا وايطاليا ,مسافات بعيدة مش بعيدة خالص , لكنها بعيدة لمن سيستخدم عربة فى طرق لا يعرفها قاسم طمنى وقال لى الطرق على اعلى درجات النظام والترتيب لكن تبقى قيادة السيارة ممتعة فقط ما بين المدن داخل المدن , ليس هناك بد من استخدام البصات والترامات والأندرقراوندز لظروف الباركنغ , وكسبا للزمن من الجهجهة والطششان كما ان خيار السيارة المستأجرة خيار اقتصادى مثالى , لرخص اثمانها مقارنة مع القطارات يمكن للزول المرتب رحلته وحجوزاته من بدرى , ان يستمتع بقطارات فخمة وزهيدة الثمن , اذا بادر لعمل حجوزاته من وقت بعيد فشلت انا فى ذلك فشلا ذريعا معظم انظمة الحجز الألكترونى تسمح لك بالحجزلعدد اقصاه (ستة مقاعد ) ونحن سبعة (ما شاء الله تبارك الله ) لو انى كنت متأكد بأنى حا اخذ التاشيرة , لكنت بادرت بالحجز عن طريق احد اصدقائى نملوز فى بروكسل , ولا قاسم فى لندن , ولا عصام بوكو فى باريس كان الجدول المولود بعد مخاض عسير كالآتى اول خمسة يوم مع عمر واسرته فى اوستند على بحر الشمال بعد داك يوم ونص فى مدينتى كولون ودوسلدوف الألمانيتين ويومين فى امستردام ثم ثلاثة ايام فى بروكسل فيومين بلياليهم فى بااريس ويومين فى ميلان الأيطالية ويوم فى لوزان , ويوم فى جنيف (سويسرا ) ثم يوم ونص فى باريس فيومين فى برروكسل ويومين فى القاهرة ثم العودة للرياض لوكسمبورغ راحت فى حق الله , لكنى اضمرت على اقتطاع يوم من ايام اوستند الخمسة , قبل سفرة كولون مباشرة للذهاب الى لوكسمبورغ واستئجار العربة يوم قبل موعدها المحدد انضمت حجوزات الفنادق كلها الى الملف , ومعاهم التذاكر , والبانك ستيتمنت , والميدكال انشورنس , وصورة الكريدت كارد والجوازات , والأقامات , والصور الشخصية ذات الخلفيات الفاتحة ويا سفارة بلجيكا , امانة ما جاكى زول
من كثرة التردد على السفارة البلجيكية موسى (موظف التأشيرات الأرتيرى ) اصبح يعرفنى حق المعرفة يعرفنى شكلا , ويعرف صوتى فى التلفون كمان دقق موسى اوراقى بحرص شديد يشكر عليه قلت ليهو المرة دى جضمت ليك الشغلانية تجضيم شديد تذكر موسى اننى اخبرته تلفونيا اننى يمكننى كذلك احضار خطاب دعوة اذا رأى هو (موسى يعنى ) ان ذلك يعضدالطلب ويزيده قوة المطلوب اصلا , حجوزات فنادق مؤكدة , او خطاب دعوة من صديق يحمل الجنسية البلجيكية او احد الجنسيات الأوربية ومستقر ومقيم فيها قال موسى ان مستنداتى جيدة وكاملة , لكنه اعاد سؤالى عن الأنفتيشن لتر , الأنا قلته ليهو فى التلفون اذا بتشوف يا موسى انو الخطاب بيكون اضافة , ممكن اجيبو ليك خلال يومين تلاتة اجل موسى اجابته لى ودخل الى ملفى القديم بتاع السنة الفاتت موجود كما هو وعليه اشارة الرفض القديم , كما لا انا ولا احد افراد اسرتى سيحتاج الى عمل بصمات اصابع جديدة فالبصمات ما تزال موجودة من الملف القديم قال موسى , ان الرفض القديم ممكن يقيف حجر عثرة , عشان كده هو بيفضل نجيب خطاب الدعوة نملوز ما قاااااعد ياخ طلعتى من السفارة ضربت ليهو , وطلب منى ارسال معلومات جوازات الأسرة على الأيميل بمجرد ما المعلومات وصلته من ادارة بلدية اوستند - التى شاهدتها لاحقا - عمل عمر لى ولأفراد الأسرة خطاب الدعوة الموثق ارسله عمر بالبريد ولكن نسخة البريد وصلتنى بعدها باكثر من ثلاثة اسابيع موسى قال ان نسخة الكترونية من الخطاب تكفى لمن البريد اتاخر , طلبت من عمر نسخة الكترونية وقد كان سلمنا الملف لموسى فى السفارة وجلسنا , يقتلنا الأنتظار الممل والسخيف
طارق يا حبيب جاييك والله يا اخوانا انا حا اوصف الشفتو ياخوانا كان رقتوا ,انا بوصف الشفتو شفتا الشعر جاااارى , لى حنتو التحتو هسى كمان عشان ادخل ليكم فى الموضوع مباشرة وفى اقرب فرصة حا اختصر ليكم مشاعر فترة ذلك الأنتظار السخيف يمين بهدلونى جنس بهدلة عادة -وكما قال موسى و ان البت فى طلبات التاشيرات يستغرق ما بين 14-21 يوم وحاتكم ما استلمت جوازاتى مؤشرة , الا بعد ظهر الأربعاء 30 يونيو 2011 تاريخ سخيف بشكل , لم الحظه الا وانا اكتبه الآن وكالعادة , السبب فى التاخير هو التعامل غير الجدى مع مستنداتنا كل اولادى مكتوبة اسماؤهم فى جوازات الجن الشينة بتاعتنا دى فلان منصور عبد الرازق محمد فضل ما عدا احمد فاسمه فى الجواز , احمدمنصور عبد الرازق محمد عمرى ما لاحظت انو اسم احمد فى الجواز يخلو من اسم العائلة فضل واسم العائلة بتاعنا فى كل المستندات المقدمة للسفارة هو فضل بما فى ذلك احمد عرفت بعد ذلك , ان تأشيراتنا جميعا صدرت قبل تاريخ استلامها باكثر من اسبوع ولكنها تعطلت بسبب هذه المشكلة او بالأحرى , قال لى موسى ,ان القنصل حجز الجوازات عنده , للبحث فى موضوع اسم العائلة المختلف ساهم موسى مساهمة فعالة فى حل الأشكالية والتفاهم مع القنصل وانا نسيت اقول ليكم انو لمن موسى فحص المستندات عند التقديم , لاحظ نفس الأشكالية فى اسماء مدرار وحجازى المضافين الى جواز امهم ولكنه لم يكتشفها فى جواز احمد بينى وبينكم انا ذاتى اول مرة الاحظ ليها عند قبول المستندات , كمل موسى يلبقلم بتاعه الخاص اسمى مدرار وحجازى حتى اسم فضل -اسم العائلة والآن استدرك الوضع واعاد شرح المشكلة للقنصل فامر بتكملة اجراءات التاشيرة , يومين فقط قبل موعد سفرى اعصابى باظت بوظة شديدة , وانا استلم الجوازات وتحول البيت الى توتر شديد ولن اشتداد التوتر , يقابله عند زوال التوتر , فرحة تناسب حجم التوتر وشدته فان رؤية الجوازات فى يدى وهى مؤشرة , قابلها اولادى بتهليلات وشعلقات على الكتف والظهر لا تدانيها الا شعلقة عفاف على كتف حاج الركز , عندما عاد -ذات اجازة ايواااا بتتذكروا , لما سال من شعره الذهب
منص.. رواسب شنو يازول.. دي يمكن العجله التالته أشتريها لي رانيا من هي طفله.. ده كلام دقه قديمه.. الزمن إتطور ياخي.. بعدين أنا عندي بنات بس.. يعني أقضي عمري ما أشتري عجله لأولادي.. أما الملابس.. فدقتي فيها قديمه.. بعض الشئ.. لزوم تعليمهم الحياء والعفه وكدا..
Quote: اول خمسة يوم مع عمر واسرته فى اوستند على بحر الشمال بعد داك يوم ونص فى مدينتى كولون ودوسلدوف الألمانيتين ويومين فى امستردام ثم ثلاثة ايام فى بروكسل فيومين بلياليهم فى بااريس ويومين فى ميلان الأيطالية ويوم فى لوزان , ويوم فى جنيف (سويسرا ) ثم يوم ونص فى باريس فيومين فى برروكسل ويومين فى القاهرة ثم العودة للرياض
ده معناهو اننا لازم ناخد اجازة عشان نتابع.
Post: #2737 Title: Re: ناس الزقازيق ... أجدع ناس (4) .. Author: محمد عيد Date: 08-03-2011, 10:57 PM Parent: #2736
الزول السمح ... عمر المهدى ابو T
ذكرى ميلاد سعيد .. والعمر كله
معذرة لتوقف تحميل الصور والاغانى
والا كان ربينا ليك حفلة كاربة يا شيخ العرب
Post: #2738 Title: Re: ناس الزقازيق ... أجدع ناس (4) .. Author: محمد صديق Date: 08-04-2011, 09:25 AM Parent: #2737
سلامات يا ناس
Quote: الزول السمح ... عمر المهدى ابو T
ذكرى ميلاد سعيد .. والعمر كله
عيد سعيد للزول السمح ود المهدى
وبرضو عيد سعيد لى (عيد)
عبدالدائم بالله رسل لى عمر المهدى هدية العيد.
Post: #2739 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-04-2011, 10:25 AM Parent: #2738
ذوقى فى البناطلين ما بينفع معاهو وانا ما بفهم فى العمم
عندنا حلو مر طازة من السودان يا T ينفع معاك ... ؟
كل سنة وانت طيب
Post: #2740 Title: Re: ناس الزقازيق ... أجدع ناس (4) .. Author: منصور عبد الرازق Date: 08-04-2011, 10:38 AM Parent: #2739
كل سنة وانت طيب يا عمر المهدى ويا كوتش ,نحن راضين بيك ان شاء الله بى نص طايوق لأننا قنعنا من الطايوق الكامل حاتم جبارة يعنى انت لو كنت لسه عايش فى السودان ولا فى الخليج زينا رانيا كان حا تقول ليك عاوزة سيكل وحتى لو قالت , انت كنت حا تتعامل مع الموضوع ده عاااادى كده انا اشير الى تأثيرات المجتمع فى التربية والسلوك العام العجلة , مظهر حضارى لا غبار عليه ولكنها ما تزال عند غالبية من يعيشون فى مجتمعات زى مجتمعاتنا سلوكا مستغربا انت تخلصت من بعض هذه الرواسب وهذا شىء ايجابى , وساعدك مجتمعك الجديد على ذلك طبعا ياخى فى السعودية لسه بيتناقشوا على احقية سواقة المرأة للعربية خليك من العجلة فهمتنى يا حاتم ؟؟؟
Post: #2741 Title: Re: ناس الزقازيق ... أجدع ناس (4) .. Author: منصور عبد الرازق Date: 08-04-2011, 11:02 AM Parent: #2740
طبايعنا فى السفر , طبايع صعبة وغير عملية بتاتا السفر من السعودية للسودان , عود معظمنا , على السفر بالشنط الكبيرة ذات الوزن الثقيل ولكننا هذه المرة مسافرون الى مكان مختلف فلنكن عمليين هذه المرة , هذه سفرة تناسبها بنطلونات الجينز وعدد محدود من القمصان والملابس الخفيفة احترنا فعلا فى التعامل مع طبيعة الجو المتوقع عمر وقاسم قالوا ان درجات الحرارة المتوقعة , بين تمنتاشر وعشرين ولكن المطر متوقع دائما , والمطر يخفض درجات الحرارة خفضا اضافيا من خمسة الى ثمانية درجات يعنى ممكن الشغلة تبقى من عشرة لى اتناشر درجة مئوية صيف ده ولا شتاء يا اخوانا ؟؟؟؟ عمر قال بتحتاجوا لى سويترات (خريفية خفيفة ) ياخوى خريفية خفيفة دى شنو كمان نحن ناس يا بطانية , يا كمان فنيلة وسروال قررنا ان نتعامل مع الأمر على انه مجرد صيف معتدل , مع الأحتياط للصغار بملابسهم الشتوية العادية نجحنا فى اختصار الشنط الى اربعة من الحجم المتوسط , من تلك التى تجر جرا ولكن النساء دائما ما يحملن فى اياديهن وفى شنط الايادى , اكثر مما تحملها الشنط الكبيرة القاعدة كانت , اى زول شايل حاجة ما متفق عليها , يشيلها هو , وما فى اى زول حا يساعده ولكن هذه القاعدة العملية , اتضح انها لا تناسبنا , حيث انها سقطت من اول اختبار ولكن المحصلة العامة , هى اننا نجحنا فى تقليص وزن شنط السفر الى حد معقول جدا مع اضمار النية على الأستفادة من وجود عمر فى اوستند , لحل اشكالية اصطحاب الشنط بشكل دائم فى تنقلاتنا العديدة اللاب توب مثلا , يبدو انه كان من الحمولات الزائدة التى لا داعى لها فلا وقت له , وحتى اذا وجدنا الوقت , فمعظم خدمات الأنترنت التى تقدم فى فنادق الأقامة ,تقدم لقاء مقابل مادى ليس مقابلا ماديا كبيرا , ولكن يمكن ان تسد فرقة من فرقات الميزانية القادة خلقة ومع ذلك كان اللاب توب يصاحبنا بشكل دائم , ولم نستخدمه الا لمرات نادرة , وفى ردهات ولوبيات بعض الفنادق التى تقدم فيها خدمة الأنترنت مجانا وفى انتظار ان يفرغ هذا او تلك من لبس او حمام او افطار صباحى حرصت على ان يكون الفطار الصباحى مشمولا فى كل الفنادق بيسند الجماعة سندة مقدرة قبل ان يحسوا بالجوع مرة تانية فى دى انا دقست طبعا يا زول بعد الفطور طوالى , وبعد اول مشوار تشعر بالجوع الشديد الجو ما جو اكل ياخ , خاصة مع شمسهم المفتحة لغاية انصاص الليالى دى من طلعتنا الصباح بعد الفطور العادة بينتهى عشرة صباحا ولغاية ما نغيب الشمس بعد العاشرة ليلا لو جابوا ليك سبعة وجبات , تاكلهم عااااادى لكن البركة فى عليبات الجبنة الكرافت والتونة الساكنات فى جيوب الشنط والمدسدسات فى شنط اليد الكثيرة الشيايلاتنها امانى وايثار هسى لو سمعنا كلامك وقللنا من شنط اليد , الجوع ما كان كتلنا قالتها بت الشيخ اكثر من مرة , ولكن الرد كان بيجيها يا من قضمة جبنة كرافت ولا سندوتش طجنية موبااااالغة فى الجو داك
Post: #2742 Title: Re: ناس الزقازيق ... أجدع ناس (4) .. Author: منصور عبد الرازق Date: 08-04-2011, 11:35 AM Parent: #2741
اقلع طائر مصر للطيران من مطار الرياض ,نصف ساعة او تزيد, بعد الموعد المقرر لم اكترث انا للتأخير هذا , اذ انه خفض لنا ساعتى الأنتظار فى ترانزيت مطار القاهرة مع ان موعدالأقلاع كان فى الصباح الباكر ,والوصول كان حوالى السادسة والنصف صباحا بتوقيت الرياض السابعة والنصف بتوقيت القاهرة وبروكسل الا ان الشباب وامهم كانوا فى كامل حيويتهم متعودين هم على السهر ايام الأجازات لكنى قضيت وقت الطيران بين الرياض والقاهرة ما بين نايم كليا او جزئيا جزئيا دى كانت وقت الوجبة , فانا تناولتها وانا نصف نائم المفاجاة الأولى ,هى ان مطار القاهرة لم يعد كما كان صالة ترانزيت على مستوى عالمى لا تقل عن صالات افضل المطارات العالمية ,مع تباين المساحات طبعا صالة الترانزيت الجميلة والمزدحمة نوعا ما بصالات الأسواق الجميلة والمتنوعة ردت الى بعضا من نشاطى بينما بت الشيخ واولادها فى كامل حيويتهم اصلا منظر الأيسكريم الجميل فى محلات هاق اند داز , اغرى الصغار بتناول بعضا منه طلبت اليسكريم كل حسب ما اراد , مع فنجان نسكافى للمدام قالوا ليك الحساب , اتنين وتمانين جنيه يا بيه ريال سعودى ولا يورو , كم يعنى اسقط فى يدى , الراجل قال يا جنيه مصرى يا دولار طيب واللى ماعندوش جنيه ولا دولار , يعمل ايه ولا يهمك , خليها علينا المرة دى تقيلوا الكريدت كارد ؟؟؟ استنى شوية لو سمحت , يا استاذ عماد , يا استاذ عماد اهلا بحضرتك , الأستاذ عماد الذى يبدو انه مدير المحل موجها كلامه لى عندى مشكلة , ما حدش قال لى انكمما بتقبلوش ولا يورو ولا ريال سعودى , مافيش حل غير الكردت كارد اصلا العملات التانية مش داخلة فى السيستم عندنا , وكمان ماكينة الكردت كارد متعطلة من اليوم الصبح طيب والعمل ايه ؟؟؟ قلت مستغربا مافيش اى مشكلة يا حضرة ,خليها علينا المرة دى ودى ضيافتنا ليك لم يكن عندى حل غير الخضوع لهذا العرض غير الجاد, الذى يشبه (ما تخلى ) بتاعة سواقين التاكسى ايام الزقازيق بينما يدهم تسابق السنتهم التى تقول ما تخلى هذه الحادثة عكرت مزاجى ,بينما الجماعة ضربوا الأيسكريم واتجدعوا فى الكراسى منتظرين مواعيد الطيارة الايسكريم باين جاب آخرهم , اذ ان التجدع تحول الى نوم كامل عند الصغار , واتكاءات كل على بعضهم , للكبار وامهم انا توجهت لضابط الجوازات اساله عن البنوك والصرافات لم يمانع الضابط فى اخراجى الى صالة السفر العادية بتاعت المطار , حيث مكاتب البنوك والصرافات تخلصت من كل الريالات التى معى وحولتها الى يوروهات , مع حوالى ميتين جنيه مصرى عندما عدت الى كاشير هاق اند داز ودفعت الأتنين وتمانين جنيه , يبدو انهم لم يتوقعوا عودتى خاصة البنت التى باعتنى الآيسكريم ,ثم استدعت الأستاذ عماد لاحقا لحل المشكلة كأفات نفسى بكوب هوت شوكليت ساخن , اذ خلصت نفسى من ذلك الموقف ورجعت الى حيث يجلس الآخرون , وجدت لى مكانا بينهم بصعوبة شديدة فالنوم يمدد البنى آدم ويزيده فى الطول وفى العرض , واستسلمت معهم للكسل اللذيذ
تفاصيل التفاصيل بالله ... ما تاكلنا حنك يعني سطر واحد مابين مطار الملك خالد وصالة الترانزيت في القاهرة شوية علينا ما تستكردنا بالله .... ----- سلامات ياكوتش ورمضان كريم .... فارق معاي رمضان كتير والله السنة دي ما فيها نادي شرطة بالله
------- ياحاتم رسل واحد عجلة لي الكوتش دا بالله وبالعدم قول ليهو "الاهي منك" ولا الانجليزي نساك ليها
أول" رمضان كريم للجميع بدون فرز وربنا يعيدو عليكم بالعافية ...
و يا منصور ... متعة عالية جدا" في متابعة التفاصيل .. و المتعة الأكبر .. في إنو الزول ما كان إستمتع كدا لو كان حقيقي معاكم في الرحلة ... حتي تفاصيل الإجراءات ..ز كانو الواحد قاعد معاك و عايشها ...
أها ياجماعه إستشاره.. البت ساره ليها كم شهر من كملت الستاشر.. بتلف وتدور وتتمحرك.. دايره أطلع ليها إذن تعلم القياده.. قلت ليها طبعا السواقه دايره الزول يكون مسئول.. إنتي مسئوله? yes daddy.. I'm very responsible.. وقامت فكت لي مكنه كالآتي: I just want to learn how to drive.. I will not ask for the license or a car or anything.. just to learn.. نظام واحده واحده بالله.. قلت ليها يا سلام.. يعني بس تتعلمي? yes.. التعليم دا مشكله.. سااااهل.. أنا بأعلمك سريع.. بس أثبتي لي إنك مسئوله.. How? أول حاجه.. كل المواد تجيبي فيها A+.. تساعدي أمك في الأوقات الماعندك قرايه.. وكان فاتتك صلاه.. الل قال بي قولك.. أوضتك دي ما أجي ألقاها منكشه.. تقللي من التلفونات والتكست.. تتبعي كل تعليماتنا وما تعملي فيها ناسيه.. و...و...و... الفي نفسي كلو قلتو.. If I do all this, I will get my license.. حيلك حيلك.. ماقلتي دايره إذن تعليم بس.. Well, if I have to do all this.. then I should get the license.. كدي أخدي الإذن أول.. وخطوه خطوه بعد داك.. أها كل ما تعمل حاجه تجي تقول لي.. Very responsible, right? ضغط شديد.. خلاص.. بقى ماعندي أي حجه تاني.. نتوكل علي الله والا كيف يا شباب? ناس السعوديه.. بالله رأيكم من غير الواقع المعاش.. (وش ضاحك زي حق جبريلا)..
تعرض الاخ عادل يسلم لحادث حركة وهو فى طريقه الى بورتسودان
حالته الآن حسنة ...تم حجزه بمستشفى ساهرون...
للإطمئنان على حالته:
ت 0912310560 ...مرافقه بالمستشفى
دعواتكم له بعاجل الشفاء.
Post: #2754 Title: Re: ناس الزقازيق ... أجدع ناس (4) .. Author: محمد عيد Date: 08-05-2011, 10:16 PM Parent: #2753
نســـأل الله عاجل الشفاء للاخ / العزيز عادل يســـلم
ونسألك يا رب ببركة هذا الشهر الكريم ان تعافيه وتلبسه ثوب الصحة والعافية ...
Post: #2755 Title: Re: ناس الزقازيق ... أجدع ناس (4) .. Author: محمد صديق Date: 08-06-2011, 08:11 AM Parent: #2754
سلامات يا ناس
صباحكم يا خير يا وجوه الخير
اللهم اجعلنا ممن عملوا الصالحات
وسارعوا بالخيرات
وتسابقوا فى الطاعات
وفازوا بالجنات
آمين .
Post: #2756 Title: Re: ناس الزقازيق ... أجدع ناس (4) .. Author: محمد عيد Date: 08-06-2011, 09:26 AM Parent: #2755
مبروك للجميع عودة المنبر الى حوشه الاصلى ...
sudaneseonline.com
والتهنئة للباشمهندس بكرى ... وعسى ان يكون قد وعى الدرس
واستطاع تقوية التأمينات الدفاعية ...
يا دوب بعد ده الناس تتداخل طبيعى ودون خوف ..
غايتو الفات ده كلو - عدا حكاوى منص الاكسلانص -
اعتقد انها كانت تهابيش سااااى بس ... يعنى نظام خوف من الدبايب ... !!
الما فاهم حاجة ولا ما معترف ... يسأل ويفتش .. وعند جلا الخبر اليقين ...!
Post: #2757 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-06-2011, 09:35 AM Parent: #2756
تمنياتنا للاخ عادل يسلم بدوام الصحة والعافية وكفارة وما تشوف شر يارب
،،،،،
سوف تجرى زوجــــــة زميلنا الاخ ابراهيم عثمان ( Fish ) عملية جراحية كبيرة غدا" الاحد بمستشفى الجامعة بجـدة ،، تمنياتنا ودعواتنا لها بالسلامة ببركة هذا الشهر الفضيل
اللهم رب الناس اذهب البأس واشفي انت الشافي لاشفاء الا شفائك شفاء لايغادر سقما.
Post: #2758 Title: Re: ناس الزقازيق ... أجدع ناس (4) .. Author: كمال الشادي Date: 08-06-2011, 10:57 AM Parent: #2757
اول بالتبادي السلام عليكم وشهر مبارك عليكم جميعا
وحمدا لله على سلامة رجوع الموقع
الاخ محمد صديق كيفنك يا جميل وأشكرك انك كنت بتسأل عني في الفترة الماضية
الصديق الجميل طارق جبريل كيفنك جبت ليك بي هناك في الفيس بوك ( الدكتور امير تاج السر - ابن اخت الطيب صالح ) والشباب رحبو به اتوقعتك تكون من الاوائل
يا حاتم جبارة : على بالايمان بتك عجبتني كيف لمن آمنت ذاتو منطقتك للدين الانا متأكد منو ومهما تضع ليها من شروط
راح تطلع الرخصة وراح تشتري ليها عربية وراح تركبك معاها وتسوقك ولا على كيفك
على فكرة دي ما شايقية نص كوم زي ما قال طارق على بالايمان كمها طويل لمن كفاية
من الصفات السيئة للهنود و الباكستانين الفضول الشديد... يكاد الواحد منهم من شدة فضولة أن يدخل رأسه داخل جيبك ليعرف ما به... كما و تجدهم يتنصتون على الذين يتحدثون من حولهم... فاذا كان هنالك زوجان يتجادلان في الجمعية و لا المول... لوجدت ان باكستانيا أو اثنين ينظرون اليهم و يحاولوا أن يسمغوا ما يقولون... فضول يغيظ و يجعلك في كثير من الأحايين تخرج من طورك و تكاد أن تضربهم... و لم أجد تفسير لهذه الحالة أبدا و ما السبب وراءها... أعرف أنهم يحبون الونس و رواية القصص لبعضهم البعض... يعني الواحد لو لقى سوداني و زوجته يتشاجران في مكان عام و هذه تحدث كثيرا... يصور ليك المشهد جيدا ثم اذا كان سائق تاكسي يحكي لأول راكب يركب معه... الحين أنا في موجود داخل سوبر ماركت يحصل سوداني يسوي جنجال مع حرمه مال هو... هذا سوداني (ثن) صغير زيادة سيم سيم بنسل (قلم الرصاص)... حرمة مال هو متيييين زيادة (سمينه جدا)... سوداني واجد زعلان و صوت يرفع زياده... أنا و الله فكر هذا حرمة ممكن يمسك سوداني و يجلس فوق هو...هذا سوداني في موت.... فضول عجيب فضول الهنود و الباكتسانيين...فضول لا يحتمل... فجر اليوم و عند خروجي من المسجد تبعتني كديسة و هي تنظر الي بفضول شديد... ذهبت الى حيث أوقف سيارتي و هي تسير خلفي... كنت فقط أريد تجديد بطاقة الموقف...فالمواقف هنا أصبحت بي فلوس... فتحت باب سيارتي و الكديسة تتبعني و تنظر الى بفضول... شلت بطاقة الدفع من داخل سيارتي و هي تحاول أن تعرف ماذا أفعل... دفعت الى حيث مكان الدفع و هي تتبعني ...عدت الى سيارتي و هي ورائي... قلت ليها بغيظ شديد أسمعي انت باكستانية ولا شنو... أظنها هزت رأسها ايجابا...
بعودة منصور عاد للبوست القه ... اشهد يا منصور انك زول كتاب .... والفرق بين الزول البيعرف يكتب والزول العادي ... هو التقاطه للتفاصيل الصغيرة وتصويرها بكاميرا قلمية ... اكيد حا نتستمع بالرحلة وبكتابتك ... نحن في انتظارك ...
يا كوتش ما معقولة اجي اتونس براي .... اها لمة الناس بتجيبنا ......
يا رشدي الفضول غير محدد بجنسية هو احد مؤشرات التخلف الاجتماعي .... دائما ما تجد اهل القري والريف اكثر فضولاً من اهل المدن ... تعرف مرات كتيرة بلقي نفسي عايز اعرف الشمار شنو ... بس ما لدرجة الجماعة بتوعنك ديل ... انا بسميها الشلاقة والشلاقة دي دائما قاعد تكلفني كتير ... قبل اسبوع جاي ماشي الشركة في طريق ترابي متفرع من الشارع الرئيسي .. ماشي علي الطرف عشان الدقداق ... شايف لي انت واقفين في الناحية التانية من الشارع .... زي مدورين ليهم شكلة .... اها قعدت اعاين ليهم لقيت نفسي غارز في رملة الا مشيت جبت عربية تانية جرتني .... شفت الفضول .... في واحد معانا بيجيب ليهو حاجة كده لذيذة يا زول الشئ كان قلت باسطة باسطة وكانت قلت حلويات حلويات .... وكان بقلاوة ياها ... في صحن لذيذ وكمان تشيل الصحن معاك البيت ... اها في حلواني كده قريب مني توش انقطعت لقيت ليك باسطتي الماتغباني ... طوالي قلت للشامي بالله جيب معاك كيلو وصلحو ... مشيت للحساب قال لي 60 ريـال يعني خمسين الف ... بالله لمن جاتني حمي .... معقولة كيلو باسطة بخمسين الف ... المهم الجماعة ختوها في البيت كل ما واحد يمد يده عليها ... طوالي اقول ليهو هوي الباسطة دي براحة عليها دي بستين ريـال يمين لمن حردوها وبعد اربعة ايام اكلت الباقي براي خفت يبوظ وكمان يمشي الزبالة .... اها قصص الشلاقة كتيرة والفضول ... وما تشيل حال اهل شبه القارة الهندية ساي ....
المداخلة مهداة للكوتش بمناسبة فوز الهلال علي الاتحاد مدني .... بالمناسبة يا كوتش الهلال السنة دي ما عنده طعم .... زي الباسطة بعد ما عرفت ان سعرها ستين ريـال
Post: #2769 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-07-2011, 08:27 AM Parent: #2768
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح نهدية لأخونا عادل يسلم
سلمه الله من كل شر وألبسه ثوب الصحة والعافية
اللهم رب الناس اذهب البأس واشفي انت الشافي لاشفاء الا شفائك شفاء لايغادر سقما. ولزوجة أبراهيم فيش كامل الصحة ،،،،
ود المهدي عمر مديد وكل عام وأنت والعائلة بخير
محمد صديق الكوتش تشكر يا سيدي على السؤال موجودين
ظروف ما سحت لينا الدخول من هنا بس كنا موجودين في الفيس بوك
Post: #2770 Title: Re: ناس الزقازيق ... أجدع ناس (4) .. Author: منصور عبد الرازق Date: 08-07-2011, 10:15 AM Parent: #2769
تحيات صباحية رمضانية عطشانة قيس جمال الدين ازيك , والبيبى الجديد ان شاء الله (ما مديك النوم ) شكرا لكل من علق , واحذروا ان تعقيباتكم هذه هى ما يتسبب لكم فى مزيد من (القد ) اقدكم ؟؟؟؟؟!!!
Post: #2771 Title: Re: ناس الزقازيق ... أجدع ناس (4) .. Author: منصور عبد الرازق Date: 08-07-2011, 10:15 AM Parent: #2769
تحيات صباحية رمضانية عطشانة قيس جمال الدين ازيك , والبيبى الجديد ان شاء الله (ما مديك النوم ) شكرا لكل من علق , واحروا ان تعقيباتكم هذه هى ما يتسبب لكم فى مزيد من (القد ) اقدكم ؟؟؟؟؟!!!
Post: #2772 Title: Re: ناس الزقازيق ... أجدع ناس (4) .. Author: منصور عبد الرازق Date: 08-07-2011, 10:34 AM Parent: #2771
لما افقنا من سكرة ايسكريم هاق اند داز كان قد تبقى على مواعيد البوردينغ , حوالى خمسة واربعين دقيقة فقط بوابتنا هى f 10 دخلنا الحمامات التى اكتشفنا اننا اخدنا تعسيلتنا على مشارفها الحمامات يجاورها مسجد , ولكن اوان صلاة الظهر لم يحن بعد لأباس من الوضوء , تحوطا لأمكانية الصلاة فى الطيارة ولكن موعد وصولنا لبروكسل هو الثانية والنصف بعد الظهر ثم ينتظرنا مشوار حوالى ساعة وربع لغاية اوستند المهم نتوضى يا شباب ونبقى جاهزين اف 10 دى زااااتا يلقوها وين الأسهم تشير الى البوابات لغاية e منطقيا وابجديا المفروض اف بعد اى , ما لقيناها ياخ يا احمد اجرى استكشف فى الأتجاه المعاكس وجد احمد اف فى الأتجاه المعاكس عكس ما يقول المنطق الأبجدى ولكنه وجدها فى الدور الأدنى , حيث هناك اسكيليتورز ومصاعد خلف كاونترات المطاعم المنتشرة وصلنا الى اف عشرة تدقيق لجوازات الداخلين لصالة البوابة , ولشنطهم طبعا غير ان التدقيق على جوازاتنا نحن , كان اكثر دقة يا ربى السبب تقنية جوازاتنا القديمة , ولا السبب نحنا زااااتنا مدير المحطة كان يفتح صفحة الفيزا ويصورها بكاميرا ديجتال صغيرة فى يده وكذلك صفحة الصورة والمعلومات الأساسية مثل الأسم والعنوان دلفنا للصالة بعد ان احسسنا ان مدير المحطوة نفسه زهج من التدقيق المطلوب منه لحظات وحملنا البص الأنيق , لطائرة البوينج 737 الأيرباص ارقام الكراسى , حددتها انا مسبقا من خلال خطوات الحجز الألكترونى رغم ذلك , خلاف عائلى دائم عندنا وقت السفر على الجلوس فى الشبابيك , نحن نصيبنا شباكين , والراغبون فى الشبابيك ثلاثة احمد وايثار ومجتبى اما الصغار ايثار وحجزى , فشكلتهم الدائمة فى الجلوس باسباب متعددة مدرار دايرة جنب امها مرة , وجنب ابوها مرة تانية , وفى نفس الوقت جنب مجتبى ومجتبى داير جنب احمد وجنب ايثار وجنب الشباك يحلوها كيف دى ؟؟؟؟ فى كل مرة بتتحل براها , فبمجرد ما تحركت الطائرة , مدرار وحجازى , استسلما الى نوم عميق رغم ان كل منهما غير راضى بالكرسى بتاعه ى
Post: #2773 Title: Re: ناس الزقازيق ... أجدع ناس (4) .. Author: منصور عبد الرازق Date: 08-07-2011, 10:47 AM Parent: #2772
فراخ ولا لحمة حضرتك ؟؟؟؟ فاجاتنى المضيفة بهذا السؤال المعتاد , مقتحمة على تعسيلتى اللذيذة فراخ لو سمحتى , هو مافيش جرائد عندكم الرحلة دى ولا ايه حا اجيبهالك يا فندم , بس بعد ما نخلص اكل بعد ان ذهبت المضيفة لخدمة صف آخر من صفوف الركاب نبهتنى امانى , انو الجرائد جابوها زمااااان , وانت كنت فى سابع نومة لمنها احتفظت لى بجريدة الأهرام التهمت انا الدجاج , بينما اكتفى الصغار اللذين يغالبون النوم , بكيكة الشوكلاتة ودهنوا قطعة الخبز الصغيرة , ببعض المربى والزبدة مع كاسات الميرندا والبيبسى المضيفة جات راجعة جابت لى معاها الجمهورية حلااااااتا يا خ , بقى عندى الأهرام والجمهورية , والبطن اتملت , ودب النشاط فى المفاصل الجوع كعب ياخ , حالتو ضاربين نفس الدجاج فى الطيارة الأولى لكن السفر يفتح الشهية لو كان عندهم سمك كمان زى حق عوضية داك ؟؟؟؟؟؟ لو رجع بى الزمن لنفس الرحلة , وسألتنى المضيفة نفس السؤال لأخترت اللحم هذه المرة لم نفكر حينها , اننا مفارقون للحم , مدة سفرنا كاملة لتعقيدات كثرة , ولا تخص اوروبا , ولا تخص اللحم نفسه بل تخصنا نحن ازاء اللحم المذبوح فى اوروبا الأكل مشكلة حقيقية فى اوروبا وتفاصيل ذلك ستتضح تدريجيا لكم
Post: #2774 Title: Re: ناس الزقازيق ... أجدع ناس (4) .. Author: منصور عبد الرازق Date: 08-07-2011, 11:30 AM Parent: #2773
اربعة ساعات ونصف , هى المسافة التقديرية بين القاهرة وبروكسل قضيناها بين التهام الدجاج والمشروبات الباردة , والجرائد المليانة باحداث مصر الساخنة كابتن الطائرة افاد بان درجة الحرارة الخارجية , هى ثمانية عشرة درجات من خمسة واربعين لى تمنتاشر , المسافة ابعد بكثير من مسافة الساعات الأربعة ونصف الساعة انا -باعتبارى من ذوات الدم الحار - لا اشعر بتغيرات درجات الحرارة بسرعة انا آخر من يلبس تقيل , ثم انا نفسى آخر من ينزع التقيل ده لمن تصيف عشان كده ما شلت هم للموضوع ده اجراءات الجوازات , تمت بكل يسر وسهولة وقد استحسن ضابط الجوازات البلجيكى حسن استعدادى لأنجاز اجراءات تأشيرة دخولى لم الحظ ذلك الا بعدما انجزت تأشيراتى انا والأسرة , وجاءت الراكبة البعدنا وهى مصرية قادمة لزيارة اسرة اختها كما فهمت بعد ذلك الجوازات بتاعتنا كانت مفتوحة على صفحة التاشيرة , ومعها صورة الميدكال انشورانس لصاحب الجواز لحسن الحظ ان التاشيرة ذات النوع الممغنط التى تتم قراءة معلوماتها أليا بالمسح الضوئى وبذلك لا يحتاج الا لمقارنتها باسم حامل الجواز باللغة الأنجليزية المكتوب فى جوازاتنا باليد , وبالتالى , (نوت اسكانابل ) اى لا يمكن قراءته ضوئيا الصمرية كانت مرتبكة لمشكلة فى اللغة اولا , ولعدم تجهيز الأورواق بالترتيب المطلوب امتدح ضابط الجوازات ترتيبى , وهو يقصد فى الحقيقة ان يتذمر من عدم ترتيب زميلتنا الراكبة المصرية الميدكال انشورنس بتاعها مجرد صورة حيث ان الأصل مع اختها التى تنتظرها خارج المطار طلب منى ضابط الجوازات افهامها بأن انجاز التاشيرة لها يتطلب الأصل , لذلك سيحولونها للأنتظار فى الغرفة المجاورة لأستدعاء اختها لأكمال الأجراءات الزولة انزعجت انزعاج شديد , لكن الأمر كان عادى جدا عند الضابط كاجراءروتينى لازم طلب ان اسالها عن رقم تلفون اختها , وبمجرد ان ابرزته طلب منى طمانتها مادام ان اختها فى الأنتظار , فالأمر بسيط وعادى ثم لحقت انا بباقى افراد الأسرة , المتحلقين حول سير عفش الرحلة القادمة من القاهرة جاءت شنطنا الأربعة الأنيقة تتقدل جريناها باناقة , وين نحن من شنط السودان الغير قابلة للجر والزحزحة رنة من عمر , طمانتنى انه فى الأنتظار عمر نملة , بقوامه النحيل ووجهه الأسمر وشعره المجدول كانه (جوليت زمانه ) هذا رجل مختلف , لم اصادقه او اتعرف عليه ايام الزقازيق , للفارق العمرى بيننا كم انا نادم على ذلك زهور حمراء وصفراء واخرى بلون البنفسج , رائحتها بطعم القرنفل واريج العطر الزاكى ثم هناك عمر نملة صغير آخر , يملأ ساحة انتظار القادمين هرجا ومرجا وهرولة , غدوا ورواحا شعر عمر المجدول , ووروده الملونة , واسنانه شديدة البياض , حتى لكأن الأبتسامة اكبر من كامل الوجه الدقيق والنحيل انها الأحضان التى كذبت روايات كابتن الطائرة عن درجات الحرارة تمنتاشر شنو ياخ , الزول ده ما حريقة عدييييييل وانطلقت الفلاشات تعكر صفو اركان المطار غير المضيئة اما الطيب عمر نملة , فما افلحنا لا فى مسكه ولا فى السلام عليه , الا بعد حين انها بروكسل اذن , وهذا هو عمر نملوز , مصطحبا معه نسخته المصغرة الطيب عمر نملوز كلما اعرفه , انه اختلط علينا ايهم الوردة , وايهم الزهرة , وايهم رداء عمر الأبيض , وبلوفره الأحمر الوهاج ولكن احمد وايثار ومجتبى , بدوا لى كما صورة الباكستانى والهندى الفضولى التى رسمها لنا الحبيب الرشيد اما انهم مستغربين لضفائر نملوز المجدولة , او لحركة الطيب الدائبة النشطة , او لونستنا الدقاقة التى ملآت الحيز والمكان بدفئها وتدفقها , فكانت آذانهم تسابق العيون , يتسمعون ما نقول ونهمس , ثم يستغربون من جلجلات الضحك المتتالية يملآهم الأستغراب , يا بابا انت مش قلت انو عمو عمر انت ما بتتذكره فى الزقازيق تمنيت اننى كنت لصيقا بعمر نملة هذا , وقت ان كان طالبا زقازيقيا وغرضى من هذه الأمنية , هو ان استطيع قياس ما حدث له من تحول ازاء نقلته الحياتية اذا تخيلت انه (اى نملوز ) كان انا (منصور عبد الرازق ) كنت كمن قال فيه شاعر خلف الله حمد اقيس الفم بودعة والقى الفرق شاسع اما اذا ماكان الفرق لصالح الفم او لصالح الودعة فهذا ما ستستنبطونه برااااااااكم
القصة ما ورود وزهور بس !! ولا هى احضان تكذب درجات الحرارة الثمانية عشر ولا هى انفاس باريج الزهر , ولا زهر بعبق العطور الدافئة ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid ) حتى اسفرت شنيطة عمر الأنيقة التى يحملها على ظهره عن صنوف العصائر الملونة , والشوكلاتات المنوعة الشوكلاتات هذه , نسفت تمنع مدرار وحجازى نسفا فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها اذا اردت ان تختطف طفلا صغيرا , قدم له شيكولاتة ولكن عصائر عمر ذات الألوان الخضراء والحمراء وتلكم التى بطعم الليمون خطفتنا انا وامانى كذلك , حتى اصبحت تعرف عندنا طوال الرحلة بعصير عمر عصير عمر الأحمر , وعصير عمر الأخدر , وعصير عمر الليمونى هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها تروى العطش , ولا تعطيك اى احساس ولا مذاق للسكر مشروبات رياضية تعود عمر الا تخلو شنيطته منها , وهو يركض يوميا ولكن قولوا لى اين يركض عمر فى حديقة عبود الغناء , ابدا لا وطبعا لا فى مضمار المدينة الرياضية , ابدا لا وطبعا لا فى حديقة القرشى ؟؟؟؟ حديقة القرشى بتاعت فنيلتك انه يركض , فى قطع جنان متناثرة رفيقه البحر , ومنافسيه شلة من الأمواج الصاخبة يلتحف السماء , ويتخذ من الغمام وسادة ومتكا وقعات رذاذ المطر , تعمل عنده لساعات عمل الأستوب ووتش والعداد عمر يجرى فى جو خرافى يقول لك ان لم تجرى وتركض عندى فما انت بجار اووستند , قطعة من الفردوس قذف بها رب العباد الى ظاهر الأرض يجرى فيها عمر ويركض وبعد ان يخلص من ركضه وجريه المستمر وتتخلل جدائله حبات العرق يلقى بنفسه الى موجة ما , يغسل كل منهما الآخر فتكون موية الغسيل الناتجة انظف من مياه الشرب المعباة فى امكنة عديدة واذا ما اخاف الكضب اعذب واحلى كمان
القصة ما ورود وزهور بس !! ولا هى احضان تكذب درجات الحرارة الثمانية عشر ولا هى انفاس باريج الزهر , ولا زهر بعبق العطور الدافئة ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid ) حتى اسفرت شنيطة عمر الأنيقة التى يحملها على ظهره عن صنوف العصائر الملونة , والشوكلاتات المنوعة الشوكلاتات هذه , نسفت تمنع مدرار وحجازى نسفا فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها اذا اردت ان تختطف طفلا صغيرا , قدم له شيكولاتة ولكن عصائر عمر ذات الألوان الخضراء والحمراء وتلكم التى بطعم الليمون خطفتنا انا وامانى كذلك , حتى اصبحت تعرف عندنا طوال الرحلة بعصير عمر عصير عمر الأحمر , وعصير عمر الأخدر , وعصير عمر الليمونى هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها تروى العطش , ولا تعطيك اى احساس ولا مذاق للسكر مشروبات رياضية تعود عمر الا تخلو شنيطته منها , وهو يركض يوميا ولكن قولوا لى اين يركض عمر فى حديقة عبود الغناء , ابدا لا وطبعا لا فى مضمار المدينة الرياضية , ابدا لا وطبعا لا فى حديقة القرشى ؟؟؟؟ حديقة القرشى بتاعت فنيلتك انه يركض , فى قطع جنان متناثرة رفيقه البحر , ومنافسيه شلة من الأمواج الصاخبة يلتحف السماء , ويتخذ من الغمام وسادة ومتكا وقعات رذاذ المطر , تعمل عنده لساعات عمل الأستوب ووتش والعداد عمر يجرى فى جو خرافى يقول لك ان لم تجرى وتركض عندى فما انت بجار اووستند , قطعة من الفردوس قذف بها رب العباد الى ظاهر الأرض يجرى فيها عمر ويركض وبعد ان يخلص من ركضه وجريه المستمر وتتخلل جدائله حبات العرق يلقى بنفسه الى موجة ما , يغسل كل منهما الآخر فتكون موية الغسيل الناتجة انظف من مياه الشرب المعباة فى امكنة عديدة واذا ما اخاف الكضب اعذب واحلى كمان
القصة ما ورود وزهور بس !! ولا هى احضان تكذب درجات الحرارة الثمانية عشر ولا هى انفاس باريج الزهر , ولا زهر بعبق العطور الدافئة ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid ) حتى اسفرت شنيطة عمر الأنيقة التى يحملها على ظهره عن صنوف العصائر الملونة , والشوكلاتات المنوعة الشوكلاتات هذه , نسفت تمنع مدرار وحجازى نسفا فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها اذا اردت ان تختطف طفلا صغيرا , قدم له شيكولاتة ولكن عصائر عمر ذات الألوان الخضراء والحمراء وتلكم التى بطعم الليمون خطفتنا انا وامانى كذلك , حتى اصبحت تعرف عندنا طوال الرحلة بعصير عمر عصير عمر الأحمر , وعصير عمر الأخدر , وعصير عمر الليمونى هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها تروى العطش , ولا تعطيك اى احساس ولا مذاق للسكر مشروبات رياضية تعود عمر الا تخلو شنيطته منها , وهو يركض يوميا ولكن قولوا لى اين يركض عمر فى حديقة عبود الغناء , ابدا لا وطبعا لا فى مضمار المدينة الرياضية , ابدا لا وطبعا لا فى حديقة القرشى ؟؟؟؟ حديقة القرشى بتاعت فنيلتك انه يركض , فى قطع جنان متناثرة رفيقه البحر , ومنافسيه شلة من الأمواج الصاخبة يلتحف السماء , ويتخذ من الغمام وسادة ومتكا وقعات رذاذ المطر , تعمل عنده لساعات عمل الأستوب ووتش والعداد عمر يجرى فى جو خرافى يقول لك ان لم تجرى وتركض عندى فما انت بجار اووستند , قطعة من الفردوس قذف بها رب العباد الى ظاهر الأرض يجرى فيها عمر ويركض وبعد ان يخلص من ركضه وجريه المستمر وتتخلل جدائله حبات العرق يلقى بنفسه الى موجة ما , يغسل كل منهما الآخر فتكون موية الغسيل الناتجة انظف من مياه الشرب المعباة فى امكنة عديدة واذا ما اخاف الكضب اعذب واحلى كمان
القصة ما ورود وزهور بس !! ولا هى احضان تكذب درجات الحرارة الثمانية عشر ولا هى انفاس باريج الزهر , ولا زهر بعبق العطور الدافئة ما ان استقرينا فى مقاعدنا فى قطار المطار , المتجه الى محطة بروكسل زود ( brussel zuid ) حتى اسفرت شنيطة عمر الأنيقة التى يحملها على ظهره عن صنوف العصائر الملونة , والشوكلاتات المنوعة الشوكلاتات هذه , نسفت تمنع مدرار وحجازى نسفا فهم اصدقاء الشوكلاتات , وبالتالى اصدقاء اصحاب الشوكلاتات ومن يحملونها اذا اردت ان تختطف طفلا صغيرا , قدم له شيكولاتة ولكن عصائر عمر ذات الألوان الخضراء والحمراء وتلكم التى بطعم الليمون خطفتنا انا وامانى كذلك , حتى اصبحت تعرف عندنا طوال الرحلة بعصير عمر عصير عمر الأحمر , وعصير عمر الأخدر , وعصير عمر الليمونى هى من شاكلة تلك العصائر التى نراها تقدم للاعبى الكرة , اثناء المباريات ومابين اشواطها تروى العطش , ولا تعطيك اى احساس ولا مذاق للسكر مشروبات رياضية تعود عمر الا تخلو شنيطته منها , وهو يركض يوميا ولكن قولوا لى اين يركض عمر فى حديقة عبود الغناء , ابدا لا وطبعا لا فى مضمار المدينة الرياضية , ابدا لا وطبعا لا فى حديقة القرشى ؟؟؟؟ حديقة القرشى بتاعت فنيلتك انه يركض , فى قطع جنان متناثرة رفيقه البحر , ومنافسيه شلة من الأمواج الصاخبة يلتحف السماء , ويتخذ من الغمام وسادة ومتكا وقعات رذاذ المطر , تعمل عنده لساعات عمل الأستوب ووتش والعداد عمر يجرى فى جو خرافى يقول لك ان لم تجرى وتركض عندى فما انت بجار اووستند , قطعة من الفردوس قذف بها رب العباد الى ظاهر الأرض يجرى فيها عمر ويركض وبعد ان يخلص من ركضه وجريه المستمر وتتخلل جدائله حبات العرق يلقى بنفسه الى موجة ما , يغسل كل منهما الآخر فتكون موية الغسيل الناتجة انظف من مياه الشرب المعباة فى امكنة عديدة واذا ما اخاف الكضب اعذب واحلى كمان
Post: #2775 Title: Re: ناس الزقازيق ... أجدع ناس (4) .. Author: أحمد إسماعيل Date: 08-07-2011, 11:30 AM Parent: #2773
سلام الله عليكم يا كرام نسأل الله سبحانه وتعالى أن يجعلنا ممن صام وأقام رمضان إيمانا وإحتسابا وغفر له ما تقدم من ذنبه، انه قريب مجيب
الحمد لله إنتهى التهكير والدخول لحوشنا دايركت بعد ما الواحد كان لايس وراسه لافي بدون طايوق لاكن الظاهر ضيعتونا مع حكي منصور الجميل الذي لا ينفع معه الجنكاب لكن القحة ولا صمة الخشم ، نراجع ونجي الأخ محمد صديق شكرا لتفقدك لينا وشكرا لزيارتك نيالا والكلام الجميل عنها
مرحى بكم اصدقائى ابو ميار وابو عمر مالكم ما بتحكوا لى كويس عن عمر نملوز ده الآدميون هم مداخل المدن , وهم عناوينها الدالة التقانا عمر فى مطار بروكسل كان اليوم سبتا , عطلة اسبوعية عامة من مطار بروكسل عبر قطار المطار الى محطة بروكسل جنوب زود , تعنى الجنوب , كما ان نورد , تعنى الشمال , بلغة الفرنجة اهالى تلك البقاع من العالم تتكون بلجيكا من سحنات ثلاث , جذورها ناتجة من مجاورة الألمان مرة , والهولنديين مرة ثانية , والفرنسيين مرة ثالثة ولو تحدثت معهم احدى هذه اللغات الثلاث , فانت سيد بلد تب عمر يجضم الهولندية حتى انه ينسى اننى لا اعرفها البتة فى احايين كثيرة فيلقى الى بكلمة هنا او هناك حتى اذا ما لاحظ ان عيناى بدأتا تبرقان , دلالة لعدم الفهم , عاد لعربيته (التلاقيط ) لكن خليطا من نباهة المعلم سيد الحتة (نملوز ) ونباهة التلاميذ الزائرين (انا واسرتى ) جعلتنا نبدو وكأننا اسياد بلد (التقول هلالاب بس ) من تانى يوم تكنيكات التعامل مع الصب واى , ومتروهات المواصلات وبصاتها , لنا فيها انا واحمد , خلفية جيدة جعلت من جغرافيا اوستند الصغيرة والبديعة , لقمة سائغة لنا فى فترة وجيزة حقيقة الأمر انك واجد البحر اينما يممت وجهك وانك لتسمع هدير الأمواج , ان كنت فى صالة السينما , او فى مول من المولات المنتشرة راكبا المترو , او ممتطيا البص العالى المريح , او متمشيا فى اى بقعة من بقاعها او حدائقها الغناء هل سمعت بالماء والخضرة وثالثهما الوجه الحسن اينما نظرت وجدت ماءا , وحيثما وقع بصرك فلن يستطيع تفادى خضرة ممتدة اما الوجه الحسن , فاقول ليكم بقى واسمعوا حتى انا , اصبحت الان ديلون زمانى ومكانى ما اجمل اسرتى , ومين احلى من حبيبتى اما الناس , واقصد بهم من عمروا تلك البقاع وسكنوا فيها فانهم ينتظرون الصباح الباكر , ليهرعوا الى شاطىء البحر فيملأوون كل اريكة تغشاها الشمس , ويجلسون على حواف الأمواج معطين اجسادهم حقها من هرمونات الطبيعة وفيتامين دال الذى لا يزورهم الا نادرا فيكرمون وفادته , يحترمون انفسهم كما يحترمون اجسادهم يا ربى الناس ديل كلهم مؤجزين زيى ؟؟؟ جاهم عمر فى المطار وكشف لهم عن (صرح بلقيس ) ذلك الذى حسبته انا (لجة ) فكشفت عن (ساقى ) فاذا به (صرح ممرد من قوارير ) ؟؟؟؟؟ انه بحر الشمال وايه بحر الشمال وانت النيل حداك صافى كالزلال عنده جنس دلال وشوقى ليكا طال بالله عليكم الطيب عبد الله ما بالغ ؟؟!!
والله يا كوتش ملاحظتك بوليسية عديل ... زمان سيرة الحكومة دي تجي عرضاً هسه ملاحظ كسير تلج شديد ... واضح انه البوست بقي مراقب ولا المقالات بتمر علي رقيب ... بس رجاء للرقيب اياك والمقص الحكايات دي عايزنها زي ما هي ....
Post: #2793 Title: Re: ناس الزقازيق ... أجدع ناس (4) .. Author: عمر هواري Date: 08-08-2011, 05:30 AM Parent: #2792
التحايا للجدعان ،، وكل سنة وانتم طيبين العزيز منصور عبدالرازق شهيتنا السفر والله ، خاصة مع إستقبال الرائع عمر نملة ويازهير الباسطة بتاعتك دي مابتجي ب DHL بالله شوف لينا الموضوع ده خاصة لو كمان صادفت عيد الفطر وبمناسبة عيد الفطر سيكون هناك سقوط لأحد عزاب الزقازيق وهو الأستاذ صديق الصادق الذي بدأ في تجهيز حاله لإكمال مراسم زواجه خلال أيام عيد الفطر .وعقبال شاويش ،،، تحياتي الغزيرة للأديب المرهف محمد صديق الإنسان الفنان والتحايا للرشيد وحاتم والشادي وياسر وأحمد إسماعيل وجلا الكلو حلا ولكل الجدعان لكم الود كله يا رايعين ،،
Post: #2794 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-08-2011, 07:53 AM Parent: #2793
صباح الخير ،،، يا وجوه الخير
دعاء الصباح :
اللهم إني إستغفرك من كل ذنب فإني ظلمت نفسي ظُلماً كثيراً وكبراً
==========================
تحية الصباح نهديها لجميع ناس الزقازيق
ونخص بالشكر أخونا القاص منصور للسهل الممتنع
الذي يقدمه .
Post: #2795 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-08-2011, 08:02 AM Parent: #2793
تم بحمد الله و فضله يوم آمس اجراء العملية الجراحية بنجاح لزوجه زميلنا ابراهيم فــش بأستئصال كامل الرحم و المبايض ،،،، وهى الان بصحة جيده و الحمد لله بمستشفى الجامعة ت ابراهيم 551189554-00966
شباب جده موعدنا اليوم مساءا" الزيارة تمتد حتى الساعة الواحدة صباحا"
ربنا يواليها بالشفاء يا نضيف واجر وعافية لي بتنا ان شاء الله
Post: #2799 Title: Re: ناس الزقازيق ... أجدع ناس (4) .. Author: منصور عبد الرازق Date: 08-08-2011, 10:15 AM Parent: #2798
الصور مابية يا جماعة ؟؟؟ ولا انا الما بعرف لو ما بعرف , فلأنى ما اتعلمت كويس , ياخى مستوى الأساتذة فى البلد دى اتدهور تدهور شديد خلاس !!! الف مليون سلامة لعادل يسلم ولزوجة زميلنا ابراهيم فش ربنا يواليهم جميعا بالعافية عمر هوارى اهلا بيك , لولا السفر , كنا قدرنا على الصقيعة دى حاتم جبارة يا لذبذ , يمين نملوز زول ممتع بشكل كنت دائما اقرب اساله , انت يازول كده من زمان , ولا حصل ليك انفصام ؟؟؟ انا يا حاتم من انصار ان السفر والأحتكاك الخارجى , بيصقلوا شخصية البنى آدم حتى انها من الممكن , ان تستنسخ منه نسخة مطورة يا ريتنى لو كنت احتكيت بالزول ده من زمان , عشان اقدر احكم سافروا كلكم لتقايلوا هذا الرجل لكن بشرط واحد مفاتيح بلجيكا بقت عندى , والعايز ما يلاوز محمد عيد , انت كمان ما تبالغ , الحاجة وصلت ولا لسه ؟؟؟ يا محمد صديق وناس الخرطوم , معيد معاكم , فضى لى نفسك يوم كاااااامل طارق جبريل , انت صائم ولا شنو ؟؟؟؟
Post: #2800 Title: Re: ناس الزقازيق ... أجدع ناس (4) .. Author: عمر هواري Date: 08-08-2011, 10:42 AM Parent: #2799
حمد لله على سلامة زوجة الأخ إبراهيم فش وسلامات للأخ عادل يسلم وربنا يسلم الجدعان
Post: #2801 Title: Re: ناس الزقازيق ... أجدع ناس (4) .. Author: منصور عبد الرازق Date: 08-08-2011, 10:51 AM Parent: #2799
لا استطيع القول ان اووستند , اجمل امكنة العالم ولكن لأوستند سحر عجيب هى مدينة صغيرة , ولكن كل ما فيها جميل اخذت من المدن , واكتست بطعم القرى نملوز قال لى انها (زقازيق بلجيكا ) تستطيع ان تصل الى حدود هولندا منها , فى ظرف خمسة واربعين دقيقة تركب المترو دايركشن كنوك , فاذا بالجميع يتكلمون الهولندية , تركب نفس المترو فى الأتجاه المعاكس , فاذا بينك وبين فرنسا , كيلومترات ولا حديث فيها الا بالفرنسية , التى تلوى الخشوم والألسنة , حتى لتكاد تعصرها عصرا تستلقى على البحر , استلقاءة يقظة بدانا نلحظ ان صداقة كبرى تنشأ هذه النواحى , بين الكلاب والبنى آدمين رايت عددا من الكلاب فى اوستند وكل اوروبا , اكثر من عدد الكلاب التى رأيتها فى كامل حياتى قبل الزيارة الصغير منها والكبير , الملون فيها والأسود والأبيض , كثيف الشعر وحليقه ممكن يكون صغير حتى تختلط عليك الأمور , ا###### هو ام فار او سنجاب ولا كمان تحتار السايقنو مربط ده , ###### ولا حصان ولكنها تتفق كلها فى انها كلاب مؤدبة وتسمع الكلام تطيع صاحبها طاعة عمياء هذه الكلاب المتنوعة , فتنت حجازى ولدى ما ان يرى ######ا , حتى يفلت مننا ويتجه اليه , استغربت فى انه لم يخف من اى منها عكس مدرار وايثار تفاجأت بمشاعر حجازى الأيجابية تجاه جنس الكلاب حتى انه عبر بصراحة فائقة غن رغبته الأكيدة فى امتلاك واحد منها حدد مواصفته بأنه ###### صغير , يا ابيض , يا ابيض بأسود , يا كمان بنى على بيج اظن والله اعلم , ان حجازى ومن فرط انتشار هذه المخلوقات التى لم ير الا المشردة منها مرة او مرتين فى حياته اعتقد انها تباع وتشترى فى المحلات , مثلما تشترى الشوكلاتة وتباع نحند الله ان عيننا لم تقع على معرض لبيع الكلاب المنزلية والا كنا نعانى الآن فى كيفية ادخالها معنا الى الرياض !!!! كل الناس , او قل معظمهم , يربطون فى اياديهم سلسالا ل###### كبر او صغر ويلبسون الملابس الخفيفة , وتبرز فى ايديهم (من اين لا اعرف ) مظلة تقيهم الأمطار مع اول حبة مطر تسقط او بالعدم , يخرجون من اواعيهم كيسا بلاستيكيا مفصلا على هيئة بالطو , فيتحول ازعاج سقوط المطر على ملابسهم , الى فرطك استمتاع انا شخصيا , كنت استمتع بازعاج المطر على ملابسى , علما بان عمر من تانى يوم لقانى ليك خاشى فى الشورت الماخمج واشتريت لى شبشب موية من احد المحلات المنتشرة على شاطىء بحر الشمال وتحولت من كونى منصور عبد الرازق , الى مشروع سائح يابانى واعد , ببشرة داكنة يلقى بنفسه الى الماء , فيتحول الى (حجر كبير ) ويشرع صدره وملابسه لحبات المطر المتساقطة , متحولا الى مشروع اسبونج بوب كبير حتى ان مجتبى واحمد وايثار وحتى حجازى ومدرار , صرفوا النظر عن مشاهدة فيلم المتحولون transformers المعروض على معظم شاشات سينما اوروبا التى مررنا عليها يعنى حايكون تحولهم اكبر ولا اكثر من تحول ابوهم ده والمرة دى لا فيها تعسيلة ولا حاجة , سامعنى يا واد يا فاتن جبارة انتا ؟؟!!!
Post: #2802 Title: Re: ناس الزقازيق ... أجدع ناس (4) .. Author: منصور عبد الرازق Date: 08-08-2011, 11:16 AM Parent: #2801
الغوص الى تفاصيل تفاصيل رحلة اوروبا , امر صعب جدا مع انها اربعة حلقات فى اليوم , الا اننى اتفادى التفاصيل لن استطيع ان احكى لكم عن دهشة الرحلة البحرية التى رتبها لنا عمر صحبة ندى ام الطيب , وعيسى نور الصغير ما حا اوريكم سر تسمية عيسى نور , هذا الأسم المركب الجميل وما حا احكى ليكم عن مكان غاية فى التميز , اسمه الأيرث اكسبلورر earth exeplorer دخلناه , وما خرجنا منه الا لأنتهاء الزمن ولأن الجماعة عاوزين يقفلوا فكرته بسيطة ولكن تفاصيله غاية فى الأدهاش مستكشف الأرض هذا ,فيه قسم للماء , وقسم للنار , وقسم للرياح وفسم لعلوم الأرض وطبقاتها وانت ماشى توقعك عاصفة , ولا كمان يرميك زلزال , وممكن تلاوز ليك نار الله الموقدة ثم تختتمها بمركب شراعى يسقط بك عموديا فى بركة ماء فلا تدرى هل تضحك ام تبكى , حتى تجد نفسك فى كرسى المترو عائدا صوب محطتك والتمشية من المحطة الى فندق البرت تو هوتيل ,تمشية ممتعة فانت تمر على الحانات المنتشرة , كلها عامرة وممتلئة يتعاطون الحلال مرة , والمكروه مرة , والحرام زااااتو مرات ومرات عشان تلقى موية الله دى , تتعب جنس تعب الأكل غايتو كان مشكلة عويصة , خاصة لى انا وبنت الشيخ اما الشباب , فقدهللو وكبروا اذ وجدوا ان الدور الأول من فندقنا تحتله بيتزا هوت بالكامل وما كدونالدز كمان على مرمى حجر فى زول بتاع دجاج مشوى قاعد على ناصية سيوبر ماركت اسبا الشهير , يا الهى منو يا جناعة الجدادة عنده بى تمانية يورو بت الشيخ قالت لى اسالو , حدادك ده حلال ؟؟؟(يعنى مذبوح حلال ) بينى وبينكم , خفت اسالوا يقول لى لا لو قال لا ,فقد حكم علينا بالبيتزا والماكدونالدز , لكن نماوز افتانا بالوكالة قائلا انه سمع الشيخ عائض القرنى , يفتى انه يجوز اكل الدجاج المذبوح فى اوربا ,غض النظر عن طريقة ذبحه بالتسمية بنية الذبح الحلال قبل الأكل ياخى عايض القرنى ده زول تفتيحة بشكل !!!!
Post: #2803 Title: Re: ناس الزقازيق ... أجدع ناس (4) .. Author: منصور عبد الرازق Date: 08-08-2011, 11:37 AM Parent: #2802
والأكل والشراب , فى بلد زى اوستند تغيب شمسها بعد العاشرة واانصف قبل منتصف الليل بقليل موضوع داير ليهو بوست براهو هسى يا ربى عمر صائم كيف ؟؟؟ امساكهم الساعة تلاتة ونص فجرا , ومغربهم عشرة ونص قبل نص الليل الكترابة نفطر عشرة فى الفندق , فطور الكرواسانات الما بيحوق داك يا طارق جبريل نزلتك للشارع , تشعر بانك عاوز فول , فالجو جوه , ولكن هيهات لمن تحسبها فى النهاية تلقى نفسك اكلت ليك زى اربعة وجبات قبل ما ترجع الفندق آخر اليوم اووستند , من المدن القليلة فى اوروبا ,التى تفتح فيها المحلات لغاية عشرة حداشر بالليل لذا فاننا , كنا نتجارى آخر اليوم عشان نحصل بيتزا هوت حقنا , ولا ما كدونالدز , بعد ان نيأس من وجود شى مختلف زى الفول ولا من فصيلته كثيرا ما كنا نشتهى السلطة , بى جبنة ولا دكوة , ولكننا لا نجد الطماطم ولا الخيار , لأن السيوبر ماركت الكبير (spa) الذى نعرفه يغلق ابوابه باكرا , ستة سبعة كده على ما اظن ستة سبعة دى , الشمس فى نص السما , ونحن فى نص البحر نمتص الماء , كان من البحر , كان من المطرة النازلة لمن تطلع من الموية , فان بطنك تكاد تصيح تسأل عن الفول الهمبرجر راقد , والنقانق والهوتدوقز ما تديك الدرب , لكن عايض القرنى لم يتتطرق اليهما فى فتواه التى تحدثت عن الدجاج يمين سخنة جنس سخانة غايتو مرة مدرار قربت تدى امها كف لمن قالت ليها الهوت بتاعم ده ما سمح , ثم اسكتتها بقطعة وافل ساخنة مدهونة بشكولاتة اكثر سخونة وجبة العشاء كانت اصعب الوجبات , لأننا كنا فى سباق مع ثلاث الزمن , ونأكل شنو , وعائض القرنى كنا كثيرا ما نتشبح , انا امشى اشترى سندوتشات الدجاج من ماكدونالدز واحمد ياخد ليهو جكة لغاية دكان عايض القرنى بتاع الدجاج المشوى الله يعلم طاعم بشكل وبالعدم , فان العليبات المدسوسات فى جيوب الشنط , كان فيهم الحل والبركة المهم , الخبز الجبناهم من اسبا امبارح , ما يكون خلص يا رب
Post: #2804 Title: Re: ناس الزقازيق ... أجدع ناس (4) .. Author: منصور عبد الرازق Date: 08-08-2011, 11:55 AM Parent: #2803
هكذا سارت وتيرة ايامنا الخمسة الأولى فى اووستند اند زى zee دى بتجى ملحقة مع اسم اوستند من اهاليها الناطقين بالهولندية زى نملوز حبيبنا فاسمها هو اووستند والبحر , زى دى يعنى سى بتاعتنا البالأنجليزى العدييييل اهلها يعتزون بها ايما اعتزاز , وهم ودودون وبوجوه مبتسمة , يتغربون ان تخاف من الكلاب مثلا لذا فان حجازى كان صديقهم المفضل وصلنا حتى كنوك على حدود هولندا , ومررنا على الأيرث اكسبلورر , وعلى الأكويريم المائى محطة الأكويريم المائى اسمها (زىيلايف ) عديييل , يعنى حياة البحر وجلسنا فى حديقة الساعة , غير ذهابنا اليومى الى بحرها الخضم وشاطئها الجميل لم نجد لدخول هارى بوتر الجزء السابع بتقنية الثرى دايمنشن اى وقت مجتبى هو الأحرص على هارى بوتر لكن البحر استاثر بوقتنا , وشنط نملوز ذات العصائر الحمراء والخضراء وتلك التى بطعم الليمون تسابق المطر فى سقوطها الرذاذ علينا المشكلة ما عندهم تلاجات الجماعة ديل فى فنادقهم فهمنا عدم وجود المكيفات , ياخى انحنا ما بتاعين موية وعصير باااارد سااااكت ولكن العصير جوة شنطته (التى وصلت معنا الى الرياض وما يزال اسمها شنطة وعصير عمو عمر ) ما يزال محتفظا ببرودته طول الوقت , وهذه البرودة تناسب بت الشيخ ومدرار بس الباقين بشربون مثلى الماء مثلجا , والعصائر من الفريزر عمر ودانى لى مكتب سفر وسياحة , نسقت منه رحلتى الباقية تعذر استئجار سيارة لعدم التوفر , فكان القطار خيارنا الوحيد لكنه امانة ما قطر السرور
http://www.youtube.com/watch?v=b-daaKXcB0g اهداف مباراة الهلال والشباب التنزاني هدف مهند الطاهر مهدى للكوتش محمد صديق اما ابراهيما فالاهداء لعيد لانه حا يطبق في الحضري نفس النظرية اتوبونج الشعب لعامة شعب المريخ حتي يرتفع الضغط والسكري
يعني يا كوتش يعني مالك حقار كدا.. يعني سفر بلجيكا كتير على جبريلا يعني.. والا كتير...
Post: #2818 Title: Re: ناس الزقازيق ... أجدع ناس (4) .. Author: قيس جمال الدين Date: 08-09-2011, 01:02 AM Parent: #2817
أولا" يا منص شهيتنا عصائر نملوز ( الأحمر و الأخضر و البيجي ) مع درجة حرارة تصل الي ال 50 ... بس إن شاء الله تكون عرفت الشركة عشان نحاول نجيب توكيل ....
كسره.... أوستند دي البلد الصنعو فيها اللواري ال أستن ....
Post: #2819 Title: Re: ناس الزقازيق ... أجدع ناس (4) .. Author: عمر هواري Date: 08-09-2011, 06:13 AM Parent: #2818
صباحاتكم خير وبركة اليوم 9 رمضان ماشاء الله ماشي كويس حقيقي يا منصور أمتعتنا برحلتك الأوربية ونقلتنا نقلة نوعية وكما أظن فغن الإنسان يحتاج لمثل هذه الرحلات كل فترة ليريح أعصابه من عناء الدنيا وأكيد الكاسب الأكبر العيال .. محمد صديق مستني منك التلفون بخصوص التنسيق للإفطار الجماعي ويازهير إنشاء الله تكون عندك إجازة قريب لأنو والله مشتاقين ليك شديد التحية لكل الزقازيقاب الجدعان في كل أنحاء الكرة الأرضية وكل سنة وأنتم طيبون وتحية خاصة للأخ قيس جمال الدين .
Post: #2820 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-09-2011, 08:03 AM Parent: #2819
يا بسكو يا جميل يمين الاشواق لا حدود لها .... ياخي الجية صعبة ... الا في بالي طوالي .... وبفتش عليك في الفيس بوك قلت ادردش معاك تلفونك ضائع مني
حاتم جبارة بقت فاتن حمامة محترف .... يعني براحة ممكن تلعب في ال NBA بتاع الجمامات
Post: #2822 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 10:06 AM Parent: #2821
قصة اللوارى دى الا تسأل منها نملوز عارف اخوك (ادبى) فى الحاجات دى يا قيس الأستميشن ساهل يا بيجو , انت بيجو دى شنو , ما تورونا قصتها ياخ الأفطار الجماعى يا بسكو ويا كوتش , لو بقى بعد يوم 27 , احتمال نحضروا وبالعدم , فطور العيد زاااااتو ساجتهد ان انزل بعض الصور وكان ما قدرت , قون اتوبونج الشعب , احلى من صورى كلها
Post: #2827 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 10:53 AM Parent: #2826
اما الصورة الأولى فلحظات وصولنا لمطار بروكسل ويظهر بوكيه الورد مع ايثار ثم صورة احمد التى انزلها زهير , فاعتقد انها من صفحة احمد فى الفيسبوك وهى فى محطار باريس قار دى نورد (بوابة باريس الشمالية ) , وهى فى الجزء قبل الأخير من الرحلة ابان عودتنا من باريس الى بروكسل مرة اخرى اها الجاية دى , دخلتنا الأولى الى اوستند الجميلة , ايثار ومجتبى , مدرار والطيب عمر نملوز
Post: #2828 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:01 AM Parent: #2827
محطة اوستند المركزية تبدو خلفنا ,يمين جنس نظافة وجنس نظام , اقلنا القطار من المطار الى محطة بروكسل الجنوبية ثم غيرنا القطار الى اوستند
Post: #2829 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:11 AM Parent: #2828
هذه الفتاة الانيقة , تتعامل مع الكمان برقى شديد قالوا انها تتسول مستخدمة الموسيقى قلت ليهم اتعلموا الموسيقى , واشحدوا زيها انا شخصيا ماعندى اى مانع اكون عازف كمان ماهر , وشحاد
Post: #2830 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:20 AM Parent: #2829
الرحلة عبر بحر الشمال , انا وبت الشيخ , مع نملوز وبت شيخه الأستاذة ندى , وبيننا مدرار منجعصة تؤكد ان الطيب عبد الله بالغ اشد المبالغات زاااتو
Post: #2831 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:24 AM Parent: #2830
اصطفينا جلوسا ونحن فى انتظار الترام تعاين للشاشة فوق , تعرفه حايجى متين تكنولوجيا ياخ
Post: #2832 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:29 AM Parent: #2831
ووصلنا الى ضاحية كنوك , التى ليس بينها وبين روتردام الهولندية , الا فركة كعب جو بديع ونظام ونظافة مذهلين مجتبى هو المصور , بينما حجازى امتنع عن التصوير لأسباب تخصه
Post: #2833 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:39 AM Parent: #2832
تعالوا اقعدوا هنا نصوركم جنب ساعة الميدان ساعة صيانتها عليك الله شوف الناس ديل الساعة ساعة زهور وورود والسلم لزوم انو الرجلين ما تدوس عليها اقعدوا فى حفظ الله جنب الجماعة ديل , اتمتعوا بالبط والوز والحمام والمطر الكابى اصلى انا مواعد عمكم نماوز فى وكالة سفر سموها جت اير عشان نظبط برنامج الرحلة الجاى يمين كان غبتا اسبوع , من المكان ده ما بنزهج
Post: #2834 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:45 AM Parent: #2833
وفى مستكشف الأرض او الأيرث اكسبلورر قضينا ساعات ثلاثة من المتعة والدهشة الممزوجة بالفائدة العلمية الخفيفة واللطيفة حتى لمن يجيك الزلزال فجاة , تمسك فى السلالم دى , يا كمان فردرب تقع وتضحك عليك خلايق الله متعة ياخ
Post: #2835 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:51 AM Parent: #2834
كرعينك المكلوجات ديل بيتصلحن تب آلمسنوح يمين تاخدلك غطسة فى بحر الشمال داك ان شاء الله تقع فيهو وقعة الحجر زى ما وقع اخوك وبعدين تجى مارق تسوقلك عجلة زى دى وتاكلك وافل مسخن عليهو شوكلاتة مسخنة , علا رجلينك يبقن زى حقات (فلانة ديك ) يا زوا امش اوستند طوالى , شبا خليها فى العيد بس
Post: #2836 Title: Re: ناس الزقازيق ... أجدع ناس (4) .. Author: منصور عبد الرازق Date: 08-09-2011, 11:57 AM Parent: #2835
بوابة البيتش بتاع اوستند من الناحية التانية لامن تصلها , تمرلك بى جنس مناظر النسكت سااااكت ونخليكم تتخيلوا
اظن انه اليوم الخير فى شاطىء اووستند الساحر لذا فان التأمل مطلوب , يا ربى حانرجع تانى الحتة دى ؟؟؟ اظن ذلك , فهذا سحر لاقبل لنا بهجره وتركه ترافقونى ؟؟؟
هاك دي يا منص: مسطول في المستشفى طالع الدور الثاني يعمل صورة أشعة، دخل الاصانصير شاف المرايات والأنوار افتكرو محل أشعة!! المهم ملص ملابسو ووقف في الاصانصير.فجأة انفتح الباب شافتو ممرضة وصرخت ، قاليها : ماتقولي لي سرطان!!
Post: #2841 Title: Re: ناس الزقازيق ... أجدع ناس (4) .. Author: عمر هواري Date: 08-10-2011, 06:12 AM Parent: #2840
صباحاتكم خير ياوجوه الخير وشوقنا متزايد للقياكم ياجدعان منصور والله أمتعتنا بالصور لحد الدهشة وسعدت جداً بصورة عمر نملوز بشكله الحالي لأنو آخر مرة شفناه في الزقازيق وماشاء الله الظاهر الأماكن الباردة بتحفظ شكل الإنسان ، حيث لم يتغير شكل نملوز كثيراً وباين من الصور أن الرحلة كانت ممتعة جداً ،، الرحلات ياكدة يابلاش .. عزيزي حاتم جبارة الفيديو بتاعك لذيذ جداً لكن إنبراشة الراجل عجيبة بالذات مع الكرش الكبيرة والله الجماعة عذبوه وبوظو مزاجه ،، كان بينفخ في الدخان بمزاج ،، وفجأة أموره كلها جاطت .. أخي زهير تحياتي لك ورقمي هو 249912273673+ وأرجو أن تكون الأخت إبتهاج والأشبال بخير كل سنة وهم طيبون .. تحياتي للجميع
Post: #2842 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 10:22 AM Parent: #2841
وانقضت ايام اوستند ااخمس مرت كالخيال احلام ولكنى , تفاجأت فيها بعملية نملوز نملوزرجل عملى بشكل خيالى قبل ان افاتحه فى موضوع انى عاوز اخلى بعض الشنط معاهو الى ما بعد انجاز الجزء الثانى من الرحلة (المانيا وهولندا ثم العودة الى بروكسل هذه المرة ) فاجانى هو وبعملية شديدة قائلا , طبعا ما انصح تشيلو شنطكم الأربعة معاكم شيلو البتحتاجو ليهو , الباقى جيبوهو لى اوديهو البيت ريحنى فى حنانى زاتو ياخ الا انه ادهشنى مرة اخرى بالسيناريو الهو خاتيهو للموضوع ده فانا كنت افكر ان اخطف رجلى يا انا براى يا كمان انا واحمدمثلا حال عودتنا الى بروكسل بعد انتهاء رحلة المانيا وهولندا التى ستسغرق اربعة ايام عشان اتناول الشنط من عمر , وارجع بيهم بروكسل لكن عمر كان عنده سيناريو مختلف عمر يعمل فى مصنع لللبان والنتجات اللبنية , فى مدينة بروج الساحرة وهى حوالى منتصف المسافة بين بروكسل واوستند تقريبا طلب منى عمر رؤية تذاكر العودة بتاعتى من امستردام الى محطة بروكسل الجنوبية zuid قطرنا يصل هذه المحطة الساعة تلاتة وخمسة وعشرين دقيقة قال لى حاكون فى المحطة معاكم الساعة تلاتة ونص وخمسة , تلاتة وخمسة وتلاتين دقيقة يعنى اذهلنى هذا التحديد الدقيق ولكن ركبتى للقطر الأول , ورتنى ليكم حاجة انها تمشى وتقف بنظام زمنى غاية فى الدقة والغريبة مواعيدهم البيحددوها , دائما فيها كسور الدقائق كونوا تجبر الزمن لأقرب نصف ساعة او ساعة زى عندنا مافيش ابدا يقلع القطار الساعة من اوستند الى بروكسل , الساعة تسعة واربعة واربعين دقيقة , يعنى تسعة واربعة واربعين دقيقة فى قطر تانى بعد القطر ده بى ساعة بالضبط لكننا اخترنا الموعد الأول , لأن قطرنا من بروكسل الى مدينة كولون , يقلع الساعة الواحدة وعشرة دقائق ادينا نفسنا براح من الزمن , لأغراض التلفت والروحة اقلع قطرنا الساعة تسعة واربعة واربعين , ووصلنا مشارف بروكسل الحادية عشرة الا عشرة دقائق تقريبا اللوحة بتاعت المحطة , تقول انها بروكسل زود , يعنى بروكسل جنوب لكن باب عربة القطار عندنا , انفتح على لوحة اخرى تقول انها بروكسل ميدى bruccels midi احمد كان اول النازلين , ثم عاود الصعود بسرعة , دى ما ياها محطتنا يا اخوانا لم نكن ندرى ان بروكسل ميدى هى نفسها بروكسل زود كل لوحات البلجيك مكتوبة بثلاث لغات , فرنسى والمانى وهولندى ونحن فى اللغات التلاتة , يا ربى كما خلقتنى , لا علاقة لنا بها على الأطلاق فقط نجتهد ونفكك الحروف المكتوبة الى الأنجليزية , ونفهمها على ذلك الأساس ميدى اقرب الى (وسط او سنترال بالأنجليزية ), ولكنها تعنى جنوب بالفرنسية كلفنا هذا الخطأ الى الوصول الى محطة بروكسل سنترال الفعلية العودة الى بروسكل زود , كلفتنا اتنين صب واى , ثم قطر آخر ولكننا فعلنا ذلك فى زمن وجيز , اكسبنا الثقة , واشعرنا باننا , عبيد كبار ياخ , تتريقنا على احمد بهذه الواقعة طوال زمن الرحلة الباقى , ولكنى اشهد انه كان مثالا لليقظة ونائب قائد ممتاز , فى كل اجزاء الرحلة الباقية وانتو مالكم ومال قائد الرحلة الفعلى حايكونمنو يعنى ؟؟!!! بت الشيخ يعنى ولا شنو ؟؟؟
Post: #2843 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 10:31 AM Parent: #2842
ايثار وحجازى فى القطار من اوستند الى محطة بروكسل جنوب
Post: #2845 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:15 AM Parent: #2844
كولون ودوسلدورف الألمانيتين مدينتان غارقتان فى الفخامة والوسامة فخامتهما اللامتناهية , شكلت لى مفاجاة مذهلة لا ادرى من اين استحوذت على فكرة ان المانيا هى نقطة اوروبا الضعيفة قدرت ما فتشت على اصل هذا الأيحاء غير الحقيقى , لم اجد له اصلا ربما تكون الفكرة مستوحاة من كرة القدم فلا لمانيا دورى غير متابع من غالبتنا كما ان منتخبها , مع انه منافس دائم الا انه لا يوصف بالكرة الجميلة او الحلوة حتى لمن يفوز , نشعر انه سرق الفوز من المنتخب الأوربى المقابل لكنى استغربت من فخامة هاتين المدينتين مبانى فخمة , شوارع فسيحة وفخمة , سيارات وعربات اقلها مرسيدس , وقد يصل الأمر الى الروزورويس كمان وصولنا الى كولون , كان امسية خميس , والخميس من بشارات الويك اند فى كل مكان يبدو ان هذا توقيت رائع , زاد المدينتين , فخامة ووسامة ندع الصور تتحدث عن كولون
Post: #2846 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:24 AM Parent: #2845
محطة كولون اتش بى اف , جنس فخامة , حتى الرصيف محاط بسياج زجاجى فخم , انا ومجتبى وحجازى ومدرار لحظة الوصول , تلاتة وشوية بعد ظهر الخميس السابع من يوليو عام 2011
Post: #2847 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:25 AM Parent: #2845
محطة كولون اتش بى اف , جنس فخامة , حتى الرصيف محاط بسياج زجاجى فخم , انا ومجتبى وحجازى ومدرار لحظة الوصول , تلاتة وشوية بعد ظهر الخميس السابع من يوليو عام 2011
Post: #2848 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:31 AM Parent: #2847
المكان نفس المكان والزمان ياهو زااااتو لكن الفخامة زادت بانضمام ايثار للصورة
Post: #2849 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:37 AM Parent: #2848
قطار التاليس حاجة فخمة خلاس اكثر من ميتين كيلومتر فى ىالساعة المسافة من بروكسل الى كولون حوالى تلاتمئة وعشرين كيلو ساعتين الا شوية من بف نفسك يا القطار !!!!
Post: #2850 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:43 AM Parent: #2849
الصورة دى لا مقصود بيها احمد ولا ايثار ولا حتى ضهر مجتبى شايفين الشنطة الفيها علامة نايك (صاح ) دى ياها دى شنطة عمر الشهيرة يمين فيها جنس عضائر وشيكولاتات اللهم انى صائم افتحها ليكم هسى ؟؟!!!!
Post: #2851 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:52 AM Parent: #2850
شوفوا الفخامة عليكم الله مبانى عتيقة وكنيسة عمرها الاف السنين ولكنها تبدو وقدبنيت للتو ما تفوتكم العجلات ايوا دى المواقف بتاعتها فى كل شارع هناك مسار خاص للعجلات تولى حجازى تنيهنا لعدم السير فيه طوال فترة وجودنا فى كولون عجلات غاية فى الفخامة , يركبها الجميع فى طريق العمل والعودة , اولاد وبنات ياربى اشتريت زى دى لى بتك , ولا لا راينا عجلات فى محل لبيعها سعر الواحدة منها اكثر من اربعة الاف يورو فتامل
Post: #2852 Title: Re: ناس الزقازيق ... أجدع ناس (4) .. Author: منصور عبد الرازق Date: 08-10-2011, 11:56 AM Parent: #2851
نرجع بيكم شوية لى ورا قبل ما نركب القطر من بروكسل لى كولون بعد روحتنا بين بروكسل ميدى وبروكسل سنترال وبروكسل زود وصلنا محطة بروكسل جنوب وكأفانا نفسنا بقطع الوافل مع الشيكولاتة الساخنة نستاهل ياخ , الواحد من اول يوم كده يروح ويركب ليهو اتنين صب واى وقطر عشان يرجع الوافل زاااتو شوية عليكم
فخامة كولون دى , والمشى فى شوارعها الفخمة يخلى بطنك تطالب بنصيبها من الفخامة لو الواحد هسى قام لقى ليهو محل بتاع فول ؟؟!! كان اكتملت الفخامة ياخ لكن محل الأتراك المكتوب عليهو شاورمة حلال , حل لينا مشكلة الفخامة دى halal turkish donner ياخى مالك ومالو , الراجل ما قال ليك حلال اتمتعنا بالشاورمة اليوم داك
Post: #2869 Title: Re: ناس الزقازيق ... أجدع ناس (4) .. Author: ابتهاج عبد الله Date: 08-13-2011, 00:37 AM Parent: #2868
اهلي الرائعون..... .تحاياليكم واشواق كتيره اخيرا قدرت الم فيكم وتابعت ...رمضان كريم وكل رمضان نلقاكم بالف خير ماشاء الله تعجبو لمايكتب الريس دعائه ونقول امين يارب ولما يسال البوليس عن الناس المتغيبه من الحضورمع انه ..... ولمايحكى طارق عن ذكرياته وقطر الشايقه ويناكفوالنضيف عشان صاحب الحكي الجميل يسهب ويزيدكم حكى عن رحلته الجميله الما داير ومتعتها تكون حد نفسه وخلانا كلنا استمتعنا ومن خلال الصور الحلوه الرائعه وعبركم التحايا للاخ عمر ولكل الجدعان
Post: #2870 Title: Re: ناس الزقازيق ... أجدع ناس (4) .. Author: عمر نملة Date: 08-13-2011, 07:45 AM Parent: #2869
سلام تحيه ورمضان كريم وكل سنه وانتم بخير، وعذرا للانقطاع الطويل
Post: #2871 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-13-2011, 09:13 AM Parent: #2870
صباح الخير ،،، يا وجوه الخير
بسم الله ما شاء الله ولا قوة إلا بالله ما شاء الله كل نعمة من الله ما شاء الله الخير كله بيد الله ما شاء الله لا يصرف السوء إلا الله
=================================
مرحب بزيارة دكتور الصادق ورمضان كريم
سعيد بالعودة السعيدة لإبن الزقازيق الرائع
عمر نملوز ورمضان كريم وكل عام وأنت بخير
تحتاتنا القلبية لجميع أفراد العائلة وسلم لينا
على بحر الشمال،،،،،
Post: #2872 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-13-2011, 09:27 AM Parent: #2871
يا نملــــــــــــوز ما تجى تشتغل عندنا ياخ جونا احلى من جوكم انت قايلنا صدقنا كلام منصور داك
Post: #2873 Title: Re: ناس الزقازيق ... أجدع ناس (4) .. Author: محمد عيد Date: 08-13-2011, 11:24 PM Parent: #2872
فعلا آس ومش آس بس كمان جوكر ... وبكل الألوان ...
كان هارت .. كان شيريا .. كان دينارى
الجوكر البيلعب فى كل اقيام الحريق ... ويجر الخمسين تلو الخمسين ...
جبريلا .. ياخى .. كل العمر السعيد ليك
وربنا يخليك لينا يا غنيـــوة الريد ...
وريحة بخور الصــندل ...
يا خاتم الجنيه ....
ويا الحجل البيدندن فوق رجول الحســـان ...
Post: #2874 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-14-2011, 09:21 AM Parent: #2873
صباح الخير ،،، يا وجوه الخير
دعاء اليوم :
اللهم إنا نسألك ،،، زيادة في الأيمان ،،، وبركة في العمر ،،، وصحة في الجسد ،،، وسعة في الرزق ،،، وتوبة قبل الموت ،،، وعفواً عند الحساب ،،، وأماناً من العذاب ،،، ونصيباً من الجنة ،،، ========================
يا كمال الشادي لازم تكون عادل في القسمة شايفك بتفتح مواضيع في الفيس وتطنش البوست هنا ممكن يكون نفس البرنامج على الموقعين والعدل بين الزوجات أفضل ،،، وفي القديم قالوا الأولى تحلى ولو بقت وحله
Post: #2875 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:30 AM Parent: #2873
آس شيريا واقف ده ما ياهو البطلع من السيك زااااتو لمن يكون عندك واحد منو تقول باص طوالى حتى ولو كان باقى ورقك ابيض كل سنة وانت طيب يا طارق يا جميل
Post: #2876 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:30 AM Parent: #2873
آس شيريا واقف ده ما ياهو البطلع من السيك زااااتو لمن يكون عندك واحد منو تقول باص طوالى حتى ولو كان باقى ورقك ابيض كل سنة وانت طيب يا طارق يا جميل
Post: #2877 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:35 AM Parent: #2876
نرحب بعودة الرجل الجميل عمر نملوز للبوست وكمان ابتهاج لمن تتذكرنا شوية , بترد الروح فينا ياخ محمد عيد ضابط ايقاع البوست بطريقة المحترفين مزيج رائع من محمد عيد بين امكانات الفيس بوك , واسهاب البوست الأصلى نواصل نقدكم
Post: #2878 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:52 AM Parent: #2877
الأنتقال من فخامة كولون وخضرة دوسلدورف الى صخب امستردام وايقاعها السريع انتقال احدث لنا بعض االأرباك لا ادرى ان كان صخب امستردام مربوطا مع مصادفة وصولنا اليها ليلة السبت اى بدايات الويك اند ومع ان فندقنا الذى نزلنا فيه , كان على بعد حوالى ربع الساعة من محطة امستردام المركزية للقطارات وكان فندقا هادئا ومنظما وجميلا ومختلفا الا ان ايقاع الفندق الهادى , سرعان ما تقاطع مع ايقاع المدينة احمد واخوانه كانو قد وضعوا برنامجا محكما ليومى امستردام يعتمد على شراء عدة نقاط من نقاط برنامج i am amesterdam وهو برنامج سياحى موضوع فى موقع المدينة على الأنترنت يشمل رحلة نهرية تعريفية , وزيارة متحف مدام توسو الشهير , وملعب اجاكس امستردام الأشهر ثم جولة على البص السياحى والتسكع فى ساحة الدام الأكثر شهرة فى المدينة حقيقة الأمر , لو قضيت اجازتك كاملة فى ساحة الدام , لما مليت من صخبها وضجيجها اللذيذ اما متحف مدام توسو , فعلى الرغم من انه اصغر بكثير من نسخته اللندنية المعروفة الا انه كان مصدر دهشة ومتعة لا متناهية الصور دائما افضل من الكلام عشان ناس (زينب التيجانى المافيشين ديل يآمنو ا
Post: #2879 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:55 AM Parent: #2878
فى الدام سكوير تجد كل شىء , وتتذوق كل طعم تطالع كل لون , وتقابل كل سحنة تتحدث كل لغة , وتفهم كل حديث ثم تجلس , كما يجلس الآخرون
Post: #2880 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:55 AM Parent: #2878
فى الدام سكوير تجد كل شىء , وتتذوق كل طعم تطالع كل لون , وتقابل كل سحنة تتحدث كل لغة , وتفهم كل حديث ثم تجلس , كما يجلس الآخرون
Post: #2881 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:58 AM Parent: #2880
وانا مالى ما بتصور ؟؟!!!
Post: #2882 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 09:58 AM Parent: #2880
وانا مالى ما بتصور ؟؟!!!
Post: #2883 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:24 AM Parent: #2882
وما دام انحنا فى هولندا فمافى احلى من البطاطس ناكل , وناكل الحمام معانا يعلم الله حمام مليان حياة مش زى حمام المريخ الميت داك
Post: #2884 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:28 AM Parent: #2883
الزول اغايتو بعد ما ياكل البطاطس بيعمل جنس عمايل !!!!
Post: #2885 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:33 AM Parent: #2884
ثم , فلنتجول فى بعض انحاء هذه المدينة الصاخبة ما وجدناه خلف هذا الجسر تسبب فى ان نجرى انا وبت الشيخ بسرعة ونحول وجهة الباقين والوجدناهو ده , لا بتحكى لا بتكتب فى التلفون بعد تحانيس كده ,يمكن نحاول
Post: #2886 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:36 AM Parent: #2885
متحف مدام توسو مكان للدهشة والمتعة اللامتناهية
Post: #2887 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:39 AM Parent: #2886
صخب وضجيج والوان لمن غلط مهرجان من المتعة
Post: #2888 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:43 AM Parent: #2887
الباخرة النيلية تنتظرنا للتعرف على معالم هذه المدينة الصاخبة مكان الأنطلاق , المرسى امام amesterdam central station
Post: #2889 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:47 AM Parent: #2888
الرجل الآلى ده منو ؟؟ والله ما بعرفو لكن مجتبى اقتلع سيفه وتصور معه مستسلما
Post: #2890 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:51 AM Parent: #2889
الصور باين جاطت لى راسى معليش اربط الصورة المناسبة , بالتعليق المناسب واعتبروها من مسابقات رمضان
Post: #2891 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:54 AM Parent: #2890
Post: #2892 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:55 AM Parent: #2891
Post: #2893 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 10:58 AM Parent: #2892
وانتهزنا فرصة وجود الجماعة ديل وناقشنا معهم بلغة حادة , مستخدمين لغة التهديد والوعيد ارفعوا رجلكم من الأبنص شوية الدنيا رمضان يا جماعة
Post: #2894 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:01 AM Parent: #2893
واستكمل احمد ما بدأته انا الكلام القالوا ليكم ابوى ده اوعك توقعوا واطة مش تربيعة يدينك ديل قايلنا ما بنعرف نعملها ولا شنو؟؟
Post: #2895 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:04 AM Parent: #2894
لا تقول لى جورج ما يكل ولا برنس حجازى منصور عبد الرازق واجرك على الله
Post: #2896 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:04 AM Parent: #2894
لا تقول لى جورج ما يكل ولا برنس حجازى منصور عبد الرازق واجرك على الله
Post: #2897 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:07 AM Parent: #2896
شارلى شابلن زمان اصلوا كان سودانى كان اسمه جحا وكان بيعمل حركاتك دى , لغاية ما الطيارة فاتتو قوم لف بالله , بلا شارلى شابلن بلا بطيخ
Post: #2898 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:10 AM Parent: #2897
بالله الزول ده ما بيشبه ليكم مايكل جاكسون ؟؟ والبت الجنبو دى ما بتشبه ايثار منصور ؟؟!!
Post: #2899 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:13 AM Parent: #2898
اوسكار 2011 لأحسن اخراج فاز بها مجتبى منصور عبد الرازق
Post: #2900 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:14 AM Parent: #2899
Post: #2901 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:18 AM Parent: #2900
قصة انو شنايدر ده , يمشى للمان يونايتد قصة حا تزعج حاتم جبارة دة شديد عشان نخت حد للموضوع ده قابلنا الراجل وقلنا ليهو ارجع لى ناسك بتاعين اياكس ديل تانى محتاجين ليك ياخ قال حا يفكر , بس ابعدو منى باجيو ده والله يكتر كلامو , العب مع الشياطين ديل وارش ليكم تشيلسى وفاتن جبارة ديل جنس رش !!!!!
Post: #2902 Title: Re: ناس الزقازيق ... أجدع ناس (4) .. Author: منصور عبد الرازق Date: 08-14-2011, 11:22 AM Parent: #2901
ثم يممنا شطر ملعب الأرينا اجاكس اوف امستردام وبلينا الشوق , وحنسنا الود شنايدر
لسبب لا أعرفه أنا لا أستمتع بصور منصور لأنها لا تظهر عندي... بالرغم من اني عامل فيها ميكانيكي كمبيوترات و حاولت معالجة المشكلة لكني فشلت... فبجي بس أقرأ كلام منصور المكتوب و لا صور... مرات بقوم أتخيل منصور و الأولاد والمحلات الما خمج... امكن مافي حاجة مزعلاني قدر صور دوسلدورف و كولون في ألمانيا... و قريت كلام منصور عن الصورة التي كان يرسمها في خياله لألمانيا... و استغربت لهذه الصورة ...من أين لمنصور بهذه الصورة... فهي عكس الصورة التي في خيالي عن ألمانيا بل و مشاهداتي لها من خلال الصور... و صور حية أثناء بعض المناسبات الرياضية ككأس العالمو بطولة أمم أوروبا... و بعض المباريات الودية التي تقام في ملاعب ألمانيا... و رغم ما تتميز به مدن مثل ميونيخ و برلين من جمال في الطبيعة و العمران... الا انني كنت أعتقد دائما ان مدينة شتوتغارت مدينة نموذجية... و كنت أصفها بأنها مدينة من القرن القادم و ليس الحالي... و لأني لم أزر شتوتغارت بل شاهدتها بعيون الكامبرا من خلال تقرير عنها أثناء اقامة احدى المباريات بها... فاني أتحفظ في الوصف الذي وصفته لها... فالكاميرا لا تعكس كل الحقيقة بل تعكس الجانب الجميل من الحقيقة... تظل كل ألمانيا و معظم المدن الألمانية مدن تم أعمارها بعد الحرب العالمية الثانية... لذلك فهي تتميز بنوع من المباني الحديثة التي تعبر عن تلك الفترة... ان كان كمبيوتري و كسلي قد حرموني مشاهدة صور منصور... فأن كسلي حتما لن يدوم ان لم أفلح في اصلاح مشكلة الصور في كمبيوتري... و سأشاهد كولون و دسلدورف و ان طال السفر...
ثانياُ نرحب بعودة العزيز عمرة نملة ويا ريت تبقي زيارة متصلة غير منفصلة ...
ثالثاً : يا منص ياخي قلنا ليك نحن ما مستعجلين ياخي ارجع احكي لينا زي ما بديت تحكي في المطار الصور دي نعتبرها صور توضيحية ... يعني ما تستكردنا في الحكي الجميل ... ياخي اوربا دي الله اعلم نمشيها .... خلينا نشوفها بعيونك ... حتي لو مشينا يكون عندنا فكره .... اكيد اتبرلمت احكي لينا عن المواقف والطرائف والتناقضات ... عايزين نشوف اوربا بعيون زول من العالم الثالث .... ياخي عايزين المتعة وقت ما تلقي فرصة احكي لينا ...
Post: #2907 Title: Re: ناس الزقازيق ... أجدع ناس (4) .. Author: ميسرة سيد أحمد Date: 08-16-2011, 09:05 AM Parent: #2906
مساكم الله بالخير بدون آهات و وجع.. أتمنى لو يرجع بي الزمان الى الوراء... حيث كنت أجلس الى قلب دافيء و حضن أخضر و حنين متدفق.. تفترش الأرض أو ابرش من سعف النخيل و نلتحف سماء زرقاء صافية... و تقعد تسمع يا طالع الشجرة ...جيب لي معاك بقرة... تحلب تعشيني ...بالصحن الصيني... أو ترنيمة من صوت خافت رخيم... يا القمراء يا القمراء... فيك السنسن الحمراء... شوفي أبونا ليه ما جاء.... ثم أظفر بعدها بقطع من حلاوة اللكوم... و ربما كيس أو كيسين من دندرمة الكركدي المثلجة... أو بالعدم... أيسكريم من هاقن داز من احدى حكايات صيف منصور الأوروبي...
Post: #2910 Title: Re: ناس الزقازيق ... أجدع ناس (4) .. Author: عمر هواري Date: 08-17-2011, 06:24 AM Parent: #2909
صباح العسل ياناس ياعسل والله يامنصور ماقصرت كلو كلو وإستمتعنا بالرحلة معاك وفعلاً توثيق أكثر من رائع شكلك كدة عندك موهبة بتاعة إخراج تحياتي لكل الجدعان وسرني جداً أن يكون العزيز حيدر حنين في السودان ولو عارفين رقم تلفونه أرجو مدنا به ودمتم
Post: #2911 Title: Re: ناس الزقازيق ... أجدع ناس (4) .. Author: عمر هواري Date: 08-17-2011, 06:31 AM Parent: #2910
Quote: مساكم الله بالخير بدون آهات و وجع.. أتمنى لو يرجع بي الزمان الى الوراء... حيث كنت أجلس الى قلب دافيء و حضن أخضر و حنين متدفق.. تفترش الأرض أو ابرش من سعف النخيل و نلتحف سماء زرقاء صافية... و تقعد تسمع يا طالع الشجرة ...جيب لي معاك بقرة... تحلب تعشيني ...بالصحن الصيني... أو ترنيمة من صوت خافت رخيم...
Quote: صباح العسل ياناس ياعسل والله يامنصور ماقصرت كلو كلو وإستمتعنا بالرحلة معاك وفعلاً توثيق أكثر من رائع شكلك كدة عندك موهبة بتاعة إخراج تحياتي لكل الجدعان وسرني جداً أن يكون العزيز حيدر حنين في السودان ولو عارفين رقم تلفونه أرجو مدنا به ودمتم
غدا يطفئ حبيبنا محمد عيد إحدى شمعاته حملنا الرجل في دواخله حبا وسنحمله نحن أيضا وساما على صدورنا كانت كلماته بلسما للكثيرين منا كانت له الجسارة وكانت لنا أشواق اللُقيا كان صوته فرحا لنا وكنا نحمله في اعماقنا ألقا
يا ود عيد مبروك عليك العيد الذي أنت عيده وكل سنة وانت بالف خير
Post: #2916 Title: Re: ناس الزقازيق ... أجدع ناس (4) .. Author: مني عباس Date: 08-19-2011, 00:36 AM Parent: #2915
موسي... عصام ... أحمد إسماعيل ... شروفونا بالفطور اليوم في دارنا المتواضع
Post: #2918 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-20-2011, 07:59 AM Parent: #2917
مواليد رمضان ديل مالم كتار كده يا جبريلا
كل سنة وانت طيب يا عيدنا وعقبال ميه شمعة
يا منى عباس لو انتظرتى شوية كان طفيتى الشمعة ولا لحقتى الفطور مع ناس موسى و قيس
رزق الاخ الفاتح على البشير ( زراعة ) يوم امس بتؤامين زى الـورد ( ترتيل و تسنيم ) الف مبروك يا ابو احمد يتربو فى عزك و الف حمد الله على سلامة المدام وديل بنات صالحات جايات فى رمضان و يوم جمعة و بداية العشر الاواخر
الف مبروك و شد حيلك وشغل البيت كتر فى رمضان يا ميسرة مش كده
Post: #2919 Title: Re: ناس الزقازيق ... أجدع ناس (4) .. Author: أحمد إسماعيل Date: 08-20-2011, 08:52 AM Parent: #2917
مساء أمس إبتلت العروق لدينا وذهب الظمأعند الأخ قيس بالخرج ربنا يثبت الأجر ويحسن ويبارك ويزيد الأخ قيس وأسرته رزقا طيبا ـــــــــــــــــــــــــــ كنا نمني أنفسنا بصحبة أخانا الذي بالدمام ، لكن الظاهر ينسى أنه مرتبط بكفيل ( نوع جديد من الزهايمر ) وهذه الحالة الثانية إننتبه ماتحصل الثالثة000 وإلا حنقول وجبت
Post: #2920 Title: Re: ناس الزقازيق ... أجدع ناس (4) .. Author: أحمد إسماعيل Date: 08-20-2011, 09:46 AM Parent: #2919
الأخ الحبيب محمد عيد ألف مبروك بمناسبة شمعتك رمضان 1432 وأتمنى لك كل توفيق وأن لا تفارق السعادة حلكم وترحالكم ـــــــــــــــــــــــــ ألف ألف مبروك للأخ الفاتح علي بشير بالتوأمتين وإن شاء الله بمقدمهن تزوركم مزيد من البركة والمودة وألف حمد الله على سلامة المدام
طولنا من المرور بي جاي ... باقي رمضان قرض تب اللحم والعضم وداخل على الدم نسأل الله ان يجعلنا واياكم من عتقا هذا الشهر الكريم ... وان يتقبل منا ومنكم الطاعات
لكن والله الظاهر عليكم الاسواق عاملة فيكم عمايل ما مدياكم نفس للمتاوقة هنا انا الحمد لله لامجال للسوق الا جمعةً لانو طول اليوم مصاقر الدوام وتقريبا الجمعة الامس دي قضينا شغلتنا كلها وباقي بس شوية حاجات كدة
وزاتها مافي داعي ليها لانو ممكن الزول يعمل فيها على سفر ويسقطها امس بت الشيخ قالت لي جيب لينا بالله حاجات الخبيز ولوازمه عشان نجهز بدري قلت ليها خبيز شنو كمان انتي ناسية انو نحن معيدين في المدينة وباقي العيد في جدة
غايتو برطمت ما عرفتها قالت شنو .... لكن عموما يا ناس جدة اخبزوا لينا معاكم
اها ... تحياتي ليكم جميعا واتمنى البلقي فرقة يدينا طلة عشان ما نقعد نفتش للبوست دا في سقط لقط
Post: #2922 Title: Re: ناس الزقازيق ... أجدع ناس (4) .. Author: محمد صديق Date: 08-21-2011, 07:38 AM Parent: #2921
سلامات يا ناس
السلام عليكم ايها القوم...
(جلا)
Post: #2923 Title: Re: ناس الزقازيق ... أجدع ناس (4) .. Author: محمد صديق Date: 08-21-2011, 10:11 AM Parent: #2922
المحل ده بقى زي برنامج أغاني و أغاني.... مش البوست بتاع أغاني و أغاني في الفيس بوك بتاع أخونا داك صاحب علي قاقرين... لا لا زي برنامج أغاني و أغاني بتاع السر قدور... كلو اعلانات وبس...أعياد ميلاد و ميلاد و طهور و فطور... تاني يعدمو الحبه دي... منصور و عذرناهو في حالة سفر تمنعه من مواصلة برنامج أسفار و أسحار... لكن الباقين مالهم... أنا ذاتي معاكم...انتو قايلين أنا مطلع نفسي من اللوم... و الناس البتجي هنا حتى و لو كان اعلان برضو أحسن مني و الله... لأن التواجد في حد ذاته مهم و مهم جدا... مش زي جلا لا يقرب النت و لا يتعاطى الشات في رمضان... أنا كنت عايز أضرب ليهو تلفون أقول ليهو و الله عفارم عليك... بعد ده يكون فضل ليك ال............بس....
Quote: رزق الاخ الفاتح على البشير ( زراعة ) يوم امس بتؤامين زى الـورد ( ترتيل و تسنيم )
مبارك عليكم ترتيل و تسنيم يا الفاتح...يتربو في عزكم و ربنا يجعلهم من الصالحات البارات بكم....
أنا خايف جلا يجي يقرأ البارات دي يقول ليكم عرفتو لي أنا مقاطع النت في رمضان...
Quote: غايتو برطمت ما عرفتها قالت شنو .... لكن عموما يا ناس جدة اخبزوا لينا معاكم
يا جلال شايف ست بيتك بقت مهادنة في رمضان ده... بقت تبرطم ساكت من غير جرجرة اضنين و لا كفيت... و لا حتى أضعف الايمان مفراكة... أظنها مراعية لي ظروفك الصحية... قالت الراجل ده حسه أقوم أديهو كفين و لا أضربه بالمفراكة يموت لي في يدي.... الكلام الأخير غالبا يكون دي البرطمه الكانت بتبرطمه ست بيتك...
أقعدوا عافية و ما تطولو الغيبة... البكان ده من غيركم بيبقى خلا و بيعشعش فيهو الطير... مافي داعي أخسمكم بالنبي تعالوا ساكت براكم بدون خخسيم.... كنت عايز أودعكم بي قصيدة لكن خفت على كمبيوتراتكم... قولو لي كيف؟؟.....ما سامعكم...قولوا لي كيف؟؟... في رمضان ده أي زول رووحو بتكون محرقاهو و يشاكل في ضلو... تجي ماشي في الشمس تلقى ضلك مباريك تقول ليهو ياخي ما تزح مني كده و لا كده.... تشاكل بتاع الدكان و تشاكل الشغالة في البيت .. تشاكل من طرف... خفت أكتب ليكم قصيدة أودعكم بيها تقوموا تشيلوا كمبيوترات تضربو بيها الحيطة... تقولو لي دي حسه مواعيد قصيدة و تشيلوا الكبيوتر تضربو بيهو الحيطة... أنا حسه من قبيل روحي محرقاني.. و قربت أعمل شكله مع منى عباس في تست تست حقتها دي... ليه يا مني تقولي لينا تست...تست... لكن تاني قلت مافي داع...... و رمضان كريم...
اهلي الرائعين ... سلام يغشاكم.. بنبارك تومات الفاتح وحمدا لله علي سلامة المدام وانشاء الله يتربو فى عزكم وكمان نبارك ولد قيس وباركنا بغادى انشاء الله يكبر يقضى الغرض ,حبوبتنا زمان كنت اسمعها تقول الولد يقضي الغرض اقول ليها والبت كمان ...غايتو ماظنيت كلامى عجبها وعدته غيره وبس لكن يا الفاتح يتباركن بركة الشهر الكريم
يا أبو الزوز انت العملت تست تست... كويس اني قريت كلامك ده بعد الفطور... بعد ما ذهب الظمأو ابتلت العروق... يعني مسامحنك على عملتك لأنها رجعت لينا منى عباس مرة أخرى للمنبر.... يعني حنرجع نستمتع تاني بي مداخلاتها الكل تلاتة شهور ديك... بس يا منى ما تحسبي لينا تست تست دي مداخلة... لأني المرة الجاية حأقول لي زهير ما ترجع ليها الباسورد...
يا بهجة كنت عايز أقول ليك حبوبتك دي دقة قديمة... لكن خفت الحبوبات يزعلوا مني...
Post: #2928 Title: Re: ناس الزقازيق ... أجدع ناس (4) .. Author: محمد صديق Date: 08-22-2011, 08:54 AM Parent: #2927
سلامات يا ناس
وصباحاتكم ندية
الظاهر عليكم ما انسترتو مع رمضان
يعنى كلكم كده لابدين وسايبين البوست غاتس
وحكمة الله بقيت كلما القى لى فرصة فى الدخول ما القى
البوست فى الصفحة الاولى ...
المحيرنى منصور ...بعد الايقاع السريع داك والنشاط رجع نام
ولدنا منص متجدع بالطول والعرض .. والله أنا حاسدو عديل كده ... ما عشان الإجازة الفي أوروبا ... ولا عشان هو كتاب .. وآثرنا بالوصف الجميل الممتع ..
ياخي انا حاسدك عشان ... بتلقي الوكت ده كلو من وين ... رمضان ده .. ماجاكم ... ولا خليتو في امستردام ... يعني معقول يامنص ... لا عندك شغل في المكتب ... ولا الدوام قصير ... ولا في البيت رمي طعمية ... ولا غسيل عدة وأكياس زبالة ... خليناهو الكنس والمسح والنظافة ... ياكافي البلا ... لا بتبل حلو مر ... ولا حتي بتصفيهو .... ياخي طيب تعال امسك معاي فارس ده ...
يمين هو في عمر الآن ... ناوي اجيب ليهو حارس مرمي عديل كده... يقبض ده ... ويفك ده ... يمشي ويقع ... ويتاتي بالطرابيز .. ويمسك الفوطة ويجر كل الموجود بالطاولة ... و الحاجات تجي في وشو ... وهاك يابكا ... ويقع من السرير ... ووو والعجب لو مسك في طربيزة التلفزيون ... تلفزيونات السجم العاملة زي الهبابة ... وخاصة انا تلفزيوني الداخلي لامعلقو في حيطة لاخاتيهو في وول ينت ... وحاتكم طربيزة بعجلات عشان اتحكم في الاتجاه .. وبالله تخيلو الجهجه الانا فيها ... وزونا منص ولا هماهو واقع كتابة ... ونزيل صور ... فعلا اماني ماشايفه شغلها ... اكيد في الحته دي .. موسي عيسي تذكر مأساة صاحبه داااك ... ماعندو شغلة في البيت غير يمسك الشافع الصغيروني من ما يدخل البيت لحدي تاني يوم الصبح مواعد العمل ... اها يا موسي زولك ده لسة قاعد ولا ... اغترب ... اكيد انا ماقصد جلا ... طبعا هذا الحوار لا يخص ولدنا كمال الشادي لا من قريب ... ولا من بعيد ...
الصورة ده عشان لولدنا محمد عيد ... لانه بستخدم في صور ة قديمة واحدة لاسرتي ... من زمن جلسة بيت الرشيد ديك .. والصورة دى تشمل كل أفراد الأسرة ... وذكرتني زمااااااان لما نتفق مع أولاد الحلة ... أو أصحابك في المدرسة ... نقوم نمشي الاستيديو عشان نعمل صورة جماعية ... تلقي الشعر خنفس ...والبناطلين شارلستون ... والقمصان تحرمني منك ... وكمان الشبط أو الجزمة دبابة ... في يوم قررنا نعمل جواز لفارس ... وهو ضمن آخر المواطنين اللذين عمل لهم جواز في ظل خارطة السودان القديمة ... والجواز يحتاج صورة ... وقمنا مشينا كلنا ... و أتصورنا الصورة دي ... لا تركزو كتير في الصورة ... صدقوني صدفة والملابس بتاعة بيت ... وموضوع العمة ... من زماان انا مغيوظ من عمه ولدنا الوجيه سامي ... وقلت لازم اتصور بعمتي وان شاء الله ترتيبي يكون نمرة ميه بعد سامي في الوجاهه ... برضو حاكون أكثر وجاهه من ولدنا زهير ... أنت يا ود الزناتي مش بتعرف تلفها مدنكلة برضو ...
============================ والله اللوم ... لا بسني من رأسي لساسي .. كل ما أقول اضرب للريس ميسرة والسيدة الاولي حرمه ... لزوم اكفر ليهم .. أقول هسع الصباح بدري والجماعة بكونو في الشغل .. اها يجي الليل ... ندخل في الفطور ... صلاة العشا والتراويح .. أجي اضرب أقول الجماعة... صلاتهم جات .. انتظر شويه ادخل في أغاني وأغاني ... والنوم .. ياريس التلفون ساهل .... بعملو ليكم ولو بعد حين ... لكن المشكلة لو صايم رمضان بدون عصيدة ... بعد الضلوع الاتكسرت دي ...
===================================== زمان قلنا ولدنا ده .. محمول ووحيد.. وبعيد من الأولاد ... عشان كده بنعفيك من التلفونات ... لكي تكون على اتصال بأولادك اقلها خمسة مرات في اليوم .. بالرغم من انو رمضان ده ... قاعد ومجدع وسط أولادك ... آخر راحة .. وحتي زهجك زاد وبقيت تشاكل في ضلك ... ورصيد التلفون راقد بالهبل ... طيب لزومو شنو الطناش ده ... ولا حتي تلفون مباركة رمضان .. طيب ياخي ما تخليها ... مسج إياك اعني يارشيد القوم ... فاسمع يالنضيف ...
ودجبارة عجلة شنو لبتك ام 17 سنة .. كدي اسمع دي ... طبعا في بلد الغربة السجم دي .. عشان أولادك يلعبو لازم تكون معاهم لحام ... في الكورة ولا سك سك ولا ام الحفر ولا لعب في المولات ... وخاصة لو كانو صغار يعني مازي السودان ... الحلة والاهل .. شايلين الهم ده ... المهم لما احمد وعمار كانو صغار ويحبو يلعبو بالعجلات .. زي كل الاطفال فلازم نلغي كل البرامج ... وخاصة نهاية الاسبوع ... عشان يلعبو بالعجلات في ميدان أو حديقة .. ودايما الصدام مع امهم ... لان هذا يتتضارب مع برامجها .. التسوق والتسكع في المولات .. طبعا انا بكون فرحان لبرنامج العجلات ... عشان بفرش لي سجادة وبكوع ... وهاك يارقاد ... لحدي مايزهجو .. بعد ما اعمل لي جكة خفيفة بالحديقة .. طبعا امهم بتكون ورمانه ... وماعندها شي تعملو ... غير الثرثرة ... مرة بغيظ شديد ... بعد ما طرشقنا ليها برنامجها ... ومشينا الحديقة .. بالعجلات ... قالت لي بحنق شديد " اسمع ... انا تاني مابجي الحديقة معاكم ... لو مااشتريتو لي عجلة ...
يمين بالله الضحكة الكتمتها يومها ... لي هسع عاملة لي مشاكل في البطن ... تقول لي بتك .. اشتري ساي ... ياخوي
طارق جبرين انت دفعتي ... فاكيد عمرك لم يصل الخمسين .. اقصد الواحد وعشرين بحكم زهير الزناتي ثلاثة وعشرين .. وكمان محمد عيد ما كبير لدرجة الرشيد ومنصور .. لاني حصلتو في آخر دورة لمحراب الآداب والفنون ... عمر مديد ... وسعادة مطلقة ... بتمناها لكم ... ولكل الحبايب ...
مبروك المواليد الجدد ... بدون فرز ....
قال عمر بن الخطاب: " ما اعطي الله عبدا بعد الإسلام خيرا من أخ صالح، فإذا رأي أحدكم ودا من أخيه فليتمسك به " أسال الله أن لا يحرمني صدق إخوتكم وبركة محبتكم ... لكم جميعا ... واخص حبيبنا محمد صديق ...
دي مداخلتي في رمضان ده ... والجاي ..
Post: #2930 Title: Re: ناس الزقازيق ... أجدع ناس (4) .. Author: كمال الشادي Date: 08-22-2011, 10:18 AM Parent: #2929
متابع ومستمتع مع الجديع الشديد للاخوان منصور عبد الرازق وياسر نجيلة
منصور على الطلاق الواحد يقرأ ويتفرج ويستمتع ويتمنى وبس
Post: #2933 Title: Re: ناس الزقازيق ... أجدع ناس (4) .. Author: محمد صديق Date: 08-23-2011, 08:56 AM Parent: #2932
سلامات يا ناس
تحياتى للجميع ..والنضيف رمضان هداك
مداخلاتك ذاتها بقت هلكانة...
Quote: دي مداخلتي في رمضان ده ... والجاي ..
سلام يا حبيب ورمضان كريم (ده والجاى)
انت نزلت اجازة؟
Post: #2934 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-23-2011, 11:41 AM Parent: #2933
رزق الاخ عمر عوض الريح ( اداب ) بمولود يوم امس الاحد التهانى للاخ عمر وحرمة والابناء ابرار و محمد واخوهم الصغير العمرو سنتين داك اسمو منو يا عمر نسيت اسمو ... ولاسرة اداب خاصة"
Post: #2935 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-23-2011, 11:46 AM Parent: #2934
Post: #2938 Title: Re: ناس الزقازيق ... أجدع ناس (4) .. Author: محمد عيد Date: 08-23-2011, 07:21 PM Parent: #2932
مشتاق ليكم عمرنا وزرنا , ودعينا ليكم اول دعوانا كانت , يا ربى ترزق ياسر نجيلة ده بى صور جديدة لنمج فتحنا البوست لقينا ربنا استجاب قلنا ربنا ان شاء يكتر بنيات الفاتح على بشير , لغاية ما ربنا يدخلو الجنة بى سببن , ربنا باركنا بى ترتيل وتنسيم , يتباركن يا ربى ويطول همرهن مع عمر ابوهن وامهن ربنا ده ما كريم ياخ الدايرنى ادعو ليهو منو ؟؟؟يرفع يده ويتصل بى
منصور عبد الرازق متطفلا على حساب محمد عيد بينما هو يصلى . وبعد شوية من حساب النضيف وميسرة حسابى داك خلوهو ان شاء الله يخمر جنابو , نبلغك حال ركوب الباخرة
دار هذا الحوار الطريف بين اثنين من أولادنا الزقازيقاب ....
الأول: والله رمضان ده خدمة المطبخ فيهو كتيرة خلاس ... ربنا يكون في عون بنات شيخنا الثاني: أي والله ... انا ما عارف العدة والجاجات الكتيرة دي بتتردم كيف ... حتي ولو الأسرة صغيرة الأول: والله قدر ما أساعد بت شيخي في المطبخ ... احس اني مقصر معاها ... الثاني: أممممم ... أي صح ... الأول: أكيد انت كمان بساعدها ولو شويه ... الثاني: أنا ... والله السحور ده متكفل بيهو تماما ... من أول رمضان التزمت أعمل السحور بالكامل ... مرات رز أو شعيرية بلبن ... مرات خشاف .. والله مرات بصوت عصيدة دخن عديل كده مع اللبن ... وبعد ما اجهز الصفرة اصحيهم واحد واحد ... وبعد ما يخلصو أكل ... اقدم ليهم الحليب والعصير والمويه الباااااااااااااردة وبعد مايخلصو ... الملم العدة واغسلها وألمع المطبخ ... حتن اصلي ... وآخر واحد ينام فيهم تاني ... الأول: والله انت على كده بتكون قسمت الخدمة النص بالنص مع بت شيخك .... الثاني: هاهاهاهاه ... قول قسمت الخدمة النص بالنص مع الشغالة ... بت شيخي ما عندها علاقة بالمطبخ في رمضان ....
============================== شكرن يا ابتهاج على الاعجاب بفارس ... بس كترو من ولادة البنات ... أولاد الغربة ديل ما يكفي قدحهم إلا بنات الغربة برضو ....
============================ الظاهر ولدنا الابنوسي منص ... غسل آثار رحلة اوروبا سريع سريع ... بعمرة رمضانية كاربة ... بس اوعك تطول القعدة في الساوث مول عند عيد ... وشارع التحلية بجده ...
============================ لفه عمتي خليها يالنضيف ... انت وين عمتك ... بناتك ديل ان شاء الله عاوز تعقد ليهم في عرسهم ... بالتي شيرت ...
========================= ود الشادي ... يا زوق ياراقي ... سمعنا من تحت الطاولة ... بالعودة الكاربة بعد رمضان .. ماتنسانا من ايميلاتك الخطيرة ... سماع الفن الراقي منك .. له عشق خاص في دواخلنا ...
ما دام مداخلاتكم بقت كولللها سمبهارى , ولى رمضانين لى قدام هاكم مداخلة سمبهارى , وجماعيى كمان عصيدة ما عارف منى يونس دى اتعلمتها من وين ؟؟؟ ومتين ده حالتو قالوا ضلعتها مكسورة !!!!
رمصان جدة غير , وفطور منى يونس غيرين !!! ولمن يفطر معاك , جمال السنوسى , وعثمان الجيلى ويشربوا شاى بعد الفطور فى الكبايات الشوب وقهوة ما بعد الفطور فى الفناجين الذهبية الفاخرة تقرر طوالى انك تكون صائم الدهرين لو بتضمن الفطور يكون زى ده ما يخفى عليكم ان منصور عبد الرازق يسرق هذه المداخلة من حساب الريس بينما هو مع الباقين , مشغولين بالقهوة , وانا بينى وبينكم مشغول بالفناجين هى يا ربى الفناجين دى لونها شنو ؟؟!!!!
عندما عاتبني أخي الحبيب ياسر نجيلة عتاب المحبين في مداخلته التي وعدنا فيها باللقاء في رمضان القادم... خجلت من نفسي....و قلت يا الله ان الحياة فعلا شغلتني عن من أحب... فقلت واجب علي أن أهاتف الرجل و أحاول أن أعوض ما فاتني من القيام به من واجبات... فعلمي ان الرجل قلبه أبيض و مسامح و كريم أيضا... اتصلت عليه فكان تلفونه مغلقا..ربما لم أتخير الوقت المناسب... عندما قمت للتهجد وجدته قد اتصل بي ما بعد منتصف الليل بقليل و كنت نائما وقتها... اتصلت به نهارا...رن هاتفه و لكنه لم يرد...عرفت انني لم اتخير الوقت المناسب مرة أخرى.... ثم كلمني عصرا مكالمة طويلة جدا لا أدري كم استمرت... لكني أعرف انها لم تتوقف حتى قام كل منا بشرح موقفه و ظروفه للآخر... لم نكن نحتاج لذلك و لكننا لم نصدق أن نجد آذنا صاغية فأسهبنا... لأخي الحبيب ياسر و آخرون نحبهم شغلتنا عنهم أموالنا و أهلونا... لكم العتبى حتى ترضوا......
Quote: الأول: والله انت على كده بتكون قسمت الخدمة النص بالنص مع بت شيخك .... الثاني: هاهاهاهاه ... قول قسمت الخدمة النص بالنص مع الشغالة ... بت شيخي ما عندها علاقة بالمطبخ في رمضان ....
يا نجيلة والله صاحبك ده لكن ما قصر مع الشغالة.... أما بت شيخه فواجب عليها أن تقيم الليل تشكر ربها عليه... الزول ده ما غريب علي...
انشغلت كثيرا في اليومين الفاتو ديل.... فلم أتابع ما يدور في المواقع المختلفة... عن ما يدور في كواليس لقاء جدة المرتقب... و الذي حرمتنا منه ظروفنا التي هي التي نفسها التي حرمتنا من اصطحاب منصور... أعرف أن الزناتي خليفة سيتوجه ظهر الجمعة الى الرياض و منها الى مكة... فالكريسيدا المصانة جيدا لا تحتمل قطع المشوار دفعة واحدة... و الزناتي أكثر ما يحب من آيات القرآن هذه الأيام (من كان منكم مريضا أو على سفر فعدة من أيام أخر)...
يا كوتش الله ما يجيب يوم شكرك ياخي... ياك البتفقدني و تسأل مني و تسأل عن أخباري رغم مشغولياتك المعلنة و غير المعلنة... مش زي ناس كده...و زي ما بيقولوا المصريين اللي على راسو بطحه يحسس عليها... قبل فترة كده اشتقت لي جلا...طولت منو شديد... ضربت ليهو بدل ما يقول لي السلام عليكم.. قال لي أسمع انت قاعد مع أولادك في أبو ظبي و ما بتحتاج لي مسافة مقدره ضارب لي مالك... قلت ليهو ياخي أنا ضربت ليك عشان انت تسألني من أخباري....
Quote: مش زي ناس كده...و زي ما بيقولوا المصريين اللي على راسو بطحه يحسس عليها..
لما وصلت الحتة دي اتحسست رأسي ... لكن لما كملت لقيت راس السوط وصل جلا قلت الحمد لله الرشيد ازيك ياخ مشتاقين ...
Post: #2951 Title: Re: ناس الزقازيق ... أجدع ناس (4) .. Author: محمد صديق Date: 08-25-2011, 11:41 AM Parent: #2949
سلامات يا ناس
كل مداخلة من الصفحة التانية ...لمتين الكلام ده؟
Quote: يا كوتش الله ما يجيب يوم شكرك ياخي... ياك البتفقدني و تسأل مني و تسأل عن أخباري رغم مشغولياتك المعلنة و غير المعلنة...
ياخ انت تستاهل كل خير
وتأكد ان قلوب الجميع معك
وفقك الله.
لما وصلت الحتة دي اتحسست رأسي
الحمدلله انو راسك موجود.
Post: #2950 Title: Re: ناس الزقازيق ... أجدع ناس (4) .. Author: أحمد إسماعيل Date: 08-25-2011, 11:38 AM Parent: #2948
Quote: قال لي أسمع انت قاعد مع أولادك في أبو ظبي و ما بتحتاج لي مسافة مقدره ضارب لي مالك... قلت ليهو ياخي أنا ضربت ليك عشان انت تسألني من أخباري....
السلام عليكم وإن شاء الله جميعنا نكون ممن صام رمضان إيمانا وإحتسابا وغفر له ماتقدم من ذنبه على وزن كلام جلا أعلاه أسمعوا أنتم ماعارفين بأن الزمن بيسرق من أعماركم والشركة المزمعة لا عملنا فيها شخيط ولا أقيف بعيد
من قبيل عامل شغب مع بت شيخي.. كيف وكيف لينا كم سنه ما إتصورنا صوره جماعيه للأسره.. عملتها فينا يا نجيله..
بركاتك يا شيخنا.. أولت امبارح.. اتزنقت زنقه في الشغل.. من ما أصبحت من إجتماع لإجتماع.. وناسنا الأمريكان ديل النقه حقتهم.. وأنا مع الصيام ريقي ناشف.. غالباني الكلمه أمرقها.. لمن الساع واحده ونص جات.. أنا خلاص كملت.. قلت للكفيل يازول أنا ماشي أتمشى شويه.. من عادتنا وقت اللنش معاي دكتور مجدي الشفيع.. بنمشي نتمشي في بارك جنبنا.. منها رياضه ومنها نغير جو الشغل.. فعلا مرقنا أخدنا مشيتنا زين.. ضحك وونسه.. فرقنا تمام.. رجعتنا على مكاتبنا.. لقينا ليك البنايه عن بكره أبيها في الشارع.. ناس مسخسين وناس يتجاروا من هنا لي هناك.. قلت لي مجدي.. الله.. جرس الإنذار ضرب.. و الظاهر في زول داخ والا حاجه.. سألنا واحد الحصل شنو.. قال لينا إنتو وين.. الزلزال دا ما شعرتو بيهو? زلزال شنو ياخوي.. نحن هسع جايين من البارك ما شعرنا بأي حاجه.. ياجماعه دا زلزال كبير إستمر قريب دقيقه بمقياس 5.8.. العماره إتهزت لمن داير تقع.. وفي ناس داخوا من الخوف.. فضلنا واقفين ومتحيرين في الزلزال الفاتنا دا.. بعد صنه كدا قلت لي مجدي.. شفت لو ما كنت جرجرتك للمشي كان نكون في عز المعمه دي.. قال لي.. كان كدا.. بركاتك يا شيخنا..
اليوم ليلة 27 نسألكم فيها الدعاء و خاصة الذين يتحلقون حول الكعبة المشرفة هذه الأيام... و بالأخص الأخ الصديق موسى عيسى...بالله دعوات كاربات ياخي...
حاتم حمد لله على سلامتك ياخي... الظاهر الشمار كان بدرجة 8 درجات من مقياس ريختر لدرجة أنكم لم تشعروا بالزلزال أبو 5.8 درجات....
جلال..اتحسس راسك يا أخوي... جلا ده كان مجرد مثال... ولكن هنالك الكثيرون مثله و انت أولهم... بغفر ليك في حالة كربت لينا الدعوات في العمرة...
أبو الزوز بالله ما تنسانا من صالح الدعاء... فأنا مؤمن بأن الله يضع سره في أضعف خلقه... و أضعف دي ما مقصود بيها الجسم... تقوم تصدق و تكتر الصور بالتي شيرتات...
Post: #2957 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 08-27-2011, 08:29 AM Parent: #2956
الف سلامة يا باجيو
Quote: من قبيل عامل شغب مع بت شيخي.. كيف وكيف لينا كم سنه ما إتصورنا صوره جماعيه للأسره..
استلف ليك عمة وجلابية من مجدى الشفيع واتصور بيهم بس المشكلة توب الجيكار زولتك حتعرف تلبسوا كيف ؟
سلام عليكم يا حلوين.. كل سنه وانتو طيبين.. تقبل الله صيامكم وقيامكم.. ويخللي أيامكم كلها أعياد.. يا حليلكم.. عاملين فيها راجين الهلال مش كدا؟ نحن غايتو عيدنا بكره بكره.. ذاعوه من أول رمضان..
النضيف.. بالله هو اسمو توب الجيكار؟ طبعاً تكون حاسدني علي عدم شرايتي للاتياب.. الشي دا داير ليهو ميزانيه..
الرشيد وعيد والنضيف.. الله يسلمكم يا شباب.. خلصنا من الزلزال جانا إعصار آيرين.. راس السوط هبشنا بسيط بي مطر ورياح تقيله..
كل عام و أنتم بخير و أعاد الله عليكم الأعياد و أنتم تنعمون بالخير و العافية... ثاني أول أيام العيد ليس كأوله مع كثير من أوجه الشبه بين اليومين... فاليوم الأول يختلف عن الثاني في كونه به صلاة العيد... و في أنه تلتقيك فيه بعض العمم السودانية و تكون التهنئة أكثر حرارة.... و في اليوم الأول نصعد و نهبط المبنى الذي نسكن فيه لنبارك العيد لجيراننا من السودانيين.... و لأننا نسكن في نفس المنطقة منذ فترة طويلة فتمتد الزيارات الى مباني مجاورة.... في اليوم الأول سخر مني أبنائي عندما رأوني ألبس العمة الكبييييييرة.... قالت أمنية حقوا نخلي ناس الBuilding كل واحد يدفع خمسة دولار و يجو يتفرجوا فيك... أما مهند فقال من الأفضل أن يأتوا و يتصوروا معاي عشان كلما يكون الواحد فيهم زعلان يطلع الصورة ويضحك.... لم يستغلوا كوني أب مسالم لا يؤمن بالعنف و حسب انما استغلوا أيضا انه أول أيام العيد... و الا لكنت رميت كل تاريخي المسالم في مزبلة التاريخ و وريتهم (المكشن بلا بصل).... كان ملاح النعيمية من ابداعات ست بيتي في أول يوم الا اننا لم نستمتع به في الافطار... و ذلك لأننا سهرنا حتى الصباح فكانت الرغبة في النوم أكبر من الرغبة في الأكل... الا اننا عوضنا ذلك في وجبة جمعت بين الغداء و العشاء... في اليوم الأول استمتعت ايما استمتاع بمحمد الحسن سالم حميد بتلفزيون النيل الأزرق... هي حلقة بشرنا بها تلفزيون النيل الأزرق فانتظرتها و كنت أتمنى لو تطول و لو قليل... سهري حتى الصباح و زيارات الجيران و حلقة حميد كانوا وراء شخيري في الكنبة و أنا في زيارة أخي محمد مساءا...
Quote: بناتي بيسموا التوب.. the thing that sudanese women wrap themselves with.. ياللا دي اجمعها لي..
دي اتخيل لي جمعها ربراب يا حاتم... ما ربراب بمعنى نضام... و لا رواب بمعني القليل من اللبن الرايب أو المخمر الذي يدخر لتخمير الكثير... و لا رقراق و هي الفتحة الصغيرة في النافذة أو البابو التي تدخل منها الشمس... و لا رواق و هو ما يستخدم لتنقية الماء و ترسيب الأجسام العالقة... بل ربراب يا أخا العرب... مع العلم ان هذا لا هو بعيد اللحم.... و لا فيهو شربوت...
أول حاجة خلوني أشكر ود جبارة على تلفونه الجميل مساء البارحة... رقم غريب و صوت شاب أنقذني من متابعة البرامج البايخة لكل القنوات... قال لي مالو صوتك كده...كنت نايم و لا شنو..مع اني كنت في كامل صحياني... كنت عايز أقول ليهو و الله الكبر لكن اتراجعت و غيرت رأي... لكن خلاني تالت يوم في العيد كما يسمى في السودان...هنا يوم اجازة عادي.... خلاني أودع الجلابية و العمة و أطلع حزائي الرياضي و ملابسي الرياضية... خلاني من صباح الرحمن أواصل ما انقطع من جكة بسببب رمضان... الكبر ده يوصل اللحم يوصل العضم ممكن تدسو بالمكياج و تكتر من البدرة أو ال foundation... لكن وقت يلحق الصوت بتبقى مشكلة كبيرة و مشكلة عويصة كمان... فقلت لا بد من جكة صباحية اليوم في كورنيش أبو ظبي الجميل صباحا.... خاصة و ان الجو اليوم و مع بدلية شهر سبتمبر يبدو أنه يودع صيفا كان حارا في أيامه الأخيرة... مع بداية الجكة شعرت باهتزازات في أماكن لم تكن تهتز من قبل... عرفت ان الاجازة و رمضان عملوا عمايلهم و ان الأمر سيتتطلب زيادة زمن الجكة... و بيني و بينكم أستمرأت الاجازة و عجبتني حكاية الجكة الصباحية دي... ان شاء الله الجكة تجيب نتيجة قبل ما تنتهي الاجازة و ننزل للشغل تاني...
التحية و التجلة لكل الناس المغتربة (بلاد العجم بما في ذلك تركيا) و المتغربة (بلاد العالم العربي من ضمنهم ناس المغرب) الشغالة و المؤجزة و كمان العواطلية القاعدين يجكو
حاسي كدا زي الكنت خاشي معاك صندوق و طبعاً الصرفة الأولى حقتك
على العموم ما بيناتنا الأسرة بخير و في أتم الصحة و العافية أما فيما يخص صحبتك فهي بخير
يوم العيد طلبت هي و أختها الكبيرة عشرة جنيهات كاملة لزوم مصروفات عيد و كدا طبعاً أخوك ما ناشف فبديت أسألها عايزاهم لي شنو المهم عددت حاجاتها و حاجات أختها أكتر من مرة و خت في بالك يا بابا ولدك عمر ما معانا لأنو ولد في النهاية زهجت مني و قالت لي إنت ما تفهم الكلام؟؟؟ ما قلنا ليك الكلام دا أكتر من 15 مرة غايتو أكلتها في حناني و سرت العشرة جنيهات كاملة غير منقوصة ولا هللة
Post: #2981 Title: Re: ناس الزقازيق ... أجدع ناس (4) .. Author: عمر المهدى Date: 09-01-2011, 09:14 AM Parent: #2980
بالهنا والسرور العيد عليك مبروك يا ست النجيمي الفي العقل مشبوك قدمك للمجاربو بيودر ام سمبوك زولك غير نعال بي تترسيه الشوك
الاحباب اينما كنتم لكم كل الامنيات الطيبات بالصحه والعافيه ودوام المسرات بالامس كانت ليله في جده ولا كل الليالي ليله في الساوث مول في حيث الضيافه الراقيه من محمد عيد والتغطيه الاعلاميه المتميزه من الريس ميسره ومولانا عصام دهب ومحترفين انتدبو خصيصا لتغطيه الحدث الهام وكان رئيس المراسم كالعاده عبد الدائم ومساعدته عذاري في استقبال الضيوف بكل الود والترحاب سعدنا فيها برؤيه اخوه كرام وابناء عزاز كان حضورا بهيا في انتظار الصور حتى لاانسى احد كل عام وانتم بخير سلام خاص لجلا
لكم الشكر أينما كنتم في جدة أو أمبدة لك الشكر و التقدير ود المهدي النسعلك لابسين كيف؟؟؟ المعنى الهدوم اللابسنها شنو؟؟؟ أفرنجي و لا بلدي؟؟؟ جزم إيطاليا برتقالية و لا مراكيب؟؟؟ البرنامج كبف؟؟ في طوطاحانيات لي ناس عذارى ؟؟ العضة شنو فرش و لا لحم مجمد؟؟؟ لا تفوت على فطنة القارئ أو العاطل أن هذه الأسئلة ليست للإجابة
Post: #2983 Title: Re: ناس الزقازيق ... أجدع ناس (4) .. Author: عمر المهدى Date: 09-01-2011, 11:07 AM Parent: #2982
قضينا ليلة ساهرة قضينا ليلة ساهرة تضمنت محاسن من كل روضة عينة ومن كل عينة زهرة قضينا ليلة ساهرة تتوجت قياصر تلالات كواكب من اطيب المناظر
الحبيب جلا تنوع الحضور صغارا من عذارى حتى الهميم الامين الذي سعدنا بقدومه من الدوحه وكانت الاناقه حاضره بين عمم ترباسيه وشالات مشايخ وبين هدوم اولاد جون بحضور زاهي للدكتور سيف النصر الذي التقيه لاول مره وتدرج من المراكيب الى (جزمه ام رباط تسوي زط زط عا########ي )اما المعايش فحدث ولا حرج من صيد البحر اصغره (الجمبري) الى اكبرها البقري مرورا بالمحمر والمشمر من طيور مغلوبه على امرها ولم ننسى النباتيين وامسك حبل الصبر *خلو قلبك مايبقي ني اصلو ود ابزيد كل يوم من بلدنا بطفش جدي الاعلاميون نائمون بعدعيديه حتى صلاه الفجر
Quote: يوم العيد طلبت هي و أختها الكبيرة عشرة جنيهات كاملة لزوم مصروفات عيد و كدا طبعاً أخوك ما ناشف فبديت أسألها عايزاهم لي شنو
حسه مزرزر صاحبتي الزرزرة دي كلها عشان عشرة جنيهات.... و كمان ليها و لي أختها ما ليها براها.... هن شن طعمن العشرة جنيهات... ما هي كلها كم لولي بوب و كم آيسكريم... انت كنت يعني عايز تديها أبو قرشين الصغير داك بتاع أيامكم ديك... يدوك أبو قرشين تمشي تشتري ليك ساندوتش سلطة دكوة.... و تتشارك مع أصحابك تشتروا ليكم بطيخة تكسروها في النقعة.... بتعرف النقعة و لا البندر خربتك... يعني كان قالت ليك أديني مية جنية كنت وديتها لي طبيب نفساني.... و لا كنت أديتها ليها و مشيت انت الطبيب النفساني... عافي منها صاحبتي و بركة القهمتك... يقهمك ال.................اليقهمك...
ود المهدي عيدك سعيد... خلاص اتلميتو و جايين تغيظونا بالصور... بي عممكم و مراكيبكم و جزمكم البي رباط... تعالوا بي أي حاجة... بس عليكم الله صندوق chicken nuggets بتاع الساوث مول ده أبعدونا منو...
Post: #2985 Title: Re: ناس الزقازيق ... أجدع ناس (4) .. Author: محمد عيد Date: 09-01-2011, 08:15 PM Parent: #2984
عيد ولا كل الأعياد .. لمــّة ولا كل اللمات ... جلسة ولا كل الجلسات .. لقاء فوق السحاب ... دهشه .. وفرح وذكريات جميلة .. وجوه أسقط عليها الزمان بعضا من غبار السنين .. الا انها مازالت تحمل عبق الايام الجميلة .. جاءوا من الدمام والرياض والطائف ومكة المكرمة ورابغ .. بل وحتى من الدوحة .. أكثر من عشرون زقازيقيا جميلا مع اسرهم أحاطوا بعضهم البعض بباقات الورد والتحنان .. المكان ازدان بهم .. والجمال لم يغادر المكان طيلة ساعات اللقيا ... امتد السمر حتى فجر اليوم التالى وقبل الشروق بلحظات .. الكل بدا وكانه يشتاق لتلك الايام والذكريات الحبيبة ..... ابتدر اللقاء اتصال حميم وجميل من الجميل الودود .. حاتم ود جبارة .. وعبره ارسل تحاياه لكل الحاضرين .. كم انتم رائعون ومصطفون يا زقازيقاب
كثيرة هى صور اللقاء المشهود .. وكثيرة هى الاحاديث الجميلة التى دارت فيه وكثيرة هى احداث اليوم السعيد ... ولكن اصبروا علينا قليلا فاكل ما زال هائما حتى الآن فى اجترار سعادة هذه اللمـــة .. والكل مازال فى سبات عميق ويعانى من الرهق والتعب .. ووعثاء السهر والسفر .. ابقوا معنا وسيأتيكم ميسرة والنضيف ودهب بمدونات هذا اللقاء
لله درك يا وطن رغم أن العيد فرحة و بهجة إلا أنه لم يكتمل في الجوف غصة و في العين دمعة دمازين السكون و الطيبة تتحول إلى غير ذلك لعن الله الحرب لعن الله الحرب اللهم ألطف بنا اللهم لا تؤاخذنا بما فعل السفهاء منا اللهم لا تسلط علينا بذنوبنا من لا يخافك و لا يرحمنا اللهم آمين و إنه لأضعف الأيمان منِّي
أبدأ بما انتهى به جلا و أقول آآآآآآمين.... و لا أريد أن أعمل فيها جهبذ في السياسة و أفتي في الأمر... فأنا حقيقة عاجز عن الفتوى...و عاجز حتى عن مجرد الادلاء برأي... فما قيل و كتب عن السلام و الحرب في بلادي يحتاج الى 100 سنة أخرى لقراءته.... فلا نفع الصادقين صدقهم و لا نفع الماكرين مكرهم.... كلنا خرجنا خاسرون من هذا الصراع...صراع السلم و الحرب.... فقط أود أن أقول ان الدعاء وحده لا يكفي....
اتصل بي والدي و السعادة بادية في صوته.... بعد أن سلم علي و سألني عن أحوالي و أولادي... قال لي منصور معانا هنا في البيت.... ثم أعطاني التلفون و تحدثت مع منص مطولا.... شكرا يا منص على زيارتك للوالد و الوالدة و التي أسعدتهم كثيرا... فأنت تثبت كل يوم بأنك كبير... رافقتك السلامة أنت و العائلة في طريق عودتكم الى الرياض...
وانا لو مكانك ... ماانزلها من راسي خالص ... عشان ناس الرشيد وود جبارة ... يسكتو شويه ... وخاصة عيني بارده على الشعر الموجود في الشنب ... والحواجب ...
========================== غايتو النضيف ضمن وكيل ... لعرس بناتو ...
Post: #2994 Title: Re: ناس الزقازيق ... أجدع ناس (4) .. Author: أحمد إسماعيل Date: 09-05-2011, 08:03 AM Parent: #2993
Post: #2995 Title: Re: ناس الزقازيق ... أجدع ناس (4) .. Author: أحمد إسماعيل Date: 09-05-2011, 08:06 AM Parent: #2993
Post: #2996 Title: Re: ناس الزقازيق ... أجدع ناس (4) .. Author: أحمد إسماعيل Date: 09-05-2011, 08:25 AM Parent: #2993
زمان كانت العسكرية محبوبة للناس وكانت تستقبل كل الفاقد التربوية واليدابو فك الخط إذا كان في خلوة ولاخلافو ، في واحد من الريف عابز يتجند وعندما وصل مركز التجنيد قالوا ليه التجنيد إنتهى ، ثاني إلا السنة الجاية قال ليهم طيب ماتشوفوا لي رتبة ضابط أتسلى بيها لحدي التجنيد.
برضو قلنا نسليكم بالصور دي من لمة جدة لحدي برنامج ناس جدة يبدأ
و كل عام و أنتم و من تحبون بكل خير و صحة و عافية ..
و إلى حين عودة بإذنه تعالى ..
آمل من الجميع تقديم التعازي لدكتور / كمال حنفي في فقيدته زميلتنا ( الزقازيقابية ) التي لم أتشرف بمعرفتها .. و نسأل الله تعالى لها الرحمة و المغفرة لأسرتها و أهلها و كل من عرفها الصبر الجميل على فقدها ..
يا ناس جده و الله أنا أختلف مع صفية مساعد جملة و تفصيلا و أقول جده غير.... طبعا صفية بعد بضعة ساعات غيرت رأيها و تراجعت و قالت جده غير.... و جده غير لا في بحرها و هوائها و شوارعها و مبانيها... فجدة غير لأنها بها أناس في قامة محمد عيد و الريس ميسرة و عبدالدايم... و ود المهدي و عصام دهب و غيرهم من عمالقة الزقازيقاب... أن تجمع كل هذا العدد في مكان واحد و تتيح للكثيرين منهم فرصة اللقاء بعد سنين عددا... لا شك في أنه عمل جبار يستحق منا التقدير و الثناء و ان لم نكن حاضرين...
Post: #3006 Title: Re: ناس الزقازيق ... أجدع ناس (4) .. Author: جلال عثمان Date: 09-06-2011, 09:59 AM Parent: #3005
السلام عليكم يا قوم ... وكل عام وانتم ومن تحبون بألف خير ونسأل الله ان يحقق امانيكم جميعا وعذرا للمعايدة المتأخرة حيث لازلنا نعاني التعب والارهاق جراء الرحلة الطويلة والتحية والتجلة لكم جميعاً ... ولناس جدة خاصة ويا لروعة ناس جدة ... لنا عودة لناس جدة الغير جزاهم الله خيرا .... -----------
الاصابعين يابسات تب من السواقة ....... فوق 3500 كلم
Post: #3020 Title: Re: ناس الزقازيق ... أجدع ناس (4) .. Author: جلال عثمان Date: 09-07-2011, 09:40 AM Parent: #3018
Quote: *يا ربي بقولوا في شنو
والله ياريس بالغت كيف بقولوا في شنو؟ بعد مشاورات عديدة عم العريس محمد عيد يطلب يد العروس "عناب" من ابوها ويظهر العريس محمد جلال وعلامات القلق بادية عليه ...
Post: #3021 Title: Re: ناس الزقازيق ... أجدع ناس (4) .. Author: جلال عثمان Date: 09-07-2011, 09:46 AM Parent: #3020
يا سلام ياخ ..... آخر لقاء لي بالهميم "قبل هذا" كان في العام 1987 شكرا لمن جعل هذا ممكناً تحياتي لكم فردا فردا...
وعدي بينا يا ريس ... ونزل باقي الصور
Post: #3022 Title: Re: ناس الزقازيق ... أجدع ناس (4) .. Author: جلال عثمان Date: 09-07-2011, 09:49 AM Parent: #3021
Quote: رجعنا إلى الجبيل بعد إجازة جميلة جدا قضيناها بالسودان الحبيب
حمدا لله على السلامة يا ابوالسيم وكل عام وانت وجميع افراد الاسرة بخير وسعادة
Post: #3024 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-07-2011, 10:41 AM Parent: #3022
حمد الله عل السلامة يا سامى
جلا ده مالو لا عاجبو الجداد الراقد هبطرش ولا حتى الجلاليب
Quote: والله ياريس بالغت كيف بقولوا في شنو؟ بعد مشاورات عديدة عم العريس محمد عيد يطلب يد العروس "عناب" من ابوها ويظهر العريس محمد جلال وعلامات القلق بادية عليه ...
قول لمحمد جلال يا ابنى ما تقلق نحن ما ناس شواكيش والحصل لابوك نحن ما بنرضى نعيدو تانى ...
عوضونا سلسلنا الراح وما ليكم الا الطيب ... يا طيبين
سلام عليكم يا حلوين.. صور جميله ودايما متلمين ومبسوطين..
كدي لفايده الناس البعيدين الزيناالمابيعرفوا.. جلابيه النضيف دي اسمها شنو? أول حاجه.. فيها حاجات مجدعه كدا.. لا عرفتها حروف والا أرقام.. بعدين وين فتحتها? نظام قدت من دبر والا شنو?
يا حاتم كل سنة وانت طيب والاسرة الكريمة سلامك وصل وبلغناه ...
جلابية النظيف اسمها "الهوا همزني" وجلابية عوض عبده اسمها "الابرى الابيض"
واذا لم يتم التعرف على الاسماء نرجو مراجعة "جبرييلا"
Post: #3029 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-08-2011, 06:04 AM Parent: #3028
اولا" عشان اخلى مسؤليتى من نوع القماش ولا الرسومات الجلابية دى رسلها لي صاحبى العزيز الريس معتصم جعفر مخصوص من السودان ..... شفتو الصحوبية كيف ، اول مرة زول من السودان يهدينى حاجة .. حتى اسألو الكوتش
اما التفصيل يا باجيو فى ترزى هنا بفصل للعرسان و الشباب انت عاوزنى البس لى جلابية لا معروفة حقتى ولا حقت ابـــــــــــوي واشار بيده الى ................. ^ - ^
فى قماش جديد نزل لعيد الاضحى اسمو (( حمانى النــوم )) ده غالى شديد ما بلبسوهو الا ناس المؤتمر الوطنى .. لو دايرو صلح علاقاتك حيصلك ومعاهو شال هدية ..
Post: #3030 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-08-2011, 10:44 AM Parent: #3029
نرفع اليوم أيدينا داعين الله عز وجل ان يمن على والــدة اخينا موسى عيسى بالشفاء من الوعكة الصحية التي ألمت بها راجين الله تعالى ان يرزقها دوام الصحة والعافية "لا بأس طهور إنشاء الله" اللهم ياسامع الدعاء ياحي ياقيوم نسالك بكل اسم هو لك سميت به نفسك او علمته لاحد من خلقك او استاثرت به في علم الغيب عندك ان تشفي والــده أخينا موسى عيسى وجميع مرضى المسلمين
اللهم احفظها وتمم شفائها شفاءا" لا يغادر سقما ....
الحمد لله عدت الأزمة لوالدة أخونا موسى عيسي وهي الآن خارج المستشفى بمدينة جدة وقد تعود إلى مكة المكرمة اليوم الأخ/موسى يبحث عن حجز ليعود إلى الرياض بعد أن حضر إلى مدينة جدة مسرعاً .
قدم الساوث مول مسابقة لناس الزقازيق للتعرف على هوية الزقازيقيات المنقبات بالأطراف والجائزة تذكرة حج مع الإقامة المجانية وتناول جميع الوجبات بمطاعم الساوث مول والدعوة للجميع عدا ناس السعودية
الزميلة صفية مساعد حضرت إلى المملكة وهي تقيم مع أختها بمدينة رابغ جوار عادل الجعلي
زارت مدينة جدة للتسوق مع إبن شقيقتها وكان لنا زيارتها لدى جمال السنوسي
Post: #3052 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-10-2011, 06:29 AM Parent: #3051
Quote: قدم الساوث مول مسابقة لناس الزقازيق للتعرف على هوية الزقازيقيات المنقبات بالأطراف والجائزة تذكرة حج مع الإقامة المجانية وتناول جميع الوجبات بمطاعم الساوث مول والدعوة للجميع عدا ناس السعودية
اهــ و اهـ يا حليل زمن ناس محمد الهادى من لون البلوزة بس يعرفو ليك الواحدة من طرف شارع القومية .....
Post: #3053 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-10-2011, 06:55 AM Parent: #3052
تغطية متميزة للقاء جده التاريخي... شكرا للذين نقلوا لنا الحدث بكل تفاصيله الجميلة... براعم...و أشبال...جلاكين و جلكينات...جلاليب و عمم...صلع و كروش.... نقل تحسدكم عليه قناة الجززيرة و بقنواتها الـHD.... ان شاء الله دايما مجتمعين في الخير....
كان في زيارتنا مساء البارحة أصدقاء لنا.... لاحظت البياض الشديد لي جلابيه و عمة صديقنا ما شاء الله تبارك الله... و لأني كنت ما زلت متأثر بتعليقات ديدو و جلال عن الجلاليب... قلت ليهو شنو ياخي جلاليب ناس المؤتمر الوطني دي... و بما انني روجت لي تعليقات عبد الدايم أظنني أستحق قماش جلابية.... طبعا لا أقبل بالأبري الأبيض و لا بالهواء همزني بتاعت جلال...
طبعا الصورة الجميلة بتاعت ياسر نجيلة و الأسرة خلت ست بيتي تحاول عمل نسخة منزلية لينا... ففي أول أيام العيد استغلت حكاية اني لابس الجلابية بيضاء و مكوية... فأجلستنا جميعنا بالسوفا في صالون شقتناو طلبت من الشغالة تصويرنا... و أنا أقوم بلف العمه بعناية شديدة رن هاتفي النقال فاذا به ابن عمي يتصل من أمريكا.... لم أكمل لف العمة و طبعا لن أستطيع لفها و أنا ممسك بالتلفون بيدي.... عمتي ليست كعمة ترباس لكنها أكبر من اللازم... أذكر انني في اجازتي الأخيرة بالسودان استعنت بأبي ليلفها لي... حاول أبي مرة و مرتان و لم ينجح فما كان منه الا أن قال لي (انت مشتريها كبيرة كده لي).... أنا كنت قايل الوالد محترف..طلع محترف عمم صغيرة بس.... المهم ابن عمي طول التلفون..و كان لا بد من الخروج... فأمسكت التلفون بيد و بما تم لفه من العمه باليد الأخرى و صورتنا الشغالة... لم تكن الصورة جيدة..خاصة صورتي أنا... عمه ملفوفه بطريقه عشوائية و ماسك التلفون بيدي التانية... لم تكن لتنافس عمة ياسر نجيلة بأي حال من الأحوال حتى و ان كان ياسر ما مستعد للصورة... و بيني و بينكم حتى لو لفيت العمة و تفننت في لفها لما كنت نافست ياسر نجيلة... فحجبنا الصورة لسوء لف العمة... ربما نعرض الصورة اذا تم الاعلان عن مسابقة اشنا(من شين) لفة عمه...
كنت عايز أسأل وين جلا يا جماعة... لكن قلت أحسن أخلي السؤال لي بكره...
ألف مليون سلامه للحاجه يا موسى.. وربنا يشفيها ويحفظها من كل سوء..
الليله واحد من الأيام.. ينتابني شوق مشوب بحزن الى الزقازيق.. تمنيت لو أمشي في شارع لكوظ.. أو للإتحاد أقابل الناس.. أو نتلم مع بيجو وجورج ومصطفى في عشره هارت.. أو أمشي دار الطالبات زياره أدق الجرس.. والبنوت يتاوقن من البلكونه يشوفوا دا منو وجاي لمنو.. أو أمشي سينما سلمي أحضر تلاته أفلام.. والبراغيث تقرصك لمن تكب دم.. أو عشره ونسه دقاقه مع عمو أمين السمين.. أو آكل سندوتش طعميه خمير وطرشي قديم في كافتيريا بيطره.. أو سخينه كاربه من يد الوله بيجو.. أو نقعد نغني في شقه أولاد طب.. أو مباراه كوره مسخنه في المدرسه العسكريه.. أو أشق زراعه في الطريق للكليه وأسلم من بعيد علي ناس المربع.. أو أركب ميكروباص وأنزل قصاد عمر أفندي.. وعلي الخواجه أطلب نص فرخه ومعاها شريفه... أو أبو راشد.. أو أمشي السنترال أطلب مكالمه.. أو أركب بيجو ونمشي نتسكع في شوارع روكسي.. أو محطه الرمل.. أو أحضر ندوه أو ليله شعريه في الإتحاد.. أو أمشي أصوت في الإنتخابات.. ضد الكيزان.. ولابد لليل أن ينجلي...
اللهم أنقذ السودان وأهل السودان من الطغاه الفاسدين..
Post: #3058 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-11-2011, 08:58 AM Parent: #3057
ثالثا : تأكيد موافقة السيد / ابو السعود حسب الشروط والراتب كمدير إدارى ومالى للشركة حسب قوانين مكتب العمل ليقوم بمهام اكمال الإجراءات ومتابعة الشماريع الإستثماريةوالنشاط التجارى من تاريخ حدد بالاول من سبتمبر الحالى باجر متفق عليه ..
يا صالح لو سمحت عرفنا بابو السعود المقصود بيهو منو ..
ولك الشكر
Post: #3059 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-11-2011, 10:40 AM Parent: #3058
صباح الخير ،،، يا وجوه الخير
دعاء اليوم ،،، وكل يوم
ربي أغفر وارحم وأعفُ وتكرم،،، وتجاوز عما تعلم إنك تعلم ما لا نعلم إنك أنت الأعز الأكرم
Post: #3060 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-12-2011, 06:39 AM Parent: #3059
بسم الله الرحمن الرحيم يا ريس باااااااالغت معاي طبعاً الصور بتاعتكم دي ما قدرت أفتحها ومرة سألت ديدو المساعدة عمل طناش المهم صوركم حسب شوفي ليها ممكن أقول تساوي تلاتة من عشرة ودي بعد المجاملات أي كسير تلج ما معانا يا شباب خاصة الناس الماحضرو المناسبة أسمع يا الرشيد و إياك أعني (من غير ذكر أسماء) موسى عيسى
Post: #3062 Title: Re: ناس الزقازيق ... أجدع ناس (4) .. Author: أحمد إسماعيل Date: 09-12-2011, 07:24 AM Parent: #3060
نسال الله أن يشفي أصبع (علي محي الدين علي يوسف) بمكة والذي قطعته العجلة اللهم عافه وبلغه الصحة وأكمل شفائه
Post: #3063 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-13-2011, 05:50 AM Parent: #3062
صباح الخير ،،، يا وجوه الخير
دعاء الصباح :
اللهم لا تدع لنا ذنباً إلا غفرته ولا هماً إلا فرجته ولا غائباً إلا ردته ولا كرباً إلا كشفته ولا ديناً إلا قضيته ولا عدواً إلا كفيته ولا فساداً إلا أصلحته ولا مريضاً إلا عافيته
في البدء لا بد من شكر كل من تكبد مشاق حضور الدفن محمد صديق نادر فاروق وعمر بسكو وهم اصحاب واجب ... رغم ضيق الوقت تمكنوا من الحضور ... ايضاً الشكر لكل ناس الزقازيق دون فرز .... كل من عزي كتابة هنا او في من مواقع النت ... او بالتلفون ... او حتي نوي الاتصال ولم تسعفه الظروف بالاتصال .... واعتذر لكل من لم استطع الرد عليه او الرجوع لمحادثته ... فهم اهلي واخوتي وناسي ... وكان لعزاءهم بالغ الاثر في تخفيف الاحزان .... لكم شكري ايها الاحبة ... الشكر الجزيل لميسرة ومني واسرتهما ... فهم بحق اناس فوق الوصف ... فقد كان بيتهم دار للعزاء في يوم العيد ... حيث يجب ان يفرحوا ... لهم شكري وتقديري وشكر ابتهاج والاولاد ... علي حسن استقبالهم لنا وكرم ضيافتهم ... شكري ايضاً لناس جدة فرداً فرداً ... عبد الدائم القيافة والفايت الناس مسافة ... ما شاء الله عليه ... يعرف الواجب ... ولا يتردد في تقديم العون والمساعدة متي ما طلبت منه ... وبعدين كل الشباب ..... شكراً ليكم وجاي راجع تاني ...
عودا حميدا يا أبو الزوز... جعلها الله آخر أحزانكم...
تعرض بكري ابن الكوتش محمد صديق لكسر في يده... هرع به الكوتش الى حوادث أم درمان و تم اسعافة على الفور... و بمراجعة أحد الاختصاصيين بمستشفى الشرطة صباح اليوم نصحهم بعمل عملية بسيطة حسبما أخبرني الكوتش.... ستجرى العملية يوم الأحد القادم ان شاء الله.... نسأل الله أن يواليه بالعافيه و أن يتمم له العافية و يديمها عليه... ألف سلامة بكري و خالدة و الكوتش محمد صديق... دمتم دائما سالمين يا رب....
Post: #3066 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-13-2011, 11:15 AM Parent: #3065
حمد الله بسلامة العودة لدياركم سالمين يا زهير بعد الرحلة المكوكية الطويلة ... والكريسيدا ما قصرت اتسترت معاك
والف حمد الله بسلامة ابن الاخ محى الدين على يوسف
وابن الكوتش محمد صديق .... بكرى المدينة الود ده اصلو بتاع حركات بهلوانية وقلب هوبـــــا ...
حمدا لله على السلامة يا ابوالزوز .... وربنا يجعلها آخر احزانكم ... قضينا ايام ممتعة مابين سفرتنا حتى مكة وليلتنا ببيت الريس العامر وعودتنا سويا وطريق الهدا وما ادراك ما الهدا وتشريفكم لنا بزيارة منزلنا هي ايام للذكري ننهل منها الى ان تجمعنا الظروف مرة اخرى في وقت امتع واروع .... شكرا ابوالزوز .... شكرا ابتهاج ... شكرا الحلبة
الف حمدا لله على سلامة بكور وما يشوف شر ان شاء الله يا كوتش
Post: #3069 Title: Re: ناس الزقازيق ... أجدع ناس (4) .. Author: سيف النصر محي الدين Date: 09-13-2011, 02:20 PM Parent: #3068
سلامات يا اجدع ناس كانت لمة جدة عيدية جميلة جمعتنا بالاحباء و اعادت الينا ذكريات الماضي الجميل ..الشكر للجميع و شكر خاص لـ محمد عيد الذي كان مشغولا طول الوقت ليوفر الراحة للجميع.
كنتوا العيد وفرحتو التي تحتوي الجميع وتعم المدائن والقري..كانت من اجمل اللحظات قضيناها بينكم فيض من المحبه وعشق الاخر بطيبة خاطر وقلوب عامره بالالفه والود .كان اجتماعنا بيهم مختلف عن ذي قبل كانوا في الخاطر تلك الصوره التي حملناها بدواخلنا عن كل الزملاء والزميلات منذ ان التقينا بالزقازيق ..وجاء اللقاء مختلفااكثر عمقا وتمسكابالبعض وتميز كل علي الاخر حتي صغارنا واولادنا نمت بينهم الالفه والمعشر وحب الانتماء لقبيلتنا والحرص علي ان يكونوا معا ..فيا اصحاب القلوب العامره والكرم الفياض فعلا ادهشتونا صغاركم وكباركم وحتي من انتمين لكم كن فى مثل روعتكم...ناس جده حمدا لله انتم منا ونحن منكم. شكرا كثيرا ريسنا ميسره عهدناك هكذا.. والجميله مني جميله وخالده تلك السويعات التي منحتنا لها الايام معا فكنتي الدهشه وصغيراتك شكرا ابا عذاري وعناب فقد اوليتمونا جل اهتمامكم في كل صغيره وكبيره ماعدمناكم وهكذا انتم..وشكرا لك العيد محمد عيدهذا الجمال وشكرا لكل من سعدنابلقائه وطوفنا رجوعا لتلك الذكريات التي وثقت رباطنا هذا ورفقاء الدرب جلال والحلوين فكنتم خير رفقة وبكم كنا ودونكم لم نكن.. شكرا للرائعين محمد عثمان وعفاف مرحي لكم طيبى خلق ومعشر وهكذا الجيفارات للمنبع والاصل الطيب الكان ليهم منهل فهنئا لهم ويا موسى الف لابأس للخاله الوالده سلمها الله وكساها ثوب العافيه يارب وبرآهابكم.وانشاء الله يعود عليكم العيد موفوري الصحه والعافيه
....... حمدا لله علي السلامه ياسامى وكل سنه واتو بالف خير يارب ....
........................ .......الف سلامه للابن بكري ده البيت الجديد عتبته عاليه ولا شنوياخالده؟.......
...... الف حمدا لله على سلامة ابو بشار ياخديجه وهدوء الاوضاع بليبيا وعلي سلامتكم ...واتصلت زبيده مصطفي ايضا طمأنتنا عليها واولادهاوتسال عنك وهي في مصراته........
والف كفاره لابن محي الدين ونقول قدر اخف من قدر وسلمه الله..
Post: #3072 Title: Re: ناس الزقازيق ... أجدع ناس (4) .. Author: محمد عيد Date: 09-13-2011, 10:52 PM Parent: #3071
سلامات يا حايب ...
يا كوتش كفارة لى بكور وانشاء الله متعافى وشافى ...
اتصلت بيك كتير الليلة .. ولكن هاتفك لا يمكن الوصول اليه ...
&&&&&&&&&&&
يا اخوانا بالله بالجد افقدوا البادى وطمنونا على أخباره
الف كفارة لعلي محي الدين ... ولبكري محمد صديق .... اولاد الزمن ديل بقوا هشين خلاص .... زمان الواحد فينا يتلب من راس البيت ويقوم جاري زي الكديسة هسه الواحد لو قاعد يلعب مع اخوه يقع يكسر يده ... جيل تعبان الله يكون في عونه ويحفظه من كل سوء ...
Post: #3077 Title: Re: ناس الزقازيق ... أجدع ناس (4) .. Author: أحمد إسماعيل Date: 09-14-2011, 07:06 AM Parent: #3075
سلامات الأخ محمد صديق وكل عام وأنت والعائلة بخير وعلى خير وكفارة للإبن بكري نسأل الله له الشفاء العاجل وأن يحفظ جميع ابنائنا ويعين والديهم على رعايتهم. العقل السليم في الجسم السليم ، يازهير هبشت موضوع مهم محتاج نقاش هذا الجيل عقولهم ماشاء الله تبارك الله عليها لكن هناك خلل ما في الصحة اما جيلنا تمام من ناحية الصحة لكن قلة العناية جعلت كثير منا لا يحقق رغباته ممكن نناقش سلبيات الجيلين ونستفيد منها ليه الصحة في جيلنا أحسن رغم قلة وضعف وسائل التكنلوجية في التعليم والرياضة والترفيه والتواصل 000 لأننا كنا نتعامل مع الشيء الطبيعي في عز الهجير في عز المطر على الفضاء والهواء الطلق تأخذ من الشمس حتى تكاد تتوهج ومن البرد ومن الصفيع حتى تتجمد أطرافك وتلعب الكورة على الحجار والحصى والرمل ومرات الواحد يكون وسط ضرييسة لمن يتخارج منها تكون أرجله زي (تختة الضرب نار) والمشي لساعات طويلة وأشياء وأشياء عشان كدة يازهير تقفز وتقع كأن لم يكن شيء
Post: #3076 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-14-2011, 05:58 AM Parent: #3074
صباح الخير ،،، يا وجوه الخير
دعاء اليوم :
ربنا أغفر لنا ولأخواننا
الذين سبقونا بالإيمان
ولا تجعل في قلوبنا غلاً
للذين آمنوا ،،
ربنا إنك رؤوفٌ رحيم
Post: #3078 Title: Re: ناس الزقازيق ... أجدع ناس (4) .. Author: محمد صديق Date: 09-14-2011, 07:21 AM Parent: #3076
سلامات يا ناس
لكم التحايا ...
وشاكر لكم سؤالكم وتمنياتكم
ونسألكم الدعاء لنجاح العملية .
لما اروق بجيكم .
Post: #3079 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 09-14-2011, 07:37 AM Parent: #3078
ناس الزقازيق عن إذنك منقول من موقع الفيس بوك ناس الزقازيق
كلمات:حسين شنقراي
بالله عن إذنك سيب ياجميل حزنك عليكا نحنا نخاف ... غالي وتقيل وزنك يصبح خريفنا جفاف لوتمسك عليك مزنك وأدينا بس إذنك ------- يا إنت لو تأذن مافي زول يحزن دي عيونك الحلوات فاضن بالجمال شذَن بالفرحة مليانات لي أفراحنا بيغذن وقلوبنا طربانات بي ريدك أعتزن في الدنيا ماسائلات يا إنت لو تأذن -------- يا راقي يا إنسان أدينا منك أمان وأقبل بالله إستئذان تهواك قلوبنا زمان ويعزف هواك ألحان يا إنت لو تأذن أدينا بس إذنك وسيب ياجميل حزنك
Post: #3081 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-15-2011, 08:11 AM Parent: #3080
آجريت يوم امس بمستشفى حمد بالدوحة عملية بسيطة ناجحة فى القلب للزقازيقى الاخ نورالدين عبدالقادر ( تربية ) المترجم بمجلس الشورى القطرى وهو الان يتعافى بالغرفة رقم 604 ،،، جوال رقم 0097477105187 .... دعواتكم له بالشفاء .
Post: #3082 Title: Re: ناس الزقازيق ... أجدع ناس (4) .. Author: محمد عيد Date: 09-15-2011, 04:16 PM Parent: #3081
موسى عيسى .... زولنا الجميل .. وقمرنا الضواى ..
نغمة الحنيـــة وعنوان المودة ... كل سنة وانت طيب ياخى ... والعمر كلو انشاء الله
Post: #3083 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-17-2011, 06:18 AM Parent: #3082
صباح الخير ،،، يا وجوه الخير
حكمة اليوم :
ربي زدني علماً ولا تُزغ قلبي بعد إذ هديتني وهب لي من لدنك رحمة
بحمد الله و توفيقه تمت عملية إبن الكمندان محمد صديق يوم أمبارح الأحد 18/9 وهو الآن يتماثل للشفاء... ربما يغادر المستشفى ظهر هذا اليوم بعد مراجعة الطبيب... نسأل الله الشفاء و العافية للأبن بكري و من ثم لأبنائنا
Post: #3088 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-19-2011, 06:09 AM Parent: #3087
صباح الخير ،،، يا وجوه الخير
دعاء الصباح :
اللهم ثبتني بأمرك وأيدني بنصرك وأرزقني من فضلك ونجني من عذابك يوم تبعث عبادك
Post: #3089 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-19-2011, 11:54 AM Parent: #3088
دعاء المساء خاص ببورداب الزقازيق :-
اللهم أشكو إليك ضعفي
وقلة حيلتي وشرود أحبتي من جواري
وهروبهم إلى المدعو الفيس بوك
حتى بات أمري لا يزورني في الصباح إلا القليل منهم
وفي المساء والليل حدث ولا حرج أساهر لوحدي وأمشي لوحدي
وأنوم لوحدي ولا أنيس ولا ونيس ،،، اللهم أشكو إليك قلة حيلتي
هواني على أحبتي ،،،،
اللهم أدعوهم إلي أن يأتوا ظرافاةً ووحدانا
ولا يكون همهم في الصباح سوى السلام علينا وعلى عباد الله الصالحين،،،
==========================================
يعيش الهلال ويسقط الفيس بوك
Post: #3090 Title: Re: ناس الزقازيق ... أجدع ناس (4) .. Author: محمد عيد Date: 09-19-2011, 12:18 PM Parent: #3089
يا ريس ... عمت صباحا
نعيب الفيس والعيب فينا
وما لفيسنا عيب سوانا ...
بطء الموقع منذ التهكير أدى الى ملل وطفشان الكثيرين
الفيس بوك .. وجد رواجا لأنه متناسب مع الايقاع السريع لهذا العصر
اضافة الى انه يجمع كوكبة هائلة من الاحباب الذين لا يستطيعون التداخل هنا
ومع ذلك فالكل يجتاحه الشوق الى الحوش الكبير وللنوم فى العناقريب تحت الهمبريب
Post: #3091 Title: Re: ناس الزقازيق ... أجدع ناس (4) .. Author: محمد عيد Date: 09-19-2011, 12:54 PM Parent: #3090
مرحبا بعودة الابنوسى الجميل رأس حربة فريق الزقازيق وصاحب الاهداف الصاروخية
واللمسات الجميلة والتمريرات البينية
والله أحرف من سادومبا اب راس مقلوظ ده القاعد يضيع فى هدايا المغاربة ,,,
لاننا من شوفتو طولنا ونهواه مازلنا فقد منحنا الحبيب محمد عيد فرصه لقيا الابنوسي بعد فراق منذ 1986 فلم نضع الفرصه كما فعل سادومبا واتير غزال وغيرهما فهرعنا للقياه وكانت جلسه من الذكريات الجميله وسط كرم محمد عيد وخدمات مصطفى الراقيه في غفله الدهر اختلسنا ونحن بيناتم جلسنا جلسه مامنظور مثيله مرحب بعوده منصور (افرد كنوز حسنك )
في الذكرى الثالثة لرحيله المفجع اسالك يا الله بأسمائك الحسنى كلها .. ما علمت منها ومالم أعلم اسألك بإسمك العظيم الأعظم الذي إذا دعيت به إستجبت وإذا إستفرجت به فرًجت وبعزًتك وجلالك وبزنة عرشك ومداد كلماتك وبنور وجهك الذي ملأ أركان عرشك أن تنزل شأبيب رحمتك على قبره الطاهر وأن تحفظ أسرته الصغيرة من كل شر وحاجة وفاقة وفتنة في الدين والدنيا ألف رحمة ونور على روحه السمحاء في عليائها
اقترحت ست بيتي أن نصطحب الأولاد لمشاهدة السينما... فهنالك فلم السنافر الكرتوني يعرض بصالة الخالدية مول... تحمست للفكرة جدا و كذلك أمنية بينما لم يرغب مهند في الذهاب حتى يلعب بالبلاي ستيشن... و لكننا اصطحبناه معنا بعد اغراءات كثيرة... في صالة العرض و جدنا ان هنالك فلما آخر يعرض في نفس الوقت.. كان الفلم باسم الأطفال الجواسيس Spy Kids ... فأصر الأولاد على دخول هذا الفلم و ليس فلم السنافر الكرتوني... و كانت حجتهم أنهم كبروا على مشاهدة مثل هكذا أفلام... لم أكن أهتم كثيرا سواء كان الفلم الكرتوني أو الأطفال الجواسيس... فأنا لم أدخل سينما منذ ما يزيد عن العشرة أعوام... بينما كانت بت شيخي و الأبناء يرتادون سينما المجمع الثقافي الذي نسكن قريبا منه... فهم معتادون على دخول السينما بينما أنا كنت متحمسا جدا لطول غيابي... بعد أن تزودنا بالفشار و الفانتا المثلجة دخلنا الى الصالة... عند الباب وزعوا لنا نظارات الأفلام ثلاثية الأبعاد 3D ... انبهرت بالسينما من الداخل...بالمقاعد و التجهيزات الأخرى... بدأ العرض و بدا لي أن الصورة مهزوزة فاستهجنت ذلك و قلت بعد الصالة دي كلها الفلم مهزوز... ثم تبين لي انني لم أضع النظارات بتاعت الـ3D... و عندما وضعتهم كدت أهرب من مقعدي... الزجاج الذي يتكسر في الفلم يتطاير نحوي و السيارت تنفجر تجاهي.... وجدت نفسي و كأني داخل الفلم أخفض راسي و أرفعة لتجنب الأشياء الطائرة من حولي... و أنا في هذه الحالة حتى نهاية العرض... لم أشعر بمثل هذه النشوة و الانبساطة من قبل كما شعرت في ذلك اليوم.. و أكاد أجزم ان لو كان عيالي طلبوا مني مشاهدة عرض فلم السنافر مباشرة لكنت وافقت على الفور.... و لكنهم كانوا رحيمين بي و قالوا لي يا بابا الأسبوع الجاي نجي نحضر فلم تاني... حتى مهند الجبناهو بعد تحنيس و اراءات كان متحمس... قلت ليهم لو عايزين بكره دي ما عندي مانع..خربانه أم بناية قش... أدركت ان العشرة سنين التي غبتهم عن السينما كان غياب عن الوعي... تقول لي ثري دايمنشن...
Post: #3098 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-20-2011, 08:57 AM Parent: #3096
رحم الله الاخ ابراهيم جوغان
اللـهـم انزل علي اهله الصبر و السلوان و ارضهم بقضائك .
،،،،،،،،،،،،،،،،،،،،،،،،،،،
يا ريس اعمل دعاء ( نصت نهار ) كمان مع دعاء الصباح و المساء لعل الدعاء يستجاب والناس ترجع للحوش الكبير
أتت تباشير صيف 1994 باكرا.. فالمغرب عرف جفافا كبيرا منذ عامين.. وسكان تخوم الأطلس ذاقوا الأمرين.. جراء أمطار لم تجد بها السماء.. وعلى المستوى السياسي شهد المغرب حينها حراكا قويا من أجل «تناوب ديمقراطي» يسمح للمعارضة بالدخول إلى دواليب الحكومة.. كانت بوادر هذا الحراك بادية من خلال المنتديات والجمعيات السياسية والثقافية.. كان صيفا ساخنا لا شك.. وقادت التحركات فيه المعارضة إلى الحكم بعد ذلك بسنين.. كانت أصيلة تحشد قواها من أجل مهرجانها لهذا العام.... أخذت شوارعها وأزقتها تتأهب للمهرجان وللضيوف الذين يأتون من داخل المغرب ومن بقاع الأرض المختلفة.. أعلنت لجنة المهرجان حينها أن هذا العام سيكون «عام الطيب صالح»... واختارت لتكريم الرجل عبارة «الطيب صالح.. الإنسان والرمز».. كان هذا بالنسبة لنا مريدي «شيخ الطيب» حدثا فريدا ومصدر فخر كبير ... كنا في شوق عظيم لتلك الأيام... كنا نحس بأن الأيا تمضي متثاقلة... كان عاما مختلفا بالنسبة لي في الرباط.. كنت حينها قد استقريت تماما في الرباط وخلقت حميمية مع المكان وبدأت أغوص في عوالم المدينة الملكية هنا.. وكان أن أسعفني الحظ كثيرا وجرت المقادير بأشياء كانت بالنسبة لي حلما.. حيث حضر والدي من الخرطوم لزيارتي.. وكانت والدتي تقيم معي.. تلك كانت قمة الأمنيات بالنسبة لهذا القروي القادم من «شبا»... ومن مفارقات الأقدار حينها أن الخرطوم حينها كانت تشتد عليها المصائب من قبل «الإنقاذ».. فأطبقت «الإنقاذ» الخناق على الخرطوم وساكنيها... فكان أن غادر نصف شباب السودان مكرهين إلى عوالم مجهولة..
*****
أعلنت أصيلة بداية مهرجانها وكان هذا إيذانا بأن أشد الرحال إلى هناك في حضرة «شيخ الطيب»... حزمت حقيبتي ودلفت إلى محطة القطارات بالرباط ومنها إلى أصيلة في حضرة «محيميد».. احتفى المغاربة احتفاءا كبيرا بشيخ الطيب... وضعوا لافتة كبيرة في مدخل المدينة وبها صورة واضحة للطيب صالح بعمامته الشهيرة وذُيلت اللافتة بجملة «الطيب صالح.. الإنسان والرمز».. وجدت لي نزلا صغيرا في ركن من ازقة المدينة.. لم أهتم لاسمه ولا لجودته.. بما أنه يناسب إمكانياتي المادية فبقية التفاصيل ليست ذات قيمة.. وضعت حقيبتي وخرجت أبحث عن إفطارا يعيد إلى توازني بعد سفر 4 ساعات.. فوجدت ضالتي في «زلافة البصارة بزيت العود» في المدينة القديمة.. قرأت صُحف الصباح بشكل سريع ورُحت أبحث عن طلحة والطيب صالح في فنادق عُلي القوم.. وانا اتمشى قرب الشاطئ وجدتني وجها لوجه امام الرسام العالمي عمر والمذيع والدبلوماسي صلاح أحمد محمد صالح.. سلمت عليهم وقبل أن أقول شيئا خمن صلاح أحمد صلاح قرابتي بطلحة فأكدت له أنني شقيقه تماما.. تحركنا نحو إحدى المقاهي القريبة وطلبنا الأتاي... قلت للاستاذ صلاح أن الطيب صالح حكى لي حكاية سكنه معك أيامه الأولى في لندن.. وذكرت له حكاية أن الناس كانت تشير إليه بأنه الشخص الذي يسكن مع صلاح أحمد محمد صالح.. وأنه توعده يوما بأن الناس سوف تشير إلى صلاح بصديق الطيب صالح.. ضحك الرجل حتى بانت نواجزه.. وراح يحكي لنا عن أيام الطيب صالح الأولي بمدينة الضباب وأن الحنين الجارف كان يشده شدا إلى قرى «منحنى النيل».. تلك كانت جلسة بطعم مختلف مع أفذاذ كصلاح أحمد محمد صالح والرسام الشهير عمر... قيمة الرجل عندي في تواضعه وأن يترك في داخلك أثرا كبيرا يلازمك طيلة حياتك.. هكذا كان صلاح الدبلوماسي والإذاعي الفذ.. هذا رجل كنز كبير لكننا لم نفطن لهذا.. لا أدري حقيقة لماذا هذا السودان لا يحتفي ببنيه جيدا.. أمثال صلاح لو كانوا في مصر لنُعِتوا بالهرم الخامس.. ....
Quote: احتفى المغاربة احتفاءا كبيرا بشيخ الطيب... وضعوا لافتة كبيرة في مدخل المدينة وبها صورة واضحة للطيب صالح بعمامته الشهيرة وذُيلت اللافتة بجملة «الطيب صالح.. الإنسان والرمز»..
سؤال حيرني كثير يا ود جبرين
لماذا لا يتحدث الإعلام والدولة السودانية كثيراً
عن الطيب صالح ؟؟؟؟ ولماذا لم نجعل منه خوفو ومنقرع أو طه حسين
هنا في مهجر الإغتراب كثيراً من هؤلاء العرب لم يسمع بالطيب صالح
إلا من رحم ربي !!!!!
ولماذا لم يهتم الإعلام العربي بالصولجان الطيب صالح إلا عند مماته!!!!
ماذا رأت المغرب ومثقي ومستنيري المغرب في الطيب صالح ولم يستطع
أن تشاهده معظم الدول العربية بما فيها مصر؟؟؟؟؟؟؟؟؟؟؟؟؟؟؟؟
Post: #3103 Title: Re: ناس الزقازيق ... أجدع ناس (4) .. Author: محمد عيد Date: 09-20-2011, 11:59 AM Parent: #3101
Quote: سلام يا محمد
اليوم و بالصدفة وقع فى عينى منبر الزقازيقاب
وعادت لى ذكريات الزمن الجميل مربع كاى وشارع لكوظ
انا سعيدة جدا بيكم وحاحاول اواصل معاكم بالرغم من انو الشغل ضاغط جدا
سهام صالح محفوظ
خريجة جامعة الزقازيق 1987
كلية الزراعة
رســـالة رقيقة وصلتنى على الايميل من الرقيقة جدا .. سهام صالح محفوظ ...
بنت بورتسودان .. المهذبة والراقية والانيقة
تواصلت معها وهى تهدى الجميع تحياتها وأصبحت متابعة لمنبرنا
ووعدت باستمرار تواصلها معنا ... وهى تعمل فى منظمة plan
فى كل يوم نزداد فرحا وايمانا بجمال وفائدة هذا البوست ...
لذا أدعم مناشدات الريس ميسرة بضرورة معاودة كل الطيور ( الزائغة ) لهذه الخميلة الرائعة
يا ريس كيفنك نحن أمة لا تحتفي بمبدعيها تخيل أن المغاربة يدرسون روايات الطيب صالح في الجامعات والمدارس السنة الماضية دخلت علي بتي ريم فرحانة (أولى إعدادي) قالت لي: يا بابا السنة دي عندنا نص من عرس الزين هسي امشي فتش لي نص واحد داخل المدارس والجامعات للطيب صالح يا حبيب خلي الجمل دة بارك نحن حكوماتنا المتعاقبة أدمنت تركيع وتعذيب شعبها
Quote: هنا في مهجر الإغتراب كثيراً من هؤلاء العرب لم يسمع بالطيب صالح
إلا من رحم ربي !!!!!
ولماذا لم يهتم الإعلام العربي بالصولجان الطيب صالح إلا عند مماته!!!!
يا جبريلا نشكرك على مواصلة سلسلة ذكريات مع قامات التقيتهم... نرجو المواصلة...
يا ريس مقاطع من موسم الهجرة الى الشمال تدرس لأبنتي أمنية بالصف السادس... عندما دخلت المعلمة الى الصف طلبت من السودانيات الوقوف... ثم قالت لهم سوف نتحدث اليوم عن سوداني عظيم... شعرت أمنية بالزهو و الفخر معا طول اليوم... أخبرتني بذلك عندما عادت الى البيت فأكملت ما بدأته المعلمه... ألا رحم الله الطيب و غيره من السودانيين الذين جعلوننا نفخر بأننا سودانيون في كل مكان...
الشاعر قرشي محمد حسن ، تحدث عن سر هذا الليل الجميل
وغناها المبدع عثمان حسين :
يا حبيبي أقبل الليل علينا وضفاف النيل قد أصغت إلينا وخباب الكأس يخبو في يدينا وارتشفناها تباعاً فما ارتوينا
يا حبيبي قلت لي في اللقاء الأول بين همس السنبل وخرير الجدول
في المساء المقبل سوف تلقاني ولكن ما التقينا
Post: #3108 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-21-2011, 05:39 AM Parent: #3107
صباح الخير ،،، يا وجوه الخير
دعاء الصباح :
اللهم الهمني رشدي
وأعذني من شر نفسي
يا أرحم الراحمين
Post: #3109 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-22-2011, 05:51 AM Parent: #3108
الاخ عباس جبر الله ( تربية ) طريح الفراش بمستشفى الملك فهد بالمدينة المنورة بعد عملية جراحية طويلة قبل يومين تم خلالها استئصال الطوحال و بعض الدوالى فى المرئ و المعدة . دعواتكم له بعاجل و تام الشفاء ، هاتفه مغلق يمكن التواصل معه بواسطة تلفون الاخ زين العابدين ( آداب ) 565534041-00966
Quote: د. كمال حنفي: ماذا صنعت لهفة الرحيل؟ محمد الشيخ حسين: عزيزي د. كمال حنفي يبدو لي أن أحزاننا متجددة ومـــــازلنا نبكي، لكننا حينما نبكي من وجع غير أن نبكي من جزع. لم أكن أعلم أن الحزن يتوغل فينا بهذا العمق حين عانقت سطورك عن فقدان ميسون وأحلام شباب سودانيين درسوا في جامعة الزقازيق. لم أكن أعلم، أن هناك جرحا يستعصي على النسيان، فقبل فترة بدأت أكتب يوميات أولاد وبنات دفعة (أعزاء) رحلوا عن هذه الدنيا عليهم من ربي شآبيب الرحمة. كنت أظن أني سلوت أو نعيت نفسي الجرح حاضر وطري في القلب. لكن (اللغة) حين تمتطيها الفكرة تتأبى تصغر وتتضاءل، أمام هول الحدث. كلما خططت حرفا غامت العينان واختنق الصدر بزفرة فأؤجل، ثم أوجل وأخيرا قذفت بكل ما كتبت في سلة المهملات في عملية إبادة جماعية أخشى أن تقودني إلى المحكمة الجنائية الدولية! أعلم أنك سمعت حديثا طويلا في الصبر والاحتساب، لكن أن تبكي من جرح غير أن تحتج عليه! وتأتي مواسم الرحيل، وأحوالنا في غيابة جب، وغيبوبة غيهب، تهوي بنا إلى قرار سحيق قد يحطمه غيابنا، وأطفالنا يتقصفون مثل أوراق خريف لم تهطل أمطاره بعد. وأنت (الأخ الأكبر) قد تشرئب إليك أعناق، وتطأطئ ذلا وعجزا وخجلا. وعندما تأتي مواسم الرحيل يزداد الطفل في دواخلنا يتما ويصرخ: أين من عيني هاتيك المجال؟ وتلك ذكريات كلما آويت إليها، كلما ازداد التوحش. ترى هل يستبد بنا الشوق، أم أن الذاكرة (أَرملة) لا تكتفي بِبكاء واحد وشهقة واحدة؟ ماذا تصنع لهفة الرحيل بنا حين نزور المقابر، ونرى الأجساد الطاهرة ترقد في جميع أنحائها، كأنما هو قدر أن يتقاسموا أطرافها، لتنتشر غمامة من الحب بين القبور، تظلل الراقدين بصمت. إذا وقفت على القبور، ولمست ترابها، لن تفلح (الكبرياء)، في أن توقف ماء غزير انبجس من عينين عذبهما الرحيل. وما تفتأ مطارق الفقد والوحشة تدق قلوبا تكسرت النصال فيها على النصال. صباح الإثنين 22 أغسطس الماضي كان مشرقا طلق المحيا، في ذاك اليوم، كنت على (موعد)، يؤكد أن عاما قد مضى لم يغير شيئا، لكن حين فتحت صندوق البريد في هاتفي الجوال تدفق علي الدمع والوجع! قرأت وحزنت إلى آخر فاصلة في رسالة يعقوب الفجو المختصرة. لهفة الرحيل قد تطلق زفرة حرى أَوَّآهـ كيف يرحل الأحباب؟! ولا أَقول إِلا ما يرضي ربي .. إِنا لله وإنا إِليه راجِعون .. اللهم رضينا بِقضائك وقدرِك .. اللُهم امنح ميسون بنت زينب علي الحاج محمد علي أَكثر مما كانت تتوق. أما الحديث عن أولاد وبنات جامعة الزقازيق، فقد يجعل أَراضي الذكرى تهتز تحت الأقدام إلا قليلا، وكل الخوف أن تلتهمنا الأَوجاع، قبل أن ننتج المزِيد. وأصل الحكاية أننا كنا 15 ألف طالبة وطالب ندرس ونعيش في مدن أم الدنيا في بحبوحة من العلم والعيش المرفه. نعتمد في بحبوحة العلم على أنفسنا كل حسب كسبه ـ من حيث الاهتمام والانهماك، بينما تتأثر بحبوحة العيش بحركة الدولار الحسابي بين البلدين الشقيقين صعودا وهبوطا من جهة، وتذبذب العلاقات السياسية بين خرطوم جعفر نميري وقاهرة أنور السادات مدا وجزرا من جهة أخرى. لكن القاهرة التي ضمتنا كانت أقرب إلى مصر الصحفي المعروف محمد الخليفة طه الريفي التي خلدها شعرا حين قال: أوشكت مصر ان تقاسمنا الحظ وأن صدق المنا والوعود فتحت بابها الكنانة تؤينا وباهت بنا الأيام السعيدة والشهادات والتميز فيها طوقوها الشباب جيدا فجيدا والمطلوب أن نهتم بتتبع تلك السير العطرة من ذلك التميز عبر فترة زمنية تتجاوز الخمسة قرون، بدءا بالشيخ إبراهيم البولاد وقصته معروفة لكل من قرأ طبقات ود ضيف الله، ومرورا بالدكتور الريح العيدروس الذي يعتبر أول سوداني نال درجة الدكتوراه في ثلاثنينيات القرن الماضي في الفلك من جامعة فؤاد، وقد أكد العلامة عبد الله الطيب هذه المعلومة، وليس انتهاء بـ (عم علي) المعروف بالبروفسيور علي محمد شمو شاع الدين الذي أكمل أكثر من نصف قرن من فعل الخير والصواب في من يستحق ومن لا يستحق، ولم تظهر حتى الآن أي مؤشرات تفيد رغبته عن ذلك خلال السنين القادمة من عمره المديد متعه الله بالصحة والعافية والتواصي بالحق وبالصبر. لكل هذه السير العطرة لماذا لا تبادر عزيزي كمال بسرد وتدوين تلك الحكايات، فقد كدت أن أصدق (عمي أحمد الشيوعي القديم) حين يقول (جيلكم تقطعت أنفاسه بين تقلبات ثورة مايو وتراجعات رديفتها انتفاضة أبريل، وحين شم العافية جاءت ثورة الإنقاذ الوطني لتكمل الناقصة). شكرا عزيزي كمال لقلمك ولروحك وطالمــا أنـــت تحمــــل رســــالة فهـــي حتمـــا ستصــــل.
كتبت عن برلمتي مع الثري دايمنشن في السينما فأعقبتوها بدعاء ثم اعلان... و جاء طارق جبريل و تحدث عن تجربته الثرة في مهرجان أصيلة فتبعتوهم بدعاء و اعلان... ففكرت أن أعمل اعلان و أتبعه بدعاء لعله يأتي أحدهم و يكتب شيئا.... قبل يومين جاء الحبيب محمد عيد و حدثنا عن جاذبية الفيس بوك لسرعته ردا على دعوة الريس بالعودة الطوعية... ثم عاد محمد عيد بصيد ثمين ألا و هي الأخت سهام محفوظ و ليؤكد أهمية رعاية هذا البوست.. لأن هنالك أناس كثيرون حتى من غير الزقازيقاب يتابعون هذا البوست بشغف كبير.... لن أدخل في مقارنات بين هنا و هناك و لن أذكر أحد بشيء و لن أوجه دعوة لأي كان.... و لن أنعي هذا البوست لأن قلوب كثيرة تعلقت به فانه لن يموت و ان ضعف حتى دخل العناية المركزة.... و هو مثل الوقف...وقف لعصام دهب في التنفيذ و لعصام و البرنس في التفكير... كان له الفضل بعد الله سبحانه و تعالى في تجميعنا و تحابنا و نقلنا الى رحاب أوسع... و ان كنت أشك في أن هنالك رحاب أوسع من أن يتحابب الناس في الله... فأنا لم آتي لأنعي أو لأرثي بل لأناجي أيام كنا كلما اجتمعنا فيها حلقنا جميعنا بجناحين... و عانقنا فيها سماوات لم نكن ببالغيها لولا هذا الوقف...
اعلان سأظل أكتب في هذا البوست حتى تبلغ سرعتي واحد كيلومتر في الساعة...
دعاء اللهم أجعل هذا البوست في ميزان حسنات أصحاب الفكرة و التنفيذ و كل من كتب فيه حرفا....
يا رشا البوست دة هو الاصل وحا يظل راكوبتنا البنرتاح فيها وخليني ارش ليك ابو الزوز دة شوية ابو الزوز سعى سعيا كبيرا من أجل منبر ناس الزقازيق وهسي البيت فاضي بهناك وان كنت اظن ان محمد صديق لا زال مرابطا تاني قام ابو الزوز فتح «بُلوفة» الفيس بوك وزاغ بهناك
انا ونجيلة لمن قلنا انه البوست دة كافي وممكن يلم الناس من الشلهتة رشونا ليك رش قرائب الابل
انت عارف أبو الزوز ده بيذكرني بعلي أخوي.... يضرب ليك من السودان يقول ليك أنا جاييكم بكره زهجان شديد من السودان... يجي يقعد معانا يومين يقول ليك أنا راجع بلدكم دي تزهج... و هنالك في عائلتنا عدد مقدر من أمثال علي أخوي...
فحسه زهير بدأ بالبوست هنا و كان الأنشط... ثم اكتشف ان الفيس بوك ماعونه أوسع فافتتح المنبر هناك وكان الأنشط... و هو صاحب مبادرات دائما ما تلقى القبول و يلتف حولها الناس... الزول النفسه طويل يباريهو و الزول النفسه قصير زينا كده... يقعد ليهو في عنقريب في البوست ده لحدي ما أبو الزوز يمشي و يجي... أنا غايتو مشيت لحقتو لحدي الفيس بوك و بحاول أعمل فيها نفسي طويل.... لكن يا ناس بعد شوية أستعدوا للتويتر...
يا رشا ابو علي صحبي دة انا من زمن الثانوي حافظه ياخي دة بديري مقلق قلق شديد خلاص دايما زهجان انا لمن قال لي عرست قلت الله يستر علي بت الناس دي ما تطول معاهو
والله يا رشدي ما طالبني حليفة ... التويتر غلبني كله كله عندي فيهو حساب ما عرفت ليهو راس من قعر ... شبكوني ليك فلو فلو قدر ما عملت فلو ما عرفت ليهو راس من قعر ... بس خليني اتفرغ ليهو وبسوقكم التويتر .... قبل كم يوم جاتني في اخبار الياهو انه الصديقة ديمي مور وطبعاً بموت فيها منزله صور في حسابها في التويتر زي ما الله خلقها اها قدر ما عجنت وخبزت ما عرفت ليها سكة .... اها نرجع لموضوع البوست تعرف انا ما عندي ذنب في الموضوع نهائي ... لو عندكم شماعة امشوا شوفوها بعيد مني .... لو جيت لاكتر مداخلات في البوست ده بتلقاها مني .... الناس اعتكفت بعد الهكر الاول ومحتاجة وقت عشان ترجع .... ما عايز اقول كلامي تاني حول الفيس بوك .... لكن يا جماعة نحن قصتنا ما البوست ده قصتنا انه نلم ناس الزقازيق لمن اجي القي لي متين وشوية نفر في الفيس بوك من ناس الزقازيق .... اكيد حا اركلس معاهم والونسة علي الهواء مباشرة .... بعدين بكري بقي يعمل لينا حركات يدي ناس باسيورد ويفط ناس .... احرجني مع ناس كتار متخيلين اني ما رسلت لي بكري ولا ما عايزهم يخشوا سودانيز اونلاين .... للمرة الاخيرة الفيس بوك اكثر تفاعلاً من اي موقع تاني والناس مبسوطة الا قلة قليلة منهم انت وطارق جبريل ومحمد صديق وديل البيصرحوا ... وتحت تحت ميسرة ومنصور عبد الرازق وديل مقطعنه في حشاهم .... واكيد لو لاحظت اصغر واحد فيكم صلعته بتنزل ايرباص عادي .... وناس دقة قديمة وشغل الشباب ده ما نافع معاكم ..... في النهاية سودانيز اونلاين حا يصفي علي المهاترات السياسية واخبار البلد ... ويظل الفيس بوك موقع التواصل الاجتماعي الاول ... هوي يا ناس اصحوا الزمن ماشي وانته لسه في محطة ستة بتاعت الصحافة زلط ... ما عندنا مانع نتواصل معاكم لاننا بنحبكم ... بس كمان لازم تجوا الفيس بوك عشان تكونوا مواكبين للعصر ... محمد صديق قلت ليهو ياخي الفيس بوك جاب اكتر من ميتين نفر من ناس الزقازيق ... قال لي والله لو بقوا الف ما عندي بيهو شغلة ....
Quote: يا رشا ابو علي صحبي دة انا من زمن الثانوي حافظه ياخي دة بديري مقلق قلق شديد خلاص دايما زهجان انا لمن قال لي عرست قلت الله يستر علي بت الناس دي ما تطول معاهو
يا جبريلا و الله عرفتو تب... تعرف قلق الدنيا دي كلها وزعوه ليهو و الباقي أدو منو باقي الناس...
أبو الزوز... ما كنت عايز أدخل في مقارنات بين هنا و هناك كما أسلفت... و لكنك أفلحت في جرجرتي... كلنا قاعدين نجي الفيس بوك و بمعدل يومي كمان... و استمتع بكثير من الأشياء التي تنشر هناك لا أنفي ذلك... لذلك فأنا شخصيا لست ضد يجتمع الناس في ماعون أكبر مثل الفيس بوك... على أن يستمروا في التواصل هنا و لو بمداخلة يوميا... فان للفيس بوك عدد أكبر من المشتركين... فان البوست يتمتع بنسبة مشاهدة أكبر.... كما و اني أشعر أن العلاقات ليست بالحميمية التي كانت و ما زالت عليها علاقاتنا هنا... لأن كل شيء يمضي سريعا و يختفي... أما التهاتر في سودانيزأون لاين فلا علاقة لنا به من قريب أو بعيد... فهنالك مثله أيضا في الفيس بوك ان أردت... و لكن لأنك مكتفي بالمنبر فلا تشعر به...
المهم يا حبيب أنا صحيح دقة قديمة... لكن ما عندي صلعة... انت كان قاصد جبريلا و لا حاتم جبارة قول عديل....
Post: #3119 Title: Re: ناس الزقازيق ... أجدع ناس (4) .. Author: جلال عثمان Date: 09-22-2011, 11:18 AM Parent: #3117
سيظل دائما هذا البوست "مرد روحنا" وضل نيمتنا ومنتهانا هنا اجتمعنا وكانت بداية عن نفسي اعتبرها اعادة الحياة بل قل مبعث لي من جديد بعد ان اخذتنا الحياة في دروب وعرة ويصعب سلوكها، هياء الله لنا هذا المنزل فوجدت فيه ضآلتى ومعيني الذي انهل منه لمواجهة صعوبات الحياة
كفانا الله واياكم نوائب الدهر، ومتع الله العزيز عباس جبرالله بالصحة والعافية ورحم الله مسيون وجعلها عنده في اعالى جنته
تعرفوا يا شباب المشكلة بدات من هجمة الهكر ... البوست ده ما شم عافية حتي المنبر لفترة كان تعبان .... انا بعتقد انه المسالة ممكن ترجع شوية شوية .... بس الناس ما تيأس ولا تحبط .... علي العموم البوست ده هو الاصل وما عداه حرف ومهن
أشعر أن أبنائي قد كبروا... فلقد تغيرت طلباتهم كميا و نوعيا... تغيرت طريقتهم في تناول المواضيع و مناقشتهم لها... و أصبحت أسئلتهم أكثر عمقا و تفصيلا... فما عدت أرد عليها بنفس بنفس السرعة التي كنت أرد بها على أسئلتهم... بل أصبحت أتريث قليلا أو كثيرا قبل الرد... حتى لا أقع في أي فخ من الفخاخ التي عادة ما ينصبونها لي... فلقد وجدت ان كثير من ردودي السابقة لا تلقى القبول أحيانا... فهي ليست منطقية من وجهة نظرهم... فلقد توسعت مداركهم بمناهج دراسية غير تلك التي درسناها... و نشأوا في بيئة غير التي نشأنا فيها... و لعبوا بألعاب لم نكن لنتخيلها حتى عندما كنا صغارا... و احتكوا بجنسيات و ثقافات لم نحتك بها الا عندما صرنا ناضجين... لقد كبروا و هرمنا...
وسط الزهور متصور وجها صبوح و منور رقه و حنان كاسيه ذي القمر مدور هز الكيان بهديله سحر العيون بكحيله ما اظن الاقي مثيله هو الوحيد في جيله
ألا رحم الله الفنان الجميل المرهف العندليب زيدان أبراهيم... و أسكنه الجنة...
Post: #3126 Title: Re: ناس الزقازيق ... أجدع ناس (4) .. Author: ابتهاج عبد الله Date: 09-24-2011, 07:48 AM Parent: #3124
صبحكم الله بالخيرات دايما ما اجد نفسي اقارن بين ايامهم وحياتنا العشناها..حقيقى لازم ننتبه اليهم وبشده ونحسن الاصغاء اليهم وكثير ما احس بانهم اكثر وعيا ومعرفه مني واهم شئ انه في زحمة الاشياءالكتيره دى يخصص زمن للاهتمام بتفاصيلهم البسيطه يابو مهند والله يعيننا والجميع ............................. الف رحمهونور علي العندليب صاحب الحنجره الذهبيه
Post: #3127 Title: Re: ناس الزقازيق ... أجدع ناس (4) .. Author: محمد عيد Date: 09-24-2011, 10:55 AM Parent: #3126
تنـــوح بفقــدك الأوتــــار ...
وتســيل دموعها ... الأزهــــار ....
رحم الله العندليب الاســمر ... زيزو الذى شكــّل كثيرا من وجدانيات الوطن
Quote: دايما ما اجد نفسي اقارن بين ايامهم وحياتنا العشناها..حقيقى لازم ننتبه اليهم وبشده ونحسن الاصغاء اليهم وكثير ما احس بانهم اكثر وعيا ومعرفه مني واهم شئ انه في زحمة الاشياءالكتيره دى يخصص زمن للاهتمام بتفاصيلهم البسيطه
قريت كلامك ده أكتر من مره يا بهجة... وجدته مختصر و مفيد جدا... فيه عمق شديد... كلام مربي فعلا... الاصغاء اليهم و تخصيص زمن لهم أو العكس هو بيت القصيدو مربط الفرس كما يقولون... فتخصيص الوقت الكافي لهم و الاصغاء جيدا لما يقولون مهم جدا... حتى نتعرف على طريقة تفكيرهم بكل تفاصيلها كما قلتي....
رحم الله محمد إبراهيم زيدان علي العندليب الأسمر زيدان إبراهيم اللهم أرحمه و أسكنه فسيح جناتك
Post: #3133 Title: Re: ناس الزقازيق ... أجدع ناس (4) .. Author: كمال الشادي Date: 09-25-2011, 06:21 AM Parent: #3132
صباح الخير يا وجوه الخير وتحية صباحية جميلة جمال وجوهكم
انا احد الذين سحرهم وسحبهم وسرقه بريق الفيس بوك ميسرة في رده على هذه السحبة قالي الفيس بوك ده عبارة عن صفحة وبتطير في الهوا وتاني يوم ما بتلقاها وحقيقي لمن فكرت اكتب الموضوع الفي بالي ده حسيت انو الفيس بوك ما مكانو
وتاني حاجة حاجة كتبها زهير من يومين هناك في الفيس بوك وهي إحتجاج عدد من زملاء الزقازيق عن انسياق الناس وراء الفيس بوك ونسو البيت الاساسي وانا منهم اعتذر ومنكم السماح
Post: #3134 Title: Re: ناس الزقازيق ... أجدع ناس (4) .. Author: كمال الشادي Date: 09-25-2011, 06:32 AM Parent: #3133
موضوع للنقاش :
فرض هذا الموضوع نفسه على بمناسبة رحيل المبدع زيدان إبراهيم --------
سؤال هل تستحق التجربة والحياة الفنية هذا العناء ؟ في الحقيقة شغلت نفسي بسؤال من هم أهل العزاء الحقيقيون في عزاء زيدان ابراهيم اقصد اسرته زوجته أولاده ؟؟؟؟
معروف أن زيدان إبراهيم رحمة الله عليه تزوج وطلق وليس عنده أولاد
لو قدر لك ان تسأله عن .. لماذا هذا الوضع لاجابك ( بفلسفة الفنانين ) أنا تزوجت الفن واولادي هم اغاني التي يغنيها الناس
شغلني أيام الجامعة موضوع فقرأت فيه أكثر من كتاب خاص ب سكيولوجية الفنان سكيولوجية التذوق الفني
حقيقي الفنانين يجدون العزاء فيما يقدمونه من فن في النهاية الحياة بالنسبة للكثيرين منهم هي معادلة توازن نفسي ومعادلة حب الحب يجدونه في الناس من حولهم وبإستمرار
لكن الحياة قاسية ابنك من صلبك ليس كإبنك بالتبني
والاغاني لن تعوض صاحبها عن اولاده من صلبه
عندما شاهدت زيدان رحمة الله عليه على سرير المرض في مصر وددت لو أن حوله أبناءه وبناته في هذا الموقف الذي يساوي فيه الابن الدنيا وما فيها
جال بخاطري خاطر ( مؤلم ) انه يخرج من الحياة الان صفر اليدين !!! وحزنت له لما جالني هذا الخاطر
السؤال ؟ هل تستحق التجربة الفنية والحياة الفنية كل هذا العناء ؟
آسف إن كان السؤال سخيفاً !!!
Post: #3135 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-25-2011, 06:40 AM Parent: #3134
أصبحنا وأصبح الملك لله وحده
دعاء اليوم :
اللهم إني أسألك الجنة
وأستجير بك من النار
Post: #3137 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-25-2011, 07:18 AM Parent: #3135
كتب رشيد القوم موضوع يستحق التعليق عليه
والإستفادة منه ،،، بخصوص هذا الجيل الجديد
أولادنا كثير ما يفرضوا علينا إسلوبهم وإيقاعهم
ومكتسباتهم من إحتكاكهم الكثير بثقافات كثيرة متنوعة
الاحظ عندي مثلاً عندما كنا صغار السن لا نعلق في حضرة الكبار
وخاصة الوالد ولكن الوضع الحالي عندي مختلف تماماً لهم الحق في
التحدث وتوصيل آراءهم بقوة حتى الصغيرة مشكاة في آخر مره تكلمت
كلام كبير قلت ليها والله يا بنتي إنتي جريئة جداً ، ضحكت وعندما خرجت من غرفتهم
أصبحت تصيح واااو أنا جريئة أوي ،،، سمعت كلامها رجعت لها قابلتني بإبتسامة
عريضة وعيون فرحة ، كنا زمان نخاف ونرتجف في مثل هذه الحالة ،،،،،
يبدو بأن هذا الجيل الجديد له ثقافة غير ،،، وفهم غير ،،، ومزاج غير
ومتابعتهم والإستماع إليهم بإستمرار قد يأتي بفائدة كبيرة مع عدم كسر
قوة شخصيتهم الظاهرة للعيان ومنذ هذه السن المبكرة .
Quote: الاصغاء اليهم و تخصيص زمن لهم أو العكس هو بيت القصيدو مربط الفرس كما يقولون... فتخصيص الوقت الكافي لهم و الاصغاء جيدا لما يقولون مهم جدا... حتى نتعرف على طريقة تفكيرهم بكل تفاصيلها كما قلتي....
دي فلقصة بتاعت أولاد مغتربين ساكت نحن هنا حمار عين ساكت من إلتهابات وكدا تخليهم يتراجفو قال أصغي و تخصيص زمن هو زاتو في زمن مكفينا عشان نقوم بوجباتنا قال نديهم زمن!!! غايتو إلا تكون حكم مباراة و بي كدا يكون عندك زمن إضافي تديهم ليهو غايتو الموضوع دا من جانبي ينظر و يفاد عندما أغترب غير كدا سوطنا في يدنا و الماعاجبو محكمة لاهاي ما بعيدة
Quote: نحن هنا حمار عين ساكت من إلتهابات وكدا تخليهم يتراجفو قال أصغي و تخصيص زمن هو زاتو في زمن مكفينا عشان نقوم بوجباتنا قال نديهم زمن!!! غايتو إلا تكون حكم مباراة و بي كدا يكون عندك زمن إضافي تديهم ليهو غايتو الموضوع دا من جانبي ينظر و يفاد عندما أغترب غير كدا سوطنا في يدنا
نفسي ياخي أصدقك لكن ما قادر... ما عارف ليه... عندي احساس كده صاحبتي انتصار فارضة هيمنتها عليك... و مخلياك تمشي على العجين ... ما تلخبطوش....
آل سوط آل.. و الله السوط شايلنو هم ليك... و دقوك بيهو لحدي ما قلت الروب....
Post: #3139 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-25-2011, 07:59 AM Parent: #3138
غادر فراش القاش غادر وما عارف انو الزمن غشاش
ولو تعرف يا زيزو بحبك قدر ايه بحب زى عيونى ده حب احترت فيه
ما قادر اصدق واستوعب انى لما ارجع اجازة ما الاقى زيدان ولا احضر حفلة لزيدان زيدان هو فنان العائلة احضرناهو اول مرة فى زواج اخوى ثم فى زواجى انــــــــا فى نادى التنس بالخرطوم بعد اسبوع عمل لي جلسة خاصة بالعود فى منزله بالحاج يوسف ما زلت محتفظ بالشريط الى الان
لو تعرف الدنيا من بعدك سراب ما كنت رحت وطولت الغياب
انا لله وانا اليه راجعون
Post: #3140 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-25-2011, 08:39 AM Parent: #3139
((((( منقول للفائدة )))))
الخطوات العشر لتغيير المراهق1. الخطوة الأولى : اجلس معه• أنواع المجالسة : 1. الفوقية : بأن تكون أنت جالس وهو واقف . • الرسالة : افهم . أنا أعلم منك وأنا أعلى منك شرفاً ومعرفة . • النتيجة : المكابرة والعناد . 2. التحتية : أنت واقف وهو جالس . • الرسالة : أنا أقوى منك وأستطيع أن ألطمك وأهجم عليك في أي لحظة . • النتيجة : الخوف وضعف الشخصية . 3. المعتدلة : نفس مستوى المراهق وبمواجهته و الدنو منه . • الرسالة : أنا أحبك . • النتيجة : الاطمئنان و الصراحة . • أين تجالسه : 1. في مكان مألوف . 2. بعيد عن أعين الناس . 3. فيه خصوصية وسرية . 4. يفضل خارج المنزل أو مكان غير مكان حدوث المشكلة . 5. يفضل التغيير والانتقال إذا كان الوقت طويلاً . • متى تجالسه : 1. في وقت لا يتبعه انشغال . 2. في وقت كاف للمراهق أن يقول ما لديه . 3. في غير أوقات العادة اليومية الخاصة ( النوم ، الطعام ... غيرها ) . 4. وقت الصباح أفضل من المساء . 5. في أوقات أو فترات متقطعة .
2. الخطوة الثانية : لا تزجره (الرفق و اللين)-----------
• لاحظ في هذا : مراعاة نبرة الصوت في الحديث معه أن لا تكون حادة في كل وقت . مراعاة البطء في الحديث لتتأكد من أن المراهق يسمع كل كلمة مراده . فصاحة ووضوح الكلمة و العبارة باستعمال العبارات التي يفهمها الشاب .
3. الخطوة الثالثة : أشعره بالأمان• يجب أن يشعر المراهق بالأمان و الثقة وأن المقصود هو البعد عن العادات السيئة و الأخطاء المرفوضة ويمكن لتحقيق ذلك مراعاته : في شكل الجلسة بالدنو منه دون التلويح باليد . بالصوت الهادئ بدون تأفف أو تذمر . بإعطاءه فرصة كافية ليعبر عن نفسه .
4. الخطوة الرابعة : تحاور معه----------------------------- • ينتبه في هذه الخطوة إلى أهمية : الحديث معه بعرض المشكلة وبيان خطرها ، ومدى حرصنا على حمايته ، وإمكانية سماعنا منه ، واحتمالية سماحنا له عنها . عدم تصيد أخطاؤه أثناء الحديث معه ، وعد مقاطعته كلما وجدنا تناقض أو خطأ ، لأننا قد نعدل به عن الصراحة بهذا التصرف . استعمال أسلوب الإقرار الذاتي ، بحيث يقوم المراهق بالإقرار من نفسه على نفسه بالخطأ الذي وقع فيه ، وهذا يكون بالسؤال ، غير المباشر المؤدي إلى الإجابة المباشرة . الحرص على الأسئلة الكثيرة التي تكون إجاباتها بـ (لا) إذا كان المقصود منع الشاب ، و الأسئلة الكثيرة التي تكون إجاباتها بـ (نعم) إذا كان المقصود دفع الشاب ، بحيث لا يقل تكرارها عن عشر مرات في نفس الموقف .
5. الخطوة الخامسة : أحسن الاستماع إليه: • وللاستماع بصورة أجود يجب مراعاة : عدم التحديق في عين المراهق ، إنما النظر إليه بهدوء . الاستماع إلى الكلمات بالاهتمام المناسب . الانتباه إلى الإشارات الجسمية (مكان العين ، الشفاه المشدودة ، اليد المتوترة ، تعبيرات الوجه وتغيراته ، طريقة الجلسة ... غيرها ) . التقليل من المقاطعة ، أو الشرود عنه ( بالنظر إلى مكان آخر ، صوت فتح الباب ، الاستماع للراديو ... غيرها ) . الانتباه إلى نبرة صوته ، مع التفاعل معها .
6. الخطوة السادسة : أعطه حرية الاختيار • مجالات يمكن إعطاء الخيار للمراهق فيها : طرق الحل للمشكلة . العقوبة وقدرها . المكافأة وكيفية الحصول عليها . أسلوب تنفيذ التكاليف المطلوبة .
7. الخطوة السابعة : حفزه عند الإنجاز• الحوافز تشمل الأمور المعنوية كالشكر و الثناء و إبداء الرضا عنه ، و الأمور المادية كالهدية و تقديم مصلحة له و الخروج به لمكان معين ، ويقصد من الحوافز تغيير سلوك غير سوي أو استقرار وتعزيز سلوك حسن .
8. الخطوة الثامنة : عاقبة عند التقصير • من أشكال العقاب : حرمانه من بعض محبوباته التي يحبها من الامور ، أو التقليل منها . اللوم و العقاب اللفظي كالكلام معه بشدة . خسارته من بعض حقوقه مثل منعه من المصروف أو الخروج مع أصحابه . فقده للثواب الموعود به عند الإنجاز . ضربه إذا دعت الحاجة لذلك ، لكن يكون آخر العلاج .
9. الخطوة التاسعة : اجعل له مجال للعودة• وذلك بتقبله بعد التغيير ، ونسيان ما كان منه ، وكما قيل : " الوالد المنصف هو الذي تتغير نظرته عن ابنه كلما تغير ابنه " ، وبفتح المجال لذلك عند الحديث معه عن ما يراد تغيره .
10. الخطوة العاشرة : الدعاء• وهذه الخطوة على جانبين : الأول : الدعاء له بظهر الغيب ، وأمامه بأن يغيره الله إلى ما هو أفضل . الثاني : حثه على الدعاء دائماً بأن يدعو الله أن يغيره إلى ما هو أفضل
Post: #3142 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-25-2011, 08:57 AM Parent: #3140
Quote: سؤال هل تستحق التجربة والحياة الفنية هذا العناء ؟
قرأت وسمعت وشاهدت كثيرا" هذا السؤال يطرح على نجوم المجتمع المصرى سواء فنانين او ممثلين وكانت الاجابة واحدة
Quote: أنا تزوجت الفن
واخر لقاء شاهدته الاسبوع الماضى مع الممثلة الهام شاهين ولكن جميعهم اعترفوا بفشلهم فى تكوين اسرة بسبب الفن
لم اسمع بطرح هذا السؤال الجرئ لاى فنان سودانى .
Post: #3141 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-25-2011, 08:44 AM Parent: #3136
السؤال ؟ هل تستحق التجربة الفنية والحياة الفنية كل هذا العناء ؟ =====================================================
هذه ترجع لقناعة الفرد ومعتقداته وإيمانه بهذا الشئ
على الرغم من ظاهرها غير منطقي لأن سنة الحياة هي التزاوج
وإنجاب الأطفال حتى تستمر الدنياولا ينقرض البشر ،،،،
نلاحظ بعض القناعات مثلاً الفنان عبدالحليم حافظ لم يتزوج
رغم من بعض المغامرات العاطفية وكذلك الفنانة أمينه رزق
وأمثلة كثيرة ،،،
كيف إقتنع ذلك المعمم الأفغانستاني بأن يضع متفجرات داخل عمامتة
ويحتضن برهان الدين رباني ويفجر نفسه ويتطاير مخه ويقتل ذلك الرجل
الموضوع يرجع لقناعات وإيمانيات وغسيل أمخاخ وثقافات الأفراد ،يستطيع
الفرد أن يقول لكم بأني مضرب عن الزواج وقد تزوجت الفن وبكل قناعة
يتضح لنا بأن الأمر غير مربوط بالفن إنما بالثقافة والقناعات والبيئة
يا رش ليس لك الحرية في أن لا تصدقني بعدين القعاد جنب العيال و لفترة طويلة بيكون في زرزرة على الطريقة الصاح عليك الله ناس الشركة ديل فيهم فايدة؟؟؟ ما يخلوك في السلع إنشاء الله بي نص مرتب من الثري دايمنشن للزرزرة و الله أخير تاكل باسطة أما مداخلة ديديو قوم و أقعد و خطوة أولى و تانية و شنو كدا لو إختصر كلامو دا كلو في الخطوة العاشرة بيكون أحسن
Quote: الخطوة العاشرة : الدعاء• وهذه الخطوة على جانبين : الأول : الدعاء له بظهر الغيب ، وأمامه بأن يغيره الله إلى ما هو أفضل . الثاني : حثه على الدعاء دائماً بأن يدعو الله أن يغيره إلى ما هو أفضل
Post: #3144 Title: Re: ناس الزقازيق ... أجدع ناس (4) .. Author: محمد صديق Date: 09-25-2011, 10:20 AM Parent: #3143
تعرف يا جلا مش بيقولو البتجي من السماء بتحملها الواطه... ده البقى علي أنا... القصة مش زرزرة و بس... كمان فيها تشكيك في مقدراتي... كنت بذاكر عربي مع أمنية... لقيتها كاتبة في الكراس (البنت نشيط)... قلت ليها ما نشيط يا أمنية البنت مؤنث لازم تكون نشيطة... قالت لي انت متأكد و لا جبتها من راسك ساكت... كنت عايز أقعدها و أنا أقيف و أديها ليك درس في الأخلاق... لكن قريت كلام ديدو قمت صاحبتها و جبت ليها آيسكريم... و برضو دعيت ليها... اللهم أحفظها و حسن عربيها...
Quote: فكروا كلكم :الحاصل شنو؟؟؟؟؟؟
الحاصل انك لا متابع لا مستمتع يا كوتش.... نحن قلبنا الصفحة دي و الناس رجعت تاني... ما زي الأول.. لكن رجعت... وش البامية ما ياهو.. لكن غيرنا الزيت الفلت... مع استمرار غياب منصور... كدي انت رد لينا على المواضيع المطروحة عشان ما نحسبك غياب...
موضوع كيمو الجاهز عن هل رسالة الفن تستحق كل هذه المعاناة... فأنا أتفق مع طرح الريس ميسرة... في أن صاحب أي رسالة يبذل من أجلها الغالي و الرخيص.. و لا يشعر بتلك المعاناة ويعيش حياته سعيدا... و هذا البذل و الذي نسمية نحن تضحيات... تكون بالنسبة له قمة السعادة و لا يكون لحياته معنى بدونها... و يكون راضيا عن رحلته في الحياة بحلوها و مرها... فلا شيء مطلق في هذه الدنيا... أخلص الى أنه اذا لم يكن للراحل زيدان أبناء يقفون معه ساعة مرضه... و هذا بالتأكيد مهم و لا شك في ذلك... لكن هنالك من وقف معه في مرضه و محنته... و شيعته الآلاف الى مثواه الأخير يدعون له بالرحمة و المغفرة... و فوق كل ذلك سيظل الناس يذكرونه بالخير و يدعون له كلما رددت أإغنياته... أو صدح بها صوته الجميل من خلال الأجهزة المسموعة أو المرئية...
Post: #3147 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-26-2011, 05:25 AM Parent: #3146
البنت النشــيط .... دهــ يمكن محمد ولد ولا المدرسة من بلدياتنا دنقلاوية
من الاشياء الاكتسبتها عــناب من السودان بعض الكلمات العامية سواء من الاهل او الجيران .. لكن ما كنت متخيل انها فى لحظة غضب ممكن ترد علي بالشكل دهـ ... قلت ليها آشربى عصيرك بسرعة عشان اتأخرنا قالت لي بنبرة حادة اســتنى خلينى اشرب ( المــيتيـن ده ) وكررتها مرتين عشان تورينى انا بتعرف تتكلم سودانى ... قلت ليها عرفتى الكلام ده من وين قالت سمعتو من ( حامن ) بتاع الدكان تقصد حامـد ..
Quote: قالت لي بنبرة حادة اســتنى خلينى اشرب ( المــيتيـن ده ) وكررتها مرتين
أها دي تتعامل معاها من الخطوة الكم؟؟؟ في تصوري أن التعامل مع الأطفال حسب المواقف و كذلك الأسئلة أنا شخصياً راقد في عنقريب هبابي و تاكي راسي لا ورا و المركوب جنبي أي أنكبة شنكبة المركوب زي التبش إسرار بتي الكبيرة قالت لي أنا و إختي إنتصار من الصفوة قلت ليها كيف يعني صفوة؟؟؟ قالت عندنا يوم سباحه في المدرسة قلت ليها يعني شنو برضو؟؟ ما برضو في ناس كتاااار عندهم يوم سباحة في المدرسة قالت لي السباحة حقتنا في نادي المريخ و قالو لينا ناس نادي المريخ إنتو صفوة قلت ليها خلاص يا محمد عيد قربت تقول لي لا أنا ياسر نجيلة حقو الواحد يمشي يسكن الحاج يوسف
Post: #3149 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-26-2011, 06:39 AM Parent: #3148
Quote: قلت ليها خلاص يا محمد عيد قربت تقول لي لا أنا ياسر نجيلة حقو الواحد يمشي يسكن الحاج يوسف
الواحد بعد ما نسي الضحك ... رجع ليهو تاني ... علاقة الحاج يوسف شنو ... يالجلا ... قصدك عشان تكون بعيد من نادي المريخ ... ياخي ... المسافة ما مهمه... الصفوة زرعت في قلوبهم خلاص ...
الزواج اقتناع ... ممكن الشخص اي كان وضعو لظروف خاصة جدا به ... لايتزوج بعدين بقوم بعمل الفن ... شماعة ... ده اختراحي بايجاز في القضية يعني ....
Quote: السؤال ؟ هل تستحق التجربة الفنية والحياة الفنية كل هذا العناء ؟
ليس التجربة الفنية وحدها تستحق العناء في نظري أي جهد مبذول وبقناعة لا يخدشه شائبة فإنه يستحق العناء كيف تحب أن يراك الناس؟؟؟ كيف تحب أن تراك أسرتك؟؟ ما مدى سعادتك عندما تسعد الناس؟؟؟ ما مدى سعادتك عندما تسعد أسرتك؟؟ إذن عنصر المقارنة بين أسرتك و الناس لا يمكن أن يختزل في بعض المؤشرات و الكلمات فأي منهما يختلف بإختلاف فهمك و حبك للأشياء فمعايير حبي لأسرتي كبيرة أو صغيرة كانت يختلف من معايير حبي للناس أين تجد نفسك هذا هو الأهم و مدى رضاك عن حالك فمثلاً أن أقول أنا أحبكم فالطبع أنا من أسرة زقازيقية تضم فلان و علان إذن فأنا أنتمي لكيان حقيقي فهم يقدورني و يبادلوني ما أبادلهم حتى إذا لم تكن لي أسرة إذن أنا مرتاااااااح فإذا جاءت طامتي أول زول حضور هو الكمندان و بعدها ذاك النفر الجميل
Post: #3151 Title: Re: ناس الزقازيق ... أجدع ناس (4) .. Author: محمد صديق Date: 09-26-2011, 07:23 AM Parent: #3150
سلامات يا ناس
Quote: الحاصل انك لا متابع لا مستمتع يا كوتش....
ده صحيح 100ال 100
بجيكم لى تزوجت الفن ...لكن حكاية النضيف ذكرتنى حكاية
عمر صاحب الهوبة الشهيرة:
جيت البيت متأخر كالعادة وطوالى خشيت فى السرير وما كان فى عيش...يبدو انو ست البيت
مادايرة تقول مافى عيش قامت قالت ليهو امشى الفرن جيب العيش.قال ليها بالله انا امشى الفرن البعيد
بعد ممارسة الرياضة لعدة أيام متتالية وجدت نفسي أميل الى النوم هذا الصباح... و بما ان المشروع الذي سأعمل به لم يبدأ بعد قمت بانزال أمنية و مهند الى بص المدرسة ثم نمت... نمت نوم قرير العين هانيها لايشغل تفكيري شيء... فأنا لست متزوج بالفن...بل بامرأة و لا كل النساء... تعيش معي الحياة بحلوها و مرها.. بل أكثر من ذلك فهي بالنسبة مثل مساعد الياي أو الشوك اوبسرفر(ماص الصدمات)... الأمر الذي يجعل من الحياة ممكنة في أوقات الشدة... صحيت على أصوات المدافع فما زال الثوار يرابطون على مشارف بني الوليد... لقد نسيت جهاز التلفزيون مفتوحاففزعت لصوت المدافع في بلد أمنه الله... فتعوزت و تحوقلت و دعيت الله أن يديم الأمن و الطمأنينة على هذا البلد... و أن تتوقف أصوات المدافع في وطني و كل بلاد المسلمين... ثم وجدتني أهرع الى البوست لأستمتع بكتابات جلا و ديدو و ياسر نجيلة... و يطممئن قلبي بدعوات الريس ميسرة... و أنتظر عودة منصور وجلال وعودة الكوتش بلياقة كاملة... و أن يزول عن كيمو انبهاره بالفيس بوك و يعود الينا سالما غانما... ثم بدأت أقرأ في رواية ابنة الحظ التي أرسلها لي صديقي أبو الزوز... تمنيت لو كنت أعرف اللغة الأسبانية لكنت أكثر استمتاعا بالرواية... أخشى أن أقول ان الترجمة قد أفسدت جمال الرواية... قرأت في الرواية حتى أشبعت نهمي الصباحي للقراءة ثم عدت الى البوست مرة أخرى... فكان بمثابة تحلية بعد شبع فقرأت ما كتبه أناس أحبهم مرة أخرى... لم أيمم وجهي شطر الفيس بوك و لا مرة هذا الصباح... فلقد وجدتني مكتفيا بما أملك... أو ليس هذا بسبب كاف لتضجري من غياب الناس عن هذا المكان...
ازيكم يا حلوين .... من بدري جداً لفت نظري سلوك الفنانين .... لقيت انهم بيختلفوا عن الناس العاديين ... دائماً سلوكهم فيهو تمرد علي كل شئء ... كل الفنون ... غناء ... تمثيل ... موسيقي ... رسم .... الخ .... الأسرة بنظامها المعروف بتشكل حجر علي حرية الفنان وبتحد من تمرده عشان كده دائماً بنلقي الفنانين زيجاتهم فاشلة في أغلب الاحوال .... عشان كده لمن نجي نقيم سلوك الفنان الحقيقي مش الفنان المستهبل زي ناس قريعتي راحت لازم نقيمه من خلال منظور مختلف ... ده ما يمنع انه في فنانيين كتار وحقيقيين كونوا أسر وأولاد وكانوا مستقرين في حياتهم الأسرية لفترات طويلة ولغاية وفاتهم .... صباح سألوها في برنامج لبناني هل خنتي أحد من أزواج الثمانية ... قالت ليهم كلهم دون أستثناء وده شئ طبيعي في الوسط الفني .... هاج من هاج من الفنانيين بل ذهب بعضهم الي محاولة رفع دعوي علي الشحرورة .... أعتقد أن كلامها فيه كثير من المنطق .... وما عايز أقول شئ طبيعي عشان حا يجي واحد يقول لي عايز تنشر الفاحشة في المجتمع ....
اما عن الاخوة الصعايدة .... الأطفال ... مرة كنت راكب الحافلة ومعاي حنا وميار .... حنا يتعلم في القراية يا دوب .... قرا لافتة مكتوب فيها سعد ... قال لي يا بابا س ع د .... تتقري شنو ... ميار بسرعة قالت ليهو سعد ... قال ليها اسكتي يا غبية وريتي ليه ... قلت ليهو يعني لو ما ورتني ما كنت حا اعرف ... بكل ثقة قال لي : ايوه .... هذا الجيل يحس بالتفوق علي جلينا في المعارف وده نتيجة تعامله مع التكنولوجيا البيشوفنا متخلفين فيها .... الا نحن فايتنو بالعمر وكم المعارف الأتراكمت لينا من خلاله ... بس لو قارناهو لمن كنا في عمرهم أكيد المقارنة ما في صالحنا ... والحاجة التانية أختلاف معايير التربية بين جيلنا وجيلهم ,,,, وده يمكن لأختلافنا نحن من أهلنا بحكم التعليم ... ومتطلبات العصر .... الخلت انه العلاقة فيها كثير من الديمقراطية بين الأبناء والآباء .... زمان عمكم الزناتي لمن يقول يا ولد أي ولد ذكر في البيت يجي جاري مهما كان عمره .... ولمن يقول يا بت حتي الوالدةبتجي جارية مع البنات .... هسه لو قلت لي واحد من أولادك اعمل لي الحاجة الفلانية ممكن ما يتلفت عليك ... أو يقول ليك ما قادر ولا فتران ... او يقول ليك ما تعملها براك وفعلاً تمشي تعملها براك ... زمان ابوي بعد الغداء بنغسل ليهو يدينه وهو قاعد في محله في طشت صغير ... ونسقيهو الموية ... وندوس ليهو رجوله ويعني ما فاضل الا يقول لينا أن ربكم الأعلي ....
Post: #3157 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-26-2011, 08:46 AM Parent: #3156
يا حليلكم يا ناس الفيس بوك مشتاقين والله لي 3 يوم ما لاقيتكم يدى اكلتنى مشيت الشات اكوس للشمارات الطازة ما لقيت اى زول لقيت صورة لواحد عجوووز كاتبين فيها ( حبيناك من قلوبنا واخترناك يا حلووو ...
مشتاقين يا وليد حمدون ويا رفعت و عزيز وجلاكين قطر واى زول بقعد فى البلكونة وركن اداب ، ما تقولو نسيناكم بنجيكم بالباب الورانى .. وبتحمل المخالفات المرورية عشانكم
Post: #3158 Title: Re: ناس الزقازيق ... أجدع ناس (4) .. Author: محمد صديق Date: 09-26-2011, 09:23 AM Parent: #3157
سلامات يا ناس
Quote: هسه لو قلت لي واحد من أولادك اعمل لي الحاجة الفلانية ممكن ما يتلفت عليك
تذكرت طُرفة حنا مع زهير...
قال ليهو انت يا بابا بتحب التفاصيل ...زهير قال ليهو كيف؟
قال ليهو يعنى انت بدل ما تقول لى اطفى النور ..تقول لى :
يا حنا قوم امشى اطفى النور.
Post: #3159 Title: Re: ناس الزقازيق ... أجدع ناس (4) .. Author: محمد عيد Date: 09-26-2011, 09:46 AM Parent: #3157
Quote: بل أكثر من ذلك فهي بالنسبة مثل مساعد الياي أو الشوك اوبسرفر(ماص الصدمات)...
غايتو المهروش ظاااااهر ....
زمان يا حبيب ( ايام الزقازيق ) ... بعد كل كـعــّة كنت بتجينى جارى وشايل ليك قصيده جديده
يا حمادة الاطلالة دي كانت قبل الشوك أوبسرفر... كانت الاطلالة و بعدين جاء الشوك أوبسرفر.... كانت شوك أوبسرفر و لكن بعدين أصبحت كتاوت... انتو الكتاوت بتعمل شنو؟ كدي نسأل أبو الزوز... قال عربيتو في الميكانيكي عندها مشكلة كتاوت...
بعدين أسمع يا بتاع الفتيحاب الراحل الحاج يوسف انت... أنا كان قمت عليك بوريك المكشن بلا بصل.... ما تخليني أقوم حسه أملأ عربيتي من بنزين الامارات الراقد هبطرش ده... و أجيك في الفتيحاب و في طريق الرجعة أغشى محمد عيد... أعمل عمره و أبيع عربيتي في الحراج... و أركب الطيارة أجي راجع و أنا ضميري مرتاح...
Post: #3164 Title: Re: ناس الزقازيق ... أجدع ناس (4) .. Author: محمد عيد Date: 09-26-2011, 11:49 AM Parent: #3163
Quote: أنا شخصياً راقد في عنقريب هبابي و تاكي راسي لا ورا و المركوب جنبي أي أنكبة شنكبة المركوب زي التبش
يا رش ... عاين عمايل صاحبك البيقول رافع المركوب ده
Quote: تخليني أقوم حسه أملأ عربيتي من بنزين الامارات الراقد هبطرش ده... و أجيك في الفتيحاب و في طريق الرجعة أغشى محمد عيد... أعمل عمره و أبيع عربيتي في الحراج... و أركب الطيارة أجي راجع و أنا ضميري مرتاح...
أحد أوجه العملة إنتفى عليه: يظل وجه العملة الآخر موجود ما لم ينفى بإسناد قول أو فعل آخر
كشفت القناة الثانية بالتليفزيون الإسرائيلى أن رئيس الحكومة بنيامين نتانياهو ذو أصول سودانية، حيث ولد بمدينة حالوف الواقعة بشمال السودان فى عام 1949.
وأضافت القناة أن الاسم الحقيقى لرئيس الوزراء الإسرائيلى هو عطا الله عبد الرحمن شاؤول، ولديه شهادة ميلاد سودانية، وله أقارب يحملون البشرة السمراء الأفريقية من الدرجة الثانية، مشيرة إلى أن عائلته كانت من أغنياء السودان، حيث يمتلكون أراضى على مساحات واسعة هناك.
وأشارت الصحيفة إلى أن عائلة نتانياهو ذاع صيتها فى مجال التجارة وبالتحديد فى الاستيراد والتصدير، موضحة أنه فى أعقاب تولى جعفر النميرى رئاسة السودان، اضطرت عائلة نتانياهو الهجرة لإسرائيل، بعدما منع "النميرى" تعاطى الكحوليات، فيما فضل بعضهم الهجرة للولايات المتحدة.
وأوضحت الصحيفة أن نتانياهو كان يخفى دائما فى شبابه وعندما جند فى الجيش الإسرائيلى إتقانه للغة العربية والنوبية، حيث إنه هاجر من السودان فى عمر الخامسة عشرة، ولما وصل إسرائيل غير اسمه إلى بنيامين نتانياهو وأخفى أصوله السودانية.
اليوم السابع ========================================================================
يا ناس السودان (جلا والكوتش) الكلام ده كان صاح
كلمونا علشان نمشي نقلع حقنا من الناس ديل ومعاهم البدلات!!!!!
Post: #3168 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-27-2011, 05:57 AM Parent: #3167
اليوم تمكنت مني الانفلونزا عافاكم الله... فلقد جعلتني أسهر الليل متقلبا في فراشي حتى الفجر... لذلك اذا رشحت مني بعض العبارات التي لا تعجبكم فأعذروني... فانه مجرد ضيق و تضجر من الانفلونزا... استعنت عليها بالليمون و عسل النحل... وسأزيد عليهم نقيع القرض و الكركدي... و أخشى ما أخشى أن ينقلب علي نقعي للقرض مثلما انقلب على (كريت)... التسوي كريت في القرض تلقاهو في جلدها... الحمد لله انني لم أفعل به ما فعلته (كريت) فأنا غمرته فقط في الماء... بينما تقوم كريت برفع مقدمتيها لتهش بأعالي الأغصان لتسد رمقها... فتكسر و تدمر و تأكل.... عندما كنت شابا في عمر الأبناء زهير و جلا و جلال عثمان... كنت أداوي الانفلونزا بأن أمشي ألعب دافوري في الشمس الحارقة... ثم حمام بارد بعد الدافوري فتذهب الانفلونزا من غير رجعة... لم أقرب أي نوع من أنواع الأدوية قط وقتها... و اذا اشتدت و لم يفلح معها الدافوري و الحمام البارد... استعنت عليها بنقيع القرض و الكركدي... بينما كان بعض الأخوة يوصون بنوع آخر من النقيع... الآن و بعد أن أصبحنا في عمر أخوانا الكبار منصور و محمد عيد تغير التكتيك... فلا نقيع القرض و الكركدي يجدي... و لا حتي عصير الليمون و عسل النحل... فالليمون ليس الليمون و لا العسل هو العسل... فكثير من أشجار الليمون تسقى من ماء آسن... و النحل لم يعد آمنا في أعالي الجبال و الأشجار و لا حتى مما يعرشون... فالحرب والدمار قضيا على الأشجار و البيوت و وصلت حتى أعالي الجبال... اذا لم يبقى لي الا الدواء الذي يصنع في سويسرا و فرنسا و غيرها من بلدان الدنيا... و التي ما زالت الحياة فيها بخير... رغم المشاكل الاقتصادية التي تريد أن تقضي على الأخضر و اليابس.... ثم تذكرت أطفال و نساء و شيوخ الصومال و كيف آل بهم الحال... كانوا يصدرون لنا الفرح و الجمال أيام محمد زياد بري رغم انه كان دكتاتورا... فأصبحوا يعبأون شاشات الدنيا جوعا و فقرا و مرضا وموتا... ربما يكون زياد بري هو من أورثهم الفقر كما يقول منتقدوه... و لكنهم لم يصلوا الى هذا الحد و لم تهاجر نسائهم ليعملوا بالبغاء في مواخير أمريكا... و أنا أتذكر جياع الصومال استحيت على نفسي و أنا أشكيكم الانفلونزا...
Quote: و النحل لم يعد آمنا في أعالي الجبال و الأشجار و لا حتى مما يعرشون... فالحرب والدمار قضيا على الأشجار و البيوت و وصلت حتى أعالي الجبال... اذا لم يبقى لي الا الدواء الذي يصنع في سويسرا و فرنسا و غيرها من بلدان الدنيا... و التي ما زالت الحياة فيها بخير...
المعاناة تولد الإبداع و كذلك العطلة
Post: #3172 Title: Re: ناس الزقازيق ... أجدع ناس (4) .. Author: محمد عيد Date: 09-27-2011, 10:14 AM Parent: #3170
Quote: آآآآتشيو.....الحمد لله....
يرحمكم الله ويصلح بالكم
الف كفارة ايها الحبيب .. سلامتك وما تشوف شر انشاء الله
Quote: الآن و بعد أن أصبحنا في عمر أخوانا الكبار منصور و محمد عيد تغير التكتيك...
هاك التكتيك الجديد ده ... جاى طازة من مخلاية ميشو ..ز
اولا : العزل فى كرنتينة ( غرفة ) منفرده بعيدا عن الاطفال بشكل خاص . ثانيا : الامتناع تماما عن التدخين وشرب الماء البارد . ثالثا : عدم تناول البيض والاسماك . رابعا : ... البحث عن مصدر ينتج ويسوق لـ فتة الكوارع الساخنة بالليمون والثوم .... ( وان صعب عليك ذلك .. شاور بس لناس السعودية تأتيك طازجة من كرنتينة جدة او حى الوزارات بالرياض .. فالحبايب كثر والزبائن أكثر ) . خامسا : وهو الاهم ... الابتعاد عن التداخل فى الشات مع المدعو جلا ... حيث انه أتى من الدمازين حاملا معه جمارا خبيثة أقسم بتوزيعها على كل دعاة الوحدة ..!!
Post: #3175 Title: Re: ناس الزقازيق ... أجدع ناس (4) .. Author: محمد عيد Date: 09-27-2011, 10:49 PM Parent: #3174
تلقينا فى ساعة نتأخرة من هذه الليلة تعليمات مشدده من القائم مقام مسيرة سيد احمد رئيس مجلس قيادة الثورة مفادها ..
بتوجيه ضباط وجنود وردية الليل ببوست ناس الزقازيق اجدع ناس بمعاودة نوبات الحراسة الفردية والجماعية لحوش البوست ..
وقد خصت التعليمات جميع الضباط واشارت بشكل خاص الى السادة /
محمد صديق - الرشيد بابكر - زهير الزناتى - جلال عثمان - طارق جبريل - حاتم جبارة - محمد عيد - عبد الدائم - محمد آدم النور... وغيرهم
ومن العناصر النسائية : نجاة حوفى - منى يونس - زينب التجانى - ابتهاج عبدالله - عفاف ميرغنى ... وغيرهن
وقد افرد البيان حيزا للعقوبات التى أقرتها القيادة للممتنعين عن تنفيذ الاوامر سيتم نشرها تباعا
كما اشار الى جملة من العقوبات للاعضاء من الضباط والجنود المتخلفين عن الانضمام لمواقع المنبر منذ اكثر من ثلاثة اشهر تصل الى الى تحديد الاقامة والارسال الى المنفى ...!
وقد أعذر من أنذر ..!!!!!
عنى انا سأكون اول المتواجدين هذه الليلة باذن الله وربنا يبعد عننا سيطان القائد الاعلى ....
بالكلام دا معناهو هناك إتفاقية سلام بين الشعبية ممثلة في الحلو و عقار و ناس البوست ممثلين في شخصي لكن داير أعرف هو منصور دا الامم المتحدة و لا شنو؟؟؟ إذا كان كذلك فأنا ضد فلسطين في نيل عضويتها معانا و السلام لحين إشعار آخر
Quote: وقد خصت التعليمات جميع الضباط واشارت بشكل خاص الى السادة / محمد صديق - الرشيد بابكر - زهير الزناتى - جلال عثمان - طارق جبريل - حاتم جبارة - محمد عيد - عبد الدائم - محمد آدم النور... وغيرهم
1/ ناس اللون الأحمر بالرغم من إنهم قلوبهم شتى لكن يجمعهم اللون 2/ ناس اللون الأخضر بالرغم من كل زول في بلد لكن مدشدشين للآخر 3/ بالنسبة Glow Font تذكرت قم للمعم وفه التبجيلا بعدها وقفت لأنو التمامة تتناسب تناسب عكسي مع زول واحد 4/ أنا مع غيرهم بس لو زحيتو موسى عيسى من غيرهم عوجة تب ما بتجيني
Post: #3178 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-28-2011, 06:31 AM Parent: #3177
Post: #3187 Title: Re: ناس الزقازيق ... أجدع ناس (4) .. Author: منصور عبد الرازق Date: 09-28-2011, 10:29 AM Parent: #3185
انت حكمة ولا آية ولا انسان ؟؟ انت صاحى ولا نائم ولا طرفك من طبعو نعسااان ؟؟؟ اتخيلا مرة مع البلابل , واسرح بيها تانى مع بادى احمدالطيب انتو البادى دى ما لقيتوهو لسه ؟؟؟ غايت الكوتش ده بعد مرات عنده جنس غتاتة !!!! فالح بس فى الرحول من بيت لى بيت , لغاية ما كسر لينا عضام ولدنا داك !!! عمار زاتو زهج من رحولك ده , اللى لو عاوزين نتابعوا , الا نسجل لينا قشاش جديد انا برشح اتير توماس , ما بقدر على الكوتش ده , الا اتير توماس , وكمان يكون قدامو ارتكازين , شرط انو واحد منهم يكون (الرشيد بابكر ) التانى , انا محتار بين عمر بخيت , وجلا الموضوع لو بقى فيهو كوسة واخد ورد , عمر بخيت حا يكسب طبعا , والسبب طبعا الود هيثم جلا لو داير الخانة دى , المفروض يكون عارف انو الدرب بيمر بى وين عليكم الله زيدان مات؟؟؟؟؟؟؟
Post: #3188 Title: Re: ناس الزقازيق ... أجدع ناس (4) .. Author: منصور عبد الرازق Date: 09-28-2011, 10:29 AM Parent: #3185
انت حكمة ولا آية ولا انسان ؟؟ انت صاحى ولا نائم ولا طرفك من طبعو نعسااان ؟؟؟ اتخيلا مرة مع البلابل , واسرح بيها تانى مع بادى احمدالطيب انتو البادى دى ما لقيتوهو لسه ؟؟؟ غايت الكوتش ده بعد مرات عنده جنس غتاتة !!!! فالح بس فى الرحول من بيت لى بيت , لغاية ما كسر لينا عضام ولدنا داك !!! عمار زاتو زهج من رحولك ده , اللى لو عاوزين نتابعوا , الا نسجل لينا قشاش جديد انا برشح اتير توماس , ما بقدر على الكوتش ده , الا اتير توماس , وكمان يكون قدامو ارتكازين , شرط انو واحد منهم يكون (الرشيد بابكر ) التانى , انا محتار بين عمر بخيت , وجلا الموضوع لو بقى فيهو كوسة واخد ورد , عمر بخيت حا يكسب طبعا , والسبب طبعا الود هيثم جلا لو داير الخانة دى , المفروض يكون عارف انو الدرب بيمر بى وين عليكم الله زيدان مات؟؟؟؟؟؟؟
Post: #3189 Title: Re: ناس الزقازيق ... أجدع ناس (4) .. Author: منصور عبد الرازق Date: 09-28-2011, 10:39 AM Parent: #3188
الأتنين الليلة وين , الأتنين ما كنا متحابين زى العنب والتين الليلة وين , الأتنين دى بدل المداخلات مثانى , فى محاولة جادة للتعريب والبعد عن لغة التعالى والأستلاب الثقافى المالية البلد دى قايم من النوم ؟؟؟ لا اصلى كده يا جلا هسى اكلم ليك موسى عيسى ؟؟!! ولا انادى ليك انتصار صاحبة الرشيد تطالب بعيديات خمسين سنة قدام
كدي ألحق أعمل لي مداخلة قبل الريس و منصور ديل ما يقلبوا الصفحة...
يا منص قول بسم الله ...مالك يا أخوي... آي زيدان مات رحمة الله عليه... انت من ما مشيت بلجيكا جيت راجع ما طيب... ما سمعت كلامي...أقول ليك اتحصن ليهم البلجيك ديل... أصلك ما تفارق الاخلاص والمعوذتين طول ما انت هناك... مشيت هناك و لبست لي الشورت و نسيت كلامي... أدوك عين البلجيكيين ديل... خلوك تمشي لحدي السودان و تجي راجع بالعربية... خلي ست بيتك تعمل ليك بخور التيمان.. و تقعد تقول ليك...يا عيني يا عيني يا كافرة يا نصرانية... عين الفتاة تشق الواطه و عين الحسود فيها عود... كان ينفع...
Post: #3192 Title: Re: ناس الزقازيق ... أجدع ناس (4) .. Author: منصور عبد الرازق Date: 09-28-2011, 11:34 AM Parent: #3190
ايوا كدا يا الرشيد يا حبيب الواحد محتاج شرح زى ده عشان يفهم زى امبارح مع حجازى ضغطى ارتفع جنس ارتفاع اختبرته ليك فى الأنجليزى , الود ما شاء الله عليهو سورة الشمس , حفظ ما يخرش الموية الرياضيات , حاجة تمام جيتو ليك فى درس من دروس مادة اللغة العربية بيتكلم الدرس عن الأقارب والأهل وصلة الرحم قالوا ليهو اكتب اسمك فى مركز الدائرة ووصل اسمك باللذين يعتبروا ارحام ليك ممايلى وكاتبين حوالين الدائرة عمك , خالك , اختك , عمتك , خالتك , صديقك و معلمك جارك , زميلك الراجل القصة ابت تقع ليهو كلو كلو الجميع بالنسبة ليهو ارحام ياخ تعبت جنس تعب عشان اشرح ليهو والحاجة العجيبة لمن اشرح ليهو بامثلة عملية من شاكلة اخوى انا بيبقى ليك شنو ؟؟ واخت ماما بتبقى ليك شنو ؟؟ يمين ضغطى مرتفع لغاية هسى يبدو لى بيعرف اصحابو شخصيات الكرتون اكثر من عمته وخالتو زولك ما اتغابى فيهم العرفة , ضربت لى اختى احسان قلت ليها عزوماتك بتاعت البيتزا ديك تتذكريها قالت لى آى مالا ؟؟ قلت ليها اعتبرى نفسك فشلتى فى المهمة وقروشك راحت ساى عليك الله ما حاجة ترفع الضغط ؟؟؟
يقال لم يجئ.. وقيل: لا .. بل جاء بالأمس واستقبلته في المطار بعثة الشرف وأطلقوا عشرين طلقة- لدى وصوله- وطلقة..في كبد الشمس (لذا فإن الشمس لم تشرق علينا ذلك الصباح
Quote: وطلقة..في كبد الشمس (لذا فإن الشمس لم تشرق علينا ذلك الصباح
رد زول عجبه الكلام.. يا سلام عليك انت لما تكون رايق...
رد زول عايز يتماسخ... ليه ماله ما شرقت كانت في العناية المكثفة و لا شنو...
قلبوها و لا لسه؟؟؟ الصفحة..الصفحة... عشان ما يجي محمد عيد متلقي الحجج يودي كلامي لي حته تانية... و يجيب لينا الكلام... و القيل و القال و كثرة السؤال... أنا قصدي الريس ميسرة و منصور قلبوا الصفحة ولا لسه... أنا حسه ما فاضي مشغول شوية... و عارف لما أجيكم راجع بتكونوا مشيتوا بيوتكم... أمشوا ان شاء الله قشة ما تعتر ليكم... لكن بس عليكم الله خلو لينا الصفحة... ما تقلبوها...
Quote: قلت ليها عزوماتك بتاعت البيتزا ديك تتذكريها قالت لى آى مالا ؟؟ قلت ليها اعتبرى نفسك فشلتى فى المهمة وقروشك راحت ساى عليك الله ما حاجة ترفع الضغط ؟؟؟
قلت لي اتغابى فيهم العرفه... كان تقول ليهو اسأل عمك الرشيد قول ليهو عبدالرازق بيبقى ليك شنو... أنا من ما جاب لي آيسكريم كون زون الما خمج... بقى عندي عبد الرازق حجازي بابكر سيدأحمد... ود أخوي عديل كده... يعني كان ختوني أنا في نص الدائرة دي... و ختو عبد الرازق في صفحة تانية ما عندها علاقة بالدائرة دي... يمين أوصلوا ليك جنس وصيل... خلي احسان تجري معاي أنا البيتزا دي في الاجازة الجايه... شوفني حأعمل شنو...
يا جلا انا مشتاق ليك ياخ قلت لى ده ياهو الحمى الشمس تشرق ذلك اليوم ما عارف الموت ده قادر يحتفظ بى زخم مفاجآته لينا رغم معرفتنا المسبقة بها كيف زيدان ده مجرد زول فردانى لا عنده بيت ولا عنده اولاد كمال الشادى طرح نقطة جواب الفشل النموذجى الدارج بتاع انو انا اتزوجت الفن ده طبعا بمعنى انو اولاده هم انتاجه واغنياته البنى آدم مننا حتى وهو عنده اولاد من صلبه , وبنات من ضهره عندما يكبر الأولاد ويبدأوا فى تكوين شخصياتهم المستقلة فان غيرة قاتلة تتكون عند الكثيرين من الآدميين جراء هذا االأستقلال ما بالك والأغنيات والأبداع -خاصة فى بلد كالسودان - ما تعود ملكا لصاحبها - مجرد ما تحولت الى نغم ولحن ينطلق من الات التسجيل والعرض المرئى هسى أه لو نصدق دى , حقتى انا برااااى , حتى النضيف زاتو ما عنده اى علاقة بيها , بمجرد ما ختاها لينا كنغم فواح فى الصفحة دى خلى زيدان يجى يقول بتاعتو تانى ولا هو متسلفها وماخدها (شدة ) من سيدا الكابلى ؟؟@!! لكنى ازعم ان زيدان ابراهيم , عند الكثير والعديد من السودانيين امثالى نموذج لبنى آدم فيه من الضعف الأنسانى , اكثر بكثير من النماذج (السوبرمانية ) التى لاعلاقة لها (بكون ان البنى آدم لحم وعظام ودم يجرى فى العروق ) وهذا مصدر كونه محبوبا كل هذا الحب الأنسانى المتدفق اسخف مقال قرأته فى (مكان ما ) كان يحاول ان يقارن مقارنة سخيفة غير ذات موضوع بين شعبية جثمان زيدان وتشييعه وشعبية تشييع جثمان الشيخ الشاب الجليل (سيد حاج ) (هل كتبت اسمه صحيحا ؟؟) فجق عندى ان يفوز هذا المقال بجائزة اسخف مقال لعام 2011 دون اى منازع
يا جلا انا مشتاق ليك ياخ قلت لى ده ياهو الحمى الشمس تشرق ذلك اليوم ما عارف الموت ده قادر يحتفظ بى زخم مفاجآته لينا رغم معرفتنا المسبقة بها كيف زيدان ده مجرد زول فردانى لا عنده بيت ولا عنده اولاد كمال الشادى طرح نقطة جواب الفشل النموذجى الدارج بتاع انو انا اتزوجت الفن ده طبعا بمعنى انو اولاده هم انتاجه واغنياته البنى آدم مننا حتى وهو عنده اولاد من صلبه , وبنات من ضهره عندما يكبر الأولاد ويبدأوا فى تكوين شخصياتهم المستقلة فان غيرة قاتلة تتكون عند الكثيرين من الآدميين جراء هذا االأستقلال ما بالك والأغنيات والأبداع -خاصة فى بلد كالسودان - ما تعود ملكا لصاحبها - مجرد ما تحولت الى نغم ولحن ينطلق من الات التسجيل والعرض المرئى هسى أه لو نصدق دى , حقتى انا برااااى , حتى النضيف زاتو ما عنده اى علاقة بيها , بمجرد ما ختاها لينا كنغم فواح فى الصفحة دى خلى زيدان يجى يقول بتاعتو تانى ولا هو متسلفها وماخدها (شدة ) من سيدا الكابلى ؟؟@!! لكنى ازعم ان زيدان ابراهيم , عند الكثير والعديد من السودانيين امثالى نموذج لبنى آدم فيه من الضعف الأنسانى , اكثر بكثير من النماذج (السوبرمانية ) التى لاعلاقة لها (بكون ان البنى آدم لحم وعظام ودم يجرى فى العروق ) وهذا مصدر كونه محبوبا كل هذا الحب الأنسانى المتدفق اسخف مقال قرأته فى (مكان ما ) كان يحاول ان يقارن مقارنة سخيفة غير ذات موضوع بين شعبية جثمان زيدان وتشييعه وشعبية تشييع جثمان الشيخ الشاب الجليل (سيد حاج ) (هل كتبت اسمه صحيحا ؟؟) فجق عندى ان يفوز هذا المقال بجائزة اسخف مقال لعام 2011 دون اى منازع
Quote: يقال لم يجئ.. وقيل: لا .. بل جاء بالأمس واستقبلته في المطار بعثة الشرف وأطلقوا عشرين طلقة- لدى وصوله- وطلقة..في كبد الشمس (لذا فإن الشمس لم تشرق علينا ذلك الصباح
لا يمكن ان يرثي زيدان بهذه الكلمات ... الا فراش من القاش .... احب كسلا وناس كسلا وباكر يعود القاش .. .. وترجع عيونو حنان رحم الله زيدان بقدر ما ملانا حنان ياخ --------- منصور ازيك ياخ وحمدا لله علي السلامة وبركة بالعودة "المشتهنها"
مراحب يا ابو الجل يا مكمل الطعامة انت مشتاق لى شوفتك لى مدة لكنى اطمانيت عليك لما شفتا قطوركم الفى الخلا داك المع ناس زهير قلتوا لى دا فطور الخلا ومال فطور البيت كيف ؟؟؟
* يمين انا كان زول قال لى الزول السعودى المعاكم داك منو ويكون قاصدنى انا ويطعنى فى جلابيتى المخيتا بى دم قلبى فى شارع غبيرا العام الا استلف طينجة الكوتش , واديهو طلقة فى نص راسو داك قال سعودى قال !!!!!! (ممكن كمان تشيل باقى الطلقات الشالهم محمد عيد من جنابو لو العندك ما كفن )
مراحب يا ابو الجل يا مكمل الطعامة انت مشتاق لى شوفتك لى مدة لكنى اطمانيت عليك لما شفتا قطوركم الفى الخلا داك المع ناس زهير قلتوا لى دا فطور الخلا ومال فطور البيت كيف ؟؟؟
* يمين انا كان زول قال لى الزول السعودى المعاكم داك منو ويكون قاصدنى انا ويطعنى فى جلابيتى المخيتا بى دم قلبى فى شارع غبيرا العام الا استلف طينجة الكوتش , واديهو طلقة فى نص راسو داك قال سعودى قال !!!!!! (ممكن كمان تشيل باقى الطلقات الشالهم محمد عيد من جنابو لو العندك ما كفن )
يامنص دعك منه فإنه "مستلب" مايقوم يقراها لي مس كول عارفو اشتر الزول خلعو المنظر ياخ وابوالزوز زاتو بالغ صور ليهو "الفيو" بعرباتو وفطورو وناسو قال سعودي قال .... هاك العقال ده
Post: #3202 Title: Re: ناس الزقازيق ... أجدع ناس (4) .. Author: محمد عيد Date: 09-28-2011, 06:28 PM Parent: #3201
عاد فارس النهار ... وعاد للنهار بريقه
نجح الابنوسى فى استدراج الحاج السرى واستنطاق شىء من درره التى حرمنا منها طويلا ...
Quote: وأطلقوا عشرين طلقة- لدى وصوله- وطلقة..في كبد الشمس (لذا فإن الشمس لم تشرق علينا ذلك الصباح
الليلة انت ما نصيح أصلو ...!
تعبير فيه كل الفاظ البلاغة واجمل معانى علمى البيان والبديع
Post: #3207 Title: Re: ناس الزقازيق ... أجدع ناس (4) .. Author: محمد عيد Date: 09-28-2011, 09:37 PM Parent: #3206
استلبت عقلى بالكامل اقصيده المعبرة والجميلة جدا التى نظمها الرائع ازهرى محمد على
واتحفنا بها صباح اليوم الرائعان ... كمال الشادى والزناتى زهير ...
هذه القصيده فى اعتقادى يمكن ان تكون انطلاقة لشرارة النضال حتى وان طال امد الانعتاق
أعيد نشرها للجميع وأبشرهم بانتظار ما هو اكثر جمالا قريبا جدا ...
كلابك والأفاعي الحايمة من روتانا لي أمواج .. كاورت البلد بي حالا .. ... ولا لقت اليقولها جر .. في ناس جيعانة ما قلبت حرف في صاج .. ... في ناس عريانة ما لفحت هدم في الزيفة .. ما طالت ايديها رغيفه .. والسبب المعكر كيفا .. دق بنوتا بالكرباج .. ناس غلبانة بس دغرية .. ما بتعرف تخت طاقية في طاقية .. والدين الحنيف في شرعها الحرية .. زدتها في الحرج احراج .. وزدتها في الدجل دجال .. عوج شفناهو ماسمعناهو في قول زول .. قال بنات دقوها دق العيش .. ولاد ما أندقوا في شبال .. بقت في غصة الأيام .. قيم غنيتا يا قدال .. قيم شلناها عمة وتاج .. رقيص الشامة بت حمدين .. وخت الحنة لي يات من حضور ضفرين .. ونمات العديل والذين .. ورقصة جون مع أوهاج .. مشينا نقدم البنوت على ضو الرتاين .. خفت وهج الغنا الوهاج .. ورحل صوت المغني حزين .. ورطن صوت العنج هراج .. سقط في غفلة نون النسوة .. أخوان البنات والنخوة .. ستار العيوب والرسوة .. شيال الحمول أبعاج ..
.. فيا حجاج أكل نارك .. واتلفح بشاكيرك .. مع طلعة شهر زو الحجة .. وأحرم حاج .. وطوف فوق الجثث طاؤوس .. وشعبك لا أكل لا علاج .. وحاج في شنو؟ .. معاك كل البلد هاصت .. وفار نحل الجباية وهاج .. فيا فالق نواة الحبة يافراج .. ويا باسط عجايب الإسرا والمعراج .. ويا خالق الخلايا الحية .. أمشاج ابتلت أمشاج .. طحنتنا طاحونة الفقر .. طحنتنا سنواتا العجاف .. يا الله تلزمنا الصبر والسترة .. والعيش الكفاف .. وترحمنا من صرة وشي .. في وش وليداتنا الضعاف .. .............. غرقان بيرقص منتشي .. ووطنا مقطوع من خلاف .. وبأسم الله ما خلالنا شي .. وفصلنا في آخر المطاف .. يا ناسي أقدار الرجال .. ما تخشى غدر الله وتخاف .. كتر عوج الكلام والميل .. وتحت الجزمة مليون ميل .. تحت الأزمة طاحونة حوافر الخيل .. سقط تلت البلد عفوا .. سقط نص البلد لهوا .. سقط كل البلد سهوا .. فهل صحاك ضمير الأمة في هجعة هوايد الليل .. على زبد الغنا الممحوق؟ .. شنو الخلاك تنوم تحلم على على خرطة وطن مسروق؟ .. وطن في السوق .. وطن أشتر .. مرق من ذمة التاريخ على ذمة كلاب الحر .. ينوم في جبة الدرويش .. يقوم بي بدلة العسكر .. .. فيا ويلك في يوم الويل .. ويا ويلك .. تقوم تحتك قيامة الناس .. أفواج الضحايا .. ستات الكجيك والشاي .. والناس البعرفو شليل .. حشود الطلبة والعمال .. وبنوت الغياب والليل .. طفولة مشردة ونازحين .. وكم حجاج .. يجيك من ديل يجيك من وين .. أولاد الشوارع عووك .. المعدمة ومعدومة .. قطامة وقرضمة وراندوك .. لماضة وطرقت حلقوما .. من كل حتة يجوك .. يوم التسود يوما .. ناسات حكومة الجن .. وناس جنها الحيكومة .. ما طالا الشوارع في .. في ولاد بعرفوا القوما .. ولاد راقدين .. وأولاد اسمها المايقوما .. ديل أولاد شريعة قوش .. المستضعفين في الأرض .. يبنوا ويهدوا عروش .. لا بتخون البعض لابتشتريها قروش .. في كل حته وراك تمرق تلاقي جيوش .. أصدق لسان الحال من نضمك المهبوش .. نفس الولاد جايين من طينة حضارة كوش .. حافظين شعر حميد .. فاهمين قصايد الدوش .. ما تمشي يا محجوب دايرين نظبط بوش .. يا داب عرفنا الصاح .. دخل الكلام الحوش .. وشكرا .. شكرا سيدي الحجاج
Post: #3208 Title: Re: ناس الزقازيق ... أجدع ناس (4) .. Author: محمد عيد Date: 09-28-2011, 09:57 PM Parent: #3207
ما لهؤلاء النظّامين لا يهدؤون ساعة واحدة عن تصديع رؤوسنا ، وتمزيق أفئدتنا بهذه الصواعق التي يمطرونها علينا كل يومٍ من سماء الصحف ،
حتى صرنا كلّما فتحنا صحيفة ورأينا في وسطها جدولاً أبيضَ مستطيلاً ، تخيلناه حية رقطاء ، ففزعنا وألقينا الصحيفة كما ألقاها الشاعر المتلمس ،
Quote: ناس كتابة زي ديل ... وزي جلا ... باقي ليكم بتجينا عوجة ... حتنقلب قريييييييييييييييييييييييييييب .... يالرشيد ...
سجن سجن ...غرامة غرامة قالها أحمد مطر أوطاننا قيامة لا تحتوي غير سقر والمرء فيها مذنب وذنبه لا يغتفر إذا أحس أو شعر يشنقه الوالي.. قضاء وقدر إذا نظر تدهسه سيارة القصر.. قضاء وقدر إذا شكا يوضع في شرابه سم .. قضاء وقدر لا درب.. كلا لا وزر ليس من الموت مفر يا ربنا لا تلم الميت في أوطاننا إذا انتحر فكل شيء عندنا مؤمّمٌ حتى القضاء والقدر!
Quote: سقط تلت البلد عفوا .. سقط نص البلد لهوا .. سقط كل البلد سهوا .. فهل صحاك ضمير الأمة في هجعة هوايد الليل .. على زبد الغنا الممحوق؟ .. شنو الخلاك تنوم تحلم على على خرطة وطن مسروق؟ .. وطن في السوق .. وطن أشتر .. مرق من ذمة التاريخ على ذمة كلاب الحر .. ينوم في جبة الدرويش .. يقوم بي بدلة العسكر .. .. فيا ويلك في يوم الويل .. ويا ويلك .. تقوم تحتك قيامة الناس .. أفواج الضحايا .. ستات الكجيك والشاي .. والناس البعرفو شليل .. حشود الطلبة والعمال .. وبنوت الغياب والليل .. طفولة مشردة ونازحين ..
خميسكم سعيد ... وكل ايامكم اسعد ...
فرحي ومرحي ... بعودة الجميع ....
ناس كتابة زي ديل ... وزي جلا ... باقي ليكم بتجينا عوجة ... حتنقلب قريييييييييييييييييييييييييييب .... يالرشيد ...
Post: #3211 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 09-29-2011, 06:19 AM Parent: #3210
الصفحة بتتقلب بعد 100 مداخلة وكان قصدكم حاجة تانية اقسموا على اتنين واجبرو الكســر ...
،،،،،،
منصور تلف وتلف وفى الاخير ما ليك فى الختام الا الصحافة
في حاجة غلط في المداخلات مداخلتي مفروض تجي بعد نجيلة سبقتها كيف؟؟؟؟ ..... ما عارف المهم أعيد كتابتها تاني مش الحاجات إتنين إتنين...لمن تنقلب و تيب
Quote: ناس كتابة زي ديل ... وزي جلا ... باقي ليكم بتجينا عوجة ... حتنقلب قريييييييييييييييييييييييييييب .... يالرشيد ...
سجن سجن ...غرامة غرامة قالها أحمد مطر أوطاننا قيامة لا تحتوي غير سقر والمرء فيها مذنب وذنبه لا يغتفر إذا أحس أو شعر يشنقه الوالي.. قضاء وقدر إذا نظر تدهسه سيارة القصر.. قضاء وقدر إذا شكا يوضع في شرابه سم .. قضاء وقدر لا درب.. كلا لا وزر ليس من الموت مفر يا ربنا لا تلم الميت في أوطاننا إذا انتحر فكل شيء عندنا مؤمّمٌ حتى القضاء والقدر!
Post: #3214 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 08:18 AM Parent: #3213
المهم انتو قاعدين وين ؟؟؟ لا بيهمنا الزمان , ولا عندنا شغلة بالمكان لا فارق عندنا تويتر , ولا عندنا مشكلة مع فيس بوك تلقى نجيلة , تخش طوالى تشوف جلا , تشوت ضفارى تتاوق لى محمد عيد , تسن قلمك , توصله لى طرف الورق و يلامس صباعك الكىبورد يتدفق الحبر زى الما حصل حاجة يعنى يا كوتش يا لذيذ انت , فرقت شنو , بيت فى العباسية , ولا كمان فى الحلفايا ان شاء الله فى الصحافة زاااتا عنوان البيت , ما بيهمنا المهم عندنا , جوة البيت , بنلقى منو , وبنلقى شنو وين وين وين تلقوا زى ده
Post: #3215 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 08:18 AM Parent: #3213
المهم انتو قاعدين وين ؟؟؟ لا بيهمنا الزمان , ولا عندنا شغلة بالمكان لا فارق عندنا تويتر , ولا عندنا مشكلة مع فيس بوك تلقى نجيلة , تخش طوالى تشوف جلا , تشوت ضفارى تتاوق لى محمد عيد , تسن قلمك , توصله لى طرف الورق و يلامس صباعك الكىبورد يتدفق الحبر زى الما حصل حاجة يعنى يا كوتش يا لذيذ انت , فرقت شنو , بيت فى العباسية , ولا كمان فى الحلفايا ان شاء الله فى الصحافة زاااتا عنوان البيت , ما بيهمنا المهم عندنا , جوة البيت , بنلقى منو , وبنلقى شنو وين وين وين تلقوا زى ده
Post: #3216 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 08:28 AM Parent: #3215
حالة جنون اسفيرى طارىء تعترى المنبر لدرجة التعليق بقى يسبق الموضوع الأساسى ابو الزفت ومداخلاتى انا بالذات بقت ما بترضى تجى براها المداخلة تحلف الا تجى سايقا اختها وانا ملى اعتبروا الصفحة بتشيل خمسين بس , يا نضيف اصلو كان باندوث ابوى ما يتملى كان اتملى
Post: #3217 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 08:28 AM Parent: #3215
حالة جنون اسفيرى طارىء تعترى المنبر لدرجة التعليق بقى يسبق الموضوع الأساسى ابو الزفت ومداخلاتى انا بالذات بقت ما بترضى تجى براها المداخلة تحلف الا تجى سايقا اختها وانا ملى اعتبروا الصفحة بتشيل خمسين بس , يا نضيف اصلو كان باندوث ابوى ما يتملى كان اتملى
Post: #3219 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 08:49 AM Parent: #3217
بعد ما جيت من السودان لقيت ليكم تربيزتى دى مليانة جنس ورق !!! يعنى انحنا نخلى الأجازات دى ولا شنو ؟؟!! قضيت ايام جميلة , بعد عمرتين وزيارة كاربة صحبة ميسرة ومنى , تمكنت فيها من هزيمة مشكاة ميسرة مرتين فى لعبة الحروف وهذا انجاز غير مسبوق لم يتمكن منه حتى زهير الزناتى الحائز على القيد الصحفى بسلاسل متينة (ما سقط فيها فى العربى ولا مرة ) وبصحبة محمد عيد وفاطنة (انا انطقها هكذا بالنون ولو كره المرجفون ) ( يا مصطفى ودعاء عليكم الله اسالوا ماما , السجوك داك قاعد ولا رجعتوهو مع الحاجة وهشام وهانى ؟؟؟) اما عصير منتصف الليل المع عناب وابوها وامها , فلا يزال طعمه فى فمى يا نضيف , هو عليك الله داك كان عصير شنو ؟؟؟ ما عارف طعمه لسه فى خشمى , لأنو فى (شارع التحلية ) , ولا لأنو نضيف ؟؟ ولا لأنو المرور من زحمة فلسطين , الى شوارع السكر زيادة , بتوديك فى دريبات البهجة , الماشى فيها النضيف من زمن زيدان ابراهيم وعثمان الجيلى , مع جمال السنوسى , وعمر المهدى شكلو لى اضافات وجدانية ثرية , ابهجتنى وسرت بالى وبعد ان عدت , توقفت عندى مراكز الأستيعاب وعانى وجدانى من صخب وزحمة زحمة لذيذة , وصخب مموسق ليس يربطه بزخم وزحمة تربيزتى التى كانت مكتبا الا الكثرة والعدد ولمن اتصل بى الزناتى زهير , قربت اابقى ليهو زى عادل امام عندما صرخ وزعتو
كلما أشاهد عازفا ماهرا يداعب بأنامله مفاتيح الأورغن... أعض أناملي حسرة و أقول لماذا لم أسعى الى تطوير نفسي... بعد أن استطعت أن أعزف عزه في هواك لأول مرة... و كلما أقرأ رواية من النوع الذي يجتاحك و يستولى عليك... تنتابني نفس المشاعر و أقول لماذا لم أطور موهبتي... بعد أن كتبت مبكرا عن أحلامي برؤية مراهق... و كلما سمعت قصيدة لأزهري محمد علي وقفت مشدوها... و قلت لنفسي كيف لي أن أصل الى هذه العلالي... فأنا ومنذ أن كتبت... تذوب الفواصل في خط عرض وتجتاز المسافة حتى الرحيق يضج المدى و تنجب عيني طفل الخطيئة هذا البريق عشقت ارتحالي على مقلتيك... عشقت صلاتي..عشقت خشوعي... كفاني دعيني أضم الصدور النواهد... تذوب علي فتطفي الحريق...
لم أستطيع أن أكتب بعدها شعرا يماثلها حتى توقفت عن الكتابة... تقول ست بيتي ان قسيمة الزواج هي تعويذة لطرد الرومانسية و الابداع... أما أنا فلي رأي آخر لن أبوح به خوفا و طمعا... كيف لي أن أبلغ ما بلغه أزهري محمد علي... لا أظن ان ذلك ممكنا... فللرجل موهبة فذة تم صقلها عبر السنين...
Post: #3220 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:00 AM Parent: #3218
ازهرى محمد على ده زول موباااالغة يا الرشيد من يوم ما عرفت شعره ولغاية قصيدتو الكتبها محمد عيد قبل شوية كل يوم اقتنع انو الزول ده قاعد جوة الجك عدييييل ياخى ده زول بيغلى غليان تصدق فى برنامج بتاع مواهب شعرية يعرض فى تلفزيون السودان مصدر تعلقى بيهو , هو ان ازهرى محكم فيهو يتناول شعر الشباب , فتشعر بأنه يموسفها وبينقدها ويفندها بسلسلة من القصائد المتتالية ليس من مصلحة هؤلاء الشباب ان يحيلوا قصائدهم الى مشنقة هذا الجالس فى خضم (جك يغلى ) لادخل لمستويات قصائدهم , بعدم المصلحة التى اعنيها ما اقصده , ان غليانه المستمر , يحول النظر من قصائدهم , الى قصائد جديدة وليدة لحظتها تأتى من تناوله لما يكتبون ولكنك يا لرشيد , من الفصيلة ذاتها , وفيك من جيناته ما فيك وبس
Post: #3221 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:00 AM Parent: #3218
ازهرى محمد على ده زول موباااالغة يا الرشيد من يوم ما عرفت شعره ولغاية قصيدتو الكتبها محمد عيد قبل شوية كل يوم اقتنع انو الزول ده قاعد جوة الجك عدييييل ياخى ده زول بيغلى غليان تصدق فى برنامج بتاع مواهب شعرية يعرض فى تلفزيون السودان مصدر تعلقى بيهو , هو ان ازهرى محكم فيهو يتناول شعر الشباب , فتشعر بأنه يموسفها وبينقدها ويفندها بسلسلة من القصائد المتتالية ليس من مصلحة هؤلاء الشباب ان يحيلوا قصائدهم الى مشنقة هذا الجالس فى خضم (جك يغلى ) لادخل لمستويات قصائدهم , بعدم المصلحة التى اعنيها ما اقصده , ان غليانه المستمر , يحول النظر من قصائدهم , الى قصائد جديدة وليدة لحظتها تأتى من تناوله لما يكتبون ولكنك يا لرشيد , من الفصيلة ذاتها , وفيك من جيناته ما فيك وبس
ما أين جاء هؤلاء!!! أظنهم من السلع و المسافات المقدرة ثم أزهري محمد علي اللـــــــــــــــــــــــــــــــــــــــــــــــــــــــه
Post: #3223 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:22 AM Parent: #3221
غادرت جدة الى السودان اواخر رمضان طعم العيد فى السودان , طعم جميل اعاد لى طعمه فى ايام خوالى يا حليل زمن اعتدنا فيه على طرق ابواب بيوتنا فى السودان , ليلة العيد او فى صباحاته الأولى ونحن عائدون فى اجازة جامعية من الزقازيق احسست بذلك الطعم القديم , مخلوطا بطعم عصير ناس النضيف كما قلت لكم من قبل تمتعت فى السودان بصحبة ناس الريس معتصم , والزقازيقى العتيق يحى المقيم بالدمام والرائعة بت نجم الدين حسن التوم , نهلة والدكتورة ام سلمان معتصم جعفر وعمار جنابو , وعمر بسكو , ونادر فاروق المستسلم وجنابو محمد صديق (الرحول عز العرب ) استمعت بالعيد وبشوارع الخرطوم الفااااضية ورجعت للرياض , المزحومة من اول شارع لغاية تربيزة مكتبى
Post: #3224 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:22 AM Parent: #3221
غادرت جدة الى السودان اواخر رمضان طعم العيد فى السودان , طعم جميل اعاد لى طعمه فى ايام خوالى يا حليل زمن اعتدنا فيه على طرق ابواب بيوتنا فى السودان , ليلة العيد او فى صباحاته الأولى ونحن عائدون فى اجازة جامعية من الزقازيق احسست بذلك الطعم القديم , مخلوطا بطعم عصير ناس النضيف كما قلت لكم من قبل تمتعت فى السودان بصحبة ناس الريس معتصم , والزقازيقى العتيق يحى المقيم بالدمام والرائعة بت نجم الدين حسن التوم , نهلة والدكتورة ام سلمان معتصم جعفر وعمار جنابو , وعمر بسكو , ونادر فاروق المستسلم وجنابو محمد صديق (الرحول عز العرب ) استمعت بالعيد وبشوارع الخرطوم الفااااضية ورجعت للرياض , المزحومة من اول شارع لغاية تربيزة مكتبى
Post: #3225 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:30 AM Parent: #3224
الصحافة بالذات يا عبد الدائم فيها عيد موباااالغة تصدق من صلاة العيد , ما رجعت بيتنا الا قريب صلاة الضهر ناس البيت منتظرنى بالسمك الأحلى من حق عوضية لمن رجعت ليهم , كان جيبى مليان حلاوة وبطنى مليانة سمك وعصيدة علما بانى ما قعدت فى ولا صينية فطور كلو على الماشى بس عشان نعز الحليفة ,آخرتا عمك سنجراب رسل لى نصيبى من السمك لغاية البيت الله عليك يا زيدان عدت يا عيدى بدون زهور وين قمرنا وين البدور غابو عنى
Post: #3226 Title: Re: ناس الزقازيق ... أجدع ناس (4) .. Author: منصور عبد الرازق Date: 09-29-2011, 09:31 AM Parent: #3224
الصحافة بالذات يا عبد الدائم فيها عيد موباااالغة تصدق من صلاة العيد , ما رجعت بيتنا الا قريب صلاة الضهر ناس البيت منتظرنى بالسمك الأحلى من حق عوضية لمن رجعت ليهم , كان جيبى مليان حلاوة وبطنى مليانة سمك وعصيدة علما بانى ما قعدت فى ولا صينية فطور كلو على الماشى بس عشان نعز الحليفة ,آخرتا عمك سنجراب رسل لى نصيبى من السمك لغاية البيت الله عليك يا زيدان عدت يا عيدى بدون زهور وين قمرنا وين البدور غابو عنى
واحد من إتنين يا أنا قاعد أشوف إتنين إتنين يا الزول القاعد يكتب ما قاعد يكتب براهو يعني البكتبو إتنين نفس الكلام يعني بالواضح كدا الزول و قرينو القاعدين يكتبو و كل زول فيهم بيتبظ عملية الرد براهو
منص ... والله العظيم مشتاقين ليك ... بس ما لي درجة تدينا المداخلة اتنين ... اتنين ... نحن برنانا لما نلقي مداخلتك بنقراها 6 مرات ... اها لما "تدبلها" تكون النتيجة شنو .... فاكرها عصير ناس النضيف ...
Quote: ولكنك يا لرشيد , من الفصيلة ذاتها , وفيك من جيناته ما فيك
نفس جينات أزهري محمد علي يا منص... و الله ممكن... بما ان البديرية و الشوايقه أولاد عم... و لا يكون الزول ده كمان بديري عديل ما متنكر... ممكن تكون تكون عندنا نفس الجينات... لكن بيني و بينك كده اتكيفت... خليني أكون شفاف و صريح... و اتذكرت كلام الحاجه أمي علوية مامون... في عيد الأم محمد أخوي قال هو ما بيرسل ليها هدية لأن عيد الأم بدعة... هي أمي زاتها ما بتهتم بالهدايا.. قامت أمي قالت ليه ما بهتم بالهدايا... و الله الهدية بتفرحني... أنا أقول ليه ما بهتم بالشكر... و الله الشكر بكيفني...
عارفين ظروفك يا حبيب... أعانك الله... نجاة تعاني من الانفلونزا بعد أن بدأت بي... ومني الى مهند و أمنية ثم الى أمهم أخيرا... وجدت نفسي أدخل الى المطبخ لأعد للعيال العشاء في غياب الشغاله... كنت شايل عيش بيدي و أردت أن أغسل ملعقة باليد الأخرى... فوجدتني أغسل العيش بدل الملعقة... قلت أنا أصلي قربت على أكل العيش المبلول... كلها كل سنة كده و الأسنان تتساقط كلها... فبدل ما أرمي العيشه قمت أكلتها... قلت أجرب أكل العيش المبلول من حسه...
Post: #3233 Title: Re: ناس الزقازيق ... أجدع ناس (4) .. Author: محمد عيد Date: 09-29-2011, 08:25 PM Parent: #3232
Post: #3234 Title: Re: ناس الزقازيق ... أجدع ناس (4) .. Author: ميسرة سيد أحمد Date: 09-30-2011, 08:41 AM Parent: #3233
صباح الخير،،، يا وجوه الخير
جمعتكم مباركة يا شباب
سلامات لعائلة الرشيد ونجاة من
وحش الأنفلونزا السخيف،،،،،
Post: #3235 Title: Re: ناس الزقازيق ... أجدع ناس (4) .. Author: محمد عيد Date: 09-30-2011, 12:20 PM Parent: #3234
جمعة مباركة على كل الاحباب
Post: #3236 Title: Re: ناس الزقازيق ... أجدع ناس (4) .. Author: محمد عيد Date: 09-30-2011, 11:14 PM Parent: #3235
الاسبوع الماضى وليلة الجمعة تحديدا ....
اقمنا فى المركز التجارى الذى اعمل به احتفالا باليوم الوطنى للملكة العربية السعودية ...
قام الشباب المسئولين عن تنظيم المهرجان بتزيين المول من الداخل والخارج بالاعلام والصور والبانرات التى تمجد هذه الذكرى
وتطوع بآخرون بالوقوف امام بوابات الدخول وتقديم الزهور والاعلام والتعاليق للزوار ...
عند بدء الاحتفال وتقديم اوبريت يمجد الذكرى حضرت للمشاركة ... وهالنى ما رايت ....
جموعا ضخمة من السعوديين - ومقيمين ايضا - كانوا يحملون الاعلام ويعلقون ديباجات الاحتفال على ملابسهم
نساء واطفال وشباب ورجال
تفاعلهم مع الاوبريت كان عظيما وظلوا فى حالة رقص وغناء الى ما بعد الثالثة صباحا ....
تساؤل مشروع تردد فى دواخلى ....
هل اسهمت حكوماتنا المتعاقبة فى وأد الروح الوطنية فينا لدرجة اننا اصبحنا لا نابـــه لمرور مناسبات كانت تمثل لنا الكثير ..؟
هل حقا هان الوطن واستبيحت حرماته ليصل الى هذا الانهيار والتشرذم والتقطيع ؟؟ او كما قال ازهرى محمد على اصبح مقطوعا من خلاف ..!!
اين حماة الوطن والدولار يصل اليوم الى 5000 جنيه فى انهيار عجيب ... وسط ارهاصات بتهريب نافذين فى النظام للاموال الى الخارج استعدادا للهروب ..؟
عند الاستقلال قال شاعرنا .... ابدا ما هنت يا سوداننا يوما علينا ...
واليوم .. وبعد انفصال اول جزء من الوطن والتهاب اجزاء اخرى .... هــــــان الوطن وهان التراب ....!
Post: #3237 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-01-2011, 07:19 AM Parent: #3236
صباح الخير ،،، يا وجوه الخير
دعاء الصباح :
ربنا لا تزغ قلوبنا بعد إذ هديتنا
وهب لنا من لدنك رحمة ، إنك أنت الوهاب
Post: #3238 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-01-2011, 07:20 AM Parent: #3236
صباح الخير ،،، يا وجوه الخير
دعاء الصباح :
ربنا لا تزغ قلوبنا بعد إذ هديتنا
وهب لنا من لدنك رحمة ، إنك أنت الوهاب
Post: #3239 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:19 AM Parent: #3238
ازعجتنى خاطرة محمد عيد الفوق دى والمستوحاة من احتفالات الساوث مول باليوم الوطنى السعودى ازعاجا مباشرا كدر خاطرى ومزاجى يتطور السعوديين فى احساساتهم بوطنهم وبلدهم بينما نحن نفقد جزءا عزيزا منها كل يوم ولحظة تراجعنا زى ما قال محمد عيد , من محطة ما هنت يا سوداننا يوما علينا الى محطة دردق , الماشة للورا بسرعة مليون نحن الآن فى محطة من يهن سهل الهوان عليه ما لجرح بميت ايلام
* الأتنين دى عاد ما لقت ترافقنا الا فى البوستات يا ياسر نجيلة ان شاء الله ما تفهمونى غلط !!!!!!!!!!!!!!
Post: #3240 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:20 AM Parent: #3238
ازعجتنى خاطرة محمد عيد الفوق دى والمستوحاة من احتفالات الساوث مول باليوم الوطنى السعودى ازعاجا مباشرا كدر خاطرى ومزاجى يتطور السعوديين فى احساساتهم بوطنهم وبلدهم بينما نحن نفقد جزءا عزيزا منها كل يوم ولحظة تراجعنا زى ما قال محمد عيد , من محطة ما هنت يا سوداننا يوما علينا الى محطة دردق , الماشة للورا بسرعة مليون نحن الآن فى محطة من يهن سهل الهوان عليه ما لجرح بميت ايلام
* الأتنين دى عاد ما لقت ترافقنا الا فى البوستات يا ياسر نجيلة ان شاء الله ما تفهمونى غلط !!!!!!!!!!!!!!
Post: #3241 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:20 AM Parent: #3238
ازعجتنى خاطرة محمد عيد الفوق دى والمستوحاة من احتفالات الساوث مول باليوم الوطنى السعودى ازعاجا مباشرا كدر خاطرى ومزاجى يتطور السعوديين فى احساساتهم بوطنهم وبلدهم بينما نحن نفقد جزءا عزيزا منها كل يوم ولحظة تراجعنا زى ما قال محمد عيد , من محطة ما هنت يا سوداننا يوما علينا الى محطة دردق , الماشة للورا بسرعة مليون نحن الآن فى محطة من يهن سهل الهوان عليه ما لجرح بميت ايلام
* الأتنين دى عاد ما لقت ترافقنا الا فى البوستات يا ياسر نجيلة ان شاء الله ما تفهمونى غلط !!!!!!!!!!!!!!
Post: #3242 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:44 AM Parent: #3241
زقازيقاب الرياض طولوا من تجمعاتهم الأسرية والأجتماعية تلاقينا وتفاكرنا -بالتلفونات حينا - وشخصانيا مع جلال وموسى عيسى فى منزل احمد اسماعيل العامر مساء امس سلمنا على والد ووالدة احمد اسماعيل امس وقررنا -وبانتهازية كبيرة - ان نجعل من يوم الخميس القادم السادس من اكتوبر 2011 يوم عبور آخر والمناسبة التى قررنا انتهازها هى وصول الود باجيو الشهير بالوجيه حاتم جبارة فى رحلة عمل للرياض اسعدنا جدا ان توقيت وصوله يصادف ليلة الخميس فقررنا -بكامل قوانا العقلية - اختطافه - على الرغم من محاذير خطف الأمريكان وما قد تجلبه الينا من متاعب سنختطف الود باجيو من اصحابه ومرافقيه الأمريكان حال وصوله الى مطار الرياض الى مقر ما , فى استراحة ما , من استراحات المخرج تمنتاشر الشهيرة يعكف ريئس عصابتنا ومكمل طعامتنا الود جلال عثمان فى تجهيزها واختيارها بعناية فائقة عصر ومساء اليوم هذا حتى اذا ما علنا مكانها وزمانها النهائئين -اما فى وقت متأخر من مساء اليوم , او فى بواكير الغد كان ولدنا الفنان كمال الشهير بكمال الشادى , جاهزا بعدته وعتاده لينشر فينا ومعنا جمالا لا يبدأ بضنين الوعد , واكيد انه لا ينتهى بانتاجاته الأخيرة التى ظللت صفحات بوست عديدة قبل ان تزين البريد الألكترونى للكثيرين منا ناس الرياض -افتحوا اضانكم وعيونكم ناس ما جاور الرياض وما قاربها , زيدوا على ذلك بأن تطولوا ارجلكم كمان اما ناس جدة والدمام , فنحن نزوركم فى غدواتنا للبحر والشاطىء , وفى غزواتنا لبيت الله الحرام افلا تفعلوها مرة حتى نمتعكم بما يلينا , فلا بحر لنا ولا شاطىء ولابيت حرام ولكن عندنا عشاء , وتحليتنا حاتم جبارة (كله) وشايينا وقهوتنا وشيشتنا (وماخفى اعظم ) جلسة استماع الى كمال الشادى , كان آخر عهدكم بها , زمانات الشبان المسلمين , ومدرج تجارة , وقصر الثقافة الزمان : الخميس القادم السادس من اكتوبر الما بجينا اليوم داك , خسران جنس خسارة
Post: #3243 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:44 AM Parent: #3241
زقازيقاب الرياض طولوا من تجمعاتهم الأسرية والأجتماعية تلاقينا وتفاكرنا -بالتلفونات حينا - وشخصانيا مع جلال وموسى عيسى فى منزل احمد اسماعيل العامر مساء امس سلمنا على والد ووالدة احمد اسماعيل امس وقررنا -وبانتهازية كبيرة - ان نجعل من يوم الخميس القادم السادس من اكتوبر 2011 يوم عبور آخر والمناسبة التى قررنا انتهازها هى وصول الود باجيو الشهير بالوجيه حاتم جبارة فى رحلة عمل للرياض اسعدنا جدا ان توقيت وصوله يصادف ليلة الخميس فقررنا -بكامل قوانا العقلية - اختطافه - على الرغم من محاذير خطف الأمريكان وما قد تجلبه الينا من متاعب سنختطف الود باجيو من اصحابه ومرافقيه الأمريكان حال وصوله الى مطار الرياض الى مقر ما , فى استراحة ما , من استراحات المخرج تمنتاشر الشهيرة يعكف ريئس عصابتنا ومكمل طعامتنا الود جلال عثمان فى تجهيزها واختيارها بعناية فائقة عصر ومساء اليوم هذا حتى اذا ما علنا مكانها وزمانها النهائئين -اما فى وقت متأخر من مساء اليوم , او فى بواكير الغد كان ولدنا الفنان كمال الشهير بكمال الشادى , جاهزا بعدته وعتاده لينشر فينا ومعنا جمالا لا يبدأ بضنين الوعد , واكيد انه لا ينتهى بانتاجاته الأخيرة التى ظللت صفحات بوست عديدة قبل ان تزين البريد الألكترونى للكثيرين منا ناس الرياض -افتحوا اضانكم وعيونكم ناس ما جاور الرياض وما قاربها , زيدوا على ذلك بأن تطولوا ارجلكم كمان اما ناس جدة والدمام , فنحن نزوركم فى غدواتنا للبحر والشاطىء , وفى غزواتنا لبيت الله الحرام افلا تفعلوها مرة حتى نمتعكم بما يلينا , فلا بحر لنا ولا شاطىء ولابيت حرام ولكن عندنا عشاء , وتحليتنا حاتم جبارة (كله) وشايينا وقهوتنا وشيشتنا (وماخفى اعظم ) جلسة استماع الى كمال الشادى , كان آخر عهدكم بها , زمانات الشبان المسلمين , ومدرج تجارة , وقصر الثقافة الزمان : الخميس القادم السادس من اكتوبر الما بجينا اليوم داك , خسران جنس خسارة
Post: #3244 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:55 AM Parent: #3243
اها المداخلة الأخيرة دى لو ما دبلت براها واستنسخت روحها كما تفعل سائر مداخلاتى الأخيرة والتى تعانى خللا (كروموسميا) خطيرا يؤدى الى ان تجر المداخلة اختها لو لم تفعل ذلك (براها ) وتتدبل وتتتوأم لدلتها قاصدا مع سبق الأصرار والترصد فلم اتمنى -فى حياتى - ان تعتلى احدى مداخلاتى اعلى احدى الصفحات كما تمنيت ذلك لهذه المداخلة
* مرات التدبيل -يا ياسر نجيلة - يجى صدفة وربنا برااااهو يختو ليك فى دربك , وهذا ما يسمى بالتدبيل (القدرى ) لكن تدبيلات تانية , كان ما جاتك , تفتش عليها براااااك ( تدبيل يكوسلك , وتدبيلا تكوسلو , وعلى المتضرر اللجوء لى اى حتة هو عايزا )
Post: #3245 Title: Re: ناس الزقازيق ... أجدع ناس (4) .. Author: منصور عبد الرازق Date: 10-01-2011, 09:55 AM Parent: #3243
اها المداخلة الأخيرة دى لو ما دبلت براها واستنسخت روحها كما تفعل سائر مداخلاتى الأخيرة والتى تعانى خللا (كروموسميا) خطيرا يؤدى الى ان تجر المداخلة اختها لو لم تفعل ذلك (براها ) وتتدبل وتتتوأم لدلتها قاصدا مع سبق الأصرار والترصد فلم اتمنى -فى حياتى - ان تعتلى احدى مداخلاتى اعلى احدى الصفحات كما تمنيت ذلك لهذه المداخلة
* مرات التدبيل -يا ياسر نجيلة - يجى صدفة وربنا برااااهو يختو ليك فى دربك , وهذا ما يسمى بالتدبيل (القدرى ) لكن تدبيلات تانية , كان ما جاتك , تفتش عليها براااااك ( تدبيل يكوسلك , وتدبيلا تكوسلو , وعلى المتضرر اللجوء لى اى حتة هو عايزا )
Post: #3246 Title: Re: ناس الزقازيق ... أجدع ناس (4) .. Author: جلال عثمان Date: 10-01-2011, 10:14 AM Parent: #3245
Quote: ( تدبيل يكوسلك , وتدبيلا تكوسلو , وعلى المتضرر اللجوء لى اى حتة هو عايزا )
احلى تدبيلة (على وزن قون صبحي) احلى الاهداف داك ... وان شاء الله بكرة يتكرر ويبقي اهو اسمو ابوالهل "دبل" بعدين اتخيل لي انا من جماعة الما فهمو غلط لانو جني وجن الدبيل عشان كدة ما قاعد اشرب الشاي بالحليب لانو فيهو دبيل
اها قلت لي الواد باجيو حا يشرف الرياض والله دا يوم المنى وان شاء الله يوصل بالسلامة موضوع الاستراحة هين بحسموا ليك اليوم مساءا ... الدور والباقي على الناس المختفية دي تظهر عشان "ندبل" هي قصدي نبل شوقنا ياخ.... يلا ياشباب
Post: #3247 Title: Re: ناس الزقازيق ... أجدع ناس (4) .. Author: محمد عيد Date: 10-01-2011, 11:07 AM Parent: #3246
Quote: ( تدبيل يكوسلك , وتدبيلا تكوسلو , وعلى المتضرر اللجوء لى اى حتة هو عايزا )
Quote: عشان "ندبل" هي قصدي نبل شوقنا ياخ....
هووووووووووى يا انتو ... ما تقعدوا تعملوا لينا زى داك الكان فى كتاب البلاغة زمان
ما عارف اسمو .. تأكيد المدح بما يشبه الذم ولا شنو ما عارف
التدبيل الوحيد البنعرفه واااااااحد .. ما تقعدوا تلولوا فى الكلام ...
سلام عليكم يا حلوين.. يعني الواحد أكيد ربنا راضي عنو السنه دي.. جات سفريه السعوديه دي نعمه كدا من القوي.. عشان نلاقيكم يا حلوين.. أوعك تكون الحفله بالدبل بس..
Post: #3249 Title: Re: ناس الزقازيق ... أجدع ناس (4) .. Author: محمد عيد Date: 10-01-2011, 11:39 AM Parent: #3248
Quote: أوعك تكون الحفله بالدبل بس..
يا جميل يا حلو ... الدبل حيكون بى حفلة تانية فى جده
ود عيد والريس.. يوم 14 أكتوبر.. الاحرام من الرياض.. وعلي الحرم عن طريق جده.. إن شاء الكريم.. بعدين ما تبقو متلقين حجج.. أنا كلامي عن المداخلات الدبل.. الجاب كلام الشادي هسي شنو؟
الكلام الفوق ده أنا كلو ما قريت فيهو حاجة غير ان حاتم جبارة جاي الرياض... عشان ما تقوموا تجرجرونا في كلامات... و بعدين الجماعة العاملين فيها أصحابي في البوست ده عندهم تلفون ست بيتي... صحي هي ما فاضية و ما قاعده تقرأ البوست كتير... لكن الخشوم الما بتتبلى فيها فولة دي يمشوا منها وين... يا حاتم ما تعال أحرم من أبو ظبي ياخي...
يا حماده القدم ليها رافع... النية متوفرة و بكثرة لكن الظروف معاندة... نسأل الله أن ييسر الأمور و نكون بينكم قريبا ان شاء الله...
Post: #3259 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:34 AM Parent: #3257
يعنى ما فهمت الا انو باجيو جايينا ؟؟ طيب داير تفهم شنوتانى غير الكلام الواضح ده ؟؟ لو اتاملت انواع التدابيل الأوردا الريس اعلاه فارجوك ان تتوقف عند (التأمل ) مجرد تأمل انت زول الأيامات دى تعيش آخر ايام (عطالتك) وست بيتك (مرشحة وعندها برد ) اى شطحات ليك واى انتقال الى زون اعلى من (التأمل ) مافى مصلحتك على الأطلاق
* الرشيد ماتجى ياخ , وياريس سوق الجماعة ديل وتعال ان شاء الله بالتيارة زاااتا ياخ
Post: #3260 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-02-2011, 08:41 AM Parent: #3259
آآآصلن المفروض يعملو مجسم الكعبة ده لناس امريكا وجلاسكو اول مرة اشوف لي زول جاى عمرة يعملو ليهو بارتى يوم الخميس ديامة انتــو ولا ديامة ....
اها نحن بنوجه ليكم الدعوة من بارتيــــكم ده احرمو وتعالوا لينا كلكم
Post: #3261 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:41 AM Parent: #3259
تأكيدات الحضور والتفاعل مع تجمع (العبور ) الزقازيقى حتى الآن
1- زهير الزناتى 2- ابتهاج سليمان 3- جلال عثمان 4- احمد اسماعيل 5- موسى عيسى 6- عبد القادر بابكر 7- احمد السيد عبد العال 8- حاج الركز محمد عثمان 9- كمال الشادى 10- قيس جمال الدين 11- منصور عبد الرازق
* تنشر التاكيدات تباعا * جلال محتار بين تلاتة استراحات كل واحدة فيهم احلى من التانية * كمال ماعارف يغنى ليكم شنو ولا شنو
Post: #3262 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:46 AM Parent: #3261
عبد الدائم النضيف ده بالذات كان ما جا مافى اى مشكلة الآيبود بتاعو قااااااعد
12- مدثر ابايزيد المحامى
* عليك الله كان ما جيت يا نضيف
Post: #3263 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:46 AM Parent: #3261
عبد الدائم النضيف ده بالذات كان ما جا مافى اى مشكلة الآيبود بتاعو قااااااعد
12- مدثر ابايزيد المحامى
* عليك الله كان ما جيت يا نضيف
Post: #3264 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:46 AM Parent: #3261
عبد الدائم النضيف ده بالذات كان ما جا مافى اى مشكلة الآيبود بتاعو قااااااعد
12- مدثر ابايزيد المحامى
* عليك الله كان ما جيت يا نضيف
Post: #3265 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 08:46 AM Parent: #3261
عبد الدائم النضيف ده بالذات كان ما جا مافى اى مشكلة الآيبود بتاعو قااااااعد
التدبيل حسب الروايات مقبول لكن الأربعات دي ما شفناها إلا عند الترجي بالمناسبة أنا ما جاي البتاع بتاعكم دا شنو الحاجات الحاتعاطوها في إستقبالكم للزول دا؟؟؟ إنتو قاعدين تفتشو الإستراحات و لا الصالات؟؟؟ عشان العضة و لا عشان الزول الجاي يغني السؤال مكرر الفنان بتاعكم حا يلبس شنو؟؟؟
كل سنة و عناب طيبة و جميلة بالمناسبة هاتفني بكري و قال لي ياخ حرام عليكم الباندوث دا بالطريقة دي حتبق فيهو نار قلت ليهو بعد الشر عليهو قال لي بعد الشر بتاع شنو؟؟ أمشي شوف المداخلات البتجي نابلة زي سمك السلمون في خليج الباسفيك قلت ليهو هو بالله السلمون دا في الباسفيك قال لي أومال إيه؟؟؟ قلت ليهو ما علينا المشكلة شنو؟؟؟؟ قال لي المشكلة لمن تكونو فرحانين بتجو ناطين مثنى و ثلاث و رباع بي مداخلة واحدة قلت ليهو معليش العتب على النظر بعدين الإنتر (ميلان) بتاع الكمبيوتر بايظ قال لي مش في حاجة إسمها (فارة) و تيب؟؟؟ يا جماعة قللو من الطبييييييييييييييييييييييييييييظ
Post: #3273 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 10:07 AM Parent: #3272
اما صاحبة (التمائم ) عفاف الكسلاوية بتاعت فنجان قهوة بى شمالو فقد اكدت ولم تؤكد عشان كده ما حا اقدر اخت ليها رقم عفاف ماشة السودان يوم الثلاتاء عشان تحضر عرس اخوها على اختها يوم الأربعاء قالت لو لقت ليها طيارة من مطار كسلا لى مطار مخرج تمنتاشر حاتجى بى ليلا داك وبى العدم , حاتحمى باجيو عمرته الناويها يوم اربعتاشر داك يعنى يوم تلتاشر زاااتو البت عفاف عندها فوقو راى اها الزولة دى نديها رقم ولا نجليها مش لمن الفرق الكبيرة تسجل ليها لاعب جديد ويجى يلقى رقمه محجوز بيعمل فيها الود فقرى وبيألف ليهو رقم من راسو اها عفاف دى رقمها تسعة وتسعين باجيو زاااتو رقمه مية حد يغالط ؟؟!!
Post: #3274 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 10:07 AM Parent: #3272
اما صاحبة (التمائم ) عفاف الكسلاوية بتاعت فنجان قهوة بى شمالو فقد اكدت ولم تؤكد عشان كده ما حا اقدر اخت ليها رقم عفاف ماشة السودان يوم الثلاتاء عشان تحضر عرس اخوها على اختها يوم الأربعاء قالت لو لقت ليها طيارة من مطار كسلا لى مطار مخرج تمنتاشر حاتجى بى ليلا داك وبى العدم , حاتحمى باجيو عمرته الناويها يوم اربعتاشر داك يعنى يوم تلتاشر زاااتو البت عفاف عندها فوقو راى اها الزولة دى نديها رقم ولا نجليها مش لمن الفرق الكبيرة تسجل ليها لاعب جديد ويجى يلقى رقمه محجوز بيعمل فيها الود فقرى وبيألف ليهو رقم من راسو اها عفاف دى رقمها تسعة وتسعين باجيو زاااتو رقمه مية حد يغالط ؟؟!!
Post: #3275 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 10:07 AM Parent: #3272
اما صاحبة (التمائم ) عفاف الكسلاوية بتاعت فنجان قهوة بى شمالو فقد اكدت ولم تؤكد عشان كده ما حا اقدر اخت ليها رقم عفاف ماشة السودان يوم الثلاتاء عشان تحضر عرس اخوها على اختها يوم الأربعاء قالت لو لقت ليها طيارة من مطار كسلا لى مطار مخرج تمنتاشر حاتجى بى ليلا داك وبى العدم , حاتحمى باجية عمرته الناويها يوم اربعتاشر داك يعنى يوم تلتاشر زاااتو البت عفاف عندها فوقو راى اها الزولة دى نديها رقم ولا نجليها مش لمن الفرق الكبيرة تسجل ليها لاعب جديد ويجى يلقى رقمه محجوز بيعمل فيها الود فقرى وبيألف ليهو رقم من راسو اها عفاف دى رقمها تسعة وتسعين باجيو زاااتو رقمه مية حد يغالط ؟؟!!
Post: #3276 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 10:12 AM Parent: #3275
وتأكيد بطعم سامى عبد الوهاب من الجبيل الى الرياض خاصة اذا كان الرفيق هو زهير الزناتى
15- سامى عبد الوهاب ادريس
* تلاتة توائم , وتدبيل ثلاثى فى عين العدو (الطبيظ نخليهو نمشى وين ؟؟!!!!)
عناب دى بالذات ترسلوها لينا حتى لو انتو ما جايين ان شاء الله (بالفاكس )
Post: #3277 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 10:12 AM Parent: #3275
وتأكيد بطعم سامى عبد الوهاب من الجبيل الى الرياض خاصة اذا كان الرفيق هو زهير الزناتى
15- سامى عبد الوهاب ادريس
* تلاتة توائم , وتدبيل ثلاثى فى عين العدو (الطبيظ نخليهو نمشى وين ؟؟!!!!)
عناب دى بالذات ترسلوها لينا حتى لو انتو ما جايين ان شاء الله (بالفاكس )
Post: #3279 Title: Re: ناس الزقازيق ... أجدع ناس (4) .. Author: محمد عيد Date: 10-02-2011, 10:17 AM Parent: #3275
والله يا ابنوسى نجضتنا نجاض ...
ما ممكن يكون الكيبورد بتاعك ده طبيعى ... ده شغل تلقيح صناعى عديل كده ...!!
.....
مرة لقيت فى الفيس بوك صالح تبلدينا كاتب عن عروس جات سايقة عربيتها للكوافير بتاع الرجال
فى ش 15 عشان تسوق العريس للحفلة ... المهم يعنى الصورة مقلوبة ...
قمت عملت مداخلة وقلت ليهو بالله لمن العروسات يدفعن المهر كلمنا عشان نخش المولد ده ..
قام صاحبنا ومعاهو واحده من صديقاته فى الفيس اتاخلوا وقالوا لى ده حصل كثير جدا
ومتوفر بكثرة ... وما عليك الا تأشــر بس ...!!!
المهم ... عملت مداخلة ... استغرابا من الحاصل وما مصدق يعنى
لكن من ما عملت ( enter ) عينك ما تشوف الا النور ...
المداخلة تكررت ورا بعض لغاية ما وصلت 17 مرة
غايتو الليلة ديك صالح وزميلته قطعوا فروتى تمام ..و هى تقول ليه زولك ده اتخلع ولا شنو
وهو يقول ليها .. انا عارفو رجااافة ... وهى تقول .. بيكون هسه قاعد يكتب فى لستة الشيلة .....الخ
كل سنة و الأمورة عناب بألف خير و ان شاء الله طول عمر مع موفور العافية...
أنا كنت قايل العطاله دي خلتني أشوف أربعه أربعه... ضربت لي ست بيتي قلت ليها انتي وين البطاقة الصحية بتاعتي... قالت لي سحمي مالك عندك شنو... قلت ليها بقيت أشوف أربعه أربعه... كيف يعني حسه شايف التلفزيون القدامك ده كم... واحد بس... و الشغالة... عشرة عشرة... كرهتني النضافة زاتو... كل دقيقة مسترwill you please go to the other room, I want to clean here... طيب الأربعة أربعة دي شنو... مداخلات منصور... طيب خليني أرسل البطاقة الصحية لمنصور أحسن... عشان يمشي يشوف الرجفة دي سببها شنو....
Post: #3280 Title: Re: ناس الزقازيق ... أجدع ناس (4) .. Author: جلال عثمان Date: 10-02-2011, 10:36 AM Parent: #3278
رش يا حلو ... قول لي نجاة ما يبقي قلبك خفيف ..... دا مرض يصيب اهل الرياض وحدهم في الفواصل (بين الصيف والشتاء) اوعا تقراها المفاصل مع شوفك الكعب دا .... براها ركبنا دي واجعانا ومنصور جاتو العدوى دي اول زول بحكم الزعامة يا حبيب والباقي ماشى عليهم الدور ... انا غايتو دبلت ليهم في الاستراحات لقيت ليهم ثلاثة بدل واحدة ... والخوف كل الخوف من تفقام المرض يقوم موسى عيسى يحضر العشا في واحدة والشادي يغني في واحدة والضيوف يجو في واحدة
اها الواد باجيو دا الا يجي بى هليكوبتر لزوم جبر الخواطر وكدة واحسن حاجة هنا يقوم يدبل ويجي بي هلكوبترين طوالى حاج الركز يرسل منهم واحدة لي عفاف ....
----- عناب عروستنا .... كل سنة وانت طيبة يا جميل
Post: #3281 Title: Re: ناس الزقازيق ... أجدع ناس (4) .. Author: منصور عبد الرازق Date: 10-02-2011, 11:28 AM Parent: #3280
16- الفاتح على بشير من المزاحمية اخت الرياض وشقيقتها الصغرى الفاتح على بشير الشهير بى ابو التيمان تأكيد حضور وتفاعل حضور وعبور من جيل شباب الزقازيقاب يا جلال تابع حملات الدعوة على الفيس بوك وساهم معنا باضافة اسماء تأكيدات الحضور هنا وهناك وصحى لى ناس احمد اسماعيل وموسى عيسى ديل معاك بالله
يا ود عيد عشان الحركات بتاعة ناس امريكا دي اها ايه رأيك اجيك تلاتة يوم بعد العيد ونغيظ ليك ناس الرياض ديل والما بجيني من الدامام والرياض بشيل ليك حالو لي الله وخلقه بس كدي اديني صنة يومين كدة ولا ناميت اعين الدومينكان
والله يامنص لستتك دي.. لو نزلت أي انتخابات.. تفوز بالتزكيه.. لكن أبيت ترشح البت فافي..
Post: #3286 Title: Re: ناس الزقازيق ... أجدع ناس (4) .. Author: محمد عيد Date: 10-02-2011, 10:19 PM Parent: #3285
يا اخوانا بالله ما تعملوا لينا حداد وتنفسوا لينا البوست بعد ما شد حيلو ...
يطير الهلال وسجم الهلال ولعيبة الهلال والمريخ والكورة السودانية كلها ....
واصلوا نشاطكم بدون تأثير وثقوا تماما ان ما حدث يمسنا كلنا كسودانيين ....
ما كفاية علينا حكومة السجم .. كمان حتى الكورة ؟؟!!
* ود جبرين ... اخبار مفرحة .... فى انتظار البشارات
Post: #3287 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-03-2011, 06:49 AM Parent: #3286
يا قمارى الريد الدوام غريدة من روائع فنك اسمعينى قصيدة ....
يا سلام عليك يا منى الخير ياخ
اولا" الاهداء لكل الاعزاء بمناسبة عيد ميلاد عناب الرابع
وثانيا" : مقدمة لافراح ناس الرياض القادمة
وثالثا" يا منصور الايبود مافيهو كل الغناء السمح يعنى الاغنية دى الا للخاص الخاص
ورابعا" الاغنية اهداء لناس الفيس بوك برضو لانو MB3 ما بنزل هناك بسهولة
Post: #3288 Title: Re: ناس الزقازيق ... أجدع ناس (4) .. Author: أحمد إسماعيل Date: 10-03-2011, 08:03 AM Parent: #3287
السلام عليكم يا كرام ماشاء الله باجيو حريف ولعيب جعل للبوست بريق ولمعان وموصل حيد للحرارة والكهرباء وكمان ذو معدن مغنطيسي جذب كل الفكهانية والفواكه وكل الطيب والطيبون يا زهير الإخوة الحلوين موسى الراجل وعصام عبد الدائم ديل في جيوبنا ونحن في جيوبهم مش حلا قال الجيب بيسع الجميع ، زرنا الأخ جلال كردمان نسأل الله له كامل الشفاء وجبنا ليه سيرتك ، بسأل عنك كثير وبسلم عليك
Post: #3290 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 08:24 AM Parent: #3289
قيس جمال الدين ضرب لى بعد الكورة لقانى مدبرس بالطبع لكنه ابهجنى وانتشلنى من دبرستى باسهامات واقتراحات تجعل من مساء الخميس القادم يوم ليس ككل الأيام آخر لمحة جمال ممكنة فى السودان الشقيق طفاها (الترجى امبارح ) عليكم اذن بالبحث عن لحن الحياة فى مكان آخر اقترح ليكم الرياض , مساء الخميس القادم طارق جبريل , يمين لو جيت , ما ناقصة وتمت اها احجز ليك مع الود باجيو الأمريكانى؟؟؟؟؟
Post: #3291 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 08:38 AM Parent: #3290
وناس الزقازيق وجدعانهم دائما محظوظين قبل فترة , وفى لقاء سابق , كان بيننا والد ووالدة جلال عثمان الطاعم الكبير هذه المرة , ضيوف شرفنا جايين من نيالا الجميلة معانا والد اخونا احمد اسماعيل وكذلك والدته سلمنا عليهم الجمعة الماضية فطالبناهم بضمنا فى دعواتهم سيم سيم احمد اسماعيل يعنى يعنى الجية عندنا فى الأستراحة يوم الخميس الجاى ستخرجكم قليلا من حيز (حنان المية عشرة المتعودين عليهو من ستات بيوتكم ) عندنا حنان هاى فولتيج , ميتين وعشرين عديييييل جيبوا معاكم (وصلاتكم ) وتعالوا
17- عصام جلى , بتتذكروهو , تأكيد عالى الجودة
* زهير الزناتى , سامى عبد الوهاب فى انتظاركم للتنسيق
Post: #3292 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 08:38 AM Parent: #3290
وناس الزقازيق وجدعانهم دائما محظوظين قبل فترة , وفى لقاء سابق , كان بيننا والد ووالدة جلال عثمان الطاعم الكبير هذه المرة , ضيوف شرفنا جايين من نيالا الجميلة معانا والد اخونا احمد اسماعيل وكذلك والدته سلمنا عليهم الجمعة الماضية فطالبناهم بضمنا فى دعواتهم سيم سيم احمد اسماعيل يعنى يعنى الجية عندنا فى الأستراحة يوم الخميس الجاى ستخرجكم قليلا من حيز (حنان المية عشرة المتعودين عليهو من ستات بيوتكم ) عندنا حنان هاى فولتيج , ميتين وعشرين عديييييل جيبوا معاكم (وصلاتكم ) وتعالوا
17- عصام جلى , بتتذكروهو , تأكيد عالى الجودة
* زهير الزناتى , سامى عبد الوهاب فى انتظاركم للتنسيق
Post: #3293 Title: Re: ناس الزقازيق ... أجدع ناس (4) .. Author: محمد صديق Date: 10-03-2011, 09:09 AM Parent: #3292
بعد مشاهدتي لمباراة الهلال و الأهلي شندي في الدوري... و التي لعب فيها الأهلي بمستوى فاق الهلال رغم فوز الأخير... توقعت توقع يبلغ حد اليقين بأن ما حدث البارحة سيحدث... و بينما كان فريق الهلال يحضر نفسه للترجي... كنت أنا أبحث عن مضادات للحزن و الدبرسة... و عن ترياق له في حال لم تنفع المضادات و لم تمنعه من التقلقل... و كان أول ما فكرت فيه أن أدير ظهري للمباراة و أسأل لاحقا عن النتيجة.... قلت معقولة أدير ظهري لعشقي القديم الكبير... الدعاء...لا شيء أنجع من الدعاء... اللهم اني أعوذ بك من الهم و الحزن... و كان من حسن حظي أن صلاة العشاء عندنا كانت قبل المباراة... بعد الفراغ من الصلاة تساءلت هل يجوز الدعاء في هكذا مواقف... ما هي الا منافسة رياضية تهدف الى خلق أواصر المحبة بين الشعوب... هي ليست حربا بين جيشين أو دولتين.... مجرد رياضة... بقيت مترددا حتى فرغت من الشفع... ثم قمت لأصلي الوتر و أنا ما زلت مترددا... ثم في السجود الأخير خشيت أن أندم على عدم دعائي لهم.... فقلت اللهم أنصرهم و ثبت أقدامهم... ثم رجعت الى البيت و أنا أشك في انتصار الهلال... و لكني قلت ربما بفضل دعائي لهم كان ما غلبو حتكون تعادل... بدأت المباراة و تسمرت أقدام لاعبي الهلال أمام خفة حركة لاعبي الترجي... فأخذت أسأل نفسي... يا ربي أنا قلت شنو و أنا ساجد... يمكن من غير ما أشعر أكون قلت... اللهم سمر أقدامهم....
Post: #3294 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-03-2011, 09:21 AM Parent: #3286
Quote: واصلوا نشاطكم بدون تأثير وثقوا تماما ان ما حدث يمسنا كلنا كسودانيين ....
ما كفاية علينا حكومة السجم .. كمان حتى الكورة ؟؟!!
صباحكم عجيب !!!!!!!
--------------------------------------
Post: #3296 Title: Re: ناس الزقازيق ... أجدع ناس (4) .. Author: أحمد إسماعيل Date: 10-03-2011, 09:44 AM Parent: #3294
حاضرين يا منصور 19- موسى الراجل وعائلته 20- محمود محمد آدم وعائلته وأمه كمان 21- صلاح السر وعائلته 22- عصام عبد الدائم توأم موسى في أحواله ( العائلة بالسودان )
Post: #3297 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 09:54 AM Parent: #3294
اما بالنسبة لى فالأمر ما كان مختلف كثير عن حالة الرشيد الكور كانت كثيرة ومتتالية ارسنال من المغارب , شربنا الدبرسة من العصر , لمن اتذكر الكورتين كنت بقول يا ربى , خلى دبرستنا الليلة من باب ارسنال فاحواله -لها مدة طويلة -تدخل فى هذه الخانة على الأقل ومع ان احوال -سيد البلد- ايضا هذه السنة خائبة وعائبة الا اننا فوتناها باعتبار انه فى السنين الماضية كان بمستوى جيد ولكن دون توفيق اتعشمنا انه التوفيق سيلازمنا السنة دى , طالما غاب المستوى التوفيق لم يبتعد كثيرا فله الفضل هو وحده فى عدم اهتزاز شباك الهلال مرات عديدة بعد ان منعه نفس التوفيق -السنوات الماضية - من هز شباك الخصوم ونيل البطولات فى الحقيقة فى شنو فى السودان كويس عشان الهلال يبقى كويس وياخد بطولات ؟؟!!!! احوال الهلال -وهو ما يزال افضل فريف سودانى فى السنوات الأخيرة رغم كل شىء متسقة اتساق شديد مع احوال السودان والشىء من معدنه (لايستغرب)
18 - حبيب الله كدام تأكيد بنص مكنة لأرتباط آخر ولكنه حضور فى كل الأحوال حتى لايفوت التجمع الحلو ده
Post: #3298 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 09:55 AM Parent: #3294
اما بالنسبة لى فالأمر ما كان مختلف كثير عن حالة الرشيد الكور كانت كثيرة ومتتالية ارسنال من المغارب , شربنا الدبرسة من العصر , لمن اتذكر الكورتين كنت بقول يا ربى , خلى دبرستنا الليلة من باب ارسنال فاحواله -لها مدة طويلة -تدخل فى هذه الخانة على الأقل ومع ان احوال -سيد البلد- ايضا هذه السنة خائبة وعائبة الا اننا فوتناها باعتبار انه فى السنين الماضية كان بمستوى جيد ولكن دون توفيق اتعشمنا انه التوفيق سيلازمنا السنة دى , طالما غاب المستوى التوفيق لم يبتعد كثيرا فله الفضل هو وحده فى عدم اهتزاز شباك الهلال مرات عديدة بعد ان منعه نفس التوفيق -السنوات الماضية - من هز شباك الخصوم ونيل البطولات فى الحقيقة فى شنو فى السودان كويس عشان الهلال يبقى كويس وياخد بطولات ؟؟!!!! احوال الهلال -وهو ما يزال افضل فريف سودانى فى السنوات الأخيرة رغم كل شىء متسقة اتساق شديد مع احوال السودان والشىء من معدنه (لايستغرب)
18 - حبيب الله كدام تأكيد بنص مكنة لأرتباط آخر ولكنه حضور فى كل الأحوال حتى لايفوت التجمع الحلو ده
Post: #3299 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 10:06 AM Parent: #3298
ابو الزفت جانا احمد اسماعيل بحزمة تأكيدات مدهشة موسى الراجل , والعزابى عصام عبد الدائم , ومحمد محمد آدم , وصلاح السر وبشارتك بكهربا زيادة من النوع 220 من محمود محمد آدم الى سيصطحب معه والدته جعلتنا نتحسس مواقع الكهرباء عندنا بحثا عن مزيد من الوصلات (عالية الفولتات ) محمد صديق يا كوتش , مرحب بيك وانت تحتل بجدارة الرقم تمنتاشر مكرر عارفين الرقم تلاتة وعشرين منو 23- احمد السنى ما غيره
* تأكيد احمد السنى عندى هو اهم تأكيد حتى الآن , حتى من تأكيد كمال الشادى وحاتم جبارة زاتو فى الحقيقة ليس تأكيده هو , انما هو تأكيد فردتى ورفيق (جبجبتى ) , عبد الله احمد السنى الزول ده جينات الهجيج عنده عالية بشكل يا الهى منه لو شفته وهو بيهجج يا حاتم جبارة (حالتو حافظ خمسة اجزاء من القرآن ما شاء الله عليهو )
Post: #3300 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 10:06 AM Parent: #3298
ابو الزفت جانا احمد اسماعيل بحزمة تأكيدات مدهشة موسى الراجل , والعزابى عصام عبد الدائم , ومحمد محمد آدم , وصلاح السر وبشارتك بكهربا زيادة من النوع 220 من محمود محمد آدم الى سيصطحب معه والدته جعلتنا نتحسس مواقع الكهرباء عندنا بحثا عن مزيد من الوصلات (عالية الفولتات ) محمد صديق يا كوتش , مرحب بيك وانت تحتل بجدارة الرقم تمنتاشر مكرر عارفين الرقم تلاتة وعشرين منو 23- احمد السنى ما غيره
* تأكيد احمد السنى عندى هو اهم تأكيد حتى الآن , حتى من تأكيد كمال الشادى وحاتم جبارة زاتو فى الحقيقة ليس تأكيده هو , انما هو تأكيد فردتى ورفيق (جبجبتى ) , عبد الله احمد السنى الزول ده جينات الهجيج عنده عالية بشكل يا الهى منه لو شفته وهو بيهجج يا حاتم جبارة (حالتو حافظ خمسة اجزاء من القرآن ما شاء الله عليهو )
Post: #3302 Title: Re: ناس الزقازيق ... أجدع ناس (4) .. Author: منصور عبد الرازق Date: 10-03-2011, 10:21 AM Parent: #3300
عبد المحسن دفعة عندما علم ان تأكيده يحمل الرقم اربعة وعشرين توجس خيفة وانتفض الراجل قرب يقول لى عاوز الرقم مية قلت ليهو دى مسألة بتاعت ترتيب بس ما عندها اى علاقة بى قروش حا يدوها للزول حسب رقمه غايتو فى الآخر اقتنع لكنه كالعادة ما بيخلى هظاره البايخ داك
24- عبد المحسن دفعة
* الزول ده امسكوهو منى يا الفاتح على بشير طوالى شابكنى انت زول كبير وعجوز , ومرتك ددفعة ناس الفاتح على بشير هسى اقوم اديهو ليكم عنوان الأستراحة غلط ؟؟؟!!!!
Post: #3301 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-03-2011, 10:18 AM Parent: #3294
Post: #3303 Title: Re: ناس الزقازيق ... أجدع ناس (4) .. Author: محمد صديق Date: 10-03-2011, 10:56 AM Parent: #3301
سلامات يا ناس
عيد ميلاد سعيد لعناب النضيفة ...وعقبال طولة
العمر....الهدية بتاعتى ليها بنطلون جينز (مفستن)
ولابوها جلابية من النوع الرسلو الريس معتصم.برضو فى
Post: #3308 Title: Re: ناس الزقازيق ... أجدع ناس (4) .. Author: أحمد إسماعيل Date: 10-03-2011, 02:49 PM Parent: #3307
25- محمد حسين 26- عبد ري الرسول حماد تأكيد مشروط على ظروف شغله بحراج الكميوتر الأخ حامد آدم ساقة يؤكد غدا الأخ محمود محمد آدم حيكلم آدم محمد عبد الله تربية وعبد الرازق نجم
يا سلام يا احمد اسماعيل ياخي جلال كردمان زول جميل ما يستاهل .... نسال ربنا انه يتولاه بعنايته ويشفيه .... وربك قادر علي كل شئ ....
النضيف بتنا دي عايزين ليها حفلة عديل .... يعني جبجبة عشان كده حا نهدي ليها ربةالخميس في جدة وحقو نجيب اربعة شمعات ونطفيها ليها في الحفلة والهدية بالدي اتش إل .. النضيفة هينة ولا هينة ....
يا جماعة الكوتش ده قولو ليهو يتصلح معانا ياك دي ما بتنفع معانا ... بعدين مسالة البنطلون دي اتكررت كم مرة الظاهر فيها سر ..... لازم نشوف المحقق كنن ....
حاتم جبارة طبعاً بيكون اتحرك من بلدهم البعيدة ديك من هسه ...
يا ناس الهلال الفاتح علي بشير قال ليكم الهلال يمرض ولكن لا يموت ... بس كورة أمبارح دي الله يسألني مباراة نموذجية مفروض تدرس في أكاديميات كرة القدم .... لعب الهلال كنموذج للأخطاء الممكنة وغير الممكنة في كرة القدم ... وكل العيوب المعروفة وغير المعروفة لفريق كرة قدم .... اما فريق الترجي فالنموذج المعاكس طبعاً عدا رعونة المهاجم الكاميروني ...
اولا مليون مبروك الشمعات الاربعة وعقبال الف الف من السنوات الجميلة زيك يا جميلة
ثانيا الشوق مطر ليكم كلكم منصور الرشيد جلال عثمان الريس ابو عناب ود سيد احمد الزناتي خليفة ود جبريل القمندان محمد صديق احمد اسماعيل محمد ودعيد رضي الله عنه وارضاه حاتم باجيو كل ناس الحوش وطبعا لا يمكن ان ينتهي الشوق دون ان يشمل ياسر نجيلة ويعرج على الاستاذ جلا
ثالثا مرحب بحاتم في الرياض
وزيارة مبروكة انشاءالله
Post: #3313 Title: Re: ناس الزقازيق ... أجدع ناس (4) .. Author: أحمد إسماعيل Date: 10-04-2011, 06:26 AM Parent: #3310
سلامات الأخ محمد صديق
Quote: .يا جماعة الكوتش ده قولو ليهو يتصلح معانا ياك دي ما بتنفع معانا
نقول للتوأمان محمد صديق والأخ زهير المثل الدارفوري (ابونقدح بعرفي محل يعضي أخيو)
بسم الله إحتفالاً بي الفاتيكاني دا الشيرنق كم؟؟؟ عارفين الغنا ملح و الفنان عندو خيارات في اللبس يمكن يلبس كاشوال أو ممكن يلبس فل سوت وكل الألوان نحنا عارفنها...و عارفين حيغني شنو بس الماعارفنو العضة و الشراب حيكون شنو؟؟؟
سلطة الأسود..علي ناس حاج الركز و فافي... مراسلنا بالرياض شاهد حاج الركز بيشتري ليهو في شوال أسود... ناس منصور عليهم ساندوتشات الشاورما المنزلية.. أحمد اسماعيل عليهم الهوت دوغ... جلال مكلف يجيب الباسطة من غبيرة عشان عارفنو ما حيآكل منها... تمر الفكي شايلو و مشتهي... زهير بيحاول يقنع سامي يجي معاهو... عشان خايف يجي شايل الشربوت في القطر يقومو يمسكوهو و يبعدو من البلد... قدورة حلف يشارك بي حاجة قامو أدوهو المخلل... كمال الشادي رغم انو فنان الحفلة لكن كلفوهو بالبيض المسلوق... بس الما قدرت أعرفو البطاطس المحمرة (الفرينش فرايز) دي كلفو بيها زول و لا حيشتروها جاهزة...
أمسكو الزول دا.... واحد يمشي معاهو السوبر ماركت يمشي يمسك ليهو الدوغ قاعد في الشمس
Quote: زهير بيحاول يقنع سامي يجي معاهو... عشان خايف يجي شايل الشربوت في القطر يقومو يمسكوهو و يبعدو من البلد...
هو مش بتاع النكتة البتقول واحد من الناس بتاعين الجلسة ديك رسلوهو يجيب عشا و بتاع و قالو ليهو القروش كلها عملتها لينا عشا؟؟؟ عشان كدا أقترح إنو سامي دا ما يجي اللمة دي عشان ما يتهموهو بالباطل
Quote: كمال الشادي رغم انو فنان الحفلة لكن كلفوهو بالبيض المسلوق...
يا رش بفتش في الرابط العجيب بين الغنا كفن و سلق البيض برضو كفن؟؟؟ عايز أجد حاجة لي صاحبي في مسألة البيض المسلوق بس إحترت ...أتمنى المساعدة
Post: #3318 Title: Re: ناس الزقازيق ... أجدع ناس (4) .. Author: منصور عبد الرازق Date: 10-04-2011, 08:31 AM Parent: #3315
موسى عيسى اتاريهو قاعدلو فوق راى !!! ردمنى ليك بى جنس تأكيدات , لمن انا آمنت زاتو انه العمل فى صمت قيس جمال الدين , اهتم بى امر الجبجبة , فاعد لها (عدتها وعتادها ) آآآآآآآآآى ده الشغل يا دكتور العشاء لن نفصح عنه حتى يقص حاتم جبارة وناسنا الكبار (والد ووالدة احمد اسماعيل مع والدة محمود محمد آدم ) شريطه التقليدى ساعتها سيعلم المرجفون فى الأرض اى منقلب سينقلبون قال شيرنغ قال !!!!!!!!!!!!!!!!!!!!!!!
Post: #3319 Title: Re: ناس الزقازيق ... أجدع ناس (4) .. Author: منصور عبد الرازق Date: 10-04-2011, 08:39 AM Parent: #3318
اما امر الأستراحة وملعب مبارة العبور فان جلال عثمان , غاطس الآن فى دياجير القوقل ايرث حكمته باااااالغة موسى عيسى شكك فى استراحة جلال فى الأول لكنه وبعد ان انجز زيارة تفقدية للملعب المقترح بصم باصابعه العشرة وسيأتيكم خبر الملعب والأستراحة لجظات قليلة قبيل ظهر هذا اليوم واذ ا استدعى الأمر لا نمانع ان تكون بعد الظهر
* قلت لى اسمها راحة البال يا جلال ؟؟؟ قال شيرنغ قال !!!!!!!
قرقرقرقرقر او كما قال بشاشة ربنا يطراهو بالسلامة ويجينا زيارة تانية في هذا البوست عشان في ناس تقوم جارية ....... المهم ما علينا سامي راجي التاكيد من الحكومة المحلية ..... بعداك راجيهو تأكيد مني ..... شفتو الآية أتقلبت كيف ..... يا جلا يا بتاع سلق البيض ....
Quote: اما امر الأستراحة وملعب مبارة العبور فان جلال عثمان , غاطس الآن فى دياجير القوقل ايرث حكمته باااااالغة
شنو شنو شنو؟؟؟؟ دياجييير و الله صحي حكتو بالغة أقطع لساني من لغاليغو إذا جوز اللوز ديل فاهمين المعنى دياجير دي مش أحسن يشوفو الشيرنغ كم؟؟؟ يا رش عندك مختار الصحاح أو المصباح المنير سلفة لأصحابي ديل؟؟؟ بالمناسبة الزول المحتفى به أو الدومنيكاني ما عليهو بكلمة دياجير
Quote: لجظات قليلة قبيل ظهر هذا اليوم واذ ا استدعى الأمر لا نمانع ان تكون بعد الظهر
طيب ما تخلو الدياجير دي تجي في الأول
Post: #3322 Title: Re: ناس الزقازيق ... أجدع ناس (4) .. Author: منصور عبد الرازق Date: 10-04-2011, 09:13 AM Parent: #3320
كدى قبل ما نحاول تبرد بطن الجماعة ديل نعرج بيكم على (حفنة ) التاكيدات المدهشة دى انجزها موسى عيسى فى صمت وأناة , يحسد عليها زى ما قلت ليكم
27-الصادق ابوسكين 28- وليد آداب 29- عصام احمد محمد , قال جاى برااااهو , والآولاد وين , ما عارف !! 30- مكى عباس - جية وتأكيد كامل الدسم 31- عبد المنعم عبد الله - جية وتأكيد فوقو حباية كرز 32- صديق ابولكيلك - جية مع تأكيد طيبة وحنان كاسيهو , زى القمر مدور 33- عماد عثمان - جاى براااااهو , موسى عيسى عارف لى شنو , لأنو عماد اصلا ما يزال برااااهو 34- الباشمهندس حمدان , بتعرفو زول قرا هندسة فى الزقازيق غيره هو ومعاهو نزار الشقلينى ؟؟؟؟ 35- دكتور احمد الفيصل , تاكيد جية لمن سحر العيون بكحيلو 36-دكتور مطيع الحورى - ما اظن الاقى مثيلو هو الوحيد فى جيلو 37- محى الدين عابدين - وسط الزهور متصور 38- دكتور حسن اسماعيل (الفيل ) , جاى من النعيرية المجاورة وجهه الصبوح ومنور
* قال شيرنغ قال !!!!
Post: #3324 Title: Re: ناس الزقازيق ... أجدع ناس (4) .. Author: منصور عبد الرازق Date: 10-04-2011, 09:29 AM Parent: #3322
اما العشاء فلا فيهو باسطة ولا بيض مسلوق ولا سلطة اسود ولا بنطلون جينز مفستن الجديد فى الأمر انو العشاء جاييينا من بعيد بعيد خالص ناس قالو جايبو معاهو دكتور حسن الفيل من النعيرية وما بين قائل ان سامى وزهير يحضرانه معهما من مكان ما ( ما بين الجبيل والخبر ) لمن طلل بين (الجدية والجبل - مكان قديم العهد طالت به الطيل ) وبعضهم وصلت به التكهنات الى ان عاطف القوز , جايبو معاهو من بريدة القصيم العشاء فى ضهرية عربية عاطف , والمقعد القدامى قاعد فيهو صلاح على صالح منجعص ياخى فى ناس قالوا شافوا حاتم جبارة زاااااتو شاحن معاهو العشاء من لاس فيجاس !!!!!
* قال شيرنغ قال 38- عاطف محمد احمد الشهير بعاطف القوز - ما اخلاه من تأكيد (ليس فيه اى نكهة (بيض )مسلوق يا الرشيد ومحمد عيد) !!!!
Quote: انجزها موسى عيسى فى صمت وأناة , يحسد عليها زى ما قلت ليكم
إشمعنا دي ما كانت فيها دياجير
Post: #3323 Title: Re: ناس الزقازيق ... أجدع ناس (4) .. Author: أحمد إسماعيل Date: 10-04-2011, 09:28 AM Parent: #3318
سلامات يا ود آدم 000 شنو ياجلا مجليني كدة ياخي نحن من قدامى المغتربين أقدم مننا إلا ناس الشادي ويمكن ميسرة ومنصور ودفعتنا الذين أتو معتمرين ناس موسى عيسى ومن شايعهم بعد ده كلوا مانكون تفتيحة ونفرق بين الألف ووتد الخيمة ولا عشان ناس دار ورى ، وينك يا خليل المرة دي كسلا راس ، ماتخاف يازهير حنوصيه على جماعتكم
Post: #3326 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-04-2011, 09:46 AM Parent: #3323
عاطف القوز المفروض رقم 39 يا منصور
الحاجة المحيرانى كل الناس دى مؤكدة الحضور
ما زى ناس جدة عندنا قريب للــ 30 نفر تتضرب ليهم وترسل ليهم رسائل ويعملو ليك ( قام اتعزز الليمون ) ..
Quote: ناس قالو جايبو معاهو دكتور حسن الفيل وما بين قائل ان سامى وزهير يحضرانه معهما من مكان ما وبعضهم وصلت به التكهنات الى ان عاطف القوز , جايبو معاهو ياخى فى ناس قالوا شافوا حاتم جبارة زاااااتو شاحن معاهو العشاء من لاس فيجاس !!!!!
عشا ما عارفنو حيجي من وين!!! أمسكو إقتراح رش و طبقوهو أحمد إسماعيل أختى الدوغ القاعد في الشمس قلت لي من بلاد ورا يعني شنو هوت دوغ؟؟؟؟
Post: #3328 Title: Re: ناس الزقازيق ... أجدع ناس (4) .. Author: منصور عبد الرازق Date: 10-04-2011, 10:01 AM Parent: #3323
والله ضحكت جنس ضحك فى دياجير دى يا جلا حتى كدت ان استلقى على قفاى ويقع منى صحن البروستد بروفة العشا بس برضو ما حا اقول ليكم العشاء شنو ومن وين قال شيرنغ قال !!!!
* اها , كنت قد جهزت الجلابية البيضاء المكوية مع مستلزماتها لحفلة العبور الخميسية القادمة ولكن اتصال قيس ا لأخير صباح اليوم وتكرمه بشرح خطة اللعب المحتملة التى تعتمد على الهجوم الكاسح من كل الأطراف قلبت خياراتى راسا على عقب فلكل خطة ادواتها ووجود كل من دكتور حسن الفيل والشاب الصغير عبد الله احمد السنى فى التشكيلة يجبرنا على تعديل تكتيكات ميشو الفاشلة تمت اقالة ميشو بناء على توصية الدكتور قيس جمال الدين وعند ترزى البدل وبائع الكرفتات الفى مول (الفاتح النقر ) الخطة الناجعة لمهرجان اهداف متوقع محور واحد بس كفاية علينا يا جماعة دكتور الفيل ده لمن يجيك بالشمال وعبد الله احمد السنى ده من اليمين يا يوم الخميس ما تعبت معانا
سجل سجل يا تاريخ عبدالرب الرسول اداب ينداح لتمثيل الزقازيقاب
كجناح ايسر عائلي بالجبه و العمة والشال .
بس وصيتة لازم يعرف مصدر العشاء و مواصفاته لكي ياكد من عدمه .
المداخلات متاحة للمعنيين بالأمر فقط !!!!!
Post: #3330 Title: Re: ناس الزقازيق ... أجدع ناس (4) .. Author: جلال عثمان Date: 10-04-2011, 10:48 AM Parent: #3329
يعني ياجلا نقول اذا انت جاي بالطريق الدائرى الجنوبي فشنو ياحبيب قبل ماتصل مخرج 18 تقوم تمسك الخدمة "يعني ال سيرفس رود" وطوالى الى ان يقابلك كوبري اعلى الطريق الدائري تعدي من تحت الكوبري بتقوم تجيك على يمينك محطة بنزين تحت الانشاء يعني المباني اكتملت وكذلك ماكينات البنزين والديزل راكبة ... بس لسة ما اشتغلت ... اها بعدها طوالى تلف يمين ..... يعني برضو الطلمبة دي حا تكون على يمنك واستراحة نوفا على يسارك اها شارعك دا طوالى نهايتو بعمل معاك T ودي والله ما اشرحا ليك قبل ال T دي ياحبيب استراحة البال بتكون على يدك الشمال ف شنو .... اوعك تجي يوم الخميس
Post: #3332 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-04-2011, 10:57 AM Parent: #3330
و الله يا جلا فاتني استعراض ناس الرياض ده... يجب أن أقر بأن الجهاز الاعلامي بتاعهم جيد.... لكن الجهاز الفني عندي فيهو شوية شك... مش لو جابو الفاتح النقر... لو جابو مورينهو زاتو برضو عندي فيهو شك... جلال جاب لينا خريطة بتاعت ساتلايت لي استراحة في سقط لقط.... يعني شنو حسه أنا ممكن أجيب ليكم خريطة بيت جدي في الكوه... حسة نص الناس ديل بيكونو غيرو رأيهم من الاستراحة البعيده دي.... جلال بيكون صدق كلام منصور اني جاي الحفلة قام حجز استراحة قريبة لي أبو ظبي.... بعدين العشاء شكلو مجهجه كده... أديناكم اقتراح ما قبلتوهو... أها نصيحتي لي باقي الناس المصرين يجو الحفلة... أحسن ليكم تجيبوا معاكم ساندوتشات طعمية زي بتاعت حفلة أبو عركي... غايتو ان شاء الله كمال الشادي يقدر يعرف الطريق ويجي الحفلة.... و لو ما عرف الطريق و ما قدر يجي... حقو جلال يعمل دي جي و منصور يرقص بي بدلتو اللونه شنو ما بعرفو.... و أهم حاجة... ما تنسوا حاتم جبارة...
يا سلاااااام علي ناس الرياض.. حلاوه بطعم ناس جده.. الظاهر أي مدينه في السعوديه.. مطعمه بحلاوه زقازيقيه وباصاله سودانيه مافي زيها..
رش وجلا.. عشا شنو يا جماعه.. نحن حنكون في عالم تاني.. لا نجوع ولا نظمأ..
حاسي انو الدياجير دي كلمه زي الجوكر.. يجوز استخدامها محل أي كلمه في الجمله.. قلت لبت شيخي الأعجمي.. ناس الرياض عاملين حفله بمناسبه زيارتي جايين ميه زول.. قالت لي.. You are joking.. هسي دي ما دياجير منها..
موعدنا.. استراحه المخرج 18.. ولو سقط لقط..
أحبكم بعمق..
Post: #3338 Title: Re: ناس الزقازيق ... أجدع ناس (4) .. Author: أحمد إسماعيل Date: 10-04-2011, 03:34 PM Parent: #3336
يا جلا بعد الفترة دي كلها لو ما تثقفنا غذائيا بنكون طلعنا صفر معك الواحد بس الله يجيبك عشان أم عمر توريك البيان بالعمل كبسة أو بيتزا أو المقلوبة وغيرها والتحلية بالبانكيك وأصابع زينب ومن السندوتش البيرقر وكمبو دجاج أو لحم وممكن سبايسي أو النقانق البتسأل عنها دي عملناها شاطر ومشطور وبينهما النقانق ومش كدة وبس إبتكرنا ليها طريقة تحضير ماركة أم عمر ، أنت بعيد مايخالف نوريها أخونا موسى عيسى ويعلمك بيها وزي ما قال صاحبنا للهمباتي ( أنا ما من النوع البقولو ليه أوقف ويقيف أنا من النوع البقولو ليه أوقف بتحكر)
Post: #3339 Title: Re: ناس الزقازيق ... أجدع ناس (4) .. Author: أحمد إسماعيل Date: 10-04-2011, 03:44 PM Parent: #3338
نحن من ناس دار ورى يا جلا وأنتم ناس دار صباح لكن برضو وراك ولو طالت علىّ الدياجرو
Quote: قلت لبت شيخي الأعجمي.. ناس الرياض عاملين حفله بمناسبه زيارتي جايين ميه زول.. قالت لي.. You are joking.. هسي دي ما دياجير منها..
غايتو يوم الخميس دا الله يستر منو ساكت بالمناسبة يا المحتفى به بت الشخ بتاعتك دي زاتها عندنا تعتبر من الدياجير خلي كلامها!!!! لكن السؤال إنت تعاملت معاها في الأول كبف وهي ديجور؟؟؟؟
Quote: نحن من ناس دار ورى يا جلا وأنتم ناس دار صباح لكن برضو وراك ولو طالت علىّ الدياجرو
أحمد إسماعيل ناس ورا و ناس صباح واحد النقانق و ال ك ل ب الساخن تعبر عندنا زي زولة الدمنيكاني داك لكن الشاطر و المشطور و بينهما طازج دا نحن أسيادو (اللغة العربية دي بتاعتنابإستثناء صاحبي) بس الطازج دا ما يكون الحاجة الذكرتها ليك فوق ديك
Quote: حضور اخير قبل النوم
ود جادين شوقنا ليك ردم ردم كلامك الفوق دا معناهو ماشي تداجر غيابك الكتير دا معناهو كنت في الدياجير صاح؟؟؟
Quote: انتو ما ملاحظين القائمة ما بتضم ولا واحد من ناس علوم يا ربى ناس علوم ما بغتربو ولا شغل البوليس عاجبــم ....
ديل الصفوة ديل الإنتقائيين زاتم قال ليك ديل زي ناس كشا مشا العزمو غدا جا عشا؟؟؟؟؟ ديل حتى البوليس عندهم زبط و ربط ديل عندهم أهم خمسة حاجات في البوليس تلاتة الضبط و الربط ما داير أعصر عليهم لأنو هم هنا شوية
Quote: بركة يا بركة الشفناك طيب فى الاول قول لي رقمك 00249123026261 شغال ولا حكايتو شنو
و الله دا كل تلاتة أيام رقم جديد بعدين نحن زاتو ما لاقينو دايرو يجيك بالساهل كدا أقيف في الصف أو خت ليك طوبة لزوم نعرفك إنت حاجز
Post: #3345 Title: Re: ناس الزقازيق ... أجدع ناس (4) .. Author: محمد صديق Date: 10-05-2011, 06:51 AM Parent: #3344
سلامات يا ناس
قبل ما نرحب بى مبارك جادين الغتس لامن استغربنا...
وقبل ما نشوف موضوع الدياجيييييير ده.
نحمد الله على وصول الاستيكة لمنصور ومباشرتها لمهامها بكفاءة عالية.
Post: #3346 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-05-2011, 07:03 AM Parent: #3345
صباح الخير ،،، يا وجوه الخير
صباح الخير ،،، على منى الخير
وكمان منى يونس ذاتو ،،،
تحية للناس الحلوين ناس الرياض وما جاورها
والبجهزوا لأهل العريس زيارة مدينة الرياض
بالله كربو السيرة شديد ،، وإستقبلوا الناس ديل بالعديل والزين
وعقبال ناس جدة يتكحلوا بعودة باجيو لفريق الهلال ،،،
Post: #3347 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 10:27 AM Parent: #3346
لكن استيكتكم طلعت استيكة سلكتف جدا يا كوتش عندها خيار وفقوس حتى فى المسح عموما انا لا شغال بيها ولا حاجة تمسح التمسحو , وتدبل العاوزة تدبله يمين يا مبارك جادين , مشتهينك عدييييل يىخى انا ما شفتك تانى من يوم سمك عوضية ياخ ده كلام ده فى حفلتنا الديجورية بتاعت بكرة نفتقد احمد عجوز كان راس حربة معتبر لمن احمد عجوز كان معانا , الخطة دى ولا كنا بنشتغل بيها هجوم كاسح من قولة تيت كنا مرات , بنلعب بدون حارس مرمى ياخ
الحاج الدومينكاني دة حا يورطكم مع المطوفين في ايام خلت كان عنده جزمة خضرا كدة وهو زول كسلان في قصة المكوة دي المهم قام خلاني طلعتة وفتح الدولاب وقشر ليك بي قميصي ولفح ليك معاهو شراب ابيض مطرف ومشى الاتحاد جيت انا لقيتو قاعد ومرتاح قعدنا وراهو انا وعشة صلاح بت زراعة زولكم نظام بيخت امشاطه ويرفع الجزمة طلع الشراب مقدود عشة صلاح قالت ليه يا حاتم القميص مكوته سنينة والجزمة شرط لكن الشراب المقدود دة شنو قام قاليها: دة شراب جبريلا قامت ردت عليه: أجي يا حاتم هسي اللابس الشراب منو فيكم
هسي دة زول يستقبلوه 100 زول
Post: #3349 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 10:44 AM Parent: #3347
اعلام المريخ ده اعلام مضلل بشكل يحاول ان يوحى للقراء من غير (ساكنيها ) ان الأستراحة فى سقط لقط زى ما قال اخونا الذى بابى ظبى استراحة البال (وراحته) على بعد خمسة دقائق من بيت ناس عيسى موسى وثمانية دقائق من بيت ناس جلال وتسعة دقائق من بيت ناس موسى الراجل واتناشر دقيقة من بيت ناس احمد اسماعيل وخمسة وعشرين دقيقة من بيت ناس احمد السنى وخمستاشر دقيقة من بيت ناس حاج الركز (هى قصدى بيت ناس عفاف ) وستاشر دقيقة من بيت ناس عبد المحسن دفعة (الزول الهظارو بااايخ داك ) وخمسة وستين دقيقة وقت الزحمة من بيت ناس الفاتح على بشير وسبعين دقيقة بدون زحمة من بيت ناس كمال الشادى وستين دقيقة بس من الحتة الحا نختطف منها حاتم جبارة (كانوا متوا ما بوريكم ليها ) قال سقط لقط قال !!!!
Post: #3350 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 10:55 AM Parent: #3349
مشتاقين يا طارق جبريل ياخ تعرف قبل يومين اتصلوا بى ناس منتدى سورى وقالوا لى صاحبك ده شارينا شرة بعدما حندكنا وسيل لعابنا بى حكايات المغرب والطيب صالح اللذيذة وعدتهم اكلمك ولا ارسل ليك ايميل , لكن عارف مكنتنا بقت ما مكنة زمااان احييييييي انا لو المغرب دى كانت قريبة وختفت سكاكاتك ديل عشان تشوف صاحبك امبارح حذرته من بشتنة الشرابات المخرمة دى زولك ما حتته بعيدة حايتحرك من الليلة بالليل وينجم شوية فى فرانكورت وبعد داك يجينا لازى زولك جاى خبير اجنبى قال ليك بتاع (حصين ) قلت ليهو حصينا عوجة واحدة ما عندهم انت بس لم خواجاتك ديل عليك لو كنت معانا , كان تمت الناقصة ياخ
* قميص مبارك جادين كان نضيف ومكوى , ما ترسلو لى ان شاء الله بالفاكس ياخ !!!!!
منص يا حبيب والله عارف نفسي متلوم معاكم بهناك ياخي الوقت ممحوق عدييييل كدة وانا ذاتي داير انتهي من الحلقات حقت الطيب صالح دي رحمه الله لانه عايز ابدأ لي «مصيبة» جديدة
الدومينكتني دة ما مضمون يا زول عشرتنا ليها 25 سنة ولي هسي مقالبه ما بتنتهي الزول دة بيكون جايي لي نعاج ما حصين
ياخي واحد مغربي كرهني قميص ود جادين كلما البسه يقول لي اديني ليه لمن خليتو مكوي في الدولاب بس الحمد لله ود جبارة دة ما معانا
Post: #3352 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 11:03 AM Parent: #3350
وتاكيدات اخرى وردتنا من لاعب زقازيقى يعمل تحت الأضواء هو اخونا عثمان الخير الجدى
40- عبد الرحمن صالح شريف -تربية 41- عبد الله بشير - تجارة 42- هشام النعيم - تربية 43- محجوب حسن ربيع -تربية
اما اخونا الدكتور محجوب الطاهر منقة فقد اتصل على عثمان الجدى متمطقا وشاكيا من زحمة العمل التى قد تتسبب فى عدم مجيئه ولكنه وعد بان يبذل قصارى جهده حتى يقنع احد الزملاء بان يحل محله فى وردية الدجاج بتاعت الليل ديك ويجينا راكب الظلط من مدينة الرس التى هى على بعد اربعمائة من الكيلومترات ما قلت ليكم الحاج الدومنيكانى ده سره باتع عشان الدومنيكانية تآمن
Post: #3353 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 11:03 AM Parent: #3350
وتاكيدات اخرى وردتنا من لاعب زقازيقى يعمل تحت الأضواء هو اخونا عثمان الخير الجدى
40- عبد الرحمن صالح شريف -تربية 41- عبد الله بشير - تجارة 42- هشام النعيم - تربية 43- محجوب حسن ربيع -تربية
اما اخونا الدكتور محجوب الطاهر منقة فقد اتصل على عثمان الجدى متمطقا وشاكيا من زحمة العمل التى قد تتسبب فى عدم مجيئه ولكنه وعد بان يبذل قصارى جهده حتى يقنع احد الزملاء بان يحل محله فى وردية الدجاج بتاعت الليل ديك ويجينا راكب الظلط من مدينة الرس التى هى على بعد اربعمائة من الكيلومترات ما قلت ليكم الحاج الدومنيكانى ده سره باتع عشان الدونيكانية تآمن
Post: #3354 Title: Re: ناس الزقازيق ... أجدع ناس (4) .. Author: منصور عبد الرازق Date: 10-05-2011, 11:16 AM Parent: #3353
العشاء - تمام الربة والجبجبة -تمامين الحضور والتأكيدات - زيدوا العشاء يا جماعة الكراسى والترابيز والأستراحة - فى دياجير القوقل ايرث الموية - رااااااقدة البيبسى والميرندا والثفن اب -- بالكوم والردوم الشاى والقهوة - لمن غلط البهجة والمسرة - عقبالكم عدى فات - اول واحدة ضنين الوعد - ما عارف نلقى ليها وكت ولا لا اشتقت ليك ساعة المسا فرد الجناح - الما بقدر على نخجيها يبقى مارق من الجبيل - سامى عبد الوهاب من الخبر -زهير الزناتى من الرس- دكتور محجوب الطاهر من المزاحمية - الفاتح على بشير من الخرج - قيس جمال الدين من النعيرية - دكتور حسن الفيل من بريدة - دكتور خالد محى الدين وعاطف القوز من البكيرية - صلاح على صالح من جدة - رقم صفر الزعيم الغامض الذى لا يعرف حقيقته احد من الرياض - زقازيقاب يسدوا عين الشمس
* ما قال بجى مالو ما جا بجى بجى بجى !!!!!!
Post: #3356 Title: Re: ناس الزقازيق ... أجدع ناس (4) .. Author: محمد صديق Date: 10-05-2011, 11:34 AM Parent: #3353
سلامات يا ناس
Quote: فى حفلتنا الديجورية بتاعت بكرة نفتقد احمد عجوز كان راس حربة معتبر لمن احمد عجوز كان معانا , الخطة دى ولا كنا بنشتغل بيها هجوم كاسح من قولة تيت كنا مرات , بنلعب بدون حارس مرمى ياخ
Quote: وخمسة وستين دقيقة وقت الزحمة من بيت ناس الفاتح على بشير وسبعين دقيقة بدون زحمة من بيت ناس كمال الشادى
و بما ان كيمو الجاهز و الفاتح علي بشير ساكنين في نص البلد... معناها الاستراحة في سقط لقط... سبعين دقيقة ...عشرة...مممممم صفر معاك معانا الواحد... وجدتها...يعني ساعة و عشرة دقايق... أنا حسه لو طلعت من أبو ظبي بصل استراحتكم دي في تلاته ساعات... دي مش سقط لقط و بس..دي أسقط من لقط زاتو... سقط لقط يا أخوي... ما تاكلنا حنك... يعني عشان عملتها بالدقايق... لكن برضو مجبور أقول ليكم اعلامكم جيد... و فنانكم روعة... و ضيوفكم حلوين... بس استراحتكم في سقط لقط....
درجة الحرارة اليوم عندنا 36 درجة مئوية (فوق الصفر)... فوق و تحت الصفر لي ناس أوروبا و كندا و أمريكا... الحاجة دي بتهمهم كتير... نحن في درجة 36 دي البرد كتلنا... طبعا مقارنة بي أسبوعين خلو... حيث كانت درجة الحرارة بين 48-51... و رطوبة تكاد تتجاوز الـ100%... حسه 36 درجة دي تخليني أقوم من صباح الرحمن... ألبس عدتي بتاعة الرياضة و أنطلق... طيب يا منصور ما دام الجو اتصلح عندنا.. ياخي ما تجو تعملوا حفلتكم دي عندنا... برضو حنطلق عليها نفس الاسم..حفلة ناس الرياض بأبو ظبي.... و نحجز ليكم في قصر الامارات الجاب ليكم كيمو صورتو في الفيس بوك.... مش أحسن ليكم من الاستراحة الفي سقط لقط دي.... و نخلي كيمو يغني دويتو مع حمزه سليمان... و نجيب ليكم شروق أبو الناس كمان لو عايزين... و نعشيكم العشاء الما خمج... و نجيب ليكم الباسطة السودانية... و الشامبيون رااااااقد هنا... مش أحسن من شربوت زهير...
Quote: وسبعين دقيقة بدون زحمة من بيت ناس كمال الشادى وستين دقيقة بس من الحتة الحا نختطف منها حاتم جبارة (كانوا متوا ما بوريكم ليها ) قال سقط لقط قال !!!!
في الحفلات عموماً و اللمات و المناسبات بتاعت الأعراس دائماً العريس بيجي قاطر العروس و يبدأ الفنان في الصوله بتاعتو أغرب مناسبة بتاعت ناس الرياض المحتفى به جاي قبل الفنان يعني ما في صولا و لا يحزنون وهو زاتو المحتفى دا قبل ما تجيبوهوه من الحتة بتاعتكم أدوهو شراب ما مقدود بس ما يكون أبيض زول زي دا يستقبلوهو 100 نفر؟؟؟ دي كيف يادو جبريل
Post: #3362 Title: Re: ناس الزقازيق ... أجدع ناس (4) .. Author: منصور عبد الرازق Date: 10-06-2011, 07:40 AM Parent: #3361
الريس بتاعنا الذى فى جدة عنده تلاتة تلفونات وايميلين كلهم ما بيردوا ومحمد عيد مختفى وجمال السنوسى فارش عشان الهلال واحمد السيد رحل الرياض والساوث مول فيهو احتفالات اليوم الوطنى المستقبل اذن للرياض تعالوا لينا الليلة فى سقط لقط تجدوا ما يسركم
* وانا بجهز فى البدلة بتاعتى , ست بيتى قالت لى , انت قايلو عرس ولا شنو يلا معانا عشان ستات البيوت كوللللهم يآمنوا بما فيهم الدومنيكانية جلال عثمان ما اتفاهمنا فى خطة التوثيق ياخ صور ثابتة ومتحركة بالله الثرى دى مافى داعى ليهو هسى خليك حنين ياخ قال سقط لقط قال !!!!
هوووووووي يا ناس الرياض... الصور بتاعتكم ما تكون بقدر حجم الإعلام و الغاغا العملنها الله قال بي قولكم ... ما تخلوني أقول الإعلام السالب... تنفخو تنفخو و تقول لينا اللمة بما حضر ... زي ناس واحدين كدا!!!
كانت أصيلة حبلى ذلك النهار بجينات سودانية.. خلقت فرحا كبيرا لـ«عرس الطيب صالح»... تقاطر القوم من أصقاع الدنيا ليشهدوا على فرح سوداني عند خاصرة الأطلسي.. تبارى الجميع في نقد وتفنيد روايات شيخ الطيب... كنت أجلس مقابلا له تماما... ورحت اتتبع حركاته وسكناته... كان كعادته متواضعا حد العجب.. كأن القوم يتكلمون عن رجل آخر ليس هو... على المستوى الشخصي أعجبتني كلمة السفير صلاح أحمد محمد صالح.. شدت الناس صدق كلماته وبساطتها.. قال إنه سبق الطيب صالح إلى إذاعة البي بي سي... وعلم من أحدهم أن هناك سودانيا أتى لينضم لهيئة تحرير الإذاعة قال: وجدت قرويا كث الشعر يمشي متمهلا ويدور حول نفسه فقلت في نفسي «الله يستر».. ثم أضاف: كيف وصل هذا الفتى إلى هنا... من أتى به إلى هذا العالم؟؟ الرجل قروي من أخمص قدميه حتى خصلات شعر رأسه.. كانت القاعة تضج بالضحك والتصفيق من كلمات سعادة السفير.. وكان شيخ الطيب مسترخيا ويشارك القوم الضحك... فند صلاح أحمد محمد صالح حياة شيخ الطيب في بداياتها في لندن والعوالم التي جعلت منه كاتبا روائيا عالميا.. قال: الطيب كان مسكونا بقريته عند منحنى النيل... رغم تأقلمه السريع مع أجواء لندن إلا أنك دائما ما تحس بهذا الحنين إلى عالم القرية التي أتى منها.. كان يساوره إحساس عميق بالذنب بأنه تخلى عن عالم جميل دون سبب واضح... تحدث أفذاذ كثر عن شيخ الطيب.. وضحك الناس من كلمات محمد إبراهيم الشوش: قد يكون الطيب صالح روائيا كبيرا لكن لا اعتقد أن يكون بهذه الوسامة.. أكملت أصيلة مهرجانها على إيقاعات «حمى االطيب صالح».. كنا نحس بالفخر تلك الأيام... بل أتت علينا ساعات كان يملأنا شعور أننا «نغمة من دقات قلب الكون نفسه».. خُتم المهرجان بحفل ضخم أقامه عثمان العمير رئيس تحرير الشرق الأوسط حينها على شرف الطيب صالح.. ثاني يوم عادت المدينة إلى «صياديها» وعدنا نحن إلى الرباط ومعنا شيخ الطيب... **** علم شيخ الطيب أن والدي ووالدتي معي في الرباط... فطلب شيخنا الطيب صالح قراصة بالويكة... فكانت الحاجة عشة بت ابو دية رحمها الله له بالمرصاد.. اكل حتى غاصت انامله بين الويكة والقراصة.. وجيئ بالشطة والبصل الاخضر.. شبع وارتوى ثم جيئ بالشاي بالهبهان والقرفة.. وحينها انفرجت اسارير شيخنا الطيب فتحاور هو وجبيرين ود الطيب والدنا اطال الله عمره.. لم يتركوا شيئا للصدفة طرقوا كل شئ كانت ذاكرتهم تختزن كما هائلا لتلك القرى عند منحنى النيل... تحدثوا عن النخيل والمنقة والبرسيم وحتى انواع الحمير كان شيخ الطيب مسرورا بليلة عند منحنى النيل وبكل طقوسها... لكن على بعد مرمى حجر من الاطلسي كنا انا وشقيقي طلحة شهودا على هذا الالق في شقتي.. واسعفتنا آلة التسجيل تلك الليلة فخرجنا بكنز من شيخنا الطيب فيه مجموعة من الدرر... كان الرجل على سجيته وتلك (الكفتيرة) التي امامه حاصرتها بت ابو دية مرات ومرات حتى لا يمل الرجل جلسته بيننا كانت والدتي رحمها الله قد درست سنتها الأولى في مدرسة الدبة الزولية حين كان جدنا ود ابو دية يعمل في البوليس في مركز الدبة.. تحدثا هي وشيخ الطيب عن تلك الفترة وذكرياتهما هناك... خصوصا وهو تربى في تلك القرية.. كان حديثا نابعا من القلب.. تناقلوا فيما بينهما أُسر وأنساب تلك البقاع وميزات ذلك الزمان... كان الطيب صالح مسرورا كون الوالدة شاركته ذكريات مراتع الصبا تلك.. ثم دلف يفند ذكرياته مع الوالد في مدرسة مروي الأولية حيث درسا... وكيف كانت جامعة لأفذاذ المنطقة.. وراحت الذاكرة تُخرج مخزونها من الشخوص في ذلك الزمن وتلك المدرسة الرائدة.. وكانت سيرة محمد عمر بشير حاضرة وآخرون كثر.. حين انتبهنا للوقت كانت الخامسة والنصف صباحا... خرج شيخ الطيب مسرورا وقال لي: بالله ي ولدي شوفتة الونسة دي سمحة كيفن.. ياخي ثقافة شنو ومهرجان شنو ههههههه بعدها غادرنا الرجل الى لندن وكتب عن تلك الليلة: (((أصلاء واقحاح))) وادخلتنا تلك الجملة في حرج كبير...
صورة من تلك الليلة الجميلة
Post: #3368 Title: Re: ناس الزقازيق ... أجدع ناس (4) .. Author: أحمد إسماعيل Date: 10-06-2011, 02:30 PM Parent: #3367
ياجلا ناس الرياض اصيلين من أصيلة ذاتها ناس الرياض حاضرين في لمات الخرطوم وحاضرين في الدمام وحاضرين في ابو ظبي وفي بحر الشمال ولو مكذبنا أسأل نملوز وحاضرين في الخرج ولمة جدة القريبة دي خمسة حضور من الرياض لذلك نحن ننفخ ولو وزننا ريش
أهلنا الأمريكان لمن ينبسطوا بيقولوا.. What a night! ويالها كانت من ليله.. دي المناظر لحدي التوثيق ما يصلكم.. أولا.. الحفله ما في سقط لقط.. (قصرت معاك يا منص).. الأبنوسي ألرائع.. بيحنس الأمريكان.. عليكم الله كان ما جيتوا حفلتنا.. جلال.. عمده كبير.. مازال بيلحم مع الوجيه سامي.. قيس.. انقلب بعاتي.. كمال الشادي.. ابداع بدا بالكابلي والختام مصطفي.. موسي عيسي.. حريف في الكوره وأشياء أخري.. بس شوفوا الشريط.. أحمد السني.. النقزي حق حفله الزقازيق داااك.. بس ياهو.. عصام جلي.. بقي ما بيشاكل.. موسي الراجل.. مدرب كوره كبير.. أحمد اسماعيل.. ما قايلك بتاع بهجه قدر ده.. خالد محي الدين.. مازال وجيه.. د. مطيع.. الرزانه دي طلع وراها مدفن.. د. أحمد الفيصل.. الجنا ماشاءالله.. طباعه بالكربون.. أحمد السيد.. تيمان أنا وهو.. في الصلعه طبعا.. أما حاج الركز.. فيقولون انو من غير فافي حاجه تانيه.. عثمان الجدي.. ياها نفس الالفه حقت زمان.. محسن دفعه.. يازوووول.. السعوديه نفعت معاهو تمام.. الزناتي.. قال ماخد ازن عام من ابتهاج.. وليد حمدون.. جاتو قطايع من السواقه ومن الرقيص.. نصر الدين.. قرب ينط من الدور الأول.. الصادق.. ما تلموه مع جلي وأحمد السني.. مدثرأبايزيد.. يا نسمه لطيفه علي الروح.. مكي.. يا ضنين الوعد ياخي.. حبيب الله كدام.. ياخوي ماقدر دا.. د. أحمد المصطفي.. يازول الحفله فاتتك.. وليد اداب.. الأصفر الفتان.. عماد.. جا براهو.. هوي.. كان نسيت زول.. الأعصاب كانت بايظه..
المحتفي به.. سخن في اللفه الأخيره.. بعد الشريط انتهي... هييي يكا..
Post: #3372 Title: Re: ناس الزقازيق ... أجدع ناس (4) .. Author: محمد عيد Date: 10-07-2011, 06:00 PM Parent: #3371
احتفالات ناس الرياض متواصلة بالوجيه باجيو الدومينيكانى
Post: #3373 Title: Re: ناس الزقازيق ... أجدع ناس (4) .. Author: جلال عثمان Date: 10-08-2011, 05:44 AM Parent: #3372
وكانت ليلة من ليالي الزمن الجميل بحق التقينا فيها بإخوة لم يفارق حبهم قلبنا فاشتعلت جزوته حين رؤيتهم .... تقالدنا .... تسامرنا .... فرحنا .... ضحكنا وفي حضرة من اهوى ... تخونك دائما الكلمات والصور اصدق إنباء من الكلمات الا ان اوسكار الحفل قد فاز به الود د/قيس .... مهداة للواد جبرييلا .... بأن صلعة حاتم كانت شعرة معاوية وقد ذهب معاوية بشعرته .
بلاوي غايتو ... بفتها ليكم شوية شوية
Post: #3374 Title: Re: ناس الزقازيق ... أجدع ناس (4) .. Author: جلال عثمان Date: 10-08-2011, 05:52 AM Parent: #3373
* يا شباب الصور بعدسة الزول المصيبة الاسمو وليد حمدون وشكر خاص لناس القصيم شرفونا والله وكذلك "جاليتنا في الشرقية"
ناس الرياض آخر جمال .... لسه ما كتبنا عن ناس جدة وجمال ناس جدة .... لسه ما هضمنا عشا الثاوث مول .... جونا ناس الرياض بما لم يأت به الأولين .... منصور .... موسي .... جلال .... ثلاثي خطير أقام أجمل حفل زقازيقي أشاهده حتي الآن وأحلي لمة وأحلي ناس .... حقيقي يا ناس الرياض الجاور السعيد يسعد ... من هنا أعلن حبي لكم وإنضمامي لكم .... والجيمس جاهز ... بس قولوا عوك .... يا سلام علي الود الهريب الأمريكي ... الدومنيكاني ... حقيقي يستحق أن تولم له الولائم .... ويتقاطر إليه الناس زرافات ووحدانا ... رغم الصلعة التي قضت علي الأخضر واليابس إلا إنه لا زال شباباُ وأخضر القلب ... رقض وغني مع الجميع كما الأيام الخوالي ... عينا باردة ... شكراً لناس الرياض نفر نفر ... وإذا كانت جدة غير ... أكيد الرياض غيرين ....
عزابة تربية ... سامي وعثمان الخير ... ويظهر أقصي يمين الصورة وليد آداب .... والله زمن يا وليد ..
شرامة تجارة .. . السني وعبد الله وبرضو وليد أكثر وضوحاً
حبيب الله كدام
حتاهو حت
نصر الدين كريبة .... دفعة ناس نصر الدين ووليد ديل أكتر ناس شفوت جو الزقازيق .... الغريبة برضو دفعة البروف موسي عيسي وجلي كانت حضور لمنافسة شفوت معهد تجاري .... من رحمة ربك علي الزقازيق انه الدفعتين ديل ما أتجايلو ... ولا كان لي يوم الليلة ما أتخرجنا ... وكمان يظهر في الصورة جكس موسي الراجل كان أنضف جكسي في الحفلة بس للأسف أخوهم خرتهم وفرض نفسه علي وسائل الإعلام لكن برضو لازم ننصرهم علي هذا التهميش ...
غايتو وليد حمدون وقيس .... العمائل العملوها في الحفلة دي ... لا بتتحكي لا بتتقال ... يعني بدون تعليق عموماً في إنتظار الفيديو لمشاهدة الفضائح .... بالله عاينو لي قاعد كيف ود ناس وآخر تهذيب ... السن برضو ليها احكامها ... والتقلة بعد ده واجبه
اولاد دفعة ....وآخر أنسجام ... بالمناسبة الصور ملطوشة من الفيس بوك وبكاميرا وليد حمدون .... يعني لسه الباقين ما نزلوا الصور
الرهيب .... حاج الركز من غير فافي ... الوجيه خالد محي الدين ... ونصر الدين كريبة .... من أجمل لقطات الحفل .... جمعت مختلف الكليات .... ومختلف الأجيال ... تؤكد انه الزقازيق هي التآلف والتعايش ... والحب الذي لا ينضب ...
واحد حاقد قال خالد محي الدين الوجيه سابقاً ... برضو مع كمال الشادي كانو الأوجه في الحفل ... وجبارة لو ما الصلعة كان نافس ... بس آخ راحت عليك .....
د. احمد المصطفي .... ياخي ما شفناك في الحلبة ليه ياخي مرة واحدة ما كان بتعمل ليك حاجة ... علي العموم خيرها في غيرها ...
يا سلام وسلام وتانى وتالت بس داير اقول مليون شكر لرئيس المراسم منص والبواسل( ابوعمر - موسى عيسى - قيس - جلال - مدثر - ) والكواسر ( سامى - زهير - خالد محى الدين - كريبه- وليد ) ليله ولا اروع منها لمه بصلعه رهيبه ومحدقه بود الشادى بالله طلعنا فلايت ليها عشرين سنه فى ضهرنا ولا بصير اقدر من عمار
Post: #3379 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-08-2011, 08:18 AM Parent: #3378
صباح الخير ،،، يا وجوه الخير
صباح جميل بوجه الزقازيق الحلوه
صباحكم عسل يا ناس الرياض يا أجدع ناس
لمتكم جميلة وكاربه وجمعت كثير من الوجوه المختفيه
بعد ده المحتفى به ينزل مكة للعمره ؟؟؟؟؟؟؟؟؟
Quote: يا جماعة الريس ميسرة اليومين ديل بيعوس في شنو .؟
يا زناتي بنعوس في مكة المكرمة دي بس ما عمره ، زي ما إنت عارف
عمل ، نحن في طور التأسيس لشركة جديده وعمل خاص كبير علشان كده
شركاؤنا مقرهم مكة المكرمة وكثير ما ارجع من مكة بعد الساعة الثالثة
صباحاً ووجب علينا القيام في مواعيد المدرسة والعودة للشغل القديم
وكمان السن ليهو حكمو، التعب واصل النخاع.
الريس منصور زعيم الحفلات جوالاتنا بتكون مقفلة في إجتماعات (ل،س)
أصلوا ناس الجبهة الديمقراطية دائماً بيطالبوا بقفل الجوالات .
Post: #3380 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-08-2011, 08:41 AM Parent: #3379
زقازيقاب يسدو عين الشمس
بس عاوز اقول شنو ....
العشاء باين عليهو كان تعبان
والدليل انو الجماعة ديل قامو تانى يوم جعانين وجرو على المطعم جرى
كان تشيل للخواجات بتاعنك ديل طلب تقلية و ضلع يا حاتم
Post: #3381 Title: Re: ناس الزقازيق ... أجدع ناس (4) .. Author: أحمد إسماعيل Date: 10-08-2011, 03:38 PM Parent: #3380
Quote: زقازيقاب يسدو عين الشمس
يا نضيف من ماقال الأخ منصور الأخ حاتم جاي الرياض اوّل حاجة بوستينا إشتعل بكيفية إستقبال ناس الرياض من السودان وأبوظبي وجدة والمغرب والفيس بوك ومنصور وخلال أقل من اسبوع وصلونا ناس الخرج وناس القصيم والجبيل والدمام غريب أمر هؤلاء الزقازيقاب والله يشعروك بأن الدنيا كانت ممكن تبقى جنة لو عمرانة بالزقازيقاب ومن شايعهم لكن لله في خلقه شئون عندما شدى الشادي رجعنا 25 سنة لذلك العهد والذي وصفه الأخ عماد عثمان بأنه عهد ماليه مثيل ، الغريب أنك لا تعرف مين أكثر زقازيقية تقول موسى عيسى يظهر لك زهير او منصور اوالريس او جلا او الرشيد او الكوتش او 000او إلى أن إلتقينا بوليد حمدون ونصر الدين ودكتور خالد وحاتم جبارة فكان الإبداع والتفرد والجمال إلى أن تهنا في زحمة مشاعر في ليلة لاتنسى
جبريلا.. بالله لقيت التسريحه كيف وشقه الشعر؟ مش خطيره؟
اتأخرت بينا الطياره في الاقلاع من مطار فرانكفورت.. السبب.. الراوت ماشي باليونان.. والجماعه مفلسين.. ما عندهم مراقبين كفايه يوجهوا الطيارات.. أتقول السودان بس.. انتابتني حاله من القلق.. قلت هسي الشباب يكونوا راجيني.. والا أنا راجيهم ما عارف.. المهم بعد ساعتين بالتمام أقلعت بينا الطياره.. قلت اخد لي نومه أصلح اللياقه.. عشان عارف الجماعه متعبين.. وصلنا مطار الرياض حوالي العاشره مساء.. ناس الجوازات.. حركتهم تقيله.. اتمحركوا فينا زييين التقول ما عارفين عندنا بارتي.. خلصنا اجراءاتنا وشلنا عفشنا.. وعلي الفندق.. دخلتنا الفندق.. لقينا شاب أسمر مهندم وسيم.. تبدو عليه مراسم الراحه.. لابس فوول سووت داكنه اللون.. وقميص أيضا داكن.. به خطوط طوليه لونها بني يقرب الي الحمره.. ولفت نظرنا من بعيد.. انو يرتدي ربطه عنق ذهبيه تميل الي الصفار.. أضفت علي اللبسه بريق ساطع انعكس علي وجهه الأسمر.. فازداد ضياءا علي ضياء.. جالس وحده في قلب قاعه الفندق.. يحتسي قهوه أو شاي.. وأمامه صحن جاتوه.. تبدو عليه اثار معركه حاميه ا########س.. ما ان دخلنا الي قاعه الفندق.. حتي نهض واقفا.. وأخذني بالأحضان.. فذهب عني كل تعب الرحله.. وتمنيت لو هكذا أظل..
باقي الصور .. يا ناس الرياض .... لمة جميلة ... بجمال تآلفكم الجميل ...
منزلين صور بدون منصور وموسي عيسي ... وكمال الشادي زاتوووووووووووووو وبقية الشباب المبدعة .... راجينكم ... بالحوش هنا ... غايتو محسودين عديل كده ... تحصنو ... سامي الوجيه ... تعال دبي ... عشان نشوف لفة العمه على الطبيعة والله زماان ياشباب ...
====================== النضيف ... والله حجة سريعة وعادية بدون نجوم ... الوصول المدينة المنورة تاريخ 2011/10/29 والرجوع رابع يوم في العيد طوالي تاريخ 2011/11/10 ان شاء الله .... دعواتكم ...
حبيبنا طارق جبريل ... برغم من أن لعبك بقي مشتت شديد ... ولكن متابعين ... قلمك الرصين ...
هسع لو لميت كل حاجاتك الحلوة دي في البوست الذي فتحته سابقا عن الهامة الطيب صالح لكان امتاعنا متواصلا ... وكان البوست ارشفة ومرجعية ... لا يغفل عنها المهتمين وهم كثر ...
نكتة مهداه لطارق جبرين ... شايقية دايرة تمشي الحج قالوا ليها الحج بعشرة مليون قالت ليهم في شان شنو .. انا ذاتي ما عندي ذنوب قدر دا
ويا جلا سمعت بالنكتة دي ... جماعة راكبين في بوكسي كاشف شوية كده ... جنوبي منهم دق للسواق قائلا: اقيف يا سول ... آدم بتآء الدكان وقع السواق وقف وعاين مافي شي داير يمشي تاني دق ليهو: قلت ليك اقيف ... آدم بتآء الدكان وقع الراجل رجع خلف عشان يشوف الوقع لقى العادم بتاع الدخان وقع ^___^
اصحي ياكمال الشادي: واحد طلق زوجته وعرس واحدة تانية من اول وجديد لاقاهو صاحبو بعد شهرين وقال ليهو : سامع أنو مرتك دى اطيب من الفاتت فرد التعيس: بكتير .. تصور انها ساعات بتغسل العدة معاي
ودي عشان ولدنا رشيد القوم: مسطول عنده ببغاء مرة كبسوا عليهو ضيوف وما عنده التكتح قال للمرا: تعرفى ما عندنا حل غير نضبح الببغاء القاعد بلا شغلة دا نعمل منو شية جمر وشية صاج وشوية كباب والراس نخليهو لى باكر الببغاء قال ليهو عليك الله قبال ما تنسى .. تعال أحلبنى وأعمل ليهم رز باللبن
كما لايخفي عن الباحثين في المنبر أن النكات منقولة من بوست : نكات .... نكات
نجيلة شكرا على النكتة الظريفة.... و ان شاء الله حجا مبرورا و ذنبا مغفورا... تمشي و تجي لأولادك بالسلامة..كما ولدتك أمك... بس ما تمشي تطبق كلامي ده حرفيا و ترجع ليهم كما ولدتك أمك... لكن ياخي الحج ده حق الحكومة و لا لقيت ليك حملة بتاعة أولاد ناس...
يا ناس الرياض و الله لمه خلتني أتحسر على اني شغال في الامارات... بالرغم من أن الصور التي نزلت ما بتشبه اداءكم الاعلامي قبل الحفلة... الصور جميلة ولكنها لم تغطي الحدث تغطية جيدة... كلنا أمل في أن تكون الصور التي لم تنزل بعد أشمل و أوسع تغطية... لولا معرفتي بالتطور التكنولوجي الذي حدث في مجال التصوير و الكاميرات... لحسبت ان الكثير من اللقطات قد تلفت بسبب انعكاس الضوء من الصلع الكتيره في الحفلة... و لكن هذا أمر مستبعد بسب التطور التكنولوجي كما أسلفت... كنتم كلكم نجوم و منورين رغم ظهور علامات تقدم السن السبعة و التي تحتاج لكريم أويل أوف يولاي... ملاحظتي على الحفلة انه و بالرغم من الاعلان المكثف... الا أن الصور تقول بأنكم و في اللحظات الأخيرة تسللتم خفية من ستات بيوتكم.... و لم تصطحبوهم معكم الى سقط لقط...
Post: #3387 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-09-2011, 06:25 AM Parent: #3385
صباح الخير ،،، يا وجوه الخير
اللهم إنك تسمعُ كلامي وترى مكاني،،، وتعلم سري وعلانيتي أن تحبب الينا هذا الجمع الزقازيقي وأن ترحمهم جميعاً وتغفر إليهم وأن تكون الجنة مثواهم
يا رب العالمين
Post: #3388 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-09-2011, 06:33 AM Parent: #3387
Quote: النضيف ... والله حجة سريعة وعادية بدون نجوم ... الوصول المدينة المنورة تاريخ 2011/10/29 والرجوع رابع يوم في العيد طوالي تاريخ 2011/11/10 ان شاء الله .... دعواتكم ...
ما فاهمين حاجة؟؟؟؟؟
إنت يا زول زاير مقابر؟
ما سمعت بأن المثل الجداوي البيقول
الحضر للعمرة أو الحج ولم يزور ناس جدة
حجته ناقصة!!!!
يا سيدي ندعو ليك بإكمال الحج والعمره بكل يسر ومقبول بإذن الله ،،، ولكن عدم حضورك إلى جدة غير محتمل ولا يطاق!
Quote: يا سيدي ندعو ليك بإكمال الحج والعمره بكل يسر ومقبول بإذن الله ،،، ولكن عدم حضورك إلى جدة غير محتمل ولا يطاق!
هون عليك يا ريس ... والله انتو في البال .. ولكن الخيار كان صعب بين اداء مناسك الحج في هذا الوقت الضيق ....بظروف العمل وبين زيارتكم ... واقرب حجز وجدته فاضي هو يوم رابع أيام العيد بعد انتهاء الجمرات مباشرة وهو يوم خميس على ان انتظم في الدوام يوم الأحد باذن الله حقكم محفوظ يا ناس جده ... وحنجيكم مخصوص ... بخشم الباب ... بس رضاكم ودعواتكم ...
Post: #3390 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-09-2011, 06:43 AM Parent: #3387
شايفك يا طارق جبريل فى المنبر بهناك بتهدى للناس القمصان ... اها تعال اهديك المشاعر و ( القميص ) بتاع موسى عيسى داا..... بالله رايك شنو مش احلى من قميص رشاد نميرى ....
اصلن يا موسى انتــا ما بتشبه ناس تجارة المفروض اقلاهو تكون فى اداب .... وساكن جمب استاد الهلال كمان ..... ما داير اقول يا ناس احمد اسماعيل اتعلمو من الزول ده ... لكن عاوز الفت نظر جلا .. عليك الله القميص ده لونو شنو ... بمبى ولا وردى ولا خاتف لونين
Quote: الا أن الصور تقول بأنكم و في اللحظات الأخيرة تسللتم خفية من ستات بيوتكم.... و لم تصطحبوهم معكم الى سقط لقط...
ختفتها ختف العزوبية شر جابو الشفع على السريع يا نجيلة من حسة أعتبر حجتك ناقصة
Quote: عاوز الفت نظر جلا .. عليك الله القميص ده لونو شنو ... بمبى ولا وردى ولا خاتف لونين
طبعاً لا تعليق كما ذكرت في الفيسبوك إجتمعت كلمات الناطقين و اللابسين بغيرها
Post: #3393 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-09-2011, 08:06 AM Parent: #3392
لقطات من الحفل بكاميرا المبدع وليد حمدون
Post: #3394 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:02 AM Parent: #3393
ولا يخفى عليكم ان الود الأسمرانى الكان منتظر الود الدومنيكانى فى لوبى الشيراتون مرتديا الفل سوت الداكنة والقميص الداكن المخطط بخطوط حمراء وبكرافتة ذهبية قاااااعد ينقز فى الاستراحة الفى سقط لقط ديك ولد دا يا صوتها لما , لما سرى لما !!!!
Post: #3395 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:03 AM Parent: #3393
ولا يخفى عليكم ان الود الأسمرانى الكان منتظر الود الدومنيكانى فى لوبى الشيراتون مرتديا الفل سوت الداكنة والقميص الداكن المخطط بخطوط حمراء وبكرافتة ذهبية قاااااعد ينقز فى الستراحة الفى سقط لقط ديك ولد دا يا صوتها لما , لما سرى لما !!!!
Post: #3397 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:25 AM Parent: #3395
كنت اراقب عمار السنوسى وهو ينتقل من اغنية الى اختها خيل لى للحظة , انه يعانى من خياراته يراقب تفاعلنا مع ما يغنى فتزداد حيرته هو يعرفنا من الحفلة السابقة لذا فانه كان يلمس اوتارنا الهائجة لمسا سحريا مموسقا ومرتبا كانه (آس يجس عليلا ) واظن ان عمار السنوسى بلغ مبتغاه وغايته عندما وصل الى يا سقاة الكأس من عهد الرشيد ماعارف سحر الأغنية دى جاها من وين من الكاس الما قادرين نشيلو ده ولا من الرشيد ؟؟؟ عندما كنا نردد هذا المقطع ترديدا هارمونيا وعمار يواصل شدوه الصداح تأكدنا تماما , اننا فى سقط لقط ؟؟؟ وات اباراتى , ويا له من تجمع زقازيقى فاخر يا حاتم جبارة !!!!
Quote: من الكاس الما قادرين نشيلو ده ولا من الرشيد ؟؟؟
الحاجة العارفا الرشيد قال ليكم ما تشيلو ممنوعات خاصة و إنتو في حتة سقط لقط أظنو من زهير و الحاجة التقيلة الشايلها معاهو خلو الرشيد في حالو شوفو حاكم كيف؟؟؟
Post: #3399 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:33 AM Parent: #3397
يا ياسر نجيلة العمرة المافيها جدة ناقصة قطع شك اما الحج المافيهو الرياض ما عارف اقول شنو (شفتا ليك قبل كدة حلة من غير بصلة )
؟؟؟؟؟؟؟؟؟؟؟؟!!!!!!!!!!!!!!!!!!!
Post: #3400 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:40 AM Parent: #3399
يا ريتك لو شفتا معاى وليد حمدون يا جلا شاب زقازيقى , متدفق وشفاف كنت اظننى لا لاعرفه انا لم اصادفه الا فى الفيس بوك منذ فترة قليلة جدا ولكن لحظة دخولى الى سقط لقط وبتدفقه وشفافيته وتلقائيته خيل الى انه دفعة عبد الدائم النضيف او كمان حاتم جبارة وطارق جبريل ياخ الزقازيق دى !!!!!!!!!!!!!!
Post: #3401 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:47 AM Parent: #3400
لو قلت ليكم ان التجهيز لهذا اليوم لم يكلفنا اى مجهودات تذكر فستجدون صعوبة فى تصديقى ولكنها الحقيقة اكبر مجهود بذلناه كان هو الدعوة والكتابة فى هذا البوست او فى وش الكتاب غير ذلك , مشاورات تلفونية فقط كلما تذكر احدنا تفصيلة ما من التفاصيل واحد جرس تلفون , واعتبر الموضوع منجز لما يكون معاك موسى عيسى واحمد اسماعيل والود جلال والبعاتى قيس جمال الدين تجهز بدلتك ذات اللون الغامق , وكرفتتك الدهبية ساااااى وتبقى مارق قال شيرنق قال ؟؟؟!!!
Quote: يا ريتك لو شفتا معاى وليد حمدون يا جلا شاب زقازيقى , متدفق وشفاف
غريبة اللاميهو مع ناس الكروش و ناس الضغط و السكري و ناس الشلاضيم ديل شنو؟؟؟ حتى الأناقة التقول الرشيد وراهو يلبس شنو؟؟
Post: #3403 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 09:53 AM Parent: #3402
انضموا الى مشروع احمد اسماعيل بتاع السكن الجماعى بسرعة واطمئنان شديدين ادفعوا حصصكم المقررة فى شركة الأجدع ناس واخصوا فى تشجيعكم لها حتى تشب على الطوق اجتماعكم فى مكان ما , لغرض ما , ولهدف ما تحوم حوله حمائم النجاح وترفرف فى جنباته اجنحة المستقبل الزاهر طالما ان فيكم معتصم جعفر ومعكم ميسرة سيد احمد وحواليكم زهير الزناتى فان نتيجتكم الحتمية هى وليد حمدون
Post: #3404 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 10:06 AM Parent: #3403
بدت حفلتنا وبدا تجمعنا وكانه يخلو من دسم (ستات البيوت ) ولكن الناظر المتفحص والمتلقى (الحصيف ) يرى فيما يرى ثيابا من الحرير الملون واواع من سندس براق تتحرك فى الكراسى الخلفية تتعجب من شدة انطلاق وشفافيىة (اسياد البيوت ) فتنتقل اليهم العدوى ولكن على (استحياء) حتى اذا ما رايت طفلا محمولا على يد طفل لا يكبره الا قليلا عرفت ان حركة ما , بدات تتخذ من الغرف القصية ميدانا لها حتى انك تشعر ان عمار السنوسى وكمال الشادى يغنيان بلسانين ويحلقان بجناحين وصوت السماء عندهما صوتان وكاس الرشيد بهما كاسان وعبقرى الرباب بهما اثنتان ومداخلات منصور فى الأيام الأخيرة مثنى وثلاث ورباع ستات البيوت عندنا - تلكم الليلة - اغرتهما (حد الأغواء ) انطلاقة وانسيابية ازواجهم فانطلقوا الى غرفهم المغلقة يفعلون ما نفعل , ويغرفون مما ننهل حتى ولو فى سقط لقط
Post: #3405 Title: Re: ناس الزقازيق ... أجدع ناس (4) .. Author: منصور عبد الرازق Date: 10-09-2011, 10:31 AM Parent: #3404
لو كان عمار السنوسى هو ساحر تلكم الليلة فان كمال الشادى كان البعاتى بتاعا عديييييل ياخى البنى آدم مننا عبارة عن مخزن فيهو حاجات كتيييير مرة وحاجات مثلها فى غاية الحلاوة انسانى وانا انساك الحلوة القضيتها معاك تصير مرة , ونتقاسم مرار البين انا وياك خلاص ما تنسى وانا انساك احى انا منك يا كمال وانت تغنى ضنين الوعد ياخى دى مخزنة عندنا فى مكان لا بتجيهو مطرة ولا بيغشاها الحر عاملين ليها مظلة يا ربى ؟؟؟ ما ان ينطلق صوت الشادى بها فاذا بكرفتتى الذهبية , تصبح بيضاء من غير سوء دى كرفتى دى ولا يد موسى عليه السلام نجدعها كده , فاذ هى (تلقف ما يأفكون ) كمال انقلب الى بعاتى كما قال الود قيس اما انا , فشعرت باننى (احمد ولدى ) , وكان ما بابى الكضب اظننى بقيت قدر مدرار عدييييييل فلما انتقل بنا الود كمال الى لسه بيناتنا المسافة والعيون واللهفة والخوف والسكون ورنة الحزن البخافا ساعتها رايت بعينى هاتين الود باجيو وقد عادت اليه (بكلته ) والود موسى عيسى يجندل الباكات فى الطرف اليمين وخيل الى للحظة ان احمد اسماعيل , انتقل من الكرسى المجاور لوالدته التى شرفتنا فى تلكم الأمسية انتقل الى حجرها , متخذا من احد اصابعه رضاعة وغشاشة فى آن ولمحت بياضات شعر خالد محى الدين وقد كساها سواد زمااااان ولم اعد قادرا على التفريق بين احمد السنى وعبد الله احمد السنى اما قيس جمال الدين فقد زالت كرشته واختفت سفته وبدا لى من بعيد كرسيان ابيضان وكوشة بلون الفوشيا مدعمة بتطريزات الفضة واكسسوارت الذهب ينجعص فى احدهما زهير الزناتى وفى الآخر ابتهاج سليمان ونحن ومن عجب لا نبارك لهما لا زواج ولا خطبة بل نهزهما هزا قائلين جاكم جواب مسجل , الظاهر فيهو شيك !!!!!!!!!!!!!!!!
يا حبيب البوست موجود وقاعد انزل فيه الحاجات دي كلها بس البوستات الزي دي ما قاعدة تاكل عيش مع بوستات السياسة والكورة ويبدو إنه أنا اقحمت هذا البوست بكتابات لا تساير روح البوست
يا جماعة وين ناس البوست .... عاملين لينا وجع راس البوست البوست .... وهم ذاتهم عاملين حميل .... والكلام ليك انت يا المنطط عينيك .... احبكم زي ما قال جلا .... الغريبة الاربعة القاصدهم غيابهم من هنا خلانا نشتاق ليهم .... يلا ارجو تلفوني الليلة ....
Post: #3408 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-10-2011, 07:36 AM Parent: #3407
الكـورال
Post: #3409 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-10-2011, 07:43 AM Parent: #3408
العرضــة عصام جلى - احمد السنى - موسى الراجل
يا حاتم حقو الواحد يرسل الفيديو ده للزولة بتاعتك ويقول ليها دى حفلة ( القيدومة ) بتاعتك .. نشوفها حتترجم الكلمة دى من ياتو معجم
Post: #3410 Title: Re: ناس الزقازيق ... أجدع ناس (4) .. Author: عثمان الخير Date: 10-10-2011, 08:56 AM Parent: #3409
السلام عليكم أيها الرائعون اينما كنتم على وجه هذه المعمورة
هكذا هم ناس الزقازيق حيثما إجتمعوا واينما إجتمعوا
تجدهم مدهشون حد الدهشة , رائعون قمة الروعة
يجمعهم الحب والود والشوق الدافق
فإنهم ليست مجرد زملاء دراسة فحسب , لا لا فالأمر لديهم غير
فهم إخوة أشقاء لأم إسمها الزقازيق وأب هو السودان
وبهذا الفهم كانت ليلة الخميس الفائتة ونحن نستقبل أخينا وحبيبنا الواد حاتم جبارة
فتنادينا من الرياض , الدمام , الجبيل و القصيم
وكان حوشنا هو إستراحة البال ويااااا لها من راحة بال !!!
تسامرنا وضحكنا وتغنينا ورقصنا وبلينا شوق السنين
وضمتنا جلسة ريد لا شفنا فيها ملل ولا طاف علينا نعاس
بعد نهاية الليلة السعيدة دي ولدي عمر سألني متين الحفلة الجاية يا بابا ؟
Post: #3413 Title: Re: ناس الزقازيق ... أجدع ناس (4) .. Author: أحمد إسماعيل Date: 10-10-2011, 09:51 AM Parent: #3410
Quote: طالما ان فيكم معتصم جعفر ومعكم ميسرة سيد احمد وحواليكم زهير الزناتى فان نتيجتكم الحتمية هى وليد حمدون
دي عملتها كيف يا منصور ياخي والله كل عمايلك تحير خاصة عملية لمة الخميس الفات من حبة عملتها قبة( السهل الممتنع) وبخت الشركة التي تعمل عندها يامنصور بوجودك فيها
هناك عدة ملاحيظ في هذه القيدومة طبعاً ثبت إنو المكان في سقط لقط والمكان الفي سقط لقط دخولو من وين و خروجو من وين ما معرووووف الكراسي من كزام للمناسبات العدد الأكد الحضور 45 الحضور كان 13 عاطف القوز براهو بي 8 تأكيدات و ما حضر الناس الجات براها ما محسوبة بعني زهير ما في الحسااااب زهير براهو؟؟؟ الزول أبو كرفتة صفراء برضو برا الحساااااب وكدا!!!
عجبني في حفلة الرياض الكثير ان لم تكن كلها... ابتداء من الكرفته الصفراء بتاعت منصور... و فيونكة أبو الزوز الرابطها في خشمو... سكسة العجايز... و كشف البنيات الصغار.. و سؤال ولد عثمان الخير لأبوه عن ميعاد الحفلة الجاية... و سعادة وليد حمدون و هو يرقص بجوار منصور... و سعادة منصور و هو يجقلب بجوار وليد حمدون دون حرج... فرقهم العمر و جمعتهم جامعة الزقازيق و لاحقت بين كتوفهم.... فرفرة موسى عيسى و كأنه كان ينتظر أن يغني له عمار السنوسي (يا اللابس البمبي)... أبو عمر بدا لي بجلبابه الأبيض الناصع و كأنه يحلق طربا بجناحي ابن فرناس... وقار خالد محي الدين ذكرني بأيام عصير الجوافه... توجس حاج الركز خيفة من الكاميرا خشية أن تتسرب منها لقطات للويكليكس.... انتقاءات كيمو الجاهز بين عبقرية الكابلي و أغنيات مصطفى الخالدة...
و الله عجبني و سر بالي...
Post: #3414 Title: Re: ناس الزقازيق ... أجدع ناس (4) .. Author: منصور عبد الرازق Date: 10-10-2011, 10:10 AM Parent: #3412
الفرق بين العقلية اليابانيه .. والسودانيه كان هناك سباق تجديف بين فريقين (السوداني) و (الياباني) .. كل قارب يحمل على متنه تسعة أشخاص وفي نهاية السباق وجدوا أنالفريق الياباني انتصر بفارق رهيب جداً وبتحليل النتيجة وجدوا أنالفريق الياباني يتكون من 1 مدير قارب و 8 مجدفين الفريق السوداني يتكون من 8 مديرين و 1مجدف حاول الفريق السوداني تعديل التشكيل ليتكون من مدير واحد .. مثل الفريق الياباني وتمت إعادة السباق مرة أخرى وفي نهاية السباق وجدوا أنالفريق الياباني انتصر بفارق رهيب جداً تماماً مثل المرة السابقة وبتحليل النتيجةوجدوا أن الفريق الياباني يتكون من 1 مدير قارب و8مجدفين والفريق السوداني يتكون من 1 مدير عام و3مديري ادارات و4 رؤساء اقسام و1 مجدف فقرر الفريق السوداني محاسبة المخطئ فتم فصل المجدف
من أمبارح بالليل فكرت في موضوع قلت الليلة لازم أكتب عنه... و كل ما ألقى لي فرصة مع نفسي أقعد أرتب في الكلام و أفتش على المفردات.... أستلف لي عبارات من هنا و هناك لزوم التجميل و كده.... قبل ما أنوم راجعت الفكرة في راسي و دبجت المقال أو المداخلة... صحيت الصباح فتشت لي المداخلة دي في راسي سماء أرض ما لقيتها... العقل الباطن لقيتو اتفرمت كلو بالليل و مافيهو أي حاجة.... قلت مافي داعي أستعجل و لا في داعي أكتب أي حاجة... لأنه ربما أتذكر الموضوع فجأة و أجي أبراكم بيهو... و حتى هذه اللحظة ما قدرت أتذكر الموضوع و فقدت الأمل في تذكره....
Quote: غايتو اخير من الرشيد يوم واحد ما نزل ليهو وش ( مندهش ) ..
عشان كده ما لاقي لي وش مناسب يا ديدو... و لا أي علامة من العلامات الموجودة دي....
الرشيد اعترف اساساً ما عندك موضوع .... بعدين ياخي الموضوع عايز التعب ده كله .... ياخي قول اي حاجة واتكلم في اي حاجة البوست ده ما زي قفة الحلبية بيشيل اي حاجة .... بقت بس علي موضوعك النسيته ..... والله حاجة عجيبة .... ياخي زول يصحي لينا محمد صديق ده .... ولا كمان الريس ميسرة ....
Post: #3420 Title: Re: ناس الزقازيق ... أجدع ناس (4) .. Author: محمد عيد Date: 10-11-2011, 02:57 PM Parent: #3419
Quote: لأنه ربما أتذكر الموضوع فجأة و أجي أبراكم بيهو... و حتى هذه اللحظة ما قدرت أتذكر الموضوع و فقدت الأمل في تذكره....
الم تعرف السبب يا صديقى ..؟؟
اعتقد انك ربما دخلت فى دوامة بسبب ما يتردد فى اوساط ناس الزقازيق هذه الايام ...
ابتداء من شربوت وليد حمدون ... ومرورا بهجيج ناس الرياض والرؤوس المصّلحة الظاهرة فى الفيديو
... وانتهاء بتلك اللبانة العجيبة التى يصر ابو الزوز فى الفيديو على التمطق بها وهو بدعى الرقص مع الشباب ...!!!
يا ناس سلام .... انا الليلة زعلان من شنو ما عارف .... بس قلت لازم اجي اسلم عليكم .... ربنا يرحم ياسر الشفيع والتحية لحاتم ومصطفي شايفك حاتم هندستو ومصطفي استذته بياتو معيار يا سعادتو .... بس تصدق يا حاتم صديق حرف واحد ما قدرت اقرا فيها ياخي عيوني الليلة مطششة كله كله .... يكون من الزعل ....لكن أكيد حا تكون قصيدة في منتهي الروعة .... لانها من نظم انسان رايع ... ويكفي انك جايبها يا كونش (انعل ابو التلج) ........
اليوم الخميس .... نوم ... وجكة ... وشاي بخبيز ....
انت يا النضيف ... تقنية شنو الأنا عاوز اتعلمها حسع ... ياخي انت نسيت ... صفحتي بتاعة اليوميات ... لما كنت بنزل ليكم ... الوروووود وهي ضاحكة وماشه ومعاها الكاركاتيرات ... وطيب ....
ياخي انا بس كان رايح لي الوش الضاحك ده ما كنت عارف بجيبيهو من وين وكتر خيرو طارق جبرين ... فكاهو لي بضبانتو ولو تكسبو فيني اجر كمان وترسلو لي الوش بتاع الولد اللابس اصفر وبضحك "ويتشنقل" على قفاهو ويضرب بيدينو وكرعينو تكونو ماقصرتو معاي تب
========================= حاتم جبارة عملها ظاهرة ... وطلع في المنطقة الشرقية الدمام .... حاجة تمام ... ومعه الوجيهان زهير وسامي ... بس يازهير وسامي الزول ده شبعان من الفاست فووود بالله ابعديهو من ماك ... وكنتاكي ... بيتزا ... اهروهو ... ملحات وكسرة ... سااااااااااي .... وذكرتوني اول يوم زوجتي رشا جاية من السودان جديدة لنج ... قمت وصيت على الغداء من واحدة اسمها أم رحاب - اشهر سودانية تعمل اكل سوداني وقمت فرحان جيت داخل البيت وشايك المحاشي والملحات والطبايخ والكسرة الماخمج وزوجتي المسكينة تاكل وتحدر لي ... قمت قلت ليها ... مالو الأكل ماعجبك ... والله الأكل ده ... وصيت عليهو مخسوس ... عشانك قالت لي: ياخي انا مهريه بيهو العمر كلو ... تقوم تجيبو لي في اول يوم ... مالو كنتاكي وماك والبيتزا .... طبعا فهمت سريع غلطتي .... وقاعد اكفر عنها لليوم ... كل خميس لازم كنتاكي او بيتزا او ماك .... الخ ذكرتوني لما نرجع السودان اجازة ... الجماعو يقومو اتقطعو ويعملو ليك ... الدجاج وانت تكون قرفانو مع اغاني كابلي ...
غايتو قصة الذئب والبجعة دي ... بتكون طوالي لافة ... والناس مامنتبه ليها ....
Post: #3431 Title: Re: ناس الزقازيق ... أجدع ناس (4) .. Author: منصور عبد الرازق Date: 10-13-2011, 07:22 AM Parent: #3429
يا سلام عليك يا ريس بتنكت الناس الحلوة دى من وين عبد الحى اسحق لى منو سنين مع انى كنت على اتصال بيهو هنا فى الرياض ايام وصولى الأولى لها حتى مرة جانى لغاية بيتى لكنه اختفى بعد ذلك , وفقدت اثره تلفونه بسرعة يا ريس ايامكم ساكوبيس يا ناس الشرقية زهير وابتهاج وسامى والأمريكانى اب جلابية ده يا كوتش , مجرد صورة هذا العمل الأدبى (ذو القوة الثلاثية ) ومجرد احتفاظك بمثل هذه المخطوطة النادرة يدل على معدنك
* قلل من الرحول الكثير ياخ حفاظا على مثل هذه المخطوطات (على الأقل) ولا اقول حاجة , قالوا فى بيت فاضى جنب كبرى شمبات ينفع معاك ؟؟
ياسر نجيلة مبروك الوشوش الخضراء ياخي... و سعيدين بعودتك الى مداخلاتك الطويلة الدسمة... عقبال البانوراما بتاعتك التي كنا ننتظرها بفارغ الصبر.... لما فيها من ظرافة و لطافة و تنوع جميل....
يا كوتش القصيدة ما واضحة بالنسبة لي حتى و أنا لابس النضارة... الاخراج و الخطوط و الرسومات غاية في الروعة... زول بيعمل حاجات زي دي في الزمن داك يا ربي حسه بيعمل شنو... رحم الله الأخ و الصديق الراحل ياسر الشفيع.....
أبو الزوز حاسب أحسن يطق فيك عرق... و بعدين انت لا حمل الزعل و لا بتقدر عليهو... بلوفاتك و كتاوتك كلها ما مظبوطة من زمان.... جات سرقة العربية على العليك لخبطت ليك بلوفاتك زيادة... و برضو تآكل لي في الفاست فود... أعمل حسابك يا صديق....
يا منص يا حبيب... عينك للفيل...تضرب لي ضلو...
محمد عيد يا حبيب الروح... تعال ياخي ان شاء الله تكتب في السياسة... بدل ما تمشي تشتكينا لي ناس وش الكتاب.... حأتصل بي ياسر عشان يوريني كيف بيعملوا الوش الأخضر... عشان أنزل ليك واحد...
جلا دايما في البال... لكن الخميس ده طوالي بتذكره خصوصا زي الوقت ده... لأنه كلما أطلب منه يوصلني مسافة مقدرة ما كان بيقصر معاي.... لكن يا جلا انت قايل المسافة المقدرة دي بقيسوها بالكيلومترات بس...
قبل ما أكتب الكلام ده كله دفعتني شفافية أبو الزوز لأن أكتب ليكم بشفافية... المزاج كان ما ياهو..مزاج زهج مش زعل... قمت ضلمت ليك الكون من حولي و صريت وشي و تصاعدت أنفاسي... أذن الظهر قمت صليت و شربت لي كباية شاي لذيذة... و رجعت أكتب لقيت الغيوم انغشعت... قلت سبحان الله يعني بين الزهج و الانشراح بضعة ركعات... و كباية شاي....
Quote: قبل ما أكتب الكلام ده كله دفعتني شفافية أبو الزوز لأن أكتب ليكم بشفافية... المزاج كان ما ياهو..مزاج زهج مش زعل... قمت ضلمت ليك الكون من حولي و صريت وشي و تصاعدت أنفاسي... أذن الظهر قمت صليت و شربت لي كباية شاي لذيذة... و رجعت أكتب لقيت الغيوم انغشعت... قلت سبحان الله يعني بين الزهج و الانشراح بضعة ركعات... و كباية شاي....
بين اليقظة والاحلام بين اجفان تقول للنام اريت النوم يزورني اليوم انوم لو ليلة في كل عام
و بيني بينك المسافة
شوف كل الأشياء هي ملكك تزهج ،تنشرح، تزعل، تصر...إلخ حتى الشفافية القالها الزول الماعندو موضوع داك برضو هي ملكك دائماً خليك منعنش بالمناسبة ممكن تعمل ليك لمة براك في سقط لقط و تكون منعنش للآخر أنا مرتبط معااااك دائماً بيوم الخميس و أتساءل هل تكون محتاج لمسافة مقدرة أم أنا الذي أحتاجها؟؟!!! بالرغم أن الذي بيني و بين نفسي كبري الفتيحااااااب
صباح الخير ايها القوم .... فعلا يا رشدي حكاية المزاج دي كلها لحظات وممكن يرجع .... الإنسان من السهولة يزعل ومن السهولة مزاجه يتصلح .... انا غايتو كده ... لو واحد لاقاني وعاين لي شديد بس بقوم بتعكنن ... واسب والعن واقرب اشاكل الزول ...لكن لو زول تاني لاقاني ... واتظارف معاي ممكن باقي يوم كله يبقي الستا .... علي العموم كباية الشاي لمن يكون مظبوط خطيرة وتعادل أشياء أخري ما في داعي لذكرها هنا عشان ما تبقي لبانة زي لبانة زولنا في حفلة الرياض الغايظة محمد عيد ....... بس ما تعملوا براك ... يعني اتخيل لي المسالة حا تتطلع معاك بالخسارة .... شوف المعادلة التحت دي : تغسل البراد .. وتولع البوتجاز وتكب الموية وتخت البراد في النار ... تغسل الكباية ... تمشي تفتش الشاي وين ... بعدين السكر ... تفتش المصفي ... اها الهبهان ولا النعناع وين .... تقوم تنتظر النار تفور تخت الشاي ... تصفيه .... بعد ده كل حا تطلع بكباية شاي .... يتخيل شاي بخمسمية جنيه من ست شاي ولا بريـال لغير الناطقين بها من اليماني .. احلي وأجمل حا تقولوا لي طيب ما تشرب الشاي من ست بيتك .... لا يا جماعة يفتح الله .... الا دي .... قولوا ليه . ولا اقول ليكم سمح القول في خشم سيده ... وعشان ما تبقي قطيعة وتقولوا لي شايل حال مرتك في الاسافير .... بس الأمه داعي عليهو يشرب شاي عندنا .... كل ما أمر بالتجربة دي أقول اكيد الليلة الحجة ما دعت لي ولا زعلانة مني ... اها اقوم أتصل بيها اسلم عليها واقول ليها يا حجة بالله ألحقينا بدعوة مستعجلة ....
يا رشدي رايك شنو اها لقيت موضوع ولا ما لقيت ..... يلا طلع ليك كم موضوع من الموضوع أعلاه ... وإنداح لينا ياخي
Quote: .... ربنا يرحم ياسر الشفيع والتحية لحاتم ومصطفي شايفك حاتم هندستو ومصطفي استذته بياتو معيار يا سعادتو .... بس تصدق يا حاتم صديق حرف واحد ما قدرت اقرا فيها ياخي عيوني الليلة مطششة كله كله .... يكون من الزعل ....لكن أكيد حا تكون قصيدة في منتهي الروعة .... لانها من نظم انسان رايع ... ويكفي انك جايبها يا كونش (انعل ابو التلج) ........
يا صديق ...سلام
رسالتى لابتهاج انشاء الله تكون وصلتها؟؟
حاتم مهندس من زمان ...ومصطفى استاذ برضو من زمان.
اما القراية الما قدرت عليها دى انا عارف ليه ما اتقرت ...لكن لو جيت بى هناك حتلقاها واضحة.
Quote: يا كوتش القصيدة ما واضحة بالنسبة لي حتى و أنا لابس النضارة... الاخراج و الخطوط و الرسومات غاية في الروعة... زول بيعمل حاجات زي دي في الزمن داك يا ربي حسه بيعمل شنو... رحم الله الأخ و الصديق الراحل ياسر الشفيع.....
يا حبيب مشتاقين ...طولنا منك ما عارف ليه؟
الملف ده محتاج انو يتضغط ..الحجم الهو بيهو ما بينزل ولما تعمل
عندما كنت في غياثي كنت قد تعرفت الى أمام مسجد هناك... شاب جميل الطلعة باسم الوجه حلو الكلام تنجذب اليه و لا تنفر... توثقت علاقتي به...و كان كثيرا ما يدعوني لتناول الشاي أو وجبة العشاء... فكنت أصلي معه العشاء ثم ندخل الى منزله الملحق بالمسجد... أعجبني كثيرا تفقهه في الدين و علمه و طريقته في طرح الأفكار... و كنت أقول له حرام تكون شغال امام في مكان مثل غياثي... فمثلك ان انشغل بالدعوه لكان مكسبا حقيقيا للدعوة و الدعاة... كنا ننتحدث في أمور شتى منها ما له علاقة بالدين و منها ما هو في الشأن العام... حدثني مرة عن أنه من أبرز علامات هذا الزمن اعتداد المرء برأيه... حيث يعتبر كل انسان نفسه أعلم الناس و ان غيره لا يفقهون شيئا.... لذلك أصبح لا يتفق الناس حول شيء ما... و ان النقاشات التي تدور بينهم في أي مواضيع لا تفضي الى نتيجة... و برامج مثل برنامج الاتجاه المعاكس هو النموذج الأكثر تعبيرا عن هذا الحال... أما نحن السودانيين فأظن أننا الأكثر اعتدادا بآراءنا بين كل شعوب العالم... فلا يمكن أن يتفق سودانيان حول أمر ما و ان كان في غاية البساطة... و حتى لا أكون مثل غيري من الناس فأنا أعترف بأنني ايضا أتصف بنفس الصفات... فالسوداني يلقي باللائمة على الآخرين و يستثني نفسه... هذا موضوع آخر و لكني عرجت عليه في معرض عدم استثنائي لنفسي... أنا و كل السودانيين لا نتفق و لا نستطيع الاتفاق على شيء... لنا الكثير من المميزات الجيدة و لكن ليس من بينها الاتفاق أو التوافق... و ربما يكون هذا سبب خلافاتنا الكثيرة و تفرقنا الى مليون جزء... و أن أعتقد جازما بأن الأميريكان و الأوروبيون قاموا بدراستنا جيدا و علموا هذا... ثم وظفوه ضدنا في تأجيج الصراعات التي تدور بيننا... و التي هي في رأي لولا تعنتنا و اعتدادنا بآراءنا... لكنا قد توصلنا الى حلول مرضية لكل مشاكلنا التي تزداد يوما بعد يوم... و هذا احدى الأسباب التي جعلتني أقف بقوة ضد تعاطي للسياسة هنا لعلمي اننا ليس من شيمتنا التوافق... أنا أعتقد أنه من أهم الأشياء التي يجب أن تناقش هنا و في أي مكان... ان كنا حقيقة نريد أن نؤسس لوطن جديد و لمستقبل جديد و لعالم جديد... لنناقش و بموضوعية ما هي الثوابت الأساسية التي يجب أن يتفق حولها كلها الناس... هل هو الدين أو الوطن أو الديموقراطية أم الثلاثة معا... و ما هي المعادلة الأمثل أو السحرية التي يمكن أن تحقق ذلك... و لكن قبل كل ذلك هل نستطيع أن نترك اعتدادنا برأينا و نشعر بقيمة ما يقوله الآخرون...
Post: #3441 Title: Re: ناس الزقازيق ... أجدع ناس (4) .. Author: منصور عبد الرازق Date: 10-15-2011, 09:38 AM Parent: #3440
دى مداخلة دى ولا حبوب لقاح يا ود يا زهير !!!! اما مداخلة الرشيد البعد حبوب لقاح زهير فهى فياجرا عديييييل اها , شهيتونى الكلام الما انكتب مش اخينا الأسمو محمد الأمين ده قال كده يا ريتنى لو اقدر اقول فيك الكلام (الما انكتب ) وافرد صباح حسنك وشاح يمسح عذاب عمرى المسطر باللهب
بديت يا رش بالمزاج محمد صديق طبعا زول مزاجه (سابقه) من اول حرف تعرف مزاجه شنو قدرة كباية الشاى يا زهير على استعدال المزاج قدرة تخيلية سااااكت انا مثلا , الشاى عندى اذا شربته , يذهب مباشرة الى مكانه الطبيعى المعدة يعنى هل للمعدة دخل فى المزاج يا اخوانا ؟؟؟؟ هسى كدى النسالكم , هو مركز المزاج ده قاعد وين انا قايلو فى الراس الشاى عند ناس زهير مثلا , يا ربى بيمشى للرأس ولا شنو ؟؟ النظرية دى ضد قانون الجاذبية لذا فان يقينى ان السيد شاى , زول معدة ساااااى , على الأقل عندى انا الا غايتو كان شاى ابتهاج ده براهو زمان الكوتش حكى لينا عن شاييها المقنن , لمن مشينا واتأكدنا من انو مجرد اشاعة مغرضة لو ما ياسطة السوريين الجمبهم , انا زااااتى كان ضربت لى امى الله يرحمها (تلحقنى بواحدة مدنكلة ) دعوة طبعا , ومال انتو قايلنها هى حا تلحقنى بى شنو يعنى ؟؟؟ اها ده عن زهير وشاييهو الما لحق حتى يخت فيهو الهبهان لكن امام المسجد بتاعكم يا الرشيد , ما بتلقى زيو الا فى غياثى وعدم قدرتنا على الأتفاق , سببها لا يعدو ان يكون لعدم رغبتنا فى ذلك امبارح كان عندى اجتماع يخص منظمة من منظمات المجتمع المدنى (فى طور ولادة ) فيهو تلاتين زول كلهم جايين (عشان يقضوا امرا كان مفعولا ) فكان كل كلامهم من شاكلة , دعنا قبل الولوج لى سياسة بسمارك الداخلية , دعنا نتحدث عن سياسته الخارجية كلهم جايين مركزين على سياسة بسمارك الخارجية , مذاكرينها وواضعين ليها الخطط ومحددين اهدافهم من بدرى سياسة بسمارك الداخلية , التقول ما ادوها ليهم , يشيلو ويزحزحوا فيها من قدامهم لامن وقعت (من طاولة النقاش ) وحاة نظرى , عفصوها ومشوا من فوقها زى الماحصل حاجة وفى النهاية لقيتهم ليك كوللللهم ساقطين حتى فى سياسة بسمارك الخارجية الهم عاملين ليها اسبوتنغ , ومذاكرينها كمان قضوا قرضهم , ووصلوا لى هدفهم , وبقينا مارقين زى ما دخلنا طلعنا وحاتك , تركت ليهم الجمل بما حمل ورجعت لى ست بيتى انصاص الليالى , قربت اقول ليها قومى سوى لى شاى تانى اتذكرت انو الشاى عندى , علاقته مع الجاذبية الأرضية , سمن على عسل ما زى شاى زهير داك فاكتفيت , من الغنيمة , بالأياب
* صباحاتك زى اللبن الحليب يا كوتش كان الرحول بيطلع درر , عندى ليك بيت تااااانى !!!!
و الله يا ناس الزقازيق عليكم جنس غتاته... التقديم لللوتري بدأ و قرب ينتهي و ما تكلمونا... يعني عاملين فيها ما شغالين بيهو و ليس من أولوياتكم... يولولكم الحرامي... بدا اللوتري و ما زلت في ترددي القديم... حسه أنا بعد دا أمشي أعمل شنو في أمريكا... أنا و الله لا بقدر علي غسل الصحون و لا توزيع البيتزا... كرعيني ديل براهم بقو ما شايلني... ما بقدر أقعد الليل و النهار أوزع في البيتزا... غسيل العدة ده ما بنعرف ليهو و لا حصل يوم غسلنا عده (وش غامز بس ما أخدر).... و لا بقدر أسوق لي تاكسي في البلد الكلها مسدسات دي... كل ما تلم ليك مية دولار يجو جماعة يشيلوهم منك... و كان ما دفعت يضربوك طلقة في نص راسك... غايتو كده وووب و كده وووبين... لكن حنقدم عشان بعدين ما تبقى لينا ندامة... أحسن حاجة تقدم و تقوم تفوز بالللوتري... و تمشي تعمل كل الاجراءات و تبقى خلاص شايل عفشك و ماشي ... تجي تقول ليهم هوي أنا ما عايز بلدكم... طيب مالك مضيع فرصة لي زول عايز يمشي... مش أحسن من كان يمشي و يشتغل سواق تاكسي و يقوموا يدوهو طلقة في نص راسه...
Post: #3447 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-16-2011, 05:40 AM Parent: #3446
خلعنى قميصــــك اللى من زمن الانتخابات ده يا ميسرة هسه دى صورة تنزلها .....
يا رشا احسن ليك تجى عمرة وزوغــة من لوتـرى الايامات دى
استفزوني المريخاب و على رأسهم الحبيب محمد عيد... فقمت من الصباح دبجت لي مداخلة طويلة ردا عليهم... متحدثا عن علل الكرة السودانية و كيفية الخروج من الأزمة... و التزمت الروح الرياضية التي نتميز بها نحن الهلالاب دونا عن غيرنا... ثم بعد أن فرغت من المداخلة قررت أن لا أنشرها.. رغم انها لم تخرج عن الروح الرياضية... فلقد وجدت ان كل ما كتبته معلوم لديكم و تم تناوله من قبل عدة مرات... و فطنت أيضا لما يحاول أن يجرجرنا اليه الآخرون... في محاولة جادة منهم لايهامنا بأننا فاشلون.. و بالرغم سوء الأداء في الأمتار الأخيرة و الذي نقره و نعترف به... الا أن الهلال أصبح من ضمن أفضل أربعة أندية أفريقية... في ظل التدهور الذي أصاب كل شيء في الوطن فان هذا يعد انجازا... و يجب أن يستعدوا جيدا في المرة المقبلة لكي يتقدموا على من كان أحسن منهم الآن... يجب أن نحتفل بهؤلاء الشباب لما بذلوه من جهد و عرق... ان كان المركز الرابع أفريقيا يفرح المريخاب... و يجعل صحفهم أكثر توزيعا و رسامي الكرياتير و الفوتوشوب عندهم أكثرأبداعا.... و تتحسن المؤشرات البيولوجية لمشجعيهم... فان هذا يفرحنا أيضا طالما اننا ننظر بايجابية لفريقنا... و نفخر بتقدمه في جدول الترتيب القاري... دون أي مقارنة بناديهم... حيث لا مقارنة البتة...
والله يا رشدي مداخلتك دي تستاهل لايك ... زي في الموقع الفلاني داك (ما عايزين نجيب اسمه عشان الجماعةما يزعلوا) يعني عشرة علي عشرة ... ولا نامن أعين المريخاب أو كما قال جمال السنوسي ....
Post: #3458 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-17-2011, 06:14 AM Parent: #3457
Quote: يا نجيلة .. الكاف بيفكر يدى الجماعة كاس الروح المثالية ...
ده برضو ما بيتحسب يل ريس .. كاس خارجى ؟؟؟
والله ياود عيد ... اخلاق اخوانا ... ابصم عليها بالعشرة ... باستثناء الريس بتاعم الذي جر الإدارة كلها .... لكي يستقيم المعني وللمصداقية ...
ولذلك :كأس الروح المثالية والصبر ده ... حقهم بدون منازع .... بس اذا اضيفت له كلمة ... خارجي .... اشك شكا كبيرا... في احراز اي شئ مقرونا بكلمة .... خارجي ....
Quote: والله يالرشيد لو كتبت دونا عن ... ريسنا الأمين البرير .... كان الــــ 10/10 بتاعة زهير دي .... ثنينا عليها كلنا ...
نعتبر ال 10/10 دقت في العراضه المره دي يا نجيلة... على أي حال أنا بديك 10/10 في الوشوش الخدره دي... الأمين البرير وصل الى راس الهرم الهلالي بماله... و للأسف ان الرياضه في السودان ما زالت تحتاج لأمثاله... اقصد من يملك المال بغض النظر عن القدرات الأخرى... هذا هو قدرنا و واقعنا شئنا أم أبينا... سينحى البرير جزاء لسقطته و أتمنى أن من يأتي بعده يملك ما هو أكثر من المال... أقلها الأخلاق... سيذهب البرير و يبقى الهلال دائما من أفضل أربعة أندية أفريقية...
نجيلة يا حبيب اللنك بتاعك ده ما بوديني لي أي مكان... ممكن توصف لينا الطريق أمشي براي... أو كمان بتكون عملت فينا خير لو فتحت لينا واحد بنفس الاسم في المنبر....
والله يا رشدي نفس الحكاية حصلت لي ... لكن قمت لبدت قلت يمكن الخلل في جهازي ويجوني اولاد دفعته موسي وجلا يشيلوا حالي .... اها اتاري اللنك ضارب من اساسه وطلع زي وارغو ماسورة .... المهم في إنتظار اللنك الجديد ....
بالمناسبة جلا المرة دي الجمعة والسبت جروا معاهو
Post: #3468 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-18-2011, 06:03 AM Parent: #3467
يا سلام على الجو هذا الصباح... ضباب لم تستطع الشمس بكل جبروتها أن تجد لها منفذ من خلالة... و برودة لذيذة..مسطحات خضراء و أشجار تمسحت أوراقها بقطرات الندى... زهور باسمة و نوافير...حسان يركضن بايقاع مموثق و رجال... هذه أبو ظبي التي أحبها... ده صباح يخلي الواحد يستلف كلمات حميد دي و يهديها ليكم..
مكالمة من صديق أو ايميل أو حتى رسالة SMS قادرة على أن تغير من نفسيات الواحد... فتلفون منصور المطول أمس الأول رفع من معنوياتي... رغم دخول الشبيحة أثناء المكالمة و كادوا أن يفسدوا علي استمتاعي بها.. و الشبيحة هم مهند و أمنية أو سموهم البلاطجة ان شئتم... فهم عندما يدخلون الى البيت بعد العودة من المدرسة يجعلوني في غاية التوتر.. فكل واحد عايز يحكي ما حدث له في المدرسة... لا يهم ان كنت اتكلم في التلفون أو لا... فيجب أن أسمعه ثم أعود الى مكالمتي... فطلبت منهم أن ينتظروا حتى أنهي مكالمتي مع عم منصور... عمو منصور أبو مجتبى هكذا عرفه مهند... أما أمنية فعرفته بأبو مدرار... و لكنهم اتفقوا على ان عمو منصور ده ما مكن يصبر لحدي ما نحكي ليك الحكاية دي... ربما يكون منصور قد شعر بي و أنا أقطع في الكلام و اتمتم... لكنه لم يشعر بالشبيحة و هم يحاصروني من كل جانب... سعدت جدا بمكالمتك يا منص... كما و سعدت بايميل من الأخ و الصديق معاوية يحي... و الذي أكد فيه متابعته للبوست... سعيد أنا بهذا التواصل.. و محظوظ لأني في قلوبكم و عقولكم...
منذ أن انتقلت من السلع الى أبو ظبي و أنا لا أجد الوقت الكافي مساءا للمرو... الليلة وجدت نفسي قريبا من هنا... قلت أمر أشوف الحاصل... فوجدت أن البوست اليوم أشبه بالخميس و الجمعة... فقلت أسألكم يا جماعة مالكم... زهجتوا من البوست ده ولا شنو... و لأني اتعودت أقول بصراحة ما يخطر ببالي... خاصة فيما يخص الشركة... فأقول أنه ما أن أنفض الناس عن هذا البوست... و الذي كان له الفضل في طرح كل هذه المشروعات الطموحة... حتى ضعف الاهتمام بهذه المشروعات كذلك... و في مقدمتها الشركة... قد يختلف معي الكثيرون منكم و ربما يستغربون ربطي بين الاثنين... أي بين البوست و الشركة... هذا الأمر يشمل كذلك الجمعية و غيرها من الأمور... هي مجرد وجهة نظر زول زهجان من المذاكرة مع العيال... ... . . . . . أين الريس معتصم... أين جلال عثمان.... أين جلا فلقد أختفى تماما منذ يومين...
قال ليك شيخ خليفة أمير قطر كان بتجول بأحياء السودان، قابلو واحد مسكين، شحدو كرامة لله، شيخ قطر قاليو انتظر لحدي ما امشي قطر هسع ما عندي قروش شايلها معاي، وشال اسم وعنوان المسكين، شيخ قطر لما رجع قطر قام رسل مليون دولار وأداها للبشير ليوصلها للرجل المسكين، البشير قام نادي على عثمان محمد طه واد اهو 500 ألف دولار عشان يوصلها للمسكبن، على عثمان نادي والي الخرطوم وسلمو 500 ألف جنية سوداني ليوصلها للمسكين، الوالي سلم معتمد محلية الخرطوم 250 ألف جنية ليسلمها للمسكين، معتمد المحلية اعطي رئيس اللجان الشعبية 100 ألف ليسلمها للمسكين، رئيس لجنة الحي نادي الرجل المسكين وقال ليهو:" أمير وشيخ قطر بقول ليك ألله يدينا ويديك ....؟؟؟؟؟"
استاذ سال تلاتة مساطيل: بعد تمشي البيت بتعمل شنو ؟؟؟ الاول قال: بصلي وامشي لأحمد بتاع البنقو والتاني قال: بقرأ قرآن وامشي لأحمد بتاع البنقو التالت قال انا بصلي وأقرأ قرآن ... الاستاذ قال ليهو عفارم عليك .. شاطر .. اسمك منو !! قال ليهو ما انا احمد بتاع البنقو ....
عارفم كنات قديمة ... بس الليلة الخميس ... لزوم مشاركة ... عشان شركة الزقازيق تدور من جديد ...
صليت الفجر حاضر... جيت نزلت الأولاد للمدرسة... مشيت عملت الرياضة الصباحية... و أنا راجع من الرياضة غشيت أحمد بتاع البنقو... لكن ما لقيتو... قالوا لي في أستاذ مزرزرهم (وش أخدر ضاحك و بدور)... تصور يا نجيلة النكات جديدة بالنسبة لي... يا تكون نكاتك قديمة شديد... يا أكون أنا جديد لنج (برضو وش أخدر بدور)....
الحبشية الشغاله معانا متحمل شناتا غصبا عني... لكن عندها حاجات تانية ما بتتبلع... مرات بقوم أمشي أجيب طعمية من محلات الكلحة الأردنية المشهورة... بقوم أحشي لي منها ساندوتش مع السلطة و المخلل حاجة ما بتخلص... بفضل باقي كتير... أجي ألقى الحبشية خاتاهو لينا في الغداء... قلت ليها انتي قايلاني زهير الزناتي و لا شنو (وش غامز)... ده كلو هين ... مرة بعد ما جابت لي الشاي الصباح.. هفت لي آكل تسالي... قمت جبت ليك تسالي جابو لي واحد صاحبي مصري وقعدت آكل فيهو... بقت كل يوم تجيب لي شاي الصباح و معاهو كورة تسالي... أنا عشان ما أتشاكل معاها بقوم أتخيله كرواسون...
Quote: يا تكون نكاتك قديمة شديد... يا أكون أنا جديد لنج (برضو وش أخدر بدور)....
بقت كل يوم تجيب لي شاي الصباح و معاهو كورة تسالي... أنا عشان ما أتشاكل معاها بقوم أتخيله كرواسون...
اكيد يارشيد انت ... ياقريت مع التلاتة أولاد ديل ... يا انت أحمد بتاع البتقو ... زاتوووووووووووو
Post: #3483 Title: Re: ناس الزقازيق ... أجدع ناس (4) .. Author: جلال عثمان Date: 10-20-2011, 09:26 AM Parent: #3482
Quote: أنا عشان ما أتشاكل معاها بقوم أتخيله كرواسون...
صباحاتكم ندية يا شباب ولا يخفى على فطنتكم كم افتقدناكم
الرشيد قايتو كل يوم يمر على مكانتك عندي بتكبر كيف .... نعم الرجال انت زول حبوب شديد .... لكن موضوع حبشيتكم دا لو كنت انا او بالعدم ابوالزوز امر حسموا ساهل كيف غتات نحن ياخ ... تقوم ياحبيب تشتت ليها قشر التسالي في اركان البيت الاربعة "واربعين" وتطلب منها تلقطو حبة حبة ويمنع بتاتا استعمال "اني هوفر" اور ايفن مكنسة يدوية وان لم تنفع هذه الوصفة تقوم تعمل ليها الطعمية عصير وتكتر "الشطة" اها تاني ما بتجيب ليك اي حاجة الا تسألك في الاول.
اي خدمة يا حبيب
حاج ياسر .... مشتاغون يعلم الله ماتنسانا من صالح دعواتك وتلفوناتك وكان الامور اتيسرت والله هون بنقابلك كان في منى كان في عرفات
اهلنا بقولو قل المعروض جفا لكن ماجفا الحجاج ربنا يتم ليهم ونحن في الانتظار والمضيعين ناس يلاقوهم والطاعم لك الموده في الحوش الجوه قلنا زمن كايس اراضيهم فتش لي درب الريد عشان اوصل واراضيهم يامرسال موضوع الااراضي ياشاغل الافكار سلمتو قلبي وسار ومعليش نفكها فيكم قد تجد هوى لدى البعض من مرتادي الصالون وقد ترجع الغايبين
مرسال .... رسايل الشوق الشاعر اسماعيل حسن الصداح / صديق احمد
يا مرسال رسايل الشوق انا الضهبان زمن كايس اراضيهم وصف لى درب الريد عشان اوصل واراضيهم تعبت كتير ويا ما سالت ما خليت ناس عابرين وكان زى حالى محتارين يهزوا الراس وما عارفين مرافيهم وحاتك انت يا مرسال بحب واحدين وما عارف دريبن وين وبرضو كمان وحاتك انت ما بعرف اساميهم تجينى حروف من المجهول واكتب برضى للمجهول رسايل تحكى قصة زول يحب الطيف يسافر فى هجير الصيف ومشتاق يلاقيهم
جاء مهند يستعرض معلوماته و المامه بآخر الأخبار... فسألني انت يا بابا صحي محمد القدافي مات... قلت ليهو أسمه معمر...أيوه مات... كانت مجرد مطالب شعبية بالاصلاح... فأعمته القابه و نياشينه و صولجاناته و تعالى على شعبه... ليس ذلك فحسب بل أطلق أفراد أمنه و كتائبة ليقتلهم كالكلاب... لم يراعي حرمة لامرأة أو طفل أو شيخ... توعدهم بأن يطاردهم زنقة زنقة...دار دار... فأجبرهم على حمل السلاح فحاربوه... قاتلوه دار دار..حارة حارة... حتى وجدوه مزنوقا في أنبوب تصريف... و عندما حاصروه خاطبهم بنفس التعالي (خير شو في)... قالوا له من أين يأتي الخير و أنت قائدنا... ثم أطلقوا عليه الرصاص في رأسه و بطنه... لا أستطيع أن ألومهم على ذلك.. فالرجل لم يترك لهم مجال للصفح و التسامح... تباينت مشاعري باديء الأمر عندما رأيتهم يفشون غلهم فيه... و عندما أطلقوا عليه الرصاص... بين متعاطف معه رغم ما فعله بالشعب الليبي... و بين ارتياح لانطواء صفحة من صفحات الديكتاتوريات العاتية في أفريقيا... و لكني رغم رحيل القذافي و طغمته أعتقد أن الوضع في ليبيا ما زال خطرا... أتوقع أن تشهد ليبيا انفلات أمني رهيب... و مخاض عسير حتى تؤتي الثورة أكلها...
عندما أحضر قناة الجزيرة لعدة ساعات أشعر بالتوتر الشديد... فهي تجعلني أشعر بأن العالم مكانا قميء لا يمكن العيش فيه... فأهرب الى أغنية أو قصيدة تعيد ثقتي في الجمال... و أنا بعد هريتكم بليبيا من الصباح... قلت أصلح غلطتي بقصيدة.. بس ما يجو الناس الما بيحبو الشعر يقولو لي... جيت تكحله عميته... القصيدة قام صديقي حمزة سليمان بتلحينها لحنا رائعا... ان أردتم الاستماع اليها فعليكم الهجرة الى مربع كاي...
انا لا اهدى حبيباتى ورودا بيد انى طاعن فى الورد اننى اهدى حبيباتى بكاءا ممعنا فى اللحن اهديهن حزنا اسمر القسمات اورثنيه جدى كان جدى يتقن الالواح يمتهن القراءه لا الزراعه كان بعد تفرق الجيران يستدعى هواجسه ويفترف القصائد فى الخفاء ما على سلمى انسكبت ولم اكن الا انسكابا اشهرت نجماتها سلمى اضاءت فى احتباس الشعر بابا ما على سلمى على اذا انسكبت على سواها ظامئا وسالت عن حضن وماء غير انى حين جائتنى مع الق المساء طفقت اضحك ثم اهديها بنفسجتى واغنيتى المخباه انتظارا للمساء انا لا اغنى للنساء فقط لسلمى انا يهيؤنى رفيقا كى يلائم ما يهم الطقس منى طقس سلمى وانا اشيد حديقة من فل تنوراتها وعبير سلمى ثم ادعوكم لنرتشف المساء على شواطىء نهر سلمى ثم نضحك ثم نذهب فى المساء
Post: #3489 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-22-2011, 07:27 AM Parent: #3487
صباح الخير ،،، يا وجوه الخير
سبحان من أعز المؤمنين المستضعفين
بقدرته ،،، وأذل الطغاة والجبارين بعزته
اللهم زلزل عرش كل طاغية جبار
وكل ديكتاتور قهار
سبحانك ،،،
تعز من تشاء وتذل من تشاء
بيدك الخير
إنك على كل شئ قدير
Post: #3488 Title: Re: ناس الزقازيق ... أجدع ناس (4) .. Author: محمد عيد Date: 10-22-2011, 07:22 AM Parent: #3486
اكتوبر واحد وعشرين .... صرخة شعب ... وبداية ربيع الثورات العربية
واكتوبر واحد وعشرين ... مولد أجمل ازهار حديقتنا ... وحديقة آل الزناتى ( هاليفا ) ...
ابتهاج ... عيد سعيد وعمر مديد .... والتحية لأبو الزوز والاحباب الصغار
Post: #3490 Title: Re: ناس الزقازيق ... أجدع ناس (4) .. Author: عمر المهدى Date: 10-22-2011, 07:56 AM Parent: #3488
اجدع ناس صباحكم نادي كان اكتوبر في امتنا منذ الازل صفحتنا رغم جدتها لكنه تضرجت بدماء القذافي وتدثرت مساء بعطر سلمى البنفسجي وباكمال ربيعا جديدا الامنيات بعمر مديد لها ولكم جميعا
Post: #3491 Title: Re: ناس الزقازيق ... أجدع ناس (4) .. Author: منصور عبد الرازق Date: 10-22-2011, 08:36 AM Parent: #3490
اكتوبر واحد وعشرين د ى معظمنا , لم يحضرها اساسا او حضرها طفلا صغيرا يعنى ليس لنا معها اى ذكريات فعلية ولكنا نحسها فى عظامنا , ونتحسس مجراها عندنا كما الدماء ما السر فى ذلك يا رب اعتقد انها اول تعبير معاصر , لتوق الشعوب الى عنفوانها وحرياتها كما ان لكتوبر هذه , ارث حماسى وتعبيرى لا يماثله اى ارث آخر انه ارث لا يبلى ولا يقدم , ما ان يردده عقلك الباطن , الا وتتحسس مكامن الثورة عندك ثورة على نفسك ثورة على وضعك وحالك ثورة على طرائق التفكير ثورة على واقع الأحوال وثورة على مآلات المحال حيث انها -اى اكتوبر - هى اول ثورة فى التاريخ يركب صانعوها - وباصرار غريب - عربة فائقة السرعة , تمشى وتنحدر على عجل ولكن الى الوراء والخلف ما احوجنا الى اكتوبر جديد حقيقة الأمر ما احوجنا الى شهور سنة جديدة فيها من اكتوبر , روحها الوثابة وعقلها المستيقظ ولنجهز قبلا عربتها , بعد ان نلغى فيها , تروس الرجعية وانصار العودة للوراء ونستبدلهما , بمتاريس الجماهير , وآليات حكم التعدد , واخلاقيات الرأى الحر الذى يترك لرأى الآخر , ذات مساحة الأحترام ثم يشكلان معا , قوة دفع لرأى الجماعة والغالبية لا يصدها ولا يقف دونها , الا رأى جماعة اكبر
* كان اكتوبر فى امتنا منذ الأزل كان خلف الصبر والأحزان يحيا صامدا منتصرا , حتى اذا ما الصبح اطل اشعل التاريخ نارا واشتعل كان اكتوبر فى غضبتنا الأولى مع المك النمر كان اسياف العشر وبدم القرشى , حين دعاه القرشى حتى انتصر
باسمك الأخضر يا أكتوبر نغني الحقول اشتعلت قمحاً ووعداً وتمني والكنوز انفتحت في باطن الأرض تنادي باسمك الشعب انتصر حائط السجن انكسر والقيود إنسرلت جدلة عرسٍ في الأيادي كان أكتوبر في أمتنا منذ الأزل كان خلف الصبر والأحزان يحيا صامداً منتظراً حتى إذا الصبح أطل أشعل التاريخ ناراً واشتعل كان أكتوبر في وقفتنا الأولى مع الملك النمر كان أسياف العشر ومع الماظ البطل وبجنب القرشي حين دعاه القرشي حتى انتصر وتسلحنا باكتوبر لن نرجع شبراً سندق الصخر حتى يخرج الصخر لنا ماء وخضرة وندق الأرض حتى تنبت الأرض لنا مجداً ووفره
اسمك الظافر ينمو في ضمير الشعب ايمانا وبشرا وعلى الغابة والصحراء يلتف وشاحا وبأيدينا توهجت ضياء وسلاحا فتسلحنا بأكتوبر لن نرجع شبرا سندق الصخر .. حتى يخرج الصخر لنا زرعا وخضرا ونرود المجد.. حتى يحفظ الدهر لنا إسما وذكرا
بسمك الأخضر يا أكتوبر الأرض تغني الحقول اشتعلت قمحا ووعدا وتمني والكنوز انفتحت في باطن الأرض تنادي بسمك الشعب انتصر .. حائط السجن انكسر.. والقيود انسدلت جدلة عرس في الأيادي
كان أكتوبر في أمتنا منذ الأزل كان خلف الصبر والأحزان أحيا.. صامدا منتظرا حتى إذا الصبح أطل أشعل التاريخ نارا واشتعل كان أكتوبر في نفضتنا الأولى مع المك النمر كان أسياف العشر ومع الماظ البطل وبجنب القرشي حين دعاه القرشي حتى انتصر
بسمك الأخضر يا أكتوبر الأرض تغني الحقول اشتعلت قمحا ووعدا وتمني والكنوز انفتحت في باطن الأرض تنادي بسمك الشعب انتصر .. حائط السجن انكسر.. والقيود انسدلت جدلة عرس في الأيادي
قسما قسما .. يا أكتوبر نحمي شعارك .. ونجني ثمارك ونرفع راية الثورة الغالية .. عالية ترفرف فوق الساريه عليها شعار الثورة الأكبر وجهو الناير .. ناضر وأخضر ولسه بنحلف يا اكتوبر لما يطل .. في وجهنا ظالم بنحمي شعار الثورة نقاوم بنبني صفوف .. تتحدي وتهتف لما يعود الفجر الحالم يا أكتوبر
أبدأ يومك بابتسامة... و ان استطعت ضحكة... بل قهقهة... فليس هنالك ما يستحق التكشير في هذه الدنيا... و هي ليست بدار سعادة مطلقة أو شقاء مطلق... هي بين هذا و ذاك... يوم جيبك مليان و يوم فاضي... يوم أمورك في العمل تمام و يوم مخستقة... يوم تكون الأمور بينك و بين ست بيتك سمن على عسل... و يوم عينك ما تشوف الا النور... يوم تكون كل الأمور منسابة و رايقة و جميلة... و يوم تكون كلها ضدك... عربيتك ما تدور من الصباح... تدور العربية تمشي تكب بنزين تلقى نفسك نسيت المحفظة في البيت... تمشي الشغل تلقى ستين مشكلة في انتظارك... لكن أن تقابل كل ذلك بابتسامة فهو لأمر مهم... فباستطاعة الابتسامة أن تغير كل شيء... تغير المود و تغير الحال و تغير المحال أيضا... ابتسموا تبتسم لكم الحياة....
يا رشدي القصيدة مبالغة ... حقيقي تستحق الأحتفاء ... فهي تشبه قصائد كبار الشعراء ... رحم الله مصطفي سيد احمد ... بكل صراحة لا يعجبني الشعر إلا اذا كان مجوداً وهذه القصيدة من وجهة نظري فهي الأحلي والأجمل ..... وفي إنتظار أن نسمعها مغناة .... لتبهج أيامنا ...
الريس ميسرة تشكر علي المرور رغم المشاغل الأشواق بلا عدد أمنياتنا لك بالتوفيق ويا ناس الريس ميسرة اليومين ديل محتاج لدعواتكم بالتوفيق ... وربنا يفتحها عليه شقيق يقبل ... غايتو يا ريس لو الرزق ده يجي بالنيات الطيبة بتكون أغني زول في الدنيا ... عشان كده نقول ليك ربنا يديك قدر نيتك ونية البت مني والحلوين ... محسنة ومنذر وصديقتي الجميلة مشكاة ...
ياسر نجيلة ... ربنا يقبل الحجة مقدماً ... والحج القشاش أجمل وأحلي بس تكون وحداني مافي مسئوليات مصاحبة ... لو البت الشيخ تزعل ولا ترضي ... مشاوير زي دي الواحد عايز ياخي يشقي فيها براهو ... بدل يشقي لنفرين ... بعدين الواحد رغم الجكات والتعب والاكل الكعب ومشي الكداري بيرتاح شوية من شيل الأنبوبة وعتيل الموية ... وكمان جابت ليها صليح لمبات ... اللهم أرزقنا بحجة مع ود نجيلة ....
Post: #3500 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-23-2011, 06:44 AM Parent: #3499
صباح الخير ،،، يا وجوه الخير
دعاء اليوم
Post: #3501 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-23-2011, 06:45 AM Parent: #3499
صباح الخير ،،، يا وجوه الخير
دعاء اليوم
Post: #3502 Title: Re: ناس الزقازيق ... أجدع ناس (4) .. Author: منصور عبد الرازق Date: 10-23-2011, 09:20 AM Parent: #3501
الرشيد ود بابكر ما عاوز ولا يمكن ما محتاج اقول انو بالنسبة لى زى الأخ الشقيق الذى لم تلده امى عشنا وتخاوينا معا سنين عديدة فى الزقازيق وبعدها منذ ان انتهى عقد مقاولتهم الفى السلع كنت اشعر تجاهه بقلق شديد لابد انكم لاحظتم , ان انتاجه ايام السلع رغم المشغوليات العملية كان متسما بالغزارة والتنوع انتاجه ايام العطالة اختلف فى الكم , وان لم يختلف نوعا وتنوعا فرحت انا وابتهجت , لقدرته على الحفاظ نوع وتنوع انتاجه ووجدت له العذر فى تناقص انتاجه الكمى مهما يكن البنى آدم , فان عدم وضوح الرؤية فى مسائل اساسية زى اكل العيش تسبب له قلقا من نوع ما , قد يظهر او قد لا يظهر الرشيد بابكر , نجح بموده العالى وتفاؤله , فى ان يخفف عنى انا موجة القلق التى شعرت بها تجاهه حتى ساورنى احساس باننى انا المبالغ وانا الذى لا اعطى الأشياء حجمها الحقيقى يفترض ان ينزل الرشيد الى عمله الجديد خلال هذا الأسبوع سينتهى قلقى عليه باذن الله , ساعتها ولكننى انتظر منه انتاجا بمواصفات كمية تشابه مواصفات ايام السلع سبحان الله , الأنتاج صنو الأستقرار ورفيق البال الرايق الله يديم عليك روقة البال , يا الرشيد يا ودبابكر وعلوية اردمنا ياخ , ردمنا جن , وطل علينا من مكتبك الجديد وما تنسى تضرب لى عبد الله الهندى بتاع السلع , يبدأ ليك وظيفتك بى دعوة جديدة
Post: #3503 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-23-2011, 09:22 AM Parent: #3501
آل الزناتي عيدكم سعيد وجعل الله أيامكم كلها بهجة
Post: #3504 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-23-2011, 09:24 AM Parent: #3501
عيد سعيد وكل الاعوام انتم بخير .... يا بهجة سعادة تدوم مجتمعين انت والاولاد وابوهم ...
ود الزناتي ماشي الحج .... براااااااااااااااااااااااااي ما معاي اي زوووول ... شنطة هاندباك ... سفنجة وعراقي وسروال تنوم وين وماتليل ... وان شاء الله نأكل من خشخاش الأرض ...
عيد سعيد وكل الاعوام انتم بخير .... يا بهجة سعادة تدوم مجتمعين انت والاولاد وابوهم ...
ود الزناتي ماشي الحج .... براااااااااااااااااااااااااي ما معاي اي زوووول ... شنطة هاندباك ... سفنجة وعراقي وسروال تنوم وين وماتليل ... وان شاء الله نأكل من خشخاش الأرض ...
Quote: الله يديم عليك روقة البال , يا الرشيد يا ودبابكر وعلوية اردمنا ياخ , ردمنا جن , وطل علينا من مكتبك الجديد وما تنسى تضرب لى عبد الله الهندى بتاع السلع , يبدأ ليك وظيفتك بى دعوة جديدة
اللهم آآآآآآآمين يا حبيب سهري... كما تقول حبوبتي حاجه أمونة... حبيب سهري الما بترضى زعلي... يا منص يا حبيب لقد تغيرت أشياء كثيرة أثرت على الكم والكيف أيضا... يكفي أن أخبرك بأنني فتحت نافذة هذا الصباح لأكتب شيئا... فوجدتني و بعد أن كتبت صبحكم الله بالخير بقيت لمدة نصف ساعة غير قادر على الكتابة... هذه واحدة... الثانية هي انني و منذ أن كتبت مداخلتي هذا الصباح لم يتسنى لي الدخول الا الآن.... هنالك أسباب كثيرة من بينها ما زكرت أنت... راحة البال و الروقة...هي أشياء لا تشترى... لكني بفضل الله و بفضل تجربتي في الحياة أتغلب على لحظات ضعفي... و لا أطلق لهواجسي العنان... هي أشياء تثقل القلب و لكني أواجهها و لا أتوخى الهرب... عبد الله الهندي يتصل بي يوميا ليطمئن علي... و لا أظنه توقف عن الدعاء لله تعالي ليصلح حالي... سألته مرة هل ما زلت غير راضي عن انتقالي الى أبو ظبي يا عبد الله... ليش مهندس يقول هذا الشكل...هكذا أجابني... مشروع الجن الما عايز يتسهل و يبدأ ده الخلاني أسألك... انت من زمان بتقول ان شاء الله انا ما أمشي من غياثي... أدينا خاطرك ياخي....
تسلم يا منص يا حبيب..بس على فكرة أنا مواظب الكتابة في مربع كاي... أدينا زيارة رفع معنويات ياخي....
Quote: من وجهة نظري فهي الأحلي والأجمل ..... وفي إنتظار أن نسمعها مغناة .... لتبهج أيامنا ...
يا أبو الزوز عازمك مربع كاي... غيرنا القخوة و الشاي... بقينا نقدم كابوتشينو... و أسمع ما شئت... و في حاجات جديدة كمان... بس ما قصة... فأنا لم أكمل آخر أعمالي بعد و لا أنشغل بغيرها.... جيتك كثيرا ما تسعدنا...
Post: #3511 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 06:05 AM Parent: #3510
صباح الخير ،،، يا وجوه الخير
دعاء اليوم وكل يوم بإذن الله
اللهم إنك عفوُ كريمٌ
تحب العفو،،،
فأعفوا عنا،،،
آمين
Post: #3512 Title: Re: ســامحنى Author: عبد الدائم سيد أحمد Date: 10-24-2011, 07:28 AM Parent: #3511
سامحنى و ما تغلط عليا .... وهبت حبك كل ايامى الهنية قلبى راضى وراجى مستنى التحية ... من كلمات الشاعر الزين عباس عمارة والحان برعى محمد دفع الله
كثيرا" ما تتملكنى اغنية فترة من الزمن انوم واصحى على انغامها الا ان احفظها كلمات ولحن واظل ارددها طوال اليوم خلال الاسبوعيين الماضيين كنت ملهم باغنية منى الخير يا قمارى الجنة الا ان شــكو ناس البيت انى ما طبيعى .. من يومين وانا ماسك فى الاغنية دى مجرد ما اشغل العربية ولا الكمبيوتر بفتح الاغنية احب سماع الاغانى القديمة لا اكترث كثيرا" للاصوات الجديدة رغم وجود اصوات جميلة الا اننى اهتم بالالحان كثيرا"
فسامحونى اسمعوها معاي مرة واتنين وتلاتة وحتى اخر اليوم
والله ياناس جدة ... جيتكم مابناباها الا العراقي والسروال ... يحومو بيهم كيف ... زهير ياخي ماتشوف الموضوع ده .... الناس دي ماصدقاني ....
========================= دعواتكم ... نحج بالسلامة ... وربنا يسهل ... حتي لو نستلف تي شيرت النضيف ....
Post: #3514 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 08:47 AM Parent: #3513
ربما نقدر ظروفك يا ياسر بس شوف ماذا فعل
بنا ود جبارة العام السابق حضر إلى الحج
وأكمل حجته بمدينة جدة ، وحضر هذا العام إلى الرياض
ولم ينسى ناس جدة وزارنا
وأراد أن يحضر عيد الأضحى بالخرطوم ولكنه جعلها
مرور بمدينة جدة وكان له ما أراد ولنا ما أردنا
Post: #3515 Title: Re: ناس الزقازيق ... أجدع ناس (4) .. Author: منصور عبد الرازق Date: 10-24-2011, 09:07 AM Parent: #3514
آآآآآآآه من جور زمانى مابى من نوائب احمر اخضر اصفر زى شفق المغارب
** القودتشينى باين عليهو مافى السنة دى ؟؟!!!!
Post: #3516 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 09:15 AM Parent: #3515
Post: #3517 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 09:26 AM Parent: #3516
Post: #3518 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 09:28 AM Parent: #3517
Post: #3519 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-24-2011, 09:43 AM Parent: #3518
الصورة بتاعت رقة وحنان يا ميسرة ياخ حتهرد قلوب ناس وحدييين ...
رفقا" بهم ...
برضو ما زلت بغنى ...
مرة جامل مرة ما تنسى المحنة مرة واصل عندى قربك احلى جنة جنة نقطف من رياحينها المودة نزرع الدربين مشاتل وردة وردة وسامحنى ....
ترم ترم
Post: #3520 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 09:48 AM Parent: #3518
Post: #3521 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 10:02 AM Parent: #3518
Post: #3522 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-24-2011, 10:25 AM Parent: #3521
Post: #3523 Title: Re: ناس الزقازيق ... أجدع ناس (4) .. Author: منصور عبد الرازق Date: 10-24-2011, 11:41 AM Parent: #3522
شيشششششششششششششششششششششششا ؟؟؟!!
والله بالغتو
انتو بعد كده ماباقى ليكم الا السجاير البيمشى سقط لقط بيعمل اكتر من كدا !!!!!
Post: #3524 Title: Re: ناس الزقازيق ... أجدع ناس (4) .. Author: محمد عيد Date: 10-24-2011, 01:30 PM Parent: #3523
Quote: البيمشى سقط لقط بيعمل اكتر من كدا !!!!!
امســك عندك ....
اكنبى يا خديجة ... ســجلى يا فدوى
شهد شاهد من اهلها ... ود البرير اعترف بالبونية ...
الحمد لله لا صورنا اللمة بالفيديو .. ولا كنا بناكل لبااااان ...!!!
يا دودى ... صاحبك وقع بى لسانو ... امانه ما وقع دنقلاوى ...
Post: #3525 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-25-2011, 06:24 AM Parent: #3524
صباح الخير ،،، يا وجوه الخير
أصبحنا واصبح الملك لله وحده،
دعاء الصباح :
اللهم أغفر لي
وأرحمني ، وأهدني
وعافني ، وارزقني
واجبرني وارفعني
Post: #3526 Title: Re: ناس الزقازيق ... أجدع ناس (4) .. Author: أحمد إسماعيل Date: 10-25-2011, 06:43 AM Parent: #3524
صباح النور والخير والزهور والطيبة والحنان والإلفة يازقازيقاب وإن شاء الله دايما لامين وموفقين ، حاتم جبارة ما شاء الله عليك دي الزيارة يابلاش الأخت إبتهاج نسأل الله أن يمد عمرك في صحبة العزيز زهير ومع عيالك موفقة ومتهنية وكل عام وأنتم بخير ـــــــــــــــــــــــــــــــــــــ البوست بقى يغطس شوية لذلك نقدم السؤال هذا يمكن يحرك ساكن البوست ماهي العلاقة بين الفلسفة والنكتة والشعر؟
الاجابة على سؤال أبو عمر عيازه ليها رابط عجيب... و عايزه ليها طايوق كامل زي ما بقول الكوتش... اذا كيف نربط بين بين الحكمة أو محبة الحكمة و الذي هو تعريف الفلسفة... و عن ماهو مخالف للعادي أو المتوقع و ساخر كما تعرف النكتة... و الشعر الذي هو حالة من حالات التعبير الانساني... بعد أن يتفاعل و ينفعل الوجدان و الشعور بما حولة... فتخرج في شكل ألفاظ مرتبة كثيرة الصور... ان نظرت الى كل ذلك ستجد أنه فلسفة... فالنكتة أو الاتيان بما هو غير متوقع و ساخر فلسفة... و التعبير عما يجيش بدواخلك متأثرا بما يدور حولك أيضا فلسفة... اذا الفلسفة هي أصل الأشياء... و هي استخدام العقل و المنطق في التفكير السليم لتحديد صحة أو بطلان أي شيء. فان النكتة و الشعر قد تكون احدى أدواتها... أرجو أن أكون قد وفقت في الربط بين الفلسفة و النكتة و الشعر... و بنص طايوق...
Post: #3528 Title: Re: ناس الزقازيق ... أجدع ناس (4) .. Author: منصور عبد الرازق Date: 10-25-2011, 08:41 AM Parent: #3527
اما الفلسفة يا ابا عمر فهى ارسطو طاليس والشعر , فله دروب وابواب , حملها ودلف اليها سقاة الكاس (من عهد الرشيد ) والنكتة , فلننسبها الى صاحبها السودانى , ود نفاش العظيم اها ارسطو وسقاة الكاس وود نفاش يا ربى بتلموا ليهم فى حتة ؟؟ بتلموا شنو ؟؟ انا شايفهم ساكنين مع بعض عدييييل بى ميزهم , وكمنجتهم , وسحرهم , وعظمتهم ولكن بينهم اماكن تباين شتى كذلك ميزهم , فيهو الجبنة والزيتون والقودوتشينى , لكن فيهو موسيقى الكلام , وحلاوة الروح وخفتها كمنجتهم كذلك , يلتقى فيها السلك بالسلك , فتكون النتيجة , مكرونة اسباجتى , مخلوطة بى اروينى اروينى , من ريدك اروينى ارأيت حين تساهم الكمنجة فى امتلاء البطون !!!! لذا فانعم بيه من ميز , واجمل بها من كمنجة سيف الدولة الحمدانى , ربيب العز الذى يهز ويرز , الذى لم يشتكى نقصا لا من نعم الدنيا ولا من صحتها ولا من قوتها ولا من جبروتها كانت انشودته للمطر , على شاكلة معللتى , بالوصل والموت دونه , فاذا مت ظمآنا , فلا نزل القطر وكأنه يقول , الموية الما لقيتا انا دا , عنها ما نزلت تانى من بعدى , ودعا الله جهرا , ان يحرم عباده منها , طالما انه مات (عطشانا ) عطشان انت يا سيف الدولة ؟؟!! انت يا من منحك الله من نعمه ( بالكوريك الكبير ) ؟؟!!! ولكن غيره , وهو رهين (محبسين ) , يعنى قاطع موية ونور ابى العلاء المعرى وهو اعمى لا يرى وبه من علل الدنيا وشح الصحة ونقصان العافية الكثير المثير الخطر كان خطابه , فيما يشبه انشودة المطر متنمنيا , ان يعم خير الماء ونعيمه البلدان , مستكثرا على نفسه , خيرا لم يكن لجيرانه منه نصيب قائلا فيما يشبه النشيد فلا هطلت على ولا بأرضى , سحائب ليس تنتظم البلادا اما الفلسفة فى هذا , فاتركها لكم واما الشعر , فهو ظاهر جلى حد التخمة واما النكتة فان شر البلية ما يضحك (ولضمى ابوعمر احمد اسماعيل ) احسنت اذ سألت يا صاح فهل احسنت انا بالأجابة ؟؟؟؟
Post: #3529 Title: Re: ناس الزقازيق ... أجدع ناس (4) .. Author: أحمد إسماعيل Date: 10-25-2011, 08:45 AM Parent: #3527
Quote: و عن ماهو مخالف للعادي أو المتوقع و ساخر كما تعرف النكتة...
يالرشيد كلامك واضح في هذه النكتة بوليس ومولانا وبتاع كريستال البلح ساكنين في غرفة ( السكير) السكير عنده إجتماع بكرة في الكاملين قال لمولانا : بالله مع صلاة الفجر أديني لكزة مولانا عمل اللازم وأداه اللكزة ، صاحبنا قام مع ظلام الفجر دخل في الكاكي بتاع العسكري لمن صبحت في السوق الشعبي الخرطوم ولقى نفسه لابس الكاكي قال : والله مولانا حكايته عجيبة أقول ليه يصحيني ، يمشي يصحي العسكري
Post: #3530 Title: Re: ناس الزقازيق ... أجدع ناس (4) .. Author: أحمد إسماعيل Date: 10-25-2011, 09:47 AM Parent: #3529
ولاضمي الفلاسفة المحترمين والراقين الرشيد بابكر ومنصور أبو أحمد اتيتما بتحليل جميل وإتفقنا بأن الشعر فلسفة تعبيرية وتصويرية جميلة محتاجة لمقدرة خيالية عالية بعد إمتلاك نواصي الكلام اما النكتة قد تحدث مصادفة أو نتيجة فلسفة تعبيرية في غير المألوف وتكون واقعية وخيالية
أن يسقط البوست الى الصفحة الثالثة فهو أمر قد حدث من قبل... حتى في أيام ذروة نشاطنا و تكالبنا على البوست... فكانت تأتي أيام يمر فيه بعض النشطاء بلحظات احباط أو دبرسة... لكنه كان سرعان ما يصعد الى مكانه الطبيعي... الأمر الذي كان يثير غيظ و غيرة الكثيرون في هذا المنبر... فيحاربون نجاحاتنا باطلاق النعوت و الألقاب علينا... لكن أن يسقط البوست كل يوم الى الصفحة الثالثة... فلا شك أنه أمر يستوجب وقفة صراحة و شفافية منا... و لا بد لنا أن ننتبه الى ما أمكن انجازه من قبل... لنعيد الروح الى جمعيتنا و شركتنا و كل مشاريعنا الكبيرة... و أن نناقش بصراحة و ندلي بتحفظاتنا بدل أن ننفض عنها... أدعوكم جميعا الى العودة لتقولوها صريحة ان كنتم تريدون الاستمرار... و ان كنتم تريدون الاستمرار ماذا يتوجب على كل واحد منا فعله... الدعوة لعصام دهب أول من أطلق هذا البوست... و الدعوة للريس ميسرة حامل لواء البوست... للدعوة الى نقاش صريح وبناء لاعادة الروح الى مشروعاتنا العظيمة... الدعوة الى الريس معتصم..زهير...جلا...جلال...نجيلة..جبريلا..و محمد عيد... الى الكوتش...و منصور...موسى عيسى..أحمد اسماعيل...تبلدينا...عفاف...و بكري حامد... الى ديدو..مدثر با يزيد...قدورة..زينب التجاني..عبد الحفيظ...حتم جبارة...البادي و ابتهاج... الى كمال الشادي...ود المهدي...خالد محي الدين..السهيلي..الصادق عبد الله و عائشة صلاح الدين...
اليكم جميعا و الى كل من لم تسعفني ذاكرتي أن أذكر اسمه... الآن الآن و ليس غدا...
Post: #3533 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-26-2011, 06:12 AM Parent: #3532
صباح الخير ،،، يا وجوه الخير
دعاء اليوم لعموم أهل البوست والزائرين
اللهم زدنا ولا تنقصنا
وأكرمنا ولا تهنا
وأعطنا ولا تحرمنا
وآثرنا ولا تؤثر علينا
وأرضنا وأرض عنا
Post: #3534 Title: Re: ناس الزقازيق ... أجدع ناس (4) .. Author: محمد صديق Date: 10-26-2011, 06:28 AM Parent: #3533
السلام عليكم ايها القوم
Post: #3536 Title: Re: ناس الزقازيق ... أجدع ناس (4) .. Author: محمد صديق Date: 10-26-2011, 06:49 AM Parent: #3534
سلامات يا ناس
Quote:
وهذا فرحات عباس...
عل هذا الجزء يفتح نفس الناس.
Post: #3535 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-26-2011, 06:32 AM Parent: #3533
Quote: لكن أن يسقط البوست كل يوم الى الصفحة الثالثة... فلا شك أنه أمر يستوجب وقفة صراحة و شفافية منا... و لا بد لنا أن ننتبه الى ما أمكن انجازه من قبل... لنعيد الروح الى جمعيتنا و شركتنا و كل مشاريعنا الكبيرة... و أن نناقش بصراحة و ندلي بتحفظاتنا بدل أن ننفض عنها... أدعوكم جميعا الى العودة لتقولوها صريحة ان كنتم تريدون الاستمرار...
دعوة حق أريد بها أصحاح الوضع أقول لك سراً يا رشدي يسقط ويحتل البوست إلى صفحات سحيقة قد لا تخطر على بعض الناس وكان لزام علي أن اقدم برنامج صباح الخير ،،، يا وجوه الخير يومياً حتى يتقدم البوست إلى الأمام والخروج من القاع
(أدعوكم جميعاً إلى العودة لتقولوها صريحة أن كنتم تريدون الإستمرار) نعم نريد الإستمرار ولا شئ سوا الإستمرار يا خي صار البوست روحنا وحياتنا والنسم الذي نتفسه صباحاً ومساءً تجدني في عز الشغل والمسؤولية تتوق نفسي إلى المتاوقة لعلي أسعد ببعض المداخلات على الرغم من أن الفترة الأخيرة اصاب بخيبة أمل ولا أجد شئ وأعود إلى عملي وهكذا يدور الإسبوع .
قد أجد بعض العذر للناس الذين يسافرون الى مناطق يتعذر لهم فيها الدخول أو اصحاب المشفوليات وخاصة الزميلات ما لهم من واجبات أسرية تختلف عنا جميعاً ولكن لم أفهم تواجد أُناس في بوستات أخرى ومواقع الكترونية أخرى ويناقشون مواضيع يمكن مناقشتها في الموقعين بذات الكيفية والكم.
نواصل...............
Post: #3537 Title: Re: ناس الزقازيق ... أجدع ناس (4) .. Author: محمد صديق Date: 10-26-2011, 07:08 AM Parent: #3535
سلامات يا ناس
Quote: ولكن لم أفهم تواجد أُناس في بوستات أخرى ومواقع الكترونية أخرى ويناقشون مواضيع يمكن مناقشتها في الموقعين بذات الكيفية والكم.
رغم انو الوكت ممحوق زى ما بيقول طارق جبريل.
Post: #3538 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-26-2011, 07:08 AM Parent: #3535
الرغبة الرغبة فى الكتابة والمشاركة ولا شى غيرها انا مثلا" اشارك فى منبر سودانيز العام واشارك فى منبرنا هذا وافتح ايميلى وادردش فى الفيس بوك وادوام فى منبرنا الخاص ومنتسب لمواقع الكترونية اخرى
كل هذا يتم بفتح عدة نوافذ فى لحظة واحدة وتاتى المشاركات حسب ( زمنى ) المتاح سواء فى العمل او البيت
اذن الرغبة هى التى تتحكم فى المشاركة فى الفيس بوك يوجد كثير من الاعضاء ولكن كثيرين منهم موجودين ( اونلاين ) وحتى صورهم ظاهرة فى الشات او كما نسميها ( البلكونة ) ولكن لا يشاركون ......
Post: #3539 Title: Re: ناس الزقازيق ... أجدع ناس (4) .. Author: منصور عبد الرازق Date: 10-26-2011, 08:14 AM Parent: #3538
انا غايتو تانى برجع واقول انى ما شايف الموضوع بالحساسية دى عارف انو الناس اى ناس مهما كانت درجة العلاقة البتربطهم بى بعض فهم يقبلون ويدبرون , بدرجات متفاوتة جوة الأسر الصغيرة , والبيوت المغلقة تتقلب الأمزجة , وتتفاوت درجات قراءة ترمومترات التفاعل اليومى بالصعود والهبوط فتصل لدرجة التجمد او تصعد لدرجات الغليان واتامل انا الوضع , فى احواله كلها , وفى درجاته كلها واجد ان فى كل خير نحن هنا نتعامل مع حالة من حالات التعبير تسمى الكتابة وهى مضامين مختلفة , وحالات مختلفة , وادوات مختلفة , وامزجة متباينة ولكنها جميعها رغم اختلافها وتباينها , الا انها تبدو متكاملة فى احيان عديدة حتى عندما تتضاد , وتتقابل بالرأس , فى حالة من حالات صراع الديكة فأنها اذ ذاك - ويا سبحان الله - تكون فى اوجها , وفى درجات غليانها ونحن نعرف ان الماء يتجمد عند الصفر ولكن فى ذلك الصفر , ما يزال الحليب , وسوائل اخرى عديدة , قادرة على الأحتفاظ بسيولتها وميوعتها وجريانها حتى فمثلما لا يعيب الماء انه تجمد حينها , فلا استطيع انا ان اعيب الحليب على انه لم يكن من (المتجمدين ) وفى حالات الكتابة , باعتبارها اداة من ادوات التعبير ننسى دائما نحن , كلنا او جلنا , ان لا كتابة بدون (قراء ) صحيح ان التفاعل الأيجابى ازاء التعبير الكتابى , بالكتابة المنفعلة ازاء موضوع ما هى اعلى درجات التفاعل التى نرجوه ولكن اكتفاء البعض -لسبب او لآخر - بالتلقى والقراءة - ومتابعة ذلك حينا بعد حين - فى حد ذاته نوع من انواع التفاعل , وان كان متسما اما بنوع من السلبية الا انه قد يكون استحسانا ومعاضدة , ولكن باضعف الأيمان واقول دائما , ان كل مؤسسات الصحافة , والصحف السيارة يكتب فيها العشرات , ولكن يقرأها الملايين امنا الصحف السيارة فانها تقيس تفاعل الناس معها , بالمشترى منها , وبالرجيع وقد يزيد التوزيع , فى ايام ما , وعند طرق ومناقشة مواضيع ما وكذا الحال عندنا
Post: #3540 Title: Re: ناس الزقازيق ... أجدع ناس (4) .. Author: محمد عيد Date: 10-26-2011, 08:27 AM Parent: #3538
بدون قصد ايراد وجه الشبه ... اللعيبة الكبار زمان كانوا بيلعبوا فى هلال مريخ فى الدورى والمنافسات الاخرى ... من ناحية تانية كانوا بيلعبوا فى السداسيات ونشاطات لأحياء التى لها جمهورها ... نفس النظرية الفنانين الكبار بيغنوا فى المسارح والمهرجانات ... وبرضو بيغنوا فى الجلسات الخاصة وقعدات سمر الاصدقاء ... اذن لكل مقام مقال ولا اجد تضاربا بين التواجد هنا او فى الفيس بوك ... لان سودانبز اون لاين ليست لكوز ولا المساكن .. هى مكان جميل احتوانا واسهم فى تجميعنا ومؤكد اننا ايضا اضفنا له الكثير ... ليس لدى الجميع القدرة على الكتابة فى عدم وجود الآخرين - كما يفعل الرشيد مثلا .. وكثافة التواجد فى الفيس بوك وامكانية الاخذ والرد فى نفس اللحظة تزيد من انجذاب الكثيرين خاصة مع النواجد الكثيف فى ظل سهولة الحصول على العضوية ...
* من الاجدى تقديم افكار او مقترحات لاستعادة انجذاب الناس الى المنبر ...
Post: #3542 Title: Re: ناس الزقازيق ... أجدع ناس (4) .. Author: محمد صديق Date: 10-26-2011, 08:49 AM Parent: #3540
سلامات يا ناس
اعتقد اننا نعانى من عدم اعطاء ما يكتبه الآخرون
ما يستحق ...حتى اضعف الايمان ان تقول له شكرا,,
لذلك تسرب كثيرون ...ممكن واحد يسأل نفسو زول زى
عبدالحميد البرنس (مبدع حقيقى )...لماذا لايغشانا..
برضو زول زى عروة على موسى(مبدع حقيقى آخر) لماذا لايشارك؟؟؟
وقس على ذلك .....الاشياء اليومية (والدردشات هى ما يجذب الناس هنا ...
لذلك انا كنت بقول نخلى الدردشة والحاجات التيك اوى هنا ...ونستمتع بالحاجات الدسمة
هناك فى المنبر ...اتفق مع عبدالدائم انو الرغبة هى الاساس وليس الوكت الممحوق بتاع طارق جبريل
واختلف مع منصور فى كلامو (الدبلوماسى )....حقو نخت يدنا دوغرى على الجرح ...
انا هسه استغرب ومن حقى ...انزل ليكم قصيدة جميلة زى حقت فرحات دى ولا فى زول يهبب ليها او يهبب لى ...
واكيد انا حأزعل وفرحات حيزعل والقصيدة ذات حتزعل.
Post: #3541 Title: Re: ناس الزقازيق ... أجدع ناس (4) .. Author: أحمد إسماعيل Date: 10-26-2011, 08:32 AM Parent: #3538
Quote: فان شر البلية ما يضحك
وحدين يا منصور مصيبتهم إتقلب لوريهم قبل مايبعدو كثير من مركز الشرطة واحد منهم قام مخلوع وعلى كتفه كلكيت سكر وعدل لمركز الشرطة يبلغ ونفسه طالع ونازل بتاع الشرطة قال ليه الفي كتفك شنو قال دي بطانيتي ________________________________________ كلكيت السكر هو كيس السكر عبوة 50 كيلو اما ابو لوتو ليس السكر عبوة 100 كيلو
والله موضوع البوست بسيط جدا أضعف الإيمان لو نطبق سنة الإسلام السلام لو ما يوميا حتى لو في الأسبوع مرة في الأسبوعين مرة مع مداومة الريس ميسرة وآخرون الحال بمشي + التنوع في التحية نفسها بإضاف دعاء أو حكمة أو حديث شريف ولا بيت شعر ولا نكتة أو مشاغلة أو حكاية مع وجود من يسخوا بما تسخو الحياة به الفارغة بتتملي
Post: #3543 Title: Re: ناس الزقازيق ... أجدع ناس (4) .. Author: منصور عبد الرازق Date: 10-26-2011, 09:28 AM Parent: #3541
ولكنى قادر على فهم الحساسية التى اشرت اليها باعتبار ان الكثيرين يقيسون جدوى ما يكتبون بانفعالات كتابية متوافقة ومتزامنة مع ما يكتبون ولكنهم -ساعة احباطهم تلك - بسق(.........)ن من حساباتهم ان القراءة والمتابعة هى اول درجات ذلك الأنفعال قد تتطور الى مشاركة فى حالات الأضافة او التعضيد او المعارضة ولكنها قد تتوقف ايضا عند درجة القراءة والأطلاع السلبية تلك اما لعدم وجود اضافة او تعضيد او حتى معارضة او حتى لظرف خاص -ساعتها - يمنعك - من التعبير ان كان ذلك الظرف انشغالا او تعكر مزاج او عدم حضور ذهنى لسبب ما حتى فى الفيس بوك مثلا , باعتباره اقدر المواقع على قياس حالات الأنفعال هذه قد تجد الشخص امامك , الا انه يفضل الفرجة فى تلك اللحظة ومن الطبيعى والمهم ان نعرف , ان منافذ التواصل قد تعددت وكثرت ولكل منها ميزات وطالما ان الموضوع هو تواصل فى الأول والأخير فهل من الأهمية ان تكون طريقة التواصل محددة سلفا اليس تعدد المنافذ , واختلاف الأساليب , مدعاة لزيادة التواصل هذا فى الدرجة والقوة والحميمية حتى هناك سؤال يفرض نفسه حتى ايام جمعتنا الزقازيق , فى جامعاتها ومساكنها كنا نتساكن فى لكوظ وفى المساكن , فى الحريرى وشارع فاروق ولكن درجات تواصلنا كانت تختلف وتتنوع , فى القوة والنوع بطبيعة الحال الأخوة موجودة , والصداقة موجودة , ومجرد التعارف موجود كذلك وكون مجرد سلام الله هو ما يربط بين العديدين , برضو متوفر وبكثرة وانا لست فى حاجة ان اقول ان عدم الأستلطاف حتى , موجود ومتوفر وكل هذه الدرجات بتاعت التواصل , طبيعية ولا تدعو لآى استغراب ولكننى استطيع ان ادعى , ان الفرصة المتاحة لينا بى تعدد منافذ التواصل الأسفيرى ده من فيس بوك لى سودانيزاون لاين لى منبر الزقازيق وحتى رسائل البريد الألكترونى التى نتبادلها بعضنا البعض اقدر على استكشاف روابط التواصل المشتركة بيناتنا من زمن وجودنا فى جامعة واحدة اسمها الزقازيق ببساطة لأن الوسائل الجديدة والمتعددة والمتنوعة , تتيح لك ان تضع فكرتك فى صندوق 0ساعة تستطبيع وتقدر - ثم تمضى الى حال سبيلك حتى اذا ما سمحت ظروفك وعدت الى ذات الصندوق ثانية علمت ان ما تركت فيه , قرأه فلان وعلان وتفاعل معه فلان وفرتكان واستحسنه البعض ولم يستحسنه البعض ولم يبال به البعض ومر عليه البعض الآخر مرور الكرام ولمن كمان تخت اختلاف الأمزجة والأهتمامات فى الأعتبار فانت بتطلع بى محصلة ممتازة من الفيد باك لمن بدينا البوست ده واتواصلنا فيهو وجدنا اننا نحناج الى منبر , نتداخل فيه بتركيز اعلى فى موضوعات ذات نسيج واحد بقى عندنا بذلك بيت فيهو اوضتين بدل اوضة واحدة ثم جاءنا الفيس بوك , بمشروع تواصل اكبر , وبعضوية مفتوحة , وادوات تعبير وتواصل كل المحتاجاهو منك كبسة زر فتقول اعجبنى او لم يعجبنى , فى ثوان معدودة وتشرك الناس فيما تفكر , بى سطر واحد والناس يشوفوا صورك , على حيطة بناها ليك الفيس بوك , وجعل كل من تعرف وتوافق عليه يكتبون فيها ملاحظاتهم ويمضون , فيما يشبه حضرت ولم اجدك الزماااااان ولكننا , نحتاج الى هذا , كما نحناج الى ذاك يعنى هسى المداخلة دى لو متبتها فى الفيس بوك , قليل من الناس حتى من يحبوننى ويحبون كتابتى اشك فى انهم سيقرأوها , وحتى اذا ما قرأوها , فان نسبة قليلة منهم ستتجاوب معها ولكن ذلك لا هو يضيرنى , ولا هو يعيبهم كذلك اوضنا كترت , وبيتنا كبر , فى ناس ساكنين فى المساكن وكل يوم بيمشوا لكوظ وفى ناس من شارع فاروق ده اصلو ما بيتحركوا وفى ناس كان ما لفوا الزقازيق دى شارع شارع يوميا , النوم ما بيجيهم ولكن ملاحظة انو شارع القومية مثلا يقى ما مزدحم زى زمان , ملاحظة حقيقية وصحيحة ومع ذلك , فلا عيب فى شارع القومية , وكمان مافى عيب فى الناس الساكنين فيهو اوضنا كترت وبيتنا كبر , هل فى ذلك عيب ؟؟؟ حتى لو شعرنا بالوحشة ساعة صفاء فاكتب انى شئت , ساعة تشاء ووقت تشاء واتاكدوا تماما انو مافى كلام قولتوهو , وقع واطة يا حلوين
Post: #3544 Title: Re: ناس الزقازيق ... أجدع ناس (4) .. Author: محمد صديق Date: 10-26-2011, 09:48 AM Parent: #3543
سلامات ياناس
Quote: اوضنا كترت وبيتنا كبر , هل فى ذلك عيب ؟؟؟
آى كترت لكنها فاضية.
تعالوا نملاها.
Post: #3545 Title: Re: ناس الزقازيق ... أجدع ناس (4) .. Author: منصور عبد الرازق Date: 10-26-2011, 11:41 AM Parent: #3544
جيتنى فى الكلام يا كوتش يا لذيذ كويس انك الليلة معانا بى شوية طايوق او هكذا اظن لا فى جرح ولا فى كلام زى ده الأمور عادية وطبيعية البيزعل فرحات وقصيدته شنو ؟؟ انا شخصيا , احب الشعر وازعم انى اتذوقه كمان ولكن لكل شىء ميعاد وظروف مكان وزمان اذا نشرت انت القصيدة , وعلق عليها ثلاثة ووجدت انهم عبروا عما شعرت غالبا ما اتجاوز الموضوع والقصيدة نفسها وفى البوست الزى ده مثلا تطالع خمسة ستة مداخلات , ولكن واحدو او او اثنتان منها هى ما يجذب حروفى وردى ساعتها فهل فى ذلك ما يعيب المداخلات الأخرى انت كالداخل الى طبق سلطة فواكه البيزعل المنجة شنو , لو مزاجك كان فى اكل التفاح ؟؟؟!! فوق لى كده , مالضرر اذا ماكان مزاجك ساعتها هو ان تكتفى , بى اكل (العيون ) ما سمعت الكاشف لما قال انا ما بقطف زهورك بعاين بس بعاين بعيونى !!!
* على فكرة وعلى بلاطة كده التفاعل الأيجابى , ليس متاحا دائما لسبب او لآخر وهذا لا يعيب الفكرة لكن مشكلة كبيرة انك تقرر اغلاق نافذة مفتوحة ليس لأى سبب الا لأنك لا تستلطفها دون سبب يا حبيب طارق جبريل مثلا , ممكن يردم لينا منبر الزقازيق بى كوبى بيست من بوستاته الطاعمة واللذيذة وانت لو جيت الفيس بوك , ستجد ما يسرك ولا ينقص ذلك من رصيد التواصل شىء بل يزده , بل يزده !!!!
Quote: * على فكرة وعلى بلاطة كده التفاعل الأيجابى , ليس متاحا دائما لسبب او لآخر وهذا لا يعيب الفكرة لكن مشكلة كبيرة انك تقرر اغلاق نافذة مفتوحة ليس لأى سبب
يا لذيذ يا رايق....
اذا مافى تفاعل ايجابى حاجة من اتنين:
يا اما الخلل فى كتابتك او الخلل فى المتلقى ...ولابد من وقفة فى كليهما....
يعنى تانى ما بتفق معاك فى كلامك الحلو الكتبتو ده...والجرح موجود (وتفوح رائحته)
اهلي اطيبين سلام يغشاكم جميعا....فعلا زي ما قلتو انه من خلال الحوش ده الناس اتجمعت وبقت علي تواصل باستمراروقدرت تاسس لحاجات اكبر واكتر وفعلا بقي بوابه نلجا ليها دايما حين نشتاقكم ان لم نمر باستمرار لمتابعة كتاباتكم وونشاطاتكم وتلك الحياة الاجتماعيه الوثيقه الربطت ووثقت بين الجميع ووزي ماقال منصور البيت احتاج لاوضه تانيه وتالته لكثرة الضيوف وكل ناس اوضه موضوعهم قديخلف من الاخربضم الالف لكن فى النهايه الاوض ولا الغرف دي كلها في بيت واحد هو بيت الزقازيقيون اينما كانوا وكيفما كانوااصحاب قفشات وابداعات ومحلقين في سماوات القصه والابداعات الشعريه وووووووالخ لن هناك من يحب الكره والخوض في عالمها وهناك هناك من يحب الفن والغناء اداء واستماعا وبرضو البحبوالشعر ويقرضونه ومن يستمتع بقراته وحبه والبسردوا القصص والحكي الجميل كل له حقله وحديقته الصغيره اللى بيعشقها ويمتع ناظريه منها فى النهايه الناس متلمين دايما في السمح وفي الشين ومتواصلين باستمرار
....................
حجا مبرور وعودا حميدا ياسر نجيله
..............................
ناس جده لكم التحيه في لمتكم الحلوه ودايما كدا انشاء الله
...................... شكرا للتهنئه الجميله منكم وكل سنه وانتو اكتر محبة وعشق لقبيلتكم الرائعه
دايما اكتب مداخله واتنين ولكن تطير وتطفش والزول يطفش لحله ولا لولد ووووووو وعييييييك تاني
يا سلام عليك يا ريس الليلة السهرة مع الفراش... مع الرائع الراحل عثمان حسين... بالمعزة بالمودة البينا بي أغلى الصلات... أستحلفك أترك سبيلي... و سيبني وحدي أقاسي وحدي... مر الذكريات...
لكن أنت عارف أنا الشفافية كاتلاني... قلت الريس ده دعاء بالصباح و عثمان حسين بالليل... دي عاملة زي بالنهار يسبحوا و بالليل يضبحوا...
شكرا يا ريس...
Post: #3551 Title: Re: ناس الزقازيق ... أجدع ناس (4) .. Author: محمد عيد Date: 10-26-2011, 10:13 PM Parent: #3550
Quote: دي عاملة زي بالنهار يسبحوا و بالليل يضبحوا...
حزب البهجــه يعاود نشاطه
Post: #3552 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-27-2011, 05:05 AM Parent: #3551
انا لله وانا اليه راجعون
توفى منتصف ليك امس والد زميلنا عثمان الجيلى بام درمان صادق التعازى للاخ عثمان والاخت نوال البلول وجميع افراد الاسرة تقام مراسم العزاء مساء اليوم بمنزل الاخ عثمان -- جده شارع قريش ت 563107975-00966
صبحكم الله بالخير رحم الله والد الأخ عثمان الجيلي...و أسكنه الجنة... و للأخ عثمان خالص العزاء...
نحن في زمن الناس أميل فيه الى الاختلاف منهم الى الاتفاق... لكننا حبانا الله برصيد من المحبة و الخبرة ما يجعلنا و ان اختلفنا على التفاصيل... نتفق على المباديء السامية و النبيلة... أود أن أتجنب التنظير هنا و أكون واقعيا و شفافا قدر الامكان... فأنا عندما تحدثت عن سقوط البوست لم يكن ذلك بقصد المقاربة بينه و بين الفيس بوك... بل اشارة مني الى أن البوست لم ينتهي الى ما كان يجب ان ينتهي اليه... لقد بدأ البوست بفكرة و عدد قليل من الناس حرضهم حبهم لفترة جميلة من تاريخ حياتهم... الى استعادة تلك الفترة التي ظلت عالقة بذاكرتهم رغم تشعب الحياة ... كانت دعوة أساسها اجترار الماضي و التواصل مع أناس فرقت بينهم الحياة... نجحت الفكرة و ضمت اليها أعداد غير متوقعة من الناس... و أصبح البوست و كأنه احدى ساحات الجامعات يتعارف فيه الناس و يتآلفون... و أصبحنا ننادي بعضنا بيا حبيب و يا جميل و يا رائع... لم نكن ننافق بعضنا البعض بل كنا صادقين في تلكم المشاعر... ثم قررنا أن نحول تلك الطاقة الجبارة التي ولدتها المحبة الصادقة بيننا الى مشاريع... مشاريع اجتماعية و اقتصادية... طرحت المشاريع و تحمس الناس لها و مضت بقوة الى غاياتها... أنا شخصيا لا أنظر الى الأمر من زاوية أن تقرأوا ما أكتب أو لا تقرأوه... فأنا مثلا بلغت عدد صفحات مربع كاي الاتنين و عشرون صفحة... أكتب دون أن أشتكي من متابعتكم أو عدمها... لا لأن ذلك لا يهمني..بل يهمني كثيرا أن يقرأ الناس ما أكتب.... فأنا أولا و أخيرا أكتب لكم فان لم تقرأوا ما أكتب فهذا يعني انني فشلت في جذبكم... كان يزورني عدد مقدر من الناس و كنت أفرح بهم... قل العدد و فرحت أكثر بمن ظل يزورني و يداوم على زيارتي... فهذا بالظبط ما كنت أريده..لقد كنت أتمنى أن من يأتي لزيارتي يأتي برغبة... و ليس مجاملة لي...بل لأن ما أكتبه يستحق الزيارة.... و سأظل أكتب حتى أصل الى حقيقة أن ما أكتب مكانة مذكراتي الشخصية و ليس صفحات الأسافير... فهذا ليس موضوعي الذي كتبت من أجله... صحيح أن النوافذ الأخرى كانت خصما على هذا البوست... ان كانت هذه رغبة الناس فليكن.. لماذا لا نحترم رغبتهم في الاختيار بين هنا و هناك.... أنا شخصيا لا أرى أي سبب يجعلنا نحجر على الناس التواصل من خلال نوافذ أخرى... و لكن شريطة أن لا نهجر هذا المكان... لما له من دور قيادي و ريادي في تحويل المحبة الى أشياء تنفع الناس... ليتجمع الناس في أي مكان شاءوا و ليزداد عدد المتجمعين هذا شيء ايجابي... لكن دون أن نتنازل عن أحلامنا و طموحاتنا الكبيرة... شكلنا الجمعية و تركناها دون رعاية كذلك الحال مع الشركة... اذا كان كل واحد يقول و أنا مالي فكيف سيؤول اليه حالنا بعد حين... نعود الى المربع الأول ..أن نحب بعضنا البعض و حسب... ليس هنالك عيب في أن نحب بعضنا... لكن هل نعلن صراحة في أننا فشلنا في تحقيق أحلامنا... الجمعية تعاني ما تعاني و كذلك الشركة... لندعوا الى جمعية عمومية للمؤسسين نختار لها الوقت المناسب.. لكل من هم في الداخل و الخارج و نجلس جلسة يسودها الحب... و لكن لا تغيب عنها المهنية و العملية و نناقش أسباب الفشل و نوجد الحلول... نناقشها بصراحة دون أي حساسية... أن نضع أيدينا على الجرح هو أول الطريق الى وقف النزيف... و سقوط الأحلام و الخنوع للصعوبات التي تواجهها... نحترم تحفظات الناس في عدم الاستجابة لمجلس ادارة الشركة بطلب رأس المال... فالظروف عموما سيئة في كل الدنيا... و أي أموال يساهمون بها في رأسمال الشركة هي أموال عزيزة جدا... لذلك يريد الناس أن يطمئنوا الى أن أموالهم في أيدي أمينة و هذا حقهم... هذا اذا كان الأمر كذلك... و اذا كان كذلك فليس هنالك حرج في أن نقولها... و ان كانت لديهم تحفظات أخرى فليقولوها أيضا... هذا لا يتأتي الا بالدعوة الى جمعية عمومية يحضرها جل الناس... و الا فان أعضاء مجلس الادارة الذين يضحون بجهدهم و مالهم الآن... سيكفرون بالشركة و سيترددون كثيرا في الدخول في أي تجربة مماثلة مستقبلا... لذلك دعونا لا نغمض أعيننا عما يجري حولنا و أن لا نبسط الأشياء... و أن تختذل المشكلة في من يقرأ و من لا يقرأ رغم أهميته... و من يملك عضوية أو لا يملك... و أن نشق نفاجات محبة بين كل النوافذ... لا أن نصور للناس ان الذين يتجمعون في هذا البوست هم مجرد نخبوين يعيشون في برج عاجي... خشوا أن تسحب تلكم النوافذ البساط من تحت أرجلهم فعارضوها... فقابلوا دعواتنا الصادقة بالاستهجان و الكلام الجارح الذي آلمني كثيرا... لكني و بما أملك من رصيد هائل من المحبة لكم قبلته و تجاوزته بسهولة...
Post: #3554 Title: Re: ناس الزقازيق ... أجدع ناس (4) .. Author: منصور عبد الرازق Date: 10-27-2011, 08:19 AM Parent: #3553
هذه جوانب اخرى من الموضوع عزيزى الرشيد تحويل نجاحنا فى التواصل الى عمل مثمر موضوع مختلف لا بل ومنفصل كمان مع ان مجرد وصولنا للتفكير ده , يعنى اننا نجحنا فى تواصلنا الأجتماعى والأسفيرى لدرجة اننا نرغب فى استثماره , وتحويله الى فوائد عملية ملموسة وهذا يعنى ان البوست وتفرعاته , ناجحة ووصلت الفكرة لكن ليس معنى هذا , ان تنجح الرغبات دى فورا وباستخدام نفس الأدوات التلاحم الأجتماعى , موجود وناجح غير منظم , هذا صحيح , ولكن ليس معنى ذلك انه غير موجود اما الشركة وتفاعل الناس معاها , فده موضوع مختلف موضوع زى الطارحه اخونا احمد اسماعيل , فى المنبر وجد تفاعلا مبدئيا , من عدد يقدر بحوالى العشرة تقريبا حتى الآن بامكان هؤلاء العشرة ان يبدأوا فورا , ويقدموا بذلك نموذجا لعشرت ينتظرون على الرصيف المقاييس فى مثل هذه التحديات مختلفة يا رش لا تتوقعوا ان ينضم لفكرة احمد اماعيل فى الأول الا مثل هذا العدد او ما يقاربه كما ان حماس من عشرين الى تلاثين شخصا لفكرة الشركة وتحويل حماسهم الى استثمار فعلى كاف للبداية وكل هذا يندرج تحت لواء نجاح الفكرة اجتماعيا , ومخاض تحويل هذا النجاح الأجتماعى الى نجاح استثمارى عملى , فيه من المخاطر مثل ما فيه من فرص النجاح فى الشركة نحتاج الى اجتماع جمعية عمومية عاجل , يتم فيه مناقشة برنامج عمل واضح بمدد زمنية اكثر وضوحا , وبخطط عملية كذلك هذا ما سيؤدى الى جذب راس المال واحمد اسماعيل ومن معه , برنامج عملهم واضح وعليهم بالبدء الفورى لتنفيذ الفكرة وتحويلها الى واقع عملى ونجاح (اللهم آمين ) او عدم نجاح (الشر برة وبعيد ) اى فكرة تراكمت على نجاح لحمة الزقازيقاب الأجتماعية الأسفيرية يبقى محصورا فى اطارها العملى فقط واشدد على هذه الجزيئة فى المعنى والمبنى والفهم فانا مثلا مع اخوانى الأشقاء , او انت (يا من تقرأ هذا السطر وهذه الجزئية ) مع اخوانك واشقائك قد تنجحون او تفشلون فى الف مشروع استثمارى رغم انكم من (بطن واحدة ) وهذا النجاح -ان كان نجاحا - فخير وبركة وهذا الفشل - الله يبعدنا منه - ماهو الا حلقة فى دائرة لن تنقطع ابدا , وغض النظر عن كل ذلك , يبقى بيت الزقازيقاب (بأوضه كلها ) بيتا جامعا واواصر متينة تلفوا كلكم قدر ما تلفوا , وتحوموا زى ما عاوزين وستجدوا بعضكم بعضا فى غرفة ما , فى بيت ما , على سرير ما ولكن اللحاف والغطاء واااااااحد
* بعد ما تقابل الدومنيكانى تعال لى تانى , مشتهيك ياخ
Post: #3555 Title: Re: ناس الزقازيق ... أجدع ناس (4) .. Author: منصور عبد الرازق Date: 10-27-2011, 08:27 AM Parent: #3554
مع ان اولوية التفاعل (يا كوتش ) بناءا على محتويات التداخل السابقة واضح انها لتعزية اخونا عثمان الجيلى فى وفاة والده رحمه الله الا ان مداخلة الرشيد السمينة جذبت ردى واستولت على حروف كيبوردى مع ان تعزية عثمان الجيلى فى مصابه الجلل واضحة وجلية البركة فيكم يا عثمان , هنا وفى بوست التعزية وبالتلفون كمان
كلام القصير ما بيتسمع لمن قلنا انه منبر الزقازيق حا يشتت الكورة ما صدقتونا كمان زدتوها فيس بوك وبكرة تويتر وبعده غوغل بلص لمن تلقوا نفسكم لحقتوا «أم علقة»*
متفق مع الرشيد ألف في المائة لمن تجي بي مزاج وترش البوست دة بي مداخلة دسمة وتلقى نفسك أباطك والنجم طوالي حا تعمل «إلى الخلف دور» دة إذا ما قلت في نفسك «يا عمك تعال شوف لو في تهنئة أو تعزية لا قدر الله وشتت»
تحية نضالية للحاج ياسر نجيلة صديقي في «العكلتة» في البوست
------------------------- * أم علقة قرية في الجزيرة لمن كنا ماشين نزور اختنا نورا كرم الله الله يطراها بالخير في المناقل البص وقف بينا في أم علقة دي... قرية صقيعة مافيها التكتح لقينا واحد خاتي ليه برميل وفيه قزايز ببسي في سخانة تسيح الحديد وزولكم يكورك: برِد برِد برِد برِد
Quote: انا لله وانا اليه راجعون توفى منتصف ليك امس والد زميلنا عثمان الجيلى بام درمان صادق التعازى للاخ عثمان والاخت نوال البلول وجميع افراد الاسرة تقام مراسم العزاء مساء اليوم بمنزل الاخ عثمان -- جده شارع قريش ت 563107975-00966
اسأل الله أن يتغمده بواسع رحمته ويلهم آله الصبر والسلوان خالص التعازي للاخ عثمان والاخت نوال إنا لله وإنا إليه راجعون
انا من اليوم سأتوقف عن التداخل هنا وهناك ..... كقرار نهائي لا قابل للنقاش ولا للعودة مهما كانت الأسباب ... والي الابد
Post: #3560 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-27-2011, 10:06 AM Parent: #3556
يا منصور دى اسماء المساهمين حسب المناطق اتمنى ما اكون نسيت زول ادينى تصــور لعمل جمعية عمومية واكون شاكر
الرقم///الاســــم /// المنطقة 1 صالح عبدالرحمن صالح الطاهر الخرطوم 2 د/ فاروق نصر علي محمد الخرطوم 3 البادي النور محمد أحمد خوجلي الخرطوم 4 عبدالحفيظ عباس صديق عثمان الخرطوم 5 نهلة نجم الدين حسن الخرطوم 6 عائشة صلاح الدين محمد أدم الخرطوم 7 عبدالسلام مكي أحمد يحيى الخرطوم 8 د . جبريل نعمان عبدالله حمد الخرطوم 9 محمد صديق محمد أحمد الحسين الخرطوم 10 عبدالله حسين فكي عمر الخرطوم 11 سفيان لطفي أحمد سعد الخرطوم 12 المنتصر طه حسن أحمد الخرطوم 13 د. مرتضى محمد العوض أحمد الخرطوم 14 محمد أدم النور حسن الخرطوم 15 خالد يسن أحمد الحاج الخرطوم 16 عبدالمنعم حسين المبارك عبدالرحمن الخرطوم 17 نزار محمد إبراهيم عمر الشقليني الخرطوم 18 عمار رحمة الله زين العابدين الخضر الخرطوم 19 سلمان الخضر ابراهيم الخرطوم 20 عادل الحسين الحاج الخرطوم 21 سامي عبدالفتاح الفكي حمزة الخرطوم 22 اسامة خضر محمد الرضي الخرطوم 23 الهادي أحمد صالح الخرطوم 25 سلمان الخضر ابراهيم الخرطوم 26 عبدالمنعم حسين المبارك عبدالرحمن الخرطوم 27 الصادق عبدالله دفع الله الخرطوم
==============================================
28 منصور عبدالرازق محمد فضل الرياض 29 احمد محمد اسماعيل النور الرياض 30 موسى عيسى ابكر حسين الرياض 31 حامد ادم صاغة ابو البشر الرياض 32 كمال محمد الحسن عثمان احمد الرياض 33 مدثر ابايزيد السيد عبدالله الرياض 34 موسى عبدالله عثمان العجب الرياض 35 جلال عثمان محمد على عكود الرياض 36 الصادق محمد احمد ابو سكين الرياض 37 عاجب عبدالقادر سليمان موسى الرياض 38 د/ خالد محى الدين الطيب القصيم
=============================================
39 عبدالدائم سيداحمد محمد جــدة 40 ميسرة سيداحمد ابراهيم جــدة 41 محمد عيد ميرغنى عبدالعزيز جــدة
==============================================
42 زهير محمد عثمان الزناتى الدمام
==============================================
43 الرشيد بابكر سيداحمد ابوظبى 44 نجاة محمد المهدى حوفى ابوظبى 45 ياسر احمد على نجيلة دبــى
=============================================
46 طارق عبدالمنعم محمد على ماليزيا 47 احمد سليمان حسين ماليزيا
Quote: انا من اليوم سأتوقف عن التداخل هنا وهناك ..... كقرار نهائي لا قابل للنقاش ولا للعودة مهما كانت الأسباب ... والي الابد
يا زميل كونك دفعتنا وحبيبنا واكبر شنب في الدفعة دة ما بيديك الحق انك تتخذ قرارات انفرادية في مصير الأمة يا ابو الزوز دة كلام زعل ساااكت وهنا ما اتعودنا نزعل بنجوط ونكورك ونعمل السبعة وذمتها لكن بنجي ونتناقش وبنصل لي ارضية مشتركة يعني هسي انت فرقك شنو من حكومة الانقاذ الشمولية دي بقرارك التعسفي دة على المستوى الشخصي لو رأيي الفوق دة كان سبب في قرارك دة حا امسحه يا ابو الزوز وانا ذاتي حا اقطع وشي
Post: #3566 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 10-27-2011, 10:35 AM Parent: #3563
Quote: انا من اليوم سأتوقف عن التداخل هنا وهناك ..... كقرار نهائي لا قابل للنقاش ولا للعودة مهما كانت الأسباب ... والي الابد
سلام يا اهلنا ناس الزقازيق التحية لكل المجاهدين في رفع راية بوستنا الجميل نحن شحيحين في المداخلات ولكن نقرا ما يكتب ودائماً روتينا اليومي ياخذ كامل الوقت منا
العمل ، البيت ، مذاكرة الأولاد ومشاكل المدرسة نحن نعترف التقصير الغير متعمد ولكن قلبنا مع البوست ونشارك في احتفالات الزقازيقاب بحاضرة جدة
تفعيل الجميعة وتغعيل الشركة ربما تخدم ترابط الناس اكثر واكثر وينتقل ذلك للأجيال القادمة
ادام الله محبتكم وجعل لنا هذا البوست متنفساً للكل وكل عام وانتم بخير وحجاً مقبول للأخ/ ياسر
مساكم الله بالخير... لما أكون عايز أولادي يعملوا حاجة بهددهم بي حاجة تانية... ناس التربيةا بيقولوا الاسلوب ده غير سليم... قمت قللت منه شوية...ما وقفته كلو كلو لكن قللته... يعني مثلا لو ما ذاكرتوا مافي ليكم مرقه من البيت... أبو الزوز عارف معزته عندنا عشان كده بيهددنا بأعز حاجة عندنا... طبعا من غير ما تكون عنده مطالب... زعلان مننا ساكت... ياخ انت كان زعلان أزعل... تعال شاكلنا...فشك غلك و غضبك فينا... لكن تحرمنا منك دي كتيرة علينا... أنا بالنسبة لي انت خط أحمر... نعاتبك ماشي الحال...ننتقدك ممكن.... لكن في حدود محبتنا و معزتنا ليك الما بتغباك...
علي الطلاق انتو مخستكين ..... يعني الزول يحرد ويزعل زول واحد يحنسوا مافي ... يا سلام عليك يا رشدي يمين انت اللي فيهم ...... اها انا رجعت عشان خاطرك .... انت وبس وناس جاد ديل اصبر لي فيهم .... قال أنبوبة غاز قال
مفتقدين جلا الأيام دي... ناس الفاو اتغشو فيهم و عملوهو منسق لدورة تدريبية... مكان الدورة منتجع أسمو شنو كده ما عارف في مدني... وعدني أن يعود منذ نهاية الأسبوع السابق و لكنه لم يعد... الظاهر التنسيق شاغله جدا...
نشكر زهير على العودة الطوعية... و على رفع البوست من الصفحة التانية... و ما زلنا ننتظر منه الكثير...
يا ربي ياسر نجيلة اتحرك و لا لسه... مع غمرة البوست طلع و نزل نسيت أوصيهو... وصيتو على الماشي كده في مربع كاي... لكن كنت عايز أوصيهو وصية خاصة جدا... حأحاول أرسل ليهو رسالة كان قدر يقراها... خاصة ان الراجل حاجي حج سريع...
Post: #3592 Title: Re: ناس الزقازيق ... أجدع ناس (4) .. Author: ميسرة سيد أحمد Date: 10-29-2011, 07:34 AM Parent: #3590
Quote: نشكر زهير على العودة الطوعية... و على رفع البوست من الصفحة التانية... و ما زلنا ننتظر منه الكثير...
قرار جيد وواعي ومدروس وشكراً كمان للرشيد صاحب الدعوة ويسكتوا عناالخشامة والجماعة ديلك ،،، ما همانا ما دام زهير معانا
نفتقد كثير من الناشطين الإعلاميين في بوستينا العزيز وعلى رأسهم:-
كمال الشادي وكوكبة أخرى من الرياض وجلا ومجموعة من ناس السودان وعصام دهب ومجموعة أخرى من ناس جدة
Post: #3591 Title: Re: ناس الزقازيق ... أجدع ناس (4) .. Author: أحمد إسماعيل Date: 10-29-2011, 07:32 AM Parent: #3588
سلام ياكرام بعد نتناول الوجبة بنجي نحلي هنا لذا أرجو الحفاظ على هذه التحلية لذلك الكورة كلها نلعبها هنا ممكن نسمح بالفاولات فقط الضربات الغير مباشرة في الفيس بوك وإن شاء الله زهير نجيب ليه مباريات الهلال هنا ونختها ليه واطة ــــــــــــــــــــــــــــــــــــــــ بعدين اخواننا الفاعلين بالمنبر محمد صديق والرشيد وعمر المهدي والآخرون هناك ما تعملوا لينا لأي موضوع حكاية المناظر هنا والفلم مع الترجمة على الشريط هناك وبكدة تكونوا عملتوا دعاية وإعلام لبوستاتكم الخاصة وحركتم البوست هنا يعني نظام عصفرين بحجر وكدة
و أٍسال الله السميع العليم رب العرش العظيم أن يتغمد والد أخانا و زميلنا العزيز / عثمان الجيلي .. بواسع رحمته و عظيم مغفرته و أن يدخله فسيح جناته و يتقبله قبولاً حسناً مع الشهداء و الصديقين و حسن أولئك رفيقا .. صادق التعازي للأخ / عثمان و لكافة أفراد أسرتهم في فقدهم الجلل و مصابهم الأليم و أٍساله تعالى أن يجبر كسرهم ويجيرهم في مصابهم و يجعلهم من الصابرين المبشرين ..
Post: #3594 Title: Re: ناس الزقازيق ... أجدع ناس (4) .. Author: منصور عبد الرازق Date: 10-29-2011, 08:14 AM Parent: #3593
فى مداخلات كده تديك شعور انو لسه فيها باقى ليه ما عارف كمل يا حيدر حنين كمل يا عصام دهب
* يا كوتش قاعد ولا مشيت ؟؟؟
Post: #3595 Title: Re: ناس الزقازيق ... أجدع ناس (4) .. Author: منصور عبد الرازق Date: 10-29-2011, 08:50 AM Parent: #3594
فى حاجات كده يا جماعة احقوا نتفق انها من باب تحصيل الحاصل لزوم ما يلزم يعنى لو شغلنا نفسنا بيها كتير , بنكون بنهدر فى الجهد والوقت طبيعى ياخى انو امزجة الناس تختلف وخياراتهم كمان وبناء على ذلك , فمداخلاتهم كذلك حا تختلف طارق جبريل ده زول انتاجه ما شاء الله عليهو , وافر ومتنوع كان دايرين نناقشه فى كجينتو للمنبر دى , ما حنلقى عنده اى سبب , الا السبب النفسى فالحل عندى , انو مافى مشكلة ياخ , اسهل شى تلقى الزول المطموس ده , وتبل شوقك منو بتلقاهو فى اماكن عديدة , كان ما بقى منها المنبر , المشكلة شنو ؟؟!! جمال السنوسى , مزاج آخر مختلف لكنك برضو لو عاوزه , بتلقاهو مدسى ليهو ورا كفر , او شايل ليهو وتر حيدر حنين وعصام دهب , كمان اهتماماتهم بشكل ولون مختلف لكننا نستطيع ان نجدهم , ونعرف وين ومتين الزول الخارب الرصة يا جماعة , ياهو زهير الزناتى ده للأمانة هو رجل نشيط ومنتشر , وما عنده قشة مرة هو نموذج لفكرة التداخل الكثيف التى يحلم بها ( العديدون ) ولكنه وللأمانة , ليس نموذجا واقعيا اعنى ان امثاله ليس كثر تعدد المنابر , والأوض , والغرف للبيت الكبير اذا كان خصما على هذا البوست ومنبر الزقازيق فسبب ذلك انه شغل زهير لأنه يشارك ويتفاعل وين ما وجد الناس ده اضافة الى انو اصلا بنى آدم (قادر على لم الناس وبذر بذرة التفاعل عندهم ) الكلام ده بقولوا لى غرض معين وعشان اديكم تلخيص واقعى وهو انو , اذا ما استثنينا زهير الزناتى فان تعدد المنابر وكثرة الأوض هو اجمالا فى مصلحة التواصل واذا افترضنا جدلا , ان ملتقانا انحصر فى منبر واحد وحيد فان حركته , وحجم تفاعل الناس فيه ستتأثر صعودا وهبوطا بعوامل مختلفة ومتغيرة شوية فوق ,وشوية تحت , اها , لمن المنبر (الوحيد ) , يكون الكيرف بتاعه فى الشوية التحت حا تقولوا شنو ؟؟؟؟
Post: #3596 Title: Re: ناس الزقازيق ... أجدع ناس (4) .. Author: منصور عبد الرازق Date: 10-29-2011, 09:20 AM Parent: #3595
عشان كده هدفنا لو بقى مزيد من التواصل غض النظر عن انو التواصل ده وين فيتخيل لى بيبقى هدف اكبر واحسن كل زول يتواصل فى اى حتة وفى اى موضوع تحت اى ظرف زمان ومع اى ظرف مكان اقترحنا مثلا انو العزاءات تكون فى مكان مخصص عشان كده بوست العزاءات مثلا , نتمنى (صادقين) انو يكون اقل البوستات تداخلا , ونتمنى من ربنا انو يقيف وما نلقى ليهو موضوع افضلنا طبعا , هو من يستطيع ان ينتشر ويملأ اوضنا الكتيرة بالطول والعرض ومنبر الزقازيق مثلا منبر يتميز بالمواضيع ذات النسيج الواحد فعشان كده طبيعى انو يكون اقل اوضنا تداخلا وانفعالا فاى زول , بيقدر انو يتونس طوالى وبيقدر انو يقرا غالبا ولكن الأنفعال بالكتابة الجادة , فى موضوع معين محدد ومعروف اولا ما كل الناس حا يتفاعلوا معاها ولا حتى المتفاعلين معاها حاتجيهم فرصة التفاعل ده طول الوقت لو بسبب المزاج او القدرة او توفر المادة كمان منبر الزقازيق عموما , هو مستودع للأنتاج المنوع (حسب البوست المفتوح ) كلنا او معظمنا , يقرأه على الأقل ولكن التفاعل فيه ومعه , خشم بيوت وفى كل خير
Quote: حيدر حنين وعصام دهب , كمان اهتماماتهم بشكل ولون مختلف
مشكور يامنصور احتراماتي لشخصكم الكريم يعلم الله متابع وبشكل يومي لحوشنا ده كيف لا وانا من أوائل المشاركين فيه (مايو 2005) اتداخل حسب الحاجة للتداخل ربما إهتماماتي تختلف شوية لكن ليس لي رأي سلبي في إهتمامات عموم الاخوان هنا ساءني جدا إقتباس أحد الاعضاء هنا لعبارة وردت في تعليقي في الـ face book حول تفاعلنا في الشأن العام شرحت مقصدي وخرجت من الـ Group نهائياً حتى لا أكون مصدر عكننة (أكعب حاجة في الدنيا دي تقول الحاجة وتشرحها) شاكر لكم حسن ظنكم وبرضو الواحد حايشتت من هذا الحوش العامر ومقامكم محفوظ تقديري لك وللجميع لتعديل كلمه
تتغير وتتلون مدينة جدة هذه الأيام كيفما تشاء التجهيز للخريف (السيول) القادمة على قدم وساق لخبطوا لينا البلد يوم تصل الشغل في ربع ساعة ويوم تصل في ساعة ونصف ده كله علشان تآمنوا وما نتاخد على خوانه زي السيول السابقة وناس الإرصاد وعلم الفلك خوفوا الناس.
بدأ وصول حجاج بيت الله الحرام مهللين ومكبرين وشركات الطوافه تجري هنا وهناك ولكن يا ويلك لو عندك شغل في مكة ممنوع الدخول إلا للحجاج أو بتصريح خاص وكمان لو عندك تصريح خاص توقف في نقطة التفتيش - الشميسي - لمن راسك يفور علشان تعبر إلى مكة المكرمة ،،،
.. . بالاشارة للاعلان السابق المتعلق بتحديد موعد استدعاء راس المال لشركة اجدع ناس للاستثمار .. نفيدكم بأن اخر موعد لاستلام قيمة الاسهم من المساهمين هو 15 نوفمبر 2011م ومن ثم سيفيدكم مجلس الإدارة لاحقا .. بالاجراء المتبع ..
صالح عبدالرحمن صالح مدير العلاقات العامة والاتصالات الخارجية ..
جبريلا مصور بارع... يستطيع بكلمات سهلة أن ينقلك بكل حواسك الى المكان و الزمان الذي يريد... من الشمالية الى بيتهم زمان و شواطئ المغرب الجميلة... و فوق كل ذلك طبيب بيطري متمرد على المهنة... و مصم بدأ هاويا ثم محترفا... أظنه وجد نفسه في التصميم... و أكيد أنه يبدع فيه... فشخص بكل تلك المقومات لا بد و أن يكون مصمم متميز... و يمكن أن يكون مصمم عالمي متميز... خاصة ان كان قد صقل تلك الموهبة بالدراسة في المجال... ابداع يا جبريلا....
تبلدينا شكرا على المثابرة و الاجتهاد... و التجرد الذي تؤدي به عملك في الشركة و بدون مقابل... رغم علمي أنك تحتاج كل هذا الوقت لتثبت رجلك في عملك الجديد... في هذا المرحلة المفصلية من حياتك... أعلم أنكم في مجلس الادارة تواجهون بكثير من الاحباطات فيما يخص الشركة... لكن أي عمل جماعي تطوعي يحتاج الى الكثير من الصبر... خاصة و أن معظم المشاركين قليلي خبرة في مثل هكذا عمل... بالاضافة الى أنهم لا يملكون الكثير من المال... فقد تكون مساهمتهم في راس المال عبارة عن تحويشة عمرهم... أو مال أدخروه لليوم الأسود و كل الأيام سوداء في هذا الزمان... لذلك أعتقد أنهم يحتاجون الى مزيد من الصبر... و مزيد من الترغيب و التطمين أيضا... لذلك أقترح عليكم أن تمددوا الوقت مع القيام بحملة ترغيبية و تطمينية للأعضاء... هنا و في الفيس بوك وفي كل مكان...
Post: #3609 Title: Re: ناس الزقازيق ... أجدع ناس (4) .. Author: محمد صديق Date: 10-31-2011, 06:04 AM Parent: #3608
بي مساعدة و لا من غير مساعدة... حلا و حمار ببقن لكن يا كوتش... أي زول ممكن يجاوب الا الزول الكان في بلجيكا داك... حيجي يقول لي منو القال ليك ما ببقن... حلا و حمار و شقار كمان... شقار دي أنسبوها زي ما عايزين...
انتو وين جلال... مآخد باركينق (موقف) و لا شنو...
Post: #3614 Title: Re: ناس الزقازيق ... أجدع ناس (4) .. Author: منصور عبد الرازق Date: 10-31-2011, 08:36 AM Parent: #3613
لكن ما غتستوا حجر جاد يا اخوانا خليكم منطقيين شوية انبوبة غاز وبتيخة كمان !!!! والبتيخة , ما اى بتيخة حلا وحمار ده اصلو جاد ولا النبى (نوح)
*بس لكن جاد بتاع السندوتشات بينفع فى المهمة دى زى الفورد الجديدة البتعمل باركنغ برااااااااااااها (زى جلال )
Post: #3615 Title: Re: ناس الزقازيق ... أجدع ناس (4) .. Author: منصور عبد الرازق Date: 10-31-2011, 08:51 AM Parent: #3614
اهلا صالح تبلدينا اتوقع انو موضوع جذب راس المال العامل لى شركتنا الوليدة محتاج منكم مجهود اكبر , والله يعينكم محتاج شوية نقاش ومداولات محتاج شوية تنوير لخطط عمل قصيرة وطويلة وكمان لازم نعرف انو ظروف الناس المالية بتختلف محتاجين مقترحات عملية لكيفية الدفع مع مراعاة ظروف الناس المختلفة كنت افضل , ان تبدأ عملية الدفع من خلال اجتماع موسع ولأنو الناس متفرقين فى مناطق عديدة والبيقودوا العمل , هم بطبيعة الحال الموجودين بالداخل فان اجتماع جمعية عمومية لعضوية الداخل , كافية لأعطاء الشركة الوليدة وقود دورانها الأبتدائى ومن ثم يتم نشر وتنوير عضوية الخارج , بنقطتين مهمات اولها خطة العمل المقترحة على المدى القصير والطويل مع اقتراحات مرنة تراعى ىظروف الناس فى جذب رأس المال ثم تضاف الى ما سبق رؤى ناس الشركة القاعدين برة على ضوء ما قررتم انتم ناس جوة وبعد داك تدور العجلة على بركة الله بالتوفيق يا حبيب
Post: #3616 Title: Re: ناس الزقازيق ... أجدع ناس (4) .. Author: جلال عثمان Date: 10-31-2011, 09:03 AM Parent: #3614
قال ليك فجاءة كدا هفت للولية دي وطار ليها يا قول الجماعة جيت داخل لقيت ليك 3 باكستان بفكوا في الدولاب ...والسرير مافي في شنو يا اخوانا ... ؟ مافي مشكل صديق هذا مدام في بيع اغراض مال انت هي لكن؟ مافي مشكلة فرش ليك مرتبة في الواطة والغرفة الجديدة بتخلص يوم الخميس دولاب سحاب وسرير عجيب والله الدزاين شفتوا في الكتلوج بتاع ايكيا طيب وبي كم؟ اها طوالى جريت على القروش ... ياخي دا شغل عجيب وكمان ممكن نوديه السودان والقال ليك منو انا ماشي السودان انت يا راجل عاوز تموت في البلد الفقر دي ياخ لاكن الامور دي بتكون بالتشاور يعني اسا انا ادفع لي تبلدينا من وين؟ تبلدينا منو قول بسم الله ياراجل ... انت زرعتا لينا تبلدي قسط المدرسة؟ الخروف؟ الشيرنق بتاع الاستراحة لا وكمان النبشرك ما تنسا قسط الصندوق وحق نسجيل الارض مافي حل غير "الباركنج" قلت شنو "بي نهرة"؟ لا لا ماقلت حاجة قلت فورد الجديدة البتتكلم مع الزول ديك ------- سجم خشمي الراجل جنا
Quote: جبريلا مصور بارع... يستطيع بكلمات سهلة أن ينقلك بكل حواسك الى المكان و الزمان الذي يريد... من الشمالية الى بيتهم زمان و شواطئ المغرب الجميلة... و فوق كل ذلك طبيب بيطري متمرد على المهنة... و مصم بدأ هاويا ثم محترفا... أظنه وجد نفسه في التصميم... و أكيد أنه يبدع فيه... فشخص بكل تلك المقومات لا بد و أن يكون مصمم متميز... و يمكن أن يكون مصمم عالمي متميز... خاصة ان كان قد صقل تلك الموهبة بالدراسة في المجال... ابداع يا جبريلا....
رشا كيفنك ابوي ياخي الله يجبر بي خاطرك هي آهات الحنين يا حبيب نوستالجيا المكان والزمان حين تعود بك الذاكرة الى تلك الأزمنة لا تجد غير الكتابة لتبث شجونك
التصميم يا حبيب قريته بس من منازلهم كمية كتب احضرها لي شقيقي طلحة ونزلت ليك فيها التهاما الغريب في الامر انني درست مادة التصميم في كلية الاعلام هنا في الرباط لمدة عامين بالإضافة إلى أنني اكتب مواد ساخرة في الجريدة ولدي بطاقة صحافة معتمدة هنا والبيطرة راحت في حق الله
Quote: زول بيسمع كنوز محبة وداخل جوة بيت الغنم وقفص الجداد و الحمام ولونو اغبش وكرعينو مشققات
يا جبريلا زمنكم ( الجنى جداد ) كان بكم
اها شوف كمان ناس الصحافة بتاعين امبارح ديل ما تخليني افتك هنا
يا جلال والله الحكومة كيفتني في كنكوجي
Post: #3618 Title: Re: ناس الزقازيق ... أجدع ناس (4) .. Author: عثمان الخير Date: 10-31-2011, 10:18 AM Parent: #3617
السلام عليكم ياناس يا حلوين
يا ود جبريلا يا أخي حكيك حلو حلاة ما معقولة اصلآ !!!
وبعدين جداتك دي ما حصل نقدتك في عوارتك الفي كراعك ديك ..... يا أخي حاره بشكل
طبعآ دي ناس الصحافة ما بتكون مرت عليهم ( وش اسنانه بره )
Quote: مافي مشكل صديق هذا مدام في بيع اغراض مال انت هي لكن؟ مافي مشكلة فرش ليك مرتبة في الواطة والغرفة الجديدة بتخلص يوم الخميس دولاب سحاب وسرير عجيب والله الدزاين شفتوا في الكتلوج بتاع ايكيا
حسه في ذمتك ده كلام تجي تقولو هنا... ما جاء في بالك انو ستات بيوتنا ممكن يقروهوا و يقعدوا يزرزروا فينا... أها قول رضخنا للطلبات مجبرين لا أبطال... و علي البشتنة المادية العلينا اتبشتنا زيادة... و قول قبلنا بي نوم الواطه... انت ضميرك بكون مرتاح كده... يا غتيت...
سلام عليكم والعيد عليكم مبارك اليومين ديل حكايتكم تشفق فيها غيار عفش ياجلو حاتجيب لينا الكلام حايقولو لي ماهو طاعم زيك قوم غير البوهيه ذاتا والناس العايزه تكسر تلج تكسر بعيد بعيد الدنيا شتاء ونحن مابنقدر على الكسير (في عز الشتي)بطل ياجلا جبريلا يا 15 ميجا بكسل يديك العافيه الله اكبر الله اكبر لا اله الا الله الله اكبر ولله الحمد
Post: #3626 Title: Re: ناس الزقازيق ... أجدع ناس (4) .. Author: منصور عبد الرازق Date: 11-01-2011, 10:19 AM Parent: #3625
ايوا والله يا جلال الجماعة ديل البفهمهم منو انو سيدنا ابراهيم حلم فى المنام , انو بيذبح سيدنا اسماعيل قام ربنا قال ليهو , وفديناه بذبح عظيم لنو صدق الرؤيا هسى عليك الله ربنا جاب ليهو سيرة دولاب ولا طرا ليهو كراسى وكنب ؟؟؟!! نحن نضحى بى شتو ولا شنو المشكلة تلقى دولابك القديم مفرتق فى واطة الله دى يجيك الصعيدى يقول ليك , ده ما يسواش حاقة يا ابن النيل من الغيظ تقرب تقول ليهو خليهو فى بكانو ده , ما تشتغل بيهو الشغلة ترجع وتفكر شوية تلقى نفسك بتحنس فيهو حناسة عشان يشيلوا معاهو لا قرش لا تعريفة خوفا من انك تضطر تدفع حق عربية تانى عشان يجدعوا ليك دولابك وكنبك فى الكوشة ده ما عيد (الضحية يا جلال ) لكن الناس ما عارفين الضحية منو ؟؟!!!
* هو انحنا عايزنك لى شنو غير كسير الحطب ؟؟؟!!! مش انتا جاى من (الفاو ) ؟؟؟؟؟!!!!
Post: #3627 Title: Re: ناس الزقازيق ... أجدع ناس (4) .. Author: محمد عيد Date: 11-01-2011, 11:59 AM Parent: #3626
Post: #3628 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-01-2011, 09:54 PM Parent: #3627
بسم الله الرحمن الرحيم والحمد لله رب العاليمن ..والصلاة والسلام علي اشرف المرسلين سيدنا محمد وعلي اهله وصحبه اجمعين منارات الهدي للضالين ورافعين رايات الدين ...
الحمدلله حمدالشاكرين علي كل مصيبة ...والحمد الله حمد الراضين بقضائه... حمدا يرضيك عنا يا رب العالمين..
الشكر كل الشكر والتقدير الي الاحباب الاخوان ابناء الحوش الذين شاركونا في الفقد الجلل سوء الذين حضرواالي العزاء بامدرمان حي العمدة او بجدة او لذين اتصلوا معزين هاتفيا...او لذين عزوا عبر البوست... لكم الشكر والتقدير احبتي ...ولكم الشكر والتقدير من كل افراد الاسرة...
عثمان الجيلي
Post: #3629 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-02-2011, 08:46 AM Parent: #3628
صباح الخير ،،، يا وجوه الخير
Quote: مراحب بعودة جلا وكذا ود المهدى
وكذلك أنا أرحب بعودة الأخ/ ميسرة إلى البوست بعد غياب
Quote: وكذلك أنا أرحب بعودة الأخ/ ميسرة إلى البوست بعد غياب 72ساعة تقريباً من آخر مداخلة له - لظروف صحية.
ألف سلامة يا ريس و الحمد لله إن الظروف الصحية بتاعتك لم تتعدى ال72 ساعة عشان المرارة و الشية و الشربوت و كدا بالمناسبة إعتبرنا في العيد نحن خارج الخدمة برضوعشان المرارة و الشية و الشربوت و كدا أما إذا كان تواجدنا مش و لا بد فتحملونا بعلاتنا كما تتحملو السفهاء منا عيد سعيد لك و للأسرة الصغيرة و لكل ناس الزقازيق
Post: #3631 Title: Re: ناس الزقازيق ... أجدع ناس (4) .. Author: محمد عيد Date: 11-02-2011, 09:34 AM Parent: #3630
Post: #3632 Title: Re: ناس الزقازيق ... أجدع ناس (4) .. Author: محمد عيد Date: 11-02-2011, 09:37 AM Parent: #3631
Post: #3633 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-02-2011, 10:43 AM Parent: #3632
Quote: عيد سعيد لك و للأسرة الصغيرة و لكل ناس الزقازيق
عيدكم أحسن من عيدنا يا جلا ربنا يخلي ليك الوالد والوالدة وبلغهم تحياتنا وكل سنه والجميع بخير
وهذه الأيام الجميلة تذكرنا بحضورهم إلى الحج ومداعبة الوالد لحيوانات منى يونس
============================
في مثل هذا اليوم 2نوفمبر خضعت نوال البلول لعملية جراحية كبيرة بمدينة جدة ،،، وكانت في ضيافتنا خلال فترة النقاهة لها منا كل الود ولعائلة عثمان الجيلي الكريمة ،
عام كامل عدى كالريح ولم نشعر به وسوف تمر السنين ولا نشعر بها ، ويخط الشيط وعامل الزمن على أشكالنا ولكن لا نحس بها لأننا لا نشعر بالتغير التدريجي واليوم بابا وماما وغداً جدو وحبوبه ،،،،
ازيكم يا شينين... يا كافي البلا زول ساكت كده يسال مني و من الريس ميسرة مافي... و الله يا ريس أنا كان ما كنت غايب زيك كنت سألت منك (وش فاتن حمامة)... مشغول شوية يا ريس... لكن مشغولياتي لا هي تبديل عفش و لا حاجه... عفشنا قاعد زي ما ياهوو الحمد لله... لا في زول قال قديم و لا خلاص زهج منو ساكت... و ست البيت مشغووولة لدرجة انها ما قاعدة تقرأ الفتن دي... و هي زاتا ست بيتي رافعة شعار البيت أولا و البيت أخيرا... مجنناني جن...و مطبقة علينا سياسة تقشف صارمة... أسمعي منصور بيقترح نسافر مع بعض بلجيكا.. منصور عندو بيت انت عندك بيت... ان شاء الله في سقط لقط..عندك؟ نجي ماشين في السوق أقول ليها بالله شوفي القميص ده جميل كيف... قميص شنو كمان..انت عندك بيت عشان تشتري قميص... و الله شراباتي دي زي القدمت كده... شرابات شنو كمان العليك انت عندك بيت... لدرجة بقيت متعقد من أي زول عندو بيت... لو واحد صاحبي ساكت ضرب لي تلفون قال لي أسمع انتو قاعدين و لا مارقين... أسمع يا أخوي قبل ما أقول ليك مارقين و لا قاعدين..انت عندك بيت؟ أيوه ليه في شنو؟ لا أبدا مافي حاجه بس نحن طالعين و بنرجع الساعة واحدة صباحا... و لا أقول ليك بنرجع بكره زاتو...أنا ناقصك ياخي... يعني لو جات قالت لي نبدل العفش حأقول ليها عفش شنو كمان انتي عندك بيت... قصة البيت دي مورماني و الله يا جماعة.. عرفنا القدم ليها رافع... البيت ده ليهو شنو؟؟؟
Post: #3635 Title: Re: ناس الزقازيق ... أجدع ناس (4) .. Author: أحمد إسماعيل Date: 11-02-2011, 04:59 PM Parent: #3634
من المأثورات كما قال منصور ( شر البلية مايضحك ) ومن الحب ماقتل ومن الحب ماجنن يقال : تقابل الحب والجنون فترافقا ولكنهما إختلفا ففقع الجنون عينا الحب فإحتكما إلى القاضي فحكم القاضي على الجنون أن يقود الحب مدى الحياة فهل هذا الحكم منصف أم ظالم ــــــــــــــــــــــــــــــــــــــ ياأبو الرشد البيت مع التقشف عايز شدان حيل زيادة ، بت حوفي كلامها صاح حتى لو حصلت تأكل من سنامك وتعمل البيت يكون إنجاز وإعجاز
Post: #3636 Title: Re: ناس الزقازيق ... أجدع ناس (4) .. Author: أحمد إسماعيل Date: 11-03-2011, 06:12 AM Parent: #3635
صباح الخير وصباح النور وكل عام وأنتم بخير
إبتسموا 0000 فرزقكم مقسوم وقدركم محسوم وأحوال الدنيا لا تستحق الهموم لأنها بين يدي الحي القيوم
Post: #3637 Title: Re: ناس الزقازيق ... أجدع ناس (4) .. Author: أحمد إسماعيل Date: 11-03-2011, 01:59 PM Parent: #3636
من أفضل أعمال الخير في العشرة الأ وائل من شهر ذوالحجة الصوم ، لكن صوم حتى عن الكتابة والمداخلات دي ما سمعنا بيها الصبح البوست في الصفحة الثانية وفي العصر أيضا رجع الصفحة الثانية
اطرا ياعصفور حبايبك وأنت فوق حلتنا راحل جابك الصيف من ديارك شايلك الشوق للسـواحل فرح ايامنا الحزينة 00 وللسـلامـة غني واصـــل كان نسيـت موسـمنا ديا في المواسم الجاية واصـل
Post: #3638 Title: Re: ناس الزقازيق ... أجدع ناس (4) .. Author: أحمد إسماعيل Date: 11-03-2011, 02:17 PM Parent: #3637
كل ما أحاول أعمل مداخلة أوسأل إسمك والرقم السري لذلك تذكرت الحكمة القائلة رافق كل من أراد الخروج من حياتك إلى الباب وودعه بإبتسامة وتأكد من أنك أغلقت الباب جيدا قلت ياربي البوست تعرف على بعض النوايا وطبق عليهم الحكمة وبدأ يتأكد من الذي يريد الدخول
Post: #3639 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-03-2011, 08:51 PM Parent: #3638
الاعزاء الغالين ناس البوست الحلوين..
اولاً كل عام وانتم بخير ...
حج مبرور للاخوان الحجاج...( بالمناسبة لكل الحجاج من ناس الحوش ال ما بعـــدي علي جدة وباب شريف بكون حجوا ناقص وبتالي عليه ان يذبح خروف في المطار القديم...ولو ما صدقين اسالوا شيخنا ميسرة او الشيخ حسن ابو علي )
العزيز ...ميسرة كل عام وانت بالف خير ...فعلا عدي عام علي عملية المدام ...وكما قال الشاعر...
يمضي العام بعد العام ... وتسقط بيننا الايام..
هكذا تتسرب الايام من عمرنا كما يتسرب الماء بين الاصابع...
احمد اسماعيل ان شاء الله سوف اطوي ليك هذه الصفحة قبل نهاية العام ...لاني مشتاق متي اطوي هذا العام.. لان هذا العام كانت ايامه صعبةجداعلي...ولعلك تشهد في الايام القليلة الماضية فقدت الوالد رحمة الله عليه.. وشهدت ماشهدت في هذا العام والحمد لله...وان شاء الله سوف اسبق الجميع لطي هذا الصفحة...وكل عام وانت بخير ..
كل عام و أنتم بخير... و كل الأمنيات الطيبات لكم جميعا... متعكم الله بالصحة و العافية... و أعاد عليكم العيد بالخير و اليمن و البركات...
Post: #3643 Title: Re: ناس الزقازيق ... أجدع ناس (4) .. Author: جلال عثمان Date: 11-05-2011, 06:19 AM Parent: #3642
الاخوة الاعزاء كل عام وانتم بالف خير وصحة وعافية واسركم وعوائلكم وبنات شيوخكم وفلذات اكبادكم ونسأل الله العلى القدير ان يحقق احلامكم ويهبكم الصحة والعافية وكل سنة وانتم طيبين
Post: #3644 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-05-2011, 07:35 AM Parent: #3643
Post: #3645 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-05-2011, 08:41 AM Parent: #3644
صباح الخير ،،، يا وجوه الخير صباح جديد والدنيا عيد
اليوم من أغظم ايام الله تعالي يوم عرفه الحج عرفه،،، لبيك اللهم لبيك لبيك لا شريك لك لبيك إن الحمد والنعمت لك والملك لاشريك لك .
حجاج بيت الله الحرام يصعدون إلى صعيد عرفات ، صورة حيه عن حج هذا العام 1432هـ
كل عام وانتم بألف خير ,.... عيد سعيد ربنا يحقق كل الأماني ويديكم الصحة والعافية بالتوفيق في الأعمال وراحة البال ... بالسعادة الزوجية والأسرية والهناء ...
Post: #3647 Title: Re: ناس الزقازيق ... أجدع ناس (4) .. Author: عمر المهدى Date: 11-05-2011, 11:04 AM Parent: #3646
كل عام و أنتم بخير و كل الأمنيات لكم جميعا متعكم الله بالصحة و العافية من العايدين الفايزين وتقبل الله طاعاتكم
عيدكم مبارك و صباحكم خير و أحياكم الله و أبقاكم جميعا و حفظكم و ذريتكم من كل سوء و كرب....
لقيت نفسي قريب قلت أختف رجلي أجي أتفقدكم... لقيتكم معيدين في حلة ورا... الجابني صباح العيد قلت أعيد على منى أختي صوت و صورة... فهي حبيسة المستشفى في تايلاند حيث تستشفي هناك...عافاها الله و شفاها... دخلت على السكايب بعد ظبطت العمه و قمت بالاتصال عليهم هى و أختي ستنا... ما أن رأوني حتى أجهشوا بالبكاء.... قلت أكيد بسبب حبسة المستشفى و البعاد من الأهل في العيد... و أول مرة يعيدوا بعيد عن السودان و عن البيت... تأثرت كثيرا لذلك و حاولت جاهدا اخفاء دموعي... و لكنهم قالوا لي بالعمة دي بس أبوي الخالق الناطق... و عشان كده أجهشوا بالكاء و أنا كنت قايلهم مشتاقين لي أنا... قلت هي حاجة من تلاتة حاجات... يا أكون أنا بقيت خطير في لف العمة... يا أبوي كانت عمته مبشتنه... و لا كمان و دي كتر حاجة خايف منها... اني أكون عجزت و بقيت أشبه أبوي... قلت من شابه أباه فما ظلم عشان أطمن نفسي... مش أحسن من أكون بقيت أشبه محمد عيد (وش معيد).... كل عام و انت بخير يا أبا مصطفى و شكرا على تلفونك الجميل.... و الشكر موصول للصديق أبو الزوز على التلفون...
يا رشدي ياخي ربنا يدي مني العافيةوالصحة وتعود سالمة لبيتها .... ببركة هذا اليوم المبارك .. بس حكاية العمة دي الانا مستغرب ليها لمن ابوك كان في سنك انت كنت في الجامعة يعني فعلا بقيتوا كبار يا ناس بطلوا التشبب والتصغير ده انت قايلين روحكم قدرنا ولا شنو .. اها الواحد لمن يبقي قدرك والكوتش محمد صديق ... غايتو غير عمم وجلاليب ما بلبس واليوم كله في الجامع .... تحياتي للعزيزة حوفي ... والاصدقاء امنية ومهند .. والجميع بالف خير
Post: #3650 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-06-2011, 11:39 AM Parent: #3649
صباح العيد وكل عيد وانتم طيبيين
اكلتوا اللحمة وشربتوا الشربوت
وزرتوا الجيران والحبان وناس المغرب كمان
عيدية خالصه لأختنا منى اخت الرشيد ،
ربنا يكتب ليها السلامة والصحة المستدامة
،،،،،،،،،،،،،،،،،،،،،،،،،،،،،،،،،
اليوم يرمي حجاج بيت الله الحرام الجمرة الكبرى
الشيطان الأكبر وليرمي كل من شيطانه الأكبر
Post: #3651 Title: Re: ناس الزقازيق ... أجدع ناس (4) .. Author: محمد عيد Date: 11-06-2011, 03:41 PM Parent: #3650
التهانى الجميلة والامانى بحياة سعيدة .. لكم جميعا يا اجمل ناس
ونسأل الله ان يحقق امانى الجميع ...
ونرفع الأكف بالدعاء لاختنا العزيزه منى بابكر ان يشملها الله بواسع كرمه ويمن عليها بالشفاء العاجل
أشكر الأخوان ميسرة و محمد عيد و الابن زهير على دعواتهم الصادقة لأختي منى... كنت عايز أضرب لي منى تلفون أقول ليها بختك دعوات من اتنين قريبين من الحرم... و واحد تفصله مسافة مقدرة عنه...و كان من المؤلفة قلوبهم... و دي ذكرتني قصة الحاجه السألوها قالو ليها انتي يا حاجة عندك أولاد... قالت ليهم بالحيل...اتنين مغتربين و واحد في ليبيا... و المغترب عند الحاجات زمان لا الشغال في الامارات و لا الكويت و لا حتى قطر... المغترب عندهم الشغال في السعودية... لأن الشغال في السعودية ده البودي العمره و الحج... لكن بتاعين الامارات و قطر و الكويت ديل شن طعمهم...
جاييكم راجع للحمة و الشطوط....اششششششششحححححححححح....
كل سنه وانتو طيبين يا حلوين.. ان شاءالله دايما تامين ولامين..
Post: #3654 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-07-2011, 07:14 AM Parent: #3653
عاطر التحايا والامنيات الطيبة للاخت منى بابكر بالصحة و العافية والسنة الجاية معيدة مع عمى بابكر وضابحة وشاوية جوة بيتك مع اولادك و اخوانك وخالتى علوية مظبطة الكمونية
Post: #3655 Title: Re: ناس الزقازيق ... أجدع ناس (4) .. Author: منصور عبد الرازق Date: 11-07-2011, 08:26 AM Parent: #3654
المسار رقم اربعة , هكذا قال لى العامل (الذى لم اتاكد من جنسيته ) وهو يستلم خروفى السواكنى المدوعل , ما عرفت نفسى فى مطار ولا مسلخ ولا حلقة سباق سيارات , قمت من نومى مبكرا يوم العيد الثانى , اصريت على ان يصطحبنى احمد ومجتبى وحجازى ومدرار , ومع ان المسافة مابين حظيرة الخرفان التى اشتريت منها خروفى الحبيب , والمسلخ ابو مسارات ده , ما بتزيد عن ميتين تلتمبة متر , الا انى اصريت على نركب الخروف فى (البرادو ) , وتمنيت ان يبعر خروفى او (ي###### كما قال حجازى ) حتى امارس ابوتى فى احمد واقول ليهو نضف البعر يا ولد , هو كمان لو الواحد فقد لذة العيد ولمته , كمان ما يمارس ابوته ولا شنو , ممارسة الأبوة وكون انك تعمل كبير جزء اساسى من طقوس العيد عند الكبار , ولأنى ما ضامن الكرشة والمصارين من الأساس يدونى ليها ولا يغنو لى بدلها (حجبوهو من عينى ) , فانا كنت مركز على البعر , لأنو احمد ده كان قلت ليهو نضف الكرشة احتمال انو يقوم ساكينى واااارد , باااااع جميلة مارسها خروفى العزيز وهو يحتل الجزء الخلفى من البرادو بشكل كامل , لا بل وان خلفية البرادو اتسعت على السيد خروف كلما تضيق على مدرار وحجازى ومجتبى المكومين على حواف كرسى النص وهم يكادون يجلسون معى فى كرسى السواق , ايوا والله ,سايبين البرادو كوللللها وقاعدين معاى فى كرسى السواق , مشيت بيهم انا بالدرب التحت , البعيد , مستمتعا بخروفى وبصوته الجهور , ومستمتعا اكثر بتعليقات صغارى الذين ما رأوا خروفا الا فى افلام الكرتون اغلب الظن , لما وصلنا المسلخ تخلييت انا عن مقعد القيادة لأحمد لأن مهمة البحث عن باركنج تبدو له غاية فى السهولة بالمقارنة مع مهمة متابعة خروف يساق الى الذبح , هسى الخروف ده كان ###### يا بابا ما حا ي###### لينا العربية , عربيتك هى يا ابن ال###### ؟؟ مالك والا ؟؟ نزل الخروف وقد ###### بالفعل , يا لك من خروف (جدع ) وود قبايل كمان , يا احمد بركنج العربية ونضفها وتعال لينا فى مسار رقم اربعة , تعال يا ولد , معاك قروش , فتش جيوبه احمد وقال لا , هو المطلوب اذن , تنضف العربية براك بعد ان خطر ببالى انو ممكن يستعين على قضاء حوائجه بالقروش وخاصة ان البنغالة مالين البلد , ذهبنا نتتبع خروفنا , المسار رقم اربعة لونه برتقالى , عليكم الله ده لون مسار يضبحو فيهو خروف مدوعل زى ده ؟؟!!
Post: #3656 Title: Re: ناس الزقازيق ... أجدع ناس (4) .. Author: منصور عبد الرازق Date: 11-07-2011, 08:28 AM Parent: #3655
تابعت المسار رقم اربعة , بلونه البرتقالى , وكل راسمالى رقم برتقالى من اربعة ارقام , يبدو ان المسارات ملونة بالوان عديدة و منها الأخضر والأحمر والبرتقالى والأزرق والأبيض كمان , لو كان الخيار عندى لأخترت الأزرق , عاد هى جنس زحمة وجنس هردبيسة , موية طايرة وموية نازلة , كرتونة طالعة وكرتون ماشة وكرتون جاية , مسارات ما تديك الدرب , وخلق مبحلقة تحاول قراءة ارقام غاية فى الصغر معلقة غلى آذان الخرفان , التى منها المدوعل الزى حقى ومنها الضعفان الكملان من لحم الدنيا , عاد كملان من لحم الدنيا دى الليلة بالذات ما حبابها , ايوة نعم جارين نحاول نكمل لمنا ده بالريجيمات الما نافعة دى , لكن الليلة الكملان من لحم الدنيا لا بينفع معانا لا بينفع معانا , صغارى الذين اختاروا النزول معى خوفا من مساعدة احمد فى تلقيط البعر , كانوا يتقافزون حولى كمن يمشى على زجاج , مركزين على الواطة ال######انة المليانة دموم , وعلى الجو المليان زفر , اكتر من تركيزهم على متابعتى , ما خايفين يضيعوا فى الزحمة زى خوفهم من انو ما يت######وا اولاد ال###### ديل , لو كان بيدى , كان طرطشت ليهم الدم السايح ده عشان اما تانى ما يقولوا دايرين خروف او كمان لو عاوزينو يمشو يجيبوهو براهم , انضميت انا لجوقة المبحلقين , ولكن البحلقة ما براها والبحلقة خشم بيوت كمان , المفروض توصى على خروفك وتشوف ليك بنغالى يتابعوا ليك ويجمع ليك من الكرش والمصارين ما لذ وطاب , حقك وحق غيرك كمان لو داير , ولكن البطرى السودانى واقف ليهم بالمرصاد , بيطرى سودانى , طيب ما منغا ياخ , يا زول ما بتعرف طارق جبريل , طارق جبريل شنو ياخ الزول ده صغير , ما بتعرف ابو ذر ياخ ولا كمان حاتم جبارة , قرب يقول لى حاتم جبارة بتاع فنيلتك , طيب اها طمنا على الفشفاش ياخ , لمن دخل سكينتو فى الكبدة والكلاوى , انا لما قلت آآآآخ بصوت عالى , الفشفاش ما قلنا حاجة , لو حصلت الكبدة والكلاوى معناتا الا اشترى لى خروف تانى ولا كمان ام العيال ممكن عاااادى تشكك فى خروفى المدوعل ده وتعتبرنى زول تيوس سااااى , يمين بالله شفتوا اقرن املح بتاعت الرسول صلى الله عليه وسلم ديك , يمين ده خروفى زاااااتو , لكن شن فائدة القرون واللون البيج بدون كبدة وبدون كلاوى , دكتورنا زينة وحالف ما يدلينا , كبدتنا زينة وحالفين ما بنرميها , لمن الزول افرج عن كبدتى وكلوتى ما قربت ازغرد , مش رقمك الف وستمية وخمسة , ايوا ياخ ولونى برتقالى كمان , يادوووووبك قلبى رقد , وصادف ان كان جزارى المتابع , من ابناء اليمن السعيد , الله يكفيكم شر عبد الله صالح ياخ , خفت للحظة الا يكون من انصار الربيع العربى , ما هذا التهور يا منصور , اتراهن على كبدتك وكلاويك وخرفك مرة اخرى , اما يكفيك انك خرجت من امتحان رفيق طارق جبريل منتصرا ؟؟!!قررت ان احفظ لسانى فى خشمى وان الجا لأستخدام لغة (الكنجالات) , فانها كما قالوا تقلل النقاش , وهى القادرة على جعل الكمونية ممكنة والمصارين نضييييييفة , يمين بالله معركة اخير منها الأنسحاب , هم هسى ما لقوا العيد ده يكون الا يوم عشرة ذو الحجة , اشمعنا عيد الفطر يعنى يوم واحد شوال , بعدين الضحية دى المفروض تكون قبل عيد رمضان , دى برمجة منحازة ودار افتاء ضعييييفة وما شايفا شغلها , ولما زولك ابو يمن ادانى خروفى المدوعل فى مجرد كرتونة , كرتونة خفيفة كمان لى درجة انو احمد شالا برااااهو ووداها العربية التى وجدتها خالية من اى بعر , قربت اشاكل احمد تانى واقول ليهو , القال ليك نضفها منو , يعنى الواحد بمشى المسلخ معاهو خروف يملأ الدنيا صياحا بصوت بااااااع الجهور , يجى راجع بى كرتونة حتى البعر ما يلقاهو ؟؟!!!!
خروف سواكني مدوعل... و عربية برادو مبعور فيها... يعني الخروف بعر فيها... و مسارك برتقالي... طيب تلفونك السوني اريكسون ما بترد عليهو مالك... ضربت ليك زي ألف و خمسمائة مرة قدر رقم خروفك المدوعل ده... أنا زاتي مشيت المسلخ اليوم و معاي أمنية و مهند... أمنية بعد ما شافت الخروف المسكين يذبح أمامها قررت أن تصبح نباتية... و أن لا تأكل لحم بعد الآن... الا البيرقر...عشان البيرقر لذيذ...و كمان الهوت دوغ لحما كان أم دجاجا... و لم تكف عن تذكيري بأن أتصل بعمو منصور عشان يجي يتغدى معانا... حتى ظننت أنها ستورثني أياه... أرفع تلفونك يا عجوز...التلفون ده بيجيبوهو عشان يردو عليهو...
أنحنا يا الرشيد عزومتنا لازم تكون غداء عشاء ما عايزين
الغداء فيهو شية ومرارة نية ، وكمان شربوت والذي منه
عدل العزومة وأنحنا معاك.
والله يا منصور مع خروفك المدولب المدبلغ ده لو معا عملتوا ليكم
شربوت في نفس المستوى بيكون خروفكم ده طلع فشنك ساكت
السنة دي فاتكم شربوت منى يونس
Post: #3659 Title: Re: ناس الزقازيق ... أجدع ناس (4) .. Author: عمر المهدى Date: 11-08-2011, 11:28 AM Parent: #3658
من برامج العيد الدسمه ادركت نهايه لقاء حسين خوجلي مع عبد القادر الكتيابي وعلقت معي آخر قصايده آخر زمن وحبيت اهديها لمن يستمع اليها دامت ايامكم اعياد
آخر زمن ..!!
عبدالقادر الكتيابي ــــــــــــــــــ
...آخر زمن ..!! يا دنيا آآآآآهـ .. آخر زمن .. مين كان بصدق لو زمان ـ حكو ليهو بالمحن البقن ؟؟!! كل الخلوق اتغيرت .. كل الحقايق .. كل شي .. ما باقي غير داك السما و هادي الأرض ـ مَدَّ المدى الـ ما اتغيرن .. كبرت مدن ـ وكأنما كانت بيوت ـ مخفية في بطن الأرِضْ نشرت نشور .. بين يوم وليلة و سيل نفوس ماجت تجوس جواها في صورة بشر .. وهي ما بشرْ !!! آخر زمن .. يا دنيا آآآه ؟؟ آخر زمن ... مين كان بصدق لو زمان شاف شَمْسْ تطلع شان تغيب بس !! وانتهى اليوم والسلام .. وين الضحى ؟ وين العصير ؟ وين المغيرب و قُبَّة الليل والْحُجا .. ؟ كيف دنيا كاملة بتختفي وتجي دنيا غير ؟ وين الحلم ..؟ طلعت شَمِسْ .. غابت شمَسْ..راح العمير .. زيَّ الهوا الشايلو الهوا ..! زي حَلْمة كانت في منام !! كيف اختلف طَعَمَ الطَعَمْ ؟ كيف اختلف حتى الكلام ؟ !! بقى من زَبَد .. مهما كِتِرْ .. ما فيهو خير !! ما فيهو حبَّة من الصِدِقْ .. مع اِنو ما بين القَلِبْ واَصْل اللسان يا دوووب ـ أقلَّ من الشِبِر أو قول شبير !! لكن بتوحل فيهو خيل .. رايات ملوك .. أقدار رجال .. حتى اللِّحى .. حتى الكُبار .... وكأنه ما في رقاد شبر .. و كأنه ما في سؤال نكير ..!! حتى الجمال ! الكان محال .. غرَّز معاهم في الوحل .. راح الغنا وراح الشعر .. آخر زمن يا دنيا يا آخر زمن .. مِحَنَكْ تهد حيل الخيال .. و مروة الروح والبدن زي الكأنو بدون وعود وبدون رعود .. وبدون برِقْ ـ صبَّتْ علي كل الأرِضْ مطرة فِتَنْ .. دخلت على كل البلود ..كل البيوت .. و الدم رخص .. يا دنيا يااا.. آخر زمن .. يا دنيا هل دنية زمان ..كانت وهم ..؟؟ أم حلمة كانت في منام .. ؟؟!! آخر زمن .. يا الله بس حسن الختام .. !!
بينما الجميع يستمتعون برابع ايام العيد انا في ثاني ايام العيد.... شكرا يا ريس ليك وللأخت منى على الإتصال... استسلامي المبكر لنوم بعد يوم مرهق حال بيني و بينكم.... ان تعمل في ثالث ايام عيد الأضحى فهذا لا شك مفسد لطعم العيد... و ان تجد نفسك تكتب باستخدام كيبورد المنبر فلا شك انه امر جديد لي... فلقد وجدت نفسي في مكتبي الجديد امام كمبيوتر غير معرب...
ديل كم سطر... كفايه كده....
Post: #3666 Title: Re: ناس الزقازيق ... أجدع ناس (4) .. Author: محمد صديق Date: 11-09-2011, 10:07 AM Parent: #3665
سلامات يا ناس
وكل عام وانتم بخير
ربنا يتمم الشفاء لشقيقة الرشيد...
والف حمدا لله على السلامة يا ريس...
ويا زهير انا شايفك...اعمل حسابك.
Post: #3667 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-09-2011, 10:29 AM Parent: #3666
صباح الخير ،،، يا وجوه الخير
اليوم رابع أيام العيد وسوف يغادر آخر
الحجاج مشعر منى وتعتبر اليوم هي النفرة الأخيرة
أخبار حجاج ناس الزقازيق
الحاج ياسر نجيلة اكمل حجته وسوف يغادر اليوم عائد الى اولاده
الحاج عصام دهب قام بأداء الشعيرة هذا العام وكل عام ربنا يقويك
الحاج ابراهيم سليمان - قون تجارة - يؤدي مناسك الحج هذا العام ورقم هاتفه0545769061
عائلة الريس معتصم بالحج وكذلك نسابة الاخ كمال الشادي ربنا يرجعهم بالسلامة
Post: #3668 Title: Re: ناس الزقازيق ... أجدع ناس (4) .. Author: محمد صديق Date: 11-09-2011, 10:41 AM Parent: #3667
سلامات يا ناس
Quote: الحاج ابراهيم سليمان - قون تجارة - يؤدي مناسك الحج هذا العام ورقم هاتفه0545769061
تحياتى يا ريس وعيدك سعيد
لنا مع ابراهيم ذكريات جميلة ...وهو متخرج وجاى من تونس...احتضنا انا وشاويش ومصطفى وامتدت
العلاقة وما زالت ....هاتفنى قبل ايام من مكة .
Post: #3669 Title: Re: ناس الزقازيق ... أجدع ناس (4) .. Author: محمد صديق Date: 11-09-2011, 10:55 AM Parent: #3668
سلامات يا ناس
Quote: ان تعمل في ثالث ايام عيد الأضحى فهذا لا شك مفسد لطعم العيد...
بالنسبة لى : ده كلام جديد ...ومُفرح.مبروك شغلك تالتة العيد.
يا ود المهدي فاتتني الحلقة بتاعت الكتيابي لأني كنت شغال... و فاتتني سهرة الدلوكة عشان كنت نايم... و سهرة ترباس عشان كنت بذاكر مع أمنية... في رأيك كده أكون طلعت بي شنو من العيد ده... ما تقول لي اللحمة و الشطة و الشربوت (وش بكاوي في جبريلا)....
لكل الحجاج نقول ليهم حجا مبرورا و سعيا مشكورا... ياسر نجيلة كان ما الحج بتاعو سريع ما كان قصر في تجارة لن تبورا... لأنه بطبعه تاجر ضل طريقه الى الوظيفة... ان شاء الله ما تكون نسيتنا من صالح الدعاء يا حاج ياسر... عليك الله شوف الزمن ده اتغير كيف... حاج ياسر و حاج حاتم و حاج عصام... ديل حجاج و لا روضة براعم الأمل...
صوت هاديء و دافيء و حنين بعد أن رديت على رقم سعودي... و كان ديدو اللذيذ... ديدو ده قاعد يخجلني و الله... طوالي يسأل مني و عن أحوالي... شكرا يا ديدو على تلفونك الجميل...
و كذلك رد علي منصور بعد أن كل متني... قال ما سمع التلفون... أنا استغربت... أنا عارف انو خروف مدوعل + شطة + شربوت = طه القرشي.... لكن تقل الأضان ده جديد علي... حكم...
مافي زول فقد جلال يا جماعه... تغيير عفش من أيكيا... و خروف سته سلندر V 6... مع فتحة سقف و مشغل DVD... لو كان أدوهو الكمونية كان يكون فل أوبشن....
Quote: بالنسبة لى : ده كلام جديد ...ومُفرح.مبروك شغلك تالتة العيد.
تتبارك ما تتشارك يا حبيب... أنا في الحقيقة بديت قبل ثلاثة أيام من العيد... و جانا العيد بخيت و سعيد... و رجعت الشغل تالت يوم... أولادي قالوا لي ليه يا بابا تشتغل تالت يوم في العيد... قلت ليهم أنا لو قالوا لي أشتغل يوم العيد زاتو ما عندي مانع...
امس يوم طويل خلاس بعد رمي الجمرات ... جري لطواف الوداع ومنها الساعة اثنين صباحا لمطار جدة الاقلاع 4 صباحا اديت الجواز والتذكرة للكاونتر ضرب الكمبيوتر وببساطة قال لي ياحاج سفريتك دي .. اتأخرت للساعة7 صباحا ياخوي الاخرا منو ما نحنا نتيجة للضغط جدولنا السفريات انت ارجع السكن تاني وتعال الساعة 7 البرجع منو ,,, وبعدين منو القال ليكم اخرونها بدون اعلامنا وموافقتنا ياحاج ... انت من حقك ترجع سكن الحجاج لحدي اخر ذي الحجة انا بضحكة ######رية ...من حقي اقعدفي ضيافة الخطوط السعودية لحدي ماتسفروني مع الاحتفاظ بكامل حقوقي ... المهدورة ياحاج ... ده كلام شنو والله انا عندي تذكرة م}كدة ... وعاوز الساعة عشرة اكون في بيتي في دبي والا حتضيع على حاجات كتيرة والجغلبه حصلت ... اختصر ليكم ودخلوني اول حاجة مكتب المدير المناوب ومنها صالة الفي أي في والله باكل واشرب من جدة وانا هسع في الرياض ... نفس صالة كبار الشخصيات FULL BORD اكلت يمكن خمسين وجبة اما الشاي والقهوة والعصائر ... زي بعر خروف منصور الفي البرادو وقريت كل الافاتني في البوست ... واخواني الحجاج المساكين قاعدين في بلاط جدة
عموما جايكم ... شايف نادو السفرية
================================= يالرشيد لو ما دعواتي كارااااربة البشغلك 3 يوم في العيد
Quote: يالرشيد لو ما دعواتي كارااااربة البشغلك 3 يوم في العيد
يا حاج ما عندنا أدنى شك... بركة الوصلت الى أولادك بالسلامة... بعد ما تورت نفس ناس الخطوط السعودية.. و كملت البعر حقهم...سوري... قصدي الساندوتشات حقتهم... حسه ده لو كان حاج فضل السيد كان رجع السكن بدون نقاش... و لما رجع قالوا ليهو الطيارة فاتتك و دفعهوهو حق تذكرة تاني و قالوا ليهو تعال بكره... ما قلت ليكم الزمن اتغير... الحاج ده غير انو اسمه ياسر... لكن نجيض ما شاء الله عليهو... عشان تآمنوا انه ضل طريقه للوظيفة...
صبحكم الله بالخير نصبحكم اليوم مع يحى فضل الله.... يارفيق الهجعة والليالي النجعة في شرود النجمة والقمر الصديقك مين صديقك
إلتقطني ياصديقي .. في الدروب الما بتجيبك دفيِّ حضنك بالأغاني .. كلما يضهب طريقك وأمسك الجمرة البتوقد بين رمادك وبين حريقك رافق الدمعة البتعرف شاسع الحزن البيعيقك لو فضل في العمر خطوة وسع الأحلام وأهرب منو ضيقك لبراح في الشوق بيتاوق من شبابيك غربة حبيبك
ياخي سيبك من متاهات في الخواطر .. المشاوير التشاتر ياخي سيبك .
يا جماعه موسى عيسى ده مالو... تلفون مقطوع و التاني محول على صندوق الرسائل.. مافي زول يجيب لينا أخباره... غايتو يا موسى شيتن دساك قدر ده... ما شيتن ساهل...
Post: #3679 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-12-2011, 05:54 AM Parent: #3678
موسى عيسى معيد فى السودان يا رشا
ويا نجيلة عجبنى ليك ... اقول ليك تعال المطار من بدرى على الاقل نقعد نتونس سواء او تجى البيت نحضر سهرة الدلوكة الفاتت الرشيد وبعد داك اوديك المطار .. قلت لى احسن اجى من ناس البعثة اها لو سمعت كلامى ما كنا اخرناك قدر دااا ... حمد الله على سلامة الوصول
Post: #3680 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 11-12-2011, 06:21 AM Parent: #3679
كل عام وانتم بخير
Post: #3681 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 11-12-2011, 06:23 AM Parent: #3680
حبيبنا ياسر نجيلة
نسأل الله العلي القدير أن يتقبل منكم
حج مبرور إن شاء الله
Post: #3683 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-12-2011, 06:43 AM Parent: #3681
صباح الخير ،،، يا وجوه الخير
تحية لكل الحجاج وحمد لله على سلامة الوصول
وتقبل الله منكم حجكم ،،،
دعاء للحجاج :
اللهم اسالك الجنة واستجير بك من النار
Post: #3682 Title: Re: ناس الزقازيق ... أجدع ناس (4) .. Author: أحمد إسماعيل Date: 11-12-2011, 06:29 AM Parent: #3678
سلام لاهلنا الزقازيقاب الطيبين وكل عام وأنتم بخير مبروك الحج لحجاجناالأخ ياسر نجيلة وعصام دهب وإبراهيم سليمان قون تجارة وإن شاء الله حجا مبرورا وسعيا مشكورا الأخ الرشيد ألف مبروك العمل وألله يطرح البركة فيه ونسأل الله الشافي الكافي أن يداوي أختك ويشفيها ويعينها ويبعد عنها كل مايؤذيها ونعوذ بعزة الله وقدرته من شر ما نجد ونحاذر الأخ موسى عيسى الظاهر ما صدق الغلاء في السودان وإندسة في بيته وعمل نايم
أخونا عثمان الجيلي نسأل الله أن يلزمكم الصبر ويعينكم على فقد والدكم ونسأل الله له واسع الرحمة وعظيم المغفرة .
Post: #3684 Title: Re: ناس الزقازيق ... أجدع ناس (4) .. Author: منصور عبد الرازق Date: 11-12-2011, 10:19 AM Parent: #3682
اصلو ما واقعة لى قعدة ترانزيت مطار الرياض بتاعتك دى ياحاج انت فاكر البلد دى سايبة ولا سايبة يعنى جدة وابيتها , كمان جابت ليها تسكع فى مطاراتنا كمان عموما انت قابل السندوتشات الأدوك ليها دى , عاملينها ناس الخطوط السعودية ؟؟؟ فى ضمتك دى , ما شميتلك فيها ريحة بعر ؟؟؟ وتيب !!! على العموم حجتك مبروكة , وان كان يلزمك تستفتيلك فيها شيخا كبير عن اكل السندوتشات فى مطار مدينة ما , دون المرور على اهلها ومدى جواز ذلك عصام دهب وابراهيم سليمان كمان حجتكم مبروكة والعيد مبارك ليكم كولللللكم
* العيد فى رفاعة لو فيهو برضو بتيخة حلا وحمار , وانبوبة غاز اسهل منو حجة عصام دهب الكل سنة دى
Post: #3685 Title: Re: ناس الزقازيق ... أجدع ناس (4) .. Author: عادل عبدالرحمن إبراهيم Date: 11-12-2011, 11:39 AM Parent: #3684
سلام وتحية لأجدع ناس والتهنئة الحارة بالعيد السعيد وأن شاء الله السنة الجاية نلقاكم حاجين وتامين وكل عام وأنتم بخير
Post: #3686 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-13-2011, 06:35 AM Parent: #3685
صباح الخير ،،، يا وجوه الخير
دعاء الصباح :
اللهم الهمني رشدي وأعذني من شر نفسي
آمين
Post: #3687 Title: Re: ناس الزقازيق ... أجدع ناس (4) .. Author: أحمد إسماعيل Date: 11-13-2011, 07:13 AM Parent: #3686
اللهم نسألك خير هذا اليوم فتحه ونصره ونوره وبركته وهداهـ ونعوذ بك من شره وشر مابعده اللهم بك أصبحنا وبك نحيا وبك نموت وإليك النشور اللهم نعوذ بك من شر أنفسنا ومن شر الشيطان وشركه اللهم نسألك العفو والعافية في ديني ودنياي وأهلي ومالي
الشكر موصول للجميع بدون فرز ... للمتابعة والسؤال عنا ... ايام الحج وبعد الرجوع من الحج ... والمباركة عبر الهاتف أو البوست كلكم ان شاء الله من حجاج السنة الجاية ...
مداخلة سريعة من البيت بالشارقة ... بعد نوم 3 أيام متواصلة ...
============================ شكر خاص لولدنا عثمان الجيلي ... لسؤالة عنا بالهاتف ومتابعة سفرنا برغم ظروف وفاة والدة ...
النضيف دايما نضيف ... وناس جدة غير عشان كدة حنخصص ليكم زيارة مباشرة ... الريس ميسرة وحرمة المصون ان شاء الله ماعدمناكم ...
Post: #3689 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-13-2011, 11:09 AM Parent: #3687
ما تـقـســى كلمات: شاعر الزقازيق حسين شنقراى
علًى ياغالى ما تــقســـى و لا بــتطول الزمن تنسى ولو فييا الحزن أمـســـى تكون الزكرى هى المرسى و ألاقي الفرحة فى همــسه --------------- متيـــن تغمـرنى أنفاســـك وأكون يا سيدى من ناسك عزيز و العزة تاج رأسك يشع برق السنون ماسك والقمر يا روحى مقياسك ومحال تلفــاهو بــى لمــسه و علىً يا غالى ما تــقسـى -------------- يا زينة شباب الحــىً يا حبة سواد عـييـنى تعال بالله شوف البىً تعال إنت وتعال لـىً و بــس تـعال هــــسه أسالم أنامـلك الخمســه وأدوب يا إنت فى اللمسه وحرام الريده تـنـدســـه وعلىً يا غالى ما تقسـى ولا بطول الزمن تنسى
طارق جبريل اعلن عن وصولو مبكرا...ونعمل على حشد وفد كبير
بس منتظرين جلا يجى من كسلا ...وزهير من (السوق).
Post: #3692 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-13-2011, 08:15 PM Parent: #3691
الاعزاء الغالين ...ناس الحوش الطيبين
كل عام وانتم بالف خير وربنا يحقق الاماني الطيبة... وتقبل الله من الحجاج...
الاخ ياسر نجيلة الف حمدلله سلامة الوصول وتقبل الله....
الاخ موسي عيسي ...الف حمد لله علي السلامة...وان شاء الله تقضي اوقات طيبة بين الاهل والاحباب...
في هذا المساء تلقيت محادثة من الكسلاوي الرائع...الاخ ابراهيم سليمان وهو الآن بالمدينة المنورة ( حاج ) وبسلم علي كل افراد الحوش وبعتذر لعدم تمكنه دخول جدة لانه مرتبط بالفوج سوف يغادر من المدينة الي كسلا ...
ابراهيم هذا الرائع الجميل لمن لم يعرفه ـ واخص بذلك الاجيال اللآحقة من ابناء الزقازيق ـ
اولاً : رياضي وكان حارس مرمي تجارة زمن كانت تجارة محتكرة كاس الكليات ثانيا: رجل مبتسم دائما اجتماعي جدا ...كسلاوي الي النخاع ...يعشق كسلا وكما عادة ابناء كسلا كما عهدناهم حنونين لبعضهم
من هنا احي الاخ ابراهيم سليمان واقول ليهو حجاً مبرورا وذنبا مغفورا...
كذا منذ ايام قليلة تلقيت محادثة من اخونا الكسلاوي هاشم احمد السيد ـ تربية علوم الزقازيق ـ كانت محادثة طويلة وجميلة جدا استحضرنا فيها كثير من الذكريات الجميلة والاشخاص الحلوين من ابناء الزقازيق...
ليهم التحية جميعا...
محمد صديق ليك خالص التحايا ...ويااخي كفارة للولد عرفت اليوم فقط الف سلامة ليهو ...باين عليه مآخذ شوية من ابوه...
Post: #3693 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-14-2011, 05:58 AM Parent: #3692
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
اللهم فقهني في الدين
Post: #3694 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-14-2011, 08:37 AM Parent: #3693
وناس كسلا مالم السنين دى قايمين على الحج كده ....
عقبال ناس حلفا كمان ..
Post: #3695 Title: Re: ناس الزقازيق ... أجدع ناس (4) .. Author: محمد عيد Date: 11-14-2011, 02:39 PM Parent: #3694
ما بين رياح الخماسين و واحة عنيزة و حائل... و أهمية موقع الوطن العربي الاستراتيجية منها و التجارية... و أنا معاقب بالمذاكرة مع أمنية في مادة الاجتماعيات... و التي كنا نسميها جغرافية الوطن العربي... و بين لمحات من مباراة السيليساو مع الفراعنة... انتابتني رغبة ملحة بفتح البوست... فأطلت علينا هذه البطاقة الجميلة و التهنئة الحبيبة... فأطلقت أمنية واااااو من القلب... و أكثرت من الأسئلة حتى تهرب من المذاكرة... و أكثرت من الاجابات لأن الزهج بلغ بي مبلغا عطيما... شكرا يا حمادة على التهنئة الجميلة... و على البطاقة الرائعة...
Post: #3697 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-14-2011, 10:23 PM Parent: #3696
ثنائي النغم...
ليكم خالص التحايا والود...
الرشيد كل عام وانت بالف خير وربنا يديك طولة العمر في طاعته...
كده قولينا دي الشمعة 60 ولا 65 قالوا المرجعية الاكيدة عند محمد عيد مادام هو عارف تواريخ الميلاد ومتذكرة قبل كل الناس...
ليكم الف تحية ودائما بتشكلوا تناغم وهارموني جميل علي مسرح كل الاحداث...
Post: #3698 Title: Re: ناس الزقازيق ... أجدع ناس (4) .. Author: محمد صديق Date: 11-15-2011, 05:54 AM Parent: #3697
سلامات يا ناس
وصباحات التفاؤل
تحياتى عثمان الجيلى...وشكرا ليك
الرشيد كل سنة وانت طيب.
محمد عيد .(إزيك)
Post: #3699 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-15-2011, 06:31 AM Parent: #3697
صباح الخير ،،، يا وجوه الخير
دعاء اليوم للحبيب الرشيد
اللهم زده في عمره ولا تنقصه
وأصلح له في زوجه وأولاده
وأعطه ولا تحرمه
وأهده وعافيه
اللهم متعه ببصره وسمعه
وكل عام وأنت بألف خير
وعقبال أن تزوج أولاد أولادك
يا سميع يا مجيب
Post: #3700 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-15-2011, 06:51 AM Parent: #3699
يا رشيد القوم
كل سنة وهامات المستحيل تمارس الركوع امام فيض امانيك..
او كما قالت ...
Post: #3701 Title: Re: ناس الزقازيق ... أجدع ناس (4) .. Author: محمد صديق Date: 11-15-2011, 07:22 AM Parent: #3700
سلامات يا ناس
Quote: كل سنة وهامات المستحيل تمارس الركوع امام فيض امانيك..
او كما قالت ...
لن تُقبل إلا إذا كانت من راسك او كراسك .
بالمناسبة حأكلم ليك عوض شلبى.
Post: #3702 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-15-2011, 07:31 AM Parent: #3701
فنانا محمد عيد نفذ ما كنا ننادي به
حيث وجدت التهنئة لرشيد القوم على الفيس بوك
وكمان على البوست بتاعنا هنا وهذا ما نادينا به كثيراً
أدخل هنا وهناك وأكتب نفس الموصوع وخلي الناس تشاركك
ونكون غطينا كل المواقع الألكترونية الخاصة بنا
شكراً محمد عيد ، ويا هو ده الشغل
Post: #3703 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-15-2011, 08:25 AM Parent: #3702
ازيك يا كوتش
هو عوض شلبى الى الان ما حجـــــا .....
غايتو اتوقعهم السنة الجاية هو و عادل ود البيه
Post: #3704 Title: Re: ناس الزقازيق ... أجدع ناس (4) .. Author: محمد صديق Date: 11-15-2011, 09:55 AM Parent: #3703
أشكركم يا جماعة من جوه قلبي... شكرا عثمان الجيلي...أنقص زي 30 سنه حتعرف الرقم.. يا ريس يديك العافية و تسلم على الدعاء الطيب.. شكرا يا كوتش دي كانت مناسبة تكتب فيني قصيدة فوتها ساكت... شكرا يا ديدو رغم اني زعلان منك بسبب الأغنية النزلتها للكوتش و ما إشتغلت بينا... شكرا يا حاج ياسر انت قايلني بدس عمري كمان.. أنا السنةالفاتت لو متذكر احتفلت بالثلاثين... زيد واحد ولا ما أدوكم جدول واحد...
اولاً بالتبادي التهانئ للولد الرشيد .... ولد دي كناية عن صغر السن بالنسبة لينا .... وربنا يديك الصحة وطولة العمر .. ويخليك لست بيتك ويخليها ليك ويخلي ليكم عيالكم ... اكيد عيد الميلاد جا في وقت جميل ... بس ما شايف اي احتفالات .... زي السنين الفاتت أكيد يا رشدي دي ضريبة القعاد في ابو ظبي ... يعني بقيت زول بيت .... وما في طريقة دلع ... غايتو نحن زعلانيين ليه مافي حفل عيد ميلا يا نجاة حوفي صاحبنا ده هين ولا هين ....
ثانياً الف مبروك الحجة يا نجيلة ... انشاء الله حجاً مبرور وذنب مغفور ... والله دقت في العراضة وكان نكون اولاد حجة معاك ... وقت ما أتشرفنا نكون دفعة في الكلية كان نكون اولاد حجة لكن إنشاء الله تعيش وتحج مية مرة تاني ونلاقيك في الحج ونحقق أمنيتنا ... تحياتنا لبت الشيخ والتهانئ ايضاً موصولة ليها .... بس ليه ما سقتها معاك الحج .... اكيد دي خيانة منك ...
وش فاتن حمامة كبير لناس أبو ظبي .... غايتو الليلة بنفتح ليك الحدود مع السعودية لطلب اللجوء ....
سعيد برضو بعودة عثمان الجيلي للتواصل مع الناس ,,,, وده انديكشن لأخبار كتيرة جميلة وكويسة .... يا ابو عفان ... وربنا يديم الحاجات الكويسة علي الناس كلها ....
بعدين شنو يا ناس جدة شابكني انت وين وما ظاهر مالك ... هوي يا جلاكين البسوا نضاراتكم بتلقوني قاعد في حناياكم وجواكم ... يمين ما غبت عنكم يوم واحد ... امشوا شوفوا الغياب ناس جلا ... ومنصور ومن لف لفهم ....
Post: #3711 Title: Re: ناس الزقازيق ... أجدع ناس (4) .. Author: محمد عيد Date: 11-16-2011, 07:55 AM Parent: #3710
اليوم نحتفل بشخص استثنائى الرجل الودود اللطيف الظريف ... د. خالد محى الدين
باقة ورد .. وقنينة عطر تدخل فى هدوء للقلوب
خالدونـــا يا جميل .... كل سنة وانت طيب
والعمر الجميل كلو انشاء الله
Post: #3712 Title: Re: ناس الزقازيق ... أجدع ناس (4) .. Author: منصور عبد الرازق Date: 11-16-2011, 08:19 AM Parent: #3711
اسامينا منصور ولا محمد عيد , نجيلة ولا الرشيد محمد صديق ولا جلا , ميسرة ولا منى يونس زاتو ان شاء الله تكون زهير الزناتى , ولا كمان عبد الدائم سيد احمد فيروز قالت , فى لحظة شدو (بالمناسبة وين كمال الشادى ) اسامينا , شو تعبو اهالينا (تلقوها ) وتقصد بعاميتنا التى تبدو فصيحة , اسامينا , بالله شوفوا كيف تعبوا فيها اهالينا عشان يلقوها ولد ده يمين لا تعبوا لا شافوا التعب الما حمدوهو ولا عبدوهو عندنا , جروا ولصقوا ليهو يا اسم جده , يا اسم حبوبتها وستها المهم فى الموضوع , قول لينا بتحب اسمك ولا لا ولو بتحبوا كيف وليه , ولو ما بتحبوا , عشان شنو باختصار كده , علاقتك مع اسمك شنو ؟؟ ولا بس متصالح معاهو , وكل البيربطك بيهو , انك قمت لقيتو لاصق فيك ؟؟؟
Post: #3713 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-16-2011, 10:36 AM Parent: #3712
والله يا منصور من قمت لقيت اسمى لاصق فينى لا عندى جـــــــد ولا زول فى العايلة اسمو زى اسمى ابوي نكتو من وين ما بعرفو
البركة فى سناء الصباغ السمتنى ديدو ....
كان فى واحدة اسمها بت المنى خير الله ... المصريين بيقروها بت المناخير .... الله ...
اها يا عبد الدائم هاك الخبر السمح ده فى اللحظة دى رزق عزيزنا وحبيبنا , عمر نملوز بمولود ذكر انضم الى اخويه السابقين الطيب عمر نملة وعيسى نور عمر نملة انضم اليهم اليوم ياسين عمر نملة ان شاء الله يا رب يتربى فى عزكم يا نملوز ويا ندى عمر فى اجازة لمدة اسبوعين , لرعاية المولود والزوجة حسب تقاليد العالم المتحضر تلفون عمر لمشاركته الفرحة الكبرى 0032493409406
Post: #3717 Title: Re: ناس الزقازيق ... أجدع ناس (4) .. Author: أحمد إسماعيل Date: 11-16-2011, 02:15 PM Parent: #3715
سلام يا سادة يا كرام بالمناسبة يامنصور ثاني يوم للعيد انا وولدي عمر وخروف الضحية في المكان ذاتو (المسار البرتقالي) إستلمنا الكرتونة التي إحتوت لحم خروفنا قبل الظهر بشوية سبحان الله كان نتبارك بلقاكم بالنسبة للاسماء زمان لو سألت السماها تجد أخبار بالكوم قد يكون سموك لحاكم أو مفتش أو قاضي أو حكيم أو شيء إرتبط بمناسبة جميلة مثلا عيد أو زيارة فيها فائدة عظيمة على المجتمع وذلك لأن العهد فاضل أي فرد يجود بما عنده في نفس الوقت لاينسى الجميل والمعروف
عارف يا منصور انا زول متصالح مع نفسي خالص .... يعني مبسوط من اي حاجة في حياتي ... وسعيد بيها ومن ضمن الحاجات دي الإسم .... ياخي مرات يتخيل لي إسمي ده لازم يكون لزول رئيس جمهورية ولا حاجة كبيرة في البلد دي .... بس عشان الإسم والموسيقي .... زهير الزناتي ....
أول حاجة نهنيء الدكتور الكبير خالد محي الدين... كل سنة و انت طيب يا خالد و ان شاء الله السنة الجاية وزير... و قبلها عندك كلية خالد للعلوم الطبية... عشان ندخل الأولاد ديل ملح... وزير في حكومة الزناتي طبعا... انت كنت قايل شنو...
الصورة دي عشان نسكت الخشامة و أنزل في العوازل كي ... و لي عثمان الجيلي الشعر ده من غير أي صبغه و الحاجات بتاعت الناس الكبار ديل..عشان تآمن... و مكاواة لي حاتم جبارة و طارق جبريل و حاج الركز...بالشعر طبعا... يا فاتن حمامة أقفلوا الحدود أنا ما جاييكم...
Quote: وتقصد بعاميتنا التى تبدو فصيحة , اسامينا , بالله شوفوا كيف تعبوا فيها اهالينا عشان يلقوها ولد ده يمين لا تعبوا لا شافوا التعب
هي منو القال ليك... أنا غايتو أهلي تعبوا تعب شديد في اسمي... لما ولدوني عملوا قائمة طويلة... لؤي..هيثم...وائل...مهاب...و زهير.. قاموا قالوا الأسماء دي ما بتشبه الولد ده... الولد ده صباح خير و وشه وش صالحين... أحسن حاجه نسميهو على سيدي أبراهيم الرشيد المعروف برشيد القوم... انت قايل الحكاية سهلة يا منص... لو كان سموني لؤي كان سميت ولدي الرشيد..
Quote: البركة فى سناء الصباغ السمتنى ديدو ....
أنا التصق بي اسم رشا من أيام الكورة... قام منصور عدل الاسم لي رش... في الأول كانو الأولاد في الكورة مفتكرني حبشي من الاسم... بعد التعديل بقيت هندي...
أنا ذاتي متصالح مع نفسي و عاجبني اسمي... و شايف اسمي ده ينفع يكون اسم الأمين العام للأمم المتحدة... و لا الرئيس الأمريكي بعد ما آخد الجواز الأمريكي... و أكون الرئيس الأسود التاني لأمريكا... بابكر دي بقدرة قادر ممكن نخليها باراك... الفرق شنو يعني... و نتسعمل الاسم بتاع منصور... تبقى رش باراك... و ده عشان شنو... عشان أفطس ليكم رئيس جمهورية السودان... زهير الزناتي...
آخر حاجة و أمشي أنوم... كنت عايز أهنيء عمر نملوز هنا بالمولود الجديد (يس)... لكن بعد ما ضربت ليهو تلفون و لقيتو لا متابع و لامستمتع... قلت مافي داعي...
يا ياسر نجيله الحجة مبروكة وانشاءالله نترافق في الجايات الرشيد كل سنة وانت طيب وعقبال الف شمعة مبروك الحج يا عصام دهب وحج مبرور وذنب مغفور الزعيم الكبير اوي ابراهيم سليمان الحج مبروك ويا داخل هذا الدار صلي على النبي المختار حج مبروك وذنب مغفور نكتب هكذا على باب بيتكم الكبير في كسلا وحجة مباركة للجميع
لود دفعتي وزميلي في قائمة المعتدلين الدكتور خالد محي الدين الطيب كل سنة وانت طيب
والشكر طبعا موصول لمحمد عيد الذي يتذكر هذه الاعياد ويا عثمان الجيلي ونجيلة يا اخوانا العدد في الليمون ؟؟؟؟؟؟؟؟؟؟؟؟؟؟؟؟؟؟؟
مبروك قدوم الابن يس عمر جعله الله من ابناء السودان الذين يشار اليهم بالبنان يا نملوز طبعا ده حيحطم مستقبلا الارقام القياسية التي ينوي ابوه تسجيلها وشكرا على المعلومة يا منصور وعجبتني جدا قصة الخروف والبرادو والذي منه نحن مستمتعين رغم انف الحاقدين على بعر خروفكم في ضهرية برادكم وكل سنة والجميع بخير وضحية مباركة
تحية خاصة لعادل ابراهيم وموسى عيسى بالسودان الشقيق واحمد اسماعيل وجلال وطبعا تحية للكمندان او الكوتش في رواية اخرى والحديث لا يمكن ان ينتهي دون تحية ود الزناتي والريس ميسرة وديدو
و الله حرام عليكم يا جماعة... مبارك جادين ده ماسك الحراسة من الصباح... مافي زول يبدله...مافي رحمة...و لا مافي موضوع... شكرا يا بركة على التهنئة و ان شاء الله انت و أسرتك بكل خير...
حاجة كل ما تشيل منها تزيد... دي طبعا معروفة ليكم جميعا و هي الحفرة... لكن الحاجة الكل ما تعمل ليها رفريش تنزل صفحة دي شنوووووو؟
بتفرج في مباريات دوري نجوم الممتاز السوداني... كل ما أِشوف السكاكات و الجلافيط... أقول ديل والله دايرين ليهم أربعة سنوات عشان يسمنو... و خمس تانية يتعلموا فيهم الكورة... يعني بعد زي عشرة سنوات كده ممكن نتعادل مع الكاميرون... زمان ديمبا باري لما اتسجل في الهلال كان ضخم و جسمه مليان.. حسه ما تفرزه من خليفة و من بشه... بلدنا دي قاعدة تمحق الناس ديل و لا شنو...
تحية وعيدية لكل الزقازيقاب واسرهم .. ربنا يحقق كل الامنيات..رغم انها متاخرة حجا مبرورا لكل الحجاج وتهنيئة خاصة للحاج الاستايل ياسر نجيلة .. ونقول عيد ميلاد سعيد لجادين ود خالد محى الدين ..وعقبال 102 شمعة.. ونبارك كمان لنملوز البيبى الجديد يتربى فى عزك.. شكرا منى وميسرة على الاتصال والعيدية الجميلة فانتم دايما سباقون للخير.. ودمتم جميعا سالمين
Quote: تحية وعيدية لكل الزقازيقاب واسرهم .. ربنا يحقق كل الامنيات..رغم انها متاخرة حجا مبرورا لكل الحجاج وتهنيئة خاصة للحاج الاستايل ياسر نجيلة .. ونقول عيد ميلاد سعيد لجادين ود خالد محى الدين ..وعقبال 102 شمعة.. ونبارك كمان لنملوز البيبى الجديد يتربى فى عزك..
وانا برضو.
يا نجاة ربنا( يمتعتك) بالصحة والعافية.
يالرشيد الليلة انت وبت الشيخ متفسحين ...عندكم اجازة من المذاكرة؟
Post: #3726 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-19-2011, 06:07 AM Parent: #3725
لو كان اتقدمتى مداخلة واحدة يا نجاة و قلبتى الصفحة اكيد حيكون للصفحة 32 طعم اخر ، لكن نقول شنو الحالة واحدة انتى و الرشيد
عثمان الجيلى ما شايف شغلو ... اتكلنا عليهو فى رفع البوست جيت لقيتو فى الصفحة التالتة من المنبر ....
يا عبد الدائم عثمان الجيلي مش كتر خيره بقي يجب .... كمان عايزه يخلي باله من الصفحة ما تبالغ أنت كمان ...
يا ناس ابو ظبي ما راجين الصور ....
مبارك جادين ياخي ما بالغت معاي حشرتني مع ناس جدة ديل ... اصغر واحد فيهم جا الزقازيق سنة 80
مبروك يسن عمر الإمام يا عمر نملة ... يتربي في عزكم ... وربنا يعين ست البيت علي العزابة ...
Post: #3728 Title: Re: ناس الزقازيق ... أجدع ناس (4) .. Author: أحمد إسماعيل Date: 11-19-2011, 08:32 AM Parent: #3727
سلام ياكرام عيد ميلاد سعيد وبخيت للاخ الرشيد والأخ الدكتور خالد والأخ مبارك جادين وكل عام وأنتم بخير ألف مبروك المولود للاخ عمر نملوز جعله الله من العلماء والصالحين
Post: #3729 Title: Re: ناس الزقازيق ... أجدع ناس (4) .. Author: منصور عبد الرازق Date: 11-19-2011, 09:24 AM Parent: #3728
بمناسبة يسن عمر الأمام دى يا ابو الزوز انا اظنى كتبت موضوع اسامينا وفكرتا قبل ما اعرف انو نملوز جابو ليهو ولد جديد عشان كده لمن اتصلت بيهو وعرفت الخبر حكيت ليهو عن الموضوع والأسامى وكده ولد عمر الكبير , اسمو الطيب عمر والتانى كمان ما شاء الله , اسمه عيسى نور (اسم مركب يعنى ) اها التالت ده , لما سماهو يسن , فالقصة عندى مشروع تساؤل كبير نملوز رجل مرهف الحس , وعنده لمسات صوفية قديمة ما تزال تؤثر على شخصيته , رغم جنسيته الهولندية , وشعره المجدول يعنى من ناحية صوفى , ومن الناحية التانية , رود خوليت عديل اها لو جينا نسقط اغنية فيروز , على عمر نملوز شفتوا القافية دى كيف ؟؟ شعر ولا ما شعر يا محمد صديق ؟؟ فحا نجهجه ليكم الزولة دى جنس جهجهة , بقصد فيروز طبعا حتى الرشيد بابكر , فلسفة تسميته , تبدو ذات ابعاد صوفية ولكن فيروز , للمتابع ابعاد اغنيتها دى بتاعت اسامينا تحاول ان تسقط ابعادا (لاحقة ) لتسمية تتم خلال اسبوع او اسبوعين من الولادة وذلك حين تقول ان (عينينا هن اسامينا ) اصحاب العيون الصغيرة , حا يجهجهوا اهاليهم جهجهة السنين لو حاولوا اتباع هذه النظرية فعيون المواليد , ممكن تكون اقرب من كونها (مغمضة ) فترة من الوقت فالحل اذن , اما تأجيل التسمية لغاية ما العيون تقول او كمان , نسميها او نسميهو , عبد الدائم , لأنو الأسم الزى ده , لا فى عيون حا تقولوا ولا شيتين ولمن بعدين يسألونا , نقول ليهم ده اسم امام المسجد بتاعنا وكمان اسم الدلع بتاعو , يا ديدو , يا كمان النضيف اما اسم زهير , نحنا لا عاوزين تبرير ليهو ولا حاجة كان داير تدينا تبرير , ورينا قصة الزناتى دى شنو ؟؟ ينوبك ثواب
انتو ياشباب الدكاترة ديل كمان عندهم عيد ميلاد والناس كمان بتدخل تبارك ليهم ... زي ما بباركو لينا يعني حسع ادخل ابارك لولدنا خالد محي الدين انتو غلطانيين ... الدكاترة ديل كل يوم عندهم عيد ميلاد ... في كل يوم يستشفي مريض هو عيد ميلادهم ... في كل يوم يعملو فيه عملية وينقذو حياة انسان فهو عيد ميلادهم ... فما بالكم بدكتور رسم البسمة على محي آلاف من الأمهات المحرومين من الولادة ... ده أكيد كل ثانية في كل يوم هو عيد ميلادو ... انتو قايلين دكتور خالد محي الدين متخصص شنو ... ده تخصصو صناعة أيام اعيلاد الميلاد زاتا ... كم عقيم /ة شفيت على يده ... وكم ولاده متعسرة تمت على يدة ... وكم طفل ولد بالانابيب على يده ... اها زول زي ده ... ابارك ليهو عيد ميلادو كيف ... كدي يامنص ورينا الكلام ده ببقي كيف ....
آآآآآي ممكن نبارك لودنا نملوز شلة العذابة وبقدوم يسن يكون اكتمل نصابة للانضمام لنادي العذابة ... يعني لازم 3 أولاد + الأب + الام التي سوف تقلب ولدا بقدوم الثالث ... حتي تنال شرف عضوية النادي ... الذي سبقنا عليها ولدنا حاج الركز وحرمة المصون ... عفاف بالمناسبة الناس ديل وين ....
====================================== بت حوفي شكرا على المباركة شدو حيلكم فتحت ليكم الطريق بحجة ... قروشها معقولة ... وخدمات جيدة .... غايتو ابو الوليدات اداني الضوء الاخدر بالمريع بهناك انتي معاهو ... ولا ... اول يمشي براهو يكتشف الدرب ...
صبحكم الله بالخير يا حاج ياسر الوش الأخدر ده كان تقلبو لينا الهلال الأحمر بعد الحج... نحن ان شاء الله مكنكشين فيك للحج السنة الجاية... ما كتبته عن خالد أجمل ما قرأته مؤخرا... و لا شك انه يستحق ذلك وأكثر منه...
أين جلا وجلال... جلال امكن نلقى ليهو العذر... و نقول اتعوق في مباراة العيد... جلا عذره شنو... زول معيد في كسلا مع الحجاج... و ما خلى ليهو برش ما شرب فيهو قهوة حسب مصادرنا... و اشترى ليهو خروف رخيص من السواقي... و ما كان عندو تغير ستاير و لا عفش... عذره شنو....
Post: #3735 Title: Re: ناس الزقازيق ... أجدع ناس (4) .. Author: محمد صديق Date: 11-20-2011, 07:39 AM Parent: #3734
سلامات يا ناس
Quote: زول معيد في كسلا مع الحجاج... و ما خلى ليهو برش ما شرب فيهو قهوة حسب مصادرنا... و اشترى ليهو خروف رخيص من السواقي... و ما كان عندو تغير ستاير و لا عفش...
انا برضو المصدر قال لى كده.
Post: #3736 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-20-2011, 07:55 AM Parent: #3735
عبد الدايم شك تيلو من ولدوه الشكره هيلو الخصيم ما بجيلو صوتو بهدي قبيلو
انا ليهم بقول كلام دخلوها وصقيرها حام
عبد الدايم معاهو اخوانو ضربو البلا فى بكانو وكت رماهم قنعو قامو الصف العمر زحامو هو مستعد لى لطامو
هيييييييييييع
اديك كداااا يا كوتش ولا اعمل ليك خلف الله حمد .....
قال قضنفر قال
Post: #3737 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-20-2011, 08:16 AM Parent: #3735
صباح الخير ،،، يا وجوه ا لخير
دعاء اليوم :
اللهم لا تسلط علينا من لا يرحمنا
Post: #3738 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-20-2011, 08:24 AM Parent: #3737
Quote: اللهم لا تسلط علينا من لا يرحمنا
Post: #3739 Title: Re: ناس الزقازيق ... أجدع ناس (4) .. Author: محمد صديق Date: 11-20-2011, 08:46 AM Parent: #3738
سلامات يا ناس
Quote: هيييييييييييع
اديك كداااا يا كوتش ولا اعمل ليك خلف الله حمد .....
قال قضنفر قال
اللهم لا تسلط علينا من لايرحمنا.
Post: #3740 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-20-2011, 08:53 AM Parent: #3739
ناس الحوش الجميلين
سلام والف سلام
دي طلة اسمها يا معاين من الشباك
برجع ليكم ان شاء الله بالليل... ونحن ناس الليل
يازهير ..ابقي قابلني ع اللفه
Post: #3741 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-20-2011, 08:55 AM Parent: #3738
*عبد الدايم شك تيلو من ولدوه الشكره هيلو* =============================================
الخيل تجقلب والشكر لناس عبدالدائم
بس ما فهمت (شك تيلو) دي منو
يعني على وزن شكو في ديل لو
Post: #3742 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-20-2011, 09:40 AM Parent: #3741
يا ميسرة انت عايش فى السعودية من السبعينيات يعنى شهادة عربية الا ربع
Quote: تحية وعيدية لكل الزقازيقاب واسرهم .. ربنا يحقق كل الامنيات..رغم انها متاخرة حجا مبرورا لكل الحجاج وتهنيئة خاصة للحاج الاستايل ياسر نجيلة .. ونقول عيد ميلاد سعيد لجادين ود خالد محى الدين ..وعقبال 102 شمعة.. ونبارك كمان لنملوز البيبى الجديد يتربى فى عزك.. ودمتم جميعا سالمين
و لا نامت أعين الجبناء نقابة التاكسي
Post: #3744 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-20-2011, 10:15 AM Parent: #3741
لزم السرير الابيض بمستشفى الاطباء العم جبريل موسى ادريس القرونى والد طارق جبريل اثر اصابته بجلطه وهو الان منوم بالعناية المكثفه نسألكم الدعاء والابتهال لله رب العالمين ان ينعم عليه بالشفاء العاجل شفاء لا يغادر سقما اللهم يا شافى يا كافى اشفه شفاء لا يغادر سقما اللهم يا شافى يا كافى اشفه شفاء لا يغادر سقما اللهم يا شافى يا كافى اشفه شفاء لا يغادر سقما
تلفون الاخ طارق جبريل بالسودان 0909630220
نقلاً عن الفيس بوك بقلم زميلنا سابقاً كمال الشادي
Post: #3745 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-20-2011, 10:22 AM Parent: #3744
اللهم يا شافى يا كافى اشفه شفاء لا يغادر سقما اللهم يا شافى يا كافى اشفه شفاء لا يغادر سقما اللهم يا شافى يا كافى اشفه شفاء لا يغادر سقما
،،،،،،
يا جلا ازيييييك
Post: #3746 Title: Re: ناس الزقازيق ... أجدع ناس (4) .. Author: منصور عبد الرازق Date: 11-20-2011, 10:35 AM Parent: #3744
ديشششششششك !!!! جلا جاكم , آخر مرة شفناهو كان بيكسر حطب هو الزول ده قايل خرفان الزمن ده الرخااااااص ديل بتاعين السواقى الجنوبية قايلهم بياكلوا حطب ؟؟؟ بالله شوفوا الزول ده خرفان الزمن ده , بيركبوا برادو وبيبعروا كمان مشتاقين يا زول , لغاية نص مكنة كدة , لكن بطايوق كامل يكون فى معلومك يا جلا انت الوحيد الما مطلوب منك تحكى لينا عن اسمك لو لازم ولابد , نقبل منك تكلمنا عن اسم انتصار ولا اقول ليك , اسم خالد اخوك كيف ؟؟؟ الريس افحمنا بمداخلته الأسمية الشحمانة بس اقول ليك حاجة ميسرة ولد عنترة ما بنعرفه لكن عنترة بن شداد , آمنا بيهو عدييييييل يمين ده بيظبط الكرتونة جنس تظبيط , بيخليها شنطة عديييييييل تحياتنا لى عنترة ياخ ربنا يبلغ عمنا جبريل الشفاء الكامل والعاجل بأذن الله وقلوبنا معاكم يا طارق وناصر وطلحة
* الحاج ياسر نجيلة وردنى عن اسمك , مايلى قالوا ان الياسر فى الجاهلية هو الصبى المختص بتوزيع الشراب على القوم المجتمعين اى ان لكل قوم (ياسر يخدمهم ) ويدير عليهم الكؤؤس المترعة هسى عليك الله , ده اسم يحجوا بيهو ؟؟؟!!!
Quote: ديشششششششك !!!! جلا جاكم , آخر مرة شفناهو كان بيكسر حطب
طبعا عمل ليكم فيها مهم ...وما جاكم تانى
لكن دى ما مشكلة ...كراع البقر بتجيبو ....
بس اوصيكم اوع يقول ليكم (بيناتنا التلفون).
Post: #3752 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-20-2011, 08:25 PM Parent: #3751
اللهم يارب كريم ...يارحمان يارحيم.. نسألك باسمك الاعظم الذي اذا دعيت به اجبت..
يا مغيث يا مغيث ...نسألك بكرمك وجودك واحسانك..ان تشفي عمنا جبريل... وان تجعلها في موازين حسناته...وترفعه بها في الدرجات العليا..وان تلبسه ثوب العافية
يا ايو الزوز كيف حالك عساك بخير ...طبعا انا ما مسجل غياب بالمعني داك ...الا اني بكون في كثير من الاحيان مشاهد فقط...زي لاعب الكورة او الكابتن المتقاعد بجلس خارج الميدان وبنظر من بره..فانا الآن بنظر خارج الميدان وقلنا شوية ندي فرصة للشباب والدماء الحارة...
ملاحظة اخري اما تري انو الكباتن الكبار في البوست غائبين......
وين معتصم الريس الكبير...وين عصام دهب...وين جمال السنوسي...عمر المهدي
بعدين الحوش تاني رجع زي بيت العذابة...اين العنصر النسائي ..
اللهم رب الناس أذهب البأس اشفِ أنت الشافي لا شفاء إلا شفاؤك ، شفاء لا يغادر سقما إني أسألك من عظيم لطفك وكرمك و سترك الجميل أن تشفي العم جبريل و تمده بالصحة و العافية...
اللهم رب الناس أذهب البأس اشفِ أنت الشافي لا شفاء إلا شفاؤك ، شفاء لا يغادر سقما إني أسألك من عظيم لطفك وكرمك و سترك الجميل أن تشفي العم جبريل و تمده بالصحة و العافية...
=============================== يا منص ... الحوش ده فيهو 514 اسم ما لقيت الا اسمي ... تبحث عن معناهو ... وكمان تبحث في معجم ... ايام الجاهلية ...
صبرا يا منص ... سوف ابحث عن معني اسمك ... في معجم العصور الحجرية ...
ديدو ... بالله قصيدة رطانية خاصة لاخوك ... نديها لمنص ده ... عشان يآمن ...
*** الحمد لله ما بحث عن معني نجيلة ... كان عملها " مزة " للبسقيهم ياسر
يا عثمان الجيلي المشاركة مطلوبة كلما تسنى ذلك... و أضعف الايمان المتابعة... عشان لما يتسنى ليك المشاركة تكون الكتابة سهلة... حسه شوف زهير ده قاعد يغيب كتير كيف (وش مطنش)... لكن لما يرجع بيكون متابع كل حاجة حتى بعر البرادو بتاعت منصور... أنا البرادو دي فوتها ساكت لي منصور... لكن لو كانت دي زينب التجاني كان ما خليت ليها صفحة ترقد عليها... و دي مناسبة نرسل تحيات لي زنوبة... و بالمرة كمان لي ياسمين الشهيرة بي بطة... الناس ديل انقطعوا مني ليهم زمن أظنهم محاربني... لكن أنا كان حاربوني ما بحاربهم... و كنت عايز ألومهم في البوست ده لكن قلت مافي داعي... بالتلفون أحسن عشان أحرجهم... أنا عارف مداخلتي دي عاملة زي جلابية الدراويش... ما بتعرف لونها الأصلي شنو و لا هي مقبلة وين... أنا مرات كده...بقوم من الصباح ما بعرف شايت وين... بكون أحول التفكير و التركيز و الموضوع... و هنا بتجي حوبة الأصحاب...لازم يتسحملوك... و كمان يقدروا ظروفك و يضربوا ليك تلفون يقولوا ليك مالك... ان شاء خير شفقتنا عليك...زي ما بيعملوا معاي ناس كتار أحمد الله... أقوم أشعر بأهمية أنو عندي أصحاب... و أقول ليهم بعد داك و الله مافي حاجة... بس الليلة الصباح واحد بنغالي لقاني بضحك و مبتسم قام أداني عين... خلاني أحول التفكير و الموضوع...
صبحكم الله بالخير...
Post: #3758 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-21-2011, 06:20 AM Parent: #3756
قولو إتنين عتاب عتاب مشفر بي كود إستخباراتي لكل من ...، و ...، و ,,,,
Quote: عشان لما يتسنى ليك المشاركة تكون الكتابة سهلة... حسه شوف زهير ده قاعد يغيب كتير كيف (وش مطنش)... لكن لما يرجع بيكون متابع كل حاجة حتى بعر البرادو بتاعت منصور... أنا البرادو دي فوتها ساكت لي منصور...
خلو بالكم من الدقداق الجاي دا
Quote: و دي مناسبة نرسل تحيات لي زنوبة... و بالمرة كمان لي ياسمين الشهيرة بي بطة... الناس ديل انقطعوا مني ليهم زمن أظنهم محاربني... لكن أنا كان حاربوني ما بحاربهم...و
الغريبة كنت مفتكرو عايز مسافة مقدرة لكن العطالة غيرت مفاهيمو و أصبح يحنن
Quote: و هنا بتجي حوبة الأصحاب...لازم يتسحملوك... و كمان يقدروا ظروفك و يضربوا ليك تلفون يقولوا ليك مالك... ان شاء خير شفقتنا عليك...زي ما بيعملوا معاي ناس كتار أحمد الله... أقوم أشعر بأهمية أنو عندي أصحاب... و أقول ليهم بعد داك و الله مافي حاجة...
مش كان من الأفضل يورينا عمل شنو مع الحلاق الباكستاني و لا الهندي داك؟؟؟
Quote: بس الليلة الصباح واحد بنغالي لقاني بضحك و مبتسم قام أداني عين... خلاني أحول التفكير و الموضوع...
إذا كان التوقيع الجاي دا توقيع صاحب المداخلة التوقيع الفوق داك شنو...
Quote: صبحكم الله بالخير...
المشكلة يا دوب نزلت العمل وما قادر أجمع!!! لكن عندي مشكلة و إختلط علي بعر البرادو و بعر الفيل إنتو قاصدين ياتو بعر؟؟؟
Quote: الغريبة كنت مفتكرو عايز مسافة مقدرة لكن العطالة غيرت مفاهيمو و أصبح يحنن
ما اتغيرت مفاهيمي يا شقي الحال انت... اتغيرت المسافات... بقت رسالة SMS توصلني أحمد الله... ما شاء الله تبارك الله و لا حولة و لا قوة الا بالله... دي عشان العين... ما تقوموا ترجعوني السلع تاني... زمان قالوا جدي حاج مهدي أبو حاجة أمونة..كان محوط الأسرة كلها... و محوط ليك البيوت... الحرامي يجي للجيران و يفط بيوت آل حاج مهدي ديل... يدوهم عين تقع في الزول الجمبهم... حواطه شديده... حسه الحصل لينا شنو ما بعرف... تكون الصلاحية بتاعت الحواطة دي انتهت و لا شنو (وش مستغرب)...
الحلاق الهندي بحكي قصتو بعدين آخر الدوام... من هنا لحدي آخر الدوام ما تشاغلني بالله...
خلاص خليت الهنود و الباكستانيين و البنقاليين وبقيت علي أنا!!! ما أنا فلبيني
قال ما تشاغلني!! طيب جيب لي موسى عيسى
Post: #3762 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-21-2011, 08:56 AM Parent: #3761
التحية دي خاصة جداً لولدنا جلا
أصلو طول من مهابشة الناس
بصراحة النيت ما مساعدني كان خليت
الكوتش يكتب فيك قصيدة كاربة
Post: #3763 Title: Re: ناس الزقازيق ... أجدع ناس (4) .. Author: منصور عبد الرازق Date: 11-21-2011, 09:29 AM Parent: #3762
بسم الله ما شاء الله عليكم خلاص جلا جاكم ؟؟!! اما انت يا حاج ياسر فلا فتشت معجم ولا قريت لى قاموس ياخى الزمن ده , الشمارات تجيك لغااااية عندك كتبت نفس راس الموضوع على الحيطة بتاعتى فى وش الكتاب قام واحد صحبى اسمو ياسر كتبها لى اعمل ليك شنو انا يعنى ؟؟!!!
* شفتوا كمان موضوع اسامينا نفتح صفحة فاطمة يعنى شنو يا ربى ونحن بنقولا فاطنة لي شنو ؟؟
اسمى ده قالوا لى من اسماء الأفعال يمين من قمت , لا امى لا ابوى قالوا لى سميناك كده عشان شنو لو عاوزين تألفوا لى حاجة , اصلو ما عندى مانع
* بكتب اسمك على الحور العتيق تكتب اسمى ع رمل الطريق بكرة بتشتى الدنى بيبقى اسمك يا حبيبى واسمى بينمحى (انها قسمة ضيزى )
كدي شوف القسمة الضيزي الجد ما لعب ... دي مسادير قيلت من امهات لأولادهم ...
الولد الأول ... امو زعلانه منو لانو مشي البندر ... وبقي مابصرف عليها ...
الولد المزمبع وديما طاب لاب توبو فى البندر موكر وفوق كتفو جادع توبو خلاهو الفريق بى نبقو بى لالوبو بقى تغيان عديل ولبنو فايت روبو كرب البنطلون خربانه ديك الزايله ساكن تانى دور ونسى الحويطه المايله يحول فى الرصيد ومس كول كمان ياداليه نسوان الفريق قالن فلان ...
الولد الثاني ... وولد جارتها ... قاعد جمب امو ... وصحنهم واحد ...
الولد الركز فى الداره تب ما أتزحزح واطيهو الجمر طول عمرو ماقال أح النايحه الحزينه بى طلتو بتفرح وفاى للعهود فى الجد هو مابمزح جزاز للفقر وسيفك بسوى التح أقدل فوق رقابن خلى الحريم تردح
======================== جلا ياولدنا ... كيفنك ... الرشيد المطر ... وقف تعال ساي ... محمد صديق ... جيب ود المهدي هنا ....
Post: #3766 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-21-2011, 11:08 AM Parent: #3765
سؤال إنتو منصور رجع من أوربا و لا لسع!!!! غايتو زول لمن يكون مشتهي ليهو حاجة و يلقاها زي البكون خرمان ليهو لي سيجارة برنجي بس بعد نزول المطرة العصرية ديك جملة إعتراضية- بالرغم من المطرة وقفت لكن على صاحب المظلو ينتظر إلى حين- إنتهت الجملة الإعتراضية يعني مثلاً يشدو ليك سلك و يقول ليك مشاتاااقوون دي براها بتكون زي أردب طحنية أما لمن يخشو معاك في مشاريع زي وكالة متخصصة للسفر والحج معناها... عليك أن تبدأ في تكملة الطابق العاشر في عمارتك أي زول السنة الجاية ماشي الحج... يسلمنا جوازو من هسة الأماكن بتاعت الحج محدودة و محجوزة
بالمناسبة العمارة تحولت بقدرة قادر من الخرطوم لأمدرمان ناحية الفتيحاب
Post: #3768 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-21-2011, 09:47 PM Parent: #3767
اولاً ...صباح الخير بالليل...
اصلو الليل هجع قامولو ناس... منهم قام ومنهم ركع..
يا نجيلة جدعة الليل دي كيف معاك...
رشيد القوم طله ذي دي حلوة مش كده..
والله انا خايف كترة الطلات دي بعدين اجيب ليكم ( جلا ) والمعني في نفس الشاعر
طبعا حلوة يا عثمان... و العجب لما تكون متجدع براك بالليل.. و كمان قاعد تجدع... نجيلة لا يستطيع الا أن يبدي اعجابه بالجدعة... و نحن نستحسن الجدعة و الحضور الباهي... خليك مواظب يا عثمان...
Quote: العمارة تحولت بقدرة قادر من الخرطوم لأمدرمان ناحية الفتيحاب
انت مالك يا زول عماراتك دي محوله من مكان لي مكان... خايف من العين و لا شنو... لو كانت حواطة جدي حاج مهدي لسه صالحة... كان شملناك معانا و برسوم مقدور عليها...
Post: #3771 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-22-2011, 06:04 AM Parent: #3770
قال الميكانيكي: يا واقفة بين صبري وتروس الفرملة أنا بحكي ريدك للملأ والجاني من بستم مشاعرك بلفو طار بحكيبو لليل والخلا و أنا بعذرك وأوزن دركسون الصبر وأضغط كلتش الأمنيات لو ألحقك يا الحنتا زي زيت رجوع أسود من الشقا والدموع @@@@@@@@@
يا ريس الحاجات دي نزلوها آخر الدوام ياخي... تخليني أقرقر كده في المكتب ياخي... انت عايزهم يقولوا السودانيين ديل بتاعين قرقراب... بعدين المداخلة دي ما شفتها و الا أكيد كنت اتذكرتها... خايف اتهمك بالزهايمر يجي واحد ناطي يقول لي آآآي نزلها... قلت أخير اقطعه في حشاي و أقول أنا بقيت ما بشوف...
الريس الجميل التحيات ردووووم حكاية تخفي بعض نساء الدول ما راكبا لي في راسي عارفين السودانيين و أبو اليمن أولاد عم لكن شايفك ما جبت سيرة ناس السعودية وعملت طناش نقول ما بيناتنا ناس المغرب ما عرب و لا شنو؟؟؟ بلاش ناس المغرب و الدول المجاورة ليهم من ناحية الشرق ناس الدراهم و السلاطين حسابهم كيف؟؟
بالمناسبة مراجعة الحساب مع البنات كتر على بت الشيخ و قالت لي إعتبرني أمية و راجع براك لي بناتك طبعاً إنتصار ما شليقة شلاقة الرشيد قالت ليها يمة إنتي عليك القرآن حفظينا ليهو ضحكت تحت تحت و قلت الزولة دي قاعدة ترسل رسائل بين السطور كان ما أخاف الكضب أقول قاصدة تقول إنتي الفكي بتاعنا
Post: #3777 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-22-2011, 10:23 AM Parent: #3775
Quote: بعدين المداخلة دي ما شفتها و الا أكيد كنت اتذكرتها... خايف اتهمك بالزهايمر يجي واحد ناطي يقول لي آآآي نزلها...
أنا متأكد نزلتها شوف ناس أبو الزوز يعملوا ليك سيرش ويحددوا ليك موجودة في الميل رقم ؟
الظاهر الناس كلها كانت في الحج !!! إنتو حتجونا حجاج متين ، بس ما يكون زي حجة نجيلة مطالبين بكل العائلة ويكملوا حجتهم في جدة وإلا لن تُعتمد حجتكم!
Post: #3778 Title: Re: ناس الزقازيق ... أجدع ناس (4) .. Author: منصور عبد الرازق Date: 11-22-2011, 10:28 AM Parent: #3775
فى ناس قالوا رجع وناس كمان قالوا لا الاكيدة بتلقاها عند ست بيته هى غايتو قالت ما لاقياهو انت عينك للناس قاعدين يكسروا تلج ايوا تلج , تجى انت تكسر ليهم حطب انت كسلا دى , تلج الله ده ما فيها ولا شنو ؟؟؟ عثمان الجيلى ؟؟ ده انت ولا مهكر يا زول ؟؟ كان ده ما انت , نشيل باسويردك نديهو للهكر طوالى اما خاطرة الريس المعادة , فيا حلاتا , ويا حلاة الجابا كمان السودانيين يسموا اولادهم تور الخلا , وتور شين , وتور الساب يقولوا ليك السمحة نوارة فريقنا , تسأل من اسمها , تلقاهو ام ابوها يعنى سموها ام ابوها , لأنهم زايغين من اسمها الحقيقى تفتش على اسمها , تلقاهو نفيسة ولا خديجة عليكم الله احلى ام ابوها , ولا نفيسة ؟؟؟ عشان كده , لو قالت لى ولدها ساعة المذاكرة قوم كده كراكة تخمك , انت وابوك عداها العيب
* يا له من ميكانيكى ياحاج
Post: #3780 Title: Re: ناس الزقازيق ... أجدع ناس (4) .. Author: منصور عبد الرازق Date: 11-22-2011, 10:49 AM Parent: #3778
لمن انت تكتب اسمى على (الحور العتيق ) واقوم انا ابادلك نفس المشاعر , ولكن على رمل الطريق اكون بالغت اشد المبالغات زااااتو علما بانى ما عارف الحور العتيق ده شنو لكن باين كده والله اعلم , انو حاجة كده , زى استعمال قلم الشينى , غير القابل للمسح على سبورة الأطفال الصغار اها , سبورة الأطفال الصغار دى , ياها رمل الطريق زااااتو تكتب فيها ساااااكت , وترجع تمسح معظم الأسماء من النوع التانى ليس من ناحية مبناها او معناها طبعا , ولكن من ناحية احساس الزول بى اسمه وانا باكد على مفردة احساس دى , غض النظر عن معنى ومبنى الأسم الشايلنو على فكرة , اعتقادى جازم , بأن حتى الآباء والأمهات يكونون (تحت ضغط ما ) , عند تسميتهم لمواليدهم فيما عدا اسماء التعبيد والتحميد , عشان نكون دقيقين ونمرق من جدل يمكن توقعه , فى الحتة دى بالذات لأن ابنك او بنتك , مهما كان اسمه او اسمها , فهو عابد حامد , بشكل او آخر يعنى مهند , برضو ياهو عبد الله , وحسام , ياهو زاتو محمد ولا احمد ولا حامد شاكر لكن بعد ان عبدنا اله الكون , وسجلنا له الحمد والشكر ان بالسر او العلن فما علاقة مهند وحسام بالسيف فى حياتنا , واعنى حياة صاحب الأسم , او صاحب التسمية كمان انما هى اسماء سميتموها , لكن لا حسام ولا مهند , تمنوا ان يكونوا سيوفا ذات يوم لكن , هل يتمنى الأب او الأم لأبنه ان يكون سيفا فى يوم من الأيام ؟؟؟ ام ان الأم تتمنى لأبنتها ان تكون (فاتنة ) او حتى (سهاما ) , عندما سمعت صرخة حياتها الأولى ؟؟؟ رايكم شنو ؟؟؟
Post: #3779 Title: Re: ناس الزقازيق ... أجدع ناس (4) .. Author: محمد صديق Date: 11-22-2011, 10:33 AM Parent: #3775
سلامات يا ناس
Quote: بعدين المداخلة دي ما شفتها و الا أكيد كنت اتذكرتها... خايف اتهمك بالزهايمر يجي واحد ناطي يقول لي آآآي نزلها... قلت أخير اقطعه في حشاي و أقول أنا بقيت ما بشوف...
صدق انا ذاتى اول مرة اشوفا....
حقيقى جميلة ...والواحد لقى نفسو فطسان من الضحك ..وتواصلت مع
أنا عارفك عااااارفو لكن بتتغاتت ساكت... قبل ما أجاوبك عن الحور... انت مالك مع فيروز الأيام دي؟؟ تكلمني من سكات و لاأقوم أضرب تلفون حسه لي ست بيتك...
الحور هو نوع من الأشجار و التي يصل طولها الى ما يزيد عن 40 متر... يحفر عليه العشاق القلوب و الأسماء و التواريخ..
Post: #3783 Title: Re: ناس الزقازيق ... أجدع ناس (4) .. Author: منصور عبد الرازق Date: 11-22-2011, 11:05 AM Parent: #3782
يعنى تخمينى طلع صاح ؟؟ شفتوا انا زول (خمان ) كيف ؟؟؟ ما قلت ليكم سبورة وقلم شينى غير قابل للمسح طلعت اكتر من كده , حفر على ساق الأشجار عدييييل ونحت كمان لالالالالالالا الأمر اصعب مما تخيلت كتير القسمة عندى صارت (اضيز ) زول يحفر وينحت و وزول بس باصابعه يكتب على الرمل اين العدل فى ذلك
* بسمعها كل يوم الصباح بدرى وانا مودى الأولاد المدرسة
Post: #3784 Title: Re: ناس الزقازيق ... أجدع ناس (4) .. Author: منصور عبد الرازق Date: 11-22-2011, 11:05 AM Parent: #3782
يعنى تخمينى طلع صاح ؟؟ شفتوا انا زول (خمان ) كيف ؟؟؟ ما قلت ليكم سبورة وقلم شينى غير قابل للمسح طلعت اكتر من كده , حفر على ساق الأشجار عدييييل ونحت كمان لالالالالالالا الأمر اصعب مما تخيلت كتير القسمة عندى صارت (اضيز ) زول يحفر وينحت و وزول بس باصابعه يكتب على الرمل اين العدل فى ذلك
* بسمعها كل يوم الصباح بدرى وانا مودى الأولاد المدرسة
التحية لكم جميعا وخالص الامنيات للاخوة (الشباب) وكل سنة وهم يرفلون في ثياب الصحة والعافية ومبروك المولود اخونا عمر نملة ومبروك وتقبل الله يا نجيلة وكان عشمنا نكون معاك ولكن المنادي لم ينادي وخالص الدعوات بتمام الشفاء للوالد جبريل ونسأل الله ان يدثره بثوب الصحة ةالعافية
الشديد القوي بس الخلانا لا متابعين ولا مستمتعين .... والشديد القوي دا كان جلا عرفو بكملوا علينا ساكت عشان كدة حمدوا في بطنوا ...
لكن شوقنا لا يحده حد ... نقراء لانو الفاتنا كتير وكان حيين بنتلاقا
حزنت كثيرا لسقوط عشرون قتيلا في ميدان التحرير... أفهم أن يسقط هذا العدد أو أكثر منه من أجل الانعتاق من الظلم... لكن هل يجب أن يسقط كل هذا العدد من أجل ارساء دعائم الثورة.. لعمري انه عدد كبير و سيكون كبيرا حتى و ان سقط قتيل واحد... مالها مصر تقتل بنوها... فهم لا ينقصم حبهم لبلدهم.. و هذا الحب لبلدهم يحتم عليهم أن يحبوا بعضهم البعض... هل ان الشر الذي كان يجثم على صدورهم طوال تلك السنين لم يكن يجثم على صدورهم فحسب... بل انه كان يجثم على شرور أكبر منه و أشد... أم أن هناك شر و شيطان أكبر يريد أن يعيد عجلة الزمن الى الوراء....
التحية هذا الصباح للحبيب جلال عثمان... عودا حميدا يا جلجل...
Post: #3787 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-23-2011, 05:58 AM Parent: #3786
صباح الخير ،،، ياوجوه الخير
هدية الصباح :
يا فارج الهمّ ...... و يا كاشف الغمّ أسألك بعزّتك و جلالتك أن تفرّج عنّي همّي و حزني لا إله إلاّ أنت سبحانك ... إني كنت من الظالمين
طبعا ولدنا الجزار لما سمع الميكانيكي قال شعر، شالتو الهاشمية فقال جزار: يا طاعمة زي كبدة ابل بالشطة والليمون شفا أنا بي وراك سبت القطيع ضل الدريب وعليك حفا يا كاسرة بي فرار هواك أضلعي وظروفي المؤسفة @@@@@@@@@
لا تدخل الحوش ويدك فاضية ... ان شاء الله تجيب معاك كيس ليمون ... سامعني ياالزناتي ... انتو "الزناتي" دي منصور ماشافا ولا شنو .. غايتو ..قسم ... وحظوظ ...
Post: #3792 Title: Re: ناس الزقازيق ... أجدع ناس (4) .. Author: محمد عيد Date: 11-23-2011, 09:36 AM Parent: #3791
الجميل جمال ود فارح
عيدك الليلة .. عيد الناس كلها
كل سنة وانت طيب ...
متى تعود القمرا لى وطن القمارى ..؟
Post: #3793 Title: Re: ناس الزقازيق ... أجدع ناس (4) .. Author: منصور عبد الرازق Date: 11-23-2011, 09:58 AM Parent: #3792
اما اسم زهير , نحنا لا عاوزين تبرير ليهو ولا حاجة كان داير تدينا تبرير , ورينا قصة الزناتى دى شنو ؟؟ ينوبك ثواب
* وما نحنا زاااااتنا بنفتش عليهو زيك بقى يجينا يرفع البوست بى مداخلة فاضية كمان يا كوتش , الزول ده اديهو العين الحمرة ولو عاوز مساعدة كمان نحن معاك لغاااية وش الكتاب يا ربى نقفلوا ليهو ونرتاح ؟؟؟!!!
سلام كبير اوى لاجدع ناس معليش عندى ظروف لا متابعة ولا مستمتعة بس مشتاقة ليكم كتير وعارفاكم مشتاقين لى ما زى ما قال لى ود الزناتى انتى اتنسيتى خلاص واظنو كان داير يشيل باسويردى كمان المهم هاكم فاتحتكم والولدوليهو مبروك والحجة انشاء الله يسبعا خالتى جرسة شوية حجت مع ولدها السنة دى قلت ليها انشاء الله تسبعيها فقالت لى بسرعة ولا اتنيها المهم يا شباب من قبل رمضان عندى خالتى مريضة ونسبة لعدم انجابها فاحنا عيالها طلع فى النهاية مرض خبيث وخبيث جدا نفسيا ما كنت قادرة حتى اتواصل مع ناس بيتنا بس كلو مكتوب ومسطر ادو معاى ربنا يخفف عليها ويكفيها شر الالم
اما يا حوفى ضربنى بكى وسبقنى اشتكى انتى الفاتحة لينا ورافعة قزاز التقول راكبة برادو
السادة الزقازيقاب مساء الخير وكل عام وانتم بخير يا جمال فارح كل سنة وانت طيب يا جلا طلة حلوة والله العظيم يا احمد اسماعيل التلغرافات بتاعتك عينة
عمنا جبريل ربنا يقومك بالسلامة
اسمي على منو ما عارف لكن عندنا عمنا المرحوم محي الدين فرج الله كان كل ما يشوفني يقول لي (المبارك شيخ الظهر شوفني جنيت والله تسدر ) يعني ممكن يكون على المبارك شيخ الظهر دي قصة اسمي خالد اخوي على خالد عمي مرتضى ما عارف على منو؟ المرحوم اخوي بابكر على عمي بابكر الفاتح ما عارف على منو وكذلك عبد المنعم
سميت اولادي الاول على والد زوجتي المرحوم احمد محمد جادين والثاني على والدي محمد عبدالله جادين
تخريمة بالاسماء الي اسماء المدن والاماكن يقال ان الجزيرة ابا بلد قبيلة الشلك وكانت مقر المك ايام السلطنة الزرقاء وفي مرة ارسل حاكم سنار الي المك ان يحضر اليه في سنار فالمك قال لرسول السللطان انه ابى الذهاب فاصبح اسمها ابا لعدم ذهاب المك يعني المك ابا
قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر لاينابيع ريدى جفت لا ولا اشواقى خفت
جلال ... جلة ... زنوبة بت النوبة ... مبارك جادين ... كدي شوف لينا الزناتي دي من أي صعيد في مصر ... آل ايه ... آل من كسلا ... ومال جلا ومهند الطاهر من وين ... يعني انتو مافهمتو مداخلاتو الفاضية دي ... آآآآي ما حركات صعايدة مصريين ساي ... منص ازيدك ... ولا وقع ليك ...
وعيد سعيد لود فارح ...
خلونا نشوف المكوجي والنجار قالو شنو ... قال مكوجي: يا كاوية قلبي قبل قميصي رشيت لياقتو وانكوى يا ريتني لو أغسل دواخلي من الهوى زي عمة بيضا أشرها صابون هواك غسل النوى ومشابك عيونك سحبت من عيوني الكري @@@@@@@@@ قال نجار: مسمار ودقيتي في خشب الليالي المحزنة منشار هواك قطع الصلات الممكنة يا أبلكاش وفورمايكة أو تيك خشب الجنوب البي الانفصال سلخ قليبي بفارة مصوقرة @@@@@@@@@
الرشيد ... ياخوي ست بيتك قاعده تقرأ شعرك ده ... زمان كنت بعيد منها ... بس قلبها كان تقيل عليك .. هسع لو استمريت تكتب زي كلامك ده ... ياهو الماشفناك مشيت الشغل الجديد تاني ... ...
Post: #3798 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-24-2011, 06:04 AM Parent: #3797
عمر مديد و صحة حديد يا جيمى فارح ...
زبوبة بركة بالشوفة وكل الامنيات و الدعوات الطيبة ان يمن الله بشفاء خالتك العزيزة ...
يا ود جادين تعرف دنقلا سموها كده ليه .؟
يا نجيلة بتاع البوهية ( النقاش ) قال : حبيبى فنتاستك وبضرب بهيه بوماستيك ...
وايام ازمة الرغيف فى التمنينيات البنات كان بغنو لبتاع الفرن ما همانى ما دام حبيبى فــــــــرانى يا ناس ...
وللمــكنيكى ما بفوتو .... كان تموتو .... كان تمتو المكنيكى بيه زيتـــــــــــــو .....
يسم الله الناس الحمر مبروووك عليكم الكاس بالنسبة لجمال فارح كل سنة و إنت طيب بس ما عارف هل هو زي عيد مبارك جادين السنة الفاتت أم لا رغم أن عيد ميلاد ود جادين كان مع العيد و الشربوت ود خلانا طاشين شبكة و ما حضرنا البارتي معاهو غايتو نتمنى أن نحتفل معاهو السنة الجاية في ياي بت النوبة ألف سلامة لخالتك و إنشاءالله أجر و عافية و ربنا يشفيها من سقمها و يصبرها عليه مبارك جادين يعني لو رزقت بي بنتين الأولى على إسم أم زوجتك و التانية على إسم أمك أو قول ولدين الأول على إسم جد بت الشيخ و الثاني على إسم جدك وهنا ربما يكون الإلتقاء وهذه متوالية هندسية وهو المطلوب إثباته فك الإرتباط دا يااااااخ
Quote: ست بيتك قاعده تقرأ شعرك ده ... زمان كنت بعيد منها ... بس قلبها كان تقيل عليك .. هسع لو استمريت تكتب زي كلامك ده ... ياهو الماشفناك مشيت الشغل الجديد تاني
Quote: اما يا حوفى ضربنى بكى وسبقنى اشتكى انتى الفاتحة لينا ورافعة قزاز التقول راكبة برادو
بس بقول ليك ما بنخاصمك بس نجارى طبعك يا جميل
عودة نهارية بعد زحمة الصباح للترحاب بزوبا... و ربنا يعافي خالتك و يشفيها من كل داء...
الزول الأداك الموجز ده يا زوبا فاطي سطر... بيكون أداك ليهو على عجالة لأني بعرفه بيحب التفاصيل... المهم أنا السبقت و اشتكيت و ليست حوفي... لك التحية مرة أخرى و عودا حميدا...
Quote: ست بيتك قاعده تقرأ شعرك ده ... زمان كنت بعيد منها ... بس قلبها كان تقيل عليك .. هسع لو استمريت تكتب زي كلامك ده ... ياهو الماشفناك مشيت الشغل الجديد تاني
يا حااااااااج... الفتنة نائمة... أوع تكون مع حجك المستعجل و قروشو الشوية (وش أخدر) تكون نسيت ليك جميرات...
Quote: يعني حيكون عندو إنعكاك في البطين الأيمن؟؟؟
أنا كنت قايل الأيسر ده محل الميرندا... أتاريهو الأيمن... و الله الواحد يدخل البوست ده يطلع عالم عديل كده... أقل حاجه تطلع بيها الهندسة الفراغية بتاعت الزناتي...
Post: #3801 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-25-2011, 09:38 PM Parent: #3800
صباح الخير... وصباح الخير لي كل ناس الحوش...
و ها الصباح... قبل ميسرة ... وعبد الدائم...ورشيد بابكر
صباح الخير وصباح الورد والياسمين...
زينب التجاني ...اشرقت الانوار بي طلتك...
والف والف سلامة لي خالتك ان شاء الله ربنا يكتب ليها عاجل الشفاء..
زهير الزناتي...ممكن تشرح لينا درس في الهندسة الفراغية...
Post: #3807 Title: Re: ناس الزقازيق ... أجدع ناس (4) .. Author: محمد عيد Date: 11-26-2011, 10:00 AM Parent: #3806
غايتو انا تفسيرى الوحيد انك بتلعب فى العداد ... وبتزيد عدد مداخلاتك
تكون داير تترشح بدل البرير ولا شنو ؟؟
الحقنا يا بكرى ابوبكر ...
Post: #3808 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:25 AM Parent: #3807
اردموا يا محمد عيد , ردموا جن
* يا منصور : غبت ساعتين عن المكتب في إجتماع خارجي وإتمنيت القاك جيت وعلقت على كلامي الفوق ، لكن جيت وما علقت عليهو مافي مشكلة راح تعلق بعد كده !! ، شايفك مصر تقود البوست في إتجاه محدد ، الضغط البتقصدو على الاهل بالنسبة لابوي رحمة الله عليه وامي ماعارف لكن المنتج النهائي واحد إسمو (كمال) وانا مبسوط من الاسم جداً زي ما ذكرت ليك فوق بل بالعكس لو ما كان اسمي كمال فعلا لاتمنيتو ... بالنسبة لاسماء اولادي : كريم سميناه بعد عشقي الشديد لصفة الكرم المادي والمعنوي وتمنيت ان يكون ابني كريماً ، يقول العرب ان الكرم صفة جامعة لكل الصفات الجميلة في الرجل ولو كان الرجل كريماً ففي الغالب فهو ..... كل الصفات الاخرى الجميلة ويكفي ان تعاتبه ( كا نفعل مع كريم الان ) يا راجل ده إنت إسمك كريم عيب عليك كده !!!!! 22 نوفمبر، الساعة 03:56 مساءً · كمال الشادى فى الفيسبوك فى مداخلة عن اسامينا
Post: #3809 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:28 AM Parent: #3808
منار بنتي انا أسميتها لحبي لمعني المنار والمنارة والدليل والراشد والسارية والمرشدة وهي كلها معاني يضمها اسم منار ودائما ما اشرح لها الصفات الجميلة الكامنة في معتى إسمها ومع الوقت صارت تكتسب الكثير من صفات إسمها ، محمد ابني الصغير جاء بعد وفاة والدي رحمة الله وأسميناهو محمداً على والدي رحمة الله عليه ،،،،، اها تاني شنو ؟ * نفس كمال الشادى مواصلا فى ذات الموضوع * طلع عينو يا محمد عيد
Post: #3810 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:32 AM Parent: #3809
أحمد المصطفى .. إسم عرفت به فى مختلف مراحل التعليم .. غير إن إسم الوالد ليس معرفاً بالألف و اللام .. فهو إسم ٌ غير مركب .. لكننى طالما عشقته فهو إسم الحبيب صلى الله عليه و سلم .. أما الحاج فهو لقب للجد الثانى .. و صار علماً لصاحبكم بين زملاء الدراسة المصريين .. خاصةً فى الsection لوجود أخ مصرى يشاركنى فى إسمى و إسم الوالد .. و لا يخفى عليكم إزدحام section A بإسم أحمد .. فأخواننا المصريين كلهم أحامد ( إن جاز الجمع ) .. و علمية إسم الحاج صارت أكثر إلتصاقاً بإسمى بهذه البقاع بإعتباره ال family name .. فالحمد لله أولاً و آخراً أن وفق والدى حفظه الله لهذا الإسم .
وهنا الدكتور احمد الحاج مصطفى , مساهما فى نفس الموضوع
* يا محمد عيد , لو الزول ده واصل فى هندسته الفراغية دى , نحاول تمسكو من ايدو البتوجعوا اوريك تعمل ليهو شنو ؟؟؟ كلم ليهو بهجة طوالى
Post: #3811 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:40 AM Parent: #3810
اها قام كده كلام كمال الشادى ودكتور احمد الحاج ده عجبنى وسر بالى قمت كده اندحت ليك فيهم , واتدفقت كما يلى
ابدا والله يا شادى , بس كل الموضوع انى امبارح مريت على الموضوع والبوست كله بى (نص طايوق ) زى ما بيقول حبيبنا الكوتش , حتى مشاركتى كانت رد منقول بالكوبى بيست من رد مكتوب فى بوست سودانيزاونلاين , اما موضوع التاويلات والاشارات والعلامات فيتخيل لى انو موجود عند كل بنى آدم وان كنت انا ما قاعد اعول عليهو كتير , عموما جيتى ليك الفى الحلم دى , رفعت من معنوياتى اكيد لكن اعمل حسابك منها وما تعتمد عليها كتير , تصالحك مع اسمك واسماء منار وكريم ومحمد , وكمان تصالح احمد الحاج دكتورنا العزيز مع اسمه وحتى اسم الوالد وكمان اسم الحاج , منطقى ومعلوم لأن اسماء التحميد والتعبيد وكذلك اسماء الأفعال والصفات , خاصة اذا ما كانت حميدة كما فى اسماءكم (كمال , احمد , مصطفى , الحاج , كريم , محمد ) , لكن كدى خلينا نركز على اسم منار ده , اظنك ده الوحيد الأحتجت تشرحو وتبينه للبنية اللذيذة ديك , هنا مربط الفرس يا عزيزى , ما شفت لمن ابو عركى البخيت يغنى ويقول ( ولا نحنا شايفين المنارة ) , طبعا مافى مشكلة كونو انو الزول ما يشوف المنارة وده دلالة على فقدان البوصلة فى العموم , او كمان لو سمعت مظاهرات ناس جامعة الخرطوم منذ الأزل (كوسو منار ولن تنهار ) , الأسم لاشك فى انو جميل فى مبناهو وفى معناهو كمان , لكنو بيدى دلائل معينة حقت تحدى كده وجدية وحقت زول لابس نضارة طبية وقاضى عمره كلو فى البحث والتنقيب لو كان اكاديمى ولا غيره ,السؤال هنا , حتى ولو كان معنى الأسم من المعانى والقيم الجميلة , هل يتصالح معه صاحبه ؟؟ام انه كان يفضل ان يدل اسمه على قيمة اخرى تتوافق مع بنيانه النفسى , يعنى لو كان العرف بتاع التسمية قائم على ترك الخيار للزول يسمى نفسه بعد عشرين سنة حياة , كنت حا تسمى نفسك كمال برضو , او كمان كنت حاتسمى بنتك منار ؟؟ ولا انا حا اسمى بنتى ايثار ؟؟ولو قلنا لى منار وايثار اعيدوا تسمية انفسكم , يا ربى حا يختاروا شنو ؟؟ونفس السؤال ليك يا دكتور احمد الحاج دون الأخذ فى الأعتبار مسألة التحميد والتعبيد دى لأنها (معلومة ومفهومة بالضرورة )
*عندك نمرة بهجا ولا اديك ليها ؟؟!!
Post: #3812 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:44 AM Parent: #3811
وانا عارفينى انتو لمن انداح يا المداخلات تنزل مثنى وثلاث ورباع يا كمان ماسورة وانحلجت
المحور الكثر اهمية فى الموضوع العاوزكم تتناولوه معاى , الأسم مهما كان جميلا , فانه يحمل معه ضغوطا على صاحبه او على مطلقه , انت , او انتى , عاملين كيف مع ضغط ظلال اسمك عليك , وعلى فكرة المحور ده بيقودنا فى نهايته , على ان افضل الأسماء هى اسماء ما حمد وعبد يقينا , فهى اسماء (اقرار بالعبودية ووجوب الحمد واستحقاق الشكر ) , وفيما عداها , هى ما اقصد واعنى , تعالوا يلا !!!!
Post: #3813 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:47 AM Parent: #3812
وما يزال دكتور احمد الحاج يواصل استفزازه الجميل وتحريضه الماتع لى , على اجترار الحكى والكتابة
لعزيز منصور .. مواكبة الإسم لجميع المراحل العمرية .. من أجمل ما فيه .. من هنا كان مبدأ التصالح مع إسمى .. ( بصرف النظر عن كونه إسم النبى صلى الله عليه و سلم ) .. فإن أطال الله فى أعمارنا .. فلا غضاضة فى أن يكون علماً لجد .. كما كان علماً لطفل ٍ ذات يوم ... و علماً لشاب فى الماضى القريب ( حلوة الماضى القريب دى !! ) .. لكم مودتى ..
Post: #3814 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:51 AM Parent: #3813
اها , دكتور احمد الحاج المرة دى قطع (جلبتى عدييييييل )
ها انت جبت موضع مهم من مواضع التصالح الأنا بعنيهو يا دكتور , اضف لذلك اسماء مثل النور , والضو , وما شابه ذلك , تتذكر المصريين كانو بيقولوا شنو لأى زول سودانى (داكن البشرة من امثالى ) يكون اسمه النور او الضو ؟؟؟وعلى العكس كذلك , فلسفة التسمية عند بعض القبائل السودانية , ترتبط بمبادى متحركة مثل التفاؤل والتشاؤم والتطير عموما , كتسمية البنات بأسماء (قبيحة ) انتظارا للجمال , او كتسمية الأبناء بصفات الحيوانات (تور شين وتور الخلا ) او كمان ضرغام لى زول بيخاف من ضله ؟؟!!هسى وليد حمدون لو سمى ولده محمد وليد , دى تيجى ازاى يا منجا ؟؟!!!!
* شوفوا لى (سباك ) يا جماعة
Post: #3815 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 10:54 AM Parent: #3814
سباك وين مع دكتور احمد الحاج ده
طبعاً يا منصور .. أخواننا المصريين أصحاب نكتة .. و بديهتهم حاضرة .. فى حادثة حصلت حقيقة زمان .. حكاها لى أبوى ( حفظه الله ) .. إنه فى أخ مصرى عنده مراجعة فى واحدة من المصالح الحكومية بالسودان .. صاحبك مشى .. فقالوا ليهو : معاملتك دى عند صباح الخير .. و بقى الراجل يخش من مكتب لى مكتب لحد ما قابل صباح الخير ..!!! .. عندها صاح بالفم المليان ... : ( هوا ده صباحكو ..؟؟؟!!! ... أمال ليلكو إزاى ؟؟!! ) .. ههههههههه
* ما شايف شوفوا لى سباك دى يا حاج ياسر ؟؟!!
Post: #3817 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 11:00 AM Parent: #3815
هو ده بالضبط ما اعنى , حتى ولو كان صاحب الأسم ده , حاملا لصفات اسمه من الوجاهة والنور والضياء , فان اسمه سيشكل له عبئا كبيرا طوال حياته , لأن الأسم هو واجهة الأنسان وعنوانه , ولكنها واجهة وعنوان يضعها له الآخرون , فيضعونه بذلك تحت الضغط لو حمل معنى اسمه او لم يحمل , الم تسمع يا دكتور بالرقم القومى , فى اضابير المستندات , لا يدل الأسم على صاحبه ابدا , ليس لأن الأسماء قد تتشابه وتتكرر فحسب , بل لأن الرقم لايحمل اى دلالات ولا معانى , الدلالات والمعانى تتولد من المعرفة والأحتكاك , ومن واقع ذلك , فان البنى أدميين , يحملون اسماءا مختلفة ومتباينة فى عيون معارفهم , فانت عندى مثلا صباح خير , وكمال عندى (الشادى) , وهكذا , رؤساء الدول مثلا , هم اكثر الناس عرضة لمحاولات التملق وكسير التلج , اول مداخل لكسير التلج عند الناس هو اسمهم , محمد حسنى مبارك , وحعفر نميرى , اساميهم الأولى , تحمل معانى الخضوع الآدمى الذى نحبه ونتمناه لربنا وخالقنا , لذا فان مجال التملق فيها معدوم , لذا فان المتملقين يتجاوزونها الى بعدها فيجعلون من الأول (حسنى ومبارك ) , ومن الثانى (نميرى ) , اما اسم عمر مثلا , فهو كافى لأن يضع حامله فى مقارنة خاسرة من قولة تيت , عشان كده الناس تتخطى عمر تلقى حسن , تتجاوز حسن تلقى احمد , يفوتوا احمد يمسكوا فى (بشير ) , يا يضيفوا ليها الف ولام , يا كمان يتشدقوا بمعانى (البشرى والفأل الحسن ) الفيهو , ياله من احراج , ويا لها من زاوية شديدة الصعوبة يا حبيب
* سباك شنو ؟؟؟ واحد يفتش على الأمية بتاعت الموية دى , ويقففلها انتو مويتكم دى ببلاش ولا شنو ؟؟؟
يا أبو الزوز ألف لا بأس عليك ياخي... الغربة بتعمل أكتر من كده... أسألني أنا لي 14 سنة أو يزيد مغترب... كلما تكبر في العمر تزيد الرجفة... و كلما تشوف رصيدك في البنك... تتذكر صندوق التكافل بتاع ناس الزقازيق تزيد رجفتك زيادة... ياما عملت مداخلات فاضية... أكون قاعد قدام التلفزيون ست بيتي تسألني... أديها ليك مداخلة فاضية... ما حقارة مني و الله و لا حاجة... لكن قلت ليك الغربة بتعمل أكتر من كده... و لو سألت الناس دي كلها تلقاهم كلهم مداخلاتهم فاضية... أنا غايتو بعرف كم واحد كده... و في البيمشي النادي كل يوم... ما هربان من ست بيتو.. لكن يعمل شنو لي روتين الغربة الثقيل ده... و الحاجة دي ما حكر على الرجال فقط... مرات ستات البيوت زاتهم يوصل بيهم الحال و لا بيتداخلوا زاتو... مش مداخلات فاضية... أنا غايتو أبو الزوز ده صاحبي... يعمل مداخلة فاضية..يعمل مداخلة يدينا في راسنا... يعمل الهو عايزو..ياخي الراجل حر حتى لو كان غياظ لكن حر... و لو الاكتئاب ده زاد ياني الراكب عربيتي و ماشي ليهو بالدرب... أولا لأنو زول صاحبي و كده.. تانيا خوفا على بهجة و الأولاد... المداخلة الفاضية مبلوعة لكن يقوم يفلق الأولاد و أمهم... دي ما بنبلعه والله...
Post: #3818 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-26-2011, 11:04 AM Parent: #3816
Post: #3819 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 11:04 AM Parent: #3816
طبعاً حكاية لزيق الأسماء دي عجيبة خلاص...عندنا هنا في المنظمة ينادوك بالفميلي نييييم فمثلاً أنا محمد آدم النور تم إختزاله بالنور...و أظنه للسهولة و تفادياً لعدم مطابقة أسماء الزملاء بالجد الرابع و لا يدرون أنه في السودان ممكن واحد يبقى معاك لحااام في إسمك و إسم أبوك حتى و إسم جدك زاتو ...بالمناسبة عقابنا لي ورا كدا ما في بيت ما فيهو إسم النور أو الضو أو الضي أو ضو البيت ...فقلت هس أبوي لو عرف إنو أنا هنا إسمي النور تكون جاتو ساقطة لأنو دا إسم أبوهو مع إن إسمي على جدي والد أمي ..بالطريقة دي يكون الجماعة ديل حفظوا التوازن الإسمي بتاعي ... محمد آدم النور الشهير بجلا
Post: #3820 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 11:11 AM Parent: #3819
لكن زى كلام جلا ده , ما عز الطلب بالنسبة لينا عشان ننداح ياخ شفت كيف يا جلا ؟؟ وبرضو دى نقطة مهمة جدا , اقصد حكاية الفاميلى نيم دى , بس يتخيل لى انها حل مقنع ومعقول لى تسمية الواحد بى اسم عائلته , وهى تشبه التسمية الرسمية او المناداة بالأسم الرسمى , حيث ان المخاطبة بالفيرست نيم حقك فيها حميمية قد تكون محرجة بعض الأوقات , فلمن يقولوا ليك يا جلا , مستر النور , فقد نسبوك الى شجرتك وهذا يعجب المنادى كما ويعجب صاحب الحق فى اطلاق الأسم اللى هو الوالد مثلا , والعرب القدماء كانوا اذا ما ارادوا ان ينادوا اسما ويدلعوهو كمان , حذفوا منه الحرف الأخير , ويسمى هذا لغة ب(الترخيم ) , اذ انه ورد فى الفية بن مالك (وفى الترخيم فاحذف آخر المنادى , كيا سعا , فيمن دعى سعادا ) , شفت الدلع ده كيف ؟؟!!!كما ان ادعاء نسيان الأسم هو من ظواهر الغنج والدلال الأنثوى المعروفة , الم تسمع تأتاة النساء وهن غارقات فى العشق والحب عند ادعاء محاولة تذكر اسم حبيب ما (بينما هى تعرفه زى جوع بطنها ) هناى داك , ياخى البيجيك فى البيت , الأبيضانى الطويل الأسمرانى القصير , العندو فلجة داك , بينما محدثها يقترح لها فى الأسماء حتى اذا ما جاء الأسم الذى تعنى تبادر فى غنج ودلال , ايوا بس , كتلتو , هو اسمه (منصور ) بالله ؟؟!!ما سمعت الكابلى يردد رائعة على محمود طه المهندس , يقول لى وهو يهدى البرق مبتسما , يا (انت يا ذا ) وعمدا لا يسمينى , يا بنت عشرين والأيام مقبلة , ماذا تريدين من (موعود خمسين ) ؟؟!!!! 46 minutes ago ·
Post: #3821 Title: Re: ناس الزقازيق ... أجدع ناس (4) .. Author: منصور عبد الرازق Date: 11-26-2011, 11:17 AM Parent: #3820
يا نضيف يا لذيذ اها الموضوع بقى صورة وصوت حلا وحمار يعنى جاد وينو ؟؟؟!!
* عليكم الله بعد ده لو غبت اسبوعين فى زول ماشى يسألنى ؟؟؟
Post: #3822 Title: Re: ناس الزقازيق ... أجدع ناس (4) .. Author: محمد عيد Date: 11-26-2011, 11:44 AM Parent: #3821
Quote: قطع (جلبتى عدييييييل )
كفارة يا زول ...!
Quote: عليكم الله بعد ده لو غبت اسبوعين فى زول ماشى يسألنى ؟؟؟
غايتو الا يسألك فى صمت زى اخينا داك ..!
طيب ما هو احنا عارفين انو ماسورة ... لكن البيحلجها شنو ؟؟
اما محمد عيد فما يزال مشغولا مع الرشيد بى هندسة زهير الزناتى الفراغية باعتبارها اما مظهرا من مظاهر , خريف الغربة وارهاصات الخمسين ( والجوكر بايظ كمان بعض مرات ) او باعتبارها , نسقا فنيا يعادل (الفحمة ) بتاعت (حضرنا ولم نجدكم ) بتاعت زمااااااااااااااااااااااااااان ولكن , الشادى كمال , واحمد الحاج الدكتور , ما يزالون مصرين على (فتفتة جلبتى ) , وممعنين , فى تغذيتى بالمزيد من (الطجنية الكلامية ) بعد ان عرفوا , انها مسبب اساسى من مسببات طه القرشى الزمااان ماسورة وانحلجت , نعمل شنو ؟؟ بنجيكم كان حيين
هذه الأيام أجد نفسي في محيط البني و البيج و اللبني... بدرجاتهم المختلفة الفاتح منها و الغامق... و أجدني أنفر من الأسود و الرمادي رغم انها كانت ألوان محببة... و ما قدرت أجد تفسير موضوعي للمسألة دي... يعني مزاجي هذا الشهر بني و بيج مثلا... و لا عمري هو الذي أصبح بني...قمة النضج... رغم انه من زاوية زراعية البني يعني مرحلة ما بعد النضج... البمبي و البنفسجي و الألوان اياها ما مكجنه لكن ما مزاجي... الأخضر الليموني مشنق الطاقية ده بخليني أحس اني عقد الجلاد..عقد الجلاد... الألوان التانية المن اختراع بنات الشيخ ديك... ناس حرجلي و بصلي و بطيخي..كجنه شديدة... يعني لو منصور ده خلى موضوع الأسامي دي شوية... و قعد كده برواقة شرح لينا العلاقة ما بين اللون و العمر و المزاج... يكون كتر خيره وبارك الله فيهو.... أو أبو الزوز كمان أنهى الاضراب و جانا اتفلسف لينا شوية... بي كلامه المقعد السمح داك... و ديدو يجي يورينا الأيام دي مزاجه ياتو لون... محمد عيد طبعا احمممممممر الأيام دي... سلامات يا ناس...الكوتش الطايوق على أي لون... الريس ميسرة لونك شنو صباح اليوم... و ايش لونكم جميعا...
Post: #3829 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-27-2011, 06:25 AM Parent: #3828
مازن عمر ابن سناء الصباغ طلع فنــــــــان ... شجعوه ... شجعوه بالله عليكم
ثانياً الأخ ناظم عمر مجذوب ما شاء الله عليهو وإهتمامه بالفن السوداني رغم إنه عاش معظم حياته بره السودان منذ أن كان طفلاً صغيراً وده نتيجة لتربية واعية ربطته بثقافته الأصلية ... بس بيني وبينكم ودي قطيعة الود مركب وش سناء الصباغ بتاع الصرامة داك ذاته .... جاد لمن يخوفك ... غايتو يا سناء ما كسبتي أجر في الولد ....
ثالثاً يا رشا أنا مضرب عن المشاركة بالعكس ... مشارك ومعظم المداخلات السابقة والتي ترونها فاضية أو فارغة إنما هي لايك لكثير من المواضيع ... بس بكري ما عنده ايقونة لايك .... علي العموم موضوع الألوان ده ما عندنا فيهو ثقافة ... ياخي والله علاقتي بالفن زي علاقة عبد الدائم بالكورة .... بس أحب اللون الأحمر لأسباب سياسية واللون الأزرق لأسباب رياضية ....
Post: #3835 Title: Re: ناس الزقازيق ... أجدع ناس (4) .. Author: أحمد إسماعيل Date: 11-27-2011, 08:49 AM Parent: #3833
كل سنة وأنتم طيبين ، سنة جديدة
وحلوه للجميع ،
جمال ود فارح كل سنة وأنتم بخير وعقبال مائة شمعة
مبارك جادين يا راجل يا طيب مداخلاتك حلوه كتر منها الأخت زوبة أحسن الله عزاكم وألزمكم الصبر على فقد الخالة نسأل الله لها واسع الرحمة وعظيم المغفرة ، وإنا لله وإنا إليه راجعون
يا أبو الزوز أمبارح كنت مع الأخ جلال كردمان مازال يتعالج ربنا يشفيه ويعافيه واليوم عنده مراجعة بالمستشفى ربنا يطمنه إن شاء الله لكن الأسباب السياسية والرياضية ماعندكم
أحمد إسماعيل كل سنة و إنت طيب و ربنا يشفي أخونا جلال كردمان يا زول مالك محاربنا و ما داير تجي الإجازة مالك؟؟؟؟ طبعاً زولك نزل السودان و طوالي أصبح عيان و لمدة 21 يوم بالمناسبة عياهو ما عندو أي علاقة بحالة السودان عشان ما في زول يجي يفتي لينا و يقول السودان أصبح بلد طارد الداير يعرف موسى عيسى عيان بي شنو يديني تلفون و أنا أكب ليهو الشمااارات كلها
و بعد ما قلنا خلاص بقى كويس...مشينا نزورو لقيناهو مافي زول عيان و جاي إجازة البخليهو يتحاوم شنو؟؟؟ رش ما تجاوب بالله
Post: #3840 Title: Re: ناس الزقازيق ... أجدع ناس (4) .. Author: محمد عيد Date: 11-27-2011, 10:50 AM Parent: #3838
التعازي الحارة للاخت زينب التجاني في وفاة خالتها.... لها الرحمة والمغفرة ... وللأسرة خالص العزاء .... إنا لله وإنا إليه لراجعون ...
Post: #3841 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 11-27-2011, 11:05 AM Parent: #3838
تعازينا الحارة يا زينب التيجانى فى وفاة خالتكم ربنا يرحمها ويغفر ليها , ويجملكم بالصبر والسلوان
نرجع لى اسم عمر , ياخى ده من اكثر الأسماء احراجا فى الدنيا دى , ودلالاته المحرجة ما راجعة لى معناهو ولا لى مبناهو(هو العارف معناهو ولا مبناهو زااااتو منو ؟؟!!) , ولكن شخصا ما , حمل هذا الأسم منذ زمن بعيد , ملأ اركان الأسم بالمعانى والدلالات , وانا هنا فى حل من ان اشير الى انه امير المؤمنين عمر بن الخطاب , فقد ارتبط اسمه بقيمة من القيم العالية , لمن تقول عمر كأنك قلت العدل , ثم بعد ذلك ضاع معنى عمر (غير المعروف اصلا الا للمدققين والباحثين ) وحلت مكانه قيمة العدل , شفتوا بالله ان معنى الأسم قد يندثر وتملأ فراغاته بصفات واحد من اللذين حملوه على عواهنه , يعنى مهما كان معنى اسمك , فان هناك صفات تملأ فراغاته عند المؤثرين من الناس , التأثير ده اشكاله مختلفة , ممكن كويسة وممكن كمان كعبة , فزى ما سيدنا عمر بن الخطاب ملأ معنى اسمه بالعدل , فان لقمان ملأه بالحكمة , وايوب بالصبر , ويوسف بالجمال , , انها اسماء غاية فى الخطورة , وغاية فى الأحراج , عشان كده لو خلونا نسمى بعد ما نجرب , يكونوا ما قصروا معانا ابدا , ولغاية الوكت داك , نمشيها بالفاميلى نيم ياخ !!!يعنى انحنا حانكون احسن من الجماعة المشغلين جلا ديل ولا شنو يعنى ؟؟؟!!!!
أما حكاية يسموك على فلان أو يسموكي على فلانة تيمناً بي زكاءهم أو حنانهم أو عطفهم في ناس عندهم راي... في واحدة قريبتنا أمها توفت و بعدين جابت بت...الجماعة طوالي أفتو و قالو خلاص حتسميها بي أمها حتى ود الشيخ زاتو آمن بالقصة دي ...زولتنا أدت المولود إسم بخلاف ما هو متوقع...تحت تحت قلت لي بت الشيخ بتاعتي ...الزولة دي ما لا ما سمت على أمها...بت الشيخ قالت لي هي قالت أمها عزيزة عليها...وهي خايفة إنو المولودة دي لمن تكبر تقوم تشيل طبع ما ياهو و بعدين يقومو ينبذوها ..الله يقرفك ...الله يختك وبس عليكي ...و إنتي جاية من وين...وكدا و هي ما داير تنبذ أمها وهي في القبر.....قلت و الله دا فهم كويس يعني الحبوبات ما يزعلن من هنا و غادي ...و الحبوبة البتزعل معناها داير البذ لي روحا بعدين ...و الله أعلم
* ما دام فيها بت الشيخ معاتا الكاتب الكلام الفوق ده , جلا
ها , اشهر معانى الأحراج التى وردت فى الأثر , وردت فى معنى ودلالات اسم عمر ده بالذات , فقد قيل ان يوم وفاة سيدنا عمر بن عبد العزيز , صادفت يوم مولد الشاعر المعروف عمر بن ابى ربيعة , وقد قيل ان هذا سمى على ذلك تيمنا وتمنيا لأن يحمل ولو جزء يسير من صفاته , تاملوا معاى ما حدث , عمر بن عبد العزيز , كان رجل دولة لا يشق له غبار , حتى اصطلح على انه (الخليفة الخامس ) تجاوزا مع ان عهد الخلافة الراشدة قد ولى وانتهى , ولكنه حمل من صفات الراشدين الكثير , عدلا وقوة وادارة وتنظيما , اما عمر بن ابى ربيعة , فان الناس لا يعرفون من صفاته الأدارية التى تخص رجال الدولة شيئا , ببساطة لأنه ليس منهم , لا اهتماما ولا غير ذلك , كان رجلا شاعرا , مهتما ببديع الكلام ودقة الوصف , ولكنه كان ممعنا فى حسياته , مهتما بمحاسن النساء محبا لهم , زول رياد يعنى بلغة العصر الحديث , لذا فانه ملأ الدنيا شعرا جميلا موزونا ومقفى , هو من ابرز شعراء الوصف ولاجدال فى ذلك , ولكن تيمنوا بشخصيته متخذين من الأسم طريقا لذلك , ظلموه ومشوا به طريقا ليس طريقه , لذا فان المقولة التى قيلت بعد ذلك فى هذا الموقف المحرج , كانت خير مثال للأسماء والتسمية , فقد قالوا , اى حق رفع , ويقصدون موت عمر بن عبد العزيز رضى الله عنه , واى باطل وضع , ويقصدون مولد هذا الشاعر الجهبذ الوصاف , اتخيلوا معاى بقى لو عمر بن ابى ربيعة ده كان اهله سموه (امرؤ القيس ولا الهيثم بن منصور ولا زهير بن الزناتى ولا حتى مبارك ابن جادين والطيب التكو حتى !!!) كان دخل فى الحتات الباااايخة دى ؟؟!!!هسى الناس مش نسوا اسم زولكم بتاع بثينة الأصلى داك , وسموهو (جميل بثينة ) ؟؟!! ونيب ؟؟!!
جلا :عارف يا منص بمناسبة الإحراج دا معناها أنا دخلت و لدي عمر في إحراج ما بعدو ...مثلاً أنا إسمي محمد آدم النور حسن ...يعني بعدين لو قام ولدي إشفتن و قال داير إسم الفاميلي نيم بكون واطاتو صبحت
كمال الشادي :على الطلاق يا منصور ويا جلا الما يتنتت معاكم عمرو ما إتنتت ( إتنتت ) ده مصلح نجرتو من راسا ( حسناء زوجتي ) معناتو إنها راح تفتح النت وتقعد فيهو بعض الوقت أقول ليها بتعملي في شنو تقول ليك ( بتنتت ) .
Mohamed Adam و الله يا شادي مكيفاني لمن تقول حسناء زوجتي....زوجتي إسمها (شفاء) فترة الخطوبة كنت بقول ليها الشفاء... قامت رسلت لي رسالة بي طريقة غير مباشرة لأختي ..قالت ليها قولي لي أخوك دا ما يخت الألف و اللام في الإسم دا عجبو عجبو ما عجبو يمشي يشوف محل الألف و اللام وين!!!...طبعاً بعدت داك غنيت ليها شوفتك شفا و زعلك يشفك و بعترف ... بالله الزوله ضحكت لمن بانت نواجزها ...إنتو نواجزها دي مش الضرس الآخير؟؟؟ وتيب!!! أها من يوم داك ما سكاني ليك... لمن تزعل تقوم تقول لي يا حليل زمن شوفتك شفا و زعلك يشفق و بعترف...
كلنا متنتتين يا حسناء , مصطلح مختصر وعصرى ومناسب يا شادى , وقصة رفض التيمن بالأسماء اتقاء النبذ والشتيمة , مكنة جديدة لكنها قابلة للتقسيم يا جلا , يعنى ممكن تتختا فى الأعتبار , من اكثر الناس تأثيرا فى حياتى الخاصة , اخى الأكبر رحمه الله حجازى , يعرفه كمال الشادى كل المعرفة , وانا احبه حبا جما , حب الأخوة مرة , وحب الأفضال مرة تانية , وحب الشخصية زااااااتا مرة تالثة (ولكنها غير اخيرة ) , ومع ذلك فانا لااحب اسمه ابدا , ولكن الدنيا بتعلمك انو المسائل التقديرية دى بتاعت الحب وخلافه مسائل (متحركة ) بطبيعة الحال , اخوى حجازى ده الله يرحمه ويغفر ليهو ويتقبله احسن القبول , اتوفى فى بيتى هنا فى الرياض , حزنت عليه حزنا كبيرا وافتقدته فقدانا عظيما , رزقنا بمولود طفل ذكر بعد وفاته باقل من سنة تقريبا , لم يخطر ببالى ابدا ان اسميه حجازى , زوجنى اصرت على ذلك , ما عارفة هارشة من اخواتى ولا عايزة تكسر لى تلج , فاجانى اختيارها للأسم واصرارها على فعز على ان اعارض , حجازى ابنى الآن فى السابعة من عمره , اما حجازى اخوى الله بيرحمه فقد القى بظلال الأحراج والمقارنة غير العادلة , اى مجتمع بتاع اهل وخاصة فى الأجازات , يدخل حجازى ولدى فى هذا الأحراج العظيم , وخاصة لأن الأسم غير دارج وغير منتشر فان حتى غير الأقرباء يعرفون فورا ويسألون , انتو مسمينو على منو ؟؟شفتوا المحنة الدخلتها فيك امك يا حجازى ؟؟!!!
لاخوة المساهمين بشركة اجدع ناس للاستثمار .. السلام عليكم ورحمه الله ..
حسب اعلانات سابقة فى موقع سودانيز اون لاين وموقع ناس الزقازيق بالفيس بوك واتصالات هاتفية بتحديد يوم 1 نوفمبر 2011 كاخر موعد لاستدعاء راس المال ومن ثم تم تمديد المدة لاسبوعين اخريين وايضا التمديد لعشرة ايام اخرى واخيرا تمديد لنهاية هذا الشهر افيدكم علما بان المهله التى منحت للمساهمين بتسديد قيمة اسهمهم قد تبقى منها 3 ايام وحيث ان عدد المساهمين الجادين الذين التزموا بالسداد فقط 5 من الداخل و3 من الخارج .. سوف يتخذ مجلس الادارة قرارا بكيفية الانطلاق و الاستثمار بهذا الرقم المحدود او (قد) يستدعى الجمعية عمومية الاستثنائية للنظر فى البدائل المختلفة . بعد ان اتضح جليا عدم جدية الغالبية فى هذا المشروع بالداخل والخارج مع تجاهل مساهمى الخارج وغياب من يمثلهم بالاضافة الى انعدام عامل الثقة فى هذا الاستثمار.
ملحوظة : للتوضيح والاستفسار الرجاء التكرم بالاتصال برئيس مجلس الإدارة او الممثل القانونى للشركة ..
وتقبلوا فائق الاحترام .. صالح عبدالرحمن صالح مسؤول الاعلام والعلاقات الخارجية ..
Post: #3848 Title: Re: ناس الزقازيق ... أجدع ناس (4) .. Author: أحمد إسماعيل Date: 11-27-2011, 05:33 PM Parent: #3847
يا ود النور عيديتك وصلت الله يديك العافية والجية ليكم والله بندورها لكن يا خوي قلبي تقيل طال ما أبوي وأمي معاي قالوا عامل للبوست (كركاب مطرة بلا سحاب) على قول الأخ منصور بعدين ياخي زولنا مشى مننا عارفنه عامل ( التصريف جوزو خنس) ما شايفوا فجأة أصبح معيد في الخرطوم حتى ما أدانا فرصة كان نرسل ليك بقجة معاهـ ثم الختيلة الثانية بأنه عيان وذلك لأن سجود ومن لف لفها في إنتظارهـ حكاية بتحاوم دي تحير ، لكن ممكن نلاقي ليه العذر إحتمال مشى يعبي راسه من أستاذ ولا يجيب ليه كتاب يساعده في الذي هو فيه وإذا خلاف ذلك أغمز لي عشان نتصل ونأخذ الشمار النجيض
في كل مرة أقول لي ولدي مهند (تسعة سنوات) قوم أحلق يرفض... استعمل معاهو الترغيب ما ينفع و من بعده الترهيب برضو ما ينفع... الولد راسه قوي طالع لي منو ما عارف... الود خال طبعا بيكون طالع لي خاله منصور... عندما أضغط عليه شديد يستجيب لكن بمماطلة شديدة... و أقوم أخيره بين أن أحلق ليهو أنا أو يمشي الحلاق... يقوم يرفع معنوياتي و يقول لي أحلق لي انت... طبعا أنا حلاق من أيام الزقازيق يا جماعة... ياما حلقت لي ناس كتار و خليتهم ليك في غاية الجمال و الوسامة.. طبعا تطورت شديد من الأيام ديك و تطورت الأدوات كمان... من مقص ميت لي مكنة كهرباء و بي درجات كمان... بي جرة واحدة تنزل الشعر كلو... المهم مهند جلس على مضض و حلقت ليهو شعره... بعد الحلاقة عاين في المرايا ما عجبو الحال... لم يعلق...سكت ساكت... هفت لي بعد الحلاقة أتفرج في صوري أيام الزقازيق... طلعت الصندوق و قعدت أتفرج و أستعيد الماضي التليد... مهند قعد جمبي يتفرج في الصور... يا بابا الشعرو كتير ده انت... أيوه أنا افتكرتو حيقول لي يا سلام صورتك جميلة يا بابا... قام قال لي...و طيب مجنني كل مره قوم أحلق ..قوم أحلق مالك...
Post: #3850 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-28-2011, 08:28 AM Parent: #3849
صباح الخير ،،، يا وجوه الخير
اللهم أعطني خير هذا اليوم
--------------------------------- رسالة أخونا صالح تبلدينا للإخوة المساهمين
بشركة اجدع ناس للاستثمار ..
نأمل الإستجابة لها والإتصال برئيس المجلس أو الممثل القانوني
لتوضيح وضع أي مساهم ورؤيته ،،،،
ولا يسعنا إلا أن نشكر جهودهم المقدرة
Post: #3851 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 11-28-2011, 10:02 AM Parent: #3850
الجمعية الخيرية لتحفيظ القرآن الكريم بمحافظة القويعية تكرم أصغر حامل كتاب الله بالمحافظة . الطالب / محمد عصمت دفع الله الأمين ابن عصمت دف الله اداب E خريج 88 م الصف السادس الابتدائي مدرسة أجيال المعرفة الأهلية الابتدائية بمحافظة القويعية
مدير الشركه قال للسكرتيره عندنا انا و انتي رحلة عمل اسبوع رتبي امورك ,,, السكرتيره اتصلت على زوجها ,,, قالتله ..... عندي رحلة مع مديري اسبوع انت دبر امورك ,,,
الزوج اتصل على عشيقته ,,, قال لها .... زوجتي بتسافر اسبوع خلينا الاسبوع مع بعض ,,,
العشيقه تعمل مربية لـ ولد صغير اتصلت ,,, قالت له ... انا عندي شغل اسبوع كامل ما حاقدر اجيك ,,,
الولد الصغيراتصل بجده ,,, قاله ... جدو المربيه عندها شغل اسبوع كامل وما راح تجي خلينا كل يوم نروح مكان و نغير جو ,,,
الجد طلع نفسه هو مدير الشركه ,,, اتصل على السكرتيره ,,, قالها ... الغى الاجتماع لاني مشغول مع حفيدي ,,,
السكرتيره اتصلت على زوجها ,,, قالت له ... انلغت الرحلة وراجعه للبيت ,,,
الزوج اتصل على عشيقته ,,, قال لها ... زوجتي ما راح تسافر ولا حاقدر اشوفك ,,,
العشيقه اتصلت على الولد الصغير ,,, قالت له ... لا خلاص ما عندي شغل وراح اجيك ,,,
الولد اتصل على جده ,,, قال له ... لا جدو المربيه جاية خد راحتك ,,,
الجد رجع اتصل على سكرتيرته ,,, قال لها ... حضرى نفسك لازم نسافر للاجتماع ..!!
والى الان لم تحدد الحلقة الاخيرة
...
=================================== مبرووووك لولدنا محمد ابن عصمت دفع الله ... انا كل ما اجيب مدرس قرآن لأولادي ... يبدأو من جزء عمه ... كل يوم بعملوها كسور وبواقي ... لمن تجي الاجازة الكبيرة ...وما يخلصو حفظ ... ونبدأ من جديد .. بنفس الجزء ... في بداية السنة الجديدة ... ويعاد نفس الفلم ... لى عشرة سنوات على هذه الحالة ... وأنا زاتي معاهم ...... والغريبة ياالرشيد كل ما مدرس القرآن يجي داخل البيت ... الأولاد بقولو لي ... عاوزين نحلق شعرنا ... كدي جيب مدرس قرآن لمهند .......
Post: #3853 Title: Re: ناس الزقازيق ... أجدع ناس (4) .. Author: ميسرة سيد أحمد Date: 11-29-2011, 06:57 AM Parent: #3852
صباح الخير ،،، يا وجوه الخير
أصبحنا واصبح الملك لله وحده،،،
اللهم إني أحمدك حمداً يوافي نعمك ويكافئ مزيدك،،،
وأحمدك حمد عبد مغمور بعطائك مشمول بحلمك ،،، يفتقر إلى كريم عفوك ،،،
قال واحد جعان: يا حاجة أشبه بالرغيف مرقوها أسي من الفرن أنا بفقدك لما العيون تشتاق أماسيك الشبع واتخيلك قدرة ورحيق الفول ان شاء الله في أحلك ظروف لما نشتهي الجبنة ونطوف حال الدكاكين مغلقة والزيت صبح يا زيت مناي مافي ونشف مصران مشاعري المرهفة
========================= حاتم جبارة ... كيفنك يا ابو البنات ... يعني ولدنا .. الصامت ده ... مابتكلم الا لمايجيب لينا خبر ... موت ...
Post: #3858 Title: Re: ناس الزقازيق ... أجدع ناس (4) .. Author: محمد صديق Date: 11-30-2011, 09:24 AM Parent: #3856
وعليكم السلام يا اوتوبونق
Post: #3859 Title: Re: ناس الزقازيق ... أجدع ناس (4) .. Author: محمد صديق Date: 11-30-2011, 09:34 AM Parent: #3858
مالكم.. زهجانين؟ شوفو الما زهجان... مشغولين؟ شوفو الما مشغول.. مداخلاتكم فاضية و تلفوناتك مقفولة... ديونكم كترت؟ الشر بره و بعيد... اللهم اني أعوذ بك من غلبة الدين و قهر الرجال... و لو انو الأخيرة دي عايزه ليها تفصيل.. ياتو نوع من قهر الرجال... موسم الشتاء أصلو كده بيعمل دبريشن... خاصة الشتاء البارد الناشف البيشقق الجسم داك... عشان الجسم بيكون في حالة بتاعة خمول و كسل أقرب للكمون... الحمد لله الشتاء هنا زي ربيع ناس عمر نمله... و الله كمان ربيع ناس نملة أبرد من هنا... و ربيع الدنيا ده كمان أسألو منو هناي... و قصيدة زي بتاعت الزول بتاع البوش بتطلع من المود الشتوي... و تخليك تبتسم و لو خشمك مشقق أضحك في سرك... الهمة الهمة يا شباب... ما تبقوا جافين...و لا تشيعوا الجفاف...
سلام ايها الجميلين التحايا الكبرى لكل من مرّ من هنا سائلا عن صحة والدي الحب من الأعماق لكل الذين هاتفوني الود كله لكل الذين تكبدوا مشاق الوصول الى المستشفى أو البيت حين يداهم المرض دائرتك الضيقة يصبح طعم الحياة مختلفا تماما مررنا بتجربة سيئة جدا الحمد لله الأمور تتحسن نحتاج دعواتكم محبتكم تاج على رأسي احبكم جميعا
Post: #3872 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 11-30-2011, 08:41 PM Parent: #3871
تلبس أبو ظبي و باقي مدن الامارات حلة زاهية بمناسبة العيد الوطني... الأجواء الاحتفالية ظاهرة للعيان ... فلقد زينت المباني بأنوار على شكل علم الامارات... و أضيئت السماء بالألعاب النارية... و تفنن الناس في ابداء حبهم لبلدهم و تنافسوا في ذلك... في مظاهر منها البسيط و الجميل و منها ما فيه البذخ شديد... و وزعت الكثير من الهدايا التذكارية و الشعارات... أصر أبنائي على تزيين سيارتي بملصقات تحمل علم الامارات... و عجبوا لعدم اهتمامي و عدم تحمسي لموضوع الزينة... و غضبوا كثيرا عندما لم أتفاعل مع طلبهم... ما زلت غير متحمسا لمسألة تزيين سيارتي.. و لكني متفهم لاهتمامهم و احتفالهم... البلد بلدهم و فيها مدفونة صرتهم...
يا رشدي كدي بالله سيبنا من موضوع الاحتفالات وزينة العربية خليك في المهم سمعنا قالوا بمناسبة الاحتفالات دي زادوا المرتبات 100% في الأمارات .... أها لو قبضت الزيادة دي سبب واحد ما يخليك تزين العربية للشباب مافي ...... بعدين ياخي خليهم يحتفلوا هي مناسبة وما أقل المناسبات السعيدة ...
Post: #3876 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 12-02-2011, 09:44 PM Parent: #3875
السلام عليكم
انتو ناس الحوش ديل مشو وين ؟؟؟
قلنا مخمسين ماشي ...قلنا مجمعين ماشي ...الجمعة انتهت
سلامات يااهلنا والله مشتاقين كيف حالكم وعيالكم وبنات شيوخكم (واولاد شيوخكم يالثريات) عثمان الجيلي البركه فيكم في عمنا الفاضل الجيلي شيخ محمدوحاولت الاتصال لكني لم اوفق وحاتصل عليك قريبا ان شاء الله
لكن الدردقة ما عندك يا أبو الزوز... أنا ما محتاج دردقة يا أخوي... لما أغيب بيكون مانعني الشديد القوي... و الشديد القوي له صور مختلفة... المرة دي في صورة الاجازة بمناسبة العيد الوطني للأولاد... قصدي للامارات... و برنامج احتفالات تعبني و ورم رجليني... بعد ان انسحبت أمهم من البرنامج بديلوماسية... بقينا ما بنقدر علي التلتلة دي يا أبو الزوز... أنا من يوم الليلة حأسلمهم قائمة بالأشياء التي يمكنني المشاركة فيها... الأوله شرط آخره........نوووووور....
Post: #3881 Title: Re: ناس الزقازيق ... أجدع ناس (4) .. Author: عمر المهدى Date: 12-04-2011, 06:27 AM Parent: #3880
عشقتك وقالوا لى عشقك حرام يا مجدد نور عيونى يا مبدد نار شجونى ليتهم عرفوا المحبة وعرفوا اسرار الغرام
عشقتك وقالوا لى تعشق وايامك ربيع تقضى ليلاتك مسهد وابتساماتك دموع و ذاد حياتك يبقى غيره وتطفى من عمرك شموع وتنسى عشاق اغنياتك وتمسى افراحك حطام
لم يكن حبى متاعا لا ولا كان التباعا أو لقاءا او وداعا حبى نابع من بلادى من جمالها وانطلاقه أودعت حسن حبيبى من صباها كل باقه من صفاء الطيبة والكلمة الحبيبة والطلاقه كل رعشة حرف فيها ترجمت سر العلاقه يا عوازل كيف تكون الدنيا لو عزَّ الغــرام
صباحكم بالرضا والسرور والخاطر المجبور قلنا نسلم ونجدد بيعه الولاء لاجدع ناس لكم الامنيات الاغنيه دي بدون اي مناسبه
يا ود المهدي عثمان حسين عايز ليهو مناسبة كمان... ان جيت ليل و ان جيت دغش طوالي دفر الباب و خش... نشكرك على أغنية عشقتك و التي هي من الأغاني المحببة بالنسبة لي... و أعتقد و لكني لست جازما بأني بغنيها كويس... في الحمام طبعا..و مرات في ساعة صفاء كده في أي مكان... ما عايز أقول المطبخ تقومو تفتكروني كمان من الجماعة البيغسلوا العدة... حاشا لله...أنا بالكتير بدخل بعمل قهوتي و أطلع..امكن... خلو بالكم من امكن دي...أغسل الكباية العملت فيها القهوة و اتخارج... نرجع للأغنية... كنت عايز أشارك بيها في برنامج نجوم الغد لكن غيرت رأي ... كان الله أدانا العمر امكن أغنيها في عرس ميار زهير الزناتي... يكون تاكلني زهير بي جنبه و الكوتش محمد صديق بي الجمبة التانية... كنت عايز أقول منصور بالجمبة التانية... لكن قلت بدل ما نجيب ليهو واحد يتكلو هو زاتو كمان... مافي داعي أحسن نعمل تكيل مباشر... بدل ما نعمل لينا رصة بتاعت دومينو عشان أغنية واحدة يمكن تظبط و امكن لا...
و الله أنا زاتي بقول كلام خارم بارم... أها أنا قول غنيت الأغنية دي ..الببشر فيني منو... الشباب بتاعين الزمن داك بيكونو زهجانين مني زهج شديد... و ناس جلال و محمد عيد ديل الواحد فيهم كان صفق ساكت يكون ما قصر... خلي يجي يبشر كمان...
Post: #3883 Title: Re: ناس الزقازيق ... أجدع ناس (4) .. Author: محمد صديق Date: 12-04-2011, 09:01 AM Parent: #3882
سلامات يا ناس
ونهارات التفاؤل
اهلا ...حنان مجمر.....
مبروك عليكم العيد والزيادة فى المرتب ...حبيبنا الرشيد
لكل من مفارقي الاوطان والحبان لكم خاص الموده الرشيد اكيد حاتكون بتغنيها كويس اذا كان منصور ظااااااااااتو بغني كويس الكوتش تحياتي وانا اقول شايفك وين مراحب في الحوش الكبير عبد الدايم مايجي يقول دايره شرح دي اوضح من بقول باع وبضبحوه في الضحيه الحلويات الفوق دي قاصدين بيها شنو يعني نبحلق ساي
Post: #3885 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 12-04-2011, 10:27 PM Parent: #3884
اهلنا ناس الحوش ...
سلام والف وسلام....
حنان مجمر ليك خالص تحياتي والف شكر ...ارسلي لي الايميل بتاعك ..واذا امكن الاسكاي بي ...
ولا الحزن القديم إنتِ ولا لون الفرح إنتِ ولا الشوق المشيتْ بيهو وغلبْنى أقيف وما بِنْتِ ولا التذكار ولا كُنْتِ بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه ومن شهقَة زهور عطشانَهْ فوق أحزانهْا متْكَّيهْ بتَطْلَعى إنتِ من صوت طِفلَهْ وسط اللمَّهْ منْسيَّهْ تَجينى معاكْ يجينى زمن أمتِّع نفسى بالدهشَهْ طبول بتْدُق وساحات لى فرح نَوّر وجمّل للحُزن..ممْشى وتمشي معاي خُطانا الإلفَهْ والوحشَهْ وتمشى معاي... وتْرُوحى وتمشى معاي وسط روحى ولا البلْقاهو بِعْرِفنى ولا بعرِف معاكْ ..روحى
هسع الشعر البكتب فيهو ود المهدي وورشيد القوم ... اسمو شعر ... حاولو القراءة ... برواقه ... واستشعرو الكلمات ... والمعاني ... ولو القصيدة طويلة ... قسموها... كل يوم حته ... وراكم ايه ... البوست بقي خلا ....
أعجبتني القصة التالية كثيراً على الرغم من إني كتبتها قبل ذلك بس ما في واحد يقول أول مره أشوفها أعيدها بصراحة علشان جميلة جداً
أمي قبل كل شيء
بعد 21 سنة من زواجي، وجدت بريقاً جديداً من الحب. قبل فترة بدأت أخرج مع امرأة غير زوجتي، وكانت فكرة زوجتي حيث بادرتني بقولها: "أعلم جيداً كم تحبها"... المرأة التي أرادت زوجتي ان أخرج معها وأقضي وقتاً معها كانت أمي التي ترملت منذ 19 سنة، ولكن مشاغل العمل وحياتي اليومية 3 أطفال ومسؤوليات جعلتني لا أزورها إلا نادراً. في يوم اتصلت بها ودعوتها إلى العشاء سألتني: "هل أنت بخير ؟ " لأنها غير معتادة على مكالمات متأخرة نوعاً ما وتقلق. فقلت لها: "نعم أنا ممتاز ولكني أريد أن أقضي وقت معك يا أمي ". قالت: "نحن فقط ؟! " فكرت قليلاً ثم قالت: "أحب ذلك كثيراً". في يوم الخميس وبعد العمل ، مررت عليها وأخذتها، كنت مضطرب قليلاً، وعندما وصلت وجدتها هي أيضاً قلقة. كانت تنتظر عند الباب مرتدية ملابس جميلة ويبدو أنه آخر فسنان قد اشتراه أبي قبل وفاته. ابتسمت أمي كملاك وقالت: " قلت للجميع أنني سأخرج اليوم مع ابني، والجميع فرح، ولا يستطيعون انتظار الأخبار التي سأقصها عليهم بعد عودتي" ذهبنا إلى مطعم غير عادي ولكنه جميل وهادئ تمسكت أمي بذراعي وكأنها السيدة الأولى، بعد أن جلسنا بدأت أقرأ قائمة الطعام حيث أنها لا تستطيع قراءة إلا الأحرف الكبيرة. وبينما كنت أقرأ كانت تنظر إلي بابتسامة عريضة على شفتاها المجعدتان وقاطعتني قائلة: "كنت أنا من أقرأ لك وأنت صغير". أجبتها: "حان الآن موعد تسديد شيء من ديني بهذا الشيء .. ارتاحي أنت". يا أماه تحدثنا كثيراً أثناء العشاء لم يكن هناك أي شيء غير عادي، ولكن قصص قديمة على قصص جديدة لدرجة أننا نسينا الوقت إلى ما بعد منتصف الليل وعندما وصلنا إلى باب بيتها قالت: "أوافق أن نخرج سوياً مرة أخرى، ولكن على حسابي". فقبلت يدها وودعتها ". بعد أيام قليلة توفيت أمي بنوبة قلبية. حدث ذلك بسرعة كبيرة لم أستطع عمل أي شيء لها. وبعد عدة أيام وصلني عبر البريد ورقة من المطعم الذي تعشينا به أنا وهي مع ملاحظة مكتوبة بخطها: "دفعت الفاتورة مقدماً كنت أعلم أنني لن أكون موجودة، المهم دفعت العشاء لشخصين لك ولزوجتك. لأنك لن تقدر ما معنى تلك الليلة بالنسبة لي أحبك". يا ولدي في هذه اللحظة فهمت وقدرت معنى كلمة "حب" أو "أحبك" وما معنى جعلنا الطرف الآخر يشعر بحبنا ومحبتنا هذه. لا شيء أهم من الوالدين وبخاصة الأم . امنحهم الوقت الذي يستحقونه .. فهو حق الله وحقهم وهذه الأمور لا تؤجل. بعد قراءة القصة تذكرت قصة من سأل عبد الله بن عمر وهو يقول: أمي عجوز لا تقوى على الحراك وأصبحت أحملها إلى كل مكان حتى لتقضي حاجتها .. وأحياناً لا تملك نفسها وتقضيها علي وأنا أحملها .. أتراني قد أديت حقها ؟ ... فأجابه ابن عمر: ولا بطلقة واحدة حين ولادتك ...تفعل هذا وتتمنى لها الموت حتى ترتاح أنت وكنت تفعلها وأنت صغير وكانت تتمنى لك الحياة
Quote: بس مافي واحد يجي يقول أول مره أشوفها أعيدها بصراحة علشان جميلة جدا
المرة دي شفناها يا ريس... رغم انها برواية أخرى لكن شفناها... و أتذكر المرة الفاتت بعد ما قريتها قمت ضربت تلفون للوالدة طوالي... رغم اني مواظب جدا على التواصل معهم... القصة جميلة جدا و معبرة و دالة على خير كبير... يديك العافية يا ريس و انت تذكرنا دائما بأمور في غاية الأهمية...
Post: #3896 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 12-05-2011, 10:26 PM Parent: #3895
ناس الحوش ...صباح الورد والياسمين....
يا ريس ميسرة ...الموضوع بلا شك جميل...ومكان الام عظيم...قال ثم من قال امك
قال ثم من قال امك ...قال ثم من قال امك....هذا قول معلم البشرية سيدنا محمد ص الله عليه وسلم...
والام هي دوما مصدر العطاء بلا حدود وبدون مقابل...والاجمل من كده التفاني في العطاء... ولقد عجبني في مرة مقال في صحيفة سودانية ...عن تفاني الام فذكر فيه الكاتب عن الامومة في عدد من المخلوقات ومن ضمنهم الجرادة التي تفني نفسها لتكون غذاء للبيض بعد ان يفقس .. وكذا بعض الفراشات ...فالامومة شيء عظيم ومهما اعطينا فلن نجزئي الام حقها...لكن فلندعوا لامهاتنا بالصحة والعافيةان هم احياء والمغفرة والفردوس الاعلي ان كانوا في زمة الله
رشيد القوم وزهير الزناتي....اليوم انتم لامستم وترا حساس جدا باغنية وردي....مع العلم اني من المدمنينن لي وردي وام كلثوم...طبعا في زمن الجاهلية.... وسنين الجامعة كان كثير من الكرولات لي وردي مصدرها الاشرطة التي كانت بمكتبتي الصوتية في ذلك الوقت...
لكن الآن تغير كل شيء...لكم التحية يا حلوين
عثمان ادارة
Post: #3897 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-06-2011, 06:25 AM Parent: #3896
صباح الخير ،،، يا وجوه الخير
أصبحنا واصبح الملك لله وحده
إبتهالات الصباح :
اللهم سجد لك سوداي وخيالي وآمن بك فؤادي ، ربي هذه يدي وما جنيت علي نفسي لك الحمد حتى ترضى ولك الحمد كما تحب وترضى
Post: #3898 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-06-2011, 06:27 AM Parent: #3896
صباح الخير ،،، يا وجوه الخير
أصبحنا واصبح الملك لله وحده
إبتهالات الصباح :
اللهم سجد لك سوداي وخيالي وآمن بك فؤادي ، ربي هذه يدي وما جنيت علي نفسي لك الحمد حتى ترضى ولك الحمد كما تحب وترضى
بعد ما طلعت روحي من المذاكرة مع العيال و ناموا.. قلت ألقى لي حاجة كده أرتاح بيها... قعدت أقلب في القنوات السودانية... الاصلاح الديموقراطي للأحزاب السودانية موضوع حتى تكتمل الصور بالنيل الأزرق... الشروق لم تشرق شمسها بعد.. زول لم تعاود البث بعد أن غابت... مشيت على قناة أم درمان مجبر أخاك لا بطل... مذيع و تلاتة فنانين و جمال حسن سعيد... جمال حسن سعيد كعادته جمل الحلقة بقفشاته و شعره الجميل...
زولة تفتح الروح ضلفتين تخشك وتمرقك عــــــادي تخشك وتمرقك ما بتقفل الباب من وراها بل تساسق بين شفقتك وحرقتك ما بتأذنك ما روحها نفاج غربتك هي البنية الساكنة أسرار فكرتك هي الشايلة حســـــك وسترتك زولة كما النورس تجــي تنزل شواطي الإلفة والزمن الشفيف....
الفنانين الشباب ما شفتهم قبل كده و لا سمعتهم... قلت لي أنا طوالي عامل حاجز بيني و بين الفنانين الشباب ديل... أصريت أسمعهم كلهم غنية تلو الأخرى.. لقيت انهم من ناحية بتاعت تقنية تطوروا جدا.. من ناحية بتاعت ثقافة لا بأسٍ بهم...بيعرفوا يتكلموا كويس... عبت عليهم حاجتين... يبدو ان الشباب ديل أصبحوا نجوم كبار في السودان... هذه النجومية جعلتهم متعالين قليلا... أظنهم متعالين أيضا على تقبل النصح ممن سبقوهم في المجال.. و ذلك أما بسبب النجومية أو بسبب العداء الذي قوبلوا به من قبل هؤلاء... يعني الواحد فيهم يقول ليك بالله سيبك من أستاذ فلان و علان... أنا عندي جمهوري و معجبيني و بيحبوا الغناء بتاعي ده... الحان الأغنيات تتشابه الى حد كبير.... أو ربما بسبب ادخال التقنية على الأغنية و على الصوت خيل الي ذلك.. التلاتة فنانين تغنوا بتلاتة أغنيات لشاعر واحد... كلمات بعض الأغاني لا تصلح الا للحفلات و هذا هو هدفهم على ما أعتقد.. سعدت عندما عرفت ان جمال حسن سعيد سيتعاون مع أحدهم... و أرجو أن لا يتعالى كبار الشعراء على هؤلاء الشباب... عشان ما أطول في الموضوع عايز أقول ان في الشباب ديل خامات جيدة... بيعرفوا موسيقى كويس و بيعرفوا يتعاملوا مع التقنية الحديثة... عندهم ثقة بنفسهم و بيتعاملوا مع الموضوع باحترافية... تنقصهم بعض الأشياء بتتطور مع التجربة.. بس الله يكفيهم شر التعالي و التقليد الأعمي لكل ما هو غربي...
أنا عارف مداخلتي دي عاملة زي قصيدة ياسر نجيلة... لكن زي ما قال ياسر...وراكم شنو...
طيب قول داير تتطول الموضوع يعني نمشي نجيب بطانيتنا هنا و لا شنو
Quote: عايز أقول ان في الشباب ديل خامات جيدة... بيعرفوا موسيقى كويس و بيعرفوا يتعاملوا مع التقنية الحديثة... عندهم ثقة بنفسهم و بيتعاملوا مع الموضوع باحترافية... تنقصهم بعض الأشياء بتتطور مع التجربة..
بي وصفك دا الناس ديل ما ناقصاهم أي حاجة غير العداد
Quote: لكن زي ما قال ياسر...وراكم شنو...
شخصياً وراي غسيل عدة و طشت هدوم و حميم عمر الحاجة الما وراي تسريح البنات
لم يكفهم أنني بقيت طوال الليل أتنقل بين كمبيوتري و كتبهم الدراسية... أشرح لهذا و أطبع مواضيع من الكمبيوتر و أرسم تكوين السحب و أنواع الخلايا... التلفاز مغلق حتى لا يشغلني و يشغلهم و يبقى هكذا حتى يناموا... لا فيس بوك و لا سودانيز أون لاين و لا حتى تلفون... لا تكية ضهر و لا انبطاحة و لا بطيخ كما يقول اخوتنا السوريين... لم يكفهم كل ذلك... في الصباح أكون بين مطرقة بص المدرسة و سندان الدوام... أي تأخير في مواعيد الصحيان و لا في حمام..لبس..صلاة تيتبعها تأخير في الاتنين... معادلة يجب أن تكون كل أطرافها موزونة تماما و الا اختلت النتيجة... نتحرك كالروبوتات حركة آلية منتظمة مرتبة... لم يكفهم كل هذا... هذا الصباح و أنا أصحي مهند ضرب على جبهته و قال لي يا بابا نسيت... الأٍستاذ قال لينا جيبوا ورقة اكتبوا فيها الاسم و تاريخ الميلاد و الفصل... و كمان لصقوا فيها صورة... يا الله وين انت كنت أمبارح بالليل..ما أنا قاعد ملصق جمب الكمبيوتر ده الليل كله.. أفتح الكمبيوتر بسرعة..الكمبيوتر مارس معاي دغالة زي بتاعت واحد صاحبنا... مواعيد البص قربت و الكمبيوتر ما فتح... قلت ليهو شوف يا ولدي..الكمبيوتر ده باين عليهو لسه نعسان... و لا كمان يكون زهجان عشان قاعدين تساهروا بيهو الليل كله... قول للأستاذ بتاعكم حأجيب ليك الورقة بكره و أمشي ألحق البص... لحق مهند ببص المدرسة و تأخرت أنا ربع ساعة عن الدوام...
انتو جلال ده قاصد منو بمساخة ناس كده دي... أنا غايتو لو قاصدني ما بخليهو... حأوكل منصور يآخد لي حقي منو... و لو منصور قال ما بيقدر حأنتظر لحدي ما يرجع موسى عيسى من السودان... غايتو يا موسى سويته شتره المره دي... ياخي ما معقول..لا بتقول أنا ماشي السودان... و لا عارفنك جيت و لا ما جيت... و لا كمان بترد على تلفوناتنا... عافي منها أم العيال و الله... تعليمات في منتهى الصرامة...
يا رشدي صباح الخير ..... اول ما شفتك آخر المتداخلين .... قلت أجي اقول ليك ياخي ما تزيدنا شوية من بيضة الديك ... اها جيت لقيتك عارف المسالة وفايتة قعر اضانك ...... ورحم الله امرء عرف بيضة ديكه ... اها انا الليلة عندي مزاج مع ناس البوست ديل ... تعرف يا رشدي ... انا اولادي ديل لمن أصحي بيكونوا هم في الحصة التانية ... المذاكرة مع أمهم ... القضايا الصغيرة دي زي ما قال واحد من جمعيتنا ما بتهموا ... يهتم بالقضايا الكبيرة ... زي السلاح النووي الإيراني والإنتخابات في روسيا .. وأزمة الدين في الإتحاد الأوربي .... معقولة بالله أوعي كمان تقول لي شاغل نفسك بحاجات تانية ... ياخي كل ما يخص البيت والعيال ده من مهام بت الشيخ ... بما فيه القرارات المصيرية ... يعني عليك تدفع وأنت ساكت ....
Quote: .... قلت أجي اقول ليك ياخي ما تزيدنا شوية من بيضة الديك ... اها جيت لقيتك عارف المسالة وفايتة قعر اضانك ...... ورحم الله امرء عرف بيضة ديكه ...
يا أبو الزوز هي عرفة الليلة... من زمان عارف و مستريح..العارف عزو مستريح... أنت مواكب للتغيرات التي حدثت مؤخرا في المنطقة.. تبعتها تغييرات في القضايا نفسها.. فالقضايا الصغيرة أصبحت كبيرة و العكس صحيح... ستات البيوت الكانوا بتآكل عشاهم الغنماية تأثروا بالربيع العربي... فعملوا انقلابات بيضاء كانت نتيجتها الغاء الونسة بتاعت الأصحاب و النادي و غيرها... بقينا نصرف و نشتغل في البيت و نذاكر مع الأولاد... و في رواية أخرى..نورق الملوخية كمان... لا أرى أي بشائر انعتاق في الأفق من هذه الأعباء...
الله يلعن الديموقراطية و يلعن يومه ياخي... ماله الديكتاتورية مالو حكم الفرد..عيبو لي...
Post: #3908 Title: Re: ناس الزقازيق ... أجدع ناس (4) .. Author: مبارك جادين Date: 12-07-2011, 06:13 AM Parent: #3905
يا ناس الزقازيق صباح الخير مبروك لبننا محمد عصمت دفع الله هذا التفوق الممتاز
توفي بالامس والد زميلنا وود حلتنا مالك السكي خريج الزقازيق كلية البيطرة المرحوم حاج السكي من اعمدة حي الدرجة بالابيض رجل لايمكن ان تفتقده في اي ملمة مبادر لفعل الخير اللهم ارحمه واجعل الجنة مسواه وانا لله وانا اليه راجعون تلفون شقيق مالك خالد هو 0912162344
Post: #3906 Title: Re: ناس الزقازيق ... أجدع ناس (4) .. Author: جلال عثمان Date: 12-07-2011, 05:59 AM Parent: #3904
لما توريني الديك في الاول بوريك انا قاصد منو يعلم الله القاصدوا يكاد يقول خذوني...
بعدين ما شاء الله على مهند هدي ورضي ربنا يحفظوا هاك نوع دا ... محمد ولدي الاسبوع الفات كان في اجازة كدا عشان امطار وشنوا كدا ما عارف تاني يوم من الاجازة دي وكالمعتاد صحينا وروتينا ياهو روتينكم زاتو ... مع الفارق انو سواق باص المدرسة هو انا زاتي ... المهم ياحبيب محمد قال لي بابا سوري نسيت اقول ليك انو اليوم عندنا في المدرسة (الفروت دي) اها وطيب الفهم شنو يعني ... التيتشر قالت كل واحد يجيب معاهو نوع من الفواكه وطبق بلاستيك ومعلقة وشوكة طيب اسا نحضر ليك الحاجات دي من وين ... يلا بشتريهم ليك من بندة ولا العثيم ولا اي داهية ونحن ماشين لا لا انا عاوزن هسي دي عشان لازم ماما تغلفهم لي ... ياابن الكلـــ.... ومعاك فلهمة كمان يلا ياخ ... ما تأخرنا على المدرسة ... بابا اقول ليك حاجة انا زاتو ما ماشي المدرسة لانو الاجازة بتاتنا يومين وحلف برأس ابوهو ما يمشي وقد كان ... ياربي الولد دا بكون طالع لي منو من اعماموا ديل؟
جبريلا تحياتنا ياخ وطمنا على صحة الوالد بالله ونسأل الله ان يتمم شفاؤه ويدثره بثوب الصحة والعافية
والله ما شاء الله ابوي عثمان منور البوست وجمل شيل والله ما بتقصر ...
ياخوانا مسئولين من الخير عبدالدائم وين؟ مشتاق للزول دا انا والله
Post: #3909 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-07-2011, 06:36 AM Parent: #3906
يا جلة يمين شوقنا بالاكتر وسألين منك عثمان ادارة و ..... طبيعة وكيمياء .
قلنا نشوف اخرتا مع مهند ود الرشيد
ابوهو بقى غير الشكيه ما عندو حاجة والغريبة تمشى مربع كاي تلقاهو مبسوط وحدة تاكل فى تفاحة والتانية تلوح بايديها ...
....
خالص التعازى للاخ مالك فى وفاة والده
Post: #3910 Title: Re: ناس الزقازيق ... أجدع ناس (4) .. Author: محمد صديق Date: 12-07-2011, 06:47 AM Parent: #3909
ان تأتي محملا ... خيرا من أن تأتي مثل ... زهير الزناتي ...
============================== انتو مدارس اولادكم ديل ماصارفين ليهم Daily Book ده بكتبو فيهو كل الملاحظات والواجبات والمطلوب عملها ... واهما المطلوب احضاره وده طبعا خاص بالمدارس المديرها " تفتيحة" عشان عارف شقاوة الاولاد ولازم يتم امضاءه يوميا من اولاء الامور ... وخاصة لو فيهو ملاحظة لابنكم او درجات اختبار ... شفوي ... وعليه كل يوم بت الشيخ عليها الاطلاع عليه ... وانا على شراء المطلوب ... ودايما بعد صلاة العشاء ... بكون بتحاوم بالمكتبات والدكاكين ... والمخابز ...
وعندنا أولاد بس ... عشان مشاكل تسريح البنات من الصباح ...
طارق جبريل ألف حمدلله على السلامة .... ربنا يحفظ والدكم ...
=================== و د جادين بقي زي ود الزناتي ... يفك لينا خبر الموت ... ويمشي ....
* طلات عثمان ادارة المنتظمة الأيام دى , وعليه ان يعرف ان عليه ديون كتييييييرة * عودة ابو الجل للبوست * كونوا عم جبريل حالته مستقرة * لفلفة باسر نجيلة بين المكتبات والسيوبر ماركتات بعد العشاء , على ان يورينا بحل مشكلة الباركنغ دى كيف مع الوقوف المتكرر * مهند الرشيد , كونه لقى فرصة فى ابوهوالما لاقيهو ليهو زمن , وخلاهو يرجع يذاكر المذاكرة الما ذاكرها زمااااااان * احساسى بانو نجاة حوفى ارتاحت من دور الأب ده شوية , اردموهو يا مهند وامو , ردمو جن * كونه زهير الزناتى نسى الهندسة الفراغية , ومتفرغ للمهام الجسام تاركا صغائر الأمور مثل المذاكرة وما شابهها , لى بنات الشيوخ ومن لف لفهم * كونه جلا , ما قاعد يسرح شعر انتصار , لأسباب تتعلق بتصنيف المهام ما بين (جسيمة وصغيرة ) * كونه ياسر نجيلة ينفذ اوامر الديلى هوم ويرك بووك , مع انو ما قاعد يشوفها , ناسيا انه ممكن ينفذ اوامر ما منصوص عليها فى الكتاب , بدليل انو بيغشى السوبر ماركت بعد المكتبة (المخابز دى قاطعها من راسو براااااهو ) *كونه محمد جلال نفذ فى ابوهو نظرية عادل امام , ثم انا معنديش تلفون !!!!!جيب لى التفاحة وخلى ماما تلفها لى , مع انى ما ماشى المدرسة الليلة * كونه انو الكوتش , يمر علينا ويصبح كمان و لأيام متتالية مما جعلنا نشعر بالأمان * كون الرشيد بابكر ينتج انتاجا نوعيا ممتازا فى مربع كاى , امر عليه ما استطعت , واستمتع به كان استطعت او ما استطعت * مجرد وجود مبارك جادين , مشاركا او حتى لو بس ضمن الحضور
بت آى دونت لايك آت اووول
* غياب الريس معتصم جعفر اللى عرفنا انو والدته بى صحة حبتين , اتصلو بيهو يا جماعة * انشغال ريس الداخل عننا لأسباب نعلمها , ولكننا لا نحتمل ان تغيب عننا دعواته الصباحية حتى ليوم واحد * نعزى زميلنا السكى فى مصابه الأليم ,وهذا حال الدنيا * غياب كمال الشادى عن البوست , حكمنا عليهو بى اغنية جديدة * انا زااااتى آى دونت لايك ماى سيلف الأيامات دى , المود بتاعى كان كعب خلاث , بس احس بيهو بادى يتصلح * انتو البادى ده , ما لقيتوهو لينا ؟؟؟ * محمد عيد زااااتو وينو ؟؟؟ * عبد الدائم خالى البوست ده بدون غنا مالك , فى اغنية سألك منها الكوتش فى مكان ما , ايوا حقت منى الخير ؟؟ يمين محرقة لى روحى بشكل , جيبها عليك الله , كل ما اقرب امسكها , تروح لى تانى
يا منص ياخي أشكرك على الدعاية المجانية لمربع كاي... و على الاطراء يا حبيب... استغربت عدم مرورك لعدة أسابيع بي هناك... لكن ما كتبته اليوم أكد لي ان ما كنت أعتقده كان صحيحا... كلما كان يزيد عدد القراء أقول أكيد منص واحد منهم... ياخي من هنا دعوة لكل الذين يمرون من هنا... تعالوا لينا في مربع كاي و لو لمرة واحده.. و اذا لم تجدوا ما يسركم لا تحضروا تاني... شفتو الثقة بالنفس دي كيف...
الحكاية بتاعت كون عاليه والتي ابدعها منصور ذكرتني كتاب امل وبدر (طبعا انحنا قرينا امل وبدر وناس جلا قروا حسن البطل ) وفيها موضوع اسمه اين واين وهذا يشبه كونيات منصور الراقية اضم صوتي ليهو للبحث عن الريس معتصم جعفر
تراجع و انهزم كل عشقي لكرة القدم و متابعة مبارياتها أمام سطوة التعب و النعاس مساء البارحة... و فشلت كل محاولاتي في مشاهدة و لو خمسة دقايق من أي مباراة في الليق الأوروبي... قاومت بكل ما أملك من قدرة على المقاومة... تجنبت تغطية نفسي لأن ذلك يشجع و يسرع بالنوم... استلقيت على جمبي و واجهت التلفزيون... رغم ذلك غفوت غفوة قمت على اثرها لأجد أن الساعة قد بلغت الثالثة صباحا... و كل مباريات الشامبيونز ليق قد انتهت فسحبت الغطاء و واصلت نومي... استيقظت صباح اليوم على صوت المنبه فقمت... دخلت الى الحمام فوجدت أنه لا توجد صابونة حمام... ذهبت الى المطبخ و أخذت صابونة ثم عدت الى الحمام... في الحمام شعرت لأول مرة بالملمس الخشن للصابونة... نظرت اليها فاذا بي قد ألقيت الصابونة في سلة القمامة و أخذت الغلاف...
حسه ديدو يجي يقول ليك الزول ده بقى شكاي كده مالو... دي شكية دي يا أخوانا... أنصفونا...يا منص فون...
Post: #3920 Title: Re: ناس الزقازيق ... أجدع ناس (4) .. Author: أحمد إسماعيل Date: 12-08-2011, 06:46 AM Parent: #3919
سلام يا كرام السلام عليكم الأخ طارق حبريل نسأل الله الواحد لأحد الفرد الصمد الذي لم يلد ولم يولد أن يشفي ويعافي والدكم ويكمل شفائه وعافيته ويقدره على تجاوز مصابه وإن شاء الله حسنة وأجر
Quote: في الحمام شعرت لأول مرة بالملمس الخشن للصابونة... نظرت اليها فاذا بي قد ألقيت الصابونة في سلة القمامة و أخذت الغلاف...
سلامات رشيدنا الظاهر الحكاية دي في الحلم وليس في العلم
Post: #3921 Title: Re: ناس الزقازيق ... أجدع ناس (4) .. Author: جلال عثمان Date: 12-08-2011, 07:02 AM Parent: #3920
والله يا الرشيد بلغ بك الامر مبلغا... ياحليلك والله بقيت تنوم تخلي الكورة وتستحمى بالورقة وتخلي الصابونة عليك الله دي مش ياها "تجليها ثابتة زاتها"
بس يكون في علمك ياحبيب انو دي حالة عامة وزي ما كان بوصينا استاذنا المربي الفاضل عبدالرحمن قرشي "سنار الثانوية" اذا جاء الامتحان "امتحان الشهادة" صعب فاعلم ان الطامة عامة وحاول ان تنقذ ما يمكن انقاذه دحين يا اخوي حاول جرب الانقاذ ده
مـــمــو القليب ما قادر ألمو أصلو مجروح جاري دمو ضربو زايد..قاسي همو قالوا سبب الرجفة والموت الحليو الأسمو مـــــمــو وأصلو مـــــمــو.... كمو كطو وكطو كمو أبوها بابي ومامي أمو من الجماعة الكل يوم قاعد استحموا والعطر خمسيـــــــــن متــــر حـــرّم تشمو ولما تقدل بس تقول تقلع ترابا البتمشي فيهو عديل تخمو طبعو رقه لونو منقه في أوروبا مارادونا وفي بلدنا مافي زيو الا تنقا و أصلي مما شفت مـــــمــو قلت يا ناس دي الملائكة؟ ولا خلقه قالوا خلقه قلت انو.. ما أظنو وأصلي مما شفت مــــــــمــو عقلي فرّ وقلبي دقه وبنطلون الجنز طقه أي عجور ضقتو بعدو لقيتو منقه باكو السجاير جوه جيبي لقيتو حــقـــه الفنيله اللونا أبيض فجأة جيت!! ولقيتا زرقاء ياريتني لو من مويتو ألقى ليــا بقه ان شالله حتى لو فيها شرقه ياريتني لو في بحرو ألقى ليــــا غرقه كنت بغطس و ما بدور لي تاني مرقه تاني أمرق؟ وين أقبّـــل؟ للبعاعيــــــت؟ عليكم اللــه ديا خلقه مـــــــمــو يا ناس ما أزانا بي خدودو البرتكانه مــــــــمــو يا عالم جمانه لا أكل يوم زي عشانا كسره بي لبن البطانه ولا شرب من زير مغبّـــر زي فلانه وفرتكانه مـــــــــمــو مافيـــــــــش منو اتنين هم مخلوقين براهم ونحن مخلوقين برانا الفرق........!!!!!!!! نحن بنعوس كسرة في الصاج وهم رغيفم بيشتروه من أجزخانه الفرق..........!!!!!!! هم بيمشوا عديييل أفوتو ونحن نترجى البكاسي ويومي نتلفت ورانا الفرق..........!!!!!!!!! هم عندهم توليت مكندش ونحن عندنا أ..........خانه مــــــــمــو حنّـــي عليكي بابا تعالي نعمل حبكانه يمكن أتعلم أحب ناس هاي وأروق بدله فاخره واستكانه غايتو حأقول ليكي حالي كان نفع قولي أوكي مانفعت قولي ما نافع معانا عندي شده وبنطلون واحد مرقع حالو حالنا ومستوانا أبوي مزارع يحفر الطين بالطواري عرقو نازل في هجير الدنيا في الصيف والسخانه شان ألقط لقمه...لقمه شان يتمتم لي...عشانا شان يشوفنا نقرا نتعلم برانا عمي ترزي...وكان تمرجي ولادو دسته وكلهم ساكنين معانا مـــــــمــو يا الجو المكندش شوفي كتاحة هوانا وأصلي عارف بكره يظهر مغترب ناكل النيم والزلط وانتو بتلوكو اللبانه ونحن بنكابد نجابد ونبقى في الآخر ضحية الشواكيش كع....كرع التقول بس بندقيه والمآسي الفي جوانا كل يوم بتزيد شويه الا بس أصبح عزانا طيبة القلب البينزف وكتين الناس بتشحد زكل أطفال التشرد لما يمشوا عشان يرقدوا ينوموا في نص الشوارع يعني ما يلقوا المكانه الا بس أصبح عزانا طيبة اخلاصنا ووفانا وكتين أولاد المدارس موت يدافرو..في طريقهم شان يكتبوا الحصة في حينا وزمانا الا بس أصبح عزانا حب بلدنا حب وطنا منبع الخير و الوداعة ريحة الطين و الزراعة حب تقاليدنا وطباعا و فوقا ما بنرضى المهانه
Post: #3923 Title: Re: ناس الزقازيق ... أجدع ناس (4) .. Author: منصور عبد الرازق Date: 12-08-2011, 08:32 AM Parent: #3921
الرشيد يبرى من الأنقاذ يا جلال عارف ليه لأنو ببساطة حالتو متاخرة الزول ده انا خابزو وعاجنو نومو صعب , وقومتوا اصعب من نومتو مادام بقى ينوم حتى وهو ما متغطى والمنبه العااااادى ده , بقى كمان يصحيهو معناتا الزول ده خلاث , بيتكى من حالة ادونا ليها زماااان اسمها النكوص لى شنو كده ما بعرف يا ربى الطفولة , ولا الكهولة , ولا يمكن اعترته حالة فولترونية شيكى على الزول ده يا نجاة ما يكون اتحول لينا لى قوة ثلاثية الأبعاد ثرى دايمنشن يعنى لأنى عارفو , مرحلة , الهاى ديفنشن دى (HD) فاتا زماااااان اقول ليك حاجة يا زول افتح الديلى هومويرك بتاع مهند قبل ما تنوم حق امنية ما عندك شغلة بيهو اها كلمتك تقوم تطير منو ليك ابرة خياتة ولا صحن بتاع تدبير منزلى تنكص بيك للشيخوخة توصلك الزهايمر قبل يومك ما تاكلش سمك ولا بيض !!!!!
* احمد اسماعيل مشتاقين * اتدفق يا طارق جبريل , عامل قميصك الكاروهات داك !!! * مبارك جادين فى , عوجة مافى * كدى بس يا عثمان ادارة وبا ميسرة وبا محمد عيد ما تظهروا الليلة ارشكم ؟؟!!!
أنا ثري دايمنشن يا منص... بعد صحبة العمر ده كلو أنا ثري دايمنشن بس... ياخي أنا الثري دي فتها زماااااان... أنا حسه الدايمنشن بتاعي زاتو ما معروف... ما بتقاس زاتو... دي ذكرتني علاقة الطول و الوزن... يقولو ليك طولك أنقص منو 100 ده وزنك المناسب... أول ما جينا هنا كنا كل ما يسألوني أنقص طولي عشان يناسب وزني في الوقت داك... بعد داك بقيت أزيد في طولي كلما يزيد وزني... حتى أصبحت المعادلة مختلة تماما... يعني براحة ممكن تصل لي مترين و مترين و نص عشان تظبط... أنا الدايمنشنس حقتي دي لو نقصت منها ألف بتبقى ... ثري دايمنشن...
تعرف يا منص أول مرة أعرف انو الحمام بي ورقة الصابونة ما بيعمل رغوة...
يا جلال ياخي ما تستضيفوني شهر عندكم... بس أبعد مني الشباب.. و لا أقول ليك أٍسبوع مع نجيلة هنا في الشارقة.. أنا بحب حوامة المكتبات و المخابز بعد صلاة العشاء... و أسبوع مع أحمد اسماعيل.. و أسبوع مع منصور... و الأسبوع الأخير معاكم... ديل بقو كم..واحد يجمع أنا بقيت ما قادر...
Post: #3925 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-08-2011, 09:23 AM Parent: #3924
Quote: تعالوا لينا في مربع كاي و لو لمرة واحده.. و اذا لم تجدوا ما يسركم لا تحضروا تاني...
مشينا .... مشينا ..... مشينا .... غير قصب السكر و العنكوليب .... ما لقينا ....
Quote: مشينا .... مشينا ..... مشينا .... غير قصب السكر و العنكوليب .... ما لقينا ....
يا ديدو ياخي قصب السكر ده عشان تتسلى و انت بتقرأ....
Post: #3927 Title: Re: ناس الزقازيق ... أجدع ناس (4) .. Author: محمد صديق Date: 12-08-2011, 11:39 AM Parent: #3926
سلامات يا ناس
يا منص ...مشتاقين
Quote: من الجماعة الكل يوم قاعد استحموا
بالصابونة ولا الغلاف؟؟؟
Post: #3928 Title: Re: ناس الزقازيق ... أجدع ناس (4) .. Author: أحمد إسماعيل Date: 12-08-2011, 02:20 PM Parent: #3927
يا منصور بالين ومسكنين شوقنا من كلامكم السمح
Quote: تعرف يا منص أول مرة أعرف انو الحمام بي ورقة الصابونة ما بيعمل رغوة...
والله يا الرشيد ضحكتني ، وقلت الرشيد مصاب بجنون جلا
Post: #3929 Title: Re: ناس الزقازيق ... أجدع ناس (4) .. Author: أحمد إسماعيل Date: 12-08-2011, 03:47 PM Parent: #3928
الأخ عبد الدائم كيف أنتم لكم أجمل التحايا وأطيب الأماني ياخي مع عالم الهت دوغ والبيرغر ومختلف أنواع السندوتشات قصب السكر والعنكوليب وأم عباط والنبق والدوم والدليب حتكون قصص كان في قديم الزمان فالبركة في أبو الرشد يذكرنا شوية من التراث وأيضا ول نجيلة بتعليقاته الجديدة دي ، ولو ما أخاف الكضب لقى ليه مذكرات ضايعة في حجتو( حجا مبرورا وسعيا مشكورا) شي بكي وسيلان دموع وبسم الله وسورة فيل ومنديل وصارقيل وخروف عيد ######لة وعيون صيد وأصلة وغمزة وضحكة وفول وكوارع والشطة في الفتة وأخيرا ممو والقليب ما قادر المو
سلام مربع للجدعان نهايه اسبوع طيبه للكل وان شاء الله كل ايامكم عنكوليب العنكوليب ذكرني قصه واحد عتالي في السوق بتاع مشاوير مره واحده شيلتو قفه وفيها خضار وملغمه فيها بنقو الراجل سجنوه بدون اي سبب لما طلع من السجن اول زبون حاجه كبيره ياولد تعال شيل القفه دي قال ليها قفه مانشيل عنكوليب بس
Post: #3931 Title: Re: ناس الزقازيق ... أجدع ناس (4) .. Author: أحمد إسماعيل Date: 12-08-2011, 04:53 PM Parent: #3930
ود المهدي سيبوية بتاع منبر الزقازيق 00مشتاقين والله يسهلهامعاك كما سهلت على عيوننا الكتابة وهذه هدية للمبتعدين عن البوست بقيت جافي نسيت الخوة كلام مافي القليب شن سوى
وين يا شباب .... صاحبي بتاع بيضة الديك شايفو اليومين ديل أختفي حتي الفرمالة الصباحية بقت مافي .. غايتو رادارتنا رصدت طائرة في الخرطوم تحمل بت شيخه عشان كده بقت كل الأعباء المنزلية علي راسه ..... ونتوقع البيضة بعد اسبوع من تاريخه ....
صحي يا أخوانا أبو سنينه بيضحك على أبو أربعة سنون... أمشي أرجع ليوم الخميس شوف في كم بيضة يا بتاع الرادارات انت... بيضة يوم الجمعة دي بقت قاسية شويه لأسباب فنية... أهمها ان يوم الجمعة مافي زول بيجي يقرأ... أقوم أضيع أفكاري في الفاضي عشان شنو... عشان كده يوم الجمعة ده خليناهو للناس الما بتجي باقي الأسٍبوع... زي صاحبنا بتاع الرادار... بت الشيخ في الخرطوم منذ يوم الأحد الماضي للاطمئنان على والديها... رغم انها تركت فراغا كبيرا الا انني و عيالي استطعنا تدبر أمورنا...
جاني مهند ولدي أمبارح قال لي انت يا بابا بكره الكلاسيكو... بين البارسا و الريال... طبعا مهند برشلوني... ما عايز أقول أنا ريالابي... يقوموا المتربصين و بتاعين الرادارات يقولوا لي ريالابي و مخرف كمان... قلت ليهو أيوه..قال لي الساعة كم المباراة... قلت ليهو والله ما عارف... ان شاء الله تكون بدري عشان أحضرهايا بابا... ان شاء الله عشان أبوك زاتو يحضرها... يعني لو بقت متأخره ما حتحضرها يا بابا... قلت ليهو انت يا ولدي قايل الحاجات في يدي... يعني ممكن براحة أقعد انتظر الكلاسيكو و تبدأ المباراة... و أقوم أنوم في الربع ساعة الأولى... أقوم أشوفها في الأخبار... يا حليل أيام كنت بحضر مباريات البرازيل البجيبوها أربعة صباحا ديك...
والله يا الرشيد حالتك بقت تحنن .... بالمناسبة بسألك بتعرف الفنان الأمريكي فيفتي سنت ياخي ده رهيب .. بالمرة نزل لينا ليهو أغنية عشان يسمعوها معاك باقي الشلة .... منصور ، ميسرة ... محمد صديق ... ياسر نجيلة ... عثمان إدارة (ودي كمان عا########ي كدي نخلي ليها فرصة تانية) .... جلا ....معتصم ... وعووووووووووووووووووك بس انا وجلال بنسمع وردي ولو عايزين الأغنية بالتحديد ممكن تقولوا 18 سنة عمر الزهور عمر الهنا .... هاك الفيفتي دي
عارف يا أبو الزوز صناعة النجم في أمريكا من أسهل الأشياء... شريطة أن يتوفر لديه الحد الأدني... الحد الأدني ده كان الصوت... لكن حتى الصوت أصبح ممكن التحكم فيه بواسطة التقنية.. عالم الراب ده في أمريكا عالم عجيب حسبما أراه من متابعاتي... أعتقد انه مرتبط تماما مع المافيا و تجارة المخدرات و غيرها... ففي التسعينات أثار مغني الراب الشهير توباك شوكور ضجة كبيرة... ووجد معارضة كبيرة في أوساط المحافظين و غير المحافظين... لأن ألبوماته تحوي الكثير من العنف و تصوير المرأة بصورة لم تقبلها المرأة الأمريكية... رغم انه كان موهوبا و كان بمثابة الدجاجة التي تبيض ذهبا لكثير من المنتجين... و باع ملايين الألبومات و أصبح ثريا جدا.. من موزع مخدرات في عمر صغير الى واحد من أغنياء أمريكا... ثم حدثت في التسيعنات الحرب الشهيرة بين مغني الراب في شرق و غرب أمريكا... و التي انتهت باغتيال شوكور في نهاية التسعينات... فيفتي سنت مثله مثل شوكور.. بدأ كموزع مخدرات في عمر صغير و تم تحويله لنجم... كان يملك الحد الأدنى من أسباب النجاح ألا و هي الموهبة... لكن الراب و حتى الهيب هوب ارتبط دائما بالمخدرات و البغاء و الجريمة...
Post: #3940 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-10-2011, 07:23 AM Parent: #3939
كلما أعاين للساعة ألقاها راجعه لي وراء... دوام الليلة ده الظاهر عليهو ما حينتهي... المطولو كمان زيادة الثقالة بتاعت ناس البوست ديل... من الصباح مافي زول ظهر.. غير أبو الزوز جاء مسحنا ببوهيات المهندس حقتو دي و مشى محل مشى... وين جلا يا أخوانا و الله أنا مفتقده بي شده... و في الليلة الظلماء يفتقد البدر...
Post: #3944 Title: Re: ناس الزقازيق ... أجدع ناس (4) .. Author: أحمد إسماعيل Date: 12-10-2011, 03:23 PM Parent: #3943
ماشاء الله تبارك الله الرشيد مجومس في البوست الله يقويك زي صاحبك وقت قطع قيدو وخرج من السودان ، لكن الظاهر اليومين دول معاوده حنين العودة ، وود اللمين قال ليك ما أصل الولف كتال
المداخلة دي لو فيها أي حاجة كده و لا كده أعذروني... لأني مطشش و ما شايف القدامي من الكلاسيكو الانتهى صباح اليوم ده... واحد صاحبي ساعدني عشان أساهر.. قعد يشتشت معاي لحدي قريب مواعيد الكورة... كمبيوتري علق قلت امكن جاهو شد عضلي... ما قدرت أواصل مع صاحبي و باقي من الزمن قليل مافي مشكلة... قعدت أتفرج في الأستوديو التحليلي... صحيت من دقسه فجائية كده على كواريك حفيظ دراجي العالية... قبل ما أستعدل كريم بن زيمة جاب قون الريال... قلت الليلة الريال حيلقن ليك البارشا درس لن ينسوه... لكن اكتشفت ان البارشا فرق من كوكب آخر... بأجسامهم الضئيلة تناقلوا الكرة بحرفنه و رشاقة و اتقان غريب... خلوني آمنت بالكورة... لم تمنعهم صعلكة بيبي و لا راموس من ممارسة هوايتهم في التفنن... الناس ديل زيادة على كونهم محترفين فهم يحبون كرة القدم... في رأي المتواضع ان نجومية المباراة تذهب الى انيستا... رغم ان لاعبين البارشا كانوا كلهم نجوم الا أن أنيستا كان الأكثر لمعانا... ظن مورينو أن فريقه بلغ من الانسجام ما سيمكنه من هزيمة البارشا.. فظهرت خيبة أمله على وجهه عندما وجد أمامه بارشا آخر... لا يفوتكم انني أشجع الريال و لكن قبله أشجع اللعبة الحلوة..
صاحبي ما عارفو حضر المباراة و لا ما حضرها... أمبارح كان عامل لي فيها ملك السهر...
انتو وين جلا يا أخوانا...
Post: #3946 Title: Re: ناس الزقازيق ... أجدع ناس (4) .. Author: أحمد إسماعيل Date: 12-11-2011, 06:01 AM Parent: #3945
اللهم إنا نسألك خير هذا اليوم فتحه ونصره ونوره وبركته وهداهـ ونعوذ بك من شره وشر ما بعده اللهم بك أصبحنا وبك أمسينا وبك نحيا وبك نموت وإليك النشور اللهم فاطر السماوات والأرض عالم الغيب الشهادة رب كل شيء ومليكه نشهد أن لا إله إلا أنت نعوذ بك من شر أنفسنا ومن شر الشيطان وشركه اللهم إنا نسألك العفو والعافية في ديننا وأهالينا ووالدينا
التحية و التجلة يا رش و كتر خيرك إنت عارف الجمعة و السبت إجاااااااااااازة و ثانياً في زول كان معانا هنا في السودان و سافر بالمناسبة الزول دا دخل معانا في صندوق و كمان دخل أحمد إسماعيل بي نفرين و شال الصرفة الأولى و فرتك الختة 750 جنيه سوداني في الشهر الصندوق مكون من 15 نفر أنا داخل بي 4 أنفار الكوتش بي نفرين قلنا ليهو دخل جلال قال ما بقدر يضمن غير أحمد إسماعيل كان لقيتوهو قولو ليهو الصرفة التانية مواعيدها جات
Post: #3948 Title: Re: ناس الزقازيق ... أجدع ناس (4) .. Author: محمد صديق Date: 12-11-2011, 08:00 AM Parent: #3946
يا رشدي حضرت المباراة في النت في النهاية ختيت اللابتوب في تربيزة وقعدت في الواطة عشان أحضرها ... كنت متوقع زيادة غلة الأهداف ... فعلاً انيستا لاعب من طراز فريد وهو مظلوم إعلامياً ياخي الزول ده مهارات خرافية .... في كل المباراة كانت عنده لمحات جمالية خرافية ... عمل ليهو حركتين كده في واحد آخد ليهو مقاس جلابية لعيد الكريسماس والتاني متأكد بيكون جاهو إنزلاق غضروفي ... فعلا برشلونة فريق من كوكب تاني ...
Post: #3950 Title: Re: ناس الزقازيق ... أجدع ناس (4) .. Author: محمد صديق Date: 12-11-2011, 09:07 AM Parent: #3949
سلامات يا ناس
Quote: يا رشدي حضرت المباراة في النت
وما حضرت العمارة البنوها جنب البيت السورى.
Post: #3951 Title: Re: ناس الزقازيق ... أجدع ناس (4) .. Author: محمد صديق Date: 12-11-2011, 09:48 AM Parent: #3950
سلامات يا ناس
الله يطراها بالخير ...سناء الصباغ كتبت
الكلام الحيجى ده ايام كان عندها (قحة) ..
اها لما القحة راحت منها (صمت خشمها)...الصمة الياها...
السؤال :
متى تعاود القحة الدكتورة؟؟؟
Quote: مـرّت مـدة ليست بالقصـيرة منذ أن أسـتعدت كلمـة المرور ، وقـد كنت قبل تلك "الإسـتعادة" أشـعر بغبن شـديد خـاصــة عندمـا أقـرأ مـادة أود المشـاركـة فيهـا ، وأقـول لنفسـي لـو كنت أملك "كلمـة مرور" لكنت كتبت: كـذا ..وكــذا .. ولكن عندمـا استعدتهـا ، اكتشفت أنني أجيـد "الســباحة في البر" فقـط لأنني كلمـا هممت بالكتابة أو الدخـول للمشـاركة في موضـوع مطـروح أحس بالعجـز عن الكتابـة أو أن كتـابتي سـتكون دون المسـتوى المطـروح من المشاركين والمشـاركات. فــاقــم ذلك الشـعور بداخلـي تزامن حصـولي على كلمـــــة المرور مـع تواجــدي بينكم ولقـائي بعـدد مقـدر من الأصـدقاء ثـم الحـفاوة البالغـة التي ادهشتني وألجمتني حتى هـذه السـاعة عن كـتـــابـــة كلمـة شـكر واحـدة في حـقّكــم. فمنـذ عـودتي في مــايــو الماضي أهـم يـوميـا بالدخـول للتعبير عن امتناني واعتزازي بكم .. ولكن تعجـز الكلمـات وتتقـزم .. فاسـتحي واشـطب مـاســطّرته. اليـوم .. حســمت أمـري وقلت لنفسـي .. " القحـّــة .. و لا صـمّة الخشــم" .. و "عيب الــــزاد .. ولا عـيـب ســيدو" .. فلأعــبّر عن نفســي مهمـا كان تواضـع الكلمات .. فالـصــدق حتمـا ســينفخ فيـهــا "الـطـــول و الــعــــلا" .. فتبدو أنيقـة وجميلـة في نـاظركـم ولكنهـا ليسـت (قنبلــة) .. لأننـا دعـاة ســـلام ، فلنبق بعيدون عن أدوات الدمـار.
Quote: كان لقيتوهو قولو ليهو الصرفة التانية مواعيدها جات
أول حرف في اسمو شنو... عشان نجيب ليكم حقوقكم... انت قلت لي الكوتش داخل بي كم واحد... هو زاتو ما عارف نفسو داخل بي 3و لا 5 و لا 2...
يا كوتش أنا عندي احساس انك فارق معاك زهير شديد... أنا مستعد أقنع ليك زهير يرجع السودان مخصوص عشانك... و بي ألفين دولار بس في الشهر... ألحق العرض ده لأنه مدته محدودة... العرض الجاي ما معروف بتين... امكن المره الجاية يكون فيها السكن و العربية و تعليم الأولاد..
يا أبو الزوز قلت لي اتحكرت ليها في الواطه... و قاموا أولاد البارسا ديل حيروك... و الله فهلا ما يتحير الا محكر...
التحية للأبله سناء الصباغ رغم اننا دفعة... جينا الزقازيق سوا.. كانت بنية أم درمانية صغيرونة مسكينة... لابسة شراب مع الجزمة زي بنات الروضة... بعد داك بقت تضحك على البنات البيلبسوا الشراب و الجزمة زي ست بيتي... رغم ان سناء أصبحت بعد ذلك سياسية شرسةلا يشق لها غبار... الا أنها كانت تحمل و ما زالت نفس قلب تلك الفتاة الأم درمانية الوديعة... اشتقنالك يا أبله...
Quote: يا جماعة عندي حاجات كتيرة عايز اكتبها لكن غالبني اسوي شنو
تخت الرحمن في قلبك و تتحكر زي حكيرة أبو الزوز دي... ما تمشي أصيلة..البرد ده بيعمل ليك التهابات ساكت... خليك مرابط في الرباط حقتك دي و أربط وسطك و أقعد أكتب.. ما تخلي ليك حاجة ما تكتبها...
يا رشدي ما عايزه ليها شطارة .... غايتو ما عندي سماعات مكتوب فيها تائه الخصل جبتها ... اوعي تطلع ليكم مدحة ولا أغنية حقيبة ناس التلفزيون ديل ما مضمونين ....
بعدين تائهة الخصل أشمعني متذكرها اليومين ديل طبعاً انا قاصد الأغنية والله من وراء القصد
Quote: بعدين تائهة الخصل أشمعني متذكرها اليومين ديل طبعاً انا قاصد الأغنية والله من وراء القصد
شكرا يا أبو الزوز ياخي...
طلعت تايه الخصل فعلا...ناس التلفزيون ما خذلوك...
أكتر ما يعجبني في الأغنية من ناحية لحن و كلمات.. الحتة بتاعت ..
شلناك شمعة نسقيها الحنان
غصونها ضوها ما فتر
وغنيناك كأشواق شاربة روعتنا وحنان
همساتنا روعتنا وحنان
همساتنا لابسة ضيء القمر
أما عن سؤالكم أصلح الله حالك عن لماذا تائه الخصل هذه الأيام... جرت العاده أن لا نرد على أسألتكم الا باستفاضة.. فمثلكم لا يختصر و لا يستحق الا الكلام المعتبر.. و لكني منكم أعتذر... فالوقت وقت عمل و أنا بالأوراق منشغل... لذلك فانتظرني بعد المغيب و انت متحكر في (العنقريب)...
Post: #3960 Title: Re: ناس الزقازيق ... أجدع ناس (4) .. Author: أحمد إسماعيل Date: 12-12-2011, 07:19 AM Parent: #3959
Quote: كان لقيتوهو قولو ليهو الصرفة التانية مواعيدها جات
أول مرة نسمع بصندوق يصرف كل يومين كان كدة أحسن صندوق الصادق أبو سكين
Post: #3961 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-12-2011, 08:14 AM Parent: #3960
صباح الخير ،،، يا وجوه الخير
دعاء الصباح :
اللهم باعد بين خطايانا
كما باعدت بين المشرق والمغرب
اللهم وفقنا جميعاً
Post: #3962 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-12-2011, 11:14 AM Parent: #3961
الله يسلمك يا صديقي... شغلتنا أموالنا و أهلونا عنكم فلكم العتبى حتى ترضوا... المذاكرة مع أمنية تستهلك وقتا أكثر مما كنت أتصور... قلت لست بيتي محتجا (زمان الرجال تلقاهم في النادي و لا مع أصحابهم)... حسه محكرين زي حكيرة زهير الزناتي لكن بس في المذاكرة... عشان ما تجي تقول لي شايف كلمة متحكر دي عاجباك الأيام دي... أقول ليك أنا كده لو مسكت في حاجة ما بخليها بسهولة... يعني زي عبارة بين المطرقة والسندان عا########ي... تقوم تجي أيام كده أخت ليك أي حاجه بين المطرقة و السندان....
Quote: حاسب يا زول , الصورة بتاعت المرايات صورة غير حقيقية الأبعاد لذا فان الأجسام الظاهرة , قد تبدو ابعد مماهى عليه حقيقة انت متأكد انها جبنة مضفرة ؟؟؟
أول حاجة سعيد انك مشيت نكت الجبنة المضفرة من لغاليغه... دي صورة رباعية الأبعاد يا حبيب... في الهندسة و الرياضيات هنالك ثلاثة أبعاد و البعد الرابع افتراضي... البعد الرابع نتاج أبحاث علماء الرياضيات و فلاسفة... كل ينظر له من زاوية اهتمامه... أنا يهمني فيه الجانب الفلسفي... مثله مثل الرابط العجيب...
الريس ميسرة و كيمو الجاهز و ديدو و ود المهدي و محمد عيد... السيمفونية الخامسة.. نغم جميل على مسرح الساوث مول... تقبل الله عمرتك يا كيمو... هل يجوز يكون الاحرام ملون يا جماعة؟ لأني شايف كيمو لابس احرام برتقالي... و لا بيتخيل لي ساكت... سلامة النظر....
انحرفت السيارة الانفنيتي السوداء فجأة و دخلت في المسار أمام سيارتي... تجنبتها بصعوبة بالغة... ثم تجاوزتها و حاذيتها لتأنيبها على فعلتها... كنت غاضبا جدا و في غاية الانفعال... قلت ان بدت غير مهتمة فسوف أسمعها أغلظ كلمات التأنيب... عندما حاذيتها كانت قد أنزلت الزجاج... و رفعت نظارتها الشمسية... و نظرت الي و رفعت يدها معتذرة بلطف... سامحتها على الفور... لا لأنها اعتذرت بلطف و أدب... و لا لأن هكذا أشياء تحدث في أعرق المدن و أحسن الطرقات... بل سامحتها لأنها... لأنها كانت تشبه أمي...
أيه رأيك يا صديقي في بيضة الديك المكنة دي...
Post: #3982 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-14-2011, 06:03 AM Parent: #3981
Quote: في جلسة الساوث مول صاحبك عبدالدائم قال عيان وبتعالج
عندك شنو؟ قال عنده فليته وكمان بيمشي المستشفى السعودي الألماني
اكيد الدكتور المشي ليهو النضيف ده حنكوش .... بعدين ياخي الثلج ده عايز ليهو دكتور .... ولا الفليتة عايزه ليها علاج طبيعي ... قلت ليهو يا النضيف أتشعلق في أقرب باب ولولح كرعينك قال لولح يعني شنو ... والقي باب أتشعلق فيهو وين ... قلت لي ياخي امشي أقرب ميدان بتلقي عراضات أتشعلق فيهم .... بالمناسبة زمان كان المساج في البيوت ... ما عارف هسه بقي في العيادات ليه ....
ربنا يكتب ليك السلام يا النضيف ... والله يا جماعة النضيف ده شايفه يشكي من أيام عيد الفطر لمن كنا معاهم في جدة ....
Post: #3984 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-14-2011, 06:07 AM Parent: #3981
يعدين يا جماعة كمال الشادي ده هارب من برد الرياض لدفء جده بجوها الدافئ بحرارة الإستقبال والضيافة حقيقي ناس جدة اجدع ناس .... وتاني أجدع ناس يكفي انهم بقيادة الريس ميسرة ... والكبير كبير ... ده اكيد ما ما حا يقلل من قيمة ناس الرياض بقيادة الريس منصور ..... ياخي انا ناس الرياض ديل مشتاق ليهم عديل ... يا جماعة عليكم الله أعزموني الرياض عشان ألقي لي سبب أجيكم بيهو ... اها نرجع لناس جدة والريس ميسرة .... واركان حربه النضيف وعيد (ودي علي مضض) ود المهدي ... وبقية العقد النضيد (ودي عشان الرشيد ومحمد صديق بتوعين العربي) ... والنبي فيكم يا كوتش كما سلمت علي صديقتي خالدة قسم الباري وقول ليها ما ناسي الوصية .... كل ما اجي بمحل ال.... اتذكرك (شايف ابتهاج بتقول لي كضاب يوم واحد ما جيت ماشي بجنبه ... اها تاني نرجع لناس جدة .... تقاطع الطرق لقلوب ناس الزقازيق ... الجاي من الجبل والجاي من الجريف ... دي تحية صباحية لناس جدة ... الما قدرنا نكتب عنهم لغاية هسه ...
دي مداخلة تقليد لكتابة منصور ... حيث يشرق ويغرب ثم يعود ... فهل يكون حسن ساردية كأبو داؤود .. حسن ساردية ده منو ...
Post: #3986 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-14-2011, 06:22 AM Parent: #3981
و ناس ابو الزوز وطارق جبريل و محمد عيد شــــــــن عرفهم بالجاكوزى عشان يعرفو ليك حمام التلــج .... ديل من زمن حمام ( الحــي وووب ) بتاع الجردل والكوز ...
اها يا ميسرة اليوم انا باخد ليك صور من داخل الغرفة ..
قال الساوث مول قال ... كل مرة ساوث مول ساوث مول اصــو ما فى حتة تانية نتفسح فيها ..
طبعاً لو جيت ماري بيجاي وما هبشت الرشيد بتمسكني حمي ... كنت عايز اعمل تشبيه لكن غيرت راي ما في داعي للمشاكل من الصباح ... اها يا بتاع الإنفنتي ... عجبتك الإنفنتي ولا السايقاها .... عالم ########ة قال تشبه أمي .... تشبه أمي يا كبير .... غيرتو الكمش في البيت ولا شنو ... شكلكم جبت كمش كبيرة .... زمان في الخرطوم كنت قايل الإنفنتي دي زي العربات الكيا ولا مجهولة النسب ديك ... لكن جيت لقيتها الشئ ليها شنة ورنة في البيت ... طوالي أتذكرت انه للسفر سبعة فوائد .... منها تعرف العربات السمحة ... وبعدين يا رشدي ... ياخي راجين البرد ده يروح ونجيكم زيارة سرية زي زيارة كمال الشادي لجدة التي لم يعلن عنها في حينها إلا الناس شافتها في المنبر .... انا ما عارف حكاية الزيارات السرية دي شنو ... الناس خايفة من الامانت والوزن ولا شنو ... يا كمال يا شادي ... اها كان قلت لي ماشي جدة كان قلت ليك عايز لي دكوة وحلو مر وتمباك ... وشوية عجيب مر علي الاقل الواحد كان لقي ليهو سبب يجي بيهو الرياض ... اها يا كمال الشادي جايينا متين ... يا جماعة نحن عازمين كمال الشادي الدمام وعايزنكم تخشوا لينا واسطة النبي فيكم اي واحد يجي يدي لينا كمال ده سطر ... بعدين قلت لي شنو يا الرشيد تشبه امي يا ######## ..... نصيحة لي الله كل زول لو بت الشيخ قال ليهو عايز كمش في نوع بلاستيك كده خفيف وبيتحمل النار ... وما يجيب دم ... عشان تتفرجوا في الأنفنتي علي راحتكم ..
أنا يا جماعة من ما جيت البلد دي و لحدي حسه الفليتة دي ما فارقتني... و ما أنا براي أنا و أخوي الكاشف (ست بيتي)... أنا راقد أشعر بيها و أنا جاكي و لا ماشي و لا طبعك من طرفو نعسان... اشتركت في جم أنا و صاحبي حمزه سليمان... نمشي من البيت لحدي الجم و نعمل الرياضة و الساونا و حتى التلج عملناهو... لا الكرش نزلت و لا الفليتة راحت... أنا قلت الشي دي ما فليتة امكن تكون حاجة تانية... أمشي ليك للدكتور بتاع القلب..يا دكتور عندي طعنة هنا...هنا قصاد القلب... هاك يا اختبارات بتاعت الجهد و بتاعت ECG ..مافي شيتا ظهر... في الآخر الدكتور قال لي أسمع دي فليتة ساكت... من يوم الليلة بمشي أشوف لي خشم باب و لا عراضة في أبو ظبي دي أتشعلق فيها... و ألولح رجليني...
يا سلام عليك يا ريس..فعلا يخلق من الشبه أربعين...
Quote: اها يا بتاع الإنفنتي ... عجبتك الإنفنتي ولا السايقاها .... عالم ########ة قال تشبه أمي .... تشبه أمي يا كبير .... غيرتو الكمش في البيت ولا شنو ... شكلكم جبت كمش كبيرة
يا أبو الزوز لكن ما عصرت علي شديد ياخي... هي لو كانت كمش بس ياخي ما كان اتحفظت و كان قلت كل حاجه... أنا خايف من الجزم الكعبه مسمار ديك... دي بتفلق و مرات بتقد الجمجمة عديل كده...
Quote: وبعدين يا رشدي ... ياخي راجين البرد ده يروح ونجيكم زيارة سرية زي زيارة كمال الشادي لجدة التي لم يعلن عنها في حينها إلا الناس شافتها في المنبر
ده أحسن وقت لي الزيارات السرية يا أبو الزوز... الجو جميل جدا و نحن ما عندنا برد زيكم... بعد شوية بتسخن و بتبقى زي قدرة الفول...
Post: #3989 Title: Re: ناس الزقازيق ... أجدع ناس (4) .. Author: محمد صديق Date: 12-14-2011, 08:15 AM Parent: #3988
سلامات يا ناس
Quote: لا لأنها اعتذرت بلطف و أدب... و لا لأن هكذا أشياء تحدث في أعرق المدن و أحسن الطرقات... بل سامحتها لأنها... لأنها كانت تشبه أمي...
غايتو يا الرشيد دي خوفة ما تصيدني قلت لي بتشبه امي ياخي بت الشيخ موش مسافرة فتو ياخي
يا جماعة ديدو دة قايلنا عندنا قنابير انت قايل في زمنكم مدرسة الشهيد الطاهر قلبوها حمام مغربي قال حمام تلج قال كتفك دة التخ ليك فيه قرض وفكنا
غايتو كمال الشادي بين الصفا والمروة بيكون غنا «ضنين الوعد» حتي الاحرام ملتقو زي عمة سواقين اللواري
Post: #3991 Title: Re: ناس الزقازيق ... أجدع ناس (4) .. Author: عمر المهدى Date: 12-14-2011, 09:57 AM Parent: #3989
البارح انا وقصبه مدالق السيل * في ونسه وضحك لامن قسمنا الليل قسمنا اليل صحيح في ونسه وضحك برضو صحيح لكن ليس مع قصبه مدالق السيل بل في صحبه من اهوي اجدع ناس الريس ميسره وشادينا وعبد الدايم *****من ولدوه الشكره هيلو في ضيافه العيد الجاب الناس يارشا قلت لي شبه امك الخالق الناطق مش كده برضه لكم الموده جميعا نجيله ابو الزوز الرافع القزاز عثمان الجيلي اختفى من ليل جده في ظروف غامضه ما اتعودنا غيابو
Post: #3992 Title: Re: ناس الزقازيق ... أجدع ناس (4) .. Author: محمد صديق Date: 12-14-2011, 10:14 AM Parent: #3991
سلامات يا ناس
Quote: البارح انا وقصبه مدالق السيل * في ونسه وضحك لامن قسمنا الليل
ود المهدى :
كنت عايز أتم المقطع حق الدوبيت ....لكن فى آخر لحظة وقفت.أحسن مش كده؟؟
Post: #3993 Title: Re: ناس الزقازيق ... أجدع ناس (4) .. Author: منصور عبد الرازق Date: 12-14-2011, 11:05 AM Parent: #3992
انتو ما عندكم غير الساوث مول , وبعده طوالى العمرة ؟؟!! ديل شنو ديل ؟؟ احسن اسم ليهو فعلا باب الحارة , لأنو من تسعة اجزاء ومفكرين فى الجزء العاشر عمرتك مقبولة يا كمال , وغنيتك الجديدة , بتاعت بدر الدين حسن حاجة ما تخلص النضيف اختلط عليه حمام التلج , مع كسير التلج مش اى زول على كيفو مرة نكسره , ومرة نستحم بيهو بس بتاعت الأنفنتى البتشبه علوية مامون دى , قوية جنس قوة وانت ما صدقت طوالى , عملت فيها بابكر سيد احمد وكمان بتكون قايل نفسك فى بابنوسة والله يا هو ده الفضل بمناسبة الجم دى , وينو حاتم جبارة , ولا لسه بيعانى من انعكاسات انفلاته الأمنى يعمل حسابه الزول ده , واسال عبد الدائم من (الأنفلاتات دى ) لا كمشة زهير ولا قرض ود جبريل , (قادرين على ان يمسحوا اثره) يا زهير ما تجينا عمرة الرياض ياخ (صورة مع التحية لى ست الكمشة )
* اول مرة اشوف لى بتيخة دايرة على حل شعرها الواحد لو الله لماهو فى بتيخة زيها مستعد يشيل معاها لغاااااية انبوبة الغاز
يا جماعة أنا مش قبل كده وصيتكم... عملتو لينا شنو في الوصية... مش قلت ليكم... قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر...
(المتور) نفسي وشوقي الأيام دي دعايات MTN... دعايات دافعين عليها دم قلبهم زي ما بيقولو... صورة..موضوع..اخراج..تلقائية..كلها عالية الجودة... من الدعاية بتاعة الحج..مرورا بي بتاعت أصحابي ناس قدورة... لحدي ما نوصل لي MTN قرايب وين... أنا طبعا رغم انها ما بتهمني العروض كتير... لكن أول ما تجي الدعايات دي تقوم تلمس ليك شغاف قلبي... شغاف قلبي دي عشان أبو الزوز... و ترجعني ليك السودان مع الوالد و الوالدة و الأخوان... حتى الريحة بشمها... تدخلني ليك الأستاد (المساطب الشعبية) مع الكوتش و أبو الزوز... التسالي و كباية قهوة على كباية شاي... تطلع من الكورة و انت تكون ما شفت فيها غير ربع ساعة بالكتير... قهوة عند جلا في المكتب...و لا سمك في نادي الربيع.. عضه كاااربة عند نهلة و لا الريس معتصم..يصدح فيها أحمد عوض.. عصيدة خالده الما خمج و أم رقيقة بهجة الرهيييبة.. حنك مع عواطف دفع الله في بنك المزارع.. و لا قعدة جمب النيل فيها الريس معتصم و معاوية يحي... محمد العوض..عبد الرحمن مضوي..ماجده عبد الرحمن..و محمد سيد... يحليها محمد المرتضى بضحكاته و قفشاته... ضباح..كسرة بي ملاح... ده الفي الرياض.. و ده في جده... و ده الفي الدمام.. و ده الفي الدوحة.. و ده بكري حامد.. و دي سناء الصباغ.. و ده الفي مسقط.. و ده الفي أمريكا.. و مال وين عمر نملة...
قولو للنيل ضفة ضفة.. والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر...
Post: #3998 Title: Re: ناس الزقازيق ... أجدع ناس (4) .. Author: أحمد إسماعيل Date: 12-15-2011, 06:35 AM Parent: #3995
Quote: غايتو يا الرشيد دي خوفة ما تصيدني قلت لي بتشبه امي ياخي بت الشيخ موش مسافرة فتو ياخي
يا طارق دي ما زي حكاية الهمباتي ربط للناس في ليلة خريفية ظلماء جات واحدة ماشة بهرشة قال مين الماشي ، قالت : حليمة الهمباتي قال ليها عندك بخت ، إسمك طلع زي إسم أمي لو ما كدة كنت اشوفك نجوم ا لقايلة واحد آخر جاي خلف حليمة أيضا جاتو الهرشة مين ، قال أنا حميدة لكن بدلعوني بقول لي (حليمة) شفت كيف يادودي مرات إسم الدلع بأكل عيش
Post: #4000 Title: Re: ناس الزقازيق ... أجدع ناس (4) .. Author: أحمد إسماعيل Date: 12-15-2011, 02:03 PM Parent: #3999
يا ود جبريل أمك الله يرحمها ويدخلها الفردوس الأعلى من الجنان أنا بقصد أمك تظل تحميك إلى أن تموت نسأل الله أن يكرمهن دنيا وآخرى والحق يقال رشا صريح وواضح ، إنزعج شوية وعدل مشيتو والمثل بقول ( العترة بتصلح المشي)
أماني ما قاعد يعجبني الجداد وكتين يكون صايدو الهيم وتلقاهو ممدد جنحينو للشمس.. ومرة مرة الجدادة تتمردغ في الترى وتكشح فوق ضهرا الرملة.. زي أم الحسن وكتين تكون غاتسي في الشملي..
Quote: أماني ما قاعد يعجبني الجداد وكتين يكون صايدو الهيم وتلقاهو ممدد جنحينو للشمس.. ومرة مرة الجدادة تتمردغ في الترى وتكشح فوق ضهرا الرملة.. زي أم الحسن وكتين تكون غاتسي في الشملي..
ياي يا جبريلا... جداد و هيم... حسي في ذمتك دي تنقلنا من بحلقة أصيلة... لي حكحكة الهيم... كان ما الفطير القنقروش بتاع الوالدة رحمة الله عليها... كان رسلنا ليك ناس النظام العام...
Post: #4003 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-17-2011, 06:16 AM Parent: #4002
صباح الخير ،،، يا وجوه الخير
دعاء اليوم :
اللهم يا سابق الفوت ويا سامع الصوت ويا كاسي العظام لحماً بعد الموت أن تجعل يومنا هذا أوله فلاحاً وآخره نجاهاً وان تحفظنا جميعاً من الهم والغم.
قصرنا انتو ما اخونا الكبار كنت تعملو لينا الو لكن عشان الحلوة امينة لكم
التحايا والاشواق .
و عليكم السلام و رحمة الله و بركاته...
كده أدينا الفرض... و نقوم نقبل عليك و لا نضيفك تلاته يوم؟ أنا بقول نضيفك باقي اليوم ده بس... طبعا أخوانا الكبار دي أكيد قاصد بيها ياسر نجيلة... الزول لما يجي خاشي حته ما يقعد ينفض في جازو ساكت... أول حاجه يدخل يشوف البلد دي الحاصل فيها شنو... ما متابع دي ما مشكلتنا... قافل تلفوناتك بتاعت السعودية برضو ما مشكلتنا... تلفونك بتاع السودان زاتو غيرتو و لا قفلتو برضو ما مشكلتنا... الواحد الا يسأل عليك الليل و نجمو و حتى أنوار الصباح... و كل طائر في سماهو في شريعتو الحب مباح... تعال أدخل بالمهلة كده و شوف الناس سألت منك و لا ما سألت... جاتنا أخبار رهاب رهاب... موسى مرقه في بلد اتهز من فوق لي تحت... قلنا امكن يكون في طريق عودته اختطفوه الصومالين... أخبار من الداخل معدومة و عن أي مطالبات بفدية غير متوفرة... و تجي تقول ما بعرف شنو و لا منو... و الله لو ما مشتاق ليك كان رشيتك جنس رش...
Quote: موسى مرقه في بلد اتهز من فوق لي تحت... قلنا امكن يكون في طريق عودته اختطفوه الصومالين... أخبار من الداخل معدومة و عن أي مطالبات بفدية غير متوفرة... و تجي تقول ما بعرف شنو و لا منو... و الله لو ما مشتاق ليك كان رشيتك جنس رش...
يا حبيب لك العتبى حتى ترضي والشوق جبال جبال والله يا الرشيد اول
ما مريت بالكوة اتذكرت و قلت للشباب والمدام النيمة ديك نيمة
عمك عثمان عم الرشيد كلهم باستغراب قالو لي عمي عثمان الجابو هنا شنو؟
عموما شمارك وصلني مع العب جلا !! و قال لي صحبك زعلان منك قلت ليهم
إنت اطلع منها و خليني معاهو انشاء الله اسافر ليهو الامارات ؟؟؟ عموما
اكرر اعتذاري و الحقيقة الواحد عند السفر كان في غاية السرعة حتى
نصل قبل العيد و انت عارف زحمة الطريق و الحمد لله و لمنا وصلنا كانت
المشغوليات كبيرة شي اعراس و شي سفر و شي مرض و شي امتحانات عيال و
عييييك و الف حمدلله علي الشغل و الله الواحد جد مبسوط و ربنا يوفقك .
و انشاء الله لنا لقاء .
Post: #4007 Title: Re: ناس الزقازيق ... أجدع ناس (4) .. Author: منصور عبد الرازق Date: 12-17-2011, 09:29 AM Parent: #4006
هى يا ربى ده مش موسى عيسى زااااتو ولا واحد بيشبهوا هو الزول ده لسا عنده باسويرد ؟؟؟ بعدين ياخى انتو ما تشغلونا معاكم فى الحتات البيدوا فيها الزول اجازة ستة شهور دى مشتاغووووون ان شاء الله ملين بطاطيرك خلاث ؟؟؟
Post: #4008 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-17-2011, 10:36 AM Parent: #4007
حمد الله على السلامة يا موسى شنو حركات ناس السودان دى رد على التلفون ياخ اهم شى جبت لينا جبنة مضفرة ...
طارق جبريل يا ( بيـئة ) نحن اولاد جداد كنتاكى و البرست ... هيم شنو ... وسميرى شنو .. انت وكتين مشتهى عالم الحيوان مش كان الاحسن تشتغل فى مجالك
حمد لله على السلامة يا ابوالعهود ... الحوش نور والله وفي ناس بعد دا بتعمل ساتر
----- يا طارق خلك بالله من اولاد الصحافة واركويت الحناكيش ديل وادخلنا في الغريق القاعد يعجبك .... وحاتك كل ما ادخل على بوستيك دا اتذكر دنان الحنة القاعد نربطو بالخيط داك ويقعد يدور علا بي دويروا دا ما بلحق الديك ....
بركة الجاكم موسى عيسى و مرقتو... شميتو فيهو ياتو ريحة (وش أخدر زي بتاعات جبريلا و نجيلة)... ريحة البلد و لا ريحة النيل و لا ريحة الدعاش... جيتو مارقين تتدبو كده...القاعد يدبى عارف نفسو... سعيدين بعودة موسى عيسى... و سعيدين بعودة الدبايب..سوري قصدي المدبيين... فضل زول واحد بس... يعلم الله لا هو دبيب و لا مدبي...
قال ليك واحد اخد اجازة شهرين جا راجع بعد اربعين يوماً ونيف أو كما قال ..... تري ما هو السبب .... كل زول يورينا السبب .... انا غايتو عارف بس ما حا أقول .... حيث لا ينفع السر في مكان الجهر .... أو الجهر في مكان السر ....
بسم الله الرحمن الرحيم نعتذر لغيابنا عن البوست في فترة الستة أشهر السابقة و نرحب بكل الأحباب الذين هاتفونا و الذين لم يهاتفونا و عاش السودان حراً أبياً
التوقيع: نقابة التاكسي عنهم أنا
Post: #4017 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-18-2011, 05:59 AM Parent: #4015
صباح الخير ،،، يا وجوه الخير
تمائم صباحية :
جميل أن تزرع وردة في كل بستان ولكن ،،، الأجمل أن تزرع ذكر الله على كل لسان....
سبحان الله وبحمده سبحان الله العظيم
Post: #4018 Title: Re: ناس الزقازيق ... أجدع ناس (4) .. Author: محمد صديق Date: 12-18-2011, 07:23 AM Parent: #4017
سلامات يا ناس
Quote: مش قلت ليكم... قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر...
آآآآآآآآآآآآآآآآآآآآآآآآآآآآآآآآآآآآآآآآآآآآآخ
Quote: و ترجعني ليك السودان مع الوالد و الوالدة و الأخوان... حتى الريحة بشمها... تدخلني ليك الأستاد (المساطب الشعبية) مع الكوتش و أبو الزوز... التسالي و كباية قهوة على كباية شاي... تطلع من الكورة و انت تكون ما شفت فيها غير ربع ساعة بالكتير... قهوة عند جلا في المكتب...و لا سمك في نادي الربيع.. عضه كاااربة عند نهلة و لا الريس معتصم..يصدح فيها أحمد عوض.. عصيدة خالده الما خمج و أم رقيقة بهجة الرهيييبة.. حنك مع عواطف دفع الله في بنك المزارع.. و لا قعدة جمب النيل فيها الريس معتصم و معاوية يحي... محمد العوض..عبد الرحمن مضوي..ماجده عبد الرحمن..و محمد سيد... يحليها محمد المرتضى بضحكاته و قفشاته...
ثم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ تعال ومعاك زهير
Quote: ثم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ تعال ومعاك زهير
في مداخلات كده يا كوتش بتكتب نفسها و في مداخلات انت بتكتبها... المداخلات الانت بتكتبها زي ما تجي تجي و زي ما تمشي تمشي... ما بتفرق معاي كتير... و التانية البتكتب نفسها دي بتكون عايز الناس تتفاعل معاها... لأنها تعبير صادق عن حالة مريت بيها أو عشتها و اتفاعلت معاها... لدرجة اني مرات بكون عايز أكررها كل صباح ... المداخلة دي واحدة منهم... أنا فعلا أشعر بشوق شديد للسودان... و لكل حاجة وردت في المداخلة بتاعتي دي...
متى ما اتسهلت بجر ليك زهير من يدو و بنجيك... بس انت أحجز لينا مكان في المسطبة جمب ست القهوة...
Post: #4021 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-18-2011, 10:06 AM Parent: #4018
حمدلله على سلامتك ... ياموسي عيسي ... ان شاء الله كلو تمام .... سؤال ما ليهو علاقة بالبطاطير ...
===============================
رباطابي مشى للجزار قال ليه اديني كيلو لحمة الجزار كل مرة يقطع حتة لحمة ويرميها في الميزان الجزار قال الميزان ده ما داير ينزل مالو؟؟ الرباطابي قال ليه ينزل كيف عاد وانت بترمي ليه في الدوهات من قبيل ......... ******************** قال ليك واحد معرس ليه تلاتة حريم (جعلية ومحسية وشايقية) ... جاتو مرضة كدة واستحق عملية جراحية .... العملية كلفت تلاتة مليون .... قالوا كل واحدة من الحريم تدفع مليون عشان يخارجو الراجل من المستشفى .... الجعلية أبت قالت ما بتدفع .... والمحسية قالت ما عندي قروش ****** الشايقية إتلفتت يمين وشمال ما لقت زول غيرها يدفع ..... قالت ليهم خلاص يا حريم أنا بدفع التلاتة مليون كلها .... لكن بشفففففففففففففففففففففففففففرو ******************** سكران لاقى ست العرقي في الحج قال ليها : اسألك بالله وقدام بيتو دا ما تزيدي لينا موية تاني ... ******************* "ضب" سكران قال لصاحبه: والله لوما الشرب والنسوان كان هسة بقيت تمساح.
Post: #4022 Title: Re: ناس الزقازيق ... أجدع ناس (4) .. Author: منصور عبد الرازق Date: 12-18-2011, 10:47 AM Parent: #4019
اليوتيوب ده , عليكم الله استمتعوا بيهو , زى ما استمتعت انا حا اختو ليك بهناك برضو يا كوتش فهو يشبهك تماما
Post: #4023 Title: Re: ناس الزقازيق ... أجدع ناس (4) .. Author: محمد صديق Date: 12-18-2011, 11:20 AM Parent: #4022
سلامات يا ناس
Quote: حا اختو ليك بهناك برضو يا كوتش
شكراً يا منص بى هنا وبى هناك.
سامى عبدالوهاب وجلال عثمان ..:
انتوا قاعدين تمشوا وين ؟؟؟كده قولوا لينا يمكن نمشى.
Post: #4026 Title: Re: ناس الزقازيق ... أجدع ناس (4) .. Author: محمد صديق Date: 12-18-2011, 11:33 AM Parent: #4023
سلامات يا ناس
Quote: قال ليك واحد اخد اجازة شهرين جا راجع بعد اربعين يوماً ونيف أو كما قال ..... تري ما هو السبب
دى ما المشكلة ...
المشكلة فى الزول ال من سافر ما اخد إجازة.
Post: #4024 Title: Re: ناس الزقازيق ... أجدع ناس (4) .. Author: جلال عثمان Date: 12-18-2011, 11:29 AM Parent: #4022
Post: #4025 Title: Re: ناس الزقازيق ... أجدع ناس (4) .. Author: جلال عثمان Date: 12-18-2011, 11:32 AM Parent: #4024
انا غايتو قاعد يا سعادتك ومتابع ومستمتع ... لكن زولي داك ما يكون مرقا في الصين وساق زهير وابتهاج معاه ...
تسأل منك العافية ياحبيب
Post: #4027 Title: Re: ناس الزقازيق ... أجدع ناس (4) .. Author: جلال عثمان Date: 12-18-2011, 11:40 AM Parent: #4025
يا اخوانا .... دعوة للنقاش بمناسبة فديو محسن خالد دا.... وبالمناسبة حضرت اللقاء لايف بر قناة امدرمان ولا اسا كلام محسن دا "حاقص" لي في كنكوجي دا كلام عجيب ياخ ... ومن اول ابتدار البت دي الحوار معاه طردت ليك الشفع وقفلت الباب علي الزول دا عميق بلحيل وبير ملهاش قرار ... عشان كده تابعتوا ليك بعمق لامن قربت اغرق ياخ نظرية من النهر للمقبرة دي اتمنيتوا ما يسكت ... والكائن المجريّ وما ادراك ما المسيكتاب زاتو ... اها يلا يا منصور عارفك داير تقول كلام كتير
ما دام كلكم نمتوا ...تجوا الصباح تلقوا منصور من صفحة 50
حقت زمااااااااااااااااااااااااان:
Quote: حتى مكتبى فى الرياض , ذلك البائس التعيس والذى شبعت منه مللا , والذى كجنته تكجينا , بدا لى مختلفا هذا الصباح تفعل الأجازات, ويفعل التغيير بالنفس البشرية الأفاعيل ينقلها وينتقل بها من محطات الى محطات مشتاقين والله يا ياسر نجيلة لا نسمح لك بأى غياب اختيارى يا محمد عيد ان جاءك الغياب قسريا , فاننا على تقدير الظروف قادرون اما ان تغيب بسبق الأصرار وكامل الترصد , فهذخ جريمة مكتملة الأركان لا نسمح لك ان تقوم بها , ولا نرغب ان تنوى مجرد نية الأنتقال من مطارات كوالالامبور وسنغافورة , ثم دبى والرياض , لعب بساعاتنا البيولوجية لعبا وساهم رمضان فى ان يزيد من ضرب ساعة البيولوجيا عندنا , وكانها كرة تنس صغيرة حتى اننى حضرت الى المكتب والدوام اليوم , ساعة كاملة قبل مواعيد الدوام الرسمية الرمضانية كانت (طاقة الحكى ) قد توقفت وانقفلت بفعل منادى الطائرة فى مطار ما , ساعدونى بالتذكر , ولكنى اظنه كوالالامبور وكنت اتحدث عن اشجار , ما (ادونا ليها ) فى كلية الزراعة نخيل بدون تمر , ومنجة تحتاج لعربية كارو لحمل ثمرتها المنتفخة (عينى باردة ) وجوز الهند ولا هند , وشذى زهر ولا زهر , وحوالينا الظلال والنهر, ويفوح العطر عندنا , ولا عطر تغيرت سياسة نزول المطر حال وصولنا حياض (بينانج ) ترى لماذا قفزت لفظة (حياض ) الى ذهنى وكأنها احد (نسانيس لنكاوى ) ان حال المطر (المتغازر ) , وهو يسقط على مياه المحيط الهندى , قتلنى , وما انفك يفعل كلما استدعيته من ذاكرتى القريبة , ان منظر حبات المطر العاتيات الكبيرات غير القادرات مع ذلك على انقاص اوزان واحجام غمامات السحاب , ثم منظر المياه المتدفقة من فتحات السحاب , ومع ذلك لا تقوى على زيادة مياه المحيط الصاخب , منظر يثير فيك كوامن الأبداع والحيرة فى آن , انه الماء عندما يسقط على الماء , ومع ذلك لاماء يزيد ولا ماء ينقص , قاتل الله اصحاب نظريات الرياضيات والفيزياء, فمن قال لهم ان قطرة الماء اذا ما سقطت على اختها صارتا قطرتان , الم يقل (كوال ) لأستاذ الرياضيات الجديد الذى سأله عن حاصل جمع النص للنص , انهما (قزازة ) , ترى ماذا يقول (منصور ) عن حاصل جمع قطرة لقطرة , ان حاصل جمعهما ليس قزازة بالتأكيد , لا , انه عنفوان واختلاجة , انه زهو وافتخار , لا , انهما اكثر من ذلك بكثير وبينانج بمحيطها هى حاصل جمع حاضرتين اولهما جورج تاون , الميناء التجارى العملاق , والتى يحيطها المحيط احاطة السوار بالمعصم الا فتحة صغيرة , اما (باتو فرنجى ) , فهى جانب المدينة السياحى , وحيث ان بينانج جزيرة (الا قليلا ) , فانك واجد ماءا انى كانت وجهتك , من جوانب ثلاثة على ظهر اديمها الأخضر, ولكن الأمطار النازلة اكملت جوانب مائها بجانب رابع يكمل احاطة سوارها بالمعصم , حتى يخال اليك انها لن تستطيع معها فكاكا بينانج , ماء وخضرة وشجر وشاطىء الذهب , متعة النظر وانشراح الفؤاد
مداخلة منصور النكته الكوتش محمد صديق من الصفحة خمسين دي... فيها وصف مذهل لطبيعة المكان و تفاعل منصور معاهو... و منصور طبعا يملك من الأدوات ما تجعله قادر على اتحافنا بالكثير مثلها... لكن لن تكون بنفس ذلك الاحساس و الانفعال... في المرة الأولى عندما قرأتها شهتني الاجازة... و في المرة الثانية شهتني المطر... و هذه المرة جعلتني أدندن بي... يَلُوحَـنْ لَـيْ حَمَامَاتِـنْ هَمَنْ عَينَـيْ غَمَامَاتِـنَ هُيَابْ رَعَّابْ جَمَالْ فَاتِنْ وَلا شَيْ فِي الأدَبْ فَاتِنْ ِتُتوقْ الرُّوحْ لِشُوفَاتِـنْ وأرْجِفْ حِينْ مُوَافَاتِـنْ شكرا لمنصور على هذا النوع من الأدب الرفيع... و شكرا للكوتش على الذوق الرفيع...
أن تكون أبا و أخا و صديقا شيء جميل... لكن أن تصبح كيسا لتدريب الكاراتيه... تتلقي الضربات بكل التكنيكات التي لم أقدر على حفظ مسمياتها... أعتقد أن العمر قد تجاوز ذلك قليلا و ان بدا لي في البداية أمرا ممتعا... بدأت القصة عندما طلبت من مهند أن يريني ماذا تعلم حتى الآن في مدرسة الكاراتيه.. سألني عايز تعرف يا بابا.... أجبت متحمسا...طبعا... طيب أمسك المخده دي... تمنيت لو طلب مني أن أمسك المرتبه... انهالت الضربات على المخدة و علي... حتى خيل الي ان الولد قاصد يجلي المخده... انتهى التدريب و شجعته قلت ليهو أنه قرب يبقى بروس لي... و قررت انها دي آخر مرة أمسك ليهو المخده...
Post: #4030 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-19-2011, 06:02 AM Parent: #4029
صباح الخير ،،، يا وجوه الخير
دعاء الصباح :
ربنا أغفر لنا ذنوبنا وإسرافنا في أمرنا وثبت أقدامنا
رفاعية و تغريك جمال كلمات طارقية اشهي من ندى الصبحية.
صدقا لقول الرشيد كلما تحاول تسرد حكي بعض من الاجازة
يجيك وصف منصور ناطي يمسخ ليك الكلام و تمسك التلفون
و تحاول تحكي ليهو الشفتو و تخليهو يجدع و انت بهناك
تشيل عكازك تنكز .
فسلمت يداك اخي منصور و حفظك من كل مكروه .
و لكم حبي ايها الزقازيقاب الحلوين
Post: #4032 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-19-2011, 07:31 AM Parent: #4031
يا جماعة أنا مش قبل كده وصيتكم... عملتو لينا شنو في الوصية... مش قلت ليكم... قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر... =============================================
كل الحكي ده في شوق الولد رشيد القوم على السودان والله يا رشدي ختيتنا في حته ضيقة شديد خالص وجهجهتا باكاتنا وحيرتنا وعملنا مقارنة ووجدنا البون شاسع مجموعة كبيرة وأنا منهم مات عندنا الشوق للبلد وسوداننا الحبيب لم يمت حُب الوطن الكبير ولكن مات لدينا الإحساس بالعودة وزيارة البلد في جلسة جمعتني مع بعض المعارف قبل أيام وكنت أحسب نفسي مخالف للطبيعة لأن من عام1995م ذهبت للسودان ولمدة إسبوعين قبل خمسة سنوات لزواج أختي ولم أفكر في العودة وحتى أطفالي عجبهم السودان وطلبوا مني أن يعيشوا في هذا البلد وأن أعمل لهم إقامة للعيش بالسودان المفاجأة بأن محدثي الأول قال بأن عهدة بالسودان كان في زمن جعفر نميري خرج من السجن وهاجر ولم يعد مره أخرى والثالث قال بأنه هاجر بعد إنقلاب حكومة الإنقاذ ، يعني طلعت أنا أفضل الأسواء 16سنة بس !!
Post: #4033 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-19-2011, 07:37 AM Parent: #4031
يا جماعة أنا مش قبل كده وصيتكم... عملتو لينا شنو في الوصية... مش قلت ليكم... قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر...
هذا الكلام هذا وجداني بقوة هل نحن جنينا على بلدنا
أم هي التي جنت علينا ؟؟؟
وهل الوضع السياسي الراهن
هل الوضع الإقتصادي الضاغط
لماذا مات فينا شوق البلد يا ناس البلد
حبيت أن أشتاق لبلدي يا رشيد زيك كده!!!
فهل من علاج؟
Post: #4034 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-19-2011, 07:37 AM Parent: #4031
يا جماعة أنا مش قبل كده وصيتكم... عملتو لينا شنو في الوصية... مش قلت ليكم... قولو للنيل ضفة ضفة والعشيات لما تصفى والنسيمات البتاخد من عفاف ريدتنا عفة انو شوقى يفيض بحر شوقى شوق انسان معذب عذبو الليل والسفر...
هذا الكلام هذا وجداني بقوة هل نحن جنينا على بلدنا
أم هي التي جنت علينا ؟؟؟
وهل الوضع السياسي الراهن
هل الوضع الإقتصادي الضاغط
لماذا مات فينا شوق البلد يا ناس البلد
حبيت أن أشتاق لبلدي يا رشيد زيك كده!!!
فهل من علاج؟
Post: #4035 Title: Re: ناس الزقازيق ... أجدع ناس (4) .. Author: محمد صديق Date: 12-19-2011, 07:59 AM Parent: #4034
سلامات يا ناس
وصباحات التفاؤل
احذرك يا الرشيد من ممارسة اى نوع من الرياضة مع الاولاد....
انا قبل كده عمر قرب يكسر لى السلسلة الفقرية ....
طلب بسيط بالله : رسل لى الريس ميسرة شىء من الوصفة السحرية
يا ريس لو عايز تشتاق للسودان شوف الحاجات الفيهو مش المافي... لو نظرت للسودان من الزاوية دي حتقوم تكتشف حاجة غريبة جدا... حتكتشف ان المعاناة مكملة للحاجات الجميلة الهناك... و حتلقى انك بتشتاق لكل السودان... يعني أول ما تصل المطار تلقى الكوتش منتظرك في المطار... يجي يسوقك من البيت و يعزمك عصيدة يوم الجمعة بكل الألوان... شي أبيض و شي أحمر..لمن تحتار تآكل شنو و لا شنو... و بعد داك يحلف عليك يرجعك من محل ما جابك... بالرغم من ان المواصلات أسهل ما يكون... يقوم يعزمك كورة لو من أنصار الكورة... تدخل المسطبه الشعبية و تقعد تسمع في تعليقات عامة الناس... تضحك و تملأ بطارياتك ضحك يكفوك عشرين سنة لي قدام... و تقوم تلقى انك كنت قاعد ليك في سفة و جلابيتك البيضة بقت بنية.. برضو ما بيحصل حاجة للمزاج يفضل عالي زي ما هو... و العجب كمان لو لم فيك الريس معتصم و لا نهلة نجم الدين... و الله يا ريس الا تقوم جاري منهم الناس ديل... الناس ديل التقول مشاعرهم كانت مقرشة (داسنها في القراش)... نفس الروح الحلوة بتاعت زمان و نفس الصفاء و الجمال... الواحد يرجع بيتهم الساعة 6 مساءا تعبان هلكان... لكن مستعد يضيفك و يستقبلك و كل ما تقول ماشي يحلف عليك تقعد... و جلا الذي يملأ البوست مرحا و ابتسام لو لا قيتو هناك يا ريس... و بقى زميلك في الوست..أكيد حتتسيك في قبولك... لكن حتتمنى انك تمشي مع الزول ده بيتهم و تكمل باقي الاجازة بتاعتك عندهم...
يا ريس أنا لحدي حسه بتكلم عن انك تمشي اجازة... لكن لو عايز تمشي نهائي كلمني عشان أعمل شوية تعديلات...
الغربة مابعد المسافة ولا السفر اخر مطافة الغربة في الموية البتنزل تطرد الناس من ضفافا الغربة في الزمن البعاند وفي السحاب الطش جافا الغربة في الزول التريدو تلقاها في اخر مسافة
الغربة يالريس صعيبة و بتعلم القلب الجفافة تنسيك الريد القديم و السمحة الخدرة وقيافة و ترهل الجسم القبيل كان اخر لطافة و تكعكع الرجلين كمان وتبقي للبرجل وصافة
الغربة هم ووجع قليب فقد الحصافة من قولت سلام واصبحتو كيف ياهلي الظرافه
الغربة من قبالة حبيب كل يوم في الصباحة تصبح نبي يا ابو العهود يل كلك .......
نسال الله ان يجنبنا الجلا في الطرقات الاسفيرية !!!
Post: #4037 Title: Re: ناس الزقازيق ... أجدع ناس (4) .. Author: منصور عبد الرازق Date: 12-19-2011, 11:16 AM Parent: #4035
البنى آدم ده , حاجة معقدة جنس تغقيد لا زول بيشبه التانى , ولا البنى ىدم نفسه , بيشبه نفسه ساعات دكتور جيكل ومستر هايد , هما الأصل فى النفس البشرية فى اعلان انا من اشد المعجبين بيهو , بيجى فى القنوات المصرية فكرته تتلخص فى انو اى بنى آدم مننا , عبارة عن شخصيتين ويكرس الأعلان , مستندا على فكرة الأنفصام هذا للترويج لى منتج بتاع بطاطس , بيجى على شكل مثلثات كده فيعطيك فى كيس واحد , نوعين من بطاطس الشيبس متناقضان , واحد فلفل حار , والتانى كاتشاب مثلا ويعرض هذا التناقض على لسان شخصية تتصرف بطريقتين متباينتين خلال فترة زمنية وجيزة , وفى قالب فكاهى معتمدا على تناقض الموقف امبارح سمعت مقابلة محسن خالد كاملة الليلة اعدت سماعها مرة تانية فلبستنى شخصيته , واسرنى كلامه , الغارق فى واقعيته المدهشة كيف يستطيع الآدمى ان يكون كلا واقعيا , كما بدا لى محسن خالد ده كيف نستطيع ان نستخرج من نظريات المحاسبة وعوالم الأقتصاد وجدليات الديالكتيك كائنا يمشى على رجلين ؟؟ كيف نستطيع ان نقتحم عوالم الأشياء السرية ؟؟ كيف تتحدث وتناجى (كلوروفيل الأوراق ) وتنتظر ان تطرح لك ميتابوليزمات اجهزة الحياة عندك , اجنة تحيا وتموت كيف تقطع مشوارك ما بين حياتك وعدمك , راكبا (النهر ) وواصلا الى المقبرة بعضنا يعيش (مقبورا ) , بينما بعضنا الآخر يقبر (وما يزال فى عنفوان الحياة وان قبر ) انها جدلية السريان والركود , وثنائية الجريان والتوقف الى بكل مؤلفات هذا الفتى , يا من تعرفون مكانها حدثنى قاسم انه يعرف من اين يأتى بها , احتفى به وبمؤلفاته ذات حديث معى قاسم ده تلفونه كم , ما ترد يا زول الجرس بيرن
Post: #4039 Title: Re: ناس الزقازيق ... أجدع ناس (4) .. Author: منصور عبد الرازق Date: 12-19-2011, 11:50 AM Parent: #4037
مالكم قمتوا علينا القومة دى يمين الله رجيتونى رج فورتونى فوران البيبسى شى غربة , وشى بينانج , وشى مخدات بتنضرب وكمان جابت ليها محسن خالد !!!! اشهد انك مدردق (الدال التانية مكسورة لامن عاوزة ليها جبيرة ) بدرجة امتياز يا جلال يا عثمان انتا عموما قلبى رقد, اتصلت على قاسم , ولنك المؤلفات بتاعت محسن خالد زمانه فى الميل بوكس بتاعى العاوزها يحنسنى طارق جبريل , اعرف ان علاقتك بالزول دى وثيقة , زدنا عنه ومنك وما تبخل علينا اما حكاية بينانج التى اعاد نشرها الكوتش نقلا عن الصفحة خمسين فانا , وبكامل قواى العقلية , اعلن انه الكتبها لا انا ولا شيتين ده مستر هايد بتاعى يعلم الله ويشهد انى قريتها وماعرفت نفسى زاتو اما كلام الريس عن الغربة واحساس الوطن الطارد فهذا هو موضوع دكتور جيكل ومستر هايد الاساسى ماهو ده زاااااتو الخلاهم كده يا ريس اقول ليكم حاجة , انا ذااااتى لا منصور ولا حاجة انا محسن خالد !!!! ولا اقول ليكم , احسن اكون مخدة الرشيد الشالها لى مهند قلت لى بقى بروسلى ؟؟!! فى الحالة دى , المخدة زاااتا ما بتنفع اخير الزول يبقى اللمبة القالت (بق ) كسرها , حتحتها , يبقى ليك الحق
Quote: قبل احتفالنا بالمئوية كنت قد أوردت في احدى الصفحات تساؤلا عن ماذا بعد هذه السنين الطويلة من الغربة...متى تنتهي و كيف السبيل الى الخروج منها...و تجدني في كل مرة عاجزا عن الاجابة و يبقى السؤال قائما أو مؤجلا الى أجل غير مسمى... أنا لا أكف عن طرح هذا السؤال على نفسي و لكن تخف وطأته أحيانا و تزداد أحيانا أخرى...هذه الأيام المؤشر في الأحمر...و السؤال يؤرقني للحد الذي يبقيني صاحيا طول الليل... تعمل شنو...تعمل شنو... تمشي تشوف ليك بنك في السودان يمول ليك عمارة عشرو طوابق..فيها عشرين شقة...تأجر الشقة بي تلاتة مليون في الشهر في عشرين بي ستين مليون في الشهر...تدفع للبنك خمسين مليون شهريا...يعني في خلال كم سنة كده بتكون سددت للبنك قروشه و بعد داك تلبس جلابيتك البيضاء و عمتك المطرزه و تمشي تقدل في الشارع من بيت عزاء لي بيت عرس...من العصر تقعد في ضل العمارة تجيب ليك كراسي و تربيزة و تكتر القهوة و الشاي و يجوك الأصحاب تقعد تدق الحنك لحدي الساعة عشرة مساء و بعد داك تمشي تنوم...و هكذا تاني يوم... تعمل ليك مكتب صغير في احدى الأحياء الراقية (الحتانة مثلا)...و تقعد تسلي نفسك تشتري و تبيع...ان شاء الله تبيع ترمس...شي أراضي و شي بيوت و شي كراسات و أسمنت...و لو جوك ناس الضرايب آخر السنة تقول ليهم يا جماعة تجارة شنو و ضرايب شنو..أنا المكتب ده و الله فاتحه تسلية ساكت...في زول بيدفع ضريبة على التسلية...المفاجأة طبعا لما يقولو ليك أيوه في ضرايب على التسلية...نحن الهواء عملنا ليهو ضرايب لما التسلية...ياتو الضروري الهواء و لا التسلية.. كان اتلايقو علي بدفع ليهم...أعمل شنو...اقفل مكتبي المسليني و مونسني و مدخل لي حق الملاح...كل تاجر في السودان ده تلقاهو شغال شغل بالملايين و بعدين يجي يقول ليك و الله الانت شايفو ده عشان حق الملاح..طيب اذا كان ده حق الملاح...حق الما ملاح بيكون كيف...غايتو نقول ما شاء الله بس... فكرة البفالة دي ما راكبة لي في راسي ما عارف ليه...عندي احساس البقالة دي زي ساقية جحا تشيل من البحر و تودي البحر...يعني البقالة دي تجيب بضاعة تبيعها تمشي تشتري بالقروش بضاعة تاني...تلقى سيد البقالة شايل ليه رغيفة وواقف جمب صفيحة الطحنية يحشي ليهو حتة طحنية في الغداء و حتة في العشاء و الفطور بيقطع ليهو عيشة و يكب ليهو فيها شوية موية فول و موية جبنة و زيت...عشان كده بتلقى بتاعين البقالات بيشحتفو ليك الحاجات دي...تقول ليهو يا أخوي دي طحنية بي خمسماية يقول ليك نحن نتغدى بي شنو يعني... أها أنا أقعد أسوي في جنس ده...بقالة دي خارج حساباتي...جني و جن غداء و عشاء الطحنية ده...فطور البوش لا بأس به.. لما الأمور كمان تمشي لي قدام شوية بعد ما أسدد لي البنك قروش العمارة بعمل لي أسطول ركشات و أمجاد بالرغم من أن بعض الأصدقاء نصحوني قالوا لي أبعد من الأمجاد و خليك في الركشات...أشغل فيهم كل الخريجين...خاصة خريجين الزراعة تعاطفا مني معهم...و حأحترمهم ليك غاية الاحترام...الليلة دخلت كم يا باشمهندس...50 ألف بس...الليلة ما شاققت و الله شنو يا باشمهندس...أنصحك تقوم بدري انت ما سمغت أهلنا قالوا ود البدري سمين...و بعد داك الزارعة الله في الحجر بتقوم...
استراحة لحدي ما أجيكم لي باقي المشاريع حقت العودة من الهجرة...
تعرف يا منص اول ما اشتركت في سودانيز دة كنت بجي بخرمج زي خرمجاتي دي واطلع قمت باريت ليك بوستات محسن خالد دة ما كنت بتداخل معاه كنت بقرأ وبس يوم جاني تليفون من الامارات قام قال لي انا محسن خالد ازيك يا زول يا حنين يمين بالله قرب يقوم لي شعر في راسي من جديد وابقى خنفس قمت اديتة صنة قام طوالي دخل فيني شمال قال لي يمين بالله الجن البتسوي فيه دة قاعد يريحني في حناني من ديك وعيك بقى كل شهر يضرب لي مرتين خصوصا بعد مشى لندن واستقر هناك طبعا بعداك اكتشف انه كان متزوج مغربية ياخي دة زول بي عدد السنين صغير خلاص لكن بي عدد الخبرات جلكيم عديييييييل واحدة من حسنات المنبر دة انه بتعرفك علي ناس قامات زي ديل والله الزول مرات بيخجل انه بيكتب معاهم في نفس المنبر
ان شاء الله أًصلو ما تنقلب... و لا تجيها عوجة... مريحانا و مريحه بالنا... مونسانا و ماسحه همومنا... ان شاء الله ما تنقلب... و حتى لو انقلبت... ان شاء الله الجاية يا تكون زيها يا أحسن منها... قصدي الصفحة دي يا أخوانا... الصفحة شهدت عودة كل الطيور المهاجرة... و عودة الكوتش بطايوووق كامل... و منصور بكتابات لحدي ما قمت طلعت الدكشنري... و برضو ما فهمت حاجات كتيرة بقدر ما استمتعت... ولدنا الحاج ياسر نجيلة اختفى في اليومين الأخيرين... أنا عارف الدنيا آخر سنة و العصره بتاعت الميزانيات و كده... جلال كتر خيرو قدم لينا محسن خالد الزول الخطير الجميل... و من زمان أنا عندي اعتقادان جامعة الجزيرة دي خرجت نوابغ في مجالات شتى... ارتبطت بها منذ أن كنت طالبا بالثانوي... عندما كان يستفزنا الكتاب الضخم الذي كان يخبئه صديقي خالد عايس داخل درجه و يقرأ فيه... كان الكثيرون ينفرون منه عندما يعرفوا انها مؤلفات فريدريك انجلز و كارل ماركس... ثم يقتربوا أكثر و يقرأون أحيانا اما بدافع من فضول أو لكي يتمكنوا من محاورة صديقي... فكنا نذهب الى جامعة الجزيرة لطلب المعرفة وحضور أركان النقاش.. و كنا نبقى طويلا حيث ركن أحمد مصطفى الدالي...و نناقشه بعد الركن في أمور فلسفية... كنا وقتها يشغلنا أمر الروح و هل هنالك خلايا روحية مثلها مثل الخلايا الجسدية.. محسن خالد تم صقله هناك في تلك البيئة.... هذه الصفحة شهدت عودة موسى عيسى المظفرة من اجازة 45 و نيف يوما... حسبناها ستة شهور كاملة و بدت لي سنة كاملة... و في كل مرة تكاد أن تنزل الصفحة الى أسفل سافلين يتكفل الكوتش و الريس ميسرة بانقاذها... و يأتي جلا من حيث ندري و لا ندري فتأتلق الصفحة أنهاراً وظلاّ...و ننسى فلا نأسى على ماضٍ تولّى... مشاركة جبريلا الفعالة في هذه الصفحة و وشوشه الخدراء... ثم أخيرا دردقة عصام دهب و مقمقته مستمخا...
ان شاء الله أصًلو ما تنقلب
Post: #4046 Title: Re: ناس الزقازيق ... أجدع ناس (4) .. Author: محمد صديق Date: 12-20-2011, 06:52 AM Parent: #4045
سلامات يا ناس
وصباحات التفاؤل
يالرشيد ...ياخى انت المتكفل بكل حاجة ....نحن والله طايقونا ده
سلام يا أهلنا عثمان يا حبيب كيفنك والوليدات نعلكم طيبين
في الاجازة قمت يوم من الصباح وقفت جنب درابزين البيت قدام العمود في شوية طوب كدة ووســــــخ استفذني جدا منظر ود دبرك وعشوشة وهما يعيثان فسادا أمام العمود في تلك الأيام الخوالي كنا نكمن لهم بالشرك (القلوبية) ونصطاد منهم ما شاء لنا ذلك كان يقف بقربي ابن شقيقتي الفاتح قلت له: انت عندك قفص قال لي لا ما عندي.. قلت ليه خلاص نمشي نجيب لينا نملي من المغلق ونشتري شرك ويكون عندك قفص وطير كمان وكان أن امتطينا أول ركشة إلى سوق العشرة حيث وجدنا ضالتنا في (القلوبية) ومن هناك عرجنا على المغلق واشترينا لوازم القفص حين اتيت وجدت راشد شقيقي يبحث عني فنظر إلى ما احمله ووجدته يفكر في الأمر نفسه ركبنا القفص من بقية الاخشاب والنملي ووضعناه في الشجرة أمام الباب ودلفنا أنا وراشد في رحلة البحث عن «جنادب» بين الطوب المنتشر هنا وهناك و«الجنادب» عادة تكون تحت الطوب أو الأماكن الرطبة وجدنا ضالتنا وبدأنا رحلة القبض على «عشوشة» منظرنا ذاك أضحك الحلة كلها ولا شك أن بعضهم قال: أولاد جبرين جنوا وبقوا مبارين الطير بعد ما عرسوا وعملوا وليدات دفنا الشرك بعناية في المنطقة المرجحة لنزول عشوشة وود دبرك اول «هبرة» كان ود دبرك مات قبل أن نصله لأن الشرك كانت له قبضة حديدية خففنا من قبضة «الياي» وأعدنا الكرة مرة أخرى ونلنا مرادنا بأول عشوشة وضعناها في القفص كانت الفاتح مزهوا بخيلانه صيادي «عشوشة» حتى أنه رفض الذهاب ثاني يوم إلى المدرسة وبعد صعوبة كبيرة أقنعناه أننا سنكون في انتظاره حين عودته من المدرسة لنبدأ عملية الصيد يمين بالله احساس ممتع لدرجة وانت جاري وعشوشة بـ«تفرفر» في الشرك ياخي ادفع اي حاجة وارجع للايام ديك
تليشة: صاحب الصورة هو دكتور محمد البشير اللاعب الحريف لبيطرة الكان مجنن ناس تجارة جن
Post: #4050 Title: Re: ناس الزقازيق ... أجدع ناس (4) .. Author: منصور عبد الرازق Date: 12-20-2011, 10:47 AM Parent: #4048
اها , ما ازال استمتع بانفصامى اللذيذ وساحاول اسقاط تداعيات ذلك الأنفصام على حالة ميسرة الأغترابية ونموذج كلام الرشيد الجابو الكوتش وحفتو , من سنة دو ده حالة الوطن المرتبط بالمكان , يبدو لى انها تمضى الى الأندثار على حساب حاجات تانية طبعا والحالة دى , عند اهل البنادر , اسهل منها عند من خصهم الله بحالات ريفية اكثر عمقا وتأثيرا بالتأكيد الوطن عند كثيرين , حالة اعتبارية , تأثير المكان فيها يعلو ويهبط حسب بعدنا وقربنا مما يسمى بالمراكز والعواصم والبنادر انا اتولدت فى (حلة جديدة الخرطوم ) دعونى اسميها هكذا , لأن لكل مكان (حلته الجديدة ) وعندما ولدت هناك , ولدت معى مفارقات عديدة لم اعيها وقتها , وهذا طبيعى ومنطقى لكن ان اعيها برتوش من عيون الخيال والتأمل , الان فقط وبعد ان قارب اكبر ابنائى سن الرجولة والمسئولية هو ما اراه غير الطبيعى وغير المنطقى كذلك وهذا ما يشابه , اترك الأحلام يا جميل واصحى اول هذه المفارقات , ان خطوات حياتى الأولى خاصة واننى لست باكبر اخوانى , بل انا فيهم (وسط كخير الأمور ) فلا انا بالبكر , ولا انا بالحتالة واى زول يضيف نقطة للحرف الفى النص ده , انا ما معاهو كويس فالحتالة لا علاقة لها بالحثالة قطعا وتأكيدا على الأقل فى حالتى هذه فكونى لا بكر ولا حتالة ,فهذا يعنى ان ابواى قد قطعوا شوطا كبيرا فى مشوار معالم حياتهم الأولى هذا من الناحية الأفتراضية البحتة ولكنهم -حقيقة الأمر - كانوا ما يزالون يبحثون لأنفسهم عن موطىء قدم فهما قادمان من اقصى الشمال السودانى بعد ان تزوجا فيه , وبكروا هنالك بمولودهم الأول , ثم امعنوا فى توجههم شمالا فلم يكتفوا لا بالقاهرة , ولم تملأ (بورسعيد) عين الوالد , وان ملأت عيون زوجته وابنها البكر , بعضا من زمن فاتخذت االأسرة الصغيرة من بورسعيد موطنا ومحل اقامة , بينما امعن (ربها ) فى توجهاته الشمالية لم يفلح البحر فى ان يكون حدا لحركته الدائرية الممتدة يا ميسرة فركبه , سفينة سفينة , وباخرة اثر اخرى , ومركبا عقب مركب فكان ان اسس لنفسه حياة جديدة , حدودها اللا حدود , وابوابها التطلع وكلما امعن رب الأسرة ويمم بوجهه شمالا كانت الأسرة تشعر بحاجتها على ان تتوجه جنوبا فاسباب توجهها الشمالى اصلا , كانت البحث عن اسباب رزق اوسع حتى اذا ما كتب الله لها رزقا اضافيا , استوى عندهم الوجود فى بورسعيد مع الوجود فى غيرها من مدن السودان واصبح رزقهم اوسع من ان تحتويهم قريتهم الصغيرة فى اقصى شمال السودان , تلك التى نزحوا منها ولكنه اضيق من ان يجمعهم سوية فى مكان واحد , لا فى دنيا الأب الجديدة , ولا فى بورسعيد الحالمة الجديدة قال لى ابى , فى مرة من نوادر ايام جمعتنا , ذات اجازة من اجازاته المتباعدة والتباعد انما تمليه مقتضيات المسافة ما بين الحلم والواقع انه استاجر لأسرته الصغيرة تلك , والتى انضمت لها بنت جديدة شقة فى عمارة صالح سليم , بالقرب من النادى السودانى وشقته كانت واحدة من ستة ضيقات رطبات لا يدخلها ضوء الشمس الا (معلبا) واذا استعصى التعليب على ضوء الشمس , فانهم يكتفون بلفحاتها جلوسا على اقرب قهوة والعمارة يشغلها كلها بكاملها اسر سودانية شمالية , اما لآقرباء او احباء ليس هى فقط , بل ان الكثير من جنبات الحى تسودنت واكتست سمرة سودانية خالصة واصبحت لغة التفاهم فيها وحولها عربى مكسر او عربى مكسر بى لكنة مصرية او كمان , رطانة نوبية شديدة الفصاحة حلوة المذاق , تقول للعربى (اوم وانا اقعد مطرحك )
Post: #4051 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-20-2011, 11:03 AM Parent: #4050
Wel Come
Post: #4052 Title: Re: ناس الزقازيق ... أجدع ناس (4) .. Author: منصور عبد الرازق Date: 12-20-2011, 11:42 AM Parent: #4051
ده من جانب مش المسألة انفصام طيب ما وقعتوا لى فى جرح اما انتا يا طارق جبريل فاريتها خرمجتك , خرمجة السرور واريتو شركك ده , يقبضلوا مع ودابرك وعشوشة واحد من النفوس المنفصمة , المتقمصة لى روح الدكتور , ونفس المستر القرينة اكمل ليكم امى وابوى , ما رسوا انفصامهم (حسب زمنهم ) , كيف ومتين لغاية ما اقدر اصل , لى حالة وطن المكان الطلع لينا جديد ده يا ميسرة استمر ابوى يمضى شمالا لا مسكتو يونان , ولا قدرت عليهو اوروبا ولا امريكا ولكنه استطاع ان يلخص حياته , ومهماته , تلخيصا يبدو مخلا للناظر اليه من (عل) ولكنه واقعى اشد الواقعيات زاتو فكان خياره ان يحيا حياته فى رحلة كد باحثة عن رزق وفير وتحيا اسرته متلقية لذلك الرزق , مستبدلة وطن المكان , بوطن زمانى ممتد تستوى فيه بورسعيد مع بروكسل , ولاسفيجاس مع الحلة الجديدة شقة فى عمارة صالح سليم , تساوى فى المضمون نص بيت ايجار فى واحد من شوارع حلة جديدة الخرطوم الضيقة مرة حاولت ان اعمل جرد حساب لخيارات ابى تلك والتى اكتشفت انها ايضا جزء من خيارات اسرته الصغيرة , والتى انضمت اليها حال عودتها الى حلتها الجديدة , بنت اخرى فوجدت ان مجرد محاولة كتابة ذلك الكشف الحسابى , محاولة محفوفة بمخاطر سوء فهم عاتى وفظيع فلا الأدوات هى الأدوات , ولا المقاصد هى المقاصد , ولا طرائق التفكير والبحث , ولا التقصى والتحليل يبدأ الأمر عادة بمتواليات هندسية واقعها الأولى , اكلت فشربت , لبست ثم تطببت , سكنت ثم تعلمت ثم تتقافز المتوالية بفعل وسوسات ضمير مستتر تقديره انا وانت ونحن ويختلط الفعل المضارع مع فعل الماضى , لينتج لنا فعل امر صارخ وممتد يبدأ معك يوم ولدت , ويستمر معك اذ تحيا وتعيش , ويشاركك فى قبرك , ويسلم عليك يوم (تبعث حيا ) ومع ده كله , لا تكتشف انه كان يجرى فى نهر حياتك , الا يوم يتفاجا به الدافنون , ما يزال ممتلئا ونابضا بالحياة , مشاركا لك فى لحدك و ومزاحما لك حتى فى حساب رب العالمين !!
ومعادلة الأغتراب والأقتراب دى معادلة تتلاشى فيها تقديرات المكان حتى تقارب الصفر الرقمى وتتضخم فيها تقديرات الزمان بالغة عوالم لا نهائية فابوى , رحمه الله وبشبش الطوبة التحت راسه , ووسع مرقده ووسده االباااااردة هو ياهو زاتو ابوكم كلكم , الجا من الجريف والجا من الجبل اقصى الشمال بتاعت ابوى , ممكن تكون ياها كوستى بتاعت عمكم سيد احمدابراهيم ولا كسلا بتاعت عمكم الزناتى ولا حلفا بتاعت عمكم عيد ميرغنى ولا الكوة وبابنوسة المشى ليهم عمكم بابكر سيد احمد ولا الأبيض بتاعت عمكم جادين وعمكم التيجانى ابو رفاد وعمنا المرحوم ابو تبلدينا وبورسعيد بتاعت ابوى الأمتدت وجابت ليها بلادا طيرها عجم ممكن تمتد من وابورات بحرى لغاية ما تصل اوستند القاعد فيها هسى العزيز نملوز ولا كمان بلاد العم سام الأحتضنت لينا الود اب صلعة حاتم جبارة (الزول ده واحد يديهو لكزة ) اذن واضح جدا يا ميسرة ان المسالة تخطت الأماكن من زماااان على الأقل عندنا نحن السودانيين لأن مأساتنا جدا كبيرة فازمتنا لا تزال تراوح مكانها , بحثا عن بنى تحتية اساسية نفتقدها فى الصحة وفى التعليم وحتى فى لقمة العيش ابوى الله يرحمه لمن اتوجه شمالا كان يبحث عن بيت فى الصحافة مثلا جنبوا مدرستهم , وقريب منو مستشفاهم , وتحفهم عن يمين وشمال لقمة عيش فى المتناول , من اى مهنة بسيطة وشريفة ولكنك الآن يا حبيب تكتفى بعيش الكفاف لك ولأفراد اسرتك , مغتربا كنت او ما زلت متمسكا بالعيش فى وطن المكان ده وبعد ان كان خيار الأغتراب , خيارا ترفيا لتحسين الدخل والأرتفاع بمستوى اسرتك بقى بغرض ان تعيش غير مضطر ولا باغ , مبتعدا ما استطعت عن شبهة اللقمة (البين بين ) اللهم اجعلنا ممن يتمسكون بالأغتراب الذى لا يعنى ابدا (طول الغياب ) وابعدنا يا الله , عن الأغتراب الذى هو (فال الليخونك ويزدريك)
أول حاجه أسألوا لي محمد صديق قولو ليهو بتعرف الكلمات دي... تصدق من سنين نحن بنتمناك تصابح العين بآمال لحظة تنصفنا وتبين نحن منك وين ولما نحس بيك ناسي ونقابلك بجفا الناسين بتحيير ونحن كمان بنتحير
وقولوا لي جلال عثمان مالك عايز تودرنا بي محسن خالد... جاي ترجعنا تاني لي زمن التفكير و النهر و المقبرة... و الشمس و النهر و الهرم (المقبرة)... مش كفاية علينا زريبة العيش و المقبرة...
و ما تقولوا للنيل أي حاجة... بمشي أقول ليهو براي...
المنصورية والحقيقة ياشباب منذ تحركي للعودة للانخراب
الفيهو نحن دا تروادني حاجات كثيرة و تفكير عميق جدا
منها هل نحن في قرارنا الاغترابي هذا قرار سليم ام معيب
هل وجود اولادنا في بلد و نحن في بلد امر حكيم و هل افتراقنا
عن والدينا وهم في اواخر اعمارهم و في امسى الحاجة الينا
من الدين في شى وهل بيوتنا التي عمرناها في هذه الديناتظل
منتظرانا حتى نعود بعد الكهولة دي لكي نستمتع بها و هل الايام
التي تضيع عللي فلذات اكبادنا المحتاجين الي ان نعطيهم جزء و لو
قليل من المخزون الخبراتي الذي اكتسبناها من كبارنا بمعاشرتهم
فترة من العمر ممرورا بخبرات الطلبة في مصر و العمر المديد الذي
دار بنا في كيفية التعامل مع صنوف شتى من البشر في المهجر وهل
لاغترابنا و هروبنا هذا حدود معلومة و هل و هل !!!!!!
فهناك اشياء تدور بمخيلتي حتى هذه اللحطة و لم اجد لها
اجابة .
فلكم التحية احبتي و صباحاتكم عسل !!!
Post: #4061 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-21-2011, 06:07 AM Parent: #4058
صباح الخير ،،، يا وجوه الخير
دعاء اليوم :
ربنا آتنا من لدنك رحمة
وهيئ لنا من أمرنا رشدا ====================
أمتع الله حياتك يا منصور
Post: #4062 Title: Re: ناس الزقازيق ... أجدع ناس (4) .. Author: منصور عبد الرازق Date: 12-21-2011, 11:45 AM Parent: #4061
اصلى من زمااااان مشتهى لى غلاط مع حبيبنا الكوتش ده الغلاط حاسى بيهو بيطلع منو درر ودرر ما بلومك على احساسك المكانى المتضخم دى حالة انا بفهمها تماما مش انا بس , الأحساس بالوطن المكانى هو اصل الأحساس , لا بل انه سيد الأحاسييس المتوج ولكن ادينا احساسك بعد لكن دى , وقرب لى شديد يا زول يا شفيف الأنتقال المتواتر من مكان لى مكان زى ما عمل ابوى زمااااان وزى ما انا عامل هسى وزى ما انا كمان متوقع انو احمد ولدى يعمل بعد حين ده بيفرق عندك حاجة يا ربى ؟؟!! خاصة اذا ما عرفت انو ابوى الله يرحمه , الوراهو طريق الهجرة , يمكن يكون ابوهو ولا كمان جده لاحظ انا المرة دى ما استخدمت لفظة اغتراب , القاعدين نستخدمها تأدبا تأدبا ليه يا ربى ؟؟؟ مرة عشان نعزى نفسنا , ومرة تانية عشان ما نصدمك فى احساساتك المرهفة دى انا شخصيا , اول مرة اطلع من السودان امتطيت فيه قطار الشمال من محطة سكة حديد الخرطوم , متخطيا شندى وعطبرة , عديت النمر , نمرة نمرة بتذكر زمنى داك , لمن الله انعم على بى كركدى بااااااارد , فى محطة ابو حمد قربت اقع من طولى وانا بنزل من خشمى الكباية فى حلفا لقينا السمك ارخص من الفول , والفول ارخص من الموية الباااااردة دى كانت مفارقة حياتية اولى , بالنسبة لى مريت على اسيوط , بعد ما بهرتنى اسوان لمن لقيتها اكثر تحضرا من الخرطوم , ومحطة سكة حديدها احلى من مطارنا حسيت بالمفارقة التانية ولمن قريت جرايد (بكرة ) فى محطة باب الحديد فى رمسيس كانت هذه مفارقة اقوى واعمق اثرا لأنى قارنتها مع شحدة بعض افراد فى محطة شندى مثلا , لى جرائد الخرطوم بتاعت الأسبوع الفات دع عنك احتفائى بى عدد صباح الخير بتاع الأسبوع الفات , ولا عدد الشرق الأوسط القبل يومين ولا آخر ساعة او العربى او اكتوبر وروز اليوسف , الكنا بنلتهمها التهاما , بعد صدورها بى ايام عديدة , فى اعتى مكتبات الخرطوم واكثرها تحضرا وتمدنا جيلنا الخمسينى ده يا حبيب (خمسين شنو يا جماعة انا بهظر ساى ) قضى ثلثى عمره بما فيها الدراسة , خارج اسوار وطن المكان ده ده اولا طبعا , يلا قوم قيس الرقم ده , بى مسطرة الأحساس عندك , مستخدما دلالات حسابية بحتة ولمن تجى لى ثانيا تقوم تقعد تتحكر فى واطات الله دى , تجرد حسابك مع تلتك الباقى ليك تلقى احساس البيت الناوى تبنيهو ولا حتى بنيتو , قول زى عشرين طابق كده , يتضاءل وينكمش حد التلاشى , مع احساس بيت الأيجار الأنت عايش فيهو انت ووليداتك , فى غربة السجم والرماد دى وتلقى نفسك عايش بى مكنة (مولفة وملتقة تلتيق ) , بكالريوسها من الزقازيق , ولسانها من السعودية , وعمال نظافتها من بنغلاديش الميكانيكية كمان من تركيا , الكهربجية من اليمن , ومحاسبينها مصريين , وحلاقينها كمان (تسلفهم ويزوغوا منك ) وترطن معاهم اردو زى الترتيب ولامن تشتهى السمك , تتذكر عوضية , ولا كمان عمك الجنب ميدان التحرير يعجبك السمك والناس البياكلوهو معاك , وتعاف المكان الذى تأكل فيه ذلك السمك لحمة قندهار المشوية , اذا اختفى من (بنبرها ) الفى اليمين محمد صديق ومن (عنقريبها الفى الشمال ) محمد حسن البرلوم , فان القعدة تتحول الى مجرد (ضبان معزوم على لحم نى ) ياخى الزقازيق دى زاااااتا , مش رمز مكانى بيصل لى درجة نحن ممكن نشاكل فيهو ما اقبحها من (مكان ) , يا صاحبى وحبيبى يا كوتش , اذا خلا منك , ومن دار الأتحاد , ومصطبة الجاويش , ودار الأنتفاضة وكبرى الشبان المسلمين علما بأن دار الأتحاد تملأها انت , ومصطبة الجاويش يجلس عليها جلال عثمان , ودار الأنتفاضة تسكنها منى يونس وزينب التيجانى ونجاة بت حوفى وكبرى الشبان المسلمين , تطل عليه من شباك ليس ببعيد , جلابية الرشيد المغسلة , ورداء رفعت البينقط --------!!!! المكان يتلاشى عندنا يا صاحب هذا عوضا عن ان نتجرا ونقول ان المكان , مات وشبع موت
Post: #4063 Title: Re: ناس الزقازيق ... أجدع ناس (4) .. Author: محمد صديق Date: 12-21-2011, 11:51 AM Parent: #4061
سلامات يا ناس
Quote: تصدق من سنين نحن بنتمناك تصابح العين بآمال لحظة تنصفنا وتبين نحن منك وين ولما نحس بيك ناسي ونقابلك بجفا الناسين بتحيير ونحن كمان بنتحير
Quote: المكان يتلاشى عندنا يا صاحب هذا عوضا عن ان نتجرا ونقول ان المكان , مات وشبع موت
بجيك يا منص.
Post: #4065 Title: Re: ناس الزقازيق ... أجدع ناس (4) .. Author: أحمد إسماعيل Date: 12-21-2011, 02:19 PM Parent: #4064
Quote: تلقى احساس البيت الناوى تبنيهو ولا حتى بنيتو , قول زى عشرين طابق كده , يتضاءل وينكمش حد التلاشى , مع احساس بيت الأيجار الأنت عايش فيهو انت ووليداتك , فى غربة السجم والرماد دى وتلقى نفسك عايش بى مكنة (مولفة وملتقة تلتيق ) , بكالريوسها من الزقازيق , ولسانها من السعودية , وعمال نظافتها من بنغلاديش الميكانيكية كمان من تركيا , الكهربجية من اليمن , ومحاسبينها مصريين , وحلاقينها كمان (تسلفهم ويزوغوا منك ) وترطن معاهم اردو زى الترتيب
هذا هو واقع الحال الذي يغني عن السؤال ، يامنصور ياخي مافي جنبا سلاح وإستراحة محارب قايتو الحل للذين هذه حالتهم نشوف لينا صرفة ونرجع لأبو الجنون دة أو نكون لينا فريق ونلعب ضد برشلونة ، خبرة في الدنيا أكثر منهم شهادات ولسان خليجي ونظافة بنجلاديش 00000 وألخ
Quote: المكان يتلاشى عندنا يا صاحب هذا عوضا عن ان نتجرا ونقول ان المكان , مات وشبع موت
جدلية المكان و الشخوص هذه ان صح التعبير معقدة كثيرا يا حبيبنا منص... فليست كل الأمكنة تموت يا صديقي... في الكيمياء هنالك ما يعرف بالتأثير الايحائي منه الدائم و منه المؤقت... كذلك هي الأمكنه بعضها يزول تأثيرها بزوال المؤثر... بمعني ان لم يكن هنالك منصور و رفعت و حمادة فلا تعني شقة الشبان المسلمين أي شيء... و هنالك أماكن تبقى في الذاكرة و في الوجدان حتى بعد زوال المؤثر... و تجد ان رابطا أو حبلا سريا يربطك بها... مهما تبتعد عنها أو تغيب لأسباب (مؤقته) أيضا تبقى في الوجدان... تحن اليها دائما و قد تعود اليها أو لا تعودو لكنها تبقى دائما في الوجدان... و هذا الحبل السري لا تستطيع له تحليلا أو تفسيرا.. فقد يكون بسبب صرتك المدفونة بمكان ما هناك ... أو صوت الآذان و التكبير الذي ردد قرب أذنيك عند مولدك و في يومك الأول... أو ربما مجرد زغاريد أو ضربات دفوف... أو اسطورة ان الذي يشرب من مكان ما يرتبط به وجدانيا و يعود اليه و ان طال السفر... أما الشخوص فتضيف الى كل هذا و لا تنقص منه اذا لم توجد... كثيرون هم الذين غابوا عن الوطن لأنه لم يكن يرضي طموحاتهم عندما هاجروا... و لكنهم عندما عادوا اليه قبلوا ترابه رغم انه لم يبقى أحد من أحبابهم... هذا الحبل السري أشعر به عند أبنائي رغم أنهم ولدوا في الامارات... لكني ألمس في دواخلهم حنينا مستعرا أو كامنا للسودان المكان و ليس الشخوص... من أين أتوا بهذا و كيف تغذى عندهم الشعور بالانتماء لهذا المكان ..لا أدري... اذا هي أشياء ليس من السهولة أن تضعها في أطر محددة و معادلات لا تخرج عنها... هي أشياء تختلف باختلاف الأشخاص و الأمكنة.... و لي في هذا الصدد حكايات كثيرة تعزز هذا التحليل...
wصباح الخير ايها الجميلين ..... كتابات طاعمة وجميلة ... وتأملات حول الغربة والوطن والمكان ..... منص يا رهيب أو كما قال الود الدمنيكاني .... يا لها من مفارقات تلك التي نعيشها ... نحن أمة تعيش بلا تخطيط وهذه واحدة من مشاكلنا الكبري او كما قال كمال الشادي .... لا نعرف ماذا سنصنع غداً وهذا ليس عيباً فينا بقدر ما هو عيب في المعطيات التي لا نملكها .... ولا نملك التحكم فيها ... لو كان بيدي لقلت أن ثلاث أعوام كافية لأن أعود إلي وطني ... إلا أن السؤال الأكبر سيقفز إلي ذهنك دون إستئذان .... ماذا ستفعل ... إذا ما كان هنالك منزلاً يأويك وأبنائك ... حتماً لن تجد العمل الذي يقيم وأدهم .... وإذا ما وجد لن تجد التعليم والصحة بنفس الجودة حيث مهجرك وعشرات الأسئلة تقفز الواحد تلو الآخر لتجعل من مثل هذا المخطط لا مكان له من الإعراب ... لذا تمتد غربتنا دون العالمين إلي عشرات السنين وأحياناً إلي القبر ... إذن هنالك مشكلة كبري إسمها الوطن رغم عشقنا له إلا إنه يتمادي في تعذيبنا والتفنن في إبتكار الأسباب التي تبعدنا عنه ... وإلي أن ينصلح حال الوطن ستمتد غربتكم أيها الخمسينيين ... لما بعد الستين ... ثم السبعين ...... ثم الثمانين .... ومن يسقط أثناء هذه الرحلة حتماً سيكون شهيداً في البحث عن لقمة شريفة له ولأبنائه ... آخر دعوانا أن يصلح الله حال الوطن وأن يكون مكاناً صالحاً لأن يعيش فيه أبنائه .... ولا نملك سوي الأماني ...
غايتو مواضيعكم حلوة شديد و كان قلت ليكم بجيكم بي طايوق نص مكنة أكون كضبت عليكم الغريبة أمبارح جاني منصور في المنام لابس جلابية ما مكوية وعيونو حمر يكون الحلم دا شنو؟؟؟
Post: #4071 Title: Re: ناس الزقازيق ... أجدع ناس (4) .. Author: أحمد إسماعيل Date: 12-22-2011, 06:30 AM Parent: #4069
حلمك ناقص يا محمد آدم كنت تتفاعل معاه حتى في الحلم وتسأله يمكن يكون محمد صديق قام من البنبر الفي يمين منصور ومحمد حسن البرلوم أيضا قام من العنقريب الفي الشمال وبكدة تكون إجازته باظت ونفسو إتقفلت من الوطن وتفننه في التعذيب .
بعدين نقعد نشوف لبعض الجوة جوة والبرة برة إلى متى ؟ كمجموعة لازم نفكر ونجد حل
Post: #4072 Title: Re: ناس الزقازيق ... أجدع ناس (4) .. Author: منصور عبد الرازق Date: 12-22-2011, 08:47 AM Parent: #4071
فى حبل الغسيل داك يا رش جلابية ليك , وردا شورت بينقط لى الود رفعت شفتا الرمزية دى كيف , الحمد لله ما اظنه رفعت قاعد يشوف الحتة دى والا كان شر لينا فى نفس الحبل , حاجات تانية حاميانى سميتها جدلية ؟؟؟ هى فعلا جدلية , بل انها (متلازمة المكان الشعورية ) والبنى آدم مننا , زى ما قلت ليكم , لا يكتشف انه منفصم وتلبسه او تتلبسه شخصيتان على الأقل , الا بعد ان يبلغ من العمر عتيا امكنتى انا تتراوح ما بين حلة جديدة الخرطوم , فصحافتها , فزقازيق مصر بقاهرتها واسكندريتها وبعض قليل من (اسيوطها ) ثم رياض السعودية , ان كان للسعودية (رياض) هناك كان نصفى غير المسئول وهنا الآن , نصفى المشحون بالمسئولية او يزيد عين العاطفة والخيال هناك , بينما عين الواقع وحساب الأرقام هنا انا (احبنى ) كلى , والحتة دى اقروها مرتين تلاتة , على شرط ان تكون كل مرات القراءة بتامل شديد اتاملتوا خلاص ؟؟؟ طيب , نصفى الأول صاغنى كما يريد بينما تفننت انا فى صياغة نصفى الثانى بالحساب كده , وبالأرقام المجردة , الخالية من اى احساس انا انحاز الى نصفى الذى صنعت , اخطأت فيه واصبت , قمت فيه ووقعت , صحيت فيهو ونمت بكيت فيه وضحكت , راجعت فيه وتراجعت , اسهبت فيه واوجزت تكون فيه منصور الذى عرفت واذا مشينا واتماشينا مع نظرية الأنفصام فمنصور ,ليس منصورا واحدا , انه منصوران منصور جيكل , ومنصور المستر هايد وقد قالوا قديما , اذا لم تستطع ان تفعل ما تحب , فكن متصالحا مع نفسك و(حب ما تفعل ) وبعدين محاولتك انك تبقى دقيق فى الجدار الفاصل بين شخصيتينك ديل , بانك تحدد مكانه وسماته محاولة محكومة بالفشل الأكيد , يعنى ما ممكن ابدا , لأنك لو قدرت تحددها , فانفصامك حا يبقى انفصام حميد , عمركم شفتوا ليكم انفصام حميد ؟؟؟!!
Post: #4073 Title: Re: ناس الزقازيق ... أجدع ناس (4) .. Author: منصور عبد الرازق Date: 12-22-2011, 09:14 AM Parent: #4072
لمن اقول (خالية من اى احساس ) فانا اكيد , ما بكون كامل الجدية عارف انك لمن تتقمص الشخصية بتاعت الأرقام بتبقى انت مش انت , واكيد حاتبقى محتاج (اسنكرس ) زى البضرب نفسى كف , ده حالتو انا الحساسيتى ما وصلت ولا ربع حساسية زول زى كوتشينا اللذيذ زى كوتشينا جورج , لمن تقول ليهو خالية من الأحساس , فانت تبدو زى الزول البيتكلم صينى , مع زول عمره ما مشى الصين كيف تمنطق الأشياء بمنطق خالى من الأحساس , مع زول عبارة عن كتلة احاسيس متحركة ؟؟!! هذا لا يستقيم طبعا لكن لمن تمارس غلاطك اللذيذ مع زول زى كوتشينا ده تحاول تمسك بى تلابيب الأشياء , تلقى الرشيد قال ليك امنية ومهند يحنون الى (المكان ) رغم انهم ولدوا فى غيره , تقع ليك الكلمة طوالى فى جرح عميق , وتمسك فى تلابيب الجماعة كووولللهم تمسك فى تلابيب الرشيد زاتو , ومعاهو امنية ومهند , وفى صرتهم المدفونة فى الكوة , وفى جلا , واحمد اسماعيل , وزهير الزناتى اللى ما يزال (طفلا يحبو فى عالم الغربة ) وفى تلابيب الريس ميسرة , اللى من بلغ سن الرشد , لا خلى الزقازيق واتحادها , ولا كمان خلى مكة وبابها , واللى كمان ممكن بى سهولة شديدة بس تلف من شارع التحلية يمين , تتخطى بيت ناس عبد الدائم , تخلى بندة وراك , اشارة اشارتين , حفرية حفريتين تلف يمين , تلقى الباركنغ بتاعك فاااااضى , تبركنغ , قبل ما تدق الجرس كويس يطلع ليكم منذر و ولا يمكن كمان مشكاة , ده لو ما طلعت ليكم منى يونس ذات نفسيها فتدخل , فتجد الزقازيق وقد رحلت الى شارع التحلية دار الأتحاد فاااااتح , تقعد فى اوضتك , تتونس , تتغدى , تتعشى , وتدخل النت كمان , وتتداخل متقمصا باسويرد محسنة لو داير او كمان تلبس جلابية ميسرة وتنوم نوم العوافى يجيبوا ليك عصيدة من كوستى , وشربوت من تمر دنقلا , وتحلى بى ام على اتعلموها فى (عابدين ) , وهريسة شافوها فى سويت بسام ولحمة جايبنها من قندهار , وسمك يقول لى سمك عوضية زح كده ولا كده وكان داير تعمر تعمر , وكان داير تاكل قودتشينى كمان و الساوث مول بتاع محمد عيد قااااااعد نقدر بعد ده نعرف انحنا كنا قاعدين فى ياتو مكان ؟؟؟ ونقدر نشخص (حنية بيت ميسرة دى ) , اللى ليهو ستاشر سنة الا اسبوعين ما شاف فيهم المكان , اللى نتلبس هدوم (الوطن داك ) ؟؟!!
نجي لمسألة جدلية متلازمة المكان الشعورية و دي تتحكم فيها أشياء كثيرة دعو أبناءكم و شأنهم...و لا تنظروا إلى مستقبلهم ... بالمناسبة هم جديرون بأن يحددوا ما يريدون عشان كدا لا تكونو أوصياء عليهم و لا تخافو من مستقبلهم ... وخوفكم هذا نابع من الحنين إلى الماضي... و هنا أعني أصحاب الخمسون ربيعاً (عفواً عاماً) أو يزيد و الذين هم على مشارف الستون (إذا ما كان وصلوها بالفعل) مرات تلقاهم قاعدين يعملو و يفكرو في ما أنزل الله بها من سلطان و تلقاها Perfect و إنت ما تكتشفها إلا بعد ما فات الأوان (و كمان ما بتعتذر) إذن هم متصالحون مع الزمان و المكان الهم فيهو و ممتعين نفسهم حد الدهشة مرات أكون ماشي جنب الطابية المقابلة النيل أقول الناس دي مجانين الناس ديل الزخيرة دي محوطنها عشان يبنوليهم بيوت طين تمنعهم من الدانات ديك إذن هم محكومين بالزمان و المكان الهم فيهو. و كذلك تنقل آباءكم و أجدادكم من دار لي دار و من حلة لي حلة ما كان إلا لتوفر العيش و التعليم الكريمين ..دون النظر إلى من ستكونون في المستقبل أي منصور شغال شنو..أو طارق جبريل يعرس مغربية ... أو حتى أب شنب يقرأ في أبو جبيهة عشان يجي يمشي الشرقية ... و يقول للناس عليكم الله أعملو لينا عازوما في الرياض عشان نجيكم كل هذا لم يحدده آباءنا ربما الناس المغتربة تحن إلى السودان الوطن (المكان) و هذا شي طبيعي و هي متصالحة (و لو بعض الشئ) من الحال الآني (مكان الأغتراب) و لكن عامل الزمان يجعلك مجتهد في أشياء ما كنت لتفعلها و أنت بالسودان و خاصة في توفير ما وفره آباءنا عليه هذا الشئ ليس بالمزعج دعو العاطفة و شأنها و فكروا بعقلانية . تأكدوا أنكم سعيدون بما أنتم فيه و كفى. مسطول سألوه ما الفرق بين زمان و هس قال زمان لمن الأكل يجي نقول بسم الله و لمن ننتهي من الأكل نقول الحمد لله قال الآن لمن يجي الأكل نقول الحمد لله الأكل جا و لمن ينتهي نقول بسم الله متين إنتهى!!!! هس المغتربين زي المسطول دا الواحد لمن يغترب يقول الحمد لله طلعت من السودان و لمن السنين تعدي يقول بسم الله هس أنا قعدت عشر سنوات!!!! عشان كدا صياغة النفس مهمة شديد و أي زول بكون صاغ نفسو كم مرة من غير ما يشعر و دائماً الصياغة بتكون للأفضل دون التحسر للشخصية الأولى و دا يتوقف على أشياء كثيرة و البيئة الحواليك قد تحد من صياغة نفسك أو قد تساعدك في صياغتها بالشكل الذي تحب بالمناسبة بت الشيخ لها دور كبير و العكس بالعكس يقرأ
رغم الدش الكتير و الكتير جداً و بالتالي ما في زول عايز ترجمة فكدا بكون ريحتونا رغم إني عارف زولي داك بكون قاعد يفتش في المعاجم حتى يجد لبعض المفردات سبيلا منصور قال دكتور جيكل ومستر هايد و طالما الزول دا ماسك ليكم في الإتنين الشفتين ديل .. معناها حيطول بيكم المقام في دهاليز الفكر و التفكر حتى إنفصام الشخصية زاتو فمثلاً أنا بكون محمد آدم و عندما شخصيتي تنفصم بكون موسى عيسى علماً المنطق يقول غير كدا خلونا من دا كلو .... زول يدند في أغنية و يحس إنو الأغنية دي كتبها هو زات نفسو و مرات كمان يقول هو اللحنها و يكون زول الأغنية قاصد حاجة مختلفة في زمان مختلف و مكان مختلف هل يكون دا الإنفصام؟؟؟؟؟ و لا الإنفصام العارفنو أنو تلقى ليك حاجة جديدة و تقوم تكنكش فيها و يقول ليك الزول دا منفصم أو تكون حلقات الذكر عند الصوفية و الناس اللافة و راسك يلف معاها و هل هي منفصمة و لا دا لزوم الطار. ما علينا في نكتة بتقول في زول غاتس في الذكر شاف ليك واحد قاعد يتفرج و عاين ليهو تمااام و أداهو طراااااخ كف زولك داير يسدا مش جاب عكاز مدبلب و قاعد يفتش في الزول الأداهو كف لمن لقاهو أداهو ليك عكاز قرب يجيب أجلو قالو ليهو مالك ضارب الزول دا قال ليهم الزول دا أداني كفاً حااااار خلاص قالو ليهو الزول دا كان غرقان قال ليهم و أنا يعني مسطح!!!!! هل هكذا يكون إنفصام الشخصية يا مص؟؟؟
Post: #4076 Title: Re: ناس الزقازيق ... أجدع ناس (4) .. Author: محمد صديق Date: 12-22-2011, 11:48 AM Parent: #4075
سلامات يا ناس
يا منص يا حبيب ....غلاطك اللذيذ ده انا ما لقيت ليهو
طايوق ...فى كل الاوقات بلقى نفسى بكتب (تحت الضغط)
Quote: كثيرون هم الذين غابوا عن الوطن لأنه لم يكن يرضي طموحاتهم عندما هاجروا... و لكنهم عندما عادوا اليه قبلوا ترابه رغم انه لم يبقى أحد من أحبابهم... هذا الحبل السري أشعر به عند أبنائي رغم أنهم ولدوا في الامارات... لكني ألمس في دواخلهم حنينا مستعرا أو كامنا للسودان المكان و ليس الشخوص... من أين أتوا بهذا و كيف تغذى عندهم الشعور بالانتماء لهذا المكان ..لا أدري... اذا هي أشياء ليس من السهولة أن تضعها في أطر محددة و معادلات لا تخرج عنها... هي أشياء تختلف باختلاف الأشخاص و الأمكنة....
والله الكلام ده ريحنى راحة ....زى الراحة البحس بيها طارق جبريل ديك ( فى سنكوجى ولا كنكوجى ما عارف)
Quote: إذن هنالك مشكلة كبري إسمها الوطن رغم عشقنا له إلا إنه يتمادي في تعذيبنا والتفنن في إبتكار الأسباب التي تبعدنا عنه ... وإلي أن ينصلح حال الوطن ستمتد غربتكم أيها الخمسينيين ... لما بعد الستين ... ثم السبعين ...... ثم الثمانين .... ومن يسقط أثناء هذه الرحلة حتماً سيكون شهيداً في البحث عن لقمة شريفة له ولأبنائه ... آخر دعوانا أن يصلح الله حال الوطن وأن يكون مكاناً صالحاً لأن يعيش فيه أبنائه .... ولا نملك سوي الأماني ...
صدقوا ده اكتر زول كان غنيان فى الوطن
يطلع من البيت على كيفو
ويجى على كيفو
يشتغل على كيفو
وما يشتغل على كيفو
يزور العيانين على كيفو
وما يمشى للمتزوجين مثنى وثلاث على كيفو
يفتن الناس مع نادر فاروق على كيفو
ويهبر الف جنيه للجمعية من جمال فارح برضو على كيفو
وكثير حاجات على كيفو :
آخرها دخول المطبخ.
Post: #4078 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 12-23-2011, 11:24 PM Parent: #4077
اه.. واه ..واه يا وجعي يا وجع القصيدة..
كده يا اخوانا خلوني ادخل من غير سلام ومن غير مقدمات... طيب احكي من وين ...او ابدا من وين... اه من الغربة ونار الغربة...
انا ما بعتة ورهنة ...عشان الغربة.. بعت طين ناس عزة وترابة ...عشان الغربة... كانت الآمال والتخطيط سنين قليلة ونعود...ما قايلين موية الملح وموية الخراب ..وراتب السجم والرماد بتقل الجراب...وممكن ترجعك في صندوق او دولاب.. ونحن جرينا وراء سراب.... بنينا امال,,,وعشمنا كان ...وفوق عشمنا بنو ناس وشيدو قصور امال...
تقول حقوق مين ..ياموسي...حقوق الوالدين...انا ابوي كان مريض...ولحدي ما مات كان نفسوا يسمع ...انو نقل الكفالة تم وعملت الخروج والعودة...كان عايش كل التفاصيل معاي...ورغم انو كان مناهو يشوفني ويشم ريحتي...الا انو كان بقول لي ماتجي وتخلي ظهرك اعوج...الله يرحمك يا ابوي الله يرحمك يا ابوي...
ابوي مشي الله يرحمو...وانا لسع ما مشيت....قيود كانت صعبة وثقيلة علي النفس ...ضيعت كل شي من الغربة وعن الغربة...
وياموسي ..اما حق الصغار ...زمان محجوب شريف قال...
كبر الولد جوه السجن فاقدوه ايد... ونحن كبر الولد بعيد عن الاب قاقد الكثير... وجودك في الاجازة معهم ولو ستة شهور ما كفاية...
كلامك معهم بالتلفون ولو ساعة ما كفاية...بس رعاية الله...
ومسكينة الام ....حاملة الكثيرة وضحت بالكثير....
اه واه...الجوانب كلها ملتهبة...
قولوا لي بالله استفيدنا ايه من الغربة... خبرة...خبرة ...خبرة ايه...
قليل جدا منا استزاد في التحصيل العلمي.... والكثير قدر العلم ال جاء بيهو راح طشا...
علي العموم كما اسلفت الجوانب كثيرة ومثيرة ...الا اني شايف الغربة سنين عبودية فقط..انت فيها مسلوب الحرية وناقص القرار
والقرار الشجاع هو انهاء الغرية والعودة للوطن مهما كانت الاسباب والمسببات...او الغربة في مكان فيه تقيم كينونة الانسان وفيه حرية الحركة في الزمان والمكان...
يوم جديد و أٍسبوع جديد نسأل الله أن تكون الحياة فيه أفضل... في كل مناحيها ابتداءا بالصحة... اللهم عافنى فى بدنى, اللهم عافنى فى سمعى ,اللهم عافنى فى بصرى لا اله الا انت... ثم الدين و الدنيا و الآخرة... اللهم انى اعوذ بك من الكفر والفقر و واعوذ بك من عذاب القبر لا اله الا انت...
Quote:
عثمان إدار
عثمان الجيلي صبحك الله بالخير... مداخلتك هذه تقطر صدقا... مداخلة عبرت فيها بصدق عن حالتك و التي تشبه حال الكثيرين... عن قيود الغربة و قيود الالتزامات تجاه الأسره الكبيرة و الصغيرة... و قيود الكفيل و الاقامة و حرية التحول من عمل لآخر أفضل منه... كل هذه القيود جعلتك تشعر بانك مربوط و مكتف... عشان كده تحررت من التاء المربوطة...
Post: #4081 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-24-2011, 09:19 AM Parent: #4080
صباح الخير ،،، يا وجوه الخير
دعاء اليوم لكل المتداخلين والمحبين
اللهم زدنا ولا تنقصنا وأكرمنا ولا تهنا وأعطنا ولا تحرمنا وآثرنا ولا تؤثر علينا وأرضنا وأرض عنا
آمييييييييييين ==================
الواحد ما يأجز ولا شنو غبنا الخميس والجمعة بس لقينا الردمي التقيل ما شاء الله عليكم بالله أخونا كمال الشادي ما غيران منكم؟
Post: #4082 Title: Re: ناس الزقازيق ... أجدع ناس (4) .. Author: منصور عبد الرازق Date: 12-24-2011, 11:50 AM Parent: #4081
سلام يالحبان ركبنا معاكم قطركم العجيب زي قطار السودان الحبيب في ليله ونهاره حار جاف مترب نهارا تتمنى ان ينتهي مظلم رتيب هي دي الدوامه التي يعيشها الكثيرون منا فيها اشراقات ولحظات تاخد فيها نفسك وتواصل اللهث ولو طالت الفرجه التي ترى منها تقف مشدوها تتامل كيف مر بك هذا الزمان وربما تصيبك عاصفه هستيريه ممزوجه بالضحك تتامل ما مر بك وكانها مشاهد من شباك قطارنا طيوف واشباح وواقع معاش ماثل لاتكاد تصدقه وانت تحسه وتراه راي العين فتفرح وتعجب كيف صار وكيف كان هي دي الدنيا صغيرا لاتعي مايدور حولك تلميذ طالب خريج موظف عريس اطلاله جزء منك في مواجهتك طفل صغير غض حته منك امامك تملاك بالدهشه والفرحه في آن ويتم تبادل الادوار كثيرا يامر بي شريط حياتي في موجز لايتعدى السرحه فابتسامه تخباها عن الناس حتي لاتتهم (دا بضحك براه مالو ) لكم كل الحب والامنيات الطيبه كلامكم الطاعم لبخنا عكاز في نص راسنا فدارت بنا دوره الزمن وكما يقول واحد صاحبنا كلامكم نصو صاح !!!!!!!!!!!!!!!!!!
تخيلوا أنكم قررتم العودة النهائية للسودان... بعد أي عمر تختاروه...حسة..بعد المعاش...بعد التهكير و الكركبة... تمشوا طوالي على شققكم الفي المجمع بتاعنا... عمارات خمسة طوابق أو ستة طوابق بالكتير... المجمع فيهو مسجدين و سوبر ماركت أو ميني مول... مسجد بتاع أنصار النقة و ده الامام بتاعو جلا... و مسجد أنصار الصنه و ده الامام بتاعه الكوتش... محمد عيد مدير الميني مول... مدرستين للأحفاد... ناظر مدرسة الأولاد زهير الزناتي... فافي ناظرة مدرسة البنات و بهجة وكيلة المدرسة... و نادي صغير... رئيس لجنته منصور و السكرتير موسى عيسى و عضوية ود المهدي... أمين المال جلال عثمان... حاج الركز مسئول الخدمات و المكافحة... قدورة مسئول الحديقة و الألعاب و اللاندسكيب عموما... جبريلا..أحمد اسماعيل لجنة التطوير و ادارة المباني والصيانة... الريسان ميسرة و معتصم يتناوبان على رئاسة المجمع... أما أنا.. أنا جنيت أسكن معاكم... أنا بكون رحلت مشيت سكنت في بيتي الفي سقط لقط... بكون زهجت من مشاكلكم... كل يوم مشاكل بين أنصار النقة و أنصار الصنة... رئيس لجنة النادي قال أي حاج بيسف ما يدخل النادي... قاموا الجماعة البيسفوا عمل ليهم لمه تحت عمود النور... ناظرة المدرسة طردت حفيدة جلا من المدرسة عشان جات شايله معاها لاب توب... قام جلا حلف حفيدته ما تقرأ في المدرسة دي تاني... تدخلوا الأجاويد الريسان و ناظر مدرسة الأولاد... قرب يوافق لكن أول ما تدخل امام جامع أنصار الصنة حلف أغلظ الايمان ما تقرأ... النجيلة الفي المجمع نشفت... مسئول اللاندسكيب قال الناس ما ملتزمة باشتراكاتها عشان كده مافي قروش للصيانة... موسى عيسى زعل زعل شديد قال كيف يقولو ليهو ما دفعت الاشتراكات.... قال ليهم يا جماعة أنا دفعت قريبات دي.. رجعوا للدفاتر لقوهو آخر مره دفع قبل تلاته سنين... وكيلة المدرسة قالت ما بتدفع.. مش كفاية علي متحمله قرف أحفادكم ديل... ادارة المجمع قررت اعفائها من الرسوم... سكان المجع احتجوا و عملوا مظاهرة قدام مبنى الادارة بقيادة امام جامع أنصار الصنة... امام جامع أنصار النقة جاء داخل في المظاهرة بدون ما يعرف الأٍسباب... الريسان اتكفلوا يدفعوا اشتراكات الوكيلة لحل المشكلة...
يا رشدي ما لم تقله أن نجاة حوفي قالت ليك بري ما بمشي لي بيت في سقط لقط .... كتر خيرك آخر عمرك بقيني ناظر .... ياخي انا عايز اتقاعد واتفرع لحاجات تانية بالله عدل السيناريو ده والنظارة متنازل بيها لحرمنا المصون ... عشان ما ممكن نكون الأثنين عواطلية ...
اسمعوا يا ناس وين الليلة الكوتش .... قال فالنتين قال ... برضو ماسوووووووووووووووورة
Post: #4090 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-26-2011, 06:31 AM Parent: #4089
الفيديو ده من قيس جمال الدين الزول ده افقدوهو يا ناس الرياض ما يكون شغال بتاع ليموزين بعد الدوام وخاصة بعد متابعة الصفحة 34
Post: #4091 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-26-2011, 06:43 AM Parent: #4089
Quote: الزول ده افقدوهو يا ناس الرياض ما يكون شغال بتاع ليموزين بعد الدوام
سلام و كدا الزول البدوبيت بالأنجليزي دا مبالغة إذن هذا يعني أن هناك دوبيت بالخليجي (للذين يقطنون بلاد الخليج) قيس جمال الدين يحب البهجة و الدوبيت سواقة الليموزين ما عندي فكرة هل هو سائق ماهر أم لا و لكن طالما هو رسل الفيديو دا فأنا على قناعة بأنه يمارس الدوبيت و السواقة بعد الدوام وهو المطلوب إثباته هذا عن قيس أما عن العام الجديد كل عام و أنتم بخير
أما عن السكن الجماعي يا رش ما بالغت زاااااتو إذن العودة للوطن أمنية (الرشيد) زيها وزي أي أمنية للمغتربين و القرار فيها يحدده الشركاء أولاً (الأبناء ثم بت الشيخ) و قلنا تجوز القراء العكسية هل نحن أجحفنا في أن نجعل لأبناءنا وطن ثاني!!! أم نجحنا في أن نشرد بهم خوف المسغبة!!! أم الأنانية صاحبت و سادت في تفكيرنا و ذلك بأن نتمتع بالأشياء التي قلما نجدها في سوداننا ثم بعد ذلك يحلها الحلال أو كما قيل يحلها بله ما علينا أي من المكان و الزمان هما لنا كيف نعيش و كيف نحيا هو المطلوب
Quote: تمشوا طوالي على شققكم الفي المجمع بتاعنا... عمارات خمسة طوابق أو ستة طوابق بالكتير...
هكذا إذن هي العودة و طالما أنا إمام مسجد أنصار النقة فخذوا عني و عن المقتبس أدناه ما سيأتي توضيحه
Quote: و نادي صغير... رئيس لجنته منصور و السكرتير موسى عيسى و عضوية ود المهدي... أمين المال جلال عثمان... حاج الركز مسئول الخدمات و المكافحة... قدورة مسئول الحديقة و الألعاب و اللاندسكيب عموما... جبريلا..أحمد اسماعيل لجنة التطوير و ادارة المباني والصيانة...
أسئلة تحتاج إلى إجابة من الرئيس أو لجنته الهدف و الرسالة من النادي!!! نوع الأنشطة في النادي!!! وهل يصرح للغناء فيه و ما هو نوع الغناء الذي يتواءم مع لبس الفنان ثم ألوان الملابس للمشاركين في الحفل مع منع الآتي الأحذية البنية أو الكرفتات الصفراء!!!
Quote: الريسان ميسرة و معتصم يتناوبان على رئاسة المجمع...
أثناء قيامي ببعض الدورات التدريبية و رفع كفاءات المجتمع قلت لهم يجب على المنظمات الطوعية و منظمات المجتمع المدني القيام بإختيار لجان المجتمع و فق الآنشطة و فقق الخطط يعني عندما نختار شخص للجنة التلعيم بالضرورة يكون عندو فكرة عن التعليم قام قال لي في لجان تقول خالقها الله داير أقول ما في خيارات للرئاسة دي!!!!
Quote: أنا بكون رحلت مشيت سكنت في بيتي الفي سقط لقط... بكون زهجت من مشاكلكم...
هو إنت سكنت معانا من أصلو عشان ترحل الباقي دا داير ليهو خيال لكن أدوني نقة أقصد أدوني (صنة)
وجود شخوص جديدة فكرة ممتازة خاصة الأحفاد بس هل يا ترى أن الأحفاد تشابه الجدود في صفاتها و أفعالها فإذا كان ذلك كذلك الله مع أحفادكم .... فمن الآن ستكون الأستراتيجية لأحفادي تتغير بتغير المعطيات الآنية (دي عجبتني ) هل الناظرة ستكون مركبا ليها نظارة قعر كباية و لا بتكون مركبة مجهر!!! لأنو بتفرق مع حفيدتي المطرودة بالنسبة للوكيلة فالتعامل معاها بيكون حسب التعامل مع توءمها الموجود في مدرسة الأولاد
Quote: رئيس لجنة النادي قال أي حاج بيسف ما يدخل النادي... قاموا الجماعة البيسفوا عمل ليهم لمه تحت عمود النور...
إذن رئيس اللجنة زول ما ما ديمقراطي وهنا يجب أن يتم إيقاف ناظر مدرسة الأولاد لنفس السبب و برضو يتم إيقاف الوكيلة (مافي زول يقول لي السبب شنو؟؟) كما يتم التحري من مسئول الخدمات و المكافحة هل هو مع أصحاب عمود النور أم لا؟؟؟؟ و هنا يتم إيقاف الناظرة إذا دعت الضرورة
Quote: مسئول اللاندسكيب قال الناس ما ملتزمة باشتراكاتها عشان كده مافي قروش للصيانة... موسى عيسى زعل زعل شديد قال كيف يقولو ليهو ما دفعت الاشتراكات.... قال ليهم يا جماعة أنا دفعت قريبات دي.. رجعوا للدفاتر لقوهو آخر مره دفع قبل تلاته سنين...
و طالما الزول دا ما عارف هو دفع و لا ما دفع و قاعد يغالط مفروض الرئيسان يقرروا و يقطهو فيهو غرامة لي حفيد أحفاده زاتو و ذلك بسبب تشويه صورة مسئول اللاندسكيب و طعن في أمانته علماً بأن بتاع اللاندسكيب دا نظرو زاتو تعبان و شغلو مش و لا بد مرة حفيدي جا بي جنبو و ماسك مضرب القولف و فال ليهو يا جدو معدل الحفر العملتها لا يتناسب مع معدل الضربات و دا بنتج عنه إختلال في البيردي Birdy و الإيجل Eagle وAlbatross و البوجي Boogey المهم زولي منطق ليك بتاع اللاندسكيب لمن قال كفاي ما نحن أصحاب النقة و كدا!!!!
من الصباح و أنا غاطس في الـLog Sheet... ما قدرت أرفع راسي و لا أشم نفسي عشان أكمل السيناريو بتاع المجمع... طبعا أبو الزوز حيقول لي مكنتك ما قسمت... و كذلك ياسر نجيلة...
Quote: حتي في المجمع الجديد بتاع الزقازيقاب يالرشيد مالقيت لي وظيفة ..
Quote: النجيلة الفي المجمع نشفت...
حتي النجيلة ... نشفتها ... ياكافي البلا ....
ما تسمع كلام الناظر ده يا ياسر... الزول ده من ما دخلت أحفادي في مدرسة سقط لقط و هو شاميني... ياخي ده كل يوم شابكنا رسلوا ألوان مع الأحفاد.. رسلوا لينا دعم لي النشاط الطلابي في المدرسة... رسلوا مناديل ورق... أنا ده كلو ما هماني زي ما لما مرة قال لينا رسلوا علبة سجاير.. قال شنو..عشان يشرح للطلاب مخاطر التدخين...
و عشان أوريك المكنة الجد جد... أنا معقولة أمشي سقط لقط و أخليك انت بي وراي يورموك العجايز ديل... ما ممكن أبدا... أنا بصراحة كنت عايز أفتح ليك مدرسة تعليم سيارات بالمجمع... لكن خفت من الامام بتاع مسجد أنصار النقة ده يجي يعمل ليك مشاكل... و يقول ليك تعليم السواقة للبنات لا يجوز... أها بعد داك تعمل شنو... الا تشتغل مدرب سباحة في الحوض بتاع المجمع... و في الحالة دي تعمل شنو مع امام مسجد أنصار الصنة...
خلوني أخلص من المصيبة القدامي دي و أجيكم...
في الآخر... شكرا يا كوتش... ان شاء الله ما عدمناك...
التحايا و كل الود لزوبا... و كل التحايا و الود لعثمان الجيلي... و تحية لامام مسجد أنصار النقة... لرفده البوست بالكثير من الآراء التي ربما تجعلني أعيد النظر في سقط لقط... و أعود للسكن بالمجمع مرة أخرى... و ان بقي ناظر المدرسة في مكانه...
Quote: يا رشدي ما لم تقله أن نجاة حوفي قالت ليك بري ما بمشي لي بيت في سقط لقط .... كتر خيرك آخر عمرك بقيني ناظر .... ياخي انا عايز اتقاعد واتفرع لحاجات تانية بالله عدل السيناريو ده والنظارة متنازل بيها لحرمنا المصون ... عشان ما ممكن نكون الأثنين عواطلية ...
يا أبو الزوز نحن ما عندنا ستات بيوت بيقولو بري... ممكن يقولو ما ماشين ساكت بنقبلها منهم...(وش أصفر).. ياخي تتفرغ لي شنو... أنا كنت عايز أخليك أمين المكتبة بتاعت المجمع لكن عارفك ما بتقدر تقعد في محل واحد... الا نقعد ليك ست شاي و ست طعمية قدام المكتبة... و ده طبعا ما بيتناسب مع البرستيج بتاع المجمع... و ناظر المدرسة دي ما اخترناها ليك من فراغ ياخي... عايزين الأحفاد ينهلوا من نبع معارفك و ثقافتك...
Post: #4104 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-27-2011, 05:39 AM Parent: #4102
Quote: ماله الصورة دي طلعت صغيره كده...
يمكن عشان الضباب
،،،،،
اهلا" يا زوبة واهلا" بحنان مجمر كمان
Post: #4105 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-27-2011, 06:22 AM Parent: #4104
صباح الخير ،،، يا وجوه الخير
دعاء اليوم :
اللهم أجعلني أوفي بعهدك الذي عاهدتك عليه
وأجعلني من أئمة المتقين ومن ورثة جنة النعم وأغفر لي خطيئتي يوم الدين
==========================
مرحبتين حبابك يا زوبه إنشاء متابعة ومستمتعه
بكرة يوم 28ديسمبر والأرشفة محمدانا كلنا
وناس كتار ح تطش في سقط لقط
وكمان المحاسبين بيقفلوا السنة المالية
وبحضروا وليمة الميزانية ويختفوا في سقط لقط
علشان يحتفلوا بالكريسماس ديه ،
هبي كريسماس أووول أوف يو
Post: #4106 Title: Re: ناس الزقازيق ... أجدع ناس (4) .. Author: محمد صديق Date: 12-27-2011, 07:34 AM Parent: #4105
سلامات يا ناس
وصباحات التفاؤل
نديها صنّة ....ونجى نشوف الحاصل شنو...
تحياتى لفلانتاين.
Post: #4107 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-27-2011, 07:46 AM Parent: #4106
انا لله وانا اليه راجعون
توفي اول البارحة والد الاخ صلاح علي صالح له الرحمة والمغفرة ولصلاح وأسرته صادق العزاء ... ت 500681954-00966
Post: #4108 Title: Re: ناس الزقازيق ... أجدع ناس (4) .. Author: محمد صديق Date: 12-27-2011, 08:03 AM Parent: #4107
Quote: سلامات يا ناس
Quote: يا جورج (محبتي لك بلا ضفاف ) هذا التعبير (لفحتو ) من احدى المقدمات لحقل تكريم قي مهرجان سينمائي في المغرب ( هاك جبورة دا ) و الناس ديل عندهم عربي غير حقنا دا ، نحن قاموسنا محدود السعة ، كان عندنا مدير جزائري ،عندما تكتر من الدش يقول ليك ( اسمحلي أقطع العسل من قمك ) مناسبة الحديث ، انني اتغاتت عليك ، قي الخرطوم لقيت جنب الجامع الكبير مجموعة كاملة ل (واسيني الاعرج )و (محمد شكري) ، و انا كما تعلم مجرد قروي فقير ياتي الى الخرتوم غبا ، عشان كدا قلت اخير اعمل ميت . دي ما المناسبة الاساسية ، و دي ما (اساسا ) حقت الطيب بشير ، و لا حقت الفنان البيغني ( انت حبي الاساسي )، وواضح انو الراجل دا عندو واحد (احتياطي ) ، المناسبة عيد الكريسماس ، و مالو الكرسماس ؟ لا ، مافي أي حاجة . أي و الله . بس الناس مافي يا منافي الارض يا ارصفة مثقلة بالثلوج و الشجن أ كل العمر ياخذه مني الحنين مشتت مثل محار البحر كالصدف يثقبني غد غير آت ........ لعمر المهدي ، لكمال الشادي , للرشبد , لناس عبد الدائم , لحاتم جبارة ، لجبوره ، للسمؤال ، لود الزيناتي , لكيلون ، لبنات الزقازيق ، لاولاد الزقازيق ، للنجوم المتراصة قي أصقاع الارض ، أقول كل عام و انتم بخير
كلمات لكم من مصطفى محمد الحسن.
Post: #4109 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-27-2011, 08:20 AM Parent: #4108
كل سنة وانت طيب يا مصطفى بس مالك سويتنى ( ناس عبدالدائم )
قالو عشوشة «بت دبرك» جات تدخن.. نتفت ريشها وقعدت في الحفرة لمن انتهت كان في ود دبرك كاتل حيله وبعاين ليها من فوق الشجرة قام قال ليها: أموت انا في الشاورمة الحية..
مصطفي يا صديق .... كل عام والأمنيات تتقافز .. سعيدين بمرورك عبر الكوتش ... بعد أن فشلت مجهوداتنا أن تأتي عبر الباب ... من سبقوك فقد أغلقوا باب المنبر في وجه ناس الزقازيق .... إستلموا باسويرداتنا وهربوا بها ... اكيد المنبر هو الخسران ....
يا جماعة بتاع المهداوي ده زول يمسكوا مني .... انتو البوليس ده لو غالبكم نجيب ليهو عوض المفتاح ... ولا عمار ... طبعاً ود أبتر ده حا نلجأ ليها خلاص لمن المسالة تستعصي ....
يا زناتي مصطفى دة محتاج لي لي كمية مزاج تعادل الكون عشان الواحد يكتب عنه طبعا اجمل ايام حياتي قضيتها مع مصطفى «ابو دليبة» في شقة الفلسطيني تخيل الشقة كان فيها منو: * حاتم جبارة * أمين السمين * مصطفى محمد الحسن * محمد صديق «جورج» * بشير محمد عبد الله «بش بش» * طارق جبريل * وطلات من مبارك جادين وصلاح الامين وجمال فارح
نظرت ست بيتي عبر النافذة الزجاجية و قالت لي... الليلة حتجي مطرة... قلت ليها ان شاء الله ما حتجي... قالت لي انت ما بتعرف السحاب القبلي ده دائما بجيب مطر... قلت ليها أنا البعرفو البرق القبلي مش السحاب القبلي... لكن طالما الزمن اتغير و العلم تطور بيكون السحاب القبلي زاتو بجيب مطر... خرجت و لم أحمل غير نظارتي الشمسية... فلا خاب حدسي و لا خذلتني الشمس...
Quote: يا جماعة بتاع المهداوي ده زول يمسكوا مني .... انتو البوليس ده لو غالبكم نجيب ليهو عوض المفتاح ... ولا عمار ... طبعاً ود أبتر ده حا نلجأ ليها خلاص لمن المسالة تستعصي
يا أبو الزوز في مستوى بتاع تدخل أعلى من كده.... مالك ما جبت سيرتو... و لا عايز تمسك العصاية من النص... خايف تقوم ترجع تلقى الكوتش لابد ليك تحت سلم الطيارة...
Post: #4117 Title: Re: ناس الزقازيق ... أجدع ناس (4) .. Author: محمد صديق Date: 12-28-2011, 05:19 AM Parent: #4115
سلامات يا ناس
وصباحات التفاؤل
Quote: قالت لي انت ما بتعرف السحاب القبلي ده دائما بجيب مطر... قلت ليها أنا البعرفو البرق القبلي مش السحاب القبلي...
ما أجمل أن نقهقه الصباح بدرى ...وأنت تجلس وحيداً
الرشيد عليك الله أسألها من (مَرْبَطْ عِجِيلْ)
Post: #4118 Title: Re: ناس الزقازيق ... أجدع ناس (4) .. Author: محمد صديق Date: 12-28-2011, 05:26 AM Parent: #4117
سلامات يا ناس
Quote: يا أبو الزوز في مستوى بتاع تدخل أعلى من كده.... مالك ما جبت سيرتو...
يا حبيب : ما بقدر .لسبب واحد هو أوعد ولم يف بوعده.
Quote: تخيل الشقة كان فيها منو: * حاتم جبارة * أمين السمين * مصطفى محمد الحسن * محمد صديق «جورج» * بشير محمد عبد الله «بش بش» * طارق جبريل * وطلات من مبارك جادين وصلاح الامين وجمال فارح
بس داير أعرف جورج الجابو مع الناس ديل شنو .....
Quote: نظرت ست بيتي عبر النافذة الزجاجية و قالت لي... الليلة حتجي مطرة... قلت ليها ان شاء الله ما حتجي... قالت لي انت ما بتعرف السحاب القبلي ده دائما بجيب مطر... قلت ليها أنا البعرفو البرق القبلي مش السحاب القبلي... لكن طالما الزمن اتغير و العلم تطور بيكون السحاب القبلي زاتو بجيب مطر... خرجت و لم أحمل غير نظارتي الشمسية... فلا خاب حدسي و لا خذلتني الشمس...
وده اسطع مثال لي أنك ما تسمع كلام النسوان (قال ذلك ثم أغلق كل وسائل الإتصال الحديثة والقديمة وكل وسيلة أتصال مع ابو ظبي - وحينما رجع المنزل وجد كل حاجياته في الغرفة الخارجية) ....
Quote: يا أبو الزوز في مستوى بتاع تدخل أعلى من كده.... مالك ما جبت سيرتو... و لا عايز تمسك العصاية من النص... خايف تقوم ترجع تلقى الكوتش لابد ليك تحت سلم الطيارة...
يا حبيب ده السلاح الحاسم ومخلنه للمعارك الحاسمة ... للتدخل في الوقت المناسب ....
بسم الله طالما أن الرشيد و الكوتش موجودين معناها العدة لسع ما شالولها أو كما يقولون...
Quote: مصطفي يا صديق .... كل عام والأمنيات تتقافز .. سعيدين بمرورك عبر الكوتش
لله درك يا مصطفى و يكفي كلام زهير المقتبس
Quote: إستلموا باسويرداتنا وهربوا بها ... اكيد المنبر هو الخسران ....
تعرف يا أبو الزوز إدمان المنبر دا شئ عجيب الكتابة فيه بالرغم من أنها شاقة و متعبة إلا أنني أحس بمتعة لا متناهية إذا رجعت لبعض مداخلات الرشيد أجدها تعبر عني بطريقة أو بأخرى في أن هذا هو المكان المناسب في أن أكون بينكم فكيف لمصطفى و هو يملك باسويرد و كما ذكر ود جبريل في وجود الناس ديلك يا كوتش البخليكم تجو السودان أو تتفارقو من أصلو شنو !!!
يا حبيب : ما بقدر .لسبب واحد هو أوعد ولم يف بوعده.
زولك ده عندو حل واحد وبس :
ينتظرنى فى المهداوى
المهداوي يا محمد يا صديق بتشديد الدال وبدونها ... سيرة من زمن مضي كنا نحسبه زمن أغبر ... فأصبحنا اليوم نشتاقه .... اعتدنا أن نهفو لكل يوم مضي .. بإحساس أنه تم إختلاسه منا ... يوم غادر ولن يعود ... كما أن الأيام علمتنا بأننا عكس كل الأمم ... ما مضي من أيامنا أحلي من قادماتها .... لذا نتمسك بما مضي ... المهداوي يا صديق ليس تقاطع لطرق وإنما رمز لتقاطع قلوب ... تشتت ما بين شرق المدينة وشرق البلد ... فهل عادت ذلك الرمز .... لاحظ معي أيضاً أن كل رموزنا تتداعي أمام تسونامي لا نعرف كنهه ..... المهداوي رمز لحقبة ولت ولن تعود ... ليتها تعود .... وما يندرج تحت هذا البند تنوء عن حمله الأحلام ناهيك عن كلمة من ثلاثة أحرف ....
Post: #4124 Title: Re: ناس الزقازيق ... أجدع ناس (4) .. Author: محمد صديق Date: 12-28-2011, 06:12 AM Parent: #4123
سلامات يا ناس
Quote: . سيرة من زمن مضي كنا نحسبه زمن أغبر ... فأصبحنا اليوم نشتاقه .... اعتدنا أن نهفو لكل يوم مضي .. بإحساس أنه تم إختلاسه منا ... يوم غادر ولن يعود ... كما أن الأيام علمتنا بأننا عكس كل الأمم ... ما مضي من أيامنا أحلي من قادماتها .... لذا نتمسك بما مضي ... المهداوي يا صديق ليس تقاطع لطرق وإنما رمز لتقاطع قلوب ... تشتت ما بين شرق المدينة وشرق البلد ... فهل عادت ذلك الرمز .... لاحظ معي أيضاً أن كل رموزنا تتداعي أمام تسونامي لا نعرف كنهه ..... المهداوي رمز لحقبة ولت ولن تعود ... ليتها تعود .... وما يندرج تحت هذا البند تنوء عن حمله الأحلام ناهيك عن كلمة من ثلاثة أحرف ....
زهير الزيناتى : أديب وقاص. (نِكَاية فى صلاح الأمين)
Quote: المهداوي يا محمد يا صديق بتشديد الدال وبدونها ... سيرة من زمن مضي كنا نحسبه زمن أغبر ... فأصبحنا اليوم نشتاقه .... اعتدنا أن نهفو لكل يوم مضي .. بإحساس أنه تم إختلاسه منا ... يوم غادر ولن يعود ... كما أن الأيام علمتنا بأننا عكس كل الأمم ... ما مضي من أيامنا أحلي من قادماتها .... لذا نتمسك بما مضي ... المهداوي يا صديق ليس تقاطع لطرق وإنما رمز لتقاطع قلوب ... تشتت ما بين شرق المدينة وشرق البلد ... فهل عادت ذلك الرمز .... لاحظ معي أيضاً أن كل رموزنا تتداعي أمام تسونامي لا نعرف كنهه ..... المهداوي رمز لحقبة ولت ولن تعود ... ليتها تعود .... وما يندرج تحت هذا البند تنوء عن حمله الأحلام ناهيك عن كلمة من ثلاثة أحرف ....
ياخي والله الكلام ده عجبني شديد...
Post: #4128 Title: Re: ناس الزقازيق ... أجدع ناس (4) .. Author: محمد صديق Date: 12-28-2011, 06:26 AM Parent: #4124
سلامات يا ناس
تواصلاً مع الأحباب :
الاسبوع الماضى شارك نفر مقدر افراح الاخ محمد علام زواج
اخته ...
نادر فاروق
ابراهيم قرفة
سامى عبد الفتاح
مجتبى فاروق
عبدالرحمن عشى
مصطفى عجب سيدو
نزار الشقلينى
محمد حسن البرلوم
ومحمد صديق
المناسبة كانت بالسامراب : وبعدها تحركنا لزيارة الاخ سليمان قرشى (تربية)
والرجل بعد عودته من ليبيا يعانى من داء السكر وبُتِرت قدمه الى قبل منتصف الساق
دعوتكم له بتمام الشفاء . ت سليمان :0998411906
Post: #4127 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-28-2011, 06:23 AM Parent: #4123
Quote: خرجت و لم أحمل غير نظارتي الشمسية... فلا خاب حدسي و لا خذلتني الشمس...
غايتو الإرصاد الجوي عندك مرة أبوظبي مغيمة و صورة صغيرة تقول شاحدها الشغل الجديد بتاعك دا عن شنو تقريباً!!!! عشان نكون في الصورة بالمناسبة زولي دا قايلك إنت من ناس العمارات و كدا و من خلال مداخلتو داير يقول ليك بت الشيخ بتاعتك دي زي الخواجة بتاعو داك
Quote: مرة أبوظبي مغيمة و صورة صغيرة تقول شاحدها الشغل الجديد بتاعك دا عن شنو تقريباً!!!! عشان نكون في الصورة
مضببه بكسر الباء يا حبيب مش مغيمة ...من ضباب... مش مضببه من عكاز مضبب يقوم يجيني صاحبك بتاع الخواجة بي قصة تانية... الشغل لو أنا عارف عن شنو كان قلت ليك... اذا اكتشفت حاجة كلمني عشان أنا زاتي أكون معاك في الصورة... كل البعرفو انو شغل جديد و بس... وشالوا مننا العربيات و أدونا بدل مواصلات... قمت شلت العربية من ست بيتي... قالت لي في صندوق تدخل فيهو؟ قلت ليها عشان شنو؟؟ قالت لي عشان تشتري ليك عربية.... قلت ليها لو صندوق اسلامي ما عندي مانع... أنا ما بدخل في صناديق ربوية... و كمان تكون الصرفة الأولى حقتي و أعفوني من باقي الصرفات..
Post: #4130 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-28-2011, 09:26 AM Parent: #4129
قصة تبدو ضرب من الخيال ولكنها حقيقية وحدثت بالفعل
حينما غمز الميت للمصلين وأخرج لسانه،،،
رغم أنها واقعة حقيقية حسب ما يرويها أحد أقاربه نقلا عنه .. فقد اعتاد هذا الرجل , على فترات زمنية متباعدة , ان يخرج من بلدته , بسيارته متوجها الى منطقة بعيدة لمتابعة وإنجاز أموره التجارية .
وكان في منتصف الطريق تقريبا يمر ببلدة صغيرة بها محطة بنزين وبعض المحلات , ليملأ سيارته بالوقود ويعرج على المحلات ليشتري بعض الأشياء التي قد يحتاجها.
ففي أحد المرات وهو متوجه للمحلات شاهد مجموعة من الرجال يحملون نعشا لمتوفى , فنزل من سيارته دون تفكير ومشى في جنازة هذا الميت. وكان يحمل النعش سبعة من الرجال , وهو ثامنهم , فلما وضعوا النعش على الأرض وبدءوا يصلون على الميت ...... وصاحبنا واقف يصلي على الميت معهم , حانت منه التفاته نحو الميت الذي انكشف الغطاء عن وجهه فاذا بالميت يخرج لسانه ويغمز بعينه!!!!
فترك صاحبنا الصلاة وفرا هاربا إلى سيارته لا يلتفت إلى خلفه .. فلما أدار محرك السيارة وتحرك من مكانه .. فإذا به يرى الميت مقبل يركض باتجاهه , فجن جنونه وضغط على دعسةالبنزين فاسرع كالصاروخ مبتعدا هاربا بعيدا عن هذه البلدة .
وكان فيما بعد , ولاشهر عده كلما جاء هذا الطريق لا يتوقف في هذه البلده . ولم يجد تفسيرا لما راى وحدث!!! .. ولم يخبر احد ا بما حدث فهو غير مصدق فكيف يضمن ان يصدقه الاخرون ؟! .. واخفى الامر حتى لايكون موضع سخريه . وبعد أشهر ... بينما هو على عادته مارا بهذا الطريق اضطر للتوقف عند هذه البلدة بسبب نفاذ خزان الوقود حيث لم يكن اخذا حيطته .
فتوقف وهو وجل خائف , يتلفت يمينا ويسارا . وفجاة ....وفجاة .. اذا برجل يضع يده على كتفه ! ...فلما التفت فاذا به وجهاً لوجه امام الرجل الميت الذي صلى عليه قبل عدة أشهر فاخذته
المفاجاة لبرهة وجمد في مكانه , ثم حاول ان يهرب الا ان الرجل الميت تمسك به جيدا وهو يقول: يا ابن الحلال اذكر الله اركد أو أن اعلمك السالفه ! وبين الرعده وشيئ من الهدوء والاطمانان بسبب لهجة الرجل الهادئه . فحكى الرجل الحكاية الغريبة قائلا:
يا خوي انا رجل حسود , اصيب الناس بالعين , عاد جماعتي زهقوا مني ومن فعايلي كل يوم سادحلي واحد صاكه بعين , قالوا نبي نصلي عليك صلاة الميت , لانه يقولون ان اللي يصيب الناس بعين اذا صليت عليه صلاة الميت يبطل مفعوله العين للناس , وانا قلت لجماعتي اللي تبون سووه ,
واللي شفتهم كانوا عيال عمي وجماعتي , مكفنيني وشاليني في نعش . وانا يوم شفتك معهم عرفت انك على نيتك اتحسب اني ميت , فقلت امزح معك طلعت لك لساني وغمزت لك , ويوم شفتك هربت , قلت الرجال الحقه لايستخف , وركضت وراك آبي أعلمك لكنك ركبت السيارة وانحشت .. والحين يوم وقفتك والله أني عرفتك على طول وجيت أعلمك .
فلما سمع صاحبنا الحكاية أخذته نوبة من الضحك , بينما الرجل يدعوه لتناول القهوة وكان هو يشير معتذرا لعدم استطاعته التحدث لشدة الضحك . -منقول-
أشكرك يا حبيبنا الأمريكاني فلان الفلاني... لينا معاهو ذكرى عايزين نعيده تاني... و كل سنة و انت و الدومينيكانية و الدومسودانيات بألف خير... و على طريقة جوابات زمان.. نحيكم تحية اذا عبرت الأجواء الأمريكية اطلقت انذارات كل أجهزة الرصد و الرادارات... فتنطلق خلفها المقاتلات من طراز الـF16 و طائرات الكوبرا الـYF 17... تطاردها حتى مشارف منزلكم و عندماتقترب منها و تهم بقصفها... تجدها تحمل رسالة محبة لكم فتتركها و تمضي الى حال سبيلها... لك التحية يا حاتم...
و التحية عبرك الى كل الطيور المهاجرة في بلدان يكسوها الجليد... و تصل فيها درجات الحرارة الى أرقام تحت الصفر لو بلغتها عندنا فوق الصفر... لتدثرنا و تزملنا و أشعلنا الكوانين داخل الغرف... و التحية الى كل الذين يشتاقون الى الكتاحة... و حوائط الجامع الكبير الذي كتبت فيه عبارات تخدش الحياء العام... و تقاطع طرق كانت بمثابة رمز لتقاطع قلوب و تشابك أقدار... و الى المرابطون داخل الوطن الكبير الممزوع... الآمل أكثر من غيره أن يكون العام القادم... عام يجتمع فيه بنيه على كلمة سواء ليرتقوا فتقه و يضمدوا جراحه...
كل عام و جميعكم بخير...
Post: #4133 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 12-29-2011, 06:59 AM Parent: #4132
انا لله وانا اليه راجعون
توفي مساء امس والد الزميل زاهر الصادق
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس
عيد استقلال مجيد... نسأل الله أن يعيده على بلادنا و هي قد توحدت .... و ازدهرت و اجتمع الناس باختلاف أفكارهم على قلب وطن واحد... يختلفوا كيفما شاءوا و يتفقوا على مصالح الوطن...
و كل سنة و أنتم بخير... مسلمين و مسيحين...شماليين و جنوبيين... نسأل الله أن يكون العام 2012 عام خير ... تنعدم فيه الحروب و الكروب... ينعدم الفقر و المرض و تنمحي الأمية... و يسود الحب و السلام و الديموقراطية...
آخر أيام العام 2011... ركبت سيارتي هذا الصباح في طريقي الى المكتب... آآآآآآي شغال... مش قلتو بالله شغال..في سركم.... كنت بسمع في الـBBC... كان في بانوراما لأحداث 2011... و تطرقوا للشخصيات المعروفة التي رحلت... أنيس منصور..كمال الشناوي..طلعت السادات...الخ قائمة طويلة من الأدباء والفنانين و السياسيين... قلت لا حوله ديل كلهم ماتوا بالله...أنا كنت وين... الناس ديل ما سمعت بيهم كلو كلو... أقل حاجة كان حزنت عليهم شوية... خاصة أنيس منصور ده..الراجل ده بيجمعني بيهو العقاد... بعد كتابه كانت لنا أيام في صالون العقاد... الأنا اشتريتو من معرض القاهرة للكتاب سنة دو... اكتشفت انه زمان كانت المعلومة بتصل بصورة أفضل... رغم قلة القنوات الفضائية التلفزيونية و الاذاعية... الآن القنوات الفضائية الكتيرة دي شتت أفكارنا... يعني تلاتة ولا أربعة شهور كاملة قناة الجزيرة مشتته أفكارنا... بين تونس و القاهرة و مصراتة و عدن و درعة... بطولات أفريقية و أوروبية و عالمية... يا كافي البلا زول من ديل سمعنا بيهو مات مافي... صحي اعلام موجه...يخلوك تهتم و تعرف الحاجات العايزنك تعرفه و بس... و يلومونا مع الناس ديل...
Post: #4138 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-31-2011, 06:31 AM Parent: #4137
صباح الخير ،،، يا وجوه الخير
غداً نستقبل عام ميلادي جديد
يا ترى ماذا يخبئ لنا العام القادم
من مفاجآت وكوارث ومفارقات
إنتهى عام 2011 وكان عام حافل وأبرزه
الربيع العربي وتقسيم الوطن إلى دولتين
هل نحتفل يوم غداً بالإٍستقلال ؟؟؟؟؟؟؟
وهل يحتفل الشطر الجنوبي بالإستقلال أم إستقلالهم
أتولد من جديد بعد الإنفصال !!!!!!
كل عام والجميع بألف خير
وربنا يجعلكم جميعاً من التائبين الراكعين
العابدين السائحين .
Post: #4139 Title: Re: ناس الزقازيق ... أجدع ناس (4) .. Author: ميسرة سيد أحمد Date: 12-31-2011, 07:36 AM Parent: #4138
رسالة طفلة سورية إلى أبيها
إلى من له قلب و إحساس ...
جابوا جثة علي بيتنا ... يعني واحد ميت .. هو صحيح بيشبهك ولابس نفس تيابك .. بس ... غرقان بالدم .. مو معقول شو بيشبهك يا بابا .. ما بتصدق .. بس أنت أحلى منو بكتييييير .. أصلاً هو مو مبينة ملامح وجهه منيح .. بس أنا متأكدة إنو مو أنت مستحيل تكون أنت ... أنا ... أنا ما بكيت .. ضليت أتطلع فيهون وقلهم إنتو غلطانيين .. إنتو أكيد مخربطين .. إجو الكل قرايبينا والجيران .. كان الكل عم يبكي وأنا قلهم وأنا عم اضحك : لك شبكم هادا مو بابا !!!! صاروا يقرأوا علي المعوذات ويضموني ويبكوا ..
بابا طيب بدي اسألك سؤال وبس لترجع بتجاوبني عليه .. هلأ اللي بيموت معقول يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد لأ ....
ملاحظة : آنستي شافت هي الرسالة كنت لسه ماشقيتها من الدفتر ضمتني وغرقتني بالدموع ... بابا بصراحة خايفة كتير تكون أنت ... بس أنت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك ويعمل فيك هيك ... ما بصدّق ... والله رح نصير أنا و أخي عاقلين منشان ما تضوج وتعصّب وتزعل منا ... وخلص عنجد وقت تجي تنام بعد الغدا ما حنطالع صوت أبداً ... رح ننام معك ...
بنتك المشتاقة كتيـــر كتيـــر ... لا تطوّل ... بحبك بــابــا
Post: #4140 Title: Re: ناس الزقازيق ... أجدع ناس (4) .. Author: محمد عيد Date: 12-31-2011, 07:39 AM Parent: #4138
كل عام وانت بخير بمناسبة العام الجديد .. اهديكم معلومات في منتهى الروعة عن الصراط المستقيم وأسأل الله النجاة لى ولكم ولجميع المسلمين سأل أحد الصحابة رسول الله عن نزول هذه الآية "يوم تبدل السموات و الأرض" أين سنكون؟ قال الرسول صلي الله عليه و سلم : سنكون على الصراط. وقت المرور علي الصراط لا يوجد إلا ثلاث أماكن فقط جهنم الجنة الصراط يقول الرسول صلي الله عليه و سلم :"يكون أول من يجتاز الصراط أنا و أمتي" أول أمة ستمر على الصراط أمة محمد.
تعريف الصراط: =========== "يوم تبدل السموات و الأرض" لن يكون سوي مكانين الجنة والنار ولكي تصل إلي الجنة يجب أن تعدي جهنم فينصب جسر فوق جهنم إسمه"الصراط" بعرض جهنم كلها إذا مررت عليه وصلت لنهايته وجدت باب الجنة أمامك ورسول الله صلي الله عليه وسلم واقفا يستقبل أهل الجنة قال الرسول صلي الله عليه و سلم "فيضرب بالصراط بعرض جهنم"
مواصفات الصراط: =============== 1. أدق (أرفع) من الشعرة. 2. أحد من السيف. 3. شديد الظلمة تحته جهنم سوداء مظلمة "تكاد تمييز من الغيظ" 4. حامل ذنوبك كلها مجسمة على ظهرك فتجعل المرور بطيئا لأصحابها إذا كانت كثيرة والعياذ بالله أو سريعا كالبرق إذا كانت خفيفة 5. عليه كلاليب ( خطاطيف ) و تحتك ( شوك مدبب ) تجرح القدم و تخدشها (تكفير ذنب الكلمة الحرام والنظرة الحرام...ألخ) 6. سماع أصوات صراخ عالي لكل من تزل قدمه ويسقط في قاع جهنم.
الرسول عليه الصلاة و السلام واقفا في نهاية الصراط عند باب الجنة يراك تضع قدمك علي أول الصراط يدعو لك قائلا "يا رب سلم ... يا رب سلم" ثم يري العبد فلان هذا وقع أمامه من فوق الصراط فقد نصحته كثيرا ولم يستجب لك كما يري والده و أمه لكن لا يبالي بهما كل ما يهمه هو نفسه فقط. يروي أن السيدة عائشة تذكرت يوم القيامة فبكت فسألها الرسول صلي الله عليه و سلم "ماذا بك يا عائشة؟" فقالت : "تذكرت يوم القيامة فهل سنذكر أبائنا؟؟ هل سيذكر الحبيب حبيبه يوم القيامة ؟؟؟ قال الرسول صلي الله عليه وسلم: "نعم إلا في ثلاث مواضع عند الميزان - عند تطاير الصحف - عند الصراط" و اصبروا ..... ثم اصبروا على فتن الدنيا .. فان فتن الدنيا سراب
يا حمادة...جزاك الله خير ياخي... و كل عام و أنت و الأسرة بخير... الرجفة الدخلتها فينا تاني ما بتمرق لحدي 2013... واحد صاحبي سألني قال لي انت الحفلة الفي النادي السوداني بي منو... قلت ليهو حفلة شنو يا أخوي... محمد عيد طير لينا راس السنة من راسنا... أمنية بتي قالت يا بابا السنة دي ما نحتفل بي راس السنة... قلت ليها أمشي أقري عمك محمد عيد ده كاتب شنو... حسه أجي ماشي في الصراط شايل النادي السوداني و شايل هاجر كباشي كمان... نومو ساكت... أنا لو عارف محمد عيد جاينا بي جاي كان الليلة قيلت في الفيس بوك... و لا فتحت حساب جديد في التويتر... غايتو البوست ده ليهو كم يوم كده تشوف زهير و لا ديو كآخر متداخلين تمشي تخليهو طوالي... حسه كمان انضم ليهم محمد عيد... تاني الواحد يقعد يتاوق براحه كده.. كان لقى ليهو حاجة تطمن يخش... و لا كمان ما بنقدر على الخلعة دي...
This is last evening of 2011 Last sun of 2011 Has spread its shine On earth, Feel remaining ... ... Moments of last day, Scatter happiness Best of luck for 2012
اليوم نرفع راية استقلالنا ويسطر التاريخ مولد شعبنا يا إخوتي.. غنوا لنا.. غنوا لنا.. يا نيلنا يا أرضنا الخضراء.. يا حقل السنا يا مهد أجدادي ويا كنزي العزيز المقتنى كرري تحدث عن رجال كالأسود الضارية خاضوا اللهيب وشتتوا كتل الغزاة الباغية والنهر يطفح بالضحايا بالدماء القانية ما لان فرسان لنا بل فر جمع الطاغية وليذكر التاريخ أبطالا لنا عبد اللطيف وصحبه غرسوا النواة الطاهرة ونفوسهم فاضت حماسا كالبحار الزاخرة من أجلنا ارتادوا المنون ولمثل هذا اليوم كانوا يعملون غنوا لهم يا إخوتي فلتحيا ذكرى الثائرين إني أنا السودان أرض السود هذي يدى ملأى بألوان الورود قطفتها من معبدي من قلب إفريقيا التي داست حصون المعتدي خطت بعزم شعوبها آفاق فجر أوحد فأنا بها وأنا لها سأكون أول مفتدي
Quote: حكيت هنا العام السابق ... بأني في مفتتح عام 2011 ألتقيت حين دخولي المكتب العامل الهندي ... فقلت له ... هابي نيو إير ... فكان رده مفاجئ لي (انا في مسلم انا مافي كافر) .... كان درس لي فصمت عن تهنئة بقية الزملاء ... اليوم قابلت العامل الجديد ... بادرني (هابي نيو اير) دونما أشعر قلت له (انا في مسلم انا مافي كافر) .... لأشعر بإرتياح بعد أن أحرزت هدف التعادل في مرمي الهند الشقيقة بعد عام كامل ... ثم رجعت له وقلت له هابي نيو إير يا صديق .... وبي كده ليطمئن كل أفراد الشعب السوداني للنتيجة والتي هي مرشحة لأن تتحول إنتصار كاسح في أقرب فرصة ....
يا رشدي محمد عيد ده مركب ماكنة سلفية اليومين ديل ما تشتغل بيهو ... غايتو نصيحة مني ليك إثنين ما تباري كلامهم رجال الدين والأطباء ... فرجال الدين إذا ما تابعت سيل فتاويهم الذي لا ينقطع ستكره الدنيا وما فيها ... وستجلس علي مصلايتك ترجي يومك ... رغم أن الإسلام قد حث علي الحياة وإعمار الأرض ... أما الأطباء فلا هم لهم سوي نصائح لوإتبعتها لما أكلت قط حتي تموت من الجوع ... عش حياتك يا صديقي وأفرح بها فإن الحياة قصيرة بحيث لا يمكن أن نضيعها في مثل هذه الخزعبلات المحمد عيدية ... محمد عيد لو سمحت تاني ما تجي بيجاي كل شئ ولا رشدي ده ... يمين يقطع رجله من البوست ده تاني إلا تأجروا صعايدة يرفعوا ليكم ....
طبعاً بكل تاكيد هابي نيو إير للجميع بدون فرز ... نتمني أن يكون العام الجديد عام سعادة لكل الناس ... وعام توفيق في كل المجالات العامة والمهنية والأسرية وكل التفاصيل ....
Post: #4147 Title: Re: ناس الزقازيق ... أجدع ناس (4) .. Author: محمد عيد Date: 01-01-2012, 07:30 AM Parent: #4145
اخوتى واخواتى الاحباء ...
لعل بوصلة الزمن التى مرت بنا على نقطة فاصلة ليلة الامس
تتجه بنا نحو مرافىء أكثر سعادة وأمنا واستقرارا ...
كل المنى والدعوات لكم ولاسركم واهليكم واصدقاءكم
Post: #4149 Title: Re: ناس الزقازيق ... أجدع ناس (4) .. Author: كمال الشادي Date: 01-01-2012, 08:13 AM Parent: #4147
زهير انا كنت بايت معاك يا أخي قول لي حمداً لله على السلامة انا لي شهور من الكتابة في البوست ده كنت مروح الباسوورد الكان رسلو لي بكري لمن روحت الاولاني وخفت اكتب ليهو تاني يرفض يديني واحد جديد كل سنة وانت بالف خير وعافية ----------------
في موضوع تهنئة المسيحيين بأعيادهم انا شخصياً ما عندي فتوي للانا بعمل فيهو ده وما داير زول يمشى وراي حتى لو فيهو اثم والله غلط يكون مقصور علي انا بس
انا شخصياً وفي اول دقائق لاي يوم عيد مسيحي عندي عدد من الاصدقاء المسيحيين اذا كانو في السعودية او خارج السعودية بضرب ليهم واسلم عليهم وأهنئهم بالعيد الكريسماس وراس السنة وشم النسيم ولو عملو عيد جديد برضو راح اهنيهم بيهو
سلفيين ما سلفيين على نفسهم انا ما معاهم
كل سنة وانتو بألف خير وعافية
Post: #4150 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-01-2012, 08:20 AM Parent: #4149
مرحبتين حبابك اليوم السعيد
الليلة جابك يا شادي ،،،،
والله عودتك دي يضبحوا ليها جمل (بنت لبون)
ياخي ناديناك لحدي ما زهجنا وفي النهاية خليناك
الف حمد لله على السلام واحرص على الرقم السري بتاعك
يا شادي انا اصلا ما فقدتك نهائي عشان ما اقول ليك حمد الله علي السلامة ... أمشي شوف وين الناس الفقدوك ... يقولوا ليك حمد الله علي السلامة وبركة بالعودة ... طالما انت موجود معاي في كل لحظة أكيد شايلك جواي محبة وما فقدت أثرك قط .... وفي أغنية سيليون ديون بتاعت تايتنك الحبيبة بتقول لحبيبها الراحل ... انها كل يوم بتحلم بيهو عشان تستمد منه الحياة ... عشان كده الزول البتحبه دائماً معاك وما بتحس انه غاب عنك .... تصدق من أمس بليل مهجس بأني أتصل عليك وكل مرة أقول خليها شوية .... عام سعيد يا شادي ... وأكيد في تلفون بينا ... وكل الأمنيات الجميلة وبكل تأكيد عودتك ستجعل هذا المكان أكثر جمالاً ...
Post: #4152 Title: Re: ناس الزقازيق ... أجدع ناس (4) .. Author: ابتهاج عبد الله Date: 01-01-2012, 08:53 AM Parent: #4145
عام مضي ...عام أتي... وما مضي فيه الكثير بعضها خطط له ورتب له وبعضها تُرك لمشئة الاقدار جرت الاعوام وتسللت الايام بجميلها وبكل مافيها.......والقادمات من الايام والسنين نامل ان تكون لنا ولكم ولبلدنا واهله الطيبين هنيئه عنوانها السلم والطمأنينه ، يعم خيرها وتتدفق مشاعرالحب تلم الكل وتبعد العله والفاقه و ترسم فوق وجوه الكل، صغيرتنا والجدةونـاس الخاله والعمه ابتسامه تنم عن صحة عن فرحه عشم باكر كتير بالحيل .. ..عام سعيداهلي الرائعين ..وكل الامنيات الصادقات وجميع قبيلتي الزقازيق اكتر الفه ومحبه وعام سعيد ويا فرحة ظلي ويا الحزن مــا ليك مكان...
Post: #4153 Title: Re: ناس الزقازيق ... أجدع ناس (4) .. Author: كمال الشادي Date: 01-01-2012, 09:34 AM Parent: #4152
انعل ام الحب ذاتو يا أخي يمين بالله يا زهير انا بحبك لله في الله كده وشكراً ليك على الكلام الجميل ده يا أخي
اها كده انت قفلت الباب على الشباب هسي مافي زول يتجرأ يقول والله إفتقدناك ... !!
الله يديك العافية ويخلي ليك ابتهاج وأولادها ويسعدك ويسعدهم بالنسبة لي شخصياً انا متأكد مية في المية انو سنة 2012 راح تكون معاي من اجمل سنين عمري وراح احقق فيها اشياء كثيرة جدا حلمت سنين طويلة انها تتحقق ان شاء الله راح تتحقق في السنة دي ده مش تفاؤل انا متأكد من كده ان شاء الله
اسال الله انو يحقق ليك كل الامنيات الملحة والبتفكر فيها كل لحظة اقصد الاحلام الشخصية نوع ناس بيت وسفر وقروش وشهادة
اما الاحلام المستحيلة بتاعة نوع ناس وطن خير ديمقراطي دي الله اعلم انها تتحقق في حياتنا دي يمكن اولادنا او اولادهم
انا شخصيا باب التفاؤول مع السودان اصبح باب الريدة وإنسده
يا أخوي كل يوم الامور في إنحدار والله اعلم نحن ماشين لي وين
وشكرا على اغنية سيلين
الظاهر رجعت تحب تاني قصدي في الاصدار الجديد يعني رجعت تحب ابتهاج تاني اكتر من الاول ماتفهمني غلط يا أب شنب
2012 عام يكون مليان سعادة و استقرار و تقدم ليكم كلكم.... لي الوطن الكبير... لي أسركم الكبيرة... لي أسرتكم الصغيرة... و لي كل واحد منكم على المستوى الشخصي...
لي محسنة ميسرة سيدأحمد كل سنة و انتي بخير و ان شاء الله عام كله نجاحات... لي بهجة كل سنة انتي و أٍسرتك بخير من مجد و حتى أبو شنب... لي كيمو الجاهز مرحبا بعودتكم الجميلة مع اطلالة العام الجديد.... كل عام و أنت و الفاميليا بخير... لي الريس و أبو الزوز و محمد عيد و ديدو كل عام و أنتم بخير و سعادة.. و لي كل الزقازيقاب في كل أصقاع الدنيا أمنياتي لكم بعام مليء بالانجازات...
Quote: يا رشدي محمد عيد ده مركب ماكنة سلفية اليومين ديل ما تشتغل بيهو ... غايتو نصيحة مني ليك إثنين ما تباري كلامهم رجال الدين والأطباء ... فرجال الدين إذا ما تابعت سيل فتاويهم الذي لا ينقطع ستكره الدنيا وما فيها ... وستجلس علي مصلايتك ترجي يومك ... رغم أن الإسلام قد حث علي الحياة وإعمار الأرض
يا أبو الزوز دي ما أول مرة يدخل فينا خلعة محمد عيد ده... أنا منتظر الفرصة عشان أسجل فيهو هدف التعادل زي صاحبك الهندي... يوم حأطلع ليك ليهو فتوة في تشجيع الكورة و خاصة الأندية البتلبس أحمر... زي البوست بتاعك بتاع كرة قدم البنات... و لا أجي أقول ليهو المريخ نزل الدرجة التانية... الأخيرة دي بتجهجهو خاصة و ان الزول ده كلو مصايب... غايتو هدى من روعنا شوية بالبطاقة بتاعت اليوم دي...
Post: #4156 Title: Re: ناس الزقازيق ... أجدع ناس (4) .. Author: عمر نملة Date: 01-01-2012, 10:41 AM Parent: #4155
سنه يالحيطه
Post: #4157 Title: Re: ناس الزقازيق ... أجدع ناس (4) .. Author: عمر نملة Date: 01-01-2012, 10:41 AM Parent: #4155
خالص الامنيات لكم جميعاً احبتي .... وجعل الله العام الجديد احلى سني عمركم ... ومتعكم فيه بموفور الصحة والعافية وحقق لكم امانيكم واحلامكم ... انتم وجميع افراد اسركم وعائلاتكم ... فرح غامر بعودة الطيور المهاجرة الى عش "الحوش" نسأل الله ان يلتئم شملنا في ظل وطننا الذي اعلم ان جميعا يحلم به ... وطن معافي من درن وخبث ورزيلة وطن خير ديمقرطي لا يظلم فيه احد ولا يحزن فيه احد وان يعود وطنناً موحدا لافقر ولاجهل ولا مرض فيه
ودمتم سالمين
Post: #4160 Title: Re: ناس الزقازيق ... أجدع ناس (4) .. Author: محمد عيد Date: 01-01-2012, 12:31 PM Parent: #4159
Quote: يا أبو الزوز دي ما أول مرة يدخل فينا خلعة محمد عيد ده... أنا منتظر الفرصة عشان أسجل فيهو هدف التعادل زي صاحبك الهندي... يوم حأطلع ليك ليهو فتوة في تشجيع الكورة و خاصة الأندية البتلبس أحمر...
يا حبيب ... الغناى الزماااان قال : قووووول النصيحة
وانا غايتو نصحتك .. كان اتخلعت ولا ما اتخلعت انا عملت العلى ...
لكن تبارى لى اب شنب ده بيضيعك ...
هو اصلا زول احمر .. وبيوديك جهنم الحمرا ...
*******
نملوز يا حبيب ...
كل سنو وانت طيب واهلك واولادك كمان
وكتر خير سانتا كروز الظهرك لينا الليلة
Post: #4161 Title: Re: ناس الزقازيق ... أجدع ناس (4) .. Author: أحمد إسماعيل Date: 01-01-2012, 03:51 PM Parent: #4160
أجمل التهاني وأطيب الأماني 0000وكل عام وأنتم بخير وطيبون
مع نصيحة محمد عيد إن شاء الله نحن بخير 000 بس كيف المخارجة عبر الصراط يعني يا محمد عيد الواحد لو نظيف من الذنوب بكون وزن الريشة ويمر كالبرق ويدخل الجنة سليم معافى ، ولو شوية من الذنوب ممكن تعبر ببعض الجروح والإصابات أما إذا الذنوب كثيرة حتكون سوء خاتمة ، نسأل الله السلامة والعافية والله لا يبلينا ولا يزغ قلوبنا ويهدينا سبل الهداية والرشاد والخلاص
حاولت أن لا اترك أي شئ دون الخوض في تفاصيله.. مصاريف الأولاد.. حق المدارس.. حق البنزين لمدة شهر.. دفعات الانشطة الاضافية في المدرسة فواتير التليفون والكهرباء والمياه.. حتى «سنكرز» محمد و«شبس» ريم عملت حسابها.. فضلت وداع أولادي في البيت مخافة أن تفضحني دموعي... لم اتعود تركهم والذهاب بعيدا إلا لـ«الشديد القوي» ربما هناك احساس وارتباط قوي في الغربة بالأبناء... مرده الاحساس الداخلي في أنك في لا مكان: الغربة والغموض لا غير.. لذا أشعر أنني في أضعف حالاتي حين أعانق ريم.. منذ صغرها كانت ملتصقة بي بشكل غريب.. لذا تفاديت هذا الألم في محطة القطار... كانت أسهل الصعاب الإتيان بهم إلى دار جدتهم في الرباط ومن ثم تأخذني «بت شيخي» الى محطة القطار في الطريق إلى الخرطوم.. محمد كعادته مارس كل الحيل الممكنة ليغنم أكبر هدية عند عودتي: بابا جيب لي معاك «PSP» وعدته بها وأصبحت في حكم الفرض... ودعتهم وحتى لا تخونني الدمعات كعادتها... لم ألتفت إلى الوراء وإن كانت دموع ريم تتراءى أمامي كما اليقين.. إمتطيت سيارتي وبقربي «بت شيخي»... تحدثنا عن تفاصيل البيت كعادتنا.. شرحت لها كل ما يشغل بالي عليهم.. وذكرتها بتليفونات أخواني.. وكعادتها: ياخي انت ليه لمن تكون مسافر بتكون متشائم كدة.. اتوكل علي الله وامشي شوف اهلك ونحن ما بتجينا عوجة يا بت الناس الدنيا دي ما مضمونة.. احتياطا خلي كل التليفونات معاك.. وصلنا المحطة.. انزلت حقيبتي.. توادعنا وكان الله حاضرا بيننا(لا إله الا الله .... محمدا رسول الله).. دلفت على المكتبة واشتريت بعض الجرائد وكتاب «عشت لأروي» لغارسيا ماركيز.. ثم استلمت تذكرتي المجانية التي تتيحها لي بطاقة الصحافة.. محطة القطار في الرباط أگدال تضج بالحركة... فهي تتوسط البلاد بين الشمال والجنوب ويمر منها القطار كل نصف ساعة.. لا أدري،، لكن اعتراني احساس غريب أن الوجوه حين تهم بالسفر يعتريها شئ من «القبور»... لا أدري إن كان ذلك مرده للوداع، أم لوعثاء السفر.. هناك هَمُ خفيف في تقاسيم الوجوه لا تخطئه العين.. يتراءى لك ذلك في طريقة التدخين... أو ارتشاف القهوة.. أو توتر القراءة.. جريدة كانت أم كتاب.. على كل حال أعلنت المذيعة الداخلية عن قدوم القطار المتجه إلى المطار محمد الخامس بالدار البيضاء.. يخرج الناس في المغرب ويدخلون إلى القطارات بسرعة كبيرة، فالخمس دقائق المتاحة للتوقف في كل محطة لا تترك لك مجالا لتجاذب أطراف الحديث.. أو الإفطار من «الزوادة» كما يحدث في «قطر كريمة» الذي تستطيع قبل أن يغادر أن تمارس فيه حياتا عادية حتى «التجكيس» وإن كنت مودعا.. تحرك القطار وسط زخات من المطر.. وجلست أنا متثاقلا قبالة شباك تتقاذفه حبيبات المطر.. أتوق إلى «الهناك» لكنني بالمقابل تركت جزءا مقدرا من «دمي» هنا.. جلست أمامي مغربية تبدو من هيئتها من مغاربة أوربا.. وهؤلاء تستطيع أن تميزهم من لبسهم وطريقة كلامهم وحتى طريقة تدخينهم... في العادة يتمشدقون بألبسة مهلهلة لا تساوي حتى مترا واحدا من القماش.. والتدخين بالنسبة لهم برستيج للرقي.. وضعت كومة الجرائد أمامي.. واخترت الشرق الأوسط التي عادة ما أبدأها بزاوية سمير عطا الله فهي قادرة على تلخيص كل ما يدور حولك في هذا العالم الفسيح بالإضافة إلى أن للرجل أسلوب أخاذ ومريح في الكتابة... لذا تجدني الجريدة الوحيدة التي أقرأها من «دُبر» دون مثيلاتها.. مررت على أخبار ليبيا والعراق وسوريا على عجل.. ليس لدي أي احساس بالانتماء لهذا العالم العربي الممتد من المحيط إلى الخليج في العادة لا أفرح لفرح هذه الأمة ولا أحزن لأتراحها أيضا.. حسمت أمري منذ زمن: أنا انتمي إلى هذا النيل «ذلك الإله الأفعى».. أنا كصحراء بيوضة إن اسرفت في الحياة فذلك لأن المطر مارس كرمه هناك وإن اختصرت حياتي على أن أظل حيا.. لأن الطبيعة نفسها تفرض قوانينها علي... وإن كانت نفس الطبيعة تهديني في مساءات الصحراء تلك نجوما وقمرا نشبه به حبيباتنا.. أنا هو ذاك.. سعيد أقولها... لا يعنيني كيف ينظر الآخرون إلي.. إن كنت أكذوبة فهذا بحكم الدونية التي أرى بها نفسي لكن طالما أنا اعتز بهذا النيل وأطراف الصحراء فهذه هي حياتي التي أحب ولا أود أن أكون غير ذلك.. انتهيت من تقليب الجرائد.. وجدت تلك المغربية تنظر إلي كما تود أن تقول شيئا.. أومأت لها برأسي إن كانت تريد قراءة الجرائد.. قالت بفرنسية مائعة: أنا لا أقرأ العربية.. ابتسمت في حدود كلماتها وقلت لها بفرنسية أشبه بالشايقية: أنا لا اتكلم الفرنسية فقط العربي والانجليزي.. كان هذا إيذانا بحوار بفرنسي «مُشَيقَن» من طرفي وعربية مكسرة وفرنسية عاهرة من طرفها.. سؤال الهوية نفسه يؤرق هذه الأمة من البحر إلى البحر.. حكت عن عنصرية اليمين الفرنسي.. وحكيت انا عن عنصرية بني جلدتي وكيف أننا في بلد يعج بمصادر الرزق ضربنا في الأرض بحثا عن الأمان.. قطع مذيع القطار حديثنا ذاك بقرب وصولنا إلى محطة مطار محمد الخامس.. تمنيت لها سفرا سعيدا وتمنت لي عطلة سعيدة.. ودخلت إلى عوالم وزن العفش وملأ استمارة المغادرة وبسمات رجال الجمارك الصفراء.. ...........
Post: #4165 Title: Re: ناس الزقازيق ... أجدع ناس (4) .. Author: جلال عثمان Date: 01-02-2012, 04:47 AM Parent: #4164
Quote: ليس لدي أي احساس بالانتماء لهذا العالم العربي الممتد من المحيط إلى الخليج في العادة لا أفرح لفرح هذه الأمة ولا أحزن لأتراحها أيضا.. حسمت أمري منذ زمن: أنا انتمي إلى هذا النيل «ذلك الإله الأفعى».. أنا كصحراء بيوضة إن اسرفت في الحياة فذلك لأن المطر مارس كرمه هناك وإن اختصرت حياتي على أن أظل حيا.. لأن الطبيعة نفسها تفرض قوانينها علي... وإن كانت نفس الطبيعة تهديني في مساءات الصحراء تلك نجوما وقمرا نشبه به حبيباتنا.. أنا هو ذاك.. سعيد أقولها
يا جماعة منصور وين؟؟؟ الزول ده من السنة الفاتت مختفي... كل سنة و انت طيب يا أبو أحمد... و التحايا عبرك الى الجميع... من مدرار و حتى ست الدار...
Post: #4167 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-02-2012, 05:57 AM Parent: #4166
صباح الخير ،،، يا وجوه الخير
بمناسبة الخلعة بتاعة محمد عيد والخوف من الصراط المستقيم
الموضوع سهل وبسيط وأعطانا الرسول (ص ) الحل السحري السهل
قالة رسول الله صلى الله عليه وسلم
رأيت قوماً من أمتي على منابر من نور ، يمرون على الصراط كالبرق الخاطف نورهم تشخص منه الأبصار لاهم بالأنبياء ولا هم بالصديقين ولا هم بالشهداء ، إنهم قوم تقضى على إيدهم حوائج الناس
بسم الله الرحمن الرحيم كل عام و أنتم بخير أستميحكم عذراً و أقول للولد نملوز كل سنة و إنت و الأسرة الصغيرة صاحبت الشعر المضفر بألف خير بالنسبة للصراط المستقيم الله يدخلنا برحمته جاني إحساس أخمد في البيت و أنوووووووووم التكنو عارف الزول دا حيجي و يذكرنا بالأخرة الله يأجرو في ذلك ما تزعل يا أبو الزوز من الزول الأحمر دا الغريبة يا أبو الزوز معاك ناس في البيت أنصار سنة ميار (مثال) اللهم أحفظهم عليكم الله وصف طارق جبريل للنيل بالإله الأفعى مش ياهو دا زاتو الصراط المستقيم عليكم الله كان فتو كتابة ودجبريل دي من غير ما تقولو حاجة الطاعم مشتهيك الله يعلم يا ود جبريل حسيت إنو في وصف لسع للبت المتفرسنة دي ما قلتو خليك من وزن العفش زول تذكرتو ملح لازم يتفرس في عيون الناس و يقول كلام كتييييير قبيلة الميم ما تشوفو لينا حج في الأيامات دي دقة سريعة كدا كل سنة و إنتو طيبين أحمد إسماعيل و ود نجيلة لكم الحب كما أشتهي و كفى يا رش أي زول كان رايح أو عاوز تسأل منو في الأول تأكد من هويتو (نوع اللبس اللابسو) بغض النظر كان فنان أو كتااااب
التعديل لزوم كلمة السراط للصراط
Post: #4170 Title: Re: ناس الزقازيق ... أجدع ناس (4) .. Author: محمد صديق Date: 01-02-2012, 06:34 AM Parent: #4169
Quote: جبريلا لحدي هنا كويس... متابعين و مستمتعين.. أمشي أقطعنا في النص و تعال لينا راجع بعد شهر.... في انتظار التتمة...
رشا يا حبيب ياخي الكتابة بالفصحة دي دراشة دراشة كدة لكن ابو الزوز قال ما بيحب الكتابة بالشايقي عشان كدة لو كبينا الزوغة القى لينا عذر
يا ود نجيلة غايتو الوردة دي انا اعتبرتها لي بحكم الانتماء الى «الامتداد»
Quote: يا ود يا قامة ... قمة الشرف والانتماء ...
ابو الجل يا حبيب تعرف الناس ديل شابكننا ليك صراع الهوية وصراع الما بعرفو شنو يا زول يمين لمن اقعد في «التقنت» حق جدي بنسى ليك ذاتو انه في ناس معانا خارج إطار النيل
Quote: ثم استلمت تذكرتي المجانية التي تتيحها لي بطاقة الصحافة.. دى أكتر حتة عجبتنى.
مرحبا بعودة نملوز يا جماعة ود عيد بيعمل لآخرته كأنه يموت غدا ولدنياه كأنه يعيش أبدا أسألوني أنا وياسر نجيلة
=============================== ولدنا عمر نملة ... المتواوقة خليها تعال داخل ... عند وقت كتييير .... مع بيت العزابة بتاعك ده ... بنيه يسرحو ليها ساي ... مافي ...
Post: #4174 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 09:59 AM Parent: #4173
Quote:
سنه يالحيطه
مالا ؟؟؟ ابت تقع ولا شنو ؟؟!!
Post: #4175 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 10:07 AM Parent: #4174
Quote:
وطن خير ديمقرطي لا يظلم فيه احد ولا يحزن فيه احد وان يعود وطنناً موحدا لافقر ولاجهل ولا مرض فيه
كمال الشادى مش لخص ليك الكلام ده وقال ليك دى احلام زلوط , وتيب !!! انت وين يا زول من السنة الفاتت ؟؟؟
Post: #4176 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 10:19 AM Parent: #4175
نسأل الله السلامة والعافية والله لا يبلينا ولا يزغ قلوبنا ويهدينا سبل الهداية والرشاد والخلاص
آمين يا رب , السيرك بتاع الدنيا دى , طبيعى يوصلك ويعلمك مهارات المشى على الحبال المعلقة
Post: #4177 Title: Re: ناس الزقازيق ... أجدع ناس (4) .. Author: محمد صديق Date: 01-02-2012, 10:29 AM Parent: #4176
سلامات يا ناس
Quote: السيرك بتاع الدنيا دى , طبيعى يوصلك ويعلمك مهارات المشى على الحبال المعلقة
يازول مالك؟؟؟
Post: #4178 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 10:36 AM Parent: #4176
Quote:
لذا أشعر أنني في أضعف حالاتي حين أعانق ريم.. منذ صغرها كانت ملتصقة بي بشكل غريب.. لذا تفاديت هذا الألم في محطة القطار... كانت أسهل الصعاب الإتيان بهم إلى دار جدتهم في الرباط ومن ثم تأخذني «بت شيخي» الى محطة القطار في الطريق إلى الخرطوم.. محمد كعادته مارس كل الحيل الممكنة ليغنم أكبر هدية عند عودتي: بابا جيب لي معاك «PSP» وعدته بها وأصبحت في حكم الفرض... ودعتهم وحتى لا تخونني الدمعات كعادتها... لم ألتفت إلى الوراء وإن كانت دموع ريم تتراءى أمامي كما اليقين.. إمتطيت سيارتي وبقربي «بت شيخي»... تحدثنا عن تفاصيل البيت كعادتنا.. شرحت لها كل ما يشغل بالي عليهم.. وذكرتها بتليفونات أخواني.. وكعادتها: ياخي انت ليه لمن تكون مسافر بتكون متشائم كدة.. اتوكل علي الله وامشي شوف اهلك ونحن ما بتجينا عوجة يا بت الناس الدنيا دي ما مضمونة.. احتياطا خلي كل التليفونات معاك.. وصلنا المحطة.. انزلت حقيبتي.. توادعنا وكان الله حاضرا بيننا(لا إله الا الله .... محمدا رسول الله)..
حان الزفاف وانا حالى كيفن بوصفو يا ريت هواك لى ما انقسم ولا قلبى ريدك نزفو ان شاء الله ما يحصل فراق لى قلوب بعد يتولفو
متعنا يا زول , خلينا نبكى , ان شاء الله نحن نموت زاتو
Post: #4179 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 10:42 AM Parent: #4178
Quote:
Quote:
من مدرار و حتى ست الدار
ترتيبك تصاعدى ؟؟؟؟؟؟!!
Post: #4180 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 11:04 AM Parent: #4179
Quote:
Quote:
رأيت قوماً من أمتي على منابر من نور ، يمرون على الصراط كالبرق الخاطف نورهم تشخص منه الأبصار لاهم بالأنبياء ولا هم بالصديقين ولا هم بالشهداء ، إنهم قوم تقضى على إيدهم حوائج الناس
وقدر ما يخلعك محمد عيد يجيك الريس ويقول ليك , الأمر ممكن وبسيط اخلص النية , وخالط الناس بالخلق الحسن دينك معاملتك , ومعاملتك هى دينك ولو عاوز تمشى على حد السيف , ورجلينك حبة دم ما تنزف ولو عاوز تمشى على الحبل الرفيع , وتقول لى صحراء اليمين ولى صحراء الشمال انا مالى بيكم فكن من اهل السيرة الحسنة , والسريرة النقية فيعطيك ربك سر المشى على الصراط عابرا بك الى (جنة عرضها السموات والأرض ) اليس هو من قال قل يا عبادى اللذين اسرفوا على انفسهم , لا تقنطوا من رحمة الله , ان الله يغفر الذنوب جميعا ايوة والله , جميعا , جميعا , حتى استثناء واحد ما فيها
وقفت في صف وزن العفش أمامي حقيبتي.. لم يكن هناك ركاب كثر.. هذا ما ظننت.. - سلام... لا باس.. لا باس.. رجاء وزن حقيبتي إلى الخرطوم رأسا - وخا آسيدي اعطيني البسبور ديالك.. نظرت إلى مهنتي في الجواز وإلى بطاقة إقامتي وابتسمت لا بد أنها قالت: يبدو أن هذا القروي لا يفرق بين «موظف» في جوازه و«صحافي» في بطاقة إقامته.. - صالة 21 وعطلة سعيدة - اشكر لك لطفك.. ملأت استمارة المغادرة على عجل ودلفت إلى أول مقهى في طريقي.. لا زال أمامي متسع من الوقت... اتصلت على بت شيخي لأطمئن على ريم تحديدا: بكت شوية وسكتت وهسي بتلعب في «النينتندو» ىأتيني إحساس بالأسى على هذا الجيل... بحكم طفولتي اعتقد أننا كنا نقضي أوقاتا أجمل.. ما بين «سكج بكج» و«ألبت يا لبوت» و«حرينا» و«أول حول» كانت لنا مساحات من الفرح خارج إطار المنزل.. كانت تلك الأشياء أولى خطواتنا في اختيار ما نحب.. الآن وتيرة الحياة اختلفت لذا أصبحت جل أن لم يكن كل الألعاب منزلية.. لذا يعيش أطفال اليوم في عالم افتراضي بين جدران الشقق.. اتصلت على شقيقي راشد بالإمارات لأتأكد من سفره غدا وأوصيه أن يجلب لي معه «PSP» فلن يقبل محمد أبدا حضوري من غيرها.. وكان ما أردت.. تسالمنا على أن نلتقي غدا في الخرطوم بحوله تعالى.. عادة ينتابني قلق كبير حين أكون مسافرا.. حتى ولو كان السفر داخل المغرب في عطلة رفقة أطفالي.. مسحت المطار جيئا وذهابا.. وداع هنا ودموع هناك... وفرحة هنا بقدوم الأحبة من الديار الأوربية وإشكالات هناك بسبب زيادة الوزن.. المطار فضاء رحب للفرجة للقلقون أمثالي في السفر.. حين تبقت نصف ساعة للمغادرة توجهت صوب الجوازات... نظر الضابط في جوازي مليا ثم قرأ بطاقة الإقامة وبطاقة الصحافة.. وكعادة المغاربة يخلطون خلطا كبيرا بيني وبين طلحة.. وهذا الخلط يصب في صالحي دائما... فغالبا ما انتهي من أي إجراء إداري بسرعة فائقة بحكم معرفة المغاربة بطلحة منذ السبعينيات.. - سي جبريل عطلة سعيدة وعندك ما ترجعش ويشدوك موالين البلاد.. - الله يا ودي راه المغرب صافي ولى في الدم ديالنا - الله يحفظك آسي جبريل استلمت جوازي وادخلته في شنطتي الصغيرة ودلفت إلى رجال الجمارك.. في المغرب يسمحون لك بتحويل 3000 دولار سنويا إلى جيهة تريدها.. ومع حماقات بن لادن وصحبه أصبح هناك تشددا كبيرا في هذا الأمر.. أخرجت ورقة البنك الخاصة بالتحويلات ويدي على قلبي لأنني كنت أحمل مصاريف أحد الأخوان إلى أهله هناك.. والمبلغ كان يفوق ما هو مسموح به.. وجدت أمامي ضابطة في الجمارك لها غمازات وشفاه مكتنزة وصدر ناهد يغري بالغواية وعيون عاهرة.. خامرتني أن هذه مهنة لا تصلح لأمثالها.. هذا الجمال الأخاذ والطاغي لا بد له من مُحب ويحفظ في مكان قصي من الكون.. نظرت إلى جوازي وإلى بطاقتي وباغتتني: عطلة سعيدة آسي جبريل.. مرة أخرة ينقذني طلحة من الأمر.. حمدت الله ووصلت آخر محطة لتفتيش الركاب.. وضعت شنطتي في جهاز كشف العفش.. وحين خرجت من البوابة الإلكترونية باغتني البوليس: انت تحمل دولارات.. لم أنطق بكلمة وتسمرت في مكاني.. صديقي أهله في أمس الحوجة للمصاريف التي أحملها معي وهذا يعني إما ان اتنازل عن المبلغ أو أعود أدراجي.. ومرة أخرى يأتي ضابط من خلفي: هادا راه سي جبريل ديالنا.. هادا راه الغزال ديال السودان في المغرب.. حمدت الله كثيرا وتنفست الصعداء.. وروحت ازرع صالات السوق الحر جيئة وذهابا.. حين أعلن عن قيام الرحلة المتجهة إلى القاهرة.. وجدت كما كبيرا من الركاب كانوا في صالة الترانزيت.. فلبينيين وجنوب أفريقيين وآخرون من زامبيا وهنود وكينيين.. أمم متحدة مصغرة.. توكلنا على الله ودخلنا إلى الطائرة.. ذلك التابوت الطائر.. ....
Post: #4184 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 11:27 AM Parent: #4183
Quote: يا جلا ياخي البت دي لابسة ليها خيطين وخالفة رجلها كمان لو دخلنا في التفاصيل دي بنتوه
خيطين ؟؟!!!!!!!!!!!!!!!!!!! طيب ما تروحنا معاك ياخ منو القال ليك انحنا ما عاوزين نطش !!!!
Post: #4185 Title: Re: ناس الزقازيق ... أجدع ناس (4) .. Author: منصور عبد الرازق Date: 01-02-2012, 11:40 AM Parent: #4184
Quote:
والمبلغ كان يفوق ما هو مسموح به.. وجدت أمامي ضابطة في الجمارك لها غمازات وشفاه مكتنزة وصدر ناهد يغري بالغواية وعيون عاهرة..
طيب دى ما لواء اركان حرب عديييييل وعلى كده , رتبتها دى , معلقاها وين يعنى ؟؟!!
Quote: طيب دى ما لواء اركان حرب عديييييل وعلى كده , رتبتها دى , معلقاها وين يعنى ؟؟!!
غايتو كان رفدوني انت السبب
Post: #4187 Title: Re: ناس الزقازيق ... أجدع ناس (4) .. Author: جلال عثمان Date: 01-02-2012, 11:45 AM Parent: #4184
Quote: وجدت أمامي ضابطة في الجمارك لها غمازات وشفاه مكتنزة وصدر ناهد يغري بالغواية وعيون عاهرة.. خامرتني أن هذه مهنة لا تصلح لأمثالها.. هذا الجمال الأخاذ والطاغي لا بد له من مُحب ويحفظ في مكان قصي من الكون.. نظرت إلى جوازي وإلى بطاقتي وباغتتني: عطلة سعيدة آسي جبريل.
اقترح ان يتعاقد جهاز شئؤن العاملين بالخارج مع مجموعة من امثالها وشوفو البسافر تاني
(3) بسملت ثم دلفت إلى داخل الطائرة (الخطوط المصرية).. يأتيني إحساس قوي أن المضيفات يُجبرن على تلك الإبتسامة الصفراء التي يبدينها حين تطأ قدماك داخل الطائرة.. بل يُرغمن على بهرجة وجوههن بجميع ألوان الطيف.. كأنما هذا الراكب جاء إلى ماخور للعهر واللذة.. ومن واجبات الضيافة أن يجعلونه يحس بأنه أبو زيد الهلالي.. خطواتي الأولى داخل الطائرة غالبا ما تكون متوترة إلى أبعد الحدود.. من ضمن أسباب قلقي أثناء السفر... هذا التابوت الطائر.. حتى أنني على قناعة تامة أن أسوأ اختراع للبشرية هو هذه الطائرة.. ولا أنسى الهاتف المحمول.. بحثت عن مقعدي بين القوم.. وجدت أنني فوق الجناح مباشرة.. وهذا في حد ذاته زاد الأمر سوءا.. وضعت شنطتي فوق الرف الذي فوقي وأخرجت «عشت لأروي» ووضعته أمامي.. وبدأت عيناي تتفحص القوم.. حيث كانت الطائرة عبارة عن أمم متحدة مصغرة... الأفارقة في العادة لا يكترثون لمحيطهم.. يتحدثون ويقهقهون ويتلون صلواتهم بصوت مرتفع.. أمامي مباشرة كينيان يحسبان أنهما يلقطان وهما يكادان يتصارعان بألسنتهما وقهقهاتهما السمجة.. لذا خامرتني فكرة أن حيواتهم كلها في الجهر لذا هم غير قادرين على العيش في سلام.. وغير قادرين على «قضاء حوائجهم بالكتمان».. أنزل الكابتن تلفزيونات الطائرة كـ«سبائط التمر قبل الحصاد».. وبدأ دعاء السفر «سبحان الذي سخر لنا هذا وما كنا له مقرنين».. في هذه اللحظة بالذات أحس أن منتصف بطني يكاد يفارق جسدي.. ويبدأ جسمي في التعرق.. وحين تبدأ إجراءات السلامة.. لو أن أحدا قذف بي خارج الطائرة لما اكترثت للأمر.. وعندما تتحرك الطائرة ببطء نحو مدرج الإقلاع يأتيني شريط حياتي من مهدها حتى لحظة دخولي هذا «القبر الجوي»... وهذا يحيلني إلى أن العمر كله لا يعدو أن يكون لحظة.. وها أنا ذا أشاهد تلك اللحظة في دقائق معدودة.. تجدني أحرك ركبتي وقدمي بشكل متوتر.. ودون وعي مني أمسك في الكرسي الذي أمامي ثم أتركه دون سبب واضح.. القرآن في هذه الحالات يكون بلسما وجرعة مهدئة لأبعد الحدود.. حين تتوسط الطائرة مدرج الإقلاع كسفينة في ممر مائي.. حينها فقط استسلم وأيقن نفسي أن لا مفر.. يأتيني صوتها وهي تمخر عباب المدرج من عالم آخر.. ثم اتجه إلى الشباك مودعا الأرض.. الأرض التي لعبت ولهوت وأحببت وكذبت وصدقت وتسكعت وناجيت وتألمت وسهرت وفرحت وحزنت على سطحها.. الحكمة البسيطة حينها: أنا لله ما أعطى ولله ما أخذ.. نخلة نبتت وترعرعت ثم أثمرت وكبرت ولم تعد قادرة على العطاء.. هذا هو ملخص الحياة بكل عنفوانها وصخبها.. تتسمر عيناي على علامة ربط الأحزمة.. حتى تستقيم الطائرة في هذا الفراغ اللا منتهي.. وحين تنطفئ تلك العلامة.. أحس أنني بعثت من جديد.. حينها فقط أستطيع التعرف على جاري عن قرب.. وخلق تواصل مع محيط الطائرة.. فتحت «عشت لأروي» وفي ذاكرتي «مائة عام من العزلة» و«الحب في زمن الكوليرا» و«الجنرال في متاهاته».. ماركيز له مقدرة عالية جدا على إلتقاط التفاصيل الدقيقة التي لا نكترث لها.. ربما هذا واحد من عظمة كتاباته.. له ملكة غريبة في تخزين التفاصيل وتفاصيل التفاصيل.. قلت في نفسي: لا شئ سينجيني من هذه الخمس ساعات وسط السحاب وأزيز محركات الطائرة سوى ماركيز.. .............
و يواصل جبريلا حكيه الجميل بسلاسته المعهودة و تشويقه اللا محدود... و باللون الأحمر و كأنه يستهدف أشخاص بعينهم رغم وعيد (السلفي) محمد عيد... أظن ان الحرمان حتى الكريسماس القادم محمدك يا جبريلا... ليتك تكتب لنا كل يوم... و ليت كل الناس بجمال محمد عيد...
Quote: طيب دى ما لواء اركان حرب عديييييل وعلى كده , رتبتها دى , معلقاها وين يعنى ؟؟
غايتو الواحد لما يتجاوز التلاتين ببقى عجيب خلاص... رتبتها بتكون عاملاها زمام ياخي...ده لو كانت ملازم أول... لكن لو كانت عميد دي ما بعرفهامعلقاها وين... خلي جلا يجي يفتي لينا في الموضوع ده... عشان جلا الخبير اللوجستي بتاعنا...
Post: #4195 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-03-2012, 07:32 AM Parent: #4194
ركوب الطائرة شئ عادي لمعظم الناس الماعادي الكلام دا
Quote: كأنما هذا الراكب جاء إلى ماخور للعهر واللذة..
و في نفس الوقت تشبيه الطائرة بالتابوت الطائر إنتو حسيتو الكلام دا و لا أنا عندي وجع راس!!!! قول الطائرة دي ماشة في الصراط المستقيم و طالما معاك الأمم المتحدة دي و هم حسب إعتقادنا حطب نار فكان عليك بيسين ...ماركيز دا حقو كان تنساهو شكراً جبريل على هذا الإبداع لكن سؤال مالك و تخصص الدواب و الدواجن يا هذا؟؟؟؟؟
Quote: وجدت أمامي ضابطة في الجمارك لها غمازات وشفاه مكتنزة وصدر ناهد يغري بالغواية وعيون عاهرة.. خامرتني أن هذه مهنة لا تصلح لأمثالها.. هذا الجمال الأخاذ والطاغي لا بد له من مُحب ويحفظ في مكان قصي من الكون
أثني كلامك يا دو جبريل لكن البمسكنا من الناس ديل شنو!!!
Quote: اقترح ان يتعاقد جهاز شئؤن العاملين بالخارج مع مجموعة من امثالهاوشوفو البسافر تاني
أما الذين كافؤها باللواء أركان حرب و ختو ليها دبابير صحي الدبابير ختيتوها وين ؟؟؟؟ زي دي يا رش مفروض تكون لواء أركان حرب في الأمن يعني اللبس ملكي قال دبابير ختينا بتاعت الخيطين جينا كمان للدبابير
Post: #4198 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-03-2012, 08:26 AM Parent: #4196
يا جلا انت ما ملاحظ ناس لكوظ ديل كلهم ( بصباصين )
زول ختوهو ليهو اجمل المضيفات ما عاجبو لقى جوة الطيارة الجماعة ( الشبهو ) برضو ما عاجبو ...
الحاجة الكويسة اللى فيهو ما بعرف اللف و الدوران فى الاجازات وخصوصا" بعد ما ادى كل تلفونات اخوانو فى السودان لبت شيخو ...
Quote: أظن ان الحرمان حتى الكريسماس القادم محمدك يا جبريلا
يا رشا ياخي ما بنقدر علي حرمان ود عيد دة ياخي دة كرمه فياض بهناك
Quote: لكن سؤال مالك و تخصص الدواب و الدواجن يا هذا؟؟؟؟؟
يا جلا ياخي دي ما المنقة ذاتها
Quote: يا جلا انت ما ملاحظ ناس لكوظ ديل كلهم ( بصباصين )
يعني ناس منشية اباظة معدنها نضارات معتمة
Quote: الحاجة الكويسة اللى فيهو ما بعرف اللف و الدوران فى الاجازات وخصوصا" بعد ما ادى كل تلفونات اخوانو فى السودان لبت شيخو ...
دة كلامك اصلهم البياطرة ديل هديين ورضيين
Post: #4200 Title: Re: ناس الزقازيق ... أجدع ناس (4) .. Author: منصور عبد الرازق Date: 01-03-2012, 10:34 AM Parent: #4199
هذا البيطرى الأصلع حاشيته , مفرطة فى الرقة يخاف من الطيارة , ويعمل حساب حتى لى السنكرز بتاعت محمد والشيبس بتاع ريم ولكنه يحتار اين يضع رتبة اللواء اركان حرب ذات الصدر الناهض , والغمازات الناطة , والشفاة المفرطة فى دعوة المجون والعهر ولد ده !!!! وما تتخيلو ابدا ان قدراتى الأملائية ضعيفة وانا اتعمد استبدال دال الصدر الناهد , وتحويلها الى ضاد الثورة والقومة ليك يا بلد ايوا والله شااااطر فى الأملاء لكنى بليد لمن غلط , فى حاجات تانية حاميانى بعض الصدور ينهض بك , ويقوم بيك قومة العدو تماما كما تفعل مريسة تام زين , بالمتعاطى البطنو خاوية ولا البطنو ملانة ما عارف المهم انها , اى مريسة تام زين , قيل انها تقدر على تلك القومة , فى حالة بيولوجية معينة مرتبطة بالمعدة ولكن صاحبنا البطرى , المالينا جداد وود ابرك وام قيردون الحاجة وضح انه , خفيف ووزن ريشة كمان الصدور النواهض , تدور بيهو جنس دويرة لامن ما يعرف يخت رتبتها وين ومنتصف بطنه , كمان تنزل بيهو من الطيارة , وهى ما تزال لسه فى واطات الله دى وبدل ما يستعين بالحرجل وحبة البركة وسفوفة حلبة ولا كمان مديدة الراجل شايل معاهو عشت لأروى , غاريا ماركيز , طيب كنت تشيل معاك زمن الكوليرا , طالما الشغلة عندها علاقة بامراض الباطن يا صاحبى , فالكوليرا وزمانها , تتناسب طردا مع قصمة النص التحتانى بتاعك هسى امانة الله عليك يا اب صلعة , مشيت الحمام فى طيارتك ورحلتك دى كم مرة حالتك دى , حالة (طه قرشية ) , لا بقدر عليها لا ما ركيز , ولا الطيب صالح زاتو انت تكتب وتتدفق لينا هنا ده , وانحنا اولاد بلد نقعد (نحلل ) على كيفنا ابقى راجل اقيف لينا فى النص , زى وقفة بص الحلة الجديدة الزماااان !!!!
* اديتا تلفونات اخوانك كوولللللهم طيب ما ضربت لى لى شنو ؟؟؟ عم جبريل كيف عليك الله
Post: #4201 Title: Re: ناس الزقازيق ... أجدع ناس (4) .. Author: جلال عثمان Date: 01-03-2012, 10:53 AM Parent: #4200
Quote: وانا اتعمد استبدال دال الصدر الناهد , وتحويلها الى ضاد الثورة والقومة ليك يا بلد
خط ثوري يفتقد طلة المناضل "ابوالزوز" واستغرب كثيرا غيبته عن هنا
غايتو يا جبريلا كان حرمتنا من الابداع دا تكون بالغتا عليك الله عاين جلا ومنصور دا "منبرشين كيف" والرشيد وعبدالدائم يحرشوا
سلام يا ناس الزقازيق وكل عام وانتم بخير وسنة حلوة ليكم كلكم قضيت راس سنة ظريف في الهند ...وهو المكان الوحيد الما لقيت فيهو زول او زولة من الزقازيق
وبمناسبة زولة او زول من الزقازيق مجرد ما الاقي زول او زولة من الزقازيق ويكون الزمن قد عمل عمايلوا في شكله او شكلها طوالي بشغل الذاكرة بتاعتي وبقول الزول دا كان مشهور بشنو ؟ او كان بتاع شنو؟ عشان اتذكروا فزول او زولة الزقازيق اما يكون او تكون بتاع اكاديميات او كورة او سياسة او موسيقى او بتاع جكيس وفي ناس طبعا بتاعين اكتر من حاجة مثلا صاحبي كمال الشادي كان بتاع مزيكة وتحت تحت بتاع سياسة وطبعا جكيس وجمال فارح بتاع سياسة وجكيس واحيانا بتاع كورة لانو كان مشجع كبير في مباريات المدرسة العسكرية لكن ما لوش خالص في الاكاديميات والمزيكة
أجمل اطلالة في العام 2012 هي اطلالة صلاح الأمين بعد غيبة طويلة... مرحبا يا صلاح...
Quote: علل..... اصدقائي الرشيد بابكر ومنصور ومحمد عيد وميسرة وعبدالديم النضيف جدا كانوا بتاعين ايه؟
لكن النكيت لزومو شنو... نحن قلنا بعد ده ممكن الواحد بالراحه يترشح للبرلمان في أول حكومة ديمقراطية... تجي انت ترجع الماضي.. خلاص الماضي ولى زمان.. و جفت مقلتي الباكية.. و نامت من سنين أحزان...
يعلم الله اني بحب ... البقلبوها ... وكمان البساعدو في قلبها ...
=================== وجه جديد ... تحياتي لصلاح الأمين ... وردا على تساؤله ... وبحكم سكني مع النضيف ... فكان بتاع ... حلة ... وكرتونة ... ومناديل ورق ... وريحة ....... وعندو عيون ... يلاحظو ... الدم في عروق الكرعين ... وبحسبو شعر رموش العين .....
و الله يا صلاح الأمين مشتاااااقون و كدا زول يروس في الهند معناهو زول متجلدن يعني زول جلدا يعني ناشف دا كلام الرشيد ما كلامي أنا يعني شوية كدا و تبقى زول نباتي يعني بعد دا غير السلطات ما بتشوف الحاجات التانية يعني الرحلات بتاعت الخرفان و اللحم دي بتكون راحت ليك غريبة ما قلت صاحبك جمال فارح بتاع شعر و أدب بالنسبة لسؤالك عبد الدائم جاوبك ليهو نجيلة الباقين ديل هم كانو في الزقازيق!!!!!! و سنة كم!!!!!
والله يا جامعة متابع بدقة يمكن اكتر زول متابع ... بس الكتابة عايزة روقة ... كتابات طارق جبريل دي ما ممكن اجي اعلق عليها بكلمتين وامشي عايزع قعدة ... عودة منصور وصلاح الامين محتاج لمداخلة بحجم الحدث ... كتابات الرشيد ما ممكن تمر عليها مرور الكرام ... يعني بس الواحد يفضي شوية ويجي يرشكم لمن تآمنوا ... دائماً بكون حريص علي التداخل في البوست لمن يكون مستوي الكتابة فيهو بطئ ... وقت ما شاء الله عليكم مافي داعي الواحد يجيكم يلخبط عليكم الجمال ده ....
اها يا رشدي الماكنة دي كيف قسمت ولا لا
Post: #4214 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-04-2012, 06:41 AM Parent: #4211
يا صلاح الأمين يا شبكشي والله ليك وحشه وحضورك بعد راس السنة الهندية بصراحة مميز نتمنى أن لا تكون طله وكلما وجدت فرصة اظهر لينا
سؤوال الحلقة بتاعتك والإجابة عنها عن نفسي أنا كنت بتاع كورة وبشجع فريق آداب
Quote: يعلم الله اني بحب ... البقلبوها ... وكمان البساعدو في قلبها ...
يعني هسع إنت بتحب البشير وكمان الترابي الساعدو على الإنقلاب كده برضو يا عسل تطلع شيوعي وكنا قايلنك حزب أمه!!!
Post: #4213 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-04-2012, 06:35 AM Parent: #4210
اهلا" شبكش وسنة سعيدة عليك
لكين يا نجيلة ما طلعتنى ســحار عديل
ما تتحدانى عشان ما تطلع خسران احدى حفلات رأس السنة فى قصر فرساي
Quote: يعني هسع إنت بتحب البشير وكمان الترابي الساعدو على الإنقلاب كده برضو يا عسل تطلع شيوعي وكنا قايلنك حزب أمه!!!
ريسنا الكبير أوي .... طبعا أنا قاصد الصفحة ... حكومة البشير دي ... خلينا امرها ... لأولاد أولادنا ... لو استمرت المعارضة بالصورة دي ...
ذكرتني زماااااااان تم ترشيحي لاسرة تجارة ... وقام ولدنا موسي عيسي ... عند تقديم الطعون ... قال ليهم الزوول ده ... من حزب المستقلين ... والدليل ... بمشي مع هناء عتباني ومحمد الهادي ... طبعا محمد الهادي كان الدفعة الوارنا في سنار ... وبذكرو من الزمن داك ... كل يوم بعمل مشكلة في محطة القطار جنب بيتنا ... لانو كل مرة بركب القطر في العربة الخطأ كان يوجد عربتين واحده للأولاد وواحده للبنات .. صح يا جلة ... قصدي يا جلال ياسكر ....
================== غايتو دليل ود جبرين وود جادين قوي شديد ... ودامغ ......
ال بتاع كورة ... ال ...
Post: #4219 Title: Re: ناس الزقازيق ... أجدع ناس (4) .. Author: محمد عيد Date: 01-04-2012, 09:58 AM Parent: #4218
معذرة اخوتى وأحبتى ... لا اود قطع استرسال الصفحة الجميل وشروق شمس عديد من الاوجه الحبيبة ...
ولكن بحكم عامل التوقيت .. اعتدت كل عام ان اتوقف بينكم فى ذكرى رحيل والدى .. فلكم العتبى حتى ترضوا
Post: #4220 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-04-2012, 10:01 AM Parent: #4219
انا لله وانا اليه راجعون آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #4223 Title: Re: ناس الزقازيق ... أجدع ناس (4) .. Author: جلال عثمان Date: 01-04-2012, 10:13 AM Parent: #4220
رحم الله والدكم اخي محمد وجعل الجنة مثواه ونسأل الله ان يجعل البركة فيكم
نخص بالدعاء لوالد ولدنا محمدعيد ... وكل ابهاتنا ......
Post: #4226 Title: Re: ناس الزقازيق ... أجدع ناس (4) .. Author: منصور عبد الرازق Date: 01-04-2012, 10:54 AM Parent: #4224
الف رحمة ونور تغشى قبر والدنا العزيز عيد ميرغنى عبد العزيز وتعيش وتتذكر , يا باكستانى
اما عن ظهور الود شبكشى والكتاحة القامت وراه فهذا طبيعى وعااااادى بالزبادى فانتظروا الكتاحة , انى ظهر الود صلاح الأمين
اما صورة ود جادين مع طارق جبريل فهى كما قالوا , ظاهرة وموغلة فى السفور وما عاوزة ليها تلت التلاتة كم لكن صورة قصر فرساى , دى العاوزة نفتح ليها محضر والدليل , آللللولللو
طارق جبريل والود بركة , ضربوا الباسطة والجاتوهات , اكيد قبل ما يعملوا عمايلهم دى دى فهمناها طيب ناس نجيلة والنضيف بى شراباتهم البيضاء دى وتربيزتهم الخاوية على عروشها بعد داك , يكونوا لقوا طبلتهم وكراتينهم ديك وين ؟؟؟ لمن يكون فى حلقة ناقصة فتش عن السبب وقد افادنى المفتش كونان بان الجماعة بعد قصر فرساى , ولا قبله ما عارف غشوا لورد عديييييل والطبلة دسوها فى شراب النضيف المنفوخ ده
عن أبي هريرة رضي الله عنه أن الرسول صلى الله عليه و سلم قال: ( إذا مات ابن آدم انقطع عمله إلا من ثلاث: صدقة جارية أو علم ينتفع به أو ولد صالح يدعو له ) رواه مسلم
حبيبنا محمد عيد يشهد الله أنه يحزننا حزنك... و لكن تعجز الكلمات عن مواساتك بما يوازي حزنك... و لذلك لا نملك الا أن ندعو لوالدك بالرحمة و المغفرة...
اللهم قه عذابك يوم تبعث عبادك... اللهم أنزل نورا من نورك عليه... اللهم نور له قبره ووسع مدخله وانس وحشته...
Post: #4228 Title: Re: ناس الزقازيق ... أجدع ناس (4) .. Author: منصور عبد الرازق Date: 01-04-2012, 11:11 AM Parent: #4227
كمال الشادى ده بقى بتاع غناء , وجكس , وسياسة تحت تحت بعد ما قضى (وطره ) من الحاجة الكان متخصص فيها الزول ده , فى شقة البرالمة عااااااى كان بيقوم بى تلاتة اربعة كيلو يوسف افندى فى القعدة الواحدة للأمانة كده , وعشان اكون منصف هو كان قايله برتكان صغير فى الأول جا قال لى و والله يا منص الحلب ديل عندهم برتكان صغيرونى كده هبشتك ليهو كده يتفرتق زى التقول لافينو بى مناديل وحكمة الله , بذراية واااحدة ما فيهو !!! يجيب التلاتة اربعة كيلو , ويقعد فيهم القعدة الياها القشر زاااتو , بيولع فيهو نار يتدفأ بيها
يأخذك ماركيز بعيدا.. إلى عوالم أمريكا اللاتينية،، الحياة هناك لها صخبا مختلفا وأجواء استوائية مدهشة.. ينقل لك مجتمع تلك البقاع بصورة ثلاثية الأبعاد.. عاش ضنكا لا يُضاهى في بداياته.. لكن هذا الضنك دفعه للإبداع.. لا أدري أين يكمن السر.. الكثير من الإبداع ولد في بيئة العدم.. موسيقى الجاز في أمريكا ولدت على أنات عبيد المزارع وحزنهم على فراق أرض أجدادهم.. نجيب محفوظ نقل لنا كما هائلا من حكايات الشوارع الخلفية للقاهرة.. أغاني الطمبور الخالدة وأشعارها وروايات شيخ الطيب صالح أتتنا من قرى معدمة «عند منحنى النيل».. يخامرني إساس قوي أن الإبداع يأتي تعويضا عن الحرمان والفاقة.. أفكار تأتيني هكذا دون دليل واضح.. بدأت المضيفات في توزيع السماعات لمن يود الاسترخاء بالقرآن أو بصوت «الست» أو لمتابعة أحد الأفلام العربية.. وضعت السماعة جانبا وأغمضت عيني لبرهة.. متى ما كنت على متن طائرة يأتيني طيف أمي.. لها الرحمة والمغفرة.. حين أنظر إلى طفلتي ريم وهي تلعب يتراءى لي طيف أمي في ملامحها.. كانت إمرأة صبورة جدا جدا.. كانت تقول أن رهانها وسط «عائلة ممتدة» أن يتعلم أبناءها.. كانت مستعدة لحفر الصخر من أجل هذا الهدف وانتزاعه من براثن الفقر.. بمقاييسي أنا نجحت إلى حد كبير في الرهان ولله الحمد.. تذكرت سجالاتنا وأنا آخر أطفالها «الحتالة».. عند دخولي مرحلة الثانوي.. وجدتني وحيدا معها.. بقية أخواني غادروا إلى المهاجر وأخواتي تزوجن.. كنت سعيدا أنني أصبحت محور اهتمامها.. حين إضطرتني الظروف للدراسة في مصر.. كان فراقنا صعبا ومؤلما معا.. كانت تأتيني لحظات في الهزيع الأخير من الليل اتذكرها لأجد دمعة طفرت مني.. لكنني أعود واتذكر كلماتها: ذاكر كويس وانجح ان بقيت داير رضاي.. وان احتجت لي شي اكتبلي جواب.. اتذكر انني في سنتي الأولى استلمت 189 خطابا.. اتذكرها الآن وانا في طريقي إلى الخرطوم.. كانت دائما تنتظر حضوري من المطار في الدرابزين.. حين احضنها احس بطمأنينة غريبة.. كانت رائحتها خليطا من النيل والنخيل والأرض التي سقيت لتوها... مرات عديدة وأنا معها أجدني أتأمل شلوخها.. كانوا يكنونها بـ«عشة الشايقية» في الامتداد... حين اتذكر تلك اللقاءات يعتريني الكثير من الألم.. لذا أول ما أفعله حين تطأ قدماي الخرطوم أذهب لزيارتها والترحم على قبرها ومن ثم أذهب إلى بيتنا في الامتداد.. كانت أمتع لحظات حياتي حين أجلس في «بنبر» معها في المطبخ.. تنحنح الرجل الذي يجلس بجواري بصورة قطعت علي تأملاتي تلك.. اعتذر الرجل بلباقة.. وكانت هذه بداية لـ«ونسة» بين طيات السحاب.. عرفت أنه من زامبيا جاء لمؤتمر عن الاستعمال المدني للطاقة النووية.. المشاكل ذاتها تتكرر في أفريقيا.. كأننا ننقل تجاربنا المريرة بالحرف.. دكتاتور يأتي بخطاب رنان عن إنقاذ البلاد وحين يتمكن رائحة فساده والمحيطون به تذكم الأنوف.. كان هو الآخر حزينا لما يحدث في بلاده.. قطعت علينا إحدى المضيفات حديثنا بوجبة الغداء: فراخ ولا لحمة - أنا صائم اليوم عرفة - يا فاتن سجلي عندك هنا برضو راكب صائم - شكرا - لم يحين وقت الفطار حا اجيبلك الفطار يا فندم - شكرا اضطررت أن اشرح لذلك الزامبي أننا نصوم يوم عرفة ايمانا واحتسابا.. قادنا النقاش إلى بن لادن والقاعدة... وجدت نفسي مضطرا للدفاع عن الإسلام رغما عني ولعنت القاعدة ألف مرة... هناك تنميط غريب في العالم عن الإسلام.. وآلة الإعلام المضادة تبذل جهدا كبيرا لتشويه صورة هذا الدين.. والمتطرفون منا يساعدون كثيرا في ذلك.. - اقتربنا من مطار القاهرة ارجو الرجوع الى أماكنكم وربط الأحزمة تلك كانت كلمات كابتن الطائرة.. وهذا كان إيذانا أن أعود إلى حالة الهوس تلك.. نزلت الطائرة بسلام في مطار القاهرة.. ونزلت أنا أتصبب عرقا كالعادة وأحمل هما جديدا بالصعود إلى طائرة أخرى تقودني إلى الخرطوم.. .....
Quote: اضطررت أن اشرح لذلك الزامبي أننا نصوم يوم عرفة ايمانا واحتسابا..
الزامبي ده لو كان راكب معاك في القطر من الرباط للمطار... كان قال ليك يومك ده راح شمار في مرقة... حسه اللواء أركان حرب دي وصفتها الوصف ده كلو و انت صايم... ها يا يابا يوم عرفة ده راح عطش و جوع ساكت.. كان تخلي فاتن تجيب ليك الأكل ساكت...
Quote: الزامبي ده لو كان راكب معاك في القطر من الرباط للمطار... كان قال ليك يومك ده راح شمار في مرقة... حسه اللواء أركان حرب دي وصفتها الوصف ده كلو و انت صايم... ها يا يابا يوم عرفة ده راح عطش و جوع ساكت.. كان تخلي فاتن تجيب ليك الأكل ساكت...
يا رشا ياخي في المغرب دي أينما وليتم وجوهكم ثمة اللحم الأبيض الكلام على النية ياخي
يا رش الكلام الكباهو في بتاعت الجمارك و الدبابير اللصقا منص و ين ما عارف دي مش تبطل صيام دي فيها إقامة حد عديييييل كدا ربما مجالستو للزامبي دا تشفع ليهو بس الغربية زولك ما قال حاجة عن فاتن و لا ننتظر تجيب ليهو الإفطار و بعد داك يكب السليقة بتاعتو دي!!!
شهر يناير من العام 1985 التقينا في الزقازيق في هذا التاريخ اربعة عشر ولد وثلاثة بنات محمد الفاتح حسن عثمان من الفاشر ابو زكريا الحاج النور جبرالله من سنار حلة الشمباتة عبدالله محمود ابكر من سنار الفاتح احمد محمد الطيب من مدني حاتم صديق حاج البشير من الخرطوم لجريف غرب مصطفى محمد الحسن من كسلا حي السوريبة محي الدين عبدالستار من مدني فريق الدرجة اويد دينق من جنوب السودان محمود سر الختم الحوري من الثورة امدرمان الحارة السادسة المرحوم منير موسى محمد نمر من امدرمان حي الثورة الحارة الخامسة اماني سيد احمد من امدرمان الثورة الحارة الثامنة يوسف محمد نور الجليل من مدني فريق الثورة دينق اكول من جنوب السودان احمد عوض الكريم من كتم حنان علي محمد من الحلفايا الخرطوم بحري سوزان فتحي محمد من الاسماعيلية جمهورية مصر العربية وشخصي الضعيف المبارك محمد عبدالله من امدرمان العباسية شرق . التقينا في الزقازيق دون سابق معرفة وبدون مصالح وبدون فؤائد وبدون موعد تالفنا وتعارفنا وامتزجنا كما يمتزج النيلين الابيض والازرق .فهذا اللقاء كان مسطر في الازل فالتقينا وتعارفنا وتصادقنا وتحبابنا واصبحنا شخص واحد رقم عن اختلاف الامزجة والمذاهب والافكار لكن جمعتنا حاجتين هما السودان العظيم وكلية العلوم جامعة الزقازيق اليهم جميعا اينما كانو ا وعبركم وعبر هذا البوست الذي جمعنا اهديهم احلى التحايا فهم سادتي سندي ويقيني واجمل ذكرياتي بمناسبة مرور كم سنة وعشرين من بداية التعارف وحتى اللحظة الود ليهم لم يتغير فلهم مني السلام تذكرتهم اللحظة بواحدة من تداعيات الفاتح احمد محمد الطيب .
الصفحة الجديدة و العام الجديد و شبكشي و فضايح ديدو طلعت مبارك جادين... عودا حميدا يا بركة... يعني دفعتكم دي يا بركة عاملة زي فريق المهدية... الناس ديل أغلبهم من الثورة مع شوية تطعيمات... قلت لي كم سنة و عشرين... انت لو عايز تموه الحكاية قول ما يزيد قليلا عن العقدين... لكن كم سنة دي ما عملت أي حاجة... العشرين قاااعدة واضحة زي عين الشمس....
انتو يا جماعة وين كمال الشادي... جانا يوم واحد و شبكنا ليك أرجو الراجيكم... لا جانا و لا شفنا الراجينا شنو... زول يأترو لينا في الفيس و يشوفو لينا جاي و لا ما جاي.... عشان ما نقعد كل يوم منتظرين ساكت...
قعدت أحسب في أصابعيني .. من واحد 95 لي واحد 96 و أقوم أرفع أصبع لحدي ما كملت العشرة أصابع ... بديت أنزلهم بعد داك لحدي ما نزلت سبعة أصابع... قلت أصلو ما ممكن ... يبدو انني أخطأت في العد.... جبت لي ورقة و قلم و بقيت أحسب من واحد 95 لي واحد 96 و أعمل شخيط... بعد انتهيت حسبت لقيت نفس الرقم الطلع لي مع الأصابع... برضو قلت امكن أكون عملت لي شخيط كدع بالغلط... جبت الآلة الحاسبة 2012 نطرح منها 1995 النتيجة واحدة.... سبعتاشر سنة مرت ... معقولة دي... سبعتاشر سنة أنا و ست بيتي نتشارك الحياة حلوها و مرها.... تشاركنا ربع الرغيفة و نصف الرغيفة و كل الرغيفة... و اقتسمنا النبقة مرات كثيرة فعرفنا قيمة النبقة... احتملتني و احتملتها..و ما بين احتمالي و احتمالها احتمالات.. و أحلام... بعضها قد تحقق بفضل الله علينا و منها من ينتظر... و ما بدلنا تبديلا... ذلك العهد الذي تواثقنا عليه منذ أول يوم التقنا فيه... و لن نبدله ما حيينا ان شاء الله...
كل 5 يناير و كلكم بخير
Post: #4237 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-05-2012, 07:09 AM Parent: #4236
كل سنة وانت طيب يا رشدى وانشاء الله العمر كلو انتا و حوفى ...
يا جادين انت قايل نفسك فى العباسية ماشى تسكسك فى لكوظ وعبرك ارسل التحايا لدفعتكم ناس علوم تلك الكوكبة المميزة حنان على هى اول طالب اتعرف عليهو فى مكتب القبول بالخرطوم وجينا الزقازيق سوا وعن طريقها كانت معرفتى ببقية الاخوان
يا جبريلا طووول عمرى بسافر وما بخاف من الطيران لكن ولا مرة واحدة حفظت لي اسم مضيفة ... فاتن .... قال دى فاتت اكتبى يا خديجة عديييل ....
يا شكبش منصور كان مسمينو بشير عباس ... ليه ؟؟؟ عشان بوزع مناشير ولا موسيقى ؟؟؟
عيد سعيد ... كل الاماني الطيبة لك يالرشيد ونجاة ... نتمني لكم مشوار عمر طويل سهل بصحبة اولادكم واحفادكم ...
Post: #4239 Title: Re: ناس الزقازيق ... أجدع ناس (4) .. Author: أحمد إسماعيل Date: 01-05-2012, 09:22 AM Parent: #4236
سلام لللأخ صلاح الأمين وبركة وجميع الزقازيقاب عام 2012 يكون عام خير وبركة وأمل وتفاؤل وتوفيق للجميع الأخ محمد عيد نسأل الله الغفار والرحمن الرحيم لوالدكم واسع الرحمة وعظيم المغفرة وجنات الخلد سبق أن تكلم معنا الرشيد وسلّم علينا عندما كنا في بيت الزعيم منصور ، تحضير لإحدى لمات زقازيقاب الرياض ويومها كان مباراة الهلال وماذنبي ، فما ركّزت في الصوت ، لكن اليوم أفرحني بمكالمة ماشاء الله تبارك الله صوت شبابي عندما كنت مموة إفتكرته شخصية عمرها ثلاثون فقط ، مازي ما صوّر لنا بعض الإخوة هداهم الله وإيانا. ربنا يديم بينك وأفراد عائلتك السعادة والتوفيق وكمان سبعتاشرين أخرى الأولى تشوف مهند وأمنية كبار في ماتتمناهـ وجميع أمنياتك تحققت والسبعة عشر الثانية تأكل منون ساكت ، وإستعدادك للسراط 100%
يا ود عيد تعيش وتفتكر اللهم ارحمه واجعل مثواه الجنة
يا الرشيد بعد ما فتنا الاربعين ذكر بعد العشرين اصبح عادي يعني ما فرقت كتير لكن نقول ليك عيد زواج مبارك ليك وللست الناظرة ودمتم ولكن هي برضو قبل كم سنة بعد العشرون يعني لازم تحكوها
يا ود اسماعيل امانة صاحبك النضيف ما عملها فينا مغربلة جابنا ليك عاملين قطر مع جبريلا
اواصل احبتي وابدا بواحد من اصدقاء احمد اسماعيل محمد الفاتح حسن عثمان وده مواصلة للحديث عن دفعتي او فريق المهدية كما قال الرشيد
شهر يناير من العام 1985 (1) محمد الفاتح حسن عثمان قصير القامة حلو المعشر طلق المحيا لايعرف الزعل الي قلبه درب الهواية قراءة المجلات السياسية والنقاش في السياسة وتشجيع فريق علوم السكن مع ناس علوم من سنة اولى وحتى التخريج .اقتربت كثيرا من محمد واصبحنا اصدقاء من الوهلة الاولى كان اقرب الناس اليه المرحوم منير موسى ويوسف نور الجليل مع مواهبه المتعددة الاان اهمها الطهي .فيوم محمد في الميز بيكون يوم مشهود حيث يتفنن في الطهي بطريقة اقرب من طهي الامهات العزيزات .لم تنقطع اخباره عني وحتى عندما ساقتني الظروف الي الفاشر ابو زكريا سجينا حرصت على زيارة دكان عمنا حسن عثمان في دكانه بسوق الفاشر اللحظة لاادري اين هو محمد الفاتح لكن اينما كان له مني المنى والتحايا الطيبات والدعوات الصالحات .
Post: #4245 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-06-2012, 10:47 AM Parent: #4244
سلامات للنضيف عبد الدائم ..... ريحانة ناس الزقازيق .... يعاني منذ فترة طويلة من آلام الرقبة التي جعلت العمل أمر مؤلم وقاسي .. رغم ذلك لا زال يتواصل معنا .... له التحايا والأمنيات بأن يؤتي العلاج أكله بعد أن جرب كل التخصصات الطبية والبلدية .... وكذلك لنري أصحاب التجارب من أعضاء القروب والأطباء بماذا ينصحون النضيف .... الأمر تعدي الأشهر حتي الآن وصديقنا النضيف يعاني ..... قبل كل هذا وذاك نرفع الأكف تضرعاً ودعاءً أن يمن علي النضيف بالصحة والعافية .......
يا ريس يمين بالله مشتاقين .... لينا زمن ما سمعنا صوتك ولا عرفنا أخبارك ... تحياتي لاصدقائي طرفكم
شهر يناير من العام 1985 (2) مصطفى محمد الحسن جاءنا برلوم بسنونه اول البداية كان كاشي شوية من الناس مع انو سكن مع ناس محمد الفاتح ويوسف نور الجليل وعبدالله محمودواحمد عوض الكريم في شقة فوق صيدلية السنان شارع الشهيد لكن كان دائما مقيم مع الزعيم ابراهيم سليمان الاب الروحي لناس كسلا بالزقازيق والذي كان يسكن في شقة بمكان ما بعد شارع المحافظة لا اذكر مكان شقته اللحظة .هذا رجل تود تكون دائما بصحبته فحقيبته مليئة بالحكايات والنوادر ,حريف في الكورة وكان معانا من عشاق الشعر والروايات ويكتب القصة القصيرة لا ازال احتفظ بواحد من خطاباته التي كتبها لي من السودان عبارة عن تحفة ادبية راقية في فن المراسلات طلبت من الصديق الزناتي ضمه لاجدع ناس لكن تاخر انضمامه .اكثر الناس التصاقا به الكوتش محمد صديق وحاتم صديق .في السنوات الاخيرة اقام بلكوظ بصورة رغم انه دافع قروش الايجار والميز مع ناس علوم بشقة المنشية .التقيته اخر مرة بمطار الخرطوم وهو في طريقه الي كينيا يعمل الان مع منظمة لاجئين في كسلا . التحية ليهو ولزوجته اخت زهرة كسلا زراعة واتمنى ان يظفر بباس ويرد مع الدفعة الجاية يا زناتي واهديه البيت التالي من قصيدة طويلة نشرت بمجلة العربي : وانه لتعروني لذكراك رعشة كما انتفض عصفور بلله القطر
لابد لي أن ازجي التهانئ لصديقي نجاة حوفي والرشيد بابكر بعيدهما السابع عشر .... لو كنا عارفين من بدري كنا عملنا لجنة للإحتفال .... مع الأمنيات لكما بحياة أكثر سعادة وجمال ... وربنا يديم عليكم نعمه ويزيدكم من كل أنواع الخيرات ....
مساكم الله بالخير شكرا ديدو... نسأل الله أن يشفيك و يعافيك... يا عيني يا عيني يا كافرة يا نصرانية...
شكرا يا ياسر نجيلة... و شكرا يا حبيب على البطاقة الجميلة...
تسلم يا أبو عمر يا أبو الشباب و الكلك شباب... ياخي الصوت طرقناه ليك مخصوص عشان ما تصدق كلام المرجفين فيي المدينة... سعدت جدا بالتحدث اليك والله...
تشكرات يا جبريلا... يديك العافية ويسكنك الصافية...بس تكون صافية زمان...
يا حمادة تعجز الكلمات عن شكرك يا حبيب.... شكرا يا محمد عيد يا حبيب... نسأل الله أن يجعل كل أيامك أفراحا...
شكرا يا بركة و تحية من الست الناظرة.... الأربعين دي فتها براك يا بركة... نحن مشينا بي شارع الأربعين ممكن... نحن آخر حاجة فتناها و بعترف بيها كانت العشرين....
شكرا يا أبو الزوز... قطعت فيك في سري... قلت أبو الزوز ده مالو معانا... لكن لما مشيت بي هناك عرفت السبب... عشان ما تقعد تفكر كتير.. عارفك جيت بي هنا بي نمرة خمسة عمل البيست و مشيت... بدون ما تشوف أي حاجة هنا.... حتى مداخلتك نسيت تعدلها عشان تتناسب و المكان... نسيت تشيل منها كلمة قروب...
يا رش ياخي في داعي للإحراجات دي ... اصلاً ما بتفوتوا حاجة ... الغريبة تهنئتكم دي مفروض تكون بهنالك بس شايف البوست اتحذف بفعل فاعل ... ولم اجري التحقيقات حتي الآن عشان أعرف من هو الفاعل ... اكيد في زول واحد غيره مافيش ... في كل الأحوال مشتاقين ... وتحياتي مرة أخري واليبعدنا منكم الشديد القوي د
Post: #4252 Title: Re: ناس الزقازيق ... أجدع ناس (4) .. Author: كمال الشادي Date: 01-07-2012, 08:38 AM Parent: #4202
صباح الخيرات والبركات على كل الناس الحلوة وبداية اسبوع جميلة للناس الاسبوعم بدأ اليوم
مسؤولين من الخير مين الناس البيأجزو يوم السبت ؟؟؟ النصاري والله اليهود ؟؟؟
اللهم يا من فلقت البحر لٍ موسى وانطقت في المهد عيسى اسألك باسمك
العظيم وسلطانك القديم و أسالك اللهم بقدرتك التي حفظت بها يونس في
بطن الحوت ورحمتك التي شفيت بها ايوب بعد الإبتلاء أن لاتبق لي هما و
لاحزنا ولاضيقا ولاسقما إلا فرجته وإن أصبحت بحزن ...فأمسيني بفرح ,,
و إن نمت على ضيق فأيقظني على فرج وإن كنت بحاجه فلا تكلني إلى سواك
وأن تحفظني لمن يحبني وتحفظ لي أحبتي ناس الزقازيق جميعا و اسرهم و
عيالهم اجمعين و ان تبارك للرشيد و بنت حوفي الايام السعيدة مع بعضهما
و ان تسعدهما في مقبل الايام .
اللهم اشفي دودي شفاءا لا يغادر سقما و اكتب له في خطوة سلامة وعافية
و ارحم اللهم والدنا عيد و ادخله اطيب جناتك مع الصديقين والشهداء
و ابدله دارا خير من داره في الدنيا واهلها خيرا من اهله .
و اجمعنا بالطيبين اهل الزقازيق وربي اني لكم مشتاق مشتاق و ما حرمنا
منكم الا الشديد القوى .
Post: #4257 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-07-2012, 10:29 AM Parent: #4256
مالو تحميد السلامة حقكم مسيخ كده
زول ضرب لي تلفون مافى !
اقول ليكم حاجة اصلا" رقبتى بتوجعنى ما بقدر امسك السماعة زاتو ....
Post: #4258 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 01-07-2012, 11:36 AM Parent: #4257
حباينا ناس الحوش
سلام جاكم ما عداكم... يغشاكم في كل بكان ..زول زول ..زقزوق زقزوق...يطوف دياركم...
العزيز محمدعيد...الف رحمة علي الوالد ...وال انجب امثالك ما مات...ربنا يتقبله في الصالحين...( وابن صالح يدعو له )...وكلنا ذلك الابن في الدعاء...
صلاح الامين...والله الذي لا اله الا هو بالامس القريب انت علي بالي .... كان امامي في المسجد رجل شبه ليك شديد... وسبحان الله لعله القرين بتاعك...وسبحان الله القرين في المسجد وانت ماعارف وين!!!!
يا اخي والله الشوق مطر وبالله ما تطول الغيبات...
تحليل الشخصية من الواقع جميل وطابق بدرجة كبيرة....والاجمل الاثبات بتاع ود جبريل ومبارك جادين ... علي قول كشاح ...حت شديد...
يا كوتش مرحب بيك طبعا اللوحة القادمة محتاجة ان يكون اب داؤاد ملعلع ويغني انة المجروح فمن اريد الكتابة عنهما جرحا قلبي بحبهما ولا ازال احمل لهما كل الحب والتقدير لذلك جعلت لوحتهما ثنائية
شهر يناير من العام 1985 (3) عبدالله محمود و حاتم صديق حاج البشير
هذان شخصان طوقا قلبي بمحبتهما لذلك فكل من ذكر انه من الجريف او العيكورة سالته هل تعرف حاتم صديق واذا قال انه من سنار حلة البير سالته عن عبدالله محمود بمعرفتي لعبدالله عرفت اخوته حافظ وابنا عمه عمر وحافظ فوجدت نفس البساطة وحب الناس والكرم والذوق السليم .في شقة السنان زارنا حافظ ابن عم عبدالله محمود بعد ان خلص الجامعة واصبح مغتربا بالامارات واصر ان يصنع الطعام بنفسه وقد كان يعني كانت حلة مغتربين لاازال اجد طعمها في فمي رغم طول السنوات .وفيها ايضا زارنا عمر ابن عم عبدالله والذي درس بطنطا وكانت زيارة. يعني لقيت نسخة اخرى من عبدالله محمود لذلك كنت فيما بعد كلما زرت طنطا زرت عمر .وعن حاتم اقول انني عرفته واسرته فردا فردا ووجدت معاملة جيدة من اخيه الذي كان آمرا لسجن كوبر اثناء فترة سجني بكوبروهكذا اينما توجهت كانا هذين الشخصين فلقد كانت معايشة لصيقة يومية، لم نتحاسب يوم من الذي دفع الايجار للسنان او غيره من الذين اجرنا منهم شقق لكن كان النظام ان الذي معاه قروش يصرف حتى تاتي قروش وتحاويل الاخرين وكان ميزنا لا ينقد وظللنا نمارس نوع من اللؤم على محمد صديق ومصطفى محمد الحسن بالادعاء بانه لا يوجد سكر او شاي لعمل شاي بعد ان يقول مصطفى انه يشتم ريحة غاز (يعني اعملوا لينا شاي ) وعندما نجيب الاجابة بان الميز قادي يخرجا قرطاسين واحد سكر وواحد شاي . التقيت عبدالله محمود بعدطول غياب عام 2008 بالخرطوم ووجدته نفس الملامح والشبه ونفس الزول الهادي الرايق واخبرني انه استقدم منظمة المانية للمساعدة في رفع مستوى الحلة بتاعتهم فهذا هو صديقي الذي اعرفه يعمل للاخرين وينسى نفسه .وصديقي حاتم اخر عهدي به مهندس بمصلحة الجيولوجيا ارجو من عنده تلفونه ان يمدني به وان يرفع ديدو من الارشيف صورتهما فهذه ستكون خدمة خاصة لي. ان كنت اريد الاضافة فهي انني وودت ان يكون محمد صديق معانا في علوم لكن اختار التربية والتي هي جارة العلوم لكن هذا لم يمنعه من ان يكون معانا فله التحية فانا اعلمه مدى حبه لهذين العزيزان يا سحب اي سحب اذا مررتي ببلاد بها هذين العبدالله والحاتم فاقريهما مني السلام وقولي لهما ان صديقكما مبارك جادين في مكان ما قرب النيل العظيم بمدينة جوبا لا يزال حبه لكما مقيم ويرجو ان يمد الله في ايامكما ليستمتع الذين حولكما بوجودكما الساحر .
Quote: يا سحب اي سحب اذا مررتي ببلاد بها هذين العبدالله والحاتم فاقريهما مني السلام وقولي لهما ان صديقكما مبارك جادين في مكان ما قرب النيل العظيم بمدينة جوبا لا يزال حبه لكما مقيم ويرجو ان يمد الله في ايامكما ليستمتع الذين حولكما بوجودكما الساحر .
الريس المرابط دوما لك التحية علي التفاني والنضال من
اجل هذا البوست سعدت دوما يار ب
الكوتش لك التحايا من علي البعد بس صحبك جلا طلع بتاع
حكي ساي عموما منتظرين ما زلنا وامل الحسم اليوم !!!
الولد بركة البركة لك الشوق و التحايا و انت لسع في
ربي الحبشة ولا رجعت لارض الوطن الغالي جوبا فلك التحايا
وللعيال ونسال الله ان يحفظك و يحفظ لك و لنا الدفعة الراقية
اجمعين و نترحم علي روح الشاب الحريف الراحل منير نسال
الله ان يسكنه فسيح جناته مع الصديقين والشهداء و ان يرحم
جميع موتانا من الزملاء الزقازيقين رحمة واسعة .
العزيز ميسرة تلك الدفعة ال 84 بحق هي مميزة ولا ينقص ذلك
تميز الاخرين من قبلهم او بعدهم من الدفع و لكن كان لحجم تلك
الدفعة الاثر في تغيير كثير من الحراك الزقازيقي سواءا الخلطي
او السياسي او الرياضي او الاجتماعي فحقيقة وصول تلك الدفعة
للزقازيق اولا كان بمثابة رصاصة الرحمة علي الاتجاه الاسلامي
في الاتحاد و ظهور تشجيع كرة القدم بصورة واضحة ومشاركة من
الجنسين لحضور مباريات الفرق و كان تشجيعا قويا و ما حلمي
المشجع الذي كسر رجله في التشجيع الا دليل علي قوة تلك الفترة
من حياة الزقازيقين و انتشار ظاهرة الخلط الجماعي والفردي
المقنن مثال علي ذلك ...........؟ وقيام جمعيات ادبية و ظهور
فنانين جدد اثروا الساحة الطلابية بعبق اصواتهم احمد عجوز مثال !!
فمن حقنا ان نفرد مساحات لتلك الهامة من الشباب فمرحا بكم سردا
لجمال تلك الايام الجميلة ..
وين صحبي يا جماعة شوف لو ما ظهرت ان دا طرفي ؟؟؟؟
Post: #4264 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-08-2012, 06:11 AM Parent: #4263
صباح الخير ،،، يا وجوه الخير
دعاء اليوم :
ربي أشرح لي صدري
ويسر لي أمري
آميييييييين
Post: #4265 Title: Re: ناس الزقازيق ... أجدع ناس (4) .. Author: كمال الشادي Date: 01-08-2012, 06:34 AM Parent: #4263
صاح الخيرات والبركات لكل الناس وخصوصا للناس البدأ اسبوعها اليوم الاحد
يا أخي والله انا من اكتر الناس استمتاعا بحكاوي طارق جبريل وحكاوي صلاح الامين عن ايام في الزقازيق الواحد مش بيكون ناسيها لكن ما بيكون متصور انو في ذاكرة انسان تسعفو يتذكرها يجيك صلاح الامين ينكتها لك التحية والحب
لكن طلعت زول ساكت يا صلاح الامين والله
Quote: مثلا صاحبي كمال الشادي كان بتاع مزيكة وتحت تحت بتاع سياسة وطبعا جكيس
سياسة شنو يا زول انت ما عندك راس دي شغلانة مشاكل ووجع راس شوف ناس زهير المارقين للربا والتلاف ديل
اقول ليك حاجة ياصلاح بين كل الانتخابات بتاع كليتنا وبتاعة الاتحاد الحضرتها في الزقازيق انا عمري ما أديت صوتي لاي تنظيم سياسي في الزقازيق
Post: #4267 Title: Re: ناس الزقازيق ... أجدع ناس (4) .. Author: أحمد إسماعيل Date: 01-08-2012, 08:58 AM Parent: #4266
يا سلام يا بركة ربنا يباركها معاك ويبصرك كمان وكمان ذكرتنا محمد الفاتح الشخص الجميل وطريف أنا كنت بسميه عادل إمام ، آخر عهدي بيه من ديك ( العمرة والزوغة) حتى مارجع كمّل السنة الأخيرة ليه في علوم ياود جادين طال ما أنت في جوبا ياخي ماتتعرف على نسيبنا موسى مهدي إسحق الذي يعمل بالتجارة بين جوبا ويوغندة هذا موبايله 0912340576 وأنا إن شاء الله بكلمه اليوم (معرفة الرجال كنز)
Post: #4268 Title: Re: ناس الزقازيق ... أجدع ناس (4) .. Author: محمد صديق Date: 01-08-2012, 09:27 AM Parent: #4267
سلامات يا ناس
Quote: نذيب الليل همساً !!!!!!
تحياتى يا ريس ...
تعرف انا قاعد اتعاطف مع الليل ....لانو هو الشايل
الحاجات كلها ....تعبان مع المحبين ..وفى مقدمتهم الصوفية
اما ناس الحقيبة فهم اكتر ناس عذّبو الليل وكذلك عذبهم الليل
وعشان نحن نواصل فى الموضوع ده احسن تحدد انت من ياتو نوع ....
ولحدى تحدد نقول ليك :
يا ليل أَبْقَالِى شاهد....
Post: #4270 Title: Re: ناس الزقازيق ... أجدع ناس (4) .. Author: محمد صديق Date: 01-08-2012, 09:39 AM Parent: #4268
سلامات يا ناس
Quote: عبدالله محمود و حاتم صديق حاج البشير
سلام يا بركة ...
عبدالله محمود الرجل الخلوق...دائم الابتسامة والضحكة المشاع ...وفقه الله
وبحسب نيته ....وهو الآن أكاديمى يُشار إليه بالبنان.له التحايا اينما كان.
حاتم صديق ....كما هو منذ ان كان بالزقازيق....مازال يمارس ذلك الإختفاء
العظيم والحياء الأعظم ....علمت مؤخراً أنه نفض غبار العزوبية ودخل (السجن)
نزلت إلى مطار القاهرة ولفتني سحب من الذكريات.. كم مرة دخلت وخرجت من هذا المطار أيام الدراسة.. كنت يافعا حينها وكانت أحلامي لا تتعدى الوصول إلى الزقازيق ورؤية أصدقائي هناك.. رياح الثورة اجتاحت مصر حتى في طريقة تعامل ضُباطها.. سألني أحدهم بأدب جم لم أعهده عن وجهتي.. أخبرته أنني قادم من المغرب وفي طريقي إلى الخرطوم.. وصف لي صالة استخراج تذكرة الخرطوم مرحبا: أهلا يا ابن النيل... اخذت تذكرتي ودخلت إلى دهاليز مطار القاهرة التي تغير كثيرا.. تسكعت كالعادة في جنبات المطار محاولا قتل الوقت ما أمكنني ذلك.. فأمامي ساعتين لركوب الطائرة.. كالعادة كنت أعرف السودانيين في المطار من سحناتهم.. كنا في ذلك الزمان نحيي بعضنا بعضا.. لكن بدأنا نفقد هذه الصفة.. تألمت كثيرا عندما رأيت شيخا يسنده شاب وبعض أجهزة الأوكسجين موضوعة على أنفه.. ساعدته في الجلوس على أحد كراسي المقاهي المنتشرة كالفطر في المطار.. شكرني الرجل: الله يرضى عليك يا ولدي.. قفزت إلى ذهني صورة والدي الذي اتوق لرؤيته بعد سويعات.. يا ترى كيف هو الآن؟؟ هل لا زال مرابطا في «الدرابزين» كعادته؟؟ هل تسعفه الصحة الآن أم بدأت تخزله؟؟ أسئلة كثيرة ملأى بالحنين كانت تطوف بي وأنا على بعد سويعات من أهلي وعشيرتي ومراتع الصبا.. يظل الإنسان يضرب في الأرض باحثا عن القفز فوق سلالم الحياة لكن الحنين دائما ما يشده إلى حيث صرخ صرخته الأولى.. تظل ذكريات تلك المرحلة زادا لأيام قاسية في غربة يعلم الله متى ستنتهي.. هالني أن كمية مقدرة من العرسان الجدد في طريقهم إلى الخرطوم.. فرائحة «الخومرة» والدلكة لاتخطئها الأنوف.. مصر كانت على الدوام ملاذا لأول أيام الانعتاق من العزوبية... هناك يحاول العريس اثبات فحولته وتحاول العروس الأعلان عن أنوثتها.. إنه موسم الدلكة والغنج والدلال إذن.. وها هم يعودون حيث ستبدأ الحياة في مشاغباتهم.. تذكرت عم حسن وابتسمت: يا طارق يا ولدي انا كنت شغال في فندق بجوا فيهو العرسان الليل كله تسمع: بتكتلني يا محمد.. وعمري ما شفتة لي جثة عروس طالعة من الفندق.. الصباح تلقاهن يضاحكن.. عم حسن... ذلك رجل يعشق العِهر والمجون... كلما احس انني اود الترويح عن نفسي كنت اذهب اليه وأعود باكيا من الضحك.. هذه المرة سأحاول تدوين قصصه الكثيرة عن الخرطوم ومواخيرها في ذلك الزمان.. أُعلن قيام الرحلة إلى الخرطوم في صالة F5.. حينها فقط انفرجت أساريري.. أخيرا سأحتضن أحبتي وأهلي هناك.. عادتي نفسها لم أتركها.. تظل الطائرة مكمن خوفي الأزلي.. ما أن تختفي علامة ربط الأحزمة حتى أعود إلى هدوئي.. جلس بالقرب مني زوجان جديدان.. راحا يناغيان بعضهما... لا بد أن «شهر العسل كان قصيرا».. مالت ووضعت رأسها على كتفه ويدها ممسكة بيده في حجره.. وراح هو يهمس لها في أذنها.. جاءتني لحظة ظننت فيها أنهما سيتعريان أمام الجميع ويتركان للجسد خوض معركته.. تبسمت وسرحت بعيدا وأغمضت عيني علني أنام قليلا فمنذ البارحة لم أذق طعما للنوم... لم استيقظ إلا على هزات الطائرة وهي في طريقها للنزول في مطار الخرطوم.. فرحة معانقة أهلي أنستني متاعب الهبوط.. تحسست بطني.. وجدتها في مكانها.. لكن عادة التعرق لم تبارحني.. سرقت نظرة خاطفة للعروسين.. لا زال الحال كما هو.. هي تغمض وتفتح في عينهيا وهو لا زال صامدا في الهمس على أذنها.. فليسعدهما الله.. الزواج أخطر قرار في حياة المرء... هكذا أظن.. نزلت الطائرة بسلام في مطار الخرطوم.. الساعات الأولى من الصباح.. حين خرجت من جسم الطائرة إلى السلم.. لفحني نسيم الخرطوم.. لعمري هذه الرائحة أعشقها.. ملأت رأتي بالهواء.. ووقفت برهة أنظر إلى سماء الخرطوم... ما أجمل تلك الأيام.. يا إلهي.. تذكرت أترابي .. يا ترى طارق لا زال كما هو يضحك.. وأسامة أين طوحت به الأيام.. وعوض وقدورة وشكور وعبد الوهاب.. فجأة قفز إلى ذهني أحمد.. لم ألتقيه منذ أكثر من عقدين من الزمان.. أحب زميلة له في الكلية وجن جنونه بها وحين فاتح أهله في الأمر رحبوا بالفكرة.. لكن أحد أبناء عمومته اكتشف أن أم الفتاة كانت لعوبا في مرحلة ما فأخبر والده الذي حلف يمينا أن لا يتم الزواج... منذ ذلك اليوم غادر الخرطوم ولم يعد أحدا يسمع عنه شئ.. يرسل لهم مصاريفهم دون أن يكتب حرفا واحدا.. إنه وزر الآباء الذي يجعل أحيانا حياة الأبناء جحيما.. ثمة ألم عظيم في قلب أحمد لم نستطع جميعا أن ننسيه الأمر... أتمنى حقيقة أن اسمع عنه شيئا هذه المرة.. خرجت من المطار مسرعا بعد مروري بالجوازات والجمارك.. تلقفني شقيقي لطفي.. تعانقنا كثيرا.. ثم ركبنا سيارته.. ودون أن أقول له شيئا توجه صوب المقابر.. ....
Quote: جلس بالقرب مني زوجان جديدان.. راحا يناغيان بعضهما... لا بد أن «شهر العسل كان قصيرا».. مالت ووضعت رأسها على كتفه ويدها ممسكة بيده في حجره.. وراح هو يهمس لها في أذنها.. جاءتني لحظة ظننت فيها أنهما سيتعريان أمام الجميع ويتركان للجسد خوض معركته.. تبسمت وسرحت بعيدا وأغمضت عيني علني أنام قليلا فمنذ البارحة لم أذق طعما للنوم...
Quote: كان عندي رغبة ارسل ليك ثلاثية احمد ابراهيم الفقيه لكن عدلت عن الفكرة غير الصائبة
والله عوجة :
قبل اسبوعين مصطفى كان حائم معاى وخاتى جنبى كيس كبير ابيض
لما رجع كسلا رسل لى ال الكيس ده كان فيهو روايات لواسينى الاعرج...غتاتة وكده
يعنى انتو قاصدين شنو؟
Post: #4282 Title: Re: ناس الزقازيق ... أجدع ناس (4) .. Author: أحمد إسماعيل Date: 01-08-2012, 03:40 PM Parent: #4281
سلامات ياالنضيف وبعد الشر عنك سائلين المولى عز وجل الشافي الكافي أن يشفيك ويكف عنك آلآم الرقبة سبق أن عانى منها الأخ مدثر ابا يزيد والحمد لله تعافى منها، لذا إتصل بقريبك دة يديك وصفة العلاج
حكاية اليوسفي دي دقست فيها ما عرفتكم قاصدين بيها شنو
لو شرحتوها لر بوريكم نشاطات الشادي السرية
ولا كمان هو يشتري سكاتي باغنية كاربة بصوتو الجميل
انتو الشادي دا حصل ليه شنو اي نعم صوته كان جميل وبيطربتا لكن او مرة احس بالشبه بين صوته وصوت مصطفى سيد احمد وفي كل اساس عجيب بينقلك لعوالم ما انزل الله بها من سلطان.
نجاة والرشيد كل سنة وانتوا طيبين بمناسبة يوبيلكم الذهبي ماتغالطوا انت متزوجها ليك سبعتاسر سنة وهي متزوجاك ليها سبعتاشر ادي اربعة وتلتين امنية عمرها تسعى ومهند سبعة ادي ستاشر زايد اربعة وتلتين بوبيل دهبي عيار اربعة وعشرين ووالله ما تقولوا حاجة الكسور ما بيناتنا.
طارق جبريل دا يا جماعة كان باريتوه بوديكم الكوشة خاصة انت يا مجمد صديق ما بتقدر علي سفاهتو دي.
يا احمد اسماعيل يا زميل الملاعب الخضراء طلباتك اوامر حفظت رقم قريبك وحاتصل بيهو غدا
اليوسفي يا كمال يا بتاع اليوسفي انت مالك خايف من السياسة انت البتكتبوا بهنا وهناك اقوى من السياسة زي ما قال محجوب شريف: تقرأ انت تكتب تعرف السياسة لكن انا اشك اذن انا موجود لا اليوسفي يوسفي ولا عدم السياسة سياسة وبين الشكين يمكن معرفة المسروق
اهلا بسناء الصباغ وشكرا للريس ميسرة والدفعة موسى عيسى اكتب لينا حتى يظهر جلا رقم صفر
يا كوتش بالله ارقام مصطفى والعريس حاتم ويا جماعة ادونا نقرا معاكم انشاءالله روايات عبير
Quote: تلقفني شقيقي لطفي.. تعانقنا كثيرا.. ثم ركبنا سيارته.. ودون أن أقول له شيئا توجه صوب المقابر......
ألف رحمة نور تنزل على قبر والدتك ياطارق ... ربنا يرحمها وجميع امهات الأخوان ... دي مقابر فاروق .... وطوالي بشارع محمد نجيب "الصحافة شرق سابقا" ... على الامتداد ... عدل ...
=================================================
Quote: اليوسفى اشربو عصير ولا انشف القشر والطخو فى رقبتى يا نجيلة
لا هذا ... ولا ذاك يانضيف ... اضرب لكمال الشادي واعرف منو كيفية استعمال ... اليوسفي .. ولدنا ده كان استخدامو لليوسفي صح مليون في الميه ... والدليل حتي الآن لم يصاب ... بوجع رقبة ......
Quote: امنية عمرها تسعى ومهند سبعة ادي ستاشر زايد اربعة وتلتين بوبيل دهبي عيار اربعة وعشرين ووالله ما تقولوا حاجة الكسور ما بيناتنا
سناء الصديقة ... عمرنا ما كان بيناتنا الكسور... حسبتك دايما صحيحة و لا علاقة لها البتة بحسبة برما... لكن اذا أنا أقتنعت البقنع صاحبتك شنو... فهي ما شاء الله عليها لم تظهر عليها من العلامات السبعة التي تستدعي استخدام كرم يولاي الا واحدة... و هذه العلامة بسبب الارهاق فقط و لا علاقة لها البتة بالأرقام التي اشرتي اليها... عكسي أنا..فأمنية و مهند كل يوم يكتشفوا لي علامة من العلامات السبعة... حتى أصبح عدد العلامات لا يحصى... آخر رقم وقفت عنده كان خمسة و عشرون... حينها احتفلت باليوبيل الفضي لعلامات الشيخوخة...
Quote: نزلت الطائرة بسلام في مطار الخرطوم.. الساعات الأولى من الصباح.. حين خرجت من جسم الطائرة إلى السلم.. لفحني نسيم الخرطوم.. لعمري هذه الرائحة أعشقها.. ملأت رأتي بالهواء.. ووقفت برهة أنظر إلى سماء الخرطوم...
نقل أنفك حيث شئت من الهوى... جننتنا جن مرة تزكم انوفنا رائحة الخمرة و الدلكة... و تارة ريحة الدعاش و تارة أخرى رائحة الوقود المحترق عند سلم الطائرة... يا جبريلا الرجاء مراعاة سننا ياخي... أنا يكون لنا القدرة على التنطيط معاك من رائحة الى أخرى... لقد بلغنا من الكبر عتيا...
يا سلام علي مبارك جادين... هواء جوبا العليل و خضرتها و جبل الرجاف واضحة على نفسيات بركة... لكن قرني استشعار قلبه مصوب في اتجاه الشمال... أظن جوبا مثلها مثل بركة تشتاق الى حضن الوطن الكبير... مثلما يشتاقها الوطن الكبير... من الذي يملك الحق في أن يشطر جسد واحد... ان الجسد اذا ما انشطر الى نصفين يموت كله... ليت عبارتي الأخيرة هذه لا تخرج عن كونها مجرد عبارة رومانسية...
Post: #4288 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-09-2012, 05:58 AM Parent: #4287
صباح الخير ،،، يا وجوه الخير
دعاء الصباح :
اللهم يا مُيسر كل عسير ويا جابر كل كسير ويا صاحب كل فريد ويا مُغني كل فقير ويا مُقوي كل ضعيف أن تجبر آلام ولدنا عبدالدائم وأن تخفف عنه، وتزيل أوجاعه ================================= سناء الصباغ مرحبتين حبابك اليوم السعيد الليله جابك ، خليك معانا
Post: #4289 Title: Re: ناس الزقازيق ... أجدع ناس (4) .. Author: أحمد إسماعيل Date: 01-09-2012, 06:10 AM Parent: #4287
نتمنى يا الرشيد أن يظل الوطن بالتعبير الدارفوري جعبة في سروال[/red]
يا نجيلة رحم الله الجميع الوالدة مدفونة في مقابر الصحافة وليس فاروق
يا رشا ياخي انا قاعد اخت ليكم الروائح كلها وانت عليك ان تختار ما بين الدلكة والخومرة ونسائم الخرطوم انا غايتو بختار الصندل
احمد اسماعيل والله تجيك هسي سناء الصباغ تطلعك سفيه أمثلة
Post: #4291 Title: Re: ناس الزقازيق ... أجدع ناس (4) .. Author: منصور عبد الرازق Date: 01-09-2012, 09:57 AM Parent: #4289
فسحتوا اليوسفى جنس فسحة انه يوسف افندى , ولاغير ترى هل يستحق عندنا درجة اعلى , من الأفندية دى نبقيهو بيك , ولا نوصله باشا ولا نلحقوا اخونا اليكس فيرجسون , وننعم عليهو بى لقب سير مادام سناء الصباغ جات فالأمر يحتمل , خاصة اذا ما تذكرنا (روب حفل التخريج اليوتيوبى داك ) عندها سيتحول يوسف افندى باشا , الى الدوق جو ويتلخبط علينا كمال الشادى مع مصطفى سيد احمد مع عبد العزيز العميرى طولتى الغيبة دكتورتنا سناء الصباغ , حتى شب اليوسفى على الطوق , وبقى برتكان عدييييل وتحولت تكتيكات كمال الشادى من زمن انا والأشواق فى بعدك , بقينا اكتر من حبايب لمن جابت ليها فنادق تخبز , وضل يرمى بعيد , بعد ماكان مجرد خيال مرسوم على رمل المسافة لا بيتعب , لا بيغشاهو الحريق مريم الأخرى , وكمال التانى , واليوسفى البيتفرتق , بى مجرد ما تدوس ليهو على طرف مقابر فاروق , وهمسات عرسان شهر عسلهم خمستاشر يوم , ويوبيل ماسى لى مجموع اعمار تراكمى , للعنب والتين الأتنين الليلة وين ؟؟؟!!! سناء الصباغ دى , ظاهر حا تخلينى اتدفق ليكم هنا جهزتوا (المجارى ) ؟؟؟
Post: #4292 Title: Re: ناس الزقازيق ... أجدع ناس (4) .. Author: منصور عبد الرازق Date: 01-09-2012, 10:30 AM Parent: #4291
ما عارف ليه شاعر بى شوية لخبطة تتقاذفنى و رؤؤس مواضيع , وتتقافز عندى تقافز النسانيس على الشجر طارق جدبريل , شريط سينما ممتد وسناء الصباغ , علامة زقازيقية فارقة , تجعل من حضورها (البخيل ) نوعا من حوادق الطعام , زى الشطة والمخلل , تحفزك لمزيد من الأكل وتحرضك على مزيد من التدفق والرشيد بابكر عندى , نوع من وجبة طعام يومية , تشبه اكلة بحر صيادية لى ناس , لا جنبهم شاطى , ولا عرفوا فى حياتهم بحر والعجب لو لقيت معاهو , شوية رز , كان ابيض ولا ان شاء اسمر جميل فتان ما بجود بمثله زمان اها , طارق جبريل , يفرد لينا فى شرايطه الممتدة بوابة دخوله جلت من انها تكون (f3) الأمبسيبول , بى درجتين فهرنهايت اف آى وير طارق جبريل , كنت انجعصت وقعدت بين العرسان الشهر عسلهم ناقص ديل ولكنه , طارق جبريل ما غيره , زول سينمائى الطبيعة , جواهو شريط زى شرايط لمبة زماااان تديهو موية , يديك طراوة , تديهو عود كبريت , يقوم بيك قومة السنين , التقول راشينو , بى خميرة جن لا ينسى بت مجذوب , ولا يقدر ينط من فوق حفرة الدخان , البتطلع منها بت ابرك , اللى هى نص ود ابرك الحلو , وكانها شاورمة محمسينها تحميس عليكم الله شوفوا سواة الجنى دا , كان قريتوها بالألف الطالعة فانا قاصدها , وكان كمان اتسخطوا زيى وزيوا , وقريتوها بالياء وكسرتوا الجيم , فانا كمان ما عندى اى مانع وفوق ده كله , نسايم الخرتوم العليلة , توديهو ليك من درب مطاره داك , لا عند مقابر الصحافة احيييييييا انا منك انتا يا ود جبريل , ما شفت قبر امى التومة بت بشرى , الراقدى جنب قبير خالتى عشة بت ابو دية ما اغريتم الأتنين سلامى وسلامك ؟؟ ما قتلهم , اتدردرنا , ساعة يوصلوا , ويقولوا ليك شفناهو , فى بلد الآمان يا يمة رسلى لى عفوك ينجينى من جور الزمان ؟؟!!!
غايتو يا منص جنس كتابتك دي ما بعرف اجاريك فيها بس بقدر اقول: علمه واسع
Post: #4294 Title: Re: ناس الزقازيق ... أجدع ناس (4) .. Author: جلال عثمان Date: 01-09-2012, 10:58 AM Parent: #4293
Quote: عليكم الله شوفوا سواة الجنى دا
امانة في ذمتك اسا الجنى منو فيكم سلامات يا شباب ... صفحتين "فيهم شي كتير" على رأي شيخنا عشري متمسحات تب ونمسك عن الاسترسال في الوصف خوفا من "كبك" سنيرنا دكتورة سنا وفقط نرسل لها اشواقنا وسلامنا
الرشيد ونجاة كل سنة وانتو طيبين واهدي لكم كتابات منصور فهو قد عبر عني تماما يا الاتنين انتو وبلا شك انتو احلى من العنب والتين.
والف سلامة يا عبدالدائم ووجع الرقبة دلالة على التقدم في السن لذلك انصحك بعدم المتاوقة والإلتفاتات السريعة ... كبرتوا على الحاجات دي ياخ .... الف سلامة ياحبيب
Post: #4295 Title: Re: ناس الزقازيق ... أجدع ناس (4) .. Author: منصور عبد الرازق Date: 01-09-2012, 11:02 AM Parent: #4292
واليوسفى ما نسيناهو تعرفى يا دكتورة سناء البنى آدم مننا و يدهش بعد مرات حتى على اسباب دهشته السابقة اها , انا داخل لى فى محنة زى دى يعنى , مندهش على اندهاش مدهش كم كانت اندهاشاتنا (ممعنة فى الصغر ) قدر شنو , كان اندهاشنا قريب وقاعدين لينا على شفا حفرة من اندهاش زى ما تقولى كده , رايحة لينا اندهاشة , وكايسين لينا سبب اليوسفى , ثمرة برتكانية الفصيلة كأى قروى جديد , كانت عوالمنا محدودة يحدها الموز من جهة , والبطيخ والشمام من جهة تانية , والبرتكان مع الدوم والنبق اليوسفى ده , كان عندنا فى سرج واحد مع الكافيار والأستاكوزى بعدين , البرتكان دائما , ما يصدمك , بى امعانه فى تعذيبك , عند محاولات التقشير كنا نتخطى تلكم المصاعب , بشقشقته ارباعا بسكينة حادة , تماما كما نشق الليمون ونعمل عليه عصرا , باسناننا والشفاه عصير برتكان من امه يعنى , وبالرضاعة فى تعبير تانى لمن قالوا لينا ان البرتكان بعد داك , خشم بيوت , مدينا ليهم لسانا فنحن نأكل حق العصير , ونعصر حق الأكل , ونحن مالنا ومالو كمان برتكان الجن ده تتذكرى الشويبس , ايوا حق اليوسفى داك , اتعاملنا معاهو بى حذر شديد فى الأول , مش احتمال يكون (حرام ) ؟؟!! نحنا جايين من عوالم , شربات الليمون , وعصير الكركدى المنقوع , وكورية الحلومر والآبرى , المن رمضان لى رمضان !!! خرج علينا اليوسفى من قمقم الشويبس , ثم تمثل لنا (ثمرا سويا ) , عند الفكهانية الفلاحة القاعدة فى تقاطع القومية مع المحافظة يخرب بيت اليوسفى ده , ما قال للبرتكان , زح كده ولا كده , يا كبير يا عوير , يا مارق (صرتك ) فى سهلة الله سااااى عامل قشرتك القوية وناشفة دى مدهش اليوسف افندى , وهو يستجيب لأول ضغطة خفيفة , من صباعك الصغير حتى كنت استمتع , باستخراج الثمرة من غطائها القشرى , وكلاهما سالمان , يعنى اليوسفاية , ممكن تدخلها فى حتتها تانى , وكمان قشرتها ممكن عاااادى , تلبسها لى يوسيفاية تانى مماثلة لها فى الشكل والحجم والله يا جماعة انا لا مجنون ولا شارب حاجة بس عارف , انو دهشتى على يوسف افندى , حا تدهشكم , لمن تتخيلونى ما طبيعى اوعك تغيبى يا دكتورة سناء , فجراب دهشتنا مليياااااان , بس محتاجين دايما لى شطة وجودك , ومخلالات مرورك المحفزة اها , بتواصلى معانا , ولا بتخلينا فى صقيعة الله دى ؟؟؟
Post: #4296 Title: Re: ناس الزقازيق ... أجدع ناس (4) .. Author: منصور عبد الرازق Date: 01-09-2012, 11:31 AM Parent: #4295
الليلة البيحلكم منى شنو ؟؟ منو القال ليكم جيبوا سناء الصباغ ؟؟؟ وجود زول زى المبارك جادين يكتب من جوبا ثم اذا بالرشيد ودبابكر وعلوية مامون , الذى تحول الى مجرد (عنب اوتين ) آخر الزمن !!!! على فكرة , قصة انو الرشيد يبقى ياتو فيهم دى , فيها نظر لكننا نؤجل ذلك النظر , الى وقت نلبس فيه (نضارة ) بس المبارك جادين , ما بنخليهو !!! فى خضم تخاطب الرشيد , مع ابنوسة جوبا الفارهة الطول جرى مدمعه , ما يشبه الشعر , فتحدث فى تدفق , عن بلد انقسمت , مما ينذر بضياع (النصين ) او هكذا قال , الود راش هسى نصين دى فيها حاجة ؟؟ كان ما براكم دايرين ليكم سبب تمنى الرشيد اننا ما نفهمه غلط , لأنو ما بيتكلم سياسة هسى الجاب سيرة السياسة منو ؟؟؟ مش الكلام كان عن اليوسفى ؟؟ ومش كمان زرنا مقابر الصحافة ؟؟؟ لا مشينا الحاج يوسف , ولا كمان سمعنا كلام ام البوشى , محمد حسن عالم اذا انا ادهشتنى اليوسيفاية , فان سكوت الناس عن مجرد معرفة مكان البوشى ده , عندى ولا مدهش ولا حاجة ولا كمان الدولار البقى بى خمسة جنيه ده , لا بندهش ليهو ولا شغال بيهو مبارك جادين , مش متواصل معانا فى سودانيزاونلاين وفيس بوك طيب , انتو دايرين وطن بالفيهو نتساوى , ونحلم نقرأ نتداوى , اكبر من كده كيف ؟؟ مى ياهو البركة ود جادين , حايم بينا من شقة لى شقة , لا خلا سنجة ولا سنار , لا نسى المساكن , ولا مرقت من خياله لكوز ما قلت ليكم , انتو ناس رايحة ليكم دهشة ساااااى
Quote: والرشيد بابكر عندى , نوع من وجبة طعام يومية , تشبه اكلة بحر صيادية لى ناس , لا جنبهم شاطى , ولا عرفوا فى حياتهم بحر والعجب لو لقيت معاهو , شوية رز , كان ابيض ولا ان شاء اسمر جميل فتان ما بجود بمثله زمان
الواحد لو كان متلقي حجج كان قال ليك يعني أنا بشبه الكابوريا يا منص.... شكرا يا منص... لولا مذاكرتي مع أمنية هذه الأيام... لاختلط علي التعبير الحقيقي و التعبير المجازي... و لسرح خيالي بعيدا و تخيلت نفسي في قمة كومة أرز.. مغطى من قمة رأسي حتى أخمص قدمي بالزبادي و المكسرات.... كخروف الكبسة....
Quote: الرشيد ونجاة كل سنة وانتو طيبين واهدي لكم كتابات منصور فهو قد عبر عني تماما يا الاتنين انتو وبلا شك انتو احلى من العنب والتين
و انت بألف خير يا جلجل... يعلم الله مشتاق ليك ياخي... مالك بقيت مجافي... و بقينا نشوفك بعد أن نجتهد كثيرا في تحري الرؤيا...
Quote: وجود زول زى المبارك جادين يكتب من جوبا ثم اذا بالرشيد ودبابكر وعلوية مامون , الذى تحول الى مجرد (عنب اوتين ) آخر الزمن !!!! على فكرة , قصة انو الرشيد يبقى ياتو فيهم دى , فيها نظر لكننا نؤجل ذلك النظر , الى وقت نلبس فيه (نضارة ) بس المبارك جادين , ما بنخليهو !!! فى خضم تخاطب الرشيد , مع ابنوسة جوبا الفارهة الطول جرى مدمعه , ما يشبه الشعر , فتحدث فى تدفق , عن بلد انقسمت , مما ينذر بضياع (النصين ) او هكذا قال , الود راش هسى نصين دى فيها حاجة ؟؟ كان ما براكم دايرين ليكم سبب تمنى الرشيد اننا ما نفهمه غلط , لأنو ما بيتكلم سياسة هسى الجاب سيرة السياسة منو ؟؟؟
في المرة الأولى نجدتني مذاكرتي مع أمنية... المرة دي ربعت يديني و وقفت أتفرج في اللوحات البيرسم فيها منصور... احترت في تصنيفها ..تجريدية سريانية عباسية موردة (مبارك جادينية).... أما دمعي يا منص فلقد (جرى دمعي بالمايق جرى دمعي).... لن يتصور أحدا أبدا مدى حزني على انشطار السودان البلد الواحد... ربما لأنني كنت يوما هناك حيث ما زال بعض اللحم ملتحم بالجسد و يأبى الانشطار... لقد زرعوا بيننا الفتنة فتوليناها بالرعاية حتى أصبحت باسقة... و جعلونا نكره بعضنا البعض فزاودنا عليهم بالانفصال... ياخي نحن كريمين بشكل... أما اذا ما سعينا الى أن نحب بعضنا البعض لنجتمع مرة أخرى أقاموا علينا (الحد).... و للحقت بنا الذراع القصيرة ثم اتبعتها الطويلة و لدمرونا تدميرا...
ده وجع ساكت ما ليهو أي علاقة بالسياسة....
Post: #4301 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-10-2012, 05:55 AM Parent: #4300
صباح الخير ،،، يا وجوه الخير
دعاء الصباح
اللهم إني إستغفرك من كل ذنب إستغفاراً يدنيني من رحمتك ويُبعدني عن سخطك،،،،،،
آمين ،،،،
=========================
ما شاء الله على منصور وعفارم عليك
إنت يا رشيد القوم المداخلتين ديل عملتهم الساعة كم
أمس بعد المذاكر حاولت أدخل الساعة 12ليلاً ولكن لم أجد
أي واحد متداخل وتركت البوست ده عهدة طارق جبرين الليله الصباح
Quote: لقت مداخلاتكم دي إلا كان كتبتها صلاة الصبح!!!!!!!
يا ريس صبحك الله بالخير...
يا ريس انت ناسي فرق الساعة البين السعودية و الامارات...
أنا بداوم سبعة و نص يعني ستة و نص عندكم...
يعني الفجر عندكم...
Post: #4303 Title: Re: ناس الزقازيق ... أجدع ناس (4) .. Author: عمر نملة Date: 01-10-2012, 08:22 AM Parent: #4302
في البدء التعازي لكل من فقد عزيز لديه، وربنا يشفي مرضانا. والتبريكات لكل صاحب جديد، وكل سنه وانتم بخير وصحه جيده . تسلموا على الترحيب بالعوده. ومتعارف من وين ابدء من سفري الي مصر المستلبه ببلطجيها لاجراءات زوجتي ولا عن رؤيتي لاسرة منصور الباسمه دائمه ولاعن السباقات التي وصلت في فيها الي سرعه 18 كم في الساعه والتي كان اخرها سباق نصف المارثون ولاعن الاتصالات بيني وبينكم التي تحمل في مضمونها النكته والمزحه والاهتمام ولا زي ماقالت العروس اللجناء لحبتوا....
Post: #4304 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-10-2012, 08:58 AM Parent: #4303
يا نملوز انت من زمن الجلد ياخ انت قديم خلاص ابدأ بتغيير صورة البروفايل وخت صورة الولد الجديد قلت لي اسمو منو يا منصور .... والباقى لحـــبتو ...
Post: #4305 Title: Re: ناس الزقازيق ... أجدع ناس (4) .. Author: منصور عبد الرازق Date: 01-10-2012, 10:47 AM Parent: #4304
Quote:
تسلموا على الترحيب بالعوده. ومتعارف من وين ابدء من سفري الي مصر المستلبه ببلطجيها لاجراءات زوجتي ولا عن رؤيتي لاسرة منصور الباسمه دائمه ولاعن السباقات التي وصلت في فيها الي سرعه 18 كم في الساعه والتي كان اخرها سباق نصف المارثون ولاعن الاتصالات بيني وبينكم التي تحمل في مضمونها النكته والمزحه والاهتمام ولا زي ماقالت العروس اللجناء لحبتوا...
اقول ليك حاجة , ابدا لى من بتاع الويفر الجنب بيتكم اللى على بحر الشمال داك وانتهى فى اى حتة , ان شاء الله فى محطة knock الأخيرة بتاعت المترو زاتو ولو نزلت فى النص وخشيت الأيرث اكسبلورر ,تكون قدمت لى خدمة كبيرة خلاث انت وين يا زول ؟؟؟؟مشتاقين
Post: #4306 Title: Re: ناس الزقازيق ... أجدع ناس (4) .. Author: محمد صديق Date: 01-10-2012, 11:18 AM Parent: #4305
سلامات يا ناس
ترحيب بى الدكتورة سناء الصباغ
والاخ نملوز....
ونفيدكم ان جلا ما زال بالدامر .
Post: #4308 Title: Re: ناس الزقازيق ... أجدع ناس (4) .. Author: عمر نملة Date: 01-10-2012, 11:45 AM Parent: #4306
ابدء بالاتصالات ... اتاني صوت بيقول: ازيك يا نم لا وبصوره اقرب للشفتنه والله لو ماالرقم من السعوديه قلت دا جلا من الدامر بسرعه فتشت شفوت السعوديه ووضعت كل الاحتمالات ماعدا الريس ميسره لانه طول عمري في الزقازيق شايفه بالبدله والناس متلمه حوله ياربي ايه السر؟ المهم كان معاه السيده الاولى وبيسالوا عن الاحوال وعن صحة شقيقي الطيب الذي وصل الان مراحل متطوره من المتابعه في الدوحه تسلم ياريس ياكبير في المقام. اما الاتصال التاني بديت ازيك يابسمه يافنان. مش معقول عمر. ايوه عمر والله ياعيد صوتك شباب. ليه انت قايلني زي العجايز منصور والرشيد؟ لا والله انا قايل منصور والرشيد شباب لكن من اليوم حااقول ليه يااووم دي طبعا ياعمو بالهولندي. اما اجمل اتصال كان مع جنابو وبدون مقدمات ياجنابو عايزنك تفكو لينا الزول دا فرد جنابو بنبره هادئه الزول دا منو؟ وقلت ايوه ارفع الضغط والله ياجنابو ا مانتو مسكتوا مسطول فرد بنبره اشبه للنهره الزول دا منو؟ لزول دا بتاع مزاج بس ماعندو اي دخل بتجاره المخدرات عليك الله فكوا لينا رد بنبره قلنا ليك الزول دا منو؟ والله انا حسيت الحكومه كلها بتسال فيني الزول دا عمر نملوز فضحك وكانه كبيت فيه مويه بارده وبضحكه سيطر على الوضع انا احب الحيكومه واحب البنقو الصافي
Post: #4307 Title: Re: ناس الزقازيق ... أجدع ناس (4) .. Author: منصور عبد الرازق Date: 01-10-2012, 11:33 AM Parent: #4305
واندهاشات البنى آدم , قد تبدا من اليوسفى ولكنها لا تنتهى عنده , هذا مؤكد فاليوسفى قد يصل الى الكيوى , والكمثرى , والخوخ كمان ولو مرت بيك على رمان , فببساطة انت قادر على اقحامه مكان القضيم , اللى اتربى معاك , وفى حضنك كمان ولكن عودة الود النملة التى هى بحجم (فيل ) واقع الأمر والحال تشغل ليك شريطك الأندهاشى , لدرجة انك ممكن تلقى نفسك محتاج لى صديق تخصصه اشرطه وسى ديهات عشان يجرى شريط الدهشة قدام عيونك , حتى انها لاتعرف تضحك ولا تبكى فتقوم طوالى تستعير وجه كاريكاتورى خاطف لونين لون الضحكة , المخلوط بى دميعات طعمها طالع من نكهة قلنا ما ممكن تسافر , انحنا حالفين بالمشاعر مش السفر ملحوق يا امة , ومش كمان انت لازم تجبر بالخواطر تقوم تضطر طوالى , اقل حاجة , تخلى سفرك , حتى لو اسبوع اقله والما بيقدر على كده , يكون عارف , انو شعار المرحلة حا يبقى انحنا بعدك , للصباح دائما نساهر تساهر للصباح , ولا ترجاه مع خيوطه الأولى , مسهدا مغبونا , حا تلقى طوالى نتائجك واضحة وقدامك دهشة اليوسفى الزماااان , اتحولت لى دهشة الآيسكريم الساخن يمين بالله آيسكريم ساخن شفتوا ناس عمر نملوز ديل شالوا الست الفكهانية الفلاحة , التى ادهشتنا مرة , ببرتكانها الصغير القايم دوبو اللى لا فيهو بذر , ولا بيستحى يقلع هدومو قدام خلايق الله ويديك عصير من (امه ) , ترضعه , وتتمتع بيهو , وتمارسك (فطامك التانى ) بى لذة خليط بين لذة البيان بالعمل , ولذة اعلى جديدة عليك , اسمها لذة العمل بالبيان اها الفلاحة دى , الكانت قاعدة ومحكرة لينا فى تقاطع القومية مع (المحافظة ) تسقينا دهشة (عمر الزهور والتسعتاشر سنة ) اتحولت فجاة , لى بنى آدم , شعره بنى فى الأمسيات , واصفر يسر الناظرين فى الصباح الباكر الضباب القداما , ما تعرفوا بدا بيها , ولا هو انتهى عندها المهم انك انت قادر على ان تشوفوا , ابتداءا من اول بحر شعرها الأصفر السلسال لغاية اطراف بحر شمال الجغرافيا , الممتد قدام محلها , اللى ليهو اول ما ليهو آخر لكنها تمارس عليك ومعك وفيك , فرص دهشة متواترة ومتنوعة مابين عصائرها المنوعة , كان كنت حران وقاعد فى نص هدومك , زيهم ولا كمان مع مثلوجاتها الشايلا من الوان الطيف , تماوجات القوس قزح ولا كمان باقتراحها ليك , نوع من الآيسكريم الحار , ايوا والله , بسكويتة ويفر طالعة بى دخانا تخت فيها شيكولااتاتك البوخها يقول يا ليل , او كمان تشكيلة مانغا صفراء , اقل صفارا من شعر البائعة البتتمختر جوة (رداها ) ولا كمان فراولات ما انزل الله بها من سلطان , او توت يحاكى الطبيعة , او فانيليا صفارها يزاول بياضها , او كمان تديك خيار انك تشيل الكل , تعب منه عبا , وتملأ به دنك , خليط الوان مع خليط اطعمة , رينبو قوس القزح اختلاط الساخن مع البارد , دهشة اخرى وصلناها , او وصلت الينا لا ادرى فكان طعمها , كطعم فينيسيا , فى فم على محمود طه المهندس , وعلى لسانه ايضا اين من عينيا هاتيك المجالى , يا عروس البحر يا حلم الخيال
* مر بى مستضحكا فى قرب ساق يمزج الراح باقداح رقاق قد الفناه على غير اتفاق فضحكنا وابتسمنا للتلاقى
الخرطوم في الساعات الأولى من الصباح هادئة وتعبة من حِراك النهار.. الشوارع يملأها التعب.. لكنها تهمهم... تحس أن بها أنينا خافت.. حين دلفنا إلى حي العمارات هاجت في دواخلي موجات من الحنين القديم.. كنت يافعا حينها.. وكان عوض مندفعا إلى أبعد الحدود... أن تُمهر حياتك بتوقيع الحُب حينها كان قمة المليودراما... الفقر والحُب ضدان.. أو هكذا كنت أظن حينها.. تذكرت الشوارع المظلمة في هذا الحي.. وكيف كانت ملجأ لسرقة تحرر الجسد.. كان عوض مغامرا من الطراز الأول.. جلس في أحد المرات على مسطبة أحد الفلل.. ووضع حبيبته على فخذه وراحا ينشدان الحياة.. تواعدا ألا يفترقا.. ظللت أرغبهما من بعيد.. التصقا ببعضهما وأصبحا كومة من المناغاة.. كان حبا عاصفا بين حيين تفصل بينهما هوة سحيقة... ما بين «العمارات» و«الإمتداد» حينها برازخ من الزمن والطبقات.. قطع علي لطفي سباحتي في الماضي الجميل.. سألني عن اطفالي وأمهم.. وكنت أعلم أنه يود أن يسأل عن ابنه الذي يدرس في المغرب.. - وضاح بخير لا تحمل همه سيعتاد على البلد ويدرس - وأولادك كيف - بخير الحمد لله... كان لديهم رغبة قوية في الحضور لكن المدارس وقفت ضد ذلك حين تخطينا الامتداد ودخلنا حي الصحافة بدأت توتراتي في الظهور.. - رحمها الله يا طارق موتها لا يُصدق أصبح حي الصحافة الذي سُميت به مقابر الصحافة، أصبح في مخيلتي جزء من الألم دخلنا المقابر على إيقاع ذلك الألم الكبير الذي ما فتئ يناوشني منذ ذلك اليوم الحزين زادت القبور عن العام الفائت بشكل ملحوظ داخل المقبرة.. رحم الله الجميع.. لم أخن عادتي.. جلست عند رأسها.. بت أبو دية سلام يغشاك... كل سنة وانت طيبي.. الحمد لله انا طيب ووليداتي طيبين... محمد دخلناهو المدرسة السنة دي والحمد ليك يا رب ماشي كويس.. يمة العيد الليلي... باقيلك بيبقى بلاك.. يمة كنت متمني نمشي لي صلاة العيد سوا زي زمان.. - استغفر يا طارق - رحم الله بت ابو دية يا لطفي.. قمت وتوضيت وصيلت الصبح وصليت ركعتين لروحها.. حضنت الشاهد: كل سنة وانت طيبي يا بت ابو دية وعيدك مبارك ذهبت إلى قبر أخي متوكل وترحمت عليه وباركت له العيد.. خطوت من وسط القبور متثاقلا... يعتصرني الألم... لله ما أعطى ولله ما أخذ.. اللهم أجعلهما من الصديقين والشهداء.. حين وصلت إلى دارنا وجدت الجميع في انتظاري.. تعانقنا وبكينا كثيرا كعادتنا منذ وفاة والدتي رحمها الله.. وجيئ بالشاي المقنن والقرقوش.. وبدأ العيد يأخذ طريقه إلى نفسي.. كنت سعيدا وسطهم كطفل في دكان للألعاب.. لغطنا وضحكنا كعادتنا منذ الصغر... حين أعلنت الشمس عن حضورها ذهبت إلى «الديوان»... ارتميت في حضن أبي وبكيت بكاءا مريرا.. الشلل خانه هذه المرة في أن يحضنني كما تعودت.. قبلت رأسه ويده.. ثم جلست ووضعت رجليه على حجري - كيف صحتك يابة إن شاء الله مافي شي قاعد يوجعك.. - الحمد لله يا ولدي.. خلاص انتهينا الله يرزقنا حسن الخاتمة - بتبقى كويس يابة ان شاء الله... وكل سنة وانت طيب بعدين بنختك في العجلة وتمشي تصلي معانا صلاة العيد في الجامع.. - باقيلك بقدر يا ولدي بعد دة - بتقدر ابوي... إن شاء الله بتقدر.. بدأ يحكي لي عن أصحابه ومن مات منهم.. كان يواسي نفسه في محنته مع المرض قادتنا الونسة إلي البلد وإلى نفيسي بت بغداد وعوالمها... ضحك حتى دمعت عيناه: الله يرحمها يا ولدي كانت مرة عجيبة.. أدخلناه الحمام وألبسناه جلبابا جديدا وتحركنا إلى الجامع نهلل ونكبر ونحمد الله طقوس إفتقدتها كثيرا في غربة ممتدة.. لكنني على كل حال سعيد بهذه اللحظات.. دفء الأهل والعشيرة لا تعادله أي متعة أخرى في الكون.. ...
اجدع ناس لكم كل الموده والاحترام الجميع ماشاء الله في الفورمه والابداع يلقي بظلاله باكورد من منصور ودبل كيك من طارق وتنطيقه من الريس وثرو باص من جلو الطاعم ودودي في السنتر والكوتش على الخط ورشيدنا ولا العبيدي وبقيه العقد الفريد
Quote: الفقر والحُب ضدان.. أو هكذا كنت أظن حينها..
هذه العبارة ذكرتني بمقولة شهيرة للشاعر الراحل الجميل أبو آمنة حامد... كان يقول ان الأغنياء يتزوجون من الفتيات الجميلات و الفقراء يتزوجون من الشينات... قال سيأتي يوم سيكون (الغنى و الجمال في حتة...و الفقر و الشنا في حتة)... أبو آمنة حامد رحمة الله هنالك شيء ما يجعلني أرتبط به... هل ذلك بسب النسيمات و الخصل التي هي في عناق و في غزل... أم لأنه وشوشنى العبير فانتشيت وساقنى الهوى فما أبيت... و لا كمان لأن... جدائل الليل على كتفيها تهدّلت حولى فما أهتديت أجمل منها ما احتوى فؤادى فالعبق الصادح مااحتويت
كلما ما كتبه أبو آمنة حامد تحس فيه جمال و رقة كسلا... و قوة و تمرد و اندفاع القاش... هو خليط بين كل هذا و ذاك... و كمان بيشبه الكوتش محمد صديق في حاجات كتيرة.... و بيختلف معاهو في رفاعة...
هوي يا أبو صلعة... مناديل الورق ديل بيصرفوها لينا علبة كل يومين... أها كان علبتي دي كملت أعمل شنو..
Quote: اما الاتصال التاني بديت ازيك يابسمه يافنان. مش معقول عمر. ايوه عمر والله ياعيد صوتك شباب. ليه انت قايلني زي العجايز منصور والرشيد؟ لا والله انا قايل منصور والرشيد شباب لكن من اليوم حااقول ليه يااووم دي طبعا ياعمو بالهولندي.
يا عمر ما تصدق محمد عيد ده... هو الأووم و ستين أووم كمان... أختف رجلك لحدي الفيس بوك و شوف صورة محمد عيد هناك... دي الصورة الحقيقية من غير بدكير و منكير و...ما عرفتها الأخيرة دي غلبتني تب.. خلي محمد عيد يجي يورينا ليها... تعرف يا عمر مرة في الاجازة مشيت زرت والدة محمد عيد الله يديها الصحة و العافية... قلت ليها يا خاله انتي محمد ده مولود بتين... لقيتها ليك ما متذكرة زاتو...لكن بعد مجهود كده قالت لي غايتو في أواخر الخمسينات كده... تاريخ الميلاد المكتوب في الشهادة ده تاريخ دخوله المدرسة...
Post: #4315 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-11-2012, 05:55 AM Parent: #4314
صباح الخير ،،، يا وجوه الخير
نجاوى صباحية:
إلهي ! أسألك تذللاً فأعطني تفضلاً ،،،،،
أأذكر حاجتي ! أم قد كفاني حياؤك إن شيمتك الحياءُ
Post: #4316 Title: Re: ناس الزقازيق ... أجدع ناس (4) .. Author: أحمد إسماعيل Date: 01-11-2012, 06:31 AM Parent: #4314
Quote: احمد اسماعيل والله تجيك هسي سناء الصباغ تطلعك سفيه أمثلة
المثل بقول الجات في مالك سامحتك وأنت يا ود جبرين الجات في حكاويك الجميلة والشيقة بعيدة من أفعالك خير وبركة تعليق سنيرتك الدكتورة سناء الصباغ فقط من طرف اللسان المهم والأهم ما احتوته الضمائر ومطلبنا الشعبي للدكتورة عدم الغياب عشان نقطع لسان منصور ونشوف أنواره الساطعة
تهربت كثيراً من قراءة طارق جبريل هذه المرة لا أدري لماذا .؟ هل لأنه يتوقف هكذا عن الكتابة ويجعلك في منتصف المتعة ... أم لسبب آخر وهو هذا الحنين الدفاق الذي يجعلك تعيش حالة من الحزن والنوستالوجيا ... أم كنت أريد أن أقرأه علي مهل في مثل هذه الكتابات لا تفيد معها قراءة المنتديات العجلي .... في كل الأحوال لم تنفع محاصرته لي هنا وهناك لأقراءه ... لأجد نفسي اليوم في مزاج صاف قررت معه أن أسوح في هذا الجمال رغماً عني حتي يعادل هذا الصباح الفرح الحزن النبيل في كتابات طارق ... إلا إنه لم يفلح فقد نزلت دموعي ثلاث مرات ... في المقطع الأخير وحده ... شكراً لك أيها الوغد ...زهير الزناتي تحدث معي طارق قبل أن يكتب ...ياخي عايز اكتب بس ما قادر ... قلت له .. اكتب يا طارق فإن الكتابة هي متعة مثل القراءة تماماُ ...تفرغ فيها كل شحنات النفس ... لم أكن أدري أن كتابته ستكون مثقلة بهذه الشحنات الحزينة ... الآن أعلم تماماً بأنه أفرغ الكثير منها ... وأصبح أكثر توازناً ... شكراً للكتابة التي تمنحنا هذا الألق الجميل ... من يقرأ الطيب صالح أو ماركيز أو بصيغة أخري من يؤمن بهذين الكاتبين فهو بلا بشك إنسان جميل ... لا يكتب طارق إلا ويأتي علي ذكر هاتين الأسطورتين ... أعتقد أن الطيب صالح ظلم (بضم الظاء) لأنه سوداني ... وتربيتنا الصوفية جبلت علي التواضع ... لولا ذلك لكن الطيب نبياً لهذا القرن مثلما هو ماركيز ....مثل هذه الكتابات لا يمكن التعامل معها بتقريرية ... اي مناقشة ما جاء فيها من مواضيع حيث يجرفها ذلك إلي اليومي والإعتيادي ... بل يجب قراءتها في إطارها الفني والإبداع الجمالي ... من أنس جميل ... ووصف بديع ... وإلتقاطها لتفاصيل صغيرة لا يراها إلا المبدعون لينقلوها لن بتلك اللغة الجميلة الآسرة ... وهذا هو الفرق ما بين الشخص العادي والكاتب المبدع ... أي أن الإبداع لا يحاكم إلا بأدوات النقد الجمالي ... وبعضاً مما جاء فيها مما يراه البعض تجاوزات جاءت في صياغها تماماُ ولم تحشر ولم تخل بالصياغ الأدبي ...
** كتبت هذه المداخلة في قروب ناس الزقازيق أولاً وتم نقلها عن (كوبي بست) وهذا ما لزم التنويه ...(قال ليك كسر ليهو الدش)
سعيد بأن يكون في دفعتي بالزقازيق أمثال طارق جبريل وعمر نملة وأكثر سعادة بأني ليس دفعة موسي عيسي وجلا وبقية عقد المشاغبين ... لذا أجد نفسي في ترحيب حار بصديقي ودفعتي عمر نملة في عودته إلي البوست والكتابة من جديد ... لأن كتاباته هي الأخري نسيج قائم بذاته ومدرسة متفردة في العبارة القصيرة الموحية ... المليئة بالحب والجمال ... أتمني صادقاً أن يواصل الكتابة دون إنقطاع وأن يكون نافذتنا لعالم نحتاج أن نعرفه عن قرب بعيون شخص منا ... آلاف التمنيات لشقيقك بكامل العافية والصحة وأن يعود إليكم أكثر صحة يا جميل ... وابقي قاعد وأحكي ....
** كتبت هذه المداخلة خصيصاً لبوست ناس الزقازيق ( حتي يطمئن قلبك) ...
يا رشا حق المناديل علي وكمان معاه شريط يا تائه الخصل
ابو الزوز يا حبيب ياخي والله اديتنا اكثر من ما نستحق تعرف انا غصت كتير جدا في اعمال ماركيز والطيب صالح كنت بحس بمتعة كبيرة في كتاباتهم.. الاتنين ديل تحديدا نقلوا صورة المجتمع بكتابة ممكن نقول عليها ثلاثية الأبعاد لهما مقدرة عجيبة في سرد التفاصيل التي قد نتوه نحن عنها.. وكتابة مثل هذه هي بلا شك رصد وتوثيق لحراك المجتمعات يعني بصيغة أخرى ممكن تكون توثيق لما يحدث في المجتمع عشان كدة قيمة كتاباتهم بتكون عالية جدا وذات قيمة بالإضافة لذلك لهما لغة أدبية رفيعة جدا جدا رحم الله شيخ الطيب صالح وأمد الله في عمر ماركيز رغم انه الطيب صالح كان يفضل أمادو على ماركيز في كتاب أمريكا اللاتينية
Post: #4322 Title: Re: ناس الزقازيق ... أجدع ناس (4) .. Author: محمد صديق Date: 01-11-2012, 09:37 AM Parent: #4319
سلامات يا ناس
جميعاً : سلام
خاص :لنملوز
Quote: سعيد بأن يكون في دفعتي بالزقازيق أمثال طارق جبريل وعمر نملة وأكثر سعادة بأني ليس دفعة موسي عيسي وجلا وبقية عقد المشاغبين
حركتك دي ########ة لكن بفوتها ليك عشان صوتك السمح دا.
برلومنا ود جبريل انا ما قصدت حاجة بس مستغربة لاني لم اتعرف على هذا الجانب فيك وكمات نسيت انو محمد صديق كان الفلات ميت بتاعك يعني بكون عارف الجوانب السرية بتاعتك والتي اصبحت علنية بعد امتهانك الكتابة. طبعا كل زول بيكون عنده سفاهة في القول كدا بيمارسها مع اصحابه المقربين لكن يا طارق بعد تجويدك لفن السرد والحكي خرجت بالسفاهة من دائرة الابتذال والبستها ثوبا فنيا قشيبا ولا اراها مقحمة في صياغ القص ( انا اليومين ديل مركبة لي مكنة ناقد)
احمد عباس اخد راحتك انا ما عندي اي كبك.
منص يا جميل واصل في التداعي وخليني احكي ليك جزء من الدهشة الاندهشناها في مصر المحروسة اول حاجة انا مابريد البرتقال كله كله لاني ما بحب الحاجات الحامضة وطبعا البرتكان في السودان كله حامض وكمان ما بنعرف اليوسفي اها انا اول ما مشيت مصر قدر ما شايفة الناس تاكل في اليوسفي دا اصلي مامشيت عليه لاني متعقدة من البرتكان والحكاية دي اخدت مني زمن طويل عشان اقتنع انو اليوسفي فاكهة جميلة. دهشتي التانية كانت من الفراولة والتي اشاهدها لاول مرة يازول عصرت ليك عليها شديد خاصة عصير الفراولة بتاع الشرقاوي. تالت دهشة كانت البيتزا واول مرة اتذوقها كانت في القاهرة عزمتني وعرفتني عليها رجاء العباسي ومن اليوم داك علقت فيها.
السلام لزهير, ميسرة, عمر نملة واخوك سلامته, محمد عيد, رشيد القوم ونجاة, عمر المهدي وجلال وسلام كمان للناس الغايبين زكفارة لشقيقة محمد المرتضى.
Quote: برلومنا ود جبريل انا ما قصدت حاجة بس مستغربة لاني لم اتعرف على هذا الجانب فيك وكمات نسيت انو محمد صديق كان الفلات ميت بتاعك يعني بكون عارف الجوانب السرية بتاعتك والتي اصبحت علنية بعد امتهانك الكتابة. طبعا كل زول بيكون عنده سفاهة في القول كدا بيمارسها مع اصحابه المقربين لكن يا طارق بعد تجويدك لفن السرد والحكي خرجت بالسفاهة من دائرة الابتذال والبستها ثوبا فنيا قشيبا ولا اراها مقحمة في صياغ القص ( انا اليومين ديل مركبة لي مكنة ناقد)
يا دكتورة كيفنك والله انا فهمتك من الأول قاصدة شنو بعدين شنو فن السرد والحكي انت باقيلي قايلاني كاتب يا سناء والله الواحد بيجي يفكها هنا مع الاحباب ديل من ضغوطات الحياة الكثيرة
الف لا باس على الاخت يا محمد المرتضى وربنا ياخد بايدها
شهر يناير من العام 1985 (4) الزعيم محمود الحوري عندما فشل التجمع من تلبية طموحات الطلاب بالزقازيق ولما كنا قد عرفنا الاتجاه الاسلامي سعينا لتكوين لستة من الطلاب اطلقنا عليها اسم المعتدليين بقيادة الزعيم محمود سر الختم الحوري هكذا تحول صديقي الحوري من افضل ثيردباك بالزقازيق الي زعيم سياسي يتحدث في الاركان ويدعو الي لستة الطلاب المعتدلين فكان بنفس الحماس الذي عهدته فيهو في المدرسة العسكريةحين يقول للمرحوم منير (زح لي خليني اكشو ليك ) فيفلت المهاجم من الكشة فيقول عبارته المشهورة (تجري احي انا ) هكذا الهب حماسنا هذا الحوري فقد كان جاهز لاي فكرة متى ما اقتنع بها اصبح زعيمها وانطلق لا يلوي على شئ سوى تحقيق الفكرة لذلك نجحنا في المعتدلين ونجحنا في فريق علوم بعد ان انفصلنا من فريق تربية وعلوم والذي لعبنا معاه مبارتين (محي الدين عبد الستار الحوري والمرحوم منير وشخصي )وبعدها قرر محمود ان نصنع فريق علوم ونستفيد من زخم دفعتنا التي ذكرتها فتحمسنا لحماس الزعيم الحوري واشركنا كل من يستطيع اللعب باشراف السكرتير الرياضي (الاخت سوسن حسن بشارة ) فلعب عبد الحميد الطاهر وعادل عمر خليفةوالمرحوم الخلوق عاطف حسن الخضر حتى الدكتور سعيد ابراهيم هارون كان حاضرا في التمارين ومشجعا في الميدان مع كوكبة اولاد وبنات علوم والان اتذكر هتافات المشجعين والمشجعات بان يطرد الحكم واحد من لعيبة الخصم الذي حاول اصابة محي الدين عبدالستار (اطردوا يا حكم اطردوا يا حكم وهي العبارة اضاف اليها الصديق مصطفى محمد الحسن كلمات حذفتها لتعرضها لمقص الرقيب ). وعندما اتفق ان احد الفنانين تخلف من حفل استقبال الطلاب الجدد ابت نفس رئيس الاسرة محمود سر الختم الا ان يشارك بفاصل غنائي نال رضاء الحاضرين وهي الحفلة التي كانت لاستقبال الطلاب الجدد اسامة خضر ومحمد ادريس موسى والشريف عباس الشريف واسامة محمد عثمان ابتر وعمار رحمة الله وخالد سحلب ومجذوب حمد حينها . واظن ان الذين شاركوا في رحلات علوم يتذكرون الكنبة الورا وكيف تؤدي اغنيات الجبجبه من حمادة دة حتى لقيته في الكبري وايضا بقيادة الزعيم محمود الحوري. اخر عهدي بصديقي ودفعتي في منزل الاخ عمار رحمة الله ونحن نحتفل معه بمنزله الجديد . هذا رجل توق جيدي بجمايله ارجو ان يسعفني الزمن فارد بعضها فحتى كتابة هذه الكلمات لم نرسل احد اقربائنا او معارفنالمحمود في مكاتب الشهادة السودانية حيث يعمل مساعدا لسكرتيرعام امتحانات السودان (وكما يقول اخونا عبدالله الزبير مصيره يكون السكرتير العام لامتحانات السودان انشاءالله ) لاستخراج شهادة اوالمشاركة في التصحيح او معرفةاي شي يتعلق بالشهادةالسودانية الا ساعده محمود يكفي انه مرسل مني او اي من ناس الزقازيق . صديقي يقف كي بوردي هنا. ومن اراد المزيد فعليه مقابلتي في الماسنجر
مبارك جادين يا سلام عليك و انت في اندياحك الجميل عن فريق المهدية (أولاد دفعتك)... اريتني لو كنت من أولاد دفعتك... كان لقيت لي زول يتكلم عني بهذا الجمال... مبارك جادين (أحي أنا)...
يا سناء و الله سعيدين جدا بحضورك المتميز هذه الأيام... يا سناء انتي كان ما لبستي الكبك... كنتي الكوتش بتاع البنات الكانو بيلبسواالكبك... و مرة مرة كده بتتذكري أيامك في الملاعب و بتلبسي الكبك... و كمان بدون شراب حسب مصادرنا...
Post: #4332 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-12-2012, 07:07 AM Parent: #4331
الف سلامة لشقيقة الاخ محمد المرتضى وتمنياتنا لها بالشفاء العاجل يا رب
يا جماعة شنو شابكين بت الصباغ كبك كبك الزولة عاملة نيو لوووك فاتت فيهو رشا الرشيد بهناك ما شايفين التـــوب وجدعتو العجيبة ....
يا بركة ود جادين يعنى محمود الحورى من دعاة الانفصال ... بس نسيت عبارة مهمة بجانب اطردو اطردو ياحكم ... ( رهييييييب يا حمدددي ) .....
ويحسب عليكم برضو السبق فى تعيين اول سكرتير رياضى الزميلة سوسن حسن بشارة .... وبكده تكونو فتــو ناس النيل الازرق وميرفت حسن ...
دى بعض الصور ولو لا الم الرقبة كنت اديتك المزيد
الحورى
تخريج علوم 87 م ويبدو السكرتير الرياضى بملابس التخرج
Quote: وهي الحفلة التي كانت لاستقبال الطلاب الجدد اسامة خضر ومحمد ادريس موسى والشريف عباس الشريف واسامة محمد عثمان ابتر وعمار رحمة الله وخالد سحلب ومجذوب حمد حينها .
انت يا ود جادين شنو التهميش دة ديل ما دفعتي غايتو لو ما كنت في جوبا كان جيت عضيتك في عنقرتك
Post: #4334 Title: Re: ناس الزقازيق ... أجدع ناس (4) .. Author: جلال عثمان Date: 01-12-2012, 10:09 AM Parent: #4333
Quote: احمد عباس اخد راحتك انا ما عندي اي كبك.
والله يا دكتورة عملتيها ظاهرة لكن ... يعني حركتك دي اسا ما جبـانـة احمد عباس دا منو والى سنار ... صحيح انا من سنار لكن ما بشبه الزول الشين دا ياخ على العموم وفي شأن الكبك خلينا نفتش ارشيف الصور ونشوف انتى ولا نجاة الكانت عاملة نيو لوك ياقول ديدو
خالص الامنيات بعاجل الشفاء وتمامه لاخت المرتضى
بركة يا بركة ... تحياتي من على البعد وبالله وصل لوم دكتورة سنا ده ل سلفاكير وختنى معاها وشكرا للسيرة العطرة للزول السمح الحوري منذ ايام الزقازيق لم التقيه الا قبل سنتين بالرياض ولقيتو ياهو زااااااااااتو الحوري
Post: #4335 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-12-2012, 10:22 AM Parent: #4334
وانا من الصباح اقول احمد عباس .... احمد عباس ده منو ... اتارى ياهو انتا يا جلال عثمان ....
فعلا" فى ( تشابك ) فى الاسم ....
ذكرتنى يوم حفلة تخريج كلية كده ( من غير ذكر اسماء ) عندهم واحدة نضضضضيفة جدا" كانت ماسكة اذاعة ربط الفقرات اها فى اول ظهور ليها جاْت تقدم الفنان .... الجمهور كورك وصفيق شديد ... قامت نست اسم الفنان ونست انها ماسكة المايك مفتوح ... قالت للوراها هيييييي الفنان اسمو منو ....
يا الرشيد ده كان يكون شرف كبير لفريق المهدية (اقصد كلية علوم ) ان تكون معانا لكن هذا لايمنع ان نقول عنك انك كنت نجم في الزقازيق وانحنا مجرد برالمة مجهولين وطبعا سعدنا بالسكن قرب شقتكم انت ومنصور ورفعت حمد زراعة كنا حينها نسكن في شقة المحلج وانت شقتكم تسمى شقة الشبان المسلمين تحتنا كانوا ناس نملوز عمه امين اولادمدني ونسيت معهم منو ؟؟؟؟
يادكتورة سناء زعلك انت وجلال (اقصد احمد عباس ) وصلنا للبنج سلفا انا في جوبا بشكل نهائي يعني ما قطاع الشمال ولا حاجة لكن نزوح فرضته ارادة الشعب الجنوبي بالانفصال لكن لايزال النيل يجمعنا تحياتي للاسرة الكريمة وما تطولي الغيبة ؟؟؟
يا جبريلا العتبة لك حتى ترضى ديل دفعتك والدليل سكنك معاهمفي البرلمة قبل الانتقال الي لكوظ وقد فاتني كتبة اسم الاخ ماهر شاهين فله اعتذاري . ولقد انتظرتك في جوبا ولا تزال الدعوة ليك مفتوحة انت واي زقازيقي
شكرا يا ديدو على الصور وذاكرتك لا تزال نضرة تتذكر (رهيب يا حمممممدي) والصورة بتاعت ناس سوسن رهيييييييييييييبة اين هؤلاء الناس الان لهم مني كل التحايا طبعا في الصف الاول من اليمين سوزان فتحي زميلتنا من الاسماعيلية وجنبها طوالي دفعتك من مكتب القبول الدكتورة حنان علي
مرحب بنملوز وجلال وراجع ليك يا منصور فقد ادخلتنا عالم من الدهشة الجميله ده كله بسبب اليوسفي يعني الواحد كان ذكر اسم فاكهتين تاني قصتنا حتطول انا من المعجبين المدمنين لكتابتك ارجو الاندياح
Quote: والله يا دكتورة عملتيها ظاهرة لكن ... يعني حركتك دي اسا ما جبـانـة احمد عباس دا منو والى سنار ... صحيح انا من سنار لكن ما بشبه الزول الشين دا ياخ
والله يا جلجل النصيحة حركتي ج ب ا ن ة شديد لكن دا كلو من الزهايمر والكبر وكان قلت ليك العذر حتتأكد انو زهايمر وتعذرني انا كنت قاصدة ارد على مداخلة اخونا احمد اسماعيل علي اساس انو هو الجاب سيرة الكبك وفي الحقيقة هو ود جبريل القال لاحمد سناء حتجيك بكبكها لما احمد جاب سيرة الأندر ويرز.
اها دا تسميه شنو غير خرف.
لكن حقك علي.
ديدو قلت لي رهيييب يا حمدي اقعد اتذكر لي في الحاجات العجيبة دي ودي ياها البتجيب وجع الرقبة وشكرا علي حكاية رشا الرشيد دي لكن لو كانت دي المزيعة الشاوها يوم الزفاف ديك دا طرفي منها اخير لي الكبك.
Post: #4341 Title: Re: ناس الزقازيق ... أجدع ناس (4) .. Author: معتصم جعفر Date: 01-13-2012, 05:46 AM Parent: #4340
التحيه لهذا الحضور الجميل التحيه الى من يملؤن الخاطر والوجدان حتى صارتا ليست بهما قدر مساحة اخرى الا للزقازيقاب تحيه خاصه جدا لشمعة محترقه حبا ووفاء للزقازيقاب واقول لاخوى ودجبريل جورج ده خلو عشان خاطر العشره القديمه والود الحاصل ادامه الله واكراما لتلك البقعه الطيبه التى جمعتنا عبر السنين ومازالت.
Post: #4342 Title: Re: ناس الزقازيق ... أجدع ناس (4) .. Author: معتصم جعفر Date: 01-13-2012, 05:46 AM Parent: #4340
التحيه لهذا الحضور الجميل التحيه الى من يملؤن الخاطر والوجدان حتى صارتا ليست بهما قدر مساحة اخرى الا للزقازيقاب تحيه خاصه جدا لشمعة محترقه حبا ووفاء للزقازيقاب واقول لاخوى ودجبريل جورج ده خلو عشان خاطر العشره القديمه والود الحاصل ادامه الله واكراما لتلك البقعه الطيبه التى جمعتنا عبر السنين ومازالت.
Post: #4343 Title: Re: ناس الزقازيق ... أجدع ناس (4) .. Author: معتصم جعفر Date: 01-13-2012, 05:46 AM Parent: #4340
أسألكم الدعاء لأختي منى بأن يشفيها الله و يعافيها...
Quote: يا الرشيد ده كان يكون شرف كبير لفريق المهدية (اقصد كلية علوم ) ان تكون معانا
يا بركة كتر خيرك ياخي... يديك العافية...
Post: #4347 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-14-2012, 06:30 AM Parent: #4346
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا منى بابكر بالشفاء العاجل وألا تدع فيها جرحا إلا داويته ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
الف سلامة لشقيقتنا مني بابكر .... وربنا يشفيها ويعافيها ... وتعود لاسرتها بالف خير ... قادر يا كريم ...
Post: #4349 Title: Re: ناس الزقازيق ... أجدع ناس (4) .. Author: محمد عيد Date: 01-14-2012, 07:36 AM Parent: #4347
اللهم يا رب ... يا ذا الجلال والاكرام .. يا حى يا قيوم
أسألك بأسماءك الحسنى واسمك الأعظم ...
ان تمن بشفاءك على اختنا منى بابكر شفاء لا يغادر سقما ...
اللهم اشفها وعافها واعف عنها ...
آمين أمين آمين
Post: #4350 Title: Re: ناس الزقازيق ... أجدع ناس (4) .. Author: كمال الشادي Date: 01-14-2012, 08:38 AM Parent: #4349
العزيزة الدكتورة سناء
كيفنك وكيف قريبتنا محاسن ان شاء الله معاك اخبارها لها التحايا اكان شفتيها
الظاهر عليك يا سناء بقيتي تسمعي غناء هابط والدليل آآآآآآآلوووولووو
حركتك ما عارف شنو كده عموما
رجعي لي شرايطي القديمة العندك كلها !!!!! دي على وزن الاغنية انت رجع لي رسايلي والرسايل العندي شيلها
يا سناء على فكرة ناس الصوت يعني الدارسين صوت في معهد الموسيقى بيقولو الزول ما بيعرف صوتو الا لمن يسجلو ويقعد يسمعوا
انا والله ما عرفت صوتي ولا إمكانيات صوتي الا لمن بقيت اسمعو واقيمو كأنو زول تاني
لو استغربتي صوتي هسي فده عادي
لانو الصوت في حفلات الزقازيق كان ملخبط بي حاجات كتيرة
** الساوند ما مظبوط ** وبيومي زعلان ( بيومي ده الزول الكنا بنأجر منو الساوند في الزقازيق ) لانو اديناهو قروشو ناقصا ** وإنتي الكعب العالي ما مظبوط معاك لان الجزمة جديدة ** وواحدة جنبك قاعدة تتكلم مع كيسها لانها متشاكلا معاهو ** وكمال الشادي قاعد يغني
****** حاتعرفي صوتي كيف مع الجوطة دي يا سناء
لك التحايات رسلي لي ايميلك عشان ارسل ليك التسجيلات البعمل فيها الايام دي على [email protected]
Post: #4351 Title: Re: ناس الزقازيق ... أجدع ناس (4) .. Author: جلال عثمان Date: 01-14-2012, 08:55 AM Parent: #4350
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا منى بابكر بالشفاء العاجل وألا تدع فيها جرحا إلا داويته ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين
Post: #4352 Title: Re: ناس الزقازيق ... أجدع ناس (4) .. Author: منصور عبد الرازق Date: 01-14-2012, 09:44 AM Parent: #4351
يا رب , يا اله السموات والأرض وما بينهما يا من بيده الشفاء , ويا من بيده المرض اذهب عن منى بت بابكر السقم والمرض وعجل لها بشفائك الذى لا يغادر سقما امنحها القوة , والأحتمال , والصبر اسبغ عليها ثوب العافية واجعل لها فى كل دواء شفاء وفى كل صبر واحتمال طهورا وكفارة يا رب العباد
Post: #4353 Title: Re: ناس الزقازيق ... أجدع ناس (4) .. Author: كمال الشادي Date: 01-14-2012, 09:56 AM Parent: #4352
اللهم اشف مرضانا وجميع مرضى المسلمين الاخ الرشيد ربنا يطمنك على اختك وربنا يبلغا الصحة والعافية ويخليها ليكم ان شاء الله
Post: #4354 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-14-2012, 10:30 AM Parent: #4352
صباح الخير ،،، يا وجوه الخير
دعاء الصباح اليوم نهدية لأختنا منى بابكر
نسأل الله أن يشفيها و يعافيها...
"اللهم رب الناس أذهب البأس وأشف أنت الشافي لا شفاء إلا شفاؤك شفاءً لا يُغادر سقماً "
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا منى بابكر بالشفاء العاجل وألا تدع فيها جرحا إلا داويته ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
"اللهم رب الناس أذهب البأس وأشف أنت الشافي لا شفاء إلا شفاؤك شفاءً لا يُغادر سقماً "
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء أن تمن على اختنا منى بابكر بالشفاء العاجل وألا تدع فيها جرحا إلا داويته ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
"اللهم رب الناس أذهب البأس وأشف أنت الشافي لا شفاء إلا شفاؤك شفاءً لا يُغادر سقماً "
ليقيني التام بأن الزقازيقاب كالجسد الواحد اذا اشتكى منه عضو تداعى له باقي الجسد بالسهر و الحمى.. وجدت نفسي ألجأ اليكم بعد الله سبحانه و تعالى طلبا للدعاء... و كلي ثقة في أنكم ما أن قرأتم طلبي الا و رفعتم جميعكم أكفكم الى السماء ... و تداعيتم طالبين من الله سبحانه و تعالى أن يشفي أختي منى قبل أن تمس أصابعكم الكي بورد.. و هذا كان عشمي و ما كنت أرنو اليه..أن تدعوا لها.. فأنتم و ان كنت لا ازكي على الله أحدا فكلكم صالحون... و ربما يكون فيكم المسافرون ..و المعتمرون... و هذه وددت أن أغتنمها و استغلها للدعاء لأختي... و أعرف أيضا انكم حينما تداعيتم و كتبتم هنا كان من أجل المساندة أيضا و التخفيف علي.... فلكم مني فائق امتناني و تقديري... و ما تقطعوا الدعاء....
حقو تعملو ليكم بوست خاص بطلب الدعاء...
Post: #4359 Title: Re: ناس الزقازيق ... أجدع ناس (4) .. Author: عمر هواري Date: 01-15-2012, 07:00 AM Parent: #4357
تحياتي أجدع ناس وتحيات خاصة للعزيز مبارك جادين (والله مشتاقين).. ندعو للأخت منى بابكر(شقيقة أخانا الرشيد) بالشفاء ،، ونتمنى لها الصحة والغافية. وسلامي للدكتورة سناء الصباغ التي أظهرت موهبة في النقد لم نكن نعرفها عنها التحايا للأخ جلا ونحمد الله على سلامة عودته من الدامر وخالص الدعوات لشقيقة محمد المرتضى بالشفاء مع تمنياتي للجميع بالتوفيق
(ربى إنى مسنى الضُر و أنت أرحم الراحمين ) اللهم اشف اختنا منى بابكر شفاءاً ليس بعده سقما ابدا ..اللهم خذ بيدها. اللهم احرسها بعينيك التى لا تنام . و اكفها بركنك الذى لا يرام و احفظها بعزك الذى لا يُضام. و اكلأها فى الليل و فى النهار . وارحمها بقدرتك عليها ّ.أنت ثقتها و رجائها يا كاشف الهم . يا مُفرج الكرب يا مُجيب دعوة المُضطرين .اللهم البسها ثوب الصحة والعافية عاجلا غير اجلا ياأرحم الراحمين.. اللهم اشفاه اللهم اشفها اللهم اشفاه..اللهم امين.
و التحايا للحلوين و للظهور المميز للدكتوره سناء بس خايف عليك من
عيون ناس جلا الحارة عموما اقرا المعوذتين قبل ما تتدخلي و كمان اية
الكرسي بس ما تنسى تلبسي الكبك .
الجميل عمر نملوز ليك وحشة يا حبيب و طلعتك منورة البوست و التحايا
للاسرة جميعا و ربنا يكتب شفاء الاخ يا كريم .
عمر هواري مداخلتو بقت زي بيضة الديك في السنة مره و حتى المرة مختصرة !!!
زيدنا من دلك شويه يا عمر .....
طارق يا جبريلا ماركيز شنو و الله ما يجي جنبك بس تتدفق و انساب تلقانا كلنا منداحين ..
الابنوسي و احمد عباس ( و الله يا احمد اسم علي مسمي) و ابو عمر و باقي ناس الرياض
ما تشوف لينا لمة زقازيقية في العطلة دي و لو برضو صاحبنا كمال الشادي قام اعتزز
الليمون برضو ما في مشكلة نستعين بعمرو الشادي !!!! وينك يا جلا ....
الشاب الانيق ياسر نجيلة اشتقنا للضحك و المداخلات الحلوة ديك امل تواصلك حتى لو
تاخد اذن مسبق الدفع من بنت الشيخ ممهور بتوقيع الولد امين سر بنات الشيخ .
Quote: أنا غايتو كنت مسافر وجيت ما عارف دي ممكن و لا لا !!!! لكن أظن صحبي لا هو معتمر و لا مسافر صالح دي!!!! أديني فرصة للتدقيق و بعد ذلك ينظر و يفاد
بتعتمد على كنت مسافر وين يا جلا... أدينا تفاصيل أكتر عشان نرد عليك.... و ان شاء الله تكون دققت فيما يخص صاحبك... الرجاء افادتنا حال التوصل الى نتيجة...
يا ريس دعاء الصباح حقو تخصصه للبوست....
Post: #4363 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-16-2012, 06:16 AM Parent: #4362
شعارنا : "بدون زعل" ... الهزل محل الجد والعكس صحيح ... وسامحونا ...
......
حكمة والله وحكاية : عندما يكون الانسان مثل قطعه النقود بوجھين، فإنه يقضي كل عمره متنقلا بين جيوب الناس. عندما يفهمك الآخرون بطريقة خاطئة، لا تتعب نفسك بالتبرير, فقط ادر وجهك واستمتع بالحياة فمن يعرفك جيدا لن يخطئ فهمك.
أغنية في الذاكرة البعيدة: عيونك كانوا فى عيوني
عبدالله النجيب عيونك كانوا فى عيوني ... يصدوني وينادوني... أخاف لو قلت حبونى ... وأقول يمكن يحبوني عزوني ويصافونى ... عيونك كانوا فى عيوني.. أصبر بي هواك البال ... وأزرع قلبى بى الآمال .. عشقتك وكنت عندى خيال .. مجرد حبى ليك محال أداريه واخليه .. واخاف من قلبى يحكيه .. عيونك كانوا فى عيوني .. **** ظروفنا تحرم اللقيا ... تعادى الحب ولو طاهر .. يعيش فى خوف من الدنيا ... يكون مكتوم وما ظاهر فكيف احساس ... تحسه الناس... نضيق بيهو ... ونعاديه ..وكل الكون يشك فيه .. عيونك كانوا فى عيوني.. **** حبيبي لانك انت عفيف ... رقيق بتخاف من الأشواق تعال .. نتحدى حتى الخوف ... تبوح بهواى .. وأقول أهواك ... نكون ظاهرين.. وما خايفين ... نعيش ليه .. ونذوب فيه ..نجاهر للانام بيه عيونك .. كانوا فى عيوني... **** نحاول نبرز الاخلاص... وزادنا البهجة والنشوة نفتح فى قلوب الناس... مشاتل من حنان حلوه …. نقول ليهم .. نوريهم... معانيه... وأمانيه... ونفخره للجميع بيه.. عيونك كانوا فى عيوني ****
للحريفين فقط: ممكن تنزيل الاغنية ... يوجد تسجيل جميل لطارق كبلو .....
حلمنتيش في خاطر....
ام شداق ريدي ليكي يا ام شداق يقلب اللوري في الدقداق وكت اغلط واقول مشتاق عيونك جووو تبحلق جو في عيوني وتجعوط في مصاريني اتوكل واقول بريدك يا سجم خشمي !!!بريدك قايله من قلبي وحاتك خوف خايفك يوم تهجميني وترجميني وفد ام كف تكتليني هي يا ام ريدن بعج بطني هي ام حبن شرط عيني !!!اريدك انا !!! يريد لي فيل يحلني الله يالبرميل شقوق كرعيك تدخل ضب تدخل فار تقول سحليه راسا عديل !!!اريدك انا وحاتك الا بي الشلوت هي يا الهارياني يا الكتلاني يالباقيه لي شوكة حوت كل ما اجي تطفشي مني البنوت شكيتك علي الله يا ام زعمووط
نكتة اليوم: من يعتقد ان الزوجة النكدية ليس لها فوائد فهو مخطئ فللزوجة النكدية فوائد كثيرة ومن أهمها:
[
[B تجعل لسان الزوج رطب بذكر الله طول اليوم قاعد يدعي حسبي الله ونعم الوكيل
تساعد الزوج على غض البصر لأنه سوف يكره صنف الحريم
تساعد الزوج على صلة الرحم لأنه على طول هربان عند أمه
تساعد الزوج على أن يحافظ على وزنه ورشاقة جسمه لأنه دائما ً نفسه مسدودة عن الأكل
وأخيراً ،تجعل من زوجها رجلاً عظيماً فبسبب قرفه وزهقه منها ، سوف يقضي وقتا ً أطول في العمل مما يجعله إنسانا ً ناجحاً في عمله ويحقق المثل القائل: "وراء كل رجل عظيم إمرأة"
كاراكاتير اليوم:
ذكريات زقازيقية: مدرج المحاضرات ....
شال ....
شبورة ....
شنب ....
عصير يوسف أفندي ....
كبك لاركو ...
خارج النص اليوم: عشان خاطركم رجعنا ... ونخص بالخواطر ... خاطر ولدنا موسي عيسي ...
سؤال اليوم : 2012م كثير من الشعوب زعموا نهاية العالم ... وفناء او تدمير الطاقة بكل انواعها في العالم ... شاركنا بما سمعته أو قرأته في هذا المجال ...
أقول ليكم الزول دا نجيلة تقول لي عارفين غايتو الفهم قسم!!!!!! زول يبدأ المداخلة بي وردة و يختمها بي كبك!!!!!!
Quote: عندما يكون الانسان مثل قطعه النقود بوجھين، فإنه يقضي كل عمره متنقلا بين جيوب الناس.
شخصياً أحب أن أكون كالنقود بس أبعدوني من الفكة شخصياً منتظر ما هو الرابط العجيب بين اليوسفي و الشنب و الكبك!!!!!! الرشيد خلي منص يجيب الرابط دا بعد يجاوب عن فناء العالم
Quote: شخصياً منتظر ما هو الرابط العجيب بين اليوسفي و الشنب و الكبك!!!!!! الرشيد خلي منص يجيب الرابط دا بعد يجاوب عن فناء العالم
الرابط بين الشال و الشنب و الشبورة ... أما عصير اليوسفي ده كان مفروض يكون شويبس... عشان القافية و كده...
بعد ما شفت ايجابيات المرأة النكدية.. اتمنيت انو ست بيتي تكون نكدية (وش بريء جدا)... الفتانين و المرجفون يمتنعون... حتى لا يحملوا الوش البريء محملا آخرا...
منصور يتعاون مع فرانشيسكو كوبولا هذه الأيام... لاعداد فيلم آخر عن نهاية العالم الآن.... فرانشيسكو معجب جدا برؤى منصور عن الموضوع... قال ليهو بس أبعدني من موضوع اليوسفي و البرتكان... عشان الفلم ما يبقى طويل...
Post: #4367 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-16-2012, 09:27 AM Parent: #4366
Quote: أنا من الذين بمتنعون و ليس المرجفون قلت لي داير تسبح و تحمد و تستغفر تكون مليان ذنوب و نحن ما عارفين
انت لما لاقيتني ما شفت الوش ده كان منور كيف من التقوى... أوع تكون كنت قايل ده من كريم ديانا و لا فير أند لفلي.... أنا الحقيقة اتمنيتها تكون نكدية عشان أبقى رشيق.... وزني زايد شديد الأيام دي (وش تاني بريء)...
سلام للجميع من حدكم لاحدكم ماشاء الله اللياقه فل الفل ان شاء الله دايما متلمين في الخير والتحيه لكل العائدين والمتالقين والطالعين في الكفر اليكم عبد المنعم حسيب وسمع القول في خشم سيدو رغم محبتي لكبلو
ود المهدي ... تشكر على رابط الاغنية ... جبتها من اصلها ... مشكووووووووووووووووور
========================= زهير الزناتي ... الزول ده ياشباب عاوز يقول ليكم انو موجوووود ومتابع ... والقحة ولا صمة الخشم ... حتي لو شارك بالاصفااااااااار
=============================== ود جبارة مرحب بيك .... الكرت الصحي ... وما ادراك ما الكرت الصحي ... بذكر كان يستخرج من الصحة بالقرب من سنما كولزيوم ... او ميدان الامم المتحدة ... وفيهو زحمة ماعادية ... وشباك التقديم والاستلام صغير جدا ... وكل الابواب مقفولة ... في واحد بتاع ورنيش ... تديهو خمسة جنية ... يجيبو ليك بعد خمسة دقائق مختم كلو .. والغريبة برضو في الخارجية في واحد بتاع ورنيش .... بدخل اكبر مكتب ويوثق ليك الشهادات قبل ما تكمل كباية الشاي .... ايام والله ... عندي شنطة قديمة من أيام الزقازيق ... اشوفها وارجع ليك تاني ... بتذكر الشنطة دي ياعبدالدايم ... لما زرتنا في الشارقة ... سرقت منها كم صورة ؟!!!!!
و الله يا أبو الزوز حيرتنا معاك... شغال معانا بالشفرة الأيام دي... ما عارف بتختبر في شنو فينا... خليني أطمنك من ناحية الذكاء ما زلنا بخير... من ناحية الشباب نحمممممد الله... من ناحية الصبر ده الوحيد الكمل... و انت الكملتو لينا...
حاتم جبارة... أقر و أعترف انك كنت صغيييير و حلو... بس كنت غير لائق للدراسة داخل القطر... في زول يقدم شهادة تدينه يا حاتم...
Post: #4387 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 01-18-2012, 06:06 AM Parent: #4386
بالله يا حاتم انت من زمن اورنيك 82/8 تشطب الكلمات الغير مستعملة الجملة دى معناتا شنو مكتوبة فى اخر الشهادة ....
فى التمنينيات القومسيون الطبى الخرطوم ممكن ست الشاى تعمل ليك شهادة ميلاد وتسنين وتختم هى على ورقة الدكتور زاتــــو ...
Quote: بتذكر الشنطة دي ياعبدالدايم ... لما زرتنا في الشارقة ... سرقت منها كم صورة ؟!!!!!
شنطتك دى متين حتعرف درب ( الاسكنر ) يا نجيلة .... قاعدة فوق الدولاب لمتين ، ياريت لو سرقتها كلها ونزلتها هنا كان الناس استفادت ...
Post: #4388 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-18-2012, 06:09 AM Parent: #4386
صباح الخير ،،، يا وجوه الخير
أصبحنا وأصبح الملك لله وحده
دعاء اليوم :
لا إله إلا أنت سبحانك
إني كنت من الظالمين،،،
========================
نطالب بطللات جديده يا ريس معتصم مكانك شاغر هنا!!!!!!!!
ود جبارة مرحب بيك ومرحب بالأوراق الثبوتية الأثرية ونحث الجميع بالبحث عن الأوراق القديمة علشان نشارك في المسابقة إلى رايح يعملها عبدالدائم.
لمن تقرع الأجراس .... المرة دي سؤال ولدنا زهير اوضح من الشمس ....
لمن تقرع الأجراس ... هي رواية لإرنست همنجواي (21 يوليو 1899—2 يوليو 1961) صدرت في عام 1948. تحكي الرواية قصة روبرت جوردون الشاب الأمريكي المنتمي إلى الكتائب الدولية المرافقة لإحدى عصابات الحرب الشيوعية خلال الحرب الأهلية الإسبانية. وعُين روبرت جوردون، بصفته خبير في استخدام المتفجرات، ليقوم بتفجير جسر خلال هجوم على مدينة شقوبية. وتعتبر هذه الرواية في نطاق واسع من أعظم أعمال همنجواي بجوار ثم تشرق الشمس والشيخ والبحر ووداعا للسلاح.
دعاء احببته ... ورددته كثيرا ... تمنيت ان تشاركوني فيه ... ليس امرا ولكن رجاء ... قراءة متأنية للدعاء ... وتأمل في كلماته ...
دعاء فك الكرب الهم انت عونى فى شدتى و مؤنسى فى وحدتى وحفظي في غربتى ودليلى فى حيرتى وملجئى اذا ضاقت على نفسى اللهم انى اسألك بحق وجهك الكريم و سلطانك العظيم الامن و الامان يارب العالمين اللهم لا تشمت اعدائى بدائى و اجعل القرأن العظيم دوائى وشفائى انت ثقتى و رجائى واجعل حسن ظنى بك شفائى الله ثبت على عقلى و دينى وبك يارب ثبت لى يقينى وارزقنى رزقا حلالا يكفينى وابعد عنى شر من يؤذينى ولا تحوجنى لطبيب يداوينى اللهم استرنى على وجه الارض اللهم ارحمنى فى بطن الارض اللهم اغفر لى يوم العرض بسم الله طريقى و الرحمن رفيقى والرحيم يحرسنى من اى شئ يلمسنى اللهم انى اعوذ بك من شر النفاثات فى العقد و من شر حاسد اذا حسد بفضل قل هوة الله احد الله الصمد لم يلد و لم يولد ولم يكن له كفوا احد
وصلي الله على سيدنا محمد وعلى آله وصحبه اجمعين ....
أحتاج دوزنة ً تفك حبالكم عني وتربطني بكم كيف التقيتم… خلفَ نافذتي تجمهرتِ البنادقُ ناصبتني الشعرَ والخوفَ المسيجَ بالخمور قرّبت بين النساء وباعدت بين النساء وبيننا - نادوا الوصيفات الشهود وكل خدام البلاط - هذا النكوص يخيفني…. سأدس باطنَ راحتي في صدرها وأظل أعلن أنه - قد قٌد من دبر - فكيف ترونني … أحتاج دوزنة ً وترًا جديدًا لا يضيف إلى النشيد سوى النشاز
ياسر نجيلة مبكر اليوم ما شاء الله... شكلها كده الميزانية خلصت و البال ارتاح... من تجربتي الشخصية... اذا لم تكن ست بيتك زميلة دراسة... فان الصور التي تترك هكذا في أي مكان... راس دولاب...شنطة قديمة...كرتونة مفتوحة... فهي حتما صور قد تم فرزها بعناية شديدة... أما اذا كانت ست بيتك زميلة دراسة... فسيتم فرز الصور بعناية أكثر...
نصحني صديق لي بتناول ما يقارب اللتر من الماء كل صباح... و ذلك بغرض انقاص الوزن و تحسين الهضم... صدقته و اتبعت نصيحته... لكنني قضيت غالب وقت الدوام بعيدا عن مكتبي...
يا بلاد النور وارهاص الخير لابد يوم باكر يبقى خير رقصت نخلاتك والغابات والنيل يتفجر والغيمات روح التاريخ..هبت نسمات صدق الإحساس في كل وليد عشم الفنان نبض الإنسان..وسنابل الخير لابد يوم باكر يبقى خير
الحب هو أن لا تخبر زوجتك أنك تقوم بانقاص وزن... حتى لا تعتقد انك تنقص وزنك لسبب آخر غير الاهتمام بصحتك... أما اذا قامت بالتخلص من بنطلوناتك بحجة انها أصبحت ضيقة و قديمة... فتأكد انها قد عرفت بسرك الخطير... ألا و هو الاهتمام بالصحة...
Post: #4396 Title: Re: ناس الزقازيق ... أجدع ناس (4) .. Author: أحمد إسماعيل Date: 01-19-2012, 08:34 AM Parent: #4395
بسم الله الرحمن الرحيم ( وينزل من القرآن ماهو شفاء ) (وإذا مرضت فهو يشفين) ( ويشفصدور قوم مؤمنين) ( قل هو للذين آمنواهدى وشفاء) ببركة وفضل هذه الآيات أسأل الله العظيم رب العرش العظيم أن يشفي ويعاقي منى بابكر أخت الرشيد اللهم رب الناس أذهب البأس أشف أنت الشافي شفاء لايغادر سقما بسم الله نعوذ بعزة الله وقدرته من كل مانجد ونحاذر
Post: #4397 Title: Re: ناس الزقازيق ... أجدع ناس (4) .. Author: محمد صديق Date: 01-19-2012, 09:28 AM Parent: #4396
سلامات يا ناس
وصباحات التفاؤل
شكرا يا نجيلة على النبذة التوضيحية (لرواية لمن تقرع الاجراس)
وبرضو النشاط الواضح والذى يدل على عودة زول مكتمل الطايوق.
وفى انتظار محتويات الشنطة.... وخلى بالك من ملاحظات الرشيد.
برضو دايرين نعرف منو الحيقوم بقرع الاجراس...
انا ما بفرق معاى اى زول ممكن يقرعها ....بس ابعدوا منها جلا.
Post: #4398 Title: Re: ناس الزقازيق ... أجدع ناس (4) .. Author: محمد صديق Date: 01-19-2012, 09:52 AM Parent: #4397
Quote: : اين مي .؟ انتو الاخ ده بيسأل أسئلة تعسفية .... وما فى زول عايز يجاوب.....
زولك دا يحتاج لدوزنة كما قالها الرشيد الدوزنة تفك حبالكم عنه و تربطه بكم أو كما قال
Post: #4400 Title: Re: ناس الزقازيق ... أجدع ناس (4) .. Author: أحمد إسماعيل Date: 01-19-2012, 10:11 AM Parent: #4396
في إحدى رحلاتنا بقطار الهم (قطر نيالا ثلاثة أيام بلياليها حتى نصل الخرطوم) إتلّحني واحد من غرب أفريقيايتكلم العربية الفصحى ، المشكلة ما في كلامه المشكلة في كيفية الرد عليهو لانه لايفهم بالعامية السودانية لازم الفصحى الراجل قوم نفسي بكلامه الكثير والأسئلة الكثيرة اليومين ديل يتكرر معي نفس الموقف مع شاكر ولدي وشفق الأصغر منه لكن عرفت أن اللغة العربية الفصحى للمخاطبة سهلة وبسيطة للذي يبدأها على أصولها فمثلا شاكر ينشف ريقي بعبارات بسيطة مثلا بابابا أريد أن أعلمك يعني اوريك ؟ فإذا كنت مشغولا عنه يقول بابا أنت لاتسمعني ؟ وعبارات أخرى ،لا أريد الطعام ، ماذا تقول ، وماذا قلت وكلمة حسنا ، وأصمت ، ما هذا وهذا مقزز وهذا كذا وكذا ،خطأ بابا ، آسف بابا ، نعم بابا ، بابا أنا قلت لا تحدث أحد الخلاصة أجد محور كلامو (لا ، نعم ، هذا ، ماذا) أم عمر قالت لي من أول هذا الأسبوع شاهد شاكر في عرض أفلام الأربعاء بالتلفزيون فلم لفأر صغير ينادي وير إذ بابا ووير إذ ماما ويبكي وهناك كديس يحاكي الفأر ويرعبه شاكر هو الآخر بكى مع الفأر وأطلق على الفلم إسم الفأر الحزين وبقى شاكر مشغول بفلم الفأر الحزين ومواعيد عرضه وحرصه الحضور حتى نزهة آخر الأسبوع يوم الأربعاء رفض الذهاب وطالب الجميع أن يحضروا معه (فلم الفأر الحزين) ولم يكتفي بهذا طالب بحضور الجيران وتوفير الشيبس والفشار والعصير وزعل علي لعدم حضور الفلم معهم
الأخ محمد آدم جلا اليوم ما جاك ابنشهيق ، أنا وجلي اليوم جبنا سيرتك الطيبة تقبل سلام جلي
لك الصحة و العافية و كذلك عصام جلي عليك الله مش بقيت زي ولدك خايف أقول ليك أعرب ما تحته خط!!!!!
Quote: وبقى شاكر مشغول بفلم الفأر الحزين ومواعيد عرضه وحرصه الحضور حتى نزهة آخر الأسبوع يوم الأربعاء رفض الذهاب وطالب الجميع أن يحضروا معه (فلم الفأر الحزين) ولم يكتفي بهذا طالب بحضور الجيران وتوفير الشيبس والفشار والعصير وزعل علي لعدم حضور الفلم معهم
Post: #4402 Title: Re: ناس الزقازيق ... أجدع ناس (4) .. Author: أحمد إسماعيل Date: 01-19-2012, 01:53 PM Parent: #4401
Quote: ]عليك الله مش بقيت زي ولدك خايف أقول ليك أعرب ما تحته خط!!!!!
يعني تقصد اللغة العربية صعوبتها مش في التخاطب صعوبتها في الإعراب والذي عانى منه التجاني يوسف بشير في المعهد العلمي
سلام تحيه عايز احكي عن كل واحد وواحده فيكم من دكتور سناء وسؤالها عن اخي الطيب وعن عتابها المر لسلفا كير وعن مبارك جادين الذي ارتحل بصمت الي الحبيب الجنوب والله ياالمبارك بشوف كل السودان في شخصك يااخي ماعايزين انفصال خلونا اخوان اخوان ويامبارك لو لعب المورده وهلال او مريخ جوبا في زمتك بتشجع منو؟ ،وعن تلفون طارق جبريل الجنني سواء في السودان او في موراكو ولا عن رقبة النضيف وقلتو لي شنو السبب مقابل الحيطه يظهر قصدكم واحد تاني السبب سمعنا انو بتلفت بيفتش عن قبله غير الزقازيق وعرفنا القبله اوربيه بس العلاج هو ضمان مسقبل البنيات وخليك اوربي وانسى لي ناس ابو دبي وابوظبي ديل سمعنا هم زاتهم بفتشو للاوربيات يعني بالواضح قبل الشاكوش شوكش. لكن ابدء الحكي عن الاسره الدهشه والله اذا وقفوا ابتسام تلقى عيونهم بتبسم ماشاء الله ماقلنا بسمتك ازهار. واحكي ليكم عن ايثار الحاولت اقنعها مع مجتبي يمشوا للبوليس ويتكلموا بس وانا احكي ليها عن ظلم والدها وتعاونه مع جماعه الامر باالكمكمه والله حرام وماقادر افهم كيف يعني يحرموا الزهور من الضوء والله جميل وبحب الجمال، والله كنت جادي واخلي ليك منصور ينضم لجماعه وليد حمدون واحمد السني وكتاحه الرياض. ولا احكي عن حجازي المشفر ماتسمع منو غير هكذا وهناك ووي كأن. اما احمد الهادي ربنا يكملوا بعقله لكن لوسمع كلامي اقنع لي الظالم يجي ناني اوربا وانا بجهز الباقي . اما ست البيت السكري الاماني السندسيه يااخي مبالغه بس عندها عيب كبير انها دفعه محمد حسن البرلوم وهل بعد ذلك عيب يعني قولي انا وجلا جينا في سنه واحده بس انا دفعت النضيف.اما سرعه بديهة وتصرف منصور مابتصدقوا بان منصور بيكتب الاحداث قبل وقوعها كدي راجعوا مداخلات منصور والاحداث الماحصلت. بس منصور زي ماكنت مصدق الزناتي انو زي انا والشادي كريم الوعد( ماعدا قسم بمحيك البدري) والاصل بخاف من البخوفو لكن تصدقوا اللعب كله عند مدرار قال لي وبحليفتها والله ماقادر عليها بيقدر عليها احمد .. برجع ومعاي المستندات
(7) أكملنا أيها الأحباب طقوس صلاة العيد وهنأنا بعضنا بعضا وتمنينا دوام الصحة للجميع.. حين رجعنا لدارنا أحسست أنني أفتقد شيئا لم أفعله منذ سنين،... دخلت بيوت الحلة بيتا بيتا، هنأت الجميع وبكيت مع الجميع لفقدي وفقدهم.. كنا نواسي بعضنا في أيام مباركة.. ثمة آلام في العمق لكن اليوم يوم فرح.. عُلقت الأكباش على الأبواب وبدأت مراحل السلخ وأحضرت «الصواني» و«السواطير» و«التلكي».. ورجع القوم لسجيتهم التي أعرف منذ أن بدأت أدرك محيطي الضيق.. «شية جمر» و«شية صاج» و«دمعة» و«مرارة» و«شطوط» و«الشربوت»... وضحكات من القلب.. وأحضان دافئة وعناقات الأحبة و«تعود الأيام» و«كل سنة وانتو طيبين يا رب».. حين يجتاحك ألم المنافي وتجد نفسك وسط هذا الكم الهائل من المحبة.. لا محالة ستصاب بدوار الحنين... قضيت سحابة يومي ذاك مهنئا ومعايدا وفرحا وشبعانا... إلتقيت بأصدقاء الطفولة وسنوات الصبا... ضحكنا وأكلنا .. عشرون عاما لم أذق طعما لهذا الحنين... عشرون عاما ويوم العيد يمر علي كئيبا حزينا... إلا من ضحكات أطفالي وابتسامة أمهم... يا لعبث الرحيل.. ليتكم أيها الساسة تعلمون مدى الجحيم الذي رميتمونا فيه.. حقيقة ليتكم تعلمون.. حين أتى المساء كانت الأكباش في طريقها إلى المراحيض.. نقضي عمرنا كله نلعن في هذه الأرض التي تطعمنا وتأوينا وتتحمل قاذوراتنا .. وحين نرى الجمال تشخص أبصارنا إلى القمر لنشبه به من نحب ونحن جلوس على سطح هذه المستديرة.. اجتمعنا في غرفة قصية من البيت نتدارس تحضيرات زواج شقيقي الصغير تجاني.. كنا في السابق نجهز كروت الدعوات ونبحث عن أكثرنا جمالا للخط ليُمهر أسماء الأسر التي نود دعوتها لعرس أحبتنا... تغير الزمن كثيرا.. قضى الموبايل على جميع تلك الطقوس... ولم يستغرق الأمر سوى سويعات ولائحة من نود دعوتهم: سلام.. سلام.. زواج شقيقنا يو كذا وحنته يوم كذا حبابكم.. لا أدري لماذا تذكرت علوية بت الجريف... كانت أفضل «داعية للزواج» في حينا ما أن تجد عرسا في الحي إلا ويلجأ إليها الجميع للقيام بمهمة الدعوة الخاصة بالنساء ويتكفل اثنان من الحي بدعوة الرجال،..وآخران بتوصيل دعوات الأهل والأحبة.. أصررت أن تكون «الحنة» كلها «طمبور».. منذ زمن بعيد لم أحضر حفل طمبور حي.. وددت أن أعيش طقوس سنوات خلت... جاء يوم الحنة وتحول المنزل لخلية من النحل.. - يا لطفي ياخي الطباخ دة قال عايز صيوان من الشمس - يا راشد ناس الصيوان ديل ما ما رصوا البساطات - يا ابراهيم ياخي الحاجة الباردة لسة ما وصلت - يا خالو عليك الله أرقعني ياخي عايزة أمشي الكوفير كنت مليئا بالحبور وسط هذا الزخم من الشجن.. لبسنا جلابيبنا ووضعنا العِمَم وكنا في استقبال الضيوف.. أشرفنا على راحة ضيوفنا وأكلهم وشرابهم.. ثم دخل ثنائي العامراب.. وقفت في مكان قصي أراقب الحفل.. حين رنة الطمبور.. أحسست بدوار حقيقي.. هذا لعمري نغم حي يشجيك ويطربك حتى الثمالة هاج القوم.. ودخل «الدارة» إمام مكاوي وحاجة رقية ابنعوف.. إمام أبدع في «الترترة».. كانت عضلاته مطواعة يوجهها حيث تتناغم مع نغمات الطمبور.. ترك لنفسه متعة الفرح.. ثم دخلت فتحية محمد الحسن.. وملأت «الدارة» بهجة.. دخلنا نصفق ونضرب بأرجلنا ونردد مع الفنان أغانيه.. وحين صدح ثنائي العامراب: الرايقة شتيلة قريرة الفجر نبحن بوابيرها تصببت عرقا.. ولم أحس إلا وأنا وسط «الدارة» «أترتر» مع القوم أحاط بي الصفاقون.. تركت العنان لنفسي لتمرح.. لم يعهد في القوم ذلك الإقدام... لكنني كنت مليئ بالشجن والحنين .. لمحت عمي حسن يصفق «ترترت» حتى وصلت إليه وأعطيته الشبال.. ثم عدت لوسط «الدارة» يتبعني الصفاقون.. وكأنما أحس بي ثنائي العامراب فأردفوا: ومالكن يا قماري بتشدن إيش لازمة تغنّن نغيماتكن تهيج أشواقي للعينين يبكّن بدّيكن وصية أمانة لي سيد روحي طيرن أحسست أن جسمي ينتفض كسكرات الموت.. حين رفعت رأسي وجدت شقيقاتي وأشقاي حلوا مكان الصفاقين،.. إحاطوا بي مبتهجين، وبادلتهم البسمات والرقيص.. أحسست أنني نبتة عادت لأرضها وارتوت.. كم هي جميلة نوستالجيا المكان وساكنيه.. حين اقتربت الساعة الحادية عشرة وبدأ الجميع النظر في الساعة.. حينها فقط أدركت فداحة «المشروع الحضاري».. «مشروع» سرق حتى البهجة من القوم.. ....
Quote: سمعنا انو بتلفت بيفتش عن قبله غير الزقازيق وعرفنا القبله اوربيه بس العلاج هو ضمان مسقبل البنيات وخليك اوربي وانسى لي ناس ابو دبي وابوظبي ديل سمعنا هم زاتهم بفتشو للاوربيات يعني بالواضح قبل الشاكوش شوكش
شنو يا نملوز المطاعنات دي... لكن بيني و بينك معاك حق... و عبارة قبل الشاكوش شوكش دي في الصميم... فهنا تشعر طول الوقت بالراحة و الطمأنينة... حتى تفاجأ يوم بأنهم استغنوا عن خدماتك... و يمهلوك شهران لتعديل أوضاعك و تغادر كما تسمى... تضيق الدنيا عليك و ما تعرف محل تقبل... لكن انت عارف نحن خلاص كبرنا و بقينا ما بنقدر للدردرة... كان في طريقة ساهلة ما فيها جهجهة ورينا ليها... ان شاء الله مستثمر (وش أخدر)...
Quote: حين رفعت رأسي وجدت شقيقاتي وأشقاي حلوا مكان الصفاقين،.. إحاطوا بي مبتهجين، وبادلتهم البسمات والرقيص.. أحسست أنني نبتة عادت لأرضها وارتوت..
جبريلا ما كان تكمل ياخي... ارتوت و أينعت و أزهرت ... انبسطت في اجازتك شبعت لحم و حنان و (ترترة)... جعل الله كل أيامك أفراحا ياخي...
Post: #4406 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-21-2012, 06:56 AM Parent: #4405
صباح الخير ،،، يا وجوه الخير
دعاء الصباح :
اللهم زدنا ولا تنقصنا وأكرمنا ولا تهنا وأعطنا ولا تحرمنا وىثرنا ولا تُؤثر علينا وأرضنا وأرض عنا =========================
Quote: اين مي .؟
يا ربي المقصود بيها شنو؟؟؟
إذا كنت تقصدني فأنا موجود حي أُرزق
هذه أغنية نسمعها وكان أصدقاء الثانوية
ينادوني " أين مي " وخاصة عندما فكرنا
أن نجرب (نحب)............. =====================================
ذهبت إلى مكة كثيراً وبل سكنت بها لمدة سنتين
وحججت لأكثر من أصابع يدي وأكثرت من العمرة ما لا
أذكر عددها ولكن يمكن أن تعيش تلذذ جميل وقوه إيمانية دافقة
وأن تختفي بين شعب وجدران المسجد الحرام وتغيب وتذوب مع أولادك
بالداخل وتنسوا الدنيا ولا تفرق بين إنتهاء يوم الخميس ودخول يوم الجمعة
وحتى يوم الجمعة لا تشعر به إلا عند صلاة الجمعة إنها متعة لا تدانيها متعة
لماذا الإحساس بهذا الجمال ؟؟؟
هل يا ترى التقدم بالسن يعطيك هذا الطعم الجميل الذي لم نتذوقه من قبل
إلى الذين يحيطون بشعب مكة اغلقوا جوالاتكم وأذهبوا في رحلة سياحية روحانية
صبحكم الله بالخير بينما درجة الحرارة في الرياض تلامس الصفر حسبما قرأنا في هذا المنبر... فان أبو ظبي تعلو فوق الصفر بدرجات يقمن مزاج واحد رومانسي زي كده... زميلنا جيريمي الأوروبي اللون و اليد و اللسان وجد في الجو ضالته... فمر علينا في المكتب أمس الأول للمشورة و هو يوم عطلة بالنسبة له ... كان في غاية الاستمتاع و هو يرتدي الشورت و التي شيرت... بينما كنا نحن نرتعش من البرد...
كان نفسي أقولك من زمان سطوة محاسنك عندي ما كسرة جفون وقت العيون تعبرنى زى خاطر المسا سطوة محاسنِك ما الرخام ألفى الحرير وقت الثغير يفجعني بي حرفاً قسي سطوة محاسنِك عندي وكتين كبريائِك ينهزم لى طيبتى بى لفظة حنان وكتين مشاعرِك تنسجم فى عمرى تنفح قلبى بى رعشة أمان سطوة محاسنك عندى وكتين شوقى يصبح فى هواك ليل عزة ما بتعرف هوان كان نفسى اقولك من زمان
انا ذاتى ما ترترت معاك ....ولا عشان ما بعرف صفقة الشوايقة؟
Post: #4412 Title: Re: ناس الزقازيق ... أجدع ناس (4) .. Author: منصور عبد الرازق Date: 01-22-2012, 10:51 AM Parent: #4411
صباح الواطة البااااااردة والترترة وعمر نملوز مى المافيشة دى , لى الليلى ما لقيتوها وحرف الشين الجنن ياسر نجيلة جن من الشرى , لغااااية شنب سيد الشنب زااااتو يا رب الصباح البارد ده , تشفى منى بت بابكر وتعدل رقيبة النضيف المعووجة وترجع شعرك الشلتو من راس حاتم جبارة الزمااااان وتعدل مزاجى قادر يا كريم
* ده شاكر ده , ولا حجازى منصور يا احمد اسماعيل ؟؟!!!!
Post: #4413 Title: Re: ناس الزقازيق ... أجدع ناس (4) .. Author: منصور عبد الرازق Date: 01-22-2012, 11:28 AM Parent: #4412
هذا الصباح بداته بداية غريبة , شاهدا على عقد زواج بنت عمى , فى محمكمة الرياض للأنكحة الأسم اصلو ما عجبنى ماذون شرعى دى مالا , عيبوها لى عليكم الله , ما حلوة ومكملة الحلاة , لامن بى غادى عمى هذا , الذى كنت صباح اليوم شاهدا على عقد قران بنته اتم فى هذه السعودية , ما يزيد عن النصف قرن تزوج من سعودية فاضلة , هى الآن اكثر (سوداونوية ) من الكثيرات ممن اعرف تاكل الكسرة , وتغوص جوة صحن القراصة , طالعة منو بى لقمة لايووووقة , زى الماحصل حاجة ولكن اولاد وبنات عمى , تسعودوا , بالجنسيات مرة , وبالطباع والعادات مرات عديدة لا الومهم على ذلك ابدا فحتى اولادنا وبناتنا نحن , دخلت عليهم طباع السعودة والأمرتة والأمركة والمصرنة كل على هوى مدرسته وبيئته ولسان الأخلاء والأصدقاء والأصحاب لن نرمى بهم فى البحر , ونطالبهم بأن يقلعوا ناشفين الموية لاحقاهم لاحقاهم , خاصة ما اذا كان بحرنا قد (جف ) او قارب ما يشبه الجفاف طالما بحرك فى (مى ) , شجرك امد حد السمى , وطينك معتق بالطمى ,نبنيك هوا , نبنيك ايوا سوا سوا اها , تقدروا فى الأول تقولوا لى اخينا , وينا (مى ) ؟؟؟ قبل ما انسى , اكمل ليكم , فالسؤال عن مى , سؤال مآله الى تهلكة اكيدة , لذا فان من باب اولى , ان نتركها , تمشى محل ما تمشى اجراءات عقد قران بت عمى دى , لأنها ذات جنسية سعودية , اجراءات معقدة , يقرب الواحد من تعقيدها , يقول ليهم انتا رجع لى رسايلى , والرسايل العندى شيلا شيلا شيلا , ما دايرها تبدأ الأجراءات بطلب موافقة زواج ترفع الى مقام وزارة الداخلية , فهى ولية الأمر للمواطنات الراغبات فى الزواج من اجانب الطلب مشفوع بمستندات العريس , وموافقة الوالد اللى هو ولى الأمر كل اولاد وبنات عمى , عندهم جنسيات او تابعيات سعودية , عدا عمى سيد الشى زااااتو لم يهتم بنيلها (احيييييييا انا منو عمى ده ) , وازيدكم من الشعر بيت , قضى معظم عمره موظفا فى السفارة الأمريكية فى الرياض حتى نزل الى المعاش وهو على راس العمل اها , جنسية امريكا زااااتا , لا اشتغل بيها ولا جرى وراها , ما قلت ليكم احيييييي انا من عمى ده !!!! طلب الموافقة هذا , عادة يتاخر ويستغرق بعض الوقت , لكن المسالة عند عمى , طالت شهورا وشهور لكنها جات اخيرا , فكان عقد القران المعقد والغريب صباح اليوم عريس بجنسية سودانية , وتربية فى بيئة سعودية , وعروس بى جنسية سعودية , ودم سودانى , واب سودانى , وام واخوات واخوان سعوديين وشهود سودانيين , لمن حيرنا ليك القاضى زاتو ولكننا لم نسمع الا مبروك السودانية , وما منعنا من الزغاريد , الا جو المحكمة مش السعودى بس , كمان لابس ليهو بشت وعقال كمان ثم بدأنا التنكيت , ورواية قصص الزواج الأولى , التى بدأناها بى , عليك الله يا هيفا , ما لقيتى تعرسى الا فى البرد ده !!!!
اتذكرت بكرى حامد ود الماذون وحاة الله وانا قاعد قدام القاضى , ذو الوجه الممعن فى التجهم والأنقباض ياربى اصلو كده , ولا عاوز يوصل للناس (رسالة ) ولا كرهتوا اجراءتنا المعقدة دى , وخلطة الجنسيات والجوازات القاسمها المشترك الأعظم جوازات خدرا , تتشابه فى اللون , لكن واحد وشو سيفين ونخلة والتانى صقر جديان , نسى الطيران , التقول جناحينو مقصقصات المهم , الراجل سجل بيناتنا , واستجوب عروستنا , وشاف وشها كمان وطابقه مع الصورة آمنتا بيهو لكن فى اللحظة ديك , الشوفة الشرعية دى , اتاريها ليها نكهة ياخ لحظتها , الراجل مرة بى لحظات (عدم تجهم وانفراج اسارير ) , اتعبت للراجل وشه جنس تعب !!! تتعب الوجوه اذن , اذا ما لبست قناعا غير القناع , حتى خفت للحظة , ان يفقد الرجل وشه , ويبقلى من غير وش ما ابيخ (القهوة الما عندها وش ) ما شافوا ود المأذون بكرى , يعقد للناس , وهو يسكسك !! وشه منبسط وعيونه مليانات فرح !! ولا ما سمعوا بى مأذون حلتنا , داك الحافظ ليهو اكليشيه دعوات مأثورة , ومطعمة بى تمنى الزواج , للشباب والتدبيل لمن يريد من الحاضرين مثنى وثلاث ورباع لا ينتهى دعاؤه , الذى يؤمن عليه كل الحاضرين بصوت خفيض حتى ياتى لى حتة المثنى وثلاث ورباع دى فيرتفع الصوت فيما يشبه (شيلة الصفاقين البشيلو ورا ثنائى منو اسمهم يا طارق جبريل ؟؟؟؟) فتبدأ الترترة , وتتجدع الشبالات , البيعرس واحد , البيعرسوها واحده , ولكن الفرح يتوزع على الجميع وكلو من انبساط وش المأذون ولا ولده , وترترة طارق جبريل (القيل انوان معاهو محمد صديق كمان ) ولكننا لم نرض بان نخرج من معمعة عقد القران ابو اجراءات ده , الا بحكايات من شنطة حكايات ود المأذون ورفاقه حكينا مثل هذه الخواطر , فحكيت ليهم عن بكرى حامد ود المأذون دعينا للعروسين , فادخلت منى بابكر ضمن دعواتى ,خلسة مرة , وبالصوت العالى مرات سالوا عن فلان الفلانى وينو ؟؟ قلت ليهم مش لمن نلقى (مى ) فى الأول !! قالوا ان العقد انتهى , وموعدنا العشاء مساء , قلت ليهم , لمن تقرع الأجراس ؟؟؟ اتى ابن عمى الكابتن طيار وليد عطا على بعض الحكايات الصينية التى قدم من عاصمتها ليلة الأمس واهلها يحتفلون براس سنتهم (الخلاقة ده ) فقال ان رمز احتفالاتهم هذا العام , هو شجرة اليوسف افندى , فسألته ان صادف ياسر نجيلة او سناء الصباغ هناك مع كامل ايمانى , بان اليوسف افندى خشم بيوت , وكامل الحذر من اليوسفى (الصينى ده ) تلقاهو (برتكان عدييييل )
قال ليك , العريسين من صالة الأفراح ولى بيتهم الجديد , ترفرف عليهم حمائم السعاده وتحفهم الملائكة عن يمين وشمال وهما فى قمة سعادتهم تلك طرأت لهم فكرة , طرات على العريس بالأحرى فاسر لعروسته بها نحن بكرة الصباح , ما نفتح الباب بتاعنا ده , لى اى قرد خلاص اتفقنا , ردت العروس دون اى تفكير ولا تقليب للأمر لا ابوى لا ابوك ما عندى اى مانع لا تقولى لى امى لا امك موافقة لا اخوى لا اخوك ------ لا اختى لا اختك نشوف البينط منو , هكذا ظلت العروسة تؤمن على مقترحات عريسها , تملأهما معا النشوة والحبور والسعادة ناما , بعينين قريرتين سعيدتين , ثم استيقظا على صوت جرس الباب استغرق الأمر عندهما بضع دقائق حتى يستوعبا رهبة المكان الجديد , والواقع الجديد ثم تذكرا اتفاقهما ليلة البارحة جرى الزوج على الباب , ثم اخفض من وقع مشيته وصوت ارجله , متاوقا للطارق من خلف عدسة التلصص انه ابى , قال العريس لعروسته يملأه التردد , والرغبة فى ان (ينط ) من اتفاق الليلة البارحة ولكنها صوبت تجاهه نظرات صارمة , انحنا مش اتفقنا لا ابوى لا ابوك غفل العريس راجعا الى سريره دون ان يفتح الباب , يملؤه زهو ما , كيف لا وهو الملادر الى الألتزام باتفاقية وضعها هو وهاهى الفرصة تتاح له ليثبت لها , انه ممن يصونون العهود , ويلتزمون بالمواثيق فقد والد العريس الأمل فى فتح الباب , او ممكن تقول قدر ظرفهما الدقيق , اذ ان ابنه فى اول ايام عسله الممتد ان شاء الله فغفل راجعا , سعيدا , حتى ولو لم يفتح له ابنه الباب اما الأبن العريس , فعاد غارقا فى عسله اللذيذ , فخورا بعهده الذى صان , وموثقه الذى حفظ حتى اذا ما مرت ساعة رن الجرس ثانية من خلف عدسة التلصص , رأت العروسة وجه ابيها الذى تعرف وتحب يا لهذا الوجه الحبيب , لكم قبلته وقبلها , لكم تمعنت فى لمعان هاتيك العيون , لكم فهمت نظراتها وخبرتها همت بفتح الباب , الا ان التفاتة منها الى زوجها , اجبرتها على العودة الى الوراء , تاركة اباها يمعن فى دق الجرس كلما دق الجرس , ازداد وقع خطواتها ثقلا , وتوزعت دقات قلبها واختلطت ايقاعاته , بين نغمات الجرس , وموسيقى العهد والميثاق الذى ابرمت الليلة البارحة حتى اذا ما توقف الجرس عن الرنين , نظرت الى زوجها نظرة المنتصر , ولسان حالها يقول , كلنا منتصرون ولكن صوت وقع خطوات والدها المغادرة على درج المنزل , عادت اليها اقوى من صوت الجرس فسالت دموعها دون ان تشعر , فابتلت الخدود والشفاه , وخضب سواد كحل العيون , حمرة الشفاه واختلط بها حتى اذا ما رآها عريسها وهى على تلك الحال , بادر اليها بالقول , اسرعى يا حبيبتى وافتحى الباب لأبيك وانت فى حل مما اتفقنا عليه , ودفعها زوجها دفعا الى الباب فتحته , ولحقت بابيها الى الدرج , وارتمت على صدره باكية متولهة عاشا سعيدين بعد ذلك مرت بهما السنوات والسنوات رزقا بالولد الأول , ففرحا فرحا كبيرا ثم جاء الولد الثانى , ففرحا فرحا اكبر ولكن فرحتهم كانت اقل عند ولادة الولد الثالث ولمن الله اداهم بنت , فى الولادة الرابعة , تضاعفت فرحتهما مرات ومرات حتى انه ضاعف فى عدد الخراف المذبوحة , وبالغ فى طقوس الاحتفال ومظاهر الفرحة سأله ابوه , مالى اراك يا ابنى اكثر فرحا ببنتك , من فرحتك بكل اخوانها الأولاد قال لأبيه , ببساطة يا ابى , لأنها من سيفتح لى الباب , لمن ادق عليهم الجرس , يوم صبحيتهم وارتمى فى صدر ابيه باكيا منتحبا
تذكرت العقد الفى مدنى وكان المأذون بكرى حامد ومن ضمن الحضور
كان محمد حسن البرلوم وناصر بشار (كشرى ) بيطرة ...ولازلت اتصور
خُلعة بكرى حامد لما شاف كشرى من بين الحاضرين.............
++++++++++++++++++++++++++++++++++++++++++++++++
Quote: رشا حقيقي في إنتظارك ....
شكراً حمد علي الزيارة والطلة ... وبلغ تحياتنا للإبن عبد الكريم الأمين شقيق الزقازيقي صلاح الأمين ونحن متابعين تجربتكم بكثير من الإعزاز ... نتمني أن نستفيد منها ..
يا ريس ميسرة والله حكاية الحج البيدسوهو دي جديدة .. بس أكيد في حاجة خلت الود جلا يأمن التأمين العالي دا ... بس ما يكون مطلوب في المحكمة الجنائية الدولية ...
الله الله يا منص مدد يا حبيب مدد زدنا من طرب العرسان وحكاويهم
(8)
عادة حين يكون العرس في منزلنا يوم العرس يكون التعب وصل مداه.. رغم ذلك حاولت جاهدا أن استمتع بيوم قد لا يتكرر في حياتي مرة أخرى.. ذهب شقيقي لطفي رفقة العريس لأحضار العروس من الكوفير وذهبت أنا وأشقائي الكبار لنكون في استقبال الضيوف.. لكن الألم كان حاضرا كعادته.. ما أن يتسرب الفرح وسط القوم حتى يطل برأسه لينغص عليك سعادة أنت تنشدها.. والدي لم يستطع الذهاب إلى القاعة.. حيث لا يمكنه الجلوس وسط القوم وفي نفس الآن لا يمكن أن يكون مددا على أريكة والناس تهتز طربا.. اتفقنا أن نأتي بالعروسين في ختام الحفل ليبارك لهما حياتهما الجديدة.. كان هذا هو الحل الأمثل والأقل إيلاما... طبق علينا صمتا هو أشبه بالنحيب... لكنه كعادته يحاول أن يخلق من حياتنا فرحا: أمشوا للعرس ياخي واستقبلوا ضيوفكم ولامن تنتهي اللعبة بتلقوني قاعد منتظركم هني أصلي داير أمشي وين.. توكلنا على الله ووجهنا وجوهنا صوب قاعة «ليلة عمر»... زمن طويل لم أعش هذه الأجواء.. كنت أتوسط أخوي إبراهيم وخضر وعم بريقع والد العروس.. كانت مهمتي أن آخذ الضيوف إلى أماكنهم... سعادة غامرة امتلكتني وأن أقوم بتلك المهمة.. وكانت شقيقتاي اعتماد وأسماء ترحبان بالنسوة مع أم العروس.. الكل كان فرحا لشقيقنا تجاني.. صغيراتنا لبسن أجمل ما لديهن.. وتسربل كبارنا بالعمم والجلاليب ونساءنا بالثياب.. دخل «فرفور» في جو احتفالاتنا وأنشد «المهرجان»... وشاشات البلازما كانت تنقل خروج العروسين من الكوفير في طريقهما إلينا.. حضر السفير المغربي الذي تربطه بأسرتنا علاقة قوية... لذا كان لزاما علي أن أكون في معيته حتى استطيع «ترجمة» دارجتنا إلى الدارجة المغربية.. كان مستغربا أن هذا الكم الهائل من البشر يتناغم معا في رقص أشبه بجذب الحيران في حضرة المداحين... وازداد استغرابه أن الواجب يملي علينا راحة هذه الأنفس والوقوف على إطعامها... فهناك المعازيم لا يتعدون المائتي شخص قلت له إن هذه حياتنا التي نحب وطقوسنا التي ورثناها عن الجدود وجدود الجدود علت وجهه ابتسامة مُحيرة ووضع يده على خده الأيسر يتأمل فرحة القوم.. حين زاد تطريب «فرفور» قفزت من مكاني وتوسطت القوم والعرسان.. تمايلت مع القوم وبشرت وكدت أن أزغرد مع شقيقاتي.. هذا الجمال ينقصني هناك عند خاصرة الأطلس.. هذا الدفء افتقده في زمهرير الرباط ولياليها المرهقة.. إن كنا سافرنا مرغمين.. فلنجعل من زياراتنا هذه زادا نستعيض به عن ألم فراق الأحبة... شُحنة من العواطف في صحراء الغربة هذه هي أقدارنا... إن كانت قاسية علينا أن نخفف من قساوتها ما استطعنا.. أجواء العرس اختلفت كثيرا عن أيامنا.. كانت «الصيوانات» باعثة للفرح في مداشرنا وحوارينا وأزقتنا... كنا نتفنن في نصبها أمام منازلنا.. كان بيت الجيران، حتى دون استئذانهم، هو المكان الماسب لـ«الطباخين» وكان شباب الحلة وشابات الحي يشرفن شخصيا على توزيع الطعام.. الآن يكلفون جهة ما ويتركون لك وقتا أكثر للمتعة والبهجة.. لكن أيضا في أيامنا تلك كنا نبتهج.. فأفراحنا كانت تنتهي مع تباشير الصباح.. كنا نعبد الله دون تطرف أو وصاية من أحد ودون «مشروع حضاري».. كنا نجد الفرصة في الأعراس في أن نلتقي مع من نحب.. ولو للحظات تبقى معنا طول العمر.. واصلنا احتفاليتنا وسط الأهل والأحباب والأصدقاء.. ثم أخذنا العروسين لوالدي ليبارك لهما قرار أن يكونا معا إلى نهاية العمر.. قبلهما... أي والله قبلهما معا وتمنى لهما حياة سعيدة... وحين غادرا إلى شهر عسلهما.. رمقته من الشباك.. نظر إلى السماء ثم سبح وأغمض عينيه.. كان يتمتم بأدعية ويلهج لسانه بالشكر... فهذا العريس هو أصغر أنجاله.. تملكني حزن دفين عليه لكنها على أية حال ليست ليلة للحزن.. الفرح ثم الفرح وحده.. ......
Quote: ولمن الله اداهم بنت , فى الولادة الرابعة , تضاعفت فرحتهما مرات ومرات حتى انه ضاعف فى عدد الخراف المذبوحة , وبالغ فى طقوس الاحتفال ومظاهر الفرحة سأله ابوه , مالى اراك يا ابنى اكثر فرحا ببنتك , من فرحتك بكل اخوانها الأولاد قال لأبيه , ببساطة يا ابى , لأنها من سيفتح لى الباب , لمن ادق عليهم الجرس , يوم صبحيتهم وارتمى فى صدر ابيه باكيا منتحبا
غايتو في الحته دي يامنص ... دخلت فيني جنس خوفة ورجفة ... وخليتي اعقد عزمي جازما ... أن احاول للمرة الرابعة ... ولو طلع ولد زي .. أحمد وعمار وفارس ... ياني ... المودع اولادي من صالة العرس ... واقفل على باب بيتي ... وانتظرهم لما يجو براهم ... ويطرقو على باب بيتي ... وافتح ليهم ... واحضنهم وأبكي أنا الماعندي بنيه ... ياخي مابقدر على الشره خلف الأبواب دي .... غايتو تصوير مبااااااالغة ... كالعادة يامنص ...
======================== وانت كمان ياود جبريت اقعد بكي فينا زيادة ...
Quote: ثم أخذنا العروسين لوالدي ليبارك لهما قرار أن يكونا معا إلى نهاية العمر.. قبلهما... أي والله قبلهما معا وتمنى لهما حياة سعيدة... وحين غادرا إلى شهر عسلهما.. رمقته من الشباك.. نظر إلى السماء ثم سبح وأغمض عينيه.. كان يتمتم بأدعية ويلهج لسانه بالشكر... فهذا العريس هو أصغر أنجاله..
يا اخوانا ادونا فرصة نجر نفسنا ... ونرتاح شويه ... ماتجو متبارين مع بعض ...
Post: #4419 Title: Re: ناس الزقازيق ... أجدع ناس (4) .. Author: أحمد إسماعيل Date: 01-23-2012, 06:15 AM Parent: #4418
براحة علينا يا منصور ياخي أنت عارف الغربة خلتنا رهيفين بشكل ما بنقدر على الهبباي في عز الشتاء ، وبالطريقة دي بتكتل ليك زول أو ترميه من طولو والكلام دة بخصكم يانجيلة وعمر نملة الأخ عمر نملوز تحياتي وسلام ليك وألف حمد الله على السلامة وإن جات متؤخرة ويكون لمعلويتك متابعين أخبارك خاصة طموحك في تحقيق رقم مميز في السباق وذلك لأن ولدي عمر عامل فيها بتاع كورة قدم دائما بحمسه بسعيك الدؤوب ونسأل الله السلامة والصحة والعافية لإخيك وإن شاء الله أجر وعافية وربنا يرفعه
السقط السقط السقط... أكتر حاجة بتعجبني في السقط ده... هدوم البرد و التمسح .. لكن الما بيعجبني فيهو كتير... رغم ان الجو لذيذ في الشتاء لكن تشعر بي كآبة ما بتعرف ليها سبب.. اليوم و الحمد و الشكر لله جينا لقينا ثنائي العامراب في البوست... علي العلينا تجي كل يوم تلقى البوست خلاء يتعكر مزاجك زيادة... و الحقيقة مداخلات ثنائي العامراب (منصور و جبريلا) فيها الكثير المثير الخطر... أحيانا تلقى نفسك واقف براك قدام سطر واحد لحدي ما تحتاج ليك زول يلكزك... و يجرك من يدك و يقدمك لحدي قدام باب سطر تاني و ينتظرك.. عشان يمكن تجيك حرنه تاني و يقوم تاني يسوقك يقدمك.... لحدي ما يمرقك من المتاهة دي بي سلام... أيوه و الله متاهة كنت مع منصور لحدي ما القاضي وشو اتجهم.... لحدي ما لقيت نفسي في البت الرابعة و لقيت ياسر نجيلة قاعد يبكي مع ولدو... قلت أنا الجابني هنا شنو أنا كنت واقف هناك في حتة الزغاريد... و القاضي الشاف العروس شوفه شرعييييية (يغسي عليهو) لحدي ما وشو انفرج... و الأمركة و السعودة و راس السوط الهبشني في الأمرته لحدي ما اتحسست.... قلت لي نفسي الجاتك في أمرتك سامحتك... و خلطت بين الأحمر و الأٍسود بين مداخلتي الثنائي... و احترت في كيف تكون المغرب في خاصرة الأطلسي... أنا طول عمري شايف خريطة أفريقيا دي زي الجمجمة...أصلي ما شايف ليها شيتا تاني... و طول عمري شايف المغرب دي قاعدة في دنقوس أفريقيا.... لكن نعمل ليهم شنو الرومانسيين ديل و خيالهم الخصب اللذيذ.... خيال فيهو زيادة شوية زي (التوبينغ Toppings) في الآيسكريم..... كان تجرجر السفير المغربي من غطاء الراس بتاع جلابيتو و تخليهو يرقص معاكم... مش كان أخير ليهو من الحيرة و ختة اليد في الخد... الثنائي الأول خلى البت تجري تلحق أبوها و تنكص وعدها.. و التاني رد عليهو بعد أخوهو و مرتو سلمو على أبوهو و مشو... قعد يتاوق لي أبوهو بالشباك بتاع الأوضة و شافو بيشكر الله...
يا أخوانا ثنائي العامراب ديل الله يديهم العافية... يعني اتنين ممكن يرفعوا معنويات شعب زقازيقي كامل...
السقط السقط السقط...
و أقول لي صاحبي الذي يعلم مدى حبي له ما رديت على رسالة الشوق بتاعتي لحدي حسه... و ما عايز أعتبر الأصفار ديك كانت رد عليها...
Post: #4421 Title: Re: ناس الزقازيق ... أجدع ناس (4) .. Author: عمر نملة Date: 01-23-2012, 07:04 AM Parent: #4420
غايتو في الحته دي يامنص ... دخلت فيني جنس خوفة ورجفة ... وخليتي اعقد عزمي جازما ... أن احاول للمرة الرابعة ... ولو طلع ولد زي .. أحمد وعمار وفارس ... ياني ... المودع اولادي من صالة العرس ... واقفل على باب بيتي ... وانتظرهم لما يجو براهم ... ويطرقو على باب بيتي ... وافتح ليهم ... واحضنهم وأبكي أنا الماعندي بنيه ... ياخي مابقدر على الشره خلف الأبواب دي .... غايتو تصوير مبااااااالغة ... كالعادة يامنص ... عرفتني قاصد منو ياالرشيد؟
Quote: الحقيقة مداخلات ثنائي العامراب (منصور و جبريلا)
يا رشا ياخي كتلتني بالضحك يا اخوانا ان شن جابني لي حكاوي منص داك زول محترف في برشلونة واخوكم لسة بيلعب في مريخ القولد
Post: #4425 Title: Re: ناس الزقازيق ... أجدع ناس (4) .. Author: جلال عثمان Date: 01-23-2012, 10:34 AM Parent: #4424
Quote: واخوكم لسة بيلعب في مريخ القولد
مريخ قولدنا ولا برشلونة ناس ميسى على وزن لالوب بلدنا
شكرا على كل الجمال ووضعنا موضع الحدث ياخي والله مشتهيلي عرضة لي زمن وبارك الله فيك ان اضفت لها كل تلك الاحاسيس لكن داير الجد "نجضتنا نجاض" من الصباح خليت الزول اتذكر حاجات كنا نظن انها ماتت "لكن اتاريها كانت متضارية ساكت" ثنائي العامراب شكيتكم على الله كان خليتو قلبنا "خفيف"
الأبوة قيمة مظلومة معنويا عندنا امام طغيان وحنية الأمومة , وزخمها الحياتى والدينى ولكنها قيمة بطعم مختلف ونكهة مميزة هى خليط بين اشياء تبدو فى ظاهرها , متضادة ومتقابلة اشبه بلذة عصير الليمون , والفراولة , لمن ادمن واستمرأ , الحليب بالموز والمنجا بالحليب حليلكم يا ياسر نجيلة , ويا عمر نملوز , ويا حجازى اخوى الله يرحمك كدى شوفوا معاى طعم فرحة عم جبريل , الله يديهو الصحة والعافية , بى عرس وليده الزغنتوتى , تيجانى تفرح الأم بى عرس ولدها , وتكمل فرحتها للأخير تملأ ساحة الرقيص , وتجدع شبالاتها فى اى حتة بتستاهل تتجدع فيهو , واليوم داك , لا عندها حساب لى زول ولا بتكون شغالة بى اى قرد ولكن نفس الأم , لمن تجى لى عرس بتها , تتضارى ليها ورا حيطة , وتشيل هم المعازيم , الأتعشى منو , والما اتعشى منو فى حين انها يوم زفاف وليدها , اتعشيت ما اتعشيت , لا شغالة بيكم ولا شيتين ولكنها لا تمانع فى ان تسن (لسانها ) فى نسيبتها ام عروسة ولدها , لو بالغلط سمعت واحد من ضيوفها , قال انو ما اتعشى , ولا حتى بيفتش ليهو فى كباية موية هكذا هو سلوك السيدات والأناث عموما , وضوح بالغ , لا وسط فيه , فرحة عارمة , او مسئولية وهم , تخالطهم فرحة مكتومة ولكن الأب , تتجاذبه وتمزقه افراحه واتراحه كل ممزق تشعر بيهو , قاعد يتقطع فى الحالتين , يوازن بين متضادات شعورية , فتظهر مشاعره المختلطة , وكأنها مسروقة سرقة الدموع زااااتا لمن تطلع , زى التقول ما مرقت قبل كده , لامن تحس بيها تمرق وتدخل , عاملة الدرب ساساقة , الضحك مع الدموع , يتبادلان تقاطيع الوش , فيعرض هذا , ويقبل ذاك , وخيرهما الذى (يبدأ بالسلام ) ولكن يا سبحان الله فى يوم زواجى (الزماااااااان داك ) انت كنت حاضره يا الرشيد عندى مشهد , تخرج فيه دموعى وتجرى انهارا , كل ما ستحضرته , كان فى الخيال , ولا حتى فى شريط الفيديو , الأنهرى من كتر التشغيل الأحساس نفسه ما غيره , جانى وانا بقرأ (واتنفس ) , مشهد قبلات عم جبريل , لى وليده التيجانى وعروسته , بعد عودتهم من (العامراب ) العامراب المرة دى كان فيها فرفور , ورحلة فى طيارة , بين طيات السحاب والدتى , الله يرحمها ويسكنها الجنة , قولوا كولكم آمين يوم زواجى ذاك , شهر سبعة , فى يومه التاسع والعشرين , من سنتنا الثالثة بعد التسعين كانت , لتوها , خارجة من تجربة مؤلمة , مع مرض سكرى لعين , لم يكن الأولين من جيلها يعطونه حقه ومستحقه من العناية والأهتمام كما نفعل نحن الآن تلكم التجربة اللعينة , وبعد عمليات موية بيضاء , تخيلناها بسيطة , وتخيلناها بيضاء الا انها استبدلت نور بصرها الأبيض , بظلمة وسواد افلح فى اقتلاع اللون الأبيض من حياتنا كلنا لفترة الا انه لم يفلح ولم يتجرأ , على بياض سريرتها وبصيرتها الذى نعرف , حتى ان خيار تأجيل حفلة زواجى مثلا انقلب عندها الى نوع من التنكيت علينا , من شاكلة , يعنى حا تنتظر بدون عرس لغاية ما اشوف تااااانى انا ما كملت الشوف يا ولدى , دايرنى اشوف تانى شنو فى دنيتى دى !!! انت وولدتك من بطنى دى , عروستك وشايفاها قدامى من يوم هى ماشة فى الشارع حفيانة شفتوا المنطق ده مفحم وبسيط كيفن ؟؟!!!! اها , يا ربى عنده علاقة مع كلام عم جبريل , امشوا قضوا لعبتكم وتعالوا تلقونى قاعد فى مكانى ده , اصلى حا امشى وين ؟؟؟
مشهد امى الله يرحمها , بثوبها الأزرق ويمسك بها ويراقصها , عمى الذى امعن فى القيام بدور ابوى ليس يوم زواجى فحسب , بل فى الكثير من فترات حياتى حيث ان والدى رحمه الله , توفى باكرا سبعينات القرن الماضى اتحدى اجعص جعيص , يقوا الزولة دى ما شايفا قداما ومشهد جيتهم لى , مع عمى واخوى المرحوم حجازى يملأهم الفرح , وتحفهم الزغاريد , كان مع الطيب مدثر , ولا كمان مع احلى من القمر والله احلى من القمر الكان بيردد فيها ابن البادية وكأنها معمولة خصيصا لينا هذا المشهد , انا بيتجدد عندى , مع كل عرس احضره ولا اى عرس اسمع بيهو حتى ويكسب مشهدى ذلك , الجولة دائما وابدا , لا بعرفوا فى اللحظة ديك طالع منى , ولا كمان داخل ليها بس ترترة طارق , ووش ماذوننا قاضى الأنكحة , وبكرى حامد ود المأذون وصهينة اخونا العريس من صوت جرس الباب , ثم استجابته للدموع السايلة التى احالت ليل الكحل الى بياض ناصع , من التفهم والمقدرة على قراءة فوارق شعورية مرتبطة اظنها بالبيولوجيا وجقلبة ابو فارس وعمار , الأتحالف معاهو فيها فى الجقلبة والبلجكة ابو الطيب وعيسى نور ويسن وفرح عم جبريل المقاوم للمرض حد الدهشة خلتنى , اترتر وانا فى محلى دا , واقارن بين فرحة امى الما شايفة مقارنة مع فرحتها يوم زفاف اختى , وهى بكامل صحتها ونظرها تباشر عشاء الضيوف , تغالب دميعاتا , وتشيل كده وتغطس بيهم فى صحون الكوكتيل المرصوصة الصحن داك ناقص لحمة , وداك جبنته مالا قدير دا , وما ختيتو فيهو طعمية مالكم , دايرين تسودوا وشوشنا مع اهل العريس ؟؟؟!! شفتوا الألوان دى متقاطعة كيفن وشوش ما دايرة تتسود , ووشوش كاسيها البياض , وموية بيضاء , حولت بياض الدنيا لى سواد وقليب عم جبريل , اللى اضناه واتعبه , دموع ما عارفة تقبل وين , تساسق فى (الدريب الجاى بحداكا ) تقول يمكن تصادف مرة تلقاكا فى الوكت , ينشرح قلبى الأصلو حباكا
قبل يادوب ساعة واحدة بس , مرق منى الزول السخوت اب صلعة ده بعد ما سفسف معاى ملاح الرجلة الما خمج بس لكن يمين لقمته كبيرة جنس كبر , لو كنت عارفه جاى , كنت جبت الرجلة , باللنش بوكس الكبير ياخ
مرات بجيني احساس انو أمنية بتي دي قاعدة تفتح البوست بي وراي... و تقعد تقرا فيهو و بعدين تجي تفاجأني بي حاجات منه... مع العلم انها ما بتعرف أي حاجة عن البوست و ما عايز أقول عن العربي زاتو... تقوموا تهيجو فيني و يجي منصور يقول ليكم شفتو..ما قلت ليكم... و تثبت حكاية السعودة و الأمركة و البلجكة و الأمرتة و التي هي ما يلينا... أمنية زهجت من الأمرته أو كما قالت و عايزة تتأمرك أو تتكندك (الشر بره و بعيد)... و بالعدم تتأطلن و دي جايه من ايطاليا... قلت ليها يا بتي انتي قايله نفسك (صمويل ايتو)... صمويل ايتو زاتو مشى روسيا و قعد قبلو هناك... وروسيا دي... ما أظن أمك دي تخلينا نمشي روسيا... طبعا عشان البرد شديد... لازم نوضح يا جماعة.. عشان ما يجي عمك جبريلا بي دنقوسو الكلو طلح و شاف ده يقول لي... اشمعن روسيا... بعدين هي ذاتها تصريفها صعب شوية.. الروسنه...صعبه شوية.. قلت ليها يا بتي خلينا في البجكة..و لسببين... أول حاجة تصريفها ساهل..(البلجكة)... يعني ما زي سويسرا و النمسا و لا كمان فرنسا... و الأصعب منهن كلهن البرتغال... تانيا عمك نملوز قاعد بي هناك وبقى مقدد دروب الشغلانية دي... و سمعنا تحت تحت كده ..مما رشح في الويكليكس... انو نملوز ممكن يترشح بعد شوية عمدة لي أوستند... عشان كده نفسو يفوز بي سباق ماراثون واحد يدعم بيهو حملتو الانتخابية... و بعد ما نملوز يبقى عمدة أوستند.. نمشي بلجيكا و نقعد و نتجدع في أوستند زي القاعدين في الكوة... في بيت جدي هناك الجمب البحر...
اذا كان في حاجة واحدة لذيذة في أيام الامتحانات دي... فهي حجج أمنية و ونستها الكتيرة عشان تلهيني من موضوع القراية... و أنا متأكد تماما انه بمجرد ما تنتهي الامتحانات حتنقطع الونسة... و كان جيت بعد داك قلت ليها يا أمنية انتي عايزة تمشي ايطاليا... حتقول لي ايطاليا شنو يا بابا انت صدقت و لا شنو... الأمرته دي أمشي أخليها وين أنا...
دعاء الصباح لحدي ما يجي الريس بالسلامة... اللهم لا تأمركنا و لا تأمرتنا و لا تأنجلزنا... بل أحفظنا وأحفظ وطننا من الفتن و أجعل للناس فيه سعة في الرزق و الأمان...
اللهم تأمركنا و تأمرتنا و تأنجلزنا .... وكمان زدنا من فضلك الذي لاينضب ... فاسترنا .... ولا يخفي على فطنة القارئ ... استرنا ... ليس من الستر ... ولكن من استراليا .... وعليه وجب التنويه وعدم الخلط في الدعاء ...
نقبل وين نحنا لو ما لقينا واحد من الجوازات دي ... فرحان يعني بمجمعك السكني ... القاطعو من راسك ده ونجيلتو المحفرة دي .... ......
Post: #4431 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-24-2012, 08:03 AM Parent: #4430
صباح الخير ،،، يا وجوه الخير
دعاء اليوم :
أعوذُ بكلمات الله التامة من كل شيطان وهامة،،،، ومن كل عين لامة ،،،،،
==========================
الدعاء ده بيصلح مع الرشيد وكمان نجيلة
في الحالتين نطفش في بلد طير عجم أو نكون في غربة الطويلة دي.
Post: #4432 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-24-2012, 08:33 AM Parent: #4431
اختفى دعاء الصباح يوم أمس حيث إختفيت داخل القنصلية السودانية بجدة لإستخراج جنسيات وجوازات للأولاد علشان نكون جاهزين للبلجكة والأمركة
ذهبت يوم أمس وضاع كامل يومي وطلبوا مننا الحضور يوم غداً وجلست أبحلق في هذه القنصلية ومبناها الجديد مقارنة بالمبنى القديم القابع في حي الثعالبة بالقرب من باب شريف قبلة السودانيين المقيمين والمعتمرين والزائرين ولكن مبناها الجديد في شمال جدة إتجاه المطار صدمني بشكله الغير جميل وإختفاء أي شكل جمالي ملفت للنظر سوى بعض الأعلام الصغيرة في الصالة وجبنه معلقة في السقف مصنوعة من الصفيح وأشياء أخرى لا قيمة لها وتذكرت تلك المعارض التي كنا نقيمها عن التراث السوداني في الكليات ووجدت فرق السما للأرض ، عجيب لا توجد أدنى بصمة جمالية حتى المبنى (فيلا) جديدة صالة الأستقبال كئيبة المقاعد من الألمونيوم الرخيص وقد مالت إلى الوراء يعني عبدالدائم لو زارها وجلس فترة يطلع بوجع ظهر بعد وجع الرقبة ، دخلت الحمامات الله يكرمكم حمام بلدي تعبان (العنده وجع ركب لا داعي أن يدخل) الخرابه دي وبعض المياه تسرسب والسباك يجتهد في الإصلاح ولأن العدد قليل ولا يوجد حوض لغسيل اليدين تطلع من الحمام وأنت مكتمل ، توجد مكينة تصوير عادية على تربيزة (عندي في البيت أكبر منها وديجتال) يجلس عليها سوداني طيب الصورة في خارجالسفارة كل 16 حبه بريال أما داخل السفارة صورت ثلاثة أوراق بمبلغ 2 ريال ، يوجد بداخل الصالة إستديو مكتوب عليه دجيتال ولكن منظر الصور المعلقة على الجدران تنافس أرخص إستديو في أمبده زمان يبدو نحن شعب لا نهتم بمسألة الديكور.
على الرغم من أن معاملتي سوف تنتهي اليوم ولكن ساءني ما شاهدت وكنت أُمني نفسي بمنظر غير لأني زرت المبني الجديد للقنصلية المصرية وجدتهم مهتمين بكل صغيرة وكبيرة وكذلك يا منصور بالبستنه والزرع والورود وحتى بسقوط أسعة الشمس بزاوية وكأنه تحاكي أهل الكهف أو المعابد الفرعونية بالأقصر .
================== نفتقد أخونا عبدالدائم الذي ما زال يواصل علاج آلام الرقبة وعدم إمكانيته بالجلوس في المكتب لمدة طويلة وقد تقدم بإجازة طارئة عسى أن يرتاح بمنزله بجوار أم الأولاد ،،، نتمنى له عاجل الشفاء وأن يعود إلى مقر عمله سالم معافى
Quote: نقبل وين نحنا لو ما لقينا واحد من الجوازات دي ... فرحان يعني بمجمعك السكني ... القاطعو من راسك ده ونجيلتو المحفرة دي ....
جابت ليها مطاعنات كمان يا نجيلة... بعدين تعال قول أدوني شقة و لا فيلا... بعد ولدك يعاين ليك بي فتحة الباب و يطنشك... و العجب بعد ما تتأستروا... حيقول ليك يا بابا لو سمحت مافي داعي تجينا لي مدة شهرين كده... خليني من حركات السودانيين بتاعتك دي... انت أصلك ما عايز تتغير يا بابا... تخنقك العبرة و تجينا في المجمع بي جلابيتك و عمتك السمحة ديك... عمه مرسوم فيها (كانجارو) ...(عليك الله أعمل أربعة وشوش خدر هنا)
Quote: وروسيا دي... ما أظن أمك دي تخلينا نمشي روسيا... طبعا عشان البرد شديد... لازم نوضح يا جماعة.. عشان ما يجي عمك جبريلا بي دنقوسو الكلو طلح و شاف ده يقول لي... اشمعن روسيا
هسي يا ناس الله انا قلت حاجة الناس مالها براها بتتلفت
يا ديدو اجر وعافية ياخي
Post: #4435 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-25-2012, 05:53 AM Parent: #4434
صباح الخير ،،، يا وجوه الخير
نجاوى صباحية :
إلهي ما ألطفك بي مع عظيم جهلي!
وما أرحمك بي مع قبيح فعلي!
Post: #4437 Title: Re: ناس الزقازيق ... أجدع ناس (4) .. Author: أحمد إسماعيل Date: 01-25-2012, 06:13 AM Parent: #4435
أصبحنا وأصبح الملك لله رب العالمين وقضى ربك الا تعبدوا إلا اياهـ وبالوالدين إحسانا اللهم نسألك الرحمة والمغفرة والصحة والعافية لهما اللهم أرزقنا رضاهم ونعوذ بك من عقوقهم
اليوم بقت لي النجارة دي صعبة خلاص..لسبب أو لآخر... كل يوم أجتهد غاية الاجتهاد عشان أطلع حاجة... مرة يطلع معاي دولاب و مره (سحارة) و مرة فضية، (بترينة)،شفونيرة... و لاكمان ممكن تطلع معاي حافلة بكسر شديد جدا لحرف الفاء... و لمن خلاص أفلس شديد و ما ألقى لي حاجة بدق لي كم مسمار كده في خشبه... يجي أي واحد يعلق فيها جلابية و لا قميص أو بنطلون...الخ.. لكن رغم ذلك الأًصفار دي ما بعمله... قالو لي انت مالك شاني هجوم على الزول ده... قلت ليهم والله عشم و محبة... رغم انو ما شغال بي...
Quote: هسي يا ناس الله انا قلت حاجة
دي اسمها ضربات استباقية يا حبيب... انت بينتظروك لحدي ما تقول... لازم يقهموك كده من البداية...
أين المدعو محمد آدم النور الشهير بجلا... و أين أخونا زمان المدعو موسى عيسى... و أين قدورة... و واحد كده صاحبنا بس ما اسمه أبراهيم... و شفتو يا جماعة طايوق الكوتش بي جاي و لا جاي... عشان الكوتش بيفتش عليهو... و أين عثمان ادارة... و أخيرا و ليس آخرا مافي مناسبة كده و لا كده تجيب لينا أبو مصطفى بي جاي.... حبيبنا محمد عيد...
على طريقة ولدنا البادي و الذي نفتقده بشدة (أجي يا أولاد أمي)... قبلكم و قبالكم...مالكم يوم كاااامل مافي زول فيكم جاء بي جاي... غير الريس و أحمد اسماعيل... طبعا اذا كان يوم الأربعاء ما جيتو ما أظنكم تجو يوم الخميس.... أنا غايتو بعمل العلي برفع ليكم البوست... و يجي الريس يدعو لينا دعاء يفتحها علينا... و يجي أحمد اسماعيل يصبح عليكم ... و بعد داك الله كريم...
Post: #4439 Title: Re: ناس الزقازيق ... أجدع ناس (4) .. Author: أحمد إسماعيل Date: 01-26-2012, 06:41 AM Parent: #4438
Quote: دعاء فك الكرب الهم انت عونى فى شدتى و مؤنسى فى وحدتى وحفظي في غربتى ودليلى فى حيرتى وملجئى اذا ضاقت على نفسى اللهم انى اسألك بحق وجهك الكريم و سلطانك العظيم الامن و الامان يارب العالمين اللهم لا تشمت اعدائى بدائى و اجعل القرأن العظيم دوائى وشفائى انت ثقتى و رجائى واجعل حسن ظنى بك شفائى الله ثبت على عقلى و دينى وبك يارب ثبت لى يقينى وارزقنى رزقا حلالا يكفينى وابعد عنى شر من يؤذينى ولا تحوجنى لطبيب يداوينى اللهم استرنى على وجه الارض اللهم ارحمنى فى بطن الارض اللهم اغفر لى يوم العرض بسم الله طريقى و الرحمن رفيقى والرحيم يحرسنى من اى شئ يلمسنى اللهم انى اعوذ بك من شر النفاثات فى العقد و من شر حاسد اذا حسد بفضل قل هوة الله احد الله الصمد لم يلد و لم يولد ولم يكن له كفوا احد
وصلي الله على سيدنا محمد وعلى آله وصحبه اجمعين ....
والله يانجيلة دعاء شرط والله يا رشيدنا أنت المهم والزقازيقاب جميعا يهموني 000 ما شاء الله سادي كل الورديات في غذاء أرواحنا هذا
================ كيف أخبارك ... أحمد اسماعيل ... دعواتك ياناس السعودية رشيد القوم ... مداخلة الخميس دي مامحسوبة ... لا عندك ميزانية يناقشوها ... ولا ضارب خط سريع زي زمان ... ادينا مداخلة مقدرة خلينا نمشي نهاية الاسبوع بسلام ...
Quote: رشيد القوم ... مداخلة الخميس دي مامحسوبة ... لا عندك ميزانية يناقشوها ... ولا ضارب خط سريع زي زمان ...
أنا كان عندي تدريب على الاخلاء في حالة حدوث حريق... عندنا واحد Safety officer ما عندو شغلة و لا مشغلة... جانا من الصباح في المكتب في الموقع قال لينا عندنا تدريب اخلاء Fire drill .... ضربوا لينا صفارة الانذار و قعدنا نتجارى في السلالم... جزء من الجودة بتاعت استشاري و شركات المقاولات عمل حساب لي مسألة السلامة دي... و وضع خطة للطواريء في حالة حدوث مشكلة ما... و هي من الحاجات الاجبارية التي لا يمكن الاعتذار عنها بأي حجة مهما كانت... حتى لو كان عندك مداخلة صباحية مهمة... أها جيت عملت مداخلتي دي من الصباح و قعدت أجري في السلالم... الحقيقة تدريب الحريق ده خلاني انتبه لي أهمية انزال الكرش... ما عايز أقول ليك جيت الطيش في نزول السلالم... لأنو في ناس كروشهم أكبر من كرشي كانوا أطيش مني... الراجل قال لينا لازم تعملوا حسابكم للحاجات دي... قلت ليهو انت بتاع أمن و سلامة و لا اخصائي باطنية... و مال التدريب فايدته شنو..خليك من كروشنا.. حسه لو في واحده حامل مثلا حتقول ليها أعملي حسابك... عليك الله منطقتو و لا ما منطقتو؟
أوصلنا تجاني وعروسه إلى الفندق وتمنينا لهما السعادة... منذ مدة طويلة لم أر هذا الكم من الفرح على محياه.. كان مسؤولا عن البيت رغم أنه أصغرنا.. الظروف فرضت عليه تحمل مسؤولية تسيير شؤون البيت لأننا أُضطررنا للضرب في أصقاع الأرض بحثا عن الأمان.. كان يأتي من مكتبه في الخرطوم وهو شبه نائم.. في نصف ساعة يرتب شؤون البيت ليوم الغد ثم يغوص في سريره.. أشفقنا عليه كثيرا لكن لم تكن أمامنا حلول.. المشاريع الحضارية وغيرها لم يتركوا لنا فرصة لنتكبد معه ونشاركه مشاق تدبير الحياة اليومية هناك.. كانت الخيارات المتاحة معدومة.. إما الانتحار في الوطن العزيز.. أو ركوب أمواج الغربة وتداعياتها المزمنة.. لم نجد غير خيار الرحيل... فثدي الوطن عبث به الآخرون..
كان لزاما علينا العودة إلى البيت لترتيب مبيت ضيوفنا.. الأحباب أتوا من كل البقاع.. البركل.. مدني.. سنار.. أن يتكبد القوم مشاق ووعثاء السفر ليشاركوك لحظات مسروقة من الفرح.. ذلك لعمري أمر دونه النجوم.. سهرنا على راحتهم بفرح كبير.. قضيت الهزيع الأخير من الليل اجتر ذكريات الصبا مع أهلي القادمين من شبا.. كان حديثا للروح والدعابة وشقاوات الصبا وحكاوي القرية التي لا تنتهي.. لم نترك شيئا.. القمري... الدباس.. شجر المنقة.. «نشل» الماء من الأبيار.. أحواض البرسيم.. طلوع «التمُر».. بنيات الفريق.. كانت قهقهاتنا تملأ سكون الليل صخبا.. كنا سعداء أن جاد علينا الزمان في واحدة من نوادره بلحظات من الحنين.. جاءت أخواتنا وبنات خالاتنا وبنات أعمامنا.. وأصبحت الذكريات علنية.. ضحكنا حتى دمعت عيوننا من براءة الحب حينها.. كانت حين تأتيك نظرة ممن تحب ولو خلف «طرحة».. تظل شهورا بلياليها وأن تعيد وتصور وتخلق الأساطير حول «نظرة» أصابت سهامها مسام قلبك.. أحسست بفرح طفولي وأنا وسط القوم.. ثم سرح خيالي في أطفالي هناك في زمهرير الرباط.. كنت دائما أحكي عن تلك الليالي لـ«بت شيخي».. وعدتها أن نأخذ الأطفال يوما إلى «شبا» ليروا أرض أجدادهم.. تمنيت في داخلي دائما أن تسوقنا الأقدار مرة أخرى للعودة إلى الأرض التي نحب.. لكن يبدو أن لا أمل يلوح في الأفق.. أحسسن بألم خفيف في بطني.. وهذا نذير لحلم كبير غير قادر على تحقيقه..
حين نادى منادي الصلاة.. قمنا إلى رحاب الله... حمدنا الله واستغفرناه.. ودبت الحركة في البيت من جديد... هناك من سيغادر أوصلناه الميناء البري وهناك من استغل الزيارة لمعاودة الأحباب في الخرطوم وشاركناه أجر صلة الرحم.. حين انتصف النهار وجدتني مرهقا جدا... انزويت في احد الغرف وغرقت في نوم عميق.. ثم استيقظت على المأساة.. ...
جبريلا يواصل التألق و الاندياح الجميل... بينما الآخرون يواصلون التراخي ... حتى الريس انقطع عن الدعاء بعد أن أصيب بالقرفة القنصلية... و أنا... وأنا مقياس رسم للتواصل والرحيل .. أنا الآن الترقب .. وانتظار المستحيل ..
ليس من المستحيل عودة أبو الزوز... و لن ينقطع الرجاء.... يا ناسينا يا مجافينا حن علينا...
أما أخونا اللي في راسه بطحة... حقو يحسس عليها و يعمل ليها مكمدات... أي واحده فيهم.. باردة و لا دافية...
انتو كلكم كوم و جلال عثمان ده كوم براهو... الزول ده بقى يستكردنا عديل كده... يجي كل شهر تلاتة مرات... بيضة ديك تلات مرات بالشهر...
Post: #4445 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-28-2012, 08:41 AM Parent: #4444
صباح الخير ،،، يا وجوه الخير
دعاء بداية الإسبوع
اللهم إنك تعلم سري وعلانيتي فأقبل معذرتي وتعلم حاجتي فأعطني سؤالي وتعلم ما في نفسي فأغفر لي ذنبي
================
رشيد القوم ، القومه ليك يا سيدي وما حرمناك يا حامل اللواء ويا عضد ناس الزقازيق ود جبرين ربنا يخدر ضراع ويزيد يراعك واصل حبيبي،،،،،
بس أنحنا من يوم الخميس كنا مضيوفين بشخصية زقازيقية لم نشاهدها منذ عام 1992 وجانا مع أولاده معتمراً من داخل المملكة
ولم يسمع بموقعنا على سودانييز أو على الفيس بوك وبدأنا نقرأ من يوم الخميس وحتى صباح يوم الجمعة حقيقي إستمتعنا ولم أكن أتوقع أن تكون مراجعة ما كُتب منذ سنين لذيذ ورايق بهذه الصورة ، سوف نكشف الشخصية عما قريب ونعتذر لناس جدة لأن الزيارة كانت بين مكة ومنزلنا بجدة .
أضم صوتي وأقول نفتقد أبو الزوز بشدة من وزمن اين مي؟؟؟؟؟؟ ما عاداتك يا جمل الشيك يا تمساح الدميرة يا الأسد النتر صحى المرافعين خوف!!
حكي لي صديقي السوري ان أحد جيرانهم من الشباب كان يهوى الرسم... لم يلقى حظا من التعليم بسبب عدم قدرة عائلته على اعالته... فعمل في عدة مهن ليست لها علاقة بالرسم و لكنه لم يترك الرسم... و كان ينفق جزءا كبيرا من دخله على أدوات الرسم... نمت موهبته و تطورت كثيرا حتى أصبح معروفا في (الضيعة)... لكنه كان يبحث عن فرصة يظهر بها موهبته على مستوى أكبر... و يريد أيضا أن يتكسب من موهبته بدلا من ممارسة أعمال شاقة.... فيصطاد بذلك عدة عصافير بحجر واحد... صادف مرة أنه كان يعمل بالقرب من مدرسة للبنات... و بما أنه كان في عنفوان مراهقته كان يتعلق قلبه بعدد من فتيات المدرسة... و لكنه لم يكنا قادرا على التعبير عن حبه لهن... بحكم أن كل سكان الضيعة يعرفون بعضهم البعض... ويخشي أنه اذا تكلم الى احداهن أن يتسبب ذلك في مشكلة له و لأهله... قرر أن يستغل موهبته في التعبير عن حبه لأي فتاة يهواها قلبه... فأخذ يأتي ليلا الى المدرسة و يرسيم على جدران المدرسة لوحة جميلة... ثم يقوم باهدائها الى احدى الفتيات..يشير اليها فقط دون ذكر اسمها... فتأتي الفتيات و المعلمون فيجدوا أن جدران المدرسة قد تغيرت... و كان ما أن يهوى فتاة حتى يغير الى أخرى بعد فترة و جيزة... فيهديها لوحة أخرى تكون أجمل من سابقتها... قام مرة برسم وردة جميلة جدا و نحلة تقوم بامتصاص رحيقها... وكتب تحتها بخط جميل... لو عرفت النحلة رحيق شفتيك000 لتركت الزهرة و ذهبت اليك.. بالرغم من أن جميع أهل الضيعة أثنى على جمال اللوحة... الا أن العبارة التي كتبها تحتها أثارتهم ضده... و قامت مديرة المدرسة بابلاغ الشرطة... و التي لم تجد كثير عناء في معرفة هوية الفاعل والتوصل اليه... تم القبض اليه و ايداعة في حبس مخفر الضيعة.. حتى يحول الى المدينة ليقدم للمحاكمة هناك... الا أن أحد موجهي التعليم تدخل و ذهب الى مديرة المدرسة... و توجه اليها بسؤال مباشر..هل تجدين جدران المدرسة الآن أجمل أم ما كانت عليه في السابق... اعترفت بأنها تجد الجدران أجمل الآن الا أن العبارات لا تتناسب و المدرسة... قال لها اذا لنزيل العبارات غير المناسبة و نترك اللوحات كما هي... وافقت مديرة المدرسة و تم اخلاء سبيل الفنان... وأصبح من بعد ذلك يتعاون مع المدرسة في أي أنشطة تتطلب رسومات و غيرها.. و أتيح له أن يبقى قريبا من كثيرات كان قد أهداهن لوحات جدارية من قبل...
يوم الخميس قبل ما امشي البيت يا رشا عملت مداخلة سريعة بخصوص الكرش ونزول السلالم .. بس وين طفشت المداخلة وهسع بعد مرور الخميس والجمعة والسبت .. بفتش فيها ماليقيها .. وما بقدر انزلها تاني .. صدقوني الرشيد ينزل كرشو ... اسهل من تنزيلها مرة تانية بعد مرور 3 أيام ...
========================================= يا شاب زهير الزناتي ده فكو شوطو .. ولدنا ده كان كلو حماس ... وكان كل مرة بنشاط ... بفكر يقلبا ... هسع ملاااااااااان احباط ... وغلبو يقلبا .... كل الشباب في كل مكان ... قلبوها ... ياخي ديل حتي نا س الحكم الملكي الـ بالمغرب ... قلبوها ...
================================ النضيف ... ربنا يشفيك ... ويعافيك من المرض والشر .. والله اشتقنا ... للدغاتك ...
Post: #4448 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-29-2012, 05:53 AM Parent: #4447
صباح الخير ،،، يا وجوه الخير
دعاء اليوم :
اللهم إني إستغفرك من كل ذنب. إستغفاراً يكون لي نوراً في القبر وأمناً في الحشر وحجة في الحساب وثباتاً على الصراط اللهم شافي ولدنا عبدالدائم وخفف آلامه وأرفع عنه
هذه المداخلة في البدء لتحية صديقي الرشيد ... ومن ثم تحية نجيلة ، ميسرة ، طارق جبريل .... وبس الما عاجبه يلاقيني وراء الخور ..... رغم انه في زول يمين مشتاق ليهو عديل كل يوم اقول اتصل عليهو الليلة ... وبعدين بكره .... وهكذا وكان ما إتصل علي هو ما في ليهو تحية وهو عارف نفسه كويس ...
يا ريس حرم مشتاقين لمن غلط ... بالنسبة للزقازيقي الزائر فقد قالت العصفورة أن اسمه مما عبد من الأسماء ... وهو خريج تجارة قديم ... وفي رواية أخري سمعنا أنه نوبي عتيد ... تفصح ولا نفصح ....
Quote: يوم الخميس قبل ما امشي البيت يا رشا عملت مداخلة سريعة بخصوص الكرش ونزول السلالم .. بس وين طفشت المداخلة وهسع بعد مرور الخميس والجمعة والسبت .. بفتش فيها ماليقيها .. وما بقدر انزلها تاني .. صدقوني الرشيد ينزل كرشو ... اسهل من تنزيلها مرة تانية بعد مرور 3 أيام ...
المداخلة قاااعدة محكرة في نهاية الصفحة الفاتت يا ياسر... اعمل ليك جكة كده حتلقاها...
Quote: هذه المداخلة في البدء لتحية صديقي الرشيد ...
سلام يا صاحبي... مشتاقين ياخي...
Quote: ولا صحبي بتاع السلع زمان المقهي و فاتح خشمو للشمار
وينك انت لابد... قالوا كتر الضغط بيولد انفجار... الاشارة هنا الى الضغط بتاع السودان... محل الانفجار ده لحد ما يجي يوريناليهو جلا...
Quote: المساج الحبشي مجرب اسال صحبك كمال الشادي عنده خبرة
بعد مداخلات الريس عن القنصلية السودانية في جدة.. كنت خايف و أنا في طريقي الى السفارة السودانية بأبو ظبي لتجديد جوازي... فيما يخص شكل السفارة من الداخل و الخارج.. فالحال من بعضه هنا و هناك... أما المعاملة و سرعة العمل فالأمر مختلف هنا... ربما لن تصدقوني اذا قلت لكم انه تم تجديد جوازي في عشره دقائق... بما في ذلك من ضرائب و غيرها... و لما رجعت الى المكتب كان الجميع يسألونني.. انت ما قلت ماشي السفارة... فالتحية للعاملين بسفارة السودان في أبو ظبي...
و برضو يا ياسر نجيلة المداخلة قااااااعدة محكرة في آخر الصفحة السابقة... شكلك كده لحقتني يا يابا...غير النضارة... كنت عايز أجيبه ليك هنا لكن استبيخت الموضوع.
Quote: و برضو يا ياسر نجيلة المداخلة قااااااعدة محكرة في آخر الصفحة السابقة... شكلك كده لحقتني يا يابا...غير النضارة... كنت عايز أجيبه ليك هنا لكن استبيخت الموضوع.
شكلي كده مش حأغير النضارة ... أنا حأغير الجهاز زاتوووووووووووو .... والله مالاقيها ... عموما خلينا نشوف السودان حيعمل شنو ... في مباراة اليوم قصدي حيعمل لينا ضغط ... ولا حنبقي حلوين زي ناس الرياض ...
Quote: عموما خلينا نشوف السودان حيعمل شنو ... في مباراة اليوم قصدي حيعمل لينا ضغط ... ولا حنبقي حلوين زي ناس الرياض ...
أنا و الله أتمنى الفوز للفريق القومي... و بدون ما أعمل فيها مورينهو... أنا شايف بوركينا فاسو أقوى من أنجولا و لآعبيها أكثر شبابا... لكن بتمنى يكون حظ (بشة) مستمر و يعادي لينا كمان كاريكا... و نطة نجم الدين تكون أعلى من نطتو في مباراة ساحل العاج... لمن شاف أٍسفل حذاء دروجبا و هو يقفذ لاحراز الهدف... شوف يا حبيب جهز من حسه الكركدي البااااارد و الشاي بالقرنفل... و لا كمان نوم في مواعيد نومك..الساعة عشرة دي متأخرة عليك... الصباح بتلقى مني رسالة بالنتيجة....
Post: #4465 Title: Re: ناس الزقازيق ... أجدع ناس (4) .. Author: عمر هواري Date: 01-30-2012, 10:58 AM Parent: #4464
إزيكم ... كيفنكم.. أنا لي زمان ماشفتكم
Post: #4466 Title: Re: ناس الزقازيق ... أجدع ناس (4) .. Author: أحمد إسماعيل Date: 01-30-2012, 03:59 PM Parent: #4465
سلام لجميع الأحباب الزقازيقاب وسلام كثير للأخ عمر هواري وإن شاء الله في معية الوالدين إلى أرض المليون 00000 ممكن نسمة أومشكلة أو جنيه أو قرش أو مليم لكن ليس ميل
Post: #4467 Title: Re: ناس الزقازيق ... أجدع ناس (4) .. Author: ميسرة سيد أحمد Date: 01-31-2012, 05:54 AM Parent: #4466
صباح الخير ،،، يا وجوه الخير
أصبحنا وأصبح الملك لله وحده،،،
أهدى تحية الصباح للشعب السوداني
بمناسبة فوز وتأهل المنتخب السوداني
والذي غاب لعشرات السنين من التأهل لأي دور متقدم
جميل أن نبتسم وأن نفرح لوطنا الذي غابت عنه كثيراً مثل هذه الأفراح
سلام ياشباب ... مبروك الفوز ... ونتمني تخطي زامبيا لدور الأربعة ...
صدق يالرشيد ساهرت لأخر ثانية في المباراة ... وكمان سمعت شوية من التحليل الفني عقب المباراة .. ياخي ماتصور حبي للكرة الافريقية كيف ... وخاصة لما يكون فريق سوداني طرف فيها ... حتي ولو كان الهلال ...
======================== انت عكست الآيه ... انا لا أطيق انتظار ثانية واحدة لمشاهدة ... مباراة اوروبية ... يمكن انجذب بعض الشئ للدوري السعودي ... وخاصة الهلال والاتحاد ...
مبروووووك للسودان الفوز و التأهل للمرحلة التالية... في اتنين بتكون فرحتهم فرحتين... فرحة فوز السودان..و فرحة ان محرز الأهداف هو كاريكا.. الأول مازدا الذي أصر على اصطحاب كاريكا رغم عدم جاهزيته... و التاني الكوتش محمد صديق و الذي يعتقد ان كاريكا لاعب كبير... و هداف جيد يعرف طريق المرمى و لا ييأس... التحية لي مازدا الذي أًصر على كاريكا... و التحية للكوتش الذي كان يرى في كاريكا ما لم نكن نراه...
Quote: صدق يالرشيد ساهرت لأخر ثانية في المباراة ... وكمان سمعت شوية من التحليل الفني عقب المباراة .. ياخي ماتصور حبي للكرة الافريقية كيف ... وخاصة لما يكون فريق سوداني طرف فيها ... حتي ولو كان الهلال ...
يعني اليوم لو طبظت في أي مداخلة نعذرك... نقول الزول ده ما نام كويس أمبارح...
Quote: انت عكست الآيه ... انا لا أطيق انتظار ثانية واحدة لمشاهدة ... مباراة اوروبية ... يمكن انجذب بعض الشئ للدوري السعودي ... وخاصة الهلال والاتحاد ...
تاني الهلال... يا زول انت هلالابي لكن ما شاعر بالحكاية دي...
ياخي بتبالغ في كرهك للدوريات الأوروبية... ياخي دي فيها.. سياحة...تخليك تتعرف على بلدان و مدن كتيرة... ملاعب جميلة... كورة فيها فن و اثارة و حرفنة و كل حاجة... و خضرة...دي بتاعت الملعب... و ماء...البيغسلو بيهو اللاعبين وشوشهم... و وجه حسن...و ده محل ما الكاميرا تقبل...
تاني داير شنو عشان تشوف الكورة الأوروبية...
نتمنى لحبيبنا أحمد اسماعيل الشهير بأبو عمر اجازة سعيدة في ربوع الوطن... بصحبة والده و والدته... عليك الله يا أبو عمر.. أنقل اليها وفاي ليها... و حبي الأكيد...
Quote: ياخي بتبالغ في كرهك للدوريات الأوروبية... ياخي دي فيها..
لا ... لا ... لا المسألة ماعملية كرهه ... انا بلقي نفسي ... وحماسي مع الفرق الافريقية ...
كورة المسيح والجمال دى ... انا ما جزء منها ... كل ما احضر كورة اوروبية ... بتصور نفسي انا بشوف في فلم ... ياخي ما مكن تحضر كورة كاملة ... ماتشوف فيها ولا خطأ ... كانو عاملين ليها مونتاج ...
اللهم : اني عبدك وابن عبدك وابن أمتك ناصيتي بيدك, ماضى فيّ حكمك, عدل فيّ قضاؤك.. أسألك بكل اسم سمّيت به نفسك أو أنزلته في كتابك.. أو علّمته أحدا من خلقك أو استأثرت به في علم الغيب عندك... أن تجعل القرآن ربيع قلبي ونور صدري وجلاء حزني وذهاب همّي وغمّي.. اللهم امين يارب العالمين00اللهم امين يارب العالمين...
آآآآآمين ... شايفك مبكر يا رشا ... ادعوك اليوم لمشاهدت مباريات الامم الافريقية ... في هذه المجموعة كل الفرق مهددة بالخروج أو الصعود ... حتي غانا العندها 6 نقاط وغينيا ومالي لكل 3 نقاط ... حتكون منافسة موووت ... في المباريتين ...
Quote: ادعوك اليوم لمشاهدت مباريات الامم الافريقية ...
أنا أي كورة بتفرج فيها يا نجيلة... ان شاء الله دافوري في الحلة منقول في التلفزيون بتفرج فيهو... ما عندي قشة مرة أبدا في الكورة دي... امبارح استمتعت بي مباراة تونس و الجابون... كانت مسخنة سخانة دشيدة... و أكيد الليلة حأتفرج في مباريات مجموعة غانا....
Quote: والتحية ليك و الريس و الشاب الرشيد
سلامات يا حبيب... وينك ياخي مختفي... دي زيدني من دلك شوية.. و كتر الأشواق علي... و لا شنو...
Post: #4475 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-01-2012, 05:56 AM Parent: #4474
صباح الخير ،،، يا وجوه الخير
أصبحنا وأصبح الملك لله ،،،
دعاء اليوم :
اللهم آتنا في الدنيا حسنه وفي الآخرة حسنه،،، وقنا عذاب النار،،،
بعد بسم الله الرحمن الرحيم... و الصلاة و السلام على خاتم المرسلين سيدنا محمد و على آله و صحبه أجمعين..
شاعر انو الأبيات بتاعت أغنية الجابري دي تنفع افتتاحية جميلة هذا الصباح... مهداة لكل الرومانسيين... و لكل الذين يشتاقون الى الرومانسية... و الى الذين ضلوا طريق الرومانسية.. و لي موسى عيسى كمان...
فى العيون ببنيلو دارين من موده ومن منا بضمه فى قليبى محبه فياضه وهنا ماردت غيره ولاهو راد زولا سواى انا نظراته كيفن اوصفا دى الفى العيون مدونا همساته تحنان القمارى الراجعه للعش والجنا وتضوى والليل ينهزم وكتين يبالغ ويبتسم الدنيا ياناس تنقسم الفرحه تملاها وتزغرد فيها والشوق يرتسم
مساءكم فل يا شباب الزقازيق أهديكم أغنية الفنان عثمان حسين
قلبي فاكرك
كلمات ... السر دوليب ------------------------ حبيبي ليه قلبي فاكرك وإنت ليه خالي قلبك خالي خالي والله ما عليه *** كنت فاكر ألقى عندك الحنان تغمرني بيه قلبي يرثى ألقى جنبك الأماني الأماني تدوم عليه بحنانك تحتويني وبي ودادك تصطفيني ليه تسيبني يا ضنيني لدلاك اشتكيك **** عهدي بيك وأشكي ليك وتواسيني في آلامك غيروك بدلوك عن حنيني يا غرامي لا بقيت تسأل علي لا بتقول واحشاك عيني أو عذابي رضيته لي يا حبيب أنا راضي بيه ****** إنت لي نور عيني في الليالي تضوي ليا ذكرياتي وأغنياتي في فؤادي لسه حيه لو نسيت أشواقي ليك أو شبابي هان عليك قلبي لسه أملو فيك راجي لو تعطف عليه **** أي لحظة أي لمحة من حياتي إنت فيها في كلامي في ابتسامي في الأماني البشتهيها يا نضاري وإزدهاري يا ربيعي واخضراري يا حبيبي وإنت داري بالعذاب الإحنا فيه
يديك العافية يا ريس... و لك و لأٍسرتك خالص التحايا... الـ 36 ساعة الفائتة قضيتها بين السفارات و المطارات و المدن... سافرت مساء الخميس الى بانكوك للاطمئنان على صحة أختي منى... و عدت صباح اليوم... 14 ساعة سفر + 6 ساعات في المطارات... و ما تبقى منها بالمستشفى ملازما أختي... أسألكم جميعا أن تدعو لها.... و اليوم في المكتب مداوم... اذا سألتني عن بانكوك... فهي بالنسبة لي أمطار غزيرة..و مطار ضخم... و ممرضات في الرداء الأبيض ... و نساء كاسيات عاريات او بالأحرى عاريات عاريات... قالت لي والدتي ما الذي أتى بنا الى هنا... هذه بلاد النساء فيها عاريات و الناس تعبد الأصنام... قلت لها يا أمي غضي البصر مثلك مثلنا...و أذكري الله (كيه كده في الشيطان)... أما غير ذلك فلم أعرف عن بانكوك و عن تايلاند الا ما سمعته من الناس هناك...
نسأل الله الشفاء العاجل للاخت منى بابكر اللهم أكتبها لها
العافية وألبسها ثوب الشفاء برحمتك يا أرحم الراحمين .
و ألف حمدلله علي السلامة يا بطل الجاتك في شوفاتك سامحتك
ولو سالتني قلت ليك كنت تقطع معاك تذكرة للولد بتاع المغرب
علشان توفر علي نفسك شقاء النظر و التعليق علي اللابسات الواقفات
و الجالسات من حور البانكوك أو كنت تصطحب معاك الابنوسي من
من أجل امتاعنا بسرد جميل للجو الممطر هناك و لكن لنا عودا
معاهم بس انت اوصف و هم يتخيلوا .
نكرر دعاءنا للاخت منى .
Post: #4490 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-05-2012, 08:29 AM Parent: #4489
Quote: سافرت مساء الخميس الى بانكوك للاطمئنان على صحة أختي منى... و عدت صباح اليوم... 14 ساعة سفر + 6 ساعات في المطارات... و ما تبقى منها بالمستشفى ملازما أختي... أسألكم جميعا أن تدعو لها....
يا ودود يا ودود يا ودود .. ياذا العرش المجيد .. يا مبدئ يا معيد .. يا فعالا لما يريد .. أسألك بنور وجهك الذي ملأ أركان عرشك .... وأسألك بقدرتك التي قدرت بها على جميع خلقك .. وأسألك برحمتك التي وسعت كل شيء .. أن تلبس أختنا منى أخت الرشيد بابكر ثوب العافيه وأن ترفع عنها هذا البلاء يا واحد يا أحد يا فرد يا صمد
و الله يا موسى ما غالبني الوصف... لكن حيائي وما طرأ علي من أمور تشغل تفكيري يمنعاني... ربما بعد ما البال يروق شوية أقوم باخراجها من جديد... بعد عمل التعديلات الضرورية... مثل الأفلام التي تعرض على طيران الاتحاد... حيث يسبق الفلم تنويه يفيد بأن الفلم قد تم تعديله.. و لا يكتبون انه تم حذف المشاهد المخلة بالآداب... عجبتني عبارة تم تعديله هذه وكأنه سيارة عادية تم تعديلها الى دفع رباعي.. الواقع انها كانت كلها أفلام دفع رباعي تم تعديلها الى أفلام عادية.. و أنا في مطار أبو ظبي بحثت عن كتاب يرافقني في رحلتي الطويلة.. من بين الكتب المعروضة وقع اختياري على كتاب للروائية الجزائرية أحلام مستغانمي... رواية بعنوان فوضى الحواس... رواية بها كم هائل من العبارات التي وقفت أمامها طويلا... و حاولت جاهدا بنصف تخزين الكثير من الجمل و العبارات حتى أجترها مرة أخرى في كتاباتي اليكم... و أعمل فيها عب كبير... صدرت في العام 2005 و تم طبع 15 طبعة منها... وكانت خير رفيق لي في رحلتي... كنت عندما أجد نفسي جالسا وحيدا في بهو المستشفى... أهرب من واقع أجد نفسي غير قادر على التفكير فيه حتى النهاية... و ألوذ بأسطر مستغانمي المربكة و المحيرة في نفس الوقت... و لكنها كانت أقل ارباكا من كل شيء حولي... و كانت ملاذا آمنا من تحرشات التايلانديات غير المتعمدة...
عند ذكر الله للمغريات الموجودة في الجنة من أنواع المأكولات والمناظر الجميلة والمساكن والملابس فإنه يعمم ذلك للإثنين ( الذكر والأنثى ) فالجميع يستمتع بما سبق. ويتبقى: أن الله قد أغرى الرجال وشوقهم للجنة بذكر ما فيها من
(الحور العين ) و (النساء الجميلات )
ولم يرد مثل هذا للنساء.. فقد تتساءل المرأة عن سبب هذا !؟
أولاً :
أن الله: لا يسئل عما يفعل وهم يسئلون
ثانياً : - أن من طبيعة النساء الحياء – كما هو معلوم – ولهذا فإن الله – عز وجل – لا يشوقهن للجنة بما يستحين منه.
- أن شوق المرأة للرجال ليس كشوق الرجال للمرأة – كما هو معلوم – ولهذا فإن الله شوّق الرجال بذكر نساء الجنة
مصداقا لقول الرسول (ص)
{ ما تركت بعدي فتنة أضر على الرجال من النساء }
أما المرأة فشوقها إلى الزينة من اللباس والحلي يفوق شوقها إلى الرجال لأنه مما جبلت عليه
يا ربي التايلانديات ديل ينطبق عليهم معنى الحياء؟؟؟
Post: #4493 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-06-2012, 05:53 AM Parent: #4492
صباح الخير ،،، يا وجوه الخير
أصبحنا وأصبح الملك لله وحده ،
دعاء اليوم :
اللهم آتني الحكمة التي من أُتيها فقد أُتي خيراً كثيراً ،،،،
Quote: ما جاوبت على الفهم شنو؟؟؟؟ زولي وقع في عينك؟؟؟؟
ما لاقي ليها جواب..تتصور..
لكن زولك شايفو لافي بي جاي.. أنا كنت غايب شويه كده.. لكن لما رجعت لقيتو سادي خدمة... عليك الله لو في لخبطة في الحروف ما تآخذني... عشان الليلة نسيت النضارة بتاعتي في البيت...
أهنا إلتقاء الأحبة!!! و كيف هي الأشواق!!! كيف الشتاء و الغربة و المطر و هل يحج الناس إلينا بعد مولد النبي يخالجني شعور بأنني لست أنا و في أحيان كثيرة أتحسس رأسي و من ثم بقية ما موجود فيه أردت أن ألوح لكم بيدي و إلقاء التحية فذهبت أناملي موضع الكيبورد
لا يفوت على فطنة القارئ إنو أنا متقمص دور الرشيد بابكر في رواية الناس و الأشواق
Post: #4500 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-07-2012, 05:54 AM Parent: #4499
صباح الخير ،،، يا وجوه الخير
تحية الصباح نرسلها لأخونا جلا
ونقول هلا وحلا يا جلا ،،،
بمناسبة ظهورة يوم أمس المتميز
وأخونا جلا له معزة كبيرة ومكانة مرموقة
وشعبية كبيرة عند أجدع ناس وظهورة يعني
الكثير والمثير وخاصة عند ناس موسى عيسى وأبو الزوز وآخرون ،،،
نفتقد المحلل الصحفي منصور عبدالرازق وأخونا كمال الشادي
============================= اللهم آتنا في الدنا حسنة وفي الآخرة حسنة ، وقنا عذاب النار
تشكراااااات يا ريس لا عدمناك كلماتك الطيبات عني تجعلني أتحسس جعبتي اللغوية لأرد بأحسن منها و لكن مصاحبتي للناطقين بغيرها ساعدت ما هو موجود أن ينضب فهل تعذرني في ترميم ما تبقى و لك لي أن أغير الصحبة لآخرين بالطبع ليس فيهم الآتية أسماءهم: ود جبريل و اللغة الدراجة منص الذي يكتب سطر و ينط خمسة أسطر نجيلة و الكتابات النجيلة أبو الزوز الذي تحصل على القيد الصحفي بقدرة قادر و بتاع سلامات يا ناس و من بعد بتاع رفع الأثقال (رفع البوست)
يأخذ في الحسبان مع الإحتراز صحبة عبدالدائم وأحمد إسماعيل و محمد عيد إذا كان هو موجود و أخيراً الدمينكاني
بخلاف ذلك أنا متسامح مع الكل و الله أعلم
Post: #4502 Title: Re: ناس الزقازيق ... أجدع ناس (4) .. Author: حافظ انقابو Date: 02-07-2012, 09:09 AM Parent: #6
زقزاقين والله عموما انا برحب بنفسي في البوست وبتمنى ليها قامة طيبة في الزقازيق
اهلا وسهلا .... باصدقاء الزاقازيقاب الاخ حافظ انقابو ... واختنا ... احلام وهبي وتحياتنا لزوجها الفنان الراقي محمد السني .. وابننا محمد السهر وردي ... تحياتنا ...
لنا وقفة مع زائرنا الظريف ... حافظ انقابو ... اول ما قرينا اسمك تبادر لذهننا .... السؤال التالي ... هل هذا اسم ... ام صفة ... حافظ مشتقة من الحفظ ... انقابو ... جمع منقبه .... اي محاسن ... كدي انداح ورينا ... وكمان بالمرة نبذة ظريفة تعريفية عن شخصك الكريم ... زيادة معرفة وكده ... وبداية مشاركة وتعارف ...
=========================== ربنا يشفي بتنا مني بابكر ... نسأل الله لها الشفاء العاجل ويردها لاهلها سالمة معافية .... يارب
رشيد القوم ... ياخي ماطول الغيبة ... البوست من غيرك .... جلا (مافي واحد يجي ناطي ويقول ليه اخترت النقطة بتحت بدل فوق)... مزاج ساي ياخي ....
Quote: (مافي واحد يجي ناطي ويقول ليه اخترت النقطة بتحت بدل فوق)...
في مثل ما عارف أنا ناجرو و لا أصلاً هو موجود المثل بقول الرشاقة الكتلت إشراقة ما داير أجي ناطي و أقول ليك لو خليتها بدون نقط بتكون أجمل لسوء حظي أمبارح في قروب الفيس بوك قمت إتشالقتا مع حاتم جبارة و الموضوع خاص بحب أم كلثوم ثم تأتي المداخلات إلى مداخلة الدمينكاني هل ينفع العلاج بالقرآن و الموسيقى المهم شلاقة شلاقتين كدا مني قام الزول خرج من القروب لكن الأمر الأصعب الزول قام شكانا لله
سلام عليكم يا حلوين.. حبيبي جلا.. ورطتك دي سببها أنا.. وأتحمل اللوم عنك.. عسى الله أن يغفر لنا.. عشان تاني تخلي الشلاقه.... :) شفت الواحد برضو ما قادر يخلي الهظار الكتير.. طبعاً كنت قايل الفيس بوك زي هنا.. الناس حيستحملونا زي ما بتتحملونا.. طلعت غشيم.. وأخدت درس كبير.. والله يا جلا من الزعل.. لو في في الدنيا دي إستيكه تمسح إسمي من الفيسبوك والزقازيق زاتها.. كان مسحتو.. حكمه الله.. لقيت نفسي بأردد أم كلثوم أو ما شابه.. "كان مالي ما كنت ف حالي.. متهني ب قلبي الخالي.." تاريهو الكوتش ما ساهل.. طلع عب كبير في موضوع كاريشا.. وفي الفيس بوك.. إنتهى يا مان..
بسم الله الدومينكاني!!!!! لا عليك بالله ... لا تحمل نفسك فوق طاقتك بالمناسبة أنا الذي ورط نفسه و شخصك و شاكر جداً لتلفونك ... و الحمد لله تواصلت مع الأخ الكريم و هو سامح و تسامح
Quote: لو في في الدنيا دي إستيكه تمسح إسمي من الفيسبوك والزقازيق زاتها..كان مسحتو
و الله كنت داير أساعدك في المسح لكن لقيت الطبيعة بدأت بالمسح و إبتدأت من رأسك و ماشة للروموش و الشنب ما عارف حتقيف وين!!!! على العموم ما تجيب سيرة للناس الهنا لأنو في ناس بتاعين شماارااااااات
Post: #4513 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-09-2012, 06:06 AM Parent: #4512
Quote: لأنو في ناس بتاعين شماارااااااات
الفيس بوك ده عامل زى المساكن ما فيهو حاجة بتندســــة الخبر زمان وصل لكوز و عم القرى و النجوع
يا شباب الموضوع اكتر من عادى و بسيط جدا" ما تكبروهو
وحات رقبتى الما بحلف بيها بالكضب ما رجعنى ليكم الا جنس الشمارات دى
بس تانى يا جلا ما تهابش ناس تربية خليك فى صاحبك الزاغ بقروش الصندوق
طبعا أنا امس جريت جري على الفيس بوك عشان أعرف الشمار بس والله مافهمت حاجة غير كمال الشادي سأل سؤال عن حب ام كلثوم وواحد اسمو احمد كتب مداخلة عن حب القرآن ...وعلاقة بالراحة النفسية عكس الغنا وحاتم جبار ومحمد ادم النور بتهألي مداخلاتهم طالهم مقص الرقابة (زهير الزناتي) عشان كده لم افهم سبب حردان الاخ أحمد وتركه الفيس بوك ممكن ياشباب تعيدو المداخلات هنا بسرعة قبل حضور الاخوان ...
========== طبعا طلبي ده من باب الشمارات ... وهو برئ جدا ... وكمال الشادي يطالب بعودة طارق جبريل وانا اطالب بحضور موسي عيسي
المهم ... انا نسيت اصبح عليكم كيف اخباركم ياشباب سركم في بير ... ...
عارف يا نجيلة بالنسبة للدكاترة طوالي عرفتهم ليك يعني زي تيمان برقو المابتفرقو لكن أحمد السني ماغشاااااني و الله كنت فاكرو عماد شريف
Quote: شاء الله رشيد القوم يظهر باقي الخميس أو الجمعة عشان يوفر على حق التلفون ... والمشوار ... لأبوظبي ...
خليك من ظهورو الليلة أو بكرة أفتكر مشوار لغاية الزول دا ما خسارة بكون أحسن بي كتير و أغريهو السلام بالله و عشان أختها ليك طاااخ كدا سألتك بالله تمشي ليهو
سلام عليكم يا حلوين.. إنتو يا جمجارين وعارفين نفسكم.. ما تراعوا فرق التوقيت.. عشان لاقيني نايم.. يا جلا.. شكراً ليك.. جريت جري علي المرايا بي قطا عيوني.. لقيت فعلاً الصلعه لحقت الحواجب والرموش.. بي صراحه خايف أوي على العده .. لذوي النفوس الضعيفه.. أقصد الشنب طبعاً.. حبيبنا نجيله.. أقول ليك استيكه تقول لي رقابه.. والله أبوالزوز دا تعبان معاك ومع الزقازيق.. لكن المداخلات تلقاها عند الغافل.. الا الرقابه تكون عندها باك اب.. النضيف يا عسل.. جابتك الجمجره جاري رغم المتاعب الصحيه.. عندي ليك مثل مصري خطير كانت الحاجه الله يرحمها بترشنا بيهو من حين لآخر.. "يموت الزمّار وصوابعو بتلعب".. أو من خلّى عادتو قلت سعادتو.. عشان كدا.. أنا مش حاسيب الهظار والجمجره.. ولو قطعتو اللغاليغ..
Quote: الهم رب الناس اذهب البأس عن أخاتنا مني بابكر واشفها يا رب العالمين شفاءا لا يغادر سقما ... واشفي جميع مرضانا ... اللهم آمين ...
سلام أيها الناس (هي نفسها) سلامات يا ناس أي متاوقة أو أي تلويحة ما بطااالة
أشك في الإقتباس الآتي
Quote: ان ملامحي وملامح موسي عيسي ... لم تتغير كثيرا
لم يكن في مقدوري أن أستوعب ما ذهب إليه صاحب المداخلة الفائتة و لكن يجدر بي الإحتفاظ بإحترام الرأي الآخر. و طالما كان هناك طعن دستوري قبل عشرون عام و نيف في أهلية صاحب المداخلة ليتبوأ رئيس أسرة التجارة في ذلك الزمان فكان من الأجدى أن يقول أنني و المذكور على نقيض و إلا فإن الدغمسة تراوح مكانها
للآخرين من منكم يريد أن يحجز مقعده لحضور أي تفلتات تظهر بعد هذه المداخلة
لسوء حظي أن ألعب مان تو مان مع الراجل الرشيق و الشفيف أحمد و لسوء حظك أن المباراة لم تسجل و ليست هي بالمباشرة لحسن حظي غيابك في تلك الفترة و لحسن حظك شمارات دوت كوم كانت حضور و لكن بشكل نسبي
ما علينا: إذن فأنا نقيضك و تلك دلائل قائمة
عليك الله المحاسبة دي لو صحي صعبة ناس عبدالدائم ديل كان إمتهنوها!!!!! أن تتعامل مع الأرقام بشكل جامد فأنك تعطل أحد الموارد الهامة
Quote: و التحايا للاخ نجيلة و قول ليهو لا نامت اعين الجبناء
محشش يسال خويه: لو اشرب عرق اسكر؟ قال:أكيد قال طيب: لو اشرب مزيل عرق... يروح؟
•°•°•°•°•°•°•°•°•°•°•°•°•°•°•°•°•°•°
ضابط يحقق مع محشش... قاله: وين ساكن؟ قال: مع اخوي. قاله: أخوك وين ساكن؟ قال:معاي. عصب الضابط قاله: ياحمار انت وأخوك وين ساكنين؟ قال:مع بعض.
•°•°•°•°•°•°•°•°•°•°•°•°•°•°•°•°•°•°
محشش قالو له: وش رايك في الزواج المبكر؟ قال: يعني ايوه ساعة؟
•°•°•°•°•°•°•°•°•°•°•°•°•°•°•°•°•°•°
اثنين محششين في المدرسة عطوهم استدعاء ولي أمر ومكتوب على الظرف (إلى ولي الطالب فلان بن فلان المحترم) المحشش الأول يقول للثاني: تصدق توني اعرف ان عايلتنا المحترم!!! قاله الثاني: وأنا توني اعرف ان عايلتنا المحترم!!!
قاله الأول: يعني إني أنا وآنت من نفس العائلة... قاموا حضنوا بعض وقاموا يبكون.
•°•°•°•°•°•°•°•°•°•°•°•°•°•°•°•°•°•°
محشش عنده سيارة كامري، واقف عند إشارة...
وقف جنبه واحد متين، عنده بورش...
قاله المحشش: تسابق؟
المتين طالع الكامري باحتقار وضحك.
قال المحشش: لا يا غبي، اقصد ركض.
•°•°•°•°•°•°•°•°•°•°•°•°•°•°•°•°•°•°
محشش شاري جهاز المشي...
شغله وقام يركض عليه ساعة .. ساعتين .. ثلاث...
دخلت عليه أمه قالت له: خلاص يا وليدي لا تموت علينا.
قال: والله ما أنزل لين أشوف وين موديني .
•°•°•°•°•°•°•°•°•°•°•°•°•°•°•°•°•°•°
محشش ماشي مع حبيبته، قالت له: إحكيلي كلمة تزيد دقات قلبي. قالها: أخوكي ورآنا.
•°•°•°•°•°•°•°•°•°•°•°•°•°•°•°•°•°•°
وحدة بتقول لزوجها المحشش: اذبح خروفين بمناسبة مرور 10 سنوات على زواجنا.
أحبابي ان الانتماء اليكم انتماء أفخر به.... شكرا لكل الذين اتصلوا بي و الذين كتبوا هنا مستفسرين عن صحة أختي منى... كثيرون هم الذين اتصلوا بي و من كل أنحاء الدنيا... منى تمر بمرحلة حرجة لا ينفع معها الا صادق الدعاء... أسألكم لها الدعاء... و أشكركم على سؤالكم عني و عنها... و لا أراكم الله مكروها في عزيزا لديكم... أوصيكم بمواصلة الكتابة هنا في هذا البوست... و الذي كان له الفضل بعد الله سبحانه و تعالى في أن تتسع دائرة عائلتي... هذا شعور تعضدونه كل يوم باهتمامكم و حرصكم.. أنتهز هذه المناسبة لتحية عصام دهب الذي جعل هذا ممكنا... شكرا عصام دهب....
Post: #4536 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 02-13-2012, 08:31 AM Parent: #4535
أخونا الرشيد
تحياتي
وألف سلامة للأخت منى
ألهم رب العرش... أذهب البأس واشفها شفاءا لا يغادر سقما... ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـمنى من وجع .
ألهم رب العرش... أذهب البأس واشفها شفاءا لا يغادر سقما... ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـمنى من وجع .
سلام لجميع أخواتي و أخواني الزقازيقاب .. أجدع ناس بحق ..
ـ
و دعوات صادقات أبتهل بها للمولى عز و جل و هو السميع المحيب .. و أساله تعالى بإسمائه الحسنى و صفاته العلى أن يمن بكامل الشفاء على أختنا الفاضلة / منى بابكر .. شقيقة شقيقنا / الرشيد بابكر .. و أساله تعال أن يحفظهم جميعاً بحفظه و يبعد عنهم كل شر .. اللهم رب الناس اذهب البأس واشف أختنا / منى بابكر .. أنت الشافي .. لا شفاء إلا شفاءك شفاء ليس بعده سقماً أبدا .. اللهم يا شافي يا قادر على كل شي .. يا مخرج الحي من الميت ومخرج الميت من الحي يا من تقول للشي كون فيكون .. فأنت وحدك سبحانك القادر على شفائها .. اللهم اشفها وعافيها .. ومن كل سوء داويها .. اللهم داويها بدوائك وأشفها بشفائك و أغنيها بفضلك عن سواك .. اللهم اشفها وانزل عليها العافية الدائمة .ز اللهم أنت القائل ادعوني استجب لكم.. فدعوناك يا إلهناأن تشفي أختنا / منى فأستجب لنا أنك أنت السميع العليم الرؤوف الرحيم ..
Post: #4539 Title: Re: ناس الزقازيق ... أجدع ناس (4) .. Author: منصور عبد الرازق Date: 02-13-2012, 11:03 AM Parent: #4538
ورغم ان الخبر الحزين قد اتى للتو الا ان دعواتكم , ومشاعركم الطيبة , قد وصلت الى الرشيد وتدفقت , وانهمرت قبل قليل , نعى الناعى , من تايلند البعيدة وقال ان منى بابكر , قد توفاها الله وهل على الله عزيز ؟؟!!! انقطعت انا عن البوست , لمشاغل عديدة ولكن انقطاع الرشيد , عندى , وعندكم على ما اظن , انقطاع غير , وانقطاع مختلف فاذا وجدناه حاضرا , فكأننا كلنا حاضرون ولكن غيابه لا يكون الا للشديد القوى وقد جاءه هذا الشديد القوى , بالخبر الحزين هذا , قبل قليل الرشيد فى طريقه الى السودان وجثمان منى الطاهر , الى نفس الوجهة الرشيد مر بظروف عملية ضاغطة , تزامنت مع ظروف منى الصحية ولكنى كنت من انصار ان يزورها فى تايلند , ولو خميس وجمعة لأنى اعلم رقته وشفافيته , وكذلك اعلم ظروف منى الصحية , التى كنت اطلع عليها تفصيلا اما منه , او من دكتور مامون المعانا هنا فى الرياض يا ناس السودان , الرشيد معاكم مساء اليوم , وجثمان منى كذلك ويا ناس الزقازيق كلكم , وين ما كنتم , خففتم على الرشيد ومنى ما تزال بيننا واظن انكم قادرون على التخفيف عليه , بعد ان اصبحت عند مليك مقتدر اللهم انزل عليها شآبيب رحمتك اغسلها بالماء والثلج والبرد نقها من الذنوب والخطايا , كما ينقى الثوب الأبيض من الدنس وانزل صبرك وقوتك هلى ابنائها ووالدها وزوجها المكلوم , ووالدتها واخوانها واخواتها الى جنات الخلد , منى بابكر سيد احمد
Post: #4540 Title: Re: ناس الزقازيق ... أجدع ناس (4) .. Author: محمد عيد Date: 02-13-2012, 11:48 AM Parent: #4539
انا لله وانا اليه راجعون ولا حول ولا قوة الا بالله نسأل الله للراحلة الرحمة الواسعة والمغفرة ..
خالص التعازى للاخوان الرشيد ومحمد ومامون وعلى وغادة ولجميع افراد الاسرة ...
انا لله وانا اليه راجعون ولا حول ولا قوة الا بالله ربي ارحمها واغفر لها واجعل مثواها الجنه والصبر والسلوان للاخ الرشيد والعزيزه نجاة واسرة الفقيده والدوام لله
Post: #4544 Title: Re: ناس الزقازيق ... أجدع ناس (4) .. Author: محمد عثمان عبد الرحيم Date: 02-13-2012, 06:40 PM Parent: #4543
للفقيدة الرحمة ، وللاخ الرشيد والاسرة خالص العزاء
اللهم انها في ذمتك وجوارك فقها فتنة القبر وعذاب النار وأنت أهل الوفاء والحق فاغفر لها وارحمها إنك أنت الغفور الرحيم..
اللهم نقها من الذنوب والخطايا كما ينقى الثوب الأبيض من الدنـس برحمتك يا أرحم الراحمين.. اللهم أجعل قبـرها روضه من رياض الجنـه
انا لله وانا اليه راجعون آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطاياوالذنوب كما ينقى الثوب الأبيض من الدنس اللهم اغسلها بالثلج والماءوالبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسعمدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنةالقبر اللهم اكفها ضمة القبر اللهم اجعل قبرها روضة من رياض الجنة ولاتجعله حفرة من حفر النار اللهم إن كانت محسنًة فزدها في إحسانها ، وتجاوز عن سيئاتها اللهم ألحقها بالشهداء اللهم اجعل هذا اليوم أسعدأيامها اللهم افتح عليها نافذة من الجنة00 واجعل قبره روضة منرياضها اللهم شفع فيها نبينا محمد صلى الله عليهوسلم
Post: #4549 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-14-2012, 05:58 AM Parent: #4547
انا لله وانا اليه راجعون
صادق التعازى للاخ الحبيب الرشيد والاخت العزيزة نجاة حوفى و لجميع الاهل و الاخوان باسرة عمنا بابكر سيداحمد وللخالة علوية مامون والاهل بالكوة واركويت و لزوج المرحومة وابنائها ولكافة اسرة الزقازيقاب
آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار اللهم إن كانت محسنًة فزد في إحسانها وإن كانت مسيئًة فتجاوز عن سيئاتها اللهم ألحقها بالشهداء
الاخوة الاعزاء من تحصل على رقم تلفون للتواصل مع الاخ الرشيد بالسودان ارجو مدنا به
مع الشكر الجزيل
آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار اللهم إن كانت محسنًة فزد في إحسانها وإن كانت مسيئًة فتجاوز عن سيئاتها اللهم ألحقها بالشهداء
اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار اللهم إن كانت محسنًة فزد في إحسانها وإن كانت مسيئًة فتجاوز عن سيئاتها اللهم ألحقها بالشهداء تعازينا الحارة للعزيز الرشيد وصديقي علي بابكر والاسرة الكريمة
Quote: جميعنا قد تابع مرضها والتحدث إليها منذ أن ظهر على السطح سفرها للإستشفاء من المرض العضال ومتابعة الأخ/ الحنون الرشيد لأخته في كل مكان تذهب إليه وآخرها كانت الزيارة قبل الوفاة بأيام قليلة
إذن لكم الشكر أيها الأحباب و أظن أن لسان حال الأخ الرشيد يقول لكم كذلك إنه لأمر جلل و حزن أمر و موقف رهيب و الكل يدعو لها بالمغفرة و الثبات عند المسألة و عزاءه أو عزاءنا أن يتقبلها الله برحمته جاء الناس من كل صوب معزيين و مواسيين للأسرة فكنا نحن أحوج بالمواساة و التعزية من الأسرة كانوا أكثر تماسك و كنا نظهر تماسكنا و تخزلنا أعيننا فنضاريها منهم قال لي منصور كونوا في الموعد و أبقوا عشرة على الرشيد و لكن فات عليه أننا أحق من الرشيد بالتوصية حدثني موسى أن أهاتفه فترددت لأخفي أحاسيسي فوجدت أن مشاعري ليست بيدي و علي أن أرتب نفسي قليلاً فإذا هو هذا الصباح و هذا سبب أنني لم أتحصل على هاتفه بالسودان حتى اللحظة و لكنني سأجتهد
الرحمة و المغفرة للأخت منى بابكر
Post: #4557 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-15-2012, 07:07 AM Parent: #4554
بالرغم من الحزن السائد فإن الدنيا هي الدنيا نحزن ثم نفرح و نفرح ثم نحزن فالأنسان كومة من المشاعر و الأحاسيس تتغير و تتبدل كأنها الجغرافيا ألم أقل لكم إنها الدنيا!!!! اللهم أجعلنا وسطيين في حزننا و فرحنا
الرحمة و المغفرة للأخت منى بابكر
Post: #4559 Title: Re: ناس الزقازيق ... أجدع ناس (4) .. Author: محمد عيد Date: 02-15-2012, 10:03 AM Parent: #4558
لست بأفضلكم و لا أخيركم حرصت على التواجد في هذا اليوم ليظل البوست رافداً لكتاباتنا و وجعنا و فرحنا و حزننا و حبنا نحن كالبنيان ... و أظن ذلك نشد بعضنا بعض نتماسك و نتعاضد متى كانت الحوجة لذلك نتفاخر و نتباهى متى كان ذلك ممكناً نمشي بين الناس شاكرين و ميسرين و نستعين بالصبر في شدتنا لأننا قدريين
Quote: لست بأفضلكم و لا أخيركم حرصت على التواجد في هذا اليوم ليظل البوست رافداً لكتاباتنا و وجعنا و فرحنا و حزننا و حبنا
بارك الله فيك ورحم الله اختنا منى وجعلها في اعلي الجنان
شجعني علي الكتابة صوت الرشيد الذي وجدته صابرا محتسباً نسأل الله ان يمن عليه وجميع أفراد الاسرة الكريمة بالصبر والسلوان وان يجعل البركة في زريتها. وآخر دعوانا ان الحمد لله رب العالمين
( إن لله ما أخذ ، وله ما أعطى ، وكل شيء عنده بأجل مسمى ، فاصبر واحتسب ( ربنا يصبر الرشيد والاهل. والعزاء لكل الاهل والاقارب والاحباب حاولت الاتصال بالرشيد الرجاء انزال الارقام التي يتواجد بها حاليا
Post: #4564 Title: Re: ناس الزقازيق ... أجدع ناس (4) .. Author: محمد عيد Date: 02-16-2012, 07:00 PM Parent: #4563
رقم موبايل الاخ الرشيد بالسودان هو : 00249919809403
سلام تحيه زينب اختي ان شاء الله البركه فيكم وفي اهلها واهلها ناس الزقازيق وقد اخترت الجزئين الاول والثاني ومنتظر عشان نكمل القرأن في اقل من اسبوع باذن الله
Post: #4569 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-18-2012, 05:53 AM Parent: #4568
دعاء اليوم :
اللهم أرحمنا إذا بلغت التراقي وقيل من راق وتأكدت فجيعة الفراق للأهل والرفاق.
اللهم أرحمنا إذا أطبقت الروعات وفاضت العبرات وتعطلت القوى والقدرات
فكرة تلاوة القرآن بالتتابع لروح المرحومة والله يا عمر فكرة ممتازة لا تتيأس اكيد الفكرة فيها اجر عظيم للاثنين ... المرحومة والذي قام بالتلاوة .. انا معاك يا ابوالطيب التزم بتلاوة الجزء الثالث والرابع لروح اختنا مني بابكر ... ويا عمر اتمني بعد ان تخلص الجزء الاول والتاني ... ادخل وررينا التلاوة البعدها وانا سوف افعل مثلك سوف ادخل ريثما انتهيت من تلاوة الجزءين ... حتي انضمام بقية الاخوان ... واحسبة قريبا جدا ...
=========================== وكذلك دعواتنا بالمغفرة والرحمة لفنانا الكبير محمد وردي ...
انا لله وانا اليه راجعون ...
Post: #4573 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-19-2012, 06:39 AM Parent: #4572
اللهم أرحمنا إذا حملنا على الأعناق إلى ربك يؤمئذ ا لمساق
أشملنا برحمتك يا رحيم،،،
Post: #4574 Title: Re: ناس الزقازيق ... أجدع ناس (4) .. Author: جلال عثمان Date: 02-19-2012, 08:12 AM Parent: #4573
لو مرة بعدك يا زمان الغربة تجمعنا الصدف أنا كيف أعود من طيبة أول نظرة للدار منكسف وا ضيعة الوتر اللي ما غنيت عليه و لا عزف من صدفة عابرة بلا سلام قلبي الغريب بالهم نزف يا ريتني ما شفتك ربيع و لا كان يلازمني الأسف ضاع الكلام ماتت حروف اللقيا قبال أهمسها و الله ما غابت محاسنك مرة لا الجرح إتنسى
رحم الله الامبراطور واحسن اليه ... انا لله وانا اليه راجعون
Post: #4575 Title: Re: ناس الزقازيق ... أجدع ناس (4) .. Author: محمد عيد Date: 02-19-2012, 09:06 AM Parent: #4574
واااااااا شــــــرّى
فى اللهجــة النوبية عندما تسـ###### النساء فانهن يســتخدمن هذا اللفظ للنواح والصراخ عند فقدان شخص عزيز
وآخرون قالوا بدمع سخين .... ان السواقى فى الروابى تنوح ... وان الصحارى والجبال اتشحت بالسواد ...
وعصافير بلادنا تكسرت اجنحتها وانكتمت مزاميرها...
أنــا أقول ... اننى احس وكأنى قد بترت مشاعرى كاملة ...
وكأن اليوم أصبح ليلا كله ...
مالها ليلة الحزن لم تنته بعد ...
الحزن هذه المرة دخل فى العظام كلها ...
Post: #4576 Title: Re: ناس الزقازيق ... أجدع ناس (4) .. Author: منصور عبد الرازق Date: 02-19-2012, 09:19 AM Parent: #4574
دورى دورى يا ايام ويا اشواق علينا رحلة الأيام , دوارة , لذا فان الدنيا , يقولون عليها انها ما دوامة فى يا ربى علاقة بين وردى ومنى بابكر وحفلة محمد الأمين الفى بورتسودان ديك شفتوا الدنيا دى , قدر شنو , خلاطة تايلند جنب بورتسودان , ومستشفى فضيل الفى شارع الأسبتالية يقع الى الجوار تماما , من مركز العلاج الكانت بتتعالج فيهو منى بت بابكر تداخل الوان واختلاط اصوات غريب جريدة محمد الأمين , التى ما فتىء يقرأ فيها , منذ ان نوى السفر ياتى المانشيت بتاعها , فى ليلة من ذات الليالى وبه لسان ممدود احمر وردى , زى شفق المغارب يقول لنا بلسان عربى مبين , ان حياتكم عبث وان ركضكم عبث وان تناحركم , وتشاكسكم , وتخاصمكم ما بيختلف فى حقيقة الأمر عن توادكم , وتعاطفكم , وتقاربكم فاختاروا الأنسب ما بين تلكم الألوان , وادوا اضانكم , لما تشاءؤن , من تلكم الأصوات صوت وردى عندى صوتان واحد منهما , من غير ميعاد واللقيا اجمل فى الحقيقة بلا انتظار والتانى , بأسمك الأخضر يا اكتوبر الأرض تغنى هذان من الأصوات التى طلعت ذات مرة وصباح , من حنجرته الذهبية ولكنها ما عادت اليها ابدا ليس لأنها ضلت الطريق , او لأنها تاهت وضهبت فى المسالك بل لأن كل الأذان اصطادتها واصدرت فرمانا غير قابل للنقض , بالأعتقال تم اعتقالها اعتقالا مؤبدا , فى شفاف القلوب واغشية التامور لا مرت بحجاب يحجزها , ولا غشاها نور العين , فقيل لها باجماع سكوتى صامت صدفة , اجمل صدفة انا يوم لاقيتا واسعد يوم , يومى الحييتها تطلعى انتى من غابات , ومن وديان , ومنى انا وقدام هذا العنفوان اللحنى , وهذا الطغيان الأبداعى يبدو موت وردى , تماما كحياته هما اتصال واحد , ونسيج مستمر يوصل الناس القيافة , لمراسى الشوق ويجد دائما , القاسم المشترك الأعظم , بين الجمال والأستحالة ويولف طعما متوسطا ومستساغا , بين الحنان والسكر ثم ينزل الينا من عليائه النبيل يا سليم الذوق , لو تعرف الشوق ابقى انزل من علاك الفوق وشوف غلاوة الحب , فى الحشا المحروق وكنتيجة حتمية , تلقى نفسك منصاع ومرتاح لى حكم قالوا ليك فى ساعة صفا بنحب من بلدنا , ما برة البلد سودانية تهوى عاشق ود بلد
Post: #4577 Title: Re: ناس الزقازيق ... أجدع ناس (4) .. Author: منصور عبد الرازق Date: 02-19-2012, 09:20 AM Parent: #4574
دورى دورى يا ايام ويا اشواق علينا رحلة الأيام , دوارة , لذا فان الدنيا , يقولون عليها انها ما دوامة فى يا ربى علاقة بين وردى ومنى بابكر وحفلة محمد الأمين الفى بورتسودان ديك شفتوا الدنيا دى , قدر شنو , خلاطة تايلند جنب بورتسودان , ومستشفى فضيل الفى شارع الأسبتالية يقع الى الجوار تماما , من مركز العلاج الكانت بتتعالج فيهو منى بت بابكر تداخل الوان واختلاط اصوات غريب جريدة محمد الأمين , التى ما فتىء يقرأ فيها , منذ ان نوى السفر ياتى المانشيت بتاعها , فى ليلة من ذات الليالى وبه لسان ممدود احمر وردى , زى شفق المغارب يقول لنا بلسان عربى مبين , ان حياتكم عبث وان ركضكم عبث وان تناحركم , وتشاكسكم , وتخاصمكم ما بيختلف فى حقيقة الأمر عن توادكم , وتعاطفكم , وتقاربكم فاختاروا الأنسب ما بين تلكم الألوان , وادوا اضانكم , لما تشاءؤن , من تلكم الأصوات صوت وردى عندى صوتان واحد منهما , من غير ميعاد واللقيا اجمل فى الحقيقة بلا انتظار والتانى , بأسمك الأخضر يا اكتوبر الأرض تغنى هذان من الأصوات التى طلعت ذات مرة وصباح , من حنجرته الذهبية ولكنها ما عادت اليها ابدا ليس لأنها ضلت الطريق , او لأنها تاهت وضهبت فى المسالك بل لأن كل الأذان اصطادتها واصدرت فرمانا غير قابل للنقض , بالأعتقال تم اعتقالها اعتقالا مؤبدا , فى شفاف القلوب واغشية التامور لا مرت بحجاب يحجزها , ولا غشاها نور العين , فقيل لها باجماع سكوتى صامت صدفة , اجمل صدفة انا يوم لاقيتا واسعد يوم , يومى الحييتها تطلعى انتى من غابات , ومن وديان , ومنى انا وقدام هذا العنفوان اللحنى , وهذا الطغيان الأبداعى يبدو موت وردى , تماما كحياته هما اتصال واحد , ونسيج مستمر يوصل الناس القيافة , لمراسى الشوق ويجد دائما , القاسم المشترك الأعظم , بين الجمال والأستحالة ويولف طعما متوسطا ومستساغا , بين الحنان والسكر ثم ينزل الينا من عليائه النبيل يا سليم الذوق , لو تعرف الشوق ابقى انزل من علاك الفوق وشوف غلاوة الحب , فى الحشا المحروق وكنتيجة حتمية , تلقى نفسك منصاع ومرتاح لى حكم قالوا ليك فى ساعة صفا بنحب من بلدنا , ما برة البلد سودانية تهوى عاشق ود بلد
عندما أشرت للعلاقة بين وردي و منى بابكر و حفلة محمد الأمين حسيت أنها الدنيا الجميلة في الناس الأجمل و القيافة و كذلك الأمكنة تايلاند و بورتسودان مع إستبعاد مستشفى فضيل جنب مركز العلاج الكانت بتتعالج فيهو منى بت بابكر قال لي محدثي أن الأشياء الجميلة لا بد أن ترحل فقلت له ليتها تتمهل في الترحال فنتزود أكثر قال لي يا له من طمع أخرق كيف هذا و هي تذهب للكريم العاطي حينها تذكرت إبن المرحومة منى بابكر عندما سألناه لماذا تذهب إلى المقابر عند الدفن أجابنا الرشيد .... بلسان إبن المرحومة الذي لم يبلغ السادسة .. أن أمه ستذهب إلى مكان أجمل و أحلى إذن فعليمها أن يذهبا و علينا النواح و الصبر الجميل فذهب وردي بصوتيه ليتك جعلت الصوت النوبي ثالثاً و أنا أستمع عبر الإذاعة لمراسم التشييع تذكرت الباشكاتب و جريدته و كيف سيكون حاله يا منص ... لا حق لنا في إختيار الألوان فهي مفروضة علينا في مقرر الجمال و الإنسانية و الصفاء و ليس لآذاننا في أن تسمع ما تريد فإن ما نسمعه كفيل بأن يشق طريقة للقلب دون عائق فلنبكي و لنحزن قالها محمد العيد الحزن هذه المرة دخل فى العظام كلها ... فوقفنا من المشي و سكبنا الدموع السخية و إنهد وتر المغني اللهم أرحم موتانا
Post: #4579 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-19-2012, 10:36 AM Parent: #4578
أمير الحسن
من صحابك ومن قرايبك يا حبيبي بغير عليك كل من قال يا حبيبي أفتكـرتو يشـير إلـيك وأي عاشق لو تغنى قلت لازم شـاف عينيك
يا أمير
كنت تايه في بحور الشوق وأمواج الحنان قبلك أنت وحبك أنت جابني لشاطئ الأمان والمحبة يا حبيبي أقوى من قدر الزمان
يا أمير
يا أمير الحسن لو تسمح ظروفك كل ساعة كل لحظة كل يوم مشتاق أشوفك
وين يا أمير يحسدوني الناس في حبك كم عزول روج إشاعة أنت يا رب المحاسن والبراءة والوداعة في إشارة من عيونك قلبي قال سمعا وطاعة
يا أمير
يا أمير الحسن لو تسمح ظروفك كل ساعة كل لحظة كل يوم مشتاق أشوفك
Post: #4580 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-19-2012, 10:43 AM Parent: #4579
أصدق كلامك حقيقه وبخاف أخاف الطريق اللى ما بودى ليك وأعاف الصديق اللى ما بهم بيك معاك انتظارى ولو بالكفاف وعنك بعيداً أبيت الرحيل وبيك اعتزاز الصباح الجميل جميع الأغانى اتكالن عليك جميع الأغانى اتكالن عليك
إنتقلت إلى رحمة الله والدة الأخ د . طارق عبد الكريم حسين ألا رحمها الله رحمةً واسعةً و أنزل عليها شآبيب غفرانه فطالما أكرمتنا بدارها العامرة بحى عابدين .. و كانت أما ثانيةً لكل زملاء د . طارق .. نسأل الله أن ينزلها الفردوس الأعلى من الجنان و أن يلهمنا جميعاً الصبر و حسن العزاء .. ( آمين ) جوال د . طارق 0020142719603
الموت علينا حق.. بس فراقك علي حار يا وردي.. عزائي إنك عايش في الفؤاد.. وفي قلوب الملايين. المليتها غنا.. وحب وشوق وفرح.. وأحلام.. ولوحاولت تهجرني.. أنا لا... ما بأنساك..
دنيا فرندقز.. يموت الثوار والملوك يتخمون..
Post: #4584 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2012, 05:46 AM Parent: #4583
صادق التغازي للأخ د. طارق عبدالكريم في وفاه والدته.. تغمدها الله بأوسع رحمته..
Post: #4585 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 02-20-2012, 06:36 AM Parent: #4584
صادق التغازي للأخ د. طارق عبدالكريم في وفاه والدته
يا ألمي و يا وجعي و يا حزني فهذا شهر الحزن الأليم و هذا شهر الحزن النبيل نبكي كما لم نبكي من قبل نذرف الدمع السخينة قال ود جبريل انتو الناس السمحة مالها كلها بقتت تفوت تخلينا ثم يا ناس الله والله أنا فترت من الوجع دة و أخيراً قال يا خلايق الله شوفوا لينا طريقة نطلع من الوجع دة بالمناسبة كلامو هو الوجع زاتو قدر ما أقرا كلامو وجعي يزيد بفراق الأحبة و بفراق أعز الناس بس ما نقدر نقول غير لنا الصبر و الفرج عند الله و يا غيمة الحزن أدبري و يا غيمة الفرح أقبلي
Post: #4588 Title: Re: ناس الزقازيق ... أجدع ناس (4) .. Author: منصور عبد الرازق Date: 02-20-2012, 10:02 AM Parent: #4587
نطلع من الوجع ده ؟؟!! ناخذ نفس عميق , شهيق وزفير كل واحد فيهم , اعمق من التانى تدخل هوا , تطلع الم , تطلع مغص , تدخل مكانهم اكسجين نقى ومرتاح الله عليك يا اوستند , يا زينة المدائن يالبحرك شمال , وهواك , يجرى جرى , فى كل الأتجاهات حتى انو عمر نملة , يحاول ان يسابقه جريا وهرولة فهمتك الآن يا نملة , بى شعرك المجدول داك جزئينيك قريتهم ؟؟ انا قريت ليكم السابع والعشرين , الخميس ليلة الجمعة ختمة القرآان فى جمعيتنا , مرة كل ستة او سبع شهور جزء واحد او يزيد , كل خميس , نتناوله قراءة وتلاوة وتجويدا ختمتنا القادمة , الخميس خمستاشر , او اتنين وعشرين من مارس القادم سندعو فيها , ان يخفف الله اوجاعنا , ويزيد من فاعلية (الأكسجين المضروب بتاع الزمن ده )
* احسن الله عزاكم اخونا دكتور طارق عوض الكريم فى وفاة الوالدة وجعلها الله آخر الآحزان
Post: #4589 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-20-2012, 10:10 AM Parent: #4588
انا لله و انا اليه راجعون
صادق التعازى للاخ د/ طارق عوض الكريم فى وفاة والدته
الدوام لله وحده
Post: #4590 Title: Re: ناس الزقازيق ... أجدع ناس (4) .. Author: منصور عبد الرازق Date: 02-20-2012, 10:40 AM Parent: #4588
بس الدنيا ما عمرها لا وقفت ولا استكانت ولا استنت ليها زول الموت , علامة نهاية فارقة , فى حياة الآدميين ولكنها ايضا ودائما , بداية جديدة يا لحسن حظنا بتلك الحقيقة توجعنا وتطلع كياننا , تهدمنا وتحرق اكسجينا لكنها , تستبدل فينا الخلايا , وتعوضها بجينات الحياة الجديدة ان فكرة الجسم الأنسانى الذى يفنى ويبلى , حتى يتم قبره ودفنه هى فكرة مثيرة حقا , وتتجدد اثارتها مع كل موت جديد وتزيد هذه الأثارة , كلما كان صاحب الجسد الفانى والمقبور عزيزا او مبدعا او قريبا او ممن حباهم الله بخاصية تواصل انسانى فريد وردى مثلا , يدان ورجلان ورأس وشعر واظافر كلى فنكشن لس , وقلب متناقص فى النبض ومتضاعف فى قوة العضلة عيون ترى وانف تشم ولسان يتذوق كلها اعضاء عادية , لا بل ان (كليتى ) اللتان هما فى اجنابى , قطع شك , احسن من كليتيه فى كثير من الوظائف والمهام ولكنه بين جنبات ذاك الجسم العليل , ومن وراء عضلة القلب تلك البالغة الضعف كان ذا ايقاع متفرد , كانت له قرون استشعار ابداعية خاصة , لا عندى ولا عند معظم الآدميين هذا الأيقاع المتفرد , وهذه القرون الأستشعارية المتفردة لحسن حظ الدنيا , انهما ليستا باعضاء ظاهرة , تكوينها ليس بانسجة ولا لحم ولا دم انها شىء من روح الأبداع , سره عند سيد الأرواح وخالقها هى شىء من نبض , ونبض من روح , وروح من خيال , وخيال من كل شىء هى فى النهاية اشبه ما يكون بالشىء , ولا شىء وما ابعد المسافة , بين الشىء , واللا شىء ولكن من حباهم الله بهذه الروح , يقطعونها فى الجيئة والذهاب لا يكلون ولا يملون ويملآؤن جنباتها , وهى صحراوات يباب فتغدو فى ناظرينا , وقد ملآت جنباتها الأزاهير , وتفتحت فى عيوننا عندها وبها الأقحوان وزهر البنفسج وتولدت عند مسامعنا , الأغنيات الفصاح , والكلمات التى اعياها (الوزن ) نراهم ونسمعهم , فتبلج الصباحات طاوية الليالى المدلهمات ويرتج (نبض النبض وتختلج الخطا ) عندى , او عندك , او عند محمد سعد دياب , لا فرق وساعتها , ابدا ما بنختلف لو زندها احتمل الندى , لكسوناه ما نشاء (كان انا ولا انتا ولا مصطفى سند زااااتو ) ثوبا من العشب الطرى , وابرتين من العبير , وخيط ماء
Post: #4591 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-20-2012, 11:22 AM Parent: #4590
الحزن القديم
ولا الحزن القديم انتي ولا لون الفرح انتي ولا الشوق المشيت بيهو غلبني اقيف ولا بنتي ولا التزكار ولا كنتي بتطلعي انتي من غابات ومن وديان ومني انا ومن صحية جروف النيل مع الموجة الصباحية ومن شهقة زهور عطشانة فوق احزانها متكية بتطلعي انتي من صوت طفلة وسط اللمة منسية تجيني واجيني معاك زمن امتع نفسي بالدهشة طبول بتدق وساحات لي فرح نور وجمل للحزن ممشي وتمشي معاي خطانا الالفة والوحشة وتمشي معاي وتروحي وتمشي وسط روحي ولا البلقاهو بعرفني ولا بعرف معاك روحي وما بنتي ولا التذكار ولا كنتي
قالوا فى القديم , ان رجلا شابا , كان ينشد الحكمة , ويبتغى المعرفة , يأخذها من مصدرها ليعطيها لسامعيه وطلابه , فكان ان سأله احدهم من الطلاب , ما كيد النساء يا هذا , فطلب منه مهلة كعادته يسأل الخبر , حتى ياتيه بعلم مجرب ويقين , حيث ان الحكمة ضالة المؤمن , فسأل والح فى السؤال , فكان ان اتاه الجواب من العارفين ذوى الخبرة , ان فلانة الفلانية , التى تسكن فى ذلك الوادى البعيد , اؤتيت من الحكمة معظمها , وما تعريف النساء الا ليمر عليها وبحكمتها , فشد الرحال الى واديها , مسيرة ايام وليال , كلما سأل عن فلانة , اسمعوه فيها مديحا وثناءا , فزاده ذلك تصميما على تصميم , حتى اذا ما وصلها منهكا متعبا من طول السفر , وجدها عند طرف الوادى جالسة الى غنمها وبيدها عصاتها , هل انت فلانة , نظرت اليه دون اجابة , بنت فلانة , نظرة اخرى تقول ما خطبك وغرضك يا هذا عرف بنفسه انه فلان ابن فلان القادم من هجرة الفلانيين , وذكرها ان الحكمة ضالة المؤمن انى وجدها اخذها واعتد بها , وما تطلبنى ؟؟ اسألك عن كيد النساء , فسكتت , كرر السؤال مرتين فثالثة , فكان ان صرخت بصوت عال , يا فلان , يا فلان , يا فلان , منادية على ابنائها الثلاث , الشداد الغلاظ , مفتولى العضلات بارزيها , اصواتهم وهم على بيعد اميال واميال منهما , كانها الرعود والبروق , ان لبيكى اماه , والويل لمن تعرض لك بالثبور وعظائم الأمور , فاسقط فى يدى صاحبنا الذى ينشد الحكمة , وود لو انه لم يفعل ولزم بيته ولم يقطع هذه الفيافى ولا تلكم الوديان , وعلم انه هالك لا محالة , حتى اذا ما صار الأبناء الثلاثة على مرمى البصر البعيد , واصواتهم ما تزال ترعد وتبرق ان لبيكى اماه , فاذا هى تخاطبه بصوت خفيض ولكنه حاسم , املأ هذا الدلو ورشه عليا رشا , بلنى به بلا كاملا , فاسقط به مرة اخرى , كيف يرشها بالماء ويبللها تبليلا وهؤلاء اولادها يرعدون ويبرقون , كررت اليه الأمر بصوت اشد حسما واكثر انخفاضا , فامتثل لأمرها خوفا لا طمعا , حتى اذا ما اقترب الأولاد الثلاثة , وامهم مبلولة اشد البلل , يكتسى وجهها اشد العياء , وتتلاقح انفاسها اشد التلاحق , لبيكى اماه , سعديك يا ام ضرغام وهجام ولجام , وكانت هذه اسماؤهم الثلاث , التى ضاعفت روع صاحبنا وخوفه , ولكنها بادرتهم قائلة , هل ترون هذا الرجل , ان لكم ان تشكروه وتكرموه وله عندكم فى اعناقكم دين المرؤة والشهامة والرجولة , فقد سقطت الى اكثر من نصفى فى البئر , ولكنه كان اسرع منكم فى استجابة ندائى الأستغاثى الذى ابطأتم فى تلبيته , فكأن ان انتشلنى وقد كادت مياه البئر ان تبتلعنى , اما ترون ان الماء قد بللنى من جوانبى كلها , اسرعوا فى اكرام هذا الرجل وشكره , ففعلته فعلة ذوى المرؤة واهل الشهامة , ومثله جدير ان يعز ويكرم ويصادق , استمتع صاحبنا بليلتين ويومين واعتذر عن ثالثة , لاقى فيها ما لاقى من طيب الطعام وجزيل العطاء , الا ان ما ناله من الحكمة , كان اعلى قدرا واعظم شأنا , فكان ان رجع الى اهليه ومنتظرى علمه وحكمته محملا بالمال والحكمة والسيرة الحسنة , والآن هل تعرفون كيد النساء ؟؟!!! منذ 2 ثانيتين ·
انتو ناس بتاعين مشاكل يا منص.. هسي لو كان أبو ضرغام وهمام ولجام هو العمل كدا كان قلتو حكمه ودهاء.. عشان أمهم هي العملتو..جيتو قلتو كيد النساء.. حاقرين بيهن ياخي إنتو..
Post: #4594 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-21-2012, 05:49 AM Parent: #4593
صباح الخير ،،، يا وجوه الخير
أصبحنا وأصبح الملك لله وحده
آن الأوان لهذا الحزن أن يترجل
ولهذا السأم أن يبتعد ولو قليلاً
حكمة اليوم:-
اللهم زدنا ولا تنقصنا
Post: #4595 Title: Re: ناس الزقازيق ... أجدع ناس (4) .. Author: عمر نملة Date: 02-21-2012, 07:00 AM Parent: #4594
سلام تحيه انا لله و انا اليه راجعون
صادق التعازى للاخ د/ طارق عوض الكريم فى وفاة والدته والتعازي لكل محبي الجمال في رحيل وردي اخواني واخواتتي الحمدلله خلصت الجزئين الاول والثاني لروح المرحومه منى وياسر اخوي سوف يقراء الثالث والرابع وباذن الله سوف اقراء الخامس والسادس وفي انتظار تفاعلكم حتى تكون سنه لكل موتانا
Post: #4596 Title: Re: ناس الزقازيق ... أجدع ناس (4) .. Author: كمال الشادي Date: 02-21-2012, 07:12 AM Parent: #4595
صباح الخير يا وجوه الخير زي ما بيحلو للاخ الكريم ميسرة سيد احمد ان يصبح على الناس دائماً
Post: #4597 Title: Re: ناس الزقازيق ... أجدع ناس (4) .. Author: منصور عبد الرازق Date: 02-21-2012, 11:07 AM Parent: #4596
انتو ناس بتاعين مشاكل يا منص.. هسي لو كان أبو ضرغام وهمام ولجام هو العمل كدا كان قلتو حكمه ودهاء.. عشان أمهم هي العملتو..جيتو قلتو كيد النساء.. حاقرين بيهن ياخي إنتو..
* كيد النسا ما يا هو دهاء الرجال ظااااااتو احيييييا انا من مرتك الما بتقرا عربى دى لو لى مراد , اعلمها عربى واعمل ليها صفحة ناس الزقازيق الصفحة المفضلة تحياتى يا مان عامل صنقوعك الكبير ده
Post: #4598 Title: Re: ناس الزقازيق ... أجدع ناس (4) .. Author: منصور عبد الرازق Date: 02-21-2012, 11:15 AM Parent: #4597
يا حاتم جبارة يا اب صلعة كل يوم وانا جاى المكتب , بصادف بعد مرات برنامج كوفى تايم الصباحى ’ على اذاعة يو اف ام السعودية فيه فقرة لذيذة جدا , بيحكوا فيها قصة قصيرة بأسلوب درامى مشوق ثم يتناقشوا عن مغزاها , ويجعلوا منها مادة جدال صباحى دسم كان منها قصة كيد النساء الفوق دى سمعتها منهم , وصغتها بتصرف اليوم سمعت قصة مشوقة اخرى ارخى لى اضانك بس
* الرشيد المفروض يرجع اليوم , ونجاة تسافر تعزى بكرة مشتاقين ليك يا الرشيد , عود لينا يا ليل الفرح البركة فيكم تانى يا نجاة
Post: #4599 Title: Re: ناس الزقازيق ... أجدع ناس (4) .. Author: منصور عبد الرازق Date: 02-21-2012, 11:53 AM Parent: #4598
فرح الشاب حديث التخرج , بوظيفته الجديدة , اشد الفرح احس بأن ابواب الدنيا , قد فتحت له على مصراعيه ما اسعده اليوم صحة , وفتوة , وشباب , وعنفوان , وشهادة جامعية , ووظيفة محترمة واسرة سعيدة تعيش فى بسطة من العيش فى حياة رغدة هنئية كان اكبر اخوانه لكن اباه ما يزال ولله الحمد , فى كامل صحته وشبابه ولما كان شابا مستقيما , جادا فى حياته , فان فكرته الناقصة , كانت بنت الحلال ولا غيرها امه واباه واخواته الشابات , كانوا يتبارون فى ترشيح عروسة المستقبل له فلانة , وعلانة , وفرتكانة , ولكن قلبه كان معلقا بشابة , سمع عنها ولم يراها سمع عن جمالها وعلمها واسرتها البسيطة , وقبل كل ذلك سمع عن ابيها الحكيم الرزين الذى ربى بناته الخمس , فاحسن تربيتهم , وعلمهن فاحسن تعليمهن وسلحهم باسلحة العلم والمسئولية والشخصية القوية , وقبل ذلك جملهن بحياء الدين والتواضع شغف بها وعنها حتى قبل ان يراها , رسم لها صورا تخيلية عديدة , بعيون سوداء كأنهن بحر المحيط وشعر سلسال كانه الليل الذى ارخى سدوله , فكانت فى مجملها , الزهور والورد , الشتلوها جوة قلبى نادى اخته التى تصغره بعام ونيف , واسر لها بمكنوناته , وطلب نجدتها ومساعدتها فما من سبيل له لرؤيتها رؤية مباشرة , وهو يعلم قيودهم المجتمعية القاسية التى تجعل من التقاء ذكر بأنثى , مجرد فكرة الألتقاء , ما خلى المتزوجين منهم فكرة جهنمية تنبع من جنس الشيطان فقط , فهو الوحيد الكفيل بان يكون ثالث اثنين اذ هما (فى الخيال يسرحون ) - اخوك ما مزنوق يا هيام يا اختى ياخ - واخوى ده الزنقو شنو كمان فى الصباح الأبيض ده , فتاح يا عليم رزاق يا كريم - صحبتك ما مولعة جوة قلبى حريقة عدييييل - اها , وناس 999 ماردوا عليك لمن كلمتهم ولا شنو , حريقاااااااااااااااااااا - بطلى غتاتك دى يا هيام , انا بتكلم جد والله - خمسمية ريالى البنفسجية بتاعت مرتبك الأول , جهزتها لى فى الأول - دى اخت شنو المبتزة دى ؟؟!! اصلو الدنيا دى مافيها حاجة كده لله , محنة ساااااكت كده ؟؟!! - موافق ولا نرفع السعر , قبلك وحدك , اصلى ما قايلة اخوى وزن الريشة قدر ده - ريشة التقيلة دى , ياخى زولتك دى , خلتنى لا عندى وزن ولا حجم , الستة بوصة المع الخمسة اقدام المكتوبة فى جوازى زاااتا اتخيل لى نقصت - سجم سجمى !!!! يا امى الحقى ولدك , يا زول خمسمية شنو , الشغل ده بيسوالو كان الف كان الفين , اول مرة اشوف لى حب بيعمل دايت , وبينقص الطول كمان !!! - سيبى الغتاتة يا بت , اها قولى الدبارة كيفنها - يا وليد قلت ليك (امانى دى ) انا لا بعرفها ولا قابلتها قبل كده , هسى امشى ادق بابهم سااااكت كده اقول شنو ؟؟ - قولى اى حاجة ياخ , انتى لماضتك دى بس معاى هنا , يعنى لسانك الفلقة ده , ماشى يكوس ليهو كلام كمان , ما تراهو بيبربر ليل نهار , لمن تجى القصة لأخوك المسكين ده , طوالى يقوم يتعقد ولا شنو ؟؟!! - يعنى اديتنى الأذن استخدم لسانى الفلقة ده زى ما قلت ؟؟؟ انا بحملك المسئولية غايتو , اقوم الخبت ليك الشغلة لا تلم فى امانى لا الم فى (خمسميتى البنفسجية ) - خمسميايتك تطير تقع فى البير , لكن يمين تزعليها لى , الا اقطع لسانك المتبرى منك ده , ونرتاح منو ومنك يا شقية الحال
هيام لمن رجعت من زيارة امانى المفتعلة , نجحت بلسانها الفلقة السليط , من ان تجعل منها صديقة من اول زيارة , كانت تعرف ان اقصر طريق لقلب اى امراة , هو مصارحتها بأنها مبعوثة اليها من رجل يهيم بها , خاصة ولو كانت هى اخت ذلك الرجل , فما اسعدها من امراة , وما احلاها من مرسال , عشان كده لمن رجعت البيت , صاحبنا وليد , كان بيغنى بى صوت عالى , رسلتا ليهو زول مرسال والمرسال مشا وما جا
اها المرسال مشا وجا , عامل لى فيها محمد وردى حضرتك ؟؟!!
- سيبى اللماضة يا بت , اها الحصل شنو ؟؟!!خمسميتى يا زول , نديك الشمار تقوم تنكر علينا خمسميتنا , اللسان الفلقة ده الليلة , سد الحنك عديييل , مفتاحه خمسمية بنفسجية ليها ضل , اها قلت كيف ؟؟اها هاكى المفتاح يا لميضة هانم , مناولا لها خمسمية ريال تلمع وتجرح , تناولتها وقذفت بها الى قاع شنطتها التى هى بنفس لون الخمسمية , ثم عادت تروس لسانها للدوران بعفويتها المعتادة , يمين يا وليد , البنية ما مكملة تكميل , غايتو كان انت ما جادى فى الموضوع ده , انا من يوم الليلة ده , شغالة ليها خاطبة عدييييييل , عليك الله يا هيام تعالى بى جاى واحكى لى , اها شفتى شنو , يا وليد ما تروق ياخ , انتا كان رقتا , انا بوصف الشفتو , شفت الشعر جااار لى حنتو التحتو ليل , اللللللليل لى حنتو التحتو , وانطلقت هيام تدندن باهزوجة اللحو المعروفة , بينما وليد يكون يموت من الغيظ وقلة الصبر
اسهبت هيام ذات اللسان الفلقة , فى وصف حسن امانى ومزاياها الطاغية , وختمت وصفها بنصيحة برئية تمتلى صدقا اخويا دافئا , بانها كانت تعتقد ان وله اخيها بامانى , مجرد خفة ووزن خفيف , الا انها الآن وبعد ان رأتها وتحدثت اليها , تكاد تراه فى وزن الجلة , وترى ان خطواته فى حسم الأمر , تعوزها السرعة , وينقصها الأيقاع المناسب للأرتباط بمثل هذا الصاروخ , مالك منتظر شنو , شغل واشتغلت , ابوى وامى وما عندهم مانع يعرسوا ليك الليلة قبل بكرة , البنية وطلعت صاروخ ارض جو , ابوها قالوا زول كريم وحكيم وكايس السترة لى بناته , يمين تقعد تتكاسل لى كده لمن اجيب ليها خاطب واقول ليهو اخدنى معاها فوق البيعة عشان اكف العين , فرصة ياخى نقول ليهو اشترى صاروخ واكسب طلقة متوسطة المدى مجانا , اما الصاروخ فلقد علمنا من السياق انها امانى ما غيرها , ولكن وليد ما لبث ان غرق فى نوبة ضحك هستيرى لمن فكر وقدر ثم خمن وعرف ان الطلقة المتوسطة المدى الفوق البيعة دى , ماهى الا اخته هيام ما غيرها , فى واحدة من استخدامات لسانها الفلقة المعروفة , فاستسلم وليد لوجة ضحكه والسعادة تغمره من كل جانب , من جهة لأن حلمه اقترب من التحقيق , ومن جهة اخرى لأن الله حباه مثل هذه الهيام , اختا رائعة تملأ بيتهم بالحركة والبركة والضحك والحبور , ثم فاق من ضحكه وهو يطرق باب ابويه مستأذنا فى الدخول , ليحسم امرا بات اقرب اليه من حبل الوريد
الجلكسات الصحي بتاعت الزولة اللسانا متبري منها دي ما عجبني إلا إستنكاحها المبرر لأخيها الدايت و كمان عايزة تكون فوق للبيعة ياخ دي ألطف بني آدم غايتو مستني المسخوت ود جبريل حيجي يطلع ليكم أخوها ودابرق دا أي كلام.....
يا حبايب جيت أقول ليكم شكرا... و لا أراكم الله مكروها في عزيز لديكم... ذلك ريثما الملم شظايا قلبي الذي انفثأ مثل فقاعة... ثم تبعثر و تبخر في الهواء... لا أريد أن أعيدكم الى خانة الحزن الذي أعلم انه لم يبارحكم للحظة... ان وقفتكم الى جانبي جعلت الاستمرار في الحياة ممكنا... فلقد بكيتم منى و شيعتموها معي و انتزعتوني انتزاعا عند قبرها... و وفقتم معي و واسيتوني كلكم و من كل أرجاء الدنيا... حتى الذين لا يعرفوا الا اسمي فقط اتصلوا معزيين... جزاكم الله كل خير....
Post: #4605 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-22-2012, 07:16 AM Parent: #4604
حمد الله على السلامة يا رشيد القوم
ده حال الدنيا و الدوام لله وحده
ربنا يجعله اخر الاحزان
والبركة فيكم وفى ابنائها
Post: #4606 Title: Re: ناس الزقازيق ... أجدع ناس (4) .. Author: محمد عيد Date: 02-22-2012, 07:36 AM Parent: #4605
رشـــيد
الف سلامة على العودة
وعودا حميدا مستطاب
نسأل الله ان يجعلها آخــر الاحزان
ويحفظكم ووالديكم واخوتكم وابناءكم أجمعين
Post: #4607 Title: Re: ناس الزقازيق ... أجدع ناس (4) .. Author: جلال عثمان Date: 02-22-2012, 07:52 AM Parent: #4606
حمدا لله على السلامة يا الرشيد وجعلها الله آخر الاحزان وجعل منى في الدرجات العلى من الجنان
Post: #4608 Title: Re: ناس الزقازيق ... أجدع ناس (4) .. Author: منصور عبد الرازق Date: 02-22-2012, 09:03 AM Parent: #4607
الأسماء الفي الدنيا دي كلها خليتها.. بس ما لقيت الا اسم أماني.. والا صدفه وأجمل صدفه.. الجلكسات عندك يا خفيف..
على الأقل انحنا امانى عرسناها وبقت ام وليداتنا ما ادتنا شاكوش من ايام الثانوى خلتنا نمرقا فى الدومنيكان عديييييل
Post: #4609 Title: Re: ناس الزقازيق ... أجدع ناس (4) .. Author: منصور عبد الرازق Date: 02-22-2012, 09:28 AM Parent: #4608
كان وليد متيقنا , ان والداه ينتظرون منه خبرا سعيدا كهذا كانوا قاعدين على الهبشة , ليطلقوا عنان افراحهم , ويقصوا شريط الأفراح التقليدى فما كان ان دخل عليهم , وما تزال على وحهه واساريره بقايا نصف ضحكة ما تزال تحتل جزءا عظيما من وجهه الطفولى البسيط جراء نقاشه الهزلى مع نحلة بيتهم الضاحكة , اخته هيام نصف الضحكة ذلك , كان كافيا جدا , لأن تخمن والدته بالذات , موضوعه الذى ساقه الى غرفتها فى هذا التوقيت -شكلك جايب لينا خبر حلو يا وليد , حصل خلاص ولا شنو - اصلو لقافتك دى انتى ما بتخليها يا زينب , رمى عمك ابراهيم بالكلام كعادته فى وحه رفيقة عمره كما يحب ان يفعل دائما - لقافة شنو كمان انتا يا راجل يا عجوز , شن عرفك انتا كمان بحاجات الشباب الزينا , ولدى وانا عارفاه وحاسا بيهو - عارفاهو حاسا بيهو ؟؟!!!بس خليهم كدى يتخارجو ويعرسوا ويدخلوا بيوتهم , شوفى القاعد ليك فى البيت ده تانى منو !! - والدايرك زاااتو منو تانى بعد ما يتخارجوا , طوالى انتا زاااتك تتخارج معاهم , وتشوف ليك ممرضة قدرك تعتنى بيك , وتخلينى اشوف حياتى ومستقبلى برااااى - حياتك ومستقبلك ؟؟ ياتو مستقبل يا حاجة زينب , انتى ركبينك ما شايلاتنك , ولا مرة وليد بتستحملك , ولا راجل هيام عايز يشوف وشك , انا على الأقل بلقى لى ممرضة على الحرام اجيبها خريجة لنج من خريجات كلية التمريض , انتى من هنا , الا تمشى دار العجزة والمسنين , غايتو اوعك تستنينى الا آخر كل شهر مرة , انا ما بكون عريس جديد وكده , كمان تانى ببقى عندى وكت للعجايز الزيك ولا شنو ؟؟!! هذه عينة من عينات النقاش الذى كان يدور بشكل منتظم ما بين حاجة زينب وعمك ابراهيم , وهو نقاش يعرف كل المقربون منهم ان من (وراء القلب ) , فحقيقة الأمر ان ما يربطهما معا كان كبيرا وعظيما , مسيرة حياتهما كانت مليانة تفاهم وحب ووئام واحترام , وهما ما كانا ليطيقان فراق بعضهما البعض ابدا , سفريات عم ابراهيم العملية , كان يكرهها اشد الكره لأنها تبعده ليوم اويومين عن روتين عائلته وابنائه , كان يعاف فيها الطعام , ويتملكه الأرق , حتى اذا ما انتهت , وعاد الى بيته وجو بيته الحميم , اكل ونام كمن صام دهرا وتأرق شهرا , وكان كل من يعملون معه , يعلمون ان غيابه عن المكتب حتمى فى اليوم التالى لعودته , حتى اصبحت اجازة اليوم من مشوار العمل بعد العودة من السفريات , عرفا دارجا لا يتطلب لا طلب اجازة ولا اذن غياب , ثم يعود بعد ذلك الى عمله بعنفوان كامل ونشاط متدفق يشبه نشاط العرسان بعد شهر العسل
Post: #4611 Title: Re: ناس الزقازيق ... أجدع ناس (4) .. Author: منصور عبد الرازق Date: 02-22-2012, 10:14 AM Parent: #4609
نقاش عمك ابراهيم وخالتك زينب الشفتو عينة منو داك , انتهى بالزغاريد والأمنيات الطيبة , وانتهى بان ترك عم ابراهيم وحاجة زينب الأمر لوليد لترتيب موعد زيارة وتعارف لدار اهل امانى لترتيب الأمور , حقيقة الأمر , ان ذلك النقاش الباسم والحميم , كان نهاية الأحداث المنطقية فى قصتنا هذه لأن الأحداث الغير منطقية , ما بدات فى الظهور الا من يوم ان نوى وليد ان يتقدم بشكل رسمى لأهل امانى , وقد رايتم اسرة وليد النموذجية , وفى حقيقة الأمر ان وراء باب اهل ناس امانى , كانت تعيش اسرة كذلك متآلفة ومتوائمة , الا ان مقاييس التآلف والتواؤم تختلف , وحتى اساليب التعارف والأستقراء , فوالد امانى كان قرويا بسيطا , نصف متعلم , ونسيت ان اقول لكم ان القرية التى تدور فيها احداث هذه القصة , هى احدى القرى الريفية البسيطة , التى لا تبعد عن المدن كثيرا من حيث المسافة الا ان مقدار اندماج اسرة وليد وابوه عم ابراهيم فى النشاط الحضرى والسلوك المدنى , جعل من اسلوب تعاطيهم مع مناحى الحياة المختلفة , متباينا اشد التباين مع اسلوب حياة امانى واسرتها مع ان كلا الأسرتين تنعمان بقدر وافر من السعادة والتفاهم والأندماج , واشكالية القصة ومضمونها وعقدتها تكمن فى هذا الأمر بالذات , وقد اتت المفارقة التى ساشرككم فى مناقشتها وتشريحها سواء من حيث جوانبها القصصية والأدبية او من حيث ابعادها الأجتماعية والحياتية , من محاولات هاتين الأسرتين المتآلفتين والمستقرتين فى التقارب والأنصهار , كل بمقاييسه وادوات قياسه , مع ان الأسرتين تتماثلان فى كل شىء تقريبا الا من طبيعتيهما الحضرية والبدوية المتباينة , الا ان كلا الطبيعتين انتجت آخر الأمر اسرة متماسكة ومتحابة ضربت الأسرتان موعدا للتلاقى , رؤية وليد لأمانى , كانت ضربا من ضروب المحال لطبيعة اسرتها البدوية التى ترى فى هذا الترائى عيبا يجعل من مجرد التفكير فى ذلك كافيا لهدم الفكرة من اساسها وليد واسرته رضخوا لهذا الأمر واكتفوا بتقرير هيام المشجع حد الأستعجال , لذا فان الموعد المبدئى كان موعدا رجاليا صرفا , عمك ابراهيم ووليد من ناحية , ووالد امانى واخوها الأصغر من ناحية تانية وقد كان الأجتماع الأول , بسيطا مفرطا فى البساطة , ولم يتطرق ابوها لأى موضوع يمكن ان يخطر على بال وليد وابوه عم ابراهيم ابدا , لم يسأل عن اسرته , ولا عن قبيلته , ولا عن مؤهلاته الدراسية او العملية , ولا حتى عن امكانياته المادية , دخل والد امانى فى فكرته بشكل مباشر جدا يتناسب مع طبيعته البدوية البسيطة , لا طلب ليهم شاى ولا جاب ليهم قهوة , الجماعة استبشروا خيرا , ممنين انفسهم بالشربات بشكل مباشر الا ان حتى السيد شربات لم يكن حاضرا , كان مكان كل ذلك كلمات واضحة مباشرة حاسمة لا فيها لف ولا دوران , يا ولدى انت قلت عايز يد بتى امانى , مش كده , نعم يا عمى ولى الشرف فى ذلك الطلب , وخليت اختك تجى وتشوفها ؟؟ نعم يا عمى وان شاء الله ده ما يزعلك لأنو غرضى شريف واها جيتك بيتك من بابه , اها يا ولدى , انا راى فى طلبك ده عندى هسه مافى , الا بعد اختبار صغيرونى من تلاتة فرص , فكان ان الجمت الدهشة لسان وليد وابوه ولم يجدا كلاما يقولانه , وبعد لحظات صمت مهيب , اها يا ولدى , قلت شنو ؟؟ مستعد للأختبار , فرد وليد متعلعثما مندهشا , انا جاهز يا عمى , قرب يقول ليهو على لسان اسماعيل عليه السلام , ستجدنى ان شاء الله من الصابرين , فى رده على سيدنا ابراهيم الخليل لمن قص عليهو قصة الرؤية والذبح والمنام , ومن وراء تلكم الخيالات بتاعت الضحية والعيد والخروف والسكين السنين وسيدنا اسماعيل وابراهيم الخليل , خرج وليد تابعا اباه عمك ابراهيم , ولم يفق من خيالاته الا على صوت ابيه يساله وهو يشعل موتور السيارة استعدادا للرحيل , وما تلك بيمينك يا وليد ؟؟ فجفل مجيبا , ايوا , قلت شنو يا ابوى , ؟؟؟ بسم الله عليك يا ولدى , الورقة الفى ايدك دى شنو يا ولدى , فاجاب وقد عادت اليه بعض قواه , ده عنوان المزرعة العاملين لى فيها الأمتحان الجمعة الجاية يا ابوى , ولم يعد يسمع الا صرير عجلات السيارة الناتج من حركتها المفاجئة والسريعة على اسفلت الطريق , وسرعان ما استسلم لخيالاته من جديد
Post: #4612 Title: Re: ناس الزقازيق ... أجدع ناس (4) .. Author: منصور عبد الرازق Date: 02-23-2012, 09:14 AM Parent: #4610
خيالاته من جديد دى , كاتب القصة ممكن يكتب فيها يومين , بس خايفكم تزهجوا , لأن خيالاته فعلا بقت خليط من اشياء عديدة , واذا اشتركتم كمان فى خيالات من يحيطه من الناس زى هيام اخت وليد , وعمك ابراهيم وخالتكم زينب , فده معناتو انو القصة ممكن تتحول لى فيلم عديل , عشان كده خلينا بس نحاول نلمس الخيالات دى مجرد لمس , لمس ساكت كده , ولمس حنين كمان باصابع خفيفة وبروح اخف , كلكم شفتوا حال اسرة زى اسرة عمكم ابراهيم وخالتكم زينب , ما حا نشغل بالكم باكتر من الأفراد الأربعة ديل , لدرجة خلينا نعمل طناش على انو اساسا فى باقى للأسرة دى ولا لا , وكمان اسرة ناس امانى الظهر منها لغاية هسة ظهور مؤثر فقط ابوها , بينما ظهور اخوها يشبه ظهور الكومبارس فى الأفلام العربية , مجرد مرافق لى ابوهو حتى كمان لا جاب شاى ولا جاب قهوة ولا حتى شارك فى نقاش , نقاش شنو , هو اساسا كان فى نقاش , ابو امانى ده ما بس رمى ليهم طوبة او حجر صغير فى موية اخونا وليد الهايجة ديك , فزادها هيجانا , علما بأن هيجان عن هيجان يفرق اكيد , فوليد بعد ما كانت خيالاته كلها تتمحور فى عقبال بيك نفرح يا زينة , نشرب شرباتك يا زينة , نوقد شمعاتك يا زينة , اتحولت الى اتجاه تانى ومختلف , اتجاه مرتبك , ما عارف القصة شنو ولا كمان ابوها ده قاصد شنو !! ابوه عمنا ابراهيم , حيرته كانت اقل شوية , مع انو كان مستغرب الحاصل , لكنه حاول يعمل فيها الزول خبرة ويستنبط من كلام وطريقة ابو امانى , انو موقفه ده , رفض مبدئى عديييل , لكنه مغطغط بى خط رجعة لى اختبار عاوز يسويهو لى ولده الهو شايفه نموذج للولد الناجح , زول علم واجتهاد وانضباط , ببساطة كده لو لقى ليهو عريس يشبه وليد ولده وجا لى هيام بته , لما تردد لحظة , عموما كاتب القصة محتاج عشان يساعد الناس ديل فى حيرتهم , يدخل شوية يى طريقة الفلاش باك , لحياة اسرة امانى وطريقة معيشتهم وتربيتهم الخلت منهم اسرة ناجحة ومتآلفة ومتماسكة زى ما قلنا , لكن بمقاييسهم هم , فهم مزارعين اولاد مزارعين , عيشتهم بدوية كاملة البداوة , حتى معايير الذكورة والأنوثة ومقاييس الجندر عندهم , تبدو ادوات قياسها متشابكة حد الأرباك لى اولاد الحضر الزى ناس وليد واسرته , فرغم ان الأنثى عندهم ربة عمل من الدرجة الأولى , وتعيش حياة خشونة كاملة الدسم , ترعى وتحلب وتكوجن وتعوس وتركب الحمار وتمشى ورا تور الساقية وتضبح الحمام والدجاج , الا ان مجرد وجود اشارة نسب جديد او ظهور علامة من علامات التقارب الحيوى مع ضكر قريب او بعيد , تكفى لأن تجعل من رؤية ذلك الضكر لها من المحرمات , كما ان علامات الذكورة ومقاييس الرجولة عندهم مختلفة تمام الأختلاف , فانتاج المرأة وقدرة تحملها لأعباء الأنتاج الزراعى والمنزلى , علامات انوثة اساسية , تجعل من الروج والماسكرا وعدسات العيون الملونة التى امتلأت بها شنطة هيام البنفسجية بمجرد استلامها لعمولة الخمسمية الفاتت من اخوها وليد , ليست الا علامات قلة ادب بتاعت بنات صايعات سااااكت , ومن هذه المقارنة لك ان تعرف ردة فعل هيام التخيلية التى سرحت فيها بمجرد ان حكى لها وليد سيناريو المقابلة وشرط الأختبار المنتظر , عشان كده وليد وهيام , ما لقوا فى ذاكرتهم التخيلية موقف مشابه لى موقفهم ده , غير قصة الرؤية وانى ارى فى المنام انى اذبحك , وافعل يا ابت ما تؤمر ستجدنى ان شاء الله من الصابرين , كان اليوم ثلاثاء , وعادة يومى الأربعاء والخميس بالنسبة لوليد واسرته , تكون من احلى واخف الأيام , الا ان تلكم الخيالات التى لا يملكون لها ذاكرة ايقاعية , جعلت منها ايام ثقيلة غاية فى الثقالة وتقلة الدم , حتى لسان هيام الفلقة , وروح الزوجين حاجة زينب وعم ابراهيم المرحة , ما افلحت فى ان تجد لها مخرجا تفسيريا او تصريفا مناسبا , فغرقوا فى خيالاتهم , باقى اللاتاء داك , وناموا مبكرين , ثم ذهبوا صباحهم التالى الى اعمالهم وجامعاتهم ومدارسهم , بخطى متثاقلة , واذا صح ان تجمع يومهم ذاك بين قوسين اثنين , فان القوس الأول سيكون , وجه امانى ذلك المفرط فى الجمال والأنوثة , بوصف هيام وخيال وليد وتوابل كاتب القصة اللى هو انا والتى يحرص على اضافتها للوجبة الخيالية الدسمة دى , اما القوس التانى , فهو ان موعد الأختبار المجهول تبقى له يومين , وهم امام موافقة وليد عليه , ماضون اليه وينتظرون انتظار المتقلب على الجمر , جمرة تشوى , وجمرة تحرق , وجمرة كلما حسيت بيها , تخليك تجفل جفلات متتابعة زى الأنتظمت وليد طوال ايام ما قبل الأختبار المجهول
Post: #4613 Title: Re: ناس الزقازيق ... أجدع ناس (4) .. Author: منصور عبد الرازق Date: 02-23-2012, 10:09 AM Parent: #4612
- هسى عليك الله يا ابراهيم يا اخوى , اختبار شنو البيعملو الراجل ده , لى زول زى وليد ولدى ده - اختبار شنو كمان ؟؟ الزول ده لا عنده اختبار ولا حاجة , بس خجل ساااكت يقول لا , زى ديل البت من تقوم يكونوا حاجزينها لى ولد عمها ولا ولد خالتها _ وهو ولدى هين ولا لين , ما يقول لا كمان لو داير يقول , ولدى ما فى بت ما بتتمناه , بس كدى يقول لا ويشوفوا انا اعرس ليهو منو !! - انتى عارفة وليد كان كسرتى رقبتك ما بيخليك تختارى ليهو - هو اصلا كان شافا ولا بيعرفا , هو اصلو لو ما داير زول يختار ليهو , ما كان اختار واحدة من زميلاته ولا من زميلات هيام اخته , ده لو ما عاوز ولا عاجباهو واحدة من بنات اخواتى ولا اخوانى - اخواتك واخوانك بتاعين شنو كمان , هو بنات اخوانى واخواتى السامحااااات الما عندهن حد ديل , ما قال دايرلو واحده منهن , يجى يعاين للخبوب الزيك ديل , عايزاهو يقع تانى زى وقعتى دى !!! - وانتا مالا وقعتك ؟؟!! اريتا يا يمة وقعة السرور , وقعتك البتمنوها الرجال لى حدهم - خلينا كدى من وقعتى وقعتك , يا ربى الزول ده هسى عاوز يختبر وليد ده كيف ؟؟ - بعرفوا ؟؟!!امتحانات وليد دى من ما الله خلقه ما كفت الراجل ده ؟؟!! لا كمان وعامله فى المزرعة _ وليد ده عمره كووولو غير الورق والقلم والكمبيوتر ما بعرف , لو قال ليهو شيل ليك فاس ولا طورية , قطع شك وليد ساقط ساقط - الفاس والطورية يا يمة اليشقن رويسه دا , فاس شنو وطورية شنو البيشيلهم وليد , هو كمان قايل بتو دى شنو كمان عشان يشيلولا فاس وطورية !!!
هكذا كان يدور النقاش الحائر بين عم ابراهيم وخالة زينب , وليد نفسه فضل ان يستسلم لوساوسه التخيلية المنزوعة الذاكرة فى مواضيع كهذا , ولكن فكرة الفاس والطورية , مرت كذلك على خياله وجعلها احتمالا اختباريا ممكنا , هيام كذلك شغلها الموضوع عاتبت نفسها لأنها ما انشغلت عندما قابلت امانى باكثر من صفاتها الشكلية الباهرة , ولكنها الآن فقط لاحظت , ان امانى , رغم بداوتها الظاهرة فى شكل بساطة وعفوية طاغيتين حببتاها اكثر اليها وساعدتاها على ان تقيم شخصيتها بالتواضع والتلقائية التى تحبها هيام وتتصف بها كذلك , الا انها الآن فقط تتذكر انها لم تكن تخلو من صفات اللياقة وحسن المظهر وجمال اللبس مع بساطته , كما انها تلاحظ الآن فقط , انها ضيفتها بكعكات منزلية جيدة الصنع حسنة المذاق , كما ان الشاى والحليب كانت امانى تأتى بهما بنفسها بعد ان تغيب للحظات فى مطبخهما القريب من صالة الضيافة , منزلهم بسيط ومرتب ونظيف , ليس فيه موبليا فاخرة ولكن فيه كراسى انيقة ومنسجمة الألوان وغاية فى الترتيب والنظافة , منزل ليس من تلكم المنازل التى تبهرك حال دخولك اليها و ولكن لا شى فيها يستطيع كذلك ان ينفرك او يبعث فيك غير الطمأنينة والراحة , طيب ابوها ده يا ربى داير يعرف شنو عن وليد اخوى ؟؟!!اما حيرة وليد المسكين , فقد كانت اشبه بالأناء المحكم الأغلاق , والذى يحتوى على مياه فوارة , كل الخوف الآن على الأناء نفسه , فمويته التى تغلى بداخله , لا قادرة تتدفق , ولا عرفت طريق السكون , الحل الوحيد ليها التنفيس , يا تقد الأناء , يا تخليهو يضرب ويتفرتق وينفجر , يا كمان توقفوا النار البتزيده غليان دى , الحل المنطقى كان فى محاولة قد الأناء , لجأ الى اصدقائه الذين يلتقيهم دائما كل خميس , قال ليهم الأسبوع ده مشتاق ليكم ودايركم اربعاء وخميس , مش على كيفى , استغربوا فى حقيقة الأمر لأنهم حتى يوم الخميس , كان يتمنع عليه مرات , ولكنهم لم يعرفوا حكاية الأناء هذه , ولو عرفوها و لزاد النار من تحتها اشعالا , ولزادت درجات غليانه وفورانه , اخلص فى لعب الكوتشينة معهم الأربعاء والخميس , ولمنه تذكر الأختبار المنتظر قبل انتصاف ليلة الخميس الصابحة جمعة , مرة تانية ما لقى فى ذاكرته التخيلية الأيقاعية , الا حكاية يوم الزينة , موعد السحرة ومباراة السحر التى فاز فيها موسى على سحرة فرعون , تخيل ان ثعبانه الكبير والضخم , سيقدر على ابتلاع ما يافكون , قر ساعتها ان يقول لأبو امانى , الق ما انت ملق , سيتمنى ان يلقى اليه بثعبان صغير , حتى يفاجئه بثعبانه الضخم الذى يبتلع ثعبان نسيبه القادم , غايتو , الله يهون القواسى , دلف الى منزلهم مبكرا غير عاداته ايام الخميس , متمنيا ان لا تلاقى عيونه اعين والديه واخته هيام الحيرى , حتى لا تزيده حيرة وترقب , تسلل على اطراف اصابعه , حشر نفسه الى الفراش حشرا مباشرا , بملابسه الكاملة , ثم تذكر انه اختار ملابسا رياضية طالما ان الأختبار فى مزرعة , انسل من الفراش الى دولابه على اطراف الأصابع , اطمأن على ملابسه وعدة الأختبار , رجع متسارعا الى الفراش , اغمض عينيه اللتان انهكتهما الحيرة , سمع اصوات رجلين تحاول ان تكون خفيفة قرب باب غرفته , تجاهلها , لم يكن يحتاج هذا التجاهل فى حقيقة الأمر , لأن عمكم ابراهيم , وخالتكم زينب , وحتى الشقية هيام , كانوا لا يتمنون مواجهة عينيه فى تلك اللحظات الحاسمة , ولكنهم فقط كانوا يحتاجون للأطمئنان عليه , ولو قال لهم انه قال الروب وامانى زااااتا لا دايرها ولا داير يشوف خلقتها دى بعد كده , لوافقوه فورا , حتى هيام الشقية , قررت بينها وبين نفسها فى تلك اللحظة , لو احست منه خوفا وعدم رغبة فى المضى قدما نحو ذلك الأمتحان المجهول , لكانت قالت له , صاروخ شنو , يمين امانى دى , طيارة فوكرز قديمة من حقات سودانير ديك ما تاماها !!!!!!!
Post: #4614 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-25-2012, 06:35 AM Parent: #4613
صباح الخير ،،، يا وجوه الخير
دعاء الصباح :
اللهم إنا نسألك خير النجاح وخير العمل وخير الثواب وخير الحياة وخير الممات وتقبل صلاتي وأغفر خطيئتي
كانت ليلة خميس استثنائية قضتها اسرة وليد كل لأسباب مختلفة , ولكنها متوحدة فى المضمون , وليد مثلا , كان متعودا ان يصلى صلاة فجر كل جمعة حاضرا من وضع الأستيقاظ المسبق , حيث تعود على الأفراط فى السهر ايام الخميس , ثم يخلد الى فراشه بعد صلاة الفجر , وكثيرا ما ايقظ والديه واخته فى وضع مقلوب عما هو عليه كامل ايام الأسبوع الأخرى , ولكنه اوى الى فراشه مبكرا ليلة الخميس هذه , فى وضع حاول ان يكون استعداديا للأختبار المنتظر , استيقظ وليد مبكرا ايضا هذا الخميس دون ان يوقظه احد , حقيقة الأمر انه لم ينم جيدا وقضى معظم ليلته متارقا , عندما ايقظ والديه واخته , استنتج فورا انهم تأرقوا مثله تماما تلك الليلة , ما كان يحتاج الى مزيد توتر , لذا فانه لم يناقش معهم الأمر , بل سارع للخروج للصلاة ومنها للمزرعة , ولم ينتظر حتى اباه كما يفعل عادة , عندما انتهت الصلاة , لاحظ ان ابيه متشاغل عنه بالباقيات الصالحات , حمد له ذلك وانسل خارجا من المسجد مرتديا ملابسه الرياضية الكاملة بما فيها المعطف الخارجى وهو ينوى ان يتخلص منه حال بزوغ الشمس وارتفاع درجات الحرارة التقليدية , الطريق الى مزرعة ابو امانى لم يكن طويلا , ولكن الهواجس جعلت منه كذلك , امه حاجة زينب , خصصت له دعوات صباحية اضافية اكثر مما تفعل كل صباح , حقيقة الأمر انها حتى نسيت ان تدعو لزوجها ولبنتها هيام وباقى اهلها كما تفعل دوما , وكذلك فعل عم ابراهيم , هيام فعلت نفس الشىء ولكن دعواتها كانت متوترة قليلا وان اتفقت فى طبيعتها الختامية مع دعوات والدتها التى تحولت فى نهايتها الى ما يشبع دعاء الأستخارة الذى يحمل فى مضمونه المساواة بين طرفى الدعاء بحكم اننا لا نعرف اين يكون الخير , كان حالها مع حال امها ابلغ مثال للفرق بين عين الرضا التى هى عن كل عيب كليلة , وعين السخط التى تبدى المساوئا , امانى كانت تظهر لهم , وهى الجميلة ست الحسن والجمال كما رأتها اول مرة , تظهر لهم اقبح مخلوقات الله وقد تسببت لهم فى كل هذا التوتر , ولكنهم جميعا وقد مضى وليد الى حال سبيله مصادما لأختباره الذى اختار ورضى , خلدوا الى نوم عميق , كما يفعلون دائما صبيحة كل جمعة , وان كان سبب خلودهم للنوم مختلفا هذه المرة , ولم ينسى وليد وهو يدلف الى باب المزرعة وقد وصلها بعد زمن خاله دهرا , ان يغلق هاتفه النقال , منفذا اول شروط اختبار اليوم التى قالها له الحاج ابو امانى , ثم مضى الى حيث ينتظره نسيبه المحتمل , ولاحظ لبرهة انه الآن يبدو اقل توترا , فى اصدق تطبيق للمثل الشهير , كتلوك , ولا جوك جوك
ما يميز الحاج ابو امانى , انه رجل بسيط ومباشر يخلو من اى تعقيد , هو باب مفتوح على مصراعيه لمن يعرفه , ولو استطاع كاتب القصة ان يلج الى خاطر هذا الرجل البسيط المفرط فى البساطة حد (التعقيد ) عند الكثيرين من الذين لا يعرفونه , ان فكرة هذا الأختبار التى انتواها تجاه الشاب طالب القرب وليد, لم يكن ينشد من ورائها الا ان يساعد وليد على ان يعرف نفسه , فاعرف نفسك , هى شفرة ابو امانى السحرية مع كل شىء , فمتى عرفت نفسك , وكنت صادقا معها , وقدمتها فى صورتها الحقيقية , فان للآخرين حق الرضا بها او رفضها بمنتهى البساطة , خاصة فى موضوع مثل النسب وما ادراك ما النسب , ومع طريقتى تنشئة مختلفتين كالتى نشأ عليها وليد ونشأت عليها امانى , وهو ينوى ان يزيل من كليهما , اى وليد وامانى معا , اى صورة زائفة وغير حقيقية ومصطنعة , حتى يكون القبول قبولا ان حدث وتم , ويكون الأمتناع والرفض كذلك عن بينة وعن صورة واضحة اذا لم يكن فى الأمر نصيب , وهذه القصة ستنتهى بمجرد ان احكى لكم تفاصيل الأمتحان الأختبارى وما تم فيه , وساطلب منكم ان تضعوا نهاية تفاعلية للقصة حسبما ترون وتظنون بحيث تضعون كل العوامل المختلفة فى موازين متضادة , ميزان القبول من امانى , او ميزان الرفض , او اذا رايتم ان الموقف يتطلب ميزان ثالث بين القبول والرضا فلكم ان تفعلوا , اى ان بامكانكم ان تتعاملوا مع الأمر وكأنه فيلم او قصة بلا نهاية فتضعون نهايتها انتم , اما بميزان المنطق , او بميزان ما تحبون وتشتهون وتختارون من نهاية استقبل ابا امانى نسيبه المحتمل الأستقبال البسيط الذى يليق بشخصيته المفرطة فى البساطة , مجرد السلام عليكم يا عم فلان , وعليكم السلام يا ابنى يا وليد , استقبال لا تعرفوا فاتر ولا تعرفوا حافل , فهو هكذا دائما متساوى الشعور حيال كل شىء لا يعرفه ولا يخبره , لا يستنتج , ولا يحب ان يبنى نتائجا قائمة على استنتاج , وليد عنده رجل متساوى الأحتمالات , يمكن كويس ويمكن لا , وحتى تقرير كويس من عدمه , ليس مبنيا على نتيجة هذا الأختبار الذى ينويه , هو سيستنبط من الأختبار مجرد مؤشرات شخصية ليست نهائية ولا حاسمة حتى , ولكنه سيقدمها الى ابنته فى محاولة لأن تتعرف على من طرق بابها متزوجا , كان سيفعل هذا الأختبار حتى لو كان المتقدم لأبنته ابن عمها لزم , فالأمر عنده مجرد الحصول على علامات تدل على طريقة التفكير والتعامل مع وقائع الحياة البسيطة التى يضعها الزمن امامك دون تخطيط , هو فقط يحاول ان يكثف هذه العلامات , ثم يقيمها تاركا لصاحب الأمر التقييم الدلالى الأخير , وصاحب الأمر هنا امانى ابنته , فاذا استنبطت معه نفس النتائج والدلالات , فسيكون مطمئنا الى قرارها وقراره , واذا استبطت دلالات مختلفة , فسيصارحها باستنتاجاته المختلفة ويترك لها الخيار , وفى كل خير , فيما يشبه صلاة الأستخارة , وهو فعلا كان يفعل ذلك دائما مع ابنائه , بينما تكون نتائج هذه الأختبارات الدلالية , مجرد مؤشر يقود خياره النفسى الى درجة معقولة من الأطمئنان والسكينة
ما تتوتر يا ولدى , انا بس عاوز اساعدك تعرف نفسك , ومهما تكون نتيجة اختبارى ده , ما ياها العامل الحا يحدد حياتك , لكن البنى ىدم مننا , المفروض يعرف نفسه عشان يساعد نفسه ويعرف يمشى ياتو وانا جاهز يا عمى , وستجدنى ان شاء الله من الصابرين , اها يا ولدى , شايف مزرعتى الكبيرة دى , انا زارع فيها كل شىء تقريبا , ساقيتى المدورة هنااااك دى شايفا , عندى ليها تلاتة تيران مختلفين اختلاف الدنيا دى , كل واحد فيهم عنده سلوك مختلف , حا اديك فرصة التعامل معاهم التلاتة , وكل المطلوب منك , بس تمسك لى ضنب اى واحد فيهم , شايف الباب داااااك و ايوا !! الأخدر الكبير , اها انت تقيف قدامو وتنتظرهم قدامو , قبضت ضنب الأول , الأختبار انتهى , ما قدرت , تنتظر التانى , ما قدرت فرصتك الأخيرة فى التالت , ودرجتك انتا تحددها برااااك , اما لو عاوزنى احددها ليك انا , فكمان ما عندى مانع , لأنى كده كده حا احكى لى بتى الأختبار وحا اطلب منها تقيم النتيجة اللى على اساسا ترضى بيك زوج ولا لا , وتقييمى انا ما حا اقوله ليها ولا ليك , الا لو انتا طلبتو منى , او كمان لو هى تقييمها اختلف مع تقييمى وقالت عاوزا تستعين بيهو , هكذا مارس ابو امانى بساطته ومباشرته المدهشة مع المسكين وليد , الذى سيحتاج مش لتقييم ابو امانى بس , بل سيحتاج لتقييمكم كلكم يا من تقراؤؤن هذه القصة , حتى يخرج من هذا المأزق المعرفى العجيب
ما ان ظهر الثور الأول , ناطحا باب الحجيرة التى كان محبوسا خلفها , مصدرا خواءا عاليا جهورا , حتى عرف وليد انه ما اعطى امر الأختبار حقه من التقدير , كان الثور هائجا اشد الهياج , يركض فى الأتجاهات كلها , هذا الثور لا يناسب اى ساقية من سواقى العالم , حمد وليد الله على انه لم يقترب من الباب كثيرا , لقد قرر فورا ان ينأى بنفسه من امام هذا الثور الهائج , كان الثور يركض فى الأتجاهات كلها , ولكنه لم يتجه ناحية وليد اطلاقا , بل اكمل هيجانه ودار دورة حول المزرعة , ووليد فى مخبئه خلف الشجرة مرة او فوق السور مرة اخرى , ثم ما لبث الثور ان عاد الى حظيرته وبيته , وما درى الثور السبب الذى اخرج به من الحظيرة , الا ان وليدا , تنفس الصعداء وهو يرى الثور فى حصنه الأمين , حامدا الله وشاكرا له على ان الثور اكتفى باصدار الأصوات والهيجان , وحامدا الله اكثر , على الفرصتين اللتان تبقتا له من فرص ذلكم الأمتحان الذى بدأت نتائجه فى الظهور قضى وليد الفترة الفاصلة ما بين اختفاء الثور الأول , وبداية ظهور الثور الثانى , فى خوف ووجل عظيمين , ما قالوا ليهو تور ساقية ساااى , ياتو ساقية البتقدر على جنس التور ده ؟؟!!ومنى النفس بان يكون التور التالى ليس كالتور السابق , وبدت له امانى التى لم يراها اصلا , كحلم بعييييد , اكثر بعدا من الأول , ثم ما لبث ان تعمق هذا الأحساس عنده , بمجرد ان تم فتح الباب وظهر الثور الثانى , يبدو ان الأختبار اختبار تصاعدى , فلو كان الثور الأول مجرد ثور ضخم وعملاق , فان الثور الثانى , كان بجسم ثور وتصرفات اسد , الأول كان على الأقل يركض فى كل الأتجاهات بلا هدى , وامتنع , ربما تأدبا او خوفا , من استقصاد اتجاه اخينا وليد , ولكن الثور الثانى يبدو انه موصى من زول عاوز امانى ده وهو ما عارفه , كان هائجا ومصمما على البحث عنه , وكان يفرط فى استقصاده لدرجة انه شاهد ضنب الثور وهو يهتز اهتزازا مخيفا وهو يتجه ناحيته بجدية كاملة , بلا امانى بلا لمة يا زول , امى دى ما من زماااان بتقول لى اشوف ليك واحدة على ذوقى , والله يا ابوى ما عندك اى حق تقول على اختيارات الحاجة خبوب , الخبوب ده هسى ما احسن من حالة قعاد الحيط دى , يمين التور ده لو الله اداهو مع صوته وهيجانه ده شوية خفة يطلع بيها السور ده , الا كان يقطعنى حتت حتت , قال ليك يا ابت افعل ما تؤمر , ستجدنى ان شاء الله مع الصابرين , وضحى بكبشين اقرنين املحين , ما قالوا كبشين , هسى فى زول جاب سيرة ضحية بى تور زى ده , يا ابو امانى ما تخاف فينا الله , هسى يعنى لو داير امانى اقوم امسك الضنب البتهوزز ده ؟؟ خلى امانى تجى تمسكه برااااها , والله اقول ليكم , خلو ابوها ظاتو لو بيقدر يجى يمسكوا !!!
عندما عاد التور الثانى الى عرينه , كان وليد موقنا انه سقط فى الأختبار سقوطا شنيعا , وكان ابو امانى يرمقه خفية من وراء مخبئه مقيما تصرفاته كلها , وكان خيال وليد خائفا اشد الخوف من الثور الثالث , ولو اتيح له ان يرى ابو امانى لطلب منه ايقاف الأختبار عند هذا الحد , فالثور الأول تخبى منه وليد خوفا , والثانى زاد من خوفه بالمطاردة , الفرق ان ما رأى ضنب الأول , ولكنه رأى ضنب التانى من فرط الأهتزاز , فلو قدر له ان يرى الثالث , فدى حا تكون الجرية الياها , احسن يعلن الأستسلام ويلملم باقى كرامته , الا ان باب العرين فتح للمرة الثالثة وهو ما يزال فى هواجسه تلك , وظهر من خلف الباب ثور مختلف هذه المرة , ثور ضعيف هزيل يكاد يقع من فرط الهزال , لا صوت له ولا خوار , خاف الثور من وليد خوفا شديدا , فاصبح يجرى هربا منه , وانقلب وضع من وليد من وضع الطريد الى وضع المطارد , بكسر الراء , لم يشعر وليد بنفسه الا وقد اقترب من الثور اشد الأقتراب , وهاله ان الثور خائف منه فى وضع يشابه حالته هو مع الثورين السابقين , انقض وليد على الثور وركبه ركوب الخيل , ولكن حلاوة الأنتصار والفوز التى تملكته للحظة , سرعان ما اصطدمت مع واقع قريب , المطلوب منه ان يمسك بذيل الثور كعلامة انتصار متفق عليها , ولكنه لا يجد ضنبا لهذا الثور الهزيل , كل هذا وابا امانى يراقبه من وراء حجاب , ثم ما لبث وليد ان نزل من على صهوة ثوره الضعيف الهزيل , ولم ينتظر ابا امانى ليساله تقييما او نتيجة لأختباره , الراجل ركب عربيته ويسالكم جميعا التقييم , اها , حا تدوهو امانى ولا لا ؟؟!!!!!
Post: #4620 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-26-2012, 05:33 AM Parent: #4619
صباح الخير ،،، يا وجوه الخير
دعاء اليوم :
اللهم أغفر لي ما أسررت وما أعلنت، وما أخطأت وما عمدت وما علمتُ وما جهلتُ
يامنص ... وليد ده لو كان آخر رجل مابديهو بتي ... زول يخاف يواجه الشجعان ... ويركب الضعيف ... غايتو مابخارج معاي ... لو بتي تقعد ... عزبه ... ثم انا ماعنديش ... بنات ...
قال لي : وليد ده وينو ... انا بعرس ليهو بناتي الخمسة ... ده ارجل راجل ...
في حالة التورين الاولين ... عمل بالمثل : ولا ترمو بايديكم في التهلكة ... والخواف ربي عيالو ... ابعد عن الشر وغنيلو ... وملاني ليك امثلة ... وقال عن تصرف وليد مع الثور الضعيف ... ايوه ده الكلام يركب الضعيف طوااالي .... الدنيا عاوزة كدة .... لابد ان تنتهز الفرص ... الفرصة لا تأتي مرتين ... انسلا مع الرقراق ... المثل ده انا مافهمتو الا بعد ماشرحو لي ... جابو من وين ماتسألوني .. وملاني امثلة كمان ...
غايتو ... انا ضحكت وقلت ليهو ... وليد ده لو عمل السبعة وذمتا ... انا ماعندي ليهو بنات .......
Post: #4623 Title: Re: ناس الزقازيق ... أجدع ناس (4) .. Author: منصور عبد الرازق Date: 02-26-2012, 09:23 AM Parent: #4622
صباحاتك ابيض من اللبن الحليب يا نجيلة الموقف مربك حبتين وفيهو حاجات كتيييييرة بتتحكم , فى الموقف وفى قرارات الزول المتابع ليهو كمان انت وزميلك بتاع العمل مثال اول لأختلاف منطقى متوقع ومنتظر كدى انتو الأتنين عاينو للموضوع بمناظير مختلفة استصحبوا معاكم كل حاجة وكل تفصيلة وردت , او تم التلميح ليها اتذكر انو وليد زول ناجح فى حياته واسرته طيبة ومتماسكة واسرة امانى نفس الشىء بالرغم من انو تربيتهم كانت متباينة ومختلفة تدو الزول ده البنية ولا لا ؟؟
Post: #4624 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-26-2012, 11:43 AM Parent: #4623
Quote: بالرغم من انو تربيتهم كانت متباينة ومختلفة تدو الزول ده البنية ولا لا ؟؟
أنا قرار ما بديهو البنية !!
عارف ليه ؟
علشان الموضوع ده فيهو شبة إنتهازية
شاف القوي المتين خاف عديل وإندسه ولما شاف الضعيف
إزدراه وشمر كرعينو وركب فوقوا وعمل فيها عنتر، بمناسبة
نتمني كل السعادة والنجاحات والاستقرار لولدنا سيف النصر في غربته الجديدة
================================= النضيف غير موجود إذن فهو متألم بشدة من رقبتو دعواتنا الصادقة له بعاجل الشفاء اللهم رب الناس اذهب البأس اشف - عبد الدائم - انت الشافى شفاء لايغادر سقما
Post: #4631 Title: Re: ناس الزقازيق ... أجدع ناس (4) .. Author: ميسرة سيد أحمد Date: 02-27-2012, 05:45 AM Parent: #4630
صباح الخير ،،، يا وجوه الخير
دعاء اليوم :
اللهم إني استغفرك من . كل ذنب يكون فيه قطع الرجاء ورد الدعاء وتواترالبلاء وترادف الهموم
آمين
========================= لمت ناس جدة مع مجموعة من بورداب جدة في وداع الزول الجميل سيف النصر كانت جميلة وطاعمة وفقدنا فيها بعض الأفراد لإنشغالاتهم وعلى رأس الغائبين النضيف لظروف صحية، وداعاً د. سيف
Post: #4632 Title: Re: ناس الزقازيق ... أجدع ناس (4) .. Author: حافظ انقابو Date: 02-27-2012, 06:03 AM Parent: #4631
صباح الخير يا اهلنا ناس الزقازيق ماشاء الله البوست عامر ربنا يخليكم ودايما تامين ولامين
تحياتي حافظ انقابو عضو جديد
Quote: دعاء اليوم :
اللهم إني استغفرك من . كل ذنب يكون فيه قطع الرجاء ورد الدعاء وتواترالبلاء وترادف الهموم
آمين
امييييييييييييييييييييين
Post: #4633 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 02-27-2012, 08:29 AM Parent: #4632
احيييي انا من الــرز الفاتنى اقصد اللمة الفاتتــنى ...
الف رحمة ونور للاخت منى بابكر تعازينا القلبية للاخ الرشيد والاخت نجاة وانا لله وانا اليه راجعون
والتعازي القلبية للاخ د.طارق عبد الكريم في وفاة والدته رحم الله رحم واسعة واسكنها فسيح جناته مع الصديقين والشهداء جعلها الله اخر الاحزان وانا لله وانا ليه راجعون
أولا... التحية و التقدير للأخ مبارك جادين.. شكرا يا بركة يديك العافية...
ثانيا....
قلت لأخي و صديقي جلا و الذي كان يتكبد المشاق كل يوم ليكون قريبا مني... مثله مثل الكوتش و الريس معتصم ، أحمد اسماعيل، محمد المرتضى، معاوية يحى و عبدو مضوي... عمر محمد عمر، زوبا، شوش ، عزة التجاني، نوال، وصفاء عباس، عواطف دفع الله و زوجها خالد و دكتورة رجاء الطيب.. و آخرون ربما لم تسعفني ذاكرتي على تذكرهم في هذه اللحظة.... قلت لجلا لقد اكتشفت انني أصبحت نجما كبيرا بفضل هذا البوست... فلقد التقيت في سرادق العزاء عدد كبير من المتابعين للبوست... و وجدت ان عددا مقدرا من الناس قد عرفوا من خلال بوست الأخت العزيزة زوبا... أو من خلال هذا البوست... و بالرغم من أن المناسبة لم تكن مناسبة سعيدة... الا ان ذلك لم يمنع بعضهم من أن يحدثني عن متابعته اللصيقة للبوست... و تفاجأت أيضا بأنهم يقرأون قصصي كلها... و منهم من هم أصدقاء لأخي علي فكانوا يقولون له انت مالك ما زي أخوك الكبير... فرد عليهم أخي علي..ده زول فاضي ساكت قاعد لي في السلع يكتب في القصص... أنا طبعا حرقتني حكاية فاضي ساكت دي... لكن ما لقيت لي وقت أقول ليهو الما بتلحقوا جدعوا... قلت لجلا... كنت أتحدث اليهم مثلما أتحدث اليك الآن... و لكن ما أن أبدوا اعجابهم بكتاباتي حتى تغيرت لغتي و تقمصت شخصية النجم... و بدأت أكثر من استخدام اللغة العربية و أعدل من نظاراتي الطبية بين الفينة و الأخرى... ثم التقيت بالأخ هشام عثمان شقيق ياسر لورد... و الذي لم التقيه منذ زمن طويل... جلسنا معا بعض الوقت للسؤال عن حاله و أحواله و أحوال ياسر و باقي الأسرة... فلقد كانت تربطنا علاقة أشبه بعلاقة الدم بأسرة عمنا الراحل عثمان عطا المنان... غير الصداقة القوية التي جمعتني بأخي ياسر لورد... فاجأني هشام بمتابعته لما كتبته عنهم بالبوست.. و قال لي ان أحدهم كان متابعا للبوست قرأ ما كتبته فأخبره ليقوم هو بدوره بقراءته... و كان سعيدا جدا بما كتبت عن اجادتهم لميكانيكا السيارات... الحقيقة انني كنت في غاية الاندهاش أن يكون للبوست كل هذا الصدى... و كنت أحسب أن ما نكتبه هنا ربما لا يقرأه الا القليلون جدا و أغلبهم من الزقازيقيين... لذلك عندما أكتب دائما ما أتصور نفسي في ركن قصي من العالم لا يراني فيه أحد... أكتب و كأني أفشي أسراري لصديق عزيز جدا و أطلب منه أن لا يكلم أحدا... لكن لقيت الشمارات ماليه البلد كلها..من حدها لي حدها.... أقول هذا لألفت نظركم الى أهمية تواجدكم هنا في هذا البوست... و الشكر مرة أخرى لعصام دهب و أقول ليهو لقد تحقق ما تمنيت... بل ربما أكثر مما كنت تتمناه... أن يكون في صحبتي الريس معتصم و الكوتش محمد صديق و جلا طول الوقت... لأكبر دليل على أن هذا البوست قد حقق مبتغاه... و أصبح الرباط التي بدأ هنا أمتن من أن ينقطع لأي سبب كان... و ان ما تكتبونه هنا و لو كان كلمة واحدة فانها تساوي الكثير... تدعم التواصل و تقوى الروابط و تفعل كثير من الأشياء التي هي خافية عليكم...
Post: #4641 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-01-2012, 06:02 AM Parent: #4640
Quote: و أصبح الرباط التي بدأ هنا أمتن من أن ينقطع لأي سبب كان... و ان ما تكتبونه هنا و لو كان كلمة واحدة فانها تساوي الكثير... تدعم التواصل و تقوى الروابط و تفعل كثير من الأشياء التي هي خافية عليكم...
يسلم ( قلمك ) الجميل يا رشا
Post: #4642 Title: Re: ناس الزقازيق ... أجدع ناس (4) .. Author: جلال عثمان Date: 03-01-2012, 06:30 AM Parent: #4641
Quote: تدعم التواصل و تقوى الروابط و تفعل كثير من الأشياء التي هي خافية عليكم..
وجيتك دي يا حبيب فرصة كبيرة عندنا اها انا ماجيت ادعم تواصلنا ولا عشان اقوي الروابط انا جابني الشمار باع كثير من الاشياء الخافية علينا دي. يا رش "العرس" كان ما من الحاجات الخافية علينا دي تكون بالغت ياخي
اها وليد واماني عرسهم متين
-------- تحيات واشواق ليكم كلكم والله ويا بركة مشتاقين بالزايد
Post: #4643 Title: Re: ناس الزقازيق ... أجدع ناس (4) .. Author: حافظ انقابو Date: 03-01-2012, 06:36 AM Parent: #4641
لها الرحمة ولزويها الصبر وحسن العزاء انا لله وانا اليه راجعون
Quote: و أصبح الرباط التي بدأ هنا أمتن من أن ينقطع لأي سبب كان...
غايتو في ناس قاعد تشتهر بي حقنا بالنسبة لس فإنني أعاني من تمزق في الرباط الصليبي بتاعي ودا بي فعل فاعل بالمناسبة أتأسف للأخ أحمد إسماعيل لعدم إلتقاءه بعد عودته من نيالا لأنني في مهمة تتعلق بالأفكار خارج الخرطوم
Post: #4645 Title: Re: ناس الزقازيق ... أجدع ناس (4) .. Author: محمد صديق Date: 03-01-2012, 11:27 AM Parent: #4644
الحبايب من حدكم لا حكم سلام وشوق وامنيات بالخير بلا حدود نفرح لفرحكم ونحزن لحزنكم نطرب لشاديكم ونبشر لمديحكم ونستلقي ونقرا ماتكتبونه من بحور منصور والرشيد الطويله حتي كوبي بيست جلا ونلحق بما فاتنا من امتاع عند الكوتش ولكن تصيبنا حاله من ال....... لاادري مااسميها زي الضيف البياكل ويتخارج ماذا تسمى هذه الحاله (الضيف الملخوم ياكل ويقوم ) الغايبين انتو وين والحاضرين ازيكم وللجميع الموده( وقل المعروض جفا )
يا الريس تشغلنا عنكم الدنيا العجيبة ويا جلال لم نقصد الاختباء لكن المعايش احيانا اكبر من ان تتحمل فتدخل البيت تلت الليل وهكذا يضيع عليك حتى المتاوقة بتاعت الكوتش فنكتفي من الزيارة بالاياب لذلك لاعزائي جميعا سامحوني لو تباعدت الطلات لكن الدنيا تلاهي
الرشيد نسال الله ان تكون اخر الاحزان وكلماتك زادتنا اصرارا على ان الزقازيق بخير واجدع ناس
الصورة الأولى كانت في مهرجان وداعي بملعب الكلية... و الذي شارك فيه كل الأخوان البياطرة... أما الثانية فأعتقد انها بالمدرسة العسكرية... و غيابي عن الصورة لأني فعلا كنت كابتن الفريق... و كنت منشغل بالقرعة قبل بداية المباراة...
بعد عودتي من السودان سألني الكثير من الأصدقاء عن الحال هناك.... و هل صحيح ان الوضع أًصبح مترديا و الحياة طاحنة و الناس ما قادرة تعيش... فكنت أجيبهم بي والله ما عارف فأنا لم يتسنى لي أن أتعرف على الحال كما يجب... أو حتى أن أذهب الى أي من أسواق الخرطوم لشراء أي شيء.... كنت أذهب فقط الى الدكان المجاور لمنزلنا لشراء الماء و الذي يعرف هناك بموية الصحة... و أنا لي تحفظ كبير على هذه التسمية... فان كانت هذه موية الصحة فهذا يعني ان غيرها من الماء هو موية عدم الصحة... هنا في الامارات نقول ماء فقط دون أن نتبعها بكلمة صحة هذه... بالرغم من أن الماء المتاح في المواسير غير صحي اذا شرب من غير (فلترة)... المهم انني لم اطلع الا على أسعار الماء و الذي بمقارنة مع أسعاره القديمة فانها لم تزيد... أما اللحم ده و الشحم ده و العيش و الكسرة و الزيت و الخضار فلا علم لي بأسعارهم... لكن اذا سألتوني عن الصواني فحدث و لا حرج فلقد كانت تأتي مليانه فل و ترجع و هي تلمع.... ده غير الزيادات التي كانت بمثابة صينية كاملة على الصينية الأصلية... رغم الأعداد الغفيرة من الناس و التي أتت من كل فج عميق للعزاء.... لدرجة ان ابن خالتي الظريف حسن كان يقول ممازحا انتو الناس دي ما حزنانه و لا شنو... و الله السودان ده بلد عظيم بي شكل ما عادي... و الانسان السوداني انسان نادر يملك من الصفات التي قل ما توجد في أي انسان آخر... خلي المقارنة تبقى بين انسان و انسان لا بين شعوب و شعوب... عشان نقول اننا شعب متفوق على المستوى الانساني و متخلف على المستوى الحضاري... و الحضارة مكتسبة و يمكن تعلمها و التدريب عليها أما الانسانية دي زي الشاسي بتاع العربية... نحن نحمد الله الشاسي بتاعنا متين بس باقي لينا البودي و الأكسسوربس ... لكن حتى بي سجمنا و رمادنا ده زي ما بقولوا أمهاتنا نبقى شعب عظيم... نقيف وقفة مع بعض في السراء و الضراء ليس لها مثيل في الدنيا كلها... المواد التموينية بالهبل ...الأكل طالع بكميات تكفي الخرطوم كلها..... و لما تسأل يا جماعة ناقصكم حاجة الأمور ماشة كيف... يقولوا ليك يا زول انت ما عندك شغلة بالموضوع ده أمشي أحزن حزنك و أستقبل ضيوفك.... عشان كده أي اجابة لي عن حال البلد و الناس حتكون اجابة منقوصة... أو متأثرة بانبهاري الشديد بما رأيتة و لمسته هناك... و مرات كده بقول و الله نحن لو أدرنا دولتنا بنفس الأسلوب الذي ندير به حياتنا الاجتماعية... لأصبحنا أعظم دولة في العالم و أصبحنا سلة غذاء العالم... و لو العالم عايز زيادات كمان نزيده حتى لو طلب زيادة كمونية زاتو... لو أدرنا دولتنا بمبدأ التكافل الاجتماعي الرائع هذا... و تخلصنا من أنانيتنا و فرديتنا و أهواء نفوسنا ما ظنيتنا نفشل أبدا.... الغريبة اننا نجتمع كلنا على هذا المبدأ باختلاف توجهاتنا السياسية.... و لكن ما أن تكون الحكاية فيها سياسة و حكم نختلف و نتشرذم و نتصرف بأنانية... ألحال في السودان بخير و أحسن ما يكون بعيدا عن السياسة... و النخب و الساسة في بلادي وجب عليهم يقعدوا في الواطة و يرجعوا لي قديمهم... لي ارثهم الاجتماعي الذي ورثوه عن جدودهم و ما زالوا يحافظون عليه... يحافظون عليه على المستوى الفردي في تفاعلهم الاجتماعي... و ينأون عنه اذا ما لبسوا (عباية) السياسيين...
شهر يناير من 1985 (6) اولاد مدني (محي الدين عبد الستار -يوسف محمد نور الجليل -الفاتح محمد الطيب )
كان من الطبيعي ان اكتب عنهم مجتمعين لانه لم تذكر مدني والا قفزت صورنهم العزيزة امامي فاسال اين هم واتذكرلحظات جميلة قضيتها معهم. اسعدتني الظروف فدرست مع محي الدين في نفس القسم (قسم الكيمياء ) فكان نعم الزميل المساعد في المذاكرة خصوصا وهو يجيد الانجليزية ومتفوق عليناا في الرياضيات فكنا نساعد بعضنا البعض . وكان حريفا في كرة القدم فهو كابتن الفريق والكوتش وحققنا معه انتصارات داوية اما الغناء فهذا امر اخر فمحي الدين يحفظ الغناء القديم والحديث فمعه عرفنا اولاد مدني صديق متولي وصديق سرحان (وهدية قلبية من روحي مهدية) وقال محي الدين ان صديق سرحان ليس مطربا قويا لكن الكورس بتاعه ناس فنانين يعني الكورس شايل الفنان وبالتدقيق والاستماع الجيد تاكدنا من نظريته ومحي الدين احبتي مثقف ممتاز يعني كفر ووتر وثقافة وهكذا هم اولاد مدني . طبعا لا يفوتني ان اذكر ان محي الدين تزوج من زميلتنا في الكلية اماني سيد احمد وهي من زيجات ناس الزقازيق الناجحة . واسطة العقد يوسف نور الجليل بعيد عن الوتر والكفر صديقه الاثير حاتم صديق وبينهما ونسة دقاقة خرجنا من الزقازيق دون ان نقف عليها هذا شخص له ارادة حديدية ودليلي انه حفظ كتاب الزولوجي من الجلدة للجلدة يوسف مكانيكي بن مكانيكي بعد الجامعة اشتغل في ورشة والده حتى الزواج والذي حضرناه شلة من ناس الدفعة والاصدقاء وعقب الزواج رجع يوسف الي قاعات الدراسة والان هو استاذ في جامعة الجزيرة ولا يمكني ان اخرج من ذكريات اولاد مدني الا عبر بوبة الفاتح حضرنا اول ملاحق في سنة اولى وكان الفاتح عنده ملحق فيزياء ليلة العملي حفظ تجربة واحدة هي قانون هوك ولم يحفظ سواها وعندما اختار الكراسة بتاعت الامتحان والتي كانت تتم عشوائيا وقع اختياره على تجربة قانون هوك بعد الامتحان قلت ليهو: اه كيف ؟ قال لي جاءت قانون هوك وكان جاءت واحدة غيرها كنت كتبتها هي برضو ؟ امتلك الفاتح صوتا جميلا وكان واحد من فناني الاسرة هو ومحي الدين من نفس الحي الدرجة في مدني لذلك تجدهما يتونسوا سويا ونسة عن الحي وذكريات مدني. لم اصادف الفاتح غاضبا ابدا وله حكايا جميلة مع سنيرنا كمال الجنيد كان يحكيها لنا فنموت من الضحك خصوصا عند عملهما سويا في لجنة واحدة في رحلتنا للعريش اخرج بهذا الباب من سفر اولاد مدني الفاتح الان يدير شركة حفريات في الخرطوم مقرها بالسوق العربي وقد تزوج ورزق بالنين والبنات .
Post: #4656 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-04-2012, 08:02 AM Parent: #4655
صباح الخير ،،، يا وجوه الخير
إرتحت جداً لكتابات رشيد القوم ، وزادت سعادتي
ما كتبه عن متابعت نفر كريم عن ما يكتب في بوست ناس الزقازيق
وهذا الموقع اتى أُكله وأينعت ثماره وهو إرث سوف تكتب عنه الإجيال القادمة
==============
مبارك ود جادين نستمع ونستمتع بما تكتب من ذكرياتك الجميلة
وهناك قيمة فيما يكتب لأننا عاصرنا كثير من الزملاء ولكن قد يكون
البعض بعيد عن موقع السكن أو إختلاف الكليات وبالتالي يقل إحتكاك كثير
منا بالآخرين قد تكون هناك معرفة ولكنها غير دقيقة
أكتب يا مبارك وسجلي يا خديجة.
==============
اللهم آتنا في الدنيا حسنة وفي الآخرة حسنة وقنا عذاب النار ، يا كريم يا غفار يا رب العالمين
Post: #4657 Title: Re: ناس الزقازيق ... أجدع ناس (4) .. Author: منصور عبد الرازق Date: 03-04-2012, 10:12 AM Parent: #4656
Quote:
و مرات كده بقول و الله نحن لو أدرنا دولتنا بنفس الأسلوب الذي ندير به حياتنا الاجتماعية... لأصبحنا أعظم دولة في العالم و أصبحنا سلة غذاء العالم... و لو العالم عايز زيادات كمان نزيده حتى لو طلب زيادة كمونية زاتو... لو أدرنا دولتنا بمبدأ التكافل الاجتماعي الرائع هذا...
وهذا ما فشلنا فيه ومعه مرارا وتكرارا يا الرشيد يا اخوى نحن نعانى من الأفراط فى هذا , والتفريط فى ذاك حالة انفصام مجتمعى حادة ومزمنة يا حبيب نبكى بحرقة , ونضحك مجلجلين ولمن نفتش لى حالة توازن فعلى بين الأتنين سما واطة ما نلقاها , فنستسلم لواحدة من الحالتين , ايهما اقرب بظرفها المكانى والزمانى وبعد داك , يخيل لينا , ان الدنيا ياها الحالة النحنا فيها نضبح تمانية وعشرين ضابط ليلة العيد زى الترتيب التهمة انهم عملوا انقلاب زى العملوهو نشيل الفاتحة فى بيت العرس ونجى محننين ودخاخينا طاقة فى العزاءات نعمل ادارة خاصة لمحاربة الفساد ونعمل ليها لقاء تلفزيونى طول بعرض واول زول يكتب فى الموضوع زاااتو , نمسكوا نعتقلوا ونقفل الجريدة النشرت ليهو المقال نشكو لطوب الأرض من تدخل الجيران فى شئوننا الداخلية ونتباهى باننا اسقطنا النظام فى ليبيا ونتوعد حكومة الجنوب الفصلناه بالمصير زاتو يا اخوى نحن ناس دايسين على الأبنص طواااالى عشان كدة , فراملنا كعبة خلاص , هبشتها كده , عربيتنا طوالى راسا على عقب
لا تستسلموا لمشاغل الحياة... و لا لاحباطاتها... خليكم زي الريس ميسرة... و أغتنموا أي فرصة تتاح لكم... و ضعوا بصمتكم هنا... تأكدوا ان و لو كلمة واحدة تصنع الفارق.... و أعلموا ان عدم التواصل جفا... و الجفا يفرق و لا يقرب... و الفرقة تزيد من الاحساس بالاحباط...
الكلام ليك يا المنطر عينيك....
Post: #4664 Title: Re: ناس الزقازيق ... أجدع ناس (4) .. Author: محمد صديق Date: 03-06-2012, 07:15 AM Parent: #4663
عموما لك التحية والف حمدلله علي السلامة يا بطل !!!
بس اعمل حسابك ما تقع علي قدومك !!!!!
Post: #4667 Title: Re: ناس الزقازيق ... أجدع ناس (4) .. Author: جلال عثمان Date: 03-06-2012, 11:18 AM Parent: #4666
كلام الرشيد زي الحرقني كدا ... الله ما يجيب جفا وبالمرة الزول يسلم على سعادتو الكوتش مشتهنك والله علك طيب ياخ وابوالزوز مداخلتو الفاضية دي اخير من مقاطعة طارق جبريل للحوش ولا شنو؟
ياموسي ... لقيت ليك بوست امس بخصوص الامتحانات لكن انشغلت وطش منى ونسأل الله التوفيق لابنائنا الممتحنين ربنا ينجحهم ويوفقهم .... وحمدا لله على سلامة ابو عمر
من أجل حبي .. حسين بازرعة **** جاي تترجاني أغفر ليك ذنبك ما كفاية الشفتو من نارك وحبك أنت فاكر تاني أرجع لك واحاسبك لا يا ناكر دربي أصبح ما هو دربك كنت تحلم بالسعادة في كلمة مودة وهي غير ما إنت فاكر وهي في نبضة مشاعر في القلوب الما بترد أي طارق أي زائر شايلة هم الدنيا زاده ومالية كل الكون بشاير إجتمعنا علي المحبة في ثواني في طريق مفروشة بي حبي وحناني وافترقنا كل واحد في طريقه انا ضائع وإنت مخدوع بالأماني كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فني سامي تدعو للخير والمحبة إلا قلبك يا حبيبي لسه ما أدرك وشبه
****
Post: #4670 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-07-2012, 05:30 AM Parent: #4669
صباح الخير ،،، يا وجوه الخير
نجاوى صباحية :
إلهي كيف يحيط بك عقلٌ أنت خلفته؟ أم كيف يُدركك بصرٌ أنت شققته؟ أم كيف يُحصى الثناء عليك لسانٌ أنت خلقته وأنطقته
إلهي كيف يناجيك في الصلوات من يعصيك في الخلوات
Post: #4671 Title: Re: ناس الزقازيق ... أجدع ناس (4) .. Author: كمال الشادي Date: 03-07-2012, 05:47 AM Parent: #4670
صباح الخير يا وجوه الخير
Post: #4676 Title: Re: ناس الزقازيق ... أجدع ناس (4) .. Author: أحمد إسماعيل Date: 03-07-2012, 06:47 AM Parent: #4671
سلام الله عليكم أيها الأحباب بعد سفر وشوق
الأخ الرشيد بابكر والأخ طارق عبد الكريم
أحسن الله عزاءكم وألزمكم الصبر وطرح البركة في الأحياء وأحسن الله عزاء الجميع في الذين سبقونا باليوم اللهم أغفر لهم وأرحمهم وعافهم وأعفو عنهم وأكرم نزلهم ونقهم من الخطايا كما ينقى الثوب الأبيض من الدنس وأدخلهم الجنة مع الصالحين
اللهم أغفر لحينا وميتنا من أحييته منا فأحيه على الإسلام ، ومن توفيته منا فتوفه على الإيمان ونسألك اللهم لا تحرمنا أجرهم ولا تضلنابعدهم وأختم لنا بخاتمة السعادة
واصل مشروعك وان شاء الله تكون سنة حسنة انا معاك في التلاوة على روح اختنا مني حتي نختم القرآن ... وسوف اتكفل باذن الله الجزء 11 و 12 ياشباب اعتبروها ختمة لما تمشو اي بيت بكا مش الناس قاعدة تدخل جوه اوضة او الصالون بعيد من خيمة العزاء وكل واحد يشيل جزء من المصحف ... المصحف المفترق ... بتاع كل جزء لحالو ... ويختمو القرآن على روح الميت .... خلونا نعملا هنا وكل واحد يشيل جزء وتكون سنة حسنة لموتانا .... وهذا العمل ليس فيه اي نوع من المباها او الرياء ... وسوف نفتخر به ... تفاعلو معنا ... جزاكم الله كل الخير....
شكرا لاستجابتكم الكريمة لنداء التواصل... و دي المحرية فيكم... و تأكدوا ان الوقت الثمين الذي قضيتموه هنا لم يذهب هدرا... فلقد أسعدتموني أيما سعادة بحضوركم... و كلي أمل في أن يستمر التواصل... و تعود أقلامكم الجميلة الى الكتابة... كلي أمل في عودة ديدو..شفاه الله و عافاه... و عودة عصام دهب ...و الريس معتصم (أبو سلمان) الزول الجميل... و أحمد اسماعيل العائد من شهر العسل.. تمائم فافي،و مساهمات قدورة الما خمج... تعود مداخلات ياسر نجيلة الطويلة الممتعة... و تطول مداخلات صديقي موسى عيسى... عمر نملوز يعود الى أخبار الماراثون حتى يحفزنا على الرياضة... و ترجع مداخلات صديقي أبو الزوز تنضح جمالا كما كانت... و يرجع فاكهة البوست و نوارته جلا... أرجو أن لا تكون مهمته التي تتعلق بالتفكير كملت الفي الجراب... و يستمر ابداع محمد عيد...و متاوقات جلال عثمان... و سلامات يا ناس الكوتش... و رجوع عثمان ادارة... و مالي ما بختم بي صاحبي المن زمن الجهل... صاحبي منصور ان شاء الله يفط تلاته سطور بس يكتب...
ما قلت ليكم الجفا بيفرق...
Quote: كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فن سامي تدعو للخير والمحبة
الأغنية دي تذكرني بي ناس قراب جدا... حنان القطينة و على ميرغني... ليهم التحية من هنا...
و اختم بكلمات المبدع طارق الأمين...
بلداً هيلي نا.. دموعها.. دموعي نا.. أساها...أساي أنا.. ضميرها..ضميري نا.. كل آمالي نا.. السلام يملاها..يطلع من هنا.. و الحَمَام يتشابى
Post: #4677 Title: Re: ناس الزقازيق ... أجدع ناس (4) .. Author: أحمد إسماعيل Date: 03-07-2012, 07:54 AM Parent: #4675
Quote: بالمناسبة أتأسف للأخ أحمد إسماعيل لعدم إلتقاءه بعد عودته من نيالا لأنني في مهمة تتعلق بالأفكار خارج الخرطوم
والله يا جلا حظي معاكم ولا حظكم معاي ما تمام ، خيرها في غيرها
Quote: بس اعمل حسابك ما تقع علي قدومك !!!!!
يا موسى يخوي نحن ناس ضان معلوف طبيعي وعسل نحل ودوم ودليب ونبق وقضيم 00الخ يعني حاجات طبيعية مية بالمية البرميني على قدومي شنو قايلني بتاع جوافة وكومثرة مسمدة
Post: #4678 Title: Re: ناس الزقازيق ... أجدع ناس (4) .. Author: أحمد إسماعيل Date: 03-07-2012, 09:08 AM Parent: #4677
حاج أبكر وقع في البير جو الجماعة يطلعوا من البير قال ليهم كي ياولي انا مانطلع إلا تجيب بياض واحد أحمق قال طيب أدفنوا البير ، بعد 2 كوريك تراب بقى يستنجد للخروج
إكشفنا شجرة أوراقها تعالج أكثر من 100 مرض منها السكر والضغط ويمكن وجع ارقبة ووجع الساق ووجع الظهر والمفاصل والباطنية ما تسأل ، فأي زول يسجل يحدد طلبه ويخت البياض
Post: #4679 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-07-2012, 09:57 AM Parent: #4678
الحقنى بــ 2 كوريك من الشجرة دى يا ابو عمر
وحمد الله على السلامة و الحجاج اكيد رجعت ليهم العافية مجرد وصولهم بلدهم
Quote: إكشفنا شجرة أوراقها تعالج أكثر من 100 مرض منها السكر والضغط ويمكن وجع ارقبة ووجع الساق ووجع الظهر والمفاصل والباطنية ما تسأل ، فأي زول يسجل يحدد طلبه ويخت البياض
يا أبو عمر البياض بتاعي مية دولار... أنا عندي واحد صاحبي عندو وجع رقبة... مغترب في جدة و عندو عربية كامري قبل كده سرقها واحد صاحبنا تاني... جهجو ليك جهجهة السنين... و امكن كمان يكون وجع الرقبة جاهو من الوقت داك... ما عايز أقول اسمه حفاظا على أٍسرار الناس...
ممكن ترسل لينا طلبية لي جده... حق الشحن مدفوع من ضمن المية دولار...
ملحوظة:برسل ليك العنوان في الخاص عشان الخصوصية و كده...
عندك حاجة لي صاحبنا بتاع الخبر من ضمن ال 100 حاجة ديل... أنا ما حأقدر أقول ليك عندو شنو.... خليهو يقول ليك براهو...
Post: #4681 Title: Re: ناس الزقازيق ... أجدع ناس (4) .. Author: أحمد إسماعيل Date: 03-08-2012, 06:58 AM Parent: #4680
أصبحنا واصبح الملك لله الواحد الأحد وقضى ربك الا نعبد إلا إياهـ وبالوالدين إحسانا اللهم نسألك الرحمة والمغفرة والصحة والعافية لوالديّ ، اللهم أرزقنا رضاهم ونعوذ بك من عقوقهم
Post: #4682 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-08-2012, 07:04 AM Parent: #4681
يا ابو عمر الاسبوع الفات كان عندى مراجعة فى المستشفى قاعدين جمبى اتنين تشاديين و جمبنا لوحة اعلانية عن الكشف الدورى مكتوب عليها كمية من الامراض ... علاج كذا .. واكتشاف كذا
واحد فيهم قرأ اللوحة كلها اتلفت عاين للتانى قال ليهو بكلام ناس ابكر
معقول فى زول عندو مرض قدر دآآآ .....
Post: #4683 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-08-2012, 07:08 AM Parent: #4682
رزق الاخ العزيز العريس سمؤال حسان ابــو سن ( حقوق ) والسيدة / حرمه ... ببنوتـه حلوووة ....
رقبة عبدالدائم النضيف اصلو قالوا كتبته واحده من بنات الصحافة ودفنتوا
في شجرة كبيرة تكون شجرة تبلدي ولا شجرة دليب أو شجرة زي بتاعتكم دي بالله عنوانا
بالدي أتش لـ - جدة شارع التحلية - جوار إيكيا
Post: #4686 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-10-2012, 05:53 AM Parent: #4685
صباح الخير ،،، يا وجوه الخير
نجاوى صباحية:
سبحانك جل جلالك ما أعظمك ! سبحانك عز جاهك ما أعظمك ! سبحانك تقدسة أسماؤك ما أعظمك ! سبحانك ما أعظمك وأحلمك وأكرمك وأرحمك لا نحصى ثناءً عليك ، أنت كما أثنيت على نفسك
Post: #4687 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-10-2012, 06:40 AM Parent: #4686
حفلة ناس آداب سنة 88 دي متأخرة شوية يا ديدو... أنا كنت الوقت داك في مكتب 65 المكاشفي بالمناقل... طالع ميجر و نازل ميجر..مرة ملاريا و مرة تايفويد... لحدي ما آمنت زاتو و كرهت اليوم القريت فيهو زراعة... أنا لو عارف الحفلة دي كان حولت آداب و اتخرجت سنة 89...
رقبة عبدالدائم النضيف اصلو قالوا كتبته واحده من بنات الصحافة ودفنتوا
في شجرة كبيرة تكون شجرة تبلدي ولا شجرة دليب أو شجرة زي بتاعتكم دي بالله عنوانا
بالدي أتش لـ - جدة شارع التحلية - جوار إيكيا
و الله يا أبو عمر بختك... بيزينيس تفتش ليهو و بيزينيس يفتش ليك... ده بيزنيس جاك لحدي عندك... أعمل ليك مركز رئيسي في الرياض... و فروع في كل من جدة و أبو ظبي و الدوحة... بس بعدين لما نقول ليك أدينا الوكالة بتاعت أبو ظبي ما تتغابى فينا العرفة....
Post: #4690 Title: Re: ناس الزقازيق ... أجدع ناس (4) .. Author: أحمد إسماعيل Date: 03-10-2012, 05:51 PM Parent: #4689
Quote: .يا ابو عمر الاسبوع الفات كان عندى مراجعة فى المستشفى قاعدين جمبى اتنين تشاديين و جمبنا لوحة اعلانية عن الكشف الدورى مكتوب عليها كمية من الامراض ... علاج كذا .. واكتشاف كذا
واحد فيهم قرأ اللوحة كلها اتلفت عاين للتانى قال ليهو بكلام ناس ابكر
معقول فى زول عندو مرض قدر دآآآ .....
يا عبد الدائم واحد محمل ركاب في لوري وسايق بسرعة مبالغ فيها مما ادى إلى إنقلاب السيارة فيها من مات والمعوق ما تسأل ، حاج أبكر من ضمن الركاب ولم يصاب بشيء قام السائق رشاهو لكي يشهد بأن السيارة سرعتها عادية ، جاهو المتحري وسأله عن سرعةالسيارة رد حاج أبكر عربية ماشة براهة تنزل تبول تجري تركب ، المتحري قال جيبو المصحف ، الحاج قال قبل الهليفة إستلم هذا قروش السواق قال والله عربية جاريآآ شدرة تشوف شدرة مآ تشوف والله عربية بحر مالح مايلزمها
الواحد تقول عنده دكان في السوق الشعبي... ما يتفائل الا يجي الريس ميسرة يقول دعاء الصباح... و تقعد ممحن منتظر الريس ساعة فرق التوقيت بين الامارات و السعودية... خوفا من أن تدخل قبل دعاء الصباح فيؤثر ذلك على عدد الزباين... لكن الأيام دي و بما ان السوق نايم طبيعي... و الحكاية عايزه ليها مع دعاء الريس الصباحي الجميل... عايزه ليها (يس) سبعة مرات و جكة زي بتاعت نملوز... اليوم قلت أدخل قبل الدعاء والزارعها الله في الحجر بتقوم... و نسبة لسرعة البوست ممكن الواحد يجي بعد بكره يلحقو (براهة)....
كلمات الأغنية بتاعت عيسى الضي دي لي اتنين من أصحابنا... واحد في السودان سايق (كيا) جديدة و التاني مغترب... و واحد عامل ازعاج في الحافلات هو و بناته... 2+1 يساوي كم..اتنين معاك الواحد... ما قلت ليكم اتنين من أصحابنا...
تصدق من سنين نحن بنتمناك تصابح العين بآمال لحظة تنصفنا وتبين نحن منك وين ولما نحس بيك ناسي ونقابلك بجفا الناسين بتحيير ونحن كمان بنتحير
معليش يا جماعة طشيت طشة شديدة خلاص لكن شكراً للأخ بكري غايتو أداني باسويرد إلا أعملو حجااااااب و من قبل السلام عليكم و رحمة الله و بركاته
Post: #4693 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-11-2012, 05:49 AM Parent: #4692
صباح الخير ،،، يا وجوه الخير
وتحية صباحية لأبوظبي وساكني أبو ظبي
البحب ناس أبو ظبي يرفع إيده ،،،،
دعاء اليوم :
اللهم آتنا في الدنيا حسنة وفي الآخرة حسنة وقنا عذاب النار وأدخلنا الجنة مع الأبرار يا عزيز يا غفار يا رب العالمين.
دعاء جميل وصادق وغالباً ما يٌقال بين الركنين في الطواف
======================= ما تخافوا يا جماعة الناس الطاشة رجعت وبعد ده نقول زي حاج أبكر البوست ده مداخلة تشوف ومداخلة ما تشوف
Post: #4694 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-11-2012, 06:19 AM Parent: #4693
قصيدة حلوة وعجيبة للشاعر احمد مطر هل لُغْزِي هذا مَفْهُومٌ؟! أحمد مطر عندي لغز يا ثوار يحكي عن خمسة أشرار الأول يبدو سباكاً والثاني ساقٍ في بار والثالث يعمل مجنوناً في حوش من غير جدار والرابع في الصورة بشرٌ لكنْ في الواقع بشار أما الخامس يا للخامس شيء مختلف الأطوار سباك؟ كلا..مجنونٌ؟ كلا..سَقَّاءٌ؟ بشار؟ لا أعرفُ، لكني أعرفُ أنَّكَ تعرِفُهُ مَكَّار جاء الخمسة من صحراءٍ سكنوا بيتاً بالإيجار جاءوا عطشى جوعى هلكى كلٌّ منهم حافٍ عار يكسوهم بؤسُ الفقراءِ يعلوهم قَتَرٌ وغُبَار رَبُّ البيتِ لطيفٌ جِدّاً أسَكّنهم في أعلى الدار واختار البَدْرُومَ الأسفل والمنزلُ عَشْرَةُ أَدْوَار هو يملك أَرْبَعَ بَقَرَاتٍ ولديه ثلاثةُ آبار أسرتُهُ: الأمُّ، مع الزوجةِ وله أطفالٌ قُصّار مرتاحٌ جداً، وكريمٌ وعليه بهاء ووقار مرّتْ عَشَرَاتُ السنواتِ لم يطلبْ منهم دينار طلبوا منه الماءَ الباردَ واللحمَ مع الخبز الحارّْ أعطاهم كَرَماً؛ فأرادوا الـ آبارَ، وَحَلْبَ الأبقار أعطاهم؛ فأرادوا الْمِنْخَلَ والسِّكِّينةَ والعَصَّارْ أعطاهم حتى لم يتركْ إلا أوعيةَ الفخَّار طلبوا الفخارَ، فأعطاهم طلبوه أيضاً؛ فاحتار خجِلَ المالكُ أنْ يُحرِجَهم فاستأذنهم في مِشْوار خرج المالكُ من منزله ومضى يعمل عند الجار ليوفر للضيفِ الساكنِ والأسرةِ ثَمَنَ الإفطار سَرَقَ الخمْسَةُ قُوتَ الأسرةِ واتَّهَمُوا الطِّفْلَةَ {أبرار} ثم رأَوْا أن تُنْفَى الأسرةُ واتخذوا في الأمرِ قرارْ طردوا الأسرة من منزلها ثم أقاموا حفلةَ زَارْ أكلوا شرِبوا سَكِرُوا رَقَصُوا ضربوا الطَّبْلَةَ والمزمار باعوا الماءَ وغازَ المنزلِ وابتاعوا جُزُراً وبِحَار وأقاموا مدناً وقُصُوراً وحدائقَ فيها أنهار وتنامَتْ ثرْوَتُهم حتى صاروا تُجَّارَ التُّجَّار حَزِنَ المالكُ مِنْ فِعْلَتِهِمْ وَشَكَا لِلْجِيرَةِ ما صَار قالوا :{أَنْتَ أَحَقُّ بِبَيْتَكَ والأُسْرَةُ أَوْلَى بالدار} فمضى نحو المنزل يسعى واستدعى الخمسةَ وَأَشَارْ خاطَبَهُمْ بِاللُّطْفِ : {كَفَاكُمْ في المنزل فوضى ودمار أحسنت إليكم فأسأتم}؛ فأجابوا: {أُسْكُتْ يا مهذار لا تفتحْ موضوعَ المنزلِ أوْ نَفْتَحَ في رأسِكَ غارْ} فانتفضَ المالكُ إعصاراً وانفجرُ البركانُ وثار أمَّا الأَوَّلُ: فَهِمَ الْقِصَّة؛َ فاستسلَمَ للريح وطار والثاني: فكَّرَ أنْ يبقَى وتحدَّى الثورةَ؛ فانْهَارْ فاستقبَلَهُ السِّجْنُ بِشَوْقٍ فِذٍّ هُوَ والإبِنْ البارّْ والثالثُ: مجنونٌ طَبْعاً قال بِزَهْوٍ واسْتِهْتَارْ: {أنا خَالِقُكُمْ وسَأَتْبَعُكُمْ زَنْقَهْ زنقه .. دارْ دارْ} أَرْغَى أَزْبَدَ هَدَّدَ أَوْعَدَ وَأَخِيراً: يُقْبَضُ كالفار ولقدْ ظَهَرَتْ في مَقْتَلِهِ آياتٌ لأولي الأبصار والرابع والخامس أيضاً دَوْرُ الشُّؤْمِ عَلَيْهِمْ دَارْ لم يَعْتَبِرُوا، لَكِنْ صَارُوا فيها كَجُحَا والمسمار اُخْرُجْ يا هذا من داري! {لنْ أخرجَ إلا بحوار} إرْحَلْ هذي داري إِرْحَلْ!! {لن أرحلَ إلا بالدَّار إمَّا أنْ تَتْبَعَ مِسْماري أوْ أنْ أُضْرِمَ فيها النار} فاللغزُ إذنْ يا إخوتنا عقلي في مُشْكِلِهِ حَارْ هل نعطي الدارَ لمالكها؟! أم نعطي رَبَّ المسمار؟! هل لوْ قُتِلَ المالِكُ فيها هُوَ في الجنةِ، أم في النار؟! هل في قول المالك: {إرحَلْ يا غاصبُ} عَيْبٌ أوْ عار!؟ هل لُغْزِي هذا مَفْهُومٌ؟! مَنْ لم يفهمْ فهو: .........!!!
Post: #4695 Title: Re: ناس الزقازيق ... أجدع ناس (4) .. Author: محمد صديق Date: 03-11-2012, 08:54 AM Parent: #4694
أنا غايتو لو في محل ست بيتك (بخلعك)... مش بخلعك بقول ليك (ووه)... لا ...الخلع العديل داك... انت يا يابا بتين طايوقك ده بيتم.. و ببقى طايوق أربعتاشر... امكن عشان هلالابي طايوقك ده طوالي هلال... كدي جرب شجع أهلي شندي و لا الرابطة كوستي...
Post: #4697 Title: Re: ناس الزقازيق ... أجدع ناس (4) .. Author: محمد صديق Date: 03-11-2012, 09:45 AM Parent: #4696
Post: #4701 Title: Re: ناس الزقازيق ... أجدع ناس (4) .. Author: أحمد إسماعيل Date: 03-11-2012, 05:58 PM Parent: #4700
ألف مبروك للأخ السمؤال المولودة جعلها الله من الصالحات
Quote: حمد لله على سلامتك يا ابو عمر
تسلم يا ريس وشكرا على المكالمة المباغتة وشكرا للإهتمام بالرعية اما عبد الدائم أولا يمشي لحاج مدثر وبعدين نرسل ليه الكوتة زائد حجابات من حاج أبكر عشان العمل التحت الشجرة
Quote: بس بعدين لما نقول ليك أدينا الوكالة بتاعت أبو ظبي ما تتغابى فينا العرفة
با الرشيد طبعا الحكاية لسة خبر بعد ما نجرب العينة في صاحبنا بتاع الخبر وبتاع جدة بعدين لك ما شئت ، وما تقول اليومين ديل أخونا عصام جلي بالسودان نكلفه يجيب العينة ونشوف جدواها وبعدين يتم الإستيراد الصحي صحي الأخ جلا والكوتش والله مقدرين المشغوليات والجري نسأل الله أن يهون القاسي ويسهل المعايش ويروق البال ويكمل الطايوق
Post: #4702 Title: Re: ناس الزقازيق ... أجدع ناس (4) .. Author: محمد صديق Date: 03-12-2012, 05:45 AM Parent: #4701
صباح الخير يا وجوه الخير
اللهم انا نسألك خير هذا اليوم آجله وعاجله
ونعوذ بك من شر هذا اليوم آجله وعاجله
Post: #4705 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-12-2012, 06:20 AM Parent: #4702
Quote: صباح الخير يا وجوه الخير
هدية صباحية لكل الأزواج
عندما شعر أدم بالوحدة -عليه السلام لم يخلق له اّلْلـْہ عـشرة أصدقاء، بل خلق له امرأة واحدة ...نعم امرأة واحدة امرأة واحدة .. واحدة واحدة يا أبن أدم واحدة يا أبو عيون زايغة، واحدة يقلع عينك واحدة عمى يعميك... --
اليوم الريس اتأخر علينا بالدعاء... قمت قلت الدعاء بتاع الريس في سري و دخلت...
من العبارات التي يستخدمها منصور بكثرة عبارة (مالكم كيف تحكمون)... و دي واحدة من فوائد الكتابة في البوست.. انك بتلقى نفسك اكتسبت مهارات في الكتابة من الاحتكاك بالناس هنا... و قدر ما حاولت استخدم العبارة دي غلبني... ما عرفت وين و كيف استخدمها... قمت خليتها قلت امكن لسه محتاج لمزيد من الاحتكاك...
Quote: الليلة حأمشى الاستاد ....وعبرك ادعو
صاحبى يلاقينى فى المهداوى ...وعلى الاكياس
يا كوتش لو سمحت استخدم كلمة الأٍبق قبل صاحبي... قول صاحبي الأٍسبق و لا حتى السابق كمان... مالكم كيف تحكمون...
Quote: عيسى الضي دا لسع ما وقع لي ياربي يكون دي بتاع ناس جلا !!!
يا حبيب ما تعمل طناش ياخي... شنو حاكيها كده... صالح الضيء ياخي...أعمل بحث تاني و شوف كده... و الله يا موسى ما عايز أرميها في السودان المسكين ده... و أقول أنا من ما جيت من السودان عندي سلك ضارب... السلك ده بدأ يضرب من زمان... بس ما تكلم زول...
Quote: با الرشيد طبعا الحكاية لسة خبر بعد ما نجرب العينة في صاحبنا بتاع الخبر وبتاع جدة بعدين لك ما شئت
اذا التجربة في بتاع الدمام و بتاع جدة... خلي عصام جلي يرسل ليك من النوع المركز شديد.. و الا التجربة حتفشل و البيزينيس يطير في الهواء... ديل ريسينهم قوية شديد ياخي...
يا ميسرة بقينا نتقابل كتير الايام دي في " مراسيل البقالة" فشنو الواحد داير يقول ليك متابع مرة مرة وكدا ^_^
Post: #4706 Title: Re: ناس الزقازيق ... أجدع ناس (4) .. Author: محمد صديق Date: 03-12-2012, 06:33 AM Parent: #4704
سلامات يا ناس
Quote: انتشار كلمة "طايوق" في مداخلات الزقازيقين اداني احساس بانه عندكم " عواسة ابري " او نحو ذلك
مراحب : أساسى...
شى (أساسى) هنا انو يكون فى طايوق كامل ...ونصف طايوق
ومرات بدون طايوق.........
اذا انت جيت هنا معناها تمتلك واحد من التلاتة الفوق ديل...
ملحوظة : العواسة الهنا تقتصر على الكسرة.
شكراً على المرور.
Post: #4707 Title: Re: ناس الزقازيق ... أجدع ناس (4) .. Author: أحمد إسماعيل Date: 03-12-2012, 09:09 AM Parent: #4706
اللهم يا مسهل الشديد ويا ملين الحديد ويا منجز الوعيد ويا من هو كل يوم في أمر جديد أخرجني من حلق الضيق إلى أوسع الطريق بك أدفع ما لا أطيق ولا حول ولا قوة إلا بالله العليي العظيم
Post: #4708 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-12-2012, 10:28 AM Parent: #4707
رقبتى انا ما بلعب فيها عشان اسلمها لاحمد اسماعيل وشيخ ابكر بتآآآآو ......
شوفو شنب زهير ولا صلعة احمد السيد و بالعدم لسان طارق جبريلا انتو مخيرين ....
،،،،، ،،،،
Quote: يا اخوانا ما تدخلوا عصام دهب دا جوة هنا , صاحبنا دا كل يوم نصطبح نلقاهو مشتبك مع واحد
الزول ده اتدق واتهبت هناك بالكفاية ... الباقى و الدور عليكم ...... اتصرفو ....
إذا أتيت لهذا البوست بكامل طايوقك فهذا يعني أنك ليس بـ(أساسي) دائماً دع بعض النواقص حتى و لو كان طايوقك (لتكتمل الصورة) مالكم كيف تحكمون ما عارفها ظابطة و لا لا!!!!
الدقير وام الحسن مشوا يباركوا لي سعاد جابتلها بت.. ام الحسن: الرسول آآآسعاد تسميها ليلى سعاد: بري ليلى دة قديم شديد ياخي ام الحسن (عضت اصبعها): احي انا ان كان جبتلي بنيي... نان انا اجيبها كيفن ان كان معرسي القصيف دة انقصى قوم قدامي يا القشير ان كان جايبلي الكلام.. الدقير: نان انا اجيبلي بت كيفن وانا معرسلي مرتا قاطعي من حفروا البحر
شعارنا : "بدون زعل" ... الهزل محل الجد والعكس صحيح ... وسامحونا ...
.........
حكمة والله وحكاية : * احذر ان تسلم لغيرك زمانك ... فيصبح كل من كان وراءك أمامك ... فالحقير لا يكفيه دمارك ... بل يبني نفسه من حطامك.
* اذا كان الجسد العاري دليل الحضارة، فھنـيئاً للحيوانات فھم السباقين و الاكثر حضارة
أغنية في الذاكرة البعيدة:
زيدني من دلك شويه و كتر الأشواق عليّ بكرة قلبك يصفو ليَّ و تملأ بالأنوار عينيَ
في بحور الشوق مسافر زادي نظرة و إبتسامة يوم أشوفك أبقى قادر وأرسي في بر السلامة ألقي نفسي بين أيدك و أنسى عيني في عنيك أنسى كل الدنيا حولي إلا أنت و شوقي ليك
في العيون الحلوة تهته للخدود سلمت أمري إشتياقي ليك بحتة بنتظر لو كان بعمري لو تلوح بالآمال أو تلمح بالوصال لو تصبرني بكلمة حتى لو كانت محال
لما أنت تكون معاي ما بفكر في الزمان لا بداية لا نهاية لا اللجاي و لا اللكان كل لحظة تبقى جيل كل لمحة يوم طويل في عينك يبدأ نهاري و أنهي بيك حلمي الجميل****
للنداء للشفوت: تنزيل الاغنية ... يوجد تسجيل جميل لطارق كبلو .....
حلمنتيش في خاطر....
سموك ندى قلتي ليّ سموك ندى!؟! وده منو السمّاك ندى؟ ده أكيد أبوك إنعل كِدة! فيك شنو يسمّك ندى!؟ في صوتك أتخن مننا إضنين كُبار زي دِشّنا وتقولي ليّ سمّاك ندى! خشمك ده ريحتو معفّنة ايدين كبار حقات بُنى وتقولي لي سمّاك ندى!؟ المشية كتّاحة وعلال كرشك تقول شايل جَنى وتقولي لي سمّاك ندى!؟ قالت لي "ها هدى في البطاقة إسمي ندى" شوف يا أخ.. مافيش علاقة بينك وبين ندى خلّيها ندى .. خالت قريبة جارت صديقة ناس ندى ما فيش علاقة ندى في العيون أكحل مجعّد مسوّدة انتي العيون فوقن قضى ندى في الحواجب زي هلال قصة نصوم دي مؤكدة! انتي الحواجب دلجة بس قلم الحواجب هاردها وتقولي لي سمّاك ندى!؟ ندى تبتسم آلالاف مؤلفة تسعدها وانتي الخشم شارّة التلاليش بس طبق ومغطّي صينية الغدا ندى في الوشيش نظرك بشيش.. ما يعقّدها وانتي الوشيش وش الجحيش نخرين كُبار كُرعين ردا وتقولي سمّاك ندى! قاتلي "آي أنا إسمي ندى" شوفي أوعك تقولي اسمك ندى ندى ما بس الاسم ندى الجمال زايد الأدب زايد العلم زايد الفهم ندى في الجمال ما شُفنا أجمل من كِده ندى في الدلال خصّاها بيو رب العباد حين أوجدها ندى في الأدب .. ربّوها بيو رجال ياكلو النار مولّعة موقدة ندى في الكلام طبيعي صوتا بيجيب صدى ندى في "البزاغ" .. شربتي "سفن أب" ياهو ده ! وتقولي لي سمّاك ندى
نكتة اليوم:
الأول : أنا اعشق مدينة لندن، اُدين لهذه المدينة الرائعة بأهدأ ساعات حياتي وأجملها. الثاني: ولكنك لم تزر لندن أبدا في حياتك. الأول : ولكن زوجتي اعتادت أن تمضي فيها شهرا كاملا كل سنة ! **** رجل عمره (80) سنة يكلم الدكتور و هو مبسوط أنا زوجتي عمرها (20) سنة حامل... شو رايك يا دكتور؟؟؟؟؟؟؟؟ رد الدكتور: راح احكيلك قصة في صياد راح الغابة عشان يصيد نمر وبدال ما ياخذ البندقية أخذ شمسية وراح للغابة وشاف النمر ... وطلع الشمسية و صوبها علي النمر و طاخ طاخ طاخ ... النمر وقع ومات رد الرجل العجوز بسرعة ... ومندهشاً مستحيل يا دكتور ... لازم فيه حدا تاني جى أطلق النار على النمر رد الدكتور: يا سلام عليييييك!!!!!!
كاراكاتير اليوم:
ربع طايوووووق: كتب ولدنا الكوتش الكومندان ود صديق : ظروفنا بقت كده ...نجى بربع طايوق ...او ما نجى ... نكتب كيفما اتفق .........او ما نكتب ....
ورد عليه ابننا البديع ورشيد القوم: أنا غايتو لو في محل ست بيتك (بخلعك)... مش بخلعك بقول ليك (ووه)... لا ...الخلع العديل داك... انت يا يابا بتين طايوقك ده بيتم.. و ببقى طايوق أربعتاشر... امكن عشان هلالابي طايوقك ده طوالي هلال... كدي جرب شجع المريخ...
وعلق أيضا ولدنا التجاري موسي عيسي: واستخدم ذكاء ناس تجارة الخارق المعهود وعلل قصر مداخلته وغيابه: لكم مودتي و بشوف لي طايوق سلفة من الكوتش و بجيكم برواقه
طايووووووق كامل الدسم: كان عاملا بناء ايطاليان يعملان ذات نهار شديد الحرارة. قال لويجي لزميله جيودو: لماذا نعمل نحن طوال اليوم بينما المراقب ينال اجراً اكبر ولا يفعل شيئاً سوى الجلوس في الظل؟ رد جيودو لماذا لا تذهب وتسأله.
ذهب جيودو وسأل المراقب: لماذا نعمل نحن وانت تجلس هكذا وتقبض اجراً اكبر من اجرنا؟ رد المراقب بقوله: انه الذكاء، استغرب جيودو وسأل: ولكن ما هو الذكاء؟ وضع المراقب يده على حائط وقال للعامل: هيا اضرب بكل قوة؟ رفع جيودو يده وادارها في الهواء عدة مرات تم هوى بها. وفي تلك اللحظة سحب المراقب يده، فخبط العامل الحائط بقبضة كفه. انتشى المراقب وقال: هذا هو الذكاء.
عاد جيودو لزميله الذي سأله: قل لي ماذا قال لك. قال جيودو الذي بدا وجهه مثل وجه طفل صغير وهو يغطي وجهه بكفه: هيا اضرب على كفي بكل قوتك. ...
الحكمة من الطايوقين: طبعا قصدي ناس الطايوق الأول "ربع طايوق" والطايوق الثاني "طايوق كامل الدسم" فالعبرة ليس هل هو نص ولا ربع ولا كامل العبرة في الوزن – نوع الوزن دي متروكة لفطنة القاري – ممكن يكون طايوق وزنو 20 ويعمل بربع الطاقة، اكيد هذا الطايوق احسن من طايوق وزنو 3 ويعمل باقصي طاقة وقع ليكم ولا انادي منصور .... محمد صديق ارقد عافية وشغل تمن طايوووق .... برضو قيافة وفايت الناس مسافة ... بس تعال لينا وسجل حضور ...
خارج النص اليوم: ابو الطيب ... واصل التلاوة ... وانا حاواصل كمان الجزء 13 و 14 ... مادام انت برضو سجلت غياب ... ألف رحمة نور تنزل عليك يا اختنا مني بابكر ....
وشكرا على التلفون ياعمر برغم مشغولياتك ... لرعاية عصابة العزاب ... ... آلاف التبريكات لولدنا القانوني الراقي السموأل حسان أبو سن ... والبنيه تتربي في عزكم ... الزول ده وصفو ليهو درب البنيه بي وين ... كتااار عاوزين الوصف ماعمر نملة براهوووووو ...
سؤال اليوم : الحقوني سررررررررررريع بالتردد الجديد لقناة قوووون الرياضية على القمر عرب سات ...
شجرة أحمد اسماعيل - أبو عمر - فكو شوطا بتلحقكم امات طه ... امات طه ديل منو ؟!!!!! ....
أول حاجة...أنا أساسا قلت أبدأ أسي بالترحيب بي أٍساسي... ما عشان صاحب عصام دهب و رفيق الريس ميسرة في المراسيل... ترحيب حار عشان زيارته لينا دي و بس... بعدين تجي صحبته لي عصام دهب و مراسيلهم هو والريس ميسرة... و من الليلة اعتمدناك معانا في التشكيلة... يعني لاعب أساسي... شايف مراسيل الريس و أساسي دي أنا كررتها أكتر من مرة... ما يقوم الريس كمان يدعو علينا الصباح ده...
لكن يا ريس أنا ذنبي شنو... حقو تدعي على أساسي الفتح الموضوع ده...
Quote: بالله يا الرشيد اسال السنيورة امينة بتعرف التمليكه !!!!
أمنية شنو يا موسى البتعرف التمليكة... دي أم أمنية زاتها ما بتعرفها... ديل يا أخوي من ما جو البلد دي بقو ما بيعرفوا غير التمليك....
مالكم كيف تحكمون
Quote: دي بي ربع طايوق يا ديدو
الحمد لله يا جبريلا ربع الطايوق الفضل ليك ربع الطايوق النضيف... ما الربع التاني...
يا ايها الزقازقين ارفعوا ايديكم عن مراسيلنا والريس , دا حالتو ما جبنا سيرة الماعون اللين غسيله هين
كرماء كعهدي بمن عرفتهم منكم في جدة وشاكر ليكم كلمات الترحيب
بس كمان لو ما قدرتو تدخلوا عصام دهب مرقوا لينا طارق جبريل دا بره , في حال انكم دايرين تحافظوا علي ما تبقي من طايوقكم مالكم كيف تحكمون موش جبتها عليكم الله هنا
Quote: بس كمان لو ما قدرتو تدخلوا عصام دهب مرقوا لينا طارق جبريل دا بره , في حال انكم دايرين تحافظوا علي ما تبقي من طايوقكم مالكم كيف تحكمون موش جبتها عليكم الله هنا
و الله يا أساسي لقيتك خطير في النحو.. لا لا سوري قصدي التعبير...
غايتو العربي ده قاعد يقوم نفسنا....
Post: #4727 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-13-2012, 06:57 AM Parent: #4724
Quote: أذكر أول جلسة الكانت أخر وأول وأذكر أول نظرة تعال نعيد الأول
يا جلا انا ما كنت قايل اغنية رمضان حسن حتضرب فى الوتر الحساس ...
Quote: يا جلا انا ما كنت قايل اغنية رمضان حسن حتضرب فى الوتر الحساس ... اذن ناس الشواكيش .... يمتنعون ....
طبعاً يا ديدو الأغنية بتضرب في الوتر الحساس عشان كدا الناس القاعدين للمراسيل لا يحق لهم التجوال في مناطق أخرى غير المخصصة لهم عودة دهب للبوست (أساسي/ة) لكن خروج ود جبريل من البوست يفقد البوست نكهته و طايوقوه مالكم كيف تفكرون
يا أساسي كيفنك تعرف مرة في اجازاتي الكتيرة للبركل مشيت اتونس مع جدي الدقير دة قلت ليه: انت يا جدي امبارح كواريكك حمتنا النوم ام الحسن .. ام الحسن.. مالك الدقير: يا ولدي نست «خومرتها» في القاطوع الوراء داك - نان انت الخومري وين تطيرها في الليل دة الدقير: وحاتك يا ولدي الخومري دي تشمها اضانك ذاتها تقيف في نص راسك
يا حلوين لسة شغال بي ربع طايوق
Post: #4733 Title: Re: ناس الزقازيق ... أجدع ناس (4) .. Author: محمد صديق Date: 03-13-2012, 10:00 AM Parent: #4732
بس أنا شايل هم الصفحة دي ياخي... كسرتوا عليها كده الا نجيب ليها ناس من توتي يترسوها... قبل ما تدفق للصفحة البعدها... و محنني و الله الدعاء بتاع الريس... زمان يكون أول حاجة و مرات يقعد اليوم كلو... و مرات أيام (المحل) الناشفة ديك بيقعد لحدي صباح اليوم التاني.. لدرجة انو مرات الريس بيجي يعمل ليهو (Updating) بس.. حسي قدر ما فتشتو ما لقيتو... انت أصلكم كده... الواحد ما بيقدر يعرف (محلكم) من (درتكم)...
لكن بصراحة كده أنا اليوم متكيف منكم... و كمان عافي منكم عفوا لا يمحل و لا ينشف...
وبختم ليكم كمان بي عبارة منصور دي قبل ما بكره تبقى بايخه...
مالكم كيف تغيبون
Post: #4737 Title: Re: ناس الزقازيق ... أجدع ناس (4) .. Author: جلال عثمان Date: 03-13-2012, 11:24 AM Parent: #4736
مالكم كيف تحكمون ... شرك من زول حريف الحكمة الشرك قبض كل انواع العصافير الا العصفور المقصود بصراحة كنت عاوز اقول الطيور وبصراحة اكتر "الطير" بس خفت من زعلكم ولسان جلا وقلت بعدين تقبلوا على فى لمتكم المحضورة دي ما بخلص ... الحكمة قلت فرصة يا معلم في (الولفة*) دي "نقج" شركنا ونشرك لكن طلعت حاحاية ساكت انتو الزول ده مالو
---- اساسي منور والله
* بتعرفوا الولفة ولا ارشكم
Post: #4738 Title: Re: ناس الزقازيق ... أجدع ناس (4) .. Author: محمد صديق Date: 03-13-2012, 11:36 AM Parent: #4737
سلامات يا ناس
Quote: قلت فرصة يا معلم في (الولفة*) دي "نقج" شركنا ونشرك لكن طلعت حاحاية ساكت
الدعبونة وبت بلولة نسوان لسانن فاكي في البركل وقريتنا شبا تلقاهن قاعدات في عناقريب قُصار كدي في وسط الدرب بين التمُر شويتين تلقى القرية كلها قاعدي معاهن وتمسع في نصايبن بت بلولة: الرسول يا الدعبونة انت عرسوكي كيفن ساوي تلاليشك كدي علي معراكة الكِسري الدعبونة: عاد فراغك... وحات نضري أنا الشعر كان لاااا عند «جـ.....بي» ووكتين أدخل الداري وأفندر «شـ.....ري» وأترتر يمين الصفاقين لامن رقابن تقرب تنقصى بت بلولة: إييي شعر شنو مو ياهو المشنتف علي اللاشميق أليل الدقير البيفتلبو الحُبال الدعبونة: وحات ود الكرسني وكتين اجدع المساير ديل لي وراء والمُشاط علي الصبيطي ألت المِشرِق بت بلولة: إييي مشرق شنو ساوويي أوراكك ديل علي السِعِن الناشف الدعبونة: انت شن عرفك بالأوراك يا سجم الرماد.. علي بالطلاق وكتين كنت أدلكن وأخليهن يرارن علي البربور الكابينلهم فيهو سمني
لسة مكنتي ربع طايوق وربع خدش حياء عام برجع اتم ليكم باقي الانجلاخة دي
الترجمة لي ناس الشهادة العربية بتلقوها عند الرشيد وكمال الشادي وجلال عثمان حاتم جبارة من شوايقة كليفورنيا
مالكم كيف تنجلخون اول شىء الزول ده عنده كرت اصفر بهناك لو اخدتا الكرت التانى طوالى يو مس نكست ماتش حكامنا ديل اى حاجة ولا الكروت الصفرا لا بيهمهم اساسى و ولا بيشتغلوا بى احتياطى حتى مالهم كيف يحكمون (شفتوا سيدا بيقعدا كيفن ) انعل ابو كدا زاااتو
سلام يا أجدع وأروع و أعز ناس .. سلام مشتاق يغشاكم و يفرهد محبة تغمركم كووولكم .. و يا ربي دايما تامين و مبسوطين و بالحب و المحبة مجتمعين ..
و السلام عبركم و من داخل هذه الدار الرحبة لصاحبي أساسي .. الزقازيقابي الذي لم يرى الزقازيق .. فيا مرحبا يا صاحبي .. و كأني بك مثل إسماعين .. ( تبدو بسمة في شفتيه ) و اخالها بسمة (متمسحة ) او كما قال شيخنا عشري.. و أن تكون الحاجة ( متمسحة ) يا أساسي .. فذاك يعني أنها ( ملانة و فيها شيء كتييير ) ..
و يا أخواتي و اخوتي يا عزوتي .. يا الزقازيقاب .. و الله بحبكم .. و رب غائب مثلي حتى عن حال كونه متابعا مستمتعا في أحايين كثيرة .. لكنه مزهوا بكم و بهذا البوست دوماً .. ( فلا حكم القدر و لا بقى بينا قاضي ) .. لكن ما بين هذي و تلك .. ( الجية ) بقت مسارقة و مساسقة ..
فشكراً يا من ( أشر لي بريتو ) .. و سمعت الريس حتى النوم أبيتو .. البوست حبيبي ..
و شكرا و حمدا لله من قبل ومن بعد .. أن أهداكم لي ..
ان شاء الله دايما تامين و لا مين يا حبايبي الحلوين... من أساسيكم لي احتياطيكم... و أشكركم على ايراد نماذج متعددة لاستخدامات عبارة منصور المعقدة... يعني أديتوني درس عمري ما حأنساه في حياتي... في (الاستخدام المضمون لمالكم كيف تحكمون).... بعد ده تاني الواحد يستخدمها و هو مغمض... خاصة بعد التوسع فيها و التصريفات الحريفة لحاتم و جبريلا... انفردا بالبوست ليلا و أكثروا فيه (الخد و هات)... غايتو فرق التوقيت بيعمل عمايل عجيبة و يصنع الفارق كما يقولون...
لكن و بالرغم من الحضور الجميل والمهيب للجميع افتقدنا آخرين... كان غيابهم واضحا و مؤثرا رغم ان الليلة لم تك ظلماء بأي حال... ان كان غيابهم قسريا بسبب المشغوليات نسأل الله أن يخفف عنهم... و ان كان بسبب موقف ما فأقول لهم ان الأمر لا يستحق مهما كانت الأسباب... و لو كان نشاف راس ساكت بجيكم في محلاتكم بكسر ليكم ريسينكم دي...
قبل ما نقول إنعل أبو كدا زااتو الدعاء بتاع الريس جا و لا ننتظر!!!!! شكراً للدمنكاني و الزول المنجلخ داك و شكراً دهب لكننا نفتقدك مالكم لا تحسون بالنسب لي أفتقد شي أكبر أفتقد توأمي ما داير أنجلخ معاهو لكن داير إتفتن معاهو مالكم لا تؤازرون
Post: #4752 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-14-2012, 05:54 AM Parent: #4751
صباح الخير ،،، يا وجوه الخير
دعاء الصباح :
اللهم إني إستغفرك من كل ذنب يُفسد الأعمال ويقطع الآمال وُنذر بضنك الحال ويُورث سىء الخلال
صلوا وسلموا على سيدنا محمد
===========================
غير مسموح لأي أحد يعمل إفتتاحية الصباح إلا الرشيد بابكر لفروق الوقت
مالكم تستعجلون،،،
Post: #4753 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-14-2012, 06:13 AM Parent: #4751
دعاء الصباح
حسبي الله لا إله إلا هو عليه توكلت وهو رب العرش العظيم
Quote: غير مسموح لأي أحد يعمل إفتتاحية الصباح إلا الرشيد بابكر لفروق الوقت مالكم تستعجلون،،،
البتاعة دي بقت فيها خيار و فقوس المكنة بتاعت فروق الوقت دي ما ممخمخة لي في مخي بعدين ريس ينوم على كيفو و يجي معناها زول فتران من شيل البوست ما داير تترشح المرة الجاية قدم إستقالتك مالكم تكنكشون
Quote: غير مسموح لأي أحد يعمل إفتتاحية الصباح إلا الرشيد بابكر لفروق الوقت
يا ريس شكرا لتقديرك لي ظروف الكاروشه بتاعتي بتاعت الصباح... و انها لا تحتمل انتظار أكثر من ساعة لحدي ما تشرق عندكم... و أنا كمان دوامي بيبدأ بدري.. بجي المكتب و بعد قهوة الصباح لا بد من بوست... قبل ما أدخل في معمعة الشغل... و الناس الما عاجبه القرار ده خليهم يعملوا ليهم ربيع بوستي...
Quote: و الناس الما عاجبه القرار ده خليهم يعملوا ليهم ربيع بوستي...
غايتو دي قلبت فيها هوبه ....
Post: #4757 Title: Re: ناس الزقازيق ... أجدع ناس (4) .. Author: محمد صديق Date: 03-14-2012, 10:13 AM Parent: #4756
سلامات يا ناس
Quote: الحكمة من الطايوقين: طبعا قصدي ناس الطايوق الأول "ربع طايوق" والطايوق الثاني "طايوق كامل الدسم" فالعبرة ليس هل هو نص ولا ربع ولا كامل العبرة في الوزن – نوع الوزن دي متروكة لفطنة القاري – ممكن يكون طايوق وزنو 20 ويعمل بربع الطاقة، اكيد هذا الطايوق احسن من طايوق وزنو 3 ويعمل باقصي طاقة
الحكمة من الطايوقين: طبعا قصدي ناس الطايوق الأول "ربع طايوق" والطايوق الثاني "طايوق كامل الدسم"
حسب الجهاز الشايل الطايوقين ديل لو صينى , من نوع ابو شريحتين , فواطاتك صبحت طايوق ده , فى راس داك , وطايوق داك فى راس ده وجدادتى بيضت بيضت فى راس زول عليك بنوكيا الأصلى بلده , فنلندا وانتا طالع , الآيفون كمان ممكن يشتغل المشكلة ما بتجى الا من التلاتين عشرة يعوس ليك الواطة جنس عواسة ويسوطا جنس سواطة
* مالكم للمشاكل تكوسون وتسوون , وللأجهزة الرخيصة انتم تفتشون , وللعواسة انتم مدمنون * محمد صديق شوقى ليك ما اعتيادى , الليلة حا نناقش الجنقو مسامير الأرض فى جلسة نقدية لرواية بركة ساكن , اتمنيتك معانا انتا وزهير وطارق جبريل , وحاة الله اللماكم شنو فى امنيتى دى , ما عارف
أول حاجة أرحب بعودة النغم الجميل محمد عيد... الزول سرق السرق باسوردك ان شاء الله يتكسر حته حته... تصدق يا حمادة القلوب شواهد (شواهد دي قدر ما فتشت ليها ما لقيتها)... ألحقني بي شوية كركم الله يرضى عليك يا حماده... قربت أكتب ليكم القلوب عواكس لحدي ما ربك رب الخير نجدني بي شواهد دي... لما لقيت شواهد قعدت أضحك على روحي.... قلت القلوب عواكس..معقوله بس..دي أصلو قلوب و لا (قندران)... القلوب شواهد عشان أنا من بالليل قلت محمد عيد ده اختفى مالو... الا يكون حصل حاجة لي الباسورد بتاعو... و كنت ناوي أجي اليوم من الصباح أوجه ليك رسالة... فيها شوق كتير و عتاب شوووووويه..... و جيت من الصباح لقيتك... مش أهلنا بيقولوا حسه الواحد لو كان اشتهى ليهو مليون دولار.... لكن أنت عارفني أنا زول طموح جدا و المليون دولار دي أقل من سقف طموحاتي... و كوني أجي ألقاك من الصباح هذا هو غاية طموحي و أمنياتي...
Quote: غايتو أمنيات و طموحات هردبيسة زي دي أصلو ما شفتها
هردبيسة... أها براك جبتو لي روحك... انت أنا ما قلت ليك اتشالق مع أي زول الا محمد عيد ده... أنا طموحاتي و أمنياتي دي عفيتك منها ما برد عليك... لكن تطلع محمد عيد هردبيس... أها أرجى الراجيك... ان شاء الله بس ما يقوم يركب راسك في هردبيس...
Post: #4765 Title: Re: ناس الزقازيق ... أجدع ناس (4) .. Author: جلال عثمان Date: 03-15-2012, 06:36 AM Parent: #4764
Quote: ودى عشان جلال ما يجى ناطى لى ...
يازول والله كان جيتنا بي فاتحة ولا بدونها مشتهنك عديل كدة انت يا جلا الرشيد دا مالوا بقى "مكناكي" كدة لكن باقيلك مكنتوا دي بتكون قسمت مع عيد
خليني أشرح ليك استراتيجية معظم الشباب في التداخل... معظم الجماعة ديل بيكونوا مجهزين مداخلاتهم من الصباح في ملف خارجي... زي اللنش بوكس بتاع أولاد المدرسة... و أول ما يلقوا ليهم فرصة يجيو يعملوا البيست و يمشوا... و أحيانا بدون حتى قراية البوست... و عراب الأسلوب ده منصور عبد الرازق... يعني منصور ده لو ما صاحبي من زمان كان زعلت ليك منو... عشان هو ما بيشتغل بالمداخلات السابقة الا فيما ندر... لكن يجب أن تعلم أن حضورك الى هنا من الحاجات التي تثلج صدري أنا شخصيا... ده غير عظيم الامتنان الذي نحمله لك لافتراعك هذا البوست منذ سنين عددا... و أشكرك على البوح بالاتنين...بالحزن و بالحب... فأنا في رأي المتواضع ان البوح و الشفافية في التعامل هي التي عمقت الروابط التي بدأت هنا... و تحولت من مجرد كلمات عبر الأسافير الى علاقات حميمة و عميقة... و امتدت الى ما هو أبعد من ذلك... ياخي انت عندما تحضر نفرح و عندما تغيب نشتاق ليك... خليهم يقولو كسير تلج و مكاناكي عشان أخلي ليك محمد عيد يبشتنهم ليك بالفوتوشوب...
طالما عصام دهب بشفافيته استن سنة البوح الجميل... انطلاقا من نفس مبدأ المقولة المتداولة بيننا نحن السودانيين... الما بريدك ما بلومك..أو الما رادك ما لامك... عايزين برضو زهير الزناتي يجي يقول لينا هو محاربنا ليه... عشان يثبت محبته لينا... أنا كان ممكن أرفع التلفون و أقول ليهو الكلام ده... لكني حبيت الحكاية تكون للناس كلها الذين يفتقدونه هنا... أنا طبعا وجهت ليهو السؤال ده أكتر من مرة عبر التلفون... و في كل مرة يقول لي انه ليست هنالك غير المشغوليات... لكن ما مرت علي المبررات دي... خاصة اني أعرف الكثير عن مثابرة زهير... وانه أيام كان بالسودان كان يبقى خارج البيت بالساعات... لمتابعات بوستاته الكتيرة و المشاركة هنا غير مشغولياته الأخرى...
يا أبو الزوز البعيد عن العين بعيد عن القلب...
قرب تعال ما تبتعد...
Post: #4773 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-17-2012, 05:57 AM Parent: #4772
صباح الخير ،،، يا وجوه الخير
تحية الصباح نهديها للراجل الدهب
أخونا الكبير مقاماً عصام دهب مؤسسة وصاحب الحوش الكبير ده
دعاء الصباح :
اللهم أغفر لنا ولآبائنا وأمهاتنا وأزواجنا وذرياتنا وتوفنا مسلمين يا أرحم الراحيم
ما في اي سر يا رشدي ... غياب عصام دهب هو السبب الأساسي لغيابي ... معقولة ياخي الواحد حتة ما فيها عصام دهب يجي يسوي شنو .... مع محبتي الأكيدة للجميع ....
Post: #4776 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-17-2012, 06:27 AM Parent: #4773
Quote: و الناس الما عاجبه القرار ده خليهم يعملوا ليهم ربيع بوستي
وكمان يشربوا من البحر المالح
ومتنازلين ليك عن يومي الخميس والجمعة
مالكم لا تحكمون،،،
يعني البشير 20سنة وحسني 30سنة والقذافي 40 سنة
مالكم تستعجلون!!!
Post: #4777 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-17-2012, 06:35 AM Parent: #4776
Quote: ما في اي سر يا رشدي ... غياب عصام دهب هو السبب الأساسي لغيابي ... معقولة ياخي الواحد حتة ما فيها عصام دهب يجي يسوي شنو .... مع محبتي الأكيدة للجميع ....
تحية حارة أيضاً لحضور زهير ود الزناتي راعي البوست
ومسجل معظم اللعيبة الحاليين زيارتكم تسرنا وغيابكم يضرنا
بالله تتخيل عودة الثلاثة الجميل (عصام دهب وزهير الزناتي وكمال الشادي)
Quote: ما في اي سر يا رشدي ... غياب عصام دهب هو السبب الأساسي لغيابي ... معقولة ياخي الواحد حتة ما فيها عصام دهب يجي يسوي شنو .... مع محبتي الأكيدة للجميع
يا أبو الزوز ما عايزين نحكها... يا زول قبلنا بيهو عذرك ده... بس ما تطول الغيبة...
Quote: وكمان يشربوا من البحر المالح
ومتنازلين ليك عن يومي الخميس والجمعة
يا ريس لكن كده ما تقلت علي شوية... أنا يوم الجمعة الجابني عصام دهب...
والله يا رشدي والريس ميسرة وبقية كوكبة بوست ناس الزقازيق بسودانيز أونلاين .... يا حقيقي دون اي مجاملة .. معزتكم كبيرة عندي ... بس صراحة الفيس بوك شغلنا عنكم ... ياخي الفيس بوك ده عالم سحري وده لسبب أساسي هو التفاعل المباشر بينك وأصدقاءك .... إضافة للإمكانيات الكبيرة فيهو للصورةوالفيديو وغيرها من الأشياء التي تجعل أرتباطك به كبيراً ... سودانيز اونلاين بقي بالنسبة لينا موضة قديمة وما مواكب العصر ... بالجد كده وبقت جيتي ليهو قليلة .... والله العظيم السبب الأساسي البيخليني اجي هنا هو أنتو لا شئ آخر ... أمر علي بوستات الصفحة الأولي أقرأ العناوين دون أن تكون لي أي رغبة في فتح أحدها إلا فيما ندر وحينما أجد بوست ناس الزقازيق أفتحه مباشرة وأنسي الباقي .... زمان كنت بفتحه بنافذة جديدة عشان اقرا باقي البوستات في الصفحة الجديدة ... هسه بقيت أقول ليهو فتح مباشرة دون أي يغمض لي أي جفن بأني تركت الصفحة الرئيسية للمنبر ... ده كل السبب .... بنفس المودة دي أتمني أنكم تجو الفيس بوك وتتفاعلوا مع الناس هناك ... وأي زول حكومته محرمة عليهو الفيس بوك يدينا خبر نخش في المفاوضات الكلام ده طبعاً مقصود بيهو ... محمد صديق ، ميسرة ، الرشيد ، لأنه الثلاثة ديل أكتر ناس ما قاعدين يجوا بهناك ... ولحسن الحظ حكوماتهم الثلاثة حكومات صديقة بالنسبة لينا وبيناتنا في تبادل دبلوماسي علي مستوي السفراء والقنصليات ... وعليه يا ناس الواحد لو طول منكم ما تقولوا بقي جافي ... بعدين يا كوتش في قروب هناك فاتحه ود المهدي ... بتاع غناء قلت ليهم لمن أجي القروب ده بيتخيل لي راكب في عربية محمد صديق ... ياخي ما خلو ليهم رمضان من الرمضانات ما جابوه ولا حسنين من الحنسينات ياخي ديل جابو فنانيين قبل الأذاعة ذاتها ما عارف لقو ليهم تسجيل وين .. غايتو الناس الشباب في القروب ده لسه في مرحلة ناس حسن عطية وأبو داؤد عشان كده قلت ليهم قروبكم ده فاقد الكوتش .... وعليه هذا ليس بمثابة إستقالة من هنا ... لكنه عذر دائم لغياب متكرر
Post: #4780 Title: Re: ناس الزقازيق ... أجدع ناس (4) .. Author: محمد عيد Date: 03-17-2012, 08:38 AM Parent: #4779
Quote: غايتو الناس الشباب في القروب ده لسه في مرحلة ناس حسن عطية وأبو داؤد عشان كده قلت ليهم قروبكم ده فاقد الكوتش .... وعليه هذا ليس بمثابة إستقالة من هنا ... لكنه عذر دائم لغياب متكرر
طبعا يا رش ... المكنة بتاعة الزول ده ما بتكون قسمت معاك ...
الزول ده حتى بى غادى قاعد يعمل ليهو حردات كده ما عارف جايبها من وين ...
انا غايتو حاسى بى حالتو الايامات دى زى البرنس ( والمعنى فى بطن الشاعر ) ... !!!!
Quote: طبعا يا رش ... المكنة بتاعة الزول ده ما بتكون قسمت معاك ...
الزول ده حتى بى غادى قاعد يعمل ليهو حردات كده ما عارف جايبها من وين ...
لم تحرك فيني أي ساكن يا حمادة... هو قايلني أنا جاي من الكوة... العبارة دي بقوله لي أولادي كلما يحاولوا يستهبلوني... أنا طبعا من الكوة لكن ما بتفوت علي الحركات دي...
والله كان جيت لقيت مكنة ابوالزوز دي قسمت معاكم كان فعلا وريتكم المكشن بلا بصل فارات نحنا مش - قال وش الكتاب قال هاك الزعل دا بالله اسا زي بيتزا جلا دي فيس شنو داك ما عارف بجيب ليك زيها ... خلي الحركات وفتوا قرض عشان نعرف زعلان مالك ------ عيد ... ا هي الحرب اذا يا فتى هاك الراية البيضاء دي عارفنا البتاع شوب دا برقدنا سلطة لكن هنالك اسلحة خاملة "دي زي الخلايا وكدة" ما تحاول تقرب منها عشان ما تنفجر واعني بذلك ناس سيدا واتوبونج .... خلى عندك أمل في استخدام اسلحة مشروعة ------ هذا والسلام على عصام وصحبه الكرام
يا موسى قلت لي التلج بقى للرُكب ياخي ممكن ننسى حرب المدرسة العسكرية وتكون عندنا خطة استراتيجية هنا لتمييع التلج انت يا موسى ما ملاحظ حاجة انا وانت نغيب ونحرد مافي زول قاعد يهببو لينا وانا كانت محاولات جلال على استحياء والولا جبارة بحكم العيش والملح
هسي ابو الزوز جايي فاكي ليه مكنة يمين في كارو ما تقسم بعدين مشينا ليه بهناك حالنا اتشال وقالوا خادشين للحياء العام انا هنا مرابطون وللبخور طالقون وبالبدلكة متمسحون وللخدش العام فاعلون ولا نامت اعين اصحاب المكنات الما بتقسم وعاشت محلات الطلح في الموردة
Post: #4787 Title: Re: ناس الزقازيق ... أجدع ناس (4) .. Author: محمد عيد Date: 03-17-2012, 03:29 PM Parent: #4786
Quote: هاك الراية البيضاء دي عارفنا البتاع شوب دا برقدنا سلطة
Quote: انت يا موسى ما ملاحظ حاجة انا وانت نغيب ونحرد مافي زول قاعد يهببو لينا
ياما كسرنا ليك تلج يا جبريلا... لكن الظاهر عليك انت زي طائر البطريق... عايز تعيش في تلج دائم... و نحن ما عندنا مانع لو ده بخليك تكون معانا طوالي... أما صاحبي موسى عيسى فهو عارف مكانته الكبيره... و مكناته الما بتقسم في ركشه... أول ما يغيب تشعر ان البوست ده ناقصاه حاجه... زي الفول لما يكون فيهو زيت سمسم و جبنة و طماطم و بصل... بيكون ناقصه شنو ؟
جلال رفع الراية البيضاء... و جلا اختفى بي قدرة قادر...
ما قلت ليكم ما بتقدروا على الرش ده...
خلاص يا محمد عيد المسامح كريم... حتى المطاعنات بتاعت الأمل و ما الأمل دي غض الطرف عنها... الراجل ما قاصد...زلة لسان ساكت...
Post: #4789 Title: Re: ناس الزقازيق ... أجدع ناس (4) .. Author: محمد صديق Date: 03-18-2012, 05:16 AM Parent: #4787
سلامات يا ناس
وصباحات التفاؤل
صفحة متمسحة ...
بجيكم بروقة ....وقبل ما اجى
تحياتى لعصام دهب....وكمان شوق....وهو لانو بعيد
من اللعب التنافسى ...ما قدر يعرف استراتيجية اخوان منصور.
Quote: يمين كبيت الجلكسات دي قلت اجي القي الجماعة ديل خاتين المناديل ويبكوا ... أكتر زول أحبطني الرشيد ... ياخي قايلو حنين ويمين المكنة كانت شالت فيهو لو ما المريخابي الوغد محمد عيد .... حرشوا لي
يا أبو الزوز قالوا ما بتحرش الا شنو..... ما عرفت أتمها... دي الا يجي منصور يتمها لي... و كان ما جاء منصور بتمها مويه... بعدين انت منو القال ليك نحن ما ختينا المناديل و قعدنا نبكي... بس ما حبينا نخليك تشوفنا عشان ما تستمرأ القصة... يا زول انت و الله (شوف بي حليفته كمان) جيتك دي بالدنيا كلها... في كسير تلج يا أخوانا أكتر من كده... انت و طارق جبريل و موسى عيسى (بقينا نخاف يا جماعة)... بعدين انت مالك و مال سودانيزأون لاين... انت جاي البوست بتاعنا... تعال و أمشي لي وش الكتاب ولا من شاف و لا من سمع... لا تدق باب زول و لا تتاوق بي حيطة زول...
أغنية الفطن الوسيم و التي نظم كلماتها الراحل محمد بشير عتيق سمعتها آلاف المرات... و من عدة أصوات نسائية و رجالية ... كنت أستحسنها مثلها مثل غيرها من أغنيات تلك الفترة.... لكن عندما تغنى بها الواعد أحمد محمد الأمين في نجوم الغد.. بدت لي و كأني أسمعها لأول مرة... رغم ان الفنان الصاعد يغني بطريقة جديدة يتبعها عدد من الفنانين الجدد... الا اسلوبه المميز و الخاص و الذي لم يشبه أي من ممن سبقة من هؤلاء... موهبته الفذة و صوته الجميل الحنين الحزين مع اضافة الجيتار أعطى الأغنية بعدا آخر.... كمستمع فقط و ليس كمتخصص في مجال الموسيقى أعتقد أنه سيضيف الكثير الى الأغنية.... اذا ما تسلح بالثقافة اللازمة لذلك و التي تتمثل في اختيار ألحان جديدة... و اختيار كلمات تستحق أن تخلد في أذهان الناس مثلما خلدت كلمات عتيق البسيطة الجميلة... لفطن الوسيم عرج يانسيم بلغُه إشتياقي حبي وإعتلاقي روح يانسيم أستقبل هلالُه في غُرفُه وظلالُه ومن ترفه ودلالُه بين ذويه الو بي حكمة ورويِّه في قامته الروية اتأمل شوية وقول ليه التحية ولو سألك علىَّ قولُيه منامُه قلَّ أصلُه شكايته عله بالحب ليس إلاَّ
التعديل لتكرار المداخلة السابقة و عملت بيست لي دي من اللنش بوكس
Post: #4797 Title: Re: ناس الزقازيق ... أجدع ناس (4) .. Author: محمد صديق Date: 03-18-2012, 08:40 AM Parent: #4796
سلامات يا ناس
Quote: التعديل لتكرار المداخلة السابقة و عملت بيست لي دي من اللنش بوكس
اليومين دي ... مشغووووووووول شوية ... عندي شوية فلل عاوز ابيعها وارجع ليكم .... غايتو كل ما ألاقي فرصة في السوق وادخل فيها .. اذكر كلام اخوي الرشيد ... عندما قال ليكم ياسر نجيلة تاجر ... ضل طريقة الى الوظيفة ...
ويا عبد الدايم سطوح شنو البطالب بيهو يمين بالله قلت للمهندس وليد - صاحب الشركة والمنفذ للمشروع - بالله المرة الجاية ابني غرفة ناطور لكل اربعة فلل .. وانا عمولتي احجز لى واحده منهم ... لما اجي راجع من الخليج يد من ورا ويد من قدام اكيد بحتاج ليها ...
والعندو رغبة او مصلحة او حتي لاصحابو او جيرانو او اقاربو ... نحنا ما بنقصر معاهو ... المشروع ممتد البداية اربعة فلل والباقي جاي حتي ناس المنظمات ما بناباهم يا جلا ...
Quote: عندي شوية فلل عاوز ابيعها وارجع ليكم .... غايتو كل ما ألاقي فرصة في السوق وادخل فيها .. اذكر كلام اخوي الرشيد ... عندما قال ليكم ياسر نجيلة تاجر ... ضل طريقة الى الوظيفة ...
طيب ما تشوف لينا حاجة كده و لا كده بمناسبة التشجيع ده ياخي... أنا متأكد ان وليد ابن خالتك محظوظ جدا... لأنك انت توليت مسألة الترويج و التسويق للفلل دي... و أنا عارفك لما تخت ليك حاجة في راسك بتتم باذن الله... بس لو حليت لينا موضوع التمويل ينوبك ثواب... تاني حاجة قصة التسعير بالدولار دي شوية كده عاملة لي كونفيوشن....
بالتوفيق يا نجيلة..
Quote: سُبحانك لا يعلم قدر عظمتك غيرك ولا يحيط بوصفك الواصفون
لك الحمدُ حتى ترضى ولك الحمد كما تحت وترضى
بمناسبة هذا الدعاء يا ريس... قبل أيام من عيد الأضحى الفات... كان أخوي الأصغر عماد و الذي يتولى أمور البيت هناك... نحن نرسل بس و هو يدبرها بي طريقته... كان محتار يعمل شنو و يدبر الأمور كيف... في ذلك الوقت كنت أنا قررت أرسل دعم بمناسبة العيد... عملت التحويل و رسلت ليهم رقم التحويل و ضربت ليهو تلفون طوالي... قال لي أنا كنت بفكر و غلبني التفكير.. فقمت قلت ربنا لك الحمد حتى ترضى... قال لي قبل ما أكمل حتى ترضى دي رسالتك وصلت... قلت ليهو مازح.. أسمع يا أخوي المرة الجاية لما تقوله قبل ناحية أخوانك التانين... مش تتلحني أنا كل مرة... فضحك حتى ابتلت لحيته... مع العلم انو ما عنده لحية... لكن العبارة دي محببة أكتر من بانت نواجذه ديك فحبيت أستخدمها...
التعديل للكلمة المشلخة
Post: #4805 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-19-2012, 07:14 AM Parent: #4804
اولا قلبتو لي الصفحة قبل ما اخواني ديل يشوفو الإعلان كويس ...
والعندو رغبة او مصلحة او حتي لاصحابو او جيرانو او اقاربو ... نحنا ما بنقصر معاهو ... المشروع ممتد البداية اربعة فلل والباقي جاي حتي ناس المنظمات ما بناباهم يا جلا ...
===================================================== يا كوتش خواتم شنو البنبيعها لي هسع ... الخواتم دي كنا بنوزع فيها مجانا ... زماااااان ايام الثانوي العام ... حسع وحاتك وصلت للفلل ... وبكرة اكيد حاجة اكبر .. بس والله مهما كبرنا ... مابنوصلها لبيع تراب الوطن .... عندي مداخلة في البوست بتاع الفلل فاتحو بهناك في الصفحة الرئيسية لسودانيز او لاين الجماعة زانقني في السعر زي اخونا الرشيد وعملت مداخلة حلوه عن بيع الوطن ... حصل شوفا ....
يا رشيد القوم ... السعر بالدولار ... انت فارقة معاك بشنو ... من يوم مادخلنا الامارات السعر ثابت ... 3.65 شراء بيع 3.68 للدولار وبالنسبة للتمويل والله شغالين فيهو وقطعنا شوط كبير ... وقريبا حتسمع كل خير... بس والله نصيحة اخوية ... ابعد من تمويل البنوك السودانية ... حتي لو تسكن معاي ... في غرفة الناطور ...
Quote: السعر بالدولار ... انت فارقة معاك بشنو ... من يوم مادخلنا الامارات السعر ثابت ... 3.65 شراء بيع 3.68 للدولار
يا حبيب بتفرق كتيييييير....
التفاصيل دي عايزه ليها قعدة...
Quote: بس والله نصيحة اخوية ... ابعد من تمويل البنوك السودانية ... حتي لو تسكن معاي ... في غرفة الناطور ...
ده الطفشني من ساريا يا ياسر... رغم اني كنت سنة كده و أدخل فيها... حتى أنقذني منصور في آخر لحظة باقتراح أحسن... و اذا كنت ندمت علي حاجة في ساريا دي... حتكون اني ما جاورت ياسمين حاج الطاهر الشهيرة بي بطة...
Post: #4808 Title: Re: ناس الزقازيق ... أجدع ناس (4) .. Author: محمد صديق Date: 03-19-2012, 11:06 AM Parent: #4807
سلامات يا ناس
Quote: الخواتم دي كنا بنوزع فيها مجانا ... زماااااان ايام الثانوي العام ... حسع وحاتك وصلت للفلل ... وبكرة اكيد حاجة اكبر
مادام نحن كنا ما فى دائرة الخواتم ما تلحقونا الفلل (مجانى).
Post: #4809 Title: Re: ناس الزقازيق ... أجدع ناس (4) .. Author: منصور عبد الرازق Date: 03-19-2012, 11:49 AM Parent: #4808
الواحد بس ما ينشغل عنكم حبتين يجيكم يلقى بوستيكم قامت ليهو شنبات وبنيتو فيهو فلل كمان الود ياسر نجيلة ده , من يومو الجانى منو ايميل بتاع زيارة المسجد الأقصى داك عرفتو قاعد ليهو فوق راى طلع ما راى واحد اربعة آراء ممتدة , ومتجاورة , وكل راى بى تلاتة طوابق ابو الزفت يا منقة والراى بى ميتين وسبعين الف قشار وكمان تستلم طوالى !!! نجيلة اتصلح معانا يا زول
Post: #4810 Title: Re: ناس الزقازيق ... أجدع ناس (4) .. Author: منصور عبد الرازق Date: 03-19-2012, 11:54 AM Parent: #4809
Quote:
شيخنا منصور ...الما عايز يرسل التلفون
التلفون ؟؟؟ انت تغير رقمك , انحنا نرسل التلفون وين فى رقم جلا ؟؟؟
* الله يعلم مشتاقين يا كوتش , تلفونى 00966504177839
نادرا ما يفوتنى ما يكتب فى هذا البوست او بالأحرى , ما يكتب فى اى مكان تجتمعون فيه عهدا على اسككم وين ما كنتوا , بقيتوا عندى زى الحكمة اللى هى ضالة المؤمن وين ما لقيتكم , اتوهطت معاكم , واديتكم يا اضانى , يا لسانى , يا اضانى ولسانى ومعاهم قلبى زااااتو بعد مرات بتشيلو يدى زااااتا معاهم فوق البيعة حملة الرشيد بتاعت موية السكر لتجميع الحمام الشارد افلحت شايفا اسكت يا محمد عيد , وانتا معاهو يا جلا وخلو الهرجلة انا قلت شارد و الموت ده , سيرتو ما جات على لسانى لكن زهير شايفو جاكم كبا ليكم مكنات , ما قسمت مع معظمكم قلتوا لى انا مداخلاتى (مصبوبة مسبقا ) ؟؟ بنجى نعمل ليها قوالب بس ؟؟؟ والله اتلومتوا معاى ياخى انا الدفيق زااااتو لمن اجيكم تارى ومشتاق , يمين قوالب الدنيا دى كلها ما بتشيلنى غير ان الدنيا (قلابة ) زى الفول كده , وزى رقيص العروسة زماااان , ودى اظنها بيعرفها طارق جبريل ومعه قليلون عبد الدائم النضيف , ورهط من القوم , من الزمن بتاع ما دوامة , يا دنيا ما بتتقدرى كلام زهير بتاع زحف الفيس بوك , فيهو شفافية بتخلى الزول يتوجع حبتين لكن اقول ليكم حاجة انتو فارقة معاكم شنو ؟؟ كان الله اداكم بيتين ولا تلاتة , تقولوا ما دايرين الا واحد ؟؟!! شوفوا طارق جبريل مثلا , عنده كرت اصفر فى حتة , بيلعب فى التانية عااااااادى نحنا بنحبه , وين ما نلقاهو ووكت ما نلقاهو , لا شغالين بى الوان كروته ولا قميصه الكاروهات الكرهنا بيهو داك وين ما نلقاهو نشربو شراب العطشان , ونشم ريحته المدهشة , لا فارق معانا طلح الموردة , ولا حفرىة دخان الدعنونة ولا مشاط ام الحسن وتقوم فى الأثناء دى وانتا بتكتب , يجيك اتصال من الكوتش اللذيذ فتنسى انك كنت بتكتب فى شنو , وتتملى بس بالزول السمح ده , وتسجل تلفونو الجديد , وتحس بانك امتلكت الدنيا وما فيها لامن تقرب تضرب لى ياسر نجيلة , وتقول ليهو انت فيلة وليد بى كم ؟؟؟؟
يا كوتش يا محمد صديق انا احبك حبا عظيما شفتوا انا زول مباشر وعدييييل كيفن انا اظنى من الناس اللى ربنا حباهم بى عدد كبير من الأصدقاء الزيك والأقل منك بس ادوات تواصل الزمن ده , بقت كتييييرة ومتباينة فى ناس , الكمبيوتر ده فى عضمه , ما عندهم بيهو اى علاقة وازيدك من الشعر بيت , فى منهم التلفون جوال ليس من اولياتهم اما لا يحبونه , او يتعاملون معه باهمال لكن فيهم كذلك المنتشرين تفتح , وين ما تفتح , تجدهم او على الأقل تجد اثرا لهم فيس بوك منتديات تلفونات رسائل جوابات , تلفزيون رادى سكايبى سكاى دو فايبر واتس اب الحنفية دى كان كان اتاملتها كويس , احتمال يجوك طالعين منها على فكرة , انا لسه ما وصلت لى قناعات معينة من ناحية انو الخير وين الأنتشار وطرق جميع الأبواب ؟؟ طرق بعض الأبواب وغلق بعضها الآخر ؟؟الأكتفاء بباب واحد مختار من بينها ؟؟ ام غلق جميع الأبوب ؟؟؟ اكيد اغلاق جميع الأبواب الأخيرة دى مستبعدة من خياراتى انا على الأقل كدى نحاول نقسم عملية التواصل دى , ونتفهم قسميها الطبيعيين والمهمين هى تواصل فى الأول , وبعدين تفاعل , غلطان انا ولا ما غلطان ؟؟؟ اظنو غرض التواصل يتم تحقيقه فى حده الأدنى , بمجرد حرصك على التواجد , اما على مستوى المتابعة السالبة التى تكتفى بمعرفة الأخبار ثم تتعداها بالتفاعل , والتفاعل كمان خشم بيوت يا ناس يا حلوين الرشيد بابكر والريس ميسرة , مثال ممتاز على التواصل والتفاعل معا , ولكن بتفضيل خيار تواصلى واحد يتم انتقاؤه بما يتناسب الميول والأرتياح (على ما اظن ) الأرتياح مقصود بيهو آلية التواصل التى اختاراها , فاصبحا من حادى الركب وراعين للمسيرة زهير ود الزناتى ده , عنده ما شاء الله طاقة تواصل عينى باردة , تصاحبها طاقة تفاعل اللهم لا حسد لكننا يبدو ضربناهو ليكم عين , لدرجة ان تناسب الوقت الطردى مع (الآمال العظيمة ) عنده , خلتو يركز على الحتة اللى بيلقى فيها تفاعل اكتر واكبر انا فى الحتة دى , ما عندى اى مشكلة , بلقاهو بلقاهو , كان فى ناس الزقازيق ولا اوسكار ولا سودانيز ميوزك ولا سودانيزاونلاين ولا حتى فى التلفون تبقى عنده اشكالية انو يلاقى الناس الما بيجوا هناك كيف ؟؟؟انا عارف انو متابعهم ومطمئن عليهم , لكنهم تعودوا منه على اكثر من ذلك بكثير اها الحل شنو تفتكروا ؟؟؟ بغض النظر عن مقارنات ممكن تتم بين آلية واخرى , وبغض النظر عن تفضيل من كل شخص حسب ظروفه وميوله لآلية على اخرى بقى عندنا تلاتة آليات تناسب تلاتة امزجة ليها كل الأحترام والتقدير بوست الزقازيق العام , وبوست الزقازيق الخاص , وقروب ناس الزقازيق بى تفرعاته المختلفة الفى وش الكتاب كل ما الناس المتعودين يحوموا فى الحيشان التلاتة ديل , يلاحظ حاجة تعزز التواصل المطلوب , والتفاعل المرجو , يخت منها نسخة كوبى بيست او مذكرة او تنويه فيها مشكلة دى ؟؟؟ حاول توطن نفسك وتوزع مجهودك بيناتهم ما امكن , يعنى على الأقل تكون متابع فى واحدة , ومتفاعل فى اتنين منهم , حسب طاقتك ووقتك دى صعبة دى ؟؟؟ خليك ما امكن -الا اذا منعك الشديد القوى , متابعا للثلاثة حيشان حتى ولو دون تفاعل , واكتفى بالتفاعل مع الحدث الذى ترى اهمية التفاعل معه ولو بما يشبه اللايك بتاعت وش الكتاب يعنى اب او فوق او جاييكم بعدين او مختصر ما يفيد ذلك هسى دى دايرة ليها درس عصر دى دع عنك اى حواجز متخيلة تدخل تحت بند ما يسمى بعدم استلطافك لأداة تواصل ما من هذه الأدوات , وعليك ان تعرف -ان ساقك الشوق او الحنين لتواصل ما مع شخص ما - انه قد يكون موجودا ومتاحا فى تلك اللحظة عبر تلكم الأداة , فلا معنى ساعتها اين (تبل شوقك داك ), مش المهم تبلو وخلاص ؟؟؟وعلى فكرة ان غلبتك الحيلة , فبث شوقك انى شئت , فهو واصل واصل , ولكن يمكنك ان تحوله الى تفاعل كذلك ان شئت ومع كل ذلك فان الجميع دون استثناء معرضون اما للأنشغال او لتعكر المزاج , فلو مشغول لدرجة ما قادر حتى تتواصل , فمن باب اولى ان لا تتفاعل كذلك , وده مفهوم جدا ويحدث للكل بعض الوقت , كما وانه يحدث للبعض معظم الوقت ولكن من المؤكد انه لا يحدث للكل كل الوقت لو ختيتوا الرحمن فى قلبكم , فانتم متواصلون فى اضعف الأيمان , ثم متفاعلون , ثم منسجمون و ثم متكافلون ومتعاضدون ومتشايلون فمالكم كيف تحكمون ؟؟؟!!! اها , جات ولالا ؟؟!!
ده طلب صعب خلاص يا كوتش , قبل شوية قبل ما اتكلم معاك تلفونيا , كنت بصدد ان احكى لك , ان ادوات التواصل الأسفيرية سرقتنا من القراءة , انا لا اتعاطى مع الكمبيوتر فى البيت الا نادرا , والمدة الفاتت كنت مشغولا جدا فى المكتب حتى تعذر على الكمبيوتر وتمنع الا فى حدود التواصل الدنيا , ارسل الى صديق نسخة بى دى اف من رواية الجنقو مسامير الأرض اكتفيت بتخزينها منذ زمن ولم استطع قراءتها , جاءتنى دعوة لمناقشة نفس الرواية فى جلسة نقدية ادبية محضورة , تلك الدعوة حرضتنى على قراءتها فى البيت خلال ثلاثة ايام فقط , بالجد يا كوتش زعلت من نفسى جدا , قررت ان اعيد ترتيب وقت يومى , ولكنى حتى الآن لا اعرف كيف ؟؟؟قالوا الوكت ممحوق , كتر الزمن ما بحوق , تخيل اكتشفت ان ساعات اليوم ما عادت زى الأول , اليوم ما ياهو يا كوتش , فاين لى بربك (ربع طايوق ) دعك من واحد كامل الدسم , الطايوق كامل الدسم , فى طريقه للأنقراض يا فردة , لحق العنقاء , لا اوافق على ادراج الخل الوفى ضمن هذه المنظومة المستحيلة , ان تأتى بريحة طايوق فقط , قانت كمن تأتى بالغول , او تسأل عن العنقاء , ارقد عافية يا حبيب
ويعلم الله اننى ابادلك ذلك الحب....وهو من نعم الله علينا
Quote: حاول توطن نفسك وتوزع مجهودك بيناتهم ما امكن , يعنى على الأقل تكون متابع فى واحدة , ومتفاعل فى اتنين منهم , حسب طاقتك ووقتك دى صعبة دى ؟؟؟
ابداً ما صعبة...انا اتجول بين البوست وبين المنبر....وأُكنكش بالمنبر وأنأى بنفسى عن الفيس بوك.
انا متابع فى واحد ومتفاعل معه بربع طايوق ...ومع الآخر بنصف طايوق...اما النصف الآخر فهو قطعاً
ليس النصف الحلو.
Quote: تخيل اكتشفت ان ساعات اليوم ما عادت زى الأول , اليوم ما ياهو يا كوتش , فاين لى بربك (ربع طايوق ) دعك من واحد كامل الدسم , الطايوق كامل الدسم , فى طريقه للأنقراض يا فردة , لحق العنقاء , لا اوافق على ادراج الخل الوفى ضمن هذه المنظومة المستحيلة , ان تأتى بريحة طايوق فقط , قانت كمن تأتى بالغول , او تسأل عن العنقاء , ارقد عافية يا حبيب
قالو واحد شايقي من بلديات ودجبرين.. قاعد فوق سطوح عمارتو "أو فيللا في كافوري" يحسب في القروش.. جا شويه هوا كدا.. قام جنيه طار من يدو من فوق السطوح.. زولكم قام جاري نزل بالسلالم يحصل قبل ما زول يهبت الجنيه.. لما وصل تحت.. عاين بي جاي وبي جاي ما لقي الجنيه.. بعد عشره ثواني.. جا الجنيه واقع..
تم اغلاق المدارس في السعودية و في بعض مدن الامارات...
Post: #4820 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-20-2012, 06:28 AM Parent: #4817
صباح الخير ،،، يا وجوه الخير
Quote: دعاء الصباح...
اللهم لا تحرمنا من اطلالة منصور...
حاتم جبارة...
اللهم آمين ،،،
شرح وسرد منصور افاد ووضح كل شارده ووارده
وهذا هو مضمون ما ذكرناهو بالهاتف لبعض الزملاء الشاردين
سؤال هام ! هل نهجر البوست ولنتركه جميعنا لينعق فيه البوم
هل نتركه خراب بحجة الواجه الجديدة وتعدد الزوجات
مالكم كيف لا تقيمون!!!!!!
بنفس القدر والشفافية يمكن طرح أي موضوع للناس في الموقعين المختلفين
وتلقائياً يتداخل الجميع كل في موقعة وبالتالي نزيد من حجم التفاعل والتواصل
وتلقي الفكرة وبعدين حسب ظروفك تعلق هنا أو هناك أو الإثنان معاً ،،،
بالله تصدق في بعض الأحيان أدخل هناك للتصفح والرد على بعض الإمور وتجد عزاء
أو فرح غير منقول على البوست هنا.
Post: #4821 Title: Re: ناس الزقازيق ... أجدع ناس (4) .. Author: عمر نملة Date: 03-20-2012, 07:06 AM Parent: #4820
بعد عشره ثواني.. جا الجنيه واقع..
اريتا سرعتي
Post: #4823 Title: Re: ناس الزقازيق ... أجدع ناس (4) .. Author: محمد صديق Date: 03-20-2012, 07:23 AM Parent: #4821
سلامات يا ناس
Quote: انتو قدورة ده ضيع الباسورد و لا شنو...
والله نفتقده بشده.
منو يجيب خبرو وله من الإبل مائة.
Post: #4822 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-20-2012, 07:15 AM Parent: #4820
Quote: بقى عندنا تلاتة آليات تناسب تلاتة امزجة ليها كل الأحترام والتقدير بوست الزقازيق العام , وبوست الزقازيق الخاص , وقروب ناس الزقازيق بى تفرعاته المختلفة الفى وش الكتاب
ده غير منتدى كلية الاداب بالفيس بوك .... وده منتدى سرى للغاية و الدخول فيهو بباسورد خاص جدا" جدا" يعنى ما تلومو زهير براهو ضمو معاهو عمر عوض الريح و منى عباس و اخرين و اخريات ....
Quote: لو ختيتوا الرحمن فى قلبكم , فانتم متواصلون فى اضعف الأيمان , ثم متفاعلون ثم منسجمون و ثم متكافلون ومتعاضدون ومتشايلون
الفقرة دى ما عارف ليه ذكرتنى نشيد متشكرين و مقدرين يا مدرستنا يا مدرسين يا معلمتنا يا معلمين .....
،،،،،،
قال ليك يا ود جبارة عروس مستعجلة و شفقانة سألوها العقد متين قالت ليهم بعد صلاة الغـــــــــداء
Post: #4824 Title: Re: ناس الزقازيق ... أجدع ناس (4) .. Author: محمد صديق Date: 03-20-2012, 07:29 AM Parent: #4822
انعي لكم اليوم رجل عظيم ... رحل والدنا والرجل المكافح والعصامي ... الرجل سنادة القبيلة وركيزة اسرته الصغيرة والكبيرة رحل عمنا جبريل موسي والد طلحة وطارق وناصر ... رحل الرجل الجميل الذي للأسف لم نتعرف عليه إلا مؤخراً ... رحل رجل لو لم يفعل شيئاً في الدنيا سوي انجابه لهؤلاء الثلاثة لكفاه ذلك فضلاً ... له الرحمة والمغفرة إنا لله وإنا إليه راجعون ...
إنا لله وإنا إليه راجعون .... نسأل الله له الرحمة والمغفرة واسكنه الله مع الصديقين والشهداء وحسن اؤليك رفيقا عزاءنا موصول للاخوان طلحة وطارق وناصر وجميع افراد الاسرة داخل وخارج السودان ... لا حوله ولا قوة إلال بالله ...
Post: #4827 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-20-2012, 08:24 AM Parent: #4825
انا لله وانا اليه راجعون
صادق التعازى للاخ الحبيب طارق والاخ ناصر و لجميع افراد الاسرة
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
إنا لله و إنا إليه راجعون , اللهم لا بقاء الا وجهك
اللـهـم إنه فى ذمتك وحبل جوارك فقه فتنة الفبر
وعذاب النار , وانت أهل الوفاء والحق فاغفر له
وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته
ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً
عبدك ورسولك وانت اعلم به.
اللهم ثبته عند السؤال .
احسن الله عزاءكم آل جبريل و ثبتكم
Post: #4831 Title: Re: ناس الزقازيق ... أجدع ناس (4) .. Author: عمر نملة Date: 03-20-2012, 09:08 AM Parent: #4830
لا حول ولا قوة إلا بالله العلى العظيم و إنا لله وإنا إليه راجعون له الرحمه و المغفره و تقبله الله قبولا حسنا خالص التعازي للاخ العزيز طارق و جميع افرادالأسرة الكريمة
Post: #4832 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 03-20-2012, 10:35 AM Parent: #4830
لا حوله و لا قوة الا بالله
خالص العزاء للأخ العزيز طارق جبريل و جميع أفراد الأسرة...
له الرحمه و المغفره وفسيح الجنات مع الصديقين و الشهداء احسن الله عزاكم الاخ طارق و الاسره الكريمه انا لله و انا ليه راجعون
Post: #4834 Title: Re: ناس الزقازيق ... أجدع ناس (4) .. Author: منصور عبد الرازق Date: 03-20-2012, 11:24 AM Parent: #4833
آخر مرة مشيت السودان فى العيد الصغير الفات مشيت الدرابزين كانت الواطة نصت نهار و والحراية تسلخ لقيت كرسى وسرير فاضييين منعتنى الهجيرة وانتصاف النهار من دق الباب ما شفتو ابدا , ولا عرفتو الا من حكايات طارق ندمت الآن على اننى لم اطرق الباب ربنا يرحم عمنا جبريل , ويوسده الباردة التعازى كلها لى طارق واخوانه وكل افراد اسرته تذكر يا طارق , ان الموت يقطع العمل الا من ثلاث (عن البنى آدم) ابن صالح يدعو له كن ذلك الأبن الصالح يا طارق , ادعو له ولا تحزن بالغت انا فى لا تحزن دى احزن ياخى ما شاء لك الحزن و ولكن استعن بالصبر والصلاة والدعاء ربنا ادخله جناتك مع صديقنك وشهدائك وحسن اولئك رفيقا
الموت حق .. و أسأل الله تعالى أن يتغمد والدنا / جبريل بواسع رحمته و عظيم مغفرته .. و أن يتقبله قبولاً حسناً و يسكنه الفراديس العلى من الجنان .. و أن يلهم اسرت و ذويه الصبر الجميل على فقده .. اللهم أبدله دارا خيرا من داره و أهلا خيرا من أهله .. اللهم ادخله الجنة وأعذه من عذاب القبر ومن عذاب النار . اللهم عامله بما أنت أهله ولا تعامله بما هو أهله . اللهم أجزه عن الإحسان إحسانا وعن الإساءة عفواً وغفراناً. اللهم إن كان محسناً فزد من حسناته , وإن كان مسيئاً فتجاوز عن سيئاته . اللهم ادخله الجنة من غير مناقشة حساب ولا سابقة عذاب . اللهم اّنسه في وحدته وفي وحشته وفي غربته. اللهم انزله منزلاً مباركا وأنت خير المنزلين . اللهم انزله منازل الصديقين والشهداء والصالحين وحسن أولئك رفيقا . اللهم اجعل قبره روضة من رياض الجنة ,ولا تجعله حفرة من حفر النار . اللهم أفسح له في قبره مد بصره وافرش قبره من فراش الجنة . اللهم أعذه من عذاب القبر ,وجاف الأرض عن جنبيه . اللهم أملأ قبره بالرضا والنور والفسحة والسرور. اللهم إنه في ذمتك وحبل جوارك فقه فتنة القبر وعذاب النار , وأنت أهل الوفاء والحق فاغفر له وارحمه انك آنت الغفور الرحيم. صادق التعازي لأشقائنا الأفاضل د. طارق ، و ناصر و الأستاذ / طلحة جبريل و كافة أشقائهم و أفراد أسرتهم و لكم أخي أبو دية و لكافة الأهل تعازينا في هذا الفقد الجلل .. و المصاب الأليم و أسال الله تعالى أن يجيركم في قفقدكم و يرحم ميتكم و يجعلكم بالصبر من المبشرين ..
لا حول ولا قوة الا بالله العظيم خالص التعازى للاخ طارق واخوانه وجميع افرد الاسرة الكريمة ونسأل الله ان يرحم الوالد جبريل ويغفر له ويتقبله القبول الحسن وان يجعله في اعالى الجنان مع الصديقين والشهداء ونسأل الله ان يلهم طارق وكل الاسرة الصبر والسلوان إنا لله وإنا إليه راجعون
Post: #4839 Title: Re: ناس الزقازيق ... أجدع ناس (4) .. Author: أحمد إسماعيل Date: 03-20-2012, 02:23 PM Parent: #4838
صادق العزاء للأخ طارق ولجميع أفراد أسرتهم اللهم أغفر له وأرحمه وعافه وأعف عنه وأكرم نزله ووسع مدخله وأغسله بالماء والبرد ونقه من الخطايا كما ينقى الثوب الأبيض من الدنس اللهم ثبته بالقول الثابت وأعذهـ من عذاب القبر ومن عذاب النار اللهم أدخله الجنة مع الصالحين . وإنا لله وإنا إليه راجعون
يا طاحن الخبر ما بين القضا ومرحاكة القدر الشهدو الدموم و الدمع الهدر إيدهم فى التراب والعين في القطر عارفين الحصل عارفين في حذر الخبر اليقين بوخ وإنتشر أطفال القرى وعمال الحضر أدوهو الطيور ودنو البحر إنصاعت سحاب وإتافق مطر عم عبد الرحيم فى الشارع عصر لي تالا اليسار متفادى الكجر دورية الكجر عربية الكجر جفلت الحمار وطوح زي حجر وعم عبد الرحيم إتلافا القطر فتاح يا عليم سال الدم مطر جرتق بالتراب
كان يوم أمس يوما حزينا جدا... رحل عمنا جبريل الرجل الصابر الجميل الفسيح الدواخل... ثم رحل حميد و انقص ضهر الشعر و اتيتموا الغلابة... و كأنهما كانا على اتفاق... عم عبد الرحيم و عم جبريل.. لم ألتقي حميد و لكني كنت قريبا جدا من شخوصة أو شخصياته... عم عبد الرحيم، ست الدار،الزين ود حامد، راشد و نورا...الخ... و لكني التقيت بالعم جبريل يوم أن زرناه بالدرابزين الشهير... كنا صحبة أنا و الكوتش و زهير... استقبلنا ببشاشة و ابتسامة ما زالت مطبوعة في ذاكرتي... ثم أخذ يتبادل معنا الحديث بصوت هامس بالكاد تسمعه... و عندما عرف بشايقية زهير طلب منه الاقتراب و اخذ يشعر لزهير حتى الثمالة... عندما تحدثت الى طارق بعدها قلت له ياخي لازم تقوموا بالتسجيل للوالد... و عم عبد الرحيم(حميد) بدأ مشروعه السوداني بعد أن آنس بعض ضوء آخر النفق... و لكن هيهات لم يمهله قدره ليكمله و رحل قبل أن يقول كلمته الأخيرة...
عم عبد الرحيم يا كمين بشر عم عبد الرحيم يا كمين بشر صحي الموت سلام ما يغشاك شر صحي الموت سلام ما يغشاك شر
Post: #4843 Title: Re: ناس الزقازيق ... أجدع ناس (4) .. Author: محمد صديق Date: 03-21-2012, 07:25 AM Parent: #4842
سلامات يا ناس
Quote: عم عبد الرحيم يا كمين بشر عم عبد الرحيم يا كمين بشر صحي الموت سلام ما يغشاك شر صحي الموت سلام ما يغشاك شر
شارك عدد من ناس الداخل فى تشييع ومواراة جثمان عمنا
يوم الأربعاء بيكون البوست خفيف عشان قبل الخميس... يوم الخميس فاضي عشان اليوم القبل الاجازة الاسبوعية ونص دوام... الجمعة و السبت اجازة و العائلة تأتي أولا.... يوم الأحد اليوم البعد الاجازة و أول يوم في الاسبوع بيكون زحمة في الشغل... يوم الاتنين كتير من الناس بيكونوا صايمين.... يوم الثلاثاء اليوم البعد يوم الاتينين و الواحد بيكون تعبان من الصيام...
دي حالة عايزه ليها دعاء كارب من الريس ميسرة عشان تنفرج....
Quote: الريس ميسرة ظنيتو حيقول ليكم يوم الخميس الدعاء بالنيه ... كل واحد يدعو حسب ... الحوجة ....
انت الريس ده أوحيت ليهو... و لا عندك أخباره...
ممكن تخلي الفي يدك ده و تختف رجلك تشوفو لينا مالو...
و لو سألتني ليه أنا الأختف رجلي ... أقول ليك عشان انت الصغير...
Post: #4848 Title: Re: ناس الزقازيق ... أجدع ناس (4) .. Author: أحمد إسماعيل Date: 03-22-2012, 08:44 AM Parent: #4846
اللهم ياحنان يا منان يا واسع الغفران أغفر لجميع موتانا وموتى المسلمين وأرحمهم وأعف عنهم اللهم أجزهم من الإحسان إحسانا وعن الإساءة عفوا وغفرانا اللهم أنزلهم منازل الصديقين والشهداء والصالحين وحسن اولئك رفيقا اللهم شفع فيهم نبينا وحبيبنا صلى الله عليه وسلم وأسقهم من يدهـ الشريفة شربة هنيئة لا يظمئونا بعدها أبدا اللهم أرحمهم تحت الأرض وأسترهم يوم العرض ولا تخزهم يوم يبعثون يوم لا ينفع مال ولا بنون إلا من اتى الله بقلب سليم اللهم من أحييته منا فأحيه على الإسلام ومن توفيته منا فتوفه على الإيمان اللهم لا تحرمنا أجرهم ولا تضلنا وتفتنا بعدهم اللهم أغفر لأمواتنا وشاهدنا وغائبنا وصغيرنا وكبيرنا وذكورنا وإناثنا وثبتهم على الصراط وأرزقهم بكل حرف من القرآن حلاوة وبكل كلمة كرامة وبكل آية سعادة وبكل سورة سلامة وبكل جزء جزاءا وشفع فيهم القرآن يا عزيز يا غفار يا رب العالمين
Post: #4849 Title: Re: ناس الزقازيق ... أجدع ناس (4) .. Author: محمد صديق Date: 03-22-2012, 10:36 AM Parent: #4848
مرحبا بزوبا... و صادق الدعوات لي بنات زوبا بالتوفيق و النجاح الباهر... لنسمع الأخبار الطيبة وتنطلق الزغاريد من هنا من سيدات البوست... و التهليل و التكبير من رجال البوست بقيادة موسى عيسى....
Quote: ياخي الشوق بحور ما ليها حد... ما ليها قيف...
متخيلك تقول لي دي أمنيتي في الحياة لكن يظل الخيار و الفقوس ممداً رجليه طالما موسى عيسى حضور أها إنشاء الله أمنياتك السابقات طلعت باسطة هردبيس!!!!! أشتاق إليكم ... كيف ؟؟؟؟ و لما؟؟؟؟ الله أعلم
الحبيب موسى بالرغم من أني مشتاق حتى الثمالة إلا أنني لم أسكر بعد هذه هي فاتحتكم ... و شكراً للخصوصية بالله مش أقنعتو!!!!!
بالنسبة للطاعم جلال ما يجي خاشي جوز و يقول لي فاتحتنا وينها!!! لأنو فاتحتكم يا ها دي اللهم لا تباعد بيني و بين أحبتي أي زول ما بيعرف بلاغة و تورية يمشي يشوف ليهو بوست تاني أو أكون أنا خشيت غلط
Post: #4865 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-25-2012, 06:34 AM Parent: #4862
صباح الخير يا وجوه الخير
Quote: واذا الريس ما جا ؟ ينفع نكشحكم بدعاء الصباح؟
يا كوتش لك وللأخ/ جلا تصريح خاص وكمان موسى عيسى
يبدو هذا الصباح جميل ومشرق
بتداخل كوكبة من الأحبه الرائعين وكمان عودة ديجانغو (جلا)
اللهم أدم لنا هذه النعمة
وأحفظها من الزوال ،،،
Post: #4867 Title: Re: ناس الزقازيق ... أجدع ناس (4) .. Author: محمد صديق Date: 03-25-2012, 07:10 AM Parent: #4865
Quote: متخيلك تقول لي دي أمنيتي في الحياة لكن يظل الخيار و الفقوس ممداً رجليه طالما موسى عيسى حضور أها إنشاء الله أمنياتك السابقات طلعت باسطة هردبيس!!!!!
ياخي أفرض أنا قلت ليك كده.. انت حتصدقني؟
تخلو الواحد يندم على بحر شوقو الدفقو على الرهاب ده...
Quote: تخلو الواحد يندم على بحر شوقو الدفقو على الرهاب ده...
ما عارف لغاية هس إنت ندمت و لا لا لكن ممكن أهدي!!!!! مين رفيقك غير شجن واشواق ولوعة وشحنة الحزن البصيبك مين رفيقك انت عارف سر عشيقك كلما اتخمر عتيقك مين رفيقك ياخي سيبك من سليبك ومن سريقك ياخي سيبك وابقي فتش عن طريقك يمكن الاحزان تسيبك
Post: #4874 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-25-2012, 10:05 AM Parent: #4873
ابراهيم فش بشنباتو و عبدالمجيد عيسى بجلالة قدرو وجلال كمان فى الصف الوراء ....
،،،،،،،
Quote: انت ذاتك قيادتك للكورال كانت(كوسة)
تصدق انت يا كوتش بالذات ما كنت قاعد تحضر البروفات بانتظام عشان سكنك فى لكوظ بعيد ..... انا لانك دفعة اديتك الورقة قلت ليك احفظ و بعدين بوقفك فى الصف القدام .... يبقى الكوسة وين
Quote: مع انو فضل المأمون كان موجود....
فضل المامون فى عز البرد بكون لابس قميص خفيف نص كم وقاعد يرجف .... تقيف جمبو يجيب البرد حتى لو كنت لابس سويتر
،،،،،،
وشوف ديل ما حافظين طلعتهم بره ..
عاطف خليفة و مرتضى الفكى و اللفى النص ده نسيت اسمو
انتا مالك مربع يدينك ....
Post: #4875 Title: Re: ناس الزقازيق ... أجدع ناس (4) .. Author: محمد صديق Date: 03-25-2012, 11:09 AM Parent: #4874
سلامات يا ناس
Quote: انتا مالك مربع يدينك ....
بيكون واحد من ناسك الملبدن ورا ديل نشز.
Post: #4876 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 03-25-2012, 11:45 AM Parent: #4875
يا حليلك يا سارة سايمون رغم اللى حصل عندى آمل اننا حنتقابل .....
هذا الصباح أهدي نجمتين لكل من الكوتش و ديدو.... على الخد و هات وحوار الذكريات الجميل بينهم... لو في واحد شليق جاء سألني ليه الكوتش و ديدو بس.... أقول ليهو.... ياخي (كوسة)....
أمطار صباحية غسلت الشوارع و فرحت الأزاهر و فرفشت القلوب... بس كان ناقصاها حاجة مهمة ما بتكون المطره من غيرها... حاجة ما بتلقاها الا في السودان... الدنيا دي كلها بتنزل فيها أمطار لكن مطرة السودان فيها حاجة مميزة... ما عرفتوها؟؟؟
ريحة الدعاش...ريحة الطين
ادفــقى إدفقى ما تبقى رقراق أبقى يا ضُل .. يا شموس غطى المساحات بالوضوح إستنهضى الشوق .. الجروس وهجك شوارع ذاتى فى ليل اليباب ما تشفقى العطش .. الرحيل النيل ركيزة ودمعة الأحباب سِحاب
Post: #4879 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-26-2012, 05:51 AM Parent: #4878
عارف يا جورج سيد أحمد الحردلو دا زول عجيب خلاص شوفو لمن يتحدث عن الماضي و المضارع يقول يا معشَر العربْ (من الخليجِ الثائرِ إلى المحيطِ الهادر). صِفوا ليَ الحربَ ، كيف تقاتلون مَنْ يبدأُ بالعداءْ ويستبيحُ مدنَ الأطفالِ والنساءْ . قال خطيبهُم :- نُحرضُ الجرائدَ الصفراءْ ونعرضُ السيوفَ في المذياعِ والتلفازْ ونُحسنُ القصائدَ العصماءْ ثم نجلدُ البعضَ ، فبعضُنا جاسوسْ وبعضُنا كابوسْ وبعضُنا ينخُر فيه السُوسْ ، ثم نمشي بالوعيدِ .. حتى يسمع الأعجلُ منا .. أو مِن العدوْ ، فنحن أهلُ نَصْبْ .
Post: #4892 Title: Re: ناس الزقازيق ... أجدع ناس (4) .. Author: محمد عيد Date: 03-26-2012, 10:46 AM Parent: #4891
Quote: ومحمد عيد ما معانا.
نزلت شطك بعد البين ولهانا فذقت فيك من التبريح ألوانا
Post: #4893 Title: Re: ناس الزقازيق ... أجدع ناس (4) .. Author: محمد صديق Date: 03-26-2012, 11:18 AM Parent: #4892
سلامات يا ناس
Quote: نزلت شطك بعد البين ولهانا فذقت فيك من التبريح ألوانا
يا رش خليك حذق و أقرأ ما بين السطور يااااااخ إنه الفردوس المفقود إنه محمد عيد الموجود المفقود و الله إنني لأشتيهه كان فاعلاً أو مفعول به بالرغم من شحه الظاهر بيننا و لكنه أفضل من لايك على العموم نزلت شطك بعد البين ولهانا فذقت فيك من التبريح ألوانا وسرت فيك غريبا ظل سامره داراً وشوقاً وأحباباً واخواناً فلا اللسان لسان العرب نعرفه ولا الزمان كما كنا وما كانا ولا الخمائل تشجينا بلابلها ولا النسيم سقاه الطل يلقانا ولا المساجد يسعى في ماذنها مع العشيات صوت الله ريانا
Post: #4896 Title: Re: ناس الزقازيق ... أجدع ناس (4) .. Author: محمد عيد Date: 03-26-2012, 12:53 PM Parent: #4894
Quote: نفتقدك ليس إلا...وما باليد حيلة.
Quote: تبريح شنو يا حمادة يا حبيب...
Quote: إنه الفردوس المفقود إنه محمد عيد الموجود المفقود و الله إنني لأشتيهه كان فاعلاً أو مفعول به بالرغم من شحه الظاهر بيننا
في احدى الحلقات القديمة لبرنامج أوبرا وينفري و الذي كان بمناسبة بلوغها الخمسين من عمرها... قالت انها تعاملت مع مسألة بلوغها عامها الخمسين هذه برضاء و فخر... وانها لم تشكل لها أي اشكالية من أي نوع... و ان التغييرات البيولوجية الطبيعية التي تحدث للمرأة في هذا العمر لم تنعكس سلبيا على نفسياتها... كان بيني و بين الخمسين سنوات كنت أشعر بها و كأنها فاصل واسع شاسع ... و كنت كلما يسألني أحدهم وقتها (انت يالرشيد حصلت الخمسين)... كنت أرد عليه (أنا وين و الخمسين وين ياخي قول بسم الله )....و لم تكن هي الا بضعة سنوات فاصلة... فلقد كنت متوجسامن بلوغ هذا العمر الذي تعقد له المؤتمرات و تعمل له الدراسات و البرامج التلفزيونية... و وجدت أن الحاجز الشاسع الذي كان بيني و بينه قد بدأ يضيق رويدا رويدا... حتى وجدت نفسي في مواجهته أو قل على أعتابه (هذه الأخيرة من باب التجميل لا الكذب)... لا أشعر أنه تنتابني أي نوع من الهواجس و المخاوف كلما اقتربت من الخمسين.... رغم انني كنت أشعر مع كل الذي يثار حوله كأني مقبل على تجربة خطيرة جدا... الآن (و أنا على الأعتاب)...لا أشعر بأي مقدمات لتأثيرات نفسية أو بداية اختلال في المشاعر المختلفة ....
و حتى لا أطيل عليكم أسألكم...كيف تشعرون الآن و قد بلغتم الخمسين أو كنتم على أعتابها...[/red]
Post: #4898 Title: Re: ناس الزقازيق ... أجدع ناس (4) .. Author: محمد صديق Date: 03-27-2012, 06:49 AM Parent: #4897
سلامات يا ناس
Quote: و حتى لا أطيل عليكم أسألكم...كيف تشعرون الآن و قد بلغتم الخمسين أو كنتم على أعتابها...
نشعر بالسعادة.
Post: #4899 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-27-2012, 06:55 AM Parent: #4897
صباح الخير ،،، يا وجوه الخير
نجاوى صباحية :
اللهم يا راحم عبرتي ويا مُقيل عثرتي يا فارج الهم وكاشف الغم يا مجيب دعوة المضطرين يا كاشف كل ضُر وبلية ويا عالم كل خفية يا الله يا أرحم الراحمين
======================
خلاص كبرت وليك خمسين سنة عمر الزهور وعمر الغرام وعمر المُنى
بالله الكلام ده ناس زهير وعبدالدائم ومن لف لفهم يبتعدوا لأن بلوغ سن الخمسين فيه مخاطره عليهم ما أي زول يقدر على بلوغ سن الخمسين بسهولة
زمان لما وصلنا الأربعين قالوا دي السن الفيها يكون الراجل قد إكتمل فهماً وعقلاً والرسول جاتو الرسالة في الأربعين وسن الخمسين قالوا دي السنوات البستمتع فيها الرجل بشابه بشكل مقنن ورزانه كاملة.
في سن الستين بيرجع الرجل صغير ويعود مراهق كما كمان ويبدا يقيف أمام مدارس البنات .
Post: #4906 Title: Re: ناس الزقازيق ... أجدع ناس (4) .. Author: جلال عثمان Date: 03-27-2012, 09:57 AM Parent: #4905
سلام عليكم يا الجلاكين قلت الحق اكشف للمداخلات الفاتتني من تخريج ناس تربية لا عند ال 51 جانى احساس كدة بتاع انو في شئ ما ياهو "زي وش البامية داك" اكتشف ليك انو السبب الناس دي كلها على اعتاب او عترت ليهم العتبة بتاعت الخمسين يعني الرشيد ما براهو ماتعملوا فيها صغار ..... قول جلا دا مثلا في 47 اها دي ما ياها العتبة زاتها والله العتبة لو كانت رخام ولا اسمنت ولا جالوص ياها العتبة .... اهم حاجة ما تدخل موية مطر من تحتها انا غايو لازلت في باب الحوش من برة ولم اصل لباب الصالون حتى لا اقترب من العتبة اما ذلك القطن الذي يعلوا الرأس فما هو الا "استايل" كما قال سيدنا جبرييلا "الذي نشتهيه" ازال الله حزنه وكدره وجمله بالصبر لكن مافي حاجة كيفتني غير شنب زهير التلب العتبة دا
يا زوبا ده لا يقارن بما قدمتيه و تقدميه دائما... كنت بتكلم مع سناء الصباغ من يومين في التلفون ... قمت قلت ليها زوبا دي ياها الفيكم ..كانت بتجيني كل يوم أيام العزاء... و اذا ما قدرت تجي بتضرب تلفون تسأل مني... نسأل الله أن يوفق ابننا حمادة و ينجحه و يفرحكم بيهو ...
Quote: دعاء اليوم بعد الخمسين
شايف حكاية الأعتاب دي طفشت الناس...أحسن نوقف الموضوع ده شوية... عشان الناس الطفشت دي ترجع ... يا جماعه ختو الرحمن في قلوبكم أرجعوا أبقوا صادين... من دخل دار عصام دهب و الريس ميسرة فهو آمن....
الراديو بتاع عربيتي طوالي على بي بي سي... اليوم الصباح أول ما ركبت العربية... أول خبر ألقاه عن أن رئيس الوزراء البريطاني كاميرون طلب رفع الميزانية الخاصةبأبحاث مرض الخرف... و اعتبر الخرف هم قومي و يجب أن تتضافر كل الجهود لايجاد علاج للمرض... و لتوفير الرعاية لمرضى الخرف الذين يكلفون الدولة مليارات الجنيهات سنويا... و قد صادق البرلمان على المشروع القرار و تم اعتماد الزيادة في الميزانية...
أنا قلت الحكاية شنو..أعتاب الخمسين دي مبارياني حتى في الراديو...
لكن بعد تفكير كده قلت و الله حقو الواحد يمشي بريطانيا...
قلنا نبارك ليكم الأرشفة والربع الجديد انا طبعا برضو من الحاجات البتخليني ما اجي البوست ده ياسر نجيلة .... ياخي الزول ده داير اقطع معاهو اي علاقات قطع شامل كامل ....
بعد الأرشفة أرجو أن يهتدي الجميع الى العنوان الجديد.... و من ثم الى البوست... قعدت أنحت في مخي أشوف لي مكنة تجيب الناس ديل راجعين ما لقيت... أقول ليهم شنو...أرجعوا... بالمعزة ..بالمودة البينا...بي أحلى الصلات... مكرر... الماضي التليد و الأفكار النيرة و الهم المشترك... معاد... لقيت المكنات كلها تلاتة سلندر... و الله كمان أٌقل من تلاتة...سلندر واحد..مكنة ركشة بس... و الناس ديل عايزين ليهم مكنة من 8 سلندر و انت طالع... يجيبوها ليهم من وين...
Quote: قلنا نبارك ليكم الأرشفة والربع الجديد انا طبعا برضو من الحاجات البتخليني ما اجي البوست ده ياسر نجيلة .... ياخي الزول ده داير اقطع معاهو اي علاقات قطع شامل كامل ....
أول حاجة تحية حارة لي ست بيتك و لي عيالك يا أبو الزوز...
تانيا ظهورك الجميل بعد الأرشفة خلاني أشعر و كأني استعجلت المداخلة الأولى...
و لو جاء بعدك كمان موسى عيسى شكلي كده حأعض نواجذ الندم...
و العجب لو جلال عثمان عمل مداخلتين كاملتين...
دي عايزه منصور يسلفنا عبارة أعبر بيها عن أقصى مراحل الندم...
يارشدي كلوا لينا بكري يعمل خيار بتاع (لايك) عشان الزول لمن يجي يلقي مداخلاتك يعمل ليها لايك ويلقي مداخلات موسي عيسي يعمل ليها unlike وكمان جلا ومن لف لفهم واكيد ياسر نجيلة بعد بوسته المستفز ده انشاء الله بكري ما يكون نقله ليهو الربع الجديد .....
Post: #4923 Title: Re: ناس الزقازيق ... أجدع ناس (4) .. Author: ميسرة سيد أحمد Date: 03-31-2012, 09:02 AM Parent: #4922
المداخلة دي نزلتها للمرة الثالثة بس ليش ما عايزة تظبط
حال ناس الزقازيق
الحب : يبدأ بالسماع والنظر ,, فيـتــولــد عنــــه الاستحســـــان ,, ثـم يقــــــــــوى فـيـصــبـح مــــــودة ,, ثـم تقــــــــــوى المـــودة فـيـصــبـح مـحـــبـة ,, ثـم تقــــــــــوى المـحــبـة فـتـوجـب الهــــــوى ,, ثـم تقــــــــــوى كل هذه الخلجات وتنتج الحالة الزقازيقية الفريدة
الحالة الزقازيقية هي جذوراً متأصلة,,, نستوحيها من أنفاسنا ومن قلوبنا ومن دواخلنا وصدقنا ,,,
اللهم أدمها محبة وأحفظها من الزوال،،،،
Post: #4924 Title: Re: ناس الزقازيق ... أجدع ناس (4) .. Author: محمد عيد Date: 03-31-2012, 11:06 AM Parent: #4923
تاااااااانى رحلتــوا ..؟؟
عصام دهب زاد ليكم الايجار ...
ولا دى العتبة الجديده بتاعة بعد الخمسين ؟؟؟
Post: #4925 Title: Re: ناس الزقازيق ... أجدع ناس (4) .. Author: محمد عيد Date: 03-31-2012, 11:21 AM Parent: #4924
Quote: قلنا نبارك ليكم الأرشفة والربع الجديد انا طبعا برضو من الحاجات البتخليني ما اجي البوست ده ياسر نجيلة .... ياخي الزول ده داير اقطع معاهو اي علاقات قطع شامل كامل ....
زهير ياحبيب .... تقطع شنو ... يا خي ربنا يقطع الفقر الفينا .. يا حبيب ... اوع 270 ألف دولار تستفزك ... ...
خلي نظرك بعيد ... ان شاء الله من العمولة انا حأعمل مجمع الزقازيقاب ... واخليك العمدة ... بس انت اوع تزعل ... ومد حبل الصبر باقي عمرك الفضل ده ... باعتبار شنب زهير عمرو اكتر من خمسين سنة ... اما زهير ذات نفسو عمرو 24 سنة بالتمام والكمال ... ...
ياخي مايكفي بوستي عمل حسنة وخلانا نسمع صوتك ... بدل مداخلاتك الخالية من الحروف دي .... ...
كدي شوف النكت دي ... برجع ليك تاني ... او انت ارجع لي تاني ...
استغفر الله العظيم واتوب اليه
بيقولوا الحليب بيدّيك القوة أشرب ثلاث كوبايات وحاول تحرك الحيطه مش هتتحرك بس لو شربت سيجارتين حشيش هتلاقي الحيطة بتتحرك لوحدها
هل تعلم أن عقوبة تعدد الزوجات هي تعدد الحموات !!
عيل عنده خمس سنين قال لأبوه : يا بابا انا مدرس الحساب طردنى و أدانى صفر ليه يابنى ؟ قاله : الاستاذ سألني 2+3 كام ؟ قلتله خمسة فأبوه قاله : صح كده....و بعدين قاله الولد : وبعدين راح سألنى 3+2 بكام ؟ فأبوه قاله هى هى يا روح أمك الواد قاله : م هو ده اللي انا قلتهوله بالظبط !!
اللهم ارزقني بزوجة توافقية.. يعني ملتزمة زي السلفيين . رقيقة زي الليبراليين . منظمة زي الإخوان . بتنفذ أوامري كأنها في الجيش .
المدارس من أول الحضانة لحد الثانوية ما عندهمش رحلات غير لـ (حديقة الحيوان) لدرجة ان الحيوان لما بقي يشوفك يقولك ما شاء الله كبرت !!
تعريــف العائلـــة: الأب : الماليـــة الأم : الداخليــة الابـن الاكبــر: المواصــلات البنت الكبرى :المستشارة بقيــة الأخــوة مواطَنيــن مظلوميــن آَخــرالعنقــود :مخابـــرات :) انت من فيهم ؟؟ ........... أنا المواطن المطحون
قالت له وهي مرتبكه وخائفه : لقد نسيت ان اضع الملح في الغداء .. فلاحظ ارتباكها وقلقها فضمها إليه وهمس : لا تقلقي ياحبيبتي فأنتي ملح حياتي .... ثم أمسك برأسها .... و حطها في حله الملوخيه
مصري ساب ولاده عند عائلة اميريكية علشان يتعلموا الانجليزي رجع بعد سنة خبط عالباب وسأل : where are the children ردت الأميريكية : خش يابرنس عيالك متلقحين جوة
اكتر شي ممكن يفرح الستات لما تيجى تغسل هدوم جوزها وتلاقى فى جيبه فلوس !!! واكتر شي يخنقها ان جوزها يكون معدي بالصدفه ويقولها هاتيهم
إذا غضبت منك امرأة وبقيت صامتة فليس ذلك دليلا على ضعفها بل هي تتناقش مع إبليس على خطة للقضاء عليك و إبليس يحاول تهدئتها
في الامارات : معدل الفقر يصل الي صفر في الكويت : 31 الف مليونير في مصر : 75% من عملاء فودافون مستلفين ال 9 جنية و مش عايزين يرجعوهم
سأل سعودى الكمبيوتر الناطق .. متي سينصلح حال بلادي ؟ فأجاب : بعد 20 عاما فبكي السعودي فسأله التونسي متي سينصلح حال بلادي فأجاب : بعد 30 عاما فبكي التونسي فسأله المصري متي سينصلح حال بلادي فبكي الكمبيوتر
الشاب وهو سايق 1-يبص على موبايله 2- ياخد باله من الطريق 3-ويكلم اللي قاعد جنبه 4- ويعاكس البنت اللي في العربيه الي قدامه 5- ويعاكس الست اللي ماشيه ع الرصيف 6- ويكتب مسج للحب 7- وياخد باله من الاشارات والرادارات 8- يعلي التسجيل ويغير الاغاني 9- و ياكل ويشرب بيبسي وسجاير كل ده في نفس الوقت البنت وهي سايقه 1- اول ما الموبايل بتاعها يرن ... بتعمل حادثه
أشهر كذبتين للرجل وللمرأه .. المرأه : 5 دقايق واكون جاهزة الرجل : 5 دقايق واكون ف البيت
Quote: يا حبيب ... اوع 270 ألف دولار تستفزك ... ...
يا سلام عليك يا نجيلة و انت تقابل مقاطعة أبو الزوز ليك بي 270 نكتة.... حذفت الألف حتى لا أمعن في استفزاز أبو الزوز... كلها في السلك خصوصا بتاعت الزوجة التوافقية... لأنني بصراحة أو من غير صراحة أنعم بتلك الزوجة (اختار شكل و نوع الوش الذي يناسبك)....
اذا دخلت أولادك نادي لتعليم الكراتيه فستخسر الكثير... ستخسر مبلغ التسجيل الكبير... ستخسر مبالغ الامتحانات من حزام الى آخر... و فوق كل ذلك ستخسر كرامتك قبل كل امتحان للحزام التالي... لأنك ستعمل ككيس تدريبات لهم قبل الامتحان... لقد قبلت أن أكون كيس تدريب بكامل ارادتي... و تمنيت بعدها لو كنت مرتديا الخوذة و الصدرية... لا تستهونوا ضربات صغاركم... فهي بقليل من التدريب تصبح أقوى و أشد من ضرباتكم...
تاني في شنو؟
كدي لحدي بعدين امكن ألقى لي حاجة...
Post: #4934 Title: Re: ناس الزقازيق ... أجدع ناس (4) .. Author: محمد صديق Date: 04-01-2012, 08:48 AM Parent: #4933
سلامات يا ناس
Quote: كدي لحدي بعدين امكن ألقى لي حاجة...
عليك الله ورينا الحاجات دى بتلقوها وين؟
Post: #4936 Title: Re: ناس الزقازيق ... أجدع ناس (4) .. Author: محمد صديق Date: 04-01-2012, 08:56 AM Parent: #4934
سلامات يا ناس
Quote: ليس بعد أديني فرصة شوية كدا
إزيك يا أخ.
Post: #4935 Title: Re: ناس الزقازيق ... أجدع ناس (4) .. Author: محمد عيد Date: 04-01-2012, 08:52 AM Parent: #4933
إثنيـــن فى واحـــد
اليوم نتشارك الفرحــة فى البيت الكبير
بيت الريس ميسرة و السيده الاولــى منـــى يونس
مناسبتين 2×1 عيد ميلاد منى وذكرى زواج منى وميســـره
زمان لمن نكون عطشانين و دايرين لينا عصير كااااارب طوالي نمشي لمحل المرطبات و نقول ليهو إتنين في واحد بالله يعني نقرطع كداااااا لمن نقول يا الله يا واحد أحد
هس قاعدين يقولو ليهو مشكل صح؟؟؟؟ ولا أنا عطشان
Post: #4937 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-01-2012, 09:00 AM Parent: #4933
Quote: مصري ساب ولاده عند عائلة اميريكية علشان يتعلموا الانجليزي رجع بعد سنة خبط عالباب وسأل : where are the children ردت الأميريكية : خش يابرنس عيالك متلقحين جوة
والله يا نجيلة اجمل حاجة في النكات دي انها فرش ومواكبة وعصرية بس ما زي الشقق ... ديك يتحيل لي أكتر عصرية قال 270 الف دولار ... طيب انا عندي ليكم شقق بـ 27 الف دولار بس والعايز يسجل اسمه ... يا الرشيد ... وبالاقساط المريحة كمان ... بس مافي زول يقول لي وين ... بالله خلو لي أختيار المكان .... ويا ريت كمان الزمان ...
كل التهاني السعيدة للريس ميسرة وحرمة المصون مني يونس.. ولكل افراد امبراطورية ميم ... محسنة ومنذر ومشكاة ....
ولاخونا ياسر شبيكة ... عقبال مئة شمعة....
ولا ننسي اخونا زهير الزناتي ... ألف مبروك ... ال 270 ألف دولار الخلتك ... تنطق ... وتتكلم ...
=================================== والله يازهير عندي ليك مشروع جاي ... مش يخليك تتكلم ... ده يخليك تقول شعر عديل كده ...... آل ايه ... 27 ألف دولار بس ... ليه حنسكن في .... ابوطرطور ...
================================ يانضيف ... اليوتيوب والفيس بوك والتويتر ... ممنوع في كل حكومة دبي ... فاكرنا ماشين على حل شعرنا ... ... خليني لما ارجع البيت ... يمكن أحمد وعمار يدوني فرصة في جهازهم ....
Quote: طيب انا عندي ليكم شقق بـ 27 الف دولار بس والعايز يسجل اسمه ... يا الرشيد ... وبالاقساط المريحة كمان ... بس مافي زول يقول لي وين ... بالله خلو لي أختيار المكان .... ويا ريت كمان الزمان ...
المكان ما مشكلة يا أبو الزوز...
مشكلتي معاك حتكون في الزمان...
لو عايز كمان الزمان ما يكون مشكلة...
نقص المبلغ كمان و كمان...
Post: #4944 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-01-2012, 10:23 AM Parent: #4943
شبيكة ميسرة منى
كل سنة و انتم بخير اعملو حسابكم من العتبــــــــة .... تعالو باحمد حلمى احسن .....
Quote: يانضيف ... اليوتيوب والفيس بوك والتويتر ... ممنوع في كل حكومة دبي ... فاكرنا ماشين على حل شعرنا ... ... خليني لما ارجع البيت ... يمكن أحمد وعمار يدوني فرصة في جهازهم ....
ما تكون صريح وتقول الباسورد بتاع المواقع دى عند الحكومة المحلية وبلاش لف و دوران .....
Post: #4945 Title: Re: ناس الزقازيق ... أجدع ناس (4) .. Author: محمد صديق Date: 04-01-2012, 10:28 AM Parent: #4943
سلامات يا ناس
Quote: المكان ما مشكلة يا أبو الزوز...
بختك حيوديك المهداوى.
Post: #4946 Title: Re: ناس الزقازيق ... أجدع ناس (4) .. Author: محمد صديق Date: 04-01-2012, 10:59 AM Parent: #4945
سلامات يا ناس
(ولا دى العتبة الجديده بتاعة بعد الخمسين ؟؟؟ )
انت يا عيد ...مالك ساكى العتبة دى؟ انت ما عارف انها قزاز؟
وبالذات عتبة الرشيد،وواحد تانى انا كان ذكرت اسمو بيجوا المدافعين
ده شنو ده هو الحاصل شنو 270 الف دولار بتاعت شنو متلقحين جوة قاعدين يعملوا شنو خمسين والجوكر بايظ ميسرة ومنى يونس مالم ياسر شبيكة حصل ليهو شنو البادى النور رجع ولا لسا
ما بتتسألو منى مالكم , هسى يعنى لو الواحد عيان ولا مات حايكون موقفكم شنو قدام الأمم المتحدة ؟؟؟
اولا نبارك للريس وحرمه السيدة الأولي عيد ميلاد زواجهما ... ودي في بعض الدول بيدو فيها اجازة عديل شدة ما مناسبة سعيدة لجماهير الشعب ... وكمان نبارك ليهم عيد ميلاد السيدة الأولي وتزامن الحدثين مؤشر علي أشياء كثيرة ... نقدر نقول الحب في أولها ... ربنا يخليكم لبعض ويخلي ليكم العيال الحلوين محسنة منذر وصديقتي الجميلة مشكاة ...
Post: #4960 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-02-2012, 05:55 AM Parent: #4958
صباح الخير ،،، يا وجوه الخير
دعاء اليوم :
ربي هب لي حُكماً والحقني بالصالحين
وأجعل لي لسان صدق في الآخرين
وأجعلني من ورثة جنة النعيم
آميين
Post: #4962 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-02-2012, 06:00 AM Parent: #4960
خلوني نبارك عودة أبو الزوز القوية - رغم أنف المرجفون -
ثانياً : بالنسبة لموضوع الشقة ... ياخي ما شرطاً تكون الفلل الرئاسية ... يعني الناس لو هسه مشت مع احمد اسماعيل في موضوعه المسالة ما كانت كلفت كتير .... يعني ما لدرجة 27 الف دولار بس احتمال اكتر شوية ... اتخيله عشرة انفار عملوا عمارة كل دور فيهو شقتين ... وتحت دكاكين عشرة الدكان ما اقل من مليون ... يعني كل زول يجيهو مليون كل شهر ويضمن ليهو شقة ... شنو يعني قطعة ارض بـ 500 الف ولا 600 الف تتقسم علي عشرة ... والباقي الناس علي راحتها الجاهزين يبدوا يبنو تحت واي زول ما جاهز يدوهو فوق لغاية ناس قريعتي راحت يكونوا في السطوح ... علي كل الأحوال انا في إنتظار ياسر نجيلة ومشروعه الحا يخليني اقول شعر زي محمد صديق في خالدة ... يمكن يكون أحسن من مشروع احمد إسماعيل ... المهم الناس تتحرك .. بدل ما تتحمس للحاجة في البداية ولمن يجي التنفيذ تلقي كل زول لبد وراء التاني ... وين الشجاعة واخوان فاطمة والذي منه ... بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ...
لم أكن أعترف أبدا بأن المود هو الذي يحدد تداخلي...أتداخل أو لا أتداخل.. الا هذا الصباح... وجدت ان أي مداخلة لي كانت ستكون على شاكلة مودي... فأخرتها حتى يستعدل المزاج... شربت الشاي و المود معطل...أعقبته بالقهوة و المود معطل... قال لي صديقي السوري ان الشيكولاته تعدل المود... و لكن أنا لي بشيكولاتة و أنا بمكتبنا الموقعي... حيث لا أمنيات تتحقق و لا كائنات تمر... و أقرب مكان يبعد بضعة كيلومترات و لكني لا أٍستطيع الخروج من المكتب الآن... و لما كان المود سوف يؤجل أو يمنع تداخلي... أجبرته على الاستعدال و دخلت عليكم هنا بهدفين... الأول أن أتداخل معكم مهما كان المود... و الثاني أن أضرب مثلا للذين يتحججون بالمود و بالهناي داك الما يتسماش... ان لا شيء يمنع البتة من أن تكون بين أحبابك... حتى و لو كنت بمود معكر...
Quote: بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ...
يا أبو الزوز ده يعني نظام دق صفايح و لا شنو....
مداخلتي تزامنت مع مداخلتك عشان أنا بطيء في الطباعة بالعربي.... لكن نحن لما كنا بنجكس في المهداوي سوري واحد دخل البلد مافي.... لو عايز ليك باسطة الا تمشي لي الطيب سيد مكي...و لا حلويات سلا... و في واحد تاني مشهور اسمه الصمدي.... الحاجات الجديدة دي ما كانت في... و العجب التاكسي التعاوني يا أبو الزوز... و الله أنا مفروض يدوني جائزة نوبل في الصبر مع التاكسي التعاوني ده... و الله أيام لها ايقاع... حسة لما نجاة حوفي تقول لي أنا ما بركب الا عربية شنو... أقول ليها...أتذكري اذ لحافك جلد شاة...و اذ نعلاك من جلد البعير....
يا القمره ..يا القمره... أقلبي السنسن الحمره... شوفي منصور ليه ما جا....
ما قال بجي ..مالو ما جا...
الزول ده جانا و لومنا و مشى... تاني ما شفنا ليهو أثر و لا خبر...
و الله يا منص سائلين منك لكنك بقيت جافي... مع انك قاعد تمشي هناك ..(ما عندنا مانع طبعا عشان ما تجي تهجمني)... مش قلتوا كل زول يوفق أوضاعه على حسب قعدته... و طيب..يكون عندنا مانع كيف عاد...
ال 3 سطور الأولى بحث... و السطر البعدها...(تعجب).... و الاتنين البعدهم استغراب... و ال4 الأخيرات ..رد اللوم لومين...
في أغلب الاحيان .. وكل ما انوي اتداخل ... اقرأ سطور ولدنا الرشيد ... اضحك ضحك طفلين ... اتعجب تعجب نفرين ... اندهش ... دهشة ... لصين .. واسأل نفسي ... الزول ده شم بعر الفيل زمال لما كان صغير .. ولا لي هسع بشم فيهو ...
كدي تمعنو معي هذه الكلمات والجمل ... بعمق ... وتخيلوها ... ...
Quote: النكات : كلها في السلك خصوصا بتاعت الزوجة التوافقية... لأنني بصراحة أو من غير صراحة أنعم بتلك الزوجة (اختار شكل و نوع الوش الذي يناسبك)....
Quote: و فوق كل ذلك ستخسر كرامتك قبل كل امتحان للحزام التالي... أنك ستعمل ككيس تدريبات لهم قبل الامتحان... لا تستهونوا ضربات صغاركم... فهي بقليل من التدريب تصبح أقوى و أشد من ضرباتكم...
Quote: شربت الشاي و المود معطل...أعقبته بالقهوة و المود معطل... قال لي صديقي السوري ان الشيكولاته تعدل المود... و لكن أنا لي بشيكولاتة و أنا بمكتبنا الموقعي... حيث لا أمنيات تتحقق و لا كائنات تمر...
Quote: حسة لما نجاة حوفي تقول لي أنا ما بركب الا عربية شنو... أقول ليها...أتذكري اذ لحافك جلد شاة...و اذ نعلاك من جلد البعير....
دي أنا قاصد بيها التاكسي التعاوني....
Quote: رسل لي ايميل حلقك و لا عيونك... عشان يكون التأثير مباشر...
Quote: أنا التمباك ده هو زاتو شنو ما عرفتو الا قريبات دي...
لما اتغديت مع ناس زهير في البيت...
Quote: ال 3 سطور الأولى بحث... و السطر البعدها...(تعجب).... و الاتنين البعدهم استغراب... و ال4 الأخيرات ... رد اللوم لومين...
=============================== غايتو يالرشيد ,,, من غيرك البوست ده ... بيكون .........
بيع فلل ساي ............
Post: #4971 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-03-2012, 05:57 AM Parent: #4970
صباح الخير ،،، يا وجوه الخير
أصبحنا وأصبح الملك لله وحده
نجاوى صباحيه :
يا رب الأرباب يا عظيم الجناب يا من إذا دُعى أجاب يا سريع الحساب يا كريم يا وهاب
Quote: غايتو يالرشيد ,,, من غيرك البوست ده ... بيكون .........
بيع فلل ساي ............
ان شاء الله يا نجيلة دائما معنوياتك مرفوعة... و خاطرك طيب.. زي ما قاعد ترفع معنوياتي و تطيب خاطري... يا حبيب الواحد لما يكون وسط أحبابه بيكون في مود عالي... يتأثر بيهم و يتلذذ بي لحظات وجوده معاهم و ينسى هموم الدنيا... و كلكم نجوم..اذا غاب أحدكم لا يكون الاشعاع كما يجب... و أي صفحة كانت فيها البانوراما بتاعتك يا نجيلة كانت مميزة... و لو عايز تتأكد من كلامي ده أرجع لي وراء و شوف بي نفسك...
حسه يجيك جلا يقول ليك ناس الامارات يتغزلون في بعضهم البعض...
الليلة البوست عامل زي لما تغيب من بيتكم فترة طويلة... و تجي راجع تلقى ناس البيت عملوا ليهم زيادات ... و ضربوا ليك البيت بألوان عجيبة من بره و جوه... فتقوم تدق باب الجيران تقول ليهم انتو بيتنا رحل وين.... الصفحة 64 دي جهجهتني أنا زاتي يا ياسر....
اليوم ما عارف من وين جاني احساس اني متأخر... حمام سريع جدا نوع اللما تطلع تلقى صابون في اضنينك داك.. ما أنا متأخر.. تجاهلت ليك حتى كباية القهوة الصباحية اللذيذة ديك... ما أنا متأخر... ساعة الموبايل و ساعة الريسيفر و الساعة المعلقة في الحيطة و ساعة اليد... كل الساعات دي ما قدرت تقنعني... باني ما متأخر... تكرمت علي ست بيتي بالقهوة برضو تجاهلتها... لبست سريعا جدا لدرجة اني ربما أكون لبست كل ملابسي في وقت واحد... و معاهم الحذاء و الحزام و الساعة و النضارة كلها في وقت واحد... ودعت ست بيتي و خرجت مسرعا حيث تقف سيارتي بعيدا عن بيتي... اسرعت في مشيتي حتى كدت أدهس الفلبينية التي كانت معي في الأسانسير... فلقد طلبت منها بكل ذوق أن تخرج قبلي و لكنها تمحركت... فتجاهلت جنتلمنتي و خرجت... جاءني صوت الناطور (الحارس) من خلفي يسلم علي فرفعت يدي دون أن التفت اليه... أراد ذلك الباكستاني الذي يحمل في يدة جالون زيت مكنة أن يعبر أمامي... فلم أسمح له و قلت ليهو في سري (ماشي وين بزيت مكنتك ده)... و تلك التي في الرداء الأحمر...لم أمعن فيها النظر... و ذلك حتى لا تتهمونني بأني لا أغض البصر... و أخرى تلبس عباية سوداء كدت أن اصطدم بها و أنا أنظر خلفي لأعبر الطريق... و ركبت سيارتي و أدرت الراديو الذي هو أصلا على الBBC... فاذا بمذيعة الأخبار تقول سأذيع عليكم موجزا للأخبار بعد قليل أي عند الثالثة و النصف... أدركت حينها بأنني لست متأخرا...
Post: #4985 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-04-2012, 06:04 AM Parent: #4984
صباح الخير ،،، يا وجوه الخير
الليلة بفتش على بيتنا ولكنه تاه مني
يا ربي ده دارنا القديم ولا جلا عمل فيه حاجة
ولا ناس الفيس بوك عملوا لينا عمل عند الفكي قوقل بتاع زهير الزمان داك
لو ما مداخلة نجيلة والرشيد كان مشيت العشش ،،،،
يا ناس الخرطوم تعذرونا أنحنا دقة قديمة وطول الغياب
وما زالت العشش معششه في راسنا،،،
Post: #4986 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-04-2012, 06:08 AM Parent: #4984
حالتك اخير منها حالة البوست يا رشا
بكرى عصر البوست حقنا لمن زاد النص .... بالغ لكين كان يذيع الخبر فى BBC
فى الاول كنت عاوز ادخل صفحتنا القديمة 42 فجأة غيرت رائى قلت اشوف 63 دى فيها شنو و خايف الهكر يصطادنى .....
بختك يا ميسرة اهو جاتك 21 صفحة زيادة .... بفضل دعاء الصباح ......
الحصل ليكم شنو يا ناس .. دس مطه عجيبة .. غايتو بكري ينظر فينا تنظير شديد مرة الصفحة مية مداخلة ومرة 90 ومرة مية وعشرة ... انا خايف يوم تكون 5 مداخلات ... يعني نفتح الصفحة الف وشوية ... بعدين يارشدي أثبت لينا انك مستلب يعني ماتقنعك إلا لندن ... غايتو البوست ده لو ختا جلا يا ريس ما بتجيهو اي عوجة ... يا جماعة ما في زول شاف موسي عيسي ... محمد صديق وياسر نجيلة ... غايتو اليبقي جاري والله الله اداهو ... الظاهر عليكم أنتو ما محظوظين ... غايتو محمد صديق لو بني بيته ما عندنا مشكلة عادي ممكن نأجر منه النص التاني وما نديهو الإيجار مش نحن عدايل برضو ... لكن ياسر ده الا يشد حيله ويكتر العمولات عشان يلقي ليهو شقة من ابو كديس ديك ويتنازل لينا عن السطوح ... بي كده بنبقي جيران ... اها الضيوف والعزومات بتاعتنا حا نعملها في بيته ... مش الحالة واحدة برضو ...
اجمل تعليق بتاع عبد الدائم ... يستاهل عشرة علي عشرة ... علي الطلاق مشتاقين يا نضيف ...
Post: #4989 Title: Re: ناس الزقازيق ... أجدع ناس (4) .. Author: محمد صديق Date: 04-04-2012, 06:45 AM Parent: #4987
لا يهم أين ؟؟ و كيف ؟؟؟ و متى سأتي؟؟ المهم أنا حضور بي طايوق كامل بي نص بي الفي بالمافي نفديك يا قـ ... قمباري قمباري دا بتاع الإتحاد الأفريقي ما علينا
شكراً جميلاً للكوتش الذي رد نيابة عني تحية الأخ الطاعم جلال بالرغم من أن السكن جوار الكوتش يخضع لمعايير الجمال و الإفتنان في الكلمات حتى ولو كان تحت شجرة أو راكوبة في يوم ممطر دون رعد و برق لم أستغرب تبادل الون تو بين الذين هم في حلة واحدة يعني أنا لو كنت في إحدى تلك الفلل أم 275 ألف دولار و موسى عيسى في نفس البكان (طبعاً بإفتراض أن موسى عيسى يسكن في الفلا المقابلاني) هل سيكون هناك ون تو بيناتنا في الفضاء الإسفيري دا!!!! و الله لو كان ذلك كذلك لما أتممت باقي الأقساط و لو يمعطو شنب أبو الزوز زاتووو
نصيحة طبية: زول ساعتو البيولوجية بتاعتو ما ظابطة حقو يتفكفك من عتبه الخمسون عام و يمشي لي قدام شوية يمكن تظبط قدام يستثنى من ذلك ست بيتو (كسير التلج تحسباً للصواريخ المضادة)
Quote: بعدين يارشدي أثبت لينا انك مستلب يعني ماتقنعك إلا لندن ...
أريتو استلاب السرور...
Quote: زول ساعتو البيولوجية بتاعتو ما ظابطة حقو يتفكفك من عتبه الخمسون عام و يمشي لي قدام شوية يمكن تظبط قدام يستثنى من ذلك ست بيتو (كسير التلج تحسباً للصواريخ المضادة)
و الزول الساعتو البيولوجية ما ظابطه ده ما عندو صواريخ قالو ليك...
الزول ده قال ليك الخمسين دي يعديها مفلق...
كنكشة شديدة في اعتاب الخمسين...
و لا الخمسين زاتها كمان...
أعتاب ساااااكت...
Post: #4992 Title: Re: ناس الزقازيق ... أجدع ناس (4) .. Author: أحمد إسماعيل Date: 04-04-2012, 08:05 AM Parent: #4990
السلام عليكم أيها الكرام الاخوة المرابطين بالبوست الريس والرشيد ومحمد صديق والاخوة المشجعين بالمشركة والمتابع واإستمتاع بهذه الصفحة النضيف ونجيلة وجلا وجلا + لام ومحمد عيد وزهير أبو شنبا خمسين وحلاتنا المتابعين ومستمتعين ، ما لها الصفحة تغيّرت وإختفى منها كلام مهم
Quote: حتى ولو كان تحت شجرة أو راكوبة في يوم ممطر دون رعد و برق
ماسمعت التنبيه ثلاثة منهم أقيف من ضمنهم (الراكوبة في الخريف) وفي رواية أخرى الواحد لو قاعد يمجد في شخص والذي يستمع له يرى خلاف ذلك يقول (ماتشكر لينا الراكوبة في الخريف )
أبو حميد راكوبة لي راكوبة تفرق كتيييير راكوبة و أنت مسافر في الطريق و لقيت ليك عنقريب هبابي و بعد ما فطرت و إتفنقلت كدااا و بعدين معاها كباية شاي أو جبنة تفرق من الراكوبة إذا كنت عامل فيها باك يمين و قاعد في الخلا و تخلي حاتم جبارة يجي ماري فيك طوااااالي برضو تفرق من الراكوبة القاعد تحل المشاكل بس الغايظني إنو الكوتش ما أدا الراكوبة دي أي إهتمام بالرغم من إنو أنا متأكد إنو في كلام جميييييل كدا يكون قالو وهو كان قاعد تحت راكوبة من الرواكيب ومتوهط في برش من بروش الواطة ديك الحاجة العارفها قال ماشي يسكن في القطعة بتاعتو بدل يدفع 275 ألف دولار بالتقسيط و يمشي يعمل ليهو إنشاءالله راكوبة بالفهم دا عيب لي الراكوبة
Post: #4994 Title: Re: ناس الزقازيق ... أجدع ناس (4) .. Author: منصور عبد الرازق Date: 04-04-2012, 08:46 AM Parent: #4992
انا غايتو مع ارقام صفحات بوستينا البهدلا بكرى دى اتعاملت معاها تعامل الرشيد مع ساعات بيتهم الكتيرة ديك ابيت اقتنع كلو كلو تلاتة واربعين يعنى تلاتة واربعين , اصلو حاجة ما حقتى لا بشيلا ولا بقرب ليها دخلت تلاتة واربعين مش الرشيد بتاعت النشرة اقنعته انو الساعة تلاتة ونص انا لمن لقيت نفسى بهضرب فى حفلة استقبال الود الدومنيكانى الكان فى استراحة سقط لقط ديك يا دووووب عرفت حاجة الراس ما قوى قوة عدوكم اخدت اللفة وكبرتها اكبر من سفة جلال عثمان حتين ساعتى البيولوجية رجعت ظبطت تانى دى حالة شنو دى الملخبتة دى
Quote:
لبست سريعا جدا لدرجة اني ربما أكون لبست كل ملابسي في وقت واحد
الزول ده واحد يفتشه , انا شاعر انو فى حاجة ناقصة !!!!!!
إنتابني إحساس إنو منصور سيكون اليوم حضور طبعاً هذه ليست أمنية كما كان الرشيد يتمنى عودة محمد عيد و قلت الزول دا حيجي و يتكلم عن الباندوث و الذي أعلمه أنه بعيد كل البعد التكنلوجية (و الحمد لله تجنبه) لأنو كان حايهرينا زول مسكوهو كيبورد و قالو ليهو كب الجاولين العندك طبعاً حيجو كل الأعداء و يقول لي مالك مع الزول دا!!! ودا أظرف على من مشا في الأرض و الذي منو أقول ليكم عندي معاهو شنو؟؟؟؟ ولا أخليها في سري أحسن؟؟؟!!!
Post: #4996 Title: Re: ناس الزقازيق ... أجدع ناس (4) .. Author: محمد صديق Date: 04-04-2012, 09:00 AM Parent: #4994
سلامات ياناس
Quote: انا غايتو مع ارقام صفحات بوستينا البهدلا بكرى دى اتعاملت معاها تعامل الرشيد مع ساعات بيتهم الكتيرة ديك ابيت اقتنع كلو كلو
Quote: الزول ده واحد يفتشه , انا شاعر انو فى حاجة ناقصة !!!!!!
خلاص جيت عشان ترفدني من الشغل... المكتب ده كلو قاعد يعاين لي و أنا بضحك ضحك طفلين معا زي ما قال نجيلة...
يخرب مطنك زاتو ياخي...
Post: #4998 Title: Re: ناس الزقازيق ... أجدع ناس (4) .. Author: أحمد إسماعيل Date: 04-04-2012, 09:09 AM Parent: #4994
Quote:
ثانياً : بالنسبة لموضوع الشقة ... ياخي ما شرطاً تكون الفلل الرئاسية ... يعني الناس لو هسه مشت مع احمد اسماعيل في موضوعه المسالة ما كانت كلفت كتير .... يعني ما لدرجة 27 الف دولار بس احتمال اكتر شوية ... اتخيله عشرة انفار عملوا عمارة كل دور فيهو شقتين ... وتحت دكاكين عشرة الدكان ما اقل من مليون ... يعني كل زول يجيهو مليون كل شهر ويضمن ليهو شقة ... شنو يعني قطعة ارض بـ 500 الف ولا 600 الف تتقسم علي عشرة ... والباقي الناس علي راحتها الجاهزين يبدوا يبنو تحت واي زول ما جاهز يدوهو فوق لغاية ناس قريعتي راحت يكونوا في السطوح ... علي كل الأحوال انا في إنتظار ياسر نجيلة ومشروعه الحا يخليني اقول شعر زي محمد صديق في خالدة ... يمكن يكون أحسن من مشروع احمد إسماعيل ... المهم الناس تتحرك .. بدل ما تتحمس للحاجة في البداية ولمن يجي التنفيذ تلقي كل زول لبد وراء التاني ... وين الشجاعة واخوان فاطمة والذي منه ... بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ...
قصر الكلام هناك أرض في شمبات بحري ناصية بمساحة 800 م2 بقيمة 600 مليون هذه الأرض تستوعب 12 شخص (شقة) في الثلاثة طوابق ، شقة بمساحة (150) م2 + دور أرضي إستثماري + حديقة لنا ولاطفالنا بمساحة 100م2 هذه الأرض ممكن شراؤها بالتقسيط بعد دفع 60% من قيمتها كاش والباقي يقسط لسنة كاملة بإختصار لو بدينا في هذه الأرض بعد سنة ونصف لو ربنا أحيانا حنمتلكها ونشرع في بنائها توفر الأرض كضمان + المقدم المطلوب
Post: #4999 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-04-2012, 09:09 AM Parent: #4994
Quote: الزول ده واحد يفتشه , انا شاعر انو فى حاجة ناقصة !!!!!!
Quote: لسان الحال يقول ليت الشباب يعود يوما +++ لأحدثه بما فعل المشيب
ههههههههههههه هاهاهاهاهاهاهاهاها
أبو حميد مع علمي التام بأنك و طارق جبريل على نقيض إلا أنني و بكامل قواي العقلية و أجزم بالعشرة أنني لا أعرف مكان لتياب الربط مداخلتك تقرأ في كل السياقات عشان كدا لا يوجد تبرير بعد ما تكتب أن تكتب هذا يهمك و لكن أصحاب الخيال الواسع كثر و أنا منهم
على كل اللخو وعدني و قد صدق
Post: #5011 Title: Re: ناس الزقازيق ... أجدع ناس (4) .. Author: منصور عبد الرازق Date: 04-04-2012, 11:59 AM Parent: #5010
Quote:
لأنو كان حايهرينا زول مسكوهو كيبورد و قالو ليهو كب الجاولين العندك
دور بينا البلد ده , احرق الجازولين يا الوابور جاز دور بى حريقة دور بى
الزول السمو طارق جبريل ده يغيب ويغيب , ويجى يجيب لينا البلاوى دى انا عارف البير وغطاهو عارف الحرشو منو , وعارف كمان البيرسل ليهو جنس التصاوير دى التصاوير دى عندها قصة مش تصاوير طارق , كلمة تصاوير زاااااتا , فى عضما دا قالوا ليك الجماعة بتفرجوا على تلفزيون الأل بى سى , ايام عزو ومجدو ديك فى اقوال تانية , الفرجة ما كانت فى الال بى سى , قالوا كانت فى التلفزيون الحبشى والفرجة زى ما عارفين مدارس المهم فى الموضوع , قالوا ليك واحد من الفراجة , الفى حياتو ما شاف غير جمال محيطه الضيق الحوالينو لما شاف سماحة اللبنانيات (لكن من عندى انا غايتو اعلنها داوية , وشن سماحتن كمان , المعصعصات الكملانات من لحم الدنيا ---- والآخرة كمان) والرواية التانية بتقول لمن شاف سماحة الحبشيات ( والأعلان من عندى المرة دى اكثر دويا واعلى صوتا , هن كمان الحبشيات سماحتن سماحة نصاح ) لمن شافوا تلكم السماحة , المخلوقة والمصنوعة فى رواية , والمعطونة فى لون البرونز ونكهة البن المعتق (عمركم شفتوا ليكم بن معتق ؟؟) واشكل عليهم ان يزاوجوا بين واقع عاشوه , وخيالات صور يرونها لأول مرة فى شاشة البللور المتلفزة , هتفوا مقتنعين وما زالوا يفعلون بايمان كامل لا يساوره الشك لامن بين ايديه ولا من خلفه انها (مجرد تصاوير ) ومن نفس الباب , انا هنا اتزعم الهتيفة الطالعين فى مظاهرة على الود طارق جبريل بمناسبة صورته التعبيرية الفوق دى تصاوير ساااااى يا طارق !!!!!
ضربتا لى طارق جبريل بمجرد ما شفتا صورة (الكرعين اعلاه) شفتها بى هناك , فى وش الكتاب الزول ده حقيقى زول جميل من مدة , كنت مشتهى لى معاهو ونسة عارف جواهو زول متمرد , بيطلع منو حاجات زى (الليل) كلما سرحت بيهو روحه المتمردة , فى سماوات عاشها وخبرها تمرد طارق ده , خلق منو , رغبة خوض لتخطى الخطوط الملونة التى تبدو من اول نظرة انها ما عادية انحنا فى دنيا الزقازيق الأسفيرية , كان هنا ولا فى وش الكتاب ولا فى اى ساحات تانية نعيش عيشة الأسرة الواحدة , زملاء وزميلات , منهم زوجات وازواج , لكن يعلم الله اننا فى الأول والأخير اخوان واخوات , بمقايييس اسرية سودانية عايشنها فى كل بيت فى بيناتنا كل شى موجود فى كل بيت فى بيناتنا الخجل , والحياء , والصراحة , والوضوح , وفى بيناتنا الأحترام , والجرأة , والأقتحام , كل حاجة من ديل نختها فى حتتا لا نزيدها لا ننقصها بنعرف تماما , انو اخواتنا وزميلاتنا , لأنهن سودانيات , متربيات فى بيوتنا البنعرفا وبى حكم تربيتهم , عندهم حياء يمنعهم من الخوض فى بعض الأمور , التى يتم تقسيمها واعتبارها ونسات جندرية خاصة كلام نسوان بين النسوان , يستحى منه الرجال ولا يقوون على الخوض فيه وكلام رجال بين الرجال , تستحى منه النساء ولا يقوين على الخوض فيه ياهو ده الفهم البسييييط , المجرد من كل زيادة ونقصان فى كل بيت وكل عائلة وكل اسرة فى ونسة الرجال , وفى ونسة النسوان , دى عارفنها وديك عارفنها ونسة الرجال ما بتقلل من احترامهم للنسوان , وونسة النسوان البيناتهم , لا تطعن فى احترامهم للرجال وتجنب زميلة لونسة رجالية اسفيرية مفهوم , كما ان تجنب زميل لونسة نسوان ما (على قلتها ) ينطبق عليه نفس التصنيف الطيب صالح مثلا , كتاباته فى مصطفى سعيد وشخوص موسم الهجرة , وحكاويه ونوادره وحتى ونساته الدقاقة يقرأها الجميع , وستمتع بها الكل , نساء ورجال , ولكن مناقشة الفاظها , والتطرق اليها نقاشا وتمحيصا , لا يقوى عليه لا كل الرجال ولا كل النساء ولكن بت مجذوب , نموذج سودانى للحبوبة (القاهرة) , لايعنى (حياء ) الكثيرين من جراتها , انها نموذج غير موجود اغلب الظن ان بت مجذوب تثير (حياء ) الجميع , ولكنها تثير اعجاب الجميع ايضا فى نفس الوقت المناقشة فى مواضيع بت مجذوب التى تدلف اليها دائما (توش ) دون احم او دستور تبقى ممكنة ومتاحة عند القليلين , لا لأنها (بت لذينا ) بس , ولا لأنها (مرة قاهرة ومقطوعة طارى ) بل لأنها تتكلم لغة يحب ان يسمعها الكثيرين ان لم يكن الكل , ولكن يتحدثها (القليلون ) يا طارق جبريل , اخدش ما شئت , بس براحة علينا شوية لأننا مرات , بنلقى نفسنا ضاربين ليك تلفون , ان لم نستطع مثلك , ان نكتب جهارا , ما نود ان نقوله لك فى (التلفون ) آخر ما قلته للمسنوح ده فى التلفون , (حالتك حزنان وابوك ميت ) فصدمتنى روحه الحزينة ولكن المتمردة , وعرفت طوالى ان (نفيسى بت بغدان ) , ما ماتت لى الليلى
ألف إلا خمسين .... شمعة لابوزوز وعزيز الرحمن ... كل سنة انتو طيبين ... ونحنا مهنئين ....
============================ الصفحة دي لما تقلبوها ... اضربو لي تلفون عشان ... اجيكم ... ود جبرين ... دي عينة من الجوكم بيت الفراش للعزاء ... في المغرب تاني ما الفرشات عندكم ...
فتح باب الأسانسير و أنا نازل ماشي علي الشغل... فاذا بفتاة عربية من احدى دول الهلال الخصيب... كانت ترتدي بنطلون محزق و تي شيرت أكثر (تحزيق و لا حذاقة)... كانت لوحدها في الأسانسير لذلك ترددت كثيرا في النزول معها... فلقد حدثت كثير من المشاكل هنا لبعض الأخوان السودانيين.. و كلهم من الأخوان المعروفين بالورع و التقوى... و اتضح في النهاية ان الفتيات يقمن بمحاولة ابتزاز هؤلاء الأخوة... فبعضهم يخشى أن يؤدي الأمر في الآخر الى فصلة عن العمل أو ابعاده من البلد.. فيرضخ لابتزاز الفتاة و يدفع مبلغ من المال نظير سكوتها عن شيء لم يفعله... و البعض الآخر يتحداها و يصل الى الشرطة و يثبت اجرامها و لكن بعد تلتله... كان في ذهني كل هذه الأشياء لذلك كان ترددي بل خوفي ظاهرا... لكن هذه الحذاقة جعلتني أفكر بنقيضها الذي جاء في كلمات الراحل حميد... كانت ماهـا في...كانت في المراح...شدتـلـو الحمار...تحلب في الغنم لي شاي الصباح...والطير ما نضم...ما رسل نغم... ديل يا كافي البلا يشدن في البنطلون من صباح الرحمن... قلت ليها بأدب شديد و خوف..اتفضلي... قالت لي أتفضل تعال مافي شي اتفضل... قربت أدخل معاها و لكن حرصي الشديد خلاني أغير رأي في آخر لحظة... لا معليش اتفضلي أنا متأخر شوية... بدأ الامتعاض الشديد على وجهها من تصرفي... و أظنها بعد داك تكون قالت (هو شو مفكر حالو السوداني هاد)...
غايتو أكتر زول سعيد أنا دا قول لي كيف؟؟؟ لأنو الساعة البيلوجية بتاعتك ظبطت
قلت لي ناس الهلال الخصيب!!!! و كمان صوت بس!!!!! و تصوير من عندك يعني صورة مافي!!!! أنا بنتظر ناس جبريل بجيب ليك النجيضة هس
Post: #5021 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-05-2012, 06:18 AM Parent: #5020
ناس جبريل حيقولو ليهو تصرف ########
على مسئوليتى الكلام ده ...
Post: #5022 Title: Re: ناس الزقازيق ... أجدع ناس (4) .. Author: أحمد إسماعيل Date: 04-05-2012, 07:01 AM Parent: #5021
صباح النور يابعول الذين تعدوا الخمسون
ياجلا صحبك إتصلت عليه قلت أقول ليه ( الحاري أفضل من المتعشي ) متعشي لمن غلط وذلك بوجود الوالدين معاهو أخونا ود جبريل الله يرحم والدهـ نقول ليه البرقص مابغطي دقنو خليك من المشجعين العاملين فيها مكر مفر مقبل ومدبر معا الذين (يشركوا ويحاحوا)
Post: #5023 Title: Re: ناس الزقازيق ... أجدع ناس (4) .. Author: جلال عثمان Date: 04-05-2012, 08:51 AM Parent: #5022
Quote: كم من عشرة تدوني على تصرفي ده...
10/10 ما كان تكون الرشيد "الحكيم" لوما اتصرفت كدة انا غايتو عندي رأي في ناس هلال شلعوها الكيزان القلت عليهم ديل لايأمن غدرهم الا زول مسيكين ساكت ... والحكمة فاكرين نفسهم "يادنيا ما فيكي الا نحن" اي نعم سمحين لكن غدارين وكعبين خلاص ...
تسلم من كل شر يا رش
Post: #5024 Title: Re: ناس الزقازيق ... أجدع ناس (4) .. Author: محمد صديق Date: 04-05-2012, 09:59 AM Parent: #5023
Quote: ما كان تكون الرشيد "الحكيم" لوما اتصرفت كدة انا غايتو عندي رأي في ناس هلال شلعوها الكيزان القلت عليهم ديل لايأمن غدرهم الا زول مسيكين ساكت ... والحكمة فاكرين نفسهم "يادنيا ما فيكي الا نحن" اي نعم سمحين لكن غدارين وكعبين خلاص ...
يا سلام عليك يا جلجل.. و الله انت الفيهم...
Quote: انا غايتو بديك راكوبة.
كل واحد و علامو...
Post: #5026 Title: Re: ناس الزقازيق ... أجدع ناس (4) .. Author: منصور عبد الرازق Date: 04-05-2012, 10:40 AM Parent: #5024
Quote:
و أظنها بعد داك تكون قالت (هو شو مفكر حالو السوداني هاد)...
كم من عشرة تدوني على تصرفي ده...
بتوقف الأمر على حاجات كتيرة
* نجاة كانت معاك ولا براك * ما جبتا لينا صورة البنطلون المحزق * صورة طارق جبريل بتاعة طفايات قاعة الصداقة دى , كانت فى بالك ولا بال جلال * االسانسير كان طالع ولا نازل * كنت متأخر ولبست هدومك كلها مرة واحدة زى المرة الفاتت , ولا كنتا راااايق , وسويت لى نفسك قهوة ولنش بوكس ؟؟ * باركت لى زهير وعزيز الرحمن عيد ميلادهم المية ولا لسا * قبل ما تنزل , سمعت صوت تنفس امنية فى الغرفة المجاورة , ولا صوت تنفس نجاة الجنبك , ولا ما سمعت صوت اى تنفس خير شر ؟؟ * اتعشيت امبارح ولا نمتا القوا * آخر مرة شفتا ولا سمعتا صوت موسى عيسى متين ؟؟؟وبالعدم صوت جلا * شفتا الموضوع معقد كيفن , دايرنا نجاوب ليك كده ساااااكت , لى اصلو انحنا طارق جبريل ؟؟؟
اليوم من الصباح و التداخل متعثر للانشغال... و جيت لقيت تحذيرات ديدو قدامي.. و الله يا ديدو ما فهمت قاصد شنو... قاصد انو أي صفحة بعد الصفحة 42 ممكن تتهردم و تقع... و كل مداخلاتنا تروح شمار في مرقة... و لا قاصد مافي داعي تاني نعمل مداخلات سمينة طالما الصفحات مهددة بالسقوط... نجي نصبح بس و نمشي... بالله عليك أسهب في الشرح لي ناس برالمة أسافير زينا كده... ينوبك ثواب...
بعدين خلي بالك في ناس مزارعين هنافي البوست ده... يعني ..كراكه...و شارع ..و يحرتو... ديل ما عاملات ماتشينغ مع بعض... كنت عايز أسهب في الشرح... لكن خفت اسهابي يكون تقيل على البلكونة الطايرة دي و تتهردم...
Post: #5032 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-07-2012, 09:33 AM Parent: #5031
أكتبوا يا شباب كراكة واحدة ما تدهسك
ننقل ما كتبه لكم الشاعر الزقازيقي Hussein Shingrai
Apr 7 صوت الغلابة كلمات: حسين شنقراي ترانيم في رثاء الشاعر حميد
غاب النجم غابت معاهو سحابه والضل إنقشع ساطعة الشمس تقابه راح المغطينا وبقينا نحنا غلابه ضاعت بلدنا وضاع كمان زريابه جيدو خضرة نيلها ودماهو تسقي ترابه شارب هموم الناس ضامر في حشاهو صعابه أرضا سلاح يا ناس ما توقفوا الدبابه كلماتك رنين دخلت في الذهن يادابه جفت مزارعنا خلاص وإتحت الورتابه راحت مسرتنا كمان وإتقطعت أسبابه يالسائل دوام وتقول أزيتنا مين الجابه ياخي ناس شينين في النفخة كم كذابه لا شبهونا لا عرفونا لا سر يمه لا سر يابه ناس في العيد بكوسوا حرابه ناس الهم من كيف حتملأ جرابه ناس في البنك دوام تغذي حسابه ناسيه الآخره ناسيه عقابه راحت بلدنا ورحنا حاكمانا نحنا عصابه لا فور لا بجا لا كمان جلابه مقطع أخير: (قالت الريح العجوز) (ما إستحت قالت: يجوز) كل شيء من بعدك يجوز نزعل ونمدو بوز كنت للوطن الرموز كيف تاني من بعدك نفوز في بعدك إنعدم النفوذ هل يجوز ؟؟؟؟؟؟
Post: #5033 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-07-2012, 09:48 AM Parent: #5032
يا برلوم انا قاصد انو بكرى تانى ممكن يرجع الصفحة لـ 100 مداخلة و البوست ( يتعصر ) ويرجع ( حركة وراء ) والزيادة تروح
Post: #5034 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-07-2012, 11:37 AM Parent: #5033
رحمة ونور تزل عليك يا أبي
Post: #5035 Title: Re: ناس الزقازيق ... أجدع ناس (4) .. Author: حافظ انقابو Date: 04-07-2012, 11:53 AM Parent: #5034
الف رحمة عليه وعلينا وعلى جميعا
تحياتي ميسرة
Post: #5036 Title: Re: ناس الزقازيق ... أجدع ناس (4) .. Author: محمد عيد Date: 04-07-2012, 12:35 PM Parent: #5035
علاء محمد سعيد محمد الحسن ... 34 سنة ... قانوني يعمل محقق بشرطة أبوظبي ... متزوج وله طفل واحد .... هو ابن خالتي ... وصديقي .. قبل أن يكون اخو زوجتي ... رشا محمد سعيد ...
داهمة المرض اللعين ... ففتك بالمرئ ... زاحفا الى المعدة ... اكتشف المرض فجأة ... وبدون أي مقدمات تذكر ... سوي تكرار حرقة عند الأكل ... وذهب للمستشفي ... وعمل منظار ... فعرف السبب الصاعقة ... غادرنا فجر اليوم لايرلندا ... في رحلة علاج نسأل الله أن يكتب له فيها الشفاء التام ... بدعاءيكم .... ودعاء الطييبن الذين عرفوه .....
صورة لولدنا علاء عندما كنا في زيارة الاخ الرشيد ونجاة حوفي بمنزلهم العامر بابوظبي ....
Post: #5048 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-08-2012, 09:52 AM Parent: #5047
اللهم ارحم والدنا و عمنا سيداحمد و أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك
،،،،،،، ،،،،،،،،،،،، ،،،،،،،
خالص الدعوات للاخ علاء بالشفاء العاجل و ربنا يطمئنكم عليهو يا نجيلة وتحياتنا للاخت رشا الى ان نتصل عليها ..
اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً...
اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً...
اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً...
Post: #5049 Title: Re: ناس الزقازيق ... أجدع ناس (4) .. Author: منصور عبد الرازق Date: 04-08-2012, 10:08 AM Parent: #5048
فى مباريات كده تخليك كا عارف انت امنيتك يفوز منو منها مباراة الليلة العصر بين ارسنال وما نشستر سيتى الله يعلم اى غلب لى ارسنال بحرقنى جنس حريق لكن برضو الليلة ما داير الهزيمة لى مانشستر سيتى , عشان مانشستر يونايتد ما يوسع الفارق ويقوم احمد ولدى بشمت فينى , وما نشستر تجيهو بااااردة فى عبو عشان كده , يا رب انصر ارسنال على مانشستر سيتى وانصر كوينزبارك رينجرز على الشياطين ديل اللهم آمين
* رحمات الله وغفرانه على عمنا سيد احمد والد ميسرة , وسلامنا لى امنا حاجة محسنة رفيقة دربو وين ما كانت واللهم انزل شفاءك ولطفك باخونا علاء محمد سعيد محمد الحسن اللهم لا نسالك رد القضاء ولكننا نسالك اللطف فيه
Post: #5050 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 04-08-2012, 10:24 AM Parent: #5049
نجيلة...
ألف سلامة لولدكم علاء الدين
ألهم رب العرش... أذهب البأس واشفه شفاءا لا يغادر سقما... ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـعلاء الدين من وجع .
------------------------------------------------
نترحم على العم المغفور له بإذن الله سيد أحمد
ونسأل الله العلي القدير أن يدخله الجنة
وأن يرحم أمواتنما جميعا وأموات المسلمين
Post: #5051 Title: Re: ناس الزقازيق ... أجدع ناس (4) .. Author: محمد عيد Date: 04-08-2012, 10:55 AM Parent: #5050
أللهم رب الناس ...
أذهب البأس واشف أخنا علاء شفاءا لا يغادر سقما...
اللهم انا نسألك ان ترده لأهلة شافيا متعافيا هازما لمرضه
* رحمات الله وغفرانه على عمنا سيد احمد والد ميسرة , وسلامنا لى امنا حاجة محسنة رفيقة دربو وين ما كانت واللهم انزل شفاءك ولطفك باخونا علاء محمد سعيد محمد الحسن اللهم لا نسالك رد القضاء ولكننا نسالك اللطف فيه
صبحكم الله بالخير في واحدة من سرحاتي الطويلة قعدت أفكر... و شغلت الآلة الحاسبة الافتراضية..ثلاثية الأبعاد... و قعدت أحسب كيف قضيت ما انقضى من عمر... كم النسبة المئوية للنوم بافتراض انها ثمانية ساعات في اليوم فقط... تطلع معانا 33%... كم النسبة الوقت و أنا قاعد آكل... 8% و أنا زهجان مكشر و مكرمش الوش... و هذه و لو أنها كانت تتناقص تدريجيا مع التقدم في العمر... الا انها نسبة مقدرة نقول انها 15%... كم نسبة الوقت القضيتو قدام التلفزيون... مع محاولة سحب نسبة الأكل و نسبة الزهج... يمكن تطلع 20%... المجموع 76%... قفلت الآلة الافتراضية ثلاثية الأبعاد و سرحت أفكر في كيفية تعديل النسبة فيما تبقى من عمر...
Quote: عشان كده , يا رب انصر ارسنال على مانشستر سيتى وانصر كوينزبارك رينجرز على الشياطين ديل
تحققت نصف أمنية منصور... بهدف أرتيتا...فاز الأرسنال.. و قتل روني و اسكولز أحلام السيتيزن... و أماني منصور... و بات الشياطين الحمر أقرب للقب البريمير ليق...
في أسبانيا انتكاسة أخرى لريال مدريد أمام فالنسيا... ربما تهدي لقب اللاليقا مرة أخرى لبرشلونة رقم تقدمه بأربعة نقاط كاملة...
و في ايطاليا انتكاسة لميلان أمام فيورنتينا... صعدت باليوفي الى الصدارة و ربما الفوز بالكالتشيو...
و في فرنسا فاز باريس سان جيرمان على مارسيليا... و صعد الى صدارة الترتيب مرة أخرى متساويا مع مونبيليه...
نتمني عاجل الشفاء للأخ علاء الدين ... وربنا قادر انه ياخد بيده عشان أسرته واولاده والناس البتحبه .. ولأن الشفاء من الله ثقتنا كبيرة في أنه علاء يجي راجع بكامل صحته وموفور ابتسامته ... قلوبنا معاكم يا ياسر ورشا ومع علاء وأسرته ، وكل أمنياتنا وأمانينا .... قادر يا كريم ....
Post: #5055 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-09-2012, 06:00 AM Parent: #5054
صباح الخير ،،، يا وجوه الخير
نجاوى صباحية
إلهي ،،،،
بابك مفتوح للسائل وفضلك مبذول للنائل إليك منتهى الشكوى يا السر والنجوى يا من يسمعُ ويرى
يا إلهى يا رب العالمين
Post: #5056 Title: Re: ناس الزقازيق ... أجدع ناس (4) .. Author: محمد صديق Date: 04-09-2012, 07:34 AM Parent: #5055
والله يا كوتش عشان خاطر انت والرشيد والريس ميسرة وياسر نجيلة باقي القوم ديل عادل الواحد بيقابلك في عرصات الاسافير ... ومهداوي النت ... اها بقيتو رابطننا بالبيت القديم ... يمين لو ما كده المنبر ده انا زمان كان فارقت دربه .... بعدين في حاجات بتغيظ والواحد يغلبه يعلق عليها زي قصة الرشيد بتاعت الأسانسير ... اكتفيت انه عضيت اصبعي علي طريقة المدرسات ... هسه زي الرشيد ده الواحد يصاحبه ليه ... ياخي الناس المثاليين ديل هم البيجيبو ليك الضغط والسكري .... الغريبة انت وميسرة نفس الحكاية ... الواحد خايف يصاحبكم ويجي البوست ده كتير يبقي مثالي ... وتبقي مشكلة كبيرة دي ...
Quote: بعدين في حاجات بتغيظ والواحد يغلبه يعلق عليها زي قصة الرشيد بتاعت الأسانسير ... اكتفيت انه عضيت اصبعي علي طريقة المدرسات ... هسه زي الرشيد ده الواحد يصاحبه ليه ... ياخي الناس المثاليين ديل هم البيجيبو ليك الضغط والسكري ....
ياخي قصص زي دي تقعد بعدين تحكي بيها لي مجد... ليه قلت مجد و ما قلت حنا... عشان حنا طالع مثالي زي بهجة و زي عمو الرشيد... لكن مجد طالع ابن......زي أبوهو...
Post: #5059 Title: Re: ناس الزقازيق ... أجدع ناس (4) .. Author: منصور عبد الرازق Date: 04-09-2012, 11:25 AM Parent: #5058
مثالية شنو يا زهير الداير تتهم بيها صاحبى الرشيد ؟؟!! يبرى صاحبى ويستبرأ كمان من مثاليتك دى انتا ما قريت الموضوع كويس ولا تشابه عليك البقر ؟؟ الزول ده قال ليك اليوم داك كان مستعجل ولبس هدومو كلها فى لحظة واحدة تقوم تقول ليهو مثالى ؟؟؟ غايتو ناس الفيس بوك ديل يجوا يجوطوا لينا بوستينا ده سااااى ويفرتقوا !!
لا أملك سماعات خارجية في الكمبيوتر بتاع المكتب... و جيت لقيت الفيديو بتاع جبريلا للراحل زيدان و الناس مجقلبة... و ما حبيت أستعمل سماعات الراس من صباح الرحمن بالمكتب... قعدت أخمن يا ربي دي ياتو أغنية تجي الكاميرا على الراحل زيدان أقول دي أكيد يا خاين... تمشي الكاميرا على الجمهور أقول ما ممكن تكون يا خاين... الناس ديل مهججين شديد...و الكلوجة دي كلها ما ممكن تكون يا خاين.. دي شكلها كده في الليلة ديك..لا لا و دي كمان أغنية بطيئة شوية... الناس ديل حاتنو حت شديد... مع الحت ده دي أكيد أغنية قصر الشوق... في الآخر فاض بي و تركت مثاليتي و طلعت السماعة وسمعت الأغنية ... لا هماك عذابنا لا دموعنا و شقانا نهديك المشاعر و تخون الامانة ييا ييا ييا يا... شكرا يا جبريلا على الهدية...
فتح الأسانسير هذا الصباح....... و كان خالي...من غير تحزيقات أو مطبات... و لا حتى اختبارات مثالية... توكلت و ركبت... على أن لا تكون هنالك أي مفاجآت بين الطابق الثالث و الأرضي... لم تحدث أي مفاجآت في الطريق حتى الطابق الأرضي... ركبت عربيتي و مشيت للمكتب... و حكينا الكلام ده لييييييه... عشان نعرف قيمة الجنيه...
و لا عضت (بضم العين) أيدي المدرسين ..... و المدرسات كمان....
Post: #5064 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-10-2012, 05:48 AM Parent: #5063
صباح الخير ،،، يا وجوه الخير
أصبحنا واصبح الملك لله وحده
عشرة تمنع عشرة
- سورة الفاتحة ***** تمنع غضب الله - سورة يس ***** تمنع عطش يوم القيامة - سورة الواقعة ***** تمنع الفقر - سورة الدخان ***** تمنع أهوال يوم القيامة - سورة الملك ***** تمنع عذاب القبر - سورة الكوثر ***** تمنع الخصومة - سورة الكافرون***** تمنع الكفر عند الموت - سورة الإخلاص ***** تمنع النفاق - سورة الفلق ***** تمنع الحسد - سورة الناس ***** تمنع الوسواس
عارف الواحد بيقابل ناس مثاليين كتار في حياته يا منص .... والله فعلا المثالية دي مشكلة خاصة الزول البيعمل ليك الحاجات بالكتاب (الكوتش نموذجاً) ... تعرف محمد صديق ده لو مستعجل ما تركب معاهو خالص ... كمثال علي المثالية بيسوق العربية زي ما الكتاب قال .... أول حاجة يربط الحزام ، يشغل المكيف يشغل المسجل (اكيد واحد من الرمضانات) جا يقيف لازم يقيف بره الشارع خالص .. يقفل المسجل ... يقفل المكيف ... يطلع الحزام يرفع فرامل اليد ... حتين بعداك يبطل العربية ... اها انا بدور العربية وقبل ما اقلب المفتاح كويس بكون طلعت قبل ما نور الزيت يبقي اخضر مش يطفي كمان ,,,, اها نسيت اقول ليك بيسخن العربية اقل حاجة عشرة دقائق الصباح ,, ياخي فعلا يا منص المثاليين ديل قبلهم وحدهم وبراهم ياخي ديل الفيس بوك ده ما بيجوه ... ونسيت اقول ليك معاهم احمد اسماعيل الشهير بابو عمر ....
Quote: اها انا بدور العربية وقبل ما اقلب المفتاح كويس بكون طلعت قبل ما نور الزيت يبقي اخضر مش يطفي كمان
دي ما ياها شفقتكم قدت مكنتكم زاته...
انت كمان لاحق شنو....
انت حسه الكوتش ده مفروض يكون أُثر فيك بي شوية مثالية...
من عاشر قوما ياخي...
Post: #5068 Title: Re: ناس الزقازيق ... أجدع ناس (4) .. Author: محمد صديق Date: 04-10-2012, 08:53 AM Parent: #5067
سلامات يا ناس
Quote: والله يا كوتش عشان خاطر انت والرشيد والريس ميسرة وياسر نجيلة باقي القوم ديل عادل الواحد بيقابلك في عرصات الاسافير ... ومهداوي النت ... اها بقيتو رابطننا بالبيت القديم
ياخى كتّر خيرك.(ليس منّا من لم يُوقِّر كبيرنا)
بس استمر على كده.
Post: #5069 Title: Re: ناس الزقازيق ... أجدع ناس (4) .. Author: منصور عبد الرازق Date: 04-10-2012, 09:11 AM Parent: #5068
Quote:
تعرف محمد صديق ده لو مستعجل ما تركب معاهو خالص ... كمثال علي المثالية بيسوق العربية زي ما الكتاب قال .... أول حاجة يربط الحزام ، يشغل المكيف يشغل المسجل (اكيد واحد من الرمضانات) جا يقيف لازم يقيف بره الشارع خالص .. يقفل المسجل ... يقفل المكيف ... يطلع الحزام يرفع فرامل اليد ... حتين بعداك يبطل العربية ...
اصلو شنو ياخ !!! اوع تقول لى كمان , اول ما يقعد فى المكتب , طوال بيطلع الورقة الدايرا وبلقى قلمو قااااعد وبلقى شريطو العايزو كمان وش والقميص الداير يلبسو يطلعوا ليك فرترب من وسط اخوانو القمصان
يا رشدي هل يصلح الكوتش ما افسده الدهر ..... ياخي ستة واربعين سنة سبهللية ... يمين انا خايف لو قعدت تاني سنة مع الكوتش ده اضيعه ليكم ... عشان كده بيكون اكتر واحد مستفيد من إغترابي ...
بعدين يا كوتش حا ننفذ التعليمات كل يوم مداخلة ما كفاكم .؟
اجمل الامنيات والتهاني القلبية الصادقة نسوقها لبنتنا روعة نادر فاروق ورجاء ولابننا محمد المصطفي موسى عيسى وابننا مصطفى محمد عيد بمناسبة نجاحهم الباهر ونسأل الله ان يوفقهم ويجعلهم في اعلى المراتب دائما ...
اجمل الامنيات والتهاني القلبية الصادقة نسوقها لبنتنا روعة نادر فاروق ورجاء ولابننا محمد المصطفي موسى عيسى وابننا مصطفى محمد عيد بمناسبة نجاحهم الباهر ونسأل الله ان يوفقهم ويجعلهم في اعلى المراتب دائما ...
وكمان رنا جمال السنوسي 257 أكيد البنت هلالابية يا سلام على الجيل الجديد الجيل الجميل والجيل الشاطر
النجاح ... شئ جميل ... وبه تعم الافراح اللهم اجعل ايامنا كلها افراح ... بنجاحات أولادنا ... ألف مبروك ... للجميع وبدون فرز ...
=========================== واكبر مبروك ... لأهم نجاح ... هو احتفاظ ولدنا محمد صديق ... الشهير بالكوتش والكمندان بمثاليته ... من أيام الروضة ...ومرورا بالابتدائي ... والدراسة المتوسطة والعليا ... وأيام الجامعة لما كان في لكوظ مع طارق جبرين وحاتم جبارة ... وكذلك بقترة مابعد التخرج ... وفترة العمل .. وظل مواظبا لمثاليتة برغم اقترانه ومعاشرته ... لهمجية زهير الزناتي لفترة طويلة ... فظل صامدا .... للدرجة التي جعلت مرارة ولدنا زهير ... تفقع ... تفقع بس ... ده فكاها وطلع في السعودية ... السعودية بس ... ياخي ده جري المنطقة الشرقية ...
عفارم عليك ولدنا الكوتش ... ألف مبروك .... مثاليتك ...
سعيد أنا بالنجاح الباهر الذي حققه الزقازيقاب الصغار... محمد و مصطفى و روعة و رنا... التهنئة للأبناء أولا ثم لأمهاتهم و من بعد ذلك لآباءهم...
سعيد كذلك بعودة كيمو الجاهز... مكانك محفوظ دائما يا كيمو .... ان جيتنا ليل و ان جيت دغش... طوالى أدفر الباب و خش...
البيت دا بيتك يا حبيب ادخل مخير وماك غريب انمد في اقرب عنقريب مبهول في حوضو الهمبريب النيمة يا العنابة ضل اغشي التكل خرمان في شاي جيعان اكل وداك التمر والزير قريب بايت من البارح ملان راقد في صدر الهمبريب
النجاح اكرر شكري لهن جميعا و اخص بذلك ام العهود هنيئا لك
النجاح .
و اكرر شكري للجميع المتداخلين و الذين حالت ظروفهم دون
ذلك , بس عندي زول واحد و هو عارف نفسو عامل فيها مشغول بالرحيل
و حاجات تانية برضو ما في عذر !!! عندك حتى مساء اليوم كحد افصى
بعداك لا تقبل التهاني الا بطلب موافق عليه من قبل الريس و حاشيته
دودي و محمد عيد والرشيد !!!!
Post: #5082 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-11-2012, 06:07 AM Parent: #5080
صباح الخير ،،، يا و جوه الخير
أصبحنا وأصبح الملك لله وحده
نجاوى صباحية لنجاح أبناء الزقازيقاب
اللهم لك الحمد ملء السموات وملء الأرض
وملء ما شئت من شئ بعد
اللهم لا مانع لما أعطيت
ولا معطي لما منعت
والحمد لله كثيراً
Post: #5083 Title: Re: ناس الزقازيق ... أجدع ناس (4) .. Author: محمد صديق Date: 04-11-2012, 08:24 AM Parent: #5082
سلامات يا ناس
Quote: اجمل الامنيات والتهاني القلبية الصادقة نسوقها لبنتنا روعة نادر فاروق ورجاء ولابننا محمد المصطفي موسى عيسى وابننا مصطفى محمد عيد بمناسبة نجاحهم الباهر ونسأل الله ان يوفقهم ويجعلهم في اعلى المراتب دائما ...
وكمان رنا جمال السنوسي 257
Post: #5084 Title: Re: ناس الزقازيق ... أجدع ناس (4) .. Author: محمد صديق Date: 04-11-2012, 08:53 AM Parent: #5083
سلامات يا ناس
Quote: لهمجية زهير الزناتي لفترة طويلة ...
دى طبعاً عجبتنى جداً....
يا نجيلة زولك ده كان فاقع مرارتى (وطبعاً ابتهاج مرارتها
اختفت زماااااااااان).........
الحاجة الما ذكرها لمن يركب معاى ما قالا ليكم.....
خلى يجى يقول ليكم قاعد يتعامل مع باب العربية كيف؟
يبدو لى حيكون متذكر.
Post: #5085 Title: Re: ناس الزقازيق ... أجدع ناس (4) .. Author: منصور عبد الرازق Date: 04-11-2012, 09:08 AM Parent: #5084
Quote:
من أيام الروضة ...ومرورا بالابتدائي ... والدراسة المتوسطة والعليا ... وأيام الجامعة لما كان في لكوظ مع طارق جبرين وحاتم جبارة ... وكذلك بقترة مابعد التخرج ... وفترة العمل ..
ايام الروضة , الأبتدائى , الدراسة المتوسطة والعليا ما بعد التخرج , وفترة العمل كلو ده عرفناهو وفاهمنو انجاز الزول ده عارفو وين يا نجيلة كونوا يقدر يبقى مثالى ايام الجامعة , مع ناس طارق جبرين وحاتم جبارة ديل تحت تحت كده كمان فى واحد قال لى , زيد ليهم جمال فارح وشبوكشى مثالية مع ناس زى ديل , تستلزم للزول ده , دبورتين تلاتة فوق لى دبابيروا الكتيرة ديك
* مع انو هسى مثاليتو بدت تفك , ده بقى يمشى الفيس بوك ياخ , تتصور , تانى عاد باقى ليهو شنو غير السجاير والعرقى ؟؟!!!!
Post: #5086 Title: Re: ناس الزقازيق ... أجدع ناس (4) .. Author: منصور عبد الرازق Date: 04-11-2012, 09:17 AM Parent: #5085
Quote:
* مع انو هسى مثاليتو بدت تفك , ده بقى يمشى الفيس بوك ياخ , تتصور , تانى عاد باقى ليهو شنو غير السجاير والعرقى ؟؟!!!!
يا جماعة والله عملتو لي فتنة مع عديلي ساي ... أنا اصلاً ما قاصد الحاجة البتقولو فيها دي ... ياخي انا بمدح في الراجل وطاير بيهو السما .... بقدرة قادر تطلعوني أنتقد في الراجل اها دي الحركات البيتخلينا ما نجي بوستيكم ده ... علي العموم ده بيان نشر في كل وكالات الانباء المحلية والأجنبية ... وشعارنا للمرحلة القادمة .... الكوتش وبس وما عداه حرف ومهن ... بالله ياسر نجيلة ومنص وطارق جبريل ومن لف لفهم ما دايرين فاتن حمامة ... كله إلا الكوتش ده ....
فلت لي يا كوتش الباب ماله ... دي زي قصة الراجل الطلق مرتو قال بتعصر المعجون من نصه ...
مرة الامتحانات دخلت في العضام قلت ليها ياخي ارحكا نمشي نجيب لينا فطاير من فطاطري المزلقان قال لي دقيقة اكمل قهوتي واضرب لي حجر من الشيشة دي لمن طلعنا لقينا الناس طالعة من صلاة الفجر مع العلم انا قلت ليه الكلام دة الساعة عشرة مساء
هوي يا طارق جبريل ما تعمل لينا مشاكل ... انا اصلاً ما قاصد الحاجة البتقول فيها دي ... انا قصدي تاني خالص ... انه محمد صديق بيعمل الحاجات بالكتاب ... ده قصدي ... يعني زي ما بيقول الكتاب بيعمل الحاجة ... وانا زي ما قلت قبل كده برضو بعمل الحاجات بالكتاب بفتح الكتاب اشوفه قال شنو بعمل عكسه تماماً ... ده قصدي يا فاتن حمامة ... يعني مثلا تكون مع الكوتش في العربية ... يضرب التلفون اول حاجة يعملها يقيف يمين الشارع حتين يرد علي التلفون ... انا مرات بكون بشرب في سجارة وشاي وبتكلم في التلفون وسائق العربية وبعد ده متخطي وما عندي رخصة .... بس حقيقي رفقة الكوتس من الحاجات الزول بيحن ليها كل يوم ... يا سلام علي استاد الهلال مع الكوتش ومشاهدة هوبة مهند فرش وعلي الهواء مباشرة ... ولا تشرب ليك شاي رهيب هناك في شارع الختمية بحري ... والونسة الطاعمة اللذيذة ... ولا شاي عصرية معاهو في البيت ... من البت خالدة ... بس اكيد لكل حاجة ضريبة وضريبة رفقة الكوتش الجميلة دي ... انك تسمع الرمضانات وناس صلاح احمد عيسي ولي فوق ... تحيات صباحية للكوتش .... محمد صديق ... ولا نامت أعين الجبناء ....
Post: #5095 Title: Re: ناس الزقازيق ... أجدع ناس (4) .. Author: جلال عثمان Date: 04-12-2012, 07:16 AM Parent: #5094
Quote: يا سلام علي استاد الهلال مع الكوتش ومشاهدة هوبة مهند فرش وعلي الهواء مباشرة ...
هذا ولا يخفى على فتنة القارئ .... وفاتن حمامة ... الخ ... الخ ...
من قبيل قاعد ازازي أفتش لي مدخل... كل يوم بجي شايل معاي مدخلي و بدخل بي ايدي و شديدي... اليوم عصلجت عصلجة السنين... قلت أستغل الحملة الشرسة على منابع الجمال و الابداع (الكوتش)... و أرد بقوة على الذين جمعوا صفوفهم و شدوا خيلهم و تحاملوا على الكوتش... لكن خفت مع الأجواء التعيسة بتاعت الأيام دي تقوموا تتهموني باني بحارب بالوكالة... قمعت بطلت و قعدت قعدت أتفرج في تبريرات أبو الزوز... تبريرات مطعمة بي شاي و طعمية و هوبة مهند الطاهر... و لأن الكوتش قلبو أبيض فواحدة من هذه المطعمات بترضيهو... حتى و لا في داعي لي هوبة مهند الطاهر... و لو أني عارف ان الكوتش كان بيفضل شوتة على الطاير من كاريكا على هوبة الغزال...
الأٍسبوع ده كان فيهو مباراتين لي ميلان و اتنين لريال مدريد و برشلونة... مباراة لمانشستر يونايتد و سيتي و أرسنال.. مبارة لباريس سان جيرمان و مارسيليا... مباراة هلال مريخ دي يشوفوها كيف حسه الليلة...
يا رشدي والله انا ببرر لانه الناس حورت كلامي تماماً بحاجة انا ما قاصده حقيقي ... وده صيد في الماء العكر ... للنيل من العلاقات الراسخة مع عديلي ولكن هيهات ان ينالوا من هذه العلاقات الأزلية ... بعدين ياخي الكوتش ده لو غلطت في حقه اصلاً طوالي بجي اعتذر ليهو دز كده زي ما بيقول فارح ... انا كنت عايز اسوق النقاش لحتة بتاعت انه في ناس كتار في الزقازيق مثاليين ... وبيعملوا الحاجات بالكتاب ... ودي حاجة كويسة وترفع الراس ... دي النقطة الأساسية ... بعدين ياخي أعداء الوطن يحتلوا هجليج وأنت تقول لي حفل شيرين في استاد الخرطوم لغوها .... ولا كنت بتتكلم عن هلال مريخ ... معليش ... انا بقترح انك كل مباراة تشوفها بعيون براها ..................
إذا خرج الهلال من مباراة اليوم بالتعادل فهو منتصر ....
Quote: بعدين ياخي أعداء الوطن يحتلوا هجليج وأنت تقول لي حفل شيرين في استاد الخرطوم لغوها ....
ياخي لغوها...ما معقولة... يعني تشوف كورة هلال مريخ... و تطلع النتيجة ما في الصالح ..لا قدر الله... و نجوم الغد انتهت... و حفلة شيرين لغوها... أعمل شنو...
منو شيرين دي؟
Quote: انا بقترح انك كل مباراة تشوفها بعيون براها ..................
ما قادر و الله... يعني ممكن تشوف ليك كم مدينة جميلة و لما تجي الخرطوم... تعمل فيها كأنك ما شفت حاجة... و لا تسافر عبر كم مطار و لما تجي مطار الخرطوم بيكون عادي... لازم تقعد ليك كم يوم كده تعيد فيهم البرمجة بتاعتك... حسه الكورة دي هجمونا بيها... كان يعملوها بعد كم يوم من مباريات الدوري الأسباني عشان نتعود...
هم زي ما لغوا حفلة شيرين كانوا يلغوا هلال مريخ كمان... ما كلو عند العرب ترفيه...و انصرافية كمان...
في سنة التخرج حضرت إلينا الوالدة رحمها الله وشقيقتي سهير ربنا يديها الصحة ذهبنا إلى الهرم ونوينا نركب الجمال قام جورج قال لي: هسي النياق دي بيطريا بتكون كويسة
Post: #5100 Title: Re: ناس الزقازيق ... أجدع ناس (4) .. Author: جلال عثمان Date: 04-12-2012, 11:56 AM Parent: #5099
دا شنو دا ياشباب الواحد حاسي كدة زي التقول شالوا العدة .... احسن ذاتو عشان نسكن هنا
مبرووووووووووووووك للهلالاب ... دخلت مخصوص يوم الجمعة واخدت تصريح من الحيكومة ... عشان نبارك ليكم ... بالرغم من أن الجمعة ... يوم المكوي
اسرع هدف ... تلاتة نقلات سريعات ... ومدقنات ... والرابعة في الشبكة ... معز محجوب ... لعمر بخيت ... لسادومبا .... وبشة من لمسة واحدة ... في الشبكة بالضبط اقل من 15 ثانية ...
وجماعتنا العويرين ... مساكين الكورة الــ 90 دقيقية ... ماعارفين طريق الشبكة ... بي وين ... وواقعين ضرب في العراضة ... هسع العراضة دي لو ختوهم كلهم في خط ستة ... وقالو ليهم ... اضربوها ... حيجلوها كلهم ... ده طبعا لو كانت المنافسة في ضرب العراضة ... جنس عوارة ... غايتو ...
Quote: دا شنو دا ياشباب الواحد حاسي كدة زي التقول شالوا العدة .... احسن ذاتو عشان نسكن هنا
يا جلجل الجاتك في وش كتابك..و لا كتاب وشك سامحتك... أعمل ليك حساب تاني بي ايميل تاني...صعبة دي...
Quote: اسرع هدف ... تلاتة نقلات سريعات ... ومدقنات ... والرابعة في الشبكة ...
نويت من البداية أن أتخلص من كل تعصب أعمى في المباراة دي.... و أن أتابعها بعين العايز يستمتع بي كورة جميلة... اكتشفت فجأة اني لا أملك قناة السودان في أي من الرسيفرات العندي... و ذلك بعد أن بدأت المبارة فحولت الى الراديو.. أخذت أبحث في النت عن ترددات قناة السودان... أحضرت كمبيوتري و فتحت اذاعة أم درمان حتى يتسنى لي اعادة البحث عن السودان... 12169 أفقي على النايل سات...أضبط غير حول...أعمل سيرش... هجمة شرسة في الاذاعة ...زي ما قال ولدنا نجيلة بالظبط....
Quote: معز محجوب ... لعمر بخيت ... لسادومبا .... وبشة من لمسة واحدة ... في الشبكة
جات معاي قناة السودان في التلفزيون مع قون الهلال... لقيت الجماعة ملمومين في بشة و مبسوطين بسطة ما بعدها بسطة... مع رجعة القناة للتلفزيون طوالي رجعت لي عصبيتي الهلالية و فرحت... أتاري تعهدداتي الأولى دي كانت بسبب الاذاعة... لكن برضو وأرجع و أقول و بامانة أن المريخ كان الأحسن من حيث المظهر... استلام.. تمرير..احتفاظ بالكورة... كان يعيبه العصبية التي تمثلت في التمريرات الطويلة للكرة... و البطء الشديد لخط هجومه الذي سهل مهمة دفاع الهلال.... أما الهلال فواضح أنه لا يستطيع اللعب بدون هيثم مصطفى... رغم انني كنت أتمنى أن يثبت غير ذلك...
Post: #5104 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-14-2012, 06:14 AM Parent: #5103
صباح ا لخير ،،، يا وجوه الخير
دعاء الصباح :
اللهم إني أعوذُ بك من الفقر
والقلة، والذلة، وأعوذُ بك
من أن أطلم أو أُظلم
آمين =================== جلال عثمان ده دخل من وين يا خي أنزل المبارة دي هلال مريخ وبرشلونه ما لاعب
Post: #5105 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-14-2012, 11:00 AM Parent: #5104
الأب المثالي - منقول
في ذلك المساء لم ينم جاكسون الأب تقلب كثيراً في فراشه ، وأخيراً قرر ان ينزل من الدور العلوي وتسلل إلى طاولة المطبخ وهو يحمل معه قلمه البسيط الجميل وبضع أوراق بيضاء ، وبدأ يكتب إرشاداته لابنه آدم: انتبه ،، لا تفعل ،،، احذر ،، لا تنس،،، أياك أن .... والأرواق المعدودة صارت عشرات الأوراق ، وبدأ يعجبه ما يكتبه لابنه بعد فترة اطلع على أرواقه الأقارب والأصدقاء وراق لهم كثيراً ما كتبه وأستمر بكتابة إرشاداته وصار يرسلها - لاحقاً - إلى آدم في الجامعة في ذلك المساء القلق ، والحزين لذهاب آدم ، كان يظن هذا الأب اللطيف أنه سيكتب ثلاث أوراق تحتوي على عدة نصائح وإرشادات ، الأوراق صارت مئات والإرشادات وصلت إلى 1560 إرشاداً ونصيحة ووصية ، وكانت النتيجة كتاب من أكثر الكتب مبيعاً على مستوى العالم ، وترجم إلى 28 لغة ودخل قائمة النيويورك تايمز كأفضل الكتب مبيعاً لعدة سنوات.
بعض مما كتبه جاكسون بروان لابنه آدم:-
- توكل على الله ولكن أغلق الباب جيداً - اختر رفيقة حياتك بعناية وحرص فهذا القرار سيشكل 90% من سعادتك أو بؤسك - أقلب أعداءك لأصدقاء بفعل شيء جميل ومفاجئ لهم - أهد حماتك ورداً في عيد ميلاد زوجتك - أحذر من عروض البنوك مهما كانت مغرية - كن شجاعاً ، و إن لم تكن كذلك ، فتظاهر ، فلن يلاحظ أحد الفرق - لا تصدق كل ما تسمع ولا تنفق كل ما تملك ولا تنم قدر ما ترغب - حين تصادف كتاباً جيداً اشتره حتى لو لم تقرأه - تعلم كيف تستمع فالفرص الخفية تحتاج لإذن قوية - لا تجادل شرطياً أبداً - لا تفقد أعصابك ، أو ثقتك بنفسك ، أو مفاتيح سيارتك - فاجئ صديقاً قديماً باتصال مباغت - حين تشتري عقاراً ، انتبه لثلاثة شروط مهمة : الموقع ثم الموقع ثم الموقع - أكتب (10) أشياء تريد إنجازها في حياتك ثم ضع الورقة في محفظتك - أرسل لزوجتك باقة ورد ،،، ثم فكر بالسبب لاحقاً - لا تشارك رجلاً فاشلاً ثلاث مرات - اشرب ثمانية أكواب من الماء يومياً - قيم الناس بما في قلوبهم من خير ، لا بما في جيوبهم من مال - عش في حدود قدراتك - اطلب علاوة عندما تشعر انك تستحقها - لا تضيع وقتك في تعلم (حيل المهنة) بدلاً عن ذلك تعمل المهنة ذاتها
قبل يومين كان عيد زواجنا التمنتاشر.. الدومينيكانيه المهضربه كالعاده ما جايبه خبر.. غالبها ليكم 0/18 ومهزومه بنفس النتيجه في عيد ميلادي وحتى عيد ميلادها.. طبعاً بعد ما أذكّرها بتحس بالذنب وبتبقى اكسترا نايس.. لكن ما بتنسى حق البنات نهائي..
خشينا المرحله الحرجه مع البت ساره رخصه السواقه.. القانون هنا اجباري استخراج رخصه تعليم بعد عمر ستاشر سنه.. والرخصه بعد استكمال مدرسه القياده نظري وعملي.. ومدرسه القياده ما بتقدر تخشها الا بعد 45 ساعه سواقه مع أحد الوالدين.. والمدرسه ما بتديك الشهاده الا بعد تحضر محاضره ساعتين بحضور أحد الوالدين.. بعد دا كلو.. ما ممكن استخراج الرخصه ما لم تمر 9 شهور من استخراج رخصه التعليم.. شفتو النظام كيف.. يحليل سودانا..
قلت لي خفت تركب الأسانسير؟
محمد عيد لسه في حداد؟ ما داير أخش في هلال مريخ.. لانو ماليش في الكوره..
النضيف شداني تلفون من صباح الرحمن .. قلقلني من نومي.. الرجاء مراعاه فروق التوقيت..
قالها: يا حنان ريدك ماني ناكرو وقليبي دة كتلان وراك... دحين دبريني أسوي شنو قالتلو: يا أحمد انا ذاتي فتِر من ريدك.. اهلي مزانقني وما خليتلي حجي ما قلتها قالها: نان يا حنان أسوي شنو في كوم اللحم دة.. عاد أرميهم وأفوت.. آآآآبقدر.. آآآبيبقى يا نور عيني قالتلو: ماك راجلا بيرميلو لحما وراء ضهرو.. وماك قادر تسويهن اللتنين... دحين الله يعدلك خطوتك وأنا تراني قاعدي هني منتظراك وإن جارطوني، ياني المعرسي.. ومبروك علي العريس لحما من غير روح بعدك آآآبريدلي زول وحرمان علي قلبي راجلا بلاك..
بخصوص الفيس بوك... عن نفسي صعب أكون فاتح الفيس بوك في المكتب... بينما هي مداخلة واحدة صباحية في سودانيز أون لاين... و ربما تزيد بواحدة أخرى و لكن على فترات متباعدة... يشرفني جدا أن ألتقي بالزقازيقاب بالفيس بوك..
صباحات ... الأمل والتفاؤل ... وصباحات كلها خير ...
وصايا الاب جاكسون للابن آدم ... مختصر مفيد ... لمن يعمل به ... وثقافي رهيب ... لم يتطلع عليه ... نصيحة للآباء قبل الأبناء ... تشكر ياريس ميسرة ... حجزنا نسختنا ...
=================== ود جبارة الله يعينك ... في التربية ... ونيل البنات لرخصة القيادة ويا بخت البناسبك يا حاتم ... الام البتنسي اعياد الميلاد ... اكيد ماعندها شغلة ... بالمهر والشيلة ... اوع بعدين تعمل لينا فيها سوداني ... وقبل ماننسي ... ألف مبروك عيد زواجكم الـــ 18 بالله تميتو 18 سنة ... يعني الصلعة دي ماجات من ساهل ...
========================== ود جبرين ... اها قمت تحرض على ... زواج الاتنين ... والتعددية ... بعدبن البنيه ديل مطرطشة ... مالا ومال ... راجل المرا ... وكمان عندو اولاد ... حبا ها برص ... وعشرة خرس ....http://www.alwatanvoice.com/arabic/news/2012/04/13/269819.html الشباب مالين الشارع .... انا بعرس ليها بدل الواحد ألف ... طبعا الرد من خشم ..... ام أحمد ...
=============================== رشيد القوم ... ياخي بالغت ... معقول ولا قناة سودانية ... والله حرام عليك ... ياخي انا يوميا لازم امر على الثلاثي المرح ... الشروق ... النيل الازرق ... والسودان الام ... اغتربنا اي نعم ... بس ارجو ان لا نغرب ... مشاعرنا ... اها رايك شنو انا امس جبت اولادي كلهم ... حتي فارس الصغير ... وفتحت قناة السودان ... فيهو التلاتة الدجالين ديلك ... مقدم البرنامج بتاع ساحات الفداء ... وواحد ممثل الجيش ... والآخر ممثل للدفاع الشعبي ... واي واحد انضف من التاني ... وعلامات الراحة والدعه بادية على وجوههم ... هم يتكلو ... والبحاربو ويموتو اهلنا الغبش .... ومجبرا قعدت اشرح ليهم ... حتي يتعرفو ... ولو القليل عن طبيعة بلدنا ... وكيف تدار الامور ... مع شرح وافي للحاصل ... عشان بعدين نحنا برضو سودانيين ... والخلاف مع نظام الحكم ... لايعني الانفصال عن الواقع .... ونحنا عارفين ... سياستنا شينه ... وكورتنا اكثر بشاعة ... بس برضو ... بنحبها .... بعدين ياخوي ... لما نعمل لينا تأشيرة لبلاد المهجر ... ممكن ماذكرته يكون منطقي ... لكن طول مانحنا في الخليج ... طال الزمن او قل ... لابد ان نرجع السودان ... خلينا ماننفصل ... او نفصل اولادنا عن واقعنا ...
=============================== نشكر كل واسانا في مرض اخونا علاء .... عن طريق البوست أو الاتصال الهاتفي ... او حتي الدعاء سرا علاء مقبل على علاج حساس جدا ... محتاج لدعواتكم .... ان شاء الله ماتشوفو شر ...
Quote: رشيد القوم ... ياخي بالغت ... معقول ولا قناة سودانية ... والله حرام عليك ... ياخي انا يوميا لازم امر على الثلاثي المرح ... الشروق ... النيل الازرق ... والسودان الام ...
النيل الأزرق حاضرة بقوة يا نجيلة... أولادي حافظين حتى عثمان سيد الدكان... الشروق أحيانا... كانت أتابع ريحة البن في زول...كان برنامج جميل... راحت زول و ضاع البرنامج... أما تلفزيون السودان... مرات لما أكون فرحان أكتر من اللازم بخفف بيهو شوية...
Post: #5113 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-15-2012, 07:21 AM Parent: #5112
صباح الخير ،،، يا وجوه الخير
الليلة عثمان سيد الدكان ما فتح لينا من الصباح
على البوست ولكن يفتح في الفيس بوك رحنا عملنا جوله
وعدنا سالمين غانمين ،،، ونقلت ليكم شعر من أشعار
شاعر الزقازيق حسين شينغراي
خلاص إنقلب المجن كلمات: حسين شنقراي يا الضايقيين حلوها مرها تضوقو لا تهدوا يوم لا ساعة إنتو ترقو ناهبين البلد وشلتو من شروقو بقي كوم تراب وأصبحتو قاعدين فوقو خلاص أرعد عليكم ولامعة ياخي بروقو الله ينشف عروقكم يا النشفتوا إنتو عروقو ماليكم عليهو حقوق كم ضيعتوا منو حقوقو ----------- كان حدادي مدادي وكنا بنموت بي شوقو ضاع الدوام مزهر والسلام محلق فوقو جيتوهو زي أقدار وسعتوا إنتو شقوقو رعاكم تقول أولادو وجزاكم ليهو ياما عقوقو هدًمتو حتحتو بعتو في ديوان النخاسة وسوقو خلاص إنقلب المجن يلا أصحوا وفوقو جننتونا وجننتوا البلد لامن طلع طايوقو
Quote: مرات لما أكون فرحان أكتر من اللازم بخفف بيهو شوية...
تعرف يا رشيد القوم ... زمااااااان لما كنت صغير ... قبل ماادخل المدرسة ... اذكر هذا الموقف كأنه حصل لي بالأمس ... كنت راجع من الخرطوم لسنجة مع ابوي ... ببص الخواجة الأحمر ... وفي الكاملين محطة الفطار المعهودة ... ابوي فتح لي الساندوتيش ... وجاب لي قزازة ببسي بااااااااااااااردة ... وحزرني من حاجتين ... ان لااشرب الببسي إلا بعد ما اكمل الساندوتيش .. والتانية ... ان اخلي بالي شديد على شنطة السامسونايت بتاعتو التي وضعها على الرف اعلي رأسي ...
وبربع تركيز أو تركيز طشاش او رهاب ... زي الجا زول وسرق الشنطة ... وكان كل تركيزي ان اكمل الساندوتش ... عشان اشرب الببسي حسب الوصية ... المشددة ... ويادووووب ما اخدت ... جغمة واحدة بس من الزجاجة ... جا ابوي ... اها ياياسر اخبارك شنو ... وقبل مايكمل السؤال عاين ... لقي الشنطة مافي ... الشنطة وين ... اخدا منو .... مشي بي وين ... وكل ناس البص ... والمطعم تجمعو ... ولكن هيهات .... لم يكن هناك اثر ...للشنطة او الشالا .... ابوي من زعلو كاد ان يفتك بي ...لولا اولاد الحلال في البص اخدونو خلوني مع اسرة ... وابو الاسرة قعد مع ابوي .... اها المشوار كلو انا زعلاااااااااااان .... عشان ما كملت زجاجة الببسي ... ولي هسع ....
وبالتالي ياخوي تلفزيون السودان ... شاهد صريح على سرقتنا ... زي الحرامي ... كل من طل عليك في الشاشة ... فهو حرامي ... حرامي مشاعر ... أو حرامي مناصب ... أو حرامي قروش ... أو حرامي وطن عديل كده ... والادله قدامنا ... يقدموها لينا كل يوم ... وكلنا متأكدين من كده ... بس صدقني بالا في قزازة الببسي ... نقلب بكل برود لمشاهدة سهرة كاربة ... او كورة عالمية ... والبحصل في بلدنا كانو مابخصنا ...
============================= هجليج .... بلدنا ... وجزء من وطنا ... اعتدت عليها دولة مجاورة ... الجنوبيين صارو دولة جوار ... بعد ان اختاروا الانفصال ... وحكومتنا زاتا .... عاجزين عن تغيرها ... ولكن نحارم مع منو ... ضد منو ... مع الحكومية العاوزين نغيرها .... ولا مع الجنوب عشان نغيير الحكومة ... وعلى أمل نرجع جنوبنا تاني ... ولا نواصل دور المتفرج ... وسودانا يتقطع اجزاء امام اعيننا ... ونحنا قاعدين بالا في الببسي .... ودمتم ....
Post: #5115 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-15-2012, 09:44 AM Parent: #5114
دولة الجنوب إحتلت هجليج هذه حقيقة
كُرهنا للإنقاذ لن يحرمنا حب الوطن
ضياع الفشقة وحلايب غير مبرر لضياعات أخرى
كل ما يحدث في هجيج يصب في رأس المواطن السوداني البسيط
من قتل ، دمار ، تهجير ، غلاء في المعيشة ، صفوف بنزين ، إرتفاع سعر الدولار
سقوط في كل شئ!!!!!!!!!!!!!
إحتلال هجليج غير مبرر وغير قانوني حسب إتفاق نفاشا المشؤوم
الخروج الآمن من هجليج لقوات دولة الجنوب وبدون شروط مسبقة هو الحل وإلا
و الله يا نجيلة عجبتني قصة ساندوتش الجبنة وقزازة البيبسي... و الشنطة السامسونايت... من ناحية رجعتني لي زمن جميل و من ناحية كانت مقاربة جيدة... و قلت ان كانت البلد هي السامسونايت و الحرامي المجهول معلوم... و سندوتش الجبنة هو الماضي الجميل باعتبار انك أكلتو كلو... و قزازة البيبسي هي الآمال و الطموحات العراض... و بص الخواجة الأحمر هو الزمن... ومن ده كلو وصلت لحقيقتين... الأولى انك كان ما دفعتنا بتكون قريب مننا... ان الأبرياء دائما ما يدفعون الثمن... حتى تأويهم دولة مجاورة فينجون...
ان المقدمات لما حصدناه و نحصده من نتائج كثيرة جدا... لن أقول كما يقول كل السودانيون...يبرأون أنفسهم و يتهمون الآخرون.. بل أقول لقد كنت مساهما بعلم أو غير علم فيما يحدث الآن... مثلما ساهم الآخرون بدورهم فيما يحدث... الحل... في أن نجعل الوطن أولا و الوطن أخيرا...
برضو لايك شديد لياسر نجيلة ... الليلة الواحد ما لاقي كلام غير انه يوافق ياسر نجيلة ده
ضحكتني يا رشدي ....
Post: #5118 Title: Re: ناس الزقازيق ... أجدع ناس (4) .. Author: منصور عبد الرازق Date: 04-15-2012, 11:53 AM Parent: #5116
ازيكم يا جماعة ومالو كان الساعة بقت تلاتة الا تلت متأخر ؟؟ اى نعم , بس مش اخير من عدم الجية انا ما عارف الشغل ده كتر مرة واحدة كده ليه يمين صفحة الزقازيق دى مفتوحة يمكن من الساعة اتناشر ونص بس مفتوحة ساى لكن , عين تشوف وعين ما تشوف ناس الرشيد الحرفا ديل , هسى يقولول لى , بتنزل فى مداخلة مصبوبة مسبقا قلوبنا مع علاء يا ياياسر نجيلة , قلوبنا معاهو حقيقى بعدين انتا ام احمد دى براااها قلبا مقطوع مع علاء الدين اخوها , تجى كمان توريها مداخلات حنان دى بتاعة سبعة سنوات من اللحمة , الله يجازيك يا رش اما الود حاتم جبارة , فابشره بأن احمد ولدى اخد الرخصة , بعد خمسين ساعة سواقة مع ابوهو ومدرسة قيادة لمدة اسبوع كدى بس زهير ما يجى يعمل لايك للمداخلة البايتة دى ؟؟!!!
ده كتير علينا يا ابوالزوز ... اتنين لايك في صفحة واحدة ... وورا بعض .... ان شاء الله ربنا مايجيب ... دس لايكنا .... ...
وعشان لايكنينك الاتنين ديل ... هات النكت دي ... اهداء خاص لك ... والباقي يسد اضنينو .... ان شاء الله كمان ياخدو ... لايك ...
بعد خمس سنوات من دراسة اللغة الانجليزية قال التلميذ لاستاذ ه: أشكرك على كل ما فعلته من أجلي . فهل هناك شئ يمكنني أن أفعله من أجلك ؟ فقال الأستاذ : نعم .. لا تخبر أحداً أنني علمتك الانجليزية التي تتكلمها.
اتصلت الزوجة بالدكتور قائلة : الحقني يادكتور، زوجي لا يتحرك ولا يتنفس. فقال الدكتور: يعني مات؟ قالت الزوجة : لا أعرف.. سألته إذا كان مات فلم يرد.
واحد سطلنجي صايم اتصل بقناة روتانا, قالولوا : شو بتحب تسمع , قال : مقاطع من آذان المغرب
مرة واحد بيعدي الشارع مع اصحابه خبطته عربية مات.... اختارو واحد منهم عشان يقول لمراته الخبر ... فراح لها ... فتحت له الباب ... قال لها: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."
================================ غايتو يارشيد القوم .... حللت القصة ... وفصلتها ... ماخليت لي حاجة اقولا .... ربنا ينصر ... سودانا ...
Post: #5123 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-16-2012, 06:10 AM Parent: #5122
صباح الخير ،،، يا وجوه الخير
نجاوى صباحية:
اللهم أحمدك حمداً يليق بجلال وجهك وعظيم سلطانك
وأسألك غيث جودك وواسع فضلك فإنك تعطي من غير سؤال وتجود بأجزل النوال
سبحانك يا الله
=======================
هلا ومرحب بالريس معتصم البوست مشاق لكتاباتك ومداخلاتك فلا تحرمنا من جياتك
Post: #5124 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-16-2012, 07:26 AM Parent: #5123
أول لمسة للكورة في مباريات كرة القدم بتكون هي مفتاح تألق اللاعب في المباراة... لو استلم الكورة تمام و اتخلص من لاعب لاعبين تمام و باص تمام... خلاص كده باقي المباراة بتكون تمام التمام... عشان كده اللاعبين قبل المباراة و بعد التسخين تلقاهم بيحاولوا يلمس الكورة كتير... عشان لما تبدأ المباراة يكون اتعود على كورة المباراة و ما تكون ليهو مفاجأة... كمان لو كانت اللمسة الأولى ما تمام المباراة كلها بيكون فيها كعب... المناسبة شنو...مش ده سؤالكم... ما لازم يكون في مناسبة المهم يكون معمول بحب (دعاية سيقا)...دي عشان ياسر نجيلة يآمن... أنا اليوم من ما قمت أشيل و أتلاعب بي كورة المباراة بتاعت الليلة... قصدي يعني مداخلات اليوم يا جماعة...لا حولا انتو ماكلين فول و لا شنو...لازم نشرح يعني... و أنا راكب في العربية كمان ضقيل شديد بالكورة... جيت المكتب فتحت كمبيوتري..قلت أفتح ايميلي بتاع الشغل أول... بعدين نمشي نشوف مباراة اليوم دي.. لكن مافي مشكلة..أنا جاااااهز... و ما أن شرعت في بداية المباراة و اللمسة الأولى التي تحدد باقي لمساتي... ظهر لي شغل بالكوم و الردوم... قعدت أردد بي حرقة تأتي الرياح بما لا تشتهي السفن... و طشت اللمسة الأولي و بدت لي و كأن المباراة ستضيع من بين يدي... الدش ده كلو و المباراة حتضيع من بين يديك..حرام عليك... أنا بتخيل أبو الزوز قاعد يقول كده... لكن ده أبدا ما كان نويت كتابته..الحاجه الجهزتها راحت في غضب الله... ده لعب بالخبرة ساااكت...
Quote: وبعد السلام على الحلوين
يعلم الله مشتهنك يا ريس...
و مشتاقيييين عدييييل كده...
Quote: بالغت يا رشا ياخي اشد البوليغ
يا جبريلا سامحنا ياخي...
بعر الفيل كان قوي شوية...
Quote: غايتو يارشيد القوم .... حللت القصة ... وفصلتها ... ماخليت لي حاجة اقولا .... ربنا ينصر ... سودانا ...
يارشيد القوم ... انت دايما لياقتك ألف ... وكورتك منظمة وفي السلك ... وباصاتك ... متقنة ... ولو لاك ... البوست بمشي السنتر ليغ ....
وكمان بتقلبا .....
====================== النضيف ... يعني لازم تخلونا نكابس مع العيال في البيت ... عشان نسمع .... مختاراتكم ... عموما مشكور مقدما ... وزوقك ... معروف .... يا ابوكرتونه .......
أغرب مباراة في تاريخ كرة القدم هي التي جمعت مابين ( الأرسنال & سبارتاك موسكو ) على ملعب وايت هارت لين في بريطانيا عام 1925 حيث غطى الملعب ضباب كثيف جعل الرؤية شبه مستحيله ولكن حكم المباراة رفض المطالب بإيقافها بحجة أن الفريق الأخر جاء من روسيا للعب المباراة،، وهنا تبدأ الغرائب حيث أن أحد لاعبي الأرسنال قد طرد من الملعب بسبب مشاجرته ولكنه عاد للعب دون أن يميزه الحكم بسبب الضباب الكثيف،، ... الفريق الروسي أجرى تبديلا لأحد لاعبيه ولكن اللاعب المبدل لم يخرج من الملعب ۄ استمر في اللعب دون أن يعرف الحكم ذلك بسبب انعدام الرؤيه، وبعد ذلك بدأ الشك يساور البعض بسبب كثرة لاعبي الفريق الروسي الذي أصبح يلعب پ 15 لاعب بدلا من 11 ولكن المشكله انه لم يكن أحد يستطيع الرؤيه جيدا لمعرفة عدد لاعبي الفريق الروسي ، المشكله الحقيقيه وقعت عندما انطلق حارس الأرسنال للتصدي لأحدى الكرات فاصطدم بالقائم ۄ أغمى عليه لينزل أحد المشجعين ويحل مكانه.
واحلي لايك يا نجيلة علي النكات فعلا جديدة وحلوة وملعوبة ...
يا منص ما تبقي طماع ... اولاً خليك مواظب علي الحضور هنا عشان تستحق اللايك ... بعدين معقولة أونسك في التلفون واجي اديك لايك هنا ... بنخاف عليك من زيادة الضغط ....
اكيد المداخلة الجاية حا يكون فيها لايك بحجم عائلي ...
يا جبريلا صفحة الرجلين دي ما خلاص قلبناها ياخي... بعدين ياخي نحن فينا الحاجي جديد..مثال ليهم ياسر نجيلة... و فينا المعتمر...محمد عيد و الريس ميسرة... و فينا البخاف من ضلو...ديل أنا ممكن تدخلني فيهم... و فينا المعمر...و ديل اختارهم بي مزاجك..بس أوعك تدخل الكوتش...
Quote: ديل بكونو ... علب كبري .... توتي ... ...
انت يا ياسر قاري تجارة و لا هندسة مدنية (عليك الله أعمل لي وشين خدر هنا)... ان طق الزمن لازماك عمرة جديدة.. و بي أية تمن...
أنا قلت تعليق على الصورة دي في سري... و قعدت أضحك لما قربت أتنفقل على ضهري... لكن ما حأقولو ليكم الا تحنسوني شديد... خايف أقولو تقومو تفهموني غلط... أحسن أحتفظ بيهو لي نفسي... الباب البجيك منو الريح...سدو و استريح...
الأسانسير كلاكيت تالت مرة رن المنبه بشدة هذا الصباح لصلاة الصبح... أغلقته و قمت بسرعة و توجهت الى الحمام... لأني ساهرت حتى وقت متأخر كنت أشعر بنعاس شديد... كنت أكثر من التثاؤب أثناء الوضوء و أثناء لبسي لجلابيتي من بعد ذلك... كنت أتثائب طول الوقت و أنا خارج من المنزل و أنا واقف في انتظار الأسانسير... أتي الأسانسير بسرعة شديدة فلا أحد يستدعيه في هذا الوقت المبكر... دخلت و أنا ما زلت في حالة التثاؤب الشدديد... كانت الاضاءة خافتة داخل الأساسنير.. اخترت ركنا قصيا و اتكلت على أحد الجنبات و أخذت أسبح و أتثائب... داهمتني نوبة جديدة من التثاؤب و فتحت فمي حتى ظننته لن ينغلق... في هذه الأثناء توقف الأساسنير على غير العادة في الطابق الثاني.... هم فلبيني بالدخول الى الأساسنير و يبدو أنه لم يلحظني و أنا في ركني القصي مع عتمة الأساسنير... تقدم الى الداخل قليلا ثم فوجيء بي و كنت أنا في حالة تثاؤب... أطلق صرخة و حاول الامساك بالباب ليفتحه و يخرج... و لكني طمأنته بانجليزية يبدو أنها أقنعته بأنني شخصا عادي و ليس شيطانا أو سفاحا... لا تخاف..لا تخاف...فأنا كنت أتثائب فقط... فوقف بعيدا عني ينظر الي بطرف عينه و كنت أنظر اليه بكلتا عيني... خشيت أن يصاب بنوبة قلبية لذلك حرصت أن أمنع نفسي من التثاؤب... وصلنا الى الطابق الأرضي فأنطلق و هو ما زال ينظر الي بطرف عينه... منحته وقتا كافيا حتى يبتعد ثم توجهت الى الجامع...
Post: #5134 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-17-2012, 06:32 AM Parent: #5132
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
اللهم إني أستغفرك من كل ذنب إستغفاراً يدنيني من رحمتك ويُبعدني عن سخطك
Quote: أنا قلت تعليق على الصورة دي في سري... و قعدت أضحك لما قربت أتنفقل على ضهري... لكن ما حأقولو ليكم الا تحنسوني شديد ...
اكيد يا رشيد القوم ... مابيناتنا تحانيس .... بس انا بذكرك قصة الاسانسير ... الفاتت بتاعة الشامية ... مش الفلبيني ... في واحد فينا جاب خبر ولا كلم ... نجاة حوفي .... وتيب ... ماتخاف قول ساي .... سرك في خشم ودالزناتي ...
============================= نفيسة شنو يازهير ... ود جبرين ده انا زعلان منو عديل كده ... مالو مارفع الصورة شوية كده ... زي الصورة الفاتت ......
Post: #5138 Title: Re: ناس الزقازيق ... أجدع ناس (4) .. Author: حافظ انقابو Date: 04-17-2012, 08:57 AM Parent: #5137
صباح الخير لكل المزقزقين طولنا منكم جابتني صورة الرجلة دي يا ود جبرين بالغت معانا قدر شعور أخوانك العذابة معقولة بس في كرعين كدا؟؟
.................. مودتي للجميع
Post: #5139 Title: Re: ناس الزقازيق ... أجدع ناس (4) .. Author: منصور عبد الرازق Date: 04-17-2012, 08:58 AM Parent: #5137
Quote:
كنت أكثر من التثاؤب أثناء الوضوء و أثناء لبسي لجلابيتي من بعد ذلك... كنت أتثائب طول الوقت و أنا خارج من المنزل و أنا واقف في انتظار الأسانسير
نفس الأسانسير , مش كده ولا انا غلطان بما انك ما جاوبتنا على الأسئلة بتاعت الأسنانسير زاتو , لمن كانت فيهو الشامية فتصرفنا المرة دى حا يكون مختلف وبعدين دى صلاة الصبح , مش كده لا , الوضع مختلف اختلاف توتالى يا معلم كمان فى حاجة تانية بتعزز الأختلاف الجذرى ده المرة الفاتت كنت مستعجل , ولبست هدومك كووولها مرة واحدة , بما يوحى انها كانت بنطلون وقميص بنطلون وقميص , وانت مستعجل , معناتا ما فيها صلاة صبح لكن المرة دى جلابية وتثاؤب !!! الموضوع بقى معقد شديد يا اخوانا وكمان جابت ليها طارق جبريل , ومروس الصورة لى منص منص منو يا زول ؟؟ عليك الله انا ده , طيب الأسانسير ما كال حماد اقصد الرماد ركب الأسانسير اقصد الطاهر حماد جاب قون فى المناقل وفيصل العجب طردوهو من الأسانسير لقوهو بتثاءب قالوا
Post: #5140 Title: Re: ناس الزقازيق ... أجدع ناس (4) .. Author: محمد عيد Date: 04-17-2012, 09:41 AM Parent: #5139
Quote: أطلق صرخة و حاول الامساك بالباب ليفتحه و يخرج... و لكني طمأنته بانجليزية يبدو أنها أقنعته بأنني شخصا عادي و ليس شيطانا أو سفاحا... لا تخاف..لا تخاف...فأنا كنت أتثائب فقط...
أحي منكم..حسه الواحد يرد عليكم كلكم كيف... استعنا على الشقا بالله...
Quote: شايفك يا الرشيد ما صنفتني ولا ما حاسبني مع ناس البوست ..
و الله أكسر فيك تلجه لمن تآمن زاتو...
انت البوست ده بيبقى من غيرك يا أبو الزوز... نحن الأيام الانت بتكون غايب فيهم ما قاعدين نحسبهم زاتو... دي على وزن أغنية أم كلثوم أنت عمري... عمر ضايع يحسبوه ازاي علي...
Quote: يا جماعة دي ما طريقة ياخ اللهم أشفي الأخ علاء من سقمه و تاني شنووووو؟؟؟؟؟ وبس
دي ياها رجالتك مع الرجال... رجع الباسورد لي بكري كان دي ياها مداخلاتك...
Quote: ماتخاف قول ساي .... سرك في خشم ودالزناتي ...
اختيارك ما موفق يا نجيلة... ما عشان أبو الزوز قوال حاشا لله ... عشان الزول ده الشفافية كاتلاهو...
Quote: جابتني صورة الرجلة دي
المره الجايه بنخلي جبريلا ينزل ليك ملوخية يا حافظ.. نشوفك حتجي و لا ما حتجي...
Quote: لكن المرة دى جلابية وتثاؤب !!!
برضو كنت عايز أعلق لكن اتحفظت... فوضت محمد عيد نيابة عني يرد عليك...
Quote: أها الشامية وقلنا ما بنكلم بت حوفى ...
المرة دى ندسو من منو ؟؟!! ( وش خبيث ..!! )
أستر أخوك ساكت يا حمادة.. صدقة قليلة تمنع بلاوي كتيرة...
شكيتك على الله يا ود جبريل ما تخليك حلو ورايق زى ريس ميسره وجورج يعنى لو ما كنت فى المغرب؟؟؟؟؟؟ #### شكرا ريس ميسره على الاهدا الجميل ورشيد القوم ادام الله التالق ويا زهير نزل القزاز شويه انعل ابو الشرقيه
صباح ... الخير صباح ... الابتسام صباح ... الحمد والشكر على نعمه التي لا تحصي ...
=============================== ياود عيد ... حتي كباري السودان ... بتعرف الكبري البي كرعين والمن غير كرعين .... اقصد علب ياخي ركز معاي ... كبري توتي ده بالذات عندو ... اتنين بس ... ومشتحات واحده في توتي ... والتانية في شارع النيل ......
نتوقف لدعاء الصباح بصوت الريس ميسرة.. و على متابعيننا في الأقاليم مراعاة فروق التوقيت...
Post: #5150 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-18-2012, 05:52 AM Parent: #5149
Quote: شكرا ريس ميسره على الاهدا الجميل
على قول منصور الخيــــــل تجقـلــــب و الشــكر للاسانســــــير ...
Post: #5151 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-18-2012, 06:04 AM Parent: #5149
صباح الخير ،،، يا وجوه الخير
أصبحنا واصبح الملك لله وحده،،،
دعاء الصباح الجميل والناس الحلوين
اللهم إني استغفرك من كل ذنب نهيتني عنه فخالفته إليك وحذرتني منه فأقمت عليه وقبحته لي فزينته لي نفيسي الأمارة فصل يا رب وسلم وبارك على سيدنا محمد +++++++++++++++++++++++++++++
محمد معانا ما تغشانا يا ربي جلا وين ، يا ريس معتصم أدي الولد ده لكزه (ما لكزس)
والله بوستيكم ده بلا الكوتش مسيخ مساخة .... (تلجاية صباحية)
يا رشدي والله الزول زمان كان بت حوفي دي فردته وكان ممكن يوصل ليها كل الشفافية بس رفعت القزاز الظاهر عليها أشترت العربية أياها ... عشان كده سحبنا السفراء .... عشان أخد راحتك ... لكن بيني وبينك لازم أشد ليك تلفون أعرف التعليق السري ... ياخي انا من أمبارح عندي حمي ومعاها برد كمان ...
وين ولدنا ياسر نجيلة بتاع الشقق ام دولارات ... ياخي انت زول مستفز يمين لو ما العشرة القديمة كان يفرزونا بالتي شيرتات ... ياخي طمنا علي علاء .... ورشا ... تحياتي للحلوين ... طبعا التي شيرتات دي ناس فيفتي سينت ديل ما عندهم معاها طريقة .....
يا ريس معقولة العين تعلو علي الحاجب ... ياخي أنت الخير كله يمين متابع أخبارك كلها ... ومطمن عليك بس قلة أدب اولاد صغار مفروض أشد ليك تلفون نبدي فيهو فروض الولاء والطاعة ... لك العتبي حتي ترضي ... بالمناسبة هنا مافي اي تلج ...
Quote: يا رشدي والله الزول زمان كان بت حوفي دي فردته وكان ممكن يوصل ليها كل الشفافية بس رفعت القزاز الظاهر عليها أشترت العربية أياها ... عشان كده سحبنا السفراء .... عشان أخد راحتك ... لكن بيني وبينك لازم أشد ليك تلفون أعرف التعليق السري ... ياخي انا من أمبارح عندي حمي ومعاها برد كمان ...
يا أبو الزوز أطمنك لسه ما أشترت العربية أياها... أولادي مرات بيدوني حجم أكبر كتير من حجمي لحدي ما أتكيف أنا ذاتي... قالوا لي أعمل لي ماما مفاجأة و أشتري ليها عربية في عيد ميلادها الجاي... و مشوا اختاروا ليهم أغلى عربية و اختاروا اللون و الفرش الداخلي... أنا لحدي قريبات دي ما كنت بعرف غير الجيب الروسي و الفولغا الروسية و اللاندروفر... بحكم النشأة في بابنوسة و المصنع الروسي و الفنيين الروس... لما اشتريت أول عربية قربت أجي شايله في كتفي... أما عن تعليقي السري فدي تلقاها عند الغافل يا أخوي... مرات ست بيتي دي بتصرصر لي سااااكت بدون سبب... أقول ليها فتحتي سودانيز أون لاين تقول لي لا... فتحتي الفيس بوك..تقول لي لا... أعرف انو القصة فيها جواسيس و عيون... ناس تفك ليهم آخرك بالنهار يخونوك بالليل...
Quote: وين ولدنا ياسر نجيلة بتاع الشقق ام دولارات ... ياخي انت زول مستفز يمين لو ما العشرة القديمة كان يفرزونا بالتي شيرتات ...
يا ابو الزوز ياخي ... مش بقينا ... رز بلبن ... ودفعنا عربون ... كم نكتة ... ياخي دولارات الشقق دي انساها ... والله الوضع لو استمر على كده ... الفول المدمس ببقي ...بالدولار ...
=============================== احلي نكتة ... بعد الاحداث الاخيرة ...
Quote: مرات ست بيتي دي بتصرصر لي سااااكت بدون سبب... أقول ليها فتحتي سودانيز أون لاين تقول لي لا... فتحتي الفيس بوك..تقول لي لا... أعرف انو القصة فيها جواسيس و عيون... ناس تفك ليهم آخرك بالنهار يخونوك بالليل...
==================================== والنكتة الاحلي ... سمعتها اول أمس ... في التلفزيون القومي ... بعد عودة برنامج عرس الشهيد ... مبروك عليكم ... وابشركم عرس الشيهبد ... بقي بالعود بس ... المرة دي احترمو عقولنا شويه ...
وقالها المجاهد وقائد كتيبة المعزين من المجاهدين بالفم الملان ... وعلى الهواء مباشرة ... "انا مستغرب من الناس المنتظرة ... الربيع العربي بالسودان ... نحنا ربيعنا قام من 23 سنة ... ثورة الانقاذ هي الربيع العربي الحقيقي ... والسباقة وبقية الدول الآن تسير على نهجنا .... وبنقلو في تجربتنا ... آل منتظرين الفرج من .... آل هنئاً لهم ...
معليش يا جماعة اللياقة تعبانة و ذلك من جراء عتالة العفش و لا تفوت على فطنة القارئ إنو أنا رحلت البيت الجديد و بقيت من أصحاب الملاك (يعني دوق وكدا) و دا بعد مشقة و تعب ما يجي نجيلة و يكب الحنك بتاع الدولارات هنا العضة مؤجلة إلى حين الظروفو ما مساعداهو يجي العضة حنرسلو ليهو عضم حددو إتجاهاتكم و عناوينكم العدد المسموح به لا يزيد عن .... دقيقة أسأل بت الشيخ و أجي
Quote: الف الف مبروك يا جلال بالمناسبة دي مفروض تجيب حنانة لي بت شيخك وحقنا في الكرامة رسله لينا شرموط
غايتو الدخاخين طششت بيك
Post: #5162 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-18-2012, 10:21 AM Parent: #5158
Quote: الظروفو ما مساعداهو يجي العضة حنرسلو ليهو عضم حددو إتجاهاتكم و عناوينكم العدد المسموح به لا يزيد عن .... دقيقة أسأل بت الشيخ و أجي
ألف مبروك يا حبيب
ولكن أنا عارفك بعد ما أخدت ليك مفراكتين في رأس ما بترجع تاني
Post: #5160 Title: Re: ناس الزقازيق ... أجدع ناس (4) .. Author: منصور عبد الرازق Date: 04-18-2012, 10:02 AM Parent: #5157
احداث هامة فى الصفحة خمسة وستين
* زهير الزناتى بقت لايكاتو من الحجم الأكس لارج * فلل ياسر نجيلة نقصت واحدة , وجلا رحل لى بيت جديد , هسى عليكم الله ده مش ياهو ذااااتو الرابط السرى بتاع اسبيس توون * الرشسد بابكر ساكن فى الأسانسير , والفلبينى قالوا لغاية هسى جارى * نجاة حوفى ما عندها اى علاقة لا بالصفحة دى ولا بالقبلها , ومحمد عييد لا ضرب ليها تلفون ولا ضرب ليها تلفون * تلجة فى الأول , وتلجة فى الأخير , سندوتش تلج عديييل يعلم الله * معتصم سلمان جعفر شخصيا ؟؟!!!!!!!!!! * ياسر نجيلة عمل خمسة مداخلات فى صفحة واحدة , حالتو صفحة من الصفحات الخلاقة بتاعت بكرى ام ما بعرف كم مداخلة ديك * ميسرة سيد احمد ما براهو , حايكون معاهو منو يعنى ما منى يونس ولا منى الخير , غايتو عبد الدائم ده ؟؟!!!! * البادى النور لسه رايح , لكن ولا شغالين بيهو الشغلة , معقولة بس المعز البادى مع بعض , كفاية علينا واحد * بشة كييييييف ؟؟؟؟!!! * هجليج احتلوها السودانيين الجنوبيين , انعل ابو البترول زااااتو * وانا مالى ومال الدولار * الحمد لله لا عندنا اسانسير ولا حاجة , بس عندنا فلبينيين , ولا لازم الأسانسير * غايتو جلال ده !!!! * هسى عليكم الله فاطنة ام مصطفى محمد عيد , ورجاء ام روعة نادر فاروق , وام محمد المصطفى موسى عيسى ديل ما بيستاهلوا ليهم فيلا من فلل ياسر نجيلة ديل , * هسى فى زول جاب سيرة ميار زهير الزناتى ؟؟؟يا ابتهاج ؟؟!!!!! * امبارح ما لقيت ليكم زينب التيجانى فى الفيس بوك , بتكلم جد والله !!! * حاج الركز وعفاف وكمال الشادى , حانقلع منكم باسويرداتكم دى كان ما اتصلحتوا معانا اتفضلوا معايا سمك فرايد وسلطة اسود عليها دكوة سودانية , الواحد ما يتغدى معاكم يعنى ولا شنو ؟؟؟
Quote: و بقيت من أصحاب الملاك (يعني دوق وكدا) و دا بعد مشقة و تعب
يشقق اضنينك الكبار ديل...
ده كلام تجي تقولو هنا في البوست ده... حسه لو بنات الشيخ قروا الكلام ده يقولو شنو... جلا القاعد في السودان لا اغترب و لا يحزنون عمل ليهو بيت... انت قاعد تعمل في شنو ليك أربعتاشر سنة... غير ما عملت ليك كرش و .........مافي داعي... المسنجر ده عملوهو لي شنو...
شكراً للجميع قلنا ما دام ما عندنا عيد ميلاد يباركوهو لينا و لغاية ما عمر يمتحن الشهادة قلنا نجيب الحنك دا بس فات على فطنتي إنو المسألة بتجيب ليها مساءلة
Quote: مبروك..من غير نفس....
و الله دي مبروك بي شق الأنفس و كمان مكيفاني للآخر بالمناسبة الكوتش حا يرحل بيتو السنة الجاية يعني بتكون مغلوب 15/ صفر
يا منص: طارق جبريل قاعد يتكلم معاك ولا منتظر الأصانصير!!!!! عالم ج ب ان ات بشكل منقطع النظير زاتوووووو
Post: #5165 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-18-2012, 11:24 AM Parent: #5164
ده اليوم الدايرنو ليك يا جلا مبروك عليك والعقبة لهناي اخوك ....
ما وريتنا الحتة السكنت فيها اسمها شنو .... اكيد ما كافورى ... ومنطقة عامرة ولا طرفية ... فيها حرامية ولا امنة .. القطعة الوراكم فاضية ولا مبنية ...
هسه القروش الدفعتها فى الايجارات ما كان جابت ليك فيلا من فلل نجيلة
Quote: اتفضلوا معايا سمك فرايد وسلطة اسود عليها دكوة سودانية , الواحد ما يتغدى معاكم يعنى ولا شنو ؟؟؟
و الله أظنك خجلت سااااكت قلت اتغدى...
أنا عارف انو دي النقنقة بتاعتك...
قول غداء ما نقنقة..سمك فرايد و سلطة أسود بالدكوة كمان...
ليه حارم نفسك كده ياخي... أماني دي عايزه تكتلك لينا و لا شنو... حسه تكون نزلت خمسة كيلو... قصدي جيت شايل كونتينر مليان سلطة و سمك فيهو خمسة كيلو... حسه راجع بيهو البيت فاضي... نزلت خمسه كيلو و لا ما نزلت...
لا يخفى على فطنة القاريء اني قاعد لسه في المكتب و جعان.. و منصور كاواني بالسمك الفرايد و سلطة الأسود...مع العلم اني ما بحب السمك... لكن كاواني بي سلطة الأسود دي...
الله يبارك فيك يا ديدو عارف أول حاجة الواحد ختا الصحافات و الخرطوم عموم عارف ليه؟؟؟ عشان الواحد ما يكون قريب للميناء البري و يرجع كسلا البيت في أم درمان و بالتحديد في الفتيحاب المكان وسط الفتيحاب الحالة الأمنية تتوقف على نوعية مظاهر البيوت بيوت الدرجة الأولى الحرامية فيها عصابات بيوت الدرجة التانية الحرامية فيها بتاعين دهب بيوت الدرجة التالتة الحرامية فيها بتاعين موبايلات البيوت الطرفية الحرامية فيها بتاعين حلل و صواني و عدة القطعة الوراي بتاعت لواء معاش و بتاع جيش
والله يا جلا جيت جاري جري ابارك ليك البيت غاينو عرست وحجيت وبنيت البيت فاضل ليك تغترب بس بعد كدة "بعد الشر عليك" الف مبروك ياحبيب ربنا يجعلوا منزلاً مباركاً ----- والله يا جماعة امر بي حالة دبرسة "لدرجة المبالغة" درجة المبالغة دي مافي زول يتعقد من القوسين بتاعنها ديل كان جا سامي بي هنا بشرحها ليكم
ومن الصباح كتبت زي كم وشليون سطر كدة ومسحتهم الحل شنو يا جماعة ؟ ولا متين يعني؟ اللهم ارفع غضبك ومقتك عنا يارب العالمين
غايتو اقبلوها منى مداخلة لغاية ما يبين لكم صاحب في الوضع المش فايت دا
يا منص ياخي انا موش هديتك ليك هدية فوق وتيييييييييب
التجاهل التجاهل التجاهل
يا زول فى الأسانسير ساكت الليلة اكلونا سمك فرايد وسلطة اسود تجيب لينا حجر الأساس بتاع كبرى توتى وياسر نجيلة كمان , قال مشتح !!! حجر فى توتى , وحجر فى شارع النيل انحنا حجر الشيشة براهو بيقوم نفسنا , زى محمد عيد ده انا بخاف من حجر الشيشة يطلع لى حجر الأساس
بتنا زينب التجاني ... عيد ميلادها الخامس والعشرون .... شمعمة فوق شمعة ... والسعادة في زيادة ... مبتهجين ولامين كلنا بنبارك ليك .... وتأكدو سعادتنا في لمتنا ... وعمرنا محسوب من يوم ... ما اتلمينا .... عيد ميلاد سعيد ... يازوبة ...
====================== يا جماعة حصلو منصور ده ... بقي يهضرب زي ... يونس شلبي ... عليك الله يامنصور ... بتاكلو سلطة اسود ... غايتو انا ايامي البيضا كلها يوم .. الاسود ... وبحسب اليوم الابيض لما يكونو التالاتة وجباب ... اسود ... اجدع لينا صحن يامنص ... ربنا يبيض أيامكم انت وصاحبك رشيد القوم ... اول مرة اشوف ناس بتحب .... الأسود ....
أول حاجة نهني زوبا بعيد ميلادها... كل سنة و انتي طيبة يا زوبا.... كل الأمنيات الطيبات بعمر مديد مع وافر الصحة و العافية... و تتحقق كل الأمنيات و على كل الأصعدة... و يخلي ليك ماما محاسن و العيال و أبوهم...
جلال..الكتابة و المسح ديل ما دليل دبرسة... ياما كتبنا و مسحنا و ياما كتبنا و ما مسحنا... و ياما كتبنا و صرفنا نظر عدييييل كده... و مرات كده بشعر ان الفرق بين الدبرسة و الانبساطة شعرة... عايز تدبرس بتدبرس عايز تكون مبسوط بتكون مبسوط... المهم كل ما تحاول الدبرسة تداهمك أبعد منها للانبساطة... ربنا يجعل أيامك كلها انبساطة ان شاء الله...
سلطة الأسود الأولى مكررررربة يا ياسر.... أول ما شفتها كده جاني حرقان طوالي... تعرف أنا ممكن آكل سلطة أٍسود في كل الوجبات... لكن مشكلتي معاها الحرقان... ممكن نلقى عندك وصفة نتجنب بيها الحرقان...
كل جارهم الوراء لواء في الجيش... انت ساكن في القيادة العامة يا عمك...
تاني حاجة أفرد المداخلة دي للسؤال عن الكوتش... الزول ده كان بيعاني من صعوبات في انزال مداخلاته... ثم اختفى في ظروف غامضة... وينك يا كوتش... ان شاء الله تكون حضرت مباراة البارشا و تشيلسي...
عجبتني الكورة جدا طبعا أكتر من كورة الريال و البايرن... لكن اكتشفت ليك انو عصام الشوالي معلق الجزيرة ده ما نصيح... قال ميسي سجل 25 هدف في 15 مباراة... سألته متى تتوقف يا ابن التانجو... قال لي لن أتوقف... متى تتوقف يا ابن البلوجرانا... قال لن أتوقف... متى تتوقف أيها الساحر... قال عندما أتجاوز الثلاثين من عمري... سكت ثم أجهشت بالبكاء...
Quote: تعرف أنا ممكن آكل سلطة أٍسود في كل الوجبات... لكن مشكلتي معاها الحرقان... ممكن نلقى عندك وصفة نتجنب بيها الحرقان...
شوف يا حبيب ... بعد عمر الخمسة وعشرين سنة ... الحيرقان ده شئ طبيعي ... انا حكايتي معاهو كالتالي ... اول ما بدأ معاي من زمااااااااان نهاية التسعينيات ... كنت بشرب اندروس ... ولما يكتر على خالص ... بمص لي حبة .. رينو .. بعد كم سنة حولنا لشراب المالوكس وماشابه ذلك ... وبعدها دخلنا في ... الزنتاك .... اها الزنتاك زاتو بقي مابشتغل ... هسع شغالين في ... النكسيوم .... وحأعمل منظار بعد اسبوعين ... ده كلو بسبب ... سلطة الأسود ... واخواتها ... احسن حل اقول ليك ... خليها ... اما انا ده ... لو بدلو لي كل مصاريني ... بخرطوش PVC أسود - تلاتة ونص لينيا برضو ما بخليها ... ياخي دي أكلة عجيبة خلاص ... واسمها اعجب ....
========================== كدي خليني الاضرسكم شوية ... بالامس بعد ماحضرت مباراة المريخ ... وجزيرة الفيل ... طبعا مستمتع ... خالص قلت كدي النشوف شوية من المباراة السينمائية بتاعة الانجليز والاسبان ... تشلسي وبرشلونة ... لا تعليق ... بالبرغم من ان درودبا أو دروجبا ... احرز الهدف ... ولكن مازالت كورتة ... افريقية ... والزول ده قريب يخرب الكورة كلها .... عملها كلها فنجيط .... ووقيع .... غير كده ... المصوراتي العندهم بالغ عديل كده ... بالله فلم هندي بس ... عموما ده رأي في ...الكورة كلها ... كلها استادات ... حتي استاد ود مدني ...
المهم ... طول الليل امس لابد في التلفزيون السوداني ... القومي طبعا بعد ماخلصت الكور ... وبين الأشواط ... صادفني خطاب الرئيس ... الزول ده اصلو بتكلم كده من زمااان ... ولا انا مستجد ... عموما ... نتيجة للفراغ السياسي الذي نعيشة ... خاصة للناس المامسيسين زينا ... وهم كثر ... اذا ناس المعارضة ديل وا جابو لينا برنامج واضح ... ومتكامل ... يحرك مشاعرنا لمساندتهم .. غير العويل والنبيح ... دي ضربوها وده سجنوه ... وده كلامو مخالف للقوانين الدولية .. وده ماعارف ايه ... كلام لابودي ويجيب ... ادونا حاجة منظمة ومدروسة ... للخلاص .... وتكون بديل للحاصل ... نقتنع بيهو ... وإلا ..... سوف ........ غير نادمين ... انت يا عصام دهب .... عملت بيت ولا لسه ...
يا جماعة انا قائل روحي براي الدنئ في سلطة الأسود .... ياخي ما حصل مشيت محل الخضار ما جبت معاي اسود بت شيخنا لمن بقت خبرة في سلطة الأسود بكل أنواعها ومخللاتها .... يبقي في شئ لازم الناس تدرسه هل كل السودانيين بيحبوا سلطة الأسود ولا دي حالة عند ناس الزقازيق ... ولا بس خاصة بالبوست ده .... ياخي انا بكتب ولعابي سائل رغم اني ضارب سندوتشين ابو كديس ... يا رب امشي البيت القي في الغداء سلطة أسود ... رغم أنه امابرح آكلنا اسود مسقع ...
قصة مهداة لياسر نجيلة : مرة مشيت مع صديقي نادر فاروق لعزاء والد حسن أبو علي في الشجرة ... قام قال لي تصدق البيت ده حق أبو علي ذاتو ما شضاء الله عليهو .... انا طبعاً متخصص أدور نادر فاروق .. قلت ليهو خليهو أبو علي أنت بيتك وين مع الرجال ... لي يوم الليلة ساكن مع نسابتك ... بزعل قال لي انا بيتي في الجنة لكن انت يا شيوعي يا معفن لا بيت دنيا لا بيت آخرة (حسب علمي القصة دي 514 شفاهة وليس كتابة) ...
يا رشدي أنا اي كورة ما أحضرها للبارشا يا أتغلب يا إتعادل .... السنة الفاتت أي كورة حضرتها للبارشا أتغلب .... حظ عجيب ... في النهاية بيجو الكامب نو يتلطشو زي المافي حاجة بالذات ناس شيلسي دي متعودة .....
Post: #5180 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-19-2012, 07:25 AM Parent: #5179
الوصفية السحرية لسلطة الاسود من غير حرقان هدية ليكم مجان كده عشان انا برضو بحبها...
قطع الاسود ( ترنشات .. ترنشات ) يا نجيلة
وامسحو بشوية زيت وختو فى الصينية و دخلو الفرن اول ما تشوفو لونو بقى احمر .. طلعو من الفرن واعمل خلطتك العادية ... وبالهناء والشفاء
كده لا كلفت نفسك زيت قلى كتير ( سبب الحرقان ) والمشوى برضو بعمل حرقان اكتر ..
Post: #5181 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2012, 07:59 AM Parent: #5180
هو انتو قائلين اهم حاجة فى سلطة الأسود شنو ؟؟ انها سلطة ؟؟ كضبا كاضب انها اسود ؟؟ كضبين كاضب اهم حاجة فيها انها بتعمل حرقان !! والله صحى لو ما بتعمل حرقان , الكان اكلا ليكم منو ؟؟!! لمن يسار نجيلة حكى لينا حكاية علاء محمد سعيد اخو رشا البندعو ليهو سرا وجهرا انو ربنا يرفعه ويطمن اهله وولياتو عليهو وقال انو بداية مشكلتو مجرد حرقان فى الأكل طوالى عرفتو ليك بيحب سلطة الأسود اها , رشا زاااتا طلعت بتحبها والدليل انو نجيلة كمان ماشى يعمل منظار وبدأ يفكر فى خرطوش البى فى سى بس اتنين بوصة ما كتيرة يا مفترى لو لقيتو كلمنى عليك الله , انا غايتو لا بعمل منظار ولا بعمل منظار بس سلطة الأسود , بكسرها ليكم بى اى حاجة , ان شاء الله سمك فرايد ونديها بعد داك حبة نكسيوم عاااااادى , اصلو النكسيوم مفيد لى سلطة السود اوى اوى لا حول ولا قوة الا بالله , متكلشى سمك ولا بيض ولا سلطة اسود
Quote:
عليك الله يامنصور ... بتاكلو سلطة اسود ... غايتو انا ايامي البيضا كلها يوم .. الاسود ... وبحسب اليوم الابيض لما يكونو التالاتة وجباب ... اسود ...
بس ما ياها دى بتاعت امبارح يا نجيلة جيب لينا صورة ديك , الفيها دكوة ياخى , ولا انتو بتسموها زبدة الفول السودانى زى ناس نجاة حوفى ؟؟؟
* الى زينب التيجانى خلاص كبرتى و بقوا ليك (كمتاشر سنة ؟؟)
Quote: كده لا كلفت نفسك زيت قلى كتير ( سبب الحرقان ) والمشوى برضو بعمل حرقان اكتر
يا ديدو الحتة دي ملخبطاني شوية... اذا الأسود المقلي الزيت سبب الحرقان... و قمنا حليناها بالفرن... المشوي ده سب الحرقان شنو؟؟؟ ما تقعد تقول لي الليلة الخميس... و الأسئلة الزي دي صعبة علي يوم الخميس... اذا ما جاوبت السؤال ده ما تمشي بيتكم...
وين الليلة جار اللواء... مشيت شفت الصورة بتاعت البيت الجديد في الفيس بوك... الصورة شكلها كده مرتبه.. عشان رفعت قااااشر و انت لابس جلابية بيضاااااء... السيراميك ما عندكم لكن... ان شاء الله يتكسر بي عرق العافية...
يا أبو الزوز المرة الفاتت برشلونة طلعت تشيلسي بالحكم... المرة دي ناس تشيلسي جايبين معاهم 5 ألف مشجع انجليزي... ما عشان يشجعوهم ... عشان يقفلوها معاهم وراء بالضبة و المفتاح... و الله ميسي ده الا يبقى توماهوك...
الافتراء ده كلو يا موسى عشان صاحبك عمل ليهو بيت...
Post: #5183 Title: Re: ناس الزقازيق ... أجدع ناس (4) .. Author: منصور عبد الرازق Date: 04-19-2012, 08:25 AM Parent: #5181
هذا الباذنجان , زول لذيذ جنس لذة حاجة فيها جنس مرونة , وين ما توديها , تمشى معاك عايز تحشيها , تتحشى ليك تقطعها , اصلو ما بتقول ليك لا تهرسها , ولا شغالة بيك تعصرها , تتشرب ليك زى الترتيب عشان كده انا بعزها اعزاز شديد هى وصديقى اليوسفى , الأكتشفتوا على كبر من اعز اصحابى ياخى شكلوا لى فى حياتى فرق بتاعت انقاذ , فى اوقات ذروة ووزنقة , اظنها مرت على الكثيرين انا اصلا فى حياتى دى , زول سبهللى سااااى لا عندى نظام ولا عندى ترتيب من زمنى الطالب , فى المتوسط والثانوى آى متوسط !!! بتعاينوا لى مالكم , عاملين فيها قريتوا الأساس ولا شنو ؟؟؟ عاااادى عندى اكون حايم مع زملانى الأياميها ديك كانو نفسهم اولاد حلتى , واجى داخل البيت توووش معاى اتنين تلاتة اربعة منهم وناس البيت عادة بيكونوا بعد ما انتظرونى للغداء وفتروا , سفسفوا وانشغلوا الى شئونهم الخاصة الأخرى يعنى برنامج الغداء ده , بيكونوا انتهوا منه زمااااااان نفس الشىء , ايام الأجازات الجامعية , لمن دار الأتحاد الصيفى كان بيكون فى الفرع , او حتى ايام وزارة الزراعة والجمعيات التعاونية الزراعية عطالة طبعا , لا شغلة ولا مشغلة , يا طبيت معاى فى يدى عاطف القوز ولا محمد المرتضى ولا مجدى عبد الله ولا اى من الشباب البيكونوا جايين يا من مدنى ولا غيرها اها , الزمن داك لا فى جوالات ولا فى جوالات نصل البيت متأخرين كالعادة الجماعة حصة الغدا عندهم انتهت , وفول دكان عمك خليل الجنبنا , لسه بيجقجق فى قدرتو او لغااااية هسى , ومع توفر الأتصالات ووسائله , عندنا زملاء شباب سودانيين كتاااار فى الفروع اى زول فيهم يجى لى شغل او مصلحة , اطبوا ليك معاى واحنسوا , ونمشى البيت , وحصة الغداء برضو تكون انتهت اها , فى اللحظات دى , الله يطراهم بالخير اخواتى زمان , وست بيتى حديثا , او حت كمان لمن كنت لسه عزابى وقاعد مع اسرة حجازى اخوى الله يرحموا النساوين طبعا , بيحبوا ليك القومة والقعدة , وانا ومعاى اصحابى واصدقائى , ما عندنا اى قشة مرة صديقنا الباذنجان كان صديقا وفيا فى اللحظات ديك بيتجلى جنس تجلى بيفرد اجنحتوا ويتحول لى غرندايزر عديييل , ومرات فولترون المتحول كمان السمح وكبار منو , نحشيهوا والمعفص وصغار , نهرسوا والنص نص , طرنشات طرنشات يا عبد الدائم شى بالدكوة , وشىء مسقع , وشىء محشى , وشىء بالصلصة , وشىء طرنشات , وشىء مكعبات وليمة باذنجان ما تخرش المية وحاتكم نضرب ونتغزل , وآخرتا الجماعة يقولوا لى , عامل لينا وليمة حضرتك اقول ليهم , قولوا ما شاء الله اكتشفت اننا مرات كتيرة كنا بنأكل اشكال الباذنجان دى قايلنها لحمة انها سلطات الأسود يا صديقى
* هذه الحكاية , فى باكتش واحد مع كرعين طارق جبريلا الفوق ديك , وفوق راسهم كرامة جلا الأحتمال تكون يوم الجمعة وعليهم (اسباب سهرى الما معروفة ) كلها هدية للولد الطاعم جلال , وكان غلبوك وزادوا تلبكك , الشكوى لى الله عاد , الا تأخذ معاهم حبة نكسيوم , وتركب الأسانسير , وتتثاءب , وتتفرج فى البيحصل للفلبينى الجنبك
ضللوك.. خدعوك.. افتكرت البوست مهكر.. لكن الجماعة في الفيس بوك.. حتى من كلمة صباحو حرموك.. استغلوا الطيبة في قلبك... و بي اسم الزقازيق استكردوك....
في اتصال تلفوني مع ميسي قبل الكلاسيكو... طلبت منه اذا سجل هدف في الريال أن يكتب في تي شيرت تحت الذي يلعب به... أن يكتب هجليج سودانية..تضامنا معنا... و لأن الكورة أصبحت صناعة و احتراف.. قال لي و بالمقابل حألقى شنو منكم... قلت ليهو حنخلي حكامة من المسيرة تمدح فيك لحدي ما تموت... تقول فيك....
هيهيهي هيهيهي فارس الرجال ميسي... ما بتلقى مدسي... شاقي الدفاعات زي التقول جيمسي... لا بيهمو ناس الريال..لا بيهمو ناس تشيلسي...
قام وافق..لكن للأسف ما قدر يسجل أمبارح.. قلت يا ريتني كان كنت اتفقت مع كريسيانو.. رغم اني عارفو صعب و ما بيقبل بي مديح حكامة بس... امكن يقول الا محجوب شريف يكتب فيني قصيدة...
فاتني أقول ليكم أمبارح كنت مشغول جدا و ما قدرت أجي...
و اليوم برضو مشغول لكن لكن ما بقدر أغيب يومين... يقوم الريس يعمل لي لفت نظر....
رشيد القوم ... ياخي هاردلك ... واضح انو كريسيانو رونالدو ... بلعك كلمات الشعر الجميلة دي ... اعدادك الجميل ... لاحتفالك بفوز البارشا ... ولكن الريال قلب لك الموازين ... معيش خيرا في غيرا .... برغم الخسارة برضو ... اتفشيت ونزلت كلماتك الجميلة ...
Quote: هيهيهي هيهيهي فارس الرجال ميسي... ما بتلقى مدسي... شاقي الدفاعات زي التقول جيمسي... لا بيهمو ناس الريال ..لا بيهمو ناس تشيلسي
غايتو ناس الريال ...عرفناهم ... الله يستر عليكم من تشلسي ... فعليك تجهيز كلمات متوازنة ... تتحمل المفاجاءات ... والهزيمة ... كأن تعدل الابيات ... مثلا ... هيهيهي هيهيهي فارس الرجال ميسي... ما بتلقى مدسي... شاقي الدفاعات زي التقول جيمسي... لكن الريال ... ورونالدو فار ذي الببسي ... ودي حال الدنيا ... لو انداس من الريال او تشلسي في الكامب نو عقر دارك .. وديل ضيوفك كن جوك بالطيارة أو بالتاكسي ...
=================================== ملحوظة للسادة المقرضين ... انا ماعندي اي علاقة بالكورة العالمية ... ريال ولا برشا ... فقط حسيت بمصيبة ولدنا الرشيد ... انا بتاع ناس ... بلة جابر ... وكلتشي الشرابم مريسة ....وتشجيع بدون جكسي ..
صباح الخير يا حلوين يا رشا لا تحزن انا معاك مرابط في هذا البوست رغم حزني على البرشا
غارديولا كان غبي جدا في اللعب بي ثلاثة مدافعين خصوصا في غياب بيكيه وابيدال وكان عليه اخراج توليو الصغير دة ويعوضه اما بكوينكا او بيدرو وكان ممكن يستعين بي سيدو كيتا لانه لاعب ارتكاز وممكن يكسر هجمات الريال وعنده مقدرة عالية جدا على قتل لعب الخصم خصوصا انه عنده نقص واضح في الدفاع وكسافي عندما يكون ما في يومه البرشا كلها بتكون ما في يومها
Quote: رشيد القوم ... ياخي هاردلك ... واضح انو كريسيانو رونالدو ... بلعك كلمات الشعر الجميلة دي ... اعدادك الجميل ... لاحتفالك بفوز البارشا ... ولكن الريال قلب لك الموازين ... معيش خيرا في غيرا ....
Quote: يا رشا لا تحزن انا معاك مرابط في هذا البوست رغم حزني على البرشا
و الله يا جماعة أنا بشجع الريال.. لكن معجب بي ميسي... لأنه موهوب للحد الخرافي... ناس الريال غلبوا البارشا صعلكة كورة... خاصة مع ميسي... و كانت توقعات جمهور البارشا في محلها.. كانوا متخوفين من ماسكارانو و كان تخوفهم في محله... خاصة في هدف كريستيانو رونالدو فلقد وضح فارق السرعة... الا انني أعتقد ان جوراديولا كان عينو على مباراة تشيلسي أكتر من الكلاسيكو... و الا لما أبقى اليكسي سانشيز و فابريجاس في مقاعد البدلاء... لأن الولد تيلو ده واضح انه كان بيحاول يصنع مجد شخصي ليهو... و نسى أن البارشا قوتها في الكورة الجماعية... سامي خضيرة و كريستيانو كان نجما المباراة... و أوزيل يكفيه تمريرته السحرية التي أحرز منها كريستيانو الهدف... لأول مرة يكون دفاع الريال متماسكا...
الليلة وين جار اللواء يا جماعة...
غايتو يا جلا سطورك قلت من ما عملت ليك سيراميك... المفروض زحلقة سااااكت تزيد...
Post: #5196 Title: Re: ناس الزقازيق ... أجدع ناس (4) .. Author: منصور عبد الرازق Date: 04-22-2012, 11:40 AM Parent: #5195
سودانيز اون لاين , بقى حاجة صعبة خلاص من صباح الرحمن , فتحان ساى ابى يفتح لى وبدا لى ان تلك مشكلة عامة , بسبب زيادة الطلب مع احداث هجليج ومباراة كلاسيكو الأرض زى ما سموها ناس الشوالى ريال مدريد , ارتفع اخيرا لمستوى ثانى احسن فريق فى العالم بجدارة تفوق بالأمس تفوقا كبيرا وظاهرا على البرشا مورينهو اثبت ام مشكلته فى التوتر والأنفعال متى ما سيطر عليهما , فانه داهية كروية لاتجارى والغريب انه عليه ان يعرف ويتأكد , ان لاعبى الريال سريعو العدوى منه هو بالذات يتوترون عندما يتوتر , ويهداؤؤن عندما يهدا ارتفاع مستوى ريال مدريد وبرشلونة , والفارق الكبير بينهم وبين باقى الفرق الأسبانية مبقى الدورى الأسبانى , زى السودانى طبعا مع الفارق بين الدوريين , والفارق بين الريال والبرشا , والهلال والمريخ الفارق واحد , والمقارنة ياها زاتا ,
* اين انت يا كوتش ؟؟؟العلاقة بين سلطة الأسود والحنة , كان ما ورانا ليها طارق جبريل بوريكم ليها انا , مش اخير ليكم طارق جبريل ؟؟؟
Post: #5197 Title: Re: ناس الزقازيق ... أجدع ناس (4) .. Author: محمد عيد Date: 04-22-2012, 12:41 PM Parent: #5194
جبريلا ونجيلة
غايتو الرشيد دردقكم دردقة واتفشى فيكم ..ز
غشاكم بحكامتو البتغنى لى ميسى ..
وهو مدريدى متعصب جدا
حاول يخفى فرحته ... لكن الانبراشة حقتكم
أحر علينا من خسارة البرشا ...
رش يا حبيب .. مبروك عليكم والايام جيــّابة انشاء الله ..
.....
أمس عملت مداخلة ردا على مداخلة الريس المشى فيها هجليج ورجع طيران
غتست وين ؟؟ الله أعلم ....
انتو المنبر ده فيهو غواصات ولا ناس اتحاد اشتراكى ؟؟
Quote: رش يا حبيب .. مبروك عليكم والايام جيــّابة انشاء الله ..
شكلهم كده حيتقابلوا تاني يا حمادة في الشامبيونز ليق... و برضو الريال حيغلب...
واحد جارنا برشلوني قابل ست بيتي قال ليها قولي للرشيد أنا ما حضرت الكورة... عشان ما أشمت فيهو... قدر ما قلت ليهو مورينهو ده ما بفرط في الدوري السنة دي... قعد يقول لي انتو حتخسروا من فالنسيا و بعدين نجي نحن نغلبكم... و تفوز برشلونة بالدوري... و أنا قاعد و خاتي ليهو الكلام ده كلو... قلت أجرب المكاواة بتاعتي الجهزتها ليهو في ولدي مهند في الأول... مهند برشلوني كبير... قلت ليهو...
ما قلنا ليك الدوري طريق قاسي و صعيب من أوله.. ما رضيت كلامنا و مشيت براك أهو ده الريال استحمله...
المكاواة دي ما أثرت في مهند...عشان ما فهم مني أي حاجة.. لكن قطع شك حتنفع مع جارنا...
يا جماعة زول يكلم الكوتش يقول ليهو أنا قاعد أسأل منو... أما موسى عيسى ده و لا تكلموهو و لا حاجة... عشان هو قاعد يقرأ براهو.. و مطنشنا...
Post: #5199 Title: Re: ناس الزقازيق ... أجدع ناس (4) .. Author: محمد صديق Date: 04-23-2012, 05:20 AM Parent: #5197
سلامات يا ناس
وصباحات التفاؤل
لكم جميعا التحايا والشوق
والشكر اجزله للسؤال عنى....
بسبب صعوبات فى الدخول الى البوست (نمرة واحد)
نمرة اتنين : كنت خارج الخرطوم (كسلا)...لايام....
نمرة تلاتة: بعض المتاعب الصحية (بسبب الكبر) انا وبت الشيخ.
بجيكم .
Post: #5200 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-23-2012, 05:57 AM Parent: #5199
صباح الخير ،،، يا وجوه الخير
أصبحنا وأصبح الملك لله وحده
نجاوى صباحية:
إلهي
قسا قلبي وعظم ذنبي وجهلت أمري وبخلت بالماء عيني
سبحانك يا أرحم الراحمين
============================= حمد لله على السلامة يا كوتش وأجر وعافيه ، سلام للمدام والأولاد
أجر و عافية يا كوتش...ليك و لي ست بيتك... عشان ما تمشي تقول ليها و الله الناس ديل كفروا لي و ما اشتغلوا بيك... و حمدا لله على سلامتكم... و نرجو أن تتجاوز كل أزماتك بما فيها التقنية.. لتعود الينا من جديد منور المنبر...
Post: #5202 Title: Re: ناس الزقازيق ... أجدع ناس (4) .. Author: محمد صديق Date: 04-23-2012, 06:59 AM Parent: #5201
Quote: الف كفارة لبتنا خالدة قسم الباري إنشاء الله أجر وعافية ....
ألف كفارة ... لولدنا الخلوق الرجل الانسان .... الكوتش .... الكمندان .... محمد صديق ... وتمنياتنا بالشقاء العاجل .... أيضا لبتنا ... الكريمة .... خالدة قسم البارئ ... تسلمو من كل شر ...
============================ ياودالزناتي .... نادر فاروق ... غلطان ... ماعندك بيت لا في الدنيا لافي الآخرة ... مش عشان شيوعيتك الكافرة ... عشان غتاتتك .... المفرطة ...... والدليل ماذكرته أعلاه ...
Post: #5205 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-23-2012, 08:46 AM Parent: #5204
حمد لله بالسلامة يا كوتش و كفارة للأخت خالدة غايتو البوست لمن مداخلاتو تزيد من الكم كدا ما عارف يصبح الدخول إليه أشبه بالمعافرة في بيت الإيجار لي أكتر من يومين بعافر عشان أخش لقيت المسألة صعبة بالله من إتقلبت لقيتها ليك باسطة إنعل أبو الجمكسين
Post: #5207 Title: Re: ناس الزقازيق ... أجدع ناس (4) .. Author: منصور عبد الرازق Date: 04-23-2012, 09:02 AM Parent: #5206
كفارة وشركم مقسم على الدقشم (الزيى ) انت يا سيادة العقيد , وانتى يا سيادة العميد
* ما ادام ما بتقدروا على كسلا , وبقت تمرضكم ما تخليكم فى رفاعة القريبة دى ولا امشوا الفتيحاب ياخى
Post: #5211 Title: Re: ناس الزقازيق ... أجدع ناس (4) .. Author: منصور عبد الرازق Date: 04-23-2012, 09:18 AM Parent: #5207
اها , الأمساك ده , باقى ليكم من الحنة والكرعين , ولا من سلطة الأسود الحرقان عرفنا الأمساك لزومو شنو يا جماعة ؟؟ ايفرتون شعلل ليكم الدورى الأنجليزى تانى مباراة من تلك التى تسمى دراماتيكية من واحد صفر لأيفرتون فى بداية الشوط الأول لتعادل فى ما بين الشوطين ثم اكتساح احمر خلال خمسة وتلاتين دقيقة من الشوط الأول , لغاية ما النتيجة بقت اربعة اتنين السير نام ليك فى العسل ولكن الدورى الأنجليزى , تدقس فيه , تلاقى نفسك فى الباى باى حصلت الأسبوع الفات لأرسنال من ويجان وقلب زرق ايفرتون النتيجة الى تعادل رباعى فى ظرف خمسة دقائق انقسمت مانشستر الى نصفين وديفيد مويس ومروان فلاتى والزول اب شعر بتاع جنوب افريقيا داك اكلوها للسير ومعاهم احمد ولدى نااااااشفة , بعد ما ابوها لينة وطرية الأثنين القادم ما نشستر وما نشستر الفرق بينهم تلاتة نقاط , ومعدل تهديفى فى مصلحة السيتنز ومعالم هزيمة الذهاب السداسية التاريخية , تلقى بظلالها على لقاء بحجم بطولة وحصاد سنة صراع المركزين التالت والرابع , مستعر ايضا بين ارسنال ونيوكاسل وتشيلسى وتوتنهام والصراع على الهبوط بعد ان تأكد هبوط الوولفز على اشده ايضا بين بلاكبيرن روفرز , وبولتون , وويجان والكيو بى آر على درجة اقل دورى , انما دورى الليلة الهلالين فى كادوقلى عصرا والسبوع الجاى , ماااااااااااااااااااااااااااذنبى يا لهوى , حالة اخير منها الحنة ولا الأمساك ما عارف امساك شنو يا طارق دى طه القرشى عدييييييل
يا كوتش شنو نسأل منك و تشكر في الجميع... منو السأل منك غيري أنا و منصور... قول أشكر منصور و الرشيد على السؤال... دي ذكرتني النكته بتاعت المره الزعلانه من زوجها و اسمو ابراهيم... في التشهد قعدت تقول اللهم صلي على سيدنا محمد و على آل محمد... كما صليت على ناس كده و على آل ناس كده....
Quote: دي ذكرتني النكته بتاعت المره الزعلانه من زوجها و اسمو ابراهيم... في التشهد قعدت تقول اللهم صلي على سيدنا محمد و على آل محمد... كما صليت على ناس كده و على آل ناس كده....
10 على 10 ..............................
================================= ابو غتاتة ده خليهو .... يوم حيبلع افكارو .... وبتسمـــــم.... ...
يا نجيلة كاريكايترات ظريفة... كعادتك تشيع البسمة كل صباح... جعل الله كل أيامك سعيدة...
الحبر الذي سكب على هجليج احتلالا و استردادا... لو سكب ربعة في الدعوة للخير و اعلاء قيم المحبة و الاخاء و السلام... لأصبح السودان شماله و جنوبه دولة افلاطونية..أو قل دولتان افلاطونيتان...
الليلة البارشا و تشيلسي... أنا ما عندي مصلحة في الكورة دي غير انها توفر لي المتعة... ما عارف أتعاطف مع مهند أشجع البارشا... و لا أتعاطف مع الريال وأشجع تشيلسي.. شنو الدخل الريال هنا... لأني أعتقد ان برشلونة لا تلدغ من الريال مرتين...
حيرتني والله الكرش دي... ان تمنع عنها الأكل تكبر و ان تتركها تكبر أكتر... أجبرتني أحول من الأحذية البي رباط للأحذية الكشف... الله يستر من مرحلة الشباشب... و الجلاليب... و الكرفتات العريضة..خاصة الصفراء و الدهبية منها...
نشكر الكوتش محمد صديق على شكره لنا... و الشكر موصول لأبي غتاتة... و جار اللواء...
Post: #5214 Title: Re: ناس الزقازيق ... أجدع ناس (4) .. Author: محمد صديق Date: 04-24-2012, 05:32 AM Parent: #5202
سلامات يا ناس
وصباحات التفاؤل
إهداء صباحى :
البكاء في هامش القصيده كل يوم في الصباح أرتدي حزني قميصاً وحذائي شارعاً لا ينتظر ومجاعاتي التي تسرق من عطر المطاعم كان لي بيت وأمرأة وعصفورٌ جريح كان لي يوماً وظيفة أشتري منها وطن غير أني لم أجدها لم أجدها لم تجدني حينما قابلتها دخلت إلى ظلي وقالت: هيت لك! لم أكن أقوي على فعل الخطيئة كان نجم الليل يغرق في الرمال وسمائي لم تكن تعرف عنوان القمر ويدي تعبث في خبز الكلام وأنا أطرد عن جلدي ظهري لم تكن أمي بقربي غادرت أمي جحيم الأرض حتي لا ترانيّ أحترق غادرت صوتي لتتركني أغني للبكاء وأنادي لعيال الصمت حتى لا يناموا فأنا أعرف أن الصمت يمتلك الحقيقة وأنا أعرف أن الصمت لغة المتعبين قلت للطفل الذي يخشي الظلام: خذ منامك في يديك ثم أغمض جفنُ أسرارك حتى لا تطاردك الظلال قلت للبنت التي تنظر في وجهي مليّا: من أنا؟ كانت تطارد وجهها حتي تراني لا تراني نحن كنا قاب قوسين من الموت وأدني نحن كنا داخل الجُبِّ المغطي بترانيم الدموع لم أقل لله إلا: ياالهي دثِّر الوطن من الحمي وزملني وامنحني يدي كي لا تطاردني خطاي "2009"
Post: #5215 Title: Re: ناس الزقازيق ... أجدع ناس (4) .. Author: محمد صديق Date: 04-24-2012, 05:56 AM Parent: #5214
سلامات يا ناس
حيكون وضح ليكم انى ما شفت الصفحة 66
عشان كده خشيت ضفارى وبينى وبينكم احترت
قلت الناس ديل من امس مافى زول جا ليه...
القصيدة المهداة فى المداخلة السابقة لصديقنا
الجميل : محمد نجيب محمد على(وللاستزادة يمكن
الدخول الى (ولمن فاتهم الاستماع).
Quote: يا كوتش شنو نسأل منك و تشكر في الجميع... منو السأل منك غيري أنا و منصور...
بت الشيخ و عيالها في كسلا سألت البت الكبيرة قلت ليها: ليه ما بتضربي تلفون و تسألي مني؟؟؟ قالت: و الله ما فاضية عشان عندي درس قلت ليها: كيف يعني ما فاضية قالت: ما نحن قاعدين نراجع الدروس و هس زاتو ماشين ناكل و ما فاضين قلت ليها: خلاص أديني أمي قالت: ماما عند ناس حبوبتي التانية قلت ليها:أديني أمي أنا قالت : طيب ما تقول حبوبة بعد السلام مع الوالدة قلت ليها أديني إنتصار قلت ليها: ياخ إنتي مش صحبتي!! ما قاعدة تضربي لي تلفون ليه؟؟؟؟ قالت أنا زاتي ما عندي تلفون قلت ليها: طيب ما تشيلي من عماتك!!! إنت ذاتك لمن قاعد تسافر ما قاعد تضرب لينا وزاتو زمن الدرس جا مع السلامة
قلت الحمد لله ما إتلمت مع عمر خايف يقول لي إنت ذاتك منو!!!!
كدا بكون مغلوب 5/صفر
Post: #5218 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-24-2012, 07:10 AM Parent: #5217
صباح الخير ،،، يا وجوه الخير
إهداء إلى ناس الزقازيق
وكمان إهداء خاص لعمو جلا صاحب البيت الجديدوالعمر المديد
القصيدة جميلة يا كوتش بتعبر عن الكوتش الحقيقي الإنسان والله كنت متخيلك تهدي لي القصيدة دي ما عارف ليه لكن عشمي طلع علي فشوش ... لكن برضو انا ونجيب ما فرق كبير كلنا حلب ... غايتو القصيدة دي بتشفع ليك انه نقول ليك كفارة وسلامتك ... بس كورة أمبارح دي ما عارف الواحد يقول فيها شنو ... غايتو البركة في قون مهند الطاهر ... ياخي الولد ده موهوب ... طرح المدافع والحارس وجمعهم ... والناتج كان هدف جميل ... غايتو يا مريخاب لو طلعتوا من مازيمبي ده باقل الخسائر مفروض تمشوا الحج السنة دي .... فريقكم الشايفه انا ده غايتو الله يكون عونكم .... اجمل ما قرأت في الفترة الماضية عمود لمجذوب حميدة في الصحافة ... قال المريخ افضل من مازيمبي ومافي مقارنة ... الما مصدق نجيب ليهو العمود بضبانته .... اها ولدكم الرشيد ده ما يعمل ليكم فيها برئ ... يمين حايم الفيس بوك بكراع ###### ... الا جات بت الشيخ ادته هرشه ...
يا نجيلة الأسم الكاتبه في الموبايل لبت الشيخ ما في داعي اقوله عشان ما اعمل ليكم فتنة ... وأجيب لروحي هواء ... الغريبة هي كاتبة زهير الزناتي .... انا أصلا ما كتبت أبتهاج نهائي ...
اما بخصوص المدعو جلا ده كرهنا ... نمشي الفيس نلاقهو نجي هنا نلاقهو ... الله يجيبك يا موسي عيسي ... ياخي إنتصار دي الظاهر حا تشيل لينا حقوقنا من المدعو .... بالمناسبة أولاد الزمن ده كلهم كده ... والله أنا ميار لمن تقلب لي عينها كده وتقول لي بابا بتشديد البا وجرها طويلة براحة بضاير .... حليلك عمك الزناتي لمن يقول يا بت بنات البيت كلهم يجوا بأمهم ....
Quote: اها ولدكم الرشيد ده ما يعمل ليكم فيها برئ ... يمين حايم الفيس بوك بكراع ###### ... الا جات بت الشيخ ادته هرشه ...
يا أبو الزوز جيت يومين كده أختبر لياقتي... لقيت نفسي ما قادر على الايقاع السريع بتاعكم ده... لقيت نفسي ياخي شغال زي العرضحالجي..من بوست لي بوست.. و بقى يا أشتغل يا أقعد أتابع الفيس بوك...
ده طبعا بالاضافة للهرشة بتاعت بت الشيخ... قالت لي خليني تاني أشوفك في الفيس بوك...و بس.. ما تمتها...قلبت الموضوع في دماغي... قلت لي نفسي أحسن أعمل انسحاب تكتيكي.. مع العواقب الما معروف طبيعتها و مداها دي...
Quote: يا نجيلة الأسم الكاتبه في الموبايل لبت الشيخ ما في داعي اقوله عشان ما اعمل ليكم فتنة ... وأجيب لروحي هواء ... الغريبة هي كاتبة زهير الزناتي .... انا أصلا ما كتبت أبتهاج نهائي ...
ولو تصدق يازهير ... انا اسم بت الشيخ كاتبو .... Rasha كده حاف ... والجميل في الامر ... تلفون البيت كاتبو ... Rasha Home ... والمغالطني يجي ...يشوف
والذ حاجة هواتف ازواج اخواتي او خالاتي او عماتي بعرفهم باسم بت الشيخ مثلا ... عاطف مني ... عاصم اميمة ... بكري اميرة ... بكري رحاب ... وهكذا ... ويكون العكس بخصوص زوجات اخواني وخيلاني ... شذا خالد ... واميمة حاتم ... ومها على ... وهكذا ...
===================== لعيبة المريخ امس وصوهم ضد اهلي مدني يعملو حسابهم ... مايلعبو شديد عشان ما يتعوقو ... خلو المجهود .... واللعب القوي ... لي قدام ...
هدف مهند الطاهر ... روعة ينم عن موهبة فردية عالية ... بس نادر ما نشوفها في الملعب ...
========================== جلا ... ياخوي ... الوداك تهابش مع العيال شنو اولادك لما يمشو اجازة لحبوباتم ... اضرب للحبوبات ... واسألم عن الاولاد بي امهم ... اسأل مجرب ... وبلاش احراج
Post: #5226 Title: Re: ناس الزقازيق ... أجدع ناس (4) .. Author: منصور عبد الرازق Date: 04-24-2012, 10:35 AM Parent: #5225
جية الكوتش اسعدتنا وكاركيتيرات نجيلة ضحكتنا واسامى الجكس فى الموبايل دايروكتوريس , ابهجتنا وهرشة البت ميار والبت انتصار للعاملين فيها اسود الغابة ديل , كيفتنا (الراجل يجى يقول لى هرشة لى هرشة ما دخلت مع الهرشات هرشة نجاة حوفى للود الرشيد لى شنو ؟؟) وقصيدة محمد نجيب محمد على , عجبتنا بس صفحتكم دى ما فيها حنة لى شنو ؟؟؟
كان عندي كلام كتير عايز أقولو بخصوص اسم ست بيتي في موبايلي... و اسمي في موبايلها... لكن مع زحمة الشغل نسيت أنا عايز أكتب شنو.. المهم... أنا مسجل ست بيتي في موبايلي ست البنات و معاها صورتها كمان... و هي مسجلاني عشاء البايتات...
كان ما قسمت معاكم المكنة دي كلموني عشان أعمل تصحيح طفيف...
ازيكم ياخي وعفيت من انتصار بتنا ويا جورج ما تشوف شر ورشا بيكون شاف الحنة بهناك وكبة الزوغة
ما بين البركل والخرطوم حكاوي من زمن جميل (1)
أتى والدي إلى الخرطوم في خمسينيات القرن الماضي، بعد أن قادته الظروف للعمل سائقا في مصر والزقازيق تحديدا.. حتى أن رخصة السياقة الأولى التي حصل عليها كانت من الزقازيق وتم تكريمه من قبل شرطة المرور لكونه لم يرتكب مخالفة طلية 40 عاما.. فبعد أن أكمل دراسته في «الكتاب» بمدرسة مروي طلب منه ناظر المدرسة أن يخبر عائلته بأنه سوف يواصل دراسته في كلية غردون حينها بناء على طلب حكومة المستعمر الانجليزي آنذاك، فحسب روايته أنهم كانوا خمسة من أبناء المنطقة تم قبولهم بكلية غردون وأن مأمورا عسكريا سيأتي ليأخذهم إلى الخرطوم ويتم إجراءات قبولهم بكلية غردون.. كانت «حبوبتي» نفيسي بت بغداد إمرأة ذئعة الصيت في منطقة البركل.. وكان يُحسب لها ألف حساب ويهاب الكثيرون صلاتة لسانها.. أقسمت حينها أنها لن تترك ابنها ليذهب إلى الخرطوم خوفا من أن يُصبح «باطــــــلا» وحذرت جدي وأعمام أبي من أن يرضخوا للأمر.. وهكذا فوتت عليه فرصة أن يكمل تعليمه ويواصل مشوار بدأه وهو يستظهر دروسه وهو على الساقية يتابع سقي حيضان القمح والفول والبرسيم وعلى ضوء نار جريد النخل وبعض من ومضات ضوء القمر المتسرب بين مسامات غابات النخيل قال أنه حفظ جدول الضرب في ليلة واحدة وعندما سُأل لماذا: وددت ضرب جرس المدرسة، فكان له ذلك إلى أن أكمل «الكتاب» تركت هذه الحادثة أثرا كبيرا في نفسه لذا قرر الرحيل شمالا إلى مصر حيث أخويه محمد وإدريس لهما الرحمة كانا يعملان في الهجانة.. استقر في بادئ الأمر في منطقة عين شمس ثم قادته الظروف إلى الزقازيق ليتعلم السياقة ويعمل بها... ما لبث أن مل الحياة هناك ورجع إلى قريته الوادعة «شبا» يعمل في نقل البضائع بين مروي ودنقلا في صحراء ممتدة تئن على حصاها «لساتك» اللواري.. وبحكم توتره ذاك وملله المستمر اتجه هذه المرة شرقا إلى بورتسودان حيث شقيقه الكبير وداعة رحمه الله، لكنه لم يستمر طويلا ودلف عائدا إلى «شبا» كانت رقعة الأرض بالكاد تكفي البيت الكبير هناك لذا كان عليه التفكير في ملاذ آخر... وكان أن قرر الحضور إلى الخرطوم.. محطة أخرى ربما تكون أرحب من سابقاتها، أو ربما تكون معبرا لجهة أخرى يكثر فيها الرزق.. كان أبناء «شبا» يفضلون المنطقة الممتدة من الديم والسجانة حتى الرميلة والشجرة.. فكان أن راقته منطقة السجانة، فاكترى منزلا من «الجالوص» وعمل سائقا للتاكسي ثم قرر استقدام أسرته إلى الخرطوم حتى يحقق ما عجز عن تحقيقه هو: التعليم ثم التعليم... لأنه ببساطة كان المنفذ الوحيد لأبناء الفقراء.. فكان أن حضرت الأسرة الصغيرة وحملت معها جميع مكوناتها الثقافية والمعيشية إلى الخرطوم، عاشوا في الخرطوم كأنهم في «شبا» راحت الأسرة تكبر وتتمدد وأتى الاعمام محمد وحسن ومجوب وإدريس وأبناء عمومتهم وخيلانهم... وأخذت السجانة تتحول إلى صورة مصغرة من «شبا» وكان قطر كريمة هو صلة الوصل بين «شبا» السجانة و«شبا» البركل ينقل الرسائل وطرود البلح والمنقة والفول والسكر والشاي والمصاريف.. فكان وصول قطر كريمة مناسبة لتجمع «السناجك» لاستقبال الأحباب ورسائل وما لذ وطاب من خيرات الأرض هناك.. حاول هؤلاء «السناجك» أن يخلقوا أجواء قراهم تلك داخل الخرطوم.. فكانت البيوت تعج بـ«السعية» من غنم و«جداد» وحمام.. حين قامت الدولة بتطوير الخطة السكنية وخططت منطقة الامتداد، حاول الجميع جاهدا في الحصول على قطعة أرض هناك.. وكان نصيب والدنا القطعة رقم 128 مربع 3 والتي كلفته 35 جنيها استدان معظمها ثم بدأ البناء بتسوير الحوش بـ«الجالوص» وحين اكتمل اليسر القليل من البناء انتقلت الأسرة إلى الامتداد وبدأت مسيرة طويلة لحياة كانت في المجمل بديعة.. وكان أن وُلدت أنا كأول الأبناء الامتداديين..
لقد كتبت هذه القصائد بين عامي 1979م و2009م ولكن ينتظمها خيط واحد يلمع في الظلام، خيط مجدول من زرقة السماء وترابية الأرض، بين براءة الطفولة وطين التجربة الملوثة بالرغبات الدنيوية. مما يميز نجيب(العفوية) ليس بمعني (السذاجة) بل العفوية التي تضيء جذور المعاني بضربة كالبرق الخاطف متجاوزة السطح الذي يلعب عليه انصاف الموهوبين، ولا يدعي نجيب انه يبحث عن أو يكتشف مايسمي (المجاز) وهي حيلة عقلية لا يتوصل اليها الاكبار ااشعراء الذين اخطأ البعض في مهمتهم وابتسروا قراءتهم الصحيحة عجزاً ووهناً وادعوا انهم اكتشفوا أيضاً مجازهم الخاص (وهل كان شكسبير واليوت وسان جون بيرس لعبة بين ايديهم وقد تنسموا الذوق بعد كفاح مستميت وحفر بالأظافر في (التجربة؟) وما ظن بعضهم أن مجازهم الخاص كان تشبيهاً تخطاه حتى أبن المعتز والبهاء زهير(لاداعي للأسماء).. ولم لا يقدمون ادعاءاتهم العريضة إذا كان بعض النقاد ومنهم اكاديميون أملاً في تطبيق نظرياتهم المستقاة من الشبكة دون تمحيص أو فهم دقيق (سنعود اليهم في سياق الحوار). محمد نجيب رائد في كتابة (القصيدة المدورة) بالقياس إلى جيله، وربما دون تأثيرات خارجية بل بوحي من الايقاع الذي فطر عليه، وفي وقت كانت ترِسّخ أقدامها علي يد شعراء كبار (حسب الشيخ جعفر من العراق على سبيل المثال). الايقاع بكل ضروبه مكوّن فطري لدي نجيب، ايقاع الريح التي تصفق النوافذ الخشبية وتكنس اوراق الشجر الميت، الأيقاع الذي يسكن في حناجر العصافير، وصوصوة الكتكوت الذي تطارده القطط الضالة في أزقة الشهداء والمسالمة والحارة التاسعة، من قصائدة المدورة المبكرة (أغنية مهرولة إلى ولدي مهيار- 1981م) (في الشارع الليلي، كنت اريد وجهك، لايرد الشارع الليلي، لكن الكلاب السود تنبح، والعصافير الجميلة غادرت أغصان قلبي، ثم حطت رحلها في حانة الجرح المسافر بين أضرحة البكاء وبين صوتي، هل يمد العاشق الغجري كف الريح وللشمس التي لبست دثار الخزي في الزمن الشياطين القديمة هيجت نيران أغنيتي، فيا الله يا ولدي عيون أبيك ياكلها التضرع نبض ساقية الأسي، والظل مسعور، تشبث فوق أكواب المذلة إذ أجيء اليك) وتتردد في أفياء هذه القصيدة الطويلة المركبة عبارات الاحساس بمطاردة العالم لبراءة الشاعر الذي يري سارية هروبه عن العالم. (الكلاب السود تنهرني- أراك سارية وقنديلاً على جسمي) وتعود نغمة الياس إلى السطح، ولكن ضوء الأمل دائماً ما يبرق في دم الشاعر الموهوب. في قصيدة (لسن أربعة فقط) وتعود العام 1987م وهي صرخة جريحة في فضاء المرأة- الوطن، التي كما يظن تبخل عليه بكل شيء، وتمنح كل شيء عن طيب خاطر لمن لا يستحق قد تعذبت كثيراً بالنساء. وتالمت كثيراً بالنساء. كل أنثي ولها في رأسها كم خنفساء كلها زيف ونقض والتواء فاذا قلت لها هذا سحاب خالفتني ثم قالت بل فضاء وإذا قلت لها هذا تراب ناقضتني ثم قالت بل سماء هذا الدفق اللغوي لا يخلو من سخرية وتفكه يذكرنا بأشعار( و.هـ. أودن) المشحونة بسخرية رجل فهم العالم القاسي واكتشف أنه لا يستحق إلا الرثاء.. والآن كيف تطور شعر محمد نجيب فنياً ولغوياً وما هي ملامح شعره اليوم في الألفية الثالثة وفق هذه المخطوطة الجميلة؟!.. هذا ما سنراه في المقالة القادمة.. " ما بيجمع شمل اللغة إلا المشي في المي.. لأنو خفّ" الشاعر اللبناني طلال حيدر قلنا في الجزء الأول من هذه التقدمة القصيرة لمجموعة " دم العاصفة" للمبدع محمد نجيب محمد علي إن الشاعر الموهوب في صراعه مع لغة الشعر السائدة أنذاك، لغة القامومس المستهلكة التي لاتزال تزحم الفضائيات من خلال مؤسسات بعينها لتعيدنا القهقري في صفاقة ما بعدها ولؤم دون أن يرف لهم جفن أو تطرف لهم غبن، والغريب أنهم يحصدون الجوائز الأدبية حصداً، ويحتلون المنابر الرسمية وشبه الرسمية بينما نجد المبدعين الشباب قد أصابهم الاحباط لا يستطيعون لضيق ذات اليد نشر أعمالهم، فلا جوائز ولا حتى نظرة حانية تاخذ بأيديهم إلى نافذة الأمل، ورغم ذلك فمازلنا نأمل خيراً في وزير الثقافة الشاب السموأل خلف الله وهو قد وعد بالتغيير مطلع توليه للوزارة ويقف على الأقل على مسافة واحدة بين هؤلاء المبدعين والنفعيين الذين يغيّرون جلودهم حسب المواسم، ولعل الوزير يهتم على وجه الخصوص بجيل محمد نجيب ورصفائه الذين طال عليهم الأمد. إذن لقد فطن نجيب بفضل فطرته الخلاقة إلى حاجة الشعر إلى لغة أخري نقول أخري وليس جديدة كالتي ابتكرها الرومانسيون أمثال التجاني يوسف بشير، وبعد أن وصل بلغة المكان الاليف لاقصي مداها، ودخل إلى لغة البراري الطازجة بعيداً عن لغة السلطة وصحاريها الميتة بمستنقعاتها الزنخة المالحة، وإن اللغة لا يجمع شملها – كما يقول الشاعر طلال حيدر الا الماء (لأنو خف) بحيث تسبح فيه زوارق الأحلام الانسانية بكل حرية وانطلاق لتحقق البهجة الصافية والنشوة والسعادة الأبدية، ولا يظنن احد أن هذه تهاويم بل هو شعر سياسي بامتياز لأنه يفرغ اللغة السلطوية من مضمونها البالي.
(2) كانت الحياة بين الرميلة والسجانة مليئة بمرارات الفقر والضنك وصلابة الطموح.. معظم من أتوا إلى الخرطوم من تلك البقاع كانوا فلاحين بسطاء أبناء فلاحين.. تلك كانت حِرفة الجدود المتوارثة منذ القدم... لذا حين ضاقت رقعة الأرض المزروعة هناك بحكم التوارث والامتداد العائلي.. طفق الأبناء وأبناء الأبناء في الهجرة بعيدا عن بيئة كانوا منغمسين فيها بكل حيواتها.. لذا أتوا إلى المدن المستقبلة لتلك الهجرة بدون حِرَفٍ تُذكر.. فاتجه معظمهم إلى تعلم السياقة ليصبحوا «تكاسة» أو عمال في المصانع أو السكة حديد ومن أسعفته الظروف أصبح «عطشقيا»... ومع توالي الهجرات أصبحت الخرطوم عبارة مجموعات هنا وهناك بحكم القرابة ومعرفة القرى والمداشر المنتشرة على ضفتي النيل كحبات الذرة الشامي في قندول «قضم» أحدهم الكثير من حباته.. انتقلت الأسرة من بيت الإيجار في حي الرميلة، كالكثيرين في ذلك العهد، إلى الامتداد ساهمت «القرعة» في أن تختلف بيوت أعمامي من مربع إلى آخر داخل الامتداد لذا وجدنا أنفسنا وقد تفرقت عوائلنا بين المربعات.. كان هذا إيذانا بالخروج من قوقعة العائلة الممتدة إلى محاولة خلق علائق جديدة في محيط جديد كليا... وساهم هذا الانتقال بشكل كبير في انصهار اعراق مختلفة من الشمال والشرق والغرب والجنوب في بوتقة الامتداد «ذلك الحي المتفرد».. هذا الرحيل خلق لنا مجتمعا جديدا وحميميا.. فهذا عم عبد الله على يميننا من دنقلا وذاك عم محمد صالح من نوري على يسارنا.. ثم عم هجو من سقادي وعم الخواض من شندي وعم قوقرة من واو وعم خميس من نيالا... بدأت ملامح مجتمع جديد تتكون في الامتداد وذابت مناطق الانتماء داخل مجتمع جديد متساكن من فقراء القرى المختلفة للسودان... اضطر أخواني الكبار لمواصلة تعليمهم في السجانة بحكم تواجد المدارس هناك وكان والدي عليه رحمة الله صارما جدا في هذه النقطة: الما عايز يقرأ يكلمني أخته تحت لساتك القندران وأضرضر فوقه الرملة..
Post: #5234 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-25-2012, 05:33 AM Parent: #5233
Quote: هذه المقدمة للاستاذعبدالقد وس الخاتم...لديوان
دم العاصفة للشاعر محمد نجيب محمد على
أنا طبعا بالنسبة لي هذا كلاكيت عاشر مرة يا كوتش... لكنها تستحق ذلك فلقد أحسن الأستاذ عبد القدوس التقديم للديوان... مثلما أن نجيب يستحق أن يقدم له بمثل هكذا مقدمات... نستمتع بما تقدمه لنا من أطباق شهية في واحتك الوارفة ولمن فاتهم الاستماع....
Quote: وكان أن وُلدت أنا كأول الأبناء الامتداديين..
و أنا أقول يا ربي الجنا ده اتعلم السكسكه و هز الكتافين ده وين... أتاريك امتداداوي ماك شباوي... الله مرقك سااااكت بقيت امتداداوي اتعلمت الحكحكة و المسوح... كان تكون الليلي شقوق رجلينك يدخل فيها الضب...
Quote: لذا وجدنا أنفسنا وقد تفرقت عوائلنا بين المربعات..
دي على وزن تفرق دمه بين القبائل..عليك الله أنا ما ختير في السيرة... ما أخير ليكم عاد من قندول عيش الريف (المقضوم)... غايتو عندك جنس نضم... قضم دي أنا كنت قايله جضم و انت كاتبه باللهجة المصرية...
Quote: كان هذا إيذانا بالخروج من قوقعة العائلة الممتدة إلى محاولة خلق علائق جديدة في محيط جديد كليا
تقوم عاد تمرقه في المحيط الأطلسي... الديوم القريبة ما خروج من القوقعة.. و لا عشان فيها محمد المرتضى يعني...
الليلة البوست بقى زي مجلة العربي... الواحد يخجل يتكلم فيهو عن الكورة... نتكلم عن الكورة تقوموا تطلعونا ما مثقفين كمان... عشان كده بديت بي مداخلة الكوتش... و عملت ليكم تحليل و دراسة نقدية لمداخلة جبريلا.. و استخدمت فيها لغة عالية من نوع الشقوق و الضب ..الخ..الخ عشان يكون عداني العيب و أثبت ثقافتي مع المثقفين... و بعدين أجي لي الكورة بتاعت الرجرجة و الدهماء دي... و أقول ليكم انتو دي ماتيو مدرب تشلسي ده عبقري و لا محظوظ... و لا الاتنين معا..يعني عبقري و محظوظ... أنا أفتكر كل المدربين الآن أصبحوا يستنسخوا خطط مورينهو عندما يواجهون برشلونة... دي ماتيو ده طبعا كان لاعب ممتاز و لعب لتشيلسي... لكنه نجح و بامتياز أن يعمل عمره و بسرعة لهكر تشيلسي... دروجبا الذي كان على قائمة الانتقالات أصبح طوربيد يشق الدفاعات بسرعة وسهولة.. توريس الذي لم يسجل منذ ما يزيد عن الأربعة أشهر..سجل أجمل و أهم هدف في تاريخه الكروي... جون أوبي ميكيل النيجيري أعيد اكتشافه مرة أخرى و نفض الغبار عن لامبارد... يعني باختصار أعاد الحياة الى الفريق... أنا سعيد و حزين لخروج برشلونة من المنافسة... سعيد لأن فرق أخرى غير ريال مدريدأصبحت تستطيع هزيمة برشلونة... سعيد لأنني لا أريد للمباراة النهائية أن تكون من طرف واحد... طرف مهاجم و هو برشلونة و طرف مدافع و هو أي فريق سوف يواجه برشلونة... سعيد لأنني أعتقد ان الريال اذا تخطى بايرن اليوم قادر على الفوز بالبطولة... حزين لأن ميسي لن يكون في المباراة النهائية...
يا كوتش والله نجيب ده زول مظلوم حقيقي ... كلامعبد القدوس الخاتم ده جزء من رد المظالم ... حقيقي هو من أشعر شعراء جيله ... أذكر في تلك الليلة الشعرية التي أقمناها في نادي الكشافة كان نجمها الأول رغم وجود سعد الدين ، التجاني ، أيمان ، مختار ... إلا انه نجيب كان فارسها الأول ومن سرق آذان الناس وإهتمامهم ، هنالك شئ خطأ في بلادنا حيث تسود المؤخرات ، وتنزوي المقدمات ...
طارق جبريل ده مشتت جهوده في المنابر وفي الفارغة لو ختا الرحمن في قلبه وبدأ يحكي بتركيز أكيد حا يطلع حاجات أجمل من كده ، ونسي شوية نقشات الحنة دي ، حا يكون حكاواتي خطير ، حرام أن تشتت هذه الموهبة بين المنابر كما تشتت الأسرة الكبيرة بين المربعات ، أحكي يا جبريل بتفصيل وتروي فأنت تؤرخ لمنطقتين لهما دور في تاريخ السودان الحديث وأنظر لساسة الصف الأول في كل الأحزاب ستجد معظمهم ينحدر أصلاً من منطقة الشايقية ثم منطقة الخرطوم جنوب ... مثل علي عثمان وكمال عبيد (كمال حقنة) وغيرهم .....
يا نجيلة تعارف في السودان علي أن الناس ينادوا أولاد بناتهم بأسماء أمهاتهم وده تقدير كبير للبت في المجتمع السوداني ، وأكيد أنك تسمي أزواج أخواتك بأسمائهن فهذا إحتفاء بهن وتقدير لا حدود له ... بس أنا كاتب شنو في الموبايل يسمكم ما حا تعرفوا ياخي يمكن الواحد قاعد يخجل مش برضو ممكن ... لكن في كل التلفونات بيكون رقم الأتصال السريع الأول (2) لو علمنا أن الرقم واحد دائماً محجوز للبريد الصوتي ... يعني تدوس علي أثنين وتدخل في مكالمة عاطفية علي طول ... يعني ممكن نقول الرقم مسجل بأثنين بس عشان ما تزعلوا ...
ويا رشا عجبتني حكاية ست البنات وعشا البايتات ... رغم انه الواحد كان متوقع ألقاب أكثر عصرنة مثل حبيبة القلب ... بهجة حياتي وما اليه , أوعي واحد يقول دي الأسماء الكودية بتاعتي ...
يا منص الأيام دي ما براك ، شنو ياخي طارق جبريل ده نحوش فيهو من الحنة وأنت كل مرة لاكزه لينا تاني ... يا ربي منصور ده يكون جن زي ما قالت عفاف لطارق جبريل ... غايتو سمعنا الزول لمن يصل مرحلة الفيفتي سنت بتكون في تغيرات سيكولوجية خطيرة اللهم حولينا ما علينا ... ومحمد معانا ما تغشانا ... وقبلكم براكم يا ناس البوست وشكلها المسألة ماشة عليكم بالدور ، الله يورينا خرف ميسرة ومحمد صديق عاجلاً وليس آجلاً ... غايتو بيكون خرف رايق ولذيذ وسفن أب ... بالمناسبة وين ميسرة يا ناس جدة ...
موسي عيسي ده قلن ليكم ما تسألوا منو انتو مالكم ثقيلين كده ... كدي شوفوا اول حاجة احمد اسماعيل وين ... موسي عيسي بنجيبه ليكم ...
Post: #5237 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-25-2012, 06:04 AM Parent: #5235
صباح الخير ،،، يا وجوه الخير
دعاء اليوم :
اللهم إني أستغفرك
من كل ذنب
يورث النسيان لذكر
++++++++++++++++++++++++++++
Quote: انقـش الحروف يا جبريلا و خليك من الحنة ....
ما انت كويس اااااهو ....
صدقت يا النضيف الولد ده خطير لمن يكتب بمزاج
ينقش ليك الحروف بشكل إبداعي أحسن من آمونا أم حِني
وآمونا هذه كانت أشهر مشاطة وحنانة لمن كنا صغار
نسمع هذا اٌلإسم ، يا ربي ما تكون زارت ناس (شبا)
يا جبرالله أنقش أرسم أمسح أكسح قشو بس لازم تجيبوا حي
Quote: قال تعالى : { وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } . توفي الى رحمة مولاه الحبيب العم محمد اسماعيل النور وكيل ناظر البني هلبة ووكيل الامام وعضو برلماني سابق ووالد كل من الفريق صديق محمد اسماعيل الامين العام السابق لحزب الامة والحبيب عبد الرحمن الصادق عضو الهيئة المركزية لفرعية الرياض والحبيب ادم الهلباوي والحبيب احمد محمد والحبيب حامد محمد والحبيب محمود محمد والحبيب الدكتور زكي محمد والحبيب الفاضل محمد تقبله الله قبولا حسنا واسكنه فسيح جناته مع الانبياء والشهداء والصالحين التعازي الحارة لكل انصار الله ولافراد اسرته الكريمة انا لله وانا اليه راجعون
خالص العزاء للصديق أحمد إسماعيل (أبو عمر) للفقيد الرحمة والمغفرة وصادق العزاء لكل الأسرة ..
خالص العزاء للأخ الحبيب أحمد اسماعيل و لجميع أفراد الأسرة...
اللهم اغفر له وارحمه وأدخله الجنة بغير حساب اللهم اجعله مع النبين والصديقين والشهداء اللهم اعف عنه الزلل اللهم أكرمه يا كريم اللهم أكرم نزله ووسع مدخله واغسله بالماء والثلج والبرد اللهم جازه بالحسنات إحسانا وبالسيئات عفوا وغفرانا اللهم أبدله دارا خيرا من داره وأهلا خيرا من أهله
إنك جواد كريم غفور رحيم
أخي أحمد.. عليكم بالصبر والدعاء له فقد ثبت في الحديث الصحيح : إذا مات ابن آدم انقطع عمله إلا من ثلاث : صدقة جارية او علم ينتفع به أو ولد صالح يدعو له
Post: #5242 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 04-25-2012, 08:27 AM Parent: #5240
انا لله و انا اليه راجعون
صادق التعازى و المواساة للاخ احمد اسماعيل فى وفاة والــــــــده
كان لى شرف اللقاء بالوالد عمنا محمد اسماعيل بمنزلى فى جدة
فى ايام عيد الفطر الماضى عندما زارنى الاخ احمد محمد اسماعيل
برفقه والديه و ابنائه ....
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #5243 Title: Re: ناس الزقازيق ... أجدع ناس (4) .. Author: منصور عبد الرازق Date: 04-25-2012, 09:10 AM Parent: #5242
التعازى الحارة لحبيبنا ابوعمر احمد اسماعيل النور فى وفاة الوالد التعزية موصولة لكافة اخوانه وافراد اسرته من المتوقع ان يغادر ابو عمر عصر اليوم الى السودان ومن الخرطوم سيتوجه مباشرة لنيالا للحاق بليالى العزاء للفقيد تلفون ابو عمر السعودى هو 00966501960947
صادق التعازى و المواساة للاخ احمد اسماعيل فى وفاة والــــــــده والعزاء موصول لك ولافراد الاسرة خارج وداخل السودان
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد
يا ديدو ياخي انا ما كويس من غير حنة غايتو يا رشا شرحتني شريح قلت لي دقست لحدي وصلت الاطلسي
شوف يا ابو الزوز بالله ما تقعد تهرش لينا في منص فردتنا دة الحنة ياها الأصل والحكي دة زهايمر ساكت والله ياهو كمان أخلي ليكم الحنة عشان احكي عن الساسة الفارغين تلقوها عند الغافل
الريس ميسرة ياخي كتر خيرك والله يجبر بي خاطرك
تعرف يا ابو الزوز الغربة دي بتعلمك حاجات كدة ما مفهومة فجأة تكون قاعد تقوم ذاكرتك ترجع لي وراء شديد وتقعد «تجتر» في الزمن الجميل داك اتخايل لي لو الزول كان قاعد في السودان ما اظن يتذكر التفاصيل دي
(3) من غرائب الصدف أن لوالدي رحمه الله عند وفاته في العشرين من مارس الماضي ستة من أحفاده يواصلون دراساتهم العليا في أربعة قارات من أقصى الغرب «أمريكا» إلى أقصى الشرق «اليابان».. هاجس التعليم هذا أملته ظروفه الشخصية وحرمانه من مواصلة التعليم بواسطة والدته وكان هذا الهاجس هو القاسم المشترك لجميع الأسر التي ساقتها الظروف إلى حي الامتداد.. كما قلت كان السواد الأعظم منهم من طبقة العمال المهاجرة من أقاليم السودان المختلفة.. حتى أن إعلان النتائج المدرسية حينها كان حدثا فريدا.. كان هناك في كل مربع «نيمة» ظليلة ينتظر فيها الآباء والأمهات قدوم الأبناء يوم النتائج.. حيث تجدهم يتسامرون ويضحكون على «بنابرهم» حتى يأتي الأبناء فكان حصول أحدنا على المراكز الأولى في الفصل مدعاة للفخر بين الأسر والأقران حتى «الجكس» حينها كانت هذه وسيلة قوية للفت انتباهه.. إذ لم تكن الوسامة أو المال حينها سببا في لفت الانتباه بحكم «غباشة» الجميع وخلفياتهم القروية فحين تحصل على «أول الفصل» في ذاك الزمان كنت تقضي إجازتك كلها مختالا بين جميلات الحي ويصبح التودد إليك أمر دونه النجوم أما حين تنتقل من المتوسط «الإعدادي» إلى الثانوي فذلك كان انجازا كبيرا حتى أنه كانت تذاع نتائج الناجحين في الراديو عبر أثير إذاعة أم درمان.. فكالعادة يتحلق الجميع في مجموعات داخل الحي حول الراديو ذلك اليوم لسماع النتائج.. ما أن يُذكر اسم أحدهم أو إحداهن حتى تزغرد الأمهات وبحكم طفولتنا حينها كانت هذه مناسبة وفرصة للاستمتاع بعصير الفراولة والكركديه وحلاوة «ريرة» إذ يظل منزل تلك الأسرة مفتوحا طيلة الاسبوع للتهاني والتبريكات بنجاح الأبناء وغالبا ما يكون المحتفى به في مرمى نظرات حسان الحلة، هذا دون نفحات «الشِلن والريال والطرادة» التي «تُغمَت» لك في يدك من الخالات والأعمام وكبار القوم في الحلة..
سمح لنا هذا التآلف الجديد مع أسر من مختلف بقاع هذا السودان الجميل أن نتعرف على تقاليد وعادات وحتى فواكه مختلفة عن «شبا والبركل» فكان يأتي عم عيسى بكميات كبيرة من «أم قضيم» و«القنقليز» و«العرديب» من منطقة بارا في كردفان في حين كنا نحن نأتي بالبلح والمنقة كان عم هجو يحضر معه كميات كبيرة من الجوافة من منطقة «سقادي» بالمحمية وكان يأتي البطيخ من الشوك والجزيرة والسمسم من القضارف.. وكانت الأسر تتقاسم هذه الخيرات القادمة من منطقة الجذور بفرح وحب كبيرين.. أتاح لنا هذا التداخل بنقل موروثاتنا الثقافية وتعريفها.. كان هذا التماذج يتم دون تدخلات «رسمية».. حتى التسميات حينها من شاكلة «أولا الشوايقة» و«عيال البقارة» لم تكن تتم بنعرة عنصرية.. لو تُرك المجتمع لتفاعلاته الطبيعية لما وصلنا لهذا الدرك من النعرات.. كانت غاية متعتي أن تكون هناك مناسبة سعيدة في منزل عمنا «كُبر» فكنت أجد متعة غير متناهية في إيقاع المردوم ورقصات «البقارة» و«حمحمات» حلوقهم.. كان ذلك في نظري حدثا فريدا يعِمُ الحلة ويجلب لنا كما هائلا من الجمال الكردفاني، إذ غالبا ما تستمر ليالي الفرح تلك لثلاثة أيام دون انقطاع، وهنا فقط بدت تتكشف لي أغنيات كردفان: جنني..جنني فقيري اعزم لي اكتبولي حجاب من الخربنا خراب ما أن يبدأ هذا الإيقاع إلا وتموج «الفسحة» برقصات المردوم والزغاريد.. هذا لعمري عالم جديد ومختلف كليا... فإيقاع المردوم هنا له نكهة وعمق جمالي مختلف جدا عن إيقاع الدليب الذي تشبعت به..
Quote: وغالبا ما يكون المحتفى به في مرمى نظرات حسان الحلة، هذا دون نفحات «الشِلن والريال والطرادة» التي «تُغمَت» لك في يدك من الخالات والأعمام وكبار القوم في الحلة..
ياربي دي عملة ياتو دولة ..... نسبة لفروق الاعمار ... ارجو الشرح يا ود جبرين ... مافاضل الا تقول لينا .... الفريني ........
رغم اني من مشجعي الريال الا انني أعترف بأن البايرن استحق اللعب في النهائي... فلقد عمل كل شيء من أجل ذلك... امتلك الملعب طولا و عرضا... و حرم الريال من الكرة... و هدد مرماه بأكثر من كرة كان من الممكن أن تكون أهدافا حقيقية... لقد خرج أحسن فريقين في العالم بسبب الكلاسيكو... لو كانوا يلعبون في السودان لألغيت لهم كل مباريات الدوري... و لكن يلعبون حيث الاتحاد الأوروبي لا يسمح بذلك...
Quote: ما أن يبدأ هذا الإيقاع إلا وتموج «الفسحة» برقصات المردوم والزغاريد.. هذا لعمري عالم جديد ومختلف كليا...
انه حقا عالم مختلف جدا... لقد نشأت على تلك الايقاعات يا جبريلا... و ما زالت كل ايقاعاتي مدوزنة على المردوم و النقارة... يقال ان هنالك تشابه بين ايقاع المردوم و ايقاع الفلامينكو الأسباني... و يرجع هذا التشابه الى أصل الايقاعين...
اللوري حل بي دلاني في الودي جابني للبرضا العمري ما بنساه حبيبي ود الناس ببقى لى وناس"
Quote: شنو يا حلو جاي ماري فينا طوالي كده ... وين التحليلات ... وكلام المدربين ... ياخي انا راجي الصباح ده بالله والجلالة تجي تدينا كلمتين وتمشي ...
كنت مشارط مهند ولدي قلت ليهو الريال حيغلب أربعة صفر... قاموا سجلوا الهدف الأول و التاني قلت خلاص ياني الكاسب الرهان... رغم تسجيل الهدفين الا انه كان واضح من البداية ان لاعبي الريال مرهقين... مثلما حدث بالظبط مع برشلونة أمام تشيلسي... من مجريات المباراة كنت أشك في تأهل الريال... فلقد كان بامكان البايرن التسجيل في أي وقت من المباراة... لكن الفكي مورينهو برك في الواطة لحدي ما انتهت المبارة... برك لضربات الترجيح ما مشى الحال... مهند طبعا ضرب النوم عشان المدرسة... الصباح قبل ما يقش عينو سألني يا بابا الغالب منو... كنت عايز ألف و أدور..ما انت عارف الشينة منكورة... لكن قمت قلت ليهو البايرن غالب بضربات الترجيح... أول مرة أشوف مهند يقوم يمشي الحمام و يلبس و يجهز بالسرعة دي...
كل الهرسي الواقع على برشلونة والريال يوجد واحد فقط ... ولا يهمو
ألا وهو ... منصور وولده أحمد ... ديل انجليز صرف ... وباردين برود التلج في .... ألاسكا ....
============================= كروة كانت حلوه ومفتوحة .. الريال وميونخ في كل لحظة تتوقع واحد من الفريقين حيسجل ... مش زي كورة البرشا ... ماسكين اللعب مسك الجن ... كلو في خط 18 .. لاهم يسجلو ... لايخلو الفريق التاني يتحرك فرحت لخروج البرشا ... ولكن حزنت لخروج الريال ... بالرغم من اني بشجع ................... المحلي احلى عنوان قرأته اليوم : ليلة اسبانية حزينة..الريال شرب من كأس البارسا..ومورينيو أضاع أحلام المجد وأنقذ مستقبل جوارديولا !!
=====================================
Post: #5255 Title: Re: ناس الزقازيق ... أجدع ناس (4) .. Author: منصور عبد الرازق Date: 04-26-2012, 08:48 AM Parent: #5254
الليلة ما ادونى العمود بتاعى ايواااااا, عشان الليلة الخميس وما يبقى خميس , عشان خميس يعنى , نقوم نموت ليكم بالجوع ولا شنو عشان الدوام قصير وبنطلع بدرى عموما الرك على الفطور
ما علينا , ما دام مافى سلطة اسود , نتكلم عن ان شاء الله على السلطة البيضا كورة امبارح كانت سمحة جدا , فيها فكر وتدريب وندية فعلا لكن , ضعف الدورى الأسبانى , وانحصار منافسته العليها القيمة على فريقين بس اثر سلبا على استعداد الفريقين معا , لى نزالات من العيار الثقيل , فى ايام معدودة , وخلال فترة قصيرة ليعلم الجميع ان تشلسى , سادس الدورى الأنجليزى الآن , مجهجه حتى الآن فى مقعد يؤهله للشامبيونز ليق , السنة الجاية نفس الحال ينطبق على البايرن تشيلسى لعب اكثر من خمسين دقيقة بدون رمانة ميزان دفاعه , جون تيرى كرة القدم علم لا يستند لمنطق , ولا يقاس بأداء , ياهو الكيس ده , تملاهو كيف , وتحمى كيسك من محاولات المنافسين , هذا هو منطقها الوحيد فى تقديرى ان جوارديولا , احدث فتحا جديدا فى عالم كرة القدم وخططها اللياقة العالية , والأستحواذ , وسرعة استرجاع الكرة فور فقدها بالضغط العالى والمركز ومن ثم المهارات العالية وسرعة اللاعبين وجمعهم بين المهارة والقوة واللياقة العالية دى معادلات استحدثها جوارديولا وادخلتها فرقة الرعب البرشلونية , فى عوالم كرة القدم وخططها خلو جميع المنافسين يفقدوا تركيزهم وكمان لياقتهم , فى ظل بحثهم المتصل عن الكورة , بقوا يدسوها عديييييل ويخلوك تقضى وقتك وتستنفذ لياقتك لأستعادتها لمن تستعيدا , تكون فى ادنى لياقة ذهنية لا تؤهلك الا لفقدها مرة اخرى وبطريقة سريعة لذا كان طبيعيا ان يهزموا الجميع , ويلقطوا الكاسات كلها تلتاشر كاس شالها برشلونة من سنة الفين وتمانية لغاية هسى , مع جوارديولا اول من فطن لمحاربة هذا السلاح الفتاك , كان مورينهو العظيم ولكنه يظل محتاجا لأسلحة مختلفة وبنوعيات معينة , كانت عنده فى تشلسى زمان , وخلقها وولفها فى انتر ميلان وطورها بعد ما اوجدها من عدم فى ريال مدريد لكن دى ماتيو , ايطالى شارب الكورة شراب , وانا عاجبنى حتى قبل ما يدرب تشيلسى طبعا هو كان المدير الفنى لفريق بلاكبول الأنجليزى صعد بيهو للدورى الممتاز , السنة القبل الفاتت كان فريق مميز جدا , وحقق نتائج مذهلة بامكانيات تعبانة , لكنها لم تشفع له بالبقاء فى الدورى الأنجليزى الدائما مولع نار لقطوهو ناس تشيلسى , خاصة وهو لاعب سبق له ان لعب فى ازرق الأستامفورد بريتش العريق , ايام زولا وبابايارو لو تتذكروهم اصلو ما استغربتا لى نجاحه مع البلوز , بل كنت مستغرب انه يكتفى بوظيفة مساعد مدرب , حتى ولو كانت فى تشيلسى الجديد الأضافه دى ماتيو , لفكرة مورينهو فى مقاومة كورة زى حقة سحرة البارشا هى نقطة فى غاية الأهمية , ظهرت فى تقديرى على طريقة مورينهو , خاصة فى كورة الخمسة الشهيرة , وتوالت فى الظهور فى المباريات البعدها كلها , عدا كورة الكاس الشالو الريال السنة الفاتت وكمان كورة الكاس الأخيرة بتاعت التعادل اتنين اتنين وتجلت فى كورة تشيلسى الأولى , وظهرت بوضوح فى كلاسيكو الأرض الأخير بتاع اتنين واحد السبت الفات مورينهو فى الأول , حتى مع تشيلسى وانتر وبداياته فى الريال , كان ينازع البرشا فى وسط الميدان حتى انه كان بيلعب بيبى لاعب وسط , ماعنده مهمة غير التبويظ , وعشان المهمة دى صعبة وبتستنفذ لياقة وجهد ونتيجتها الحتمية توتر وانفعال خاصة اذا ما كانت مهمة التبويظ دى قدام ناس زى ميسى المجنون دا , وانيستا وتشافى وفابريجاس (حبيبنا العلمناهو وفرتق مننا ) التعديل الجديد الماعارف تحديدا انسبه لى دى ماتيو ولا لى مورينهو ماعارف يعتمد على عدم منافسة لاعبى البرشا على الأستحواذ , لغاية تلاتين متر من خط تمنتاشرك الخاص شفتوا كيف ؟؟ الكورة تبقى عندهم طالما عايزنها المجانين ديل , حا تفرق شنو يعنى استحواذ ستين فى المية , ولا تمانين المهم ان تحفظ لياقتك وتركيزك , وتخلى ميدان اللعب مساحته بس ربع ميدان , لكن باصطفاف جيد ومنظم , دون مجهود او تعب او توتر ثم باصات سريعة ومباشرة لطرف من الأطراف , او حتى فى العمق , وبلاعب واحد فقط , او بمساند تانى على اكثر تقدير ومن المعروف ان الكورة اصلا شقين , مدافعة جيدة وصلبة ومنظمة , ومهاجمة مباغتة وسريعة الطريقة دى بقى , بتفقد خصمك الميزتين ديل هجومه المتير واستحواذه على الكرة معظم الوقت , يفتقد مع مرور الوقت لعنصر المباغتة والسرعة كما ان المدافعة , تكون لا صلبة ولا منظمة , نسبة للأنشغال الدائم بالهجوم (الرتيب ) اى فريق عنده عناصر نص نص فى المهارة , مع لاعبين اوتلاتة مهارتهم وسرعتهم عالية , يستطيع ان يطبق الطريقة دى بامتياز وهذه الطريقة تفرضها طريقة لعب برشلونة ,ومهارات لاعبيه العالية استطيع ان اقول ان مورينهو ودى ماتيو , وبعد طول بحث , استطاعوا ان يجدوا خطة مناسبة لطريقة لعب برشلونة القائمة على الأستحواذ ببساطة , خليهم يستحوذوا , بس فى النهاية , القصة ما استحواذ , القصة فاعلية وفعالية تستطيع ان تهاجم بسرعة من وضع المدافعة ولكن يستحيل عليك ان تدافع بصرامة وقوة وسرعة , اذا انت طول الوقت , فى حالة هجوم
Quote: فعلا لكن , ضعف الدورى الأسبانى , وانحصار منافسته العليها القيمة على فريقين بس اثر سلبا على استعداد الفريقين معا
لا أتفق معاك يا منص..
في الشامبيونز ليق ناديين أسبانيين من ضمن الأربعة الكبار... في اليوربا ليق ثلاثة أندية أسبانية من ضمن الأربعة الكبار... و نادي برتغالي واحد (سبورتنغ لشبونه)... أتليتكو بلباو أخرج مانشستر يونايتد من المنافسة و بجدارة... و هزم بعده شالكا الألماني... على فكرة أنا زيك يعجبني الدوري الانجليزي عشان الاثارة الفيهو.. لكن هل تعلم أن الدوري الانجليزي يصنف ثالثا من حيث القوة... يأتي بعد الدوري الأسباني والدوري الايطالي... الدوري الأسباني ليس ضعيفا و لكن برشلونة ظاهرة كروية لا يقف أمامها أحد.. و ريال مدريد أغنى نادي في العالم و يملك أحسن مدرب في العالم.. أدعوك لمشاهدة الثلاثي الأسباني في اليوروبا ليق اليوم... حتشوف العجب...حيخيل ليك ان اتليتكو بلباو عبارة عن برشلونة آخر... و كذلك فالنسيا يلعب كورة راقية و جميلة... و الفريق التالت أتليتكو مدريد..شوف فالكاو الكولومبي بيعمل شنو...
شوف و استمتع بعد ما تهرس سلطة الأسود من النبع اليوم... من النبع دي مقصود بيها من البيت مش من العمود...
Post: #5257 Title: Re: ناس الزقازيق ... أجدع ناس (4) .. Author: عثمان الخير Date: 04-26-2012, 10:33 AM Parent: #5255
إنا لله وإنا إلية راجعون
خالص العزاء للأخ العزيز أحمد محمد إسماعيل
وتقبل الله الوالد محمد إسماعيل النور قبولآ حسنآ وأدخله فسيح جناته
ولا حولا ولا قوة إلا بالله
العزاء موصول أيضآ للأخ المستشار عبدالرحمن الصادق والأخ العزيز آدم محمد إسماعيل ( الهلباوي ) وكل أبناء قبيلة البني هلبة.
السلام عليكم قبيلة الزقازيقيين الرائعين بعد طول غياب
ريال مدريد فريق مصنوع غير قادر على الامتاع نهائيا بعيدا عن التعصب للبرشا لكن البايرن يستحق التأهل كان الأقرب في كثير من الأحيان للتأهل فريق مهزوم بهدفين في الشوط الأول يرجع للمباراة ويحرز هدفا
ياخي عندهم الاسمر غوستافو دة مبدع وكذلك البرازيلي الاسم الفرفار في الجهة الشمال للاسف الاتنين ديل ما حا يكونوا في النهائي لحصولهم على انذارات
تشيلسي بالنسبة لي فريق غير مقنع ولا ممتع
في الدوري الانجليزي شخصيا بشجع المدفعجية لكن المان يونايتد بيمتعني مع توتنهام
هكذا وجدت أسرنا ملامح حي جديد بدأ يأخذ شكله رويدا رويدا.. وكان هذا الخليط نقطة البداية للتعرف على بقي الأقاليم عن قرب.. فما أن تبدأ العطلة المدرسية إلا وتجد الجميع يجهز نفسه للسفر إلى الجذور حيث الحبوبات والجدود وبقية العائلة الممتدة هناك.. كان «الإجازة» سببا قويا لـ«تفريغ» الحي من ساكنيه... وكانت في نفس الآن فرصة للتعرف على مناطق أخرى كان العلم بها سماعيا فقط.. أذكر جيدا قبل دخولي المدرسة أن غاية طموحنا تلك الأيام أن نجد أمهاتنا يعددن «الزوادة» وهذا كان المؤشر الأقوى على أن السفر إلى «شبا» قد دنا وأصبح مؤكدا.. كنا نقضي سحابة يومنا في اللعب ما بين «سكج بكج» و«كمبلت» و«حرينة» وبعد المغرب «ألبت يا لبوت».. وحين ينال منا التعب نتجمع عن ركن أحد البيوت (كنا نفضل حينها ركن بيت عمنا هجو لموقعه الاستراتيجي للنميمة)، وتتخلل تلك «اللمة» الكثير من الحكايات عن مناطق الجزور.. عرفنا جبل مرة وأشجاره وثمارها، وطوفنا بسنار وأمطارها الغزيرة والخزان وأسماكه وحتى دكان «أبو نضارات»، وشربنا من توتيل وعلمنا الكثير عن سواقيها وحتى «قرودها».. كانت تدهشني حكاوي أقراني عن الأبيض وبارا والنهود وكردفان، أحببت رمالها وتبلديها و«شتيلة الخريق خدرة شايلالا نوارة».. وتمتلكني الحسرة إلى يوم الناس هذا في أنني لم أزر تلك البقاع الجميلة رغم توفر الفرصة أيام الدراسة المختلفة.. كانت الحكاوى تخرج بسلاسة وبصدق كبيرين.. وبالمقابل كان الانصات وتركيز الحواس على تخيل المحكي بانتباه قل نظيره.. والغريب في الأمر أن مواعيد السفر كانت متقاربة جدا بحيث يمكنك خلال أسبوع واحد تجد أمهات الامتداد قد غادرن في معية أطفالهن وتركن الآباء.. وفي كثير من الأحيان كنا نتجه إلى محطة الخرطوم للسكة حديد في نفس اليوم فغالبا ما كنا نسافر رفقة أسرة عمنا هجو «المحمية وسقادي» وعمنا الخواض «شندي» وعمنا المجذوب «الدامر» وعمنا محمد الحسن «عطبرة» في نفس القطار المتجه إلى «كريمة».. وغالبا ما كنا نسبق إخواننا المتجهون غربا الى الابيض وبارا والفاشر ونيالا.. أما حكاوي السفر وقطر كريمة.. فذاك عالم لوحده..
(5) ليلة السفر غالبا ما تكون ليلة مزدحمة بالكثير من التفاصيل.. ما بين «عواسة الزوادة» وتجهيز فطور القطر وتستيف الشنط وطرود الأحباب والأهل وحفظ الأمانات وتحديد لمن يجب تسليمها.. اذ غالبا ما يرسل ابناء شبا مصاريف ذويهم وهداياهم عبر المسافرين إلى هناك في «الإجازات» المدرسية، خصوصا الذين لا تسعفهم ظروفهم للسفر الذي له متطلبات مالية قد ترهق ميزانيتهم المتواضعة أصلا.. فجهود الأسرة تتوزع ذلك اليوم بين «عواسة القراصة المتمرة» و«سلق البيض» و«رمي الطعمية» وربط الطرود وكتابة أسماء مستحقيها هناك.. وغالبا ما تكون «المكوة» شغالة من «صباح الرحمن» وتكاد لا تتوقف.. فمنظرها وهي «تغوص» بين «الجلاليب» كسفينة أُذن لها بالخروج من الميناء.. ويتم تزويدها بـ«الجمُر» مرات ومرات.. وفي ظل هذه الحركة الدؤوبة داخل البيت غالبا ما تكون الزيارات ذلك اليوم لتسليم «أمانات» أو «طرورد».. وكالعادة «سلمي عليهم كثير السلام».. تظل والدتي رحمها الله ذلك اليوم دون نوم يذكر.. تحصي ما لديها من أمانات وتحفظ كل الطرود وتأمر إخوتي بكتابة الأسماء عليها خوفا من اختلاطها.. ما أن يأذن الفجر حتى تيقظنا لكي نستعد للذهاب لمحطة السكة حديد، التي غالبا ما يكون إخوتنا الكبار وأبناء عمومتنا قد سبقونا إليها ليلا ليستطيعوا حجز أماكن لنا في «درجة ثالثة» التي ستتحول إلى «درجة أولى» و«نوم» بعد تخرج أشقاؤنا الكبار من الجامعات ودخولهم السلك الوظيفي.. غالبا ونحن نستعد للخروج من المنزل ما «يقرصني» والدي عليه رحمة الله من أذني ويقول لي وهو يبتسم: سلم علي حبوبتك نفيسي شديد وقولها جبرين قالك تعفي مني وبعدها غالبا ما يرفع صوته آمرا: يلا يا جماعة ولا خلوه السفر دة.. وهو يعلم أن ذلك من رابع المستحيلات خصوصا وأنه قام بإيصال «العفش» إلى إخوتي الكبار في المحطة عبر التاكسي الذي يعمل عليه ثم دلف راجعا ليأخذنا قبل أن تزدحم المحطة بالمسافرين والمودعين والباعة المتجولين.. ما أن نصل المحطة حتى نجد أبناء عمومتي قد وصولوا لتوهم ومعهم «طرودهم» و«زوادتهم» أيضاء ومن ثم يتم ترتيب «العفش» وحفظ أماكننا ثم يأمروننا بالدخول إلى عربة القطار... كان يستوهويني شباك القطار كثيرا.. من خلاله تستطيع أن ترى مجرى الأحداث من حولك عبر منظر بانورامي مميز... وكنت أجد متعة كبيرة في ذلك.. فمنظر المحطة وهي «تفور» بالناس.. مسافرين ومودعين وحتى متسكعين كان حدثا كبيرا في حياتنا ذلك الزمان.. وكان منظر ناظر المحطة وهو بتلك «البرنيطة» يدعو للاحترام والاعجاب.. كل هؤلاء القوم كانوا تحت أمرته.. وغالبا ما يتحركون بين مكتبه والمكاتب المختلف لحل المشاكل العالقة حتى يتحرك القطار في موعده.. وغالبا ما كانت تضاف عربات أخرى للقطار بعد اكتشاف أن عدد المسافرين يفوق طاقة القطار الحالية.. كان رصيف المحطة يضج ببائعي الجرائد والبسكويت واللبان.. وكانت مجلات «سمر» و«صباح الخير» وجريدتي «الصحافة» و«الأيام» الأكثر مبيعا وطلبا من المسافرين.. وما أن يأمر ناظر المحطة بتحرك القطار حتى يتحول المودعين إلى شبابيك القطار وتسمع همسا هنا وضحكات هناك ودموعا هناك وآهات هنا.. والكل يملي وصاياه الأخيرة إلى ذويهم، حتى أنها تكون وصايا مسموعة للجميع وما أن تسمع صافرة القطار الجهورة تلك حتى يصطف المودعين على الرصيف مودعين بحركة «بندولية» من «طواقيهم» و«عممهم».. وبعضهم يضع يديه على وسطه ويظل يتابع فقط بعينيه والبعض الآخر يرسل وصاياه بإشارات إلى ذويه داخل القطار... وما أن تبدأ عجلات القطار في الحركة حتى تفقد المحطة هيبتها وشجيجها ذاك.. وبالمقابل تبدأ حياة أخرى داخل القطار..
Post: #5265 Title: Re: ناس الزقازيق ... أجدع ناس (4) .. Author: محمد صديق Date: 04-29-2012, 05:21 AM Parent: #5264
سلامات يا ناس
وصباحات التفاؤل
دعاء الصباح:
اللهم اجعلنا سعداء الدارين
قريرى العينين
لا نشتكى هماً ولا دين
آمين.
+++++++++++++++++++++++++++
الريس الليلة ينزل قصيدة.
Post: #5266 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-29-2012, 06:12 AM Parent: #5265
منص .... كل سنة وانت بألف خير ... وسط اسرتك و أهلك واحبابك ...
======================= انت يامنص تابع لاي قطار ... قطار محمد عيد والرشيد ... ولا قطار النضيف .... ومحمد صديق ... ولا قطار ... الشوق .... اما انا ... وزهير الزناتي ... فقطارنا لم يغادر محطة نمرة 25 ....
طارق ياخي متابعين .... قطارك تشكر
Post: #5269 Title: Re: ناس الزقازيق ... أجدع ناس (4) .. Author: محمد صديق Date: 04-29-2012, 07:23 AM Parent: #5267
سلامات يا ناس
Quote: وما أن تبدأ عجلات القطار في الحركة حتى تفقد المحطة هيبتها وشجيجها ذاك.. وبالمقابل تبدأ حياة أخرى داخل القطار..
يا سلام يا جبريل ...
طبعاًأنا المناظر دى ما غريبة على وأكاد أشوفا بعين زى عينك
وأحساس يماثل احساسك ....وصدقنى احنّ الى كل لحظة من تلك اللحظات.
كيفكم يا ناس هئ هئ هئ هئ هئ هئ وااااااي يا مصاريني أو كما يقولون
Post: #5271 Title: Re: ناس الزقازيق ... أجدع ناس (4) .. Author: منصور عبد الرازق Date: 04-29-2012, 07:53 AM Parent: #5270
الزول ده هسى البيضحكو شنو ؟؟ فى حاجة بتضحك هسى , وتقطع المصارين كمان غايتو قديما قالوا
لمن الزول يبنى ليهو بيت , ويعمل فيهو سيراميك ويخت فى برندتو سرريرين ماليزيين تانى ما عنده حاجة غير يقعد يضحك
ده مثل (فتيحابى ) من جنب ناس نادر فاروق
Post: #5273 Title: Re: ناس الزقازيق ... أجدع ناس (4) .. Author: منصور عبد الرازق Date: 04-29-2012, 08:09 AM Parent: #5271
تانى حاجة فى ذهنى كم حاجة كده عاوز اعلق عليها احسن حاجة , امر عليها مرور بس هسى , ممارسا لأضعف الأيمان عشان الواحد ما يطلع ملوص لا يلقى بلح الشام ولا عنب اليمن وبدون ترتيب كده كلام طارق جبريل , عن احياء الدرجة التالتة وتركيبتها السكانية الفريدة كلام عاجبنى بالحيل , واثار فينى وعندى الكوامن والشجون دى كلها كان اسمها الأمتدادات , وبدايتا الخرطومية فعلا كانت امتداد الدرجة التالتة ثم توسعت وشملت فى الخرطوم الصحافات واركويت , وتوسعت لتشمل الكلاكلات وانقساماتها الأنشطارية المتعاقبة فعلا كانت مناطق سكنية حميمة ولا تزال الجيرة فيها تبدا جيرة , وتواصل رحلتها الحميمة حتى تصل لكونها قطعة من قرية كبيرة , او مدينة صغيرة تفوقت علاقات الجيرة فى هذه الأحياء , على علاقات القرابة والدم فى الصحافة عندنا مثلا , عملنا بحث نظرى ابتدائى غير دقيق هالنا علاقات القربى والتصاهر التى تكونت فى الحقب الأخيرة فى كل شارع تجد ان التصاهر والنسب , ربط بين البيوت ووحدها ووصل بينها بنفاجات حميمة متداخلة اشد التداخلات زاتو انا متزوج من بت جيرانا , اخواتى متزوجات من اولاد جيرانا , اللى اخواتهم واخوانهم مرتبطين بعلاقات زواج ونسب بى جيرانهم البعدهم فى السودان الشعبى بتاع الدرجة التالتة , تفوقت علاقات الجيرة على علاقات القربى والدم , وحلت محلها بجدارة واستحقاق زدنا يا طارق من هذا الكلام الجميل , ولو طعمتوا بى شوية حنة كمان , لا عندنا مانع ولا عندنا مانع العندو مانع , لا يعاين ولا يعمل لايك ,
جبريلا عليك الله لما تصلوا أبو حمد كلمني عشان أحكي ليك نكته... نكتة بتاعت واحد رباطابي قطيم كده... علي أي حال أنا معاك قراصة تمر قراصة تمر...و طعمية طعمية... و دخلنا معاك القطر و منتظرين باقي الحكي... بس ما تنساني في أبو حمد...
المقطع مصارينك قدر كده شنو يا جلا... كان مداخلة زهير الفاضية دي تكون بالغت عديل كده... الزول ده ألف مرة قال ليكم دي لايك... لايك لي قطر جبريلا و لي دعاء الكوتش و الريس...
ههههههههههههههههههه أنا ضحكت بإعتبار ما سيكون و اللهو دا
Quote: (حليل زهير الزيناتى فكّ شقتو الفى الواحة غرب ومسك (هوا) قرب الجبيل.)
و مصاريني إتقطعن من زي دا
Quote: يا خاين... خليني لما أسخن كويس و أجيك...
تخريمة الغريبة أنا ضحكت سراً زي ما قال طارق جبريل إنتو سمعتوها كيف؟؟؟؟
Post: #5279 Title: Re: ناس الزقازيق ... أجدع ناس (4) .. Author: منصور عبد الرازق Date: 04-29-2012, 09:02 AM Parent: #5272
بعدين وبدون ترتيب كمان , نرجع لى موضوع الدورى الأنجليزى ده هيييييييييي يا الرشيد . ارعى بى قيدك , الدورى الأنجليزى ده , انا بشاكل فيهو عديييييييل شوفوا يا جماعة , برشلونة ده , فريق استثنائى , من سنة الفين وتمانية على الأقل فريق مختلف , وفريق خارق كمان , يعنى الفرق بينو وبين اى فريق تانى فى العالم كبير جدا وكمان قام ريال مدريد بعد مورينهو و اتطور تطور شديد , مع انو نظريتو الكروية مختلفة تماما عن نظرية البرشا وجوارديولا مباراة البرشا والريال , هى فعلا كلاسيكو الأرض , لكن الكلام ده بينطبق على السنتين الأخيرتين ديل بس على اكثر تقدير ومع انو الريال هو ثانى احسن فريق فى العالم الآن , الا انو منافسته ممكنة من اى فريق انجليزى , او ايطالى , او المانى , خاصى الفرق الستة الأولى من الدوريات دى خاصة الأنجليزية منها برشلونة برااااهو , ممسخ الدورى الأسبانى , زى ما الهلال والمريخ ممسخين الدورى السودانى , مع الفارق طبعا لكن الرابط فى التمسيخ ده , هو انعدام التنافس , مع ان الفارق فنى فى الدورى الأسبانى , ومجرد فارق امكانياتى فى الدورى السودانى لكن النتيجة واحدة , دورى مسيخ معروفة نتائجه مسبقا لعدة سنوات ماضية , الفرق النقطى بين الأول والتالت , علما بأن الأول هو برشلونة لثلاثة سنوات ماضية , وما بين برشلونة والريال , لعشرين سنة مناضية عدا فالنسيا فى سنة واحدة على ما اذكر فى الدورى الأسبانى انا احرص على مشاهدة المباريات الطرفها اما برشلونة او الريال فقط , ولا تستهوينى اى مباراة اخرى زى الدورى السودانى , مستحيل طبعا تقعد تتفرج على نيل الحصاحيصا والأمل , ولا الموردة واهلى شندى ده شبه تانى احصائيات الدورى الأسبانى تؤكد ذلك بالأرقام , السنة دى الفارق بين التانى والتالت , حوالى تلاتين نقطة , يعنى ما يعادل نتيجة (عشرة مباريات) فى الجتة دى , الدورى السودانى السنة دى يبدو احسن , لأنو الفارق بين المريخ التانى , ونيل الحصاحيصا التالت , تلاتة نقاط بس , لكن الدورى ما يزال فى ربعه الأول والفارق الطبيعى مرشح للأتساع , زى ما بيحصل كل سنة ده شبه تالت الديربيات او الكلاسيكو , فى الدورى الأسبانى , قليلة او معدومة فيما يبدو , وحاتك ما بقدر اتفرج على كورة بين الريال وخيتافى و ولا الريال واتليتكو مدريد مع انها عرفا , تعتبر ديربيات , ولاحتى اسبانيول وبرشلونة , فريقى اقليم كتالونيا الكبيرين فى الحتة دى برضو شبه شديد مع الدورى السودانى , اهلى مدنى وجزيرة الفيل , وبورتسودان زاااتا بقى ما فيها ديربى , ولا كسلا , ولا مدنى , ولا كوستى نجى للدورى الأنجليزى بقى ياخى الدم للركب بشكل مستمر ما فى فريق زى برشلونة اكيد , لكن التنافس بين الفرق على اشده بشكل دائم حتى ولو كان ما نشستر يونايتد محتكرا للدورى الأنجليزى السنتين الماضيتين , لكن التنافس قائم بشكل دائم ارسنال هو الفريق الذى ابتعد من دائرة التنافس لزمن , ولكنه وبروح الفريق استطاع ان يكون بين الأربعة الكبار دائما على فكرة , الدوريات , هى المحك الحقيقى لمستويات الفرق , مش بطولات الكاس حتى ولو كانت الشامبيونز ليق نفسها بطولات الكاس , ليس لزاما ان يفوز بها الأحسن , ولكن الدوريات دائما يظفر بها الأفضل الفوز ببطولة الدورى , اصعب بكثير من الفوز بأى بطولة كاس , حتى ولو كان الشامبيونزليق نفسه والا , لما استحق بطولة اوروبا هذه السنة غير برشلونة او ريال مدريد ولكن بطل اوروبا هذه السنة , سيكون اما تشيلسى سادس الأنجليز , او البايرن ثالث الألمان وفى اليوروبا ليق , دائما بتلقى مفاجات فى شخصية البطل , وفى الفرق البتقطع شوط بعيد فيها فولهام الأنجليزى كان فى النهائى قبل سنتين , وايفرتون برضو كان فى الدور النهائى قبل مدة فنار بخشة التركى فاز بيها قبل مدة كمان , لأنو ده ياهو حال بطولات الكاس , اللى بعد دور المجموعات فيها تلاتة مباريات , تلقى نفسك فى النهائى عشان كده , وجود فالنسيا واتلتيك بلباو , فى نهائى الدورى الأوربى , ابدا ما معيار على انهم احسن من ما نشستر يونايتد الأنجليزى المتصدر الدورى الأنجليزى الان , وطلع قدام بلباو فى الدورى الأوربى والا , فعلينا ان نسلم ايضا بان تشيلسى افضل من برشلونة , وهذا غير صحيح طبعا او ان بايرن ميونيخ افضل من الريال , لأن الواقع يقول ان الريال ثانى احسن فريق فى العالم حاليا رغم انه يتصدر الدورى الأسبانى من اسبوعه الثامن , لغاية الليلة تعال بقى شوف ممكن تتفرج على ياتو كور فى الدورى الأنجليزى ده ديربيات ما ليها حصر ولا عد , وكلاسيكوهات ما تديك الدرب فى القمة صراع , على المركز التالت صراع , على الهبزط صراع , وعلى مراكز التاهيل للدورى الأوربى , اكبر صراع فى كل مدينة ديربى ومنافسة , لا بل وحتى فرق الدرجة الأولى , مليان صراعات وديربيات حتى الآن صعد كل من ساوثهامبتون وريدنغ للبريمير ليغ من الدرجة الأولى , والأتنين ديل سبق ليهم التنافس حتى فى الدورى الأوروبى فى الدرجة الأولى الأنجليزية يا رش , اكثر من عشرة فرق عريقة بتاريخ كبير فى الدوريات حتى على مستوى اروربا كلها ريدنغ , ساوثهامبتون , كارديف , بورتسموث , ويستهام , وحتى بيرمنجهام الحائز على الكارلنغ كب امام ارسنال العام الماضى الليلة مثلا عندك مباراة ديربى بين تشيلسى وكوين بارك رينجرز , ومباراة نار بين توتنهام المنافس على الكرسى الأوربى , وبلاكبيرن المصارع على تحاشى الهبوط ولا شفتا امبارح ارسنال مع ستوك سيتى , ولا حتى سوانزى ستى مع ولفرهامبتون منافسة شديدة يالرشيد , وفرجة ممتعة التنافس عندى , اهم متطلبات كرة قدم جديرة بالمشاهدة اسخف شىء , اقعد اتفرج على مباراة من جانب واحد حتى لو كان الجانب ده , فيهو ميسى ولا كريسيانو رونالدو
Post: #5280 Title: Re: ناس الزقازيق ... أجدع ناس (4) .. Author: منصور عبد الرازق Date: 04-29-2012, 09:29 AM Parent: #5279
اها , كملتو الضحك نجى بعد ده لى قصة صورة عيد الميلاد وكده السنة دى بالذات , شاعر بى نفسى صغرتا لى كم سنة كده عشرة عشرتاشر ما عارف اتنين وستين منها اتناشر , الباقى كم ؟؟؟ اها , زهير قال لى انا قاعد احرش طارق جبريل , عشان انا بقيت اتنين وستين ناقص اتناشر والله الواحد لو لقى ليهو تصاوير تديك احساس بى عمر اصغر ياباها لى شنو ؟؟؟ قام الود طارق جيريل , دخلنى ليك جوة الزهور الصفراء دى , وادانى احساس دافىء كدة انو الواحد اصغر من احمد ولده زاتو فيها شنو طيب ؟؟ دى مش حاجة كويسة بالله ولا رايكم شنو ؟؟؟ وفى البيت كمان , ناس ايثار ومدرار وحتى امهم , ادونى ياخى احساس لذيذ خلاث الا الود السخيف الأسمو حجازى ده جنو وجن يسالك ويقول ليك عمرك بقى كم يا بابا زى ده تنادى ليهو جلا يضحك ضحكة علنية (مجلجلة ) وتقول ليهو , اتنين وستين ناقص اتناشر كم ؟؟؟ المشكلة , يقوم يجاوبك طوالى عامل فيها الود شاطر اوى يعنى الراجل بس يقول لى الدورى الأسبانى , عشان اقول ليهو انتا ذاااااااااتك اتنين وستين ناقص اتناشر كم ؟؟؟
Post: #5281 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 04-29-2012, 09:31 AM Parent: #5279
إنا لله و إنا إليه راجعون
صادق التعازي للأخ أحمد إسماعيل فى وفاة والــــــــده
Post: #5282 Title: Re: ناس الزقازيق ... أجدع ناس (4) .. Author: محمد صديق Date: 04-29-2012, 09:56 AM Parent: #5281
سلامات يا ناس
Quote: يا كوتش والله نجيب ده زول مظلوم حقيقي ... كلام عبد القدوس الخاتم ده جزء من رد المظالم ... حقيقي هو من أشعر شعراء جيله ... أذكر في تلك الليلة الشعرية التي أقمناها في نادي الكشافة كان نجمها الأول رغم وجود سعد الدين ، التجاني ، أيمان ، مختار ... إلا انه نجيب كان فارسها الأول ومن سرق آذان الناس وإهتمامهم ، هنالك شئ خطأ في بلادنا حيث تسود المؤخرات ، وتنزوي المقدمات ...
يا ابوالزوز :سلام
شاعرية الرجل واضحة واوضح منها صدقه وانسانيته العاليه وتصالحه العميق مع نفسه
من خلال معرفتى الوثيقة به فالرجل بعيد عن امراض النفس والنفخة الكاذبة...ربما
اخذت منه الصحافة الكثير....متميز جدا فى التحقيقات الصحفية ...وبالذات الميدانية
ومتميز فى اخراج الملاحق الثقافية: معظم الصحف التى تولى فيها الإشراف على الملاحق
الثقافية كانت تأتى متميزة.
Post: #5283 Title: Re: ناس الزقازيق ... أجدع ناس (4) .. Author: محمد صديق Date: 04-29-2012, 10:17 AM Parent: #5282
سلامات يا ناس
Quote: أنا طبعا بالنسبة لي هذا كلاكيت عاشر مرة يا كوتش... لكنها تستحق ذلك فلقد أحسن الأستاذ عبد القدوس التقديم للديوان... مثلما أن نجيب يستحق أن يقدم له بمثل هكذا مقدمات... نستمتع بما تقدمه لنا من أطباق شهية في واحتك الوارفة ولمن فاتهم الاستماع....
شكرا يا كوتش...
فعلا يا رشيد المقدمة كانت مليانة...واعتقد انو استاذ عبدالقدوس ادى نجيب
حقو ولفت نظر الناس الى رجل شاعر.
فقرتك التانية دعاية مجانية....لكن الجماعة مروا فيها مرور الكرام..ومافى
عن إلزا وذاكرة المدينة وقالت اغتسلت منك هل تري؟ كذبت لا أري سوي رزاز عطرك الصبيِّ، هاج ماج، أوقد الكلام نجمةً تضئ لي مشارف الغناءِ دمعةً، تؤمني، تضمني، تشيلني من المغاور القتيلةِ الدعاءِ، يامقام صبوتي أنا الذي توضأت عيونُ قلبيّ الجريح في أذان حلمك المكابرِ، المغامرً، المهاجرِ، ارتضيت أن أموت فيك منك، في هواك في ثراكِ فيكِ منكِ في صباك في هواكِ فيك منك في الذي أقام بين عزّتي وبين نطفة القصائد المجاهدة. ياصرخة تفجرّت بأولي وآخري، هل الرؤي تجئ هل وهل وهل وكيف لي إذا هفا، غفي، زمانُ وجدك المقيم، واحترقت بين مدخل القبول والمعاندة أراك تنفضين عنكِ منكِ ما أقام بين صوتك الذي يفيض في مغازة الهوي، ولا هوي ولا غوي ولا ولا ولا، تزملت عيوني التي دعوتها لكي تكف عن ندائها، وعن هجائها، وعن وعن وعن! أما ترين كيف ناح بي دمي وكيف صاح بي فمي وكيف كيف كيف ياحبيبتي تهزني، تجزني، مقاطع الغناءِ، فجأة تثور ياحبيبتي، وفجأة تجور باحبيتي، وفجأة أعودُ واحداً، كما أتيت واحداً، وواحداً أسيرُ في صراط خيبتي إلى مداخل المحن! أُجَنً قبل أن أُجنْ فهل أتاكِ أن نشوة الحضورِ تستحم في مراكض الغيابِ، في تلهفي، تخوفي، تمزقي أمام وجهك الذي يفَِّرُ، لا أكرُ التقيك مثلما، كأنما، تزلزلت خيوك هذه المدينة التي تبيع سرَّ صبوتي لعابر الطريقِ والصديقِ والذي يسقطون في أزقة الشجن أعود من رحيك القديم، استشف مايجئ مايضئ مارميت ما هويت ما وما وما وما وثقت في عروق نبضي التي تهشمت، تكسرت تخثرت هنا، وما هنا سوي نزيف ليلتي التي تضم في إهاب حلمها القتيل جثة بلا كفن أقول ياشجيرة تفتّحت بباب عرسيّ الجميلِ، هل خطاكِ ترتجي مذلة العيونِ، أم محارق الجنونِ، أم وأم وأم، وقفتُ صحت لا، سمعت صوتك الذي أعادني إلى مواقف البكاءِ غائباً وخائباً، ألوذ في مضارب الغناءِ، في المدينة التي تبيعني، وتشتري قصائدي بلا ثمن!! فليتني، وليت لي، وليت إن رأيت وجهكِ الذي يَخُبُ في تواصلي، فواصلي، جهلت فيكِ نطفة الغناءِ، كيف لي، ولي ولي ولي يعود لي تماسكي واحتمي وارتمي بحضنكِ النقيِّ، لا أعود إن توجعت خطاي لا ولا ولن. 1982
+++++++++++++ محمد نجيب محمد على
Post: #5285 Title: Re: ناس الزقازيق ... أجدع ناس (4) .. Author: محمد صديق Date: 04-30-2012, 05:27 AM Parent: #5284
سلامات يا ناس
وصباحات التفاؤل
ندى الريس مساحة لدعاء الصباح
Post: #5286 Title: Re: ناس الزقازيق ... أجدع ناس (4) .. Author: ميسرة سيد أحمد Date: 04-30-2012, 05:28 AM Parent: #5284
صباح الخير ،،، ياوجوه الخير
أصبحنا وأصبح الملك لله وحده،،،
دعاء الصباح وكل صباح
اللهم إنك تعلم سري وعلانيتي فتقبل معذرتي وتعلم حاجتي فأعطني سؤوالي وتعلم ما في نفسي فأغفر ذنوبي
يا كوتش ثمانينات نجيب كانت حافلة بالكلام الجميل...
Quote: وكيف كيف كيف ياحبيبتي تهزني، تجزني، مقاطع الغناءِ، فجأة تثور ياحبيبتي، وفجأة تجور باحبيتي، وفجأة أعودُ واحداً، كما أتيت واحداً، وواحداً أسيرُ في صراط خيبتي إلى مداخل المحن! أُجَنً قبل أن أُجنْ
هذه القصيدة ذكرتني بقصيدة أمرؤ القيس تعلق قلبي طفلة عربية...
يا نجيلة برضو تقول لي الكورة السودانية... عشان أتجاوز الاحباط و القرف السببو لي الهلال أمبارح.. اضطريت أساهر في كورة برشلونة لحدي وقت متأخر... امكن يكون المدرب الجديد ده مدرب كويس.. لكن شكلو كده ما ماشي مع لاعبي الهلال... لو الهلال عايز يفوز في الجزائر عليه تغيير المدرب... ولا باي باي من حسه... المريخ لعب مباراة جيدة أمام مازيمبي و كان بامكانه احراز هدف يعزز به حظوظه... حظوظ المريخ في التأهل تبدو لي أكبر من الهلال...
المرة دي مافي اي حظوظ ... للأربعة فرق السودانية .... ولاحتي دوري الثمانية .... المجموعات ... والهلال والمريخ ... للكنفدرالية .... وبعدها ... الى قواعدهم سالمين .... الدوري والكأس ... بدري علينا .... ياحبيب ....
ياخي سخنت شديد خلاص... يعني أي جولة في موقع العمل ترجع منها دايخ... الله يسامحك يا حسني مبارك... لو ما انت كنت حسه أكون دكتور قاعد في الطراوة... في داعي أحكي ليكم القصة للمرة الـ524 و لا (النبي فيني)..... ناس الشمارات الما سمعوا بالحكاية دي يرسلو لي على الخاص... الرد جاهز ما تخافوا يعني بيوصلكم بكلكة واحدة بس... و لا أصبكم بيها حسه...ياخي ما تخلوني أصبكم عشان ما عندي موضوع... ما عايزين..ما عايزين... واحد..اتنين..تلاتة..........تسعة سطور... كفاية عليكم مع السخانة دي...
داخل قطار كريمة هناك حياة أخرى... عوالم أخرى تتبدى لك وأنت تحاول التآلف مع المكان والناس من حولك.. كانت لحظات عبور القطار لكوبري بحري واحدة من تلك اللحظات التي يتمناها الفرد منا.. كنا ونحن أطفالا، وما أن يدخل القطار إلى كوبري بحرى، حتى تجدنا نتقافز إلى الشبابيك.. كان السؤال الذي يُلح علينا: كيف لهذا القطار أن يسير على حديد في الماء؟؟ كانت الأسئلة تتناسل من رؤوس تمور بالأساطير.. وكانت الإجابات حينها غير كافية لعلامات استفهام كثيرة ومرهقة للأهل.. على أية حال نحن نستمتع الآن بصرير عجلات هذا القطار وحكاياته ونمني النفس بلقاء الأهل والأحبة هناك في البركل.. ما أن يغادر القطار محطة بحري في طريقه إلى محطة الكدرو وإلا ويبدأ الجميع في إخراج «الزوادة».. وبعد أن كانت العربة مليئة بالشجار والتنابز هنا وهناك بسبب الأماكن.. في لحظات معدودة يتحول الخلاف إلى حميمية.. فما أن تُفتح «الزوادات» إلا وتسمع: أتفضلي... أتفضل... مد ايدك... يضريك إن ما جيتي فطرتي معانا ياخي قولي بسم الله ومدي يدك... يا زول حرم تدخل يدك.. يأكل القوم بتآخي فريد وغريب... ثم تُخرج «الترامس» وتبدأ كؤوس الشاي في التدفق من هنا وهناك.. ثم يبدأ القوم في التعارف: - ولادي من «شبا» في البركل من ساقية القرونة وأنا من البركل تحت من الدياب.. - نحن من حزيمة من ولاد ود بلي - سبحان الله ود بلي أليل البركل يبقالك شنو - أبان أعمامنا لزم - نحن من الكنيشاب في «شبا» - ما شاء الله،، أها وكنيشاب نوري عندكم بيهم علاقة - كيف ياخي العمدة ود كنيش ود عم جدي لزم - سبحان الله - أنا جعلية من سقادي في المحمية بالغرب - نان قاعدين تقطعوا كيفن - بالبنطون يا حبيبة قساي - انتو ماشين للاجازي - إيي الولاد جنهم يمشوا عند حبوباتم - والله نحن ماشلنا لي عرس في مقاشي - أيي شايفي نص العربيي باقيلي أهل - أيي كلنا ماشين لي عرس ود أختي - الله يعدل الخطوة الأكيد أن وجود مجموعة في طريقها لحفل زفاف يُعطي العربة نوعا من الألق.. وتكون العربة قبلة للكثيرين.. إما للاستمتاع بالأغاني أو لسرقة النظر للحسان اللاتي يكثرن في عربات العرس.. وما أن يغادر القطار محطة الجيلي حتى تبدأ الحياة في القطار تأخذ طعما آخر...
و الله لو ما انتو ناس عزيزين علي ما كنت جيتكم... الجو سخن و شغل الـSite بقى كتير ... فأنا حسه حران و زهجان و ######ان كمان... لكن لا جعان لا عطشان... حسه قمت جضمت لي ساندوتش فلافل و ضربت بالريجيم عرض الحائط... جعان ياخي أعمل شنو... و شربت لي موية و شاي... و بعد حنيت على بوستيكم التعبان ده قلت أرفع من معنوياتو شوية...
Quote: أهدي للأخ الرشيد النيولوك الجديد بتاع الزول دا
يا أخوي الكيا الجديييييده الساااااقطة دي ركبت فيها... ان شاء الله ربنا يديهو خيرها و يكفيهو شرها... تاني شنو... وجاهة الكوتش دي عاااادية جدا... النيو لوك ده يا أخوي الا تكون الصورة دي جمب بيتكم الجديد...
Quote: وجاهة الكوتش دي عاااادية جدا... النيو لوك ده يا أخوي الا تكون الصورة دي جمب بيتكم الجديد...
ياخ قال ليك هدييييييييييية النيو لوك في الصورة الضحكة الجاااامدة أوي لأنو في كل الصور كان بضحك ولابس تي شيرت الزول دا مفقوع من الصحك بالشكة البهية دي ياااخ أقبل الهدية و خلاص .... عالم عرباتها مخزتكة
Post: #5302 Title: Re: ناس الزقازيق ... أجدع ناس (4) .. Author: محمد صديق Date: 05-03-2012, 07:51 AM Parent: #5301
سلامات يا ناس
وصباحات التفاؤل
يا جبريل ...معاك فى القطر
نحن طبعا كان زوادتنا طحنية ومعلبات ولما نمشى شوية
بتكون قطعت ...تانى الا قراصة النِّمَرْ وباسطة عطبرة ( ال بالسّمنة وكدا
والطعمية وسلطة الاسود حقات شندى...لكن طبعا زوادة الحلفاويين كانت
عجيبة.....نحن كنا بنشوفا بس.
Post: #5303 Title: Re: ناس الزقازيق ... أجدع ناس (4) .. Author: محمد صديق Date: 05-03-2012, 08:03 AM Parent: #5302
سلامات يا ناس
Quote: ياكوتش .... القال ليك منو انا مابجي بهناك .... يا خي بلع الفيل ده انا بقدر عليهو ... اذا كان الرشيد ... الأصلة ماقدر عليهو ... ازيدك ....
يا حبيب عارفك بتجى....
لكن بقيتو ناس قراية سااااااااااى:
Post: #5304 Title: Re: ناس الزقازيق ... أجدع ناس (4) .. Author: محمد صديق Date: 05-03-2012, 08:16 AM Parent: #5303
سلامات يا ناس
Quote: لغاية ما دعاء الصباح يجي أهدي للأخ الرشيد النيولوك الجديد بتاع الزول دا
اها ده الانا خايف منو...هذا الرجل (يتأبط شراً)
انا ذاتى دعاء الصباح حأنزلو هسة:
اللهم انا نسألك خير الحاج السِّرِّى
ونعوذ بك من شرِّه.آمين
Post: #5305 Title: Re: ناس الزقازيق ... أجدع ناس (4) .. Author: محمد صديق Date: 05-03-2012, 08:55 AM Parent: #5304
سلامات يا ناس
Quote: وجاهة الكوتش دي عاااادية جدا... النيو لوك ده يا أخوي الا تكون الصورة دي جمب بيتكم الجديد...
يا حبيب انت الزول ده فاهمو وقاريهو كويس وما بتفوت عليك نواياهو...
Quote: يا حبيب انت الزول ده فاهمو وقاريهو كويس وما بتفوت عليك نواياهو... للموضوع ما بعدو....[/B] اللهم حوالينا ولا علينا.
لم يكن في بالي غير حسن النية عن أصدقائي و الذي هو دائماً متوفر إلا من أبى لم يكن هناك أي حاجة لأستدعاء قرنا الأستشعار لإستكشاف ماهو ليس موجود بالرغم من أن في نفسي شئ من حتى السيبويهيه سأدع هذه المرة المياه تعبر تحت الجسر و لكن إلى حين و بعد إرتخاء الدفوعات و الحصون الكاذبة سآتي إليكم و ربما بسلام قد يدوم طويلاً
(7) تختلف الحركة بعربات القطار باختلاف الرُكاب ونوع الرحلة (إجازة/فرح/موت).. وعلى إختلاف تلك الأمزجة يسير القطار إلى محطته النهائية «كريمة».. تتكرر هذه المشاهد كل عام وتختلف فقط أمزجة العربات... حين يكرمك الله وتكون رحلتك برفقة إحدى «السيرات»... تكون تلك لحظة من لحظات كرم الزمان النادرة.. الناس هنا منفرجي الأسارير ومتأهبون للفرح بشكل لا يُصدق.. كأنما يخافون أن تغادرهم اللحظة إلى غير رجعة.. ينسون همومهم ودوامة مشاكلهم الحياتية وينغمسون في السرور.. ما أن تشبع البطون وتتزود الرؤوس بكؤوس الشاي حتى وتحين لحظات الطرب.. تبدأ النساء بأغاني السيرة وتزغرد الأخريات و«يبشر» الرجال ويصفقون.. - يا عديلة يا بيضاء يا ملايكة سيري معاه - الليل العديل والزين الليل العديله يارسول الله - أبشروا... أبشروا - يا اخوانا دقولنا الدليب... كنت أجد متعة كبيرة في متابعة هذه «البهجة».. ولكي أكون مشاهدا بشكل جيد أُنزل أحد الطرود من «رُفوف» العفش لأضعه مكان جلوسي ثم أقفز إلى الأعلى و«أتحكر» هناك لأغنم بمشاهدة الفرح.. وما أن «ترن» نغمة من الطنبور حتى وتموج العربة بالجمال.. يفرغون وسطها للرقيص ويملؤون الممرات بين «الكنبات»..
شتيلة قريرا الفجر نبحن بوابيرا ... يالرايقة
حليل تغريد عصافيرا بلاها أصبحنا في حيرة يازهرتنا النضيرة حرام نقلك من الجيرة ... يالرايقة حينها فقط تقوم إحدى الحسان وتُنزل ثوبها إلى حدود الرقبة حيث يمكن لشعرها أن يتمايل مع حركة جسمها خلال «الترترة».. وتبدأ من أول العربة حتى تصل إلى المؤخرة ثم تعود مرة أخرى.. حركة جسدها تتناغم بشكل جميل مع نغمات الطنبور.. يصفق الرجال ويرددون مع «الطنباري»: دهب زادوه تجميرا لفة خاتم ضميرا شبيهة البدر المنيرة ليك تاجوج ماها سيرة ... يالرايقة ثم يدخل البعض منهم إلى الوسط مُلحين في طلب «الشبال».. وما أن «تلفحهم» خصلات «المُشاط» و«المساير».. حتى «ىُبشرون» ويصفقون ثم يعودون إلى أماكنهم ويواصلون ترديد الأغاني: نزلت عقلات الضفيرة تداعب رمان صديرا نظرتك قاسي تفسيرا فيها انذارات خطيرة ... يالرايقة ثم تزداد وتيرة الفرح حين تدخل حسناء أخرى إلى وسط «الدارة» وتبدأ المرأتان تتبادلان «الترترة» في تناغم محبب وجميل.. كأنهما أوزتان في بحيرة شعرتا بوقت «التفريخ» وراحتا تناغيان بعضهما.. إنه الفرح على أية حال.. الإنسان يظل مسكونا بالألم وما أن يجد فرصة للانعتاق.. يكمل كل طاقته في لحظة قد لا تعود... والهواجس غالبا ما تقودك إلى أن هذا الجمال لن يعود لذا حين تراقب القوم من على البعد تجد هذه الأحاسيس في ملامح وجوههم.. تستمر لحظات الجنون تلك إلى أن تفرغ البطون أو تتعب الأجساد.. ثم تتحول العربة من جديد إلى مطعم حيث يقتات الناس.. ويطلع بعض الرجال إلى سطوح العربات ليأخذوا قسطا من الراحة ويتمددون بجلابيبهم على أسطع العربات كـ«بالات» القطن في شاحنة متجهة إلى الميناء..
الأخوة الزقازيقاب وخاصة زقازيقاب الرياض وما جاورها بعد صلاة عصر غد الجمعة تقام مراسم العزاء للمرحوم الناظر اسماعيل النور تاظر قبيلة بنى هلبة ووالد زميلنا ابو عمر احمد اسماعيل النور الأفادة من جلال عثمان بافادة من موسى عيسى وذلك باستراحة المحمدية , خلف قصر التهانى الدائرى الجنوبى القرأ , يكلم الما قرا وخلوا رسايلكم وتلفوناتكم تتطاقش
قلنا نجيبه قريب لدعاء الصباح ... الجلاكين ديل ما بيكونوا عارفين محله وين
Post: #5313 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-05-2012, 06:47 AM Parent: #5311
صباح الخير ،،، يا وجوه الخير
أصبحنا وأصبح الملك لله وحده
دعاء اليوم :
اللهم إني اسغفرك من كل ذنب يميت القلب ويعمي الفكر وينزل الكرب يطمس البصيرة
آمين ================================== تصوير ود جبريل ودقة وصفه ينقلك بالحدث وكأنك تعيشه أو أنت بطل من أبطاله ماشاء الله بتارك ، ربنا يزيدك ويحفظك واصل
السبت الأخضر كما يسميه صديقي عصمت النوش... فهو يوم تتوقف فيه المؤسسات الحكومية و المدارس و كثير من الشركات عن العمل... أما الشركات التي تعمل مثل شركتنا... فهو يوم كان به قليل من العمل و كثير من شرب القهوة و الونسة... ثم اصبح به الكثير من العمل و قليل من الونس و بعض القهوة... و لكنه لم يعد أخضرا بأي حال من الأحوال...
Quote: الإنسان يظل مسكونا بالألم وما أن يجد فرصة للانعتاق.. يكمل كل طاقته في لحظة قد لا تعود...
حلوه الانعتاق دي يا جبريلا...
و على طريقة الشادي نقول ليك..
اسمعنى نشيدك.. ورينى كمان فى الفن تجديدك...
Post: #5315 Title: Re: ناس الزقازيق ... أجدع ناس (4) .. Author: أحمد إسماعيل Date: 05-05-2012, 08:45 AM Parent: #5313
لاحولّ ولا قوة الا بالله اللهم يا حنان يا منان يا واسع الغفران أغفرلوالدنا/ محمد إسماعيل وأرحمه وعافه وأعف عنه وأكرم نزله ووسع مدخله وأغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس . اللهم أبدله دارا خيرا من داره وأهلا خيرا من أهله وأدخله الجنة وأعذه من عذاب القبر ومن عذاب النار . اللهم عامله بما أنت أهله ولا تعامله بما هو أهله وأجزه عن الإحسان أحسانا وعن الإساءة عفوا وغفرانا وأدخله الجنة. اللهم إن كان محسنا فزد في حسناته وان كان مسيئا فتجاوز عن سيئاته وآنسه في وحدته وآنسه في وحشته وآنسه في غربته وأنزله منزلا مباركا وأنت خير المنزلين . اللهم انزله منازل الصديقين والشهداء والصالحين وحسن أولئك رفيقا وأجعل قبره روضة من رياض الجنة ولا تجعله حفرة من حفر النار وأفسح له في قبره مد بصره وأفرش قبره من فراش الجنة وأعذه من عذاب القبر وجاف الأرض عن جنبيه وأملأ قبره بالرضا والنور والفسحة والسرور . اللهم أغفر لميتتنا وشاهدنا وغائبنا وصغيرنا وكبيرنا وذكورنا وإناثنا وثبته على الصراط وأرزقه بكل حرف من القران حلاوة وبكل كلمة كرامة وبكل أية سعادة وبكل سورة سلامة وبكل جزء جزاءاً وشفع فيه القران
Post: #5316 Title: Re: ناس الزقازيق ... أجدع ناس (4) .. Author: أحمد إسماعيل Date: 05-05-2012, 09:37 AM Parent: #5313
الإخوة الزملاء الأجلاء الكرام نشكركم جميعا ونسأل الله لكم التوفيق ، لكل من واسانا و عزانا في وفاة والدناعليه رحمة الله وجعل الله ذلك في موازين حسناتكم وجزاكم الله عنا كل خير حضر معزيا بنيالا الأخ عبد العزيز بركة تربية وعثمان عبد الله محمود تربية ومتوكل محمد جمعة زراعة وأبوالبشر حقوق والصادق محمد خميس بيطرة والأخ حسن بوليس تجارة وفي الخرطوم حضر معزيا الأخ محمد صديق والأخ جلا والأخ يوسف عبد الله خالد تجارة والأخ عمر بسكو تجارة والأخ الهادي كتير بلة والأخ المصباح عبد القادر ومحمود أبو عضل تجارة والأخ رفعت سعيد سالم علوم والأخ الريس معتصم جعفر والذين إتصلوا معزيين كثر ، كثير منهم لم أرد عليهم لأسباب التحرك والإنتقال ومن رديت عليه منهم زهير الزيناتي والنضيف والريس ميسرة والرشيد بابكرومنصور عبد الرازق وأتانا معزيا بالإستراحة يوم أمس الأخ كمال الشادي والأخ منصور والأخ موسى عيسى والأخ قيس جمال الدين والأخ عثمان الخير والأخ حماد والأخ حامد ساقة والإخ الصادق أبو سكين وموسى الراجل وعصام جلي والأخ محمود محمد آدم أتمنى أن يجمعنا الله فس ساعة خير ودائما في خير وعلى خير إن شاء الله
التحية عبرك يا كوتش للأخ الصديق أسامة... نتمنى له اجازة سعيدة بين أهلة و أصدقائه...
Quote: لفه جهزوا حالكم وما بعيد يكون البرنامج فى السطوح
الفى الفتيحاب.
دي اللمة و لا بلاش... نفسي كان أكون معاكم...
Post: #5320 Title: Re: ناس الزقازيق ... أجدع ناس (4) .. Author: محمد صديق Date: 05-06-2012, 06:27 AM Parent: #5319
سلامات يا ناس
الجاية دى فى مديح المصطفى عليه افضل
الصلاة واتم التسليم.
القصيدة لمحمد نجيب محمد على:
المصطفي .. خير البرية ياربُ صلي على الحبيب محمدٍ خير البرية من به نتشفعُ ما فاز عبدٌ لم ينلٌ من نبعه بل فاز من يسعي إليه ويتبعُ فهو الذي أحيا الحياة بنوره وهو الملاذ لكل قلب يخشعُ في يوم مولده أضاءت ( يثربٌ) فبنوره كل الكواكب تلمعُ هو صاحب النسب الرفيع ومن به يحلو الكلامُ بوصفه نتمتعُ هو قدوة للعالمين جميعهم هو من له كل الفضائل ترجعُ الزهد فيه سجية مطبوعة وله المحبة والمقامُ الأرفعُ العدل شيمته وزينته التقي وهو التسامح والاخاء الأروعُ وبه السلام يفيض نبعُ ندائه وهو المحيطُ لكل خيرٍ ينبعُ هو سيد الكرم النبيل وكفه بالخير تسبق للضعيف وتسرعُ هو للصغير وللكبير حبيبهم من تستجير به العيون وتدمعُ الله يشهدُ في الكتاب بأنه هو صاحب الخُلق العظيم لمن يعوا هو خاتم الرسل النبيّ المصطفي وأمامنا يوم الخلائق تجمعُ ودليلنا من سُنة محمودة من قبلنا فيها الصحابة قد سعوا ياربُ فاجمنا بنور محمدٍ وأوصل لنا حبلاً به لا يقطعُ واكتب لنا الفردوس يوم لقائنا نحن الذين له نطيع ونسمعُ 1998م
Post: #5321 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-06-2012, 06:33 AM Parent: #5319
صباح الخير ،،، يا وجوه الخير
دعاء اليوم :
اللهم إني إستغفرك من كل ذنب يدنيني من رحمتك ويبعدني عن سخطك
آمين يا رب العالمين
====================
سلام مسبقاً لمة اسامة طيارة بس من دلوقتي دوري على جلا ما يعمل لينا فيها مسافر
الصورة في عزاء الأخ أبو عمر عند حضوره السودان المكان : مقاطعة أمدرمان ناحية الفتيحاب
من اليمين رفعت سعيد (علوم)، عمر بسكو، الكوتش، الهادي كتير (تجارة 88)، الزول دا نسيت إسمو، المصباح عبدالقادر (تجارة 88)، أبو عمر بي صحن موز للناس العندها مصران المصور هو يوسف عبدالله خالد (تجارة 88)
(8) يلجأ الناس إلى سطح القطار لأخذ قسطا من الراحة وللتأمل في أمور جمة... هناك من يدخن سجارة متأملا السماء وسارحا في عوالمه.. وهناك من يغفو حالما بلقاء الأهل والأحبة.. القطار كان على الدوام مصدرا للمتضادات.. فاللقاء والفراق يلتقيان عند عجلاته.. حتى «اللهو» هنا له مناخات خصبة وآفاق رحبة.. ما بين «السيرة» وجلب الماء من «الأزيار» في آخر العربة وحركة الناس في المحطات وتبضعهم.. تُنسج الكثير من علاقات الغرام.. يتنقل الظامئون للعشق و«اللذة» بين العربات بحثا عن الإرتواء.. يتفرسون الوجوه، ثم يحددون الهدف.. وطول المسافة واستغراق الرحلة ليومين أو أكثر تساعد كثيرا في إرتواء هذا الظمأ.. هناك من يسعى لعلاقات دائما بحثا عن جمال الروح.. وهناك من يحاول قتل الوقت ببعض المجون حين تنزلق أشعة الشمس عن كتف السماء وتتوارى ويعلن الظلام عن وجوده.. نظرات النهار تتحول إلى آهات ومناغاة ولوعة في ليل القطار.. الذين ينشدون الحب والغرام يجدون في توقف القطار فرصة لسرقة كلمات الهيام و«وعود» العشق الأبدي.. محطة مثل عطبرة تعد مرتعا جميلا لهذه الفئة.. حيث «ترتاح» عجلات القطار ويمني الحالمون أنفسهم بـ«ونسة» على الرصيف.. فما أن تظهر «جرادل» الاسمنت عبر خطوط النقل بين ضفتي نهر النيل، كحبات مسبحة تتهاوى من السماء، إلا وتنفرج الأسارير.. لا يهم إن كانت «باسطة» المحطة بـ«السمنة وكدة» أو كانت «مواسير» الرصيف، التي توجه «فمها» إلى السماء، تحمل ماء نقيا.. لكن المدة الزمنية ستطول حتى «تغيير الراس» للقطار وهذا يجعل الأهل يسمحون لفتياتهم بالنزول والتسكع في المحطة فيما هم يحرسون «العفش».. هنا فقط يمكن أن تنسج وعود الحب ويأخذ البعض نصيبه من «الكلام الدقاق».. إذا سنحت لك الفرصة لتعتلي سطح القطار حينها.. سترى «أكوام العشق» تتناثر عبر رصيف المحطة كنعاج في نهار مشمس في مزرعة اسكتلندية.. ويستمر تدفق هذا «الكلام الدقاق» في جميع المحطات الكبيرة (بربر/أبو حمد/الكاب... إلخ).. أما الذين ينسجون شباك اللذة فيتخذون من الليل ستارا، فغالبية عربات القطار غير مزودة بالإنارة.. فبعد أن تكون «غمزات» النهار قد تسربت إلى «الضحايا» ينتظر الجميع دخول القطار في «إغماءة» الظلام.. حينها فقط يتسللون إلى المراحيض التي احتل جزء منها «الطرود»، أو بين الأزيار، أو تحت «الكنبات» في غفلة من «النيام».. هناك فقط يسرقون «المتعة» و«لذة» القبل «المكتومة» خوفا من افتضاح أمرهم.. وإن أسعفتهم الظروف «ينتشون» وترتجف أجسادهم حتى تطلق «سوائل» إرتعاشها.. «نشوة» و«كلام دقاق» و«باسطة بالسمنة وكدة» وصرير عجلات قطار كريمة يستمر في رحلته المعتادة إلى «الشمال»..
جبريلا... المحبين الذين انتشروا مثل النعاج في نهار مشمس في مزرعة اسكتلندية... لم يلهموني شيئا... بينما ذكرني سطح القطار بقصيدة يحي فضل الله يا ضلنا.... و التي تغنى بها الراحل مصطفى سيدأحمد... يقال انها كتبها و هو معتليا سطح ما (قطر و لا لوري ما عارف)...
مهداة اليك بهذه المناسبة...
يا ضلنا المرسوم على رمل المسافة
وشاكي من طول الطريق
قول للبنيه الخائفة من نار الحروف
تحرق بيوتات الفريق
قول ليها ما تتخوفى
دي النسمة بتجيب الامل
والامل بصبح رفيق
و الاصله فى الجوف اندفن
لا بتنسى لا بنمحي لا بنتهى منه الحريق
و الفينا من اهات اليمه فى حكاوينا القديمة
لا بيرحل عن عيونا ولا بتغشاه الهزيمة
و القبيل راجينو نحنا يوم تبشر بيه غيمة
لما تمطر يوم علينا
الفرح يملا المدينة
و البلودات الحزينة
يا ضلنا
Post: #5330 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-07-2012, 06:22 AM Parent: #5329
Post: #5334 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 05-07-2012, 10:03 AM Parent: #5333
Quote: ولكي أكون مشاهدا بشكل جيد أُنزل أحد الطرود من «رُفوف» العفش لأضعه مكان جلوسي ثم أقفز إلى الأعلى و«أتحكر» هناك لأغنم بمشاهدة الفرح..
شافع ود ..... عديل كده
ذكرتنى فى قطر اسوان واحد مصرى عندو قرد مقعدو فى الرف القرد ده كل ما يتحرك الركاب كلهم يتجهجهو ....
معليش انا ما قاصد اشبهك بالقرد يا جبريلا ... لكين شــــينو .. انت قرد حكاوي عديييل ...
،،،،
قلت لي كنت عطشان فى الليل مشيت تشرب موية اوع تكون اتشرقتـــاااا .... يا جني ....
Post: #5335 Title: Re: ناس الزقازيق ... أجدع ناس (4) .. Author: منصور عبد الرازق Date: 05-07-2012, 10:04 AM Parent: #5333
Quote:
خطير ساى .....ده شبابيك بيتو سِرِّية...والله
قدر ما تعاين فيها ما حتشوفا.
ديشاااااااااااااااااااااااااك الزول ده بعد كده , الا نعمل ليهو كمين هسى شبابيك سرية دى ؟؟ مسموح بيها فى القانون ؟؟؟ وكمان فى الفتيحاب !!!! لو كان فى (القفلاب ) كان عمل شنو ؟؟؟!!!
Post: #5336 Title: Re: ناس الزقازيق ... أجدع ناس (4) .. Author: منصور عبد الرازق Date: 05-07-2012, 10:16 AM Parent: #5335
Quote:
سترى «أكوام العشق» تتناثر عبر رصيف المحطة كنعاج في نهار مشمس في مزرعة اسكتلندية.. ويستمر تدفق هذا «الكلام الدقاق» في جميع المحطات الكبيرة (بربر/أبو حمد/الكاب... إلخ).. أما الذين ينسجون شباك اللذة فيتخذون من الليل ستارا، فغالبية عربات القطار غير مزودة بالإنارة.. فبعد أن تكون «غمزات» النهار قد تسربت إلى «الضحايا» ينتظر الجميع دخول القطار في «إغماءة» الظلام..
Quote: يا زول ملوخيتى دى بتقدر عليها ؟؟؟!!! هسى لو قلت ليك رسلا لى رفعت نور الدين بتصدقنى ؟؟؟
*تتذكر رفعت ده كان بيحب (الملوخية ) كيف كان ساقطة ولا حارة
و الله ضحكت ضحك لمن أظن الجماعة ديل حيرفعوا ضدي تقرير للمكتب الرئيسي... لا..لا..لا يا أخوي ملوخيتك دي ما بقدر عليها... دي الظاهر عليها أول قطفه... تقوم تهيج لي مصراني ده ساكت...
Post: #5344 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-08-2012, 05:48 AM Parent: #5343
معليش سامحنا اليوم يا ريس جيناك متأخرين... تلاته حاجات منعتني أجي هنا اليوم.... أنت عارف نحن شفافين جدا.... أولا بالتبادي اليوم عندنا شغل كتير... جيت من صباح الرحمن لقيت ليك الورق ده مردم في مكتبي... من خلال كيمان الورق ده أخدت لي خفسة مشيت لي ضيوفي في مربع كاي... و كتبت لي كلمتين قبل ما أنساهم... قلت مع زحمة الشغل و الكبر البقى علينا ده أكيد حأنسى... أحسن من بدري بدري أخلص منها... متذكر أجي أقول ليكم يا جماعة ياسر نجيلة ده قلق بي... الزول ده مختفي ليهو كم يوم ان شاء الله خير... لكن اتلموا حولي الناس ما خلوني... قمت مرقت معاهم للمواقع بتاعتنا... و الله يا ريس الهيلميت اللابسه فوق راسي بقت زي الزنك ولعت بقت نار... برسل ليك صورة عشان تعرف انو ما حدش بياكلها بالساهل... مش منصور مره جا قال لينا بتاعت الكابلي ديك...كبرت كراعي من الفرح... أنا يا ريس كبرت كراعي من الشمس... حاسي جزمتي دي بقت ضيقة لحدي ما اتخيل لي الرباط حينقطع... و اتمنيت لو كنت لابس كشف...جزمة كشف يا ريس... كلمات زي دي الواحد ما بخليها مطلوقة ساي هنا في البوست ده... الشغل و قلناهو و مربع كاي و قلناهو...أيوه..ايوه... الحاجة التالتة يا ريس المصيبة الاسمها الفيس بوك.... جرجروني الجماعة بي بوست بتاع نكات بتاعت مساطيل... بقيت أجري جري أمشي أشوف آخر نكات المساطيل... رغم انو تلات أرباعها قديمة و مكررة يا ريس... لكن الواحد عايز يضحك و يغير جو شوية... رفعت راسكم بي غادي لكن...أديتهم ليكم مجموعة بتاعت نكات... أتحدى أي واحد يكون سمعها قبل كده... و عشان الشفافية تكمل يا ريس دخلت لي كمان بوستين تلاتة كده.... قلت امكن ناس الفيس بوك ديل يعاملونا بالمثل و يجو يدخلوا هنا... لكن لقيت المسألة فيها جرجرة ساكت.. يخلوني أمشي هناك و زول واحد يجي هنا مافي... فقلت أحسن أجي أقول ليك الكلام ده و بالمره كمان أشوف رأيك شنو... أمشي للناس ديل و لا ما أمشي ليهم... انت عارف انو نحن ناس بنحترم قرارات رؤسانا و كده... لكن يا ريس و انت بتتطلع في القرار ما تنسى تخت فيهو فقرة كالتالي... يسمح للجميع متابعة بوست المساطيل الخاص بمسطول..سوري منصور عبدالرازق...
و شكرا على الكلمات الجميلة... رفعت معنوياتي بالليل ده الله يرفع معنوياتك ليل و نهار...
Post: #5349 Title: Re: ناس الزقازيق ... أجدع ناس (4) .. Author: محمد صديق Date: 05-09-2012, 05:09 AM Parent: #5348
سلامات يا ناس
وصباحات التفاؤل
شايف الريس معتصم مشى الفيس نزل الحاجات بى هناك
مناشدة للريس معتصم يجى ينزل امسية الزقازيقاب
مع اسامة طيارة بى هنا.
Post: #5350 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-09-2012, 05:49 AM Parent: #5349
صباح الخير ،،، يا وجوه الخير
أصبحنا وأصبح الملك لله وحده،
دعاء اليوم :
اللهم إنا نسألك زيادة في الأيمان. وبركة في العمر .. وصحة في الجسد .. وسعة في الرزق .. وتوبة قبل الموت .. وشهادة عند الموت .. ومغفرة بعد الموت .. وعفواً عند الحساب ... وأماناً من العذاب .. ونصيباً من الجنة ..
اليوم جيتكم طوالي بي جاي... قلت مافي داعي كل يوم أقعد أفتش للأعذار... مستغل مسألة الشفافية دي و سماحتكم... لكن عندي سؤال للكوتش على خلفية الكلام ده...
Quote: شايف الريس معتصم مشى الفيس نزل الحاجات بى هناك
انت يا كوتش عارف الشفافية متفشية اليومين ديل هنا... انت شفت بي عيونك و لا كلموك... المسألة بتفرق معانا كتير... بفرق كتير طعم الحلو لو يبقى مر... بفرق كتير و تمر بي من غير كلام...
Quote: الرشيد ده لو قال أحم ساي بتلقى المرفعين جرى
وكان نايم بصحا
يا ريس بعد كلامك ده طوالي مشيت وقفت قدام المرايا... وجيت قلت لي بت الشيخ احم...ما اشتغلت بي الشغله... خليته تنوم و جيت قلت ليها احم برضو ما هببتو لي... قلت غايتو نسوان الزمن ده فاتوا المرافعين بي غادي (وش بيتلفت)...
لكن أنا جاييك للمرايا... مرايات الزمن ده ما كويسات زي مرايات زمان... شابكننا المرايات البلجيكية ..المرايات البلجيكية... قربت أضرب لي نملوز أٌقول ليهو خلي ناسك ديل يتصلحوا معانا... مراياتهم بقت كعبه خلاص... تقيف قدامها تخليك كبير...
طبعا اليوم نهاية أسبوع... و هاتريك النهائيات لازم يكون بدري بدري... قصدي مداخلة هاتريك من صباح الرحمن... و دي مخصوصه للسيمي هاتريك بتاع فالكاو أمبارح في نهائي الليق الأوروبي... الكورة دي من شدة ما سريعه... أنا قلت لو كان المعلق سوداني كان اتشرق... بلباو لعب بحماس زائد و بدون خبره... و اتليتكو مدريد لعب بحماس و خبرة... دييغو و فالكاو صنعا الفارق... فأبدع دييغو في التمريرات الحاسمة... و أثبت فالكاو انه هداف من طراز رفيع...
بلباو لم يقدم مباراة ترقى لمستوى المباريات التي قدمها من قبل.... و لكن عجبني فيهم حبهم للشعار....
Post: #5363 Title: Re: ناس الزقازيق ... أجدع ناس (4) .. Author: محمد صديق Date: 05-10-2012, 10:20 AM Parent: #5362
سلامات يا ناس
Quote: يا سلام عليك يا كوتش أفحمت منص... أنا الناس ديل حدي معاهم القطر... أبعد من كده لا بيني لا بينهم... انت عارفني و عارف شفافيتي...
على حسب وصية الكوتش نزلت من القطر مساء الخميس... و هائنذا أعود اليه صباح اليوم لأجد وصية الكوتش في مكانها... نفس المكان الذي تركتها فيه... قدرت أن يكون كل من أتو بعدي أخذوا بالوصية... و مع مود يوم السبت ده أقصى ما يمكن عمله هو التحية...
Post: #5365 Title: Re: ناس الزقازيق ... أجدع ناس (4) .. Author: حافظ انقابو Date: 05-12-2012, 05:40 AM Parent: #5364
صباح الخير مبروك الصفحة الجديدة إنشاء الله تتمهر بالخير والاخبار الجميلة
Quote: صباح الخير مبروك الصفحة الجديدة إنشاء الله تتمهر بالخير والاخبار الجميلة
ودمتم حافظ انقابو قارئ مواظب لصفحة ناس الزقازيق
صبحك الله بالخير و السرور يا حافظ... سعيد أنا بحضورك الصباحي الزاهي... من دخل بوست ناس الزقازيق فهو صديق... و من واظب على قراءته فهو أيضا صديق... و هي ايه الدنيا غير..لمة ناس في خير... أو ساعة حزن...
Post: #5367 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2012, 06:02 AM Parent: #5365
صباح الخير ،،، يا وجوه الخير
تحية الصباح نرسلها لأخونا حافظ أنقابو
لدخوله المتواصلة وحرصة على صفحة ناس الزقازيق
لك منا زكائب من الود والمحبة.
دعاء اليوم :
اللهم اجعلنا ممن يسمعون القول ويتــَّبعوون احسنه يارب العالمين اللهم أجعل عملنا كله خالصا لوجهك اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
Post: #5368 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-12-2012, 08:40 AM Parent: #5367
Hussein Shingrai
9:32pm May 10
إنا لله وإنا إليه راجعون ولاحول ولا قوة إلا بالله العلي العظيم- إنا سنفتقدك كثيرا يا هدي كامل ( زوجة الصديق الدكتور محمد الطيب إسماعيل و خريجة كلية زراعة الزقازيق) ووالدة كل من أحمد ( الذي ولد في الزقازيق أثناء أيام الدراسة) وعسجد محمد الطيب - أللهم أرحمها وأغفر لها.
++++++++++++++++++++++++++++
لا إله إلا الله وحسبنا الله ونعم الوكيل
توفي إلى رحمة مولاه عمنا سيداحمد والد عبدالدائم النضيف
رحم الله الوالد رحمة واسعة وأسبغ على أهله وذويه الصبر
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عامله بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
احسن الله عزاكم اخى عبدالدايم و ربنا يرحم الوالد ويتقبله ويسكنه فسيح الفراديس وجعل البركه فى ذريته
اللـهـم عامله بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور.
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
أصدق التعازي للأخ و الصديق عبد الدايم و الأسرة... اللهم أكرم نزله..ووسع مدخله واغسله بالماء والثلج والبرد اللهم جازه بالحسنات إحسانا وبالسيئات عفوا وغفرانا اللهم أبدله دارا خيرا من داره وأهلا خيرا من أهله
و انا لله و انا اليه راجعون...
Post: #5372 Title: Re: ناس الزقازيق ... أجدع ناس (4) .. Author: حافظ انقابو Date: 05-12-2012, 09:20 AM Parent: #5370
نسأله الله ان يتقبله قبولا حسنا ويجعل قبره روض من روض الجنان
خالص التعازي للزميل عبد الدائم والاسرة إنا لله وإنا اليه راجعون
Post: #5373 Title: Re: ناس الزقازيق ... أجدع ناس (4) .. Author: أحمد إسماعيل Date: 05-12-2012, 10:34 AM Parent: #5372
الأخ عبد الدائم أحسن الله عزاكم وألهمكم الصبر الجميل اللهم ياحنان يامنان يا واسع الغفران أغفر لوالد عبد الدائم وأرحمه وعافه وأعف عنه وأكرم نزله ووسع مدخله ونقه من الذنوب والخطايا كما ينقى الثوب الأبيض من الدنس اللهم إن كان محسنا فزد في حسناته وإن كان مسيئا فتجاوز عن سيئاته وآنسه في وحدته وفي وحشته وأنزله منزلا مباركا وأنت خير المنزلين اللهم أدخله الجنة مع الشهداء والصالحين
Post: #5374 Title: Re: ناس الزقازيق ... أجدع ناس (4) .. Author: سامي عبد الوهاب إدريس Date: 05-12-2012, 10:38 AM Parent: #5373
يا اللله ياخي دة خبر فاجعة تقبله الله قبولا حسنا وتغمده الله بواسع رحمته واجعله الله من أصحاب اليمين اللـهـم اجزه عن الإحسان إحسانا وعن الإساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وأنت خير المنزلين . اللـهـم انزله منازل الصديقين والشهداء والصالحين وحسن أولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم أفسح له في قبره مد بصره وافرش قبره من فراش الجنة .
تعازينا الحارة يا عبد الدايم والله يصبركم
يا شباب تليفون عبد الدائم مغلق يا ريت لو في تليفون ليه
Post: #5376 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-13-2012, 06:17 AM Parent: #5375
اللهم أرحم الوالد سيد أحمد و تقبله قبولا حسنا وتغمده بواسع رحمتك واجعله الله من أصحاب اليمين اللـهـم اجزه عن الإحسان إحسانا وعن الإساءة عفواً وغفراناً.
رحم الله والدنا سيد احمد احر التعازى ليك يا عبد الدائم انتا والوالدة وباقى افراد الأسرة انا لله وانا اليه راجعون وهذا حال الدنيا يا حبيب وجعلها الله آخر الأحزان
دورى موبالغة , دراما غير طبيعية لمن جابت لى صداع , الريموت فى يدى بقى زى يد البلى ستيشن , احمد اعصابه بايظة , ارسنال كمان بوظ لى اعصابى , ناس توتنهام حسموا امورهم بدرى بدرى وحكم مباراة ارسنال وويست بروميش البيون ده احى انا كان لقيتو قدامى , يا زهير ترتيب الفرق الأربعة الأولى , والفرق الثلاثة الأخيرة ما اتحدد الا فى الدقيقة خمسة وتسعين تصدق ؟؟!!كمان ايفرتون ريحنا ليك من ناس تيو كاسل من بدرى مع انو اعصابنا برضو كانت بايظة , ارسنال كان الثالت قبل بداية الجولة الخيرة لكنه فى ظرف جداشر دقيقة من البداية اتدحرج للمركز الخامس , معقزلة بس ارسنال يمشى (كونفدرالية اوروبا ؟؟!! يكون خلى شنو لى ناس الزلال والبطيخ !!يمين الدقيقة الثالتة من الزمن الضائع الود جيبز باك ارسنال الشمال طلع لى قون انا غايتو قربت ادخل التلفزيون ابوسو و بس تشيزنى حارس ارسنال ما قصر باسو لى بدلى , تخبلو دورى لغاية دقيقته الاخيرة كل مراكزه ما تكون معروفة غير المركز الأخير والقبل الأخير , وديل الأتنين ياداااااب اتعرفوا الجولة الفاتت , الآن الملخص , السيتى بطلا لأنجلترا بعد ان حول خسارته من الكوينز بارك رينجرز بى اتنين لى واحد حتى الدقيقة واحد وتسعين ,, الى فوز مثير فى (3-2) فى الأربعة دقائق الأخيرة بهدفى ديزيكو واجويرو , كوينز بارك رينجرز بالرغم من خسارته الدراماتيكبة دى افلت من الهبوط ولكن بمساعدة مقدرة من استوك سيتى الذى نجح فى تجويل خسارة الشوط الأول بهدفين نظيفين من بولتون واندرز الى تعادل مثير (2-2) فى الشوط التاتى , توتنهام نجح فى احتلال المركز الرابع واحتفظ بآماله فى الشامبيونز ليق بشرط عدم فوز تشيلسى (يا حاتم) بالبطولة عندما بلاقى البايرن ميونخ يوم تسعتاشر الجارى , نبوكاسل تدحرج للمركز الخامس مكتفبا بالدورى الأوروبى , تشلسى سادسا للدورى الأوربى الا اذا ما فاز على البايرن وفى هذه الحالة سيحرم توتنهام من الشامبيونز برغم مركزه الرابع المؤهل , ايفرتون سابعا ثم ليقربول العريق ثامنا ولكنه مؤهل للدورى الأوروبى بفضل فوزه بالكارلنغ كوب , اما فرق ولفرهامبتون وبلاكبيرن (سبق له الفوز بالدورى) وبولتون فقد غادرت للشامبيونز شيب (دورى الدرجة الأولى) وسيحل محلها اندية ساوثهامبتون وريدنغ والفائز من مباراة (وستهام وبلاكبول) التى انصحكم بمشاهدتها الأسبوع القادم , يا له من دورى يا شباب!!!!!! قبل بضع ثوانٍ ·
Post: #5384 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-14-2012, 05:36 AM Parent: #5383
البارحة سعدت أيما سعادة بالتحدث الى جار اللواء (بتاع السيراميك)... و الكوتش بتاع (أم الحفر).... و ذلك بعد انقطاع طويل نسبيا عن التواصل معهم عبر التلفون... مسكت تلفوني لاتصل بأي المحمدين..محمد صديق أو محمد آدم النور... و قلت يا ربي منو فيهم البكون متواجد مع عبد الدائم في الوقت ده... كانت الساعة الثامنه و النصف تقريبا بتوقيت الامارات... قلت الكوتش بيكون طلع من الشغل قريب المغرب و مشى ضرب الملاح الأخدر و ركلس... و جلا الأيام دي هامل لأن بت الشيخ مشت كسلا و ساقت معاها أولادها... يعني من الشغل بيكون مشى مطعم في السوق العربي اتغدى و مش البيت... البيت فاضي لبس و طلع من البيت... قمت اتصلت على جلا جاني صوتو ناير..ما صوت زول متلتل في المواصلات... قال لي يا زول أنا راكب في الكيا السااااقطة مع الكوتش... قلت يا ربي بتين أنا أصدق اني أنا ولي عديييييل كده... أفكر ساكت في الكوتش و جلا القاهم الاتنين مع بعض... ما عايز أقول ضربت عصفورين بي حجر واد... بكون ظلمت العصافير بالطريقة دي...
Quote: ما عايز أقول ضربت عصفورين بي حجر واد... بكون ظلمت العصافير بالطريقة دي...
بالنسبة لي ما فارقة لكن بتفرق مع الزول المثالي داك يعني شاعريتو و قصصو و كتابتو طلعت شمار في مرقة
ما تقول لي ما تفتني مع صحبي وكدا
Post: #5388 Title: Re: ناس الزقازيق ... أجدع ناس (4) .. Author: محمد صديق Date: 05-14-2012, 09:54 AM Parent: #5387
سلامات يا ناس
Quote: شكراً أخي منصور بإخراجنا من
مود الأحزان إلى عالم الرياضة
نأمل المساعدة من الجميع بإدارة دفة الحوار
للخروج إلى مواضيع أخرى .
أنا طبعاً حارق قلبى إهمال الناس للمنبر ...وده خاص بى أنا
ما دام كل الناس بتقول انها ما بتقدر على المساسقة...انا والرشيد بتاعين مساسقة
بس انا برجو انو الناس لما يكون فى عزاء: حامل الخبر ينزلو فى
بوست العزاء بى هناك ويجيب الرابط هنا عشان الناس ما تساسق...وعشان
حاجة تانية مهمة وهى انو يكون فى توافق فى المداخلات....يعنى هسة منص
ده ولا وُفِّقْ فى إخراج الناس من مود الحزن ولا حاجة:أنا شايف انو مداخلتو
(شَتْرَاء) ليس إلا ولا تتفق مع مضمون الشى الداير...
عليكم الله خلوا المكابرة ...وما تخلونا نلملم اطرافنا (ونَشَتِّتْ).
Post: #5389 Title: Re: ناس الزقازيق ... أجدع ناس (4) .. Author: منصور عبد الرازق Date: 05-14-2012, 11:15 AM Parent: #5388
تشتت تمشى وين يا معلم ؟؟ هو دخول الحمام زى خروجه !!! بعدين تصدق زهجتك دى , عجبتنى وكمان كيفتنى قلتا لى تشتت ؟؟ امبارح انا قضيت عصريتى كولللها , دورى انجليزى اصلا انا لو ملاحظ , بعد ما امشى البيت , فرصتى لتداخل الكترونى , قليلة جدا بمعنى انو , بستغنى باقى اليوم عن تداخلات التكنولوجيا , واكتفى بتداخلات اللحم الحى يا حبيب الدورى الأنجليزى فعلا امبارح كان حاجة مميزة طول اليوم ما كنت شفت البوست بتاعنا ده , ولا راجعت الأتكتب فيهو حتى تعزية الحبيب النضيف , كانت تعزية لايف , وهو فى مطار جدة لا يزال عادة نشر تعزية والدخول الى اتون خبر حزين , شاكلة خبر عمنا والد النضيف ده بتكسر ايقاع البوست , وبتضطر الناس لتحويل الرتم الى رتم تعزية وده شىء طبيعى ومفهوم يا كوتش ياخى اها , الرتم امبارح , كان رتم حزين , بطىء ومتثاقل كان فى بوستينا ده , او حتى فى وش الكتاب , ده لغاية ما فارقت انا لابتوبى قبل العصر بقليل مباريات الدورى الأنجليزى , مش كسرت رتابتى انا بس , خلتنى كمان اشيل عكازى عايز اكسر بيهو الأيقاعات كولها فحملت لابتوبى على غير العادة , واخرجته من مخبئه الأختيارى لمن فتحته , فتح لى فيس بوك طوالى , يبدو ان اللابتوبات تفتح على ما قفلت عليه وجدت حاتم جبارة وزهير الزناتى , مفتونين بايقاع مباريات الدورى الأنجليزى فى يومه الأخير هذا ما يمكن تسميته بانه (توارد ايقاعات ) فكتبت ما كتبت , ثم عن لى ان انقل ما كتبت الى شباك آخر , وبوابة تواصل اخرى فظللت ما كتبت , وبدا لى ساعتها ان الكوبى -بيست , اختراع عظيم وجيت لى بوستينا وانا عارف انه ولابد ان يكون ما يزال فى ايقاعه الحزين يتدثر اعتدنا ان ندس فى بوستينا واماكن تلاقينا , نبضنا وايقاعات اللحظة التى نعيش نبضى اللحظة ديك , كان كلو مانشستر ومانشستر , ارسنال وتوتنهام ختينا نبضنا , ومضينا , فكان ان صادف شتارة (احسست انت بها ) الفيس بوك يا كوتش , فيهو ناس اكتر , وادواته وطرائق تواصله وبساطته التعبيرية تتسم بمرونة اكثر انا من عشاق الكتابة المسترسلة الطاعمة , وهذا ما اجده هنا بس ده ما مبرر اتجاوز ناس كتاااار ممكن القاهم متجمعين بى هناك كل المنتديات الآن تشكو من سطوة الفيس بوك وطغيان التويتر كل سودانيز اون لاين , تعانى من هذه الظاهرة اصحاب المواقع دى زااااتهم , لاحظوا ذلك , ففتحوا نفاجات موصلة من مواقعهم , للشبكات الجديدة دى القصة اصلها تدوين متواصل , او تواصل مدون طرائق التدوين والتواصل تترى وتفلج كل يوم عن صباح جديد , يا اعز واحب كوتش فى الدنيا ارجو ان تتسع (مرونتك التى اعلم ) , لتستوعب كل الطرائق والوسائط المتاحة عنى شخصيا , حا افتش ليك وين ما كنت , حتى ولو اشوتها (مسرجة ) اما قولة انك تشتت , فتف من بؤك , الا لو عايز تشتت لينا (سكر )
* المساسقة , تتعبنى جدا لمن اكون مشغول وما لاقى فرصة قراية او تداخل , ولكنى استمتع بها ايما استمتاع لمن اكون اكون بطايوق كامل تعال لينا بطايوق كامل , ساسق معانا واستمتع , فى الدريب الجاى بحداكا , تقول يمكن يصادف مرة القاكا , اقابلك وينشرح قلبى , الأصلو حباكا
Post: #5390 Title: Re: ناس الزقازيق ... أجدع ناس (4) .. Author: محمد صديق Date: 05-14-2012, 11:40 AM Parent: #5389
سلامات يا ناس
Quote: القصة اصلها تدوين متواصل , او تواصل مدون طرائق التدوين والتواصل تترى وتفلج كل يوم عن صباح جديد , يا اعز واحب كوتش فى الدنيا ارجو ان تتسع (مرونتك التى اعلم ) , لتستوعب كل الطرائق والوسائط المتاحة عنى شخصيا , حا افتش ليك وين ما كنت , حتى ولو اشوتها (مسرجة ) اما قولة انك تشتت , فتف من بؤك , الا لو عايز تشتت لينا (سكر )
يا حبيب انا ما عندى مانع ولا حرج فى انو الناس تتواصل فى اى حتة تختارها...انشاء الله
فى جحر ضب....بس فى الاحزان دى بطلوا تحزنو فى البوست ده.....الحزن اُفْرِد ليهو بوست
عزاء منفصل .....جيبوه هنا بى رابط وكفى الله ناس الزقازيق المساسقة.
الكلام ده ولا صعب ولا بنقص كبرياء زول من الناس العاهدوا نفسهم ما يجوا المنبر....
واذا كان الناس بتحب المكابرة فانا لست ممن يحبونها..
انا موجود معكم بى هنا واُساسق ومعى الرشيد ونفر قليل وما جاتنى حاجة لا فترت ولا رقبتى اتعسّمت.
كلامى اظنو وقع ليك.
اخيرا: شكرا على مشاعرك الجميلة...وانا والله احبك كما تدرى.رغم انى فى الزقازيق كنت بشوفك من بعيد
انا طبعاً بحب الآكشن ... اها الليلة جابني الآكشن بتاع الكوتش وزعلته دي ... ياخي بحبك دي ذاتها طلعت بزعل ... زي الشكلة واحد ... غايتو مسكين منصور جاته في صمة خشمه رغم أنه الكوتش ما كان قاصده بالكلام في الأساس لكن اهو الزعلة عمت الناس كلها ... طبعاً لمن يثار الموضوع ده ... طبعاً انا بكون المتهم الأول ... يعني القطيعة الفي كيا بين رشدي وجلا ومحمد صديق كلها كانت في إنه أنا المتهم الأول في أنه فتحت نفاج الفيس وسقت الناس ... رغم إني عارف إنه الكوتش ورشدي ناس طيبين وقلبهم ابيض ... لكن جلا قطع شكل بيكون حمس النيران ... رغم انه اكتر زول حاتل بهناك ... المهم انا شخصياً قدر ما حاولت اقنع الكوتش ده بالفيس بوك غلبني ... ما كده بس قال لي عديل كده ده كله منك ... حمدت الله اني بره البلد ... ولا كان أتخذ معاي إجراءات أخري ... انا طبعاً ما بخاف من الكوتش لكن خايف يحرش لي عوض المفتاح ... اها دي شوية خواطر عن الآكشن ... غايتو انا متلوم مع الكوتش مش لاني ما بجي بيجاي ... يمين قاعد أجي بيجاي أكتر من الكوتش والريس ميسرة ... لكن والله الكوتش ده كم مرة قدم لي دعوة لزيارة المنبر بهناك والمتاوقة للبوستات المفتوحة بيغادي ... لكن نقول القدم ليهو رافع واكيد حا نجيكم يا كوتش وندعو الله أن يلهم الحكومة الأمريكية أن تغلق هذا الفيس بوك ... ياخ ده حتي حمانا الشغل ...
هذا الصباح و كعادتي فتحت التلفزيون قبل نزولي بعشرة دقائق... فتحته و كان على قناة النيل الأزرق ولقاء قديم معاد مع الفنانة فتحية محمد أحمد... هو لقاء معاد و لكني تابعت جزءا منه و كأني أشاهده للمرة الأولى.... و عرض أيضا جزء من مسلسل أقمار الضواحي الذي شاركت الأستاذه فتحية في بطولته... قلت لي ست بيتي و الله لكن مثاله تمثيل ما اعتيادي و أنا أعني الأستاذة فتحية... المشهد الذي تم عرضه و معها الأستاذ موسى الأمير كان مشهدا رهيبا... لا ينتابك أي احساس بأنها تمثل..مشاعر و حركات جسد و وجه و تمثيل فذ... أو بمعنى آخر عالمي..فتحية محمد أحمد ممثلة عالمية... أو بالأحرى كانت ممثلة عالمية..لأنها لم تعد تمثل على ما أعتقد... التحية هذا الصباح للمثلة العالمية الأستاذة فتحية محمد أحمد...
صورة للأستاذة فتحية في االلقاء الذي أجري معها بقناة النيل الأزرق...
شكراً يا رش التحية للمثلة فتحية و الشكر و التقدير للأستاذ قاسم أبو زيد و الفنان محمود عبد العزيز كنت أنتظر بشغف هذه المقدمة و أردد مع الفنان محمود و خاصة
Quote: يصبحوا علي حلم راجع
ويكتبوا في المدي الشاسع
ويحلموا بي وطن واسع
لامسجون ولا محموم
لا مغبون ولا مهموم
ومهما ضاقت الأحوال
أكيد قلم الظلم مكسور .
Post: #5396 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-15-2012, 05:57 AM Parent: #5394
صباح الخير ،،، يا وجوه الخير
أصبحنا وأصبح الملك لله وحده
نجاوى صباحية
سبحان الله وبحمده عدد خلقه ورضا نفسه وزنة عرشه ومداد كلماته
Post: #5397 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-15-2012, 08:39 AM Parent: #5396
هوي يا أبو الزوز برانا حرانين و زهجانين... أخير ليك تبطل مداخلاتك الفاضية دي... حتقول لي عندي مداخلة فيها تلجاية... أقول ليك أرجع ليها كان لقيت التلجاية قاعدة مع الحر دي...
Post: #5401 Title: Re: ناس الزقازيق ... أجدع ناس (4) .. Author: محمد صديق Date: 05-15-2012, 11:18 AM Parent: #5399
سلامات يا ناس
Quote: سوف نعود للكتابة والمؤازرة
شكرا يا ريس....
وننتظرمنك الدعم (واستعدال المعوج)
Post: #5402 Title: Re: ناس الزقازيق ... أجدع ناس (4) .. Author: منصور عبد الرازق Date: 05-15-2012, 11:45 AM Parent: #5401
Quote:
انا موجود معكم بى هنا واُساسق ومعى الرشيد ونفر قليل وما جاتنى حاجة لا فترت ولا رقبتى اتعسّمت.
دي واحده من المداخلات المسائية النادرة من بعد عودتي من السلع.... فأبو ظبي أعطتني و أخذت مني... أعطتني وجودي بين ناس أحبهم و يحبونني .... و أخذت مني الوقت المتسع الشاسع مساءا... و أناهنا لست أفاضل بين هذا و ذاك... بل هو مجرد وصف لحالتين... بعد صلاة العشاء مشيت الحلاق و الذي تفنن في أن يحلل قروشو... مساج للعيون و الجبهة و الرقبة و الكتفين... و طقطقة في الراس و الاضنين... مسج لي كتفي الأيمن فشعرت بالجوع و اشتهيت لي شاورما... ثم الأيسر فشعرت برغبة في تدخين سيجار هافانا رغم اني بطلت التدخين زمان... دلك رقبتي فشعرت برغبة بالتداخل معكم... و ما عارف السبب شنو... و هي الرغبة الوحيدة التي تحققت... تجنبت الخوض في موضوع بوست و فيس بوك ده متعمدا... هو ليس بموقف سلبي كما قد يبدو... و لكني أعتقد أنه نوقش بما يكفي... حتى أنني و أثناء تنقيبي في صفحات قديمة في البوست... وجدت أن بعض الذين انصرفوا عن البوست كانت لهم آراء مغايرة تماما لمواقفهم الحالية... فكنت أقرأ ما كتبوا و أضحك..حتى انني فكرت باعادة نشرها ثم عدلت عن الفكرة... ذهبت الى الفيس بوك أحيانا بطلب من أصدقاء أعزاء و أحيانا باختياري.. فوجدت مجموعة من الناس الجميلين الذين تشعر بالألفة بينهم من الوهلة الأولى... وجدت صعوبة في التأقلم مع سرعة الايقاع هناك رغم اجتهادي... حتى انني افترعت بوست هناك لم يلاقي استحسانا و لم يتداخل معي فيه الا فافي و لايك من وليد حمدون... قلت يا حليل الكوتش محمد صديق لكان تداخل معي عشرات المرات و بربع طايوق فقط... اما ان كان بطايوق كامل لقام بعمل دراسة نقدية متكاملة... المقصد...ان لنا اخوة أعزاء هناك نحبهم و يحبوننا في الله... يكملوننا و لا ينقصون منا شيئا..و نكملهم و لا ننقص منهم شيئا... و يؤدون دورا مقدرا في التواصل و الترابط و خلق صلات طيبة... مثلما نقوم به نحن هنا و بما يتناسب مع أسلوبنا و مزاجنا... الكثيرون منهم يأتون هنا و يقرأون ما نكتب و يستحسنونة... لذلك يستحقوا أن نذهب اليهم و نقرأ ما يكتبون و ان لم نقدر على التداخل معهم... ليس مجاملة لهم..بل لأن هناك مواضيع تستحق أن تقرأ و أراء جيدة تطرح.. فأغلبهم لا يستطيعون الكتابة هنا بسبب عدم حصولهم على العضوية... و لكني أعاتب من هم أعضاء هنا...عتاب أخ و صديق و محب... و أقول لهم ان ابتعادكم غير مبرر...أو بالأحرى يحزننا... خاصة و ان المساهمة في هذا البوست لا تتطلب الكثير... فهي مجرد مداخلة أو مداخلتين في اليوم ثم ينصرف العضو الى حال سبيله...
أدام الله المحبة و المودة و الاخاء بيننا... و دمتم دايما سالمين...
يا رشا كيفنك رغم التفاعل الغريب مع الفيسبوك لكن يشهد علي الله دائما حنيني إلى هذا البوست وانا اكتر واحد كنت معنقد في الحتة دي ومعاي ياسر نجيلة ياخي سودانيز دي فيها حنين كدة ما قادر ألقى ليه تفسير
Quote: يا رشا كيفنك رغم التفاعل الغريب مع الفيسبوك لكن يشهد علي الله دائما حنيني إلى هذا البوست وانا اكتر واحد كنت معنقد في الحتة دي ومعاي ياسر نجيلة ياخي سودانيز دي فيها حنين كدة ما قادر ألقى ليه تفسير
معذرة جبريلا..نزلت مداخلتي و مشيت نمت... ياخي انت عارف مشكلتك شنو يا جبريلا... انك أصبحت ما ملك نفسك... عندك جمهور هنا و في الفيس بوك و في كل مكان... يعني ما من حقك تقول أنا أمشي هنا و ما حأمشي هنا... و نحن لو حاولنا نحتكرك بتكون دي أنانية مننا... لذلك قدرك يا حبيب أن تتواجد في كل هذه الأماكن... و المبدع يجب أن لا يقيد...يجب أن يترك حرا طليقا يحلق حيث يشاء... عشان كده بنقول ليك... نقل فؤادك حيث شئت من الهوى ما الحب الا للحبيب الأول... يعني تواجد في كل هذه الأماكن و لكن انطلق من هنا...
Post: #5410 Title: Re: ناس الزقازيق ... أجدع ناس (4) .. Author: محمد صديق Date: 05-16-2012, 07:06 AM Parent: #5409
سلامات يا ناس
وصباحات التفاؤل
ونجيكم بعدين
Post: #5411 Title: Re: ناس الزقازيق ... أجدع ناس (4) .. Author: أحمد إسماعيل Date: 05-16-2012, 07:23 AM Parent: #5409
سلام يا كرام بدون مقدمات كدة الحقيقة إتجهجهت في خبر وفاة عمنا سيد أحمد لأني وجدت الخبر في الفيس بوك جيت جاري البوست مالقيت أثر للخبر مشيت بوست العزاء هناك مافي معلن ولا معزي إتصلت في الأخ عبد الدائم لا يرد دخلني الشك وما قدرت أقول حاجة إلا بعد مارجعت ولقيت الخبر هنا بالبوست لذلك أوافق الكوتش بأن خبر وفاة أي واحد يخص أجدع ناس يكون هنا لان أهل الميت هنا
Post: #5412 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-16-2012, 07:30 AM Parent: #5409
صباح الخير ،،، يا وجوه ا لخير
أصبحنا وأصبح الملك لله وحده
دعاء اليوم : اللهم أجمعنا ولا تفرقنا
قالوا في الأثر : إذا أردت أن تكتشف صديقاً .. سافر معه .. ففي السفر .. ينكشف الإنسان ..يذوب المظهر .. وينكشف المخبر !
أها الكلام ده بنطبق على الناس الهجرت البوست وإنبطحت في الفيس بوك بشكل لم أجد له تفسيراً ، نحن لا نحجر على الآخرين التطور والتقدم والتكنلوجيا إذا ما تابعتها سوف تتخلق عن الركب ولكن كما قال الرشيد:
Quote: نقل فؤادك حيث شئت من الهوى ما الحب الا للحبيب الأول...
هذا هو حالنا نذهب ونغرد بعيد ولكن لا بد للطيور أن تعود إلى أوكارها والتواصل مع الآخرين والكم الكبير بالفيس بوك شئ جميل ورائع ومطلوب ولكن أن تبخل وتضمن على الاخرين لو بالكوبي بيست مش حاجة تحير ومثال آخر حتى في السراء والضراء تجد خبر موجود هناك وتداخل بعض الناس الذين يمتلكون حق الدخول هنا لا يكف نفسه عناء النقل بالله دي تفسروها بشنو؟؟؟؟؟؟؟؟؟؟!!!!!!!!!!!! وآخر مثال وفاة والد أخونا عبدالدائم لو لا تلفون زهير الزناتي لا علم لي ونحن بجواره وعلى بعد أمتار قليلة ولكن بعض الأحيان لا ندخل إلى الفيس لان ولائي الأول والأخير لهذا الموقع حتى تلفون عبدالدئم بتاع السودان وجدته فيس بوك صدفةً ولم يفتح الله على أحد منا على نقلة هنا 00249927625858 وهاتف أخوه جعفر بالسودان 00249122114084 يوجد خلل فني مقسم علينا جميعاً بدون إستثناء وينطبق علي نفس الشئ على الرغم من أني لا أجد كثير من الوقت (لأني أعمل في مؤسسة أخرى بعد دوامي هذا والتي سوف تكون مقر عملي الجديد بإذن الله وهي مؤسسة تحت الإنشاء وكثير من الأحيان تكون هناك إجتماعات بمدينة مكة المكرمة وتتطلب مني السفر ليلاً والعودة مع أخواني في الساعة الثالثة صباحاً وحقيقة بكون غالباً نائم في العربة عند العودة فأنا أشكو من ضيق الوقت وقلة النوم وكثرة العمل وكثير من الزملاء على علم وإطلاع بأحوالي ) ولكن شخصياً لا أجد كامل العذر لنفسي وللآخرين بدون مجاملة .
نواصل إنتفاضة الكوتش - ربيع الكوتش -
Post: #5413 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-16-2012, 07:41 AM Parent: #5412
بعد أن كتبت مداخلتي شاهدت هذه المداخلة
وأظنها تصب في قلب ربيع الكوتش ولأن الخبر لو ما أتاني
من زهير لما علمت به وكذلك وفاة الزميلة الزقازيقية هدى (الله يرحمها)
نقلته من الفيس بوك بخط حسين شنقراي
Quote: سلام يا كرام بدون مقدمات كدة الحقيقة إتجهجهت في خبر وفاة عمنا سيد أحمد لأني وجدت الخبر في الفيس بوك جيت جاري البوست مالقيت أثر للخبر مشيت بوست العزاء هناك مافي معلن ولا معزي إتصلت في الأخ عبد الدائم لا يرد دخلني الشك وما قدرت أقول حاجة إلا بعد مارجعت ولقيت الخبر هنا بالبوست لذلك أوافق الكوتش بأن خبر وفاة أي واحد يخص أجدع ناس يكون هنا لان أهل الميت هنا
هذا خطاب محكم للناس حتى نكون عادلين ولا تلهيكم سرعة الفيس عن أصل المواقع وعلشان نكون عادلين ومنصفين وتحقق جميع المواقع الهدف من إنشائها بسرعة توصيل المعلومة للجميع وفي كل المواقع مش تنزل في الفيس ويتعامل معها معظم الناس بهامشية وعدم إكتراث . وأنصح كل الناس بعدم تعدد الزوجات لأننا فشلنا أن ننصف ما بين البوست والفيس
Quote: معذرة جبريلا..نزلت مداخلتي و مشيت نمت... ياخي انت عارف مشكلتك شنو يا جبريلا... انك أصبحت ما ملك نفسك... عندك جمهور هنا و في الفيس بوك و في كل مكان... يعني ما من حقك تقول أنا أمشي هنا و ما حأمشي هنا... و نحن لو حاولنا نحتكرك بتكون دي أنانية مننا... لذلك قدرك يا حبيب أن تتواجد في كل هذه الأماكن... و المبدع يجب أن لا يقيد...يجب أن يترك حرا طليقا يحلق حيث يشاء... عشان كده بنقول ليك... نقل فؤادك حيث شئت من الهوى ما الحب الا للحبيب الأول... يعني تواجد في كل هذه الأماكن و لكن انطلق من هنا...
يا رشا الله يجبر بي خاطرك يا حبيب يا حبيب القصة كلها النيت دة بقى متنفس من ضغوط لا حصر لها اهو بنجي نفرق مع الناس الحلوة شديد دي
Quote: يا رشا الله يجبر بي خاطرك يا حبيب يا حبيب القصة كلها النيت دة بقى متنفس من ضغوط لا حصر لها اهو بنجي نفرق مع الناس الحلوة شديد دي
LIKE
هسع يا ودجبرين لو عملت المداخلة دي ... في الفيس بوك ماكان ريحتني ... وبس ضغطنا على الاصبع العامل كده ده .......
كل ماتمشي بهناك ... ويشاكلوك تجينا جاري بدموعك ... وتقش في مخاخيتك .... كدي النشوفك حايم تاني بهناك ...
==================================== بالامس قلت كدي اجرب الفيس بوك ... بالله كل مداخلة انبح ... بصوت عالي وينو رشا ... وينو رشيد القوم ... بالله وروني ... الرشيد بابكر ماجاكم حايم بي جاي ....
اها بدل الفضايح دي ... مش اخير قعادي في بيتي ده ... ومحل ... الحبيب الأول ...
========================= وبدون رتوش ... و ربيع البوست ... او ربيع الكوتش ... والله كلو تجمع حلو وجميل ... الواحد يشوف محلات برتاح ... ومزاجو في الليلة ديك ... عاوز فيس .. ولا اسكاي .. ولا الراكوبة ... ولا بوستنا ده ... وتلقونا نحنا يا نا نحنا ... الاغيرتنا الظروف ... لا هدتنا محنه ... غيب وتعال ...
Quote: كل ماتمشي بهناك ... ويشاكلوك تجينا جاري بدموعك ... وتقش في مخاخيتك .... كدي النشوفك حايم تاني بهناك ...
هو مالو !!!!! قلتو لي ربيع الكوتش!!! ياخ نحن الأيامات كلها عندنا ربيع و خاصة مع الكوتش عرفنا ربيع الكوتش في البوست هنا طيب المنبر البي غادي ياتو فصل من فصول السنة
Quote: طيب المنبر البي غادي ياتو فصل من فصول السنة
داك فصل الاعادة... زمان و نحن أولاد صغار في تالته ثانوي (سانوي بالسوداني)... كان في فصل فيهو ناس كبار ما كنا بنجي جمبو... كان اسمو فصل الاعادة... أنا ما كنت سموهو كده ليه... لحدي ما واحد صاحبي قال لي عشان الناس الفيهو كبار... انت دحين يا جلا ما كنت في فصل زي ده...
زي ما قلت فصل الإعادة بكون للناس الكبار و البشكلو و البدقو الناس التانين هس يا رش فصل الإعادة دا مش ياهو زاتو الفيس بوك هس شوف طارق جبريل دا دقوهو دق الجن لمن دموعو و مخاخيتو جات جارية
Quote: بالامس قلت كدي اجرب الفيس بوك ... بالله كل مداخلة انبح ... بصوت عالي وينو رشا ... وينو رشيد القوم ... بالله وروني ... الرشيد بابكر ماجاكم حايم بي جاي ....
نجيلة تسلم يا حبيب... عقبتك في الفيس بوك و لقيت سؤالك عني... زول واحد قال ليك الزول ده ما جانا بي جاي مافي... و عشان أنا عارفك بتنوم بدري... خليت ليك سلامي هناك و مشيت...
Quote: هس شوف طارق جبريل دا دقوهو دق الجن لمن دموعو و مخاخيتو جات جارية
كلمناهو يا جلا لكن ما بسمع الكلام... أخير ليك معانا..حلف ما يسمع كلامنا... مشى نزل قطرو بي هناك..حسه قطرو ودوهو الورشة... هنا قاعد يحمد الله سيدو... مش كده و بس... الصيانة زاتا علينا...
Post: #5423 Title: Re: ناس الزقازيق ... أجدع ناس (4) .. Author: منصور عبد الرازق Date: 05-16-2012, 10:47 AM Parent: #5417
Quote:
مسج لي كتفي الأيمن فشعرت بالجوع و اشتهيت لي شاورما... ثم الأيسر فشعرت برغبة في تدخين سيجار هافانا رغم اني بطلت التدخين زمان... دلك رقبتي فشعرت برغبة بالتداخل معكم... و ما عارف السبب شنو... و هي الرغبة الوحيدة التي تحققت...
يعنى انحنا قاعدين ليك فى رقبتك يعنى ؟؟؟!!! عموما الواحد لازم يتحمل مسئولياتو كاملة
الموضوع ده , علاجو فى عدم الأشتغال بيهو , وعدم اعتباره هما انا شخصيا ما فارقة معاى وين ما القاكم , ووين ما القى ايقاعى , بجيكم سودانيزاونلاين ده زااااتو , فى الأول كان جديد على كنتا برسل ليكم ايميلات جبتونى واديتونى باسويرد دشيت ليكم قدر ما الله قدرنى جابو الفيس بوك بقى لى كيف كيف ما عارف , وايقاعو غلبنى فى الأول وقمتا كده اتعودت عليهو بكرة كمان يمكن تلقى ميزات اكتر فى التويتر , ولا فى قوقل بلس برضو ما عندى قشة مرة وين ما انتو موجودين , بجيكم اتعاملو مع الموضوع ده , ببساطة زيى كده , تريحوا وترتاحوا بعد مرات بكتب حاجة هنا , وبنسخها لى هناك او بكتب حاجة هناك , وبنسخها لى هنا فى شلهتة ومساسقة , ايوا فى شلهتة ومساسقة لكن بديل الشلهتة والمساسقة , اللى هو توحيد مزاج الناس غير ممكن , بل مستحيل لا تطلبوا مستحيلا , ولكن تشلهتوا وساسقوا ما استطعتم واعلموا ان , المشاركة اما قراية سااااى وده اضعف الأيمان اما قراية ولايك , وده ايمان متقدم شوية ومشاركة فى حدها الأدنى اما قراية ولايك او دسلايك , بى تفنيدها واسبابها ومشاركتها , وده تفاعل ومشاركة بى طايوق او كمان تبنى لى مواضيع وانبهال ودش وتصدى , وهذا ما لا يتسنى للجميع طول الوقت ولكنه ممكن للبعض بعض الوقت , او للكل بعض الوقت , وفى كل خير وعلى فكرة , حتى الفيس بوك , بى ناسو الكتار ديل , وبى ادواته الأكثر تقدما دى , برضو عنده اوقات كساده وبوار سلعه بسييييييطة يا شباب , ارجوكم ما تصعبوهاش
آخر حاجة شفتها كانت مداخلة منصور... و تاني بصراحة ما قدرت أدخل... ما قلت ليكم أبو ظبي أخدت مني مساحة مقدرة من الزمن... و مسافة مقدرة من التواصل الحميم معكم... سواء أن كان عبر البوست أو عبر التلفونات... فيوم الخميس و السبت كنت أتلقى العديد من الاتصالات منكم... و أنا ذاهب الى السلع و أنا قادم منها... تلفون من أبو الزوز يوصلني السلع... و آخر من جلا أو منصور يوصلني أبو ظبي... و عادة ما كانت تنتهي المكالمة بي يا زول خلاص وصلت... أها يلا طيب مع السلامة...
أتفق مع منصور في أن نترك موضوع فيس بوك و بوست ده لحاله... و سوف تجدون ان المياه رجعت وحدها الى مجاريها... مثل القاش يغير مساره ثم يعود اليه مرة أخرى...
Quote: يعنى انحنا قاعدين ليك فى رقبتك يعنى ؟؟؟!!! عموما الواحد لازم يتحمل مسئولياتو كاملة
ده بيعتمد على انكم في ياتو مكان... أنا غايتو رقبتي مع السما... My neck with the sky ....
Quote: ما عندي موضوع من قبيل كايس حاجة اكتبها ما لقيت ...
و الله أنا نفس الحكاية يا أبو الزوز... نزلت قصيدة أزهري محمد علي و مشيت المربع... فتشت علي حاجة ما لقيت... قفلت الدكان و مشيت... قلت جيتك دي ممكن تكون مناسبة... عشان نقول ليك نورت المكان... ياخي مزاج يوم السبت ده مزاج عجيب... طبعا مساء اليوم ملحمة البايرن و تشيلسي... فعايزين نعرف من حسه... انت أحمر و لا أزرق... و لا نيوترال...
Post: #5428 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-19-2012, 06:32 AM Parent: #5424
صباح الخير ،،، يا وجوه الخير
أصبحنا واصبح الملك لله وحده ،،،
اللهم آتنا في الدنا حسنة وفي الآخرة حسنة وقنا عذاب النار
===========================
Quote: بسييييييطة يا شباب , ارجوكم ما تصعبوهاش
كلام منصور صاح والمداخلات دي كلها صاح ، ولكن
حسب فهمي لإنتفاضة الكوتش بأن الناس الذين يمتلكون باسويرد
في سودانيز إذا كانوا متواجدين على النيت يجب وإلزام عليهم المداخلة
هنا ولو باليسر البسيط (مداخلة في الإسبوع أو حتى في الشهر) تكفي
ونأخد مثال بسيط ، زي إختفاء أخونا البادي النور قد أجد له العذر
لظروف خاصة به لا يتداخل نهائياً ورد الله غيبته ، وزي صاحبي شديد الفي
الرياض داك راجل أكتف ووجوده في أي موقع غنيمة ما بعدها غنيمة ، ولكن
تواجده بكثافة في معظم مواقع التواصل الإجتماعي والإختفاء بالكامل ولا حتى المناسبات
يا كافي البلاء ما بتجيبوا هنا ، أها إنتفاضة الكوتش مقصود منها الناس ديل ؟؟؟؟؟
Quote: يعني ممكن تقول تشيلسي بنسبة 30% وبايرن ميونخ 20% والبيحيبها الله كلها كويسة بنسبة 50%
عصايتك دي احترت فيها... يعني الواحد ما بقدر يعرف انت ماسكه من ياتو حته... نسبك دي شكلها حتزيد مع بداية المباراة... يعني ممكن نسبة 30% بتاعت تشيلسي تزيد... أو نسبة ال20% بتاعت بايرن تزيد... علي أي حال استراتيجية كويسه للتعامل مع المباراة... ود عمي محمد عايش في ميونيخ و متزوج من ألمانية... أنا بعرف انو زمان ما كان عندو علاقة بالكورة البتة... حسه ما بفوت مباراة للبايرن... كل ما تكون هناك مباراة للبايرن بفتش عليهو وسط الجمهور.. كان نفسي يعزمني المباراة دي يا أبو الزوز... نفسي ياخي أدخل مباراة لفريقين أوربيين... عايز أشوف الفرق بين المشجعين الأوربيين و المشجعين السودانيين... عايز أِشوف الفرق بين الاليانزا أرينا و استاد الخرطوم... عايز أشوف الفرق بين الجماعة الببيعو الساندوتشات و ستات القهوة و الشاي.. عايز أشوف الفرق بين البوب كورن و الفول و التسالي... عايز أشوف الفرق بين انك تكون بصحبة واحد ألمانيا و بين صحبو أبو الزوز و الكوتش... يا ربي في فرق و لا مافي...
طبعا الفرق بين الكورة الأوروبية و السودانية واضح ما عايز ليهو شوف... ياخي كورة الهلال الأخيرة دي لو سمعتها في الراديو تنوم...
Post: #5431 Title: Re: ناس الزقازيق ... أجدع ناس (4) .. Author: منصور عبد الرازق Date: 05-19-2012, 08:06 AM Parent: #5430
وانا منحاز للأنجليز وثقافتهم الكروية انحيازا كاملا عشان كده , انا تشيلساوى اليوم , ومتقمص صلعة حاتم جبارة بس مع ده كلو , انا مزاجى غريب شوية , خاصة فى فكرة التشجيع والتعاطف دى بحاول دائما , انو حكمى ما يستند على النتائج بس , فى النهاية يعنى انا عارف تماما , انو لو النتائج تحسم بالمستوى والأداء النهائى المفروض يكون بين البرشا والريال لأنهم احسن فريقين فى العالم الآن , دون جدال بس انا كمان , من عشاق الأثارة فى كرة القدم والأثارة عنوانها الدائم هم الأنجليز اولاد الهرمة ديل الأسبان لو ارتفع مستواهم او نزل , كورتهم مسيخة وتقدر تتوقع نتائج سنة لى قدام وغالبا ما تكون توقعاتك , صائبة بنسبة لاتقل عن تمانين لى تسعين فى المية يعنى الحكم العام والأبتدائى , هو الذى يحكم كورة الأسبان لكن الحكم العام مساحته ما بتزيد عن خمسين لى ستين فى المية عند الأنجليز كل مباراة عندها حكم خاص بيتحدد فى الميدان , صواب الحكم ده معظم الأحوال بين اربعين لى خمسين فى المية يعنى معظم المباريات , تشهيك المشاهدة عشان تتحدى حكمك العام المسبق شفتا الأثارة دى كيف تشيلسى وبايرن ميونيخ , لمن قابلوا البرشا والريال فى قبل النهائى ما استسلموا لى الحكم العام , الكلنا كنا متوقعينو قالوا ان المباراة تلعب داخل الملعب , وقد صدقوا عشان كده الليلة انا متوقع نهائى روعة , فيه اثارة عالية فنيا الفريقين متقاربين للغاية , مع تفوق طفيف للبايرن , والتفوق ده ناتج من غيابات عناصرية اضطرارية لتشيلسى خاصة غياب جون تيرى , وعودة البرازيلى اب شعر داك , مع كاهيل , والأتنين طولوا من اجواء المنافسة كلا الفريقين محتاج للبطولة دى عشان ينقذ موسمه , مع انو حوجة تشيلسى تبدو اكبر لأن عدم فوزه معناها عدم المشاركة فى الشامبيونز ليق السنة الجاية , لأنو جا فى المركز السادسس فى الدورى الأنجليزى الفرجة مضمونة زى ما بيقول رؤؤؤف خليف , واتمناها تشلساوية زرقاء
بينما من البلوز سيغيب كل من جون تيري ( للإيقاف ) إيفانوفيتش ( للإيقاف ) راميريز ( للإيقاف ) راؤول ميريليس ( للإيقاف )
في رأي المتواضع... ان البايرن سيتأثر دفاعه كثيرا بغياب بادشتوبر و آلابا... بينما سيتأثر خط و سط و هجوم تشيلسي كثيرا بغياب البرازيلي راميرز... دايفيد لويز و كاهل قادران على تعويض غياب جون تيري و ايفانوفيتش...
لو كنت رئيس تحرير جريدة رياضية لفرضت على جريدتي المانشيتات التالية... الكرة تقول للبايرن..ليله لو باقي ليله..عمري ما أبيك الليلة.. دروجبا يؤجل القرار و تشيك يشعل النار في قلب ميونيخ... أوبي ميكيل و لويز و كاهل..متاريس نيجيرية..برازيلية و انجليزية باشراف ايطالي...
أثبت النيجيري جون أوبي ميكيل أنه نجم كبير.. و انه كان مظلوما من قبل المدربين السابقين الذين تعاقبوا على تدريب تشيلسي... كل خط دفاع تيشلسي كانوا نجوما و لم يتأثروا بغياب تيري و ايفانوفيتش... لعب لامبارد مباراة استثنائية و كان قائدا حقيقيا لفريقة... تأثير غياب راميرس كان واضحا في الانتقال من حالة الدفاع الى الهجوم...
البايرن عانده الحظ في كثيرا من الكرات الخطرة... مفاتيح اللعب في الفريق (ريبيري و روبين) وجدت أمامها متاريس متينة... خسارة الفريق الكبيرة أمام دورتموند ألقت بظلالها على نفسيات اللاعبين... فبدوا و كأنهم قد استسلموا لشعور داخلي بعدم امكانية الفوز... يوب هاينكس و ان كان مدربا جيدا الا أنه بدأ لي كناظر مدرسة متغطرس... فبعد الخسارة كان ينظر الى لاعبية دون أن يخفف عليهم و كأنه يلقي عليهم اللوم...
نبارك من هنا لحبيبنا حاتم جبارة التشيلساوي الكبير... و حتى لزهير صاحب الــ30% و الذي أظنها نقصت كثيرا أثناء المباراة وحتى هدف دروجبا... و هاردلك لمنصور الذي يمني نفسه بخسارة تشيلسي.. حتى يشارك أرسنال في دوري الأبطال في الموسم القادم... تشجيع منصور للبايرن من أجل عيون أرسنال دي.. ليه ما عارف أرتبطت عندي بمصطلح حرب بالوكالة...
Post: #5436 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-20-2012, 06:07 AM Parent: #5435
صباح الخير ،،، يا و جوه الخير
أصبحنا وأصبح الملك لله وحده،،،
دعاء اليوم :
اللهم أحسنت خلقي
فأحسن خُلقي
===================
تابعت مبارة يوم أمس ليلاً فقد كانت بحق
مباراة رائعة يمكن أن تتغير النتيجة في لأي لحظة
والحق يقال الحظ عاند الألمان بشدة وذهب كأس لتشيلسي
مبروك الكأس يا حاتم جبارة وكذلك محسنة ميسرة فهي تشجع هذا الفريق الإنجليزي
ولاعبها المفضل دروجبا- علشان بيشبه منصور -
الأولاد متابعين الكورة أكثر مني ويوم أمس حرمتهم من حضور المباراة
من أجل المدرسة والإمتحانات وعدم السهر الشديد
Post: #5437 Title: Re: ناس الزقازيق ... أجدع ناس (4) .. Author: محمد صديق Date: 05-20-2012, 07:29 AM Parent: #5436
اليومين الفاتن كنت ماري بحالة زهج شديد ... ممكن تسموها دبرسة من النوع ابوكديس ... تخلي الواحد فطيس ... والنقطة المهمة كنت راقد يوم بحاسب في نفسي ... بجر في شريط الذكريات من يوم ما تخرجت لليوم عملت شنو ... والنتيجة كانت شنو .... اشتعلت الوظايف الأساسية التالية .... محاسب في شركة كمبيوتر ... Technical Accountant في مجمع صناعي محاسب في حكومة دبي الوظيفة الحالية ... واثناء شغلي الأساسي ... كنت أقابض أي شغلة القي فيها فرصة مثل: مدرس كمبوتر .. طباعة وتصفيف الكتب ... أول ما دخل الابل ماكنتوش 1989 بياع سكراب ... تجارة البرسيم و الرودس .... استيراد من السعودية ... مصنع ألمنيوم ... محل انترنت و أجهزة كمبيوتر ... تجارة بين دبي والسودان ... بيع وشراء السيارات ... والكتير ... مافي داعي أصدعكم ... ولكن المهم ماذا كانت النتيجة ... كأنك يا ابوزيد ما غزيت .... تيتي تيتي ... زي ما روحتي جيتي .... تجري جري الوحوش وغير رزقت ما تحوش ... كل اعمالي كانت ناجحة ... بس لأسباب طبعا معروف معظمها ... صفيت اغلبها ... والمحتفظ فيها الدخل على قدر المصروف ... يعني الجاي قدر الرايح ... وفي قمة دبرستي ووصولي للنتيجة أعلاه ... ضحكت في سري ... وقلت يا ولد أحلامك دي كلها ... أحلام زلوووط ساى ... وبعده انتبهت للمثل ... من هو زلوط ... وما هي أحلامه ... قلت النشوف يمكن أحلامه زى أحلامي ... أو أنا زلووووط زاتوووووووووووووووووووووووووووو وقوقلت الموضوع ... فكانت النتيجة ضحكة قوية ... ثم ضحكة عميقة حتي انكفأت على قفاي ... دي يامنصور على وزن بلو جينز أحمر ... و اعملوا حسابكم الحج السنة دى مع رمضان ... وانتشيت للنتيجة ... وانتشلت من الدبرسة ... العميقة إلى الدبرسة السطحية .... نتابع المسلسل ... مسلسل في حلقات ... كل يوم حلقة ... طبعا منقول ... بضبانتو بدون تصريف ... سوي تقسيمة الى حلقات ... عشان أكون زي طارق جبريل .... اصلو الزول ده بدأ كده ... وكان دايما بقطع الحلقة الأخيرة .... ...
أسامة جاب الدين
الحلقة (الاولي)
اليوم سنتعرف على (زلوط)..!! نعم (زلوط) شخصياً، الكل يعرفه ويضرب به الأمثال في كل ما يتعلق بـ المستحيل، أنا وأنت والجميع سمع بـ (أحلام زلوط)، ولا أحد يعرفه ولا يعرف بـ ماذا حلم بـ الضبط، ولكن .. اليوم أعتبر نفسك قد تعرفت على المدعو (زلوط)، اسمه الحقيقي (هشام)، فـهو شاب تخرج منذ خمس سنوات قضاها في رحلة البحث عن العمل ولُقّبَ بـ (زلوط) إثر (زلطة) على جبهته، وهي جُرح أصيب به عندما كان صغيراً. المهم أن (زلوط) كان يقضي النهار في البحث عن وظيفة، ويعود عصراً ليجلس تحت ظل شجرة أمام منزلهم مع أصحابه، وهم في جلساتهم يتحاورون حول الحائل المائل وانتشار العطالة والبطالة بينهم.!
يتبع الحلقة الثانية .... بكرة ان شاء الله بعد السابعة صباحا ....
Post: #5441 Title: Re: ناس الزقازيق ... أجدع ناس (4) .. Author: منصور عبد الرازق Date: 05-20-2012, 11:18 AM Parent: #5440
Quote:
محاسب في شركة كمبيوتر ... Technical Accountant في مجمع صناعي محاسب في حكومة دبي الوظيفة الحالية ... واثناء شغلي الأساسي ... كنت أقابض أي شغلة القي فيها فرصة مثل: مدرس كمبوتر .. طباعة وتصفيف الكتب ... أول ما دخل الابل ماكنتوش 1989 بياع سكراب ... تجارة البرسيم و الرودس .... استيراد من السعودية ... مصنع ألمنيوم ... محل انترنت و أجهزة كمبيوتر ... تجارة بين دبي والسودان ... بيع وشراء السيارات ... والكتير ... مافي داعي أصدعكم ... ولكن المهم ماذا كانت النتيجة ..
,وبياع فلل الواحدة بى ميتين وسبعين الف دولار معقول تنسى اهم واحدة , مش جلا اشترى منك فلته بتاعت الفتيحاب بتاعت الشبابيك السرية ؟؟!!!
* يالرشيد انا كنت اسعد واحد بى تشيلسى ودروغبا امبارح تشيلسى فاز بالكأس , وطير معاهو توتنهام ارسنال متأهل يا معلم بى ضراعو , قبل تشيلسى زااااتو
Post: #5442 Title: Re: ناس الزقازيق ... أجدع ناس (4) .. Author: منصور عبد الرازق Date: 05-20-2012, 11:18 AM Parent: #5440
Quote:
محاسب في شركة كمبيوتر ... Technical Accountant في مجمع صناعي محاسب في حكومة دبي الوظيفة الحالية ... واثناء شغلي الأساسي ... كنت أقابض أي شغلة القي فيها فرصة مثل: مدرس كمبوتر .. طباعة وتصفيف الكتب ... أول ما دخل الابل ماكنتوش 1989 بياع سكراب ... تجارة البرسيم و الرودس .... استيراد من السعودية ... مصنع ألمنيوم ... محل انترنت و أجهزة كمبيوتر ... تجارة بين دبي والسودان ... بيع وشراء السيارات ... والكتير ... مافي داعي أصدعكم ... ولكن المهم ماذا كانت النتيجة ..
,وبياع فلل الواحدة بى ميتين وسبعين الف دولار معقول تنسى اهم واحدة , مش جلا اشترى منك فلته بتاعت الفتيحاب بتاعت الشبابيك السرية ؟؟!!!
* يالرشيد انا كنت اسعد واحد بى تشيلسى ودروغبا امبارح تشيلسى فاز بالكأس , وطير معاهو توتنهام ارسنال متأهل يا معلم بى ضراعو , قبل تشيلسى زااااتو
Quote: واخيرا ديدي درودبا ... أو ديديه درودبا ....
شكرا يا جبريل كده عرفت النضارة وين.
Post: #5444 Title: Re: ناس الزقازيق ... أجدع ناس (4) .. Author: أحمد إسماعيل Date: 05-20-2012, 05:13 PM Parent: #5442
بعد التحية والسلام السنة عندنا حولية عديل ، الداخلين الجامعة من أبنائنا أذكر منهم 1- عمر أحمد إسماعيل 2- الطيب عصام جلي 3- أحمد منصور عبد الرازق 4- سجود موسى عيسى والبقية تأتي إنتظرنا الناس الأكبر مننا سننا ناس موسى عيسى الأولادهم دخلوا الجامعة من سنوات سابقة أن يضعوا لنا حجر أساس لقراية العيال مشوا لقراية السودان أم دق دي وفي الآخر صفر معاك الواحد لذلك ياليت نوحد جهودنا ونجمع الدارسين من أبنائنا في بلد خلاف السودان ، حتى لو بحر الشمال مع عمهم عمر فيل ، أو في كندا مع ناس الهادي محمد صالح وكوثر داود تأبى الرماح إذا إجتمعنا تكسرا ؛؛؛؛؛؛ وإذا افترقنــا تكسّرت آحادا
ذلك اليوم .. كان هو اليوم الذي سار به المثل المشهور (أحلام زلوط)، عندما عاد (زلوط) من رحلة طويلة قضاها في البحث عن عمل، لم يترك باب شركة إلا وطرقه، رمى أوراقه بـ المنزل وخرج لـ الشجرة لينفث عن زهجه بـ الدردشة مع أصحابه، حياهم وجلس بينهم وقال: - يعنى هسع العلماء ديل .. اخترعوا الطيارة .. والغواصة .. والأقمار الصناعية .. وما قادرين يخترعوا حاجة تنهي العطالة دي؟!! ضحك صاحبه (محمد) وقال: - الظاهر دي الحاجة الوحيدة الغلبتم .. لكن رايكم شنو .. تعالوا نفكر لينا في اختراع يقضي على العطالة نهائياً؟! أجابه (عمر) بـ إحباط: - مافي .. العطالة دي المشكلة الوحيدة الما عندها حل جذري!! تدخل (زلوط): - أنا عندي فكرة اختراع ممكن يقضي على العطالة نهائياً.!! التفت إليه الجميع، ثم هتف به (محمد): - شنو؟ .. كدي ورينا اختراعك ده .. يمكن .. يعني والله اعلم .. تحل لينا مشكلة العطالة دي؟!
=====================================
Quote: يا نجيلة الحلقة الثانية ياخ
يا ود جبرين التانية والتالتة والرابعة .... بجوك انت بث انتظر الحلقة .... الأخيرة .........
يا نجيلة بطل حركات الكوتش دي... حلقاتك قصيرة ياخي... الكوتش يقسم ليك القصيدةالفيها عشرة بيوت لي عشرين جزء... بيعمله كيف ما بعرف... دايرين حلقة أقل حاجة تكمل بيها فنجان القهوة... ما عايز أعصر عليك و أقول ليك كباية الشاي..
Quote: لذلك ياليت نوحد جهودنا ونجمع الدارسين من أبنائنا في بلد خلاف السودان ، حتى لو بحر الشمال مع عمهم عمر فيل ، أو في كندا مع ناس الهادي محمد صالح وكوثر داود تأبى الرماح إذا إجتمعنا تكسرا ؛؛؛؛؛؛ وإذا افترقنــا تكسّرت آحادا
أبو عمر و الأفكار النيره...
فكره جيدة جدا يا أبو عمر... صحي أنا لسه أولادي ما في سن الجامعة... لكني أدعم الفكرة بشدة...
Post: #5451 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-21-2012, 05:37 AM Parent: #5450
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
أعوذُ بكلمات الله التامة من كل شيطان وهامة ومن كل عين لامة
========================
Quote: ياليت نوحد جهودنا ونجمع الدارسين من أبنائنا في بلد خلاف السودان
فكرة توحيد الجهود والدراسة خارج السودان هي فكرة صائبة ومقدرة وعلشان الناس تكون عملية يجب ترشيح بعض الدول وعمل دراسة ويُستفاد من الزملاء المتواجدين بتلك الدول ، ربنا يوفق أولادك في مستقبلهم الدراسي
يا جماعة احمد اسماعيل ده زول عجز وكبر ... والدليل انه كلامه كل حكم وكلام مفيد ... للأسف اتعودتوا ما تسعموا كلام كباركم ... وما قادرين تتخذوا قرار في أي حاجة ... واضح تأثير بنات الشيوخ عليكم ... لو سمعتوا كلام احمد اسماعيل ده السنة الفاتت هسه العمدان كان طلعت وما كان دفعتوا في الجامعة 17 مليون في السنة الواحدة ... لكن نسوي شنو مع ناس هرشة دوت كوم ديل .... ياخي مرة واحدة اجتمعوا اعملوا حاجة تنفع الناس كلها بدل كله زول شايت براهو زي ناس المريخ كده ... كل مرة طالعين من التمهيدي ...
يا رشدي تصفيف الكتب ... جايه من صف يصف الحروف في صف أو صفوف ... زمان الحروف كانت نحاسية وبتتجمع حرف حرف عشان تبقي كلمة ... ثم سطر ثم صفحة بعدين يربطوها مع بعض ... في شكلها زي الختم الخروف بارزة ,,, اسمها المطبعة الحرفية ودي اول مطبعة عرفها الإنسان وجابها نابليون معاهو مصر ... العجيبة لغاية الليلة مستتخدمة خاصة في كروت الأفرح وفي ترقيم الدفاتر الحسابية .... لأنها الوحيدة في الطابعات العندها رقامة ...
Post: #5453 Title: Re: ناس الزقازيق ... أجدع ناس (4) .. Author: محمد عيد Date: 05-21-2012, 07:05 AM Parent: #5452
الريس الكبير ...
ركــّازة القبيلة .. وســـيد الحوش الكبير ..
كل العمر الجميل انشاء الله ...
وســنة حلوة يا حارسنا وفارسنا
Post: #5454 Title: Re: ناس الزقازيق ... أجدع ناس (4) .. Author: محمد صديق Date: 05-21-2012, 08:27 AM Parent: #5453
سلامات يا ناس
يا ريس كل سنة وانت طيب
ربنا يمتعك بالصحة والعافية
Post: #5455 Title: Re: ناس الزقازيق ... أجدع ناس (4) .. Author: محمد صديق Date: 05-21-2012, 08:53 AM Parent: #5454
سلامات يا ناس
Quote: يا رشدي تصفيف الكتب ... جايه من صف يصف الحروف في صف أو صفوف ... زمان الحروف كانت نحاسية وبتتجمع حرف حرف عشان تبقي كلمة ... ثم سطر ثم صفحة بعدين يربطوها مع بعض ... في شكلها زي الختم الخروف بارزة ,,, اسمها المطبعة الحرفية ودي اول مطبعة عرفها الإنسان وجابها نابليون معاهو مصر ... العجيبة لغاية الليلة مستتخدمة خاصة في كروت الأفرح وفي ترقيم الدفاتر الحسابية .... لأنها الوحيدة في الطابعات العندها رقامة ...
حارسنا ... وريسنا كل سنة وانت طيب .... نتمني ليك كل السعادة لك وللاسرة الكريمة ...
============================ يالرشيد ... تصفيف من صف ... بس مش بتاعة زهير اول ماظهر جهاز الماكنتوش اقصد ابل ماكنتوش ظهر معاهو برنامج اسمو ... الناشر المكتبي ده خاص باخراج الصحف والكتب ومعروف ان الطباعة بتكون .. ورقة ... ورقة وعملية التصفيف ... هذا المصطلح لازم توضح الصفحة اليمين من الصفحة الشمال ... دي حاجة غير الترقيم ... بعرفوها من الهوامش ... ومتعارف عليها في المطابع يعني الهامش اليمين غير الشمال حسب المساحة وجهة تثبيت الكتاب ... وكذلك من التصفيف (اسم قائمة بالبرنامج)... جزء منها التنسيق ... والترقيم ... والهوامش ... ووووو بالمناسبة مايجي واحد حريف ويقول لي من الارقام ممكن نعرف الصفحة اليمين من الشمال لان الصفحة الاولي ممكن تكون فرادية ... ويبدأ الكتاب من الصفحة التانية وكذلك في منتضف الكتاب بتكون في صفحة فرادية خلفها فاضي ... وهكذا ...
Post: #5459 Title: Re: ناس الزقازيق ... أجدع ناس (4) .. Author: منصور عبد الرازق Date: 05-21-2012, 11:22 AM Parent: #5457
صدقت يا ابو عمر احمد اسماعيل موضوع دراسة العيال ومستقبلهم موضوع يحير احمد ولدى على مرمى حجر منه وزى ما قلتا عمر احمد اسماعيل كمان ودعاء محمد عيد وولد عصام جلى وما خفى اعظم عارفين الموضوع ده , التفكير النظرى فيهو غير ولمن تجى للمحك , بتلقى نفسك بتفكر بى طريقة مختلفة حاولت اقعد مع احمد واتفاهم معاه من بدرى طوالى اتذكرتا ايامى الفى سنه وعمره اول شىء , حاولت اعرف ميوله عارف , الحتة دى براها يمكن اخدت اكثر من سنة وانا عاذره طبعا , الشغلة فعلا مجوبكة والدنيا الجديدة وآلياتها وادواتها تزيد التشتت زاده تشتتا عارف الخيارات بتاعت الدراسات الهندسية , فعلا خيارات اوسع , وبتخليك تحتار تمشى فى ياتو اتجاه المحور كمان بتاع انك توديهو السودان ولا برة السودان , برضو موضوع النظرى فيهو كتييير , ومتنوع الفكرة بتاعت انو يمشى بلده ويتعرف على مجتمعه , برضو فكرة مليياااانة نظريات دراسة الطب , خياراتها ما واسعة زى الدراسات الهندسية من ناحية جودة بتكلم , مخلوطة بى رغبة او عدم ممانعة على الأقل نملوز فى المطار قال لى فكهم لى الأتنين وما عندك شغل بيهم , نظرية تانية من النظريات جودة الجامعة وسمعتها , خاصة فى دراسة الطب , لو قبول عام ولا على النفقة الخاصة ده كمان باب كبييييير , قدر ما تفتحو , يابا ينقفل ليك احمد باقى ليهو اسبوعين ويخلص امتحاناتو , وبعديها امتحان التحصيل الأخير ولما كمان الواحد فيهم يكون مستواه كويس وتشعر بيهو مجتهد , يزيد حيرتك زيادة اها , الدبارة كيفنها ؟؟؟!!!
Post: #5460 Title: Re: ناس الزقازيق ... أجدع ناس (4) .. Author: منصور عبد الرازق Date: 05-21-2012, 11:25 AM Parent: #5457
صدقت يا ابو عمر احمد اسماعيل موضوع دراسة العيال ومستقبلهم موضوع يحير احمد ولدى على مرمى حجر منه وزى ما قلتا عمر احمد اسماعيل كمان ودعاء محمد عيد وولد عصام جلى وما خفى اعظم عارفين الموضوع ده , التفكير النظرى فيهو غير ولمن تجى للمحك , بتلقى نفسك بتفكر بى طريقة مختلفة حاولت اقعد مع احمد واتفاهم معاه من بدرى طوالى اتذكرتا ايامى الفى سنه وعمره اول شىء , حاولت اعرف ميوله عارف , الحتة دى براها يمكن اخدت اكثر من سنة وانا عاذره طبعا , الشغلة فعلا مجوبكة والدنيا الجديدة وآلياتها وادواتها تزيد التشتت زاده تشتتا عارف الخيارات بتاعت الدراسات الهندسية , فعلا خيارات اوسع , وبتخليك تحتار تمشى فى ياتو اتجاه المحور كمان بتاع انك توديهو السودان ولا برة السودان , برضو موضوع النظرى فيهو كتييير , ومتنوع الفكرة بتاعت انو يمشى بلده ويتعرف على مجتمعه , برضو فكرة مليياااانة نظريات دراسة الطب , خياراتها ما واسعة زى الدراسات الهندسية من ناحية جودة بتكلم , مخلوطة بى رغبة او عدم ممانعة على الأقل نملوز فى المطار قال لى فكهم لى الأتنين وما عندك شغل بيهم , نظرية تانية من النظريات جودة الجامعة وسمعتها , خاصة فى دراسة الطب , لو قبول عام ولا على النفقة الخاصة ده كمان باب كبييييير , قدر ما تفتحو , يابا ينقفل ليك احمد باقى ليهو اسبوعين ويخلص امتحاناتو , وبعديها امتحان التحصيل الأخير ولما كمان الواحد فيهم يكون مستواه كويس وتشعر بيهو مجتهد , يزيد حيرتك زيادة اها , الدبارة كيفنها ؟؟؟!!!
* ياسر نجيلة , زلوط وصل وين ؟؟باع الرودس ولا لسا ؟؟ عليك بالكوتومبورا الأفريقى , لا يعلى عليه .. ننتظر زلوط واحلامه * طارق جبريل مشتاقين
Post: #5461 Title: Re: ناس الزقازيق ... أجدع ناس (4) .. Author: محمد عيد Date: 05-21-2012, 02:25 PM Parent: #5460
ليوم يصادف ذكرى رحيل الجنوبي " أمل دنقل" الذي توفى فى مثل هذا اليوم ٢١ من مايو ١٩٨٣ متأثرا بمرض السرطان..
ليت أسماء تعرف أن أباها صعد
لم يمت
هل يموت الذي كان يحيا
كأن الحياة أبد
وكأن الشراب نفد
و كأن البنات الجميلات يمشين فوق الزبد
عاش منتصباً، بينما
ينحني القلب يبحث عما فقد.
ليت "أسماء"
تعرف أن أباها الذي
حفظ الحب والأصدقاء تصاويره
وهو يضحك
وهو يفكر
وهو يفتش عما يقيم الأود .
ليت "أسماء" تعرف أن البنات الجميلات
خبأنه بين أوراقهن
وعلمنه أن يسير
ولا يلتقي بأحد .
Post: #5462 Title: Re: ناس الزقازيق ... أجدع ناس (4) .. Author: محمد عيد Date: 05-21-2012, 02:33 PM Parent: #5461
دعـــوه ...
يمكن ان تسموها عربون موده ...
او وردة صلح ...
او تطييب خاطر او حتى .... رشـــوه او .....
لصديقى وحبيبى الكبير ... الكوتش محمد صديق
والحبيب الرشيد
وجميع عشاق دنقــل
المقترح : عمل ملف متكامل عن امل دنقل شبيها بملف محمود درويش الذى نظمناه قبيل الارشفة
بل اننى اقترح ان يكون الملف فى ( لمن فاتهم الاستماع ) ..
حمحم (زلوط) ثم قال: - طبعاً إنتو عارفين إنو نحنا كـ مواطنين مشهورين بالنقة الكتيرة ؟!! قاطعه (عمر): - وده علاقتو شنو بالعطالة؟ زلوط: ياخي أصبر نتم ليك .. ثم أضاف: - يعني يا جماعة النقة دي ممكن نستفيد منها في حل مشكلة العطالة..! قاطعه (عمر) مرة أخرى: - لا .. لا إنتا الظاهر الليلة شارب ليك حاجة!؟ صرخ فيه (زلوط) بـ غضب: - ما تقاطعني … أصبر أكمل كلامي!! - خلاص واصل .. نشوف النقة دي حـ تحل مشكلة العطالة كيف؟! جر (زلوط) نفسه بعمق ثم واصل: - يا جماعة افترضو مثلاً إنو في شركة اخترعت جهاز يحول (النقة) إلى (كهرباء) .. يعني واحد نقناق زي عمر ده ممكن يولد زي عشرة كيلو واط في دقيقتين .. وفي خمسة ساعات ممكن يولد كهرباء تشغل مصنع نسيج ليوم كامل .. ويطلع مصاريفو بي ارتياح .. أها رايكم شنو في الاختراع ده؟!! صمت الجميع برهة وهم ينظرون إلى (زلوط) في دهشة وارتياب، وكسر (عمر) حاجز الصمت: - والله إنتا الليلة ما براك؟!!
قاطعه (زلوط): - والشركة دي ممكن تعين ملايين الخريجين .. وتخت قدام أي واحد مكرفون بس .. وتخليهم ينقنقوا ويولدوا كهرباء ..وكمان دي مهنة ما دايرة أي مؤهلات .. وكل ما الواحد كان صوتو غليد .. وحلقو مانع .. حـ يكسب أكتر..!! ضحك (خالد) وقد استهوته الفكرة: - زاتو نرتاح من الجمرة الخبيثة دي .. يعني لو في الأسرة واحد نقناق ممكن يشغل التلفزيون والثلاجة.. وممكن يكوي بي مكوة الكهرباء .. وزول يسألو مافي .. دي كهرباء جابها بي نقتو.. والله فكرتك سمحة..!! ثم نحو (زلوط) وقال له: - لكن يا زلوط .. جهازك ده لازم يكون عندو اسم ؟!
سعيد جدا بالحضور المكثف للجميع... شفتو كيف مداخلة واحدة بتصنع الفارق... فما بالكم لو أصبحت اثنتان... خلوها واحده ..واحده..عشان تبقى تصفيف مداخلات... حتى لو ما بين معانا رقم المداخلة...
يا سلام عليك يا حمادة و انت تحي ذكرى الجنوبي... بعد التخرج و عندما كنت أعمل في الجزيرة كان معي دنقل... كنت بعد عودتي من العمل عند السادسة مساء و بعد الاستحمام و الغداء/عشاء... أخرج الكتاب الأحمر الضخم وأقرأ فيه..كانت تلك هي الأعمال الكاملة... كان كل من حولي ينظر الي و كأنني أقرأ المانيفستو... صنفوني بلون الكتاب و اندهشوا عندما رأوني أصلي... معتقدين ان كل من له علاقة بهذا اللون لا يصلي... حتى لو كان مريخابي بس...
يا أبو الزوز شغلك رائع.. و خاصة بتاعت أكون فرحان... منتهى الروعة... ليهو حق الكوتش يسميك الميكانيكي...
Post: #5472 Title: Re: ناس الزقازيق ... أجدع ناس (4) .. Author: أحمد إسماعيل Date: 05-22-2012, 07:11 AM Parent: #5470
يا ريس كل سنة وأنت بألف خير وعلى خير وموفقين ناس المريخ ديل الظاهر حمدهم في بطنهم ما شايفين ناس أبو الزوز ديل مشرشحنهم كيف !
يا منصور فعلا دراسة العيال محصلة إختياراتها معقدة وصعبة على العموم لو وجدنا توافق وإنسجام في الرغبات والبلدان ( الجامعات) و توحدت الجهود ، نحن مستعدون لأن موت الكثيرة عيد وخلاف ذلك تكون كل شاة معلقة من عصبتها
Post: #5473 Title: Re: ناس الزقازيق ... أجدع ناس (4) .. Author: أحمد إسماعيل Date: 05-22-2012, 07:17 AM Parent: #5470
يامنصور كلامك السمح عن الحب والمودة والرحمة ----- ليه ماجبتوا هنا الواحد عايز يقراهو متين ثلاثة
Post: #5474 Title: Re: ناس الزقازيق ... أجدع ناس (4) .. Author: محمد صديق Date: 05-22-2012, 10:13 AM Parent: #5473
سلامات يا ناس
Quote: دعـــوه ...
يمكن ان تسموها عربون موده ...
او وردة صلح ...
او تطييب خاطر او حتى .... رشـــوه او .....
لصديقى وحبيبى الكبير ... الكوتش محمد صديق
والحبيب الرشيد
وجميع عشاق دنقــل
المقترح : عمل ملف متكامل عن امل دنقل شبيها بملف محمود درويش الذى نظمناه قبيل الارشفة
بل اننى اقترح ان يكون الملف فى ( لمن فاتهم الاستماع ) ..
- يا جماعة افترضو مثلاً إنو في شركة اخترعت جهاز يحول (النقة) إلى (كهرباء) .. يعني واحد نقناق زي عمر ده ممكن يولد زي عشرة كيلو واط في دقيقتين .. وفي خمسة ساعات ممكن يولد كهرباء تشغل مصنع نسيج ليوم كامل .. ويطلع مصاريفو بي ارتياح .. أها رايكم شنو في الاختراع ده؟!!
يعنى النكتة بتاعت بكرة النقة , تبقى بكرة الكهرباء ؟؟ انتا داير سودانيزاونلاين دى , تنفجر فينا ولا شنو ؟؟؟ مستمتعين بأحلام زلوط
يا ابو عمر , قصة الوليدات دى باين عليها حا تكبرنا قبل يومنا , نحن الصغااااار ديل
* طارق جبريل , كنت بتونس قبل شوية مع واحد من اولاد الأمتداد قام وهو بتكلم كده , جاب سيرتكم , انت واخوانك قلت ليهو بتعرفهم من وين قام حكى لى حكاية قدييييييمة , قال لى جاركم عبد الرحمن محمد صالح , اخو ناس الشنبلى , مرة جا من برة وجاب معاهو اول تلفزيون ملون فى الامتداد قال كده وختاهو فى نص الحوش , وقال للجماعة التلموا عشان يتفرجوا زول واحد بيتفرج على تلفزيونى ده مافى الا ناس بيتنا واولاد جبريل الجماعة بى صوت واحد كوللللهم قالوا لى , كلنا اولاد عمك جبريل ضحكت جنس ضحك !!!!!
أجابه: - ممكن نسميهو (جهاز النقناقونيتر)!!! ثم تكلم (زلوط) بـ رصانة: - وبعدين ممكن الشغلانة تتطور .. يعني ندمج النقناقونيتر مع التلفزيون مثلاً .. ويجي واحد صوتو غليد زيك كده يا عمر .. وينهر التلفزيون نهرة واحدة .. ويحضر السهرة بي مزاج!! عمر: هوي .. يا ناس .. هووي .. والله بتبالغو عديل؟!!
خالد: وجهاز النقناقونيتر ده طبعاً ممكن الواحد يشيلو معاهو زي الموبايل .. وفي أوقات فراغك ممكن تنقنق فيهو تولد ليك كم كيلو واط كده بدل تكون قاعد ساي!!
ارتفع صوت (عمر) قائلاً: - أها يا (زلوط) .. أعمدة الكهرباء دي يودوها وين بعد داك؟! خلف (زلوط) رجله وقال بـ لامبالاة: - والله ياخي .. ممكن يقلعوها كلها كده .. ويبطحوها في الواطة دي .. يعملوها شوارع زلط!
صاح فيه (عمر) بـ غيظ: - طيب والسلوك؟! - السلوك دي .. يعني .. ممكن يوزعوها على المواطنين .. يعملوها حبال غسيل وللا أي حاجة! صفق (عمر) بيديه في تعجب وحيرة وقال: - غايتو جنس أحلام وأوهام .. جهاز النقناقونيتر بتاعك ده حقو تسميهو (أحلام زلوط)!
صرخ فيه (زلوط): - أها ممكن الجهاز يطور أكتر .. بدل ما يحول (الطاقة النِقيّة) يعني طاقة النقة يحولها إلى (طاقة حركية)!! - ودي بعملوها كيف؟
أمبارح نسيت أشحن الموبايل بتاعي... و حسه على وشك انو يكضم...
يا ريت لو كان عندي نقناقونيتر...
انت يا ياسر الوحدة بتاعت طاقة النقة دي بقيسوها بي شنو... نقير/ساعة.. نقنواط/ساعة..
و ما هو الفرق بين طاقة النقة العادية و نقة الشمارات... أنا يخيل لي انو طاقة نقة الشمارات غير آمنة على البيئة... لما فيها من غازات شمارية سامه قدتؤثر على طبقة الأوزومتزوجون...
بالله أطلع من النص شوية لشرح استفساراتنا للمصلحة العامة...
تخريمة... الواحد لو عندو مزرعة عشرة فدان و عايز يزرعها كلها برسيم و أبو سبعين... و عامل ليهو فيها قرين هاوس... و عشرة بقرات فريزيان معاهم حلابات... و عندو دواجن... و سكن للعمال و استراحة صغيرونة كده...
برضو الكلام عنده ميكانيكية ... هل يقدر ######كم ي###### ######نا زي ما ######نا ###### ######كم .... كل واحد يقولها عشرة مرات ... لقيت من امس ما عندكم موضوع جديد .... قلت يمكن القي لي موضوع جديد لغاية ما يجي ياسر نجيله ... الليلة الرشيد طلع اوف ....
Post: #5482 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-23-2012, 05:50 AM Parent: #5481
Quote: انت يا ياسر الوحدة بتاعت طاقة النقة دي بقيسوها بي شنو... نقير/ساعة.. نقنواط/ساعة..
والله انت حريف خلاس ... يالرشيد
غايتو انا ... بقترح نقنواط/ساعة .... حلوه وملعوبة ... بعدين ياحبيب ... لو المزرعة فيها 10 بقرات .. بتفتش في النقناقونيتر ليه ... كل بقرة تقول .... بوووووووووووووووووعاه .... الحلة كلها تنور شهر .... ...
بعدين البرسيم ده زارعو ليه ... مانحنا حنجيبو ليك جاهز ... ارخص من الزراعة .... ...
غايتو عالم متلقية حجج ...
=================================== الزناتي كلامك المشخط ده .... صلحو لينا ... لو ماعرفت تصلحو ... شوف كلمة جـــــــــــــــبانات ... واكتب زيها ......
Post: #5485 Title: Re: ناس الزقازيق ... أجدع ناس (4) .. Author: منصور عبد الرازق Date: 05-23-2012, 09:43 AM Parent: #5484
لرغم من قيمة مشاعر الحب عندي و عندكم معاشر القراء و القارئات ، و بالرغم من أن الحب يكاد يكون صنم هذا العصر الذي يُحرق له البخور ،
و يُقدم له الشباب القرابين من دمائهم ، و يُقدم له الشيوخ القرابين من سمعتهم ، و تُرتل له الأناشيد ، و يُزمر له الزامر ، و يُطبل الطبال ، و ترقص الراقصة ، و تعمل بلاتوهات السينما و ستوديوهات التليفزيون ، و كباريهات شارع الهرم ليل نهار لتمجيده و رفعه على العرش ، ليكون المعبود الأول و المقصود الأول ، و الشاغل الأوحد و الهدف الأوحد و الغاية المثلى للحياة التي بدونها لا تكون الحياة حياة
و بالرغم من أننا جميعا جناة أو ضحايا لهذا الحب ، و ليس فينا إلا من أصابه جرح أو سهم أو حرق ، أو أصاب غيره بجرح أو سهم أو حرق
بالرغم من هذه الأهمية القصوى ، و الصدارة المطلقة لموضوع الحب في هذا الزمان ، فإني أستأذنكم في إعادة نظر و في وقفة تأمل ، و في محاولة فهم لهذا التيه الذي نتيه فيه جميعا شيوخا و شبابا و صبايا
::و أسأل نفسي أولا و أسألكم
هل تعلمون لماذا يرتبط الحب دائما بالألم ، و لماذا ينتهي بالدموع و خيبة الآمال دعوني أحاول الإجابة فأقول : إن الحب و الرغبة قرينان .. و إنه لا يمكن أن تحب امرأة دون أن ترغبها ، و لهذا ما تلبث نسمات الحب الرفافة الحنون أن تمازج الدم و اللحم ، و الجبلة البشرية فتتحول إلى ريح و إعصار و زوبعة ، حيث ينصهر اللحم و العظم في أتون من الشهوة العارمة ، و اللذة الوقتية التي ما تكاد تشتعل حتى تنطفئ
هل أقول إن الحب يتضمن قسوة خفية ، و عدوانا مستترا ؟ نعم هو كذلك إذا اصطبغ بالشهوة ، و هو لابد أن يتلون بالشهوة بحكم البشرية و المرأة التي تشعر أن الرجل استولى على روحها ، تحاول هي الأخرى أن تنزع روحه و تستولي عليها .. و في ذلك عدوان خفي متبادل، و إن كان يأخذ شكل الحب
و المرة الوحيدة التي جاء فيها ذكر الحب في القرآن هي قصة امرأة العزيز التي شغفها فتاها ( يوسف ) حبّا فماذا فعلت امرأة العزيز حينما تعفف يوسف الصدّيق؟ و ماذا فعلت حينما دخل عليهما الزوج؟ لقد طالبت بإيداع يوسف السجن و تعذيبه
لأنه أدرك ببصيرته أن الحب سجن، و أن الشهوة قيد إذا استسلم له الرجل أطبق على عنقه حتى الموت.. و رأى أن مكثه في السجن عدة سنوات، أرحم من الخضوع للشهوة التي هي سجن مؤبد إلى آخر الحياة
إن الحب لا يظل حبا صافيا رفافا شفافا، و إنما ما يلبث بحكم الجبلة البشرية أن يصبح جزءا من ثالوث هو: الحب و الجنس و القسوة، و هو ثالوث متلاحم يقترن بعضه ببعض على الدوام
و لأن قصة الحب التي خالطتها الشهوة ما تلبث أن تنتهي إلى الإشباع في دقائق، ثم بعد ذلك يأتي التعب و الملل و الرغبة عند الإثنين في تغيير الطبق، و تجديد الصنف لإشعال الشهوة و الفضول من جديد.. لهذا ما يلبث أن يتداعى الحب إلى شك في كل طرف من غدر الطرف الآخر.. و هذا بدوره يؤدي إلى مزيد من الارتياب و التربص و القسوة و الغيرة، و هكذا يتحول الحب إلى تعاسة و آلام و دموع و تجريح
و الحب لا يكاد ينفك أبدا عن هذا الثالوث.. (( الحب و الجنس و القسوة )).. و هو لهذا مقضى عليه بالإحباط و خيبة الأمل، و محكوم عليه بالتقلب من الضد إلى الضد، و من النقيض إلى النقيض.. فيرتد الحب عداوة و ينقلب كراهية و تنتحر العواطف كل يوم مائة مرة.. و ذلك هو عين العذاب
و لهذا لا يصلح هذا الثالوث أن يكون أساسا لزواج.. و لا يصلح لبناء البيوت، و لا يصلح لإقامة الوشائج الثابتة بين الجنسين
و من دلائل عظمة القرآن و إعجازه أنه حينما ذكر الزواج، لم يذكر الحب و إنما ذكر المودة و الرحمة و السكن
سكن النفوس بعضها إلى.. بعض و راحة النفوس بعضها إلى.. بعض و قيام الرحمة و ليس الحب.. و المودة و ليس الشهوة.
إنها الرحمة و المودة.. مفتاح البيوت و الرحمة تحتوي على الحب بالضرورة.. و الحب لا يشتمل على الرحمة، بل يكاد بالشهوة أن ينقلب عدوانا و الرحمة أعمق من الحب و أصفى و أطهر و الرحمة عاطفة إنسانية راقية مركبة، ففيها الحب، و فيها التضحية، و فيها إنكار الذات، و فيها التسامح، و فيها العطف، و فيها العفو، و فيها الكرم
و كلنا قادرون على الحب بحكم الجبلة البشرية و قليل منا هم القادرون على الرحمة و بين ألف حبيبة هناك واحدة يمكن أن ترحم، و الباقي طالبات هوى و نشوة و لذة
و لذلك جاء كتاب الحكمة الأزلية الذي تنزل علينا من الحق.. يذكرنا عند الزواج بالرحمة و المودة و السكن.. و لم يذكر كلمة واحدة عن الحب، محطما بذلك صنم العصر و معبوده الأول، كما حطم أصنام الكعبة من قديم
و الذين خبروا الحياة و باشروا حلوها و مرّها، و تمرسوا بالنساء يعرفون مدى عمق و أصالة و صدق هذه الكلمات المنزلةو ليس في هذه الكلمات مصادرة للحب، أو إلغاء للشهوة و إنما هي توكيد، و بيان بأن ممارسة الحب و الشهوة بدون إطار من الرحمة و المودة و الشرعية هل هو عبث لابد أن ينتهي إلى الإحباط
و الحيوانات تمارس الحب و الشهوة و تتبادل الغزل و إنما الإنسان وحده هو الذي امتاز بهذا الإطار من المودة و الرحمة و الرأفة، لأنه هو وحده الذي استطاع أن يستعلي على شهواته؛ فيصوم و هو جائع و يتعفف و هو مشتاق.
و الرحمة ليست ضعفا و إنما هي غاية القوة، لأنها استعلاء على الحيوانية و البهيمية و الظلمة الشهوانية
الرحمة هي النور و الشهوة هي النار و أهل الرحمة هم أهل النور و الصفاء و البهاء، و هم الوجهاء حقا و القسوة جبن و الرحمة شجاعة. و لا يؤتى الرحمة إلا كل شجاع كريم نبيل. و لا يشتغل بالانتقام و التنكيل إلا أهل الصغار و الخسة و الوضاعة و الرحمة هي خاتم الجنة على جباه السعداء الموعودين من أهل الأرض.. تعرفهم بسيماهم و سمتهم و وضاءتهم
و علامة الرحيم هي الهدوء و السكينة و السماحة، و رحابة الصدر، و الحلم و الوداعة و الصبر و التريث، و مراجعة النفس قبل الاندفاع في ردود الأفعال، و عدم التهالك على الحظوظ العاجلة و المنافع الشخصية، و التنزه عن الغل و ضبط الشهوة، و طول التفكير و حب الصمت و الائتناس بالخلوة و عدم الوحشة من التوحد، لأن الرحيم له من داخله نور يؤنسه، و لأنه في حوار دائم مع الحق، و في بسطة دائمة مع الخلق
و الرحماء قليلون، و هم أركان الدنيا و أوتادها التي يحفظ بها الله الأرض و من عليها و لا تقوم القيامة إلا حينما تنفد الرحمة من القلوب، و يتفشى الغلّ، و تسود المادية الغليظة، و تنفرد الشهوات بمصير الناس، فينهار بنيان الأرض و تتهدم هياكلها من القواعد
اللهم إني أسألك رحمة.. اللهم إني أسألك مودة تدوم.. اللهم إني أسألك سكنا عطوفا و قلبا طيبا.. اللهم لا رحمة إلا بك و منك و إليك..
*نقلا عن الكاتب والمفكر الكبير رحمه الله مصطفى محمود , فى مساهمة فى نقاش فيسبوكى مستفيض عن الرومانسية , تقوده امال عبد القادر بنجاوى فى ناس الزقازيق الفيسبوكيين
Quote: * طارق جبريل , كنت بتونس قبل شوية مع واحد من اولاد الأمتداد قام وهو بتكلم كده , جاب سيرتكم , انت واخوانك قلت ليهو بتعرفهم من وين قام حكى لى حكاية قدييييييمة , قال لى جاركم عبد الرحمن محمد صالح , اخو ناس الشنبلى , مرة جا من برة وجاب معاهو اول تلفزيون ملون فى الامتداد قال كده وختاهو فى نص الحوش , وقال للجماعة التلموا عشان يتفرجوا زول واحد بيتفرج على تلفزيونى ده مافى الا ناس بيتنا واولاد جبريل الجماعة بى صوت واحد كوللللهم قالوا لى , كلنا اولاد عمك جبريل ضحكت جنس ضحك !!!!!
الله يرحمه يا منص عبد الرحمن محمد صالح اتوفى ليه ستة شهور طبعا بيتهم ملاصق بيتنا طوالي وبعدين عندنا نسب كتير معاهم خالي متزوج اختهم وود اختهم متزوج اختي
ياخي داك كان زمن عجيب
يا نجيلة خوفا من الدموع والنخجي بقينا نخت ليهم شعر شايقي ونزوغ
- الواحد ممكن يفتح تنك العربة وينقنق فيهو ربع ساعة .. والنقة دي توصلو من العربي لـحدّي الحاج يوسف..!! ثم أضاف (زلوط): - يعني النقة بدل الجاز والبنزين ؟! خالد: بعدين ممكن جهاز النقناقونيتر ده يساهم في انتشار الثقافة وزيادة الوعي العام في المجتمع!! عمر: كيف؟ خالد: يعني الناس الـ بـ تشحن الجهاز بـ النقة .. ينقنقوا يقولوا شنو .. دقيقتين والواحد راسو بفضى .. لازم يقروا من كتاب .. وبي كده يثقف نفسو على الأقل.. وللا ما كدي؟! نهض عمر قائلاً: - أنا ماشي .. إنتو ناس خياليين ساي .. وبعدين جهازكم ده .. الشركة الصنعتو ممكن تشغل ليهو شريط أي فنان وتقلبو بـ الجنبتين .. وتولد الكهرباء .. . لأفريقيا كلها ... لا خريجين نقناقين .. ولا يحزنون!!!.
=================================== قبل ماتسأل يالرشيد ... حاقول ليك الحلقة قصيرة .... عشان الليلة الخميس ... حتقول لي : طيب دي الحلقة الأخيرة ... حأقول ليك: انتظرونا ... في باقي لسة .. وثم اردف واقول ليك : موضوع محمد عيد ... واللون المريخابي ... وأمل دنقل حصل فيهو شنو ... بعدين شوف لي منصور ده ... مشكلتو شنو مع الرومانسية ... وعمل لينا ... الرحمة اشمل من الرومانسية ... ومع انو ربنا ذكرهم في الآية ذكر ... المودة ... والرحمة منفردتين ومنفصلتين ... يعني خطين متوازنيين ... يكملو بعض ... بس مافي واحده تحل محل الاخري ... آآآآي والمودة دي ما الرومانسية ذااااااتا .... والرحمة دي ... تعني الشفقة والحنان ... ولكن لاتعني الرومانسية ... والمودة ... يعني الرحمة لا تشمل الرومانسية ... والمودة ...بس بكملو بعض ... وبكده بتكون الصورة احلى واجمل ... صح عموما ده دكتور مصطفي محمود ... نحنا نقدر نقول حاجة ....
يا ياسر عندي شعور انك خميتنا اليوم في الحلقة بتاعت أحلام زلوط... و تميتها لينا أم رقيقة و صحن شطه كبير... عموما ياخي نحن برضو بنعشق أم رقيق... و وراك..وراك...نشوف آخر الطاقة الآمنة دي شنو... و محل الرقيقة التنقد... سوري..... محل الرهيفة التنقد...
Quote: موضوع محمد عيد ... واللون المريخابي ... وأمل دنقل حصل فيهو شنو ...
انت برضو بتصدق محمد عيد ده... دي اسمها دردقة من محمد عيد... يجي يقول ليك الكلام ده و يمشي... نقوم نحن يا مؤمن يا مصدق ننزل الملفات... يجينا تاني بعد شهر و يعتذر بنفس الطريقة دي... و يقول لينا تعالوا نعمل ملف لصلاح عبد الصبور... الكلام ده بمشي على المؤمن صديق...و محمد صديق... و رغم حبي الشديد لأمل دنقل لكن ما عامل لي أي حاجه... الا أشوف بي عيوني ديل محمد عيد عمل حاجه.....
Quote: والرحمة دي ... تعني الشفقة والحنان ... ولكن لاتعني الرومانسية ... والمودة ... يعني الرحمة لا تشمل الرومانسية ... والمودة ...بس بكملو بعض ... وبكده بتكون الصورة احلى واجمل ... صح عموما ده دكتور مصطفي محمود ... نحنا نقدر نقول حاجة ....
و الله يا ياسر أي رأي أو تفسير لي حاجة ما بقيسوها بالكيلو و لا الرطل... بيكون عندي فيها رأي..و بتبقى نظرية تقبل الخطأ و الصواب... حتى لو من عند د. مصطفى محمود... و لأني لا أملك اضافة مفيدة في الموضوع... فأنا أنقل من بعض المواقع رأي لا يختلف كثيرا عن رأي مصطفى محمود...
Quote: كتب عالم النفس والفيلسوف الأوروبي الأمريكي" إريك فروم" في كتابه "الإنسان بين المظهر والجوهر " أن (نتملك To Have) أو (نكون Or to BE) عن الفارق بين (التملك) و(الكينونة) في الحياة اليومية في التعلم والتخاطب والقراءة وممارسة السلطة والمعرفة والإيمان وفي الحب وهكذا فللحب معنيان، وهذا يتوقف على الإطار الذي يحتويه إطار تملك فهو حب أو إطار كينونة وهي المودة.... ومن أسماء الله الحسنى الودود وليس المحب، لأن المودة هي الحب الذي تؤطره الرحمة، ليفرز سكينة وطمأنينة
نجيلة والله الواحد كورته فكت كان ممكن ينزل ليكم هنا لكن ما قدرت كله كله ... يبدو عدم الريدة بينعكس علي الفهم ... عدم الريدة ما ليكم لسودانيز ... هاهاهاهه
السبت الأخضر... جيت أدخل كتبت صبحكم الله بالخير في محل اللقب و الباسورد.. قهوة الصباح دي ما عملت لي أي حاجة... حسه لو أدوني مخده بنوم ليكم في الكتب ده... البن ده الظاهر عليهو بقى بارد عشان طول في التلاجة...
طيب نرفع البوست لي فوق و ننتظر الريس للدعاء... و بعدين نشوف... و لا شنو...
Post: #5495 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-26-2012, 05:39 AM Parent: #5494
صباح الخير ،،، يا وجوه الخير
وصبحكم الله بالخير،،،
حكمة اليوم :
" تبسم " فإن .. الله .. ما أشقاك إلا ليسعدك .. وما أخذ منك إلا ليعطيك .. وما أبكاك إلا ليضحكك .. وما حرمك إلا ليتفضل عليك .. وما ابتلاك .. إلا لأنه .. " أحبك " .. جعلك الرحمن ممن ينادى في الملأ .. أني أحب فلان فأحبوه
Post: #5496 Title: Re: ناس الزقازيق ... أجدع ناس (4) .. Author: عمر نملة Date: 05-26-2012, 06:00 AM Parent: #5495
ازيكم واحوالم اكتر من مره بدخل وبيكون عندي كلام كتير وسباقات وبس يلقى خبر رحيل عزيز وعلى طول بهرب والله قدرت ماقدرت افهم الموت هو ايه ماقدرت اصل لفهم ربنا يرحم ويزيد رحمه طبعا الصيف بدءا رائع وبعد بكره داخل سباق ومتوقع اصل سرعه بين 16.5 و18كم/س وحا يكون 5 كم ومتوقع اكون بين ال30 الاوائل باذن الله يامنضور منتظرنكم وبيتنا على البحر يرحب باالجميع طبعا الشادي وزهير والرشيد وحتى الكوتش نشوفوهم في الشاشه والسنما الغشاشه يرجع ومعاي ضور خاصه لنجله وسلام تحيه
Quote: طبعا الصيف بدءا رائع وبعد بكره داخل سباق ومتوقع اصل سرعه بين 16.5 و18كم/س وحا يكون 5 كم ومتوقع اكون بين ال30 الاوائل باذن الله
ان شاء الله يا عمر من ال13 الأوائل...قول آمين...
Quote: يامنضور منتظرنكم وبيتنا على البحر يرحب باالجميع طبعا الشادي وزهير والرشيد وحتى الكوتش نشوفوهم في الشاشه والسنما الغشاشه
ما عايزه تظبط معاي ياخي... كل ما سألت عليك صدوني حراسك... ردوا الجواي قاسي مع اني من ناسك.. ياخي ما عارف تمشي السلع تكون عايز تجي أبو ظبي.. تجي أبو ظبي ما تقدر تمشي بلجيكا... يا عمر جاينك ..جاينك... بس تظبط معانا شوية...
Post: #5506 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-27-2012, 06:11 AM Parent: #5505
وجدت الخبر في بوست الأخ/ عروه في المنبر العام
Quote: تعرض الزميل عصام دهب لحادث إنزلاق على أرضية الحوض الخارجي للحمام عصر أمس ، ونتج عن ذلك كسر في أعلى لوح الكتف والضلع المقابل له .. أمنياتنا بالشفاء العاجل يا دهب وما تشوف شر ..
عمر يا حبيب سلامات وإنشاء الله بالتوفيق .... وتجي في الـ 15 مش التلاتين ... عارفك زول شاطر من زمان والله يا عمر الجية عايزنها بس القدم ليهو رافع ... بلجيكا وإن طال الزمن .... اها في إنتظار الصور .......... الجكة دي يا ربي الكوتش ما فيها ... هو الكوتش وين اليومين دي
الف كفارة عصام ... ودي عين ناس المؤتمر الوطني ... يا ولدنا اتخارج منهم الناس ديل عينهم حارة ...
ما قام به الحبيب محمد عيد من عمل جبار في لمن فاتهم الاستماع أخرصني... نرفع القبعات اعجابا و استحسانا و حبا يا حماده...
الدعوة النبيلة لجبريلا من أجل الفيتوري تستحق الاستجابة... و اني ان شاء الله لمستجيب...
جرب و أنت تمسك بالريموت أن تخطيء في رقم قناة الجزيرة... أي قناة تأتي ستجعلك تكتشف ان العالم أجمل بكثير مما تصوره قناة الجزيرة... لقد قررت أن أخطيء كل يوم و أنا أشرب قهوتي الصباحية... ربما يكون حظي جيدا و أضغط على أرقام الـLBC...
Quote: وشوف يا حبيب ... اول ماست البيت تطلع ورقة وقلم وتقول لي جيب ديل ... اقول ليها البسي توبك ... وخلينا نمشي مع بعض ...
ماذا اذا كانت الشغالة هي التي تعمل القائمة... أسوقها معاي ما مشكلة... لكن أقول ليها قومي ألبسي شنو؟؟
Post: #5519 Title: Re: ناس الزقازيق ... أجدع ناس (4) .. Author: أحمد إسماعيل Date: 05-28-2012, 07:17 AM Parent: #5518
مشكور أخي محمد عيد هذه اللفتة واللوحة الجميلة يا جميل بمناسبة ميلادي الدائما يأتي مستعجل نسأل الله للزقازيقاب زملة وزميلات وحماوات وأبناء مزيد من التواصل والإلفة والتآلف والمودة والرحمة وإن شاء الله تامين ولامين وموفقين
الأخ عمر نملوز أسعدنا ظهورك عمر ولدي عامل فيها لاعب كرة قدم كل ما يتعثر أضرب ليه مثل بيك ما شاء الله العقل السليم في الجسم السليم إنشاء الله في السباق لو ما الأول تكون في الخمسة الأوائل محققا السرعة المتوقعة
كنت معاهو هسه ولع نار غرامي ومشتاق ليهو لسه الزقازيقاب حبايبي مشتاقين كتير وانا معاكم في نفس هذا القطر ومن محطة الى محطة الى ان وصلتوا صفحة 69 القطر قالو فيهو مفتش وقطركم دا بذكرني قطر حداشر (11) ودا كان بتحرك من بحري موقف شندي انا قاعده اذاكر الليله ياناس قطع التذاكر... قال لي مسافر وميعادو باكر ... بقطر حداشر الليله ياناس ومحبوبي جندي .. الليله ياناس نقلوهو شندي القطر دا كان فيهو حركة ابداع ماعاديه حتى الكاشف والسر قدرو خرج لهم مولود اغنية ياصغير يامحيرني ومتحير حتى تم تلحينها في نفس هذا القطر وكان الالهام لهذه الاغنيه من مشاهده مشهد حب جميل بي شاب وشابه عايز اصل بيكم ان القطر ممكن يكون مسرح ابداعي متحرك وعالم به كل الجمال كما ارى هنا بينكم في عدد الصفحات التي تشابه قمرات القطر وفي كل قمره ابداع .. . . تحياتي ليكم بدون فرز كان مادخلنا ليس المعنى اننا بعدنا بل دائما انتم معنا
Post: #5522 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-28-2012, 11:51 AM Parent: #5521
هلا بطلة صديق ناس الزقازيق وليد عبداللطيف
وليك طوله مننا ما شفناك وجودك أثلج صدورنا
وندعوك لزيارة منبر ناس الزقازيق
بوست ولمن فاتهم الإستماع
بجد سوف تستمتع وتنداح بشكل جميل
تجد الجمال هناك والدعوة للجميع
Post: #5523 Title: Re: ناس الزقازيق ... أجدع ناس (4) .. Author: أحمد إسماعيل Date: 05-28-2012, 05:08 PM Parent: #5522
Quote: الرحمة هي النور و الشهوة هي النار و أهل الرحمة هم أهل النور و الصفاء و البهاء، و هم الوجهاء حقا و القسوة جبن و الرحمة شجاعة. و لا يؤتى الرحمة إلا كل شجاع كريم نبيل. و لا يشتغل بالانتقام و التنكيل إلا أهل الصغار و الخسة و الوضاعة
قال الله عزو جل (إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكّرون) إن العدل إزاء الشهوات وسط بين مسلك أهل الفجور والفواحش ومسلك أصحاب الرهبانية والتشدد أهل الفجور أضاعوا الصلوات واتبعوا الشهوات أهل الرهبانية حرّموا ما أحل الله من الطيبات ودين الله الحق يراعي أحوال الناس ويدرك ما هم عليه من الغرائز والشهوات لذا فهو يبيحها ويعترف بها لكن يضبطها ويهذبها
فلا بد لكل عبد مراد محبوب هو منتهى حبه وإرادته فمن لم يكن الله معبوده ومنتهى حبه وإرادته فلا بد أن له مرادا محبوبا يستعبده غير الله فيكون عبدا لذلك المراد المحبوب قد يكون المال أو النساء أو الجاه والمناصب والرياسات أو كل ما يتخذ إلها من دون الله فهذه الصور المحبوبة تبتلع قلب الإنسان وتقهره فلا يقدر القلب الإمتناع عنها --- أي أن القلب يغرق فيما يستولى عليه كما يغرق الغريق في الماء ، قال الإمام الشافعي ( من لزم الشهوات لزمته عبودية أبناء الدنيا ويقول بن الجوزي أعلم أن مطلق الهوى يدعو إلى اللذة الحاضرة من غير فكر في عاقبة ، ويحث على نيل الشهوات عاجلا وإن كانت سببا للألم والأذى في العاجل ومنع لذات في الآجل أما العاقل لا ينساق وراء الهوى إلى أن يتيقن السلامة من كل شر وبليّة وسلامة العاقبة ، وينهي نفسه عن لذة يعقبها ألم وشهوة تورث ندما لأنه دائما يفكر في المصالح الآجلة ويأخذ الحيطة والحذر تحكيم العقل قطع شك يحقق العدل مما يتيح المجال الواسع للرحمة والمودة.
Post: #5524 Title: Re: ناس الزقازيق ... أجدع ناس (4) .. Author: عمر نملة Date: 05-29-2012, 04:40 AM Parent: #5523
الف تحية لعمر نملة
مليون تحيه لزهير الزناتي عمر يا حبيب سلامات وإنشاء الله بالتوفيق .... وتجي في الـ 15 مش التلاتين ... عارفك زول شاطر من زمان والله يا عمر الجية عايزنها بس القدم ليهو رافع ... بلجيكا وإن طال الزمن .... اها في إنتظار الصور .......... الجكة دي يا ربي الكوتش ما فيها ... هو الكوتش وين اليومين دي الحكايه محسوبه يازوز وحسب التدريب متوقع انزل من زمن سنة 2011 بدقيقه يعني تدريب سنه بكسر دقيقه والسنه الفاتت كان زمني 18 دقيقه و44 ثانيه وكان تريبي ال36 بسرعه 16.02 كم/س www.chronorace.be/web2/Classements/Classement...ge&IdClassement=6949
Post: #5525 Title: Re: ناس الزقازيق ... أجدع ناس (4) .. Author: عمر نملة Date: 05-29-2012, 04:57 AM Parent: #5524
الفين سلام و تحية لنملوز الجميل... وينك ياخي مختفي... 2 مليون تحيه لراش مااختفاء لكن بيات تشوي والان خرجت الزواحف والنمل من بياتها ان شاء الله يا عمر من ال13 الأوائل...قول آمي يارا ش حسب نتيجه السنه الفاتت متوقع زمن قدره 17 دقيقه و47 ثانيه واحتمال ترتيبي ال 27 بس مرتاح انو قدرت اضبط وتيره سرعتي وان شاء الله عند نهاية الصيف اصل سرعة 18 كم/س والغلط كان اني بديت مسافات طويله وحسب السؤال والدراسه والخيره الميدانيه كان مفروض ابداء بمسافة 1 كم والحمد لله استدركت وبديت اضبط الابقاع ما عايزه تظبط معاي ياخي... كل ما سألت عليك صدوني حراسك... ردوا الجواي قاسي مع اني من ناسك.. ياخي ما عارف تمشي السلع تكون عايز تجي أبو ظبي.. تجي أبو ظبي ما تقدر تمشي بلجيكا... يا عمر جاينك ..جاينك... بس تظبط معانا شوية.. الابقاع بيضبط والقدم لبه رافع بس اقول ليك والله الصيف في اوربا لو جربتوا مره كل سنه بتجي ناطي ودا زي عرق المحبه
Post: #5527 Title: Re: ناس الزقازيق ... أجدع ناس (4) .. Author: عمر نملة Date: 05-29-2012, 05:13 AM Parent: #5525
عمر نملوز .... كيف اخبارك ... طلتك اسعدتنا بعد غيبة ... انت يا عمر حتقضي باقي عمرك ... جري ابوعمار اخبارك واخبار العزابه الاربعه اخر دراسه اثبتت انه ممارسه الجري لمدة 10 دقايق يوميا يزيد العمر لمدة 6 نسوات والاعمار بيد الله مليون مرحب بالطلة الحلوة لنملوز الجميل ...
وياخى انشاء الله بتجى فى العشرة الاوائل ..ز
وغايتو كان رحلة منصور ظبطت سجل ليهو من هسه فى ماراثون الناضجين .. مليون مرحب بالطلة الحلوة لنملوز الجميل ...
وياخى انشاء الله بتجى فى العشرة الاوائل .... 2 مليار مراخب بالعيد والله متوقع اكون من ال30 الاوال والله منصور متوقع ليه دي اجازه روعه وسجلناه في مارثون الفرحين مراحب بعمر نملة.... الف مراحب بابو الخلفاء وان شاء الله وقفتوا قبض ناس المزاج
الأخ عمر نملوز أسعدنا ظهورك عمر ولدي عامل فيها لاعب كرة قدم كل ما يتعثر أضرب ليه مثل بيك ما شاء الله العقل السليم في الجسم السليم إنشاء الله في السباق لو ما الأول تكون في الخمسة الأوائل محققا السرعة المتوقعة ابو عمر يسعد ايامك ولياليك وقول لعمر ماتتسلم وعمك بيصل السنه الجايه سرعة 20 كم/ ومافوق ان شاء الله وشوف الطيب حالف الا يجي الاول في كل الدنيا
اليومين ديل أحلامي كلها عربات.. من يوم ما قررت أبيع عربيتي و أشتري عربية بدلها... و كمان بقيت خبير في العربات من كترة ما دخلت مواقع و اتفرجت... و احتار دليلي..يا ربي أشتري ياتو عربية... مع الأخذ في الاعتبار عدة عوامل أهمها سعر العربية و مناسبتها للميزانية... بديت الحكاية باستخارة مرة و اتنين و تلاته... عربيتي كلفتني صيانتها سعر عربية جديدة... لدرجة أن صديقي السوري قال لي السيارة دي بتقولك بيعني... يعني عربيتي تدفعني دفعا الى شراء عربية جديدة... لكن المشكلة ان البي ام دبليو مسيطرة على أحلامي... تخليني أقوم من النوم مفزوع و أتفل جهة اليسار و أستعيذ من الشيطان... أحلامي كلها (ضرب خمسة و ضرب ستة) X5...X6 زي ما بيقولو البدو.... و ده شعر تقصر رقبتي دونه.... أقعد النهار كلو أفكر في الGMC و لا الفوردأو حتى التايوتا... لكن أول ما أنوم تجيني ليك الـ(ضرب ستة) الما خمج... قدر ما أتعوذت منها و حرقت ليها البخور ال(ضرب ستة) دي مبارياني في أحلامي... بعدين قمت قلت القصة دي ليها علاقة بالعربية بتاعة جارنا المصري... عندو عربية X6 زي الليل..لاقاني مرة في الأسانسير و قال لي عايز أبيعها... أمبارح موقفها لي قدام باب العمارة بتاعتنا...بصورة استفزتني جدا.. و أنا طالع و أنا راجع ألقاهاليك في وشي... قلت لي ست بيتي المصري ده قال عايز يبيع عربيته دي... أنا حأمشي أقول ليهو بعلي عربيتك دي... احنا جيران و حبايب لازم تراعيني فيها و تبيعهالي بسعر معقول... يقوم يقول لي بكام عايزها... أقول ليهو يعني ما تزيدش عن الخمسين ألف... يابني روح جيبلك كيا زي بتاعت حبيبك الكوتش.. الله هو أنت بتعرف الكوتش... آه..أعرفو... جارنا السوداني الفي الدور السابع... كنت بحسب انك قاصد كوتش تاني.. قصدك على الكوتش حامد ..ده عربيتو هيونداي مش كيا.. أصلي ما عندي حل من اتنين.. يا المصري يبيع لي الضرب ستة بي خمسين ألف... يا الأحلام دي تفارقني...
Quote: الابقاع بيضبط والقدم لبه رافع بس اقول ليك والله الصيف في اوربا لو جربتوا مره كل سنه بتجي ناطي ودا زي عرق المحبه
أيوه و الله يا عمر... فعلا زي عرق المحبه... مشكلة التوقيت... لأن بداية و نهاية أي مشروع من مشاريعنا ما بتكون بالمزاج... يعني مرات تبدأ في الوقت الانت عايز تأجز فيهو... و تنهي في الوقت الانت ما عايزه... لكن بتظبط ان شاء الله...
Post: #5529 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-29-2012, 05:51 AM Parent: #5528
صباح الخير ،،، يا وجوه الخير
تحية الصباح نهديها لولدنا المارثوني
عمر نملوز ونقول ليهو ربنا يوصلك حتى العشرة
الأوائل ترفع راسنا فوق ، علشان الناس (كبار السن)
يضايروا شويه ويكونوا مع الصفيقه والهتيفه وعاش عمر (مش البشير)
تحياتي القلبية لكل افراد اسرتك الجميلة
======================================
ربنا آتنا في الدنيا حسنة وفي الآخرة حسنة وقنا عذاب النار...
Post: #5530 Title: Re: ناس الزقازيق ... أجدع ناس (4) .. Author: محمد صديق Date: 05-29-2012, 06:07 AM Parent: #5522
سلامات يا ناس
وصباحات التفاؤل
ومرحب بوليد عبد اللطيف
Post: #5531 Title: Re: ناس الزقازيق ... أجدع ناس (4) .. Author: عمر نملة Date: 05-29-2012, 08:58 AM Parent: #5530
سلامات عصام الدهب وان شاء الله كفاره الريس صباحك فل واحوالك وان شاء الله كله في محله والله ياربس لو شفت البرنامج هنا في الصيف مش حاتقدر تقيد رجليك كل اسبوع في مدينه في برنامج سباق او سباق عجلات او ....او وكتير ومختلف الاعمار وبتحس بان الاسر اكتر تناسقا في برامجها اقول ليك تعال عندنا طبعا نملوز قدر يحقق المستحيل وكسر حاجز ال18 دقيقه لسباق ال 5كم وحصل زمن قدره 17 دقيقه و47 ثانيه بسرعه 17 كم في الساعه ليحرز المركز ال 28 وشايف البلجيكي غلط في 13 ثانيه
مرة في الاجازة ضربت لي جورج يا جورج انت وين انا في المكتب مكافحة المخدرات تعال لي افطر معاي عديلة بجيك معاي اخوي السني عديلة وصلنا المكتب ويافطة وقيامة دخلنا مكتب الكوتش فيه شوية ورق وسرير رافعو بي طوبات ما عرفت دة مكتب ولا اوضة عذابي قال مخدرات قال شوية كدة ضرب ليه جرس جاء واحد داخل: نعم سعادتك ياخي جيب لينا فطور سريع كدة
جورج وسعادتك اصلو ما لافقات طوالي اتذكرت شقة الفسطيني في لكوظ وجورج خاتي تنكة الجبنة ولابس ليه ردة قصير وخاتي سجارة في قدومو يضع سره في جورج وهو لابس شورت
Post: #5534 Title: Re: ناس الزقازيق ... أجدع ناس (4) .. Author: محمد صديق Date: 05-29-2012, 10:52 AM Parent: #5533
Quote: وصلنا المكتب ويافطة وقيامة دخلنا مكتب الكوتش فيه شوية ورق وسرير رافعو بي طوبات ما عرفت دة مكتب ولا اوضة عذابي
و الله يا جبريلا الكوتش ده الا يكون استقبلك في المكتب الجمبو... يكون خايف من العين... أنا غايتو استقبلني في مكتب جميل... كراسيه سود و كنبه سوداء كبيره اتكيت فيها لمن كرشي مرقت لي بره... كان معاي محمد المرتضى... أنا خفت يمسكوهو هناك لكن الكوتش شفع ليهو... انت عارف أنا بسوق معاي محمد المرتضى ليه... عشان مرات في ناس بفتكروه يحي فضل الله و بنلقى معاملة خاصة... و البعض الآخر بفتكروه أستاذ قرني... لكن الما بيعرفوا يحي فضل الله و لا قرني ما بيرتاحوا ليهو... و غالبا ما تكون المعامله البنلقاها سيئة... يعني بتاع الأمجاد تركب معاه يقول ليك تدفعوا لي هنا قبل ما أتحرك... خايف لمن نصل ندقو و لا حاجه...
Post: #5536 Title: Re: ناس الزقازيق ... أجدع ناس (4) .. Author: محمد صديق Date: 05-29-2012, 11:15 AM Parent: #5535
سلامات يا ناس
Quote: و الله يا جبريلا الكوتش ده الا يكون استقبلك في المكتب الجمبو...
تتذكر يا جورج لمن جينا من أول معاينة لي دخول كلية الشرطة وضربنا لينا عرديب بااااااااااااااااارد ونحن ماشين قعدنا نغني: يا روحي سلام عليك
Post: #5541 Title: Re: ناس الزقازيق ... أجدع ناس (4) .. Author: أحمد إسماعيل Date: 05-29-2012, 03:00 PM Parent: #5540
الأخ عصام دهب إن شاء الله أجر وعافية اللهم رب الناس أذهب البأس ، اللهم أشفي أنت الشافي شفاءا لا يقادر سقما اللهم داوي زميلنا عصام دهب وأشفه بشفائك وأعنه بفضلك عمن سواك وأبعد عنه كل مايؤذيه
Post: #5542 Title: Re: ناس الزقازيق ... أجدع ناس (4) .. Author: أحمد إسماعيل Date: 05-29-2012, 03:11 PM Parent: #5540
أفتكر أن الحب معنى سامي إلا أنه يعاب عليه بأنه عامل مساعد قوي على سرعة الإنفعالات والإستعجال فقد تكون هذه الإنفعالات إيجابية أو سلبية لأنها تنبع من القلب ، وإنفعال القلب يفوّر الدم في كامل الحسم الحب الصادق من الطرفين إيجابي فهو المثالية والشفافية والتضحية وإنكار الذات أما الحب من طرف واحد والغير صادق هو الحماقة نفسها
Post: #5543 Title: Re: ناس الزقازيق ... أجدع ناس (4) .. Author: أحمد إسماعيل Date: 05-30-2012, 05:45 AM Parent: #5542
أصبحنا وأصبح الملك لله الواحد الأحد اللهم إنا نسأ لك خير هذا اليوم فتحه ونصرهـ وبركته ونورهـ وهداهـ ونعوذ بك من شرهـ وشر ما بعدهـ
واحد صاحبي فكاها في ايميلي ... عجبتني حد الضحك ... والصنقعة .... والخجة ... لم اعرف هل هي صدفة ... ام كان متابع خفية ما اكتبه هنا ... بالرغم من انه بعيد عن مجتمع الزقازيقاب ...
زلوط) يا سادة يا كرام هو (ديك) ترجع ملكيته للحاجة (أم الحسن)، وقد سمى بذلك الاسم، من فرط تعب وضعف جسده، وريشه (المنتوف) وجلده (المزلَّط). وقيل أن (زلوط) كان ينام واقفاً على حبل مشدود بعرض الغرفة الوحيدة التي تسكنها (أم الحسن)، وفي يوم من الأيام، حلم (زلوط) كما يحلم النائم، أنه أصبح ديكاً وسيما،ً متزوجاً من دجاجة جميلة، تمشى (الهوينى) أمامه هي و(سواسيوها) الصغار، ورأي في ذات الحلم أن نسراً كبيراً هم بإختطاف أحد أبناءه (السواسيو) فما كان من (زلوط) إلا أن هجم مدافعاً، حتى وقع على رأس الحاجة (أم الحسن) التي صحت من نومها مفزوعة، وضربته و(نتفت) ما تبقى له من ريش يداري جسده، ليدرك (زلوط) أن ذلك لم يكن سوى حلم من أحلامه.
غنيوة زلوط: يا ريت الحِلِمْ .. يَمتَد تَطول لَحَظاتو حتَى النُوم يَزيد .. يَطْعِمنَا من لَذاتو كَمْ من صَاحي فَاقْ .. إتكَدَرت سَاعَتو ديك أحلام وَهَمْ .. (زلوط) وبي رِويشَاتو
============================= بالله ياشباب العندو حاجة عن زلوووووط ..... يكبها هنا .... أو يرسلها لى ... انا حاسي ..... اني قريب جدا من زلوووووووووووط ده ........
Post: #5548 Title: Re: ناس الزقازيق ... أجدع ناس (4) .. Author: أحمد إسماعيل Date: 05-30-2012, 06:34 AM Parent: #5544
سلام يانجيلة تجتوجي وظلوطك دخلو الكربو تجتوجي نقر ظلوطك نقرتين ونص هل ظلوطك يقدر ينقر تجتوجي نقرتين ونص كم ا تجتوجي نقره نقرتين ونص
تجتوج تحققت ليه أحلام ظلوط وهو قادل مع تاجة التي تمشي الهوينة مع سواسيها جاجاهم نسر عملاق مرقوا منهو بكرامة البليلة ، الحكاية دي أزعجت تجتوج ومشى عدِل للفكي عشان يعمل حجبات للعيال من الصقر وهو طالع من الفكي هجم عليه النسر الزريبة ساعدته ينفد بجلده ، رجع مسرع وقال للفكي موضوع عيالي داك خلي سوي حجاب لي أنا ( ياروح ما بعدك روح )
Post: #5545 Title: Re: ناس الزقازيق ... أجدع ناس (4) .. Author: ميسرة سيد أحمد Date: 05-30-2012, 05:56 AM Parent: #5542
Quote: ههههههههههههههههههههههه ههههههههههههههههههه هههههههههه و كدا
ياخي حمدا لله على السلامة...
واحد طالب ليهو زول قروش..قال ليهو وين قروشي... قال ليهو شفت النواية دي أنا من دربي ده ماشي أزرعها... حتقوم تكبر و تبقى نخلة باسقة و تشيل تمر كتير... أحصد التمر و أمشي أبيعه في السوق و أديك قروشك... قام سيد القروش ضحك زي ضحكتك دي... قال ليهو الما بيضحكك شنو..ما خلاص ضمنت...
Quote: قال ليهو الما بيضحكك شنو..ما خلاص ضمنت... انت يا أخوي خلاص ضمنت تبقى مشهور زي كده...
هههههههههههههه و الله يا رش البوست هنا عالم جميييييييييييييييييل خلاص غايتو داير أخت الباسويرد بتاعي أمانة عند زول لمن أجي أدورو يديني ليها طوالي يكون منو!!!!
ما تقول لي أنا لأني ختيتك زي الزول بتاع نواية البلحة داك ههههههههههه
يا شباب هذه البادرة شغالة ليها مدة في القروب في الفيسبوك وعايزين نعمل حاجة باسم الزقازيقاب من اجل الفيتوري وكلها في ميزان حسناتكم ان شاء الله يا رب عموما التحويلات بتتم عن طريق اخونا منصور عبد الرازق محمد فضل ودة رقم حسابه في البنك الأهلي التجاري في الرياض: i bank 4210000020740976000109
أو عن طريق تحويل مباشر الى شخصي الضعيف عبر الـ WESTERN UNION ُTARIG GIBRIL 00212667445928
ناس الزقازيق اجدع ناس
Post: #5561 Title: Re: ناس الزقازيق ... أجدع ناس (4) .. Author: محمد عيد Date: 05-31-2012, 04:35 PM Parent: #5560
Post: #5562 Title: Re: ناس الزقازيق ... أجدع ناس (4) .. Author: عمر نملة Date: 06-01-2012, 07:16 AM Parent: #5561
يا سلام عليك يا عمر و انت بالأحمر و الأسود... ان شاء الله ما أكون غلطان في الألوان... حتى لا تثبت ادعاءات ست بيتي باني مجلي في حكاية الألوان دي... ففي كثير من الأحيان و أثناء تسوقنا أقول ليها الله شوفي القميص ده جميل كيف... تقول لي ياتو واحد... أقول ليها البلو داك ما شايفاهو... تقول لي مافي قميص بلو هنا... أمشي و أمسك ليها القميص بيدي... تقول لي ده بلو...ده فسدقي مايل للبلو مثلا... لحدي ما أتعقدت و بقيت أمسك القمصان بس بدون ذكر الألوان...
سبت و حر و رطوبة و يوم بادي بنمرة خمسه... ده أصلو ما أدونا ليهو قبل كده... اتمنيت أكون جاري مع عمر نملة في احدى أزقة أوستند... و لا أوستند ما فيها أزقة يا عمر... ثم نخرج فجأة كده من الزقاق و الى البحر... لنجد البحر أمامنا و المتسابقين من خلفنا... و أقول ليهو... هل أنا يا بحر منك.. أصحيح ما رواه بعضهم عني و عنك.. أما ترى ما زعموا زورا و بهتانا و افكا... ضحكت أمواجه مني و قالت... بطل الجرسه...
Post: #5564 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-02-2012, 06:14 AM Parent: #5562
صباح الخير ،،، يا وجوه الخير
أصبحنا وأصبح الملك لله ،،،
حكمة اليوم :-
اذا رأيت الله يحبس عنك الدنيا ويكثر عليك الشدائد والبلوى .. فاعلم أنك عزيز عنده .. وأنك عنده بمكان .. وأنه يسلك بك طريق أوليائه وأصفيائه .. وأنه .. يراك
Post: #5565 Title: Re: ناس الزقازيق ... أجدع ناس (4) .. Author: عمر نملة Date: 06-02-2012, 08:29 AM Parent: #5564
سلام تحيه الاحمر والاسود زي ناس المورده اسمع دي ياراش دخلت مع ابن خالتي مباراه بين اهلي مدني والمورده في استاد الهلال ولسؤ الحظ وجدنا نفسنا جالسين وسط جمهور المورده ابن خالتي قال لي: اعمل حسابك ماتعمل اي حركه ولا بننجلد. قلت ليه الله يقدرني المهم الكوره بدات والجمهور هاك يا شتايم ياعرب ، يابتاعين القطن يا .. يا.. وبعد كملوا واحد منهم قال ياشينين على طول مسكته يده وقلت ليه الا دي وبعد دا عيونا ماتشوف الا النور
تصحيح لى رقم حسابى يا طارق جبريل الرقم شاملا الآى بانك sa 2810000020740976000109 الآيبانك , للحوالات من خارج المملكة فقط الرقم للتحويل او الأيداع من داخل المملكة , بدون آيبانك 20740976000109 منصور عبد الرازق محمد فضل للتنويه عن التحويل او الأيداع , جوة المملكة او خارجها للحصر والفرز رجاء عمل رسالة تكست , والبكملها كمان لى مكالمة عديييييل , يبقى ما قصر ابدا تلفون 00966504177839
نملوز بالأحمر والأسود والشورت , ما منقة بس زلوط واحلامه , تجتوج ونقراته , الريس ودعواته مش الرشيد عاوز بى ام دبليو ؟؟؟طيب زلوط شن دخله فى الموضوع ده النقرة دى نقرة تجتوج , حالتا نص نقرة بس طارق جبريل معك قلبا وقالبا فى شرف دعم الفيتورى , ماديا ومعنويا بالله هو انتا اصلا بيطرى عمل معاينة عشان يبقى بوليس وبعد داك اشتغل صحفى ؟؟؟ ياخى انت زول مكنتك دفع رباعى عدييييل شكرا عيد على ملف امل دنقل وعبلة الروينى الصيف جا يا جماعة ؟؟؟
متناقضات عجيبة في الدنيا دي... الجامعة العربية تطالب بتحويل المراقبين الدوليين الى قوات حفظ سلام... و شنو كمان تحت البند السابع... اشتباكات في طرابلس بلبنان بين مؤيدي و معارضي للنظام السوري تسقط 10 قتلى... عمدة أولمبيك في بلجيكا مكان ناس عمر نملوز قال أكتر من 5 أشخاص ما يقيفوا مع بعض... خاصةعقب المشاكل الأخيرة بين المتطرفين المسلمين و المسيحين... و الملكة اليزابيث تحتفل باليوبيل الماسي لجلوسها في العرش... و اليوم حتركب ليك قارب كبير في التايمز.. و كمان حتلف ليك لندن كلها بعربية جاريها حصان وسط احتفالات شعبية كبيرة... و العربية بتاعتها حتمشي في محلات حصلت فيها مواجهات عرقية... أخبار تتلف الأعصاب و أخرى تريحها.. الواحد عشان يتعامل مع الأحداث دي كلها عايز ليهو Stabilizer ....
Quote: هل أنا يا بحر منك.. أصحيح ما رواه بعضهم عني و عنك.. أما ترى ما زعموا زورا و بهتانا و افكا... ضحكت أمواجه مني و قالت... بطل الجرسه...
مسطول ... وسط موجه حر ...شديدة جنس شدة ....
Post: #5569 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-03-2012, 05:56 AM Parent: #5568
صباح الخير ،،، يا وجوه الخير
حكمة اليوم : سـأل بعض الناس الإمام الشافعي عن ثمانيـة أشياء فقالوا له ما رأيك في واجب وأوجب وعجيب وأعجب وصعب وأصعب وقريب وأقرب؟
فرد عليهم بقوله من واجب الناس أن يتوبوا ولكن ترك الذنوب أوجب والدهر في صرفه عجيب وغفلة الناس عنه أعجب والصبر في النائبات صعب ولكن فوات الثواب أصعب وكل ما ترتجي قريب والموت من دون ذلك أقرب.
ما بساوي النيل قطرة من توتيل ولا جنان إزمير زي سواقي سبيل شوفو نهر القاش كم جميل بالليل عليهو تحنو الدوح زي حسان بتميل لامن نجيب زكراو تلقانا متنا عديل ---------- كم مره دق الباب جانا شوق وأحضان زغرد فرح دا الحوش ودابت هوي الحيطان وشال قلبنا الحب وأصبح عشوق غرقان دا الغريب إن زار بيقول عليهو فيضان ---------- محال يا بلد أنساكا ما طاف بالفكر هجرك ولا خفق القلب لسواكا سلامي مرسل ليكا وسائل الفرح يغشاكا أحبك إنتي يا كسلا وكمان جبال التاكا
Post: #5578 Title: Re: ناس الزقازيق ... أجدع ناس (4) .. Author: أحمد إسماعيل Date: 06-04-2012, 05:06 AM Parent: #5577
صباح الخير وصباح النور ربنا آتنا في الدنيا حسنة وفي الآخرة حسنة وقنا عذاب النار وأدخلنا الجنة مع الأخيار يا عزيز يا غفار يا رب العالمين
Post: #5580 Title: Re: ناس الزقازيق ... أجدع ناس (4) .. Author: أحمد إسماعيل Date: 06-04-2012, 05:48 AM Parent: #5578
Quote: عملتو لينا شنو فى موضوع ودالمهدى وقدورة
وموسى عيسى وجلال عثمان؟؟؟
المدعو / جلال عثمان يوم الخميس الفات في زواج بنت عمه بالسفارة في الرياض شاهده كل من أحمد إسماعيل وعبدالله بشير وصلاح السر طبعا ود المهدي مسئولية مكتب الرئاسة بجدة بالنسبة لقددورة وموسى عيسى وجلال عثمان مفروض نعمل اللجان الآتية 1- لجنة تقصي الحقائق برئاسة أبو قناية ولا أبو عصاية 2- لجنة السلام للتصافي والتعايش السلمي رئاسة موسى الراجل 3- لجنة لموجات الحر الصيفية والرطوبة البحرية برئاسة الريس
لي كم يوم و أنا أتساءل أين جلال عثمان... كان في بالي الاتصال عليه أول أمس و أمس ثم انشغلت.... فالرجل غاب عنا منذ فترة ليست بالقصيرة... أين أنت يا جلال..
ثم أين السهيلي... غايب طويل جدا للسهيلي.. أين أنت يا سهيلي...
Post: #5581 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-04-2012, 05:59 AM Parent: #5579
صباح الخير ،،، يا وجوه الخير
حكمة اليوم :
قد نعتقد أن الـموت أعظم مصيبة في الحياة ..! ولكن أعظم مصيبه أن يموت الخوف من الله و نحن على قيد الحياة ! صباحكم خير وملئ بمخافه الله
اللهم آتنا في الدنيا حسنة وفي الأخرة حسنة وقنا عذاب النار
================================
أزيدك يا الرشيد من الشعر بيت
جلال معذور وغير موجود في المواقع الألكترونية
ولكن نفتقد ناس آخرين وهم ثروة زقازيقية قيمه
أمثال ود المهدي وكمال الشادي وآخرين مندسين في المواقع الألكترونيةالأخرى
Post: #5582 Title: Re: ناس الزقازيق ... أجدع ناس (4) .. Author: محمد صديق Date: 06-04-2012, 06:14 AM Parent: #5579
برضو أنا الصباح دا جا في بالي الزول الإسمو أنا فقدتو و لي زي كم يوم كدا ما شايفو يا جماعة شوفو جلا دا وين إسم الشهرة بتاعو محمد آدم كان وقع في عينكم قولو ليهو قالو ليك مشتاقين و ما لاقين
أنا شخصيا موجود ... بسلم على ... ذاتي ... وبقول ليها ابقي ... زورينا ... صحيح المرة الفاتت جيتينا .. بس لقيتي روحي طلعت من ... الحر ولكن لا يمنع من تكرار المحاولة ... عسي أن اكون موجود ...
===================== عمر نملوز ... انت في الجرية الاخيرة دي ... دخلت بطريق الصبيان الصغار ليه ... انا شايف الناس القدرك ... جرو طوالي على استقامة الطريق .. انت دخلت يمين .. محل دخل الصبي الصغير .... ليه صح عمرك لم يتعدي الــ 25 سنة ... بس تخطي الـــ 16 سنة جادي ... عاوز اجابة ... حتي من الرشيد ... مقبولة ... لان رشا محلل رياض خطير ... وخاصة في الصيف ...
Quote: جادي ... عاوز اجابة ... حتي من الرشيد ... مقبولة ... لان رشا محلل رياض خطير ... وخاصة في الصيف ...
يا ياسر مشتاقين ياخي... شكلك كده الجماعة كلهم مشو اجازتهم السنوية و عصروك...
أما بخصوص نملوز يا ياسر... يعني لو كنت مشيت بلجيكا زي منصور.. و لا ناوي تمشي بلجيكا زي كده... كان عرفت ان الجماعة المشو طوالي ديل ماشين بروكسل... و اللفو مع عمر ديل ماشين أوستند... حسه كل الناس الفي البوست ديل بيكون عندهم نفس السؤال...لكن خجلانين يسألوا.. الا أنا و منصور...
Quote: كان عرفت ان الجماعة المشو طوالي ديل ماشين بروكسل... و اللفو مع عمر ديل ماشين أوستند... حسه كل الناس الفي البوست ديل بيكون عندهم نفس السؤال...لكن خجلانين يسألوا.. الا أنا و منصور ...
غايتو يا راشا ... تحليلك لو ما صاح ... برضو صاح ... والصيف في وجودك حيكون ... تلج بس ......
Post: #5587 Title: Re: ناس الزقازيق ... أجدع ناس (4) .. Author: منصور عبد الرازق Date: 06-04-2012, 10:57 AM Parent: #5586
Quote:
القصيدة مهداة لجلا وزهير .
وانا ؟؟؟ يعنى عشان توتيل , تحتكروا الأهداءات زاتو اول شى القصيدة دى منقولة من الفيس بوك يعنى ما عندك شغلة بيها تانيا ابوذر ده زاتو من الفيسبوكيين يعنى لا بنسلم ليك عليهو ولا شيتين بعدين شنقراى ده قال توتيل وما جاب اى سيرة لا للفتيحاب , ولا لسقط لقط جنس سلبطة ؟؟؟!!!
نجيلة الزول ده المرة دى شايفو لابس شورت معناتا الدنيا حر
فى اوستند دى يا ياسر وكت الحر البيكون لابس شورت زى حق نملوز ده باعتباره (متحجب) يلاكا معاى ياخى , نتحجب معاهو
معاهو عبدالدائم النضيف. سلام تحيه ياكوتش اكيد تهنه منك بتخليني احقق ارقام احسن و تشجيعك كان من اهم اسباب الاستمرار بمنابة النضيف بحاول اتصل عليه في السعوديه لكن تلفونه مغلق ولا تحت الصيانه ماعارف ثم أين السهيلي... غايب طويل جدا للسهيلي.. أين أنت يا سهيلي... سلام عليك ياراش سالت عن انسان نقي الدواخل والله احب السهيلي لله وكل الناس الحوله سامعني ياحاتم جباره عمر نملوز ... انت في الجرية الاخيرة دي ... دخلت بطريق الصبيان الصغار ليه ... انا شايف الناس القدرك ... جرو طوالي على استقامة الطريق .. انت دخلت يمين .. محل دخل الصبي الصغير .... ليه صح عمرك لم يتعدي الــ 25 سنة ... بس تخطي الـــ 16 سنة جادي ... عاوز اجابة
قالت بنفسجة لجارتها عطشت وكان عبد الله يسقيني فمن أخذ الشباب من الشباب طلعت من الوادي وفي الوادي تموت.. ونحن نكبر في السلاسل طلعت من الوادي مفاجأة وفي الوادي تموت على مراحل
محمود درويش
يا زنبقةَ الوقت يا صحوَ العمر ووهجَ الروح ونبضَ فؤادي يا بهجة كل الأيام يا فرحة كلِّ الأعياد ميلادُك يوم ولدتِ ويوم عرفتكِ ميلادي
الشاعر اللبناني شريف أبراهيم
Post: #5591 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-05-2012, 06:36 AM Parent: #5590
صباح الخير ،،، يا وجوه الخير
هذا الصباح الجميل الموشح بالخضار الجميل
اصحاب القلوب الخضراء قلوبهم بلون الاشجار أحلامهم بنقاء الماء وخيالهم باتساع السماء لديهم قدره على التسامح بلا حدود ويتمتعون بقدرة الاغتسال بماء الاماني وقدرة الحلم والانغماس فيه الى اخر قطراته
صباحكم صباح القلوب الخضراء
جعل الله قلوبكم مفعمة بالإيمان مشبعة بذكر الله
Post: #5592 Title: Re: ناس الزقازيق ... أجدع ناس (4) .. Author: محمد صديق Date: 06-05-2012, 08:31 AM Parent: #5591
يا احباب ما تنسوا موضوع افيتوري ناس السعودية يحولوا لي منصور والباقي عن طريق تحويل مباشر الى شخصي الضعيف عبر الـ WESTERN UNION ُTARIG GIBRIL 00212667445928
ياخي افتقد ديدو بشدة
Post: #5594 Title: Re: ناس الزقازيق ... أجدع ناس (4) .. Author: محمد عيد Date: 06-05-2012, 10:32 AM Parent: #5593
جايي أغنِّيها وأقول طيبة زي قولة سلام قاله تربالاً دغيش لي مراكبيةً تجول شاله كف الموج بشيش لي بنياتاً بيردن تمّن أزيار السبيل ومدّن إيدن كورا .. كورا رشرشن قلب الشتول أدّن الطيّانة دورة وشويمن تالا المدارس خدَّرن كل الفصول
(محمد الحسن سالم حميد)
Post: #5596 Title: Re: ناس الزقازيق ... أجدع ناس (4) .. Author: محمد صديق Date: 06-06-2012, 06:08 AM Parent: #5595
سلامات يا ناس
وصباحات التفاؤل
Quote: وانا ؟؟؟ يعنى عشان توتيل , تحتكروا الأهداءات زاتو اول شى القصيدة دى منقولة من الفيس بوك يعنى ما عندك شغلة بيها تانيا ابوذر ده زاتو من الفيسبوكيين يعنى لا بنسلم ليك عليهو ولا شيتين بعدين شنقراى ده قال توتيل وما جاب اى سيرة لا للفتيحاب , ولا لسقط لقط جنس سلبطة ؟؟؟!!!
يا لذيذ : يوم اهداءك جاى ما تستعجل...فى حاجة جديدة
لجلال الصحافة سنهديها اليك والى من لفّ لفّك.
تجى حلتنا وتزوغ بالزقاق؟؟
Post: #5597 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-06-2012, 06:13 AM Parent: #5595
صباح الخير ،،، يا وجوه الخير
أصبحنا وأصبح الملك لله وحده،،،
حكمة اليوم :
الوقت
إن الوقت غير قابل للتخزين والحفظ ، فاللحظة التى لا تستغل تفنى ولا ترجع الى يوم القيامه.
الوقت غير قابل للاستبدال بغيره أو تعويضه بما هو أغلى منه. الوقت لا يمكن شراءه لا يمكن الاحتفاظ به لا يمكن تسريعه او ابطاءه لا يمكن تعويض ماذهب منه , الوقت هو >>>>>>>>>>>.العمر
نعم الوقت هو العمر نعم إن عمرنا في هذه الدنيا وقت قصير ... وانفاس محدودة.. وأيام معدودة .. فمن استثمر هذه اللحظات و الساعات في الخير … فطوبى له ومن أضاعها وفرط فيها .. فقد خسر زمنا لا يعود اليه أبدا .. لهذا لا بد لنا من استثمار الوقت وعدم تضييعه.
قد لا أكون متواجد معاكم بكره الخميس لانشغالي... فغدا نخطط ان شاء الله لزيارة عمل لمدينة العين... لكن قلبي معاكم...شفتو المكنه دي كيف... لذلك و بما ان المداخلة بتاعتي سوف تحتجب ليوم غدا... فأقترح عليكم الآتي... الريس ميسرة يقول دعاء الصباح و واحد الساعة اتناشر... الساعة تلاتة مداخله اجبارية من الريس مهما كانت الظروف.... الكوتش محمد صديق...مداخلة من غير طايوق و واحده بربع طايوق... و واحدة كان بيقدر تكون بي نص طايوق... ياسر نجيلة شايفو كابي الزوغه من حسه عشان كده مافي داعي لتكليفه... منصور ده قال و العهده على الراوي قال هو بتاح حاره... خلاص يوم بكره ده يوم حوبتك يا منص فلازم تجينا بمداخلة كاربة... أما زهير مداخلة فاضية و التانية يسأل عن الكوتش... أحمد اسماعيل لازم يرجع يوم الخميس ده بالتحديد.. موسى عيسى ده نحن رمينا طوبتو زمـــان.. من يوم ما بقى يمشي يتحاوم لي بي هناك مع المندسين.. جلا لو سمحت معنوياته بعد ما رفدوهو حسب ما كلموني ناس الفيسبوك... يجي يورينا الحكاية شنو و يترافع عن نفسو... أنا قدرت بقرأ ليكم في الموبايل... و كان رجعت حرك و نشط بكتب ليكم باللون الأحمر ده...
Post: #5604 Title: Re: ناس الزقازيق ... أجدع ناس (4) .. Author: أحمد إسماعيل Date: 06-07-2012, 08:27 AM Parent: #5603
اللهم إنا نسألك موجبات رحمتك وعزائم مغفرتك والسلامة من كل إثم والغنيمة من كل بر والفوز بالجنة والنجاة بعونك من النار
Post: #5605 Title: Re: ناس الزقازيق ... أجدع ناس (4) .. Author: منصور عبد الرازق Date: 06-07-2012, 08:54 AM Parent: #5604
غريبة والله !!! امبارح ياسر نجيلة جانا وقال بكرة الخميس افتكرتوا بيهظر ساى الليلة فعلا طلع الخميس ياسر نجيلة جانا تاااانى وقال الليلة الخميس يا ياسر , انت مرفوع عنك الحجاب ولا شنو غايتو
وكمان جانا الرشيد وادانا مداخلة الليلة سمبهارى وقال محمد صديق حا يدينا مداخلة بى طايوق ودعاء الريس الساعة عشرة وانا زول حارة وعندى مداخلة شحمانة آمنا بيك والله يا رشيد القوم اعوع كمان تقول لى انتا الليلة فى العين , فى رحلة عمل وبما انو دى الصفحة واحد وسبعين , والليلة الخميس هاكم الشحم ده , والقحة دى من خشم محمد عبد الله الريح
لتفاصيل نشر بتاريخ الأربعاء, 06 حزيران/يونيو 2012 07:02 السيد عبد الرحيم رجل صامت لا يتكلم كثيراً ويبدو أن نسبه يمتد الى عائلة الصامت بن كلام المنتهي الذي عاش في أحد العصور الماضية… والصمت الذي تميز به السيد عبد الرحيم لم يولد معه فقد كان يصرخ صراخاً شديداً عندما وُلد بل ويرفس بيديه ورجليه وقضى معظم سني دراسته وهو يتكلم في أي شيء. وكان يؤمن أن القحة ولا صمة الخشم. ولكن الصمت هو أحد الصفات التي اكتسبها أخيرًا بعد أن تزوج فأصبح صامتاً ومستمعاً لأي شيء الإذاعات المسموعة منها والمرئية والتلفونات والموبايلات وبالاختصار تحول إلى أحسن جهاز استقبال… وكل ذلك بفضل المرحلة الجديدة التي دخلها. فقد تزوج إثر علة لم تمهله طويلاً وكان من أحسن المتكلمين قبل الزواج وأحسن الناطقين بغير زواج ولكنه تحول الآن الى أحسن المستمعين وما يطلبه المستمعون. تناول السيد عبد الرحيم سماعة التلفون الثابت وأدار رقم منزله ومن الناحية الأخرى تناولت زوجته السيدة مثال السماعة قائلة أيوه … أهلاً يا عبد الرحيم اسمعي يا مثال .. أنا الحقيقة مستعجل شوية وعايز أقول ليك.. وتقاطعه السيدة مثال انزلي يا هويدا من الشباك يا بت انزلي.. آنا قلت ليكي انزلي.. احسن ليك تسمعي الكلام يا أخواني شوفوا البت مقصوفة الرقبة دي … عايزة تقعي تكسري رقبتك. وتضع السماعة على الطربيزة ثم تغيب فترة وتعود لتمسك بالسماعة: بالله البت بقت شيطانة جنس شيطنة عايزة كمان تكسر رقبتها علينا.. اها يا عبد الرحيم قلت لي شنو قلت ليكي أنا مستعجل وماشي دلوقت مع … وتصيح السيدة مثال: يا سنية .. ياسنية هوي كلمي الخدام دا قولي ليهو ما يمشي لو ما نفض الكراسي … يومداك مشى خلاهم ######انين ومغبرين قولي ليهو الليلة ما يمشي لحدي ما يتم النضافة …. اها يا عبد الرحيم قلت لي شنو قلت ليكي أنا الجماعة منتظريني ومستعجل بس عايز أقول … وهنا يسمع صوت وقوع شيء فتصيح السيدة مثال: سجمي الواقع دا شنو؟ … اقيف يا عبد الرحيم أشوف الحكاية دي… وتغيب مدة أخرى ومن بعيد يأتي ما تسرب من صياحها الذي اخترق سماعة التلفون الملقاة على الطربيزة ويظل السيد عبد الرحيم ممسكاً بالسماعة حتى تحضر السيدة مثال لتشرح الموضوع قائلة: والله حمادة دا جنننا … يا أخي ما قلنا ليك سوقو معاك المكتب ولا وديهو لأي حتة … الولد زي التقول عنده عفريت في رأسه… جاب ليك عز الدين ود ناس عفاف… وطلعوا بالسلم لبيت الحمام قالوا عايزين يشوفوا البيض … وحمادة مسك الصفيحة رماها من فوق لحدي ما البيض كله أتكسر … غايتو ما عندك طريقة الا تسوقو تاني معاك… ولد شيطان زى دا أنا من ما الله خلقني ما شفتو … ياهو ولدك وياكا أنت أبوه … وأنت العلمتو الشيطنة … اها قلت لي شنو ويتنهد السيد عبد الرحيم ليقول: والله أنا زاتي الكلام طار لي من رأسي … كنت عايز أقول … وتعترض السيدة مثال على الجملة الأولى لأنها في اعتقادها جملة في غير محلها.. فماذا فعلت حتى يطير الكلام من راس السيد عبد الرحيم: الكلام طار ليك يعني شنو؟ مش من دوشة وليداتك … الواحد فيهم ما عايز يقعد بروقة … وهسع دي شايفة هويدا بتمعط في شعر أختها … يا بت … يا ملعونة… خلي شعر أختك … قلت ليكي فكيها … والله يا هويدا؟ … احسن ليكي تسمعي الكلام يا أخواني البت دي حرقت روحي. وتترك سماعة التلفون هذه المرة تتدلى دون أن تضعها على الطربيزة، وتغيب لمدة أخرى وهي تدخل في عملية فك اشتباك بين هويدا وأختها الصغيرة… ويسمع عبد الرحيم صوت هويدا تصرخ وتبكي بأعلى صوتها. وتمسك السيدة مثال بسماعة التلفون وهي تقول: يا بت بلشي الكواريك… أبوك عايز يتكلم ومستعجل خليني اسمع.. طيب يا حلوة خلاص بعد ما أبوك يتكلم أنا بديك جنيه عشان تشتري حلاوة قطن… يله أسكتي خلاص … خلي بابا يتكلم ويبدو أن البنت دخلت في عزف منفرد واستهواها الإيقاع فظلت تبكي وازداد عياطها .. وهنا قالت السيدة مثال: يا عبد الرحيم … دقيقة … بس أدي البت دي جنيه عشان تشتري حلاوة قطن عشان تسكت. ويسمع عبد الرحيم صوت هويدا يختفي تدريجياً حتى يتلاشى في أحد الغرف … وبعد فترة تأتي السيدة مثال وتبدأ حديثها: اها قول لي … قلت مستعجل والجماعة منتظرينك … يا أخوانا منو البدق في الباب يا سنية … يا بت …. امشي شوفي منو البخبط في الباب … اجري قوام افتحي الباب يا فالحة … قلت شنو يا عبد الرحيم؟ طيب خلاص … قلت ليكي عايزك تكلمي… وتصيح السيدة مثال: هي … معقولة ؟ …. ديل ناس ريا … ازيك.. شديدة … الله يسلمك … يديكي العافية … والله شقة غريبة جداً … وازيك أنتي يعني الليلة نقول شرفتونا…؟ وظلت سماعة التلفون متدلية وظل عبد الرحيم صامتاً ومستمعاً وظلت السيدة مثال تحكي لناس ريا وتقول لهم: والله هسع قبل شوية عبد الرحيم كان بتكلم معاي في موضوع مهم كدا … قبل ما انتو تجوا. آخر الكلام: دل على وعيك البيئي.. لا تقطع شجرة ولا تقبل ولا تشتر ولا تهد هدية مصنوعة من جلد النمر أو التمساح أو الورل أو الأصلة أو سن الفيل وليكن شعارك الحياة لنا ولسوانا. ولكي تحافظ على تلك الحياة الغالية لا تتكلم في الموبايل وأنت تقود السيارة أوتعبر الشارع. واغلقه في المسجد.
* اشحم من كده فى ؟؟؟!!!!
Post: #5608 Title: Re: ناس الزقازيق ... أجدع ناس (4) .. Author: محمد صديق Date: 06-07-2012, 10:12 AM Parent: #5604
سلامات يا ناس
Quote: اليوم الخميس ... ..........................
نعتبرها ليك مداخلة....خليك معانا يمكن تفوز.
Post: #5606 Title: Re: ناس الزقازيق ... أجدع ناس (4) .. Author: أحمد إسماعيل Date: 06-07-2012, 08:54 AM Parent: #5603
Quote: أحمد اسماعيل لازم يرجع يوم الخميس ده بالتحديد..
حاضر يا سيد فعلا بغيابكم الدار بنكون خلا لكن البركة في الريس والصديق ونجيلة لو الصيف ما جفف نجيلتو قد غدونا مسلمين ايا روح البطولة أيقظينا ؛؛؛ وهزّي نخوة الإسـلام فيـنا أما آن الأوان لأن تفيـقي ؛؛؛ وتعلي الصوت صداحا مبينا أما آن الأوان لكي تقولي: ؛؛؛ لقد نمتم عن الأمجاد حينا ونصرخ عاليا في الكون أنا؛؛؛ سنبقى في الشدائد صامدينا فبالإسـلام عـزّت كل نفـس ؛؛؛ وبالإسـلام إنا لن نلــينا فيا إسـلام فلتشـهد علينا ؛؛؛ بأنا قـد غدونا مسلمينا
شايقية جات الخرطوم ومشت مع ناس البيت متنزه المقرن العائلي .. ولدها قال ليها: يمة لا تركبي اصلو الساقية دي الناس بشوفوا سروالك .. مشي يجيبلو شيتا ياكلوهو جاء لقاها معنقله في الساقية كورك ليها: يا نفيسي أنا قلتلك شنو؟؟؟ قالتلو: مو السروال .. ملصته يا عشاي
Post: #5609 Title: Re: ناس الزقازيق ... أجدع ناس (4) .. Author: عثمان الجيلي شيخ محمد Date: 06-08-2012, 11:50 AM Parent: #5607
سلام سلام سلام لي كل احبابنا ناس الحوش
عودنا ليكم والعود احمد...
في البداية تعازينا لكل من فقد عزيز لديه في هذه الانقاعة...
أشكر كل الذين استجابوا و سدوا الخانه يوم الخميس... دعاء الريس ...استكراد الكوتش... استجابة أحمد اسماعيل الشحمانه... و مداخلة منصور المدغلبه... و كنتكة ياسر نجيلة...
و التحية لعثمان الجيلي ..و عودا حميدا....
Post: #5611 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-09-2012, 07:30 AM Parent: #5610
صباح الخير ،،، يا وجوه الخير
دعاء اليوم :
اللهم يا عزيز يا جبار اجعل قلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة
================================
حمد لله على السلامة يا ناس العين
عودة عثمان الجيلي الجميلة دعوة للآخرين
هاتف عصام دهب :
00966503639124
Post: #5612 Title: Re: ناس الزقازيق ... أجدع ناس (4) .. Author: مبارك جادين Date: 06-09-2012, 08:16 AM Parent: #5611
السلام لناس الحوش فردا فردا راجيا ان يصلهم مكتوبي هذا ويجدهم تامين وكاملين الف سلامه لعصام دهب الف سلامه لعبد الدائم النضيف با منصور والله شحمانه التحايا بدون ترتيب لكل المتداخلين ودمتم
ولا الحزن القديم إنتِ ولا لون الفرح إنتِ ولا الشوق المشيتْ بيهو وغلبْنى أقيف وما بِنْتِ ولا التذكار ولا كُنْتِ بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه ومن شهقَة زهورعطشانَهْ فوق أحزانهْا متْكَّيهْ بتَطْلَعى إنتِ من صوت طِفلَهْ وسط اللمَّهْ منْسيَّهْ تَجينى معاكْ يجينى زمن أمتِّع نفسى بالدهشَهْ طبول بتْدُق وساحات لى فرح نَوّر وجمّل للحُزن..ممْشى وتمشي معاي خُطانا الإلفَهْ والوحشَهْ وتمشى معاي... وتْرُوحى وتمشى معاي وسط روحى ولا البلْقاهو بِعْرِفنى ولا بعرِف معاكْ ..روحى
Post: #5616 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-10-2012, 06:20 AM Parent: #5615
أزيكم... الصيف شكله كده أثر عليكم... كلكم طايوقكم(جمع طايوق شنو) سايح و ما قادرين تحددوا هل هو ربع و لا نص... أنا زيكم كده برضو مع شوية زحمة شغل...
أنا كان نفسي أكون بتكلم زي سبعة لغات كده... مع العربية و الانجليزية زي خمسة لغات تاني... و كنت بفتكر انو أول لغة مفروض أضيفها لي رصيدي... هي اللغة الفرنسية بحكم اننا درسناها لمدة سنتين بالثانوي... زمان كنت و أنا طالع الأسانسير للمكتب بلاقي فرنسين... و بشفافية أكتر واحدة فرنسية... عرفتها كيف فرنسية؟؟ مش ده سؤالكم لأنها كانتت بتتكلم مع ابنهاالصغير بالفرنسي... فبقيت كل ما ألاقيها أشبكه ليك سافا و هي ترد علي سافا... مرة قلت ليها سافا ردت علي بسافا و عرجت على حاجات تانيه حامياني... فما عرفت أقول ليها غير (موا جي ني باغل لفرنسي)... أي انني لا أتحدث الفرنسية فضحكت كثيرا و ردت على ما انت رديت بالفرنسية... لو كنت طورت الفرنسية بتاعتي كان قضيت يومي كلو في الأسانسير... الحمد لله كانت فرنسيتي على قدر الطابقين البوصلوني المكتب... كان لي صديق ياباني فحبيت أعمل ليهو مفاجأة... اتصل بي مرة فأجبته بي كونيتشوا ..بمعنى كيف حالك... ففرح كثيرا لأنني خاطبته باليابانية و هو ما عارف اني ما بعرف فيها الياباني... و فرح أكتر لما ودعته قائلا سايونارا... و هكذا الحال معي أحب أن أتعلم لغات جديدة و لكني لا أعمل لذلك.. غير تلك المحاولات الخجولة... شلاقتي و حبي لتعلم اللغات خلاني كلما يجو صاحبات الشغالة بتاعتنا.. أشبكهم ليك اندمناش و هم يقوموا يقولوا لي دناني... و كان ممكن أتعلم أكتر في الأمهرية و لا التكرنجه دي... لأن الأستاذ متوفر و ما فيها دفع رسوم... لكن كلما أتخفف و أقول اندمناش..قبل الدناني.. تجيني حدرات ست بيتي... و التي أتخيل انها ما عندها أي مانع أتعلم كل لغات الأرض الا الأمهرية دي....
أها يا جماعة.... تشاو...
Post: #5623 Title: Re: ناس الزقازيق ... أجدع ناس (4) .. Author: عمر المهدى Date: 06-10-2012, 10:41 AM Parent: #5622
اجدع ناس تحيات واعتذارات طولنا طول يعلم الله ما بالنيه وقد تنكر العين ضوء الشمس من رمد وينكر الفم طعم الماء من سقم امنياتنا لكم بالخير بلا انقطاع والتحيه خاصه للكوتش الطارينا وماناسينا
Post: #5624 Title: Re: ناس الزقازيق ... أجدع ناس (4) .. Author: محمد صديق Date: 06-10-2012, 11:00 AM Parent: #5623
سلامات يا ناس
Quote: اجدع ناس تحيات واعتذارات طولنا طول يعلم الله ما بالنيه وقد تنكر العين ضوء الشمس من رمد وينكر الفم طعم الماء من سقم امنياتنا لكم بالخير بلا انقطاع والتحيه خاصه للكوتش الطارينا وماناسي
يا كوتش عليك الله بطل حركاتك دي... انت قايلني ما مؤمن و لا شنو... مش المؤمن لا يلدغ من جحر مرتين... حسه انت في ذمتك دي المره الكم تقول لي جاييك و ما تجي...
Post: #5626 Title: Re: ناس الزقازيق ... أجدع ناس (4) .. Author: محمد صديق Date: 06-10-2012, 11:38 AM Parent: #5624
سلامات يا ناس
Quote: و كنت بفتكر انو أول لغة مفروض أضيفها لي رصيدي... هي اللغة الفرنسية بحكم اننا درسناها لمدة سنتين بالثانوي... زمان كنت و أنا طالع الأسانسير للمكتب بلاقي فرنسين... و بشفافية أكتر واحدة فرنسية... عرفتها كيف فرنسية؟؟ مش ده سؤالكم لأنها كانتت بتتكلم مع ابنهاالصغير بالفرنسي... فبقيت كل ما ألاقيها أشبكه ليك سافا و هي ترد علي سافا...
يا حبيب وين ناس بونجور ؟؟
زمان فى الثانوى اخوك كان ضمن احسن سبعة بيعرفو فرنسى
وكانوا بيدرسونا فى فصل برانا حاجة غير البدرسوها للناس التانيين
بس بعد الثانوى ما اشتغلنا بيها...ودى من الحاجات البتحسر عليها
زمان فى الثانوى اخوك كان ضمن احسن سبعة بيعرفو فرنسى
وكانوا بيدرسونا فى فصل برانا حاجة غير البدرسوها للناس التانيين
بس بعد الثانوى ما اشتغلنا بيها...ودى من الحاجات البتحسر عليها
لحدى هسة.
فصل خاص و ما وصلتو سافا دي يا كوتش... و الله كانوا غاشنكم ساكت الناس ديل... ياخي لما تكون عامل فيها بتجضم الفرنسي تمام... بتقول سافا... بنجور دي خلوها زمان... أسأل جبريلا...كان بيعرف فرنسي... الجنى ده غير الكاويق ما ظنيتو بيعرف حاجه تاني...
التحية لجميع المتداخلين دخلت لقيت الحصة فرنسي والكوتش والرشيد يتبارون في تعاطي الفرنسية من بنجور الي سافا وبالعكس عموما عيني بارده عليكم يا هؤلاء الفرنساويين وسافا عليكم ورحمة الله وبركاته
شدتني قصيدة الدوش التي تفضل بها الرشيد وتذكرت الراحل مصطفى سيد احمد وكيف انه اعترف بان الدوش ووردي كانا من اول الناس اهتماما بعبقريته وان الراحل محمد عثمان وردي كان يحضر اليه بعد انتهاؤه من المعهدلبذهبا سوبا الي التدريب على الغناء
Post: #5630 Title: Re: ناس الزقازيق ... أجدع ناس (4) .. Author: محمد عيد Date: 06-10-2012, 12:16 PM Parent: #5627
Quote: اما الجنس اللطيف وزهير (فانقطع فيه العشم)
شوية فاتن حمامه .....
هســــه يا كوتش زهير ده دخلتو مع الجنس اللطيف ليه ..؟؟
Quote: لو كنت طورت الفرنسية بتاعتي كان قضيت يومي كلو في الأسانسير... الحمد لله كانت فرنسيتي على قدر الطابقين البوصلوني المكتب...
يا صديقى العزيز .. والله انا لو فى محل بت حوفى اعطل ليك كل الاسانسيرات
كان فى البيت ولا فى الشغل ... واخليك بس .... ناااااااازل السلالم يا ما سما عليك ... !!!
**** تعلم اللغات شىء جميل ... وحأحكى حكاية اظن انى حكيتها هنا بل كده مره واحده ( بس مش 514 مره )
بعد التخرج واثناء سنة العطالة تجمعنا كالعاده فى حوش وزارة الزراعة تحت الشجرة اياها
وفكرنا كيف نقاوم هذه العطالة ... منصور قرر انو يدخل كورس كمبيوتر
انا وعبده مضوى وعبد الحليم عباس مشينا معهد جوته وسجلنا كورس لغة المانية ...
وفى المحاضرة الاولى طلب المحاضر من كل واحد التعريف بنفسه ولماذا اختار دراسة الالمانية ...
من ضمن الحضور تواجد رجل كبير فى حوالى الستين من عمره ،
ولما جاءه الدور ذكر بأنه بدأ دراسة الالمانية قبل ثلاثين سنة ولكنه لم يتم الكورس ...
والآن اصبح فى المعاش ولا شىء لديه فقرر معاودة دراسة اللغة التى أحبها ...
ساعتها ضحكنا وحشينا فى الراجل وقلنا ده زول موهوم وفاضى ساكت ... قراية شنو الراجع ليها بعد 30 سنة ..؟
المهم داومنا على الدراسة وكانت جميلة واللغة الالمانية سهلة ومحببة وسلسة ولكن تعلمها يستوجب
المتابعة والحضور المتواصل دون انقطاع ...
ولكن بعد 3-4 اسابيع بدأنا فى التساقط واحدا تلو الآخر حتى خرجنا ثلاثتنا من السباق ...
واحتفظ حتى اليوم بالكتب والشرائط الخاصة بالكورس واحيانا اخرجها واحاول اعادة قراءتها من شدة حبى لها
عموما بعد سنوات قليلة .. اعتقد اننى ربما أعيد سيرة ذلك الرجل الذى ضحكنا عليه قبل 25 عاما ...!!!!
Post: #5631 Title: Re: ناس الزقازيق ... أجدع ناس (4) .. Author: محمد صديق Date: 06-11-2012, 06:36 AM Parent: #5630
سلامات يا ناس
وصباحات التفاؤل
إهداء صباحى من فرحات عباس:
حرف إستجداء
* * * توسلت بشيئ في عينيك حدق هوناً .... شوقاً ... فيًّ وفات تذرعت بأني ميت فيك .. وبأني سعياً .. سأعود إليك حياة أخبرت بذلك .. أول خفقة قلب حين رأيت وأول شوق حيث دُعيت فأخبرني عشقي الليمون بلونك.. ونهانه قمريات يبكين وسحابات جئن يعزين فبكت عماتي النخلات ....
Post: #5632 Title: Re: ناس الزقازيق ... أجدع ناس (4) .. Author: محمد صديق Date: 06-11-2012, 06:47 AM Parent: #5631
سلامات يا ناس
Quote: شوية فاتن حمامه .....
هســــه يا كوتش زهير ده دخلتو مع الجنس اللطيف ليه ..؟؟
يا حبيب سلام
الإجابة تلقاها عند زهير.
Post: #5633 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-11-2012, 08:06 AM Parent: #5632
صباح الخير ،،، يا وجوه الخير
أصبحنا وأصبح الملك لله وحده
دعاء اليوم وكل صباح :
اللهم إني أعوذُ بك من زوال نعمتك وتحول عافيتك وفُجاءة نقمتك وجميع سخطك
Post: #5634 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-11-2012, 08:15 AM Parent: #5633
باشر عمله فور وصوله
ولكثرة الأعمال المتراصة
حمد لله على السلامة عبدالدائم النضيف
إنشاء آخر الأحزان أخي الكريم
تحية عطرة لك وللأسرة
Post: #5635 Title: Re: ناس الزقازيق ... أجدع ناس (4) .. Author: محمد صديق Date: 06-11-2012, 08:57 AM Parent: #5634
سلامات يا ناس
حمد لله على السلامة عبدالدائم النضيف
إنشاء الله آخر الأحزان أخي الكريم
تحية عطرة لك وللأسرة
Post: #5636 Title: Re: ناس الزقازيق ... أجدع ناس (4) .. Author: مبارك جادين Date: 06-11-2012, 09:11 AM Parent: #5635
حمدالله الف على السلامه اخي عبدالدائة وجعلها الله اخر الاحزان وانا لله وانا اليه راجعون
وعودا حميدا لعصام دهب وانشاءالله اجر وعافيه
Post: #5637 Title: Re: ناس الزقازيق ... أجدع ناس (4) .. Author: محمد صديق Date: 06-11-2012, 10:06 AM Parent: #5636
التهنئة الحارة لابنتي دعاء محمد عيد و ابني أحمد منصور... و لأمهاتهم الذين حين تكلمت معهم مساء البارحة كانوا في غاية الفرح... التحية لأم أحمد و أم دعاء و تستاهلوا النتائج الباهرة الجميلة دي... و التهنئة للحبايب منصور و محمد عيد...
أمبارح غياب قسري... كان من المفروض أن نقوم بزيارة أحد المشاتل في الشارقة.. هذا المشتل مسئول عن توريد النباتات التي ستزرع بالحديقة تحت الانشاء... و نحن كاستشاري علينا أن نوافق على جودة المواد... فطلب مننا المقاول أن نزور المشتل لاعتماد المواد جملة... تحركنا عند التاسعة صباحا و تزودنا بالوقود و الطعام... وصلنا الشارقة و أخذ مرافقنا يسأل عبر التلفون عن المكان... فدلوه عليه و انطلقنا لنجد أنفسنا خارج الشارقة... ثم اتصل مرة أخرى ليقودوه الى مكان بالفجيرة... ثم خارج الفجيرة التقانا أحد موظفي المشتل... و طلب منا السير وراءة... طوال الوقت كان زميلي عبد المنعم السوداني يسألهم... انتو يا جماعة الـبنقو بتاعكم ده وين... كررها كثيرا فسألته انت شنو حكاية البنقو دي... قال لي دي قصة واحد قبضوهو بيدخن في سيجارة بـنقو... قام قال للجماعة خلوني أكمل سيجارتي دي و حأوريكم مكان الـبنقو... قالو ليهو اتفقنا...كمل السيجارة و ركب معاهم... من الخرطوم عبر سوبا الى مدني .. و كل مره يقولوا ليهو انت يا زول الـبنقو بتاعك ده وين.. يقول ليهم أصبروا... وصولوا سنار يا زول وين الـبنقو... في الاخر زهجوا منو شديد قالوا ليهو لو ما وريتنا ماشين وين ما حنتحرك... قال ليهم انتو ما عندكم صبر ساكت ياخي الـبنقو في واو... أخذنا نسير خلف قائدنا لمسافة زادت عن السبعين كيلو... حتى توقفنا أمام أحد المشاتل... سألناه نحن وين يا زول... قال لينا نحن في راس الخيمة و وراء الجبل ده سلطنة عمان... عبد المنعم قال ليهو... و الله دي واو زاتها....
Post: #5648 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-12-2012, 06:17 AM Parent: #5647
صباح الخير يا وجوه الخير
أصبحنا وأصبح الملك لله وحده ،،،
حكمة اليوم :
يظل الانسان في هذه الحياة مثل قلم الرصاص! تبريه الأيام ليكتب بخط أجمل.
وهكذا حتى يفنى القلم فلا يبقى له إلا جميل ما كتب. اكتبوا إخوتي فإن كتابكم يظل منثور إلى يوم القيامة
Quote: الله يضوقكم فرحة نجاح الولد الكبير فان لها طعما خاصا ومختلفا
عقبال تفرح بكونك بقيت جِدْ...ودى طعمها طعم تانى.
Post: #5656 Title: Re: ناس الزقازيق ... أجدع ناس (4) .. Author: أحمد إسماعيل Date: 06-12-2012, 06:17 PM Parent: #5655
أصالتنا تمثل هويتنا التي تميزنا عن من سوانا وهي تقوم مقام البصمة من الإنسان لذا يجب علينا أن نحرص على ارتباطنا باصولنا وجذورنا لكي نتواصل مع الآخرين أدبا وثقافة لذلك يجب أن يكون هناك توازن بأن نثق في تراثنا ونتواصل بالأخذ من الآخرين بتريث بدون إنبهار فائت حدهـ لأن الإنبهار الفائت الحد يؤدي إلى تدمير التراث والموت البطيء للأصالة وهوية الشعب لللأسف الشديد حالة الشعب السوداني وحكومته الإنبهار بالآخرين والجديد وعدم الإهتمام بالتراث والهوية بل أصبح الكثير منا يبخس تاريخ وبطولات الأجداد والرموز الوطنية والثقافة السودانية الأصيلة وهذا يعتبر إجتثاث للجذور مما أدى إلى الإنهيار في كل شيء في الجنيه و الأسعار والإقتصاد والأخلاق --الخ والأخطر من ذلك بدأنا نقسم الوطن ونبيع أجزائه التي لها قيمة ومردود عسى ولعلها تعمل مسكن لحين ( حبة عند اللزوم) على العموم ( من اتكل على زاد غيرهـ طال جوعه ) نسأل الله أن يرحم أهل السودان ويبعد عنهم شرارهم ويولي على السودان المصلحين المخلصين من أبنائه
Post: #5657 Title: Re: ناس الزقازيق ... أجدع ناس (4) .. Author: أحمد إسماعيل Date: 06-12-2012, 06:48 PM Parent: #5656
حمد الله على سلامة عبد الدائم النضيف تحية عطرة لك والأسرة ــــــــــــــــــ ألف مبروك لمنصور ومحمد عيد النجاح الباهر لأحمد منصور ودعاء محمد عيد ـــــــــــــــــــــــ إبني عمر النور نجح بنسبة 92% وكانت حكمته من أجاد الكفر ظفر --- ومن سارعلى العلم وصل
Quote: إبني عمر النور نجح بنسبة 92% وكانت حكمته من أجاد الكفر ظفر --- ومن سارعلى العلم وصل
أجمل التهاني و التبريكات لابننا عمر... و لأم عمر و أبو عمر... و كل الأمنيات الطيبه له بدخول الكلية التي يتمناها.... و يبدو ان عمر ود الوز......عوام... حكيم ابن حكيم....
Post: #5659 Title: Re: ناس الزقازيق ... أجدع ناس (4) .. Author: أحمد إسماعيل Date: 06-13-2012, 06:13 AM Parent: #5658
أصبحنا وأصبح الملك لله الواحد الأحد الله يبارك فيك أخي الرشيد ويبارك في مهند وأمنية وغدا إنشاء الله يحققان النجاح الباهر الحكمة لا تسأل بني آدم وسل الذي أبوابه لا تحجب الله يغضب إن تركت سؤاله وبني آدم حين يسأل يغضب
Post: #5660 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-13-2012, 06:24 AM Parent: #5658
صباح الخير ،،، يا وجوه الخير
تحية الصباح نهديها لأبنائنا المجدين
والفائزين بالإمتحانات
ويضاف إلى قائمة المبدعين إبننا عمر أحمد إسماعيل
الف مبروك لنا ولهم جميعاً
حكمة اليوم : إن الخيل إذا شارفت نهاية المضمار بذلت قصارى جهدها .. لتفوز بالسباق ..
اللهم زدهم نجاحاً وتفوقاً وأجعلهم من الصالحين
Post: #5661 Title: Re: ناس الزقازيق ... أجدع ناس (4) .. Author: عمر نملة Date: 06-13-2012, 08:52 AM Parent: #5660
سلام تحيه مبروك مبروك مبروك
Post: #5662 Title: Re: ناس الزقازيق ... أجدع ناس (4) .. Author: عمر نملة Date: 06-13-2012, 08:56 AM Parent: #5661
إن الخيل إذا شارفت نهاية المضمار بذلت قصارى جهدها .. لتفوز بالسباق . والله ياريس في نهاية المضمار الجهد بيكون كمل بس الاصرار والتحدي ونفس يعقوب مابترضى الا بالكمال والكمال لله
Post: #5663 Title: Re: ناس الزقازيق ... أجدع ناس (4) .. Author: عمر نملة Date: 06-13-2012, 09:27 AM Parent: #5662
سلام تحيه واليوم الاربعاء يوم الصور
Post: #5664 Title: Re: ناس الزقازيق ... أجدع ناس (4) .. Author: محمد صديق Date: 06-13-2012, 09:53 AM Parent: #5663
ألف مبروك على النور عمر ... عقبال الشهادات العليا ... ومبروك للجميع ...
============================= عمر نملوز ... انت ماقلت الناس ديل ... انصار سنة الرجال بي باب ... والنسوان بالباب التاني ... في الصورة الاولي ... الجارية وراك دي منو ... غايتو بتشبه لي الفرنسية بتاعت اسانسير أبوظبي ... ...
عموما بكرة الخميس ......
Post: #5666 Title: Re: ناس الزقازيق ... أجدع ناس (4) .. Author: مبارك جادين Date: 06-13-2012, 11:16 AM Parent: #5665
الخميس ما الخميس المهم المشوار يبدا من جوبا ومن جوبا اجمل النبريكات والتهاني بالنجاح للابنة دعاء محمد عيد ولابوها وامها وللابن احمد منصور عبد الرازق ولابوه وامه وللابن عمر النور احمد اسماعيل ولابوه وامه.
التحية اخي عمر وانت تواثل المشوار لتحطيم الرقم واود هنا ايضا على اتصالك الدائم علي كلما سمعت اخبار عن جوبا او جمهورية حنوب السودان
ومن جوبا قنبوا طولا تماشبا مع شعار احمد اسماعيل اه يا جلا وصلت جوبا ترجعا كيف؟؟؟؟؟؟؟؟؟؟؟؟؟؟؟؟؟؟؟؟؟
Post: #5667 Title: Re: ناس الزقازيق ... أجدع ناس (4) .. Author: منصور عبد الرازق Date: 06-13-2012, 11:46 AM Parent: #5666
ومليون مبروك لى عمر النور يا ابو عمر احمد اسماعيل
ربنا يحفظه ويبلغه اعلى درجات النجاح قبل ما اجى البوست , اتوقعت جية نملوز دى اصلو الليلة قاعد اجازة فى البيت , وماسك ناس الطيب واخوانه فى الجو السمح داك
* ادونى جوكم داك , وانا بمسكم كل يوم يا نملة * ياسر نجيلة , وين احلام زلوط , ولا زلوط صحى من نومو ؟؟
من النجاحات. دا الكلام البخلينا نواصل تحدي العمر ونثبت انه العمر ماليه دخل بالاصرار والصمود وزرع الثقه في النفس. مازلت بتذكر اول ايام بديت التدريبات كان وزني تقريبا 80 كج مع الكرش وملحقاتها وضيق النفس وسرعة ضربات القلب عند بذل اقل مجهود. والحمد لله الان وصلت المستوى الثالث تسلم ياكوتش
عمر نملوز ... انت ماقلت الناس ديل ... انصار سنة الرجال بي باب ... والنسوان بالباب التاني ... في الصورة الاولي ... الجارية وراك دي منو ... غايتو بتشبه لي الفرنسية بتاعت اسانسير أبوظبي ... ابو عمار والله السباق دا كان السنه الفاتت في رمضان وكان سباق الساحل في اوستندا والفي الصوره دي صاحبة المركز الاول لناس السنه راجع الايميل
التحية اخي عمر وانت تواثل المشوار لتحطيم الرقم واود هنا ايضا على اتصالك الدائم علي كلما سمعت اخبار عن جوبا او جمهورية حنوب السودان سلام ليك ولكل الجنوب يابركه وربنا يوقف الحرب اللعينه ويصفي النفوس
Post: #5676 Title: Re: ناس الزقازيق ... أجدع ناس (4) .. Author: محمد عيد Date: 06-13-2012, 09:18 PM Parent: #5675
على طريقة ياسر نجيلة .... الليلة الخميس ...
وانا اتصفح فى النت .. لاقتنى بعضا من النكات الباااايخة التى من شدة بوخها
تفطس من الضحك ..
على طول اتذكرت محمد المرتضى وعاطف القوز لمن كانوا يتلموا ويقولوا الليلة السهرة
مع النكت البايخة .. ويقـدّوووووونا للصباح ...
أها انا الليلة داير أقـــدّكم ....
* جملة مالها معنى ،،،،،، "وينك شايفك مختفي الأيام دي؟!"
* مسطول تمتام شاف بتاع جرايد قال عايز يشتغل معاهو مشى قال لي: داداداداداد داير أششش أشتغل مممم ماماما معاك بتاع الجرايد قال لي بطريقتك دي مافي زول بيشتري منك... المسطول قال ليهو : ع ع ع ع ع ع ع عليك الله بتاع الجرايد قال لي خلاص هاك الجرايد دي أنا ماشي وجاي بعد شوية... مشى وجا لقى المسطول باع كل الجرايد قال لي عملتها كيف دي
المسطول قال ليهو : ببببببببببب بمشي لييييي الزول ببببببببببب بقول ليييييي تتتتتت تشتري منننننننني الجريدة ولا أققققققققق أقراها ليك...!
وهاكم دى
* عزيزي صاحب المطعم البتبيع لحم كلاب في السوق العربي
طبعا إنت عارف إني اكلت منك الاسبوع الفات
كوني بقيت لما أتشاكل مع زول بعضيهو قلنا ما مشكله كوني بقيت لما نجي نتغدا بشيل عضم و بجرى باكلو تحت الشجره ما مشكله كوني بقيت بسك كدايس الحله ما مشكله
والله طلتكم اسعدتنا كان .... من سنار ..... ولامن جوبا ....
=================================================
Quote: والله السباق دا كان السنه الفاتت في رمضان وكان سباق الساحل في اوستندا والفي الصوره دي صاحبة المركز الاول لناس السنه راجع الايميل
ده حالتو في رمضان ... ... ومال لو جيناكم في الصيف ... منصور ليهو حق ... كان كل سنة ... ناطي ليكم ... الايميل فاضي ... رسل تاني ... [email protected] [email protected]
Post: #5678 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 05:00 AM Parent: #5676
سلامات يا ناس
Quote: دا الكلام البخلينا نواصل تحدي العمر ونثبت انه العمر ماليه دخل بالاصرار والصمود وزرع الثقه في النفس. مازلت بتذكر اول ايام بديت التدريبات كان وزني تقريبا 80 كج مع الكرش وملحقاتها وضيق النفس وسرعة ضربات القلب عند بذل اقل مجهود. والحمد لله الان وصلت المستوى الثالث
تحياتى نملوز ...
وحقيقى نشعر بالفخر وأنت تحقق هذه النجاحات
والحاجة التانية ما شاء الله عليك حافظت على
قوامك وده بيخلى ناس تانيين زى ما قال الريس
يسعوا الى اكتساب قوام رياضى . وأنا بقترح تبدا
لينا بدروس عصر وأول دارس يكون الرشيد.
Post: #5679 Title: Re: ناس الزقازيق ... أجدع ناس (4) .. Author: جلال عثمان Date: 06-14-2012, 05:35 AM Parent: #5678
صباح الخير .... وتحية هذا الصباح اسمحوا لي ان اوجهها للاخ نملوز .... حقيقي مجهود رائع ومقدر واثني اقتراح الكوتش في ان يقوم عمر بتقديم بعض الدروس والنصائح من واقع تجربته حتى "ينصلح" حال كروشنا ... ودعوة هذا الصباح "ما عندها اي علاقة بدعاء الصباح ... اقول دعوة هذا الصباح ان قوموا الى كروشكم اصلحوها يرحمكم الله ------
بالله هو الليلة الخميس... و الله الواحد بقى ما يعرف الخميس من الجمعة الا بصلاة الجمعة...
Quote: والله السباق دا كان السنه الفاتت في رمضان وكان سباق الساحل في اوستندا والفي الصوره دي صاحبة المركز الاول لناس السنه
يا سلام على أنصار سنة أوستندا... يا عمر كيف يمكن الانتساب للجماعة ديل...
لكن يا عمر ما كملت من لحم الدنيا بالجري ده.... كل يوم شايفك ماشي نازل... و الله نفسي في جكة زي حقتكم تنزلني زي نزولك ده... بس بدون مطاعنات زي دي...
Quote: وده بيخلى ناس تانيين زى ما قال الريس
يسعوا الى اكتساب قوام رياضى . وأنا بقترح تبدا
لينا بدروس عصر وأول دارس يكون الرشيد
أنا الكرش دي عامله مخصوص يا كوتش... عشان بت الشيخ ما تقول لي قاعد تتخفف و تصغر لي في نفسك...
لي كم يوم كده ما قادر أحك أضاني بي كراعي... وروني محل المطعم ده يا حماده ينوبك ثواب...
سعيد بعودة جلال عثمان... حمد لله على السلامة يا جلجل...
Post: #5681 Title: Re: ناس الزقازيق ... أجدع ناس (4) .. Author: مبارك جادين Date: 06-14-2012, 07:24 AM Parent: #5680
ايها الاصدقاء اليوم الخميس تماشيا مع شعار ياسر نجيلة ودا يا ياسر كلام تقولوا للناس البخافوا الخميس (طبعا انا ما منهم وهم عارفين نفسهم ) والخميس يشبه تهمة العنصرية التي قال عنها الاستاذ فضيلي جماع انها اصبحت لا تخيف احد؟؟؟؟؟
اخي نملوز الى الامام
يا كوتش صباح الخير
يا جلال مشتاقين
Post: #5682 Title: Re: ناس الزقازيق ... أجدع ناس (4) .. Author: عمر نملة Date: 06-14-2012, 07:28 AM Parent: #5679
* وتحية جميلة وتهنئة بالتوفيق للعزيز نملوز على النجاخات الرياضسة يا بسمه نقول تاني مبروك وحاولت الاتصال للتهنه
Post: #5683 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 08:57 AM Parent: #5682
سلامات يا ناس
Quote: يا كوتش صباح الخير
صباحك فُلِّ يا باشا...
Post: #5684 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 09:12 AM Parent: #5683
سلامات يا ناس
زهير و(بنات الشيوخ) وين؟
نجيلة عارفنو وين.
Post: #5685 Title: Re: ناس الزقازيق ... أجدع ناس (4) .. Author: جلال عثمان Date: 06-14-2012, 09:13 AM Parent: #5683
Quote: أنا الكرش دي عامله مخصوص يا كوتش...
سلمك الله يا حبيب ... لكن اسبابك بتاعت الكرش دي غير مقنعة بتاتاً ... فا شنو تعال نتضامن انا وانت ونشوف لينا كورسات تساعدنا في التخلص من هذه "الكروش" وبالعدم شوف لينا جلا دا يشوف لينا فكي كارب -----
Quote: يا جلال مشتاقين
يا بركة والله الشوق بحور ما ليها حد ... غايتو ياحبيب ما لنا الا ان ندعوا ان ربنا يعجل برحيل من جعلونا نستخدم جوازات السفر في ترحالنا داخل وطننا الواحد الجو كيف هناك الايام دي لعلوا مو حر يفسخ ذي العندنا دا. ----
ياكوتش ياخ ازاي السعادة. زعلان منك عشان ما ضميتني لبرنامج العودة الطوعية ...
Post: #5686 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 09:16 AM Parent: #5685
سلامات يا ناس
Quote: ياكوتش ياخ ازاي السعادة. زعلان منك عشان ما ضميتني لبرنامج العودة الطوعية ...
Quote: سلمك الله يا حبيب ... لكن اسبابك بتاعت الكرش دي غير مقنعة بتاتاً ... فا شنو تعال نتضامن انا وانت ونشوف لينا كورسات تساعدنا في التخلص من هذه "الكروش" وبالعدم شوف لينا جلا دا يشوف لينا فكي كارب
و الله يا جلجل الليلة يوم تاريخي بحضورك الزاهي البهي....
لكن خليني أكلمك شوية عن موضوع الكرش ده... واحد صاحبنا جدا و معانا هنا في البوست ده أداني وصفه... قال لي كل يوم من الصباخ دغش تقوم تشرب ليك جك موية حااارة نار... و أعمل ليك فيها ليمون بس بدون سكر... حتروح ليك الكرش بسرعة شديدة... وانت عارف ايماني ده مرات بوديني التوج..بتعرف التوج... المهم بقيت أقوم كل يوم من الصباح أشرب ليك الموية الحاره بالليمون... من ناحية الكرش خفت فهي خفت... لكن أنا لي تلاته يوم ما قادر أبلع لي حاجة... حرقان مستمر يا صاحبي... أصلي ما خطر على بالي انو ممكن يكون من موية الليمون الحاره... أشيل و أجغم ليك فيها كل صباح... بقيت كل يوم أقول للشغالة بتاعتنا..أسمعي كدي وقفي لينا أي نوع ملاح... وقفت الملاح و النيران مولعة بي جوه... كدي وقفي لينا السكر...نفس الحكاية.... أسمعي وقفي لينا العيش ..ما عايز عيش... و الحكاية زي ما هي... مره زهجت ضربت ليها تلفون قلت ليها أسمعي أنا تاني ما عايز غداء... أنا ما قاعد أتعشى...بقيت عايش على الزبادي يا حبيب... لحقت حبوبتي حاجه أمونه رحمة الله عليها... و حاجه أمون كانت عايشه على الزبادي... مره قالت لي محمد أخوي..اتعشيت يا حبيب سهري... قال ليها ما اتعشيت يا حاجه... أديك ساندوتش... قال ليها و الله ما بطال... مشت عملت ليهو ساندوتش زبادي... فأنا يا حبيب نصيحة صاحبنا ده بقتني زي حاجه أمونة... فطور زبادي..غداء زبادي..عشا زبادي... الشاي زاتو بقينا نشربو بالزبادي...قايلني ببالغ صاح... طبعا صاحبنا حيقول لي كرشك نزلت من الوصفة بتاعتي... بتاعت موية الليمون الحاااااااااره دي... لكن وحات خوتك النزول ده من الزبادي الباكل فيهو لي شهر ده... أكلم ليك صاحبي ده يديك وصفه..و لا ما عايز...
Post: #5693 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 11:46 AM Parent: #5692
سلامات يا ناس
Quote: يا جورج ما تخليني انفتح فيك من الصباح بفتش لي علي زول ارشه محمد كرم الله مات ووردي مات وابوي مات
يعني اخلاقي قاعدة في بوزي
ياحبيب انا زول مسكين.....
عليك الله ما دام اخلاقك فى بوزك ...ما ترش لينا حاتم جبارة
وينوبك ثواب.
Post: #5695 Title: Re: ناس الزقازيق ... أجدع ناس (4) .. Author: محمد صديق Date: 06-14-2012, 11:55 AM Parent: #5693
سلامات يا ناس
Quote: لكن خليني أكلمك شوية عن موضوع الكرش ده... واحد صاحبنا جدا و معانا هنا في البوست ده أداني وصفه... قال لي كل يوم من الصباخ دغش تقوم تشرب ليك جك موية حااارة نار... و أعمل ليك فيها ليمون بس بدون سكر... حتروح ليك الكرش بسرعة شديدة...
يا حبيب انا عرفت القصة :
صاحبك ده بيكون قال ليك موية دافية ما حااااااارة
لكن يعملوا ليكم شنو ما انتوا اتخصصتوا فى لفحى الكلام.
(enjoy your belly
Post: #5694 Title: Re: ناس الزقازيق ... أجدع ناس (4) .. Author: جلال عثمان Date: 06-14-2012, 11:54 AM Parent: #5691
هوي يالرشيد الله بيني وبين زباديك دا ياخ .... انت قايل البودي التوج شنو ... عليك نور ... اها للمرة 514 خليني احكي ليك قصة العربي .... قال ليك الحاج دا جا "سادر"* وكان متعود ان يمر على صديقه في اطراف المدينة المهم الوقت كان مواعيد عشا .... والرجال ما عندو غير سلطة المهم كتر ليك الطماطم والعجور وكمية من الجرجير ... وعزم ليك الحاج مرت الايام والعربي جا ماري تاني يسأل من صديقو .... اها الجماعة قالوا ليه وين يازول البركة فيك زولك ما مات فقال لهم " والله من لقيتو يأكل في قش غنمو عرفتو ما بيحيي دحين هوي يا عربي هوي زح مني بالله
* سادر و مدلي ديل اسأل منهن طارق دا وبالعدم كمال الشادي ---- جبرييلا ... احسن الله عزاكم ياخ في محمد كرم الله رحمة الله عليه (2012 دي حكايتا شنو) ----- ياكوتش قلتلي ما اصدقوا .... ياخ صاحبى دا زول حنين ما تعصر عليه بقول يبكي
Quote: فقال لهم " والله من لقيتو يأكل في قش غنمو عرفتو ما بيحيي دحين هوي يا عربي هوي زح مني بالله
انا دى لاول مرة اسمعا ...وعشرة على عشرة.
نصيحة : أعَصِرْ على الموية الداااااااافية وما تكتِّر الليمون.
Post: #5697 Title: Re: ناس الزقازيق ... أجدع ناس (4) .. Author: أحمد إسماعيل Date: 06-14-2012, 02:40 PM Parent: #5696
Quote: و الله يا جبريلا بقيت متلقي حجج...
متلقي حجج في دارفور نقول ملقِط حجج هسي يجي نجيلة يقول ليك السودان كله بقول متلقي حجج ماتجيب ليك كلام من رأسك ساكت
Quote: بقيت زي الكديسه الفي نص البحر قالت للفار بتكتح مالك...
ولا قصة الحمل والمرفعين المرفعين أعلى التل عند ينبوع الماء والحمل في المنخفض يعني الماء يأتي من الينبوع إلى منطقة الحمل المرفعين قال للحمل ماتعكر علي الماء السنة الفاتت برضو عكرت علي الماء الحمل قال للمرفعين : انا السنة الفاتت ماوِلدوني ولا عكرت عليك الماء المرفعين قال : يكون أخوك الأكبر منك وكمان تقول ما عكرت الماء دة طول ألسنتكم البخلينا نأكلكم وهجم عليه
Post: #5698 Title: Re: ناس الزقازيق ... أجدع ناس (4) .. Author: محمد عيد Date: 06-15-2012, 04:01 PM Parent: #5697
الظريف .. ولطيف ... و نضيف عبد الدائم سيد احمد نوارة الزقازيقاب وفاكهة ناس جده عيد سعيد .... وعمر مديد تسامى فوق أحزانك ... وعد الينا ايها الجميل
وتحية هذا الصباح اسمحوا لي ان اوجهها للاخ نملوز .... حقيقي مجهود رائع ومقدر واثني اقتراح الكوتش في ان يقوم عمر بتقديم بعض الدروس والنصائح من واقع تجربته حتى "ينصلح" حال كروشنا .. احلى واجمل تحيه لجله والله الحكايه سهله جدا والبدايه كانت برنامج اسمه من الكنبه الي 5 كم والبرنامج يبداء بدقتتين مشي ودقيقه جري خفيف بوتيره واحده ولمدة ربع ساعه واليكم الطريقه الصحيحه للجري http://www.youtube.com/watch?feature=endscreen&NR=1&v=9zkapadQwHk
لكن يعملوا ليكم شنو ما انتوا اتخصصتوا فى لفحى الكلام.
صاحبي قال لي مويه حاااااره.... و عندي شاهد شاف كل حاجه و سمع كمان... مره مره كده بشوفو ماري بي جاي... بقوم طوالي بغني ليهو..يا ماري بي بيتنا... جيت صدفة أو جيتنا... هو قاعد يقول لي جيتكم مخسوس... لكن عندي شك كبير في انو جايينا مخسووس....
المهم دافية حااارة بقت ما بتفرق... و هل يضير الشاة سلخها بعد سلقها....
مسطول عطش في نص الليل قام مشى فتح التلاجة بي قوة لقى الجلي برجف قال ليهو ما تخاف داير اشرب موية بس
Post: #5709 Title: Re: ناس الزقازيق ... أجدع ناس (4) .. Author: محمد صديق Date: 06-17-2012, 05:55 AM Parent: #5708
سلامات يا ناس
وصباحات التفاؤل
بنجيكم بعدين.
Post: #5710 Title: Re: ناس الزقازيق ... أجدع ناس (4) .. Author: عبد الدائم سيد أحمد Date: 06-17-2012, 06:02 AM Parent: #5709
بسم الله الرحمن الرحيم
قال تعالى : (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
أخواني وأخواتي الكرام حفظكم الله
السلام عليكم ورحمة الله وبركاته
باسمي وباسم أسرتي اشكر كل من قدم لنا التعزية في وفاة والــدى الحبيب وكذلك اشكر وأقدر كل من تفاعل معنا أثناء فترة العزاء وأسأل الله العظيم ان يجزل لكم الثواب وان يجعل كل مابذلتموه في ميزان حسناتكم كما أسأل الله جل جلاله بأن لايرى أي منكم مكروه . شكر الله سعيكم ودعاءكم فلقد عجزت والله ان اسطر ما تستحقونه من الثناء والتقدير ولا أقول الا ( أنا لله وأنا اليه راجعون ) . والحمد لله على كل حال وجزاكم الله كل خير .
Post: #5711 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-17-2012, 07:22 AM Parent: #5710
صباح الخير ،،، يا وجوه الخير
مرحب بعودة العزيز عبدالدائم
ولنتجاوز المرحلة دي ونبدأ الحياة
لأن عقارب الساعة لن تتوقف والدنيا دائرة ليست بها محيط
لنتقبل الحياة هكذا كما اراد لها الله عز وجل
دعاء اليوم :
والدنا ووالد أخانا عبدالدائم ولكل من فقد والده
إلى جنات الخلود في سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة
آمين يا رب العالمين
Post: #5712 Title: Re: ناس الزقازيق ... أجدع ناس (4) .. Author: محمد صديق Date: 06-17-2012, 07:26 AM Parent: #5710
سلامات ىا ناس
وين دعاء الصباح؟
مراحب بعودة النضيف.
Post: #5713 Title: Re: ناس الزقازيق ... أجدع ناس (4) .. Author: محمد صديق Date: 06-17-2012, 07:29 AM Parent: #5712
سلامات يا ناس
Quote: صباح الخير ،،، يا وجوه الخير
مرحب بعودة العزيز عبدالدائم
ولنتجاوز المرحلة دي ونبدأ الحياة
لأن عقارب الساعة لن تتوقف والدنيا دائرة ليست بها محيط
لنتقبل الحياة هكذا كما اراد لها الله عز وجل
دعاء اليوم :
والدنا ووالد أخانا عبدالدائم ولكل من فقد والده
إلى جنات الخلود في سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة
ربنا يغفر ليه ويرحمه يا ديدو ورن شاء الله آخر الأحزان
Post: #5715 Title: Re: ناس الزقازيق ... أجدع ناس (4) .. Author: أحمد إسماعيل Date: 06-17-2012, 08:52 AM Parent: #5710
أخي عبد الدائم ألف حمد الله على السلامة كل عزيز جاء أجله وإنتقل عن دنيانا هذه نسأل الله أن يصبرنا على فـقـدهـ وأن لا ننساهو من صالح الدعاء وخاصة إذا كان أحد الوالدين نسأل الله لهما واسع الرحمة وعظيم المغفرة وطيّب الله ثراهما
• من ماقيل في مدح الرســـــــول صلى الله عليه وسلم محمد زينة الدنيا وبهجتها فاضت على الناس والدنيا عطاياه محمد رحمة الرحمن نفحته محمد كم حلا في اللفظ معناه المصطفى المجتبى المحمود سيرته حبيب ربك يهوانا ونهواه نور الوجود ووافي بالعهود سناً لولاه ما ازدانت الأكوان لولاه فجر الأنام ومصباح الظلام ومن أدناه خالقه منه وناجاه سل عن يتيم قريش عن مواقفه كم قاوم الشرك فرداً كم تحداه طفل يتيم أتى الدنيا فأنقذها من الضلال فلا مال ولاجاه طفل يتيم أتى الدنيا فحررها من الجحود وكان الملهمَ ، الله يهدي إلى الرشد والأيام شاهدة ما خاب في دعوة الإصلاح مسعاه
Post: #5716 Title: Re: ناس الزقازيق ... أجدع ناس (4) .. Author: منصور عبد الرازق Date: 06-17-2012, 09:49 AM Parent: #5715
مرحب بى عودتك يا عبد الدائم ربنا يرحم الوالد والبركة فيك وفى عيالك واخوانك وجعلها الله ىخر احزانك يا حبيب
Post: #5717 Title: Re: ناس الزقازيق ... أجدع ناس (4) .. Author: مبارك جادين Date: 06-17-2012, 11:45 AM Parent: #5716
العزيز عبدالدائم كل سنة وانت بخير وعقبال مليون سنة من العطاء
وربنا يجعلها اخر الاحزان ويرحم الوالد ويسكنه فسيح جناته مع الصديقين والشهداء وحسن اؤلئك رفيقا
يا كوتش مالك نحيك ما بتحينا يا اخي لو حصل زعلناك ضمنا للستة العشرة وبنات الشيوخ
مداخلة مبارك جادين يا كوتش مالك نحيك ما بتحينا يا اخي لو حصل زعلناك ضمنا للستة العشرة وبنات الشيوخ
================= رد الكوتش
سلامات يا ناس
يا كوتش صباح الخير
صباحك فُلِّ يا باشا...
=================================
الموضوع ده ذكرني قصة الراجل الأضانو تقيلة
يشتكي من زوجته ما بتسمع يدخل البيت السلام عليكم مابتسمع أرفعي ده مابتسمع الأولاد وين مابتسمع مشى للدكتور قال ليه أنا بشتكي من زوجتي مابتسمع أكلما مابترد نصحه الدكتور وقال ليه أدخل البيت و سلم لو ما ردت أمشي خطوه و سلم وأمشي خطوه أخرى وسلم لحدي ماترد فات البيت السلام عليكم ماردت مشى خطوه السلام عليكم مافي أمل مشى ومشى إليييييييين ماوصل جنبها قاليها السلام عليكم قالت ليهو وعليكم السلااااااااااام مية مره قولتها ليك مابتسمع إنتَ
Post: #5720 Title: Re: ناس الزقازيق ... أجدع ناس (4) .. Author: محمد صديق Date: 06-18-2012, 05:30 AM Parent: #5719
سلامات يا ناس
Quote: الموضوع ده ذكرني قصة الراجل الأضانو تقيلة
زى النسوان الاتنين الاضانم تقيلة:
قالت ليها هى يا فلانة ماشة السوق؟
التانية قالت ليها لا لا والله ماشة السوق.
الاولى ردت ليها : كان كده معليش انا كنت قايلاك ماشة السوق.
+++++++++++++++++++++++++++++++++++++++++
حكاها لى زهير 541 مرة.
Post: #5721 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-18-2012, 05:58 AM Parent: #5720
صباح الخير ،،، يا وجوه الخير
أصبحنا واصبح الملك لله وحده ،،،
دعاء الصباح :
اللهم نسألك غيث جودك وواسع رحمتك فإنك تعطي من غير سؤال وتجود بأجزل النوال
يا رحيم يا غفار
Post: #5722 Title: Re: ناس الزقازيق ... أجدع ناس (4) .. Author: أحمد إسماعيل Date: 06-18-2012, 07:27 AM Parent: #5721
حكايات فاقدي الحواس كثيرة قالوا واحد وزوجته الراكبة على حمارتهم منتقلين من قرية لأخرى وجدو رجل عميان يسير في نفس إتجاههم أشفق الزوج على العميان ونزلت الزوجة وركب العميان على الحمار الله يكرم المتابعين وبدأ العميان بكثير من الأسئلة إلى أن جمع معلومات كافية عن رفيقه وزوجته وطلب منهم إذا إقتربوا من أي قرية يحيطوه علما ، عند أول قرية بدأ العميان الكروراك مستغيث تجمع الناس عنده العميان قال : هذا الرجل يريد أن يأخذ زوجتي وأغراضي مني ، وبحكم أنه معذور كل الناس بداءةً صدقوا الأعمى ووصلوا زوج المرأة مربط للشيخ ، شيخ القرية الرجل حكيم أمر بحبس إنفرادي على الكل تحت رقابة بدأت المرأة تقول انا من قبيل قلت للطيب خلينا من العميانين ومصايبهم ، هسي كلامي داك مشى وجى الطيب بقول ياليتني لو سمعت كلام مريم ، صحي كل صاحب عاهة جبار إلا مارحم ربي العميان بقول بصارة يا بصارة لو ختيت المرأة ما بختى الحمـارة
الجابني مطاعنات الكوتش لي في بوست الصور... كنت عايز أعمل فيها ما سامع لكن ما قدرت...
أتصالين تلفونيين مساء البارحة جملا ليلي... الأول من كمال أحمد عبد الباري الشهير بكيمو... اتصال بعد غياب سنوات من كيمو... لم اتمالك نفسي من فرط سعادتي.. فأخذت أردد يا سلام حتى كاد أن يكمل رصيد الرجل...
التلفون التاني كان من السهيلي.. الرجل الجميل الأنيق... تحدثنا حتى نفد رصيدة أو بغرت الشبكة مننا... لقد أسعدتم مسائي سهيلي و كيمو...
ما سامع قلتو شنو...
Post: #5724 Title: Re: ناس الزقازيق ... أجدع ناس (4) .. Author: محمد صديق Date: 06-18-2012, 08:42 AM Parent: #5723
سلامات يا ناس
*الجابني مطاعنات الكوتش لي في بوست الصور... كنت عايز أعمل فيها ما سامع لكن ما قدرت...*
Quote: يازول والله ما قاصدك انت.لكن نقول شنو ما انت بقيت
متخصص لَفَحِى.
يا كوتش المثل بيقول حبيبك لو كان عسل ألفحو كلو... و الخيل تجقلب و اللفح لي حماد... و تاني شنو...
زهجان يا كوتش.. لكن لو سألتني مالك أقول ليك ما عارف... كل شيء تمام و الحمد و الشكر لله... مافي أي سبب غير الحر و ده مقدور عليهو... قلت أنا يا أكون لافح لي زهجة.. يا أكون عشان أمبارح كان اجازة... و أنا لما أكون صاحي من النوم و لا راجع من اجازة.. بكون مكجن الشغل عديييل كده... ياخي مرات كده بجيني احساس انو كفاية علينا شغل... نفسي أمشي أقعد لي في حتة كده جمبها بحر و شاطي جميل كده... أمدد ليك رجليني في كراسي الشاطي ديك و أنووووم... كان جاء جاكي جمبي نملوز زاتو ما أشتغل بيهو... شايف الجماعة رفعوا سن المعاش لي ستين... طبعا العيب ما فيهم..العيب في الدنيا لحدي ستين مافيها راحة دي... الخواجة مديرنا زمان قاعد يخطط لي سنين التقاعد بتاعتو... بيت ريفي جميل وراني صورته لما شفتها كبرت الصور الفي خيالي للجنة... اشترى البورش..و وقعت ليهو بورش جدييييدة لنج في سحب... قلت الخواجة المطرطش ده بورش شنو ليهو في الستين... أنا لما أصل الستين حأسوق لي (ميتسوبيشي)... عشان لما يسألوني عربيتك شنو مع سنوني المكسرات ما تبقى لي صعبة... أنا لما وقعت ليهو البورش في السحب قلت ليهو بحقد (آي أستمتعوا بالدنيا دي)... أنا يا كافي البلا من ما جيت الامارات دي حلاوة ما فزت بيها... لكن بنلقى قدام خليهم يستمتعوا بالدنيا دي...
لكن لو سألتوني أنا قلت الكلام ده ليييييييييييييه... عشان نعرف سبب الزهجة اييييييييييه....
Post: #5726 Title: Re: ناس الزقازيق ... أجدع ناس (4) .. Author: جلال عثمان Date: 06-18-2012, 11:30 AM Parent: #5725
Quote: زهجان يا كوتش.. لكن لو سألتني مالك أقول ليك ما عارف...
لا بالله ... قال ما عارف .... ما من اكل الزبادي ياخ
انا غايتو زهجان من الغربة الما باين ليها ملامح دي ... وحقيقي ادعو كثيراً هذه الايام ان "اللهم هيئ لنا من امرنا حتى تقصر غربتنا يا رب العالمين" وان نعود الى وطننا واهلنا سالمين غانمين يارب العالمين"
امس كلمت والدتي بهذا الامر في محادثة هاتفية طويلة، وكانت تستمع لي وترد ب "آميييييين" ومن ثم قالت لي "انت مرتك مافي ولاشنو؟" قلت ليها ياها دي تسمع في كلامنا قالت "اديني اسلم عليها" وبعد حق الله بق الله .... لقيت ليك المرة تنفقع بالضحك قلت ليها مالك في شنو؟ قالت لي الحاجة قالت ليك ما تحضر قناة السودان كتير الشايفو دا كضب ساكت قلت ليها الحمد لله الما قالت ليك الراجل دا وديهو الضل
Quote: ياخي مرات كده بجيني احساس انو كفاية علينا شغل... نفسي أمشي أقعد لي في حتة كده جمبها بحر و شاطي جميل كده... أمدد ليك رجليني في كراسي الشاطي ديك و أنووووم... كان جاء جاكي جمبي نملوز زاتو ما أشتغل بيهو
والله ختفتها من خشمى...انا قاعد تزاول لى حتّات كده جنب أبوحمد
وجبل ام على ....ويكون عندى جرف كده ازرع فيهو خضروات وعندى
اربعة غنمايات وبقرتين وواحد ح م ار عالى ...وقفص حق جِداد بلدى
وبدل كرسيك داك يكون عندى عنقريب هبّابى ..مقطوع من الكرّاب حقو كم
Quote: انا غايتو زهجان من الغربة الما باين ليها ملامح دي ... وحقيقي ادعو كثيراً هذه الايام ان "اللهم هيئ لنا من امرنا حتى تقصر غربتنا يا رب العالمين" وان نعود الى وطننا واهلنا سالمين غانمين يارب العالمين"
آميييييييين .....بس لما تجى ما تكون بالمنظر الشفتك بيهو داك.
بعد المكالمة التلفونية الرائعة من الأخ و الصديق كيمو... كنت قد طلبت منه زيارة المربع و زيارة البوست العام بالمنبر العام... فكان أن لبى كيمو الدعوة و أرسل لي بعدها الرسالة التالية...
Quote: يا رشا بوستك ده ساهر بي و خلاني أساسق ما بينك و بين الولا منصور.. حلاوة الزول الروعة محمد عيد لدرجة اني جفاني النوم و نسيت نفسي.... انت زول رائع حد الدهشة و كل الناس الكانو هناك في مربع كاي بجسدوا معنى الروعة...
شكرا لي كيمو الحبيب.. يا كيمو لطالما كنت جزء عزيز من هذا الجمال... و لا شك انك لا زلت جزء عزيزا أيضا و مهما أفتقدناه طويلا... سعيد جدا بأنك عدت لتضيء أيامي من جديد...
لما تجى جبنة العصرية تصاحبها بعض النغمات الجميلة. رأيك شنو؟
يا كوتش لو غيرنا الأسماء... و طلعنا الحمــار العالي بره الصورة... بتكون دي صورة طبق الأصل لي حالتي قبل 20 سنة... عندما كنا في الجزيرة... و كانت العصيدة بالروب و البصل أحلى وجبة... حتى العنقريب الهبابي كان موجود... و النغم الجميل كانا حاضران... يعني بالعربي الفصيح يا حبيب أنا أخدت حقي من الحاجات دي... من حقي أغير شوية ياخي...
Post: #5731 Title: Re: ناس الزقازيق ... أجدع ناس (4) .. Author: محمد صديق Date: 06-19-2012, 04:44 AM Parent: #5730
سلامات يا ناس
وصباحات التفاؤل
بنجى بعد دعاء الصباح.
Post: #5732 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-19-2012, 06:31 AM Parent: #5731
صباح الخير ،،، يا وجوه الخير
أصبحنا وأصبح الملك لله وحده
نجاوى صباحية:
إلهي : إني أذنبت في بعض الأوقات وآمنت بك في كل الأوقات
كلام جلال ده أظنه حال كل المغتربين و المهاجرين كمان... فأنا مثلي مثلهم يشغل تفكيري و يقض مضجعي هذا الموضوع... رهيبة مش يا جلال يقض مضجعي دي..تعال نديك دروس عصر... لكن بصراحة ما زي جلال...يعني ما ناوي العودة الى السودان... و أغنية عمر البنا امتى ارجع لأم در واعودا..واشوف نعيم دنيتي وسعودا... بتمثل لي تاريخ جميل لأم در و لعموم السودان.. أما واقع الحال الآن لا فيهو سعودا و لا حتى صعودا بعد ما قفلوا محلات التمباك... الواحد كلما يكبر في العمر بفتش على حياة مريحة و ساهلة.. لأننا طبيعي بقينا ما بنقدر على الشقاوة و التلتلة... لو علي أنا أبو ظبي دي أصلو ما أطلع منها... لكن بعد شوية اجباري بلقى نفسي لازم أطلع منها... بالتقدم في السن أو الاستغناء أو تقلص فرص العمربسبب التوريب و التوطين... و التوريب دي معناها الأوروبيون الذين كثرت أعدادهم هنا بشكل ملحوظ... و أصبحوا ينافسوننا في الوظائف التي كانوا يترفعون عنها سابقا... يعني الأوروبين ديل ناسنا ضايقوهم هناك جو يضايقونا بي هنا... ناسنا دي قاصد بيها سناء الصباغ و عمر مجذوب طبعا... لكن مع الكج المبارينا ده ما عارفين نمشي وين و نقبل وين... تقدم لي كندا تقفل...تقدم في اللوتري يجليك... حسه الخلاني أكشف موضوع اللوتري ده شنو.. مش امكن يجي يوم أترشح لرئاسة السودان و تمسكوني بالكلام ده... أستراليا قالوا جميلة لكني شايفها بعيدة خلاص... اليوم الصباح في البي بي سي بيتلكموا عن شواطيء مقديشو... قال ليك أخطر مدينة في العالم فيها شاطئين.. شاطيء للفقراء و شاطيء آخر في جزيرة للميسورين.. تصور أغروني...و قلت أمشي بعد ده أقرأ كتب (كيف تصبح قرصانا)... استعدادا للانتقال الى مقديشو...
و لو سألتوني أنا دشيت الدش ده لييييييييه... عشان أوريكم آخرة الاغتراب ايييييييييييييه....
يا كوتش عايز أقول ليك حاجه بس ما تشمت فيني بالله عليك...
دعاني زهير لي بوست عن جيلي عبد الرحمن في الفيس بوك... عجبني الموضوع و سهرت الليالي في البوست يا كوتش... لقيت ليك أنا و زهير شغالين مان تو مان في البوست... مع بعض المتداخلين للأمانه و التاريخ... ثم بقيت براي أكتب و أرد و أعمل لايكات... قلت أخليهو شوية أشوف آخرتها شنو... جيت اليوم لقيت نفسي عايز لي عشرة باكستانين... عشان يطلعوا لي البوسن من تحت...ردموهو ردم السواد و الرماد... قمت حردت الفيس بوك و بقيت أنزل صور راسمها مهند ولدي بس... و ده بعد طلب و الحاح شديد منه..
Post: #5738 Title: Re: ناس الزقازيق ... أجدع ناس (4) .. Author: جلال عثمان Date: 06-19-2012, 08:40 AM Parent: #5737
هوي يالرشيد لبيب بتاع جنك ... انت ما شفت الكوتش فوق جاري ياحليييييييييييلك دي كيف وتيب دا ما ياهو البى اشارة يفهم زاتو.... والله يالرشيد الغربة دي كملت فهمنا كلوا كلوا ... غايتو الصبر ما فضلنا فيهو شئ ... بس المشوار لسة طويل نسأل الله العافية بس يمكن باقي بلدنا الفضل دا يتصلح ياخ ويغنينا من التفكير في لوتري وكندا او حتى استراليا البعيدة ديك . ----- يا ابو عهود سلامك دا مالوا ما مرا بالرياض ادينا نفحة منو بالله خلى الحر دا يخف شوية ----- نجيلة شكلك محضر لي مداخلة من اياها بمناسبة الهضربة دي منتظرين على جمر والله -----
Post: #5740 Title: Re: ناس الزقازيق ... أجدع ناس (4) .. Author: جلال عثمان Date: 06-19-2012, 08:54 AM Parent: #5738
ياشباب .... والمقصودين هنا الشباب بتاعين الكروش ناس الكوتش ومن لف لفه بره... اللنك بتاع عمر نملوز الفوق دا وباقي السلسلة مفيدة جدا والله صحي ... اسمعوا كلام نملوز دا ... بعد ممارسة يومين فقط ولمسافة لم تتعدي فقط 1 كلم حسيت بالفرق ... وجلست اليوم مع "طبيبي المعالج"* وكان كلامه مشجع جدا .... واصر على ان اسير على نفس الوتيرة واعود اليه بعد اسبوع واتفقنا على ان نعمل جدول مقارنة لكل المصائب التى اعاني منها وفعلا عملت تحليل: قياس ضغط الدم/ السكري "فاستينغ و راندوم"/اليورك اسيد/الكلويسترول/الدهون الثلاثية وطبعا كانت النتيجة مفاجئة لي انخفاض ملحوظ في كل المعدلات ... على العموم قبلت التحدي وسوف انشر لكم جدول المقارنة بعد ان اكد لي الطبيب انني سوف آآمن بالنتيجة
Post: #5743 Title: Re: ناس الزقازيق ... أجدع ناس (4) .. Author: محمد صديق Date: 06-19-2012, 10:03 AM Parent: #5742
سلامات يا ناس
Quote: لكن مع الكج المبارينا ده ما عارفين نمشي وين و نقبل وين... تقدم لي كندا تقفل...تقدم في اللوتري يجليك... حسه الخلاني أكشف موضوع اللوتري ده شنو.. مش امكن يجي يوم أترشح لرئاسة السودان و تمسكوني بالكلام ده... أستراليا قالوا جميلة لكني شايفها بعيدة خلاص... اليوم الصباح في البي بي سي بيتلكموا عن شواطيء مقديشو... قال ليك أخطر مدينة في العالم فيها شاطئين.. شاطيء للفقراء و شاطيء آخر في جزيرة للميسورين.. تصور أغروني...و قلت أمشي بعد ده أقرأ كتب (كيف تصبح قرصانا)... استعدادا للانتقال الى مقديشو...
عودا حميدا موسى عيسى... راجينك بعد النتائج و ان شاء الله يا رب تجينا فرحان.... و تجي تشتت لينا الحلاوة هنا... و تضبح الخرفان و تعزم المخرفين... و ما تنسى ترسل لينا حقنا لحم...
Quote: قَدِّمْ أبوحَمَدْ.
و الله يا كوتش الله مرقني ساكت من اللفح... في الأول قريتا أبو أحمد يعني المعنى منصور عبد الرازق... و فهمت انك قلت لي قدم منصور خليهو يمشي قدامك مقديشو... قلت الكوتش ده عرف من وين ان منصور قرصان...
ياسر نجيلة حاي و لا نقفل نمشي... قلنا نختمك بيك اليوم...
Post: #5745 Title: Re: ناس الزقازيق ... أجدع ناس (4) .. Author: محمد صديق Date: 06-19-2012, 10:53 AM Parent: #5744
جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول
سعادتنا لا تحدها حدود بنجاح ابننا حماده ابن الأخوان و الصديقان عمر محمد عمر و زينب التجاني... و احرازه لنسبة 92.1%... شرفتنا يا حماده بهذا التفوق الباهر... التهاني و التبريكات لزوبا و عمر و كل الأهل الذين أفرحهم الخبر.... مزيد من التوفيق و النجاح لحماده و لكل الأبناء يا زوبا...
Post: #5747 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-20-2012, 06:29 AM Parent: #5746
صباح الخير يا وجوه الخير
تحية الصباح نزفها تهنئة لإبننا
محمد عمر إبن الزميلة زينب التجاني
لهذا النجاح والتفوق الباهر ،،،،
دعاء الصباح :
يارَب إذا أسَأت إلى الناس فَاعْطِني شجَاعَة الاعتذار وإذا أسَاء لي النَّاس فاعْطِنْي شجَاعَة العَفْوَ وإذا نَسيْتك يَارَبّ أرجو أن لا تنسَـاني مَنْ عَفوِك وَحْلمك فأنت العَظيْم القَـهّار القَادِرْ عَـلى كُـلّ شيء..
بترولي بتاع المعنويات قرب يكمل.. و لسه باقي لي ساعتييييين بالتمام و الكمال لنهاية الدوام... مافي زول عندو حاجة كده نتم بيها الدوام الطويل ده... اعملوا حسابكم ما تقوموا كمان تنزلو لينا حاجه تخرب الحكاية...
مِنْ أجلِ هـذا اُعْلِـنُ العِصْيان باسمِ الملايينِ التي تُسَاقُ نَحْـوَ الذبحِ كالقِـطْعان باسمِ الذين انْـتُـزِعَـتْ أجْـفانُهُم واقـْـتُلِـعَـتْ أسْـنانُهُم وَذُوِّبُـوا في حامضِ الكِبريتِ كالدِّيدان باسمِ الذينَ ما لهُمْ صوتٌ ... ولا رأيٌ ... ولا لِـسان ... سَأعْلِـنُ العِصْيان ... ...
مِنْ أجلِ هذا اُعْلِـنُ العِصْيان باسمِ الجماهيرِ التي تَجلِسُ كالأبقار تحتَ الشَّاشةِ الصّغيرة باسمِ الجماهيرِ التي يُسْقونَها الوَلاءَ بالمَلاعِقِ الكبيرة باسمِ الجماهيرِ التي تُركـَبُ كالبعير مِنْ مَشْرقِ الشّمسِ إلى مَغْـرِبِها تُركـَبُ كالبعير وما لها من الحُقُوقِ غيرَ حقِّ الماءِ والشّعير وما لها من الطُّموحِ غيرَ أنْ تـَأخُـذَ للحلاّقِ زوجةَ الأمير او إبنةَ الأمير ... او ######ة الأمير ... باسمِ الجماهيرِ التي تضرَعُ للهِ لكي يُديمَ القائدَ العظيم وحُـزمة البرسيم
Post: #5755 Title: Re: ناس الزقازيق ... أجدع ناس (4) .. Author: محمد صديق Date: 06-20-2012, 10:03 AM Parent: #5753
سلامات يا ناس
Quote: بترولي بتاع المعنويات قرب يكمل.. و لسه باقي لي ساعتييييين بالتمام و الكمال لنهاية الدوام... مافي زول عندو حاجة كده نتم بيها الدوام الطويل ده... اعملوا حسابكم ما تقوموا كمان تنزلو لينا حاجه تخرب الحكاية...
سلام تحيه نقول مبروك لابن عمر والاخت زينب الجاني وشرفتنا
والله صحي ... اسمعوا كلام نملوز دا ... بعد ممارسة يومين فقط ولمسافة لم تتعدي فقط 1 كلم حسيت بالفرق ... وجلست اليوم مع "طبيبي المعالج"* وكان كلامه مشجع جدا .... واصر على ان اسير على نفس الوتيرة واعود اليه بعد اسبوع واتفقنا على ان نعمل جدول مقارنة لكل المصائب التى اعاني منها وفعلا عملت تحليل: قياس ضغط الدم/ السكري "فاستينغ و راندوم"/اليورك اسيد/الكلويسترول/الدهون الثلاثية وطبعا كانت النتيجة مفاجئة لي انخفاض ملحوظ في كل المعدلات ... على العموم قبلت التحدي وسوف انشر لكم جدول المقارنة بعد ان اكد لي الطبيب انني سوف آآمن بالنتيجة
الكلام دا بفرح كتير وخاصه انه البدايه سوف تكون صحيحه ونحاول نتدارك الاخطاء واولها 1- الحذاء المخصص للجري وهو حذاء بيكون غير مسطح من تحت يعني بيكون زي شكل الرجل من تحت وبحاول انزل نموزج . 2- الملابس بما فيها الملابس الداخليه والشرابات ويوجد نوعيه خاصه للجري وغالبا بتكون نسبه المطاط بنسبه من 10 الي 40% 3- الاحماء قبل التمرين حتى تكون العصلات غير مشدوده مع تدفق الدم مما يساعد الجسم في الاحماء 4- عند المشي او الجري يجب ان يكون الجسم في وصع توازن لو راجعتم الفديوهات بتلاحظوا كيف وصع الرجل واليدين الخ... ..................................................................... يوم الاحد الفات 17/06/2012 شاركت في سباف 5كم في منطفه جبليه اسمها فرفيس وهي على الحدود الهولنديه الالمانيه يعني في جنوب شرق بلجيكا وتتمتع المنطقه بجبال خضراء وصورت ليه صوره ارجو انها تكون البيت المناسب لاحلام الكوتش او رشا وقال رشا لو جاء نملوز جاري مابشتغل بيه والله الايام دي البحر مولع لو جائت امنيه مابتشتغل بيها اليكم فيديو السباق حيث حصل نملوز المركز 17 بتقدم 5 مراكز من السنه الفاتت وكسر ايضا دقيه من زمن السنه الفاتت
البوست ده لازم يكون مواكب للحاصل في الشارع السوداني ... وده كلام مافيهو اي نوع من السياسة ... عاوزين نعرف الحاصل ... ومايجري في الشارع السوداني بتجرد شديد ... بورداب الداخل محمد صديق - الكوتش مبارك جادين الريس معتصم زينب التجاني وغيرهم كتير ليس بالخطأ عكس مايحدث في السودان هنا داخل بوستنا اخبار خاصة بينا ... حتي لا نكون ... بعيدين من الواقع ...
======================================== عمر - ابوالطيب ... ياخي ده سباق لمن هم دون 12 سنة ... يعني جيب الطيب واخوانه ... مش انت
غايتو السباق ده مناسب لي منصور والرشيد ...
Post: #5759 Title: Re: ناس الزقازيق ... أجدع ناس (4) .. Author: محمد صديق Date: 06-21-2012, 10:57 AM Parent: #5758
الحال داخل السودان يشغل بالي كثيرا... و أخشى أن لا يتطور الأمر ليصبح مثل سوريا أو ليبيا... فان كنا مع أو ضد الانقاذ ففي الحالتين سنخسر... فلا بد و أن يكون لنا أحباب و أصدقاء هنا و هناك... كل ما أتمناه أن يتغلب صوت العقل و يحدث التغيير بأقل الأضرار... أو حتى بدون أضرار... لما فيه من مصلحة للعباد و البلاد...
مهند ولدي قاعد يقطع فيني مع أمه... قال ليها بابا ده لما يكون بيتفرج في كورة.. بيكون مغرور خلاص.... يعني بيكون صاري وشو و تتكلم معاهو ما يرد عليك...
يا نملوز الشافع جهجهك... لاوز ليك... و انت أصريت تدخل قبلو... لكن يبقى اصرارك حاجة تفرح القلب... أنا لو كنت شاركت في السباق ده...(الكلام ليك يا المنطط عينيك)... كان رفعوا لي شريط زي الرفعوهو للبت الجات بعد نملوز ديك... لكن ياتو فئة دي خليتها لي تقديرك انت (وش مغرور)...
سلام يا شباب .... الخميس والسبت بقن واحد .... انعل ابو الشغل ذاتو ---- ياعمر كتر خيرك ياحبيب وما قصرت وتمنياتي لك بالتوفيق دائما . وما تحرمنا من نصائحك الغالية ... قررت امس ان احاول تخطي مرحلة ال 1كلم (دقيقة مشي + دقيقة جري) ولكن لم افلح لالم "الركبة" الذي شرحته لك طمنني الدكتور اليوم كثيرا وافاد بأنه مجرد ردة فعل لممارسة التمارين بدون الاحماء وهي اصابة قديمة يسهل علاجها وسوف تشفي قريبا واوقفني عن تمارين الجري لغاية الثلاثاء القادم، وسوف اخضع بداية من مساء اليوم لجلسات علاج طبيعي بإشراف الطبيب المعالج.
والله صحي ... الكلام الفوق دا كلوا صاح ربنا يديك الفي مرادك يا نملوز ياخ ... ياخ انا بقيت احس انو انا كاريكا ------- يا نجيلة خميسك كيف ولا عندك جلسات علاج طبيعي برضو
Quote: يا جبرييلا كان بقت على الاوض هينة الكلام البرندات
ابو الجل يا حبيب دة كله ساهل المشكلة في الراوكيب والدرابزينات
الدرابزينات دي بيعرفها ود عيد
Post: #5765 Title: Re: ناس الزقازيق ... أجدع ناس (4) .. Author: أحمد إسماعيل Date: 06-21-2012, 05:30 PM Parent: #5764
Quote: البوست ده لازم يكون مواكب للحاصل في الشارع السوداني ... وده كلام مافيهو اي نوع من السياسة ... عاوزين نعرف الحاصل ... ومايجري في الشارع السوداني بتجرد شديد ... فان كنا مع أو ضد الانقاذ ففي الحالتين سنخسر... فلا بد و أن يكون لنا أحباب و أصدقاء هنا و هناك...
ياكرام الرشيد ومحمد صديق جزاهـما الله خير ممشيان البوست بإجتهاد ومثابرة في حين ناس جوة اي شيء منهم يدخل لدينا لو مافي الدم عديل في المعدة وكل من طرفهم أو من حواليهم ، يا كافي البلة الأخبار في الأسعار والدولار وفي الرجيم وفي البنزيم وهلمجرا نعاني حتى نجدها
عمر - ابوالطيب ... ياخي ده سباق لمن هم دون 12 سنة ... يعني جيب الطيب واخوانه ... مش انت
غايتو السباق ده مناسب لي منصور والرشيد
ابوعمار عليك امان الله الشفع ديل زي القرود السباق كان صعود جبل لمسافه 2 كم تقريبا ثم الانحدار وبع داك مكان مستوي لمسافه 2 كم ثم صعود تاني لمسافة كم واحد وفي الصعود اشوف ليك الشفع بعدوا من عادي بس عند الانحدار كنت بعديهم واحد واحد وفي الصعود الاخير قدرت صمدت للنهايه والشافع دا كان مصر يصل قبلي والجمهور بيشجع فيه بس وصلت قبله بثانيه
والله يا طارق شهر 10 الفات كان عندنا سباق نصف المارثون 21 كم تصدق واحده حامل وفي شهرها الاخير قدرت كملت السباق ودا طبعا بعد اذن من الدكتور المتابع ليها. وكل الناس الدخلت السباق كان في رفقتها اذن من الدكتور, والله الناس ممكن تغير نمط حياتها بكل سهوله والصحه فوق كل شئ. ومنتظرنك تبداء معانا طبعا معانا دي معاي جلال
يا نملوز الشافع جهجهك... لاوز ليك... و انت أصريت تدخل قبلو... لكن يبقى اصرارك حاجة تفرح القلب... أنا لو كنت شاركت في السباق ده...(الكلام ليك يا المنطط عينيك)... كان رفعوا لي شريط زي الرفعوهو للبت الجات بعد نملوز ديك... لكن ياتو فئة دي خليتها لي تقديرك انت (وش مغرور)...
ديل قرود الجبل والله السباق دا مسافر ليه 200 كم وكنت سابقت فيه السنه الفاتت وغالبا بقطع الكم في اقل من 4 د. بس في السباق دا عدت 5 د. والكم الاول ماخلص والنفس والتعب قلت ياربي الحاصل ايه . بس السنه دي قدرت اعدي الكم في 4 د. وبان الله السنه القادمه سوف اكون في 10 المقربون
ياعمر كتر خيرك ياحبيب وما قصرت وتمنياتي لك بالتوفيق دائما . وما تحرمنا من نصائحك الغالية ... قررت امس ان احاول تخطي مرحلة ال 1كلم (دقيقة مشي + دقيقة جري) ولكن لم افلح لالم "الركبة" الذي شرحته لك طمنني الدكتور اليوم كثيرا وافاد بأنه مجرد ردة فعل لممارسة التمارين بدون الاحماء وهي اصابة قديمة يسهل علاجها وسوف تء قريبا واوقفني عن تمارين الجري لغاية الثلاثاء القادم، وسوف اخضع بداية من مساء اليوم لجلسات علاج طبيعي بإشراف الطبيب المعالج.
والله صحي ... الكلام الفوق دا كلوا صاح ربنا يديك الفي مرادك يا نملوز ياخ ... ياخ انا بقيت احس انو انا كاريكا
ياجله واصل واستفيد من التجارب واولها تجربه الحذاء المستوي وبسرعه بتظهر اثاره على الركبه ولما بديت التجربه بديت بحاء مستوي وظهرت اثاره على الركبه. اما المشكله التانيه للحذاء هي انه ماتربطه قوي ولايكون مرتخي ويكون مقاسك يعني مااكبر ولااصغر ويارب تكون عتره تصلح الجريه
سلام أيها الناس النار من مستصغر الشرر و الإحتجات اليومية هي مستصغر الشرر عدت من مدني صباح أمس من مدينة مدني وعند الوصول إلى شارع جبرة كان الحريق في كل تقاطع و كان أحد بصات الوالي تفحم تيقنت أنها كانت شرارة ستتبعها أخرى
قال لي محدثي و جاري إن الظلم ظلمات ثم قال لي تأمل أن البغي يمشي بين الناس هاتفاً إني أنا المنقذ و إستطرد فقال لي إن الرئيس يصرح بقول و وزير المالية يصرح بقول آخر ثم الوالي يقول كلام فإذا بالحياة اليومية تفعل فعلتها بين الناس و الله إن الكيل لطفح و أن الثورة آتية و لا شك
و ما إن خرجت منه حتى وجدت شارع بيتي ناحية الفتيحاب يتظاهرون و ينددون بالظلم و الكبت فكان أن كنت بينهم ثم رجعت البيت فحدثت بت الشيخ فإذا هي تتململ و قالت يا ليتني كنت هناك ثم قالت لي أيعقل أن 10 كيلو سكر بي 60 جنيه!!!! صابون البدرة العبوة الصغيرة بي 3 جنيه!!!
يا ناس الحياة في مجملها زادت ضيق في ضيق و الناس تتململ و لكنها غير منظمة و منتظمة شوية إجتهاد و تنظيم سيكون الوضع مختلف من الذي سيقوم بالدور؟؟؟؟؟؟؟
يا جلا والله الحالة حاسين بيها نحن شديد كلما ترفع تلفونك وتتصل تتحسس جيبك وترسل مصاريف بالزايد تقول في نفسك ياخي على الاقل اهلي ما يجوعوا وكل يوم القصة ماشة زايدة
Post: #5787 Title: Re: ناس الزقازيق ... أجدع ناس (4) .. Author: محمد عيد Date: 06-24-2012, 10:57 AM Parent: #5786
Quote: يا ناس الحياة في مجملها زادت ضيق في ضيق و الناس تتململ و لكنها غير منظمة و منتظمة شوية إجتهاد و تنظيم سيكون الوضع مختلف من الذي سيقوم بالدور؟؟؟؟؟؟؟
\
مشكور يا جلا بدءا على التغطية المتميزة ...
الاجابة على سؤالك قد تكون هى الحل الوحيد لمعضلات البلد ..
ولكن فى هذا الوقت مثل هذا التساؤل لا يجدى ، بسبب عدم وجود اجابة محددة عليه ...
النظام العقائدى القائم نجح بدهائه وخبثه فى تلويث كافة اطياف السياسة ...
ولطخت معها كل القوى التقليدية وغيرها من أقصى اليمين الى اقصى اليسار ...
ولكنى أعنى بهذا التلوث فقط قادة ونخب تلك القوى ...
الأمل الآن فى شباب وقواعد تلك القوى اضافة الى القوى المهنية والطلابية
هؤلاء هم وقود المعركة الحالية والمستقبيلية ...
تخيلوا منصب نائب الرئيس او مساعد الرئيس به أكثر من 10 اسماء بمخصصاتهم
تم فيها ترضية كافة المعارضين ورموز الاحزاب والمنسلخين عن الاحزاب وقوى دارفور المتصارعة وقوى الشرق و ... هلم جرا
اما منصب مستشار الرئيس فحدث ولا حرج .. تعدى العشرين من سياداتهم .. وفيها تمت ترضية كل من فقد منصبه الوزارى من أهل الحكم
وكذلك التابعين وأولى المنفعة والمنافقة والدهنسه ...
أضف الى ذلك الوزراء الاتحاديين ووزراء الدولة وولاة الاقاليم ووزراءهم و...و .....
هذا الصرف الحكومى الباذخ ... ما هى نسبته فى التسبب فى التضخم الحاصل ؟؟
وما هو حجم تأثيره على اجمالى الدخل القومى المنهار باضاعة ووأد المشاريع الاساسية التى كانت تقيم أود البلد ؟؟
يا ترى ما هى المعالجات التى ستتفتق عنها أذهانهم المريضة والتى وعدوا باجراءها لمجابهة هذا الوضع المزرى ؟؟
وكيف يستطيع الانسان ايجاد معالجات لأدواء لا يملك أى من معيناتها ؟؟؟
فاقد الشىء لا يعطيه ... فاقد الشىء لا يعطيه ...
والسكوت على هذا الظلم يدخل فى دائرة الحرام ( خلونا كلنا بقينا بتاعين فتاوى ..! )
Post: #5788 Title: Re: ناس الزقازيق ... أجدع ناس (4) .. Author: أحمد إسماعيل Date: 06-24-2012, 03:35 PM Parent: #5787
الحق يعلو ولا يعلى عليه ، جولة الباطل ساعة وجولة الحق إلى قيام الساعة فالرجوع للحق خير من التمادي في الباطل ، وأفضل الجهاد كلمة حق عند سلطان جائر فبعد الفساد الهائل بنهب أموال الشعب وضياع المشاريع الأساسية وتفقير المواطن من أجل رفاهية أعضاء المؤتمر الوطني وذويهم وإعمار قصورهم وحيشانهم فالوطن صار شكله كالذي لابس صديري ومن تحت عريان اللهم أنصر الشعب السوداني المقهور وأرفع عنه الظلم وولي عليه من يصلحه
دمعت عينا زوجته حين شرحت لها «نحن بنحب الفيتوري» وقالت لي حرقيا: انتم شعب من العظماء... أشكرهم نيابة عني واحد واحدا
يا أستاذة «رجات» إن لزوجك دينا في أعناقنا.. هذا الرجل منحنا الكثير
أرسلت له الحكومة المغربية عميدا من جهاز الهجرة لتقول له: أنت هنا معززا مكرما
عجزت حكومتنا الرشيدة حتى في إرسال جواز سفر لشاعرنا الكبير لنكمل له إجراءات إقامته..
أبلغوني أن أقول لكم: عاجزون عن شُكركم ولم تعد الكلمات تعني شيئا أمام هذا الحب الكبير
عاجز عن شكر كل الذين شاركوا وساهموا معي في حملة علاج شاعرنا العظيم وأتمنى أن تكون الحملة الثانية تدعيما للحملة الأولى وكله في ميزان حسناتكم مادي يدي ليكم من أجل شاعر كبير منحنا المزيد من الجمال وعارفكم ما بتخذلوني دعونا نسند زوجته «رجات» شكرا لتلك المرأة الصامدة شكرا لك ولما تفعلينه من أجل شاعرنا الكبير
Post: #5790 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-25-2012, 06:08 AM Parent: #5789
صباح الخير ،،، يا و جوه الخير
أصبحنا وأصبح الملك لله وحده،
يا الله يا فارج الهمّ ...... و يا كاشف الغمّ أسألك بعزّتك و جلالتك أن تفرّج على الشعب السوداني وأن تزيل عنه الضيم والذل لا إله إلاّ أنت سبحانك ... إني كنت من الظالمين
=================================== نصيبنا جايك من كوته الشهر ده ان شاء الله
وين وصلنا ،،،،،
Post: #5792 Title: Re: ناس الزقازيق ... أجدع ناس (4) .. Author: منصور عبد الرازق Date: 06-25-2012, 09:13 AM Parent: #5791
اكيد بنحبك يا فيتورى
مش انت من قال اصبح الصبح
كيف لا نحبك اذن !!!!
تسلم لينا يا طارق جبريل
Post: #5793 Title: Re: ناس الزقازيق ... أجدع ناس (4) .. Author: أحمد إسماعيل Date: 06-26-2012, 06:03 AM Parent: #5792
أصبحنا وأصبح الملك لله رب العالمين ربنا آتنا في الدنيا حسنة وفي الآخرة حسنة وقنا عذاب النار وأدخلنا الجنة مع الأبرار يا عزيز ياغفار يارب العالمين أمنية اليوم أتمنى في الذين ينهبون مال الشعب أن يجمع المال سارقوهو وأن يأكل ويستفيد من المال مستحقوهو
Post: #5794 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-26-2012, 07:28 AM Parent: #5793
أصبح الصبح ولا السجن ولا السجن والسجان باقي
صباح الخير يا وجوه الخير
تحية الصباح نهديها لأخوانا وأخواتنا
الذين تم إعتقالهم خلال التظاهرات الحالية
ربنا يفك أسرهم
دارت هذه الأيام عبارة لم تسخدم في موقعها الصحيح وهي عبارة - شذاذ الآفاق - وهذه العبارة قرأتها سابقاً في المنبر العام وتم تعريفها من قبل آل الشادي بالفيس بوك
هل تعرف ما معني : شذاذ الآفاق ؟؟؟؟ . . . هم الغرباء الذين لا وطن لهم
وعرفهم آخرين :
لا وطن لهم .. لا رؤي .. لا احلام ..!!!!
هل أنتم من شذاذ الآفاق ؟!
دعاء اليوم
الهم لا تمحنا و لا تبلينا؟؟؟؟؟؟؟؟
Post: #5795 Title: Re: ناس الزقازيق ... أجدع ناس (4) .. Author: عمر نملة Date: 06-26-2012, 07:37 AM Parent: #5794
Quote: افاقد بشدة اخي الرشيد الشهير برشا والمعروف برشيد القوم ... اين هو ياتري ... هل صار من شذاذ الآفاق ....
ياخي شذيت... تسلم يا ياسر على السؤال... مزنوق حبتين... و لا أقول ليك أربعة حبات... مشغول في الشغل... مشغول مع امتحانات الأولاد و بحاول أرد على اتهامات ست بيتي... باني ما قاعد أساعدها في الحته دي... مشغول مع اليورو.. و مشغول مع أخبار الثورة السودانية... الأخبار الطازة بتجيني من أبو الزوز... مع بعض الأخبار التي تأتي من هنا و هناك... ان لم تفعل ثورة اللساتك و شذاذ الآفاق كما يسمونها شيئا... فانها قد كسرت حاجز الخوف... حضرت برنامج المحطة الوسطى بقناة الشروق مساء البارحة... استضيف فيه د. علي السيد القيادي بالحزب الإتحادي الديمقراطي.... و محمد الحسن الأمين من المؤتمر الوطني... رغم ان الحزبين شركاء في الحكومة الحالية... الا أن د. علي هاجم الحكومة بقوة أظنه استمدها من هذه الثورة... و أصبح الناس يعبرون عن سخطهم و غضبهم علانية رغم القمع....
ليتني كنت شاذ الأفق ..فأنا لا أفق لي... مثلي مثل كل السودانيين... لا نعرف ماذا نريد وماذا يخبيء لنا المستقبل... الآن فقط أصبح لهم أفق..انهم يريدون تغيير واقع الحال... بدلا من حالة الضياع التي عشنا فيها سنين عددا...
مبروك علينا وعليكم الثورة وانشاءالله ثورة حتى النصر تحطم القصر
يا جبريل اتابع حملة الفيتوري باعجاب وفخر فواحد مننا من ناس الزقازيق يبتدر حملة الوقوف مع احد المساهمين في تكوينناالاستاذ محمد مفتاح الفيتوري
لك التحية واكيد حنساهم معاك
Post: #5802 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-27-2012, 06:23 AM Parent: #5801
صباح الخير يا شذاذ الآفاق
أصبحنا وأصبح كل شذاذ أفقياً بخير
دعاء اليوم :
اللهم أهدنا ونور الطريق لكل مواطن غلبان
وأنصر بلدنا السودان
محجوب شريف ______________
لا إنتو جند الله ولا جند الوطن بل إنتو حقاً جندهم وبعض من ما عندهم سندة قفاهم وغمدهم لكنهم هم ما ح تسكن حيّهم ولا ح تاكل زيهم ولا ح تلبس إنت زي زي زيهم واذا عطشت، بعيد بعيد، ما تقترب من ريهم هل شفتهم ملأوا الشوارع في الصباح، عند الظهيرة مغبرين طالعين من الوردية والليل انتصف؟ باين على وجوهم تعب؟ وزمن صعب؟ القفة والدكان ودخان الفرن ومرتبات حال الثبات لا تحل وظيفة ولا نبات هل شفتهم بين كر وفر والدنيا حر بين صف وصف واحد وقف هل شفت يوما هؤلاء؟ هل تذكرهم؟ زاروكا يوم أو زرتهم بس إلاّ في شارع ظلط ومظللاتهم مسرعة كلا ولن ولا بالغلط ما شفتهم على إيه إذن لي مين إذن وانت بتشوف غرقانة كم في الدم مفاتيح الخزن هم دربوك على الأذى تقتل تدوس تحرق ولا يهمك كذا ولا كذا ولا كذا كم فر طاغية من بلد ما خلا غير ###### الحراسة يئن وحيداً في القفص متلك مصيرو العزلة والخوف والجزع إن متَ حتى ولا عزا حكّم ضميرك يا ولد أمشي استحمى واعتذر واغسل يديك من كل ما يخليك أمام روحك قذر ألبس عراريق الحياة اليوماتي واقدل في الدرب لا يدسو منك لو غشيت ولا إنت أقرب زول إليك منك حذر أو فانتظر أو فانتظر أو فانتظر!
Post: #5803 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-27-2012, 07:42 AM Parent: #5802
الشاعر الزقازيقي حسين شنقراي تصحبه هذه الأيام الروح الثورية وتتناثر شعراً غطى على صفحتنا بالفيس بوك
عاد أكتوبر كلمات: حسين شنقراي ثور يا شعب وحرك فينا مجد أكتوبر وعز ماضينا يونيو الأصبح زكري حزينه بيكا حيرجع ويشرق فينا --------- عاد أكتوبر عاد أبريل فاض الشارع وهب عديل سودان العزة ألماظ وخليل لاقوا المدفع والدم بيسيل ما فيهم أبدا شاذ وعميل فرسان للعز والمجد سليل ----------- السودان الواعد وصامد بشبابو ليهو الكل والناس إتشابو سهران الليل يطرد في كلابو منو الحاكمين أرتعدو وشابو ما النصر خلاص أطلق نشابو والشعب الليله يطارد كذابو
..
Post: #5804 Title: Re: ناس الزقازيق ... أجدع ناس (4) .. Author: أحمد إسماعيل Date: 06-27-2012, 08:45 AM Parent: #5803
وقال الشاعر أصـيل من قال إنا بالدناءة صُوّ مُ أو قال إنا بالمذلة نُـفـطـرُ إن الذي أرغى وأزبد كالحاَ وجه عبوس بالمكيدة يسفرُ سنذيقه حتماَ مرارة حنظلٍ صبراَ أُخيّ فإننا سنشمرُ مهلاَ قراصنة العصور رويدكم جاءت مواعيد الرحيل تبشرُ برحيل ديجور الزمان وعهده ليهلّ قسطاسُ السماء فيقـمـرُ
ياخي ما تنداح المانعك شنو... و لا خايفنا نطلعك ما مناضل... خلي النضال الناشف لي ناس أبو الزوز... و انت اتولى النضال اللذيذ بتاع الاندياح... أعمل لينا زي صالون كده سميهو صالون الثورة... بس عليك الله ما بالشنقيطي...الشنقيطي ده أختانا منو... تعال لينا بالوادي... عشان أتذكر أيام كان لنا فيها ايقاع... و سيك في قبولي...
ات يا حاج علي الجنيات ديل مالم بكوركو بره... عاملين مظاهرات... في شنو؟ قالوا الأسعار ولعت بقت نار... ديل ما نصيحين هي يعني الأسعار كانت تلج زمان... ما خاتي عليهم الرئيس كان قال عليهم شقاق آفاذ... يا حاج شذاذ آفاق ما شقاق آفاذ.. أنا شن عرفني...شقاق آفاذ ..شقاق آفاذ...
و دي عشان جبريلا...
انتي النبي يا زينب الطلح المولعاهو ده جبتي من وين... بري أنا ما مولعه طلح.. و نان ريحة الدخان دي شنو... ديل ناس المظاهرات حارقين اللساتك... النبي ما تسأليهم لينا اللستك ده جابو من وين... و الله ريحتو طلح طلح...
انتي النبي يا زينب الطلح المولعاهو ده جبتي من وين... بري أنا ما مولعه طلح.. و نان ريحة الدخان دي شنو... ديل ناس المظاهرات حارقين اللساتك... النبي ما تسأليهم لينا اللستك ده جابو من وين... و الله ريحتو طلح طلح...
أوع تقولو لي بياتو لغة... لأنها بي لغة السرحان و الكبر.... أنا جيت بس أنفض الغبار عن البوست... و أقول لي ياسر نجيلة شنو الحكاية.. انت ناسي انو اليوم الخميس...
زهير أخبار الثورة شنو... بالله عليك مدنا بآخر الأخبار...
Post: #5823 Title: Re: ناس الزقازيق ... أجدع ناس (4) .. Author: أحمد إسماعيل Date: 06-28-2012, 02:33 PM Parent: #5822
لا هماك وحيد لا خشيت الزمن ... ياشعبا حماهو نفديك يا وطن تسلم يا وطن دمك صابي ينزف ممزوج بالغبار ... مديك فال وهيبة زي كسوة ضريرة
Post: #5824 Title: Re: ناس الزقازيق ... أجدع ناس (4) .. Author: محمد عيد Date: 06-28-2012, 03:31 PM Parent: #5823
Quote: زهير أخبار الثورة شنو...
انت الظاهر لسه نعسان يا حبيب
زهير قاعد لسه فى الدمام ...
السؤال محول لاخونا جلا
مع التأكيد على التقدير الكبير لمجهودات الاخوة فى تغطية الحاصل
واخص هنا .. خالد محى الدين وزهير وعفاف وصالح تبلدينا وحسين شنقراى
فاضل يومين نلحس كوعنا كيف ح تصدوا زحف جموعنا وأحسن تمشوا تغادروا ربوعنا ولاحننهش فيكم ونشبع جوعنا ---------- الجوع الكافر فينا إتحرك وأصلو القادم أفضل وأبرك ياشعبا صابر وكملو صبرك خطاب الدعم الكلو مفبرك دوسو براكا وأحسم أمرك ---------- أحسم أمرك أبدا ما تساهل سنين ناسيكا وليك إتجاهل الزنقه الفيها براهو يستاهل خلي يخليها والحل في رجوعنا باقي يومين ونلحسو كوعنا فشل مشروعو وبقي مشروعنا ........ ( شنقراى )
Post: #5825 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-30-2012, 06:20 AM Parent: #5824
صباح الخير يا وجوه الخير
التحية لثوار السودان وهم يغرسون
بوادر ثورتهم .
ويسعدنا أن ننشر أشعار الزقازيقي الكبير
حسين شنفراي .
ساعة الصفر كلمات: حسين شنقراي وصلنا الساعة الزيرو مننا وين حتطيرو شبابنا اليله بسيرو والظلم وجب تغييرو ------ وصلنا الساعة صفر جموعنا الهادرة دفر حافرة وليكا حفر منها وين حتفر ------- مرقنا خلاص الشارع أهرب أحسن سارع لحسة كوعنا بتبقي كوارع ومن ذلنا إنت الجارع --------- شهدانا هناك إتلمو كرار والكد وخليل بي دمو حارسين لنضالنا نتمو الليله تروح وأيامك تمو
Hussein Shingrai تسلموا جميعا
===============
دعاء اليوم :
اللهم عليك بالرباطة في كل أرجاء السودان
Post: #5826 Title: Re: ناس الزقازيق ... أجدع ناس (4) .. Author: منصور عبد الرازق Date: 06-30-2012, 09:55 AM Parent: #5825
يا سفاح ياحرامي يا دلدول يا خازوق يا افاق يا عميل يا رعديد يا دلقان يا جربان يا لفاق يا قرعوبة يا مخرومة يا ماسورة يا لقلاق وبلا خجلة بتقول علينا نحن شذاذ افاق
**** وتتعابط وتتخابط يا بش بش العوير يا عولاق تنفخ جضوم السحت وقدومك الشين كلو بزاق وتقول على شعب جاع وبات القوى شذاذ آفاق شذاذ آفاق شذاذ آفاق إنشاء الله حتى من واق الواق
*** لا عندك كلمة ولا بتبقي علي اتفاق يا خائن العهد وناقض الميثاق تتراقص فى الغناء وتتمايل بدون أخلاق كملنا الصبر بحديثك ووعودك الكلو نفاق ****
شذاذ آفاق سمحين أخلاق يملوا الآفاق موكب دفاق كل الألوان كل الاعراق وهتاف بنساق من الاعماق شاقينو غبار وطريق دقداق بمبمان غازات رصاص طقطاق قنابل تقصد عضم الساق الشافو كتير ، اكتر من شاق شايلين أشواق جوة الاحداق ما بخافوا وعيد بيشو السراق مارقين قاصدين الخاين العاق قاطع الارزاق شذاذ آفاق سمحين أخلاق يملو الآفاق
الكتبها منو ؟؟؟ ما عارف موزونة ما موزونة ؟؟؟ ما عارف بس لكن قالت كلام كان نفسى اقولو
قال شذاذ افاق قال ؟؟؟!!!!!!!!!!!!!!!!!! الثورة انطلقت شعارات ترددها القلوب
Post: #5827 Title: Re: ناس الزقازيق ... أجدع ناس (4) .. Author: ميسرة سيد أحمد Date: 06-30-2012, 11:15 AM Parent: #5826
ما زال الزعيم شنقراي
يرشا ليك في كل ساعة بقصيدة
جديدة ،،،،،،
رشهم يا حسين ، أكسح أمسح
Hussein Shingrai
"أرفع راسك يا وطن كلمات :حسين شنقراى كانوا حراسك شلوا إحساسك كتموا أنفاسك ما تقول ناسك تحمى من داسك أرفع ياوطن راسك --------- كم عظيم ساسك بالفرح باسك يضوى زى ماسك يبنى لى ساسك تلقاه لو كاسك ختو فى راسك ---------- ما فى مقياسك صعب مرآسك طرى لى فاسك أبتر الجاسك بالفساد عاسك شيلو من راسك ------------ أقرع أجراسك ما تعلن إفلاسك خلينا نتماسك نحنا ديل ناسك نطرد الداسك أرفع ياوطن كاسك والعزة تاج راسك
Post: #5828 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-01-2012, 05:57 AM Parent: #5827
صباح الخير يا وجوه الخير
دعاء اليوم :
اللهم نرجو عطفك ورحمتك
على السودان وأبناءه في كل مكان
==============================
Mohammed Alfatih 9:02pm Aug 5 يسرقون الكحل من عين القصيدة
تنكئين الآن جرحا كنت أحكمت وصيده وتزيدين إصتلائي بحمياي العنيدة قلت ماذا ؟ ليس كحلا انما هم يسرقون الشوف من عين القصيدة يا ابنة الحرف الموشى بالخزامى بعبير الشيح في الأرض السعيدة إييه ياريمية المعنى المعنا بح صوتي وأنا أبكي بلادا سرقوها ثم مروا فوق جرحي وإنتظاري فوق حزني وإنكساري فوق نزفي وإحتضاري سرقوها بالمواثيق الجديدة
يا بلادي قسمي النيل إذا كنت تريدين إنقساما قسمي الشمس فما زالت تغني للبيوت السمر من نمولي لحلفا وتسمي أهلها السمر كراما قسمي الليل المغني حين يشدو العطبرواي أنا سوداني فنفنى فيك وجداَ وهياما قسمي قلبي إذا كنت تريدين إنقساما قسمي أحلامنا عدلاَ وقسطاسا مبينا قسمي أشواقنا أفراحنا أحزاننا تاريخنا الممتد فينا كلما نودي: يا زول، إلتفتنا لهفة ودا وحبا وحنينا فامنعينا قسمي الأرض وقلبي والمراعي ودمي والسماوات وروحي والفضاءات ونبضي يا بلادي آه يا كلي وبعضي يا معي هل أنت ضدي؟ نوح معي أيها الشاعر وأبكي فأنا أطلب التأشيرة اليوم بأرضي
قلتي ماذا؟ يسرقون الكحل اليوم من كحل القصيدة إنهم هم سارقو الثورة والتاريخ والأحلام والمستقبل الآتي ودمعات اليتامى سرقوا تونس من ثورتها سرقوا دارفور من ثروتها سرقوا لبنان من روعته سرقوا الجولان من عزته سرقوا الصومال من إخوته والعراق الحر من هيبته سرقوا السودان من وحدته وفلسطين المجيدة
وتقولين لماذا يسرقون الكحل من عين القصيدة؟ إنما الأرض ستبقى وتثور طيننا يمكن أن يصبح نارآ طيننا يمكن أن يصبح نور
فلنستعيد بعض ما سرقوه منا
Post: #5829 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-01-2012, 06:13 AM Parent: #5828
الصورة الأوسع إنتشاراً في مواقع النت
وقد كتب أحده فيه هذه القصيدة المرتجلة
ابداً ما خفت يا امي شايل كل البلد همي طَلع للشارع الممنوع اشوف كيفنو لحس الكوع لقيت العسكر المخدوع محزم بي سلاح ودروع ويضرب فينا بالبنبان بدل ما ينعل الشيطان وقفت براي يا يمة اتذكرت كل الغش الفي زمن الدجل تمة وكيف ناس بلدي ااازينين باسم الدين يوم تلاتين... اتغشو ... وكيف انقاذنا ما تمة صمدت وما رضيت ارجع وشلت حجارة في يدي ومن العسكر ! لا اتزحزت لا خفت ولانو الوقفة لي بلدي وقفت وما رضيت ارجع وما خفت تب ارجع
صباحكم انتو حقو الناس يجوهو يشيلو منو الفال صباح البشرى للمحزون صباح العيد على الأطفال
صباحكم خير يا أحباب... عيوني الزي قدود الجلد دي ازدات ضيقا بعد سهرة أمبارح... مع مباراة الماتادور الأٍسباني العملاق و الفريق الايطالي المنهار... رغم اني من محبي الدوري الأٍباني و من مشجعي فريق الريال.. الا انني لم أتمنى أن تصل أسبانيا للنهائي... لأن كل المباريات التي طرفها أسبانيا تكون من طرف واحد... و بذلك تنتفي فيها المتعة و التي عادة ما يكون أساسها الندية في كرة القدم... لم تكن هنالك أي ندية فكانت مباراة لا ترقى لأن تكن نهائي أوروبا... فريق مكون من تسعة لاعبين من برشلونة و ريال مدريد لا يمكن هزيمته...
يا منص قصيدتك المن القلب جميلة... أنا ما عارف هي قصيدة واحدة و لا قصيدتين... لكنها و لأنها من القلب جميلة... رغم انك في بدايتها ما خليت نبيذة في القاموس...
Post: #5833 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-02-2012, 06:12 AM Parent: #5832
صباح الخير ،،، يا شذاذ الآفاق
تحية عطرة لكل ناس السودان وتحية عطرة
لناس السودان بالداخل والمحجوب عنهم الموقع
نتواصل معكم ومع الشاعر حسين شنغراي
Hussein Shingrai
شذاذ آفاق كلمات: حسين شنقراي شذاذ آفاق لاكين أبطال ما فينا العاق والأبن ضال ماالشعب الفاق من نومو محال ليكم ينساق والليل قد طال جاب الترياق والخوف قد زاال يا الدم يتراق ياتكونوا زوال --------- شباب في الأحداق يا ناس ينشال للخير سباق في كل مجال كيف العولاق ليهو كتال حماس وإشراق للتغيير شغال والظالم سراق للروح والمال لاهاي ينساق في كل الأحوال
Post: #5835 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-03-2012, 07:12 AM Parent: #5834
صباح الخير ،،، يا وجوه الخير
أصبحنا وأصبح الملك لله وحده ،،،
دعاء الصباح :
دعاء تيسير الأمور:-
اللهم يامسهل الشديد و يا ملين الحديد و يا منجز الوعيد .... و يا من هو كل يوم في أمرجديد أخرج السودان من حلق الضيق إلي أوسع الطريق
Post: #5836 Title: Re: ناس الزقازيق ... أجدع ناس (4) .. Author: محمد صديق Date: 07-03-2012, 07:25 AM Parent: #5835
سلامات يا ناس
Quote: سلاك يا ناس
يا اخوانا طمنونا على جورج
السلام عليكم ورحمة الله...
بجيكم برواقة..
Post: #5837 Title: Re: ناس الزقازيق ... أجدع ناس (4) .. Author: ميسرة سيد أحمد Date: 07-03-2012, 07:51 AM Parent: #5836
طلتك علينا بالسلامة تريحنا وتكفينا
ونعلم بأنكم مشغولين هذه الأيام فلا تزعج نفسك
بالمداخلات.
نواصل :
Hussein Shingrai
حكومة الأزمة كلمات: حسين شنقراي
هتافنا يكون لحكومة الأزمه لمي عليك إنتي الحزمه أصبحنا صفوف دايما منتظمه وما بنعيش تحت الجزمه ---------- يا شعبا ابدع في أكتوبر بيكا التاريخ ديمه إتبوبر شامخ وطامح فرع صنوبر داك النصر أمامك أو كوبر ---------- مارق حارق دايما بي لهيبك ما تخلي السارق ظلمو يصيبك لطريقهم فارق ما يبقو حبيبك عزمك خارق والنصر نصيبك
Post: #5839 Title: Re: ناس الزقازيق ... أجدع ناس (4) .. Author: منصور عبد الرازق Date: 07-03-2012, 09:49 AM Parent: #5838
Quote:
يا منص قصيدتك المن القلب جميلة... أنا ما عارف هي قصيدة واحدة و لا قصيدتين... لكنها و لأنها من القلب جميلة... رغم انك في بدايتها ما خليت نبيذة في القاموس...
ما حقتى والله القصيدة يا رش جاتنى مدبجة بالأيميل , لكنها فشت لى خلقى الحر معاكم كيف ؟؟؟
Quote: ما حقتى والله القصيدة يا رش جاتنى مدبجة بالأيميل , لكنها فشت لى خلقى الحر معاكم كيف ؟؟؟
حسه يا منص دي حتكون مناسبة لرجوع الكوتش... حيجي يقول لي أنا ما قلت ليك بطل اللفح...
أما الحر يا منص... كان ما المقام مقام ثورة و كده... كنت قلت ليك أمبارح مشيت في شارع الزلط... نعل جزمتي الكلاركس الجبتها معاي من لندن ساح... و اتلصق في شارع الزلط...أخدت موقف من الجزم الكلاركس دي... لكن لمن وصلت البيت و شفتها...طلعت لبانه.... واعتذرت للكلاركس...
لكن برضو الحر شديد... و الرطوبة أجارك الله...قدرة فول يا حبيب فاتحة على الشارع... القدرة فاتحة على الشارع... و الشارع ناقص طعمية...
Quote: * تروقو بعدين ... لما البشير يمشي .... ويسد الدين ...
أنا زمان قلت ليكم شنو... مش قلت ليكم ياسر نجيلة ده تاجر ضل طريقه الى الوظيفة.... أها شوفو.. حتى شعاراته الثورية لا تخلو من تجارة...
و بعدين ليه ياخي رابط جيتك بأبو الزوز... الراجل مشغول و ما أظن يقدر يجي... نحن ليه ندفع فاتورة غيرنا ياخي... مش المثل بيقول أكلو أخوان و اتحاسبوا تجار.. و لا المثل ده ما لافق هنا... شوف ليك حاجه واحده لافقة و بعدين تعال اتكلم في مثلي ده... لافق ما لافق...طالما فيهو حساب و تجارة بيكون لافق معاك... أنا خايفك تشوف الكلام ده من منظار تاني.. و تشوف كلامي ده (لافق علي لافق)... تقوم تعمل لي مداخلة لحس الكوع... و لا من أين أتى هؤلاء...
Quote: نعل جزمتي الكلاركس الجبتها معاي من لندن ساح... و اتلصق في شارع الزلط...أخدت موقف من الجزم الكلاركس دي... لكن لمن وصلت البيت و شفتها...طلعت لبانه.... واعتذرت للكلاركس...
يا خوانا ... وروني المساطيل ديل .... بعرفوهم كيف ؟؟؟؟!!!! سؤال ماليهو علاقة بالثورة ....
=========================== واحد يفتح لينا الجزء الخامس من ناس الزقازيق ...
انا حالف مابفتح اي جزء ... الا مع الرئيس الجديد ... او زهير الزناتي .... يطلنا ...
=========================== كدي شوفولينا الكوتش .... ما ....راق ......
سمعنا تحت تحت ... انو ود جبرين ومنص ... نازلين السودان للمشاركة في الثورة ... لتغطية منطقة الصحافة والامتداد ... بالأخص .... محطة سبعة ... وشارع الردمية سابقا ... على ان تكون وجبة الفطور مع ... الكوتش ... منها ونسة ... ومنها حماية .... عالم جبـــــــانـــــــة ...
وياناس الرياض ...
