ناس الزقازيق ... أجدع ناس ( 3 ) ..

ناس الزقازيق ... أجدع ناس ( 3 ) ..


11-08-2009, 03:24 PM


  » http://sudaneseonline.com/cgi-bin/sdb/2bb.cgi?seq=msg&board=299&msg=1294510108&rn=6114

Post: #1
Title: ناس الزقازيق ... أجدع ناس ( 3 ) ..
Author: عصام دهب
Date: 11-08-2009, 03:24 PM
Parent: #0

Quote: 15-04-2005, 08:51 م


و بعد افتراق لنحو أربعة عشر عام أو تزيد حيث حملتنا تصاريف أقدارنا و أرزاقنا إلى حيثما كنا يومئذِ ..
كان جميل و مدهش جداً أن نلتقي ..
يومها جاءناالمدهش / عبد الحميد البرنس كنسمة في عز الهجير ..
و قبل أن يقرئنا السلام وعدنا بأن يعود ( بكل ذلك الحنين عن الحياة في ذلك العهد ) ..
هفا بالبرنس حنين و شده شوق فتساءل :
( كيف يترك الزمن آثار أصابعه على الناس والأشياء. ) ؟؟
هرع البرلوم الفذ .. سمؤل أبوسن هميماً كعادته هاشاً باشاً ..
هماماً جاءنا و بعد ( مشاغلة ) خفيفة الظل إنداح في مناجاة إشتياق لزميل لمحه في أسفير جمعنا ..
( جميل في فوضاه، و صعب في سبر مسالكه إنسان من ذاكرة الندي، و لطيف حد السلاسه)
كان ذلكم هو د. صلاح الأمين ..
صلاح كالعهد به سميعاً مجيبا ..
جاءنا في أجمل صباحاته و دعانا لشد أوتار القلوب ففعلنا ،

صالح عبد الرحمن صالح ( تبلدينا ) !!
جزلاً مفعماً بكل الحب و مسكوناً بذكريات الزمن الجميل ..
جاء و هو يردد ( ( masha allah..3eeni barda .
و السهيلي مجذوب من مهجره البعيد ممتطياً صهوة شوق جامح فاجأنا و جمل ساحتنا ببهيج حضوره و هو يهتف
(I wish to see all one day ) ..

الملهم ـ عبد الحميد البرنس ـ يحلق بنا نحو عالم لا يدري ( أية جمال آسر فريد صنع منه )
وكانت سعادتنا بالغة بإنضمام الآسر الحنين / حيدر حسن ميرغني ..
و فرحنا بإطلالة الشفيف / عبد السميع دفع الله ..
و عبد السميع و للأمانة و التاريخ ـ بعد ماجاد البرنس بالفكرة ـ كان أول من حث الخطى و أستنهض الهمم حيث قال ..
Quote: وصدقني يا آخى عصام كنا طوال السنين الماضية بالسودان كنا نحاول جمع خريجي الزقازيق في دار أو نادى أو جمعية لنعيد جزءاٍ من الأيام الحلوة ولنحقق التواصل مع الأجيال السابقة.
كان يقود تلك الجهود بإخلاص الأخ العزيز زهير الزناتى وزوجته الرائعة ابتهاج. عقدنا أكثر من لقاء ولكن ضيق ذات اليد وقف حاجز بيننا والمواصلة .
وأعتقد أن الفرصة مواتية الآن والشكر لسودانيز اون لاين التي جمعت الفرقاء والأحبة..
مقترحي أن تدعو يا عصام عبر المنبر إلى تكوين رابطة خريجي الزقازيق السودانيين طبعا ٍ على أن تفتح أيميلك ليقوم الخريجين بتسجيل أسمائهم وعناوينهم كخطوة أولى وبعدها افتح باب التبرعات وما يجمع من مال يكلف به الأخ زهير الزناتى بإيجار دار بوسط الخرطوم لتكون الواحة التي ستجمع خريجي الزقازيق

و في ..
Quote: 28-04-2005, 03:41 ص

كانت بعون الله تعالى البداية على قدر نوايا و عزائم الزقازيقاب ..
Post: #2
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-08-2009, 03:30 PM
Parent: #1

و كان أن ألتقينا ها هنا ..

ناس الزقازيق .. أجدع ناس .
Post: #4
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 11-08-2009, 03:37 PM
Parent: #2

ياسلام منكم

_____
عويد بخور
تعويذة من العين العنية
Post: #2240
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-09-2010, 07:42 PM
Parent: #2

سلامات ياناس الحوش سلامات ياابونا ياعصام دهب عندي مشكله مابقدر ادخل الحوش بالساهل واحيانا مابقدر خالص والحوش العامر بكون تقيل جدا على الكومبيوتر وما بقدر ينزلو المشكله دي عندي انا بس ولا عامه افيدونا عدم مقدرتي على دخول الحوش مزهجاني ماصدقنا بقينا نقدر ندخل الحوش والديوان المتاوقه بي فوق من زمان وجعت رقابنا
Post: #3
Title: Re: ناس الزقازيق ... أجدع ناس ( 3 ) ..
Author: مزمل خيرى
Date: 11-08-2009, 03:37 PM
Parent: #1

عصام دهب
Quote: ناس الزقازيق ... أجدع ناس ( 3 ) ..

تااااانى.؟؟
ياخ بكرى دا ما عمل ليكم حوش براااكم .!! ماتمشى تنداح فيهو بهناك ياخى
ناس الزقازيق عذبتونا عذاب شديد .!!




بالمناسبة عندى ذكريات حلوة وجميلة فى الزقازيق لمن سجلت زيارة لاخونا الدكتور الصادق عبدالله فى عمارة الطلبة
السودانيين ، تقريبا جنب معرض الحجاز .. الكلام دة فى سنة 94 ، بحكى ليك فى وقت تانى .!!
Post: #5
Title: Re: ناس الزقازيق ... أجدع ناس ( 3 ) ..
Author: لؤى
Date: 11-08-2009, 03:46 PM
Parent: #1

Quote:
ناس الزقازيق ... أجدع ناس ( 3 ) ..


يا عصام
مساء الخير

تطلب من بكري هللة على كُلّ مشاركة
ونقتسم
عشان الفكرة وكدا



تحاياي لأُسرتك
Post: #6
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-08-2009, 04:46 PM
Parent: #5

بسم الله والحمد لله وعين الحسود فيها عود

zagazig1sudan1sudan1.jpg Hosting at Sudaneseonline.com


ونحن نحتفل بالصفحة الأولى بعد الشمعة المئوية

أرقام قياسية يا ناس الزقازيق

أروع وأجدع ناس ،،،،،
Post: #7
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-08-2009, 04:56 PM
Parent: #6

حكاية زقازيقية
أذكر انه في عام 1984تقريباً كان معنا زميل دراسة زقازيقي لا أذكر
اسمه وكان هذا الزميل قد عشق بنت مصرية من أبو كبير و أحضر
أهله من السودان وكنا نحن موجودين بعد سفر معظم الزملاء إلى
البلد وكنا مع المنظرين لأخذ تأشيرة العمرة وفاجأنا هذا الزميل بيوم
الحنة والتي كانت بدار الاتحاد على ما أذكر وكنا قليلي العدد ويوم الزواج
تم استئجار عدد أثنين مايكرو باص على حساب العريس وسافرنا مع أهله
وكانت معنا بعض الزميلات الزقازيقيات ودخلنا أبو كبير وكنا نغني أغينة سيرة
ولكن بالطريقة المصرية ،،،
على النبي صلي ،،،،،،، صلي
أبو كبير دي بحري،،،،،،،، بحري
وكانت الزغرودة بالسوداني من والدة وأهل العريس وأخواتنا الزقازيقات
في أبو كبير كان العرس أمام باب العمارة وكانت هناك راقصة
لابسة من غير هدوم وبدأ هز الوسط والكل مهيص وأنحنا على طريقتنا
السودانية قمنا باركنا للعريس والعروس
كل الناس قاموا عملوا نقطة للراقصة وكانت تصيح فينا :-
سلام ،، سلام ،،،، للجدعان ،،،،، سلام ،،،، سلام لأهل السودان ،،،، وأنحنا آخر طناش
سلام لأحلى ناس ،،،،، وأحسن ناس ،،، ورقصني يا جدع ،،،، ويستمر الهز
مرة أخرى ،،،،،،،،،
سلام للحلويين ،،،، أبنا النيل ،،،،، يقوم العريس ويعمل نقطه
و أنحنا كنا مجموعة كبيرة لو كل واحد دفع جنية يصبح عندها مبلغ محترم
وأخوانكم مطنيش والناس جالسه وما عندها بريزه
وأستمر العرض والرقص حتى صاحت أخيراً
العريس ،،،، آه ه ه ه
الجيران ،،، آه ه ه ه
أهل أبو كبير ،،،، آه ه ه ه
السودانيين ،،،، السودانييين ،، لا آه ه ه ه
ورأسني يا جدع .

في واحد من الزملاء الناس يتذكر أخونا العريس هذا وأين صار حاله اليوم
وأخص الناس (دفعة عبدالدائم النضيف وإنت نازل)

مداخلتي في البوست السابق
Post: #8
Title: Re: ناس الزقازيق ... أجدع ناس ( 3 ) ..
Author: humida
Date: 11-08-2009, 04:57 PM
Parent: #7

يا عصام ياخي ان شاء الله يذقوكم في بص الثورة بالنص ..

..
..

كرهتنا زاتو ..
Post: #9
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-08-2009, 05:24 PM
Parent: #8

Quote: يا عصام ياخي ان شاء الله يذقوكم في بص الثورة بالنص ..

..
..

كرهتنا زاتو ..


مرحب بضيوفنا الأعزاء الأخ/ مزمل خيري والأخ/ لؤي والأخ/ حميده

دخلت أهلاً ونزلتم سهلاً والبيت بيتكم ومنور بزيارتكم الميمونه لنا

إسم حميده هو إسم سوداني لطيف بس كان لزميل لنا بالزقاريق

إسمه حميده ونحنا طلبة برالمة في الثمانيات وجلسنا في خيمة الإمتحانات

وأتت المراقبة وصاحت ،، أوووم يا بني ،، فين حَميده بفتح الحاء وكسر الميم

يا ستي أنا حُميده ،،، وهي تصر على حضور الآنسة حَميده وهو يصر على إنه حُميده

وحدث هرج ومرج وإنتهت القضية بأن الشخصي الجالس للإمتحان هو شاب سوداني

التحية والتجلة لأخونا حُميده الزقازيقي وحُميده الذي فكرنا بصديقنا وأخونا

حميده وفردة عبدالوهاب التركي - كلية التجارة .
Post: #10
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 11-08-2009, 06:20 PM
Parent: #9

احبتي
واخيرآ أنا بينكم ومعكم, فكم مللت المتاوقة ! مرة بالشباك ومرة بالحيطةومرة من بعيد لبعيد. هذا الحال لاكثر من ثلاث سنوات ويزيد..
الشكر اولآ واخيرآ لله عز وجل الذي هيأ لناهذا المنبر ومن ثم الشكر اجزلة للغالي عصام دهب وللاخ الفاضل باشمهندس بكري ابوبكر والتحية للعزيز الزناتي , واخيرآ السلام عليكم جميعآاهلي وعشيرتي ناس الزقازيق , فانا اليوم كالغريب العائد الي داره...


عثمان الجدي
Post: #11
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-08-2009, 07:06 PM
Parent: #10

هل غادر الشــعراء من متردم .. ام هل عرفت الدار بعد توهـــم

مبارك عليكم اخوتى عصام دهب والريس الحبيب ميسرة الحوش الجديد ...

ولكن مالى أرى الفناء خاليا من الاحباب ؟؟

هل لم يعرف قاطنو الحوش الموقع الجديد ام تاهت خطاهم ؟؟

فى اعتقادى انه لا هذا ولا ذاك ...

ولكن الناس تكون ساهرت وتعبت فى حفلة المئوية وضاربة الرز باللبن

وحتما سنكون سويا من جديد
Post: #13
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-08-2009, 07:27 PM
Parent: #11

ترحيب حار بالدفعة عثمان الخير
ونحن في شوق لكم وبركة الجيت بي خشم الباب ياخوي
مسئول من الخير وين باقي البرالمة دفعتك؟
Post: #14
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2009, 07:47 PM
Parent: #11

محمد عيد....أشعر الآن مثل ما شعرت به أول مرة عندما سكنت في شقة...فلقد بدأ المكان ضيقا و صغيرا جدا بعد أن اعتدت على الحوش الوسيع...
Post: #15
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-08-2009, 07:58 PM
Parent: #11

ماشاء الله جينا بيتنا الجديد
إنشاء الله يكون بيت عامر بأهله

ومليان بناسه ،،،
مبرووووووك
Post: #16
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-08-2009, 08:14 PM
Parent: #11

سلامات يا ناس

عيد ..اختيار جميل لاغنية طاعمة زى دى

مهداة للحبيب صلاح الامين..

شوفوا لينا حل للدقار الواقف قدامنا ده.
Post: #17
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-08-2009, 08:20 PM
Parent: #11

مساء جميل لاجدع ناس واروع ناس الارض قاطبة..
اقول لكم يا ليت الود الذى بيننا لا يرحل ولا يذبل..
ولا الدنيا تفرقنا ولا غصون الهوى تذبل.. ولا ننسى محبتنا وترابطنا.
عجبا لهذا السحر الذى يربطنا .. يفرحنا .. ويرقص دواخلنا طربا..
اليوم عيد يا عيد بابداعاتك انت ومنى وميسرة.. روعة وابداع..
استاذنكم اشكر كل الرحبوا بى وهنأونى بالاستقلالية وانا اليوم اسعد الناس لانى مبتدية صباحى بصوت زهيرى زناتى جميل انتشلنى من زحمة الشغل وطار بى بعيد وبعده محل قبلت القاكم معاى معاى ذى ظلى.وشكر خاص لابو هنودى
(معليش ياجماعة اعتبرونى خفيفة) ابو عيالى رحب بى ترحيب خاص ومن القلب للقلب
انا فرحانة بالباسوورد لكن كمان الباسوورد واحد وانا ضد الاستقالالية من اولاد الشيوخ
انتوا الاصل الله يخليكم لينا كلكم..
مبارك جادين عيد ميلاده الليلة اجمل الاعياد .. ربنا يحقق امنياتك كلها القريبة والبعيدة.
زوبة وفافى وبهجة ومنى ثياب الاحتفال كانت رهيبة .
بدلة زناتى وياسر نجيلة وسامى خطيرة ..طاقية حاج الركز رهيبة من كسلا ولا شنو؟؟
اما جلابية منص الابنوسى من ابوظبى عديل وخيطناها فى السودان..محمد صديق التى شيرت كان رهيب
الباقين كلكم قاشرين والله قيافة.
سلام حار للحاج جلا يا اخوانا اوصل دعواتى كيف؟؟ يا ناس السعودية افيدونا
دمتم سالمين وتامين ولامين
Post: #18
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 08:45 PM
Parent: #17

مرحب بأجدع ناس ...

نجاة حوفي
عثمان الخير
قيس جمال الدين
مني يونس
عبد القادر

وباقي العنقود في الطريق نحن في إنتظارهم

http://www.sudaneseonline.com/cgi-bin/sdb/2bb.cgi?board=299

لا تنسوا هذا المنبر سيكون من اليوم محل إهتمامنا ليت كل شخص يمر عليه كما يمر علي هذا البوست
خاصة وأن البوست السابق قد تم تحويله هناك قبل دقائق
Post: #19
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 08:49 PM
Parent: #18

نهلة نجم الدين ... ألف لا بأس عليك
Post: #20
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 08:54 PM
Parent: #19

شوفوا ناس كندا التفتيحة ، مشت البيت الجديد براها وفتحت بوست ترحب بنفسها براها يلا يا جماعة نرحب بالزول الجميل والإنسان حنان مجمر صديقة الكل وأخت الكل البت الما تبشبه البنات ...

حياكم حياكم ياغاليين
Post: #21
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 09:03 PM
Parent: #20

عبد السميع دفع الله


عرفة محمد سعيد .


نزار الشقليني .


إخلاص محمد أحمد

عمر نملة

عمر المهدى

سامي جمال


عمر هواري


البعض لا يزال غياب
Post: #22
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2009, 09:09 PM
Parent: #20

ازيكم ياخ
ومرحب بالبرالمة الجدد
ومبروك عليكم الحوشين
Post: #23
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 09:19 PM
Parent: #22

Quote: و أنا أقول الحوش ده مالو باقي نور كده...مرحبا بي بيت شيخي و رفيقة دربي و أم عيالي...الجوهرة المصونة والدره المكنونه زوجتنا نجاة حوفي ...تستاهلي يقيفوا ليك صف و يفرشوا ليك الأرض زهور و يدقوا ليك مزيكا لمقدمك السعيد...حبابك ألف و ألفين..بس عليك الله المنبر ده ما يشغلك من الأمانه المخليها معاك...

زوجك الغالي
لاوسطى حراجي القط
العامل في السد العالي




Quote: وشكر خاص لابو هنودى
(معليش ياجماعة اعتبرونى خفيفة) ابو عيالى رحب بى ترحيب خاص ومن القلب للقلب
انا فرحانة بالباسوورد لكن كمان الباسوورد واحد وانا ضد الاستقالالية من اولاد الشيوخ
انتوا الاصل الله يخليكم لينا كلكم..


الكلام دا عجبني وما ممكن يمر ساكت دون تعليق ...
Post: #24
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-08-2009, 09:38 PM
Parent: #23

مرحبتين حبابك اليوم السعيد

الليلة جابك يا بت مجمر

بتنا بتاعة تجارة وجدة سابقاً

فتحت ليها بوست بهناك في بيتنا الكبير

بوست ناس الزقازيق .

لما كنتي في جدة كنا على تواصل

أسري ، كيف أخبار الأولاد وأبوهم
Post: #25
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 11-08-2009, 10:23 PM
Parent: #24

مبروك البيت الجديد اوى
ويا عصام انت ذى العملت ليك 3 بيوت عامرة بناسا وبحب ناسا
دمت ودمتم جميعا زقازيقاب اجدع ناس


مرحب بكل الما رحبنا بيهم
Post: #26
Title: Re: ناس الزقازيق ... أجدع ناس ( 3 ) ..
Author: سيف النصر محي الدين محمد أحمد
Date: 11-08-2009, 10:33 PM
Parent: #25

سلام للناس الجدعان
غايتو انا رايي اننا نتجدع في المنبر حقنا الخاص و نحافظ برضو على وجودنا
في الصفحة الأولى...و كية للمابينا.
Post: #27
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 10:41 PM
Parent: #26

يا سيف عرفة دي ما عندها خبر العضوية ولا شنو
Post: #28
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 11-08-2009, 11:06 PM
Parent: #27

ازيك يا دكتور وين الحى بيك
Post: #29
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 11:15 PM
Parent: #28

الرشيد عارفك حا تجي أواخر الليل بعد الكور الجميلة دي أنتهت متعة لا حدود لها في مباراة
الإنتر وروما ... ومباراة تاريخية بين مارسيليا وليون إنشاء الله ما تكون فاتتك واحدة فيهم
Post: #30
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2009, 11:37 PM
Parent: #29

معقول بس تفوتني كورة الانتر و روما يا زهير....و بعد داك انشغلت ببوست تطوير المهارات و المقدرات فلم أنتبه لحركة البوست على المنبر العام...و بيني و بينك بس ما تكلم زول ...الشلهته بدأت...
Post: #31
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2009, 11:39 PM
Parent: #30

زوبة...مساء الخير...خلاص سديتي البيت و كتلتي اللمبة....و لا انتو عندكم رتينة ما لمبة...راحااااااات والله...
Post: #32
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 11-08-2009, 11:43 PM
Parent: #31

الراحات وكسير التلج عندك يا رشا
Post: #33
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2009, 11:46 PM
Parent: #31

يا رشا ما عرفت حضرتها ولا ما حضرتها ، بس مباراة مارسيليا وليون إنتهت 5 لكل فريق يعني عشرة أهداف في مباراة واحدة ...
Post: #34
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2009, 11:51 PM
Parent: #33

زوبة ده ما اسمه كسير تلج....دي انبراشة عديل كده....لكن عليك الله ما بستاهل؟؟

أبو الزوز ما حضرتها أم عشرة دي...من تشيلسي و مانشستر الى الانتر و روما...و بعد زغللت...أنا خايف أنوم أهضرب بالكورة...
Post: #35
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 00:00 AM
Parent: #34

Quote: تحايا حارة لأجدع ناس
الواحد حقيقي مبسوط جداً لدخوله حوشكم العامر والذي كنت (اتاوق ليه من فوق الحيطة )
وكنت مستمتع جداً منذ منتصف الطريق وحتى الميل 101
حقيقة ناس الزقازيق أجدع ناس .. ناس بطعم الشهد وكل أنواع الفواكه الحلوة ..
أناس عظماء رسموا أجمل اللوحات هناك .. في تلك المدينة التي لازالت تاسرنا بالذكريات الجميلة واللحظات الثمينة
التي اصبحت جزءاً هاماً في حياتنا ..ثم تفرقوا في بقاع الأرض لينثروا عصارة تجربتهم في كل الدنيا .. داخل الوطن وخارجه
اتمنى ان نتواصل ونتفاكر ونخطط حتى نصل لماهو منشود وأكثر
الشكرللصديق زهير وللمهندس بكري والتحية لأهل الحوش جميعاً ..
عمر بسكو


مداخلة عمر بسكو في بوست حنان مجمر وهو دائشاً لا يعرف الطريق إلي سمرقند

مرحب يا بسكو ... الليلة الشرك قبض ليهو صيد ثمين ... وسمين
Post: #37
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 00:06 AM
Parent: #35

عبد الحميد البرنس _ كتا بات تتشعلق وتت... وتسر القلب

بوست ملئ بالجمال
Post: #36
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 11-09-2009, 00:02 AM
Parent: #34

بتستاهل ونص شيالة التقيلة

ترحيب كبير اوى بعمر الطيب الهوارى المعروف بعمر بسكو

نورت والله
Post: #38
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 00:17 AM
Parent: #36

مرحبا بعمر بسكو...رغم طشتك لكن حبابك...أنحن العاملين فيها مقددنها ديل طشينا...معذور يا سيدي...و كان الود ودي أن أسهر معاك لحدي الصباح...لكن أديني رضاك قدامي شغل..

زوبة و زهير نراكم على خير
Post: #39
Title: Re: ناس الزقازيق ... أجدع ناس ( 3 ) ..
Author: عمر هواري
Date: 11-09-2009, 00:25 AM
Parent: #36

كويس يازوزو إنك لقيتني رايح وجبتني بجاي
نحن طبعاً لسه برالمة في البوست ودي طبعا ذكرتني ايام البرلمة في الزقازيق
ايام كنا بنمشي كلية التجارة بطريق الجواميس العملت نفسيات لأسامة السماني ..
طبعاً الناس الصغار ماحضروا الحاجات دي .
تحياتي لكم جميعاً .. وشكراً زوبة العزيزة على الترحيب ..
وتحياتي للأعضاء النشطين جدا محمد صديق والرشيد والريس ميسرة ومحمد عيد وفافي وجلال وحاتم وجبريلا ( أعانه الله في محنته)
وتحية خاصة لصاحب الحوش دهب .. وارسل تحية للعزيز سيف النصر والفنانة المبدعه عرفة ..
وإنحناءة لأخو الأخوان زهير الزناتي الصعيدي الشهم .. طبعاً دي عشان الشنب والإسم كمان والأخت إبتهاج لها مني التقدير ..
وأحيى سامي وأعرج على الريس معتصم والتحايا لمنصور واحمد إسماعيل ومنى يونس والشادي المرهف وقيس جمال وكل الناس الحلوة
أعزائي انتم أجمل لوحة رسمت على شط هذا الموقع والدليل تحطيمكم لكل الأرقام القياسية ..
فإلى ألإمام دوماً
Post: #40
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 00:28 AM
Parent: #39

والله يا بسكو لقيتك مذاكر أحسن مننا ناس البوست القدامي ... أها من الليلة إنت سنير ، ومافي زول يقدر يقول ليك برلوم ... حبابك وحباب الإندياح ....
Post: #41
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 01:24 AM
Parent: #40

بتنا وزقازيقية كاملة الدسم يلا كلنا نقول ليها حمد الله علي السلامة

زوجة الاستاذ محمد السنى بالغرفة 567 حمد العام ، ونجاح تام للعملية

وأي زول من ناس الزقازيق لازم يوقع في النهاية بناس الزقازيق ، عايزين نعمل لوبي في المنبر دا عشان تاني الناس ما تحتج علي تواجدنا إنشاء الله في المواضيع المثبتة
Post: #42
Title: Re: ناس الزقازيق ... أجدع ناس ( 3 ) ..
Author: ياسر شبيكة
Date: 11-09-2009, 04:58 AM
Parent: #41

دايما فوق ناس الزقازيق
Post: #43
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-09-2009, 05:49 AM
Parent: #42

صباحات مليئة بالهناء والسرور ...
مبروك العداد الجديد وإنشاء الله نملاه بكل الأرقام القياسية الحلوة...
أهلا بكل الأخوان والأخوات الجدد وأكيد حيكونوا إضافة كبيرة لحوشنا الجميل ...
Post: #45
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 05:56 AM
Parent: #43

صبحكم الله بالخير و السرور

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر...

اللهم أحفظ والدي و يسر سبل لهم حياتهم و أخراهم و متعهم بكامل عافيتهم انك أنت السميع المجيب...
Post: #44
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 11-09-2009, 05:53 AM
Parent: #42

( من قال : استغفر الله الذي لا إله إلا هو الحي القيوم وأتوب إليه - غفرت ذنوبه وان كان قد فر من الزحف ..

أجمل صباح يطل عليكم في الحوش الجديد
انشاء الله تكون العتبة عتبة خير عليكم كلكم وتعمروا بيتكم الجديد بالمحبة والأخوة الصادقة

سلام وتحية لزملاء البرلمة الجدد والعرفان للسناير الذين استقبلونا بكل الترحاب والتقدير وربنا يقدرنا على جزاهم
Post: #46
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-09-2009, 06:08 AM
Parent: #44

آلهم إني اصبحت اشهدك و اشهد حملت عرشك وملائكتك

و انبيائك وجميع خلقك بأنك أنت الله لا إله انت سبحانك

الهم اجعل تواد و تحاب اهل الزقازيق خالص لوجهك ولا

لغيرك و اهدهم و وفقهم لطاعتك و سدد خطاهم واحفظهم

من كل شر و بلية .


الحوش الجديد شديد ! ! !

التحايا الحارة بالاستاذ الكبير/ عمر بسكو والدار

اصبحت عامرة بيكم و بباقي الاخوان .


عثمان الجدي يا جدي الريل ابو قديله تعال امتشى

في الغيمة ** حمد لله على سلامة الوصول شايف نفسك

قايم شوية اخد ليك راحة وواصل المشوار نحن في

الانتظار و بالله طلع معاك الشخصيةالزقازيقية الظريفة

الطاهر ادروب و قول ليه البوست خاص بناس الزقازيق

الناطقين !

باللغة العربية فقط !
Post: #48
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-09-2009, 06:50 AM
Parent: #46

يا أهل الخير مسئولين من الخير فضيلة الاستاذ/ محمد آدم النور

ما ظهر حتى هذه اللحظة؟ فالسؤال للريس ميسرة هذا واحد من الرعية

المطلوب منكم بذل قصارى الجهد لمعرفة كيفية الوصول إليه؟


ولا يكون يا محمد عيد الراجل دا حاجي في اديس ابابا ما معروف

يكون التاشيرة جاتو من سفارة أثيوبيا بكسلا ! بس المشكلة

الخبراء ديل عايز نعرف الحاصل ليهم شنو ؟
Post: #47
Title: Re: ناس الزقازيق ... أجدع ناس ( 3 ) ..
Author: Ridhaa
Date: 11-09-2009, 06:45 AM
Parent: #44


تحية للزقازيقاب ....وألف مبروك المنبر الجديد

في عام 94 أو 95 لاأذكر بالضبط ذهبت لقضاء معاملة في السفارة بالقاهرة
وعند خروجي شاهدت حوالي أكثر من عشرين طالب يهتفون ( العار ..العار
يامستشار ) وهم يحملون بطاطين ووقفوا بالناحية المقابلة لباب السفارة
جوار المصري صاحب طبلية بيع المأكولات ....
عرفت لاحقا بأن المستشار اسمه ( يوسف ) قام باخراج بعض الطالبات من السكن
الطلابي لعدم انصياعهم للقوانين واللوائح المعدة لذلك ...علما بان خطيب
وامام المسجد المجاور للسكن الطلابي للطالبات اشار في احدى خطب الجمعة
عن بعض السلوكيات والازعاج للجيران طوال الليل وحتى حين فتحه للمسجد لصلاة
الفجر .....
لذلك تم اخطار السفارة فتوجه المستشار يوسف للزقازيق للاجتماع بالطالبات
ومشرفات السكن ...وعلى ماأعتقد بعض الطالبات رفضن الانصياع للقوانين فتم
فصلهن من السكن .....

========================
ماصحة هذه الرواية ..
من هو يوسف .
وكيف تم حل الاشكال .


خالص تحياتي
Post: #49
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-09-2009, 07:19 AM
Parent: #47

اليوم الاثنين الموافق 09/11/2009م


24-56.JPG Hosting at Sudaneseonline.com

اول مشوار الجزء الثالث ...


حكمة اليوم :
ثلاثة يتشابهون في عقولهم...الشاعر... والمجنون ... والمحب .

بيتين شعر لليوم:
مهداه لرشيد القوم ونجاة حوفي و"من لف لفهم ..." ....

دى السمحة ام ولدي بتشيل قفاي سندي
بتعيش معاي راضية كان عندي وما عندي
دى السمحة ام ولدي
الحسيسة الخدومة ماصارة قدومة
دى الرايقة ام ولدي
راضية بالعيشة كان كسرة كان عيشة
وان مافي ماقالت ياناس دي ماعيشا
حكامة كان فتا رباية كان متا
بتعيش وليداتا ماتجيهم الحتة
دى السمحة ام ولدي
كريمة يا بنية كان جو ضيوف مية
بالجود موجودة لو مافي بالنية
دى السمحة ام ولدي
ملساء ماغبشاء, ناعمة ماغبشاء
في راسي ماغدرت وما سوت الدوشة
بتصلي صلوتا الخمسة في اوقاتا
مانامت بعشاها لا يوم صبح فاتا
دى السمحة ام ولدي
دى الرايقة ام ولدي
الاصيلة ام ولدي
حامدة ما جاحدة كان عندي وما عندي
دى السمحة ام ولدي


نكتة اليوم:
واحدة دائما بتنكد على راجلها ليل نهار اتفقو انهم يخلوا يوم نكد ويوم فرح
فكانت مرته في يوم الفرح تتحزم وترقص وتغنيلو .. بكرة النكد... بكرة النكد ...

كاراكاتير اليوم:

5556.JPG Hosting at Sudaneseonline.com


لفحي اليوم:

تم تنصيب كل من محمد عيد والريس ميسرة ومني أحمد ... ملوك الابداع ... للأميال السابقة والقادمة ان شاء الله... كل جوائز المسابقات من نصيبهم ...

أجمل ما الصفحة إنها رجعت لينا شاعر البوست ( ياسر نجيلة ) ...
شكرا سامي الوجيه ... واجمل مافي الأميال السابقة لفة " عمتك " ... بكسر العين ...

وحباب الناس الحلوة:
1/ عبد السميع دفع الله . – آداب
2/ عرفة محمد سعيد .
3/ كمال الشادي . تجارة
4/ حنان مجمر . تجارة
5/ نزار الشقليني . هندسة
6/ إخلاص محمد أحمد . زراعة
7/ نجاة حوفي .- زراعة
8/ مني يونس - آداب.
9/ عمر نملة – تجارة - هولندا
10/ عبد القادر بابكر – زراعة - السعودية
11/ قيس جمال الدين – بيطرة - السعودية
12/ عمر المهدى - تجارة – السعودية
: 13/ سامي جمال - معهد تجاري – السعودية
14/ عثمان الخير – تربية – السعودية
15/ عمر هواري - تجارة – السودان
برغم ظهور قله منهم : وكان اجدعهم حنان المجمر دخلت ببوستيها الخاص ... الذي ضل الطريق اليه عمر بسكو ...
مني يونس ونجاة حوفي ... انتو ماضمن البرالمة ديل ... عندكم سنون من زماااااااان ...

تجري العزيزة نهلة نجم الدين الأمين العام للجمعية عملية جراحية بمستشفي فضيل بشارع الحوادث شمال مستشفي الخرطوم يوم الأربعاء القادم الساعة الثامنة صباحاً .. نتمني لها دوام الصحة والعافية .. وأن تكلل العملية بالنجاح الباهر ..
ونضيف دعواتنا لها بكامل الشفاء والعافية ...

قصة محمد صديق بالميل 101 ... ماقدرت الفح منها حاجة .... بل هي لفحت مخي ... لانها كلها ابداع ...

الدبيب ظهر ... في آخر الاميال ... تسلم ياسامي الطاهر ...

ولدنا منصور عبدالرازق ... ملك تعابير البوست بلا منازع ....

مداخلة فنانا الكبير كمال الشادي .... خلعتنا ... عاوزين وقت عشان نهضمها ... دسمة زي الكبسة ... راجعين ليها تاني بعد ما نشرب "اندروس" ...

خارج النص اليوم:
كلمات ولدنا عصام دهب "المنمقة" مابنشوفا الا لما نكون عاوزين " نقفل " بوست او " نفتح " بوست جديد ... وللمعلومية هو صاحب المصطلح "متابع ومستمتع" ...

سؤال اليوم :
الرشيد بابكر لسه مالقيت نفسك في خاتمة القصة .... برضو منتظرنك ...

[email protected]
Post: #50
Title: Re: ناس الزقازيق ... أجدع ناس ( 3 ) ..
Author: عمر هواري
Date: 11-09-2009, 08:01 AM
Parent: #49




سلام خاص للأعزاء الجدعان ياسر نجيلة .. الشاعر الحساس و موسى عيسى الكورنجي الفنان
طبعا ياموسى نحن آخر مرة تقابلنا كانت في ربك على ماأذكر وكانت صدفة وأجمل صدفة زي أغنية وردي
وكنت متابع أخبارك الأخيرة على البوست من أمواج وحتى المطار .. اتمنى ان تكون عال العال..
الأخ ياسر نجيلة زمن طويل مر منذ أن غادرنا الزقازيق ولم أسمع عنك الكثير .. ولكن أخيراً أتت الينا
أخبارك من حوش أجدع الناس .. وقد قرات معظم مساهماتك وأستمتعت بها كثيراً..
تحياتي لناس الحوش الحلوين وتعظيم سلام للثنائي الرشيد ونجاة ..
Post: #52
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-09-2009, 08:16 AM
Parent: #50

Quote: ماصحة هذه الرواية ..
من هو يوسف .
وكيف تم حل الاشكال .

كلام رضا دا ما تتجاهلوه .... ارجو من الاخوة والاخوات الذين عاصروا هذه الفترة التوضيح
لم اسمع بهذه الرواية من قبل ، وإن كان هتاف "العار العار يامستشار" والتسفير يا سفير هو ما رددناه
ابان اقتحام السفارة المشهور وكان ذلك الحادث في اواخر الثمانينات وليس وسط التسعينات ولاسباب يعلمها الجميع
ليس من بينها بالطبع هذا الاتهام .
Post: #53
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2009, 08:18 AM
Parent: #50

سلامات يا ناس

وصباحات التفاؤل [ دى مهداة للنضيف ]

مرحب بى عمر بسكو ...وهو سيكون ترس فاعل فى العجلة الكبيرة .

ومرحب بى حنان مجمر..اضافة حقيقية لمهيرات البوست .

ومرحب بعثمان الخير ترسٌ آخر فاعل فى العجلة الكبيرة .
Post: #58
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-09-2009, 08:40 AM
Parent: #50

مبروك يا جماعة الحوش ذو الرقم 3
والذي ظهروا فيهو اسماء جديدة قيس -بسكو -حوفي -عرفة-الجدي-حنان مجمر -منى يونس -عبد القادر
مرحب بيكم في الزقازيق اجدع ناس ارجو ان تكونوا اضافة حقيقية وانتم كذلك لهذا البوست الذي جلب الغيرة من كل البورداب خصوصا الذين ليس عندهم مثل هذا البةست العظيم



مرحب بهذا الوفد الزقازيق الجديد والي الامام


يا محمد عيد الشعار حاجة جميلة تستحق عليه الشمر انت ومن وميسرة الريس

يا عصام دهب شكرا لك بعدد ذرات الرمل
Post: #51
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 08:11 AM
Parent: #49

الاخ رضا في عامي 94 و 95 لم يكن بكل الزقازيق هذا العدد من الطلاب ، لم يتجاوز عدد الطلاب حينها العشرة ومنهم ثلاث أعضاء في هذا البورد ، د. سيف النصر والبرنس وسمؤال ، أما إذا كان ما تحكي عنه في فترة سابقة لهذا التاريخ ، فنحن شهود ولم يكن الأمر كما صورت في مداخلتك ..
Post: #55
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-09-2009, 08:31 AM
Parent: #51

العزيز عمر بسكو مرحب بيك يبدو لي إنك كبرت شوية و انشاء

الله تكون إلتميت ليك على بنت شيخ والله يسعدكم إن كان تم ذلك

حبيبي نحن اتلاقينا مرة في خيال وفي شعوري الف مرة؟و دي كانت

في ربك في البنك يبدو لي و بعدها في عام 2007 تقابلنا

أكثر من مرة في مرحلة تكوين الرابطة مرة في الحدائق قرب

الهليتون و مرة في حديقة الشهداء في شارع البرلمان و دار

بيننا حوار طويل قطعه عليها عمر الفانوب و حامد كرتون

الذي لم أعرفه في الوهلة الاولي .

عموما ليك وحشة و انشاء الله حنكون على التواصل عبر هذا

الاسفير الجميل و تحياتي للجميع و أمل ان ترسل لي بريدك

على الايميل [email protected]
Post: #57
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-09-2009, 08:38 AM
Parent: #51

والله يا جماعة أنا مااااااااااااا بقدر على المساسقة دي

أما كنت فاكر خلاص بقينا بهناك بس... لأني قبل يومين سألت عن الموضوع دا وما لقينا أي رد

عموما...

عثمان الخير الجدي

والله إتأخرت علينا كتير خلاص

مبروك

وألف مرحب بيك

وبالأخوان/ت

عمر بسكو
قيس جمال الدين
نجاة حوفي
حنان مجمر
وقبل كدا رحبنا
بمنى يونس
وعبد القادر
Post: #59
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 08:44 AM
Parent: #51

الصفحة 101 كانت من أروع صفحات البوست قاطبة . الشعار به من الإبداع ما يكفي لكل الأحتفالات القادمة ، الشكر لهؤلاء الفنانين عيد ، ميسرة ، مني ، وليت عيد تهبنا نسخة أصلية منه علي الإيميل لنحتفظ بها . وكذلك الصور المصاحبة للإحتفال كانت غاية في الروعة ، والله ناس الزقازيق ديل يحيروا ، واحد خريج زراعة تخصص فوتو شوب , والثاني خريج زراعة تخصص تنمية مقدرات وهلم جرا ... الثنائي الرشيد ونجاة هم الثنائي النجم للصفحة 101 دون منازع ... أبيات نجيلة أجمل ما كتب حتي الآن ..
Post: #54
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-09-2009, 08:28 AM
Parent: #49

أصبحنا واصبح الملك لله رب العالمين

اللهم زدنا ولاتنقصنا وأكرمنا ولاتهنا

واعطنا ولاتحرمنا وآثرنا ولاتؤثر علينا

اللهم اعنا على ذكرك وشكرك وحسن عبادتك

اللهم أحسن عاقبتنا في الأمور كلها وأجرنا

من خزي الدنيا وعذاب الآخرة


نرحب ترحيب حار بالاخوة الجدد

الناشط بالرياض الأخ عثمان الخير الجدي

والاخ العزيز / عمر بسكو

والأخت الفاضلة/ حنان مجمر

ونشكر الباشمهندس بكري على المنبر الواسع والدعم اللوجستي بإضافة هذه الكوكبة.

ونهنيء الأخوة عيد وميسرة ومدام منى على هذه الإحتفالية الجميلة وكل عام والجميع بخير

وإن شاء الله تامين ولامين ومبدعين وموفقين.
Post: #56
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 11-09-2009, 08:38 AM
Parent: #49

عثمان الجدي يا جدي الريل ابو قديله تعال امتشى

في الغيمة ** حمد لله على سلامة الوصول شايف نفسك

قايم شوية اخد ليك راحة وواصل المشوار نحن في

الانتظار و بالله طلع معاك الشخصيةالزقازيقية الظريفة

الطاهر ادروب و قول ليه البوست خاص بناس الزقازيق

الناطقين !

باللغة العربية فقط !


الحبيب موسى عيسى:


أولا حمدآ لله بسلامة الوصول والرياض نورت , ثانيآ حمدآ لله على سلامة الوالدة وانشاء الله ما تشوف شر..

واشكرك وكل السناير على هذه الحفاوة وهذا الاستقبال الرائع وحقيقي الواحد رجع ليهو الاحساس عندما وصل الزقازيق لاول مرة من روعة في الاستقبال والاستعداد التام لكل اشكال الدعم والمساعدة في تحصيل ما فات من الدروس وايجار الشقة والتسجيل في الكلية و.. و.. ويالروعتكم انتم مثلما انتم لم تغيركم كل هذه السنين, بل زادتكم روعة والقآ .فكم انا سعيد بكم واني واحد منكم.

الشكر لسينيرناالغالي جلال عثمان أو كما يحلو لي ان اسميه ( جلة) بضم الجيم وتشديد اللام , وطبعآ ما حاقول دفعتي لانه الان دفعتي اصبحوا ناس عمر بيسكو وعمر نملة ونجاة حوفي وقيس جمال وسامي جمال وكمان كمال الشادي وبقية العقد الفريد والذين اتمنى ان يكونوا اضافة قوية لهذا الحوش .. وطبعآ جلة هو الذي يقوم بتعليمنا ما فاتنا من دروس .

يا موسى بخصوص ادروب بسلم علي كل الزقازيقاب وبيقول ليك هو الان بيأخذ كورس في علوم الحاسوب وقواعد اللغة العربية ,, بس عندو ليك سؤال هامشي كده , قال ليك الحارس بتاع المستودع الزمان داك اخباره شنو لسه عايش ؟(وش ميت من الضحك) ,, يا جلال الوشوش دي بيختوها كيف؟؟؟
Post: #60
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-09-2009, 09:21 AM
Parent: #56

أصبحتو بالخير يا وجوه الخير ..

و تحية تاني و تالت و مالهاش حد .. و سلام كبير أوي .. أوي .. أوي .. , و مزيكا لأخواتنا الفضليات و أخواننا الأفاضل من الزقازيقاب الذين أنضموا إلينا فأهلاً حللتم و سهلاً نزلتم و البوست منور بوجودكم .. و حبابكم ألوف و بل بقدر ما تتشكل الحروف ..

ــ



Quote:
تحية للزقازيقاب ....وألف مبروك المنبر الجديد
في عام 94 أو 95 لاأذكر بالضبط ذهبت لقضاء معاملة في السفارة بالقاهرة
وعند خروجي شاهدت حوالي أكثر من عشرين طالب يهتفون ( العار ..العار
يامستشار ) وهم يحملون بطاطين ووقفوا بالناحية المقابلة لباب السفارة
جوار المصري صاحب طبلية بيع المأكولات ....
عرفت لاحقا بأن المستشار اسمه ( يوسف ) قام باخراج بعض الطالبات من السكن
الطلابي لعدم انصياعهم للقوانين واللوائح المعدة لذلك ...علما بان خطيب
وامام المسجد المجاور للسكن الطلابي للطالبات اشار في احدى خطب الجمعة
عن بعض السلوكيات والازعاج للجيران طوال الليل وحتى حين فتحه للمسجد لصلاة
الفجر .....
لذلك تم اخطار السفارة فتوجه المستشار يوسف للزقازيق للاجتماع بالطالبات
ومشرفات السكن ...وعلى ماأعتقد بعض الطالبات رفضن الانصياع للقوانين فتم
فصلهن من السكن .....

========================
ماصحة هذه الرواية ..
من هو يوسف .
وكيف تم حل الاشكال .


خالص تحياتي

شكراً يا رضا على الزيارة ..
و كما أوضح لك الأخوة هنا في العامين 1994/1995م لم يكن عدد الطلاب السودانيين و السودانيات بالزقازيق يتجاوز العشرة على الأكثر .. و بالطبع لم يكن هناك دار طالبات ..
في العام 1991م ـ تقريباً ـ كانت هناك مشكلة لبعض الطالبات مع الإتحاد بشأن السكن و لم تكن هناك أي تصرفات سلوكية خاطئة على الإطلاق .. و طيلة تواجدنا و أسلافنا في الزقازيق لم نسمع يوماً أن إمام مسجد أو حتى جار في السكن أشتكى من سلوكيات خاطئة لأي طالب أو طالبة ..
بالطبع لم نكن ملائكة لكن كنا و الحمد لله لا زلنا نعرف جيداً معنى أن نتمسك بقيمنا و آدابنا و نحترم أنفسنا.. أما بالنسبة لأخواتنا الزقازيقابيات فيشهد الله أنهن كن مثالاً في الأخلاق الحميدة و قمة في الأدب و الأحترام و أسال أي زقازيقابي أو زائر للزقازيق عن ( بنات ) الزقازيق حينها ..
ليتك يا رضا زرت الزقازيق حينها و ليتك تابعت معنا بوستاتنا حتى تعرف معني و نعمة أن تكون زقازيقابياً ..
شكراً لك و أتمنى أن تصحح معلوماتك ..
Post: #315
Title: Re: ناس الزقازيق ... أجدع ناس ( 3 ) ..
Author: هشام درماس
Date: 11-13-2009, 11:24 AM
Parent: #60

الاخ العزيز عصام دهب : اناجيتكم على حسب وعدى معك واتمنى لك ولجميع ناس الزقازيق اجدع ناس كل الودوالتقدم والازدهار ودوام التواصل
Post: #61
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 11-09-2009, 09:21 AM
Parent: #56

ابو السيم


والله مشتاقين كتير وشكرآ لهذا الحوش الذي جمعنا مرة اخرى,,
وكم تمنيت ان انعم برؤيتك في لمة الزقازيق الاخيرة في الرياض ولكن لظروف عمل كنت خارج المملكة حينها,لكن سعدت بمشاهدة الصور الرائعة واطمأنيت عليكم بسم الله ما شاء الله نفس الوسامة حقت زمان.

حبيبنا احمد اسماعيل
شكرآ على هذا الترحيب الحار واتمنى ان اكون عند حسن ظنكم

كذلك الشكر لشاعرنا الكبير ياسر نجيلةومستمتعين بهذه الاشعار من زمان من ايام المتاوقة.

وبعدين يا شباب (حلوة شباب دي) نحنا دفعة كبيرة ولازم تكون هناك حفل استقبال ليناوياريت لو تكون في النادي الزراعي.

جنابو محمد صديق هذا اللحن العذب هذا السهل الممتنع الذي طالما تغنينا باسمه نحن في تربية وهو يلامس ويداعب تلك الساحرة المستديرة في ملاعب الزقازيق المختلفة ويمتعنا بتلك اللمسات الساحرة وتلك الاهداف الرائعة , ولازلت أذكر تلك المبارة التاريخية التي جمعتنا باخوتنا في كلية التجارة ووقتها كان لهم فريق لا يقهر كان يضم الثنائي الشهير هاني برعي و وليد ابوالقاسم ,, يومها كان محمد صديق عند الموعد يومها كان السني مميزآ يومها رقص ابناء تربية في المدرجات ورقصوا في دار الاتحاد,,, يومها نمنا تلك الليلة ونحن شبعى رغم حالة الجوع والفلس في تلكم الايام . فالتحية لك جنابو بقدر ما اسعدتنا في تلك الايام الخوالي و التحية عبرك للزميلة الغالية خالدة قسم البارئ





وراجع ليكم

الجدي
Post: #62
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-09-2009, 09:43 AM
Parent: #61

جدي الريل موافقين على الحفلة لكن بس جيت على طول في

سيرت نصركم على تجارة الاوحد يا اخي خليك بعد ما تتعرك

شوية في البوست بعدين جيب الفرمالة حقتكم دي و الله لو

فتحنا الباب دا إلا نسوي لينا بوست جديد لانجازات فريق

تجارة يا جماعة خلو المستور ومخبى !
Post: #63
Title: Re: ناس الزقازيق ... أجدع ناس ( 3 ) ..
Author: جمال السنوسي
Date: 11-09-2009, 03:22 PM
Parent: #62

تحية طيبة

لكل الزملاء والزميلات من زقازيقنا الجميلة

السلام أمانة

واليوم هاتفني زملينا مكي ( تجارة ) من الرياض بالسعودية

ومكي كان فنان الزقازيق الاول برائعة جماع ( على الجمال تغار منّا)

وقد حملني السلام لكل الزقازيقيين

وكل زملائه ومعارفه

وبخاصة ميسرة سيداحمد

وعثمان الجيلي

وها أنا أنقل لكم جيمعا

سناير وبرالمة

هذه الامانة

وكونوا بعافية
Post: #64
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-09-2009, 03:27 PM
Parent: #62


واخيرا بحمد الله تم اصلاح العطل الذى حدث فى المنبر العام

واستميحكم عذرا فى اعادة مداخلتى التى نشرت فى حوشنا الداخلى هذا الصباح

صباحات جميلة على الناس الجميلة ...
وتحايا قلبية وشكر عميق لكل من أشاد بمجهود احتفال المئوية ..
بل ان البعض ألبسنا ثوبا .. اوقن انه اكبر منى مقاسا بكل تأكيد .. ولكنه الحب والعشق
لهذا التلاقى الفريد .. والتعصب لهذا الانتماء الجميل .. والذى حقا أصبح يعيدنا الى ما عايشناه
هناك فى تلك البلدة الطيبة اوان تلكم السنون الجميلة ..
حفظكم الله جميعا .. وحفظ تجمعكم فى الخير .. ومؤكد فان ازدياد هذا الترابط الكبير سيكون
هو القوة الدافعة لتحقيق أحلامنا الكثيرة التى ما زلنا نرتبها فى اوراقنا ...
وهنا يأـى دور عظيم وكبير لاخوتنا فى اللجنة التنفيذية للجمعية لاستغلال هذا التلاقى بتحقيق
برامج تزيد من هذا التلاحم وتيّســر من امر توصيل المخططات الى القواعد ..

التحية والترحيب الكبيرين بمن انضموا الينا حتى الآن .. واخص بهذا ازديان الحوش بالعبق
الجميل الذى حمله الاعزاء .. عثمان الجدى وعمر بســكو وقيس جمال الدين وأكيد انهم كما قال الكوتش
سيكونون من التروس الدافعة والمحركة لقواتنا المظفرة .
كما اخص بالتحية اختنا حنان المجمر ( واقدر احتفاء عـــزاب تجارة بها ) مهيرة شامخة تخوض اليباب
دونما وجل .. وأثمن لها اقتحامها للوغى ببوست انفرادى كامل الدسم .. ومؤكد بأن فريق رائدات البوست
قد كســـب لاعبة رائعة ومؤثرة ... والخريف اللين من بشايرو بيــّن ..

• موسى عيسى .. الظاهر امبارح انت ما كملت صفحة الحفلة .. انا نزلت رقم هاتف جلا بالمدينة المنورة .. واعيده هنا لفائدة الاخوان .. 00966540592578
• اتصل بى الاخ عمر المهدى قبل قليل وافاد بأنه استلم الباسوورد ولكنه غير مفعّل .
Post: #65
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2009, 03:43 PM
Parent: #64

سلامات يا ناس

Quote: فالتحية لك جنابو بقدر ما اسعدتنا في تلك الايام الخوالي و التحية عبرك للزميلة الغالية خالدة قسم البارئ


الجدى ...مرحب بيك كرة اخرى وشكرآ على الكلام الطيب

وتحياتك لى بت الشيخ وصلت.
Post: #66
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-09-2009, 04:00 PM
Parent: #65

نجاه حوفي.. مرحب بيك يا بتنا.. ماشاءالله حريفه كتابه واتزوجت حريف..
قدورة.. نشاط وحيويه..
منى يونس.. ترحيب متأخر لكن عارفين الابداع كتير من عندك..
عمر بسكو.. وكت خرفت قدر دا تعال لينا سريع..
الجدي.. اليوم داك كلنا رقصنا للخماسيه.. وين أدروب الديمه مبتسم..
قيس.. إلهي منك.. أشتاقك يا مجرم..
Post: #67
Title: Re: ناس الزقازيق ... أجدع ناس ( 3 ) ..
Author: عبد الحميد البرنس
Date: 11-09-2009, 04:33 PM
Parent: #66

Quote: الاخ رضا في عامي 94 و 95 لم يكن بكل الزقازيق هذا العدد من الطلاب ، لم يتجاوز عدد الطلاب حينها العشرة ومنهم ثلاث أعضاء في هذا البورد ، د. سيف النصر والبرنس وسمؤال ، أما إذا كان ما تحكي عنه في فترة سابقة لهذا التاريخ ، فنحن شهود ولم يكن الأمر كما صورت في مداخلتك ..




الأخ رضا:

بعد التحية..


أكثر ما أثار دهشتي في مداخلتك هنا، ليس ما تريد أن تقوله، بل كيف قلت ما تريده، على الرغم من أنك تركت المسألة في منحاها العام كالباحث على طريقة:


Quote: يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ[سورة الحجرات:6].



كما أشار زناتي أعلاه، لا أذكر أن أمرا مثل هذا قد حدث خلال الفترة الزمنية المشار إليها بعام 94 أو95، أوحتى منذ نشأة الوجود الجميل للطلاب السودانيين في الزقازيق، ذلك الوجود الذي ينتج نكاتا من شاكلة (قَصُرت بأحدهم درجات الالتحاق بكلية الطب، فرأى أن فارق نصف الدرجة ليس مهما، عندما طلب من رئيس الجامعة تحنيسا (إن شاء الله طب أطفال؟)، لم يكن ثمة أئمة يشتكون في خطبهم من ذلك الوجود، فقط بدا الأمر أحيانا كما لو أن ذلك الوجود يضفي شيئا من حيوية على رتابة التقارير اليومية للأمن في مدينة أقليمية صغيرة كالزقازيق (الشوارع آخر الليل خالية إلا من الطلاب (الضكور) السودانيين والكلاب الضآلة)، أجل.. كان النوم لا يغشاهم كثيرا لقلوبهم التي أرهفها الحنين، تلك قلوب لم يعلق بها غبار الخدمة المدنية بعد.

Quote: في عام 94 أو 95 لاأذكر بالضبط ذهبت لقضاء معاملة في السفارة بالقاهرة
وعند خروجي شاهدت حوالي أكثر من عشرين طالب يهتفون ( العار ..العار
يامستشار ) وهم يحملون بطاطين ووقفوا بالناحية المقابلة لباب السفارة
جوار المصري صاحب طبلية بيع المأكولات ....



إلى تاريخ يعود إلى ما قبل الفترة المحددة من جانبك، ثمة طلاب بعدد أكثر ذهبوا من الزقازيق الى السفارة ببطاطينهم، كانوا من القوى المعارضة، كانوا قد ذهبوا سرا على سبيل مفاجأة واضعي تلك السياسات التعليمية البائسة في القاهرة، لم يكن لدي علم بذلك إلا حين الإنتهاء من كل شيء، كنت أقع في دائرة المشكوك في أمرهم حسب حسابات تلك القوى وقتها. لا أتصور أن الفرصة ملائمة هنا للحديث عن عقلية الآيديولوجي المرتابة في ما هو مختلف.

Quote: (((عرفت لاحقا))) بأن المستشار اسمه ( يوسف ) قام باخراج بعض الطالبات من السكن
الطلابي لعدم انصياعهم للقوانين واللوائح المعدة لذلك ...(((علما))) بان خطيب
وامام المسجد المجاور للسكن الطلابي للطالبات اشار في احدى خطب الجمعة
عن بعض (((السلوكيات))) والازعاج للجيران طوال الليل وحتى حين فتحه للمسجد لصلاة
الفجر .....
(((لذلك))) تم اخطار السفارة فتوجه المستشار يوسف للزقازيق للاجتماع بالطالبات
ومشرفات السكن ...وعلى ماأعتقد بعض الطالبات رفضن الانصياع للقوانين فتم
فصلهن من السكن .....



للكاتب الكبير إبراهيم أصلان قصة عنوانها (سؤال)، مفادها انه قد يؤرقنا لسنوات (للعمر أحيانا) مسألة من المسائل، لسبب بسيط، وهو أننا لم نسأل وقتها سؤالا متكاملا، ففي اللحظة التي (((عرفت))) فيها (((سماعيا))) من ((أحد)) الأطراف، كان من المستحب في رأيي أن تذهب إلى أولئك المعتصمين في الطرف الآخر وتسألهم عن حقيقة ما جرى. لكن تساؤلك الآن وفق هذا النحو يجعلني أطرح عليك هذا السؤال:

هل كنت خائفا وقتها من سؤال الرأي الآخر متمثلا في أولئك المعتصمين على مرأى من الأعين الظاهرة والخفية في آن للسفارة؟، وإذا كان الأمر كذلك، أعتقد أن مثل هكذا مداخلة( تنطوي في تصوري على بذرة إشاعة نموذجية داخل مجتمع ينزلق حتى يساره صوب اليمين كثيرا) أمر لا يخدم سوى المساهمة في إساءة أناس أنت لم تلتق بهم في حياتك مرة على الرغم من تلك الخطى القصيرة بينكما في الماضي.

هل مثل هذه الإجابة أوتلك ملأت الآن فراغا معرفيا في داخلك؟.

كن بخير.

قرأت مداخلة دهب بعد الإنتهاء من هذه المداخلة.
Post: #68
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-09-2009, 05:32 PM
Parent: #67

Quote: هل كنت خائفا وقتها من سؤال الرأي الآخر متمثلا في أولئك المعتصمين على مرأى من الأعين الظاهرة والخفية في آن للسفارة؟، وإذا كان الأمر كذلك، أعتقد أن مثل هكذا مداخلة( تنطوي في تصوري على بذرة إشاعة نموذجية داخل مجتمع ينزلق حتى يساره صوب اليمين كثيرا) أمر لا يخدم سوى المساهمة في إساءة أناس أنت لم تلتق بهم في حياتك مرة على الرغم من تلك الخطى القصيرة بينكما في الماضي.

هل مثل هذه الإجابة أوتلك ملأت الآن فراغا معرفيا في داخلك؟.

كن بخير.


لله درك يافتي ...
كفيت ووفيت ... وكيف لا وانت البرنس
لم تخالجني ذرة شك في ان رضا ربنا تداخلت عليه الامور، ولكنك بردك هذا وانت شاهدا على العصر قد شفيت غليل روحي التى لم يخامرها الشك عن يمينها او يسارها بأن هكذا حادثة لا ولن تحدث هنالك.
فتلك النجوم السوامق التى عاصرنا والتي توارت والتى هلت بعدنا وشاع ضياؤها في الارجاء لا يأتيها الباطل من أي الانحاء كان.
شكرا يابرنس للرد الشافي
Post: #69
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 11-09-2009, 05:42 PM
Parent: #67

أكرر التحية والترحيب بزملاء البرلمة الجدد وانشاء الله يطيب لنا المقام جميعا وسط الحوش الوسيع ..
ويلا خلونا نشد الهمة السناير ديل ظاهر عليهم فتروا شوية ومتكلين على الدماء الجديدة الحارة في دفع المسيرة ... يلا نوسع الخطوة ..
Post: #70
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-09-2009, 06:52 PM
Parent: #69




أكبر دول العالم مساحة هي روسيا


الدولة التي عملتها الأوقية هي موريتانيا

القائد المسلم الذي فتح افريقيا هو عقبة بن نافع

الطبيب الذي اجرى أول عملية قلب في العالم هو كريستيان برنار

الحيوان الذي يستخرج منه المسك هو الغزال

اول رائدة فضاء في العالم هي الروسيه فالينا تريشكوفا
Post: #71
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-09-2009, 07:00 PM
Parent: #69

طال إنتظارنا اليوم وزاد شوقنا لكم

بسبب تعكير مزاج المنبر وتعليق الكمبيوتر

حدانا وكأني فقدتكم لفترة طويلة ،،،

أرحب بتواصل البرالمة إلى ساحة الميدان الزقازيقي

وألف تحية للأخ/ عمر بسكو ومرحب بيك جيتاً جيت

والتهنئة موصولة للأخ/ كمال الشادي في تجديد الباسويرد

ونشوفك عما قريب .

زارنا في بوستنا الريس سامي الطاهر - الدبيب - وهو فنان فوتو شوب ممتاز

نأمل أن تواصل يا سامي .

الحبيب جمال السنوسي زارتنا البركة ،،، مشتاقين ياخي.
Post: #72
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 07:07 PM
Parent: #69

مساكم الله بالخير

شغلني عنكم الHome work على بوست تنمية المقدرات...فرجعت ووجدت آثار حوافر جيادكم...
نجيلة الجميل...اتصل بي زميلي بالعمل نيقولا Nigola فرددت عليه فرحا...أهلين يا نجيلة...فأحبطتني يسعدلي هالصباح...و قلت يخربلي هالعيون...بقينا ما بنشوف يا نجيلة...أما قصتي فما زالت غير متآلفة مع أحاسيسي..فماذا أفعل؟؟
بسكو...تسلم يا أزرق...أسعدنا حضورك الباهي...
جمال السنوسي...سعدت كثيرا بطلتك...ان شاء الله نشوفك دايما...
عثمان الجدي...مرحبتين حبابك..نورت البوست...

يا برنس....يا برنس...كلماتك تلامس أوتارا حساسة حتى و أنت ترد على رضا...لا تحرمنا من حضورك الزاهي الجميل...

قدورة لليل أحكامة و قوانينة...نمت عصرا على أن أقوم لصلاة المغرب..فصحيت على تلفون نجاة عند السابعة مساء..معتقدا أنه الصباح...يخرب مطن الشغل الجننا...
Post: #73
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2009, 07:18 PM
Parent: #72

سلامات يا ناس

Quote: تعالوا نحب مصر والمصريين... لا داعي للمشاعر السالبة 88 954 Mahmoud Mustafa Mahmoud 09-11-09, 06:01 م
بواسطة كمال الشادي


انتو يا ناس كمال الشادى ده ...جاكم بى هنا ولا بى غادى ؟؟؟
Post: #74
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 07:33 PM
Parent: #72

مرات كتيرة البوست يكون ما فيهو موضوع وما تعرف تقول شنو وتكتب شنو .. بس الليلة حاصل العكس ما عارف ابدأ من وين ولا في ياتو موضوع .. لدرجة إنه الزول إتجهجه ... بس لازم نعود لموضوع رضا دا لأنه الكلام فيهو مهم
Post: #75
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 07:53 PM
Parent: #74

يا كونش...أراك مقلا...و لا مكسل شوية....ياخي بعد الشر عليك
Post: #76
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2009, 08:01 PM
Parent: #75

سلامات يا ناس

رشيد ...مشيت ليك بى هناك فى

تنمية القدرات وقلت ليك السبب.

تسلم يا حبيب
Post: #77
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 08:24 PM
Parent: #76

قال لي صديقي صديق...ان الدكتور طلب منهم يحاولوا خداع حبوبتة و استبدال التمباك بأي شئ آخر لأنه أضر بلثتها كثيرا...فاهتدوا الى (تفل) الشاي مع خلطة مع قليل جدا من الملح ثم يقدمونة للحبوبة..فتسف الحبوبة الشاي و لكنها لا تجد فية شيئا من التمباك...
يا ولد جبت التمباك ده من وين..
يا حبوبة ده تمباك النميري..

الله يقطعو...ما طيش حنتوب...


أين طارق جبريل...لا أسكت الله لك حسا...
Post: #78
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-09-2009, 09:17 PM
Parent: #77

لا بد من شكر الأخ رضا .. لسبب بسيط فقد إستكتب لنا البرنس ، وحينما يكتب البرنس لا نملك إلا أن نستمتع معه .. منذ قراءتي لسطورك أحاول أن أدفع عن رأسي سوء النية ، لماذا سيطرت علي هذه الفكرة لا أدري . لعله حديثك الذي هبط علينا بمظلة دون مقدمات أو لعل لديه دوافع نجهلها ، لا نملك أن نحاكم الناس بنواياهم ، أو دوافع لم يصرحوا بها . لذا يفترض علينا العقل وصوت الحكمة أن نتعامل معك بكامل حسن النية . ونجيب علي تساؤلاتك وما ِأثرته من غبار ولغط وهمس في سمعة الكثير من بناتنا وقد يكون البعض منهن أعضاء في هذا المنبر أو من قراءه المداومين . يبدو أن أحدهم قد حكي لك حكاية من بنات أفكاره ومن وحي خيال مريض ، فنسج لك قصة تقع موقع الهوي في نفوس الكثيرين . كل الأمر وقد حدث عام 1991م أي قبل أربع سنوات من تاريخك الذي أورته إذا كنت تقصد تلك الحادثة . وأصل الحكاية أن ثلاث من الطالبات قد إختلفن مع المشرفة علي الدار وهي أمر عادي يحدث كثيراً في بيوت الطالبات المنتشرة في كل جمهورية مصر . وجدت قضبة الطالبات اللائي فصلن من بيت الطالبات بقرار من الأتحاد تضامن من زميلاتهن وأعتصمن بدار الأتحاد حتي إرجاع المفصولات ، وقد تدخلن السفارة كعادتها لصالح الاتحاد بحكم أن السكن يتبع لها في الأصل وهي من تستأجره ، نقر أن الأحداث تصاعدت بعد أن أخذت بعد سياسي بين طرفين مع وضد ، مع العلم أن التنظميات السياسية تدخلت من أجل الدفاع عن عضويتها ، لأن قرار الفصل في البدء به شبهة من التشفي السياسي . في نهاية المطاف إنتصرت إرادة الطالبات وتم إرجاعخن بعد أن فقدن الكثير من وقتهن وإلتزامهن الأكاديمي . بكل بساطة لم يكن في الأمر جامع ولا إمام ولا شئ مما دار في ذهن محدثك . ليس هناك ما يدفعني لأن أحكي لك عن الزقازيق وأهل الزقازيق وكيف كانت تسير الحياة الاجتماعية هناك ، فالحكاية طويلة وتغري علي الإسترسال وما يمنعني من ذلك فقط أن أكون مدافعاً عن تهمة لم نسمعها إلا بعد قرابة العشرين عاماً من إسدال الستار علي مشهدنا الزقازيقي . كما لا أستطيع أن أجزم بأنه كان مجتمعاً معافي ولا تشوبه شائبة فأصير كذاباً . فقط دعني أقول لك بأن مجتمع الزقازيق لا يشبه أي مجتمع جامعي آخر داخل أو خارج مصر . والشواهد علي ذلك عديدة أهمها بأن عدد كبير منا قد تزوج من أولئك البنات اللائي كن خير رفقة لنا ، وانا من هؤلاء وكذلك عدد كبير من أعضاء هذا البورد هم أعضاء في تلك الرفقة الجميلة .. وأتمني أن ألا تكون قد درست في مصر حتي أظل علي اعتقادي بأنك قد ضللت وسمعت رواية هي في أحسن أحوالها كذب صراح . أما إذا ما كنت طالباً هناك فدعني أقول لك بكل وضوح أن حديثك به من سوء النية ما لا يمكن السكوت عليه ولك ودي وتحياتي
Post: #79
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 11-09-2009, 10:02 PM
Parent: #78

Quote: عادي يحدث كثيراً في بيوت الطالبات المنتشرة في كل جمهورية مصر . وجدت قضبة الطالبات اللائي فصلن من بيت الطالبات بقرار من الأتحاد تضامن من زميلاتهن وأعتصمن بدار الأتحاد حتي إرجاع المفصولات ، وقد تدخلن السفارة كعادتها لصالح الاتحاد بحكم أن السكن يتبع لها في الأصل وهي من تستأجره ، نقر أن الأحداث تصاعدت بعد أن أخذت بعد سياسي بين طرفين مع وضد ، مع العلم أن التنظميات السياسية تدخلت من أجل الدفاع عن عضويتها ، لأن قرار الفصل في البدء به شبهة من التشفي السياسي . في نهاية المطاف إنتصرت إرادة الطالبات وتم إرجاعخن بعد أن فقدن الكثير من وقتهن وإلتزامهن الأكاديمي . بكل بساطة لم يكن في الأمر جامع ولا إمام ولا شئ مما دار في ذهن محدثك


زهير العزيز 000 كفيت ووفيت


Quote: ماصحة هذه الرواية ..
من هو يوسف .
وكيف تم حل الاشكال


الخ رضا 00 ياريت سؤالك دا لو كان قبل 18 سنة من الان

اوبمعنى تاني ياريت لوكان لما شفت الطلبة معتصمين( وسمعت الرواية المغلوطة من طرف واحد)

واللي كان عددهم يفوق ما زكرت باكثر من خمسة اضعاف ما زكرت0

لتضامن اغلبية الطلبة والطالبات في جميع فروع الجامعات المصرية مع هذه القضية000

كنت فهمت يا رضا الحاصل وربما تضامنت معنا لانتزاع حقوقنا في ذلك الوقت(باعتبار حسن النية )

وبكل فخر انا واحدة من الطالبات المتضامنات مع الثلاثة المفصولات وادى ذلك الى فصلي مع زميلاتي ال22


اتمنى يا رضا ان تزورنا مرات ومرات في هذا البوست لانه خير توضيح وخير دليل على مدى الترابط بين ناس الزقازيق رغم اختلافاتهم وتوجهاتهم00 وما تركناه في تلك المدينة من جمال وما انطبع داخل اهلها من حب ومودة للسودانيين









تخريمة 000

البرنس يبقى برنس ولو بعد عشرين سنة افتراق
Post: #80
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 10:12 PM
Parent: #79

على طريقة طارق جبريل...نفسي أقول حاجة

نفسي أقول...

يا ليتنا لم نبلغ المائة...
Post: #81
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2009, 10:22 PM
Parent: #80

زهير...فافي...مارسيل خليفة على النيل الأزرق فاستمتعوا

مرفوع الهامة أمشي

في كفي قصفة زيتونٍ
وعلى كتفي نعشي
وأنا أمشي وأنا أمشي….
قلبي قمرٌ أحمر
قلبي بستان
فيه فيه العوسج
فيه الريحان
شفتاي سماءٌ تمطر
نارًا حينًا حبًا أحيان….
في كفي قصفة زيتونٍ
وعلى كتفي نعشي
Post: #82
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 11-09-2009, 10:23 PM
Parent: #80

عبد السميع دفع الله . – آداب
2/ عرفة محمد سعيد .
3/ كمال الشادي . تجارة
4/ حنان مجمر . تجارة
5/ نزار الشقليني . هندسة
6/ إخلاص محمد أحمد . زراعة
7/ نجاة حوفي .- زراعة
8/ مني يونس - آداب.
9/ عمر نملة – تجارة - هولندا
10/ عبد القادر بابكر – زراعة - السعودية
11/ قيس جمال الدين – بيطرة - السعودية
12/ عمر المهدى - تجارة – السعودية
: 13/ سامي جمال - معهد تجاري – السعودية
14/ عثمان الخير – تربية – السعودية
15/ عمر هواري - تجارة – السودان
مرحب بكل البرالمة الجدد

والحوش اكيد زاد الق

وعليكم الله حفلة الاستقبال وين؟
وانشاء الله يغني فيها برلوم شاااااادي
Post: #83
Title: Re: ناس الزقازيق ... أجدع ناس ( 3 )
Author: كمال الشادي
Date: 11-09-2009, 10:45 PM
Parent: #80

وصل الباسوورد
بعد طول انتظار
اول كل حاجة السلام عليكم كلكم بدون فرز
التحية العطرة لكل الزقازيقيين
والتهنئة بكل ما وصلنا ليهو من خطوات رائعة
الشكر مقدماً طبعاً لسيد الحوش الكبير عصام دهب
لانو صاحب الفكرة والاقتراح بالحتة الجميلة دي تحت النيملة الرائعة دي
نتونس فيها ونعيد ذكرياتنا
السلام والتحية لسينيرنا الغالي معصتم سليمان جعفر
انا بتذكرك وبتذكرك كشخص رائع
نسمة جميلة كل الناس كانت في الزقازيق بتحبك
ومما شايف لا يزال كل الناس بتحبك
وانا اولهم
التحية موصولة للريس وصديق الاايام الخوالي ميسرة سيد احمد ولزوجته مني
تحية خاصة لميسرة لانو اداني فرصة اكورك لي ناس الزقازيق من خلال حيطو وفوق بيتو
كتير خيرك ميسرة وما عدم اناك
والشكر موصول والتحية للعزيز زهير الزناتي اللي كافح معاي لغاية ما رجع لي باسوورد قديم من سنة 2002
كتر خيرك زهير والله يخليك لاولادك وحبايبك من ناس الزقازيق
ومجهوداتك بيشهودو بيها كل الناس قبلي وبعدي وانا مجرد رقم صغير في الطابور
والشكر موصول لصديق الطفولة الراجل الرائع منصور عبد الرازق
وقلتو معاي برضو لغاية مارجع الباسوورد الرايح بين المحطات والبلاد
والتحية موصولة لكل الزقازيقيين اللي اتواصلت معاهم خلال الفترة الماضية
خصوصاً بعد لمة ناس الرياض الحلوة
ولي عودة
كمال الشادي
Post: #84
Title: Re: ناس الزقازيق ... أجدع ناس ( 3 )
Author: كمال الشادي
Date: 11-09-2009, 10:59 PM
Parent: #83

الاخ العزيز محمد صديق
كل الحب والاحترام والحاجات الحلوة
الظاهر عليك قبضتني لافي بالبوستات
الحقيقة البوست بتاع ( تعالو نحب مصر والمصريين ) انا متابعو من فترة
وكنت محضر لي شوية كلام قبل ما يصل ويشرف السيد الباسوورد
واول ماشرف جربتو في البوست داك بعد جيت عليكم
قلت مافي زول حايكشفني
لكنك الظاهر عليك لافي بي هناك برضو
وقبضتني
مرة تانية وتالتة كل الحب والحاجات الصغيرة الحلوة
ده من وحي الغنوة الحلوة
كيف حياتنا اخترت غيرها
فيها حاجاتنا احلامنا ومنانا وفيها حاجاتنا الصغيرة

وقعت ليك ؟؟؟
Post: #85
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-09-2009, 11:05 PM
Parent: #84

مرحب ياشادي..
نورت حوشك..
وعافين ليك غشوتك لأهلنا البيحبو المصريين..
Post: #86
Title: Re: ناس الزقازيق ... أجدع ناس ( 3 )
Author: كمال الشادي
Date: 11-09-2009, 11:06 PM
Parent: #84

الفترة الماضية كنت لما اتابع الموقع والناس المساهرة أحسدهم على تواصلهم
الليلة اول لليلة بعد وصول السيد الباسوورد قلت اكيد حا أساهر سهرة محترمة مع كل الحبايب
ولقيت نفسي في اول يوم في الحوش الكبير براي
براي سويتها في نفسي
قبل ما اقفل الجهاز وامشي للنوم
عايز اشكر وبشده الراجل الفنان محمد عيد
اللي اتحملني الفترة الماضية في وعد ما وعدته
لكن الظروف التقنية ما ساعدتني
لكن يا محمد عيد حا اوفيك الوعد وانشاء الله تسامحني
وليك كل التهنئة على اللمسات الرائعة التي زينت الميل والخطوات الجديدة
ما عدمناك
مع حبي
كمال الشادي
Post: #87
Title: Re: ناس الزقازيق ... أجدع ناس ( 3 )
Author: كمال الشادي
Date: 11-09-2009, 11:09 PM
Parent: #86

أخيراً واحد مساهر معاي
اقبض
حاتم جبارة
وييييييييييييييييييينك يا راجل
ليك كل التحية والحب
كيف يا حبيب
والله يديك العافية
Post: #88
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-09-2009, 11:18 PM
Parent: #87

ولدنا الوجيه كمال.. يديك أكتر مما قلت..
تعال في مربع كاي عند ناس الزقازيق..
مشتاقون بشده..
Post: #89
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-09-2009, 11:37 PM
Parent: #88

كمال الشادي يا حبيب..بركة الجيت ...بركة الجيت

من قبيل مساهرين منتظرين زول يجي طالع مافي زول مرق...زهير عامل Parking وما شغال بينا...زهجت بقيت لافي بين هنا و هناك و حسة قلت أطل قبل ما أمشي أنوم فاذا به أجد المفاجأة السارة...

سعدنا بطلتك البهية يا شادي...مرحب بيك...
Post: #90
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-09-2009, 11:41 PM
Parent: #88

sudansudansudansudansudansudan15.jpg Hosting at Sudaneseonline.com



مرحباً بك وسط هذه الإحتفالية والجمهرة الجميلة ، في كل الأحوال والظروف أنت سنيرنا وفنان بقامة نفاخر بها ... إضافة لها رصيد من المحبة . وما يزيد فرحنا أن مجيئك سيجلب لنا صلاحاً مرة أخري فأعرف كم يحبك ، ويحتاج قلمه دوماً لمن يستفزه ... لن أغادر قبل أن أقول لك بأني أدخر لك مفاجأة من العيار الثقيل في مقبل الأيام ... شكراً لبكري الذي جعل هذا ممكناً كما تعودوا أن يقولوا في المنبر العام ..
Post: #91
Title: Re: ناس الزقازيق ... أجدع ناس ( 3 )
Author: طارق جبريل
Date: 11-09-2009, 11:51 PM
Parent: #90

كمال الشادي يا وجيه
الحوش نور ياخ







يا الرشيد يسأل منك الخير
حالة بتاعة دبرسة كدة ما مفهومة
بنجي نقرأ ونكسح
Post: #92
Title: Re: ناس الزقازيق ... أجدع ناس ( 3 )
Author: طارق جبريل
Date: 11-09-2009, 11:57 PM
Parent: #91

يا شباب والله قصة المساسقة دي اصلها ما واقعة لي في راسي
عشاكدة حا احاول انزل مداخلاتي هنا
المنبر المنفصل دة شتت لينا كورتنا
هههههههههههههههههههههههههه
Post: #93
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 00:01 AM
Parent: #92

يا جبريلا ... أصلاً هذا البوست ترك هنا من أجل كبار السن والذين ممن عنتهم تلك الآية .. فمن لم يتسطع منكم الذهاب ، سنأتي له بالميد هنا ، فلا تثريب عليكم ، هذا إذا رضيت لنفسك أن تكون ممن شملتهم الآية .. يمكن الشرح بتفصيل في مكان آخر منعاً للحرج ...
Post: #94
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 00:04 AM
Parent: #93

ابو الزوز كتلتني بالضحك
ياخي المشي بهناك دة بذكرني
مشياتي انا وحاتم للاتحاد للسؤال عن البريزة
هههههههههههههههه
Post: #95
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 00:07 AM
Parent: #94

تعرف يا جبريلا بهناك دا لو بقي زي دار الاتحاد يكون المني والهناء ...
بس ما حنخلي ليكم لكوظ والمطبعة ..
Post: #96
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 00:16 AM
Parent: #95

شوف يا بو الزوز
انتو عاملين فيها بتاعين مساكن وحضارة وكدة
يمين المطبعة ولكوظ ديل كان فيهم حياة
تخلي الزول يتمنى يرجع يقرأ تاني
ياخي كان عندنا حاجات دكاكيني كدة تحير
الله يطرا هاني برعي بالخير
لمن كنا نجي الاتحاد كان بقول لي:
خلاص الجزارين جوا
هههههههههههههههههههههههه
Post: #97
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 01:01 AM
Parent: #96

إنتظرتها والقمر حتي ساعة السحر ، غادر القمر السماء وبقيت انادي عليها والقمر .. ثم صمت ليلي وتواري صوتي .. حينها لم أعرف من ينادي ومن يستمع .. فسألت نفسي أيهما أجمل الليل أم القمر . إتكأت علي طيفها وقلت لها بلا وجل انت من احب .. يمكنك أن تسألي الليل ولكن لا تسألي القمر .. فالليل من يحضن سر العاشقين .

من يكمل
Post: #98
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 01:42 AM
Parent: #97

اناديك انت يا من تواريتي خلف التواريخ وتدثرتي بالزمان . تعلمي لم يسترك المكان عني إلا حيناً ،وأني أقرب إليك من حبل الوداد ، أنام هناك ما بين المقلة والجفن ، لا تفتحي عينيك فلحظات الحب لا تدوم إلا رمشة فرمشة . أنت هنايجري نيلك مجري الدم من شعيراتي . هل تطاولت حينما صرخت ذات ليل وهتفت لأنادي سنين عمري التي تسلقت جدار عشقك لتسري وتعرج إليك لا أظن إلي ذلك سبيلا . فقط أقولها حينما يجدي الصمت أحبك . فضعي وسادات الكون علي أذنيك . فكل ما يقال يجب الا يقال إلا في حضرة العشق . اليوم قد أطوي سنينا عددا بين يدي كأنما ملكت في راحتي قلبك .أحلامي لا يسترها الليل . من حلم سلم ومن باح استراح ...

من يكمل
Post: #99
Title: Re: ناس الزقازيق ... أجدع ناس ( 3 )
Author: Ridhaa
Date: 11-10-2009, 03:42 AM
Parent: #98

Quote: كل الأمر وقد حدث عام 1991م أي قبل أربع سنوات من تاريخك الذي أورته إذا كنت تقصد تلك الحادثة . وأصل الحكاية أن ثلاث من الطالبات قد إختلفن مع المشرفة علي الدار وهي أمر عادي يحدث كثيراً في بيوت الطالبات المنتشرة في كل جمهورية مصر . وجدت قضبة الطالبات اللائي فصلن من بيت الطالبات بقرار من الأتحاد تضامن من زميلاتهن وأعتصمن بدار الأتحاد حتي إرجاع المفصولات ، وقد تدخلن السفارة كعادتها لصالح الاتحاد بحكم أن السكن يتبع لها في الأصل وهي من تستأجره ، نقر أن الأحداث تصاعدت بعد أن أخذت بعد سياسي بين طرفين مع وضد ، مع العلم أن التنظميات السياسية تدخلت من أجل الدفاع عن عضويتها ، لأن قرار الفصل في البدء به شبهة من التشفي السياسي . في نهاية المطاف إنتصرت إرادة الطالبات وتم إرجاعخن بعد أن فقدن الكثير من وقتهن وإلتزامهن الأكاديمي


الأخوة الزقازيقاب
سلام ....

نعم الواقعة كانت في عام 91 لانني تأكدت من التاريخ بعد الرجوع لجواز سفر
والدتي .....
والله كنت وقتهاخارج من السفارة عندما رأيت مجموعة طلاب يحملون اللافتات
وهم يهتفون ( العار العار يامستشار ) وتمركزوا بالناحية المقابلة للسفارة
كما ذكرت سابقا .. رأيت بعضم يحمل بطاطين نظرا لبرودة الجو ...
عندها تجمهر الناس ... وحتى طوارئ مصر أتوا بعربة وكانوا بالشارع الآخر
ولكنهم لم يسألوا أحد ..ربما للتدخل حين الحاجة ( حسب افتراضاتي ) ...
عندما تجمهر الناس بدأت الأقاويل وتردد اسم يوسف مررا وتكرارا وبعضهم ذكر
تلك الواقعة ......
انصرفت وبي حيرة وعدة تساءولات .......
لذلك بحسن نية قلت أسألكم عند مدى صحة هذه الواقعة ربما أجد عندكم حل هذا
اللغز .......



تحياتي
Post: #100
Title: Re: ناس الزقازيق ... أجدع ناس ( 3 )
Author: Ridhaa
Date: 11-10-2009, 03:51 AM
Parent: #99


وقتها كان بالسفارة مدير الجوازات السيد/ كمال حسن لاأذكر برتبة مقدم
أو عقيد وذكر لأحد الأشخاص بانه من الدفعة 37 ....وأيضا كان بالسفارة
الملحق التجاري السيد/ ادريس جمعة ...وهناك موظف من الخارجية اسمه
سرالختم اسماعيل ( على ماأعتقد من الكاملين ) ....
Post: #102
Title: Re: ناس الزقازيق ... أجدع ناس ( 3 )
Author: Ridhaa
Date: 11-10-2009, 04:09 AM
Parent: #100


أتمنى أن لاينحي البعض لمنحنى بعيد ....حسن النية متوفر ولذلك سألتكم بكل
وضوح وشفافية عن تلك الواقعة ومدى صحتها ....
الآن وجدت الاجابة من أولئك الأخوة الذين عاصروا تلك الفترة ...

فالى الأمام.
Post: #105
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 05:58 AM
Parent: #102

صباح الخيرات والبركات
صباح الباشوات
صباح الناس الحلوة
صباح ناس القومية ولكوظ
ومنشية اباظة مايطرش
الاخوان الاعزاء
حاتم جبارة
طارق جبريل
زهير الزناتي
الرشيد بابكر
أشكركم شكراً جزيلاً على الترحيب بشخصي الضعيف في حوشكم العامر
وربنا يقدرنا انشاء الله نزيد فيهو ما ننقصو
زهير انتظر مفاجأتك ولو إني حاسي إنها في ياتو إتجاه
لو جبت لي صاحبي هنا اللي بالي بالك
حا أحبك أكثر منو
مع التحية
كمال الشادي
Post: #158
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 09:06 PM
Parent: #102

ياهوووووووووووووووي
الرشيد
الرشيد
الرشيد
إختفي
شنو يا أخوانا
حضرنا عيونا للسهر
تقوموا تزوغوا مننا
بتعاملونا كده
إكمننا برالمة في البوست
معليش بكره نكبر
ونمشي الشرقاوي زيكم
ونقعد في كافتيريا سمير
متذرها يا الرشيد الشديد
Post: #203
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-11-2009, 11:10 AM
Parent: #102

ياناس انا كت 3يوم ما لاقى الناس حتى مشاركتى فى المئويه الاولى
نزلتها فى 101
===============================================================
اول ما لميت فيكم هالنى ما كتب الاخ رضا والحمدلله انو الرجل اقسم
بحسن النيه والحوش محروس دوما بابنائه الغيورين جميعهم دون فرز0
===============================================================الا
الاخ الانسان الرئع والفنان المرهف كمال الشادى مرحب بيك وبكل القادمين
وعقبال ان يكون لكل زقازيقى باص ويرد0
اخى كمال اشكر لك هذا الشعور الجميل واتمنى ان اكون عند حسن الظن دوما
كرر شكرى وعبرك امرر التحيه الى كل مبدعى الزقازيق وتحية خاصه لك وللاخ
مكى0
=============================================================
Post: #1448
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-12-2009, 12:23 PM
Parent: #100

ناس الزقازيق احلي ناس ..وناس كايرو ارقى ناس ...

ياجماعة اناعشت فترة طويلة في مصر وارتباطي بقى وثيق بها بعد زواجي منها ...لكن يعميني ماشفت واحد منكم في اي شارع ولا اى سوق او حتى السفارة ...وانا بقصد شوارع كايرو واسواقها ...انتو كنتو الخرطوم / الزقازيق وبالعكس ولا شنو ؟

بحسب معرفتي للاخ عصام دهب وابوالنسب زهير الزناتي اعتقد انتو من زمن عبدالناصر ان لم يكن محمد نجيب ...

تحياتي وودي للجميع ...


فايز/ فرع كايرو
Post: #101
Title: Re: ناس الزقازيق ... أجدع ناس ( 3 )
Author: بكرى ابوبكر
Date: 11-10-2009, 03:54 AM
Parent: #99

zagazig4.jpg Hosting at Sudaneseonline.com
Post: #103
Title: Re: ناس الزقازيق ... أجدع ناس ( 3 )
Author: سيف النصر محي الدين محمد أحمد
Date: 11-10-2009, 04:19 AM
Parent: #101

شكرا يا بكري يا هندسة على الدعم و الاهتمام و نقدر لك ذلك عاليا.
ارحب بالاخوة و الاخوات المنضمين مؤخرا و في انتظار اسهامهم الفاعل في المنبر.



___________________________________________
معليش مداخلة دمها تقيل معليش لأنو بكتب من الشغل .
Post: #104
Title: Re: ناس الزقازيق ... أجدع ناس ( 3 )
Author: موسي عيسي
Date: 11-10-2009, 05:33 AM
Parent: #103

الله لا جاب يوم شكرك يا باشمهندس بكري ابوبكر فلك التحية والتجلة

على ما اتحته لنا من هذا التواصل الاسفيري فنسال الله ان يسدد خطاك

و يديك الصحة والعافية و أكرر شكري و شكر اخوتي الزقازيقاب .
Post: #106
Title: Re: ناس الزقازيق ... أجدع ناس ( 3 )
Author: موسي عيسي
Date: 11-10-2009, 06:04 AM
Parent: #104

أيها العزيز الفنان في كل شي كمال محمد الحسن و

كما يحلو لنا (كمـــــــــال الشادي ) صباحاتك

بيض و نسأل الله الكريم ببركة هذا الصباح ان يديم

عليك الصحة والعافية و ان يسمعنا أنا والأشواق

قول آميين ؟

الحاجة المحيراني يا كمال أنك آخر شخص عمل مداخلة

و لقيتها في أول الصحفة الحاصل شنو دي برلمة و لا

سنيره ؟
Post: #107
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-10-2009, 07:31 AM
Parent: #106

ألف مرحب بفنانا المرهف

كمال الشادي

وحمد لله على سلامة الpassword
Post: #108
Title: Re: ناس الزقازيق ... أجدع ناس ( 3 )
Author: محمد عيد
Date: 11-10-2009, 07:37 AM
Parent: #107

شكرنا وتقديرنا مرارا وتكرارا للمهندس / بكرى ابو بكر

فـ ما يقدمه لنا كل يوم من جليل خدمات .. حقا يخجلنا

ويزيد من دوافعنا لجعل وجودنا فى سودانيز اونلاين بحجم كل تلك الثقة التى اولانا لها

&&&&&&&&&&

الترحاب بظهور الفنان المرهف والفارس القدام .. كمال الشادى

ويا كيمو ظهورك وان تأخر قليلا عن اوان كنا نتمنى لقاك فيه ..

الا انه فى كل حين بنفس ذاك الطعم الشهى والمذاق الجميل ..
Post: #110
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 07:43 AM
Parent: #108

تاني شكراً بكري .. ها نحن في الصفحة الأولي لموقع سودانيز أونلاين أكبر المواقع السودانية علي الشبكة الدولية وأكثرها تصفحاً ...
شكراً ايها الزقازيقي الرائع بكري . نعم من يثني أن يكون بكري عضواً في هذا اللمة ...(ابت تجيني كلمة ألق هنا ، حليل يا جلا الحاج السري) ...


يا جماعة والله صباح الخير يا وجوه الخير دي لمن ما نلقي البادي ولا ميسرة (كنت عايز أقول يصيبنا الحزن بعدين خفت) يختلف لدينا طعم الصباح ...

ياخي ميسرة دا لو مشغول بأي حاجة ممكن يوكل مني يونس تقولها لينا بالنيابة نحن قبلانين ...
Post: #111
Title: Re: ناس الزقازيق ... أجدع ناس ( 3 )
Author: موسي عيسي
Date: 11-10-2009, 07:47 AM
Parent: #108

الاخوة الاعزاء تقبلوا تحيات الفقير لله فضيلة الشيخ الاستاذ/ محمد

آدم النور حسن و هو الآن يستمتع بالتاريخ بين رحى جبل و أحد و

مكان موقعة أحد الشهير و هو يتامل قبر الفارس المقدام سيدنا حمزة

ابن عبدالمطلب سيد الشهداء و يترحم على شهداء أحد اللهم لا تفتنا بعدهم

و لا ترحمنا اجرهم يا كريم .

كما يغريكم الحبيب جلا التحايا يطلب من الجميع العفو والعافية وهاتفه

0540592578
Post: #109
Title: Re: ناس الزقازيق ... أجدع ناس ( 3 )
Author: ياسر نجيلة
Date: 11-10-2009, 07:42 AM
Parent: #107

اليوم الثلاثاء الموافق 10/11/2009م

ros032.JPG Hosting at Sudaneseonline.com


حكمة اليوم :
كن لينا من غير ضعف وشديدا من غير عنف ...

بيتين شعر لليوم:
بتقولى لا ...
لقليب عليك يقطر حنان ويذوب وله
بتقولى لا ...
لقليب رهيف ماظنو لالالا بيحمله
بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر
ملهمه ومتامله
شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاكى المساء ادى
الفروض داعب شفايفك وغازله
شال لون جميل من وجنتيك مسح خدودك وبلله
اصبح يلملم فى النجوم وينظم عقوده ويغزله
طرز لى جيدك بالحرير وتقولى لا
انا بيك بدغدغ فى القلوب ياحلوه احرف وشتله
املاها رقه ودنده عناق حنان ومبادله
اسقيك حنان ماظنو كان فى الدنيا
او كانت صله
انا بيك لو قلبك يحن عالم تجن من الوله
اسقيك حنان ما اظنوا كان دى الدنيا او كانت صلة
وازرع هواك بين النجوم روضة حنان وادللة
واحكيك لحون يا غالية لو سالت والعود غازلة
واخلى كل الكون اقول فنان ادوب و اغزلة
بتقولى لا يا لهفة المشتاق وطعم الحلا

متعك الله بالصحة والعافية ... فنانا الكبير عبدالعزيز المبارك ..

نكتة اليوم:
مسطول سألوه :
الفرق بين زمان واسع شنو !!
قال : زمان كان بجيبو الاكل يختوهو الناس يقولو بسم الله وياكلو .... ولمن ينتهوا بقولو الحمد لله ..
لكن اسي يبقى لما يجيبو الاكل يقولو الحمد لله الاكل جابو .... ولمن ينتهو يقولو بسم الله ده متين كمل !!

كاراكاتير اليوم:

55555.JPG Hosting at Sudaneseonline.com

مااسرع سخطهم .... وما اسهل رضاهم ...

لفحي اليوم:

"الأخ ياسر نجيلة زمن طويل مر منذ أن غادرنا الزقازيق ولم أسمع عنك الكثير .. ولكن أخيراً أتت الينا
أخبارك من حوش أجدع الناس .."
العزيز عمر بسكو ... نحن من البوست والى البوست ... ان شاء الله بعد كم شهر كل الزقازيق تلقاها هنا ...

وكتب ابو شنب "أبيات نجيلة أجمل ما كتب حتي الآن" ..
كدي يا زهير الزناتي .... شاور عبد الدائم النضيف ...
تشكر ياالحبيب ... عميق امتناني للإطراء .... وقسم الشكر ده مع عثمان الخير (الجدي) لكلماته الحلوه ايضا " كذلك الشكر لشاعرنا الكبير ياسر نجيلة ومستمتعين بهذه الاشعار من زمان من ايام المتاوقة. "

" الله لو فتحنا الباب دا إلا نسوي لينا بوست جديد لانجازات فريق تجارة يا جماعة خلو المستور ومخبى ! " والله العظيم ياموسي عيسي ... الحته دي عجبتني شديد ... وقديما قلنا للنضيف " تجارة حضارة فن واصالة دوما فايزة وشايلة الجايزة حتي الكورة"

رشيد القوم ... تستاهل يجوك كل يوم ... بالتلفون ...

حاملا معه اشواق وتحايا الرائع فنان تجارة ... مكي ... طل علينا ولدنا جمال السنوسي .... بعد ما تصدر دوري السودان .... الف مبروك خمسة مرات يا سنوسي ...

كمال الشادي ... حبيب الملايين ... الوردة الفوق دي عشانك ...

بكري ابوبكر ... يشكروك كيف ؟!!! .... والله ما عرفت غلبني البكتبو ... اكتب شنو ... ساعدوني ياناس ... عاوزين مصطلحات اكبر من الشكر ... التقدير ... عرفان بالجميل ... الاصالة والروعة ...

خارج النص اليوم:
الشاب "رضا" دخل علينا يستفسر ... الظاهر الغة لم تساعده في التعبير عند توجيه السؤال ... ووفينا وكفينا في الرد "مصطلح ملفوح من ولدنا جلال عثمان" ... وهسع المعلومة وصلتو ... فمرحب بيك يا ظريف في دارك ...

سؤال اليوم :
كمال الشادي ... لو عاوزين نسمعك .... ونسترجع ايام زماااااااان .... نعمل شنو؟!!!!

[email protected]
Post: #112
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 07:52 AM
Parent: #109

سلامات يا ناس

وصباحات التفاؤل

الشكر ..كله للباشمهندس بكرى ابوبكر

لهذا الاهتمام...ونأمل ان نكون عند حسن الظن.
Post: #113
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 08:00 AM
Parent: #112

سلامات يا ناس


العزيز ...كمال الشادى ..مرحبآ بك

وبعودتك الى دارك...وننتظر منك الكثير.

Quote: .مرة تانية وتالتة كل الحب والحاجات الصغيرة الحلوة
ده من وحي الغنوة الحلوة
كيف حياتنا اخترت غيرها
فيها حاجاتنا احلامنا ومنانا وفيها حاجاتنا الصغيرة

وقعت ليك ؟؟؟


يا لجمال الحاجات الحلوة الصغيرة !!!

وانا بقول ليك :

الذكريات صادقة وجميلة

مهما تجافينا بنقول حليلا

لك كل الود.
Post: #114
Title: Re: ناس الزقازيق ... أجدع ناس ( 3 )
Author: محمد عيد
Date: 11-10-2009, 08:02 AM
Parent: #112

Quote: شكراً ايها الزقازيقي الرائع بكري . نعم من يثني أن يكون بكري عضواً في هذا اللمة


نعـــم .. ولنا الشــرف والفخــر
Post: #115
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 08:06 AM
Parent: #114

سلامات يا ناس

Quote: إنتظرتها والقمر حتي ساعة السحر ، غادر القمر السماء وبقيت انادي عليها والقمر .. ثم صمت ليلي وتواري صوتي .. حينها لم أعرف من ينادي ومن يستمع .. فسألت نفسي أيهما أجمل الليل أم القمر . إتكأت علي طيفها وقلت لها بلا وجل انت من احب .. يمكنك أن تسألي الليل ولكن لا تسألي القمر .. فالليل من يحضن سر العاشقين .



زهير ...ما كل هذا الالق؟؟

يبدو ان الحزن قد رحل الحارة 14 .
Post: #116
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 08:18 AM
Parent: #115

سلامات يا ناس

Quote: كمال الشادي ... لو عاوزين نسمعك .... ونسترجع ايام زماااااااان .... نعمل شنو؟!!!!



نجيلة ...اعمل لقيمات ..

اولادى ..ملحاحين جدآ ..بيحاصرونى بى حاجاتم بالحاح شديد

مرات بحاول ما استجيب للالحاح عشان ما ارسخ ليهم انو اى

حاجة ممكن تجى بالالحاح وخاصة اذا كانت ما منطقية وغير

قابلة للتحقيق..يقولوا ليك طيب نعمل شنو؟بقول ليهم اعملوا

لقيمات ..يقولوا لى بالله يا بابا خليك جادى..

مرة عملوا فوضى فى البيت ..وابتديت اعنفهم واكلمهم عن النظام

وفى عز الثورة قلت هسة انا اعمل شنو فى الفوضى العملتوها دى

الصغير القالب الهوبة داك قال لى :

اعمل لقيمات .
Post: #117
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 09:10 AM
Parent: #116

Quote: ياخي ميسرة دا لو مشغول بأي حاجة ممكن يوكل مني يونس تقولها لينا بالنيابة نحن قبلانين ...


صباح الخير يا وجوه الخير،،،،،

أولاً مرحب بوصول أخي وصديقي الفنان كمال الشادي

والذي جمعتني به صداقة قوية ومتينه وكنا برالمة معاً

ودفعتنا كانت دفعة كبيرة وغيرت كثير في موازين الحياة

الزقازيقية دفعة كان بها كمال الشادي وصلاح جلال وشخصي

ومحي الدين أحمد حامد زروق - أول الدفعة سودانين على مصرين -

جمال دفعة وآخرون ، التحية لأخونا كمال الشادي وله كل الحب والتقدير

وأن يطيب له المقام بداره الجميلة ،،،

سيد الحوش الكبير بالداخل الريس زهير الزناتي ،، يوم أمس كان الكمبيوتر

ضارب مع برنامج المحاسبة واليوم بصراحة ،، بصراحة كان عندي اليوم إشراف

على صرف الرواتب وكذلك مستحقات الناس المسافرة على العيد الكبير ،،،

كنت أرغب في المصادمة مع الأخ/ رضا ولكن يبدو أن الشباب كفو ووفو وكذلك هو

أبدى تفهمه للأمر ،، الحمد لله .

أمس ليلاً لاحظت عدم وجود إسم ناس الزقازيق في الصفحة المعروضة فوق ،، واليوم

المهندس / بكري أزال هذا التساؤل فله كل الشكر والعرفان بهذا الجميل وما قصرت

جزاك الله خير على هذا الكرم الفياض ،، والشكر الكثير لك.
Post: #118
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-10-2009, 09:21 AM
Parent: #116

الأخ / رضا

أخلاق الزقازيقاب الجيدة والحميدة

شهد بها شاهد من غير الزقازيقاب

وهو الأخ محمد سليمان أحمد محمد (ولياب) في مداخلته صفحة71 بهذا البوست بتاريخ 2/10/2009م

قال عندما ذهب لتسجيل إبنه بكلية البيطرة جامعة الزقازيق تلمس بأن الرعيل الأول من الطلبة

الذين درسوا بالجامعة تركوا إنطباعا جيدا لدى الإدارات المختلفة بالجامعة ويقول

( سمع من الإدارات الإشادة باخلاق الطلبة السودانيين الذين درسوا بالجامعة سابقا)

لذا لايعقل ان تكون هناك إشانة سمعة لدرجة يتناولها خطيب مسجد بالمدينة وماتصل لإدارات الجامعة
Post: #119
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-10-2009, 09:43 AM
Parent: #116

صباح الخير عليكم عشيرة الجدعان ...

ألف مرحب زميل البرلمة الأسفيرية فنانا الرائع كمال الشادي وأتمنى أن يطيب لك المقام كما طاب لنا
Quote: كاراكاتير اليوم:





مااسرع سخطهم .... وما اسهل رضاهم ...


أخونا نجيلة لك التحية علي الإبتسامات الظريفة وهاك دي برضو :

رجل بخيل جدا أوصى زوجته وهو في فراش الموت أن تدفن معه كل ما لديه من أموال وقطع معها عهدا على ذلك ..
توفي الرجل .. وعندما انتهت مراسم الجنازة وزوجته تبكي عليه وهي في ردائها الأسود وبجوارها صديقتها وقبل أن يغلق الحانوتي القبر قالت الزوجة : "انتظر دقيقة من فضلك زز ثم أتت بصندوق كان معها ووضعته في قبر زوجها ثم أغلق الحانوتي القبر ...
قالت لها صديقتها : " أظن أنك ذكية بما يكفي بحيث لا تلتزمي بوصية زوجك وتضعين كل المال بقبره "
ردت الزوجة المخلصة قائلة : " لا أستطيع أن أخلف وعدي لزوجي قبل موته " .. إندهشت صديقتها وقالت : " أتريدين أن تقولي لي أنك وضعت المال في القبر ؟؟؟؟ "
ردت الزوجة : " بالتأكيد فقد سحبت كل أموال زوجي ووضعتها في حسابي الخاص ثم حررت له شيكا بالمبلغ ووضعته في قبره .. فإن إستطاع أن يصرفه إستطاع أن ينفقه .... "

شفت الوفاء كيف !!!!!!




تحت تحت
يا زهير برلومنا الظريف حاج الركز محتج وأعلن التمرد من خارج البيت وقال عايز يفرز عيشتو
(( بس عفاف ما تسمعنا وتقول علينا طابور خامس ))
Post: #120
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 09:55 AM
Parent: #119

طوالي يا قدورة ونديهو راس القائمة الجديدة :

1/ محمد عثمان
[email protected]

2/مجدي الشفيع
[email protected]

3/ طارق النور
[email protected]

4/ جمال فارح
[email protected]

يلا في إنتظار باقي الطلبات علي الإيميل
[email protected]
وأي زول نسيناهو يقول لينا عوووووووووووووووووووووووك
Post: #121
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 10:08 AM
Parent: #120

سلامات يا ناس

زهير ...ما تنسى بكرى حامد

شكلوا ضاع منو ..
Post: #122
Title: Re: ناس الزقازيق ... أجدع ناس ( 3 )
Author: مبارك جادين
Date: 11-10-2009, 10:09 AM
Parent: #119

الاستاذ كمال الشادي شخصيا
تعظيم سلام كبيير يا كمال ومبروك البسورد
لقد اصبحنا في نعمة ان يكون بيننا الاستاذ الفنان كمال الشادي
لاتزال اغنياتك الجميلة في اذاننا حتى اللحظة وعندما نسمع فناني هذا الزمان
نتاسف على الاستاذ كمال الشادي الذي لم يسمعه السودانيين
ولكن كنا نحنا ناس الزقازيق وناس مصر من استمتعنا
Post: #123
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 10:15 AM
Parent: #122

يا كوتش بكري حامد دا بالذات ما بنقبل فيهو شفاعة إلا يرسل بنفسه إيميل ويقول بكل أدب وإحترام :
الأخوة الأفاضب ببوست ناس الزقازيق
تحياتي وإحتراماتي

انا الفقير لله بكري حامد أتمني أن أعود إليكم وإلي حظيرتكم العامرة ولازم حظيرتكم دي تكون بخط أحمر فالرجاء ضمي للقائمة المرسلة للمهندس بكري أبو بكر وذلك حتي يعود لي باسويردي المفقود ولكم فائق شكري وإحترامي
المدعو بكري حامد ...
والله من وراء القصد
Post: #125
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-10-2009, 10:48 AM
Parent: #123

صباح زى ده اصلو ما شفنا
من لى برائعة بادى محمد الطيب
الكواكب احتفلوا بالقمر
ليس اجمل منها شعارا وخلفية لى صفحة
جاء فيها ناس عثمان الجدى
والتحق بهم الشادى كمال
لا , مش كده وبس
يلوح فى افقها الباكر
كل (الجمال الفارح )
ياخى ده اسم ده
ولا جنة ؟؟
يا يوم بكرة ما تسرع
ويا ليل ابقى لى شاهد
على نار
سهدى وجنونى
احتفالى بى عمر بسكو وحنان المجمر وقدورة ونجاة حوفى ومنى يونس وقيس جمال الدين فى مكان آخر
لا يمنع من اعادة احتفائى بهم ثانية هاهنا
وتأملى واندهاشى بردود البرنس وجلال والزناتى زهير والدهب عصام وغيرتهم على سيرة زقازيقية ماضية من مجرد شبهة (الخدش)
التى ظننا مجرد ظن ورودها فى تساؤل زائرنا العزيز رضا
تضاءل امام تصدى جسور من (مفصولة معنية بالحادثة )
وقفت امام الكل وقالت (انا من تعنون وتقصدون)
وكان ذلك كافيا (اشد الكفايات زاتو )
لأن تعتدل الصورة المشرقة , ويرجع اليها شعاعها الذى خبأته للحظة
تساؤلات صنفناها (بريئة)
ورضينا بالتصنيف
واكتفينا من المشوار
بعودة الشعاع الذى (ما غاب يوما )
ولا تدثر خلف (حجاب)
Post: #126
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 11:08 AM
Parent: #123

والله انا الليلة اسعد ناس الزقازيق كلهم
يا أخي حاجة حلوة إنو الزول يتواصل مع ناس بيحبهم
ويحس بالحب منهم
احبكم جميعاً
يا موسى عيسي اشكرك على الترحاب الجميل بشخصي الضعيف
وعن موضوعي في اول الصحفة انا ذاتي إتفاجأت بيهو
الظاهر دي جائزة سهرتي الامبارح وكنت منتظر يكون الحوش مليان
لكن صحيت بدري وش بعد ما وديت الاولاد المدارس
فتحت النت لمن كتبت الموضوع طلع في اول الصفحة
لكن اخوك في المسائل مسكين يعني ماشفت
الوجيه سامي عبد الوهاب ترحابك بي هنا وبي هناك في بوستك الخاص اسعدني جداً
انت راجل رائع وانا بحبك وبحترمك جدا
ومعليش الحليفة دي جات بس عشان عايزك تشرفني انت والاولاد في الرياض انشاء الله
مرة تانية يا سامي السامي شكراً لترحيبك بي
الولد الذيذ محمد عيد
والله صبرك معاي الايام الفاتت راح اعوضو ليك اصبر لي يومين بس والمرة دي وعد حقيقي
وأشكرك يا محمد عيد على ترحابك بي الله يديك العافية
ياسر نجيلة
الله يلعن شيطانك
مساطيلك ديل بتجيبهم من وين والله ضحكت لكم ناس الشغل قالو الزول ده مسطول والله شنو
اشكرك يا ياسر على ترحيبك بي ترحيبك والله اثر فيني جداً
وخصوصاانك خصصت لي الزهرة الحلوة
إنت الحلو والله
لكن ولدك الظاهر دمو احلى من دمك
واللقيمات ما بطالة خصوصاً الدنيا داخلة شتا وكده يعني
انا والاشواق
راح تسمعها قريب في البوست ده
وأسأل محمد عيد متين وهو حايجاوبك

العزيز محمد صديق
تنتظر مني الكثير انشاء الله ثقة اكون قدرها
لك كل الحب والتقدير
انا ومحمد عيد انشاء الله مجهزين ليك حاجات حلوة
تذكرك لماضي الذكريات وتلك الايام اسعدني
الله يديك العافية
كانت ايام فعلاً جميلة
وانشاء الله الاجمل لسه جاي قول آمين
اسمع دي يا حبيب

مليت تباريح الجراحات البقت
بعدك
اسي
وزمنا قسى
وحالا اسيف
ومشيت افتش
عن خطاويك القبيل
واتضارى من زمنا وراك ملاني خوف
احتجت ارتاح في عيون
فيهم ملامحك زاتها من غير اي زيف
واشتقت لي
لحظة صباحك
والدعاش
عطر رزاز مطر الخريف

الحبيب صديق الايام الجميلة والرائعة
المحفورة في الوجدان حفراً الغالي ميسرة سيد احمد
صديق اعتز به اعرفه واعرف كل عائلته واخوانه
انت فعلاً ريس رائع
اريت نقدر نريسك على البلد السجمانة حقتنا دي
ايه رأيك يا ميسرة تترشح لرئاسة الجمهورية
لو وافقت احسب واحد انا
واحسب معاي زهير الزناتي
وزهير معاهو مليون سوداني
هو حاتصرف
انت قول بسم الله
ونحن وراك يا ريس
الاخ الحبيب مبارك جادين
كتبت كلام عني اكبر من حجمي واكتر من حقي
الله يديك العافية
وليك كل الحب والتقدير
انا برضو في جواي ايام الزقازيق وناس الزقايق
بكل العمر الفات والجاي
وانشاء في البوست الحلو ده نقدر نتواصل بنفس حرارة الاشواق الفاتت
الله يديك العافية مبارك ولك ودي
كمال الشادي
Post: #124
Title: Re: ناس الزقازيق ... أجدع ناس ( 3 )
Author: عصام دهب
Date: 11-10-2009, 10:31 AM
Parent: #122

تحياتي مجدداً لجميع الذين أنضموا إلينا و مرحباً بالعائد المبدع الرائع / كمال الشادي .. و تاريخ تسجيل كمال يؤكد أنه سنيرنا هنا و حيث كنا ..

و بمناسبة عودة كمال أتمنى يا زهير أن تواصل جهودك لضم أبننا و زميلنا و مبدعنا الزقازيقابي الرائع الفنان / عماد شريف .. و عماد زقازيقابي حتى النخاع ..

و يا أستاذ كمال ليتك تكرمت بإرسال أيميل عماد للأخ / زهير ..


ـ

مبارك جادين شغل ( يااااك ) و الشحتفة دة ما بنفع ياخي .. عايزنك تنداح صاح يا جميل ..حتى لو بـ الذكريات ..

Post: #127
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 11:12 AM
Parent: #124

كل ناس الزقازيق... عناوين وهواتف

مربع كاي

صور أعضاء البوست ....

تطوير و تنمية القدرات و المهارات

من حوشنا ... للمتابعة ..
Post: #132
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 11:38 AM
Parent: #127

تم تأجيل عملية نهلة نجم الدين ليوم السبت القادم وذلك لظروف خاصة بالمستشفي

نهلة نجم الدين ... ألف لا بأس عليك
Post: #128
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-10-2009, 11:14 AM
Parent: #124

(إقتباس (أتمنى أن لاينحي البعض لمنحنى بعيد ....حسن النية متوفر ولذلك سألتكم بكل
وضوح وشفافية عن تلك الواقعة ومدى صحتها ....
الآن وجدت الاجابة من أولئك الأخوة الذين عاصروا تلك الفترة ...))

&&&

الحمد لله الذي أوجد بيننا أخوه واخوات اصحاب بصيره وتدبر وسعة صدر
بدءا من اخينا جلال وإنتهاءً باخينا احمد اسماعيل

الزقازيقي دقر الحرائق
ونافى العيب والنقائق
بالاغراب ماهو عائق
كريم اخلاق ديمه فائق
بريدم شيوخ ناس الزقازيق

غنى وشكري يا خضرة الليمون
من قومة الجهل عرضى واخوى مصيون

فلتفخر اخي رضا معنا بهؤلاء الشرفاء الذي تصدوا لتوضيح الحقائق لشخصك الكريم
إن شاء الله اخ رضا ستكون ضيف عزيز وتواصل الزيارة ستجد الجميع اخوة لك
Post: #130
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-10-2009, 11:26 AM
Parent: #128

الف مبروك والف مرحب بالاخوان والاخوات
والف شكر للاخ بكري وللمجهود الذي يبذله الاخ زهير والاخوة

لمه عامره ودائمة إن شاء الله بالموده والمحبه والاستمتاع

تمنياتنا بالشفاء لاختنا جعله المولى في ميزان حسناتها


حج مبرور وسعي مشكور للاخ الشيخ محمد ادم النور جلاااا
Post: #129
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 11:17 AM
Parent: #124

الاخ الكريم عصام دهب
الله يديك العافية
واشكرك على الترحيب بي في حوشك العامر
اقسم بالله العظيم اني كنت الصباح اليوم بفكر اجيب عماد شريف للبوست معانا
لانو يوم الخميس والجمعة كنا بنتكلم وهو كان بيقرأ في
مداخلة جميلة للرائع جلال عثمان بتاعة بت الزقازيق اللي قالت عشرة للشباب
وقالو ليها العبيها بتاعى ( الوست )
وانا متواصل معاهو بشكل مستمر وهو موجود طبعاً في ابها
واليوم انشاء الله راح اكلمو يخش يقرأ مداخلتك
انا راح اعزمو ليكم
انت عليك الباقي مع بكري ابوبكر
كل الحب
كمال الشادي
Post: #131
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-10-2009, 11:32 AM
Parent: #129

افهم جدا احساس المساسقة
الذى انتاب طارق جبريل
لأنو اعترانى برضو , للحظة
لكنى اعتقد انو معادلتو بسيطة جدا
البوست ده , ياهو النادى البيلم
وبهناك , ورش العمل والنقاش فى الأفكار الجادة
تمشى تشتغل بهناك باحساس الزول الماشى المكتب
بنطلون وقميص ويمكن كمان بدلة وكرافتة وجزمة ليها بوز
بى جاى , جلابية وطاقية , وبنقبل كمان الجلابية المن غير طاقية
وكان بقيتها عراقى وسروال وسفنجة واتوهطت
برضو ما كعب
هل يحل المعادلة بتاعت المساسقة
هذا الأحساس ؟؟
يجوز
Post: #134
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-10-2009, 11:51 AM
Parent: #131

Quote: وتأملى واندهاشى بردود البرنس وجلال والزناتى زهير والدهب عصام وغيرتهم على سيرة زقازيقية ماضية من مجرد شبهة (الخدش)
التى ظننا مجرد ظن ورودها فى تساؤل زائرنا العزيز رضا
تضاءل امام تصدى جسور من (مفصولة معنية بالحادثة )
وقفت امام الكل وقالت (انا من تعنون وتقصدون)
وكان ذلك كافيا (اشد الكفايات زاتو )


يا منصور

دا الكلام زاتو الخلانا نتريّس شوية

لأنو قالوا أنا بجي شايت ضفاري في كل واحد يقرب من الخطوط الحمراء بتاعتنا دي

لكن الحمد لله الأخوان ماااااااااااااا قصروا ... تب
Post: #135
Title: Re: ناس الزقازيق ... أجدع ناس ( 3 )
Author: Magdi Ahmed Elsheikh
Date: 11-10-2009, 11:53 AM
Parent: #134

ناس الزقازيق يعلنون استقلالهم ....الف مبرووك!!
Post: #133
Title: Re: ناس الزقازيق ... أجدع ناس ( 3 )
Author: مبارك جادين
Date: 11-10-2009, 11:42 AM
Parent: #124

قرات الدراسة التالية وحبيت اشرك ناس الزقازيق اجدع ناس في قراتي واتمنى ان يكون الموضوع جذابا ويفتح افاق للنقاش المفيد .
الدراسة جاءت في كتاب للدكتورة تيري ل.اوريوسDR.TERRY L.ORBUCH وهي عالمة في الاجتماع والكتاب يقدم نصائح لتحويل الزواج من جيد ممتاز .
والنصائح هي :
1.تفهموا حاجات بعضكمالبعض
ان السبب في فشل الزيجات ليس المصاعب في الاتصال او عدم الكفاءة الجنسية .لكن احباط يومي متراكم يوما بعد يوم نتيجة لاتساع الهوة بينك وبين الشريك (الشريك هنا بت الشيخ او ود الشيخ وليس المؤتمر الوطني يا الزناتي )نتيجة لما يتوقعه كل منكما من الاخر لتلافي حاول اشراك الشريك فيما تتوقعه منه .
2.اظهار الحب
ان الازواج الذين تظهر لهم زوجاتهم اشرات امتنان وتقدير واحترام والحب هم السعداء في زواجهم فالرجال يحتاجون باستمرار الي مثل هذه الاشارات اكثر من الزوجات فالرجال يحبون الشعور بالاهمية فانت تتوقع ان تسالك زوجتك قبل ان تغادر المنزل ان القميص ما ماتش مع البنطلون وهذا لاتتوقعه من اي امرأة اخرى في الشارع .
3.قاعدة العشرة دقائق
خذ دائما عشرة دقائق يوميا للتحدث مع زوجتك حول اي موضوع .اقذف بالنصيحة التي تقول بان اظهار الغمةض يجعل شعلة الحب متقدة ارميها وراء ظهرك فهي غير صحيحة ان اي نقاش او ونسة يجعلك قريب منبت الشيخ .
4.ركز على المحاسن
اصنعوا لانفسكم قائمة من المحاسن والمساوىء التي مرت على زواجكم .لكن ركز على المحسان اكثر من المساوي.
Post: #136
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-10-2009, 12:14 PM
Parent: #133

مقايضة عراقى
بى دستى كبابى
حرفة ابتدعها السودانيون لنشاط تجارى جديد
جوهره البيع والشراء
السلعة ساعتها , اما دستة كبابى او عراقى نص عمر
والنقود والقيمة فيها , برضو عراقى او دستة كبابى
هكذا صور لنا الرشيد الأمر على لسان (الزينة )
صورة كثيفة المعانى , او ممكن تقول معنى كثيف (الصور والدلالات)
ولكن الأمر تطور -بعد حين
والمقايضة ياها ذاتها المقايضة
والأمر ما يزال بيعا
ولا يزال شراءا
ولكن السلعة تغيرت
والنقود والقيمة اختلفت
كل ذلك فعله الكمندان الأنيق
محمد ود صديق
(من يبيعنى تجربتى بأغنية )
(وحكمتى برقصة فى الطريق)
قد يراها البعض (قسمة ضيزى)
او على الأقل , بيعة خسرانة
ولكنى ادفع فيهما معا , غالى الأثمان , عمرا فى تجربة , واغنية فى ابداع
ثم حكمة فى كلمة , وكلمة فى بداية طريق
يا كمندان
اقعد (عافية)
يا جميل
Post: #137
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 12:23 PM
Parent: #136

بوصيكم علي الحوش الكبير اسعوه

برلومة طاشة ... يا بت يا عفاف قومي سريع أمشي جيبي خالتك حنان دي خشت بحوش ناس العمدة بهناك ، ما عارفه الدرب ، باقي النظر كعب عليها ...
Post: #138
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 12:55 PM
Parent: #137

Quote: و بمناسبة عودة كمال أتمنى يا زهير أن تواصل جهودك لضم أبننا و زميلنا و مبدعنا الزقازيقابي الرائع الفنان / عماد شريف .. و عماد زقازيقابي حتى النخاع ..


عماد شريف هو حقيقي زقازيقي الهوي والمنبع

إرتبط بناس الزقازيق وفي كل ركن أو زاوية أو مناسبة

ليهو فيها نصيب حتى لو كانت سماية عند ناس منصور أو كمال الشادي


ندعو عماد شريف من مدينة أبها للتواصل معنا عبر

بوستنا هذه على الرغم من إنه متواصل معنا على الفيس بوك

عماد شريف الصديق القامة حضورك يسرنا ،، أجمع هنامع أهلك وأحبابك
Post: #139
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 01:10 PM
Parent: #138

يوم الجمعة ... الساعة الحادية عشر والنصف صباحاً سيتحرك الموكب الميمون لقضاء جمعة ولا أحلي في جبل اولياء حيث السمك الطازج والهواء العليل ... كل الناس دون فرز ،،، مرحباً بهم هنا أو هناك
Post: #140
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 01:42 PM
Parent: #139

حلوه منك ياجني


يحكي أن رجلا وجد الفانوس السحري وبعد أن مسح عليه خرج له الجني وقال له:

لك أمنية واحدة فقط ... اطلب ما تريد يا سيدي ؟

أخرج الرجل من جيبه خارطة الشرق الأوسط وأشار على بلدانها وقال للجني:

أريد أن يعم السلام هذه المنطقة وهذه البلدان

وأن يحب العرب واليهود بعضهم

وأن تنشر أمريكا السلام بدلا من الحرب

وأن يحب العالم أمريكا

وأن يعم السلام العالم كله

نظر الجني إلى الخريطة مليا وقال:
يا سيدي ، إني منذ مئات السنين عندما دخلت الفانوس وهذه المنطقة مليئة بالحروب ،

ولا اعتقد أني أستطيع أن ألبي لك هذه الأمنية أنها صعبة جدا
شعوب تكره بعضها منذ الأزل ،

لا أستطيع يا سيدي ، هل لك أمنية أخرى؟

فكر الرجل كثير ثم قال:
أني أبحث عن أمرأة تعجبني وها هي الفرصة قد سنحت لأجدها،

أريد امرأة جميلة لكنها غير مغرورة

أريدها بسيطة ولا تحب المناظر والموضة
أريدها لا تتكلم إلا قليلا وبما هو مفيد

أريدها بشوشة ولا تعرف النكد والجدال
أريدها أن تحب أمي كما تحب أمها

أريدها أنيقة ولكنها غير مسرفة
أريدها أن تكره الأغاني و المسلسلات

أريدها ............ ...

هنا قاطع الجني كلام الرجل بسرعه وقال له بصوت عالي :



هااااااات أشوف الخريطة مرة ثانية
Post: #141
Title: Re: ناس الزقازيق ... أجدع ناس ( 3 )
Author: ياسر شبيكة
Date: 11-10-2009, 01:58 PM
Parent: #140

نتابع باعجاب وانبهار شديد يا زقازيقست

كمال الشادى مرحب بيك – دائما وأبدا أذكر فنك الراقى
وخاصة " أغلى من عينى "
منك لوحدك أو معك الزقازيقى الأصيل الفنان " عماد شريف "

أهديك وجميع أهل الزقازيق
http://youtube.watanialsudan.com/watch275.html
Post: #142
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 02:32 PM
Parent: #141

مساكم الله بالخير

متابع المشاركات المتألقة من المنضمين الينا حديثا...ان شاء الله دايما تامين و سالمين...

أبو الزوز هل لنا في بعض السمك يا صديقي...

نجيلة...ما زلت تمارس الابداع...سمعنا صوتك يا جميل....
Post: #143
Title: Re: ناس الزقازيق ... أجدع ناس ( 3 )
Author: عرفة محمد سعيد
Date: 11-10-2009, 02:57 PM
Parent: #142


اخيراً

لم اعد مجرد سائحة في هذه الانحاء
وها انا الآن ادخل حوشنا العامر بالباب واولاً
القي سلاماتي وتقديري لكل اخواتي واخواني وارسل الرحمات لارواح سابقينا
واشكر كل من رحب بنا البرالمة الجدد (في المنبر)
واشكر الاخ بكري ابو بكر (كبير الأعدة دي كلها )
و شكرا لكبير أعدة الزقازيق عصام دهب
وشكر بحجم الدنيا للعزيز الهميم زهير )
واقولها وبالميكرفون اني سعيدة ان اكون احدى قطرات هذا النبع الزقازيقي الصافي واتمنى ان اضيف لهذه الواحة بما يفيد وان انهل منها ما انهل واستنشق فيها عبق تلك الايام الحلوة ايام الزقازيق
كيمان وزكائب من الود للجميع
Post: #144
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 03:14 PM
Parent: #142

في غياب فضيلة الشيخ مولانا محمد آدم النور والمعروف
زقازيقياً بي (جلا) قررنا التضامن مع بنات الشيخ ضد ناس زهير

سؤال وجواب ..

س - كيف يمارس الرجل الرياضة على شاطىء البحر ؟
ج - يشفط كرشه كلما مرت أمامه فتاة جميلة ..

س - كيف يعتبر الرجل نفسه متعاوناً في الأعمال المنزلية ؟
ج - بأن يرفع رجليه من على الأرض لتكنس الزوجة تحتهما ..

س - كيف يفهم الزوج تقسيم المهام مناصفة في أعمال المنزل ؟
ج - الزوجة تطبخ وهو يأكل .. الزوجة تكوي الملابس وهوه يدعسها .. هي تنظف البيت وهو يوسّخ ..

س ـ ما وجه الشبه بين الرجال وإعلانات التليفزيون ؟
ج - لاتوجد امراة عاقلة تصدق هادا ولاّ هداك ..

س - ما هي الحالة الوحيدة التي يطلب الرجل فيها من زوجته تناول العشاء في ضوء الشموع ؟
ج - عندما تنقطع الكهرباء ..

س - ما وجه الشبه بين الرجال والطقس ؟
ج - لا يمكن تغيير أي منهما للأفضل ..

س - ما وجه الشبه بين الرجل وشهادة الجامعة ؟
ج - تضييع سنين من العمر للحصول عليها وبعدين مابتعرف المرأة شو تعمل فيها ..

س- متى يتذكر الرجل أن المرأة تفتقر للتفكير المنطقي ؟
ج - عندما تختلف معه في الرأي ..

س - وين بتلاقي رجّال ما بيطلع على واحدة غير مرآته ؟
ج - في المقبرة ..

س - وين بتلاقي الواحد خايف ،،
ج - لمن يكتب الكلام الفوق ده ،،،
Post: #145
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 03:20 PM
Parent: #144

مرحبا بعرفة...حللتي أهلا و نزلتي سهلا...التقينا نصفك الحلو و لم نلتقيك...و لكننا قرأنا الخطاب من عنوانه...

مرحبا بك...
Post: #146
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 03:40 PM
Parent: #145

أهلاً بالأخت العزيزة عرفة محمد سعيد

مرحب بيك وحوشكم نور بوجودكم ، والحمد لله

زاد عدد الأخوات بالبوست وصاروا كم جميل

ومبروك على الإستقلالية وحالكم يا دكتور سيف يا هو

زي حالنا ,,,
Post: #147
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-10-2009, 05:38 PM
Parent: #146



ألف مرحب بالأستاذ وفنانا المبدع الرائع/ كمال الشادي

ومرحب بالأخت عرفة محمد سعيد وبقية الإضافات المشرقة

حللتم أهلا ونزلتم سهلا
Post: #148
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 06:22 PM
Parent: #147

وسع يا جدع ... البت روفي وصلت ...
هلا عرفة ومرحب .. والله منورة الاسافير والأسافير المجاورة
مرحب بيك زقازيقية ... أصيلة ...
Post: #149
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 06:53 PM
Parent: #148

يغادرنا غداً للاراضي المقدسة الصديق مصطفي عجب سيدو وهو من المتابعين للوست ويغري الجميع سلاماته وتحياته ... والله يا جماعة مصطفي ده بقي جنو عرس وحج .


1/ محمد عثمان
[email protected]

2/مجدي الشفيع
[email protected]

3/ طارق النور
[email protected]

4/ جمال فارح
[email protected]

5/ مصطفي عجب سيدو
[email protected]


يلا في إنتظار باقي الطلبات علي الإيميل
[email protected]
Post: #150
Title: Re: ناس الزقازيق ... أجدع ناس ( 3 )
Author: عمر هواري
Date: 11-10-2009, 07:30 PM
Parent: #149

أعزائي أخواني واخواتي أجدع ناس مساء الخير .. وصباح الخير لناس كندا وامريكا
اليوم السابق كنت بعيد شوية عن كلامكم الحلو الذي اصبح جرعة يومية لابد من تناولها اكثر من مرة خلال اليوم ..
ولكن عدت وطالعت كل الكلمات التي سطرتموها خلال الغياب ..
سعدت كثيراً بترحيبكم الحار للبرالمة الجدد وانا من ضمنهم طبعاً ..
خلال مطالعتي لكلمات البوست رجعت كثييراً للوراء لسنوات خلت وتذكرت كيف كنا وكيف كانت الزقازيق تنضح حيوية بأجدع ناس
تذكرت غناء كمال الشادي وكورالات زاهر الصادق ومسرحياته وصوت عاطف علي وهو يغني لكردفان .. وصوت عرفة وهي تغني لآميمة عضو
فرقة مارسيل خليفة ..عصفور طل من الشباك ..زينبب التجاني وكورال زراعة .. وقيس في كورال بيطرة .. ثم أخيراً أحمد عوض صادحاً
بألحان الكاشف .. مع إبداعات عماد شريف وزكي الصديق وعباس جيتار ..وكثيرون غيرهم من المبدعين الذين عطروا سماوات الزقازيق
باجمل الإبداعات ..
اخي الرشيد والريس ميسرة ومنصور ونجاة وعفاف وسامي وولدنا الإمريكي حاتم وحبيبنا الزناتي.. وطارق جبريلا .. ومبارك ..لكم مني التقدير.
عزيزي محمد صديق لك كل الإحترام فقدطالعت مساهماتك وحقاً انك مبدع ..
ويازوزو رحلة الجبل دي نحاول نكون معاكم رغم أنو المدام جاية في نفس اليوم ..
ياالرشيد اللقيمات دي في أبو ظبي أم في السودان ..؟؟
العزيز عيد حقيقي فنان ومبدع .. عايزين كورس مستعجل ..
[تحياتي للجميع
Post: #151
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 07:32 PM
Parent: #149

سلامات يا ناس
Quote: (من يبيعنى تجربتى بأغنية )
(وحكمتى برقصة فى الطريق)
قد يراها البعض (قسمة ضيزى)
او على الأقل , بيعة خسرانة
ولكنى ادفع فيهما معا , غالى الأثمان , عمرا فى تجربة , واغنية فى ابداع
ثم حكمة فى كلمة , وكلمة فى بداية طريق


يا منص...والله كلامك ده ابداع اكتر من القصة ذاتا.
Post: #152
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 07:54 PM
Parent: #151

سلامات يا ناس

مرحب ...عرفة ..مهيرة اخرى من مهيرات البوست.
Quote: .كيمان وزكائب من الود للجميع


عجبتنى زكائب دى ...اتخيلت نفسى داخل المغارة مع على بابا والدهب قدامنا ..زكيبة زكيبة...

زهير حأديك منو زكيبة ...الحاج السرى ما حياخد ولادينار.
Post: #153
Title: Re: ناس الزقازيق ... أجدع ناس ( 3 )
Author: محمد صديق
Date: 11-10-2009, 07:54 PM
Parent: #151

سلامات يا ناس

مرحب ...عرفة ..مهيرة اخرى من مهيرات البوست.
Quote: .كيمان وزكائب من الود للجميع


عجبتنى زكائب دى ...اتخيلت نفسى داخل المغارة مع على بابا والدهب قدامنا ..زكيبة زكيبة...

زهير حأديك منو زكيبة ...الحاج السرى ما حياخد ولادينار.
Post: #154
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 09:00 PM
Parent: #153

يا أخوانا
قبل يومين كده
سيرينا الظريف معتصم سليمان جعفر
قال ماشي يجيب ليهو شوية
لقيمات
من اللقيمات اللافة الايام دي في البوست
وإختفي
ما تشوفوهو لينا مشى وين
مسئولين من الخير
Post: #156
Title: Re: ناس الزقازيق ... أجدع ناس ( 3 )
Author: كمال الشادي
Date: 11-10-2009, 09:04 PM
Parent: #154

عووووووووووووووووووك
ماشفتو ميسرة
ياهوووووووووووووووووووي
الظاهر مشى يجيب ليهو تميس
Post: #155
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 09:03 PM
Parent: #153

يا كوتش والله الحاج السري دا انا خاتيها ليهو خته .. تاني دعوات زي بتاعت جبل أولياء دي إلا يقراها في البوست بعد ما تحصل . أشبكه ليك بكيات وعزاءات لمن يعرف حاجة ....
Post: #160
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 09:17 PM
Parent: #155

الاهداف في كرة القدم ليست معيار سليم لقياس أداء الفرق ، مثلها مثل الإمتحانات والتي هي أيضاً لا تعبر أو توضح المستوي الحقيقي للطلاب . فهل يمكن إيجاد وسيلة أخري بديلة لحسم نتائج المباريات عوضاً عن الأهداف .. في بالي مباراة برشلونة وتشيلسي في دوري الأبطال العام الماضي ، لعب تشيلسي بعشرة مدافعين وقفل الطريق علي برشلونة لإحراز أي هدف ومن غرائب تلك المباراة أن الحكم ظلم تشيلسي في عدد من ضربات الجزاء قدره البعض بأربعة ضربات صحيحة ، ولكن لم يتحسر أحد علي ظلم الحكم لتشيلسي قدر ما تحسر الناس علي نتيجة المباراة التي حسمها إنيستا في آخر دقيقة من الزمن الضائع بإحرازه هدف جميل كأنما عدالة السماء أرادت أن يصعد برشلونة للمباراة النهائية ويحرز البطولة كنتجية طبيعية لأداء ومستوي الفريق طوال الموسم .. وفي بالي أيضاً مباراة برشلونة مع أشيبيلية علي ما أعتقد في الدوري الأسباني قبل أسبوعين ، حينما لعب أشبيلية بنفس الإستراتيجية ورغم ذلك أحرز برشلونة هدفاً واحد وفي آخر دقيقة من عمر المباراة أحرز بيكيه هدف عكسي في مرماه أدخل الحسرة في نفوس عشاق برشلونة وانا من ضمنهم بطبيعة الحال (الموضوع ده كتب خصيصاً لاستخدام هذه العبارة وستكون اللازمة القادمة عوضاً عن فطنة القارئ بطبيعة الحال) ، هذا التعادل لا يعبر بطبيعة الحال عن سير المباراة بأي شكل من الأشكال ، فهل تتفتق لنا عبقرية أحدهم ويبتدع لنا نظام أكثر عدالة في حسم نتائج المباريات ، رغم أن متعة كرة القدم هي الأهداف بطبيعة الحال .
موضوع للنقاش ...
Post: #157
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 09:06 PM
Parent: #153

هاتفت مساء اليوم ياسمين الشهيرة ببطة...و لقد تحدثت معها مطولا...بطة كانت طريحة الفراش لعدة أيام و لكنها الآن بخير نسأل الله أن يديم عليها نعمة العافية...و ظلت طوال فترة مرضها متابعة للبوست و شهدت احتفاليتنا بالمئوية...و لكنها مرتبكة قليلا بين البوست و المنبر...و تجد أن البوست في شكلة القديم كان له رونقا خاصا و جذابا...و لكنني طمأنتها بأنه بمجرد أن يعتاد الأعضاء على التنقل بين المواقع المختلفة و تتضح الأهداف...سيعود البوست الى جاذبيتة و سيضيف المنبر جاذبية الى جاذبيته...

زهير...نطالب بباسورد لبطة...
Post: #159
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 09:16 PM
Parent: #157

Quote: عووووووووووووووووووك
ماشفتو ميسرة
ياهوووووووووووووووووووي
الظاهر مشى يجيب ليهو تميس


يعمينا ما شفناهو

إنت عارف مشا وين

حنفي

بلاص

خالد جبراكا

طبعاً حتتذكر الأيام دييييييييييييييييك وتضحك لمن تموت الليلة
Post: #161
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 09:25 PM
Parent: #159

يا رشا عليك بإيميلها وكل من لديه الرغبة في التواصل الباب مفتوح . بس في حالة بطة دي لازم تجي زوبة تثني الطلب .
Post: #168
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-10-2009, 10:03 PM
Parent: #161

Quote: . يا زهير برلومنا الظريف حاج الركز محتج وأعلن التمرد من خارج البيت وقال عايز يفرز عيشتو



الليلة يا منصور الحقني

شفت البرلوم جايب كلام خطير كيف؟؟؟

سمعنا باستقلالية الثريات وثنينا بشدة 00

لكن دي حالة فريدة استقلالية النيازك000

وانا تعبانة تمائم واندياح عاطفي

منصور 00وقت حوبتك جاء00




تليشة هجمة000 خوف من سياسة الانفصاليات000

0000000000000000000

زهير يا خالي فيك اتعرفت00خاتي لي حاج الركز في اول القائمة000

يامهيرات البوست تضامن سريع

فافي في ورطة00
Post: #162
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 09:41 PM
Parent: #159

Quote: فهل تتفتق لنا عبقرية أحدهم ويبتدع لنا نظام أكثر عدالة في حسم نتائج المباريات ، رغم أن متعة كرة القدم هي الأهداف بطبيعة الحال .


زهير لقد مررت بموافق كثيرة شبيهة بموقفك هذا و مرت بذهني نفس الأسئلة...فمنها مواقف مرت علي كلاعب و أخرى كمتفرج...و لكني يا صديقي عجزت و ما زلت عاجزا عن الاجابة على تلك التساؤلات...و لقد حزنت كثيرا لخروج تيشلسي في تلك المباراة...لأن هدف أنيستا الذي لم يكن الا تصاريف أقدار ليس الا...و حزني على خروج جوس هيدينك مدرب تيشلسي كان أكبر من حزني على خروج تشيلسي نفسه...
زهير لو حسمت مباريات كرة القدم بالاحصائيات مثل التي تظهر على الشاشة في كل المباريات الأوربية دون الأخذ في الاعتبار عدد الأهداف...فلا أظن أن أحدا سوف يحضر مباراة لكرة القدم على الاطلاق..و المباراة التي أشاهدها الآن بين ريال مدريد و فريق يصعب علي نطق أو كتابة اسمه في كأس الملك خير دليل على ما أقول...فالريال مسيطر حتى الدقيقة 80 الآن و لم يسجل...بالاحصاءات الريال هو الفائز..و لكن بنتيجة المباراتين فهذا الفريق القابع في مواقعة هو الفائز...
أجد نفسي عاجزا عن الاجابة يا أبو الزوز...
Post: #163
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 09:50 PM
Parent: #162

الف الف مرحب باختنا عرفة
ونورتي البيت والحوش

Quote: تجد أن البوست في شكلة القديم كان له رونقا خاصا و جذابا

اتفق مع بطة مليار في المائة
الحوش بي شكله القديم كان اجمل وجاذب جدا
دة مجرد رأي قابل للتحول (وإن كنت أشك)



متابع ومستمتع
بس قادر اكتب
تحولنا من الحجار إلى المقاهي
Post: #164
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 09:50 PM
Parent: #162

زهير هذا هو ايميل ياسمين [email protected]
Post: #166
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 09:58 PM
Parent: #164

Quote: اتفق مع بطة مليار في المائة
الحوش بي شكله القديم كان اجمل وجاذب جدا
دة مجرد رأي قابل للتحول (وإن كنت أشك)

متابع ومستمتع
بس قادر اكتب
تحولنا من الحجار إلى المقاهي


جبريلا وينك ياخي...

أنا لدي نفس الاحساس...و عبرت عنها البارحة في البوست...أرجو أن نقاوم هذا الاحساس و لا نحوله الى حقيقة و ذلك بالمشاركة و التداخل مثلما كنا حتى و ان كان على هذا البوست فقط...و تعال ماري علينا في مربع كاي كل يوم دق الحنك وأشرب معانا الشاي وأدينا حكاية حكايتين كده...
Post: #169
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 10:04 PM
Parent: #164

هي متعة كرة القدم يا الرشيد السؤال جاءني أثناء مشاهدة كرة ريال مدريد مع الكركون وهو فريق يجيد الدفاع ولديه حارس مرمي ممتاز . إستطاعوا أن يخرجوا بأقل الخسائر ، المباراة كانت جميلة ، ولكن النتيجة غير عادلة .. سر كرة القدم في أهدافها ، وزي ما قال كابتن لطيف الكورة أجوان .. ولا أعتقد سيتغير النظام المتبع حالياً وكما قلت لن تصبح كرة قد ولن تجد من يتابعها ... وهنالك سر آخر في كرة القدم وهو سحر مشاهدتها بعين المتفرج لا عين الفني ، لا أعتقد أن الفنيين والمحليين يستمتعوا بمشاهدة كرة القدم لأن تركيزهم يكون في الأشياء الفنية أما نحن فنشاهد من أجل المتعة ، المحاورات الجميلة والباصات الخفية والأهداف الملعوبة وغيرها من جماليات كرة القدم ، حاولت أن اشهدها بعين أخري فوجدته قمة البياخة كأن تتابع كيف يلعب هذا الفريق أو ذاك وما هو التكتيك المتبع ، وغيرها من إسترايجيات اللعب .. أليس كذلك ... يا رشا ....
Post: #167
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 09:59 PM
Parent: #162

الناس المساهرين حبابكم عشرة

بس نفسنا معاكم ما طويل

وين الشادي كان قبل شوية حايم

هنا الظاهر ضرب الرز ونام


إنشاء الله تحلم بدكتور بحنفي بتاع السلوكية يجيك في النوم


والله رسلت ليك إيميل وأتحداك لو ما ضحكت

لمن بت الشيخ حقتك تقول الراجل ده جنه ولا شنو
Post: #165
Title: Re: ناس الزقازيق ... أجدع ناس ( 3 )
Author: مني يونس
Date: 11-10-2009, 09:52 PM
Parent: #153

بيتنا نور وكله زينة

نرحب بأختناالعزيزةعرفة
ونرحب بجارتنا بجدة سابقا الاخت حنان مجمر
والاخوان كمال الشادى وعمر هوارى وعبد القادر

كما وعدتكم سوف اقدم برنامج أسر زقازيقيةعلى
منبرنا الجديد بعد ما نرجع من جبل أوليا


ماتنسوا ترسلوا لينا حقنا مع عبد الدائم
Post: #170
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 10:10 PM
Parent: #165

الرشيد يا حبيب كيفنك
والله قاعد ومستمتع
بس قصة المساسقة دي ما راكبة لي في الراس
والحكاوي والله في بالكوم
اخوك شغله شغل حبوبات ما زي ناس جورج يقعدوا ويوهطوا الكلام
يعين جورج دة مثلا ممكن يقول كلامه دة في اي صالون ادبي
ويكون نجم الصالون زي الترتيب
بس انا حاجاتي دي الا في راكوبة عواجيز وجلاكيم




لا زلنا في انتظار ان تنقشع الغيوم
Post: #172
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-10-2009, 10:25 PM
Parent: #170

Quote: بس انا حاجاتي دي الا في راكوبة عواجيز وجلاكيم


والله يا ود جبر الله انا متعباني عدم التنظيم

في المنبر الجديد وكتين انحنا في مده وجيزة

عملنا لينا 29 بوست مع القديم لمن يتم الحول

لومك علي بيكون عندنا 300 بوست الا كان نعمل لينا

واحد بيكون شاغال بحث بس تديهو الكلمة وبدون رقم البوست

يطلع ليك الصفحة ، ده المتعبني وبس المساسكة دي بتنفع مع الجلاكين

علشان وجع المفاصل والرطوبة ،، وده كلام حبوبات ،، أنا قلت ليك يا ود جبر الله

حكي الحبوبات الطاعم ده كبو لينا هنا بس .

الحمد لله تركتوا قعاد الحجار وبقيتوا ناس قهاوي ساكت ربنا في .
Post: #171
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 10:18 PM
Parent: #165

Quote: حاولت أن اشهدها بعين أخري فوجدته قمة البياخة كأن تتابع كيف يلعب هذا الفريق أو ذاك وما هو التكتيك المتبع ، وغيرها من إسترايجيات اللعب .. أليس كذلك ... يا رشا ....


صحيح الى حد ما يا أبو الزوز...هنالك مباريات تصرفك عن الخطة و التكتيك بجمالها و اثارتها و هنالك مباريات أخرى تجد نفسك و كأنك في قاعة درس...فلا تجد فيها الا الخطة و التكتيك...حتى المدربين أو المدراء الفنيين منهم من هو مدير فني بحق و منهم من هو مدير فني قبل المباراة و مشجع أثناءها...هنالك مدربين تجدهم متماسكون و يقرأون المباراة جيدا ويجسنون التغيير و ذلك لأنهم لا ينصرفون عن المباراة بالجماليات التي تحدث أثناءها و من أمثال هؤلاء السير اليكس فيرجسون و كارلو انشيلوتي و هنالك نوع يجيد اعداد الفريق و لكنه يرتبك أثناء المباراة لأنه يتحول لمشجع و من أمثال هؤلاء أرسين فينجر المدير الفني لأرسنال...
أنا من النوع الذي تصرفني بعض المباريات عن الخطة و ذلك ربما أعزية لرغبتي في فوز فريق على الآخر و تجبرني مباريات أخرى على معرفة الخطة و التكتيك الذي يلعب به المدرب...
Post: #173
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 10:36 PM
Parent: #171

Quote: بس انا حاجاتي دي الا في راكوبة عواجيز وجلاكيم


جبريلا الحبيب...عليك الله في حبوبات و جلاكيم أكتر مننا...كل شي بطعمه...كلام جورج له طعمه و محبية و كلامك له كذلك طعمه و محبيه...نحن غايتو ملخبتين بيناتكم الاتنين...

تعال أعمل ليك مسطبة عندنا في المربع...و البوست و الحمد لله ما زال مستمر هنا فلا تغيب بالله...

نسأل الله أن يكشف عنك الغمة...و لا أريد أن أكرر ما قلته من قبل...ان لم تجدنا في مثل هذه الظروف فلا خير في معرفتنا يا جبريلا..لقد مررنا بظروف مشابهة و لم يكن لنا عشر الذين لديك الآن...و عانينا الأمرين...فأرجو أن تشعرنا بأننا أخوان أخوان و ليس مجرد ناس ليل و ناس نهار...
Post: #174
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 10:44 PM
Parent: #173

حبيبنا الريس ميسرة
حكاية عدم التنظيم دي انا الكنت خايف منها
بعد شوية حا يبقى منبر الزقازيق زي المنبر العام
تفوت مليون بوست (رغم اهميتها) وتقرأ بوست واحد
كنت اتمنى ان يظل منبر الزقازيق لمناقشة امر الجمعية
والافكار الجادة الخاصة بالاستثمار وما شابه
والبوست هنا نخليه لي ونستنا المعتدة وحكاوينا وذكرياتنا
تعرف بعد شوية القصة حا جوط كتير



حبيبنا الرشيد يعلم الله خاتيكم في البال
ياكم الحيطة الممكن الواحد يتكل فيها
اكيد الامر ما ساهل لمن يكون وراك اطفال واسرة
وجودهم يجعل الامر صعب للغاية
واي حركة لا بد تكون مدروسة
يا حبيب الحمد لله الى الآن الامور مستورة
ولو جاطت حا اتلب عليكم بي تليفون
في كلمتين بس:
يا ناس الحقوني

يا رشيد الله يعلم انت زولا سمح بالحيل
Post: #175
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 10:51 PM
Parent: #174

Quote: في كلمتين بس:
يا ناس الحقوني

يا رشيد الله يعلم انت زولا سمح بالحيل



يا زول انت بس يا ناس ...ألحقوني دي زاته ما تقوله...و ده أمر طبيعي بين الأخوان...
Post: #176
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 11:02 PM
Parent: #175

Quote: ياالرشيد اللقيمات دي في أبو ظبي أم في السودان ..؟؟


حبيبنا عمر بسكو...لقيمات أبو ظبي دي مسخة جنس مساخة...اللقيمات دي يا في السودان يا بلاش...العجب لو لقت ليها شاي باللبن المقنن...الله ياخي...حسة ذكرتني الحاجه...اقوم أجي ناطي ليكم حسة...
Post: #177
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 11:08 PM
Parent: #176

يا سلام يا أولاد كلام والله الواحد ما عارف يقول أيه ولا ايه لكن نخليها كده علي النية ...
يا طارق جبريل أي هجوم علي المنبر الجديد بنعتبره هجوم علي مكتسبات الجماهير وإنت عارف لمن نلجأ لمثل هذه المصطلحات .. يعني أن الأمر جلل . من شاء منكم أن يتبوست فليتبوست ومن شاء منكم أن يتمنبر فله ما أراد ، المساحات هنا وهناك بها من البراح ما يسع كل بوحكم ...

إنتو يا جماعة وين المدعو حاتم جبارة ..
Post: #178
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-10-2009, 11:25 PM
Parent: #177

مليون مراحب ببتنا عرفه..

بيجو خلي الجرس..

فتنتك جنس فتنه يا اب شنب..

سلامه بتنا ياسمين..

سمك جبل أولياء..
في إحدى الإجازات.. جيت سايق أولادي معاي لأول مره يزوروا السودان..
ساره ورانيا ديل صغار شويه كانوا..
جينا من المطار ونزلنا جمب الباب..
صادف في كوم رمله وحبه طوب لزوم بناء وكدا..
البنات عاينو وبنفس واحد كوركو... SAND..
قلعو الجزم وهاك يا تمشيه في كوم الرمله..
بعد شويه قلت ليهم ياللا خلاص خشوا جوه..
قالوا.. No Daddy we want to play in the Sudanese beach
جاييكم للسمك.. يخرب الكيبورد..
Post: #179
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 11:34 PM
Parent: #178

يا ود جبارة كيفنك
مرة جيت السودان ومعاي اخت بت الشيخ واخوها
جوا يشوفوا اعمامهم لأول مرة
المهم يا الحبيب السودان كانت داقشاهو مطرة تقول يا ليل
لمن وصلنا جنب البيت من المطار
اخت بت الشيخ قالت لي:
والله حاجة حلوة ياخ ساكنين جنب النيل طوالي
النيل دة يا مان طلع الفسحة القدامنا ديك
Post: #180
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-10-2009, 11:37 PM
Parent: #178

Quote: No Daddy we want to play in the Sudanese beach


حاتم بعد داك اكتشفوا ان البلد كلها بيتش...يخرب مطنك ومطن خواجياتك ديل...حسة لو جبتهم زي رحلة جبل أولياء دي..الجماعة حيضايرو منهم...
Post: #181
Title: Re: ناس الزقازيق ... أجدع ناس ( 3 )
Author: طارق جبريل
Date: 11-10-2009, 11:40 PM
Parent: #180

Quote: يا طارق جبريل أي هجوم علي المنبر الجديد بنعتبره هجوم علي مكتسبات الجماهير وإنت عارف لمن نلجأ لمثل هذه المصطلحات

ابو الزوز مسكنا خشمنا عندنا
Quote: http://www.sudaneseonline.com/db/attention/200_4e.gif[/QUOTE]
Post: #182
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 11:42 PM
Parent: #180

يا جبارة صاحبك ده بقدر عليهو وما بيعمل اي حاجة

1000.JPG Hosting at Sudaneseonline.com


نبدأ الحساب .. الألف الأول ...
Post: #183
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-10-2009, 11:43 PM
Parent: #180

يا رشا جاييك..
البنات ديل فضحوني في أي حته سقتهم..
أخدوا راحتهم على الآخر..
Post: #184
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-10-2009, 11:54 PM
Parent: #183

Quote: Quote: http://www.sudaneseonline.com/db/attention/200_4e.gif[/QUOTE]

وقد كان وجهاً ضاحكاً ....

حاتم جبارة سليت روحنا ... وأديتنا السهر
Post: #185
Title: Re: ناس الزقازيق ... أجدع ناس ( 3 )
Author: زينب التجاني
Date: 11-11-2009, 00:20 AM
Parent: #177

لام لاجدع ناس

سلام كبير اوى اوى اوى بلاستاذ المبدع جدا كمال الشادى


وسلام لكل البرالمة ويا عيد نسق لحفل الاستقبال
البرالمة جايين بفنانم
عمر بسكو يا فنان انت اضافه حقيقية للمنبر دة وووووحتعمل حاجات حلوة مع عيد ومنى

نانى لو غبتى كتير بقلعو منك الباسورد

فافى متتضامنون حتى النخاع

حارجع





نجيلة الق متجدددد


البرنس

الانحنائة لكل هذا الابداع

واصل الاندياح
Post: #186
Title: Re: ناس الزقازيق ... أجدع ناس ( 3 )
Author: زينب التجاني
Date: 11-11-2009, 00:25 AM
Parent: #185

يا زهير يا زناتى شكرا على اى حاجة





بس بيناتنا حساب
Post: #187
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 00:45 AM
Parent: #186

Quote: يا زهير يا زناتى شكرا على اى حاجة





بس بيناتنا حساب


اممممممممممممممك الشكله جات ... يا رشا ونجاة عايزين الجودية والواسطة
Post: #188
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-11-2009, 05:32 AM
Parent: #187

تحية صباحية عطرة لكل عشيرة الجدعان ..
دمتم ودام هناكم وسعدكم ..

( عن أم المؤمنين جويرية بنت الحارث رضي الله عنها أن النبي صلى الله عليه وسلم خرج من عندها بكرة حين صلى الصبح وهي في مسجدها ثم رجع بعد أن أضحى وهي جالسة . فقال لها : ما زلت على الحال التي فارقتك عليها ؟ قالت : نعم . فقال النبي صلى الله عليه وسلم : لقد قلت بعدك أربع كلمات ثلاث مرات لو وزنت بما قلتي منذ اليوم لوزنتهن : - سبحان الله وبحمده عدد خلقه ورضا نفسه وزنة عرشه ومداد كلماته - .. )
Post: #189
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 06:19 AM
Parent: #188

نيابة عن الريس وميسرة (بس ما حا تكون زي ما بيقولوها هم)

(((((( صباح الخير يا وجوه الخير)))))


كفارة ياسيمن حاج الطاهر ـ الف لا بأس عليك


نفتح الباب مرة أخري ضلفتين ، واحدة للمنبر والأخري للقلوب لكل من يريد أن ينضم لنا :

1/بت نور
[email protected]

2/مجدي الشفيع
[email protected]

3/ طارق النور
[email protected]

4/ جمال فارح
[email protected]

5/ مصطفي عجب سيدو
[email protected]

6/ ياسمين حاج الطاهر
[email protected]
Post: #192
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-11-2009, 07:02 AM
Parent: #189

ولا تفوت على فطنة القارئ = صباح الخير يا وجوه الخير =

اللهم صلي على محمد ماتعاقب الليل والنهار وصلي
على محمد ماذكره الذاكرون الأبرار وصلي على محمد عدد مكاييل البحار

لا حول ولا قوة إلا بالله العلي العظيم

اللهم أغفرلي ولوالدي ولمن دخل بيتي مؤمناً وللمؤمنين والمؤمنات
والمسلمين والمسلمات الأحياء منهم والاموات
Post: #190
Title: Re: ناس الزقازيق ... أجدع ناس ( 3 )
Author: البادي النور
Date: 11-11-2009, 06:37 AM
Parent: #188

صباح الهناء والسرور ...
مبروك المنبر الزقازيقابي ...
ومبروك التميز المستمر ...
وناس الزقازيق دائما مميزين وما في أحلى منهم ...
Post: #191
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-11-2009, 07:00 AM
Parent: #190

ازيكم وصباحكم طيب


وشكرا يا زنوبة على التضامن وكدا اتسجل صوت


زهير حدد موقفك قوام 00 اقرا مداخلتي الفوق!!!!
Post: #193
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 07:08 AM
Parent: #191

كده كيف .؟
Post: #194
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-11-2009, 07:24 AM
Parent: #191

التحية ليكم ياشباب ...


فافي صباح الخير ..
أنا والله بعلن كامل تضامني معاك
لكن الزول ده راسو قوي مع اني حذرتو وقلت ليه يا حاج الركز بلالالالالالالاش
وممكن الحكاية دي تقلب عليك بي حصار إقتصادي وحظر جوي ..
ما سمع كلامي ...
ولا يهمك .. نادي منصور وأنا معاهو نبدا معاهو جلسة حوار سلمية
وكان ما نفع معاهو .. ليك علينا نمعط ليك باقي شعيراتو ديل .....
Post: #195
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-11-2009, 07:51 AM
Parent: #194

يا ابو ديمة السمحة (حجزناها من زمان)


الحاج الركز باقي لي اتشتت


جابك واسطة يا برلوم ياعجوز

لكن بتضامنك دا 00 انشاء الله يدوهو عشرة باسويردات


لكن يشوف منو اللي ح يكتب ليهو ويقرا ليهو

((عادة لما يكون ما لابس النظارة00 بينادي علي اقرا ليهو البوستات

وارقام المتصلين في الموبايل000 لزوم عامل السن وكدا)))

يعني يفتش ليهو على نظر00






وبرانا برانا 000

حاج الركز ازيك 00 وزهير شد حيلك
Post: #196
Title: Re: ناس الزقازيق ... أجدع ناس ( 3 )
Author: محمد صديق
Date: 11-11-2009, 07:57 AM
Parent: #194

سلامات يا ناس

وصباحات التفاؤل

Quote: يعين جورج دة مثلا ممكن يقول كلامه دة في اي صالون ادبي
ويكون نجم الصالون زي الترتيب
بس انا حاجاتي دي الا في راكوبة عواجيز وجلاكيم


جبريلا..اتذكر اذ لحافك جلد شاة؟؟

اطلّع ليك الشعر الكتبتو انت فى الزقازيق؟؟؟الكتيّب الانيق بخط

مصطفى محمد الحسن ورسومات حاتم صديق...اتذكر؟
Post: #197
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-11-2009, 07:59 AM
Parent: #194

صباح الخير

ترحيب حاااااااااااار جدا

بالأخت عرفة

ومن ضربة البداية كدا يبدو إننا موعودين بزولة كتّااااااااااابة شديد

يلا منتظرنك

________________________


ونقول للأخت ياسمين

ألف سلامة ليك

وأجر وعافية إن شاء الله
Post: #198
Title: Re: ناس الزقازيق ... أجدع ناس ( 3 )
Author: عصام دهب
Date: 11-11-2009, 08:21 AM
Parent: #197

تحية و سلام لأجدع ناس ..

و ترحيب يتجدد بكل الذين أنضموا إلينا و على رأسهم سنيرنا المبجل / عبد القادر و الزول الجميل / عمر بسكو .. والزقازيقابي النبيل / عثمان الجدي ، و برلومتنا الفاضلة / عرفة محمد سعيد و حللتم أهلاً و نزلتي سهلاً ..

طرفة صباحية بمناسبة حكاوي البنات و البيئة يا د. حاتم ..

يارا إبنتي كانت في بواكير طفولتها تنادي أمها بإسمها ( مروة ) متأثرة بمن حولها و كنا دائماً ما نصححها : قولي ( ماما ) ..
يوما ماأخذنا إلى الحرم ـ و كان عمرها حوالي سنتين و نصف ـ و كنت أشرح لها دي الكعبة و دي بير زمزم ..
في المسعى عند الصفا قلت لها ( دة جبل الصفا ) و لما وصلنا إلى المرة قلت لها ( دة جبل المروة ) سألتني مستغربة ( أيش ؟؟) قلت لها ( جبل المروة ) ..
حينها فاجأتني ( بابا عيب ما تقول جبل مروة ) ، قول ( جبل ماما .. مامااا )..
Post: #199
Title: Re: ناس الزقازيق ... أجدع ناس ( 3 )
Author: موسي عيسي
Date: 11-11-2009, 09:36 AM
Parent: #198

Quote: يا كوتش والله الحاج السري دا انا خاتيها ليهو خته .. تاني دعوات زي بتاعت جبل أولياء دي إلا يقراها في البوست بعد ما تحصل . أشبكه ليك بكيات وعزاءات لمن يعرف حاجة ...



يا محمد صديق زهير عندو بايته مع جلا من زمان و قال ناس جلا ديل كانوا شفوت بحمروا ليه في الظلام

و بقلعوا قروشوا و كمان جلا دسه منو حكاية الحج دي ؟ لكن إنت مالك جلا دا ما استطفاك بموضوع الحج

و كلمك و قال ليك انا السنة ماشي الحج و ما تكلم زهير لمن كنتم راجعين لمكتب جلا لمن كنتم ماشي

لمشوار ولد حاج النور ولا كبرت ، و مش كده و بس الراجل الآن في زيارة لمسجد قبا و قال والله بشتري

لي في هدية معتبرة لجنابو في داعي للكلام التحت دا ؟

Quote: زهير حأديك منو زكيبة ...الحاج السرى ما حياخد ولادينار.


بيني وبينك الراجل اليومين دي ما قاعد يدخل النت علشان كده عندك لغاية بكرة ممكن تسحب الكلام

دا و تبعد من الهواء و تخلي زهير و جلا يتناطحوا!
Post: #200
Title: Re: ناس الزقازيق ... أجدع ناس ( 3 )
Author: محمد صديق
Date: 11-11-2009, 10:04 AM
Parent: #199

سلامات يا ناس

موسى ...جلا ده موضوعى معاه قديم ..

حجّو السرى ده انا كنت عارفو..لكن

عندى معاهو تار قديم من الزقازيق

وانت زاتك قروشى الكان بيلهفا منى

بدعوى الحالات الاجتماعية الطارئة..

دخلت بطنك.
Post: #201
Title: Re: ناس الزقازيق ... أجدع ناس ( 3 )
Author: محمد صديق
Date: 11-11-2009, 10:10 AM
Parent: #200

سلامات يا ناس

Quote: .اعزائي واخواني اهل الزقازيق تحيةطيبة لكم جميعافي أول
ظهور لي .... أخي زهير شكر خاص على العيدية الرائعة
والتي ستمكنني من التواصل مع جميع أهل الزقازيق البعيد
والقريب... والى عودة ... اخوكم /نزار محمد ابراهيم (هندسة


نرحب بى ولدنا الصغيرونى نزار الشقلينى ...دخل بى هناك وما فى زول شافو.
Post: #242
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:23 AM
Parent: #200

الكريم بن الكريم
سيد الحوش الكبير عصام دهب

الليلة كان تلفون رائع وطويل بيني وبين فردتي عماد شريف
وهو بيشكرك وبيشكر كل الجابو سيرتو وإتذكروهو
وبكره راح يكتب ليكم من خلال إيميلي
Post: #202
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-11-2009, 10:47 AM
Parent: #199

مرحب بيك يا عرفة اضافة جديدة لرهط زقازيقاب
الف مليون سلامة لى بطة , طمنينا عليك
اما انتى ياعفاف
اى بوادر بتاعت خرخرة من اب صلعة الجنبك ده
بس مس كول , مادام قدورة قال بيزعمط ليك باقى شعره
فانا حا اعمل حاجات تانية
بقولها ليك بعدين
(لكن بينى وبينك كده , الشعبطة الأنا شفتها يوم الألعاب النارية ديك , ما شعبطةاستقلال )
بعدي ن عليك الله يا حاج الركز
انت وكت بيقروا ليك , وبيردوا ليك على الموبايل , وبيجيبوا ليك النضارات
ما تنقل (كفالتك عديييل) , باسويرد شنو العليك
هاك الباسويرد ده
Post: #204
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-11-2009, 11:15 AM
Parent: #202

ياناس انا كت 3يوم ما لاقى الناس حتى مشاركتى فى المئويه الاولى
نزلتها فى 101
===============================================================
اول ما لميت فيكم هالنى ما كتب الاخ رضا والحمدلله انو الرجل اقسم
بحسن النيه والحوش محروس دوما بابنائه الغيورين جميعهم دون فرز0
===============================================================الا
الاخ الانسان الرئع والفنان المرهف كمال الشادى مرحب بيك وبكل القادمين
وعقبال ان يكون لكل زقازيقى باص ويرد0
اخى كمال اشكر لك هذا الشعور الجميل واتمنى ان اكون عند حسن الظن دوما
كرر شكرى وعبرك امرر التحيه الى كل مبدعى الزقازيق وتحية خاصه لك وللاخ
مكى0
=============================================================
Post: #205
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-11-2009, 11:18 AM
Parent: #202


يا طارق جبريل والرشيد
الشلهتة الحسيتو بيها , والناتجة من التوسع المفاجىء فى مساحة البيت الزقازيقى
شلهتة مبررة وانا كمان تاورتنى فى البداية
لكن لو لاحظتوا , البوست الريئسى ده , الحمد لله ركب سكته زى زمان
الفرق الوحيد , انو نزلنا العفش القديم وخزناهو فى المخزن الجديد
فعلا فى المنبر , يمكن نلحق لينا تلتمية بوست زى ما قلتو
طيب ما نحن هنا قاعدين نفتح الف موضوع ؟؟؟
مش كده ولا شنو ؟؟
موضوع زى تنمية وتطوير القدرات يا الرشيد
توليك ليهو بالرعاية والأهتمام يلزم معاهو فتح بوست منفصل
لتوصيل الفكرة فى الأول
وللأخذ والرد مع المهتمين بيهو من ناحية تانية
حقيقى البوست ده , ياهو الأساس
وهو محتفظ بى رونقه وبهاؤه, بس عداده قلب (القاف واللام مفتوحتان)
بهناك توجد التفاصيل , الغلبتنا بى جاى
ومافى اى غضاضة او حرج
فى تواجد الواحد منا وانفعاله فى كل الغرف
او اختياره التواجد فى غرفة اثيرة يحبها دون باقى الغرف
وبس
Post: #206
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-11-2009, 11:21 AM
Parent: #205

ترحيب حاااااااااااار بالأخ

نزار هندسة

وفي إنتظار مشاركاتك يا باشمهندس
Post: #207
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-11-2009, 11:31 AM
Parent: #206

إتصلت اليوم

بالأخ الحاج محمد آدم النور (جلا)

وهو بخير وأمورو كلها تمام التمام

وبسلم على الجميع


---------------------------------------------------

كما إتصلت بالأخ محمد عيد

ولكنه لم يرد

نرجو أن يكون بخير

ودا طبعا يا عيد أول إتصال لي بيك وأنا أعرف تماما إنو متأخر... وحقيقة لا يوجد سبب يجعلني أقصر في الإتصال بكل الجدعان المعانا هنا في هذا الحوش... ولكن ربما هو إحساسنا باننا كل يوم نحن مع بعض

وموضوع الإتصالات دا حكايتو معاي حكاااااااااااااية...

تعرف أحيانا بكون صعب جدا... ياخ البلد دي إستهلكتنا شديد

والشغل دا ... غايتو...

تعرف الواحد بقا يفكر في المعاش عدييييييييييل كدا
Post: #208
Title: Re: ناس الزقازيق ... أجدع ناس ( 3 )
Author: موسي عيسي
Date: 11-11-2009, 12:27 PM
Parent: #207

يا محمد صديق كلام قروشك الحارقك دا محتاج ليهو لفتوى علشان

حج جلا يكون صحيح ؟ فاذا كان ما استأذنك للحج يعنى هناك قولان

في الحجة دي ! و كده زهير لقى ليه مبرر لعدم الاعتراف بشياخة

فضيلة الحاجة / محمد آدم النور و زي ما قالو اهلنا المصريين

يا شماته بظاظة فيَ ؟
Post: #209
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 12:43 PM
Parent: #208

منص يا كبير والله تريح الواحد في حنانه ذاته مش زي بتاع الحج السري داك ...
قال حج سري قال ...


Quote: يا طارق جبريل والرشيد
الشلهتة الحسيتو بيها , والناتجة من التوسع المفاجىء فى مساحة البيت الزقازيقى
شلهتة مبررة وانا كمان تاورتنى فى البداية
لكن لو لاحظتوا , البوست الريئسى ده , الحمد لله ركب سكته زى زمان
الفرق الوحيد , انو نزلنا العفش القديم وخزناهو فى المخزن الجديد
فعلا فى المنبر , يمكن نلحق لينا تلتمية بوست زى ما قلتو
طيب ما نحن هنا قاعدين نفتح الف موضوع ؟؟؟
مش كده ولا شنو ؟؟
موضوع زى تنمية وتطوير القدرات يا الرشيد
توليك ليهو بالرعاية والأهتمام يلزم معاهو فتح بوست منفصل
لتوصيل الفكرة فى الأول
وللأخذ والرد مع المهتمين بيهو من ناحية تانية
حقيقى البوست ده , ياهو الأساس
وهو محتفظ بى رونقه وبهاؤه, بس عداده قلب (القاف واللام مفتوحتان)
بهناك توجد التفاصيل , الغلبتنا بى جاى
ومافى اى غضاضة او حرج
فى تواجد الواحد منا وانفعاله فى كل الغرف
او اختياره التواجد فى غرفة اثيرة يحبها دون باقى الغرف
وبس
Post: #210
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 12:46 PM
Parent: #209

Quote: بعدي ن عليك الله يا حاج الركز
انت وكت بيقروا ليك , وبيردوا ليك على الموبايل , وبيجيبوا ليك النضارات
ما تنقل (كفالتك عديييل) , باسويرد شنو العليك
هاك الباسويرد ده


معني الكلام دا يا كبير الباسويرد يشمه قدحة ،، أنا عندي راي إنه نرسل باسويرد تاني لعفاف لإستخدام حاج الركز ، يعني عصمة الباسويرد تكون عندها ...
Post: #211
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-11-2009, 12:54 PM
Parent: #209

انت يا زهير..
الكمندان دا ما صاحبك وكل يوم بيشرب معاك الشاي باللبن المقنن..
تارينو عارف بحجه جلا وداسي عليك..
ياخي اقلو يلمح ليك حتى...
عليك بالجريمه والعقاب..
Post: #212
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 01:19 PM
Parent: #211

تصدق دي يا فاتن أقصد يا حاتم فاتت علي ، لكن ما بقدر أفتح كم جبهة في وقت واحد ، يعني الجريمة والعقاب مع الكمندان عايزه تكتيك وتحالفات مع جهات أخري خاصة ناس البوليس ، بس صاحبك جلا قاعد في السهلة ساكت وما عنده وجيع هنا غير موسي عيسي لأنه هابش الناس كلها ، وموسي ذاتو بيزوغ منه في أقرب زقاق ، بعدين هو صاحب الجرح بالأصالة والكوتش بالإنابة ، عشان كده حقوا نخلي الصراع ده مؤجل أقلاه لي بعد رحلة الجبل ، خاصة أخوك مملح طوالي مع الكوتش في عربيته ...

الله ما تتخيل المسألة دي حارقني قدر شنو .... ياخي لو كلمني حجه بيبطل .... ولو لو كلفته يجيب لي معاهو الكاب داك بفلس بيهو ... غايتو يا جلا السويتها رقدت .. ما عاينت لجريتنا في كسلا ، ولا سكنتنا سوا في الزقازيق ... ولا صحوبيتنا في الخرطوم ... لطن مش الحج دا بنحج ... وإنت عارف إنه بطبيعة الحال الحاجات دي ما مفروض تدس ... يكون خايفني أكلم الخواجة كفيله ...
Post: #213
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-11-2009, 01:40 PM
Parent: #212

مثلما شوهد جلا فى شوارع طيبه

شوهد النضيف فى سوق السجانه

اللهم اتمم بنيانهم

يازهير يا اخوى لقيت تفسير للحج السرى احسن
الناس دى تكون كلها ماشه ؟؟؟؟
حجه وعوده انشاءالله وتذكر اهلك الزقازيقاب بصالح الدعوات
Post: #214
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 01:49 PM
Parent: #212

Quote: يا طارق جبريل والرشيد
الشلهتة الحسيتو بيها , والناتجة من التوسع المفاجىء فى مساحة البيت الزقازيقى
شلهتة مبررة وانا كمان تاورتنى فى البداية
لكن لو لاحظتوا , البوست الريئسى ده , الحمد لله ركب سكته زى زمان
الفرق الوحيد , انو نزلنا العفش القديم وخزناهو فى المخزن الجديد
فعلا فى المنبر , يمكن نلحق لينا تلتمية بوست زى ما قلتو
طيب ما نحن هنا قاعدين نفتح الف موضوع ؟؟؟


دي و الله عينك للفيل تطعن في ضله...

لقد قلت
Quote: جبريلا وينك ياخي...

أنا لدي نفس الاحساس...و عبرت عنها البارحة في البوست...أرجو أن نقاوم هذا الاحساس و لا نحوله الى حقيقة و ذلك بالمشاركة و التداخل مثلما كنا حتى و ان كان على هذا البوست فقط...و تعال ماري علينا في مربع كاي كل يوم دق الحنك وأشرب معانا الشاي وأدينا حكاية حكايتين كده...


و قلت أيضا

Quote: هاتفت مساء اليوم ياسمين الشهيرة ببطة...و لقد تحدثت معها مطولا...بطة كانت طريحة الفراش لعدة أيام و لكنها الآن بخير نسأل الله أن يديم عليها نعمة العافية...و ظلت طوال فترة مرضها متابعة للبوست و شهدت احتفاليتنا بالمئوية...و لكنها مرتبكة قليلا بين البوست و المنبر...و تجد أن البوست في شكلة القديم كان له رونقا خاصا و جذابا...و لكنني طمأنتها بأنه بمجرد أن يعتاد الأعضاء على التنقل بين المواقع المختلفة و تتضح الأهداف...سيعود البوست الى جاذبيتة و سيضيف المنبر جاذبية الى جاذبيته...


Quote: ومافى اى غضاضة او حرج
فى تواجد الواحد منا وانفعاله فى كل الغرف
او اختياره التواجد فى غرفة اثيرة يحبها دون باقى الغرف
وبس


لا أجد غضاضة في ذلك و لدي بوستين في المنبر لتشجيع الحضور الى المنبر و دقينا الجرس و دعينا الكل و قلنا علينا جاي....نعمل ليكم شنو تاني...نتقطع...بالله بطلوا جمع التكسير ده...
Post: #215
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 01:55 PM
Parent: #214

يا ريس فرقة الأصدقاء كان لديها عرض في الزقازيق . ومن ضمن الإسكيتشات كان إسكيتش عن البوليس السري ، مبالغة يبدو لي بأني حكيته زي 513 مرة في هذا البوست ، فلو محمد صديق والرشيد أدوني الأذن عشان المرة الـ 514 دي غير ....



يا رشا بالله براحة عشان السكري وكده ما تزعل من الجلك منصور أعذره . ونحن موضوع الحاج السري ده لسه رافع لينا الضغط ...
Post: #216
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-11-2009, 02:29 PM
Parent: #215

الغايب عذرو معاهو يا أبوالزوز..
جلا دا بيكون عندو خطه لاعب بيها...
ياللا اعفي ياولدنا...
الزول دا محتاج لدعوات الكل..
ربنا يبر حجك يا جلا والملايين المعاك...
Post: #217
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 02:30 PM
Parent: #215

Quote: يا رشا بالله براحة عشان السكري وكده ما تزعل من الجلك منصور أعذره


يا أبو الزوز...تطسني جاموسة عمياء اذا ما كان منصور قرأ السطور الأولى من مداخلاتي مع زحمة النهار وبعد داك كب ليك الدش.....قرأ لا تقربوا الصلاة....وكتب ما كتب...أنا عاذرة لأنه يبقى أخي و صديقي وزميلي و فردتي منصور...

بس قلت أنفي عني التهم دي يا صديقي...أنا لا قلت ولا قلت...و بعدين ما تشوفوا الأسود و الأحمر الكتير في المداخلة السابقة دي تقول والله الليلة الزول ده عيونه يتطاير منها الشرر...وحياتك المداخلة دي أخدت مني دقيقة واحدة بس..كوبي بيست و أكواد و كدة...و رجعت اشتغلت شغلي زي الما حصل حاجة...

أنا والله ما زعلان...و لا يتطاير من عيني الشرر...و لا مرتفع ضغطي و الحمد لله...

قول كلامك بتاع فرقة الأصدقاء و أمرنا لله...
Post: #218
Title: Re: ناس الزقازيق ... أجدع ناس ( 3 )
Author: جلال عثمان
Date: 11-11-2009, 03:02 PM
Parent: #217

لا يشغلنا عنكم هذه الأيام غير التحضير لأداء مناسك حج هذا العام نسأل الله لنا ولكم القبول
وترحيب حار بالشباب الجدد
القامة كمال الشادي - وعرفة - وعمر المهدي - ونزار ود هندسة
وبلا شك بهم منبرنا - وحوشنا دا صرنا نفاخر به النجوم
---------
كان الله ادا العافية بجيكم تاني قبل ما نتوجه لمكة المكرمة .....
وسلامي لكل اهلي ناس الزقازيق ومن مكة متوجهين المدينة

زهير عليك الله عديها وما تقول لي فاتحتنا وشنو داك
ومفروض تعقد معاي تحالف استراتيجي عشان اجيه ليك الولد جلا
Post: #219
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 03:28 PM
Parent: #218

يا حاتم من ناحية عافي ليهو دي عافي ليهو ، لكن ما بخلي حقي في التقريع لازم أقرعه إلا أن ينرعوي (كده صاح يا جنا) ... شفت العربي دا كيف ... وسأثير قضية ضده بكل ثبات وتؤودة (الله أكبر) إلا أن يخر أمامي صريعاً بأرق عبارات الإعتذار ... عليك الله ما حاره يكلم الناس دي كلها بحجته دي أنا ما يكلمني ، ويضللني يقول لي ماشي الدامر . وانا البرئ أقول ليهو عليك الله سلم لي علي محمد حسان وقول ليهو وقول ليهو ...
شعارنا في المرحلة القادمة ضد الحج السري إلي النصر أو الشهادة ....



يا رشا ما عايز أعلق علي موضوع ده ، لأني كنت عايز شكلها زراعية كده علي خفيف ، لكن شايفك كسرت لي الدش في يدي . وبطبيعة الحال مثل هذه الشجارات تزيد البوست ألقاً ...
Post: #220
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 03:34 PM
Parent: #219

يا ابو الجل حج مبروراً وسعياً مشكوراً ... نتمني لكم حجاً سهلاً دون صعاب أو عقبات .. وأن يجنبكم الله كل شر ومرض ...
وهذه الدعوات تشمل الأخ الحاج السري ووالديه وكل زقازيقي ينوي الحج هذا العام .. حتي الريس معتصم لو عنده نية حج سري ما بطال بس ... لمن يصل المدينة يدينا خبر ...
Post: #221
Title: Re: ناس الزقازيق ... أجدع ناس ( 3 )
Author: مبارك جادين
Date: 11-11-2009, 04:19 PM
Parent: #220

مبروك الباسورد يا عرفة
وعاطر التحايا للاولاد ودكتور سيف



طبعا انا ما سمعت بالحاج السري لكن عرفت من مداخلة سابقة لموسى ان الحاج جلا في المدينة لكن كون هذا الحج سرا ولا جهرا (يطرشني ) ما سمعت بيهو لكن على العموم لا نقول الا ما يرضي الله ورسوله فجلا كريم لبن كريم ونقول ليهو حج مبرور وذنب مغفور وعودا حميدا .وانحنا حنحضر من الان الطهرة والجير الابيض لنكتب على الباب الكبير والصغير في منزل الحاج محمد ادم المشهور بجلا وبالخط الكوفي (يا دهخل هذا الدار صلي على النبي المختار حجا مبرور وذنبا مغفور ) ولا نامت اعبن الجبناء
Post: #222
Title: Re: ناس الزقازيق ... أجدع ناس ( 3 )
Author: مبارك جادين
Date: 11-11-2009, 04:21 PM
Parent: #220

مبروك الباسورد يا عرفة
وعاطر التحايا للاولاد ودكتور سيف



طبعا انا ما سمعت بالحاج السري لكن عرفت من مداخلة سابقة لموسى ان الحاج جلا في المدينة لكن كون هذا الحج سرا ولا جهرا (يطرشني ) ما سمعت بيهو لكن على العموم لا نقول الا ما يرضي الله ورسوله فجلا كريم ابن كريم ونقول ليهو حج مبرور وذنب مغفور وعودا حميدا .وانحنا حنحضر من الان الظهرة والجير الابيض لنكتب على الباب الكبير والصغير في منزل الحاج محمد ادم المشهور بجلا وبالخط الكوفي (يا داخل هذا الدار صلي على النبي المختار حجا مبرور وذنبا مغفور ) ولا نامت اعبن الجبناء
Post: #223
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 04:49 PM
Parent: #222

Quote: وانحنا حنحضر من الان الظهرة والجير الابيض


مبارك جادين حضر معاك كمان الكمامات مع انفلونزا الخنازير الحايمة بي هناك دي....

جلال حجا مبرورا وسعيا مشكورا...الباقي ما بنقدر نتمه ليك مع الوضع الاقتصادي العالمي المتدهور ده ...جلال بالله دعواتك و كان لاقيت جلا قول ليهو ما تنسانا من صالح الدعاء....ووصي لينا مغاك الخبراء ما ينسونا من صالح الدعاء...

أنا والله حاولت الحج السنة دي...لكن تكلفة الحج هنا في الامارات تجيب ليها قطعة أرض في جبرة...فحاولت من خلال السودان...و أجرى أيضا الأخ محمد عيد محاولات من السعودية ولم أفلح...مش بيقولو القدم ليها رافع...و الواحد ما بيمشي الا لما يناديهو المنادي...أها أنا منتظر المنادي...

مولانا صديق...زميلي في العمل..حكى لي قصة جماعة خرجوا للحج فالتقى بهم أحد الصالحين وقال لهم لو تصدقتم بمالكم لتلكم المرأة العجوز لكتبت لكم حجة كاملة..ففعلوا...فأخبرهم العائدون من الحج أنهم شاهدوهم يطوفون بالبيت...

جلال عليك الله خلي بالك...امكن تشوفني ساعي معاكم...
Post: #224
Title: Re: ناس الزقازيق ... أجدع ناس ( 3 )
Author: طارق جبريل
Date: 11-11-2009, 04:56 PM
Parent: #223

اهلا بنزار هندسة

يا جورج شعر شنو ياخ انت بتسمي الخرف داك شعر

يا منص
افحمتني غايتو
Post: #225
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 08:36 PM
Parent: #224

مـــعـــاى
وغشيتك أسلم عليك
أتكّل قصادك
هموم الحراز
أطمّن طيوف الخريف الوشيك
أبشر دواخلك بوعد الرزاز
مودر ملامحك
غبيتك
لقيتك
بتلفظ شوارعك بيوتك
تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟!
مسُوكر لسانك
! وصمتك يشفق
خبارك ! بتغرب شموسك
زمان الشموس البتشرق
تضيع الملاحه التعطن وجيهك
Post: #226
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-11-2009, 09:15 PM
Parent: #225

لوقدرت تغيب علي..كم اطربت مسامعنا وارقصت قلوبنا فرحا وطربا بصوتك ايها المغرد الشادى.. مليون مرحب بالفنان الانيق المرهف شادى.. ومرحب بكل البرالمة (منى -عرفة-قدورة-عمر بسكو) وانا كمان انتم اضافة حقيقيةلهذة البوتقة الزقازيقية الرائعة..
دعونا لا نتعوذ من هذا السحر الذى يربطنا..حتى لا ينضب ودعونا نردد مقولة شبوكشى الرقيق..
شدو اوتار القلوب..
فافى وزوبة وابتهاج براياتكم مالها ميتة الايام دى..
زناتى انا حاج الركز ده ما برضى فيه..
منص وعيدى فرفحتوا قلبى الليلة-ما زالت ضحكات منصور تدندن جواى تطربنى وتراقصنى..
ياسر نجيلة شكرا على كلمات اغنية ام ولدى عجبتنى جدا اتمنى ان نلتقى فى العيد انشاء الله.
يا جبريلا انشاء الله نسمع عنك كل خير .ربنا يفرج همكك.
حاتم جبارة شكرا على الترحيب والبنات الامريكيات ديل ذكرونى بيوم عيد ميلاد امنية عزمت صاحباتها وقالت
عايزة invitation card
ساقت ابو مهند وشترت تورتة باربى وما خلت شى لما رجعنا قال ليها يا بتى انا لما يتذكروا عيد ميلادى اختى بتعمل لى كيكة فى البيت او لقيمات ويختوا لى فيه شمعة من الدكان قالت ليه
what are you talking about
لقيمات؟؟!!
what is ligimat???!!
يا جماعة انتوا عارفنى برااااااااااااااية وحسه بباسووردى وعلى كيفى ..
ما تهربوا اطمائنوا انا حالتى نعسسسسسسسسسانة وما شة انوم عشان ذى ما بقول الرشيد بابكر يومى ببتدى بنمرة 4
تصبحوا على الف خير وعافية..
Post: #228
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-11-2009, 09:26 PM
Parent: #226

جيت مخصوص افرد مساحة سلام خاص للاديب والشاعر الراقى محمد صديق..(قلبت فيها هوبة )عادى هو ما مستغرب قلب الهوبة عادى عندهم ..
يا جماعة انتو شنو اولاد الشيخ ديل من يوم حكيت ليكم حكاية البت الوشها ناير وبلمع من رضا الوالدين يشيلوا ويدعوا لوالديهم ..!!!
باى
Post: #227
Title: Re: ناس الزقازيق ... أجدع ناس ( 3 )
Author: زينب التجاني
Date: 11-11-2009, 09:23 PM
Parent: #225

سلامات
ازيكم ومساكم الله بلخير
كيفك ياابو مهند طمنا على بطة تلفونا ما برد

جلال ربنا يتقبل عليك الله فاتحة مكربة
مبارك جادين وينك انت عيد ميلادك ما حاضرو كنت وين

جبريلا فى ياتو قهوه نحن عند وعدنا


عيد ما تسمعونا قلنا ليكم البوست دة نطقوهو اها جاكم كمال الشادى كلو

منى وينك


فافى سيرى نحن وراك
Post: #229
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 09:42 PM
Parent: #227

زوبة اطمئني بطة بخير و عافية ولما اتكلمت معاها كانت حايمة في الشارع...


جبريلا ألحق...محمد كرم الله في النيل الأزرق...سهرة رائعة...
Post: #230
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 09:54 PM
Parent: #229

جبريلا....

كان تعرف شنو البحصلي
وقت الليل يفلل
أردد آهة و أعقب آهة
و الدمعات تبلل
Post: #231
Title: Re: ناس الزقازيق ... أجدع ناس ( 3 )
Author: طارق جبريل
Date: 11-11-2009, 09:56 PM
Parent: #230

سلام يا ناس
حبيبنا الرشيد
يا زول جاني ايميل من امبارح
وجيت من بدري قنصت ليك لي ود كرم الله
اماني ما وجعني ياخي
يمين رقدني كداد
Post: #232
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 09:58 PM
Parent: #229

سلام يا ناس


تسجيل حضور ومتابعة ...
Post: #233
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 10:03 PM
Parent: #232

Quote: اماني ما وجعني ياخي
يمين رقدني كداد


جبريلا...يا زول طالبك الأغنية دي..بالله لو عندك نزله لي في مربع كاي خليني اتلذذ بيها...ياخي الأغنية دي عجيبة والله...
Post: #234
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 10:08 PM
Parent: #233

أبو الزوز مالك الليلة...حزين برضو و لا شنو الحاصل...
Post: #235
Title: Re: ناس الزقازيق ... أجدع ناس ( 3 )
Author: طارق جبريل
Date: 11-11-2009, 10:22 PM
Parent: #234

الرشيد غالي والطلب رخيص
الاغنية نزلت عندك بهناك
الاغنية للشاعر الراحل حسن الدابي رحمه الله
وهو من القرير قرية حات جبارة
والغريبة ولده الصغير هو شاعر اغنية صديق احمد
اجمل الحلوين عهودك وين
Post: #236
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-11-2009, 10:40 PM
Parent: #235

Quote: الرشيد غالي والطلب رخيص
الاغنية نزلت عندك بهناك
الاغنية للشاعر الراحل حسن الدابي رحمه الله
وهو من القرير قرية حات جبارة
والغريبة ولده الصغير هو شاعر اغنية صديق احمد
اجمل الحلوين عهودك وين


شكرا يا جبريلا على الهدية الجميلة...و اتأخرت شوية لأني ما قدرت أسيبه و أجي بي هنا...
بالله حاتم جبارة و حسن الدابي من نفس المكان...أنا لو محل حاتم جبارة كان مشيت أخدت الجواز القريرابي بدل الأمريكي...
Post: #237
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-11-2009, 11:29 PM
Parent: #236

معليش يا رشا ... الكمبيوتر الليلة مخنزر ... يعني جاته أنفولنزا الخنازير .. وبقي يقفل ويحتاج لوقت طويل عشان يفتح تاني .. أوعي دي تكون دعوات حاج السر ...
Post: #238
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:09 AM
Parent: #237

يا طارق جبريل
ويا رشيد القوم
طالما جبتو سيرة صديق احمد
يبقى جبتو سيرة الغنا الحلو الحنين
بالله اسمعو الكلمات السمحة دي
بغنيها صديق احمد


بحبك يا مقيل روحي وضرايا
بحبك وإنت حبك عندي غاية

يا أمل مشتول في خاطري وفي قلب كل الصبايا
يا صباح ليلي المهود ويا سراج هدي العمايا
يا سحابة ظليلة جاية ويا ربيع من غير نهاية
حبي ليك كان سر سعادتي ومبتغايا ومبتغايا

يا سحابة ظليلة جاية ويا ربيع من غير نهاية
حبي ليك كان سر سعادتي ومبتغايا ومبتغايا
احبك يا مقيل روحي وضرايا
احبك وانت حبك عندي غاي

انا ليك بسافر كل ليلة ياكا كل املي ومنايا
حبك انت بعيد مداهو برضو فيهو يضيع مدايا
يا بحر من دون سواحل الرياح حجبت رؤاي
وفيك مراكب تاهت وما اتقطع املي ورجايا

ابتسامتك زي بريقاً ديمة شالع في سمايا
فيك براءة طفل ضمه لسه ما فات السمايا
وفيك نداهة شيخنا لما يحضر اللوح والدوايا
وفي صدق حيرانو لما يهبو نارهم للقراية

يا نضاراً شايلو انت كاسي طهرك وفي اية
لما شوفك بلقى ذاتي وكل مساديري وغناي
ولما تبعد عني برحل ليك واهاجر من دنايا

يا سحابة ظليلة جاية ويا ربيع من غير نهاية
حبي ليك كان سر سعادتي ومبتغايا ومبتغايا
احبك يا مقيل روحي وضرايا
احبك وانت حبك عندي غاية


Post: #239
Title: Re: ناس الزقازيق ... أجدع ناس ( 3 )
Author: بكرى ابوبكر
Date: 11-12-2009, 01:16 AM
Parent: #238

A Salam Alekum Wa Rahmatu allahu wa barakatu, My Name Is Omar Mahmoud Mohamedzein, Graduate Of Zagizag University, Class of 1987. I Would Like For You to Make Me Account If Possible, I Would Want To Connect With My Friends, That Is Why Im Sending You This Email.

-Thank You.
Omar Mahmoud Mohamedzein.
[email protected].
Post: #241
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 01:19 AM
Parent: #239

كمال الشادي عضو جديد في شلة الغناء والإنس الجميل ...
نصبتك في هذا الليل البديع ملكاً علينا وعلي سلطنة الغناء ..
Post: #243
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 01:26 AM
Parent: #239

شكراً يا بكري علي الهدية الجميلة دي ... ومرحب بعمر محمد محمدين .. ومن الإسم إما من الشرق من عندنا وإما من الغرب حيث يأتي منه كل ما يسر القلب ... سينضم لكواكب الزقازيق التي تدور في مجرة الحب مرحب به فارساً ..
Post: #240
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:19 AM
Parent: #238

امانة يا الرشيد
ويا طارق جبريل
ما وقتو لي في جرح
وحا اطلع زيتكم بي غنا الشوايقا

اسمعو دي لو حارقا معاكم نكمل

اخلف لي وعودو عذرتو قلت نصيب وأقسام
طاف كل الفريق في عيدو طاف كل البلد حام
لكن طول اجازتو ابانا لامن كملا وقام
حرام والله نحن البينا ارحام


بالله مش كلام يبكي
تعرفو منو البغنيها
والله ننزلها ليكم
Post: #244
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 01:28 AM
Parent: #240

يا شادي القوم هؤلاء الرجال ضربوا الرز باللبن منذ ما يقارب الساعات الست ... وبقيت وحدي أناجي الليل .. ليل العاشقين ..
Post: #245
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:29 AM
Parent: #240

زهير الزناتي
انا رضيت بالمنصب
أها كاك دي
وعايزك تعرف لي البغنيها منو ؟

إنت عارف ياوطن البيني بينك ماشوية
لا هو ريداً ساقني ليك لا هو شيتاً جابني جيت
حاجة اكبر من عواطف فوق مساحاتنا العريقة
فوق عوالمنا الرهيفة فوق تصور كل زول
Post: #246
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:35 AM
Parent: #245

زهير اديك حاجة اسهل منها
لكن لو ماعرفتها حاتكون احرجتني جداً مع محمد عيد لانو بيعرفها كويس
وارجع ليهو خليهو يشففك

يا قلب انا كنت قايلك تبت من تعب السفر
ومن مبارات القماري ومن شراب موية المطر
تاريك كامن لي بي شيتاً كتر
تاريك لابت لي بي شيتاً كتير
ما زمان انا وانت لفينا الموانيء
بالقطارات والمطارات والسفن
دقينا اجراس الجديد
واعدنا تريب المعاني
الليلة راجع لي تبقبق
بتنتر الاهة وترقرق
زي تقول ياداب عرفت الاندهاش
يا قليب مالك علي
ما انت عارف نقطة الضعف القديمة
وزيي ضايق الارتعاش
Post: #249
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:43 AM
Parent: #246

والله الليلة يا زهير حدي معاي تمانية صباحاً
أعمل حسابك
والله املاك شعر وغنا لمن تقول بس

بالله اسمع الكلام الرقيق ده
وأسالك بالله توصلها لجمال فارح

التقطني يا صديقي
في الدروب المابتجيبك
ودفيء حضنك بالاغاني
كلما يضهب طريقك
وامسك الجمرة البتبرق
بين رمادك
وبين حريقك
وارفق الدمعة البتعرف
شاسع الحزن البيعيك
ولو فضل في العمر خطوة
وسع الاحلام واهرب منو ضيقك
****
لي براح في الشوق بيتاوق
من شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقى واثق من رفيقك
وامسك الجمرة البتبرق
بين رمادك
وبين حريقك
مين رفيقك
***
مين رفيقك
غير شجن
واشواق
ولوعة
شحنة الحزن البيصيبك
وإنت عارف سر عشيقك
كلما اتخمر عتيقك
يا اخي سيبك
من سريقك
ومن سليبك
وابقى فتش لي طريقك
يمكن الاحزان تسيبك
يا أخي سيبك
****************
Post: #247
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 01:36 AM
Parent: #245

يا شادي القوم ... الكلام حلو وزي ما بيقول الكوتش وشاعرنا المرهف .. محمد صديق كلام طاعم ...

Quote: إنت عارف ياوطن البيني بينك ماشوية
لا هو ريداً ساقني ليك لا هو شيتاً جابني جيت
حاجة اكبر من عواطف فوق مساحاتنا العريقة
فوق عوالمنا الرهيفة فوق تصور كل زول


يتخيل لي الشاعر عبقريته تفوق عبقرية من غني ، أما إذا كان من يغنيها هو شاعرها فيعني إننا أمام عبقري من نوع خاص . بدوري أحول السؤال لعشاق الطرب والكلام الطاعم الرشيد ، محمد صديق ، طارق جبريل والكبير منصور
Post: #282
Title: Re: ناس الزقازيق ... أجدع ناس ( 3 )
Author: سامي جمال
Date: 11-12-2009, 12:30 PM
Parent: #219

سلام للكل وبالاخص الزقازيقاب والإخوة الضيوف – أحيكم على هذا الإبداع وهذا التواصل الراقي ، ودائماً متواصلين ومتحابين كما عهدناكم وعبركم اشكر الأخ بكري والأخ زهير الزيناتي اللذين منحوني فرصة إن أكون بينكم لاستمتع بهذا الجمال واملاً ان أضيف إليه – فيادوب انابرلوم جديد لنج .؛؛؛؛
Post: #248
Title: Re: ناس الزقازيق ... أجدع ناس ( 3 )
Author: احمد محمد بشير
Date: 11-12-2009, 01:40 AM
Parent: #207

الف تحية لاهل الزقازيق ومتبعنكم, ومشاء الله عملتو ثلاثة ع السريع
Post: #250
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 01:49 AM
Parent: #248

بلا جدال الرائع أبو عركي وإن كنت أعتقد أن الشاعر محمود مدني ...
Post: #253
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 01:56 AM
Parent: #250

والله يا كمال الشادي شغلك نضيف بالحيل
Post: #251
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:52 AM
Parent: #248

الشاعر القامة محمد طه القدال
والحان الفنان عثمان النو
********

نحن اهل الفرحة جينا
لا المدامع وقفتنا ولا الحكايات الحزينة
لما درب الرايحة جابنا
جابنا في هذي المدينة
يا ولدي الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواي القلوب كضاب
ليك ضهر ولا سرجين ركاب السروج وقاع
شق يا ولدي بحر التيه بتتدردر وتتودر
ولامن يوم على تايتنا ديك ترسى
نعزك بالقبيل داخرنو ليك
الشوق بحر يا ولدي بحراً تيه
Post: #252
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 01:55 AM
Parent: #251

زهير
فاكر الموضوع الرسلتو ليك قبل ما يصلني الباسوورد
كنت بتكلم مع ميسرة طويلآ اليوم عن نفس الموضوع لانه عندو صورة منو
وهو متحمس انو المضوع ينطرح وناخد راي الناس
عايز تطرحو بالطريقة اللي تشوفها
بس يثير انتباه الناس عشان تتناقش بكل جدية
ايه رأيك تفتح طاقة جديدة خاصة بمثل هذه المواضيع
وتعمل ليهو اعلان في كل مكان من منبرنا ناس الزقازيق
Post: #254
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 02:01 AM
Parent: #252

زهير الظاهر عليك لحقت الشباب في موضوع
الرز باللبن
خلاص عفيتك
تصبح على خير
Post: #256
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 02:04 AM
Parent: #254

طارق جبريل
إنت صاحي ؟؟؟؟؟
تخلي الزول الاسمو زهير ده
يدخلك ضمن تهمة الرز باللبن ليه

الظاهر الشغل عجبك
اعمل حسابك
والله تفتح الحنفية دي تاني ما تقدر تقفلها
اخير ليك !!!
مع حبي
Post: #255
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 02:04 AM
Parent: #248

الجميع في إنتظارك لفتح بوست منفصل في المنبر الجديد ، تبتدر النقاش بتلك المداخلة خاصة وأن عدد كبير من الشباب لديهم تصورات مقاربة خاصة صالح تبلدينا ...
Post: #257
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 02:07 AM
Parent: #255

زهير
رغم انها فكرتي
لكن انا عايزك
انت وميسرة تطرحوها
وبعدين انا حا ادير النقاش ما يهمك وحا اوصل الموضوع لحتة كويسة جداً
إحتراماً لاني رسلتها ليكم
ايام الواحد كان بيتكلم مع الناس من فوق حيطة الجيران
قبل بكري الله يديهو العافية ما يفتح لينا الباب
Post: #258
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 02:07 AM
Parent: #255

كتبت مداخلة مطولة جاتها داهية من أين لا أدري وذهبت بها أدراح الرياح ، لذا كانت المداخلة السابقة علي عجل ... الموضوع هام يا شادي القوم ... ليتك تفتح البوست اليوم قبل الغد
وليس نحن من يضيع أجمل لحظات اليوم نائمون ، هذا الوقت وقت السحر (بفتح السين أو كسرها لا يهم) لأن ما به من سحر زاد لكل يومك حتي وإن لم تنم سوي ساعة ..
Post: #259
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 02:19 AM
Parent: #258

سمح القول في خشم سيدو ....
Post: #260
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 02:34 AM
Parent: #259

يا شادي والله انا بحب الغناء بشكل غير عادي
والكلمة بتأثرني جدا
رغم انه انا ما بعرف اقول شعر
زي الرشيد ومحمد صديق ومنصور
انا حكواتي ساكت
Post: #261
Title: Re: ناس الزقازيق ... أجدع ناس ( 3 )
Author: البادي النور
Date: 11-12-2009, 05:28 AM
Parent: #260

صباح الهناء والسرور ...
طارق ود جبرين كيفنك يا ود أمي ...
كمال الشادي الرجل الشادي ...
أمتعتنا في زقازيقنا أيما متعة ...
متعك الله بالصحة والعافية ...
تقابلت بالشادي في الرياض حوالي سنة 2000
أيام كان الشادي في مستشفى دلة ...
أبوالزوز بلطي جبل أولياء في إنتظارنا ...
ومعليش لي ناس الهجرة والإغتراب ...
Post: #262
Title: Re: ناس الزقازيق ... أجدع ناس ( 3 )
Author: مبارك جادين
Date: 11-12-2009, 07:02 AM
Parent: #261

مرحب الف مرحب بالباشمهندس نزار الشقليني
الزول اخو اخوان ويفصلنا عنه خور ابو عنجة
فمرحب بناس ابوكدوك
وكان اهلك ابوك اسكن ابو كدوك







التقطني يا صديقي
في الدروب المابتجيبك
كلما يضهب طريقك
وامسك الجمرة البتبرق
بين رمادك
وبين حريقك
وارفق الدمعة البتعرف
شاسع الحزن البيعيك
ولو فضل في العمر خطوة
وسع الاحلام واهرب منو ضيقك



يااخي سيبك
هي ضلمة وانت عارف
فبل ما تختار طريقك
ابقى واثق من رفبقك
وامسك الجمرة البتبرق
بين رمادك
وبين حريقك
مين رفيقك


ارجعتني كلمات الشاعر التي اتى بها شادي القوم الي زمن مضى
وهي تلخص لماذا عملنا هذا البوست
فنحن كنا واثقين من الرفيق
كنا واثقين انو ما يخذلنا الرفيق الزقازيقي
لذلك فيا شادي القوم انحنا اخترنا الرفيق الذي به نكمل الطريق ونخرج من هذه الضلمة
اخترنا ناس الزقازيق جميعا ولم نستثني احدا وسيد الحوش
عصام دهب عندما تبنى التجميع وفتح الزقازيق اجدع ناس كان يعلم اننا لن نخذله لاننا
بين الرما والحريق( مين رفيقك )
ذكرتني هذه الكلمات صديقي حاتم صديق حاج البشيركلية العلوم قسم الجبولوجباخريج 1988 والذي عندما مكث في الزقازيق فترة بعد التخرج حتى يستخرج شهادته لم يودعنا ولكن ذهب سريا الي محطة مصر
واستقل القطرالي السودان لانه لم يقدر على الفراق دون ان يخبر احد
ولكن فؤجئنا بان شنطته في الشقة مافي
هؤلاء هم الذين اختارناهم في سكتنا
Post: #263
Title: Re: ناس الزقازيق ... أجدع ناس ( 3 )
Author: ياسر نجيلة
Date: 11-12-2009, 07:16 AM
Parent: #262

اليوم الخميس الموافق 12/11/2009م

229.JPG Hosting at Sudaneseonline.com

الليلة يومك يا منصور ...

حكمة اليوم :
من جن بالحب فهو عاقل ... ومن جن بغيره فهو مجنون ...

بيتين شعر لليوم:

حلو العيون
التيجانى حاج موسى
غناء الفنان محمد ميرغني

كلمنى يا حلو العيون
حيرنى صمتك يا حنون
ارقنى سهرنى الليالى
غرقنى فى بحر الظنون
وين العبارات الجميلة
ورنة الحب والجمال
وينن مشاوير العصارى
والخطى الفوق الرمال
ومنظرالنيل فى الغروب
ينادى ليك يقول تعال
صدقنى ما بحمل براك
ما عندى قدرة على الظنون
كلمنى خت اللوم على
أنا برضى بالكائن يكون
بفرق كتير وبتحسب كل يوم يمر
بفرق كتير طعم الحلو لو يبقى مر
وتفوت وما ترد السلام
وتسيبنى فى وسط الزحام
لو بس تخت اللوم على
أنا برضى بالكائن يكون
كلمنى يا حلو العيون


الشباب البتفهم في تزيل الأغاني ... ونخص زهير الزناتي وجلال عثمان والنضيف ... نشاطكم وقف في الجزء التالت ليه ...


نكتة اليوم:
عم عباس كان " بيسكر " مع أصحابو ، وبعد نهاية القعدة الجماعة نزلوهو في طرف الحي عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال لهم :- ياشباب لو سمحتو بيت عمكم عباس وين ...؟؟؟
فرد عليه الشباب :- ماانت عمنا عباس زاتو !!!!
فقال لهم :- أنا ما سألتكم من عمكم عباس !!! سألتكم من بـيـتـــو....

اها ياكمال الشادي ... جبنا سيرة المساطيل هنا ...

كاراكاتير اليوم:
185.jpg Hosting at Sudaneseonline.com

البناطلين من طرف النضيف وصلت ياشباب ...

لفحي اليوم:

بت حاتم جبارة عند زيارة السودان:
"No Daddy we want to play in the Sudanese beach"

وواصل طارق جبريل:
اخت بت الشيخ قالت لي:
"والله حاجة حلوة ياخ ساكنين جنب النيل طوالي"

اما يارا بت عصام دهب عند زيارة الحرم المكي :
حينها فاجأتني ( بابا عيب ما تقول جبل مروة ) ، قول ( جبل ماما .. مامااا )..

في نكت ياخوانا احلي من كده ... نطالب ببوست منفصل لنكات أبناءنا وأهلنا ...

محمد عثمان = حاج الركز = بت نور ... ما فهمين حاجة ... الحقونا بالشرح ... يازهير

حج مبرور ان شاء الله ياجلال عثمان ... دعواتك لناس الزقازيق كلهم ... ربنا يحجج الما حج فينا ... واولهم أنا ... والمنتظرين المنادي لما ينادي ...

موضوع الحج السري "لجلا" ... والزعل ولدنا زهير ... بنقول لجلا حج مبرور ان شاء الله ترجع بالسلامه ... وبنقول لزهير معليش الجايات اكتر من الرايحات ...

"ياسر نجيلة شكرا على كلمات اغنية ام ولدى عجبتنى جدا اتمنى ان نلتقى فى العيد انشاء الله." ... المرة دي الجيه عليكم يا نجاة حوفي ... والعجيبة كمان ... لو الرشيد جاء سايق العربية من الرويس للشارقة مرورا بابوظبي ...

تذوق الشعر والكلمة المنظومة ... وتحسس اللحن ... من مداخلات الرائع كمال الشادي ... بس اوع توه في دهاليز المحبه والعشق ...

خارج النص اليوم:
لما يجيك تلفون عبر الاثير من الراقي كمال الشادي ... وتحلق في فضاء الذكرات القديمة المتجددة بهذ البوست ... تذكر كل شوارع وازقة وحواري الزقازيق ... معطونة بأنغامهم الشجية تك الايام ... تفقد الاحساس بالزمان والمكان ... وتفضل طول اليوم منفصل عن العالم وعايش مع تلك الذكريات ... شكرا ياشادي ياملك وادام الله الود والاتصال بين الزقازيقاب ... ومنتظرين الكثير من الاشياء الجميلة التي تناقشنا فيها ...
طبعا ياشباب ... بعد كل الزمن ده ... تلفونات زي ديل ما بتبل الشوق ... بل بتزيد الشوق ...

سؤال اليوم :
لو في واحد زقازيقي اتصل فيك من مدة طويلة .... ونسيت نشر مكالمته في وقتها تعمل شنو ؟؟؟! من مسقط العزيز الاديب / عادل عبدالرحمن اتصل فيني من مده ... وقال ليكم هو مضيع الباسورد بتاعو ... وماعارف يدخل الحوش ... هل هناك طريقة او حل يازهير الزناتي ...

[email protected]
Post: #264
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 07:17 AM
Parent: #262

الحبيب القامة مبارك جادين
صباح الخيرات والبركات والليرات
صباح الفل والياسمين والبنفسج
صباح الكلمة الحلوة والبسمة الرقيقة والضحكة الرنانة
صباحك سكر
صباحك عسل
صباحك القراصة باللبن


القصيدة كتبتها امبارح بالليل وكانت سهرة رائعة انا وزهير الزناتي
اقصد بتاعة يا رفيقي
وانا كتبتها عشان جمال الكلمات ومعانيها الرائعة وسهرة امبار بالليل هي اللي جابت الوحي يا حبيب
وطبعاً مافيها تشكيك بمن هو الرفيق
ولا الصديق
واللى عايز يعرف مين هو الرفيق
ومين هو الصديق
يجي الزقازيق
وأنت اصدق مثال
وأنت احسن مننا كلنا
لك حبي
Post: #265
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 07:39 AM
Parent: #264

يا ميسرة
يا زهير
يا منصور
لأنكم الاوائل اللى شاورتهم في الموضوع
انا فتحت بوست بهناك اسمه شركة الزقازيق القابضة
ورونا رأيكم

يا عموم ناس الزقازيق
شاركونا الرأي في شركة الزقازيق القابضة
Post: #266
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 08:21 AM
Parent: #265

الرشيد بابكر
عليك الله رسل لي القصيدة كاملة
وقول لي سيدها وشاعرها منو
وهل هي اغنية
واذا كانت اغنية
منو البغنيها
مع التحية
يا جاي مارق من دخول الغيث
شرايين التراب السايقة أوردة الوطن
قشرا اليباب ... نشرا العطش
كل ما سرت قطرات درب الرحمة...
Post: #267
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 08:51 AM
Parent: #266

نداء خاص للسينير
معتصم سليمان جعفر

عايز رأيك في البوست بتاعي
شركة الزقازيق القابضة
ادخل وورينا رأيك
ضروري
Post: #268
Title: Re: ناس الزقازيق ... أجدع ناس ( 3 )
Author: كمال الشادي
Date: 11-12-2009, 08:59 AM
Parent: #267

بالصوت العالي
تعالو للبوست بتاع
شركة الزقازيق القابضة
يا ناس
منصور عبد الرازق
حاج الركز..
عفاف
زينب
زهير الزناتي
جلال عثمان
قدورة
عمر بسكو
عثمان الجدي
منى يونس
مبارك جادين
عبدالحفيظ
سامي
و عصام دهب الكريم بن الكريم

حاتم جبارة

د. أحمد أمين...

صالح تبلدين
دكتور الصادق
جمال السنوسي
الدي جي
...السهيلي...

صلاح الأمين
موسى عيسى
...أحمد اسماعيل

مدثر با يزيد
عبدالدائم النضيف...

سمؤال و حيدر...العود أحمد....

اخلاص محمد أحمد...سناء الصباغ وياسمين
رشيد القوم
يا الرشيد رأيك شنو في الكوبي ده
Post: #269
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 09:03 AM
Parent: #266

قد يمتلك البنى آدم فكرة
وهذا عادى ومعروف
ثم , قد تمتلك الفكرة , البنى آدم
وهذا غير عادى , ولكنه ممكن ومعروف
وقد تتنقل الفكرة
بين الخانتين
فتعمل فيك وخزا , او قل
تمارس فيك فعل (الكى الحارق)
او يمكن كمان , الحرق الكاوى
وعندما يستوى الفعل من هذا النوع
وتتأكد من تمام جنوحك الى الفكرة
ومن تمام ايلولتها الى كرياتك الحمراء
فان كرياتك البيضاء
تصبح اسما على مسمى
ترفع راية بلونها نفسه
ويكون الأستسلام اللذيذ
انا اليوم مستلذ باستسلامى لفكرتى
التى راوحت بين امتلاكى لها
وامتلاكها لى
حتى انها اليوم تطرحنى وتتبنانى
بعدما ان فشلت فى تبنيها وطرحها
صباحاتكم بيض , مستسلمة زى صباحاتى
ومستلذة كمان
وهاكم فكرتى
يا نورى يا
يا نارى يا
يا جنتى
Post: #270
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 09:23 AM
Parent: #269

سيطرة فكرتى على
حد الأمتلاك
فى هذا الصباح الخميسى الآسر والجميل
جمال الفكرة
يجعلنى امر على قومة الرشيد فينى
وهو الحبيب الجميل
فضلا عن انه توأمى وصنوى وسندى واخوى
مرور المحبين
ولا اقول الا
تعال معى الى الفكرة
واليزعلك
حتى لو كان منصور
نرشو ليك
(وددت لو انى قلت نرشو ليك بى عطر المحبة )
ولكن فكرتى المسيطرة اللديحة
قالت وكتبت عنى
نرشو ليك بالفكرة ذاتها
الأنت مشارك فى بطولتها
يا طويل يا فارع يا
زعلان
ارشك
Post: #271
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 09:39 AM
Parent: #270

عندما كانت فكرتى ملكى
تغلبت عليها
لو اقول اننى كتبتها ومررت بها على حروف الكىيبورد
غير مرة
فأنا صادق
يا كمال الشادى
توقعى لأن تكون انت بالذات اول القارئين لوجودك الفوق المن بالليل )
زاد من سيطرة فكرتى على
جنوح فكرتى الى الخاص فى البدايات
ساهم فى ان اكتب وامسح , اكنب ثم امسح
توالى عندى فعل الكتابة الممسوحة
حتى تخيلت انها آلت مآلات الفراغ العريض
وما عرفت , الا تالى الأمر
ان فكرتى مكتوبة اصلا عندى
مصفوفة ومرتبة
حتى اننى اذا ما مسحت حرفا
استحال الى (مصفوفة حروف)
وكم من حرف
اذا مسحته يكتب
واذا امعنت فى هدره مسحا وكشطا
امعن هو
فى التربع على قممك العالية
حتى اننى كنت اتحرق شوقا ليلة امس
وانا فى مشوار عائلى اجتماعى
الى العودة اليك (يا كيبوردى الحبيب)
ولكن تأخر العودة وبيولوجية الليل والنهار
الجانحة عندى ناحية الشمس
المنحازة ضد الأقمار
استعجلت بوح الصباح
واحالت كومة الأوراق على مكتبى
الى الأدراج الجانبية
السبت قريب
ولكنه ليس اقرب من فكرتى
على الأقل (الى انا )
Post: #272
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 09:54 AM
Parent: #271

ومعظم الأفكار
من مستصغر الفكر
كالنار , معظمها من مستصغر الشرر
وشرارتى فى البداية كانت
ليلة الألعاب النارية
تلك التى امعنت فيها وصفا
ناتجا من احساس جمال ملأنى
عندما كنت شاهدا على استقبال اسرة حاج الركز له
والشعلقات التى كانت
ومطالب الأستقلال التى آلت
وشكية البت عفاف
نضارة حاج الركز (الضاد مشددة)
وعينه التى ترى
واذنه التى تسمع
وهو مستلذ ومنحاز الى فعل (الأتكاءة اللذيذة الحميمة )
حتى اننى تساءلت
باسويرد شنو العليك ؟؟
هذا فضلا عن فعل الشعمطة ووعود الزعمطة التى برزت على يد قدورة
ولم تكن بعيدة عن خيالات محمد عيد
ولا عن رؤى شقيق الروح
الرشيد ود بابكر سيد احمد
Post: #273
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 10:26 AM
Parent: #272

Quote: الرشيد بابكر
عليك الله رسل لي القصيدة كاملة
وقول لي سيدها وشاعرها منو
وهل هي اغنية
واذا كانت اغنية
منو البغنيها


القصيدة لمحمد الحسن سالم حميد...و هي قصيدة طويلة ويصعب انزالها كاملة...ولم أسمعها مغناة..
و سوف أقوم بارسالها عبر بريدك الالكتروني كاملة...

Quote: رشيد القوم
يا الرشيد رأيك شنو في الكوبي ده


الكوبي ما عندك يا شادي...
أول مرة أعرفك كبكاب كده...
Post: #274
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 10:26 AM
Parent: #272

كانت تلك هى الشرارة الأولى اذن
ولكن الأكسجين النقى الآخذ بتلابيب هذا التواصل
ياتيك بطيب خاطر من الأصواب كلها
والأحداب
هل هذا استخدام دقيق لجمع كل صوب وحدب؟؟؟
كان الرشيد بابكر موجودا معنا فى هذه السبحة
ذات المعانى التسع والتسعون
التى ليس اولها تواصل وحب
وليس آخرها تفاهم وتجانس
منذ كانت السبح , لالوبا وبلح
هذا اذا ما رضيت انا بكونى (لالوبة)
دون ان اضمن ان ان يرضى الرشيد
بكونه بلحة فى سبحة لالوب
ولكن السبحة كانت تعمل وتنجز
تصحى باكرا ساعات
وترغم على الصحيان باكرا ساعات اخر
ولكنها تعمل على اى حال
تصجو فى الشتاء الماطر
وعندما تكون آخر المستيقظين
فأنك مضطر الى ارتداء سويتر totaly not matching
وهذا هين ومقدور عليه
لأنك حاتلقى سويترك الماتشنغ قدامك فى المربع كاى
ولكن غير الهين وغير المقدور عليه
ان الربع جنيه اللى حيلتك
حق التاكسى الداسيهو لى سكشن الصباح
نسيتو فى جيب السويتر
اللبسوهو الناس الصحو اول يا انت يا نايم ومكبر الوسادة
ولكن السبحة ما زالت تعمل
وما ينبغى لها الا كذلك

Post: #275
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:38 AM
Parent: #274

الجلسة دي لازم يحضرها عماد شريف :

Quote: اهنئكم علي مجهودكم الرائع في لم شمل الزقازيقباب في بادرة هي الاولي والفريدة في نوعها وكمها وتفصيلها ، لقد جعلتم الماضي الجميل حاضرا واشبعتم الدواخل التواقة الي ماضي الذكريات فلكم من الشكر اجزله 0اتمني ان ادخل الحوش مع احبتي اذا كان ذلك لا يزعجكم والايميل : emad [email protected]"
Post: #276
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 10:40 AM
Parent: #274

كان هذا البوح
عن الفكرة التى كنت امتلك
ولكنى انتقلت مملوكا لها لما سجلت البت نجاة حوفى
حضورها الأول بباسويردها المستقل
وساعة اطلالتها الأولى
كنت انا من المدركين المتيقنين
ان احتفاء الرشيد بها وبمفدمها
سيكون عميقا , سيكون آسرا
سيكون مباشرا ممعنا فى المباشرة
قويا فى الدلالات
وتذكرت حينها ليلة الشعلقة والألعاب النارية
والسبحة ما زالت تعمل
ولكن اللالوب والبلح
اختلط بحبات الصندل الفواح
انتشى وزغرد بصوت البلبل الصداح
وجرى على لسانى وامعن
فى دهاليز الندى
وانداح على شجو الحكى (البواح)
واتساءل مجددا
ارشكم
Post: #278
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 10:54 AM
Parent: #276

الرشيد ونجاة حوفى
حالة احساس خاصة عندى
هزنى احتفاء الرشيد بنجاة
وانا المتابع لحكاية زقازيقية
مرت بتضاريس الدنيا كلها
وهى الآن فى محطة الوادى الأخضر
وتغير فكرتى فى الكتابة
والأحتفاء بهما
من امتلاكى للفكرة
الى سيطرتها على
مرده ودرجة حرارته المتحكمة
تنبع من احساسى بالخاص والعام
ولكن مكالمة تلفونية مساء امس مع نجاة حوفى
ملئتنى بأحساس ان بعض الخاص
عام
على الأقل فى الدلالات والعبر
الرشيد
يا ود بابكر سيد احمد
نجاة يا بت احمد حوفى
يا ام واب مهند وامنية
انا احبكم مجتمعين
وروح واحدة فى جسدين
اكثر بكثير
مما كنت احبكم منفردين
ومع ده كلو
اسمحوا لى الخميس ده
ارشكم
السمحة ام ولدى
بصوت ندى القلعة
هى ما احب ان اسمعه الآن
فى هذا البوست
بعد ان قرأتها باختيار نجيلة الفنان
فى ميل سابق
Post: #277
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 10:45 AM
Parent: #274

Quote: هذا فضلا عن فعل الشعمطة ووعود الزعمطة التى برزت على يد قدورة
ولم تكن بعيدة عن خيالات محمد عيد
ولا عن رؤى شقيق الروح
الرشيد ود بابكر سيد احمد


منص يا حبيب...و الله مكبوس و مزعمط في الشغل...و حسة ستفت أشواقي في زكايب زي بتاعت عرفة و ماشي أبوظبي...لكن فتشت في الدكشنري عن الشعمطة دي ما لقيتها...قلت أقول ليك جيت مخسوس ولا خسوسي عشانك و طالع ماشي لي عيالي...ان شاء الله لما أصل ألقاك كتبت لي معناها...

يخرب مطنكم...لغتكم ما مفهومة كلو ...كلو
Post: #279
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-12-2009, 11:08 AM
Parent: #277

الرشيد يا حبيب
انت يعنى لقيت الزعمطة
لما تسأل عن الشعمطة
عاد انت يوم الخميس بتشوف ؟؟
عموما توصل بالسلامة
ورد على التلفون
Post: #281
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 11:43 AM
Parent: #279

منصور كاتب البوست الأول .... دي في المغرب تعادل شنو يا جبريلا ...


الرشيد بالسلامة .... في إنتظار مداخلاتك من أبو ظبي فهي غير ..


محمد عيد ... الشوق يتعدي العادي ويتجاوز المألوف


حاج السر ... ربنا يقبل حجتك ... بس مافي خروف ليك لمن تجي ... وجبل أولياء دي إلا تسمعها في الغنا...

مبارك جادين .. الجماعة قالوا ليك ما حضرت حفلة عيد الميلاد ,, ولا شفت الشريط .. طيب ياخي ما تقول لي الناس الحضروا الحفلة ديل حاجة ، ولا خايف يقولوا لي ده الكم ... قلنا ليهم يادوبك 30 سنة ..

جبريلا ونسة الليل سمحة ,, بس السهر نخر العظم منا ... طولت ما حكيت ..

شادي القوم ... الطرح مدهش ... وحرك الساكن ...

الكوتش .... أعمل لينا رابطة معجبين لمنصور ....

سامي .... جبريلا دا ألعب بيهو باك .... البرالمة ما يعمل يهم نفسيات ...

جلال ... بالسلامة .... وحج مبرور للخبراء الأجانب .. وبالتأكيد ليك أنت

عبد الدائم :: بكره في جبل أولياء .. منو ينزل لينا أغنية من الأسكلا وحلا وقام من الجبل ولي الله يا منو ... بله دي شينة وما ومواكبة ...

مني ... طرف الريس ميسرة ... في إنتظار صورة ولا اعمل ليك زي ناس طالبان في البطاقات ... لبوست صور ناس البوست ..

ميسرة طرف مني .... جاك فردتك كمال الشادي ، عايزين ون تو ... بس يا جماعة حكايات من سنة 80 ولي فوق قبل ذلك لا ...

جبارة يا صديق .. بديت القصص والحكي وقمت جاري .. ياخي نحن مستنين ... يا تقول يا ما تعشمنا تاني ... التحية لكاريبياتك ... الجميلات ..

نجاة زعيمة البرايات ... طرفكم الرشيد بابكر صديق أنيق .. الرجاء عمل اللازم والإهتمام ، وشحن المعنويات لأسبوع قادم ... قف ... نحن من خلفكم ونشد من أزركم .. قف .. تحياتنا لأمنية ومهند ..
بعدين إنت والرشيد خلو عندكم جندر سينس ( الإسبلنغ علي صلاح الأمين) .. قل أبو أمنية ولا تقل أبو مهند ...

عفاف علي ميرغني .. تشرك وتحاحي مع حاج الركز .. تمايمك حلوة , وبتهبش العصب السابع , الله يستر من عوجة الخشم ...

حاج الركز : كامل التضامن مع حاج الركز في محنته ... وما تخاف التضامن العلني دا مع عفاف عشان ما يقولوا الناس معادين لحركة النساء ... حا يجيك باسويرد سري وبأسم سري .. بس إلا تكتب بيهو في منبر ناس أم طرقك عراض ، غايتو نحن العلينا بنعمله ...

ياسر نجيلة ... مساهمتك أصبحت ونسة ثابتة في أحاديثنا .. تميز وتفرد .. بس بنات الشيخ ديل ما تعصر عليهم شديد ...

نزار الشقليني ... بكره تجي الجبل بدري في حصة للبرالمه عن كيفية التعامل مع البوست والمنبر والإستفادة من الفنيات ... تعال ومعكم آخرون

أحمد إسماعيل ... زول الرياض ... خلي بالك من موسي عيسي اليومين ديل هضربته كترت ، بعدما جلا وصل الحج ...

موسي عيسي ... صاحبك الحاج السري جاتني من أجله عدة وساطات ... تصدق يا سري إنه موسي عيسي إتصل بي بس قال لي ما ترفع منه ...

مدثر ابا يزيد ... لديك الكثير لتقوله ... لماذ البخل ... كثيرون في إنتظارك ...

صالح تبلدينا لو ما جيت جبل أولياء بكره حا نقطعوا معاك نشاف لغاية ما تآمن ...

عرفة .. مداخلتك اليتمية ... تحتاج لما يعضدها ... بنسحبه بعدين الأجاويد ما بتنفع


عمر بسكو ...من بكره بره الشبكة ... حبيبة القلب تحركت مساء اليوم من اليو إس .. ينتظر وصولها غدا ... عزرك معاك يا ولدنا ...

عبد الحفيظ ... ليه عامل نايم .. صحصح يا زول .. المرض ده أنساهو عشان ينساك ...

بهجة الروح ... دي تديها كم يا كوتش ...

صلاح الأمين ... غيابك طال ... ما شفت كمال الشادي ولا شنو

عبد القادر يا قدوره شايفك في المنبر الجديد آخر تألق ،، أحسن تتعود علي هناك ... يبدو أن المستقبل لذاك المنبر ...


زوبة وبس

يا جماعة السقط سهوا يعفي لينا ... هي من الذاكرة خربشات علي جدار البوست كما يفعل التلميذ المشاغب ...
Post: #280
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-12-2009, 11:19 AM
Parent: #272

Quote: كمال الشادي عضو جديد في شلة الغناء والإنس الجميل ...
نصبتك في هذا الليل البديع ملكاً علينا وعلي سلطنة الغناء ..


صباح الخير ،، يا وجوه الخير ،،،،

ليلة أمس كانت ليلة وسهرة

جميلة تناغم بين الشادي وزهير وجبريلا

ولسوء حظي يوم أمس كنت في مشاورير عائلية بعيدة

المدى ،،

نتمنى ان تكرروا اللقاء اليوم في سهرة جميلة

وعازمين معانا ناس أبو ظبي وعيد وزينب والكوتش

وحاتم جباره .

التحية لأخونا نزار ود هندسة ونرحب بيك في دارك

العامرة وأهلك الطيبين.
Post: #283
Title: Re: ناس الزقازيق ... أجدع ناس ( 3 )
Author: محمد صديق
Date: 11-12-2009, 01:00 PM
Parent: #280

سلامات يا ناس


Quote: سلام للكل وبالاخص الزقازيقاب والإخوة الضيوف – أحيكم على هذا الإبداع وهذا التواصل الراقي ، ودائماً متواصلين ومتحابين كما عهدناكم وعبركم اشكر الأخ بكري والأخ زهير الزيناتي اللذين منحوني فرصة إن أكون بينكم لاستمتع بهذا الجمال واملاً ان أضيف إليه – فيادوب انابرلوم جديد لنج .؛؛؛؛


يا جماعة البرلوم ده يعنى ما يجى تانى ولا شنو ...الزول يسلم عليكم ويقيف وانتو لاطعنو

فى الباب ولا خساكم ....

يا سامى جمال ازيك ...حرّم حبابك الف والبيت بيتك...

ما تشوفم كده هسة حيجو يرحبو بيك ..اصلهم كاتلاهم ونسة .
Post: #284
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-12-2009, 06:43 PM
Parent: #283

Quote: سلام للكل وبالاخص الزقازيقاب والإخوة الضيوف – أحيكم على هذا الإبداع وهذا التواصل الراقي ، ودائماً متواصلين ومتحابين كما عهدناكم وعبركم اشكر الأخ بكري والأخ زهير الزيناتي اللذين منحوني فرصة إن أكون بينكم لاستمتع بهذا الجمال واملاً ان أضيف إليه – فيادوب انابرلوم جديد لنج .؛؛؛؛


مرحب بالبرلوم الظريف سامي جمال والله إنت أظرف برلوم عندنا

ووجودك بينا يسعدنا وناس مكة دلوقت عندهم ممثل داخل الحوش

أهل ومرحب بأخونا سامي .


جاني إتصال هاتي من زول زقازيقي يقيم في أمريكا بكره نكمل معاكم

الليلة السهرة في مكة المكرمة ،،، لقد إتخذ القرار ،،،،

يا ربي ما بلاقي مولانا صاحب الفخامة مولانا محمد آدم النور بهناك

أكيد حيكون في باب الملك عبدالعزيز .
Post: #285
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 06:57 PM
Parent: #283

مساكم الله بالخير

دي ما تعتبروها مداخلة بقدر ما هي حملة انقاذ للبوست من الغرق...لذلك عليكم بالهدف النبيل أكثر من الوسيلة التي استخدمت لتحقيق ذلك الهدف...

زهير الزناتي لما يكون مزاجه عالي تتمني أن لا ينقضي الليل مع كتاباتة و تداخلاته التي تدل على ثقافته العالية و كتابات زول قرأ وتشبع وأصبحت له طريقته التي تميزه...أما اذا كان ما عنده مزاج فله ثقالته التي تميزه أيضا...و لو اتظارف خالص بيقول ليك الكمبيوتر خنزر...أعمل حسابك من انفلونزا الخنازير...

ما عارف هل التشبيه الذي سوف أطلقه على كتابات صديقي و أخي منصور جائز...أم سيجلب لي المتاعب...ليس من منصور فاني لقادر عليه...حأكتل ليهو قلبه...لكن من رابطة المعجبين...على أي حال الكاتل و الحاي الله...أحيانا كثيرة أقرأ مداخلات منصور العجيبة و التي تتنسم فيها عبق دنقل وصلاح عبدالصبور...و تتمعنها فترى انعكاسات لروحك...فتقول بامكاني أن أكتب مثل هذا فتحاول و لكن لا تستطيع..فتعرف أنه سهل ولكنه ممتنع...بسيط ولكنه صعب في نفس الوقت...مفهوم و غير مفهوم...قلت و الله هذا يذكرني بحاجات كتيرة ليس لها أي علاقة بالكتابة و الأدب...زمان في الأعراس كنت أتجنب أن يطلب مني أركب صيوان و لا أفك صيوان...لأنه له طريقة خاصة و يحتاج الى معرفة بذلك...فالذين يعرفون الفك و التركيب يقومون بذلك بسرعة تجعلك تعتقد أنه عمل سهل...أما اذا كانت أمك غير راضية عنك يطلب منك ذلك و تكون تلك المرة الأولى ...لذلك أجد أن ما يكتبه منصور هو عبارة عن تركيب صيوان و الرد علية هو تفكيكه و هو صعب جدا علي من لا قبل له بادوات منصور و خبرتة الحياتية....

و لما يكتب عنك منصور زي الكلام الجميل ده...تعمل شنو...ده امتحان صعب خلاص و تفكيك صيوان...ترد تقول ليهو شنو...تبلع ريقك وتتمتم بكلمات غير مفهومات وتقرا كلامه مرة و اتنين...حتى تجد الاجابة المريحة و السهلة..هل طلب مني منصور أن ارد عليه و هل يتوقع أن أرد عليه...فأجبت على نفسي...منصور الذي أعرفه...لا أعتقد...هو احساس اجتاحة و سيطر على كل المواقع الاستراتيجة فيه...ثم حركه ككتلة واحدة..فكتب ما كتب و انفعل حتى أحس بالجوع الشديد بعد أن فرغ من كتابة انفعالاته...فذهب الى هايبر بنده و من فرط جوعة أضاف بنودا لا حصر لها على قائمة أماني مع اضافات العيال...هو لا يتوقع ردا مني...و لا أطنه يريده...أو هكذا أجد أن هذا هو الحل المريح بالنسبة لي...
أقول لمنصور...يوم أن غادرت الى السعودية و تركتنا في السودان...كتبت لي عنوانك لمراسلتك بالقلم الأخضر..ما زالت تلك الورقة معي...و ما زال خطك فيها أخضرا زاهيا...عشان تعرف حاجه واحده بس....

عارفه و لا أقول ليك...

أحسن أقول ليك...

انك لما مشيت السعودية ما كان في انترنت ولا ايميل...يخرب مطنك...
Post: #286
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 09:34 PM
Parent: #285

يا رشا يا كحيل شكراًً ... أتفق معك في كتابات منصور المدهشة .... وهي في غاية الجمال . ولمنصور الموهبة التي تعلي ولا يعلي عليها ... زول كتاب بالفطرة .. الثقافة والإطلاع صقلت الموهبة ... زي الود الكتاب بتاع كندا الإسمه البرنس ... وزي الكوتش والزول الإسمه الرشيد ... وكمان جبريلا ... ديل ممكن نصنفهم في دوري المحترفين وننافس بيهم ..


سامي جمال مرحب ِأيها البرلوم الجميل ... لمن لا يعرف سامي جمال وللأسف لا أملك له صورة حديثة أو قديمة ولكنه صديق وإنسان لطيف ودود ... من أجمل الذين مروا علي الزقازيق ... درس في المعهد التجاري .. وهو من أبناء سنجة سابقاً الكلاكلة حالياً .. حيث يتركز النوبيين ، مما يعني أن سامي جمال ينحدر من شمال السودان . جاء الزقازيق في تلك الدفعة التي ضمت كل الكوارث المعروفة وغير المعروفة ، دفعة ضمت إلي جانبه ، شرف الدين ، موسي الراجل ، محمدو ، نصر الدين الكريبة ، الشفيع ذاك النوبي العظيم (ميزته لشئ في نفس يعقوب) ونزار ، قرفة ، (يلا يا سامي جيب باقي الدفعة) وغيرهم من الذين أثاروا في الزقازيق صخباً وضجة ومهرجان من الفرح ، فكان بهم لاعبي الكرة ، والفنانين والممثلين ، والساسة ، وظرفاء المدينة ... وغيرها من المواهب ، تجدهم في كل مكان في الزقازيق ، ولا أنسي أن عدداً مقدر منهم كان من حرفاء الوست ، حتي أسألوا يا ناس جدة محمود حسين .. كان لهذه الدفعة علاقة مميزة بسيف النصر والذي سكن معي في السنوات الأخيرة . فكانوا دائمي الزيارة له مما جعل عدد كبير منهم من أعز الأصدقاء وجمعتنا بهم كثير من دروب الزقازيق ... التحية لهذه الدفعة العملاقة ... وتحية بشكل خاص لسامي جميل .. الإنسان الجميل والذي دائماً ما أسعد بإتصاله بي بين الحين والآخر ...
Post: #287
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 09:43 PM
Parent: #286

من الأشياء اللافتة للنظر في هذا البوست أن بعض الأعضاء تعودوا علي الغياب من حين لآخر .. أو تتباعد فترات تداخلهم .. مما يثير التساؤل والقلق عليهم في كثير من الأحيان ... السؤال المتواصل قد يعني الإلحاح .. وعدم السؤال قد يفهم بالتجاهل .. مما يجعلها معادلة محرجة للمداومين علي الكتابة ...
لنوصف بالملحاحين أفضل من أن نلام ونوسم بالتجاهل ... التحية في هذا المساء لكل كتاب البوست .. وقراءه ... وهنالك تحية خالصة للسهيلي طرف واشنطن دي سي مقرونة بالتمسية علي حاتم جبارة ... ونبشركم أهل واشنطن بأن خرطومنا أصبحت الخرطوم دي سي .. لماذا لأ ادري ولكن هنالك لافتة بحجم ضخم تعترض طريقك في أحد شوارع الخرطوم كتب عليها .... الخرطوم دي سي ... ليتكما تضيفوا لمعارفنا لماذا يطلق الأمريكان علي عاصمتهم دي سي وما هي الكلمات خلف الإختصار ... السؤال لا جائزة له ..
Post: #288
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 09:58 PM
Parent: #287

Quote: ونبشركم أهل واشنطن بأن خرطومنا أصبحت الخرطوم دي سي .. لماذا لأ ادري ولكن هنالك لافتة بحجم ضخم تعترض طريقك في أحد شوارع الخرطوم كتب عليها .... الخرطوم دي سي ... ليتكما تضيفوا لمعارفنا لماذا يطلق الأمريكان علي عاصمتهم دي سي وما هي الكلمات خلف الإختصار ... السؤال لا جائزة له ..


أبو الزوز طالما الكوتش مشى يجيب شوال الفحم للرحلة بكرة...و انت قاعد تقطع في البصل بتاع الرحلة و حاتم جبارة في الجيم و طارق جبريل قاعد يشوف في سهرة محمد كرم الله السجله أمبارح من النيل الأزرق..فأسمح لي أن ألفح لي لفحة كده من أبوظبي...لكن عن موضوع واشنطن...أصلي مقدم للوتري يعني من المؤلفة قلوبهم و ممكن أرد عليك....
Quote: Washington, D.C. (pronounced /ˈwɒʃɪŋtən ˌdiːˈsiː/, WOSH-ing-tən DEE-SEE), formally the District of Columbia and commonly referred to as Washington, the District, or simply D.C., is the capital of the United States, founded on July 16, 1790. The City of Washington was originally a separate municipality within the Territory of Columbia until an act of Congress in 1871 effectively merged the City and the Territory into a single entity called the District of Columbia. It is for this reason that the city, while legally named the District of Columbia, is known as Washington, D.C.


قصرت معاك...جيب لينا انت تفسير الخرطوم دي سي...
Post: #289
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:00 PM
Parent: #287

تم تأجيل دعوة جبل أولياء ليوم السبت بعد غد وذلك لظرف صحي طارئ ألم بفارح .. وقد قام وفد معتبر يضم عدد من ناس الداخل بمعية النضيف بزيارته مساء اليوم للإطمئنان علي صحته ... وكذلك علي الدعوة ،، كما قمنا بزيارة الأخ صلاح عبد المجيد بمستشفي الشرطة ، قسم جراحة الكلي والمسالك البولية .. حيث ستجري له عملية تفتيت حصوة يوم الأثنين القادم ...
Post: #290
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 10:06 PM
Parent: #289

اللهم رب الناس اذهب البأس ...اشفي انت الشافي لا شفاء الا شفاؤك..شفاءا لا يغادر سغما...

نسأل الله أن يشفي و يتم العافية على ألأخوين جمال فارح و صلاح عبد المجيد....
Post: #291
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:09 PM
Parent: #289

يا رشا والله تستاهل جائزة رغم عدم الإعلان ... والجائزة عبارة عن تذاكر مجانية لشخصين لحضور الحفل والذي سيبدأ بعد قليل علي الهواء مباشرة علي قناة نايل لايف ... ويحيه محمد منبر والشاب خالد ونتمني لكما مشاهدة طيبة

230.JPG Hosting at Sudaneseonline.com
Post: #292
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 10:18 PM
Parent: #291

ما شاء الله تبارك الله..عيني باردة...الناس ديل نضاف و مروقين...عبدالحفيظ يا عبدالحفيظ لماذا الغياب...
Post: #293
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:21 PM
Parent: #291

لعناية طرق جبريل ...

من اليمين نادر فاروق ، ثم عبد الحفيظ عباس ... ثم صلاح عبد المجيد وقد أشتهر في الزقازيق وما جاورها بصلاح فل لست وهو الرئيس السابق للجمعية ومن الشخصيات الزقازيقية التي عمت شهرتها الآفاق .. لطيبته ومعرفته بكل ناس الزقازيق ، وقد كان مسئولاً عن التسفير في مدينة حلفا لفترة طويلة .. صلاح قدم خدماته لآلاف الطلاب من كل أنحاء الجمهورية دون تمييز ... وقد آن الاوان لأن نرد له بعض الجميل .. حتي ولو كلمة طيبة ...

تلفون صلاح 0911254000
Post: #294
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:25 PM
Parent: #293

من اليمين الإعلامي المعروف الطيب بشير وهو ضابط شرطة سابق وصديق لناس الزقازيق عبر الكوتش .. والنضيف النضيف ... حلاقة غير لأجل الأجازة ... ثم الكوتش محمد صديق يحكي لصلاح عن تجربته مع الحصاوي والطبيب العطار ...

232.JPG Hosting at Sudaneseonline.com
Post: #396
Title: Re: ناس الزقازيق ... أجدع ناس ( 3 )
Author: الطيب بشير
Date: 11-14-2009, 01:50 PM
Parent: #294

.

أهلآ زهير


و ألف شكر لناس الزقازيق

ناس الزقازيق ... أجدع ناس

.
Post: #295
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:28 PM
Parent: #293

يا رشا ... سلام يا كحيل أستمتع بالحفل ، ولا تنساني من الدعاء .. كم أحتاج للدعاء هذه الليلة أكثر من أي وقت مضي ...
Post: #402
Title: Re: ناس الزقازيق ... أجدع ناس ( 3 )
Author: حنان مجمر
Date: 11-14-2009, 03:04 PM
Parent: #295

سلامات ياناس الحوش والله لامه ليكم كمية ونسه لكن كل شئ بالمهله سمح
زهير الزناتي ماقلت لينا عايز الدعوات دي لشنو تكون نازل الانتخابات ونحنا ماعندناخبر

ازيكم يابنات ياجمعية الثريا والله مشتاقييييييين مني يونس ليك وحشه شديده

سلامات عرفه اليوم اللميت في تلفونك في جده قالو لي سافرتي

نجاة حوفي عفاف علي ميرغني ابتهاج زنوبه وكل الباقين سلامات

يامحمد صديق وين خالده ولا ماعندكم حريم بمرقو لبره
Post: #296
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 10:31 PM
Parent: #293

نسأل الله أن يشفي و يتم العافية على ألأخوين جمال فارح و صلاح عبد المجيد
Post: #297
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-12-2009, 10:40 PM
Parent: #296

Quote: رشا ... سلام يا كحيل أستمتع بالحفل ، ولا تنساني من الدعاء .. كم أحتاج للدعاء هذه الليلة أكثر من أي وقت مضي ...


اعتدت أن اقول لنجاة عندما تطلب مني أن أدعو لها...سبحان الذي لا ينسانا و لا ينساك...فتستاء و تقول لي ما تدعو لي زي الناس...أها يا زهير انت ده بينفع معاك ولا نغيره..

سبحان الذي لا ينسانا ولا ينساك...
Post: #298
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 10:43 PM
Parent: #296

خالد سحلب


خالد عبد العال حمور
زول كان نكتة لدرجة لا توصف
هو من جزيرة حمور وهو من بديرية الرشيد (ولاد عم الشوايقة لزم)
كان يسكن خالد دائما مع الشريف عباس الشربف ومؤخرا سكن معاهم
اسامة موشى (زراعة)...
خالد كان يمني نفسه بدراسة الصيدلة
حاول المستحيل من أجل ذلك كان مستعد يكون اي طيف سياسي في سبيل تلك الغاية
لذا كانت علاقته بكلية العلوم علاقة عابرة
كان يملأ كافتيرا علوم صخبا
أول مرة دخلنا الكافتيريا قام طلب سحلب
هو كان فاكر السحلب دة حاجة باردة
قام شفط ليكة ((جغمة)) كبيرة منه
زولك اتشوشو عديييييييييييييييل
ومن يومها وهو معروف بيننا بخالد سحلب
كانت تجمعني بخالد حبنا لغناء الشوايقة والضحك بشكل عام
وكان ثالتنا اخونا العزيز أسامة خضر(كدمبس)
خالد حين يأتي للكلية يحدث بها هياج غير عادي
كانت علاقتنا بالدفعة التي سبقتنا في علوم (دفعة مبارك جادين والحوري)
علاقة قوية شديد امتدت الى يومنا هذا
هم كانوا يرون فينا دفعة فوضوية ونحن كنا نصفهم بدفعة مصطفى محمد الحسن
لانه كان زعيم الفوضى والضحك بامتياز
خالد كان يعيش على هامش الحياة الطلابية
حبه للصيدلة لم يترك له مجالا ليعرف قيمة كلية العلوم
ظل الرجل على فوضته تلك واستمر حسب معلوماتي الى يومنا هذا في الزقازيق
ويبدو انه تزوج واستقر هناك
الرغبة احيانا تاخذك الى اتجاهات بعيدة جدا
وهذا ما وقع لخالد سحلب
له التحية اينما كان
Post: #299
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 10:49 PM
Parent: #298

حينما تكون من القلب فإتها تكفي ... شكراً لإني أعلم إنها من القلب ومن شغاف الروح ...
Post: #300
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 11:01 PM
Parent: #299

أبو الزوز
انا حا ادعو معاك دعاء حبوبات



الله يعدلها عليك شقيش تقبل
Post: #301
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 11:22 PM
Parent: #300

شكلها الناس كلها ضاربة الرز
نمشي نشوف لينا سهرة نتابعها
Post: #302
Title: Re: ناس الزقازيق ... أجدع ناس ( 3 )
Author: طارق جبريل
Date: 11-12-2009, 11:23 PM
Parent: #301

نسيت كدي نقلب ليكم الصفحة قبل امشي
Post: #303
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-12-2009, 11:23 PM
Parent: #300

يا جبريلا..
ما تنسى أيام إنتشارنا أنا وإنت وماهر شاهين الى شقه خالد سحلب وأسامه موسى والشريف عباس الشريف..
حيث كانت شقتهم عامره بصحبتهم وفنهم..
وماتنسى صينيه البطاطس الشديده البيطبخها أسامه موسى..
وفي نفس العماره كانت تسكن أختنا هاجر البشرى.. وكانت دوما هاشه باشه..
وتديك كلمتين إنجليزي راسنا يسخن..
Post: #304
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-12-2009, 11:50 PM
Parent: #303

شباب سلام ....

شكراً يا طارق علي الدعوة الصادقة.... جبريلا صاحبك حاتم ده ما تجاريهو في الكلام بيضيعك ...

يا حاتم الليلة صاحبك كان في مدني ...
Post: #305
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-13-2009, 00:09 AM
Parent: #304

مساءات حلوة يا احباب
الف مليون سلامة لصلاح عبد المجيد وجمال فارح
وكمان طمنونا على نهلة
كيف كانت عمليتها امبارح
وان شاء الله البت ياسمين الشهيرة ببطة
كمان تكون بلغت العافية
وان كان لنا فرصة دعاء لزهير كما طلب
ياربى ينجيك ويغطيك ويعليك ويخليك
تحياتى وترحيبى بسامى جمال
وزهير الشقلينى
اما كلام الرشيد وزهير الفوق ده
فيانى الراجع اقراهو تانى
خليهو يملانى
واتمدد بيهو فى المكان
فاحساسى المؤقت
الان
وحتى قبل اعادة القراءة
ان اصولى الداروينية كلها انما تجمعت
فى رغبات قفز وتنطيط
ناتجة من محاولات تلمس الأشياء كلها
والأنحاء كلها
والأتجاهات كلها
واركان الدنيا الأربعة
ولكن كل هذا لايكفى يا (داروين)لأثبات اصول القرد فينا
ليتك نسبتنا الى
ام اربعة واربعين
اذن لأرسلت يدا الى نهلة
واخرى الى صلاح عبد المجيد
وثالثة الى جمال فارح
ورابعة تنادى صالح تبلدينا
والأربعين الباقيات الى الزناتى زهير
يوزعها كيف يشاء
مع اشتراط وحيد
(ان بغسل واحدة منهن بالماء والصابون بعد وجبة سمك بعد بكرة )
ولا اقول ليكم و يرجعها لى بى ريحة سمكها
الرايحة لى من ايام ميدان الربيع
Post: #306
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-13-2009, 00:14 AM
Parent: #305

تمشى وين يا جبريلا وحاتم جبارة يا دوبو خاشى
تحياتى ليكم الأتنين
ومعاكم زهير كمان
يا اخى ما بقينا اربعة !
اوزع ليكم معاى
كان ويست ولا حريق
كلها بجضمكم
قلتو شنو ؟؟
Post: #307
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 00:35 AM
Parent: #306

يا شباب الساعة 2 ونص صباحاً
ويا دوب داخل على النت
مين صاحي ؟؟
Post: #309
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 00:38 AM
Parent: #307

منص
والشادي كيفنكم

دايرين نهجج ياخ
Post: #308
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-13-2009, 00:37 AM
Parent: #306

ده حظ شنو ده يا ربى
اليوم الوحيد النجيكم فيهو بالليل
والله شايل فرشتى وبشكيرى
كان عندنا نية نبيت معاكم عدييييل
تقوموا تطفوا الأنوار وتكبوا الزوغة
والكوتشينة الوزعناها دى
العب براى يعنى
Post: #310
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 00:50 AM
Parent: #308

يا منص ... نهلة عمليتها يوم السبت ...

مرحب بشادي القوم ... أولاد بيطرة ديل قبل شوية كانوا حايمين بيجاي ... حاتم جبارة حالف ليهو يجي السودان أديهو سيك في قبوله زي صاحبنا داك الكان زميله حاج السر .. الله يطراهو بالخير ...
Post: #311
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 06:30 AM
Parent: #310

صباح الخيرات والبركات
الجمعة الساعة الثامنة والثلث صباحاً

في حديث رائع للرسول صلى الله عليه وسلم
اهديهو للشباب صباح الجمعة وكل جمعة عشان ما نضيع فضل الحديث ولا فضل الجمعة
Post: #312
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 06:37 AM
Parent: #311

( عن عثمان الشامي أنه سمع أبا الأشعث الصنعاني عن أوس بن أوس الثقفي عن عبد الله بن عمرو عن النبي صلى الله عليه وسلم قال : من غسل واغتسل يوم الجمعة وغدا وابتكر ودنا واقترب واستمع وأنصت كان له بكل خطوة يخطوها أجر قيام سنة وصيامها.
Post: #313
Title: Re: ناس الزقازيق ... أجدع ناس ( 3 )
Author: محمد صديق
Date: 11-13-2009, 08:03 AM
Parent: #312

سلامات يا ناس

وصباحات التفاؤل

وصباحات الكلام الزى الجاى ده :

Quote: ليتك نسبتنا الى
ام اربعة واربعين
اذن لأرسلت يدا الى نهلة
واخرى الى صلاح عبد المجيد
وثالثة الى جمال فارح
ورابعة تنادى صالح تبلدينا
والأربعين الباقيات الى الزناتى زهير
يوزعها كيف يشاء
مع اشتراط وحيد
(ان بغسل واحدة منهن بالماء والصابون بعد وجبة سمك بعد بكرة )
ولا اقول ليكم و يرجعها لى بى ريحة سمكها
الرايحة لى من ايام ميدان الربيع
Post: #314
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-13-2009, 08:06 AM
Parent: #312

صباح الخيرات للجميع
جمعتك وجمعه جميع الزقازيقاب خير وبركه انشاءالله
يارب اشفى كل مريض وافرج كربة كل مكروب
واجمعنا على ما يرضيك دوما
قادر ياكريم
يارب
Post: #316
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-13-2009, 11:43 AM
Parent: #314

جمعة مباركة على جميع الزقازيقاب

اللهم ببركة هذه الجمعة أكرمنا ولاتهنا

وأحسن عاقبتنا في الأمور كلها.




الدنيا مسألة حسابية ؛؛؛؛؛

خذ من اليوم عبرة ... ومن الأمس خبرة

أطرح منها التعب والشقاء .. وأجمع لها الحب والوفاء

وأترك الباقي لرب السماء
Post: #317
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 12:04 PM
Parent: #316

زقازيقية طاشة ... مرحب بها

إخلاص في باب بيتكم هل من مؤرحب
Post: #318
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 12:10 PM
Parent: #317

Quote: وحات الله النصيبة البيقولولو متولي دة وكتين كانوا يجيبوهو في حفلة
في الامتداد بالله خلايق الله دي تتجارى من هني لا هني علي الجداد الداير يرمي البيض
ومن صباحة الله الناس مولعة المكاوي وتكوي في قمصانها
شي قميص تحرمني منك
وشي قميص مشخت كدي ماني عارف اسمه شنو بس يشبه ارسال التلفزيون وكتين يكون قاطع
واصلو البنطلون دة ان بقى مكوته ماها بقت سيف اصلك لا بتحضر الحفلة لا شي
والناش تمشي تورنش شباطتها العلي الدبابات ديك
وتشوف فيهم يجهزوا في الريحي وهم صماحاتم ترمي الصقر
بالله العنده تمرين من بدري بدري يتمرنه والعنده مشوار يقضاهو
وبس من تمغرب الناس دي تنكبس على صيوان الحفلة
ناس مقنطرالا في اضنين الكرسي علي الحدية في راس عمود الكهرباء
وكل واحدا مسرح تفته.. شي لي قدام وشي بالجنبة
والعجب التفف (جمع تفة) كلها تلمع ما تعرف ممسحنها بي شنو
ووكتين الحفلة تنتهي تلقى التفف كلهن تراب زي اللخولم فيها طين
والبنوت يومين معسكرات في الكوفيرات
والفي البيوت ملتخات وشوشن باللخوخة
ووحدات يمعطن في رجلينن
واصلو الكوز أليل علبة النيدو داك آآبينزل من النار
والسكر والليمون واقعات فيهو قرض
وهاك يا نتف... والعجب امواس الحلاقي وكتين يواسوبن الحجبان
بالله الواحدة قبل النتفي دة تشوف حواجبها علي الاشميق
وبعد تواسيه يبقى علي البسطونة التاننها
اها عاد وكتين متولي دة يجي داخل ويلعلع
اصلو خلق الله ديل تقول دستروا ضُمة َضُمة
وعاد العرس دة ماهو فرصة
الحبيلو بنيي تلقاهو اسبوعين يتعلم في الرقيص
فشان يقشر بي رقصته قدام الجكس
شي ترترة لاااوراء
وشي حوقيص بالكتفين زي الزول الماسكلو مقدافين في مركب
وشي عويج رجلين وهزهيز علي زمبلك الساعة
والبنوت تلقاهن مجحمطات في البلوزات والاسكيرتات
ومكربات النصايب ألاتن..
وعاد وكتين يبدن الكشف والنصايب ألاتن يتهزهزن
اصلو البُطان الفي اضنين الكراسي ديلك
بالله يموجوا ويعوجوا علي الجدادي الراكضي بالبيض وجات جدادي تهابش فيها
والواحد يبقالي ريالتو نازلي وهو ماهو حاسيبا
وان بقيت ختيت بالك لي الوشوش
تلقى الشغال يغمزلو لي بنت عاجباهو
والشغالة توسوس لي صحبتها وتوري فيها الجكس أليلا
الزمن كان بي خيرو
الداير يحب يحب
والداير ينبسط في عضامه دة ينبسط
والداير يهجج يمين يجي مملخ ضُمة ضُمة من الحفلة
والعجب لو قالولك قدم البنات ديل لي بيوتن
يمين رجليك تحسبن طايرات ضُمة
واصلو ان كان ليك ما يصلن بيوتن ديك كله كله

والله نفسي اهجج زي زمان

دايرين نهجج ياخ
Post: #320
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 12:32 PM
Parent: #318

جبريلا يخرب مطنك...انت يا زول شمشار خلاص...و الله كما كنت ملاوز أظنك كان لخبت لخبتا ما ليها أول و لا آخر...غايتو أقول ليك شنو بلا...الله يفتح ليكم الجريده حقتكم دي ساكت...و الا المنبر ده تاني الواحد لو لقى ليهو بوست حقك و لاحق ليهو صلاة ولا حاجة..يقول أحسن أمشي أصلي و أجي وبعدين أفتح البوست بتاع جبريلا ده...طبعا لحدي حسة ما وصلت الحد ده ..زلكني متوقع حصوله قريب...
Post: #321
Title: Re: ناس الزقازيق ... أجدع ناس ( 3 )
Author: عثمان الخير
Date: 11-13-2009, 12:40 PM
Parent: #317

احبتي

صباحكم عسل وجمعة مباركة.

كانت عندي مشكلة فنية في النت في اليومين الفاتو ,لكن ماشاء الله جيت لقيتكم في الصفحة الرابعة

عمومآ الشكر لكل السناير الذين رحبوا بنا وتحياتي لكل زملائي ودفعتي الذين انضموا حديثآ وهم يثرون

البوست بكل هذا الجمال والالق .

حبيبناحاتم جبارة والله ليك وحشة وادروب الذي تقصده انت هو فردتي الغالي محمود قمرالدين وهو احد

الزقازيقيون الرائعون ,وقد كان يعمل مدرس بالمملكة العربية السعودية لفترة من الزمن وبعدها عاد

السودان وهو الان يعمل في احدالمدارس في شرقناالحبيب .

وبعدين يا جماعة اذا عندكم رقم تلفون للزميل عبدالعظيم حسن عبدالكريم ياريت تمدونا بيهو على

الايميل... [email protected]



الجدي
Post: #328
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 02:49 PM
Parent: #317

سلام وشوق شديد لكل ناس البيت الحلوين ما بتصدقوا فرحتي قدر شنو وانا قدام البيت فعلا انا كنت تاشه لغاية ما لميت فيكم
هسع انا فرحانة لغاية ما الكلام ذاتو راح مني
خلوني اشيل نفسى وارجع
Post: #319
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-13-2009, 12:30 PM
Parent: #300

صباح الخير يا وجوه الخير،،،

بارك الله لكم في هذه الجمعة المباركة يا أحباب

عاجل الشفاء للأخ العزيز جمال فارح

والأخ الكبير صلاح عبدالمجيد أن يمن الله عليه بالشفاء


’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’

أحد السلف كان أقرع الرأس أبرص البدن أعمى العينين مشلول القدمين واليدين
وكان يقول: 'الحمد لله الذي عافاني مما ابتلى به كثيراً ممن خلق، وفضلني تفضيلاً '.


فمر به رجل فقال له: مما عافاك؟ أعمى وأبرص وأقرع ومشلول فمما عافاك؟

فقال:ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً،

'اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر.
Post: #322
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 01:31 PM
Parent: #319

غداً عملية نهلة نجم الدين بمستشفي فضيل ... الساعة الثامنة والنصف صباحاً بعدها سنتوجه... لجيل أولياء . حيث الإفطار الزقازيقي ... علي شرف عبد الدائم النضيف ... الساعة الحادية عشر ليلاً ...

يا جماعة أي زول ما وصلته الدعوة /// يعتبر نفسه مدعو ... للتنسيق

0919701061
Post: #323
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 01:35 PM
Parent: #322

أمنياتي لكم برحلة سعيدة في حضرة النضيف ديدو...

أبو الزوز بلغوا نهلة منا السلام و الأمنيات بالشفاء...
Post: #324
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 01:43 PM
Parent: #323

يا رشا معزومين معانا بكره رايك شنو ...
التذكرة دبي الخرطوم ... (75 دولار فقط) وغياب يوم واحد من الشغل ما بيرفدوك رايك شنو 150 دولار عشان وجبة سمك طازجة في جبل أولياء ما كتيرة عليها ... منها تسلم علي الحجاج ... حك راسك وشوف أقرب طيارة قائمة الليلة ونط فيها ...
Post: #325
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 02:03 PM
Parent: #324

أبو الزوز الجلسة معكم لو بي 1500 دولار ما كتيرة عليها...كان بامكاني أن أحضر الى السودان كل كم شهر كدة...لكن في بعبع اسمه جهاز المغتربين...الله لا دخلك ليه...كلام النهار عندهم يمحوه الليل...مرة مافي ضرائب تفرح...تصل الجهاز تلقى في ضرائب...تدفع نص قروش الاجازة وبعد يقولو ليك أجلنا ليك ألف دولار...و الله حارمننا منكم...

في زول يطلع من بلده يدقوا ليهو تأشيرة خروج...ما سمعت بيها في بلد في الدنيا...دخلنا انجلترا دقوا لينا دخول جينا مارقين قالو لينا تصحبكم السلامة...طيب وختم الخروج...نظروا الينا بامتعاض,,,
Post: #326
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 02:07 PM
Parent: #324

والله الواحد كان يتمنى يكون معاكم في الرحة النضيفة دي
في حضرة النضيف النضيف
في انتظار الصور
بلغوا امنياتنا بالشفاء للاخت نهلة
وشنو خبر مرض جمال فارح ده
في كل الاحوال بلغوهو تحياتي
وامنياتي له بالشفاء


امبارح الخميس كانت سهرة رائعة من بعد صلاة العشاء لغاية الساعة 2 وربع صباحاً
جاني في البيت عماد عثمان ومعاهو العود في حضرة الرائع مكي احمد محمد حمزه
اي غناء حلو غنيناهو
اي كلمات حلوة قلناها
سبحنا بخواطرنا اميال واميال
كل واحد جاب اروع ما عندو
وصلنا احاسيسنا لحتة سنين كانت واحشانا
التحية للاثنين
عماد عثمان
ومكي حمزه
لروعتهم الرائعة
Post: #327
Title: Re: ناس الزقازيق ... أجدع ناس ( 3 )
Author: احمد صديق
Date: 11-13-2009, 02:20 PM
Parent: #326

الزقازيق يا اجدع ناس
سلام وتحايا ومبروك عليكم الانفصال والمنبر الخاص
Post: #329
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 02:55 PM
Parent: #327

Quote: سلام وشوق شديد لكل ناس البيت الحلوين ما بتصدقوا فرحتي قدر شنو وانا قدام البيت فعلا انا كنت تاشه لغاية ما لميت فيكم
هسع انا فرحانة لغاية ما الكلام ذاتو راح مني
خلوني اشيل نفسى وارجع


رحبوا بالسنبير الطاشي إخلاص محمد أحمد ... يا الرشيد إخلاص دي أنجدزها بكيبورد عربي سريع ينوبكم ثواب ..
Post: #330
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-13-2009, 03:11 PM
Parent: #329

ترحيب حااااااااااار بكل من

الأخ سامي جمال

والأخت إخلاص

وألف سلام للأخ صلاح عبد المجيد

والأخ جمال فارح

والأخنت نهلة

_________________

ويا جلال ... ربنا يسهل ليكم أمر الحج

ويتقبل منكم

____________

وللأخوة بالغربية (جدة ومكة والمدينة)

سوف يكون طرفكم والد أخونا مبارك جادين لأداء فريضة الحج... وسوف نمدكم بالتفاصيل ووسيلة الإتصال فور إستلامنا لها

والكلام دا بشمل الحاج جلال والحاج جلا

وشكرا يا مبارك جادين على إتصالك الرائع

_______________________

يا جماعة للمرة التانية بنسأل عن الأخ محمد عيد... وييييييييييييييييين الزول دا؟؟؟؟؟؟؟؟؟؟؟؟؟
Post: #331
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 03:12 PM
Parent: #329

زناتي يارائع تسلم واللة ياجماعةعايزةدروس للكتابة بلعربي لاني م ملااحقة افكاري من بطء يدي النجدة باللة حا ارجع ليكم تاني ان شاء اللة بالمساء
Post: #332
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 03:28 PM
Parent: #331

اخلاص يا أختي و صديقة الزمن الجميل...و الله تستاهلي يرحبوا مثنى و ثلاث و رباع كمان...الليلة اليوم يوم ما عادي اليوم الجابك لينا في الحيشان دي كلها..كتبت ليك ترحاب في كل مكان و في كل حوش...أمشي اشتري ليك كيبورد عربي و تعالي لينا...و من يوم الليلة جهزي السندوتشات من الصباح للشباب و أبوهم و اتفرغي لينا...و حقوا يا اخلاص تعملي ليك استراتيجية من حسة...يا زولة ليل أو نهار ولا كمان تطلعي أحرف من السبقوك و تبقي بتاعت الاتنين...و في الحالة دي بنبسط و بنرفع ليك القبعات...حبابك عشرة بلا كشرة...و المساء بتاعك ده بتوقيت وين...مكه...ولا قرينتش...و لا وين...مساك ده مرات بكون صباح في المعرب و نص نهار في أمريكا و عندنا في الامارات أواخر ليل...بس عشان نكون على بينة..

ناطرنك...دي باللبناني عشان نوريك نحن مثقفين كيف...
Post: #333
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-13-2009, 04:30 PM
Parent: #332

مرحب بوصول الأخت / إخلاص وحمد لله على سلامة الوصول

لقيناك طاشة بهناك في حوش بكري رحبنا بيك ووجهناك

على الدرب بس الجابك يجيب لينا بتنا حنان مجمر

اليوم كنت على الموعد مع الأخ الكبير صلاح عبدالمجيد

ولنا معه ذكريات جميله ورائعة والأخ صلاح رجل زقازيقي

ولكنه معروف لجميع طلاب مصر لتفانيه وإخلاصة لخدمة الطلاب

سنوات طويلة فله منا التحية ونتمنى له عاجل الشفاء وكذلك

للأخت نهلة نجم الدين أن يتم الله ليها الشفاء العاجل .

يوم أمس كان هناك هاتف من أمريكا وكان الصوت لأخونا عمر محمود محمد زين

توجد رسالة منه لبكري في الميل 3 يطلب فيها الدخول لبوست ناس الزقازيق

والأخ/ عمر خريج كلية التربية وكان ساكن مع عبدالدائم الوسخان وحسن شطة

وله ذكريات مع عبدالدائم النضيف وبيحاول يجهز كي بورد عربي وشكراً مرة

اخرى لهذا البوست الذي بدأ في لم شمل ناس الزقازيق بصورة سريعة وقوية

البوم كنا مع الحاج محمد آدم النور ووعد بزيارة جدة بعد العودة إلى مكة

المكرمة وسوف يكون السفر من مدينة جدة يا ناس جدة ومكة رحبوا معي بالحاج

وأهلة والحاج جلال وأهله وعمنا الحاج جادين ،،، نزلت أهلاً وحللتم سهلاً وحجاً

مبرور وسعياً مشكور وذنباً مغفور بإذن الله .

الشكر موصول للمهندس أحمد صديق مروره على البوست والله يبارك فيك .

السمك السمك يكاد عقلي يذهب ،،، بكرة السيرة حقت النضيف لحدي جبل أولياء

يا ربي بكرة البغني منو ،،، أنا عارفو ممسوخ براهو بياخد الدلوكة وبيدق

وبيهجج السيرة .
Post: #334
Title: Re: ناس الزقازيق ... أجدع ناس ( 3 )
Author: محمد عيد
Date: 11-13-2009, 04:32 PM
Parent: #332


واحد .. اثنين ..




* تعديل لتكبير الصورة

* عذرا نجاة .. قوانين بكرى فى تحديد الصور ... صعبة !!
Post: #335
Title: Re: ناس الزقازيق ... أجدع ناس ( 3 )
Author: محمد عيد
Date: 11-13-2009, 04:36 PM
Parent: #334

غنـــوا معانا .. غنوة العيــد والفرح

الليلة .. عيد ميلاد حبيبنا ...

رشـــيد العزيز ... كل سنة وانت طيب وعقبال 1000 شمعة

وربنا يحقق ليك كل امانيك ويخلى ليك اولادك وزوجتك العزيزة






86c34edd3b1.jpg Hosting at Sudaneseonline.com
Post: #336
Title: Re: ناس الزقازيق ... أجدع ناس ( 3 )
Author: محمد عيد
Date: 11-13-2009, 04:47 PM
Parent: #335

babaOmniasudandooditurky_0486.jpg Hosting at Sudaneseonline.com


رشـــيد الحبيب ...

هنيئــا لك باســرتك الجميلة

وبرفيقة دربك الوفيــة .. الســخية ..

التى ما فتأت تجهــز وتهتم لهذه المناسبة السعيدة منذ ايام عديدة

رشيد .. عيد ســعيد وعمر مديــد ... انشاء الله

وتقبل تهنانىء زوجتى ام مصطفى واولادى .. دعاء ومصطفى

Post: #337
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-13-2009, 05:02 PM
Parent: #336

رشيد القوم كل سنة وإنت طيب

وعقبال مائة شمعة وعيد ميلاد سعيد
babaOmniasudandooditurky_0486sudan1sudan.jpg Hosting at Sudaneseonline.com
Post: #338
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 05:06 PM
Parent: #336

يا رشيد ياحبيب كل سنة وإنت طيب .. عمر مديد وسعادة بلا حدود

195.jpg Hosting at Sudaneseonline.com
Post: #339
Title: Re: ناس الزقازيق ... أجدع ناس ( 3 )
Author: محمد صديق
Date: 11-13-2009, 05:29 PM
Parent: #338

سلامات يا ناس

الرشيد...كل عام وانت بخير

وعمر مديد ان شاء الله...

التهنئة موصولة لى نجاة وناس

الملاح القرين.
Post: #341
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-13-2009, 05:51 PM
Parent: #339



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">



Rasheed Happy Birthday

Post: #340
Title: Re: ناس الزقازيق ... أجدع ناس ( 3 )
Author: salah elamin
Date: 11-13-2009, 05:40 PM
Parent: #338

ترحيب حار بالاصدقاء والصديقات الجدد

كمال الشادي والدي التقينا صدفة السنة الفاتت بالقاهرة
وجلسنا معا في جروبي بوسط البلد
والطريف لاقينا اليوم داك الاستاد غازي سليمان المحامي
في جروبي فكانت جلسة اتحفنا فيها صديقنا كمال بمحاضرة عن التسويق
وطبعا كمال زول بجود اي حاجة بعملها من الغناء والتسويق وحتي العلاقات الاجتماعية .

وتحية للزول الجميل والرقيق عمر بسكو

والجميلة الصديقة حنان مجمر
ومجرد دكر اسم حنان مجمر بيدخل السعادة في النفس
ولصديقي الموهوب قيس جمال الدين الف تحية
وقيس كعادته دائما مبادر ..شايفوا عمل الحالة واحدة وعامل شغل حلو
في منبر الزقازيق ...يا سلام يا قيس يا اخ .

وترحيب بالسنيرة اخلاص محمد احمد
واخلاص لمن لا يدكرها كانت قائدة طلابية
صلبة ...زاملت زميلات صلدات
وكانت تلقي القصائد الثورية في زمن الخوف .

ولكم جميعا مبروك تقرير المصير والمنبر المنفصل .

من القدامى اسمحوا لي بتحية صديقنا ابو امنية ومهند
الرشيد بابكر بمناسبة عيد ميلاده ...الكم يا نجاة ؟
Post: #342
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 06:03 PM
Parent: #340

دييييييييييييييييينك
صلاح اللمين
كده اللمة بقت تمام
والناقصة تمت
آآآآآآآآآآآآي يا خي خلينا
نتذكر الايام الحلوة الجميلة

على فكرة يا صلاح كان يوم من اجمل ايام العمر لما اتقابلنا صدفة في القاهرة
وقابلنا صدفة غازي سليمان وقعد معانا اكثر من ثلاثة ساعات
على فكرة انا متواصل معاهو لغاية هسي

تحياتي ليك وين ماكنت
يازول انت ما ناوي تبطل النطيط في بلاد الله البعيدة دي
كل ما اسال عليك يقولو لي في بلد
امشي افتش ليها في الخريطة
القاك مشيت ابعد منها
قول بسم الله
وارجع يا زول
Post: #343
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 06:17 PM
Parent: #340

Quote: وتقبل تهنانىء زوجتى ام مصطفى واولادى .. دعاء ومصطفى


من الصباح نجاة و أمنية و مهند يتهامسون و يتغامزون...و أنا رغم حسن الظن بهم الا اني اتعقدت بيني وبينكم..حاولت اخفاء ذلك حتى جاء مهند عصر اليوم وقام بفضح المفاجأة رغم حسن طن نجاة و أمنية به و أنه لن يفضح مخططهم لأنه أحد أفراد الفريق...ثم توالت الأحداث و خرج الفريق ثم عادوا و معهم المفاجأت وشهدت شقتنا تظاهرة لم يسبق مثيلها احتفالا يعيد ميلادي ال(24) أصغر من ابتهاج بي سنة...

شكرا يا حمادة على المفاجأة الجميلة شكرا يليق بمقامك العالي الرفيع...وعبرك أشكر أم مصطفى و مصطفى و دعاء وربنا يحفطك و يحفظهم جميعا...
Post: #344
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-13-2009, 06:24 PM
Parent: #343

رشيد القوم
كل سنه وانته طيب وعمر مديد و سعيد
يا رب
اتخيل انك اصغر من عيد بسنه واجدة
Post: #345
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-13-2009, 06:34 PM
Parent: #343

Quote: يا رشيد ياحبيب كل سنة وإنت طيب .. عمر مديد وسعادة بلا حدود


و انت طيب يا أبو الزوز يا حبيب...

Quote: الرشيد...كل عام وانت بخير

وعمر مديد ان شاء الله...

التهنئة موصولة لى نجاة وناس

الملاح القرين.


يا كوتش تسلم ان شاء الله...و تقبل تحيات نجاة وناس الملاح القرين..

Quote: Rasheed Happy Birthday


سهيلي يا صديقي شكرا على الأغنية الجميلة...طالبك واحدة بي هناك...

Quote: القدامى اسمحوا لي بتحية صديقنا ابو امنية ومهند
الرشيد بابكر بمناسبة عيد ميلاده ...الكم يا نجاة ؟


صلاح الأمين يا جميل...لك من التحيات أجملها...و لقد أفصحنا عن الكم...
Post: #346
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-13-2009, 06:46 PM
Parent: #345

رشا يا رهيب كل سنه وانت طيب..
معنوياتك الليله في السما يا مجرم..
Post: #347
Title: Re: ناس الزقازيق ... أجدع ناس ( 3 )
Author: مني يونس
Date: 11-13-2009, 06:58 PM
Parent: #346

كل سنة وإنت طيب الرشيد ونجاة حوفي
ربنا يديم لكم الأفراح ولا يخلو بيتكم من الفرح
العامر الجميل
مرحب بالطلبة الجدد عمر الهواري وإخلاص
وجميع من حضروا حالياً .

صلاح عبدالمجيد نهلة نجم الدين أتمنى لكم
العافية وأن تكلل العملية بالنجاح ،،،،

جمال فارح ما تشوف شر ،،
زهير رسلوا لينا حقنا نئ --- رحلة جميلة
Post: #348
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-13-2009, 07:03 PM
Parent: #346

تحية ود لكل البوتقة..
شكرا يا عيدى على الابداع .. فانت دائما متفرد .. بابداعاتك..
التصميم رائع كروعتك وشكرا لام مصفى والعيال والله يخليك ليهم..
نحن دايما احتفالاتنافى الويك اند ابو هنودى عيده بكرة 14 نوفمبر ولظروف سفره احتفلنا in advance.فهمت يا حاتم يا امريكى ..

قولوا انشاء الله ربنايخليه ..لاولاده..ويحفظه .. ويرضيه.. ويغنيه..ويعافيه.. ويعليه ما يدليه.. ويخلى ليه والديه.. ويحقق امانيه البعيدة والقريبة امين يا رب العالمين.
الشكر لكل المحتفلين معانا والاتصلوا بينا واللسه ما عارفين كمان..
شبوكشى وينك ليك شوق عارم.. قلنا ليك عيده ال24(اصغر من بهجة)
زهير ومحمد صديق وسمؤل ومعتصم مساء قرنفلى وشكرا كثير..
منصى اظهر الحفلة انتهت..
ودمتم سالمين
Post: #349
Title: Re: ناس الزقازيق ... أجدع ناس ( 3 )
Author: محمد عيد
Date: 11-13-2009, 07:24 PM
Parent: #348

بســـم الله الشافى المعافى ...

نسأل الله عاجل الشفاء لاخواننا الاعزاء .. جمال فارح وصلاح عبد المجيد

ونسأله ان يمتب السلامة لاختنا العزيزة نهلة ونرفع الاكف للمولى عز وجل

ان يكتب سلامتها فى عملية صباح الغد وان يلبسها لباس العافية .

سعادتنا غامرة بتعافى اخونا عبد الحفيظ وظهوره فى صور صلاح عبد المجيد

طهــور انشاء الله
Post: #350
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-13-2009, 07:46 PM
Parent: #349

شكرا يا منى وتحياتى لميسرة والعيال..
الف سلامة لجمال فارح وصلاح
ودعواتنا لنهلة بنجاح العملية..
زهير المسج وصلتك..
يا فافى وزوبة اتلومتوا لوم مع رشيد القوم..
Post: #351
Title: Re: ناس الزقازيق ... أجدع ناس ( 3 )
Author: جلال عثمان
Date: 11-13-2009, 08:28 PM
Parent: #350

ببالغ الحزن والأسى ينعي خريجو الزقازيق (بالرياض - المملكة العربية السعودية ) شقيقة الأخ فايز عبدالرحيم - تربية التى لبت نداء ربها اليوم بالسودان
نسأل الله ان يتقبلها القبول الحسن وان يجعل مثواها الجنة ويشملها برحمته ومغفرته
وخالص التعازي للأخ فايز وجميع افراد الأسرة

تلفون فايز 0561028103
Post: #352
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 08:28 PM
Parent: #350

يا دوبك شفت الرسالة ، يا سلام عليك يا نجاة ياخ ، بين الأخوان ما في شكر ، ونحن ناس الزقازيق ديل نخدمهم بعيونا .. مش باسويرد واحد مية باسيورد نجيبه ليكم ... وشكرك نيابة عن كل ناس الدفعة لفتة كريمة منك ...
Post: #353
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-13-2009, 08:35 PM
Parent: #352

إنا لله وإنا إليه راجعون..
تعازينا للأخ فائز في وفاه شقيقته..
اللهم ارزقها رحمتك والجنه..
وارزق أهلها الصبر..
Post: #354
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 08:54 PM
Parent: #353

إنا لله وإنا إليه راجعون..
تعازينا للأخ فائز في وفاه شقيقته..
اللهم ارزقها رحمتك والجنه..
وارزق أهلها الصبر..
Post: #355
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 08:56 PM
Parent: #354

كل سنة وانت طيب يا رشيد القوم


حج مبارك ان شاء الله لجلا وجلال والخبراء الاجانب ووالد حبيبنا مبارك جادين

وامنيات قلبية بالشفاء لفارح ونهلة وصلاح


مية مساء للاحباب
Post: #356
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 09:20 PM
Parent: #355

خالص العزاء للأخ فايز .. ونسأل الله المغفرة والرحمة لشقيقته ..
Post: #357
Title: Re: ناس الزقازيق ... أجدع ناس ( 3 )
Author: محمد صديق
Date: 11-13-2009, 09:24 PM
Parent: #355

سلامات يا ناس

خالص التعازى للاخ فائز

وانا لله وانا اليه راجعون.
Post: #359
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-13-2009, 09:44 PM
Parent: #357

إنا لله وإنا إليه راجعون

العزاء لأخ/ فايز في وفاة شقيقته

تغمد الله الفقيدة بواسع رحمته والهم أهلها

وذويهاالصبر والسلوان
Post: #358
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 09:31 PM
Parent: #355

حجاَ مبروراً للحاج يا مبارك . بس كان تنصحوا تقوليهو السنة دي في الحج في جلا ... عموماً رسل معاهو إنين بودي قارد .... والله يا ناس السعودية السنة دي بعثنا لكم مناديب لحج هذا العام أبقوا عليهم عشرة ... عمار رحمة الله سيغادر مساء الأحد أيضاً للأراضي المقدسة ... ولا زال هنالك عدداً من ناس الداخل في إكمال إجراءات الحجز وخلافه ، سنوافيكم بالأسماء حين وصولها من الكنترول . أقترح تكوين لجنة من ناس جدة ومكة ، للقيام بالتنسيق مع حجاج الداخل ..
Post: #360
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 09:49 PM
Parent: #358

الاخ فائز
جعلها الله آخر الاحزان
وانا لله وانا اليه راجعون
Post: #361
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 09:56 PM
Parent: #360

يا طارق جبريل
استشارة
وتتحمل عواقبها براك
انا ما معاك
بي هناك
وانت عارف انا اقصد شنو
في واحد فتح ليهو بوست
خلاني ضحكت ضحك لي سنين ما ضحكتو
وانت رديت عليهو وقلت ليهو

يا شقي الحال عنوانك دة يقوم الصوف في العنقرة

انا عايز اقتبس كلام الزول المجنون ده واطرحوا لي جماعتنا ديل ناس الزقازيق
لكن خايف منهم
وعشان كده قلت ليك استشارة
والله رأيك شنو
أنت تعمل الحركة العجيبة دي
تعمل كوبي واقتباس وتجيب الموضوع بي صورو
وتتحمل المسئولية انت
يعني لو فيها فليق والله ضرب
انا مامعاك
رأيك شنو
Post: #362
Title: Re: ناس الزقازيق ... أجدع ناس ( 3 )
Author: كمال الشادي
Date: 11-13-2009, 10:08 PM
Parent: #361

الاخ العزيز زهير الزناتي
شايفك بتستفز في ميسرة وقلت ليهو جبنا ليك فردتك كمال الشادي
عشان تحكو لينا بعض من ذكريات تلك الفترة
وشايف ميسرة ما ردا الظاهر مشغول الليلة الجمعة
وناس جده يوم الجمعة بيكونو مضيوفين
خصوصا زول ريس زي ميسرة

خليني اقول ليك اربعة صفات عجيبة عن الزول الاسمو ميسرة سيد احمد ده

الصفة الاولى
اقسم بالله العظيم من يوم عرفت ميسرة ما شفتو صاري وشو
تصدق حاجة زي دي راجل عندو مقدرة عجيبة جداً في اضيق الاحوال والظروف يبتسم

الصفة التانية
كلنا لمن نزعل وتقفل معانا نقوم نسب وكل زول عندو مصطلحاتو الخاصة بتاعة السب والشتم
يا أخي الراجل الاسمو ميسرة ده عمري ما سمعتو شتم ليهو زول
استغفر الله الا زول واحد بس اسمو الدكتور حنفي سليمان رئيس واستاذ قسم ادارة الاعمال عندنا ليهو شتيمة محترمة غيرو يشهد الله مافي

الصفة الثالثة ميسرة راجل حنين جداً وانسان الى ابعد درجة
ممكن تصدق انو بعد عشرين سنة واحد يمشي الزقازيق يفتش الشغالة المصرية الكانت بتخدمنا ويمشي المناطق الشعبية الفقيرة
ويفتش ليها من بيت للتاني بس عشان يعرف احوالها ويساعدها بشوية قروش
بالله في ناس في الزمن ده كده
صاحبي راجل عظيم وانا عارفو

الحاجة الرابعة
في حياتي ما شفت زول بطنو غريقة زي ميسرة
تقول ليهو اي كلام يعتبرو سر ومستحيل يكلم بيهو اي زول
تصدق بعد اكثر من 15 سنة جاي السيد ميسرة يحكي لي عن اسرار احتلال السفارة السودانية بالقاهرة
وما هي الخطط التي تمت في الشقة التي كنت انا احد سكانها
كنا انا وميسرة بس
بعد اكثر من 15 سنة وفي بيتو في جده قاعدين انا وهو جاي عشان يحكي لي اسرار ذلك الاحتلال

ايه رأيك يا ميسرة تحكي للناس كلها الحكاية دي انا عارف انها مشوقة
Post: #368
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 10:40 PM
Parent: #343

رشيد كلو سنة وانت طيب وعقبال السنة الانتا تختارها بعد التمانين فرحان وسعيدمع اسرتك الجميلة قلت السنة الكم دي شفيق ياراجل علي العموم الكلام دا ما بعترض عليهو لانو من مصلحتي تسلم يا ابو امنية ومهند
Post: #363
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 10:11 PM
Parent: #332

يا اهل الدار السمحين سلام من هنا لعندكم طبعا يا رشيد القوم وتسميةحبوبتك عاجباني شديد انا ماعارفة اقول صباح الخير ولا مساءكم نور لكن حسب الزمن بتاعنا الف مسا عا الناس الكويسة وللة يا جماعة لو طباعتي شوية اسرع من كنت بريتكم بري نجاة الحوفي لكن ربنا ستركم خاصة بعد متاوقاتي لمدة سنتين ونص مش لي حق كنت ابريكم علي العموم انا ذاتي بثني اقتراح ود الزناتي في اسعافي بيلوحة مفاتيح عربية والباقي علي انا يارشيد انا زولة نهار ساكت لكن ممكن مرة مرة كدا اقلب ليل
Post: #364
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 10:21 PM
Parent: #363

تعرف يا كمال يمكن ميسرة دا في الزقازيق ما كان عندي بيهو علاقة مباشرة . ودا في الغالب لفارق السن (دي تديها كم ، انا لصقت ليها 8 غايتو لأنها عجبتني شديد) لكن يشهد الله ليس كلام مجاملة أو ونسة عابرة إنه ميسرة لديه سيرة غاية في الجمال ، حكي لي أحد اصدقاءه القرب ومن عاصروه اشياء عن ميسرة لا تملك إلا وأن تنحني إجلالا له .. أعرف الكثير عن ميسرة مما يجعلني أضعه في مصاف الأولياء والصالحين وهو عملة نادرة في هذا الزمن . ومن المؤسف أن يكون أمثال ميسرة بعيدين عن الوطن .. ميسرة شخص إستثنائي بلا شك .,. وله التحية في هذه الأمسية الجميلة . ولك أنت يا شادي تحية مثلها فلا تقل عنه شيئاً لأنك من أكثر ناس الزقازيق الذين يتفق حولهم الناس ، فالقبول والمحبة هي هبة من الله يمنحها لمن يشاء من عباده . ولولا أنك شخص بقامة ميسرة لما صادقك ...

موضوع جانبي :
ما قلت ليك الحب صعيب من أوله ... وإنه صلاح الأمين دربك حا يجيبوه وصدقت .. وقد جاءك يحبو بقلمه ... لكن طنشتني وما أديتني فيها ولا تلاتة من عشرة ...
Post: #366
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-13-2009, 10:38 PM
Parent: #364

دخول ليلى غير معتاد
اولا عشان نقول للولد رش كل سنة وانت طيب
وربنا يخلى ليك نجاة والعيال
ويملأ حياتكم سعادة وتفاهم
وبعين انت متين تميت الأربعة وعشرين
انت ما دفعتنا ولا شنو ؟؟!!
علامات التعجب الفوق استعاضة عن الوش المستغرب الما لقيتو وين
اما اخلاص محمد احمد
فنضرب ليها الدفوف , ونشغل ليها موسيقى القرب
ونخلى المدفعية تضرب ليها واحد وعشرين طلقة
ونقول ليها بالصوت العالى مشتاقين
اكتبى باى لغة واى حروف تشائين
الم تعلمى ان العطشان , يكفيه ان بشرب الماء بالفنجان
عطشانين ومشتاقين يا اخلاص
يلا اروينا بفنجانك
لغاية ما نجيب ليك , الكورة الكبيييييرة
(سأل الود حاتم جبارة
وما الكورة يا ود يا منصور
قلنا اناء من الصفيح المزخرف , يشرب به السودانيين الآبرى والحلو مر فى رمضان
قال وما الأبرى يا طارق يا جبريل
قال طارق جبريل , كان عرفت الحلو مر , الآبرى خليهو
احىىىىىىىىىىى منكم
Post: #371
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 10:53 PM
Parent: #366

منصور يادفعة الشوق كتير ليم تسلم يارب شفت محن الرشيد قال عمرو كم بيكبر فينا الدفعة باللة كيف يا منصور ليك وحشة عرفت جزء من اخبارك من الحبية حنان عبدالرازق ان شاء اللة نتواصل في بيتنا العامر بيكم
Post: #370
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-13-2009, 10:44 PM
Parent: #364

مساء الخير يا شادي مساء الجمال يا زناتي

اعتقد أديتوني حاجة أكبر من حجمي ،،،،،،

جزاكم الله خير ،،، وطبعاً بيني وبين الشادي

ذكريات بحجم الجبل الكبير ،،،،،،،

ولكن نقول شئ عجيب كنا ومعي الشادي

نعيش كثير من حياة البرجوازية ولكننا

كنا نتواضع ونكون عاديين ،،، لو تتخيلوا

يجينا تحويل بمبلغ كبير جداً من السعودية

ونقوم بفك الفلوس إلى خمسة جنيهات ونضعها في مكان

بارز ونأخذ منها بدون حساب حسب الحاجة المزاجية حتى

عزة الشاعالة ما كانت محتاجة تسألنا تأخد بمزاجها وتحضر

أشياء بمزاجها بدون مراجعتها أو محاسبتها ،،، بس ما كنا مرتاحيين

الشادي كان طاشي في ترتيب الغناء والمزازيق - البواب بتاع شقة كيمو لاند - كان يقول

لي وين صاحبك العواد ،،، وفهمتها مؤخراً لأن الشادي كان مرات يحمل آلة موسيقية أو البواب

كان يسمع دندنة الشادي وخاصة إذا جاء عماد شريف أو كانت هناك بروفات ،،، وأنا بكون طاشي

في أعمال إجتماعية نقابية أو عمل سياسي دايماً بنرجع أنصاص الليل أو الصباح فجراً أما الكلية

الله يرحمها ما كنا بنشوفها.
Post: #365
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-13-2009, 10:26 PM
Parent: #322

الف لا بأس علي نهلةربنا يشفيها ويقومها بالسلامة يا رب باللة عليك يازهير توصل التحايا والدعوات بالشفاء العاجل باذن اللة تشكر زهير اراك دوما سباق للخيرتحياتي لاسرتك الجميلة
Post: #367
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 10:40 PM
Parent: #365

Quote: عرفة بت الطاهر لو تعلمون .. كانت مـرَة مشهورة بالجيهة للدرجة الجابت
ليها النجيهة والحسادة من باقي نسوان حلة ورا !
النسوة اللائي ينطبق عليهن لفظ البشتنة والجوباك !
لم تمنعني حداثة سِنِّي من إبداء إعجابي الشديد بها , وهي تقطع المسافة
من بيتهم الواقع علي بعدِ جدعة حجر من رامي لا يجيد التصويب، إلي دكان الجّزُر
بتاع عمك فضل المولي !
كل عشرة خطوات كانت بمشية مختلفة ، وهي تقدِل زي وزينة تريانة( وتريانة) لمن
لم يسمعوا بها تعني سمينة أوشبعانة والله تعلم !
أو تتصنّع الخِفّة تارةً أخري و تترك مؤخرتها التي كانت تدرك قوة مغنطيسا
تفعل ما تفعل بقدامي الصعاليك المساخيت الذين يلاحقونها وهم يرددون

شل أجِب موبيل توتال
شل أجِب موبيل توتال

ما كدة وخلاس ،، كان مرور عرفة الساكنة طرف و رأيها ما أنعرف بذلك الشارع
البائس كافياً لتحويل المكان والزمان إلي كأس العالم للخُمرة والصندلية !
فلو أسعدك الحظ وقمت بمصافحتها ، فتأكد بأن الريحة الشهية المستفذة
ستسكر كفّك المتواضع وتبطل وضوءك لخمس أوقات متتالية !
فأنالا أذكر أحداً سلم علي عرفة ما شمّ إيدوا بعد المصافحة مباشرةً !
حتي شيخ حسن الذي كان يعرف بالصلاح والتقوة عندما صافحها بكل خشوع و إيمان
وهو يتحوقل و يستعيذ بالله العظيم من شيطانِ الخُمرة الرجيم !

أنا أعتقد جازماً أنه سيردّد في أوراده هذه الليلة

فاح لِي كبّريتة كبدي بالبنزين قادحة كبريتة !!!

أما عن صديقتي التي كانت طابقة البوخة فيما مضي من سالفِ العرس و الدخان !
تطلب من النسوان البولّعن حفرة الدخان في عصراً قريب الغيبة مراعاة حقوق
الإنسان و الجيران وحسن أولئك رفيقا من العزّابة الغلابة التعابةوالذين هم
عن نسائهم ساهون و أبن السبيل !
وبتطالب ذوات الثدي اللائي يلقين بأجسادهن إلي تهلكة الحفرة تجنّب كل أنواع
الطلح والشاف و بخور الكّبّريت والصندلية الأصلية !
أما رش غرف النوم بالمحلب وموية الورد فذلك رجسٌ من عملِ العرسانِ فأجتنبوه!

أما ود الرضي خليناهُ علي اللانام ولا أكل الطعام وهو يقول

طابق البوخة
قام ندا يهتِّف نام من الدوخة
إيدوا عاقباهُ جدلة مملوخة
في معالق الجوف موسو مجلوخة !
أما صديقتي ( قادر الله) إنتي يا الكبرتوك والبنات فاتوك الله يصبرك يختي
وخليك من راي ماما دومة وتنظيراتا التقدمية في النسوان أمات حفرة دخان
وقولي ليها الكديسة لمن ما تقدر تحصل اللبن في المشلعيب بتقول
بِس عفِن !!!
وسيبك من ماما دومة و أرخِي أضانك لي ود الرضي دة كلاموا بنفعك


فاح لِي كبّريتة

كبدي كالبنزين قادحة كِبريتة
أصلوا هالكاني عنِّي ما نجيتة

يا جرح غوِّر إنشاء الله ما بِريتةويا بت أمي أنشاء الله تصبحي عروس بي بيتك وبي خُمرة زيتك
ولكن أرجوكي أن لا تلقي بنا إلي التهلكة !!

كمال الشادي العلي انا سويتو
والكلام دة موجود هنا:
خُمرة و حِنّة و دلكة و حفرة دُخان ...( توجد فِركة قرمصيص) !
وحا اغيب من البوست اسبوعين عشان الكبيع وكدة
Post: #369
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-13-2009, 10:43 PM
Parent: #365

حار التعازى لزميلنا فايز فى وفاة شقيقته
رحمها الله رحمة واسعة وتقيلها احسن القبول
والزمكم الصبر الجميل
جلال مشتاقين ياخ
Post: #372
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-13-2009, 10:58 PM
Parent: #369

يا منص أنا مع الرشيد.. أحي منك يردوا يقولو ليك شنو..

جبريلا.. الشادي دردقك يا خفيف يا لفيف.. عدل قوام..
Post: #373
Title: Re: ناس الزقازيق ... أجدع ناس ( 3 )
Author: طارق جبريل
Date: 11-13-2009, 11:09 PM
Parent: #372

ود جبارة
ناقل الكفر ليس بكافر
Post: #374
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-13-2009, 11:36 PM
Parent: #373

بالسلامه والشفاء يا نهله..
والشفاء من الحصوه وكل داء يا أبوصلاح..
والشفاء أيضا لي فارح.. ولكل مرضانا..
يارب..

الماشين جبل أولياء..
إن شاءالله السمك... ينفعكم..
Post: #375
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-13-2009, 11:56 PM
Parent: #374

جبريلا ناقل الكفر ... أزيك ...

يا جبارة سننقل تحاياك للجميع ، ونرجع سمكة للبحر عشان خاطرك والأمنيات الطيبة ..

مني يونس وميسرة ... لكم منا إحتفال تتحدث عنه الركبان ... مش نخلي ليكم شوية سمك .. بس يا ريت تشرفوا الوطن ... ونعمل ليكم الما إتعمل قبل كده ... نتمني في أول سانحة تفكروا في زيارة السودان ...
Post: #376
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-14-2009, 02:36 AM
Parent: #375

منو قال ليك انقل لي يا شمشار.. لعبك مكشوف..
هاك القصه الصغيره دي اخر الليل..


"اسحب جرتك.."
كانوا بيضحكوا ويتسامروا اثناء لعبهم للحريق وبينهم صديقي اكس (X)
"ياخي ما قلنا ليك جرتك.."
اكس: "دقيقه يا اخوانا"
وجوكرو يطقطق.. رايح جاي بين الكروت..
"امانه ما تعبتو.. قفلت والجوكر برميهو ليكم بايظ.."
نوي للشمالو.. "بل راسك يا خوي"
واخد اكس راحتو ورمي بايظو بي ثقه...
خمسيييين
جروهو ليك جره عدوك..
النادي كلو قام يكورك...
اكس اضطرب.. عاين لليمينو لقاهو جاري فيهو نور طويل..
صااااج.. اكس اداهو كف..
الناس صنت..
"شنو يا اكس ياخ.. الزول ما جراك خمسين.."
"الخمسين ما قلنا حاجه.. لكن بي يعاين كدا ليه.."

عرفتو؟
Post: #377
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-14-2009, 07:00 AM
Parent: #376

صباح الخير عليكم

التهنئة والترحيب بزملاء البرلمة الجدد متمنيا لهم
اقامة طيبة في البيت الوسيع ..

يا أبو الرشد يا حبيب ..
يا خي كل سنة وانت طيب وربنا يخلي ليك العيال ويخلي ليك أمهم
ويعمر بيتكم بالحب والسعادة ... آمين يارب ..
وعقبال تطفي الشمعة المية ...

Post: #378
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-14-2009, 07:07 AM
Parent: #377

أحر التعازي للزميل فايز عبد الرحيم
في وفاة شقيقته سائلين الله لها الرحمة والغفران وعالي الجنان
وأن يلهمه الصبر وحسن العزاء

وإنا لله وإنا إليه راجعون
Post: #379
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 07:28 AM
Parent: #378

( وبشر الصابرين الذين اذا اصابتهم مصيبة قالوا انا لله وانا اليه راجعون ) صدق الله العظيم

خالص العزاء للاخ / فايز عبد الرحيم

في وفاة شقيقته سائلين الله لها الرحمة والغفران وعالي الجنان

وأن يلهمه والاسره جميعا الصبر وحسن العزاء

وإنا لله وإنا إليه راجعون
Post: #380
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-14-2009, 07:35 AM
Parent: #378

صادق التعازي للأخ فايز عبد الرحيم

في وفاة شقيقته


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها ولأخونا فايز الصبر
Post: #381
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-14-2009, 07:38 AM
Parent: #380

رشيد القوم

كل سنة وإنت بألف خير

وعمر مديد إن شاء الله

والتهنئة موصولة للأخت نجاة والأبناء
Post: #382
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 07:40 AM
Parent: #380

تحية للجميع فى هذا الصباح المشرق ..

معذرة للانقطاع لايام بسبب ظروف العمل وكده !!

شكرا سامى العزيز للسؤال .. ما أعدمك انشاء الله

شكرا للكوتش محمد صديق والعزيز الرشيد للاتصال والسؤال

خلونى اقول زى كان بيقول الحاج جلا قبل التوبة المرتقبة ...

احبكم واحبكم واحبكم ،،،،
Post: #383
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-14-2009, 07:41 AM
Parent: #380

ازيكم

تعازي حارة للاخ فايز عبد الرحيم

وللفقيدة الرحمة والمغفرة
Post: #384
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-14-2009, 08:34 AM
Parent: #383

Quote: مني يونس وميسرة ... لكم منا إحتفال تتحدث عنه الركبان ... مش نخلي ليكم شوية سمك .. بس يا ريت تشرفوا الوطن ... ونعمل ليكم الما إتعمل قبل كده ... نتمني في أول سانحة تفكروا في زيارة السودان ...


صباح الخير يا وجوه الخير،،،،

أنحنا يا زهير الخرطوم دي بنجيها وإن طال السفر
884c9243ffsudan1sudan.jpg Hosting at Sudaneseonline.com

ناس السمك في جبل أولياء
Post: #385
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-14-2009, 08:48 AM
Parent: #384

صباح الخير

البادي النور يا جماعة الظاهر عليهو برضو مشي حجة سرية

نحن الآن في طريقنا إلي الجبل ..... السمك السمك السمك

sdfgh.JPG Hosting at Sudaneseonline.com



مبروك الألف الثاني
Post: #386
Title: Re: ناس الزقازيق ... أجدع ناس ( 3 )
Author: البادي النور
Date: 11-14-2009, 09:49 AM
Parent: #385

صباح الهناء والسرور ...
كان الله هون بنمشي جبل أولياء ...
وكان الله ما هون إنشاء الله بالهناء عليكم يا الحبان ...
Post: #389
Title: Re: ناس الزقازيق ... أجدع ناس ( 3 )
Author: البادي النور
Date: 11-14-2009, 09:52 AM
Parent: #386

خالص التعازي لأخونا فايز عبدالرحيم في وفاة شقيقته ...
اللهم أرحمها وأسكنها فسيح جناتك ...
اللهم يا ربي تقبلها قبولا حسن ...
Post: #388
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-14-2009, 09:51 AM
Parent: #385

انتو فى السمك
ولا فى الكر الكثيرة دى
شايلين معاكم تلفزيون
عارفكم
كوانين وحلل ساكت
السمك المقلى داير ليهو فحم حااااار
وشطة حاااااارة
وسلطة مقطعة صغار صغار
الليمون الليمون
كثروا الليمون
احىىىىىىى انا منكم تانى
Post: #387
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-14-2009, 09:51 AM
Parent: #383

ألف مرحب بالأخ سامي جمال وإن شاء الله الأخ موسى الراجل وراكم

والف مرحب بالأخت إخلاص محمد أحمد

وسلامات للاخ صلاح عبد المجيد والأخ جمال فارح والأخت نهلة

نسأل الله لهم الشفاء العاجل والصحة التامة


أحسن الله عزاء الأخ فايز عبد الرحيم في وفاة شقيقته ربنا يتغمدها بواسع رحمته ومغفرته

وإنا لله وإنا إليه راجعون
Post: #391
Title: Re: ناس الزقازيق ... أجدع ناس ( 3 )
Author: البادي النور
Date: 11-14-2009, 10:00 AM
Parent: #387

رشيد القوم .. كل سنة وإنت طيب ... وعيـــ24ـــدميلاد سعيد ...
مليون مراحب باللغم الكبير سامي جمال .. والله منور يا أخي ...
ألف سلامة للأخوان صلاح عبدالمجيد و جمال فارح ...
وألف سلامة لأختنا نهلة وربنا يشفيكم جميعا ويمتعكم بالصحة والعافية ...
طارق ود جبرين ... يا زول جنك ما كلكي ... الله يسألك دا كلام تقولو ...
ودا كلام تجيبو ... طبعا إنت بت الشيخ بتاعتك ما عندها مترجم ...
والله يا ود جبرين ضحكتني جنس ضحك ... يا زول إنت ما نصيح والا شنو ...
Post: #390
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-14-2009, 09:59 AM
Parent: #383

الف مرحب بالأخ سامي جمال وألأخت إخلاص محمد أحمد

وسلامات للأخ صلاح عبد المجيد وجمال فارح والأخت نهلة

نسأل الله لهم الشفاء العاجل والصحة التامة


وأحسن الله عزاء الأخ فايز عبد الرحيم في وفاة شقيقته

ربنا يتغمدها بواسع رحمته وغفرانه.

وإنا لله وإنا إليه راجعون
Post: #392
Title: Re: ناس الزقازيق ... أجدع ناس ( 3 )
Author: البادي النور
Date: 11-14-2009, 10:10 AM
Parent: #390

مليون مراحب بالأخت إخلاص محمد أحمد ...
إنشاء الله هول المفاجأة زال عنك ...
عايزنك تنداحي وإنت ما برلومة بس جديدة على الحوش ...
Post: #393
Title: Re: ناس الزقازيق ... أجدع ناس ( 3 )
Author: كمال الشادي
Date: 11-14-2009, 10:13 AM
Parent: #390

رشيد القوم
ونجاة حوفي

والله حاولت افهم
وكل مرة اقول ما عايز اغلط
شفت محمد عيد نفخ بلالينو
وعمل حركاتو بتاعة الفوتوشوب ديك
بتاع حركات انا عارفو

الراجل حافظ التاريخ
ومجهز حاجاتو

انا قلت عيد ميلاد واحد من الاولاد لمن شفت صورة الاولاد
وبعدين شكيت انو عيد زواج

يا أخوانا نحن برضو حلوين أويييي
ما عندنا بلالين محمد عيد
لكن ممكن نعمل ليكم غنية حلوة ننزلها ليكم

احب الحب وأيامو
وذكرياتو وأحلامو
وما توحيهو اهاتو
حباة الحب اسميها السعادة بكل معانيها
اقوم ليلاي اغنيها
روح ياليل تعال يا ليل روح يا ليل تعال يا ليل
احب في كل اوقاتي
الاقي حبيبي يوماتي
اقوليهو تعالي لي
حبيب ريدي تعال لي
لنجلس جلسة غزلية
Post: #394
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 10:18 AM
Parent: #393

لا أحسبه تجاهلا او تناسيا .. ولكنها نوائب الدهر التى – رغما عنا - تفرض علينا احيانا ان نكون فى صف المتأخرين او المتقاعسين عن اداء كثير من الواجبات المهمة

الاخت والزميلة الفاضلة .. الزراعية المبجلــة .. اخلاص محمد احمد ...

لك منى عميق الأســف على تأخر ترحابى بمقدمك الســعيد علينا فى هذ1 الحوش الوارف
غيمة خريفية جميلة تبعث فى انحائه نسيما عليلا يبهج الروح ..
مقدمك الينا بكل تأكيد سيزيدنا اشراقا وبهاء وقد خبرناك بيننا من قبل فارسة لا يشق لها غبار
ومن الذين يملكون ناصية القلم ورجاحة العقل ..
مرحبا بك اختنا .. وقدمك قدم خير انشاء الله
Post: #395
Title: Re: ناس الزقازيق ... أجدع ناس ( 3 )
Author: كمال الشادي
Date: 11-14-2009, 10:19 AM
Parent: #393

العزيز زهير الزناتي

جبت لينا الولد المطيميس الاسمو صلاح اللمين
وما قصرت
انا غرقت في الونسة معاهو ونسيتك الصراحة لله يا زهير
جميلك فوق راسي من فوق يا عظيم
صلاح اللمين راجل اجمل حاجة فيهو بساطتو
يا أخي انا لاقيتو في القاهرة بعد اكثر من 15 سنة
كاني فارقتو قبل شوية
ياهو زااااااااااااااااااتو
الله يديك العافية يا صلاح ويخلي ليك ولدك ويجمعك بيهو دائماً وابداً

وانت تستاهل عشرة على عشرة في الحتة دي
بس لو عرفت تجيب لي كمان جمال فارح
والله انط ليك جوه الكمبيوتر ذاتو
Post: #397
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-14-2009, 02:01 PM
Parent: #395

صادق التعازي للأخ فايز عبد الرحيم

في وفاة شقيقته
Post: #398
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-14-2009, 02:16 PM
Parent: #397

أشكركم جميعا على التهنئة الرقيقة و على الاتصالات التلفونية التي توالت...شكرا معتصم جعفر على الاتصال و الشكر لتوأم روحي منصور و توأم روحه أماني...شكرا جلال...شكرا مني يونس و ميسرة ...شكرا للأمريكاني حاتم جبارة و المغربي ناقل الكفر طارق جبريل...شكرا للجنرال اخلاص صديقتي الجميلة...شكرا قدورة الحبيب...شكراسامي الأنيق...شكرا البادي الزاهي الجميل...شكرا يا كمال الشادي و شايلنك للتقيلة...شكرا فافي...شكرا زوبة على الاتصال...

أشكركم جميعا من أعماقي...
Post: #399
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-14-2009, 02:19 PM
Parent: #397

تعازينا الحارة للأخ فايز عبد الرحيم في وفاة شقيقته
غفر الله لها وأسكنها الله فسيح جناته والهم اهلها الصبر والسلوان
Post: #400
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-14-2009, 02:22 PM
Parent: #399

الف مرحب بالأخ سامي جمال وألأخت إخلاص محمد أحمد


وسلامات للأخ صلاح عبد المجيد وجمال فارح والأخت نهلة


نسأل الله لهم الشفاء العاجل والصحة التامة
Post: #401
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-14-2009, 02:38 PM
Parent: #400

38552.gif Hosting at Sudaneseonline.com


الف مبروك للاخ الرشيد
Post: #403
Title: Re: ناس الزقازيق ... أجدع ناس ( 3 )
Author: طارق جبريل
Date: 11-14-2009, 03:10 PM
Parent: #400

Quote: طارق ود جبرين ... يا زول جنك ما كلكي ... الله يسألك دا كلام تقولو ...
ودا كلام تجيبو ... طبعا إنت بت الشيخ بتاعتك ما عندها مترجم ...
والله يا ود جبرين ضحكتني جنس ضحك ... يا زول إنت ما نصيح والا شنو ...

البادي كيفنك ابوي
ياخي القال جيبوا النصايب دي كمال الشادي
انا ناقل للكفر بس
Post: #404
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-14-2009, 03:45 PM
Parent: #403

مدثر أشكرك على البطاقة الجميلة...دمت يا أخي...
Post: #405
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-14-2009, 03:55 PM
Parent: #404

السمك السمك يكاد عقلي يذهب

يا جماعة ما في خبر من ناس

جبل أولياء ،،،، هو يا جماعة

القصة رحلة صيد ولا رحلة أكل سمك

،،،،

ترجعوا بالسلامة .
Post: #406
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-14-2009, 06:43 PM
Parent: #405

الليلة ناس البوست ديل مشو يحصلوا السمك

ما في أخبار من جبل أوليا ده ما كان صيد سمك

ولا يكون الناس مع كورة مصر والجزائر.....

البرازيل وإنجلترا

011smsudan1sudan.jpg Hosting at Sudaneseonline.com
Post: #407
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-14-2009, 07:26 PM
Parent: #406

البرازيل هدف إنجلترا لا شئ في بداية الشوط الثاني

البرازيل تضيع ضربة جزاء

الليلة أنا بحل مكان رشيد القوم أصله راجل فنان

بحب الكورة الحلوه
Post: #408
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-14-2009, 07:49 PM
Parent: #406

سمك سمك سمك سمك سمك كان يوم السمك العالمى
يوم صال وجال الزقايقاب بالسمك سمك ولاشى سوى السمك
وسط حضور زقازيقى انيق كان احتفاء دكتور جمال
النضيف والسيده نهله والنضيفات الصغار00
الزناتى والسيده اابتهاج وصغارهم
الكمندان والسيده خالده وعمر وابوبكر
باشمهندس نادروحرمه
شخصى وحرمه والصغيره وعد
عبدالسميع000صديق000البرلوم محمد000مجتبى
تجمع ما اروعه ازهلنى اندماج بين الجميع
والصور خير معبر عن ذلك انه يوم يغنى عليه
الشعراء
Post: #409
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 08:07 PM
Parent: #408

Quote: سمك سمك سمك سمك سمك كان يوم السمك العالمى
يوم صال وجال الزقايقاب بالسمك سمك ولاشى سوى السمك


الصــياد ... مشى يصـطاد

رمى الشـبكة ... قبض الســـمكة ...


هنيئا مريئا ايها الاحباب

الصور بسرعة يا زهير ...

عشان الناس الماسكها مغص من الكبســـة ومن لف لفــها ... !!!

اما انا فـ ممغوص من اقوان الجزائريين القاعدة تضيع دى ..!!
Post: #410
Title: Re: ناس الزقازيق ... أجدع ناس ( 3 )
Author: محمد صديق
Date: 11-14-2009, 08:22 PM
Parent: #409

سلامات يا ناس


السمك ....السمك ...السمك

الشطة والليمون الكباااااار

والبصل ....

نكاية فى منصور .
Post: #411
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 08:39 PM
Parent: #410

ملعوووون ابو الكورة ...

رجعنا لى طمام البطن تاااانى ..!!



يا كوتش انا ما داير سمك ..

اجدع لى ليمووووونة
Post: #412
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-14-2009, 08:56 PM
Parent: #411

Quote: ملعوووون ابو الكورة ...

رجعنا لى طمام البطن تاااانى ..!!


ليه مالك يا حبيب...ان شاء الله خير..المطمم بطنك شنو...

المصريين أهم حيوية وعزم و همة...أتمنى وصول مصر لكاس العالم...انهم يعملون بجد و يستحقون أن يجنوا ثمرة جهدهم و عملهم...بغض النظر عن ماذا نريد نحن...
Post: #413
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 09:11 PM
Parent: #412

عارف يا رش ...

نظريا كده .. الفريقين غير مؤهلين للعب فى كاس العالم

حتى تونس والبحرين الخرجوا الليلة .. برضو فطايس ..!

بعدين .. المصريين كانوا فعلا ماسكين الكورة ..

لكن ده برضو اعتقد من تأثير هدير الجماهير الخرافية

الكانت مالية الملعب ..

المهــم فى الشغلة .. الورطة بتاعت كورة الاربعاء فى السودان ...

اذا قلنا الاستاد ما بطال ..

المشكلة فى النقل التلفزيونى الحيجيب لينا الكلام ..

وبعدين تلقى المذيع كل شوية يقول ليك .. السودان جابت نقطة واحدة وهدف واحد

وحيشجعوا مصــر عشان يغووضوا ..!!

عاشت وحدة وادى النيل ..!!
Post: #414
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-14-2009, 09:40 PM
Parent: #413

يا حمادة...لعب المباراة في السودان كان من اختيار مصر...بينما اختارت الجزائر دول جوارها و لأسباب موضوعية...منها أن يسهل لمشجعيهمم السفر...و اختارت مصر السودان لنفس الأسباب اضافة الى أنهم يتوقعون تعاطف السودانيين معهم...

أما الفريقين فكما قلت لم يكونا مقنعين..خاصة الجزائر التي لم تهاجم مرمى مصر أبدا...و على فكرة يا حمادة حتى في المباراة الأولى في الجزائر لم تكن الجزائر تستحق الفوز على مصر و لعبت مصر في الجزائر أحسن من لعب الجزائر في مصر اليوم..
في رأي النتيجة عادلة وعلى الفريقين اثبات أيهما أجدر بالصعود الى النهائيات في مباراة فاصلة حتى لو كانت في السودان وكانت فضيحتنا بجلاجل...او قطعت الكهرباء أو قام جمهورنا برمي الحجارة على رجال الاتحاد السوداني الذين سيحضرون المباراة...

ماذا عن نتيجة مباراة السودان و بنين و التي انتهت بفوز بنين 2/1 في الخرطوم...خلي زهير يرسل الليمون كله..
Post: #415
Title: Re: ناس الزقازيق ... أجدع ناس ( 3 )
Author: محمد عيد
Date: 11-14-2009, 11:08 PM
Parent: #414

Quote: ماذا عن نتيجة مباراة السودان و بنين و التي انتهت بفوز بنين 2/1 في الخرطوم...خلي زهير يرسل الليمون كله..



هنا فى هذه الحالة لا أنصحك بالليمون ...

ولكن يجب ان تتبع جيدا تعليمات مضيفة الطائرة وتســحب الكيس المخصص لحالتك من أسفل المقعد

رحلة سعيدة ...

ونراكم دائما على طائرات سودانـ ............. ر ..!
Post: #416
Title: Re: ناس الزقازيق ... أجدع ناس ( 3 )
Author: طارق جبريل
Date: 11-14-2009, 11:28 PM
Parent: #415

حقيقي الجزائر احق بالوصول لكأس العالم من المصريين
الجزائر لديها فريق منظم ويلعب كرة جميلة

شخصيا كنت بشجع الجزائر حتى آخر دقيقة وسأظل
Post: #417
Title: Re: ناس الزقازيق ... أجدع ناس ( 3 )
Author: البادي النور
Date: 11-15-2009, 05:16 AM
Parent: #416

صباح الهناء والسرور ...
أصبحنا وأصبح الملك لله ...
Post: #418
Title: Re: ناس الزقازيق ... أجدع ناس ( 3 )
Author: موسي عيسي
Date: 11-15-2009, 05:31 AM
Parent: #417

صباح السمك أقصد صباح الخير يا وجوه الخير


حار التعازي للزميل فايز عبدالرحيم .


حمدلله على السلامة فارح وصلاح عبدالمجيد و

الاستاذه نهلة و انشاء الله ما تشوفوا شر



الرشيد انشاء ربنا يطول في عمرك و عقبال

المليون شمعة و يسعدوك عيالك .



الحبيب محمد عيد اخبارك مقطوعة حتى الهاتف؟



استاذنا ميسرة ربنا يديك العافية اللقيامة تمام



الفنان الشادي منور و بيك الحكاية اكتملت كفر ووتر



طارق جبريل تحياتي حالتك محتاجة ليها لعمرة سريعة بالله فكر فيها؟

و نحن في الانتظار و جاهزين و كمان تسعدنا شوفتك ؟



حاتم جبارة يا عسل في انتظار مواضيعك الليلة الحلوة ديك و عايزين

لينا مباراة في ارض محايدة بس جهز تيمك و ما في مشكلة ممكن تستعينوا

بصديق بيطرة الكمندان !


نجيلة دفعة يا راقي أجمل حاجة عندي نكتة اليوم بالله لا تحرمنا من ابداعك ناسف

للانقطاع عنك راجع الايميل
Post: #419
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-15-2009, 07:12 AM
Parent: #418

Quote: حقيقي الجزائر احق بالوصول لكأس العالم من المصريين
الجزائر لديها فريق منظم ويلعب كرة جميلة


صباح الخير يا وجوه الخير ،،،،

يا ناس السمك وينكم من أمس

الفريق المصري والجزائري يستحقان

أن يمثلا أفريقيا وهذا هو أفضل الأسوأ

وأنحنا حنشجع مصر ،،،

أولاً لروابط الدم

والجار أولى بالمعروف

وعلشان الزقازيق في مصر

ولأنهم أختاروا السودان بكل ثقة عكس الجزائرين

الذين إختاروا دول المغرب العربي عند ناس طارق جبريل

لعدم معرفتهم بالسودانين أو لعدم إنتمائهم لنا نحن الأفارقة

لنشجع مصر ،،،،،
Post: #420
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-15-2009, 07:34 AM
Parent: #418

صباح الخيرات ...

البارحة كان يوم إستثنائي ... ذهبنا لكي نفطر ونعود بعد الثانية مكثنا حتي السابعة مساء ولولا مباراة مصر والجزائر لكان الأنس ممتد حتي الآن ... الصور في الطريق ... هاكم دي علي سبيل التصبيرة إلي حين ميسرة ...

238.JPG Hosting at Sudaneseonline.com
Post: #421
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-15-2009, 08:03 AM
Parent: #420

141120092287.jpg Hosting at Sudaneseonline.com
Post: #423
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-15-2009, 08:07 AM
Parent: #421

رايكم شنو الباقي في حوشنا ....

وردت للجنة التنفيذية عدد من الإقتراحات حول مساندة الفريق المصري ...

لافتات في المطار .. والإستاد وتبني موقف لأجل دعم الفريق في مباراة الأربعاء ...

الموافق يرفع يده ... والما موافق برضو يرفع يده ... احب الإجماع السكوتي
Post: #422
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 08:07 AM
Parent: #420

يا طارق جبريل اركز
وبطل الحركات بتاعتك دي
تنقل كفر
تنقل بصل
ده موضوعك

هسي الجاب اخوي الكاشف هنا شنو
يقولو ليك الموضوع جبتو من وين
تقول كمال الشادي قال لي

متين قاولتك يا أخوي
لكن بيني وبينك الموضوع شديد
ويتساهل
والله شنو ؟؟
Post: #425
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 08:10 AM
Parent: #422

يا أخاونا على موضوع الكورة وكده
رغم اني ما بتاع كورة

بالله زول يقول ليك انا جاي اتغدى معاك في بيتك
معقولة تطلع تخلي ليهو البيت
عييييييييييييييييب

يا أخوانا
انا واخوي على بن عمي
وانا وابن عمي على الغريب

الغريب يا هو الجزائري

بالله تصوروا
يوم الاربعاء المصريين يلعبوا في الخرطوم
والجمهور يشجع الجزائريين
والمصريين ينتصروا
بالله تودوا وشكم وين

السترة والفضيحة متباريات
انستروا
انستروا
وشجعوا المصريين
Post: #424
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-15-2009, 08:08 AM
Parent: #420

صباح الخير عشيرة الجدعان

يا زهير
بالهناء والشفاء انشاء الله بالصحة والعافية ...
بالله البلطي لسه طعمو زي زمان ولا اتغير ..
ياااااا حليلو ....


ياريت والله تطمنا على الأخت نهلة وتحياتنا ليها وامنياتنا بتمام الشفاء والسلام أمانة ...
Post: #426
Title: Re: ناس الزقازيق ... أجدع ناس ( 3 )
Author: محمد صديق
Date: 11-15-2009, 08:13 AM
Parent: #424

سلامات يا ناس

وصباحات السمك

Quote: أبوبكر حامد الأمين
تاريخ التسجيل: 03-04-2006
مجموع المشاركات: 313


Re: ولمن فاتهم الاستماع ..... (Re: محمد صديق)



ياناس يا أجمل الحلوين ، أها جيتكم ومعاى كمية أشواق لو وزعت على اهل الأرض لكفتهم


رحبوا معى بالحبيب الظريف ...بكرى حامد

ومبروك علينا هذا القلم الهازل الجاد.
Post: #427
Title: Re: ناس الزقازيق ... أجدع ناس ( 3 )
Author: محمد صديق
Date: 11-15-2009, 08:17 AM
Parent: #426

سلامات يا ناس

Quote: بالله زول يقول ليك انا جاي اتغدى معاك في بيتك
معقولة تطلع تخلي ليهو البيت
عييييييييييييييييب



مع حبايبنا المصريين ومن الاستاد بأجدع اللافتات.
Post: #428
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-15-2009, 08:47 AM
Parent: #427

نعم... مع المصريين

ونؤيد وبشدة موضوع الإستقبال

وأحلى لافتات لأجدع منتخب
Post: #429
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-15-2009, 09:00 AM
Parent: #428

يلا يا جماعة في إقتراح إنه اللافتات من المطار ... يلا شدو حيلكم ونقوم نجهز لافتاتنا ونكون حضور

ناس الزقازيق أجدع ناس


ترحيب حار ببكري الشين .... قدر أشواقه السمحة دي ...

sudansudansudansudan5.JPG Hosting at Sudaneseonline.com
Post: #430
Title: Re: ناس الزقازيق ... أجدع ناس ( 3 )
Author: محمد صديق
Date: 11-15-2009, 09:01 AM
Parent: #428

سلامات يا ناس

Quote: رحبوا معى بالحبيب الظريف ...بكرى حامد

ومبروك علينا هذا القلم الهازل الجاد.
Post: #431
Title: Re: ناس الزقازيق ... أجدع ناس ( 3 )
Author: موسي عيسي
Date: 11-15-2009, 09:01 AM
Parent: #428

مع المصريين للطيش برضهم حبابينا و اهلنا و ناسنا

و استضافونا لفترة من الزمان و كما فضلولنا علي

كل البشر ما بنخذلكم و مرحب بيكم في داركم حوش

الزقازيق اولا و في السودان بلدكم الاول !

و الله يا شباب أول مره اشجع المنتخب المصري ؟ بظروفها!
Post: #432
Title: Re: ناس الزقازيق ... أجدع ناس ( 3 )
Author: موسي عيسي
Date: 11-15-2009, 09:08 AM
Parent: #431

ما شاء الله يا شباب السمك عندكم يا زهير و الله الزول الظريف

صديق الصادق دا طلعتوا من وين بالله بلغه التحايا و اسله ا

من فردته الفاتح جمعه وحسن عبدالمجيد و عربي ود ام روابه تربيه



و النضيف ما شايفه في الصورة بلمع في الجزمه ولا شنو قول ليه

النضيف نضيف حتى لو قام من النوم اظهر ساي يا دودي ؟ انشاء الله

يكون السودان مرحب بيك و التحايا للامورات والاهل جميعا وربنا

يسعدك بيهم
Post: #433
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-15-2009, 10:55 AM
Parent: #432

Quote: مع المصريين للطيش برضهم حبابينا و اهلنا و ناسنا

و استضافونا لفترة من الزمان و كما فضلولنا علي

كل البشر ما بنخذلكم و مرحب بيكم في داركم حوش

الزقازيق اولا و في السودان بلدكم الاول !

و الله يا شباب أول مره اشجع المنتخب المصري ؟ بظروفها



موسي عيسي نتفق مع 100%
Post: #434
Title: Re: ناس الزقازيق ... أجدع ناس ( 3 )
Author: مني يونس
Date: 11-15-2009, 12:39 PM
Parent: #433

[سلام علي ناس الزقازيق أجدع ناس
حمدالله علي السلامة ياناس جبل أوليا
نشجع المنتخب المصرى ضد الجزائر
لآنهم إختاروا السودان
وكل سمك وأنتم طيبين
Post: #435
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-15-2009, 01:01 PM
Parent: #434

test





















test
Post: #436
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 02:27 PM
Parent: #435

زناتي
اسألك بالله تعملوها
وتمشوا المطار تستقبلوا المصريين
وتكتبو في اللافتة خريجي جامعة الزقازيق
والله اجهزة الاعلام المصرية كلها راح تنقلها ليكم
والعالم كلو راح يتكلم بيها
راح تقولو للعالم إننا درسنا في مصر
ولسه حافظين ليهم الجميل والمعروف

يا أخوانا اتذكروا المقولة العجيبة بتاعة ناس الامن
( ما فيش حاجة يا فندم الامن مستتاب إلا السودانيين والكلاب )
وقيلت لاني آخر الليل في الزقازيق مافي زول بيتحاول كان غير السودانيين والكلاب
ومافي زول كان بيقول لينا عينكم في راسكم
يا أخوانا خليكم عادلين

يا أخوانا الحبش قعدوا في السودان طيلة ايام حربهم هم والاريتريين
ورغم إننا ما إحترمناهم
زي ما المصريين إحترمونا
اسأل اي حبشي أو اريتري عن السودان
يجاوبك بشوق
كأننا شلناهم فوق راسنا
ونحن حقيقة ما عملنا كده

اهلاً اهلاً بالمصريين
Post: #437
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 02:35 PM
Parent: #436

الي اجمل الحلوين ..
كمال محمد الحسن ( الشادي )
عماد عثمان
الف تحية و وتقدير واحترام ومليون سلام للجدعان..
شكرا علي الدعوة الكريمة بمنزلكم العامر ....الله عليك الله .. ياشادي ..
امتعتنا و اعدت لنا ايام كنا نظن انها لاتتكرر وقد كانت ليلة الخميس ذات طعم ولون من نوع نادر
..شعرت معها اننا قد صغرنا لينا كده كم سنة للوراء
... كنت حريصا جدا للحضور في الموعد المحدد واعددت نفسي لما كنت امني النفس به من فترة بعيدة فأنا قطعا اسعد الناس حينما اكون بمعية فرسان الزمن الجميل – دي كانت دايرة منصور.. له التحية..
شكرا علي احساسكم الراقي غناءا وطربا وعلي كل شئ في السهرة الحلوة الجمعتنا مع الاخ الجميل - عماد عثمان التحية لكما وارجو ان نكررها قريبا ...
بعد ذهابي من عندكم خطر لي ان اتصل باحد مشاهير تلك الفترة واعلامها .......
بالله تخيل معاي انسان في طريقه الي دخول عملية جراحية وهو طريح المستشفي
وأسألوا عن صحتوا كيف لنطمئن عليه ...
تأتي اجابته ان اصدق ناس هم ناس الزقازيق
وهم من يسعدونه بحق وتبقي علاقتهم ببعض قوية ويعتز بها
.. و يكلفني بابلاغ تحياته لكل الاخوان الزقازقيين وحملني رسالة امانة ان اعرف كل زقازيقي بان
القنصل الجديد بسفارة السودان بالرياض اسمه ابراهيم منصور
كان معنا في بداية دراسته بالزقازيق وتحول الاسكندرية وزوجته سوسن خريجة- زراعة الزقازيق- زقازيقية مئة بالمائة - لهما التحية – ووصانا بان لازم تروحوا وتتعرفوا عليهم وتعرفوهم علي كل الزقازقيين الموجودين بالرياض وحملني رسالة الي كل الزقاقزيقين ان يحافظوا دائما علي علاقاتهم المتميزة وهو سعيد بيهم وبتواصلهم . وهو في معنويات عالية وبفرح جميل يبلغني بان الاخوان جميعا بجانبه وقد اسعده بشكل خاص اتصال من الاخوان ميسرة ومدام مني حوالي ساعة كاملة ( ياسلام عليك ياميسرة ويا مني والله ناس واجب كما عهدناكم و عشان كدي كلنا بنحبكم )... وتخيل الزول دا منوا .. دا صلاح عبد المجيد وجدت تلفونه واتصلت عليه اتمني له الشفاء عاجلا و للاخت نهلة نجم الدين والاخ جمال فارح ... وان شاء الله لاهم ولا أي زقازيقي يشوف شر .
وقبل ما اختم سلامي ( اقتباسا من جمالياتكم )... اتمني ايصال تحياتي عبركم الي جمال السنوسي .. والاخ الغالي جدا سنيرنا .. معتصم سلمان جعفر ... ولمجموعة البوست الرائعين .. سامي عبدالوهاب .. احمد اسماعيل .. قدورة .. الزناتي .. جلال عثمان .. حاج الركز ومدام عفاف ميرغني .. وعثمان الجيلي .... محمد صديق ..قيس جمال الدين ... الخ ولكل الحلوين تحياتي
ودمتم
مكي احمد حمزة
السعودية الرياض
Post: #438
Title: Re: ناس الزقازيق ... أجدع ناس ( 3 )
Author: الرفاعي عبدالعاطي حجر
Date: 11-15-2009, 04:14 PM
Parent: #437

شكوى ضد عصام دهب وعبدالدائم سيد احمد وزهير الزناتي وحتى...اي او الزقازيق...!!!
Post: #439
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-15-2009, 04:40 PM
Parent: #437

الأخ كمال الشادي
التحية ليك وعبرك للزقازيقي الرائع والفنان الرقيق
شقيق النسائم الحلوة الذي عطر أيامنا وملأنا فرحا
الأخ مكي احمد حمزة
تذكار الأيام الجميلة الذي ما زال ينبض حبا وتحنانا
لك وله ألف تحية وسعيدين نسمع عنه من خلالك

نتمنى أن نلتقي جميعا مجددا ....
Post: #440
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 05:40 PM
Parent: #439

الاخ الشادى
من المفترض ان تكون لافته خريجى جامعة ومعاهد الزقازيق فى المطار
ترحب بالضيوف فى ديارهم وتتمنى لهم النصر
الضيف يجب ان يكرم ولسنا بجاحدى جميل000سنكون فى الاستاد
باذن الله
=================================================
العزيز الشادى
هناك الكثير حول مقترحك الجميل مما لا يكتب هنا
توقع منى ايميل او تلفون حرام ان لا نسعى فى ذلك0
================================================
Post: #441
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 05:51 PM
Parent: #440

072.jpg Hosting at Sudaneseonline.com
079.jpg Hosting at Sudaneseonline.com

كان هكذا
221.jpg Hosting at Sudaneseonline.com

ثم اصبح هكذا
Post: #443
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 05:59 PM
Parent: #441

223.jpg Hosting at Sudaneseonline.com

نادر السمكsrc=http://www.sudaneseonline.com/uploadpic/Nov09upload/082.jpg border=0 alt="082.jpg Hosting at


كان لقاء اسرى رائع
Post: #445
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 06:07 PM
Parent: #443

228.jpg Hosting at Sudaneseonline.com
Post: #446
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 06:17 PM
Parent: #445

068.jpg Hosting at Sudaneseonline.com


جيل من بنات الزقازيقاب النضيفه عناب و وعدمعتصم
Post: #449
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 06:37 PM
Parent: #446

بعد ان انتهى الناس من السمك
كانت هناك جلسه اسريه رائعه تبادل الحضور فيها الاراء
اتفق كل الاخوات على شىء واحد باستثناء ابتهاج
عارفين الاتفاق كان شنو
البوست ياخذ مننا الوقت الكثير على حساب الاسره

اذن الدعوه جاده لمناقشة هذا الامر 000ومن منطلق
حرصنا الاخوى على الاسره الزقازقيه ندعو الجميع ان
لا يكون وقت البوست على حساب الاسره فالاسرة اولا وثانيا
وثالثا واخيرا0
Post: #442
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 05:53 PM
Parent: #440

معتصم سليمان جعفر

العضو المنتدب
لشركة الزقازيق القابضة

المشروع كبير
وفي بعض جوانبه مخيف

وانا مطول بالي ليهو للاخر

وانا جادي جداً
وحالف بالله اعمل ليك للناس ديل شركة يتكلم بيها السودان كلو
تلم ناس الزقازيق واولادهم في مصالح مشتركة يجمع بينهم نفس الاحترام والحب انشاء الله

اوعك تحرمني طلتك بي هناك
وانا منتظرك
حبيبي
Post: #444
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 06:01 PM
Parent: #442

إلى العضو المنتدب
ل شركة الزقازيق القابضة
الاستاذ معتصم سليمان جعفر
ولكل من يود مناقشة بعض جوانب موضوع الشركة على جنب

تلفوني في الرياض 00966563785231

[email protected]
وده ايملي

مع التحية
Post: #447
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-15-2009, 06:27 PM
Parent: #444

لو عرف السمك في جبل أولياء بأمر تلكم الحملة الشرسة و التي استهدفت دمة البارد بكل برودة دم...لهاجر ذلكم اليوم ليستظل بظل سد مروي الذي أنشئ خصيصا لهذا الغرض...لكي تستظل به قبيلة السمك من النوع البلطي و البياض...ولكنه لم يعلم و ظل في مكانه معتقدا أنه آمنا هنا ولم يستجيب لنداءات باقي الأسماك و دعوته له بالهجرة...فكانت اكبر مجزرة في التاريخ راح ضحيتها العشرات من أسماك البلطي الصغيرة و المتوسطه...الشهية جدا...و مثل بأجسادهم الرقيقة و لحومها البيضاء شر تمثيل...و حتى أشواكها لم تسلم من الفتك و العضعضه...
و نحن ندين هذا المسلك الهمجي بأغلظ كلمات التنديد والشجب...و لا نامت أعين الجبناء...

جمعية محرومي الرحلات في السدود العراض و السمك البلطي و البياض..
Post: #448
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-15-2009, 06:33 PM
Parent: #447

يا ريس معتصم...ما شاء تبارك الله عليكم...لمتكم بهية و صوركم زاهية...الظاهر فيتامين (د) بتاع السمك تم امتصاصة بسرعة فكانت تلك الصور البهية...

ان شاء الله دايما تامين و لامين...
Post: #450
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 06:49 PM
Parent: #448

رشيد القوم سلام0000والله بس فاقدنكم000 عيد 000منصور000عفاف الركز000ريس ميسر ومناه00ليتكم كنتم معنا
ويتوسطنا الشادى وبقية الكوكبه الفريده
افترقنا على ان يجتمع الجميع لدينا بالخميس مع سلات ادروب انشاءالله
فمرحب بالجميع
Post: #451
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-15-2009, 08:18 PM
Parent: #450

وصل المنتخب الجزائري إلى الخرطوم

وسوف يلحق به المنتخب المصري في أي لحظة

يا ترى هل ممكن تجهيز العدة والعتاد لإستقبال

البعثة المصرية وإظهر تعاطفنا معهم

نعم ما زال تعب الرحلة يسري في الأوصال

والعظام ، بس نأمل تنويرنا حسب الظروف المتاحة.
Post: #452
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-15-2009, 08:51 PM
Parent: #451

نعى واجب

انتقل الى رحمة مولاه الاخ الصديق يس محمد احمد0 رحمه الله وتقبله قبولا حسنا
له الرحمة ولاسرته حسن العزاء
المرحوم يس درس السنه الاولى بكلية تجارة الزقازيق ثم انتقل الى جامعة اسكندريه
كان يعمل بالمنطقه الشرقيه بالسعوديه وهو رجلا خلوق لم اراه غاضبا قط كانت البسمه
لاتفارق شفتاه كان رياضى من الطراز الاول حتى وفاته فقدكان عائدا يوم الجمعة الماضيه
من تمرين كرة القدم وتوقف ليؤدى صلاة المغرب بملابسه الرياضيه وخرج من المسجدلتوافيه
المنية امام سيارته بمدخل السجد انا لله وانا اليه راجعون ولاحوله ولاقوة الا بالله
اللهم ارحم يس واجعله من اصحاب اليمين وصبر اهله واطفاله يا رب
Post: #453
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-15-2009, 09:09 PM
Parent: #452

رحم الله يس محمد احمد رحمه واسعة و أنزلة منازل الصديقين و الشهداء و الأبرار...وتقبله قبولا حسنا
له الرحمة ولاسرته حسن العزاء.

تقبل عزاءنا يا ريس...
Post: #454
Title: Re: ناس الزقازيق ... أجدع ناس ( 3 )
Author: كمال الشادي
Date: 11-15-2009, 10:23 PM
Parent: #453

انا لله وانا اليه راجعون
الفقد واحد
والبركة في الجميع في وفاة
ابن الزقازيق
يسن محمد احمد
وانشاء الله آخر الاحزان
Post: #455
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-15-2009, 10:28 PM
Parent: #453

رحم الله الفقيد بواسع رحمته ويسكنه

فسيح جناته وإنا لله وإنا إليه راجعون
Post: #456
Title: Re: ناس الزقازيق ... أجدع ناس ( 3 )
Author: مني يونس
Date: 11-16-2009, 06:08 AM
Parent: #455

صباحاتكم ندية ،،،، ومداخلاتكم بهية
اصبحنا واصبح الملك لله
أتمني لكم يوم عمل بديع
Post: #457
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-16-2009, 07:24 AM
Parent: #456

اللهم يا ذا الجلال و الإكرام يا حي يا قيوم ندعوك باسمك الأعظم الذي
إذا دعيت به أجبت، أن تبسط على والدي من بركاتك ورحمتك ورزقك
اللهم ألبسهما العافية حتى يهنئا بالمعيشة ، واختم لهما بالمغفرة حتى
لا تضرهما الذنوب ، اللهم اكفيهما كل هول دون الجنة حتى تُبَلِّغْهما
إياها .. برحمتك يا ارحم الراحمين

اللهم اجعلنا بارين طائعين لهما
اللهم ارزقنا رضاهما ونعوذ بك من عقوقهما
اللهم ارزقنا رضاهما ونعوذ بك من عقوقهما
اللهم ارزقنا رضاهما ونعوذ بك من عقوقهما
Post: #458
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-16-2009, 07:59 AM
Parent: #457

صباح الخير يا وجوه الخير ،،،،،

اللهم صلي على محمد وعلى آل محمد
كما صليت على إبراهيم وعلى آل إبراهيم إنك حميد مجيد

وبارك على محمد وعلى آل محمد كما

باركت على إبراهيم وعلى آل إبراهيم انك حميد مجيد
Post: #459
Title: Re: ناس الزقازيق ... أجدع ناس ( 3 )
Author: محمد عيد
Date: 11-16-2009, 08:03 AM
Parent: #457

رحم الله يس محمد احمد رحمه واسعة و أنزلة منازل الصديقين و الشهداء و الأبرار...وتقبله قبولا حسنا
له الرحمة ولاسرته حسن العزاء.

والعزاء موصول للريس معتصم جعفر
Post: #460
Title: Re: ناس الزقازيق ... أجدع ناس ( 3 )
Author: موسي عيسي
Date: 11-16-2009, 09:32 AM
Parent: #459

نسأل المولي عز وجل ان يسكن الفقيد يس محمد احمد فسيح جناته

و أن يتغمده برحمته و ان يبدله دارا خيرا داره واهلا

خيرا من أهله و أن يجعل البركة في ذريته ، كما نساله

الرحمة والمغفرة لجميع موتانا و موتى المسلمين .
Post: #461
Title: Re: ناس الزقازيق ... أجدع ناس ( 3 )
Author: البادي النور
Date: 11-16-2009, 09:38 AM
Parent: #460

صباح الهناء والسرور ...
ناس سمك جبل أولياء صحتين إنشاء الله ...
للأسف كانت الرحلة يوم السبت وهو يوم عمل كامل الدسم بالنسبة لنا ...
لكن معليش ... دودي النضيف حقيقة ربنا ما أراد نلتقي مع السمك ...
نحاول نلتقي مع الأقاشي بتاع يوم الخميس إنشاء الله ...
أبو الزوز ما قادر يتحرك من السمك .. صحة وعافية ...
Post: #462
Title: Re: ناس الزقازيق ... أجدع ناس ( 3 )
Author: البادي النور
Date: 11-16-2009, 09:42 AM
Parent: #461

رحم الله أخونا يس محمد أحمد
اللهم تقبله قبولا حسنا
اللهم إن كان محسنا فزده إحسانا
وإن كان مسيئا فتجاوز عن سيئاته
اللهم أكرم مدخله وأدخله الفردوس الأعلى من الجنة .. آمين
Post: #463
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-16-2009, 11:49 AM
Parent: #462

فى البدء أحر التعازى لجميع منسوبى الزقازيق فى
الفقيد يس محمد أحمد وادعو الله ان يسكنه فسيح جناته.
******* **** ***** *****
وسعيد أنا بعودتى الى الى داركم العامرة
وحتماً حق لى ان اغرد مع الكروانة ماجدة الرومى
وأعوووووووود أعووووود لطاولتى
لاشى.......لا بل معى اشياء واشياء اتمنى ان تجد الرضاء منكم.
Post: #464
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-16-2009, 01:07 PM
Parent: #463

أحر التعازى لكم جميعا في وفاة

الفقيد يس محمد أحمد

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر

إنا لله وإنا إليه راجعون
Post: #465
Title: Re: ناس الزقازيق ... أجدع ناس ( 3 )
Author: موسي عيسي
Date: 11-16-2009, 01:41 PM
Parent: #464

ترحيب حار بالسنيورة الاستاذ عبدالسميع آداب منور

و ازدان البوست بالطلة و تعظيم سلام كبير اوي .
Post: #466
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-16-2009, 01:53 PM
Parent: #465

رحم الله الاخ العزيز يسن رحمة واسعة واللهم اهله واسرته الصبر والسلوان



ترحيب كبير أوي بالبرلوم عبد السميع .. يا جماعة مالكم فترانيين كده ...


يلا عايزين تنسيق لكورة مصر والجزائر ... من لديه الرغبة في الدخول عليه الإتصال ...

يا جماعة محمد صديق بره البلد .... تحياتنا له
Post: #467
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-16-2009, 01:58 PM
Parent: #466

قصدي الكوتش بره الخرطوم ......

عمار رحمة الله بالاراضي المقدسة نتمني له حجاً مبروراً ...


البادي ما بتجي الشية عارفك ... بعدين سمعنا خبر قنبلة ... يا ولدنا البلد دي ما فيها حاجة بتدسه ... خليك واضح يا جميل وتعال قول قبل ما نفتح ليك بوست في المنبر بهناك ... كان خجلان منها عامله مالك ... عالم جبانات .... لو ما أديتني رشوة ما بسكت .... إنشاء الله تعزمني كورة مصر ..
Post: #468
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-16-2009, 02:10 PM
Parent: #467

شكرا احبتى سامى حتى لو مارحبت وابوالزوذ ابوالترحيب

وتحية خاصة جدا وسلام كبير للزعيم موسى عيسى بس عليك الله
خلى السنيور دى من غير هــــا او ة مربوطة فلو سنيور كثيرة خليها لوووورد

بس اوع نكون من لوردات الحرب

لك محبتى
Post: #469
Title: Re: ناس الزقازيق ... أجدع ناس ( 3 )
Author: محمد صديق
Date: 11-16-2009, 07:05 PM
Parent: #468

سلامات يا ناس

رحم الله الاخ يس واسكنه الجنة والعزاء موصول لاسرته

والاخ معتصم .

مرحبآ بالاخ السنيور [ة ] عبد السميع اضافة الى الكل

الجميل.

زهير ...شكرآ للتنويه.
Post: #470
Title: Re: ناس الزقازيق ... أجدع ناس ( 3 )
Author: محمد عيد
Date: 11-16-2009, 08:35 PM
Parent: #469

تحية للناس الجدعــــان

حقيقة ما أشار اليه حبيبنا الرشيد عن الخمول الحادث فى البوست

يثيـر القلق ..!

أحسب دونما اثارة ان الجميع لديهم ما يشغلهم .. عمليا وأسريا ...

ولكن ان يمــر يوم بكامله بعدد لا يتجاوز 5- 6 مداخلات .. دون شك فان ذلك يقدح

فى ما ظللنا نتفاخر به دوما ونجاهر به وسط كل بوستات المنبر العام ...

كما انه يؤثر كثيرا فى افتخارنا بالاحصائيات التى ظل فارسنا الهمام زهير يهتم بتسجيلها

من حين لآخر ... وحققنا من خلالها عديد من الارقام القياسية ..

فلنستنهض الهمم اخوتى ونواصل فى مسيرتنا بايقاع أعلى خاصة واننا حظينا فى فترة التسجيلات الاخيرة

بمجموعة متميزة من الوجوه الجديدة والدماء الحارة - شيبا وشبابا ..!
Post: #471
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-16-2009, 09:32 PM
Parent: #470

مرحبأخونا عبدالسميع إضافة

قوية للبوست وصلت أهلا ونزلت سهلاً

اليوم كان البوس في ثبات نوم عميق

بعد ما ضرب الجميع السمك ،،،،،،،،،
Post: #472
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-16-2009, 09:57 PM
Parent: #471

ميــة مساء على الناس الكويسة

وشكرا وتعظيم سلام للزعيم والمعلم ميســـرة وايضا صاحب كلمته الترحيبية لى قفشة كما فعلها اللذيذ
موسى عيسى.
والرييس حذف او نسى بالاصح حرف التاء فصار تعليقه ان البوس؟؟؟؟؟؟؟؟؟؟؟؟ قوى جدا واعتقد اعتقد ان للامر علاقة بالسن
برغم من نضارة الشباب فى محياكم يا موسى وميسرة.

ولكم جميع حبى

الجميل سامى عبدالوهاب لك التحية والسلام بامتداد اثير المليون ميل مربع

الرهيف الرشيق والحريف الرشيد بابكر ربنا يحفظ الزهرتين او الزهرتان (الواحد خايف من ناس تربية واداب لغة يطلعوا ساقط نحو) وعيد ميلاد سعيد وعقبال المائة شمعة.

تحية ابدية الى كل من سأل عنى ورحب باطلالتى ولايفوفتنى ان اشكر صاحب الواحة الكبيرة م.بكرى ابوبكر وعبقرى فكرة تجميعنا فى دار واحدة
الرائع ابدا عصــــــــم دهب عيار 24 اماراتى

لا استطيع الخروج قبل ان ازجى التحية لكل من
الفنان محمد عيد
وعبقرى الفن والتراث الشعبى وصاحب النضم الجميل والبنان الرشيق ياسر نجيلة .
لا انسى البرجوازى خفيف الدم والروح حاتم جبارة
الهادى الرزين الجميل د.سيف النصر محيى الدين وحرمه دفعة صاحبة الموهبة الصحفية الدفونة عـرفة محمد سعيد

تحية الى عثمان الجدى الذى نشتاقه بحجم شموخه وروعته وانسه الجميل والشفيف حيدر حنين القابع خلف ضباب غابات تاميل

كيف اغادر قبل ان اعلنها صيحة وزفرة حارة ملؤها الشوق لفتى الرواية العربية المتألق دوماً(عبدالحميد البرنس) الصديق الصدوق ورفيق دربى العلمى ولا اذيع سرا ان قلت لكم ان البرنس قد دخل قلبى حينما كنا نملأ استمارة القبول فى العام 89 قبل توجهنا الى مصر لم يكن يعرفنى ولم التقيه فقط استلفت منه قلم بك وحينما وودت ان اعيده له فاجأنى ببسمة اقرب الى الضحكة لا استطيع تناسيها وقد ذكرته بذلك الموقف.وشاء القدر بل شاء المولى ان نلتقى فى وندرس فى نفس الجامعة والكلية والتخصص ثم السكن وبعض من المزاااج والميول الى الثقافة والادب والفن والاجتماعيات
اعزائى ارجو من من لم يسعفنى الوقت والذهن بتذكره ان يجد لى العذر فمحبتى تتسع الى جميع قلوب احبتنا منسوبى الزقازيقاب وتعظيم الى العزيزة زنوبة التجانى وعفاف ميرغنى.
ويبقى الود
Post: #474
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-16-2009, 10:12 PM
Parent: #472

يا عبد السميع زي دي بيقولوا عليها ولا يفوت علي فطنة القارئ ودي بتذكرنا بالحاج السر أو حاج السر وكده نحن بنزعل ...
Post: #473
Title: Re: ناس الزقازيق ... أجدع ناس ( 3 )
Author: سامي جمال
Date: 11-16-2009, 10:01 PM
Parent: #471

سلام شباب وهنيئاً للإخوة الضربوا السمك صحة وعافية والظاهر عليك يانادر فاروق كترت منو – طبعاً اليومين ديل عندنا موسم فنرجو المعذرة على التأخير
Post: #475
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-16-2009, 10:30 PM
Parent: #473

يا سامي جمال والله صاحبك أبو النور اليومين ديل شغالين معاهو شغل نضيف . عايزين نعمل ليهو نيو لوك
Post: #476
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-17-2009, 00:02 AM
Parent: #475

Quote: والله صاحبك أبو النور اليومين ديل شغالين معاهو شغل نضيف . عايزين نعمل ليهو نيو لوك

هوي يا زناتي.. ليك زمن بتهاتي بي موضوع النيولوك حق أبوالنور..
انت الأولدلوك حقتو ما عاجباك والا شنو?
واوعك تجي تقول.. أنا بقدر وتعمل حركات..


سمعه إزيك.. معليش الزناتي لخمني..

جورج.. الجلاقميص خطري..
Post: #477
Title: Re: ناس الزقازيق ... أجدع ناس ( 3 )
Author: طارق جبريل
Date: 11-17-2009, 00:18 AM
Parent: #476

حباب عبد السميع دفعة



دي عشان الرشيد بابكر:

ياخلايا فجولى اللشوفا
مسخت عوم البترطن فى جروفا
الصدير رجفاتو ربّت لىّ خوفا
وخام ثمار ال الله قال دانيات قطوفا
الرقيبة قزازة الروم فى وقوفا
جرعتنى من العلاقم بى صنوفـــــا
فيها طبع ال أمو تفهم بالكروفة
وطافرى من الحركة وادى الشين علوفا
عبيرا كافن كافن المافيها زوفة
داير اسكن جوارا ماب تنفعنى طوفــــة
من جليدا عطورا ليها مراية جوفا
والجبين الباقى فد يوم من خسوفـــا
ديسا شوف عينى منو شكت كتوفا
والدلال الفطرى فا ق لخضاب كفوفا
حاجبا ال الناس تكوسلو كتر وقوفا
الا دايما نافرة ياناس مــا ولوفــــة
صممن جاراتا قالن لى عطوفة
ومالا شوفتا لى تسحب لى سيوفـــــا
بروقيها الدارة لخبتى لى صفوفا
وخلى عزالك عديل تخضع انوفـــا
العلى والبى كلو سبب عزوفا
لو تحلو رموزا اصابع اليد حروفــــا


ابعض هنا:
Post: #478
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-17-2009, 05:13 AM
Parent: #477

السلام عليكم وأحلى صباح

الرحمة والمغفرة للزميل الزقازيقي يس محمد احمد سائلين الله تعالى
أن يتقبله لديه قبولا حسنا مع الصديقين والشهداء وأن يلهم آله وذويه
وزملائه الصبر وحسن العزاء ..
إنا لله وإنا إليه راجعون ...

التحية والترحاب بمقدم الأخ عبد السميع دفعة وأتمنى أن يطيب لك المقام بين
اخوانك وعشيرتك كما طاب لنا ... ألف مرحب بيك زميل البرلمة ...

التحية لكل الجدعان ...
Post: #479
Title: Re: ناس الزقازيق ... أجدع ناس ( 3 )
Author: موسي عيسي
Date: 11-17-2009, 05:40 AM
Parent: #478

الاحباب الزقازيقاب اصبحنا واصبح الملك لله

الاخ عبدالقادر الظاهر عليك بتبيع لبن زينا

فصباحية مباركة يا عزيز منور البوست .


البرلوم الظريف عبدالسميع بالله التحايا عبرك

للاستاذ نصرالدين .
Post: #480
Title: Re: ناس الزقازيق ... أجدع ناس ( 3 )
Author: ياسر نجيلة
Date: 11-17-2009, 06:25 AM
Parent: #479

اليوم الثلاثاء الموافق 17/11/2009م
271.JPG Hosting at Sudaneseonline.com

رشيد القوم ألف مبروك وعيد ميلاد سعيد ...


حكمة اليوم :
يمضي أخوك فلا تلقى له خلفا ... والمال بعد ذهاب المال يكتسب

بيتين شعر لليوم:

الشاعر: إسماعيل خورشيد
غناء:صلاح محمد عيسى
وكمان ريماز ميرغني وشريف برنامج أغاني للسر أحمد قدور ...

بسمة ونظرة
لا عايز أنت تحن…
لا عايز أنت تحن، ولا ترحم حالي…
أنت ما تعطف عليّ يا غالي..
بسمة… نظرة… نظرة…
بسمة تغير حالي…
عشان أنت حبيبي… حبيتك يا حبيبي…
حبيبي أنت حياتي.. أنت أنت حياتي…
والله أنت حياتي… حبيبي أنت حياتي…

وهناي ونصيبي… حبيتك لجمالك…
في حبك تعذيبي…
حبيبتك من بسمة… حبيتك من نظرة…
يا عايش في خيالي… نسيتني آمالي…
لا عايز أنت تحن لا لا… ولا ترحم حالي ليه…
أنت ما تعطف عليّ يا غالي…
بسمة نظرة…
أيامك أيامي… أحلامك أحلامي…
في ربيع الدنيا… دنياك إلهامي..
حبيبتك في شعوري…
رايتك في مناي
حبيبتك في منامي… حبيبتك في هيامي…
يا عايش في خيالي… يا مزاجك عالي…
ممكن تسمعونا الأغنية دي ... يازهر الزناتي وجلال عثمان ... طلب خاص ...

نكتة اليوم:
واحد قاعد في أمان الله بيقرا الجريدة، وفجأة جت مراته وضربته بغطا الحلة فوق دماغه .. طرررررااااخ!!!
الزوج: "فيه شنو يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!"
الزوجه صدقته وراحت لحالها... بعد اسبوع، الزوج قاعد في أمان الله يقرا الجريدة...
وفجأة جت مراته وضربته بغطا الحلة على راسه !! طرررررااااخ ...
الزوج: "خير يابنت الحلال في شنو تاني؟؟"
الزوجه:"حصانك على التليفون"


كاراكاتير اليوم:
272.JPG Hosting at Sudaneseonline.com


لفحي اليوم:

"ياسر نجيلة ... مساهمتك أصبحت ونسة ثابتة في أحاديثنا .. تميز وتفرد .. بس بنات الشيخ ديل ما تعصر عليهم شديد ..."
ده من حبنا " الشديد " ليهم ... يازهير .... اليوم فكينا دبرهم خالص ....

الكل في انتظار ... باقي صور وقصص ... سمك جبل أولياء ... واولهم منصور ... منصور يااخوي زواج اخوي بت شيخك ماقرب خلاص ...

".. عيد ميلاد حبيبنا ... رشـــيد العزيز ... كل سنة وانت طيب وعقبال 1000 شمعة
وعلى لسان الرشيد بنفسة "بعيد ميلادي ال(24) أصغر من ابتهاج بي سنة... "
وما تنسي يارشيد القوم ... و نجاة حوفي اصغر منكم ... " بخمسة سنوات " ...

"ببالغ الحزن والأسى ينعي خريجو الزقازيق (بالرياض - المملكة العربية السعودية ) شقيقة الأخ فايز عبدالرحيم - تربية التى لبت نداء ربها اليوم بالسودان"
( وبشر الصابرين الذين اذا اصابتهم مصيبة قالوا انا لله وانا اليه راجعون ) صدق الله العظيم
خالص العزاء للاخ / فايز عبد الرحيم

"انتقل الى رحمة مولاه الاخ الصديق يس محمد احمد0 رحمه الله وتقبله قبولا حسنا
له الرحمة ولاسرته حسن العزاء"


طارق جبريل ... كفرك جميل ... و وشايه كمال الشادي أجمل ....

"اليوم كان البوس في ثبات نوم عميق ... بعد ما ضرب الجميع السمك ،،،،،،،،، "
ريسنا ميسرة سيد أحمد ... قبل ان يضرب الرز باللبن ... اتتو السهر ده لوغالبكم ... ما تنومو بدري ياخ ...

مرحبتين حبابك ... عبدالسميع دفع الله ... البوست (من هنا ورايح حنسميه البوس) منتظر الدماء الجديده ... نحنا خرفنا خلاص ... جيب شلتك وادخل "منداحا" ...

خارج النص اليوم:
أسئلة غبية وأجوبة أغبى ..
س 1 : ما هو وجه التشابه بين الكمبيوتر والتاكسي والحفرة ؟
ج 1 : الكمبيوتر ..... حاسب آلي
التاكسي ...... حاسب يا اسطى
الحفرة ........ حاسب لا تقع

**
س2 : ما هي قمة الحيرة ؟
ج 2 : يقال لك اجلس على ركن غرفة مستديرة
**

س 3 : ما هي قمة الذكاء ؟
ج 3 : هو ان تجد ركن الغرفة
**

س4 : ما هي قمة الالم ؟
ج 4 : التزحلق على زحلاقه مغطاه بشفرات حلاقة وشظايا الزجاج
**


س 5: ما هي قمة العذاب ؟
ج 5 : السقوط بعد ذلك في حوض به كولونيا
**

س 6 : ما هي قمة الادب ؟
ج 6 : ان تطرق باب الثلاجه قبل فتحها
**

س 7 : ما هي قمة الذهول ؟
ج 7 : ان يفتح احدهم لك الباب
**

س 8 : كيف تضع 4 افيال في سيارة فولكس؟
ج 8 : اثنين قدام واثنين في الخلف
**

س 9 : كيف تضع 8 افيال في سيارة مرسيدس ؟
ج 9 : نبيع المرسيدس ونشتري 2 فولكس
**

س 10 : كيف نضع فيل في الثلاجة على ثلاث مراحل ؟
ج 10 : - نفتح الثلاجة 2 - ندخل الفيل في الثلاجه 3 - نقفل الثلاجة
**

س 11 : كيف نضع زرافة في ثلاجة على اربع مراحل ؟
ج 11 : - نفتح الثلاجة 2 - نخرج الفيل 3 - ندخل الزرافة 4- نقفل الثلاجة
**

س 12 : ما هو الشيء الذي ننام عليه ونجلس فوقه ونغسل به اسناننا ؟
ج 12 : السرير والكرسي وفرشاة الاسنان
**

س 13 : ما الذي له راسان و 8 اقدام ؟
ج 13 : قطتان
**

س 14 : كيف تستطيع ان تعرف بأن 8 افيال متواجدين داخل فندق الشيراتون بدون ان تدخل الفندق ؟
ج 14 : اعرفهم ، اذا وجدت 2 فولكس في مواقف الفندق
**

س 15 : احترقت حديقة الحيوانات فاحترقت جميع الحيوانات التي بها ، إلا الزرافة لم تحترق .... لماذا ؟
س15 : لاننا وضعنا الزرافة في الثلاجة
**

س 16 : لماذا نشرب الشاي ؟؟
ج 16 : لاننا لا نستطيع ان نأكله
**

س 17 : ما الفرق بين نملة عمرها سنة و فيل عمره 21 سنة ؟؟
ج 17 : الفرق هو 20 سنة
**

س 18 : يتكلم بكل لغات العالم ، فمن هو ؟؟
ج 18 : صدى الصوت
**

س 19 : ما الشي الذي نفعله قبل الخروج من المنزل ؟؟
ج 19 : ان نكون داخل المنزل
**

س 20 : اذا سقطت بيضة في البحر ، ماذا يحدث لها ؟؟
ج 20 : تتبلل بماء البحر
**




سؤال اليوم :
البوست اصابته "الانيميا" من كثيرة الدروب خارج البوست ...



[email protected]
Post: #483
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 07:19 AM
Parent: #480

Quote: والرييس حذف او نسى بالاصح حرف التاء فصار تعليقه ان البوس؟؟؟؟؟؟؟؟؟؟؟؟ قوى جدا واعتقد اعتقد ان للامر علاقة بالسن
برغم من نضارة الشباب فى محياكم يا موسى وميسرة.


صباح الخير يا وجوه الخير ،،،،

صباح النور يا عبدالسميع ،، المعني هي كلمة البوست

إنت عارف أنا أكبر سناً من الكاشف أخوي ده ،،،،،،،

بس المشكلة لم نحس يوماً

بكبر السن أو بتقادمنا لأننا عاصرنا أجيال كثيرة

وأحكي ليك بواقعة في الحج قبل سنتين أتت عمتي حاجة

وذهبت لزيارتها وحيث أني لم أشاهدها لأكثر من 19 سنة

ولما شاهدتني لم تصدق وبكت كثير ،، عارف ليه لأنها لم تجد

ذلك الولد الصفير لأن الصورة القديمة ما زالت عالقة بذهنها

المثل ده بينطبق علينا ما زالت دواخلنا تحس بقوة الشباب

أهل الزقازيق البوست ده عايز مداخلات شحمانه زي بتاعة أخونا

الفنان ياسر نجيلة ،،،

يا ناس السودان أخوي النضيف ما وقع في عينكم ،،، خلوهوا يحاول

يدخل البوست شوية

مقدر مجهودك يا زناتي ومعاك الكوتش والريس معتصم وكل الأحباب
Post: #481
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-17-2009, 06:32 AM
Parent: #479

صباح الخير عليك يا موسى

نعمل شنو الجماعة ديل كلهم نايمين في العسل ..
انا بصل المكتب الصباح وأول حاجة بعملها بدخل عشان أصبح على ناس البيت
قبل ما أعمل أي حاجة ... لكن يظهر الجماعة كلهم بقوا ناس ليل ...
Post: #482
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 06:49 AM
Parent: #481

صباح الخير يا وجوه الخير

نيابة عن الريس ميسرة

سلامات يا ناس

نيابة عن الكوتش

سلام يا قدورة موسي ونجيلة أصالة عن نفسي البوست أحواله هذه الأيام تحنن .. عليكم به حتي لا يصاب بالإنيميا ..... مداخلتك اليوم يا نجيلة جميلة ومبالغة ... وضحكتنا من الصباح ....
ومعاكم ...
وكمان مع المصريين ...

رشيد القوم إفتقدك حقاً ... ماذا هناك ....
Post: #484
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-17-2009, 07:19 AM
Parent: #482

صباح العسل يا أبو الزهور

نيابة عني بلغ سلامي للريس ميسرة ..

نيابة عني بلغ تحياتي للكوتش ..

نيابة عني وعن محبي اللعب النظيف والمتعة الكروية ... بقول ليك أحسن تنوم في البيت لآنك
لو مشيت ما حتشوف أي لعب نظيف وما حتستمتع بكورة حلوة .. كل الحكاية حتكون رفيس وشلاليت ..
وحترفع ضغطك علي الفاضي ساي ...
كورة شنو الحارسنها بالدبابات والمدافع دي ؟؟؟؟
نحن طبعا بنشجع أهلنا المصريين لكن كنا بنتمنى المباراة دي تكون في ظروف أحسن من كده..
Post: #485
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-17-2009, 07:37 AM
Parent: #484

كنت متوقغ انى حا أنسى ناس عزاز علينا على رأى الظاهرة (ندي القلعة)

فلكم ودى وحبى واشتياقى وتحياتى يا عبدالقادر بابكر (شيخ العرب) والدكتور الصحفى طارق جبريل واعتقد يا طارق وقفتى مع ناسك ومراسلتى ليهم با عتبار اننى من اصدقاء طارق جبريل وردهم عليا اعتقد ان دى او ده حا يشفع لى النسيان

وشكرا يا د.حاتم جبارة رد التحية وان تأخرت فلك وللكتوكتين الامورتين وافر التحاياوالوجيه كمال الشادى انا حولت له التحيه فى الشركة القابضة .

يا ابو الزوز ما تزعلش التحايا بتاعتى دى اصلا لناس الخارج او المهجر يعنى انا ما عندى تحية لناس الخرطوم حصل سمعت انه فى سودانى بيهنى او يهدى تحية او اغنية لزول فى الابيض او القضارف او كادوقلى او الخرطوم فكل التحايا لناس طارق جبريل فى المغرب وحاتم جبارة فى امريكا وحيدر حسن ميرغنى فى اليابان ود. الصادق عبدالله فى ايرلندا وهكذا واهو حاجات زى دى انت موجود معانا فى الشمس الحارة دى والكتاحة نهديك تحية لييييييييه........ بس خلاص
Post: #487
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:47 AM
Parent: #485

العزيز قدورة ... والله موضوع الكورة دي لازم نخشها لانها تاريخية وممكن نتحمل خسائر لغاية كسرة اليد اليمين ... أما إذا كانت الأمور جايطة زي ما نشوف في منتديات المصريين والجزائريين أكيد حا تحصل مذبحة في إستاد المريخ غايتو ربك يستر ...

عليك الله شد ليك تلفون لكبيرهم الذي علمهم السحر .... المدعو منصور


يا عبد السميع ... سلام للجدعان اليشوف فصاحتك دي يقةل سنير ، ولله في خلقه شئون ... عاين لي انا من أمبارح فرد صحية غلبني النوم وساهر بي الزمن ... والوصية في الذمة ، بعد شوية بتكل أنوم ، تذاكر المباراة في عنقك ... والحساب ولد طبعاً ممكن يكون الحساب علي الطريقة السودانية المهم لازم تجتهد في موضوع التذاكر وحا تتطرح هذا الصباح ... ضروري خالص خالص ...
Post: #488
Title: Re: ناس الزقازيق ... أجدع ناس ( 3 )
Author: عبد الحميد البرنس
Date: 11-17-2009, 07:53 AM
Parent: #484

تحايا وعزاء موصول للجميع.














عبدالسميع دفع الله..














نقي كضحكة طفل. طيب كدعاء صادر صوب السماء من فم أم. تقاسمنا معا الماء والطعام والسكن وحزمة أفراح صغيرة مثل حلويات راشد وفاكهته المشكلة. صديقنا المشترك هشام يونس بعد تخرجنا بسنوات، كان يسألني عنه كلما قابلني في (الأهرام)، كان يشرّق في الحديث ويغرب ليعود إلى عبدالسميع مرة ومرة، ولم يكن هشام يعلم وقتها أي عزاء يمكن أن تحدثه ذكرى عبدالسميع في عالم يمكن أن تباع الصداقات فيه بوجبة طعام رخيص؟.
Post: #486
Title: Re: ناس الزقازيق ... أجدع ناس ( 3 )
Author: البادي النور
Date: 11-17-2009, 07:44 AM
Parent: #482

صباح الهناء والسرور ...
أبو الزوز يا لذيذ .. يا راقي ... ممكن نتكلم تحت الهواء ...
يعني الكلام ما يكون على الهواء مباشرة .. حقيقي خوفتني ...
طبعا أنا عارف إمكانياتك وحسك الأمني العالي ...
ما بنختلف ... درسني بس قانون هواك بحفظ حروفه حرف حرف ...
أخونا عبدالسميع مليون مراحب بقدومك ... بتنا نور وكله زينة ...
سامي جمال ... موسم الحج عندكم صعب ... والأصعب منه اللغم بتاعكم ...
Post: #489
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-17-2009, 08:24 AM
Parent: #486

الرائع البرنس .. صاحب الابتسامة الحلوة التى تذكرنا دوما برائعة وردى (قسم بمحيك ) اود ان اشكرك على
كلماتك المنمقة والشفيفة بحقى والتى حملت مدحا وغزلا جميلا بيد ان ما اثار دهشتى هو ايحاءات السطر الاخير فلو كنت تعلم ان عباراتك الاخيرة قد احزنتنى بكونى قد شبهتها بخضراء الدمن قد اكون مخطئأوارجو ذلك ..مهما يكن فلك خالص تحياتى واشياقى وتحية خاصة الى ام محمد ويربنا يحفظ الحلوين محمد واخوه وشايف التشابهة والتلاقى بيننا ما زال متواصلا فلدى ايضا تو ترابل ميكر (بشار وبياز) كان لديك دعاء جميل من والدتك دائما ما كنت تستدل به وان كنت لا استحضره الان الا اننى اقول لك بحجم دعوات الام لك ودى واشياقى
سمـعة
Post: #490
Title: Re: ناس الزقازيق ... أجدع ناس ( 3 )
Author: محمد عيد
Date: 11-17-2009, 08:38 AM
Parent: #489

مليون مرحب بالبرلوم عبد السميع ...

وما شاء الله ترفد الحوش فى غفوته المفاجئة بما يعوضه عن

تعب الجلاكين ...

نتمنى ان لا تكون شدة غربال جديد .. كما صار مع معظم البرالمة الجدد

يادوب اسبوع واحد وخفســـوا كلهم ...

******

زهيــر ... يا مشـاااااتر انت ..

احسن ليك تسمع كلام قدورة .. امبارح بالليل ناس شوبير ومصطفى عبده

جايبين ليهم صحفى مصرى قالوا عندو اتصالات وعلاقات جزائرية ..اسمه وائل

والله الزول ده خوفنا عديل كده .. بل وطالب انو الناس تطلب من الفيفا

انو المباراة تتلعب بدون جمهور .. لأنه متوقع انو تحصل مجزرة ..!!

والله الراجل خلى ليك ناس شوبير زاتهم يرجفوا ..!!

رأيى والله احسن تشوفوها فى التلفزيون وتريحوا نفسكم ..!!
Post: #491
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-17-2009, 08:53 AM
Parent: #489

مشتاق ليكم يا مجرمين
هكذا يقول الودود الحبيب اب صلعة جنان حاتم جبارة
ما بيغيبنى عنكم الا الشديد القوى
كنت قد استوحيت من مكالمة ودودة مع اخيتى الصغيرة نجاة حوفى
ان بعض الخاص ------ عام
عرس اخو بت شيخى دكتور التاج , قرب
اى نعم
ولكنه لم يتحدد زمانا بعد
لذا فانه فى حكم الشاغل البعيد
اما شاغلى القريب
فهو زواج اخوى ود عمى
الحنة بكرة
فى استراحة القصر جنوب الفحص الدورى
العقد ظهر الخميس فى السفارة
حفل الزواج , مساء الخميس فى قاعة فرحتى غرب استاد الملك فهد
رؤية احدكم او كلكم
خاصة ناس الرياض
او القريبين منها
او البعيدين الراغبين فى ان يزيدوا فرحتنا
فرحا اضافيا
بمثابة جمال اضافى
يمكنكم ان تنثروه وتنهالوا به علينا
ونكون ساعتها لكم من الشاكرين
ننتظركم ونثمن اى تجاوب منكم
(عفاف جبتى التوب من الترزى الحا يعمل ليكى فيهو البرمة الألمانية ولا لسه)؟؟؟
Post: #492
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 08:59 AM
Parent: #491

صحفي مصري : يحذر من مجزرة باستاد المريخ ويطالب بإقامة المباراة دون جمهور

وبرضو يا محمد عيد ماشين .... وزي ما قلت لي الجماعة لغاية اليد الشمال خسائر قبلانيين بس نلقي تذاكر عشان نجي نحكي ليكم ... البوليس خصصوا عسكري لكل مشجعين إثنين .. لكن الجزائريين ديل والله العظيم كل واحد عايز ليه اربعة مشجعين ..

يا منصور ياخي مبروك لود عمك وعقبال كل الحلوين والعذابة ...


عبد السميع شايفك طنشتني ... المهم ببقي ليك في رقبتك ...

فتكم بعافية ...
Post: #494
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-17-2009, 09:10 AM
Parent: #492

يامنص يا اخى ارجوك ما تزعلش والله انا تانى توبة من الترحيب الفردى لانى بدخل فى احراج وخاصة زى اعلام مثلكم
فارجو ان تجد لى العذر يا منص ولك تحية منى انا سمعة الاغا (صدى الزقازيق)


ابوالزوز افوووو نحن ناس ودزايد سحم البل وصاحب القدح الشهير اللى بيكفى الف شخص تقول لى تذكرة
انا الان حا ارسل السائق يمشى استاد التحرير يجيب تذكرتين من ابو 60 لكن والله خايفها تبقى لينا انا وانت تذكرة
الشهيد شايف ناس محمد عيد قالوا فى مجزرة داخل قلعة الحمر ..وبالمناسبة نحن فى الفطور جانا واحد قادم من شارع المطار جوار مستشفى الاطباء قال فى كاسورى تقيل ومعركة بالحجارة مجموعة من الجزائريين قادمين من المطار اوقفوا ثلاثة عربات عليها مصريين يحملون العلم المصرى ويصيحون (مصر مصر ) الجزائريين كسروا زجاج العربات وهاك يا كاسورى والمواطنين يتفرجو والشرطة جات والحركة تعطلت والجماعة قالوا دى بروفة والقادم احلى او اسوأ...
Post: #493
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-17-2009, 09:01 AM
Parent: #491

لمن تمدكون غائب من بيتكم فترة
وتجى تلز الباب وتدخل
فانت مضطر لأن تعدد اسباب غيابك
كما فعلت انا بعاليه
ولك بعد ذلك تتفاجأ بان فى البيت
ناس جداد كرت
عشان كده بيجى ترحيبك بيهم متأخر
خاصة لللفاحين من امثالى
مرحب بى عبد السميع
نتمناك وننتظرك اضافة (نوعية) فى الدار والبوست
ونعزى انفسنا والزقازيقيين فى فقد الزقازيقاب لزميلهم يسن
ربنا يرحمه ويغفر ليهو ويجعل مثواه الجنة
ويلزم اهله واصدقاؤه الصبر الجميل
Post: #495
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-17-2009, 09:13 AM
Parent: #493

شكرا ابو الزوز على التهنئة السريعة
تتفضل معانا ولا لسه مليان سمك ؟؟
عارف يا زهير
ود عمى العريس (معتصم)
هو من مواليد السعودية
عشان تآمن بى باعنا الطويل الفى الغربة
نحن الجيل الثالث بتاعنا شرع فى تكوين الجيل الرابع
وما نزال مغتربين
عارف الكنت عايز اقوله باشارة ان بعض الخاص ----عام
انو ود عمى ده كان بيخطط لى زواجه ده من اكثر من سنة ونص تقريبا
جات والدته رحمها الله
مرضت مرضا شديدا
ثم توفاها الله
ادى ذلك (بطبيعة الأحوال)
وكما لا يفوت على (فطنة القارىء)
شفت انا بريحك فى حنانك كيف ؟؟؟
الى تأجيل خطط الزواج بتاعته
وهذا طبيعى
ولكن الدنيا , بطبيعتها , تمضى ولا تتوقف
استطعنا بمجهودات كبيرة ان نعيد عجلة الخطط الى مجراها الطبيعى
اول قيدومة حنة , كانت امبارح
ابتدينا بى قنبلة
وانتهينا بى يا عديلة يا بيضاء
دون ان ننسى اغانى السيرة الدنقلاوية البى (اللاتينى ) بتاعنا داك
بتعرفو ؟؟؟ولا اخلى عبد الدائم النضيف ومدثر ابا يزيد ومحمد عيد يشرحوهو ليك
ده كلو وحياتك , ما افلح فى انه يخلص العريس واخواته واخوانه من باقى الحزن الجواهم
ولكنى اظن (بطبيعةالأحوال ) برضو
انو , عمل فرشة كويسة لى باقى الأحتفالات
يا اخى نحن ناس صعبين خلاص
حزن كثير , فرح كثير
حاجة وسط نهى
انتو شامى كابور بيبقى ليكم شنو ؟؟؟
Post: #496
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-17-2009, 09:32 AM
Parent: #495

مرحبا بعبد السميع...شرفت المنبر وأشكرك على الكلمات الرقيقة في حقي..

مرحبا أيضا بالأخ سامي جمال...اضافة طيبة...

جبريلا...اشكرك على الهدية الرائعة...تسلم يا جبريلا...


أبو الزوز...و أنا كذلك أفتقدكم بشدة...أشكرك على التفقد يا جنتلمان...
Post: #497
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-17-2009, 09:36 AM
Parent: #495

Quote: وزي ما قلت لي الجماعة لغاية اليد الشمال خسائر قبلانيين بس نلقي تذاكر


يا ابو الزهور
أمشي وانشاء الله ربنا يغطي عليك
وتجينا كامل بيدينك الإثنين بس شوف ليك كرسي جنب الباب ..

تعرف أنا هسه تفكيري مشى في اتجاه تاني خاااااالص
وما أظنو بعيد علينا .....
.... الكهرباء ... الكهرباء كيييييف ..؟؟؟؟؟؟
أنا خايف الكورة تكون لاعبة في أمان الله
والجزائر متقدمة بهدف وباقي ربع ساعة علي النهاية ...
... تقوم الكهرباء تقطع ... !!!!!!!!
نودي وشنا وييييين ؟؟؟؟

ونقول شنو للفيفا
وناس الجزائر الظريفة ؟؟؟؟؟؟

واللييييييلة والله دي حرب البسوس عدييييل كده ....

الله يكضب الشينة ((( دي هلوسة ساكت ))))

محمد عيد ..
صباحاتك ندية .. أبو الزهور ده أديهو خاطرك خليهو يمشي ويجينا بالسلامة ...

يا منص ..
بركة الجيت وصباح العسل عليك
انشاء الله ربنا يتمم ليكم بخير ومبروك مقدما ..
كان الله أراد بتلقانا معاك ..
Post: #498
Title: Re: ناس الزقازيق ... أجدع ناس ( 3 )
Author: محمد عيد
Date: 11-17-2009, 10:43 AM
Parent: #497

محمد عيد ..
صباحاتك ندية .. أبو الزهور ده أديهو خاطرك خليهو يمشي ويجينا بالسلامة ...


قدورة الحبيب .. وحاااات الله انا زهير ده خايف عليهو بس

والمشكلة الاكبر عندى هشام اخوى مرضان كوورة لابعد من ما تتخيل

وعندو كرسى ثابت فى كل الاستادات .. يعنى اى كورة ..مســخنة .. مهببة ..كاتلها

وهو كان رئيس نادى التعاون وهسه من اقطابه المرضانيين ..

برضو كلمتو زى زهير ده .. قال لى يا زول انت ما نصيح ولا شنو ؟؟

زى دى بيفوتوها ؟؟! نقعد نبارى الكور من دار الرياضة لى ميدان عقرب ..

ولمن تجى زى دى نشــرد ؟؟ أفوووا انحنا متعودين على البمبان من زمن صلاح بمبان الله يرحموا

عموما يا ابو الزوز انا حأديهو تلفونك .. عشان لو أصريت تمشى غايتو امشى اقعد جنبهم ..

لانهم عارفين ليهم درب سرداب سرى فى استاد المريخ .. ممكن يعدين تكبوا منو الزوغة ..!!
Post: #499
Title: Re: ناس الزقازيق ... أجدع ناس ( 3 )
Author: موسي عيسي
Date: 11-17-2009, 12:55 PM
Parent: #498
Post: #500
Title: Re: ناس الزقازيق ... أجدع ناس ( 3 )
Author: محمد صديق
Date: 11-17-2009, 02:19 PM
Parent: #499

سلامات يا ناس

افتقدكم واجد صعوبة فى المتابعة والتواصل كونى موجود

بمنطقة بها نوع من الصعوبة فى الربط بالشبكة .

Quote: واهو حاجات زى دى انت موجود معانا فى الشمس الحارة دى والكتاحة نهديك تحية لييييييييه........ بس خلاص


مين ؟؟؟شعبولا؟؟؟؟
Post: #501
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 03:47 PM
Parent: #500

فضل عشر ذي الحجة

1- أنّ الله تعالى أقسم بها:

إذا أقسم الله بشيء دلّ هذا على عظم مكانته وفضله، إذ العظيم لا يقسم إلا بعظيم،
قال تعالى: {وَالْفَجْرِ (1) وَلَيَالٍ عَشْرٍ} [الفجر:1-2]. والليالي العشر هي عشر ذي الحجة،
وهذا ما عليه جمهور المفسرين من السلف والخلف، وقال ابن كثير في تفسيره: "هو الصحيح".

2- أنّها الأيام المعلومات التي شرع الله فيها ذكره:

قال الله تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ}
[الجح:28]، وذهب جمهور العلماء على أن الأيام المعلومات هي عشر ذي الحجة، ومنهم ابن
عمر وابن عباس.
Post: #502
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 03:52 PM
Parent: #501

فضل عشر ذي الحجة


- أنّ رسول الله صلى الله عليه وسلم شهد لها بأنها أفضل أيام الدنيا:

فعن جابر عن النبي صلى الله عليه وسلم قال:
«أفضل أيام الدنيا أيام العشر - يعني عشر ذي الحجة -
قيل: ولا مثلهن في سبيل الله؟ قال: ولا مثلهن في سبيل الله
إلا رجل عفر وجهه بالتراب» [رواه البزار وابن حبان وصححه الألباني].
Post: #503
Title: Re: ناس الزقازيق ... أجدع ناس ( 3 )
Author: محمد صديق
Date: 11-17-2009, 05:34 PM
Parent: #502

سلامات يا ناس

عودة للمتابعة

وبمكن المشاركة.
Post: #504
Title: Re: ناس الزقازيق ... أجدع ناس ( 3 )
Author: كمال الشادي
Date: 11-17-2009, 06:01 PM
Parent: #503

سلام يا حبايب
اخدت لي طشة في المنتديات البرة
وشكل وكلو عن الكورة
وانا آخر واحد يفهم في الكورة

يا شباب فيما يخص البوست حقي بتاع شركة الزقازيق القابضة
انا قررت اتصل بالناس تلفونيا واتناقش معاهم وبشكل شخصي
الظاهر عليكم الفكرة ما عاجباكم
والله خايفين منها
والله شنو ما فهمت ؟
Post: #505
Title: Re: ناس الزقازيق ... أجدع ناس ( 3 )
Author: جلال عثمان
Date: 11-17-2009, 06:12 PM
Parent: #504

التحية لكم جميعاً
ونأسف على هذا الانقطاع القسري بسبب الترتيب لرحلة الحج تقبل الله منا وإياكم
وترحيب حار بكل الإخوة/ت الذين انضموا للمسيرة المظفرة إن شاء الله

شكرا يا شادينا على هذا المشروع الطموح ويقيني أنه صادف هوى في نفوس الكثيرين
وسوف أعود له "بهناك" بس روق المنقة ... فالمشروع عاجبنا وما خايفين منو
واحسن الطبخات ما سويّ على نار هادئة

تحيات وشوق لكم جميعاً














----------
عبدالسميع ... ليك وحشة والله
Post: #506
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:02 PM
Parent: #505

287.JPG Hosting at Sudaneseonline.com
Post: #507
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:05 PM
Parent: #505

141120092222.jpg Hosting at Sudaneseonline.com
Post: #508
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:08 PM
Parent: #505

288.JPG Hosting at Sudaneseonline.com
Post: #509
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:12 PM
Parent: #505

289.JPG Hosting at Sudaneseonline.com
Post: #510
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:13 PM
Parent: #505

289.JPG Hosting at Sudaneseonline.com
Post: #511
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:22 PM
Parent: #510

290.JPG Hosting at Sudaneseonline.com
Post: #512
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:23 PM
Parent: #510

291.JPG Hosting at Sudaneseonline.com
Post: #514
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-17-2009, 07:26 PM
Parent: #510

292.JPG Hosting at Sudaneseonline.com
Post: #513
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 07:24 PM
Parent: #505

فضل عشر ذي الحجة-

أن فيها يوم عرفة:

ويوم عرفة يوم الحج الأكبر، ويوم مغفرة الذنوب، ويوم العتق من النيران،

- أن فيها يوم النحر:

وهو أفضل أيام السنة عند بعض العلماء، قال صلى اله عليه وسلم :
«أعظم الأيام عند الله يوم النحر، ثم يوم القَرِّ»

- اجتماع أمهات العبادة فيها:

يظهر أن السبب في امتياز عشر ذي الحجة لمكان اجتماع أمهات العبادة فيه،
وهي الصلاة والصيام والصدقة والحج، ولا يتأتّى ذلك في غيره".


من الأعمال المستحبة في عشر ذي الحجة

الحرص على مجاهدة النفس بالطاعة فيها،
أن تكثر من أوجه الخير وأنواع الطاعات،

ندعو الشباب الى صيام كامل هذه الأيام أو جزء كبير منها

تبدأ يوم غد الأربعاء وهو اليوم الأول من ذو الحجة حتى

الخميس وهو يوم الوقوف بعرفه .
Post: #515
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 08:43 PM
Parent: #513

sudansudansudansudansudansudan2sudan1sudan.gif Hosting at Sudaneseonline.com
Post: #516
Title: Re: ناس الزقازيق ... أجدع ناس ( 3 )
Author: محمد صديق
Date: 11-17-2009, 10:20 PM
Parent: #515

سلامات يا ناس

الواحد مستغرب ورديات الليل ديك

مشت وين ؟؟ كلما نلقى فرصة نخش

البوست نلقاهو حاتل...

اعاين فيهو و[ ازهج ]

واجرى اجيهو راجع
Post: #517
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-17-2009, 10:54 PM
Parent: #516

يا كوتش محمد صديق والله متابعين

البوستات التانية والتحليل الفني

لمباراة مصر والجزائر
Post: #518
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-17-2009, 10:58 PM
Parent: #517

Quote: اعاين فيهو و[ ازهج ]

واجرى اجيهو راجع


نفس الشعور يا كوتش...و من كم يوم...فأنا يصعب علي التداخل نهارا و عندما أحضر ليلا أجد نفسي ألعب الون و أمشي أنتظر التو...فقلت أحسن أنوم بدل الجن الكلكي..
Post: #519
Title: Re: ناس الزقازيق ... أجدع ناس ( 3 )
Author: البادي النور
Date: 11-18-2009, 05:59 AM
Parent: #518

صباح الهناء والسرور ...
رجعنا لأيام زمان ... حوشنا لقيته تائه في الصفحة الثانية ...
البوست عايز يكون في الصفحة الأولى دائما ... إيدكم معانا يا أخوان ...
Post: #520
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-18-2009, 06:07 AM
Parent: #519

صباح الخير ... غداً نلتقي في منزل الريس معتصم ..
Post: #521
Title: Re: ناس الزقازيق ... أجدع ناس ( 3 )
Author: موسي عيسي
Date: 11-18-2009, 06:23 AM
Parent: #520

اهلنا و حبابينا ناس الحوش كيف اصبحتو و الله الحقيقة أنه

البوست الواحد بقي منزعج لحالته كنا بنشوف في اعلي الصفحة

الاولي فقط نلاقه بغازل في دموع المتاوقين و لكن هذه الايام

يا حليلو دودي الجميل والرشيدماعادتك، وين ايامك يا محمدعيدومداخلاتك

الحلوة يا طارق جبريل و طبعا اب شنب الانتخابات ما خده من

الوقت جله نامل من الشباب العودة و ا لمساهمة في محافظة

البوست على ا لريادة والسيادة و ليظل بوست ناس الزقازيق

سيد البـــــــــــلـــــــد الحقيقي ؟ يلا يا شباب الهمة؟
Post: #522
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-18-2009, 06:28 AM
Parent: #521

ياموسي والله انا متواجد علي طول بس ما لاقي زول يونسني ومشغول بالكورة .. وليس الإنتخابات ..
Post: #523
Title: Re: ناس الزقازيق ... أجدع ناس ( 3 )
Author: مني يونس
Date: 11-18-2009, 06:30 AM
Parent: #520

صباحاتكم ندية ،،، ومداخلاتكم بهية
ناس الزقازيق أحسن ناس

أرحب بزميلنا الآخ عبد السميع
ناس أداب منورين البوست
Post: #524
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-18-2009, 06:47 AM
Parent: #523

صباح الخير عليكم عشيرة الجدعان
الناس الصاحين ..
البادي - أبو الزهور - موسى - منى يونس

يا اب شنب متابعين تغطيتك النشطة لأخبار المباراة العجيبة دي
وانشاء الله الأمور تعدي على خير وبأقل الخسائر ...
الله يديك العافية ...
Post: #526
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 07:15 AM
Parent: #524

صباح الخير يا وجوه الخير ،،،،

أصبحنا وأصبح الملك لله ،،،،،،

اليوم غرة ذو الحجة

وهي أيام جميلة وطيبة

جعلها الله أيام خير وبركة للجميع
Post: #525
Title: Re: ناس الزقازيق ... أجدع ناس ( 3 )
Author: مني يونس
Date: 11-18-2009, 07:11 AM
Parent: #523

t4_ads4.gif Hosting at Sudaneseonline.com

مصر مصر مصر
Post: #527
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-18-2009, 07:34 AM
Parent: #523

صبحكم الله بالخير والنور والسرور

موسى عيسى...اتخيل نفسك قاعد ليك في كنبة على البحر و لا في قهوة و تطلب كابتشينو و تقعد تونس في نفسك...حيحصل شنو...أقلاها و انت قاعد في البحر الناس كلها حتسيب ليك المكان وتمشي تقعد بعيد منك ولا و انت طالع من القهوة الناس كلها حتوسع ليك الطريق...و امكن يعفوك من الحساب...و امكن كمان صاحب القهوة يخاف على القهوة بتاعته و يبلغ الجماعة و يجو يلبسوك البدلة البيضاء...مش عشان يعرسوا ليك طبعا...

دي حالتي مع البوست...فهمتني ولا أقرب ليك أكتر...
Post: #528
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-18-2009, 08:12 AM
Parent: #527

تحية لأجدع ناس

عبد السميييييييييييييييع

منور والله

وينك يا راجل... مطول الغيبة شديد

خليك مواصل وماااااااااا تغيب

___________________

يا أخوانا ما تزهجو دي ركنة بسيطة وأكيد حيرجع البوست لحالو القديم

إمكن لأن آخر أسبوع

أو إمتحانات

أوحج

وإمكن مصر والجزائر المسخت علينا سودانيز أون لاين... والسودان زاتو
Post: #529
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-18-2009, 08:34 AM
Parent: #528

صباح العسل والجمال
أبو الرشد .. سامي .. ميسرة ..

شفتوا كيف نوزع ليكم العسل والجمال عشان ما تطولوا علينا الغيبة
غايتو يا رشدي نحن ناس النهار ما مقصرين بنعمل العلينا لكن انتو يا ناس الليل
أصابكم الكسل وبنجي الصباح نلقى البوست غاطس في الصفحة الثانية ..

يا سامي دفعة ده جا ورانا وشه مرة مرتين وزاغ مننا مشى بي هناك شغال مع ناس
الكورة ..

يا ميسرة الله يديك العافية وانشاء الله العشرة مباركة عليك وعليكم كلكم وربنا يوفقكم
لصالح الأعمال .. انت مع الأحمر ولا الأخضر ؟؟؟؟؟
Post: #530
Title: Re: ناس الزقازيق ... أجدع ناس ( 3 )
Author: محمد عيد
Date: 11-18-2009, 08:41 AM
Parent: #529

Quote: .. انت مع الأحمر ولا الأخضر ؟؟؟؟؟


قدورة ...

غايتو انا مع اللون البرتقالى ... لون هولندا

يعنى حأشجع اللعبة الحلوة

ويدى على قلبى ... ربنا يجنب البلد شر البلاوى

والله يستر وتعدى الليلة دى على خير ...
Post: #532
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-18-2009, 08:46 AM
Parent: #530

صباح الخير ابو العيد


انا غايتو بشجع الإحتياطي المركزي !!!!!!!!!!
Post: #533
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-18-2009, 08:54 AM
Parent: #532

Quote: يعنى حأشجع اللعبة الحلوة


يا عيد ..

لعبة حلوة ويييين مع السكاكين والسيوف والعكاكيز الحايمة دي ؟؟؟؟؟

أنسى ........

وخليك مع الإحتياطي المركزي ...
Post: #531
Title: Re: ناس الزقازيق ... أجدع ناس ( 3 )
Author: عبد الحميد البرنس
Date: 11-18-2009, 08:44 AM
Parent: #528

Quote: نقي كضحكة طفل. طيب كدعاء صادر صوب السماء من فم أم. تقاسمنا معا الماء والطعام والسكن وحزمة أفراح صغيرة مثل حلويات راشد وفاكهته المشكلة. صديقنا المشترك هشام يونس بعد تخرجنا بسنوات، كان يسألني عنه كلما قابلني في (الأهرام)، كان يشرّق في الحديث ويغرب ليعود إلى عبدالسميع مرة ومرة، ولم يكن هشام يعلم وقتها أي (((عزاء))) يمكن أن تحدثه (((ذكرى))) عبدالسميع في (((عالم))) يمكن أن تباع الصداقات فيه بوجبة طعام رخيص؟.


أخوي سمعة:

هوّن عليك يا رجل؟.

لو تمعنت في ردي لوجدت بوضوح تام أني أفتخر بتلك الصداقة في وقت ما بعد الزقازيق، وقت القاهرة، حيث تلاشى وقتها عالم الطلاب المثالي، حيث كان على أخيك أن يواجه زمرة مخضرمين بلا خبرة عملية في هذه الحياة، كنت قاصر النظر وأنا أقرر وقتها كمثالي طيب أن صراعي الأساسي قائم فقط مع الورقة والقلم، لكن الحياة قامت بمنحي الكثير في قسوة دروسها، وكان لزاما عليّ أمام احباط هنا وصدمة هناك أن ألتمس بعض العزاء من ذكرى وجوه طيبة عبرت سماء حياتي سواء في الزقازيق أوغيرها، لقد فعلت ذلك فقط لأقنع نفسي أن الحياة لا تزال بخيرها، وتقبل تحيات أم العيال إلهام ومحمد و(((أنيس))) زعلان عشان عمو عبدالسميع ماعرف اسمو لسة. تحياتي للولدين وأمهما وأخونا أحمد عثمان وعبدالعظيم.
Post: #534
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-18-2009, 09:16 AM
Parent: #531

ازيكم وليكم وحشة ومراحب بكل الجونا هنا


عليكم الله ادخلو بيتكم الجديد

ونوروهو 00 والله فيهو كهربا وموية

ومفرش ومبخر بعبق زقازيقي جميل

عمروهو 00

صراحة كل ما ادخل وما القى الا( حراس سنار)

الرشيد وعيد اقول ربنا ما يحرمنا منكم لولاكم

كان البيت بقى0( مسكون )

وعاينو لكمال الشادي وهو بيبني احلى حاجة لينا

الله عليك يا شادي 000
رغم اني بليدة في حكايات الفلوس والاستثمار
لكن معاك جدا

ويا زيناتي يا زهير البرالمة ديل كفاهم شقة الاستقبال

نزلوهم للجماهير 00
Post: #535
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-18-2009, 10:43 AM
Parent: #534

صور جميلة ورائعة يا زهير
واعنى صور السمك
الا انها خالية من تعليقاتك التى تعودنا عليها
وهذا يعنى انك مشغول بى كورة مصر والجزائر فعلا
لكن البيخلى التعليقات منو
نحن ما قاعديييييين
صورة رقم واحد
النضيف لى عناب النضيفة
شفتى كرش عمك اللابس البنطلون ده
وصلعة عمك التانى الداسيها بالطاقية دى
زمان ولا كانت فى ولا حاجة
من ما بقوا يهببوا هبابهم ده
طوالى بطنهم كرشت , ودقنهم حمست , جلدهم بقى (خرش مافيهو )

صورة رقم اتنين
الريس معتصم جعفر
كدى تانى ياعفاف تقولى انا اكبر من حاج الركز ؟؟!!
انت مش دفعة ناس نزار الشقلينى ؟؟؟
السؤال منى اناده كية لى عفاف ومن لف لفها

صورة رقم تلاتة مكرر صورة رقم اربعة
الكوتش متمحنا
مرتديا جلاقميصه الذى حير حاتم جبارة
وقد رد لتوه على تلفون التكليف بتاع الشغل
هسى عليك الله مالقوا الا يرسلونى الحتة المافيها انترنت دى ؟؟؟!!!
ان شاء لقيتوا حاجة يا جنابو

صورة رقم خمسة
جمال فارح
مخاطبا نادر فاروق
ياخى ما تغيروا الفحم ده
الشيشة دى ما قربت( تقوم) بينا
كان الفحم خلص
ان شاء الله تختوا لينا فيها سمكة
صورة رقم ستة
الكترابة
انتو الناس دى ما شايفين العيش ده ولا شنو
بعدين البنية الحليوونة دى
بتخاطر مخاطرة كبيرة
بأنها تخت الموبايل
جنب زول زى نادر فاروق
وهو فى الحالة دى
صحن الشطة (ولا دى سلطة بيضاء) على الشمال
والموبايل على اليمين
والسمك فى كل مكان
جربتو قبل كده اكل السمك بالموبايل ؟؟؟
Post: #536
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 10:46 AM
Parent: #534

للناس إلى عندها فلوس وايد

لو أجبرك سارق يوما ما على سحب أموال من ماكينة الصراف الآلي ( ATM )
‏فكل ما عليك فعله هو إدخال الرقم السري بشكل عكسي
‏أي إذا كان رقمك السري 1234 فإنه يتعين عليك إدخاله

4321

‏إذ أنه في الوقت الذي سيتم صرف النقدية من خلال الماكينة

‏سيعتبر ذلك الرقم العكسي الذي قد تم إدخاله بمثابة طلب للمساعدة
‏وسيتم على الفور إبلاغ الشرطة دون أن يشعر السارق بذلك

‏هذه الخاصية متوفرة لدى جميع ماكينات الصراف الآلي .. إلا أنها غير معروفة لدى الكثيرين
Post: #537
Title: Re: ناس الزقازيق ... أجدع ناس ( 3 )
Author: موسي عيسي
Date: 11-18-2009, 11:24 AM
Parent: #536

يا الرشيد اخوك مزنوق زنقة عدوك اولا ما فهمت قصدك ثانيا البال

مشغول شوية و كمان صائم العشرة ربنا و ما يرحمنا وإياكم أجرها

و بمناسبة العشرة من ذي الحجة و تكملة لما بدا به الرئيس نود

المشاركة :




بسم الله الرحمن الرحيم


من نفحات شهر ذي الحجةبسم الله الرحمن الر
قال تعالى : (والفجر وليال عشر) أقسم الله بعظم هذه الليالي العشر من ذي الحجة وذلك لقول رسول الله صلى الله عليه وسلم : من صام هذه الأيام أكرمه الله بعشرة أشياء :
1 - البركة في العمر . 2 - الزيادة في المال .
3 - الحفظ في العيال . 4 - التكفير للسيئات .
5 - مضاعفة الحسنات. 6 - التسهيل في سكرات الموت .
7 - الضياء لظلمة القبر . 8 - التثقيل في الميزان يوم القيامة .
9 - النجاة من دركات النار . 10 - الصعود في درجات الجنة .

وروي عن ابن عباس عن النبي صلى الله عليه وسلم أنه قال :
اليوم الأول هو الذي غفر الله فيه لآدم وهو أول يوم من ذي الحجة ، من صام ذلك اليوم غفر الله له كل ذنوبه
اليوم الثاني وهو اليوم الذي استجاب الله فيه لدعاء سيدنا يونس عليه السلام فأخرجه من بطن الحوت ومن صام ذلك اليوم كان كمن عبد الله سنة ولم يعص له طرفه عين .
اليوم الثالث استجاب الله فيه دعاء زكريا من صامه استجاب الله دعاؤه .
اليوم الرابع هو اليوم الذي ولد فيه سيدنا عيسى عليه السلام ومن صامه نفى الله عنه البؤس والفقر .
اليوم الخامس وهو الذي ولد فيه سيدنا موسى عليه السلام ومن صام ذلك اليوم نجّاه الله من عذاب القبر .
اليوم السادس هو اليوم الذي فتح الله فيه لنبيه أبواب الخير من صامه نظر الله إليه برحمة .
اليوم السابع هو اليوم الذي تغلق فيه أبواب جهنم فلا تفتح حتى تنتهي العشر ليالي ومن صامه أغلق الله عنه ثلاثين باباً من العسر وفتح الله عليه ثلاثين بابا من اليسر .
اليوم الثامن وهو يوم التروية ومن صامه أعطاه الله من الأجر مالا يعلمه إلا الله .
اليوم التاسع وهو يوم عرفة ومن صامه كان كفارة للسنة الماضية والمستقبلة وهو اليوم الذي نزلت فيه الآية الكريمة : (اليوم أكملت لكم دينكم) .
اليوم العاشر وهو يوم الأضحى من قرب فيه قرباناً غفر الله ذنوبه .

مع الإكثار من قراءة القرآن والصلاة والتصدق والتسبيح خذ ستين ثانيه من وقتك فقط

انشــــــــــــر
ولنرى إن كان الشيطان قادرا على إيقاف هذا الأمر :




سبحان الله

و
الحمد لله



و
لا اله إلا الله




و
الله أكبر


و
ولا حول ولا قوة الا بالله





اللهم صل وسلم وبارك




على نبينا وحبيبنا محمد وعلى اله وصحبه

سبحان الله و بحمده عدد خلقه و رضا نفسه و زنة عرشه و مداد كلمات





تحدي بينك وبين الشيطان
Post: #538
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-18-2009, 02:12 PM
Parent: #537

الجو مشحون شديد والجزائر تقريبا كسبت الحملة الاعلامية

ومعظم السودانيين واقفين مع الجزائر والقنوات المصرية تتحدث

عن انهم اخدوا مقلب
الان استاد الخرطوم مليان جزائريين وعدد قليل من المصريين
Post: #539
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-18-2009, 06:03 PM
Parent: #538

لم يشهد استاد المريخ مثل هذا الجمهور الغفير من قبل...جمهور لون الملعب بأزهى الألوان وهدر هديرا اهتزت له نوافذ المنازل القريبة من ملعب المباراة...لا أريد أن أنقل ما يدور في المنبر العام الى داخل البوست...فهنالك الكثير من البوستات التي اهتمت بالمباراة..بعضها ظريف جدا والبعض الآخر افتقد الموضوعية...
جاء المصريون بعدتهم و عتادهم...سياسيهم و فنانينهم و شخصيات بارزة أخرى...و كذلك فعل الجزائريون...التنظيم جيد حتى الآن...حسبما صرح طرفي المباراة ..لاعبين و مشجعين و اعلاميين..أتمنى أن ننجح الى النهاية رغم ان كل العالم مشفق علينا من التجربة الصعبة...

الغريب في الأمر و قبل انطلاق المباراة بنصف ساعة..ما زلت غير متأكد مع من تميل عواطفي...هل مع المصريين أم الجزائريين...كل الظروف تشير الى فوز مصر...و لكني أخشى عليهم من أن الظروف المضادة التي تواجه الجزائريين ربما تكون دافعا لهم لاظهار أفضل ما لديهم...

لننتظر و نرى..
Post: #540
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 07:00 PM
Parent: #539

السلام عليكم ورحمة الله ،،،

الناس كلها متابعة المباراة

قلنا نحن على البوست شوية من

التدهور ومعليش يا حبيب الناس كلها مشغولة

عنك ،،، محاولة لرفع الروح المعنوية للبوست
Post: #541
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 08:34 PM
Parent: #540

هاردلك مصر ،،،،،

مبروك الجزائر
Post: #542
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-18-2009, 08:37 PM
Parent: #540

مبروووووووووك للجزائر....و هاردلك لمصر...

لقد استحق الجزائريون الفوز و التأهل لكأس العالم....

لم تكن الخرطوم كما تمنى المصريون...أرض العبور...

سيظل الجزائريون يحفظون الجميل للخرطوم مدى الحياة...
Post: #543
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-18-2009, 09:27 PM
Parent: #542

هي كرة القدم إما نصر أو هزيمة ... بكل الحب نقول للأخوة في الجزائر ألف مبروك ... ونقول للأشقاء في مصر ... هارد لك وحظ أوفر في المرة القادمة ... كرة القدم هي لغة المحبة بين الشعوب .. هنالك من أراد أن يجعلها غير ذلك ... في الجزائر أو في مصر ... وحتي في السودان ... أو هنا في هذا المنبر .. هذه المباراة لا تعني أي شيئاً آخر سوي أنها مباراة في كرة القدم ... بين فريقين شقيقين ينتميان للقارة الأفريقية ... وللعرب ... من المؤسف ان هنالك الكثيرين في هذا المنبر ولا اعني الكل أرادوا أن يصفوا حسابات لا علاقة لها بالرياضة أو التنافس الشريف مع مصر ... فأختاروا الوقت الخطأ والمكان الخطأ ... علهم يراجعون أنفسهم فليس من العقل معاداة الشعوب ... فالشعب المصري مثله مثل الشعب السوداني أو الشعب الجزائري أو حتي أي شعب آخر في العالم ... به الطيب وينجب الشرير ... الشعوب لا علاقة لها بالحكام .... وستظل حلايب سودانية إن إنتصرت مصر أو إنهزمت ... ونتيجة المباراة لن تغير الواقع علي الأرض هناك ...

الأحقاد التاريخية تجاه مصر أعمت بصر وبصيرة الكثيرين عن حقائق لا تحصي ... ومن إعتقد أن النظام الفاشي في مصر الذي ساند الإنقاذ منذ مجيئها ولا زال يقدم لها أكسير الحياة كلما ترنحت .. سيجعلنا نقف ضد الفريق المصري فهو واهم ... ولعلهم تناسوا مواقف النظام الجزائري من نظام الأنقاذ وما قدموه له من مساندات في كل المحافل الدولية .. وهو نظام لا يختلف عن النظام المصري كثيراً كإبن شرعي للثورة الجزائرية متحولاً لنظام فاشي عاث في الجزائر فساداً ولا يزال ، بنفس دورة حياة النظام المصري فلا فرف بينهما سوي المكان والجغرافيا ...

ستظل الرياضة رياضة والسياسة سياسة .. وما بين الشعوب المحبة ... المباراة كانت فرصة كبيرة لنعبر عن حبنا للشعبين الجزائري والمصري ،، تجولت في إستاد المريخ وسط مناصري الفريق الجزائري وتحدثت معهم ... وقدمت لهم ما أري بأنه واجب علي كمضيف لهم غض النظر عن وقوفي مع فريقهم أو الفريق المصري ، كما تجولت بين مشجعي الفريق المصري بنفس الروح ... من كل قلبي أقول لهم مبروك ... ونتمني لكم تمثيل مشرف للكرة الأفريقية في المونديال الأفريقي ... ففريقهم قدم مباراة كبيرة أستحق أن يفوز ... ولم يكن الفريق المصري سيئاً وإنما هي كرة القدم لا بد من فائز واحد وخاسر آخر ...
ألف مبروك لأبناء الجزائر .. هاردلك أبناء حسن شحاتة ذاك المدرب الذي لا تملك إلا وأن تحترمه ...

من أراد أن يزرع الكراهية بين الشعبين السوداني والمصري .. لشئ في نفسه عليه بمراجعة حساباته ... لأنها مباراة في كرة القدم لا يمكنها أن تؤثر علي علاقة تمتد لآلاف السنين ، ومن أراد تصفية حسابه مع الإنقاذ ... فقد أخطأ الوسيلة والميدان... لذلك ميدان آخر ووسائل أخري ... ماذا نجني من خسارة شعب عظيم مثل الشعب المصري ... له حضارة عمرها آلاف السنين ... ومن يصف المصريين بأنهم مجموعة من المحتالين والغشاشين وفي أحسن الأحوال راقصين ... فهو شخص مريض ... يحتاج لطبيب ... مثله مثل من يقول أن أبناء الجزائر مجموعة من اللصوص والأشرار ...

من أراد أن يحرر له الفريق الجزائري حلايب فقد خاب ظنه .. ها هو الفريق الجزائري يصعد لنهائيات كاس العالم ولا زالت حلايب مستعمرة ... وإذا ما كانت هنالك حسنة لهذه المباراة فقد خلقت أواصر جديدة مع أبناء الجزائر ووطدت صلات جديدة مع شعب نكن له كل الود والإحترام ...

حظ أوفر لمصر في المرات المقبلة ، من اراد لنا أن نقف ضد مصر لأنها تحتل حلايب .. ليته نبهنا قبل ذلك لأن نقف ضد العدائيين الأثيوبيين والكينيين في المسابقات الدولية . حينما كنا نشجعهم بكل حماس . لماذا لم يخبرونا حينها بأن كينيا تحتل مثلث أليمي وتدوس أقدام العسكر الأثيوبيين الفشقة السودانية . ام هو الكيل بمكياليين ... والنظر للامور من خلال أعين أعياه الرمد والصديد ...

أبعدوا كرة القدم عن السياسة فهذه بها من القذارة ما لا تحتمله تلك .. الرياضة تجمع والسياسة تفرق ... كرة القدم لا تعرف سوي الحب ... لماذا تريدون أن تجعلوها ميدان لتصفية الاحقاد والضغائن ... من اراد أن يشجع الجزائر دون أن يكره مصر والمصريين لا أحد يلومه ... ولكن من يريدنا أن نكره مصر وننظر لها بعيونه ... فهذا ما لا يستطيع أن يجبرنا عليه ... لمصر في القلب مكانة وللمصريين كل الحب والمحبة ... وإذا ما كان هنالك من خسارة فهي الشرخ الذي ستسببه في العلاقة بين الشعبين ...

مبروك الجزائر ... هارد لك مصر
Post: #544
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 10:24 PM
Parent: #543

أحسنت يا زناتي وأعتبر المقالة دي

من أنجح وأفضل ما قرأت خلال ام المعارك الكروية

والتي عبرت عن ما يجول في خاطرنا وسؤالنا عن كمية

الحقدالذي ألذي افرزته هذه المباراة والغير مبرر الكراهية

من أجل الكراهية والحقيقة كمية كبيرة من الصدمة

النفسية من بعض إطلاعي على البوستات الأخرى حتى خلت نفسي

بأننا شعب حاقد وناكر للجميل.

شكراً زهير لقد أرحتنا نفسياً ،، ولربما أراد الله بنا خيراً

بفوز الجزائر وجنب البلد والبلاد من تهور شباب الجزائر الطائش

والمتعطش للمعارك المدموية.
Post: #545
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-18-2009, 11:15 PM
Parent: #544

لنخرج من جو المباراة ونعود

إلى بوستنا العزيز ولنشارك

جميعنا ونعود بقوة شديدة

إلى الكتابة.
Post: #546
Title: Re: ناس الزقازيق ... أجدع ناس ( 3 )
Author: محمد عيد
Date: 11-19-2009, 00:44 AM
Parent: #545

اثمن تماما مقال ابو الزوز ..

باعتباره كان اكثرنا قربا من هذه المباراة وأدار تحليله لها بحرفية عالية

ومؤكد ان ما كان يدور فى المنبر العام من تخريف كبير كان انعكاسا لحال الصحافة والاعلام

الرياضى سواء عندنا او عند المصريين والجزائريين ...

ونحمد الله ان هذه النتيجة قد حمت بلادنا من مصائب كبيرة ربما كانت ستحدث لو انهزمت الجزائر !
Post: #547
Title: Re: ناس الزقازيق ... أجدع ناس ( 3 )
Author: البادي النور
Date: 11-19-2009, 05:30 AM
Parent: #546

صباح الهناء والسرور ...
أصبحنا وأصبح الملك لله ...
اللهم نسألك خير هذا اليوم عاجله وآجله ما علمنا منه وما لم نعلم ...
ونعوذ بك من شر هذا اليوم عاجله وآجله ما علمنا منه وما لم نعلم ...
مبروك للجزائر .. الحمد لله ربنا حفظ بلادنا من فتنة كبيرة ...
Post: #548
Title: Re: ناس الزقازيق ... أجدع ناس ( 3 )
Author: كمال الشادي
Date: 11-19-2009, 08:56 AM
Parent: #547

زهير
شكراً للمداخلة الجميلة التي من شأنها أن تنهي هذه المشادات
التي لن تؤدي إلى شيء

وسألتك بالله أن تقول كلام زي القلتو في حق الكورة
في حق بوستي ( شركة الزقازيق القابضة )
لاني بديت احس إني بأذن في حتة ما فيها زول

منتظرك !!
Post: #549
Title: Re: ناس الزقازيق ... أجدع ناس ( 3 )
Author: محمد عيد
Date: 11-19-2009, 09:19 AM
Parent: #548




بهدوء كده وبدون اية ردود افعال ..

انا الآن استطيع وبرضاء كامل من ضميرى ان احمـّل كامل مسئولية ماحدث

ويحدث الآن للاعلام المصرى الســـالب ..!!

وذلك باستغلاله لامكاناته الكبيرة وخبراته المتراكمة فى تحويل وتأويل الامور

والاحداث بطرق مســـرحية هزليــة لا تخفى على أحد ...

ويكفيكم - اذا لم تتابعوا ماحدث عقب المباراة - الاسلوب الذى اتخذه المدعو

عمرو أديب فى اوربت .. وذاك النكرة الموجود فى النيل للرياضة حتى الصباح

وتوجد فى المنبر العام تسجيلات مصورة لاحاديثهما ..

الآن انقلبت الحرب على السودان ومنذ ليلة البارحة يتعرض البلد سياديا وتاريخيا

لحملات تريقة واستهزاء مقيتة ومخجلة .. وفى كل هذا يأتى عجز الاعلام والرسميين

السودانيين ليزيد من استمراء تلك الفئة من الاعلام المصرى لهذه الحالة واستمراره

فيها ...

تخيلوا فى وسط كل ذلك الهراء ومداخلات بعض مسئولى الشرطة السودانية الذين رضوا

بأن يخضعوا على الهواء لاستجوابات عمرو أديب وزميله الوقح وهم يفتقدون لابسط مقومات

الناطق الرسمى ...

ولولا مداخلة مزمــل ابو القاسم فى نايل سبورت والذى ألجــم مذيعها حجرا غليظا

اراح به قلوبنا لنمنا ليلتنا فى المستشفيات من جراء ما سمعناه من سواقط القول فى

حق وطننا ومواطنينا وقواتنا الامنية بل وتاريخنا ..!!

ما العمل .. قد نستطيع تسليط بعض الاقلام والالسن اللاذعه مثل مزمل والرشيد على عمر

وعمرابى و.... حتى نستطيع جلب يونس محمود من جديد ... ولكن هل نملك مثل آلتهم

الاعلامية الضخمة التى يمتلكون ؟ بل وهل نستطيع مجاراتهم فى اساليبهم تلك ؟

* هذا الاعلام وبالتحديد هذا الاعلامى ( عمرو أديب ) كان قبل فترة قد تسبب فى التصعيد

الذى حدث فى مصر اثناء بطولة القارات وحكاية الفتيات فى معسكر المنتخب المصرى

وانا شخصيا تابعت مداخلة كابتن حسن شحاته الذى شتمه وأغلق الهاتف فى وجهه .. وأضطر

هذا الحقير بعد يومين من الظهور علنا فى التلفاز والاعتذار للشعب وللمنتخب !!
Post: #550
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-19-2009, 09:33 AM
Parent: #549

تحياتى دفعة

فى الواقع وبرغم من تعاطفنا بشكل كبير مع مصر بحكم الجميل الذى طوقتنا به طوال عقدين او ثلاثة

الا ان الاعلام المصرى ومنذ ليلة البارحة يا ابو الزوووز يتجه الى منحى غريب جدا فهو يرجع كل اسباب الهزيمة
الى التواجد فى السودان فقد اسموه الجحيم وفقدان الامان وغيره من تشويه السمعة
التى ستضر بسمعة السودان وما زال الاعلام المصرى يواصل الحملة ضد السودانيين وذلك برغم من ان الهزيمة من الجزوائر كانت فنية بحته

وفى رأى ان مصر تعاملت مع المباراة بعشوائية وثقة زائدة ولو لاحظت ان الجزائريين قد اداروا الازمة بشكل منظم جدا
بدءا من ارسال الرئيس الجزائر لعدد 10000 جزائرى وصلوا منذ وقت مبكر

وزعوا الاعلام والهدايا للجمهور السودانى

صرفوا عملات وكان هناك عائد اقتصادى للسودانيين البسطاء فكان من الطبيعى ان يناصر صاحب الركشة الجزائريين

غابت اعلام مصر وغاب المصرييين بسبب فشل المصرييين فى حماية لاعبى الجزائر بمطار القاهرة فشاهد العالم كله لاعبى الجزائر وهم يلعبون ورؤسهم مربوطة والدم يسيل من جباههم

الجمهور الجزائرى وصل الى الاستاد منذ وقت مبكر وذلك بسبب الوجود
المبكر للاستاد ......
Post: #551
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-19-2009, 09:34 AM
Parent: #549

صباح الخير يا وجوه الخير،،،،

مبروك للسودان لهذا الإنجاز الأمني

وحمد لله على السلامة ،،،،،

أخونا محمد عيد كلامك أثار في

الشوق لمعرفة ما قيل ،، لأني بصراحة

حاولت أن أخرج من جو المباراة ،،،

وبالتالي لم أتابع .
Post: #552
Title: Re: ناس الزقازيق ... أجدع ناس ( 3 )
Author: محمد عيد
Date: 11-19-2009, 09:43 AM
Parent: #551

وشهد شاهد من اهلها


Quote: المستشار الطبي للسفاره المصريه في الخرطوم ينفي كل شائعات النايل سبورت وعمرو اديب


Post: #554
Title: Re: ناس الزقازيق ... أجدع ناس ( 3 )
Author: عثمان الخير
Date: 11-19-2009, 10:11 AM
Parent: #551

صباح الخير لاجدع ناس

والتحية والتقدير لكل وجهات النظر

اولا مليون مبروك لبلد المليون شهيد, وحظ أوفر لحبيبتنا الغالية مصر, واتمنى ان يوفق الفريق

الجزائري في تمثيل افريقيا والعرب خير تمثيل في العرس الرياضي الكبير كاس العالم.

حقيقة نحن في تعاملنامع مصر, هنالك الكثير من الاحاسيس والمشاعر المتداخلة من حب وحنق وكره في بعض

الاحيان, فنحن احببنا مصر الارض مصر التاريخ مصر الحضارة مصر العلم وفوق كل هذا مصر الزقازيق ,

وحنقنا على التعالي والاذدراء الغير مبرر من وجهة نظرنا نحن,لانهم لا يعلمون اننا ننظر الي السماء

تلك ولا نرى غيرنا... اما كرهنا فهو مصر الاعلام الاعلام الاعلام.
Post: #553
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-19-2009, 09:49 AM
Parent: #549

صباح الخير عليكم عشيرة الجدعان ..

شكرا ابو الزهور على ما تفضلت به من حديث يحكي ويوصف بكل الصدق والتجرد والأمانة ما يخالجنا جميعا كسودانيين وما نكنه تجاه أخوة أشقاء لنا نشعر تجاههم بكل التقدير والعرفان بالجميل .. وما تفضلت به كان كافيا ووافيا .. ولا أخفيك سرا عندما أقول لك أنني لم يكن يهمني من سيفوز ومن سيخسر بقدر ما كان يهمني أن تعدي الليلة على خير وأن نخرج من هذه المحنة التي وضعنا فيها بأقل ما يمكن من خسائر لأن الأمور كانت واضحة منذ البداية - أن خلف الأكمة ما خلفها - وأن الهذف من هذه الليلة كان تصفية حسابات بين معسكرين بينهما ما بينهما وهذا الأمر لم يكن ليعنينا من قريب أو بعيد .. وبالفعل إنقضت الليلة بما عليها وبدأت تداعيات تلك الحرب في الظهور وها هو المأفون ( عمرو أديب ) الذي إعتاد على إلباس المصريين ثوب الحمل الوديع كلما كانت تمر بهم مصيبة أو إخفاق فس أي مجال فيسارع إلى الولولة والسكلبة وإطلاق لسانه القذر شتما وتجريحا دون أي تبصر أو رويه .. ها هو يصور الخرطوم وكأنها غابة ليس فيها اي أمن او أمان وبصور المشجعين المصريين وكأنهم قد دخلوا في مستنقع لا مخرج لهم منه إلا بتدخل حكومتهم ضاربا بعرض الحائط كل ما بذله الأمن السوداني لتأمين سلامة مواطنيه وذلك بأسلوب رخيص من السخرية والإستهزاء لا يصدر إلا من مثل هذا المأفون ومن جالسه ..
شكرا أخي محمد عيد فقد سبقتني في ايراد ذلك وألجمتني عن الإسترسال في هذه المهزلة خوفا من شغل البوست والإطالة على الأخوة الكرام ... ولكن ... بصراحة أشعر بغثيان وغيظ شديد من هذا المأفون ومن شايعه .. لكم العتبى حتى ترضوا أخوتي ومعذرة لكم ...
Post: #555
Title: Re: ناس الزقازيق ... أجدع ناس ( 3 )
Author: محمد عيد
Date: 11-19-2009, 02:58 PM
Parent: #553

يا ناس ..

البوست غطس للصفحة الثانية ولا الثالثة ما عارف ..

ننظم نفــرة ولا شنو ؟؟

ولا نكورك زى عمرو أديب الجاهل ؟

المتخلف قال : صحــّوا الرئيس السودانى ..!!
Post: #557
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-19-2009, 03:29 PM
Parent: #555

هلا قدورة ... محمد عيد ... ميسرة ... ومعكم قلباً وقالباً ... ولا نامت أعين الجبناء ,,, مولد الكورة لم ينفض وإنما بدأ ... الآن ستكون المعركة بين السودانيين والمصريين ، بعد أن كانت بين السودانيين أنفسهم .. سيتوحد الناس هنا وهناك ... وسيأخذ الأمر منعطفات عديدة .. وأبعاد جديدة ... وإتهامات وشتائم ... لن ينتصر فيها أحد ... بل سيخسر الجميع ...

شكراً يا ريس ميسرة علي الأتصال والإطمئنان .,,,


اليوم نتوقع ظهور الرشيد ... وبرايته ....

يوم الخميس الفات يا حليلو .. وين وزير العريس منصور

قد لا أتمكن من التداخل حتي السبت لأسباب تقنية ...
Post: #558
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-19-2009, 03:29 PM
Parent: #555

هلا قدورة ... محمد عيد ... ميسرة ... ومعكم قلباً وقالباً ... ولا نامت أعين الجبناء ,,, مولد الكورة لم ينفض وإنما بدأ ... الآن ستكون المعركة بين السودانيين والمصريين ، بعد أن كانت بين السودانيين أنفسهم .. سيتوحد الناس هنا وهناك ... وسيأخذ الأمر منعطفات عديدة .. وأبعاد جديدة ... وإتهامات وشتائم ... لن ينتصر فيها أحد ... بل سيخسر الجميع ...

شكراً يا ريس ميسرة علي الأتصال والإطمئنان .,,,


اليوم نتوقع ظهور الرشيد ... وبرايته ....

يوم الخميس الفات يا حليلو .. وين وزير العريس منصور

قد لا أتمكن من التداخل حتي السبت لأسباب تقنية ...
Post: #556
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-19-2009, 03:03 PM
Parent: #553

حتل أخونا البوست إلى اسوأ

وضع له منذ فترة طويلة

الدعوة للجميع للعودة

إلى المداخلات ولنبدأ

السهر من اليوم ،،،،

وإلا يا زهير برجع ليكم

تاني لمواضيع بنات الشيخ

علشان أجر رجول الجميع
Post: #559
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-19-2009, 05:14 PM
Parent: #556

Quote: اليوم نتوقع ظهور الرشيد ... وبرايته ....

يوم الخميس الفات يا حليلو .. وين وزير العريس منصور


نتوقع ظهور الرشيد بعد وصوله إلى اولاده ونبدأ

من اليوم السهر .

وزير العريس أخونا منصور عبد الرازق صاحب

مداخلات جميلة وظريفة ومنصور عنده طريقة حلوة

للمداخلات تبدأ المداخلة الأولى وتتبعها المداخلة

الثانية وثم الثالثة وقد يتبع الشرع ويكملها بالرباع

يضاهيهو في ذلك أخونا صاحب المداخلة الكبيرة الشحمانه

ياسر نجيلة .
Post: #560
Title: Re: ناس الزقازيق ... أجدع ناس ( 3 )
Author: محمد عيد
Date: 11-19-2009, 05:44 PM
Parent: #559

ميسرة ...

كل من هو متابع الآن ...

بالله شوفوا دريم ون الان وتابعوا القرف البيعمل فيهو

الوقح التانى الاسمو خالد الغندور

؟؟؟؟؟؟؟؟؟؟؟؟؟؟؟؟؟

ربنا يستر ... منذ ان ابتلانى الله بمرض الضغط ... لم يرتفع كما هو اليوم !!!
Post: #561
Title: Re: ناس الزقازيق ... أجدع ناس ( 3 )
Author: مني يونس
Date: 11-19-2009, 11:00 PM
Parent: #560

شكراًالأخ/ محمد عيد وانحنا متابعين
وين الربع وين الناس الحاصل شنو يا جماعة
وينكم شباب.

يظهر ادونا عين كبيرة ، نقوم نبخر البوست
ده ، حين الحسود فيها عود .
Post: #562
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-20-2009, 08:35 AM
Parent: #561

تحياتى منى يونس وشكرا للترحيب وشايفك بقيتى سعودية اوى اوى بل اكثر من
الملك (برقع وكلمة الربع وايش لونك )وكده ...عقبال التابعية.

اود هنا ان ابلغ اعتذارى للريس معتصم سلمان
على عدم تمكنى من حضور وجبة العشاء الدسمة بحسب كلام نادر فاروق
والتى تم ترتيبها على شرف الود النضيف وعائلته وشلة الانس فرع الخرطوم

واشير هنا الى ان الجماعة اللى استمتعوا بأكل السلاات والقرار الذى وضبه
ادروب اقول لهم ان ادرووب ده من اكتشافى ومن عندنا من الشرق(كسلا) ودى دعاية مجانية له
بيظبط الخروف تقول لافيهو عظم ولادم ولا شحم يجيب ليك اللحمة صافية ونظيفة ومشوية
على خفيف ونجيضة فى نفس الوقت تأكل وما بتشبعش ولو مغالطينى اسألوا ناس محمد صديق
وابوالزوز ونادرفاروق

اقول لميسرة انحسار البوست سببه معروف وهو طغيان اخبار المباراة الكارثة وردود فعلها العنيفة والتى مازالت
والاعلام المصرى خسر المصداقية وسيخسر واعتقد ان الفيفا سينصف السودان فى الايام القادمة
Post: #563
Title: Re: ناس الزقازيق ... أجدع ناس ( 3 )
Author: مني يونس
Date: 11-20-2009, 09:51 AM
Parent: #562

صباحاتكم ندية ومداخلاتكم نايمة

ناس الزقازيق أحسن ناس

شكراًأخي عبدالسميع وأحب أن أظل سودانية

عملي في التدريس قد يكون أثر على اللهجة المحيطة بنا

جمعة مباركة وسعيدة بإذن الله للجميع.
Post: #564
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-20-2009, 11:23 AM
Parent: #563

جمعتكم مباركة
في يوم الجمعة التالية سيكون أول أيام عيد الأضحى المبارك أعادة الله علينا و عليكم بالخير و اليمن و البركات...ويسبقه يوم الوقوف بعرفة نسأل الله أن يتقبل فيه صيامكم و دعائكم ان شاء الله و نسألكم أن تدعوا لنا...
هنالك نية بقضاء العيد في مسقط مع ياسمين ان شاء الله...و لكن يتوقف ذلك على ترتيب بعض الأمور في العمل حتى نقضي اجازة العيد دون أي ازعاج أو قطع للاجازة و التي هي عبارة عن يومين فقط...وثلاثة ايام مع الوقفة...و هي لا شك غير مشجعة و لكننا سنحاول أن نستغلها بشكل جيد...
Post: #565
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-20-2009, 11:34 AM
Parent: #564


اصبحنا وأصبح الملك لله رب العالمين

اللهم زدنا ولاتنقصنا وأكرمنا ولا تهنا

اللهم أحسن عاقبتنا في الأمور كلها

وأجرنا من خزي الدنيا وعذاب الآخرة
Post: #566
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-20-2009, 12:35 PM
Parent: #565

الزناتي متوقف عن التداخل حتى السبت و محمد صديق حتى اشعار آخر و محمد عيد حتى يتوقف الاعلام المصري جلال و جلا حتى انتهاء الحج و زوبة حتى تحصل على DSL الخاص بها...و حاتم جبارة حتى يفرغ من مشاغلة و طارق جبريل حتى يصبح البوست جاذبا...و فافي و حاج الركز بدون أسباب....بذلك أصبح للبوست وردية واحدة هي وردية النهار و حتى تلك حركتها ضعيفة...

ننتظر عودة ديدو من الاجازة...ربما بعودتة تعود الروح للبوست...
Post: #567
Title: Re: ناس الزقازيق ... أجدع ناس ( 3 )
Author: زينب التجاني
Date: 11-20-2009, 03:50 PM
Parent: #566

زى ما بقولو طرينا الاط جانا ينط
سلامات ليكم كلكم والله مشتاقة ليكم شديد

وعيد سعيد فى مسقط بطة

عيد كيفنك
عبد السميع مليون سلام وتحية والله شكلك كدة حاجز امجادى

قدورة كيفنك معليش الفترة الفاتت دى بظروفا كمية بتاعة مشاغل الواحد عينو للبوست ما يقدر يقرا ولا يرد

يا رشا البراية دايرة ليها سنة

يا ريس والله لولاكم البوست دة كان نزل للتالتة

ما شفتو ايام ما كنت سايقة الامجاد جديدة قبال عين محمد صديق

البوست دة وكت ما تفتحو تلقاهو فوق
نعمل ورديات ولا شنو

غايتو عمر لحدى ما يرجع من الحج برفعو ليكم لكن بعد داك رتبو الورديات
Post: #568
Title: Re: ناس الزقازيق ... أجدع ناس ( 3 )
Author: زينب التجاني
Date: 11-20-2009, 04:36 PM
Parent: #567

احلفي يا حمامة أني فيه لن اسمع الملامة ..

لو ما دايرين تكتبو اسمعوا
Post: #569
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-20-2009, 05:03 PM
Parent: #568



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">



With Best Wishes , & Happy EID

Post: #570
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-20-2009, 05:44 PM
Parent: #569

مانى غرقان فى التمنى
ولانى سارح بالأمانى
زارنى خاطراً بلّ شوقى .. وإحتوانى
النخل إتلاقى .. غنى
وردد النيل الأغانى
النجوم لامع بريقا
الورود النايمة .. فاقت
عطرت كل الجزاير بى رحيقا
الندى الراقد بفوقا
صفّقت جنحاتو غنت .. لى هوايا
دقوا مزيكة الحوارى
رقصوا البنوت .. أعرضوا
النخل زايد فى عرضو .. وفى علاهو
البيوت غرقت وراهو
وبرضو زايد فى علاهو
يحكى للدنيا الجميلة
سر عظمتو .. وسر بهاهو
ضى عيونك يا بنية
يضوى من بلداً بعيدة
تحملك لينا الغمامة
ويكتمل للروح .. نشيدا
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة

وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر
ومن كتير الزاد .. مسافر بى غنايا
نوصل الشمس البعيدة
نبقى عيدا
نزرع الحب البيوقد
لى النهاية



شكرا يا سهيلي على الاختيار الجميل.......
Post: #571
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-20-2009, 05:50 PM
Parent: #570

زوبة حمد الله على السلامة...أمنياتنا لعمر بحج مبرورا مفبولا ان شاء الله و نسأل الله أن يسلمة من كل شر ويعود ليكم بالسلامة...و قولي ليهو ما تنسانا من صالح الدعاء...

عندنا مشوار نشم شوية هواء و نرجع ليكم ان شاء الله...
Post: #572
Title: Re: ناس الزقازيق ... أجدع ناس ( 3 )
Author: محمد عيد
Date: 11-20-2009, 05:58 PM
Parent: #571

............ مرحبــــا ..............

المرابطين والقابضين على الجمر رغم حالة الدبرسة العامة

ميسره ومنى منذ ليلة امس

رشــا كحيل العيـــن الهارب للبحث عن مرفأ ترفيهى خارج الـ 6 حوائط ..

زنوبا .. بت النيل .. القمر بوبا عليك تقيل

عمــر الشال ســراى الليل وقصد البيت الحرام ومدينة الحبيب للجهاد الاكبر ( الله يقبل منك ومن جميع الحجاج )

الســهيلى المطل من النواحى البعيده غرب الأطلسى

مين كماااان ؟ حد يزود ..؟

آســـف فى زول يزود ؟؟ .. ما داير استخدم لى لفظ مصرى حاليا " ...!

الله ينتقم منك يا عمرو أديب انت وخالد الغندور والعجوز ابراهيم حجازى ...
Post: #573
Title: Re: ناس الزقازيق ... أجدع ناس ( 3 )
Author: محمد عيد
Date: 11-20-2009, 11:39 PM
Parent: #572

البوست غطس برضو للصفحة 2

والرشيد ما رجع لسه .. يظهر عجبو ضرب الهواء بره البيت

***********

على طريقة الحبيب الغائب ( لاسباب تكتيكية ) زهير

هاك يا ابو الزوز الرقم القياسى ده


Quote: محمد عيد


تاريخ التسجيل: 03-05-2009
مجموع المشاركات: 666


********

شــوفو جنس المشاكل والشبك دى

الكلام القاعد يضرب فى راسنا ما ساكت ..

دى حفلة امبارح فى نادى التنس بالخرطوم ...

فى داعى لكده بالله ؟؟؟

65fe23b8ba.jpg Hosting at Sudaneseonline.com
Post: #574
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 01:14 AM
Parent: #573

الجمعة وصابح السبت والساعة 3 وخمسة صباحاً
لا أتوقع نهائياً وجود اي شخص على النت الان
وانا مصحيني الشديد القوي

وزائرتي كأن بها حياءً فلا تزور إلا في الظلام

إلتهاب في اللوز وصداع شديد وتقيوء وعدم الاكل ادي إلى انخفاض شديد في الضغط عملت لغاية قبل شوية 90 على 60
وبردان لدرجة قلت الملاريا الجابها شنو في الرياض متغطي بثلاث بطانيات والله
بعد ما نامت زوجتى والاولاد
وماجاييني نوم قلت نشوق
اذا في واحد سهران نتسلى معاهو شوية
مع التحية
Post: #575
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 01:22 AM
Parent: #574

ده كان الخوف والله
الواحد عيان
ومافي زول صاحي
ومافي زول يقول كفارة والله سلامتك ( نظام دلع وكده )
يا الله فعلاً ليل المريض طويل
الله لا يبلاكم
والله يشفي كل المرضى
وانا لسه صاحي
مكره اخاك لا بطل
Post: #576
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-21-2009, 06:20 AM
Parent: #575

صباح الخير عليكم عشيرة الجدعان

ألف لا بأس عليك يا شادي
إنشاء الله تكون أصبحت كويس وربنا يجعلها أجر وعافية .. والله الساعة 3 صباحا
ما كثيرة لكن ناس وردية الليل اليومين ديل ماشايفين شغلهم كويس ..
كفارة وسلامتك ..
Post: #577
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 07:25 AM
Parent: #576

الاخ الكريم عبد القادر
الف تحية وسلام
وشكراً ليك يا الحبيب
والله نمت بعد صلاة الصبح يعني حوالي ساعتين بس
ولانو لازم اجي الشغل في حاجات لازم تتقفل قبل العيد
فجيت والله
لكن حاسي إني مش حا اقدر اكمل اليوم

الحمد لله
الف شكر ليك مرة تانية عبد القادر
Post: #578
Title: Re: ناس الزقازيق ... أجدع ناس ( 3 )
Author: ياسر شبيكة
Date: 11-21-2009, 07:34 AM
Parent: #577

فوووووووووووووق
Post: #579
Title: Re: ناس الزقازيق ... أجدع ناس ( 3 )
Author: محمد عيد
Date: 11-21-2009, 08:12 AM
Parent: #578

حبيبنا ود الشادى ...

ألف لا بأس عليك وما تشوف شــر انشاء الله

انا حاولت استلم الوردية لكن زى ما شايف قعدت ديدبان فترة

ومافى زول هببوا لىّ .

عموما نحاول استنهاض همم الشباب ايتداء من اليوم .. لاسترجاع الـ mode العام للبوست

بس ننتظر ابو الرشد يوصل غياثى بالسلامة ونبتدى اللز والدفر ...
Post: #580
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 09:03 AM
Parent: #579

سلام يا شباب .... عدنا والعود أحمد

محمد عيد معاك ويلا يا حبيب فوق من أجل ناس الزقازيق

كمال الشادي سلامتك .... والف كفارة ... عاجل الشفاء

في إنتظار عودة الرشيد .... ويلا يا شباب
Post: #581
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-21-2009, 09:24 AM
Parent: #580

يا ابو العيد عليكم السلام ورحمة الله

مرحبا ابو الزهور ..
بركة الجيت والله .. خليك معانا وسيبك من وجع القلب ده ...
البوست عايز دفرة قوية والجماعة كلهم نايمين ..
Post: #582
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-21-2009, 09:33 AM
Parent: #579

صباح الخير يا وجوه الخير ،،،،

عَنْ أَبِي قَتَادَةَ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
: "صِيَامُ يَوْمِ عَرَفَةَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ
الَّتِي بَعْدَهُ".

لنجعل من صيام يوم عرفة بإذن الله يوم زقازيقي وإفطار جماعي

ألف لا بأس عليك أخونا الحبيب كمال الشادي

وما تشوف شر ،، ومنتظرنك في العيد

الأخ الزقازيقي هشام محمد علي - كلية التجارة زوج زمليتنا

أميمة دفع الله - تجارة - يتوجه اليوم إلى الأراضي المقدسة

لأداء فريضة الحج وسوف ينتهي به المطاف في مدينة جدة ،، الدعوة

عامة لناس جدة للإحتفاء بأخونا الفنان وعازف الجتار ئلياج هشام
Post: #583
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-21-2009, 09:58 AM
Parent: #582

الف سلامة يا شادى وعليك باليمون اàثقيà ّدون ماء او خفيفة

شكرا يازوبة للترحيب

الزناتى مصدوم من الهزيمة والملطشة من مجاربى çلصحراء عشان

كده ليئقته تتبانة جدا
Post: #584
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 10:05 AM
Parent: #583

ئنا جيê تانى
مشتاق ليكم كثير
الدنيا الأيام الفاتت دى
كانت عبارة عن ملعب كورة كبييييير
نحن كنا فيهو
الملعب بس
لا شتنا كورة
ولا فزنا
وكمان ما خسرنا
لكن جاتنا الأهانات من كل مكان
استغرأبىالكبير
نحن بلد لا تستطيع تشجيع حتى منتخبها الوطنى
نشجع المريخ
نكاية فى الهلال
زنشجع الهلئل لàغ÷ية نفسها
فكيف يوصل بينا الحال
لتشجيع مصر او الجزائر
كيف لمن لا يستطيع تشجيع نفسه ان
يشجع الآخرين
عجبى
Post: #585
Title: Re: ناس الزقازيق ... أجدع ناس ( 3 )
Author: منصور عبخ الذاآق
Date: 11-21-2009, 10:22 AM
Parent: #584

0
Post: #587
Title: Ve:ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 10:35 AM
Parent: #585

موضوع اàساعة الذى سرق اهتمام الناس
طوال الأسبوع الماضى
هو موضوع مباراة مصر والجزائر الكارثة
حقيقة
ئلكاذثظ هى التعاطى الأعلامى مع مباريئت0كرة القدم
فى العالم العربى ككل
بس اتخيلو معاى
لو مشكلة قون فرنسا فى أيررندا
الخلاها تتأهل لكاز çلعالم دون وجه حق
بعد ان استخدم تيرى هنرى يده بوضوح لتعديل الكورة وارسالها الى جالاس الذى احرز الهدف
تخيلو لو كان هذا الهدف فى مباراة مصر والجزائر
رد الفعل كان حايكون كيف
مصر قابلت الجزائر فى التصفيات دى
تلاتة مرات
لم يكن فيها مشاكل تحكيمية او اخطاء قاتلة
ولكن مع ذلك
الأعلام فتش عن ازتفاخةالفريقين من اخطاء الحكام ـى مباٌياتهم الأخرى
وسلط عليها الأضواء
الأمر متعلق بالنوايا وبالثقافة الرياضية
عند العرب ككل
وعند المصريين والجزائريين والسودانيين تحديدا
فى المباراة الأخيرة
Post: #586
Title: Re: ناسالزقازيق ... أجدع ناس ( 3 )
Author: نجاة حوفي
Date: 11-21-2009, 10:30 AM
Parent: #584

المحفورون فى اعماقى.. مشتاقة ..
ما متابعة..
مستمععة باحساسى بيكم..
برايتى يوم0الخميس بضيوفها مش بظروفها.
يا سندى شوق ليك اخترق المسافات متمنيا ان يصلك لتحسه. سلامى لامأنىوالاولاد.

يوم السبت0اجازé من الشغل .. مهمة اصعب لانتشال امنية وهنودى من حالة الحزن. والشوق لابوهم..
سوف اعود..
Post: #588
Title: Re: ناس الزقازيق ... أجدع ناس ( 3 )
Author: محمد عيد
Date: 01-01-1970, 01:00 AM
Parent: #586

ww1.gif Hosting at Sudaneseonline.com



b>
مجــرد محاولــة لتغيير اتجاه الكورة وخطة اللعب
Post: #589
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 10:44 AM
Parent: #588

انا عمومئ
0 لا احب يوم السبت
انا حميسى الهوى والمزاج
السبت عندى يوم مفقود
انا الآن اشد واقوى فى الشعور المعادى ليوم السبت
يا نجاة حوفى
اعرف تماما واحس
معنى ان ينام مهند وتنام امنية
ليلة الخميس والجمعة , على ايقاع الرشيد
ثم يصحوان صباح السبت
على ايقاع مختلف
ما ترحلو غياثى ياخ
ولا اكلم ليكم عمنا (قوقل ايرث)
يضغط ليكم الخريطة دى شوية !!
Post: #590
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 10:56 AM
Parent: #589

الاحباب الاعزاء
منصور
عبد السميع دفع الله
زهير
ميسرة
محمد عيد
وكل من يسأل
الف تحية وحب

وانشاء الله ما نجيكم في شر

الواحد كان عشمان ليهو في كرتونة برتقال
والله كرتونة طماطم حتى
او انشاء الله شوال بصل ما مهم

عموماً انا اجاهد إنو انهي اليوم عشان ارجع ارتاح انشاء الله
وانا كويس والحمد لله

ايوه كده اسالو عشان الواحد يحس شوية إنو مدلع
وسط ناس بيحبوه وبيدلعوه

كتر خيركم وماعدمناكم
Post: #591
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 10:58 AM
Parent: #589

تستغرقنى تداعيات كورة مصر والجزائر
وتستولى على فكرتها
ايما استيلاء
يازهير الزناتى
اصبحت كيف ؟؟
السؤال ليك فى المقدمة
مع توقع الأجابات من الكل
هل انت قمت من النوم
ذات صباح
(اتمنى ان لايكون صباح سبت)
ولقيت نفسك هلالابى ؟؟
وهل وجد محمد عيد وياسر نجيلة وطارق جبريل
هل وجدوا انفسهم يشجعون المريخ هكذا بلا مقدمات ؟؟
السؤال قد يبدو فلسفيا
ولكن بالنسبة لى ساستخدم السؤال والأجابة استخداما موضوعيا
لمناقشة تداعيات كورة الجزائر ومصر
وحاتلاحظو انى سالت السؤال
متخذا من الأندية مثالا
فلو انى سالت لماذا تشجع السودان او مصر او اى بلد آخر
لكان سؤالا مستفزا
ولكانت اجابته واحدة
شعر بها المجيب او لم يشعر
Post: #592
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 11:13 AM
Parent: #591

من الثابت ان البنى آدم يولد على الفطرة
هذا فى مسائل الأعتقاد والتدين
دعك عن هوية تشجيع فريق ما
ولد زهير الزناتى
كما محمد عيد والرشيد بابكر
وحتى جمال السنوسى
بفطرة خالية من تحديد الفريق الذى سيشجعه
ولكن حيثيات حياتية معينة وتداعيات
هى ما ساعده ودفعه لتشجيع فريق
وعدم تشجيع فريق آخر
هذه المعادلة صحيحة فى الحوال الغالبة
ومنطقية
الا فى تعاطى العرب وشعوب العالم التالت
مع شغلة الكورة والتشجيع دى
حا اضرب ليكم مثال
ينقسم اهالى مدينة مانشستر
بين تشجيع مانشستر يونايتد ومانشستر سيتى
بنسب متفاوتة
وكذلك اهالى لندن
قسموا ولاءاتهم التشجيعية
بين اطراف لندن الأربعة
تشلسى وارسنال وتوتنهام وويستهام
وانضم اليهم فولهام بنسب اقل فى مراحل تالية
نفس الشىء فى مدريد , اتلتيكو مدريد , وريال مدريد
وليفربول وايفرتون فى ليفربول
كل هذه انتماءات حقيقية تشكل اساسا متينا لتشجيع فاعل وفعال
ومن المفترض اننا كهلالاب ومريخاب , اهلاوية وزملكاوية , هلاليين ونصراويين ,
تكون عندنا حب هذه الأندية
اما من ارتباط مكانى , او كمان زمانى , او معنوى يتمثل فى اعجاب بلاعب او لاعبين
او بطريقة لعب
وفى نهاية الأمر , وفى غايته الأبعد
انت تشجع ناديا
ولا تشجع ناديا آخرا
ودى المفترض تكون آخر مدى فى العملية التشجيعية
تشجع , او لا تشجع
Post: #593
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 11:28 AM
Parent: #592

لمن معنى تشجع ولا تشجع يسود
فان العملية تنحصر فى معناها ومغزاها الرياضى
انت تحب فريقا وتشجعه من اجل ان يفوز
وبذلك تصل الرحلة الى نهايتها المنطقية
ثم ترجع لتشجيع فريقك فى مباراة اخرى
ولكنه لا يفوز
تجزن وتصل الرحلة الى نهاية منطقية ايضا
ولكنها مختلفة فى الحساس والمحصلة النهائية
كلا الحالتين , والأحساسين
يدفعان الى مواصلة العملية التشجيعية
ولكن لمن تكون المعادلة مختلفة
يعنى لمن يكون دافعك لتشجيع فريق ما
هو فقط كرهك ومقتك للفريق الآخر
فانت لن ترضى ولن تقبل الا بنتيجة واحدة
وستغالب احساس الحزن الأيجابى عند الهزيمة الذى يدفعك لأعادة التشجيع بحثا عن احساس فرح ضائع
ببحث غير منطقى عن شعور فرح (مصطنع)
والفرح المصطنع ده
ادواته التشكيك فى كل الظروف المحيطة بالمباراة التنافسية
الملعب كعب
الحكم مرتشى
اللعيبة بايعين
والجمهور ما بيفهم تشجيع
وصل الجزائريون الى مطار القاهرة
فذاعت كل وكالات الأنباء نبا الحجر الذى اصاب الحافلة
اكثر من لاعب تزل الملعب رابط راسه
يعنى انا اتفلقت ولو اتغلبت ياهو ده السبب
اتغلب المصريين فى امدرمان , رحنا نحن فى الرجلين
لأن محاولة تجريم الجمهور الجزائرى اللى هى هدف اساسى تبريرى للأعلام المصرى
لم تكن لتنهضم او تتبلع
دون شهادة من الأمن السودانى
وهذا مالم يجده الأعلام المصرى
فرحنا نحن فى الرجلين
Post: #595
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 11:36 AM
Parent: #593

الهلال السودانى شال الكاس بتاع الدورى قبل تلاتة اسابيع من النهاية
كل تركيز اعلام المريخ على انو الهلال شال بطولة البلنتيات
واتحاد الكورة اتحاد منحاز
والأعارات الوهمية
وسادومبا وكواريزما
اللحن ياهو نفس اللحن
لو كان العازف ابراهيم حجازى ولا خالد الغندور ولا عمرو اديب
بس السلم بتاع اللحن خماسى
عند مزمل ابو القاسم ورمضان السيد والرشيد على عمر
وعلى فكرة , اى نتيجة لكورة مصر والجزائر
كان رد الفعل فيها حيكون سلبى
من الفريق المهزوم تجاه الفريق الفائز
ومن الجمهور المهزوم والأعلام المهزوم تجاه البلد المضيف
المصريين ردهم دائما بالكلام , لأنه سلاحهم البيجيدوه
الجزائريين كام حايكون ردهم مختلف
والحمد لله ربنا ماورانا السلاح البيجيدوهو
Post: #594
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-21-2009, 11:33 AM
Parent: #591

هلا بعودة الأحباب بعد إنجلاء معركة

السودان وإنتصار جحافل جيش التحرير

الجزائري بعد أن عاسوا ولاصوا في شوارع

أم رد بكل أمان وكيفما شأؤا وأينما إتجهوا

ونشكر البرالمة النضاف القابضين على جمر البوست

في وردية النهار عبدالسمع وقدوره ،،،،

وعودة زينب ونجاة حوفي وكمان الرشيد ومنصور

الذي يتحفنا مداخلات بالجملة بس يا خوفي يا منصور

ما تكون مع الناس إلى إشتروا كامل العتاد الأبيض

من سوق أم در - أمان - لتهريبه لإسرائيل لحماية أهلنا هناك
Post: #596
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 11:41 AM
Parent: #594

حبيبنا ميسرة
مشتاق ليك ومشتهى لى ونسة معاك
انتو ما تجوا تحجوا فى الرياض دى مرة ياخ
جية هشام دى ما ساهلة
والدنيا اجازات
وقع ليك ولا ابعتلك العصفورة تئولك
Post: #597
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-21-2009, 11:49 AM
Parent: #596

عندما يصل السودانيين الى اى بلد
للأقامة فيها
لدراسة او عمل
اول شىء يقروا الجرائد
يشوفوها بتكتب شنو
يقرروا فورا
تشجيع الزمالك فى مصر
نكاية فى الأهلى
والنصر فى السعودية
كرها فى الهلال
وبنفس القياس انا اكاد اجزم
ان كل من شجع الجزائر فى المباراة الأخيرة
كان تحت تأثير
عدم حبه لمصر
دون ان يكترث لتشجيع الجزائر بمعايير التشجيع المعروفة
Post: #598
Title: Re: ناس الزقازيق ... أجدع ناس ( 3 )
Author: البادي النور
Date: 11-21-2009, 12:30 PM
Parent: #597

نهاراتكم طيبة ...
شادينا ... قالوا متألم شوية ياخي بعد الشر عليك ...
النضارة الفي شبابك والطفولة الفي عينيك ...
والقلوب الحايمة حولك يا شادي بتتمنى ليك ...
بكرة تشفى وبكرة تفرح يا حبيب العمر بيك ...
ألف سلامة يا شادي وإنشاء الله ما تشوف شر ...
Post: #599
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 12:30 PM
Parent: #596

Quote: وقع ليك ولا ابعتلك العصفورة تئولك


أنا ما وقع لي ممكن تبعتلي العصفورة تؤلي....أصلي أنا بحب الشمار أوي و بتغاظ أوي أما أكون مش فاهم حاجة من اللي بيتآل حوالي....

شمة الهواء بتاعت أمبارح كانت لا بد منها لأن الشباب رغم محاولات نجاة في الترويح عنهم الا أن الامتحانات الكتيرة تصيبهم بالملل الشديد الأمر الذي ينعكس على رغبتهم في الدراسة و الاستذكار..فخرجنا دون أن نحدد وجهتنا مع أسئلة متتالية من أمنية و مهند...نحن ماشين وين يا بابا...قلت ليهم و الله ما عارف يا شباب انتوا عايزين تمشوا وين...و طبعا لم يتفقوا...مهند يحب الأماكن التى تشتهل بالالكترونيات و ألعاب الكمèيوتل و البلاي ستيشن أما أمنية فتحب الأماكن التي تكثر بها ألعاب البنات والهدايا و الألوان و الجاجات çلناعمة...و لم يتفقا حتى قررت أن اذه بهم الى أكبر مول في أبوظبي و الذي يعرف بالمارينا مول...هو مول جميل و يعجبني أنا أبوهâ كثىرç و تستطيع أن تقضي فيه وقتا طويلا دون أي ملل...
و لأن العيد الوطني لدولة الامارات العربية المتحدة بعد أسبوع من الآن طلب ×لشباè أن أشتري لهم أعلام الامارات*..يلبيت طلبهم و قمت بشراء الأعلام...فأخذوها و أخذوا يجرون و هم يطوفون داخل المول مرددين نشيد الامارات الوطني...عيشي بلادي عاش çتحاے اماراتنا...لم أندهش لذلك فهم ولدوا و تربوا هنا وليس غريبا أن يشعرون بالانتماء لهذا البلد...رعم محاولاتنا الجادة في تحفيظهم النشيد الوطني السوداني الا أنهم لم يستسهلوا كلماته التي أحيانا أشعر أنها ليست صعبة عليهم فحسب انما تحمل ثقافة مختلفة كذلك..نحن جàد ÷لله جند الوطن...و مثل نتحدى الموت عند المحن...كلمات لا يشعرون بها و ثقافة مختلفة عن تلك التي نشأوا و تربوا فيها...
أذكذ أنناعند عودتنا من احدى اجازاتنا من السودان...و كانت أمنية مثل خالد بن الوليد...لا يخلو جسدها من قرصة باعوضة أو عضة قراص و كان مهند معظم فترة الاجازة من المستشفى و الى المستشفى...بمجرد أن نزلنا من الطيارة داخل مطار أبوظبي نللوئ ئ كبروا و فرحوا فرحا شديدا...و كنا أنا و نجاة في حالة حزن لفراقنا الأهل و الأحباب...فقالت لهم نجاة راعوا لمشاعرنا يا أولاد...قàت0لها لقد عادوا لبلدهم...فأخذنأ نëني أغنية شهيرة تمجد الامارات...الله يا دار زايد كيف ما أحلاها...حلوة و يا ناس قلبي مغرما بيها...

ان دار زايد حقا بàد جâيٌ و يسرع بخطا حثيثة نحو المستقبل و أصبح يضع كلتا قدميه في المستقبل...و لكن يبقى حبنا و انتâائنئ لبلدنا الحبيب السودان...أما عيالي فلا أستطيع أن أتحكم في مشاعرهم فليعشقوا ما يشاءون...
Post: #601
Title: Re: ناس الزقاضيق... أجدع ناس ( 3 )
Author: عبد السميع دفع الله
Date: 11-21-2009, 01:02 PM
Parent: #599

تضامنا مع دعوة منص ومحمد عيد والرشيد نقلب صفحة الكورة ونتود

الى الادب والفن ئالثîافة وقليل من السياسة فكثيرها يفسد طعم البوستات.

يا ريس ميسرة عليك الله تأمل مدحة البرقى ضكلماتها عن ميسرة غلام الرسول(ص)ابداع عجيب فى الربط

نعم من شال زاده وسرى

للمشرف...... سيد ميسرة

شوف الربط العجيب والملكة الواسعة للبرعى فى تذكر ان المصطفى(ص) كان سيد للغلام ميسرة وكان ذلك
قبل الدعوة واوردت ذلك لاننى كلما اشوف اسمك مزيين مداخله اتذكر كلمات البرعى الرائعة رحمه الله

اود هنا ان احاكى المبدع ياسر نجيلة بعمل كوكتيل فى المداخلة وعايٍ اهےيكم هذه الباقة من النصائج واقيï جزء منها سيفيدكم



جاكسون بروان
.. حينما كان ولده ينوى الدخول للجامعة قرر$يكْب ان له النصايح التى تعينه فى حياته ومستقبله
..وكان يظن نفسه انه سيكتب ورقة او ورقتين الا انه تفاجأ بانه قد كتب (1460) نُيحة ..!
ومن كثر ماأعجبت!أهلُ وأصحابه طبعها في كتيب
(Life's Little Instruction Book)
وحققت أفضل المبيعات لعدة زنوات طقائمة نيويورك تايمز
هذي أهم ماكتب
(حسب ما ذكر الكاتب/فهد الأحمدي ) ..






1. احذر من عروض ×لبنوك مهما كانت مغرية !
2. اهدِ حماتك وردا في عيد ميلاد زوجتك !
3. لا تترك منزلك دون جهاز لكشف الحريق !
4.$ توكل على الله ولكن أغلق بابك جيدا !
5. لا تيأس أبدا واحتفظ بخط للرجعة !

6. لا تتخذ قرارا وأنت غاضب !
.  كن شجاعا ، وإن لم تكن كذàك فتظ÷هر ، فلن يلاحظ أحد الفرق !
8. حاول فتح السيفون وأبواب الحمام "بكوعك" !
9. تعلم كيف تستمع فالفرص الخفية تحتاج لأذن قوية !
10. لا تحرم الآخرين من الأمل فقد يكون هذا كل ما يملكونه !

11. حين تصادـ ïتابا جيدا اشتره حتى لو لم تقرأه !
12. كن لطيفا أكثر من الحقيقة ، ولكن لا تسمح لأحد باستغلالك!
13. اعمل تمارىناً لٌبطن 50 مرة في الصباح و 50 في المساء!
14. لا تستثمر في الأسهم مالا تتحمل خسارته لاحقا (... وياليتك سمعتها من قبل) !
15. لا تشارك رجلا فشل ثلاث مرات !

16. لاتستعمل بطاقات الائتمان للشراء بالتقسيط !
17. ابتسم فهذا لا يكلفك شيئا ولكنه لا يقدر بالمال ! 18. لا تجادل شرطيا أبدا (... وهي نصيحة سمعتها من والدي أيضا) !
19. لا تشتر حقائب أو بناطيٌ جينز أو ساعة ثمينة فهذا âضيعب رلمال !
20. شجع أبناءك على العمل في أوقات فراغهم حالما يبلغون السادسة عشرة.
22. حين تقول والدتك «ستندم على فعل ذلك».. ستندم عليه غالبا!
23. اعتن بسمعتك جيدا فستثبت لك الأيام أنها أغلى ما تملك!
24. لا تخش العقبات الكبيرة فخلفها تقع الفرص العظيمة!
25. قد لا يتطلب الأمر أكثر من شخص واحد لقلب حياتك رأسا على عقب!

26. اختر رفيقة حياتك بحرص؛ فهو قرار سيشكل 90% من سعادتك أو بؤسك!
27. اقلب أعداءك لأصدقاء بفعل شيء جميل ومفاجئ لهم!
28. حين تدق الفرصة على بابك أدعوها للمبيت!
29. تعلم القواعد جيدا ثم اكسر بعضها!
30. احكم على نجاحك من خلال قدرتك على العطاء وليس الأخذ!

31. لا تتجاهل الشيطان مهما بدل ثيابه!
32. ركز على جعل الأشياء أفضل وليس أكبر أو أعظم!
33. كن سعيدا بما تملك، وأعمل لامتلاك ما تريد!
34. اعط الناس أكثر مما يتوقعون!
35. دلل زوجتك، ولكن ليس أطفالك!

36. لا تكن منشغلا لدرجة عدم التعرف على أشخاص جدد!
37. اقض مع أطفالك ضعف وقتك المعتاد وامنحهم نصف المال المعتاد!
38. ابتعد عن الأماكن المشبوهة؛ فالأحداث السيئة لا تحدث إلا هناك!
39. الفاشل في إنفاق ماله فاشل في كل شيء في حياته!
40. لا تهدد ما لم تملك القدرة على التنفيذ!

41. تعلم الاسعافات الأولية فجميعنا يمر بظرف يندم عليها!
42. حين يسألك أحدهم سؤالا لاتحبه، ابتسم وقل «ولماذا تريد أن تعرف»!
43. لا تفقد أعصابك، أو ثقتك بنفسك، أو مفاتيح سيارتك!
44. فاجئ صديقا قديما باتصال مباغت!
45. لا تقل لرجل إنه سيصبح أصلعَ أو أشيبَ، فهو يعرف ذلك مسبقا!

46. سافر وشاهد أماكن جديدة بعقل مفتوح!
47. حين تشتري عقارا انتبه لثلاثة شروط مهمة: الموقع ثم الموقع ثم الموقع!
48. اكتب 10 اشياء تريد انجازها في حياتك ثم ضع الورقة في محفظتك!
49. كل شخص تقابله يملك شيئا مميزا، حاول تعلمه!
50. سجل صوت والدك ووالدتك وهما يضحكان!

51. ارسل لزوجتك باقة ورد ثم فكر بالسبب لاحقا!
52. لا تتوقع من أطفالك الاستماع لنصائحك ووضعك مزر!
53. ادخر دائما 10% من دخلك!
54. كلما تعلمت أكثر كلما طرحت عن كاهليك المزيد من المخاوف!
Post: #600
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 12:46 PM
Parent: #596

غادر البارحة للمدينة المنورة المدعو جمال فارح لأداء مناسك الحج ...
Post: #602
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 01:28 PM
Parent: #600

انت يا أبو الزوز...الحج ده السنة الجاية مافي و لا شنو....سؤال برئ والله....
Post: #603
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 01:58 PM
Parent: #602

الاخ الحبيب البادي النور
تحية وإحترام وتعظيم سلام
والله عقدتنا عديل كده
يا أخي كتر خيرك
وإنشاء الله تسأل منك العافية بت وراق
ويسأل منك الخير ود عثمان
وتسأل عنك الازهار والرياحين والعطور الابتسامات الحلوة والفأل الطيب والايام المملوءة حباً وبشرى أحلى من العسل
كتير خيرك
مرة تانية
وانا بألف خير والحمد لله
Post: #604
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 02:00 PM
Parent: #603

الاخ الفاضل عبد السميع دفع الله
والله يا سمعة
جاسكون براون بتاعك ده
كان ولي من الاولياء والله شنو
نصائح بصراحة كلها لو فتشت ليها اصل من الشرع أو السنة تلاقيها
أخينا ده سنة ويخش معانا في الدين
كتر خيرك
بصراحة إختيار موفق
وما تقطع عليك الله
مع التحية
كمال
Post: #694
Title: Re: ناس الزقازيق ... أجدع ناس ( 3 )
Author: قيس جمال الدين
Date: 11-22-2009, 11:06 PM
Parent: #604

الحلوين .. الرائعين ..

ترددت في الدخول ..
و أنا علي باب البوست .. و جدت منصور هامي بالخروج ..
و في داخل الحوش شايف لي شنب كبيييير ، قالو لي دا زناتي ..ز
و أنا أسمعه .. بأن هذا المكان للعجائز ...

أخيرا" قررت أن أحمل الإبريق .. و أبدا" في التجهيز لغسل الأيادي ...


أكان أكلتو ... كلموني ....
Post: #605
Title: Re: ناس الزقازيق ... أجدع ناس ( 3 )
Author: البادي النور
Date: 11-21-2009, 02:03 PM
Parent: #602

مساء الخميس وليلة الجمعة ...
كانت اللمة حلوة على شرف دودي النضيف بمنزل الريس الأسبق بحي الصبابي ...
كان دودي نجم الحفلة بلا منازع بقفشاته وضحكاته وشماراته التي لا تنتهي أبدا ...
مبارك جادين كان بركة الحضور بضحكاته المجلجلة ومن القلب ...
نادر فاروق بالنيو لوك أو الأولدلوك في كل الحالات هو سيد الوسامة وأقدلي وسكتي الخشامة ...
أبوالزوز دائما هو ملح القعدة وبهاراتها - من غير كركم- ...
راجعين
Post: #606
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-21-2009, 02:06 PM
Parent: #600

ازيكم00

وليكم كوم وحشة

وسلامات يا شادي 00

ومبروك يا منصور فرحكم (لان العصفورة قالت لي اخر هجيج وزي انت واماني رجعتو

عشرين سنة لورا 00 انشاء الله عمركم كله بهجة)

ويا رشا وناني تحيات كتيرات واجازة حلوة في مسقط الجافة (ياخ امشو صلالة دي جنة)


ويا زهير انت جمال فارح عارف الحج دا فيهوطواف!!!!!!!

وتحيات كتيرات لمنى وميسرة الغاليين جدا علينا ولكل ناس جدة00 وعلى راي منصور نفسي تعملوها مرة وتجوا الرياض 000 ولي عودة00
Post: #607
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-21-2009, 02:07 PM
Parent: #600

Quote: غادر البارحة للمدينة المنورة المدعو جمال فارح لأداء مناسك الحج


أعداد كبيرة من ناس الزقازيق هذا العام حجاج

الهواتف يا زهير ،،، نتابعهم في مناسكم وندعوهم للحضور

إلى جدة لكي نلتقيهم وهذا أضعف الإيمان .
Post: #608
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 02:18 PM
Parent: #607

يا سلام بدأ البوست في إستعادة القه ...

يا ريس التلفونات سنحاول الحصول عليها ... وبعثها لكم ...

يا رشا يا كحيل ... أظهر وبان ...

عفه .. جمال فارح قيل في حجه نكت ونكت ... لا داعي لنشرها لحين عودته من الأراضي المقدسة ...

حج مبرور للجميع ...
Post: #609
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-21-2009, 02:35 PM
Parent: #608

GetAttachmentCAD5EIY9.jpg Hosting at Sudaneseonline.com


كل واحد عنده حاجة ممغصاهو يدلك في مكان
الإثني عشر لو سمحتم
Post: #610
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 02:37 PM
Parent: #608

Quote: يا رشا يا كحيل ... أظهر وبان ...


أبو الزوز...عجبني والله حج جمال فارح ده...على الأقل لقب وجيه سيستبدل بلقب حاج و سيضفي المزيد من الوجاهة الى وجاهته...شفت كيف فات علي الحج السنة دي...كنت أكون بصحبة نفر كريم بقيادة جمال فارح...كانت تكون حجة لا تنسى...لكن الجايات أكتر من الرايحات...
اليوم بعد عودتي من أبوظبي جيت على المكتب ثم بعد الدوام الى البيت لأجد عصفورة قاعدة تأكل بمزاج في الغداء بتاعي...شفت المسكنة بتاعتي وصلت ياتو حد...مش بقولو ده من شدة ما مسكين الغنماية تآكل عشاهو...أنا بقت علي من شدة مسكنتي العصفورة تاكل غدائي...

فافي مسقط جافة لكنها ندية و جميلة بوجود ياسمين فيها...رايك شنو في المكنة دي...
Post: #611
Title: Re: ناس الزقازيق ... أجدع ناس ( 3 )
Author: محمد صديق
Date: 11-21-2009, 02:56 PM
Parent: #610

سلامات يا ناس

كفارة يا شادى والف سلامة

متابع..

سعيد بعودة الروح.

لكم الود.
Post: #612
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 02:57 PM
Parent: #610

يا رشدي أي مدينة ناس ... المدن بلا ناس تعرفهم تحبهم ... مدن أشباح يجب هجرها ... ويكفي مسقط أن بها ياسيمن حاج الطاهر ... لها عظيم حبنا وسلامنا ...
Post: #613
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 03:16 PM
Parent: #612

اجازتنا بتاعة العيد ثلاثة أيام مع وقفة العيد...و هي ايام نحتاج بشدة أن نرتاح فيها و لكن ملاقاة ياسمين بعد زمن طويل لأمر يستحق أن نضحي له براحتنا...و نضحي بخروف عماني أقرن...نسأل الله أن يسهل أمر سفرنا...
Post: #614
Title: Re: ناس الزقازيق ... أجدع ناس ( 3 )
Author: محمد صديق
Date: 11-21-2009, 03:28 PM
Parent: #613

Quote: ...سلامات يا ناس

كفارة يا شادى والف سلامة

متابع..

سعيد بعودة الروح.

لكم الود.
Post: #615
Title: Re: ناس الزقازيق ... أجدع ناس ( 3 )
Author: محمد عيد
Date: 11-21-2009, 03:40 PM
Parent: #614

فرح وسعاده غامران بعودة الروح والألـــق

وظهور الكوتش الجميل .. وابو الزوز صاحب الألــق

لكن يا زهير ما شفنا حاجة من صور عزومة السلات والأقاشى ...

اوعك تكون ضيعت الكاميرا فى استاد المريخ ؟؟

عليك وعلى جمال الوالى طوالى ...!
Post: #616
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 03:42 PM
Parent: #614

يا كوتش لا تكفي المتابعة و الاستمتاع...يجب أن تساهم و بشدة فعودة الروح سببها عودة الجميع للتداخل...و أنت من فرسان التداخل المهمين..
Post: #617
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 03:45 PM
Parent: #616

يا عيد باقي صور الجبل وصور الأقاشي في الطريق ... بس نخلي المسألة تسخن شوية
Post: #618
Title: Re: ناس الزقازيق ... أجدع ناس ( 3 )
Author: محمد صديق
Date: 11-21-2009, 04:00 PM
Parent: #617

سلامات يا ناس

ونهديكم ...مظفر

Quote:
قارب الأيام







تِهْ بيَّ







وتهنٌي







فأنا أسمع تيهاً غامض البُعدِ







وزارَ البَحرُ مِنْ خَلفي







وضيّعني أماما



















ابتعد عن أيّ شاطئ







أيها النذرُ الشبوبيُّ







بمقدار نوايا الشمع







تُعطِ البحر بقشيشاً







من الماء اضافياً







وطعما ً .. وغماما







أنتَ.. أنتَ المركب النشوانُ







ألواحاً ومجذافاً.. وروحاً







تتهادى في نَشيج الموتُ والطير







وصمت المطلق السينيِّ







يا سينيُّ!! يا سينيُّ







يا سراً من الأسرار







حققتَ الزمان الضٌد







غصناً فارعا ً بالورد







ممشوقاً غلاما




Post: #619
Title: Re: ناس الزقازيق ... أجدع ناس ( 3 )
Author: محمد صديق
Date: 11-21-2009, 04:13 PM
Parent: #618

سلامات يا ناس

وهذه ايضآ:

Quote:


















انني صَبُّ







أسمّي كُلّ ما يسلبُ لُبي خمرةً







إن كان حُسناً







أو قُراحَ الماء في كف كريمٍ







أو حزاماً ناسفاً







أو بيت شِعر ٍ .. أو مداما





















































































































Post: #620
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 04:30 PM
Parent: #619

يا كوتش و الله دي قصيدة ممطوطة جدا...دي على بحر الطويل و لا شنو...
Post: #621
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-21-2009, 04:47 PM
Parent: #620

Quote: هي ايام نحتاج بشدة أن نرتاح فيها و لكن ملاقاة ياسمين بعد زمن طويل لأمر يستحق أن نضحي له براحتنا...


يا رشا بطة فعلا تستحق 000

وتحياتي جدا ليها واجدعوني بتلفونها على الماسنجر00 اكون عيدت معاكم





عارف يا محمد صديق قصيدتك دي فيها بحور الفراهيدي كلها (وش بيغمز للرشيد)
Post: #622
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 05:33 PM
Parent: #621

محمد صديق يا ظريف
يا رائع
كتر خيرك
وما عدمناك
نجيك في عرس بنياتك
( أنا ماشي صاح ؟؟ )
مع حبي
كمال
Post: #623
Title: Re: ناس الزقازيق ... أجدع ناس ( 3 )
Author: كمال الشادي
Date: 11-21-2009, 05:38 PM
Parent: #622

يا شباب سمعت إنو القناة الفرنسية الرابعة La Cuse
المبثة عبر القمر الصناعي Farouq
ستقوم بتغطية كاملة لحج الوجيه جمال فارح
بالله ادونا التردد بتاعها عشان نحن ثقافتنا ألماني ( لا مؤاخذة )

سؤال : ناس جمال فارح ديل حافظين الادعية بتاعة الحج
والله يقوموا يفضحونا ويهللوا ب
مريم الاخرى
ويا محمد احمد تستجم !!!
Post: #624
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-21-2009, 05:46 PM
Parent: #623

Quote: نجيك في عرس بنياتك
( أنا ماشي صاح ؟؟ )


يا شادي وبرضو في دي ثقافة فرنسي
Post: #625
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 06:29 PM
Parent: #624

اتخيل نفسك واقف و الجو بارد شديد و يقوم واحد يكشح فيك موية..أكيد حتجيك سكتة قلبية و تقع ميت...جاني الاحساس ده و أنا أتفرج على مباريات الدوري الانجليزي اليوم...الجو بارد برد رهيب و المطره نازلة و الناس دي بتلعب زي المافي حاجه...ديل شنو ديل...ناس ولا روبوتات...حركة ونشاط ...نقول اللاعبين ديل بيتحركوا و ما شاعرين بالبرد ده...الجمهور ده قاعد يتفرج و يشجع كيف...أنا غايتو في برد زي ده لو أدوني مليون جنية استرليني ما بطلع من تحت البطانية...كورة شنو و تشجيع شنو في البرد ده...أنا حسه قاعد أتفرج جبت البطانية اتغطيت بيها...
Post: #626
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 07:01 PM
Parent: #625

طارق جبريل...و حاتم جبارة...أين أنتم...جبريلا أخبارك مقطوعة منذ زمن ان شاء الله خير...

محمد عيد لسه واجع قلبك بالجماعة ديل...أسمع كلامي العارف عزه مستريح...
Post: #627
Title: Re: ناس الزقازيق ... أجدع ناس ( 3 )
Author: محمد عيد
Date: 11-21-2009, 08:28 PM
Parent: #626

Quote: محمد عيد لسه واجع قلبك بالجماعة ديل...أسمع كلامي العارف عزه مستريح...


بالعكس يا رشا ...

انا من مابارح بالليل شعرت بزهو الانتصار .. وجيت حرست البوست

وبعدين ما لقيت زول .. فعدت مكرها الى المعركة ..

ولكنى الآن اشارك فيها بموقف الساخر و المستحقر ( بكسر القاف )

وشاركت هذا الصباح مع جحافل الفرسان فى واقعة استعادة الروح

لكن طبعا العافية درجات .. لذا فاننا لا نتوقع انتعاش وردية الليل

بشكلها المميز قبل عيد الاضحى المبارك ..
Post: #628
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-21-2009, 08:28 PM
Parent: #626

سلام يا رشيد ادنى 5% وانا احضر بالنيابه عنك ولو فى الاسكيمو!!!
الشادى 000الكمندان ابو عزابه ساكت الله يديهو البنيه00سلامى بلا حدود
جمال فارح او حاج جمال والحاج جلا حجه وعودة بالسلامه انشاءالله
محمد صديق بركه الجيت 00بركه الجيت حمدلله على السلامه
Post: #629
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-21-2009, 08:40 PM
Parent: #628

محمد عيد والله انت الظاهر عليك مخرخر من السهر...أظنك يا أخوي قلبت نهار...أعلنها و ما حنقول حاجه و الله...هي وردية الليل دي منو...معروفين...لكن كلهم السهر جهجهم و عايزين يزوغوا...أنا عموما ابتديت أغير برنامجي طالما كلكم هربتوا و بقيت أتابع المنبر بشكل عام و بعدين شوية قراية و نوم بدري...بدري دي يعني الساعة 12..

يا ريس...و الله لو شفت البرد ده ما بتقبل بي 5%...أحسن تعيد حساباتك و ترفع النسبة...
Post: #630
Title: Re: ناس الزقازيق ... أجدع ناس ( 3 )
Author: محمد عيد
Date: 11-21-2009, 10:15 PM
Parent: #629

Quote: محمد عيد والله انت الظاهر عليك مخرخر من السهر...أظنك يا أخوي قلبت نهار...أعلنها و ما حنقول حاجه


رشيد يا حبيب ...

انا والله اظن لى ما أقل من 25 سنة ما حصل نمت قبل الساعة 2 صباحا ..

يعنى فى العادة والغالب لا أوى الى فراشى الا ما بين 2-3 صباحا مهما كانت اللياقة او السهر

حتى لو لم انم قبلها ليوم او اثنين ... وحتى لو كان مفروضا علىّ الصحيان فى السادسة او السابعة صباحا

ولكنى عندما قلت ان وردية الليل لن تنتظم قبل نهاية عطلة العيد .. كنت اشير الى غياب افراد الفريق فى

هذه الآونة ... طارق جبريل وحاتم جبارة وظروفهما ... زهير وانشغاله بالانتخابات .. زوبة والتزاماتها الاجتماعية

حتى انت يا بروتس .. قررت قضاء العطلة خارج ارض زايد !!

اما انا فأعلنها داوية من الآن وعلى مسمع من الجميع ....

طيلة ايام العيد سأكون الحارس الامين للبوست طوال الليل .. لأننى ببساطة سأكون على رأس العمل يوميا

حتى الرابعة فجرا" !!!

" انت يازول بقيت تلفح الكلام زى الاعلام المصرى مالك ؟! "
Post: #631
Title: Re: ناس الزقازيق ... أجدع ناس ( 3 )
Author: محمد عيد
Date: 11-22-2009, 00:35 AM
Parent: #630

جعولية ساكت يا الرشيد ...

شوف التوقيت بتاع المداخلة دى ..

والبوست يصـرخ من اعماق اعماق المنبر العام ... انى اغرق .. انى اغرق

***********

مع أسفى مقدما ... هذه الصورة أعتبرها افضل الردود

بعدها اقول ... كفايــة خلاص ..!

838301_400x300.jpg Hosting at Sudaneseonline.com


معذرة ابو الزوز .. شايفك موجود فى الحضور ...

اعتبرها مثل هطرقة اعلام الجانب الشمالى ...!!
Post: #632
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 06:45 AM
Parent: #631

اجدع ناس
صباحاتكم نديه

اذيك يا عيد وانا بقول ليك ايدى على ايدك من اجل بوست فى العلالى
والله بزعل عديل كدة لدرجة انو لما ما يكون عندى طريقة ادخل اتصل باقرب زول عشان يرفع البوست
حليل لما كنا نفتح المنبر العام يسلم عليك البوست من الاول

بختكم يا الرشيد يعنى ما تسوقونى معاكم

فى انتظار الاطلالة
Post: #633
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-22-2009, 07:03 AM
Parent: #631

صباح الخير يا وجوه الخير،،،،

الحمد لله كثير من الطيور المهاجره

للبوستات الأخرى بدات تعود إلى عشها

Quote: طيلة ايام العيد سأكون الحارس الامين للبوست طوال الليل ..


وأنا كمان،،،

حدي يتلتنا ،،،،،
Post: #634
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-22-2009, 07:24 AM
Parent: #633

تحية صباحية للحلوين والجدعان رغم ان المصريين طبظوها ولا خلو فيها جدعنة
واود هنا ان اذكر طرفة فابان دخول صدام الكويت وترويج الاعلام المصرى لشائعة ضرب السودانيين للسد العالى كان الشعب المصرى فى غاية الغضب وصدقوا حكاية ضرب السد وذهبت الى الفرن والذى كان مزدحما فلاحظ احد المصريين اننى سودانى فضربنى على كتفى بطريقة مستفسزة وقال لى
ازيييكم يا سودانييين واردف دون ان ارد عليه ال تكامل ال أهه والله ده انتو خليتوها تكامل خالص...

اهدى لكم هذه المعلومات عن معجزة الرقم سبعـة 7.



اعجـــاز الــهـى ليـس لـه مثيـل؟؟؟؟مـا هـو الــسر فـى الـرقــم ( 7 )
00:33
Post: #635
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-22-2009, 07:28 AM
Parent: #633

نستأذن الجدعان بالتدرب على تنزيل الصور ببوستيكم العامر

هذه صورة للوالد والوالدة والإبن عمر والبنتين ضحى وصباح عندما

كنا نؤدي عمرة في رجب 1429هـ
l1.bmp Hosting at Sudaneseonline.com
Post: #636
Title: Re: ناس الزقازيق ... أجدع ناس ( 3 )
Author: كمال الشادي
Date: 11-22-2009, 07:31 AM
Parent: #633

صباح الخيرات والبركات والناس الحلوة
يا ناس يا عسل
صباح الخير

السنير معتصم يوم ما تغشانا يكون عيد
ومنور
الريس ميسرة
إنت دائماً ريس
بس لو تسمع كلامي وتترشح قدام الكابتن سيد بش بش
والله إنت أحسن منو !!

محمد عيد
شوف
عارف ما بشجع الفريق المصري
لكن الفريق اللي إنت شكلتو ده
يعني إنت المدرب
عليك الله خليني مساعد المدرب
لاني من زمان مقرر
أي فريق بتعلب فيهو ليلى علوى
انا اشتغل فيهو مساعد مدرب
رأيك شنو
صورة حلوة
ومجهود حلو والله
بس البت يسرا دي كبرت على شغل الباكات ده يا محمد عيد
وأظن منة شلبي
في الاحتياطي أحسن والله رأيك شنو
انا سمعت إنو ركبتها لسه ما طابت كويس من آخر واحدة ونص
وسلملي عا النص يا جدع

تحية صباحية
Post: #637
Title: Re: ناس الزقازيق ... أجدع ناس ( 3 )
Author: كمال الشادي
Date: 11-22-2009, 07:34 AM
Parent: #636

زهير الزناتي
صباحات الازهار
صباح الفل

اسني على طلب ميسرة
ارقام الحجاج وطرق الاتصال بهم
ناس جده قراب منهم
لكن نحن على الاقل الواجب بالتلفون ما بنقصر فيهو
وكمان ما ممكن صاحبي وفردة العمر جمال فارح يجي الحج
والواحد ما يبارك ليهو
عليك الله كل وسائل الاتصال
وانشاء الله ربنا يهون عليهم حجهم
ويبعدهم من كل مكروه يارب

انا منتظرك زناتي
Post: #638
Title: Re: ناس الزقازيق ... أجدع ناس ( 3 )
Author: كمال الشادي
Date: 11-22-2009, 07:38 AM
Parent: #637

يا محمد عيد
خطأ مطبعي

انا قصدي
عارفك ما بتشجع الفريق المصري
لانو انا بصراحة بشجعهم
لكن فريقك ده
انا ما بشجعو وبس
انا مساعد المدرب
زي ما إتفقنا
يا كوتش
Post: #639
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-22-2009, 08:02 AM
Parent: #638

أمرأة جميلة تقود سيارتها على الطريق

ورجل يقود سيارته على الطريق ، لكن في الاتجاه المعاكس

يمر كل منهما من جانب الآخر ، وتفتح المرأة شباك سيارتها وتقول ...

حمـــاااااار

ويرد الرجل على الفور ..

بقـــــــــرة ،،،،،،، غبـيـة


يكمل كل منهما طريقه ، ويكون الرجل مسرور بسرعة بديهته وتصرفه الفوري
وقوة حسمه للموقف بصورة عنترية .


وحين يصل إلى المنعطف الأول للطريق يصطدم بحمار كان يقف في منتصف الشارع!!!


3645_p1449211sudan1sudan.gif Hosting at Sudaneseonline.com




حقيقة :

” غالباً لا يفهم الرجل ما تحاول المرأة أن تقوله له ”

دائماً متسـرعين ولفاحيين .
Post: #640
Title: Re: ناس الزقازيق ... أجدع ناس ( 3 )
Author: محمد عيد
Date: 11-22-2009, 08:20 AM
Parent: #639

كمال ... صدقنى انا ما كنت باشجع ضد مصر

وبعد التداعيات ديك كنت باحاول اتفرج باستمتاع الكورة

لكن للحق .. الخضــر نالوا اعجابى وكسروا حيادى بأداءهم فى الملعب

*********

موقفى لا يعنى اننى ادعم الجزائريين ضد المصريين ...

وكلنا نعلم الصفات العامة القاسية لهذا الشعب بأعراقه المختلفة

سواء كانوا عربا ام امازيقيين .. !!

و كفــر المصريين بالعروبة والشعارات هذه الايام قلناهو من زمان

من ايام صدام لغاية غزة !!! قف

* يا حبيب هذه الصورة وصلتنى بالميل وهى ليست من بنات افكارى ...

وهى منتشرة على الشبكة العنكبوتية هذه الايام واظنها مصنوعة فى

احد المنتديات الجزائرية او .....الـ...........انية !!

وعموما فى كل الاحوال مبروك عليك وظيفة المدرب ذاتو مش المساعد

انا حأمشى أدرب فريق المعتزلات ..!!
Post: #641
Title: Re: ناس الزقازيق ... أجدع ناس ( 3 )
Author: موسي عيسي
Date: 11-22-2009, 09:30 AM
Parent: #600

مع تحيات الحاج الفقير لله محمد أدم النور حسن من الاراضي المقدسة


sudansudansudansudansudansudansudansudansudansudan2.JPG Hosting at Sudaneseonline.com
Post: #642
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 10:25 AM
Parent: #641

يا ناس سلام وصباح الخير ..

الشادي وميسرة

ارقام هواتف الحجاج هي نفسها ارقامهم في السودان ... لم تصلنا أرقامهم بالسعودية بعد ...

يا عيد معك في هذا البوست قبل وفي إجازة العيد ... ليت كانت هنالك إنتخابات لتشغلني عن البوست .. ولكن للأسف ... وبس ...

الإهداء إلي إمراءة إستثنائية ...

إختلطت أشعة شمس هذا الصباح بشعرك .. فأحالت روحي لركام .. من أين يبدأ الحب لا أحد يعلم .. ولكنه لن ينتهي ... أحبك أنت ... لا تكفي .. إلا إنها قد تعبر احياناً .. فماعون اللغة دوماً يضيق علي أحاسيسنا ... العزاء في أن من نحبهم يعرفون ذلك ... قد يأتي يومأً وتكتشف فيه الإنسانية مقياس لمعايرة الحب .. وإلي ذلك الزمن ... لنقلها ...
Post: #643
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:12 AM
Parent: #642


لمن يقرب العيد , دائما
يتاورنى احساس متجدد
بوجود , حاجة رايحة
لا اعرفها تحديدا
حتى انها لا تمسك
ولا يطولها حتى احساسك
تقصر دونها المشاعر
وقدر ما احاول
من بدرى انسق لى برنامج عيد
واعقد الأتفاقات
وابرم المواثيق
واربط نفسى بالعهود الغلاظ
اجد نفسى
فى نهاية الامر
مثلما كانت البداية
متحللا
متسرسبا بين شقوق الدنيا
كما رشفة ماء
انقسمت وعادت القهقرى الى سيرتها الأولى
ذرتى هيدروجين
تصاحب اخرى من الأكسجين
لا تختلف
فى المصير ولا فى الأيلولة
الا فى كونها
تقبع فى ثلاجة
او انها
داخل غلاية
عيد باية حال عدت ياعيد
بما مضى
ام لأمر فيك تجديد
Post: #644
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:29 AM
Parent: #643

صدقت عصفورتك يا عفاف
انا شخصيا لا افرط فى مواعيد البهجة
زواج ابن عمى الأصغر معتصم
كان مهرجانا للفرح
فى الحقيقة اقتلعناه اقتلاعا
يا ربى انا حكيت ليكم قبل كده انو ود عمى ده كان المفروض يعرس قبل سنة تقريبا ؟؟!
حتى اذا حكيتها ليكم
يعنى زهير الزناتى احسن منى فى شنو ؟؟
مش قاعد يحكى الحكاية 514 مرة
نحن يعنى ما بتستحملونا مرتين تلاتة بس ؟؟!!
كدى انملص نعالى دى
ونقعد فى المكتب
ونحكى ليكم تانى
بس انتو اقروا معاى وجعلنا من بين ايديهم سدا
عشان الكفيل يطشش
Post: #645
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:37 AM
Parent: #644

الرشيد وزهير ومحمد عيد
يمين البيمرق من البوست لمن ابدا الحكاية بتاعتى تانى
الا اجدعوا باكبر طوبة جنبى
تسمعوا تانى جوة عينكم
سامعين ولا ما سامعين
اصلوا معتصم ود عمى المفروض كان يعرس قبل سنة كده
الراجل جهز كل حاجة
قامت حاجة زينب والدته
مرضت مرض شديد , مرض خلاها فى المستشفى فترة طويلة
وحالتها اتدهورت يوم بعد يوم
لغاية ما وصلت مرحلة الفشل الكلوى الكامل
ثم توفاها الله قبل سنة تقريبا
تحديدا فى اغسطس الماضى
طبعا العرس طار لى معتصم فى راسو
خاصة وانو العروسة كانت من اختيار والدته المرحومة
وقع ليكم
اوع زول يتحرك من مكانو
ثابت عندك
الحكاية لسه ما انتهت
Post: #646
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:43 AM
Parent: #645

الدنيا دى
مهما اصاب الناس فيها من نوازل ومحن
فانها تمضى
لا تتوقف ابدا
لذا فانه ومع مرور الوقت
كانت مهمة معتصم العسيرة
لا تتلخص فقط فى محاولة اقتلاع نفسه من كومة الأحزان
لا بل , محاولة اقتلاع من حوله كذلك
اخوانه واخواته تحديدا
كانت نية معتصم قد انعقدت على مجرد نية اتمام مراسم عقد القران فى السفارة
ويسوق زوجته ويفرتق
هذا انعكاس للشعور العام
لكن اخوكم ما قاعد
ورايحة ليهو بهجة كمان
خليت القضية قضيتى
واتبنيتها
Post: #647
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:51 AM
Parent: #646

الأقتناع اولا بانو الوليمة واجبة
كان مدخل ممتاز
احجزوا القاعة
حجزوا القاعة
اعمل الدعوات للأهل والأصدقاء
عملوا الدعوات للأهل والأصدقاء
اخوانه واخواته قالوا لازم يتحنن
قلنا لازم يتحنن
احجزوا القاعة تانى للحنة
حجزنا القاعة تانى للحنة
سووا رسايل بالجوال للدعوات
سوينا الدعوات بالرسايل
هسى يا معتصم انت اخوانك واخواتك ديل يسووا ليك الحنة
ونحن ما اخوانك يعنى ولا شنو ؟؟
قاعدين نتفرج ساكت
ما يجوز
نعمل لينا قيدومة صغيرة فى البيت
اعتراض قوى فى الأول
ثم اعتراض اضغف
ثم لا اعتراض
ثم موافقة خجولة
ثم كانت القيدومة يوم الأتنين الفات
لكنه كان (اتنين ) مركب مكنة (خميس)
ما شايفين اسم ابوهم واحد
(الفات)
بس باقى جدهم
الليلة يا حليلو
Post: #648
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 11:59 AM
Parent: #647

لمن جا يوم الأتنين
واتلموا الناس القراب
وفى حتة هنا مهمة ياشباب
انا من القلائل الفى الدنيا دى
اهلى واقاربى خاصة من الدرجة الأولى
معانا هنا اكثر من السودان
ودى بيعرفها الرشيد ومحمد عيد وكمال الشادى
لمن اتلموا الناس
كان احساس بيت البكاء هو المسيطر
الدموع نازلة وجارية فى كل مكان
خاصة من اخواته
حسيت بالجد فى البداية قدر شنو المهمة قاسية وصعبة
ركبت مكنة (اراجوز) طوالى
ولكن صدقونى , الغناء ده فيهو سحر عجيب
خاصة اغنايتنا التراثية بتاعت السيرة والحنة
جابو لينا فنان اسمه معز كررى
بداها لينا من (شوف عينى السكر نقع)
لا خلى حننوهو وسيروهو
ولا نسى قنبلة
ما اصلوا حلاة الزول فى الطول والعلا
القيدومة كانت اصعب حاجة
لكن لا حا اجكى ليكم عن الحنة والعرس ولا حاجة
مش قلتوا قديتونا
الا تحنسونى
Post: #651
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 12:17 PM
Parent: #648

Quote: يمين البيمرق من البوست لمن ابدا الحكاية بتاعتى تانى
الا اجدعوا باكبر طوبة جنبى


منص معاك لحدي 540 مرة طالما انك حتحكي في البوست ده بس...لكن حسك عينك تفتح لي الموضوع ده في التلفون و أنا في طريقي لأبوظبي صدقني حأغير اتجاهي و أجي الرياض ارميك بي طوبة و أمشي ابوظبي...و كان سمحوا لي بمشي أحج و أرجع ابوظبي....

بقاية الحكاية جديد و لذيذ...يا عم مختار
Post: #649
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 12:00 PM
Parent: #647

لمن جا يوم الأتنين
واتلموا الناس القراب
وفى حتة هنا مهمة ياشباب
انا من القلائل الفى الدنيا دى
اهلى واقاربى خاصة من الدرجة الأولى
معانا هنا اكثر من السودان
ودى بيعرفها الرشيد ومحمد عيد وكمال الشادى
لمن اتلموا الناس
كان احساس بيت البكاء هو المسيطر
الدموع نازلة وجارية فى كل مكان
خاصة من اخواته
حسيت بالجد فى البداية قدر شنو المهمة قاسية وصعبة
ركبت مكنة (اراجوز) طوالى
ولكن صدقونى , الغناء ده فيهو سحر عجيب
خاصة اغنايتنا التراثية بتاعت السيرة والحنة
جابو لينا فنان اسمه معز كررى
بداها لينا من (شوف عينى السكر نقع)
لا خلى حننوهو وسيروهو
ولا نسى قنبلة
ما اصلوا حلاة الزول فى الطول والعلا
القيدومة كانت اصعب حاجة
لكن لا حا اجكى ليكم عن الحنة والعرس ولا حاجة
مش قلتوا قديتونا
الا تحنسونى
Post: #650
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 12:14 PM
Parent: #649

يا منص والله متابعين وبنعرض مع الولد منو كده كرري ،،، بس عندي سؤال الزول دا سموه علي كرري الموقعة ولا كرري المحلية ولا كرري الاستاد ولا كرري العجيجة
Post: #652
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 12:21 PM
Parent: #650

منص أسمحي لي أمشي طالما بقيت تكرر...تكرر دي من كرر يكرر ...مش من كرري المحلية
Post: #653
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 12:29 PM
Parent: #652

Quote: بداها لينا من (شوف عينى السكر نقع)
لا خلى حننوهو وسيروهو


منص مع جنس حالتكم دي كان يبداها ليكم ي شقي و مجنون....شوف الكلمات دي ما بتتناسب معاكم..

دموعي الدمعة باريه الدمعه
طارده الدمعه ذارفه الدمعه
انت بتقولي مجنون
وحات الضقتو في ريدكم
صحيح شقي ومجنون
Post: #657
Title: Re: ناس الزقازيق ... أجدع ناس ( 3 )
Author: محمد عيد
Date: 11-22-2009, 12:41 PM
Parent: #653

Quote: اهلى واقاربى خاصة من الدرجة الأولى
معانا هنا اكثر من السودان
ودى بيعرفها الرشيد ومحمد عيد وكمال الشادى


فى دى قلت الحق والحقيقة ...

والله يا اخوانا منصور ده لمن جاء يعرس زماااااان

أهلو الفى الرياض ديل عملوا ليهو حنــّة

والله لغاية الليلة ما قادر انساها ...

بس تقول انت فى حفير مشو ولا دنقلا العجوز ذاتها ...

الاكل زاتو كان بيرطن ...

وانا كنت عريس جديد لســه ما لى شهرين تلاتة ...

مرتى ( عروستى فى ذلك الوقت ) قالت لى انت ناس منصور ديل

سعوديين فيهم عرق دناقلة ولا دناقلة فيهم عرق سعوديين ؟!

مع العلم انها هى ذاتها دنقلاوية ..!
Post: #654
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 12:32 PM
Parent: #652

يا رشا نحن وين لمينا في منصور وحكاويه الطاعمة .... حلفت تقعد تشرب ليك كباية شاي ... انا من قبيل عندي مشوار مستني منصور يكمل لينا العرس ده , وكمان لو بقي فيها البقية في العدد القادم ما عندنا مانع ...
Post: #655
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 12:35 PM
Parent: #654

زهير أمشي مشوارك ساكت...منصور ده كان قريب بيكون حسه في أسواق بنده...
Post: #656
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 12:41 PM
Parent: #655

والله يا الرشيد كلامك صحي ... زولك جدع لينا كلمة حنسوني وكت جينا نحنس لقينا الزول في سوق بنده ... عليك الله سوق بنده ده قريب ولا عايز ليهو مواصلات ...
Post: #658
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 12:47 PM
Parent: #655


معز كررى
اظنه منسوب لى كررى الموقعة
المعركة يعنى
لأنو كان متحمس حماس
حيرنى ليك انا ذاتى لمن آمنت
وما عنده اى علاقة (بى كرر يكرر تكريرا , يعنى ردد بيردد ترديدا )
يالرشيد يا حاقد
اصلى ما حا احكى ليكم
الا تانى تحنسونى
معز كررى كان لمن يلقى التجاوب ضعف شوية
يشيل ويغنى
الصفقة الصفقة الصفقة
حسى اعتبرونى انا معز كررى
حنسونى حنسونى حنسونى
Post: #659
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-22-2009, 12:58 PM
Parent: #658

قول لى فاطمة عيد
يا محمد عيد
بالغتى عديييييل
طبعا هسى انا بضحك حتى بانت نواجذى
قلت لى دناقلة فيهم عرق سعوديين !!
اما سوق بنده يا زهير الزناتى
فهو زى سوق ليبيا كده
بس ما جنبو قندهار
عارف جنبو شنو
دكتور كيف الملاصق لى ستار بوكس كافييه
والله الا تحنسونى
هسى انا طالع لأنو جاتنى فكرة جهنمية
حا ارجع ليكم بعدين
والكورة فى ملعبكم
يعنى بالعربى
انتو وتحنيسكم
Post: #&60
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 10:12 AM
Parent: #658

الرفقù ... الصفقة... الصفقة ...
شيلوا معاي الرشيد ومحمد عيد ....
Post: #6020
Title: Re: ناس الزقازيق ... أجدع ناس ( 3 ) ..
Author: Mohamed Doudi
Date: 08-17-2010, 02:19 PM
Parent: #7
Post: #661
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 01:17 PM
Parent: #660

مشينا صلينا العصر و جيناك يا منص..النقده النقده النقده...أها كمل لينا عرسكâ ده بçلله...نشوف بعد داك ننوم و لا$نجلها للمغرب...

محمد عيد لكن أم مصطفى شماراتها خطيره...حسه تكون طيرتها ليها من راسها قلها..بس دناقلة عرفناها سعوديين دي ئسْشفتها من شنو...أنت عارف الشمار لما يكون ليهو مليون سنة كده بيتعتق...
Post: #662
Title: Re
Author:
Date: 11-22-2009, 01:32 PM
Parent: #661
Post: #منصور عبد الرازق
Title: 000_Default.gif
Author: 79.170.51.55
Date: 01-01-1970, 01:00 AM
Parent: #
Post: #663
Title: Re: ناس ئلزقئزفق ... أجدع ناس ( 3 )
Author: محâد عىد
Date: 11-22-2009, 01:41 PM
Parent: #662

0
Post: #664
Title: Re: ناس ئلâقازيق ... أجدع ناس ( 3 )
Author: الرشيد بابكر
Date: 11-22-2009, 01:57 PM
Parent: #663



محمد عيد دي دنقلاوي جد جد ولا نجرتها ساكت...أصلها بتشبه لي اللغة الفلبينية...

منص يا أخوي عايٍ تت‏ارج ساكت...أمشي بنده خلاص عفيناے...و بعدين حقتك دي عارفنها قاصد بيها بكره...أمشي يا أكونو ميلللا فروشيوكو....يعني أمشي يا غشاش..
قال لى : اكونو ميلللا فروشيوكو ...
Post: #665
Title: Re> ن÷س الزقازيق ... أجدع ناس ( 3 )
Author: محمد عيد
Date: 11-22-2009, 02:11 PM
Parent: #664

QEote: محمد عيد دي دنقلاوي جد جد ولا نجرتها ساكت...أصلها بتشبه لي اللغة الفلبينية...8mcT c="/QUOTE" />


يا رشا حاكيــها مالك ؟

انا العرفنى شنو دنقراوية ولا بجاوية ..
وياتك انا كنت قاعد زى قعدة عماد محجوب فى نادى التعارف ...

أضحك سااااى وما ناقش التكتح ..!!
Post: #665
Title: الرشيد بابكر
Author:
Date: 11-22-2009, 02:20 PM
Parent: #Re: ناس الزقازيق ... أجدع ناس ( 3 )

0
Post: #666
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 02:52 PM
Parent: #666

ازيكم تانى

الرشيد يا خ ليل ونهاذ ِالله النهار برضو ظريف
عيخ ضحبتنى بلنكتة شديد
منصور اها مما طريتنى جيتك والرسول تكمل العرس ومبروك للعريس مع انت رسلنا ليك قبل كدة عشة صغيرة كاهداء وطنشتنا
حنزلا تانى عشان ود عمك

اها عرس التاج كيف والله قول لامانى التياب هنا فى السودان ولا سالين فى ناس برة لو عايزين من ابو 100 ودة طبعا ما حقها لى ابو 2 مليون
اخت عريس وكدة
المهم احنا حاضرين
يلا كمل
عيد مداوم لسة
زهير سلامات
Post: #668
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-22-2009, 02:59 PM
Parent: #667

الإبنة/ ضحى أحمد


6.bmp Hosting at Sudaneseonline.com
Post: #669
Title: Re: ناس الزقازيق ... أجدع ناس ( 3 )
Author: محمد عيد
Date: 11-22-2009, 03:26 PM
Parent: #668

زنوبة مرحب بى طلّــة العصرية

الورديات حتتغير اعملى حسابك

الريس ميسرة قال فى العيد حتتلغى ورية الصباح

وحتكون فى وردية الضحى وبعدها العصرية وبعدين شاى المغرب باللقيمات

وناس الليل الله قال بى ليلهم ..!!

********

اخونا احمد اسماعيل

ماشاء الله تبارك الله ... ربنا يحفظهم ليك ويعلى مراتبهم
Post: #670
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-22-2009, 04:53 PM
Parent: #669





ss.bmp Hosting at Sudaneseonline.com



سلام كثير للأحباب

شكرا الأخ محمد عيد على هذا الدعاء ونقول آآمين يارب العالمين

ونعمم الدعاء على كل الزقازيقاب

ربنا يحفظ أبناءهم ويعلي مراتبهم

علشان تشملهم بركاتك يابركة
Post: #671
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 04:58 PM
Parent: #669

عزاز علينا وشالو نوم عينينا


رشا هنودى وامنيتنا منورين البروفايل

وخالص حبى للمصوراتى
Post: #672
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-22-2009, 05:30 PM
Parent: #671

وانا فى عامى الثالث بالزقازيق
تلقيت دعوة كريمه من الاخوه فى رابطة ترهاقا
لحفل استقبال وتعارف بالمكتبه القبطيه بالزقازيق
ورابطة ترهاقا اجتماعيه لذو الاصول النوبيه وقد وصلتهم
معلومه استخباراتيه عن اصولى النوبيه الشى الذى جعلهم يستقبلوننى
بحرارة عند المدخل وسلام حار من سكرتير الرابطه لم استطع الردعليه
سوى بابتسامة بلهاء لانى لا افقه كلمة مما قال فانا محسى قشره من
مواليد امدرمان وكنت كالاطرش فى الزفه داخل الصاله لااملك الا ان اهز
راسى وابتسم لانسحب فى هدؤ واخذ نفسا عميقا وانا اعبر كبرى الشبان
الى المساكن0
تذكرت هذه الواقعه وانا على مائدة الغداء اليوم لتفاجئنى
علا بكلمه ثم سؤال دى يابابا ازيكم بالمحسى00 ليتكم تتعلمون ماعجز
عنه اباكم0
Post: #673
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 05:34 PM
Parent: #671

يا جماعة جانى وجع فقر من رفيع البوست دة
اى زول ادوه باسويرد ما يعمل مداخلة يوميا يتشال منو
Post: #674
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-22-2009, 05:45 PM
Parent: #673

سلامة فقرك يا زوبا
تبقى عليك سواقة عربيه وسواقة بوست!!!!!!!!!!!!
Post: #675
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 06:12 PM
Parent: #674

تسجيل حضور ومتابعة
Post: #676
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 06:19 PM
Parent: #673

مساك الله بالخير و السرور يا زوبة

الناس ديل جونا بالعصر...فقمنا قعدنا معاهم وضاعت علينا نومة العصرية...لكن زي ما بيقولو النوم سلطان...قلت بعد كده النوم بجيب اللوم...و ختيت راسي قلت أرتاح ساكت...لكن نمت نومة صحيت منها قبل شوية...فخليني أقول ليك الناس مشوا ليه...و العرفته تحت تحت كده ان بنات الشيوخ مآخدين موقف من النت البقى شاغل رجالهم...و بقى الواحد منهم الليل و النهار قاعد محكر وراء الكمبيوتر...تقول ليهو أسمع ما تجي نمشي ناس فلان والله طولنا منهم وكمان حصلت ليهم كم مناسبة...يقول ليها عليك الله حسه ده يوم مرقه...خليها يوم الخميس...يوم الخميس البوست بتكون حركته خفيفة...قصدي يوم الخميس الناس بتكون عندها استعداد تستقبل ضيوف...الناس ماعندها استعداد ولا انت ما عايز تقوم من الكمبيوتر... كل يوم قاعد تتونس لي مع ناس القشاشير ديل...
بعض بنات الشيخ أعلنوها واضحة...يا نحن يا الكمبيوتر...و لعل حالة البوست و خاصة بالليل أي بعد رجوع الناس الى بيوتهم بتخليك تعرفي الناس اختارت شنو...و ده شي طبيعي ما بيخجل...المثل بيقول ضاري على شمعتك تقيد...و الباب البجيب الريح سده و استذي‎...بس و الله عافي منهم بنات الشيخ الجماعة سدوهو بالطبلة و المفتاح...كان تخلوهو متاكى شوية عشان ننسرب ليكم من خلاله...لكن التعليمات كانت واضحة شديد...سمكرة يعني سمكرة...و أي مخالفات قد تؤدي الى نتائج لا يحمد عقباها...

شكرا يا زوبة على وضع الصورة في بروفايلك...هذا و الله شرف عظيم لينا...و أنا و نجاة و أمنية و مهند نعتز بك شديد وبأسرتك اàجأيلة...و معرفة انسان بقامتق فخذ ٌنا...

أحمد اسماعيل...ربنا يكرمك بوالديك و عيالك...صورك جميلة بس عايز أقول ليك...توسط في الصور...يعني لا تخليها صغيره شديے زي م عملت و لا كمان كبيرة شديد تعوج لينا البوست...نزل لينا حاجة متوسطة تتشاف..
Post: #676
Title: الرشيد بابكر
Author:
Date: 11-21-2009, 02:40 PM
Parent: #Re: ناس الزقازيق .. أجےع ناس ( 3 )

0
Post: #678
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-22-2009, 07:24 PM
Parent: #677

ما زالت مهزلة الاعلام المصرى مستمره
فى خلق بطولات وهميه على حساب السودان000
متناسين مسئولية اٌكلمه0زرف دموع00 كلمات
جارحُ فى يق الوطن الذى فتح لهم صدره فكان
نصيبه خنجر000خمسة عشر الف عنصر امن كانوا
لهم الامن و×لاماؤ ومازالو يتسالون اين الامن
ليتكم لو تركتم المدعو؟؟؟شاكر فى ايدى الجزائرين
لمدة عشر دقايق فقط عشره لا اكثر ولا اقل حتى$يكضن
محقا حين يصيح <حد يعمل حاجه احنا بنموووووووت>
ويا حبذا لو كان معه نغيض الاسم اديب صاحب دعوة
يارب نكد على الجزائرين0
اهنتم نفسكâ من قبل ومن بعد وهاهى الحقيقه
تتضح مع شروق شمس كل صباح00فماذا انتم فاعلون0
Post: #Re: ناس الزقازيق ... آجدع ن÷س ( 3 )
Title:
Author: 000_Default.gif
Date: 11-22-2009, 07:34 PM
Parent: #زهير الزناتي

1
Post: #680
Title: Re: ناس السقاز‎ق ... أجدع ناس ( 3 )
Author: الرشيد بابكر
Date: 11-22-2009, 09:00 PM
Parent: #679

Quote: إختلطت أشعة شمس هذا الصباح بشعرك .. فأحالت روحي لركام .. من أين يبدأ الحب لا أحد يعهم . ولكنه لن ينتهي ... أحبك أنت ... لا تكفي .. إلا إنها قد تعبر احياناً .. فماعون اللغة دوماً يضيق علي أحاسيسنا ... العزاء ـي أن سن نحبهم يعرفون ذلك ... قد يأتي يومأً وتكتشف فيه الإنسانية مقياس لمعايرة الحب .. وإلي ذلك الزمن ... لنقلها ...


يا أبو الزوز عجبتني هذه العبقرية صباح اليوم...و كتبت عنها منذ ما يزيك عن çلساعة ولكن مشكلة فنية حالت0دون من ترى النور في وقتها...

هل هي عبقرية اللحظة أو عبقرية الشعور.....أم عبقرية الكلمة...


يا ريس معتصم...لقد توقعت كل ما حدث من الاعلام المصري قبل المباراة...و صدقني حتى لو انتصرت مصر لوجدنا لنفس الاستهزاء>..الَفير المصرى الآن بالنيل الأزرق يحاول التخفيف عن غضب السودان و السودانيين..
Post: #681
Title: Re: ناس الزقازيق ... أجدغ ناأ ( 3 )
Author: زهير الزناتي
Date: 11-22-2009, 09:18 PM
Parent: #680

يا رشا مرات الزول تجيهو جدعات كده في ساعته وتاريخه ... زي ما تقول حئجات لٌتنفيس والتعبير ... شكراً àيك àحسن الظن والمجاملة ... يا ابو أمنية ...
Post: #683
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 09:31 PM
Parent: #681

Quote: يا رشا مرات الزول تجيهو جدعات كده في ساعته وتاريخه


تمر هذه اللحظات التي سميتها تاريخية فنكتب فيها بضعة سطور معتقدين أننا نستطيع أن نكتب في أي وقت ما كتبناه في تلك اللحظة...هي فعلا لحظات تاريخية تأتي و تمر و نندم على عدم استغلالنا لها كاملة لكتابة المزيد من الجمال...

هي كلمات عبقرية دون مجاملة يا أبو الزوز...و أنت دائما عند حسن ظني بك...
Post: #687
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 09:56 PM
Parent: #681

مليون سلام ليكم كلكم

يا الرشيد والله موضوع النت دة كنت بناقشو مع زول قبل فترة بلزات الارتباط الشديد بيهو وبما انى بت شيخ والله الموضوع دة مزعج جدا وكنت حاوصى اخوانى كلهم الهنا
وقت اللولاد وامهم اولا بعدين تعالو ببال رايق ولا ممكن ترسلو الايميلات نعمل ليهم باسورد وكدة المسالة حتتحل

وعن البروفايل لاشكر على واجب ديل عيالى واخوان ناس ريل ودودو وبنفس معزتم ومعزة والدينم ربنا يخليكم كلكم

يا ريس معتصم والله الرفع لمن جبت حبوب فولتارين بس ايدكم معانا

زهير الليلة مركب مكنة الرشيد اها يا عيد عضو جديد للاطلالة ممكن مساهمتو تكون الق الصباح
Post: #682
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 09:28 PM
Parent: #680

325.jpg Hosting at Sudaneseonline.com
Post: #684
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-22-2009, 09:35 PM
Parent: #682



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">



Haj Mubark

&

All EID SA'AID

Post: #685
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 09:48 PM
Parent: #684

326.jpg Hosting at Sudaneseonline.com
Post: #688
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 09:57 PM
Parent: #685

سهيلي عيد سعيد و عمر مديد مقدما...كيف تحتفلون بالعيد عندكم في أمريكا...شغل في شغل أم هنالك وقت للاحتفال بالعيد...
Post: #686
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 09:56 PM
Parent: #684

327.jpg Hosting at Sudaneseonline.com
Post: #689
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 10:00 PM
Parent: #686

أبو الزوز الصور دي أكيد ما بالموبايل...صور نضيفة...

حاج جمال ده مالو طابي الشنطة بتاعتو دي كده...فيها الوثيقة و القروش ولا شنو...
Post: #690
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 10:06 PM
Parent: #689

يا رشدي الصور طبعاًُ ملحق لصور جبل أولياء ... الملحق دا بموبايل رجاء الطيب
Post: #691
Title: Re: ناس الزقازيق ... أجدع ناس ( 3 )
Author: زينب التجاني
Date: 11-22-2009, 10:16 PM
Parent: #690

سهيلى كيفك والحج عقبالك حصل الرشيد وعيد والريس السن الجاية البعدها ناس زهير عشان لازم معاهو بهجة والحاجة ميار
صور نضيفة
فارح كلعادة وسط الزهور متصور ووجهو الصبوح منور
Post: #693
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 10:24 PM
Parent: #691

329.jpg Hosting at Sudaneseonline.com


سيدة الزقازيق الأولي (طبعاً ناس الداخل)
ما بنقدر نستولي علي لقب سيدة الزقازيق الأولي لناس الخارج

يا ناس السعودية تحياتنا للحاج جلال وخبراءها الأجانب

وكذلك لسامي عبد الوهاب .... عفاف ... محمد عثمان ...

يا ريت الريس ميسرة يتكفل بتفقد الرعية بتلفونات سريعة كده ...
Post: #699
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-23-2009, 04:15 AM
Parent: #691

سلام زينب


كيف حلك وحال العيال

وحجا مبرورا لابوهم

كان معي اليوم ابوجبر وشايف حج فا رح عاجبو

غايتوا الحج من امريكا ساهل واقل تكلفة

برضو نحن حجينا للبيت الابيض

قولي ربك يهون لينا
Post: #692
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-22-2009, 10:18 PM
Parent: #690

قبل أن أبرح مكاني أود أن أناشد جبريلا و حاتم جبارة بالعودة الينا...فغيابكم قد طال...
Post: #695
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-22-2009, 11:24 PM
Parent: #692

Quote: الحلوين .. الرائعين ..

ترددت في الدخول ..
و أنا علي باب البوست .. و جدت منصور هامي بالخروج ..
و في داخل الحوش شايف لي شنب كبيييير ، قالو لي دا زناتي ..ز
و أنا أسمعه .. بأن هذا المكان للعجائز ...

أخيرا" قررت أن أحمل الإبريق .. و أبدا" في التجهيز لغسل الأيادي ...


أكان أكلتو ... كلموني ....


قيس جمال الدين ... في مداخلة تاهت أعلي الصفحة ...
Post: #696
Title: Re: ناس الزقازيق ... أجدع ناس ( 3 )
Author: محمد عيد
Date: 11-22-2009, 11:56 PM
Parent: #695

ابو الزوز ...

لك تحيات خاصة وسلامات دافئة من الحاج ســرى

شيخ العرب ... جلا

الغريبة قبيل الصباح كنت باتكلم معاهو وسألنى .. الناس ما بيسألوا منى ؟

قلت ليهو سيبك من الناس لكن زهير غايتو مستحلف ليك بحملة ارهابية تفوق حملات الجزائريين ..

لقيت ليك صاحبك مســطح تسطيحة شديدة وما جايب خبر ..

نصيحة لله يا زهير الزول ده اعفى ليهو لله والرسول .. لأنه شكله كده ظبط روحانياتو كويس

فاتقى شره .. وكمان عشان ما ينساك بى دعوه كاربة كده
Post: #697
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 00:30 AM
Parent: #696

يا عيد والله نحن من غير حج واصلين . ولو حجينا بنجهجه ليك شيوخ كبار خليهو جلا ده ...
Post: #698
Title: Re: ناس الزقازيق ... أجدع ناس ( 3 )
Author: محمد عيد
Date: 11-23-2009, 00:49 AM
Parent: #697

انت ياخوى بتمرق من وين ؟؟

انا نزلت المداخلة وفتشت فى الحضور لقيتك مافى

قلت ضرب الرز باللبن .. قمت من الكمبيوتر ..

هسه جيت اقفله لقيتك متداخل ..!

يا زول بقيت تخوّف ..!!

******

عارف طبعا صاحبك جلا قاعد فى مكة ليهو اكثر من اسبوع

وانا 3 مرات احاول امشى ليهو وما أقدر ..

مكة مقفولة امام كل المقيمين .. بس الناس المعاهم تأشيرات حج

حتى والدتى واخوى وصلوا وبرضوا ما قادر الاقيهم ...

لكن صاحبك جلا طبعا تسطيحته عينة ...

تخيل الزول ده ما شاف البوست من قبل حفلة المئوية ...

يعنى لا عارف الحوش القديم رحلوهو وين .. ولا عارف درب البيت الجديد

غايتو انت اكتر من انك تروحوا ما تعمل فيهو حاجة ..
Post: #700
Title: Re: ناس الزقازيق ... أجدع ناس ( 3 )
Author: محمد صديق
Date: 11-23-2009, 05:13 AM
Parent: #698

سلامات يا ناس

وصباحات التفاؤل

متابعة بنصف عقل ونصف احساس

لكم الود وعميق اعتذار.
Post: #701
Title: Re: ناس الزقازيق ... أجدع ناس ( 3 )
Author: البادي النور
Date: 11-23-2009, 05:32 AM
Parent: #700

صباح الهناء والسرور ...
أصبحنا وأصبح الملك لله ...
Post: #705
Title: Re: ناس الزقازيق ... أجدع ناس ( 3 )
Author: البادي النور
Date: 11-23-2009, 06:42 AM
Parent: #701

الوجيه قيس جمال الدين ...
مليون مراحب بقدومك ونورت الحوش ...
يا ود أمي تعال نشمك (نكتة قديمة كان يحكيها قيس عن حبوبته) ...
ليك وحشة ... ومشتاقين للونسة الدقاقة معاك يا سيد الظرافة ...
يا جماعة قيس دا مكسب كبير وزول بتاع قفشات لكن الكفيل مشكلة كبيرة ...
Post: #702
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 05:40 AM
Parent: #700

الاحباب الكرام اصبحنا واصبح الملك لله .


العزيز ود الصديق كيفنك و صباحك منور

و اخبار العيد معاكم و الجاهزية للسيد

الخروف انشاء الله تكون الاسعار معقولة

و قول لزهير الحاج السري دا عليه 3

هدي نحن اقترحنا عليه اثنين منها توجل

للذبح في السودان ؟
Post: #703
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 06:04 AM
Parent: #702

صباخ الخور...صباح النير

صباح الخير

أراد أحد أصدقاء العمل هنا في الامارات بأن يقول لي صباح الخير و صباح النور في نفس الوقت...فكان أن قال لي صباح الخور...قلت ليهو ده صباح شنو ده البدأ بي شكلة ده...

صباحكم خير و سرور..و نسأل الله أن يتقبل طاعاتكم في هذه الأيام المباركة...

أسأل سؤال الضهبان عن ياسر نجيلة....ان شاء الله المانع خير...
فافي اختفت في ظروف غامضة...و حاج الركز لا نال تمر الشام ولا عنب اليمن...
Post: #704
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 06:36 AM
Parent: #703

صباح الخور

تسجيل حضور ومتابعة
Post: #706
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-23-2009, 07:06 AM
Parent: #704

السلالالالالالام عليكم ( همسا )

داخل عليكم البيت براااااحة ولابس لي كرعين كديس
عشان ما أزعجكم واقطع عليكم أفكاركم الحلوة وتواصلكم الجميل
وعشان برضو ما نزعج الناس النايمين لأنهم كانوا مساهرين
وسادين وردية تمام التمام ...

تحياتي ليكم كلللللكم والحاضر يكلم الغايب ..
Post: #707
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-23-2009, 07:10 AM
Parent: #704

ازيكم وصباحاتكم ندية

ومرحب بقيس (قريتها من مداخلة البادي الفوق 00ما قريت الصفحةالفاتت للان)

ويا رشا وابو الزوز وكل الناس الحلوة نصبح عليكم 00 بهذه التميمة

كل شتاء تدخل حالة بيات شتوي 00

مع اول نسمات باردة لهذا الشتاء قررت الدخول الى نفسها


تتلمس بعض العتمةبالداخل وتنصت لهمساتها000

ووجدت كراكيب افكار 00 كراكيب احزان 00

وبدات تنقي المكان لتفسح مطرحا لاشجار برتقال

جديدة تنمو وتزدهر 00

وتميمة دفء ما زالت في يدها
Post: #708
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 07:14 AM
Parent: #704

صباح الخير يا وجوه الخير،،،،

Quote: يا ريت الريس ميسرة يتكفل بتفقد الرعية بتلفونات سريعة كده ...


يا زهير صباح الفل لا أملك غير تلفون صاحب الفضيلة الشيخ جلا يا ريت

لو تمدونا بهواتف جميع الحجاج على البوست إذا تحصلتم عليها نحن في جدة

معبر طريق من وإلى السودان واليومين ديل نحن مضيوفين تماماً بالراغبين بالسفر

إلى السودان ولا نملك دقيقة للمداخلة لأنك بعد الشغل تلحق الناس في الأسواق وتكمل

معاهم الأشواط وأمس عدنا إلى البيت الثانية صباحاً وكانت لنا رغبة في فتح البوست

ولكن التعب كان هو حالنا ،،، سوف نحاول العودة بقوة إلى المداخلات ونكون أسيادة وبخصوص

بنات الشيخ والمداخلات يا جماعة لو كل واحد من الناس قام بعمل مداخلة واحدة في اليوم كفاية

طبعاً الكلام ده ما ليكم يا ناس زينب وعيد والرشيد والزناتي والشادي وأحمد إسماعيل وموسى والكوتش

وجميع البرايات والبرايين .
Post: #709
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-23-2009, 07:22 AM
Parent: #708

صباح الخير يا ريس

وكيف الغالية منى


Quote: .لو تمدونا بهواتف جميع الحجاج على البوست إذا تحصلتم عليها نحن في جدة


ودا الريس ميسرة دائما سباق لكل مهو جميل

كنا نمني انفسنا بعيدكم معانا في الرياض
Post: #710
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 08:04 AM
Parent: #709

Quote: كنا نمني انفسنا بعيدكم معانا في الرياض


أختنا الصغيرة عفاف كل سنة وأنتي والأسرة الكريمة بخير

وعيد سعيد ولحاج الركز دوام الصحة والإحترام،،،،،

صدقيني ح نعملها في ذات مرة لو ربك مد في العمر
Post: #711
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-23-2009, 08:08 AM
Parent: #709

التحية للوجيه وبلدياتنا د.قيس جمال الدين
وتحياتى للاخت عفاف ميرغنى

اليكم هذا الكاركتير التحذيرى
http://upload.up3.cc/uploads/images/upload-8708265e27.jpg
Post: #712
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 08:55 AM
Parent: #711

الريس لك التحايا وربنا يديك الصحة و كله اجر و كلامك

اوامر في المداخلات بس انت تامر لكن شوف لي الحاج المختفي

في الامارات ياسر نجيلة الحاصل عليهو شنو .


البرلوم عبدالسميع تحياتي و انت و من معك في ارض الوطن

الطاهر تمسكون بغمد النضال فلكم التحية موصولة عبرك للاخ

نصرالدين .


روح التمائم بنت ميرغني الجو في الرياض اليوم يحنو لدف

التمائم فلك التحية والتجلة حتى الامتاع .
Post: #713
Title: Re: ناس الزقازيق ... أجدع ناس ( 3 )
Author: محمد عيد
Date: 11-23-2009, 08:55 AM
Parent: #711

صباحات سعيده ومباركة على الجميع ...

وفى هذه الايام المباركات .. يجب علينا ان لا ننسى ان نشكر المولى عز وجل

على كريم نعمائه ونحمده على حالنا ... ولنتأمل هذه الاسطر سويا ...


لنشكر الله كل حين
أراد رجل امريكي أن يبيع بيته لينقل إلى بيت أفضل..فذهب إلى احد أصدقائه وهو رجل أعمال وخبير في أعمال التسويق...وطلب منه أن يساعده في كتابة إعلان لبيع البيت وكان الخبير يعرف البيت جيداً فكتب وصفاً مفصلاً له أشاد فيه بالموقع الجميل والمساحة الكبيرة ووصف التصميم الهندسي الرائع ثم تحدث عن الحديقة وحمام السباحة.....الخ.. وقرأ كلمات الإعلان على صاحب المنزل الذي أصغى إليه في اهتمام شديد وقال....'أرجوك أعد قراءة الإعلان'.....وحين أعاد الكاتب القراءة صاح الرجل يا له من بيت رائع ..لقد ظللت طوال عمري أحلم باقتناء مثل هذا البيت ولم أكن أعلم إنني أعيش فيه إلى أن سمعتك تصفه
ثم ابتسم قائلاً من فضلك لا تنشر الإعلان فبيتي غير معروض للبيع !!!


هناك أنشودة قديمة تقول .. أحصي البركات التي أعطاها الله لك واكتبها واحدة واحدة وستجد نفسك أكثر سعادة من قبل...


إننا ننسى أن نشكر الله لأننا لا نتأمل في البركات و لا نحسب ما لدينا....ولأننا نرى المتاعب فنتذمر و لا نرى البركات.










قال أحدهم :



إننا نشكو لأن الله جعل تحت الورود أشواك... وكان الأجدر بنا أن نشكره لأنه جعل فوق الشوك وردا...!!ً


ويقول آخر :



تألمت كثيراً عندما وجدت نفسي حافي القدمين ...ولكنني شكرت الله بالأكثر حينما وجدت آخر ليس له قدمين ...!!!

لك الحمد يا رب
Post: #714
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-23-2009, 09:11 AM
Parent: #713

داخلة بصوت عالي
اقول ليكم ازيكم
عشان عمو قدورة يتلفت(لانه داخل هامس وطالع جري)


وانا كمان طالعة افتش ليكم جبريلا وين مشى0(طاشي ليهو زمن)


عيد كلامك الفوق دا سمح خلاص 00

لغاية ما اجي احكي ليكم قصة الجيفارا مؤمن (الصغير)
احمد اسماعيل قرب القصة تهمك00

عبد السميع تحيات صباحيات 00
كدي اشوف جبريلا وين واجيكم 00 زهير لو اتاخرت تعال فتش بت اختك يا خال
Post: #715
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-23-2009, 09:17 AM
Parent: #713

سلامات للجميع

وكل عام وانتم بخير
Post: #716
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 09:51 AM
Parent: #715

( بابا أنا زعلان منك ).......................


هذا ليس امس فلم و لا مسرحية و لكن عبارة ابني محمد المصطفي

صاحب السنوات العشر ذو البشرة السمراء و الوجه الطفولي والذي

يمتلك حس فكاهي يبشر بأن هنالك مشروع مسرحي فكاهي قادم ،كما

يتسم بذكاء خارق و لي معه حكاوي ظريفة وصعبة في نفس الوقت تفوق

حكاوي عمي عثمان عم الرشيد في الكوة ،و هو صغير عندما تتم

معقابته من قبلي يهدأ و يبدأ في تصوير خيال واسع عن كيفية الدفاع

عن نفسه في المسقبل و خاصة ضد والده الذي قام بعقابه فيقوم بطلب

فلوس من والدته من أجل قيامه بشراء أسد صغير يقوم بتربته في مكان

خارج البيت حتى يصير كبيرا و يستخدمه عندما يتم معاقبته ؟


فالعبارة أعلي الصفحةهي أول كلمات تلقيتها منه البارحة بعد فترة ثلاثة أيام

من الانقطاع عنه فكنت مفتكر انه زعلان منى علشان ما اتواصلت معه خلال

هذه الفترة ؟ و بعد اعتذاري له قال لي لا أنا زعلان من ناس الزقازيق علشان

ما قاعدين يكتبوا في البوست زي زمان لما كنت معانا في الاجازة في السودان؟

الحقيقة انا والشباب كنا يوميا نتابع البوست باستمرار و هو كان اكثرنا قراءة

و حفظ لكل ما يدور في البوست و في بعض الحاجات الما بفهمها برجع لي للتوضيح.

و نسبة لحلاوة الجو بالرياض يبدو البوست موعود بيوم بجميل من أيام شبابه السابقة

فهلا اعدنا للبوست شبابه و مجده السابق حتى نستمع بذلك و يظل ابناءنا متابعين ؟
Post: #717
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 09:52 AM
Parent: #715

ما حنستونى يعنى !!
هو ذاتو الداير تحنيسكم منو ؟؟
بس زينب التيجانى ادتنى عشة صغيرة
وصلت يا زينب
ونحن حا نحرسها ليك برموش عينينا
احتفاءة كبيرة تناسب مقدم قيس جمال الدين
البادى النور بالله قلت لى النكتة بتاعت حبوبة قيس بتاعت تعال شمنى دى
من الزمن داك ؟؟!!
ياخى ده يادوب انا قابلته اربعة خمسة مرات
حكاها لى التقول ثمانية مرات
عليك الله ياقيس كان تحكيها لى تانى
النبى فوقك
محمد عيد طبعا بيحاول يغطى على كياشته بتاعت الحريق
عارف الدو بتاع الدنارى الأنت رميتو لى زولنا اليوم داك وجراك بيهو خمسين
ولا خمسين ولا حاجة
الجماعة دقسوك ساكت
وعارف (كروشيمبو دشمبو )
القالوها ليك
معناتها شنو
ادقسو ليكم ؟؟؟
Post: #718
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 10:14 AM
Parent: #717


الجو اليوم فى الرياض
حاجة ما تخلص
ابداااااع
مطر خفيف
وبرد خفيف
ماهو تأثير الجو على النفسيات ؟؟
بالطريقة دى
الواحد حايرجع يحكى ليكم تانى
قلتى لى يا زينب جمال فارح
وسط الزهور متصور
وجهه الصبوح ومنور
رقة وحنان كاسيهو
زى القمر مدور
النفسيات الحلوة
قادرة على ان تجعل من جمال فارح
ولا كأنه
نانسى عجرم زمانو
احبكم
Post: #719
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 10:30 AM
Parent: #718

ايوة والله
البنى آدم ده
قشة فى مهب رياح عاتية
تلعب بيهو وتوديهو زى ما دايرة
يمين يمين , شمال شمال , فوق فوق , تحت تحت
معتصم ود عمى واخوانه واخواته
البيشوفهم قبل كسر حاجز الحزن
يقول ديل ماياهم نفس الناس البيعرضو
مع معز كررى , ومصطفى قرع
وهاجر جبرة
عزاز علينا شالو نوم عينينا
فراقهم جبرى حاشا ما بايدينا
تاثر البنى آدم وتقلبه فى الحساس والشعور
ما بين حالة وحالة
امر محير فعلا
وش سمح يأثر فيك
جو سمح يلعب بيك
كلمة حلوة تقوم بيك
ونسة سمحة تطلع بيك
لى درجة ممكن الواحد يقول فى الدنيا
اصلو مافى وش , الا سمح
وانو الدنيا كلها طوالى ربيع
وانتو بس
قفلوا على كل المواضيع
Post: #722
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 10:45 AM
Parent: #719

البنى آدم تلقاهو دائما عنده حنين للماضى
لى زمااان يعنى
اقوى رابط جمع الزقازيقاب فى هذا البوست او فى الرابطة او الجمعية
هو حنينهم الفطرى للماضى
ليه يا ربى الأحساس ده دائما مسيطر
هل هو فعلا فطرى
ام ان عين الماضى عين انتقائية ؟؟
لو رجعنا لأيام الزقازيق
ورجعت بوصلة احساسك لقياس شعورك (زمان)
بتلقاها عادى
فيها السمح وفيها الشين
لا بل
فيها الكعب كمان
لكن بوصلة الشعور الماضى الأنتقائية
لا تحتفظ الا بالأحاسيس الجميلة
ترمى بغيرها الى مزابل التاريخ
يالها من بوصلة
انعم بها واكرم من احاسيس
لمن زمان الفلسة تكون ضاربة الميز
والتلاجة مافيها التكتح
والجيوب خالية حتى من حق التاكسى
كان الأحساس الذى يسود
(بطبيعة الحال يا زهير )
دى بلد شنو النحن قاعدين فيها دى
تتذكر امك , تتذكر اخواتك , تحلم بمطبخكم العامر
واصناف الطعام المتنوع , والشاى باللقيمات , والتحليات , وسمك الجبل , ولحم قندهار
وتصحو من احلامك على حلة الرز وملاح الفاصوليا (الأرديحى )
العاملاهو ام محمد بالدين , من حساب الميز الجاى
ولا من قروش البيرثرى الكانت بتخلينا نشوف
وش صلاح عبد المجيد نصر -السكرتير الأجتماعى
احلى من وش جمال فارح الأحلى من وش نانسى عجرم زاتو
الكلهم على بعضهم ما بيجوا حاجة قدام وش (هناية )
الفى كلية القشارة
الجنب كلية (القشيرة )
جو سمح سماحة , جو فووووول عدييييل
احبكم
Post: #720
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 10:39 AM
Parent: #718

Quote: الجو اليوم فى الرياض
حاجة ما تخلص
ابداااااع
مطر خفيف
وبرد خفيف
ماهو تأثير الجو على النفسيات ؟؟


يا منص اليوم طلعت من البيت متعطر بي أرامس ديفين فكانت معنوياتي في السماء من الصباح بفعل الأرامس فقط...و كان الجو كمان غمام و الله قربت أكتب قصيدة و لكني أكتفيت بترديد

رع الرحمن أهلك ما أقاموا وما رحلوا وحياك الغمام
ولا زالت عهود المزن تهمي عليك وصوبها هطل سجام

لكن لو كان لقيت زي جوكم ده كان أكيد كتبت قصيدة عديل كده....
Post: #721
Title: Re: ناس الزقازيق ... أجدع ناس ( 3 )
Author: زينب التجاني
Date: 11-23-2009, 10:40 AM
Parent: #715

صباحاتكم ندية

الريس ميسرة ربنا يديكم الصحة والعافية زكرتنى لما كنت فى جدة بلرغم من كترة الضيوف بس دى ايم جميلة ربنا يجزيكم عنها كل خير

فافى سلا مات الجيفارات ديل ما بتقدرى عليهم خليهم على حاج الركز وله منى التحايا

قدورة لما تدخل دق الباب بلعكاز وكورك خلى الناس النايمة دى تصحى

عبد السميع قلنا تسجيل الحضور يومى لو داير الامجاد نديك ليها موسى البادى الناس دى كلها واااصلو برى
عيد ما داير وصاية اديك العافية

يا محمد صديق غيب وتعال تلقانا احنا يا نا احنا

السهيلى شغلك دايما نضيف وسلا م شديد شديد لابو جبر

قيس يا جمال الدين والله منور تصدق لما كنت فى الابيض كنا فى سيرتك انا وشوش تتذكر يا قيس الشيرنق بتاع الكباب والله نفسى فيهو هسة دى

رشا يا كحيل والله مشتاقين

اخبار عيدكم شنو

منصور يا تبرى الناس يا ما تجى رسل لى مداخلاتك دى انزلا وحدة وحدة الجماهير بتطالب بيك


يا زناتى شنو يعنى بقيت تنقط فى المداخلات

ماتقول مشاكل تقنية غايتو كلام الرشيد اظنو صح

بهجة عافية منك

كمال الشادى

دخلت ليك فى الحوش البهناك بس المداخلة طشت ذى مداخلات ميسرة

نجيلة ..........يحتجب ........للعيد
Post: #723
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-23-2009, 10:57 AM
Parent: #721

زينب 00 ومنصور وكلكم ازيكم

ويا زنوبة حج مبرور لعمر

ويا منصور جو الرياض حقيقي ما يخلص

حاج الركز قام يعمل الشربوت(انتو الشربوت دا شنويازهير00سؤال حنكشة)


موسى عيسى سللللام

اها يا ناس الرياض العيد كيف ؟؟؟؟؟؟
Post: #724
Title: Re: ناس الزقازيق ... أجدع ناس ( 3 )
Author: مني يونس
Date: 11-23-2009, 10:57 AM
Parent: #721

صباحاتكم ندية ،، ومداخلاتكم بهية

ماشاء الله وعينى باردة البوست منور
معليش بس معنا كمية من الضيوف

سلام ياعفاف و نتمني زيارتكم في الرياض
Post: #726
Title: Re: ناس الزقازيق ... أجدع ناس ( 3 )
Author: زينب التجاني
Date: 11-23-2009, 11:09 AM
Parent: #724

كيفنكم كلكم
والله الجو عندكم
احنا برضو الجو جوة ما بطال بس الشمس يا ها الشمس

الجو خلا منص منتشى
ولما منص ينتشى بيبدع ولما يبد احنا بنستمتع

يلا امتعنا واللهم اجعل جو الرياض دوما كما الان عشان نا س منصور وعفاف يتالقو

وين جلال خلاص غادر
حج مبرور

يا ابيذيد اخبار البورصة شنو

موسى عيسى قول لولدك الجميل حاضرين دايما عشان خاطر عيون ولدنا

لازم يكون زكى وجيل مش زمان فى الكورال بتاع تخرج ناس الرشيد ومنصور قلنا


اجمل الاطفال قادمون ساعة فساعة
عيونهم اشد من عيوننا بريقا
لان بذرة الحياة ليست الرصاص

له ولكل الاطفال غد مشرق
Post: #725
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 11:01 AM
Parent: #721

بالغت يالرشيد فى ارامس ديفين دى
ولعت فينى النيران عديييييل
اها ارامس دى براها ذاكرة زمان وعبق مكان ما يخلص
تتصور يا رش لغاية يوم الليلة
انا باشم عطر الديفن ده فى اى عطر
حتى انو اى عطر عندى اسمه ديفن حاجة زى ما بتقول بت شيخى (حفظها الله وابقاها)
وارامس ديفن عندى
ليس مجرد عطر قديم واثير
نحن فى عالم الزقازيق كنا (نحبو ) ونتعلم الحياة لو صحت العبارة
كانت نماذج الزملاء المتباينة
عالم تجارب فسيح بالنسبة لى
تتذكر حرص رفعت نور الدين على النظافة
وحمله الدائم للمكنسة وراء كل حذاء يدخل وكل حذاء يخرج
كنا نسميها (فوبيا نظافة )
ولكنها اضافت لنا او لى (على اقل تقدير)
ارامس ديفين من اكتشافات رفعت
هى والجزمة البيضاء
جبتها لينا بعد داك انت من الكويت
ثم انا من السعودية
ثم اصبحت لا تفارق لى دولابا
احبك وانت متعطر بارامس ديفن يا (مجرم)
حليلك يا حاتم جبارة
ووينك ياطارق جبريل
وهل انت كويس بعد حمى امبارح ياكمال يا شادى ؟؟
Post: #727
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 11:22 AM
Parent: #725

Quote: وحمله الدائم للمكنسة وراء كل حذاء يدخل وكل حذاء يخرج
كنا نسميها (فوبيا نظافة )


و الله يا منص ما عايز أعمل ون تو بيني و بينك يقوموا الناس ديل يطردونا من البوست...لكن انت خشمك الما بتتبلى فيهو فولة ده ياخي أعمل ليك شنو...تفتح لي في المواضيع الزي دي و دايرني أسكت ليك...و الله ما بقدر...
انت عارف فوبيا النظافة دي رفعت عادانا بيها...و بقيت أنا أكعب من رفعت...و الله مرات يا منص أكون عند ناس زيارة تلقاني ماسك الكلينكس أقش ليهم في التربيزة بتاعتهم...و لا تلقاني ألقط في حاجات واقعة في الأرض...و سيد البيت يقول لي خليها بيجو ينضفوها حسه...أقول ليهو في سري لو كانوا بينضفوها كان نضفوها قبل ما أجيكم...و أنا زاتي ما بقدر أمرق من بيتكم ده و أخلي التربيزة دي وسخانه بي وراي...و سيد البيت مفتكرني أنا دفقت حاجة ولا كده...
زمان كنت لما أجي راجع في الاجازة الحاجة والدتي تقول ليهم أسمعوا كويس...أخوكم المفلهم ده جاي لازم تستعدوا مية المية...و كنت مرات كتيرة الحاجه تلقاني أنضف في الغرفة...أغسل ليك الغرفة دي و أكويها عديل كده...أمي تجي داخلة تقول لي ها يا ولدي ما بيجوا ينضفوها...و لا بيجو دي..مبنية للمجهول...و ده الكلام الما بينفع معاي...أقول ليها يا لكن أنا ما بقدر...الله ....رفعت و....يومو...
تحيات لرفعت نور الدين في مهجره...
Post: #728
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 11:27 AM
Parent: #727

Quote: هى والجزمة البيضاء
جبتها لينا بعد داك انت من الكويت
ثم انا من السعودية


والله يامنص الليلة مع معنوياتي العالية من الأرامس ديفين دي...و جيت انت جبت لي سيرة النضافة و الجزم البيضاء...الليلة ناس البوست ديل الا يوقومو جارين...و لا أقول ليك والله حنيت عليهم...تعال لي بعدين بالليل في مربع كاي...أحييييي منك انت الذكرتني جزمتي البيضاء بالكحلي...
Post: #729
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 12:19 PM
Parent: #728

اليوم الجميل بجمال الجو المسكر منصور و مخليه يشع ابداعا

والمحيرني طشمت الرشيد بالتاثير مع منصور و الله يا الرشيد

الظاهر عليك راسك خفيف بدور بالفلة؟ انت عارف الشاعر محمد

بشير عتيق في لقاء مباشر في الراديو قال ليه المذيع يا

استاذ عتيق الجوائز بتاعت الشعر العربي كلها بشيلوها العراقيين

و اللبنانين و انتو للآن ماحصل حصلتو على جائزة السبب شنو؟

قال ليه والله الجو العندهم دا لو اتوفر لينا هنا كنا قلنا

قران عديل مش شعر ! فانت حبت غيمة خلتك تعيش احلى اللحظات

و لو كنت مع منصور تقول شنو والله الشباب السعودين ما في

واحد فيهم جاء الدوام اليوم وكلهم في البر مع العوائل و

نحن بس بنطلع نشم هواء مره مره و نرجع و ربنا يكون في عونا

معشر السودانيين ؟
Post: #731
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 12:22 PM
Parent: #729

مواصلة لموضوع الابناء زنوبة نشكر ليك التواصل طلبت من قسم المعلومات والجودة مدي ببعض النصائح لكي

كيفية بناء الثقة للطفلك فكانت هذه الارشادات آمل الاستفادة منها :

كيف تزرع الثقة فى طفلك منذ الصغر
ان الثقة ليس بالأمر اليسير الذي يأتي بين يوم وليلة، والشخص المهزوز يحتاج إلى جهد كبير لإرجاع الثقة إليه هذا ان أمكن، لذلك لابد ان يعمل الوالدان على زرع الثقة في نفوس أطفالهم منذ الصغر حتى تكون لهم شخصيتهم القوية والواثقة بنفسها.
بعض الخطوات التي تساعد الوالدين على إدخال الثقة في نفوس الأبناء:
(1) إمدحوا طفلكم أمام الغير ولكن في حدود ما اجتازه في مذاكرته أو فى عمل قام به بنجاح.
(2) لا تجعله ينتقد نفسه بل يكون مؤمن بما يفعله.
(3) عامله بلغه الاحترام فمثلا قول له عندما تريده فعل شئ (لو سمحت) وعندما يجتازه قولى له (شكرا)
(4) عامليه كطفل واجعليه يعيش طفولته ولكن عوديه الاعتماد على النفس .
(5) ساعده في اتخاذ القرار بنفسه ولكن لاتفرض عليه قراراتك انت واعطيه حريه الاختيار واجعله يتحمل نتيجه هذا الاختيار . اسأله عن رأيه، وخذ رأيه في أمر من الأمور .
(6) علمه مهارات إبداء الرأي والتقديم وكيف يتكلم ويعرض ما عنده للناس. علمه كيف يضع لنفسه مبادئ وواجبات ويتبعها وينفذها .
(7) إجعله يشعر بأهميته ومكانته وأن له قدرات وهبها الله له.
(8) أجب عن جميع أسئلته وأوف بوعدك له وأفصح عن أسباب أي قرار تتخذه .
(9) ساعده في كسب الصداقات، فان الأطفال هذه الأيام لا يعرفون كيف يختارون أصدقائهم. أجعله يشعر أن له مكانة بين أصدقائه.
(10) إرو له قصصا من أيام طفولته وعلمه من خلالها بعض المبادئ الا ساسيه مثل عدم الكذب ... الخ .
(11) علمه كيف يرفض ويقول (لا) للخطأ علمه كيف يدافع عن نفسه وجسده .
(12) اعطه مالا يكفي ليتصرف به عند الحاجة.
(13) اعتذر له عن أي خطأ واضح يصدر منك .
(14) لا تهدده على الإطلاق وانما تكلم معه بموضعيه حتي يقتنع .
(15) شاركة فى طموحاته وشجعه على تحقيق احلامه.
(16) علمه كيف يواجه الفشل .
(17) أخبره انك تحبه وضمه إلى صدرك، فهذا يزرع فيه الثقة بنفسه
Post: #730
Title: Re: ناس الزقازيق ... أجدع ناس ( 3 )
Author: زينب التجاني
Date: 11-23-2009, 12:20 PM
Parent: #728

كيفكم يا رشا ومنص

منصور اغشى الماسنجر عندك وصية

عارف يا الرشيد امن نكون جاينكم فى شقتكم كنا بنشيل هم طبعا بطة منظمة شديد
ونانى بتكون عاملة حسابا لحاجة فى نفس يعقوب
فبقومو يتلفتو على يقولو لى جزمتك الافة بيها كدارى دى وشنطتك الملانة قصب سكر وبيانات دى لو ما غير تيهم ما بنسوقك معانا
اقول ليهم ما منصور والرشيد ديل
يقولو لى لو على ديل ما مشكلة بس معاهم رفعت

وعندى حبة روشة يعنى لا زم اكشح حبة عصير او انقط شاى
فدائما ما بعاين ليهم بس بتهزا لمن نطلع

دة كلو من نضافتكم الفايتة

منى يونس يا ريت لو قريبة كان ساعدتك قلبى معاكم
Post: #732
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 12:36 PM
Parent: #730

موسى عيسى...

زوبة...

خلوني بس أطلع أمشي البيت و بجيكم بي رواقة...مكتبي عامل زي السوق الشعبي...
Post: #733
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 12:36 PM
Parent: #730

موسى عيسى يا حبيب مشتاقين
نصائح غرس الثقة فى الأطفال , جميلة وعملية
بس لكن البيقنع الديك منو ؟؟!!
زينب , من دربى ده وعلى الماسينجر عدل
مرسلة لى فول ولا شنو ؟؟
نفسى فى فول
صائم وجعان , لكن مبتهج وفرحان
الأغانى والمعانى الجميلة كلها عاملة زحمة جواى
اكون فرحان يوم تكون جنبى
اعاين ليكا وانت تبسم لى
تحلق روحى فى نشوى

طارق جبريل بيسلم عليكم كلكم
اخباره ماشة لى تحسن
والانفراجات بدأت تطل بوجهها
جاييكم نهاية اليوم قال
دقوا ليهو المزيكة
يا رفعت نور الدين
طارق ده
اعمل ليهو استثناء
خليهو يخش بى جزمته البيضاء بى اسود
بى غبارها الفيها
وكان على زينب دى
انت مالك
جزمتها شايلة طين ولا ما شايلة طين
مش بندفع الميز ده سوا
وتيب
اهديكم جميعا ارامس ديفن
ذات العلبة الخضراء الزيتى
حتى تعرفوا احساس الرشيد
وتعيشوه
احبكم
Post: #734
Title: Re: ناس الزقازيق ... أجدع ناس ( 3 )
Author: موسي عيسي
Date: 11-23-2009, 12:56 PM
Parent: #733

يا زوبة طلما الراجل الظريف دا ماشي يفطر و ازيدك من الشعر

بيت صاحبك جلا كان معاي منو شوية في مكالمة مطولة جدا بحاول

يقنع فيني علشان اجيه اغششه في كيفية الحجة و كده بس بيني و

بينك و زهير ما يعرف الكلام دا! لذا استودعك و باقي الشباب

الزقازيقاب واطلب من الجميع العفو اذا صدر مني شى في حقه

بعلمني أو دون ذلك فإني اشاء الله قررت البي طلب اخي العزيز

جلا و سوف اغادر بعد ساعات من الان للاراضي المقدسة لاداء فريضة

الحج أسال الله يتقبل مناو أن يوفق جميع الزقاريقاب لادائها في العام القادم و دعونا نطرحها

من الان كبرنامج للعام القادم و نقوم بعمل صندوق من الآن لذلك

و نحن على استعداد آمل ان تتبني ذلك يازبوبة؟ و لكي شكري و للعيال؟

و كل عام و انتم بخير و عيد سعيد و ربنا يتقبل الطاعات .
Post: #735
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-23-2009, 01:08 PM
Parent: #734


بعض الناس
من الشخصيات العامة طبعا
تشعر نحوهم باحساس مبدئى غير ودى
دون اى مبرر ظاهر
هذا من منطلق ان حبك لشخص او مقتك له
ينبغى -بالضرورة - ان ينبع من معرفة مسبقة له واحتكاك مباشر
ولكن تكون احساس حب او كره
حالة غير مبررة بالتأكيد لمن لا تعرفهم
اذا الحكاية دى والظاهرة دى مرض قولوا لى فى وشى
لا حا ازعل ولا حاجة
الكلام ده كلو الجابو شنو فى الجو السمح ده ؟؟
قصيدة رجعنالك عندى
من عيون الغناء السودانى
فى الكلام اولا , اللحن ثانيا , الأداء الفاخر للبلابل ثالثا وليس اخيرا
ولكن كون ان صاحب القصيدة هو عبد الباسط سبدرات
بيعمل لى زى وخزة ضمير كده وسط استمتاعى اللامتناهى بالأغنية واللحن والقصيدة
رجعنالك
وجينا غفرنا انك بالوشاية فصدت كبد الفرحة فينا
رجعنالك
وعينينا البكن فجعت رموشها دموع سخينة
رجعنالك نغنى فرحنا فيك ونقول عديلة
يفرح الليل
بى فرح صندل يضوح يسقى القبيلة
رجعنالك عشان جرتقنا وسيرتنا وعديلة
اللهمارزقنا نعمة احساس الجمال
والأستمتاع به
انى كان
ومن اين جهة اتى
ما بحبك يا سبدرات
لكنى اعشق رجعنالك
عشان
هى الجرف الفيهو شتلات حنة
لى فرح القبيلة
Post: #736
Title: Re: ناس الزقازيق ... أجدع ناس ( 3 )
Author: زينب التجاني
Date: 11-23-2009, 01:10 PM
Parent: #734

اوووه يا موسى عيسى
والله عجبنى وس بالى انشاء الله حج مبرورا وسعيا مشكورا وعودا حميدا
ما تنسانى من صالح الدعوات وما تنسى وليداتى وامى وكل الحبان الزقازيقاب وغيرهم وسلامن لى جلا
غايتو شيل شيلتك مع ابو الزوز قول ليهو السنة دى الحج سرى
حتى عمر جا داخل مؤشر جوازو فامنت بلحج السرى
السنه الجاية سنة ناس الرشيد حيكون جهرا و(اون لاين)زى سفرة الرشيد لتركيا

والنصائح غالية ومفيدة
ربنا يوديكم ويرجعكم بلسلامة


موسى عيسى
انا دعوتى مكربة عشان ان معاك لحدى مشارف مكة الدخلا عمر صباحا

بلسلامة وفى امان الله
Post: #737
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 01:32 PM
Parent: #736

Quote: انا دعوتى مكربة عشان ان معاك لحدى مشارف مكة الدخلا عمر صباحا


عليك الله يا زوبة دي ما بتشبه ليك أيام الحرب في الجنوب...قوات ما عارف شنو تدخل توريت..

منص...أنا بكره حاجه شديد كمان...بكره لما المذيع يكون قاعد معاه ضيف و بعدين يبدأ البرنامج يعرف الضيف و يطرح موضوع البرنامج و بعدين بعد كم سؤال كده يقوم يقول ليهو...أسمع ممكن نسألك السؤال السألتك ليهو (تحت الهواء) ترد عليهو أمام الساده المشاهدين الآن (على الهواء) ويقعدوا ليك خمسة دقايق...الضيف يقول ليهو أنا ما جاوبتك خلاص تحت الهواء..مافي داعي أعيده على الهواء...المذيع يقول ليهو لكن الساده المشاهدين ديل ما كانوا معانا تحت الهواء و عايزين يسمعوا على الهواء...و الساده المشاهدين الشمار كاتلهم ليك ...و الضيف و المذيع لسه في تحت الهواء و على الهواء....التقول الهواء ده كبري المك نمر....
غايتو جنس عواره...و نحن الشمار كاتلنا...تحت الهواء شنو وفوق الهواء شنو...
Post: #738
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 01:42 PM
Parent: #737

قدورة لما ترجع المكتب أمشي صحح الامتحان بتاعك الخليتو لينا بي هناك...و بعدين أدي منصور ده عشرة درجات زيادة عشان صايم...
Post: #739
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 02:08 PM
Parent: #738

سلام يا احلى ناس
كل سنة وانتو طيبين وسالمين
جاييكم الليلة بالليل
يا منص احبك عدييييييييل كدة







تليشة:
على وزن الجزم الحايمة دي
حاتم جبارة دة كان جنه جزم بي الوان غريبة كدة
لكن ما عنده شرابات
يوم كان عنده مشية للاحاد قام لبس ليه جزمة خضراء
وشال ليه شراب مطرف من دولابي
طلع الشراب مقدود والجزمة راحت في الرجلين
ههههههههههههه
Post: #740
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 02:21 PM
Parent: #739

Quote: وشال ليه شراب مطرف من دولابي

يعدمنا ما شفنا ليك غير شبطا واحد..
وجزمه باتا بنيه (كانت بيضا لمن جديده) بتلعب بيها كوره من غير شراب..
قال إيه.... شراب مطرف..
بطلو دا وإسمعو دا (بلهجه مصريه)..


أحب الاراميس ذاتو..
Post: #741
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 02:29 PM
Parent: #740

ود جبارة ياخي خلي روحك رياضية
ما تخلينا نفت حتة المكوة
وتقوم تلقي قمصاني مكوية وتخش فيها
ههههههههههههههه
Post: #743
Title: Re: ناس الزقازيق ... أجدع ناس ( 3 )
Author: محمد عيد
Date: 11-23-2009, 02:38 PM
Parent: #741

مرحبتين .. حباب الثنائى الطاااااعم

ليكم وحشة والله ...

نكتة البوست :

قالوا ناس جبريلا عشان دايرين يحلوا موضوعهم بتاع الجريدة

سافروا الجزائر وسلموا الملف لى وروارة ..!!
Post: #747
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 02:51 PM
Parent: #740

ظهور جميع الحبايب أعجبني وسره بالي

إندياح منصور والرشيد وزينب كله تمام ياحبان

ساهرتوا بينا - بالنهار- علشان كله شوية أعمل متاوقة

في الشغل وأرجع وأجيه تاني ..... وكمان قيس جمال الدين الأفغاني

وتليشة - طارق - ورجع لينا مبسوط ومعنوياته عالية وقال جاييكم بالليل

وحاتم جباره والجابكم كلكم يرجع ياسر نجيلة ،،،،آميييين والدعوة دي من

ناس الحج العلني والسري والداعمين المساندين للحجاج - موسى عيسى -

بالمناسبة جلال والخبراء بتوعو إتحركوا اليوم من الرياض إلى مكة المكرمة

وسوف نوافيكم بالتفاصيل اليومية من مراسلينا من مكة المكرمة والمشاعر المقدسة

ووعد جلال بأن يجتمع بكل حجاج الزقازيق .
Post: #742
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-23-2009, 02:37 PM
Parent: #739

مساء الخير عليكم يا جدعان

أن طليت الصباح طلة علي خفيف كدة
ولما ما لقيت زول قلت أحسن أستغل فرصة
الجو الجميل بتاع منصور ده وأمشي
آخد لي قعده في مربع كاي ..
مشيت وحياتكم بهناك وبرضو لقيت الدار خلا ..
غايتو أخدت قعدتي مع أسعد المصوراتي
وأعدنا بعض الذكريات ..
وفي الآخر إتنفضت وقمت مشيت أهلي ..
أتاري الجماعة كلهم دفروا بي جاي بي وراي
وكملوا الونسة والقرقرابة في الجو السمح ده !!!
حتى زوبة فرشت البيت بي هناك وختت لينا جك موية
وزاغت بي جاي .. وأنا بي هناك قاعد ومستني الجبنة
أتاريها متحكرة بي جاي وجارة الونسة والنمة ..


مرحب بيك ود جبريل الجميل
طولت الغيبة يا حبيب ..
لعلك عافية وأمان ..
Post: #744
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-23-2009, 02:42 PM
Parent: #742

طولت الغيبة يا حاتم جبارة
لعلك زين .. ومرحب بيك ..
بتجهز خروف العيد ولا شنو ؟؟؟

كدي بالله كلمنا عن المراسم دي كيف في بلد العجم ؟؟؟
برضو بتضبحوا الخروف وتسلخو ولا بتجيبو جاهز ؟؟؟
Post: #746
Title: Re: ناس الزقازيق ... أجدع ناس ( 3 )
Author: محمد عيد
Date: 11-23-2009, 02:48 PM
Parent: #744

قدورة .. يا زول سيب اللغلغة ..ز

امش صحح ورق الامتحان السويتو لينا فى الخيمة التانية ديك ..

بعدين الجماعة ديل ما بياطرة .. بيسألوهم كيف بيضبحوا الخروف ؟

ديل بيدوهو حقنة كلوروفورم وبعدين يحلقوا ليعو شعره وبعدين يجيبوا صحن التشريح ...!!
Post: #749
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 02:54 PM
Parent: #744

سلامات عيد وقدوره..
بجهز لسفر السودان.. والكم يوم الفاتو ضغطي في السما (يجازي اللي كان السبب)..
زمان كنا بنمشي نضبح في مزارع.. شغل بلدي يعني.. تشتري الخروف وتضبحو قبلو..
هسي الخروف لو ما طلبتو قبل كم يوم ما بتحصل أول يوم..
أول يوم ذاتو الاستلام قريب صلاه العصر..
باختصار.. لينا مليون سنه كدا فطور العيد فول كااارب..
Post: #745
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 02:45 PM
Parent: #742

قدورة وود عيد كيفنكم ياخي
يا عيد النكتة في السلك
صدق انا من الاول كنت واضح وشجعت الجزائر


يا عيد انا جاييك بالليل
بالله تحية لي كل الحجاج البي طرفكم





تليشة:
انتو هسي جمال فارح دة عارف يهلل ويكبر
ههههههههههههههههههههه
Post: #748
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 02:53 PM
Parent: #745

الاخ
طارق جبريل وجميع الاخوان
لمتابعة حج الوجيه جمال فارح تابعوا القمر الصناعي الفرنسي La Cuse
بعدين انا ما بقبل في صاحبي يا طارق جبريل ، جمال فارح آخر حاجة عملها في السودان
قبل التوجه للاراضي المقدسة راجع كل الحفظ مع زهير الزناتي
يعني زهير يديك الاكيدة
ولو زهير ما حافظ
اخينا جمال فارح ده لحقو ليهو مطوف بي سرعة ينجدو
مع التحية
كمال
Post: #751
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 02:56 PM
Parent: #748

الشادي يا حبيبنا
هههههههههههههههه
ياخي لو هو معتمد علي الزناتي في قصة التهليل دي
واطاته اصبحت
ههههههههههههههههههههههه
انا خايفه في رمي الجمرات يقوم يحرق ليه لستك
يفتكرها مظاهرة
Post: #750
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-23-2009, 02:55 PM
Parent: #739

01-delphi1.jpg Hosting at Sudaneseonline.com






ألف مرحب بالأخ قيس جمال الدين

والحوش منور بظهور الزقازيقابي

النشط والحاضر دائما في لمات الرياض ومن خارج الرياض (الخرج)
Post: #752
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 03:13 PM
Parent: #750

يا طارق انا سمعت إنو زهير لبس جمال فارح الاحرام كبروفة يعني في الخرطوم
طبعاً جمال ما كان مقتنع إنو الاحرام ياهو كده ما في تحتو حاجة ( ملط يعني )
ياناس مكة وجده بالله فتشو جمال فارح ههههههههههههههههههههه
وعلى حسب ما سمعت ومن ردة جمال فارح انا خايفو يغير في الوصفة بتاعة زناتي
وسمعت برضو حكاية التهليل دي زهير حفظو ليهو على ظهر قلب
وسمعها كمان عشر مرات
الحاجة الماكان جمال مقتنع بيها
إنو رمي الجمرات بي حجار صغار جداً يكفي
اخينا مصر إنو يفلق بأكبر حاجة تقع يدو عليها
بالله ناس مكة
والمناطق المقربة
يلحوقنا يوم الجمرة الاولى
جمال فارح ناوي يفلق
مع التحية
Post: #753
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 03:17 PM
Parent: #752

والله يا شادي انا خايفه في الهرولة يقوم يقول ((بيطرة...بيطرة..))
لانه كان اكبر مشجع لينا في فريق بيطرة
Post: #754
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-23-2009, 03:35 PM
Parent: #753

!

!

Quote: امش صحح ورق الامتحان السويتو لينا فى الخيمة التانية ديك ..


يا خوي ما تستعجل ساي ..
انت وأخوك الكاشف سيد البيت دور سبتمبر ما يمسكم ..
أقول ليك حاجة ...
تربيتة عدييييييييل كده ....
بس كده .. كيه ليكم عشان جليتوني !!!!!




برالمة مطششين !!!!!
Post: #755
Title: Re: ناس الزقازيق ... أجدع ناس ( 3 )
Author: محمد عيد
Date: 11-23-2009, 03:46 PM
Parent: #754

نســوى ليك شنو ..

انت كان جايب لينا صور بس تقول جات الزقزيق بى تحت


الصور دى وقعت منك فى محطة نمرة 6 ولا شنو ؟؟
Post: #756
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 03:50 PM
Parent: #755

يا جماعة مرحب بالطيور العائدة للبوست ... حاتم وجبريلا .. وفقدهم طيلة تلك الايام كان مؤثراً في البوست ,.,
Post: #757
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 03:51 PM
Parent: #753

والله يا جماعة كان كده إنتو طولتو من جمال فارح ... ومعلوماتكم قديمة ... الراجل هسه من يزوروا فيهو ...
Post: #758
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 04:04 PM
Parent: #757

Quote: يا خوي ما تستعجل ساي ..
انت وأخوك الكاشف سيد البيت دور سبتمبر ما يمسكم ..
أقول ليك حاجة ...
تربيتة عدييييييييل كده ....


و الله نشتكيك لي وزير التربية عديل كده...صورك وقعت منك في زير الشربوت وجيت طلعتها لينا و تقول لي تربيتة...و الله دي صور الواحد يتفرج فيها ساكت يجيهو أبو الشهيق...نطالب باعادة الامتحان في أم درمان في الرد كاسل....سكاكينا و سيوفنا دي بنجيبه معانا...
Post: #759
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 04:24 PM
Parent: #758

طارق جبريل
الحق
امممممممممممممك
الظاهر غلطنا
سمعت زهير قال شنو
الظاهر الراجل شيخ وولي ونحن عمالين نغلط فيهو
بسرعة حضر ليك خروف خروفين عشان نستقبلوا بيهم كإعتذار وكده
الشيوخ الكبار ديل
لما تجيهم الحضرة
خصوصاً في الحج
خاف منهم يا جبريل
الفينا كفينا
ويا شيخنا الحقنا
Post: #760
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 04:53 PM
Parent: #759

والله العظيم فكرت افتح بوست خاص

أشتكي فيهو


معتصم سليمان جعفر
ميسرة سيد أحمد
وزهير الزناتي



لكل بورداب الزقازيق

لانهم مقصرين جداً في دعم فكرة هم اكثر الناس عارفين إنها ممكن تكون
وتأخير تنفيذها او تسريع ذلك بعد الله يرجع ليهم

اقصد
شركة الزقازيق القابضة
Post: #761
Title: Re: ناس الزقازيق ... أجدع ناس ( 3 )
Author: مني يونس
Date: 11-23-2009, 05:02 PM
Parent: #760

Quote: منى يونس يا ريت لو قريبة كان ساعدتك قلبى معاكم


شكرا يازوبا واللة انا عارفاكي من زمان انسانة ظريفة ورقيقة

ناس الزقازيق طرف الحج تقبل الله حجكم ،،، حجاً مبرور وسعياً مشكور

وذنباً مغفور ،،،،،ومنتظرنكم في جدة.
Post: #762
Title: Re: ناس الزقازيق ... أجدع ناس ( 3 )
Author: محمد صديق
Date: 11-23-2009, 05:11 PM
Parent: #759

سلامات يا ناس

Quote: العزيز ود الصديق كيفنك و صباحك منور

و اخبار العيد معاكم و الجاهزية للسيد

الخروف انشاء الله تكون الاسعار معقولة


سلام يا موسى...

كلو تمام يا حبيب ...

الخروف ما عارف عنو حاجة لحدى هسة ..لسة ما

رجعت الخرطوم ...
Post: #763
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 05:29 PM
Parent: #762

يا كوتش و انت راجع الخرطوم أرفع ليك خروف في ظهرية البوكس...ما بتجيهو أي عوجة مع سواقتك دي...
Post: #764
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 05:42 PM
Parent: #763

Quote: ما بتجيهو أي عوجة مع سواقتك دي...

سواقتو بي تعل.. مش كدا?
الخروف جايز يتلب يمشي يرجاهو في البيت..



انتو الحج السنه دي فيهو ديسكاونت والا شنو?
ما كلمنتونا ليه?
Post: #765
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 05:57 PM
Parent: #764

Quote: انتو الحج السنه دي فيهو ديسكاونت والا شنو?
ما كلمنتونا ليه?


حاتم تعال نحج السنة الجاية...بس أعمل حسابك الاحرام لون واحد ...أبيض بس...مافي الوان تاني...سفنجة خضراء ما مشكلة بنجيب ليك واحدة...
Post: #766
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 06:12 PM
Parent: #765

يا جبارة تم تكوين لجنة عليا للإستقبال ...
ذكرتني واحد صاحبنا عنده عربية زي اللادا الحمراء ... وقف لبت قال ليها أركبي نقدمك قالت ليهو معليش مستعجلة ...

يا الرشيد لا لإستهداف الولد جبارة ... خاصة في حنكشته .. وبعدين البيته من قزاز ما يجدع ...

يا جماعة والله كهربتنا قاطعة من الصباح ناس الإدارة المركزية قالوا ما عارفينها حا تجي متين شفتوا محن السودان الشقيق
Post: #767
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 06:22 PM
Parent: #766

Quote: يا جماعة والله كهربتنا قاطعة من الصباح ناس الإدارة المركزية قالوا ما عارفينها حا تجي متين شفتوا محن السودان الشقيق


و الله يا أبو الزوز أحسن من يقولو ليكم حتجي بعد ساعة و تقوم ما تجي..تقومو تشككوا في مصداقيتهم...و يكونوا لعبوا بي مشاعركم...أحسن كده عشان تكونوا ما راجينها فتقوم تفاجاكم و تجي...بعدين هم زاتهم لو عارفين كانو قالوا ليكم...

حسه يا فاتن حمامه الجاب سيرة الحنكشة بتاعت حاتم جبارة منو...المقصود هنا أناقة حاتم جبارة و ليست حنكشتة...

بعدين انت قاصد منو بالزول القالت ليهو البت مستعجلة...قاصد الكوتش و لا شنو...و الله انت يا زهير كترتها...
Post: #768
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 06:32 PM
Parent: #767

يا شادي ياخي انت مشت فيك المكنة دي
فارح شنو كمان الشيخ
Post: #769
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 06:35 PM
Parent: #768

تحت الشدر بلاقيه
بعالج البقر بلاقيه
في البيطرة حبيبي
الليلة غابم في بيطرة بلاقيه



نظام تسخينة وكدة
Post: #770
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 06:39 PM
Parent: #769

جبريلا..هلا و مرحبا...نورت و الله...

يعني ما أدليت بدلوك في لبس الاحرام بتاع حاتم جبارة السنة الجاية...انت عارف صاحبك أنيق و بيحب الأناقة..نجيب الاحرام ده من بيير كاردان و لا من وين...
Post: #771
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 06:42 PM
Parent: #770

يا الرشيد فردتي دة محنكش شديد
انا خايفه يقول ليكم عايز ملابس احرام فوشيا
دة لو ما قال ليكم رمي الجمرات حرام ياخي
Post: #773
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 06:49 PM
Parent: #771

فوشيا فوشيا...المهم هو بس يقتنع و يجي معانا...نحن هناك بنغير ليهو رأيه...و بنسوق معانا زهير يرمي لينا الجمرات (لينا دي مقصود بيها نحن الحناكيش)...زهير بحب محلات الزحمة دي...بس حنقلع منو الموبايل...بدل ما يرمي الجمرات حيقعد يصور في الناس و هي بترمي و يجي يفتح ليهو بوست...
Post: #778
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 07:32 PM
Parent: #770

الشادى والله يا حبيب ماضاربين طناش000ولا يمكن ذلك0

======================================================
الرشيد00منص ارامس900 تنفع؟
بالمناسبه جمال بيكون استاجر زول يكبر ليهو لانو صوتوا
كمل فى السودان000
======================================================
يا بابا جيب لينا الخروف عشان نلعب معاهو شويه قالت وعد

وهمست امها لى اوعك تغلط وتجيبو بعدين ما بياكلوه000
وفعلا فى عيد اضحى سابق كان السيد الخروف حاضرا قبل ايام
تحت رعاية الاولاد فقامت بينهم رابطه وحب ادى الى المطالبه
بعدم ذبحه ولكن السكين كانت بالمرصاد واذكر يومها انهم
قاطعوا لحمه الخراف لمدة طويله وكانوا دائمى السؤال عن نوع اللحمه
هل هى لخروف ام بقر الشى الذى جعلنى اكذب كثيرا الى ان
انصلح الحال اخيرا0
Post: #774
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 06:57 PM
Parent: #768

Quote: بس أعمل حسابك الاحرام لون واحد ...أبيض بس...مافي الوان تاني...سفنجة خضراء ما مشكلة بنجيب ليك واحدة...

ممكن الزول يلبس لبسه بيضا.. استايل تاني?

Quote: حاتم تعال نحج السنة الجاية

أنوي يا رشا وأنا معاك..
عندي صاحبي هنا اتفقنا أنا وهو نحاول السنه دي وونسق.. اتصلت بيهو قبل يومين قالو لي لو قريب في جده.. أها زي دا أنا ما بيكتبو لي معاهو حجه? م أخير الحاج السري?.. غايتو..

Quote: يا الرشيد لا لإستهداف الولد جبارة ... خاصة في حنكشته

أها جبت لينا الهوا يا رشا.. والا دا كسير تلج يا زناتي..

Quote: ذكرتني واحد صاحبنا عنده عربية زي اللادا الحمراء

تم تشحيمها وتجهيزها للعيد.. الترخيص على جورج.. عليكم الله دخلوا الريس ميسره فلم اللادا الحمرا..

Quote: يا شادي ياخي انت مشت فيك المكنة دي فارح شنو كمان الشيخ

دي ما دايره تعليق.. لكن مره لقاني باصلي في الزقازيق.. رجاني لمن خلصت.. هز راسو وقال.. "يسار متخلف".. أها اديناهو الشياخه من اليوم داك..
Post: #772
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-23-2009, 06:48 PM
Parent: #767

_36.jpg Hosting at Sudaneseonline.com



ياكرام

وفود الرحمن من الزقازيقاب كان للعمرة أو الحج مابنقطعوا من مكة المكرمة وبما أن

الشقق تستأجر هنا بالسنة وعلى دفعتين كل ستة أشهر

لذا أقترح أن يتشارك المغتربين لإستئجار شقة واسعة بالعزيزية تكون متاحة لكل من أتى

لمكة من الزقازيقاب وموقع زقازيقي متعارف عليه للزقازيقاب بمكة وجدة(شقة إستقبال)
Post: #775
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 07:02 PM
Parent: #772

و الله فكره جيده جدا يا أبو عمر...أدينا فكرة أحسن...شقة كبيره تتسع لي عدد من الأسر و تكون شقة مفصلة جيدا...كم سعرها ...
Post: #776
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 07:15 PM
Parent: #775

حاتم جبارة..أنا ناوي لي كم سنة كده...لكن القدم ليها رافع...الحج عندنا في الامارات مكلف جدا...عشان كده قلت أحاول من السودان...لكن السنة الجاية ان شاء الله لازم أحج...و سأقوم بالتجهيز من بدري...

حنجيب ليك أحرام آخر موديل...
Post: #777
Title: Re: ناس الزقازيق ... أجدع ناس ( 3 )
Author: Bashasha
Date: 11-23-2009, 07:26 PM
Parent: #776

عزيزي القارئ،

من بعد الاحتلال اتدري كيف تم تدجين السودانين وغسل امخاخهم؟

عن طريق التمصير طبعا، سوي بفتح فروع لمؤسسات التفريخ التمصيري داخل السودان، او تفويج عشرات الالوف للقاهرة لذرع بذرة ولاء الزناجرة لاسيادهم المصريين!

عشان كده صاحب الخيط، هو ذات صاحب البوست الداعي لطرد اهلنا في الجنوب من مستعمرة الخديو الي اليوم، اي السودان المصري!

عشان كده في الاوكات الذي دي مابتشوف امثال "البرناوي" صاحب الخيط ده، يتصدر الهبة الحالية، ضد غنج، عنجهية، وغرور الجلاد المصري!

عوووع!
Post: #779
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 07:46 PM
Parent: #777

ما رايك فى الولاء لاسيادنا الامريكان بفلوريدا؟؟؟؟؟؟؟؟
الجهل مصيبة والرد حرام الواحد تلقاه غارغ فى العبوديه والزل ويتطاول بجهل فاضح
انهم دعاة القهم والمدنيه وهم ابعد الناس من ذلك حتى السلوك الحضارى مقتقد ومن زى
ديل واسفااااااااااااى0
نحنا الساس والراس وخليك من كلام تدجين واسياد وتحرر من العبوديه والعقد الربضة
فى دواخلك وحرر نفسك من ذل الامريكان المغلف باجمل الكلمات
Post: #781
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 08:06 PM
Parent: #779

عوووع عليك وعلى مثالك من المدعين مش عوووع بس كمان شرررررررررررر عليك
نحنا اولاد السودان الدرسنا فى مصر حماة هذا الوطن حاشانا ماشلنا سلاح فى العراق
وما حملنا سوى علم السودان ولن نحمل غيره لا فى العراق ولا افغانستان ولاكنامرتزقه
فى يوم من الايام ولا مناضلى بوردات نحن هنا جوه قابضين على الجمر لا صيع بالنوادى الليليه
ومازلنا نتزين بسودانيتنا حتى ونحن نرد على امثالك000وان عدتم عدنا بس ما حيكون
بنفس الاسلوب الاقل ما يوصف الخسه والغذاره والخبث والحقد وهى صفات امريكيه نترفع
عنها
Post: #780
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 07:54 PM
Parent: #777

Quote: عزيزي القارئ، ........ عوووع!

هوي.. أمشي شوف ليك حته تانيه عوعي فيها..
دا شنو الوهم دا..
Post: #782
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 08:16 PM
Parent: #780

Quote: عوووع!


ها اللخو إت راكب غلط ساي


عوووع وساقط القول بهناك ما عندنا


أنزل أحسن لك .
Post: #783
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-23-2009, 08:16 PM
Parent: #780

ياريس انساك منو.. دا رايحه ليهو وجاي يفكها فينا..
آل تفريخ آل..
Post: #784
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 08:31 PM
Parent: #783

قالو يا قاعدين يكفيكم شر الجايين
ادوه شوال فونا يغسل نفسو وملابسو من عوع دى
الديوك العويره دايما بتعوعى بالليل0
Post: #786
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 08:41 PM
Parent: #784

يا شباب بشاشا دة عنده فيوس ضارب ما تشتغلوا بيه
بعد طرشمية سنة برضو حا يجي يقول نفس كلامه
الاستلاب
الجلابة
كاره ذاته
Post: #785
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 08:35 PM
Parent: #783

Quote: هوي.. أمشي شوف ليك حته تانيه عوعي فيها..
دا شنو الوهم دا..


والله يا حاتم جبارة ضحكت لمن قلت عووووع ... والله العظيم بالجد ...
ياخي إنت ذاتك زول وهم البتابع كلام بشاشا ده ...
Post: #789
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 08:49 PM
Parent: #785

والله يا زهير كلامك وكلام طارق صاح
اتخيل الزول ده رقم انو قديم بالبوست
لكنه زول فارغ قدر ما فتشته ليه عن موضوع
مفيد ما لقيت غير الكلامات الفارغه عشان كده
انسوووووووووووو وخلوه يعوعى
Post: #788
Title: Re: ناس الزقازيق ... أجدع ناس ( 3 )
Author: محمد صديق
Date: 11-23-2009, 08:45 PM
Parent: #783

سلامات يا ناس

Quote:
عوووع!


نحن قوم نستغفر الله حينما نبارح المجالس حتى وان خلت من

الزلل...ونستغفر الله حين ينتابنا كثير ضحك...ونستغفر الله

حين نختم حديثنا ...ونستغفره تعالى حين نأوى الى مهجعنا

ما بالكم احبتى تجهدون انفسكم بالرد على من يختم قوله

بهذه القذارة؟؟؟
Post: #787
Title: Re: ناس الزقازيق ... أجدع ناس ( 3 )
Author: زينب التجاني
Date: 11-23-2009, 08:44 PM
Parent: #780

ازيكم يا شباب

يا ريس معتصم الهكر ده من وين
نمد راسنا ولا نرجع

بنكتفى بردك على الذى ديل وبس

مرحب بى حاتم وجبريلا والله منورين

بعدين الليله الثنائيات دى شنو بسحروكم
جبريلا وحاتم
الرشيد ومنص
ماتجيبو لينا نانى


يا جماعة بتجو داخلين ساكت اقرو فوق


موسى عيسى اخر الحجاج الغادرو

عندى احساس كدة عيد المداخلة الجاية يقول ليكم دى من مكة ياريت تعملا


غايتو يا الرشيد حجتك دى شايفاها فى النوم بتحجومعاك معتصم

يا رب اوعدنا نسبعا كمان

يا قدورة ياخ اتعاقبنا بس انت ما تحتل فى مكان واحد كان تتاوق الموضوع مساسقا بس لو كنت عارفاك كان ناغمتك
Post: #790
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 08:51 PM
Parent: #787

يا جماعة الإله الكوشي دا زي ما قال ليكم طارق جبريل قبيل يكون كبر الملف وفرتق من هنا ويجيبك تاني إلا السنة الجاية ولا البعدها ... اها نقطة سطر جديد ...

غايتو يا ود جبارة الليلة ضحكتني من جوه ضميري .. المامرتاح ده .... الله يريح ضمايرنا يا جماعة ..
Post: #791
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 08:53 PM
Parent: #787

زوبة كيفنك ياخ
وعقبال ما نمشي كلنا الحج ان شاء الله
يا رب توعدنا يا الله
Post: #792
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 08:59 PM
Parent: #791

Quote: والله العظيم فكرت افتح بوست خاص

أشتكي فيهو


معتصم سليمان جعفر
ميسرة سيد أحمد
وزهير الزناتي


يا شادي أحسن نكمل بالهاتف

وخاصة أيام العيد ونحن بدون عمل وفاضيين

والأفضل تعضيد فكرة كيفية الإنجاح ولن تجد أي شخص

يرفض هذه الفكرة العملاقة بس لازم ننجح في كيفية التنفيذ

وبعدين نرجع للكتابة على بوست شركة الزقازيق القابضة
Post: #799
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-23-2009, 09:24 PM
Parent: #791

ازيكم

انت يا جبريلا تخليني افتش عليك بالحلة ؟؟؟؟



وتعالو انتو خليتو باب الحوش فاتح لمن يجيكم بشاشا ؟؟؟؟



حاتم وينك وليك وحشة000

موسى عيسى الحج مبرور
Post: #793
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 09:02 PM
Parent: #787

لم يحزنني حقيقة ما وصمنا به بشاشا..فنحن نعرف أنفسنا جيدا و لا نحتاج الى أن ندافع عن أنفسنا...حتى و ان كان المستهدف صاحب البوست...و هو جزء من كل نفخر بأننا منه و هو منا...و لكن أحزنني أن يهاجر بشاشا الى أمريكا و يقضى في كنفها عدد من السنين و لم يتعلم فيها حتى كيف يستأذن عندما يهم بالدخول الى البيوت...و هو شئ يجب أن يكون قد تعلمه هنا بين أهله من دينهم و أعرافهم ثم عززه هناك في بلد نعتقد أنه متحضر...
نسأل الله أن تتعلم شيئا من وجودك بأمريكا فيما تبقى لك من عمر...



الواحد يغيب شوية يجي يلقى البيت قد انتهكت حرماته...
Post: #794
Title: Re: ناس الزقازيق ... أجدع ناس ( 3 )
Author: طارق جبريل
Date: 11-23-2009, 09:07 PM
Parent: #793

والله يا الرشيد انت كبرت الشغلانية ساكت
يا زول ها انداح هنا ساكت
دة زول فيوسه كلها ضاربة
Post: #795
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-23-2009, 09:08 PM
Parent: #793

الريس معتصم تلقاهو لابد و أول ما يجي واحد مادي راسو يقوم عليهو يكفتو و يديهو عكازين تلاته...و الله يا ريس ذكرتني بالرجال الكبار في الحفلات زمان...تلقاهم قاعدين بره حارسين الحفلة من الشماشة...
Post: #798
Title: Re: ناس الزقازيق ... أجدع ناس ( 3 )
Author: محمد صديق
Date: 11-23-2009, 09:23 PM
Parent: #795

سلامات يا ناس

Quote: يا كوتش و انت راجع الخرطوم أرفع ليك خروف في ظهرية البوكس...ما بتجيهو أي عوجة مع سواقتك دي...


الرشيد...ياريتو لو كان سفر بى بوكس ولا صالون.
Post: #796
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 09:16 PM
Parent: #793

زوبا سلام
يسمع منك ربنا وانشاالله نكون حاضرين السنه الجايه انا الجمدلله حجيت بس
ما بطال تانى وتالت خاصه انو ناوى اسوق بت الشيخ معاى 0
يازقازيقاب انشاءالله السنه الجايه حملة حج زقازقيه ولنعمل على ذلك
Post: #797
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 09:22 PM
Parent: #796

يا رشا حتى هنا ذكرتك بالعجايز
يا ولدى قول الفتوات
يعنى العمر ده كل ما ننساه تشيل لينا
جرررررس
Post: #800
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-23-2009, 09:45 PM
Parent: #797

074.jpg Hosting at Sudaneseonline.com

الكاميرا تصطادالزناتى
Post: #801
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 09:56 PM
Parent: #800

كنا مع فضيلة الشيخ مولانا محمد آدم النور

وهو يغريكم السلام ومشتاق لكم كثير وشرحنا له

ما يدور في البوست ،،،،

يوم غد يغادر جميع الحجاج مكة المكرمة إلى مشعر منى

وسوف نوافيكم بالأخبار يومياً .
Post: #822
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-24-2009, 10:59 AM
Parent: #801

سلام للأحباب

بالنسبة لبشاشا زي ماقال طارق جبريل ده

( السفية الشتّم السيد)

يارشيد الفوم للإستفسار من شقة الإستقبال بمكة

نسنفيد من الاخ / محمد المبارك نسيب عصام جلي

بمكة المكرمة كما سبق أن إستأجرنا شقة هناك

بواسطته في رجب 1429هـ وحتفاد بذلك
Post: #802
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 09:57 PM
Parent: #800

يا ريس الصورة الجميلة دي كان لازم تكون في أول الصفحة ...
Post: #803
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 10:00 PM
Parent: #802

حباب الميل التاسع بعد المائة

يلا يا شباب عايزين نتجاوز الصفحة دي

قبل يوم الأربعاء علشان نستعد للوقفة
Post: #804
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 10:20 PM
Parent: #800

الاخوان الاعزاء
مساء الخير
غبت لي مع العيال وامهم كم ساعة في السوق لزوم العيد وكده
جيت لقيت البوست ماشاء الله زي ايام زمان
زي مليون مداخلة الله يديكم العافية

معتصم حبيب الكل
نفسك الحلو ده خليهو للحاجات البتستاهل والناس البتستاهل
وصاحب العوع ده سيبك منو
ردك كان قاسي انشاء الله يتعظ وتاني مايجي بي هنا
وكلام ميسرة حلو ومختصر
عوع وتافه القول بي هناك ما بي هنا
--
الحبيب طارق جبريل
والله عقدتني في موضوع مكنة الشيخ وفارح دي
بعد ما جهزنا خرفان الاعتذار وكده
راجع كلام زهير
طيب تفتكر الراجل ده فارح يعني جاي الحج في مهمة غير الحج والله شنو
عموماً في موضوع إحرام فارح وكده
الراجل كان واضح إنو راح يردف تحت الاحرام
والظاهر نفذ تهديدو
ما عارف ناس التفتيش رأيهم شنو في كده

حاتم جبارة يا راقي
شالو حسك الشباب
بعد يسار متخلف دي
خليتني اشك الراجل صاحبي ده جاي الحج
وعندو اجنده تانية
تحياتي
Post: #805
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 10:56 PM
Parent: #804

يا شادي حمد الله علي السلامة... الظاهر النزلة غادرت بسلامة .... صاحبك فارح ده والله الأيام دي أحسن ليكم تتقربوا منه ... الراجل ده لو حجه بيكون بقي في مرتبه ما هينة ...
Post: #806
Title: Re: ناس الزقازيق ... أجدع ناس ( 3 )
Author: كمال الشادي
Date: 11-23-2009, 11:08 PM
Parent: #805

زهير
ثلاث دقائق وراجع
البوست العام
راح تلاقي في بوست جديد فتحتو بإسم جمال فارح

شوفو وقول لي رأيك
كمال
Post: #807
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 11:20 PM
Parent: #806

جمال فارح : حبيب الكل : أوراق زقازيقية قديمة في درجي
Post: #808
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-23-2009, 11:38 PM
Parent: #807

الغياب ....

سامي عبد الوهاب - دون عذر
مدثر ابا يزيد - دون عذر
عبد الحفيظ عباس - دون عذر

يلا نزيد القائمة دي بالغياب ونحذف منها من يحضر

واصل يا شادي ...
Post: #809
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-23-2009, 11:53 PM
Parent: #808

رجعنا بعد عدة مشاوير وزرنا موقع

جمال فارح في المنبر بتاعنا

وهو إنسان خلوق يستاهل كل

كل خير ونتمنى أن نعثر عليه

قبل عودته إلى السودان حتى

نعيد ماضي الذكريات.

شكراً يا شادي على هذا الألق الراقي.
Post: #810
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 00:05 AM
Parent: #809

تصبحوا على خير ،،،،،،،،

وراناشغل وبلاش سهر بس الأيام

القادمة أعتقد سوف تشهد تسارع

خطوات البوست خليكم متابعين وبلاش تفارق
Post: #811
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 07:00 AM
Parent: #810

صباح الخير يا وجوه الخير،،،،

أمس تركتكم مع البوست تصبحون على خير

واليوم الصبح ما وفي حد عمل لينا مداخلة

صباح الفل ،،، صباح النور على البلور والناس الحلوه

صباح باهي ونضير لجموع الحجيج.
Post: #812
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 07:06 AM
Parent: #811

صباح الخير والنور والسرور

معليش ميسرة وزهير
امبارح نمت من غير ما أستاذن
النوم جا تووووووووووووووش

ايام جميلة
والروحانيات عالية
للحجاج ولغير الحجاج

الله يتقبل منا ومنكم صالح الاعمال والدعاء
Post: #813
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-24-2009, 07:15 AM
Parent: #810



صباح الخيرات عليكم

الحجاج
جلال - جلا - جمال فارح
وعموم حجاجنا
ربنا يحفظكم ويتقبل حجكم
وما تنسونا من صالح الدعوات ..
Post: #814
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 08:41 AM
Parent: #813

تسجيل متابعة وحضور
Post: #815
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-24-2009, 08:54 AM
Parent: #814

مرور لاجل التحية واقتراب خروف الضحية.
Post: #816
Title: Re: ناس الزقازيق ... أجدع ناس ( 3 )
Author: محمد عيد
Date: 11-24-2009, 08:56 AM
Parent: #814

Quote: نحن قوم نستغفر الله حينما نبارح المجالس حتى وان خلت من

الزلل...ونستغفر الله حين ينتابنا كثير ضحك...ونستغفر الله

حين نختم حديثنا ...ونستغفره تعالى حين نأوى الى مهجعنا

ما بالكم احبتى تجهدون انفسكم بالرد على من يختم قوله

بهذه القذارة؟؟؟


تربــت يداك يا كوتش ...



Quote: Bashasha


تاريخ التسجيل: 08-10-2003
مجموع المشاركات: 10680


زول مخمـــّر عديل كده ...

ده دواء الشربوت ولا شنو يا زناتى ...


Quote: Bashasha


اذا دى البشاشة كده ...

التعاسة والمرض كيييييف ؟؟

استغفر الله العظيم


Post: #817
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-24-2009, 10:15 AM
Parent: #816

واللليييييلالالا ياناس جدة
انا لقيت حجز مؤكد
يوم الجمعة
قلتوا لى المكرونة اسمها شنو ؟؟؟
آآآآآآى , المكرونة ديك
الأكلتوها لى حاج الركز وعفاف
انا من اليوم داك شايلها ليكم
حضروا المكرونة
والبحر ده , لو قدرتوا زيدوا مساحته شوية
والحجاج لو كمان قدرتوا , لموهم
يعنى خطة العيد
بقت هجومية بحتة
محاور زاتو ما عندنا
هجوم من يوم الجمعة بالليل
لغاية يوم الأتنين بالليل
الحاضر يكلم الغائب
وقد اعذر من انذر
Post: #820
Title: Re: ناس الزقازيق ... أجدع ناس ( 3 )
Author: ياسر نجيلة
Date: 11-24-2009, 10:35 AM
Parent: #817

اليوم الثلاثاء الموافق 24/11/2009م


417.JPG Hosting at Sudaneseonline.com


حكمة اليوم :
إذا قصرت يدك عن المكافأة ... فليصل لسانك بالشكر ...

بيتين شعر لليوم:

يا حلوة بس خجلانه ليه
ايه الغريب و الحب حلال
فى نظرتك اجمل كلام
دايما تقول للحب تعال
بقيتى زى زهر الربيع
جميلة احلى من الجمال
علمتى عينى السهر
ساهرتى بالمحبوب شهر
الليلة حبك باان عليك
خلاك احلى من القمر

غناء صلاح بن البادية ...


نكتة اليوم:
مرة واحد عمره 90 سنه اتجوز واحده عندها 80 سنه ..
اول يوم جواز دخل الحمام اخد حمام ولبس البيجاما...
دخلت العروسة اخدت حمام كارب ولبست قميص النوم ...
واتقابلوا في الصاله مسك ايدها وباسها وكل واحد راح غرفته ونام ..
تاني ليلة دخل الحمام اخد حمام ولبس البيجاما ...
ودخلت عروسته الحمام اخدت حمام كارب وبخور ولبست قميص النوم ...
اتقابلوا في الصاله مسك ايدها وباسها وراح كل واحد على غرفته ونام...
تالت ليله دخل الحمام اخد حمام برضو ولبس البيجاما ...
واخدت عروسته حمام كارب برضو ولبست قميص النوم ...
واتقابلوا في الصاله لسه بيمسك ايدها علشان يبوسها ...
قالت له: بلاش الليله انا تعبانه!

كاراكاتير اليوم:
416.JPG Hosting at Sudaneseonline.com


لفحي اليوم:

"صباح الخور" ... احلى نكته اسمعها ... من الرشيد بابكر ... ياشباب خلو بالكم رشيد القوم عندو "قفشات" رهيبة بدسها وسط الكلام .... تابعوه بدقة .... وخاصة لما يتعطر بـــ "الأرامس ديفين" .... ويلبس الجزمة البيضاء بالكحلي ...

مباراة مصر والجزائر ... حرقت أعصابنا بالإعلام المسموم ... زي ماحرقك العلاقات بين الدول الثلاثة ... وخاصة مصر والجزائر ...

"لو كل واحد من الناس قام بعمل مداخلة واحدة في اليوم كفاية" ...
كلام في الصميم ياريس ميسرة ... بس نضيف عليهو ... مداخلة واحدة في البوست الاساسي ده ... بعدين "انداحو" في الدروب الجانبية ...

موسم الحج ... والمفرح ... في زقازيقاب كتاااار مشو الحج ... بالقبول والغفران والحسنات ان شاء الله... وناس جده مضيوفين " لآخر نفس " ربنا معاهم ... وان شاء الله في ميزان حسناتكم ... وزيدو عليهم ولدنا منصور معاكم من الجمعة بالليل لحدي يوم الاتنين بالليل ... العيد عندكم ...

نكتة الموسم ... بخصوص خروف الضحية من اخونا عبد السميع دفع الله ...
5557.JPG Hosting at Sudaneseonline.com


"هناك أنشودة قديمة تقول .. أحصي البركات التي أعطاها الله لك واكتبها واحدة واحدة وستجد نفسك أكثر سعادة من قبل...
إننا ننسى أن نشكر الله لأننا لا نتأمل في البركات و لا نحسب ما لدينا....ولأننا نرى المتاعب فنتذمر و لا نرى البركات.”
حكمة اليوم صاغها ولدنا محمد عيد وقدمها مع قصة حكيمة ايضا ... ومزيدا من الحكم في مداخلته بالميل الثامن ...

"( بابا أنا زعلان منك ).......................
حتي محمد المصطفي "ابن موسي عيسي" زعلان عشان قصرنا في البوست ... شدو الهمم ياشباب ... وعيدو الفرحة للبوست ... وحج مبرور ان شاء الله يا موسي ...
وكمان سؤال عابر لموسي عيسي ... ليه لسعه خاتي شعار الخمسين ميل ؟!!!! .... الناس كملو المية ... وزيادة ...

"حنسوني ... حنسوني .... " على وزن دلوعوني ... دلعوني ... صيغة جديدة اثارها ولدنا المبدع منصور عبدالرازق ... لشحذ الهمم وتنشيط الشباب ... لزيادة ألق البوست ... وخد يامنصور ألف من " التحانيس " المصلحة ... ومعاها مليون صفقة لابداعك المتدفق ... وامنياتنا بزواج ميمون لابن عمك .... مع الفنان كرري ... وعقبال اخو بت الشيخ ... بفنان ام دبيكرات ...

ويا محمد عيد ... الوداك تعلب مع جماعة منصور ديل شنو ... اها ... خمسين دو الديناري طلعت ... دقيسه منهم ... والدليل ... (كروشيمبو دشمبو ) ....

ظهور طارق جبريل وحاتم جبارة ... بذكرني دائما ... بالعصافير والطيور ... البتظهر فجأة في شجرة ... وبتتناقر ... ويطيرو فجأة ... وهكذا ...

وقيل في حج ولدنا جمال فارح ...
"انا خايفه في رمي الجمرات يقوم يحرق ليه لستك يفتكرها مظاهرة"
انتو طارق جبريل بتجدع كده ... الجريدة اعادو فتحها خلاص ... طارق يا خوي ... صرفتو المرتب عشان خروف العيد؟!!! ...

الشكر موصول لكل الشباب السأل عنا ... ونخص منهم ... الريس ميسرة ورشيد القوم وموسي عيسي وزينب التجاني ...
وجيناك بخشم الباب ... تشكرو على السؤال ...


خارج النص اليوم:

احمد اسماعيل ... ياشباب ... تعلم طريقة انزال الصور ... وبعد مانزل صور الاسرة كلها ...
قبل يتزل في صور الدلافين والبحار ... عقبال ماتنزل الــ Clip Art كلو ...
وتشكر على الصور الجميلة ...


سؤال اليوم :
باقي ليكم ... حاتم جبارة ورشيد القوم ... بقدرو على " تلتلة " الحج السنة الجاية ... سؤال برئ ماقصدي حناكيش البوست ...

[email protected]
Post: #818
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 10:24 AM
Parent: #816

يوم السلات في بيت الريس معتصم

191120092404.jpg Hosting at Sudaneseonline.com
Post: #819
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 10:30 AM
Parent: #818

191120092428.jpg Hosting at Sudaneseonline.com



بختكم يا ناس جدة ... غاب عبد الدائم وجاكم منصور والله العيد عيدكم

كل سنة وأنتو طيبين
Post: #821
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 10:38 AM
Parent: #819

191120092410.jpg Hosting at Sudaneseonline.com



191120092420.jpg Hosting at Sudaneseonline.com
Post: #823
Title: Re: ناس الزقازيق ... أجدع ناس ( 3 )
Author: عصام دهب
Date: 11-24-2009, 11:09 AM
Parent: #816

تحية و سلام و أشتياق حقيقي لأجدع و أعز ناس ..

و رغم المتابعة أحياناً و الإستمتاع حتماً إلا أن الإعتذار يبقى واجب عليّ لإنقطاعي في الفترة الماضية ..

دائماً أحب أن آتي هنا لأنداح بي رواقة و لكن الله يفعل ما يريد و الحمد لله ..

لكم العتبى و كل الحب ..

ـ
و عذراً لكل من أصابهم رشاشات الموهوم بشاشا ..

و بشاشا لمن لا يعرفه كائن مستولغ و مثله كمثل ما قال فيه الله تعالى ( إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ) صدق الله العظيم .. فأتركوه يا رعاكم الله ..

ـ
أحلى و أجمل صدف :

** هاتفني من دبي حيث هو في رحلة عمل زميلي في جدة المستشار / محمد أدم الضي ، و بعد أن تحادثنا أخبرني بأنه في إجتماع عمل مع برلومنا الرائع المستشار / السمؤل أبو سن .. كانت صدفة جميلة أن ألتقي سمؤل بعد طول غياب و إنقطاع .. سمؤل مشغول لكنه متابع و مستمتع و يغريكم و كل الزملاء و الآباء الأفاضل تحياته و يعدكم بالظهور قريباً ..

** هذه الأيام أزاول عملي من مكة حيث أنتقلنا إلى هناك بسبب ظروف العمل المستمر للمدام في الحج ، و أمس ليلاً كنت في طريقي لملاقاة شقيقي ( جمال ) الذي قدم أمس ظهراً مع بعثة الشرطة ، و أنا في طريقي تلقيت مكالمة الريس / ميسرة الذي حدثني عن دخول المستولغ للبوست ، حزنت لتدنيس البوست بدخوله ، و في غمرة حزني فأجأني شقيقي بمكالمة هاتفية بأن لديه لي مفاجاتين و بقدر ما ألحيت عليه كان يقول لي لمن تجي ..
تأخرت في الوصول إلى مكة حتى الحادية عشر و النصف بسبب الإزدحام في منفذ الشميسي ، و حينما وصلته و سلمت عليه وجدت أحلى مفأجاة أولى
amar1.JPG Hosting at Sudaneseonline.com


amar4.JPG Hosting at Sudaneseonline.com

أخونا و زميلنا الزقازيقابي الحاج / عمار رحمة الله ..
كانت صدفة جميلة أن ألتقي الرائع / عمار ، الذي هو الآن أيضاً زميلاً لأشقائي ( أزهري ، عادل ، جمال ) في سلك الشرطة في خدمة الشعب .
سهرنا مع عمار و زملائه من الضباط الأفاضل في فندق عز العرب القريب من المسجد الحرام و أكملنا السهرة في البيت ، لم ألتقي عمار منذ ثمانية عشر عاماً أو تزيد فتخيلوا كيف كان اللقاء ..
و رغم ما قضيناه من وقت ممتع لكن بت شيخنا أو مدامنا العزيزة و رغم محاولات عمار الخارقة لم تقتنع أن عمار الذي غطى الشيب شعره زميلاً يتقدمني بسنة واحدة بس في الزقازيق .. و حينما أقتنعت .. إقتنعت بأني ( داسيها ) و تعني شهادة ميلادي و حقيقة عمري .. تمنيت حينها لو كان معنا دفعة عمار في الزقازيق و في الشرطة زميلنا الرائع / أسامة أبتر ـ ما شاء الله عيني باردة ـ حتى تآمن المدام و كل متشكك بأن شيب عمار ليس شيب كبر و أن صلعتي مجرد ( صلعة علم ) ساكت ..
المفأجأة الثانية زقازيقابي رائع و فاضل كان في إنتظاري في مكة لكن تأخري في الحضور أضطره للذهاب خاصة و أنه ـ المفاجاة ـ قدم للحج براً بسيارته مع زوجته المصون و كان مشغولاً بوالدته ـ حفظها الله ـ القادمة من السودان و الذي يخطط لأن تعود معه بعد الحج حيث مقر عمله .. لم ألتقيه لكننا سنكون على وعد باللقاء اليوم إن شاء الله .. أخونا و زميلنا الزقازيقابي الرائع / محمد حامد تبيدي المستشار بالسفارة السودانية في الدوحة ..
topicimg1.jpg Hosting at Sudaneseonline.com

وسأحاول بقدر الإمكان تخبئة تبيدي و دسه من المدام حتى مغادرته بالسلامة و ذلك لأسباب أمنية بحتة .


و أنا في طريقي من مكة إلى جدة صباح اليوم سعدت جداً بمهاتفة الزول الراقي و الزقازيقابي الأصيل و أحد ركائز الحوش الأخ الزقازيقابي و السنير المبجل / محمد أدم أو ( حاج جلا ) بعد أن عثرت على هاتفه أمس .. الحاج جلا أول ما سالته عن أحواله في الحج رد علي بقوله ( متابع و مستمتع ) فأضحكني حتى أوقفت السيارة في خط الخدمة .. رغم أنها المرة الأولى التي أحادث فيها جلا الزول الظريف إلا أنه يحادثك و كأنكما قد خرجتما معاً من رحم واحد .. حدثني عن والد زميلنا الرائع / مبارك جادين و الذي نتمنى أن تسنح لنا الفرصة بمقابلته اليوم قبل نزول الحجاج إلى منى مساء اليوم لقضاء يوم التروية غداً ..
الحاج جلا يهديكم جميعاً سلامه و تحياته و سوف نلتقي بإذنه تعالى مساء اليوم ..

فيما يخص بقية الحجاج فلا زال البحث جارياً يا زهير عنهم و خاصة الزميل الحاج / جمال فارح الذي يعتقد البعض أنه ربما ذهب لرمي الجمرات و رجم الشيطان منذ يوم وصوله ..

ـ
أقعدوا عافية و كونا معنا ..
Post: #824
Title: Re: ناس الزقازيق ... أجدع ناس ( 3 )
Author: عصام دهب
Date: 11-24-2009, 11:24 AM
Parent: #823

ألف تحية و شكراً يا نجيلة على هذه الزوادة الدسمة ..

Quote: وقيل في حج ولدنا جمال فارح ...
"انا خايفه في رمي الجمرات يقوم يحرق ليه لستك يفتكرها مظاهرة"


حلوة يا نجيلة ، و قال بعضهم أيضاً ..

أن إبليس شوهد يوم رمي جمرة العقبة و هو ينتحب بشدة و يتدردق في الواطة .. و لما سألوه لماذ قال ( ما باقي إلا دة يرجمني ) و أشار إلى أخونا

و بالمناسبة دي حصلت جد .. جد ..

حاج مصري بيرجم و يسب في الشيطان بأقذع الألفاظ من شاكلة ( يا أبن الوســ ) و إنت طالع .. واحد نبهو ( يا شيخ لا يجوز ) رد عليهو المصري ( و انتا زعلان ليه هو كان أريبك و اللا أريبك ) ..
Post: #825
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 11:36 AM
Parent: #823

Quote: واللليييييلالالا ياناس جدة
انا لقيت حجز مؤكد
يوم الجمعة


الليييييييييييلة يا منصور ياويلك مننا

البحر ده بنزيده طرقة طرقتين زي إنت ما عايز

الأولاد ديل تبعي أنا وإنت خليك بعيد،،،،، وأنا الزول

الفاضي ليك والحبيب محمد عيد شغلهم بزيد أيام العيد

يا ويلكم مننا يا منصور بس حضورك وفي المطار بنكون منتظرين

ومعاي ناس الكيته وناس النوبة والكمبلا ،،، ده كله عشان تآآآآمنوا

معقول بعد أكثر من عشرين سنة نلتقيكم تاني ،،، دنيا


سعدت كثيراً بعودة ياسر ود نجيلة وعصام ود دهب ويظهر حجاج الزقازيق

كتار عمار وتبيدي ،، وما شاء الله ربنا يقبل حجكم بإذن الله .

علامة إستفهام الناس كلها ما مندهشة في حجة جمال ود فارح والله ضحكت

بصوت عالي جداً بأن أخونا جمال فارح مشى يرمى الجمرات من دلوقتي

الله يديكم العافيه...
Post: #826
Title: Re: ناس الزقازيق ... أجدع ناس ( 3 )
Author: طارق جبريل
Date: 11-24-2009, 12:01 PM
Parent: #825

Quote: انتو طارق جبريل بتجدع كده ... الجريدة اعادو فتحها خلاص ... طارق يا خوي ... صرفتو المرتب عشان خروف العيد؟!!! ...

نجيلة يا حبيبنا
والله لي هسي ما فتحت ولا صرفنا ذاته
وكدة الخروف حا يقد الميزانية في زمن الحرب
يا ناس جدة بالله منصور دة ما تتوصوا فيه
الزول دة يمين القاهو هنا اقدم استقالتي (تقول انا شغال)واقعد بس اسمع فيهو
بالله الحجاج ديل خليهم يمدونا بالدعوات
Post: #827
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-24-2009, 12:02 PM
Parent: #825

سلامات لاجدع واحلى ناس
حقيقة يا زهير ما عندنا عزر
الواحد لمن يلف ببره ويشوف الكتيح داك
يقول الحمد لله عندنا محل رائق ومروقين فيه

حج مبرور ومقبول بإذن الله للحجاج ودعواتكم لينا

عيد مبارك بإذن الله وكل سنة وانتو طيبين
Post: #828
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 11-24-2009, 12:04 PM
Parent: #825

التحية لأجدع ناس

مشتاقييييييييييييين... متابعيييييييييييييين

بس مشغولييييييييييييييييين

Quote: الغياب ....

سامي عبد الوهاب - دون عذر


والله يا زناتي في دي معاك حق... يعني المفروض ما شئ يخلينا نغيب لكن نعمل شنو... لك ما تقرب إجازة عيد أورإجازة عادية كأنما خلاص الواحد ماشي وما راجع.. دي بقا طريقة الشغل هنا


---------------------------------------

الناس بتاعين الدواس والمشاكل الحايمين في البورد ديل قدر ما تسيب ليهم الدرب يلحقوك

يعني هسه في داعي لدخلة المدعو بشاشا دا يجينا بدوار البحر العندو دا

غايتو الله يشفيهو ويشفي البلد من النوعية دي
Post: #829
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 12:07 PM
Parent: #825

Quote: باقي ليكم ... حاتم جبارة ورشيد القوم ... بقدرو على " تلتلة " الحج السنة الجاية ... سؤال برئ ماقصدي حناكيش البوست ...


نجيلة العسل وصل...لك وينك يا زلمي...

أنا ان شاء الله حأدخل الجم من رمضان الجاي استعدادا للحج السنة الجاية يا ياسر....و حأسجل في نادي الرماية عشان اتدرب على رمي الجمرات...في حاجة تانية بتصعب بعد كده...
مشكلتي حتكون ألبس السفنجه كيف...ياي...أنا ألبس سفنجة...شفت الحنكشة دي كيف...
Post: #830
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-24-2009, 12:46 PM
Parent: #829

يقال ان السودانين تم اعفائهم من رمى الجمرات
فلديهم من الابالسه فى السودان ما يغنيهم عن الرمى
بالاراضى المقدسه0
=====================================
عفوا سادتى ان صدر منى ما لايجوز كتابته فى ردى
السابق خاصه اننا فى هذه الايام المباركه
اكرر اعتذارى
Post: #831
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 01:05 PM
Parent: #829

Quote: قلتوا لى المكرونة اسمها شنو ؟؟؟
آآآآآآى , المكرونة ديك
الأكلتوها لى حاج الركز وعفاف
انا من اليوم داك شايلها ليكم
حضروا المكرونة

مازلنا في حضرة الإستعدادات لإستقبال

مانصور فاميلي بمدينة جدة ،،،،،

جاهزيين ومستعدييين ومشمرييييين

تعال شوف قندهار جدة مش زي قندهار ناس زهير

على الرواكيب والشمس الحاره ديك ،،،،

قندهارنا على البحر لحدي الصباح

وسهرتنا في الساوث مول ،،،،،،

والبيتزا الجداوية بوفيه مفتوح لحدي ما تدوخ

لو مكنتك خفت ألحق أعمل ليها عمره - بفتح العين - قبال حضورك

وفي مطاعم الطازج بنتسامر

وفي مطاعم البيك بندخل على النيت

وفي كل المولات يتجدعوا الأولاد

عجلوا لينا بس بالحضور ،،،،،،

وأقنعوا أخوي الشادي يشد الرحال

ولينا في جدتنا تعال ومعاك أم العيال
Post: #832
Title: Re: ناس الزقازيق ... أجدع ناس ( 3 )
Author: محمد عيد
Date: 11-24-2009, 01:24 PM
Parent: #831

Quote: مازلنا في حضرة الإستعدادات لإستقبال

مانصور فاميلي بمدينة جدة ،،،،،



يا ريس ...

ما باقى ليك منصور ده وزيارتو المنتظرينها لينا زمن دى

ما بتستاهل نعمل ليها لجنة منظمة زى بتاعت المئوية ؟؟!
Post: #833
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 02:29 PM
Parent: #832

Quote: يا ريس ...

ما باقى ليك منصور ده وزيارتو المنتظرينها لينا زمن دى

ما بتستاهل نعمل ليها لجنة منظمة زى بتاعت المئوية ؟؟!


صدقت يا ود عيد بس أزيدك من الشعر بيت

دي بتستاهل ليها إجتماع (ل ، س ) عديل كدي

والله دي فاتت ديدو يا حليلك .
Post: #834
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 02:56 PM
Parent: #833

تسلم يا ميسرة بدعوتك لي مع زيارة منصور لجده

في كم حاجة شغلتني الايام الفاتت منها إني تعبت شوية

لكن اخبار حجز منصور ده بصراحة ولع الكاروشة فينا ( كاروشة البحر ) ما حاجة تانية
أخوك عاشق بحر وكده

ليك من عندي كل المحاولات للوصول إلى جده مع منصور في طيارة واحدة
رأيك شنو؟؟
Post: #835
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-24-2009, 04:40 PM
Parent: #834

ياالريس ميسرة في إستقبال الأخ منصور مع الكيتة والنوبة والكمبلا

ماتنسى أهم شيء ابو قزّة علشان تكتمل ( الفرنقبية )
Post: #836
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-24-2009, 05:24 PM
Parent: #835

مساء الخيرات عليكم ...

Quote: مازلنا في حضرة الإستعدادات لإستقبال

مانصور فاميلي بمدينة جدة ،،،،،


ماشة معاك حلاوة يا منص ...
العيد عندك والله

بحر وترطيبة
وصحبة زي العسل

عايز شنو أكثر من كدة ...
بالله ما تنسونا ياريس ومحمد عيد خلوا ليكم كم كرسي كده احتياطي
امكن تمسكنا كاروشة البحر زي أخونا كمال وتلقونا في حداكم ...

هنيئا لكم ...
Post: #837
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 05:41 PM
Parent: #836

Quote: امكن تمسكنا كاروشة البحر زي أخونا كمال وتلقونا في حداكم ...


يا ناس جده أسمعوا كلامي خلو كراسيكم في محلها و لا تزيدوها ولا حاجة....قدورة ده واعدني يجينا في الامارات من قبل خمسة سنين كده...أول سنة زدنا الكراسي..ما جانا..تاني سنة زدنا نص الكراسي...برضو ما جانا...بعد داك بقينا ننقص في الكراسي...

على طاري عيد منصور في جدة و التي ربما تشجع آخرون للانضمام الى عيد جدة...حدث تغيير مفاجئ في برنامج عيدنا...فلقد تم الغاء رحلة مسقط لظروف العمل و سنقضي العيد في أبو ظبي ليذهب معي كل أفراد أسرتي الى مكان عملي بعد ذلك...كنا نأمل في أن نلتقي بياسمين و لكن للضرورة أحكام..و نسأل الله أن نلتقيها قريبا و هي و أسرتها بخير و عافية...
Post: #838
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 06:02 PM
Parent: #837

يا رشيد شايف الإعتذارات كترت اليومين دي ... وبترشح منصور لأنه يعتذر من رحلة جدة .... علي العموم نتمني لكم عيد سعيد ... وإجازة جميلة .... وكل عام الجميع بألف خير ...
Post: #839
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 06:40 PM
Parent: #837

مساكم الله بالخير

أغنية ندى القلعة عزاز علينا لها لحن جميل و لا أعرف من كلماتهاالا...
عُزاز علينا شالوا نوم عينينا
فراقم جبرى ولا لا ما بى إيدينا

أما باقي كلمات الأغنية فلا أعرفه...و لكن بالنسبة لي هذين البيتين و اللحن الجميل هو كل ألغنية...و كنت أردد البيتين دائما...في الشغل في العربية في البيت...مرت علي فترة كنت أردد كثيرا هذه الأغنية دونما أشعر بذلك...في الحمام..في المطبخ و أنا أجلي بعض الصحون كمساعدة لأم أمنية في أيام العطلات عندما تكون الشغالة في اجازة...أو عندما أقوم بأي شئ في البيت...
ترديدي لهذه الأغنية جاب لي الهواء مع أم أمنية..فكانت تقول لي أنت حكايتك شنو...الأيام دي في حاجة تحت تحت و لا شنو...و هي لا تدري ان ترديدي اللا ارادي لهذه الأغنية ربما يعود لبعدي عنهم طوال الثلاثة سنوات الأخيرة...
و لكن السؤال الذي ما زلت أطرحه على نفسي..لماذا هذه الأغنية بالتحديد...هل لبساطة كلماتها...لحنها البسيط الجميل أم لكل هذا...و بالرغم من أنني كلاسيكي جدا في السماع...فما زلت متعلقا بأغاني عثمان حسين و ابراهيم عوض و أبو داوود...الا ان أغنية ندى القلعة دي استوقفتني و ربما خلقت في نوع من الانفتاح نحو الجديد من الأغاني بعد أن كنت منغلقا على نفسي و أتخذ مواقف حادة ضد كل ما هو جديد الا بعض الأغاني التي استحسنها من وقت لآخر و التي أسمعها مصادفة و ليس مع سبق الاصرار و الترصد..أم أنها مجرد حالة نفسية صادفت لحنا جميلا و كلمات جميلة...و ما أكتبه الآن الا حالة نفسية أخرى ناتجة عن بعض رشات من عطر الأرامس ديفين...
Post: #840
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 07:00 PM
Parent: #839

Quote: يا رشيد شايف الإعتذارات كترت اليومين دي


نعمل شنو يا أبو الزوز...تعلمنا في هذا البلد أن تقبل بكل شئ...و تخلق البرنامج البديل دون الوقوف طويلا عند أي احباطات...
Post: #841
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 07:01 PM
Parent: #839

الله يا الرشيد الليلة لو سمعك محمد صديق إلا تجيهو حالة نفسية .... الأغنية جميلة ... في واحدة من الإحتفالات النسائية الجادة ... غنت آمال النور عدد من الأغاني الجادة التي عرفت بها ... وفجأة قالت للجميع ... سنغني أغنية بنات .. وكانت عزاز علينا .... لأفأجأ بأن كل الحفل ردد معها .,, وغني بإستمتاع ... لتصبح أجمل أغاني الإحتفال ... الأغنية جميلة لبساطة اللحن والكلمات ، إضافة لأن صوت ندي القلعة جيد لحد بعيد .... مثلك لا أعرف سوي مطلع الأغنية ... ولكني معجب بها ...
Post: #842
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 07:11 PM
Parent: #841

يا أبو الزوز أتساءل لماذا نتحرج من الاعتراف بأننا نعجب بالجيد من أغاني البنات وليس كلها...رغم ان الكثير منها لها ألحان جميلة و كلمات نابعة من أعرافنا و تقاليدنا...و لماذا ندرج أغاني كأغاني مثل أغاني ندى القلعة تحت اسم أغاني البنات..هل لاسم ندى القلعة و الجندر دور في ذلك..أم ماذا؟

أما آمال النور دي فهي قصة تانية...ياخي سمعتها تغني الحزن القديم بمصاحبة البيانو على قناة النيل الأزرق..حاجة ما تخلص...منتهى الروعة...لماذا لا تغني آمال النور و تساهم في الارتقاء بالذوق العام ..فهي تملك كل المقومات اللازمة للعب هذا الدور...
Post: #843
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 07:21 PM
Parent: #842

أبو الزوز أنا في انتظار مباراة برشلونة و انترميلان و هي الأهم اليوم من كل المباريات الأخرى...و توقعاتي بفوز الانتر بهدف دون مقابل ...
Post: #844
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-24-2009, 07:26 PM
Parent: #843

يا رشدي رغم تمنياتي بفوز برشلونة إلا إني أتوقع تعادل الفريقين .... وإذا ما فاز برشلونة فإنه سيكشر عن أنيابه ويهزم الإنتر هزيمة نكراء ولن يرحمه .... لأن فريق مثل برشلونة حينما يجد طريق المرمي لا يتقف مثلما فعل بريال مدريد العام الماضي ... أعتقد أن ابراهيمفوتش لن يلعب هذه المباراة ولكن عودة هنري سيكون فيها خطورة علي الإنتر ... أتمني لك مشاهدة ممتعة ...
Post: #845
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 07:39 PM
Parent: #844

Quote: ياالريس ميسرة في إستقبال الأخ منصور مع الكيتة والنوبة والكمبلا

ماتنسى أهم شيء ابو قزّة علشان تكتمل ( الفرنقبية )

الترجمه لو سمحت يا أبوحميد...

Quote: أنا ان شاء الله حأدخل الجم من رمضان الجاي استعدادا للحج السنة الجاية يا ياسر

أدخل من هسي.. الكرش الفي صور عيد الميلاد رمضان واحد ما بكفيها...
Post: #846
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 07:42 PM
Parent: #844

أبو الزوز آخر مباراتين لبرشلونة في الدوري الأسباني..كان فيهما الفريق سيئا للغاية و ربما يكون مؤشرا لهزيمته اليوم خاصة و ان الفريق يفتقد لخدمات ابراهيموفيتش....و يفتقد للهداف...و يعتمد كليا على ميسي الذي بدأ مرهقا في المباراتين...
الانتر يلعب كرة غير ممتعة في عهد مورينهو و لكنه يفوز...
Post: #847
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 07:49 PM
Parent: #846

Quote: أدخل من هسي.. الكرش الفي صور عيد الميلاد رمضان واحد ما بكفيها...


انت شفتها يا شقي...أنا حالتي لبست الجاكيت مخصوص عشان أدس بيهو الكرش...لكن برضو انت ما تسئ بي الظن..دي ما كرش...التورتة كانت دسمة قامت نفختني..يعني كرش مؤقتة...
Post: #848
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 07:56 PM
Parent: #847

Quote: التورتة كانت دسمة قامت نفختني...

الظاهر دي كانت تورته كامله الدسم..
Post: #849
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 08:01 PM
Parent: #848

و الله يا حاتم رغم اني في حالة ريجيم مستمر ...ممتنع عن العيش و السكر و غيرها من مسببات السمنه...و رياضة و لكنها ليست كالرياضة في ايام الشباب...الا ان الكروش ما عايزة تروح...
Post: #850
Title: Re: ناس الزقازيق ... أجدع ناس ( 3 )
Author: محمد صديق
Date: 11-24-2009, 08:02 PM
Parent: #847

سلامات يا ناس

Quote: أغنية ندى القلعة


؟؟؟؟!!!
Post: #851
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 08:07 PM
Parent: #850

يا كوتش مشتاقين ياخي...

ما فهمنا علامات الاستفهام بتعني شنو...استحسان و لا استهجان...

رجعت الخرطوم و لا لسه...
Post: #852
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 08:18 PM
Parent: #851

Rasha, to loose the gut, you need minimum 45 minutes cardiovascular exercise per day (such as walking, jogging, biking, etc.). In addition, you must eat sensible balanced meals, that are high on nutrients (such as green leafy vegetables) and low on calroies (empty calories such as sugar, white rice, breads). The goal should be to create a calorie deficit, where your body has enough nutrients, but burns stored fat for energy. You should add stregthening exercise as well so as to build more muscles to burn more fat (your body will also loose muscle mass if you are not active). As with any diet and exercise program, you should consult your doctor before starting the program. Hope this helps.... I usually charge a lot of money for the advice, but it's free for my most extreme cases
Post: #853
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 08:25 PM
Parent: #852

شكرا يا حاتم...حقيقة معظم البرامج التي اتبعتها كانت برامج قدمها لي طبيب... ربما سهولة الحياة هنا في الخليج و الاعتماد فقط على الرياضة دون وجود أي مشاق أخرى في الحياة هي السبب وراء الوزن الزائد...
سأحاول اتباع نصيحتك بجدية أكثر...عشان تسهل الهرولة في الحج السنة الجاية..
Post: #854
Title: Re: ناس الزقازيق ... أجدع ناس ( 3 )
Author: محمد صديق
Date: 11-24-2009, 08:28 PM
Parent: #852

سلامات ياناس

Quote: Rasha, to loose the gut, you need minimum 45 minutes cardiovascular exercise per day (such as walking, jogging, biking, etc.). In addition, you must eat sensible balanced meals, that are high on nutrients (such as green leafy vegetables) and low on calroies (empty calories such as sugar, white rice, breads). The goal should be to create a calorie deficit, where your body has enough nutrients, but burns stored fat for energy. You should add stregthening exercise as well so as to build more muscles to burn more fat (your body will also loose muscle mass if you are not active). As with any diet and exercise program, you should consult your doctor before starting the program. Hope this helps.... I usually charge a lot of money for
the advice, but it's free for my most extreme cases


والله يا حاتم عليك جنس حسادة ..زيادة على الفتن جاتنا الحسادة

يعنى جايبا بالانجليزى عشان زهير ما يعرف الكرش بنزلوها كيف؟؟؟

الرشيد ...مشتاقين ...وانت فاهم ؟؟؟؟دى عشان شنو.ان شاء الله حأرجع بكرة

صاحيك زهير حيكون فرحان للقون عشان جابو الفيز المجنون.
Post: #855
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 08:42 PM
Parent: #854

ترجع بالسلامة ان شاء الله يا كوتش...و ينتهي فراقكم الجبري...

يا كوتش قول زهير فهم...يطبق كيف مع كيس السلطة أبو عشرة ألف الشفتو داك...اتخيل لي كرش زهير دي وراثية وليست بسبب عدم الحركة..لأن الزول ده زي كلب الحر لافي الليل و النهار...
Post: #856
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 08:53 PM
Parent: #855

ليه يعني يا جورج الحقاره... يعني زهير انجليزيتو تعبانه؟...
بعد دا كلو يا ابوالزوز يجي داير يشرب معاك الشاي بي اللبن المقنن..
وداك كمان رادي عليهو يقول ليهو كرشو وراثيه..
غايتو...
Post: #857
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 08:58 PM
Parent: #856

حاتم جبارة يا فاتن حمامة...انت بي طريقتك دي لازمك حج و عمرتين...
Post: #858
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 09:09 PM
Parent: #857

Quote: صاحيك زهير حيكون فرحان للقون عشان جابو الفيز المجنون

يا جورج في فرق بين الجنون والغرور..
ألفيز دا فاكيها في روحو وعامل فيها ألعب زول.. لو زول هبشو كيف وكيف.. ويتدردق زي الضابحينو.. ولو قلعو منو الكوره يتشكى للحكم..
برشلونه بالغو سجلوه.. مش لو شواط.. برضو وهم..
Post: #859
Title: Re: ناس الزقازيق ... أجدع ناس ( 3 )
Author: محمد صديق
Date: 11-24-2009, 09:22 PM
Parent: #858

سلامات يا ناس

Quote: يا جورج في فرق بين الجنون والغرور..
ألفيز دا فاكيها في روحو وعامل فيها ألعب زول.. لو زول هبشو كيف وكيف.. ويتدردق زي الضابحينو.. ولو قلعو منو الكوره يتشكى للحكم..
برشلونه بالغو سجلوه.. مش لو شواط.. برضو وهم..


برضو ألعب من جبريلا.
Post: #860
Title: Re: ناس الزقازيق ... أجدع ناس ( 3 )
Author: محمد صديق
Date: 11-24-2009, 09:31 PM
Parent: #859

سلامات يا ناس

Quote: الشادى الحبيب ...سلام وشوق

أشُد على يدك مهنئآ وانت تنفض الغبار عن

الزول الرائع الحرف وجميله...الخواطر التى كان يكتبها

جمال ابداع يمشى على رجلين...كان لى شرف ان اكون اول

متلقى للعديد من تلك الكتابات...

حلّق بنا مع عوالمه ونحن حضور.



دعوة لتابعة ومشاركة الشادى بوستو المفتوح فى منبرنا

عن كتابات جمال فارح.
Post: #861
Title: Re: ناس الزقازيق ... أجدع ناس ( 3 )
Author: Hatim Gubara
Date: 11-24-2009, 09:32 PM
Parent: #859

ألعب غيرها... جبريلا ألعب منو..

داير تدردق أبوالدرداق?
Post: #862
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 09:36 PM
Parent: #861

برشلونة متقدم بهدفين على الانتر...الهدف الثاني بتمريرة رهيبة من ألفيز و هو يقدم مباراة كبيرة...و برضو تقول لي طارق جبريل...
Post: #863
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-24-2009, 09:59 PM
Parent: #862

شايف زوبة بتاوق و ترجع...مالك الليلة ان شاء الله المانع خير...
Post: #864
Title: Re: ناس الزقازيق ... أجدع ناس ( 3 )
Author: زينب التجاني
Date: 11-24-2009, 10:01 PM
Parent: #858

سلام يا اجدع ناس
شنو الالق دة
ومفاجات كلها جميلة

مرحب بلثنائى دهب سيد الحوش وسامى

وحناكيشنا رشا وحاتم
بلمناسبة ناس كريستيان ديور منزلين احرام

نجيلا

والله اشتقنا ليك ولى اصدارتك
ودمت مبدعا
بس لما تغيب اكتب (نجيلا يحتجب)

منصور يعنى دى مكاواة لى ناس السودان
لينا الله وعيشة السوق

استمتعوا استمتاعكم بمتعنا

بس يا منص انا بحب المكرونة رسل لى مع عبد الرازق

شكلنا كدة ما بنرجى الحجة حننوى عمرة


وصلتنى الهدية دى شاركونى

طوريتك لمصطفى والشكر لمن اهدى

منتدي عماد الامين الرابع 21/11/2009(عنبر جودة)
Post: #865
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-24-2009, 10:40 PM
Parent: #864

أغنية طوريتك والتي قام بتلحينها الفنان مصطفي سيد احمد الذي ألهمه الشاعر صلاح حاج سعيد مطلعا اختاره كمقدمة إنشادية لتكون الأغنية كم يلي :

حتى الفصول صابها الجفاف
لا غيمة لا زفه هرع
والسمبر البهدر صفيره
غشانا وأتقاطر رجع
وشجرنا من حر السموم
غصنه الرطيب عطشان وقع
يتشابي لنسمة دعاش
لا رشه لا برقا لمع
****
طوريتك في الطين مرميه
كوريتك يابسة ومجدوعة
لا غيبتك كانت مرضيه
ولا فوتك كانت مبلوعة
*****
اللهب الضوي الليل قناديل
في عيون النجمة القطبية
والتعب المدّ ضراع النيل
سجادة فقرا مزاوريه
سائلين عنك ويوماتي رحيل
لي مواني المدن النفطية
وشقيش ما تقبل يا أبو الحيل
في قلوبنا مواجعك متكيه
****
وابعتلك شال الحب مرسال
وتايهين في بحره مراكبيه
برسم علي صدر الموج آمال
أطفال عمال ومزارعية
كيف حال يا أبوي
كيف حال يا خال
بتمسي بيوتنا الكاكية
حزنانه بتبكي مآل الحال
والزمن الشالكم إيديه
Post: #866
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 10:48 PM
Parent: #865

الحقو يا شباب !!!!!!1111
جمال فارح طلع زي المارد
من البتاع العجيب داك
وكتب الخاطرة الثانية
يا الله حصلو
Post: #868
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 11:01 PM
Parent: #866

الليلة حراس البوست
نايميييييييييييييييييييين
Post: #870
Title: Re: ناس الزقازيق ... أجدع ناس ( 3 )
Author: زينب التجاني
Date: 11-24-2009, 11:12 PM
Parent: #868

حضر السهيلى فحضر البداع
thank u

يا شادى سلا مات
كل ما اجى ادخل بوستاتك دى يا المداخلة تطش
يا النت يعمل حركات ذى الليلة يا الرشيد

ما بايدى المتاوقة

قلت اكلم الشادى اقول ليهو والله متابعين ومستمتعين

وانت عارف يا كمال جمال دة بلنسبة لى شنو

جمال دة شجن



يا زناتى


سلامات ليك طولة
Post: #867
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-24-2009, 10:56 PM
Parent: #865

Quote: ليك من عندي كل المحاولات للوصول إلى جده مع منصور في طيارة واحدة
رأيك شنو؟؟


إنشاء الله تجيك يا شادي كاروشة

أخونا عبدالحي اسحق الكان تخليهو

يجري لأقرب ضل أو يكشح ليهو مويه في جسمه

بالله اعملها بصحيح وخلي عيد ناس جدة حاجة تمام

وبعدين ما تتحجج بالطيارة أركب عربيتك لو ما لقيت حجز

وبيتنا بيشيل أكثر من عائلتين بإرتياح كبير .......

ولو سحبتوا معاكم أخونا عبدالقادر بيكون إكتملت البهجة

يلا يا ناس مين يزود ويكبر الكوم والله ما تندموا أبداً
Post: #869
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 11:04 PM
Parent: #867

كريم
وكبير
وعظيم
وبيتك كبير والله يحفظو دائماً كبير وعمران انشاء الله
قول يا رب تظبط يا ميسرة
Post: #871
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 11:19 PM
Parent: #869

الساعة واحدة وربع صباحاً
والله عيب ولا واحد صاحي
عموماً
ساهر بي جمال فارح
آسف الحاج جمال فارح
لاني كتبت بي هناك في زاويتو
ثلاث خواطر
وقلت خلاص بعد ده نوووووووم
وتصبحو على خير
Post: #872
Title: Re: ناس الزقازيق ... أجدع ناس ( 3 )
Author: كمال الشادي
Date: 11-24-2009, 11:24 PM
Parent: #871

قبل ما أطفي الجهاز
قريت مداخلة الغالية زينب التجاني

لك الف تحية وود وحب
كلامك زينب عن جمال وإنو شجن
جميل
جميل جمال الزول الرائع ده
وجميل جمال كل الناس اللي بتحبو

عليك الله خشي بي هناك عشان صاحبنا لمن يكمل الحج
يلاقينا عاملين ليهو بارتي محترم
قصدي حفل إستقبال
( الله يعلن ابليس )
قصدي إستقبال حجاج يليق بيهو

الاقيك بي هناك زينب
مع التحية
كمال الشادي
Post: #873
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-25-2009, 00:25 AM
Parent: #872

Quote: الساعة واحدة وربع صباحاً
والله عيب ولا واحد صاحي
عموماً


يا شادي صاحييييين ومتابعييين

بس كنا بهناك في المنبر العام غاطسين

ندخل بيت بيت ونطلع وندق الباب التاني

بعد ده لا شغل ولا مشغله والناس سافرت وانحنا

حارسين البوست ده وإستلمنا الوردية صباحية ومسائية

بس لازم تلبس ونشوفكم في جده وح يكون أجمل واحلى عيد
Post: #874
Title: Re: ناس الزقازيق ... أجدع ناس ( 3 )
Author: محمد صديق
Date: 11-25-2009, 04:37 AM
Parent: #873

سلامات يا ناس

وصباحات التفاؤل

كل عام والجميع بكل الخير

أسأل الله ان تتحقق امنيات الجميع
Post: #875
Title: Re: ناس الزقازيق ... أجدع ناس ( 3 )
Author: البادي النور
Date: 11-25-2009, 05:44 AM
Parent: #874

صباح الهناء والسرور ...
أصبحنا وأصبح الملك لله ...
كل عام وأنتم بألف خير ...
وربنا يتقبل من حجاج الزقازيقاب السري والمعلن ...
وربنا يحقق أمنياتنا جميعا ...
يا منصور قيس جمال الدين دا هو في نفسه حكاية ...
وعنده حكاوي كتيرة وطبعا الترديد يعتمد على المود الإجتماعي ...
يعني قيسنا لو كان في قعدة حلوة ممكن ما يدي طريقة لي زول تاني عشان يحكي ...
وكمان ربنا حباه بموهبة الحكاوي والونسة والواحد ما يمل منه أبدا ...
عنده أخوه الكبير إسمه الرشيد دا كمان مستوى كأس عالم عديل ...
ربنا يحفظهم جميعا ويديهم الصحة والعافية ...
Post: #876
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-25-2009, 09:53 AM
Parent: #875



350.jpg Hosting at Sudaneseonline.com


الأخ العزيز حاتم جبارة كل عام وانتم بخير وإن شاء الله السنة الجايةحجاج


ابو قزّة عازف على طبلة بطريقة عجيبة تجمع بين الدلوكة والنقارة معطية
إيقاع سحري بالإضافة إلى الكيتة كل من سمع أبو قزّة يطرب له بل
يذهب لموقعه إما راقصا أو متابع ومستمتع

ابو قزّة زمان يعلن عن إحتفال بختان أطفال او إحتفال بزواج وذلك لأنه ساحر
في تجميع الناس شباب وشابات وأطفال وكبار وطبعا الإحتفال للجميع مافي كروت
دعوة ولاشيء لذا الحفلة تكون في الشارع وعندما الشارع يمتلئ يبدا الحفل يتجول
في شوارع الحي ( تجوال ابوقزّة والمحتفلين حوله) هي الفرنقبية

اما الآن ابو قزة يحيي الحفلات الخاصة (الحنة والصبحية وكده)
Post: #877
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-25-2009, 10:11 AM
Parent: #876


مابين تمارين واكسرسايسات حاتم جبارة
بتاعت الكروش الكبيرة
وكاروشة كمال الشادى العملت لى انا ذاتى كاروشة
وحندكتنا لى زينب التيجانى العجبتنى وسرت بالى
والغاز احمد اسماعيل اللغوية الجميلة
والفرنقيبة والكيتة
وصولا الى عزاز علينا الشالو نوم عينينا
آل ايه , الواد رش والواد ابو الزوز
قالوا ما حافظينها ؟؟!!
ومال الرسلها لى فى المسيج داك , كانت حبوبتى
ندى القلعة فنانة رائعة ولاشك
وكمان سمحة
بتضاروا مالكم
اغانى البنات , موروث معظمه اذا لم اقل كله جميل
قد تفلت بعض الكلمات التى تعطى احساسا عاما بكونها ممعنة وموغلة فى البساطة لدرجة وصمها
بأنها (كلام شارع عام )
ولكن
هل يكون كلام الشارع الا
(صدى السنين الحاكى ) ؟؟!!
لمحت فى احد بوستات المبدع طارق ابوعبيدة
قبل مدة
كلاما عاما ومقدمة لغناء البنات
اورد فيه نماذج
من شاكلة
سهر المنام لى وحدى يا قسيم الريد فوقك النبى
والريدة الريدة يا حبيب قلبى
ويا منى عمرى زمانى انا قلبك ليه نسانى انا
وعزاز علينا الشالو نوم عينينا
وارحمونى ياناس وحنوا على
ويا اول حبيب من دون الأحبة اظهر لى غرامو وبادلنى المحبة

غناء البنات , ملخص الشارع المجنون
الآتى فى تلقائية وصدق
احبكم
واحب البنات
واحب غناهم زاتو
Post: #878
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-25-2009, 10:31 AM
Parent: #877

اول مرة اقابل قيس
يا بادى النور
كان عن ناس عفاف وحاج الركز
من اليوم داك
ابتدا يحكى لى فى
شامكم بتاعته دى
لكن الشاهد الله
كل مرة بضحك
عشان الأخراج مختلف

ما رديت على ياكمال الشادى
التلفون رن لمن قطع
اتمنى ان تكون الكاروشة هى ما منعك من الرد
اضافة لأنشغالك
بى زحمة
مكتب الحجز لى جدة
الكاروشة حا تولع فينى انا
لو ما اكدت الحجز

قدورة , الحجز رااااقد
ما تتحجج
يازززووول
قال ليك خرفان جدة
لابسة تريكيواز
مش زى خرفان الرياض
(البيج بى اسود دى )
Post: #879
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-25-2009, 11:26 AM
Parent: #878


انا بأكد بأن ندى القلعة فنانة رائعة وكمان مبدعة


وكمان سمحة ودي حقيقة مابتندس

والله يامنصور قتلتنا بالضحك في الناس البتضارو ديل


وتذكرت نكتة قديمةفي ايام الريس نميري الله يرحمه

واحد زعل من حلفاوي من ناس وادي حلفة وقال ليه إنتو عندكم

شنو في السودان ؟ رد الحلفاوي نحنا

بلبل عموم السودان من عندنا
ونبي عموم السودان من عندنا (بقصد د.عون الشريف قاسم/الشئون الدينية في مايو)
وحاكم عموم السودان من عندنا (رغم نميري دنقلاوي لاكن الظاهر المنطقة واحدة)
Post: #880
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-25-2009, 11:49 AM
Parent: #879

صباح الخير يا وجوه الخير ،،،

إزدانة مدينة جدة بالغيوم وأمطار طيلة الليل

والجو صار بديع ورهيب بس عايزين لينا شاعر

ينضم لينا بيتين ثلاثة ،،،،،،،

الظاهر جدة غارت من الرياض وهطلت الأمطار

لتلطيف الجو للحجاج ،،،،،،،،،

يا منصور الخير على قدوم الواردين

والناوين الحضور ،،،،،،
Post: #881
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-25-2009, 12:03 PM
Parent: #880

وينك يافافي منتظرين قصة الإبن مؤمن من يوم 23/11/2009


قعدنا تحت الشجرة كل ماإتهوززت الشجرة نقول ده الخبر

الظاهر نستي
Post: #882
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 11-25-2009, 12:21 PM
Parent: #881

أحبكم
واحب النبات
واحب ثمارو زاتو

البنات اسهل شئ يألفوا الغنية من مافي
مرة بنات صغار في البلد بنات اهلي
كانوا بيغنوا جيت ماري قدامهم غنو ليه
( يعرس ليك محامي
والمحامي يكون حرامي ))
اول مرة اسمعها ما عارف من تاليفهم ولا غنيه هي

زمان اغاني رقيص العروس كانت اغاني جميلة ومؤلفه او محرفه من الاغاني
في بورسوان كان يدربوا العروسه شهر ويدوها كلمة السر عشان تغلب العريس
ونحن اطفال كنا ببراءة كنا ننحاز للعريس عشان يغلب العروسه
وبعد الحفل الناس كانت ببراء تقول العريس غالب كذا أو العروسة غالبه كذا

لو كنا عارفين سفرك يا منصور كنا ودعناك بعشرة ابو غزه إن شاء الله في العودة
عودا حميدا لك ولك المسافرين وللحجاج
Post: #883
Title: Re: ناس الزقازيق ... أجدع ناس ( 3 )
Author: مني يونس
Date: 11-25-2009, 01:29 PM
Parent: #882

صباحاتكم ندية ،،، وبمداخلاتكم بهية

يستمتع الحجاج بجو جميل وبديع وذلك

لكثرة هطول الأمطار بمكة ومنى وجدة

جعلها الله أيام سقيا ورحمة ،، وأمان

لبيك اللهم لبيك ،،
لبيك لا شريك لك لبيك،،
إن الحمد والنعمة لك والملك ،،،،
لا شريك لك .
Post: #884
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 11-25-2009, 01:41 PM
Parent: #883

كل سنة وانت طيبين يا أحلى ناس .
Post: #885
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-25-2009, 02:28 PM
Parent: #884

مساء الخير عليكم ياناس يا عسل !!!!




بس كدة ..........

يا بكاييييييييين !!!!!!!!
Post: #886
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-25-2009, 04:06 PM
Parent: #885

حبايبنا ..

دعوة .. للإسترسال
واستدعاء الذكريات ..
وبعض الندى .......


ليلى المغربي ...... سيدتي .. أنتِ امرأة لا تتكرر في تاريخ الورد !!!
Post: #887
Title: Re: ناس الزقازيق ... أجدع ناس ( 3 )
Author: احمد محمد بشير
Date: 11-25-2009, 04:09 PM
Parent: #886

ناس الزقازيق أنشط ناس في هذا المكان....
مشاء الله كل سنة وانتو طيبيين و سالمين
ولاميين .....
Post: #888
Title: Re: ناس الزقازيق ... أجدع ناس ( 3 )
Author: مني يونس
Date: 11-25-2009, 05:45 PM
Parent: #887

بمناسبة قرب يوم النحر وهو أول أيام العيد

العيد الذي يرتبط بأذهان الأطفال باللعب مع الخروف

sudansudansudansudansudansudansudansudansudan16.jpg Hosting at Sudaneseonline.com
Post: #889
Title: Re: ناس الزقازيق ... أجدع ناس ( 3 )
Author: مني يونس
Date: 11-25-2009, 05:53 PM
Parent: #888

sudansudansudansudansudansudansudansudansudan17.jpg Hosting at Sudaneseonline.com


sudansudansudansudansudansudansudansudansudan18.jpg Hosting at Sudaneseonline.com


تعبانين الخرفان معانا
Post: #890
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-25-2009, 06:28 PM
Parent: #889

Quote: آل ايه , الواد رش والواد ابو الزوز
قالوا ما حافظينها ؟؟!!
ومال الرسلها لى فى المسيج داك , كانت حبوبتى
ندى القلعة فنانة رائعة ولاشك
وكمان سمحة
بتضاروا مالكم


و الله يا منص لقيتك دروجبا بس...تسجل من أنصاف الفرص...بل و من أرباع الفرص...حسة يا أخوي الجاب سيرة سماحة ندى القلعة شنو...نحن بتكلم عن الأغنية جميلة و حلوة و أثرت فينا بصورة أو بأخرى...أما ندى القلعة رعم سماحته لم تكن موضوع الحديث....رغم انه حديث ذو شجون...
Post: #891
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-25-2009, 06:34 PM
Parent: #890

انا عشان حركاتكم دي
جبت ليكم هالة دهب
ندى القلعة دي الا تسمعوها كاسيت
لكن فيديو لالالالالالالالا
عارفكم دخلتوا في السن إياه
وشايفكم كثرتو البكا والنويح ...

بسسسسسسسس ... ولا نفس !!!!!
Post: #892
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-25-2009, 07:05 PM
Parent: #891

انت قاعد بي هنا بتسوي في شنو يا قدورة...نمشي بي هناك يقولو مشيت مربع كاي نمشي مربع كاي نلقاك في بيتك الجديد....أركز ليك في مكان واحد خلينا نعرف نتفاهم معاك....
Post: #893
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-25-2009, 09:02 PM
Parent: #892

لا أذكر بالتحديد متى تعلمت سواقة الدراجة...العجلة...و لا أتذكر هل كانت مسألة صعبة أم سهلة بالنسبة لي...لكنني اذكر انني تعلمتها من زمن طويل....و أذكر انني كنت اقود دراجتي الى مدرسة الأميرية مدني حيث درست جزء من السنة الثانية و السنة الثالثة بها قادما من الخرطوم...و أذكر أيضا انني تعرضت لحادث تصادم مع سيارة و أنا قادم من المدرسة...لم أصب بسوء ولكن دراجتي كانت قد تحطمت تماما...و الخلعة الدخلت فيني ما مرقت حتى الآن...
تحضرني هذه التساؤلات و أنا أحاول جاهدا تعليم ابني مهند قيادة الدراجة...فآخذه الى الكورنيش...أمسك به ثم أتركه فيتوقف خشية أن يقع على البلاط...قلت ليهو و الله معاك حق يا ولدي...زمان كنا لو وقعت بتقع في الرمله و لا بدون رمله تظلط و تقوم...لكن البلاط ده بكسر الراس...و ما زالت المحاولات مستمره...
هناك شارع في مدني يعرف بشارع اتجاه واحد...يشتهر هذا الشارع بان كل الدكاكين الفيهو دكاكين عدة...يقال ان أحد الأولاد تعلم العجلة حديثا جدا...فهو يستطيع أن يقود الدراجة لكنه لا يقدر على الدوران يمينا أو يسارا..يقود في خط مستقيم...أرسلته والدته الى سوق العدة فظن أنه يمكنه أن يذهب بدراجته...قاد دراجته وسط زحام شارع اتجاه واحد...و فجأة وجد نفسه يتجه صوب أحد دكاكين العده..لم يستطيع الدوران و مشى في خط مستقيم تجاه الدكان...فما كان منه الا أن أخذ يصرخ....يا عم يا بتاع الدكان...يا عمي قفل...قفل...قفل............دششششششششش
Post: #894
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-25-2009, 10:11 PM
Parent: #893

Quote: ناس الزقازيق أنشط ناس في هذا المكان....
مشاء الله كل سنة وانتو طيبيين و سالمين
ولاميين .....


مرحب بأخونا أحمد محمد بشير

زيارتك تسرنا وطلتك جميلة وهلا بيك
Post: #895
Title: Re: ناس الزقازيق ... أجدع ناس ( 3 )
Author: طارق جبريل
Date: 11-25-2009, 10:27 PM
Parent: #894

سلام يا احلى ناس
تصدقوا نحن المغاربة ديل جارننا لي يوم السبت في العيد
هسي دة كلام يدخل المخ









غايتو بكرة ماشي اشتري الخروف ان شاء الله
Post: #896
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-25-2009, 11:31 PM
Parent: #895

طارق ودجبريل العالم كله بيختلف في تحديد

وقت عيد الفطر بس عيد الأضحى ده بتحدده السعودية

علشان وقفة عرفات ،،، الناس ديل مذهبهم شنو.
Post: #897
Title: Re: ناس الزقازيق ... أجدع ناس ( 3 )
Author: طارق جبريل
Date: 11-25-2009, 11:37 PM
Parent: #896

ريسنا وحبيبنا ميسرة
صدق الناس الديل الوحيدين الزينا
مذهبهم المالكي
Post: #898
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 00:03 AM
Parent: #897

بالله مذهبهم مالكي عجيب

طيب موضوع تحديد وقفة عرفات دي

صارت حق للسعودية بحكم تحكمهم في الحج

وبالتالي بتنصاع كل الدول الإسلامية بدون إستثناء

زمان عندنا في السودان لمن يجي برد شديد كان الفلاته

بيفرحوا شديد علشان صعوبة الوضوء لصلاة الصبح والعشاء

وكانت مقولتهم المشهورة عندنا - الله يجيب برد دا علشان عرب يخلوا صلاة -
Post: #899
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 00:16 AM
Parent: #898

يتوجه اليوم الخميس صباحاً بعد صلاة الفجر جموع الحجاج

من منى الى صعيد عرفات الطاهر ،،، ويوم عرفة هو يوم

يفضل الصيام فيه لغير الحاج ،،،، نذكر الجميع بأن هذا

اليوم الخميس وقفة عرفة لنستقبل ذلك ونتقرب إلى الله بهذه العبادة

البسيطة تقرباً الى الله خوفاً وطمعاً .
Post: #900
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 00:33 AM
Parent: #899

أين ناس الليل لماذا قل الحبان

ناس الليل كانوا أشاوس يلتهمون السطور

ويقرعون الطبول وآخرين يأتون محملين بالبرايات

والأقلام السنينه ،،،

الليلة الميل ده لازم يلحق أمات طه يا طارق جبريل نمت ولا لسه

خلاووووس
Post: #901
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 00:41 AM
Parent: #900

خاطرة ليلية::::::::::

مالي لهذا القلم لا يكتب

هل جف حبره أم جف حبري

لم تعد الأوراق مزدحمة الأسطر

بل خالية خاوية وأنا لوحدي

كالطريق إلى بيتي بل كالطريق إلى قلبي

هذه الليلة البوست شارع مظلم
Post: #902
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 00:46 AM
Parent: #901



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #903
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 01:15 AM
Parent: #902

اليوم هو يوم عرفة ويُشرع فيه التكبير من

فجر يوم عرفة إلى عصر أيام التشريق وهو اليوم الثالث عشر من شهر

ذي الحجة :

الله أكبر الله أكبر
لا إله إلا الله ،،والله أكبر ،،،
الله أكبر ولله الحمد
والله أكبر ،،، الله أكبر ،،، الله أكبر كبيرا
والحمد لله كثيرا ،،، وسبحان الله بكرةً وأصيلا
Post: #904
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-26-2009, 08:16 AM
Parent: #903

يا اهلي الحنان الطيبين سلام وعيد مبارك عليكم وعلي كل اسركم الجميلة(الكبيرة والصغيرة) وكل سنة وانتم بكامل الصحة والعافية وكل الاماني محاحققة باذن اللة
Post: #905
Title: Re: ناس الزقازيق ... أجدع ناس ( 3 )
Author: كمال الشادي
Date: 11-26-2009, 08:38 AM
Parent: #904

وقفة مقبولة
للحاج
وللصائيمن من غير الحجاج
وميسرة واخلاص محمد احمد
كل سنة وانتو بالف خير انشاء الله
Post: #906
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-26-2009, 08:58 AM
Parent: #905

كل سنة وانتو طيبين احتياطى كده
تجارب الناس فى السفر
حتى ولو كان لى جدة القريبة دى
انهم يا يسافروا ’ يا يتواصلوا
الأتنين شكلهم كده ما بيجوا مع بعض
الا الرشيد الحبيب
فهو استثناء فى التواصل مع السفر
هل انجح انا
اشيل معاى اللاب توب
كدى نسأل احمد
كان ناس طارق جبريل عيدهم السبت
ناس اخلاص محمد احمد ديل
عيدهم يكون الأسبوع الجاى يا ربى ؟؟!!
وقفة مبروكة وعيد سعيد وحب اكيد
Post: #907
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-26-2009, 09:05 AM
Parent: #906

عيد مبارك يا منصور وكل سنة وانت واماني والاولاد في صحة وسعادة ونجاح يا رب
نحنا عيدنا بكرة يامنصور وفرق الزمن بينا بس ساعتين يعني ما في مالطا
تسلم يارب
Post: #908
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-26-2009, 09:30 AM
Parent: #907


كل سنة وانتى واسرتك طيبين يا اخلاص
على فكرة يا اخلاص
قبل سنتين تلاتة كده
فى صالة القدوم بتاعت مطار الخرطوم
انا كنت راجع من القاهرة
صادفت فى الصالة زميلتنا نجوى ياسين النور
كانت راجعة من انجلترا مع وليداتها
عن طريق مسقط
قالت لى انك كنت معاها فى الرحلة
فتشنا عليك الصالة كلها ما لقيناك
دى انتى ولا نجوى كانت بنتقصد اخلاص مهدى
Post: #909
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-26-2009, 09:43 AM
Parent: #908

دي انا ذاتي يامنصور وفعلا كنا مع بعض لغاية اخر لحظة لكن افتكر انو سفريتي كانت قبلها بشوية بس دا عشان ما عندي حظ الاقيك معليش ان شاء اللة تقوموا تعملوا تور لسويسرا ونتلاقي
Post: #910
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-26-2009, 11:07 AM
Parent: #909


انت يا كمال الشادى
اخبار الكاروشة كيف ؟؟
الرشيد
نرجع لى ندى القلعة تانى
ومنو القال ليك انت جبت سيرة سماحة ندى القلعة ؟؟!!
انت جبت سيرة عزاز علينا
وانا جبت سيرة المضايرة
فيما يعرف بسياسة اللفح
ودى مكنة شايلة لمن تكون عايز ترمى ليك درابة
غالبا تكون تقيلة عليك
تقوم كده تلفح
وترمى سنارتك
شايلة الطعم
تقول الرشيد وزيزو قاعدين يتضايروا
يجيك احمد اسماعيل يكب الأعترافات التقيلة
وبالمرة نميل على كم اغنيية
بالله هو دروغبا قاعد يعمل زيى كده
اتاريهو لفاااااح
لكن لو ما لامبارد وناس اسيان
دروغبا ده كان بقى هداف الدورى
زمان مش البنات قالوا فى غناهم
سامى عز الدين
حسابو على
ضرورى فى التمرين
حسابو على
انت بس احرق البنسون
والباقى على
الله يخليك لى دروغبا
يا فرانك لامبارد
(ولو ما مقتضيات الحنكشة )
كنت قلت ليك يا مايكل ايسيان
لقيتنى كيف ؟؟
(بورتوووووو يا حاتم جبارة )
Post: #911
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-26-2009, 11:08 AM
Parent: #909

كمال الشادي الفنان المرهف كل سنة وانتي واسرتك بيخير وهناء واللة واحشنه صوتك الجميل تسلم يارب من كل شر
Post: #912
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-26-2009, 11:17 AM
Parent: #911

center>i231377864_91019_71.gif Hosting at Sudaneseonline.com


احبكم جميعا كل عام وانتم بخير
Post: #913
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 11:32 AM
Parent: #912

شايف الجماعة أول أمبارح إستغلوا عدم وجودي وأخدوا راحتهم بس الرد الليلة ما بينفع لأنه الموضوع طول ... لكن يا حلوين لابد ليكم في الكريبة وأبقوا مارقين ....

الكوتش محمد صديق حمد الله علي السلامة ....

يا ريس يا رومانسي ...

الريس ميسره منصور وصل ولا لسه ...
Post: #914
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 11:48 AM
Parent: #913

يا منص ياخي موضوع ندي القلعة دا ما إتجاوزناه مالك عايز تجيب لينا الهواء ... كفاية الهواء بتاع الخروف .... نتمني لكم عيداً سعيداً في جده .... ويا رب تكون إجازة سعيدة ...


للجميع ...

كل عام وأنتم بخير ....
Post: #915
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 12:03 PM
Parent: #913

أول مرة شاهدتها في حدائق الهيلتون في ذاك اللقاء الجامع .. إمراءة في منتصف عمرها كما قدرت في ذلك الوقت ... يبدو عليها الجمال والذكاء في آن واحدة .. لدهشتنا لم تبدو عليها سمات الزواج .. تعجب الكثيرون من البرالمة أمثالنا ... لأن يظل مثلها دون زواج حتي الآن ... رجحت كفة الراي القائل بأنها ربما تكون منفصلة عن زوجها .. عرفنا بعد ذلك الأمر وكيف تعيش حياتها ... إمراءة وليست أنثي ..... تحدثت بفصاحة ولغة واضحة ... عن الرابطة وهمومها ، حديثها لفت الأنظار لطريقة تفكيرها .. رأيناها بعد ذلك في رحلة المعرض الشهيرة .. وبدأنا نعرف عنها بعض الأشياء ... إنها نهلة نجم الدين حسن . دخلت قلوب الناس أجمعين منذ أن طلت علينا في تلك الليلة الجميلة ... إلتحقت باللجنة التنفيذية للجميعة في أولي دوراتها .. كانت من أكثر الأعضاء فاعلية بالرأي والحركة والمشورة .. كانت حاضرة في كل عمل وفعالية .. لم تبخل علينا قط .. محفظتها وحقيبتها تحت إمرة عملنا ... دون حساب أو من .. كثيراً من أنقذت الموقف حينما تتواري بعض الشوارب ... كنت امازحها دائماً بأنها أرجل أعضاء اللجنة التنفيذية ... دارها الجميل كان مقراً دائماً لنا .. لأنسنا واجتماعاتنا .. بيتها مفتوح ... وأسرتها مضيافه بلا حدود ... لن نستطيع أن نعدد ما قامت به ... ولكني أذكر موقفها الأخير .... وهي تهم بدخول غرفة العمليات قبل أيام معدودة ،، هاتفتها لإطمئن علي سير الإجراءات .. تفاجأني بالحديث عن أحد أعضاء الجميعة والذي هو الآخر طريح المستشفي من أجل إجراء عملية أيضاً .. ماذا فعلتم له .. هل زرتموه .. ماذا قدمت له ... ما هي مساهمة الرابطة .. كلما أحاول الحديث معها حول أمرها ... تعود للحديث عن زميلنا المريض ... وبلهجتها الآمرة ... (أسمع حا أشوف زول أرسل ليك معاهو مساهمتي ويلا لم باقي مساهمات الناس والزول ده أبقو عليهو عشرة) ... تفكر في الآخرين ولم يتبقي علي دخولها المستشفي سوي سويعات ... من له مثل هذا العطاء والجلد سوي نهلة نجم الدين حسن .. الأمين العام للجمعية السودانية لخريجي الزقازيق ... وكما نقول نحن أهل البسار أنثي ولا دستة رجال .... أجرت نهلة العملية وقد تمت بنجاح كبير ... وهي تطمأن الجميع بأنها قد تماثلت للشفاء ... لماذا لا ندخل في قلبها السعادة مثلما تحاول إسعاد الآخرين .. أقترح أن يتصل بها الجميع داخل وخارج السودان في صباح العيد لنقول لها ... يا نهلة كل سنة وأنتي طيبة ... وكل سنة وإنتي بألف خير ... وكل سنة وإنتي أكثر إقداماً وصموداً .. والتحية لأسرتها الصغيرة ... د. صلاح عوض ... عزة ... صفوة والصغير وضاح .. تلفون نهلة من داخل السودان 0912365213 - ومن خارج السودان 00249912365213
Post: #916
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 12:23 PM
Parent: #915

العيدية

untitled13.JPG Hosting at Sudaneseonline.com
Post: #917
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 12:26 PM
Parent: #916

أنخفض عدد قراءنا في الفترة الأخيرة ... كان القراءة حوالي 500 شخص في اليوم ... تدني المعدل ليصبح 250 قارئ في المتوسط .... علينا بمزيد من الإجتهاد .... والتطوير ...
Post: #918
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 12:57 PM
Parent: #917

مجنون أنا بالحب .. والحب مجنون بك ... قومي يعرفون الحب ولكنهم لا يعلمون كيف يحبوا ... أو يمارسوا هذا الحب .. لنقص في المعرفة ... وخلل في التركيبة .. ولأن للحب قوانينه الخاصة ... فهو لا يطرق الأبواب وإنما يتسلل إلي القلوب .. وأول ما يفعله ... يعبث بكيمياء النفس ... ويغير خارطة جيناتنا .. وشفراتها .. بحيث تغلق بأمره وتفتح عند حضوره ... لذا من أراد أن يحب عليه أن يغادر جغرافيته السابقة ... ويبدأ في تدوين تاريخ جديد ... ويتحدث لغة جديدة ... بمفردات مختلفة ... وقواعد تعتمد علي علم (نحو العشق) ... ومذاكرة فروض الحبيب ... نار الحب قد تحيلك إلي رماد إن لم تحسن مسك شعلتها ... ونورها قد يجهر بصرك فلا تري سواه من الكون ...
Post: #919
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-26-2009, 01:26 PM
Parent: #915

صباح الخير يا وجوه الخير ،،،،

يوم عرفة يوم طيب ومبارك للجميع

التحية للمتداخلين الصباح وكل عام وأنتم بخير

منصور ، إخلاص محمد أحمد ، الشادي ، الريس معتصم

أخبار الحجاج :

تواصلنا اليوم كان مع فضيلة مفتى ناس الزقازيق

الحاج محمد آدم النور وأفاد بأنه إجتمع مع موسى عيس ويحلق بهم

محمد المبارك - تجارة - ولم يلتق الآخرين وعلى رأسهم جلال والجميع بخير

الأمطار التي هطلت على المنطقة الغربية وخاصة مكة ومنى وعرفات ومدينة جدة

وقد أدت السيولة الجارفة في وديان جنوب جدة إلى مقتل 48 شخص وجرف 100 سيارة

ونحمد الله على سلامة الحجاج .
Post: #920
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 03:00 PM
Parent: #919

حجاًُ مبروراً لكل الناس ... وكل عام وأنتم بخير ...
Post: #921
Title: Re: ناس الزقازيق ... أجدع ناس ( 3 )
Author: محمد عيد
Date: 11-26-2009, 03:49 PM
Parent: #920

568689927.jpg Hosting at Sudaneseonline.com
Post: #922
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-26-2009, 04:25 PM
Parent: #921

أجمل التهاني و التبريكات بمناسبة عيد الأضحى المبارك...اعاده الله علينا و عليكم بالخير و اليمن والبركات....

اخلاص وينك يا فردة...اختفيتي مالك فترة...كل سنة و انتي و أسرتك الكريمة بألف خير...

منص....اللفح ما عندك لكن...بعد شوية بتلحق ميسي...تحاور من النص و تهدف بعد داك...حسة قول لي جبت سيرة بنات النيل الأزرق العاملات زي الماكنتوش ديل زي ما قال صلاح التجاني...

أبو الزوز...عيني باردة و الله عليك الأيام دي بهجة فاكه الرقابة شوية ولا شنو...مستوى الرومانسية ده زايد عن الحد شوية بمقياس ريختر...و ممكن يكون مقدمات يا لزلزال أو بركان عديييييل كدة...

أما ما قلته عن نهلة نجم الدين فلقد أصبت كبد الحقيقة و عينها و لأنك من رمات الحدق في الوفاء...أي أنك وفي و أصلك طيب نبهت الى أهمية رد الوفاء لشخصية عظيمة مثل نهلة نجم الدين...

محمد عيد أسعد الله أيامك و عيدكم سعيد...
Post: #923
Title: Re: ناس الزقازيق ... أجدع ناس ( 3 )
Author: محمد عيد
Date: 11-26-2009, 04:36 PM
Parent: #922

519213242.jpg Hosting at Sudaneseonline.com
Post: #924
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 05:07 PM
Parent: #923

يا رشدي مالك عايز تجيب لينا الهواء ... دي تهاويم بتاعت جنون .... ساكت ....


تعرف في عناوين بتاعت كتب تكون مرت عليك وراسخة في ذهنك لا تفارقه فمثلاً تعجبني مثل هذه العناوين :

لمن تقرع الأجراس ...

إنهم يتقلون الجياد (تلك الرواية الأمريكية البديعة) عليك الله يا رشدي لو مزاجك رايق فكفك لينا العناوين دي ،، ولا جيب لينا عناوين تخدش حياء الروح ...
Post: #925
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-26-2009, 05:30 PM
Parent: #924

حبى وقلبى مجنون بكم جميعا فانتم الرايعون تسللتم كلكم الى قلبى..تقبل الله صيامكم اليوم وما تنسونا من الدعوات.. وحجا مبرورا لكل الحجاج وعودا حميداانشاء الله يرجعوا سالمين لاسرهم.
لكم جميعا احلى الامانى بمناسبة عيد الاضحى..كل سنة وانتوا سالمين وتامين ولا مين ومبسوطين .
يا ناس جده انتم المحظوظون بعيد ابنوسى اسفيرى . محمدعيد كمان يعنى عيدكم غير(وجدة غير-محمد عيد ومنص)
دمتم سالمين
نجاة حوفى
Post: #926
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-26-2009, 05:44 PM
Parent: #925

ترحيب حار بالزميلة الرائعة اخلاص والله مشتاقين .سعدنا بقدومك. واستمتعنا برؤية صورك انت والعزيزات سناء الصباغ وحنان الخطيب.. ما شاء الله شباب وحيوية..وجمال..
زوبة الله يرجع ليك ابومحاسن سالم ويتقبل حجته..
فافى مشتاقين ..
حاتم جبارة ابو امنية ما ظنيته بدا يستعد للهرولة والحج السنة الجاية معاك( شوف عينى ما جابو الى )
بمناسبة الكروش مهند اول ما ادوه الارقام فىKG1 جانى قال لى يا ماما الليلة ادونى 3
u khnow how to write 3?
small stomach like my stomach then big stomach like mum and dad.
قلت ليه يا ولدى حسه فى داعى فى زول سالك من كروشنا.
وبعربى جوبا بتاعه انه ابو امنية اكبر fat واحد فى البيت.
دمتم سالمين
وكل عام وانتو بخير..
Post: #927
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 05:59 PM
Parent: #926

Quote: وبعربى جوبا بتاعه انه ابو امنية اكبر fat واحد فى البيت



يا نجاة والله العربي لكن ما عندكم ... بس أبو امنية وحاتم جبارة ديل ممكن نعمل ليهم حج سياحي يعني مافيهو تعب ... بقدر الأمكان ... بس من هسه لازم يعملوا حسابهم ... وانا ذاتي معاهم .... السنة دي زي ما قالوا الحناكيش الناس كلها في الحج ...
Post: #928
Title: Re: ناس الزقازيق ... أجدع ناس ( 3 )
Author: ياسر نجيلة
Date: 11-26-2009, 06:16 PM
Parent: #926

eid_nov.jpg Hosting at Sudaneseonline.com
Post: #929
Title: Re: ناس الزقازيق ... أجدع ناس ( 3 )
Author: مني يونس
Date: 11-26-2009, 06:57 PM
Parent: #928

إمبراطورية ميم تهنئكم بحلول عيد الأضحى

أعادة الله علينا وعليكم بكل خير وكل عام إنتو

كاملين وتامين ومتعاونين ومتواصلين ،،،،،،،،،،
sudansudansudansudansudansudansudansudansudan21.jpg Hosting at Sudaneseonline.com

إمبراطورية ميم تعانق إميراطورية ناس الزقازيق الطيبين
Post: #932
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 11-26-2009, 07:39 PM
Parent: #929

نجاة حوفي ياراقية كل سنة وانتي ورشيدالقوم بخير وسعادة ويخلي ليكم الحلوين أمنية و مهد ويديكم كلكم الصحة والعافية.
الرشيد الصديق الودود طولتا ما سمعت حكاويك الجميلة .
مني يونس ربنا يحفظكم جميعا وكل سنة وانتم في كامل الصحة والعافية.
Post: #930
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 06:58 PM
Parent: #928

http://www.sudaneseonline.com/cgi-bin/sdb/2bb.cgi?board=299


منبر ناس الزقازيق ...
Post: #931
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-26-2009, 07:29 PM
Parent: #930

بت مرحب بامبراطورية ميم يا مني كل سنة وإنتو طيبين .... العيد مبارك علي الجميع ... وتحياتي ليهم جميعاً ...
Post: #933
Title: Re: ناس الزقازيق ... أجدع ناس ( 3 )
Author: زينب التجاني
Date: 11-26-2009, 08:27 PM
Parent: #931

لسلام لاجدع واروع ناس

عيد سعيد وعمر مديد وربنا يديكم الصحة والعافية وينعاد عليكم
الحجه يارب يسبع حجتو والما حجا انشاء الله السنة الجاية

ودى متاوقة كدة بس جاياكم بعدين
Post: #934
Title: Re: ناس الزقازيق ... أجدع ناس ( 3 )
Author: طارق جبريل
Date: 11-26-2009, 09:25 PM
Parent: #933

سلام يا اهلنا
نحن غايتو الناس بكرة تضرب في اللحم ونحن نضرب في الكرواسون
شفتوا العوجة دي
غايتو المغاربة ديل محنونا عدييييييييييييييل
وان شاء الله يوم عيدنا (السبت) حا اوصف ليكم
المغاربة ديل بيعملوا شنو في الخروف
عندهم طقوس عجيبة في كل جزْء من الخروف
كل حتة عندها اكلة خاصة بيها
الليلة من اصبحت جبنا الخروف وهسي شغال يبعبع


يا زوبة بس خليك قريبة عشان الوصفات ما تفوتك


الف الف الف سلامة لي اختنا نهلة
وحباب اخلاص
Post: #935
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-27-2009, 00:33 AM
Parent: #934

يا جبريلا انا غايتو في راي أضبح بكره مع المؤمنين سيبك من المغاربة العلمانيين ديل ... ما مضمونين يمكن يجوا يوم السبت يقولوا ليكم مافي ضحية ... زين العابدين بن علي السنة دي لغي الحج للتوانسة ... يا زول أسمع كلام أخوك ... وتابع المؤمنين الحقيقيين ... اهل القبلة ..

الليلة صاحبك جبارة وصل السودان
Post: #936
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-27-2009, 05:53 AM
Parent: #935

أول أيام عيد الأضحى المبارك...كل عام و أنتم بخير...أحياكم الله و أبقاكم و بلغكم أمانيكم جميعها...

العيد في أبو ظبي...ما به و ما عليه...
رغم السهر الى وقت متأخر و حتى ساعات الصباح الأولى بسبب الحمى التي اصابت مهند...الا أنني حرصت على أداء الصلاة في المسجد...و كان ذلك...التهليل و التكبير وسط الجماعة في المسجد أعطاني قليل من الاحساس بعيد السودان رغم ان آخر عهدي بالعيد في السودان انه أصبح يشبه العيد في أبو ظبي كثيرا و ليس هو نفس العيد الذي كنا نعرفه زمان...
صلينا صلاة العيد والتفت الى أقرب الجالسين لأصافحه مهنئا فوجدته غير مهتم بذلك فسحبت الفكرة من رأسي قبل أن أضطر الى سحب يدي محرجا...أحد العرب يجلس قريبا مني بدأ مثلي يبحث عن مصافح..يبدو أنه أسير أشواقه مثلي...صافحته فصافحني بقوة و حب و كأنه يعرفني منذ ألف عام...أكتفيت به مهنئا و أخذت سجادة الصلاة التي لم أحتاج اليها...كنت أحسب انني سأصلي خارج المسجد...فوجدت نفسي في الصف الرابع أو الخامس داخل المسجد...أين ذهب المصلون هذا العام...ربما ذهبوا الى مسجد آخر...ربما..و لماذا كل هذه الأسئلة طالما وجدت لنفسي مكانا داخل المسجد...سألني صديقي زهير البارحة عن أسماء الروايات التي تعلق بالأذهان لموسيقية الاسم...خطر ببالي اليوم...مائة عام من العزلة...لا أدري لماذا..انه مجرد خاطر...
الخروف أو الأضحية...قمت باتصالاتي التلفونية قبل يومين من العيد لترتيب مسألة الخروف هذه..بعض الأصدقاء لهم معرفة بالمسلخ الموجود بمنطقة بني ياس خارج أبوظبي وعدوني بأن يصلني الخروف في مكاني و لا داعي للحضور...ذكرتهم أن يكبروا الله و يذكروا اسمي عند الذبح...هل تريدون أن تعرفوا اسم أمي..لا لا لا أظن ذلك فلا حاجة له هنا...لست من المؤلفة قلوبهم و لكن أحيانا تجد بعض الممارسات هي ليست من الدين في شئ ولكن مجرد عادات أو اعراف تجعلك تتشكك في ما هو من الدين و ما هو مجرد عادات أو أعراف..
حضرت الى البيت...ما زال مهند يعاني و لكنه تحسن كثيرا...نجاة يبدو عليها السهر و الارهاق..أما أمنية فهي نائمة مطمئنة و الحمد لله...ألقيت بالعمة على أول كرسي قبل ألقي بالتحية و التهنئة على أم أمنية...نجاة تركز كثيرا على الحج السنة القادمة باذن الله...هل هي أشواق...أم أنها قد حققت كل الأماني وتبقى لها منها الحج فقط...نسأل الله أن يحقق أمنياتها جميعا يا رب...
هذه خواطري عن العيد حتى الآن...أتوقف لأبدأ اتصالاتي للسودان مهنئا و معايدا الأهل و الأحباب و ألأصدقاء و من لم يصله اتصال مني يكون الرصيد كمل قبل أن أتصل به...و كل عام و كلكم بخير و عافية و يحفظكم الله و أسركم....
Post: #937
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-27-2009, 06:15 AM
Parent: #936

عيد سعيد وعساكم من عواده..
انشاء الله تتحقق امنياتكم كلها البعيدة والقريبة.
Post: #938
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 11-27-2009, 06:42 AM
Parent: #937

sudansudansudan18.jpg Hosting at Sudaneseonline.com




اجمل تهنئة بالعيد مني ومن حاج الركز

وجيفاراتي الى قبيلة الزقازيق واسرهم
وانشاء الله ربنا يحقق ليكم كل الاماني الحلوة
Post: #939
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-27-2009, 09:07 AM
Parent: #938


untitled03.bmp Hosting at Sudaneseonline.com



السلام لأحبّ وأجدع ناس

أدام الله لكم الأعياد دهورا
وألبسكم من تقواهـ نـــورا

وكل عام وأنتم بخير ولامين ومتواصلين
Post: #940
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-27-2009, 09:20 AM
Parent: #939




متابعين ومستمتعين
Post: #941
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-27-2009, 11:50 AM
Parent: #940

59a553413e.gif Hosting at Sudaneseonline.com

عشيرة الزقازيق

كل عام وأنتم بخير

وعساكم من عواده
Post: #942
Title: Re: ناس الزقازيق ... أجدع ناس ( 3 )
Author: طارق جبريل
Date: 11-27-2009, 11:56 AM
Parent: #941

احبابنا كل سنة وانتم بالف خير
والسنة الجاية زي ما عايزين

نحن فطرنا بي كيك
الله غالب








يا جماعة الصورة الكبيرة دي فتلت البوست
Post: #943
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-27-2009, 12:05 PM
Parent: #940


صباح الخير وعيد سعيد
لكل المتداخلين والمتابعين والقارئين
العيد البيخطى لمة الهل فى السودان
يبقى عيدا ناقصا
ولكنى سعيد بان اول محاولات تكملة الناقص فى العيد
انما تبدا بكم
لا اخصص احدا
ولكن يمكن لكم كلكم ان تشعروا بانى اخصكم بتحية عيد خاصة
مهند الرشيد له منى عيدية خاصة
ملخصها تبرى وتستبرى من حمى العيد
كانت تزور فى الظلام , كما وصفها المتنبى
مالها قد اصبحت اكثر تحديدا فى تخصيص مساءات العيد وظلامه
انا احبكم جميعا يا زقازيقاب
اكثر من العيد الفات بالتأكيد
شبكة الأتصال التلفونى حرمتنى مع الحديث مع قائمة طويلة من مقاماتكم العالية
ولكنى اطمع فى ان تتحسسوا مواقع قلوبكم
فى البطينات والأذينات
كما فى اغشية التامور
ستجدونى معكم
نهلة نجم الدين عيد سعيد
وكلام زهير الزناتى اسعدنى مرات عديدة
وعجبت ان كيف للمتشابهين ان يتقابلوا كل هذا التقابل
راق لى وصفك لنهلة يا زهير
فهى كذلك بل تزيد
تحيات عيد دافئة لكم من جديد
وانا فى طريقى الى جدة
فى محاولة جديدة وجادة واكيدة
للبحث عن (عيد وميسرة )
وهربا من (اللاعيد والصعاب )
منصور , امانى , احمد , ايثار, مجتبى , حجازى , مدرار
مطار الملك خالد الدولى فى الرياض
الصالة الداخلية
Post: #944
Title: Re: ناس الزقازيق ... أجدع ناس ( 3 )
Author: طارق جبريل
Date: 11-27-2009, 12:11 PM
Parent: #943

كل سنة وانت بالف خير يا منصور
والف سلامة لي مهند الرشيد
والله يا الرشيد نفس الشي حاصل عندنا
ريم من امبارح بتستفرغ
والليلة مافي عيد
يعني كمية دبرسة كدة خليها علي الله بس
Post: #945
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-27-2009, 04:53 PM
Parent: #944

Quote: والف سلامة لي مهند الرشيد
والله يا الرشيد نفس الشي حاصل عندنا
ريم من امبارح بتستفرغ
والليلة مافي عيد
يعني كمية دبرسة كدة خليها علي الله بس


ألف سلامة على الإبن مهند والأبنة ريم وما تشوفوا شر

يا طارق جبريل صدقني معظم الدول دي عيدها مسيخ

خلاف ما تكون في السودان أنحنا منتظرين منصور علشان

يحلي لينا عبد جدة علشان تكون فعلاً جده غير .........

تهبط بإذن الله طائرة منصور الساعة 7:30 مساءً بعد أن تأخرت

لمدة ساعتين ونصف بمطار الرياض ،،، نستعد الآن بالتوجه إلى مطار الملك عبدالعزيز بجدة

لزوم إستقبال الحبيب .....
Post: #946
Title: Re: ناس الزقازيق ... أجدع ناس ( 3 )
Author: طارق جبريل
Date: 11-27-2009, 04:55 PM
Parent: #945

يا ريس بختكم والله
منصور دة ممكن يخلي جدة كلها عيد والله
كل سنة وانتم طيبين وسالمين
Post: #947
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-27-2009, 05:20 PM
Parent: #946

فشلت كل الجهود التي قام بها محمد عيد

وشخصي في التواصل مع الدكتور سيف النصر

الهاتف الوجود لا ينطق ،،، يا دكتور سيف

نأمل تفضلكم بالإتصال بهاتف محمد عيد أو

على هاتفي 0508606055 للضرورة.
Post: #948
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 11-27-2009, 06:01 PM
Parent: #946



hjy.JPG Hosting at Sudaneseonline.com



وأيضا نعيد للجدعان بالطفلة/ شفق والإبن شاكر أحمد
Post: #949
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-27-2009, 08:20 PM
Parent: #948

جبريلا سلامة ريم و نسأل الله أن يعافيها و ينعم عليها بدوام العافية...و ان شاء الله تقوم بكرة تجضم ليكم اللحم زي المافي حاجة....
بالله يا جبريلا جيب لينا الخروف بعد ما تبشتنوهو....

أحمد اسماعيل بسم الله ما شاء الله...ربنا يحفظ ليك شفق و شاكر أحمد اسماعيل....ربي اجعلهم من الصالحين البارين بوالديهم...حفظك الله لهم و حفظهم لك ...

ننتظر وصول الطائر الميمون الذي يقل منصور عبد الرازق محمد فضل الى مطار جدة....
Post: #950
Title: Re: ناس الزقازيق ... أجدع ناس ( 3 )
Author: محمد عيد
Date: 11-27-2009, 08:29 PM
Parent: #949

Quote: ننتظر وصول الطائر الميمون الذي يقل منصور عبد الرازق محمد فضل الى مطار جدة....


وصلت بحمد الله الطائرة بعد رحلة عذاب منذ نهار اليوم

وكان فى استقبال منصور واسرته .. الريس ميسرة حبيب الكل ...

واكتملت فصول تعذيب سعودى طييير بعدم وصول الامتعة مع الطائرة ..


البرنامج سيبدأ يوم غد باذن الله ...

وما زلنا فى انتظار اتصال سيف النصر للانضمام للكوكبة

حيث ان معظم ناس جدة اما فى الحج او خارج السعودية
Post: #951
Title: Re: ناس الزقازيق ... أجدع ناس ( 3 )
Author: طارق جبريل
Date: 11-27-2009, 09:00 PM
Parent: #950

حبيبنا عيد كل سنة وانت طيب ياخي
ايامكم والله اتمنينت نكون معاكم


الرشيد كيفنك
بالله طمنا على مهند
ريم تتحسن والحمد لله
Post: #952
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-27-2009, 09:20 PM
Parent: #951

جبريلا حمدا لله على سلامة ريم نسأل الله أن يتم لها العافية......

مهند أيضا يتحسن...

حمدا على سلامة وصول منصور و أسرته الى جده...نتمنى لكم يا محمد عيد برنامج جميل...بس أطلعوا من المحلات المقفولة دي ورونا بحر جدة ده..اذا كان الجو جميل.....

سوق الزول ده المول لمحلات Big & Tall أشتري ليهو لبستين لحدي ما يجي عفشه..
Post: #953
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-27-2009, 09:30 PM
Parent: #951

عيد سعيد ...

مهند الرشيد ....
ريم طارق ... سلامتكم والف كفارة

عيد سعيد
شفق وشاكر أحمد إسماعيل ربنا يخليكم ..
والسنة الجاية أكبر وأحلي

عيد سعيد ...
أحمد .. إيثار (ودي صاحبتي) ... مجتبي ... حجازي ... مدرار
وإجاوة عيد جميلة في جدة

عيد سعيد لكل أعضاء البوست دون فرز .... من الريس معتصم والريس ميسرة حتي السمؤال وعبد السميع
كل عام وأنتم بخير ربنا يحقق لكم كل الأماني الممكنة والمستحيلة ... وليت يأتي العام القادم ويجدنا غير ومختلفين وحققنا بعض أحلامنا الشخصية والعامة ...
Post: #954
Title: Re: ناس الزقازيق ... أجدع ناس ( 3 )
Author: محمد عيد
Date: 11-27-2009, 10:40 PM
Parent: #953

Quote: سوق الزول ده المول لمحلات Big & Tall أشتري ليهو لبستين لحدي ما يجي عفشه..


رشيد الحبيب ... حأحكى ليك فى الماسينجر نكتة صاحبك وهدومو الما وصلت لى هسه ؟

جبريلا وزهير ... لو عاوزين تقروها .. الغاوى ينقط بى طاقيته ..!


&&&&&&&&&&

معذرة ..

سلامات والف كفارة لمهند الرشيد وريم طارق جبريل

وربنا يواليهم بالشفاء ...

**********

يا اخوانا .. الكوتش وينو .. حتى ما ظهر يعيّد على الناس ..
Post: #955
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-27-2009, 11:58 PM
Parent: #954

الكوتش محمد صديق غادر هو وأسرته إلي كسلا صباح اليوم لقضاء العيد وحضور زواج أزهري قسم الباري ... التهاني لخالدة ومحمد صديق ... وللاسرة بكسلا ....
Post: #956
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-28-2009, 09:15 AM
Parent: #955

صباح الخير ...

العيد ... ولي ..... واللحم راح في مرقة ....

كل عام وأنتم بخير .... جميعاً دون إستثناء ... من هم داخل السودان أو داخل قلوبنا ... ومن هم خارج السودان ... ولم يخرجوا يوماً من دواخلنا ... إليكم نهدي هذا العيد ...
Post: #957
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-28-2009, 10:27 AM
Parent: #956

Quote: رشيد الحبيب ... حأحكى ليك فى الماسينجر نكتة صاحبك وهدومو الما وصلت لى هسه ؟


محمد عيد...شربوتكم قوي والله...ما وصلني أئ شئ في المسينجر.....

شربوت بلدنا و لا باربيكان الجيران....جادت علينا قريبتنا الكريمة المقيمة معنا هنا بأبوظبي بشربوت...قالت أنه ليس به أي شبهات و يا دوب معمول من أمبارح...صدقنا الرواية و جلسنا بعد أن تناولنا وجبة بين الفطور و الغداء كثيرة الشواء ...و تعددت فيها أصناف اللحوم...شية جمر...و شية الجمر دي اسم بس لكن لا شفت جمر و لا حاجة....و شية الصاج اللذيذة ديك...ألمش و المخللات و الشطوط...احي أنا من الشطوط الخلتني مساهر الليل كله...أكلنا اللحم و شربنا الشربوت الخفيف المبلول من أمبارح...و بعد تسرب الشربوت الى العروق...حدثتنا قريبتي قائلة أنها كانت جالسة تتفرج في التلفزيون فسمعت صوت فرقعة عالية و صوت يضرب بقوة في الباب الخلفي حيث تجلس...خافت بشدة و مشت على أطراف أصابعها لتى ماذا هناك....و جدت ان الجركان الذي به الشربوت قد أنتفخ حتى طار غطاه من مكانه و ضرب في الباب....

قلت ليها....طار طار تكلمينا بعد شنو....و الله شربوت بلدنا و لا باربيكان الجيران...
Post: #958
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-28-2009, 11:56 AM
Parent: #957

Quote: العيد ... ولي ..... واللحم راح في مرقة ....


طيب ما تلايقوها....الأيام دي يا أبو الزوز تكون بهجة متفننة في أم رقيقة...تكون عملت ليها كمان مخزون استراتيجي من شوربة الضلع...غايتو باقي السنة لياقة سااااكت...
Post: #959
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-28-2009, 01:44 PM
Parent: #958

احلى عيد لأحلى ناس
نعم اتلتلنا فى رحلة السعودية اير تلتلة العدو
نعن اضطرينا لقضاء ليلتنا الأولى من الأجازة فى جد
بدون احتياطى ملابس الا تلك التى علينا
ولكن دفء الأستقبال وحرارة مشاعر اهل جدة الرائعين
ميسرة وسيدة الزقازيق الأولى
ومحمد عيد
جعلت كل هذه التلاتل المتلتلة آخر اهتماماتنا
عندما امسك بيدى فجاة
وانا انتظر الشنطة التى لم اكن اعرف انها ماجاية فى ذلك اليوم
على السير الكهربائى المتحرك
ذلك الأسمر الصغير
الذى لو وجدته وسط الاف الأطفال
لعرفت مباشرة انه
منذر ميسرة سيد احمد
انت يا عمو مش اسمك منصور
خلعنى ليك خلعة
انت الدخلك هنا شنو ؟؟
زوغت من البوليس فى مدخل الصالة
وقف معنا فى حافة السير (وقفة طفل كألف رجل)
انت عارف ياعمو الأيام دى كثير الشنط قاعدة تتأخر
وقفة منذر معنا
اعادت الى شريطا من وقفات ميسرة زمان
يا الهى
منذر ميسرة يعيد انتاج الشريط القديم من جديد
ما اسعدنى بهكذا معارف
ويا لهناى بمثل هكذا اصدقاء واصحاب
Post: #960
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-28-2009, 02:00 PM
Parent: #959

اليوم العيد فى المغرب
لذا يلزم كل سنة وانت طيب خاصة لطارق جبريل
مع سلامات كبيرة لريم طارق
وسلام بالزاف وتحية فيها حلاوة عيد المغرب البيقسموا فيهو الخروف طرانشات طرنشات
لى ام ريم بت شيخ اخونا طارق
وارد التحايا باحسن منها الاف الاف
لكل من اتصل على
او نوى
او حا يتصل
زينب التيجانى الشبكة قصرت معاى فى تلقى اتصالك المقطوع مرة
ثم قصرت معاى مرات اخرى لمحاولاتى الحثيثة لرد الأتصال
وكذلك نهلة نجم الدين
كما ان اتصال عفاف
اسهم فى تصدير عيد الرياض الى
بعد ان خيل الى للحظة
اننى تركته ورائى
وتقبل تحيات صاحبتك ايثار منصور يا زناتى زهير
وهى مليانة فرح وسعادة امامى
فنحن ماشين
لى ناس محسنة ميسرة
وهذه حكاية تانية اجيها بعد شوية
Post: #961
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 11-28-2009, 02:17 PM
Parent: #960

رحلتنا مع لحم العيد
لم تبدأ بعد
لكنها ستبدا يا دوب بعد شوية
الشنط جات ووصلت
تاجلت خرفان العديد من الأصدقاء والمعارف
الى مابعد اليوم الأول
بسبب توقييت رحلتنا الى جدة
اولهم خروف العزيزين ميسرة ومنى يونس
ولكن ميسرة من صباح الرحمن فى الحلقة
وسوق الخرفان
ظروف جده وامطارها فى الأيام الفاتت
جعلت من ازدحام العيد
ازدحاما مزدوجا
بسبب الخرفان
وبسبب مياه السيول والمطار
يعنى يا طارق جبريل
ما انت بس العيدكم الليلة
نحن ذاتنا لحمنا لسه يادوب حا يبدا بعد شوية
انا عارف ناس السودان خلاص العيد واللحم عندهم اصبح ذكريات
يا زينب التيجانى امعانا كده فى حندحتك بى ذكريات جده
فنحن بدينا امس حسب برنامج منى يونس وميسرة
بى دجاج البيك الشهى الطاعم واللذيذ
الاسبايسى الحراق
ونبدأ رحلة المشاوى وام رقيقة والشطوط بعد قليل
اما الشربوت , فلو بكرنا لقيتوا كلامنا ما ياهو
ملخبط يعنى ولا فيهو اى لكلكة
طوالى افتحوا بلاغ فى منى يونس دى
النتيجة عموما يا بكرة , يا بالليل
حسب درجة الشربوت بمقياس (ربيكا ست العرقى )
يا نجاة حوفى
Post: #962
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-28-2009, 06:26 PM
Parent: #961

سلام يا شباب
قلتوا لى الشربوت كيف ؟؟
ياخى الشربوت بتاع منى يونس
خلى منصور يكتب ليكم من حساب ميسرة
زى نكتة الزول الأحول الزمان داك
القبضوهو فى الأمتحان
بيكتب ويحل فى ورقة زميله
عموما بعد الغداء والشربوت ده
محمد عيد قلت لى منتظرنا فى مول شنو
مول الغرب
مش اسمه كده ؟؟
ربيكا ست العرقى الجنبنا
آخر اخبار قالوا اعتزلت
ما بتعتزل كيفن
اذا كانت منى يونس عاملة ازمة بلح وعجوة
فى جده كلها
قلتوا لى فيضانات وسيول
وين دى
شربوت ساااااااااااى
Post: #963
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-28-2009, 06:39 PM
Parent: #961

يا رشا أم رقيقة تبدأ من بكره .... والولد مهند كيف أصبح ... والبت ريم إنشاء إستمتعت بالخروف والعيد ....

يا ناس جده عايزين تقرير الرحلة بتاعت منصور إنشاء الله شنطة الملابس جمعت ... ويا محمد عيد إنشاء الله جبت لمنصور الوصية ... دبل كليك ... سطر جديد


الناس دي لسه معيده ...

كل سنة وإنتو طيبين العيد مبارك علي الجميع
Post: #964
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:13 PM
Parent: #963

DSC00267.jpg Hosting at Sudaneseonline.com

منصور فاملي بمطار الملك عبدالعزيز بجده

وصلت أهلاً ونزلتم سهلاً عيد نور بالقادمين

يظهر بعد الشربوت أتلخبطت علينا الباسويردات

يا رب بكون دخلت على حساب محمد عيد ولا شنو
Post: #965
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:17 PM
Parent: #964

DSC00261.jpg Hosting at Sudaneseonline.com

إكتمال وصول الوفد الميمون بالمطار ومنذر ميسرة يتوسط أبناء منصور مستقبلآ لهم .
Post: #966
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:20 PM
Parent: #965

DSC00268.jpg Hosting at Sudaneseonline.com

داخل المطار منصور كله إصرار لإستئجار سيارة خاصة بهم .
Post: #967
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:24 PM
Parent: #965

DSC00273.jpg Hosting at Sudaneseonline.com

بمطعم البيك كانت السهرة حتى الساعات الأولى من فجر اليوم التالي

جلسنا نجتر الذكريات ويبدو أن منصور يتذكر أشياء كثيرة عن الزقازبق

وعن الفترة التي كنا نلتقي فيها بالخرطوم خاصة بشارع 15 العمارات كنا نلتقي

كثيراً بإستديو كاميرأرتست .
Post: #968
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:42 PM
Parent: #967

DSC00278.jpg Hosting at Sudaneseonline.com

منصور داخل دارنا ويجلس على اللاب توب جوار مشكاة ويعمل مداخله

بعد الشربوت قال عايز يرسل جك لناس الرشيد وحوفي والغريبة رسل

شوية لناس المغرب أخونا البعيد هناك ناس العيد المخالف طارق ود جبريل
Post: #969
Title: Re: ناس الزقازيق ... أجدع ناس ( 3 )
Author: مني يونس
Date: 11-28-2009, 07:51 PM
Parent: #968

DSC00276.jpg Hosting at Sudaneseonline.com

إنسجام تام بين أبناء جيل الزقازيق الثاني الأولاد إهتموا بلعب البليستيشن.
DSC00274.jpg Hosting at Sudaneseonline.com

إهتمام البنات إنصب في الإنترنيت

آخر إندماج وكأنهم يعرفون بعضهم البعض منذ سنين

نتوجه بعد ساعة من الآن إلى ساوث مول وسهرتنا مع العزيز الغالي محمد ود عيد

السهرة صباحي وبكرة تشوفوا الصور ،،،، بس ناس جده معظمهم مسافرين أو حاجين أو متابعين حجاج

حليلك يا دودو .
Post: #970
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-28-2009, 07:55 PM
Parent: #965

يا سلام يا ناس جده المحظوظين .. ويا سلام علي العيد مع منصور ... بس يا جماعة أي زول يكتب حاجة يوقع لينا إسمه ... الظاهر الشربوت لخبط ليكم الرامات ما عارفين البيكتب منو والبيقرا منو ... غايتو هنا الناس في السودان معظهم وقعوا الشامبيون وهو لا يقل تأثيرا عن الشربوت ..
Post: #971
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-28-2009, 08:15 PM
Parent: #970

يا ناس جدة والله صوركم تشهي الواحد الجية ليكم...صور المطعم المقسم لي كابينات ده ذكرني زيارتي للرياض قبل أربعة سنوات حيث تمت دعوتنا للعشاء من أحد أقرباء نجاة و كانت أول ما لاحظت ان المطعم مقسم الى كابينات صغيرة تسع أسرة...و اندهشت لأنه لا يوجد مثيلها في الامارات...لكنني و جدتها مريحة و تعطي الأسرة كثير من الخصوصية....
العيال ما شاء الله عليهم آخر اندماج...ربنا يحفظهم جميعا...

منص...يا حليلك يا يابا الشوف خلاص بقى الا بالنضارات عيار 24 قيراط...الله يكون في العون...مع شعرك الشايب ده خلي الناس ديل يعفوك من الشربوت ده...تقوم تفلت تطلع ليهم القديم و الجديد...و أنا خايف يدوك شربوت موجه تقوم تفتني أنا بس و تكون رحلة جدة ضيعت عفشك و ضيعت كرامتي...

استمتعوا يا أهل جده...فجده اليوم غير...
Post: #972
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-28-2009, 08:21 PM
Parent: #971

Quote: يا رشا أم رقيقة تبدأ من بكره .... والولد مهند كيف أصبح


أبو الزوز ان شاء الله تلايقوها بويكة العافية....

مهند بلغ العافية و بكرة عندهم رحلة سفاري...ماشين معاي الشغل....

وين الميسنجر بتاعي...
Post: #973
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-28-2009, 08:48 PM
Parent: #972

يا منص كراعك خضره لما غرغقت جده0000كل سنه وانته طيب
يا ناس جده جعلهاالله سقيا خير وبركه وكل سنه وانتم طيبين
يا رشيد ما بجيش ليه ابقى تجى وعيد سعيد
يا عيد كيف العيد اكيد فيهو كل جديد
يا حجاج نحن فى الانتظار بالسلامه
Post: #974
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-28-2009, 08:50 PM
Parent: #972

يا اجدع ناس شنو ضربتوا السية والشربوت ورخمتوا..
يا ناس جده والله بختكم اكيد منورة بناسها بس منصور سندى ده ذو نكهة خاصة يعنى لو اكلت معاه طعمية تحسها انها ترايفل بنكهة كل فاكهة الدنيا الشفتوها والفى الجنة كمان..
منى وميسرة والله ابداع وتسجيل للاحداث ممكن تكونوا مراسلون لقناة الجزيرة. الله يديكم العافية ويخلى ليكم الاولاد الحلوين ومن حسه انا حاجزاكم كلكم العيد الجاى معانا فى ابوظبى..
يا عيديعنى انت ومنصور فى جده احلى بقاع الارض التى ضمتكم بس ذى ما قال الرشيد اوعى من الشربوت العياره تقيل بعدين تفلتوا ويدردقوكم فى الكلام. تحية حارةللمدام والاولاد والله يجعل ايامك كلها عيد.
زوبة شكرا على التلفون وجاينكم يوم كرامة عمر.
طارق جبريل سلامة ريم وربنا يواليها بالعافية.وعيدسعيد(يعنى اى شى عندكم مشاتر وقفة عرفة دى متفق عليهاانت احسن شى عيد مع اغلبية ناس الزقازيق ودى مقولة متفق عليها)
يا حاتم جبارة اكلت المرارة ما نفعت معاك ولا شنو . زهير بالله افقد لينا الولد الحنكوش الامريكانى ده
ما يكون الجو والموية غيروا معاه ولا يكون شاف ليه ضبيحة خروف داخ.
برجع ليكم الايام الجاية برررررررررررررررى شديد غايتو الا تقوموا جارين منى
دمتم سالمين
Post: #975
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-28-2009, 08:50 PM
Parent: #972

يا اجدع ناس شنو ضربتوا السية والشربوت ورخمتوا..
يا ناس جده والله بختكم اكيد منورة بناسها بس منصور سندى ده ذو نكهة خاصة يعنى لو اكلت معاه طعمية تحسها انها ترايفل بنكهة كل فاكهة الدنيا الشفتوها والفى الجنة كمان..
منى وميسرة والله ابداع وتسجيل للاحداث ممكن تكونوا مراسلون لقناة الجزيرة. الله يديكم العافية ويخلى ليكم الاولاد الحلوين ومن حسه انا حاجزاكم كلكم العيد الجاى معانا فى ابوظبى..
يا عيديعنى انت ومنصور فى جده احلى بقاع الارض التى ضمتكم بس ذى ما قال الرشيد اوعى من الشربوت العياره تقيل بعدين تفلتوا ويدردقوكم فى الكلام. تحية حارةللمدام والاولاد والله يجعل ايامك كلها عيد.
زوبة شكرا على التلفون وجاينكم يوم كرامة عمر.
طارق جبريل سلامة ريم وربنا يواليها بالعافية.وعيدسعيد(يعنى اى شى عندكم مشاتر وقفة عرفة دى متفق عليهاانت احسن شى عيد مع اغلبية ناس الزقازيق ودى مقولة متفق عليها)
يا حاتم جبارة اكلت المرارة ما نفعت معاك ولا شنو . زهير بالله افقد لينا الولد الحنكوش الامريكانى ده
ما يكون الجو والموية غيروا معاه ولا يكون شاف ليه ضبيحة خروف داخ.
برجع ليكم الايام الجاية برررررررررررررررى شديد غايتو الا تقوموا جارين منى
دمتم سالمين
Post: #976
Title: Re: ناس الزقازيق ... أجدع ناس ( 3 )
Author: زينب التجاني
Date: 11-28-2009, 09:24 PM
Parent: #975

مليون سلام
والله يا منصور عملتو لى شحتافة روح

يا منصور انا وسونا بتى لما كنا فى جدة اى بيك فى جدة اكلنا منو لدرجة عمر بقا يلف من الشوارع الفيها البيك

واله مستمتعة معاكم وفرحانة ليكم وشكرا للزقازيق الجمعت الصفوة دى عيد سعيد يا عيد ويا منى ويا ميسرة وللابناء الاعزاء
طبعا هنا ناس محاسن وريل برضو شاركو فى العيدية دى بانهم اتعرفو على اخوانم الزقزيقيست
حنعمل للصبايا والشباب ديل بوست يتواصلو بيهو
ربنا يخليهم كلهم ويحفظم
طارق جبريل كل سنة وانتم بالف خير
سلامات يا ريم جبريل ما تشوفى شر
مجهزين الورقة والقلم للوصفات المغربية

السودان منور بى حاتم جبارة وعبد الدائم

منى والله كنا عايزين نرسل ليكم الزناتى للصور بس ما قصرتى

عيد ومنصور الشبكة خزلتنى وتلفوناتكم ما دخلت معاى
والله مبسوطة شديد لناس جدة استمتعو

نانى ما شكرا على واجب مهند دة ما ولدى ياخ مع انو بتكونى عاملة للموضوع توم وشمار بس الولد دة ما بنرضى فيهو
Post: #977
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-28-2009, 10:30 PM
Parent: #976

يا حوفي الولد حاتم جبارة قبل شوية طلع من هنا معاهو الوجيهين نادر فاروق ومحمد حسن البرلوم .. بس إبتهاج قالت ليك كل سنة وإنت طيبة .. وبتسألك قالت ليك الكمونية عملها ليك منو . وخروفكم فيهو مرارة ولا ما فيهو ... أصلوا إنتو المغتربين ديل عندكم حاجات بتعرفوها براكم ....

إبتهاج تغري التحيات لكل الناس وسلام خاص للناس المتواجدين في البوست ومرابطين ايام العيد .... ناس جدة ... ميسرة ومنصور ... ومني يونس .. وأسرتيهما ...
ولرشيد القوم ونجاة حوفي ... قالت ليكم كل سنة وإنتو طيبين بس إتذكروا العيد الجاي معاكم رغم إنه الدعوة موجهة لناس جدة بس ... لكن من الآن حا نعمل حسابنا إنه العيد الجاي معاكم ...

ومني أنا أقول ليكم ده كلام شربوت ساكت ... ولاتأخذوا من شرب الشامبيون منا ...
Post: #978
Title: Re: ناس الزقازيق ... أجدع ناس ( 3 )
Author: طارق جبريل
Date: 11-28-2009, 11:39 PM
Parent: #977

سلام يا اجدع ناس
الحمد لله تم فك الحظر عن الخروف وقمنا بذبحه على سنة المصطفى عليه الصلاة والسلام
المغاربة ديل يا نجاة حوفي مشاترين في كل شي
تخيلوا موش ضبحنا لي هسي ما شوينا
اول حاجة بياكلوها اسمها البلفاف
ودة عبارة عن الكبدة مقطعة صغارة وملفوفة بي الدهن البيكون حولين الكرش داك
بتاع الودك داك وبيشوها في الجمر ويدوك معاها الاتاي (الشاي الاخضر المنعنع)
وبعداك في الغداء بيعملوا الكمونية ودي بيسموها (الدوارة) وبيكبوا معاها وهي بتنجض شوية كبكبي
وما بيهبشوا الخروف الا تاني يوم لحدي ما ينشف حسب وصفهم
طبعا بيطيريا طريقتهم صاح
المهم يا زوبة بكرة غايتو جهزي دفاترك حقت الاكل وانتظريني
يا ناس جدة والله بغرتونا غايتو السنة الجاية ان شاء الله بنختكم في الحساب
بس حج مع الحناكيش (الرشيد وحاتم) ديل ما بينفع
Post: #979
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-29-2009, 03:36 AM
Parent: #978

طارق جبريل كل سنة وإنتي طيب ... عيدكم المشاتر ده إنشاء لقيتو ليهو خرفان طاعمة ...
Post: #980
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-29-2009, 11:11 AM
Parent: #979

Quote: بس حج مع الحناكيش (الرشيد وحاتم) ديل ما بينفع


ثالث أيام العيد و نحن نزلنا الشغل...و زي ما جده الأيام دي غير برضو أنا الشغل غير...حيث حضر معي وفد على مستوى عالي تتقدمه أم أمنية و أمنية و مهند و حتى مساي الشغالة بتاعتنا...الجماعة مبسوطين من رحلة السفاري دي...

جبريلا...أخير ليك تحج معانا...الحج بتاعنا VIP ...تمشي تحج براك يلموا فيك الجماعة يحججوك الحج العلى أصوله لمن تآمن...أخير ليك...الندامه ما بتنفع بعدين..
Post: #981
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-29-2009, 11:13 AM
Parent: #980

Quote: ولرشيد القوم ونجاة حوفي ... قالت ليكم كل سنة وإنتو طيبين بس إتذكروا العيد الجاي معاكم رغم إنه الدعوة موجهة لناس جدة بس ... لكن من الآن حا نعمل حسابنا إنه العيد الجاي معاكم ...


بهجة حبابك ألف...كان ما شالك الراس بنشيلكم جوه العين...الأخيره دي أنا شافيها من نجاة حوفي و ما عارف قلتها صاح و لا غلط...
Post: #982
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-29-2009, 11:16 AM
Parent: #981

Quote: يا رشيد ما بجيش ليه ابقى تجى وعيد سعيد

الريس معتصم...عيد سعيد و عمر مديد...ان شاء الله حنبقى نجي...
Post: #983
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-29-2009, 11:23 AM
Parent: #979

نهاركم سعيد..
منى وميسرة الصورة رائعة .. واشبال الزقازيق ما شاء الله عليهم.البنيات حلاوة ماكنتوش بس ما شاء الله عليهن.
يا سندى من حسه حجزنا امانى الصغيرة لمهند الرشيد0(ولد بالشكولاته وعمو ابنوسى اها فى احلى من كده عريس).
الدعوة بتاعة العيد الجاى لكل ناس الزقازيق محجوزين عندى بابوظبى..
يا بهجة كل سنة وانتى طيبة والدعوة لكل الرائعين بدون فرز وحسه دى منى ليكم بالذات انا لاقياكم وين بس انتوا اصلونى والله اشيلكم فى عيونى واغطيكم برموشى.
يا منصور عليك الله شوف الناس ديل كلهم ما مصدقين انى بقدر على الضحية والله والله اسالواابو امنية وبما انه حكى ليكم موضوع باميتى بالبرستو بعد 13 سنة اكيد حا يقول الحقيقة.
بهجةوالله ضحيتى اريتها ضحية السرور اول شى قبل يومين بجهز المش وكل انواع المخللات والشطة خضراء وبالدكوة وملخبطة والبصل بالليمون. السنة دى منعوا الكمونية فى ابوظبى يعنى من المزبح ما بدوك ليها. رغم انه عادة بتجى شبه نظيفةوانا بظبتها تماماسالوا المراقب الدولى المعاى عشان تتاكدوا العيد الفات المرارة انهردت من الغسيل كبيت ليك فيها صابون لوكس السائل بتاع العدة والموية الحارة واحد قريبنا قال لى دى مرارة ولا بشكير ابيض.
ويا بهجة كمان الشربوت بعملوا كل عيد بس السنة دى جابتوا لينا قريبة الرشيد.
اقول ليكم تعالوا كلكم والخبراء الاجانب عشان تامنوا.
طارق جبريل كيف ريم انشاء الله ما تشوف شر. والله يعينك على الضحية مع المغاربة ده ما سمعنا بيه يعنى الواحد عينى فى الخروف يخلى لتانى يوم حتى ياكله؟!!!! تتصبر بكبدة وكمونية !!!!!
حاتم بيطريا صحيحة دى كيف ؟؟
السنة الجاية اخير ليك ضحى فى بلدك والله فى بيت ناس حبوبتى فى ام درمان شية الجمر بقطعوها والخروف معلق فى الباب.. بطعموا المرارة فى الصينيةوشية الصاج اللذيذةديك. اقول ليك شىجيب اولادك تعال ضحى معانا فى ابوظبى اصلا عيد الضحية الجاى زقازيقى والدعوة عامة والفيزا علينا.
راجعة ليكم ببرية طوييييييييييلة انا الايام دى فاضية لا شغل ولا مذاكرة الا تقولوا الروووووووب
يا شبوكشى وسناء الصباغ كل سنة وانتوا طيبين مشتاقين شديد.
دمتم سالمين
Post: #984
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-29-2009, 11:58 AM
Parent: #983

جيتكم تانى..
كنت فاكرة ابو امنية مشغول فى المكتب لقيتوا يبرى الظاهر انه اليوم يومنا .. استعدوا للبرى الاصلى بالشربوت .. الله يستر.
تتميز الشركة التى اعمل بها بتعدد الجنسيات العرب قليلون واقول العرب الذين تستطيع ان تتحدث معهم بالعربى تفهمهم ويفهموك..بس برضو اغلبيتهم اردنيين او لبنانيين .. واحد من الشركاء لبنانى وهو staff partner دائما يفخر بالDiversity وتطبيقها فى المكتب المهم يوم جيت متاخرة ختانى فى راسه.. تانى يوم لقانى ما فى مكتبى قال لزميلتى امشى ليه فى مكتبه.. مشيت منزعجة ويتطاير الشر من عيونى وقلت الرزق من الله اقول لنفسى علمت ان رزقى لن ياخذه قلبى فاطمأن قلبى.. دخلت مكتبه . قال لى بونجور
(طبعا انا برد عليه ذيه بونجورين زناتى يعنى صباح الخير بالفرنسى) فسالنى بكل رقة :نجاة ليش ع بكرة مأخرة؟؟ اذددت غضبا قلت ليه كيف يعنى ؟ كيف يعنى انا امبارح اتاخرت بفتش فى Parking وبكرة يعنى حا تتنبأ انى حا اتاخر انا صراحة ما بقبل الكلام ده . وانفتحت شى فهمه منى وشى لا .. فقال لى نجاة انا افتكرتك صافنى(يعنى مريضة) اتفضلى ارتاحى ليه انت زعلانة الظاهر ما فهمت كلامى . قلت ليه ده كلام واضح ما عايز ليه شرح قال لى بس عابكرة يعنى اليوم الصباح باكرا طبعا خجلت وقعدت اشيل واعتزر واتشكر فيه شكرا انك قلقت على ومعليش وشرحت ليه انه عندنا فى السودان بكرة يعنى غدا او tomorrow .كل واحد بشتغل فى الخليج عليه ان يعوج لسانه شوية
يوم العيد اتصل بى زميلى فى الشغل قلت ليه نحن مضحيين ومعاى اقرباء زوجى للغداء فقال لى صحتين مشيت بعيد وقلت ليه على البك(يعنى على قلبك) خوفا من ابو امنية وقريبه الساخر.
Post: #985
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 12:04 PM
Parent: #983

نجاة حوفي كيفنك وكيف مهند هسي ان شاء الله بقى تمام
ريم الحمد لله تتحسن بس الالقحة تاعباها شديد
يا دوب الليلة استمتعنا بالشواء الجميل (القضبان على الطريقة المغربية)
يا ستي دعوتكم مقبولة وان شاء الله السنة الجاية معاكم كان ما العيد الاجازة نمر علي السودان ونجيكم
بس بلدكم الفيزا ليها صعبة خلاص والله تقول عايز تدخل الجنة
المهم من هسي اعتمدوني زائر في الصيف ان شاء الله لو ربنا هون
احسن لي اجيكم زيارة بدل اتبهدل مع حج الحناكيش ديل
آل في أي بي آل
هههههههههههههههههه
Post: #986
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 12:16 PM
Parent: #985

شوفوا النيل الازرق يوم الثلاثاء الواحدة والنصف ظهرا
ممكن تشوفوا الاسطايل على اصوله
Post: #987
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-29-2009, 12:16 PM
Parent: #985

هنيئا لك اكل الشية المغربية\(صحتين على البك)
وحمدلله على سلامة ريم.
والفيزا بالعكس ساهلة جدا طيران الاتحاد والامارات بعملوها فى 5 يوم .. تعرف انه الامارات دى اسهل مكان تدخل ليه كمان من المطار بتاخد ترانسيت فيزا وعموما .. يا سيدى تشرفونا فى اى وقت الكفيل طال عمره(ابو امنية حاضر.. ما بقصر) .
غايتو الما بمشى الحج السنة الجاية ما يمشى انا شخصيا بمشى معاهم جنى وجن التعب .. رمى الجمرات سندى الابنوسى برميها لى من امبارح كلمته.. انا غايتو مع ال VIP
زهير زاتو ماشى معانا .. سجلوا من حسه العدد محدود.
Post: #988
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 12:28 PM
Parent: #987

يا نجاة خايفين حج الحناكيش دة الله ما يقبلو
عشان كدة اخير لينا نشوف محمد صديق تراهو زولا مدروش زي
انا غايتو بحج مع محمد صديق ومحمد عيد
لكن منصور دة من الضحك ببوظ لي حجتي عشان كدة ما بحج معاهو
يا نجاة المغاربة ديل اكلهم غريب وعجيب بس اتعودنا عليه مجبورين
نسوي شنو ما عندنا حل عاد
Post: #991
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 01:42 PM
Parent: #988

صباح الخير يا وجوه الخير ،،،،

يوم أمس السهرة كانت لدى العزيز محمد عيد

وكانت حتى تباشير الصباح ونتحفكم بصور جميلة

تحكي عن تمارين الشباب في ملعب صالة البولينق

أنحنا من دلوقتي قبلنا الدعوة الكريمة الموجه لينا من أهلنا العزاز

في أبو ظبي ،،، وكمان ننتظر بإذن الله حج الحناكيش حتى لو كانوا من السودان
Post: #989
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-29-2009, 12:51 PM
Parent: #987

يا ناس يا عسل ...

كل عام وأنتم بألف خير جميعا وربنا يخليكم ويخلي ليكم عيالكم ويديكم الصحة والعافية ..
معليش التهنئة جات في اليوم الثالث ... وده كلو منك ياشربوت الجن ... عمل عمايلو والله في اليوم الأول لدرجة انو نسيت انو اليوم كان جمعة ....

أبو الزهور وناس السودان عموم تهانينا ليكم وربنا يحقق أمانيكم ..

رشدي والمدام والعيال الف لا بأس عليك يا مهند وكل سنة وانتو طيبين ..

زوبة كل سنة وانتي والأسرة بألف خير وربنا يديكم لحدي ما يرضيكم ...

فافي وحاج الركز والجيفارات كل عام وأنتم في خير خيرين وفي سعادة وهناء ...

اخلاص محمد أحمد مرحب بيك وكل سنة وأنتي طيبة .... متذكراني ؟؟؟؟

أحمد اسماعيل ربنا يخلي ليك العيال ويديهم العافية وكل سنة وانتو بألف خير ونعمة ...

طارق جبريل والأسرة لكم التحيايا وربنا يعيد عليكم العيد بالصحة والعافية ...

أما انتو ياناس جدة !!! لمتكم بالدنيا وعيدكم مليان بهجة وسرور .. ربنا يديم عليكم
اللحظات الحلوة .. وكل عام وأنتم بخير جميعا .... يا منص أوعى من الشربوت !!!!!!!!!!!
Post: #990
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 12:59 PM
Parent: #989

قدورة يا حبيبنا كل سنة وانت طيب ياخ
وينعاد عليك بالخير يا رب
Post: #992
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 01:50 PM
Parent: #990

375.jpg Hosting at Sudaneseonline.com

الأبناء حجازي ومدرار منصور يسبقون أعمامهم الشباب (........) ويقتحمون ملعب البولينق
Post: #993
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 01:53 PM
Parent: #990

376.jpg Hosting at Sudaneseonline.com

منص أكثر الشباب ركضاًووصولاً إلى الصالة ’’’ وفي أبوه حانية يعلم حجازي كيفية مسك الكورة بيدية الإثنين
Post: #994
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:26 PM
Parent: #993

377.jpg Hosting at Sudaneseonline.com

منصور بعد أن قام بتدريب الأطفال بدأ بنفسه وحاول يظهر لنا إبداعاته الرياضية
Post: #995
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:30 PM
Parent: #993

378.jpg Hosting at Sudaneseonline.com

الكبار يتدخلون محمد عيد ومصطفى عيد وميسرة من راية الكورنر يقذفون بالكورة في مسابقة محمومة لإحراز النصر المؤزر
Post: #996
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:44 PM
Parent: #995

379.jpg Hosting at Sudaneseonline.com

منص يعود أكثر إصراراً ويرمي بالكورة ويطيح بكل قزازات اللبن إلا واحدة في وسط متابعة من مدرار ومشكاة تصفيق منص

تشجيعاً لنفسه، يعود عيد ويرمي كل الزجاجات ويسجل أول إنتصار لناس جدة بالساوث مول وينك يا ديدو طبعاً ديدو كان يرمي

الكورة والقزاز يطيح لوحده،،،، هأ هأ هأ هأ هأي
Post: #997
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:49 PM
Parent: #995

380.jpg Hosting at Sudaneseonline.com

ميسرة يلتقط التحدي ولتدعيم تفوق جده على الرياض وتخفيفاً للشحوم وتصغيراً للكروش

مشكاة تراقب والدها عن قرب وتفرح بأن والدها لم يسقط سوى واحدة فتبرعنا بها لمنصور

حتى يكتمل العدد وتكون النتيجة تعادل .

أنا والله ما خايف إلا من تعليق زهير الزناتي والرشيد وعلشان أريحكم كانت مباراة الجلاكين

ممتازة ورائعة ،،، وشكراً
Post: #998
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:56 PM
Parent: #995

382.jpg Hosting at Sudaneseonline.com

في تمام الساعة 2 صباحاً بدأ تناول الوجبة الفاخرة VIP بمطعم باب الحارة بالساوث مول بعد التمارين الشاقة

ومعنا ضيف في الوسط هو إبن عمي ومتزوج من عزة يونس - أخت منى يونس -
Post: #999
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 02:59 PM
Parent: #995

383.jpg Hosting at Sudaneseonline.com

تاكلو ساي وناسين السفر
Post: #1000
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 03:03 PM
Parent: #995

384.jpg Hosting at Sudaneseonline.com

بنات الشيخ وضيوفهم الميامين يأكلون على راحتهم ،، وحتى الساعة 3:15 لم يكتمل الأكل الذي كان يتخلله كثير

من القفشات وتحركت بدون أولادي في هذا الوقت وذهبت إلى مشوار خاص والجماعة أكملوا السهرة الصباحية.
Post: #1001
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 03:06 PM
Parent: #995

385.jpg Hosting at Sudaneseonline.com

جانب من إستمتاع الجيل الثاني من الزقازيقين والذين أتعبوا محمد عيد بتوزيعهم على جميع الألعاب وتحت

إشراف الشبل الصاعد أحمد المنصور - المذيع بقناة الجزيرة -
Post: #1002
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 03:15 PM
Parent: #1001

نكتفي بهذا القدر من صور الساوث مول وندعوكم معنا

اليوم للسهر على كورنيش جدة الجميل وح تكون سهرة للصبح

وعلى الهواء العليل والجميل الرائع نقيم حفل الشواء على الهواء

الطلق وموعدنا معكم بكرة ،،،

ده كله علشان تآمنوا يا ناس قدورة وكمال االشادي والدعوة عامة

لناس أبو ظبي والمغرب العربي وأوربا وأمريكا وناس السودان .
Post: #1003
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 03:34 PM
Parent: #1002

والله يا ريس ميسرة شغلكم نضيف
شكلي السنة الجاية حا ابيع ناس ابوظبي
واقلب القصة لي جدة
صحي جدة غير
Post: #1004
Title: Re: ناس الزقازيق ... أجدع ناس ( 3 )
Author: محمد عيد
Date: 11-29-2009, 03:40 PM
Parent: #1003

Quote: شكلي السنة الجاية حا ابيع ناس ابوظبي


وجده وناس جده ... يشرفهم حضورك الجميل وا جبريلا الحبيب

انت واسرتك الجميلة ...

وكل ناس الزقازيق الرائعين ...

شكرا منص .. شكرا لاسرتك الجميلة

وشكرا لهذا البوست الذى جعل من الألق الاسفيرى

واقعا اكثر جمالا و اشراقا ...

شكرا.. لكم جميعا ..

حقيقة قد جعلتم هذا العيد مختلفا ...

وكانت جده - رغم السيول والاهوال - حقا" ... غير .. غير .. غير
Post: #1005
Title: Re: ناس الزقازيق ... أجدع ناس ( 3 )
Author: طارق جبريل
Date: 11-29-2009, 03:49 PM
Parent: #1004

يا سلام يا عيد ياخي
حقيقي الواحد نفسه يجيكم ويستمتع بي الرفقة معاكم
وشكلي كدة بايع ناس ابو ظبي بيعة تقيلة
Post: #1006
Title: Re: ناس الزقازيق ... أجدع ناس ( 3 )
Author: محمد عيد
Date: 11-29-2009, 04:03 PM
Parent: #1005

بيع يا حبيب ...

نحنا شرايين لكل الناس الجميلة ...

وليست مكايده لناس ابوظبى وغيرهم ...

ولكن حقا فان جده غير ...

وأقلها تمتعك بالطواف فى الحرم المكى

وزيارة الحبيب الشفيع صلى الله عليه وسلم ...

وهذه دعوة ومناشده للجميع خاصة اولئك المنتشرين فى المنافى البعيده عن الوطن ..

اجعلوا رحلتكم للوطن تمر من هنا .. دون شك لن تندموا ...

( حاتم جبارة ... ممكن تعملها فى طريق العوده )
Post: #1007
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-29-2009, 04:22 PM
Parent: #1006

Quote: والله يا ريس ميسرة شغلكم نضيف
شكلي السنة الجاية حا ابيع ناس ابوظبي
واقلب القصة لي جدة
صحي جدة غير


والله يا جبريلا تجينا كان نبلط ليك بحر جدة

كله بس جيب معاك حاتم جبارة ونجاة حوفي الرشيد

وأسحبوا معاكم ولدنا ياسر نجيلة .
Post: #1008
Title: Re: ناس الزقازيق ... أجدع ناس ( 3 )
Author: محمد عيد
Date: 11-29-2009, 04:40 PM
Parent: #1007

رشا وابو الزوز ... طبعا معسكرين من هسه قدام التى فى

بعد نص ساعة معركة البرشا والريال ...

نتمنى تداخلاتكم اثناء المباراه ...

برشا برشا برشا ...
Post: #1009
Title: Re: ناس الزقازيق ... أجدع ناس ( 3 )
Author: مني يونس
Date: 11-29-2009, 06:32 PM
Parent: #1008

Quote: منى وميسرة والله ابداع وتسجيل للاحداث ممكن تكونوا مراسلون لقناة الجزيرة.
الله يديكم العافية ويخلى ليكم الاولاد الحلوين ومن حسه انا حاجزاكم كلكم العيد الجاى
معانا فى ابوظبى..


شكراً يا نجاة أنحنا قبلنا الدعوة وناس منصور كمان حيقبلوا الدعوة

زينب التجاني بالله كنتي من سكان جدة كنتي سنة كام وشكراً وعيدك مبارك

من ضمن حسنات حضور عائلة منصور الجانبية هذه الأخت الظريفة المرحة واللطيفه

وقد لا تشعرك بأن هذا أول لقاء لكم هذه الإنسانه الرائعة أماني زوجة منصور

يا سلام عليك يا خي من دخلت علينا في البيت إستلمت معاي المطبخ وشمرت ونزلت

بقوة وتضحك وتحكي وبدون أي تكفة أو حرج وكأننا كنا معاً في زقازيق الخير ،،،،

والحسنة الجانبية الثاني ذهبنا ومعي أختي إلى الساوث مول نلتقي أخونا محمد عيد

وعائلته ووجدنا أخت أخرى ظريفه ومرحة وأول مره نتعرف على بعض والمفاجأة التي جعلت

من الدنيا صغيرة طلعت زوجة محمد عيد من أهل أمي حيث أن جدتها لأمها بنت عم أمي وكانت

تزورنا وهي صغيرة عندما كنا بالشجرة - الري المصري - يعني طلعنا نسابة محمد عيد يا للدنيا

الغريبة .

شوفوا هذا البوست رائع أزاي بروعة ناس الزقازيق كافة .
Post: #1010
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 11-29-2009, 09:51 PM
Parent: #1009

eid_800.jpg Hosting at Sudaneseonline.com
Post: #1011
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-29-2009, 09:56 PM
Parent: #1009

سلام وعيدية ومتابعة وأشواق بلا حدود ... كم أفتقدكم هذا اليوم ... يبدو أن إنتظاري لكم سيطول

شاهدت المباراة يا عيد وهي كدأب الدربيات .. تقفيل وتوتر .. وكروت ملونة ... إلا أن برشلونة فرض نفسه علي المباراة وخرج بالنقاط الثلاث ... رغم أنه قد أضاع فرصة لزيادة غلته من الأهداف في كثير من الأحيان .. وكذلك الريال ... أعتقد أن إخراج رونالدو أراح البارشا كثيراً ... مبروك لعشاق برشلونة هاردلك لمشجعي الريال ..
Post: #1012
Title: Re: ناس الزقازيق ... أجدع ناس ( 3 )
Author: محمد عيد
Date: 11-29-2009, 10:20 PM
Parent: #1011

Quote: أعتقد أن إخراج رونالدو أراح البارشا كثيراً


اتفق معك تماما ..

وكانت هى غلطة الشاطر للمدرب ... خصوصا فى ظل نقص برشلونة ..

فقد كان بحوجة لزيادة القوة الهجومية ...

تحركات ميسى الايجابية كانت رمانة التفوق للبرشا

**8

اعتقد ان دروجبا ايضا كان السلاح الفتاك الذى حقق لتشيلسى الفوز

رغم سيطرة ارسينال ...

وين رشا ؟؟ معقولة لسه فى السفارى ..؟
Post: #1013
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 06:36 AM
Parent: #1012

صبحكم الله بالخير
ناس جدة
ناس السودان
ناس الامارات
ناس المغرب
ناس أمريكا
ناس كندا
ناس استراليا
ناس بريطانيا
ناس سويسرا
ناس قطر
ناس الزقازيق في أي مكان في الدنيا....
صباحاتكم بيض...
بالله شوف الناس دي مشرورة كيف

Quote: وين رشا ؟؟ معقولة لسه فى السفارى ..؟

يا محمد عيد تابعت المباراة مع أحد الأصدقاء نتيجة لمشكلة فنية عندي في الريسيفر الأمر الذي حرمني من التداخل معكم أثناء المباراة...و لو انه مباراة أمس دي ما أظن كان حيكون معاها أي تداخل...انطباعي عن المباراة و الفريقين كلآتي::
1- برشلونة فريق لا يقف أمامة الا فريق بحجم تشيلسي...
2- برشلونة فريق يفرض ايقاعة على أي مباراة و على أي فريق مهما كان حجمة...و مباراة الانتر خير مثال على ذلك...
3- بليغريني..مدرب ليس بحجم الريال... و هو من نوع المدربين الذين يرتبكون أثناء المباريات...و تبديلاته غبية...و لكني أعذرة...فلو كان عندي هذا العدد من اللاعبين المميزين لحدث لي نفس الارتباك..

بعد المباراة تصافح لاعبوا الفريقين في مشهد يظهر بوضوح الفارق بينهم و بين المصريين و الجزائريين...
المتعة ليست فقط في مشاهدة مباراة جيدة...أيضا ملاعب جميلة و جمهور راقي و تشجيع حضاري...ألم أقل لكم من قبل ان كرة القدم في أوروبا سياحة...
Post: #1014
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-30-2009, 11:02 AM
Parent: #1013

يا رشا والله كلامك صاح وملاحظاتك في محلها .. الكورة في أوربا ليست المباراة وفقط ... الملاعب . الناس .. التلفزة .. طرق التشجيع ... وغيرها ... وفعلاً لفت نظري الود المتبادل بين لاعبي البارسا ولاعبي ريال مدريد ... رغم عمر التنافس بينهما منذ ما يزيد علي المائة عام ... إضافة للعداء القومي بين أقليم كاتلونيا وباقي أسبانيا ... إلا أن الروح الرياضية سادت كل المباراة وبعدها ... حينما إنتقل لويس فيجو من البارشا لريال مدريد قبل عدة سنوات ... وفي إحدي مباريات الفريقين إقتحم أحد مشجعي البارسا الميدان ... وإتجه جرياً نحو اللاعب .. وتوقعت أن يقوم بفعل عنيف تجاهه نسبة لهجوم مشجعي البارسا علي ووصفهم لهم بالخائن ... ولدهشتي كلما فعله ... رمي عليه بعلم برشلونة ... وجري راجعاً للعودة إلا أن رجال الأمن كانوا له بالمرصاد ... وهذا هو الفرق بين هوس وهوس وبين تحيز وآخر ... ما يثير الدهشة أيضاًَ نشيد البارسا قمة في الروعة ... قبل كل مباراة يردد كل من بالإستاد هذا النشيد الخالد بمنتهي الروعة ... حتي الرئيس لابورتا ... كان يردد معهم بكل خشوع ... وكذلك بعد المباراة ... لماذا لا يكون لفرقنا مثل هذه الأناشيد ...
المباراة في شكلها العام فوق المتوسطة وكما قلت أن برشلونة فريق لا يعلي عليه ... يفرض إيقاعه علي كل فريق ... لأن الفريق ملئ بالمواهب والنجوم ... كل فرد في الفريق نجم في خانته ... ولا يوجد مثله في العالم إلا القليل ... إن وجد ... أعتقد أن هجوم البارسا فقد التناغم برحيل إيتو .. رغم أن إبراهيمفوتش أفضل منه فنياً إلا إنه لم ينسجم حتي الآن معا باقي اللاعبين رغم إحرازه لعدد كبير من الأهداف ... وميزة أخري لبرشلونة أن كل الفريق يضغط علي الخصم في حالة فقدان الكرة ... لذا يستعيدونها في أقل من لمح البصر ... والميزة الثالثة ... اللعب الجماعي ... منذ فترة طويلة لم تشهد ملاعب العالم كرة جميلة كالتي يقدمها برشلونة وهي من تأثير المدرسة الهولندية ذات العلاقة ا########دة بالبارسا إبتداء من العبقري كرويف وإنتهاءً بالمدرب الشاطر ريكاردو وهو الأب الشرعي لهذا الفريق ... في الدورة الثانية والأدوار التالية من دوري أبطال أوربا سنشهد عودة البارسا كما كان في العام الماضي ...
Post: #1015
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-30-2009, 11:22 AM
Parent: #1014

ابو الزهور كيفك ياخي ..

كل عام وانت بألف خير

نتيجة الكورة امبارح كيف نسيتها خالص امبارح مشيت مشوار وجيت داخل السعة واحدة صباحا ..
الدورى الأسباني والله قمة المتعة والإثارة مش زي ناس قريعتي راحت ديك !!!!!!
Post: #1016
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 12:13 PM
Parent: #1015

يا أبو الزوز...أرجع ليك تاني لي مباراة البارحة...أعتقد أنه رغم قوة فريق برشلونة الا ان غياب بعض العناصر يغير كثيرا من شكل الفريق..خاصة لا عب كانيستا فبغيابه قل مستوى برشلونة كثيرا...كذلك عندما يغيب ابراهيموفيتش أو ميسي...يصبح برشلونه فريق آخر...و أبراهيموفيتش رغم عدم انسجامة التام مع الفريق الا أنه يظل لاعبا مؤثرا جدا...و عدم انسجام ابراهيموفيتش يعود الى الكرة السريعة جدا التي يلعبها فريق برشلونة...عكس الانتر الذي كان يلعب به...
شاهدت المباراة مع أصدقاء أردنيين و سوريين على شاشة 47 بوصة مع هوم ثيتر...مكبرات صوت...و الله كأني داخل الملعب...عندما انتهت المباراة قلت لهم ستشاهدونني ان شاء الله في الكلاسيكو القادم من داخل الملعب أصنع الأمواج مع الجماهير...تلك الأمواج التي تعرف بالأمواج المكسيكية...كل ما أرجوه أن بين جمهور الفريق الفائز..

قدورة ناس قريعتي راحت دي ذكرتني المباراة التي حضرناها أنا و ابو الزوز و محمد صديق من داخل استاد الخرطوم و كان طرفيها الهلال و الأهلي مدني...أجمل ما كان في المباراة هو رفقتي لزهير و محمد صديق...و الجبنة التي شربناها داخل الملعب من ست الشاي التي توسطت الجماهير و لا هم لها غير أن تتكسب...أظن أن ست الشاي من أكثر المناديات بعودة دوري الخرطوم...حتى يزيد دخلها من مباريات فريقي القمة مع فرق الخرطوم الأخرى...

ما زالت هنالك بقعة في جلبابي من جراء جلوسي على المساطب في تلك المباراة..عجز الDry & wet cleaning من ازالتها...ربما كانت سفة من العماري الجيد...
Post: #1017
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-30-2009, 12:33 PM
Parent: #1015

متابع ومستمتع على قول اخونا 00
لا يفوق استمتاعى هذا الا شوقى اليكم فى لمتكم هذه
لو اكون معاكم وانشاالله تشونى اناو منص و الريس و عيد
ونجيب ودجبرين من المغرب العربى ورشا يجينا سايق
ومعاه الشادى ومكى ومعاى ابوالزوز والكمندان ودجادين وحجاجنا
الكرام طبعا هذا الجمع تتقدمه بنات الشيخ والعيال0
والى ان نلتقى لكم الف تحيه0
Post: #1018
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 01:32 PM
Parent: #1017

صباح الخير يا وجوه الخير ،،،،

الريس معتصم كل عا وأنت والعائلة الكريمة بخير

لمتك معانا تسعدنا كان في زيارة أوعمرة أو حجة

كان يوم أمس رحلتنا مع عائلة منصور الى كورنيش مدينة جدة

وطفنا بالكورنيش نستمتع بالمناظر الجميلةعلى الكورنيش وثم

طاب لنا المقام في إحدى البقع أسفل الكورنيش على الشاطئ مباشرة

نتوقع اليوم عصراً زيارة أخونا موسى عيسى لمدينة جدة وكذلك وافق

الشيخ محمد آدم جلا بالحضور مع عائلته وأن يكون هو مضيفنا في منزلنا

بمدينة جدة حتى تاريخ التفويج عن طريق مكة المكرمة إلى السودان،،،،،

اليوم ليلاً نودع منصور وعائلته والتي أبهجتنا وأسعدتنا وكان هذا العيد من

أجمل الأعياد بوجود منصور وأولاده وزوجته المرحه والتي فاقت منصور ذاتو.
Post: #1019
Title: Re: ناس الزقازيق ... أجدع ناس ( 3 )
Author: زينب التجاني
Date: 11-30-2009, 06:48 PM
Parent: #1018

ازيكم يا اروع ناس
كيف الحال
والله يا ناس جدة سوقتونا

لكن والله مسرورين بيكم وليكم

ما تقطعو التواصل والمرة الجاية فى الرياض

ربنا يديكم العافية يا عيد وميسرة ومنى واسركم

احنا اليومين دى من عالعيد للحج ودى متاوقة سريعة

حيث وصل الحاج عملر محمد عمر مساء امس من الحج متعجلا فى سفرية خاصة نتمنى ان يتقبل الله منة وحجا مبرورا

دى فرقة من الزوار فقلت اتاوق اصلى ما بقدر ابعد كتير

كم اشتاقكم
نتمنى لمنص عودا حميدا هو وامانى والشباب وقول لااحمد يراجع الايميل

مع ودى
Post: #1020
Title: Re: ناس الزقازيق ... أجدع ناس ( 3 )
Author: زينب التجاني
Date: 11-30-2009, 06:48 PM
Parent: #1018

ازيكم يا اروع ناس
كيف الحال
والله يا ناس جدة سوقتونا

لكن والله مسرورين بيكم وليكم

ما تقطعو التواصل والمرة الجاية فى الرياض

ربنا يديكم العافية يا عيد وميسرة ومنى واسركم

احنا اليومين دى من عالعيد للحج ودى متاوقة سريعة

حيث وصل الحاج عملر محمد عمر مساء امس من الحج متعجلا فى سفرية خاصة نتمنى ان يتقبل الله منة وحجا مبرورا

دى فرقة من الزوار فقلت اتاوق اصلى ما بقدر ابعد كتير

كم اشتاقكم
نتمنى لمنص عودا حميدا هو وامانى والشباب وقول لااحمد يراجع الايميل

مع ودى
Post: #1021
Title: Re: ناس الزقازيق ... أجدع ناس ( 3 )
Author: طارق جبريل
Date: 11-30-2009, 08:14 PM
Parent: #1020

انتو حكاية حجاج الجبهة الديمقراطية دي ما واقعة لي
(فارح وعمر نموذجا)


بنهظر يا ناس ما تزعلو

يا زوبة زي ما قلت زمان عمر دة جاء بات معاي مرة في الشقة
وعزمني للمبيت في المنصورة مرة ولي هسي ما ظبط عزومته
شكلها كانت عزومة مراكبية
لو عمل ناسي بجيب ليه امين السمين يفكرو
حجة مقبولة ان شاء الله

والله قبل شوية دخلت على المطبخ وظبطت لي
شية طوة يمين اجدع ست بيت ما تسوي زيها
لي هسة اولادي بيمطقوا
Post: #1022
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-30-2009, 08:33 PM
Parent: #1021

Quote: والله قبل شوية دخلت على المطبخ وظبطت لي
شية طوة يمين اجدع ست بيت ما تسوي زيها


بالهناء والشفا
بس شية بالليل ده دايرة ليها
شربوت كاااااااارب يكون ثلجو مطفح بي فوووووق
مالك علينا يا ود جبريل ؟؟؟
هسه الواحد يقوم يتسارق يخش المطبخ .....
وبيني وبينك مافي مرة بتسوي ليها شية أنصاص الليالي
إلا العزابة ........

أرقد عافية وبلاش حندكة ههههههههههه
Post: #1023
Title: Re: ناس الزقازيق ... أجدع ناس ( 3 )
Author: نجاة حوفي
Date: 11-30-2009, 08:40 PM
Parent: #1021

مساء الخير عليكم يا اهل الخير..
هنيئا لكم المعيدين بجده.. الصور رائعة واللمة اروع..
فعلا جده غير.. جده بها ميسرة ومنى .. عيد واسرته.. ومعيد فيها منص ورفيقة دربه امانى..
احلى عيدربنايخلينا كلنا لبعض وانشاء الله لمة فى الحرم لكل الزقازيقيون المنتشرين فى كل بقاع الارض..
يا منى فى انتظاركم وكل الذين لبوا الدعوةو فعلا امانى زوجة منصور مرحة وتتحب من اول لحظة .. بسيطة ومتواضعة وهم ما شاء الله بشبهوا بعض يعنى منصور خلق لامانى( قول اعوذ برب الفلق__قول اعوذ برب الناس ) الله يسعدهم ويخليهم لبعض..
نحن فى انتظار الجميع فى ابوظبى حتى تكون ابوظبى غير بيكم كلكم بدون فرز واكيدعيد-منى وميسرة _ منصور وامانى..
يا طارق جبريل احل الله البيع وحرم الربا.. حتى لو بعت ناس ابوظبى.. زيارتك لجده لمحمد عيد وميسرة برضها لينا هم نحن ونحن هم وكلنا لبعض وذى بعض..
زوبة حمدا لله على سلامة عمر وحجته مبروكة وما تنسونا يوم الكرامة تحياتى الخاصة ليه.
زناتى وين صور حاتم جبارة؟؟
دمتم سالمين
Post: #1024
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 09:01 PM
Parent: #1023

Quote: لي هسة اولادي بيمطقوا


جبريلا يا أخوي قالوا الطشاش في بلد العمايا شوف....الما بخلي أولادك يتمطقو شنو يا أخوي...مع الدوارة و الكوارة حقتكم دي...ديل كان ضاقو شية البلد ما ظنيتم شيتك دي كان اتمطقو ليها...غايتو نقول شنو...بس الله يضوقهم شية أهلهم...
بعدين يا جبريلا ناس جده ديل يجيبوا ليك منصور و محمد عيد بيلعبوا في البولنغ تقوم تغير رأيك من عزومتنا...يخس عليك...أها من بكره بمشي أصور ليك أبو ظبي حتة حتة...و الله في أبو ظبي و دبي تآمن..جدة شنو و سيول شنو...بلد مطره واحد توقفها ألف أحمر...عشان الجماعة ما جابو ليك صور ناس منصور خايضين في الموية و رافعين جلاليبهم لي فوق...و ميسرة ده قالو ليك جاب الخروف مليان طين...الخروف ده غسلوهو بالشامبو قبل ما يضبحوهو....خروف محمد عيد ده قالوا الكرشة طلع الوسخ مخلوط بي طين...يمين كان من الخروف بتاعه ده كان ممكن بالراحة يبني ليهو بيت زباله..جدة شنو يا زول ...روق المنقة...
تعال شوف مدن المستقبل هنا يا أبوي..غايتو نحن ما قاعدين نحنس...الدايرنا يجينا و الباعنا بنبيعو...

انت يا قدورة كان مشتهي جغيمات زي جغيمات نفيسي عمة طارق جبريل كلمنا...ماسك لينا في سيرة الشربوت ده لليله....و كمان تلجه مطفح...شربوت تالت يوم ده منو زوغه...هق...هق...و بودي التوج...هق..
Post: #1025
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 11-30-2009, 09:13 PM
Parent: #1024

والله يا رشدي عندي باقي شربوت كده قاعد ليهو ثلاثة يوم في الثلاجة الخاصة ومقفول عليه بالمفتاح
كلما اقول أمشي عليه قلبي ياكلني لأني عارف ما برتى ليه وبقوم بيه بقوم بيه ...
لكن الليلة ما بخليه خصوصا وبكرة الواحد نازل الدوام يعني ما مشكلة الواحد يمشي عيونو محمرة
عشان يطلع بدري وكده ...
Post: #1026
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 09:29 PM
Parent: #1025

قلت لي في التلاجة الخاصة...و الله ده منو ملاوزه...
أحكي ليك نكتة بمناسبة التلاجة دي...كان حكيتها ليك قبل كده أعفي لي...شارب شربوت أمبارح...

كان في جماعة بيسكروا مع واحد في بيتهم....بعد فتره كده قام واحد قال لي سيد البيت أسمع أنت حمامك وين...قال ليهو أمشي طوالي... لف يمين...بعدين شمال...الباب البلاقيك في وشك ده الحمام...الراجل مشى حسب الوصف...و جاء راجع بعد كم دقيقة كده...قال لي سيد البيت...اسمع انت باب حمامكم ده لما تجرو النور بينور...قال ليهو ابدا....قال ليهو كان كده أمشي ألحق التلاجة بتاعتكم..

عندك نضارة شمس تمشي بيها المكتب بكره و لا أرسل ليك واحدة...
Post: #1027
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 09:34 PM
Parent: #1026

و الله يا أبو الزوز عامل لينا تقيل من قبيل...من ما شفت نانسي عجاج بي هناك جريت جري عليها...غايتو جنس خفه عليكم...أها ماشي أنوم شوف البساهر معاك منو..
Post: #1028
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-30-2009, 09:40 PM
Parent: #1026

409.jpg Hosting at Sudaneseonline.com


انها ليس سيول جده بل فوضى القياده بشوارع الخرطوم
وقد كنت احد ضحاياها والحمدلله الجاتك فى مالك سامحتك0
Post: #1029
Title: Re: ناس الزقازيق ... أجدع ناس ( 3 )
Author: الرشيد بابكر
Date: 11-30-2009, 09:48 PM
Parent: #1028

ألف سلامة ليك يا ريس...و صحيح الجاتك في مالك سامحتك....

و الله فوضى الخرطوم دي تحير...و الغريبة انها في زيادة...لكن أحسن من يحدثك عنها هو الكوتش محمد صديق...فالكوتش يقول ان غياب الثقافة المرورية هي السبب وراء تفاقم المشكلة...و ان الجهات المختصة لا تكرس جهدها لنشر تلك الثقافة بل لتحصيل أموال المخالفات...و هنا تكمن المشكلة..
Post: #1030
Title: Re: ناس الزقازيق ... أجدع ناس ( 3 )
Author: معتصم جعفر
Date: 11-30-2009, 09:57 PM
Parent: #1029

تسلم رشيد القوم
تعرف اصبحت مشكلة الفوضى التى تعم شوارع الخرطوم
اصبحت تشكك فى الناس دى اتعلمت وين ورخصت كيف
وعايز تشوف الفوضى وقلة الادب راقب استوب متوقف
وشوف الرجاله والشكل لا تعرف تبكى ولا تضحك محن0
Post: #1031
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-30-2009, 10:14 PM
Parent: #1030

كفارة يا ريس وحمد الله علي السلامة والجاتك في باب عربيتك سامحتك والله يا الرشيد الليلة عندي معاك مزاج ونسة كدي نكفر لي الريس ونجيك
Post: #1032
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-30-2009, 10:20 PM
Parent: #1031

هاك دي يا رشدي ... بس ما تجيب لي هواء مع إبتهاج ... المره الفاتت قرتها ومرت فيها عادي من قرت تعليقك بدأت الزرزرة

أشهد الا أنثي إلا إنت ... وألا إمراءة إلا إنت ... إليك الحب .. ومنك الحب .. وإنك علي كل حنان قديرة ... وبكل مودة جديرة ... لك مني السلام والحب .. شكراً لهذا الأنقلاب السلمي .. فقد حولتي حياتي العاطفية من شمولية الحب ... إلي ديمقراطية العشق .. أنت إمراءة من زمن مضي .. لزمن آتي .. كأني أستشرف المستقبل فأراك هناك ما بين الحرف والكلمة .. والحلم والأمنية ... دعيني أحلم .. الأحلام هي زينة الحياة الدنيا .. عطرها ... وألقها ... المفقود ... لن أقول لك أحبك ... كما أعتاد العشاق ... ولكني إفتقدك الآن .. كما إفتقدك كل لحظة ... مرة أخري ... مني السلام وإليك الحب
Post: #1033
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:24 PM
Parent: #1032

الريس معتصم سلامات وكفارة ومعليش قدر أخف من قدر

شكراً يا ناس أبو ظبي وتم الإتفاق مع منصور على الترتيب القادم وكمان لازم

تجونا حاجين يعني العيد الصفير معاكم والكبير معانا .

Quote: عشان الجماعة ما جابو ليك صور ناس منصور خايضين في الموية و رافعين جلاليبهم لي فوق


417.jpg Hosting at Sudaneseonline.com

إنت يا الرشيد بعاتي ولا شنو عرفتنا كيف مشمرين هدومنا بس بصراحة كان أجمل إستمتاع بقيادة القامة منصور وأولاده
Post: #1034
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:31 PM
Parent: #1032

418.jpg Hosting at Sudaneseonline.com

الشبل احمد منصور يرفع علامة النصر عالياً إبتهاجاً بالجو الجميل على كورنيش جدة
Post: #1035
Title: Re: ناس الزقازيق ... أجدع ناس ( 3 )
Author: مني يونس
Date: 11-30-2009, 11:33 PM
Parent: #1032

سلام أيها الناس
كل عام و أنتم بدون شربوت أقصد كل عام و أنتم بخير
كما منصور اسقبل بحفاوة....كنت أنا و أسرتي في هذه الديار
مستلف باس ورد وكمبيوتر و حتى النظارة كمان
لم استطع قراءة ما فاتني ولكن حتماً سأعود كما كنت
دار الأفتاء ستفتتح قريباً....لا تذهبو بعيداً
أحبكم و لا شك...و يوم شكركم ما يجي
هكذا أنتم و كأنكم إمبراطورية الميم بمدينة جدة
التوقيع
مفتي ديار الزقازيق الجديد
محمد بن آدم بن النور آل حسن
Post: #1036
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:34 PM
Parent: #1032

419.jpg Hosting at Sudaneseonline.com

كان التيار عالي وجو يميل كثيراً للبروده ونحن في قمة المرح والفرح
Post: #1039
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-30-2009, 11:46 PM
Parent: #1036

يا سلام يا ناس جدة العيدهم بقي عيدين ... يا ريس جمال فارح بيسأل منك ... رسلت ليهو تلفونك إنشاء الله يكون إتصل بيك ...

حاج السر حمد الله علي السلامة ....
حجاً مبروراً لك ولوالديك ...
وربنا يكتب السلامة ...
بس من اليوم سأعلن عليك الحرب العلنية ...
ولما قريت الفات خلي ميسرة يديك بسرعه ملخص لما دار في غيابك ...
وأشهر أسلحتك وابقي مارق ... متحزم ... أيها السري
Post: #1037
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:38 PM
Parent: #1032

420.jpg Hosting at Sudaneseonline.com

ما زالت محسنة تميل إلى لبس الشال بتاع زهير الزناتي ما عارف السبب
Post: #1038
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:42 PM
Parent: #1032

421.jpg Hosting at Sudaneseonline.com

الجماعة عاملين بيولعوا في النار ولكن الحقيقي يبحثون عن دفئ مفقود لبرودة الجو في حينها
Post: #1041
Title: Re: ناس الزقازيق ... أجدع ناس ( 3 )
Author: زهير الزناتي
Date: 11-30-2009, 11:55 PM
Parent: #1038

يا ريس البنات ديل والله انا عندي فيهم نظر ... ما شاء الله ... ربنا يخليهم ... تعليقي من أول يوم كنت البنات ديل يشبهونا ... الحمد الله جات منك ... اها البت إيثار دي مرسل ليها البرنامج واللائحة مع أول زول جاي الرياضة .. ومحسنة دي بنديها مهلة سنتين بس ... ونخلي إيثار بعداك تتولي موضوعها ... ما شاء الله وتبارك الله ...


الحاج السري أبقي مارق أنا راجيك .. الليلة أمانه ما وقع راجل ..
Post: #1040
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 11-30-2009, 11:54 PM
Parent: #1032

422.jpg Hosting at Sudaneseonline.com

الخبير منصور يعاين ترتيبات الشية ومستوى النجاض يا طارق جبريل الشية دي بالليل بس مافي المطبخ
Post: #1042
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 00:13 AM
Parent: #1040

423.jpg Hosting at Sudaneseonline.com

منص يجاور الوالدة الحاجة محسنة بت أحمد قسم السيد وشبعت ليكم منصور بالحكاوي البتعجب أخونا طارق ود جبريل

ومنصور طلب أن يوثق هذا التاريخ وكان له ما اراد
Post: #1043
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 00:26 AM
Parent: #1042

424.jpg Hosting at Sudaneseonline.com


بكل أهازيج الفرح وبكل الحب المرسوم في قلوبنا جده تودع الشاب الأبنوسي

وعائلته الجميلة ولكن عزاؤنا إننا نستقبل ضيوف عزاز علينا الشيخ محمد آدم النور

جلا وعائلته الكريمة واليوم سهرتنا بمنزلنا وما زالت ذكريات الزقازيق حاضرة وأنا

أكتب هذه المداخلة .
Post: #1044
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 00:46 AM
Parent: #1043

425.jpg Hosting at Sudaneseonline.com

صورة نادرة تجمع منصور ومولانا جلا واخوه خالد وميسرة ونحن نسهر في محراب ذكريات الزقازيقية والساعة تقترب

من الثالثة صباحاً.

يا زهير الشيخ جلا ده اليومين دي في حمايتي بس لمن يرجع ليكم في الخرطوم يوم السبت (ما تكلم أي زول)

أعمل فيهو الدايرو.
Post: #1045
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 00:51 AM
Parent: #1044

Quote: يا سلام يا ناس جدة العيدهم بقي عيدين ... يا ريس جمال فارح بيسأل منك ...
رسلت ليهو تلفونك إنشاء الله يكون إتصل بيك ..


يا زهير بالله ضروري تلفون جمال فارح ،،،،

وهو لم يتصل بنا ،،، لازم التلفون
Post: #1047
Title: Re: ناس الزقازيق ... أجدع ناس ( 3 )
Author: زينب التجاني
Date: 12-01-2009, 01:09 AM
Parent: #1045

سلام يا جدة وناس جدة وضيوف جدة
حمد لله على سلامة الحاج سرى اقصد جلا
بس انشاء الله ما تكون نسيت المتضامن معهم من صالح الدعوات
منصور العيد عيدك
والله يا ميسرة ما قصرتو ما يقصرن ايامك
سمعت تحت تحت زناتى مما شاف الصور شوهد قرب السفارة السعودية

يا منصور الشية طعما كيف

غايتو بس بنتمنى ليكم السعادة

يا نانى يا براية ما سنينة
لو ما قاعدة لا شغل لا مشغلة لالاكل وجاهز والاولاد فى رقبة ابوهم بس ياك وتجرى

مداخلة فى اليوم ما كفاية

جبريلا والوصفات ولا حنرسل لاسماء باسورد
Post: #1048
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 01:11 AM
Parent: #1045

يا ريس يا سلام عليك وعلي ضيوفك ... وعاطر تحياتي لأخي الأخبر خالد ... وقول ليهو حجاً مبروراً وسعياً مشكوراً ... وربنا يخلي ليكم الحاجة شامة ... ويطول في عمرها ويديها العافية والصحة ... وبلغها تحياتنا ... وعيد لينا عليها ... وكل سنة وهي بألف خير ...




تلفون جمال : 0912314588

وهو يعمل أيضاً في السعودية ...
Post: #1046
Title: Re: ناس الزقازيق ... أجدع ناس ( 3 )
Author: طارق جبريل
Date: 12-01-2009, 01:06 AM
Parent: #1044

يا سلام ياخ
والله جدة غير
يا ريس ميسرة يمين حسدت منصور علي ونستو مع الحاجة الله يديها الصحة
انا طبعا حكاوي الحبوبات دي بتبهدلني عدييييييييييل
والله ايامكم ساكوبيس (مافي حنكوش من ناس الرشيد وحاتم يسألني ساكوبيس دي شنو)

يا رشا ياخي كنا بنهاوش ساكت ما تقعد تحندكنا
انت بس جهز الفيز يا حبيب كان ما نطيت ليك ابقى ما طارق الحبوبته نفيسي

يا بت حوفي ياخي ما تدخلي فيني شمال كدة
جاييكم جاييكم بس ما تتغابوا العرفة


يا قدورة والله الشربوت المخزن دة بيعوق عدييييييييل
عندي عمي اسمه محجوب كان شغال في حايل
بيحب العرقوب زي عيونه
مرة عمل مخالفة البوليس السعودي دفعه 100 ريال
قام قال للبوليس: حرم دة تمن قزازة عرقي
Post: #1049
Title: Re: ناس الزقازيق ... أجدع ناس ( 3 )
Author: زينب التجاني
Date: 12-01-2009, 01:12 AM
Parent: #1046

يا معتصم الف سلامة وماتشوف شر

الجاتك فى مالك سامحتك
Post: #1050
Title: Re: ناس الزقازيق ... أجدع ناس ( 3 )
Author: طارق جبريل
Date: 12-01-2009, 01:14 AM
Parent: #1049

معتصم الف الف الف سلامة
ما تشوف شر ان شاء الله





زوبة زوجة الحاج عمر كيفنك
Post: #1051
Title: Re: ناس الزقازيق ... أجدع ناس ( 3 )
Author: زينب التجاني
Date: 12-01-2009, 01:30 AM
Parent: #1050

كيفنك يا جبريلا
والله الحمد لله بس الحاج رجع فى اول سفريه ومضيوفين الحمد للة

متابعة لحدى ما الخروف نشف ولا جف اها سويتو فيهو شنو تانى

كدى تعال النديك صحن كمونيى ولا شية صاج بى شطة دنقابة

الترجمة على احمد اسماعيل

شطة دنقابة دى على وزن شطة القبانيت حقة وسط السودان

من شدة ما حارة بشايلوها بلشطة الدلعة الناس حاتم ورشا بشربو ليها ببسى

ارجل راجل لو اكلا خالصة الا يفتش ليهو لسان تانى


(دى شدة كردفانية غرباوية)
Post: #1052
Title: Re: ناس الزقازيق ... أجدع ناس ( 3 )
Author: البادي النور
Date: 12-01-2009, 05:55 AM
Parent: #1051

صباح الهناء والسرور ...
كل عام وأنتم بألف خير وربنا يحقق أمانيكم جميعا ...
وكل سنة ونحن تامين ومع بعض متواصلين ...
Post: #1053
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 06:39 AM
Parent: #1052

صبحكم الله بالخير

من شدة ما مستعجل أكتب ليكم قبل ما يقتحم المكتب المقتحمون...قمت كتبت محل الباسورد صبحكم الله بالخير
و الله يا ريس جده غير...صوركم جميلة...أنا زاتي عندي صور في شواطئ الخليج...بس بالمنطقة الغربية للامارات حيث عملي و معي جميع أفراد أسرتي...بس حسة ما فاضي...
الحاج جلا مبروك الحجه ليك و للوالد و الوالدة و أخوك...ان شاء الله ربنا يتقبل منكم...بس ما تكون نسيت الوصية حقتي و انت عارف الوصية أمانة...لكن مالك كملت من لحم الدنيا...ضعفان ضعفة شديدة...ده كله من النجيهة بتاعت زهير ده...
منص يا دروجبا...و انت خايض في الموية كده بالجلابية...

انت يا زوبة قريتي زراعة قسم الشطة ولا شنو...ما خليتي ليك شطة في الدنيا ما جبتي اسمها...متخصصة شطة و لا شنو...

جبريلا...أنا اذا ما عرفت الساكوبيز البيعرفه منو تاني...انت بتعرف الترلين و الدبلان...ديل لو عرفتهم يا يابا تبقى شهادة ميلادك 1/1 ...سنة كم دي ما بعرفه...نخليها على أمانتك...ما تقول لي أنا دفعة علي أخوك الصغير و الحركات بتاعتك دي...سامي عبدالوهاب برضو دفعة علي أخوي...أها انت قدر سامي كمان..
Post: #1054
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 06:42 AM
Parent: #1053

Quote: أشهد الا أنثي إلا إنت ... وألا إمراءة إلا إنت ... إليك الحب .. ومنك الحب .. وإنك علي كل حنان قديرة ... وبكل مودة جديرة ... لك مني السلام والحب .. شكراً لهذا الأنقلاب السلمي .. فقد حولتي حياتي العاطفية من شمولية الحب ... إلي ديمقراطية العشق .. أنت إمراءة من زمن مضي .. لزمن آتي .. كأني أستشرف المستقبل فأراك هناك ما بين الحرف والكلمة .. والحلم والأمنية ... دعيني أحلم .. الأحلام هي زينة الحياة الدنيا .. عطرها ... وألقها ... المفقود ... لن أقول لك أحبك ... كما أعتاد العشاق ... ولكني إفتقدك الآن .. كما إفتقدك كل لحظة ... مرة أخري ... مني السلام وإليك الحب


كلام جميل يا أبو الزوز...ممكن بالراحة تسميها...اليها بيان رقم واحد...
Post: #1055
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 06:45 AM
Parent: #1054



عليك الله يا أبو الزوز شوف ناس ميسرة ديل ظريفين كيف...جابو لي منصور أولاد البرعي...
Post: #1056
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-01-2009, 07:14 AM
Parent: #1054

صباحكم ذى صباح العيد..
معتصم كفارة والبركة العين الجات فى العربية. سوى ليك كرامة انشاء الله رز باللبن..
الاج جلا مبروكة حجتك والله يخلى ليك والديك والله انت سعيد البتحج معاهم.. وبعدين سرى سرى( على كيفى البسها اخلعها على كيفى). منى وميسرة ما قصرتوا انشاء الله دايما عامرين تعرفوا انه نحن لما مشينا العمرة ما كان عندنا غير تلفون منصور وللاسف كان فى السودان..
شكر وعيدية خاصة للرجل الدهب عصام دهب للم شمل البوتقة الرائعة بهذا البوست الحنين..
جده غير بيكم الصور رهيبة والشية باين عليها لذيذة منصور النبى عاد كان ما وصفت لينا طعم الشية كان كيف انا وهنودى لحمنجية بس امنية وابوها بحبوا الحلويات والشكولاتة..( شوف الشية كيف يا طارق جبريل )ال بنشفوا الخروف وبيطريا صحيح .. حاتم وينك صحح لينا المعلومة بتاعة فردتك ده..بعدين وين الوصفات خلينا نضيف الى مطبخنا شى مغربى..
زناتى شنو حالة الحب العنيفة الانت فيها دى اسمع رسل لى تلفون بهجة وقول لزينب تنتظرنى بهناك ( اجتماع لبحث حالة زناتى) اسمع نانسى عجاج شوف عينى الناس كلهم قاموا بالليل يتخففوا بس البركة فى وليداتى النايمين جنب التلفزيون .
زوبةانا قاعدة لا شغل ولا مشغلة فى سفارى بس امبارح النت فيه مشكله.. والعصر طلعنا رجعنا بالليل..وابو امنية برى شديد ما ادانى فرصة وانا الذكية جايبة لاب توب بدون وصلة..
خليكم قراب راجعة ليكم
Post: #1057
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 08:26 AM
Parent: #1056



مهند يعبر عن ابتهاجة بالبحر و اسماعيل ابن أختي غادة يخشي على الشورت من الابتلال كما خشي منصور من ابتلال جلبابه...
Post: #1058
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 08:29 AM
Parent: #1057



أمنية في لحظات تأمل للبحر ووضع استراتيجية قبل أن تقرر الدخول اليه.....
Post: #1059
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 08:31 AM
Parent: #1058



حاول يخفي كرشه...و هل يخفى الكرش في سماه...طبعا و ابدا لا...شفناه شفناه
Post: #1060
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-01-2009, 08:38 AM
Parent: #1056

صاحية من النوم على راحتى وبمهلة بشرب لى فى شاى بمزااااااااااج ..اخذتم روحى وعقلى ..اجتر فى الذكريات الحلوة فى البلد الطيبة الجمعتنا..فى الخاطر اليوم ياسر يسن(الملقب بياسر بطة) زراعة الزقازيق.ياسر الشاب الراقى ..اللطيف.. الذى لا تفارق الابتسامة وجهه ..فى احد الايام جيت بعد المحاضرة
حتى ارتوى من رحيق الونسة مع رفاق الزمن الجميل البرئ فى مربع كاى مربع المحبة.. وكالعادة بديت اسلم على الجميع بحرارة ..شباب وصبايا..فاذا باحد الاعزاء يصدنى قائلا انه قرر ان لا يصافح النساء!!!!!
صدم الجميع!!لم استطع ان اخفى دموعى واحراجى وركضت بعيدا حتى لا اظهر دموعى الغزيرة.. ركض خلفى جميعهمزوبة كانت منفعلة ومتاثرة فهى لا تستطيع ان ترى دموعى.. رقرقت دموعهاوقالت ليهم هوقرر فجاءة مفروض يعمل لينا اعلان من بينهم ياسر يسن.. فقال لى معليش ..وحتى يدخل البهجة فى نفسى .. قال لى ياخى ده احراج بسيط والله انا حصل لى موقف لو حصل ليك يخليك تبكى كل يوم فى الكلية..قلت ليه شنو الحصل ليك..فحكى انه يوم فى عز الشتاء الممطر كان عنده سشكن الساعة 8 وكانت الدكتورة صعبة جدا اذا اتاخرت دقيقة ما بتخليك تحضر و3 غياب محروم من امتحان العملى.. ياسر صحى متاخر ومستعجل شال الاب كوت من الدولاب مغسل ومكوى وجرى على الكلية لقى الدكتورة جنب الباب.. فك الاب كوت فاذا به يفاجأ انه لباس طويل ابو تكة.. البتلبس تحت الجلابيه.. تصبب عرقا من الخجل والدكتورة ما ريحته.. صرخت باعلى صوت : ايه ده يا ابنى جايينى بعفشك ولا ايه..؟؟؟
ما عرف يعمل شنو كل السكشن حتى السودانيين ما رحموه ضحكوا عليه .. ومن ذاك اليوم اذا عنده سشكن بلبس الاب كوت من البيت تحسبا وتاكدأ. نسيت الاحراج وكنت فترة طويلة كل ما اشوفه الصباح اضحك ..
اكتشفت بعد ذلك انه نحن نسابة فخال والدى حسن معتصم الاقرع متزوج من خالة ياسر بسنار شفتوا الدنيا دى قرية صغيرة كيف..
نحن ناس الزقازيق روعة تتعدى الخيال تتخيلوا انه الزميل الما بصافح ده زول حنين جدا اصبحنا نتونس معاه ونمزح معاه(من على البعد) وفى مرة من المرات كنت عيانة شديد غايبة من الكلية فطلب من عبد السلام العارف وعادل يسلم ان يرافقوه لزيارة المريض..التحية للتسامح والاندماج رغم تعدد واختلاف الاراء والالوان السياسية .
التحية لياسر اينما كان ارجو ان تمدونى برقم تلفونه.
دمتم سالمين
Post: #1061
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-01-2009, 08:45 AM
Parent: #1060

يا جماعة ابو امنية مشغول شديد.. عنده اجتماع!!
اسمع كلامك اصدءك.. اشوف كرشك اقصد صورك .. استغرب
Post: #1062
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 10:47 AM
Parent: #1061

صباح الخير يا وجوه الخير ،،،

اليوم بدأ دوام العمل لمعظم الشركات والمؤسسات

مولانا الحاج جلا نائم حتى يسترد عافيته ولياقته وصحته

المفقوده.

حمد لله على السلامة زينب التجاني وحج مقبول بإذن الله

شكراً نجاة حوفي والرشيد وإنشاء الله نشوفكم في الحج القادم

ومعاكم الحلوين أولادنا بتوع صور البحر .

البادي النور والجميع كل عام وأنتم بخير ونأمل عودة الجميع
Post: #1065
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-01-2009, 11:30 AM
Parent: #1062



سعيا مشكورا وحجا متقبل مبرور للزقازيقاب الأفاضل

فضيلة مولانا محمد آدم النور جلا ووالديه والأخ جلال عثمان ووالديه

والأخ جمال فارح والأخ عمار رحمة الله والأخ محمدحامد تبيدي والأخ موسى عيسى

والأخ عمر زوج زينب التجاني.


عيد سعيد لناس جدة الريس ميسرة والسيدة منى والأخ محمد عيد وعائلته

وضيفهم منصور والعائلة، نيابة عن ناس الرياض شاكرين ومقدرين حسن الضيافة

والإستقبال لممثلنا منصور وعائلته .

يامنصور المثل بقول ( أم جركم مابتأكل خريفين) إنت ماشاء الله تبارك الله هذا

الموسم كتلت الحفلة الكاربة بالرياض وكمان عيدكارب في جدة مع ناس ميسرة على البحر.

ياناس جدة ومكة مسئولين من الخير وين حاج جلال ووالدينو الخبراء الأجانب
Post: #1063
Title: Re: ناس الزقازيق ... أجدع ناس ( 3 )
Author: عثمان الخير
Date: 12-01-2009, 10:48 AM
Parent: #1061

يا ناس يا رايعين

كل عام وانتم بألف خير

والف مبروك لكل الحجاج , حجا مبرور وسعيا مشكور

متابعين ومستمتعين.
Post: #1064
Title: Re: ناس الزقازيق ... أجدع ناس ( 3 )
Author: طارق جبريل
Date: 12-01-2009, 11:30 AM
Parent: #1063

يا ناس انتو بريكم دة ماله كله بقى بري شواطئ
ما تنسوا المغرب دي فيها بحرين محيط اطلسي وابيض متوسط

الدبلان يا الرشيد ما داير ليه عرفة
انت بتعرف كريب دمور (برضو علي دفعتي)


المغاربة يا نجاة طريقتهم صحية جدا
بعدين ياخي حاتم دة درس بيطرة وانا درست لغاويس

تاني يوم المغاربة بيفصلوا الخروف وفقا لكل جزء
وطبعا بعد ما يطلعوا الجزء البتصدقوا بيه

اول حاجة بيبدوابالكتف اليمين بيبخروه ويختوا جنبه ملح وشمار والاتاي
بعداك بنجي للشي التقيل
Post: #1066
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 11:38 AM
Parent: #1063

يا نجاة يا حوفي والله السفاري ما عندكم ... بعدين دي شوية خواطر ع الماشي كده مافيها إدانات وتمت تحت سمع وبصر السلطات المختصة ...

يا رشا والله الورع والتقوي ظهروا علي الحاج سري ... يعني بقي راجل مولانا عديل ... بس ده برضو ما يخلينا نرفع منه ... ونعاقبه لمن يجي من الحج يا حا نمشي نبارك ليهو ونطنشوا في الكرامة أو نطنشوا من البداية ... ونمشي نضرب الكرامة من غير ما نقول ليهو حمد الله علي السلامة ... يعني ما نعتقه ... وامانة ما وقع راجل ...

يا ريس ميسرة شايفك مطنشني إنشاء الله يكون التلفون وصلك ... وحمد الله علي السلامة بعد السيول والفيضانات ... جده دي أوعي يكون المهندس بتاعها سوداني من النوع البيتفاجأ بالأمطار والخريف ...
غايتو شايف الملك عبد الله كون لجنة للتحقيق في أسباب الدمار الحصل ...

مني يا ميسرة ... يا سلام عليك وعلي التغطيات ... الجيدة ، تابعنا من خلالك كل الأنشطة ... الجميلة دي والعيد ما شاء الله في جده غير ...

وامانة في الذمة يا ناس جده ... تحياتي الخاصة بالعيد السعيد لعمنا حسن أبو علي الصديق الجميل .... وإذا كان في الحج باركو ليهو نيابة عنا ...

البادي النور الفيك إتعرفت ... ياخي ما في حتي رسالة واحدة ... ياخي إنت صاحب شنو .؟

أحمد إسماعيل كل سنة وإنت طيب ... والأسرة بألف خير .... وألف سلامة ... والعيد مبارك ...

سامي يا عبد الوهاب ... الرجل الجميل الذي عودنا ومنذ سنوات ، إما أن يتصل أو يرسل رسالة في كل عيد وكل مناسبة .... ياخي كل سنة وإنت طيب ...

جلال حمد الله علي السلامة ... إنت والخبراء الأجانب والحجة مبروكه ... وعقبال ما تحج كمان وكمان ... أصلاً بعد الحج تاني سقف الأمنيات بيصل لحده ... يعني نقول ليك عريس يسمك ...

مدثر ابايزيد ... كل عام وأنت بخير وصحة وأكثر قدرة علي الإبداع ... وليك وللحلوين المعاك كل الأمنيات الطيبات ....

نواصل المعايدة بعد إرسال هذه المداخلة لأنه الكهرباء غير مضمونة في هذا البلد الجميل
Post: #1067
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-01-2009, 12:54 PM
Parent: #1066

جبريلا سمعت بي لابس الكرب الساده خلت قليبي وساده وا شوقي ليه...كرب دمور دي ما أدونا ليها...انت أظنك خالط شوية هنا بين الكرب و الدمور...ما حأقول ليك بتعرف التريفيرا و الكرمبلين...ديل أكيد كان عندك منهم بنطلون شارلستون منهم مع جزمتك الدبابة...
Post: #1068
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 01:10 PM
Parent: #1067

مش قلت ليكم البلد دي ما مضمونة اها الكهرباء ما قطعت لكن الشديد القوي خلا تمامة المداخلة تجي بعد تلاتة ساعات .... نرجع ...

الريس معتصم الجاتك في باب عربيتك سامحتك وقدر اخير من قدر ... السواقة في الخرطوم عايزه حرفنة وهي كانت واحدة من مسببات إرتفاع ضغط الدم بإستمرار لدي وانا جاد في هذا الأمر حيث تحسن الضغط بعد أن توقفت عن القيادة وأصبح أكثر إنتظاماً ... وهنا تبقي الموازنة صعبة ما بين الصحة وقيادة العربة بعدد من الميزات .. إختصار الوقت والجهد وغيره ..

مبارك جادين لم نلتقيه في العيد كنا نحسب أنه في الأبيض ولكنه عيد في بلاد أخري واليوم في مكالمة مطولة يغري الجميع تحياته وعيديته .. ويوعدكم بمداخلة شحمانة ...

عبد الحفيظ عباس ... ياخي بالغت معانا ... عامل نايم مالك ... وما شغال بالناس ... غايتو إلا الشديد القوي ... ورغم اللوم ... كل سنة أنت والأسرة بألف خير ... وعافية ... دايرين نقول ليك القابلة وزير ... لكن خليها عشان الرشيد قال ما تتكلموا في السياسة ..

عبد الدائم النضيف ... دخل دوامة السودان ... وأصبح لا حس ولا خبر .. حينما كان في جده كان تواصلنا معه أفضل من الآن ... هو السودان .. بالع الوقت .. وراحة البال ... الزول يجيهو إجازة يلقي روحه تعبان أكتر من ايام الشغل ....

يا منص ... والله العيد عندك ... بس حرمنا لحد كبير من كتاباتك الجميلة .. تصدق بقي عندها رابطة معجبين ... واحد من خبثاء المدينة قال لي منصور ده طوالي قاعد تكسر ليهو في التلج ليه ... عليك الله شوف زي المحن دي ... اها عشان أفقع مرارته كل يوم حا أكسر ليك تلج .. خاصة التلج في الشتاء رخيص وبتراب القروش وما يغلي عليك ...

محمد عيد من الأحتفال المئوي مداخلاتك ما خشتها العافية ... الظاهر أدوك عين ... في الشعار المبالغة وقلت ليك رسل لي الأصل عملت نايم ... خلي بالك في ناس كتار بيعملوا نايمين مني في البوست ده ... لكن حقي ما بخليهو ... وإن طال الزمن
Post: #1070
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 01:39 PM
Parent: #1068

طارق جبريل عملت ليهو مداخلة براهو باركت ليهو العيد برضو عمل نايم ... الليلة رصد لكل من ينوم بحقي ... الحساب تقيل .... برضو تاني نقول ليك كل سنة وإنت طيب ... والعيد مبارك ...


محمد صديق ... عاد البارحة من كسلا ... وعمل مداخلة راحت في الكرعين ... واضح إنه يعاني من مشاكل فنية ... وتقنية .... تكنولوجية الكبر زي ولادة الكبر ... بتدلع علي صاحبها ... يحتاج لدعم فني عاجل ...


عبد السميع ضرب شرق الله البارد وعيد في القضارف ... عيد غير .. راحة بال ... ولحمة طاعمة ...وزيارات لا تنتهي ...

حاتم جبارة ... السودان ... مهما كان العيد ... في بلادنا مسيخاً .. بكل تأكيد أحسن من بلاد الخواجات .. إستمتع بالخروف ... عدا الكمونية والمرارة وما شاكلها يا نجاة حوفي ... الود حريص علي نفسه ... والحنكوش ربي عياله ...

صلاح الأمين ... الجندي المجهول ... أو المنسي علي طريقة فيلم عادل امام الشهير .. عيد وحيداً في إسلام اباد مع المسلمين في مغارب الارض ناس طارق جبريل أي يوم السبت وبعد أن عيد المسلمين في مشارق الأرض يوم الجمعة ... لا لحمة لا زيارة ... لا زول يحضنك من صباح الرحمن ويقول ليك كل سنة وإنت طيب .. نحس بك صديقنا ... ولكنها إرادة القدر وتصاريف الحياة ...

حيدر حنين ... نفس الحال ... ونفس الملامح والشبه بعض من السودانيين في طوكيو لا يتعدوا العشرات ولكن الحال سيكون أفضل من أن يعيد الشخص وحيداً في غرفة فندق ... حنين نحن نشتاقك ... ونقول لك كل سنة وإنت طيب والعيد الجاي ... في حضن الوطن والناس الطيبين ...
Post: #1069
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-01-2009, 01:28 PM
Parent: #1067

Quote: يا ريس ميسرة شايفك مطنشني إنشاء الله يكون التلفون وصلك ...


شكراً يا زهير على رقم هاتف أخونا الجميل جمال فارح

ولسوء حظنا يوم امس حين أرسلت أنت هاتفي لجمال إنقطعت الكهرباء

من جواله ولم يعمل الجوال إلا قبل ساعة ،،، تواصلت اليوم هاتفياً

مع جمال فارح وهو حالياً بمطار جدة في رحلة إضافية ولربما تفشل

السفرية وهذا منانا ،،، بس هو وعد في حالة عدم سفره سوف يتصل بي

لكي نسعد بلقياهو ونستعيد ماضي الذكريات والله يا زهير حين تكلمت مع

جمال أحسست بأن جميع شعر جسمي تحرك حيث تجمعني به إلفه قديمة في القلب

شكراً يا زهير يا ريس يا كبير يا ابو عواطف جياشة وإندياح رومانسي

وألق وجداني .

صاحبك دكتور حسن أبو علي موجود في جدة وبلغنا تهنئة العيد ،،،،،،

صاحبي الجميل دودو وين يا شباب .
Post: #1071
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 02:05 PM
Parent: #1069

مهيرات البورد :

زينب التجاني ... شرفتنا بزيارة من الحجم العائلي ... لها منا التحية والحب ...

عفاف علي ميرغني ... سمعنا صوتها فكان العيد عيدين ...

عرفة ... في السودان .... بس عيدنا عليها صوت دون صورة ...

نجاة حوفي ... عيدنا عليها أسفيرياً .. وتاني نعيد عليها وهي في السفاري ... يتخيل لي ده المرة الت 514 صاح يا الرشيد ... الرشيد بيكون حاسب علي ..

إبتهاج .....

نوره ... برضو ....

حنان مجمر ... برضو ...

إخلاص محمد أحمد ... في إنتظار جلاء معركة المآذن بسويسراً ... وتنقشع سحب المعركة ... كل عام وأنت بألف خير ...
Post: #1072
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 02:52 PM
Parent: #1071

الود ناصر جبريل علي تلفزيون النيل الأزرق من المغرب ... وين يا ناس طارق ...
Post: #1073
Title: Re: ناس الزقازيق ... أجدع ناس ( 3 )
Author: طارق جبريل
Date: 12-01-2009, 03:04 PM
Parent: #1072

ابو الزوز يا حبيبنا انت بطنشوك ياخي
كل سنة وانت بالف خير
والسنة الجاية حاج ان شاء الله
بس ابعد من الحناكيش ديل
بعدين ياخي الناس دي مجدعة في البحور كدة امشي سوق اولادك انت والكوتش
شوفوا ليكم بحر وتعالوا اتخوججوا هنا
Post: #1074
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-01-2009, 03:12 PM
Parent: #1073

يا جبريلا ... من قبيل في النيل أزرق مستنينك تجي ... جابو لينا الولد ناصر ... بس للأسف ما جاب سيرة ناس الزقازيق (هاهاههاهها) يا عمك قبل كم يوم نزلنا صور جبل أولياء ... بحر وسمك ... بس بحر لبحر يفرق ... وسمك لسمك يفرق ... اها موضوع الحج السنة دي لقيت السر ... الجماعة في آخر أيام كانوا بيكوركوا في السوق العربي ... علينا جاي حج سياحي بإثنين ونص ... إثنين ونص تعال وبص .. أتاريهو السنة دي الناس لاوزت من موضوع السفر ... والحج الحكومة كانت معلناهو بتمانية مليون .. في النهاية أضطروا يسفروا الناس بإثنين ونص وتلاتة تصدق الكلام ده .... شفت اللعب علي الدقون ... ليه الحج ينزل أقل من الربع ... طيب من الأول ما تعملوا كده ... غايتو السنة دي الما حج تاني ما بيحج .. بسهولة .... ملح وفاتنا ... بس نحن راجين مبارك جادين يبقي وزير ... ونحج علي نفقة الدولة ... ملح عديل .. أصلوا دولة الجن دي ما عملتنا لينا حاجة ... اها ندردق في تراب الميري ده شوية ... وربنا يقبل ... والأعمال بالنيات ولكل أمرء ما نوي ...
Post: #1075
Title: Re: ناس الزقازيق ... أجدع ناس ( 3 )
Author: طارق جبريل
Date: 12-01-2009, 03:19 PM
Parent: #1074

في حلقة تانية يا زهير عن المغرب بس انت تابع
يمكن تكون حلقة اطول وكمان طلحة جبريل عنده حلقة منفصلة
آل جبريا احتلوا النيل الازرق
Post: #1076
Title: Re: ناس الزقازيق ... أجدع ناس ( 3 )
Author: مني يونس
Date: 12-01-2009, 05:05 PM
Parent: #1075

بلاغ لسيد الحوش بالسودان،،

عناية زهير الزناتي وإبتهاج

لقد تعرضت للسرقة ليلاً والحرامي

مازال حر طليق حتى صباح اليوم

أوصافه كالتالي :

أسمر طويل ،،،،،،،،

كان في الحج السري

معاهو أمو وأبوه وأخوه وبنت عمو

حالياً في السوق عامل SHOPING كمان بالسر

مسافر السودان يوم السبت بالسر

نازل قراية ومذاكرة شديده بالسر

يا ربي عرفتوه ولا ما في داعي خلوه في سركم

أها أنا عايزة حق الأجرة إنشاء تندفع في السودان

لصالح نشاط الجمعية ،،، لازم تنصفوني بسرعة .
Post: #1077
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-01-2009, 05:59 PM
Parent: #1076

أشكر الأخوة الرشيد وزهير وعبد القادر

على شعورهم النبيل وأدعيتهم الطيبة لإبنائي

ونقول لهم عزاكم الله وأنزل الخير والنعمة عندكم

وبارك الله لكم ولجميع الزقازيقاب في أبنائكم وأحاطهم برعايته وعنايته وحفظه
Post: #1078
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-01-2009, 06:25 PM
Parent: #1077

قبل مايقول الأخ منصور مسافر جدة
إتصل الأخ عماد عثمان علشان نعمل
لينا لمة للمعايدة وقبل مانشرع
في ذلك ظهر سفر منصور لجدة وحيلحق
به الأخ كمال الشادي والأخ مكي حمزة بدأ
إجراءات الإنتقال للسكن الجديد وموسى عيسى
فكّر يحج لذلك موضوع لمة العيد إتلغت

لكن الحمد لله ثالث يوم في العيد كان معاي
الأخ عماد عثمان والأخ عصام عبد الدائم ضربنا اللحمة
وشربنا الشربوت بعد إضافة السبرايت إليه
لذا نحن المجربون ننصح بعدم شرب الشربوت إلا

بعد إضافة السبرايت إليه وبالعدم إضافة السفن آب
Post: #1079
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-01-2009, 07:02 PM
Parent: #1078


واحد بتاع كريستال بلح رجع بيته متصلّح تمام

قال لزوجته كدة زحي ياوليّه وعديل للحمام

طلع من الحمام ماقادر يوقف عديل ،واقف راكع

زوجتو بدأت تصيح سجمي ووب علي الراجل مالوو

الجيران تجمعوا الراجل رقد في السريرعلى ظهرو ومعنقل رجلينو

جابوا الدكتور دخل كشف على الراجل دقيقة ماتماها جاء الراجل

طالع قبل الدكتور سالوا الدكتور الراجل ده عندو شنو؟

قال ليهم ماعندو اي حاجة بس زرر القميص مع البنطلون
Post: #1080
Title: Re الزقازيق ... أجدع ناس ( 3 )
Author: نجاة حوفي
Date: 12-01-2009, 08:14 PM
Parent: #1079

مساء الخير عليكم.زوبة برايتى وسنيتها ولا فى زول عبرنى غير زناتى انشاء الله لا يفوت ولا يموت.
استمتعنا اليوم بقضاء يوم عائلى بضيافةغادة بابكر اخت الرشيد والتى تقيم بالمنطقة الغربية مع زوجها..الشكر الجزيل لهما .
امنية ومهند واسماعيل ابن عمتهم متعلقين ببعض شديدولادى متعلقين بعمتهم اكثر فهى حنينة جدا تحب الاطفال وبالذات اولاد اخوانها واختها. طويلة البال مع الاطفال تدللهم دائما وتهتم بهم جميعا دون فرز يعنى اولاد على واولاد محمد والرشيد ومنى كلهم يحظون بنفس القدرمن الاهتمام.حالها كحال اخوات الرشيد واخوانه جميعا..
ما يحزننى دايما عندما نفترق .. امنية تبكى لفراقها وهى ايضا.. فهى بدات الدبرسة من حسه ربنا يدوم المحبة والمحنة. والما عنده عمة حنينة يشترى ليه عمه انشاء الله بالسر يا زناتى.
راجعة ليكم.. خليكم معنا
Post: #1081
Title: Re الزقازيق ... أجدع ناس ( 3 )
Author: نجاة حوفي
Date: 12-01-2009, 08:14 PM
Parent: #1079

انا يا جماعة الاقمشة بفتش على اللابس السكروتة ..وعربيتى ما تايوتا..ولونه ابنوسى .. ما قال بجى ماله ما جاء..
ما بنقدر نعيش بدون ما تسطر اناملك حروفك المن القلب للقلب.
انشاء الله يا سندى تكون وصلت بالسلامة..منتظرنك..
جبريلا والله قراية بيطرة دى عاد شوف عيناقريتها لكن بخور الخروف ده ما ادونا ليه نحن عمرنا كله بنكون منتظرين لحمة الخروف دى متين تنجض وفى ناس قبلها ما تنجض ببتدوا ياكلوا ..انت ناس بيتكم لسه بياكلوها ذينا ولا غيروا
بقوا ياكلوه صحى ومبخر.. آل مبخر آل يا حاتم جبارة عليك الله اظهر بسرعة..
Post: #1082
Title: Re الزقازيق ... أجدع ناس ( 3 )
Author: نجاة حوفي
Date: 12-01-2009, 08:14 PM
Parent: #1079
Post: #1083
Title: Re: Re الزقازيق ... أجدع ناس ( 3 )
Author: زينب التجاني
Date: 12-01-2009, 10:21 PM
Parent: #1082

سلام يا ناس ليكم كلكم
ومليون سلام للبرايه نانى

والله اليومين دى مضيوفة سيد الاسم رجع البلد

والشباب ماسكين النت

مافى طريقة الابلليل

يالرشيد رغم ثقافتى الشطططية الا وانى ما باكلا
حنكوشة شطة

والله يا نانى ضحكت لما اتزكرت موضوع السلام
بس والله هو انسان طيب شديد
دفعتى فى وقاية نباتات كانت متناقضة سياسيا

بس فى ود ما عادى بيناتنا
انا وسوسن كنا بنبيت ونزاكر مع بعض شيخ ياسين كان بيتبادل معانا المزكرات والزيارات ولا يسلم من مشاغبات يسلم
عاصم كان انسان ودود وفى مرة مشيت اراجع معاهو وكان المفروض نشترى مزكرات لما مشيت ليهو لقيتو بدل المزكرات اشترى اسطوانة لبيت هوفين التحية ليهو

وانا مليون مرة سالت عن ياسر بطة بس محدش عبرنى

حاستلف عبارة نانى
ودمتم سالمين

حارجعا ليك مع صورة البروفايل
Post: #1084
Title: Re: Re الزقازيق ... أجدع ناس ( 3 )
Author: زينب التجاني
Date: 12-01-2009, 10:29 PM
Parent: #1083

كنت اليوم فى حفلة خطوبة قريبتنا
والحفلة بى احمد البنا واللة ما تخلص

يا ناس البحر والخليج خلاص ننزل ليكم صور البر السودانى

بس ما قادرة هسة

مشغولة على قول الرشيد
Post: #1085
Title: Re: Re الزقازيق ... أجدع ناس ( 3 )
Author: زهير الزناتي
Date: 12-01-2009, 11:48 PM
Parent: #1084

ناس المنــــيا اجـــــــدع ناس!

الصعايده وصلوا ...
Post: #1086
Title: Re: Re الزقازيق ... أجدع ناس ( 3 )
Author: محمد آدم النور
Date: 12-01-2009, 11:54 PM
Parent: #1084

بسم الله
بي حقي
في بيتي
فوق كمبيوتري
سلام أيها القوم
سلام من الله عليكم و رحمة منه و بركاته
أولاٍ العرف السائد في هذا البوست قلتو أقضوا حوائجكم بالكتمان
ثانياً ترحيب شديد بكل الناس الضهب الجونا من الباب
ثالثاً الدعوات الصالحات كانت لكم أيها الزقازيقيون و دعوة كانت خاصة للأخ رشيد القوم كما أراد
رابعاً دعوة كانت في وقتها للأخت فافي عندما اتصلت بي في نهار عرفة ونحن نرفع أكف الضراعة بالمغفرة و العفو عند القدير المقتدر
إذا قدر لي ناس زقازيقيو الداخل كلهم حج العام القادم...فالوصية طوالي من مكة لي جدة...و أقعد في أي بيت زقازيقي...أخلف كراع في كراع...اتحكر....ما تجي براك جيب معاك أي زول من السودان إنشاءالله زول عرفتو في الحج ....إتشهى...خش البوست من أي ركن في البيت...أضرب تلفون من البيت إنشاءالله لي حاتم جبارة في أمريكا...
بس الحاجة العايزة ليها تعويدة سهر الليل دا!!!!!
أنا قاااااااعد

أحبكم من جدة
Post: #1087
Title: Re: Re الزقازيق ... أجدع ناس ( 3 )
Author: طارق جبريل
Date: 12-02-2009, 00:16 AM
Parent: #1086

جلا يا حبيب حجة مقبولة ان شاء الله
غايتو شيل شيلتك مع ابو الزوز
Post: #1089
Title: Re: Re الزقازيق ... أجدع ناس ( 3 )
Author: زينب التجاني
Date: 12-02-2009, 00:29 AM
Parent: #1087

اذيك يا جلا يا حليفنا الاستراتيجى
الحجة مبروكة وانشاء الله تسبعا
ياخ انا ساكاك لحدى اخر مداخلة قبل سفرك السرى وما يكون عندى دعوة خاصة
زهير الزناتى دة الزعلان دة ياخ ما تصالحو بدعوة خاصة

المهم ربنا يتقبل منكم ومن كل الحجيج والناوين يحجو

مليون سلام لناس جدة الكرام

تصدق يا جلا قلبت معاى حفلات
جيت من حفلة
Post: #1088
Title: Re: Re الزقازيق ... أجدع ناس ( 3 )
Author: ميسرة سيد أحمد
Date: 12-02-2009, 00:25 AM
Parent: #1084

هدية لأبناء زينب التجاني بمناسبة عودة بابا من الحج وكل عام وانتم بخير ،،،،،،،،،



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

وكمان فيديو القرد المشاغب ده



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

وكمان لو ما عجبكم الفيديو عندي ليكم فيديوهات تانية بس كلموا ماما

Post: #1090
Title: Re: Re الزقازيق ... أجدع ناس ( 3 )
Author: زينب التجاني
Date: 12-02-2009, 00:38 AM
Parent: #1088

مبالغة بنشكرك واول ما يرجعو بكرة من المدارس حيشوفوها

يوم الخميس احتفال استثنائى يا منى وميسرة وعيد قابلونى فى الماسنجر معاكم الطابور الخامس ما حيكون رجع
Post: #1091
Title: Re: Re الزقازيق ... أجدع ناس ( 3 )
Author: سيف النصر محي الدين محمد أحمد
Date: 12-02-2009, 01:16 AM
Parent: #1090

image00116mx.JPG Hosting at Sudaneseonline.com
Post: #1092
Title: Re: Re الزقازيق ... أجدع ناس ( 3 )
Author: Hatim Gubara
Date: 12-02-2009, 05:32 AM
Parent: #1091

صباح الخير علي الحلوين.. وكل سنه وانتو طيبين..
متابعين انا والكمندان..
الخروف البيفسخوه دا ما سمعنا بيهو يا نجاه..
لنا عوده..
Post: #1093
Title: Re: Re الزقازيق ... أجدع ناس ( 3 )
Author: البادي النور
Date: 12-02-2009, 05:37 AM
Parent: #1092

صباح الهناء والسرور ...
أصبحنا وأصبح الملك لله ...
صباحاتكم بالخير والأمل ليوم جديد جميل في كل شيئ ...
Post: #1094
Title: Re: Re الزقازيق ... أجدع ناس ( 3 )
Author: أحمد إسماعيل
Date: 12-02-2009, 07:03 AM
Parent: #1093

أصبحنا وأصبح الملك لله رب العالمين

اللهم أحسن عاقبتنا في الأمور كلها

وأجرنا من خزي الدنيا وعذاب الآخرة
Post: #1095
Title: Re: Re الزقازيق ... أجدع ناس ( 3 )
Author: ميسرة سيد أحمد
Date: 12-02-2009, 07:06 AM
Parent: #1093

صباح الخير يا وجوه الخير ،،،،

أصبحنا وأصبح الملك لله،،،،،،،

سيف النصر كل سنة وأنتم طيبين وعودة حميده

حاتم جبارة كل سنة وأنتم طيبين وعيدكم مبارك

الحاج جمال فارح حتى أمس ليلاً كان بمطار جده ولكن إنقطعت

أخباره صباح اليوم على الرغم بأن هاتفه ما زال يرن ،،، ويرن

نتمنى أن يكون قد وصل لأرض الوطن بالسلامة .
Post: #1096
Title: Re: Re الزقازيق ... أجدع ناس ( 3 )
Author: عبد القادر بابكر
Date: 12-02-2009, 07:55 AM
Parent: #1095

صباح الخيرات عليكم يا جدعان ..
كلكم بدون فرز عشان ما نتلوم وننسى زول ..

يا جلا ألف مبروك الحجة وانشاء الله رجعت لينا زي ما أمك ولدتك ذنبك مغفور
وسعيك مشكور .. ربنا يتقبل منك وانشاء الله تسبعها قول آآآآآمين ...

زينب التجاني مبروك حجة أبوكم وبركة الرجع ليكم بالسلامة وانشاء الله
الحجة السابعة يارب ...

ربنا يتقبل حج جميع الحجاج وانشاء الله حج مبرور وذنب مغفور ...
Post: #1097
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 11:38 AM
Parent: #1096

وانا الآن احبكم من بعد عيد جدة
اكثر واكثر
لمن كانوا يقولوا تزاحمت على الحروف
وتشابكت الخواطر
كنت بقول عليها فلسفة ورص كلام
اسمحوا لى ارص كلام واتفلسف
ما بداخلى يغلى ويتزاحم
سباق محموم جائزته , من يخرج اولا
من طى الصدور الى رحاب الفضاء الفسيح
عيدكم لمة , وجمالكم نعمة , ووصالكم حمى
وبعادكم نقمة , وتوارد خواطركم (زحمة عديييل )
احبكم بما يكفى لنسف كل الحواجز
وتجسير (كل الكبارى المعلقة)
فى حب يا اخوانا اكثر من كدة ؟؟
Post: #1098
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 12:00 PM
Parent: #1097

دخلت الى هذا البوست
ودرجات معرفتى باعضائه متفاوتة بطبيعة الحال
وبطبيعة المكان والزمان
حقيقة الأمر , والجانب المدهش فيه
اننى كنت اعرف محمد عيد مثلا معرفة اسرية وثيقة
وكذلك الحال مع الرشيد ومع كمال الشادى
وحاج الركز و(جزء من عفاف )
وكل نجاة حوفى وزينب التيجانى
وكنت اظن (مجرد ظن)
اننى كذلك اعرف الريس ميسرة
ارجو ان تركزوا معى هنا فى (استراتيجية المعرفة)
وجزئيتها وكليتها
وهذا باب سارجع اليه ذات مداخلة ولاشك
واظن اننى بدأت حديثا مع عفاف
تطرقت فيه لجزئية المعرفة هذه
كذلك كانت معرفتى بمنى يونس
باعتيارها جزءا من معرفة ميسرة
هنا , اصبت , واخطأت كذلك
خلاصة الامر وملخصه الأكيد
وبعد تجربة عيدى الأخير فى جدة الغارقة
العائمة فى عصير البلح المنقوع
اننى ما بعرف ولا واحد فيكم ياحلوين
حتى القاه واخوض فى (عصيره وخلاصته)
كما فعلت مع ميسرة ومنى ومحمد عيد وفاطمة عيد
وانور وعزة
اما الأضافات التى لن ازيد عليها وسآتى اليها لاحقا
فهى ملاقاتى لخالتنا والدة محمد عيد التى اعرفها من زمان
ثم الحاجة محسنة الأصل
واللذيذة محسنة المعمولة بالكوبى بيست عينى باردة
واختتمتها بالوصول متأخرا انصاص الليالى للسلام على والدى جلا
ثم اكتفيت من الغنيمة باياب جلا وخالد
وعدت الآن اجتر مرارات سلام لم يتم معهما
وهما النائمان بامان وسلام , ولم تفتنى البركة حسب وصية جلا
فهما الآن لى ولأسرتى , من الداعين بطيب الدعاء
بسعة الرزق والتوفيق
اواصل
Post: #1099
Title: Re: Re الزقازيق ... أجدع ناس ( 3 )
Author: معتصم جعفر
Date: 12-02-2009, 12:10 PM
Parent: #1096

الحاج السرى
مقبوله انشاءالله كان سريه ولا علنيه
تعود لينا بالسلامه بس ما بالسر ود جادين جاهز للاستقبال
ولازم زهير يكون حاضر لازم لازم0
===========================
=======================
==الشكر لكم جميعا====
==وادام الله الودبيننا=
==وجمعنا دائما على==
==الخير==========
=============
==========
Post: #1100
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 12:21 PM
Parent: #1099



ظلمتك يا ريس ميسرة
اذ ظننت انى اعرفك
سكنت انا مع ميسرة سنة دراسية كاملة
كنا فيها نعم الأخوان ونعم الرفقة والصحبة
ثم كانت علاقتنا الى تباعد طبيعته جغرافية المساكن
ولكوظ
طبيعة التجارة
والزراعة
حتى اذا ما وجدته بعد انقطاع عشرون عاما
كانت فرحتى بلقائه الأسفيرى
فرحة من وجد شئيا يخصه
ثم كان لقائى به فى عيد جدة الممطر المضروب بسيول الماء
فالسيل حرب للمكان العالى
ميسرة سيد احمد ابراهيم
مطلوب للأعتقال من امانة جدة
فالسيل مصدره ميسرة
اليس السيل حرب للمكان العالى ؟؟
اذا قلت اننى تعرفت على ميسرة
فأنا مصيب
واذا ما قلت اننى اعدت اكتشافه
فقد قلت الحقيقة
ولعلمكم يا احباب
انا ادعوكم للتعرف على ميسرة
واسالكم سؤالا واحدا اذا كنتم مثلى (تظنون) انكم تعرفونه
هل زرتم ميسرة فى بيته , دون ان اربط الزيارة بجده
فاذا اجبتم بلا
عفوا , انتم لا تعرفونه
واذا اقررتم بذلك , اى انكم لا تعرفونه
افعلوا بسرعة
وانا لكم من الناصحين
Post: #1101
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 12:35 PM
Parent: #1100


وانا الآن اعلن عجزى الكامل
والنهائى
عن تحديد مكان منى يونس من ميسرة
موقعا وملمسا وظرف زمان مع ظرف مكان
واعنى من المعرفة بالتأكيد
هل هى امامه ؟؟
جائز جدا
هل هى خلفه
يحتمل
على يمينه
مافى شى مستغرب
على يساره
ممكن برضو
سالتنى امانى
منى دى بتبقى لى ميسرة شنو ؟؟
انه سؤال الواثق من معرفتى بالأثنين معا
لم اكن اعرف الأجابة
ولكنى على استعداد ان اجيب على السؤال
فى الف صفحة من الورق الفولسكاب حجم الأى فور
بتعرفوا العرض الماشى فى مبيعات السيارات البيسموهو
ايجار منتهى بالتمليك ؟؟
ميسرة ومنى يونس مولودون من رحم هذا العرض الفتاك
انه
تشابه وتكاثف وتناغم وتفاهم وتآلف
منتهى بألأقتران
عفوا , مبتدىء به
من اين لكم هذا التشابه
يا ميسرة يونس
ويا منى سيد احمد ؟؟؟
Post: #1103
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 12:44 PM
Parent: #1101



من اين لك بخبثاء المدينة هؤلاء
يا زهير يا زناتى ؟؟
عليك الله سلفنى واحد
وصيهوا يقول لى ويسألنى
انتو منصور ده بيكسر تلج لى ناس جدة
خاصة ميسرة ومنى مالو ؟؟؟
فاعلن له على الملأ
اننى اشتريت مصنعا كاملا من التلج الغلالالالالاد
الكبااااااار
ومرزبة
وشاكوش
عشان اقعد واكسر
بمزاااااج
واغنى
يا تلج
رائق مصفى
يا عيون مليانة الفة
ووصيتى ليكم
كلكم
واولكم الزناتى زهير
بعد ما تكسروا التلج كلو
رصوا الكبابى
وختوا فى كل واحدة حزمة تلج مكسر
عشان اكب ليكم فيهو شربووووت (الله والرسول )
Post: #1102
Title: Re: Re الزقازيق ... أجدع ناس ( 3 )
Author: زهير الزناتي
Date: 12-02-2009, 12:41 PM
Parent: #1100
Post: #1104
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 12:51 PM
Parent: #1102



وفرحتى وسعادتى بى لمة الرشيد واسرته الصغيرة
فى ابوظبى ثم فى غياثى
فرحة غير محدودة
فالرشيد ونجاة احوجنا لهذه الأجازة والعيد
ولو بس شفتوا مداخلات نجاة حوفى وهى مؤجزة فى رفقة الرشيد
مع وليداتها وعمتهم
لعرفتم الفرق بين نجاة المشغولة
ونجاة الريلاكس حبتين
نجاة جوفى
استقيلى
اذا كنتى حا تدينا مداخلات طاعمة زى دى
Post: #1105
Title: Re: Re الزقازيق ... أجدع ناس ( 3 )
Author: منصور عبد الرازق
Date: 12-02-2009, 01:01 PM
Parent: #1104


معايدة متأخرة لى ناس الرياض
ولمة العيد
ممكنة فى الرياض , اى خميس
يا احمد اسماعيل ويا عماد عثمان
عيدكم سعيد

فى نقاط كثيرة اثارها ابو شاكر احمد اسماعيل
نحاول نديها نظرة لبساطة تنفيذها وتأثيرها العميق المنتظر
حج زقازيقى , شقة استقبال فى الحرم ,
وده كلو لمن يتربط بى فكرة مقاعد لأبناء الزقازيقاب فى جامعة الزقازيق
بتبقى كل متنوع وممكن التنفيذ يا لجن الجمعية بقيادة الريس معتصم ونهلة نجم الدين وزهير الزناتى
وكل اعضاء اللجنة
سلامتك يا ريس من الباب المصدوم
Post: #1217
Title: Re: ناس الزقازيق ... أجدع ناس ( 3 )
Author: حنان مجمر
Date: 12-05-2009, 12:31 PM
Parent: #1071

سلامات ياناس الحوش والله الواحد متمني يكون معاكم كل يوم ياريت الباسوورد لو اخدتو وانا في جده كان مع كباية شاي ظريفه زي ماقالت نجاة حوفي الواحد يقعد يكتب بمزاج وعشان تستلم الحوش شويه تقوم تذكر ناس محاسبه بالطحان وفخري وناس بيطره وزراعه بالليل الهود ليهم لكوز بعيده ياناس
ياناس زهير ماتقلعوا مني الباسوورد بس ادعوا لي في بلد البرمجه دي جايييييياك ياجده

جمعية الثريا حاول يخفي نفسو وهل يخفى القمر في سماهو

ياناس طارق جبريل صلحو عدة القهوة قهوتي معاكم الايام الجايه ربك يسهل
Post: #1106
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-02-2009, 01:18 PM
Parent: #467

http://كان خجلان منها عامله مالك ... عالم جبانات .... ل... تعزمني كورة مصر ..

يعنى إحضر الكورة شماعة يازهير ، ياخى راعى حرمانو واخشى عامل السن أو عامل الأسانسير لايهم كلهم عمّال العالم وشعوبه المضطهدة إتّحدوا ههههههههههههه
Post: #1107
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 01:27 PM
Parent: #1106

من هو المدعو أبو بكر حامد الأمين .؟
Post: #1108
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 01:52 PM
Parent: #1107

** خروف العيد** قصيدة شية جمر بس**


القصيدة في الرابط أعلاه .... من نظم بدر الدين محمد أحمد ..... وهو دفعة المدعو بكري الشين ...صاحب المداخلة أعلاه في حقوق ... القصيدة في منتهي الظرف والجمال ... ولمن لا يعرفه أي
بودي ... وليس بكري شاعر لا يشق له غبار ....
Post: #1109
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-02-2009, 05:09 PM
Parent: #1107

http://من هو المدعو أبو بكر حامد الأمين .؟

تعرف يازهير هسى إجيك واحد شليق من النوع الموتور وإنزل فينى ردحى ، يازول يلاك جوه حوشنا نفرح نفرح ، بس ماقلتا لى البادى عمل عملية شنو وخجلان منها ، كان على ضرس العقل شوف عينى ناس كتار هنا ومناضلين كمان مرّوا بى التجربة دى ولم تخلف أية آثار سالبة بعد العملية ، أها شنو ليك؟
Post: #1110
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-02-2009, 05:25 PM
Parent: #1109

من أبو ظبي نحييكم بعد أن انتهى السفاري و عدنا الى العاصمة...

منص حمدالله على السلامة...و ما قلته عن ميسرة و منى و محمد عيد و فاطمة كنا نتكلم عنه أنا و نجاة...لكن قالوا سمح القول في خشيم سيده...انهم حقا نموذج طيب و يستحقون كل ما قلته عنهم و زيادة...

أبو بكر ننتظر منك الكثير هنا وهناك....

أبو الزوز...ليس محمد وحدة المقل بعد المئوية...هنالك الكثيرون...
Post: #1111
Title: Re: ناس الزقازيق ... أجدع ناس ( 3 )
Author: سامي جمال
Date: 12-02-2009, 05:36 PM
Parent: #1110

شباب وشياب الزقازيق كل عام وانتم بخير وربنا يحقق اماني الجميع ويمتعكم بالصحة والعافية .
رقنا شوية والحج السنة دى جمعنا بإخوة أعزاء وتقالبنا معهم :- ابوالقاسم نجم الدين – محجوب ابراهيم – والرائع عصام دهب – وهاتفنا الزملاء برابغ ود الجعلى وسامية إسماعيل – ودكتور حسن ابوعلى الذى يصر دائماً ان يدعونا للقيمات (لقيمات في أول أيام عيد الأضحى )-

بادي راجع ايميلك .
Post: #1112
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 05:52 PM
Parent: #1110

Quote: لشد ماينتابنى الحنين لربوع الزقازيق ونجوعها - هيهيا والنكّارية والجامعة - أبوكبير وكفر صقر .

مايلى من سرد لايمكن إدراجه تحت مسمى مذكرات بقدر ماهو سرد قد لايتقيد بالأطر التاريخية أو أهمية الأحداث فى تتاليها وتواليها ، كلى أمل أن تسعفنى الذاكرة فى الرصد الدقيق للتفاصيل.

فى البدء ركبت البص فى طريقى للزقازيق ، شق البص طريقه الزراعى وكانت الخضرة خير أنيسٍ لى أن لم أبرح جزيرتنا الخضراء بوسط السودان ، توقف البص بقرية منيا القمح وتصورت حينها أن هاهنا الزقازيق ، إغتمّت النفس وانعقد العزم على العودة للسودان بخفّى حنين أو ببالطو ود البك وذلك أضعف الإيمان ، حمدت الله أن البص واصل مسيره ووصلناأخيراً للزقازيق ، ولم تكن لى قبلة سوى 100 شارع الجيش وقد زودنى بهذا العنوان صديقى مأمون التجانى الشقيق الأصغر للمدناوى الجميل صلاح التجانى ، وجدتُ هناك الرجل الصالح صلاح على صالح الذى أبهجتنى رؤيته للوهلة الأولى ، فهو يكتنز فيوضاً من المحبّة والبشاشة ولديه ومعه جالت بالخاطر صور شتّى لسنار ورواق السنارية ومحمد عبدالحى فى عودته إلى سنار وحكمة الشيخ فرح ودتكتوك وخزّان سنّار ومملكة الفونج ، وكانت بشاشته وترحابه خير معين لصبىٍ يخطو خطواته الأولى متغرباً عن مدينته ومعبده القدسى مدينة ودمدنى ، وكان يزامل صلاح فى سكنه محمد عثمان واحمد عبدالله وعادل عبدالمطلب على ما أذكر ، وقد وجدت لديهم جميعاً ذات البشر والترحاب الذى قابلنى به صلاح على صالح ، فقد حملونى فى اكف الراحة واحتفوا بى أيما إحتفاء ، فكان لى من أسرتهم أوثره ، ومن حبهم أصفاه وأنبله ، ولم يكن يغض مضجعى سوى أمرين ، صوت القطار وهو يهدر حتى يخيل إليك أنه يمر تحت السرير ، وسخّان الغاز الذى أجبرنى على الإستحمام وعيونى (مفنجلة) .

ونتواصل ...............


يا رشدي بكري حامد من أظرف ظرفاء الزقازيق ... صديق للكل .. وله من الحكاوي والطرف والملح ما لا يحصي .. وراجل كتاب ... اعلاه بداية لبوست فتحه في منبر عموم ناس الزقازيق ... وهي مناسبة لأن ننشط ذاك الفرع حتي لا يروح في الكرعين ...
حكايا شرقاوية ........ أو نجوع الملح

طبعاً هو من أصدقاء الكوتش المقربين ولي معه حكاية أظن لو حكيتها ستكون المرة 515 وتعاهدنا علي ألا أتجاوز الـ 514 رأفة بالباندويث وأعصاب الجماهير ...
Post: #1113
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 07:02 PM
Parent: #1112

نكتتين هدية لسامي جمال بمناسبة العيد
والتاني لبكري حامد بمناسبة العودة ...

Quote: نكتة المصري دي ذكرتني نكتة أخونا أدروب إغترب في السعودية وعندو كفيل قطيم جداً والادروب داير أي طريقة يكسر بيها العلاقة الرسمية مع كفيلو فقام اوشيك ده سأل الكفيل قال ليه أأسمع إنت عمرك كم؟

الكفيل أداه نظرة طويلة كده وقال ليه 44 .

ادروب قال ليه سبحان الله نفس المقاس بتاع جزمتي .




Quote: نكتة المصري دي ذكرتني نكتة أخونا أدروب إغترب في السعودية وعندو كفيل قطيم جداً والادروب داير أي طريقة يكسر بيها العلاقة الرسمية مع كفيلو فقام اوشيك ده سأل الكفيل قال ليه أأسمع إنت عمرك كم؟

الكفيل أداه نظرة طويلة كده وقال ليه 44 .

ادروب قال ليه سبحان الله نفس المقاس بتاع جزمتي .



ولا نامت أعين الجبناء وديل ناس جلا ...
Post: #1114
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 07:08 PM
Parent: #1113

Quote: السادسة يارشا البنت الجدعة المدناوية الأصيلة حرمكم المصون نجاة حوفى ورفيقة دربها عزة التجانى والسابعة حب العضّة حسب حجم التميس الذى تنوء به العصبة أولو البأس ، والثامنة حب الونسة والتواصل وقد تعدّلت هذه الصفة بناءاً على توجيهات القائد خال صديقك هههههه.

تعرف يارشيد (شكلى رفعتَ الكلفة خالص) ولضرورات عملية لاتبحث عن نقاط الإتفاق بين ناس الزقازيق ففيها هدرٌ للوقت وعنت ، بل الأسهل أن نبحث عن نقاط الإختلاف ( أوجد الفروق بين الرسمين ) ، نحمد لكم ولمن سبقكم أن مهّدتم البنى التحتية لعميق الصلات وأنبلها ، فجاء انسرابنا عبر المسارات التى مهدتم ، فأشبه حالنا توصيف عمر الطيب الدوش فى غنائيته التى صدح بها وردى :

ساحات لى فرح نوَّر

وجمَّل للحزن ممشى

هذا المقطع يمثل لدى غاية ما أصبو إليه من تسامح ، ما أجمل تعبيد وتجميل ممشى للحزن.

من المفارقات أننا حين تخرجنا توجهنا للعمرة بمعية عادل الجعلى ونفر كريم من أبناء الزقازيق ، وأستأجرنا ميكروباص ليقلنا للسويس ، تجمعنا بشارع القومية وتجمع حشد من الزملاء لوداعنا ، آه يارشيد ما أقساه من فراق ، فقد أجهشنا جميعنا فى بكاء ونشيج ، تذكرت حينها كمال الشادى حين يتغنى بضنين الوعد :

وافترقنا وبعيننا المُنى

قالها الدمعُ فما أبصرتُ شيئا

وفى مرحلةٍ تالية شعرت بغربة حقيقية وأنا بين الأهل فى مدنى ، وزرت القاهرة فى العام 1991 وحرصتُ على زيارة الزقازيق والوقوف على الأطلال ، فوجدتها دون صحبى هياكل أسمنتية لاتفرح ولاتغنى من شوق ، لله در القائل :

وماحبُّ الديار شغفنَ قلبى

ولكن حب من سكن الديارا

فى العام 2003 إرتحل عن دنيانا الفانية شقيقى عمار ووارينا جثمانه الطاهر بالمدينة المنوّرة ، وغفلنا عائدين لخميس مشيط حيث استودعها أرملته وصغاره ، وقضيت أيام العزاء بخميس مشيط وفى رحلة عودتى للسودان لتلقى واجب العزاء توقفتُ بمطار جدّة ، وكانت دهشتى حين تنادى خيرة أبناء الزقازيق للمطار وهم عصام دهب وعروة على موسى وحسن سليمان وعوض عبده خليل ، كان حضورهم أكبر من إحتمالى فبكيت حزناً على أخى وفرحاً بهذه الأخوة الصادقة التى جمعتنا بالزقازيق ، فسبحان الذى أضحك وأبكى.


بكري حامد في بوست :

مربع كاي
Post: #1116
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-02-2009, 07:26 PM
Parent: #1112

http:// ولي معه حكاية أظن لو حكيتها ستكون المرة 515 وتع...وأعصاب الجماهير ...

يازهير المرّات ال 514 وديهم الإرشيف وافتح صفحة جديدة واحكيها ، بعدين شنو حكاية النكتة المكررة مرتين مع إنها مهداة لى شخصين ، غايتو يا ده أدروب تانى ، ياده كفيل تانى ، ياكيبوردك أحول هههه
Post: #1115
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-02-2009, 07:20 PM
Parent: #1110

http:// أبو بكر ننتظر منك الكثير هنا وهناك....

سمعاً وطاعة يارشيد ، هناك زيّلتُ أغلب المشاركات بتوقيعى ولم أر ثمة تداخل ، فجئت هنا أبحث فى الخليقة عن مسار الطيف على قول شوقى شفيق.
Post: #1117
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 07:45 PM
Parent: #1115

يا بكري حامد ولا يهمك هاك ليها ... إنت ما سمعت باللفحي ... ده اللفحي دائماً عاملها فينا ...


Quote: (مصري فقد سيارته في سيول جدة مشى وقف قدام أمانة محافظة جدة يلطم ويصوت ويقول : مادام عارفين ماعندكمش تصريف سيول ومجاري ، تتنيلوا وتصلوا صلاة استسقاء ليييييه ؟)


وما تزعلش يا بيه
Post: #1118
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 07:50 PM
Parent: #1117

ودي عيدية من البرلوم ... نزار الشقليني

عيدية
Post: #1119
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-02-2009, 07:52 PM
Parent: #1117

تزوج في الأيام السابقة ... الزميل محمد علام عبد الفتاح ... وقد كان الزواج في نادي التأمينات الاجتماعية ... وقد شكل ناس الزقازيق غياباً لافتاً ... يجب الاحتفاء بالعريس في اقرب فرصة للتكفير والإعتذار ...

كما تم عقد قران الزميل أحمد سليمان (علوم) المقيم نواحي ماليزيا في سعيه لإنجاز الدكتوراة .. ألف مبروك يا أحمد سلميان ....
Post: #1120
Title: Re: ناس الزقازيق ... أجدع ناس ( 3 )
Author: محمد عيد
Date: 12-02-2009, 09:32 PM
Parent: #1119

سلام مربع لاحلى ناس

سلام مربع للجدعان والجدعات ...

سلام مربع لكم جميعا ودون فرز يا ايها الاحباب ...

الذين صنعتم لحياتنا رتما" آخرا ما كنا نظن او نصدق اننا بعد تقادم السنون

سوف نعود اليه مرة أخرى ...

غبنا عنكم لايام هى فى الحساب قلائل ... ولكن يعلم الله اننى احسستها شهورا طوال

انشغلنا عنكم بسبب الجرى وراء ترتيبات الحجاج الذين ابتلاهم الله بلجنة حج تهوى التعذيب ..1

كأنما هؤلاء يحسدون الحجاج على حجهم !!!

آآآآآآخ من سودانير وما ادراك ما سودانير ...

حكاوى لايصدقها عقل وتشيب لها الولدان ..!

حتما سأعود اليها قريبا بعد ان نكمل بعون الله اجراءات سفر الوالدة وحجاجنا الآخرين ..

غدا مساء باذن الله سنلتقى فى جلسة زقازيقية ما منظور مثيلها ...

يشرفنا فيها الحجاج .. جلا وفارح وهشام محمد على وسنكون معهم انا وميسرة باذن الله

وأيضا سيتحفكم الريس الجميل بتوثيقها كسابقة يجب يا زهير ان تسجلها فى موسوعة جينيس

وهى توثيق صور جلا وفارح وهما باللحى وعلامات الصلاه وأكياس المسابح والمباخر التى

يحملونها اليكم ...!! قولوا يا لطيف


Post: #1121
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-02-2009, 09:33 PM
Parent: #1119

نأسف للإنقطاع .. ( خارج عن الإراده ) بوجود عطل في الكيبل ...
أولا" حجا" مبرورا" لكل الحجاج .. و خاصه صديقي العزيز جمال فارح ... ( الشيخ جمال الدين آل فارح ) ... و عيد مبارك لكل زهره زقازيقيه ... نبتت هناك و تفتحت في أرجاء الدنيا ...
و أنيتت بريعمات ...

و التحايا و الأشواق لكل زقازيقي و زقازيقيه ( البادئ ، عبد السميع ، الريس ، جبريل ، جباره ، أحمد إسماعيل ، موسي عيسي ، محمد صديق ، زناتي ، الرشيد ، معتصم ، و حبيبي منص ، كمال الشادي ، السهيلي ، زينب ، حوفي ، فافي ، عييييييييييييييييييييييييييك ...
بس ما تلخبطوها مع عووووووووووووووع ....

إثنين رطانه مولودين هنا في السعوديه و كانوا بيتراشقوا بالكلام .. الأول قال ليهو إنت أبوك زول قكيم ىدا" في البلد دي .. اàثانى قال ليهو ... إنت أبوك هضر طهور الملك عبد العزيز و لو كان جاء بدري شويييييه كان ُضر الرسول ( ص ) ذاتو ./..

لنا عوده
Post: #1122
Title: Re: ناس الزقازيق ... أجدع ناس ( 3 )
Author: طارق جبريل
Date: 12-02-2009, 09:34 PM
Parent: #1119

سلام يا ناس
الف مبروك للعرسان وربنا يهنيهم



يا منص اكتب ياديريح اعصابنا بي حروفك الجâيلة

ابو الزوز الكوتش دة ما تباريه
انا كنت مباريه في لكوظ وقهوة الصهريج
كرهني السودان...
جنه تفصيل ياخ
Post: #1123
Title: Re: ناس الزقازيق ... أجدع ناس ( 3 )
Author: محمد عيد
Date: 12-02-2009, 09:59 PM
Parent: #1122

Quote: محمد عيد من الأحتفال المئوي مداخلاتك ما خشتها العافية ... الظاهر أدوك عين ... في الشعار اهمب÷لغة وقلت ليك رسل لي الأصل عملت نايم ... خلي بالك في ناس كتار بيعملوا نايمين مني في البوست ده ... لكن حقي ما بخليهو ... وإن ّال ÷لزمن



ابو الزوز يا غالى ...

َا عçش البيعمل منك نايم ياخ ...

بس والله مشاغل الحج كانت سببا مباشرا فى طهورنا0 المتقطع ..

ونعخكم باàن الله بالعودة للنشاط المحموم غالبا بعد يوم الجمعة ...

والله ما قصدى ئلكوذة ... ومن هســـه مبروك عليكم ..!

اما بخصوص أصل الشعار انشاء الله سأرسله لك بالميل هذه الليلة

بالفوتوشوب .. وكـ صورة jpg .. !

انت تؤمر يا جميل ...
Post: #1124
Title: Re: ناس الزقازيق ... أجدع ناس ( 3)
Author: الرشيد بابكر
Date: 12-02-2009, 09:59 PM
Parent: #1122

أبو بكر و ابو الزوز...أشكركم على الزيارة في مربع كاي و رديت عليكم هناك..
Quote: أبو بكر....أبو الزوز

البيت محروس وستو تكوس...
خءجنا أنا ونجاة و العيال...أنا و نجاة استهدفنا مآرب عدة...المشي على كورنيش أبو ظبي الجميل في جو شتوي رائع...انقاص الوزن واستعادة بعض الرومانسية المفقودة مع ايقئع0الحياة السريع...أما أمنية و مهند فقد كانوا يحتفلون بعيدهم الوطني...فاليوم العيد الوطني لدولة الامارات العربية المتحدة...
حâل أبنائي الأعلام و رددوا النشيد الوطني لدولة الامارات و ابتهجوا للألعاب النارية التي أضاءت ئلسمئءبألوان علم الامارات...
ؤعرت èطعم مر في حلقي...الامارات 38 عاما من الانجاز و الاعجاز...و ها هي تضع كلتا قدميها في المستقبل بثقة و كبرياء...و قارنت حالهâ بحئلôا...ما زلنا نحن نرزح تحت وطأة الجهل والمرض و التخلف...و ما زالت أقدامنا تقف على رمال متحركة..
بكري نسأل الله الرحمة!والَغفرة لشقيقك عمار...

بكري...لست لأني من مواليد نوفمبر...و لكن معظم مواليد نوفمبر يتâيزون طميزات خاصة...لا أظن ذلك مجض مشاïفة...تصور في كثير من الأحيان و من خلال سلوك بعض الناس أتوجه اليهم بالسؤال...هل أنت من مواàيد نوفمبر..و لدهشتي أجده كذلك...رغم بءودة الجو في هذا الشهر الا أن معظم مواليد الشهر يتميزون بالسخونة و الاعتداد الشديد بالنفس...اعتقكت و لزمن طويل انه عندما يجتâع زِجين من مواليد نوفمبر فانه لا بد من تواجد قوات فض النزاعات على الدوام في هذا البيت..نترك لك ئلاج×بة..

أبو الزوز نشكرك على تعريفنا بشخص مثل ابو بكر...
Post: #1125
Title: Re:0ناس çلزقازيق ... أجدع ناس ( 3 )
Author: الرشيد بابكر
Date: 12-02-2009, 10:03 PM
Parent: #1124

QUote: تزوج في الأيام السابقة ... الزميل محمد علام عبد الفتاح ... وقد كان الزواج ـي نئدح التأمينات الاجتماعية ... وقد شدل ناس الزقازيق غياباً لافتاً ... يجب الاحتفاء بالعريس في اقرب فرصة للتكفير والإعتذار ...

كما تم عقد قران الزميل أجمد زلفمان (علوم) المقيم نواحي ماليزيا في سعيه لإنجاز الدكتوراة .. ألف مبروك يا أحمد سلميان .... /td


أجمل التهاني و التبريكات للأخوان محمد علام و أحمد سليمان...
Post: #1126
Title: Re: ناس الزقازيق ... أجدع ناس ( 3 )
Author: عصام دهب
Date: 12-02-2009, 10:04 PM
Parent: #1122

تحية و سلام و شوق شديد لأجدع ناس و لأصحابهم ..
و كل عام و أنتم و من تحبون بكل خير و صحة و عافية و ربي يحقق جميع أمنياتكم ..
و سلام خاص للأفاضل من الزقازيقاب الذين أنضموا إلينا خلال الفترة السابقة ..
و سلام كبير أوي لكل ضيوف الرحمن الزقازيقاب الذين أكرمهم الله بحج بيته هذا العام ، فحجاً مبروراً و سعياً مشكوراً و ذنباً مغفوراً و عوداً حميداً و عملاً صالحاً مقبولا بإذنه تعالى .. و عقبال كل الزقازيقاب يارب ..
دخلت البوست و المنبر من آخر صفحة في هذا البوست و أكيد غابت عني أشياء كثيرة سوف آتيها و آتيكم بي رواقة إن شاء الله ..
كانت حجتي هذه السنة منذ أن وصلت مكة و حتى أكملت الحج بفضل الله كداري تيمناً بالسابقين المقربين جعلكم الله و إيانا في مقامهم .. و حقيقة روحانية المنسك تنسيك كل مشقة و عنت ..
ظروف الحج هذا العام حرمتني من مقابلة بعض من إخوتي الزقازيقاب في المشاعر المقدسة و تبعات ما بعد الحج حالت دون التواصل إلا مع الحاج / عمارة رحمة الله الذي قضيت معه أوقاتاً طيبة .. و كان تواصلي هاتفياً مع بقية الإخوة .. أما الحاج / جمال فارح فيبدو أنه تفرغ للعبادة كلياً و لم يشهد منافع له ..
رغم أن دوام العمل بدأ منذ أمس الثلاثاء إلا أن حاجتي الماسة للراحة أضطرتني للبقاء في البيت حتى السبت المقبل بإذنه تعالى ..

لكم الحب كل الحب و إلى لقاء قريب ..
Post: #1127
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-02-2009, 10:08 PM
Parent: #1126

Quote: و التحايا و الأشواق لكل زقازيقي و زقازيقيه ( البادئ ، عبد السميع ، الريس ، جبريل ، جباره ، أحمد إسماعيل ، موسي عيسي ، محمد صديق ، زناتي ، الرشيد ، معتصم ، و حبيبي منص ، كمال الشادي ، السهيلي ، زينب ، حوفي ، فافي ، عييييييييييييييييييييييييييك ...
بس ما تلخبطوها مع عووووووووووووووع


قيس لك التحايا...انت قاصد منو بالاتنين الرطانة الهضروا طهور الملك عبدالعزيز...أكيد ما محمد عيد و منصور...ديل هضروا طهور واحد تاني...
Post: #1128
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-02-2009, 10:14 PM
Parent: #1127

عصام دهب الحجة مبروكة...ان شاء الله ربنا يتقبل منك...

محمد عيد مشتاقين ياخي...الكورة بتاعت البولينغ دي كانت تقيلة عليك...شايفك مفتول...

جبريلا...محمد النصري في تلفزيون السودان...أوع تكون فاتتك السهرة دي..
Post: #1129
Title: Re: ناس الزقازيق ... أجدع ناس ( 3 )
Author: البادي النور
Date: 12-03-2009, 06:09 AM
Parent: #1128

صباح الهناء والسرور ...
أهلا بي سامي جمال وقيس جمال الدين وعصام دهب وكل الحلوين ...
أبوبكر ود المأذون ياخي شوقنا مطر وملايين مراحب بظهورك وتواصلك ...
لكن يا بكوري خليني في حالي مالك طوالي قايم على الشمارات واللفحي ...
أبوالزوز كل سنة وإنت طيب وبألف خير ، إنشاء الله تكون إتفرجت على مدثر كاريكا
على قناة النيل الأزرق ...
Post: #1130
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-03-2009, 06:33 AM
Parent: #1129

البادئ تحياتي ....
ناس جنوب جده غرقوا ... يعني صاحبك الكان بجيك زمان في مكتب العقار ، لحق امات طه ..

و بعدين مبروك للشيخ شايفوا قلب من شطه و عرديب الي مكيفات و قش ...
Post: #1131
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-03-2009, 06:41 AM
Parent: #1130

تحياتي زوبه

و التحايا عبرك للأخت شوش و كل ناس لأبيض ...

و بالنسبه للكباب ( طبعا" في مصر الأمور بيكون فيها شويه سعر ) ...
و حقيقي أكتر حاجه الواحد مشتاق ليها هي عنب الصيف ..ز

( عنب الصيف و لا كباب مايو ) ...
Post: #1132
Title: Re: ناس الزقازيق ... أجدع ناس ( 3 )
Author: ابتهاج عبد الله
Date: 12-03-2009, 07:58 AM
Parent: #1131

تسجيل حضور ومتابعة

سلام

وصباحات الجمال


اليوم سنقوم بزيارة العزيزة نهلة نجم الدين

كل من لديه الرغبة يجب تبليغنا قبل 3 ساعات حتي نحجز ليهو تذكرة ..

لك الود


زناتي
Post: #1133
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-03-2009, 08:27 AM
Parent: #1132



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">
الى اجدع ناس

Post: #1134
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-03-2009, 08:45 AM
Parent: #1133

المنصور000لا يعرف الفضل الا اهل الفضل
فلنكسر جميعا الثلج ولناتى بجبال القطبين علنا نفى اهل الفضل مقاماتهم
فكذا هم الزقازيقاب دوما كانوا وما زالو0وكلمة ريس ميسره اكيد لم تاتى
من فراغ خاصه حينما يكون قد استحق هذا اللقب منذ زمن الدراسه 0
وكما ان الطيبين للطيبات فمن سيكون للميسره سوا بت يونس يكفى كتاباتك
عن السيده منى 0
اسعدكم الله وامد فى ايامكم وادام الود بينكم اينما كنتم فى جده او الرياض
اوالخليج اوالغرب العربى او اروبا او اسيا اوالعالم الجديد فمحمد عيد وميسره
ومنصور والزناتى والكمندان و فارح وجادين ورشيد القوم ماهم الا امثله لعالم
جميل عالم الزقازيقاب0
Post: #1135
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-03-2009, 08:54 AM
Parent: #1134

نشارك سودانيزاونلاين الاحزان فى فقيدهم نجمالدين نصرالدين
رحم الله الفقيد وانزله فسيح جناته وجعله مع الصديقين والشهدا0
Post: #1136
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 10:12 AM
Parent: #1135

الواحد يعمل شنو معاكم
زحمة خواطر وحزم تفانين وسيول مشاعر
مليون حاجة حاسى انى عايز اكتبها
الأجازة من البوست , وانقطاع الكتابة
بسبب او بدون
تخلى الواحد يشعر بالتخمة
يشعر بتقل فى الجسم
او وزن زائد
يجب ان تمارس الكتابة
حتى تحافظ على وزنك المثالى
ما اثقل المشاعر المخزونة , المعتقلة , المقفولة وراء حجاب
وما اخفنى وانا شبيه الريح
وزنا
ومشاعرى واحاسيسى مبسوطة على ورق البردى
او على ملامس الرمل
او حتى بالحبر السرى
ثقلت على اوزان الكتابة فما احتملتها
لجأت الى التلفون , افرغ فيه وابث خلاله وزنى الزائد
والليلة كمان الخميس
والليلالالالالالالا
Post: #1137
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 10:33 AM
Parent: #1136


انا محتاج لمزيد من الكتابة عن ميسرة ومنى وعيد وفاطمة
هل الخص خوف ان لا استطيع الأستطراد المريح ؟؟
حسنا سافعل
ملخصى الذى ينط منى نطا
لاتحسبن انك تعرف آدميا حتى تتاح لك فرصة معاشرته ومخالطته
كل هواجس معرفتى بميسرة ذهبت ادراج ارياح
جرفتها سيول جده فذهبت بها الى هاوية الزمن
ميسرة الذى عرفت فى زيارة جده
ادهشنى , افرحنى , اخذ بتلابيب احاسيسى
انا لست فى حاجة لتفاصيل
بقدر ما انا بحاجة لأنتهاز الفرص , كل الفرص
لأقترب منه اكثر
ياخى كسير التلج ده مريح بشكل
يا زهير يا زناتى
Post: #1138
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 10:46 AM
Parent: #1137

طيب ورونى اعمل شنو انا معاكم انتو ؟؟
الواحد يجيب زمن من وين ؟؟
عايز برضو اكتب عن الولد قيس جمال الدين
البيجينا غاشى ويرمى الدراب وفرترب تلقاهو مافيش يوم يومين تلاتة
اعمل شنو قولوا لى ؟؟
هسى انا احكى ليكم حكايات حكايات حاجة محسنة ام ميسرة دى متين ؟؟
احكيها كيف
اجيب ليها مفردات من وين
تعرفوا
انا حا اشوف لى زول بتاع لغة عربية
اتعاقد معاهو
بس عشان تركيب الفاظ واستخداث عبارات
تنزل معانى حكاوى حاجة محسنة من عليائها
الى مستوى اللغة
اليس هناك مجال لحروف جديدة
ما افقرك يا لغة يا عربية يا قاصرة
بس تمانية وعشرين حرف بس ؟؟
ندمجها ليكم مع الروسى
ونجيب ناس تشيخوف ومكسيم جوركى عشان يسووا (لغة هجين ) ؟؟؟
ولا نستدعى اليونانى الأغريقى القديم
فنضفى على العربى الفصيح , بعضا من معانى افلاطون وارسطو طاليس
فتبدو قيم الحياة السعيدة اقرب وانضر , ابهى واحلى , اوسم والطف
اقول ليكم
الواحد يتوكل على الله
ويشرب ريد بول
عشان ريد بول
(يعطيك جوانح)
Post: #1139
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 10:58 AM
Parent: #1138

ما تقعدوا تتفرجوا فينى كده ساى
قولوا لى اسوى شنو ؟؟
محنة دى ولا ما محنة
زهير الزناتى ده يقعد يكسر لى تلج قدر ده
وانا بس اشيل فى التلج المكسر والمجروش
وارميهو فى الشربوت المصفى
واشرب
واشرب
واروى
وتانى اشرب
لمن تجينى العشراقة
وكلامه الرومانسى الراقى والجميل , اعمل نفسى زى الما شايفو
اشهد ان لا انثى الا انت
ده كلام ده يا ولد
وبعد شوية يجى طالع لينا لابس (توب ابتهاج الأسفيرى )
ونحن لا تعليق
ولا شوفتن تبل الشوق ولا ردن يطمن
يا لشماتة (ثقلاء المدينة ) فيك يا منصور
وانت لا ترد على تكسير التلج
ورافع القزاز على الآخر
ثقالة شنو دى , ومحن شنو العلينا دى
انت يا زهير لا تعرف قدر نفسك
ولكنك -تبلغ حد الدهشة - وانت تتصالح معها كل هذا التصالح
ثقيل ثقالة يا اب شنب
يا اخى ازعل شوية
على الأقل شاكل ثقيل المدينة ده
ما ترفع القزاز طوالى كده
او افحمه بمزيد من التلج المبشور
والشربوت
على منى يونس
اتفقنا ؟؟!!
Post: #1140
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 11:05 AM
Parent: #1139

اعمل شنو انا ؟؟
وقد استلفت لفظة رافع القزاز دى من الفاتخ على بشير
باسويرد سريع وصلحوا يا اب شنب سيد التلج
للمدعو الفاتح على بشير
الزقازيقى العائد الى جامعة الخرطوم
زميلا لبت شيخى ونصفى الآخر امانى
التى اخبرتنى باتصال لها معه ان اخو بت شيخه السيدة عبير
تجاوز بعض الظروف الصحية التى عانى منها مؤخرا
فحرى بنا كعهدنا دائما ان نتواصل معه
على التلفون 0501292285
الفاتح على بشير
كان متواصلا ولاعبا اساسيا وهدافا خطيرا فى موقع زقازيقاب المؤؤد
وهو (مجدوع ) الآن نواحى المزاحمية ضواحى الرياض
ضموهو الينا يا زهير
Post: #1141
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 11:14 AM
Parent: #1140

بالله شوفوا الجماعة ديل خاتين يدهم فى خدهم وبتفرجوا على كيف ؟؟
قولوا لى اعمل شنو
ولا بطلع من المكتب هسه واطبق لابتوبى وامشى على هايبر بنده
ما تقولوا امانى الصباح قالت لى
يا تمشى هايبربنده تملأ التلاجة الفاضية دى
ولا جيب ليك غداء معاك
هسى فى مربع كاى بهناك
مدورة ونسة السرور
لكن انا اتقطع ليكم يعنى ولا شنو ؟؟؟
مربع كاى ده من زمان بيجيب حاجات حلوة
ناس بيطرة صاحبوا عادل يسلم عشان كده
اها الليلة جاب لينا زول كلامو طاعم بشكل
جبتوا من وين ده يا زهير
غايتو مرة بيقولوا ليهو ابوبكر
ومرات يقولوا لينا بكرى حامد
الأسم ما خسانا
لكن الكلام , يشهد الله , طاعم طعامة , لذيذ لذاذة
قلتوا لى صاحب الكمندان
هو الكمندان زاتو وينو
عيد علينا بى رسالة
تكست يعنى
قولوا ليهو منصور كان فى جده
وجده فيها سيلين
ولا اقول ليكم ثلاثة سيول
السيل الكبير
وسيل المطرة الكسر البيوت
وسيل ميسرة ومنى
الكسر حنان منصور
وطلع زيتو
فى زول قادر يقول لى اعمل شنو
ولا امشى بندة ؟؟!!
Post: #1142
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-03-2009, 11:24 AM
Parent: #1141

كان طلع الولد المشقلب داك
فى صورة بروفايل الكمندان
وقال لى
اعمل (لقيمات)
والله الا اعملو

وبما انو الليلة الخميس
اللى هو فى الدنيا صفقة ورقيص
فان ما يسكننى اليوم لحن الخالدى الذى سمعته امبارح
فعافى شاشة التلفزيون وابى الا ان يبيت فى عظامى
(تماما مثل حمى المتنبىء)

اتعلمن من ريدا
نحب الدنيا ونريدا
ونرحل فى عيون الناس
نشيل لى كل زول ريدا
لما لقينا عينيك
تجينا الدنيا وافراحا
للآمال فتحنا دروب
لى ارواحنا كم ساحة
غريبة الدنيا جمعتنا
وبيقولوا عليها رواحة
يا ريت كل زول تايه
يلاقى الريده فى دربوا
عشان الناس تحب الناس
وزى عينينا يتحبوا
Post: #1143
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-03-2009, 12:13 PM
Parent: #1142

Quote: ما تقعدوا تتفرجوا فينى كده ساى
قولوا لى اسوى شنو ؟؟
محنة دى ولا ما محنة


أوريك تعمل شنو يا منص
غني لينا...ناري الليلة وا ناري
وا ناري الما بقيت سواق أطلع العالي و انزل الدقداق
ناري الليلة وا ناري...

و قس على ذلك...
وا ناري الما بقيت تشكوف أكتب القصة و أحكي لحظة خوف..

وا ناري الما بقيت طيفور أشدو بالغنية و أعزف الطمبور..

ما تتحير و تقعد تقول طيفور ده منو..ده جبناه للقافية بس..

و لا أقول ليك أعمل ون تو مع ناس ميسرة و محمد عيد..
خليهم يقولو ليك زي ندى القلعة..لقيتني كيف..
و انت قول ليهم لقيتكم كده...رافعا ابهامك أو حتى سبابتك
الى الأعلى...أو أعمل كما يفعل رونالدينو..باضافة الخنصر..

أقول ليك كمان...غني ليهم..
نتلاقى نتلاقى في الرمل الدقاقة...هوي لا
يا روحي المشتاقة...

و الرمله الدقاقة دي هنا حقت البحر ألحمر...
عشان ما تجي زوبة و تقول لي ووب علي يا رشا ذكرتني الأبيض..

و أختم ليهم بي...شوف عيني السكر نقع....و انت هنا بتكون
قاصد الشربوت...ممكن تحولها الى شوف عيني التمر نقع...مش
الشربوت هو التمر المنقوع في الماء مع اضافة قليل جدا من
الخميرة و الكثير من الجنزبيل لاعطاء النكهة...و ترك الخليط
لمدة يومين ثم تصفيته...أي تسخين سوف تحول المنتج الى منتج
آخر...و لا تستبعد سوء النية هنا...
زوبة أجري جيبي ورقة و قلم أكتبي الكلام ده قبل ما تتقلب الصفحة..
أخير ليك من الخروف المبخر...حسة الخرفان لو عارفة أنها ببخروها
بعد ما يضبحوها...كلها بتتطوع للذبح..
سنة يا ولد انت حبشي ولا ود بلد..دي ممكن تديها ليها زياده...
و دي ذكرتني بي قصة الحبشي الاتهموهو بأنه وقع حيطة في الحلة..
قال ليهم حبشي يجي ماش جمب حيتة..حيتة تقع يقولو حبشي رمى حيتة
ليه أسلو...حبشي ولا غنماية..

أها يا منص أحسن أقيف على كده...لأني مع شربوت سابع يوم ده كان
ما وقفت حسه خايف تفتحوا علي بلاغ في النظام العام..
Post: #1144
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-03-2009, 02:28 PM
Parent: #1141

http:// اها الليلة جاب لينا زول كلامو طاعم بشكل

يشهد الله يامنصور راودتنى نفسى الأمارة بالسوء أن أعتزل دنيا الناس وأحمل كلماتك أعلاه لشارع المكتبات لأضعها داخل برواز أنيق وأعلقها على شقتكم بالربوة العليا جوار جمعية الشبان المسلمين بالمساكن ، سأضعها على البلكونة لتثير فضول الحسان اللاتى يعبرن للسوق عبر الجسر يسار جمعية الشبان المسلمين ، سأسحب البساط من تحت أقدام محمد المرتضى وصفوت دائمى التشمس والتشبث بأستار البلكونة ، يقابلهم بزاوية حادة (على منو ما بعرف؟) عمر محمد أحمد عباس برلوم تجارة وهو يبرم فى شعره ويتبرم من عصمت وأمين طه وطاولة التنس بدار الإتحاد ، من هنا يعبر عبدالمجيد حاملاً البريد لدار الإتحاد ........... ونواصل.
Post: #1145
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-03-2009, 02:52 PM
Parent: #1144



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">
الاهداء الى منصور وهو 00000000000 اخليها للزناتى والرشيد

Post: #1146
Title: Re: ناس الزقازيق ... أجدع ناس ( 3 )
Author: البادي النور
Date: 12-03-2009, 02:57 PM
Parent: #1144

تحياتنا يا قيس ولك كل الود والشوق ...
الشيخ بقى مرطب مع المكيفات "أديها مية تديك طراوة" ...

منصور الرهيب ... كلامك عسل وكسيرك للتلج أحلى وأطعم ...
إنت بتجيب الكلام الحلو دا من وين؟ ... الريس ميسرة وحرمه المصون
منى يونس ربنا يديهم العافية ويديم المعروف بيناتهم ويحفظهم من
شر خلقه ومن عيون الحاسدين ومن كل الشرور والأشرار آمين ...
عايز أساعدك شوية يا منص ... وذلك أضعف الإيمان ...

بكوري ... الله يديك العافية مداخلاتك طاعمة وليها نكهة خاصة بالنسبة
للناس اللي عاشوا معاك وعاشروك وشافوك عيان بيان أيام البشتنة والدبرسة
وأيام الفلس وبرضو كان لذيذ ... متمني ناس الحوش ديل يقعدوا معاك فيس تو فيس
عشان يشوفوا خفة الدم على أصولها وسرعة البديهة والذكاء والفهلوة المدناوية
يا أخي إنت إنسان حلو وطاعم (نظام كسير تلج - هو منص أحسن مني في شنو؟) ...

الريس الأسبق معتصم كل سنة وإنت بألف خير ... وكفارة علي عربيتك والجاتك في باب
عربيتك سامحتك كتير خلاص وإنشاء الله ما تشوف شر في خرطوم الزمن دا ...

أبو الزوز ... لك كل الود ... وكل سنة وإنت طيب ...
Post: #1147
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-03-2009, 03:09 PM
Parent: #1146

البادى النور ابو نور بادى
مرحب حبابك وكل سنه وانته طيب مع شكرى
اديك العافيه سويتنى النميرى عديل!
Post: #1148
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-03-2009, 03:22 PM
Parent: #1147

يا ريس يديك العافية...و شكرا على الهدية الظريفة...

نحن ريدنا ليك فات حده من زمان...ما عارف لما نلاقيك و جاها لوجه زي ما قال الرئيس الراحل نميري...حيحصل شنو...
Post: #1149
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-03-2009, 04:20 PM
Parent: #1148


sudan5.JPG Hosting at Sudaneseonline.com




نفحة زقازيقية في عيد الأضحى المبارك

من اليمين الأخ عصام عبد الدائم والأخ عماد عثمان
Post: #1150
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-03-2009, 06:36 PM
Parent: #1149

عصام دهب كل سنة و أنت بخير و ان شاء الله العمر كله...

اليوم 3 ديسمبر يوم مولد عصام دهب لنهنئة بذلك...
Post: #1151
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-03-2009, 06:53 PM
Parent: #1150

عيد ميلاد سعيدللرجل الذهبى ..عصام دهب.. عقبال 102 شمعةوربنا يخلى ليك بنياتك تميراتك وامهم..ويحقق
امنياتك كلها.
مرسل ليك تورتة فراولة بال DHL
دمتم جميعا سالمين
Post: #1152
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-03-2009, 07:05 PM
Parent: #1151

ترحيب خاص ببليدياتى ود مدنى الظريف.. شوق لكل ناس مدنى الحنان..
قيس بركة الجيت.. يلا منتظرين ابداعاتك..قيس ده فنان ورسام وعزااااف وفردتنا انا وزوبة فى الكورالات
ونحن دايما مشاركين فى كورال بيطرة.. يعنى انااصدقاء الدكاترة دكاترة بالكورالات الظبتناها ليكم
حسه يجينا حاتم ناطى وينكر يا زوبة ويقول ما بتذكر..
دمتم سالمين
Post: #1153
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-03-2009, 10:50 PM
Parent: #1152

أبو الزوز توقعنا صور للزقازيقية الجدعة نهلة نجم الدين و هي قد تماثلت لكامل الشفاء بعد زيارتكم لها مساء اليوم...و لكن طال انتظارنا دون جدوى...


توجد قصة جديدة في مربع كاي للسمكرجية و غيرهم...رأيكم يهمنا...
Post: #1154
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-03-2009, 11:07 PM
Parent: #1153

سلامات يا ناس

من شدة شوقي للكوتش محمد صديق تقمصته...و لكن كيف لي أن اتقمص الحالة الابداعية للكوتش...فللكوتش طعم خاص ولون خاص و رائحة تميزه...
أين انت يا كوتش...ننتظر عودتك الميمونة غدا الجمعة ان شاء الله...فلعل نعيمية القائد المباشر تعيد اليك ألقك و همتك...
Post: #1155
Title: Re: ناس الزقازيق ... أجدع ناس ( 3 )
Author: Dr.Elsadig Abdalla
Date: 12-03-2009, 11:16 PM
Parent: #1154

سلامات للجميع ...وعيد مبارك ..
ألف مرحبا بالاخوان سامي جمال وقيس جمال الدين واتمنى لكم طيب الاقامه .....
Post: #1156
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-03-2009, 11:23 PM
Parent: #1154

رشا وجميع ناس الزقازيق الحلوين كان اليوم زقازيقياً خالصاً ... إلتقينا في مسجد سيدي علي حيث عقد قران أيمن أبتر إبن خال أسامه وشقيقه الذي لم نعرف ليه شقيق سواه ... وبعدها توجهنا نحو منزل العزيزة نهلة نجم الدين ... محمد صديق .. ابتهاج ... عبد السميع ... عابدين ... وجدنا نهلة وقد تعافت وبلغت الصحة وبألف خير والدليل علي ذلك فتحت نيران في جميع الإتجاهات ... يا ناس الزقازيق مالكم ما بتجوني لا في المستشفي لا في العيد ... كلما نعتذر نجد أن الأعذار لا تفيد .. ونزيد الطين بلة ... والله يا ناس الزقازيق إتلومتوا مع الزول المابيستاهل اللوم ... قدر ما حاولنا نرقع الموضوع نلقاها أصابها خرمان في موضع آخر ... غايتو إتفقنا الجمعة الجاية نشيل لينا خروفين بج ومعهاهم المعلم اليومداك في بيت معتصم ... اها دي دعوة لكل الناس .. تساهم ... بالمال والحضور لهذه الوليمة .. ونقوم نسميها كرامة الفرصة الأخيرة ... يا نهلة دي طيبنا خاطرها .... يا كمان خسرناها كلو كلو ... ونهلة ما الزول البنخسره ... الحاضر يكلم الما حاضر والسمع يكلم الماسمع .. والفي يكلم المافي ... والبهنا يكلم البهناك ... والبيجاي يكلم البيغادي ... والصاحي يكلم النائم ... والقاعد يكلم الحائم ... والواقف يكلم القاعد ... وهلمجرا ...

ونواصل الجولة ...
Post: #1157
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-03-2009, 11:47 PM
Parent: #1156

وتواصلت الجولة بعدها حيث توجهنا للصحافة لوداع العزيز عبد الدائم والذي إنقضت إجازته سريعاً ... ومر الشهر كأنه أيام معدودات ... ويا ناس جدة خليكم في الإستقبال صباح غد الجمعة ... ومنها إحتفلنا مع نادر فاروق بزواج إبن خاله في نادي الصيادلة بالإمتداد ... ومنها ختمنا الجولة بحفل بديع بقصر سولارا البديع مع اسامة ابتر وايمن ... ثم إلي منازلنا ....

يا ريس ميسرة غير محظوظ لسماع صوتك ... التلفون فرغت بطاريته ولم أسعد بك ...
Post: #1158
Title: Re: ناس الزقازيق ... أجدع ناس ( 3 )
Author: محمد عيد
Date: 12-04-2009, 00:26 AM
Parent: #1157

زهير ,,, رشيد ... وكل المساهرين والمرابطين

فرغنا لتونا من لقاء زقازيقى خرافى .. خرافى .. خرافى

بجانب الذكريات والحكاوى ...

مناقشات جادة لاحوال البلد ...

وأفكار و آراء نيــرة وقوية لمستقبل البوست والجمعية ...

قوام الاجتماع تكون من ..

الريس ميسرة - عصام دهب - الحاج جلا - الحاج جمال فارح - الحاج هشام محمد على - العبد لله


صور بالكوم ومداولات مطولة ..

كل تلخيص وتوثيق اللقاء الجميل ... سيكون مع قلم وعدسة الريس المحبوب

وحأساهم انا ايضا فى نشر تلك المداولات ...

***** حقا كان لقاء عبقريا

Post: #1159
Title: Re: ناس الزقازيق ... أجدع ناس ( 3 )
Author: عصام دهب
Date: 12-04-2009, 09:19 AM
Parent: #1158

تحية و سلام شوق لأجدع و أروع ناس ..

و جمعة مباركة و كل أيامكم كذلك ..

و كما قال لكم سنيرنا المبجل الرائع / محمد عيد كان مساء أمس و لا كل الأمسيات الجميلة ..

في ضيافة محمد عيد و بمقر عمله الفخيم و ملتقى الأسر الرائع ( ساوث مول ) إلتقينا بحجاجنا الزقازيقاب محمد أدم النور ، جمال فارح ، هشام ، الريس ميسرة و محمد عيد و شخصي الضعيق ..
تسامرنا و أنبسطنا و تذكرنا و تحاورنا و أقترحنا و تواعدنا و لم ننسى بالطبع أن نوثق لهذا اللقاء الرائع ..
كنت صحية جمال فارح إلى المطار حتى الثالثة صباحاً و في الطريق ما بين الساوث مول و صالة الحجاج بالمطار ( حوالي 25 كلم ) إنداح جمال وعاد بي لأيام خوالي تحسرنا على مضيها كثيراً .. في تلك العجالة عدنا للوراء و عرجنا على الحاضر ثم تطلعنا لللآتي و المستقبل ..
تفاصيل كثيرة و مثيرة كانت في لقاء أمس و سأوافيكم بها مع الصور ربما بعد دخول الريس ميسرة الذي أتوقعه نهار اليوم ..
مجدداً سأعود للمطار لأستقبال بعض أقاربي القادمين من الإجازة و جال مقابلتي للنضيف سأوافيكم بأخباره مباشرتنننننن ..


** إلى عودة إن شاء الله تعالى ..
لا يفوتني أن أتقدم بجزيل الشكر و الثناء و التقدير لأعزائي الأفاضل الرشيد ، نجاة ، زينب التجاني ، ميسرة ، عيد ، جمال فارح ، هشام ، محمد جلا ، و لكل من أتصل أو راسلني أو كتب مهنئا و فات علي ذكره .. و عقبال يباركو ليكم كل سمح و جميل و تتباركوا ما تتشاركوا يا أحلى ..
Post: #1160
Title: Re: ناس الزقازيق ... أجدع ناس ( 3 )
Author: محمد صديق
Date: 12-04-2009, 09:43 AM
Parent: #1158

سلامات يا ناس

وصباحات التفاؤل

لكم من الاشواق بحرها

ومن الامنيات اصدقها

وعيد سعيد

ولى عودة ان شاء الله
Post: #1161
Title: Re: ناس الزقازيق ... أجدع ناس ( 3 )
Author: زينب التجاني
Date: 12-04-2009, 11:30 AM
Parent: #1160

ازيكم كلكم يا اجدع ناس

عصام دهب كل سنة وانت طيب وعيد ميلاد سعيد ومبروك الحج

منصور

شكرا ومليون شكر على مكالمتك

حقيقى افرحتنى يا جالب الفرح دوما

كل ما تبعد بتعود اكثر القا

ابدع

انداح


اكتب


لك كل الود




اشتاقكم دوما


ياسر نجيلة عطلة العيد انتهت وكل الصحف عاودت الصدور
Post: #1162
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 12:18 PM
Parent: #1161

صباح الخير يا وجوه الخير،،،،

حمدلله على سلامة وصول الحاج جمال فارح

والذي هبطت طائرته الساعة 11 صباح اليوم

وهو الآن بصحبة أولاده والحمدلله ،، اليوم سلمناكم

جمال فارح كمان سلمونا ولدنا النضيف.

غبنا من البوست يومين متفرغاً للحجاج بشكل كامل وكأنها

كانت شهرين لأن الغباب من البوست بيعمل أزمة نفسية .

سعدنا بهؤلاء الحجاج وكنا أمس في وداع آسيا عبدالرحمن حسين شقيقة

سعاد عبدالرحمن حسين وحمدنا الله بأن سودان طير أجلت سفر الزميل

الحبيب جمال فارح حتى نلتقية وقد كان يوم أمس يوم جميل لدى الوجيه

الزقازيقي الرائع ولدنا محمد عيد سهرة في الساوث مول بمطعم اللافا

وكذلك كان معنا الحاج الزقازيقي هشام محمد علي - كلية التجارة - ومتزوج من الزقازيقية

اميمة دفع الله - تجارة - وبصحبتنا الوجيه عصام دهب وكأننا كنا نخطط للإحتفال بمولده

وفضيلة الشيخ محمد ادم النور - جلا -

حقيقة كان لقاء حميمي شاعري جميل وبدأنا مبكراًً وإنداح جمال فارح بالذكريات الجميلة

وطرحنا قضايا وطنية وثم قضايا زقازيقية وكان النقاش جميل وقوي ومفيد جداً وهنا أدعو

أخونا العزيز زهير الزناتي لإضافة الشيخ جمال فارح ليتحول من قارئ لكاتب ،،،،،،،،

وأفيد اخونا كمال الشادي بأن شركة الزقازيق القابضة كانت حاضرة في هذا النقاش الثر

نواصل .....
Post: #1163
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 12:42 PM
Parent: #1162

قرأت قليلاً ما كتب خلال اليومين ،،،

يا منصور يا راجل يا طيب والله أنحنا كنا أسعد الناس

بحضوركم ويكفينا فخراً التعرف على عائلتك الجميلة وأفرادها

الظرفاء والبينا كان كبير وما زال في القلب .

الأخ/ أبو بكر حامد زقازيقي رائع وكانت جميل بس بصراحة

من هو وما قصته يا زهير ،،، لو أضفتوا صورة في البروفايل

أو أي مكان لنتعرف عليه أكثر .

أخص التحية للريس معتصم وكلك قيس جمال الدين وسامي جمال

أخونا البادي ربنا يحفظكم ويحفظ ليك الأولاد وأمهم ,,,,

نعم يا زناتي حاولت كثير أن أكلمك ولكن لم تظبط .

أرجع ليكم بعد شوية بالصورة بعد التوضيب.
Post: #1164
Title: Re: ناس الزقازيق ... أجدع ناس ( 3 )
Author: Hatim Gubara
Date: 12-04-2009, 01:35 PM
Parent: #1163

كلام الاستهبال...

تسجيل حضور و متابعه..

واستمتاع كمان..

وسلام خاص.. يا ميسره..
Post: #1165
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:10 PM
Parent: #1163

535.jpg Hosting at Sudaneseonline.com

صورة تجمع الحاج جمال والحاج جلا والحاج هشام
ومن حجاج الداخل الحاج عصام دهب ،،، أكبر تجمع
لناس الزقازيق القادمين من داخل الوطن
Post: #1166
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:27 PM
Parent: #1165

536.jpg Hosting at Sudaneseonline.com

الشباب ما زالوا يحتفلون بضيوفهم الحجاج
Post: #1167
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:32 PM
Parent: #1165

537.jpg Hosting at Sudaneseonline.com


محظوظ من يتوسط الشيخ جمال فارح وصاحب الفضيلة الشيخ محمد آدم النور - جلا - مع رشفات الكبتشينو اللذيذة
Post: #1168
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:44 PM
Parent: #1165

539.jpg Hosting at Sudaneseonline.com

عشاء للأحباب عودنا ود عيد بتقديم عشاء فاخر لكل ضيوفنا من الزقازيق
Post: #1169
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:48 PM
Parent: #1165

540.jpg Hosting at Sudaneseonline.com

الشيخ جمال فارح وقد فقد كثير من وزنه وشعره وحديث الذكريات بجوار محمد عيد
Post: #1170
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 02:58 PM
Parent: #1165

543.jpg Hosting at Sudaneseonline.com

فضيلة المفتي الشيخ جلا بعد أن فقد كثير من لحمة وكمل من لحم الدنيا والحج ما كان سري كان كداري
يحاول أن يستعيد شئ من اللياقة المفقودة
Post: #1171
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 03:07 PM
Parent: #1165

نزف التهاني لآل أبتر في مناسبتهم السعيدة

ونتوقف عن بث الصور ولنترك لكاميرا عصام دهب

الذي إلتقط صورة كثيرة وجميلة ،،،،،،،،،،،،،،،،

غادر مدينة جدة اليوم الشيخ جلا وعائلتة بعد أن آنسونا وشرفونا

وقد كانت لنا أيام جميلة بمدينة جدة خاصة مع والد جلا هذا الشيخ الكبير

خفيف الظل وحاضر النكتة وهو يضحك دائماً، وهو يضحك كثيراً لبعض الأشياء التي

تحتفظ بها الأستاذة منى يونس في معظم أركان بيتها وهو إختلافات من جيل إلى جميل ونحن كنا سعداء

بملاحظاته الجميلة والكثيرة .

شكراً آل آدم النور لقد كنا سعداء وأنتم بيننا ليتواصل الزقازيقاب الرائعين جيل بعد جيل ، نأمل أن

تعيدو الكرة مرة أخرى ونحن في إنتظار حج ناس الزناتي وناس دبي وآخرين.
Post: #1172
Title: Re: ناس الزقازيق ... أجدع ناس ( 3 )
Author: محمد عيد
Date: 12-04-2009, 08:28 PM
Parent: #1171

الى الزناتى والرشيد ومنصوووور

والحاج جلال


ومن لــــف لفــــهم ....

ديل انحنا ...

القالو متنا .. وقالو فتنا

وقالوا للناس انتهينا ...

544.jpg Hosting at Sudaneseonline.com
Post: #1173
Title: Re: ناس الزقازيق ... أجدع ناس ( 3 )
Author: محمد عيد
Date: 12-04-2009, 08:32 PM
Parent: #1172

الى د. الصادق .. ونجيلة وحاتم جبارة وجبريلا الحبيب وموسى عيسى

وكل الصــفوة الجميلين

http:// منطقياً المريخ بطل للدوري الممتاز (بدون هزيمـة ...) ولاعزاء للوصيفاب


وكمان ليكم يا اجمل الحلوين


79557406.jpg Hosting at Sudaneseonline.com
Post: #1174
Title: Re: ناس الزقازيق ... أجدع ناس ( 3 )
Author: عصام دهب
Date: 12-04-2009, 08:37 PM
Parent: #1173

مبروك يا عيد و يا كل الزقازيقاب الحُمر ..

ـ
و هاردلك لأحبابنا أجدع ناس زُرق ..
Post: #1175
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-04-2009, 08:54 PM
Parent: #1174

مبروك يا محمد عيد الفوز على الهلال...

كنت أتوقع مباراة تسود فيها الروح الرياضية و الخلاق...ما عندنا ملاعب ما مشكلة...ما عندنا كورة ما مشكلة...المشكلة عدم الأخلاق ده...

الحكم ده كان ينفخوهو قبل المباراة عشان يقدر يشيل الشارة الدولية دي...

و الله يا محمد عيد مش عشان المريخ فاز على الهلال...لكن ينقصنا الكثير جدا...و عايزين لينا زي مليون سنة كدة عشان نلحق بالسقونا..

مبروك الفوز مرة أخرى...
Post: #1177
Title: Re: ناس الزقازيق ... أجدع ناس ( 3 )
Author: محمد عيد
Date: 12-04-2009, 08:59 PM
Parent: #1175

رشا يا جميل ...

معليش وهاردلك ..

لكن كلامك ده رغم انو صاح 100% بدليل انو التانى انهى الدورى بدون هزيمة

والبطل مهزوم ...

لكن ده ما وقتوا ..!!

خلى كلام العقل ده بعدين بعد ما يظهر الزناتى ...


ياخ اسمع ...

ماشايف لى جمال السنوسى ده وين ... ؟؟

من قبيل بفتش ليهو فى سقط لقط .. ما لا قيهو ...

كده حاولوا اتفقدوهوا ... وشوفووا كمان زهير والكوتش ... الله يستر ..!
Post: #1176
Title: Re: ناس الزقازيق ... أجدع ناس ( 3 )
Author: Dr.Elsadig Abdalla
Date: 12-04-2009, 08:56 PM
Parent: #1174

هاهاهاهاه ...هيهيهيهيهي.....ككيكيكيك ...مبروك لكل الصفوه
Post: #1178
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-04-2009, 09:04 PM
Parent: #1176

الصادق بركة الظهرت الليلة...من زمان مشتهين جيتك...ان شاء الله المريخ يغلب كل يوم عشان تجينا...ضحكتك دي و الله بالدنيا...ان شاء الله فرحان دايما يا يابا...
Post: #1179
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-04-2009, 09:17 PM
Parent: #1178

Quote: لكن كلامك ده رغم انو صاح 100% بدليل انو التانى انهى الدورى بدون هزيمة

والبطل مهزوم ...

لكن ده ما وقتوا ..!!

خلى كلام العقل ده بعدين بعد ما يظهر الزناتى ...


محمد عيد...لم أقصد تهدئة الأجواء ولا حاجة...كنت حاضرا داخل الأستاد في المباراة بين الهلال و المريخ و التي أعلن بعدها نميري الغاء الأندية و قيام الرياضة الجماهيرية...هذه المباراة ذكرتني بتلك المباراة في كل أوقاتها...
عندما عدت الى البيت و عرفت بخبر الغاء الأندية لم أحزن رغم أن القرار لم يكن صائبا و أدى الى تدهور الكرة بعد ذلك...لكن ما شاهدته داخل الملعب كان من شأنه أن يغضب أي شخص رغم فوز فريقي في تلك المباراة...فما بالك برئيس الجمهورية...غضب نميري كان مبررا و لكن قرارة كان متعجلا و نتيجة لغضبه..

هذه المباراة تشبه تلك..ضرب و ركل وفي اعتقادي لو الحكم بمستوى الشارة التي يحملها لقام بطرد أربعة لاعبين على الأقل من الفريقين..

من حقكم أن تفرحوا...و من حقي أن أحزن و لكن صدقني ان حزني ليس بسبب خسارة الهلال...بل بسبب هذا المستوى الردئ...
Post: #1180
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 09:28 PM
Parent: #1179

سلام يا شباب الحاصل شنو

والناس ليه فرحانه وناس حزينة

قلتو لي كان منو بيضرب في منو

الجمهور الجزائري هرش المصريين

وتيب أنحنا دخلنا شنو؟
Post: #1181
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-04-2009, 10:04 PM
Parent: #1180

مبروك يا عيد الفوز بالمباراة
مبروك يا الرشيد الدوري ...
Post: #1182
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-04-2009, 10:18 PM
Parent: #1181

الرشيد ومحمد عيد ... معليش حا أختلف معاكم في التقييم المباراة بالنسبة لمباريات هلال مريخ معقولة وإتلعبت فيها كورة كويسة ... يعني ما كان في عك كروي ... ورغم العك الأخلاقي والإحتكاكات بين اللاعبين ... المباراة كانت جيدة ... شاهدتها بأعصاب باردة ... خاصة في الشوط الثاني حينما تحسنت العاب الهلال ... وقدم مباراة جيدة ... الحكم أدار المباراة بشكل ممتاز لولا أن اللاعبين أصروا علي إحراجه ... وما كان في طريقة يطرد اي لاعب في مباراة مثل هذه ... ولكن فنياًُ إدارته للمباراة كانت جيدة ... لم يعكس حالات ... لم يحتسب ضربات جزاء وهمية ... لم يظلم فريق ... قدر الإمكانيات المتوفرة للفريقين وللحكم والمدربين المباراة مرضية بالنسبة لي
Post: #1183
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-04-2009, 10:42 PM
Parent: #1163

[URL] الأخ/ أبو بكر حامد زقازيقي رائع وكانت جميل بس بصراحة

من هو وما قصته يا زهير ،،، لو أضفتوا صورة في البروفايل

أو أي مكان لنتعرف عليه أكثر .
[/URL]

ياريس سلام وتحية ، ربما بسبب طول المدة لم تتعرف على شخصى ، حاولت جاهداً إنزال صورتى غير أن بعض التخلف التكنولوجى حال دون ذلك ، عموماً ولحين نزول الصورة أفيدك أننى سكنت بمعية محمد الفاتح كامل وهشام تجارة بالشقة المقابلة لشقتكم بالكيمو لاند ، ولازالت الرائحة النتنة لسجائر البلمونت التى يدخنها عم عبدو بواب العمارة تزكم أنفى - كيف الذاكرة دى ياريس ، تحياتى للمدام منى يونس وكمال الشادى وسلام لى الأهل والصحبة لى كل جميل فى الحى.
Post: #1185
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-04-2009, 10:55 PM
Parent: #1183

والله يا ريس ذاكرتك منتهية ... بكري حامد ده من أوجه كم نفر جو الزقازيق ...
Post: #1184
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-04-2009, 10:51 PM
Parent: #1152

http:// ترحيب خاص ببليدياتى ود مدنى الظريف.. شوق لكل ناس مدنى الحنان..

الرائعة نجاة حوفى ........ تحايا وتقدير لك ولأسرتك ، كم أسعدنى التواصل مع الرشيد فى مربع كاى وبحوزتنا كل الجميلين وذكريات مدرسة مدنى الثانوية ، وكما تغنى الكابلى:

ذكرتُ مكاناً ..... عزيزاً علىَّ

وأضيف : وأنتم به وأنا والأخر وتشمل دون حصر ياسر عثمان عطا المنان "لورد" وكمال زولوجى وعزة التجانى والفاتح على بشير ومعتصم محمد الياس وهشام الفحل وجمال محمد عبدالحميد وآخرون لايقلون روعة.
Post: #1186
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-04-2009, 11:26 PM
Parent: #1184

Quote: أفيدك أننى سكنت بمعية محمد الفاتح كامل وهشام تجارة بالشقة المقابلة لشقتكم بالكيمو لاند ، ولازالت الرائحة النتنة لسجائر البلمونت التى يدخنها عم عبدو بواب العمارة تزكم أنفى - كيف الذاكرة دى ياريس ، تحياتى للمدام منى يونس وكمال الشادى وسلام لى الأهل والصحبة لى كل جميل فى الحى.


والله يا أبو بكر ذكرت أشياء وأسماء حقيقية ودقيقة حتى عم عبده البواب

ورائحة ونوع سيجارته ذاكرة حديد وعم عبده كان يطلق على كمال الشادي العواد

نعم أذكر بعض الزملاء بجوارنا عندما كنا نسكن بشقة الكيمو لاند ومعي كمال الشادي

ونطمع في صورة قديمة لو بالإمكان.

والغريبة يوم أمس أكلنا كركم في عزومة محمد عيد بس يظهر لازم ناخد عيار تقيل

والحقيقة جذبتني مضامين عباراتك الراقية , لك مني كل الود والحب
Post: #1187
Title: Re: ناس الزقازيق ... أجدع ناس ( 3 )
Author: ابتهاج عبد الله
Date: 12-04-2009, 11:29 PM
Parent: #1184

نعيد تاني علي كل الأحباء والأعزاء ويا رب يجعل أيامكم كلها أعياد .. دائماً في لمة ومجتمعين . وبيكم يحلو المكان والزمان دائماً إذا كان الزمان والمكان يجمع عند مني وميسرة أو عند نجاة والرشيد أو بمعية منصور وأماني ... ولا معتصم ومني ... أو عفاف ومحمد عثمان . عند طارق والمغاربة الحلوين ... عند حاتم .. خالدة ومحمد صديق ... أو بمكان نادر ورجاء .. أو عند إبتهاج وزهير فقط أنتم من تجعلون للمكان والزمان معني وجمال وذكري رائعة روعتكم ... يا جلا ويا جلال ويا جمال .. يا عصام وهشام يا جمال الدنيا عليكم وإنتو حجاج ويا رب تسبعوها وعوداً حميداً ... التهاني والتبريكات لزوبة بمناسبة حجة عمر ... وحمد الله علي السلامة
ولكل الأعزاء والأحباء الحب والتقدير وكل سنة وأنتو طيبين ...
Post: #1188
Title: Re: ناس الزقازيق ... أجدع ناس ( 3 )
Author: ابتهاج عبد الله
Date: 12-04-2009, 11:30 PM
Parent: #1184

وآلاف الترحيبات ... بالعزيز أبو بكر حامد ومداخلاتك أدت البوست طعم تاني ... وكل سنة وإنت طيب ..
Post: #1189
Title: Re: ناس الزقازيق ... أجدع ناس ( 3 )
Author: البادي النور
Date: 12-05-2009, 05:48 AM
Parent: #1188

صباح الهناء والسرور ...
أصبحنا وأصبح الملك لله ...
سامي جمال وين رسائلك وين كتاباتك إلي ... راجعنا الميل بتاعنا ولقيناه خلا ...
مافي حتى رسالة واحدة بيها نصبر شوية ...
سلام لكل الجدعان الزقازيقاب الحلوين ...
Post: #1190
Title: Re: ناس الزقازيق ... أجدع ناس ( 3 )
Author: البادي النور
Date: 12-05-2009, 06:21 AM
Parent: #1189

حاتم جبارة ... بورتو البرتغالي ... يا أخي كل سنة وإنت طيب وربنا يحقق أمنياتك ...
شنو ما عايز تظهر ... يا أخي السودان ظروفه صبعة خالص ...
Post: #1191
Title: Re: ناس الزقازيق ... أجدع ناس ( 3 )
Author: محمد صديق
Date: 12-05-2009, 06:21 AM
Parent: #1189

سلامات يا ناس

وصباحات التفاؤل

هدية صباحية ...من زبرجدات حسن طلب

مهداة لكل الناس:

من اين يجىء الحب؟؟

من وهج فى القلب

يتجمع فى الغدد الصماء

ويبحر فى الاعضاء

يشب...يشب

ويركب احصنة الجسد الصعب



لكم الود
Post: #1192
Title: Re: ناس الزقازيق ... أجدع ناس ( 3 )
Author: محمد صديق
Date: 12-05-2009, 06:31 AM
Parent: #1191

سلامات يا ناس

وهذه ايضآ من بنفسجات حسن طلب:

يا مرسلة غزلانك فى قمحى

فى كرمى ..تاركة خيلك

ما كان اضل خروجك لى

تحت الدوح ..وكان اضلك

كنت مصوبة نبلك

لكأنك كنت حسامآ

والعشق استلك

========================

تابعت واستمتعت فى الفترة السابقة ...

ما تمكنت من المشاركة بسبب الاسفار الكثيرة

وبسبب مشكلات تقنية ...احى الجميع من سأل عنى

قولآ صُراحآ او تلميحآ ...او حتى من قام بذلك سرآ

اصلو اليومين دى الحاجات كلها سرآ ..حتى حج بيت الله.

لكم الود
Post: #1193
Title: Re: ناس الزقازيق ... أجدع ناس ( 3 )
Author: محمد صديق
Date: 12-05-2009, 06:31 AM
Parent: #1191

سلامات يا ناس

وهذه ايضآ من بنفسجات حسن طلب:

يا مرسلة غزلانك فى قمحى

فى كرمى ..تاركة خيلك

ما كان اضل خروجك لى

تحت الدوح ..وكان اضلك

كنت مصوبة نبلك

لكأنك كنت حسامآ

والعشق استلك

========================

تابعت واستمتعت فى الفترة السابقة ...

ما تمكنت من المشاركة بسبب الاسفار الكثيرة

وبسبب مشكلات تقنية ...احى الجميع من سأل عنى

قولآ صُراحآ او تلميحآ ...او حتى من قام بذلك سرآ

اصلو اليومين دى الحاجات كلها سرآ ..حتى حج بيت الله.

لكم الود
Post: #1194
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-05-2009, 07:00 AM
Parent: #1193

صباح الخير يا وجوه الخير ،،،،،

غادر مكة المكرمة اليوم الحاج السري

فضيلة الشيخ محمد آدم متوجهاً إلى مطار جدة

ومن المفروض أن تقلع طائرته اليوم الساعاة العاشرة والنصف

صباحاً على الخطوط السودانية،كما يغادرنا يوم الإثنين صباحاً

الحاج الزقازيقي هشام محمد علي بالخطوط السعودية ،، نتمنى لهم

الوصول آمين سالمين غانمييين.

التحية والحضور لأخونا الكوتش محمد صديق وعائلته ،، الأخت إبتهاج

حاولنا أن نكلمكم خلال الأيام السابقة ولكن لم ننجح التحية لكم وللأولاد.
Post: #1195
Title: Re: ناس الزقازيق ... أجدع ناس ( 3 )
Author: وليد عبد اللطيف
Date: 12-05-2009, 07:35 AM
Parent: #1194

Quote: سلامات يا ناس

وهذه ايضآ من بنفسجات حسن طلب:

يا مرسلة غزلانك فى قمحى

فى كرمى ..تاركة خيلك

ما كان اضل خروجك لى

تحت الدوح ..وكان اضلك

كنت مصوبة نبلك

لكأنك كنت حسامآ

والعشق استلك

مايعجبني هنا صفوة المثقفاتية
وجمال المفردات
وبساطة الروح


وكل عام وانت بالف خير
Post: #1196
Title: Re: ناس الزقازيق ... أجدع ناس ( 3 )
Author: موسي عيسي
Date: 12-05-2009, 08:52 AM
Parent: #1195

كل عام والجميع بخير و نسأل الله أن يعيد علينا الأعياد والكل بالصحة والعافية .

كما نسأل الله الصحة و العافية لكل فاتنا إن نحمده له السلامة و على رأسهم
العزيزة نهلة نجم الدين.

و ألف حمد الله على سلامتك يا ريس معتصم جعفر والجاتك في مالك سامحتك.

وربنا يتقبل من الذين حجوا هذا العام للبيت الحرام على رأسهم الفقير لله فضيلة

الشيخ / محمد آدم النور حسن و فضيلة الشيخ / الدكتور جمال فار حامد الله في عمره

والأستاذ / هشام و المقدم عمار رحمة الله و كل حجاج الداخل بدون فرز كما نسأل

الله تعالي أن يسهل على الجميع بزيارة و حج البيت الكريم في العام القادم إنشاء الله.

على الباقين بزيارة وحج بيته الكريم في القادم .

و نقول للإخوان ميسرة و حرمه المصون بنت يونس و الأستاذ / محمد عيد والله نعم

الإخوان والأهل علي ما قمت به من كرم ضيافة و حسن استقبال لجميع الوفود الزقازيقية

الزائرة للغربية فلكم التحية و الثناء و ربنا إنشاء الله ما يجيب ساعة شكركم .


كما لا يفوتني الترحيب بمرور الاخ وليد عبداللطيف و كل عام وانت بالف خير

و تشكر على الكلمات الحلوة ودا من ذوقك الرفيع ؟
Post: #1197
Title: Re: ناس الزقازيق ... أجدع ناس ( 3 )
Author: موسي عيسي
Date: 12-05-2009, 09:09 AM
Parent: #1196

محمد عيد في داعي للكلام دا الآن تزعل مننا الشيخ / زهير الزناتي

و تقول كلاتشي ولدهم و غلبهم و الحبيب الرشيد يقول ليك مبروك وهو

حردان و و الكلام ما قادر يطلع من خشمه والله يالرشيد الكورة ما عاجباني

بس عشان جمال السنوسي انا مبسوط 24 قيراط علشان الكاس دا يبقي ليه

مسيخ . و عشان بوستاته ................

و مبروك لود نجيلة العزيز و دهب الدهب والحجة الكداري مقبولة و

الظريف ود جبريل و كل عام وانت بالف الف خير و ربنا يرد غربتك دي

و الله شايل ليك هم الكلام العربي عندك بقي مشكلة خليك من موضوع

الكمونيات والحاجات التانية ديك البحندكك بيها محمد صديق والرشيد؟

و مبروك لجميع مريخاب البورد الفوز وللهلالاب الكاس !
Post: #1198
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 09:45 AM
Parent: #1197


سلام وتحنان للحلوين ..
أجدع ناس ...
من جديد نعود لنستظل بطيب لقياكم صباحا بعد اعادة تغيير التوقيت الكفيلى للعمل
بينما توقيت الساعة البيولوجية سيحتاج حتما لكم يوم ليعتدل هو الآخر ..

- أسعدتنى عودة الكوتش الجميل .. وهى بمثابة عودة الروح للبوست .. خاصة عند ارتباط العوده بشذرات من الجمال والبهاء .
- العزيز زهير ... فى كل يوم تؤكد لنا على حسك الصحفى العالى ورقيك المهنى .. وعشان كده انا امبارح قلت للرشيد خلى كلا العقل لمن يرجع زهير ..
- لكنى ايضا ما زلت ابحث عن السنوسى دون جدوى .. وأفرحنى ظهور البادى فى الصباح الباكر ظهورا عاديا وكأنو مافى حاجة ..!
- موسى عيسى .. حمدا لله على سلامة العودة ومبروك الحج ، ومبروك كمان النصر المبين .
- بعد لحظات ننتقل بكم فى نقل حى من مطار الخرطوم لبث استقبال فضيلة الشيخ جلا ...
Post: #1199
Title: Re: ناس الزقازيق ... أجدع ناس ( 3 )
Author: البادي النور
Date: 12-05-2009, 09:55 AM
Parent: #1198

أخونا محمد عيد ... كل سنة وإنت بألف خير ...
Quote: وأفرحنى ظهور البادى فى الصباح الباكر ظهورا عاديا وكأنو مافى حاجة ..!

إنشاء الله خير ... هو في شنو يا أخواننا؟ ...
Post: #1203
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-05-2009, 10:22 AM
Parent: #1198

ازيكم يا حلوين
صباحاتكم بيض
احن اليها
اذا ما الليل اضنانى
فابسط يد الهوى وازرف دمعا
من خلائقه الكبر
غايب يومين عارف
والمريخ غلب الهلال
برضو عارف
والجماعة سفرونى ودقسونى وبى وراى تانى بدوا قعدات الليل الصباحى
المرة دى مع ناس جمال فارح وهشام وسيد الحوش
كمان برضو عارف
محمد صديق وابتهاج ظهروا وعيدوا علينا
ما كنت عارف
اريت لو كنت عارف
ياسر نجيلة لسه معيد
وين
ياها دى الوحيدة الما عارفها
فى واحد فيكم عارف
اليورينا
Post: #1220
Title: Re: ناس الزقازيق ... أجدع ناس ( 3 )
Author: محمد صديق
Date: 12-05-2009, 01:28 PM
Parent: #1203

سلامات يا ناس

لكم جميعآ التحايا

الريس ميسرة...عيد سعيد والاخت منى والاولاد بخير

وليد عبد اللطيف..مرورك يسعد ناس الزقازيق وكل

عام وانت بخير.

عيد ..لك الود وعيدك مبارك...اجمل ما فى العودة

هى لقياكم..

لكم الود جميعآ.
Post: #1200
Title: Re: ناس الزقازيق ... أجدع ناس ( 3 )
Author: محمد صديق
Date: 12-05-2009, 10:07 AM
Parent: #1197

سلامات يا ناس

التحايا للريس ميسرة وعيد سعيد

وليد عبد اللطيف ...كل عام وانت وناس الشعبية بالف خير

للحجاج التمنيات بعودة سالمة
Post: #1201
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 10:14 AM
Parent: #1200

Quote: إنشاء الله خير ... هو في شنو يا أخواننا؟ ...


البادى الجميل ... عيدك سعيد وانشاء الله كل ضحية ومسمارها جاهز ..

بس دايرك تسال لى ود اختك عشان يفض لينا الاشتباك ...

منو اب راسا مقلووووظ ده الضرب الكورة اسكرووو وخلاها زى بلنتيات رومينيجا ؟

بس اوعى يقول ليك ده بتاع القارورة ؟؟!
Post: #1202
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 10:16 AM
Parent: #1201

مواصلة لورقة الامتحان الموجهة للبادى ...

Picture23.jpg Hosting at Sudaneseonline.com
Post: #1208
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-05-2009, 10:45 AM
Parent: #1202

نسجل حضور بعد غياب قصير عشان اللحمة واللخمة (ونسة العيد)

منص ومحمد عيد تحياتى

ورغم المكرمة بتاعت ص.ادريس لصاحبه وعديله يوم امس عشان فريقه ما يتشتت
وينهار الا ان الازرق يظل دائما هو لون السحر والجماااال

وهاك دى يا محمد عيد عشان تعرف ناس الهلال
حلوين كيف وعيونهم عيون المها
Post: #1204
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-05-2009, 10:30 AM
Parent: #1200

من بين السطور
القديمة
عرفنا ان الكمندان محمد صديق
قضى العيد فى كسلا
محتفلا بزواج شقيق بت شيخه زميلتنا خالدة
انا شخصيا ما قلت ليهم مبروك
اقولها الآن
مبروكين
واحدة لأخو خالدة بت شيخ الكمندان
والتانية لى ود عم اسامة ابتر
ناس كسلا ديل رايح ليهم عرس ولا شنو ؟؟
ولا كانو منتظرين الحاج السرى ده
يديهم ضهروا
اها الحاج جاكم راجع
بتوقفوا الأعراس ؟؟
عملتوها ظااااااهرة
Post: #1207
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-05-2009, 10:43 AM
Parent: #1204

قبل ان ابدأ فى الحديث
عن استطرادات ابوبكر حامد الأمين
الذكية واللماحة عن بيتنا اسفل كبرى الشبان المسلمين
اتوقف عند فرحة التابا واليابا البى رقصة كديابا
الظاهرة فى صورة الواد اكرم الما هادى
واكيد مؤكد
ما هو سليم
الحاجة الوحيدة الفى اسمو صاح
هو انو (اكرم)
عدا امبارح
هذه الفرحة يا محمد عيد وعصام دهب ومن (لف لفهم )
تشبه فرحة الغنايات
فى الأعراس
الواحدة لا بتعرف العريس
ولا بتعرف العروس
لكن الرقيص ده ما يديك الدرب
تحتو ليك حت
لمن ترقد (واطة)
وتانى يوم فى بيت العرس التانى
تعمل نفس الشىء
اى واحد يشوفها وهى مبتهجة وبترقص وبتحتو حت
يقول قطع شك , كان ما اخت العريس , بت عمو لزم
يعنى المغنية تمارس (فرحة معايش مفتعلة )
فى اى عرس اكثر زول فرحان حقيقى
العريس والعروس واخوانهم واخواتهم والأصدقاء المقربين
ولكن من يتولى التعبير عن ذلك
هى (الغناية )
حفلة امبارح
العريس فيها الهلال المتوج
والغناية
اوول انت بااه
Post: #1205
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-05-2009, 10:35 AM
Parent: #1200

علمنا أن الأحوال الجوية السيئة في مطار الخرطوم قد أوقفت الملاحة الجوية لمدة أسبوعين ... وذلك حسبما افاد به خبر عاجل علي التلفزيون القومي .. علي أن يستخدم مطاري كسلا والأبيض لرحلات الحجاج .. ومطار مروي للرحلات العادية ... لذا كل من لديه شخص قادم خلال الإسبوعين القادمين يمكنه أسنقباله علي أي من المطارات المذكورة أعلاه ... وربنا يكتب السلامة للجميع ... وكل عام وأنتم بخير ...

نسيت ذكر الإعلان أن إستقبال الحجاج السريين سيكون في ميناء سواكن الدولي أو مطار الفاشر
Post: #1206
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 10:42 AM
Parent: #1205

Quote: نسيت ذكر الإعلان أن إستقبال الحجاج السريين سيكون في ميناء سواكن الدولي أو مطار الفاشر


ابو الزوز ... ياخى ما تأجل الحرب العلنية الى ما بعد ... خروف الكرامة ..!!
Post: #1209
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 10:54 AM
Parent: #1206

عبد السميع .. مرحب بيك ياخى

وعيدك مبارك ...

لكن كمان جابت ليها سلبطة فى الكوايتة ؟؟ عوجه والله ..!!

قلت لى طيب انت ما شفت سماحة علاء الدين يوسف دى ؟؟!!!

&&&&&&&&&&

منص الحبيب ...

والله ياخوى غناية .. ولا طقطاقة ولا شيّالة .. ما فارقة

بس برضو ال م س م ا ر الحااااار الظاهر لف ليك راسك ...

hammare_slar_liten_spik1.gif Hosting at Sudaneseonline.com



استعمل البتاع الشيلتو منى جنب الباب داك ..!!


فقدناك والله يوم لمّة ناس جلا وفارح ... وسيرتك جات كتير

Post: #1210
Title: Re: ناس الزقازيق ... أجدع ناس ( 3 )
Author: موسي عيسي
Date: 12-05-2009, 10:59 AM
Parent: #1206

يا زهير ملاحة جوية شنو و كلام شنو والله صحبك حجتو كربها كريبه

على الطلاق ركب ناس ابوه في الطيارة و هو ركب سجادته ساي ودقش

البحر دا؟ولاالشيخ فرح لا محتاج ليه لطيارة و لا سفينة ولا مركب يعني الزول

احسن ليك تعمل معاه مفاوضات للصلح و الله لو قبل صحبي فضيلة

الشيخ دا كعب خلاص و بكرة يقوم يديك فاتحة يخليك مرخابي ؟

و أزيدك من الشعر بيت صحبك ناس الحرم هنا قدر ما مسكوا فيه

علشان يتعاقدوا معاه امام رفض قال العقب هناك ؟ بس يمشي يشوف

موضوع العمرة الجاية و يجيب معاه بعض المريدين ؟

انصحك ان تاخذ بنصيحة ود عيد تشوف موضوع الكرامة دي اول والحاجات

التانية ديك خليها بعدين و ما تحرد و يبقى عليك الغلب اثنين ؟
Post: #1211
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-05-2009, 11:05 AM
Parent: #1206

قال ابوبكر حامد الأمين انه ود لو تمكن من تأطير كلامى انا
ووضعه فى برواز من شارع المكتبات
ووضعه على حافة ربوة منزلنا الكائن عند منحدر كبرى الشبان المسلمين
الكلام ده يا بكرى حامد
فيهو عناصر تلاتة
اولها كلامى العايز تبروزه
وثانيها شارع المكتبات
وآخرها بيتنا
انا والرشيد ورفعت والفاتح محمد خير وكيمو مرة
وانا ورفعت ولؤى هاشم واحمد المعتز وطارق الحلاب وسيف كركساوى
مرة اخرى
السؤال يا بكرى
هل يتسع شارع المكتبات (ذلك الضيق)
لحمل وبروزة وتأطير هكذا صورة
هذا اذا كان كلامى (مستطيعا وقادرا)
على حمل هكذا معانى وارتياد مثل هكذا افاق
والله يا ابوبكر حامد الأمين
ان اجتهادى مثل (الريس ميسرة) لرسم صورتك (الخايف عليها )
من خلال كلماتك
تسرسب من بين يدى سرسبة مياه تلك الترعة (تحت كوبرى الشبان المسلمين)
فتوقف الأجتهاد من فوره
ليس عجزا , ولا بحثا عن خطوط ضائعة او قل (تائهة )
ولكن لأن الصورة تجمعت عندى فجاة
اقول تجمعت ولا اقول تكونت
فاصبح عندى ابوبكر حامد الأمين
يا ميسرة والرشيد وزهير ويا كمندان محمد صديق
بعضا من الرشيد , وشيئا من طارق الحلاب , وجزءا من رفعت
و(شوتة ) من محمد صديق , و(سبيبة من سبيبات ) شنب الجميل ود الزناتى زهير
بكرى حامد
بيتنا الفى الشبان المسلمين
كانت فيهو وقفة بلكونة
تجيب الطاشى
خاصة من المفلسين او الحابين يوفروا ربع جنيه التاكسى
من ضواحى الزقازيق البعيدة
يا مارى ببيتنا
جيت صدفة ام جيتنا
ليك هلت الأبواب
وفرحت ----- شيابيكنا
Post: #1212
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-05-2009, 11:30 AM
Parent: #1211


غيبة الرشيد من البوست
يوم السبت الصباح
مفهومة ومبررة
وبرغم ذلك
فانها تمارس فينا تعذيبا
يشيه حرمان الأستاذ لك من دخول الحصة الأولى
هل لاحظتم تالق نجاة حوفى ايام الأجازة ؟؟
نجاة ليست فى جاجة هذا السبت
لتستمع مجددا الى ملاحظة مهند وامنية الكترهة ليوم السبت
المرة دى حا تقولها برااااها
ساتر دى اذ اساد دى
واليوم توجد اسباب اضافية كثيرة
تجعل من هذا السبت
يوما ثقيلا بايخا
ستة يوم ما كفاية يا ناس
الغوهو , يوم السبت ده
شفتوا عثمان اليمنى (يا ود جبريل اين انت ؟؟)
لمن اللمبة حرقت روحوا عمل ليها شنو
اللمبة قالت (بق)
كسرها , دشدشها
يبقى ليك الحق



انتو الخط ده بيعملوهو كيف
عموما اعتبروا انو فى خط فى الحتة دى
يا محمد عيد
البتاع الشلتو من جنب الباب بتاعكم ما رهييييب
سيتم التنفيذ عما قريب
فاطمة ذاتها ما تقول ليها عشان تآمن
Post: #1213
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 12:03 PM
Parent: #1212

فى جو غائم دافىء جميل ...

لا يخلو من خوف تكرار المطر والسيول ...

ادعوكم معى للابتسام قليلا ... ما دام ود نجيلة لسه مواصل فى الاجازة


هندي خطب فتاه عربيه وداير

يعبرلها عن شدة اعجابه بها بقول:


انت سيم سيم فلفل .. بس في واهد فرق ..
فلفل هرق لسان انا .. انت هرق قلب انا


&&&&&&&&&


مرة حبيبين بتمشوا في الشارع..
الحبيبة بتقول لحبيبها: حبيبي قولي كلمة توقف القلب



.. قالها أخوكي وراكي!!

Post: #1214
Title: Re: ناس الزقازيق ... أجدع ناس ( 3 )
Author: عصام دهب
Date: 12-05-2009, 12:12 PM
Parent: #1200

Quote: إنشاء الله خير ... هو في شنو يا أخواننا؟ ...


خير يا البادي مافي حاجة بس سمعنا إنو ود أختك طعنو مسمار إن شاء الله هسة هو كويس ..

ـ
ازيك يا دفعة .. وكل سنة و انت طيب ..
Post: #1215
Title: Re: ناس الزقازيق ... أجدع ناس ( 3 )
Author: موسي عيسي
Date: 12-05-2009, 12:23 PM
Parent: #1214

حمدالله على سلامة ود اخت يا خال بادي المسمار الظاهر عليه

مسم بسم كلاتشى الله يجيب العواقب سليمة بس قول ليه

شوف ليك عذر من الآن قبل كاس السودان والله الخوف في كاس

السودان يكون مفك رقم عشرة ؟ الله يستر .

لك التحايا يا بادي الجاكت في شبكة ود اختك سامحتك؟

و ضحية مباركة !
Post: #1219
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-05-2009, 01:24 PM
Parent: #1215

Quote: غيبة الرشيد من البوست
يوم السبت الصباح
مفهومة ومبررة
وبرغم ذلك
فانها تمارس فينا تعذيبا
يشيه حرمان الأستاذ لك من دخول الحصة الأولى


رن منبة موبايلي هذا الصباح فوتر أعصابي كلها...أحسست و كأن الموبايل موجود في أذني الوسطى...بحثت عنه هناك أولا ثم وصلت الية أخيرا بجواري على المنضدة فأطفأته...تذكرت كلمات مهند بالليل..يا بابا ما تمشي بكرة..مش انت البوس Boss ما تمشي...قلت له...يا ولدي هو عشان أنا البوس المفروض أكون أول واحد هناك...كدت أن أستجيب لمهند و لكن سرعان ما تذكرت كوم الأوراق التي تنظرني دون رحمة على مكتبي فقمت مسرعا الى الحمام...
من داخل الحمام سمعت أغنية ثنائي العاصمة..والله وحدو بينا الفارقونا و راحو تأتي من موبايل نجاة...عرفت أن الحرب النفسية قد ابتدأت...هذا المشهد يتكرر كل أسبوع من عيالي و أمهم و لكنه يزداد عندما أبقى أو يبقون معي لمدة تزيد عن اليومين...و لولا ان المعايش جبارة لكنت قد قدمت استقالتي من أول أسبوع و بقيت معهم..
ركبت سيارتي و أخذت أغني بأعلى صوتي...
ألأيام وانا قربك انتي
مهما تطول محسوبة ثواني
إنتي جمالك ياهو جمالي
وانتي زهورك من ريحاني
الأفراح بعرف ميعادا
وأي زمان تلقيهو زماني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني
Post: #1216
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-05-2009, 12:28 PM
Parent: #1188

http://وآلاف الترحيبات ... بالعزيز أبو بكر حامد ومداخلا...وكل سنة وإنت طيب ..

مراحب والله يابهجة ، والبوست طاعم وجميل كجمال الزقازيقاب وتواصلهم الحميم ، وعبرك نحيى ناس عطبرة بدءاً من علوية إسحق "معهد صحى" ومروراً بسامية إسماعيل وأسامة ود الخليفة "بيطرة" وعادل الجعلى وعادل ود البك ومنتصر طه وسامية إسماعيل ، ولكل أهل عطبرة وحقاً (فراقم كان مبكينا).
Post: #1218
Title: Re: ناس الزقازيق ... أجدع ناس ( 3 )
Author: موسي عيسي
Date: 12-05-2009, 12:34 PM
Parent: #1216

ابوبكر حامد لك التحايا يا اخي ما تجينا من الاخر و تنزل

صورتك الخايف عليها دي و خلينا نقدر نتواصل لاني الظاهر

لحقت الريس و بكسيرتك في ناس عطبرة جهجتني زيادة الشنو

شنو يا ابوبكر في المداخلة الواحدة الاسم تكتبوا مرتين ! ! !

لك الود الكل كان مكسر هناك بس خليها في حنانك الريس مايسمعك؟
Post: #1221
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-05-2009, 02:12 PM
Parent: #1218

Quote: هذه الفرحة يا محمد عيد وعصام دهب ومن (لف لفهم )
تشبه فرحة الغنايات
فى الأعراس
الواحدة لا بتعرف العريس
ولا بتعرف العروس
لكن الرقيص ده ما يديك الدرب
تحتو ليك حت
لمن ترقد (واطة)
وتانى يوم فى بيت العرس التانى
تعمل نفس الشىء
اى واحد يشوفها وهى مبتهجة وبترقص وبتحتو حت
يقول قطع شك , كان ما اخت العريس , بت عمو لزم
يعنى المغنية تمارس (فرحة معايش مفتعلة )
فى اى عرس اكثر زول فرحان حقيقى
العريس والعروس واخوانهم واخواتهم والأصدقاء المقربين
ولكن من يتولى التعبير عن ذلك
هى (الغناية )
حفلة امبارح
العريس فيها الهلال المتوج
والغناية
اوول انت بااه


كلام زول وصاف خلاص وبوجع الرأس وكان تابعتوه

بتغرقوا في بحيرة المسك ،،،،ودرب البادي ده أحسن تفكوه
Post: #1222
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-05-2009, 03:18 PM
Parent: #1221

مساء العسل عليكم يا جدعان ...

قااااعد والله متابع ومستمتع
بس كل ما أقول أخت لي كلمة كلمتين
أنشغل شوية وأرجع تاني ألقى الواجب كثر
أبدا في القراية والمتابعة ...

حجاجنا الزينين حمدا لله على سلامتكم
وربنا يتقبل منكم صالح الأعمال والدعوات
وانشاء الله تسبعوها ......




مشتاقين والله سيم سيم فيضان جدة !!!!!!!!!!!
Post: #1223
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-05-2009, 06:15 PM
Parent: #1222

مساكم الله بالخير
هي متاوقة مع بداية مباراة ميلان و سامبدوريا و لكن رونالدينو لم يمهلني كثيرا فلقد أهدى بوريليو هدفا في الدقيقة الأولى...لقد بدأت أصدق الفنتازيا التي تحدث عنها مدرب ميلان ليوناردو...فلقد قال عندما سألوه ما هو التشكيل الذي تلعب في وسط و مقدمة الملعب...قال انها الفنتازيا...
لن أعمل أي مقارنات فكلكم تعرفون الفروقات الجسيمة..فقط سأطل عليكم بعد نهاية المباراة فأنا في سياحة الآن...و هذه المرة في مدينة ميلان... و ربما أعود الى لندن لبعض الوقت لمشاهدة تشيلسي مع مانشستر سيتي..فلقد كنت فيها منذ قليل لمشاهدة مانشستر يونايتد وويستهام و كذلك أرسنال و ستوك سيتي...و سأكمل جولتي ليلا في أسبانيا..

يا منص السبت ثقيل بالنهار فقط...
Post: #1224
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-05-2009, 08:23 PM
Parent: #1223

مساء الخيرات يا شباب

بلغونا بأحوال الحجاج طرفكم

والحاج السري وصل عندكم ،،،

ولدنا عبدالدائم ما ظهر ولا مازال بالخرطوم

الأخبار يا زهر ،، ما تنسونا بالكرامة
Post: #1225
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-05-2009, 08:39 PM
Parent: #1218

http://ابوبكر حامد لك التحايا يا اخي ما تجينا من الاخر و تنزل

موسى عيسى الجناح الصاروخى لمنتخب تجارة الذى يضم رابطة مشجعين أخطر من مشجعى المنتخب الإنجليزى وتضم عصام جلى - ود المبارك ونبيل ، تصور ديل خارج الميدان أخطر من وجودهم داخله.

همسة:
أها بتتذكر هلا أيوب ولا نسيتا ، ياجماعة مافى حد إغششو
Post: #1226
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-05-2009, 08:50 PM
Parent: #1225

Quote: همسة:
أها بتتذكر هلا أيوب ولا نسيتا ، ياجماعة مافى حد إغششو


يا أبو بكر دي أنحنا متذكرنها كلية حقوق ومن السعودية

المشكلة إنها ساكنها مع زوجها وأولادها بجوارنا وتحديداً

جوار صيدلية دكتور حسن بجدة

لقيت الذاكرة كيف؟
Post: #1227
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-05-2009, 10:03 PM
Parent: #1226

أبو الزوز...شنو الليلة مختفي...مع المباريات دي و لا جردوك من الباسورد؟؟؟

كذلك نشهد اختفاء محمد عيد...يبدو أنه ما زال محتفلا بالفوز...

محمد صديق أيضا مختفيا...ربما لم يستعيد لياقته بعد...
Post: #1228
Title: Re: ناس الزقازيق ... أجدع ناس ( 3 )
Author: محمد عيد
Date: 12-05-2009, 11:11 PM
Parent: #1227

Quote: كذلك نشهد اختفاء محمد عيد...يبدو أنه ما زال محتفلا بالفوز...


رشيد الفوز ... اقصد رشيد القوم ..

رغم ان المسألة ليست كذلك .. الا اننى لا انكر اننى لن انهى احتفائى

الا بعد العثور على ج السنوسى الذى يبدو العثور عليه أصعب من تعقب اسامة بن لادن

فى احراش افغانستان ..!!

الذى حدث ان خدمة النت فى البيت تعطلت منذ ايام السيل والمطر .. وبعد لأى وجهد

لم نستطع اعادته للخدمة الا قبيل ساعات ...

فنرجو المعذرة ..

لكن المحير حقا هو الزناتى خليفة .. فظهوره المتقطع منذ ليلة الأمس يبدو انه يخفى شيئا ..!!

صدقنى أصبحت أخشى على الخليفة .. جلا من مكائد ذالك اليسارى الجميل ..

عموما .. ها نحن قد عدنا .. وفى جعبتنا الكثير

بعضه لهذا الموضع .. حيث تلخيص لكثير من الافكار والآراء التى دارت فى ليلة الخميس بجده

والتى كانت باسهام الاحباء فارح وميسرة وجلا وعصام دهب وهشام وشخصى الضعيف .. وسنأحاول النتاوب فى ذلك

مع دهب وميسره مع تداخل دهب بالصور والوثائق ...

اما البعض الآخر فهو لركننا الأثيـــر فى مربع كاى ... حيث طال امد مرورى عليه .. وهذا فى عرفنا

يخرجنا من ملة الزراعيين الجميلين ..!

وموعدنا اعتبارا من صباح الغد فى الموضعين الحبيبين ...

ونأمل فى تواجد الجميع لنستطيع جميعا الاندياح سويا ...
Post: #1229
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 00:23 AM
Parent: #1228

سلام يا شباب ... مساكم الله بالخير

الرشيد ومحمد عيد ...

ومعاكم السهر يحلو ... الكور ... مباريات من العيار الثقيل ... أهداف .. متعة .. إنتصارات ...
Post: #1230
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 00:25 AM
Parent: #1228



نشبد البارسا ...
Post: #1231
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 00:25 AM
Parent: #1228

ذهبت اليوم وتجولت في منبر ناس الزقازيق ووجدت بأننا نظلم هذا المنبر به من الكتابات الجيدة ما يجعلك أسيرها .. للحظة قررت مقاطعة البوست العام ... والإعتكاف هناك .. إلا أن الولف يعيدنا مرة أخري هنا .. مربع كاي مدهش .. وبه من الكتابات الطاعمة كما يقول الكوتش ما يجعل يومك سعيداً ... وكتابات بكري حامد تشعر بها قريبة من قلبك .. سأعود للمنبر العام . وأجلس القرفصاء ...

هنالك غيابات بالجملة ...

كمال الشادي منذ العيد .... وهو معيد ...
حنان مجمر ...
وإخلاص محمد أحمد ...

البقية طلاتهم متفاوتة .. وتجعل منهم غياب .. أكثر مما تسجل لهم حضور ...
Post: #1232
Title: Re: ناس الزقازيق ... أجدع ناس ( 3 )
Author: محمد صديق
Date: 12-06-2009, 05:27 AM
Parent: #1231

سلامات يا ناس

وصباحات التفاؤل

اللهم لك الحمد كله والشكر الذى

لا ينقطع لما اسبقت علينا من نعمك

ظاهرة وباطنة...ادمها علينا واعطنا

القدرة على تحملها.
Post: #1233
Title: Re: ناس الزقازيق ... أجدع ناس ( 3 )
Author: البادي النور
Date: 12-06-2009, 06:07 AM
Parent: #1232

صباح الهناء والسرور ...
محمد عيد صباحاتك ندية ... مبروك الفوز الهزيمة الذي لا يسمن ولا يغني من جوع ...
عصام دهب ... كنت أتمنى يكون فوزكم لكأس الدهب ...
موسى عيسى الله يجبر بخاطرك ... وشبكة المعز محروسة وفي أمان ...
يا ناس الوصيف دا لو ما فاز في المباراة دي كان ممكن يتفرتق خالص ...
وأحسن نجار بكل المسامير ما يعرف يلموا تاني ...
دحين يا جماعة الخير الفرحة الحزينة دي خلوها ... وما تكابروا ساكت الفيكم إنتو عارفنها ...
على طاري النكتة القديمة الجعلي قال للقاضي يا مولانا أنا خليني إنت رأيك فيه شنو ...!!!!!!!
فيا صفوة الوصفاء مسماركم دا ما جاب ليكم كاس الممتاز... والله دا كأس زالنجي ما يجيبو ...
Post: #1234
Title: Re: ناس الزقازيق ... أجدع ناس ( 3 )
Author: البادي النور
Date: 12-06-2009, 07:08 AM
Parent: #1233

بكوري ... ود المأذون ... أبوبكر حامد ... بكري الشين ...
كل ما كثرت الأسماء دلت على عظمة المسمى ...
أخونا أبوبكر حامد ما خايف علي صورته منكم وهو إنسان كريم جدا ...
لكن يا جماعة الخير الشقيق أبوبكر خايف عليكم من صورته...
لكن الحق يقال هذا البكوري إنسان جميل جمال لا تمله أبدا وفي كل المواقف ...
في مرة من المرات كان في زميلتنا دنقلاوية رطانية عملت عملية وشالت اللوز
كان أبوبكر من ضمن الزوار في المستشفى فقال لي صويحباتها إنشاء الله ما يكون
الدكتور شال الغدة الرطانية .... فكان أن ضحك الموجودون حتى سالت دموعهم
بمثل سيول جدة ... فذلك البكوري إنسان نادر في هذا الزمان وله مقدرة وموهبة
عالية جدا في الفكاهة والنكته والسخرية المرحة وشيل الحال والمكاواه والمقالب
ولو عايزين نحكي سيرة هذا البكوري عايزين مجلدات وصبر وجلد ...
توأمة روحه أختنا هلا أيوب ... وما أدراك ما هلا أيوب ...
قمة في الظرافة والمرح والضحك والنكتة والبشاشة وخفة الدم وحلاوة وطعامة الروح
الله يسعدك يا هلا أيوب على قدر ما أسعدتي قلوب ناس الزقازيق ...
بكوري وهلا أيوب كانوا دايما مع بعض هم فعلا توأم يتشابهون كثيرا ...
ويا حظك الجميل ويا هناءك وسعدك لو لاقيت بكوري وهلا أيوب في الشارع ...
يا أخواننا ديل ناس ما في أحلى ولا أطعم منهم ... ولا يختلف أثنان على ذلك ...
Post: #1235
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-06-2009, 07:30 AM
Parent: #1233

صباح الخير يا وجوه الخير ،،،،

"اللهم أنت ربي... وأنا عبدك... خلقتنى... وانا على عهدك ووعدك مااستطعت...

أعوذ بك من شر ما صنعت... أبوء لك بنعمتك علىّ... وأبوء بذنبى... فاغفر لي...

فإنه لايغفر الذنوب إلا أنت"
Post: #1236
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 07:46 AM
Parent: #1235

البادى اللذيذ ...
انت يا زول رايحة ليك حاجة ولا شنو ؟؟ ياااااخى ما عااادى مسمار والسلام
شنو تردد لينا فى كلام ناس رمضان ده ..
ياخى ديل بتاعين تعليم ناضجين .. وانت زقازيقى علم وراية ومفخرة ...
ومافى داعى تجوعر زيهم ...

Quote: فيا صفوة الوصفاء مسماركم دا ما جاب ليكم كاس الممتاز... والله دا كأس زالنجي ما يجيبو ...


هسه بالله كلامك ده يعنى الثلاثية الجننتونا بيها برضو ما نافعة .. لأنها ما جابت ليكم كاس افريقيا .. !!
خلينا كدى فى الدورى الخاص او البطولة الخاصة الى ان يحين موعدنا ثانية بعد اسبوعين ..
Post: #1237
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 08:26 AM
Parent: #1236

حجيت وانشرحت انا بزيارة الحبيب
وحتيت ذنبي وبحت بالدمع الصبيب
وما اهتميت بكحة ولا ظرفا عصيب
حباب عرفات حلاتا
ومزدلفة وحصاتا
والكعبة وصلاتا
ومنى وشوقي اللهيب

كل عام وأنتم جميعاً بخير وكل سنة يارب تامين وسالمين ولامين
والتحية للاخوة الحجاج ونسأل الله أن يتقبل طاعاتكم وجعله الله حجا مقبولا وذنباً مغفورا وعودا حميدا ان شاء الله
--- نواصل ---
Post: #1238
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-06-2009, 08:34 AM
Parent: #1237

صباح الخيرات عليكم ...

الحاج جلال ...

ألف ألف مبروك وربنا يتقبل منك صالح الأعمال
والدعوات الطيبة وإنشاء الله رجعت لينا زي ما ولدتك أمك
مغفور الذنب مقبول الدعاء ...
ألف حمدا لله على سلامتكم .. وانشاء الله تسبعها ..


إنشاء الله ما تكون نسيتنا من صالح الدعوات .....
Post: #1239
Title: Re: ناس الزقازيق ... أجدع ناس ( 3 )
Author: موسي عيسي
Date: 12-06-2009, 08:58 AM
Parent: #1238

أهلين وسهلين يا حاج جلال بالله كيف معاك حاج جلال ماشه؟ ربنا

يتقبل منكم الطاعات و يديك رضا الوالدين و بارك الله فيهم

الخلوك تحج و لما هم لكنت حجيت في الدمام؟ الفيك معروفة

بس خليها مستورة ؟ و مالك من ما جيت رافع القزاز خايف من

الكتاحة ولا شنو عموما مرحبتين حبابك الدار منورة بوجودك .


العزيز ابوبكر و الله لسع الكبر حاصل أما الظريفة هلا أيوب

ربنا يطرها بالخير كنت على اتصال بها عندما كنت بجده منذ

زمن طويل و كانت معاها هناء الزبير و الاخ /محمد عبدالباقي

فلهما مني عاطر التحايا . و فيما اذكر كان في واحد اسمه

أبوبكر ...يونس دفعتنا فكده قعد لي الحكاية اكثر و انت مالك

بخلان علينابالصورة و انشاء الله عيونا باردة و الله محتاج حقيقة

لصورتك أمل ذلك .


الحبيب البادي و الله المسمار حار لان الكاس بطعم الهزيمة ما

حلو . وحكاية الكاس ما حتدوم كلها شهور و العجلة تدور و غدا

ناظره قريب بس جهزوا الشوالات ؟


يا شباب مسعولين من ا لخير في لينا زول تايه ما مرة بجنبكم

يا الرشيد، و الله يا ود نجيلة ليك وحشة ابقى اظهر والعيد فات و

منظرين لينا نكة نكتين ؟
Post: #1240
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 09:13 AM
Parent: #1239

العزيز جدا ...

الحاج جلال ...

حمدا لله على السلامة ومبروك الحج ونسأل الله ان يتقبله منكم ومن والديكم

وان يديم عليكم نعمة الايمان ...

فقدناك كثيرا فى الفترة الماضية .. ونحمد الله بعودتك الينا ...

آآآآآ كلتششششششششششى .. الحمد لله ( دى ما مكاواة لكنى بس عطست !! )
Post: #1241
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-06-2009, 09:41 AM
Parent: #1239

مبروك للحاقى (الحاج)جلال عثمان وكمان مبروك للحجاج اللى من عندنا جلا وعمار

والرأسمالى الجديد (جمال فارح )

موسى عيسى كل سنة وانت طيب ونصرالدين ومحيى الدين ابعجاج بيسلموا عليك وكانت ونسة العيد عن الزقازيق حلوة
لكن الزقازيقاب فى الولايات النت والبورد والبوست ثقافة غريبة عنهم ومشغولين بهموم الحياة والعيال واشياء اخرى يعنى النت

اخر الاهتمامات ان لم يكن معدوما اصلا

والله يا منصوووووور عبدالرازق (قلنا نكمل الاسم الجميل كله يمكن ترد على تحيتنا رغم انى كنت معجب بيها (منص) بالذات عند الفتى الجميل اللذيذ ابو دم خفيف
الفاتح على بشير والذى اتمناه ب هنا

ابو الزوز اخبار الشيييه فى بيت نهلة شنو شايف اعلامك ضعيف وانت او نحن ربطنا كلمتنا لنهلة الزعلانة سخن الحكاية شوية عشان البادى النور يعرف عليهو كم

محمد عيد شايف صورة الكويتية (البلووز) اغاظتك وتقول لى ناسنا شيننين بس عايز

اهديك صورة حلوة جدا للناس اللى بلبسوا اصفر



بس عليكم الله شوفوا نظرة الاطفال البريئة حول المريخابى ده
Post: #1242
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 10:47 AM
Parent: #1241

Quote: إنشاء الله ما تكون نسيتنا من صالح الدعوات .....

سنيرنا قدورة
كل عام وانت والاسرة بألف خير
الدعا كلوا كان زقازيقي الهوى والهوية ونالت "شركة الزقازيق القابضة" نصيب الاسد
يلا ... خلونا نتحزم للنجز
عاوزين نرتاح من الغربة دي ياخ ....
Post: #1243
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 10:51 AM
Parent: #1242

Quote: أهلين وسهلين يا حاج جلال بالله كيف معاك حاج جلال ماشه؟ ربنا

يتقبل منكم الطاعات و يديك رضا الوالدين و بارك الله فيهم

الخلوك تحج و لما هم لكنت حجيت في الدمام؟ الفيك معروفة

بس خليها مستورة ؟

حاج موسى ، نربنا يتقبل منا ومنكم
والله ياموسى امنت ليك بحكاية المنادي والقدم ليه رافع فعلا ...
تصور بعد 14 سنة اقامة في المملكة اول مرة احج لبيت الله والبركة في الخبراء الاجانب
ربنا يديهم العافية ...
Post: #1244
Title: Re: ناس الزقازيق ... أجدع ناس ( 3 )
Author: عمر هواري
Date: 12-06-2009, 10:51 AM
Parent: #1241

تحية دافئة كشتاء السودان لكل الجدعان .. وشوق بحجم كل الكلمات الحلوة المنقوشة على جدران البوست والتي اضطررت لقراءتها حتى لاتفوتني الأحداث وحتى لاأطلع برة الشبكة .. كنت غائب لأسباب خاصة منها كثرة الترحال ومنها الإنشغال خاصة بعد حضور المدام بسلامة أو كم يطلق عليها البعض الحكومة ..كل سنة وانتم طيبين وحجاً مبروراً لكل الحجاج بأنواعهم سريين وعلنيين .. وتحياتي لناس جدة الرائعين بقيادة الريس ميسرة والأستاذة منى ..على تألقهم في جمع هذه اللمة من الناس الحلوة حتى اننا تمنينا أن نكون من ضمنهم ..
حمدالله على سلامة الحاج عمر يازوبة .. وألف مبروك الإصدارة الجديدة (أخبار اليوم المغربية يا جبريلا ) ..
العزيز حاتم جبارة نورت السودان وأرجو أن نشوفك .. ويازهير والبادي وكل البلوز هاردلكم على الهدف الذي جاء بنيران صديقة
وحنعوض في مباراة كأس السودان ..بس ياعيد وموسى عيسى خلو قلوبكم معانا شوية ..
حقيقي ياناس الزقازيق أثبتم صدق الأخوةوقوة ومتانة العلاقات .. والدليل لقاءات الحجاج بالمقيمين بالمملكة والحرص على ذلك رغم أن الحجاج لديهم عدة أقارب بالطبع ولكنهم فضلوا أن يسألوا عن زملاء الدراسة قبل الأهل .. نتمنى أن تمتد أواصر الروابط اكثر وأكثر..
وفي الختام تمنياتي للأخت نهلة بدوام الصحة والعافية .. وعوداً حميداً عزيزي محمد صديق .. وتحية خاصة لبكري الشين ..
Post: #1245
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 11:01 AM
Parent: #1244

Quote: آآآآآ كلتششششششششششى .. الحمد لله ( دى ما مكاواة لكنى بس عطست !! )

مالك علي ... انت قايل الحجة دي جات بالساهل ما تخليني اديك "ورقة" على رأي النكتة بتاعة بلدياتنا داك ... عارفة؟
عيد ياحبيب ... كم تمنيت ان أكون بطرفكم خلال رحلة الحج حسب اتفاقي مع الريس ولكن ظروف مرض الوالد حالت دون ذلك
البركة في منصور "ممثل" ناس الرياض وريسهم شاء من شاء وابى من ابى على رأي المرحوم ابوعمار
على العموم يرحمكم الله ياسيدي ... وبيني وبينك مسمار حار لامن مسخ علينا الكاس
Post: #1246
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 11:08 AM
Parent: #1245

Quote: مبروك للحاقى (الحاج)جلال عثمان وكمان مبروك للحجاج اللى من عندنا جلا وعمار

والرأسمالى الجديد (جمال فارح )

ياواد ياسمعة ....
كل سنة وانت ومن تحب بألف خير
عجبتني حكاية رأسمالي دي "وهي حسب تفسير كتاب رأس المال" في حوجة ماسة لإندياح من زهير الزناتي صائد الدرر
بعد ما نسمع رأي الحاج فارح فيها .... عموما هي رأسمالية تنعم بفيض سيول ومطر حلت بمدينة جدة بفضل بركتهم
بركتهم = حجاج ناس الزقازيق (داخل وخارج)
Post: #1247
Title: Re: ناس الزقازيق ... أجدع ناس ( 3 )
Author: موسي عيسي
Date: 12-06-2009, 11:21 AM
Parent: #1246

Quote: والله ياموسى امنت ليك بحكاية المنادي والقدم ليه رافع فعلا ...
تصور بعد 14 سنة اقامة في المملكة اول مرة احج لبيت الله والبركة في الخبراء الاجانب


إنت ياالحاج جلال ما قلنا ليك خليها مستورة نحن عارف البركة في جيت الخبراء الاجانب لو لاهم

لتعدت السنوات ال 15 و 20 ،في داعي انك تشتت شمارك دا بره هسع تلقى صاحبنا ابو الزوز يقوم

يقول ليك و الله لو ناس جلال في المملكة وما حجواإلا بعد 14 سنة نحن المستعجلين ليها شنو ؟
Post: #1248
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-06-2009, 12:05 PM
Parent: #1247

معقولة انا ما احتفيت بجيتك يا عبد السميع يا لميع
والله الغلط راكبنى من وين لغاية وين كده ما عارف
هسى شوف عليك الله
دى جاية خاااااسة جدا
حتى جلال عثمان المشتاق ليهو ده
والليهو مدة ما باين
فى صحبة الخبراء الأجانب
ولا حا اجيب سيرتو فى الرد ده
ولا حتى حا اقول ليهو الحجة مبروكة
اها لقيتنى كيف ؟؟؟؟!!!
Post: #1249
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 12:15 PM
Parent: #1247

يا أبو الجل والله ألف حمد الله علي السلامة ,,, وسلامة الخبراء الأجانب .. وسلامة الحجة البعد 14 سنة ... تعرف في كتير من الأحيان الحج ده مربوط بالعمر يعني الزول قدر ما يفكر في المسألة يقول ليك خليها كدي شوية ،، أها بعدما حجيت معناها خلاص خشيت الزون يا حبيب ... منتصر أخو إبتهاج في العيد بقول ليهو كل سنة وإنت طيب والقابلة في الحج .. قال لي أصلوا بعد ده فاضل لينا الحج والأردن ... فدحين يا حبيب ما في زول يشكك في إيمانك ... وما تشتغل بي ناس موسي عيسي ديل وباقي مغرضي المدينة من المريخاب ...
الحج مبروكة وزي ما قالت ليك إبتهاج إنشاء الله تسبعها .. وعقبال الجميع ...
Post: #1250
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 12:21 PM
Parent: #1249

يا عبد السميع ... احتفالنا ببلوغ نهلة تمام الصحة والعافية .... قائم .. يوم الجمعة القادم ... لدينا خروف كرامة ... السمع يكلم الما سمع ... وكل زول عليهو مساهمة ... وعليه الحضور مساء الجمعة لحضور ليل زقازيقية لا تتكرر ... أحتفاءً بنهلة ... بالحلفايا ... يعني مسألة المساهمة دي ما عايزين نتصل بزول نقول ليهو عليك كده ولا كده .. اي زول يتصل ويقول يا جماعة انا مساهم معاكم بالقيمة الفلانية ... ولا ننسي لدينا حالة زقازيقية اجتماعية عاجلة بالمستشفي تستحق أن نساهم معها ... ويلا يا ناس الزقازيق ورونا همة .....
Post: #1251
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 12:45 PM
Parent: #1247

Quote: البركة في منصور "ممثل" ناس الرياض وريسهم شاء من شاء وابى من ابى على رأي المرحوم


و أنا ابصم بالعشرة يا حاج جلال...بس ما تقولو عشان صاحبه وود حلته...

لكن قبل ما أسترسل...خليني أبارك ليك الحجة...أصلي من قبيل قدر ما اقول أبارك لي جلال يجي زول داخل و أكون كتبت كلمة واحدة...مبروك يا حبيب و ان شاء الله تتقطع بعرق العافية...نحن بنتكلم عن شنو...آآآآآ الحج...ان شاء الله ربنا يتقبل يا جلال...

في ألول قلت ليك قبل ما أسترسل...يظهر اني لا حأسترسل و لا حأقدر أسترسل.... ودعتك الله...
Post: #1252
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 12:54 PM
Parent: #1251

الرشيد .... سعدنا قبل قليل (وركز لي مع سعدنا دي) بإتصال هاتفي مع الحاج السري والذي إنتفض علي مسألة الحج السري ... لذا عدلنا التسمية لحاج السر ... وهو قد وصل أرض الوطن سالماً غانماً يشع الإيمان من وجهه .. ونبراته في التلفون قد تغيرت وكأن بي أحادث أحد رجال الدين المشهورين ... ويا ريس ميسرة ناسنا جو ... اها ولدكم دودي وصل ولا ضاع في السكة ... الراجل ده من يوم الجمعة غادر السودان ... وما قلتو لينا إستلمنا الآمانة عشان نخلي المسئولية ...
Post: #1253
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 01:27 PM
Parent: #1252

لائحة الغياب

كمال الشادي
الريس معتصم
سامي

لائحة أولي ستليها لوائح ولوائح
Post: #1254
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-06-2009, 01:33 PM
Parent: #1253

من الاخر كده

مشــــــتاقين
Post: #1255
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 01:46 PM
Parent: #1254

أبو الزوز...قلت لي حاج السر عامل نيو لوك...النيو لوك ده للسودان بس يا صديقي..في جده كان عادي...أو هكذا خيل الي من الصور...و شايفو يجضم في البفتيك بتاع الساوث مول ده ساكت...و لا حتى سأل محمد عيد قال ليهو اللحم ده حلال و لا ما حلال..

ديدو ....نجيك من الآخر...مشتاقين عديل كده...
Post: #1256
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-06-2009, 02:13 PM
Parent: #1254

Quote: حجيت وانشرحت انا بزيارة الحبيب
وحتيت ذنبي وبحت بالدمع الصبيب
وما اهتميت بكحة ولا ظرفا عصيب
حباب عرفات حلاتا
ومزدلفة وحصاتا
والكعبة وصلاتا
ومنى وشوقي اللهيب


حمد لله على السلامة ومبرووووووك الحجة

وسلامة الوالد وربنا يوصلهم بالسلامة

بس يا جلال حجتك دي ناقصة !!!!!!!!

وأفهمها برآآآآآآآآآآك!
Post: #1257
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-06-2009, 02:19 PM
Parent: #1256

Quote: من الاخر كده

مشــــــتاقين


بركة الجيت وبركة الجيت

معقول لا أحم ولا دستور من تاريخ السفر

إنت مشيت السودان ولا مشيت بلداً طيره عجم

يا زهير الزناتي شكراً ،، الأمانة وصلت

أديناكم حاج السر وسلمتونا ولدنا ديدو
Post: #1259
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 02:28 PM
Parent: #1257

معليش يا اخوان الريس ده مابقدر على زعلوا
Quote: حمد لله على السلامة ومبرووووووك الحجة

وسلامة الوالد وربنا يوصلهم بالسلامة

بس يا جلال حجتك دي ناقصة !!!!!!!!

وأفهمها برآآآآآآآآآآك!

والله فاهم ياريس والحجة فعلاً ناقصة ولذلك لابد من دور ثاني
ان شاء الله بنرقعا بي هدي في "الثاوس مول"
















------------------
تأتي الرياح بما لاتشتهي السفن ... ياريس
السماح ... السماح ياحبيبي السماح
Post: #1258
Title: Re: ناس الزقازيق ... أجدع ناس ( 3 )
Author: جمال السنوسي
Date: 12-06-2009, 02:23 PM
Parent: #1256

ناس البوست

كلكم بدون فرز

سناير وبرالمة


عجايز وشباب

كل سنة وانتوا طيبين

عيدت ليكم في القاهرة عيد سمح شديد

بس صراحة كده

ياحليل مصر زمااااااااان

زمن الجنيه جنيه

والبريزة عشرة

والريال عشرتين

مصر ام الدنيا بحق وحقيقة
Post: #1260
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 02:38 PM
Parent: #1258

Quote: حتى جلال عثمان المشتاق ليهو ده
والليهو مدة ما باين

يا حبيب كل سنة وانت والاسرة الكريمة بألف خير وعافية
ما شاء الله نورتوا جدة الهى اصلاً منورة بناسها "كسير تلج لود عيد والسيد والسيدة الاولي"
كان نفسنا في "جمة" زي دي لكن الخبراء الاجانب ديل الظاهر كدة والله اعلم فك تسجيلاتهم خلاص على الابواب
لكن والله الدلع بتاعهم دا اقطعوا ليهم في حنانهم وانهي ليك التعاقد بتاعهم في الاسبوع ده.

خلاص ياحبيب مسمار كلاتشي ده خلانا نفكر في المحليين تاني
"ده ترحيب بجمال السنوسي"
Post: #1261
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 02:45 PM
Parent: #1260

Quote: يا أبو الجل والله ألف حمد الله علي السلامة

ابوالزوز
كل سنة وانت واولادك وامهم بألف خير وعافية
ضحكتني ... الحج والاردن والله يازهير كنت خايف من الحكاية دي لكن ربك ستر ورجعنا بالسلامة
وطبعا الحج هذه السنة كانت اموروا كويسة ومافي تعب كتير.
اها زي مابقولوا - بعد ماعرفنا سلكة كراعوا - عازمك حجة السنة الجاية بس خليها في سرك ولانامت اعين حجاج السر داخلاً وخارجاً
Post: #1262
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 02:53 PM
Parent: #1261

Quote: في ألول قلت ليك قبل ما أسترسل...يظهر اني لا حأسترسل و لا حأقدر أسترسل.... ودعتك الله...

رشا ... كل عام وانت ومن تحب بألف خير والسنة الجاية حاج معانا انا وزهير .... قول يارب
كيف يعني ما تسترسل قال ليك دي حجة بعد اربعتاشر سنة تقول ما استرسل والله ياهو
زيدنا من الحكي كلمات ودع عنك بخلاً لايشبهك ... فشوقنا لاتحده المسافات
"جلال مركبة مكنة حاج"
Post: #1263
Title: Re: ناس الزقازيق ... أجدع ناس ( 3 )
Author: جلال عثمان
Date: 12-06-2009, 03:04 PM
Parent: #1262

Quote: من الاخر كده

مشــــــتاقين


ونحن بالاكتر ... كل سنة وانت طيب ... وعودا حميداً
Post: #1264
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 03:29 PM
Parent: #1263

عبد الدائم الحبيب ...

حمدا لله على السلامة وكل سنة وانت طيب ..

امبارح جربت كل تلفوناتك ما بترد .. لكمن لما ناس المكتب

بتاعكم قالوا لى انك لسه فى اجازة عرفتك عامل نايم لزوم الجمّه وكده يعنى ..

لكن والله افتقدناك فى التنسيق لبرامج العيد مع ناس منصور وفارح وجلا وهشام

أسفرت وأنورت ...
Post: #1265
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 03:33 PM
Parent: #1264

يا اخوانا .. الزول ده مرق بى وين ؟؟

يالسنوسى .. اكوس ليك لى يومين .. هسه جاى تظهر وبراك كمان

لكن والله رااااجل .. وكمان عندك شجاعة ( ادبية ) وروح ( معدنية ) ..

عموما كل سنة وانت طيب وانشاء الله لقيت الحاجة طيبة ...

انا طبعا ما حأزيد عليك الوجع .. امش بى هناك فى المنبر العام

وأكل نارك يا رشاشة ...

http://وردة حمراء ل جمال السنوسي ليلة الجمعة
Post: #1266
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-06-2009, 06:30 PM
Parent: #1265

تحياتي محمد عيد ...
ياخي عاجبني المسمار دا شديد ...

كل لحظه أدخل فيها لازم أتمعن في المسمار لدقائق ....

و بالمناسبه المسمار الواحد ما بيكفي ... لأنو بصّّقر ....

و عشان ما يقعوا عايزين ليهم مسمارين أو ثلاثه ( نظام تكالات يا فرده ) ...
و يا عبد السمعيع هل قابلت فاكه لونها أزرق ... نحن المنقا و التفاح و القشطه و الأنناس و البطيخ و اليوسفي و العنب و البرتقال و و .....
يلا الكيلو ب 25 قرش ....
نمشي فايد و لا السويس ...
Post: #1267
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-06-2009, 06:36 PM
Parent: #1266
Post: #1268
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 06:56 PM
Parent: #1267

قيس مساك الله بالخير...نسيتا أن السماء حمراء و الهلال الذي نصوم و نفطر لرؤيتة أصفر و الماء الذي تشربة فاكهتك تلك مختلط أصفر مع أحمر...و لو سألت البحر يوما لأخبرك أنه أحمررررررررر...أزيدك و لا كفاك...
عادة لما تكون في مباراة قريبة قادمة... و لم فوزي في المباراة الأولى بتفوق واضح...ألتزم الصمت حتى أرى ما تسفر عنه المباراة القادمة...أخشى عليك أن تنقلب الصورة التي بالكاريكاتير....


محمد عيد انتظرناك و ضيفك و لم تحضر...أعتقد أن قدورة قد آوى الى فراشة و أنا أوشكت...
Post: #1269
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 07:23 PM
Parent: #1268

يا رشدي ما بدري ... لمو فيك الجماعة مسخوا ليك اليوم ولا شنو ...
تعرف المباراة الأخيرة لم أبدي لها إهتمام لإني كنت أعرف النتيجة مسبقاً . إذا ما إستوعبت نفسية اللاعب السوداني تستطيع أن تتنبأ بنتيجة المباراة مسبقاً مهما كان الفريق الذي يواجهه .. اللاعب السوداني موهوب بفطرته .. يملك من الحرفنة والمهارات ما يفوق أقرانه في كثير من الدول .. إلا أن أمراض الكرة السودانية تعيق هذه الموهبة وهي عديدة .. كنت أعلم أن لاعبي الهلال سيحضروا للمباراة وهم في قمة التراخي والتكاسل لأن المباراة غير هامة في حساباتهم وحسبما تناول الإعلام المباراة .. وللأسف تعامل معها كامبوس هكذا .. بعقليته الإحترافية التي لم نستوعبها .... وعينه علي المباراة القادمة وهي مباراة الكأس .. في المباراة القادمة ستنعكس الآية تماماً ويفوز الهلال وربما بعدد وافر من الأهداف ... لأن لاعبي المريخ سيأتوا المباراة ولا زال الغرور ونتيجة المباراة السابقة في أذهانهم وحسبما صور لهم الإعلام بأن كأس السودان مضمون للمريخ ككل عام .. عكس لاعبي الهلال الذي سيأتوا لرد إعتبارهم والثأر من الهزيمة السابقة ... لذا سيفوز الهلال إلا إذا حدث أمر خارج عن السيطرة والمنطق ..
Post: #1270
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 07:43 PM
Parent: #1269

Quote: و عشان ما يقعوا عايزين ليهم مسمارين أو ثلاثه ( نظام تكالات يا فرده ) ...


قيس يا جميل ..

التكالات جاية انشاء الله ...

وسيبك من عشم الزناتى البيشبه عشم جمال فارح فى قيادة الانقاذ ..ّ!

زهير .. كلامك صاح عن سيكولوجية لاعبى الكورة فى السودان ...

عارف ليه ..؟

اولا لآنهم زى ما قال شداد لاول مرة وآخر مرة صاح فى حياتو .... كلهم فاقد تربوى ..!!

يعنى حتى استيعاب خطة قصيرة المدى لمباراة واحدة غير ممكن ..!!

سيبك من التخطيط والحلم فى الحصول على بطولات اقليمية ...

ما قلته ينطبق تباعا على الاداريين والصحفيين الى ان يصل للمشجعين ...

فاقد الشىء لا يعطيه يا عزيزى

********

رشيد ما تقفل الباب بدرى .. انا راجى الزول ده وجايبه وجاييك ...

وكان شالتك نومة ... افرش لينا لحافات فى العناقريب ديل وجيب لينا فرد نتغطى بيها

الدنيا مطر وكده ..!!

Post: #1271
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 07:43 PM
Parent: #1269

أتفق معك يا أبو الزوز في التحليل المنطقي...أما المباراة كان من الممكن أن تكون من أجمل المباريات التي لعبها الفريقان لولا الخروج عن النص الواضح و الفاضح...و أستغربت لفرحة الصفوة العارمة و كأنهم قد هزموا الهلال بسبعة أهداف نظيفة...و رغم تراخي لاعبي الهلال الا أن النتيجة الطبيعية للمباراة هي التعادل...
أحزنني جدا يا زهير السلوك غير الرياضي و تصرفات لاعبي المريخ بعد المباراة في صورة لا تشبه أخلاقنا كرياضيين أولا و كسودانيين ثانيا...و كأني بأكرم الهادي و بلة جابر يردون على الفيديو الذي ألتقط لهم من داخل معسكرهم أو هكذا بدا لي...
يفوز الهلال أو المريخ ليس مهما...المهم أن تبقى الأخلاق الحميدة و الصورة الجميلة لنا كسودانيين...



تخريمة

النوم البدري سببه حالة البوست و المنبر من قبلة يا صديقي...
Post: #1272
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 07:50 PM
Parent: #1271

Quote: أحزنني جدا يا زهير السلوك غير الرياضي و تصرفات لاعبي المريخ بعد المباراة في صورة لا تشبه أخلاقنا كرياضيين أولا و كسودانيين ثانيا...و كأني بأكرم الهادي و بلة جابر يردون على الفيديو الذي ألتقط لهم من داخل معسكرهم أو هكذا بدا لي...
يفوز الهلال أو المريخ ليس مهما...المهم أن تبقى الأخلاق الحميدة و الصورة الجميلة لنا كسودانيين...


فى دى يا رشيد لم يحالفك التوفيق وتغلبت عليك العصبية ..!!

وين الاخلاق البتتكلم عنها .. والمنبر العام وصحف الخرطوم المهترئة تسود اوراقها بذلك التسجيل المهزلة

اين تلك الاخلاق .. وجماهير الهلال تستقبل اكرم وزملاءه قبل بداية المباراة بأغنيات التسجيل واضافات عباقرة

الصحف والمنابر ..

اين تاهت تلك المثل والاخلاق .. وكبار السخفيين - صحفيين مجازا - يركبون تلك الموجة ويستغلون احتفاء اللاعبين

فى فوز قومى للوطن فى التنكيل والتشويه ومحاولات اغتيال الشخصية ..؟

ابحث يا رشيد عن هذه المدينة الفاضلة فى مكان آخر لو سمحت .. ما تتعب قلبنا معاك ..!
Post: #1273
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 07:57 PM
Parent: #1272

غايتو يا شباب انا ماشايف المسألة بتستاهل ... كان الرقيص في الفندق ولا الرقيص في الإستاد ... وما ننسي إنه الأولاد ديل كلهم عشرينات يعني العملوهو دا يشبه سنهم ... والاعلام ادي المسالة اكبر من حجمها ودي ما مشكلة الكورة السودانية
Post: #1274
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 08:11 PM
Parent: #1272

هي ليست مدينة فاضلة يا محمد...هي صورة كانت ماثلة بيننا بالأمس القريب...شجعنا كرة القدم منذ أن كنا يافعين و لعبناها أيضا...لم نرى مثل هذا من قبل...و أنا هنا لم أخص أحدا بذلك...ان السقوط كان جماعيا...من قام بمثل هذا السلوك و من روج له يتساويان...و ان سمحناله بالانتشار باعتباره سلوكا عاديا فلا أظنك سوف تأخذ معك مستقبلا ابنك مصطفى لأي مباراة لكرة القدم...ناهيك أن تأخذ أسرتك كلها الى احد الملاعب كما يفعل المصريون مثلا...و أخشى أن تشفر يوما قنوات الرياضة بالتلفاز عندك حتى لا يشاهد أطفالك ما يحدث في الملاعب...أنا لن أغير الدنياو ان رغبت في ذلك...و لكن أضعف الايمان أن أعبر عن رأي بشجب هكذا سلوك...
و لا أرى أي عصبية هنا كماوصفتني...يحزنني أن ينهزم فريقي و لكني أهنئ الفائز بعد المباراة...و يشهد البوست هذا على ذلك..هنأتك يوم فزت...و لم أملأ الدنيا ضجيجا يوم أن فزنا عليكم...حتى فرحي كان فيه مراعاة كبيرة لمشاعركم كخاسرون...

أعد قراءة مداخلتي جيدا ثم رد علي دون عصبية أو تعصب منك أنت...
Post: #1275
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-06-2009, 08:13 PM
Parent: #1272

أبو الزهور ..

تحياتي يا غالي ... والله يعدل الحال كلو وبعدين نتفاهم في حال الكورة ... مشتاقين ..

يا عيد ياخي ما أديتنا السهر شنو الحكاية منتظرين تجينا انت وضيفك ..
Post: #1276
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 08:22 PM
Parent: #1275

يا رشدي لا تحمل المسألة أكثر مما تحتمل ... لم نعرفك متزمتاًُ هي فرحة عادية بالنصر ... وخلاعة الرقص من عدمها لا معيار ثابت لها .. هنالك ألفاظ وإشارات بذيئة تعج بها الملاعب تستحي أن تسصطحب معك قاصر أو إمراءة لملاعبنا ...

قدورة كل سنة وإنت طيب ... تابعت بوست التصميم ولديك موهبة وعرفة ودراية نتمني أن نستفيد منها بالتعاون مع فناني البوست ... عيد ، ميسرة .. مني ...
Post: #1277
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 08:55 PM
Parent: #1276

دعونا من الكورة فلقد قلنا فيها أكثر مما تستحق و تعالوا لينا بحاجة تفرح القلب..
Post: #1278
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 09:01 PM
Parent: #1277

زي شنو .؟
Post: #1279
Title: Re: ناس الزقازيق ... أجدع ناس ( 3 )
Author: محمد صديق
Date: 12-06-2009, 09:05 PM
Parent: #1276

سلامات يا ناس

حج مبرور ان شاء الله ...الحاج جلال

سلام لى النضيف ...سلام نضيف

الود والسؤال عنك ...بسكو

وسامى عبدالوهاب وين يا ناس؟؟؟

الرشيد وعيد...صدقوا القصة دى ما محتاجة

انو الواحد نفسو يقوم فيها ..هؤلاء المتلاعبين

بأحاسيسنا وتشجيعنا ...لا يستحقون شيئآ من ذلك.

لكم الود
Post: #1280
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 09:25 PM
Parent: #1279

يا رشدي جبنا ليك خبر سمح ... بكره إجازه .....
Post: #1281
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 09:27 PM
Parent: #1279

رشيد يا حبيب .. هذا ما قلته انا اولا

واعيدك لمداخلتى قبل السابقة كى تتأكد مما قلته مقدما ..

Quote: اولا لآنهم زى ما قال شداد لاول مرة وآخر مرة صاح فى حياتو .... كلهم فاقد تربوى ..!!

يعنى حتى استيعاب خطة قصيرة المدى لمباراة واحدة غير ممكن ..!!

سيبك من التخطيط والحلم فى الحصول على بطولات اقليمية ...

ما قلته ينطبق تباعا على الاداريين والصحفيين الى ان يصل للمشجعين ...

فاقد الشىء لا يعطيه يا عزيزى


ولكن اسمحوا لى بأن اضيف .. اننا كشعب وكجمهور رياضى لم نكن مثاليين ابدا ..

لا الآن ولا من قبل ..

وانا بادخل الكورة منذ الصغر ..

وأذكر تماما تحرشات جمهورى الفريقين بكل من .. الدحيش وكمال عبد الوهاب ..

بما يشبه نفس السلوكيات الموجهة لاكرم الهادى الآن ..!

بل اعتقد انكم جميعكم تذكرون ما كان يواجهه لاعب مميز مثل فاروق جبره حديثا ... !!

لذا قلت لك يا رش اننا لسنا فى مدينة فاضلة ...

وهذه هى حقيقتنا ... واذا كنا نتندر ونستنكر سلوكيات جمهورى الجزائر ومصر ...

فملاعبنا ايضا لم تخلو يوما من البمبان والحجارة ...

*****

خلاص سيبك من الهزيمة والمسمار ...

خلينا نتكلم مثلا عن زواج المســيار ..!!

كيف يا ابو الزوز ..؟؟
Post: #1282
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-06-2009, 09:42 PM
Parent: #1281

Quote: تأتي الرياح بما لاتشتهي السفن ... ياريس
السماح ... السماح ياحبيبي السماح


بصراحة أنحنا زعلنا شديد حتى التلفوتات غلبتنا

ولكن عذرناك وقبلنا عذرك ،،،

بسامحك يا حبيبي

مهما تجور علينا

أنا عارف قلبك أبيض
Post: #1283
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 09:47 PM
Parent: #1282

هوي يا محمد عيد ما دردقني .. البوست مليان ألغام وتقول لي مسيار وما عارف شنو .؟ انا مالي ومال الكلام الزي ده ... انا زول الله في بلد الله ... لا بعرف مسيار لا عرفي ... ولا الحاجات بتاعة اليومين ديل ... انا زول من بيتنا للشغل ومن الشغل لبيتنا ... عالم تحب الفتن زي عيونها ...
قال مسيار قال ...
إنت ما عارف جرجير الإضنين في البرد ده حار ولا ما عندك إضنين ولا ما عندكم برد ..
Post: #1284
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 09:54 PM
Parent: #1283

Quote: إنت ما عارف جرجير الإضنين في البرد ده حار ولا ما عندك إضنين ولا ما عندكم برد ..


انا غايتو عندى التهاب فى الاذن الوسطى ... ده بيؤثّر ؟؟؟

Post: #1285
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 09:54 PM
Parent: #1282

أعاني من بطء شديد في اللاب توب...فالانتقال بين المنبر و البوست يستغرق وقتا طويلا....

أبو الزوز...ما هي مناسبة الاجازة عندكم...سلفونا ليها...

محمد صديق...ما سبب الاقلال يا حبيب..

محمد عيد قفلت سيرة الكورة...مجبر أخاك لا بطل...وين ضيفك ..جاي ولا نمشي ننوم....
Post: #1286
Title: Re: ناس الزقازيق ... أجدع ناس ( 3 )
Author: محمد عيد
Date: 12-06-2009, 09:59 PM
Parent: #1285

Quote: محمد عيد قفلت سيرة الكورة...مجبر أخاك لا بطل...وين ضيفك ..جاي ولا نمشي ننوم....


رديت ليك بى غادى ...

انت شايلاك نومة ساكت ولا شنو ؟ ...

شيل صباعك من F6 .. ده ياهو المخلى ليك اللابتوب زى جرى طارق عبيد وهوو لاحق السكشن ...!!!
Post: #1288
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 10:06 PM
Parent: #1286

يا عيد وكت عندك إلتهاب الأذن الوسطي تاني سيرة الفلاني داك ما تجيبها ...

محمد صديق أعاني نفس المشكلة ... يبدو أنها عامة ...
Post: #1287
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 10:02 PM
Parent: #1285

يا رشدي ... بلدنا دي أي حاجة تحصل فيها بدون سبب ... قيل أن السبب الرسمي هو أن غد آخر يوم للتسجيل في السجل الإنتخابي ... وقيل في رواية أخري لإفشال مسيرة المظاهرة صباح الغد امام المجلس الوطني ... وما بين هذا وذاك نستمتع بإجازات متوالية ومتتالية ... في بلد لا يخرج من إجازة إلا ليدخل في أخري .... إجازة العيد كانت من صباح الخميس وحتي نهاية يوم الأحد ... لتناشد إتحادات العمال رئيس الجمهورية الذي تفاعل معها ومددها يوماً آخر ... وللتعداد هنالك إجازة ... ولمباراة مصر والجزائر إجازة ... وللتحصين إجازة ... ولكل شئ إجازة ... نحن شعب الإجازة ... وشكراً لحكومة الإجازة ... ونحب الإجازة ولا زال شهر ديسمبر هو شهر الإجازات بدون منازع .. وأنظر لخاتمة الشهر سيفرح قلبك وتتمني لو كنت في السودان حتي تستمع بالكريسماس وراس السنة وعيد الإستقلال وهلمجرا ...
Post: #1289
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-06-2009, 10:16 PM
Parent: #1287

يبدو ألا أمل في الإنتظار ... خاصة وأن الضغط اليوم فوق معدله الطبيعي ... تصبحوا علي خير ... لنخلد للنوم ولأول مرة منذ فترة طويلة في مثل هذا الوقت ..

تصبحوا علي خير
Post: #1290
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 10:17 PM
Parent: #1287

أبو الزوز ان شاء الله حالنا...نحن العيد محقو لينا...تالت يوم ده من الله خلقنا بنعتبره عيد الا هنا شغل...
يا أخوي أخير ليكم الاجازة..هو يعني في فرق بين يوم الاجازة و يوم الشغل..ما كله اجازة...

محمد عيد الF6 و لا جيت بي جنبها...و لا يكون اللاب توب ده بيقرأ أفكاري...تكنلوجيا ياخي...
Post: #1291
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-06-2009, 10:19 PM
Parent: #1287

محشش سأل أبوه : شو الفرق بين (القضاء والقدر) و (المصيبه)؟

قاله أبوه: مثلا لو رحنا البحر نسبح وغرقت أمك, هذا( قضاء وقدر ) مانعترض عليه!
لكن (المصيبه) لو طلعت أمك تعرف تسبح


....

محشش في إختبار النحو قالو له حط إن في جمله مفيدة
قال : اشتـريت جوال إن سبعين

.......

محشش تايب يرجم الشيطان وهو متلثم سألوه ليش ؟

قال : أدري ابن الكلب اني يوم من الأيام راح احتاجله



....



محشش أصابعه مكسورة وملفوفة بجبس
سأل الدكتور : إذا شفيت وفكيت الجبس أقدر أعزف على البيانو ؟!!
قال الدكتور : طبعاً .. أكيد ..
قال المحشش : غريبة .. مع أني ما كنت أعرف أعزف قبل



.....

حريم مشتكين على بعض في المحكمة
القاضي: اكبر وحده فيكم تتكلم الاول!
الى هذه اللحظة لم تحل القضية

....

محشش يقول لمحشش:ودي ابيع سيارتي بسعر غالي..
قاله :بسيطه غير علامة موترك وحط علامة فيراري..
بعد اسبوع تقابلوا قال:ها بعت موترك..؟
قاله: انت مجنون..؟ احد يبيع فيراري..؟




.....
Post: #1292
Title: Re: ناس الزقازيق ... أجدع ناس ( 3 )
Author: طارق جبريل
Date: 12-06-2009, 10:56 PM
Parent: #1291

سلام يا ناس
وتهانينا للحجاج ومقبولة باذن الله تعالى

اليوم اصدرنا العدد الاول بعد المنع

وصلنا الحافة مرات ومرات
لكن ربكم بيلطف
احبكم جميعا كل من اتصل وكل من ابدى رغبة في المساعدة
وكل من دعا لنا بسترة الحال


شكر خاص للناس الاتصلت بي وحاولت تقسم من رزق وليداتها وترسله لي
الحمد لله لم نصل تلك المرحلة بعد وخير ربنا موجود
لكن في تليفونين كدة والله بعدهم دموعي نزلت رغم فرحي الشديد
من صداقة ومحبة زي دي..
اهلي ساندوني كثيرا الله يديهم الخير اينما ارتحلوا

المأساة ذهبت وانزلق ضجيجها عن سطح الذاكرة
ورجعنا من الحافة والامل ان نستطيع مواصلة الطريق




احبكم جميعا يا اجدع ناس
Post: #1293
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-06-2009, 11:38 PM
Parent: #1292

Quote: اليوم اصدرنا العدد الاول بعد المنع


جبريلا من قبيل قاعد محكر و ممحن منتظر لي حاجة تفرح القلب...و ها أنت قد جئت بالخبر السعيد...ربنا يسعد كل أيامك و يجنبك المحن ما ظهر منها و ما بطن...قول آمين
و دي أظنها عايزه ليها حفلة...و المناسبة تستحق الاحتفال...
Post: #1294
Title: Re: ناس الزقازيق ... أجدع ناس ( 3 )
Author: طارق جبريل
Date: 12-06-2009, 11:52 PM
Parent: #1293

والله يا الرشيد يا زين الاحتفالات كترت
يعني جريدتنا طلعت
ورشيناكم مسمار
ههههههههههههههههه
يا زول بعد دة جهز نفسك للرقيص بس
حا اقلبها ليكم كلها هجيج
Post: #1295
Title: Re: ناس الزقازيق ... أجدع ناس ( 3 )
Author: محمد عيد
Date: 12-07-2009, 00:59 AM
Parent: #1294

Quote: يا زول بعد دة جهز نفسك للرقيص بس
حا اقلبها ليكم كلها هجيج


جبريلا الحبيب ...

الف مليون ديشليون مبروك

وحمدا لله على السلامه ... وكان نصركم ساعة الفرح

حقا كما قال الرشيد ..

هذا الخبر اثلج صدورنا وأعاد الينا فرحا غاليا غاب عنا ..

ارقص واتمدد وهجج زى ما انت عايز ..

ياخى انشاء الله ترقص لينا رقصة أكرم كديابا ذاتا ..!

غدا باذن الله ننصب الافراح بعودتك الينا سالما غانما ...

تحياتى لاسرتك الجميلة
Post: #1296
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-07-2009, 06:22 AM
Parent: #1295

الفاتحة و قضاء الحوائج نسبت هذة الابات الي سيدنا على كرم اللة وجهة وايضا نسبت الي الامام حامد الغزالي رحمة اللة

اذا ما كنت ملتمسا لرزق ونيل القصد من عبد و حر
وتظفر بالذي ترجو سريعا وتامن من مخالفة وغدر
ففاتحة الكتاب فان فيها لما املت سرا اي سر
فلازم ذكرها عقبي مساء وفي صبح وفي ظهر وعصر
كذلك بعد مغرب كل ليل الي التسعين تبعها بعشر
تنل ما شئت من عز وجاة وعظم مهابة وعلو قدر
وستر لا تغيرة الليالي بحادثة من النقصان تجرى
وتوفيق وافراح دواما وتامن من مخاوف كل شر
ومن فقر وعسر وانقطاع ومن بطش لذي نهي وامر
Post: #1297
Title: Re: ناس الزقازيق ... أجدع ناس ( 3 )
Author: البادي النور
Date: 12-07-2009, 06:31 AM
Parent: #1296

صباح الهناء والسرور ...
أصبحنا وأصبح الملك لله ...
ولاية الخرطوم اليوم في إجازة بأمر الوالي ... لكن نحن جينا المكتب ...
دا عيب الخروج من الشبكة والمشغوليات الأخرى ... لأني لم أعلم بهذه الإجازة
إلا بعد دخولي المكتب ... يعني طارت علينا النومة وممارسة الكسل ...
هنيئا للذين إستفادوا من هذه الإجازة المفاجأة ...
Post: #1298
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-07-2009, 07:21 AM
Parent: #1297

صباح الخير ،،، يا وجوه الخير

يغادرنا اليوم مساءً آخر الحجاج الزقازيقين

الحاج هشام محمد علي متوجهاً إلى ارض الوطن

حجاً مبروراً ووصولكم سالمين غانميين بإذن الله

طارق جبريل والله خبر إنقشاع الغمامة السوداء

ريح أعصابنا وفرحكم من فرحنا جعل الله أيامكم كلها

إحتفالات حتى لو كنتم الوصيف ما في مشكلة برضو حا نفرح معاكم

ههههههههههههههههها(على طريقة جبريلا)
Post: #1299
Title: Re: ناس الزقازيق ... أجدع ناس ( 3 )
Author: حنان مجمر
Date: 12-07-2009, 08:26 AM
Parent: #1291

سلامات ياريس شنو النكات الظريفه دي بالله كتر لينا منها وكمان صور جده رهيبه بكيتنا عديل كدا ماشاء الله العيال كبرت
Post: #1300
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-07-2009, 08:59 AM
Parent: #1299

Quote: سلامات ياريس شنو النكات الظريفه دي بالله كتر لينا منها
وكمان صور جده رهيبه بكيتنا عديل كدا ماشاء الله العيال كبرت


حنان بت مجمر يا سلام على الناس الظريفة

والأخوة الراقيه ،، والله ليكم كوم من الشوق

بعد ما تركتونا في جدة وهاجرتم مره أخرى

وأنا سعيد بدخولك إلى البوست العام لأننا

بندخل المنبر قليل وعملنا هناك كذا مداخلة

نرحب بيك وعملنا مناشدة لزيارتك لينا في الحوش

العام ده ،،، كيف العيال وابوهم طبعاً حتماً بيكون

حصل تغيير كبير زي ما شايفه الأولاد عندنا تغييروا وكبروا

تحياتي للجميع ولنا عودة معاك ومع الأسرة الكريمة عن قريب .
Post: #1301
Title: Re: ناس الزقازيق ... أجدع ناس ( 3 )
Author: طارق جبريل
Date: 12-07-2009, 09:39 AM
Parent: #1300

الاحباء عيد والريس ميسرة
نحمد الله غمة وانقشعت
عشان كدة هاكم الهدية دي
صورة اختنا د. نورا كرم الله واولادها
PIC_0154.JPG Hosting at Sudaneseonline.com
Post: #1302
Title: Re: ناس الزقازيق ... أجدع ناس ( 3 )
Author: محمد عيد
Date: 12-07-2009, 09:40 AM
Parent: #1300

تبدو الاحواء مشتعلة داخل الخرطوم .. والتطورات تنذر بالأسوأ ..

نسأل الله سلامة الوطن من كل سوء
Post: #1303
Title: Re: ناس الزقازيق ... أجدع ناس ( 3 )
Author: محمد عيد
Date: 12-07-2009, 10:15 AM
Parent: #1302

" يا ايتها النفس المطمئنة ارجعى الى ربك راضية مرضية فادخلى فى عبادى وادخلى جنتى " صدق الله العظيم

انا لله وانا اليه راجعون

خالص العزاء للاخ العزيز صالح فى وفاة والده التى حدثت اليوم

ونسأل الله ان يتغمد والده بواسع رحمته
Post: #1304
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-07-2009, 10:23 AM
Parent: #1303

توفي قبل قليل والد صالح عبد الرحمن صالح تبلدينا ... سيتم الدفن بمقابر الصحافة ... والعزاء بجبرة .. تلفون صالح .... 0912397336
Post: #1305
Title: Re: ناس الزقازيق ... أجدع ناس ( 3 )
Author: عصام دهب
Date: 12-07-2009, 10:27 AM
Parent: #1304

لا حول و لا قوة إلا بالله العلي العظيم ..
اللهم يا الله أنت الله لا إله إلا أنت
اللهم إني أسألك بأسمائك الحسنى وصفاتك العلا
و بإسمك الأعظم أن تغفر لوالدنا / عبد الرحمن صالح.
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
واغفر له وكفر سيئاته وابدلها حسنات ..
اللهم اجعل قبره روضة من رياض الجنة ..
اللهم أنزله منازل الصديقين و الشهداء والصالحين..
اللهم أعذه من عذاب القبر ..
اللهم ارحمه تحت الأرض..
واستره ولا تخزه يوم العرض..
اللهم يمن كتابه ..
ويسر حسابه ..
وثقل بالحسنات ميزانه ..
وثبت على الصراط أقدامه
وأسكنه في أعلى الجنات في جوار نبيك ومصطفاك..
اللهم اجعل عن يمينه نوراً ..
وعن شمالهِ نوراً ..
ومن أمامهِ نوراً ..
.ومن فوقهِ نوراً ..
حتى تبعثهُ آمناً مطمئناً في نور من نورك..
اللهم أنت ربه
وأنت خلقته ..
وأنت قبضت روحه .
وأنت أعلم بسره وعلانيته ..
جئنا شفعاء اليك فأغفر له ..
اللهم اجمعنا به في جنات النعيم يا حي يا قيوم ..
إن لله ما أخذ ..
و له ما أعطى ..
اللهم اغفر لحينا و ميتنا وصغيرنا و كبيرنا ..
وذكرنا وأنثانا وشاهدنا و غائبنا ..
اللهم من أحييته منا فأحيه على الإسلام ..
ومن توفيته منا فتوفه على الإيمان ..
اللهم لا تحرمنا أجره ولا تفتنا بعده ..
اللهم إن والدنا / عبد الرحمن صالح في ذمتك ..
وحبل جوارك فقه من فتنة القبر ومن عذاب النار ..
فأنت أهل الوفاء والحق ..
فاغفر له وارحمه إنك أنت الغفور الرحيم ..
و ألهم اسرته و أهله الصبر الجميل ..
أستغفر الله العلي العظيــم وأتوب إليه ..

أحر التعازي لشقيقي و زميلي / صالح عبد الرحمن صالح ولكافة أفرد أسرة الفقيد الغالي/ عبد الرحمن صالح في هذا المصاب الأليم و الفقد الجلل .. فأصبروا و أحتسيوا .. و لا حول و لا قوة إلا بالله العلي العظيم .. و لا أراكم الله مكروهاً .
ـ
لتعزية صالح :
00249155552515
00249912397336
Post: #1306
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-07-2009, 10:55 AM
Parent: #1305

تعازينا الحارة للأخ صالح تبلدينا
ونسأل الله أن يتغمد والده برحمته الواسعة
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
واغفر له وكفر سيئاته وابدلها حسنات ..
اللهم اجعل قبره روضة من رياض الجنة ..
اللهم أنزله منازل الصديقين و الشهداء والصالحين..

نسأل الله أن يلزم آله وذويه الصبر وحسن العزاء
وإنا لله وإنا إليه راجعون
Post: #1307
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-07-2009, 11:03 AM
Parent: #1306

صادق التعازي للأخ صالح تبلدينا
ونسأل الله أن يتغمد والده برحمته الواسعة
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس

اللهم ألهم آله و ذوية الصبر الجميل....
Post: #1308
Title: Re: ناس الزقازيق ... أجدع ناس ( 3 )
Author: عفاف علي ميرغني
Date: 12-07-2009, 11:16 AM
Parent: #1307

انا لله وانا اليه راجعون

خالص العزاء للاخ العزيز صالح فى وفاة والده التى حدثت اليوم

ونسأل الله ان يتغمد والده بواسع رحمته
Post: #1309
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-07-2009, 11:29 AM
Parent: #1307

لا حولة ولا قوة إلا بالله

رحم الله والد أخونا صالح رحمة واسعة

والهم أهله وذويه الصبر والسلوان

يا رب إغفر له و إرحمه و عافه و اعف عنه و أكرم نزله

ووسع مدخله و أغسله بالماء و الثلج و البرد ..

و نقه من الذنوب والخطايا كما ينقى الثوب الأبيض من الدنس ..

وأبدله دارا خيرا من داره

وأهلا خيرا من أهله ..

و أدخله الجنه و أعذه من عذاب القبر ..

إنا لله وإنا إليه راجعون,,,,,,,,,
Post: #1310
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-07-2009, 01:03 PM
Parent: #1309

إنا لله وإنا إليه راجعون

خالص العزاء للاخ العزيز صالح وجميع أفراد الأسرة

ونسألأ الله ان يتغمد والده بواسع رحمته ويدخله جناته ويتقبله قبولا حسنا

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #1311
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-07-2009, 01:22 PM
Parent: #1310

خالص التعازى للاخ صالح عبدالرحمن ولجميع افراد الاسرة الكريمة

ولا حول ولا قوة الا بالله

انا لله وانا اليه راجعون
Post: #1313
Title: Re: ناس الزقازيق ... أجدع ناس ( 3 )
Author: مني يونس
Date: 12-07-2009, 03:12 PM
Parent: #1312

0
Post: #1314
Title: طارق جبريل
Author:
Date: 12-07-2009, 03:16 PM
Parent: #1313 Re:0ناس الزقازيق ... أجدع ناس ( 3 )

0
Post: #1315
Title: Re: ناس اàزقازي‏ ... أجدع ناس ( 3 )
Author: مني يونس
Date: 12-07-2009, 04:50 PM
Parent: #1314

تهنئة لجميع الحجاج وخاصة حجاج الداخل

الآخوان جلال عثماؤ وعهام دهب وموس عيس

حج مبرورا وسعي مشكورا وان يتقبله الله منكم



**********+***:******


الآخ عبدالدايم والعائله حمدلله علي السلامه
Post: #1316
Title: Re: ناس الزقازيق ... أجدع ناس ( 3 )
Author: عثمان الخير
Date: 12-07-2009, 05:03 PM
Parent: #1315

0
Post: #1318
Title: Re: ناس الزقازيق ... أجدع ناس0( 3
Author: ياسر نجيلة
Date: 12-07-2009, 06:31 PM
Parent: #1317

إنا لله وإنا إليه راجعون

خالص العزاء للاخ العزيز صالح (تبلدينا) وجميع أفراد الأسرة

ونسأل الله çن يْغمد والده بواسع رحمته ويدخله جناته ويتقبله قبولا حسنا

اللَّهُمَّ اغْفِرْ لَه وَارْجَمْن ‘ وَاعْفُ عَنْه وَعَافِه ، وَأٍكêرِمْ نُزُلَه ، وَوَسِّعْ مُدْخَلَه ، وَاغْسِلْه بِالمَاءٍ ، والَثَلْجٍ ، وَالبَرَدٍ ، وَنَقِüه سِنْ الْخَطَايَا كَمَا يُنٍقَّى çلثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْذً÷ مِنْ أَهْلِه، وَقِه فِتْنَةَ اٌْقَبْرِ ، وَعَذَابَ الْقَبْرِ وَعَذَابَ النَّارِ
Post: #1319
Title: Re: ناس الزقازيق ...أجدع ناس ( 3 )
Author: عبد السمىع دـع0الله
Date: 12-07-2009, 10:32 PM
Parent: #1318

التعازى والمواساة للاخ العزيز صالح عبدالرحمن صالح (تبدلïينا
ونسأل الله ان يتغمد واٌده بçلرحمة والغفران ويسكنه فسيح جناته

اللهم اغفر لنا ولموتانا ولجميع المسلمين امين يا رب!الع×لمين
Post: #1320
Title: be: ناس الزقازيق ... أجدع ناس ( 3 )
Author: ميسرة سيد أحمد
Date: 12-07-2009, 10:59 PM
Parent: #119

لنودع أحزاننا ولتعود الحياة الى طبيعتهاأين ناس الليل أين السمار أين البرايات

وين الحاج جلا ؟

وين ياسر نجيلة؟
عوكوا صباحاً ومساءً

عطروا هذا البوست بمداخلاتكم الجميلة

وذكرياتكم الحلوه.
Post: #1321
Title: Re: ناس اàزقازيî ... أجدع ناس ( 3 )
Author: Hatim Gubara
Date: 12-08-2009, 05:32 AM
Parent: #1320

هم ذاتم.. نفس كلامم و حركاتم.. وضحكهم...
زي ما خليتم.. من 200سنه واكتر..
النضيف وجلا وعبدالحفيظ.. بليت شوقي تب..

عندما رايته.. طرأ بذهني قوله أولاد بمبه..
"راجل ملو هدومو بصجي‎"..
الريس معتصم.. كما تخحلته. وقار وهيبه..

البادي.. شكلها زي كل مره..
حنمشي من غير نلاقيك..
تحس بيك مشغول0وكدا. ماالسودان ظروفو صعبه..جننت الرشاشات جن..
غايتو كان غلبناك الجايه.. الا تخهي ÷لبوست..

مبروك يا جبريلئ.
كلمه سر.. لا يلدغ المؤمن من جحر...

مع الاعتذار لأجدع ناس .. ناس حلفا والحلفاويين..
لكن النكته عجبتني..
وàو قخيأه أو بايخه.. أضحكو.. anyways

حلفاوى خطب خطبة الجمعة بعدما انتهي سال صاحبو رايك شنو في خطبتي ؟ قال
ليه كويسه بس عندك عشرة اخطاء..
أولا : المنبر عندو سلم مافي داعي تتلب ..
ثانيا : حكاية السجارة بين الخطبتين دي شنو..
ثالثا : ماحصل سمعنا بصحابي اسمو تامر..
رابعا : ابو جهل صاح كافر بس ود الحرام دي مافي داعي ليها..
خامسا : الملك فهد ما شارك في صلح الحديبية ..
سادسا : غزوة بدر الكبرى ما كانت بالطيارات ..
سابعا : غزوة الخندق ما استعملوا فيها الاسلحة الكيماوية ..
ثامنا : السفة فى نص الخطبة ما صح ..
تاسعا : امية بن خلف صحيح باع بلال بن رباح لكن ما لناس برشلونة..
عاشرا : ايد على ايد تجدع بعيد ده مثل ما حديث شريف..
Post: #1322
Title: Re: ناس الزقازيق ... أجدع ناس ( 3 )
Author: موسي عيسي
Date: 12-08-2009, 05:46 AM
Parent: #1321

أصدق التعازي للعزيز صالح عبدالرحمن و للفقيد الرحمة والمغفرة

نسال الله ان يجعل الفردوس نزله و ان يتغمده بواسع رحمته .
Post: #1323
Title: Re: ناس الزقازيق ... أجدع ناس ( 3 )
Author: البادي النور
Date: 12-08-2009, 05:56 AM
Parent: #1322

صباح الهناء والسرور ...
تعازينا الحارة لأخونا صالح ...
اللهم أرحمه وتقبله قبولا حسن ...
اللهم إن كان محسنا فزده إحسانا ...
وإن كان مسيئا فتجاوز عن سيئاته ...
اللهم لا تحرمنا أجره ولا تفتنا بعده ...
وأجعل الخير في ذريته ...
Post: #1324
Title: Re: ناس الزقازيق ... أجدع ناس ( 3 )
Author: البادي النور
Date: 12-08-2009, 06:13 AM
Parent: #1323

طارق جبريلا حمدا لله على السلامة ... ومبروك صدور العدد الأول بعد الأزمة ...
والله فرحنا ليك شديد ... وإنشاء الله دائما منصورين وبالتوفيق والنجاحات الكبيرة ...
أختنا نهلة نجم الدين كفارة وسلامتك والدنيا كلها كرامتك وإنشاء الله ما تشوفي شر ...
جاهزين لكرامة يوم الجمعة يا أبوالزوز ...
الحاج جلال عثمان .. حجا مبرورا وذنبا مغفورا ... تقبل الله ... والعود أحمد ...
ديدو النضيف حمدا لله على سلامة الوصول ... وحقيقة تشرفنا وفرحنا بي شوفتك ...
جمال السنوسي .. عودا حميدا ...
عمر بسكو ... كل عام وإنت والأولاد وجميع الأهل بألف خير ...
وينك يا بسكو غيابات تقيلة ... أعمل حساب دفتر الغياب بتاع ألفتنا أبوالزوز ...
حاتم جبارة .. بورتو البرتغالي ... إنشاء الله حنلتقي قريبا جدا .. شوقنا مطر ...
Post: #1325
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-08-2009, 07:04 AM
Parent: #1324

صباح الخير ،، يا وجوه الخير ،،،

أصبحنا وأصبح الملك لله

ما زالت تتكشف يومياً مأساة جنوب شرق جدة

والتي تفاجأنا بها نحن سكان جدة غير المتضررين

والبعيدين عن موقع الحدث ،،، وحتى يوم أمس ما زالت

هناك جثث داخل بعض البحيرات التي كونتها سيول أودية جدة أوالتي

تغوص داخل الطين اللزج .

ويوم أمس تم إنتشال ثلاثة جثث واحده لسوداني وأخرى يماني وتشادي

ومازال الناس في تلك الأحياء يبحثون عن ذويهم الذين أختفوا تماماً

ناهيك عن ممتلكاتهم أو سياراتهم إنهم يبحثون عن أحبابهم ,,,,,,,

رحم الله هؤلاء الشهداء جميعاً وألهم أهلهم وذويهم الصبر والسلوان
Post: #1326
Title: Re: ناس الزقازيق ... أجدع ناس ( 3 )
Author: محمد صديق
Date: 12-08-2009, 07:44 AM
Parent: #1325

سلامات يا ناس

وصباحات التفاؤل

الرحمة والمغفرة لوالد اخونا صالح

ولصالح حسن العزاء.
Post: #1327
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-08-2009, 09:42 AM
Parent: #1326

تسجيل حضور ومتابعة ...

البارحة مساء أدينا واجب العزاء نيابة عن الكل بوفد في مقدمته
الريس معتصم
محمد صديق
الحاج جلا
نادر فاروق
محمد حسن
حاتم جبارة
عبد الحفيظ عباس
عمر بسكو
ونقلنا للأخ صالح صادق التعازي ... لمن يود أن يؤدي واجب العزاء .... المنزل يقع شرق محطة البلابل بأركويت ... تتجه شرقاً حتي صيدلية علياء ومن ثم يمين في شمال في يمين لتجد صيوان العزاء ... تقبل الله الفقيد قبولاً وحسن ... وحار التعازي للأخ صالح عبد الرحمن صالح ..
Post: #1328
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 09:52 AM
Parent: #1327

تذكر أن المرء يحشر مع من أحب ...
كلنا يحب رسولنا محمد المصطفى و المجتبى صلى الله عليه و سلم
و كلنا نسعد و نتمنى أن نحشر معه كما نحب و نرضى
اللهم و فقنا في حب رسولنا الكريم و احشرنا معه يوم الدين
حب آخر أقل منه و لكننا نتمنى أن نحشر سوياً بصحبة رسولنا الكريم
حب زقازيقي خالص يبدأ و لا ينتهي... بمدينة الرسول طيبة الطيبة
فيبدأ محمد عيد بأن المفاجأه وصولي و أسرتي إلى الديار الطيبة متمنياً لنا إقامة طيبة و مناسك مقبولة ...هكذا قالها...ارتجفت أوصالي ...و دمعت عيناي...أتمتم بعدها اللهم آمين يا رب...
لا تذهب بعيداً يا محمد عيد ..بلغ عني و لو آية لأهلي ناس الزقازيق كم أشتاق إليهم ...عفواً ومسامحة... في سري و علانيتي...عل ذلك يمحي سوءتي...فكان محمد عيد ثاني أثنين معي اسفيرياً....عليه يسعدني أن أحشر معه يوم الدين
Post: #1329
Title: Re: ناس الزقازيق ... أجدع ناس ( 3 )
Author: وليد عبد اللطيف
Date: 12-08-2009, 10:13 AM
Parent: #1328

Quote: فيبدأ محمد عيد بأن المفاجأه وصولي و أسرتي إلى الديار الطيبة متمنياً لنا إقامة طيبة و مناسك مقبولة ...هكذا قالها...ارتجفت أوصالي ...و دمعت عيناي...أتمتم بعدها اللهم آمين يا رب...
لا تذهب بعيداً يا محمد عيد ..بلغ عني و لو آية لأهلي ناس الزقازيق كم أشتاق إليهم ...عفواً ومسامحة... في سري و علانيتي...عل ذلك يمحي سوءتي...فكان محمد عيد ثاني أثنين معي اسفيرياً....عليه يسعدني أن أحشر معه يوم الدين

محمد ادم النور
العيد الجاب الناس
لينا ما جابك
ياخي كل سنه وانت طيب
وكيفك وكيف اخبار الاهل معاك
Post: #1330
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-08-2009, 10:29 AM
Parent: #1329

Quote: عليه يسعدني أن أحشر معه يوم الدين


يا جلا البينك و بين محمد عيد ما بنتحشر فيها نحن غايتو..

سعدت بالتحدث اليك..
Post: #1331
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-08-2009, 10:33 AM
Parent: #1329

سلام كبير للناس الجدعان
امبارح حال بينى وبينكم الشديد القوى
اذ ان كتابة مداخلة واحدة فى سودانيز اون لاين ككل
خيل لى للحظة انها ستستغرق يوما كاملا
كان فى بطء شديد فى استجابة الأسفير للخول للموقع
ما بالك عن التداخل
ما عرفت العيب فى الجهاز , ولا فى سودانيز اون لاين , ولا من الهواء ذاته
لذا آثرت طوى جهازى
وانصرفت لقضاء حوائج اخر
التعازى كلها لأخونا صالح تبلدينا فى وفاة والده
الراجل طلع جارنا عديييل يا زهير
وجار ناس الرشيد كمان
قول ليهو منصور قال ليك
بعد ده , كلامنا معاك اختلف
Post: #1332
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 10:49 AM
Parent: #1331

يا رشيد القوم إنتظر فإن حقك محفوظ
و تذكر دائماً أن المرء يحشر مع من أحب ..
حب زقازيقي خالص يبدأ و لا ينتهي.... بمدينة الرسول طيبة الطيبة
وجدت نفسي أرد على هاتفي....و الذي نشر على الملأ...و اتصل كل الناس إلا من أبى...لم يكن مسمحوح لكل الزقازيقيون أن يأبو ...فجاءتني الأصوات عبر هاتفي....و أيضاً الهمسات....الكل يتمنى لي طيب المقام فكان موسى عيسى و أعلم أن في نفسه شئ من حتى... ولأن الصفح شيمته و العفو أخلاقه فكان صحبة راكب وكأن به العفش داخل البص على مسئوليته....عليه أحب أن أحشر معه
Post: #1333
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 11:00 AM
Parent: #1332

شكراً وليد
وربنا يتقبل منا ومنكم صالح الأعمال و الدعوات
حب زقازيقي خالص يبدأ و لا ينتهي... بمدينة الرسول طيبة الطيبة
يبدو أنني مطلوب القبض علي حياً أو ميتاً...ألو....أهلاً الحاج السري...
و عليكم السلام و رحمة الله وبركاته..
عليك أن تتأدب و أنت تخاطب الريس ميسرة...فقال مخاطبني أوامر يجب عليك الإلتزام بها عند إنتهائكم من آداء المناسك عليكم أن تشدو الرحال إلى جدة ...جمع المخاطب أنا و الأسرة الكريمة ...و لكن في بالي الترحال إلى ثلاثة مساجد... المسجد الحرام و مسجد الرسول و المسجد الأقصى ولأن الأخير يصعب الترحال إليه في هذا الوقت ...فعلينا أن نأتي طائعين إلى مدينة جدة ...لننظر كيف يمكننا السفر إلى الأقصى...لم أفصح بذلك للأخ ميسرة و ميسرة إذا حدث صدق ... بالتأكيد فإنه سيسهل طريقنا إليه...
أبي أحسن الظن بكل ناس الزقازيق و أسرها في نفسه ...و كأني سمعته يهمهم أحب أن أحشر بصحبة رسولنا الكريم وصحبة أصحاب إبني في شخص هذا الذي يدعى ميسرة....
Post: #1334
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-08-2009, 11:03 AM
Parent: #1331

عندنا فى البوست ده
زى تفاهم مبطن , او قولوا استحسان غير مصرح به
للبعد عن نقاش السياسة الحاد
وعندنا فى البوستات الأخرى فى المنبر ده
ما يجعل التوجه ده , او الأتفاق غير المكتوب
توجه حميد ومقبول
لكن الغيظ والضيم الذى اشعر به من احداث امبارح الأتنين
وتعامل الحكومة مع مشروع المسيرة السلمية
خلانى اخاطر واكتب الكلمتين ديل
فاستحملوهم , واستحملونى
وما تردوا على , الا لو الكلام حرقكم زيى كده
كانت مسيرة امس , تمرين مهم لى مباريات يفترض انها جاية فى الطريق
شعار الحكومة المرفوع والأنا شخصيا قربت اصدقه
يتحدث بالحاح , عن عودة الديمقراطية
لو رجعنا لى ورا شوية , وختينا قدامنا المشهد بتاع ما قبل الأنقاذ 89 مباشرة
انا شخصيا بلقى قدامى حقيقة واحدة مفادها انو الأنقاذ استعجلت بانقلابها لنيل ماكانت ستجده بين يديها بصورة ديمقراطية
يعنى لو ما عملوا انقلابهم ده , واكملت العملية الديمقراطية دورتها الأولى
وقامت الأنتخابات المزمعة فى 1990
اعتقد ان الأمور كانت ستؤؤل لما يسمى بالحركة الأسلامية
الأب الشرعى لأنقلاب الأنقاذ
والتى تمثل ابنا (غير شرعى ) لجبهة الميثاق , والجبهة القومية , الأخوان المسلمين
كان فرز الكيمان سيكون اكثر دقة وتحديدا لو قدر للدائرة الديمقراطية آنذاك ان تتم دورة كاملة اولى
ولكن حدث ما حدث , ودون تفاصيل مملة
فان المزاج العام حن للديقراطية وقرر بطريقة او بأخرى ان يعود اليها
ولكن طريق العودة للأسف الشديد
اتخذ من اتفاقية السلام بين الحكومة والحركة الشعبية , نبراسا وخطة عمل
كان القبول العام نابعا من نقطتين اثنتين
انهاء الحرب ورفع شعار السلام
والعودة الى جادة الديمقراطية
وكان رضاء الناس الظاهر بهذه الأتفاقية حرصا منهم على هاتين النقطتين المهمتين
فى الحقيقة , وقف الحرب وعودة الديقراطية شعاران جاذبان مشعان كافيان لتناسى مآخذ الأتفاقية الأخرى الكثيرة
اكبر هذه المآخذ , ان مصير السودان تم رهنه (لقلة )
قلة فى الشمال , مع قلة فى الجنوب
والشعوب لا تقودها اقلياتها
فى النهاية كانت القسمة (الضيزى)
عطاء من لا يملك , لمن لا يستحق
قمعت الحكومة المسيرة السلمية وقالت للناس من بالليل , بكرة اجازة
قال ايه , عشان اليوم الأخير للتسجيل
ناس البادى النور , مشوا شغلهم عاااادى
مافى اى زول معتقل
تانى يوم افرجنا عن المعتقلين
والمتحدث ياهو نفس المتحدث
والمنطق واحد
قالوا ناس الحركة الشعبية ما من حقهم يتحدثوا عن الحريات فى الشمال
وهم القامعين الناس فى الجنوب
المقموع فى الشمال
ياهو ذاتو المقموع فى الجنوب
والشعب السودانى , يرقص خارج الحلبة
ونحن نبشر انفسنا
باغتراب
اطول
اطول
اطول
لا نهاية له
ولو قالوا لينا ارجعوا
حا نقول ليهم بالفم المليان
لى شنو
ولى منو
خلونا فى بوستينا الحلو ده
الزقازيق
عالم جميل
Post: #1335
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 11:20 AM
Parent: #1334

يا منصور الكلام حارقني لكن ما داير أرد ليك
أنا عايش في حب زقازيقي خالص يبدأ و لا ينتهي... و الآن أنا ببكة المباركة
أمي وبنت عمي سألوني
كيف لكم أن تتواصلو عبر ما يقارب الـ21 عاماً و كأن فراقكم لم يتجاوزالعام؟
قلت ألم تؤمنن؟؟؟ قلن بلى و لكن لتطمئن قلوبنا...
فإذا بموسى عيسى يؤذن في الناس بأن في البلدة الحاج الفقير إلى الله شخصي فماذا أنتم فاعلون
عفاف، سامي عبدالوهاب، منصور، حامد آدم ساغة، أحمد إسماعيل، ياسر عبد الرحمن،
محي الدين علي يوسف، محمد المبارك، عصام جلي، حلمي أحمد رقم الله، علاء الدين عبد السلام،
عصام دهب، عبد القادر بابكر...و آخريين
هاتفي يرن يومياً من هؤلاء الناس و من عبدالرحمن الشقيق الأكبر لموسى عيسى
و من موسى عيسى نفسه خمس مرات في اليوم...
تذكير بالمناسك و إخطار بما يتناوله البوست و سلام للأسرة الكريمة...
و أنا بين أسرتي في صباحي و في مساي يتعجبون ديل لميتهم من وين...
فقلت أحمد لكم أنكم بعثتوني إلى حيث كانوا...
أمي و بنت عمي قلن نحب أن نحشر مع من نحب وهو رسولنا الكريم... تحت تحت وهؤلاء الناس
Post: #1336
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 11:54 AM
Parent: #1335

حب زقازيقي خالص يبدأ و لا ينتهي... بجدة
حمداً لله بالسلامة وحج مبرور وذنب مغفور....
الكلام دا من إمبراطورية الميم
البداية كانت من منذر ثم محسنة و مشكاة و بعدها الأخت منى يونس و شقيقتها...
الوالدة تقول كتر خيركم في القبل الأربعة أدوني السرير و أقعدو فراجة...
النوم يا جماعة و لا اللوم ما عايزة عشاء حقي أدوهو لي محمد ولدي...
• أقول ليها يمه في زول لازم تقابليهو قبل النوم...
• ما ينفع يا محمد أقابلو الصباح؟؟
• ما ممكن لأنو مسافر الساعة الخامسة صباحاً
• ميسرة يا ولدي قول ليهو الحاجة عافية منك دنيا و آخرة و ربنا يوصلك لديارك بالسلامة
و ما تاخد في خاطرك عشان ما قابلتك
لكن لو ساهرت حتى مجيئه الساعة تلاتة صباحاً معناها صلاة الصبح فاتتني
• خلاص نومي بعدين بتورك...
• قبلانة
أمي لو كانت تدري أن ذلك الشخص هو الفتى الأبنوسي...
و سند كل من نجاة حوفي و زينب التجاني ما كانت نامت و قتها...
لكن نسوي شنو قسمتها كدا!!!
فهي تحب أن تحشر مع من تحب وهو رسولنا الكريم
و تحب أن تحشر مع منصور أيضاً حتى و لو لم تقابله فيكفي أنها سمعت به...
Post: #1337
Title: Re: ناس الزقازيق ... أجدع ناس ( 3 )
Author: البادي النور
Date: 12-08-2009, 12:19 PM
Parent: #1336

الحاج محمد آدم النور المشهور بجلا ...
حج مبرور وذنب مغفور وحب زقازيقي موفور ...
Post: #1338
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 01:06 PM
Parent: #1337

Quote: حج مبرور وذنب مغفور وحب زقازيقي موفور ...

تعرف يا بادي سيكون حب زقازيقيو الداخل و الخارج سيان
فلا تذهب بعيد حتى لا يفوتك الحب الزقازيقي الخالص و الذي يبدأ و لا ينتهي... بجدة داخل البيت الوسيع
من أركان الحج الوقوف بعرفة ....
سمع والدي أننا ذاهبون إلى جدة للتسوق في باب شريف...
فقال ممازحاً أن الوقوف بباب شريف ميقات مكاني للحجاج السودانيين...
الوالد نكهة رحلتي من و إلى السودان...
أيضاً يتعجب الوالد من الإكسسوارات الموجودة في بيت منى يونس...
ثعالب، نمور، أسماك زينة، جريوات، و يهبش و يسأل منى و ميسرة الحاجات دي جبتوها من وين؟؟
و لأنه حارب في جنوب السودان فكأنه يظن أن ميسرة له علاقة بالجنوب...
في غيابي لم أدري ماذا كان يقول للأخت منى يونس؟؟؟
لكنه كان يتشهى من الطعام ما يروق له....
فإذا بالمائدة مليئة دون عناء بسمكها وفراخها و مراعيها و بكل ما تشتهي الأنفس...
فيقول حامداً شاكراً ...أدام الله عليهم النعم وغفر لهم خطاياهم الله آمين...
ثم يقول أحب أن أحشر مع من أحب وهو رسولنا الكريم
و أحب أن يصاحبني ميسرة و أسرته
Post: #1339
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-08-2009, 01:15 PM
Parent: #1338

حب زقازيقي خالص يبدأ و لا ينتهي... بجدة
يا جماعة نحن معزومين الليلة في الثاوث مول
فتقول بنت عمي إذهب أنت و ميسرة استمتعا نحن هاهنا قاعدون...
فقلت لشقيقي خالد - إبن أبي و أمي - أن أبي شيخ كبير فعليك بمرافقته فانتظرني حتى أعود...
سأغيب ليس أربعين ليلة بل هي أربعة ساعات ليس إلا
حجاج الخارج الأخ هشام، جمال فارح، و شخصي ..
وفي معيتنا ميسرة ليستقبلنا ببشاشة و ترحاب محمد عيد..
ليأتي الذهب الذي لا يصدأ
ثم الجلسة و تناولنا ما تناولنا من كل ما لذ و طاب من حسن الحديث و النقاش
ثم العضة التي هي أطيب و أشهى طعم ...
وقطعها تلفونات تذكر الحاج جمال فارح بالمغادرة إلى السودان
ألا أدلكم على شئ إن فعلتموهو حشرتم مع من تحبون؟؟؟ ...إذهبو إلى الحج العام القادم سراً
Post: #1340
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-08-2009, 02:59 PM
Parent: #1339

توفي بكسلا شقيق الأخت عائشة محمد دين ... للاسف لا أملك لها تلفون للتعزية ... الفقيد الاستاذ حسن محمد دين من معلمي مدينة كسلا المعروفين ومن أعلامها الاجتماعية له الرحمة والمغفرة وللأخت العزيزة عائشة خالص تعازينا وللأسرة الكريمة


فجعت كسلا برحيل ابنها حسن محمد دين ... له الرحمة والمغفرة
Post: #1341
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-08-2009, 04:07 PM
Parent: #1340

أصدق التعازي للأخت الفاضلة عائشة محمد دين في وفاة شقيقها
نسأل الله له الرحمة و المغفرة و أن يسكنه مع الصديقين و الشهداء و الأبرار

و لأسرته الصبر الجميل...
Post: #1342
Title: Re: ناس الزقازيق ... أجدع ناس ( 3 )
Author: سامي جمال
Date: 12-08-2009, 05:07 PM
Parent: #1341

خالص التعازى للاخ صالح عبدالرحمن

ولا حول ولا قوة الا بالله

انا لله وانا اليه راجعون -
حمد لله على السلامة ياعبدالدائم
يابادي الإيميل الظاهر انو طش - طلع الجبل -
زهير يارائع - نحن عاجزين عن شكرك - والبومات الصور سوف تري النور قريباً (ياابوالنور)؛؛؛؛؛
Post: #1343
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-08-2009, 05:26 PM
Parent: #1342

شكراً يا سامي جمال لك تحياتي وأشواقي ... ويا راجل ليك وحشة ... وين صاحبنا الشفيع ...

في منبر ناس الزقازيق هنالك بوست مخصص للعزاء حتي لا يفوتنا الواجب إذا ما دعي الواجب :

بوست عزاء ....
Post: #1344
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-08-2009, 05:40 PM
Parent: #1343

وآخر للأفراح ..............

مبروك علام .... مبروك أحمد سليمان .... بوست تهاني
Post: #1345
Title: Re: ناس الزقازيق ... أجدع ناس ( 3 )
Author: محمد عيد
Date: 12-08-2009, 06:15 PM
Parent: #1344

تسجيل حضور و متابعة

اعتذار لتعذر الظهور بسبب مشاكل تقنية

جلا .. الله لا جاب يوم شكرك ...

ويكون ربنا راض علىّ ان احشر مع الحبيب برفقتك والطيبين

الاجدع ناس
Post: #1346
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-08-2009, 06:42 PM
Parent: #1345

قاعد ومتابع
بس ما مستمتع
زعلان شديد مع منصور
سلموا لى على الجميع
ولا تنسونا من الدعوات
ولا اقول صالح الدعوات
فدعواتكم حتما جميله
يا حجاج
Post: #1347
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-08-2009, 08:33 PM
Parent: #1346

فضيلة الشيخ مولانا محمد آدم النور - جلا -

حمد لله على الوصول وظهور البين وكنا منتظرينكم

تظهروا بعد ما تم إتصالنا بكم ولكن جوالكم مغلق

واليوم إتصل أخونا خالد آدم النور للإطمئنان والسؤال

الغريبة حكي لي بانك قد تعرضت للنشل في المدينة المنورة

وقد سرقت محفظتك وبها فلوس والهوية الشخصية والشريحة السودانية

بس لم تكلمنا بذلك عند ما كنت معنا بجده.
Post: #1348
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-08-2009, 11:33 PM
Parent: #1347

تعازينا للأخ صالح ...
ربنا يرحمه و يحسن اليه و يجعله مع الصديقيين و العليين من أصحاب الجنه ...
و يلهم الصبر ... و الجلد في فقدهم .... و التعازي عبره لكل الأسره الكريمه ..
Post: #1349
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-09-2009, 06:59 AM
Parent: #1348

تعازينا الحارة للزميلة عائشة محمدين
ونسأل الله أن يتغمد شقيقها الأستاذ حسن محمدين برحمته الواسعة
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
واغفر له وكفر سيئاته وابدلها حسنات ..
اللهم اجعل قبره روضة من رياض الجنة ..
اللهم أنزله منازل الصديقين و الشهداء والصالحين

نسأل الله أن يلهم آله وذويه الصبر وحسن العزاء
وإنا لله وإنا إليه راجعون
Post: #1351
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-09-2009, 07:22 AM
Parent: #1349

صباح الخير عليكم عشيرة الجدعان ...

الحاج محمد آدم ....
جيدا جيت ومرحب بيك نقيا كيوم ولدتك أمك
مغفورا لك ومرفوعا دعائك فهنيئا لك
ونسأل الله ان يتقبل منكم الحج وصالح الأعمال
وإنشاء الله تسبعوها ......
سبقونا أهل جدة بالأجور وحازوا شرف صحبتكم البهية
فهم أهل الكرم وأنتم أهل للإكرام والحفاوة ...

مرحب بعودتك وطلتك البهية
وخطواتك الأنيقة على دربنا
درب المحبة والذكريات ........
Post: #1350
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-09-2009, 07:04 AM
Parent: #1348

صباح الخير ،،، يا وجوه الخير ،،،

أصبحنا وأصبح الملك لله

دعاء الصباح ............

اللهم إني أسألك فعل الخيرات

وترك المنكرات ، وحب المساكين

وأن تغفر لي ، وترحمني ،،،،،

وإذا أردت فتنة قوم فتوفني غير مفتون ،،،

وأسـلك حُبك وحُب من يُحبُك ،،

وحب عمل ،، يقربني إلى حُبك،،،،،
Post: #1352
Title: Re: ناس الزقازيق ... أجدع ناس ( 3 )
Author: محمد صديق
Date: 12-09-2009, 07:39 AM
Parent: #1350

سلامات يا ناس

وصباحات التفاؤل

خالص التعازى للاخت عشة محمد دين

وللفقيد الرحمة والمغفرة.
Post: #1354
Title: Re: ناس الزقازيق ... أجدع ناس ( 3 )
Author: ياسر نجيلة
Date: 12-09-2009, 08:07 AM
Parent: #1352

اليوم الأربعاء الموافق 09/12/2009م


590.JPG Hosting at Sudaneseonline.com


وردة وحيدة ... ولون أحمر وهاج ...


حكمة اليوم :
من سعى جنى ... ومن نام رأى الأحلام ...

بيتين شعر لليوم:
العملاق الكاشف :


أنت عارف أنا بحبك وبحلفبك ولا ماك عارف بالمرة
إنت صارف عني مدة وانا خايف تتحدى
طمنى تعال نبدأ التآلف والتعارف والمودة
يا حبيبى من فضلك طاوعنى جاملنى
لا تخالف واحدة مرة
أنا شايف المحاسن الطرائف فى صمتك فى كلامك
فى عيونك فى إبتسامك فى خدودك فى قوامك
انت جالس انت ماشي انت واقف
انت نائم صغير غرير الطرف حالم ماك عارف
انا طرفى جفا المنام آلف الحب والهيام
مع الجمال بالعواطف فى غرامك استمرا
متين أصادف رضاك على وعلى توالف
هواى مناى حياتى حبك المسرة
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
أحس بعظمة وشان كبير أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة حبيبى مرة .


نكتة اليوم:
** الجعلي قادي أصحابه بي الرجالة:‏
حرم ما فينا واحد بخاف من مرتو ، ومافي جعلي بسمع كلام المرة ، ومافي ...‏
وفجاة ناداه الشافع .. امي قالت ليك تعال سريع عشان تحلب الغنماية ، ‏
عمنا تم كلامو واقف وقال ( و ما فينا تب مرة بتحلب ليها غنماية) . . ‏

** قال أبو كعب القاصّ في قصصه إن اسم الذئب الذي أكل يوسف كذا وكذا ...
فقالوا له :فإن يوسف لم يأكله الذئب ...
قال :فهذا اسم الذئب الذي لم يأكل يوسف ...

كاراكاتير اليوم:

589.JPG Hosting at Sudaneseonline.com


لفحي اليوم:
مبروووووووووك كبيرة .... وربنا يتقبل من حجاجنا هذه السنة ...
ونخص منهم :
جمال فراح
محمد آدم النور الشهير بجلا
جلال عثمان الشهير بجلة
موسي عيسي الشهير بـ
هشام محمد على زوج اميمة دفع الله
عمر زوج زينب التجاني

والشكر والتقدير لجدعان الزقازيق على ادوارهم ومجهوداتهم المتواصلة بالاحتفال والاحتفاء ولم شمل الزقازيقاب اينما حلو ...
في جده ونخص منهم الريس ميسرة ومني يونس ومحمد عيد وحرمة ....
و ناس الداخل ... زهير الزناتي وابتهاج والكوتش محمد صديق وخالدة والريس معتصم وحرمه ...

ومبرووووووووووك كبيرة كمان لناس الاحمر الوهاج ..... الكابتن محمد عيد وطارق جبريل وموسي عيسي .... ومن لف لفهم ...

ومليون مبروك والف حمد لله على سلامة تواصل اصدار جريدة أخبار اليوم .... للعزيز طارق جبريل ...

وتحية قلبية خاصة لولدنا الظريف ... أبوبكر حامد الأمين ...

وحمدلله على سلامة بتنا نهلة نجم الدين ... وان شاء الله آخر العمليات ...

وكمان حمد لله على سلامة النضيف ... واجازة سعيدة ...

وتعازينا القلبية الصادقة لولدنا صالح "تبلدينا" لوفاة والده ... وان شاء الله آخر الاحزان ...

وكمان التعازي موصولة للأخت عائشة محمد دين لوفاة شقيقها الاستاذ حسن محمد دين
نسأل الله أن يتغمد موتانا وموتي المسلمين بالرحمة والمغفرة ...

اليوم مافي لفحي ...


خارج النص اليوم:
كان بعض أمراء خراسان يتشاءم بالحول، فمتى رأى أحول ضربه بالسّياط ، وربما ضرب بعضهم خمسائة سوط ، وحدث أنه ركب في بعض الأيام ، فرأى أحول فأمر بضربه ، وكان الأحول جلداً ، فلما فرغ من ضربه ، قال له : أيها الأمير! أصلحك اللّه ، لم ضربتني؟ قال : لأني أتشاءم بالحول. قال : فأينا أشدّ شؤماً على صاحبه ، أنت رأيتني ولم يصبك إلاّ خير ، وأنا رأيتك فضربتني خمسائة سوط ، فأنت إذا أشد شؤماً. فاستحيا منه ولم يضرب بعده أحداً ...

سؤال اليوم :
لماذا يتم فتح بوست خاص بالعزاء والافراح ... منفصل من البوست الرئيسي ... اخاف ان يتجرد البوست الرئيسي من القه ... حسع شوفو قصص رشيد القوم الا تشرك ليها أو "تزازي" ليها بهناك ...........


[email protected]
Post: #1353
Title: Re: ناس الزقازيق ... أجدع ناس ( 3 )
Author: البادي النور
Date: 12-09-2009, 07:50 AM
Parent: #1350

صباح الهناء والسرور ...
أصبحنا وأصبح الملك لله ...
رضينا بالله ربا وبالإسلام دينا وبمحمد صلى الله عليه وسلم نبيا ورسولا ...

تعازينا الحارة لأختنا عائشة في وفاة شقيقها ...
اللهم أرحمه وأغفر له وتقبله قبولا حسن وأسكنه فسيح جناتك يا رب العالمين ...

بتوفيق من الله قمت بواجب العزاء لأخونا صالح مساءا ...
وطبعا الفضل يرجع لأخونا أبوالزوز في وصفه الجميل لموقع البيت ...
والله يا أبوالزوز مشيت على وصفك وما سألت أي زول حتى وصلت منطقة البيت
لكن للأسف كان رفعوا الخيمة وهنا أحتجت أسأل صاحب الدكان فوجدت البيت
بجوار الدكان ذاته ... شكرا عمنا أبوالزوز وربنا يديك العافية ...
أول مرة أمشي لي بيت إبتهاج/الزناتي كان أبوالزوز بيوصف لي وصف كنت أحسبه
غير دقيق لكن لما وصلت البيت لقيت ليك أبوالزوز دا بيوصف وصف غريب حتى
الزمن مع متوسط السرعة بيكون مطابق تماما يعني لو قال ليك بعد عشرة دقائق
حيلاقيك كلب نائم حتما حتلاقي الكلب بيشخر( وممكن يكون بيحلم كمان) وبعد عشرة دقائق ...
طبعا دي موهبة ومهارة يتفرد بها أبوالزوز ... طبعا دا بالإضافة للمهارات والمواهب
الأخرى الكتيرة يا أبوالزوز ربنا يديم عليك نعمه الظاهرة والباطنة ويزيدك من فضله .. آمين
Post: #1355
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-09-2009, 08:25 AM
Parent: #1353

خالص التعازى للاخت عشة محمد دين

وللفقيد الرحمة والمغفرة.

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #1356
Title: Re: ناس الزقازيق ... أجدع ناس ( 3 )
Author: محمد عيد
Date: 12-09-2009, 08:46 AM
Parent: #1355

خالص التعازى لاختنا وزميلتنا الرقيقة / عائشة محمد دين

فى وفة المغفور له شقيقها ...

ونسأل الله للفقيد الرحمة والمغفرة .
Post: #1357
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-09-2009, 08:54 AM
Parent: #1355

شكراً جزيلاً أخي عبدالقادر
يا سيدي ليس هناك سباق بينكم و أهل جدة فالكل عندي سواء ...
وهذا ما يجعلني أقيف وسط البوست دا و أتندر و أقول ديل أهلي
تصور لو ما جيت من زي ديلا وا أسفاي وا مأساتي وا ذلي
الحاجة المتأكد منها هس يجي الرشيد و طارق جبريل
يلقو المقاطع الفوق دي و يقومو يشلخو ليكم الصفحة دي...
أنا أحب أن أحشر مع من أحب و هو رسولنا الكريم و يسعدني أن أحشر مع الرشيد و طارق حبريل
هاتفتني الأخت العزيزة زينب التجاني
تهنئ و تبارك ثم سألت هل بالإمكان أن تجد موطئ قدم هي و الأخ عمر معنا؟؟؟
سأكون زي أخوانا المصريين ...طيب ماهو عندكو الخير كلو...بتفتشو في الزيادة ليه؟؟
لكن أقول ليك ما بيناتنا...علماً أن المكان يسع الجميع ما زي الأمجاد محدودة السعة
فأنا أحب أن أحشر مع من أحب و هو رسولنا الكريم
و أحب أن أكون بصحبة عبدالقادر بابكر و عمر و زينب التجاني...اللهم آمين
Post: #1358
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-09-2009, 09:07 AM
Parent: #1357

Quote: حسع شوفو قصص رشيد القوم الا تشرك ليها أو "تزازي" ليها بهناك ..........

الأخ ياسر نجيلة
كل عام و أنت و الأسرة بألف خير
أي حاجة ما زازيت ليها ما بتكون حلوة
نصيحة ليك ...لو عايز تنداح مع القصص بتاعت الرشيد و محمد صديق ؟؟؟
أمشي كب الرندوك دا بي غادي
في ناس ما عندهم غرض في القصص و الشعر ..لكن عندهم غرض في الحكم القاعد تكتبها
أظنك تحب أن تحشر مع من تحب و كمان بصحبة الرشيد و محمد صديق
Post: #1359
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 09:32 AM
Parent: #1358

التعازى الحارة لزميلتنا عائشة محمد دين فى وفاة شقيقها
الأستاذ حسن محمد دين
هذه من اشراقات مثل هذا البوست التواصلى
ان تتمكن من انك تقول للزميلة عائشة محمد دين
البركة فيكم فى اخوك المرحوم
وانت لم تشاهدها او تلتقيها
منذ نيف وعشرين سنة
شكرا يا زهير
Post: #1361
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-09-2009, 09:43 AM
Parent: #1359

فاتنا بكل أسف أن نهنئ حجاج هذا العام من الجدعان

ربنا يتقبل منهم

ونخص

جلال عثمان
محمد آدم النور
موسى عيسى
جمال فارح
هشام
وإذا فاتني أن أذكر أحد فله مني المعذرة لأنو الواحد كان بعيد من البوست وما متابع
Post: #1362
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 09:45 AM
Parent: #1359

عودة ياسر نجيلة الى البوست
هى عودة القمرة
لى وطن القمارى
وزعل الريس معتصم جعفر معاى
خفف من زعلى
وشال منو شوية
واحرص يا صديقى قارىء البوست
على نسختك
من تذاكر المحبة والود
التى يوزعها الحاج جلا
على الباب
ولو انت حريف
نسختك ممكن تاخدها من الشباك
ولو كمان حافظها ومجضم الكفر
ممكن بالتلفون
حقى وصلنى يا حاج
ودعوات الوالد والوالدة
حتى ولولم اوفق فى السلام عليهما فى انصاص الليالى تلك
فقد وصلتنى تب
وسعدت ايما سعادة اذ ما نادانى منادى التذاكر
وادانى نسختى
سلم لى عليهم , بلغ اشتياقى
الممزوج بى طمعى فيهم
وهنا اطلق منصور (الكل )
واراد الدعوات الصادقات
ان شاء الله تسبعها يا حاج
فى رفقة الوالدين
ما اسعدك
Post: #1360
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-09-2009, 09:39 AM
Parent: #1358

Quote: ومبرووووووووووك كبيرة كمان لناس الاحمر الوهاج ..... الكابتن محمد عيد وطارق جبريل وموسي عيسي .... ومن لف لفهم ...


حمد لله على السلامة الشاعر الحبيب

ياسر ود نجيله مشتاقين،،، كل سنة وأنت طيب

طولتم الغياب ،،،كنا نتمنى حضوركم في العيد

إنت الأحمر الوهاج ده شال الكاس ولا شنو ،،،،

الروح الرياضية دي بخلان بيها علشان ماتقول للموج الأزرق كمان

مبروك الكاس ،،، حتى لو كان كاس ورق داقنو في أبو روف.

بقيتوا زي حكومتنا دي تنادي بالديمقراطية بس لمن الناس

قالت عايزة مظاهرة سلمية - مظاهرة محدده وتعبانه- الممارسة

الديمقراطية حارة ما كل الناس تقدر تتحمله ،،،،،،،،، دقوهم

وكسروهم وبالبمبان جهجهوهم ده كله علشان تآمنوا ديمقراطية في

عينكم ،،،

محمد أحمد ده يودي راسوا ده وين في الجنوب زينوا ليهو

رويسه وفي الشمال مشطوه ونتفوه ،،،

سجمك يا محمد أحمد كان عايز تستجم،،،،،،

البركة في ممارسة الديمقراطية الإسفيرية ونتحاكى

ونتشالق مع حبايبنا الحلوين ديل ,,,

نجيلة ما تحرمنا من مداخلاتكم الطويلة الشحمانة دي .
Post: #1363
Title: Re: ناس الزقازيق ... أجدع ناس ( 3 )
Author: طارق جبريل
Date: 12-09-2009, 09:51 AM
Parent: #1360

التعازى الحارة لزميلتنا عائشة محمد دين فى وفاة شقيقها









يا احبابنا والله مدعوك شغل لامن ما قادر احك صلعتي الاسطايل
Post: #1365
Title: Re: ناس الزقازيق ... أجدع ناس ( 3 )
Author: محمد صديق
Date: 12-09-2009, 10:10 AM
Parent: #1363

سلامات يا ناس

Quote:




توفي بكسلا شقيق الأخت عائشة محمد دين ... للاسف لا أملك لها تلفون للتعزية ... الفقيد الاستاذ حسن محمد دين من معلمي مدينة كسلا المعروفين ومن أعلامها الاجتماعية له الرحمة والمغفرة وللأخت العزيزة عائشة خالص تعازينا وللأسرة الكريمة


للاستاذ المرحوم حسن الرحمة والمغفرة ولاله حسن العزاء

وبعد التقصى فالمرحوم ليس شقيق عشة محمد دين وانما هو

تطابق اسماء حسب افادة الاخ مصطفى محمد الحسن من كسلا.
Post: #1364
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 10:03 AM
Parent: #1360

السودان الأصلى
بتاع زمان
كان موجودا فى حوش الحاج المرحوم
سيد احمد ابراهيم
هناك فى كوستى
هذا ما يدور بذهنى الآن
وانا اتذكر واتفاعل مع حكاوى حاجة محسنة
والدة الحبيب ميسرة
انا شخصيا خفت على العدة
مع العلم انى معنديش تليفون
ولكن العدة كانت كانون الشية الليلة الجمر
التى استلمتها لشلاقتى عند طرف البحر الأحمر
فى الشاطى
عندما ساهر بنا الحبان
نشوى اللحم والدجاج
وما درينا وما علمنا اننا لسنا بحاجة الى جمر ولهيب
لسنا بحاجة الى مساعدات اشتعال ومحفزات حريق
لاننى وانا استمع الى حكاوى حاجة محسنة
تلك البسيطة المعبرة المليانة بالدروس
المتروسة بقيم الحياة النبيلة
كانت الحكاوى
وكان الكلام
وكانت الونسة
حارة , تريانة , ملهلبة , تشتعل صدقا
ويتطاير لهب معانيها المكتنزة
فتخرج من القلب
لتصل
الى القلب
غراء فرعاء مصقول عوارضها
تمشى الهوينى
كما يمشى الوحى الوجل
وكأن مشيتها من بيت جارتها
مر السحاب
لا ريث ---- ولا عجل
Post: #1366
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 10:12 AM
Parent: #1364

ولكن تلك الحكاوى الطاعمات
وكأن منى يونس وعزة , ابو النور وميسرة
حمودى ومنذر ومحسنة الصغيرة ومشكاة (التى فيها مصباح ليس فى زجاجة )
كأنى بهم جميعا
خلطوا بهارات الشية , بفلفلها وملحها وشطتها وكمونها وليمونها
وكافة اخرى توابلها الطاعمات
فوضعوها على حكايات حاجة محسنة الكبيرة
فتعدى طعمها الشيات
ووصل الى الحكايات
فاختلط علينا الأمر
ايهم الشية ؟؟وايهم الحكاية
ايهم يأخذ طريقه الى القلب
وايهم يدلف سريعا الى المعدة
خيل الى للحظة
ان دروب الشرايين
ومسالك الأوردة
(هى والنسيم فى معايدة , تحكى الروائع وجوهرها )
ختام الأمر وملخصه
لا تستغربن
اذا ما انتهت الحكاوى
الى المعدة
واخطأت الشيات طريقها
الى القلب
فقد اخبرتنا الشرايين
وقالت لنا الأوردة
انهما كفيلان بحل المعضلة
واعادة توزيع الأدوار
وقد كان
Post: #1367
Title: Re: ناس الزقازيق ... أجدع ناس ( 3 )
Author: محمد صديق
Date: 12-09-2009, 10:16 AM
Parent: #1364

Quote: Quote:




توفي بكسلا شقيق الأخت عائشة محمد دين ... للاسف لا أملك لها تلفون للتعزية ... الفقيد الاستاذ حسن محمد دين من معلمي مدينة كسلا المعروفين ومن أعلامها الاجتماعية له الرحمة والمغفرة وللأخت العزيزة عائشة خالص تعازينا وللأسرة الكريمة




للاستاذ المرحوم حسن الرحمة والمغفرة ولاله حسن العزاء

وبعد التقصى فالمرحوم ليس شقيق عشة محمد دين وانما هو

تطابق اسماء حسب افادة الاخ مصطفى محمد الحسن من كسلا.
رجاء و
Post: #1368
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 10:29 AM
Parent: #1367

الف رحمة ونور تنزل على قبر
المرحوم الأستاذ حسن محمد دين
سواء كان شقيق زميلتنا عائشة
او لم يكن
وللأخ زهير الزناتى اجر النقل
(واجتهاد الخطأ لتشابه الأسماء وتطابقها )
على الأقل اتذكرناها
اسم مثل محمد دين
لا يتكرر كثيرا
تعازينا فى كل الأحوال
Post: #1369
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 10:46 AM
Parent: #1368


طارق جبريل
قرب على شوية
عارفك مشغول لى شوشتك مع الأصدارة الجديدة
والغربال الجديد دائما ليهو شدة
قالت لى الحاجة محسنة والدة الحبيب ميسرة
كنا فى الحوش داك
اربعة نساوين
لى راجل واحد
غير الطلعوا من الحبل
(تقصد نساء الحاج سيد احمد اللائى تطلقن ولم يبقين على عصمته)
فى الحوش داك
تروى حاجة محسنة
اتعلمنا حاجات كتييييرة
غير الكنا بنعرفها من حيشان ابهاتنا وامهاتنا
كل واحدة فينا تطبخ يوم
وتلاتة يوم اجازة
والبيت كلووو
ياكل عندها يومها داك
لا فارزين ده ولد منو
ولا دى بت ياتا فينا
صينية للنسوان والبنات
صينية للوليدات
وصينية حاج سيد احمد براااااها
ابو الزفت
الا لو معاهو ضيف
الواحدة فينا تقوم على الحمام
تحمى شفع البيت كلهم
تقوم على الغسيل
تغسل هدوم البيت كلها
تقوم على النظافة والكنيس
تقش وتمسح وتنظف البيت كلو
والله قال بى قولها
البتجيب ليها كباية ولا طقم عدة جديد
وتختوا فى مطبخها براها
بدون ما تجيب لى اخواتها معاها
السلوك ده من المحرمات
اخدوا نفسكم , واتقهوا
ارفعوا حواجبكم , نزلوها
كملوا علامات الأستغراب
فالحكاية لم تنتهى
Post: #1370
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-09-2009, 11:11 AM
Parent: #1369


من ما دخلت حوش حاج سيد احمد الله يرحمه
لى يوم الليلة دى
لا انا ولا اى واحدة من اخواتى نساوين الحاج
قالت حاجة محسنة واستطردت
ماحصل قالت ده ولدى , او دى بتى
ده ولد فلانة , او دى بت فلانة
كلهم عيال سيد احمد ابراهيم
مافى اى واحدة من بنياتى
ولا اى واحد من اولادى
كان من بطنى
ولا من بطن واحدة من اخواتى
شعر بانو هو ولد فلانة
ولا هى بت علانة
حتى ناس ميسرة ديل لمن كبروا
قالوا لى
يا امى هسى انت متأكدة انك امنا ؟؟
قالتها بجدية وصرامة
بينما اعتبرتها انا نكتة ومبالغة
لكن ميسرة اكد لى الواقعة واضاف
حتى بعد ما اخوانى كلهم كبروا وكملوا قرايتهم وبقوا رجال
اى واحد فيهم
طالما هو لسه قاعد فى حوش الوالد
ما بيقدر يجيب حاجة لى امه
ويخلى الباقين
لو جا عيد والواحد عايز يجدد الموكيت
يجدد موكيت البيت كله
ولو عايز يجيب توب لى امه
يجيبوا وعاهوا تلاتة ثياب تانيات
دى كانت عيشتنا يا ولدى
لكن ما عارفة نساوين الزمن ده
غيارات غيرة
وهى تقصد غيورات
امانى ومنى يونس وعزة اخت منى
كن يسمعن هذه الحكايات الطاعمات
فيسمعن ويتمعن مرة
ويدقوا الطناش ويعملوا ما سامعات مرات
انا عجتنى المضامين
ادهشتنى الروح
نكران ذات وذوبان اجتماعى للفرد
وتقمص اخاذ لروح الأسرة والجماعة
ولكن
لبنات الشيوخ
راى تانى
مش كده يا ابتهاج ؟؟
ولا رايك شنو يا منى يونس
وكلامك كيف يا زينب التيجانى
وانتى سامعانى يا اخلاص محمد احمد
وما تعملى ما سامعة يا نجاة حوفى
ونسمع رايكم يا حنان مجمر
وعفاف على
وكل بنات الشيوخ
ان مباشرة
او من وراء حجاب ؟؟!!
Post: #1371
Title: Re: ناس الزقازيق ... أجدع ناس ( 3 )
Author: محمد صديق
Date: 12-09-2009, 11:42 AM
Parent: #1370

سلامات يا ناس

Quote: الف رحمة ونور تنزل على قبر
المرحوم الأستاذ حسن محمد دين
سواء كان شقيق زميلتنا عائشة
او لم يكن
وللأخ زهير الزناتى اجر النقل
(واجتهاد الخطأ لتشابه الأسماء وتطابقها )
على الأقل اتذكرناها
اسم مثل محمد دين
لا يتكرر كثيرا
تعازينا فى كل الأحوال


يا منص ازيك...

معليش يا خى انا عترت ليك فى السكة

وخشيت ليك فى النص وانت متجلى ومأخوذ

بحكايا حاجة محسنة..

تعرف مداخلتك دى ذكرتنى ..زول ماشى

فى اتجاه معين يجى ولد لديح كده يقيف

قدامو ..يقوم الزول بلزو من كتفو كده ويقول

ليه زح يا ود كده من الشارع.

انا اتصلت بكسلا عشان اوفر تلفون عشة للناس

ولذلك اتضح الخلط الحصل .

لك الود..والشارع فااااااااااضى
Post: #1372
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-09-2009, 12:15 PM
Parent: #1371

شكراً جورج
طالما الشارع فاضي
أخش أنا...ذكر منصور في مداخلته الآتي
Quote: امانى ومنى يونس وعزة اخت منى
كن يسمعن هذه الحكايات الطاعمات
فيسمعن ويتمعن مرة
ويدقوا الطناش ويعملوا ما سامعات مرات
انا عجتنى المضامين
ادهشتنى الروح
نكران ذات وذوبان اجتماعى للفرد
وتقمص اخاذ لروح الأسرة والجماعة
ولكن..

أقول لمنصور طالما كتبت لكن فعني أقول
يحق لهن دق الطناش من حكايات سمعوها أكثر من 514 مرة
بالرغم من أن الحاجة كلامها طاعم في أي حاجة ما عدا الونسة دي
لكني تخيلت نفسي بينكم و أنت تقهقه من الوخزات و الطعنات من النيران الصديقة للأخت منى يونس...
بالرغم من أن أي فاول يحسب لصالح الحاجة حتى لو الفاول عكسها و كأنها هيثم مصطفى...
هنا يجعلني أقف ضدكم زي محمد عيد رافع راية حمراء مزينة بالأصفر تسر الناظرين...
فمضامين الونسة بتاعت الحاجة و الروح السائدة بين لعيبة الأمس ممثلة في الحاجة
تحكمها الظروف الممتازة و المهيئة لتكوين دولة ناهيك عن أسرة كبيرة
و بالتالي فهي غير الروح السائدة بين اللعيبة اليوم الممثلة في الأخوات المذكورات في مداخلتك
و التي تحكمها ظروف لو سمعت عنها لملئت منها رعباً و وليت منها فراراً
فهن ممسكن بنار القضية (كلمو يا منو؟؟؟)
فمثلاً قرأت لك مداخلة سابقة تحلم بالعودة إلى الوطن الحبيب
ولكن في الظروف الآنية أظنك صحيت من النوم وقلت بلاش حلم...
يعني مكوثك في بلاد الغربة سيطول
و الرصاصة أماني لا تزال في جيبك ما حييت...
وقس على ذلك كل الطيور الماركت لغاية هس
أما ناس أبشنب و الذين يناضلو بوطن الحرية
يحتاجون لحمل عبء واحد لا أكثر
فمسموح به حمل حقيبة واحدة
و بين ظهرانيه طموح جيل كامل ممثل في ميار و أخوانها
فتعليمهم الحرية
يحتاج إلى كثير عناء و جهد من المذكور صاحب المبادئ دون اي استعلاء ذكوري
فهو مع أي تعدد بس في هذه فهو يتنازل طوعاً...عايزين تعرفو رأيو؟؟؟
شدو ليهو سلك برا البوست دا
الكلام دا نيابة عن بنات الشيخ و أصالة عن بنات الشيخ برضو
هس أن جبت سيرة إسمي
Post: #1373
Title: Re: ناس الزقازيق ... أجدع ناس ( 3 )
Author: إخلاص محمد أحمد
Date: 12-09-2009, 12:55 PM
Parent: #1372

اللهم ارحم والد الاخ صالح تبلدينا واسكنه فسيح جناتك مع الصديقين واشهداء ونعم إولئك رفيقا. واللهم ألهم أهله الصبر والسلوان
وجعلها اللة اخر احزانكم يارب
Post: #1374
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 12-09-2009, 01:47 PM
Parent: #1373

خالص التعازي للاخ صالح
غفر الله لوالده واسنكنه فسيح جناته مع الصديقين والشهداء وحسن أولئك رفيقا
والهمهم الصبر والسلوان
وإنا لله وإنا إليه راجعون
Post: #1375
Title: Re: ناس الزقازيق ... أجدع ناس ( 3 )
Author: محمد صديق
Date: 12-09-2009, 06:59 PM
Parent: #1374

سلامات يا ناس

ياسر نجيلة حمدآ لله على عودتك الجميلة

ومرحب مدثر....بعد الغياب

وسامى ....انا والاشواق

وجلال....يا راحلين الى منى بغيابي

وجلا ....قالوا الحجيج قطع

ودهب ...لكن غيابك طال

وجبريل ....عودآ حميدآ مستطاب

والنضيف...[ بركة الجيت ...بركة الجيت ]
Post: #1376
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-09-2009, 09:13 PM
Parent: #1375

اليوم انشغلت عن البوست بالتداخل و لكني كنت متواجد أحيانا...
مستمتعا باندياح منصور الفلسفي و صوفية حاج محمد آدم النور في حضرة الحاجة محسنة..و الدة الريس ميسرة...التي حكت لنا عن يتوبيا كنا نظنها خيالا لولا شهادة ميسرة نفسة..فأحببتها و كأني كنت مع منصور و جلا في جدة و جرت الشية في مجرى دمي أيضا و تلذذت بالخلطة السرية لأبناء ميسرة...

يسعدني أن أجلس في مقاعد المتفرجين و انتظر حتى لما بعد اسدال الستار...فربما يكون هنالك عرض ثاني...فمثل تلك تلك المشاهد تزداد حبا لها كلما زادت مرات المشاهدة...
Post: #1377
Title: Re: ناس الزقازيق ... أجدع ناس ( 3 )
Author: مني يونس
Date: 12-09-2009, 10:11 PM
Parent: #1376

Quote: أقول لمنصور طالما كتبت لكن فعني أقول
يحق لهن دق الطناش من حكايات سمعوها أكثر من 514 مرة
بالرغم من أن الحاجة كلامها طاعم في أي حاجة ما عدا الونسة دي
لكني تخيلت نفسي بينكم و أنت تقهقه من الوخزات و الطعنات من
النيران الصديقة للأخت منى يونس...


الحكاوي التي يحكي عنها منصور عن الحاجة محسنة أنا لم
أسمعها 514 مرة أنا عشت الحكاوي صوت وصورة وأنا لي سنين
داخل هذا الكم الكبير من ثقافة غريبة علي كوني من بيئة
مختلفة خالص وهناك حقائق ورواياة أكبر وأكثر غرابة من
ما لم يحكيه منصور حتى الآن.
بس ناس زمان لهم مفاهيم مختلفة عننا وأنا شخصياً قد لا أقبل
كثير من الأشياء السابقة ولكن أشيد بيهم لكون إحترامهم لقناعاتهم
وإيمانهم بها والتفاعل معها بشكل كبير ومخلص جداً جداً جداً

من بعض مداعبات ميسرة معي أمام الوالدة الحاجة محسنة هذه السيده العجيبة
التي لم أتوقع ما أعايشه أنادي يا ميسرة يقوم يرد علي إنتي بتقولي لي ميسرة
ساكت كده ترد الحاجة محسنة والله يا بتي أنا عمري ما قلت يا سيدأحمد ما بقدر أقوله
نكون جالسين لتناول وجبه ولأن ميسرة عارف عادات وطبائع والدته بنات الزمن ديل ياكلوا
ساكت قدام رجالٌن ترد الحاجة والله أنحنا ما كنا بناكل مع أبوهم نهائياً،
أنا لو ما كنت عايشه بينهم كنت مش مصدقة لأن بيئتي مختلفة خالص ، أدهشتني هذه العادات
القديمة والتقاليد العجيبه التي لم أستوعبها في البداية ولم أفهمها وصعب علي التعود عليها
وجاريه في دمهم ما بتاكل قدام راجل بنتها ولا بتشرب شاي ولا حتى مويه قدامه ،، ما فاهمة
الكلام ده سببه شنو ولكن لو كنا زائرين لواحدة من أخوات ميسرة أو مسافرين المدينة بإعتبار
إنها منطقة بعيده لازم ناكل أو نشرب في الطريق هي تصوم وترفض تأكل إذا تواجد واحد من أزواج
بناتها والمشكلة هم كتار جداً ،، وقبل زواجي كان ميسرة يداعبني دائماً أنحنا كتار وبنافس الملك
عبدالعزيز ولم أفهم حتى عشت الواقع الحالي.
بس عارف يا محمد آدم تعلمت من الإنسانة الرائعة دي أشياء كثيرة وكمان علمتني الطبيخ
السوداني وبالمناسبة هي طباخة ماهرة ومشهود ليها عند كل أهلهم ومعارفهم القاصي والداني
علمتني كل شئ على أصوله بكل حب وإخلاص حتى إحسست إنها أمي وبل بعد وفاة أمي لا أناديها سوى
أمي ،، أنا كنت بقول ماما لأمي الله يرحمها واليوم بقول ليها أُمي ،،، غرست فيني طيبهتم القديمة
وحب الضيف والضيوف مهما كانو كتار والله لو منصور ده حكى ليكم بطريقته الجميلة لسمعتم العجب العجاب
كلمه أخيرة ومهمة جداً ورداً على كلام منصور الناس القدام-الجيل القديم- ديل عاجبني شديد وغيروا حتى فهمي ونظرتي للدنياولربما ما أقدر أقدم ما قدموه أو أساير خطهم لأن الغيرة الموجوده في دواخلنا نحن
حالياً عاليه جداً وحساسه جداً وما بنقدر نتقبل ما تقبلوه هم .

أها يا منصور أنا قاعدة مع الرشيد أخوي ده علشان أشوف صورتنا لزول حلو بيفهم كيف يحكي ويكون لينا
الطيب صالح الزقازيقي.

منصور ده لو نام ننتظرة لحدي بكرة وزي ما قال محمد صديق الشارع فاضي.
Post: #1378
Title: Re: ناس الزقازيق ... أجدع ناس ( 3 )
Author: سيف النصر محي الدين محمد أحمد
Date: 12-09-2009, 11:36 PM
Parent: #1377

الاخوة الكرام مساء الفل
اسعدنا الحظ بمقابلة اخونا و برلومنا محمد عبد العاطي الذي اكمل مناسك الحج هذا العام و من ثم حضر الى جدة لاتمام الركن الخامس LOL

PICT0211.JPG Hosting at Sudaneseonline.com
Post: #1379
Title: Re: ناس الزقازيق ... أجدع ناس ( 3 )
Author: سيف النصر محي الدين محمد أحمد
Date: 12-09-2009, 11:38 PM
Parent: #1378

PICT0213.JPG Hosting at Sudaneseonline.com


عبد العاطي و عرفة
Post: #1380
Title: Re: ناس الزقازيق ... أجدع ناس ( 3 )
Author: سيف النصر محي الدين محمد أحمد
Date: 12-09-2009, 11:42 PM
Parent: #1379

PICT0212.JPG Hosting at Sudaneseonline.com


حاج محمد عبد العاطي و حاج سيف النصر ...هيييييه يلا حسن الختام .
Post: #1381
Title: Re: ناس الزقازيق ... أجدع ناس ( 3 )
Author: البادي النور
Date: 12-10-2009, 07:27 AM
Parent: #1380

صباح الهناء والسرور ...
أصبحنا وأصبح الملك لله ...
الحاج سيف النصر والحاج محمد عبدالعاطي تقبل الله وحج مبرور وذنب مغفور إنشاء الله ...

منصور الله ينصرك دنيا وآخرة ... يا أخي كلامك عجيب وحكاويك ما في أحلى منها ...

الغالية منى يونس ... هنيئا لك ما نهلت من الثقافة السودانية القديمة المعتقة ...
لكن إنت أصلك طيب عشان كدا إستفتي من تلاقح الثقافات وإنعكس ذلك في ممارساتك الحياتية
اليومية وذلك واضح من حكاوي منصور الجميلة ...
أذكر لما كنا في الزقازيق وبعد سفر أخونا ميسرة كنت أتقابل مع منى يونس كثيرا من خلال
زياراتي المتكررة لبيت الطالبات فكانت منى يونس تحب وتعز جدا أولاد تجارة برا لميسرة
وكانت تقول لي أنها سوف تدفع إشتراكات لأسرة تجارة بس عشان ميسرة كان في تجارة ...
دا دليل واضح للأصالة والوفاء لأهل الوفاء والتقدير والإحترام لشخص ميسرة الكريم...
Post: #1382
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-10-2009, 08:00 AM
Parent: #1381

Quote: وكانت تقول لي أنها سوف تدفع إشتراكات لأسرة تجارة بس عشان ميسرة كان في تجارة ...
دا دليل واضح للأصالة والوفاء لأهل الوفاء والتقدير والإحترام لشخص ميسرة الكريم...

السلام عليكم أيها القوم
عليكم الله يا ناس الدنيا سقط و برد شديد
التلج ما تكسروهو كتير
نحن ماسكانا سقطة لينا أسبوع
بدل تجيبو لينا البرد دفونا بي أي حرارة
إنشاءالله حرارة خط الإستواء
Post: #1383
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-10-2009, 08:57 AM
Parent: #1382

تحيات صباحية ندية للكل
والله العظيم لا كسير تلج ولا حاجة
فعلا الدنيا باااااردة
ولكن لاحظوا معى كميات الحرارة
بعض التفاعلات
يحتاج لحرارة
وبعضها ينتج حرارة
وبعضها يحتاج حرارة وينتجها فى آن
حكاوى الحاجة محسنة , انا سمعت ما يقاربها فى المعنى
ويماثلها فى المضمون كثيرا
ولكنى كنت اسمع فقط
واقوم بدور المشاهد لحكاية او فيلم ما
تفاعل لحظى كان ينتابنى
ولكنه ينتهى بمجرد اسدال الستارة على المشهد
لماذا اختلف الأمر عندى هذه المرة يا ترى ؟؟
اسباب عديدة , ظروف مختلفة , وتفاعلات متباينة
اولها واقواها وامضاها
اننى كنت اسمع الفكرة , من صاحبها الذى يتبناها ويدافع عنها
لا منى يونس ولا امانى ولا معظم بنات الشيوخ اخواتنا وزميلاتنا
ولا حتى يمكن انا وانت يا جلا ورشيد والبادى النور وسيف النصر وعرفة وعبد العاطى (مبروك الحجة)
قادرين على التواؤم مع هكذا فكرة
او حتى ممكن كمان نصل لى درجة استكارها بمقاييس اختلفت
وحضارات سادت , او حتى لم تسد
بادت , او حتى ماتزال قائمة
ولكن تأملوا المضامين
وقولوا لى بعد ذلك ما اعتراكم من مشاعر
وما خطر على بالكم من احساس
للحكاوى والأحاذيث الشجية بقية
ابقوا قراب
وابقوا (رقاق)
عشان المكان يشيل
قال هذا ونظر الى (كرشة الرشيد التى ليس مثيل لها الا كرشة منصور )
اما الكملانين من لحم الدنيا
فان الحج السرى
يسوى اكثر
Post: #1384
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-10-2009, 09:18 AM
Parent: #1383

الحاجة محسنة حفظها الله وابقاها لأسرتها واولادها
والحاج سيد احمد ابراهيم رحمه الله وانزل على قبره شآبيب الرحمة والغفران
مثالان لمؤسسة الزوجية , زمان
مثالان لقيم الأسرة ومضامين التربية , برضو زمان
من جهة الحاجة محسنة , فانها (حفظها الله )
متجردة الى حد عجيب
تجرد اقرب الى الزهد
اقرب الى تقديس الزوج وجعله فى مرتبة عالية لا يرقاها ويصل اليها بشر سواه
كيف وصلت الى هذا التجرد
هل يصل نكران الذات الى هذه المستويات
سؤال افتراضى آخر ومفاجىء لتقريب المعنى
وشحذ همم التفكير والتأمل
هل يصلح كل زوج (او بالأحرى هل يستطيع)
ان يصل الى مرتبة تقديسه ورفعه الى تلك المقامات العالية
لا شك ان الحاجة محسنة
تشربت من منابع تربوية وبئية مختلفة
مختلفة عن شنو
مش بس عن مفاهيم وقيم الزمن بتاعنا ده
دى مختلفة حتى عن مفاهيم وقيم الزمن داك
الكانوا هم ابطاله ولا عبيه الأساسيين
مثلا
التعدد فى الزواج اساسا هى مشكلة شائكة
كان فى الزمن ده ولا داك
حتى ولو حصل
فان الحكمة السائدة بتقول
على الأقل كل واحدة من الزوجات فى بيتها
مملكتها المستقلة
ولكن , لا الحاج سيد احمد الله يرحمه
ولا الحاجة محسنة حفظها الله وابقاها
من مؤيدى هذه النظرية السائدة
عارفين ليه ؟؟
لمزايا شخصية تتوفر فيهما دون سواهما
وعدم توفر مثل هذه المزايا فى هذا الزمن
لا يعتبر عيبا , كما انها ليست بمنقصة
ولكن وجودها عند كلاهما (عم سيد احمد الله يرحمه وحاجة محسنة )
هو الغريب , وهو ما ادى لتصويرهما
وجعلهما فى هذا الموقع المتفرد
وانا بقول سيد واخمد ومحسنة
لأنهما بالنسبة الى الحالة العملية التى عرفت
وقد تتبدل الأسماء وتختلف
عندك او عندها
بحسب ما تعرف او تعرفين
اوضح اكثر ؟؟!!
جدا
Post: #1385
Title: Re: ناس الزقازيق ... أجدع ناس ( 3 )
Author: طارق جبريل
Date: 12-10-2009, 09:27 AM
Parent: #1384

سلام يا ناس
يا منصور بجيك لي حكاوي امنا محسنة الله يديها طولة العمر
انا عايشت التجربة دي بصورة شخصية في بيتنا
ويمكن الكوتش وحاتم جبارة ونورا كرم الله عارفين الحتة
بحكم زياراتهم لينا في البيت
وعلاقتهم مع ناس بيتنا
امي الله يرحمه كانت بتقول لي حاتم جبارة (حاتم أليلنا)


بجيك بي مزاج واحكي ليك عن عمك جبيرين دة
Post: #1386
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-10-2009, 09:31 AM
Parent: #1384

قالت لى الحاجة محسنة (ليلة الشية والشربوت والبحر)
اصلا انا يا ولدى
لمن دخلت حوش حاج سيد احمد
ما كنت مرتو الأولى
عشان كده لمن جانى وقال عايز يعرس
انا دى الأشتريت للمرة الجديدة حاجاتها وشيلتها
وعشان حاج سيد احمد ما يستغرب
قلت ليهو , هو انا يعنى انت كان قطعوا لى رحطك
ولا ربطنا ليك حريرة
وتقصد بذلك ما معناه
انه طالما انها قبلت به وهو رب اسرة قائمة
ورضت ان تدخل على زوجة قبلها
واولاد
فلامعنى ان تعترض على زواجه من اخرى جديدة
بس لكن يا حاجة ما شعرتى بأى غيرة
كان هذا سؤالى الأستفزازى الذى قصدت وعنيت
هو زاتو سألنى نفس السؤال
قالت حاجة محسنة وتقصد حاج سيد احمد ابراهيم
اها وقلتى ليهو شنو ؟؟!!
غايتو كان جبت لى مرة وشها شبرين
حا افكر واشوف
لكن لو وشها شبر واحد زى وشى ده
وزى وش كل الحريم
البيخوفنى شنو ؟؟
والبيخلينى اغير شنو ؟؟!!
Post: #1387
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-10-2009, 09:44 AM
Parent: #1386

اجابة استثنائية ولا شك
الأجابة المنطقية عندى , هى السكوت والأنزواء
وان تمشى لى بيت امها
اسبوع اسبوعين , شهر شهرين , على الا تعود لمثل هذا الحديث ابدا
والأجابة التى تشبه اجابتى المنطقية
عند امانى زوجتى , ومنى زوجة ميسرة
وعزة اخت منى زوجة انور
تشيلى الكرسى ولا البنبر
تكسرى ليهو دولاب دولابين , ومراية مرايتين
وتكملى تكسير الكرسى على راسو
وتمشى بيت ابوكى
وتخلى الأجاويد يشتغلو
هكذا كانت حاجة محسنة مختلفة
فكيف كان حاج سيد احمد ابراهيم مختلفا ؟؟
هل كان لآختلافه هو رحمه الله
دور فى اختلاف حاجة محسنة
ويمكن كمان باقى زوجاته
الم اقل لكم ان حاجة محسنة مجرد اسم
وقد يكون كذلك حاج سيد احمد
هاهو الفارع طارق ود جبرين
يبشرنا بحكايات مماثلة
فى المضمون اكيد
ولو اختلفت التفاصيل
اخليكم تنجموا شوية وكمان تتداخلو
قبل ما اجيكم لوجه الرواية التانى
الحاج سيد احمد ابراهيم
Post: #1388
Title: Re: ناس الزقازيق ... أجدع ناس ( 3 )
Author: ابتهاج عبد الله
Date: 12-10-2009, 10:05 AM
Parent: #1387

أخي صالح ... صادق مواساتي وتعازينا الحارة ... رحم الله الوالد رحمة واسعة وأسكنه فسيح جناته مع الصديقين والشهداء ... وكل أسف لعدم تمكني من الحضور مع الشباب ... بلغ تعازينا للأسرة بالخرطوم والأبيض ... الله ارحم الحاج عبد الرحمن صالح بقدر ما قدم لأهله وناسه ووطنه .. إنا لله وإنا إليه راجعون ..
Post: #1389
Title: Re: ناس الزقازيق ... أجدع ناس ( 3 )
Author: ياسر نجيلة
Date: 12-10-2009, 10:08 AM
Parent: #1387

Quote: إنت الأحمر الوهاج ده شال الكاس ولا شنو ،،،،
الروح الرياضية دي بخلان بيها علشان ماتقول للموج الأزرق كمان
مبروك الكاس ،،، حتى لو كان كاس ورق داقنو في أبو روف.


الريس ميسرة ...
مباريات الندان المريخ والهلال.... طعم الفرحة بالفوز في أي مباراة _ بغض النظر عن المناسبة - هو الفرح الحقيقي
وقمة الفرح لما فريق يهزم فريق ويخليهو يتصدر الدوري او يأخد الكأس " فطيس " ...

كدي خليني انا .... شفت ليك هلالابي دخل وقال مبروك الدوري ياهلالاب ....

موعدنا كأس السودان اعتقد 14/12/2009م


منصور ياودعبدالرازق ...
من غيرك المزاااااااااااج .... خرااااااااااااااااب ...
متعك الله دنيا واخري ....
Post: #1390
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-10-2009, 11:01 AM
Parent: #1389

Quote: اخليكم تنجموا شوية وكمان تتداخلو
قبل ما اجيكم لوجه الرواية التانى

حكاية ننجمى دي ...ممكن
لأنك عندما تتناول و تاكل ليك حاجة دسمة
فإنك بلا شك محتاج أن تنجم شوية
و بعدين تشوف لو في طريقة لي كباية شاي تستف بيها الحلق الجنو بلع دا
الكل هنا مناط به أن يقرأ و يتمعن ما بين السطور
و كيفية رص الكلمات بتاعتك من الراس للكراس دون أي تعب
و كانه يمضغ ويلوك ما تشتهي الأنفس
قد لا نكون محظوظين مثلك في مقابلة الحاجة
بالرغم أنك أديت الحكاية أبعاد ممتازة
لكن بالتأكيد لو تقربنا للحاجة زلفى
لكنا مستمتعين و واقعين و راقدين سلطة من كلامها المعسول
(كسير التلج يبدأ بخطوة)
أما حكاية التداخل معك و الشهادة عند الرشيد
دا شعر ما عندنا ليهو رقبة
قد نستعين بصديق
مثلاً محمد صديق..ودا كلامو طاعم
محمد عيد...مع إنو أحمر لكنه منازل لا يشق له غبار (قوم اتنفض يا زول)
الرشيد السمكرجي
نجيلة بس لو خلى خوفو دا ممكن يسمكر مع الرشيد الحجات ديك
الحكاي ودجبريل إنشاءالله يكون مرق من شوشتو الغاطس فيها يوماتي
أبشنب و طبعاً الناس شهدو له بالفكر الثاقب
و أنا ضدهم لأنو وراء كل فكر ثاقب....إمرأة
دا غير المتابعين و النايمين و كأنهم خلايا نائمة
هس الواحد يقوم يعتقلهم؟؟؟؟
Post: #1391
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-10-2009, 11:34 AM
Parent: #1390

يا اخوانا ما قادر ادخل معاكم فى الفورمة
الواحد لما يرجع من السودان بكون مفلس قروش وكلام

محاولة اولى

ارحب بالاخوان والاخوات الجدد والاتية اسمائهم ( الجملة دى صحيحة ولا .. لا )

كمال الشادى ، حنان مجمر ، عمر بسكو ، عبدالقادر بابكر ، اخلاص محمد احمد
قيس جمال الدين ، سامى جمال ، نزار الشلقينى ، ياسر شبيكة ، عثمان الخير
عرفة محمد سعيد
تانى منو ،،، ملونى ....
Post: #1392
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-10-2009, 11:54 AM
Parent: #1391

http://www.sudaneseonline.com/cgi-bin/sdb/2bb.cgi?board=299


مصطفي عجب سيدو ...... حجاً مبروراً .....
Post: #1393
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 12:14 PM
Parent: #1391

صباح الخير يا،،،ياوجوه الخير ،،،
النيت غاب عننا من الصباح ورجع دحين
الحاج الدكتور سيف النصر والحاج محمد عبدالعاطي
تقبل الله منكم حجكم وكل عام وأنتم والأخت عرفة بخير

منصور أخد من الوالدة محسنة حق النشر بعد أن جلس معها فترة
طويله على البحر بعد الشيه والشربوت وبعد أن ذهبت على الكورنيش
للتمشية ومنصور كان مستمع جيدولم يفارقها لحظة ووضع كل إهتمامه بما
يسمع وكان يطرح بعض الأسئلة وشرب القصص القديمة من منابعها الأصلية
وكثير من الناس قد يكونوا عاشوا سمع بعض من المفاهيم الكانت سائدة في
بعض مناطق السودان وكنت على يقين بأن طارق ود جبريل ود حبوبات وعنده من
الحكي الحلو القديم ما يفرج به أسارير كثير من الناس المحبين للسيرة القديمة
الجميلة وكيف كانت المفاهيم والمضامين والقناعات وكلمة القناعات دي هي الركيزة
الأساسية.

عارف يا منصور إنت محظوظ مع الوالدة يوم أمس كانت في سيرتك وقالت لي والله
صاحبك ده أنا بدعو ليهو في كل صلاة لأنه ود طيب وأبن ناس .
Post: #1394
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 12:40 PM
Parent: #1393

وقمة الفرح لما فريق يهزم فريق ويخليهو يتصدر الدوري او يأخد الكأس " فطيس " ...

كدي خليني انا .... شفت ليك هلالابي دخل وقال مبروك الدوري ياهلالاب ....
_________________

الحبيب ياسر ود نجيله حمد لله على العودة الجميلة
وفي شان حبيبك المريخ والله أنا بحب الهلال
بس ما عندي شغلة كتير بالكورة السودانية

بس القال لينا مبروك الكاس يا هلالاب ده أخونا
جمال ود السنوسي الهلالابي بحد الهوس.

رجعنا تاني لشعرك الجميل القديم ولا تكتفي
بالمداخلة الكبيرة الشحمانه يعني تعال بيهم الإتنين

شكراً الحاج جلا على المكالمة يوم أمس ونأمل كثير من التواصل
Post: #1395
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-10-2009, 01:08 PM
Parent: #1394

Quote: الجملة دى صحيحة ولا .. لا

هذه الجملة يمكن أن تحتمل الإتجاهين
و لأنك جاي من السودان فلسان قروش و كلام...
مجازاً نقول ليك صحيحة
عليكم الله في زول يغلبو الكلام مع ناس الزقازيق
طيب الكورالات ديك كنت قاعد تعملها كيف؟؟؟
الجملة غير صحيحية
أي تساؤل في النهاية يصاحبه استفهام
فلا ندري أنت مستفهم أم مستعجب (عجبتني الكلمتين ديل)
عمر بسكو لم يفتح الله له بباسويرد حتى اللحظة
المقصود هو عمر المهدي
وكثير من الناس اتلخبطو بتشابهه
وكذلك أنت
فتح الله عليكم أخي ميسرة
أنا لو في محلك كنت قبضت التوثيق بتاع منصور دا دهب
مش هي أمك؟؟؟؟؟
وتيب!!!!
Post: #1396
Title: Re: ناس الزقازيق ... أجدع ناس ( 3 )
Author: مني يونس
Date: 12-10-2009, 04:58 PM
Parent: #1395

Quote: الغالية منى يونس ... هنيئا لك ما نهلت من الثقافة السودانية القديمة المعتقة ...
لكن إنت أصلك طيب عشان كدا إستفتي من تلاقح الثقافات وإنعكس ذلك في ممارساتك الحياتية
اليومية وذلك واضح من حكاوي منصور الجميلة ...


أخي البادي شكراً ليك على هذا التمازج والحراك
الثقافي الذي أحدثه منصور بحكم إختلاف وتباين المفاهيم
بين جيل وجيل آخر أو منطقة لمنطقة أخرى وفي أشياء كثيرة
كنت أجهلها والحمد لله تشربت وإستطعمت وفهمت الكثير تحياتي
لك وللمدام وللأولاد.
Post: #1397
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 06:15 PM
Parent: #1396

كنت أتابع ما كتبه منصور عن فهوم الحياة
والعلاقات الأسرية القديمة ، أنقل هذه القصة
حسب ما قاله الراوي:

سبحان الله وبحمده سبحان الله العظيم


ياجماعة الخير هذي قصة حقيقية



على لسان البنت اللي شافت الموقف


تقول : وأنا أصلي بالحرم الا بذيك الحرمه الكبيره بالسن اللي تصلي وتبكي
تصلي وتبكي وتدعي وتبكي
انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي
انا اخذني الفضول بصراحه وجلست بجنبها وسألتها ليش تبكين عسى ماشر
قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني
ليش؟ وش السالفه؟؟!!
قالتلي اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق
فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي

المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه مافي احد يمسك الولد غيري
سافروا وخلو الولد عندي وكان الوقت شتا وكنت شابة الجمر
والولد عمره تقريبا سنه وكم شهر وهو يلعب ويطامر قدامي
وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد
وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث
وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
هو اللي يشوف طلباتي وطلبات البيت ومو مقصر معاي بشي
بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله وشلون حكمة ربك انه صار خير لي لولا هالولد كان انا حالتي حاله
ويرد يجيها الولد وهو مخبي يده ويحب راسها ويسألها

هـــــــــــــــــــــــــــــــــــــــــا يالغاليه نروح الحين

وعسى ان تكرهوا شيئا وهو خير لكم
Post: #1398
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 06:28 PM
Parent: #1397

Quote: تانى منو ،،، ملونى ....


العبارة بسيطة وسهلة ولكن أضحكتني بقوة

ملوني ،،، مضحكة وهو السهل الممتنع

كلمات عبدالدائم بسيطة ولكنها تلدع

زي النحلة وتلفظ نظري ،،، فعلاً نحلة
Post: #1399
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-10-2009, 06:36 PM
Parent: #1397

صباح الخير يا وجوه الخير
يا البادي
يا ناس قاعدين مساهرين و لا نمشي ننوم؟؟؟
عارفين الرشيد جاي من سفر...
و متأكد من إمبراطورية الميم قاعدة تساهر لغاية تلاية الليل
لكن بيكونو مساهرين مع الحاجة أم ميسرة و الله أعلم
لكن المحيرني المندسين ودي جاية من متلبد
يعني كلمة زي دي تخلي أبشنب يجيب الكلمة المترادفة وهي المارقين
أما وردية النهار اظنها اتشلعت بي فعل فاعل
Post: #1400
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 06:42 PM
Parent: #1399

Quote: لكن المحيرني المندسين ودي جاية من متلبد
يعني كلمة زي دي تخلي أبشنب يجيب الكلمة المترادفة وهي المارقين
أما وردية النهار اظنها اتشلعت بي فعل فاعل


يا ناس ورديت الليل كلام جلا ده وقع ليكم

يا ناس وردية النهار الشلعكم إنشاء الله ربنا يشلعوا

ويخرب بيته.

زاد عددنا وقل إنتاجنا وهي نظرية البيع كلما زاد العدد قل السعر
Post: #1401
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 06:57 PM
Parent: #1400

حكمة اليوم للنساء تقول
:
عزيزتي الزوجة
احتفظي دائما بصورة لزوجك
ضعيها في محفظتك
وكلما مررت بضائقة أو مصيبة، انظري إليها لتتذكري أن لديك من يساندك
وأنك لن تضطرى لطلب المساعدة من احد او الإحساس بالضيق
فطالما هو معك, كل شى بخير
*******
أما حكمة اليوم للرجال فتقول
:
عزيزي الزوج
احتفظ معك دائما بصورة لزوجتك
ضعها في محفظتك
وكلما مررت بضائقة ، انظر إليها لتتذكر أن لديك
كل واحد يكمل حسب رؤيته للإمور.
Post: #1402
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-10-2009, 07:03 PM
Parent: #1401

نرحب بالميل الجديد ونهديكم هذه العبارات الجميلة



خمس يرفعن خمس



التواضع يرفع العلماء

والحياء يرفع الخُلُق

والمال يرفع اللئام

والصمت يرفع الزلل

والهزل يرفع الكلفة



وخمس يعرفن بخمس

الشجرة تعرف من ثمارها

والمرأة عند افتقار زوجها

والصديق عند الشدة

والمؤمن عند الابتلاء

والكريم عند الحاجة



وخمس يطمسن خمس

الزور يطمس الحق

والمال يطمس العيوب

والتقوى تطمس هوى النفس

والمن يطمس الصدقة

والحاجة تطمس المبادئ



وخمس يؤدين إلى خمس

النظرة تؤدي إلى الزنا

والطمع يؤدي إلى الندم

والقناعة تؤدي إلى الرضا

وكثرة السفر تؤدي إلى المعرفة

والجدل تؤدي إلى الخصام



وخمس يكبرن بخمس

النار بالهشيم

والشك بسوء الظن

والجفاء بعدم الإحسان

والخصام بعدم الصفح

والقطيعة بعدم السؤال



وخمس قربهن سعادة

الزوجة الصالحة

والصديق الوفي

والبار المؤمن

والابن البار

والعالم الفقيه



وخمس يطبن بخمس

الصحة برغد العيش

والسفر بحسن الصحبة

والجمال بحسن الخلق

والنوم براحة البال

والليل بذكر الله



وخمس عمرهن قصير

الحفظ في الكبر

والكلام بالنظر

والنعيم بالبطر

والصحبة في السفر

والعظة من العبر



وخمس يأتين بخمس

غض البصر يأتي بالفراسة

والاستغفار يأتي بالرزق

والحياء يأتي بالخير

والغضب يأتي بالندم

ولين الكلام يأتي بالمسألة



وخمس يصرفن خمس

لين الكلام يصرف الغضب

والاستعاذة بالله تصرف الشيطان

والتأني يصرف الندامة

وإمساك اللسان يصرف الخطأ

والدعاء يصرف شر القدر
Post: #1403
Title: Re: ناس الزقازيق ... أجدع ناس ( 3 )
Author: محمد صديق
Date: 12-10-2009, 07:39 PM
Parent: #1401

سلامات يا ناس

نحن ما معروفين ناس ليل ولا ناس نهار

تستوى عندنا الشمس وهى ساطعة او هى

متوارية ...

واصلى لامن ادور اجيك...بجيك

لا بتعجزنى المسافة

لا بقيف بيناتنا عارض

لا [الشمس ] تمسك بايدى

ولا من [ الاقمار ] مخافة

========================

جميلٌ ذلك الكلام الذى كتبه منص عن الحاجة محسنة

الله يديها الصحة ...والحديث عن المرحوم سيد احمد

له الجنة ..وطالما انه احدث وئامآ بين اربع ...

فهو قد قارب العدل...وبذلك يكون نموذجآ يصعب الوصول

اليه...وطالما ان الحاجة محسنة ..كانت وترآ لا يعرف

اللحن النشاز فى سيمفونية المرحوم سيد احمد...فهى

وتر لا يتكرر...

هؤلاء هم ناس الزمن الجميل ..اين ذلك الزمان؟؟؟

تحسرت مرة على زمان جميل ..وقلت:

اكيد انك رجعت ورا

واكيد انك مبحلق فى عيون ناسآ

من الزمن الحلو ونديان

لمن كانت الضحكة بتكفى البيت

وتطلع منو بالنفاج على الجيران

وللسابع...

تصل مبلولة زى زهرات من الوديان

عليك الشوق..

شنو الفضّل من الزمن الخلى ومليان

هنيئآ لك ميسرة بهذه الاسرة ..وهنيئآ

لك منى ..لانك حصلتى المولد ...وكذلك العيال

شكرآ منص صاحب العبارة الرشيقة الآسرة...

مستمتعين ومتابعين ...ومنتظرين.
Post: #1404
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-10-2009, 08:02 PM
Parent: #1403

الجمعية السودانية لخريجي الزقازيق
Post: #1405
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 08:33 PM
Parent: #1404

Quote: واصلى لامن ادور اجيك...بجيك

لا بتعجزنى المسافة

لا بقيف بيناتنا عارض

لا [الشمس ] تمسك بايدى

ولا من [ الاقمار ] مخافة


كما عودنا محمد صديق يدس كلامه الطاعم الجميل وسط اطرائة للآخرين...

في حين أن ما يكتبه هنا يجب أن نتوقف عنده كثيرا...و ليس مجرد أدوات
لتوصيل فكرة أو لشرح موقف أو لمدح شخص ما...
كلمات محمد صديق لوحدها يجب أن تكون موقف و معني و فكرة نتأملها لوحدها
هكذا مجردة مما يراد أن يوصل...

كلمات جميلة يا كوتش و حرام تركب في القطار السريع ده و تتنسي مع غياب الشمس
و طلوع شمس جديدة...
اعتبرنا في مربع كاي النيل الحصاحيصا و تعال خزن عندنا الكلام السمح عشان الناس تستمتع
بيه لأطول فترة ممكنة..
Post: #1406
Title: Re: ناس الزقازيق ... أجدع ناس ( 3 )
Author: محمد صديق
Date: 12-10-2009, 08:53 PM
Parent: #1405

سلامات يا ناس

حبيبنا الرشيد..الكلام الطاعم ده انا اتصرفت

فيهو بس وحاتك ...ما عندى منو الا الاقمار والشمس

كلامى انا التحت ...بتاع النفاج...وشكرآ على حسن الظن

وفى كاى برضو بجيك..
Post: #1407
Title: Re: ناس الزقازيق ... أجدع ناس ( 3 )
Author: محمد صديق
Date: 12-10-2009, 08:59 PM
Parent: #1406

سلامات يا ناس

ويييييييييييييين كمال الشادى؟؟؟؟؟
Post: #1408
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 09:18 PM
Parent: #1407

يا كوتش انت قطار الشرق ده أصبح فاضي بالليل و كثير الحركة بالنهار...الناس دي بقت تخاف تطلع بالليل لظروف أمنية و لا شنو...
لكن أظن الوضع الجديد ده ماشي معاك تمام...و مافي داعي تستعين على قضاء حوائجك بالكتمان...البوست طبيعي كاتم...

طارق جبريل وعدنا يشلخ البوست...لكن لليلي ما شفنالو دليبا نقر...
Post: #1409
Title: Re: ناس الزقازيق ... أجدع ناس ( 3 )
Author: طارق جبريل
Date: 12-10-2009, 10:28 PM
Parent: #1408

Quote: طارق جبريل وعدنا يشلخ البوست...لكن لليلي ما شفنالو دليبا نقر...

حبيبنا الرشيد كيفنك
وحاتك يا دوبي جيت داخل من المكتب
ياخي المغاربة ما صدقوا جريدتهم طلعت
وهروني هري شديد خلاص
وطبعا ردموني ردم السواد واللواد


ياخي عجبتني حكاوي امنا محسنة
وانا طبعا عشت الحتة حقيقي يا ريس ميسرة
لانه والدي الله يديه طولة العمر اتزوج 3 نسوان
وكلهن مشلخات لااااوراء

اذكر مرة جاني صديق عزيز في البيت
ففتحت ليه الباب والدتنا رقية ام ناصر اخوي
فقام قاليها انا صديق طارق
قالت ليه مرحب بيك ادخل انا امه
وانا كنت برة البيت
بعد شوية جات والدتي رحمها الله
وسلمت عليه وقالت ليه انا ام طارق
الزول احتار في حنانه
لمن جيت انا ومشينا على الدرابزين قام قال لي:
اسمع يا مان انت متبننك ولا شنو
ياخي امك ياتا فيهم
الشئ الحكته امنا محسنة دي ياهو ذاته بي ضبانته
الاولاد ياكلوا مع ابوهم
والبنات ياكلوا مع امهاتن
الفرق الوحيد كان لمن نمشي الشمالية
جزء من اجازة ناس ناصر اخوي بيمشوا (الطريف) اهل امهم
ونحن كنا بنقضيها كلها في البركل
كان عندنا احساس غريب كدة
خصوصا في السؤال: منو اخوك شقيقك؟؟
السؤال دة بيزعلنا عديييييييل كدة


ياخي الزمن كان سمح خلاص
Post: #1410
Title: Re: ناس الزقازيق ... أجدع ناس ( 3 )
Author: طارق جبريل
Date: 12-10-2009, 10:31 PM
Parent: #1409

قالو كريمي فيها قطر
تلغرافو يضرب جر
قيامو الساعه اتناشر
دقالو الجرس جعفر
الناظر وقف صفر
ورفع البيق الاخضر
علي الكاسنجر اتحدر
كحيله محيسه ارض حجر
لافيها نبات لافيها شدر
ناظرا شوما واشقر
احمانا حتى موية الجر
جانا مفتشا احمر
شايل النوته والدفتر
وقف في الباب نهر وكشر
قنالو مالك بي تتنتر
انحنا شوايقى مانا غجر
قالينا سوري واتحسر
وشال التذكره واشر
في ام غربان طاير فر
دخلنا الكاب عصير احمر
نزلنا قعدنا في العنبر
شربنا الجبنه بالسكر
وجبنة عافيه تكفي الشر


الله الله الله علي قطر كريمي ياخي
Post: #1411
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 10:37 PM
Parent: #1408

قبل احتفالنا بالمئوية كنت قد أوردت في احدى الصفحات تساؤلا عن ماذا بعد هذه السنين الطويلة من الغربة...متى تنتهي و كيف السبيل الى الخروج منها...و تجدني في كل مرة عاجزا عن الاجابة و يبقى السؤال قائما أو مؤجلا الى أجل غير مسمى...
أنا لا أكف عن طرح هذا السؤال على نفسي و لكن تخف وطأته أحيانا و تزداد أحيانا أخرى...هذه الأيام المؤشر في الأحمر...و السؤال يؤرقني للحد الذي يبقيني صاحيا طول الليل...
تعمل شنو...تعمل شنو...
تمشي تشوف ليك بنك في السودان يمول ليك عمارة عشرو طوابق..فيها عشرين شقة...تأجر الشقة بي تلاتة مليون في الشهر في عشرين بي ستين مليون في الشهر...تدفع للبنك خمسين مليون شهريا...يعني في خلال كم سنة كده بتكون سددت للبنك قروشه و بعد داك تلبس جلابيتك البيضاء و عمتك المطرزه و تمشي تقدل في الشارع من بيت عزاء لي بيت عرس...من العصر تقعد في ضل العمارة تجيب ليك كراسي و تربيزة و تكتر القهوة و الشاي و يجوك الأصحاب تقعد تدق الحنك لحدي الساعة عشرة مساء و بعد داك تمشي تنوم...و هكذا تاني يوم...
تعمل ليك مكتب صغير في احدى الأحياء الراقية (الحتانة مثلا)...و تقعد تسلي نفسك تشتري و تبيع...ان شاء الله تبيع ترمس...شي أراضي و شي بيوت و شي كراسات و أسمنت...و لو جوك ناس الضرايب آخر السنة تقول ليهم يا جماعة تجارة شنو و ضرايب شنو..أنا المكتب ده و الله فاتحه تسلية ساكت...في زول بيدفع ضريبة على التسلية...المفاجأة طبعا لما يقولو ليك أيوه في ضرايب على التسلية...نحن الهواء عملنا ليهو ضرايب لما التسلية...ياتو الضروري الهواء و لا التسلية..
كان اتلايقو علي بدفع ليهم...أعمل شنو...اقفل مكتبي المسليني و مونسني و مدخل لي حق الملاح...كل تاجر في السودان ده تلقاهو شغال شغل بالملايين و بعدين يجي يقول ليك و الله الانت شايفو ده عشان حق الملاح..طيب اذا كان ده حق الملاح...حق الما ملاح بيكون كيف...غايتو نقول ما شاء الله بس...
فكرة البفالة دي ما راكبة لي في راسي ما عارف ليه...عندي احساس البقالة دي زي ساقية جحا تشيل من البحر و تودي البحر...يعني البقالة دي تجيب بضاعة تبيعها تمشي تشتري بالقروش بضاعة تاني...تلقى سيد البقالة شايل ليه رغيفة وواقف جمب صفيحة الطحنية يحشي ليهو حتة طحنية في الغداء و حتة في العشاء و الفطور بيقطع ليهو عيشة و يكب ليهو فيها شوية موية فول و موية جبنة و زيت...عشان كده بتلقى بتاعين البقالات بيشحتفو ليك الحاجات دي...تقول ليهو يا أخوي دي طحنية بي خمسماية يقول ليك نحن نتغدى بي شنو يعني...
أها أنا أقعد أسوي في جنس ده...بقالة دي خارج حساباتي...جني و جن غداء و عشاء الطحنية ده...فطور البوش لا بأس به..
لما الأمور كمان تمشي لي قدام شوية بعد ما أسدد لي البنك قروش العمارة بعمل لي أسطول ركشات و أمجاد بالرغم من أن بعض الأصدقاء نصحوني قالوا لي أبعد من الأمجاد و خليك في الركشات...أشغل فيهم كل الخريجين...خاصة خريجين الزراعة تعاطفا مني معهم...و حأحترمهم ليك غاية الاحترام...الليلة دخلت كم يا باشمهندس...50 ألف بس...الليلة ما شاققت و الله شنو يا باشمهندس...أنصحك تقوم بدري انت ما سمغت أهلنا قالوا ود البدري سمين...و بعد داك الزارعة الله في الحجر بتقوم...

استراحة لحدي ما أجيكم لي باقي المشاريع حقت العودة من الهجرة...
Post: #1412
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 10:46 PM
Parent: #1411

جبريلا أعذرني يا أخوي...لقيت البوست فاضي قلت آخد راحتي و اقعد أحلم..ما شعرت بيك و انت داخل...و الله حبابك الف...انت عارف أنا لي يومين مخلي منصور يحكي وبطريقته المتفردة و قاعد أتفرج و متكيف اربعة و عشرين قيراط...أنا أبوي كان خواف زي كده و اتزوج والدتنا بس...جدي كان متزوج اتنين بس...لكني لم أكن شاهدا على العصر...و تجربة الحاجة محسنة دي أنا زاتي جديدة علي يا أخوي و ما عندنا في الأسرة نموذج مشابه ليها...

المتعة كلها في منصور و هو يحكيها...بس أنا خايفها تلحق المسلسلات المكسيكية....
Post: #1413
Title: Re: ناس الزقازيق ... أجدع ناس ( 3 )
Author: طارق جبريل
Date: 12-10-2009, 10:49 PM
Parent: #1411

الرشيد يا حبيب الباب دة اسكت خلو ساكت
Post: #1414
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 11:02 PM
Parent: #1413

جبريلا..الباب ياتو الأول حق الغربة و لا التاني بتاع الخوف ده...
Post: #1415
Title: Re: ناس الزقازيق ... أجدع ناس ( 3 )
Author: طارق جبريل
Date: 12-10-2009, 11:16 PM
Parent: #1414

حق الغربة يا حبيبنا
انا الازمة الفاتت دي جهجهت حنان ابوي ذاته
Post: #1416
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-10-2009, 11:21 PM
Parent: #1414

و نواصل...

بقوم أعمل لي جريدة كورة...أجيب ليك طارق جبريل من المغرب...شراكة يا زول عدييييييييل كدة...انت كمان بيشغلوك موظف...
و بجيب ليك محمد أبو القاسم...قصدي مزمل عيد...محمد عيد...يدينا ليك العناوين الملهلبة ديك عشان البيع يكتر...

الباقي بتمه ليكم في مربع كاي...لحدي ما منصور يقول فل استوب...
Post: #1417
Title: Re: ناس الزقازيق ... أجدع ناس ( 3 )
Author: محمد صديق
Date: 12-11-2009, 08:02 AM
Parent: #1416

سلامات يا ناس

وصباحات التفاؤل

يا جبريل انا برضو اول مرة جيت

بيتكم حصلت لى دربكة فى انو ياتا

فيهم ام طارق...ولبدت بيها لحدى

عرفت الحاصل...

ديل ناس ما بتكرروا.
Post: #1418
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-11-2009, 08:14 AM
Parent: #1416

جمعتكم مباركه وصباحاتكم بيض
=================================
رشيد القوم 0000انه الخوف المشروع0000 ولكن نحن كسودانين
تضاعف عندنا هذه المخاوف لكثرة العوامل الضاغطه وانعدام
الشعور بالامان عبر السنين0
================================
هاجر اخى الاصغر منذ اثنى عشر عاما او يزيد باولاده
اخذته قرفه من الشى البيحصل 0 انتقدته هجرته كثيرا
خاصه انه كان يملك ما يهاجر الناس من اجله0
يعمل الان موظفا فى مهجره 0كررت طلبى بعودته خلال عطلته
فى رمضان الماضى كان رده=
اناهناك وجدت ما لم اجده هنا اقبض مرتبى واقسمه
على الاحتياجات والحمدلله واهم من ذلك اننى اعيش فى هدؤ
تام مطمئناعلى نفسى واولادى المدارس مستغره الرعايه
الصحيه تمام ليس هناك من يدوس لك على طرف القانون فوق
الجميع000 الجميع000اما رعاية ما بعد الخدمه فانه العجب
العجاب 000 لم اجد ما ارد به سوى تلك التمتمه فى سرى
اللهم اوعدنا يا رب0
Post: #1419
Title: Re: ناس الزقازيق ... أجدع ناس ( 3 )
Author: محمد صديق
Date: 12-11-2009, 09:31 AM
Parent: #1418

سلامات ياناس

منبر ناس الزقازيق منك طولنا طول

اخونا عمر المهدى طول من ناس كتار

ومش كده وبس ...طول منهم طول...

دلونا يا اولاد الحلال..

دعوة للمشاركة.
Post: #1420
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-11-2009, 10:02 AM
Parent: #1419

صباح الخير ،،، يا وجوه الخير،،،

جمعتكم مباركة يا أحباب ونحن نقترب من

نهاية العام الهجري والميلادي وكل عام وأنتم طيبين

نعم يا كوتش زرنا منبر ناس الزقازيق وتداخلنا مع

أخونا عمر تي في شوقه لناس طول منهم شديد وإستدلا بذلك

بتلك القصيدة الجميلة زورا عمر المهدي T
Post: #1421
Title: Re: ناس الزقازيق ... أجدع ناس ( 3 )
Author: طارق جبريل
Date: 12-11-2009, 10:31 AM
Parent: #1420

تخيلو الليلة اتكلمت مع منو
بشير محمد عبد الله
الشهير ببشير الشين ودة تليفونه:
00491746674407
دة تليفونه
Post: #1422
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-11-2009, 11:03 AM
Parent: #1421

جمعتكم مباركة

يا ريس معتصم أخوك على حق في كل ما قالة الا أنه أغفل شئ في غاية الأهمية...لا أعرف أين مكان عملة...و لكن ان كان في الخليج فان وجودك في البلد مرتبط بالمشغل...ان استغنى عنك المشغل فيجب أن تبحث عن مشغل آخر في خلال شهر واحد و الا فانه يجب عليك مغادرة البلد فورا...في كثير من الأحيان و أنت في غمرة اطمئنانك يفاجأك المشغل بانهاء خدماتك و تكون فترة الشهر غير كافية بالمرة لايجاد مشغل بديل...الأمر الذي يربك المغترب كثيرا و يجد نفسة أمام وضع صعب جدا...و لكن بفضل الله تعالى تتعدل أوضاعهم الى الأحسن بعد تلك التجربة الصعبة...
Post: #1423
Title: Re: ناس الزقازيق ... أجدع ناس ( 3 )
Author: محمد عيد
Date: 12-11-2009, 04:14 PM
Parent: #1422

domain-2c9b4356aa.gif Hosting at Sudaneseonline.com

جمعـــة مباركـــة
Post: #1424
Title: Re: ناس الزقازيق ... أجدع ناس ( 3 )
Author: زينب التجاني
Date: 12-11-2009, 05:22 PM
Parent: #1423

ازيكم يا اروع ناس

جمعتكم مباركة


متابعة ومستمتعة

مشتاقة للبراية

نانى


تلاقيها بتشم هوا مع الولا رشا والشباب


بلهنا
Post: #1425
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-11-2009, 05:39 PM
Parent: #1424

وبشر الصابرين الذين اذا اصابتهم مصيبة قالوا انا لله وانا اليه راجعون..
اعزى الاخ صالح وكل عزيز لديه فى وفاة والده ربنا يصبره على المصاب ويصبر اهله واخوانه وربنا يجعلها
اخر الاحزان..
Post: #1426
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-11-2009, 05:53 PM
Parent: #1425

يازوبة انا كمان مشتاقة..لكن تعرفى اول ما ناس امنية يجيبوا لى جدول الامتحانات خلاص .. مزاجى يتلخبط
وابدا اعمل خطة من بدرى لانى بصل متاخرة من الشغل ما بلحق اقريهم الاتنين.حسة حاتم جبارة يجى يقول لى انى بتدلع واصلهم بمتحنوا كم مرة فى السنة.. ده امتحان نص السنة يا حاتم..
منصور.. خلى الجبن عليك واالارمز بتاعتك على واذا اتاخرت فى الجية تصلك بال dhl . بعيدن بصراحة العيد الجاى بعييييييييييد وانا شوقى عارم قول لميسرة ومنى ايه رايكم تجوا فى اقرب اجازة .
اقول ليكم بصراحة ما تزعلوا ما متابعة بس تاكدوا بحبكم كلكم..وما عايزة اذكر اى اسم ..
Post: #1427
Title: Re: ناس الزقازيق ... أجدع ناس ( 3 )
Author: طارق جبريل
Date: 12-11-2009, 06:03 PM
Parent: #1426

الشغل مردوم قدامي وقرفان وورمان
وقعت عيني علي جينفر لوبيز
يا ربي الزولة دي كانت بتاكل ((بربور)) (للحناكيش مديدة تمر))
Post: #1428
Title: Re: ناس الزقازيق ... أجدع ناس ( 3 )
Author: مني يونس
Date: 12-11-2009, 06:18 PM
Parent: #1427

Quote: بعيدن بصراحة العيد الجاى بعييييييييييد وانا شوقى عارم قول لميسرة ومنى ايه رايكم تجوا فى اقرب اجازة .


يا سلام عليك يا نجاة حوفي مسألة حضورنا لكم مع ناس منصور
وأماني ده موصوع منتهي بس المسألة أصبحت مسألة وقت فقط

يعني جاين جاين ،،،
زينب التجاني وعفاف سلام ياحبايب مشتاقين.
Post: #1429
Title: Re: ناس الزقازيق ... أجدع ناس ( 3 )
Author: مني يونس
Date: 12-11-2009, 06:23 PM
Parent: #1428

أخونا طارق جبريل الف مبروك للعودة
للجريدة وإنقشعت الغمامة وربنا يزيحها نهائياً
سؤوال بربور دي معناها مديدة تمر بس الكلمة دي
من منطقة الشوايقة ولا كلمة مغربية =بربور يا بيه=
Post: #1430
Title: Re: ناس الزقازيق ... أجدع ناس ( 3 )
Author: طارق جبريل
Date: 12-11-2009, 06:33 PM
Parent: #1429

منى يونس كيفنك
بربور دي شايقية ياخي مختومة كمان
المغاربة ديل عندهم كلام الله لا وراك ليه
بالله زي البتحفر في بير زلط
Post: #1431
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-11-2009, 07:10 PM
Parent: #1430

منى يا غالية والله منتظرين جيتكم بفارق الصبر والعيد بعيد تعرفى انه الايام دى الجو بجنن فى ابوظبى مطر لذيذ وشوية برد يعنى جو ربيعى اتوقعى منى تلفون بعد يومين..
طارق مبروك والحمد لله انه اتحلت المشكلة..
قبل يومين مهند قاعد جنبى وانا فاتحة قناة lbc واحدة بتتكلم فقالت كل يوم بكسر الكا فسالنى ماة مرة mam why she wants to kill the day? mamay do u undersatand my question ??
فعلا ما فهمت سؤاله فشرح لىkill is kill and يوم is day فضحكت وقلت ليه انه يعنى every day
عليكم الله شوفوا اولادنا ما عارفين حتى شوية العربى البعرفوا ملخبطين فيه. ونحن كمان ما مريحنهم يجوا من المدرسة نفرض عليهم الكلام بالعربى فى البيت..!!!!
Post: #1432
Title: Re: ناس الزقازيق ... أجدع ناس ( 3 )
Author: نجاة حوفي
Date: 12-11-2009, 07:20 PM
Parent: #1431

طارق جبريل بربور شنو البتاكلوا جنيفر البربور ده انا وزوبة نتبربر بيه براناوبالسمن كمان ونمشى نفتش فى الحمية والركض وبلا فايدة..
يا منصور معانا واحدة فى المكتب مواليد 86 سالتنى الريحة البتريح بيها شنو عاجباها جدا قلت ليها الاسم (ابو الزوز ما تزعل ما حا اقول الاسم) فقالت لى (حبيبتى هاى من سنة ستى وستك(ستى يعنى حبوبتى) قلت ليه انا ذاتى من سنة ستى وستك.. اصرت انه اجرب الاحدث من نفس الاسم .. فيا منصور انت والرشيد الارامز كمان من سنة ستى وستكم بس تبى الصراحة وايد حلوة..
Post: #1433
Title: Re: ناس الزقازيق ... أجدع ناس ( 3 )
Author: البادي النور
Date: 12-12-2009, 06:22 AM
Parent: #1432

صباح الهناء والسرور ...
أصبحنا وأصبح الملك لله ...
رضينا بالله ربا وبالإسلام دينا وبمحمد صلى الله عليه وسلم نبيا ورسولا ...
Post: #1434
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-12-2009, 07:05 AM
Parent: #1433

صباح الخير ،،، يا وجوه الخير

اللهم إني أعودُ بك من البخل

والجٌبن ، وسوء العٌمر ، وفتنة الصدر

وعذاب القبر .
Post: #1435
Title: Re: ناس الزقازيق ... أجدع ناس ( 3 )
Author: محمد صديق
Date: 12-12-2009, 07:50 AM
Parent: #1434

سلامات يا ناس

وصباحات التفاؤل

اهلا بى نجاة حوفى

زينب التيجانى

ومنى

ووين عفاف؟
Post: #1436
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 09:26 AM
Parent: #1435

صباحات التفاؤل والجمال
يا حلوين
صباحات الأرامس ديفين
المخلوطة برذاذ الباكوربان
وهذا هو حد عرفتنا فى ثقافة العطور
حقا هى من زمن ستى وستك
يا نجاة
حتى ان بائع العطور فى اى مكان
يتعب ايما تعب
لغاية ما يلقاها لى
بس انا %D
Post: #1437
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 09:26 AM
Parent: #1435

صباحات التفاؤل والجمال
يا حلوين
صباحات الأرامس ديفين
المخلوطة برذاذ الباكوربان
وهذا هو حد عرفتنا فى ثقافة العطور
حقا هى من زمن ستى وستك
يا نجاة
حتى ان بائع العطور فى اى مكان
يتعب ايما تعب
لغاية ما يلقاها لى
بس انا عندى الموضوع يفرق
فزمن ستى وستك , هو زمن الحلاوة والنداوة والطلاوة
يشممنى بائع العطور كمية منها حتى يختلط الأمر على
ولكن الأرامس عندى تبرز ومعها شريط عالم قديم , احبه , واحب ان استرجعه واعود اليه
حبى لهذه الأرامس
من حبى لهذا البوست
يا حلوين
Post: #1438
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 09:41 AM
Parent: #1437

صباحات الجمال لعيون كل الجميلين

بداية الاسبوع الاخير فى العام الهجرى 1430 ...
نسأله تعالى ان يختم للجميع هذا العام بالخيرات ..
وان يجعل العام الجديد فأل خير وايام سعيدات علينا وعلى منبرنا وجمعيتنا الفتية ...
Post: #1439
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 09:43 AM
Parent: #1437

الغربة , الدكان الناصية
اسطول الركشات , العمارات السوامق
الأسامى الأجنبيى
تبقى من عينى ملامحك يا رشيد
هذا موضوع دائما ما يبتدىء
وغالبا ما لاينتهى
دائرته لا تكتمل ابدا
مغناطيسيته التى تكفل له بدايات متلاحمة متماسكة متشابكة
غالبا ما تختفى وتزول بمجرد البداية
فيتحول الى تنافر مغناطيسى يجعل من التقاء خطوط البداية
عصيا ومستحيلا
فى الأواسط والنهايات
تبدأ الزازية حادة
وتحول الى زاوية شديدة الأنفراج اقرب ما تكون الى خطا تواز
ليس فقط لا يلتقيان
بل انهما يتنافران ويمعنا فى التنافر
التقول بيناتهم شيطان
موضوع غربتنا يا رش , كبير , متورم , متضخم
خلاياه التى بدت للحظة ان اصلها حميد
سرعان ما تتكشف لنا عن سرطانات خليوية
لا بينفعها كيماوى
ولا يحد من تمددها اى علاج
اعيانى انا الأمر حتى اننى تركته
والأشراقات التى تبدو لوهلة
هنا وهناك
تتكفل بها دائما وابدا
بقعة العتمة النشيطة
التى تحملها وتتكفل بنشرها
الات السواد
ومكائن الرماد
مشروعنا الواجب يا رش
هو سرطنة خلايا الضوء
وحقنها بفياجرا التوالد الكثيف
حتى تكون لها الغلبة
ونستريح
Post: #1440
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 09:50 AM
Parent: #1439

عبد الدائم النضيف
مشتاقين يا جميل
فلس القروش عرفناهو
بس قصة فلس الكلام دى قولها لى زول تانى
مكنتك فى الحتة دى ما شالت
ولا قسمت
بس اوزن البلوف يا معلم
تلقى الكلام اتدفق
براااااهو
انتظر منى تلفونا بعد الظهر
Post: #1441
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 10:06 AM
Parent: #1440

روابط اسبيس تون العجيبة
تحلق فى سمائى ثانية
غربة الرشيد
مع عودة النضيف من اجازة السودان
التى قصد من ورائها غسل ما علق به من رهق الغربة
عاد مفلسا مقشطا , نتفهم ونعرف
مدبرسا ورايح ليهو الكلام , يمكن ويجوز
الا ان كل ذلك , يرتبط مع ارامس التى هى من زمن ستى وست نجاة حوفى
وحبوبة الرشيد لمن لا تعجبهم لفظة ستى دى
هنا تبرز خطوط التواز القاسية
تتضح معالم ( اللا التقاء)
بين ماض عطره ارامس
وخياراته غربة وشوق
وموسيقاه حقيبة
وايقاعاته سيرة ودليب , نقارة ومردوم , عرضة وحريرة ,
وحاضر
لا نعرف لاعطره
ولا خياراته
ولا ايقاعاته
ومستقبل
ياربى مودينا وين
حاجة محسنة , مع حاج سيد احمد ابراهيم , فى تحالف مقدس
مع عم جبرين , واخوة طارق مع ناصر التى لخبطت حنان الكوتش
فما فرق بين الأمهات
ولا جرب زهج السؤال ورهقه
انت وناصر ديل اخوان اشقاء؟؟؟
Post: #1442
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 10:28 AM
Parent: #1441

معادلات الماضى التى جسدها عم سيد اجمد ابراهيم رجمه الله
وعمنا جبريل متعه الله بالصحة والعافية
التى تجعل من ابنائهما لا يفرقون بين ام وام
ويتضايقون حتى من سؤال المستغربين
انت وناصر اشقاء
هى معادلات اراها انا غير موزونة
وان كانت تلقى بظلالها الكثيفة على المزاج الحياتى العام
عمنا بابكر سيد احمد
متعه الله بالصحة والعافية
لم يدخل اتون هذه التجربة الخطيرة
كذلك والدى رحمه الله
وغيرهما كثيرون فعلوها وخرجوا من اتونها
اما بالخسائر الفادحات , وهذا غالبا
او بالخسائر فقط دون ان تلتصق بها صفة الفداحة
وهذا كثيرا
ومنهم من قنع من مشوار التجربة بالأياب
وهذا نادرا وقليلا
اما من خرجوا من مثل هذه التجارب
بقناعات مثل قناعات امنا الحاجة محسنة
او الحاجين جبريل وسيد احمد ابراهيم
فهم نادرون لدرجة اننى ساحكى ما عرفت عن سيد احمد ابراهيم
واتوقع من ود جبرين ان يجكى ما عرف عن والده اطال الله عمره وابقاه
وامهاته الثلاث
ما يجعلنا نفغر الأفواه دهشة
ثم نتساءل
هو فى الدنيا فى زى كده ؟؟؟؟!!!!!!
Post: #1443
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 10:57 AM
Parent: #1442

كان الحاج سيد احمد ابراهيم مقاولا ذو سعة
كسيبا بلهجة الاخوان المصريين
متدينا , تدينا سودانويا خالصا بصيغة التدين
الأصلية القديمة
تدين الأخلاق , والمكتسبات , والطباع
تدين الفطرة السليمة التى اساسها
بنى الأسلام على خمس
شهادة ان لا اله الا الله وان محمدا رسول الله
اقام الصلاة , وايتاء الزكاة , صوم رمضان
وحج البيت من استطاع اليه سبيلا
وكان شفافا فى عباداته ومناسكه
يجاهر بها عندما يكون الجهر مطلوبا ومحمودا
ويخافت بها متى ما خشى منها المراءة والشوفونية
ثم التكسب والتجارة والأرتزاق
ولأنه كان ذا سعة
فان الزواج من الأولى , ثم من الثانية , لم يشكل له اى معضلة
فى عموم الأمر , فان الزمن كان زمن زواج مبكر
لأن الأمر كان بسيطا فى عمومياته
والحياة ابسط فى تفاصيلها وحيثياتها
لم تكن الحياة قد عرفت عسر الزواج
ولا غلاءا لمهور
ولم يكن (النادى العائلى ولا قاعة المعلم ولا صالة الخليل والريفيرا)
قد خرجوا الى حيز الوجود بعد
حاجة محسنة , لم تخبر تفاصيل هاتين الزيجتين فى ذلك الوقت
كما انها لم تخبرها حتى لاحقا
ولم يكن ينبغى لها ان تخبر وتعرف
اذا ارادت او لم ترد
فقد كانت هى الزوجة الثالثة
ما خفتى وانتى يجيبوكى مرة فوق مرتين
وكمان قبليك اتطلقت واحدة
ما خفت كيفن يا ولدى , رجفت لى جنس رجيفة
وبكيت لى جنس بكا
لكن الشاهد الله , دخلتى على الحاج
(طوال حكى هذه التفاصيل , فان الأشارة الى عم سيد احمد هى الحاج فقط )
لو جابو اسمو , طبعا الهوى بقسمو
تعليقى هذا كان محفزا لكلام من نوعية
ووب على , كمان دايرنى اقول اسم الحاج
ده عاد لا حصل لا بيحصل
واكملت الحاجة محسنة
دخلتى على الحاج , من اليوم الأول , وبعد خمسة دقائق بس
السكينة الدخلتنى يا ولدى , لى يوم الليلة دى , لا راحت , لا نقصت , لا قلت
ابو الزفت يا حاجة
فى حب يا اخوانا اكثر من كده ؟؟!!
Post: #1444
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 11:07 AM
Parent: #1443

سئل الحاج سيد احمد ابراهيم لاحقا وبعد هذه الحكاية بكثير
انت طلقت مرتك فلانة مالك
على الحرام مافيها اى عيب من عيوب الدنيا دى
بس فرق بتاع طباع
الزولة دى حاااارة
وانا كمان حار
وحار مع حار
ما بتلاقى
وكان هذا هو الدرس الأول الذى حاول الحاج سيد احمد ابراهيم استكشافه
وجودا وعدما
عند زوجته الجديدة كرت
الجايبنها ليهو تبكى وترجف
وقدر خلال دقائق
يلبسها سكينة الدنيا , وطمانينة الآخرة
وتقدر انت بعد داك تجاوب برواقة
على سؤال الحرارة المشع
القالوا الحاج المرحوم لاحقا
Post: #1445
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 11:27 AM
Parent: #1444

بعد زيجتين
انتهت احداهما الى انفصال مع وجود اطفال
جات حاجة محسنة زوجة ثالثة للحاج سيد احمد ابراهيم
تهيبت التجربة حتى انها جاءت اليه باكية مرتجفة
ولكنه كان قد اكتسب خبرة وتجارب
لخصها فى حكاية الحار مع حار ما بتلاقى دى
وكانت حاجة محسنة صغيرة فى السن
ذات تجربة تكاد تكون معدومة
ولكن ثقافة الزواج من زوج متعدد الزوجات كانت معروفة فى وسطها الأسرى والعائلى
عاشت معه وانجبت له البنين والبنات
وخاوت ضراتها وزوجات الحاج الأخريات
وكان تأثير الحاج على زوجاته واضحا
خاصة الحاجة محسنة
وكان التفريق بين الأبناء من حيث الوالدة منو , ممنوعا الى حد التحريم
السفرة واحدة
الماعون نفس الماعون
مؤؤنة البيت الكبير تأتى من السوق ليشهد تقسيم العدل فيها الأبناء
كان للحاج سيد احمد
عبارا لقسمة كل شىء
الفول والعدس والسكر والزيت والسمن
يتفتح الشوال بتاع السكر
يتقسم على اربعة (لاحقا بعد الزواج من الرابعة وحكاية الوش الشبر والوش الشبرين التى حكيتها سابقا)
وعبار الزيت نفس الشغل عند فتح صفيحة الزيت
ميسرة يودى لأم واحدة من اخوانه غير الأشقاء حقها من قسمة العدل والقسطاس
عبد العظيم يجيب لى حاجة محسنة حقها من القسمة
يا ربى هل كان ذلك مقصودا يا حاجة
حكاية كل ولد يودى لى ام اخوهو حقها
لكن ميسرة ما يودى لى امه
واخو ميسرة التانى كذلك
اجابة السؤال الفات ده كانت من الحاجة مختصرة فى عبارة واحدة
برى , العرفنى شنو ؟؟
ما عمرك سالتى الحاج السؤال ده
قربت تقول لى
يا ولد انت مطرطش ولا شنو !!!!!
Post: #1446
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 11:47 AM
Parent: #1445

اما حكايات الحاجة محسنة عن تعامل
الحاج سيد احمد مع طليقاته
فهى حكايات اخشى ان لا تصدقونى فيها
حتى اننى غالطت فيها الحاجة وارتفع صوتنا ولم يعلو عليه
الا صوت الأمواج العالية وهديرها
وصوت طرقعة شحوم الشية على الجمر الملهلب
اما ميسرة فقد شاركنى الأستغراب
ولكن دون غلاط
فقد كان لهذه الحوادث والحكايا
من الحاضرين المعاصرين

تزوج الحاج سيد احمد ابراهيم من ست نساء
تبقى منهم على عصمته اربع (بطبيعة الحال )
عرفنا ان احداهن طلقت لأن حار مع حار ما بتلاقى
لكن طلاق الأخرى لم يعرف سببه احد حتى الآن
وقد انجب الحاج من جميع زوجاته
حتى المطلقات منهن
وهذا ينفى التعليل الأبدى المعتاد للتعدد والأنفصال بسبب الأولاد والذرية
كل زوجاته واولادهن عاشوا معه فى الحوش نفسه فى كوستى
والمطلقات منهن خرجن من الحوش خاليات الوفاض
لم يخرج ابنائهن معهن
خرجوا هم الى ارض الله الواسعة كما وسبق ان دخلن الى الحوش
منفردات وقد تركن اولادهن وبناتهن خلفهن
فى رعاية امهاتهن الأربع الأخريات
وفى معية اخوانهم واخواتهن من الأسرة الكبيرة (عينى باردة )
هذا غريب , اليس كذلك
ولكن ما بعد ذلك هو الأغرب والأكثر ادهاشا
موسيقى تصويرية , فاصل اعلانى
Post: #1447
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-12-2009, 12:07 PM
Parent: #1446

البيجى لى نسيبتوا ومرتو طلقانة
حبوا لى زولى ولدا
غيرك انت انا ما بيهز فوقى
غناها ترباس واستمعتم اليها جميعا
نطتطوا وعرضتوا يمكن وده فى الغالب الأعم
لكن باعتبارها حكاية من حكايات الفانتازيا والخيال
وفرط الحماسةمن شاكلة
النار ولعت بى قلبى بطفيها
لكن لمن يجوا يحكوها ليك باعتبارها من حكايات الواقع
فهذا مما لا يفهمه مثلى
ولا ييستوعبه حتى ميسرة لولا انه راه وعاشه
كان الطلاق والأنفصال
مصير وقسمة اثنين من زوجات الحاج سيد احمد
امهات ميسرة واخوانه واخواته
انها سنة من سنن الحياة الدارجة , ومآلاتها المحتملة
ولكن تبعات ذلك , حسب واقعنا الذى نعيش ونحيا
فى حدها الأعلى من المثالية
لا تتعدى (التعايش السلمى )
كما انه من الأفضل ان يبعد كل عن محيط الآخر
بمسافة مناسبة تحفظ لهما الأبتعاد كل بحياته الجديدة ومصيره
وجود الأبناء كنتاج لهذه الزيجات غير الموفقة
جعل من تصرفات الحاج سيد احمد ابراهيم مختلفة وعجيبة
حتى بعد ان تزوجت طليقاته برجال آخرين
حفظ الحاج سيد احمد وده معهن بل وخلق ودا جديدا مع ازواجهن الجدد
بل وابائهم وبناتهم من ازواجهم الجدد
حيث اصبح لميسرة مثلا ليس اخوان غير اشقاء فحسب
بل اخوان باعتبارهم (اخوان واخوات اخوانه )
قالت لى حاجة محسنة
ان زوجة من زوجاته المطلقات
كانت تلجأ للحاج سيد احمد (مع زوجها )
وتتخذه وسيطا لحل بعض مشاكلهم
وفعلا هذا ما كان يحدث
عشان تستغربوا معاى بسألكم
كم انت او (انتى)
حريص او (حريصة )
على الأبتعاد ونسيان حكايات قديمة
عن خطيبة زوجك السابقة
او خطيب زوجتك او ود جيرانهم الكان عايز يعرسها زمان
تقدر او تقدرى تجاوبينى ؟؟؟
ولا انا
Post: #1449
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 12:39 PM
Parent: #1447

wq.gif Hosting at Sudaneseonline.com


مستمتعيــــن ونحن نتابع ســرد

ألفيــــة بن عبد الرازق


* بتصرف ونيابة عن كل بنات الشــيوخ ..!
Post: #1450
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-12-2009, 01:01 PM
Parent: #1449

مساكم الله بالخير
كل أسبوع و أنا أقود سيارتي عائدا الى مكان عملي بمثابة تجربة جديدة...اليوم كانت التجربة فريدة و أنا أقود سيارتي لمسافة 280 كيلو متر تحت المطر الغزير...لم أتوقف و لكنني كنت أقود بسرعة بطيئة نسبيا حتى وصلت و الحمد لله الى وجهتي...
بعد قرابة الأربع ساعات من التنشن الشديد كان لا بد من عمل شئ يريح الأعصاب...فكان أن وجدت اندياح منصور فأراح أعصابي...لا أرغب في تكرار تجربة القيادة تحت المطر...و لكني بلا شك أرغب في استمرار منصور في الكتابة و الاندياح...

تسلم يا منص...بس بنيات محمد عيدالبنفسجيات ديل قاصد بيهم شنو...عليك الله أشرح لي أنا لسة متنشن..
Post: #1451
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-12-2009, 02:32 PM
Parent: #1450

Quote: بعد قرابة الأربع ساعات من التنشن الشديد كان لا بد
من عمل شئ يريح الأعصاب...


نحمد الله على سلامة الوصول يا رشيد

من أخطر الأشياء القيادة وقت نزول المطر

ولقد مررت بالتجربة دي وكانت مريرة ولم أكررها

فأتركها أنت لأنها غير محمودة ،، وما سيول جدة

التي أتت من مكان ما من خارج المدينة وإجتياحت وسحبت معها

جميع السيارات التي كانت تعبر الخط السريع القادم من مكة المكرمة

في تلك اللحظة ولم تنجو ولا سيارة واحدة.
Post: #1452
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-12-2009, 03:43 PM
Parent: #1451

Quote: فأتركها أنت لأنها غير محمودة ،،


تسلم يا ريس و شكرا على النصيحة...لن أكررها مرة أخرى...اكتشفت ان امكانية حدوث أي شئ وارد و أنت تقود تحت المطر...و أنا بدوري أنصح غيري...لا تقودوا في طريق مبتل أو تحت المطر...خصوصا الطرق السريعة و في الخليج بالتحديد...
Post: #1453
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 08:37 PM
Parent: #1452

كنت اود انزال قائمة بالاسماء التى طااال غيابها

وبدأت فى حصرها من الذاكرة لاطلاق نداء البوست مستجديا عودتها لهذا الحوش الكبير ...

وكنت بينى وبين نفسى قد اعتزمت - مزحــا" - دفع الاخ زهير لتفعيل اللائحة ..ّّ!!

ولكن واثناء رصد الاسماء الغائبة ...

فوجئت باسم العزيز .. ابو الزوز نفسه يقفز امامى ....

اين انت يا ابا مجد ...

لعل المانع خير ...

اتوقع ظهورك بعد المباراة البيض بتاعت البرشا
Post: #1454
Title: Re: ناس الزقازيق ... أجدع ناس ( 3 )
Author: طارق جبريل
Date: 12-12-2009, 09:24 PM
Parent: #1453



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

سلام يا ناس


الله عليك يا منص
ياخي والله بقى عندنا طيب صالح زقازيقي نباهي به المنابر
كدي لمن تنتهي انا بحكي ليك تجربتي الخاصة

Post: #1455
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-12-2009, 09:48 PM
Parent: #1454

يا سلام عليك يا جبريلا....ولى المساء الواله المحزون في جوف الضباب...

ان شاء الله ترفع معنويات أبو الزوز و يجينا مارق...لعنة السبت اصابت حتى أبو الزوز..

القائمة ابتدت تزيد شوية شوية..لحدى ما نكمل النصاب و نشطب السبت بناء على طلب منصور...

ستة يوم في الاسبوع بتكفيك يا منص تكمل المسلسل المكسيكي ده...

في تلفون مع منص عصر اليوم وعدني بحلقات و حلقات...و عرفت ان هذه مجرد بداية...

حسة تلقى الريس ميسرة ممحن..بيقول يا ربي منصور ده بيتكلم عن أبو منو....

على أي حال مستمتع لشوشتي...
Post: #1456
Title: Re: ناس الزقازيق ... أجدع ناس ( 3 )
Author: مني يونس
Date: 12-12-2009, 09:54 PM
Parent: #1454

سلام عليكم يا ناس البوست

مرت ستة ساعات ولم نشاهد غير

محمد عيد وطارق جبريل ولا عجبكم

كلام منصور وطريقة الألقاء بتاعنة وجلستم

معانا منتظرين دي ما عادتكم يا ناس الزقازيق

ورديت الليل تنازلت عن حقوقها كاملة لصالح ورديت

النهار التي يقودها الروائي الزقازيقي الطيب صالح الجديد
Post: #1457
Title: Re: ناس الزقازيق ... أجدع ناس ( 3 )
Author: مني يونس
Date: 12-12-2009, 10:00 PM
Parent: #1456

وصول الرشيد لدفع ورديت الليل إلى الأمام

حاجة تمام وفي غياب الريس قلنا نحاول نحمس الناس

دي شوية ونسخت الدلوكة شوية علشان طارق جبريل يطربنا

تاني ويعود الفنان محمد عيد للعزف مره أخرى ومصاحبة

صديق عمره رشيد القوم اما الزعيم زهير ربنا يرجع لينا

تاني ما يحصل أخوي جلا أسفين مولانا صاحب الفضيلة محمد
Post: #1458
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 10:04 PM
Parent: #1457

هلا رشيد وطارق ومنى

اقترح لتفعيل وردية الليل ...

ان نعمل شيرنق عاااتى وندفعه لاستقطاب وتسجيل

منصور ميسى فى وردية الليل ...

حينها سنجد حتى المتابعين ومستمتعين .. حاضرين معانا ..

أها الشيرينق كم ؟؟
Post: #1459
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-12-2009, 10:04 PM
Parent: #1456

هكذا حال وردية الليل يا منى منذ المئوية...رابطنا هنا و لكننا عندما أعيانا الانتظار انكفأنا على مربع كاي رغم ان زوارة قليلون...و لكننا نجد بعض الونس هناك...نزور البوست هنا للاستمتاع كغيرنا...و ننزل كلمتين متابعة و نمشي ننزوي مرة أخرى بي هناك...و لو مريتي يوم على مربع كاي لوجدتي أن صفحاته بلغت الأربعة و ربما يصل للخامسة عما قريب...و دي الواحد فينا بيهضرب لوحدة مع مشاركات الأخوان على قلتها...و ربما أكثرهم مشاركة معي هم محمد عيد و قدورة و أبو بكر حامد الذي أفتقده كثيرا هذه الأيام...
لا نجد التواصل الحميم كالسابق...التواصل الذي أوصلنا للمئوية..و هذه ليست بشكوى و لكنه واقع الحال...
Post: #1460
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-12-2009, 10:11 PM
Parent: #1459

حمادة وينك...تخليني أهضرب بي هناك براي...
Post: #1461
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 10:15 PM
Parent: #1460

رديت ليك يا حبيب

امشى جيب النضارة
Post: #1462
Title: Re: ناس الزقازيق ... أجدع ناس ( 3 )
Author: محمد عيد
Date: 12-12-2009, 10:23 PM
Parent: #1461

اقتـــراح هاااام للجميع

الاخ بكرى ابو بكر اعلن عن أرشفة البوستات يوم 28/12 .. يعنى بعد اسبوعين

واشترط لنقل اى بوست الا يتعدى الـ 15 صفحة ...

يعنى نحن الآن فى الزووون ..!!!
ولا اعتقد انه سيكون جميلا ان نؤرشف هذه الصفحات ونبدأ من جديد مرة اخرى

فالسلبيات ستتراكم علينا اكثر واكثر ..

اقتراحى ان يقوم الاخ / عصام دهب بطلب نقل البوست بصفحاته هذه الى الربع الجديد

وان نركز فى لقاءاتنا على بوستات المنبر الخاص ..

لعلها تكون فرصة لتفعيله اكثر وخلق روابط قوية فى داخله ..

ما رأيكم دام فضلكم ؟
Post: #1463
Title: Re: ناس الزقازيق ... أجدع ناس ( 3 )
Author: البادي النور
Date: 12-13-2009, 06:17 AM
Parent: #1462

صباح الهناء والسرور ...
أصبحنا وأصبح الملك لله ...
شوق كبير لكل الحلوين الزينين ...
Post: #1464
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-13-2009, 07:46 AM
Parent: #1463

صباح الخير ،،، يا وجوه الخير،،،

الكلمة الطيبة نظارة الدنيا وزاد الأخرة

sudansudansudansudansudansudansudansudansudansudansudansudan6.gif Hosting at Sudaneseonline.com
Post: #1465
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-13-2009, 09:21 AM
Parent: #1464

Quote: اقتـــراح هاااام للجميع

الاخ بكرى ابو بكر اعلن عن أرشفة البوستات يوم 28/12 .. يعنى بعد اسبوعين

واشترط لنقل اى بوست الا يتعدى الـ 15 صفحة ...

يعنى نحن الآن فى الزووون ..!!!
ولا اعتقد انه سيكون جميلا ان نؤرشف هذه الصفحات ونبدأ من جديد مرة اخرى

فالسلبيات ستتراكم علينا اكثر واكثر ..

اقتراحى ان يقوم الاخ / عصام دهب بطلب نقل البوست بصفحاته هذه الى الربع الجديد

وان نركز فى لقاءاتنا على بوستات المنبر الخاص ..

تنبيه الأخ/ محمد عيد هام وعاجل جداً
ووجهة نظري تتخلص معكم في التالي:-

- يتم نقل البوست الحالي بعد أن نكمل الميل رقم 15أو 16 إلى منبر ناس
الزقازيق .
- يفتح واحد جديد بإسم ناس الزقازيق (4) ونتفاعل فيهو لمدة ثلاثة أشهر أخرى
لأنه لا يعقل أن نختفي من المنبر العام ولأن البوست حقنا العام بالمنبر العام
يمثل تواجدنا في الحياة العامة ولأننا لم نستطع أن نقنن منبر ناس الزقازيق
وسوف يأتي يوم تكون فيه البوستات المطروحة أكثر من ثلاثمائة بوست وتحتار أين
تضع رحالك وقد يصيب هذا الناس بالملل أو التكاسل ولكن البوست حقنا العام في منبر
بكري العام يجد منا تلاقي سريع وإختصار للزمن للناس الذين لا يمتلكون وقت حسب ظروفهم
العامة أو ظروف عملهم والبوست بتاعنا العام يمثل تلخيص كبير للدائر بمنبرنا بتاع ناس
الزقازيق ، آمل أن نتفق على عدم تلاشينا من المنبر العام .

أقترح إقتراح للمداولة بخصوص بعض التنظيم لمنبر ناس الزقازيق
بعض البوستات الهامة والمطلوبه للتداول المتواصل مثل:-
- بوست التهاني
- بوست التعازي
- بوست مربع كاي
- بوست شركة الزقازيق القابضة
- بوست كل ناس الزقازيق عناوين وهواتف
- بوست صور أعضاء البوست
- تطوير وتنمية القدرات والمهارات
- كل بوستات ناس الزقازيق أجدع ناس بالتسلسل الزمني

هل بالإمكان أن يطلب زهير الزناتي من بكري بتثبيت هذه البوستات
في أعلى المنبر الخاص بنا كما فعل هو في منبره العام وبدل من
التوهان تحت والذي سوف يحدث يوما ما لنستغل الفرصة الحالية والحميميه
مع بكري ونحدث هذا الأمر وسوف يعود يوم ما بالفائدة القوية .
ملحوظة إذا إتفقنا على ذلك يمكن إضافة بوستات أخرى تكون لها نفس الأهميه.
Post: #1466
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-13-2009, 10:17 AM
Parent: #1465

ناس الزقازيق احلي ناس ..وناس كايرو ارقى ناس ...

ياجماعة اناعشت فترة طويلة في مصر وارتباطي بقى وثيق بها بعد زواجي منها ...لكن يعميني ماشفت واحد منكم في اي شارع ولا اى سوق او حتى السفارة ...وانا بقصد شوارع كايرو واسواقها ...انتو كنتو الخرطوم / الزقازيق وبالعكس ولا شنو ؟

بحسب معرفتي للاخ عصام دهب وابوالنسب زهير الزناتي اعتقد انتو من زمن عبدالناصر ان لم يكن محمد نجيب ...

تحياتي وودي للجميع وتامين ولامين في الخير ...


فايز/ فرع كايرو
Post: #1467
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-13-2009, 11:23 AM
Parent: #1466

Quote: ياجماعة اناعشت فترة طويلة في مصر وارتباطي بقى وثيق بها بعد زواجي منها ...
لكن يعميني ماشفت واحد منكم في اي شارع ولا اى سوق او حتى السفارة ...وانا بقصد شوارع
كايرو واسواقها ...انتو كنتو الخرطوم / الزقازيق وبالعكس ولا شنو ؟


شفيق يا راجل ،،،،

ده أنحنا لمن نجي القاهرة المصرين نفسهم

بشاورولينا ،، ناس الزقازيق أهما حيويه وعزم وهمه

يا خي الزقازيقين ديل حالهم عجيب شديد ،، أعمامنا القدام

وضعوا أول دستور للطلاب السودانين قبل ما يصحوا ناس القاهرة

وأعمامك أنحنا في إتحاد 86 الإنتفاضة قادت جموع الزقازيقاب

الطلاب من جميع المناطق وإحتلال السفارة السودانية والإعتصام بها

وكان لهم القدح المعلى في التوجيه والترتيب وقوة الإقتحام وضخامة

الأعداد ،،،،،،

وصدقني مجموعتنا دي كانت بتجي السفارة السودانية كل يوم

علشان مشاكل الطلاب وبعد داك إستلموا الرايه أولادنا الحلوين

ناس عصام دهب وزهير الزناتي وباقي الزينين ،،،،

أها يا أخوي إنت أكيد بتكون جيت القاهرة

وعشت فيها بعد حكومة البشير دي - هههههههههه-

مرحب بيك أخونا فايز ودالقاضي ويشرفنا مرورك

ببوست ناس الزقازيق والبيت بيتك وحبابك عشرة بلا كشرة

عمو / ميسرة
Post: #1468
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-13-2009, 12:25 PM
Parent: #1467

يا رييس ميسرة عليك الله خلينى ارد على ود القاضى ده لانى عندى
معاه تاااار بايت فقد نعتنى ذات ليلة بالبرلوم

فهو شليق رغم ظرافته وخفة دمه ووجاهته

واقول ليك يا ود القاضى

اولا بما انك جيتنا فى بيتنا اقصد بوستنا
اقول ليك حللت اهلا ونزلت سهلا
ويا ضيفنا لو زرتنا لوجدتنا نحن الضيوف وانت رب المنزل...

مجموعة الزقازيق أجدع ناس لم تكن مجرد ثلة خريجين عاديين جمعتهم
جامعة عادية

بل هى تجربة حياة على رأى الجزيرة
تجربة بدأت فى العام 1976 واستمرت حتى نهاية عقد التسيعنيات
الزقازيق لم تكن كأى مدينة بأرض الكنانة بل كانت نفسها كنانة
والكنانة هنا هى بيت السهم
فقد كانت الزقازيق سهماً غرس فى وجداننا لن تنزعه رياح الماضى
ولن يصديه غبار الذكرى

كنا وما زلنا يجمعنا الحب وتجمعنا الثقافة المشتركة ونشترك
جميعافى حب الوطن الكبير

نرحب بك عزيزى ودالقاضى ودمت ...سمعـة
Post: #1469
Title: Re: ناس الزقازيق ... أجدع ناس ( 3 )
Author: طارق جبريل
Date: 12-13-2009, 02:59 PM
Parent: #1468

سلام يا اهلنا
الليلة شوفوا الو مرحبا في النيل الازرق
فيها زول مهم شديد
Post: #1470
Title: Re: ناس الزقازيق ... أجدع ناس ( 3 )
Author: محمد صديق
Date: 12-13-2009, 06:33 PM
Parent: #1469

سلامات يا ناس

حركتكم بقت خفيفة ...صابتكم العين

جبريل ما تقول الزول ده منو؟
Post: #1471
Title: Re: ناس الزقازيق ... أجدع ناس ( 3 )
Author: جلال عثمان
Date: 12-13-2009, 07:06 PM
Parent: #1470

تحيات ...
وشوق ...
وإن شاء الله قريباً عائدون ...
وبقوة كمان ...
فقط تمضي شوية "المشغوليات" دي إلى حال سبيلها

تحياتي وودي للجميع
Post: #1472
Title: Re: ناس الزقازيق ... أجدع ناس ( 3 )
Author: مني يونس
Date: 12-13-2009, 08:09 PM
Parent: #1471

زهير الزناتي يا أبو شنب

نفتقدك كتير إنشاء الله خير

الريس معتصم مشتاقين ،،،،

يبدو أن الشديد القوي الشال

جلال عثمان أبعدكم عن قوة المشاركة

اليومية ، البوست صار بطئ وفي إنتظار البرايات

لا تفوت على فطنة القارئ بأن المتداخل / ميسرة
Post: #1473
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-13-2009, 09:15 PM
Parent: #1472

غدا نكون كما نود
سلام للجميع
Post: #1474
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-13-2009, 10:08 PM
Parent: #1473

إزيكم يا جماعه ...
فايز ود القاضي ... أو ود جده .. مرحب بيك و انت عابر بي شارع بيتنا ..


و التحايا لكل الحلووووين
Post: #1475
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-13-2009, 10:10 PM
Parent: #1474

http://www.sudaneseonline.com/uploadpic/Nov09upload/312...73_405df0b0a3_b1.jpg
Post: #1476
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-13-2009, 10:12 PM
Parent: #1475
Post: #1477
Title: Re: ناس الزقازيق ... أجدع ناس ( 3 )
Author: قيس جمال الدين
Date: 12-13-2009, 10:24 PM
Parent: #1476




ممكن بعد دا نعمل مسلسلات تركيه سودانيه ...

و أنا سوف أكتب السيناريو ...
Post: #1478
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-13-2009, 10:31 PM
Parent: #1473

Quote:

انتو كنتو الخرطوم / الزقازيق وبالعكس ولا شنو ؟

[/QUOTE

توجد أوجه شبه بين مدنى والزقازيق ، فلون التاكسى أحمر ، ودور السينما ثلاثة ، أهلها مسالمون للحد البعيد ، كنت أشعر بالإختناق فى القاهرة ، ربما بسبب تلوث الهواء وربما الأمر نفسى فى أعظمه ، حين يغادر البيجو محطة أحمد حلمى ويشق طريقه الزراعى أتنسم رائحة الجروف وريحة البلد حين نغادر سوبا فى طريقنا لمدنى .

أما عن ناس الزقازيق ووسطها الطلابى فهم خيار من خيار أراد المولى عز وجل أن يثيبنا على تغربنا عن الأهل والأحبة فكانوا نعم الصحب والرفقة ، وتجد لدى قدورة دعوة جميلة أن المرء يحشر مع من أحب ونحن كذلك.
Post: #1479
Title: Re: ناس الزقازيق ... أجدع ناس ( 3 )
Author: محمد صديق
Date: 12-14-2009, 06:16 AM
Parent: #1478

سلامات يا ناس

وصباحات التفاؤل

مرحب قيس جمال الدين ...وشغال بنظرية

المذاكرة فى مكتبة دار الكتب.

بكرى حامد...منور
Post: #1480
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-14-2009, 06:37 AM
Parent: #1479

صباح الخير ،،، يا وجوه الخير ،،

ربي أشرح لي صدري

ويسر لي امري

وأحلٌل عقدة من لساني

آمييين،،،،،،،

نفتقد اليوم الإطلاله الصباحية لأخونا البادي.
Post: #1481
Title: Re: ناس الزقازيق ... أجدع ناس ( 3 )
Author: البادي النور
Date: 12-14-2009, 07:35 AM
Parent: #1480

صباح الهناء والسرور ...
أول ما دخلت على المنبر العام ظهر إسمي كضيف ...
مشيت شفت الحضور لقيت إسمي مكتوب ...
طبعا زعلت وجاتني أفكار شيطانية ...
إنه عمو الزناتي شفرني علشان ما أدخل الحوش تاني لكن ليه ما عارف ...
أو ممكن جدو رشيدالقوم طلب من أحد الريسين (اللي ما غرقو المركب)
إصدار فرمان تشفير لشخصي الضعيف علشان أنا ما من زوار مربع كاي ...
ممكن يكون سيد الحوش الولد الدهب زعلان مني لأي سبب وقام طردني من حوشه
ما هو كمان مخير في حوشه يطرد اللي يطرده ويخلي اللي هو عايزه ...
يكون يا ربي كمندان الحوش الكوتش قام الصباح زهجان وقرر يمارس تعذيب
نفسي على شخصي الضعيف علشان هو عارف حرماني من التواصل الزقازيقي
هو قمة التعذيب ...
ممكن يكون محمد عيد بحركة فنية على الفوتوشوب قام غير ملامحي
(مش كفاية علينا الزمن غير ملامحنا ونحن بقينا ما نحن !!!)
فالكمبيوترالغبي ما قدر يتعرف على شخصي الضعيف ... لكن محمد عيد ليه يعمل كدا؟
إحتمال يكون إجراء إحترازي علشان لو غلبناهم اليوم وشلنا كأس السودان
ما نلقى حتى فرصة نفرح ... يعني محمد عيد عايز يوئد فرحتنا من قبل
ميلادها ... عموما هي إجراءآت تعسفية ...
يا ربي يكون مقلب من بكوري ود المأذون علشان يضحك فيني ضحكته المجلجلة
ويمشي يحكي لكل الناس إنه برلمني ومقلبني وحرمني من التواصل مع الغاليين ...
لكن أنا بقول هي حركة في شكل وردة ومحاولة للإختفاء الظهوري ...
وحاول يخفي نفسه وهل يخفى القمر في سماءه ... لا وطبعا لا ... شفناه شفناه ...
Post: #1482
Title: Re: ناس الزقازيق ... أجدع ناس ( 3 )
Author: محمد عيد
Date: 12-14-2009, 08:18 AM
Parent: #1481

صباحاتكم ناديـــة .. وبالفرحة بادية ( يا البادى )

أسأل الله ان لا يحرمكم من سبع ..

توفيقه ورحمته ..

ومغفرته ورضوانه ..

ورزقه وجنته ...

وصحبة نبيه صلى الله عليه وسلم .


----------

البادى .. عارف كان ممكن فعلا أعملها فيك ...

لكن المشكلة بالجد انو ما عندى ليك صورة على الاطلاق ...

وكمان حتى مناسبات ناس الداخل ما بتشارك فيها - اعمل حسابك من زهير بعد ده بيطبق فيك

اللائحة ) ..

بس يا ريتك يا حبيب توصى ود اختك يفكها لينا شوية الليلة ويعطى فرصة

لى اولادنا يشموا نفسهم شوية ... واااااا... ؟!
Post: #1484
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-14-2009, 08:35 AM
Parent: #1468

الذي مازال برلوماً ...عبدالسميع اللميع ..

تحايا بحجم الزقازيق وماتحمله لها من ذكرى وحنين ..

شكراً لكرم الضيافة يااحلى انسان (وده مابغير كونك برلوم)..

قلت لي 1976م !!! ياخي ده انا كان عمري 4 سنوات ...

انتو درست فيها ولا بنيتوها ياعبدالسميع ؟!!!

مرة تانية شكراًً للترحيب ...


الكايروابي ..
Post: #1483
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-14-2009, 08:28 AM
Parent: #1467

شكراً استاذنا ميسرة على هذا الترحيب الجميل وفعلاً ناس الزقازيق احلى ناس ...

الاستاذ عثمان احمد طه من ابناء كسلا وتخرج من بالزقازيق ودرسني بالمرحلة المتوسطة ..


فايز ود كايرو
Post: #1485
Title: Re: ناس الزقازيق ... أجدع ناس ( 3 )
Author: محمد صديق
Date: 12-14-2009, 05:40 PM
Parent: #1483

سلامات يا ناس

اين ناس النهار

واين ناس الليل

وين ناس الهلال

ووين ناس المريخ؟؟؟؟؟؟
Post: #1486
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-14-2009, 07:19 PM
Parent: #1485

صباح الخير يا وجوه الخير
معليش...لي زمن ما جيت
النسألكم الدنيا ليل و لا نهار
لأنو أنا من ناس وردية النهار
تساءل محمد صديق!!!!
الرابط العجيب بين النهار و الهلال
في النهر يوجد ألفان وهاء
في الهلال يوجد لامان وهاء
الرابط العجيب بين الليل و المريخ
في الليل توجد ياء واحدة و لام واحدة كذلك في المريخ
فأنا رزقت من البنات إثنتين و ولد واحد
عليه أن بناتي يشجعن الهلال و إبني يشجع المريخ
هكذا خيل إلي
عايز أسألكم مباراة الهلال و المريخ ملعوبة متين ووين يا جماعة؟؟؟
Post: #1487
Title: Re: ناس الزقازيق ... أجدع ناس ( 3 )
Author: مني يونس
Date: 12-14-2009, 08:30 PM
Parent: #1486

من ميسرة /

Quote: عايز أسألكم مباراة الهلال و المريخ ملعوبة متين ووين يا جماعة؟؟؟


أهلاً يا شيخناجلا

والله طولة مننا طولة عجيبة

حتى حسبناك رجعت المدينة المنورة

مباراة الهلال والمريخ دي ملعوبة يوم عرفة الجاي

ومعلوبه في سنار مع ناس محمد الهادي وناس جلال

لو فاز فيها فريق الخرطوم 3 نمشي نبارك ليهم الكاس

لو فاز فريق الأمل عطبره بيكون ديل ناس عادل الجعلي وسامية إسماعيل

الليلة يا ناس تودوا وشكم وين من البادي النور .
Post: #1488
Title: Re: ناس الزقازيق ... أجدع ناس ( 3 )
Author: مني يونس
Date: 12-14-2009, 11:22 PM
Parent: #1487

المتداخل ميسرة/

خرج ولم يعد أوصافه كالتالي

الأسم : بوست ناس الزقازيق العام
السبب: زعل من ناس بيته لأنه أصبح وحيد وكل الناس مشت تلعب الكورة وتستقبل برشلونه
الحالة الراهنة : مصاب بأنيميا بعدم المداخلات وزهد أودي في الكتابة
الوصفة الطببية : عودة جموع البرايات أولا والبرايين وعلى رأسهم رئيس الكتيبة الزناتي
الوصف الجديد للبوست : سميناهو طه
العلاج : يطلعوا أمهات طه يرجعن مع طه أو كلنا نحلق أمات طه

التوقيع : أبو طه
Post: #1489
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-14-2009, 11:51 PM
Parent: #1488

سلام كبير للجدعان ... متابعة لصيقة للبوست ... نعتذر لظروف عديدة ... شكراً لكل من سأل عني ...
Post: #1490
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 06:38 AM
Parent: #1489

صباح الخير ،،، يا وجوه الخير،،،

أصبحنا وأصبح الملك لله ،،،،،،،،،،

اللهم أعنا،،،،،

على ذكر ،،، وشكرك

وحسن عبادتك ،،،،،،

اللهم آمين يا رب العالمين
Post: #1491
Title: Re: ناس الزقازيق ... أجدع ناس ( 3 )
Author: البادي النور
Date: 12-15-2009, 06:55 AM
Parent: #1490

صباح الهناء (الهلال) والسرور ...
أصبحنا وأصبح الملك لله ...
مبروك للهلال الجمع بين البطولتين ...
معليش يا مريخاب تعيشو وتاخدو غيرها ...
ودا حال الدنيا يوم ليك ويوم عليك ...
المهم في الموضوع الروح الرياضية في
تقبل الأمرين الفوز والهزيمة ...
والأهم من كدا ما نقعد نتهاتر في من فاز على من
خلونا نفلح في الفوز على الأفارقة خلونا نفرح
بالجمع بين بطولتين أفريقيتين للسودان يكون
الهلال بطل واحدة والمريخ بطل الأخرى ...
ويكون كاس السوبر سوداني الملامح ...
محمد عيد هاردلك ... حقيقة أنا ما أتفرجت
على المباراة بس عرفت النتيجة النهائية
يعني بصراحة ما عارف منو اللي كان أحسن
ومين اللي كان أسوأ إمكن كانت المباراة مناصفة بينهما...
يعني يا محمد عيد الموضوع ما كان عايز تعسفيات بالفوتوشوب
علشان تمنع مشاركتي والتعبير عن الفرحة ... لأنه الفرحة
بتكون بالتفوق الدولي مش المحلي ... وزي ما إنت شايف
كلنا في الهواء سوا لا الهلال قادر يجيب كاس الأبطال الأفريقي
ولا المريخ قادر يجب كاس الكنفدرالية ... يعني خلونا ساكتين أحسن ...
Post: #1492
Title: Re: ناس الزقازيق ... أجدع ناس ( 3 )
Author: عمر المهدى
Date: 12-15-2009, 06:59 AM
Parent: #1490

صباحات ندية
وباقات وردية
لكل الوجوة الزقازيقية
Post: #1493
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-15-2009, 07:00 AM
Parent: #1489

السلام عليكم و رحمة الله و بركاته
صباح الخير يا وجوه الخير
صباحات التفاؤل
تاني شنو؟؟؟
جزء من مداخلتك يا ريس ميسرة
Quote: مرحب بيك أخونا فايز ودالقاضي ويشرفنا مرورك

ببوست ناس الزقازيق والبيت بيتك وحبابك عشرة بلا كشرة

عمو / ميسرة

فائز ود القاضي هو أحد أبناء كسلا الميامين
والذين كانو من منظمي حفل تكريم وزير الشئون الهندسية الذي أقامته رابطة أبناء كسلا
و قد تعرفنا عليه عن قرب كما تتذكر و الذي أعطانا من وقته ثلاثة دقائق فقط
ليس بخلاً... لكن عمره لم يكن يسمح له بالبقاء بجوارنا أكثر من ذلك
فإذا كان هو تلميذ الأخ عثمان طه أحد أبناء كسلا في الأساس ...
فهو بلا شك مولود مع الإنقاذ...
لا عليك ستجده كما أود طيب،اً خلوقا،ً مرحا،ً خدوما،ً ويكفي أنه كسلاوي...
أتمنى أن يتواصل معك و عليك بأخذ تلفونه من الروفايل إذا وجد
و كذلك أنت أيها الفائز...محبتي إليكم كثيراً
وهذا أنا أيها القاضي
mohmd.JPG Hosting at Sudaneseonline.com
Post: #1494
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 07:18 AM
Parent: #1493

Quote: فائز ود القاضي هو أحد أبناء كسلا الميامين
والذين كانو من منظمي حفل تكريم وزير الشئون الهندسية الذي أقامته رابطة أبناء كسلا
و قد تعرفنا عليه عن قرب كما تتذكر و الذي أعطانا من وقته ثلاثة دقائق فقط
ليس بخلاً... لكن عمره لم يكن يسمح له بالبقاء بجوارنا أكثر من ذلك


شايف يا فائز ود القاضي الدنيا دي

ضيقة كيف أنا وأنت إلتقينا من قبل

بمدينة جدة في يوم تكريم الوزير بفندق قصر المدينة

والتي أقامتها رابطة أبناء كسلا الأشاوس

وكنت ضيف عندكم مع الأستاذين / خالد ومحمد آدم النور

وفي ذلك اليوم تم تكريم الأستاذ/ محمد آدم النور وبعدها

حضرنا الحفلة الكاربة معاكم وقمنا وهزينا وبشرنا بمعية الحجاج

وكمان ختمناها بالعشاء الفاخر والبوفيه المفتوح.

رايك شنو ،،،، هل تذكرت الشكل ولا نسيت مع زحمة الترتيبات

شفت ناس الزقازيق ديل حلوين كيف.
Post: #1495
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-15-2009, 07:37 AM
Parent: #1494

Quote: الأسم : بوست ناس الزقازيق العام
السبب: زعل من ناس بيته لأنه أصبح وحيد وكل الناس مشت تلعب الكورة وتستقبل برشلونه
الحالة الراهنة : مصاب بأنيميا بعدم المداخلات وزهد أودي في الكتابة
الوصفة الطببية : عودة جموع البرايات أولا والبرايين وعلى رأسهم رئيس الكتيبة الزناتي
الوصف الجديد للبوست : سميناهو طه
العلاج : يطلعوا أمهات طه يرجعن مع طه أو كلنا نحلق أمات طه

التوقيع : أبو طه

الإسم: ناس الزقازيق أجدع ناس شاملاً و ردية الليل و النهار و الناس الضهب
سبب الرجوع: فتش ناس بقامة ناس الزقازيق في الحتات التانية ما لقى حاجة جا راجع تاني و حامد الله كثيراً
الحالة الراهنة: شفي من داء عضال ورجعت و ردية النهار باقي و ردية الليل
الوصفة الطبية الفاعلة: وجود الريس في الورديتين يجعل الحياة سهلة
الوصف الجديد للبوست: سيمناهو العود أحمد و محمد وطه...ينفع؟؟؟
العلاج: رجوع أم طه بوعود من طه على أن يظل طه على الوعد به هو و أصحاب طه
التوقيع: أمات طه
Post: #1496
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 08:18 AM
Parent: #1495

Quote: العلاج: رجوع أم طه بوعود من طه على أن يظل طه على الوعد به هو و أصحاب طه
التوقيع: أمات طه


الحمد لله الرجعن أمات طه بسيد الأسم طه

وطبعاً سوف نشهد عودة كثير من المحتجبين

وعلى راسهم لسعات النحل - ديدو- بعد الفورمة

وشاعر البوست - ود نجيلة - قبل وبعد المخلص الإسبوعي

وناس عموم الرياض وعلى رأسهم الشادي

والناس الظروفهم الزمنية أجبرتهم على الهجر وفي مقدمتهم الريس معتصم وعمو الزناتي

والناس الدهب وعلى رأسهم سيد الحوش عصام الدهب

وعموم البرايات داخل السودان وخارجه

نحمد الله لعودة طه.
Post: #1497
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 08:24 AM
Parent: #1496

المنبر العام كله كورة

نقول مبروك للهلال

وحظ أوفر للمريخ في المرات القادمة

1783001181682758ih0sudan1sudansudan1sudan.jpg Hosting at Sudaneseonline.com
Post: #1498
Title: Re: ناس الزقازيق ... أجدع ناس ( 3 )
Author: ياسر نجيلة
Date: 12-15-2009, 10:06 AM
Parent: #1497

مبروك مرتين ... للأزرق
مرة عشان دوري السودان ...
ومليون مرة عشان كأس السودان ...
Post: #1499
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 11:51 AM
Parent: #1498

Quote: مبروك مرتين ... للأزرق
مرة عشان دوري السودان ...
ومليون مرة عشان كأس السودان ...


يا سلام على الناس لمن تكون راقية

وفاهمة وتمارس الرياضة على إصولة

نيابة عن زهير والكوتش والرشيد والبادي وعن نفسي

وعن كل ناس ,,,

الله يبارك فيك ،،،،،
Post: #1500
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-15-2009, 01:23 PM
Parent: #1499

Quote: مبروك مرتين ... للأزرق
مرة عشان دوري السودان ...
ومليون مرة عشان كأس السودان ...

شنو يا ياسر نجيلة مشتاقووووون
قريت مداخلتك أكثر من مرة
متأكد إنو الكتبتو دا تلخيصك و كبسولاتك المعهودة للمداخلات السابقة؟؟؟؟
لا أطن
عشان كدا موسى عيسى غائب من لبوست دا
يا عجبي!!!!!
Post: #1501
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 03:29 PM
Parent: #1500

يلا يا شباب

أها ،، واحد

إثنين ،،،،،

أرفع رجلك من الكلتش

يا شاب بالله يدك معانا

يا أخونا بالله دفره شويه

أها ،،، ثلاثة ،،، ياخي دوس بنزين

أيوه ،،، شكراً تم أعادت البوست لوضعه الطبيعي

بعد ما حتل للالالالالالالالالالالالا تحت .
Post: #1502
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 03:34 PM
Parent: #1501

حباب الميل رقم (16)

وشايف سيد الحوش عصام دهب شايف

شغلة كويس وقدم طلب للأخ/ بكري بنقل

بوست ناس الزقازيق (3) إلى الربع الأول من عام 2010

بس الملاحظة بأنه لن ينقل أي بوست يزيد عن 15 صفحة أو أكثر من 100000مداخله

الدور عليك يا زهير الزناتي علشان نشوف الشكل الفني حا يكون كيف

هل ترحل الـ 15 صفحة دي في منبر ناس الزقازيق ،، افتونا
Post: #1503
Title: Re: ناس الزقازيق ... أجدع ناس ( 3 )
Author: محمد عيد
Date: 12-15-2009, 03:51 PM
Parent: #1502

هل ترحل الـ 15 صفحة دي في منبر ناس الزقازيق ،، افتونا


يا ريس انا باختلف معاك فى النقطة دى

وأرى ان نقل الـ 15 صفحة للبوست الخاص سيؤدى لتدهور المسألة أكثر

والدخول والمشاركة سيصبحان أكثر بطئا ...

والواجب الآن ان يبذل حبيبنا ابو الزوز جهوده مع بكرى لابقاء هذا البوست

على الأقل حتى الربع القادم ...

حينها سنكون قد خطونا خطوات جيده فيه ... وايضا فى ترميم منبرنا الخاص
Post: #1504
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-15-2009, 03:55 PM
Parent: #1503

أول فتوى أتت من العزيز محمدعيد

وكلامك ده لو قدر زهير يعملوا لينا

هو مرادنا حتى لا يكون كلامنا كله مبتور ومقطع

وحتى نطور وجودنا في منبرنا الخاص.


زهييييييييير وينك يا الحبيب ،،،

في الليله الظماء يفتقد البدرُ
Post: #1505
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-15-2009, 05:38 PM
Parent: #1504

نسورا تعشق الترحال فى

الافاق 00تبقى الكون حريه
حسن بيومى
==============================

برغمك نحن ما زلنا00بنعشق فى سلاسلنا

بنسخر من زنازنا00وبنسخر من زنازينك
محجوب شريف
==============================
Post: #1506
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-15-2009, 06:55 PM
Parent: #1505

مساكم الله بالخير

شتاء الامارات الجميل يبهج الروح صباحا بالجو الجميل و برده اللذيذ مساءا...جو زي ده كان عايز ليهو لمة زقازيقية تسعد فيها بجمعة حلوة مع نفر طيب...تضحك من قلبك و تنبسط حتى الثمالة...
Post: #1507
Title: Re: ناس الزقازيق ... أجدع ناس ( 3 )
Author: البادي النور
Date: 12-16-2009, 06:09 AM
Parent: #1506

صباح الهناء والسرور ...
صباح نضيف خالي من الغش والتزييف ...
دي كانت التصبيحة المفضلة لواحد أخونا
إسكندراني كان يعمل معنا في مكة ...
أصبحنا وأصبح الملك لله ...
Post: #1508
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-16-2009, 06:15 AM
Parent: #1506

صبحكم الله بالخير

في ربيع الحب
فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة



الشاعر ادريس جماع رحمه الله
Post: #1509
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-16-2009, 06:42 AM
Parent: #1508

صباح الخير ،،، يا وجوه الخير ،،،

صباح الهنا والسرور والناس الطاعمة


نسمات الصباح :

اللهم إن كان رزقي في السماء فأنزله


وإن كان في الأرض فأخرجه


وإن كان بعيدا فقربه


وإن كان قريبا فيسره


وإن كان قليلا فكثره


وإن كان كثيرا فبارك لي فيه
Post: #1510
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-16-2009, 07:25 AM
Parent: #1509

اللياقة ما زالت تعبانة
يظهر فراق الحبايب قاسى وصعيب


،،،،،،،

يا ريس ما تخاف سوف ينقل البوست بعدد صفحاته الـ 16 او اكثر
الى الربع الرابع

تحياتى
Post: #1511
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-16-2009, 08:19 AM
Parent: #1510

سلام من الله تعالى و بركاته
صباح الخير يا وجوه الخير (علم)
صباح التفاءل
سلامات يا ناس (جاييكم بي رواقة)
شكراً لكل من سأل عني (جاييكم بي رواقة)
غرقان لي شوشتي لكن (أصبرو لمن أروق)
متابع و مستمتع (جاييكم بي رواقة)
اللياقة تعبانه (جاييكم لمن أروق)
جاييكم الخميس الفات (جاييكم بي رواقة)
راكبة أمجاد و جيت من حفلة هس لكن (جاياكم بي رواقة)
بديت مراجعة إمتحانات لكن ما تمشو بعيد (جاياكم بي رواقة)
الجيفارات عطلو لي الكمبيوتر لكن (جاياكم بي رواقة)
إجازة في السودان كملت لكن موعودين بي حاجات كاربة من بلد أوباما (جاييكم بي رواقة)
لمن الخبراء الأجانب أوديهم السودان بعدها (جاييكم بي رواقة)
مسافر مع الكفيل لكن (جاييكم بي رواقة)
حنعمل مسيرة يوم الإثنين الجاي بعدها (حا أجيكم بي رواقة)

أحبكم بعد ما تروقو
Post: #1512
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-16-2009, 11:07 AM
Parent: #1511

والبحث عن الرواقة ما يزال مستمرا
كل عن رواقته يبحث
هكذا قال جلا طلاع الثنايا
الذى تعرفونه وضع العمامة او لم يضعها
انا كنت كذلك
معكرا باحثا عن رواقة ضائعة بلا سبب ظاهر
لكن , الا ادلكم على وصفة سحرية
اذا فعلتوها , زارتكم الرواقة وانتو فى (عكارتكم تسبحون )
اكتبوا وتداخلوا
نتقبل مداخلاتكم
العكرانة
قبل الرايقة
التوقيع
سادومبا
الشغال
بى مكنة
هيثم مصطفى
Post: #1514
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-16-2009, 11:16 AM
Parent: #1512

تداخلات الأحداث فى الأيام الفائتة
وتقاطعاتها , ونقاط تماسها الكثيرة والمتشابكة
خلت معظمنا , مكبر العيون , وراخى الأضنين
وناس كثير بعرفهم وما بعرفهم
استعاروا , عيونا وآذانا اضافية
ولكن الطامة الكبرى
ان الكثيرين , يستعيرون الآذان والعيون
رغم ان الله حبانا (اثنتان من كل)
ثم , رغم زحمة الآذان , وكثرة العيون
فان ما يتحرك فينا قبلهم
اللسان
رغم انه واحد , لا ثانى له
ورغم ثنائية العيون والآذان
واستعارة المزيد منهما
واستلافهم
فاننا لا نرى ولا نسمع
الا ما نحب ان (نقول)
دنيا (فرندقس)
Post: #1513
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-16-2009, 11:10 AM
Parent: #1511

تحياتى شلة الانس لاعادة الروح والالق والحيوية للحوش على رأى الولد النضيف




بعض الرحيق .

جزء من قصيدة نزار قبانى الرائعة (حافية القدمين)


يا منص يا اخى ما تساندنى فى دعوتى لجلب الفتى الضاحك الفاتح

على بشير فهو لوحده بيملأ الصفحات قصصا ونكاتا وفرفشاتا.

والى المقطع



هل عندكِ شكٌّ أنكِ أحلى امرأةٍ في الدنيا ؟.

وأهمُّ امرأةٍ في الدنيا ؟.

هل عندكِ شكٌّ أني حينَ عثرتُ عليكِ ..

ملكتُ مفاتيحَ الدُنيا ؟.

هل عندكِ شكٌّ أني حينَ لمَسَتُ يديكِ

تغير تكوينُ الدنيا ؟.

هل عندكِ شكٌّ أن دخولكِ في قلبي

هو أعظمُ يومٍ في التاريخ ..

وأجملَ خبرٍ في الدنيا ؟.

هل عندكِ شكٌّ في من أنتِ؟

يا من تحتلُ بِعينيها أجزاء الوقت

يا امرأةً تكسِرُ حينَ تمُرُّ ، جدار الصوت

لا أدري ما ذا يحدث لي ؟

كأنكِ أنثاي الأولى

وكأني قبلكِ ما احببت

وكأني ما مارستُ الحبَّ ..ولا قبلتُ ولا قُبلت

ميلادي أنتِ.. وقبلكِ لا أتذكرُ أني كنت

وغِطاءِ أنتِ .. وقبل حنانِكِ لا أتذكرُ أني عِشت ..

وكأني أيتها الملكة ..من بطنكِ كالعصفورِ خرجت ...


هل عندكِ شكٌّ أنكِ جزٌ من ذاتي

وبأني من عينيكِ سرقتُ النَّار ..

وقمتُ بأخطرِ ثوراتي

أيتها الوردةُ .. والياقُوتةُ .. والريحانةُ ..

والسلطانةُ ..

والشعبيةُ ..

والشرعيةُ بينَ جميعِ الملِكاتِ ..

يا سمكاً يسبحُ في ماءِ حياتي

ياقمراً يطلع كل مساءٍ من نافذةِ الكلماتِ ..

يا أعظمَ فتحٍ بينَ جميعِ فتوحاتي

يا آخرَ وطنٍ أُولدُ فيهِ ..

وأدفنُ فيهِ ..

وأنشرُ فيهِ كتاباتي ..



يا مرأةِ الدهشةِ .. يا امرأتي

لا أدري كيفَ رماني الموجُ على قدميكِ

لا أدري كيفَ مشيتِ إليَّ ..

وكيفَ مشيتُ إليكِ .
Post: #1515
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-16-2009, 11:31 AM
Parent: #1513

عبد السميع ياحبيب
يا لامع براك
وما محتاج تلميع
شعر ده ولا ما شعر ؟؟
شايفك قمت تهابش بى هناك ناس الكورة ديل
الجماعة ديل سمهم فاير
شايف واحد منهم عايز يطرشق
مستغربا انك لا تعرف لونه الرياضى !!
وعلى ذلك
فان القياس
يوريك الجواب المن عنوانه باين
الفاتح على بشير
قال البوكس بتاعه قزازه مكسور
عشان كده وصوله من المزاحمية للرياض
محتاج اعادة نظر
وبالأصح , تصليح قزاز
المعاهو قزاز ياااااا
لكن عارفين حتى لو قزازه مكسور
فهو عنده لسان
وقلم
مش يتجاوز القزاز المكسور بس
اكيد ممكن
اصلح سراير , اجلد عناقريب
جايبينو بالطيارة
با يعنو بالخسارة
حد نازل يااااااا
الزقازيق
حد نازل ؟؟؟؟؟!!!!!!
Post: #1516
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-16-2009, 12:42 PM
Parent: #1515

يا سلام على ناس الزقازيق

لمن يكون البوست منور بوجوده

وعادت كثير من الأقلام الجميلة للكتابة

بس الباقي لينا من الرحيق المعتق مداخلة

حلوه كده من زهير الزناتي ،، وفي غيابه

نهدي ليهو مقطع من رائعة إدريس جمال التي أوردها رشيد القوم

اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا


كلام جميل وراقي شديد وفيه إحساس مرهف

وشعور بنشوة الحب ،،، يا كوتش بالله شوية تعليق
Post: #1517
Title: Re: ناس الزقازيق ... أجدع ناس ( 3 )
Author: عصام دهب
Date: 12-16-2009, 12:51 PM
Parent: #1516

سلام يا أحبة ..

رغم الأنشغال ..

متابع و مبسوط ومستمتع و مستمتع .. ..

أقعدوا عافية ..
Post: #1518
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-16-2009, 01:04 PM
Parent: #1517

Quote: أقعدوا عافية ..

الله يعافيك
كدا نحن إطمئنين عليك...وترانا قاعدين
و الحمد لله ما قلت جاييكم بي رواقة
Post: #1519
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-16-2009, 01:31 PM
Parent: #1518

Quote: كلام جميل وراقي شديد وفيه إحساس مرهف

وشعور بنشوة الحب ،،، يا كوتش بالله شوية تعليق


سلامات يا ناس
شكراً يا ريس على الكلام الطاعم

لا تنظروا لمداخلات جلا المغرضة

غيابي من البوست لفترة ليست بالقصيرة

لأنني قاعد أفكر في الرحول من جديد

للشعر مكانة خاصة يا ريس

لكن قاعد أقضي حوائجي بالكتمان

إنشاءالله موعودين بأشياء جميلة

بالمناسبة معزومين عصيدة يوم الجمعة

سلامي للعيال و أمهم

التوقيع:
جورج
الكمندان
الكوتش
محمد صديق
Post: #1520
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-16-2009, 02:04 PM
Parent: #1519

الرييس ميسرة

عارف ادريس جماع دائما ما بيذكرنى بالتراجيديا وحينما يأتى ذكره يأتى الحزن
فتجربته هو والتجانى يجب ان تحكى وتحكى

وكلماته لو تأملناها بعيدا عن الغناء فهى مطر رذاذ.


يا عصام دهب

والله ليك وحشـــة والنيو لوك بتاعك رائع بس لو

نزلت بيهو السودان كده حا يصير موضة وطبعا رحبنا بالنضيف على شواطى الريفيرا الجبلاوية

ومنتظرين قدومك عليك الله توصل تحيايا خاصة لمرتضى كرموش كم نشتاقه ياربى الشعر شييب والله لسه بشعره الجميل داك بتاع عمرو دياب سلامى الححار لهوكمان حسن سليمان الحارس الدولى السابق.

يا منص والله انت عارف كلمتك الاخيرة بتاعت

حد نااااازل دى ذكرتنى طرفة

قالوا المصريين المعارضين لجمال عبدالناصر كانوا بيقولوا بعد النكسة ان مطارات جمال عبدالناصر السرية كانت معروفة لاسرائيل فقبل الضربة الجوية كان صبية الباصات عاملناها محطة من شدة اشاعتها ما طلعت فلما تجى اخر مدينة نصر كان الكمسارى بيصيح

المطاااارات السرية ..حد نازل
نناشد ابوالزوز بالمساعدة فى تسجيل الكابتن الفاتح على بشير مع تسجيلات 2010

ولك وافر تحياتى

أحمد ادم النور الحاج

يا اخى فى البدء حجة مبروووكة ومبرورة ان شاء الله

وبس بنستفسر يا ربى نحن داخلين فى موضوع العصيدة السرية دى ولا لاااا.
تحياتى
سمعـــــــة
Post: #1521
Title: Re: ناس الزقازيق ... أجدع ناس ( 3 )
Author: عمر المهدى
Date: 12-16-2009, 04:36 PM
Parent: #1520

الجلسة بينكم مافي احلي منها
ونستكم ناعمه ودقاق
لو نهار نتمني ماتمسي
ولو ليل نتمني فجرو مايطلع
بصراحه بتشدهو الواحد
وزي مابقولو آكلك من فين يابطه
التحيه للناس الحلوين
Post: #1522
Title: Re: ناس الزقازيق ... أجدع ناس ( 3 )
Author: طارق جبريل
Date: 12-16-2009, 06:53 PM
Parent: #1521

سلام يا ناس
أول مقال لي بعد الأزمة سوف ينزل في عدد الخميس

Quote: ما بين الصحافة و«كروسة النعناع» و«مقلاة السردين»

أتيت إلى المغرب عابرا، فإذا بالمقام يمتد لعقدين من الزمان، دخلته عازبا، فإذا به يهديني نصف دماء أبنائي، أتيته بيطريا، فإذا بي اتحول إلى صحافي ومخرج فني..
حقيقة هذا المغرب لا تملك إلا أن تحبه. مررت بلحظات في القمة وأخرى وصلت فيها إلى الحافة.. لكن الأمور كانت تسير.. و«الحياة في طفولتها التي لا تنتهي..»
مررت بتجارب صحفية مختلفة، من «الشرق الأوسط» إلى «مغرب اليوم» و«الصحيفة» ثم «الأيام» و«الجريدة الأخرى» و«نيشان» ثم «المساء» وأخيرا «أخبار اليوم». استمتعت بمهنة عذبة ومتعبة ومقلقة حد الجنون.. حلمت مع الكثير من الزملاء، بعض الأحلام ذهب أدراج الرياح والبعض الآخر تحقق في خجل «باين»، كنت في كل كبوة أتجاهل المستقبل وأستعير جملة «دابة ييسرها الله»، والحمد لله كانت الأمور دائما تتيسر ونتجاوز المحنة.
لكن هذه المرة المحنة طالت، وخلقت علامات استفهام كثيرة حول المستقبل وحول أسرة ليس لها مصدر دخل سوى «طقطقاتي» على لوحة المفاتيح.
جلست مرات عديدة في «مقهى الزجاج»، الذي شاركنا فيه عمال الموانئ ورجال الأمن وبائعي «الحرشة» و«مول الساردين». دارت بخلدي أسئلة كثيرة، «آش داني أنا لشي صحافة»، «آش بيني وبين شي ماكيت»، «كون بقيت مع البقر والبغال كون راني هاني دابة».. تناسلت الأسئلة وسط ضغط نفسي رهيب و«كوم لحم» أحمله على ظهري ولا فكاك منه.
بدأت في تفنيد الخيارات الأخرى المتاحة أمامي، «آش بان ليك با طارق في كروسة ديال النعناع في جوطية (المحاريق)» وهذه حتما تحتاج نوعا معينا من البشر «موالف مع تمارة» ولا بد من صوت عذب قادر على إقناع «العيالات» بالشراء من سلعتي، ولا بد مرة تلو الأخرى من ترديد أغاني «الستاتي» ويا حبذا لو «يا ميمتي راني غريب عايش دلال» ولكن أين لي بذلك الصوت الجميل الذي يحمل دفء الشاوية معه أينما ارتحل.
تركت فكرة «الكروسة»، وذهب خيالي إلى «شي حوينيت» في ركن قصي من أحياء الرباط، راقتني الفكرة لما فيها من استقلالية ومعها سأكون من عُلية القوم وبلقب «تاجر»، لكن «الحلو ما يكملش» كيف لي أن أدير «بسري» وأنا لا أملك من لغة «سواسة» غير (مانزكين وأظاليم وتخسايت وأقروم وكي يعاون ربي)، لا شك أنني سأجد مشقة مع أحبابي السواسة وأنا «براني» على المهنة والجنس معا.
فكرت في «حانوت ديال التوب»، «علاش لا» وستكون كل معاملاتي مع النساء وهن أكثر فئات المجتمع مقدرة على الشراء و«لو طارت معزة»، لكن هذه المهنة تحتاج إلى الذهاب إلى فاس ومحاولة تعلم تفخيم حرف «الراء» ونطق الألف بالطريقة الفاسية يحتاج إلى جهد كبير على هذا القروي القادم من مداشر وقرى منحنى النيل في شمال السودان، وربما يظن «الفواسة» أنني قادم لمزاحمتهم في الوزارات التي في حوزتهم، لا لا لا.. «ما خصني شي صداع»، «آش داني لشي توب ولا زعتر».
الخيارات الأخرى المتبقية، تراوحت بين «مقلات السردين» وعساس سيارات أو عساس ليلي في سفارة ونادل، راقتني فكرة «السردين» لكنها ستدخلني في متاهة «البحارة» ولا قبل لي بها.
تبقى لي خيار وحيد، أن أضع أولادي فوق ظهري وأرجع إلى قرى النيل وأبدأ من جديد، رغم الهوية المغربية التي اكتسبتها خلال عشرين عاما مع «الماروك» الأعزاء على القلب، لكن خفت أن تتهمني حكومة بلادي بالفتنة في إرجاع من لا تريد عودتهم، وأدخل في غياهب سجون حكومة «الإنقاذ». رجعت عن «أفكاري المجنونة» وقلت في نفسي «شد اللرض با طارق ودابة ربي يفك الوحايل».


الترجمة حسب الطلبات
Post: #1523
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-16-2009, 09:47 PM
Parent: #1522

ما فهمت حاجة أخوي طارق

بس لو كان عايز تترشح لرئاسة الجمهورية

أنحنا ما عندنا مانع وناس الزقازيق كلهم يدعموك

ولو عايز تمشي مع ناس القاعدة في أفغانستان بنقول ليك

ما فاي داعاوي العماراي ما هو لعبابه وعندك أم عيايال ...

ممكن بالله الترجمة على الشريط وبالشايقي المشلخ للاااااا وراء

حباب الزقازيقي الظريفي الجعلي النضيف عمر ود المهدي T
Post: #1524
Title: Re: ناس الزقازيق ... أجدع ناس ( 3 )
Author: محمد عيد
Date: 12-17-2009, 00:24 AM
Parent: #1523

حبيبنا ود جبريل ...

وحشتنا والله طلاتك الحلوه ...

وكانت اليوم اكثر حلاوة وطلاوة بطعم ( الماروك ) ..

مقالتك الجميلة كانت لى بمثابة امتحان استكشاف المصطلحات المغربية التى اظنها تحتاج لاجتهاد

ليس بالقليل لسبر اغوارها ..!!

Quote: الخيارات الأخرى المتبقية، تراوحت بين «مقلات السردين» وعساس سيارات أو عساس ليلي في سفارة ونادل، راقتني فكرة «السردين» لكنها ستدخلني في متاهة «البحارة» ولا قبل لي بها.


هل تعنى مقلات السردين .. مطاعم للاسماك والمأكولات البحرية ؟؟

والعسس ديل مش ياهم ناس الكوتش ولا ناس السيكيوريتى وامن وامان ..؟؟

طيب ما دام انت شايقى ولذيذ ليه ما حاولت ادخال ثقافة ( الميلووووحة ) ؟؟

عموما كده يا حبيب كسبت بنط عريض وأضفت جديد الى قاموسك اللغوى ...

عربى - شايقى مشلخ لا ورا - مصرى فلاحى - ماروك وبعض لهجات البربر والمازيقيين ..

اضافة الى انجليزية المستعمر القديم ... وفرنسية اولادك محمد واخوانه ...!!

ولكن الاجمل هو تقاطعات احرفك برموز وزوايا السرد القصصى الموروث عن خالك العظيم الطيب ولد الصالح

مرحى بك ايها الجميل
Post: #1525
Title: Re: ناس الزقازيق ... أجدع ناس ( 3 )
Author: البادي النور
Date: 12-17-2009, 05:53 AM
Parent: #1524

صباح الهناء والسرور ...
صباح المتاوقة والمرور ...
على أحلى ناس أولاد السرور ...
Post: #1526
Title: Re: ناس الزقازيق ... أجدع ناس ( 3 )
Author: البادي النور
Date: 12-17-2009, 06:21 AM
Parent: #1525

يا ود جبرين ... مقالك حلو وجميل .. وجمال لغة المغاربة اللي عايزة تركيز شديد ...
كنت أعمل مع مجموعة من المغاربة والتوانسة في فندق حياة ريجنسي - مكة
طبعا أهل المغرب العربي أهل سياحة وفندقة ما تخرش المية بحكم وضع بلادهم السياحي
كنا نتناوب كل إسبوعين في وظيفة المدير المناوب Duty Manager وكانت تبدأ من نهاية
الدوام الرسمي في السادسة مساءا وحتى قرب منتصف الليل حين يبدأ المدير الليلي Night Manager
عندما أكون مناوبا يرجع الزملاء المغاربة من صلاة العشاء في الحرم وعندما يروني
يقولوا لي إنت اليوم عساس ... كانت أيام حلوة وجميلة ... والكلام المغربي لذيذ
لكنه كله مقلبن بالنسبة لنا ... يعني بكل حسن النية ممكن تلاقي كلمة صباح الخير تعني شتيمة ...
وما ممكن تقول لمغربي يعطيك العافية ... حيزعل منك شديد لأنه العافية عندهم تعني النار
فممكن تقول يعطيك الصحة والعافية ... كدا مقبولة ... ما قلت ليكم القصة غريبة ...
يا ود جبرين أتحفنا بالدرر المغربية وبشوربة الحريرة الدافئة ...
Post: #1527
Title: Re: ناس الزقازيق ... أجدع ناس ( 3 )
Author: محمد عيد
Date: 12-17-2009, 09:50 AM
Parent: #1526


بقيت أيام قليلة وتنتهي السنة بحلوها ومرها..وتأتي سنة جديدة



دعونا نبدأ السنة الجديدة بصفحة جديدة



لاتنظر خلفك فذالك ماضي يؤلمك



ولا إلى اليوم فإنه حاضر يزعجك



ولا إلى الأمام فهو مستقبل قد يؤرقك



لكن انظر إلى فوق فإن لك ربا يرحمك





وهذه أجمل كلمات نبدا بها عامنا الجديد وعيدنا الجديد



أيام قليله وستطوى صفحة العام وستفتح صفحه بيضاء



لعام جديد فأريد أن اعتذر لقلوب احبتني



لا اعلم اهي راضيه عني ام ساخطه علي



لفعلً جهلته او تقصير تماديت به او غيبه اغتبتهم بها



فاعيد للقلوب الصفاء والمحبه



فالعفو والصفح من شيم الكرام ,,,فمن يدري نعيش الى العام المقبل





انا سامحتك اذا غلطت في حقي بأي طريقه







وانثر لك ورود



دائما حاول ان تصل الى القمه



حتى ولو خانك اقرب الناس وتخلى عنك



ادعي ربك في السر والعلن ...لا تسافر بحثا عن السعادة او عن شخص يفهمك



لان الله معك وبجانبك للأبد







معى اجمل وارق واعذب تحيه لكم من كل قلبي كله احترام وتقدير ومحبة



هذه دعوة فقط للتسامح



دعوة لنتسامح



دعوه لنتصافي



دعوه للنسيان



دعوه لتجديد المشاعر













دعوه للاعتذار



نعم الاعتذار







اعتذر....على كل كلمه



اعتذر....على كل نظره



اعتذر...على كل اساءة



اعتذر...على كل وعد اخلفته



اعتذر...على كل سر افشيته



اعتذر...على كل سوء ظن ظننته



اعتذر...على كل شئ قلتة اولم اقوله



ومع كل هذا احبكم في الله[/center]
Post: #1528
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-17-2009, 10:29 AM
Parent: #1527

صباح الخير ،،، يا وجوه الخير ،،،

صباح الفل على الناس الحلوين ،،،،

نفحات الصباح :

استغفر الله عدد ما كان و عدد ما يكون

و عدد الحركات و السكون

استغفر الله العظيم واتوب اليه

سبحان الله - الحمد لله - لا إله الا الله - الله اكبر
Post: #1529
Title: Re: ناس الزقازيق ... أجدع ناس ( 3 )
Author: عصام دهب
Date: 12-17-2009, 10:31 AM
Parent: #1527

تحايا و سلام للجميع ..

و سأعود إليك عبد السميع بأخبار كرموش الذي يتابع هذا البوست و ينتظر مولوده الثالث بالسلامة إن شاء الله تعالى ..

ـ
د. طارق الجميل حمداً لله على السلامة .. و كلامك لم أفهم نصه لكن برضو كيفني في حناني .. عجل علينا بالترجمان ..

ـ

برضو مجهجه و متابع و بستمتع ..
Post: #1530
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-17-2009, 10:33 AM
Parent: #1527

وجدت هذه المقتطفات لأحد الشعراء و إسمه ....لطفي زغلول
همسات للعام الجديد....ويقول فيها

سَلامٌ عَليكَ ..

لَعلَّكَ تَأتي بِشيءٍ جَديد

بِفجرٍ جَديد ..

بِقلبٍ جَديدٍ .. بِفكرٍ جَديد

يُطلُّ علينا .. بِشمسٍ وعيد

يُضيءُ فضاءآتِنا من بَعيد

لَعلَّكَ .. تَعرفُ ماذا نُريد

لَعلَّ الزَّمانَ الَّذي غَابَ عنّا ..

زَماناً طَويلا .. إلينا يَعود

وتُورقُ فِينا الرُّؤى والوُعود

لَعلَّ الصَّحاري الَّتي سَكنتنا ..

سِنينَ سِنين

تُمرُّ عليها رِياحُ الحَنين

فَتُمطرُ زَخاتِها .. عِطراً وورداً ..

نَسائِمَ فُلٍّ .. شَذا يَاسمين
Post: #1531
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-17-2009, 11:36 AM
Parent: #1530

4833472200514xcard01expgt3sudan1sudan.jpg Hosting at Sudaneseonline.com
Post: #1532
Title: Re: ناس الزقازيق ... أجدع ناس ( 3 )
Author: مني يونس
Date: 12-17-2009, 12:41 PM
Parent: #1531

hegra4uf5sudan1sudan2.jpg Hosting at Sudaneseonline.com



كل سنة وانتم طيبين
Post: #1533
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-17-2009, 12:41 PM
Parent: #1531

الجميلان ... الاستاذان ميسرة سيد احمد .. و محمد آدم النور ..تحايا بحجم روحيكما الجميلتان ...

كانت احتفالية رائعة وزادها القاً وجمالاً تشريفكما لها ... دقائق معدودة الا انها اعمق وفي القلوب ابقى ..فلكما الشكر لمنحنا القليل من وقتكم لتشريفنا ..

العزيز محمد النور ...حسبتك والاخ صديق في ونسة خاصة لذا اسنحبت ولم يكتب الله لي شرف الجلوس معك...
العزيز ميسرة ..شرفنا حضورك ومادام انك في جدة فأكيد سيتم التواصل ويمتد ...






الاخوان محمد آدم النور ، وميسرة سيد احمد في لحظة انتباه ومتابعة ..
Post: #1534
Title: Re: ناس الزقازيق ... أجدع ناس ( 3 )
Author: مني يونس
Date: 12-17-2009, 12:46 PM
Parent: #1533

hegra4uf5sudan1sudan3.jpg Hosting at Sudaneseonline.com


كل سنة وانتم طيبين
Post: #1535
Title: Re: ناس الزقازيق ... أجدع ناس ( 3 )
Author: فايزودالقاضي
Date: 12-17-2009, 12:48 PM
Parent: #1533



يبدو ان المكالمة مع الحكومة وتستفسر عن سبب التأخير ...!!!

اها ياميسرة تقدر تقنع الحكومة كيف بأن الحفلة كانت عزابية ...!!
Post: #1536
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-17-2009, 01:27 PM
Parent: #1535

Quote: يبدو ان المكالمة مع الحكومة وتستفسر عن سبب التأخير ...!!!

اها ياميسرة تقدر تقنع الحكومة كيف بأن الحفلة كانت عزابية ...!!


ولدنا الظريف فايز ود القاضي

أنا بحلف يمين الحفلة كانت جميلة ورائعة

والناس كلها هزت وإنداحت بس كانت عزابية خالصة

أما حكومتنا الرشيدة فهي مقتنعة تماماً للأسباب التالية:-

- الحكومة زقازيقية

- والحكومية مداقرانا في البوست ده وهي عضو موجود وكان رفعت عينك

فوق شويه من مدخلتك دي تلقاها عماملة تهنئة بالعام الهجري الجدي

والغريبة علشان تقول الحكومة موجوده عملت المداخلة مرتين - داقسه- ساي

- الحكومة كانت متابعة الحفلة لحظة بلحظه ، وكمان أنحنا قلنا ليهم شوفوا ليكم

عشا أنحنا إتعشينا بوفيه رجالي مفتوح .

- الأخوان محمد وخالد آدم النور أخوان طلعوا من بيتي وخلو أبوهم وأمهم

أمان عند الحكومة ،،،

أها رأيك شنو أنحنا عملنا أمان كامل وتمام سلام

أنحنا أقتنعنا بس كمان البقنع دأأأأأأأك شنو!

لازم نلتقي ما دام لقيناك جداوي .
Post: #1537
Title: Re: ناس الزقازيق ... أجدع ناس ( 3 )
Author: محمد عيد
Date: 12-17-2009, 01:43 PM
Parent: #1536



جمال النساء ثلاثة
يقال أن أنواع جمال النساء ثلاثة

جمال لا يراه إلا قلب الرجل
وجمال تراه العيون .. ولا تشعر به القلوب
وجمال ينقص ويزيد وفقا لاهتمام المرأة بزينتها وعنايتها بنفسها

.... وقلوب النساء ثلاثة ....
قلب يستهدف عقل الرجل
وقلب يستهدف جيب الرجل
وقلب ينفتح لأي رجل

إما عن عقول النساء فأربعة...
عقل يفكر ويعمل
وعقل يفكر ولا يعمل
وعقل يعمل دون أن يفكر
وعقل لا يعمل ولا يفكر

وسئلت امرأة متقدمه في السن عن سر نضارة شبابها وروعة جمالها وبهاء حسنها وهيئتها .. أي مواد التجميل تستعملين ؟

فأجابت

استخدم لشفتي:: الحق والصدق
ولصوتي:: الصـــلاة
ولعيني:: الرحمة والشفقة
وليدي : : الإحسان
ولقوامي:: الاستقامة
ولقلبي:: حب الله ورسوله صلى الله عليه وسلم

وفى الأخير المرأة هي تاج الوقار وهى الأم والأخت والبنت والزوجة وهى كل شئ
Post: #1538
Title: Re: ناس الزقازيق ... أجدع ناس ( 3 )
Author: محمد صديق
Date: 12-17-2009, 04:25 PM
Parent: #1537

سلامات يا ناس
شكراً يا ريس على الكلام الطاعم

لا تنظروا لمداخلات جلا المغرضة

غيابي من البوست لفترة ليست بالقصيرة

لأنني قاعد أفكر في الرحول من جديد

للشعر مكانة خاصة يا ريس

لكن قاعد أقضي حوائجي بالكتمان

إنشاءالله موعودين بأشياء جميلة

بالمناسبة معزومين عصيدة يوم الجمعة

سلامي للعيال و أمهم

التوقيع:
جورج
الكمندان
الكوتش
محمد صديق
Post: #1539
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-17-2009, 06:11 PM
Parent: #1538

Quote: بالمناسبة معزومين عصيدة يوم الجمعة


يا كوتش كنت عايز أقول ليك انت جلا و لا محمد صديق...و اذا انت محمد صديق أديني أمارة...لقيت الأمارة الفوق دي...قول لي بكري عمو الرشيد جاي بكره للعصيدة...
Post: #1540
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-17-2009, 06:44 PM
Parent: #1539



aaa1.bmp Hosting at Sudaneseonline.com
Post: #1541
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-17-2009, 08:33 PM
Parent: #1540

مساكم الله بالخير

من قبيل عايز أدخل و أقول يا جماعة نحن هنا...خفت يرجع لي صدى الصوت...نحن هنا نحن هنا نحن هنا...أقوم أجري راجع...بسم الله الرحمن الرحيم الحوش ده.....و لا شنو...

حسة غايتو قويت قلبي و دخلت قريت آية الكرسي و المعوذتين و خشيت لي جوة...يا ناس نحن هنا..

صدى الصوت أكبر مما توقعت...نحن هنا نحن هنا و الأخيرة دي تخوف جاتني نخن خنا...صدى الصوت ده خواجه و لا شنو...الكلام ده فيهو ان...البيت ده مشحون...لا ممحون...لا ممحوق... أيوه مسكون و لا شنو..

يا جماعة و الله الكلام ده ما بيبقى...انتو عارفين التفاؤل بيعادي زي ما الاحباط بيعادي...يعني يومي الأقول ليكم و الله قرفان..تلقى بعدي ثلاثة قرفانين...و الله لما أقول ليكم صباح الأرامس تحس أن البوست كله مترمس معاي..لما نغيب يغيب الآخرون و كذلك لما نحضر يحضر الآخرون...هنالك أشخاص كانوا يحتلون البوست و أنا منهم الآن أصبحت لديهم مداخلة كل يومين..أما الذين يتداخلون مرة في اليوم فأصبحت مرة في الأسبوع و هكذا...لا أريد أن أبحث عن الأسباب..و لكنها عدوى مثل انفلونزا الخنازير انتقلت من احدنا الى الآخر حتى أصبحت يعاني منها الكل دون تمييز بما فيهم شخصي...
المهم أرجو من الجميع التداخل ولو بمعدل مداخلة يوميا على الأقل...كما و نرجو مداخلة يوميا بالمنبر في أي البوستات التي تعجبكم...و ستجدوا فيها ما يعجبكم...أو لنقل ما ما يمكنكم التداخل فيه حتى لا نبدو و كأننا نروج لسلعة ما...مثل رز و عدس أفندية...

أها في زول جاي و لا نروح مع العفش...
Post: #1542
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-17-2009, 08:51 PM
Parent: #1540



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">
رشيد القوم جماع وابو السيد عليهما الرحمة كانا من المبدعين

Post: #1543
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-17-2009, 08:59 PM
Parent: #1542

يا زناتى اين انت
لا اسكت الله لك صوتا
Post: #1544
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-17-2009, 09:10 PM
Parent: #1543

يا سلام عليك يا ريس...حقا لقد كانا من المبدعين...

أعلى الجمال تغار منّا
ماذا عليك إذا نـــظرنا
هي نظرة تنسي الوقار
وتسعد الروح المعنّى
دنياي أنت وفرحتي
ومنى الفؤاد إذا تمنّى
أنت السماء بدت لنا
واستعصمت بالبعد عنّا
هلا رحمت متيماً
عصفت به الأشواق وهنّا
وهفت به الذكري
وطاف مع الدُجى مغناً فمغنا
هزته منك محاسن
غنّى بها لما تغنّى
آنست فيك قداسة
ولمست فيك اشراقاً وفنّا
ونظرت في عينيك
آفاقاً وأسراراً ومعنى
وسمعت سحرياً يذوب
صداه في الأسماع لحنا
نلت السعادة في الهوي
ورشفتها دنّاً فدنّا
Post: #1545
Title: Re: ناس الزقازيق ... أجدع ناس ( 3 )
Author: مني يونس
Date: 12-17-2009, 10:31 PM
Parent: #1544

Quote: أها في زول جاي و لا نروح مع العفش...


انحنا موجودين ومساهرين

ونحى كل الناس الموجودين ونطالب بعودة

الجميع وإختفاء الزميلات يبعث فينا الكسل

ويعود البوست للعزوبيه مره أخرى ،،،،،،،

أنا طالعة ماشى لي عرس بالأمجاد

سلام يا أخ رشيد وسلم على نجاة حوفي والأولاد
Post: #1546
Title: Re: ناس الزقازيق ... أجدع ناس ( 3 )
Author: أبوبكر حامد الأمين
Date: 12-18-2009, 05:20 AM
Parent: #1545

Quote: فريق خـذى قلبـي وجذبنـي بفنونه
من صغري أعشق أســمه ولونـه
أشجعه من قلبي وبروحي أصونه
وأوصف من يذمه بالحقاره والرعونه
ياعيني على أسمه نادي بـــرشــلونه
وياسلامي على جمهوره واللي يعشقونه إسبانيا
وبالتحديد مدينة بـــرشلــونه مكانه ملعب الــكامب نو أرضــه
والتاريـــخ عنوانه يشهد بأنـه ملك بزمانه
إنجازات وبطولات وكؤوس تملي الخزانه
صرت أشوفه بين الأنـــدية دانــه
عشقته وحبيته ليــن ما صرت مجنــونـه
إذا مر أسبوع والإرسال مايانه
وماشفت مباراته أقول هالأسبوع مايسمونه
من تأسس لليوم اللي تعيشونه
يقدم المتعـــه والتشـــويق للــي
يشـــوفونه طموحه ماله حدود وماله خانه
وإذا ضاقـــت أحـــوال الفرق طـــلبوا عونه دايماً
نظرته للأمام وما ينظر للي دونه
والحساد على القمة والفوز مايريدونه
نادي أصله كبير مايحتاي تكبرونه
شهرته جعلت أمنيات البشر بالحلم يزورونه
يكفيني أن أقول أني كــتـلونــي



جلست أمام الكمبيوتر هذا الصباح وقررت القيام بلصق آخر موضوع نسخته ليلة البارحة ، فات علىّ أن الفاتح (14 سنة) إستخدم الكمبيوتر بعد أن خلدت للنوم ، وهو من عشاق برشلونة ، شقيقه الأكبر حامد كان يضع الرسالة الترحيبية على هاتفه الجوّال (أمّى الله إسلِّمك) ، غيرها الفاتح للنص التالى (الله ... الوطن ... برشلونة) ، تأملوا كلمة كتلونى التى تعادل لفظة قتلونى فقلبت القاف كافاً مادام الله قد كفى المؤمنين شر القتال ، وكان استخدامها ينهض ذريعةً لنشوب حرب تلى الفزعة التى تحركها كلمة كتلونى ، أما لدى الفاتح فتعنى الإنتماء لإقليم كتلونيا الذى ينتمى إليه نادى برشلونة .
جمعة مباركة للجميع وعام هجرى سعيد
Post: #1547
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-18-2009, 10:49 AM
Parent: #1546

يا شباب سلام كتير واشواق بلا حدود ...

اها النهارده عندنا ليكم خبر جميل .... تسجلوا حضور عشان نقولوا ليكم ،،، ولا كيف

التحيات بالجملة .... والأشواق بالقطاعي ...
Post: #1548
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-18-2009, 11:02 AM
Parent: #1547

جمعة مباركة

الأخت منى...انتظرت طويلا و لما ما جاني زول مارق...روحت مع العفش...ربما ننتظرك اليوم و لكن أرجو مراعاة فروق الوقت...

بكري... رغم روعة فريق برشلونة و نجمه ميسي الا أنني أعشق البرتغالية التي تعتبر اللغة السائدة في سانتياغو برنابيو و التي يتحدث بها معظم نجوم الريال....

أبو الزوز...لا تجعلنا ننتظر طويلا فلقد أصبحنا ملولون هذه الأيام....
Post: #1549
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-18-2009, 11:44 AM
Parent: #1547

1- مصطفي عجب سيدو
2- جمال فارح
3- د. رجاء الطيب
4- مشاعر بدوي
5- ميساء بدوي
6- مصلح الفكي
7- عبد الرحمن يسن
8- مجتبي فاروق
9- الفاتح قمر
10- عادل عبد الرحمن
Post: #1550
Title: Re: ناس الزقازيق ... أجدع ناس ( 3 )
Author: عبد القادر بابكر
Date: 12-18-2009, 11:56 AM
Parent: #1549

صباح الخيرات عليكم جميعا
جمعتكم مباركة ...

وكل سنة هجرية وانتو بألف خير ...

منكم طولنا طول ..
Post: #1551
Title: Re: ناس الزقازيق ... أجدع ناس ( 3 )
Author: محمد عيد
Date: 12-18-2009, 01:21 PM
Parent: #1550

جمعة مباركة على الجميع ...

ودعوات خالصة بعام هجرى جديد وسعيد


ابو الزوز .. الخير على قدوم الواردين ...

مرحبا بهذه الطلـــّة التى تحمل فى جوفها مزيدا من المبدعين ...

ونتمنى ان يكونوا اضافة ثرية لهذا العنفوان الذى كان وحتما سيعود ...

عادل عبد الرحمن .. هل تم التجديد له لفترة احترافية جديدة ام انه وجه آخر ..؟

أين كمال الشادى ...؟؟؟
Post: #1552
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-18-2009, 02:34 PM
Parent: #1551

كنت في زيارة لمدينة سارية الجديدة جنوب الخرطوم وهي تبعد عن مطار الخرطوم الدولي حوالي 9 كيلومترات مع صديق زقازيقي يود الشراء بها .. تفاجأت بمدينة من الطراز العالمي .. سمعت كثيراً عن سارية ولكن للأسف لم أحظي بزيارتها إلا في هذه السانحة .. وددت لو أعكس ما رأيته هنا عسي أن يكون لأحد من أهل الزقازيق الرغبة في الشراء في هذه المدينة الجميلة ...
سارية كما قلت تقع جنوب الخرطوم وتحديداً في الجهة الجنوبية لحي الأزهري ... تحدها من الناحية الشرقية وعلي بعد كيلومترين ... السفارة الأمريكية الجديدة .. ومن الناحية الغربية قطعة أرض فضاء ... وهي مخصصة لسارية تو ... تتكون المدينة من حوالي 500 فيلا .. بثلاث فئات أو مساحات ... تبدأ بـ 375 متر ثم 450 و550 متر .. وبالتالي المساحات المبنية ... كل الفلل تتكون من طابقين إضافة للسطوح ... الطابق الأرضي به صالون كبير ... يتسع لجلسة واسعة ... ثم جلسة اخري للمعيشة والصفرة .. إضافة للمطبخ وغرفة الضيوف ... وبه مساحة أمامية بها ميدان منجل إضافة لمساحتين علي أ
أطراف الحوش تصلح باركن للعربات أو اي أستخدامات أخري ... الحوش الخلفي ضخم ... ويصلح لإقامة غرفة وراكوبة كبيرة .. اوتعريشة ... الطابق الثاني يتكون من ثلاث غرف وحمامين ومساحات بين الغرف ... ثم السطوح بمساحة كامل البناء .. وبه حفل شواء ما يخلصش ... دا تقريباً التكوين المعماري للفئة الأولي .. الفئتين الثانية والثالثة لا تختلف إلا في عدد الغرف بكل طابق والحمامات إضافة للحوشين في الطابق الأرضي ... فالفئة الثانية بها غرفتين في الطابق الأرضي وحمامين وأربع غرب بالطابق الثاني وثلاث حمامات ... البناء يمكن تعديله ببناء حمامات إضافية وغرف في الطابق الارضي وغيره دون أن يشوه الشكل الهندسي البديع للفيلا ...
المدينة في حوالي 200 فدان ... علي ما أعتقد ... كل شوارعها مسفلتة .. هنال 350 فيلا تم الإنتهاء منها وبعضها في مرحلة التشييد ... بها محطة مياه منفصلة .. وكذلك تحت التشييد مدرستي أساس ومدرسة ثانوية ... إضافة لميادين خضراء قائمة الآن لكل عدد من الفيلات .. مول تجاري ضخم .. نادي رياضي .. حمامي سباحة تحت التشييد .. المدينة نظيفة جداً وبها بوابة ضخمة وحراسة جيدة .. ويسكن بها عدد من الأجانب الآن من بعض السفارات والمنظمات الدولية ... يتم خصم حوالي 3 مليون من كل مشتري وتودع في حساب إستثماري ومع إكتمال البيع تكون الوديعة قد بلغت مليون دولار وقد بدأ الخصم من كل المشترين الحاليين ... تدر حوالي 15% سنوياً أي ما يعادل حوالي 150.000 دولار تخصص لأعمال النظافة والحراسة وغيرها من الخدمات ... وتصرف عبر لجنة تكون من إتحاد الملاك ترعي شئون المدينة ، لأنها في ذلك الوقت تكون قد تحولت بالكامل لمكلية أصحابها ... الآن هنالك لجنة تمهيدية من السكان ترعي شئون المدينة بالتنسيق مع الشركة صاحبة المشروع ... المدرسة تم الإتفاق مع مدارس أسترالية عالمية تدرس باللغة الإنجليزية وشهاداتها معتمدة في كل الجامعات العالمية .. نظام الحراسة علي أحدث مستوي عالمية وبدأ تركيبه الآن بواسطة شركة متخصصة ... بالتأكيد نسيت عدد من الميزات والمزايا التي تتميز بها المدينة .. سأوردها إذا ما تذكرت شيئاً هاماًَ ... كما سأقوم بإنزال بعض الصور في زيارتي القادمة للمدينة ...
العرض المادي :

المدينة ممولة من قبل محفظة مالية من عدد من البنوك والبيوتات المالية ... لذا عرضها نقدي دون أقساط .. والسعر ثابت 480 مليون جنيه سوداني أي حوالي 180.000 دولار ... إلا أن بنك الخرطوم يقوم بتمويل شراء هذه الوحدات بآجال مختلفة حسب رغبة العميل وقد تمتد لعشرة أعوام بسعر فائدة 10% ومقدم 15% وإذا ما أخذنا الفئة الأولي علي سبيل المثال نجد أن المقدم في كل الأحوال هو حوالي 75 مليون جنيه سوداني وبالدولار ما بين 25 الف دولار و30 الف دولار حسب السعر الجاري للدولار ... وإذا أفترضنا أن شخصاً ما أراد الشراء عبر البنك سيكون دفعه كالآتي ::

في حالة العشرة سنوات :

مقدم 75 مليون ... من قيمة الفيلا ...
تبقي 425 مليون وهي التي سيقوم البنك بتمويلها ... في عشرة سنوات سيصبح المبلغ 950 مليون
أي أن قيمة القسط الشهري ستكون حوالي 8 مليون جنيه سوداني أي ما يعادل حوالي 3200 دولار ..

في حالة 5 سنوات : وبسعر فائدة حوالي 7%
المقدم حوالي 75 مليون
المتبقي للتمويل 425 جنيه ....
القسط الشهري : حوالي 10 مليون جنيه أو اربعة الف دولار ....

يمكن للشخص تقليل تكلفة التمويل بدفع أكبر جزء من قيمة الفيلا نقداً .. والقسط الشهري يمكن تأجيرها للمنظمات والسفارات والشركات الأجنبية للمساعدة في دفعه .. حيث الإيجار هناك للفيلا في حده الأدني حوالي الفين دولار ... ويبدو أن سمعتها في الإيجار ماشه في الطالع ، خاصة وأن السفارة الأمريكية علي وشك الإنتهاء ... وكبار موظفي الأمم المتحدة بدأوا في التوافد علي المدينة لما تتميز به محاسن عديدة .. إذا ما قام المشتري بتأجير الفيلا بمبلغ 2.000 دولار سيقوم بدفع 1.000 دولار فقط كأيجار سنوي ...
Post: #1553
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-18-2009, 04:58 PM
Parent: #1552

يا أبو الزوز...كفيت وو فيت...معلومات جيدة و متكاملة عن ساريا و بدينا نقتنع بساريا لنجاور السعداء زي صاحبك الذي لم تفصح عن أسمه و ياسمين حاج الطاهر و ما معروف بعد الدعاية دي مين حينضم لكوكبة السعداء...
بس عليك الله شوف لينا الصوت بي كم في الانتخابات الجاية دي...امكن نطلع لينا قسط قسطين كده...
Post: #1554
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-18-2009, 08:27 PM
Parent: #1553

من قبيل أجي أتاوق و ما ألقى لي زول أرجع ....قلت امكن محمد صديق يجي طالع ...الراجل ده عزمنا عصيده أمبارح...ما جاء طالع...بعد كده الليل لم يعد طفل يحبو
و غدا و رانا سفر...يعني أكتر من كده ببقى دخلنا في المحظور...
Post: #1555
Title: Re: ناس الزقازيق ... أجدع ناس ( 3 )
Author: محمد عيد
Date: 12-18-2009, 09:05 PM
Parent: #1554

ترحاب عالى الهمة بانضمام اخونا مجتبى فاروق ...

القلم النظيف العفيف ..

نطمع فى استطعام مساهماتك فى كل اركان البيت الزقازيقى ..

فى الحوش الكبير وفى مربع كاى وفى تعريشة محمد صديق المزهرة ..

وفى صوالين عفاف الادبية ..

******

فى انتظار اطلالة الزعيم جمال فارح

وبقية الفرسان
Post: #1556
Title: Re: ناس الزقازيق ... أجدع ناس ( 3 )
Author: طارق جبريل
Date: 12-19-2009, 00:02 AM
Parent: #1555

سلام كبير للكتيبة الزقازيقية الجديدة
Post: #1557
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-19-2009, 07:30 AM
Parent: #1556

صباح الخير ،،، يا وجوه الخير ،،،

عاد بعد غياب طويل أخونا أبو زهير

ودائماً زهير لا يأتي خالي الوفاض وهاهو يبشرنا

بهذه الكوكبه الكبيره الجميلة من الزقازيقين

وبهامن الأخوان والأخوات والأحبه وما تجمعنا بهم

من ذكريات جميلة ،

1- مصطفي عجب سيدو
2- جمال فارح
3- د. رجاء الطيب
4- مشاعر بدوي
5- ميساء بدوي
6- مصلح الفكي
7- عبد الرحمن يسن
8- مجتبي فاروق
9- الفاتح قمر
10- عادل عبد الرحمن

وطرح مدينة سارية حاجة جميلة ومغريه

ويا ترى إسم ساريه هو القائد المسلم الذي

خاطبه سيدنا عمر إبن الخطاب وهو يقاتل وكان أمير المؤمنين

بالمسجد وصاح به - يا سارية الجبل - أي طلب منه أن يحموا ظهورهم بالجبل

ولا يكون لها معنى آخر .
Post: #1558
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-19-2009, 08:11 AM
Parent: #1556



أصبحنا وأصبح الملك لله رب العالمين

السلام عليكم ايها الكرام

كما ذكرنا الأخ محمد عيد بنهاية السنة الهجرية وبداية سنة جديدة

وهذه تذكرة أخرى

يجب أن نحاسب أنفسنا على كل الأخطاء التي ارتكبناها ونستغفر الله ونتوب إليه
إنه هو التواب الرحيمخ ،وإن القلوب بين اصبعين من اصابع الرحمن يقلبها كما يشاء
لذلك ندعوه سبحانه وتعالى بأن يثبت قلوبنا على دينه وطاعته وأن لايزيغ قلوبنا بعد إذ هدانا
وباب التوبه مفتوح لكل من دعا الرحمن بقلب سليم اليس من السنةبأن ملائكة الرحمةتنزل
على العباد في صلاةالعصر وتعود بعد صلاة الفجر فيسالها الله سبحانه وتعالى كيف وجدتوا عبادي
يقولون وجدناهم يصلون ويدعونك وغادرناهم وهم يصلون ويدعونك لتغفر لهم فالله يغفر لكل من أتاه
بقلب سليم ويؤجل المغفرة عن الذين بينهم شحناء إلى أن يصطلحوا، لذا نسأل الله أن لايجعل في
قلوبناغل للذين آمنوا

وأن نستقبل العام الجديد متفائلين بأن يصلح الله حالناويوفقنا في كل مانسعى إليه وخاصة مانحلم
به مع كمال الشادي
Post: #1559
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 10:23 AM
Parent: #1558

تملكتني حالة لا أحبها
ولكني اعرفها
كنا نلخصها أيام الزقازيق بأني ( مدبرس )
احياناً لا يعرف المدبرس لماذا
وعندما تكون خطوط الرؤيا واضحة بين المدبرس ونفسه يعرف لماذا !!
اعرف الكثير عن دبرستي الاخيرة
ما استطيع ان اطرحه هنا ثلاث نقاط
والباقي لا استطيع !!!!!!
النقطة الاولى:
كنت قد قررت السفر إلى جده بسيارتي لحضور العيد هناك
خزلتني السيارة ( ملعون ابو العربيات القديمة )
آخر مرة سافرت بها إلى مكة أزعجتني كل الازعاج في رحلة العودة إلى الرياض
( اليوم بعتها والحمد لله – وإشتريت أخرى اظنها أحسن منها إنشاء الله )
بمجرد تصفحي للكتابات الأولى للشقيق منصور عبد الرازق
وإنزاله للصور الاولى وترحيب ميسره به في جده في العيد
تملكتني حالة ( الدبرسة ) الشديدة تلك !! عرفت لحظتها اني فوت على نفسي فرصة لن تتكرر
وهي حقيقة لن تتكرر !!!
لمة منصور وميسرة
لمة الزوجات
لمة الاولاد
لمة العيد
لمة بعد سنين طويلة
ونحن كنا رفقاء برلمة واحدة سكنا في شقة واحدة انا وميسرة ومنصور
ومنصور رفقة عمر لم نتفارق منذ ان كنا في الصف الاول المتوسط وحتى اليوم
وميسرة لم يفارق الوجدان ولم تنقطع اخبارنا وإتصالاتنا عن بعض منذ اليوم الاول لنا في الزقازيق
عرفت لحظتها أني دخلت النفق المظلم ، نفق الدبرسة


النقطة الثانية :
جاءت من محمد عيد
إتصلت به مهنئاً بالعيد
عندها لامني بشكل مباشر لماذا لم تحضر
يا الله
عرفت لحظتها أنه يدق المسمار الثاني في تابوت دبرستي
وبدأت حينها في معاقرة الاغاني والتقوقع في بيتي وسماع مصطفي سيد أحمد وأم كلثوم وعقد الجلاد وآخرين
وعندما تبدأ عندي هذه الحالة ( بقنع من نفسي ) واولادي وزوجتي ( بيقنعوا مني )

النقطة الثالثة : جاءت من مقتل من شخص لم أتوقعه إطلاقاً
إتصل بي ثاني أيام العيد من السودان معتصم سليمان جعفر مهنئاً بالعيد
كانت زوجتي معي في السيارة ونقف امام محل فيديو لشراء بعض الافلام لقتل الوقت في ليل العيد السخيف في الرياض
غصباً عني هتفت مش معقول يا الللللللللللللللللللله
وبكيت كما لم ابكي من قبل
خنقت العبرة كل مخارج الكلام والتعبير عندي
سدت كل مخارج الحروف والاهات
إتخنقت !!!!!!!!!1
لم كل هذا العذاب
لماذا يأتي العيد هكذا في بلد لا تعرف غير الصحراء تعبيراً والجفاء تهنئةً
عندها عرفت أني دخلت النفق ( إبن الكلب )
واقول سراً هنا
احياناً أستعذب تلك الحالة
حالة تعذيب النفس
همت طويلاً ما بين ام كلثوم وعقد الجلاد ومصطفي وآخرين في أجازة عيد كانت طويلة زي السلبة زي الزفت
عشرة أيام بلياليها
وبعدها لم أعرف كيف الخروج من تلك الحالة
أخرجتني منها اليوم
الاخت العزيزة عفاف عثمان
عندما قرأت لها عن الشاعر نصار
قرأت اليوم شعراً أخرجني من تلك الحالة
شعراً لي منه زمان
وانا مدمن شعر وحاجات حلوة
فقط اليوم !!!!!
بالعذر منكم والمساح
كلكم
جميعكم
اقسم بالله اني احب هذا المكان
واحب هذا الجمع
ولاني احبكم لا اعرف كيف آتيكم وانا ( مدبرس )
الشكر موصول لكل من سأل عني زهير محمد عيد ميسرة منصور نجيلة احمد اسماعيل وآخرين لم اتابع كتاباتهم
كل حبي لكم جميعاً
كمال الشادي
Post: #1560
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 10:40 AM
Parent: #1559

أولاً حمد الله علي سلامة الثنائي .... أحمد إسماعيل وكمال الشادي .... كل سنة وأنت طيبين .. ياي بالغتوا عديل كده ...
Post: #1561
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 10:49 AM
Parent: #1559

نرجع لساريا تاني ... يا ريس ميسرة انا ما متأكد إنها بالتأء المربوطة ولا بالألف ... المهم في الموضوع إنه رئيس مجلس إدارتها زقازيقي وهو الأستاذ محمد عبد العزيز خريج كلية الآداب 1983م ..

إتخيل في عشرة أو عشرين أو حتي خمسين اسرة زيقايقية يسكنوا ساريا حتكون حاجة جميلة .. غايتو نحن حاجزين في المرحلة الثانية ... يعني سنة 2015 ولي قدام لو ربنا مد في الآجال ...
Post: #1562
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-19-2009, 10:51 AM
Parent: #1559

الحبيب الشادى
سلام واشواق
مبروك العربية 000وانشاءالله المره القادمه من الوكالة مباشره
سلامتك من الدبرسه رقم انها حاله عند المرهفين تبشر بالابداع
بعدين فى زول عندو اخوان ذى ديل يدبرس0
Post: #1563
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-19-2009, 10:53 AM
Parent: #1559

الشادى كل سنة وانت طيب وربنا يحقق الامانى

انا دبرستى عكسك تماما" انا قضيت العيد فى السودان
واستمتعت بلمتين مع ناسى العزاز ( ناس الزقازيق )
الاولى فى جبل اولياء والتانية فى منزل الاخ معتصم سلمان
بالاضافة للزيارات الفردية والتلفونات الماليهاحد من مختلف
اقاليم السودان
ومنذ وصولى الى جده انا يوميا بفتح بوست الزقازيق وافضل سارح
لا قادر اقرأ ولا قادر اكتب وصرت اتحاشى سودانيز عموما

دى حالة ما لاقى ليها تفسير ، ما انا راجع مبسوط ، طيب الدبرسة
لشنو ،،

تحياتى لكم جميعا جديد و قديم

عبدالدائم المسيخ
Post: #1564
Title: Re: ناس الزقازيق ... أجدع ناس ( 3 )
Author: جلال عثمان
Date: 12-19-2009, 11:09 AM
Parent: #1563

زهير تتذكر حكاية "قوم ادينا فاتحتنا" أي... ياخ الحكيتا 514 مرة ديك
اها الواحد بنتهز فرصة اندياح الشادي ... وعبدالدائم .. واحمد اسماعيل ده
ويجي داخل توش كدة .... بس النبى فيك كان قلت لي قوم ادينا فاتحتنا
ماتكون مسيخ ياخ ...
Post: #1565
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 11:17 AM
Parent: #1564

جلال والله قربت أعفيك عشان خاطر البوست بدأ في الربة من جديد ... لكن ما في طريقة .. اها يا اخوي قوم أدينا فاتحتنا ....
Post: #1566
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 11:19 AM
Parent: #1564

توفي قبل أيام عم الصديق مبارك جادين بالأبيض ... له الرحمة والمغفرة ... ولكل آل جادين عزاءنا الحار ... تلفون مبارك


0123026261

من خارج السودان
00249123026261
Post: #1567
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 11:28 AM
Parent: #1566
Post: #1568
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-19-2009, 11:40 AM
Parent: #1567

خالص التعازى للاخ مبارك جادين والاسرة

،،،،


الجلابية والعمة عند نادر فاروق ولا بلاش والمركوب عند البرلوم وبس

يا زهير
عبدالدايم الوسخان قبل حفلة التخريج بيومين جاء قعد معانا
اولا" قال الواحد يرطب معاكم كم يوم بعيدا عن شلة شارع فاروق
وثانيا عشان ربط الكرفتة
وثالثا" وهو الاهم عشان ياخد حمام كارب بالسخان يوم الحفلة
اتخيل لي كده سخانهم بايظ ولا ما عندهم زاتووو ما عارف


،،،،،،

والله انا مكسوف من زينب التجانى جنس كسفة لمن مغطى وشى بيدينى
Post: #1572
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-19-2009, 12:17 PM
Parent: #1568

موضوع مقاس البدلة ده , شايفوا مطروح فى المربع بهناك
لكن زهير الزناتى تعدى موضوع المقاس ليدخل فى لب الموضوع
البدلة زاتها
كان بى كرفتة ولا بدون
انا شخصيا , البس البدل يا زهير
واربط الكرافتات منذ ان علمنى رفعت ربطها زمان
لكن موضوع المقاس ده ياهو المجننى
ناس الرشيد وبكرى حامد بهناك , شايفهم بيتكلموا عن الخمسينات لسه
نحن الخمسينات , شوفتنا ليها فى (الحريق بس )
البدل ام خمسين دى , الله لا ورانا ليها
نحن من فصيلة الناس (المالين هدومهم يا جماعة )
وعلى فكرة يا زهير
الفرق بين البنطلون والقميص
والفل ست
اصلو ما بعيد
خصوصا فى زى بردنا ده
ما دام الواحد اضطر يلبس مع البنطلون والقميص , السويتر ولا الكوت
الباقى شنو
زرارة واحدة تتربط , وزول حريف يربط ليك (الفتلة )
ومن دربك داك
ولى مجمع ساريا عدل
Post: #1569
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 12:12 PM
Parent: #1567

Quote: إتخيل في عشرة أو عشرين أو حتي خمسين اسرة زيقايقية يسكنوا ساريا حتكون حاجة جميلة .. غايتو نحن حاجزين في المرحلة الثانية ... يعني سنة 2015 ولي قدام لو ربنا مد في الآجال ...


و الله يا أبو الزوز الظاهر عليك حتسكن قبلنا...نحن أديها 15 سنة تاني نكون يا دوب نزلنا المعاش الاختياري...و جبنا معانا الضمنه الالكترونية...

عودة كمال الشادي و جلال...حاجه تفرح الروح المعنى....

غياب منصور يستوجب وضع علامة استفهام كبيييييييييييرة؟؟؟؟؟؟؟؟؟
Post: #1570
Title: Re: ناس الزقازيق ... أجدع ناس ( 3 )
Author: موسي عيسي
Date: 12-19-2009, 12:12 PM
Parent: #1567

والله رجعنا رجوع العصافير لديارها الما برجعني شنو والكلام السمح

بتاع كمال الشادي و النضم الحلو بتاع الزناتي و المناجاة الحلوة

من ناس الامارات الحلوين حلاوة الرشيد بابكر و اندياح دودي الحبيب

و تباشير ود نيالا الطاعم بطعم جلسة عنقريب في همبريب الوادي ؟

فوالله لكم الشوق بحور وكأني ولدت جديدا بعدما اصابني نفس الشعور الذي انتاب

الكثير دون ان يكون لذلك سببا يا الرشيد فلكم أنتم ايها الحلوين

متشابهين حتى في الامزجة و التفكير وجمال النفوس .

فلكم اخوتي التحايا و الاشواق جميعا و التراحيب تراحيب المطر بقدوم

الكوكبة الرائعة من الزقازيقاب الجدد فمرحبا بيكم في الحوش الكبير

و قطعا انتم إضافة حقيقية لنا فاكرر الترحاب .
Post: #1571
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 12:16 PM
Parent: #1570

موسى عيسى...مرحبا بعودتك...اشتقنا لمداخلاتك أرجو المواظبة و خلو الدبرسة دي بعيد...
Post: #1573
Title: Re: ناس الزقازيق ... أجدع ناس ( 3 )
Author: موسي عيسي
Date: 12-19-2009, 12:29 PM
Parent: #1571

العزيز الرشيد كيف حالك و ليك وحشة معليش الحالة فكت خلاص

و ليك العتبى حتى ترضى بس نامل بمناسبة العودة عايزين

قصديتين من الامارات من شخصك الكريم و الحبيب الغائب

ياسر نجيلة بالله بلغه التحايا عنا.
Post: #1574
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-19-2009, 12:30 PM
Parent: #1571

نحن هنا يا رشيد
مشتاقين يا موسى عيسى
كما ان عودة كمال الشادى
وخروجه من حالة التقوقع وتغلبه على دبرسة لا نستغربها
لا وبل نعرف طعمها ولونها
هى مؤشرات على اعادة انتاج كريات الدم الحمراء فى شرايين البوست
الم ترى جلال وهو يتسلل راجيا ان تعفوه من الفواتح الفاتتو
او انكم ما لاحظتم احمد اسماعيل يدخل بخفة وقد ترك نعليه على باب الصالون
ام تراكم تعمدتم ان تعملوا انكم ما شايفين لا دودو ولا الريس معتصم جعفر
وما عرفتوا سبب حردان زينب التيجانى عن البوست
اتاريك يا دود مزعل زنوبة
استنى لى انت الليلة
انت عارف البيزعل زوبة من زمان انا بسوى ليهو شنو ؟؟
كان ما عارف ؟؟اسال العنبة الرامية فوق بيتنا
لكن , انتظرونى اربط ليكم بين سارية زهير , وشركة الزقازيق القابضة
بعد شوية , كان الله حيانا , والكفيل خلانا
Post: #1575
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-19-2009, 12:36 PM
Parent: #1571

Quote: أرجو المواظبة و خلو الدبرسة دي بعيد...

الكلام الفوق دا يعتمد عليك
تقول مدبرس ...كمال الشادي و البوست كلو يقولو ليك مدبرسين ...عداي و منصور
تقول متكيف ...موسى عيسى يفارق ألمه و يكتب غصباً عنه
لمعلوميتكم ...موسى عيسى كان طريح الفراش كل الفترة السابقة...
تفقدته تلفونياً يوم أمس فقط لكنه أسرها في نفسه...لكنني لم أستطع أن أسرها
يكتب إليكم و هو متألم بعض الشئ
أدوهو مسنجر أو تلفون تعرفو الحاصل شنو؟؟؟
Post: #1576
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-19-2009, 12:39 PM
Parent: #1570

الحمد لله أنا مبسوط من دعبشت

الزقازيقيين الرجعوا لينا تاني

بالكتابة والرجعكم يرجع لينا باقي البرايات

القدام ما يلحقن ناس سناء الصباغ ،،،،،،،،،،،،

على الرغم من التواصل مع الشادي خلال الفترة السابقة

ولكن دبرسته دي بتذكرني حاجات زقازيقية كثيرة ،، يا خي مالك علينا

جلال عثمان وينك يا خي قوم رجع الفاتحة ديك لناسا

الحبيب موسى عيسى يا خي سلامات والف بعد الشر عليك ،،، يا شباب أخوكم

ده كان متوعك الأيام السابقة بس لأنه راجل حساس ما حب يزعجكم.


غيابك طال ،،، وشوقنا ليك زاد وكان كترتها بنجيك في الرياض أحسن

ليك أرجع تاني لنضميك السمح داك لأننا ما بنقدر نجاريك ،،،أقول ولا

كفايه فهمت ولا إنتقلت ليك دبرسة الحبيب الشادي ،،، حدك معانا بكره بس.

يظهر بأن مفهوم الأيام سوف يتغير خلال السنوات القادمة ، العيد الصغير الجاي

مع ناس الرشيد ونجاة حوفي مروراً بالرياض ،، والعيد الكبير مع ناس جده كلهم

نستقبل فيهو حجاجنا الحناكيش والغير حناكيش ،، وما بنقبل زول يجي حج بدون المرور

بجده الزقايقية ،،، علشان ما تكون حجتكم ولا عمرتكم ناقصة.
Post: #1577
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-19-2009, 12:47 PM
Parent: #1576



وانا كمان
من ما كبرت وبلغت الحادية والثلاثين قبل كم اسبوع كده
وانا اشتهى لف العمة مع الجلابية
ولكنها تستعصى على
قبل عيدين او تلاتة ما عارف
شجعتنى بت شيخى امانى ووعدت بمساعدتى على لفة عمة ما تخرش الموية
مشيت السوق
انفقت مبلغا محترما من المال العزيز على شراء عمة آخر موديل
من تلك المطرزات والمشغولات شغلا يدويا بارعا او هكذا اوحى الينا البائع السودانى النجيض
اليوم كان وقفة عيد
قضينا الليل كله فى بروفات اللف
مرة من اليمين
ومرة من الشمال
اول مرة اعرف العمة دى صعبة كده
حالتها اربعة متر ونص بس
عمة ناس ترباس والقلع عبد الحفيظ
لا قبل لنا بلفها
ولا لراسنا بحملها
اوشكت البروفات على الوصول الى حلول جيدة او قل مرضية
كانت ايثار بتى نايمة
قامت من النوم وقد اوشك آذان الفجر
اللى بعده صلاة العيد مباشرة
شافت ايثار العمة على راسى فدخلت فى كومة ضحك لا نهاية لها
ثم بعد ذلك
ايثار حلفت طلاق
كان تلبس الشى ده يا بابا
مالو يابتى دى من مستلزمات الأناقة
والله يا بابا مخلياك كبير كبير ومدياك اكبر من عمرك
(بتضحكوا مالكم يا سخيفين )
من اليوم داك
وبأمر ايثار
ما زالت العمامة المطرزة المشغولة شغلا يدويا بارعا
ملقاة فى ركن قصى من دولابى
حتى تكبر ايثار بتى
او ابقى انا (قدر العمة )
حسب رايها
على فكرة
انا احترم راي ايثار جدا
Post: #1580
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-19-2009, 12:56 PM
Parent: #1577

ساريا غالية
يا زناتى
مولعة نار بس
اصلا ساريا دى عبارة عن شنو
قطعة ارض كبيرة
متشاركين فيها ناس كتار
بعنى نحن هسى غالبنا
نجمع العندنا
ونشترى لينا ارض معقولة
فى حتة مناسبة
ونخصص لى كل زول شقة حسب المساحة العايزها ؟؟؟؟
والدفع والمساهمات برضو بالتقسيط
والأرض تكون ملك من يستطيع ان يدفع المقدمات الكبيرة
يعنى لو اصلا لقينا عشرة اشخاص ممكن كل واحد يدفع مية مليون
اها دى مليار اتجمعت
ما بتجيب ليها واطة فى حتة كويسة
ثم تبدأ رحلة البناء
كان بى قروض بنكية
او بمساهمات من يستطيع
والحساب دائما ولد
مش كده يا كمال الشادى ؟؟؟!!!
تكليف لى زهير الزناتى
رجع لينا صالح تبلدينا
Post: #1578
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-19-2009, 12:49 PM
Parent: #1576

خالص التعازي لأخونا مبارك جادين

في وفاة عمه ،، رحم الله الفقيد رحمة

واسعة وألهم أهله وذويه الصبر والسلوان

إنا لله وإنا إليه راجعون،،،،،،
Post: #1579
Title: Re: ناس الزقازيق ... أجدع ناس ( 3 )
Author: طارق جبريل
Date: 12-19-2009, 12:51 PM
Parent: #1576

سلام يا ناس
خالص التعازى للاخ مبارك جادين والاسرة
Post: #1581
Title: Re: ناس الزقازيق ... أجدع ناس ( 3 )
Author: محمد عيد
Date: 12-19-2009, 01:13 PM
Parent: #1579

خالص التعازى للاخ / مبارك جادين فى وفاة المغفور له باذن الله عمه

ونسال الله ان يجعله فى عليين مع الصديقين والشهداء وحسن اولئك رفيقا
Post: #1582
Title: Re: ناس الزقازيق ... أجدع ناس ( 3 )
Author: محمد عيد
Date: 12-19-2009, 01:17 PM
Parent: #1581


فرحة وتعضيدا لعودة الاشجار المثمرة لحديقة البوست .. نقدم هذه الروشتة المجرّبه

لكمال الشادى ومن لـــف لفه حتى لا يعود احدنا لحالة الانتكاسة الماضية لا قدر الله


يحب اليابانيون أكل السمك الطازج، ولا غرابة في ذلك، وكل اليابان مكونة من جزر، إلا أن المياه المجاورة لجزرها المختلفة هي قليلة الأسماك. ولذلك يضطر الصيادون لاستخدام قوارب أكبر، ويذهبون إلى مسافات أبعد داخل البحر. وكلما بعدت المسافة، كلما استغرقت رحلة العودة وقتاً أطول، ومن ثم لم يعد السمك طازجاً، حسب ما يفضله اليابانيون.

ولعلاج المشكلة وضع الصيادون خزائن تثليج في قواربهم، وذلك سمح للصيادين أن يدخلوا مسافات أعمق في البحر، وأن يقضوا وقتاً أطول. لكن المستهلك الياباني بدأ يفرق بين السمك الطازج، والمثلج، ولم يعجبه السمك المثلج، ومن ثم انخفضت أسعاره.

نتيجة لذلك لجأ الصيادون إلى حل آخر، وهو وضع خزانات مياه في قواربهم، كدسوا السمك فيها، وعادة ما تبدأ الأسماك بحركة سباحة نشطة، وبعد فترة من الوقت تهدأ الأسماك. وتبين أن هدوءها قد قلل من (.........)اجتها عند الوصول، وكان على الصيادين أن يلجأوا إلى حلول جديدة. كيف حل الصيادون اليابانيون معضلتهم؟!

لكي يبقوا على السمك طازجاً، استمر الصيادون في وضع السمك داخل خزانات الماء، ولكن أضيفت في كل خزان سمكة قرش صغيرة. وذلك كان كافٍ كي تبقى الأسماك يقظة، ومتحركة طوال الوقت، بشكل غريزي، بسبب خوفها، وهو ما يبقيها طازجة حتى موعد الوصول إلى الميناء.

ماذا يمكن أن نتعلمه من هذه القصة؟؟ الدرس هو أننا جميعاً نعيش في خزانات تؤدي بنا مع الوقت إلى أن نفقد حيويتنا، ونشاطنا، ومن ثم نتبلد جسمياً، وذهنياً. ولذلك نحن نحتاج إلى سمكة قرش تتحدانا، ومن ثم تجعلنا دائماً متحفزين، ومتحركين، ونشطين.

صحيح أن بعضنا يعاني من أن سمكة القرش الموجودة في خزانه كبيرة، أو أن في خزانه أكثر من سمكة قرش، وهو ما قد يقود إلى وضع مضطرب، وصعب، نتيجة اللهاث للبقاء حياً. ولكن المقصود هنا أننا دائماً، وأبداً بحاجة إلى التحدي، لتحقيق نتائج أفضل.
ضع سمكة قرش في خزانك، وعش حياة التحدي، والعمل بدلاً من حياة الدعة، والكسل
Post: #1583
Title: Re: ناس الزقازيق ... أجدع ناس ( 3 )
Author: موسي عيسي
Date: 12-19-2009, 01:24 PM
Parent: #1581

أصدق التعازي للعزيز مبارك جادين و للفقيد الرحمة

والمغفرة .
Post: #1584
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 01:33 PM
Parent: #1581

Quote: شافت ايثار العمة على راسى فدخلت فى كومة ضحك لا نهاية لها


و الله يا منص أنا أعاني من نفس المشكلة...يوم الوقفة بالليل مهند قال لي يا بابا بكره حتلبس البتاعة المدورة ديك...قلت ليهو اسمها العمه...ايوه العمه حتلبسه...قلت ليهو أيوه حألبسه...قام ضحك...مهند ضحك قبل ما ألبس العمه...ايثار أحسن بي كتير...انت عارف أنا ما مشكلتي مهند و أمنية...أنا مشكلتي أمهم ذاتا قاعدة تضحك فيني..عشان كدة فارقتها فراق الطريفي لي جمله...
كل ما أشوف العمه عند سامي عبدالوهاب و جلا أحسدهم عليها...حأقوم أرسل ليم العمة بالDHL يرسلوها لي ملفوفة (أوع خيالكم يمشي بعيد)....
Post: #1585
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 01:43 PM
Parent: #1584

Quote: بعنى نحن هسى غالبنا
نجمع العندنا
ونشترى لينا ارض معقولة
فى حتة مناسبة
ونخصص لى كل زول شقة حسب المساحة العايزها ؟؟؟؟
والدفع والمساهمات برضو بالتقسيط


فكرة جميلة تعضد و تكون منطلقا لفكرة كمال الشادي شركة الزقازيق القابضة...

اذا انتو جاهزين نحن جاهزين....
Post: #1586
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 01:48 PM
Parent: #1585

Quote: الكلام الفوق دا يعتمد عليك
تقول مدبرس ...كمال الشادي و البوست كلو يقولو ليك مدبرسين ...عداي و منصور
تقول متكيف ...موسى عيسى يفارق ألمه و يكتب غصباً عنه


انت يا حاج قاصدني أنا...أمشي كده عامل عمتك المظبطة دي...
Post: #1587
Title: Re: ناس الزقازيق ... أجدع ناس ( 3 )
Author: مني يونس
Date: 12-19-2009, 01:53 PM
Parent: #1585

وبشر الصابرين الذين اصابتهم مصيبه قالوا

انا لله وانا اليه راجعون

خالص التعازى للاخ/ مبارك جادين
Post: #1588
Title: Re: ناس الزقازيق ... أجدع ناس ( 3 )
Author: جلال عثمان
Date: 12-19-2009, 02:20 PM
Parent: #1587

خالص التعازي للاخ مبارك جادين في وفاة عمه ونسأل الله تعالى له الرحمة والمغفرة

والف سلامة للاخ الصديق موسى عيسى
ماتشوف شر يا ابا عهود ...
Post: #1591
Title: Re: ناس الزقازيق ... أجدع ناس ( 3 )
Author: محمد عيد
Date: 12-19-2009, 02:30 PM
Parent: #1588

الفنان الراحل / محمد احمد عوض ســئل ذات يوم ..

لماذا لا ترتدى العمة السودانية مثل بقية الفنانين الشعبيين ...

فأجاب : اولا انا عندى حساسية من قماش التوتال ..

تانيا وينها الرقبة اليربطوا فيها العمة دى ؟؟!

هسه منصور انت مع ياتو ..؟

حساسية يعنى ؟ ولا سحلية عدت من على رقبتك ...

لا اله الا الله ... ما تاكلش سمك ولا بيض ..!!


عموما الحال من بعضو ...

لا لفّة العمة نفعت مع الراس ده .. ولا سلمنا من ضحك العيال ..!!

Post: #1589
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-19-2009, 02:26 PM
Parent: #1587

Quote: لتحقيق نتائج أفضل.
ضع سمكة قرش في خزانك، وعش حياة التحدي، والعمل
بدلاً من حياة الدعة، والكسل


عندي إضافة لإقترحكم يا أبو حميد

نضع للأخوان/ت سمكة قرش في البيت

ونعيش حياة التحدي ،،، ونسجل تجاربنا اليومية

في حياتنا الزوجيه ، ربما تنجح الفكرة.
Post: #1590
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 02:27 PM
Parent: #1587

بسم الله الرحمن الرحيم
( إنا لله وإنا إليه راجعون )
احر التعازي للاخ مبارك جادين في وفاة عمه ، ولا اراه الله مكروهاً في عزيز لديهم
Post: #1592
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 02:39 PM
Parent: #1590

Quote: نضع للأخوان/ت سمكة قرش في البيت


يا ريس أنا الا تضع لي السمكة دي في عربيتي...و لا أقول ليك خليهم سمكتين صغار واحدة في أبوظبي في البيت وواحدة هنا...
العندو سمكة قرش أصلا يعمل شنو يا ريس؟؟؟
Post: #1593
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 02:44 PM
Parent: #1590

أول بالتبادي
الكلام الكتبو زهير الزناتي عن مشروع ساريا
انا نسختو بالكامل ورادي عليهو في بوست شركة الزقازيق القابضة
لكن طالما الشباب كلهم هنا
وبدأو يحلمو بي بيوت بي نور ودش
وبالمحبة تخش قلوبهم وفي قلوب الكل تخش

حا أقول ليكم كلام علم وكلام كتب وكلام خبرة
أسمعو كويس
الناس البي يشتغلوا شركات بطريقة علمية
بيكتبو أول شيء حاجة إسمها الفيجن (Vision ) الرؤية
والرؤية هي في لغة البزنس ( الحلم )
صاحب رأس المال عليهو يحلم يضع الفيجن فقط
المدير التنفيذي ومدير التسويق وآخرين
عليهم تحويل الفيجن إلى إستراتيجية عمل
وبعدين إلى خطط عمل

الحلم اللي حلمت بيهو حنان مجمر بي هناك في بوست شركة الزقازيق القابضة
واللي حلم بيهو الرشيد بابكر بي هنا وقال ما عارف بعد كم سنة تقاعد
هو ده تحديداً بداية البزنس

يا شباب انا آسف لكن طظ في مشروع ساريه
هو في الاخر فيجن وبرنامج عمل تم تطبيقه

مرة قدام دار الاتحاد
في الشتاء وأيام الانتخابات واقفين انا وجمال فارح وبعض حسان الزقازيق
قام جمال فارح طلع كيس الصعوط بتاعو وبدأ يسف قدام البنات
يخسي عليك والله يقرفك وكلام من عينة ده سمعو جمال اللي كان مستعد اصلآ
وهو اصلاً سف قدامهم عشان يسمع الكلام ده
قام جمال فارح مدا الكيس لاجمل واحده واقفة وقال ليها جربتيهو قبل كده
الله يقرفك ، كان ردها
قال ليها الحياة عبارة عن مجموعة تجارب
التجربة اللي ما عشتيها ما تحاولي تقيميها بإنها كبيرة أو صغيرة سيئة أو جميلة
صعبة أو سهلة

كل الناس اللي ما إشتغلت في تأسيس الشركات
أو جمع رأسمال لشركات ومشاريع
أو انشأت صناديق إستثمارية بملايين الملايين
أو جلست الساعات الطويلة في إجتماعات مع البنوك للحصول على تمويل بالملايين
كل الناس دي ليها الحق تخاف
وتحس إنو شركة الزقازيق القابضة دي حاجة كبيرة وما بتتحقق

تاني أنا آسف طظ في شركة ساريا

ومع ذلك اوقف إحتراماً لمشروعهم

يا شباب الموضوع ابسط من البسيط
كل واحد مطلوب منه يحلم ّّ!!!!

بعدين نجمع احلامنا
نخلق منها مشروع عظيم

لي عودة ...
Post: #1594
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 02:50 PM
Parent: #1593

والله الشغلانة الكتبها محمد عيد عجبتني جداً
مسألة سمكة القرش دي
حقيقي مثال جميل يا محمد عيد
أحياناً الحياة كلها تنقلب يا محمد عيد اسماك قرش
لمن الحكاية كلها تبقى دبرسة
وساعتها يا حبيب
ترجع لحالة إسمها
البغلب سدها...
ولو كترت الهموم ...
زي حالتي الفاتت ديك
كمية بتاعة ضغوطات واسماك قرش من كل جهة
آخرتها
قفل كل حاجة و دبرس يا حبيب

لك التحية محمد عيد
Post: #1595
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 03:03 PM
Parent: #1594

عودة لموضوع ساريا والحلم الزقازيقي

بعد إذنكم يا جماعة اعرض عليكم بعض الخطوط المتقاطعة علها تحل بعض الطلاسم

قطعة ارض كبيرة تكفي لتكون مدينة الزقازيق
كل واحد عندو بيتو
كل بيت بيحقق الحلم
وحوالينك المدرسة والجامع والجامعة والحديقة
والسينما والمول
خلاص
السؤال الارض كم مساحتها
ووين موقعها
مساحتها خلينا نقول سبعة مليون متر مربع مثلاً
وموقعها جنوب الخرطوم لانو في منطقة ساريا لانو الخرطوم ما عندو إمتداد شمالي

الحصول على ارض بي هناك الجميع يتفق إنها ما مسألة صعبة
والله انا غلطان
وقفوني لو انا غلطان

الشركة مسألة ورق بتأسس بكرة ومافي مشكلة
ولو الحصول على ارض ما هي مشكلة

يبقى الباقي ساهل
مجرد إقتراح
صندوق عقاري (Real Estate Fund )
نظام راقي للتمويل
للي ما عندو فلوس ولكنه يملك شيء ما ( ارض مثلاً )

عبارة عن شخص ( شركة ) يملك ارض ( وعندنا الارض )
قرر إنو يبني عليها مشروع ( حلم اهل الزقازيق )
تتعمل دراسة جدوى عن جدوى إنشاء المشروع
يقوم يجوك ناس القروش
الناس اللي عايزه تستثمر عشان الفائدة بس
يدفعوا ليك تكلفة إنشاء المشروع

تاخد القروش من أهل القروش
وأهل القروش ديل مش مهم هم مين سودانيين غير سودانيين في السودان بره السودان في الواق واق
المهم ناس مستثمرين يدوك قروش ( يدوها لمدير الصندوق الاستمثاري )
على فكرة الصندوق الاستثماري ده ممكن تعملوا في اي مكان في السعودية في الكويت في ماليزيا في امريكا
وتلم الفلوس عشان تعمل بيها مشروع الزقازيق في الخرطوم وبعدين توزع الارباح لاصحاب الفلوس

نقوم نجي لدور التسويق
نبيع المنتجات
الفلل والعمائر والشقق والمحلات التجارية لناس الزقازيق اولاً
ولغيرهم ثانياً
ونبدأ نجمع القسط الاول بس
القسط الثاني والقسط رقم مليون نأمن عليهو عن شركات تأمين
هي تتحمل المخاطرة
وهي تدي المستثمرين الارباح بضمان شنو
بضمان وظيفة منصور عبد الرازق مع كفيلو
وبضمان وظيفة ميسرة سيد احمد في جهة عملو
والرشيد ومحمد عيد ومحمد اسماعيل ومبارك جادين وحنان مجمر

يا أخوانا وجعتو لي قلبي
المسالة سهلة
والله سلهة
Post: #1597
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-19-2009, 03:09 PM
Parent: #1594

Quote: كل الناس اللي ما إشتغلت في تأسيس الشركات
أو جمع رأسمال لشركات ومشاريع
أو انشأت صناديق إستثمارية بملايين الملايين
أو جلست الساعات الطويلة في إجتماعات مع البنوك للحصول على تمويل بالملايين
كل الناس دي ليها الحق تخاف

شكراً كمال الشادي
لكن داير أسأل ناس الزقازيق ديل
إنتو سفيتو التمباك بتاع جمال فارح؟؟؟
كان ما أخاف الكضب
في البوست دا فيهو ناس حسان...ذكوراً و إناثاً
لكن الغايظني تمباك جمال فارح دا ما حضاري...و برضو قاعد يسفو!!!
Post: #1596
Title: Re: ناس الزقازيق ... أجدع ناس ( 3 )
Author: عصام دهب
Date: 12-19-2009, 03:03 PM
Parent: #1593

سلام و تحية و شوق لأجدع ناس ..

و التعازي الصادقة للأخ العزيز / مبارك جادين و آل جادين عموم في فقيدهم الراحل الذي أسأل الله تعالى أن يتقبله بواسع رحمته و عظيم مغفرته و أن يدخله فسيح جناته و يلهم أسرته و ذويه الصبر الجميل .. البركة فيكم يا مبارك و عظم الله أجركم

ــ
حمد لله على سلامة سنيرنا المبجل / موسى عيسى و أمنيات صادقات بدوام الصحة و العافية و ما تشوف شر إن شاء الله و تهنئة و سلام و ترحاب كبير أوي بالأعزاء الذين أنضموا أو جددوا إنضمامهم لنا :

1- مصطفي عجب سيدو
2- جمال فارح
3- د. رجاء الطيب
4- مشاعر بدوي
5- ميساء بدوي
6- مصلح الفكي
7- عبد الرحمن يسن
8- مجتبي فاروق
9- الفاتح قمر
10- عادل عبد الرحمن

فأهلاً حللتم و سهلاً نزلتم و مقامكم زين إن شاء الله تعالى ..

و شكراً يا زهير ..

ـ
سلام و تحية لكل الناس الحلوين الرائعين بدون فرز و إن شاء الله دايماً تامين و لامين
و دمتم ..
Post: #1598
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 03:14 PM
Parent: #1596

قصة عمة منصور والرشيد دي عاجباني جداً
منصور مرة حكاها لي انا وأحمد عوض وضحكت عليها جداً
عايزك يا منصور تفلسف الموضوع شوية
الموضوع يا منصور اكبر من عمتك وعمة الرشيد واكبر من عمة كمال ترباس

خليني اديك زاوية أو بعد تاني للمشكلة
والمشكلة اطرافها تحديداً هم ( أولاد الغربة )
يعني اولادنا
رغم معرفتي الشخصية بمجهودات منصور عبد الرازق الكبيرة في ربط اولادو بالسودان
وبي حاجات السودان إلا إنو العمة ما عرفت تعدي من المجهودات دي

الحمد لله ما عندي محاولات مع العمة لاني أصلآ ما مقتنع بيها ّّ معليش للمعترضين

خليني أقول ليك مشكلتي مع أولادي
انا اطرب جداً للغناء الشايقي بحكم إني شايقي اولاً
وبحكم حكمي الشخصي على الغناء الشايقي إنو يحوي شجن لا محدود
وكلام ومعاني راقية جداً

لمن يجي غناء شايقي في التلفزيون واصر إني اسمعوا
أولادي يقعدوا يضحكوا والله أحياناً ازعل بجد واحيانا اتشاكل معاهم
وأحيانا اغير القناة ومرات كتيرة اقومهم من قدام التلفزيون وأتفرج براي

جيل بيسمع أي حاجة
بدون حدود
مرات عمرو دياب
ومرات باد ستريت بويز



دي يا منصور اوجه مختلفة للمشكلة
لو عرفت المشكلة عايزك تفلسفها شوية
إنت عارفني بحب قرضمتك وفلسفتك

حبي وتحياتي لبنتك وانا معاها في موقفها
بلا عمة بلا لمة
Post: #1599
Title: Re: ناس الزقازيق ... أجدع ناس ( 3 )
Author: عمر المهدى
Date: 12-19-2009, 03:41 PM
Parent: #1598

في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
تحية لاهل الرومانسية والناس
المشتاقة للبراحات والخضرة
والجروف والقماري والغيم
وقلدة حنان وطيبة مكان
وروقة وامان
وسلام للجدعان
Post: #1600
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 04:35 PM
Parent: #1599

العزيز الغالي
موسى عيسي
سلامات
وكل سنة وإنت بألف خير وعافية أنشاء الله
وكفارة وألف كفيل من عينة أبو زفت كرامتك
سلامات موسى والله لو عارف إنك كنت عيان في العيد كنت وصلتك
انشاء الله بلغت الصحة والعافية يا حبيب
خلينا على اتصال


الحبيب الغالي معتصم سليمان جعفر
لك الف تحية وحب
وشركاً لسؤالك عني هنا
ومداخلتك بي هناك في شركة الزقازيق راح ارد ليك عليها
بس عليك الله
في الموضوع ده تحديدا
موضوع شركة الزقازيق ما تقطع كتاباتك
عارف ليه
لاننا بره الصورة
وإنت جوه السودان
يمكن الكثير من كلامنا يكون بتقييم ناس السودان كلام فارغ أو كلام ناس بتحلم
لانو في اشياء لا يمكن تطبيقها وفي اشياء مستحيل
مش ده المهم
المهم نوضح الاسباب ونعالج اذا كنا راح نقدر نتجاوزها والله لا
مع التحية والاحترام
Post: #1601
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 05:02 PM
Parent: #1600

العزيز طارق جبريل
يا أخي أقرأ ما كتبت بإعجاب شديد
رغم إني لم أفهم الكثير رغم إجتهادي زي محمد عيد لفك الطلاسم
لكن تعرف لم الاعجاب

أصحاب التجارب الجريئة في الحياة هم دوماً الذين يكتبون التاريخ
التجارب الجريئة في كل شيء
لو كان صاحب هذه التجربة حلفاوي أو محسي أو دنقلاوي ما إستغربت
تعرف ليه
الحلفاويين والمحس والدناقلة أول السودانيين الذين عرفوا الهجرة والرحلات الطويلة
والغياب الاطول عن ارض الوطن
الشوايقة ناس حنان وبكايين

اغلب شعر الشايقية في الغربة والبعاد عن ارض الوطن
من عينة ناس
شوفي الزمن يا مة ساقني بعيد خلاص
جرعني كاس
دردرني يا مة وريني الخلاص


عينة الشعر ده كتبوهو ناس يعتبروا نفسهم تغربو عن اراضهيم واوطانهم
وكل غربتهم كانت من مروي لي شندي أو الخرطوم

يقوم واحد شايقي اسمو طارق جبريل يمرقا في المغرب
ويتزوج ويعيش هناك

صراحة إنت في عرف الشوايقة بطل
وفي عرف بعضهم إنت كافر عديل
خرجت عن نواميس القبيلة
وشرع الله عز وجل

هل تعرف هذا الحديث الشريف يا طارق



حَدَّثَنَا الْحَسَنُ بْنُ عَلِيٍّ الْخَلَّالُ وَغَيْرُ وَاحِدٍ قَالُوا حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنْ الزُّهْرِيِّ عَنْ سَالِمٍ عَنْ ابْنِ عُمَرَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّمَا النَّاسُ كَإِبِلٍ مِائَةٍ لَا يَجِدُ الرَّجُلُ فِيهَا رَاحِلَةً قَالَ أَبُو عِيسَى هَذَا حَدِيثٌ حَسَنٌ صَحِيحٌ حَدَّثَنَا سَعِيدُ بْنُ عَبْدِ الرَّحْمَنِ الْمَخْزُومِيُّ حَدَّثَنَا سُفْيَانُ بْنُ عُيَيْنَةَ عَنْ الزُّهْرِيِّ بِهَذَا الْإِسْنَادِ نَحْوَهُ وَقَالَ لَا تَجِدُ فِيهَا رَاحِلَةً أَوْ قَالَ لَا تَجِدُ فِيهَا إِلَّا ر

أحد جوانب معاني هذا الحديث إستناداً إلى احد اصدقائي وهو راجل شيخ

انا الناس تمشى الحياة كما القطيع
بين كل مائة تجد من يشذ عن ذلك ويتخذ لنفسه سكة مختلفة وطريق مغاير
وهو الناجح في الحياة
وهو صاحب التجربةالفريدة والمتفردة

أجزم أنك تملك خزنة وافرة بالحكايات الغنية مثل الف ليلة وليلة
حقيقة تجربتك أعجبتني
لك الف تحية وحب
ولك ولاودك وزوجتك كل المودة
كمال الشادي
Post: #1602
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 05:08 PM
Parent: #1601

وانا اتصفح ما فاتني في فترة ( البيات ) اقصد بيات الدبرسة
وجدت عبد السميع دفع الله ينشر قصيدة رائعة لنزار قباني
كأني أقرأها للمرة الاولى
هل عندك شك

بالصدفة كنت مع صديق شاعر سوري اليوم
وجدته يقرأ قصيدة رائعة للرائعة روضة الحاج وهو غير مصدق أنها سودانية
انشرها مجاراة لصديقي عبد السميع
---------------
في موسم المد جزر جديد
** ** **

اليوم أوقن أنني لن احتمل !!

اليوم أوقن أن هذا القلب مثقوب ومجروح ومهزوم

وان الصبر كل …

وتحول لجة حزني المقهور .. تكشف سوقها كل الجراح وتستهل

هذا أوان البوح يا كل الجراح تبرجي

ودعي البكاء يجيب كيف وما وهل

زمنا تجنبت التقاءك خيفة .. فأتيت في زمن الوجل

خبأت نبض القلب

كم قاومت

كم كابرت

كم قررت

ثم نكصت عن عهدي .. أجل

ومنعت وجهك في ربوع مدينتي .. علقته

وكتبت محظورا على كل المشارف .. والموانئ .. والمطارات البعيدة كلها

لكنه رغمى اطل ..

في الدور لاح وفى الوجوه وفى الحضور وفى الغياب وبين إيماض المقل

حاصرتني بملامح الوجه الطفولى .. الرجل

أجبرتني حتى تخذتك معجما فتحولت كل القصائد غير قولك فجة

لا تحتمل ..

صادرتنى حتى جعلتك معلما فبغيره لا استدل

والآن يا كل الذين احبهم عمدا أراك تقودني في القفر والطرق الخواء

وترصدا تغتالني .. انظر لكفك ما جنت

وامسح على ثوبي الدماء

أنا كم أخاف عليك من لون الدماء !

...

لو كنت تعرف كيف ترهقني الجراحات القديمة والجديدة

ربما أشفقت من هذا العناء ..

لو كنت تعرف أنني من اوجه الغادين والآتين استرق التبسم

استعيد توازني قسرا ..

أضمك حينما ألقاك في زمن البكاء

لو كنت تعرف أنني احتال للأحزان … أرجئها لديك

واسكت الأشجان حيث تجئ .. اخنق عبرتي بيدي

ما كلفتني هذا الشقاء!!

ولربما استحييت لو أدركت كم أكبو على طول الطريق إليك

كم ألقى من الرهق المذل من العياء ..

ولربما .. ولربما .. ولربما

خطئ أنا

أنى نسيت معالم الطرق التي لا انتهى فيها إليك

خطئ أنا

أنى لك استنفرت ما في القلب ما في الروح منذ طفولتي

وجعلتها وقفا عليك ..

خطئ أنا

أنى على لا شئ قد وقعت لك .. فكتبت

أنت طفولتي .. ومعارفي .. وقصائدي

وجميع أيامي لديك

...

واليوم دعنا نتفق

أنا قد تعبت ..

ولم يعد في القلب ما يكفى الجراح

أنفقت كل الصبر عندك .. والتجلد والتجمل والسماح

أنا ما تركت لمقبل الأيام شيئا إذ ظننتك آخر التطواف في الدنيا

فسرحت المراكب كلها .. وقصصت عن قلبي الجناح

أنا لم اعد أقوى وموعدنا الذي قد كان راح

فاردد إليّ بضاعتي ..

بغي انصرافك لم يزل يدمى جبين تكبري زيفا

يجرعني المرارة والنواح

اليوم دعنا نتفق

لا فرق عندك أن بقيت وان مضيت!

لا فرق عندك أن ضحكنا هكذا - كذبا -

وان وحدي بكيت!

فأنا تركت أحبتي ولديك أحباب وبيت

وأنا هجرت مدينتي واليك - يا بعضي - أتيت

وأنا اعتزلت الناس والدنيا

فما أنفقت لي من اجل أن نبقى؟!!

وماذا قد جنيت ؟؟!!

وأنا وهبتك مهجتي جهرا

فهل سرا نويت؟؟!!!

اليوم دعنا نتفق

دعني أوقع عنك ميثاق الرحيل

مرني بشيء مستحيل

قل لي شروطك كلها .. إلا التي فيها قضيت

إن قلت أو إن لم تقل

أنا قد مضيت … !!!
Post: #1603
Title: Re: ناس الزقازيق ... أجدع ناس ( 3 )
Author: محمد عيد
Date: 12-19-2009, 06:49 PM
Parent: #1602

يا الله يا ود الشادى يا حبيب

وانت تواصل فينا اندياحك الجميل ..

يبدو انك قد تخيرت سمكة قرش معتبرة ... شحذت فيك همة وعزيمة اشتقنا لها طويلا ...

واصل يا حبيب واغدق علينا بألقك الجميل ...

وحقا" .. ان عودة الروح للبوست هذا اليوم تستحق الاحتفاء ..
Post: #1604
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 07:19 PM
Parent: #1603

محمد عيد الحبيب
تسلم يا غالي
كل سنة وإنت طيب تاني
المرة دي بدون دبرسة

يمكن لو الدبرسة بتاعة العيد فيها حسنة واحدة
هي إني منذ ايام الاستعدادات للميل رقم 100 كان يتملكني إحساس بالذنب تجاهك

في ايام العيد والدبرسة بتاعة الرياض
سجلت تسجيل بصوتي اظنو كويس لاغنية رائعة للمرحوم مصطفي سيد احمد والشاعر صلاح حاج سعيد
راح ارسلها ليك على ايميلك لو عجبك التسجيل نزلها
ولو كعبة بلاش
الاغنية بتقول
--------------
عدا فات
زمن العيون الالفة والحضن الملاذ
ورهافة الحس البلون ضحكة الناس العزاز
بعد الحنان الكان زمان
استوطن المطر الحراز
*************
روح زماني وفي رجاك
عانيت قساوة الانتظار في ضل شبابيك السفر
صادقت ليلات المواني الساكنة في بحر الاماني بتنتظر
لو يوم طيوف لحظك تفوت
تعبر خيالاتك تمر
قلق المواعيد الضجر
سهر العيون الانتظار
وإتعزز النوم الخزاز
وإتمدد الشقى في العمر
عدا فات
*************
مليت تباريح الجراحات البقت
بعدك
اسى وزمنا قسى وحالا اسيف
ومشيت افتش عن خطاويك القبيل
واتضارى من زمنا
وراك ملاني خوف
اشتقت ارتاح في عيون
فيهن ملامحك ذاتها من غير اي زيف
واشتقت لى ضحكة صباحك والدعاش
عطر رزاز مطر الخريف
انا وانت والدنيا الامان
والناس صفاوغنوة وفا
ودفء المشاعر الشاتية صيف
انا وانت والدنيا الامان
زمن الاماني الطالعة من قلبا وفي وحسا ندي وذوقا رهيف
اناوانت والدنيا الامان
ما العمر شتان
بين اوان زمنا حييتو
وعمر ما بتعرف بيصبح بعدك حالو كيف
عدا فات
**********
Post: #1605
Title: Re: ناس الزقازيق ... أجدع ناس ( 3 )
Author: محمد صديق
Date: 12-19-2009, 08:00 PM
Parent: #1604

سلامات يا ناس

Quote:
دعني أوقع عنك ميثاق الرحيل

مرني بشيء مستحيل

قل لي شروطك كلها .. إلا التي فيها قضيت

إن قلت أو إن لم تقل

أنا قد مضيت … !!!
Post: #1606
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-19-2009, 08:47 PM
Parent: #1605



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #1607
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-19-2009, 09:08 PM
Parent: #1606

واليوم ازوركم زيارة مسائية غير معتادة
فقط لأننى احببت ان اشرككم فى هذه الخاطرة التى كتبها اخى الأصغر
الصادق عبد الرازق
فى موقع قريتنا سورى الألكترونى
شوفوا قال شنو صدقيني صدقتك..... والله صدقتك
(خلصت دراسة دولية هامة الى ان الزواج شيء جيد لانه يقلص مخاطر الاكتئاب والقلق وان هذه المتاعب يمكن ان تصيب من ينهون هذه العلاقة.وشملت الدراسة 34493 شخصا في 15 دولة وقادتها الطبيبة النفسية (كيت سكوت) من جامعة أوتاجو في نيوزيلندا واستندت الى عمليات مسح قامت بها الصحة النفسية العالمية التابعة لمنظمة الصحة العالمية على مدى السنوات العشر الماضية.وخلصت الدراسة الى ان انهاء الزواج بالطلاق او الانفصال او الموت مرتبط بزيادة مخاطر المتاعب النفسية وان النساء أكثر عرضة لادمان المواد المضرة بالصحة وان الرجال أكثر عرضة للاصابة بالاكتئاب. وقالت سكوت في بيان "ما يجعل هذا التحقيق فريدا وقويا هو ان العينة كبيرة جدا وتشمل العديد من الدول وان البيانات لا تغطي الاكتئاب فقط.. بل أيضا القلق ومشاكل التعاطي."اضافة الى ذلك ندرس ما يحدث للصحة النفسية للمتزوجين مقارنة بمن لم يتزوجوا قط او من طلقوا."ونشرت الدراسة مؤخرا في دورية الطب النفسي البريطانية. وأجريت بالتعاون مع منظمة الصحة العالمية وجامعة هارفارد وعدد من المنظمات الدولية الاخرى)
_______________________________________________

الولية دي بتقول كلام زي الفل ...ما عارف ليه لمن قريت فحوى الدراسة دي حسيت اني بحمل لي ( ملف ) جواهو ( فايروس )...وشعرتا بي راسي بطقطق... يكون ( الانتي فايروس ) بتاعي منتهي ولا الكبر دخل خلاص .. ولو داير تصدق كلامي ( وخاصة اخوانا الغير متزوجين) شوف الصور المرفقة في البوست القادم.

نقطة سطر جديد
الدراسة اعلاه قامت بها ( أنثي ) و(الانثى تلد ولا تبيض) ولا اعتراض في ذلك ونحنا بطبعنا ناس ( حلوين ) بنصدق اي دراسة وخاصة لمن تجي من ناس زي ديل ، ميس ( كيت سكوت) واهلها الكرام

يقول مصطفى سيد احمد
أبداك من وين ؟ سؤال منطقي
وانا يا ميس ( كيت ) ببداها معاك من قول تيت

المحيرني ليه الدراسة دي شملت 34493 ( مستجيب ) بالتحديد ... المرأة المشحمطة دي ما كانت تتمها 34500 ولا تقفلا 35000 يكون يا ربي عندها مشكلة في تصوير ( الكوتشنير ) احتمال برضو.
خلاصة الدراسة انو الزواج شيء جيد ...( جيد جيد ان شاء الله يضوي ليك) .. وهو اصلا لو ما كان جيد للمرأة يبقي جيد لمنو؟
من ما وعينا في الدنيا دي بنعرف انو التقييم ... مقبول ... جيد ... جيد جدا ... وممتاز .. ويسألني الله زمان في الجامعة لمن الواحد يدوهو جيد في مادة كان بدس النتيجة من الجنبو...تقولي لي الزوج جيد ... ممتاز دي مالا عيبيها لي بالله.. احسن يكون ممتاز

المهم .. يعني جيد دي ... اها بين بين.. لا هو حلو شديد ولا مر زي الحنضل.
و(الحرمة ) بت عمنا دي قالت الزواج .. جيد ... عشان بقلص مخاطر الاكتئاب والقلق ... واظنه عشان ( التقليص ده ) ادته جيد بت اللذينا دي... يعني لو كان ( بزيل ) كانت ادته ممتاز.. ما علينا دراستا وهي حره فيها

طيب اسمعيني كدي تعالي نقعد في الارض دي ....جيبي لي راجل واحد بعد الزواج ما مهموم... ولا جيبي واحد قبل الزواج قال ليك الهم كاتلو... انتي ما سمعتي بي قطار الهم .. ولا ما سمعتي الخالدي ( الله يرحمه ) بغني دي الهموم ياها القدرنا وحتى ما قادرين نشيلا ... يسألني الله الواحد فينا من كتر الهم بقي رجلينو ما قادر يشيلا .. زمان الواحد فينا ماشي وزي الساكيهو كلب ...هسي الكلب بقي يفوتنا وما حاسين بيهو ولا سامعين لي نباحو... في هم اكتر من كده ... يا مراة انتي؟
نفط سطر... ونتلب لي حكاية وان النساء أكثر عرضة لادمان المواد المضرة بالصحة...المرأة دي جادة ولا بتهظر؟... اكيد بتهظر... وده متين بعد الطلاق او الانفصال او الموت.... سالتك بي الله يا ميس (كيت ) شفتي ليك مرأة واحدة بعد زوجها مات ولا طلقوها ادمنت حاجة مضرة بالصحة ..
اقر واعترف بان المراة بعد وفاة زوجها تمر بهزة عنيفة الى حين ... وبعد الطلاق بحالة نفسية قد تصل لحد السوء ... لكن من الله خلقني ما شفتا لي مراة ادمنت مواد مضرة بالصحة ... اللهم الا كريمات الوش والتفتيح ...وده بكون قبل الزواج واثناء الزواج وبعده ...
يا زولة هي المراة بقت عندها حنة البكاء
وحنة الطلاق
وسبحان الله ما بتحنن لمن يتزوجو فوقا ... قادر الله وحكمته بالغة
يا شباب هوي ... من استطاع منكم الباع فاليتزوج ... ويحلها الربطه
__________________
Post: #1608
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 10:15 PM
Parent: #1607

يا محمد صديق
انا عارف روضة الحاج مضت على شنو
إنت مضيت على شنو ؟؟
Post: #1609
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 10:22 PM
Parent: #1608

رغم قساوة العيد الفات زي ما حكيت
وما عايز ادبرس بالناس زيادة
لكن كان فيهو حدث إستثنائي جداً

ألو مين عفاف وحاج الركز
الاقتراح إذا إنتو موجودين راح نعدي عليكم
يا سلام بعدها بساعة ونص تقريباً
شرفونا في بيتنا
الست عفاف والسيد حاج الركز
كانت اجمل لفتة في العيد
اعاده الله عليهم وهو أحلى وأحلى وأحلى

بنتي منار ما كانت موجودة لانها كانت في زيارة واحدة صاحبتها
لكن بالنيابة عنها كانت في قطتها ( كيتي )
وكيتي لها حكاية معنا

منار تعشق القطط وانا كذلك
ولكن مستحيل اشتري لي كديسة بألف ريال
وكل فترة اخدها عشان تتفرج على الكدايس ونرجع البيت
وكل مرة ترجع تبكي
لاني مش راضي اشتري كديسة بالف ومتين ريال
حرام
والله شنو يا زناتي

أخيراً واحد صاحبي عندي مجموعة كبيرة من القطط السيامي الجميلة
اهدي منار بنتي قطة جميلة جداً
فجأة اصبحت اهم فرد في العائلة

وجاءت القطة تتمسح بقدمي وتنظر بإستغراب الى عفاف
وشاهدت نظرة خوف في عيني عفاف لم اشاهدها من قبل
سبحان الله
كنت اعتقد ان الاناث والقطط بينهما عشق فطري
وجدت صاحبتنا والخوف بعينيها تتأمل قطتنا الجميلة
وكان يوماً
مع التحية
Post: #1610
Title: Re: ناس الزقازيق ... أجدع ناس ( 3 )
Author: كمال الشادي
Date: 12-19-2009, 10:26 PM
Parent: #1609

إعتراف
------
لا اعرف حتى الان كيف ( انسخ والصق النصوص في الموقع ده )
ولا اعرف حتى الان كيف ( انزل اغنية )
بصراحة يا معتصم لمن سمعت الاغنية
الصفحة بقت لي حلوة
بس لو اعرف بتعملوها كيف ؟؟
والله اهريكم غنا
Post: #1611
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-19-2009, 10:50 PM
Parent: #1610

بعد جهزت و حضرت حقيبتي هذا الصباح قلت لنجاة التلاتة أيام انقضت و انطوت في القلب حسرة لأني مفارقكم لأسبوع كامل...فاذا بالريس يتحفنا بها هذا المساء...
أجبرتني ظروف عملي على عدم حضور مباراة برشلونة و الفريق الأرجنتيني من داخل ملعب المباراة مثلما لم أستطع حضور مباراة برشلونة السابقة لنفس السبب...اتصل بي الكثير من الأصدقاء من داخل الملعب و أسمعوني صوت الجماهير...فانطوت بالقلب حسرة...
الحضور المكثف لكل الغائبين عن البوست هذا الصباح و عودة الروح الى البوست عبر كتابات الشادي و أبو الزوز و منصور و عودة موسى عيسى وجلا و جلال و طلات محمد صديق و اشراقات محمد عيد و مواظبة الريس ميسرة...مثلما أعادت الروح الى البوست أعادت كذلك الروح الينا...و أفرحتني الى الحد البعيد...و جعلتني محكر أمام كمبيوتري طوال هذا المساء آملا في المزيد و لم يخيب الشادي ظني و ان لم يساعدني كمبيوتري و النت في التداخل...و لكن أهم ما في الأمر و ان لم أكن قادرا على التداخل.....

أنه لم تعد في القلب حسرة...
Post: #1612
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 11:18 PM
Parent: #1611

رشدي وكمال الشادي مساكم الله بالخير .... لي فترة فاقد القدرة علي الكتابة .. ليه ما عارف الحاصل شنو .. رغم متابعتي اللصيقة لكل ما يكتب .. بس الليلة البوست حاجة تانية تغري علي الكتابة رغم إنه كل المواضيع مشتتة ما في حاجة في الراس .. طيب نكتب شنو .؟ ليه ما أكتب عن الفيلم بتاع الساعة 11 في (2) حاجة منتهي الجمال والحزن ... فيلم بإسم (crash) رغم إنه قريت عنه كتير وهو من الأفلام الحديثة نسبياً وحائز علي عدد من جوائز الأوسكار لكن ما شفته إلا الليلة يحكي عن أحوال الأقليات في مدينة لوس أنجلس وبالتالي عن الولايات المتحدة .. مجموعة من القصص المتشابكة تشكل حبكة قمة في الإنسانية للفيلم .. لاتين أمريكا ، الزنوج ، الأسيويين ، المسلمين وعلاقتهم ببعض وبالبيض .. الفيلم بحكي عن المعاناة والمشاكل البتواجه الناس المختلفين ديل ، فيلم لا تملك إلا مشاهدته بإنتباه وتركيز .. عشان تستمتع وتقرر بكره تشوفه في الإعادة .. التصوير قمة في الجمال ، الحوار مختصر وشافي .. والموسيقي التصويرية لافتة للسمع ... وغناء يصيبك بالحزن الجميل .. أنصح بمشاهدة الفيلم لكل من لم يشاهده ..
ونواصل ونسة يا ناس الليل
Post: #1613
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-19-2009, 11:26 PM
Parent: #1612

سعدت اليوم بزيارة زقازيقية ، حاتم جبارة ، نادر فاروق والبرلوم الجميل محمد حسن .. جلسنا لنشاهد مباراة برشلونة وريال مدريد ... من بداية المباراة أتضح إنه حاتم جبارة بيشجع الفريق الأرجنتيني رغم قناعته التامة بأن البارسا سيفوز في نهاية الأمر . لاححظت أن حناكيش البوست يشجعون الفريق الملكي ودي علي طريقة الكلام ليك يا المنطط عينيك ... أستمتعنا بمبارة حقيقية في كرة القدم .. الفريق الأرجنتيني يستحق الإحترام ، إحترم برشلونة ووقف ند له طيلة زمن المباراة . وبل كان فائزاً عليه بهدف نظيف معظم زمن المباراة . إلا أن برشلونة فريق في موسم توفيقه . ولن يخسر بسهولة فهو فريق مكتمل في كل خطوطه ،، بدلاء يسدون الفرقة ولا يقلون عن الأساسيين ، لديه ميسي قادر علي صنع الفارق أمام أي فريق .. ووسط لا يعرف التوقف ... أجمل ما في برشلونة إستحوازهم الكبير علي الكرة .. والضغط علي الخصم ... لديهم المقدرة علي إسترجاع الكرة في حالة فقدانها في أقل من ثواني ... كل الفريق يضغط علي حامل الكرة ... فريق لا يدافع .. لا نشاهد في منطقته سواء بويول وبيكيه ... وأبيدال في بعض الأحيان .. ثقة لا حدود لها في الإمكانيات ... في أي مباراة نسبة الإستحواذ علي الكرة لا تقل عن 65% ... في النهاية الكأس ذهب لمن يستحقه ...
Post: #1614
Title: Re: ناس الزقازيق ... أجدع ناس ( 3 )
Author: البادي النور
Date: 12-20-2009, 05:39 AM
Parent: #1613

صباح الهناء والسرور ...
أصبحنا وأصبح الملك لله ...
Post: #1615
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-20-2009, 07:03 AM
Parent: #1614

صبحكم الله بالخير و السرور و جنبكم الغرور و الشرور....و أكل البربور

زهير...عندما أغلقت كمبيوتري مساء البارحة لم تكن مداخلاتك قد رأت النور بعد...و لقد فوت على نفسي فرصة السهر معك..لأنني بالرغم من انني أويت الى فراشي باكرا الا أنني لم أستطيع النوم الا بعد ساعات من التقلب على السرير وهي عادة زقازيقية قديمة لم أستطع التخلص منها...تقلبت حتى صاح بي السرير( لو عايز تتقلب كده خفف وزنك ده)...
فيلم كراش Crash من الأفلام المميزة و التي ناقشت موضوع التمييز بصورة واضحة و قوية و مباشرة و في قالب متوازن و مقبول و لم تكن رؤية سود أو ملونيين كغالب الأفلام التي أنتجت في هذا الصدد...لذلك فلقد أثار ضجة كبيرة في وقته...شاهدته قبل أربع سنوات و قد أهداني صديق أمريكي سي دي لهذا الفلم و فلم توم كروز War of The Worlds و الذي ظهر في نفس الوقت...فلم كراش حصل على ثلاثة جوائز أوسكار كما ذكرت و هو يستحق ذلك...
قصة المنطط عينيك دي...رغم أن معدلات اللبابة (من لبيب) انخفضت عندي بارتفاع معدل الكوليسترول...الا اني فهمت من تقصد...انت تقصد منصور لأنه يشجع الريال...أما أنا فمثلما تقول نجاة حوفي أنها هلالابية لأن المرأة على دين زوجها...فأنا أرد لها التحية و أشجع الريال لأن الرجل على هوى زوجته...أنا أشجع اللعبة الحلوة...كنت أشجع برشلونة عندما كان روماريو في صفوف برشلونة و عندما انتقل اليها رونالدو...ثم انتقلت مع رونالدو الى الانتر و عدت معه يوم ان اجتمع مع زيدان في الريال...و عندما رحلا بحثت عن بديل فوجدت كاكا و كريستيانو رونالدو...فانقسمت بين مانشستر و ميلان و يوم اجتمعا في الريال كفوني شر الانقسام و الانفصام...
Post: #1617
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 07:21 AM
Parent: #1615

رشدي والبادي صباح الخير ...

كنت اقصدك يا رشدي دون لف ودوران رغم أنك لم تقلها مباشرة ولكن من خلال حديثنا السابق عن مباريات برشلونة أتضحت لي ميولك الملكية ... ونريد من اليوم وصاعداً أن نفرز الكيمان ... في كل شئ حتي السياسة حتي نتعامل بالمكشوف فمن كان منكم كاتلونياً ليعلنها أو ملكياً فليقلها .. أو حتي لجان ثورية .. لا شئ يجعل المرء يخفي ميوله أياً كانت .. وهنا ايضاً الكلام علي موجه للرشيد ولكنه بنفس نظرية الكلام ليك يا المنطط عينيك .. أعبجتني حكاية تشجيع لاعب والإنتقال معه من فريق لآخر .. وهي إن تدري لدي كثير من الناس .. خذ علي سبيل المثال ريال مدريد رغم أنه المنافس التقليدي للبارسا إلا إني معجب بحارسه العملاق كاسياس وكابتنه الأسطورة راؤول غونزاليس ، وفي الميلان لازلت أتعاطف مع رونالدينو رغم أن الصقر (بفتح كل الحروف ) قد أعتراه إلا أن موهبته التي أضاعها باكراً لا زال بها بقايا .. وعدد من اللاعبين ... ملاحظتي أن اللاعبين العباقرة في العالم قد إنخفض عددهم ولا أدري ما هو السبب ...
Post: #1616
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-20-2009, 07:17 AM
Parent: #1614

صباح الخير،،، يا وجوه الخير ،،،

أصبحنا وأصبح الملك لله وحده


نسمات الصباح

لا اله الا الله عدد ما كان لا اله الا الله عدد ما يكون
لا اله الا الله عدد الحركات والسكون

سبحان الله و الحمد لله و لا اله إلا الله و الله أكبر
و لا حول ولا قوة إلا بالله اللهم صلي وسلم وبارك
على نبينا وحبيبنا محمد واله الطيبين الطاهرين


سبحان الله و بحمده عدد خلقه و رضا نفسه و زنة عرشه و مداد كلماته
Post: #1618
Title: Re: ناس الزقازيق ... أجدع ناس ( 3 )
Author: محمد عيد
Date: 12-20-2009, 07:39 AM
Parent: #1616

149587687.gif Hosting at Sudaneseonline.com
Post: #1619
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 08:40 AM
Parent: #1601

الشكر لكم أهلي الزقازيقاب على التحايا والسؤال عني اسفيريا

او تكبدو مشاق الاتصال من السودان فضيلة الشيخ / جلا برعاية

الرئيس الأبدي للزقازيق الحبيب ميسرة ومن الخليج العزيز

الرشيد والحبيب ود العيد من جده و أكرر شكري و أسال الله ان لا يريكم

مكروه، يا كريم احفظ اخوتي خريجي الزقازيق و اهلهم و ذويهم و ابناءهم

من الحكنوشة امينة الرشيد لعصابة منصور الكملوا ليه الراجالة العايز

يكملها بالعمة و إلي عمرو الشادي ؟ و كل الكوكبة الحلوة

الاخ العزيز كمال الشادي بعودتك عادة روح الامل والحلم فلك الشكر علي

ما تقوم به من رفع الهمم و إني على قناعة و سوف يكون شعارنا لشركة

الزقازيق القابضة هذا العنوان (عبركم غدا يكون الحلم حقيقة )
Post: #1620
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-20-2009, 08:59 AM
Parent: #1619

Quote: يا كريم احفظ اخوتي خريجي الزقازيق و اهلهم و ذويهم و ابناءهم

من الحكنوشة امينة الرشيد لعصابة منصور الكملوا ليه الراجالة العايز

يكملها بالعمة

هههههههههههههههههههههههههههههههههههههه
هاهاهاهاهاهاهاهاهاهاهاهاهاهاهاهاهاهاها
واااااااااااااااااااااااااااااااااااك
وييييييييييييييييييييييييييييييييييي
كاكاكاكاكاككاكاكاكاكاكاكاكاكاكاكاكاكا
تخيلوني قاعد اتهز... ما من وسطي وبس
Post: #1621
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 09:11 AM
Parent: #1620

Quote: هههههههههههههههههههههههههههههههههههههه
هاهاهاهاهاهاهاهاهاهاهاهاهاهاهاهاهاهاها
واااااااااااااااااااااااااااااااااااك
وييييييييييييييييييييييييييييييييييي
كاكاكاكاكاككاكاكاكاكاكاكاكاكاكاكاكاكا
تخيلوني قاعد اتهز... ما من وسطي وبس


يا استاذ زهير الحقني و شوف الحاج السري بتاعك يثير الفتن ؟

فما حكم ذلك في فقة الحجاج !
Post: #1622
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 09:34 AM
Parent: #1621

يا موسي عيسي الحاج السري ده نجي من أنفلونزا الخنازير لكن جاتو حاجة تانية يسموها الأطباء لوثة ما بعد الحج ... ودي عايزه ليها شهرين أقل حاجة عشان تتعالج ، دحين تصبر الشهرين ديل وتدعو له الله بالهداية ...
Post: #1623
Title: Re: ناس الزقازيق ... أجدع ناس ( 3 )
Author: طارق جبريل
Date: 12-20-2009, 09:45 AM
Parent: #1622

اي زول ما يشجع برشلونة عندي فيه رأي
Post: #1624
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-20-2009, 09:58 AM
Parent: #1622

موسى عيسى الحبيب سلامات كثيرة ليك
وامنيات صادقة بانك بلغت اللياقة الكاملة البتأهلك انك تناقر زى الحاج السرى ده
مناقرة الحاج السرى عمل متهور داير ليهو لياقة وطاقة
دعه يهتز دعه يمر
من الوسط او اليمين او الشمال
لا فرق
خليهو يهتز
وانت اتخج معاهو
ونادى طارق جبريل
يكمل الباقى نخجى
وكل الحالات الهتزازية تجيكم مكتملة لانقصان فيها
وانا اتخيل منظر البت عفاف لمن قربت تدخل جوة الكرسى القاعدة فيهو فى صالون ناس كمال الشادى
خايفة ومتضايرة من كديسة مرام كمال الشادى
اتارى حاج الركز ملقط كدايس الملز كلها
ونحن ما عارفين ليه
الا يادوب عرفنا
ناس تضبح الكديسة
وناس يجيبوها ليهم ساااااااالمة
الله يجازيك يا حاج الركز
Post: #1626
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-20-2009, 10:14 AM
Parent: #1624

Quote: اي زول ما يشجع برشلونة عندي فيه رأي

أي زول ما داير يدبل عندي فيهو راي
Post: #1642
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-20-2009, 05:37 PM
Parent: #1626

اكييييييييد قاصد الحجه !
Post: #1627
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-20-2009, 10:17 AM
Parent: #1624

منطقى فى تشجيع الكورة الأوربية
منطق غريب شوية , ومختلف كثير
عادة الواحد بيشجع فريق ما , لمجمل اسباب
منها المنطقى ومنها النفسى
الأعلام موجه اساسى ومكون فاعل لتحديد وجهتك التشجيعية
عندى انا المنطق ده منطق سائد
اول ما جيت السعودية دى , وبعد اطلاعى على الصحافة الرياضية فيها وتعرفى على توجهاتها
قررت فورا وقبل ان اشاهد الفرق واميزها , ان اشجع ضد الهلال السعودى
الحال كان ياهو نفس الحال عندى وعند كثيرين ممن اعرف لمن جينا مصر
قرر الكثيرين التشجيع ضد الأهلى المصرى , فكان الزمالك خيارا استراتيجيا للتشجيع
هذا غض النظر عن الكورة نفسها من ناحية المستوى والمؤهلات الفنية
هذه النظرة وهذا المقياس الغريب
خفت حدته مع مرور الزمن , وتحولت الى مجرد تعاطف خفيف مغلف بتشجيع اللعبة الحلوة عموما فى هذين البلدين
وهذا المطق جعلنى اشجع برشلونة ايام طغيان ريال مدريد ,
اما الان فنحن فى عصر برشلونة
ولكن دون ان ينتقل تعاطفى بالكامل الى ريال مدريد
لا ادرى لماذا
ولكنى ليس من المتعاطفين مع الدورى الأسبانى عموما
فهو دورى (ثنائى) القطبية نهاية الأمر
شانه فى ذلك شان الدورى السودانى
مع حفظ الفوارق الفنية
لا تستطيع الصبر على اى مباراة فى الدورى الأسبانى
لا يكون احد اطرافها البارسا او الفريق الملكى
زى ما مستحيل تقعد تتفرج على (الأمل عطبرة والخرطوم تلاتة لمن يكونوا لاعبين مع بعض )
ولكن
نواصل بعد حين
Post: #1625
Title: Re: ناس الزقازيق ... أجدع ناس ( 3 )
Author: كمال الشادي
Date: 12-20-2009, 10:12 AM
Parent: #1621

صباح الخيرات والبركات
لكل الدخلين والخارجين من حوشنا الكبير
صباحية للعمل والتواجد فقط
ولنا عودة
Post: #1628
Title: Re: ناس الزقازيق ... أجدع ناس ( 3 )
Author: ياسر نجيلة
Date: 12-20-2009, 11:08 AM
Parent: #1625

انا لله وانا اليه راجعون ...
خالص التعازي للاخ مبارك جادين في وفاة عمه ونسأل الله تعالى له الرحمة والمغفرة

والف مليون سلامه لولدنا موسى عيسى
ماتشوف شر ... وتشكر على السؤال

عودا حميدا الرائع كمال الشادي ...
ومشروع الزقازيق القابضة ...
الكل مقتنع بالفكرة ومتحمس ...
بس كما ذكرت سابقا ... مطلوب ضربة البداية...
مع ملاحظة انو في المشاريع الجماعية لابد من وجود افراد تقود العمل بصورة منظمة
يعني انا متأكد الكل منتظر ... قيادين العمل لترجمة "الاحلام" الى حقيقة
خت خطواتك للمشروع ياشادي 1 .... 2 .... 3 وتحديد رؤوس القيادة ... وباسم الله ابدا
حتلقي كل الزقازيق وراك ...

محمد عيد ... رسل لي سمكة قرش من بحر جده ...
قبل ما يجي جلا .... ويقول دي مداخلة نجيلة ...
Post: #1629
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 11:29 AM
Parent: #1628

يا ربي النجيت محمد آدم النور من بتاعت الخنازير ديك

تنجي السودان من تجار.............كملها يالشادي قبل

ما تلقى زهير ينطط ليك عيويناته يقول ليك دي الزقازيق

دي ساريـــــــــــــــــــــــــــــــــــــــــأ؟
Post: #1630
Title: Re: ناس الزقازيق ... أجدع ناس ( 3 )
Author: محمد عيد
Date: 12-20-2009, 11:30 AM
Parent: #1628

Quote: أي زول ما داير يدبل عندي فيهو راي


الشكــيّة لى الله ...

شوفوا محن الزول ده ؟؟ يا اخوانا الزول كمل فريضتوا ...

يعقل ولا يرجع لاكثر من جنو الزمان ؟؟!!

تتذكروا ايام البوست القديم لمن كان ماسكنا ليك ..

خليتونى أجن وأزيــد فى الجن ..؟

هسه الزول ده يسووا ليهو شنو يا زهير ..؟ المشاترة دى آخرتا ويييين ؟؟

بعدين وين الحلف الاسترتيجى بتاعو ...

عمل هدنة مع منى يونس ... واستغل حردان زينب التجانى ..

وجاى عامل لينا فيها نصير آدم .. ولا نصير شـــمّة مانى عارف ..!

الزول ده غايتو انا بارسل ليهو حوت عديل ..! كان قدرتو يا زهير غايتو

دخلوا فى جوفه ...

لكن بكره يجينا ناطى ويقول انو استشهد بسيرة ذو النون ..!!

نجيلة والرشيد ... سمك القرش بتاع الخليج كيف ؟؟
Post: #1631
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 11:41 AM
Parent: #1630

يا محمد عيد ما تخدعك العبارات دي ، انت ما سمعت

بالمثل البقول ( من بره هله هله و من جوه يعلم الله )

دبيل شنو و كلام شنو والله يا محمد عيد الراجل قاعد عزابي

ليه ثلاثة شهور و شغال بالرموت كنترول ، تقول لي شنو و

تقول لي منو ؟ يا عم روق المنقة .

الزول البيدي ما بقول اديت ؟ بقول للاستاذ / اب شنب بالله

لو سمحت انا داعي ناس الزقازيق للعقد يوم الخميس الفات

الليله ياحليلو ؟
Post: #1632
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-20-2009, 12:43 PM
Parent: #1631

أنا طبعا بجي بعد ما الناس تمشي تتغدى و لا تعمل شوبينغ...ألقى الشوارع فاضية زي دعاية كاس العالم الفات...
عودة ياسر نجيلة ان شاء الله تكون بردت بطن موسى عيسى...لأن موسى كان بيسأل عن ياسر نجيلة سؤال الضهبان و كلفني أسلم على ياسر نجيلة و أنا والله نسيت مع الكور الكتيرة بتاعت أمبارح دي...الله يقطع الكورة و يقطع سنينه الخلتنا ما نصل أرحامنا...

Quote: Quote: اي زول ما يشجع برشلونة عندي فيه رأي


أي زول ما داير يدبل عندي فيهو راي

تشجيع برشلونة ده ثقافة خارج الا من رحم ربي....و التدبيل ده ثقافة داخل الا من رحم ربي أيضا...و هذه كانت احدى مكناتي عندما سألتني نجاة حوفي عن رأي في التدبيل...
أما أنا فغير متأثر بالثقافتين...كان عايزين تقولوا خواف قولوا.....خوااااااااااف
Post: #1633
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 12:55 PM
Parent: #1631

الحبيب محمد عيد عجبتني هذه الكلمات آمل ان تجدوا

فيها ما لاقيت .


أســـوأ الأزمـــنة °?×
زمن تختلط فيه أقدار الناس ،،
يصبح الصغير كبيراً
ويصبح الكبير صغيراً ،،
ويغدو فيه الجاهل عالماً
ويصبح العالم جاهلاً ،،
ويموت فيه أصحاب المواهب
ليقفز على قمته الجهلاء ..!!
.،.،.،.،.،.
×?° أســـوأ الأوطــان °?×
وطن يعطيه الإنسان عمراً
ويبخل عليه بساعة صفاء ..!!
.،.،.،.،.،.
×?° أســـوأ المشـــاعر °?×
أن يصبح مصيري في يد من لا يعرف قدري
وأن أنام خائفاً من أن أمسي
ومنزعجاً من يومي
ومتحسراً على ما هو آتي ..!!
.،.،.،.،.،.
×?° أســـوأ الشعــوب °?×
شعوب تمسك بها النيران من كل جانب
ولا تحاول حتى أن تصرخ ،،
وتحيط بها النكبات من كل مكان
ولا تحاول حتى أن ترفض ،،
ويحكمها الشر وترضى ،،
ويسود فيها الصغار وترضخ ،،
ويذبح فيها الشرفاء كل يوم .. وتضحك ..!!
.،.،.،.،.،.
×?° أســـوأ العقـــول °?×
عقل يرفض كل شئ
أو يقبل كل شئ ،،
يذَكّرني بمحطات القطارات
باب للدخول
وباب للخروج
ولا يبقى فيها أحد ..!!
.،.،.،.،.،.
×?° أســـوأ الذكريـــات °?×
إنسان أحببته ولا تتمنى أن تراه ..!!
.،.،.،.،.،.
×?° أســـوأ صداقــــة ! °?×
أن يكون قلبك ممتلئ بكل الشوق والحنين
وتلقى شعور معاكس
وبرود قاتل ،،
من الذين حفرت أسمائهم
على لوح الصداقة الحقيقية ..!!
.،.،.،.،.،.
×?° أســـوأ المـــواقف °?×
أن تكون محباَ غير محبووووب ..!!
.،.،.،.،.،.
×?° أجمـــل الأزمـــنة °?×
زمان يعرف قدري
ينصفني إذا أعطيت ..
يعاقبني إذا أخطأت ..
لا مكان فيه لحاقد أو مزيف أو دجال ..!!
.،.،.،.،.،.
×?° أجمـــل الأوطـــان °?×
وطن يعطيني بقدر عطائي
ولا يخذلني في حبي ..!!
.،.،.،.،.،.
×?° أجمـــل المشـــاعر °?×
لحظة أتمنى أن أعيشها ألف مرة
ولا أشبع منها أبداً ..!!
.،.،.،.،.،.
×?° أجمـــل ابتسامـــة °?×
ابتسامة ساحرة
تصل إلى القلب
فتجعلك تنسى الألم
وتبتسم ..!!
.،.،.،.،.،.
×?° أفضـــل الشعـــوب °?×
شعوب تصنع العدل بالحكمة
وتقوم الحكام بالعدل
وتطفئ النيران قبل أن تكبر
وترفع كبارها
وتعلي شرفاؤها ..!!
.،.،.،.،.،.
×?° أفضـــل العقـــول °?×
عقل لا يمل البحث عن الحقيقة ..!!
.،.،.،.،.،.
×?° أفضـــل القلـــوب °?×
قلب لا يغيب عنه الصدق ..!!
.،.،.،.،.،.
×?° أفضـــل صديـــق °?×
صديق لا ينساك ،،
لأنه يحبك ..!!
.،.،.،.،.،.
×?° مــن أصعب الأشيــاء °?×
أن يخونك لسانك
في موقف أنت فيه
أشد الحاجة له ..!!


فكم تجد في سابق الكلمات العبر و الحقائق التي تكون واقعنا لسوداننا الأبي و لحال امتنا الاسلاماوية و كم بكيت في سابق الايام لحال كفرد في مجتمع يفتقد اقل انواع الوفاء و التعامل الصادق فصرنا تتقذفنا الاهوال يمنى و يسرى و إن الذي آلمني حقيقة في سابق الايام هو الحال الذي وصل إليه السودان من نفاق وتوهان حيث صار الكاذب هو اهل الصدق و الحرامي هو الأمين و و النفاق هو الاصل في كل ضروب الحياة .

فآمل اخوتي ان نفرد لحال و ما آل إليه سوداننا مجال واسع للنقاش وهل سوف نظل أخوتي نتفرج على المسرحية الهزيلة المسماة بالانتخابات والانفصال بعده يمر دونما ان يكون لنا رأي و موقف واضح ؟
Post: #1634
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 01:07 PM
Parent: #1633

سلام يا جدعان .... من أهم الأخبار الزقازيقية .. يغادرنا الخليفة بشير علي العبيد يوم 31/12/2009 إلي سلطنة عمان ... مغترباً عن الوطن نتمني له التوفيق في عمله الجديد ... والبلد الفارقها بشير
دي لله اعلم يكون فيها نفع تاني ...
Post: #1635
Title: Re: ناس الزقازيق ... أجدع ناس ( 3 )
Author: موسي عيسي
Date: 12-20-2009, 01:23 PM
Parent: #1634

نسأل لك الله التوفيق و السداد و ان يكتب لك في خطوة

بركة و ان يجعل لك الاستقرار و يرزقك بالمال و راحة البال

أينما حللت يا الرفيق مولانا البشير على العبيد صحبتك

السلامة كما لا تنسى ان تاخذ ارقام تلفونات الاحباب هناك

عادل عبدالرحمن الصادق الرشيد و الحبيب التاج بلال كما هو

أدناه 009689902537 و 0096824791163!

و الله يا زهير انا لي فترة أرى ظلاما حالك لحال السودان اسال

الله ان يجيب العواقب سليمة و هي البلد الفضل فيها منو ما اغلب

الناس هاجرت والما هاجر الغبن كاتلو بس قول يارب ؟
Post: #1636
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-20-2009, 01:37 PM
Parent: #1635

Quote: أي زول ما داير يدبل عندي فيهو راي


عنوان إستوقفني كثيراً وإسترهبني وأخافني

الكلام ده أنحنا زاتنا ما متذكرنو ولا في قواميسنا

ما لكم يا جماعة جايبين لينا طاري الموت .

الزول الكتب الكلام ده أنا عندي فيهو راي


مولانا الخليفة بشير على العبيد ، إنشاء الله بالسلامة

آمل أن تجد ما تصبوا إليه ، وحقق الله كل أمانيك .
Post: #1637
Title: Re: ناس الزقازيق ... أجدع ناس ( 3 )
Author: طارق جبريل
Date: 12-20-2009, 03:32 PM
Parent: #1636

غايتو يا ريس ميسرة
انا وانت متهمين بالتدبيل بالوراثة
Post: #1638
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-20-2009, 03:50 PM
Parent: #1637


تحــــذير عاجـــــــــــــــــــل لكل من يســــتخدم

Hotmail و yahoo

الخبر بدوون مقدمات لأنه لايحتمل التاخير
إذا وصلتك إضافة صديق من شخص يطلق على نفسه اسم منتظر الزيدي عبر العنوانين:
[email protected]
أو
[email protected]



نرجو من الجميع التعاون في نشر الخبر

ففي حالة فتحه فإنك ستخسر جهازك وايميلك مع الباسوورد وستظهر عبارة تقول:

"أنت متاخر جداً ! فحياتك ليست جميلة ،، إنزع الحــذاء وإضرب الكومبيوتر"

الفايروس اكتشف حديثاً جداً من قبل قرصان اسمه مالك الحياة وهم مجموعة من المخترقين الحشاشة تسمي نفسها
"Kill Shoes Not People "

الرجاء التعاون من الجميع لإرسال هذه الرسالة إلى كافة مستخدمي الهوتميل والياهو في قوائمكم وذلك لأنه وبمجرد أن يضرب هذا الفيروس إيميل أحد العناوين المضافة عندك فسيصل إلى إيميلك بمنتهى السهولة،

وعندها ستترحم على الإيميل والجهاز

Post: #1639
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-20-2009, 03:54 PM
Parent: #1638

Quote: غايتو يا ريس ميسرة
انا وانت متهمين بالتدبيل بالوراثة


طارق جبريل أحسن ليك أبعد عن الطريق

ده وإلا حنرسل إميلات للجماعة وبعدين عينك ما تشوف

إلا النور ،،،

اسأل منصور الكلام الكان زمان ده بنقدر عليهو دحين
Post: #1640
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-20-2009, 04:29 PM
Parent: #1639

تعازينا للأخ مبارك جادين في وفاة عمه
Post: #1641
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-20-2009, 05:37 PM
Parent: #1640

كتب محمد عيد
Quote: الشكــيّة لى الله ...

شوفوا محن الزول ده ؟؟ يا اخوانا الزول كمل فريضتوا ...

يعقل ولا يرجع لاكثر من جنو الزمان ؟؟!!

ثم موسى عيسى...لكن أقول ليهو الفي بطنو حرقص براهو بيرقص
Quote: دبيل شنو و كلام شنو والله يا محمد عيد الراجل قاعد عزابي

ليه ثلاثة شهور و شغال بالرموت كنترول ، تقول لي شنو و

تقول لي منو ؟ يا عم روق المنقة .

ثم الرشيد...نقول ليهو ما بيناتنا قالو الخواف ربى عيالو
Quote: هذه كانت احدى مكناتي عندما سألتني نجاة حوفي عن رأي في التدبيل...
أما أنا فغير متأثر بالثقافتين...كان عايزين تقولوا خواف قولوا.....خوااااااااااف

يا ريس أجمد شوية...في مثل بيقول كترة المرض.... لي الموت
Quote: عنوان إستوقفني كثيراً وإسترهبني وأخافني

الكلام ده أنحنا زاتنا ما متذكرنو ولا في قواميسنا

ما لكم يا جماعة جايبين لينا طاري الموت .

ود جبريل عفارم عليك....الفيك بدربو
Quote: غايتو يا ريس ميسرة
انا وانت متهمين بالتدبيل بالوراثة

يا جماعة أن كان قصدي أقول
عندي راي في الزول الما دبل حجتو....
و لأنني متأكد لأنكم ستذهبو في ذاك الإتجاه فأنا قصدت ذلك
و كنت قاصد بنات الشيخ الماجو لغاية هس
حكم
يامنصوووووووووووووووووووووووووووور أبقى مارق

قال بشير العبيد ماشي يغترب!!!!
غايتو الله يديهو العافية...معلوم سيكون رئيس الجالية بمسقط
يعني رئيس الجماعة الذكرهم زناتي
إنشاءالله عوداً حميداً بعدين
Post: #1643
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-20-2009, 05:47 PM
Parent: #1640

قالوا الفى بطنو حرقص براهو برقص

حاج جلا قاصد تدبيل الحجه انتوا براكم حورتو الكلام لشئ فى نفس يعقوب

انشاالله تتسعه يا جلا
Post: #1644
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-20-2009, 06:02 PM
Parent: #1643

Quote: قالوا الفى بطنو حرقص براهو برقص

حاج جلا قاصد تدبيل الحجه انتوا براكم حورتو الكلام لشئ فى نفس يعقوب

انشاالله تتسعه يا جلا


يا ريس من قبيل ساكت سااااااي....حسه لما طلعت تدبيل حجة وقعت ليك في جرح و جيت مارق و بثقة شديدة تقول ان شاء الله تسعة...و كت طلعت حجة ان شاء الله تسعتاشر...هو أنا همني...
Post: #1645
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-20-2009, 07:47 PM
Parent: #1644

رشيد القوم < الحجه > دى قابله للتاويل0
Post: #1646
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-20-2009, 07:52 PM
Parent: #1644

Quote: حسه لما طلعت تدبيل حجة وقعت ليك في جرح و جيت مارق و بثقة شديدة تقول ان شاء الله تسعة...
و كت طلعت حجة ان شاء الله تسعتاشر...هو أنا همني...

و الله العظيم شدة ما ضحكت لمن دمعت
وكمان انفقلت لي ورا
الأخيرة دي خلو جلال يشرحها ليكم
ألحقو جمال فارح بي هناك ...عندو دررر
Post: #1647
Title: Re: ناس الزقازيق ... أجدع ناس ( 3 )
Author: محمد عيد
Date: 12-20-2009, 08:21 PM
Parent: #1646

جلا ...

خلى جنونك ده لى بكرة ..ز

واكيد باجيك راجع ..

وسآتى بكل اسلحتى ...

.... ولكن اخوتى دعونا نستطعم هذا الفرح الخرافى

Re :http://Re: الزقازيق ..(شحتفة الروح ..ووطن الأغنيات التى لا تنتهى )

يا لهذا الجمال المعتق ...
Post: #1648
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-20-2009, 08:51 PM
Parent: #1647

محمد عيد خلي الراجل في حاله...و الله البوست ده كان ناقصه جنون جلا ده من زمان...رغم هجوم الزناتي عليه الا أن جلا يبقى نوارة البوست...

محمد عيد تذكر لما قلت لي هاك القلب ده...نجاة لحدي حسه ماسكه فيها...و كل تذكره تقعد تضحك...
Post: #1649
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 09:19 PM
Parent: #1648

مساكم الله بالخير يا ناس الليل ....

يوم الأربعاء لمة زقازيقية واحتفالات بلا حدود ... الولد حاتم جبارة مسافر يوم الجمعة ... المكان المقترح نادي الشرطة ... البرنامج .... سلات زي حق يومداك ..... يلا شدو أوتار البطون ....
Post: #1650
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 09:26 PM
Parent: #1649

خالص العزاء للأخ مبارك جادين في وفاة عمه التي حدثت بالأبيض .. وللفقيد الرحمة ولأسرة جادين الممتدة خالص عزاءنا ...

تلفون مبارك مرة أخري من داخل السودان : 0123026261

ومن خارج السودان :

00249123026261
Post: #1651
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 09:59 PM
Parent: #1650

مشاعر بدوي تظهر في منبر ناس الزقازيق

علاقات متفردة
Post: #1653
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 10:25 PM
Parent: #1651

الدفعة القدمة :

محمد عثمان
ياسمين
مجدي الشفيع
طارق النور
معاوية يحيي
مجد الدين عوض السيد


يلا يا جماعة من لديه الرغبة .... راسلونا علي الإيميل

[email protected]
Post: #1652
Title: Re: ناس الزقازيق ... أجدع ناس ( 3 )
Author: كمال الشادي
Date: 12-20-2009, 10:19 PM
Parent: #1650

والله يا زناتي
لمة الاربعاء دي تستاهل الواحد يجي ناطي ليك
Post: #1654
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-20-2009, 10:50 PM
Parent: #1652

يا شادي القوم والله لمة الأربعاء دي إستثنائية

اولاً لوداع حاتم جبارة - صلاح الأمين

استقبال عثمان الجيلي - عماد شريف (عايزين ليهو تلفون)

إحتفالاً : بسلامة نهلة نجم الدين .

إحتفالاًً بالحجاج : جلا - فارح - مصطفي عجب سيدو - هشام محمد علي - عمار رحمة الله

إحتفالاً بالعريس : محمد علام

ولسه الباب مفتوح لمزيد من العناوين ...
Post: #1655
Title: Re: ناس الزقازيق ... أجدع ناس ( 3 )
Author: البادي النور
Date: 12-21-2009, 06:19 AM
Parent: #1654

صباح الهناء والسرور ...
تعازينا لأخونا مبارك جادين في وفاة عمه
اللهم أرحمه وأسكنه فسيح جناتك .. آمين

كل سنة وأنتم بألف خير ... وربنا يحقق أمنياتنا جميعا
سنة جديدة حلوة علينا كلنا ...
ملايين مراحب بالطيور العائدة ... وملايين مراحب
للمنضمين الجدد ... إنشاء الله يطيب لهم المقام ...
Post: #1656
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-21-2009, 06:58 AM
Parent: #1655

أصبحنا وأصبح الملك لله رب العالمين
اللهم تامين ولامين وموفقين

ياسلام على ( الإلفة السحرية) الزقازيقاب الحلوين الطاعمين الجميلين
عندما تكون بينهم من هنا الريس ميسرة والأستاذة منى وهناك محمد عيد الجميل
وبهنا الحاج محمد آدم العسل وهناك كمال الشادي الأمل ربجاي الأخ منصور اللذيذ
وبهناك الرشيد الأديب والأخت نجاة والأخ موسى عيسى الشقيق وجلال ومدثر ابايزيد
والأخ نجيلة الشاعر والفنان محمد صديق والأخت عفاف والأخ سامي عبد الوهاب وبهناك
بقية الأخوة المرابطين في الورديات الليلية والنهارية والأخوة البرالمة والمتابعين
والمستمتعين ، ينسوك كل هموم الدنياوتعيش في سرور وغبطة وفرحة نابعة من اعماق اعماق
نفسك .
الواحد والله مامصدق ان تلك اللمة الزقازيقية تتكرر تاني هنا وبهذا الجمال والألق فالشكر
للأخ عصام دهب الذي هيئة لنا هذا التلاقي والشكر للأخ زهير على الأدوار البطولية التي يقوم
بها في هذا البوست بلم كل زقازيقي إلى احبائه وإخوانه بمنبر الزقازيقاب .
لذلك نحن مابنفرط في هذه اللمة وإن شاء الله تتوج بروابط أقوى وامتن.
Post: #1657
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-21-2009, 06:58 AM
Parent: #1655

سلام يا شباب ... صباحات الخير ...

منبر ناس الزقازيق رابي ربة شديدة ..... المهم يوم الأربعاء الحضور إجباري ... من اراد أن يعتذر عليه بالإتصال حتي لم حسابه في العشاء .... ويخسرنا تكاليف ساكت .... السامع يكلم الما سمع ... والقرأ يكلم الما قرأ .... والكلام ليك يا المنطط عينيك ......


يا جماعة أي زول عنده عضوية يا ريت يفعلها عشان ما نخش في إحراج مع بكري .... ونخرب علي الناس الجايين ... بالمناسبة بكري ما بيدي العضوية دي عشان خاطري انا ولا عشان صاحبه ... عشان ناس الزقازيق الحركوا ليهو المنبر ... يعني كل ما كان هنالك نشاط ... كان لنا إمتيازات إضافية ...

يا جماعة مسئولين من الخير ... وين عمر نملة ... زعلان قال ما أديناهو العضوية ... من يوم رسلوا ليهو العضوية أختفي من كل الأسافير .... وكل يوم حا ننزل إسم عضو عنده عضوية وما شغال بينا ...
Post: #1658
Title: Re: ناس الزقازيق ... أجدع ناس ( 3 )
Author: محمد آدم النور
Date: 12-21-2009, 07:34 AM
Parent: #1657

Quote: من اراد أن يعتذر عليه بالإتصال حتي لم حسابه في العشاء .... ويخسرنا تكاليف ساكت .... السامع يكلم الما سمع ... والقرأ يكلم الما قرأ

أنا طبعاً قريت...الحمدلله نحن ما أميون
لكن داير أجي متأخر شوية
بي كدا تكون الخسارة نص
Post: #1659
Title: Re: ناس الزقازيق ... أجدع ناس ( 3 )
Author: كمال الشادي
Date: 12-21-2009, 08:07 AM
Parent: #1657

يا زهير الزناتي

تلفون عماد شريف
في منطقة أبها جنوب المملكة
00966503735374

واظن عماد شريف يستاهل باسوورد زقازيقي
والله الراجل من منشية اباظة
وشوف عيني
خالتو ساكنة فاروق
وعماتو الاتنين من ابوكبير
وكان بحب في المساكن ههههههههههههه
Post: #1660
Title: Re: ناس الزقازيق ... أجدع ناس ( 3 )
Author: كمال الشادي
Date: 12-21-2009, 08:40 AM
Parent: #1659

زهير
كان عندي إجتماع شغل امبارح مع واحد
قال لي حاجة عن واحد صاحبو امريكي
نقطة راقية بصراحة

الامريكي بيحكي عن واحد
الواحد ده كان بيحكي للامريكي مغامراتو من ورا زوجتو
بعد فترة الواحد ده جا عشان يشارك الامريكي في شغل بزنس يعني
قام الامريكي قال ليهو

البيخون زوجتو راح يخون شريكو في البزنس
لان اهم شراكة في حياتك هي شراكة الزوجية
ومادام خنت الشريك هناك راح تخون اي شريك تاني
وانا أسف ما ممكن اعمل بزنس مع واحد خائن
Post: #1661
Title: Re: ناس الزقازيق ... أجدع ناس ( 3 )
Author: كمال الشادي
Date: 12-21-2009, 09:49 AM
Parent: #1660

من إعتمد على الناس .. مل
ومن إعتمد على ماله ... قل
ومن إعتمد على علمه .. ضل
ومن إعتمد على سلطانه .. زل
ومن إعتمد على عقله إختل

ومن إعتمد على الله
فلا مل ولا زل ولا قل ولا ضل ولا إختل
Post: #1662
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-21-2009, 10:03 AM
Parent: #1661

صباح الخير ،، يا وجوه الخير ،،،

أول ما نكون مزنوقين يتدفق عليك

حكي الناس من كل حدب وصوب وبنسرق في الزمن

علشان الناس إلى عاملين لي فيها محاسبين اليومين

دي زيتم طالع علشان الجرد السنوي وتقفيل السنة المالية

ومطابقة حسابات البنوك ،،،

بالله ده كلام ده مش عارف أدخل على جمال فارح ولا مجتبى وآخرون

اللهم لا شماته.
Post: #1664
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-21-2009, 10:13 AM
Parent: #1661

الأخ مبارك أحسن الله عزاكم في فقيد الأسرة
ربنا يرحمه رحمة واسعةويغفر له ويحسن مثواه

الأخ موسى عيسى الف بعد الشر عليك، ياخي ماتقول لينا
علشان نكوجن ليك حاجة دارفوراوية تفك المسألة

ويازيناتي وياحاج محمد آدم هناك في بحري محامي كبير إسمه/كمال عروة
عند عدة إستثمارات
- شركة التاكا للحاويات السريعة
- وكالة التاكا للسفر والسياحة
- مشروع التاكا للسكن البستاني

وطال ما كلها تاكا أكيد كسلاوي تحروا عنه يمكن ينفع في شركة الزقازيق القابضة
Post: #1663
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-21-2009, 10:06 AM
Parent: #1660

كنت عارفو شرك
هو الزول البيجى الحج متخفى ده
ممكن يكون عنده كلام مافيهو تورية
على العموم عرفنا وعرفتو حاجة
فى ناس دايرين يدبلو الحجة
وناس يسبعوها وناس يتسعوها
المزاد وصل لى تسعتاشر
وفى ناس
شاى الله والرسول ده
مابقدروا يدبلوهو
اساسا انا
مشربش الشاى
لكن يا كمال الشادى
ما صعبت البزنس , جنس تصعيبة
هسى الزول يلقى ليهو واحد يشاركوا وين ؟؟؟
Post: #1665
Title: Re: ناس الزقازيق ... أجدع ناس ( 3 )
Author: موسي عيسي
Date: 12-21-2009, 11:04 AM
Parent: #1663

ابو عمر ليك وحشة والله الحاجات الدارفورية دي لو لحقتونا

بيها من بدري ما كان دا الحال لكن الله في ؟ و اخوك الان تمام

التمام و كمان بقول الكلام الزاغ منه جلا بالدو... لمن اتعصر

قال انا كنت قاصد الحجة لكن أنا اقصد المعني ذاتو ؟ رايك

شنو و في طرحين مطروحات في الطاولة للمناقشة و قعطنا شوط

طويل بس ناقصين سادومبا للتهديف ؟ ما ينط لي محمد عيد يقول

لي انت قلبت ولا شنو !
Post: #1666
Title: Re: ناس الزقازيق ... أجدع ناس ( 3 )
Author: محمد عيد
Date: 12-21-2009, 11:52 AM
Parent: #1665

Quote: ونذكر أن المعز قبل مبدأ فسخ عقده مع الهلال.. ودخل في مفاوضات جادة مع المريخ بعلم وموافقة أسرته.


البادى ... لا أسكت الله لك صوتا " ...

مش انت برضو من اسرته ؟؟

أدينا النجيــضـة ... !
Post: #1667
Title: Re: ناس الزقازيق ... أجدع ناس ( 3 )
Author: موسي عيسي
Date: 12-21-2009, 12:08 PM
Parent: #1666

وقت ما في زول في البوست يا ود عيد خلينا نجدع و هاك دي :

الحسناء


جلس في الحديقة العامة على كرسي
وجال بنظره في الارجاء البعيدة
يراقب الناس ومايفعلونه
البعض يلعب ، والبعض يقرأ ، وآخر أخذته غفوة
بدا يحس بالسأم
عندما شاهد من بعيد إمراة
ذات قوام جميل ومشية كالطاووس
لم يتمكن من رؤية ملامح وجهها
ولكنه تحسر على جمالها
وقارنها بزوجته المملة التي تشبه العسكر
راقب مشيتها وهي تمشي باتجاهه
عندما لاحظ طفلا بجانبها
تحسر وقال هنيئا له زوجها على هذه الحسناء
وكم خجل من نفسه عندما اقتربت المراة منه
واكتشف انها زوجته وبجانبها طفله

لا تعلــــــــــــيق*.
Post: #1669
Title: Re: ناس الزقازيق ... أجدع ناس ( 3 )
Author: طارق جبريل
Date: 12-21-2009, 12:24 PM
Parent: #1667

مستمتع جدا
بس ما قادر اكتب
شوية دبرسة كدة ابت تفك
Post: #1670
Title: Re: ناس الزقازيق ... أجدع ناس ( 3 )
Author: محمد عيد
Date: 12-21-2009, 12:25 PM
Parent: #1667

مهداة للحجاج .. جلا وفارح وكل حجاج الخارج

جلال ودهب وموسى عيسى وكل حجاج الداخل ...

مناط بكم الآن توعية الناس .. وهذه اول مهمة ...

انشروها يرحمكم الله


أسماء الشيـاطين !!
______________
أول شي أذكر لكم بعض أسماء الشياطين ..
1- خنزب .


2- الولهان .


3- الأجدع .


4- الأعور.



5- الأجدع شيصبان .


6- ميطرون .


7-شمهروس .


بعض أسماء أبناء أبليس ووظائفهم ؟؟؟؟



هفاف: وظيفته إيذاء الناس وتخويفهم بالظهور لهم بهيئة حيوانات مخيفة.


زلنبور: موكّل على من في السوق بتزيين أفعالهم من اللغو والكذب والقسم الكاذب ومدح البضاعة لبيعها.


ولّها: للوسوسة في الطهارة وفي الصلاة.


أبيض: للوسوسة إلى الأنبياء ولإثارة الغضب.


ثبر: ليزين للمصاب بمصيبة خمش الوجه وشقّ الجيب ولطم الخد.


أعور: لتحريك الشهوات لدى الرجال والنساء ودفعهم للزنا.


داسم: لإثارة الفتن في البيت بين أهله.


مطرش: لإشاعة الأخبار الكاذبة.


دهّار: لإيذاء المؤمنين في النوم بواسطة الأحلام المرعبة والاحتلام مع النساء الأجنبيات.


تمريح: لإشغال وقت الناس عن أداء واجباتهم.


لاقيس: بنت إبليس التي علّمت نساء قوم لوط السحاق بعد أن اشتغل الرجال بالرجال منهم ، وما زالت وظيفتها إلى الآن إضلالهن بالسحاق.



مقلاص: لتزيين أمر القمار والمتقامرين ثم إيقاع العداوة والبغضاء بينهم.

خنزب : هو الذي يوسوس للشخص في صلاة.
ورد عن النبي صلى الله عليه وسلم أنه عندما يوسوس لك الشيطان في صلاتك أن تنحني برأسك نحو كتفك الأيسر ( بشرط أن هذا الإنحاء لا يكون كالالتفات الذي يبطل الصلاة ) وتنفث وتقول " أعوذ بالله من خنزب "

اقبض: واجبه وضع البيض إذ يضع في اليوم ثلاثين بيضة، عشر في المشرق، وعشر في المغرب، وعشر في وسط الأرض، فيخرج من كل بيضة عدد من الشياطين والعفاريت والجان، وجميعها أعداء للإنسان

*****************************************

اللهم اكفينا شرهم .. وأبعدنا عن خطواتهم .. واحمنا واحفظنا ..

×××××××××××

جلا ما تقول لى جبتها من وين ؟؟
Post: #1668
Title: Re: ناس الزقازيق ... أجدع ناس ( 3 )
Author: مبارك جادين
Date: 12-21-2009, 12:24 PM
Parent: #1666

كل عام والحميع بخير
الشكر لكل من قدم التعازي في مصابنا الجلل
عمنا الغقورله باذن الله تعالى
موسى العوض جادين
وقد كانت الوفاة والعزاء بالابيض
فالشكر لكل الناس الكتبوا والاتصلوا
Post: #1671
Title: Re: ناس الزقازيق ... أجدع ناس ( 3 )
Author: موسي عيسي
Date: 12-21-2009, 12:36 PM
Parent: #1668

يا محمد عيد دي خطيرة و لو جلا ما ادوها ليه في الحج بكون

عليه هدي ابلح املج و يذبح خارج العاصمة و بالعدم صيام

يومين متتالين و ولابد في الفطور من حضور ممثل من الرابطة؟
Post: #1672
Title: Re: ناس الزقازيق ... أجدع ناس ( 3 )
Author: موسي عيسي
Date: 12-21-2009, 01:20 PM
Parent: #1671

الحبيب طارق ود جبريل كيفنك و انشاء ربنا يفك الدبرسة

و يعلي مزاجك و يديك الصحة والعافية و بيني و بينك زول

مع الناس الحلوة دي بدبرس يا اخي تبدل ؟و ا لله هنا ناس

الله لا وراك ليهم بس زي ما قال الشايقي و الله البيت لو

حولوه لينا بغرب البحر تاني والله ما نشوفها في المصحف ؟
Post: #1673
Title: Re: ناس الزقازيق ... أجدع ناس ( 3 )
Author: موسي عيسي
Date: 12-21-2009, 01:25 PM
Parent: #1672

العزيز طارق جبريل آمل ان تدعو بهذا الدعاء انشاء الله تكوس الدبرسة ما

تلقاها بس ادعو لينا معاك .

اللهم صلي على محمد وآل محمد

اللَّهُمَّ إِنِّي أَسْأَلُكَ فَوَاتِحَ الْخَيْرِ وَخَوَاتِمَهُ، وَجَوَامِعَهُ، وَأَوَّلَهُ وَآخِرَهُ، وَظَاهِرَهُ وَبَاطِنَهُ، وَالدَّرَجَاتِ الْعُلَى مِنَ الْجَنَّةِ آمِينَ. اللَّهُمَّ لَكَ أسْلَمْتُ، وَبِكَ آمَنْتُ وَعَلَيْكَ تَوَكَّلْتُ، وَإِلَيْكَ أنَبْتُ، وَبِكَ خَاصَمْتُ، وَإِلَيْكَ حَاكَمْتُ، فَاغْفِرْ لِي مَا قَدَّمْتُ وأَخَّرْتُ، وَأَسْرَرْتُ وَأَعْلَنْتُ. أَنْتَ إلهِي لاَ إِلَهَ إِلاَّ أَنْتَ. اللَّهُمَّ اغْفِرْ لِي جَمِيعَ مَا مَضَى مِنْ ذُنُوبِي، وَاعْصِمْنِي فِيمَا بَقِيَ مِنْ عُمُرِي، وَارْزُقْنِي عَمَلاً زَاكِياً تَرْضَى بِهِ عَنِّي.

يا مَنْ يَمْلِكُ حَوَائِجَ السّائِلِينَ، وَيَعْلَمُ ضَمِيْرَ الصَّامِتينَ ، لِكُلِّ مَسْأَلَةٍ مِنْكَ سَمْعٌ حاضِرٌ وَجَوابٌ عَتِيدٌ. اللَّهُمَّ وَمَوَاعِيدُكَ الصّادِقَةُ وَأَيادِيكَ الفَاضِلَةُ وَرَحْمَتُكَ الْوَاسِعَةُ، فَأَسْأَلُكَ أَنْ تُصَلِّيَ عَلَى مُحَمَّدٍ وَآلِ مُحَمَّدٍ، وَأَنْ تقَضِيَ حَوَائِجِي لِلْدُّنْيَا وَ الآخِرَةِ، إِنَّكَ عَلَى كُلِّ شَيْءٍ قَدِيرٌ.

وصلى الله على محمد و آل محمد
Post: #1674
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-21-2009, 02:36 PM
Parent: #1673

Quote: واظن عماد شريف يستاهل باسوورد زقازيقي
والله الراجل من منشية اباظة
وشوف عيني
خالتو ساكنة فاروق
وعماتو الاتنين من ابوكبير
وكان بحب في المساكن ههههههههههههه


الطلب ده قدمناه قبل كده

أنحنا بنذكيه مره أخرى وبنجدد الطلب مع الشادي

وأعتقد كان ساكن في شقتنا جوار كيمو لاند- المساكن -
Post: #1675
Title: Re: ناس الزقازيق ... أجدع ناس ( 3 )
Author: كمال الشادي
Date: 12-21-2009, 02:47 PM
Parent: #1673

كتر خيرك يا موسى
والله دعاء جميل
الله يكتب ليك كتابتو هنا واستفادة الناس منو
في ميزان حسناتك

يا اخي انت ما تخليك من شغلة المحاسبين دي
وظبط السبحة
انا بجيب ليك الزبائن
وففتي ففتي
Post: #1676
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-21-2009, 04:23 PM
Parent: #1675

والله ياحاج جلا أنت خطير الخليت لينا ناس البوست

هاجوا وماجوا يتعوذون من الشيطان ويستغفروا ربهم

من الجرم والمنكر الذي جلبته برايك في الزول الماداير يدبل

لكن ياجلا جاء دورك في السؤال المباشر الآتي

مارايك في عمك سيد أحمد رحمة الله عليه أبو الريس ميسرة

او في والد أحمد إسماعيل الذي متزوج ثلاثة وايضا عاشوا في بيت واحد

(عائلة قوامها خمسة وعشرون شخص )
Post: #1677
Title: Re: ناس الزقازيق ... أجدع ناس ( 3 )
Author: طارق جبريل
Date: 12-21-2009, 04:26 PM
Parent: #1676

حبيبنا موسى عيسى
الله يعدلها عليك شقيش تقبل



تخيل بس قريت الدعاء دة
ضرب لي احمد عمر قال لي انا في الرباط
شفتة كيف يا حبيب
Post: #1678
Title: Re: ناس الزقازيق ... أجدع ناس ( 3 )
Author: كمال الشادي
Date: 12-21-2009, 06:29 PM
Parent: #1677

يا ميسرة
ضيقت نطاق البحث خالص
معانا شفاتا هنا
زهير الزناتي مالقط الكتبتو ده
جمال فارح غلط وكتب قال انا وهو كنا بنحب سوا
لي هسي زهير ماسكا لي
صاحبك زهير ده راقبو كويس
راح يمسك كلمتك دي
لمن صاحبنا عماد شريف ياخد باسوورد
واول ما يخش راح يداهمو ليك تحقيق
من كنت تحب في المساكن التعاونية جوار شقة كيمو لاند وجوار ميسرة سيد احمد وكمال الشادي ؟
اعترف والا ستساهر معنا في نادي الشرقية
لك الحب ميسرة
Post: #1679
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-21-2009, 06:32 PM
Parent: #1677

الحبيب موسى عيسى افادك الله على هذا الدعاء
========================================
عمنا سيداحمد طيب الله ثراه ديل جيل ما بتكرر

=======================================
Post: #1680
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-21-2009, 06:38 PM
Parent: #1679

أدخل هذا المساء بدون احم و لا دستور لأسأل عن السهيلي....أين أنت يا سهيلي....
Post: #1681
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-21-2009, 07:06 PM
Parent: #1680

اليوم كان طويل و متعب شوية و عويناتي الصغار ديل الورثتهم من أمي بقو صغار زيادة من التعب...أمنية بتي قالت لي انت ليه حبوبة دي بتغمض عيونها قلت ليها بتضيقهم عشان تشوف...انتي يا بتي قاصداني عديل كده...ما أنا زاتي بغمض عيوني...بضيقهم لما أعاين للتلفزيون و لا لما أقرأ لي حاجة...و رثت من أمي العيون الصغار...لكن قاعد أقول للحاجة الحمد لله يا حاجة الورثت السنون من أبوي بدل ما أكون حسة سنوني شئ دهب و شئ فضة و شئ عاج...رغم اني ما لحمنجي...يعني ما بحب أكل اللحم...
و رغم ان العيون بقو صغار...لكن ادمان البوست ده ما بتعالج..لازم تجي و تقضي ليك ساعتين تلاتة تشوف الفاتك بالصباح...و الفات كتير و مثير و أهم ما فيهو عودة الثنائي أحمد اسماعيل و موسى عيسى...فاذا كان بحضور طارق جبريل يتشلخ البوست...فبحضور موسى عيسى البوست بيبقى فكي عديل كده...تلحقنا و تنجدنا يا شيخنا...أدينا رقم الحساب نرسل ليك البياض...و رسل لي رقم حساب كمال الشادى عشان أرسل ليهو ال50% حقته...
مرة نجاة كتبت في البوست و الله الرشيد متدين جدا يا جماعة قام زهير ضرب ليا تلفون قال ليها متدين كم...عشان تتدخل الجمعية حل مشكلته...هي طبعا ما كانت شهامة من زهير...كانت حقارة منه...زهير مفتكر ان الحنكشة و التدين لا يجتمعان...و مفتكر ان التدين مرتبط بالخشونة...و ده بيرجع لعدم مواكبة زهير للمفاهيم العصرية للتدين...عشان كده هو لا لامي هنا و لا هناك...و ناقصه تدريب كتير قبل ما نسوقو معانا الحج السنة الجاية...زهير حيجي ناطي حسة يقول لي انت بطنك غريقة خلاص...
بطنك غريقة دي ما عارف قاصدين بيها شنو...خلو ناس جمعية التراث يجو يشرحوا لينا..أحمد اسماعيل بيكون نام حسة و كذلك الفكي موسى عيسى...ممكن جلا يجاوب بالانابة و على مسئوليتة...

كلام زول نعسان....صاح
Post: #1682
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-21-2009, 07:09 PM
Parent: #1680

Quote: مارايك في عمك سيد أحمد رحمة الله عليه أبو الريس ميسرة

او في والد أحمد إسماعيل الذي متزوج ثلاثة وايضا عاشوا في بيت واحد

(عائلة قوامها خمسة وعشرون شخص )


الناس القدام ديل ناس عجيبه وطينتهم

غير متوفره خالص وهم عاشوا ومتوكلين على الله

ومتسلحين بالإيمان وقوة البأس مش زي ناس مولانا جلا

البحاول يمتحنا ويزوغ وبعدين بشوف رد الفعل كان وافقنا

يركب الخط وكان هاجمناهو بقول ليك أنا كنت بهظر .

وأسرة أخونا أحمد أسماعيل الله ديهم العافية والصحة

بس هم أسره صغيرة بالنسبة لينا والحمد لله ما ينافسنا إلا

الملك عبدالعزيز ،، أسسألوا كمال الشادي ولا منصور عبدالرزاق

أو أسألوا العنبه الرامية فوق بيتنا.

يا شادي أنا بزيد النار حطب حتى حضور ولدنا عماد ود شريف
Post: #1683
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-21-2009, 09:03 PM
Parent: #1682

سلام يا شباب ...

الإستعدادات لعشاء الأربعاء تقول بأنه سيكون إستثنائي في وداع الولد جبارة وإستقبال الأحباب والتهانئ وغيرها ...

ويا شادي والله لو جيتنا إنشاء الله 8 ساعات ، وممكن نرسل ليك طيارة خاصة بس ما رئاسية ... ما عشان ما في المستوي بالعكس.... بس لحاجات تانية حامياني ... مش قالوا ما تتكلموا في السياسة أها سكتنا ... بس عايزين غنا طاعم ... عندنا مبارك جادين عشان عندهم بكي بس أغنية واحدة كفاية إنشاء الذكريات ... محمد صديق ونزار الشقليني إنشاء يغنوا دويتو ... العود علي والعزف علي صديق الصادق ... مش الشادي مافي ... بلد ما فيها تمساح يقدل فيها الورل ...
شريف عباس الشريف سيأتي العشاء متأبطاً عماد شريف في حال عودته من الأبيض قبل الأربعاء ... وهناك حا نزرزره علي الهواء مباشرة ... آي عارفين وأي حاجة بس حلو القول في خشم سيده ... بعدين أنا نسيت قلت لي فارح قال شنو .؟ بتحيوا سوا ... سوا دي إذاعة صاح ...

ويا ريس ميسرة كلنا في الهم شرق ... تربيت علي يد زوجة أبي رحمة الله تعالي تغشاها ... رغم أن أمي علي قيد الحياة أمد الله في عمرها ... بطوعي وإختياري كنت أقيم في المنزل الآخر ... ودي حكاية طويلة وجميلة تستحق أن تحكي ...

إلي الآن عدد كبير من الشباب أكد الحضور عدا ناس البوست لم يؤكدوا علي التلفون أو علي البوست ... علي العموم اي شخص لا يؤكد حضوره سنتعتبر ذلك إعتذار ...

ومرة أخري سيكون هذا العشاء إستثنائي ويلا شدوا أوتار البطون ... حليلك يا جلال أحسن من تشد معي الأوتار بس المرة الجاية لمن تجي أول حاجة الفاتحة بتاعتنا بعدين قول صباح الخير ...

البادي النور إزيك ...

المعز ضارب لخمة يفسخ ولا يجدد لو في محله أفسخ ... مش أنا هلالابي ... صلاح إدريس ده أخير منه الزول يعتزل الكورة ...
Post: #1684
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-21-2009, 09:40 PM
Parent: #1683

Quote: الإستعدادات لعشاء الأربعاء تقول بأنه سيكون إستثنائي في وداع الولد جبارة
وإستقبال الأحباب والتهانئ وغيرها ...


يا جماعة ما تعزمونا معاكم إنشاء الله نشيل ليكم الكاميرا

أو نعمل حارس أمن نقيف ليكم في البوابه وما نخلي زول يخش

بس يا زهير رسلوا لينا كرت الدعوة .

جميلين يا زقازيق راقين ومجمتعين ولامين وتامين

وعيني بارده ،،، بس ما تنسونا من الصور
Post: #1685
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-21-2009, 09:50 PM
Parent: #1684

يا ريس في سؤال خليناهو ليك في مربع كاي منتظر اجابة منك...

بالله جاوب لينا بي هناك...منها على الأقل نجرجرك تجي تتفقدنا شوية...

قاعدين نسمع المواتر بتاعتك..و نتاوق بالحيطة نلقاك عند الجيران..
Post: #1686
Title: Re: ناس الزقازيق ... أجدع ناس ( 3 )
Author: طارق جبريل
Date: 12-21-2009, 10:00 PM
Parent: #1684

الزول ابو صلعة اسطايل دة خلاص مسافر بالله
دي اجازة شنو دي العلي حلاوة قطن دي

وحات الله ممغوسلي جنس مغسي
اهلي رسلولي شريط العرس أليل ود اختي وبت اخوي
وحات الله يا الرشيد عيوني لامن رقرقن
تعرف الحني كانت بي منو
محمد كرم الله وصديق احمد وود التبوري
يمين صاحبك لطفي القابلك
وكتين مشيت للحاج داك
يمين رقصلو جنس رقيص
اصلو رقد كداد ضُمة ضمُمة
Post: #1687
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-21-2009, 10:22 PM
Parent: #1686

Quote: وحات الله ممغوسلي جنس مغسي
اهلي رسلولي شريط العرس أليل ود اختي وبت اخوي
وحات الله يا الرشيد عيوني لامن رقرقن


جبريلا...و الله شاعر بيك يا أخوي...
أصلي الليلي متقمصك...كلما يعصرونا في الشغل بالنهار
تتكندك أحساسينا بالليل لامن عجاجته تضرب في السماء
نرجع يوم الخميس نرفع المعنويات تاني مع العيال
عل يا أخوي انت أخير عندك محمد كرم الله لايف
أدخل الأوضة براااااك و دخل معاك الفيديو و التلفزيون
أقفل الباب بالمفتاح...دور المفتاح لامن يقول كرك
شغل الفيديو و أرفع الصوت للنهاية...لامن التلفزيون يتمحن
أتخيل نفسك واقف جمب لطفي أخوك الظريف ده
أرقص و دور ولف...أقعد في الواطة و قوم لا فوق
أرقص لامن العرق يدردق من صلعتك زي السبلوقة الجديدة في خريف سمح
الباب مهما يدق ما تشتغل بيهو...الا يكسروهو
و كان جعرت و انت بترقص...ما تجعر يعني شنو
منصور ده قبال كده ما قال ليك مالو كان جعرت
جعر لمن تمرق المغسة الجواك دي كلها

و أكان جوك المغاربة كمان و قالوا جن...

قول ليهم يا جماعة عندنا مثل بيقول

الجن بداوى...كعبة الاتدراوة..

أنت دحين يا طارق...بندول موسى عيسى ده مفعولو انتهى
Post: #1688
Title: Re: ناس الزقازيق ... أجدع ناس ( 3 )
Author: طارق جبريل
Date: 12-21-2009, 10:30 PM
Parent: #1687

وحات الله يا الرشيد شغلتو في الصالة
وعليت الصوت لي آخره وقلت ان بقى جاني مغربي فشان الازعاج
يمين ادخلو يشوف اهلي ديل انهردوا كيفن مع محمد كرم الله
وحاتك شغلتو وعليت الصوت وبقيت ذاتي انقز واتخيلت ليك نفسي في وسطن
ونقزتلي جنس نقزي وبُطاني يضحكوا علي وامهم تسكت تضحك وتدمع لانه
اخوك قليبو رهيف ارقص وادمع وادي في ولادي الشبال والعجب وكتين دخل امام مكاوي
ود عمتي حواء بت الخضر الحكيتلكم عنها..
وحات الله انهردلو جنس انهراد وكل مرة اعيد الشريط
واقوم انهرد لي نفسي واجوعير

غايتو دعاء موسى عيسى نفع معاي
وكمان زودتها في النقزي واتفشيت زين
Post: #1689
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-21-2009, 10:51 PM
Parent: #1688

Quote: غايتو دعاء موسى عيسى نفع معاي
وكمان زودتها في النقزي واتفشيت زين


و الله لكن عفيت منو موسى عيسى...أتاري الزول ده ما ساهل

أنا خايف بكره نقرأ في الشريط الاعلاني بتاع النيل ألزرق

خلطات موسى عيسى...

عجبني ليك النقزي يا جبريلا و العجبني أكتر انك اتفشيت

و عجبني أكتر انك الليلة أديت بطانك درس عملي في الفولكلور
Post: #1690
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 12-22-2009, 00:25 AM
Parent: #1680

Rasheed ,Thank you Rasheed for asking

For the last three months, I have been berried among tons of documents, book and refs. I have serious professional education certificates I have to complete.

I have more than six exams I prepare for.

I will be in contact from time to time

Best wish to you and all friends

My regards to Najat and The Kids,


Devotedly,

Elsuhaili
Post: #1691
Title: Re: ناس الزقازيق ... أجدع ناس ( 3 )
Author: موسي عيسي
Date: 12-22-2009, 05:21 AM
Parent: #1690

أسعد الله صباحكم اخوتي الكرام


اللهم يا عزيز يا جبار...

اجعل قلوبنا تخشع من تقواك

واجعل عيوننا تدمع من خشياك...

واجعلنا يا رب من أهل التقوى وأهل المغفرة

اللهم اللهم اسعدنا جميعا و اديم ذلك الفرح على اخوتي

الكرام طارق جبريل و الرشيد بابكر قولوا آمين .
Post: #1692
Title: Re: ناس الزقازيق ... أجدع ناس ( 3 )
Author: موسي عيسي
Date: 12-22-2009, 05:29 AM
Parent: #1691

سبحان الله يا الرشيد و الله انا من امس بتذكر في السهيلي

وواضع اول ما اجي اليوم الصباح اسال منه لقيتك سالت منو

و على الفور الحبيب استجاب لنداك جاب فمرحب اخي السهيلي

و ربنا انشاء الله يكتب ليك في التوفيق فيما تصبو إليه و يعليك

بس بالله اتحفنا من بعض الحاجات الحلوة القاعدة تنزلها ديك حتى

في الاسبوع أقله ؟


فبالله دعواتك يا رشيد و امرق لينا زنوبة و نجيلة و الولد الظريف

مدثر ابا يزيد ولا أقول ليك مدثر دا خليه انا بكلم ليهو قريبو حيطلعوا

لينا ؟

و محمد عيد واصل في موضوع المعز دا و امرق لينا ناس عزازعلينا شالو نوم

عينينا؟
Post: #1693
Title: Re: ناس الزقازيق ... أجدع ناس ( 3 )
Author: موسي عيسي
Date: 12-22-2009, 05:45 AM
Parent: #1692

الدينا صباح و الجو في الرياض آخر حلاوة و كم تمنيت فيه اكون

أحد الملبين لدعوتك يا أخي زهير لحضور هذا التجمع الجميل و لكي

تكتمل لدي النشوة والفرحة بس حأجي و معاي كورة لانه الولد البقي

ابو صلعة دا عندنا معاه بايته انا جلا و تاج الدين ولا شنو يا فضيلة

الشيخ ، علشان كدة يا زهير لمن جلا قالت بجي متاخر ورى البسمات كتمت

حاجات و قلت من غير ....................؟
Post: #1694
Title: Re: ناس الزقازيق ... أجدع ناس ( 3 )
Author: موسي عيسي
Date: 12-22-2009, 06:14 AM
Parent: #1693

الاخوة الكرام كنوع من التعاون ترتيب الحياة و نحن الان امام عام هجري جديد باد و ميلادي سوف يطل

علينا بعد ايام فأمل ان نذكر بعضنا بما فيه الخير لنا و لأخوتنا المسلمين ارجو ان نتساعد في وضع

خطة عمل للعام الجديد تشمل هدف او اهداف لنا كافراد أو كمجموعة نعمل على تحقيقها خلال هذا العام و

نقوم في نهاية العام بجرد تلك الخطة و النقاش حولها لما تحقق وما لم يتحقق

ووجدتها فرصة طيبة لأخذ بأرائكم وأمالكم وطموحاتكم في هذا العام الجديد، علنا نذكر بعضنا ونثقف

بعضنا ونتكاتف حول فعل الخير بطريقة تجسد تصورات الناس بشكل عام

فبيينا الطبيب والمهندس والرياضي والعسكري...، والشاب والكبر شوية ، والمشغول جدا والمتفرغ، لذلك

من الممكن فعلا ان نصل لبرنامج ثري جدا وبنفس الوقت عملي ومناسب

وهذا النوع من التنظيم سبيل جميل جدا وخفيف لوحدة الحال وتقارب الأفكار بين الأخوان والسير وفق خط

ومنهج واضح بالدليل القطعي على علم وبصيرة

منتظر آرائكم بارك الله فيكم.

آمل من الاخ الرشيد ان امكن مساعدتي في جمع الاراء و الخروج برؤية لما يتمتع به الاخ من خبرات ؟ أن

نفتح بوست مستقل لذلك .
Post: #1698
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-22-2009, 08:04 AM
Parent: #1694

صباح الخير والنعمة والسرور

يارشيد القوم بطنك غريقة يعني مليان وفيك الكثير المثير

ويصعب إصطيادك ربنا يزيدك ونستفيد

موقف طريف

عندنا فراش بالمدرسة المتوسطة متطلّع اي كلمة سمعها يلبطها في حديثه
عجبتو كلمة لامؤاخذة
سأله واحد من الذي يدرّس مادة اللغة الإنجليزية
أجاب الفراش 00 لامؤاخذة المدير 00

______________________________________________

عندنا المدارس في القرى عبارة عن فصول ليس هناك حرم للمدرسة كل من هبّ ودبّ
يعبر المدرسة جاء واحد مجنون عابر قدام أحد الفصول شاف ليك الأستاذ بتكلم ويشرح
قدام السبورة وجوه الفصل ماشاف حاجةلأن كل الشبابيك مقفلة بسبب الأهوية والبرد
فقال 00 والله كلنا بدينا كدة 00
Post: #1695
Title: Re: ناس الزقازيق ... أجدع ناس ( 3 )
Author: البادي النور
Date: 12-22-2009, 06:46 AM
Parent: #1693

صباح الهناء والسرور ...
موضوع المعز موضوع عادي شأنه شأن كل لعيبة الكورة المحترفين
في الداخل أو في الخارج ، المعز يعول أسرته الصغيرة المكونة
من زوجته وبنته ، وكذلك يعول أسرته الكبيرة المكونة من والديه
وأخواته وأخوانه وحتى خالاته شأنه شأن كل السودانيين أولاد البلد
في ظل هذه الأوضاع لازم ينظر للأمور بنظرة إحترافية وتأمين للمستقبل
فكان رأينا جميعا أن يشوف مصلحته وين ماكانت في الهلال في المريخ
في بروتسودان في كسلا في كادوقلي ... وتم تفويض والده الحاج محجوب
لإدارة هذا الموضوع ويبعد هو تماما من المناقشات والمفاوضات
وحتى التصريحات الإعلامية ... وقد قرر السفر لأداء العمرة ومن
ثم السفر للدوحة وهي بمثابة ترويح عن النفس والبعد عن الأجواء
المشحونة بالمهاترات والتصريحات الصحفية النارية ...
فيا محمد عيد إنتم وشطارتكم إذا عايزين المعز أدفعوا كاش
لأن الكاش يقلل النقاش ... ويا جماعة الخير الكل يعلم عن المقالب
اللي قاعدة تحصل في مجتمع اللاعبين في الشيكات الطائرة وفي الغش
في عدم دفع بقية المبلغ أو عدم الوفاء بالإلتزامات بشكل عام...
Post: #1696
Title: Re: ناس الزقازيق ... أجدع ناس ( 3 )
Author: موسي عيسي
Date: 12-22-2009, 07:07 AM
Parent: #1695

كده يا الحبيب مرقت لينا عديل و جبت النجيضة والحشاش يملأ شبكته ؟

Quote: فيا محمد عيد إنتم وشطارتكم إذا عايزين المعز أدفعوا كاش
لأن الكاش يقلل النقاش ... ويا جماعة الخير الكل يعلم عن المقالب
اللي قاعدة تحصل في مجتمع اللاعبين في الشيكات الطائرة وفي الغش
في عدم دفع بقية المبلغ أو عدم الوفاء بالإلتزامات بشكل عام...


في مثل عند اهلنا ناس الغرب و الصادق المهدي قاعد يقولوا كثير هو ( انو ابوالقدح

بعرف محل بعضي اخوه ) بالله اسامة ابتر ولا جنابو المفقود ود الصديق للترجمة .

و الله مشتاقين يا البادي علشان كده قلنا طلما ما مرقت بالباب نجيك بالشباك فلك

التحايا و عايزين نرجع البوست لسيرته الاولى .
Post: #1697
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-22-2009, 07:10 AM
Parent: #1695

صباح الخير ،، يا وجوه الخير ،،،

اصحبنا وأصبح الملك لله ،،،،

نسمات الصباح :

ربنا لا ٌتؤاخذناإن نسينا أو أخطأنا

ربنا ولا تحمل علينا إصراً

كما حملتهُ على الذين من قبلنا

ربنا ولا تُحملنا ما لاطاقة لنا به

وأعفُ عنا

وأغفر لنا

وأرحمنا أنت مولانا

فأنُصرنا على القوم الكافرين.

آمين،،
Post: #1699
Title: Re: ناس الزقازيق ... أجدع ناس ( 3 )
Author: طارق جبريل
Date: 12-22-2009, 10:45 AM
Parent: #1697

إمعانا في تشليخ البوست لااااااااااااااااااوراء

بت الخير إجيك الخير وصل جوابك الكاتباه للولد الحتالي
وكان الظن ترسللي فيهو هين هينين من البركاوي داك الطعمه حالي
وكان بالقل شخاليب دوم هنا والله ني ومسيخ وغالي
وتكشحي فيهو قبضات من نبق سدراتنا في بدل التسالي
سؤالك يمة عن أحوالي كان شفتيهو يغنيك عن سؤالى
أنا اتوكرت في قلب البنادر زي غريق شرقان مدلدل في الدوالي
وجات شايلاني حرة جوف ونا اتحديت مجالا مو مجالي
مصايب الجامعة أكبر من الشفتو ولا سمعتو في أيامي الخوالي
قعاد الكرسي ورِم ساقي زي سيد الزلالي
أسوق الليل تحت ضو الكهارب ديمة هارب من فراشي وهادو حالي
وكلو عشان اجيبلي نمراً انافس بيها واستر بيها حالي
وعاد والله حالتن ما بتسر البال ومن يوم ما ابتديت ما انسر
سلاطين العلم يا يمة ينسو العشرة في فت يوم وادفروك برة زي دفر الطبالى
وخايف تنبهل قربي الملاني وينكسر سرجي وكمان تطفش جمالي
وكان حصل القدر يا يمة لا تلوموني ذنبي علي البنادر خيرها اقوى غلي احتمالى
بناتاً فيها رويانات جسومن بالدهون تلصف برا جلود السحــــــــــــــــالي
عيونن واسعة تبلع مية زي تشرك للموحد والضلالي
وما بتكسر وحاتك ساعة اقيف قدامة انكس راسي بقدري وجلالي
Post: #1701
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-22-2009, 11:21 AM
Parent: #1699

ايوة كدة يا جبريلا
والله ريحتنى فى حنانى ذاتو
اصلوا الهم والدبرسة ديل
علاجهم فى انك تكون صادق مع نفسك وتديها حقها
يا زول ختوا قرض
وقوم ام العيال كمان وعلمها الرقيص اللاورا
وكتر من الشبابيل
اقول ليك حاجة
هسى دى انا كان ما جوة المكتب وخايف الجماعة ديل يقولوا الزول ده اتلحس
كان قمت وقدلتلى قدلة
اقول ليك حاجة تانية
ياخ انا مالى ومالهم
اتلحس ولا ما اتلحس
غرضهم بى شنو
امكن انا ما الم فيكا تانى
مين عارف المصاير وييييين
حتى الطير رحل خلانى
ما طيب لى خاطر
Post: #1700
Title: Re: ناس الزقازيق ... أجدع ناس ( 3 )
Author: كمال الشادي
Date: 12-22-2009, 11:18 AM
Parent: #1697

السينير معتصم جعفر
الريس ميسرة
الريس الزناتي

وانا لافي مع ناس المنبر الحار في منبرهم
لقيت عندهم فكرة ممتازة وراح اديكم الرابط هنا
الفكرة تتلخص في استضافة واحد من اعضاء المنبر مثلا جمال فارح
في البداية هو يعرف نفسه ( البطاقة الرسمية ) الميلادالتعليم الخبرات الحالة الاجتماعية مكان العمل
وبعدين يقول انو جاهز للاسئلة
يقوم كل زول يسأل الشخص الضيف الاسئلة اللي هو عايزها
وكل مرة نستضيف شخص جيد نلقى بالضوء على احد جوانب شخصيته
ويتم تعريفه للناس اللي مابتعرفو
صحيح نحنا كلنا اولاد الزقازيق لكن في ناس كتيرة عظيمة في الزقايق ما عرفت بعض هناك
اذكر مرة زهير الزناتي قال انا في الزقازيق ما كنت بعرف ميسرة سيد احمد الا معرفة عامة وما احتكيت بيهو
في الحالة دي زهير ممكن يسأل ميسرة اذا كان ميسرة هو الضيف كل الاسئلة اللي في راسو
طبعاً الضيف يتبرع ينزل كل الصور البتساعد على التعرف بيهو
سواء كانت في الزقازيق او في سائر حياتو التانية

اذا وافقتو على الفكرة نبدأ ونقول بسم الله
واقترح مني خلو معتصم سليمان جعفر يكون أول ضيف

لمزيد من الشرح هاكم اللنك ده وادخلو وشوفو
هنا نتحاور ونتعرف على ابراهيم محمد الحسن ... مرحبا بالجميع
Post: #1702
Title: Re: ناس الزقازيق ... أجدع ناس ( 3 )
Author: ناصر جبريل
Date: 12-22-2009, 11:46 AM
Parent: #1700

الزناتي

......... أحمد عمر الباقر معانا في المغرب وطبعا كالعادة يوم واحد بس

وقريبا ابوبكر ووليد حقوق ،،،،،،، ويا ريت نشوفك قريب في المغرب


كون بالف خير
Post: #1703
Title: Re: ناس الزقازيق ... أجدع ناس ( 3 )
Author: محمد عيد
Date: 12-22-2009, 12:24 PM
Parent: #1702

شوفوا امتحانات الاجيال الجديده مع أباءهم ....
!




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #1704
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-22-2009, 12:26 PM
Parent: #1702

يا اخوانا اخر مرة جاء فيها عبدالحفيظ عباس هنا متين ؟
Post: #1705
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-22-2009, 12:47 PM
Parent: #1700

Quote: وكان حصل القدر يا يمة لا تلوموني ذنبي علي البنادر خيرها اقوى غلي احتمالى
بناتاً فيها رويانات جسومن بالدهون تلصف برا جلود السحــــــــــــــــالي
عيونن واسعة تبلع مية زي تشرك للموحد والضلالي
وما بتكسر وحاتك ساعة اقيف قدامة انكس راسي بقدري وجلالي


أبو الكلب ،،، أبشر يا الشايقي

الليلة البوست ده عجاجته كاتحي وشايلي

الكوري على المراح،،

بالله أكست كب ساي ،،،،


كمال الشادي سلام يا حبيب الموضوع

ده طرحته منى يونس وهو يحمل هذا المضمون بنسبة 90%

وقد وافق الجميع على هذا الطرح عدا الشيخ جلا لأنه قعد

يتريق يقول في زول لسه ما أخد باسويرد يفكر يعمل ليهو بوست

بس الموضوع تم تأجيله علشان في قسم من منى يونس ومساعدتي أن يكون

الشخص صاحب الإفتتاح لهذا البوست شخصية زقازيقية جميلة جداً وتمت مخاطبتها

وفي إنتظار الصور وهي بمقدار قنبلة لا تقل عن قنبلة دخول جمال فارح لحوشنا

ونحن نحترم تماماً الريس معتصم وترتيبنا كالتالي :

1- شخصية زقازيقية مفاجأة للجميع
2- الريس معتصم
3- زهير الزناتي
4- رشيد القوم
5- دهب ، محمد عيد وآخرين

أعتقد هذا هو الترتيب حسب ما تم تصميمة عن طريق الأستاذه/ منى

شكراً يا شادي وما تستعجل أصبر ايام قليلة تنتهي إمتحانات اليومين ديل

وبعدين تشوف ما يسركم .
Post: #1706
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 01:36 PM
Parent: #1705

Quote: آمل من الاخ الرشيد ان امكن مساعدتي في جمع الاراء و الخروج برؤية لما يتمتع به الاخ من خبرات ؟ أن

نفتح بوست مستقل لذلك


موسى عيسى...أشكرك أولا على حسن ظنك بي...سأساهم بلا شك في تنفيذ فكرتك...
لقد فكرت فيما قلته بعدة أوجه...هلا شرحت لناوجهة نظرك أكثر حتى نضيق مجال البحث...و نأتي بشئ يكون أقرب الى ما تفكر فيه...
Post: #1707
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 01:43 PM
Parent: #1706

Quote: يارشيد القوم بطنك غريقة يعني مليان وفيك الكثير المثير


أحمد اسماعيل أشكرك على الشرح...أفهم المعنى و لكنى قصدت لماذا استخدام عبارة بطنك غريقة...ما العلاقة بين البطن الغريقة و الغتاتة...و كيف تكون البطن غريقة...
Post: #1708
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 01:47 PM
Parent: #1707

Quote: ونحن نحترم تماماً الريس معتصم وترتيبنا كالتالي :

1- شخصية زقازيقية مفاجأة للجميع
2- الريس معتصم
3- زهير الزناتي
4- رشيد القوم
5- دهب ، محمد عيد وآخرين


الريس ميسرة و الأستاذة منى...جاهزين للتعريف بأنفسنا...
Post: #1709
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 12-22-2009, 03:08 PM
Parent: #1708

Rasheed

Please see Page 17
Post: #1710
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 04:08 PM
Parent: #1709

Quote: Rasheed ,Thank you Rasheed for asking

For the last three months, I have been berried among tons of documents, book and refs. I have serious professional education certificates I have to complete.

I have more than six exams I prepare for.

I will be in contact from time to time

Best wish to you and all friends

My regards to Najat and The Kids,


Devotedly,

Elsuhaili


سهيلي يا جميل سعدنا كثيرا بعودتك رغم مشغولياتك...أمنياتنا لك بالتوفيق في سعيك نحو تطوير نفسك و تنمية مقدراتك باضافة هذا الكم من الدراسات المهمة...
سعيد جدا بعودتك يا سهيلي....وواصل جهودك و تميزك...

أرجو أن تتواصل معنا من وقت لآخر كما وعدت...
Post: #1711
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 12-22-2009, 04:19 PM
Parent: #1710

Hi Rasheed,

I am welling to lend a hand to any Friend or anyone who in needs for;

1- Project Management
2- Information technology Security
3- Internal Control & Corp Governance
4- Internal Auditing
5- Risk Management & Enterprise Risk management
6- Control self assessment

Best Regards to all
Post: #1712
Title: Re: ناس الزقازيق ... أجدع ناس ( 3 )
Author: طارق جبريل
Date: 12-22-2009, 04:26 PM
Parent: #1711

أنا قلتلكم إن خليتوني بشلخوا ليكم لاااااوراء

حليل يا يمه جوالك صوت رناتو في الإضنين
يمه أرجوك تردي علي رد يا يابا صوتكم وين
حليل الونسة والدعوات ليهن يابا مشتاقين
يابا معاكم يحلى كلامنا يابا تاني نضرب وين
يمه حليل عصافيرك طاروا إتفرقوا السربين
يابا النجيله عطشانه والحنه فروعه ضبلانين
يمه حليل نظام البيت خلاص ما عاد يسر العين
يابا انا ببكي ليل ونهار بكا وجعاً معاهو أنين
إتقطع حشاي وأنوح زي نقاره صوته تخين
Post: #1713
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 04:32 PM
Parent: #1711

Quote: Hi Rasheed,

I am welling to lend a hand to any Friend or anyone who in needs for;

1- Project Management
2- Information technoglogy Security
3- Interbal Control & Corp Governance
4- Internal Auditing
5- Risk Management and & Enterprise Risk management
6- Control self assessment

Best Regards to all


و لأهمية كلام السهيلي هذا اقتبسته و أعدته..و في الاعادة افادة...

السهيلي ساهم معي بفعالية شديدة في البوست الخاص بتنمية المقدرات و المهارات...و يكاد يكون شريك استراتيجي لي في ذلك البوست و كونه يعرض المساعدة لمن يرغب في هذه المواضيع المهمة فهو ليس بغريب علية..فلقد قدم السهيلي معلومات قيمة في البوست هناك...كنت قد تحدثت بالتلفون الى السهيلي و لقد وجدت أنه قد استفاد بشدة من وجودة في بلد مثل أمريكا و أضاف الى ما يملك من قدرات الكثير من العلم و المعرفة...
أرجو أن لا تفوتو عليكم مثل هذه الفرصة...و أقترح أن يبدأ السهيلي في تناول واحد من المواضيع المطروحة باختياركم في بوست تنمية المقدرات...و لهذا الأمر تم انشاء هذا البوست..هو بوست للفائدة العامة و لا ننظر الى عدد صفحاته بقدر ما ننظر الى الفائدة المرجوة من ورائة...

شكرا يا سهيلي يا كبير...
Post: #1714
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 04:42 PM
Parent: #1713

Quote: حليل يا يمه جوالك صوت رناتو في الإضنين


جبريلا..قطع شك الجنى ده مغترب في السعودية من جوالك دي...

لو كان في الامارات كان قال موبايلك...

جبريلا واحدة حاجة سألوها قالوا ليها يا حاجة عندك ولاد..

قالت ليهم أيي...عندي تلاتي...اتنين مغتربين و واحد في ليبيا...

جبريلا ليبيا دي دقت في العراضة مش كده...قربت تقولهم اتنين مغتربين

و واحد في المغرب...ما كدي...
Post: #1715
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-22-2009, 05:31 PM
Parent: #1714
Post: #1716
Title: Re: ناس الزقازيق ... أجدع ناس ( 3 )
Author: مصطفي عجب سيدو
Date: 12-22-2009, 07:44 PM
Parent: #1715

علي سبيل التحية والتجربة وتدشين عضوية الحاج مصطفي عجب سيدو


زهير الزناتي
Post: #1717
Title: Re: ناس الزقازيق ... أجدع ناس ( 3 )
Author: مصلح الفكي
Date: 12-22-2009, 07:50 PM
Parent: #1716

ودي علي سبيل التحية لموسي عيسي وإبن خالته مصلح الفكي صديق ناس الزقازيق

زهير الزناتي
Post: #1718
Title: Re: ناس الزقازيق ... أجدع ناس ( 3 )
Author: محمد عيد
Date: 12-22-2009, 08:13 PM
Parent: #1717

Quote: علي سبيل التحية والتجربة وتدشين عضوية الحاج مصطفي عجب سيدو


زهير ...

فى حركة التسجيلات هذه ... ليتك تعقد لنا مؤتمرا صحفيا مع تسجيل كل لاعب جديد

على غرار الاندية العالمية ...

حتى يكون ترحابنا بمصطفى عجب سيدو على مستوى الحدث ...

اذا كان اخونا مصطفى له صلة بالعجب حبيبى وحبيب الكل ...

الرجاء من الجميع يقيفوا بعيد

وعبد الدايم يرسم شخيط طويل ويوقف الناس بالصف ويجيبهم بالدور

هلا يا أجب أجيب ..
Post: #1719
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 08:41 PM
Parent: #1718

Quote: الرجاء من الجميع يقيفوا بعيد


بعيد وين يا محمد عيد...ابن أفصح...

زهير...عايزين باسورد للطيب صديق عاليب...برسل ليك الايميل بتاعو بكره...ولو محمد عيد عندك الايميل رسله لي زهير...
Post: #1720
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-22-2009, 08:55 PM
Parent: #1718

يا شباب سلام ...
لا زلنا في إنتظار تأكيدات ناس كتار .... إستخسروا فينا دقيقة إتصال أو رسالة ماسنجر عموماً لغاية بكره الساعة حداشر أي زول ما أكد ... حا نتلايق ونتصل بيهو ... شكراً لكل الذين أتصلوا وأكدوا ... شكراً لهم علي هذا السلوك الحضاري ... لمة بكره شكلها حا يكون غير ... والمفاجآت فيها لا حصر لها ... ناس بره إستنوا الصور ساكت ,,,,

ناصر جبريل الله أداكم بطلة مولانا أحمد عمر الباقر ... هلت عليكم بركات والله يحسدوكم عليها ... تحياتنا له ...

الرشيد .... السهيلي حمد مجذوب ده زول دفعتي في الكلية وصاحبي ... من أنبه وأشطر السودانيين الذين مروا علي الكلية ... دائماً ما ينجح بتقدير ... رغم الحوامة وشغل السياسة وغيرها من المشغوليات والظروف الطين في الزقازيق ... وفي أمريكا بعد ما إتهيأت ليهو الظروف اكيد حا يحقق نجاحات كبيرة التحية له ...

محمد عيد ... مصطفي عجب سيدو ... خريج متأخر من كلية الهندسة .... برلوم برالمتنا ... ما عنده أي علاقة بالكورة ... ولا فيصل العجب وإنما تشابه أسماء ... مصطفي يعمل رئيس قسم في سوداتل ... لا يعرف في الدنيا دي ... غير سوداتل والعرس والحج ...
Post: #1721
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-22-2009, 09:11 PM
Parent: #1720
Post: #1722
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-22-2009, 10:57 PM
Parent: #1721

Quote: الرشيد .... السهيلي حمد مجذوب ده زول دفعتي في الكلية وصاحبي ... من أنبه وأشطر السودانيين الذين مروا علي الكلية ... دائماً ما ينجح بتقدير ... رغم الحوامة وشغل السياسة وغيرها من المشغوليات والظروف الطين في الزقازيق ... وفي أمريكا بعد ما إتهيأت ليهو الظروف اكيد حا يحقق نجاحات كبيرة التحية له ...


أبو الزوز بعد ما طفيت أنواري جيت لقيت مداحلتك قعدت أكتب تاني...فمثلك تضاء له الأنوار و تقرع الأجراس...شفت المحلبية دي كيف بالرغم من أنك ما من مدني...
يا أبو الزوز السهيلي قدم الكثير المفيد في بوست تنمية المهارات...و ها هو الآن يتطوع للأخذ بيد كل من يرغب في مساعدته...أرجو أن نستفيد من هذا العرض الجيد حتى لا نندم عليه...

انت ما شايف نأسف لعدم التكرار دي اتكررت كتير...
Post: #1723
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-22-2009, 11:20 PM
Parent: #1722

تتعرض في هذه اللحظات مدينة جدة ومكة المكرمة

لزخات من المطر المنهمر بشكل قوي ،،،

جعلها الله سقيا خير ورحمة للعباد ،،،

وناس جدة من الظهر لموا عيالهم من المدارس

وإنسحبوا من الشوارع وطلعنا نقدل بشوارع البلدة

بعد ما إختفا كثير من الخلق ،،،،

ما قلتوا نوبه.
Post: #1724
Title: Re: ناس الزقازيق ... أجدع ناس ( 3 )
Author: محمد عيد
Date: 12-23-2009, 00:24 AM
Parent: #1723

Quote: وناس جدة من الظهر لموا عيالهم من المدارس


ويا ريس أزيدك من الشعر بيت ...

كمان بكرة ما حنوديهم المدارس .. امتحانات ولا غيرو ..ز قراية ام دق ..!!

الشوارع امتلأت على آخرها بالمياه ...

وصوت الرعد يدوى كل حين ..

وبعد ما كان نزول المطر فى جده فرصة للناس يطلعوا يبرطعوا بالسيارات فى الشوارع

هســـه التقول المطرة صبت فوق راسهم ... الشوارع تخلوا الا من الـ .... والـ ... الضالــــة ..!!

نسأل الله ان يجعلها سقيا خير ...

وان يحمينا وعباده الصالحين من أى أثر مدمر ...

دعواتكم يا ناس المدن الأخرى ...

وكان غبنا عنكم فى اليومين الجايات أعرفوا اننا قاعدين نغرف فى موية المطرة ..!!

زهير .. باقى جرادل عزومة بكرة غسلوها ورسلوها لينا نغرف بيها الموية العندنا ...

انشاء الله السلات ينفعكم ... وهنيئا مريئا
Post: #1725
Title: Re: ناس الزقازيق ... أجدع ناس ( 3 )
Author: موسي عيسي
Date: 12-23-2009, 05:21 AM
Parent: #1724

Quote: ودي علي سبيل التحية لموسي عيسي وإبن خالته مصلح الفكي صديق ناس الزقازيق


الله لا جاب يوم شكرك انت يا اب شنب الله يقويك و يغليك ويعليك و يخزي المابيك ؟


بس يا زهير مسعول من الخير فردتك جنابو ما ليه حس ولا خبر انشاء المانع خير

بالله بلغه التحايا و لو كان مدبرس نخلي ود جبريل ينجر ليه دعوة كده كاربه

و لا رمية شايقيقي تفك دبرسته و يرجعه لينا وللبوست سالم و الله فرقته كبيرة

خلاص و ما تتسد ؟
Post: #1726
Title: Re: ناس الزقازيق ... أجدع ناس ( 3 )
Author: موسي عيسي
Date: 12-23-2009, 05:38 AM
Parent: #1725

لا إله إلا الله الحليم الكريم، لا اله إلا الله العلى العظيم، لا اله إلا الله رب السماوات السبع و رب العرش العظيم. ‏اللهم إنا نسألك زيادة في الدين، وبركة في العمر، وصحة في الجسد، وسعة في الرزق، وتوبة قبل الموت، وشهادة عند الموت، ومغفرة بعد الموت، وعفوا عند الحساب، وأمانا من العذاب، ونصيبا من الجنة، وارزقنا النظر إلى وجهك الكريم،
Post: #1727
Title: Re: ناس الزقازيق ... أجدع ناس ( 3 )
Author: موسي عيسي
Date: 12-23-2009, 05:45 AM
Parent: #1726

اخوتي أوصيكم و إياي بالمداومة على ان لا نبدأ يومناإلا بتلاوة ا لقران الكريم

و ان نختمه إلا به لأنه لا خير لنا إلا به و لا سعادة إلا فيه فجرب .



كان هناك رجل يعيش في مزرعة بإحدى الجبال
مع حفيده الصغير
وكان الجد يستيقظ كل يوم في الصباح الباكر
ليجلس الى مائدة المطبخ ليقرأ القرآن
وكان حفيده يتمنى ان يصبح مثله في كل شيء
لذا فقد كان حريصا على أن يقلده في كل حركة يفعلها
وذات يوم سأل الحفيد جده:
يا جدي ، إنني أحاول أن أقرأ القرآن مثلما تفعل
ولكنني كلما حاولت أن أقرأه
أجد انني لا أفهم كثيرا منه
وإذا فهمت منه شيئاً فإنني
أنسى ما فهمته بمجرد أن أغلق المصحف
فما فائدة قراءة القرآن إذا؟
كان الجد يضع بعض الفحم في المدفأة
فتلفت بهدوء وترك ما بيده ثم قال:
خُذ سلة الفحم الخالية هذه واذهب بها إلى النهر
ثم ائتِني بها مليئة بالماء
ففعل الولد كما طلب منه جده
ولكنه فوجئ بالماء كله يتسرب من السلة قبل أن يصل إلى البيت
فابتسم الجد قائلاً له:
ينغي عليك أن تسرع الي البيت في المرة القادمة يابني

فعاود الحفيد الكرَّة
وحاول أن يجري إلى البيت
ولكن الماء تسرب أيضاً في هذه المرة
فغضب الولد وقال لجده:
إنه من المستحيل أن آتيك بسلة من الماء
والآن سأذهب وأحضر الدلو لكي أملؤه لك ماءً
فقال الجد
لا، أنا لم أطلب منك دلواً من الماء
أنا طلبت سلة من الماء
يبدو أنك لم تبذل جهدا ًكافياً ياولدي
ثم خرج الجد مع حفيده ليُشرف بنفسه على تنفيذ
عملية ملء السلة بالماء
كان الحفيد موقناً بأنها عملية مستحيلة
ولكنه أراد أن يُري جده بالتجربة العملية
فملأ السلة ماء ثم جرى بأقصى سرعة إلى جده ليريه
هو يلهث قائلاً:
أرأيت؟ لافائدة
فنظر الجد إليه قائلا:
أتظن أنه لا فائدة مما فعلت؟
تعال وانظر إلى السلة
فنظر الولد إلى السلة

وأدرك للمرة الأولى أنها أصبحت مختلفة
لقد تحولت السلة المتسخة بسبب الفحم
إلى سلة نظيفة تماما ً من الخارج والداخل
فلما رأى الجد الولد مندهشاً ، قال له:
هذا بالضبط ما يحدث عندما تقرأ القرآن الكريم
قد لا تفهم بعضه
وقد تنسى ما فهمت أو حفظت من آياته
ولكنك حين تقرؤه
سوف تتغير للأفضل من الداخل والخارج
تماما ًمثل هذه السلة
Post: #1728
Title: Re: ناس الزقازيق ... أجدع ناس ( 3 )
Author: زهير الزناتي
Date: 12-23-2009, 06:11 AM
Parent: #1727

سلام وصباحات جميلة .... زي الوطن .....

يا رشا شكراً علي المحلبية ... وبالمناسبة السهيلي ذات نفسيه من مدني ... يااخي أحب حنتوب ذاتو ...
وناس مدني .... وبس .... بعدين تعرف الواحد يكون فاتح كم نافذة للرد ... بعد شوية يكتشف إنه رد علي ناس الزقازيق في بوست ناس المظاهرات ... وشاكل ناس الماظهرات في بوست بتاع عزاء ... وعزاء في بيت العرس ... اها سرعة سرعة نقوم نحصل ليك المسألة قبل ما تتحول لفضيحة ...

موسي عيسي لا شكر علي واجب ... وإنتو يا ناس الزقازيق تأمروا بس ...

الريس ميسرة والجميل محمد عيد .... ربنا يغطي عليكم وعلي عباده ... بس أكيد أمطار المرة الفاتت ما حاتتكرر تاني قريب ... لأن جغرافية المنطقة تقول بأنها منطقة أمطار شحيحة في معظم الأحيان ... وربنا يجعلها أمطار خير وبركة ....


يا البادي شايف ولدنا المعز في مفاوضات تقيلة مع الهلال والمريخ بس شكله أقرب للهلال في التوقيع ... وشايف شداد قال ما بالسهولة يتم فسخ العقد ... الموضوع واضح إتعقد ... عشان كده لازم يدخلوا ناس محترفين في موضوع المفاوضات دي وعارف قوانين وفي نفس الوقت خساسات ناس الكورة ... والمعز بعد اللقاهو من صلاح إدريس مافي زول يلوموا لو مشي المريخ ... بس لازم الناس تعرف الحقيقة عشان بعدين ما يحملوه المسئولية لوحده ...
Post: #1729
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-23-2009, 06:24 AM
Parent: #1728

صباح الخير ،،، يا وجوه الخير،،،

أصبحنا وأصبح الملك لله

نسمات الصباح :

اللهم إني عبدك إبن عبدك

إبن أمتك ،،، ناصيتي بيدك

ماضي في حُكمك ،،،

عدل في قضاؤك ،،

اسألك بكل إسم هو لك سميت به نفسك ، أو أنزلته في كتابك

أو علمته أحداً من خلقك ،، أو أستأثرت به في علم الغيب عندك

أن تجعل القرآن ربيع قلبي،،،

ونُور صدري ،، وجلاء حُزني ،، وذهاب همي.
Post: #1730
Title: Re: ناس الزقازيق ... أجدع ناس ( 3 )
Author: البادي النور
Date: 12-23-2009, 06:28 AM
Parent: #1728

صباح الهناء والسرور ...
ربنا يحفظ جدة وأهل جدة ...
طارق جبريلا الله يديك العافية ويبعد عنك الدبرسة
ويريح بالك مع عيالك وأم عيالك .. آمين
أبوالزوز شكرا على المداخلة اللطيفة عن المعز
الأسرة كلها وعت الدرس والتجربة المريرة السابقة
عشان كدا المرة دي طريقة اللعب إختلفت وحتى مافي
تصريحات إعلامية ... أنا عازمك يوم نمشي نتونس
مع عمك محجوب وتسمع العجب العجاب بس من غير إعلام ...
نرحب بالباشمهندس / مصطفى عجب سيدو حتى ولو كان فشنك ...
ونحن في إنتظار الطلة البهية ...
Post: #1731
Title: Re: ناس الزقازيق ... أجدع ناس ( 3 )
Author: أحمد إسماعيل
Date: 12-23-2009, 06:34 AM
Parent: #1727

بسم الله الرحمن الرحيم

أصبحنا وأصبح الملك لله رب العالمين

اللهم زدنا ولاتنقصنا وأكرمنا ولا تهنا

وأعطنا ولا تحرمناوآثرنا ولا تؤثر علينا

اللهم أعنا على ذكرك وشكرك وحسن عبادتنك

اللهم أحسن عاقبتنا في الأمور كلها وأجرنا

من خزي الدنيا وعذاب الآخرة وأصلح لنا ذريتنا

وأرحم والدينا يا أرحم الراحمين.
Post: #1732
Title: Re: ناس الزقازيق ... أجدع ناس ( 3 )
Author: موسي عيسي
Date: 12-23-2009, 08:59 AM
Parent: #1731

فوق ...

فوق ........

لزوم زحمة شغل و بس
Post: #1733
Title: Re: ناس الزقازيق ... أجدع ناس ( 3 )
Author: طارق جبريل
Date: 12-23-2009, 09:56 AM
Parent: #1732

سلام يا ناس
البادي يا حبيب كيفنك
بالله سلم لي على الناس المعاك شديد

مرحب بالبرالمة في المنبر

الرشيد حكاية ليبيا دي فعلا دقت في العراضة
Post: #1734
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 11:10 AM
Parent: #1733

الليلة من الصباح اليوم مليان انفعال شديد جداً
اتصل علي شخص لا اعرفه وعرفني بنفسه بأنه صلاح الدين عثمان مختار
شقيق الاعلامية المعروفة نادية عثمان
بيتصل من الدوحة من من قطر
وأبكاني بكاءً حاراً ووصلني مرحلة من الانفعال غير طبيعية
السبب مداخلة لي في موضوع ناشراهو نادية عثمان في المنبر العام
نادية نشرت تستصرخ الناس وتناشدهم يوقفو معاها لانو في واحد اساء اليها في اخلاقها وفي شرفها
وموضوع نادية عثمان موجود في الرابط ده
حسبي الله ونعم الوكيل ..اللهم رد كيدهم في نحرهم ..للذي ...لفيسبوك خاف الله !!!

لما قريت كلام الاعلاميةنادية عثمان زعلت من كل قلبي
حسيت كلامها طالع من واحدة واقع عليها ظلم قدر الجبل وهي ما عارفا تزيحو كيف
حسيت بي زولة بستنجد بي ناس بتعرفهم وبي ناس ما بتعرفهم
حسيت انو واجبي اقول ليها كلمتين ، حسيت أني عايز بس اقول ليها معليش واربت على كتفها بس
فكتبت ليها

Quote: الاخت العزيزة نادية
لك التحية والاحترام

علاقتي بك علاقة ملايين من الناس
علاقة مشاهد بإعلامية

لكن اعذريني انا زودت عليها شوية

لقيت نفسي بحب فيك حاجات كتيرة عارفا ليه

لانك بتشبهي لي ناس بحبهم
بتشبهي امي السيدة بت عباس ود ود السيد
بتشبهي اختي امال
وبتشبهي عمتي فاطنة بت عثمان ود ود أحمد ود ابسبيب
وبتشهبي خالتي امونة بت عباس ود السيد
وبتشبهي بنتي منار
واخيرا بتشبهي زوجتي حسناء

أتشرف بي معرفتك عن قرب لانك اختي

والكتب الكلام ده واحد واطي

قال تعالى. إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ()يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ () يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ..سورة النور


لما انتهيت من مداخلتي رجعت اقراها قبل ما انشرها
والله العظيم بكيت من كلامي الكتبتو
زي ما واحد يكتب قصيدة وتعجبو
أو واحد يرسم لوحةوتعجبو
حسيت أنو فعلا كلامي بيعبر عن الحالة الانا فيها وأنو انشاء الله يوصل للست نادية عثمان ويواسيها وبس

اتصل علي الاستاذ صلاح الدين عثمان مختار شقيقها ليقول لي
ما بين كل اللي نشرو يوقفوا مع اختي اخترت ارد عليك اول واحد وأشكرك
بكيت
حسيت أنو احساسي وصلو وحساهو وعرفو
اتكلم معاي 45 دقيقة
عرفنا بعض كويس وأتواعدنا كيف نتقابل وكان في بينا زي اي اتنين سودانيين معارف مشتركين
بعدها رسل لي تلفون نادية في القاهرة زي ما انا طلبت منو
اتصلت عليها
ولقيتها زي ما أتصورتها تماماً وزي ما بتقول ملامح وجهها
إنسانة عفوية وطيبة ألى ابعد درجة وقلت ليها طيبتك بتترجميها بي ثقتك في الناس وثقتك الزايدة في الناس راح تجيب ليك كل مشاكل العمر الحالي والمستقبلي وربنا يبعدك ويبعدنا من المشاكل...
قلت ليها انا ربنا حباني بصفة احمده عليها واشكره كل حين
اني بعرف اقرأ من ملامح اوجه الناس الكثير من صفاتهم خصوصا صفتي الطيبة والخبث فيهم
اختار الطيب واسقط من حساباتي الخبيث اللئيم
قلت ليها وجههك فيه الكثير من الطيبة والعفوية
تشبه الطيبة الدسمة في وش منصور عبد الرازق
الوجه الطفولي الرجل
زي ما قالت الرائعة روضة الحاج
اخيرا تعرفنا وبرضو وجدنا زي كل سوادنيين اكثر من شخص بنعرفو بعض

رأيكم شنو كلكم تخشو للبوست بتاعها وتوقفوا معاها
يا الله يا زناتي شدو السواعد


رجعت للبوست تاني
لقيتها ردت علي بكلام أحلى من اللي انا كتبتو ليها

Quote: الأخ المحترم كمال الشادي

تحية وتقدير لشخصك النبيل

Quote: ماعارفة أقول ليك شنو والله !!!

حقيقي أنا بشكر الظروف الجمعتني بيك في الفضاء الإسفيري ده

وحقيقي أنا لي الشرف إني أشبه أحب النساء ليك من والدتك ولي إبنتك الحبيبة

الدنيا بخير طول مافيها ناس زيك والله والحمد لله أن سخّر لي الله الطيبين أمثالك

وربنا يديك على قدر نيتك الطيبة ودواخلك النقية وأخلاقك العالية يارب ,,

كن وكل من تحبهم بألف خير
Post: #1735
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-23-2009, 12:59 PM
Parent: #1734

الاعزاء لكم التحية .

موسى عيسى
شكرا لقصة دلو المياه والحكمة وكما ذكرت المداومة على قرأءة القرأن كل صباح تيسر الرزق وتعين على المصائب
شكرا مجددا للقصة الجميلة والمعبرة .

كمال الشادى الرجل الملئ بالمشاعر والاحاسيس النبيلة .نادية انا قابلتها فى
اركويت وتعرفت عليها بنت ناس ورقيقة وبشوشة وكما قلت بالضبط هى كما سمعتها لايختلف حديثها عن الصورة او او الاصل

وشكرا لك لانك دوما تسأل عنى وتعلق على مداخلاتى

واود هنا ان اساهم بهذه الكلمات الذهبية



توجهت إلى حكيم لأسأله عن شيء يحيرني ..؟

فسمعته ً يقول :

" عن ماذا تريد أن تسأل؟ "

قلت :

" ما هو أكثر شيء مدهش في البشر؟ "

فأجابني :




" البشر! يملّون من الطفولة ، يسارعون ليكبروا ، ثم يتوقون الى ان يعودوا أطفالاً ثانيةً "

" يضيّعون صحتهم ليجمعوا المال ، ثم يصرفونه ليستعيدوا الصحة "

" يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل"

" يعيشون كما لو أنهم لن يموتوا أبداً ، ويموتون كما لو أنهم لم يعيشوا أبداً "





مرّت لحظات صمت ....

ثم سألت :

" ما هي دروس الحياة التي على البشر أن يتعلّموها...؟ "

فأجابني:



" ليتعلموا أنهم لا يستطيعون جَعل أحدٍ يحبهم، كل ما يستطيعون فعله هو جَعل أنفسهم محبوبين "

" ليتعلموا ألاّ يقارنوا أنفسهم بآخرين "

" ليتعلموا التسامح ويجرّبوا الغفران "

" ليتعلموا أن الإنسان الأغنى ليس من يملك الأكثر، بل هو من يحتاج الأقل"

" ليتعلموا أن هناك أشخاصا يحبونهم جداً ولكنهم لم يتعلموا كيف يظهروا أو يعبروا عن حبهم"

" ليتعلموا أن شخصين يمكن أن ينظرا إلى نفس الشيء ويَرَيَانِه بشكلٍ مختلف"

" ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً "



ليتعلموا

أن لا يحكموا على شخص من مظهره

أو مما سمعوا عنه

بل

عندما يعرفونه حق المعرفة
Post: #1736
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 12-23-2009, 03:09 PM
Parent: #1735

تعازينا للاخ مبارك جادين في جنات الخلد إن شاء الله

وتعازينا لكل من فقد عزيز عليه
Post: #1737
Title: Re: ناس الزقازيق ... أجدع ناس ( 3 )
Author: مدثر أبا يزيد
Date: 12-23-2009, 03:14 PM
Parent: #1736

سلمات للجميع
إن شاء الله كلكم بخير وعافية

الف مبروك للاخوه والاخوات الدخول والمشاركة

Quote: مدثر ابا يزيد ولا أقول ليك مدثر دا خليه انا بكلم ليهو قريبو حيطلعوالينا ؟

مشكور الاخ العزيز موسى عيسى بسؤالك عنا
شوية مشاغل منعتنا من المداومه على المتابعة والاستمتاع
لكن متابعين من حين لأخر اخبار الأخوان ومستجدات البوستات
Post: #1738
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 05:39 PM
Parent: #1737

يا شباب انا عزمت ليكم زول ما زقازيقي
لكن لمن كان يجي الزقازيق
الكل كان بيجيهو
ووصولك للزقازيق
كان يغير خارطة انفعال الناس
لمن يظهر شخصياً
راح تعرفوهو
Post: #1739
Title: Re: ناس الزقازيق ... أجدع ناس ( 3 )
Author: Elmosley
Date: 12-23-2009, 07:27 PM
Parent: #1738

الاخوه والاخوات الاعزاء من الزقازقيين
دوما وانا داخل الى مندى الحوار في سودانيس اونلاين
ارى في طريقي منتداكم فيخفق قلبي ويعود عقلي الى
ذكريات بها مع طلابها وروابطهم
(تأكلني) يدي فاخاف من الانغماس في هذا البحر الجميل
واخيرا وعلى يد كمال الشادي صديقي الجميل
تشجعت فقرات بعض البوستات فوجدت النقاء والمحبة الصافية
بينكم فلم اندهش فهذا قد كان ديدنكم
محبتي واحتراماتي لكم جميعا
Post: #1740
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-23-2009, 07:39 PM
Parent: #1738

Quote: لما قريت كلام الاعلاميةنادية عثمان زعلت من كل قلبي
حسيت كلامها طالع من واحدة واقع عليها ظلم قدر الجبل وهي ما عارفا تزيحو كيف
حسيت بي زولة بستنجد بي ناس بتعرفهم وبي ناس ما بتعرفهم
حسيت انو واجبي اقول ليها كلمتين ، حسيت أني عايز بس اقول ليها معليش واربت على كتفها بس
فكتبت ليها


يا شادي يا عملاق أسمح لي أكتب بي طريقتك المميزة في الكتابة عن الموضوع ده...

انت لما رديت يا شادي على الاستاذة نادية كان بدافع من شهامتك و رجولتك و تربيتك و انسانيتك...

و لو قعدت أعدد ما حأقيف لي بكره...

لكنك و دون أن تضع في حسبانك مثلت كيان بأكمله خير تمثيل...

رجولتك و شهامتك و انسانيتك أصبحت صفة تميز كيان ناس الزقازيق..

أصبحت سفير فوق العادة لنا..ليس عند الأستاذة نادية و حسب..بل لدي كل

من يبحث عن الصفاء و النقاء في هذا الزمن..اف يا دنيا أف..

يا شادي ألا يحق لي أن أفخر بأنني أنتمي الى كيان هذا صفاته و مميزاته..

أولا يحق لي بأن أفخر بكيان أنت أحد ممثلية...

لله درك يا شادي ولا شلت يمينك التي كتبت بها الى الأستاذه نادية...

أرشحك سفيرا فوق العادة للنوايا الحسنة..
Post: #1741
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-23-2009, 08:10 PM
Parent: #1740

مفاجأة من العيار الثقيل يا شادي...

ما قلت ليك انت سفير فوق العادة...

أستاذ الجيل و كل الأجيال الأستاذ يوسف الموصلي شخصيا...

انت عارف يا أستاذ أنا تربطني بيك علاقات كتيرة...

أولها انني معجب بك حتى الثمالة...و بأغنياتك الجميلة...

على قدر الشوق
الهجروك علي
المشاعل
اسـألي الشوق
بريدك يا حبيبي
بين سجن وبيت أشباح
بعدك
إنت لي
حبايبنا
حقيقة
حنين
ختمت بيك
لصزص العصر
مطر
نار هواي
رسالة لامي


و الأغنيات التي لحنتها للآخرين...

ليل الشجن للبلابل، ارحل لوردي، سوف يأتي لمحمد الامين، الحزن النبيل والبت الحديقه لمصطفي سيد أحمد، وألم الفراق لابراهيم عوض، مانسيناك احمد الجابري، واحشني لابو عركي البخيت، حنين ياليل لزيدان ابراهيم، كل النجوم هاديه طلسم، المشاوير علي السقيد، كلمه لصلاح ابن الباديه.


تانيا..برسل ليك رسالة طويلة يا أمي..بكتني كتير...و ما زالت تبكيني..

بكت غيرنا فمسحنا دموعهم...

ساهمت بعلم أو بغير علم في صنع جلساتنا الجميلة...

رغم غيابك الطويل عن الوطن الا أنك ما زلت تحتل مكانة مميزة في و جداننا ووجدان كل الشعب السوداني..

سمعت عنك كثيرا من صديقي الدكتور الرقيق عزالدين هلالي والزول السمح حمزة سليمان..

جمعتنا غربة واحدة هنا في الامارات و كان من حسن حظي أن جمعني الله بهم..

و القائمة تطول و تطول...و لربما ينطبق هذا على غيري من أبناء الزقازيق...

لو أخبرنا الشادي بقدومك لوجدتنا نقف على أعتاب المدينة نردد مواويل شوق مرحبين بمقدمك السعيد

و لفرشنا لك قلوبنا مختلطة بورود محبتنا لك...

مرحب بالأستاذ الكبير يوسف الموصلي...
Post: #1742
Title: Re: ناس الزقازيق ... أجدع ناس ( 3 )
Author: محمد عيد
Date: 12-23-2009, 09:17 PM
Parent: #1741

untitled13.bmp Hosting at Sudaneseonline.com



هل نطوف على كل الحدائق الغنـــّاء فى كافة اركان الارض
نقطف كل الازهار والورود اليانعة ...
ونفرش بها مداخل بيتنا الكبير ..؟؟
ام نطـّرز أحواشنا بألوان الفرح والهناء .. والجمال ...
وأعيننا تصــرخ بأغانى الفرح ..؟
وزغاريد حرائرنا تملأ الارجاء .. بزيارة هذا الجمال ...؟
تحدثنا كثيرا عن الألق المنداح فى هذا البوست .. والذى يغمر كل سكانه وزائريه ...
ولكن هذا الحضور الباهى لاستاذنا الموصلى أحال حوشنا الى .. اعظم الاماكن ألقا" .. وفرحا" .. ومرحا" ...
حللت أهلا ايها الموصلى الجميل ...

كثيرون كانو ينتظرون هذه الأيام زيارة سانت كلوز او بابا نويل ... ربما كنا سنحسدهم
لكن من افرحنا بزيارته .. قطعا أحال الحســـد الى اماكن أخرى ..!!
أفرحت قلوبنا يا من تحمل اسما " ينتسب الى اجمل آليات تغذية الروح فى بدايات تكون نهضة الموسيقى
شكرا" شادينا الجميل على هذا الاهداء ...
وجودك معنا يجلب لنا كل يوم مزيدا من الفرح ...!!
Post: #1786
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:54 AM
Parent: #1742

العزيز محمد عيد
جعل الله ايامك اعيادا علي الدوام وبعد
انا معكم الاخ الكبير ومعكم الفنان ومعكم زميل البورد
واخيرا معكم شريك في عشق الزقازيق وسودانييها
دوما عندما كانت الدعوة تاتيني من الزقازيق
كنت اعتبر تلك الدعوة هي تذكرة سفري للترويح عن النفس
هي الزهرة التي تمتص همومي وتعيدها الي شخصي
رحيقا
انا فخور بانني متشرف بوجودي هنا
Post: #1743
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-23-2009, 09:42 PM
Parent: #1741

Quote: على قدر الشوق
الهجروك علي
المشاعل
اسـألي الشوق
بريدك يا حبيبي
بين سجن وبيت أشباح
بعدك
إنت لي
حبايبنا
حقيقة
حنين
ختمت بيك
لصزص العصر
مطر
نار هواي
رسالة لامي


و الأغنيات التي لحنتها للآخرين...

ليل الشجن للبلابل، ارحل لوردي، سوف يأتي لمحمد الامين، الحزن النبيل والبت الحديقه لمصطفي سيد أحمد،
وألم الفراق لابراهيم عوض، مانسيناك احمد الجابري، واحشني لابو عركي البخيت، حنين ياليل لزيدان ابراهيم،
كل النجوم هاديه طلسم، المشاوير علي السقيد، كلمه لصلاح ابن الباديه.


تانيا..برسل ليك رسالة طويلة يا أمي..بكتني كتير...و ما زالت تبكيني..


أخي الرشيد الأستاذ الموصلي علم من أعلام السودان

ونقطة تحول في تاريخ الغناء والموسيقى السودانية ، ولكن أذكر الموصلي

الإنسان الرقيق الراقي وعندما كنا بالزقازيق وتحديداً عامي 83 و84 تقريباً وكنت حينها

سكرتير ثقافي لأسرة كلية وأذكر زميلنا محمد العصامي - معهد تجاري - والذي تربطه معرفة جيده وعلاقة مميزه

مع الأستاذ الموصلي حضر إلينا الأستاذ الموصلي من القاهرة والتي كان يقيم بها وعلى الرغم من أن الحمي كانت تفترس جسده

شدى وغني وأطرب وأفرح وأبكى الكل ورجعنا فرحين ورجع الموصلي إلى شقتنا ولم ترحمه الحمى حتى الصباح وغادرنا صباحاً إلى محطة

الأتوبيس وكنت مع العصامي وزاهر الصادق في وداعه ولم يتناول سوى بعض الأدوية من الصيدلية ،،، ولم يتردد الأستاذ الموصلي ولم يخذلنا

كلما دعيناه عن طريق الفنان كمال الشادي أو محمد العصامي في الحضور إلينا بالزقازيق وصار الأستاذ الموصلي فرد من ناس الزقازيق

وصديق لكل الزقازيقاب .

الأستاذ يوسف الموصلي رجل من ذلك الزمن الجميل ،،، شكراً يا شادي لتقديمك هذه الهدية القيمة .
Post: #1744
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:19 PM
Parent: #1743

مرة زرت يوسف الموصلى في شقتو في الدور العاشر عمارة النصر ميدان الجيزة
وانا جاييهو من الزقازيق مخصوص عشان استفيد اي حاجة منو
قام اداني شريط كاسيت قال لي اسمع الموسيقى دي واستمتع
قلت ليهو ده منو
قال لي ده صديق عزيز اسمو ابراهيم محمد الحسن
والشريط ده البوم راح ينزل السوق قريب باسم المهيرة


وكان البوم المهيرة اول عمل فني راقي متفرد ومنفرد لالة الاروج
وكان ابراهيم محمد الحسن الذي اسس مع نخبة من اروع الموسيقيين فيمام بعد
فرقة ( الوفيز ) عزفو ايامها اجمل الحان
بوب مارلي و البي جيز
واجمل الالحان السودانية
شكرا يوسف فقد علمتني الكثير
Post: #1745
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:25 PM
Parent: #1744

اذكر واحدة من اجمل حفلات العمر
ما غنيت في حفلة اجمل منها في حياتي يشهد الله
المعنويات كانت في السما
المكان كان من اجمل ما يكون
العازفين كانو من اروع ما يكون

المكان مدرج كلية الهندسة جامعة المنصورة
المناسبة فوز التجمع الوطني على الكيزان لاول مرة في تاريخ الحركة الطلابية ( ايامنا )
وبداية سقوط الكيزان في كل اتحادات مصر

الفنانين
يوسف الموصلي
منليك
كمال الشادي

ايامها
كان لي شرف الوقوف مع هذين العملاقين
في هذه المدينة الجاسرة
في هذه المناسبة العظيمة

وغنيت شعار الزقازيق في ذلك الوقت
وكل وقت انشاء الله
يا ضنين الوعد
اهديتك حبي من فؤاد
يبعث الحب نديا

يوسف الموصلى
انت صديق احبه
احب اغانية
احفظ عن ظهر قلب كل نصائحه لي
احفظ عن ظهر قلب كل لقائاته الصحفية من قبل ان القاك اول مرة في مركز شباب السجانة ومركز شباب جنوب بالخرطوم
الى لقائاتنا في مصر
لك الحب
لك
ولابنك محمود
ولبنتك هديل
ولزوجتك ام هديل
Post: #1746
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:34 PM
Parent: #1745

يوسف اذكر مرة عملت كورال في الزقازيق
واحدة من اغانيك
لي ناس كليتنا

اشوفك طالعة من الشوف
على حدقات عروق ابروف
ومن امدر

والباقي ما متذكرو
اعرف انها كلمات الصديق العزيز
عبد القادر الكتيابي
وانا ناوي برضو اجيبو بي هنالي ناس الزقازيق
كانت لي معه ايام جميلة في مصر


عليك الله يوسف احكي لينا شوية عن الغنية دي
كلماتها ومعانيها وموسيقاها
Post: #1748
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:45 PM
Parent: #1746

اغنية سفر العيون
كانت مشروع تخرج يوسف الموصلى من معهد الموسيقى والمسرح

عليك الله يوسف احكي لينا عنها شوية
Post: #1819
Title: Re: ناس الزقازيق ... أجدع ناس ( 3 )
Author: Elmosley
Date: 12-26-2009, 05:01 AM
Parent: #1746

ياكيمو الاغنيه
كانت بتدعو للثورة في زمن نميري
=====
اشوفك طالعه من الشوف
علي طبقات عروق الجوف
وبيت المال
ومن ابو روف
وشارع النيل
ونازله عديل
علي الغيم الحجب عينك
متل ماقبيل
سهم درويشك الفقران
نزل لا ساهي
لا غبيان
علي تمرة قلب غردون
يصفي البينو مابينك
واشوف قرشك
يسير في السوق
واشوف قطنك
ملايه علي البحر والبر
كفن لي من كتف خيلك
سرق خيرك
ولا خلا الصغير يكبر
ولا خلا القليل يكتر
ولا يابس ولا اخضر
===============
وكنت قد لحنتها في القاهرة في يوم تنفيذ
حكم الاعدام بالاستاذ محمود محمد طه
واذكر وقتها ان اتصل بي الاستاذ وردي
ليخبرني بانه توا لحن اغنية من كلمات الشاعر الكبير
محجوب شريف
ياشعبا تسامي ياذاك الهمام
تشق الدنيا ياما
وتطلع من زحاما زي بدر التمام
==
فقلت له ياللمصادفه انا ايضا انتهيت توا من اغنية دعوة
للثورة
وكنت علي وشك الاتصال بك
الا انك قد سبقتني
Post: #1803
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 06:42 PM
Parent: #1745

Quote: يوسف الموصلى
انت صديق احبه
احب اغانية
احفظ عن ظهر قلب كل نصائحه لي
احفظ عن ظهر قلب كل لقائاته الصحفية من قبل ان القاك اول مرة في مركز شباب السجانة ومركز شباب جنوب بالخرطوم
الى لقائاتنا في مصر
لك الحب
لك
ولابنك محمود
ولبنتك هديل
ولزوجتك ام هديل


ومنو المابحبك ياكيمو
انت رجل صباح خير ومسا نور
ذكرتني صديقي الودود منليك
الذي رحل ياسلاام عليهو
احييي ذكري ذلك الفنان الذي عشق السودان عشقا
لا ينافسه فيه الا
الراحل المقيم احمد ربشه
Post: #1747
Title: Re: ناس الزقازيق ... أجدع ناس ( 3 )
Author: معتصم جعفر
Date: 12-23-2009, 10:40 PM
Parent: #1744

يا الله من روعة لمة اجدع ناس الليله بدار الشرطه
لقاء اجيال ...فى تالف تام....كانهم افترقوا بالامس
يا لروعة ما كان....وما ابهج الحضور.........
انتظروا الصور من الزناتى و محمد حسن.
Post: #1749
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-23-2009, 10:45 PM
Parent: #1747

Quote: يا الله من روعة لمة اجدع ناس الليله بدار الشرطه
لقاء اجيال ...فى تالف تام....كانهم افترقوا بالامس
يا لروعة ما كان....وما ابهج الحضور.........
انتظروا الصور من الزناتى و محمد حسن.


لقد كنت معكم يا ريس...أكلت السلات و حتى الباسطة الرهيبة التي أتى بها زهير بعد ا، شبعنا بالسلات...
تحدثت مع حاتم جبارة و مع الكوتش...
لم أشعر بالبرد بعد السلات و الباسطة...

ان شاء ملمومين دائما في الخير يا ريس....
Post: #1750
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:48 PM
Parent: #1749

عليكم الله ناس السودان

روقو شوية
خلونا نشبع شوية من الموصلى
وبعدين طلعو عينا وطلعو زيتنا بي صوركم السمحة دي
انشاء الله لمتكم دائما لمة خير
يا اهل الخير

عليكم الله خلونا نركز شوية مع الضيف العزيز ده
وبعدين نفضى ليكم زهير
ممكن ؟
Post: #1751
Title: Re: ناس الزقازيق ... أجدع ناس ( 3 )
Author: كمال الشادي
Date: 12-23-2009, 10:54 PM
Parent: #1750

المقامات الموسيقية في الغناء السوداني
كان موضوع التخرج للفنان يوسف الموصلي
للحصول على درجة الماجستير في التأليف الموسيقى
من القاهرة
معلوماتي صح يا يوسف

ايام الاعداد للماجستير

مرة زرت يوسف في بيتو في ميدان الجيزة
ولاحظ انا جاي ليهو مخصوص من الزقازيق

والله قعدت قدامو في الصالة ثلاثة ساعات
وهو قاعد يسمع في كمية بتاعة اشركة لا تقل عن متين شريط

ما اتكلم معاي غير مرة او مرتين
اخدت بعضي ورجعت الزقازيق

قال لي وهو مشغل الشريط
سامع الراجل البغني ده

قلت ليهو يا يوسف حرام عليك ده صوت القطر ما في زول بغني

قال لي ده واحد هدندوي واقف في باب القطر المتجه إلى بورسودان وانا واقف وراهو بسجل غناهو
عشان بعدين اطلع المقامات الموسيقية من غناهو

لله درك يا يوسف
الله يخليك للسودان البحبك وبفخر بيك

عليك الله كلمنا شوية عن التجربة دي بتاعة جمع مادة الماجستير
Post: #1802
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 06:27 PM
Parent: #1744

كدي النخش علي كمال شويه ونرجع للاحباب تاني
Quote: قال لي ده صديق عزيز اسمو ابراهيم محمد الحسن
والشريط ده البوم راح ينزل السوق قريب باسم المهيرة


وكان البوم المهيرة اول عمل فني راقي متفرد ومنفرد لالة الاروج
وكان ابراهيم محمد الحسن الذي اسس مع نخبة من اروع الموسيقيين فيمام بعد
فرقة ( الوفيز ) عزفو ايامها اجمل الحان
بوب مارلي و البي جيز
واجمل الالحان السودانية
شكرا يوسف فقد علمتني الكثير


كمال الجميل
بالمناسبة ابراهيم من السباقين في عزف الاورغ هو والراحل بدر الدين عجاج
عليه الرحمة والمغفرة
ولكن ابراهيم محمد الحسن يغتبر الاول في تجريب نظام (الميدي) في الاورغ
والتراكات المتعددة للتسجيل للموسيقي والغنا
تحياتي
Post: #1789
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 12:39 PM
Parent: #1743

الحبيب ميسره ،
يسر الله امورك دنيا واخره
ذكرياتكم جميله وبديعه وهي اضافة
كبيرة لكتاب حياتي وهكذا التواصل في الانترنت مفيد
اذكر من ضمن الكتب الثلاثة بعنوان اهل المغني
عن ثلاثتنا
وردي
مضطفي
وشخصي كانت بداية لتآريخ حديث للموسيقي السودانية
وكان كتابي فيه معلومات لاباس بها
\ولكن بعد دخولي عالم اللنت اصبح كتابي قزما نسبة للتداعي الكبير في الانترنت
فقد وجدت من الدين صادقوني في الصغر والصبا والكبر
الذين انعشو ذاكرتي التي اسماها الراحل المقيم مصطفي
(ذاكرة الدجاجة) ليس تهكما ولكن حرصا وتعجبا
وعندما سالته مالها الدجاجة،
اجابني وقال ان الدجاجة دوما تاتي لتآكل قاذورات الارض وعندما تنهرها (كر)
\فانها تجري وسرعان ما تنسي وتآتي لتلتهم مانوت التهامه سابقا
فضحكت وقلت له ليهم حق ناس فرقتك سموك طه حسين عامل نضارتك الكبيره دي
وضحكنا وسرنا الي طريقنا
شكرا يا ميسرة علي اضافتك الكبيرة لسيرتي
كل الحب
Post: #1784
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:38 AM
Parent: #1741

الحبيب الراشد الرشيد
لك محبتي وانن لجد فخور بان شخص مثلك يعرف كل هذه الاعمال
ويتذوقها علي تنوعها

Quote:
ليل الشجن للبلابل، ارحل لوردي، سوف يأتي لمحمد الامين، الحزن النبيل والبت الحديقه لمصطفي سيد أحمد، وألم الفراق لابراهيم عوض، مانسيناك احمد الجابري، واحشني لابو عركي البخيت، حنين ياليل لزيدان ابراهيم، كل النجوم هاديه طلسم، المشاوير علي السقيد، كلمه لصلاح ابن الباديه.


بعد محبتي ان الاعمال المذكورة انا لست بملحنها ولكنني الموزع الموسيقي لها والتوزيع الموسيقي الجد الجاد
اصعب كثيرا كثيرا من التلحين لانه يعتمد علي العلم واعمال العقل لدرجة الرياضيات
فالهارموني الموسيقي علم رياضي بحت يختضع للتوافق والتنافر ومن منظريه
فيثاغورث ضاحب نظرية
مربعات الوتر في المثلث القائم الزاويه تساوي مربعات الضلعين الاخرين
ووووووبس انا نسيت المهندسين هنا كتار
انا فخور ايضا بانني موزع سوف ياتي للاستاذ محمد الامين والساقيه للاستاذ حمد الريح وغيرهن من الاغنيات
كل المودة
Post: #1785
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:44 AM
Parent: #1741

الحبيب الراشد الرشيد
لك محبتي وانن لجد فخور بان شخص مثلك يعرف كل هذه الاعمال
ويتذوقها علي تنوعها

Quote:
ليل الشجن للبلابل، ارحل لوردي، سوف يأتي لمحمد الامين، الحزن النبيل والبت الحديقه لمصطفي سيد أحمد، وألم الفراق لابراهيم عوض، مانسيناك احمد الجابري، واحشني لابو عركي البخيت، حنين ياليل لزيدان ابراهيم، كل النجوم هاديه طلسم، المشاوير علي السقيد، كلمه لصلاح ابن الباديه.


بعد محبتي ان الاعمال المذكورة انا لست بملحنها ولكنني الموزع الموسيقي لها والتوزيع الموسيقي الجد الجاد
اصعب كثيرا كثيرا من التلحين لانه يعتمد علي العلم واعمال العقل لدرجة الرياضيات
فالهارموني الموسيقي علم رياضي بحت يختضع للتوافق والتنافر ومن منظريه
فيثاغورث ضاحب نظرية
مربعات الوتر في المثلث القائم الزاويه تساوي مربعات الضلعين الاخرين
ووووووبس انا نسيت المهندسين هنا كتار
انا فخور ايضا بانني موزع وامطرت لؤلؤا للاستاذ الكابلي والساقيه للاستاذ حمد الريح وغيرهن من الاغنيات
كل المودة
Post: #1752
Title: Re: ناس الزقازيق ... أجدع ناس ( 3 )
Author: Elsuhaili Magzoub
Date: 12-24-2009, 01:33 AM
Parent: #1722

Rasjeed, Zuhair


Thanks

Rasheed,

Any of the Topics I stated earlier and I will write the outline and exe summary about the topics ,

Best Regards
Post: #1753
Title: Re: ناس الزقازيق ... أجدع ناس ( 3 )
Author: ياسر نجيلة
Date: 12-24-2009, 08:56 AM
Parent: #1752

اليوم الخميس الموافق 24/12/2009م


637.JPG Hosting at Sudaneseonline.com

ونخصها ايضا لحبيبنا الفنان القامة .... الموصلي ...


حكمة اليوم :
قيل لأحدهم: "أن إبنك عشق". ...
أجاب: أي بأس به ؟ أنه إذا عشق ... نظف ... وظرف ... ولطف.

بيتين شعر لليوم:
شئ من نفس الموصلي ... عبيرها باق ... رغم تعاقب الازمان والاجيال ...

بكتب ليك رسالة طويلة يا أمي
واقالدك فيها ........يا أمي
واضمك ساعة في حضني ..يا أمي

****
وحاتك لا بخط عنوان
وما بكتب اسم انسان
وما برمي الجواب في بريد
وما بديه لزولاً كمان في الايد
كفاية اقيف وانقش في جناح الريح
كلامي الدايرو يوصل ليك
اخليك الريح تتر في المسافة عروس
تحيل كل الصحارى بروش
مضفرة بي سعف بلدي
مرسله ليك يا أمي


نكتة اليوم:
رسالة ام مسطولة الى ولدها:

ابني العزيز

أنا بخير هنا انشا الله انت تكون كويس هناك ... بكتب ليك الرساله دى براحه لأني عارفه انك ما بتقرا سريع
...
:
أبوك قرأ في الجريدة أن أكثر الحوادث العرضية تقع على بعد 20 ميل من بيتنا عشان كدا رحلنا لبيت جديد ابعد من بيتنا القديم 20 ميل ما بقدر ارسل ليك عنوان البيت الجديد عشان الزول الاشترينا منه البيت شال عنوانه معاهو ما داير يغيرو ونحنا في الأسبوع الجاي حنجيب عنوان بيتنا القديم عشان كدا عنوانا ما حيتغير . . . .


الجو هنا كويس المطره صبت مرتين فى الأسبوع الفات
المرة الأولى استمرت تلاته ايام ... والمرة التانية استمرت أربعه ايام . . .

عمتك قالت ليك ما حتقدر ترسل ليك الجاكيت القلته عايزو بالبريد لانو تقيل عشان زرايرو حديد ... عشان كدا قطعت الزراير وختتا فى جيب الجاكيت ...

أبوك أشتغل شغله جديدة وشغالين تحته 500 عامل بحصدوا الحشيش القايم جنب المقابر...

أختك ولدت الليله الصباح بس ماعارفه جابت شنو و لد ولا بت ... عشان كدا ما عارفه حتبقى خال ولا خاله...

عمك خالد وقع في البير وكان فى رجال حاولوا يطلعوا لكن قاومهم بكل شجاعة وغرق .... بعد داك حرقناهو ... النار مولعه فيهو ثلاثه أيام وما نشف لأنه مرطب ...

أبو اعز اصحابك وهو بيموت طلب من صحبك عمر انو يدفنه فى نص البحر .... ومشى عشان يحفر القبر لى ابو ... قام غرق ومات ...

بتتذكر يوم كنا بنسطل سوا وقلت لي أمي أنا بحبك؟؟؟؟
وقلت ليك وقتها خلي علاقتنا صداقة بس ..... كانت أيام حلوة
....
خلاص مافى شى جديد دا كل العندى
...
أمك. ملاحظة: أنا كنت دايره ارسل ليك القروش بس ما اتذكرت إلا بعد ما قفلت الظرف

كاراكاتير اليوم:

799.jpg Hosting at Sudaneseonline.com


لفحي اليوم:
ترحيب خاص وحار بالفنان المتجدد دوما ... الموصلي ...
وشكر خاص لودنا المتميز والفنان .... كمال الشادي ... ياشادي الجديد دايما من طرفك ...

وترحيب ايضا ... بالذين انضمو الينا حديثا بالبوست ... ولم يظهر منهم حتي الآن الا المبدع ... جمال فارح ...

ياشباب ... العاوز يقوي الذاكرة ... عليهو بكركم ... محمد عيد ...
والعاوز يجدد نشاطو ... ويخلي الدبرسة ... عليهو ايضا بسمك القرش من محمد عيد ...

والعاوز ... التطوير ووتنمية المهارات .... عليه متابعة كتابات رشيد القوم والسهيلي مجذوب ...

يابا النجيله عطشانه والحنه فروعه ضبلانين
يمه حليل نظام البيت خلاص ما عاد يسر العين
يابا انا ببكي ليل ونهار بكا وجعاً معاهو أنين
إتقطع حشاي وأنوح زي نقاره صوته تخين
ولدنا الرائع طارق جبريل ... الظاهر سمك محمد عيد ودعاء موسي عيسي رجع "الشلوخ اللى ورا" ...
اريتو شليخك مايقف ياطارق ...


خارج النص اليوم:
الدكتور ولدنا الخلوق الانيق الوجيه خالد محي الدين الطيب .... خريج طب الزقازيق 1984-1999م متواجد حاليا بالقصيم – السعودية ...
لما يصلك صوته الهادي عبر الهاتف بعد طول غياب من ايام الدراسة التي تعرفون كم هي من السنوات ... ويعيدك لتلك الايام والذكريات التي تحسب انك نسيتها ... وبمجرد اتصال ... واو ذكر شخص من تلك الفترة ... "تجتر" كل الفلم امامك ...
تشكر ياولدنا على الهاتف الدسم ... وونسة الذكريات الحلوة ...

سؤال اليوم :
الدبرسة بقت عامة وشاملة .... عاوزين الجديد ... والتجديد ...
واكيد اندياح الموصلي ... وصور لمة نادي الضباط ... يكون مفعولها زي سمك القرش ...

[email protected]
Post: #1754
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-24-2009, 09:27 AM
Parent: #1753

سلام يا شباب وتحيات تقصر دون قاماتكم جميعا
الجو اليوم بارد فى الرياض , اكثر برودة مما توقعت
ولكنه يوم الخميس
حتى ولو كان باردا , فان فيه من الأحاسيس ما يضفى عليك دفئا وراحة
يوم الخميس اذن
وطلة عظيمة من قامة موسيقية سودانية نعتز بيها جميعا
يوسف الموصلى
ولدنا من الصحافة اولا
ثم صديقنا ايام الزقازيق
ثم سفيرنا المتوج الى عوالم الفن والجمال
شكرا يا كمال يا شادى
تتذكر اول يوم مشيت فيهو انت لى مركز شباب السجانة
فى ايام الصبا الباكر
وقد بدأ تظهر عليك اول علامات الموسيقى وحبها
كنت انا رفيقك فى المشوار
وفى تلك الغرفة الصغيرة الخلفية من المركز
كانت لجنة اجازة الأصوات الجديدة منعقدة , برئاسة الموصلى يوسف
بتتذكر انت غنيت شنو لللجنة ديك ؟؟؟
يالها من ايام , ويا لجمال الذكريات
مرحب بالموصلى فى عوالم الزقازيق الأسفيرية



Post: #1755
Title: Re: ناس الزقازيق ... أجدع ناس ( 3 )
Author: طارق جبريل
Date: 12-24-2009, 09:39 AM
Parent: #1754

سلام يا ناس

يا الله ياخي الموصلي كله في حوشنا
والله دة شرف كبير خلاص

دايما يا شدي متجلي وبتجيب الحاجات الفلتات
الله يعدلها عليك شقيش تقبل
Post: #1756
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:01 AM
Parent: #1755

يا منصور
يا منصور يا منصور يا منصور في التعقيب عن مداخلتي مع نادية عثمان جبت سيرتك لازم تقرأ كتبت شنو عنك لازم لازم راجع فوق عليك الله يا منصور

المشوار الذكرتو بتاع مركز شباب السجانة بتذكور كويس خالص ايامها نحن في مدرسة الخرطوم القديمة الثانوية صح
اللجنة الكانت منعقدة لاجازة الاصوات الجديدة في مركز شباب السجانة كانت من معهد الموسيقى والمسرح
كان فيها الموصلى وعمك عبد الحفيظ الساكن جنبكم في 29 وآخر اخبارو عندي انو استاذ للموسيقى
في الامارات
بتذكر الغنية كويس جدا وهي اغنية للطيب عبد الله وكانت الابيض ضميرك صح ؟
راجع فوق موضوع نادية عثمان
Post: #1758
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:10 AM
Parent: #1756

العزيز زهير الزناتي
مالك منطنشني

انا عملت لي رفعتين محترمات نتج عنهم قونين محترمين ( رغم اني ما فهم في الكورة ) يا منصور ساعدني شوية
عملت مداخلة محترمة في موضوع نادية عثمان والثانية جبت لي ضيف غالي ومحترم
لا يزال موجود في الحوش وأنت مطنش في شنو

بقيت فسل والله شنو
فسل دي اسأل منها طارق جبريل الرجل الذي يصر على تشليخ البوست لا ورا
واسأل منها الرشيد الرجل الذي حمل الطبشور وشلخ البورد لا ورا نصرة لصديقه جبريل

عبرنا يا عم
Post: #1757
Title: Re: ناس الزقازيق ... أجدع ناس ( 3 )
Author: عبد السميع دفع الله
Date: 12-24-2009, 11:08 AM
Parent: #1755

ترحيب بلا حدود بالشاعر والملحن والفنان

المـــــــــــوصـلى


ليلة البارحة (نادى الشرطة ) كانت ليلة من الزمن الجميل و كان تواصــــــل
يوماً ما اجيال مدهــش حتى انه قد أوحــــى الى مخيلة الرائع الشادى

بأقحام الجميل الموصــــــــلى الى عالمنـا ( فكم هى صدفـــة جميلة )

وقبل الارشفة الى تتقارب ساعتها اهدى هذه الكلمات ..

أربعين طريقة لجعل حياتك افضل :

1- خصص من وقتك 10 الى 30 دقيقه للمشــي
و أنت مبتسم

2- أجلس صامتاُ لــمدة 10 دقائـــق يـــومياُ

3- خصص لنومك 7 ساعات يوميا 4- عش حياتك بــثلاث أشياء :

(( الطاقة + الحماس + العاطفه )) 5- إلعب ألعاب مسلية يوميا

6- أقرأ كتب أكثر من التي قرأتها السنة الماضية

7- خصص وقتا للغذاء الروحي : (( صـــلاة ,, تسبيــح , , , , ))

8- أقض بعض الوقت مع أشخاص أعمارهم تجاوزت الـ 70 سبعين عام ,,

و آخرين أعمارهم أقل من 6 أعوام 9- أحلم أكثر خــلال يقضتك

10- أكــــثر من تناول الأغذيه الطبيعيه ,

, و قلل من الأغذية المعلبه

11- أشرب كميات كبيرهـ من الماء

12- حاول أن تجعل 3 أشخاص يبتسمون يوميا

13- لاتضيع وقتك الثمين في الثرثرهـ

14- أنسى المواضيع ,, ولا تذكر شريكة\شريك حياتك بأخطاء قد مضت لأنها سوف تسئ للحظات الحاليه


15- لاتجعل الأفكار السلبيه تسيـــطر عليك .. و وفر طاقتك للأمور الإيجابيه

16- أعلم بإن الحياة مدرســـه .. و أنت طالب فيــها .. والمشاكل عبارة عن مسائل رياضية يمكن حــلـــها

17- كل إفطارك كــالـملـك .. و غدائــك كـالأميـــــر .. و عشـــائك كـالفقيــــــر

18- أبتسم .. و أضحك أكــــثــــر 19- الحياة قصيرة جــــدا .. فـــلا تقضـــها في كـــــرهـ الأخــــريـــن

20- لا تأخذ (( جـمـيـع )) الأمور بجــديــه .. { كــن سـلـسـا و عـقـلانـيـا }

21- ليــس من الضروري الفوز بجميع المناقسات والمجادلات .. (( حاول أن توافق على الخطــأ ))

22- أنسى الماضي بسلبياته ,, حتى لا يفسد مـــســـتــقــبــلك

23 . لاتقارن حيــاتك بغـــيرك .. ولا شريكة\شريك حياتك بالأخريــــن ..

24- الوحيـــــد المســـؤول عن سعـــادتك (( هو أنــــــت !! ))

25- سامح الجميع بدون استثناء 26- ما يعتقدهـ الأخرين عنـــك .. لا عــــلاقة لك بـــه

27- أحــســن الــظــن بالله . 28- مهما كانت الاحوال .. (( جيــدهـ أو سـيـئـه )) ثق بأنها ستتغـــــير

29- عملك لن يعتني بك في وقت مرضك .. بل أصدقائــك .. لذلك أعتـــنــي بــهــم

30- تخلص من جميع الأشياء التي ليس لها متعة أو منفعة أو جمـــال

31- الحســد هو مضيعة للوقت (( أنت تملك جميــــع احتياجاتك ))

32- الأفـــضــــل قادم لا محالــــه

33- مهما كان شعورك .. فلا تضعف .. بل أستيقظ .. و أنطلق

34- أعمل الشي الــصح دائماٌ

35- أتصل بوالديك .. وعائلتك دائـــماُ

36- كن متفائــــلاٌ .. وســـعـــيدا ..

37- أعطي كل يوم .. شيئا مميزاٌ وجيـــداٌ للأخريــــن .

. 38- أحــــــفـــــظ حــــــدودك ..

39- عندمـــا تستيــــقظ في الصبــــاح .. و أنت على قــيد الحياة .. فأحمد الله على ذلك
40.إنسى كل هذا .. فقط عيش يومك .. و أستفد من اخطائك .. فإن من لا يتعلم الدرس حتماً سوف يندم.
Post: #1759
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:27 AM
Parent: #1757

العزيز الغالي الرشيد بابكر
رشيد القوم وسيدهم وتاج راسهم كمان
يا أخي كلامك عني فوق في موضوع نادية عثمان اقسم بالله اضاف دمعة إلى اللائي انهمرن قبلا
اخوك بكاي مالك علي
Quote: انت لما رديت يا شادي على الاستاذة نادية كان بدافع من شهامتك و رجولتك و تربيتك و انسانيتك...

و لو قعدت أعدد ما حأقيف لي بكره...
لكنك و دون أن تضع في حسبانك مثلت كيان بأكمله خير تمثيل...
رجولتك و شهامتك و انسانيتك أصبحت صفة تميز كيان ناس الزقازيق..
أصبحت سفير فوق العادة لنا..ليس عند الأستاذة نادية و حسب..بل لدي كل


كلامك ده عني مافي اي كلمات اقدر اصوغها عشان اشكرك عليهو
يمكن لو وقف منصور بيميني وجمال فار ح بشمالي وصاغو من درر كلامهم الحلو
يقدور يشكروك بالنيابة عني
لكن انا مستحيل
كتر خيرك وشكرا ليك يا رائع
وسفير فوق العادة كمان والله طلعتني في حتة يا الرشيد انا مبقدر عليها

ترحيبك الحار بالموصلى عجبني وسر بالي
وهو راجع عشان يرد على الناس كلها

لكن بانت لي خطوط تقاطع جديدة معاك غير الموجود اصلا

Quote: سمعت عنك كثيرا من صديقي الدكتور الرقيق عزالدين هلالي والزول السمح حمزة سليمان..


عز الدين هلالي عرفتو شخصيا في مصر
مرة بواسطة الدكتور فايزة هلالي لما جانا عمل ندوة شعرية في الزقازيق وبات معاي الليلة ديك

ومرات كتيرة في بيت الكريم بن الكريم يوسف الموصلي في القاهرة - الجيزة - عمارة النصر

حادثتين لي مع عز الدين هلالي

الاولى كان يحدثني عن الفنان ابو العركي البخيت
ايامها كان في اغنية جميلة لعركي يغنيها الخاصة له
من كلمات عز الدين هلالي
وكان مناسبتها انو هلالي جاهو ولد وكتب فيهو قصيدة

تقول كلاماتها
يا بخت بلادنا وبختنا
الليلة ميلاد طفلنا
دوبنا عمرنا في جديد يحمل طهارة حبنا
فيهو اخلاصنا ووفانا وفيهو آمال شعبنا

عز الدين قال لي يا أخي الراجل ده ( عركي ) راجل مخلص جدا في مشاعرو
انا مديهو القصيدة من سنين وما قدر يلحنها
لحنا بس لمن جاهو ولد وعرف يعني شنو قيمة الولد


القصة الثانية يحكيها لي هلالي في شقة موصلى
وكان يتحدث عن حقوق الشعراء المهضومة في السودان
قال : بعد ليلة شعرية رائعة للفنان الشاعر عبد الرحمن الابنودي في الخرطوم
طلعنا من الليلة على اساس الابنودي راح يبيت معاي في البيت
برة مكان الليلة سألني الابنود وين عربيتك يا هلالي
قلت ليهو ما عندي عربية
قالي لي معقولة يا هلالي
انا بكتب قصيدة واحدة تغنيها وردة اعيش عليها سنة كاملة!!!

تحياتي لهلالي يا الرشيد
Post: #1760
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-24-2009, 11:31 AM
Parent: #1757

صباح الخير ،،، يا وجوه الخير،،،،

أصبحنا وأصبح الملك لله ،،،

نسمات الصباحيه هدية من شاعرنا الكبير

ياسر نجيلة بمناسبة الحالة الموصلية داخل البوست

بكتب ليك رسالة طويلة يا أمي
واقالدك فيها ........يا أمي
واضمك ساعة في حضني ..يا أمي

****
وحاتك لا بخط عنوان
وما بكتب اسم انسان
وما برمي الجواب في بريد
وما بديه لزولاً كمان في الايد
كفاية اقيف وانقش في جناح الريح
كلامي الدايرو يوصل ليك
اخليك الريح تتر في المسافة عروس
تحيل كل الصحارى بروش
مضفرة بي سعف بلدي
مرسله ليك يا أمي
Post: #1761
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-24-2009, 11:38 AM
Parent: #1757

هووووى منصور أأأأن شايقنجى
حجابن ترقى ميرى

ليهم زمن بقولو يشخلو البوست لورا

أأأأ ن ميناو رووووو

بالمناسبة يا الشادى الاخت نادية عثمان من آآآندينا


والاستاذ الموصلى ايضا" من آآآندينا وود مربعنا كمان
ومنتظرك يا استاذ بفارق الصبر
Post: #1762
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:49 AM
Parent: #1761

والله ياعبد الدائم
اجزم اني سنين ما ضحكت زي ده
كتر خيرك
والله يجازي شيطانك
إحتجاجك على تشليخ البورد لا ورا ضحكني

وقال ايه من آندينا
وبالرطانة كمان

قوية يا نضيف
Post: #1763
Title: Re: ناس الزقازيق ... أجدع ناس ( 3 )
Author: طارق جبريل
Date: 12-24-2009, 11:54 AM
Parent: #1762

ود الشادي النضيف دة خلو
انا باقي عارف نصايبو وين
دحين خلنا في فسالة ود الزناتي دة
اصلو الفسالي موصلها لي حدها
يشيل ويدوعل في الناس البيجوا الخرطوم
وياكلهم في السمك والسلات
انا وحاتك غير كباية جوافة ما سوالي الحبايي
Post: #1765
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-24-2009, 12:05 PM
Parent: #1762

احكى ليك حاية مربة فجركى يا الشادى
كنا ساكنين فى سنة تانية وتالتة انا وياسر نجيلة
واحمد السنى وعبدالرازق الدنقلاوى وجابو لينا واحد
مصعد من معهد تجارى بنها اسمو الفاتح محمد عبدالله
دنقلاوى لنج ، عبدالرازق طوالى جابو سكنو معاهو فى الغرفة
المهم بقو طالعين ونازلين مع بعض وخيانات شديدة بالرطانة
انا ما بتكلم لكن بقدر استنتج المعنى المقصود فى الرطانة

كتير جدا" بنجيب حاجات فى الميز بنلقاها ناقصة ولا غير موجودة
اها مرة انا وياسر قاعدين فى الصالة وعبدالرازق وصاحبو بحضرو
العشاء فى المطبخ سامعو بقول للفاتح بمعنى انو المربى ما تختها
فى العشاء دسها والصباح ( الفجر _ فجركى ) بالرطانة
نحشى منها قبل ما نطلع الجامعة
بعد ما نامو مشينا انا وياسر سرقنا المربى ودسيناها فى غرفتنا
هم صحو الصباح بفتشو فيها شنو كده ماعارفى فجركى ،،،،،،،،

احمد السنى بصوتو التخين داك فجركى يا دناقلة يا وهم ،، اهن دي تعالو
ضوقوها كان رجال ......
Post: #1764
Title: Re: ناس الزقازيق ... أجدع ناس ( 3 )
Author: محمد عيد
Date: 12-24-2009, 11:54 AM
Parent: #1761

وفى كل يوم يثبت لنا هذا النغم الجميل .. الموصلى

انه ما أتى الا رافعا رايات الجمال وناشرا للفرح ..


Quote: كشف الموسيقار السوداني الكبير يوسف الموصلي عن فراغه من وضع اللمسات الأخيرة لأغنية جديدة من كلمات الشاعر الكبير عبد القادر الكتيابي وستقوم بأداء الأغنية المطربة السورية المعروفه أصالة نصري وبحسب صحيفة فنـون كشف أيضاً عن نيته في تقديم عمل فني كبير بمشاركة مجموعة من المطربين والمطربات العرب.



هنيئا لبلادنا بك
Post: #1766
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 12:40 PM
Parent: #1764

يا زهير
الليييييييييييييييييييييييييييييييلة

Quote: ود الشادي النضيف دة خلو
انا باقي عارف نصايبو وين
دحين خلنا في فسالة ود الزناتي دة
اصلو الفسالي موصلها لي حدها
يشيل ويدوعل في الناس البيجوا الخرطوم
وياكلهم في السمك والسلات
انا وحاتك غير كباية جوافة ما سوالي الحبايي


انا ناقل للكفر
وناقل الكفر ليس بكافر
Post: #1767
Title: Re: ناس الزقازيق ... أجدع ناس ( 3 )
Author: طارق جبريل
Date: 12-24-2009, 12:45 PM
Parent: #1766

الشادي كيفنك ابوي
وحاتك ماني داسو
وان بقى الله سهلي في سفري
وحاتك بشيل حاله في نص الخرطوم
واوريهو الفسالي كيفنها
Post: #1768
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 12:46 PM
Parent: #1766

والله يا عبد الدائم
إنت رهيب
والله ضحكت لمن دخت
اقسم بالله العظيم

يا الله يا الله على الزقازيق وايامها

كانت زي المربا

والله ما كده يا عبد الدائم يا نضيف
Post: #1769
Title: Re: ناس الزقازيق ... أجدع ناس ( 3 )
Author: طارق جبريل
Date: 12-24-2009, 12:48 PM
Parent: #1768

بالله شوف الدناقلة البيدسوا في المربة ديل
ما لينا حق نشلخ البوست لااااااااورا

مع الاعتذار لمنصور
Post: #1770
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 12:53 PM
Parent: #1769

بداية حرب الدناقلة والشايقية في البوست
الدناقلة بقيادة عبد الدائم ومنصور تحت مسمي حزب المربا
والشايقية بقيادة جبريل ووالرشيد تحت مسمي شلخو البورد لا ورا

Quote: بالله شوف الدناقلة البيدسوا في المربة ديل
ما لينا حق نشلخ البوست لااااااااورا

مع الاعتذار لمنصور
Post: #1771
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 01:01 PM
Parent: #1770

يا رائع
يا جميل
يا مبدع
تغيييييييييييييييييب وتجي بالجديد
يا محمد عيد

Quote: وفى كل يوم يثبت لنا هذا النغم الجميل .. الموصلى

انه ما أتى الا رافعا رايات الجمال وناشرا للفرح ..


الخبر الذكرتو عن موصلي يفرح ويشرح الصدر ويخلي الواحد يفخر إنو بيجمعو مع الموصلى وطن واح


معلومة صغيرة :
اغنية طفل العالم الثالث إتسجلت في القاهرة
الاوركسترا - امهر العازفين المصريين الذين اعترفوا بعد التسجيل ( حسب كلام موصلى لي ) أنو لينا زمن ما عزفنا موسيقى رائعة زي دي
البنت التي كانت تغني انا طفل الاعانات انا جيل المعاناة واحدة مصرية

اخيرا قبل نزول الالبوم للسوق
اتعملت ليهو لجان استماع كانت قاسية جدا في الاستماع والتقييم في شقة موصلى في القاهرة وذلك
لسماع الشريط مرات ومرات وتقييمه قبل نزوله للسوق
شكرا محمد عيد
Post: #1772
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 01:04 PM
Parent: #1771

يا شباب

ما تنسو

معانا في الحوش

ضيف عزيز

واخ كريم

الفنان يوسف الموصلى

نرحب بيهو زيادة

ونسألو لو كان عندنا اسئلة

شدو حيلكم
Post: #1773
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-24-2009, 04:50 PM
Parent: #1772

Quote: احمد السنى بصوتو التخين داك فجركى يا دناقلة يا وهم ،، اهن دي تعالو
ضوقوها كان رجال ......


رجع عبدالدائم النحلة لطريقته القديمة

المحبب للكل وعاد يلدغ زي النحل زيدنا يا ديدو

من إسلوب الوخز بالإبر السهل الممتنع.
Post: #1774
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 05:49 PM
Parent: #1773

عبد الدائم اللذيذ
يا اخي ما عدمناك
وعليك الله تطول الغيبة ابدا

الظاهر عليك بعد لحسة المربا اياها الضهرية جبيل طولي مشتين نمتا

انا فكيتا ليك ضحكة ومسكتني هستيريا الضحك
داير افكها في زول ما لقيت
اتصلت عليك الضهر مرتين لقتيك قافل الجوال
اتصلت على منصور ماردا علي
اتصلت على ميسررة ما رد على
قمت اتصلت خارج الحدود عشان افك الضحكة مع اي زول
اتصلت على رشيد القوم
لقيتو يا دوب واصل لاولادو
وهاك ياضحك

قلت ليهو عبد الدائم الليلة بالغ
بع المغرب اتصل علي ميسرة
فكيت الباقي فيهو

قمت كلمت منصور كان يادوب صاحي من النوم
قلت ليهو حصل عبد الدائم
ولع الحرب بين الشوايقا والدناقلة

حصل صاحبك
على فكرة يا عبد الدائم منصور قالي انك قريب عامر سنجراب ود حلتنا ورفيق الطفولة يعني من ناوا
وانا اقووووووووووووووول
Post: #1775
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-24-2009, 05:58 PM
Parent: #1773

يا شادي يديك العافية...و أنا لم أقل الا الحقيقة..

أشكرك على تلفونك عصر اليوم والذي يشبه كل مواقفك...دائما صادقة و تلقائية...و من القلب و الى القلب...
وديدو شلخ البوست 11 ولا هي شلوخم كيف...أسأله قول ليهو حبوبتك كانت بتلوليك كيف و بتقول ليك شنو لما كنت صغير...


Quote: والشايقية بقيادة جبريل ووالرشيد تحت مسمي شلخو البورد لا ورا


ناس طارق ديل ولاد عمومتنا و تجمعنا منطقة واحد و لهجة واحدة و شعر و غناء واحد و نتشرف بيهم كتير...عل أنا بديري دهمشي...زي الراحل الطيب صالح و شيخ الشعراء الراحل الشيخ عبد الله الشيخ البشير...و محل ما تلقى البشير دي أعرفه بديري...بس ما تمشي تنكت شديد...
Post: #1776
Title: Re: ناس الزقازيق ... أجدع ناس ( 3 )
Author: جلال عثمان
Date: 12-24-2009, 06:38 PM
Parent: #1775

قبل ان نستل سيفنا لخوض غمار حرب القبائل دفاعاً عن "جهويتنا" كيتاً في زهير ...لابد ...
Quote: الاخوه والاخوات الاعزاء من الزقازقيين

من الترحيب بالزول القامة الفنان الموصلي
والذي ربطتتنا به صلة القربى والمودة من خلال صلته "بأخي" سامي عبدالوهاب
وطبعاً قريب أخوك قريبك ما في ذلك شك ..... "نظام لصيق عديل كدة"
وحينها جليت دواخلنا وسمت ارواحنا بكل ماغنى الموصلي وسمونا وسمونا وما ارتوينا
شكرا كمال الشادي الزول الفنان جالب الفرح و....و... كل الحاجات السمحة

ثم ثانيا ترحيب حار من زول مشتاق ليكم كوووولكم وفرحان بتلك النفوس الصافية والارواح النقية
وجداً تفرح النفوس أن تلتقي بعد كل هذا العنت والعناء وننعم من جديد بطلات بهية
مرحبا بكور - فارح - مشاعر - مجتبى - وكل الاخوة الذين هم إضافة حقيقة لهذا الاسفير "السفر"
ونتمنى عودة جميع الغائبون ... "العربي صعب"

عايز اهنيكم جميعاً وأقول ليكم كل سنة وانتم طيبين كلكم
وربنا يحقق احلامكم
Post: #1777
Title: Re: ناس الزقازيق ... أجدع ناس ( 3 )
Author: جلال عثمان
Date: 12-24-2009, 06:56 PM
Parent: #1776

ولا يفوتني في هذا المقام ان "ادي" ناس زهير فاتحتهم
خوفاً من لسان زهير الطويل

ورمياً لي قدام عشان زهير ما يحرمنا من شوفة صور لمة "الاربعاء"

الرشيد ... كيف حالك ياخ ووليداتك .... حمدا لله على السلامة



---------
ولا يخفي على فطنة القاري الكريم انو "ابوالكا" حل عن سمانا شوية
Post: #1778
Title: Re: ناس الزقازيق ... أجدع ناس ( 3 )
Author: محمد صديق
Date: 12-24-2009, 07:51 PM
Parent: #1777

سلامات يا ناس

عام هجرى سعيد على الجميع

مرحب بالاستاذ الموصلى ...الغناى الطاعم

عودة الروح للنضيف مبروكة علينا...ومافى

جنسو زول ما مبسوط...

متابع ..نص نص
Post: #1779
Title: Re: ناس الزقازيق ... أجدع ناس ( 3 )
Author: طارق جبريل
Date: 12-24-2009, 10:52 PM
Parent: #1778

سلام يا ناس

تعرف يا الرشيد الحتة بتاعة البديرية والشايقية دي اصلها ما دايري تدخل راسي
ياخي اتحدى اي زول يقدر يفرق بين البديرية والشايقية في اي شي ممكن يخطر علي البال
بعدين يا الرشيد انا امي رحمها الله عندها نص بديري ونص شايقي وعام 94 كانت بتتونس
مع حبيبنا الطيب صالح رحمه الله وطلعوا قرايب شديد حتى قام قال لي انا وطلحة
ياخي انا طلعت خالكم عدييييييييييييييييل


اما بالنشبة لدناقلة الزقازيق سنقول لهم
الترعة امامكم والشوايقة مترصدنكم

لتتذكير بعض شوايقة الزقازيق:
- حاتم جبارة
- اسامة علي محي الدين
- نورا كرم الله
- نوال سر الختم
- الراحل ياسر الشفيع
- الراحل كمال الياس
- خالد محمد طه
- اسامة خضر
- الشريف عباس الشريف
- نوال البلول
- الرشيد هاشم الوقيع
-محمد ادريس

ان عدتم عدنا
Post: #1780
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:05 PM
Parent: #1779

جبريل ما بالغت عديل

Quote: اما بالنشبة لدناقلة الزقازيق سنقول لهم
الترعة امامكم والشوايقة مترصدنكم
Post: #1781
Title: Re: ناس الزقازيق ... أجدع ناس ( 3 )
Author: كمال الشادي
Date: 12-24-2009, 11:12 PM
Parent: #1780

يوم الاحد القادم
هو يوم عاشوراء

Quote: تعريفه

هو اليوم العاشر من شهر محرم من كل عام

مناسبة الصيام

شكر لله تعالى على أن نجى موسى عليه السلام وقومه من فرعون وقومه في اليوم العاشر من محرم

فضله

عن أبي قتادة رضي الله عنه قال : سُئل النبي صلى الله عليه وسلم عن صيام يوم عاشوراء ، فقال : إني أحتسب على الله أن يكفر السنة التي قبله . رواه مسلم

مراتب صيام يوم عاشوراء

أكملها : أن يُصام قبله يوم وبعده يوم
ويلي ذلك : أن يصام التاسع والعاشر
ويلي ذلك : إفراد العاشر وحده بالصوم

فوائد حول هذه المناسبة

- يستحب صيامه اقتداءً بالنبي عليه الصلاة والسلام .
- هذا اليوم صامه النبي صلى الله عليه وسلم وصامه الصحابة وصامه موسى عليه السلام قبل ذلك شكرا
- هذا اليوم له فضل عظيم وحرمة قديمة
- يستحب صيام يوم قبله أو يوم بعده لتتحقق مخالفة اليهود التي أمر النبي صلى الله عليه وسلم بها
- فيه بيان أن التوقيت في الأمم السابقة بالأهلة وليس بالشهور الإفرنجية لأن الرسول صلى الله عليه وسلم أخبر أن اليوم العاشر من محرم هو اليوم الذي أهلك الله فيه فرعون وجنوده ونجى موسى عليه السلام وقومه ..
- هذا ما ورد في السنة بخصوص هذا اليوم وما عداه مما يُفعل فيه فهو بدعة خلاف هدي النبي صلى الله عليه وسلم ..
- وهذا من فضل الله علينا أن أعطانا بصيام يوم واحد تكفير ذنوب سنة كاملة - والله ذو الفضل العظيم - فبادر أخي باغتنام هذا الفضل وابدأ عامك الجديد بالطاعة والمسابقة الى الخيرات { إن الحسنات يذهبن السيئات }


يستحب صيام
السبت والاحد والاثنين
وأدعو لينا يا شباب خصوصا الحجاج الجداد والله شنو يا فارح
Post: #1782
Title: Re: ناس الزقازيق ... أجدع ناس ( 3 )
Author: جمال فارح
Date: 12-24-2009, 11:24 PM
Parent: #1780

كل ناس الزقازيق .....سلام شديد ......
يوسف الموصلى ...(روزنامة الغناء الجميل) ...
يجبرنى ىشادى مرة أخرى على الدخول مبكرا الى هذا البوست الرائع بغير وضوء أو تيمم ....لكن هذه الاطلالة فعلت فى ما فعله تسونامى باهالي تلك الجزر النائية ....هذا المبدع المسكون بالجمال عزيز على قلبى .. يسرى مسرى الدم فى روحى وكيانى ..............
الزمان بداية الثمانينات ...شاب( أخضر) يقتحم ذائقتنا وعقلنا وافئدتنا ...ويثير عاصفة عاتية من الأتفاق والأختلاف حوله ...مع أو ضد ...فقد دخل المحظور ...وأتى بالبدع ....وفضح المسكوت عنه ...تيار عاتى ضد الرتابة واليومى والمستهلك ... والتقليدى ....ومن هو ليفعل كل هذا الضجيج ....مجرد شاب خريج يعشق الموسيقى والغنا الجميل ........من أحبه أطلق عليه (زرياب الموسيقى السودانية ) ...ومن وقف ضده (لشى فى نفس يعقوب ) أدعى أن هذا الشاب شوهه الموسيقى السودانية ولوث ذائقة المستمع ..!!! وأبتدأ المشوار...واثق الخطو يمشى .يحرز فى انتصاراته الصغيرة ..يمهد الطريق لنوع أخر من الموسيقى ...لنوع أخر من الأغنيات ..... الزمان بداية التسعينيات تماما من القرن الماضى المكان القاهرة حيث كان يقطنها ثلة من المبدعين السودانيين الموصلى ...السنى ....وتطول القائمة ...نهايات صيف بدايات عام دراسى .. كنت حينها مع والدتى (رحمها الله ) فى رحلة علاجها الأخيرة ..يطرق الباب طارق ..وأفتح الباب ..كمال الشادى يملأ فراغ الباب ...وسماء مصر الجديدة وثمة غيمة فى يده يهديها (أمى).جلس معها وتلك كانت المرة الأولى التى يلتقيها ..وابتدأ فاصل من الأنس الجميل .. كعادته شادى بغير مقدمات تجده متحكرا داخل قلبك.. يعيد ترتيب الأشياء ..ويدوزن الأوتار التى تحب والتى تكره ...ويحكى لى أنه جاء صباح اليوم من جده ..ومن المطار الى الزقازيق لان مواعيد امتحان الملحق لتلك المادة التى شغلت وأبكت وأدمت أفئدة الكثيرين من طلاب السنة النهائية لكلية التجارة بالزقازيق ...ذهب مباشرة الى شقتنا بالمحلج ليخبره صلاح الأمين بمرض والدتى واقامتى معها بالقاهرة ...لم يتردد ولو للحظة وامتحانه غدا !!!فى السفر الى القاهرة ..وهاهو ييييييييييييييملأ فراغ الباب وسماء مصر الجديدة وفى يده غيمة يهديها (أمى)..استحثه على النهوض والسفر والأستعداد للأمتحان وتدخل أمى فى جدل ضرورة سفره ...يوافق لكنه يستدرك قائلا لى( جمال فارح قوم غير هدومك وأرح معاى مشوار قبل ما أسافر الزقازيق !!!..) وين أيييها الشادى الجميل ...(شوف يا جمال ..انا عرفت أنو اليومين ديل الموصلى بالقاهرة يدشن فى البوم جديد..أرح نشوف ونسمع الزول الحلو دا ....) ولا زلت أذكر جمهور القراء بأن هذا الشخص ممتحن بكره ...!!
المكان ...القاهرة ..الجيزة .. ميدان الجيزة ..عمارة النصر ..(وما ادراك وما عمارة النصر ..تذكرت زياراتنا ومجدى النعيم الى الرائع السنى دفع الله له الحب والسلام أينما كان ..) ......
كمال يضغط على جرس الباب ..وثمة موسيقى هادئة تتسلل من حوائط المبنى !!!(حقا) وينفتح الباب عن الجميل الأخضر واقفا مبتسما حلو المحيا جميل القسمات ..فيهو ملامحى وملامحك ..فيهو قسمات أصدقائى وسمارى ...فيهو وعد الرحيل والاغتراب والهجرة والشحتفة .........كانت تلك أول مرة أراه عن كثب ..يفصلنى عنه مجرد حضن ! وأحتضنت معاهو الأمانى السندسية ....شكرا لهذه الطلة الأنيقة ....
Post: #1799
Title: Re: ناس الزقازيق ... أجدع ناس ( 3 )
Author: حنان مجمر
Date: 12-25-2009, 04:41 PM
Parent: #1782

جمال فارح يارائع معليش الترحيب بيك جا متاخر حال الثريات المشغولات دائما وتلقى الترحيب بيك بهناك في الديوان البره
Post: #1798
Title: Re: ناس الزقازيق ... أجدع ناس ( 3 )
Author: حنان مجمر
Date: 12-25-2009, 04:29 PM
Parent: #1775

سلامات ياجماعه وسلام لكل البديريه الدهمشيه اهلنا

كل سنه وانتوا طيبين ياناس الحوش وربنا يجمع الشمل دائما ويحقق الاماني
Post: #1801
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 06:10 PM
Parent: #1757

عبد السميع
ان عالكم هو عالم الذكريات والتهذيب
وياله من عالم
ربنا يحفظكم جميعا
انه
سميع مجيب
Post: #1793
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:13 PM
Parent: #1755

طارق اخوي كيفنك
ولعلك طيب
يشرفني جدا وجودي معكم هنا
في هذا الوسط الذي يكتنز التنوع الاكاديمي والثقافي والاجتماعي
وجود اي انسان هنا هو قمة المتعة الحسية له/ا
ووجود اي فنان هنا هو قمة المتعة الذهنية له/ا
فلكم محبتي
Post: #1792
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:05 PM
Parent: #1754

العزيز منصور دوما باذن الله
ما اجمل ايام مركز شباب السجانه
الذي دخلت اليه يافعا ثم فنان المركز ثم بعد ذلك
علي راس لجنة اختيرت من وزارة التربية للاشراف علي منتخب الخرطوم الفني
اختيارا وتدريبا فيما بعد
نعم لقد كان الشادي هناك وكان من الممتازين
ولكن كان الخيار اصعب وفي النهاية اختارت
لجنتنا نادر خدر الذي كان في اولي عالي وقتها
وامال النور التي كانت في سنة التخرج ان لم تخني ذاكرتي
اذكر من المغنيين الذين اشتهروا وكانو في تلك المعمعة نجم الدين الفاضل
ولم يوفق حينها نسبة لشدة المنافسة
وبعد التريب المكثف لهما وللاوركسترا المصاحبة
ذهبنا لمدني
وفاز كل منهما بالمركز الاول
علي نطاق السودان
وصدق حدسي
الغريبة انني لحنت الاماني السندسية خصيصا لتغنيها امال النور وقد كان ذلك من ضمن
اسباب نجاحها في تلك الدورة
كل الود
والمحبة لك ولصديقي كمال الجميل
Post: #1790
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 12:53 PM
Parent: #1753

العزيز ياسر نجيله
كيف احوالك
اسعدتني بترحيبك الجميل في هذا
الجو الزقازيقي النقي الاصيل
فتقبل محبتي واحترامي
وليتني كنت زهرا ياعزيزي
كل المودة
Post: #1783
Title: Re: ناس الزقازيق ... أجدع ناس ( 3 )
Author: Elmosley
Date: 12-25-2009, 01:00 AM
Parent: #198

فوق
الكوره في ملعب اخوكم
وجاييكم بالتفاصيل الممله لانكم
اشعلتم نار الذكريات في عقلي وقلبي
كمال انت اصبر شويه خليني ارد علي الاحباب ديل
وبعدين بجيك بالتفاصيل لانك غلباوي جدا ههههههههه
مودتي
Post: #1787
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 11:03 AM
Parent: #1783

يوسف يا الله
العازفين على اهبة الاستعداد في انتظار عصا المايسترو

شفت يا يوسف جمال فارح الفوق كتاب كيف
انعل ابو الزفت

الزيارة القال عليها جمال دي يا يوسف اظنها لو ما خانتني الذاكرة هي القبل انزال طفل العالم الثالث للسوق

تحياتي وفي انتظارك

وجمعة مباركة يا شباب وما تنسو صيام عاشوراء بكرة

وأهم حدث في عاشوراء السنة دي إنو جمال فارح صايم هههههههههههههههههههه
Post: #1788
Title: Re: ناس الزقازيق ... أجدع ناس ( 3 )
Author: طارق جبريل
Date: 12-25-2009, 11:11 AM
Parent: #1787

لو عايزين جمال فارح دة يبدع
خلوه يكتب عن الحاجة سنكاتية رحمها الله
لا زال وجهها الملئ بالفرح يظهر أمامي وأنا أزورها في مستشفى سوبا
Post: #1791
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 12:55 PM
Parent: #1788

يا طارق جبارة
ده شنو ده ؟

Quote: لتتذكير بعض شوايقة الزقازيق:


شايفك ما حسبتني

إنت قايلني حبشي والله شنو

والله يمكن قايلني مغربي
طششت والله عيونك لحقن عيون الرشيد بابكر ؟
صلح القائمة بسرعة وإلا والله اخش الغابةوانضم لدناقلة الزقازيق !!
Post: #1794
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-25-2009, 03:06 PM
Parent: #1791

سلام لأجدع ناس

وترحيب بكل الدماء الجديدة في البوست

ونخص أخونا جمال فارح

مع التمنيات بطيب الإقامة في هذا الحوش الزقازيقي الرحب
Post: #1795
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-25-2009, 03:11 PM
Parent: #1794

الأستاذ الفنان يوسف الموصلي

لك والأسرة التحايا والأشواق

والله نورت حوشنا... ونتمنى أن تواصل معانا هنا... حوشنا دا هاااااااااااااااااااااااادي وبعيد من الدواس الموجود في الحوش الكبير (المنبر العام)

يعني دا محل الفنانين

كن بخير
Post: #1796
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-25-2009, 03:15 PM
Parent: #1795

يا جمال فارح

وكل الأعضاء الجدد

فضلا وليس أمرا سجلو معلوماتكم هنا:

كل ناس الزقازيق... عناوين وهواتف
Post: #1797
Title: Re: ناس الزقازيق ... أجدع ناس ( 3 )
Author: سامي عبد الوهاب إدريس
Date: 12-25-2009, 03:24 PM
Parent: #1796

ودي على سبيل الترحيب بالموصلي

sudansudansudansudan-sudansudansudansudan1.jpg Hosting at Sudaneseonline.com

مدني 1972



sudansudansudansudan-sudansudansudansudan71.jpg Hosting at Sudaneseonline.com

مدني 1971
Post: #1800
Title: Re: ناس الزقازيق ... أجدع ناس ( 3 )
Author: طارق جبريل
Date: 12-25-2009, 05:17 PM
Parent: #1797

يا كمال الشادي ياخي انا مدخرك للمعارك الطاحنة مع الدناقلة
كدي بس انت خليك في جانبنا


حاتم جبارة شايقي مأصل من القرير يا شادي
ما تشوف الحنكشة دي
Post: #1804
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-25-2009, 07:12 PM
Parent: #1800

جمعة مبارك لناس البوست كلهم وخاصة الشوايقة

المحتلين البوست حالياً.

حملة المستغفرين ،،، كونوا معنا

إستغفر الله ,,,,إستغفر الله ,,,,

إستغفر الله ,,,,إستغفر الله ,,,,

# وما كان الله معذبهم وهم يستغفرون#

# فقلت إستغفروا ربكم إنه كان غفارا#
Post: #1805
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-25-2009, 07:15 PM
Parent: #1800

Quote: بعد محبتي ان الاعمال المذكورة انا لست بملحنها ولكنني الموزع الموسيقي لها والتوزيع الموسيقي الجد الجاد
اصعب كثيرا كثيرا من التلحين لانه يعتمد علي العلم واعمال العقل لدرجة الرياضيات


شكرا يا أستاذ على التوضيح...

ربما لا أعرف التفاصيل العلمية لمسألة التوزيع الموسيقي و لكني أعرف أن المجهود الذي يبذل لتوزيع أي عمل ما هو مجهود خرافي...أعتقد أنه لا بد من وضع خطة له و من ثم الشروع في التنفيذ والذي يمر بمراجعات عديدة واعادة صياغة للخطة الابتدائية..حتى يتم تنفيذ العمل بصورتة النهائية...
كثيرا ما دخلت في جوارات فنية و موسيقية مع صديقي الجميل حمزة سليمان...كنت أقول له يا حمزة أنا لا أملك في الموسيقى الا أذني...أعتقد انني مستمع جيد...فأسمح لي أن أقول لك رأي في هذا وذاك دون التقليل من علمك و تجربتك و عشرات الأغاني التي قمت بتلحينها و لاقت استحسانا من كل الناس...فيسمع حمزة و هو الأستاذ و ينصت لكل كلمة أقولها...ان تواضع الفنان هو سر نجاحة...و هذا الذي ألمسه الآن و أنت تتواصل معنا في هذه المساحة وترد على كل واحد منا رغم ما في ذلك من مشقة...

أستاذي الموصلي...تشرفنا بمعرفتك...و أمنياتنا لك بدوام التوفيق....
Post: #1806
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-25-2009, 08:03 PM
Parent: #1805

Quote: الرشيد ... كيف حالك ياخ ووليداتك .... حمدا لله على السلامة


جلال الحبيب...مشتاق اليك و بي لوعة...حكايتك شنو مطول الغيبة...هل ما زال الخبراء موجودين و لا غادروا الى السودان...قطع شك غادروا لأنك اختفيت يا حبيب...يشاع في مجالس المدينة أنه و بمجرد عودتك و بت الشيخ من المطار بعد وداع الخبراء...قامت بت الشيخ بتسليمك ورقة بعد أن رمقتك بنظرة فيها الكثير من الوعيد...ثم قالت ليك...أسمع يا جلال كفاية الدلع الادلعتو في الكم شهر الفاتو ديل...الورقة دي فيها جدول العمل الجديد أنا قاعدة أكتب فيها الليل كله...حسة قوم سخن ليك بصحنين تلاتة كده ترجع بيهم لياقتك...ما تخاف مجهزة ليك الجزال و الفولتارين في حالة جاك شد عضلي و لا كده...بالمناسبة كان ما عرفت محل الصابون ما تصحيني..انتظرني لحدي ما أصحى...

جلال...مشتاقين والله...بتجينا بتين...لو حسيت باي انتهاك لحقوق الأزواج من جدول بت الشيخ ده كلمنا عشان نجي نعتصم قدام شقتكم...
Post: #1807
Title: Re: ناس الزقازيق ... أجدع ناس ( 3 )
Author: جلال عثمان
Date: 12-25-2009, 08:27 PM
Parent: #1806

الرشيد يديك العافية ياخ ...
بس قول لي دي العصفورة ولا عرفت الكلام دا من وين ...
عارف لي ساعتين كدة متكي في كرسي وحالي يغني عن سؤالي نتيجة الاشغال الشاقة التي خلفتها عودة الخبراء الاجانب للسودان الشقيق، حيث غادرونا فجر الخميس تصحبهم السلامة ودعواتنا لهم وحقيقي "فرقوا معانا" شديد نسأل الله ان نلتقي بهم في ساعة خير.
بعدين جزالك وفولتارينك دا يااخوي شايلينوا لى عوزة زي مابقول اهلنا المصاروة لانو ضروري وبعد توزيع جدول بت الشيخ "الخرخرة" او "المكنسة" ايهما سوف يحدث ياترى؟ نسأل الله ان لا يحدثا الاتنين والا لطلبنا منك إضافة "الامرول" لي روشتتك أعلاه...
عدنا ياحبيب ونسأل الله ان يبعد عننا نكد الكفلاء وجداول بنات الشيخ

تحياتي لك ونجاة والعيال
Post: #1808
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-25-2009, 08:37 PM
Parent: #1807

Quote: عارف لي ساعتين كدة متكي في كرسي وحالي يغني عن سؤالي نتيجة الاشغال الشاقة التي خلفتها عودة الخبراء الاجانب للسودان الشقيق، حيث غادرونا فجر الخميس تصحبهم السلامة ودعواتنا لهم وحقيقي "فرقوا معانا" شديد نسأل الله ان نلتقي بهم في ساعة خير.

نسأل الله أن يجمكم بهم في ساعة خير...لا شك أنهم قد فرقوا معكم بعد أن قضوا معكم كل هذه الفترة..

عودتك مرة أخرى هي عودة لفريق الليل...

نعرف أن لياقتك لا تسعفك على لعب مباراة كاملة..لذلك سنقبل باشتراكك في المباريات الودية و بمجرد أن تشعر بالأعياء أرفع يدك مطالبا بالتبديل أو أعمل كما يفعل الكوتش يستعين على قضاء حوائجة بالكتمان..انسحب دون أن يشعر بك أحد..
Post: #1809
Title: Re: ناس الزقازيق ... أجدع ناس ( 3 )
Author: جلال عثمان
Date: 12-25-2009, 09:04 PM
Parent: #1808

قبل استخدام التكتيك الكوتشي ...
وردية ناس الليل في حوجة ماسة لمعدل رفع اللياقة لديها وبما اننا خسرنا جهود الخبراء الاجانب ، والى ان نعتاد على البرنامج الجديد
سوف نحاول جهدنا تقسيم معدل اللياقة لحين اكتمالها.

شوف لينا الكوتش دا مالوا قال نص نص
Post: #1851
Title: Re: ناس الزقازيق ... أجدع ناس ( 3 )
Author: Elmosley
Date: 12-27-2009, 08:39 AM
Parent: #1805

حبيبنا الرشيد لي انا عظيم الشرف بمعرفتكم
والتحاور مع صفوة الزقازيق
مودتي
Post: #1837
Title: Re: ناس الزقازيق ... أجدع ناس ( 3 )
Author: Elmosley
Date: 12-26-2009, 04:32 PM
Parent: #1797

ياسامي ياخ ماتعمل مونتاج للصور
هسع الشبط الظاهر رفي صور سنة واحد وسبعين ده شبط منو؟؟؟
Post: #1810
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 09:28 PM
Parent: #1796

يا طارق جبريل
خطأ مطبعي
لكن برضو اعد كتابة القائمة و
والا ......
Post: #1811
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 09:50 PM
Parent: #1810

ابو الجلاجل الجميل
آخر مرة سألتك وين وليه ما باين في البوست
قلت لي الحج
ناس جمال فارح حجو ورجعو وظهرو في البوست ومنورين وجمال صائم عاشورا بكرة السبت
وإنت مختفي
Quote: وردية ناس الليل في حوجة ماسة لمعدل رفع اللياقة لديها


للمعلومية انا براي تقريبا في وردية الليل امبارح والليلة
قلنا ( الخميس الناس معذورة )
الجمعة مالا ؟؟
Post: #1812
Title: Re: ناس الزقازيق ... أجدع ناس ( 3 )
Author: طارق جبريل
Date: 12-25-2009, 10:05 PM
Parent: #1811

اها يا الشادي دي مخصوص عشانك
ويعيش تشليخ البوست لااااااوراء
Post: #1813
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 10:21 PM
Parent: #1812

يا طارق جبريل
انعل صليبك
بمناسبة اعياد الكريسماس وكده
يا أخي وريني بنزلو الشي دي كيف
الاغاني ما بعرف كيف انزلها
وريني
عشان املا ليك البوست ده اغاني شايقية
Post: #1814
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-25-2009, 10:26 PM
Parent: #1812

Quote: للمعلومية انا براي تقريبا في وردية الليل امبارح والليلة
قلنا ( الخميس الناس معذورة )
الجمعة مالا ؟؟


يا شادي متابعين وسهرانين من امبارح

بس ما عندنا موضوع جار ممكن تسخن لينا الدلوكا.
Post: #1815
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 10:33 PM
Parent: #1814

ميسرةعليك الله شفت عبد الدائم ده عجيب كيف
قريت مربا فجيركي بتاعتو
وشفت احمد السني قالليهم شنو يا دناقلة يا وهم ؟
انا اتكلمت معاهو امبارح حوالي نص ساعة بالتلفون

ويبدو انو عمل ورش عمل وحلقات نقاش مع الناس في السودان على موضوع
شركة الزقازيق القابضة وجايب معاهو ردود كويسة ممكن تحرك العجلة لي قدام شوية
مع التحية
Post: #1816
Title: Re: ناس الزقازيق ... أجدع ناس ( 3 )
Author: كمال الشادي
Date: 12-25-2009, 10:37 PM
Parent: #1815

ميسرة عليك الله خش هنا
واقرا اخر اربعة مداخلات اخر شي في البوست انا
وقول لي رايك
كرار التهامي كيسو فاضي ...
Post: #1817
Title: Re: ناس الزقازيق ... أجدع ناس ( 3 )
Author: جلال عثمان
Date: 12-25-2009, 10:38 PM
Parent: #1814

شادي يافنان ...
الحج له مابعده
مجموعة حاجات روتينية تجدها قد سرقت منك الوقت و "الفرحة" وركنت بك الى احزانك
المهم ياجميل ... نحن من الآن ظهور ونتمنى أن نضيف الى هذا البيت الكثير

دمت ياجميل ....
Post: #1818
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-25-2009, 11:36 PM
Parent: #1817

يا شادي دخلت على البوست بتاع دكتور التهامي كيسو فاضي

وقرأت آخر خمس مداخلات تخصك والحقيقة إطلعت قبل ذلك على

البوست الأول الخاص أمين عام جهاز المغربين هل يختلف عن الأول

الراجل في كتاباته كلها بيحاول يكون منطقي وعقلاني في كثير من ردوده

ولكن الكلام في جانب والواقع في جانت آخر ،،،

دخولك في البوست الأخير ممتاز وكلامك منطقي وعقلاني وما محتاج يرد عليك هو

الجواب يكفيك من عنوانه.
Post: #1820
Title: Re: ناس الزقازيق ... أجدع ناس ( 3 )
Author: البادي النور
Date: 12-26-2009, 05:56 AM
Parent: #1818

صباح الهناء والسرور ...
أصبحنا وأصبح الملك لله ...
ميزانية نهاية العام 2009 تجعل كل من يعمل بالإدارة المالية
في شغل شاغل ... وزحمة يا دنيا زحمة ... بالإضافة للأمور الشخصية
والعائلية ... لكن الشوق إليكم لا يكل ولا يمل ...
Post: #1821
Title: Re: ناس الزقازيق ... أجدع ناس ( 3 )
Author: ميسرة سيد أحمد
Date: 12-26-2009, 07:07 AM
Parent: #1820

صباح الخير،،،يا وجوه الخير،،،

أصحبنا وأصبح الملك لله وحده،،،،

نسمات الصباح :

اللهم آتنا في الدنيا حسنه

وفي الآخرة حسنه،،،

وقنا عذاب النار،،،
Post: #1822
Title: Re: ناس الزقازيق ... أجدع ناس ( 3 )
Author: كمال الشادي
Date: 12-26-2009, 07:36 AM
Parent: #1821

صباح الخير والنور والسرور على الجميع
وكل سنة وأنتو بالف خير
بمناسبة عاشوراء
تسجيل حضور
Post: #1823
Title: Re: ناس الزقازيق ... أجدع ناس ( 3 )
Author: عبد الدائم سيد أحمد
Date: 12-26-2009, 08:49 AM
Parent: #1822

الله قبضك لي يا جبريلا
هسه كونك تخت لينا اغنية شوايقة وتجبرنا اننا نسمعها ده ما احتلال رسمى
وكمان جايب ليك لسته مضروبة شوية حناكيش مع سواكنية ، والله كان اديتك
فى التنك لو ما اخوانا المتوفين ربنا يعوض شبابهم بالجنة

هاك ديل جزء كده على الجنب من رابطة المهدى واهو طارق النور قاعد ليك طرف
وعبدالرازق طالع ليهو فوق كرسى ما يجيك طاير

sudansudansudansudansudansudansudansudansudansudan62.jpg Hosting at Sudaneseonline.com


نديكم شوال فول وتمر وقزازة سمن تفكو لينا زول كده
قطع شك ما انت يا الشادى ،،،

ما عارف ليه نكات الشوايقة بتظل راكبة فيهم لفترة طويلة
لما كنا صغار فى الصحافة رحلو جمبنا شواقة كرت كرتونة
ولدهم اسمو شهاب وحبوبتو دايما حارساهو خايفة عليهو من اولاد الخرتوم
قام شهاب لقى ليهو ( طرادة ) واقعة شالا وجرى على حبوبتو
قال ليها حبوبة شوفى لقيت لي طرادى ،، علا بشترى بيها عجلة
قالتو عجلة لالالا ، اشترى جلابيي
شهاب قام جارى وهى جارية وراهو
عجلة عجلة ،، لا جلابيي
عجلة عجلة ،، لا جلابيي
عجلة عجلة ،، لا جلابيي
Post: #1824
Title: Re: ناس الزقازيق ... أجدع ناس ( 3 )
Author: الرشيد بابكر
Date: 12-26-2009, 10:48 AM
Parent: #1823

مساكم الله بالخير

Quote: نديكم شوال فول وتمر وقزازة سمن تفكو لينا زول كده
قطع شك ما انت يا الشادى ،،،


ما كفاية زيده جالونين تركين....
Post: #1825
Title: Re: ناس الزقازيق ... أجدع ناس ( 3 )
Author: محمد عيد
Date: 12-26-2009, 10:52 AM
Parent: #1824

تنبيه لجميع الاخوة ..

حتى لا تفوتكم مشاركات استاذنا القامة .. الموصلى فى هذا البوست

ارجو مراجعة الصفحة السابقة من بدايتها ...

حيث ان ردوده على ترحيب اعضاء البوست جاءت متداخلة مع المداخلات السابقة ..

وفى هذا يلام اخونا الشــادى ..

لأنو ما وراهو الباب الرئيسى للحوش .. وضيفنا العزيز اضطر يسلم على الناس

من شبابيك غرفهم الفاتحة فى الشارع واحد واحد ...

المصيبة فى ناس كانو قاعدين تحت الراكوبة القدام التكل ؟؟!!
Post: #1826
Title: Re: ناس الزقازيق ... أجدع ناس ( 3 )
Author: محمد عيد
Date: 12-26-2009, 11:39 AM
Parent: #1825

نداء عااااجل لحبيبنا ابو الزوز ...

انجدنا وأغثنــا ..

نــزّل صور لمـــة الخرطوم بتاعت حاتم جبارة ونهلة وصلاح الأمين ..

نزلها خلى الناس تفرفش شوية ..

قبل ما تنجـــرّ للحرب الأهلية القاعدة تســـخن دى ..!!

أرجووووك يا نسيم ( حميد ) ..!
Post: #1827
Title: Re: ناس الزقازيق ... أجدع ناس ( 3 )
Author: طارق جبريل
Date: 12-26-2009, 11:48 AM
Parent: #1825

يا النضيف ما تخلينا نتجوعل ياخي
نحن هبشنا ليك بس نماذج مبسطة لي شوايقة الزقازيق
يمين نعما احصاء نكتسح الاتحاد ذاتو
احسن ليك خلوكم في مربتكم دي




يا سلااااااااااااااااااام
يا سلام لمن يجيك صوت كمال الشادي حنين وطاعم
ويفتتح عليك يومك
الله الله يا شادي ياخي علي اتصالك
الله على حنينك (الشايقي) السمح بالحيل
ياخي الله يعدلها عليك شقيش تقبل
زي ما عدلت لي يومي يا المبروك



الحاج جلال كيفنك
وربنا يكتب سلامة الحجاج (الخبراء الاجانب)

البادي الله يكون في العون
وسلملي علي الزول المعاك داك
Post: #1828
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-26-2009, 12:37 PM
Parent: #1827


هسى الواحد يرتب الشغل ده كيف
نبدا بى وين , نمشى لى وين , ونفبل وين
لو بدينا من كلام كمال الشادى الما بيعرف نادية عثمان الا معرفة الزول لى وجه اعلامى معروف
ومع ذلك انفعل لها ومعها اذ نادت مستصرخة (وامروتاه , وا رجولتاه )
لكانت بداية منطقية ومعقولة
ولو صمتنا وانتظرنا مداخلات الموصلى يوسف الحاملة ثنائية العظمة والتواضع
الموشحة بثلاثية الجمال والنغم والذوق
المترعة برباعية الدهشة والحنين والعلم والألق
الواصلة لخماسية السلم الموسيقى السودانى
سيرة , مردوم , تم تم
نمة طمبور حنين
عرضة وشبال وابشرى يمة وعلى الطلاق عشاك عندنا
ثم طلبنا منه ان يلبسها سباعيات الأناقة من عائلة
الدو رى مى فا صولا سى
لكن ذلك ايضا استهلالا مناسبا وطلة ذكية
ولكن الدخول الى اتون حرب المربى
والرد على تخرصات الناس
الحاجاتهم كلها لا ورا
من المشى , لغاية الرقيص والغنا
كلو لا ورا
ولكنى اشهد يا عبد الدائم , يا رفيق (الأندادى العزيز )
انهم فى الفن والأحساس
فايتين الناس مسافة
ولكن فى الفن والأحساس فقط
عدا ذلك هم بعدنا فى كل شىء
حتى الخريطة
عندما تأتى من (اقصى ) الدنيا
الى (ادناها )
فلنا الصدر دون العالمين
ولهم غير ذلك
عندما دخل عمرو بن العاص
قادما الى (اسفل المدينة )
ووصل الى تخومنا الأولى
سلمنا العهدة والرسالة
وقال وصلوها
(للوهم ديل )
فوصلناها نحن كاملة غير منقوصة
وفى رواية
(اننا نسينا ان نحتفظ لنفسنا بشى منها )
حتى جاء النميرى
اللى هو من عندينا برضو يا مرجفين
فجاء بالكوتة كاملة
فتوزعت اسفل المدينة
حتى ان (البحر )
نال نصيبه منها كاملا غير منقوص
ففرحت الأسماك
وطربت احياء البحر
وذهب السودان كله ضحية فعلتنا تلك
ولا يزال
جاييكم
Post: #1829
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-26-2009, 12:54 PM
Parent: #1828


ولكن كلام الشادى ورسالته الأخوية لى نادية عثمان مختار
تستحق وقفة اطول
انه موقف يشبهنا تماما
يشبه تزاملنا وتخاوينا الزقازيقى القديم
هو قديم بقياس زمنى فطير
ولكنه يولد كل يوم فى بيوتنا المترامية الأطراف
من صحافاتها لكلاكلاتها
من فتيح العقليين وحتى الجديد الثورة
فى الحلفايا تولد النخوة كل صباح
وفى مستشفى الدايات با مدرمان
وفى قسم النساء والتوليد فى مستشفى ابراهيم مالك
او مركز صحى القوز
فان هوية الاف الأطفال السودانيين الذكور
المولودين
تجمل فى خانة اسمه الأول
رجل
ذكر
حبله السرى , حين يقطع من مشيمة امه الوالدة
فانه يقطع من كل شى ء
الا
نخوته ورجولته
واحساسه المتعاظم تجاه اخت له ولدت فى العنبر المجاور
يقطع حبله السرى من هنا
ليوصل هناك
ما سمعنا عن حبل سرى قصر عن تلكم المهمة
كل الحبال السرية وصلت واستطالت
عاشت
كبرت
وما ماتت ولا وهنت
فلو حدث ذلك
فى غرفة بالتوك
او فى حجرة (فيس بوك )
فدونك يا نادية يا بت عثمان مختار
يا اخت كمال الشادى وصنوة آمال اخته
ورفيقة حسناء ام كريم ومرام
ان تقولى برفق
دون ان تجهدى نفسك صراخا
وا مشيمتاه
فتهرع اليك
ملايين الحبال السرية
الكافية واللازمة ليس لفتح (عمورية الجديدة ) فحسب
بل
واعمارها وملئها حد (الأشباع )
بمشاعر حانية راقية جميلة ابية
ولسان حالها يقول
لبيك اختاه  
Post: #1830
Title: Re: ناس الزقازيق ... أجدع ناس ( 3 )
Author: منصور عبد الرازق
Date: 12-26-2009, 01:04 PM
Parent: #1829

وبى هاجس آحر يملأنى ويبحث عن مخارج تليق به
لناس الخرطوم
او قل ناس السودان اقول
اخوى الصغير
اللى هو اخو بت شيخى
دكتور تاج الدين ابراهيم على
سيتزوج ويدخل الى عالم بنات الشيوخ الجميل
يوم الأربعاء السادس من يناير القادم
سيكون ذلك فى النادى العائلى
انا مع اسرتى الصغيرة سنكون حضورا لأيام لا تتعدى الخمس
ولكنى اطمع فى الأستمتاع بزواج التاج
وانتم حضور
النادى العائلى
الأربعاء السادس من يناير للعام عشرة بعد الألفين
انتظركم
حتى اجمع المجد من اطرافه
يا حلوين
Post: #4466
Title: Re: ناس الزقازيق ... أجدع ناس ( 3 ) ..
Author: كوثر داؤود
Date: 05-09-2010, 04:02 AM
Parent: #39

بسم الله الرحمن الرحيم السلام عليكم ورحمة الله وبركاته الاخ العزيز طارق جبريل والله مشتاقين وشكرا على الترحيب عرفت من ايام كليةالشرطة وانت في المغرب وافيناباخبارك
Post: #1831
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-26-2009, 01:05 PM
Parent: #1

اها جناكم بالباب الكبير لاني رديت علي الغالب الاعم بالصفحة السابقة
فمعليش الباقين حيكون ردي عليهم بالباب الكبير باب السنط
اعتذاري
يقول الشادي
Quote: المقامات الموسيقية في الغناء السوداني
كان موضوع التخرج للفنان يوسف الموصلي
للحصول على درجة الماجستير في التأليف الموسيقى
من القاهرة
معلوماتي صح يا يوسف

ايام الاعداد للماجستير

مرة زرت يوسف في بيتو في ميدان الجيزة
ولاحظ انا جاي ليهو مخصوص من الزقازيق

والله قعدت قدامو في الصالة ثلاثة ساعات
وهو قاعد يسمع في كمية بتاعة اشركة لا تقل عن متين شريط

ما اتكلم معاي غير مرة او مرتين
اخدت بعضي ورجعت الزقازيق

قال لي وهو مشغل الشريط
سامع الراجل البغني ده

قلت ليهو يا يوسف حرام عليك ده صوت القطر ما في زول بغني

قال لي ده واحد هدندوي واقف في باب القطر المتجه إلى بورسودان وانا واقف وراهو بسجل غناهو
عشان بعدين اطلع المقامات الموسيقية من غناهو

لله درك يا يوسف
الله يخليك للسودان البحبك وبفخر بيك

عليك الله كلمنا شوية عن التجربة دي بتاعة جمع مادة الماجستير


كمال لان الطالب في كونسرفتوار القاهرة يدرس منذ سن السابعة المبكر
وطالب معهد الموسيقي يدرس بعد التاسعة عشرة
فان الفارق في المستوي العزفي يكون كبيرا
بفعل عدد سنوات الدراسة وبفعل ان عامل التعلم في الصغر هو العامل الحاسم
فعقل الصغير اقدر علي استيعاب الموسيقي من عقل الكبير
اها انا رجعوني اربعه سنوات لي ورا وكنت مقتنع بكده من الشفتو بي عيني والسمعتو بي اضاني
ولكن ربنا وفقني اختصرهم في سنتين لانني انهيت كل سنتين في سنه واحده
وبعد اكمال دراستي بدآ مشروع الماجستير بعنوان (تحليل وتصنيف المقامات الموسيقية في شرق وغرب السودان)
"باعتبارها مادة خام للتآليف) وقد سافرت للسودان للتجول في حواري وازقة وصحاري وجبال شرق وغرب السودان
استغرقت الستة اشهر حتي استطعت جمع وتحليل ما يقارب ال ٣٠٠ اغنية شعبية تقريبا
تم تدوين الغالب الاعم منها بالطريقة العلمية المتبعة في تدوين الاغنية الشعبية
وكنت محظوظا انني تتلمذت علي يد تلميذة صاحب النظرية بيلا بارتوك
وكان اسمها مارقريت توت
ومن حسن حظي وانا ممتطي لقطار الشرق ان سمعت هذا الهندوي البسيط يدندن وهو ممسك بباب القطار
فسجلت له دون ان يسمعني والقصة كلها طويلة لا اريد ازعاجكم بها
مودتي
Post: #1832
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-26-2009, 01:18 PM
Parent: #1

اولا شكرا للحبيب محمد عي لتنبيهي لبوابة الدخول
ولولاه لظللت اركض خلف الدرجة الثانية في هذا القطار الطويل

يقول ميسرة
Quote:
صباح الخير ،،، يا وجوه الخير،،،،

أصبحنا وأصبح الملك لله ،،،

نسمات الصباحيه هدية من شاعرنا الكبير

ياسر نجيلة بمناسبة الحالة الموصلية داخل البوست

بكتب ليك رسالة طويلة يا أمي
واقالدك فيها ........يا أمي
واضمك ساعة في حضني ..يا أمي

****
وحاتك لا بخط عنوان
وما بكتب اسم انسان
وما برمي الجواب في بريد
وما بديه لزولاً كمان في الايد
كفاية اقيف وانقش في جناح الريح
كلامي الدايرو يوصل ليك
اخليك الريح تتر في المسافة عروس
تحيل كل الصحارى بروش
مضفرة بي سعف بلدي
مرسله ليك يا أمي


نحيي شاعرنا العظيم هاشم صديق الذي
لو اتفي بقصيدته المجنونة قصة ثورة لتوجناه ملكا
وشكرا لياسر نجيله ايضا
لم من لم يمسع او يقرا قصة هذه الاغنية
تم تآليفها صبيحة وفاة والدتي عليها الرحمة والمغفرة
وكانت هذه هي الطريقة التي بكيتها به
لان الكثيرين من الناس يعتقدون ان فن الموسيقي هو للبهجة
والطرب والرقص فقط ولا يعلمون ان الموسيقي هي فن الحياة
فاصبحت تدر البان الابقار واصبحت من اهم ادوات العالاج الطبيعي وتعليم اللغات
Post: #1833
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-26-2009, 01:42 PM
Parent: #1

اولا احيي الاخوه الاحبة
جلال
ومحمد صديق علي حار الترحيب
وياجلال فعلا سالمي السامي ود خالي البعزو عبد الوهاب ادريس
التفاصيل في الرد علي سامي
=============
نجي لس سفر العيون
يقول كمال الشادي
Quote: اغنية سفر العيون
كانت مشروع تخرج يوسف الموصلى من معهد الموسيقى والمسرح

عليك الله يوسف احكي لينا عنها شوية

سفر العيون تقريبا واحدة من اصعب الاغنيات في تاريخ الاغنية السودانية
وصعوبتها تتآتي في سهولتها من حيث الانتقال المقامي
وتستطيع ان تنقلها من مقام موسيقي الي اخر في سهولة ويسر
طبعا نحن في السودان حتي في اطار الفنانين
بنقول السلم وهنالك اختلاف كبير بين المقام والسلم
وعشان نبسط ليكم الموضوع
فان السلم هو اي سلم في اي عماره
ولكن المقام هو كل عناصر وقوف تلك العمارة علي الرض
تتضمن السلم والاعمدة الخرصانية والحديد الذي صبت عليه هذه الاعمدة
اما العمارة فهي القطعة الموسيقية او الاغنية كاملة
=======
اها سفر العيون تعتبر ايضا اول اغنية يتم تآليفها علي النوتة مباشرة دون استخدام اي الة موسيقية
وق بدا تذلك التاليف وانا راكب (البوكس المتجه من العمارات حيث المعهد الي الخرطوم وخلصت من ثلثها
ثم ركبت برنسة اخري متجه للصحافة فاكملت تآليفها تارة اكتب وتارة اطرقع اصابعي
وكان الذين لايعرفونني داخل البوكس
ينظرون الي شخصي
كما ينظرون الي مجنون
محبتي
Post: #1834
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-26-2009, 01:54 PM
Parent: #1

يقول الجميل جمال فارح
Quote: كل ناس الزقازيق .....سلام شديد ......
يوسف الموصلى ...(روزنامة الغناء الجميل) ...
يجبرنى ىشادى مرة أخرى على الدخول مبكرا الى هذا البوست الرائع بغير وضوء أو تيمم ....لكن هذه الاطلالة فعلت فى ما فعله تسونامى باهالي تلك الجزر النائية ....هذا المبدع المسكون بالجمال عزيز على قلبى .. يسرى مسرى الدم فى روحى وكيانى ..............
الزمان بداية الثمانينات ...شاب( أخضر) يقتحم ذائقتنا وعقلنا وافئدتنا ...ويثير عاصفة عاتية من الأتفاق والأختلاف حوله ...مع أو ضد ...فقد دخل المحظور ...وأتى بالبدع ....وفضح المسكوت عنه ...تيار عاتى ضد الرتابة واليومى والمستهلك ... والتقليدى ....ومن هو ليفعل كل هذا الضجيج ....مجرد شاب خريج يعشق الموسيقى والغنا الجميل ........من أحبه أطلق عليه (زرياب الموسيقى السودانية ) ...ومن وقف ضده (لشى فى نفس يعقوب ) أدعى أن هذا الشاب شوهه الموسيقى السودانية ولوث ذائقة المستمع ..!!! وأبتدأ المشوار...واثق الخطو يمشى .يحرز فى انتصاراته الصغيرة ..يمهد الطريق لنوع أخر من الموسيقى ...لنوع أخر من الأغنيات ..... الزمان بداية التسعينيات تماما من القرن الماضى المكان القاهرة حيث كان يقطنها ثلة من المبدعين السودانيين الموصلى ...السنى ....وتطول القائمة ...نهايات صيف بدايات عام دراسى .. كنت حينها مع والدتى (رحمها الله ) فى رحلة علاجها الأخيرة ..يطرق الباب طارق ..وأفتح الباب ..كمال الشادى يملأ فراغ الباب ...وسماء مصر الجديدة وثمة غيمة فى يده يهديها (أمى).جلس معها وتلك كانت المرة الأولى التى يلتقيها ..وابتدأ فاصل من الأنس الجميل .. كعادته شادى بغير مقدمات تجده متحكرا داخل قلبك.. يعيد ترتيب الأشياء ..ويدوزن الأوتار التى تحب والتى تكره ...ويحكى لى أنه جاء صباح اليوم من جده ..ومن المطار الى الزقازيق لان مواعيد امتحان الملحق لتلك المادة التى شغلت وأبكت وأدمت أفئدة الكثيرين من طلاب السنة النهائية لكلية التجارة بالزقازيق ...ذهب مباشرة الى شقتنا بالمحلج ليخبره صلاح الأمين بمرض والدتى واقامتى معها بالقاهرة ...لم يتردد ولو للحظة وامتحانه غدا !!!فى السفر الى القاهرة ..وهاهو ييييييييييييييملأ فراغ الباب وسماء مصر الجديدة وفى يده غيمة يهديها (أمى)..استحثه على النهوض والسفر والأستعداد للأمتحان وتدخل أمى فى جدل ضرورة سفره ...يوافق لكنه يستدرك قائلا لى( جمال فارح قوم غير هدومك وأرح معاى مشوار قبل ما أسافر الزقازيق !!!..) وين أيييها الشادى الجميل ...(شوف يا جمال ..انا عرفت أنو اليومين ديل الموصلى بالقاهرة يدشن فى البوم جديد..أرح نشوف ونسمع الزول الحلو دا ....) ولا زلت أذكر جمهور القراء بأن هذا الشخص ممتحن بكره ...!!
المكان ...القاهرة ..الجيزة .. ميدان الجيزة ..عمارة النصر ..(وما ادراك وما عمارة النصر ..تذكرت زياراتنا ومجدى النعيم الى الرائع السنى دفع الله له الحب والسلام أينما كان ..) ......
كمال يضغط على جرس الباب ..وثمة موسيقى هادئة تتسلل من حوائط المبنى !!!(حقا) وينفتح الباب عن الجميل الأخضر واقفا مبتسما حلو المحيا جميل القسمات ..فيهو ملامحى وملامحك ..فيهو قسمات أصدقائى وسمارى ...فيهو وعد الرحيل والاغتراب والهجرة والشحتفة .........كانت تلك أول مرة أراه عن كثب ..يفصلنى عنه مجرد حضن ! وأحتضنت معاهو الأمانى السندسية ....شكرا لهذه الطلة الأنيقة ....

[Email]


واستميحكم عذرا في اعادة ما قاله جمال هنا
لاتعليق فلساني عاجز
ولكن لي طلب من جمال
هو ان اعلق هذه القلادة في صدر موقعي
فهنالك باب اسمه دراسات ومقالات
كل المودة ياجمال

almousily.com

http://almousily.com/articles_a.php
Post: #1835
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-26-2009, 02:09 PM
Parent: #1

اها يا اخوانا جينا لي ود الخال السمح ود السمح
سامي عبد الوهاب ادريس
الذي ترعرع في قرية او المدينة الصغمبوته
ود الشافعي
تلك المدينة التي كنت ازور فيها اسرة خالي عبد الوهاب ادريس
اكرم من رآيت في حياتي حقيقة هذا ماجعلني دوما اسفر بقطار المحلي
في رحلة تفوق ال ١٢ ساعه
وقتها من الخرطوم لتصل الي مدني
حيث استقل البوكس لقرية ود الشافعي
والتي معظم عمالها وموظفيها تابعون لسكك حديد الجزيرة
لقد احببت هذا المجتمع بكامله
لقد اصبح جيران خالي هم بمثابة عشيرتي واهلي
وكنت حينها اتغني بالرق وتوا متخرج من العالي
اما صاحبنا سامي فقد كان فنطوطا صغيرا وكان مهذبا ولا زال صوته خفيض
نحيف ولكنه مثل والده حبوب
وكانت والدته طباخة ماهرة مثل والدتها
وقد لا تصدقون بان ثلث ماكتبته من شعر في تلك المرحلة كان في ذلك المكان الجميل
باهله وطقسه ومجتمعه
حبيبي سامي انتم جميعا في المقل وطمني علي الوالد الذي سآزوره قريبا باذن الله
لاحضنه واقبل راسه تقديرا واحتراما
وهل هو لازال منحازا لبادي محمد الطيب ام قد تغيير
بعدين ياخي قلنا ليك رسل لينا من الصور العجيبة دي ياخي
ماعهدنا فيكم البخل يا اهل الكرم
مودتي
Post: #1836
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-26-2009, 04:02 PM
Parent: #1835

سلامات يا ناس

Quote: شوف لينا الكوتش دا مالوا قال نص نص


ياحبيب ازيك...واخبار الخبرا معاك....

غير مستقر مكانيآ وذهنيآ....امكن لحدى فبراير....

وتفوتنى كل هذه الطعامة ...الموصلى القامة...وحتى

جلا اذا استطعم هذه الطعامة فيمكنه ان يؤلف مقامة

او يدعى احدى سيمفونيات بتهوفن...او اقله سيحى الحفل

الدكاكينى المزمع اقامته فى اليومين القادمين...جمال

فارح زاتو رغم شتارتو الانا عارفا ممكن بالراحة يغنى

بختكم يا مستطعمين...وياالما حاسى بيا وما دارى بى حالى

ولا يفوت على فطنة القارىء انو ده المرحوم رمضان زايد...

او رمضان بن زايد كما كان يقول ...عليه رحمة الله...

يا محبوبى...

شوقآ اليك يُجنّ نبض الشوقْ

تنفتحُ المسام على الجهات الكل

تخفت ُعالياتُ الصوت

لايُسمع سوى صوت التشوق

او هسيس الذكريات

==================

اذا جيتكم برواقة يكون فى دور فبراير
Post: #1838
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-26-2009, 05:49 PM
Parent: #1836

موصلي
شبطك عينة
بالغت عديك
طيب شربو شوية
شربو يعني البس معاهو شراب
Post: #1839
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-26-2009, 07:30 PM
Parent: #1838

Quote: سفر العيون تقريبا واحدة من اصعب الاغنيات في تاريخ الاغنية السودانية
وصعوبتها تتآتي في سهولتها من حيث الانتقال المقامي
وتستطيع ان تنقلها من مقام موسيقي الي اخر في سهولة ويسر
طبعا نحن في السودان حتي في اطار الفنانين
بنقول السلم وهنالك اختلاف كبير بين المقام والسلم
وعشان نبسط ليكم الموضوع
فان السلم هو اي سلم في اي عماره
ولكن المقام هو كل عناصر وقوف تلك العمارة علي الرض
تتضمن السلم والاعمدة الخرصانية والحديد الذي صبت عليه هذه الاعمدة
اما العمارة فهي القطعة الموسيقية او الاغنية كاملة


دروس بالمجان وإيضاح في منتهى اليسر والسهولة

وفهمنا المقامات من المقام الكبير يوسف الموصلي

أذكر بالزقايق كنا نقيم حفلة لكلية التجارة وكنت ألحظ

شئ من المنافسة بين بدر الدين شبين والشادي وكان بدر الدين

صديق لنا ودائماً ينزل معنا بالشقة وكنت أسكن مع الحبيب الشادي وفي الحفل

غني الفنان الكبير يوسف الموصلي واراح أعصابنا وحلق بنا في سماء

الموسيقى والطرب وبعدها كان على المسرح بدر الدين شبين وكنا جلوساً

بجوار الأستاذ يوسف الموصلي وكان يهم بدر الدين أن يسأل الأستاذ بحكم

الخبرة عن أداوه وأستمع للنصائح والرأي وكان مبسوطاً ومنتشياً وبعدها نزل

الشادي من المسرح وايضاً كان همه رأي الأستاذ والغريبه الموصلي أشار إليه ببعض

الملاحظات وقد تتطابقت معظمها مع بدر الدين وكنت أتوقع أن لا يبدي الأستاذ الموصلي

كامل الملاحظة للأخ/ بدر الدين ولكنه كان أستاذ وفنان ومخلص من أجل السودان كافه ولم

تتأثر علاقته بناس الزقازيق ،،، لم أكن أغني ولكن سكنت مع فنانين ومبدعين وكنت مستمع جيد ومتذوق

ومراقب لهذا القامة السودانية الكبيره ،،،

هذا هو يوسف الموصلي ،،، صاحب الجانب الإنساني الكبير ،،، قد لا يتذكرني الأستاذ يوسف

ولكني لم أنساه وما زالت إبتسامته الجميلة وعيونه الكبيرة الجميلة ماثلة أمامي ،،

ذكرى طيبه من ذلك الزمن الجميل.
Post: #1854
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 08:51 AM
Parent: #1839

Quote:
هذا هو يوسف الموصلي ،،، صاحب الجانب الإنساني الكبير ،،، قد لا يتذكرني الأستاذ يوسف

ولكني لم أنساه وما زالت إبتسامته الجميلة وعيونه الكبيرة الجميلة ماثلة أمامي ،،

ذكرى طيبه من ذلك الزمن الجميل.


لقد كانت ايام غاية في الجمال
عرفت فيها الكثيرين ياميسره
لو نكت لينا صوره قديمه قطعا ساتذكر
خالص المودة
Post: #1840
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-26-2009, 08:38 PM
Parent: #1838

Quote: سفر العيون تقريبا واحدة من اصعب الاغنيات في تاريخ الاغنية السودانية
وصعوبتها تتآتي في سهولتها من حيث الانتقال المقامي
وتستطيع ان تنقلها من مقام موسيقي الي اخر في سهولة ويسر
طبعا نحن في السودان حتي في اطار الفنانين
بنقول السلم وهنالك اختلاف كبير بين المقام والسلم
وعشان نبسط ليكم الموضوع
فان السلم هو اي سلم في اي عماره
ولكن المقام هو كل عناصر وقوف تلك العمارة علي الرض
تتضمن السلم والاعمدة الخرصانية والحديد الذي صبت عليه هذه الاعمدة
اما العمارة فهي القطعة الموسيقية او الاغنية كاملة


دروس بالمجان وإيضاح في منتهى اليسر والسهولة

وفهمنا المقامات من المقام الكبير يوسف الموصلي

أذكر بالزقايق كنا نقيم حفلة لكلية التجارة وكنت ألحظ

شئ من المنافسة بين بدر الدين شبين والشادي وكان بدر الدين

صديق لنا ودائماً ينزل معنا بالشقة وكنت أسكن مع الحبيب الشادي وفي الحفل

غني الفنان الكبير يوسف الموصلي واراح أعصابنا وحلق بنا في سماء

الموسيقى والطرب وبعدها كان على المسرح بدر الدين شبين وكنا جلوساً

بجوار الأستاذ يوسف الموصلي وكان يهم بدر الدين أن يسأل الأستاذ بحكم

الخبرة عن أداوه وأستمع للنصائح والرأي وكان مبسوطاً ومنتشياً وبعدها نزل

الشادي من المسرح وايضاً كان همه رأي الأستاذ والغريبه الموصلي أشار إليه ببعض

الملاحظات وقد تتطابقت معظمها مع بدر الدين وكنت أتوقع أن لا يبدي الأستاذ الموصلي

كامل الملاحظة للأخ/ بدر الدين ولكنه كان أستاذ وفنان ومخلص من أجل السودان كافه ولم

تتأثر علاقته بناس الزقازيق ،،، لم أكن أغني ولكن سكنت مع فنانين ومبدعين وكنت مستمع جيد ومتذوق

ومراقب لهذا القامة السودانية الكبيره ،،،

هذا هو يوسف الموصلي ،،، صاحب الجانب الإنساني الكبير ،،، قد لا يتذكرني الأستاذ يوسف

ولكني لم أنساه وما زالت إبتسامته الجميلة وعيونه الكبيرة الجميلة ماثلة أمامي ،،

ذكرى طيبه من ذلك الزمن الجميل.
Post: #1841
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2009, 08:49 PM
Parent: #1840

ودي عشان استاذنا يوصف الموصلي

اجمل الحلوين وين عهودك وين
لو انت ناسي الناس
نحنا ما ناسين
يا اجمل الحلوين

لو بتكتب لي
كان عرفت البي
يحرقني جمري الحي
خليت قليبي حزين
اجمل الحلوين

ان شاء يا بسام
تتحقق الاحلام
تظهر نتائج العام
ونكون من الناجحين
اجمل الحلوين

نسأل الله يجود
يحقق المقصود
انا وانتا تاني نعود
تتشابك الايدين
اجمل الحلوين


ريسنا ميسرة كيفنك ابوي
Post: #1842
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2009, 09:11 PM
Parent: #1841

سلام كبير أوي للجدعان ...

وسلام مربع وترحيب بلا حدود لضيفنا .... الموسيقار يوسف الموصلي ... قيثارة الزمن الجميل ... وصاحب البصمات المؤثرة في الموسيقي السودانية ... ورائد علمنتها ... تطويرها وتحديثها .... شكراً الموصلي علي عطاءك وشكراً علي مرورك ...


تسجيل حضور ومتابعة وإعتذار للغياب القسري
Post: #1843
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-26-2009, 09:34 PM
Parent: #1842

أيييييييييييييييييييييييييوي


قال ليك زغوردة يمتد صداها
زيا ما قال هاشم صديق

من نمولي للحلة الجديدة

أخيرا ظهرت الكرامات

قال ليك ظهر زهير الزناتي

س : أين كنت كل هذه الفترة ؟


ج : !!!!!!!!!!!!!!!!!!!!
Post: #1844
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2009, 09:42 PM
Parent: #1843

يا شادي القوم ظروف كتيرة خلت الزول يبتعد عن مهرجان الجمال ده ... عطل في كمبيوتر البيت ... من الساعة التاسعة وانا بذاكر فيما مضي عسي أن لا يفوتني شئ ... المهم جينا الحوش الكبير هنا ... دخلت المنبر بهناك ما عرفت أكتب وين ولا وين ... بوستات مليانة ومتمسحة وفيها شئ كتير ... بكره لو ربك هون حا اكون معاكم قلباً وقالباً ... اها اسمحوا لي أقوم أمشي إتلمي علي عيالي بعد ده ...
Post: #1845
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-26-2009, 09:45 PM
Parent: #1844

زهير بقيت تلخبط في الايام والله شنو ؟
الليلة السبت !!!!!!!!!!1
Post: #1846
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-26-2009, 09:58 PM
Parent: #1842

أهلاً أبو الزوز الريس زهير ابو شنب

ليك وحشه يا خي مشتاقوووووووووووووون

ما شايف ناس طارق أخونا ديل عاملين للبوست شليخ لااااااااورا

وماشايف بيتنا منور بوجود أستاذ الأجيال يوسف الموصلي .
Post: #1847
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-27-2009, 05:44 AM
Parent: #1846

صباح الهناء والسرور ...
أصبحنا وأصبح الملك لله ...
صباحات الشتاء الدافئ الجميل ...
صباحات دافئة في أحضان الأهل والوطن ...
صباحات حلوة حلاوة أهلنا الطيبين وسمحين ...
صباحات طاعمة بطعم أهلي الزقازيقاب الحلوين...
Post: #1848
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-27-2009, 07:02 AM
Parent: #1847

صبحكم الله بالخير و السرور

زهير حمدالله على السلامة...عودا حميدا...ما زلنا في انتظار صور دار الشرطة يا صديقي...
Post: #1849
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2009, 07:14 AM
Parent: #1848

صباح الخير،،،يا وجوه الخير ،،،

أصبحنا وأصبح الملك لله وحده،،،

نسمات الصباح :

اللهم إنك ،،،

عفوٌ

كريمٌ

رحيمٌ

تحب العفو

فأعفُ

عني
Post: #1850
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-27-2009, 08:19 AM
Parent: #1849

Quote:
مجموع المشاركات: 1111


صباحاتكم ندية ،،،
ونبارك للريس ميسرة الرقم المميز
Post: #1853
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-27-2009, 08:45 AM
Parent: #1850

صباحات الاشراق والجمال

على الناس الجميلة ...

جلجل .. مرحبا بالطلة .. والله ليك وحشة ..

وربنا يطمنك على سلامة الخبراء .. ويجزيك خيرا على برهما ..

زهير .. نـــّور بيتنا ...

مالك ياخوى بقيت زى صاحبك صلاح ادريس ..

كلما تغطس ليك كم يوم تجى تقول معليش ظروف بس جاييكم بالتقيلة ..

اها تقيلتك دى بقت زى مفاجــآـ صاحبك ..!!

Post: #1855
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2009, 08:53 AM
Parent: #1850

صيام عشوراء على مراتب

أدناها صيام اليوم الأحد

وفوقه التاسع والعاشر ومن صام السبت

والأحد والأثنين فقد أدرك ثلاثة

- صيام عاشوراء
- صيام ثلاثة ايام من شهر محرم
- أدرك فضل صيام يوم الأثنين

وكلما كثر الصيام في محرم كان أفضل وأطيب

ومن أصاب خمسة عشر يوماً في محرم صائماً أدرك

صيام سيدنا داؤود عليه السلام إذ كان يصوم يوم ويفطر يوم

وهو أفضل الصيام كما أخبرنا سيدنا محمد (ص)،،،،،،،،،،،،

أحبتي لنجعل سوياً صيام شهر محرم كصيام سيدنا

داؤود عليه السلام.
Post: #1857
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 08:59 AM
Parent: #1842

ونرد السلام مربعين
يازهير
انتم اناس من جيل فريد
لكم محبتي واحترامي
Post: #1856
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 08:54 AM
Parent: #1841

هديه جميله
ووديعه بديعه
ومقبوله ياطارق
Post: #1852
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 08:45 AM
Parent: #1838

Quote: وصلي
شبطك عينة
بالغت عديك
طيب شربو شوية
شربو يعني البس معاهو شراب


زمان ياكيمو لو لبست شراب
مع الشبط بعتبروك شربان في السودان
هههههههه
Post: #1858
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2009, 09:58 AM
Parent: #1852

وماذا عن الذى شب وكبر على انغام دمعة الشوق وانتى ليا
وريدة مجنونة فى تمناشـر ،،،،،،

وانا الذى كنت اهتف فى الزقازيق واقول ما هو ساكن فى شارعنا طوالى
ومتزوج بت جيرانا

اليس له من الشوق نصيب

قضيت عيدالاضحى فى السوادن صليت مع حاتم ربيع وقابلت عوض كضمى
ولعبت مع ولد وليد ، وفاجأنى مصعب بالعربية والنيولوك الجديد
ولو شفتو ما بتعرفو

تقبل تحيات 25 و 27 كلها وجبنا سيرتك والله بالخير
تحياتى للمدام والابناء
Post: #1871
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 05:54 PM
Parent: #1858

عبد الدائم سيد أحمد
ود حلتنا الحلو
والله انا حاسدك عديل
ولكن بعد شهر او ربما اقل ستحسدني
لانني افكر في العودة القاطعة باذن الله
احس بانني بحاجة مسيسة لصب جام لحوني في بحيرة حنان السودان
والحمد لله لقيتهم طيبا يا ابو عبده
ربنا يطمنك
Post: #1876
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-27-2009, 08:10 PM
Parent: #1871

Quote: ولكن بعد شهر او ربما اقل ستحسدني
لانني افكر في العودة القاطعة باذن الله


والله يا موصلي دا أحلى كلام

ويريت الأولاد يرجعو معاك بالرغم من صعوبة هذا الأمر...

والناس كلهم هناك في شوق شديد ليكم

وأكتر من يفرح بهذه العودة هو الوالد... لذلك سأزف له البشرى

ود الشافعي مازالت في الدواخل... بس ما عاد المكان هو المكان ولا الناس هم الناس

الله يرحم تلك الأيام الجميلة
Post: #1880
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 09:21 PM
Parent: #1876

Quote:
وأكتر من يفرح بهذه العودة هو الوالد... لذلك سأزف له البشرى


الله كم احب هذا الانسان
فهو بالنسبة لي الان ليس بمثابة الخال فقط
ولكنه الاب ايضا
كم اتحرق شوقا لملاقاته ربنا يديهو الصحة
انا جايي هسع برااااي ياسامي
اشمشم ولو الامر استطاب
اكيد فان الدم سوف يتدفق في عروق العودة الخالصة كالشلال
مودتي
بالله رسل لي الصورتين وباقي الصور
ما داير القي لي شبط ولا شبشب رايح هههههههه
ديل غالياااااااااااات شديد
وده الايميل
[email protected]
Post: #1859
Title: Re: ناس الزقازيق ... أجدع ناس ( 3 ) ..
Author: عصام دهب
Date: 12-27-2009, 10:17 AM
Parent: #1852

تحية و سلام لأروع و أجدع ناس ..

و إن شاء الله دايماً تامين و لامين ..

و كلنا ترقب بلهفة لدخول أعزائنا الزقازيقاب الذين أنضموا إلينا مؤخراً و تشريفهم لنا في هذا الحوش ..

و تحية كبيرة أوي أوي و سلام بإنحناءة و إحترام للاٍستاذ القامة و الموسيقار المبدع / يوسف الموصلي الذي عبق هذا الحوش بشذى دخوله و طيب مشاركاته .. فألف مرحبا به و سهلاً .. و نتمنى أن يطيب له المقام هنا ..


....

رزقت زميلتنا الزقازيقابية الفاضلة الأستاذة / هويدا عثمان حامد ( جاينيس ) بمولودة حلوة أنضمت لأشقائها الأربعة ـ ربنا يحفظهم ـ و أشاعت البهجة و الحبور ..
المولودة الأنثى الجميلة جاءت لتهد أركان بيت العزابة الذي كانت تعيش فيه زميلتنا هويدا وحيدة على حد قولها ..
ألف حمداً لله على سلامة الأخت الفاضلة / هويدا و عاطر التهاني لها و لزوجها و أطفالهما بهذه الأمورة التي نسأل الله تعالى أن يحفظها و أخوانها ذخراً لوالديهم و أهلهم و وطنهم ..
Post: #1875
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-27-2009, 07:43 PM
Parent: #1859

عصام (العمده)

Quote: و تحية كبيرة أوي أوي و سلام بإنحناءة و إحترام للاٍستاذ القامة و الموسيقار المبدع / يوسف الموصلي الذي عبق هذا الحوش بشذى دخوله و طيب مشاركاته .. فألف مرحبا به و سهلاً .. و نتمنى أن يطيب له المقام هنا ..

شكرا لك انك فتحت هذا النفاج الزقازيقي السودني
الهميم الحنين
وطبعا يطيب المقام ونص وخمسه
كل الود
Post: #1860
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2009, 10:26 AM
Parent: #1852

سلام يا ناس .... الموصلي الجميل ... مرحب بيك تاني وتالت ... إتذكر في الزقازيق حينما يتغني أحدهم بـ (ليك رسالة طويلة يا أمي ) تسمع نهنهات هنا وهناك ... وبعدها جرية وإنسحابات لتكملة الجعير خارج القاعة ... إلي الآن حينما أكون لوحدي أرسل رسالة طويلة لأمي ...

بكتب ليك رسالة طويلة يا أمي
واقالدك فيها ........يا أمي
واضمك ساعة في حضني ..يا أمي

رغم أن الحاجة علي بعد خطوات مني الله يديها طولة العمر ... مع شوية دميعات ... الله يخليك يا موصلي ... ولو ما عملت حاجة غير الأغنية دي كفاك إلي يوم الدين ... بس عايز أسألك سؤال .. الصور الجابها سامي عبد الوهاب دي أوعي يكون هو الصورك ليها ... أصلوا أنا أي زول اشوفه شباب كده وأقوم أقول دفعتي أجي أتخذل فيهو في حاجة زي دي ... ولو بقي سامي بيصور من سنة كم كده ما عارف غايتو الواطة في خشمه براهو ...
Post: #1861
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2009, 10:34 AM
Parent: #1860

يا طارق جبريل في المنبر العام .... لمن يعملوا لستة المناضلين والمعارضين للإنقاذ ما قاعدين يجيبوني في اللستة دي ... ولمن جبتوا لستة الشوايقة في البوست برضو شايف طلعتوني بره ... أها عايزين لينا لستة نتلمي عليها ... غايتو اللست كتيرة بس خايف يكون نفس المصير ... والله يا طارق جبريل انا لابد ليك لبدة بس خليك راجل وتعال السودان ... المرة دي إلا تآمن عشان لسانك الطويل ده نقطعوا ليك ... وأول حاجة نوديك القراند كافية ... وده محل سري لمن نودي لي زول قاعدين نعمل نايمين ... لكن حا نصورك فيهو زي مليون صورة كده وننشرها في الأسافير حتين بعداك نوديك بيتكم ... بس إنت تعال وبالمهلة ...

محمد عيد يا إشاعة .... تباري إشاعات صلاح إدريس يقول ليكم أنا سجلت الوالي عديله في كشوفات الهلال .. الأيام دي بكتفي بقراءة العناوين البارزة في الصحف الرياضية وبس ...

رشدي يا جميل سلام عليك ... وعلي تفقدك لنا كلما نغيب ...
Post: #1862
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2009, 10:43 AM
Parent: #1861

ابو الزوز ياخي نحن شلناك من اللائحة كنوع من التكتيك
لانه الدناقلة ديل عايزين حرب عصابات
وانت كدة حا تكشف لعبنا
ياخي لو قمنا رصينا ليهم شوايقة الزقازيق هنا بيآآآآآمنوا


جاييك يا زهير بس الجريدة تروق وتحلى كدة وبنط ليك
Post: #1863
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2009, 11:01 AM
Parent: #1862

عجلة عجلة ،،،، لا جلابــيي
Post: #1864
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 12-27-2009, 11:13 AM
Parent: #1862

عارف يا زهير استفسارك (انا تبع مين ) دى ذكرتنى طرفة

ففى صيف 91 وحينما كانت العلاقات السودانية المصرية قشطة بالحليب واحلى من الزفت وكده

تم القبض على الاخ فيصل خلف الله ( تربية تقريبا ) من ابناء اروما , تم القبض عليه بمنطقة العريش بدعوى انه كان ينوى الدخول لفلسطين عشان يجاهد وكده ( وفيصل كان ينوى ان يلقط شوية مصاريف فى الاجازة من خلال العمل فى المحلات التجارية .

المهم خلال استجوابه بسجن العريش وبعد ان اغمضوا عينيه لكزه ضابط

التيلى (قلتلى ) انت مش بتاع جهاد ..انت فى السودان تبع مين الميرغنى ولا الصادى المهدى

وفيصل يرد بأنه لايتبع للصادق ولا الميرغنى

الضابط : يبقى بأاهـ انت تبع الترابى رأس البلاوى فى السودااان

فيصل ينفى انه يتبع للترابى ؟؟؟؟

الضابط . يا ابنى حيرتنى يبقى انت تبع الحبر نورالدائم مش كده

وينفى فيصل .

فما كان من الضابط الا وان ضربه خلف الرقبه ( على قفاه ) يا جدع انت لازم تكون بتتبع لحــــــد مش ممكن مش ممكن ؟

ولذا يا طارق زهير لازم تشوف ليهو تكتل يتبع ليهو ولو ما لقى نحن بنرحب بيهو عند اهلنا ناس ود زايد شحم البل .
Post: #1865
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2009, 11:24 AM
Parent: #1864

ود زايد شحم البل دى وين كمان جمب هيهيا ولا شنو

،،،،،

والله اسمح شيشة اشوفها فى حياتى عند هذا العبدالسميع
والعجب العلبة الخاتيها فيها ،،،،
Post: #1866
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 12-27-2009, 11:42 AM
Parent: #1865

يا عبدالدائم يا نضيف

عارف نكتك بتاعت فجركى الليلة الصباح او صباح اليوم كنت بحكيها

لدنقلاوى صديق صدوق ووقع من الضحك

وقلت ليهو والله بديت اتعلم رطانة ونبدأ بفجركى

يا اخى حرام عليك ما بتعرف جدنا ودزايد شحم البل

شيخ الضبانية او الظباينة فى بعض الروايات والذى سجن فى
ام درمان من قبل الخليفة لاكثر من عامين

على العموم انا بهديك الصورة الجميلة دى عشان تثقف شوية عن البطانة
\ ومطر البطانة او خريف البطانة لو سمعت بيهو

Post: #1867
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 12-27-2009, 01:14 PM
Parent: #1866

الاعزاء دوماً

اجدع ناس

صباح الخير

ونهاركم سعيد

ومساء الخير

لكم كل الود ......








راجعه ليكم تانى
Post: #1868
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-27-2009, 02:05 PM
Parent: #1867

مساكم الله بالخير

قلت ألحق باقي الشمس دي قبل ما تغيب...لأن معظم الناس أصبحوا نهاريين و بقو ما بيجو بالليل...لكن يبدو أن الليل خصوصا في الشتاء ده طويل خلاص...بيبدأ من الساعة 4 العصر...
نحن ناس الليل ننتظر عودة جلال راس حربة الليل..و جلا لاعب الارتكاز بس لما بت الشيخ تكون في كسلا...الكوتش محمد صديق سوف يعود في فبراير (خلاص يا فان نيستلروي)...
أنا كتابة النهار دي أصلي ما بقدر عليها...قدر ما أحاول ألقى نفسى مشوش بعد نهار طويل مليان كلام و رسائل...لا بد من بريك حتى أستطيع أن أفرق بين جوطة النهار و هدوء الليل...

لكن الكم سطر الفوق ديل مش أحسن من...متابع و مستمتع...كان بالجد و لا بالكضب...
Post: #1869
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2009, 02:41 PM
Parent: #1867

Quote: ود زايد شحم البل دى وين كمان جمب هيهيا ولا شنو


يظهر إنه عبدالدائم رجع من الإجازة بمزاج

عالي جداً وعاود تعليقاته الساخرة والدم الخفيف ،،
5902_1160513526.gif Hosting at Sudaneseonline.com

نصيحة للبرالمة أعملوا حسابكم من نحل البوست لدغته حاره بس لذيذه


مرحب بطلة أختنا مشاعر بت بدوي ،،، البيت بيتك إتفضلي.
Post: #1870
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2009, 05:52 PM
Parent: #1869

حفل زفاف عضو البورد دينق قوج فى سهرة فخيمة بصالة اسبارك... ... صور - صور - صور


دينق قوج زقازيقي جميل .... ألف مبروك وبيت مال وعيال ....
Post: #1872
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2009, 06:06 PM
Parent: #1870

يا عبد السميع عرفنا المطرة ... الصورة دي في البطانة ولا البراري الأمريكية غايتو لو في البطانة أنا من بكره ساكن رفاعة وليغادي .. شرق الله البارد ... اها كمان لو بقت في البراري الأمريكية عليكم الله يا ناس امريكا شوفوا لينا اللوتري ده معاكم .... بعدين ضحكتني الحكاية بتاعتك دي ... المهم لستة ناس الزقازيق لمن تنزل ما تنسونا ...
Post: #1873
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2009, 06:24 PM
Parent: #1870

مرحب بأحلام وهبي .. وقد كانت تطل علينا بحساب زوجها السني دفع الله ... لنبارك لها الإستقلال ....

عضوة جديدة : كرت كرتون
Post: #1874
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-27-2009, 06:57 PM
Parent: #1873

شليل وين راح

=================
ما السبب الذى طفش الاخوات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا بد من ازالة السبب
ام انه البيات الشتوى
================
Post: #1877
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-27-2009, 08:26 PM
Parent: #1874

Quote: الصور الجابها سامي عبد الوهاب دي أوعي يكون هو الصورك ليها ... أصلوا أنا أي زول اشوفه شباب كده وأقوم أقول دفعتي أجي أتخذل فيهو في حاجة زي دي ... ولو بقي سامي بيصور من سنة كم كده ما عارف غايتو الواطة في خشمه براهو ...


والله يا زهير أحسن ليك تمسك فيني قوي... مااااااااااا عندك خيارات أفضل

هههههههههههههههههههههههههه
Post: #1878
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-27-2009, 09:09 PM
Parent: #1877

يا أخوانا كلها كم يوم
وتبدأ السنة الجديدة
ولحدي هسي ما شفت اي زول اتكلم في موضعين في غاية الاهمية

الموضوع الاول
عيد إستقلال السودان

" خوفي يكون آخر عيد إستقلال للسودان الموحد "

والله فعلا وضع الناس في البوست ده ومعنوياتهم اللي الواحد قادر يقراها ببعداهم عن الكلام عن الموضوع ده
بتوضح فعلاً مدى تشاؤم الناس من سودان ما عبد 2011
ما داير اقلب الموضوع سياسة
" بكره ايمان صليبها "
لكن ..... خوفي

اذا ما مدبرسين من الموضوع ده كلمونا عن عيد استقلال البلد العجيب اللي نحن بننتمي ليهو




الموضوع الثاني
في نهاية كل سنة المهندس بكري أبوبكر بيعمل ارشفة للسنة الفاتت وكده
أنحنا في موقعنا الجديد ده الارشفة وضعنا معاها شنو ؟
Post: #1879
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-27-2009, 09:12 PM
Parent: #1877

قبل ساعة من الآن فاجأني إتصال في غاية من الروعة والجمال

من الأخ معاوية الزبير من الدوحة - قطر

معاوية من سنايرنا الأعزاء جدا علينا بكلية التربية قسم اللغة الإنجليزية

رجل صاحب أخلاق عالية وذوق رفيع

كانت مكالمة أعادت الكثير من أيام جميلة خلت... وأيام أجمل قادمة إن شاء الله باجتماعنا معاكم يا ناس الزقازيق... يا أجدع ناس

____________________________________

وقبل أيام قلائل كان لي إتصال بنفس الطعم والنكهة مع الأخ حمدي الفضلي وهو مقيم بمدينة الرياض ويبحث كثيرا عنكم أيها الزقازيقيزن

تليفونه: 00966555219120
Post: #1881
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-27-2009, 09:50 PM
Parent: #1879

العزيز سامي
اول حاجة شكرا انك ختيت تلفون حمدي
كلمتو هسي تلفون طويل وعريض
حمدي الفضلي كانت بينا صحبة جميلة جدا وخاصة في الزقازيق
اها كانت المفاجأة إنو قال لي عرف تلفونك من اسامة اخوك
انت عارف انا اسامه ده مسجل اسمو عندي اسامه اولات باسم الشركة بتاعتو
وبعرفو حق المعرفة وبينا صداقة عمل راقية جدا
خلصت تلفوني مع حمدي شديت ليك تلفون لي اسامة
المشكلة مارد على
لكن وراهو والزمن طويل
عالم صغير فعلا
Post: #1882
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-28-2009, 06:06 AM
Parent: #1881

صباح الهناء والسرور ...
أصبحنا وأصبح الملك لله ...
على قدر الشوق ... الشوق ما يمد مديت ...
وعلى قدر غناوي الريد غنيت ...
الرائع العبقري الفنان الموصلي ...
بي زيارتك بيتنا نور ...
وأتحفتنا بالكلام الجميل وبالطلة البهية ...
وشكرا يا شادينا على هذه الهدية الرائعة ...
Post: #1883
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-28-2009, 06:36 AM
Parent: #1881

النضيف .... النحلة .... عبدالدائم

شكرا لرجوعك ... وكتر من عينة المربي ...


عجلة ..... جلابيي ...



طبعا ياشباب انا كنت ساكن مع ... دناقلة "صر" ...
ولا "جنسو" شايقي معانا ...
انا زاتي قلبت "فجركي" ...
Post: #1884
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-28-2009, 07:19 AM
Parent: #1883

مبروك الزواج يا دينق وبيت مال وعيال

ومبروك الباسورد لاحلام بت علوم زوجة السنى دفع الله

بالنسبة للمطر ما اظن يا زهير ده فى البطانة لو دققت فى الصورة
حتشوف كامرى وجمبها كريسيدا واقفين ،،،،،

شادينا البوست حقنا حيتنقل بكامل صفحاته الى السنة الجديدة
ما تخاف عليهو ،،،، وراكم رجالة ،،،

يا نجيلة تتذكر طرد القماش بتاع التمر حق عبدالرازق الداسيهو
تحت السرير ، فى ليل الشتاء بتسمع الزول جوة البطانية بقرقش
فى التمر ( كروووم كروووم ) ، الشغالة لما تجى الصباح تنفض الملاية
حصاص التمر يطير يملا الاوضة ،،،،،
احمد السنى باستهبال ،،، لالالالا اكيد فى فار هنا ،،،

الظاهر برد الشتاء جمد ناس الرياض ويييين موسى واحمد اسماعيل وقدورة
ومنصور
Post: #1885
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 12-28-2009, 07:53 AM
Parent: #1884

صباح الخيرات عليكم عشيرة الجدعان ...

التحية ليكم جميعا والأشواق..
وألف مرحب بالزملاء الجدد
وأتمنى أن يطيب ليكم المقام في الحوش الوسيع ..

حبيبنا عبد الدائم ..
حمد لله على سلامة العودة .. معليش جات متأخرة
شوية مشاغل كده وحركات بايخة من ذو الكفل ..

خطوات فناننا الرائع موصلي عطرت درب الذكريات الجميل
وأهدت إلينا عبقا من زمن الإبداع والفن الراقي
تشرفنا بقدومك بيننا فأنت عنوان للحس المرهف
خبرناك في ربيع أيامنا مبدعا ومجيدا وملهما
ولا زلنا نرتشف وننهل من معينك الراقي
لك التحية والعرفان والعمر المديد
وخليك معانا...
فالبيت بيت جمال وانت سيد الجمال ..
Post: #1886
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-28-2009, 08:22 AM
Parent: #1885

كل ارشفة وانتم بخير يا زقازيقاب

قدورة شوف بعد شوية تلفونات البرالمة حتتخابت
يسألو من بوست الزقازيق اكيد حيكونو حايميين فى
الربع التالت ،،،،،
خليهم ما علينا مش عندهم حق التكسى ،،،،
Post: #1887
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 12-28-2009, 08:28 AM
Parent: #1886

Quote: خليهم ما علينا مش عندهم حق التكسى ،،،،


حرااااااااااام يمكن يكونوا ما استلمو البريزة !!!!

والله بيني وبينك أنا ذاتي قربت أطش ....
الحمد لله طلعنا منها !!
Post: #1888
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-28-2009, 08:44 AM
Parent: #1887

صباحات مشرقة ..

مبروك للجميع انتهاء الأرشفة وانتقال صفحات البوست للربع الجديد


دودى .. رســـل اولاد الجيران يفتشوا للبرالمة الطشــو ديل

أعتقد ان البيت الداخلى للزقازيقاب لابد له من اعادة ترتيب وتنظيم ...

ورغم ان هذا أساسا .. شــغل الحريم ...

الا ان طول بياتهن الشتوى - على قول الريس معتصم - يجعلنا نسحب هذا الحق منهن ..!!

بكل جديـــة ... لابد من ورشة عمل سريعة لتنظيم ووضع المعالجات والمقترحات
Post: #1889
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 12-28-2009, 10:10 AM
Parent: #1888

صباح الخيرات

يا النضيف ذى ما قلت انا من البرالمة البفتشوا فيكم من الصباح لكن الحمد لله لقينا التاكسى دفعناه شيرنق .
Post: #1890
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2009, 10:51 AM
Parent: #1889

صباح الخير،،، يا وجوه الخير،،

كل ارشفة وأنتم طيبين،،،،،،،

اللهم اجعلنا ممن يسمعون القول ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
ربنا لا تواخذنا إن نسينا أو أخطأنا ربنا ولا تحمل علينا إصراً كما حملته على الذين من قبلنا
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
أنت مولانا فانصرنا على القوم الكافرين
Post: #1891
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2009, 10:59 AM
Parent: #1890

Quote: أعتقد ان البيت الداخلى للزقازيقاب لابد له من اعادة ترتيب وتنظيم ...


صاح يا ود عيد ،،،

لقد تقدمت بعدة مقترحات لترتيب الداخل

وكنت أتمنى من مناقشتها سواء سلباً أو إيجاباً

ولكن ما في زول واحد عبرني ولا حتى سوى كوبي & بيست
Post: #1892
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-28-2009, 05:42 PM
Parent: #1891

يازهير ياخي حكايتك شنو؟
في صور لي لمة الاربعاء ولا اقوم اديك فاتحتكم
ال
Post: #1893
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 06:10 PM
Parent: #1892

يا ابو الجل والله الصور تستاهل شحتفة الروح دي ... بس خليك قريب وحا نفتح ليها بوست يهز ويرز بكره في منبرنا بهناك
Post: #1894
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-28-2009, 06:43 PM
Parent: #1893

والله يا عبد الدائم انا شايل التلفون وبتكلم مع ميسرة
يا أخي ما لاقي البوست
وهو يضحك
ويضحك
في شنو ياريس
قال لي عبد الدائم كاتب عنك
عني انا
قالي لا عن كل البرالمة
لكن انا ما برلوم
قالي اللية انت برلوم

Quote: كل ارشفة وانتم بخير يا زقازيقاب

قدورة شوف بعد شوية تلفونات البرالمة حتتخابت
يسألو من بوست الزقازيق اكيد حيكونو حايميين فى
الربع التالت ،،،،،
خليهم ما علينا مش عندهم حق التكسى ،،،،


تصدق انا فعلا طلعت برلوم
وقلت اكتبها انا قبل ما يكتبها ميسرة
وابقى مضحكة وتطلع فيني نكت يا عبد الدائم
Post: #1895
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 06:54 PM
Parent: #1894

قلنا نستر الشادي جاب الفضيحة براهو .. قبل شوية وصلني إيميل من كمال الشادي قال حسابه إتوقف في المنبر العام ،،، في بوست محدد عايز يعمل فيهو مداخلة بتجيهو رسالة تفيد بإيقاف حسابه من المنبر العام ... وبيسأل ليه يا ربي حسابي إتوقف .. اها في سرية تامة رسلت ليهو إيميل قلت ليهو يا شادي القوم لقد تغير الأمر واصبح هنالك منبر جديد . وبوستات جديدة . ولن تستطيع أن تتداخل في البوستات القديمة ... الكلام ده كله بالسر من غير ما حدي يعرف ... اها جاب الكلام لنفسه ...
ويا عبد الدائم قول واحد برلوم ....
Post: #1896
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-28-2009, 06:55 PM
Parent: #1894

عبد الدائم
الليلة اخاطبك بصفتك سينير على كل البرالمة الماعرفو سكة البوست

اكان صحي سينير حل لي دي
حوالت اعمل مداخلة في البوست العام بتاعر بكري
جاتني الرسالة دي
عفوآ
-لا يمكنك اضافة مداخلة او موضوع للارشيف

او
-تم أيقاف حسابك في المنبر العام مؤقتآ
فضلاً راسل مدير المنبر العام لمزيد من المعلومات
[email protected]

Permission Denied
Sorry, you have no permisson to access this page or function
Please search here


يا الله يا سينير حلها
Post: #1897
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-28-2009, 07:05 PM
Parent: #1896

يا زهير
كتر خيرك
على السترة
ماشي
لكن والله اول فرصة فيك ما افوتها وافرج فيك البلد والبلدين
واخلي المايشتري يسمع
ده شنو يازول ده
Quote: قلنا نستر الشادي جاب الفضيحة براهو .. قبل شوية وصلني إيميل من كمال الشادي قال حسابه إتوقف في المنبر العام ،،، في بوست محدد عايز يعمل فيهو مداخلة بتجيهو رسالة تفيد بإيقاف حسابه من المنبر العام ... وبيسأل ليه يا ربي حسابي إتوقف .. اها في سرية تامة رسلت ليهو إيميل قلت ليهو يا شادي القوم لقد تغير الأمر واصبح هنالك منبر جديد . وبوستات جديدة . ولن تستطيع أن تتداخل في البوستات القديمة ... الكلام ده كله بالسر من غير ما حدي يعرف ... اها جاب الكلام لنفسه ...
ويا عبد الدائم قول واحد برلوم ....


يعني انا لمن رسلتها ليك في رسالة خاصة على بريدك بي بره بره يعني شنو

مقبولة يا ابشنب
وارجا الجاياك
Post: #1898
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 07:13 PM
Parent: #1897

يا شادي القوم براك جبتها لروحك سكتنا .. ولبدنا بيها ... اها لما الموضوع إنفتح قلنا كمان ندلو بدلونا في هذا المولد ... يا زول ولا يهمك .... وانا مستعد ... وزمان أهلنا قالوا الفضيحة والسترة متباريات .... وأهو راجين ...
Post: #1899
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 07:26 PM
Parent: #1898

اها يا شباب قلنا نقلب معاكم الصفحة قبل ما نمشي ونجيكم بكره ... عشان ما نفتش في الصفحات الوراء ... يلا همتكم معانا .....
Post: #1900
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 07:37 PM
Parent: #1899

اها يا جماعة حمنا هنا وهتاك في المنبر ومافي زول يجي ساكت يتونس معانا وانا كمال الشادي ... وين يا جلال يا بتاع الخبراء الأجانب .. فاتحتنا وين ....
Post: #1902
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2009, 07:48 PM
Parent: #1900

البرالمه لمن إختفوا

ما لم جابوا اللوم وإحتفوا

حمد لله على السلامة يا شادي وعبدالدائم ده بتشوفوا بكره

دي بشيل حسك ولو كنت محظوظ يطلع في الزنكلون أو في

ود زايد شحم البل بتاعة أخونا عبدالسميع.
Post: #1914
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-28-2009, 09:11 PM
Parent: #1902

سلامات يا ناس

تسجيل حضور ومتابعة ..نص نص
Post: #1901
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 07:46 PM
Parent: #1899

شايف أبو الزوز و محمد عيد و الريس...عايزين تقلبوها و لا نمشي ننقلب...
Post: #1903
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 07:49 PM
Parent: #1901

أبو الزوز نحن هنا...الأسبوع ده الزهج بدأ بدري شوية...
Post: #1904
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 07:55 PM
Parent: #1903

Quote: البرالمه لمن إختفوا

ما لم جابوا اللوم وإحتفوا


دي تنفع أغنية بنات يا ريس...نتمها ليك و لا تتمها براك...
Post: #1906
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2009, 08:02 PM
Parent: #1904

هلا بالغالي رشيد القوم

والله البوست العام ده بشتكي من إختفاء

مداخلاتك المليانه الشحمانه القديمة قبال ما تتزوج مربع كاي

وتعمل لينا ضرة مع بوستنا القديمة ده ،،،،،،،،،،،،،،،

والقديمة تحلى ولو كانت وحلى .
Post: #1905
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 07:57 PM
Parent: #1903

يا رشدي الله لا جاب الزهج ... إنت عارف نهاية السنة دي الناس بتكون مزنوقة في الشغل وتشطيب العمل عشان كده بيكون في ملل ... بس الأعياد وإحتفالات راس السنة بتدي الناس نفس شوية ... السنة دي شايف حفلات الخرطوم ما زي السنة الفاتت ... ما عارف ليه ... وللأسف الكريسماس وعيد الإستقلال صادفوا جمعة يعني الناس كان بتكون مستمعة بالإجازات بس العام ده إتحرمنا منها ...
Post: #1907
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 08:02 PM
Parent: #1905

و الله يا أبو الزوز ما عايز أعاديك بالزهج...أنا هنا لا راس سنة ولا راس كليب...الكمبيوتر و الكورة و النيل الأزرق بس...حسة جايني لي كمان أسرار بابكر...بتغني ليها في أغنية سمحة (أكيتبلي يا غالي الحروف) لكن لابسه ليها فستان زي حلاوة قطن...
Post: #1908
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2009, 08:03 PM
Parent: #1905

اها يا جماعو وقت قلبتوا الصفحة نقول ليكم تصبخوا علي خير ، ويمكن بكره نجيكم بالمفيد ..
Post: #1909
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 08:07 PM
Parent: #1908

Quote: وتعمل لينا ضرة مع بوستنا القديمة ده ،،،،،،،،،،،،،،،

والقديمة تحلى ولو كانت وحلى .


و الله يا ريس القديمة دي عمرها ما بقت شينة في عيوني...لكن البوست أصبح متحرك بالنهار أكتر من بالليل و أنا بالنهار ما بقدر أتداخل و بجي بالليل بلقى الدار خلاء..عشان كده بمشي مربع كاي أقعد أهضرب براي..
لكن كان لقيت لي زول يهضرب بي جاي ..وحاتك ما بفوت البوست ده أبدا...


أبو الزوز خليك معانا شوية ياخي...الليلة مالك..
Post: #1910
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 08:15 PM
Parent: #1909

يا ريس نتم ليك أغنيتك..بس بعدين لو بعتها لي ندى القلعة ما تنسانا من القسمة...

البرالمه لمن إختفوا

ما لم جابوا اللوم وإحتفوا

بالنهار اتحشتفو

كاسو البوست لفو و حفو

بالصبر ما اتلحفو

الباسورد منو اللفحو

في الايميلات صرحو

زاعو السر و فضحو

مشاعرهم اتجرحو

الليله وين اليا دوبهم صحصحو
Post: #1911
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 08:18 PM
Parent: #1910

ايه رأيك يا ريس..بعد ما الشادي يلحنها نعملها كورال...
Post: #1912
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2009, 08:41 PM
Parent: #1911

Quote: يا ريس نتم ليك أغنيتك..بس بعدين لو بعتها لي ندى القلعة ما تنسانا من القسمة...

البرالمه لمن إختفوا

ما لم جابوا اللوم وإحتفوا

بالنهار اتحشتفو

كاسو البوست لفو و حفو

بالصبر ما اتلحفو

الباسورد منو اللفحو

في الايميلات صرحو

زاعو السر و فضحو

مشاعرهماتجرحو

الليله وين اليا دوبهم صحصحو


يا سلام بالرشيد الرائع والحس الفني السريع

أنا أقترح يقوم النضيف بالتلحين علشان الشادي

عضو مع البرالمة دول وممكن نعمل الكورال بيهم .
Post: #1913
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 08:47 PM
Parent: #1912

أؤيد يا ريس...بس أنا أقترح ندخل زهير معاهم عشان يقول الحتة بتاعت ...الليلة وين اليا دوبهم صحصحو..نظام مكاواة و كده...

يعني المجموعة تقول

البرالمه لمن إختفوا

ما لم جابوا اللوم وإحتفوا

يدخل زهير يقول ...الليلة وين اليا دوبهم صحصحو وهكذا...
Post: #1915
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2009, 09:36 PM
Parent: #1913

Quote: سلامات يا ناس

تسجيل حضور ومتابعة ..نص نص


يا كوتش خليني من نص نص دي..بس وريني جيت بي فوق كيف...خليتني أشك في نفسي...
Post: #1916
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 06:23 AM
Parent: #1915

نبدأ صباحنا ( اللهم اني اصبحت اشهدك و اشهد حملت عرشك و ملائكتك

و انبياءك و جميع خلقك بأنك انت الله لا إله ألا أنت وحدك لا شريك و

أشهد أن سيدنا محمداً عبدك و رسولك قد بلغ الرسالة و نصح الامة فاجزه

اللهم عنا خير ما جازيت نبيا عن أمته .

الاحباب الطيبين قلنا نظهر اليوم بعدما وجدنا البوست قد تعافي من الشقشقة و

الفجركي! التي هي من اكبر الاسباب التي ادت لتراجع السودان فنامل ان لا يعود

عهدالقبيلة والقبلية و فسادها و استبدادها الله لا عادوا؟
Post: #1917
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-29-2009, 06:44 AM
Parent: #1916

Quote: البرالمه لمن إختفوا

ما لم جابوا اللوم وإحتفوا

بالنهار اتحشتفو

كاسو البوست لفو و حفو

بالصبر ما اتلحفو

الباسورد منو اللفحو

في الايميلات صرحو

زاعو السر و فضحو

مشاعرهم اتجرحو

الليله وين اليا دوبهم صحصحو


والله ياميسرة ورشيد القوم لما قريت كلماتكم دي
جاني احساس انها مدحة .... تنفع في قناة ساهور
فاقترح تلحينها على وزن المديح ...
والمداحين كتااااااار ... معانا هنا


...
يمكن يكون رأيي اشتر ... ومخالف
محمد صديق يا نص نص ... رايك شنو
Post: #1918
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 08:29 AM
Parent: #1917

ياياسر نجيلة كيف حالك علك طيب يا حبيب شنو يا

طلاتك بقت زي القمر ة( خفت اكتب الهلال تقوم تزعل)؟

بالنسبة للتلحين الرشيد قال ود هلالي بطرفه يعني

كملوا الناقصة و رسلوها للشادي و معاهو مكي والعازفين

د. مصطفي عبدالجواد وعماد عثمان و الكورس جلال عثمان و

عصام جلي حامد الحبر ؟
Post: #1919
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 09:12 AM
Parent: #1917

صباح الخير،،، يا وجوه الخير،،،

أصبحنا وأصبح الملك لله وحده،

نسمات الصباح :

اللهم إني أعوذُ بك من شر ما عملت

ومن شر ما لم أعمل ،،،،،،،،،،،،،،

لا إله إلا أنت ،،

سبحانك ،،،،،،

إني كنت من الظالمين,,,
Post: #1920
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 09:27 AM
Parent: #1919

يا محمد عيد صاحبك الشيخ اخو بنات الشيخ الاستاذ

جلا ما زال حردان و واقف بالشارع البهناك لناس

زهير و قال والله ما يدخل حتى يظهر الشاعر احمد مطر

و نحن تنازل منا ورغبة في ظهور الشاب الانيق جلا

دعونا مطر ليمطرنا بغزارة و في هذه المره سياسياً؟


الشاعر احمد مطر

-------------------------
زارَ الرّئيسُ المؤتمن
بعضَ محافظات الوَطـنْ
وحينَ زارَ حينا
قالَ لنا :
هاتوا شكاواكـم بصِـدقٍ في العَلَـنْ
ولا تَخافـوا أَحَـداً..
فقَـدْ مضى ذاكَ الزّمَـنْ .
فقالَ صاحِـبي (حَسَـنْ)
يا سيّـدي
أينَ الرّغيفُ والَلّبَـنْ ؟
وأينَ تأمينُ السّكَـنْ ؟
وأيـنَ توفيرُ المِهَـنْ ؟
وأينَ توفيرُ الدّواءَ للفقيرِ بلا ثَمَـنْ ؟
يا سـيّدي
لـمْ نَـرَ مِن ذلكَ شيئاً أبداً .
قالَ الرئيسُ في حَـزَنْ :
أحْـرَقَ ربّـي جَسَـدي
أَكُـلُّ هذا حاصِـلٌ في بَلَـدي ؟!
شُكراً على صِـدْقِكَ في تنبيهِنا يا وَلَـدي
سـوفَ ترى الخيرَ غَـداً .
**
وَبَعـْـدَ عـامٍ زارَنـا
ومَـرّةً ثانيَـةً قالَ لنا :
هاتـوا شكاواكُـمْ بِصـدْقٍ في العَلَـنْ
ولا تَخافـوا أحَـداً
فقـد مَضى ذاكَ الزّمَـنْ ..
لم يَشتكِ النّاسُ !
فقُمتُ مُعْلِنـاً :
أينَ الرّغيفُ والَلّبَـنْ ؟
وأينَ تأمينُ السّكَـنْ ؟
وأيـنَ توفيرُ المِهَـنْ ؟
وأينَ توفيرُ الدّواءَ للفقيرِ بلا ثَمَـنْ ؟
.. وَأيـنَ صاحـبي ( حَسَـنْ ) ؟ "/
Post: #1921
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 09:35 AM
Parent: #1920

أقول لاخي الفنان المرهف كمال الشادي هذه الكلمات علها تجد

عندك موقعا ؟




عــندما تـألــمت في حيـــاتي تعلــــمت

أحببت وكرهت

فرحت فحزنت

ضحكت فبكيت

ولكني ... رغم كل الألم ... عشت

وهذه خلاصة دنياي .. مع تجاربي

تعلمت

أن جرحي لايؤلم أحدا في الوجود غيري ، وأن بكاء الناس من حولي ... لن يفيدني بشيء.

تعلمت

أن أجمل ابتسامة .. هي التي ترتسم على شفتي في عزّ ألمي ، وأن أثمن الدموع وأصدقها .. هي التي تنزل بصمت ..... دون أن يراها أحد.

تعلمت

أن أفرح مع الناس ... وأن أحزن وحدي ، وأن دواء جراحي الوحيد ... هو رضائي بقدري.

تعلمت

أن أعظم نجاح .. أن انجح في التوفيق بين رغباتي ، ورغبات من حولي.

تعلمت

أن من راقب الناس ... مات كرها من الناس ، وأن من حاسب الناس على عواطفهم نحوه ... كان بينه وبينهم حبل مقطوع لا يربط ابداً ، وأنه لو أعطي الانسان كل ما يتمنى ... لأكل بعضنا بعضاً.

تعلمت

أنني إذا كنت أريد الراحة في الحياة .. يجب أن أعتني بصحتي

وإذا كنت أريد السعادة ، يجب أن أعتني بأخلاقي وشكلي

وأنني إذا كنت أريد الخلود في الحياة يجب أن أعتني بعقلي

وأنني إذا كنت أريد كل ذلك يجب أن أعتني أولاً ... بديني

تعلمت

أن لكل إنسان عيباً ، وأن أخف العيوب ..... مالا يكون له أثر سيء على من حولنا.

تعلمت

أن البيئة التي نشأنا فيها كونت شخصياتنا .. وأن أفكارنا وطموحنا هي التي تعيد صناعة شخصياتنا ، وتغير من شكل حياتنا.

تعلمت

أن الكثير منا كالأطفال ، نكره الحق لأننا نتذوق مرارة دوائه .. ولا نفكر في حلاوة شفائه ،، ونحب الباطل لأننا نستلذ بطعمه ولا نبالي بسمّه.

تعلمت

أن جمال النفس يسعدنا ومن حولنا ، وجمال الشكل يسعد من حولنا فقط ، وأن من علامة حسن الاخلاق .. أن تكون في بيتك أحسن الناس.
Post: #1922
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-29-2009, 10:34 AM
Parent: #1921

تحيات من كل صنف ولون
للناس العزاز
لى ناس الرياض والسعودية والحتات القريبة
انا مسافر السودان يوم الأحد الجاى تلاتة يناير
نقبل الوصايا والتوصيلات المهمة للأهل والمعارف والأصدقاء
لى ناس الخرطوم والسودان عموما انا جاييكم خمسة يوم يوم الأحد الجاى
مبدئيا كده للناس كلهم
انتو معزومين معانا زواج اخوى الأصغر اخو بت الشيخ دكتور تاج الدين ابراهيم على
المكان النادى العائلى مساء الأربعاء السادس من يناير 2010
عايز اشوفكم كلكم
مع تحياتى
Post: #1923
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-29-2009, 11:28 AM
Parent: #1922

اخيرا عزيزنا منصور ...
بالجد بالجد وبدون احلام ... عبر الجو ... الى السودان

والله كنا شايلين همك ... انك تموت بمغستك ... كان ما مشيت اجازة ...


يا ناس السودان ... بدون فرز
شوفو لولدنا منصور ... صحن سمك ... ولحمةقندهار ... ولازم مع الصور
عشان انتو عارفين حالتو كانت كيف ... لما الشباب مشو الاجازات ...
وخاصة اجازة رشيد القوم ...

مبروووووووووووك منصور ...
والله فرحت ليك اكتر من فرحتك زاتو ...

وقبل ماننسي ...
الف مبروك زواج اخوك الصغير ... ربنا يسعدهم
Post: #1925
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 12-29-2009, 11:47 AM
Parent: #1923

يا منص الف مبروك لأخــوك الصغن نن وان شاء الله سنكون حضورا وتجى انت بالسلامة



بس ارجــــــــو ان توصيه عشان يضبح الكديســة من بدرى وما تبقى عليه حكاية زولنا دهـ من قولة تيت






ريس ميسرة كيفك يا اخى شحم البل دهـ لقب لجدنا الكبير الفارس المغوار وليس اسم منطقة وهو ناظر قبيلتنا عوض الكريم محمود ودزايد وعنده قدح شهير بمتحف الخليفة يعرف بقدح ود زايد دلالة على الكرم وتحياتى لام العيال منى يونس وقول ليها لو محتفظة بشريط التخرج بتاع حفلة سيف الجامعة انا كنت المضيف بتاعها ومعى هدى محمد ابراهيم ايام كنت شباب وود مسمسم قبل الصلعة وكده وكذلك فى الحفلة اياها انا قدمت قصيدة حلمنيشية وكانت يدى ملفوفة او مربوطة لفة كده بتاعة قشرات اذ كنت قد اصبت فى لعبة مشتركة مع الكابتن جلال عثمان تقريبا فى مباراتنا مع تربية 89 وكانت كلها نجوم بقيادة جنابو محمد صديق وتيسير وجلال عثمان وتيسير ده انا كنت بحاوره اسهل من الموية وكذلك جلال عثمان .

سمعـــــــة
Post: #1924
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 11:42 AM
Parent: #1922

الظريف سيد الناس و حلو الكلام والاحساس منصور تحياتي لك

و للاسرة الكريمة ربنا يوديك بالسلامة وعودا حميدا بإذن الله

وانشاء الله ربنا يسعد العرسين و يسعدك و يسعد بنت شيخك

دينا و آخرة قول آمين .............


بالله يامنصور ما تنسى العمة الكبيرة في الدولاب و الفل سوت

السكرية الفي المغسلة و كمان الكرفتات المشغولة باليد الزي

كرفتات حمدي الفضلي !و بالله تعمل ليك تلفون سريع للنضيف لزوم

معرفة آخر صيحات الموضة في السودان بس لمن تتصل اطلع بره البيت

لزوم الامور تمشي عادية و كده ما يكون في عنكبه من الآن !

طبع يا منصور الواحد حاسدك عديل لانه دي سفرة محدد لزمن قياسي

تنزل من المطار على الصالة قبل ما النورة بتاعت السعودية تلحق آمات طه

تقبض الجو كله و طبعا انت زي ما قال كمال الشادي ما تتوصى على

حلو الكلام المعسول والدقاق بس اعمل حسابك لو بنت الشيخ ماشه معاك؟

بتاخذ ليك خبطة خبطتين لكن بيني و بينك ما مشكلة لانك حتنساها ؟

الريحة القالها ليك الرشيد كتر منها ؟ بس جزمتك البيضاء دي خليها

هنا و شوف ليك واحدة لونها نبيتي تكون مطقمة ؟

بالله صحبي جلا تعمل ليه تلفون و كده علشان يجي يقرأ للعريس يس ؟ و بعد

يس يتخارج لأنه الراجل حاج و بقى ما بتاع حفلات و الشي التاني الراجل

دا اليومين دي عريس العقبال عندك يا منصور ؟
Post: #1926
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2009, 12:06 PM
Parent: #1924

Quote: والله ياميسرة ورشيد القوم لما قريت كلماتكم دي
جاني احساس انها مدحة .... تنفع في قناة ساهور
فاقترح تلحينها على وزن المديح ...
والمداحين كتااااااار ... معانا هنا
...
يمكن يكون رأيي اشتر ... ومخالف


ياسر نجيلة كلامك 100%...الريس كتب أول بيتين و أنا تميت الباقي
و صدقني أنا كتبت الباقي و أنا استصحب المديح...و بالتحديد مديح أولاد حاج الماحي...
Post: #1927
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2009, 12:10 PM
Parent: #1926

Quote: بالنسبة للتلحين الرشيد قال ود هلالي بطرفه يعني

كملوا الناقصة و رسلوها للشادي و معاهو مكي والعازفين

د. مصطفي عبدالجواد وعماد عثمان و الكورس جلال عثمان و

عصام جلي حامد الحبر ؟


موسى عيسى...وين يا زول انت...بقيت تغيب كتير و ده ما بيعجبنا...المرة دي تحذير شفوي المرة الجاية كرت أصفر عديل كده...
نشف رأي هلالي شنو ونجيكم راجعين..
Post: #1929
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2009, 12:15 PM
Parent: #1927

Quote: انتو معزومين معانا زواج اخوى الأصغر اخو بت الشيخ دكتور تاج الدين ابراهيم على
المكان النادى العائلى مساء الأربعاء السادس من يناير 2010


منص..التذاكر على منو

و كان التذاكر عليكم البدينا اجازة منو....

أقول ليك...

أعمل لي مسج يوم السبت عشان أودعك...

ودعناك لي أمين الوداعة الما بخون الوداعة..
Post: #1928
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 12:12 PM
Parent: #1924

وصلني هذا الإيميل حببت أن أنشره للمنفعة العامة:-

غرفه لسب الرسول" صلى الله عليه و سلم" مطلوب 4 مليون صوت لقفل هذه الغرفة‏‎

حسبنا الله ونعم الوكيل ...
قام بإنشاء حجرة على برنامج
البالتوك الشهير للمحادثة ليسب
الرسول بالرسائل والصور
التي يرسلها
لأكثر من [مائة ألف] شخص يومياً

وقد قام بعض الشباب الغيورين على الإسلام بتقديم شكوى لشركة البالتوك
فطلبت الشركة تصويت 4 مليون مسلم حتى تغلق
هذه الحجرة ربما تريد
الشركة أن تعجزنا حتى لا تغلق
الحجرة ، فلنثبت لهم إذن أنن لن
يمنعنا من نصرة نبينا مانع .

أخواني أخواتي
ادخلوا على رابط الرسالة
وضعوا توقيعاتكم

http://www.petitiononline.com/Steyr/petition-sign.html?

هيا صوت بسرعة
حتى تقفل
عدد المصوتون
إلى الآن 2444563 صوت مسلم ..Signatures Total



طريقة التوقيع
اضغط على الرابط ثم :
> > Preview Your Signature
> > ستنفتح لك صفحة
> > ثالثة
انزل تحت و اضغط على مستطيل
Approve signature
Post: #1930
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-29-2009, 12:57 PM
Parent: #1928

بطريقتك دى كشفت خططنا السرية كلها يا موسى عيسى
ما بالغت عدييييل
العرفك شنو بالبدلة بتاعتى والجزمة النبيتى كمان
العمة ما معانا لانو ايثار بتى لسه حالفة طلاق ما البسها
ويا ياسر نجيلة , دى ما اجازة , دى شحتفة روح ساى لكن الله غالب
تحياتى
Post: #1931
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2009, 01:25 PM
Parent: #1930

يا منصور المستور ما بتخبى بس عليك تعمل ستارة سميكة شوية

و خلي بالك من الشباب كاشفين الخطة للجميع و لو عدتم عدنا؟
Post: #1932
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 01:40 PM
Parent: #1931

Quote: ويا ياسر نجيلة , دى ما اجازة , دى شحتفة روح ساى


منصور عبدالرازق أنحنا اليومين دي

عازرنكم علشان مشغولين في تجهيزات العرس

ومقدماً مبروك لكم جميعاً ،،،

وعن سفرية السودان دي يا خوي قالوا القحه ولا صمت الخشم

زيارة السودان دي عايزنها ولو شحتفة روح وخمة نفس.
Post: #1933
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 12-29-2009, 01:58 PM
Parent: #1932

سلامااااات ياناس الحوش
كل سنه وانتوا طيبين والقابله متجمعين في الزقازيق ان شاء الله
كيف وليداتكم واماتم التحايا للكل
ياريس دا عرس منو اعزمونا معاكم
Post: #1934
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2009, 02:59 PM
Parent: #1932

اولا نرحب بالعزيز منصور في السودان الشقيق .... والإحتفالات ستبدأ منذ نزوله من الطائرة إستقبال رسمي وشعبي ... وبعدين عزومة سمك كاربة عند عوضية مافي وقت لجبل أولياء وبرنامج منصور ما يستحمل مشاوير طويلة زي دي (دي زوغة يا الرشيد) بعدين موضوع عوضية ده أنا أستغليت فيهو غيبة الكوتش من المدينة ... لو في مافي طريقة إلا عمك بتاع نادي الربيع داك .. أصلوا الكوتش زول يحب القديم والمعتق من غنا الرمضانات لغاية أكل السمك ، اها كمان لو في ما كان إتجدعنا مع نانسي عجاج في مربع كاي كده ... المهم أي زول عنده رغبات حداثية يقوم سريع سريع يعبر عنها قبل عودة الكوتش .... نقوم نرجع لموضوع منصور ... والسمك تقترح متين يا منص عشان نعمل اللمة سريع كده ... والعزومة بتاعت العرس يا جماعة مكلف بيها انا ، يعني ما في زول يلوم ناس منصور وأماني ويقول ما كلموني بالعرس ، اها السمع يكلم الماسمع العرس في النادي العائلي يوم الأربعاء 6 يناير ...
Post: #1935
Title: Re: ناس الزقازيق ... أجدع ناس ( 3 ) ..
Author: مجتبي فاروق
Date: 12-29-2009, 03:31 PM
Parent: #1934

عاد يا منص سويتا شينة ما تلقى الا يوةم ارسنال لاعب مبروك مقدما ويا زيزو ايدى على كتفك فى استقبال الرائع منص
Post: #1936
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 03:51 PM
Parent: #1935

Quote: كيف وليداتكم واماتم التحايا للكل
ياريس دا عرس منو اعزمونا معاكم


حنان يا مجمر مرحب بيك والوليدات وأمهاتم غاطسين

في الإمتحانات ،،، يسأل منك الخير ,

العرس ده كان جيتوا السودان عند ناس أماني زوجة منصور

وعزومة الحفلة مسعول منها ولدنا زهير ود الزتاتي وكمان منسق

معاهو ولدنا بتاع النيوز بيبر مجتبى ود فاروق ،،، بس أنحنا لسه

مافي زول عزمونا ولا هببوا لينا.
Post: #1937
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2009, 03:58 PM
Parent: #1936

أول سوداني بوردابي يتفوق ويتخصص في جراحة القلب والصدر بالبورد الامريكي ..


د. أسامة محي الدين شقيق خالد محي الدين ألف مبروك لدكتور اسامة وللصديق خالد محي الدين
Post: #1941
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2009, 05:06 PM
Parent: #1937


سلام للجدعان ونشكركم على التواصل والمواصلةوالصبر والمثابرة على البوست

ونقول للأخ جلال حمد الله على سلامة ووصول الخبراء الأجانب لأرض الوطن وإن شاء الله ربنا
تقبل حجتهم وربنا يحفظهم ويرعاهم، الأخ منصور مبروك لنسيبك وإن شاء الله بيت مال وعيال
ونشكر لك شجاعتك بإستعدادك لحمل كل وصايانا والأشياء المهمة ربنا يوديك بالسلامة وتعود مليان
بالكلام الحلو والجميل ياجميل،
الأخ موسى والله كلمات طيبات ياطيب، وأيضا قيل

الحقيقة مثل النحلة تحمل في جوفها العسل وفي ذنبها الإبرة
الإنسان إذا رفع نفسه فوق قدرها صارت محجوبة عن نيل كمالها
من يأبى اليوم قبول النصيحة فسوف يتضر بكرة لشراء الأسف بأغلى ثمن
إذا جاء ك الطعن من الخلف هذا يعني أنك في المقدمة
الحق كالزيت يطفو دائما
لاتتم الأعمال العظيمة بالقوة ولكن بالصبر
مصيبة أن تدرس بلا تفكير، ومصيبة أكبر تفكر بلا دراسة
لاتجادل رجلا أحمق ، فقد يخطئ المشاهدون التمييز بينكما
إذا عملت جميلا فحذار أن تذكره، وإذا أسدى إليكشخص جميلا فحذار أن تنساه

إذا فقدت مالك فقد ضاع منك شيئ له قيمة، وإذا فقدت شرفك فقد فقدت شيئ لايقدر بثمن
وإذا فقدت الأمل فقد ضاع منك كل شيئ
Post: #1938
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2009, 04:06 PM
Parent: #1936

Quote: أصلوا الكوتش زول يحب القديم والمعتق من غنا الرمضانات لغاية أكل السمك ، اها كمان لو في ما كان إتجدعنا مع نانسي عجاج في مربع كاي كده


أبو الزوز...أعتقد ان نانسي غيرت رأي الكوتش...لأنها تغني القديم باجادة...انت بس جيب ليه كاسيت هدية و شوفو تاني كان يشغل شريط رمضان زايد في عربيته..
أمبارح قبضته ليك حايم في المنبر بي هناك...قلت ليهو يا كوتش ده فبراير و لا شنو...كتب لي أنا ما فاضي و متابع نص نص..جيت البوست لقيتو حايم و برضو نص نص...حسه عليك الله الكوتش ده بدل النص نص دي كان عمل ليهو مداخلة واحد كاملة في مكان واحد ما أحسن ليهو من المساسقة النص نص دي...
Post: #1939
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2009, 04:13 PM
Parent: #1938

يا ريس ميسرة ... إنتو ما محتاجين لعزومة ... إنتو تعزموا الناس ....


يا رشدي والله الليلة الكوتش ده خلي بالك لو مقلبنا وظهر إلا نبيت في التمنة ... انا غايتو من هسه بحضر الضامن ...
Post: #1940
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2009, 04:19 PM
Parent: #1939

أنا غايتو يا أبو الزوز الا يمشي يسوق ليهو واحد من أخواني القاعدين هناك ديل...طالما قاعد بعيد هنا خليني أكمل فصاحتي...لما أرجع واسطتي قاعدة...بكري و عمر أصحابي شديد..
Post: #1942
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 12-29-2009, 07:54 PM
Parent: #1940

الاعزاء الافاضل عصام ,زهير .عبدالدائم. وكل الاخوه والاخوات الزقازيقاب لكم تحياتي
انا بسال عن اخوات عزاز علي وكنت ساكنه معاهم ببيت المغربات . وياريت اعرف اخبارهم منكم
ولكم كل الشكر .
وهم : صدوقه عبدالله رجب .
سوسن
نجوي
حنان علي
ومن كليه البيطره ياسمين الطاهر
ومن كليه الزراعه زينب التجاني
ومن كليه التجاره نجاة ميرغي ( ماكانت معنا في بيت المغتربات لكن من الصديقات العزيزات علي )
اولاد علوم :
ماهر شاهين
محمود
ولكم احتراماتي
Post: #1943
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 08:37 PM
Parent: #1942

أهلاً الأخت الزقازيقية إحلام وهبي

زوجة الأستاذ/ السني وبالباب عديل

الزميلة زينب التجاني عضوه نشيطة

ومميزة وتتداخل كثير وهي بالسودان

المايك عند عبد الدائم وعصام دهب .
Post: #1944
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2009, 10:27 PM
Parent: #1943

ما في زول ندردش معاهو

وينك يا شادي ،،،

رشيد القوم محمد ود عيد الزناتي

الليل ده ما إنضرب.
Post: #1945
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-30-2009, 00:47 AM
Parent: #1944

حضور متأخر نوعا ما ..

تماشيا مع ايقاع البوست فى آخر السنة ..

هذا الوضع يا ريس ميسرة أعتقد انه يحتاج لثورة من نوع ما ...

ما رأيك فى تنظيم احتفال اسفيرى بليلة رأس السنة ؟؟

طبعا ناس ابو الزوز ومن لف لفه فى السودان الشقيق سيبادرو بالاحتجاج

بسبب ترتيبهم لان يكتلوا ليلة راس السنة فى مباهج الخرطوم العديده

والتى امتلأت بها شاشات النيل الازرق والفضائية .. وكذلك ناس دبى وابو ظبى
Post: #1946
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-30-2009, 01:42 AM
Parent: #1945

ترحااااب شــديد ببنتنا البرلومة الظريفة / احلام وهبى ( السمحون )

مسكاقمى ومسكاجرو وســكر فى

حللت أهلا ونزلت ســهلا

أكيد طلتك هنا فى هذا الحوش الكبير طعمها غير

وقطعا ستكونين اضافة ملموســة لرفيقاتك الاخريات ..

ونرجو ان تكون الحوامة فى بيت الزقازيقاب هى الاصل وبعدها نمشى للجيران ...

تحياتى لك ولزوجك القامة السنى ..

وسؤال لك عن أختنا ضــحى أين هى وما هى اخبارها ؟ تحياتى لها اينما وجدت
Post: #1947
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2009, 06:11 AM
Parent: #1946

صبحكم الله بالخير و السرور


Quote: حضور متأخر نوعا ما ..

تماشيا مع ايقاع البوست فى آخر السنة ..

هذا الوضع يا ريس ميسرة أعتقد انه يحتاج لثورة من نوع ما ...


بالله شوفو مداخلة محمد عيد القال عليها متأخرة شوية دي كانت الساعة كم...قريب الساعة أربعة صباحا بتوقيت الامارات....الزول ده قايلني بواب الحارة و لا شنو...و هو غايب ليهو كم يوم و يجي يقول ليك ثورة...شاريني ليهو تلاتة أيام في مربع كاي...كان ما بعرفو كويس كنت قلت الزول ده ماخد موقف مني و قمت اتعقدت....

محمد عيد أسمع كلامك أسدأك...
Post: #1948
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-30-2009, 07:01 AM
Parent: #1947

اصبحنا واصبح الملك لله ، والحمد لله

لاإله إلا الله وحده لاشريك له

له الملك وله الحمد وهو على كل شيء قدير

ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر

اللّهـمَّ أَنْتَ رَبِّـي لا إلهَ إلاّ أَنْتَ ،

خَلَقْتَنـي وَأَنا عَبْـدُك ،

وَأَنا عَلـى عَهْـدِكَ وَوَعْـدِكَ ما اسْتَـطَعْـت ،

أَعـوذُبِكَ مِنْ شَـرِّ ما صَنَـعْت ،

أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي

فَإِنَّـهُ لا يَغْـفِرُ الذُّنـوبَ إِلاّ أَنْتَ
Post: #1949
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-30-2009, 07:36 AM
Parent: #1948

الاخ العزيز أحمد اسماعيل
والله كلامك الفوق ده
من احلى ما قريت في الفترة الاخيرة
عليك الله ما تحرمنا
زيد كمان وكمان
Quote: الحقيقة مثل النحلة تحمل في جوفها العسل وفي ذنبها الإبرة
الإنسان إذا رفع نفسه فوق قدرها صارت محجوبة عن نيل كمالها
من يأبى اليوم قبول النصيحة فسوف يتضر بكرة لشراء الأسف بأغلى ثمن
إذا جاء ك الطعن من الخلف هذا يعني أنك في المقدمة
الحق كالزيت يطفو دائما
لاتتم الأعمال العظيمة بالقوة ولكن بالصبر
مصيبة أن تدرس بلا تفكير، ومصيبة أكبر تفكر بلا دراسة
لاتجادل رجلا أحمق ، فقد يخطئ المشاهدون التمييز بينكما
إذا عملت جميلا فحذار أن تذكره، وإذا أسدى إليكشخص جميلا فحذار أن تنساه

إذا فقدت مالك فقد ضاع منك شيئ له قيمة، وإذا فقدت شرفك فقد فقدت شيئ لايقدر بثمن
وإذا فقدت الأمل فقد ضاع منك كل شيئ
Post: #1950
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-30-2009, 07:40 AM
Parent: #1948

صباح الخير،،، يا وجوه الخير،،،

أصبحنا واصبح الملك لله ،، وحده

نسمات الصباح :

- اللهم مُصرف القلوب صرف قلوبنا على طاعتك،،،،،

- يامقلب القلوب ثبت قلبي على دينك،،،،،،،،،
Post: #1951
Title: Re: ناس الزقازيق ... أجدع ناس ( 3 ) ..
Author: عمر هواري
Date: 12-30-2009, 08:45 AM
Parent: #1948

تحية صباحية لكل الجدعان برة أو في السودان
كنت متابع معاكم الفترة الماضية ولكن فاتتني بعض اللحظات
وأسعى لتعويضها للإلمام بكل الأخبار الحلوة عنكم ..
العزيز صلاح الأمين ألتقيناه لقاء عابراً في ليلة نادي الشرطة ولم نظفر به في مساحة أخري وغادر بالسلامة إلى مكان عمله
بباكستان .. أرجو أن يحفظه الله حتى يعود إلى المناطق الآمنة مستقبلاً ..
موسى عيسى ليك وحشة ونتمنى أن نراك في السودان ..
ونرجو أن يصلنا العزيز منصور بالسلامة ومبروك مقدماًولكن لسوء الحظ لن أكون حضوراً نسبة لسفري ..
تحياتي للجميع والتهاني بالعام الجديد ونتمنى أن يكون عامأً موفقاً لنا جميعاً..
Post: #1952
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 12-30-2009, 08:52 AM
Parent: #1951

نرحب بالطلة الحلوة


لدفعتنا وحبيبنا مجتبى ابن فاروق

ومجـــــرد سؤال

الاصابع على الفم دى من حاجات شوفو دنيتنا

الجميلة وكدهـ.

ولا بتاعت البررررتقالة .

سمعــــة
Post: #1953
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-30-2009, 09:27 AM
Parent: #1952

ازيكم وكيف اصبحنوا
احساس بالتبلد يصيب الواحد عند السفر
مع تكرار المحاولات الفاشلة لتنظيم الوقت وتنظيم مهام العمل فترة الغياب
ومع استمرار حالة التبلد , فانك تفضل ان تترك كل شىء كما هو
تاركا للظروف ان تتحكم فى ما يجب عمله وفعله
انا الآن فى المرحلة دى بالضبط
الشغل كتير مردم قدامى
ويجيك زهير يقول ليك ورينا البرنامج
برنامجى جاى للعرس وعايز اعمل تاشيرة الخروج وآآكل سمك عند عوضية ولا فى ميدان الربيع
قندهار دى اظنو كده حا نمرها مرور ونأخذ الفخدة بتاعتنا بتاعت الشية سفرى
تيك اوى يعنى
انا عارف ثقافتكم لاوندى
واشوف عبد السميع اللميع
والبادى النور
ومعتصم جعفر
وتبلدينا نمشى نعزيهو
ونقابل نهلة نجم الدين نحمد ل ليها السلامة ونطمئن عليها
معاوية يحى وعبده مضوى كان قابلتهم ولا ما قابلتهم ما ضرورى
ونبارك لى ابتهاج الأسورة هدية عيد ميلادها الفات
ونشوف قصة الكوتش مع الماموريات دى
ونضع حد لجنوح جلا للسرية آخر عمره ده
ونكتب لينا عمود فى سوكر
ونحضر اعادة كورة ارسنال فى تلفزيون المكتب بتاع مجتبى فاروق
ونعزى مبارك جادين فى عمه المرحوم
ونصلح الكفرات بتاعت امجاد زينب التيجانى
ونحضر لينا ندوة جماهيرية فى ميدان المولد
وكان فى مسيرة سلمية للمجلس الوطنى مافى مانع
ونشوف صلعة محمد حسن البرلوم وصلت لحدى وين
وناكل عصيدة خالدة
وعزومة ابتهاج
ونتعشى فى نادى الشرطة
وفى آخر الأجازة
نختف رجلنا لغاية كسلا كده نشوف الود اسامة ابتر مشى وين
ونجى راجعين
ولمن ارجع الشغل فى الرياض
القى نفسى اترفدت
وانتو تضحكو فينى
وارجع السودان
نتم باقى المشاوير الما عملناها
وابقى ليكم المستشار الفنى بتاع شركة الزقازيق القابضة
لقيتونى كيف ؟؟
اجازتى دى بتنفع معاكم ولا يفتح الله !!!!! 
Post: #1954
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-30-2009, 10:02 AM
Parent: #1953

Quote: ولمن ارجع الشغل فى الرياض
القى نفسى اترفدت
وانتو تضحكو فينى
وارجع السودان
نتم باقى المشاوير الما عملناها
وابقى ليكم المستشار الفنى بتاع شركة الزقازيق القابضة
لقيتونى كيف ؟؟
اجازتى دى بتنفع معاكم ولا يفتح الله !!!!!



منصور ...

قالو فى المثل - لا مؤاخذة -

ان غلبك ســـدها ..... !!

اقول ليك خلّص اجازتك وجيب العريس والعروس معاك

وانزلوا جده .. تعالو نعمل ليهم عمرة فى مكة

ويمشوا يقضوا شهر العسل فى المدينة المنورة .. عشان يبدوا بالبركات

وبعدين نخلى جلال يدينا الفاتحة لينا وليك ..

....

والله يا زهير خايف عليكم من شــرّة المطار ...

زى شــرّات صلاح ادريس للرشاشات فى مبنى الاكاديمية ..!!
Post: #1955
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 12-30-2009, 11:24 AM
Parent: #1954

الاخ ميسره .... تحياتي
شكرا علي ترحيبك بي .
واتمني ان اسمع اخبار حلوه عن كل صديقاتي ببيت المغتربات
وتحياتي للعزيزه زينب التجاني
Post: #1956
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 12-30-2009, 11:30 AM
Parent: #1955

الاخ محمد عيد .... مسكاقمي
الاخت ضحي مستقره بالسودان امدرمان بحي الشهداء ولهااحمد ممتحن شهاده السنه دي انشاءالله. ومحمد في صف سابع .
لك تحياتي
Post: #1957
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-30-2009, 11:52 AM
Parent: #1956

مرحبتين بالآنسة بنت وهبي الحمدلله الطلعت زقازيقية والدار

منورة بيك و بالاستاذ السني قولي ليه طلما طلعنا قرايب

انت هو معزومين فنجان قهوة كارب في حوش عصام دهب الجوة

داك .

و بيني و بينك لقيت لي بوست في حوش بكري هناك برحبوا

باحلام وهبي و الله اتخلعت من اسم وهبي دا ساي و قولت

و الله السني الظاهر مشى على اهلنا اللبنانين ديل و

ناسب ناس هيفياء وهبي و طبعا الراجل فنان و مشهور

فاقنعت نفسى بذلك و انسحبت من البوست بسرعة شديدة

و الله بتكلم بصدق هذا ما حصل و لكن الآن عرفت انك

زقازيقت الهوى وحلفاوية الدم فلك التحية اختي

إحلام و أكرر ترحيبي الحار .

و اضيف هل ضحى المقصودة هي ضحى بنت تجارة دقعة

84 التي درست عام و نصف و غادرتنا إلي السودان

لتكمل تعليمها في الفرع فأن كانت فلها عبرك

التحايا والاشواق الحارة و كم سالنا عنها كثيرا

في بدايات هذا البوست و لكننا لم نعلم لها طريق .

و إن كانت نأمل تسجيل تلفونها على البوست .
Post: #1958
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-30-2009, 11:59 AM
Parent: #1956

احلام جيتى وما لقيتى اى واحد من علوم
لا مبارك جادين ولا اسامة ابتر

حنان علي فى معمل استاك بالخرطوم وتقريبا" المديرة

صدوقة عبدالله رجب مستقرة فى القضارف وتعمل بالتدريس ولديها طفلتان

نجاة ميرغنى ( حقوق وليس تجارة ) مستقرة ايضا فى الخرطوم وظهرت فى
كثيرا فى مناسبات الزقازيق بالسودان .

نحول الميكروفون لرجاء الطيب ( مش عندها باسورد جديد ) دى يا احلام
برلومة جديدة فى علوم يمكن انتى ما حضرتيها ، عموما هى من ام درمان
ممكن تديك اخبار الصديقتان سوسن حسن بشارة ونجوى

اذا رايح ليك اى زول من علوووم ممكن نسألك ليك نادر فاروق برضو ،، لوووول

اها نسألك من اخبار السنى شنو ،،،،
Post: #1960
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 12-30-2009, 12:27 PM
Parent: #1958

الاخ العزيز موسي ... تحياتي
السني الظاهر مشى على اهلنا اللبنانين ديل و
ناسب ناس هيفياء وهبي و طبعا الراجل فنان و مشهور
فاقنعت نفسى بذلك و انسحبت من البوست بسرعة شديدة
و الله بتكلم بصدق هذا ما حصل .
والله يا موسي قربت اموت من الضحك غايتو الله يديك العافيه . ويعدين انا ما انسه والله بختي انت خليتني بنوته سغنونه , انا متزوجه لي 14 سنه .
وضحي البتسأل عنها هي ضحي بت تجاره وفعلا مشت كملت بالسودان .
تقبل تحيات السني
Post: #1959
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 12:24 PM
Parent: #1

يقول العزيز محمد صديق

Quote: وتفوتنى كل هذه الطعامة ...الموصلى القامة...وحتى

جلا اذا استطعم هذه الطعامة فيمكنه ان يؤلف مقامة

او يدعى احدى سيمفونيات بتهوفن...او اقله سيحى الحفل

الدكاكينى المزمع اقامته فى اليومين القادمين...جمال

فارح زاتو رغم شتارتو الانا عارفا ممكن بالراحة يغنى

بختكم يا مستطعمين


يخيل اليا بان هنالك خطآ طباعي
انت تقصد شطارة جمال فارح وليس
شتارته فهو بقلمه الجميل هذا لا يملك
تلك الصفة الاخيرة
هههههه
تحياتي لكما
Post: #1966
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 12-30-2009, 01:02 PM
Parent: #1959

الاخ عبدالدائم .... تحياتي
شكرا ليك كتير
تقبل تحيات السني , وهو بخير واليومين ديل بيعمل بروفات مسرحيه عرس الزين وهو مخرج المسرحيه وسوف تقدم في مسرح قطر الوطني .
Post: #1961
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 12:30 PM
Parent: #1

يقول البادي النور

Quote: صباح الهناء والسرور ...
أصبحنا وأصبح الملك لله ...
على قدر الشوق ... الشوق ما يمد مديت ...
وعلى قدر غناوي الريد غنيت ...
الرائع العبقري الفنان الموصلي ...
بي زيارتك بيتنا نور ...
وأتحفتنا بالكلام الجميل وبالطلة البهية ...
وشكرا يا شادينا على هذه الهدية الرائعة ...


انا متشرف بكم جميعا والله
ونوركم بادي للعيان بحق
كل الشكر علي التشجيع الكريم
Post: #1963
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-30-2009, 12:41 PM
Parent: #1961

احلام الله يديك العافية و يطول في عمرك و يبارك ليك

باقي العمر كله انشاء الله , حقيقة الاستاذه ضحى دي

كانت فردة شديد طبعا جينا برالمة الزقازيق في

كلية التجارة نحن حوالي مائة و حته طالب و معانا

ثلاثة زميلات هن الظريفة اللطيفة الصغنونه وقتها

ضحى والاستاذة ناهد قسم السيد ادريس و الاستاذة

هناء كمال عتباني و الحق يقال كانت هذه الضحي

من أميز البنات حيث استطاعت ان تخلق علاقات اخوية

صادقة و قوية مع الجميع في الدفعة وعندما غادرت

الزقازيق تركت بيننا صدى رائع لها فلها و لاسرتها

التحايا نتمى لها السعادة اكرر ان تبلغيها سلامي

الحار و كما سلام أخي عصام جلي و اضيف ياسر نجيلة ؟
Post: #1962
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 12:38 PM
Parent: #1

يقول العزيز
عبد القادر بابكر

Quote: خطوات فناننا الرائع موصلي عطرت درب الذكريات الجميل
وأهدت إلينا عبقا من زمن الإبداع والفن الراقي
تشرفنا بقدومك بيننا فأنت عنوان للحس المرهف
خبرناك في ربيع أيامنا مبدعا ومجيدا وملهما
ولا زلنا نرتشف وننهل من معينك الراقي
لك التحية والعرفان والعمر المديد
وخليك معانا...
فالبيت بيت جمال وانت سيد الجمال


معكم والله قلبا وقالبا
لتهذيبكم وثقافتكم
ولانكم اجدع ناس فعلا
Post: #1964
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-30-2009, 12:48 PM
Parent: #1962

لك التحية ايها الرائع الموصلي فإن حببناك فذلك من حبك لبلد

حببته وأهله قبلناألا و هي ود الشافعي بلد الشريف عبدالسلام

ربنا يغفر له و يرحمة و بلد كل الناس الطيبين الذي فجروا فيك

كثير من الابداع فلك و لجميع اهلك ود الشافعي التحية والتجلة


أخي الموصلي رغم معرفتي بودالشافعي منذ فترة طويلة في اوائل

الثمانيات و رغم زياراتي لها المتكرره و لكن لم اعلم ان الحبيب

الظريف والراقي سامي عبدالوهاب من ود الشافعي الا بعد تداخلك هذا

فلك اخي العزيز سامي الشوق بحر و نامل المرور و لو سريعا على

الرياض و زي ما قلت المره السابقة نحن طالبنك زيارة .
Post: #1965
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 12:53 PM
Parent: #1962

اها يا اخوتي الاحبة
لا تاخذونا ان نسينا او سهونا
بالله نبهوني لو بالصدفة مارديت لاي صديق هنا
كل المحبة
Post: #1967
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 12-30-2009, 01:38 PM
Parent: #1965

الفنان الرائع جداً الموصلى

مرحب بيك حبابك فى دارك
اسعدتنا بوجودك بيننا
فانت كل الابداع
Post: #1968
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 12-30-2009, 01:44 PM
Parent: #1967

الاعزاء دوماً

كل عام وانتم بالف خير بمناسبة الاستقلال
كل عام وانتم بالف خير بمناسبة العام الجديد
كل عام وانتم بالف خير باى مناسبة وبدون اى مناسبة
كل عام وجميع السودانيين ينعمون بخيرات السودان
كل عام والسودان اجمل الدول
كل عام انا وانت ونحن جميعاً اسعد الشعوب
كل عام وانتم الخير، كل الخير
كل عام وانتم اجدع ناس ....
Post: #1970
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-30-2009, 05:12 PM
Parent: #1968

المبدع والشاعر المليا ن بالمشاعر
الفنان الإنسان/ يوسف الموصلي
جيدا جيت وألف مرحب بيك عشرة بلاكشرة
والله نورة دارنا وشرفتنا وأسعتنا
لك كل الود والتقدير والمحبة.


كما قال مصطفى الأغا في قناة صدى الملاعب
القناة الأحسن والأجمل والأفضل 000000 إلخ

وهنا نأتيكم بالأطول والأكبر والأكثر والأثقل والأثمن والأغلى والأشد والأقدم والأقوى
والأضخم والأبرد والأسرع عالميا

أطول مائدة صنعت في إسبانيا وقد بلغ طولها 2400متر وجلس حولها 60 ألف شخص
أطول شنب طوله 259سم لرجل من مدينة الهندوراس بالهند
أسمن زوجين في العالم وزنهمامعا 782كلجم
الأكثر أسنان هي سمكة القطة لديها 3980 سنا
الأكثر حدة في البصر - الصقر والنعام والظباء
أكبر شجرة هي شجرة الخشب الأحمر إرتفاعها83 متر ومحيطها عند القاعدة 30 متر توجد بأمريكا
أطول أنهار العالم نهر النيل طوله 6738 كلم
أكبر بحيرة هي بحيرة قزوين مساحتها 440ألف كلم2
أعلى كرسي إرتفاعه 10 متر وعرضه 6متر
أثقل جرس هو جرس القيصر كولوكول في روسيا وزنه 196 طن وقطره 6متر وإرتفاعه 6 متر
أكبر ميراث الذي تركه السلطان مراد الرابع أحد سلاطين تركيا وهو عبارة عن 240 زوجة
وزن مخ الرجل أكبر من وزن مخ المرأة
أعلى درجة حرارة في العالم بالعزيزية في ليبياوهي 58درجة مئوية
أطول مدة حكم لابي الفضل نصر بن خلف أمير سجستان حيث حكم 77 سنة
أكبر بيضة هي بيضة النعامة تزن 4 رطل
أكثر الرجال توقيعا هو دون كنغمان الذي وقّع بإسمه 120 ألف نسخة خلال 12 يوما
Post: #1976
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 11:42 PM
Parent: #1970

Quote: المبدع والشاعر المليا ن بالمشاعر
الفنان الإنسان/ يوسف الموصلي
جيدا جيت وألف مرحب بيك عشرة بلاكشرة
والله نورة دارنا وشرفتنا وأسعتنا
لك كل الود والتقدير والمحبة.



ياسلااام يا احمد
ياخي لينا عظيم الشرف والله
Post: #1969
Title: Re: ناس الزقازيق ... أجدع ناس ( 3 ) ..
Author: Elmosley
Date: 12-30-2009, 03:55 PM
Parent: #1967

شكرا يا مشاعر
علي نبيل المشاعر
مع وافر احترامي وتقديري
Post: #1971
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-30-2009, 06:14 PM
Parent: #1969

نواصل مع أفضل المقاييس العالمية

أقدم شجرة في سيريلانكا (يوغابا) أي المقدسة موجودة منذ287سنة ق.م
اقوى وأطول عظم في جسم الإنسان هو عظم الساق إذ يمثل 27% من طول الجسم
أبرد منطقة وسط سيبيرياإذ تصل درجة الحرارة عندها 70درجة تحت الصفر
أقوى الأسماك كهربة هو الثعبان الكهربي يولد تيار قوته 550 فولت
أطول حلقة ملاكمة هي بين إندي بودين وجاك بيرك إستغرقت سبعة ساعات و19 دقيقة
وبلغ عدد جولاتها 110 جولة وإنتهت بتعادل البطلين
Post: #1972
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2009, 06:18 PM
Parent: #1969

Quote: أسمن زوجين في العالم وزنهمامعا 782كلجم


أحمد اسماعيل خلعتني ياخي و قطعت قلبي....قول لي كيف...

عملت لي صحن فول مكرب بالجبنة البيضاء اللذيذة و زيت السمسم الما خمج

و الشمار..خلي بالك من الشمار دي...و العيش البلدي المصري داك...

و قعدت أقلب البوست...

شفت مداخلتك دي....و قريتها كده...وزنهما معا 82 كجم..

اللقمة وقفت لي في حلقي...قلت معقولة...أنا وزني أكتر منهم الاتنين..و معا كمان..

لحدي ما دققت شدييييد حتى لقيت ليك السبعة حقتك الكجمتها مع كلجم دي...

يا زول أعمل حسابك...بي طريقتك دي بتخنق ليك زول بي فول بالعيش المصري...

و الجبنة البيضـــــــــــاء...

أقعد عافية
Post: #1973
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2009, 09:39 PM
Parent: #1972

هذه مجرد محاولة لاخراج البوست من نفق الهبوط الى الدرجة الثانية...ليس هنالك أحد بين الحضور غير الريس معتصم جعفر و الذي أصبح مقلا جدا في الآونة الأخيرة...و لكن هنالك واجب كبير يجب القيام به الليلة في ظل الغياب الملحوظ لمعظم كتيبة الليل...

أنا بعد ده ماشي أقرش و أخلي البوست في أيدي أمينة لحدي ما يجو الناس البيصحو بالليل ديل يقوموا بالباقي...و على رأسهم محمد عيد...


دمتم سالمين
Post: #1974
Title: Re: ناس الزقازيق ... أجدع ناس ( 3 ) ..
Author: Elsuhaili Magzoub
Date: 12-30-2009, 10:06 PM
Parent: #1973

image40.jpg Hosting at Sudaneseonline.com




HAPPY NEW YEAR
Post: #1975
Title: Re: ناس الزقازيق ... أجدع ناس ( 3 ) ..
Author: جمال فارح
Date: 12-30-2009, 10:17 PM
Parent: #1974

المكان ..الخرطوم .. العمارات ..كافتيريا ومطعم (لذيذ ) ...الزمان بعد منتصف النهار بقليل ..فى ذات نهار سفر صلاح الأمين .... نلتقى بغير اتفاق مسبق .... يتصل بى أو أتصل بزهير الزناتى ..يسألنى أين أنت ..أخبره بأنى فى طريقى الى لذيذ لأفطر ...( أنتظرنا ..معى صلاح الأمين ..نحن الان بمطار الخرطوم ننهى اجراءات تأشيرة الخروج ...سنفطر معك ..!! ) ....تحدثنى نفسى يا لزهير الزناتى التعيس ...فى رفقة صلاح الأمين عدو الطيبات مما خلقنا لكم (فى رحلته الأخيرة هذه يضيف صلاح الأمين أبعادا الى غرائبيته ...فتلك التى عهدناها فى السابق كانت غرائبية فقر وفكر ..أما هذه فغرائبية ترف وبرجوازية تعيد الى الأذهان بشىء من الريبه تاريخ ناصع للرفيق صلاح الأمين ...مثلا ...يذهب صلاح الأمين مع صديقه التاريخى (بعدى طبعا ) زهير الزناتى ليقابلا مدير أحدى المجمعات السكنية الفاخرة تلك التى بشر بها ودالزناتى عبرهذا البوست ..ذهبا معا ..ليتفاوض صلاح الأمين وحده فى شراء أحدى تلك الفلل ...!!! واحده ... واحده ... (صلاح ) (يتفاوض ) (لشراء ) (فيلا ) ...يساعده فى هذا الأثم والعدوان صديقه ود الزناتى ...! يا ليت تلك الأيام الماضيات تعود لترى وتسمع ............................ مثلا أخر ..دعوته وزهير الزناتى الى وجبة غداء بمنزلى ...تصادف أن بت شيخى فى ذات يوم الدعوة كانت واقفه ألف أحمر معاى !!! حولت الدعوة الى أحدى المطاعم وتركت حرية الأختيار لود الزناتى ..وفعلا أختار ود الزناتى مطعما يطل على شارع المطار (قراند كافيه ) بدعوى أن به تشكيلة رائعة من السلطات (هكذا ) ما قلت ليكم زهير دا ما برجع كسلا تانى ..(وأكتشفت لاحقا أن معظم المطاعم فى تلك الناحية من الخرطوم تقدم ذات التشكيلة من السلطات !!) المهم فوجئت أن المدعو صلاح الأمين يرفض تناول آى نوع من اللحوم !!! ليه يا صديق الزمان الفات ..ونديم الحزن والقهقهات ..أجابنى ببساطة ....ببساطة مزعجة ....ببساطة مخلة بالذوق العام والخاص ..(يأخى أنا خايف من الكولسترول..الكولسسسسسسسسسسسسترول !!) واحدة واحدددددددددددددددددددة (صلاح )( يخاف ) (من ) (الكولسترول ) !! يا ليت تلك الأيام الماضيات تعود لترى وتسمع ....ولنا عودة .........سلام للجدعان ...
Post: #1977
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2009, 00:33 AM
Parent: #1975

30122009285.jpg Hosting at Sudaneseonline.com



وجه زقازيقى عبقرى

من الذين حباهم الله بحب العلم والتقوى والورع

كان متفوقا فى دراسته ويشهد له الجميع بالنبوغ والتفوق

قادتنى الصدف لأكون برلوما له فى المرحلة المتوسطة ببحرى الاميرية 1

ومرة أخرى كان سنيرا علىّ فى زراعة الزقازيق ...

اليوم هو قامة علياء يحمل درجة الاستاذية ( بروفيسور )

وهو استاذ دكتور فى جامعة امدرمان الاسلامية فى العلوم التربوية

هلا عرفتموه ؟؟؟

معذرة الصورة مأخوذة مباشرة من التلفاز فى لقاء له بقناة الشروق هذا المساء ...
Post: #1978
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-31-2009, 06:09 AM
Parent: #1977

الاستاذة / احلام وهبي ...
الف مرحب بيك بيننا
زقازيقية اصيلة بين اهلك ...
وتقديرنا موصول ايضا لزوجك القامة محمد السني ...

Quote: الاخت ضحي مستقره بالسودان امدرمان بحي الشهداء ولهااحمد ممتحن شهاده السنه دي انشاءالله. ومحمد في صف سابع .


هل هي ضحي سراج الدين محمد ميرغني طمبل – تجارة الزقازيق – حلفاوية من أتبرة "عطبرة" ...

ان كانت هي ارجو يا احلام توصيلها بنا ... طبعا بعد تبليغها السلام والتحايا وعمق سؤالنا عنها هنا من جميع افراد البوست ...

عبدالدائم النضيف .... شوف الزمن ... ضحي ولدها ماشي الجامعة ... ضحي التي تحمل كل براءة الاطفال ... خلقا وشكلا وجسما ... تذكرني بالطفولة المطلقة في كل تصرفاتها في ذاك الزمن الجميل ... كانت دموعها لاتتوقف حتي وهي تبتسم وخاصة ايام الامتحانات او حتي في المذاكرة وخصوصا عندما تستعصي عليها مادة... وما اكثر ما استعصت عليها المواد ... فكانت دموعها تسبق كل شي ... فكان خوفها من الامتحانات سببا في قطع دراستها بالزقازيق ... والرجوع الى السودان ... لتكمل دراستها هناك ولكن لم ندري أي كلية ... ومن وقتها انقطعت اخبارها عنا ...

نتمني يا احلام ان توصلينا بها من جديد ... وستظل ضحي الطفلة في نظرنا مهما بلغت درجات الامومة ... كما ظلت كثير من المواقف الزقازيقية متحجرة في ذاكرتنا منذ عشرين سنة لم نقبل تغيرها ... واكبر دليل عدم قناعة ولدنا جمال فارح بتغيير تصرفات و "استراتجيات" اولادنا صلاح الامين وزهير الزناتي ... فما زالوا كما هم في نظره قبل عشرين سنة مهما غيرنا الزمن ... وحلاوتنا في ايامنا زمااااان ...

ولدنا موسي عيسي ... شكرا لسؤالك الدائم عنا ... واليومين ديل عينا باردة ... مداخلاتك "تتطاقش" ... وانت مازلت محتفظ بشعار الميل الخمسين ... الذي له وقع خاص لدينا لانه اول ثورة احتفالية لنا بنجمعنا وملتقانا هذا ... واصل الاحتفاظ به ...


[email protected]
Post: #1979
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-31-2009, 08:46 AM
Parent: #1978

صبحكم الله بالخير

كل عام و أنتم بخير... و نحن نودع عام و نستقبل عاما جديدا...نسأل الله أن يكون العام الجديد عاما حافلا بالخير و الانجازات على كل الأصعدة...

نسأل الله أن يحقق كل أمنياتكم...
Post: #1980
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-31-2009, 10:11 AM
Parent: #1979

مرحب بى زميلتنا احلام وهبى
وعبرها تحياتنا لأستاذ السنى
وبالله اساليهو لينا , فى امريكا والدول المتقدمة
مش الزول بيجى الزيارات مع زوجته ؟؟؟!!
ولا دى الوحيدة الما ادوكم ليها فى امريكا والدول المتقدمة ؟؟!!!
ننتظر توقيعك هنا لأننا نحبك من اول
وبعد ما بقيت نسيبنا , ومتزوج اختنا وزميلتنا
بقينا نحبك اكثر
ومن ثم وكأجابة على سؤال محمد عيد
هذه ملامح سينيرنا واستاذنا الذى درسنا السويل سينس ايام البرلمة
مهيد المتوكل
مش الأسم صح
تحياتنا له واعزازنا وتقديرنا
بعدين فى الآخر
كل سنة وانتو طيبين
احتياطى كده
عشان الظروف ما معروفة
سنة جديدة حلوة واستقلال حقيقى مجيد
Post: #1981
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-31-2009, 10:16 AM
Parent: #1979

بعد مباصرة شديدة من الميز جبنا لينا 2 كيلو يوسفى مع شوية كيك نايتى
لزوم رأس السنة ، حيجى زكى بالعود وحسن طبلة وخلطة كده من الانتفاضة واكتوبر
المغتربات قالو مشو لكوز من بدرى ( نظام يتعزز الليمون وكدا ،،،، )

يا عيد سنيرك ده اسأل منو ناس قدورة وانت نازل
Post: #1983
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-31-2009, 10:49 AM
Parent: #1981

صباح الخير،،، يا وجوه الخير،،،

أصبحنا وأصبح الملك لله ،،،وحده

نسمات الصباح:

اللهم ألهمني رُشدي

وأعذني من شر نفسي

اللهم إني أسألك علماً نافعاً

وأعوذُ بك من علم لا ينفعُ.
Post: #1982
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-31-2009, 10:49 AM
Parent: #1979

kel004.gif Hosting at Sudaneseonline.com
Post: #1984
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2009, 11:35 AM
Parent: #1982

اجابتك صحيحة يا منصور وعفارم عليك

يظهر نفعت معاك جلسات العلاج بالكركم فى جده ...

الله يكون فى عون ناس قدورة والرشيد .. شكلنا كده لازم نشوف

ليهم أحدث طرق بديلة لاعطائهم هذا العلاج البديل ..!

الاســم بالكامل .. مهيد متوكل مصطفى - خريج زراعة 84

يعنى دفعتك يا قدورة ..!!
Post: #1985
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2009, 11:48 AM
Parent: #1984

3-en-2.jpg Hosting at Sudaneseonline.com
Post: #1986
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-31-2009, 12:52 PM
Parent: #1985

سلامات يا ناس

وكل عام والجميع بخير

والسودان يكون هو الخير يا رب

Quote: زاعو السر و فضحو

مشاعرهم اتجرحو

الليله وين اليا دوبهم صحصحو


الحمد لله صحصحنا...وجبرنا الكسر..بعد النص

بيجى الواحد الكامل.

مودتى للجميع
Post: #1987
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-31-2009, 01:08 PM
Parent: #1986

السلام عليكم
مالكم غايبين إنشاءالله المانع خير
بالله ما تغيبو كتير زي دا
أها الأخبار شنو
السنة جات يا جماعة؟؟
أها الجاي معاها منو؟؟؟
أقصد منصور الجاي معاهو منو؟؟؟
لزوم الرفيق قبل الصديق
أقصد الصديق قبل الرفيق
الليله أنا مالي؟؟؟
قالو الرفيق قبل الطريق
ما تقول حاجة...إتفقنا؟؟؟؟
سلام
Post: #1988
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-31-2009, 01:43 PM
Parent: #1987

سلامات يا ناس

حاج السر...سلام

انت برضو مطوّل لاحقنا وكده

طبعآ الناس ديل ما عارفين انت غايب ليه

وقالوا : العارف يكلم الما عارف

اهم حاجة انت صحصحت ولاّ لسة؟
Post: #1989
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-31-2009, 02:09 PM
Parent: #1988

Quote: وقالوا : العارف يكلم الما عارف

في هذا البوست هناك قواعد بتاعت لعب
و الضرب فوق الحزام ممكن و جائز
لكن في ناس قاعد تقضي حوائجها بالكتمان
إذا قاعدة أرخميديس دي بقت ما شغالة
كلمونا ...عشان نخترع لينا حاجة تانية
إنتو الجنينة دي في غرب كردفان و لا غرب دارفور يا الرشيد؟؟؟
(دي مدينة يا أحمد إسماعيل في الغرب ...لكن ياتو غرب ما عارف)
و هي تختلف تماماً من الزول الجنينة يا منصور....

نجيلة يقول ليك تخريمة
زناتي يقول ليك تليشة
و أنا خاشي السوق العربي
وجدت واحد بيعمل تسويق لعطور ضاربة 200%
حصل يا زهير سمعت بالإعلان دا؟؟؟
ريحة ما بتطلع من الجسم
وكان طلعت...تعال و ديني القسم
Post: #1990
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-31-2009, 02:22 PM
Parent: #1989

يا كوتش ,,, سلامات ... إنشاء الله غياب أخونا جلا دا يكون عافية ساكت ... اوعي يكون الزول متحسس ولا مورود ...
Post: #1991
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-31-2009, 02:31 PM
Parent: #1990

أين تسهر هذا المساء في الخرطوم (رأس السنة)
Post: #1992
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-31-2009, 02:31 PM
Parent: #1988

كل سنه وانتو طيبين يا حلوين...
تحققوا كل مناكم وتكون سنه بخيته عليكم...
فيني شي كتير من حكاوي الاجازه في السودان..
بس استعيد توازني شويه..
رسائل سريعه...
زوبه التيجاني.. معذره والبينا عامره.. خانتني التفاصيل..
الزناتي.. كميه من السعاده لمن القاك..
ابتهاج.. يا رايقه..
نادر علوم... ارتياح تام..
جنابو جورج.. إحساس خاص زي الزمن الجميل..
صلاح الأمين... روعه واجمل دواخل..
احمد عوض... البيني وبينك..
النضيف.. لم نكتفي...
عمر بسكو.. في انتظارك..
عبدالرحمن عشي.. اخو اخوان...
البرلوم محمد حسن.. الكلمات لا تكفي...
Post: #1993
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-31-2009, 03:33 PM
Parent: #1992

حاتم جبارة حمد الله علي السلامة

في ناس حلوين محمليني ليك السلام ... لكن حسادة كده ما حا اقول ليك ... المهم السلام أمانة إنشاء الله يكون وصل ززز
Post: #1994
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-31-2009, 03:44 PM
Parent: #1993

Quote: في ناس حلوين محمليني ليك السلام ... لكن حسادة كده ما حا اقول ليك ... المهم السلام أمانة إنشاء الله يكون وصل ززز

وصل يا وهم...
Post: #1995
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2009, 04:07 PM
Parent: #1994

ود جبارة ...
نورك لاح .. وطيبك فاح
وملأ المنبر روح تفاح ...
وحشتنا كتير والله ...
وحمدالله على السلامة ... وشوقنا ليك ما ليهو حد
سنة جديدة سعيده عليك وعلى اسرتك يا رب

Post: #1997
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-31-2009, 04:18 PM
Parent: #1995

ود عيد يا أصلي..
كتر خيرك يا حربي..
امنياتي ليك ولي اولادك بي سنه فل..
وتعقل وتبقي هلالابي يارب..
Post: #1996
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-31-2009, 04:13 PM
Parent: #1994

__1.jpg Hosting at Sudaneseonline.com




nrn.bmp Hosting at Sudaneseonline.com
Post: #1998
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-31-2009, 06:54 PM
Parent: #1996

انتقلت للرفيق الاعلى قبل يومين والدة الاخ موسى عبدالله (الراجل)
نسأل الله أن يتقبلها القبول الحسن وان يتغمدها برحمته ومغفرته
والتعازي موصولة للاخ موسى الراجل وكل افراد الاسرة
تلفون موسى 966558243093
Post: #1999
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-31-2009, 07:01 PM
Parent: #1996

حاتم جبارة حمدالله على السلامة


Quote: نورك لاح .. وطيبك فاح
وملأ المنبر روح تفاح ...


محمد عيد...دي دعاية معسل ولا شنو...

كل عام و أنت بخير...


أحمد اسماعيل

البطاقة جميلة جدا...كل عام و أنت بخير...

محمد صديق...بركة الصحصحتو...عام سعيد..

جلا...انت قاصد الجنينة و لا مجينينة...عامك سعيد...

عام سعيد و عمر مديد ليكم كلكم...
Post: #2000
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-31-2009, 10:32 PM
Parent: #1999

سلامات يا ناس

وكل عام والجميع بخير

نتمناه عامآ طاعمآ...كله محبة وصفاء

سؤال: وين ناس الليل؟؟؟
Post: #2001
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-31-2009, 11:15 PM
Parent: #2000

سلامات يا ناس

عام سعيد بصفة خاصة لاؤلئك الذين طال غيابهم:

دكتور الصادق

دكتور احمد امين

دكتورة سناء الصباغ

دكتورة نورا

دكتور شبيكة

دكتور صلاح الامين

عروة على موسى

عبد الحميد البرنس

عادل عبدالرحمن

عثمان الخير

زينب التيجانى

ياسمين حاج الطاهر

نجاة حوفى

سمؤال ابوسن

نتمناكم هذا العام مداومين وسالمين.
Post: #2002
Title: Re: ناس الزقازيق ... أجدع ناس ( 3 ) ..
Author: عماد الدين عبدالله
Date: 12-31-2009, 11:22 PM
Parent: #2001

كل عام وانتم بالف خير

يا زقازيقاب يا رائعين

وان شاء الله دائما مجتمعين

تحياتي واحترامي

نسيبكم عماد عبدالله
Post: #2003
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-01-2010, 00:48 AM
Parent: #2002

كل عام وأنتم بألف خير
وانشاء الله ربنا يديم عليكم المحبة
ويجمعكم بالخير وعلى الخير
عام سعيد وعمر مديد
ليكم كلكم يا جدعان ..
الكبير والصغير ..
السنير والبرلوم ..
بنات الشيوخ واولاد الشيوخ ..

آآآآآمين يارب ..
Post: #2004
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-01-2010, 01:05 AM
Parent: #2003

مرحب بي نسيبنا وجارنا عماد الدين
وكل سنة وانت وناس بيتكم الوسيع بألف خير
بلغ تحياتنا ليهم لحدي ما نزوركم ونخت التحية ..

الباكستاني ...
مين مهيد متوكل مصطفى ده ؟؟؟؟؟؟؟؟؟؟
أنا ما بعرف حد بالاسم ده !!!
انت بتعرف الإسم ده يارشدي ؟؟؟؟؟
تكون ياربي بتقصد أخونا وحبيبنا
مهيد محمد المتوكل ؟؟؟؟
أكيد بتقصدو ....
لأنو المهيد هو نفس المهيد
والمتوكل كمان موجود
الفلسفة العليك شنو ؟؟
بركة الما قلت متوكل كمال هههههه ...
كان تقول مهيد المتوكل وبس ..
كنا عديناها ليك إجابة صحيحة ..
غايتو دي بس تكون أخطاء مطبعية ساااااي
لا زهايمر ولا حاجة
أنا هسه قلت زهايمر ؟؟؟


بالله الحلقة دي بعيدوها متين ؟؟؟؟
Post: #2005
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-01-2010, 01:15 AM
Parent: #2004

في نهاية الصفحة الفاتت أخونا جلال ربنا يديهو العافية جاب ليكم خبر عزاء
ومع الصفحة الجديدة ما تنسو تقوموا بواجب العزاء للأ خ موسى

Quote: انتقلت للرفيق الاعلى قبل يومين والدة الاخ موسى عبدالله (الراجل)
نسأل الله أن يتقبلها القبول الحسن وان يتغمدها برحمته ومغفرته
والتعازي موصولة للاخ موسى الراجل وكل افراد الاسرة
تلفون موسى 966558243093


نسأل الله أن يرحمها ويتجاوز عن سيئاتها
وأن يتقبلها لديه قبولا حسنا مع الصديقين والشهداء
وأن يبدلها دارا خير من دارها
وأهلا خيرا من أهلها ..

البركة فيكم أخ موسى
ونسأل الله أن يثيبكم ويلهمكم الصبر وحسن العزاء
وانشاء الله آخر الأحزان ...
وإنا لله وإنا إليه راجعون ...
Post: #2006
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-01-2010, 08:42 AM
Parent: #2005

سلامات يا ناس

وصباحات التفاؤل والعام الجديد

خالص التعازى للاخ موسى عبدالله

وانا لله وانا اليه راجعون.
Post: #2007
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 01-01-2010, 09:45 AM
Parent: #2006

مليون سلام لاروع ناس
اللهم اجعلة عام خيرللجميع
وشتاقين
واشكر كل من سال عنى وفقدنى تلفونيا او رسائليا

ما يفقدوكم فى شينة

شوق ليكم كلكم بدون فرز
محمدصديق سالت منك العافية اتحنفشت قلت جورج دة بسال عن الطال غيابهم كدى اشوف اسمى مكتوب
بس الله ستر و شكرا
قدورة

مرابط برااك هنا وهناك سلامات

حاتم جبارة

رجيتك وفى انتظار عينيك كملت الصبر كلو
المرة الجاية ما مشكلة

يلا سلام

عيد يا مبدع بطاقة رهيبة

منص رشا مليون شكر ومليون سلام وتحية خاصة

ماعدمتكم يا رب والله سعيدة بيكم
Post: #2008
Title: Re: ناس الزقازيق ... أجدع ناس ( 3 ) ..
Author: إخلاص محمد أحمد
Date: 01-01-2010, 10:39 AM
Parent: #2007

Happy New Year for all of You
وان شاء اللة تكون سنة تتحقق فيها كل امانيكم البعيدة والقريبة, ويرد غربتكم سالمين غانمين يارب
والفي السودان تكون سنة تتغير فيها الاحوال الي الاحسن والاجمل.
Post: #2009
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-01-2010, 11:24 AM
Parent: #2001

أحمد اسماعيل

البطاقة جميلة جدا.


رشيد القوم هذا من ذوقك ياأصيل

كل عام وأنت ونجاة والعيال طيبون وموفقين
Post: #2010
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-01-2010, 12:08 PM
Parent: #2009

إنتو الجنينة دي في غرب كردفان و لا غرب دارفور يا الرشيد؟؟؟
(دي مدينة يا أحمد إسماعيل في الغرب ...لكن ياتو غرب ما عارف)



ياحاج محمد آدم بركة الل 000 وكذبت الإشاعة وجيت

الجنينة في الغرب الأقصى

الظاهر نحنا صرنا في القطب الياتو داك الفيه النهار ستة أشهر

لأن البوست له فترة ماشاف ناس ليل
Post: #2011
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-01-2010, 12:47 PM
Parent: #2010

أحسن الله عزاء الأخ موسى عبد الله الراجل في وفاة والدته

نسأل الله لها الرحمة والمغفرة ونساله تعالى أن يدخلها الجنة

مع الصديقيين والشهداء وحسن أولئك رفيقا.

وإنا لله وإنا اليه راجعون


الإخوة بالرياض اليوم الجمعة بعد العصر حيذهب كل من

مدثر ابا يزيد وأحمد إسماعيل وجلال عثمان والأخ موسى عيسى

لمنزل الأخ موس للقيام بواجب العزاء فكل من تسمح ظروفه فليتحرك

ليلحق بالركب
Post: #2012
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-01-2010, 01:02 PM
Parent: #2010

Quote: ويرد غربتكم سالمين غانمين يارب


اخلاص ...مشتاقون...ضربت ليك من كم يوم كده لقيت خواجاتك ديل قالو لي she is not feeling well و خليت ليك وصية معاهم...

و بعدين في داعي تدعي علينا يا اخلاص مع السنة الجديدة دي....راده غربتنا مالك...

كل سنة و انتي و العائلة كلها بخير...
Post: #2013
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-01-2010, 01:07 PM
Parent: #2012

صادق العزاء للأخ موسى عبد الله في وفاة والدته

نسأل الله لها الرحمة والمغفرة وأن يدخلها الجنة

مع الصديقيين والشهداء وحسن أولئك رفيقا.

وإنا لله وإنا اليه راجعون
Post: #2014
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-01-2010, 01:16 PM
Parent: #2013

Quote: ياحاج محمد آدم بركة الل 000 وكذبت الإشاعة وجيت

الجنينة في الغرب الأقصى

الظاهر نحنا صرنا في القطب الياتو داك الفيه النهار ستة أشهر

لأن البوست له فترة ماشاف ناس ليل


أحمد اسماعيل الحبيب...تعرف القصة الظاهر عليها حالة بتاعت استعادة لياقة

وطالما خلاص نحن في سنة جديدة متوقع ان حالة البيات دي تنتهي و ندخل مرحلة

حديدة تشهد عودة جلا بكامل لياقته و جلال بعد أن يكون قد تجاوز مرحلة ما بعد

سفر الخبراء الأجانب...

ننتظر عودة الجميع الى سابق عهدهم...
Post: #2015
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2010, 02:33 PM
Parent: #2014

سلام وتحية للكل وزى الفل

وكل عام وانتم بخير ...

* زنوبة العزيزة .. مشكورة ونورتى من جديد وانشاء الله دايما نوارة بيتنا

* رشا يا حلو .. المعسل نكهات بس انت اختار ...


عزاء واجب لاخونا موسى الراجل ونسال الله ان يتغمد والدته بواسع مغفرته

وان ينزلها منزلة الصالحين .
Post: #2016
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2010, 02:38 PM
Parent: #2015

مثل عاداته الجميلة دائما ..

وفى ممارسة حقيقية أصيلة لدور الريس الحقيق .. الذى يسعى دوما لاسعاد رعاياه ...

فاجأنا الريس الحبيب ميسرة وأسرته الجميلة ليلة أمس بزيارتهم لنا

قضاء ليلة رأس السنة الجديده معنا ... وأسعدونا بحق وحقيقة ...

أسعدك الله يا ريس دائما كما ظللت تدخل الفرح فى دواخلنا


9AA5FA9E-D21A-4275-A097-84547F6CBAA6ab2.gif Hosting at Sudaneseonline.com


وهذه تحية ريس الخارج وريس الداخل لكم فى السنة الجديدة
Post: #2017
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2010, 02:42 PM
Parent: #2016

51.gif Hosting at Sudaneseonline.com



نتيجة او تقويم العام الجديد ... هدية لكل الزقازيقاب


1080.jpg Hosting at Sudaneseonline.com
Post: #2018
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2010, 02:46 PM
Parent: #2017


وهنا نؤكد تضامننا الكبير مع دعوة اخونا كمال الشادى

وندعو الجميع للالتفاف ورص الصفوف من اجل مستقبل ابناءنا

ابناء واحفاد الزقازيقاب


3-en-febc554bcb48253b227d18976023918a3.jpg Hosting at Sudaneseonline.com
Post: #2019
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-01-2010, 02:48 PM
Parent: #2017

تعازين للأخ موسى عبدالله في وفاة والدته


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها ولأخونا موسى الصبر
Post: #2020
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-01-2010, 03:18 PM
Parent: #2019

كل عام وأنتم بخير بمناسبة عيد الإستقلال

والتهنئة لكل الشعب السوداني

sudansudansudansudansudan19.gif Hosting at Sudaneseonline.com


وبالمناسبة عندي ليكم دعوة ألا وهي:

إقتناء علم السودان

وممكن تضع العلم على مكتبك أو باب البيت أو في أي مكان تراه مناسبا

الدعوة دي لإحساس قديم عندي: إنو نحن إرتباطنا بعلمنا ضعيف شوية وما عارف الحكاية دي من شنو

هل لأنو العلم تم تغييره؟ وإنو دا ما العلم التم رفعه يوم جلاء المستعمر؟

أم لإرتباطه بحكم مايو؟

أم هناك أسباب أخرى؟

عموما ما عايز أقلب الموضوع سياسة

لكن أحيانا كتيرة جدا أحس ببعض الغيرة من بعض الشعوب في حبهم لعلم بلدهم أو لإظهارهم لتلك المحبة

هل نحن نحب هذا العلم؟

وأكيد الجواب هو نعم... نحبه

هل يمكن أن نظهر هذا الحب؟

كيف؟

هي دعوة للنقاش حبيت إنها تكون هنا بدلا عن المنبر العام مع إنو دة موضوع عام يهم كل السودانيين

فما رأيكم يا أجدع ناس؟
Post: #2021
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-01-2010, 03:23 PM
Parent: #2020

علم السودان

رموز علم السودان:
اللون الأحمـــر: يرمز للكفاح الثوري
اللون الأبيض: يرمز للسلام والتفاؤل والخير
اللون الأســود: يرمز إلى قومية السودان الأفريقية
اللون الأخضر: يرمز إلى الزراعة
المصدر: من موقع وزارة الخارجية:
125px-Flag_of_Sudan.svg.png Hosting at Sudaneseonline.com


(العلم الحالي من 1970 إلى الآن)
إن علم السودان الحالي اعتمد في 20 مايو 1970، ويتكون من الأحمر والأبيض والأسود بالإضافة إلى مثلث أخضر أفقي. وكان علم السودان قبل الانقلاب العسكري الذي قاده جعفر نميري عام 1969 يتكون من الألوان الأزرق والأصفر والأخضر.
وتم آنذاك إختيار الألوان الأزرق و الأصفر و الأخضر ، ووضعت في شكل مستطيلات عرضية وهي ترمز بالترتيب لإتحاد : النيل و الصحراء و الغابة .
Flag.png Hosting at Sudaneseonline.com

(العلم القديم من 1956 إلى 1970)

تم تغيير شكل العلم ليتوافق مع ألوان الأعلام العربية وبالأسلوب التي اتسمت به أعلام دول كالـ: الكويت، العراق، مصر، سوريا، فلسطين، الأردن، اليمن، الإمارات فاعتمدت الألوان الأربعة :
 الأحمر : رمز لدماء الشهداء .
 الأبيض : رمز للسلام والنقاء .
 الأسود : رمز للقدم والثبات على التراث .
 الأخضر : رمز للتفاؤل والنماء .
ومن المعروف أن هذه الألوان كانت لأعلام الخلافة الإسلامية الراشدة ،الخلافة الأموية،الخلافة العباسية ، الخلافة الفاطمية ، وهو ما دفع العديد من الدول العربية إلى استعمالها .
أما الشعار الرسمي هو رمز صقر الجديان الذي يعيش بكثرة في أراضي السودان وذلك بعد أن كان الشعار هو حيوان وحيد القرن الأبيض النادر، وتم تبديلهما في نفس العام 1970. إن العديد من الدوائر الرسمية تضع الشعار في منتصف العلم في المنطقة البيضاء مذهبًّا، لكن العلم الرسمي الدولي المعترف به يخلو من هذا الشعار.
125px-Sudan_coa.png Hosting at Sudaneseonline.com

المصدر: من ويكيبيديا، الموسوعة الحرة
Post: #2022
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-01-2010, 03:49 PM
Parent: #2021

سامي الأنيق...معلومات جيدة و وافية عن العلم ...نشكر لك اهتمامك بهذا الموضوع المهم و الذي يستحق الجهد و الوقت الذي بذلتة لجمع هذه المعلومات...

سؤالك عن التفافنا حول علم بلادنا و لماذا لا نرتبط به كارتباط الشعوب الأخرى برمزهم...سؤال جيد أيضا كذلك دعوتك باقتناء علم ....دعوة تستحق عليها أن تكون الأبرز و الأهم في العام 2010 ...

شكرا سامي...و سوف أعود لأدلو بدلوي في موضوع الارتباط بالعلم...
Post: #2023
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-01-2010, 03:59 PM
Parent: #2022

رشيد القوم

ليك ألف تحية

ومشكور على هذا الكلام الجميل

ومنتظرين مساهمتك في هذا الموضوع ما أمكن ذلك
Post: #2024
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2010, 05:25 PM
Parent: #2023

نسأل الله الرحمة والمغفرة لوالدة موسي عبد الله ،
ولموسي وأسرته صادق العزاء ... وربنا يجبر كسركم ..
Post: #2025
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2010, 05:33 PM
Parent: #2024

كل الناس ........

سنة حلوة وعام جميل ... أفضل من سابقه ... ملئ بالحب والأمل والتفاؤل ...
ربنا يحقق أماني الجميع .....

شكراً أحمد إسماعيل
محمد عيد

علي الهدايا الجميلة ...

عام سعيد
Post: #2026
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 01-01-2010, 05:43 PM
Parent: #2025

happy new year
Post: #2027
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 01-01-2010, 08:01 PM
Parent: #2026

سلام يا اجدع واحلى ناس
كل سنة وانتو احلى واجمل واغلى ربنا يجعل سنة 2010 احلى السنين علينا كلنا.
حليت من بدرى بصوت سندى الابنوسى.انسرب صوته وحوم حولى سعادة وابتسامة ادهشت زملائى وزميلاتى فى الشغل
حتى انهم سالونى باستغراب منو (الخلاك فى وسط زحمة الشغل ونساك هم خوفنا جميعا من يوم الاحد القادم حيث ينتظرنا يوم لتطبيق نظام جديد وخايفين من اسئلة قد تكون صعبة و مرهقة) قلت ليهم ده سندى وظلى للاسف ما فهمواكلامى قلت ليهم يلا عشان الورد ينسقى العليق يلا ناخد بريك ونتغدى كمان..شفتوا فرحتى وعيدى عيدين . شكرا لمراسنا الذى ادخل البهجة فى نفوسنا ببثه المباشر لحفل نانسى عجاج .. التحية للبهيج وزوجته بهجة دايما مبتهجين سعدنا بتلفونك يا زناتى .
التحية ليكم كلكم وعشان ما فى زول يزعل
مشتاقة ليكم كلكم وكل سنة وانتوا بالف خير..
ودمتم سالمين
Post: #2028
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-01-2010, 08:38 PM
Parent: #2027

سنة سعيدة على الجميع



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #2029
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-01-2010, 10:31 PM
Parent: #2028

عام جديد وعمر مديد لكل أحبابنا بالزقازيق

وعيدكم مبارك بهذا الإستقلال وكل عام وأنتم بخير

ونتمنى أن يكون العام 2010 أفضل ما العام السابق

ونرحب بعودة كثير من الأخوان والأحباب والأخوات وعودتكم

الكبيرة أسعدتنا.

gif.gif Hosting at Sudaneseonline.com

get-3-10.gif Hosting at Sudaneseonline.com
Post: #2030
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-01-2010, 10:45 PM
Parent: #2029

خالص التعازي لأخونا موسى الراجل

لوفاة والدته ، تغمدها الله بواسع رحمته

وألهم أهلها وذويها الصبر والسلوان

إنا لله وأنا إليه راجعون
Post: #2031
Title: Re: ناس الزقازيق ... أجدع ناس ( 3 ) ..
Author: إخلاص محمد أحمد
Date: 01-02-2010, 01:44 AM
Parent: #2030

حار التعازي للاخ موسي عبداللة في وفاة والدتة تغمدها اللة بواسع رحمته
الرشيد كل سنة انت واسرتك الجميلة بالف خير ,أحمد ولدي رد عليك وفعلا كلمني , الف شكر علي اتصال مابتقصر بعدين يا الرشيد قلنا ترجعوا غانمين في احلي من كدا .
تسلم يا الرشيد يا اصيل
Post: #2032
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2010, 07:01 AM
Parent: #2031

صباح الخير،،،، يا وجوه الخير،،،،

أصبحنا وأصبح الملك لله ،، وحده

وألف صباح للثاني من يناير وسنة

حلوه على الجميع.

نسمات الصباح :

ربنا إتنا من لدنك رحمة

وهيئ لنا من أمرنا رشدا

ربي زدني علماً .
Post: #2033
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-02-2010, 07:39 AM
Parent: #2032

خالص التعازى للاخ موسى عبدالله فى وفاة والدته
لا حول ولا قوة الا بالله
وانا لله وانا اليه راجعون
Post: #2034
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-02-2010, 08:10 AM
Parent: #2033

يا جماعة الحقو منى يونس عاملة ليها بوست تحفة عديل
فى منبر ناس الزقازيق
شخصيات وصور تنشر لاول مرة

شخصيات وعائلات زقازيقة ،،،،،،،، من الزمن الجميل،،،(توجد صور)
Post: #2036
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 01-02-2010, 08:30 AM
Parent: #2034

إلى كل أحبابيي وأهلي من قبيلة الزقازيق
إلى كل تلك المساحات الجميلة من الذكريات
والمودة والحب الصادق
تبريكاتي بالعام الجديد واالتهاني بالأعياد
ونسأل الله أن يكون هذا العام عام الأمجاد
- منى يونس ... بوست أكثر من رائع
- خالص التعازي لأخونا موسى عبدالله
- مبدع يامحمد عيد يا " مرابط "
ولا أحسن " النفطي "
لاتسألوني عن سبب الغياب
المهم نسعى للتواصل
Post: #2035
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-02-2010, 08:29 AM
Parent: #2033

ألا أيها الساري بليل
يقول الشعر واشتاقت خطاه
ألا بلغ كريما جاد دوما
بكل الود وابتسمت شفاه
بأن القلب يقرؤه سلاما
يهنئه بعام قد أتاه
ألا يا رب فامنحه قبولا
وبدد حزنه وأجل عناه


Words begin with
A
B
C
Nucber begin with
1
2
3
Music begin with
Do
Re
Mi
But true love begins wiht
U
zugazigab
and
!!!Me
"HAPPY NEW YEAR"
Post: #2037
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-02-2010, 09:31 AM
Parent: #2035

عام جديد وبلدنا بخير
أتمنى للجميع أن يكون عام خير وبركة

snowcottagelg1.jpg Hosting at Sudaneseonline.com
Post: #2038
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 01-02-2010, 09:45 AM
Parent: #2037

التعازى للاخ موسى عبدالله فى فقد والدته نسأل

الله لها الرحـمه والمغفرة


وكل سنة وانتم طيبين

ونتمنى ان تشرق شمسكم ويهل هلالكم كما فى الصورة النادرة

Post: #2039
Title: Re: ناس الزقازيق ... أجدع ناس ( 3 ) ..
Author: مصلح الفكي
Date: 01-02-2010, 11:10 AM
Parent: #2038

التحية لناس الزقازيق الحلوين
كل عام وانتم بخير
كل عام والسودان بخير
كل عام وكل واحد فينا محقق أمنياته

أشكر منبر ناس الزقازيق الذي اتاح لي فرصة الدخول لعالم سودانيزأونلاين

وأخص بالشكر الأخوين :

زهير الزناتي وود الخالة موسى عيسى أطال الله في عمركما ونفع بكما أهلكم والسودان

وشكرا

صديق محب جداُ لناس الزقازيق

أخوكم / مصلح الفكي
Post: #2040
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:10 AM
Parent: #2038

التعازى الحارة لأخونا موسى الراجل فى وفاة والدته
رحمها الله رحمة واسعة وتقبلها احسن القبول بأذن الله
هذا اولا
وبعدين
سنتكم حلوة وجميلة وان شاء الله تلحقوا تعملوا كل الحاجات الما قدرتوا تحققوها السنة الفاتت
وكمان تتخلصوا من كل الحاجات الما دايرنها وما قدرتوا تتخلصوا منها السنة الفاتت
تامين ولامين تكونوا يارب
ختوا اهداف عاجلة واهداف متوسطة واهداف بعيدة للسنة الجاية
هذا سبب اساسى وميزان مهم للمحاسبة آخر السنة
مع جرد الحساب , تقدروا تعرفوا وين موقع اقدامكم ووين انتوا واقفين
سنة جميلة ليكم كلكم يارب
Post: #2041
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:24 AM
Parent: #2040

ما ضامن التداخل معاكم الأسبوع الحاى
عشان كده , حا اشتاق ليكم سمبهارى
الما عارف سمبهارى دى , يسأل اى زول الا انا
عموما هى حاجة كده بتاعت كوشتينة تتعلق برمى البايظ مقدما
لا اعرف لها اصلا ولا فصلا
وبعدين , ما ملاحظين معاى الحاج السرى ده لسه واقع اسير عملته السرية ديك
حاسى بيهو كده زى ما بيقولوا
ما متماسك يا زهير
او كمان ممكن يكون متماسك اكثر من اللزوم
والأتنين ما دايرنهم ليهو
يا جلا
ارجع لى مكنتك القديمة دىك , عشان الجديدة شايفها ما قسمت
انت آخر مرة مشيت كسلا متين ؟؟؟
عمر مشى الدفاع الشعبى ولا لسه ؟؟؟
كدى ركز فى السؤالين ديل خلينا نختبر درجة (تماسكك)
والتماسك انحنا بنقيسوا
بميزان (الدهب اب كفتن راجحة )
فعشان ده , سن ادواتك وتعال
وبالعدم
ادوات الود اب صلعة حاتم ود جبارة سنيييييييييييينة
جايبها من الحداد الفى لفة المشتل داك يا دوووووب
نكلموا ليك يسلفك اداة اداتين كده تمشى بيهم حالك ؟؟؟؟
ولا نكلم ليك احمد اسماعيل احسن ؟؟
ولو ديل كلهم ما نفعوا
يانا المحمدينك بى ثعلب ولا اسد ولا نمر
من حديقة ناس منى يونس
اوعك تقول اسد شنو ونمر شنو
انت داير الغزال ولا شنو
غزال مافى ليك
اسد يعنى اسد
مشتاقين
Post: #2042
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:26 AM
Parent: #2040

ما ضامن التداخل معاكم الأسبوع الحاى
عشان كده , حا اشتاق ليكم سمبهارى
الما عارف سمبهارى دى , يسأل اى زول الا انا
عموما هى حاجة كده بتاعت كوشتينة تتعلق برمى البايظ مقدما
لا اعرف لها اصلا ولا فصلا
وبعدين , ما ملاحظين معاى الحاج السرى ده لسه واقع اسير عملته السرية ديك
حاسى بيهو كده زى ما بيقولوا
ما متماسك يا زهير
او كمان ممكن يكون متماسك اكثر من اللزوم
والأتنين ما دايرنهم ليهو
يا جلا
ارجع لى مكنتك القديمة دىك , عشان الجديدة شايفها ما قسمت
انت آخر مرة مشيت كسلا متين ؟؟؟
عمر مشى الدفاع الشعبى ولا لسه ؟؟؟
كدى ركز فى السؤالين ديل خلينا نختبر درجة (تماسكك)
والتماسك انحنا بنقيسوا
بميزان (الدهب اب كفتن راجحة )
فعشان ده , سن ادواتك وتعال
وبالعدم
ادوات الود اب صلعة حاتم ود جبارة سنيييييييييييينة
جايبها من الحداد الفى لفة المشتل داك يا دوووووب
نكلموا ليك يسلفك اداة اداتين كده تمشى بيهم حالك ؟؟؟؟
ولا نكلم ليك احمد اسماعيل احسن ؟؟
ولو ديل كلهم ما نفعوا
يانا المحمدينك بى ثعلب ولا اسد ولا نمر
من حديقة ناس منى يونس
اوعك تقول اسد شنو ونمر شنو
انت داير الغزال ولا شنو
غزال مافى ليك
اسد يعنى اسد
مشتاقين
Post: #2043
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:36 AM
Parent: #2042

والمداخلة كان نزلت مرتين انا مالى ومالها
اقعد احسب ليكم فى المداخلات كمان ولا شنو ؟؟
انا احسب المداخلات
ولا ميزانية السفر
ولا برنامج الأيام الخمسة بتاعت السودان
اجسب شنو ولا شنو ؟؟
تنزل مرتين تنزل تلاثة وانا ملىىىىىى
ما الحسابة بتحسب
وفى الأول وفى الأخر بتتكتب ليك فى ميزان (مداخلاتك )
عشان كده ولا بلغيها ولا حاجة
قول عايز الغيها !!الغيها ليكم كيف
لو فى واحد عايز يلغيها , يتبرع كمان ويخت لى صورة فى البروفايل بتاعى
وكمان صورة قديمة من زمن الشعر مغطى (الأضنين ) , وواحدة جديدة لنج برضو الشعر فيها مغطى الأضنين كيتن فيكى كده يا عرفة محمد سعيد
Post: #2045
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:50 AM
Parent: #2043

ده كلو كوم
وحندكات راس السنة دى , كوم براااااهو
ماعارف الريس وسيدة الزقازيق الأولى يمشوا يقضوا راس السنة عند ناس محمد عيد وفاطنة
زهير يقول لينا مالاقى مواصلات توصلوا الريفيرا عشان البت نانسى عجاج
ياها ذاتها , عرفتوها
مى ياها البنية ام برنيطة البشتنت ليكم الرشيد بابكر بشتنة التابانى واليابانى
آآآآ ى ياها ذاتها
البنية العايزة توقف الزمن اللى ابراهيم عوض ذاتو ما قدر يوقفوا
عليك الله غنتها يا زهير؟؟
ان شاء الله ما تنفعكم
ولا اقول ليك , احتياطى كده
لا انت ولا ابتهاج محتاجين تتملوا جمال زى ده فوق للعندكم
دحين الريفيرا ما برد عليكم فى الشتاء ده ؟؟
لبستوا التقيل , آآآه منكم يا مجرمين
وكمان تلقى ناس محمد وميسرة وفاطنة ومنى كملوا لينا الونسة الطاعمة كلها
وناس الرشيد قالوا ليك ضربوا الكيك والمفاجات والسربيرايزات بتاعات ناس نجاة وامنية
كان لى مهند نام من بدرى
اما انا
فليت لى ازميل فدياسا وروحا عبقرية
لنحتت الفتنة الهوجاء فى نفس مقاييسك
تمثالا مكبر
يا مريا
تعرفوا
احساس السفر للسودان اجل عندنا راس السنة ليبدأ غدا
شايفين راس سنتكم العاجبكم ده
على جماله
لكنه انتهى , كل سنة وانتو طيبين
ولكننا اجلناهو طوعا وحبا الى يوم غد
يا لهف فؤادى من غد
حندووووووووووووووووووووووووووووووووووووووووووووووووووووووووووووووووووووكم
Post: #2044
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-02-2010, 11:41 AM
Parent: #2040

Quote: أشكر منبر ناس الزقازيق الذي اتاح لي فرصة الدخول لعالم سودانيزأونلاين



الحبيب و ود الخال والخالة ود الفكي فرحانة بيك كل الدروب

تتمنى شوفتك و مشتهياك ، فمرحبا بك عضو جديد لينج في سودانيز

أولاين و في بوست الناس الحلوين ناس الزقازيق منور و حللت اهلا!

فرحبوا معي اخوتي بالغالي مصلح أبو محمد ؟
Post: #2046
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 11:56 AM
Parent: #2044

مرحب بى مصلح
البيجينا هنا بنشربوا ليك موية السكر بتاعتنا دى
لكن لو عودنا على شوفتوا
وطول الغيبة
بنشكيهو لى محكمة العدل الدولية
لى اوكامبو بنوصلها
اصو قشة مرة ما عندنا
ثم تعال يا موسى عيسى
انت مش كشفت خطتى بتاعت البدلة والجزمة النبيتى
بتتحاوم بجاى عايز تكشف ليك حاجة تانية ولا شنو
امشى كده يا كشاف
Post: #2047
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-02-2010, 12:00 PM
Parent: #2046

يا منص إنت شوفت حاجة لسع الغريق قدام و احتمال اليوم

تكون هناك زيارة خطافي لكشف الباقي للجميع علشان ناس

جلي يلعبوا علي المكشوف بأي خطة و يقرر حيدخل المباراة

و لا يعتذر زي ما اعتذروا اخوانا الهلالاب قبل كده من...؟
Post: #2048
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 12:00 PM
Parent: #2046

اها , لسه ما قلت ليكم ولا فتتيتوا ليكم
مش ضرب لى جلال يوم الأربعاء
آآل ايه , كانو ناوين يجونى هو واحمد اسماعيل
باغتونى وقالوا لى انت وين
قلت ليهم فى السوق
معناتها نجيك بكرة
يعنى انتو كنتوا جاييينى الليلة
عليك الله شوف جنس الحندكة دى
انا القاها من وين ولا وين
خسرنا زيارة مهمة يا جلال واحمد اسماعيل
لكن النية واصلة , وان شاء الله يجوكم فى السمح
Post: #2049
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 12:12 PM
Parent: #2048

اما الود قدورة
عامل فيها يعنى ما كان غايب !!؟؟
الولد يعنى قاعد معانا يوميا فى البوست
لا صدقناك
اول شىء تورينا كنت وين ده كلو
قطعنا فيك انا وجمال مصطفى امبارح
لقيتوا ليك مغروض فى معلومات عملية بتاعت لاند سكيبنج
طوالى لحقتوا بى تلفونك
قلت ليهو الزول ده
ياكل النجيلة اكل
من مرحلة الرسم والديزاين
لى مرحلة انو يشتغل بالليل واوكات الفراغ نظام خرطوش رى
نقاطة عديييييل
تسوى تك تك تك
والنجيلة دى تخدر ليك جنس خدار
لامن قدورة ده بقى مفتكر نفسه هيثم مصطفى
طوالى جمال بى صلعته ديك قال لى
فى الحالة دى الواحد يركب مكنة سادومبا ويشوت
شكيتكم لى الله
هسى الجاب سيرة اكرم الهادى منو ؟؟!!!!
الزول ده كان ماضرب ليك لغاية هسه الحقوا بى تلفون
على الرقم 0554642066
والعايز يضرب ليهو من برة السعودية يضيف الكود 00966
وبعدين الرقم بعد ما يشيل الصفر الأول طبعا
Post: #2050
Title: Re: ناس الزقازيق ... أجدع ناس ( 3 ) ..
Author: الحاج حمد الحاج
Date: 01-02-2010, 12:17 PM
Parent: #2049

تحية لناس الزقازيق و عام سعيد..
تحية خاصة للأستاذ عصام دهب.
Post: #2051
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2010, 12:20 PM
Parent: #2049

اها انا غايتو خلصت ضميرى
بى شوقى السمبهارى الأدانى مكنة المداخلات الفاتت دى
لكن (علا) الشغل كتير ودايرلو ترتيب
ومشاوير قبل السفر ولا بتخلص ولا بتخلص
وكمان شوفوا عليكم الله جنس البشتنة دى
هسى اخلاص محمد احمد دى الواحد ما مشتاق ليها عديييييل كده
كل سنة وانتى طيبة يا اخلاص انتى واسرتك الصغيرة
هسى راس السنة بتاعكم بيشبه حقنا وانتو فى جليدكم داك
غايتو نحن بنشغل الدفايات لمن درجة الحراة تعمل ليها زى اتناشر تلتاشر كده
اها فى الوكت داك , انتوا بتكونوا بتحتفلوا بالصيف مش كده ؟؟!!
قولى لى احمد كل سنة وانت طيب
من واحد زميلى قدييييييم
اسمه منصور
وعنده برضو احمد
فتكم بعافية
Post: #2052
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2010, 12:49 PM
Parent: #2051

يا منص الناس البي وراك ديل ما غتستهم لحقتهم الزينين (ديل زينين تاني غير بتاعين عرفة)...عبدالدايم و عبدالحفيظ و منو تاني...و اخلاص دي كان ما جبت سيرته في مداخلتك كانت راحت شمار في مرقه...يا زول دي ما كانت خمسة أيام...انت لو جاك اللوتري تعمل شنو...
دربك عديل ان شاء الله و تمشي و تجي بالسلامة مع أنياتنا ليك و للعائلة بقضاء وقت ممتع و جميل...و زي ما نحن حنوحشك و حتشتاق لينا رغم حندكتك لينا دي...نحن برضو حنشتاق ليك و مداخلاتك دي دايما بتذكرني بالجريدة...ليس من حيث الطول و لا تنوع المواضيع...لأن الواحد عادة بعد ما يخلص من الشغل و يتغدى بيجيب الجريدة و يتكى ليهو تكية كاربة كده و يقعد يقرأ في الجريده...
الخمسة ايام الجاية دي الا الواحد يتكي ساكت و لا يبطل الغداء...يتخيل لي أحسن نبطل الغداء...
Post: #2053
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2010, 01:51 PM
Parent: #2052

Quote: الرشيد كل سنة انت واسرتك الجميلة بالف خير ,أحمد ولدي رد عليك وفعلا كلمني , الف شكر علي اتصال مابتقصر بعدين يا الرشيد قلنا ترجعوا غانمين في احلي من كدا .
تسلم يا الرشيد يا اصيل


اخلاص...بركة البقيتي طيبة...كلام حبوبات ..

تعرفي يا اخلاص أكتر حاجة كانت عاجباني في المدرسة و في الانجليزي الحروف السايلنت...و أول ما جيت الامارات اشتغلت في شركة و معاي في مكتبي واحد استرالي..من ما أطلع من البيت لحدي ما أرجع تاني كلمة عربي واحدة مافي ...و علي شلاقتي قلت لي رالف ...ده اسم الأسترالي...قلت ليهو أسمع يا رالف أوع تتكلم معاي انجليزي الهنود ديل...اتكلم معاي زي ما بتتكلم مع زوجتك في البيت...طبعا ما قال لي يا Darling لكن عوج لي خشموا عوجه قعدت لي شهور كده لحدي ما قدرت أفهمو ليك طوالي لما يقول أي حاجة...و الله الحروف تلاتة أرباعها سايلنت..لدرجة الواحد احتار يصدق الدرسناهو زمان في المدرسة و لا البسمع فيهو ده و من مصدر موثوق به...
المهم أنا و الزول ده اتشاركنا المكتب خمسة سنوات و جاء واحد غيره و هكذا...لكن أتعلمت ليك منهم عوجة الخشم دي...و الحروف السايلنت دي كترت ليك منها...بقيت ختري عديل كده في الحروف السايلنت دي..
بعد داك جيت هنا مشرف على مشاريع للشركة في المنطقة الغربية لي أبوظبي...زول واحد أتكلم معاهو انجليزي أبو حروف سايلنت داك مافي...مرات بجيني كبير المهندسين بتاعنا و ده انجليزي الجنسية بقوم أتفشى فيهو شوية...غير كده الهنود طيروا ليك الفي راسي...
أها يوم ضربت ليك و كلمني أحمد ولدك...أسأل ليك الولد بالعربي يرد لي بالانجليزي...قلت وقت الحكاية كده عوجت ليو خشمي عديل و كترت ليو من الكلام ابو سايلنت.. ريحني خالص و هو كمان ارتاح من لغة الاشارة الكانت بيني ةبينو دي...

تحياتي ليك و لأحمد و لكل أفراد العائلة و أمنياتي ليك بسنة سعيدة...و كان دايرة...الله يرد غربتك سالمة و غانمة..و كان ما دايرة كمان على كيفك...
Post: #2054
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2010, 02:01 PM
Parent: #2053

Quote: لاتسألوني عن سبب الغياب
المهم نسعى للتواصل


عبد الحفيظ عودا حميدا...لقد افتقدنا قلمك الرهيف اللطيف الظريف...

بس ياخي...مالك كنت غايب...Curiosity kills the cat


Quote:
But true love begins wiht
U
zugazigab
and
!!!Me
"HAPPY NEW YEAR


موسى عيسى...نوع الكلام السمح ده الخلى زهير يدي قريبك باسورد...

مرحب بي أخونا مصلح...و حبابك عشرة في دارنا و التي نرجو أن يطيب لك بها المقام...
Post: #2055
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-02-2010, 02:29 PM
Parent: #2053

البركة فيكم يا موسى عبدالله في وفاة الوالدة ربنا يغفر لها
ويتغمدها بوافر رحمته وانا لله وانا اليه راجعون





وكل عام وكل ناس الزقازيق تامين وكاملين
اختفيت اختفاءة كاملة لمدة اكثر من شهر لظروف سفر كتيرة
وكنت احاول التداخل كلما القى طريقة
ولكن تظل الزقازيق واحة جميلة نلجأ اليها والي اهلها كلما
تكون الدنيا صعبة علينا
شكرا ليك يا طارق جبريل على الغنية الجميلة بتاعت خوجلي
والشوق معاي عدا السنة
Post: #2056
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 02:38 PM
Parent: #2055

بركة يا حبيبنا
شنو ياخي الغيبات العجيبة دي
نقوم نقلبها
هههههههههههههههههههه
Post: #2058
Title: Re: ناس الزقازيق ... أجدع ناس ( 3 ) ..
Author: معاوية الزبير
Date: 01-02-2010, 02:53 PM
Parent: #2056

السلام عليكم يا أجدع ناس

أنا سعيد للحاق بركب المنبر ولو في العربة الأخير

التحية لي أي زول بمر من هنا

أتمنى أن يكون عاما أفضل للجميع.



أجزل الشكر للذين كتبوا وهاتفوا وفكروا في الاتصال أو الكتابة

بمناسبة العملية الجراحية التي خضعت لها في أكتوبر الماضي.

وأعتذر عن التأخر في الرد.

خالص التعازي للأخ موسى عبد الله. "إنا لله وإنا إليه راجعون".
Post: #2057
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-02-2010, 02:40 PM
Parent: #2055

ودي مداخلة تانية قبل ما ننسى
تحية وتحيات الي محمد صديق
والريس ميسرة ومنى يونس
ومحمد عيد
والرائع عبد الدائم
وموسى عيسى
وجلال عثمان
والرشيد ونجاة حوفي
وزينب الجاني
وعبد السميع اداب
اما اخونا منصور عبد الرازق فنحن في الانتظار من هذه واذا ما خانتني الذاكرة
فان موعيد الطائرة الساعة الواحدة المهم انحنا هناك
Post: #2059
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-02-2010, 03:50 PM
Parent: #2057

خالص التعازي للاخ موسي..
انا لله وانا اليه راجعون..
Post: #2060
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2010, 03:56 PM
Parent: #2037

أحب أن أشيد بفنان الفوتو شوب

أخي محمد عيد للجهد والمثابرة وحتى يتحفنا

بشئ جميل ولمسات جماليه رائعة ،،، شكراً لهذا الفنان

الرائع ،، كما أود أن أشيد بالشاب موسى عيسى لمداخلاته الكثيرة

ومشاركاته التي لم تنقطع حتى بدأنا نلهث حتى نكمل ما يسطره يراعه

شكراً لك وشكراً للجميع لهذا الجهد الكبير،،،
Post: #2061
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-02-2010, 07:01 PM
Parent: #2060

سلامات يا ناس

لكم جميعآ التحايا

مرحب بى ود جادين

منص...ربنا يسهل ونلاقيك هناك

Quote: تحية لناس الزقازيق و عام سعيد..
تحية خاصة للأستاذ عصام دهب.


عام سعيد ...الحاج حمد والتحايا لكل ناس الشعبية.
Post: #2062
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-02-2010, 07:14 PM
Parent: #2060



نواصل في الأرقام القياسية القطع شك في الالعالم


أكبر قطعة ذهب باليابان على شكل طائرة

أعمق بئر بترول في أمريكا عمقها ميلين تحت الأرض
أطول سباق في العالم (سباق الماراثون)
أقدم جسر في العالم/ الجسر الحجري على نهر ممليس بتركيا ويعود إلى عام 850 ق.م
أعلى الشلالات شلال الملاك سالتو في فنزويلا على نهر كاروا يبلغ إرتفاعه 3212 قدم
الأقوى سمعا هي الأذن اليسرى
أطول شارع هو طريق الاسكا طوله 2450 كلم يبدأ من الاسكا وينتهي في كولمبيا
أكبر شلال في العالم بالبرازيل إرتفاعه 70متر وعرضه 4350متر
أغنى دولة باليورانيوم/كندا
أكبر بناء أقامه البشر هو سور الصين العظيم
أكبر منارة في ناطحات سحاب نيويورك إرتفاعها332م بها أربعة مصابيح قوة كل مصباح 450
مليون شمعة، تشاهد المنارة على بعد128 كلم و490 كلم من على الطائرة
أطول دراجة لها3 عجلات يقودها 21 شخص طولها 15 متر صنعت في استراليا
أضخم مصحف وزنه 2000كلجم أهداه أحد أمراء الهند إلى مصر طوله 175سم وعرضه 120 سم
اطول حرب بين بريطانيا وفرنسا لمدة 115 سنة
Post: #2063
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2010, 07:25 PM
Parent: #2062

يا جماعة الطول ما شاف عادل الجعلي

يجري بهناك في بوست منى يونس وتلقوه بشحمه ولحمة

بالنيو لوك الجديد ولا نادر فاروق
Post: #2064
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 01-02-2010, 09:05 PM
Parent: #2063

الاخ ياسر نجيله .... تحياتي
كل سنه وانت طيب .
وضحي البتسال عنها ايوه هي ضحي سراج الدين الكانت معاك في تجاره وهي مشت كملت في السودان كليه الحقوق . وهي بتسلم عليك كتير السلام
تلفونا : 00249912950708
Post: #2065
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 01-02-2010, 09:07 PM
Parent: #2064

الاخت العزيزه نجاة حوفي ....
كل سنه وانت طبيه
Post: #2066
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 01-02-2010, 09:09 PM
Parent: #2065

الاخ منصور ....
شكرا علي الترحيب . وكل سنه وانت طيب
Post: #2067
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2010, 09:40 PM
Parent: #2066

Quote: الاخت العزيزه نجاة حوفي ....
كل سنه وانت طبيه


الأخت احلام...نيابة عن نجاة حوفي...سنة سعيدة عليكم انتي و الأستاذ السني..

نجاة منشغلة بامتحانات العيال و نادرا ما تفتح البوست...سأقوم بابلاغها تحياتك

ان شاء الله...

قوموا بزيارتنا بأبوظبي انتي و أستاذ السني...و أسألوا عنا دكتور عزالدين هلالي

يدلكم علينا....ننتظر زيارتكم الكريمة...
Post: #2068
Title: Re: ناس الزقازيق ... أجدع ناس ( 3 ) ..
Author: احلام وهبي
Date: 01-02-2010, 09:58 PM
Parent: #2067

الاخ العزيز الرشيد ،،، تحياتي
كويس انك رديت علي عارف انا كنت عاوزه اكتب اسمك مع نجاة لكن اتردته ما يكون الاسم صاح .
وكل سنه وانت بالف خير . وتحياتي الكتيره للعزيزه نجاة والعيال الحلوين .
تقبل تحيات السني . ونحن برضو بنقدم ليكم دعوه للدوحه . وتحياتنا للاعزاء عزالدين ومني
Post: #2069
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 10:13 PM
Parent: #2068

مساء الخير يا احباب
مية مساء على ناس الليل
Post: #2070
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-02-2010, 10:19 PM
Parent: #2069

طاريق جبريل
كيفنك يا أخوي
وكل سنة وإنت طيب
الجماعة اليهود ديل اخبارهم معاك شنو
انا دخلت الليلة وشفتك آخر زول داخل
سبحان الله قبل شوية كان معاي من السودان ومتصل على جمال فارح
وجاب سيرتك
دخلت لقيتك
يا شقي الحال
كنت مروس وين وكيف ؟
Post: #2071
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 10:30 PM
Parent: #2070

ود الشادي يا حبيبنا
كيفنك ابوي
وكل سنة وانت طيب ووليداتك طيبين
واللهيا حبيب راس سنة مسيخ خلاص
مشيت جبت لي بيتزا للشفع وقعدت احضر في النيل الازرق
ولمن دعمشت لقيت نفسي نايم ومحمد ولدي مكوم فيني
شلته وديتو اوضته ومشيت اتغمتة
يايخ المغاربة ديل والله ناس حلوين شديد
عشرتهم ساهلة خلاص
وبعدين عندهم حب للسودانيين غريب جدا

ياخي جمال فارح دة واحد من ناس الزقازيق الكان عندي بيه
ارتباط وجداني
اي نعم هو كان سنير علينا بس كان في ود خاص بيناتنا يعلم الله
انا نفسي جمال دة يجي يكتب هنا عن حاجة سنكاتية رحمها الله والدته
الزولة دي جميلة حد الدهشة

مساءك فل وياسمين يا شادي
Post: #2072
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-02-2010, 10:36 PM
Parent: #2071

طاريق جبريل
بالله مالك مساهر لحدي هسي
وده شنو ده
Quote: يايخ المغاربة ديل والله ناس حلوين شديد
عشرتهم ساهلة خلاص
وبعدين عندهم حب للسودانيين غريب جدا

انا عارفهم ناس حلوين
الغالطك منو هسي
والله الحرامي فوق راسو ....
على فكرة
السعوديين برضو
ناس حلوين جدا
وبنحبهم ويحبونا جدا
هههههههههههههههههههههههههههههههه
Post: #2073
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 10:43 PM
Parent: #2072

Quote: السعوديين برضو
ناس حلوين جدا
وبنحبهم ويحبونا جدا
هههههههههههههههههههههههههههههههه



يمين يا كينو ان يدوني مليار السعودية دي ما اشتغل فيها
ياخي ديل عايشين معاهم كيف ما عارفكم
انا اشتغل معاهم هنا في جريدة الشرق الاوسط
في النهاية كبست ليهم ومشيت
يا حبيب هنا يا دوبها عندن تسعة مساء
والسبت دة يوم بهجة في المغرب
Post: #2074
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2010, 10:50 PM
Parent: #2073

جبريلا الحبيب ...

سنة حلوه عليك يا جميل وعلى الاسرة كافة

بس عندى سؤال ..

ناسكم ديل عيدوا راس السنة مع الناس ولا سووها زى عيد الضحية ؟؟!

ههههه
Post: #2075
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 10:57 PM
Parent: #2074

محمد عيد يا حبيبنا
كل سنة وانت طيب
لا ياخي المغاربة ديل شي ولا راس السنة دة
حاجات البهجة دي ممكن يعجلوها عدييييييل

تعرف سنة 94 كانت معاي الحاجة الله يرحمها
قمنا قعدنا نتحاوم بالليل كدة ليلة راس السنة
قمت قلت ليها يا حاجة ارجعاكي البيت
المغاربة ديل راس السنة ما قاعدين يشربوا موية
قالت لي: مالهم بيصوموا
قلت ليها: لا بيطشموا
قالت لي: يا سيدي الحسن ارجعاكا
Post: #2076
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 11:18 PM
Parent: #2075

كمال الشادي والرشيد
اختوني بي ليلكم دة
انا ان بقيت انضايقتة بفتو كله
دحين لا تخلوني افك آخري
Post: #2077
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2010, 11:23 PM
Parent: #2075

مساء الخير يا ناس الليل بالليل

مشينا مشوار لحدي مكة القريبة دي ورجعنا

دحين كيفك يا طارق ومحمد عيد ويا شادي

قلنا نعمل طله سريعة ونمشي ندعمش.
Post: #2078
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 11:25 PM
Parent: #2077

حباب ريسنا ميسرة
تعرف يا حبيب
ود الجعلي دة قلبت فيهو الهوبة
السلام امانة يا حبيب
بالله اضرب ليه تليفون وقول ليه طارق جبريل يغريك السلام
Post: #2079
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-02-2010, 11:46 PM
Parent: #2078

سلامات يا ناس

يا ناس الليل سلام ...وكل سنة وانتو طيبين

الريس ميسرة

كمال الشادى

محمد عيد

الرشيد

احلام وهبى

طارق جبريل

قدورة

وبرضو الناس النايمة وحالمة

طولنا من السهر ....

لكن زى ما هو معروف:

جاييكم بروااااااااااااااااااااقة

لكم الود
Post: #2080
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2010, 11:48 PM
Parent: #2079

انت يا جورج لليلي في روحك السلبة دي
دحين الرواقة دي بطنك ما طمت منها
Post: #2081
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2010, 11:58 PM
Parent: #2080

Quote: كمال الشادي والرشيد
اختوني بي ليلكم دة
انا ان بقيت انضايقتة بفتو كله
دحين لا تخلوني افك آخري


جبريلا الحبيب...مشتاقين ياخي

كمال الشادي ده ما بتتبل فولة في خشمو...

تعال لينا بكرة...بعدين تعال هنا مالك ما بتزورنا في مربع كاي...

و الله بكره ما تجي أقطع فيك مع كمال الشادي تاني...
Post: #2082
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2010, 00:00 AM
Parent: #2081

رشا يا حبيبنا
كيفنك ابوي وكل سنة وانت طيب
ياخي انا بيتنا البهناك دة لليلي ماهو واقعلي
دحين القصي وكت بقى فيها تهديد اخير النمشيلك بهناك
Post: #2083
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-03-2010, 00:04 AM
Parent: #2080

بيجو وشادي..
عيد وميسره..
الكمندان..
وناقصكم الرشيد وزوبه..
الليل عندكم يا بلاش..
اتابع والا امشي أشوف لي فيلم؟
دقائق جوني ضيوف..
في البرد دا؟
Post: #2084
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-03-2010, 04:39 AM
Parent: #2083

بسم الله توكلنا على الله ولا حول ولا قوة الا بالله
اصبحنا واصبح الملك لله
صباح الخير على كل ناس الزقازيق الحلوين الجدعان
امبارح كان يوم زقازيقي بكل المعايير

اتصل على جمال فارح
اتصل على الرشيد بابكر
اتصلت على طارق جبارة
اتصل على ميسرة سيد احمد

بالليل لمن كلمني الرشيد
انا علقت على كلام طارق جبارة قمنا انا والرشيد علقنا على كلامو وهشرتو وضحكنا لمن الله غفر لينا
قلت للرشيد والله ما اخليهو
رشيتو ليك تلفون
وسلامات يا جبارة وبطل هرشي
دقيقتين كلمني الريس ميسرة
قال راجع من مكه معاهو والدتو
قلت ليهو والله الواحد يحسدكم عشان مكة منكم تكله

يا ميسرة حقيقي انا ماقادر لحدي هسي اعلق على زيارتك ومني لعادل الجعلي
والله لمن زوجتي احتارت معاي
اعاين في صورتك انت وهو وخاشين في الحضن العجيب ده
وابكي
انا عارف عادل الجعلي وحنيتو
لمن تكون بتسلم عليهو
ما يرضي يفكك
خليك من كم طاشر سنة
وانت جاييهو بي اولادك
عجبتين جدا صورة الاولاد
فعلا نتاج زقازيقي
والله يا ميسرة لو اترحشت قدام الراجل الدلوكة بتاعنا ده
انا بديك صوتي
انا وزوجتي واولادي الثلاثة
احسب عندك خمسة اصوات يا ريس
Post: #2085
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-03-2010, 06:59 AM
Parent: #2084

صباح الخير ،،، يا وجوه الخير،،،

أصبحنا وأصبح الملك لله ،،، وحده،

نسمات الصباح:-

عندما أبكاني موسى عيسى

قبل الذهاب إلى المكتب رن الهاتف

وكان الطرف الآخر موسى عيسى يحدثني عن بوست منى يونس

والخاص بعادل الجعلي وأنه قد يهيج شجونه وعاد به إلى الوراء

ثم لم يستطع أن يكمل وأجهش باكياً ،، فلم أملك نفسى والدمع يسيل

على خدي وأقفل الهاتف ولم يستطع أن يكمل ،،،يا لهؤلاء الزقازيقين

ما أعظمكم وأرق قلوبكم العامرة بالمحبة والإيمان وأقول كما قالت سامية

إسماعيل وكأن هؤلاء الزقازيقين قد تم إختيارهم بعناية فائقة،،،،،،،،،،

لله دركم من رجال .

هواتف عادل الجعلي وسامية:

موبايل : 00966/0551957146
هاتف منزل: 02/4223887
Post: #2086
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2010, 08:13 AM
Parent: #2085

يا وجوه الخير أسأل الله لكم الخير في الدنيا والاخرة

و هذه حكم و اقوال :


* لا يوجد رجل فاشل ولكن يوجد رجل بدأ من القاع وبقى فيه .

* اختر كلامك قبل أن تتحدث وأعط للاختيار وقتاً كافياً لنضج الكلام فالكلمات كالثمار تحتاج لوقت كاف حتى تنضج .

* كن على حذر من الكريم إذا أهنته ومن اللئيم إذا أكرمته ومن العاقل إذا أحرجته ومن الأحمق إذا رحمته

* إذا بلغت القمة فوجه نظرك إلى السفح لترى من عاونك في الصعود إليها وانظر إلى السماء ليثبت الله أقدامك عليها.

* من عاش بوجهين مات لا وجه له .
* إذا استشارك عدوك فقدم له النصيحة، لأنه بالاستشارة قد خرج من معاداتك إلى موالاتك .
* تكلم وأنت غاضب .. فستقول أعظم حديث تندم عليه طوال حياتك .
* لا تجادل بليغاً ولا سفيهاً .. فالبليغ يغلبك والسفيه يؤذيك .
* حسن الخلق يستر كثيراً من السيئات كما أن سوء الخلق يغطى كثيراً من الحسنات .
* من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته .
Post: #2087
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-03-2010, 08:24 AM
Parent: #2085

سلامات يا ناس

وصباحات التفاؤل

ارحب بالاخ مصلح وحللت اهلآ ونزلت سهلآ.
Post: #2089
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 01-03-2010, 08:37 AM
Parent: #2087

سعيد بمشاهدة العناق الجميل بين ودالجعلى وميسرة
وتحياتى لسامية اسماعيل والعيال وان كانت متابعة ارجو ان تصلها

تحياتى وما زلت سعيدا بزيارتك الودية لنا بصحبة هاجر خليفة واخريات

وكنا نحن على اعتاب التخرج ( فعلا انت بت ملوك النيل ) حفظك الله من كل سوء .


مبارك جادين (غيب وتعال تلقانا نحن- شكرا للسؤال )

رجاء لطارق جبريل

عليك الله اغنية خوجلى عثمان دى ما تخليها تفارقنا فى الصفحة

الجاية واللى بعديها

يا اخى دى فاكهـة الصفحة وانت تقرأ وتسمع ربط غير عادى .
Post: #2088
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-03-2010, 08:31 AM
Parent: #2085

سلامات يا ناس

Quote: انت يا جورج لليلي في روحك السلبة دي
دحين الرواقة دي بطنك ما طمت منها


جبريلا يا حبيب ....سلام ومشتاقين ومنتظرين اجازتك

عشان نكمل فهمك انا واب شنب وبقية الفرقة....

الروح السلبة والرواقة ما بتتخلى والخلا عادتو قلت سعادتو

وما يبدو لى فى زول عندو استعداد يقلل سعادتو .......

تخريمة:

زملاء فى العمل عشنا لفترة مع بعض وبعد انتهاء الفترة دى

اكتشفت انهم كانوا مسمنّى : محمد ال بالراحة.

لك الشوق
Post: #2090
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2010, 08:39 AM
Parent: #2088

يا جنابو كيفنك شايفك جيتنا بجاي و نفسك قايم بقيت

تلعب المباريات بالحيشان البغادي و تجي تدفر معانا

بجاي و لا شنو ؟

يا اخوي مسؤل من الخير الود الظريف المفتل عضلاته

البسموه اسامة ابتر وين انشاء الله ما يكون الشباب

بتاعنكم ديل ودوه تشاد من جنوب كردفان ؟ نامل تبلغيه

التحايا و الشوق و قول ليه اظهر ؟
Post: #2091
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-03-2010, 08:50 AM
Parent: #2090

صباح الهناء والسرور ...
كل سنة وإنتم كلكم بألف خير تامين ولامين ...
وربنا يحقق أمنياتنا جميعا آميييين ...

حار التعازي لأخونا موسى الراجل في وفاة والدته
اللهم أرحمها وأغفر لها وأسكنها فسيح جناتك آمين ...
Post: #2092
Title: Re: ناس الزقازيق ... أجدع ناس ( 3 ) ..
Author: معاوية الزبير
Date: 01-03-2010, 09:13 AM
Parent: #2091

السلام عليكم يا أجدع ناس

يا اخوانا الواحد لو عايز يبدأ المشاركة يبدأ من وين بعد السلام عليكم دي؟
Post: #2093
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2010, 09:23 AM
Parent: #2092

العزيز معاوية الزبير لك التحايا و الف مرحب بيك في حوشك

اجدع ناس و ليك وحشة والله يا ود كوستى ، نسأل عن اراضيك

منذ فترة قابلت الشاب الانيق عثمان على آدم و هو بالسعودية

بمنطقة القويعية و دار محور السؤال عنك كثيرا و الحمد لله

أنك ظهرت و اكرر الترحاب .

بالله اكتب لينا رقم التواصل معك :
Post: #2094
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2010, 09:29 AM
Parent: #2091

Quote: اتصلت على طارق جبارة



كمال الشادي الهضربة الخلتك تلخبت اسم ابوي في اسم ابو حاتم جبارة .. دي هضربة بطالة خلاص

عبد السميع غالي والطلب رخيص يا حبيب
ننزل ليك خوجلي عثمان لمن تقلب الصفحة


يا جورج والله مهلتك دي تحير

والله يا ميسرة زيارة عادل الجعلي دي تبكي عديييييييل
Post: #2095
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2010, 09:31 AM
Parent: #2094

معاوية الزبير كيفنك
يا زول شوت ساكت
ضفاري بس
Post: #2096
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-03-2010, 09:56 AM
Parent: #2095

معاى ووووا الزبير سنيرى
ليك وحشة والله ومن زمان منتظرين دخولك
معاوية ده يا اخوانا زول انيق مهذب وغناى شديد
والحلوة فيهو بشبهنى وده الكان غايظ ناس الوسخان وشلتو

وبعدين يا جبريلا مافى زول فى تربية بشوت ضفارى
نحن لعبنا كلو ال براحة

حاتم جبارة تانى نوقت الاجازة سوا ما دام البرلوم موجود
تأكد اجازتك حتكون سعيدة




اها يا معاوية اختبار للذاكرة ديل دفعتكم

sudansudansudansudansudansudansudansudansudansudansudansudansudansudansudan36.jpg Hosting at Sudaneseonline.com
Post: #2097
Title: Re: ناس الزقازيق ... أجدع ناس ( 3 ) ..
Author: معاوية الزبير
Date: 01-03-2010, 10:30 AM
Parent: #2096

والله يا عبد الدايم الصورة النزلتها دي + صور ناس عادل الجعلي وميسرة أمس جهجهوا الذاكرة عدييل كدا

أما بعد ... موسى تحياتي وأشواقي لك وللصديق عثمان وتلفوني مكتوب في البروفايل

طارق جبريل الزيارة الفاتت للرباط كانت مخصوصة للصديق كمبال وما عرفنا ليك حاجة
لكن المرة الجاية ما بنقصر في حقنا معاك

أمس كتبت مداخلة للسلام ولكنها لم تظهر ربما "برلمة" ساكت

أجدد شكري لجميع الذين اتصلوا وهاتفوا وفكروا في الاتصال أو الكتابة بمناسبة العملية الجراحية
التي خضعت لها في أكتوبر الماضي.

والشكر للزميلين عبد الحفيظ صديق وسامي عبد الوهاب لمساعدتي - فنيا - للدخول في هذا المنبر

للتواصل هاتفيا:

موبايل رقم

00974
6658717
Post: #2098
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2010, 10:32 AM
Parent: #2096

السلام عليكم

لقيت لي فرقه قلت أدخل و عندي تلاتة حاجات عايز أعملهم..

1- أرحب بي معاوية...حبابك عشرة يا معاوية...

2- مشتاق لي زهير الزناتي و بسأل عليه...في زول فيكم شافو حايم هنا و لا هنا....

3- نسيتها....

بشوفكم بالليل...و في رواية أخرى بالعصر...مش في الشتاء ده كلو ليل..
Post: #2099
Title: Re: ناس الزقازيق ... أجدع ناس ( 3 ) ..
Author: عصام دهب
Date: 01-03-2010, 10:36 AM
Parent: #2096

و تحايا و سلام لأجدع و أروع ناس ..

ــ

و تعزية صادقة لزميلنا الفاضل / موسى الراجل في وفاة والدته أسال الله تعالى أن يغفر لها و يرحمها و يكرم نزلها و يتقبلها حسن القبول و يدخلها فسيح جناته .. و أن يلهم أهلها و أبنائها الصبر الجميل على فقدها و أن يصل عملها بصالح دعواتهم و يحفظهم من كل شر و مكروه .



ـ
و تحية تقدير و إحترام لكل الذين أنضموا إلينا من الزقازيقاب الأفاضل و من أصدقائهم و نتمنى أن يطيب لهم المقام بيننا ..

ــ

و تحية إمتنان و تقدير لفخامة الريس / ميسرة و للسيدة الأولى / منى و هما يتحفاننا بالرائعين عادل الجعلي و سامية إسماعيل .. و نتمنى أن يستمر هذا التواصل النبيل بين الزقازيقاب أينما كانوا و كيفما بانوا ..


ــ

و لكل الزقازيقاب و أصدقائهم أطيب الأمنيات بعام جديد مترع بالخير و المحبة و الجمال بإذنه تعالى ..


ـ

أسال الله أن يسهل سبل تواصلنا بلا إنقطاع ..
Post: #2100
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2010, 10:45 AM
Parent: #2099

Quote:
معاوية ده يا اخوانا زول انيق مهذب وغناى شديد
والحلوة فيهو بشبهنى وده الكان غايظ ناس الوسخان وشلتو


يا النضيف اناقة معاوية و تهذيبه دي معروفة بس بشبهني دي

عايزه تفسير شوية ؟..... والوسخان و شلتو بتقصد ناس كشاح

و عبدالمجيد عيسى ولا شنو ؟ اذيعك سر عبدالمجيد عيسي حاليا

بطرفك في جده !!!
Post: #2101
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-03-2010, 10:58 AM
Parent: #2099

صباح الخيرات عليكم عشيرة الجدعان ..
وسنة حلوة عليكم إنشاء الله ..

الأخت احلام وهبي ..
ألف مرحب بيك بين أهلك وناسك
التحية لك ومن خلالك للفنان القامة السني دفع الله
فنان الألق والزمن الجميل الذي أمتعنا وما زال
بكل ما هو جميل وراقي ...
أحفظ له الجميل والعرفان بما أهدى لحياتنا
من جمال وإمتاع .. أطال الله عمره ..
ومتعكم بالصحة والعافية ....


ألف مرحب بالأخ معاويةالزبير
وأتمنى أن يطيب لك المقام بيننا ...
وكما قال لك ود جبريل ...
... شوت ضفاري ساي ....
Post: #2102
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2010, 12:50 PM
Parent: #2101

من منا لم يتجهد في موضوع ما أو يسعي لتحقق هدف ما و لكنه في

الاخير يجني ثمارا دون الذي زرع فهل يا تري العيب فينا ام في

البذور ام ...أم .....؟

و لكنني أتعتقد أن المشكلة في التالي :

التركيز و آفة العصر؟:
هل جربت أن تجعل ضوء الشمس ينفذ عبر عدسة مجمعة للضوء؛ لكي يسقط على ورقة بيضاء؟ إن لم تكن قد جربت ذلك من قبل، فدعني أصف لك المشهد.
ببساطة سيصبح ضوء الشمس، ذلك النجم الكبير، كأنه نقطة أو على الأكثر دائرة صغيرة على تلك الورقة البيضاء، ولو كانت تلك العدسة المجمعة ذات قوة عالية في التركيز والتجميع، فيمكنها أن تحرق تلك الورق أو أن تحدث فيها ثقبًا على الأقل!
ربما تقول وما علاقة نجاحي بتلك العدسة المجمعة وضوء الشمس، وتلك التجارب الفيزيائية، والنظريات العلمية المعقدة؟! وهذا ما قد يبدو لأول وهلة صحيحًا، ولكن ثمة علاقة لصيقة بينهما.
فالشمس في المثال السابق بمثابة الطاقات والإمكانات البشرية، والعدسة المجمعة هي قدرة الذهن على التركيز، والثقب الذي حدث في الورقة البيضاء هو نتاج تركيز الذهن على استثمار تلك الطاقات والإمكانات.
Post: #2103
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-03-2010, 12:59 PM
Parent: #2101

سلامات يا ناس

مليون مرحب بالاخ معاوية الزبير

موسى عيسى ...لك التحية ....ابتر بخير وموجود ببورتسودان.

الرشيد ....زهير النت عندو مقطوع ...احتمال يرجع الليلة وقبل

شوية كان فى استقبال منصور الذى وصل سالمآ وسمعت باضانى

الزغاريد تنطلق منغمة من داخل منزلهم ...
Post: #2104
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2010, 03:45 PM
Parent: #2103

تلبية لطلب حبيبنا عبد السميع



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #2105
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-03-2010, 05:20 PM
Parent: #2104

سلامااااااااااات ياناس الحوش سنتكم الجديده زينه وايمامكم بيض ان شاء الله
امس كانت عندنا في اوتاوا حفله ظريفه شديد بعمر احساس في اوتاوا فاقدنكم بس واوتاوا العاصمه الكنديه لكنها مدينه هادئه ونظيفه وخضراء في الصيف بيضاء في الشتاء والسودانيين في اوتاوا مجموعه ماكبيره عشان كدا كلهم كاسره واحده ودائما بذكروني بالزقازيق او بتمنى انهم يكونوا ولو قليلا زي ناس الزقازيق

كل سنه وانتوا طيبين
Post: #2106
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-03-2010, 06:31 PM
Parent: #2105

الاخ العزيز أحمد اسماعيل
والله كلامك الفوق ده
من احلى ما قريت في الفترة الاخيرة
عليك الله ما تحرمنا
زيد كمان وكمان


شكرا شاديناالغالي، قد توفقت في إختيار الكلام
العجبك فوق إن شاء الله الجاي كمان يعجبك إن شاء
الله نعمل لينا1% مما غمرتنا بيه من إعجاب


إن الحياة جمع وطرح وقسمة: فأحمع أحبابك وأصحابك حولك
وأطرح من نفسك الأنانية والبخل نحوهم، وقسّم حبك بالتساوي عليهم
تصبح عندئذ أسعد إنسان.

الراحة في أربعة :
راحة الجسم في قلة الطعام، وراحة الروح في قلّة الآثام،وراحة القلب
في قلّة الإهتمام،وراحة اللسان في قلّة الكلام.

أربعة لابد منها: الماء، الهواء ، الطعام ، الكلام

أربعة تولد الصحبة:
حسن البشر،بذل البر،وقصد الرفاق، وترك النفاق

كمال الرجل في أربعة:
الديانة والأمانة والصيانة والرزانة

أربعة مطلوبة:
الإعتراف بالجميل،ومحبة الوالدين،والصديق الوفي،والوفاء بالوعد

الحياة أقصر من أن نقضيها في تسجيل الأخطاء التي إرتكبها غيرنا
وفي تغذية روح العداء بين الناس

قال عمر بن عبد العزيز( ماقرن شيئ إلى شيئ،أحسن من حلم إلى علم
ومن عفو إلى مقدرة)

وقال الفاروق رضي الله عنه :(ماكانت الدنيا هم أحد إلا لزم قلبه أربع:
فقر لايدركه غناء،وهم لاينقضي مداه،وشغل لاينفذأوله،وأمل لايدرك منتهاه)

وقال علي الكرار رصي الله عنه:( من أعطيّ اربع خصال فقد أعطي خير الدنيا والآخرة
وفاز بحظه منهما:ورع يعصمه من محارم الله،وحسن خلق يعيش به بين الناس،وحلم يدفع به حهل
الجاهل،وزوجة صالحة تعينه على مر الدنيا والآخرة)
Post: #2107
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 06:42 PM
Parent: #2106

أولاً ترحيب حار بسنيرنا معاوية الزبير ... وحمد الله علي السلامة

تاني ترحيب كبير أوي للأخ مصلح الفكي إبنة خالة موسي عيسي

ثالثاً . بس
Post: #2108
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 07:00 PM
Parent: #2107

بوستات تحتاج لمشاركتكم ...

الفنان الرائع عمر احساس وعازف الاورغ المبدع ميسره وحفل اوتاوا


مصلح الفكي - ود الجزيرة أبا / عضو جديد لينج بحوش بكري - هل من مرحب
Post: #2109
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2010, 07:06 PM
Parent: #2108

Quote: ثالثاً . بس


نفتش عليك من الصباح و سألنا عليك سؤال الضهبان لحدي ما الكوتش جاب لينا خبرك...

تجي تقول لينا بس...

أمشي نزل لينا الفيديو الصفحة اتقلبت من أمبارح...

وبس
Post: #2110
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 07:08 PM
Parent: #2108

تحية والتهانئ بالعام الجديد لنسيبنا وجارنا في الشعبية د. عماد عبد الله


صور نادي الشرطة
Post: #2111
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 07:22 PM
Parent: #2110

يا رشيد وصل اليوم صديقنا منصور عبد الرازق برفقة الأسرة ... وكان في إستقباله وفد عالي ... بقيادة الريس معتصم .... مبارك جادين ... جمال فارح ... محمد حسن البرلوم ... من داخل صالة الوصول ... وللأسف حينما حاولت التصوير رفض التلفون التصوير دون اسباب علمية التصوير ... ولم يفتح حتي للمكالمات حتي أصبحنا علي بعد كيلو مترين من المطار ... صورنا بتلفون جمال فارح ... لذا وعد أن تظهر الصور في الكريسماس القادم ...

الفيديو نزل ....
Post: #2112
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2010, 07:51 PM
Parent: #2111

يا زهير شايفك بقيت خاين
نحن اتفقنا الصور واللمات تتنزل هنا
بطل الحركات دي ولا بقوم ليك









تليشة:
انا لي هسي مُصر على الحوش دة اكتر من اي مكان تاني
Post: #2113
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 08:08 PM
Parent: #2112

طارق ....

تعرف الصور مرات الناس بتمشي فهيا سريع ... وما بتأخد حظها من المشاهدة ... صور نادي الشرطة زيادة من مية صورة ... عشان كده براها عايزه ليها صفحة ... بس عشان خاطرك بننزل بعضها هنا في البوست خاصة الفيها صاحبك أب صلعة عشان تتفشي ... بعدين يا زول ماتخرب البيناتنا انا محضر عزومة كاربة وخطيرة ..
ودي نظام رشوة وكده ... كان أقولها ليك في الماسنجر ...
Post: #2114
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 08:34 PM
Parent: #2113

p.JPG Hosting at Sudaneseonline.com




صلاح الأمين .... معاوية يحيي

من :

صور نادي الشرطة
Post: #2115
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 08:36 PM
Parent: #2113

q.JPG Hosting at Sudaneseonline.com



حاتم جبارة .... شريف عباس الشريف
Post: #2116
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 08:39 PM
Parent: #2113

r.JPG Hosting at Sudaneseonline.com


أسامة خضر ..... حاتم ... نادر فاروق
Post: #2117
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2010, 08:42 PM
Parent: #2116

s.JPG Hosting at Sudaneseonline.com


خلط زقازيقي ......
Post: #2118
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2010, 09:59 PM
Parent: #2117

Quote: وللأسف حينما حاولت التصوير رفض التلفون التصوير دون اسباب علمية التصوير ...


تلفونك بيكون اتهجم من منصور المقاس بدلتو ستين ده...

و الله لحدي اليوم الصباح معاهو بالتلفون...لقيتو ريلاكس بعد ما مرق من زنقة العفش...

واحد من أولاد الصحافة و صديق عزيز لمنصور وزن ليهو العفش و عمل كل حاجه و منصور جاء لقى كل حاجة جاهزه...قال لي يالرشيد أخونا عامر ده ما قصر معانا عمل لينا كل حاجة لكن كلم الناس دي كلها...حسه أنا خايف أمشي السودان ألقاهم كلهم عارفين...

لو لاقيتو يا أبو الزوز قول ليهو قالو عامر وزن ليك العفش و جهز ليك كل حاجه..و لو سألك الكلمك منو قول ليهو عامر كلمني...
Post: #2119
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-04-2010, 07:37 AM
Parent: #2118

سلامات يا ناس

وصباحات التفاؤل

ودعوة صباحية للجميع لمتابعة بوستات المنبر

حق ناس الزقازيق....
Post: #2120
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2010, 07:47 AM
Parent: #2119

صباح الخير ،،، يا وجوه الخير،،

أصحبنا وأصبح الملك لله ،، وحده

نسمات الصباح :

اللهم إني وأعوذُ بك من العجز والكسل

والجُبن والهرم والبخل

وأعوذُ بك من عذاب القبر

ومن فتنة المحيا والممات
Post: #2121
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-04-2010, 08:48 AM
Parent: #2120

صباحات الجمال على الناس اللطيفة وظريفة

وصلتنى عبر الايميل هذه الطرفة من صديق بالسودان الشقيق

انشرها لكم لمزيد من الفائدة .. بس الرشيد ما تنط لى فى حلقى وتقول لى

ما دايرين سياسة ..


عاوز تموت بشنو؟

> لو عاوز تموت من الحسره؟
> - ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
> - يا تتفرج عليهم وهم يمارسون (حق) الكلام عن (زيادة مخصصاتهم)

> لو عاوز تموت مفرووووس ؟
> - يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
> - يا تبحث عن (مردود) ما يسمى بعائدات النفط .

> لو عاوز تموت شهيد ؟
> - يا تسافر عن طريق أحد شوارع (الموت) التى لا تصلح حتى كشوارع (داخلية)
> - يا تخرج فى مظاهرة (سلمية)

> لو عاوز تموت بالسرطان ؟
> - يا تتناول الخبز المحسن (بالبرومايد) الذى يباع (عينى عينك) أمام نظر السلطات
> - يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .

> لو عاوز تموت من الغيظ ؟
> - يا تسمع تبريرات (الحكومة) حول قوات (الهجين)
> - يا تسمع تبريرات (الداخلية) حول إطلاق النار على المواطنين فى (كجبار).

> لو عاوز تموت من الجوع؟
> - ياتنتظر (الدوله) توفر ليك (شغل) تسد به رمقك
> - يا تحرى ليك (قريشات) من (بيت مال المسلمين)

> لو عاوز تموت من الهبل ؟
> - يا تستمع لما تبثه (الإذاعه والتلفزيون) من إعلانات (ساذجه)
> - يا تستمع لإحدى مذيعات النيل الازرق في برنامج مشوار المساء

> لو عاوز تموت مرعووووب ؟
> - يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
> والتى تجاوز عددها 47 حسب شهاده مسئول كبير
> - يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!

> لو عاوز تموت من الضحك؟
> - ياتقوم تتذكر إنو نحنا (دوله بتروليه)
> - يا تقوم تتذكر أيام قبل ما يتم (إنقاذنا)

> لو عاوز تموت مليونير؟
> - يا تكون مسئول وعندك (بيزنس)
> - يا تكون عندك (بيزنيس) وأخوك (مسئول)

> لو عاوز تموت من الإندهاش ؟
> - يا تسأل روحك (مرتبك ده مكفيك إنت والأولاد كيف؟)
> - يا تسأل روحك (المسئول ده عمل العمارات دى) من مرتبو كيف؟

> لو عاوز تموت من الحزن ؟
> - يا تعود إلى البلاد من أى سفرية (خارجية) وتقارن بيننا وبين الناس البره
> - يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء

> لو عاوز تموت على الحديده ؟
> - يا تعمل ليك مشروع تجارى و(يجوك ناس الجبايات التركية)
> - يا تدخل ليك مرابحة مع (بنك إسلامى)

> لو عاوز تموت قبل يومك ؟
> - يا تقوم بإجراء عملية جراحية (دقيقه) فى أحدى (المستوصفات الخاصة)
> - يا تقوم بإجراء عملية جراحية (غير دقيقه) بأحدى المستشفيات (الحكومية).

> لو عاوز تموت من الإستغراب؟
> - يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
> - يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)

> لو عاوز تموت من الزهج ؟
> - يا تنتظر الكهرباء المقطوعه (من الصباح) تجى راجعه
> - يا تنتظر دورك الـ 96 فى عيادة الأخصائى الكبير !

> لو عاوز تموت مخنوق؟
> - يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
> - يا تكون واقف فى (صف دفع الجمرة الخبيثه) يوم نهاية (الدعم)

> لو عاوز تموت مزهووووووول؟
> اسمع قاضي المحكمة العيا بتكلم عن لون قميص لبني في حيثيات قضية البنطلون

> لو عاوز تموت مليونير؟
> - يا تمارس (تنزيل)
> - يا تكون قريب (وزير)

> لو عاوز تموت وفى نفسك سؤال ما لاقى ليهو إجابه؟
> - يا تسأل عن (خلوها مستورة دى لمتين ح تكون مستوره)
> - يا تسأل روحك (طيب ليه ما يخلونا فى الصورة) ؟

> لو عاوز تموت مبسوط في الواقع الحالي دا؟
> (صدقنى) يا بتحلم
> - يا …….. بتحلم
Post: #2122
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2010, 09:59 AM
Parent: #2121

لا يفوتني أن أرحب بزيارة الأخوان
الدكتور عماد عبدالله - نسيبنا -
وأخونا مصملح الفكي - أحبك الله الذي احببتنا فيه-
والحاج حمد الحاج - صديق عصام دهب

نرحب ترحيب حار بالزول الوجيه معاوية الزبير
شبيه عبدالدائم النضيف والبيت بيتك أغرز فيه شتلات
المحنة وذكرى الزقازيق العطرة.

نرحب بطلاتك يا حنان مجمر ويبدو البرد عندكم شديد
ومبروك ليكم حفلة عمر إحساس .
Post: #2123
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2010, 10:27 AM
Parent: #2122

دعواتكم لشقيقي بابكر عثمان بالخروج من غرفة الانعاش في اتم صحة

دعواتكم
Post: #2124
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2010, 12:24 PM
Parent: #2123

أهلنا و حبايبنا مساء الجمال و نسأل الله الشفاء العاجل للاستاذ

بابكر عثمان .

العزيز زهير الزناتي مشكور كتير على الصور و نامل المزيد حتى

نسعف ذاكرتنا باخوتنا لنا لم نسعد بلقائهم عشرون عاما فلك أن

تفرح قلوبنا بهم !
Post: #2125
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-04-2010, 12:33 PM
Parent: #2124

Quote: انشرها لكم لمزيد من الفائدة .. بس الرشيد ما تنط لى فى حلقى وتقول لى

ما دايرين سياسة ..


لو عايز محمد عيد يكتب في السياسة...

يا تقول ليهو ممنوع الكلام في السياسة في البوست...

يا كمان تقول ليهم البوست ده ممنوع الكلام في السياسة فيهو...
Post: #2126
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 01-04-2010, 04:45 PM
Parent: #2125

يااااااااااااااااااا أك
Post: #2127
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2010, 07:51 PM
Parent: #2126

مساء الخير يا شباب ،،،

وين ناس الليل ،،، يا زهير الزناتي

منصور عنده هاتف سوداني ولا شاغال بالسعودي
Post: #2128
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-04-2010, 10:42 PM
Parent: #2127

آلو
نعم ناس الليل معاك
كلم
معاك كمال الشادي
حول يا ريس ميسرة
Post: #2129
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2010, 10:56 PM
Parent: #2128

ود الشادي يا لفيف
الله يقلعك زمان كنت راسي والجكس منكبس فيك زي الضبان
هسي مالها مكنتك خفت كدي

بروفايل حاتم جبارة دة
والدتنا الراحلة احسان ام حاتم ايام الصبا
الله يرحمها كانت زولة ما ساهلة كله كله



تليشة:
قلتلي لابدلي
تلقاها عند الغافل يابا
Post: #2130
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-05-2010, 07:22 AM
Parent: #2129

صباح الخير،،، يا وجوه الخير ،،،

أصبحنا واصبح الملك لله ،،، وحده

نسمات الصباح :

اللهم إني أسألك

الهدى
والتُقى
والعفاف
والغنى

آمين,,,
Post: #2131
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2010, 08:08 AM
Parent: #2130

اللهم إن كان رزقي في السماء فأنزله

وإن كان في الأرض فأخرجه

وإن كان بعيدا فقربه

وإن كان قريبا فيسره

وإن كان قليلا فكثره

وإن كان كثيرا فبارك لي فيه و لاخوتي الزقازيقاب

يا كريم ....آمين آمين آمين
Post: #2132
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-05-2010, 09:04 AM
Parent: #2131

دعوة عامة
وبصوت عالي جدا
لكل الاخوان في البوست
بالله ارجعو تاني وأقروا لكتبو محمد عيد فوق
عن
Quote: عاوز تموت بشنو؟


والله ما تعرف تضحك
والله تبكي
والله تموت قهر
خصوصا انو كاتب الخاطرة
واحد من جوة السودان زي ما بقول محمد عيد
ده واحد من جوه السودان بيوصف الحال من هناك
امال الناس البره تقول شنو
بالله ارجوكم ارجعو اقروها تاني

ويا محمد عيد
عليك الله صاحبك ده اقرنو فينا كويس
ما ينقطع
ابقا عليهو عشرة
Post: #2133
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-05-2010, 09:58 AM
Parent: #2132

صباح الخيرات عليكم عشيرة الجدعان ..


..
Post: #2134
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 01-05-2010, 10:17 AM
Parent: #2132

احلى ناس


كيفنكم وكل سنة وانتوا طيبين

الواحد صراحة مستمتع بالمتابعة وسجالات السناير حالي كحال معظم البرالمة, لكن شوية شوية حانعمل

لينا سنون..


تخريمة:


ناس الرياض رأيكم شنو نعمل لينا لمة كدة في الايام الجاية دي نكسر بيها برد الرياض ده؟
Post: #2135
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 10:40 AM
Parent: #2134

Quote: الواحد صراحة مستمتع بالمتابعة وسجالات السناير حالي كحال معظم البرالمة,

تخريمة:

ناس الرياض رأيكم شنو نعمل لينا لمة كدة في الايام الجاية دي نكسر بيها برد الرياض ده؟

يا سيدي عثمان
تحياتي و شوق لُكد لُكد
طيب لمن إنت محتكم للسناير
داير تعمل لمة كيف و سنيركم في السودان؟؟؟
يعني منصور يقول أنا ماشي السودان لحضور عرس نسيبي و و و و و
وتجي أنت داير من و راهو تعمل لمة؟؟؟
كلامك دا معناهو بس عايز تقول داير تقلب الحكومة
Post: #2136
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2010, 11:11 AM
Parent: #2135

Quote: كلامك دا معناهو بس عايز تقول داير تقلب الحكومة

كدي الحكومة خليها ... قوم ادينا فاتحتنا اول شئ ... بعدين نشوف موضوع قلب الحكومة دا
بالتفصيل كنت وين وجيت من وين

ابوعمر شوق مطر والله
Post: #2137
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 11:22 AM
Parent: #2136

يا حبيب ابو الجل
و الله لقيتني في اللفة و زنقتني زنقة عدوك
يعني بي كلامك دا ...بضاعتنا ردت إلينا
عليك الله شفتها حارة كيف؟؟؟
لمن تغيب و الناس كايساك و تجي تخش من سكات
المهم الفاتحة...بسم الله الرحمن الرحيم
...
....
....
...
آمين
أدام الله عليكم نعمة الصحة و العافية
Post: #2138
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2010, 11:22 AM
Parent: #2136

جلال الف حمدلله على السلامة سالنا منك قالوا لي صحبك

مبنشر ؟ دا صحبك قال ...........................

ثانيا ما نحن كنا في السودان و عملت عملتك ديك نسيت ؟

ولا يا صحبي جلا كلامه صحي قال لي اولاد تربية ديل ما تملا

منهم يدك شديد خليك مرخي !

عموما ود الجدي انا أثني الرأي و ياريت لو بقينا عمليين

و اقترح الخميس ؟ و يكون بالمرة منصور وصل و جلال ما يزعل!
Post: #2139
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 11:33 AM
Parent: #2138

Quote: ولا يا صحبي جلا كلامه صحي قال لي اولاد تربية ديل ما تملا

منهم يدك شديد خليك مرخي !

الغريب أنا قلت ليك ما تملى إيدك من أولاد تجارة؟؟
غايتو في ناس الكسرة في خشمهم ما بتتبلى
Post: #2140
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-05-2010, 11:33 AM
Parent: #2138

الليلللللللللللللللللللللللللة
انا برررررررررررررررررررره

الحق يا عبد الدائم
شوف موسى عيسي بيقول شنو
Quote: ولا يا صحبي جلا كلامه صحي قال لي اولاد تربية ديل ما تملا

منهم يدك شديد خليك مرخي !
Post: #2141
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2010, 11:39 AM
Parent: #2140

يا ود الشادي انت اطلع منها لو على دودي فهو صحابي من زمان ؟
و لو للكلام انا ما قلتو قالو جلا ! و انت براك عارف جلا دا بقول
حاجة لمن تعصروا فيها بقول ليك و الله كنت قاصد ناس تربية في الكورة؟
يعنى ما بتمسك زي ود الموية و كما كمل الشغلانة بالحجة و اليومين وصلتني
أخبار قالوا بقى بيصلي بالناس في المكتب و الحيشان المجاورة ؟ يعنى شوف
ليك حاجة تانية يا شادي !

و إنت عدتم عدنا و معانا صاحبنا اب شنب و الكلام ليك يا جارة !
Post: #2142
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 11:51 AM
Parent: #2141

Quote: الليلللللللللللللللللللللللللة
انا برررررررررررررررررررره

يا موسى عيسى
طبعاً إنت ما عندك في الغنا و الموسيقى
الكلام الكاتبو الشادي دا...دي جملة موسيقية
يعني زي... دو لا مي فا...
فما تخاف و تألب عليك الجماعة
Post: #2143
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2010, 11:59 AM
Parent: #2142

قلت كدي يا جلا ! اه انا عامل زوغة ومرقت ، بس ما بكرة
يكون في مجلس تأديب و حاجات تانية حامياني ؟
Post: #2144
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-05-2010, 12:36 PM
Parent: #2143

يا قدورة يا فنان قالوا عنك حريف

ولعيب كمان يا محمد عيد إضيف هذا الفنان

إلى باقة الفوتوشوب.

يا ناس يا عسل عجب سيدو وصل ،،

يا ناس يا عسل جلا سيدو وصل ،،،
Post: #2145
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-05-2010, 02:56 PM
Parent: #2144

العزيز طارق جبريل
شوف يا سيدي مسألة إنك تكون راسي أو تكون خفيف دي مسألة إستراتيجية
الحرب كر وفر يا حبيبي
شوية من ده وشوية من ده على قولة أولاد بمبة أولاد النيل
بعيدين يا أخي هو السؤال حرم
انا سألت حاتم جبارة عن الصورة
تقوم إنت طوالي تخش لي في تقيل وخفيف وخالي من الكلسترول
لكن الحمد لله على خفتك ولقافتك
الواحد كان ناوي يخش شمال في الزول

Quote: ود الشادي يا لفيف
الله يقلعك زمان كنت راسي والجكس منكبس فيك زي الضبان
هسي مالها مكنتك خفت كدي


سؤال في الطب البيطري لو سمحت يا دكتور طارق !!!!!!!
مين عارفك إنو هناك اماكن ليلية عندكم الناس بيتهوزوز ويتخجو فيها
انا أؤمن بأن .... من رأى ليس كمن سمع
إنت ياتو في الاثنين ديل
إنت من رأى والله التاني من رأى !!!!
مافي خطأ مطبعي دي مقصودة
خلي بالك انا لسه لابد ليك
Post: #2146
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-05-2010, 05:10 PM
Parent: #2145

مساكم الله بالخير

زمان في معظم أحياء الخرطوم تلقى في بيت بيتين كده مشهورين بي ان الجماعة بيطلعوا الكراسي برة و بيجو يتلمو عندهم مجموعة من ناس الحلة أو الفريق كما هو الشائع في مدني...و يدقوا ليك الونسة لحدي وقت متأخر و بعدين يتعشوا عشاء كارب و غالبا ما يكون فول جبنة بيض...يقوموا يقطعوا ليك العيش في الصينية...الصينية مرات بيغسلوها و مرات لو مستعجلين بيكشحوا ليك فيها الشغلانية دي كلها و ياكلو بي مزااااج و بعد داك كل واحد يمشي بيتهم...لذلك عادة ما تسمع عندما يكون العشاء مكون من فول و جبنة و بيض و طعمية..تسمع الجماعة يقولو ليك ديل حسة ما صحن واحد...و يقوموا يكشحوهم كلهم في العيش المقطع و يمشوا يجيبوا ليهم زيت سمسم زيادة من الدكان يكبو ليك من فوق وياكلو...
كان سألتوني المناسبة شنو حسة...بقول ليكم نفيسة ساكت يا جماعة...زي نفسي حقت طارق جبريل...أنا نفسي في بوش زي ده...و قعدة زي دي...و الناس ماشة و جاية و الزول بدون ما تقول ليهو اتفضل يجي براهو...يا ياخد ليهو خشم خشمين و يمشي ولا يتوهط و يقعد ينتظر البوش...

حرب داحس و الغبراء بين الشادي و جبريلا حرب من النوع القديم...و ذكرتني المناقرات الكانت أبوي و زوج خالتي حاج الدندراوي...الاتنين ما شاء الله عليهم لا تجدهم الا و هم ساجدون أو يقرأون القرآن...لكن لو لقيتهم بيتونسوا مع بعض و يتناقروا تستغرب...و ونستهم في مجملها أنا اصغر منك و انت أكبر مني و يا عجوز..و أمشي عامل كرعينك المكعوجات ديل...كان أبوي يحب حاج الدندراوي حب ما اعتيادي...و لو كان بيده لقضى معظم حياتة بالقرب منه و كذلك كان حاج الدندراوي....
سال أبوي مرة حاج الدندراوي....قال ليهو انت يا حاج الدندراوي رصيدك كم في البنك...قال ليهو انت يا بابكر قايلني عوير و الله ما بقول ليك رصيدي كم...ليه يا حاج خايفني أحسدك...أنا بعرفك لكن وحات الله ما بكلمك...خايف على ثروتك من عيني يا حاج..أها خليتك ما عايز أعرف...بعد شوية حاج الدندراوي سأل أبوي قال ليهو يا حاج بابكر ما بتعرف ليك ناس مساكين شديد...و الله طلعت الزكاة و عايز أديها لي ناس يكونو جد محتاجين...أبوي قال ليهو كم زكاتك..1200 جنية...قال ليهو أبوي أها يا عوير أنا عرفت رصيدك كم في البنك...

وين الزمن ده مشى...

مرات يكون في زول عزيز عليك ساكن في حلتكم...يقوم يرحل من الحلة...البيت فاض و تجي ماشي قدام بيتهم و انت عارف البيت فاضي..تقوم تدق الباب شديد..ناس الحلة البعرفوك يقولو ليك يا زول انت جنيت ولا شنو انت ما عارف الناس ديل رحلو...عاااااارف و تقوم تشيل ليك فحمه و تكتب حضرنا و لم نجدكم...


حضرنا ولم نجدكم.......
Post: #2147
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 01-05-2010, 05:21 PM
Parent: #2146

تحياتي لجميع أهلي الحلوين ،ناس الزقازيق
Post: #2148
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2010, 05:41 PM
Parent: #2146

فطرنا اليوم بصحبة منصور عبد الرازق ، سمك عجيب ،، ضحكنا وتآنسناكما لم نضحك من قبل ... في صور أكيد بس عايزه صبر ... أهم الأحداث جكة منصور بعد الفطور دي إلا يحكيها جمال فارح .... ما بقدر عليها وعلي شرط بوجود منصور عبد الرازق شخصياً حتي لا تكون قطيعة .... والله جكة ستكون حديث البوست لفترة طويلة .... وامانة ما وقع راجل يا منصور ...
Post: #2149
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 01-05-2010, 06:15 PM
Parent: #2145

حبيبنا حاج جلا

الشوق مطر,هو نحنا بنقدر نسوي حاجة زي دي بدون زعيمنا منصور ؟ نحنا قلنا نجهز حالنا ونرتب

امورنا من بدري ونوقت مع رجعتو لينا بالسلامة وتبقى الفرحة فرحتين... ولا شنو يا جماعة؟

وبعدين بالمرة نعمل لينا مباراة بين تربية وتجارة عشان نرطب الاجواء شوية, وبرضو حانغلبكم ياموسى

(وش محدر)...

جلة يا أخي حمدآ لله على السلامة وحجا مبرور ,ياأخي انت بعد الحج اعتكفت ولا شنو؟
Post: #2150
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2010, 06:34 PM
Parent: #2149

Quote: تحياتي لجميع أهلي الحلوين ،ناس الزقازيق


يا جماعة د. الصادق ده أكيد في زول مزعله ..... أو يكون أولاد طب عندهم موقف ودي متروكة لفتنة أو فطنة القارئ ...


Quote: جلة يا أخي حمدآ لله على السلامة وحجا مبرور ,ياأخي انت بعد الحج اعتكفت ولا شنو؟


تصدق سؤال يا عثمان الخير وجيه وما لاقين ليهو إجابة ... الظهر في الفطور إتصلنا علي جلا ردت لينا بت الشيخ قالت نسي الموبايل في البيت ... يعني جلا بقي في عالم تاني يا ناس .... الله يقبل الحجه يا جلا
Post: #2151
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 01-05-2010, 07:20 PM
Parent: #2150

سلامات يازناتي...زعل شنو ياخ ،الله لا جاب زعل..والله بس المشغوليات ...مهما شرقنا أو غربنا لن نجد أفضل من ناس الزقازيق ..
تحياتي للجميع
Post: #2152
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2010, 07:33 PM
Parent: #2150

Quote: Quote: جلة يا أخي حمدآ لله على السلامة وحجا مبرور ,ياأخي انت بعد الحج اعتكفت ولا شنو؟



تصدق سؤال يا عثمان الخير وجيه وما لاقين ليهو إجابة ... الظهر في الفطور إتصلنا علي جلا ردت لينا بت الشيخ قالت نسي الموبايل في البيت ... يعني جلا بقي في عالم تاني يا ناس .... الله يقبل الحجه يا جلا

الله بسألني يازهير انت يالسمك قايم بيك يا كمان حكاية الحجة السرية دي داخلة عليك لا اسه
اسه عثمان الخير دا جاب سيرة جلا ...
جلة بالانجليزي وجلال بالعربي

عالم متحيلة
Post: #2153
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 07:38 PM
Parent: #2152

و الله ود حلال
داير أرد و أقول ليهو أفرز يا فردة
لكن لقيتك ماشاءالله بالمرصاد
داير أعمل معاك تحالف
Post: #2154
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2010, 07:41 PM
Parent: #2152

Quote: مرات يكون في زول عزيز عليك ساكن في حلتكم...يقوم يرحل من الحلة...البيت فاض و تجي ماشي قدام بيتهم و انت عارف البيت فاضي..تقوم تدق الباب شديد..ناس الحلة البعرفوك يقولو ليك يا زول انت جنيت ولا شنو انت ما عارف الناس ديل رحلو...عاااااارف و تقوم تشيل ليك فحمه و تكتب حضرنا و لم نجدكم...

كلام مليان ومتمسح يالرشيد ومابقدر ارد عليهو في عجالة (طالع من المكتب)
بس بقول ليك الله يديك الفي مرادك كتاباتك قاعدة تريحني















-----------
دكتور الصادق لك التحية ومشتاقين
Post: #2156
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2010, 07:46 PM
Parent: #2154

Quote: داير أعمل معاك تحالف

ياخ نحن لاقينك وين ...
لكن والله خايف عليك من موسى عيسى يقول بقيت طابور خامس
Post: #2155
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2010, 07:43 PM
Parent: #2152

تسلم يا دكترة وخليك قريب دائماً ومشارك في الأفراح والأتراح ....

يا ابو الجل والله شكلي كايس لي فرقه في جلا ساكت ووقعت في شر أعمالي ...
Post: #2157
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-05-2010, 07:54 PM
Parent: #2155

الرشيد يا حبيب ياخي تورت نفسنا بالبوش حقك دة

ياخي ود الشادي دة قا لابد لي وانا بقيت انوم مفتح
هههههههههههههههههههه

تعرف يا شادي بمناسبة السكسكة دي
في سنة 95 كانت الحاجة رحمها الله بتتحاوم معاي في الرباط
يوم راس السند زي الساعة 11 كدة ونحن في وسط البلد
قلت ليها يا حاجة يلاكي نرجع المغاربة ديل حا يبدو السكسكة هسي
قالت لي يعني بيمشوا الجوامع يدعوا ربنا
قلت ليها صلاة شنو ديل بيصلوا مع لشيطان راس السنة
قالت لي يا سيدي الحسن
ههههههههههههههه
Post: #2158
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2010, 07:55 PM
Parent: #2155

Quote: كايس لي فرقه في جلا ساكت ووقعت في شر أعمالي ...

اللهم حوالينا و ما علينا
على الآكام و الوديان و الشجر
اللهم أهدينا و أهدي بنا
اللهم آمين
إنتظر مني تلفون يا زهير...متين ما معروف!!!!
يا جماعة طارق جبريل شال الطوبة الليلتو دخلها معاهو المكتب و لا قنع منها؟؟؟
Post: #2159
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-05-2010, 08:17 PM
Parent: #2158

جلا يا أصلي..
حوامتك في البوستات الليله ذكرتني أول يوم العيد..
من جار لي جار..
تربت يداك..

عجبني استدعاء بت شيخ نجيله..
يا ياسر.. تعال قوام..
وهش الضبان المكوم في الشادي..
ولخبطه عثمان الخير..
وميرندا البرلومه.. والحب من أول نظره..
ومستغرب لي جكه منصور..
دي حتكون قويه..
Post: #2160
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-05-2010, 09:23 PM
Parent: #2159

كتبت الآن بمربع كاي أن ثلاثة أردنيين و فلسطيني (هكذا صنفوا أنفسهم) سحبوني من دفء بيتي الى برد خيمتهم...و سقوني مر قهوتهم في ليلة نفسي أقرب فيها الى الميراندا أكثر منها الى القهوة...ألحوا علي باتصالاتهم حتى غيرت رأي في الموبايل الذي يجعلني أطمئن على أسرتي أينما كانو...حتى فكرت بكتابة مقال أسميه...الموبايل اختراع يقض المضاجع و يوتر النفوس...
كل الليل أقسم وقتي فيه بين البوست و التلفزيون و تلفون مع الأسرة و بعض المطالعات...و لكن أوقاتي الى البوست أقرب...و أتجاهل أي تلفون يأتيني ليلا حتى لا ألزم نفسي بأي ارتباطات...أما اليوم فلم أستطع الهروب...لقد حاصروني هؤلاء الأردنيين مثلما حاصروا أبو عمار في ما سمي بأيلول الأسود و لم أجد مخرجا غير الاستجابة لهم وقضاء وقت طيب معهم...

Quote: كلام مليان ومتمسح يالرشيد ومابقدر ارد عليهو في عجالة (طالع من المكتب)
بس بقول ليك الله يديك الفي مرادك كتاباتك قاعدة تريحني


جلال الحبيب و الله ما زلت أفتقدك بالليل...الله يقطع الكفيل و سنينه...

Quote: الرشيد يا حبيب ياخي تورت نفسنا بالبوش حقك دة


جبريلا...طول حياتك قاعد تحت عمود النور...يوم واحد طريتو لينا مافي...

يوم راس السنة بعد لفيت بالحاجة رحمة الله عليها و رجعتها البيت و ناااااامت...الرسول يا طارق ما مشيت تميت السكسكة مع الجماعة...سرك في بير زول واحد بناضمو مافي...عل بس خلي حاتم جبارة ده ينوم...

Quote: وميرندا البرلومه.. والحب من أول نظره..


لو عنك حاجة عايز الناس دي كلها تعرفه كلم حاتم جبارة و قول ليهو يا حاتم ده سر ما تكلم زول...

أحب الميراندا زاتو...رغم المصران العصبي...
Post: #2161
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-05-2010, 09:34 PM
Parent: #2160

يكون يا رشاجكت منصور دي علشان يخفف

الوزن ولا بيكون علشان يجهز نفسه للعزائم التانية

مش قالوا الجكة دي في شان الله .

يا حاتم جباره بالله بنيتك الحليونا دي تديها لمنذر ولدي

ولا لكمال الشادي يا زول أنحنا خلاص زمانا فات وغناينا مات

مش أخير الما بقي في فينا في ود الفاضل علشان يستاهل زمان كان

بصاحب لي في البرلومات .
Post: #2162
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-05-2010, 10:01 PM
Parent: #2161

Quote: يكون يا رشاجكت منصور دي علشان يخفف

الوزن ولا بيكون علشان يجهز نفسه للعزائم التانية

مش قالوا الجكة دي في شان الله .


نفسي يا ريس كان منصور يكون فاضي عشان يجي يكتب لينا بي طريقته ديك عن الجكة دي...لله..

و يقول لينا...الرابط العجيب حق الرشيد بابكر بتاع سبيس تون...العلاقة بين بات مان و سبايدر مان و الرجل البرق هي النحافة و السرعة..و العلاقة بين منصور و البيتزا و مقاس ستين هو الكوليسترول...و بما ان بات مان وسبايدرمان و الرجل البرق لا يعانون من الكوليسترول...و منصور الذي يعاني من الكوليسترول...فان الأطباء قد نصحوا منصور بأكل السمك ...ان شاء الله في نادي الربيع...منصور أكل السمك في نادي الربيع حسب وصية الدكتور فشعر بعد الوجبة انه أصبح مثل الرجل البرق..منصور حاول يجرب فقام جاري...لكنه لم يكن بسرعة الرجل البرق...و كانت مجرد جكة...


الفضول كاتلني يا ريس...
Post: #2163
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-05-2010, 11:20 PM
Parent: #2162

ياريسنا الحبيب ميسره.. كلام جبريلا صاح..
الصوره للراحله الوالده إحسان عبدالحليم (سونا)..
ليك علي أنزل صور البنات..
وأدينا منذر تب..

رش.. ما أغش عليك..
الجمجره بدورا..
كلامك ذكرني زمان في الزقازيق.. لمن الواحد كان بي يفك الجمجره..
يقول ليك راجع فلان..
يعني تجيبها بمصدرها..

فهسي راجع بكري..
الكمندان الهادي كان بيحكي لي عن إنو الرشيد قضي أيام حلوه معاهو..
وانو الرشيد خلق علاقه ود سمحه مع بكري وعمر أولاده..
لاقيت بكري الاجازه دي.. وزي شكا أنا منو..
سأل أبوه.. ما ريحو.. قام سألني..
معقول يا بكري بعد العشره دي كلها..
قال لي عليك الله إنت منو..
ياخ أنا الرشيد بابكر..
قال لي.. لأ لأ.. الرشيد بابكر سمين..
قلت ليهو.. والله سمحه العلاقه..
Post: #2164
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-06-2010, 05:35 AM
Parent: #2163

اصبحنا واصبح الملك لله ، والحمد لله

لاإله إلا الله وحده لاشريك له

له الملك وله الحمد وهو على كل شيء قدير

ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر
Post: #2165
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2010, 06:07 AM
Parent: #2164

صباح الهناء والسرور ...
أصبحنا وأصبح الملك لله ...

يا منصور حللت أهلا ونزلت سهلا في أحضان الوطن والأهل ...
جكتك الخايف عليها ونحن ما خايف علينا...
الجكة ... هي لله ... هي لله ...
Post: #2166
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-06-2010, 06:52 AM
Parent: #2165

أصبحنا وأصبح الملك لله رب العالمين

اللهم لاتفرقنا وأجمعنا دائما على الحب والإخلاص

بالتواصل وبالصلات الطيبة


خبر هام للمغتربين

المساهمة لجامعة المغتربين مستمرة في هذه الأيام
وهناك فرصة المساهمة كمؤسس وذلك مقابل إمتلاك 6000سهم
بقيمة (3000) ريال سعودي. إذا تأكدنا من ذلك نرجو من
كل مغترب زقازيقي يدخل كمؤسس عشان ممكن ندير الجامعة في المستقبل
Post: #2167
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-06-2010, 07:12 AM
Parent: #2166

Quote: اصبحنا واصبح الملك لله ، والحمد لله

لاإله إلا الله وحده لاشريك له

له الملك وله الحمد وهو على كل شيء قدير

ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر
Post: #2168
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-06-2010, 07:16 AM
Parent: #2166

صباح الخير ،،، يا وجوه الخير،،،

أصبحنا وأصبح الملك لله ،، وحده

نسمات الصباح :

اللهم أكثر مالي وولدي
وبارك لي فيما أعطيتني
وأطل حياتي على طاعتك
وأحسن عملي ،،،،،،
وإغفر لي ،،،
Post: #2169
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-06-2010, 07:51 AM
Parent: #2168

بسم الله نبدأ
Quote: خبر هام للمغتربين

المساهمة لجامعة المغتربين مستمرة في هذه الأيام
وهناك فرصة المساهمة كمؤسس وذلك مقابل إمتلاك 6000سهم
بقيمة (3000) ريال سعودي. إذا تأكدنا من ذلك نرجو من
كل مغترب زقازيقي يدخل كمؤسس عشان ممكن ندير الجامعة في المستقبل

طبعاً كمال الشادي حيقول ليك....ما تمشي السودان ودا كلام ما جايب تمنو
لكن برغم دا أنا ختيت الحاجة دي في سطح المكتب
أبو الجل جينا و مشتهينك
Post: #2170
Title: Re: ناس الزقازيق ... أجدع ناس ( 3 ) ..
Author: مدثر أبا يزيد
Date: 01-06-2010, 08:17 AM
Parent: #2169

(( الهم أني أسالك الأنس بقربك ))
قال ابن عثيمين ( احد مشايخ وعلماء السعودية) رحمه الله يتحقق للمؤمن بهذا الدعاء أربع:
عز من غير عشيره
علم من غير طلب
غنى من غير مال
أنس من غير جماعة

فلا تنساها في كل سجده واحرص عليها في أوقات الإجابة جعلني الله وإياكم ممن يأنس بقربه ،، آمين .[/green]
Post: #2171
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-06-2010, 08:29 AM
Parent: #2170

Quote: (( الهم أني أسالك الأنس بقربك ))
قال ابن عثيمين ( احد مشايخ وعلماء السعودية) رحمه الله يتحقق للمؤمن بهذا الدعاء أربع:
عز من غير عشيره
علم من غير طلب
غنى من غير مال
أنس من غير جماعة


ما أروع هذه الأربع خصال فلك الشكر يا ابا اليزيد .


جلا الحبيب و الله إنت البقفل عليك زي القافل ليه على كرت ميت ؟ يعنى وطاته بتصبح !

بهنا تقول ناس تربية ديل اعمل حسابك و الله انا لو ما جنابو دا كان حته حت ؟ و بهناك

تقول لجلال عايزين نعمل معاك ..... بس تدي نفهما كيف و الله ياها زي نكتة اسامة الطيب

لمنا كنا جايين عليك في جبرة ههههههههههههههههههههههههههههههههههههههههههههه!
Post: #2172
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-06-2010, 09:23 AM
Parent: #2171

Quote: جلا الحبيب و الله إنت البقفل عليك زي القافل ليه على كرت ميت ؟

أحسن تقفل على كرت ميت واقع منو فردة
يعني تقفل علي أنا و بالك على يوسف عبدالله
و لا تقفل على كرت حي و يكون الكرتين مع زميلك و ما لاقي طريقة يجوك
يعني زي عصام جلي و محمد المبارك
إنت أحمد إسماعيل خاتيهو جوكر
لو رميت أي كرت زي الرشيد من و رقك طارق جبريل يجرك خمسين
أبو الجل يقول ليك ما قلت ليك ألعب لي أنا
حاتم جبارة يقول ليكم نحن جاين مع الجوكر في الصندوق
أي زول ما بيعرف كوشتينة ما يجينا بي جاي
Post: #2173
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2010, 09:48 AM
Parent: #2172

صباح الجمال

إنتو الخرابة دة أكنو شنو
Post: #2174
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-06-2010, 10:37 AM
Parent: #2173

طارق جبريل يا أخوي الكلام الكاتبه

في الفيس بوك ده من راسك برضو تقول لي

كمال الشادي ده زي الطشمنجي المفطوم من العرقي

يا خي بصراحة بالغة في الكلام المكتوب بهناك ده

ألحق يا شادي صاحبك.
Post: #2175
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-06-2010, 11:15 AM
Parent: #2174

ياحبيبنا جلا أقعد مع الكتشينة
وضيع صلاة العصر وأنسى لي إنك حاج

أمشي بهناك تلقانا ناصرنا موسى عيسى عليك
وفصلنا ليك ( خلق الرجال البحمل الدبار)
Post: #2176
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-06-2010, 11:53 AM
Parent: #2175

يا ريس ميسرة
أنا قريت كلام طارق جبريل بتاع الفيس بوك و طلعت بالتصور الآتي
زولك بكون لابس ليهو عراقي كافي كم فيهو كيس صعوط و مخلي الكم التانية
طاقية حمراء مجدوعة جدع في الراس تتخيل ليك حا تقع من الراس لكن ثابتة زي الملصقنها بي صباع أمير
طبعاً زي ما عارف زولك شنبو ما بالحيل ..لكن ريحة المريسة طاقة التقول متبرد بيها
دحين زولك فدادي ما زول عرقي
لابس ليهو شبط تموت تخلي ...شبط الكلب ما بيجي بي جنبو
و زولك بتاع دواس و متلقي حجج ودمو فاير وزهجان و يخت سفه و يتف سفه
Post: #2177
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-06-2010, 12:29 PM
Parent: #2176

يا ميسرة
في شنو ؟
Quote: طارق جبريل يا أخوي الكلام الكاتبه

في الفيس بوك ده من راسك برضو تقول لي

كمال الشادي ده زي الطشمنجي المفطوم من العرقي

يا خي بصراحة بالغة في الكلام المكتوب بهناك ده

ألحق يا شادي صاحبك.


انا والفيس بوك ما اصحاب ابدا
لكن
طالما ود جبريل عاملو عملا هناك اكيد بجيكم
وريني الدرب
عشان اعرف اخش النصيبة الاسمو الفيس بوك ده
وقبل ما امشي واتوه
وريني صاحبي الخرابا ده سوا شنو
Post: #2178
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-06-2010, 01:05 PM
Parent: #2177

يا شادي صاحبك ودر تب بهناك

عامل ليهو بوست عجيب ما بفرز القصب من العنكوليب

إنتو الخرابة دة أكنو شنو

أنا زاتي ما عارف الطاشم فيهم منو البوست ولا صاحبو

أدخل يا شادي على الرابط الفوق ده وشوف زول كريمي دا
Post: #2179
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-06-2010, 01:09 PM
Parent: #2178

المرجع الكبير أحمد إسماعيل

Quote: وفصلنا ليك ( خلق الرجال البحمل الدبار)


الترجمة لو سمحت ،،

الظاهر المثل ليهو معنى كبير،،،
Post: #2180
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-06-2010, 02:54 PM
Parent: #2179

العزيز محمد آدم النور جلا
تحية وإحترام ، تجلة وتقدير
لك الحب


Quote: بسم الله نبدأ

Quote: خبر هام للمغتربين

المساهمة لجامعة المغتربين مستمرة في هذه الأيام
وهناك فرصة المساهمة كمؤسس وذلك مقابل إمتلاك 6000سهم
بقيمة (3000) ريال سعودي. إذا تأكدنا من ذلك نرجو من
كل مغترب زقازيقي يدخل كمؤسس عشان ممكن ندير الجامعة في المستقبل

طبعاً كمال الشادي حيقول ليك....ما تمشي السودان ودا كلام ما جايب تمنو
لكن برغم دا أنا ختيت الحاجة دي في سطح المكتب
أبو الجل جينا و مشتهينك




شنو يا جلا
براحة على

شوف الموضوع في الاصل يعني ال ( Concept) هو الاستثمار
والشخص العندو فلوس من حقو يستثمرها في أي مكان في العالم في أي مشروع هو عايزو
لانو مقومات الاستثمار واحدة في جميع أنحاء العالم وعند كل اهل الكرة الارضية وبجميع اللغات


وهي نقاط اقتصادية موضوعية انت تعرفها اكثر مني
اهمها بالبلدي ( قروشي الاستثمرتها دي بترجع لي متين )
ونفس الكلام ده بلغة الاقتصاديين ( فترة إستراداد رأس المال )
وبالانجليزي ياجلا هي ال ( Pay Back Period )
لمن تحنل النقطة دي ببقيى المستثمر مطمئن يعني انا دفعت مية دولار
راح ترجع لي بعد سنتين ونص
خلاص لو نافعة معاي المعادلة اخش ما نافعة اعمل خلف وأزوغ


النقطة الثانية وهي نقطة إقتصادية مهمة جدا برضو
بالبلدي انا لمن استثمر مع زيد من الناس في المشروع اكس مية دولار
لمن ترجع لي المية دولار دي بترجع بعد سنتين ونص
السؤال بترجع كم ؟؟

يعني كل دولار انا صرفتو بيجي جاري معاهو كم وراهو
وهي دي الارباح

اما بلغة الاقتصاديين فهي ( معدل العائد على الاستثمار )
وبالانجليزي يا حبيب ( Rate of return on Investing )
والاختصار حقها ( ROI )

-------
يا جلا نرجع لي موضوعنا

البيستثمر وهو عارف رجلينو واقفين وين وبيستثمر بناءً على معايير علمية زي بتاعة اخوك كمال الشادي المذكورة سابقاً يقرر يخش جامعة المغتربين والله لا ، وده قرار شخصي طبعاً.

اما المستثمر البيستثمر عشان كلام الناس
واحد يقول ليك على الطلاق مشروع أحسن منو مافي
وعلى الطلاق بكرة تندم لو ما خشيت فيهو

دي معايير غير علمية ولو أدت إلى نتجية إيجابية فهي صدفة محضة

-----
انا شخصيا لا اعرف الكثير عن جامعة المغتربين
ولم أقرأ شيئا عن المؤشرات الاقتصادية بتاعتها ( Economical Indications )
فبالتالي ما اقدر احكم عليها

لو جرجرتني هنا عشان مشروعي بتاع
شركة الزقازيق القابضة
اتمني أن يساق النقاش من قبلي أو من قبل الاخرين إلى نقاط علمية زي كده
عشان نستفيد
يا نطلع غلط ونصرف نظر
أو نطلع صاح ونمشي نأسس الشركة
لانو يا جلا لحدي هسي البوست بتاعي انا كل يوم بتاوق عليهو
على الطلاق ليهو شهر مافي زول كتب فيهو كلمة وانا شايفو ومراقبو يوماتي

لانو في موانع كثيرة لتطبيق الفكرة أتمني أن تناقش
لانو كل واحد عندو موانعو الخاصة بيهو

رأيك شنو يا جلا تخش هسي لي بوست شركة الزقازيق القابضة وتقول لي رأيك وبصراحة
Post: #2181
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2010, 04:07 PM
Parent: #2180

سلامات يا ناس

مبروك على الجميع عودة جلا القوية

يعنى لو كتب مجتبى فاروق عن العودة

دى فى واحدة من الصحف الرياضية

حتكون كده:

عودة قوية لجلا تبعث الرعب فى معسكر الفريق البنفسجى.

بتصديق من سيد الحوش: جاييكم بروااااااااااقة.
Post: #2182
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-06-2010, 06:42 PM
Parent: #2181

نواصل في الأرقم القياسية في العالم


أضخم باخرة سياحية فنلندية سعتها 1200 سائح وطاقمها 518 شخص
وزنها 40 ألف طن طولها 224 متر وعرضها 29 متر وتكاليفها
56 مليون جنيه إسترليني
ـــــــــــــــــــــــــــــــــــــــــــ

اكبر مقبرة هي مقبرة ليننغراد في روسيا تضم نصف مليون قبر قتلوا
في الحرب الإلمانية الروسية

ــــــــــــــــــــــــــــــــــــــــــ

أكبر حجر منحوت هو حجر الحبلى في لبنان طوله 20 متر وسمكه 4 متر

ـــــــــــــــــــــــــــــــــــــــــ

أطول مئذتة في مسجد السلطان حسن بالقاهرة إرتفاعها 86 متر

ـــــــــــــــــــــــــــــــــــــــــ

أكبر قصر/قصر الأسكوريال في إسبانيا به 2000 غرفة و3000باب و6000 نافذة

ــــــــــــــــــــــــــــــــــــــــ

أطول خطبة لمايك جاك تكلم لمدة 24 ساعة و33 دقيقة بدون إنقطاع وكان
يأكل ويشرب وهو يخطب

ـــــــــــــــــــــــــــــــــــــــ

أغلى فراء حيواني هو فراء القندس سعره 2700 دولار

ــــــــــــــــــــــــــــــــــــــ

أعلى بحيرة هي بحيرة تنجنيقا

ــــــــــــــــــــــــــــــــــــ

أكبر الجبال هي جبال الهملايا

ــــــــــــــــــــــــــــــــــــ

أكبر بلد منتجة للحديد الخام/ ليبيريا



أكبر دولة منتجة للنفط في منظمة اوبك هي السعودية
Post: #2183
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-06-2010, 06:48 PM
Parent: #2181

مساكم الله بالخير

كمال الشادي ...الليلة الجو عندنا بارد برد شديد خلاص..,

خليني أسخنك شوية و أسخن معاك...

أنا في رأي لقد شرحت ما فيه الكفاية عن شركة الزقازيق القابضة...

لماذا لا نتخطى النظري ده الى عملي مباشرة...

قل لي كيف...

نبدأ في تكوين الشركة مباشرة و بالأعضاء الراغبين في الوقت الحالي...

نحد نوع الشركة...قابضة...ذات مسئولية محدودة...عامة...الخ

و نبدأ في التكوين حسب ما يتم الاتفاق علية من الأعضاء الراغبين...

يشكل مجلس الادارة و من ثم يشرع في الاعداد لدراسات الجدوى و غيرها...

ثم الدخول في المشاريع التي تمت دراسة جدواها الاقتصادية...

لكي يتم ذلك لا بد من الاستعانة ببيوتات خبرة...قانونية و اقتصادية...

الأولى لاعداد الصياغة القانونية و التسجيل و قانون التأسيس و اتفاقية الشراكة

و غيرها من الاعدادات الأولية...

يبدأ الاكتتاب بواسطة نفس الجهة القانونية...ثم الخطوة التي تليها...

شو رأيك أرباب...
Post: #2184
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-06-2010, 06:53 PM
Parent: #2183

أحمد اسماعيل...يديك العافية

مجود مقدر و جميل الذي تقوم به و أنت تأتي بهذه الأرقام...

معلومات الواحد يعرفها لأول مرة...

لك كل الود و التقدير...
Post: #2185
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-07-2010, 06:20 AM
Parent: #2184

أصبحنا وأصبح الملك لله وحده لاشريك له,,,له الملك وله الحمد وهو على كل شيء قدير,,, أعوذ بالله السميع العليم من الشيطان الرجيم من همزه ونفخه ونفثه,,,بسم الله ذي الشأن عظيم السلطان شديد البرهان قوي الأركان ماشاء الله كان وما لم يشأ لم يكن أعوذ بالله من كل شيطان أنس وجان,,,اللهم إني أسألك خير هذا اليوم فتحه ونصره ونوره وبركته وهداه وأعوذ بك من شر مابعده,,,اللهم لاتدع لنا ذنبا إلاغفرته ولاعيبا إلا سترته ولا هما إلا فرجته ولا دينا إلا قضيته ولا حاجه من حوائج الدنيا والأخره هي لك رضى ولنا صلاحا إلا قضيتها يا أرحم الراحمين وصلي اللهم على محمد وعلى أله وصحبه أجمعين....
Post: #2186
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-07-2010, 06:51 AM
Parent: #2185

بسم الله الرحمن الرحيم
السلام عليكم
Quote: أصبحنا وأصبح الملك لله وحده لاشريك له,,,له الملك وله الحمد وهو على كل شيء قدير,,, أعوذ بالله السميع العليم من الشيطان الرجيم من همزه ونفخه ونفثه,,,بسم الله ذي الشأن عظيم السلطان شديد البرهان قوي الأركان ماشاء الله كان وما لم يشأ لم يكن أعوذ بالله من كل شيطان أنس وجان,,,اللهم إني أسألك خير هذا اليوم فتحه ونصره ونوره وبركته وهداه وأعوذ بك من شر مابعده,,,اللهم لاتدع لنا ذنبا إلاغفرته ولاعيبا إلا سترته ولا هما إلا فرجته ولا دينا إلا قضيته ولا حاجه من حوائج الدنيا والأخره هي لك رضى ولنا صلاحا إلا قضيتها يا أرحم الراحمين وصلي اللهم على محمد وعلى أله وصحبه أجمعين....
Post: #2187
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-07-2010, 07:31 AM
Parent: #2186

في الذكرى (24) لرحيل الصحافي: عبد الله رجب - صاحب" الصراحة (1915- 1986 ).
Post: #2188
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-07-2010, 08:36 AM
Parent: #2187

الأخ/ ميسرة (خلق الرجال البحمل الدبار)واضح في المداخلة أدناه
بمنبر الزقازيق مع إستبدال كلمة قميص بخلق، الخلق مصطلح درفوري لكل
مانلبسه



يانجيلةوالشادي وزهير
الموضوع البتتكلموا فيه شيق
وذلك لأن (كل الممنوع مرغوب) حتى
إذا كان المانع بت الشيخ

علشان نواصل نعمل زي جلا 00 أقصد الثعلب

يقال ان الثعلب في جو برد قارس وجد ليه

كوم بتاع ملابس قام إختار قميص مقدد ولبسه

ليقيه من البرد وترك الملابس السليمة فسألوه
ليش إخترت هذا القميص المقدد؟

قال ( هذا قميص الرجال البيحمل الدبار لو زروك بجاي تطلع بجاي)
كما قال أخونا طيب الذكر (اي زول مامع التعددية عنده فيه راي)
وكت زروه إستخدم مخرج كبير وإتخارج.

والتصريف جوزو خنس
Post: #2189
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-07-2010, 09:04 AM
Parent: #2188


وهذه أيضا من دارفور

ثلاثة منهم أقيف

1 /أكل التفاتيف

2/ وراكوبة في الخريف

3/ وزيجة بنت اللفيف


وثلاثة أخرى أبعد منها
1/ بوباي دابي

2/ بوباي وادي

3/ بوباي سلطان


والظاهر ياريس جماعتكم بتوع جدة الأصابهم الغرق أيام الحج إطمأنوا

وبنوا وسكنوا في بوباي الوادي
Post: #2190
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-07-2010, 10:09 AM
Parent: #2189

أخونا احمد اسماعيل .. مؤرخ البوست

وحامل اختام قاموس ترجمة المفردات والمعانى الدارفورية ...

أحيى فيك المجهود التثقيفى الضخم الذى تقوم به ...

وننتظر المزيد ...

Quote: ثلاثة منهم أقيف

وزيجة بنت اللفيف


شــرحوا لو سمحت

والاجابة مهداة بشكل خاااااص لاخونا كمال الشادى ..!!
Post: #2191
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-07-2010, 10:47 AM
Parent: #2190

صباح الخير،،، يا وجوه الخير،،،

اصبحنا وأصبح الملك لله،،، وحده

نسمات الصباح :

اللهم إني أعوذُ بك من الجوع

فإنه بئس الضجيعُ ,,,,,,

وأعوذُ بك من الخيانة

فإنها بئست البطانةُ.
Post: #2192
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 01-07-2010, 11:25 AM
Parent: #2189

صباح الخير يا اعز الناس

أبوحميد يا لذيذ , يا أخي حكم اهلنا ناس دارفور دي دايرة ليها بوست لحالها, يا أخي هؤلاء الناس

عندهم مقدرة عجيبة على استخراج الحكمة من ابسط التصرفات وأوهن الاشياء , وعندهم نكت وطرائف عن

اشياء غريبة هاكم واحدة منها...



يقال انه في مرة من المرات الكول والجرادة زعلو من بعض قامت الجرادة قالت للكول,كافر ول ميسر

تأكله بالزينة وتشمو بالايسر, اها الكول رد عليها قال ,كافرة ام سكة يا أم رقيبتآ منفكة كن لقيتي

الملح بالشطة للعيش بتمي طب كي..


الشرح مع احمد اسماعيل يا جماعة


ودمتم سالمين
Post: #2193
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-07-2010, 11:47 AM
Parent: #2192

سلام يا ناس
صباح الخير يا وجوه الخير
جينا نسلم عليكم ونتفقدكم

عجبتني صياغة أمثال دار فور الكثيرة

Quote: وزيجة بنت اللفيف

يا ربي بنت اللفيف أبوها شبعان ولا زول ملقوف ساي

بسأل عن زينب التجاني ونجاة حوفي لو شفتوهم سلمو لي عليهم
وقولوا ليهم فاقدنهم شديد.
Post: #2194
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-07-2010, 12:10 PM
Parent: #2193

UP
Post: #2195
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-07-2010, 02:04 PM
Parent: #2194

حبيبي أحضني و أنا أبكي ليك
images-dcc75e1e22sudan1sudan1.jpg Hosting at Sudaneseonline.com


طيب الريس و حضن ود الجعلي
نحن البيحضنا منو؟؟؟؟
ما في زول يقول لي موسى عيسى ما زولك
يا جماعة ما في طريقة مع كمال الشادي دا؟؟؟ ...أصلو زولاً بكاي
على الأقل نجوعر معاهو شوية
و بي نفس اللقطة دي عشان و احد يبكي زي ما ود الجعلي قاعد يبكي بي غادي و بي الدس
Post: #2196
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-07-2010, 02:05 PM
Parent: #2194

محمد عيد الحبيب
التحية والحب لك وللعائلة الكريمة
شكلك بتدردق فيني لانو شكلك ده فاهم المثل معناتو شنو
Quote: Quote: ثلاثة منهم أقيف

وزيجة بنت اللفيف



شــرحوا لو سمحت

والاجابة مهداة بشكل خاااااص لاخونا كمال الشادى ..!!


إنتو مالكم صدقتو كلام المسنوح اللسمو طارق جبريل
وعايزين تلصقو فيني التهمة
انا زول مابيمشي جنب الحيط
لانو جنب الحيط بقت تجيب لينا الهبوب
انا زول بيمشي جوه الحيط
لكن برضو ننتظر شرح المثل من أخونا احمد اسماعيل
والله يستر من الهبوب
Post: #2197
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-07-2010, 04:17 PM
Parent: #2196

ياأخوان بالنسبة للأقوال الدارفوراوية أعلاه حلاة الشرح

من جنابو /محمد صديق لأنه يقرن الشرح مع الأقوال المشابهة

من بقية مناطق السودان وخاصة من وسط السودان.

وبالمناسبة محمد عيد عنده الكثير لأن اشم رائحة اقوال دارفور

في كثير من رمياته
Post: #2198
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-07-2010, 04:42 PM
Parent: #2197

شكرا ياعثمان الخير

أيضا تزاعلت البعوضة مع الذبابة فقالت البعوضة للذبابة

كافرة أم كدسة
البتقعي في الأطعمة
بجدعوكي جدعة الرخصة


وقالت الذبابة للبعوضة

كافرة ام سواقين أليتك بالهبوب
الترميكي في الشقوق
تريح قولة كل مخلوق
Post: #2199
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-07-2010, 07:34 PM
Parent: #2198

سلام يا ناس .....

نشرة الأخبار الزقازيقية ....


توفي لرحمة مولاه الزقازيقي عمر عز الدين علي مالك وهو خريج علوم الزقازيق ... حسب المعلومات التي توفرت لنا اليوم بأن الوفاة قد حدثت فججأة بالفردوس الخرطوم .... وأن الفقيد من خريجي بداية الثمانينات ... للآن لم نعرف أي تفاصيل حول المنزل للعزاء ... سنتابع اتصالاتنا حتي صباح الغد للتوجه وتقديم واجب العزاء ....



رزق الأخ عابدين محمد زين ببت حلوة وأمورة لتنضم لشقيقيها .... ناصر والفاتح .... رغم فرحة والديها الكبيرة بها إلا إنه يبدو أن المسكينة وقعت في شر أعمالها .... فهذا الثنائي خطير ..... خطير ... لذا قام الوالدين بتشكيل فرقة حماية بالتناوب لحمايتها ... ويتردد أن الأسرة بصدد الإستعانة بخدمات شركة الهدف الأمنية في حالة غياب الوالد ....
عابدين يدعو الجميع للإفطار صباح الجمعة ... إحتفالاً بقدوم الأميرة ... وسلنتقي هناك ومنه نتوجه في جولة زقازيقية ....
تلفون عابدين 0122004040 وقد نسيه من فرط السعادة في مكان ما ولم يجده لذا يمكن الإتصال به مؤقتاً علي التلفون التالي 09195391421


أجري الأخ هشام الفحل عملية جراحية ... وقد نقل إلي المنزل مساء البارحة وهو الآن في حالة صحية جيدة ... تلفون هشام الفحل ... 0912330062
Post: #2200
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-07-2010, 07:57 PM
Parent: #2199

سلامات يا ناس

اللهم ارحم الزقازيقى عمر عزالدين

ولآله حسن العزاء.

مبروك لعابدين الامورة الجميلة...اللهم

اجعلها من الصالحات.

والبس اللهم هشام الفحل ثوب العافية.

احمد اسماعيل ...سلام

اخوك اليومين دى ما رايق...ولما اروق بجيك
Post: #2201
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-07-2010, 08:06 PM
Parent: #2200

حضرنا البارحة زواج ناس منصور .... لم نشاهد الحفل ولا ناس الحفل .... محمد المرتضي كان حفل آخر مصاحب للحفل الرئيسي ضحكنا كما لم نضحك من قبل ... قفشات ونكات ... وطالب بباسيورد انا شخصياً لن أثني هذا الوغد المسمي بمحمد المرتضي ... وحا أعمل منه نائم ... الزول ده متابع البوست حتة بحتة ... وعنده تعليقات تجيب ليكم الهواء مع بكري ..... لذا لن أتحمل مسئوليته لوحدي ... عايزين تثنيات من الجميع ... إذا وافقت الأغلبية علي حضوره ما عندنا مانع .... لكن انا خايف بكري يوقف حسابنا كلنا .... ولا عذر لمن أنذر .... من أهم احداث الحفل حضور الأخ سر الختم محمد علي الحاج الشهير بالمدعو للحفل وكانت مفاجأة حقيقية .... وهو في إجازة حالياً حيث يعمل في دولة قطر ... الصور في لكن مشاكل تقنية تحول دون إنزالها ....
Post: #2202
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-07-2010, 08:16 PM
Parent: #2201

نقطة سطر جديد ...

صفحة جديدة

سلام ...
Post: #2203
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-07-2010, 08:58 PM
Parent: #2202

اللهم ارحم موتانا

ومبروك الزقازيقية الجديدة


يا سلام ياخي لم بنات كمال الشادي يتصلوا بيك
ويقولوا ليك ازيك يا عمو طارق
يمين يا الحبان طولتلي شبرين لاااافوق
الله يحفظهم يا شادي
Post: #2204
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-07-2010, 10:23 PM
Parent: #2203
Post: #2205
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-07-2010, 11:32 PM
Parent: #2204

يمين بالله بقرأ في البوست العام لقيت آخر زل داخل معتصم جعفر قلت يا اللللللللللللللللللللللله
انشاء الله الزول الحلو ده يكون مساهر الليلة
جيت لقيت صديقي الحبيب طارق كاتب على بنتي منار

Quote: يا سلام ياخي لم بنات كمال الشادي يتصلوا بيك
ويقولوا ليك ازيك يا عمو طارق
يمين يا الحبان طولتلي شبرين لاااافوق
الله يحفظهم يا شادي


انا عندي ياطارق بنت واحدة اسمها منار وعمرها 10 سنوات رغم حبي الشديد للبنات
بناتك بنات الجيران بنات شيريا بنات ديناري أي بنات انا بحبهم
وهي اللي كلمتك الليلة
طبعا معتصم الحلو ما قصر تماها ليك بالغنوة الطلبتها

يا أخي زي ما قال عادل الجعلي
الناس السمحين ديل بيجو من وين ناس الزقازيق
يمين بالله انتو من طينة مختلفة عن باقي الناس

احبكم جميعا
المساهر والمامساهر معانا
Post: #2206
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-07-2010, 11:51 PM
Parent: #2205

يأ أخوانا في نص الليل البارد ده
وانا واقف براي
راجي زول ما عارفو مين
منتظر حب ما أظن يجي


عووووووووووووك
مافي زول صاحي والله شنو ؟؟؟؟؟؟؟
Post: #2207
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 00:35 AM
Parent: #2206

يا طارق جبريل
اخوك ضعيف في الكيمياء
ارجو انك تساعدني


حاولت اخت صورة منار بنتي في البروفايل بتاعي عشان تشوفها
ما عرفت
باريت شرح بكري ابوبكر وودرني يمين وصلني الكلاكلة


ممكن تشرح لي واحدة واحدة وبهدوء وبدن نرفزة
كيف انزل الصورة على البروفايل
واتذكر اخوك ضعيف في الحساب
Post: #2208
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 06:23 AM
Parent: #2207

صباح الخير
يا وجوة الخير
جمعة مباركة
والله يهنيكم
ويبارك ليكم في كل اوقاتكم
وايامكم
Post: #2209
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 08:43 AM
Parent: #2208

اقسم بالله لقيت ليكم حاجة رائعة جدا
خشو هنا وإستمتعوا وقولو لي رأيك
أغتيال دكتورة احلام حسب الرسول .
Post: #2210
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-08-2010, 01:39 PM
Parent: #2209

صباح الخير ،،، يا وجوه الخير ،،،

أصبحنا وأصبح الملك لله ،،، وحده

جعل الله أيامكم كلها أعياد وأفراح

جمعة مباركة لجميع الحبان.

معليش يا شادي كنا أمبارح في حفل بورداب

جدة بالتضمامن من رابطة أبناء كسلا وناس الزقازيق

كانوا حاضرين.
Post: #2211
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 02:23 PM
Parent: #2210

والله جنس خيانات يا ميسرة
ده شنو ده

Quote: معليش يا شادي كنا أمبارح في حفل بورداب

جدة بالتضمامن من رابطة أبناء كسلا وناس الزقازيق

كانوا حاضرين.


إنت نسيت إني من ناس كسلا والله شنو يا ريس
عجبي من عجبي وعجبي وعجبين !!

لماذا لم تعزمني أيها الرجل ؟

كتلتوها براكم ؟ انشاء الله تنفعكم
Post: #2212
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 04:19 PM
Parent: #2211

في حركة مرة عملها زهير الزناتي اثبت بيها انو لافي براهو في كل المنابر ومافي زول معاهو
انا عايز اعمل زيو عشان اثبت ليكم كده وما عارف
هو قام صور الصفحة الرئيسية بتاعة منبر ناس الزقازيق
وكتب في كل المداخلات ومافي غيرو هو وبس

يا أخوانا الليلة الجمعة الساعة ستة وربع مساء
انا من يوم الاربعاء العصر
مافي اي زول تقريبا دخل على اي حتة
بإستثناء ثلاث مداخلات ميسرة والرشيد وعبد القادر
بس

في شنو
الحاصل شنو

ده مستحيل يكون معدل عادي للظهور والدخول
Post: #2213
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-08-2010, 06:09 PM
Parent: #2212

تقصد كده يا شادي ....

hghg.jpg Hosting at Sudaneseonline.com
Post: #2214
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 06:45 PM
Parent: #2213

صاح يا قدروة بس برضو ما وريتني بيسووها كيف

بسرعة عشان ما يجو الشمات ويقولو برلوم وكده
Post: #2215
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-08-2010, 07:43 PM
Parent: #2214

شادي ..

شرحت ليك الطريقة بي هناك
في حوش محمد صديق الغائب الحاضر
Post: #2216
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-08-2010, 10:02 PM
Parent: #2215

سلامات يا ناس

Quote: يا أخوانا الليلة الجمعة الساعة ستة وربع مساء
انا من يوم الاربعاء العصر
مافي اي زول تقريبا دخل على اي حتة
بإستثناء ثلاث مداخلات ميسرة والرشيد وعبد القادر
بس

في شنو
الحاصل شنو

ده مستحيل يكون معدل عادي للظهور والدخول


وهسة الساعة اتناشر...

نضيف ...ومحمد صديق.
Post: #2217
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2010, 10:51 PM
Parent: #2216

وكمال الشادي
والساعة 12 و 49 دقيقة مساء
بتوقيت الرياض
Post: #2218
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-08-2010, 11:18 PM
Parent: #2217

وأنا كمان بتوقيت جده
الساعة 13:15 ما تنوم يا شادي

بس معانا عشرة دقائق بس قبل الصفيق والطبيق ووجع الأضان
Post: #2219
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-08-2010, 11:35 PM
Parent: #2218

هذه اللوحة مهداه إلى أبناء كسلا وعلى رأسهم
فضلية الشيخ جلا وكذلك أخونا زهير الزناتي

DSC00400.jpg Hosting at Sudaneseonline.com


نهدي هذه الصورة إلى كمال الشادي الكسلاوي الجديد
DSC00422.jpg Hosting at Sudaneseonline.com

صورة جانبية للأخ/ عماد شريف وهو يعزف على آلة الأورغن ،،،

وللقصة بيقية
تصبح على خير،،،
Post: #2220
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-09-2010, 00:49 AM
Parent: #2219

سلام يا ناس
والله كنت مستمتع مع عثمان اليمني
يا الرشيد لو ما شفتة الحلقة دي عمرك كله ضايع
يمين انا نقزت جنس نقزي
Post: #2221
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-09-2010, 06:27 AM
Parent: #2220

بسم الله الرحمن الرحيم

اللهم نسألك خير هذا اليوم
اللهم أجعل اوله صلاحــا
ووسـطه فلاحـــــا
وآخـــره نجاحــا
Post: #2224
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2010, 07:03 AM
Parent: #2221

صبحكم الله بالخير

Quote: سلام يا ناس
والله كنت مستمتع مع عثمان اليمني
يا الرشيد لو ما شفتة الحلقة دي عمرك كله ضايع
يمين انا نقزت جنس نقزي


جبريلا...و الله عندنا حالة طوارئ في البيت بسبب امتحانات الفترة الأولى بتاعت العيال...
وحاتك لا تلفزيون و لا نت و لا حتى جرايد...قراية سااااكت لمن حنيت على الأولاد ديل من أمهم..
أنا الكبير ده من الله خلقني ما قريت قدر ده...
جبريلا هنيئا لك بعثمان اليمني وأنا بلبد لي السهرة يمكن يجيبوها تاني...
Post: #2222
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-09-2010, 06:36 AM
Parent: #2220

صباح الهناء والسرور ...
الف مبروك الامورة الحلوة لاخونا عابدين ...
Post: #2223
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2010, 06:58 AM
Parent: #2222

صباح الخير ،،، يا وجوه الخير،،،

أصبحنا وأصبح الملك لله ،،،وحده

نسمات الصباح :

ربنا لا تُزغ قُلوبنا
بعد إذا هديتنا
وهب لنا من لدنك رحمة
إنك أنت الوهاب.

نهدي التحايا لأخونا عابدين بقدوم
الأميرة الجديده جعلها الله ذخر لوطنها
ووالديها ودينها،، والف مبروك.
Post: #2225
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2010, 07:39 AM
Parent: #2223

Quote: والله كنت مستمتع مع عثمان اليمني
يا الرشيد لو ما شفتة الحلقة دي عمرك كله ضايع
يمين انا نقزت جنس نقزي


والله يا جبريلا انا لمن اتفاجأت بالحلقة فى التلفزيون

طوالى فكرت فيك .. وسحبت الموبايل قلت اضرب ليك واحضر الهجيج حقك لايف ..

الا زولا كج كدى دق الباب وبرانى ليك لمن عكــّر مزاجى .. نسيت ليك ود اليمنى وود الهندى زاتو ..

سعدنا جدا باستمتاعك .. ولا نامت اعين المرجفين فى المدينة ..!!

********

نبارك لاخونا عابدين وصول الاميره ذات الحسن والبهاء ... حفظها الله لوالديها

وأقر اعينهما بها ...
Post: #2226
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-09-2010, 07:54 AM
Parent: #2225

الاخ العزيز محمد عيد

عايز اسن سنة حسنة رأيك شنو
لانو الاقتراح من عندي والتنفيذ من عندك

والاخوان
الريس ميسرة
والرشيد
وفافي
وجبريلا

ادونا رأيكم



اي زول يتعزم في حوشنا حوش ناس الزقازيق
بعد انتهاء العازومة نطلع ليهو شهادة شكر راقية
على الفوتو شوب فيها صور كل الناس واسمائهم
يعني لوحة راقية من اناملك يا محمد عيد

الخلاني افكر كده يا محمد أنو
الموصلى جا وراح بهدوءءءءءءءءءءءء
وإنت في حتة انتقدتني فيها وانا موافق عليها انو دخولو ما كان منظم كويس

عندنا هسي في الحوش نصار الحاج
ضيف على اختنا عفاف

عايزك تطلع شهادة شكر راقية للموصلى انو جا وزارنا
نرسلها ليهو على ايميليو الخاص او ننشرها ليهو في موقعو
ومزيلة بأسماء ناس كل الزقازيق
وفيها كلام حلو جميل زي روحك يا ممد عيد

وبعد فترة نطلع نفس الشهادة والشكر للضيف الحالي نصار الحاج

رأيكم شنو يا شباب
Post: #2227
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2010, 07:59 AM
Parent: #2225

نسأل الله الرحمة والمغفرة لزميلنا الزقازيقى / عمر عز الدين على مالك

ونسأله تعالى ان يسكنه فسيح جناته مع الصديقين والشهداء وحسن اولئك رفيقا ..

معظم مشاركى البوست - وانا منهم - لم يتعرفوا او يتذكروا الراحل ..

نرجو ممن يتوفر لديه اى قدر معلوماتى عنه ان يشاركنا به .. حيث ان الاسم ليس غريبا على ّ ..

له الرحمة والغفران باذن الله

^^^^^^^^

Quote: جبريلا...و الله عندنا حالة طوارئ في البيت بسبب امتحانات الفترة الأولى بتاعت العيال...
وحاتك لا تلفزيون و لا نت و لا حتى جرايد...قراية سااااكت لمن حنيت على الأولاد ديل من أمهم..
أنا الكبير ده من الله خلقني ما قريت قدر ده...



الغريبة والله يا جماعة لا الرشيد ولا نجاة ما كانوا ناس بتاعين كســر وقراية ومذاكرة وكده ..

الرشيد كان زول حــوّام ساكت .. ونجــاة كانت برايــة ..!!

هســه ناس مهند وامنية ديل قراية شنو الحـــرّمت ابوهم الحوامة فى البوستات ...

وكضــّمت البــراية الجميلة حقتهم .. وخلتها تقول .. ما قادرة ابررررى .. بس بعاين بى عيونى ...!!
Post: #2228
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-09-2010, 08:21 AM
Parent: #2227

نسأل الله للفقيد الرحمة والمغفرة وان يسكنه فسيح جناته

مع الصديقين والشهداء وحسن اولئك رفيقا.


البنية مبروكة للاخ عابدين والسيدة بنته شيخه و انشاء ربنا

يجعلها من المستورات و المناضلات و الحريفات !
Post: #2229
Title: Re: ناس الزقازيق ... أجدع ناس ( 3 ) ..
Author: مدثر أبا يزيد
Date: 01-09-2010, 08:27 AM
Parent: #2227

[center](( قول وتعبير ))

(( إذا إتاك أحد الخصمين وقد فُقِئت عينه فلا تقض له حتى يأتيك خصمه فلعله قد فُقِئت عينٌاه ))

(( المتكبر كالواقف على الجبل يرى الناس صغاراً ويرونه صغيراً ))

(( احساسي اكبر من لغتي وشعوري يتخطي حنجرتي ))

(( لا تطعن في ذوق زوجتك فقد إختارتك أولاً ))
Post: #2230
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-09-2010, 08:45 AM
Parent: #2229

سلامات يا ناس

وصباحات التفاؤل

قال الغزالى:

اذا رأيت الله يحبس عنك الدنيا

ويكثر عليك الشدائد فأنك عزيز عنده
Post: #2231
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2010, 08:51 AM
Parent: #2230

الشــادى الحبيب ...

فكرة جميلة ومقترح رائع يؤكد اصالتك وحرصك الكبير على تحية واجتذاب الضيوف

اصحاب البصمة الجميلة ...

اوافق على المقترح وازيد عليه بأن تتم المشاركة من كل الناس اصحاب التجربة فى هذا المجال ..

واقصد ميسرة ومنى وطارق جبريل وفناننا الرائع .. قدورة
Post: #2232
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2010, 08:59 AM
Parent: #2231

خالص التعازى فى وفاة زميلنا عمر عزالدين
ولاهله واسرته حسن العزاء
وانا لله وانا اليه راجعون


الف مبروك للاخ عابدين البنوتة وربنا يجعلها من المستورات

وعاجل الشفاء للاخ هشام الفحل وتمنياتنا له بدوام الصحة والعافية


الاخ صلاح عبدالمجيد اخبارو شنو يا شباب انشاء الله يكون طلع من المستشفى
Post: #2233
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-09-2010, 10:37 AM
Parent: #2232

خالص التعازى فى وفاة زميلنا عمر عزالدين ...
والعزاء موصول لاسرة علوم ...

عاجل الشفاء للاخ هشام الفحل وتمنياتنا له بدوام الصحة والعافية ...
Post: #2234
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2010, 11:29 AM
Parent: #2233

خالص التعازى فى وفاة زميلنا عمر عزالدين ...
والعزاء موصول لاسرة علوم ...

عاجل الشفاء للاخ هشام الفحل وتمنياتنا له بدوام الصحة والعافية ...

----------------------------------------------

إقتراح الأخ/ كمال الشادي شئ مميز وراقي
ونؤيد رأي أخونا محمد عيد في بلورة فكرة التنفيذ
ولنتبادل الآراء بالهاتف.
Post: #2235
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-09-2010, 03:26 PM
Parent: #2234

خالص التعازى فى وفاة زميلنا عمر عزالدين
ولاهله واسرته حسن العزاء
وانا لله وانا اليه راجعون


يا رشا ربنا يوفق الاولاد
والله حالة الطوارئ دي انا مريت بيها الاسبوع الفات
مع ريم


يا محمد عيد كيفنك
يمين استمتعت استمتاع مع عثمان اليمني
والله يا حبيب وقفت في نص الصالة ونقززززززززززززت زييييييييييييييييين
يعني اتهردتة لامن الله غفرلي
هههههههههههههههههههه




يا كيم الاقتراح جميل
بس يا ريت الناس تساعدنا بالصور
يعني لو في مجموعة صور للخوان الزقازيقاب
والمحتفى به بتسهل علينا الامور
Post: #2236
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-09-2010, 04:25 PM
Parent: #2235

طارق جبريل
والله مشتاقين

انت شكلك بتجي في الاخر
وبتقرأ آخر حاجة وبترد عليها
ما تسيبك من عربية الفرامل دي يا اخي
لمن تجي متأخر اقرا من فوق
الله يعليك طوالي لا فوق قول آمين

بعدين لمن تعرضوا وتنقزوا نقزونا معاكم
انا الخميس مساهر مع صديق احمد ولايزال يرن في آذاني اغنية
حدثك شوقنا ليك
Post: #2237
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-09-2010, 04:50 PM
Parent: #2236

كيفكم كلكم
خالص التعازي في وفاة المغفور له الزميل عمر عز الدين
-------
وعاجل الشفاء للاخ هشام الفحل وماتشوف شر يارب
-------
ونبارك للاخ عابدين المولودة جعلها الله من المستورات وغر بها اعين والديها
-------
والمتابعة والاستمتاع صاروا زادنا وملاذنا

نسأل الله ان ييسر لنا امر عودة برواقة
Post: #2238
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2010, 06:59 PM
Parent: #2237

DSC00421.jpg Hosting at Sudaneseonline.com

نجيب ليكم صورة جمال السنوسي نقول ليكم ده عماد شريف
تعملوا نايمين كلكم إلا كمال الشادي يعني موهبة جمال دي ظهرت على كبر وما كانت موجوده في الزقازيق
مبروك يا جمال ضمنت ليك عداد جديد في السودان


DSC00395.jpg Hosting at Sudaneseonline.com

من إحتفال بورداب جدة بالتضامن مع رابطة أبناء كسلا
Post: #2239
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2010, 07:14 PM
Parent: #2238

يا ريس شفت الصورة الصباح لكن اليوم كله سفر رايح جاي....طبعا عماد شريف ما بيغباني..الزول ده لحم و دم يا ريس...بس بيني و بينك ما عرفت جمال السنوسي...لكن علقت قلت زول بعاين في المفاتيح بتاعت الكيبورد أو الأورغن و بيعزف...ده زول اتعلم الشغله دي قريب...و كلنا بنتذكر كيف كان عماد شريف بيعزف على الأورغ...ماسك السيجارة بالأصبع الصغير و يقعد يشاغل شمال و يمين و كأنه أصابعه عارف طريقها لوحدها...
لكن عفارم على جمال السنوسي حتى لو اتعلم الشغلانة دي قريب...ده أكبر دليل على التعلم ليس عنده عمر محدد....و الله يا ريس من زمان نفسي اتعلم أعزف على الأورغ...حسه بعد ما شفت جمال السنوسي بيعزف ياني المضايق مهند ولدي في الأورغ بتاعه...و امكن أشيل معاي واحد في الوحدة بتاعتي دي... و تاني عماد شريف الا يحسن مستواهو و الا جاهو منافس خطير...
Post: #2241
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-09-2010, 07:50 PM
Parent: #2239

سلامات يا ناس
Quote: يعني موهبة جمال دي ظهرت على كبر وما كانت موجوده في الزقازيق
مبروك يا جمال ضمنت ليك عداد جديد في السودان



كفر ووتر
Post: #2242
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-09-2010, 08:26 PM
Parent: #2241

يا كيمو والله الواحد بيجي دايش ويقعد
يسوط في البوست دة
دحين يا الحبيب سامحنا
والله لليلي يا كمال قلبي مقبوض من نضم منار بتك
ياخي الساعة القالتلي: عمو طارق ازيك
وحات الله اتمنيت اكون جنبها واشيلها
وابوسها في راسها
واقولها: ياني عمك الما ولدتو حبوبتك
أثرتني شديد يعلم الله


يا الرشيد والله نا برضو كان نفسي اتعلم العود
وكنت اشتريت لي واحد وانا راجع السودان بعد التخرج
وخليتو وطفشتة المغرب
لمن رجعت بعد عشرة سنين
لقيت الحبشية بتلم بيهو الوسخ بعد تقش


بعدين الكوتش دة اتغاتت علي ابا يعلمني
Post: #2243
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-09-2010, 09:13 PM
Parent: #2242

على قصة تعلم الالات الموسيقية دي انا حا احكي ليكم الحتة دي بس عشان أشجعكم
واي زول عايز يتعلم أي آلة موسيقية لو عندو الرغبة حدها شهر واحد بس ويكون بيجضمها مية المية

رغم أني قبل ما اتخرج من الجامعة كنت جضمت الاورج والعود تمام التمام
وبمجهود شخصي بحت وبدون اي استعانة بأي مجهودات اي صديق

إلا انو الجيتار ظل عقدة عمري

وأخيرا بس قبل ثلاث سنوات قررت افك العقدة دي

رحت اشتريت جيتار اول حاجة
وكتبت على ال youtube كيف تتعلم الجيتار
وفضلت انزل في الدروس واطبقها

اخيرا جبت واحد فلبيني صاحبي في الشغل اكتشفت انو بيجضم جيتار زي الترتيب
وبقيتنا نتلاقبل عندي في البيت ساعتين كل يوم خميس
يعملني الجيتار
واعلمه الاورج

والليلة اخوكم يملك جيتار اسود راقي جدا وبعزف عليهو تمام التمام
بس لاني قررت اتعلمو

وفي الفترة الحالية بتعلم كيف اعزف على البيانو
والاورج شيء والبيانو شيء مختلف تماما
لمن اجضمو تماما حا اقول ليكم
واقول ليكم سر
برضو قاعد اتعلم البيانو من اليوتيوب والله العظيم
جربو كده وشوفو
Post: #2244
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-09-2010, 10:00 PM
Parent: #2243

سلامات يا ناس

Quote: بعدين الكوتش دة اتغاتت علي ابا يعلمني


سلام يا حبيب

انت كنت فاضى من الكسر
Post: #2245
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-09-2010, 10:10 PM
Parent: #2243

الشادى قصة شاهين ابداع عديل
======================================
النضيف لااسكت الله لك صوتا
======================================
رشيد القوم مطرررررررر
=====================================
عيد سلاااااااام
=====================================
ريس ايامكم عسل ادامها الله
====================================
محمد صديق بركه الجيت
====================================
Post: #2246
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-10-2010, 06:44 AM
Parent: #2245

صباح الهناء والسرور ...
اصبحنا واصبح الملك لله ...
جابوا لي لاب توب جديد ما بكتب عربي ...
ولوحة مفاتيحه ما فيها ولا حرف من لغة الضاد...
يا ربي نحن عايشين وين ... وزي ما بقولوا المصريين ...
دا النبي عربي يا عم ...
بقيت اكتب بطريقةحاتم جباره (ابو بانده حجل)...
Post: #2247
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-10-2010, 07:19 AM
Parent: #2246

صباح الخير ،،، يا وجوه الخير،،،

أصبحنا وأصبح الملك لله،،،وحده

نسمات الصباح:

حسبي الله ،،،
لا إله إلا هو ،،،
عليه توكلت ،،،
وهو رب العرش العظيم،،،
Post: #2248
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-10-2010, 07:21 AM
Parent: #2246

أصبحنا وأصبح الملك لله رب العالمين
اللهم نسألك إيمانا دائما وقلبا خاشعا
ويقينا صادقا وعلما نافعا، ونسألك العافية
وتمام العافيـة والشكر على العافية
ونسألك اللهم الغنى عن الناس


نسأل الله الرحمة والمغفرة لفقيدنا الزقازيقابي/عمر مالك

ونسأله الرحمن الرحيم أن ينزله منزلة الصالحين والشهداء

وإنا لله وإنا إليه راجعون
Post: #2249
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-10-2010, 07:21 AM
Parent: #2246

تتذكرو كورال تجارة زمان مش ذى 45 واحد بكونو طالعين
فى المسرح وناس بالطرف كده واقفين كراع فى خشبة المسرح
وكراع فى الواطة
اها ده الحصل لما جمال السنوسى عزف للفنان اليوم نرفع راية استقلالنا
انا ود سيف النصر ضحكنا وقلت للشفع اجرو اجرو اطلعوا المسرح شيلو مع الناس
البتغنى ديك

تقول لي عماد شريف يا ريــــــس ،،،،،
Post: #2250
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-10-2010, 07:41 AM
Parent: #2246

خالص التعازي في وفاة المغفور له عمر عز الدين

وعاجل الشفاء للاخ هشام الفحل وماتشوف شر يارب

ويا عابدين ألف مبرووووووووووك البنيه تتربي في عزكم ...
Post: #2251
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-10-2010, 07:51 AM
Parent: #2250

في احدي زياراتي لمدينة جده مع الاسرة اعتقد عام 2007م
كنا في زيارة الاخ جمال السنوسي بشقته
ووجدت في صالونه اورغ + ايقاع "دربكه" + عود
قمت سألته ديل بتعمل بيهم شنو
ضحك ودخل جوه البيت واحضر معاه الة الكمان وعلى ما اعتقد اكورديون
واردف قائلا : ان شاء الله الاجازة الجاية تلقاني بعزف ديل كلهم
قلت ليهو : والله خايفك "تحلج صاموله" ....
وبدأ يعزف عزف بدائي ويمر على كل الآلات ... وضحكنا
وكان حضورا اسرتي واسرة النضيف عبدالدائم ...
حتي عبدالدائم "اتغاتت" علينا ورفض يغني ...
وقال مابغني بعزف جمال السنوسي ... وغنيت أنا



شكلو كده جمال السنوسي ... عملها
الزول ده على كده حيكون فرقة موسيقية لوحده ...
برافوووووووووووووو جمال
Post: #2252
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-10-2010, 09:35 AM
Parent: #2251

صباح الخيرات عليكم عشيرة الجدعان ..

Quote: عايزك تطلع شهادة شكر راقية للموصلى انو جا وزارنا
نرسلها ليهو على ايميليو الخاص او ننشرها ليهو في موقعو
ومزيلة بأسماء ناس كل الزقازيق


اقتراح جميل يا شادي ..

التصميم جاهز
وفي انتظار ارباب الكلام الطاعم
يتحفونا بمقترح لكلمة أو خاطرة جميلة مختصرة ومعبرة
لإضافتها للتصميم في حدود سطرين أو ثلاثة ..
حتى أتمكن من إنزال التصميم كاملا ..


مودتي .....
Post: #2253
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-10-2010, 09:46 AM
Parent: #2252

سلام يا ناس
كدي ادخلوا هنا:
ملائكة الزقازيقاب
Post: #2254
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-10-2010, 09:47 AM
Parent: #2253

والله يا البادي حكاية الباندا حجل دي ضحكني لامن وقعت علي قفاي

يا كوتش غتاتك ثابتة ما تقعد تحوقص شي
Post: #2255
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-10-2010, 01:13 PM
Parent: #2254

الرشيد بابكر الله يسترها معاك دنيا وآخرة
زي ما سترتها معاي
Post: #2256
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-10-2010, 01:27 PM
Parent: #2254

أرجع ليكم تاني لي موضوع العزف بتاع جمال السنوسي..أنا بعتبره انجاز كبير لجمال لم أستطيع تحقيقة...و عادة الواحد الحاجات البيفشل فيها بقوم يفتش ليهو على شماعات كده يعلق فيها فشله...أنا كان ممكن أكون عازف جيد و رسام خطير...لأني في ما يخص الرسم كنت أجيد رسم الوجوه بصورة جيدة و بداياتي في العزف كانت جيدة...أما الشماعة بتاعتي فهو الوالد ربنا يمتعه بالصحة و العافية...في الرسم لم تكن للوالد أي تعليقات أما في العزف....فكان الوالد زمان لما يجي داخل البيت يلقاني بعزف في الأورغ...و كنت وقتها بعزف نغمات معروفة يعني مش خرمجة...و النغمات المعروفة دي زاتها وصلت ليها بعد تعب شديد...الوالد يقول للجماعة على باب التريقة...ده منو يا جماعة ده الرشيد كتاحة و لا شنو..على وزن بدرالديت عجاج...أنا ما عارف ده كان استحسان و لا استهجان لكن طوالي أقوم أبطل ليك العزف و أمشي ألعب كورة...أها أنا شماعتي كان الوالد في حتة العزف دي....أما شماعتي في الرسم فما عارفة شنو...

جبريلا العايز أقولو ليك قلته...و أضف عليه البوست بتاعك فكرته جميلة جدا...من بعد الامتحانات بنقعد ليك الأولاد وراء الكمبيوتر و بنوريهم الدرب...عشان يطلع ابن الوز براااااي...

الريس معتصم جعفر...ما فهمت مطرررررر دي...أوعك بس تكون معتمد على لبابتي (من لبيب مش لبانة) ...لو كنت قاصد يوم كنت سايق تحت المطر معناها يا ريس انت آخر مرة دخلت هنا في زمن عبود...
Post: #2257
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 01-10-2010, 01:37 PM
Parent: #2254

مـسـاء الخـيـر......
الاخـوة والاخـوات الاعـزاء
الف مـبروك قدوم الزقـازيـقـيه امـورة عابـدين
و عـاجـل الـشـفـاء للاخ هـشـام الـفـحـل
الرحمه والمغفرة للزمـيـل الـمـرحـوم عـمـر عـزالـديـن عـلـي مـالـك ولاّله واسرته واصدقائه الصبر وحسن العزاء


الاخ / محمد عيد
Quote: معظم مشاركى البوست - وانا منهم - لم يتعرفوا او يتذكروا الراحل ..

نرجو ممن يتوفر لديه اى قدر معلوماتى عنه ان يشاركنا به .. حيث ان الاسم ليس غريبا على ّ ..

له الرحمة والغفران باذن الله





لـم اكـن اعـلـم ان الاخ عـمـرعـزالـديـن خـريـج عـلـوم الـزقـازيـق الا مـن خـلال مـداخـلـة زهـيـر الـزنـاتـي.
الاخ عـمـر تـربـطـنـا بـه و بـاسـرتـه الـكـريـمـه عـلاقـه طـيـبـه امـتـدت لـسـنـوات طـويـلـه حـيـث ان والـده الـفـريـق عـزالـديـن عـلـي مـالـك عـلـيـه رحـمـة الله كـان صديـق الـوالـد عـلـيـه رحـمـة الله فـامـتـدت صداقـتـهـما لـتـشـمـل الاســرتـيـن بـالاضافـه الـى انـتـمـائـهـمـا لـمديـنـة رفـاعـه.
الاخ عـمـر كان رجـلا هـاشـا بـاشـا
لـطـيـف الـمـعشـر حلو الـلـسـان
مـهـذب وخـلـوق و اجـتـمـاعـي
كـريم ومـسـامـح واخـو اخـوان
طـيـب الـقـلـب عـفـيف الـلـسـان كـثـيـر الاحـسـان
يـحـتـرمـه الـصغـيـر و يـحبه الـكـبـيـر
بـفـقـده فـقـدنـا اخـا عـزيـزا عـلـيـنـا و صديـقـا قـل ان يـوجـد مـثـلـه.
كـان الـعـزاء بـمنـزل الاســره بـالـريـاض شـارع الـمـشــتـل ، وشقيق الفقيد هو كابتن ابوبكر عزالدين


اللهم : يا حنان يا منان يا واسع الغفران اغفر له وارحمه وعافه واعف عنه , واكرم نزله ووسع مدخله ,واغسله بالماء والثلج والبرد ,ونقه من الذنوب والخطايا كما ينقى الثوب الابيض من الدنس
اللهم:ابدله دارا خيرا من داره ,واهلا خيرا من اهله ,وزوجا خيرا من زوجه ,وادخله الجنة واعفه من عذاب القبر ومن عذاب النار .
اللهم: عامله بما انت اهله ولا تعامله بما هو اهله .

اللهم: اجزه عن الاحسان احسانا وعن الاساءة عفوا وغفرانا .
اللهم: ان كان محسنا فزد فى حسناته ,وان كان مسيئا فتجاوز عن سيئاته يا رب العالمين .
اللهم:آنسه فى وحدته وآنسه فى وحشته وآنسه فى غربته .
اللهم: انزله منازل الصديقين والشهداء والصالحين وحسن اولئك رفيقا.
اللهم: اجعل قبره روضه من رياض الجنة ولا تجعله حفرة من حفر النيران .
اللهم: افسح له فى قبره مد بصره وافرش قبره من فراش الجنة .
اللهم : أعفه من عذاب القبر وجاف الارض عن جنبيه.
اللهم: انقله من مواطن الدود وضيق اللحود الى جنات الخلود .
( فى سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة وفرش مرفوعة) .

آمين ..آمين..آمين
Post: #2258
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-10-2010, 02:46 PM
Parent: #2257

نجـــم الاســــبوع : جمـــال بك السنوسى

وعلى قول الكوتش ... كفــر ووتــر ..!!


final_43106062262_jpg.gif Hosting at Sudaneseonline.com
Post: #2259
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-10-2010, 02:59 PM
Parent: #2257

الشــكر أجزله لاختنا مشاعر على تقديم هذه المعلومات عن الراحل عمر عز الدين على مالك

ونتوجه الى المولى عز وجــل ان يتغمده بواسع رحمته وكريم مغفرته ..

ونشارك الاخ / ابوبكر عز الدين والاسره العزاء ونسأله تعالى ان يلهمهم الصبر وحسن العزاء

وانا لله وانا اليه راجعون
Post: #2260
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-10-2010, 03:21 PM
Parent: #2259

يا شباب

Quote: اقتراح جميل يا شادي ..

التصميم جاهز
وفي انتظار ارباب الكلام الطاعم
يتحفونا بمقترح لكلمة أو خاطرة جميلة مختصرة ومعبرة
لإضافتها للتصميم في حدود سطرين أو ثلاثة ..
حتى أتمكن من إنزال التصميم كاملا ..


مودتي .....


بمناسبة انتهاء مراسيم توديع الضيف الاول للمنبر
الفنان يوسف الموصلي

كل واحد كلمتين حلوين هنا
عشان قدورة يبدع في التصميم ويختهم للموصلي
وتكتمل اللوحة ونرسلها ليهو انشاء الله
Post: #2261
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-10-2010, 03:22 PM
Parent: #2259

يا كمال الشادي كدي تابع معاي:
لمن تمشي تعمل رد
بيطلع ليك المربع دة:
Image1.png Hosting at Sudaneseonline.com




اها تقوم تبعظ محل تحميل صورة
بيقوم يطلع ليك المربع دة
Image2.png Hosting at Sudaneseonline.com


بعدهم تقوم تبعظ في الدائرة السوداء بيقوم يطلع ليك المربع دة:
Image3.png Hosting at Sudaneseonline.com

تقوم تمشي تختار الصور محل خاتيها في الجهاز
بعدها تعمل تحميل
وبعد تنتهي بيظهر ليك المربع دة
Image4.png Hosting at Sudaneseonline.com

اها تقوم تنسخ العنوان الختوه ليك وتقوم تلصقه في الرد العايز تعمله
Post: #2262
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-10-2010, 03:42 PM
Parent: #2261

التحايا الندية للجدعان
تعزينا في الفقيد عمر عبد العزيز رحمة الله رحمة واسعة
وادخلة فسيح جناته مع الصديقين والشهداء والهم آلة وذويه الصبر وحسن العزاء
والتعازي موصولة لاصدقاء ومعارف الفقيد
Post: #2263
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-10-2010, 03:48 PM
Parent: #2262

التحايا الندية
هدية للجميع نص اغنية مابخاف من شي للامي
تعجبني هذة الاغنية لجمال معانيها وارتباطها في ذهني
بصوت الرائع بادي محمد الطيب رحمه الله
محمد على عبد الله الامى



ما بخاف من شئ برضي خابر المقدر لا بد يكون
إن اتانى الهم جيشـــــــــه دافر
يلقى يا خلاي صبري وافــــر
يلقى عزمي التـــــــام ليه خافر يلقى قلبي شجاع ما جبون
بالعــــــــــدا معروف ما ببادر
ما بخون الجــــار مانى غادر
ما بقـــــــول للناس مثلى نادر بل بقول للخالق..... شئون
ما عصيت مولاي مانى فاجر
لا............ ولا بالعالم بتاجر
نفســــــي يا أحباب ليها زاجر لم أكون كل يوم لي لون
الثبــــات معروف لي معاصر
لو بقيـــــت في داخل معاصر
و الإلــــه غير شك لي ناصر رغم انف الواشي الخؤن
قول لشــــاهد الزور فيما ثائر
هــــــدى روعك قبل الخسائر
يا مــــــــا قبلك عميت بصائر من لساني ...وقولي الهتون
قول لأهـــل الجور والمساخر
مـــــــــــــافى أول ما ليه آخر
مــــــــــــابدوم العز والمفاخر وما بدوم الظل والحصون
عن لســــــان الحق مانى نافر
ومـا جحدت الخير مانى كافر
مـا ضمرت السوء مانى حافر للصديق هاويات السجون
Post: #2264
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 01-10-2010, 03:52 PM
Parent: #2261

sudansudansudansudan28.jpg Hosting at Sudaneseonline.com



الليله يا محمد عيد اكتشفت ليكم اكتشاف تاني لجمال السنوسي 000

شاااااااعر من الدرجة الاولى 000 يعني مش كفر ووتر بس 000

سبع صنايع والبخت ضايع 000

السنوسي اظهر وبان عليك الامان00


Quote: خــرافــة ... للزمن الهـناك !!

ويبقى صوتك زي خرافة

قالوها في الزمن البعيد

وحتى للزمن الهناك

في القوافي وفي المرافي

وفي المرابيع القديمة

زي ملامح أطفال بيغنوا

لمايفرحوا للهزيمة

وزي صدى أعياد أهلنا

وفي تحياتهم الحميمة

وزي بحر أتلاشى موجو

فوق رمال مسجية نايمة

اتوسدت اثر الجريمة

يبقى حبك إنهزام

وأنفصام

وكل لحظات الختام

لما تبدا بالعزيمة

ويبقى وعدك لي أرضنا

عطر مطرك

ولون خدارك

وباقي شمسك

وحتى قمرك

للنهايات العظيمة

...
..
.


جمال


والباقي يا محمد صديق بجيك في حوشك (لمن فاتهم الاستماع)
Post: #2265
Title: Re: ناس الزقازيق ... أجدع ناس ( 3 ) ..
Author: جمال السنوسي
Date: 01-10-2010, 04:11 PM
Parent: #2264

زملائي وزميلاتي العزاز

تحية عام جديد

وكل عام وانتم بخير

غايتو محمد عيد بالغت عديل كده ( دي بس غيرة منك)

وياسر نجيلة ( لسه الباقي كثير الما شفتو)

ويا الرشيد بابكر ( القصة بي صراحة رغبة واصرار ) وكمان الغربة دي بتعلمنا الكتير


ميسرة سيد احمد ريسنا وفارسنا

سعيد للتواصل الجميل وياريت نكون طوالي كده


عفاف ميرغني

شكرا على اللفتة الجميلة وما شاعر ولا حاجة بس مرات ( الجنية) بتكتب الكلام ده

متين وكيف ولي منو ما بعرف


وخليكم قراب

الجاي احلى
Post: #2266
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-10-2010, 04:40 PM
Parent: #2265



مرحبتيين جيمى .,.

وهلا بها الطلـــّة ...

عموما عندى ليك مفاجأة اكبر وحتعجبك شديد ..

بس ما باقدر انزلها هنا ...

راجع ايميلك باكر وشوفها ..!!
Post: #2267
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-10-2010, 07:11 PM
Parent: #2266

Quote: ويا الرشيد بابكر ( القصة بي صراحة رغبة واصرار ) وكمان الغربة دي بتعلمنا الكتير


جمال السنوسي سعيدين بطلتك علينا و ان شاء الله تكون بداية لتواصل لاينقطع...
عجبني والله جدا اصرارك على تعلم العزف...توفرت لدينا الرغبة من زمن طويل و لكننا لم نكن نملك أصرارك على التعلم فلم نتعلم...انت من القلائل الذين حولو احباطات الغربة الى شئ مفيد...

الى الأمام يا صديقي .....
Post: #2268
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-10-2010, 10:08 PM
Parent: #2267

مساء الخيرات عليكم عشيرة الجدعان ...
Post: #2269
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-10-2010, 10:18 PM
Parent: #2268

شغلك نضيف يا قدورة والله
الله يديك الصحة والعافية
واستاذنا الموصلي يستاهل الكثير
Post: #2270
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-10-2010, 10:20 PM
Parent: #2268

وده خيار تاني ..
Post: #2271
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-11-2010, 06:22 AM
Parent: #2270

ودي برضو ..
Post: #2272
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-11-2010, 07:14 AM
Parent: #2271

دى الشمس لو طال غيابا ...
ما بتقصد تابا تطلع ....
بس بتتأخر شوية ....
والبيغشى الصيف ديارم ....
ما بيبس كل خدارم .....
برضو راح تغشاهو نسمة ....
وتصبح الاوراق ندية .....
والخريف بفوت وبرجع والنسايم موسمية ....


يديك العافية يا قدورة

التصميم رقم 2 انا شايفو اجمل

،،،

يا جبريلا الدرس التانى فى الصور بالنسبة لكمال الشادى هو كيف يصغر
الصور اللفى جهازو علشان يقدر يحملها ،، يتخيل لى مشكلتو فى الحتة دى

علشان صور البروفايل بيختلف مقاسها من صورة المنبر وكلام دراب دراب ذى ده
اقول حاجة يا كمال بالتلفون احسن ليك ،،
Post: #2273
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-11-2010, 07:26 AM
Parent: #2272

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات الصباح :

لا اله إلا الله الحليم الكريم
لا اله إلا الله العلى العظيم
لا اله إلا الله رب السموات السبع
ورب العرش العظيم.
Post: #2274
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-11-2010, 08:34 AM
Parent: #2273

بسم الله الرحمن الرحيم
السلام عليكم..يا ناس
Quote: لا اله إلا الله الحليم الكريم
لا اله إلا الله العلى العظيم
لا اله إلا الله رب السموات السبع
ورب العرش العظيم.
Post: #2275
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-11-2010, 10:27 AM
Parent: #2274

الفنان قدوره شكراً على الإبداع والخاص

بتقديم شهادة شكر وتقدير ،،،،،،،،

الفكرة حلوه وجميلة ،،

لو تمت صياغة عبارات للترحيب
والإيحاء بإنها شهادة تقدير
وكذلك لو تم تفتيح صورة الموصلي
بتكون أحلى .

والتصاميم الثلاثة جميلة لك حق الإختيار

لك مني كل الود
Post: #2276
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-11-2010, 10:44 AM
Parent: #2275

قدورة
الريس ميسرة


رأيكم شنو الفكرة تكون إننا نفتح بوست في المنبر العام بتاع بكري
وتكون عبارة عن تصاميم مختلفة لصور الموصلي
وكل تصميم بكلمات من احد اغانية
يعني نجمع حوالي 20 تصميم
وننزلها في بوست واحد بإسم ناس الزقازيق يشكرون الموصلي
وكمان ممكن ننزل نفس البوست عندنا في حوش ناس الزقازيق يعني نفس البوست في مكانين

رأيكم شنو
Post: #2277
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-11-2010, 11:03 AM
Parent: #2276

لكم التحايا...
Post: #2278
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-11-2010, 11:27 AM
Parent: #2276

Quote: رأيكم شنو

لو قامو ناس الحلة زرعو الشوارع
و كل زول في بيتو شتلة
يصبح ربيع و وارف
رأيكم شنو؟؟؟
Post: #2279
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-11-2010, 12:03 PM
Parent: #2278

عجبتني هذه الدراسة وأسجلها هنا للفائدة - رأيكم شنو؟

[ فائدته فى رائحته.. البرتقال علاج فعال ] طب وصحة

تناول كوب من عصير البرتقال فى الصباح، أو ثمرة برتقال واحدة،
يساعد فى علاج الكثير من الأمراض. أما عن فوائد البرتقال، فهناك
قائمة طويلة. وقد اوضحت دراسة أسترالية ان تناول حبة برتقال يومياً
يسهم فى تجنب الإصابة بكثير من الأمراض.

فالبرتقال غنى بالماء المقطر والسكر والفيتامين والأملاح القلوية Alkaline
التى تحافظ على شباب الخلايا، وهو مانع للأكسدة نظراً لاحتوائه على مادة " البيوفلافونيد"
التى تطهر الجسم من " الشوارد الحرة " ولذا ينصح بإطعامه للمرضى.

وكشفت دراسة عن وجود مركب فى قشور الحمضيات يؤدى إلى خفض الكوليسترول بكفاءة
أكثر من بعض العقاقير المخصصة لهذه الغاية، فثمرة البرتقال مفيدة فى تنشيط الدورة
الدموية، وتعمل على زيادة امتصاص الحديد، مما يؤدى إلى رفع معدل مستوى الحديد فى الدم.
ويساعد البرتقال فى زيادة النشاط والحيوية، ويعتبر علاجاً فعالاً فى حالة الرشح والأنفلونزا.

الدكتورة سهى نور الدين، استشارية امراض الكبد والجهاز الهضمى بالقصر العينى، تؤكد أن
البرتقال يعتبر علاجاً بديلاً بعيداً عن الأقراص والعمليات الجراحية لكثير من الأمراض، فهو يساعد
فى تخفيف التوتر والضغط العصبى المصاحب للعمل وظروف الحياة العصرية.

وتوصلت دراسة حديثة إلى أن تناول نصف كوب من الربتقال كل صباح يساعد فى الوقاية
من السكتة الدماغية، فضلاً عن دوره المعروف فى المحافظة على صحة وسلامة القلب وتخفيف
ضغط الدم، كونه مصدراً مثالياً للكاليسوم والبوتاسيوم، وقد أشار باحثو معهد بحوث الصحة
العامة بفنلندا إلى أن الآثار الوقائية لعصير البرتقال تعود إلى غناه بفيتامين (سى)
الذى يعتبر من أقوى مضادات الأكسدة التى تخلص الجسم من السموم والجزيئات الضارة المؤذية
للخلايا.

وأظهرت الدراسة الجديدة ان عدم الحصول على كميات كافية من فيتامين (سى) من الغذاء
يزيد من خطر الإصابة بالسكتة الدماغية، خاصة بين الرجال المصابين بارتفاع ضغط الدم
أو ممن يعانون من البدانة.

ووجد العلماء فى دراستهم التى شملت 2419 رجلاً أن خطر الإصابة بالسكتة الدماغية يزداد
إلى أكثر من الضعف عند الأشخاص الذين تنخفض عندهم مستويات فيتامين (سى)، وكان علماء
أمريكيون قد اكتشفوا أن شرب كوبين من عصير البرتقال يومياً لمدة ستة أسابيع يساعد فى
خفض ضغط الدم الانقباضى بحوالى 10 ملليمترات زئبق، ووجد العلماء ان البرتقال يقى من
الحصيات الصفراوية التى تتجمع فى كيس بين الكبد والأمعاء الدقيقة.

وتنتج عن نوعية الأطعمة التى يتناولها الإنسان، حيث يساعد عصير البرتقال على تقليل مخاطر
هذه الحصيات ويمنع تشكلها بطريقة تحلل الكوليسترول إلى المادة الصفراوية.

وبدراسة المركب تبين عدم وجود أية أضرار جانبية كتلك التى تنتج عن استخدام العقاقير
التقليدية، مثل أمراض الكبد وضعف العضلات.

مكافحة سرطان الفم
وتضيف الدكتورة سهى ان الدراسات أظهرت أيضا ان للمواد الكربوهيدراتية الموجودة فى قشور
البرتقال تأثيرات صحية عظيمة، فمركب " البكتين " مثلاً غير القابل للهضم يملك خصائص حيوية
مميزة حيث يشجع نمو البكتريا المفيدة فى الأمعاء الغليظة التى تمنع بدورها الإصابات الإنتانية والمعوية.

وأثبتت الدراسة أن تناول الحمضيات بشكل يومى يساهم فى مكافحة سرطان الفم والحنجرة بالإضافة
إلى سرطان المعدة.

تهدئة الأعصاب
واكتشف بعض العلماء الأوروبيين حديثاً فائدة جديدة للبرتقال تتمثل فى رائحته التى تساعد
على تهدئة اعصاب المرضى قبل بدء الكشف عليهم أو خلال عملية الكشف نفسها، فقد تم إجراء
بعض الدراسات والفحوص على المرضى الذين يشعرون بالقلق قبل دخولهم إلى طبيب الأسنان خوفاً
من خلع الضرس والآلام التى تعقب ذلك، حيث تبين أن النساء أكثر تأثراً برائحة البرتقال من الرجال.

وفى إحدى العيادات الخاصة فوجىء المرضى الجالسون فى غرفة الانتظار برائحة البرتقال تملأ
المكان، وبعد إجراء عملية الكشف تم توجيه سؤال للمرضى حول تأثير ذلك عليهم أثناء عملية
الكشف، وجاءت النتيجة أن اكثر الناس أعربوا عن شعورهم براحة نفسية، وهدوء أعصاب قبل الدخول
إلى الطبيب، خاصة النساء، وقد قام هؤلاء العلماء وهم من أصل نمساوى بنشر تلك الدراسة ونتائجها
فى إحدى الصحف الألمانية، وبعد نشرها بفترة بسيطة لوحظ أن رائحة البرتقال بدات تنتشر فى العديد
من العيادات الخاصة بأطباء الأسنان.

قشر البرتقال قاتل الجراثيم!
توصل باحثون أمريكيون فى مركز الخدمات الزراعية الأمريكية، إلى أن قشر البرتقال يعتبر مصدراً غذائياً غنياً بمواد كربوهيدراتية ذات خصائص صحية، تفيد فى منع نمو الجراثيم الضارة الموجودة بالغذاء.

وقد قام الباحثون بتطبيق استخدام مركب البكتين فى المنتجات الغذائية وعلف الحيوانات، حيث يستخدم كمادة صلبة لتثبيت منتجات الألبان ومنع الجراثيم من الارتباط والالتصاق بالأمعاء.
Maktoob
Post: #2280
Title: Re: ناس الزقازيق ... أجدع ناس ( 3 ) ..
Author: جمال السنوسي
Date: 01-11-2010, 02:32 PM
Parent: #2279

صور من حفلة جدة الاخيرة

adam6.JPG Hosting at Sudaneseonline.com


ميسرة وامورته وجمال

adam7.JPG Hosting at Sudaneseonline.com

زقازيقيين موديل2010
Post: #2281
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 01-11-2010, 03:08 PM
Parent: #2280

تحيات وسلام لاجدع ناس ...تسجيل حضور
Post: #2282
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-11-2010, 05:22 PM
Parent: #2281

مساكم الله بالخير

أنا ذاتي تسجيل حضور و متابعة...

أبو الزوز وين البوست....

الريس معتصم جعفر....أنا ذاتي مطررررررررر....
Post: #2283
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-11-2010, 07:57 PM
Parent: #2282

سلامات يا ناس

Quote: مساكم الله بالخير

أنا ذاتي تسجيل حضور و متابعة...

أبو الزوز وين البوست....

الريس معتصم جعفر....أنا ذاتي مطررررررررر....


وانا كمان.
Post: #2284
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-12-2010, 06:04 AM
Parent: #2283

صباح الهناء والسرور ...
اصبحنا واصبح الملك لله ...
Post: #2285
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-12-2010, 06:28 AM
Parent: #2284

صور "قيافة جدا" يا ريس ميسرة وجمال
زاقازيقاب 2010 عينا باردة ...


شوية بسمات مصرية برضو 2010

186.jpg Hosting at Sudaneseonline.com


187.jpg Hosting at Sudaneseonline.com



188.jpg Hosting at Sudaneseonline.com


189.jpg Hosting at Sudaneseonline.com
Post: #2286
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-12-2010, 07:37 AM
Parent: #2285

صباح الخير ،،، يا وجوه الخير

اصبحنا وأصبح الملك لله،،،وحده

اللهم إني أسألك العافيه،،

في الدنيا ،،،
والآخره،،،،
Post: #2287
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-12-2010, 09:17 AM
Parent: #2286

بسم الله الرحمن الرحيم
السلام عليكم يا ناس
قلنا نعمل حكاية البادي
من دقنو و افتلو
Quote: صباح الخير ،،، يا وجوه الخير

اصبحنا وأصبح الملك لله،،،وحده

اللهم إني أسألك العافيه،،

في الدنيا ،،،
والآخره،،،،
Post: #2288
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-12-2010, 10:17 AM
Parent: #2287

تحياتى ليكم
انا جيت راجع
لسه فى مرحلة وزن البلوف
وضبط الساعة البيولوجية
عايز مفتاح خمستاشر
واحتمال كمان مفتاح انجليزى
ومفك نجمة , وزردية ستانلسستيل
مشتاق ليكم
Post: #2289
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-12-2010, 11:01 AM
Parent: #2288

Quote: تحياتى ليكم
انا جيت راجع


الف حمدا لله على السلامة ياحبيب
والف مبروك وبيت مال وعيال ربنا يسعدهم ان شاء الله

عودا حميدا
Post: #2290
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-12-2010, 12:30 PM
Parent: #2289

منص الحبيب ...

حمدا" لله على عودتك والاسره بالسلامة ...

وانشاء الله تكونوا قضيتوا ايامات جميلة مع الاهل والاحباب ...

كلنا فى انتظار تجلياتك وتداعياتك حول رحلة الـ7 أيام .

بس برضو انحنا كاتلنا الشــمار حق الجريــة بتاعتك بعد أكلة الســمك ..!!

تعال وفت الموضوع هنــا قبل ما نتصرف ونجيب تقارير من اجهزة العمل السرى بالداخل ..!!
Post: #2291
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-12-2010, 12:43 PM
Parent: #2290

ده كلو هين يا منص

بس ما تكون عايز سلفية

حمد الله بالسلامة
Post: #2292
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-12-2010, 12:48 PM
Parent: #2291

اخوتى بالداخل ...

نرجو تأكيد الخبر الآتى ..


http:// أحسن الله عزاءك والأسرة أخي النصري أمين في وفاة العم ياسين النصري


وهل الراحل هو والد زميلتنا ايمان ياسين النصرى ( زراعة 87 ) ؟

وصهر رجل الاعمال وزميلنا سيف كركساوى ( زراعة 83) ؟
Post: #2293
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-12-2010, 12:54 PM
Parent: #2291

العزيز منصور
حمد الله الف علي السلامة وعودا حميدا مستطاب
وربنا يديم الافراح وامنيات بالسعادة للعرسان
وبقول ليك ربنا يديم عليك نعمة القبول لدي الجميع
لما اتصفت به من صفاء وروح طيبة
ولو تذكر سكنا جيران في منشية السادات
جوار مسجد الشرقاوي ومعي الاخوان مجدي فواد
وممدوح عزمي فلهم ولك التحية
Post: #2294
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-12-2010, 01:58 PM
Parent: #2293

Quote: عايز مفتاح خمستاشر
واحتمال كمان مفتاح انجليزى
ومفك نجمة , وزردية ستانلسستيل
مشتاق ليكم


أبشر كل العده جاهزة

بس مشتاقين أكثر منك

بل ريقنا شوية .
Post: #2295
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2010, 04:46 PM
Parent: #2294



عزيزنا منصور والعائلة الكريمة الف حمد الله على السلامة

أسعدتوا الراجل الله يجعل اياكم وايامنا كلها سعادة ومسرة

منتظرين نشرة عن الأخبار الداخلية بالطريقة المنصورية.
Post: #2296
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-12-2010, 06:11 PM
Parent: #2295

مساكم الله بالخير

منص بركة الوصلت انت و الأسرة بالسلامة
أمبارح ضربت ليك تلفون قلت أشوفك كيف وصلت..
تلفونك أو قصدي جوالك قال لي انو مقفول..
بيني و بينك قلقت...علي الجوال
جيت البوست هنا قلت ألقى لي معلومة هنا و لا هنا
مافي أخبار Updated ...كل الأخبار قديمة..
قلت أكتب أقول يا جماعة أخبار منصور شنو..
بعدين قلت مافي داعي للشلاقة...
الناس دي بتقلق ساكت...
أها اليوم جيت لقيت زرديتك و مفكك النجمة..
اطمأنيت عليك....


يعيش المفك النجمة....
Post: #2297
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-13-2010, 06:15 AM
Parent: #2296

صباح الهناء والسرور ...
يا حاج جلا صباحاتك حلوة ...
منصور حمدا لله على سلامة الحضور...
من الاقوال الماثورة :
تغدا وتمدا ...
افطر واجري (جكة) ...
Post: #2298
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-13-2010, 06:30 AM
Parent: #2297

أصبحنا وأصبح الملك لله رب العالمين

اللهم آتنا في الدنيا حسنة وفي الآخرة

حسنة وقنا عذاب النار ياعزيز ياغفار

ونسألك اللهم أن تزيدنا إلفة ومحبة

آمين يارب العالمين
Post: #2299
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-13-2010, 06:31 AM
Parent: #2297

ألف حمدلله على السلامة ...
وبيت مال وعيال ...
عدة "العمرة" جاهزة يامنصور ...
بس حاسب من "السلفية" كما قال ولدنا النضيف
Post: #2300
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-13-2010, 06:40 AM
Parent: #2299

صباح الخير ،،، يا وجوه الخير،،

أصبحنا وأصبح الملك لله،،،وحده

نسمات الصباح :

ربنا عليك توكلنا،،،

وإليك أنبنا،،،،،

وإليك المصير،،،
Post: #2301
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-13-2010, 06:46 AM
Parent: #2299

بسم الله الرحمن الرحيم
السلام عليكم
Quote: أصبحنا وأصبح الملك لله رب العالمين

اللهم آتنا في الدنيا حسنة وفي الآخرة

حسنة وقنا عذاب النار ياعزيز ياغفار

ونسألك اللهم أن تزيدنا إلفة ومحبة

آمين يارب العالمين
Post: #2302
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-13-2010, 07:39 AM
Parent: #2301

صباحاتكم نديه ومداخلاتكم بهية

أحب أن أنبه جميع المتداخلين فيما يخص
بوست شخصيات وعائلات زقازيقية من الزمن الجميل

سوف تكون الشخصية القادمة هي أخونا الكبير صاحب المقام
الرفيع الريس معتصم سليمان جعفر ، ويتم تنزيل جميع الـ DATA
الخاصة مع بعض الصور والذكريات ويوضع الريس معتصم للأسئلة المباشرة
ويتحملنا الريس شويه لأن الأسئلة سوف تكون سخنه ومولعة في جميع القضايا
من كل الناس (نظام كرسي ساخن) يبدأ بوست معتصم إبتداءً من يوم السبت القادم
16يناير 2010م.

كما أتعهد لكم المرة القادمة عمل لقاء مباشر مع شخصية زقازيقية مختفية تماماً.
Post: #2303
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-13-2010, 07:45 AM
Parent: #2301

صباح النور ... عليك يا زهور

وزهور هنا مجازية ويمكن حصرها فى زهرات البوست من ينات الشيوخ واشبالهن

حيث - لا يفوت على فطنة القارىء - انه لا يمكننا سوى الاقرار بذلك واعلانه على رؤوس الأشهاد ..!!

وفى نفس الوقت لا يمكن تعميم هذا الوصف على جميع مشاركى من الرجال واعضاء البوست لاعتبارات

كثيرة لعل أهمها ان معيار العمر لا يتناسب واطلاق هذا الوصف .. ناهيك عن ان الغالبية أصلا

تفاخر بأنها كانت ومازالت تنضوى تحت لواء حزب الخناشير ..!!

ولا يعنى هذا الحديث بأى حال من الاحوال اننى أشير من بعيد او قريب لاخوتنا الآخرين فى حزب

الحناكيش .

* أصبحنا واصبح الملك لله لا اله الا الله وحده لاشريك له ، له الملك وله الحمد وهو

على كل شىء قدير .

ما عارف الكلام الخارم بارم الفوق ده كتبتوا لى شنو ؟؟ لكن غايتو ده الكيبورد ..

أسألوووه ؟! !!!
Post: #2304
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-13-2010, 07:58 AM
Parent: #2303

Quote: اخوتى بالداخل ...

نرجو تأكيد الخبر الآتى ..


http:// أحسن الله عزاءك والأسرة أخي النصري أمين في وفاة العم ياسين النصري


وهل الراحل هو والد زميلتنا ايمان ياسين النصرى ( زراعة 87 ) ؟

وصهر رجل الاعمال وزميلنا سيف كركساوى ( زراعة 83) ؟



نااااس الداخل ... وين انتو ..؟

وجهنا هذا التساؤل يوم أمس ولم نجد منكم ردا" ...

يقال - والعهده على الراوى - ان حبيبنا زهير ومن لف لفه

مشــغولون الآن بترتيب ترشيحات رئاسة الجمهورية بعد ان تنازل المشير عن رتبته

واعلن ترشيحه ..!!1

والمشاورات جارية لتفجير مفاجأة التسجيلات - آسف اقصد الانتخابات

واعلان اسم مرشح الزقازيقاب لرئاسة الجمهورية ..!!

وهناك حديث آخر بانشغال زهير والجماعة بمتابعة تحليق طائرة الدافى ..

والجرى بكاميراتهم بحثا عن المطار الذى ستحط رحالها فيه ..!!!
Post: #2305
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-13-2010, 10:54 AM
Parent: #2304

صباحاتكم ندية يا احباب
Post: #2306
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-13-2010, 11:01 AM
Parent: #2304

صباحاتكم بيض
بيض جاية من اللون
ما عندها علاقة بالمح والصفار
يا محمد عيد
الله يسلم عمرك يا جلال اخوى
بالحيل وصلت و لكن عفشى لسه ما وصل
عارف نحن فى الرجعة
العفش ما بنجيبوا معانا صحبة راكب
لأنو الكيلو الأيام دى بقى بى ستة وعشرين ريال نسأل الله السلامة
عشان كده بنشحنو كارقو
ولمن يصل , نفحصو ونقول ليكم يا الرشيد ويا موسى عيسى
ولا يخفى على فطنة القارىء يا محمد عيد
انو الجكة الأبتدت فى خور ابو عنجة , جنب عوضية بتاعت السمك
انتهت امبارح فى حى الخالدية فى الرياض
لمن نفسنا انقطع ياخ
عشان كده السلفية واجبة يا نضيف
ورقم الحساب فى البروفايل
بدل رقم التلفون طبعا , خليك عملى
ويا عمر المهدى , منك طولنا طول
وكان على ما بخاف من شىء برضى خابر
بتاعت الأمى الغناها وجضمها بادى محمد الطيب
فقد نقلناها وحفظناها فى مكان نحبه
كتر خيرك على السؤال مرة , وعلى الدرة دى الاف المرات , فأنا كنت كايس ليها زمن
اما انت يا ريس
فخلى بالك من العدة , وخاصة التلفون , مع انى عارف انك ما عندكش تليفون
بس انت حا تغالط الحكومة ؟؟!!
ويا احمد اسماعيل , نشرة الأخبار محمداك قريب
خليك فاتح (خرتوش الموية )
ونصيحتى ليك ختو فى الشجرة القدام البيت
لأنو نحن كان اتدفقنا
غير الواطة دى ما بتلمنا
اتابع مجهودك التثقيفى المنتظم وازدرده ازدرادا , وابلعه مرة بى موية ساكت , ومرات بى بربيكان نكهة الرمان عشان الكولسترول وكده
تحياتى ليك , عمر كيف مع اخوانو ؟؟؟
الرشيد بابكر
الجوالات بتتقفل براها وكت الجرية
وحاتك لا قفلتوا ولا حاجة
ثم انى معنديش تلفون عشان اقفلوا
هو جمال فارح خلا لينا رصيد عشان نتكلم بيهو ؟؟
البادى النور
مريت عليك وما لقيتك
حين جرية
وذات جكة
وحيث انى مارى بى شارع عبيد ختم
جنب جامعة افريقيا العالمية
تراءى لى فيما يرى (الجارى والجاكى والمهرول )
ان فى ذلك الشارع الواسع
شركة التركترات السودانية
استمة داؤؤد وكده
بس انت كنت جارى فى الأتجاه المعاكس
قدر ما جريت وراك
لغاية لفة جوبا
ما لقيتك
فى النهاية دخلت بيت ناس الرشيد
جقمت لى مويات باردات
وعدت راجعا الى فولى وسمكى
الواحد كان عايز ليهو تراكتور ماسى فيرجسون
بس انتو ما عارف مكاتبكم دى ما بتقعدوا فيها مالكم ؟؟
ياسر نجيلة
يا خ انا بحبك حب
لأنك راجل منظم وبتأخذ اذن قبل ما تعمل اى حاجة
انا برضو عندى نفس النظام
انا هسى قلت ليهم عن اذنكم اكتب لى خمسة وعشرين سطر
كدى عدهم لى عليك الله
كان زادو
خلينا النجك جكتنا
الوصلتنا من عوضية بتاعت السمك
لغاية ست الريد بتاعت الكوارع
زى بساط الريح
وبالرغم من السرعة الهائلة دى
برضو تلقى ناس زهير والكوتش واسامة خضر ومبارك جادين وجمال فارح وشريف حقوق ونادر فاروق قدامك
نحنا راكبين بساط الريح
الجماعة ديل جابو (البراق ) ده من وين
قدر ما تجرى , برضو تلقى ناس سبقوك
ولله فى (جكة خلقه شئون )
رصيد السطور بتاعنا خلص
نجيب لينا رصيد تانى ونجيكم راجعين يا نجيلة
Post: #2307
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-13-2010, 12:20 PM
Parent: #2306

سلامات يا ناس

السؤال الثالث:

اذكر بالتفصيل اسباب الجكة الشهيرة

بشارع الموردة ..
Post: #2308
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-13-2010, 12:34 PM
Parent: #2307

Quote: الوصلتنا من عوضية بتاعت السمك
لغاية ست الريد بتاعت الكوارع


بالاضافة لي طلب الكوتش...

أذكر لينا بالتفصيل انت كنت مع منو...

25 سطر يا مفتري...و ده حالتك بي زردية و مفك نجمة...

لو دخلت الوكالة كان لحقت انطلوجية فافي....

المرة الجاية أنفض الغبار ساكت و تعال...

اذا كنت أنا فاضي بالليل و بقرأ كل ده...

الكوتش ده ذنبه شنو... الواحد ما يرتاح معاكم...
Post: #2309
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 07:24 PM
Parent: #2308

اففففففففففففففف لاحولة ولاقوة الا بالله لزمنا الصبر
زفرة حارقه اخرجتها بعد ان دخت السبعه دوخات باحد المكاتب
لاقضى بعض المصالح اطلع سلم وارجع تانى واطلع تالت000 لا هو ما
كده والمفروض تعمل كده وزول عارف حاجه مافى حتى تشعر بالحسره
ولاتملك الا هذه الاف الساخنه علها تمنع جلطه او سكته كانت فى
الطريق
مالك يا خال زهجان قالها بادب جم واجلسنى باقرب مكتب مع
كوب ماء بارد وودعنى معتزرا بعد ان قام بالمطلوب!!!!
لم انطق بكلمة واحده سوى سؤالى المباغت
انت قريت فى الزقازيق 0
======================================
Post: #2310
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-13-2010, 08:57 PM
Parent: #2309

Quote: لم انطق بكلمة واحده سوى سؤالى المباغت
انت قريت فى الزقازيق 0


و قال ليك شنو يا ريس؟؟؟
Post: #2311
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-13-2010, 09:48 PM
Parent: #2310

سؤال راقي يا ريس
Quote: انت قريت فى الزقازيق

وفي محله
وثق تماما وين ما تروح جوه السودان أو براهو
لمن يلاقيك ويعاملك برقي
يا قرأ في الزقازيق
يا ليهو قريب أثر فيهو لمن خلاهو راقي في تعاملو
وبرضو يعتبر من آآآآآدنيييا
كمايقول عبد الدائم ويقصد من عندنا
لك الحب يا ريس
Post: #2312
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-13-2010, 09:54 PM
Parent: #2311

سلامات يا ناس

Quote: اففففففففففففففف لاحولة ولاقوة الا بالله لزمنا الصبر


منوّر يا ريس.
Post: #2313
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 09:55 PM
Parent: #2310

رشيد القوم الزول رغم ادبو وروعتو طلع ما زقازيقابى
ولكنه السودان هكذا دوما ملئ بابنائه الافاضل وتبقى الصور المعكوسه
نقاط سود على قميص ابيض لايزيلها التايد او اريال ولكنها قيم يجب
ان نحرص على زراعتها فى اولادنا منذ الصغر عل وعسى ان يكون
غدهم افضل.
Post: #2314
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 09:56 PM
Parent: #2310

مرحب حباب الكمندان
متين تروق وتصفى
Post: #2315
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 10:26 PM
Parent: #2314

العزيز الشادى
حبى واشواقى
بمناسبة سؤالك عن محمد الفاضل اهديك الصوره وتلفونو هو00249912905974
256.jpg Hosting at Sudaneseonline.com
Post: #2316
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 10:34 PM
Parent: #2315
Post: #2317
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-13-2010, 10:49 PM
Parent: #2316

يا سلام علي الصورة يا ريس...

صورة جميلة و الله ...

بالله يا ريس أرجع نزل لينا الصور تاني زي ما كنت بتعمل زمان...

أين د.منى عوض...البيطرية الرائعة...

آخر مرة التقيتها كان قبل ما يزيد عن الخمسة عشر عاما...
Post: #2318
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-13-2010, 11:00 PM
Parent: #2317

منى عوض كانت تعمل بالبيطرى حلة كوكو ثم اختفت
اهديك صورة اخونا مكى والاخت عزيزه
257.jpg Hosting at Sudaneseonline.com
Post: #2319
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-14-2010, 05:59 AM
Parent: #2318

Quote: ياسر نجيلة
يا خ انا بحبك حب
لأنك راجل منظم وبتأخذ اذن قبل ما تعمل اى حاجة
انا برضو عندى نفس النظام
انا هسى قلت ليهم عن اذنكم اكتب لى خمسة وعشرين سطر





تسلم يا عم منصور ... دي الرجالة ولا بلاش ...
والرجالة بتاعت الشادي والزناتي .... تطير ...
Post: #2320
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-14-2010, 07:06 AM
Parent: #2319

بسم الله أصبحنا و أصبح الملك لله
اللهم اهدنا واهد بنا
وتوفنا مسلمين
اللهم آمين
Quote: ياسر نجيلة
يا خ انا بحبك حب
لأنك راجل منظم وبتأخذ اذن قبل ما تعمل اى حاجة
انا برضو عندى نفس النظام

لاحول ولا قوة إلا بالله
نقول شنومع ناس ديلا
Quote: تسلم يا عم منصور ... دي الرجالة ولا بلاش ...
والرجالة بتاعت الشادي والزناتي .... تطير ...

الغريبة منصور طلع عمك ...
لكن داير أعرف!!!
الريس ميسرة و لدنا
و كمان الريس معتصم ولدنا
دي تجي إزاي يا موسى عيسى
هس أنا سألتك يا جلال؟؟؟
عالم جبانات بشكل
Post: #2321
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-14-2010, 08:43 AM
Parent: #2320

Quote: الغريبة منصور طلع عمك ...
لكن داير أعرف!!!
الريس ميسرة و لدنا
و كمان الريس معتصم ولدنا
دي تجي إزاي يا موسى عيسى
هس أنا سألتك يا جلال؟؟؟
عالم جبانات بشكل


يا فضيلة الشيخ .. اب كيلون

ياخى بالله الناس تدلع بعضها شوية .. انت ما شايف الريس معتصم امبارح

امس جاااى مســـخن وصارّى ومحبط كيف لو ما كباية الموية الباردة بتاعت

شبيه الزقازيقاب داك ؟

المهم دايرنك لمهمة سرية ...

الزول الاسمو زهير ده انا مقلق منو ...

يخيل لى انو نايم ليهو فوق رأى

دايرين نعرف بيعمل فى شنو ؟؟

وأهم شىء انو ما يكون مبارى عرابو صلاح ادريس ده ..!

التقارير ممكن ترسلها لعناية ريس الداخل او الخارج

وبالعدم ممكن ترسلها لى عادل الجعلى ...!!
Post: #2322
Title: Re: ناس الزقازيق ... أجدع ناس ( 3 ) ..
Author: مدثر أبا يزيد
Date: 01-14-2010, 08:46 AM
Parent: #2320

سلامات للجميع

قال رسول الله صلى الله عليه وسلم :
(أسوأ الناس سرقة الذي يسرق من صلاته )
قالوا: يا رسول الله : وكيف يسرق من صلاته ؟
قال:(لا يتم ركوعها ولا سجودها )
رواه أحمد

[الهم أجعل خير عمري آخره ،
وخير أعمالي خواتمها ،
وخير أيامي يوم ألقاك.
Post: #2323
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 08:54 AM
Parent: #2320

انتو طبعا جارين للجكة
حارقاكم ومقومة ليكم الكيوريزتى الكتلت الكديسة
انا ما حا ابرد ليكم بطنكم دى بالساهل
وحا اخلى كديستكم ميتة وتشبع موت
وحا اخلى فضولكم فى اعلى درجاته
يتبارى فى درجة حرارته العالية مع درجة حرارة الكديسة الميتة لغاية ما تعرفوا حاجة
انا لى يومين بذاكر فى الكتبتوهو وانا غائب
يا اولاد اللذينا
جضمتوا النضمى جضيم
وبقيتوا تتجدعوا كمان
بوست ومنبر
مربع كاى ولمن فاتهم الأستماع
شركة قابضة وصور شفع وملائكة وما عارف شنو
زيارات ميدانية وعادل الجعلى وجاييكم معتصم جعفر
جبتوا لينا الموصلى وبعد يومين نصار الحاج
شعر وغناء ونثر وموسيقى وصور
اصفر احمر زى شفق المغارب
اعياد زواج وراس سنة وشرابات وميرندا ولمياء ادريس
اقرن اكحل ابهج ادج
مقرون حواجب
وفوق ده كلو
عبد الحفيظ عباس رجع
كلامك شنو يا كمال الشادى
جاك محامى وعنده تجربة استثمارية
نايمة معاكم نوم يا ناس الزقازيق
Post: #2324
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 09:12 AM
Parent: #2323

صديقى عامر
سافر معى على نفس الطائرة الى الخرطوم
لحضور زواج ابنة اخته نفس يوم السفر
اتفقنا على ذلك وزاد عامر فى الكلام
كلم مرتك الخشمها خفيف دى ما تكلم اى زول انى مسافر معاكم
لغاية ما تنزل المطار وتصلوا البيت ويستقبلوكم ويزغردوا ليكم , اوعكم تجيبوا سيرتى
عامر متزوج مرتين
عندو اتنين بنات شيوخ يعنى
امانى قالت ليهو هو الشغال بيك منو كان سافرت ولا ما سافرت ؟؟!!
عامر قال لى اها انا وصلت ليك امانى درجة الزعل الأنا عاوزها عشان ما تكلم زول ضمااااااااان
الأنتو ما عارفينو
انو اخطر مصدر لتسريب معلومات سفر عامر الهو خايف عليها
هو عامر نفسه
استلم عامر شنطنا بتاعت السفر من عصر اليوم السابق
آل ايه , عشان نحن نجى بى راحتنا
اول ما وصلنا المطار
لقينا الناس المودعين عامر
زى كم وعشرين كده
امانى شبعت فيهو ضحك
وقالت ليهو
ده حالتو ما عايز تكلم زول
من جهتى انا
قلت ليهو , انا لو عايز اتفوق عليك فى مجال نشر الخبر واذاعته
ما عندى الا حل واحد
الا وهو , ميكرفون الجامع الجنبنا فى صلاة المغرب
باعتبارها الصلاة الأولى لينا فى السودان الشقيق
ده طبعا بعد ما خططنا انو هو حايمشى اول لى بيت مرتو الأولى لأنو عنده مفتاح البيت معاهو
والعقد بتاع بت اخته فى الصحافة
وهو ما جاى العقد
جاى الحفلة الفى نادى الكشافة بالليل طوالى
وانت يا منصور باعتبارك حا تحضر العقد فى الصحافة
تركز على مسألة انى كنت جاى لكن امورى اتعثرت فى اللحظات الأخيرة
فكانت فذلكة اذاعة الخبر فى ميكرفون الجامع بعد الصلاة مباشرة
الصادرة منى اعلاه
هى اعلى درجات السخرية من محاولات اخفاء وتخفى
اعدى اعداءها , والخطر الداهم على نجاحها هو عامر نفسه
وقد كان
Post: #2325
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 09:35 AM
Parent: #2324

كانت امور واجراءات سفرنا سهلة ميسورة
اذ تولى تفاصيلها عامر نفسه دون اى مجهود منا
كان فى صحبتنا دكتور نصر الدين شقيق بت الشيخ الكبير القادم من المنطقة الشرقية لحضور زواج اخيه
عدد المودعين لعامر فى المطار لم يوازيه الا عدد المستقبلين لى ولأسرتى الصغيرة فى مطار الخرطوم
اخذها عامر نقطة علينا يعادل بها نقطة مودعيه الكثر
ويهددنا مرارا وتكرارا بالحفاظ على السر المخفى
واضاف دكتور نصر الدين الى لائحة اتهامه وتوجساته بخفة اللسان وافشاء المعلومات والأسرار
عامر جارنا اصلا فى الصحافة كما بت الشيخ واخوها واحدى زوجتيه
ولكن مستقبلينا كانو زقازيقيون كثر
آتون من مناطق شتى
عند الجوازات مستقبل
عند سير العفش مستقبلون
فى ردهات المطار يتناثرون حتى شككت اننى لست انا
زهير الزناتى كان على حافة السير انتظارا بهيا
كما مبارك جادين ومحمد حسن والمعتصم جعفر
واذا اضفت اليهم مستقبلون طارئون بغرض استلام امانات تخصهم سلمكنى اياها ذووهم فى مطار الرياض
فأن الكل كان فى استقبالى واسرتى
احساس طاغى بالأهمية انتابنى وسيطر على
حتى ظننت اننى
اننى
اننى
اننى
منصور عبد الرازق
Post: #2326
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 10:02 AM
Parent: #2325

شعور طاغى بالعظمة والأهمية وانا فى مطار الخرطوم
تأخر العفش فى السير
وانا يهمنى
فانا اتونس مع زهير الزناتى
واتبادل الحديث مع مبارك جادين
وانا مالى ومال العفش
ان شاء الله يجى بكرة
او حتى قول ما جاء كلو كلو
الحا يحصل شنو يعنى ؟؟
ولكن شكل الأجابة ونوعها تاتينى من نظرات خفية من بت شيخى
على العكس مباشرة فان زوغان العفش او توهانه او حتى تأخره
لهو ام الكوارث عند بت الشيخ
واذا تخيلت لفة الأسواق ومجهود تجميع التياب الذى بذلته للشيلة بتاعت العروس
وتجهيز نفسها واولادها ليوم الزواج
لصنفت كلامى اعلاه من شاكلة (سقط القول ولغو الحديث )
او على الأقل
ونسة (زقازيقاب مشتاقين ساااااااااى )
Post: #2327
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 10:21 AM
Parent: #2326

اها العفش جا
كاااااامل حاجة واحدة ناقصة فيهو مافى
زهير لازى عربية و مبارك جادين لازى التانية , انا واحمد ولدى لازين التالتة
مرقنا ليك من الجمارك فى ثوانى
فمن كان معه المبارك جادين فلا يخافن جماركا ولا رهقا
محمد حسن البرلوم يزاحم العريس دكتور التاج فى المستقبلين الخارجيين
كما ان عبد الرازق وعمرو اولاد اخوى المرحوم يقفون جنبا الى جنب مع المعتصم جعفر
هم لا يعرفون بعضهم بعضا , ولكنهم يستقبلون ذات الشخص دون ان يدرو ا
العربات الثلاث الملزوزة , تفرزعت وتششتت دماؤها بين القبائل حتى عجزنا من ايهم ننال (ثارنا )
يخيل الى ان كل قطعة من القطع (على كثرتها ) ركبت عربة لحالها (لكثرة العربات وتعددها )
 احساس عظمة متضاعف
احساس ضحك متفشى
ارتدى بدلة بيجية اللون مع كرفتة بنية وزادتنى (وصايا ) محمد عيد
باحساس وسامة اضافى
ولد ده
اسلم واسلم واسلم واسلم
لا اتعب من السلام والتحايا
ابنى احمد , وبنتى ايثار
كما مجتبى وحجازى ومدرار
ما اجملهم وما اوسمهم
زوجتى وبت شيخى امانى
لو لو اكن زوجها لطرحت نفسى طالبا اليد والقرب والأقتراب فى لحظات الوسامة العميقة تلك
تتزوجينى يا امانى
قولى نعم
كى تزداد وسامتى
ثم اضعه على شعرى ومحياى
اكليلا
فبغير لك لا اكون
جميلا
يا الطاف الله , ويا للحياة البهيجة , ويا لروعة الوجوه , وبهاء اللوان وصفائها
عفشى تناثر على العربات المتناثرة
واحساسى تناثر وتدفق واندلق
كما
سالت مشاعر الناس جداول
Post: #2329
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-14-2010, 10:34 AM
Parent: #2327

Quote: لو لو اكن زوجها لطرحت نفسى طالبا اليد والقرب والأقتراب فى لحظات الوسامة العميقة تلك
تتزوجينى يا امانى
قولى نعم
كى تزداد وسامتى
ثم اضعه على شعرى ومحياى
اكليلا
فبغير لك لا اكون
جميلا

ديشاااااااااااااااااااااااااااااك..يا مكناكي
و دا كلام عصام دهب في مربع كاي
Quote: أهة يا الرشيد و نجاة حوفي ألف مبروك و تتباركوا ما تتشاركوا و تتعلوا ما تتدلوا و ربي يديم عليكم السعادة و الحب و الهناءة و يحفظ ليكم عيالكم و يحفظكم ليهم و يزيدكم خير و بركة وصحة و عافية و يديكم التيمان و الرزق الكيمان و يكتر ليكم الحبان
غايتو يا محمد المرتضى كلامك في حفلة منصور أنا موافقك فيهو مليون في المية
غايتو لمن يقولو يدوك الباسويرد الحنان دا حاينتهي و ما حاتلحق حاجة
Post: #2328
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-14-2010, 10:31 AM
Parent: #2326

صباح الخير ،،،يا وجوه الخير،،،

اصبحنا وأصبح الملك لله ،، وحده

نسمات الصباح :

حضور منصور أثلج صدورنا

كتابات منصور تريح أعصابنا

وتزيل همومنا ،،، إنداح يا منصور زي ما إنت عايز

أحب حضورك وأحبك إنت ذاتك ياخ ،،، - الجكه دي لله -
Post: #2330
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-14-2010, 10:35 AM
Parent: #2328

آىىىىىىىىىىىي يا محمد أدم ومحمد عيد ....
عم منصور ....
عم من العموم والشمولية ...
ده "راوي الحوش" بلا منازع
ده اللامي كل شئ ... وملك السرد
ده العم جد بالجد ...


وهاكم دي كمان ....



راوي الحوش "رطن"
وانتو عارفين منصور لما يرطن غناهو بكون شنو
سيد الحوش "نضم"
والما سمع قولو ... منتظر شنو
والشوق حزم ... ولقولك جلوس بدون ندم
لو عدمت العالم كل الحبر والقلم
برضو في سدرك نغطس ونجيلك من العدم


قول واسرح سااااااااي .... ياعم منصور ....
Post: #2331
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 10:48 AM
Parent: #2328

ضحك معتصم جعفر واتخج خج
لمن سألت من شنطتى الصغيرة
فكما تعلمون ان شنطى توزعت وانتثرت ما شاء لها النتثار
فلما فقد شنيطتى الصغيرة قال لى معتصم انها فى عربيتو قدام
قلت ليهو بسرعة لمينا فيها
ياخ دى فيها المنقة كلها
من ساعتها ومعتصم جعفر يحتضن شنطتى الخائف عليها
احتضان الود منير امبدة لى كلتشى فى المباراة الأخيرة
كان نصيبى من الركوب , مع معتصم جعفر
اولادى وحاتكم , ركبو مع منو والله ما عارف
اما عامر , فقد هاله عدد المستقبلين
فهمس فى اذنى
اول مرة تغلبنى يا
واكمل بما لا استطيع كتابته هنا
ولكن كل منكم يستطيع
ان سرا او جهرا
فكان ان خطبت فيهم قائلا
شفتوا عامر ده
قالوا ايوة
قلت ليهم اعملوا ما شايفينوا
عشان هو عنده مرتين , وجاى متخفى , وراجع يوم الخميس , والعقد بتاع الليلة ما حاضروا
لكنه جاى نادى الكشافة بعدين
وحاتكم انا ما مشيت العقد
لكن عامر كان اول الحاضرين
ولم احتاج الى اعلان حضوره فى مكرفون العقد والجامع
لأن عامر تولى الأمر بنفسه
وذاع خبر حضور منصور , الما داسى جيتو
من عامر شخصيا
ولمن قابلتوا فى نادى الكشافة بالليل
كان الخبر قد انتشر
ذاع وعم القرى والحضر
مع انى كنت قد اقمت عليه الحصون
وخباته من فضول البشر
Post: #2332
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 11:02 AM
Parent: #2331

يا ميسرة ونجيلة وجلا
يا اخى انا بحبكم شديييييييد
بس انتو قبل كده صادفتكم
ماسورة مكسورة
هسى يجيكم محمد عيد ويقول ليكم
شفناها الماسورة المكسورة
مش ياها كواريزما
اقول ليكم لا
يوم الخميس ده
الماسورة المكسورة
انا ذاااااااتى
Post: #2333
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-14-2010, 11:24 AM
Parent: #2332

Quote: المهم دايرنك لمهمة سرية ...

الزول الاسمو زهير ده انا مقلق منو ...

يخيل لى انو نايم ليهو فوق رأى

دايرين نعرف بيعمل فى شنو ؟؟

يا منصور خلينا من المواسير
زولك محمد عيد بفتش في الزول القاعد يصلح المواسير
طبعاً يا محمد عيد
زولك دا زي ود الموية...ما بتمسك....
أمشي مربع كاي يقول لي هس كان قاعد ومرق قدامك...
أمشي بيت منى يونس تقول لي صحبك دا ضرب من هنا تلفون لي ود الجعلي
و قال ليهو أديدني السيرة الذاتية بتاعتك لأنو عايزك تكون المدير الفني لمنتخب الزقازيق ...
و لأنو ما وصل معاهو لأي نتيجة قام زعلان و مشى يشوف علاقاته المتفردة في بيت ناس مشاعر بدوي
طبعاً يا محمد عيد بيت ناس مشاعر دافئ شديد في البرد دا
و سألتني قالت لي أنت زولك دا مالو مهموم كدا؟؟...
قلت ليها منو في الأرباب؟؟؟...أقصد منو في الأحباب؟؟؟
قالت لي الزناتي...قلت ليها ياخ أنا كايسو ومحمد عيد موصي عليهو
قالت لي غايتو مشى و قال ماشي يفتح ليهو استديو تحليلي
قلت ليها الزول دا زي عم جوده جنو تصوير يعني حا يعمل تصوير سريع (باسبورد، صورة شمسية، صورة زيتية...إلخ)...و لا شنو؟؟؟
قالت لي لالالا استديو بتاع كورة
كدي طيب النمشي عليهو
لقيتو ليك لامي كل الجلاكين
ناس الرشيد، و محمد عيد و منصور، و الكمندان ....
طبعاً الأخ قدورة خاتيهو واجهة سياسية و شرك لبقية الناس عشان يجو...
وهاك يا بري نحن أسياد الكورة
و ماتهمنا المادة نحن ناس ولاء ومستورة
و خلينا المحلي و ما عايزين أي ماسورة
نشوف برشلونة البتعمل عمايل ما معقولة
طبعاً تعال شوف الناس الجايبهم في الأستديو بتاعو
أيوا يا أبو الزوز
إنت زيك مافي
إنت كلامك عقلاني و صافي
تحليلك منطقي و وافي
لمن شفت الجماعة ديل قربو يروحو التوج قلت ليهم يا جماعة روقو المنقة...
كدي فكو زهير الزناتي دا شوية بت الشيخ عايزاهو لأنو ليها زي 15 يوم ما شافتو بس بتسمع بيهو سمع...
و برضو محمد عيد عايز يبارك ليهو سادومبا بطيبة خاطر دافئ
غايتو جبناهو ليك يا محمد عيد تاني ما تسألني منو بالله
بعدين يا منصور في فرق بين الماسورة المكسورة و الماسورة المحلوجة
Post: #2334
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-14-2010, 11:25 AM
Parent: #2332

لااعرف تحديدا كيف وصلنا الى البيت
انا شخصيا وصلنى معتصم جعفر
انتو معتصم ده بيعرف بيتنا من متين
مش بيتنا كمان
وصلنى بيت جيرانا ناس بت الشيخ
ومعى شنطة وحيدة
ولكن عزائى انها شنطة المنقة ذاتها
البعرفوا غايتو شنطة احمد نزلت مع ايثار
وشنطة ايثار شالها مجتبى
وشنطة مجتبى مشت بيت ناس زهير
وشنطة مدرار كاريها حجازى
امانى ماسكة فى شنطة (منقتها ) لحام ستلين
حولالالالالالا
استقبلتنى زغاريد اخواتى واخوات بت شيخى على خشم الباب
فشعرت انى اجمل وابهى
ارتدت بدلتى البيج وتحولت الى لون البنفسج واكتست برائحة الياسمين
قال لى معتصم , هو انت العريس ولا شنو ؟؟
لم يرض صوت الكوتش الا ان يكون مع المستقبلين وان من (الجنينة )
قالت لى احسان اختى , عليك الله شيل تلفونك داك لموا عليك
ولا يخفى على فطنة القارىء
ان التلفون تلفونها
والرقم رقمها
ولكننى استبيحه واوزعه على الأحباب وما اكثرهم كل حضور وكل اجازة
فتتغلب مكالماتى على مكالماتها وهى ست التلفون وصاحبته
فكان الكوتش هو الضحية الأولى لهذا التداعى والأستباح
وان كان من الجنينة
ثم بدأت رحلة طويلة من السلام والسؤال وتفقد الحال والمآل
والغناء والسيرة والعديلة البيضاء المشابهة للجلاليب حاملة نفس اللون
مع مكوة سيف
ما اجمل بهجة العرس وترتيبات الحنة
قالوا ما اجملها فى (العرس الأول بس )
قلت ليهم زى ما قال نجيلة
انتو تعددية يعنى شنو ؟؟؟؟
لمن قالوا ديمقراطية وحرية راى
اجبنا سريعا
نحن من مدرسة (التمثيل النسبى )
ما شايفين اضان جمال فارح دى وصلت وين من المط
حكته بااااااااالغة
Post: #2335
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-14-2010, 02:19 PM
Parent: #2334

اقسم بالله العظيم
لمن منصور عبد الرازق كان مسافر
انا كنت
مبسوط ومرتاح
ومتفسح في الناس ديل
اكتب في كل زاوية
وفي كل بوست
وافتح بوستات براي

من يوم جا منصور
انا الكتابة غلبتني

يا أخي الزول كتابتو حلوة لمن اقول هسي اكتب بعديهو اقول شنو
اي شيء اكتبو راح يطلع مشتور
الله يجازيك يا منصور

بطلنا الكتابة

على الطلاق اول فرصة القاها في ناس الزقازيق ديل عشان اغني
اغني ليهم غنا لمن يحيرك
عشان اجيب الفرق بتاع كتابتك الحلوة دي
Post: #2336
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 01-14-2010, 03:15 PM
Parent: #2335

ازيكم 000

وحمدالله على السلامة يا ابنوسي يا عجوز انت ووليداتك وعزيزتي اماني 00وعقبال ما نحضر فرح اولادك الحلويين00


Quote: على الطلاق اول فرصة القاها في ناس الزقازيق ديل عشان اغني
اغني ليهم غنا لمن يحيرك
عشان اجيب الفرق بتاع كتابتك الحلوة دي


والله يا شادي من شفت منصور داخل 00 عرفت بوصلة الكتابة عندي ح تهتز 00

اها انت ح تغني كاتجاه موازي لكتابات منصور 00 وما اروع الاتجاهين 00

نحن نعمل شنو ؟؟؟؟؟؟

يا حزب متابع ومستمتع 00 هاكم اوراقي 000 سجلوني !!!!!
Post: #2337
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-14-2010, 03:39 PM
Parent: #2336

Quote: على الطلاق اول فرصة القاها في ناس الزقازيق ديل عشان اغني
اغني ليهم غنا لمن يحيرك
عشان اجيب الفرق بتاع كتابتك الحلوة دي


اسمع كلامك .. أصدقك

اشوف عمايلك ... استعجب ..!!!!!!!!!!!!


*** حاشية :

وين ايميلك .. وين كتاباتك الـــىّ ؟؟؟؟

طبعا عارفنى قاصد شنو ..!!
Post: #2338
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-14-2010, 05:19 PM
Parent: #2337

سلام ياكرام

معلومات وأقوال

أول من قال" مرحبا واهلا ،وناقة ورحلا ،ومستناخاسهلا ،وملكا ربحلا ،يعطي عطاء جزلا"

هوسيف بن ذي يزن لعبد المطلب بن هشام


- أوّل شهيدة في الإسلام هي سمية بنت خباط أم عمار بن ياسر


- أوّل مولود والوحيد الذي ولد داخل الكعبة المشرفة /حكيم بن حزام الأسدي


- أوّل من بنى قبة الصخرة ونقش عليهاإسمه سنة72هـ الخليفة/ عبد الملك بن مروان


- أوّل من إستخدم الدبابة هم الأنجليز

-أوّل من إستخدم الغاز السام هم الإلمان

- أوّل من جدد بناء الكعبة المشرفة بعد ابو الأنبياء إبراهيم عليه السلام
هو قصي بن كلاب

- أوّل شهيد في معركة بدر هو ( عبيد بن الحارث بن عبد المطلب)

- اوّل من رمى بسهم في سبيل الله هو ( سعد بن أبي وقاص) أحد المبشرين بالجنة

-أوّل من كسى الكعبة بالقماش هو / الملك اليمني تبّع ملك حمير

- أوّل سيدة تنتخب لرئاسة الجمعية المومية في هيئة الأمم المتحدة عام 1953
هي السيدة /فيجاي لاكشمي شقيقة الرئيس نهرو/الكلام بخصكم ياجلا

- اوّل دكتاتور في العالم هو يوليوس قيصر وقد انتخب حاكما مدى الحياة

- أوّل مرة عرف فيه مرض الأيدز كانت عام 1981م

-اوذل بنك أنشئ في العالم عام 1157 في لندن

-أوّل ملكة في الدولة الإسلامية هي شجرة الدر ودام ملكها 80 يوما

- اوّل من طبق التظام الديمقراطي في الحكم هم الإغريق

- اوّل من إستخدم خاتم الخطوبة هم الرومان

- اوّل دولة إسلامية منحت المرأة حق الإنتخاب هي تركيا


- أوّل ولادة غريبة من نوعها، حدثت في رومانيا عندماوضعت سيدة مولود ذكر
كامل الصحة وفي مؤخرته ذنبا طويلا
Post: #2339
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-14-2010, 08:06 PM
Parent: #2338

أمنية الرشيد كل سنة وإنت طيبة
Post: #2340
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-14-2010, 08:21 PM
Parent: #2338

Quote: يتواصل جمال الســرد الزناتى ممزوجا بعبق الشخصية الفريده لحبيبنا ود الجعلى

أعتقد يا ميسرة ومنى اننا يجب ان نتيح وقتا أكبر لهذا الجعلى العجيب ...

حيث ان الحكاوى الطاعمة عنه ما زالت فى أدمغة الكثيرين .. وانا احدهم

فأرى ان نمدد وقت تناول هذه الشخصية لايام اخرى ..


إستجابة لمطالبات عديده على البوست أو المنبر أو بالهاتف
لتمديد الفترة الزمنية لهذه الشخصة عادل الجعلي وسامية
نعلن للجميع بأن محطة عادل وسامية سوف تستمر وأن قطر كريمة
إنكسرت ماسورته حقت منصور في عطبره ،،،، نواصل

دعــــوة عـــامـــــــــــــــــة:-

دخلت بيت الطالبات (21أكتوبر) لقيت المنشور ده على البورد ، هو المناشير لسع بتتوزع

B59CD20F-1FD1-483A-B3DE-F879AEFAF616sudan1sudan.jpg Hosting at Sudaneseonline.com

توجد مناظرات سياسية علشان إنتخابات رئاسة الدولة وتحضرها كل الأحزاب السياسية
- أقصى اليمين الحزب الناصري ويمثلة عادل الزاكي
- بعده أبوعمه حزب الجبهة الإسلامية ويمثلها الشيخ هباني
- الجبهة الديمقراطية يمثلها عادل ود الجعلي
- مؤتمر المستقلين ويمثله زاهر الصادق
- الحزب الإتحاد ويمثله مولانا بشير على العبيد
- جبهة كفاح الطلبة سوف يحضر سامي الطاهر لاحقاً

أنا كمان أدعو الحزب بتاعي (حزب البهجة) ويمثله عبدالدائم النضيف
لحضور هذا العرس السياسي الكبير .
المكان دار الإتحاد هناك في منبر ناس الزقازيق
شخصيات وعائلات زقازيقة ،،،،،،،، من الزمن الجميل،،،(توجد صور)
الزمان : أسألوا مقرر اللجنة الأخ محمد عيد

الدعوة عامة يمكن إصطحاب الوليدات وأمهاتهم .

ملحوظة سوف يظهر لاعب الجبهة الخطير جمال فارح ليساند ود الجعلي شدو حليلكم .
Post: #2341
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-15-2010, 12:47 PM
Parent: #2340

سلامات يا ناس

انتو الليلة الجمعة ولّا العيد؟؟

وين الناس البقولوا صباح الخير يا وجوه الخير

والبقولوا صباحات التفاؤل...وناس دعاء الصباح ؟؟

معقول البوست يكون غاتس فى الصفحة التانية؟

اكيد جلا ما شايف شغلو.
Post: #2342
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-15-2010, 03:50 PM
Parent: #2341

احمد المصطفى عبدالوهاب \حقوق الزقازيق
ندعوا المولى عز وجل ان يمن عليه بالشفاء وهو يصارع
المرض بسريره بمستشفى النيل الازرق بامدرمان, ارفعوا
اياديكم معى ببركة الجمعه المباركه علها تصادف ساعة
استجابه \امين
Post: #2343
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-15-2010, 03:54 PM
Parent: #2342

يا كمندان الناس انتشروا وين
خلو الحوش خلا
Post: #2344
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-15-2010, 05:10 PM
Parent: #2343

نسأل الله ان يشفي زميلنا احمد المصطفي عبد الوهاب
وان يمده بالصحة والعافية وأن يقوم من السرير الابيض انشاء الله

يا محمد صديق
انا جاي بي جاي آخر يوم الجمعة
ينفع نقول مسآءات الخير

انا الصباح قبل صلاةالجمعة
عملت مداخلتين تقال في شركة الزقازيق القابضة
وباقي النهار قضيتو اطبع تعليمات النضيف عبد الدائم
في كيف تنزل الصور في البوست
وبعداك مشيت ختيت صورة بنتي عند بوست طارق جبريل
ونمت
وبعدين جيتك بي جاي
Post: #2345
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-15-2010, 08:24 PM
Parent: #2344

سلامات يا ناس

اللهم نسألك بأسمك الاعظم

والذى ان سئلت به اجبت

ان تمن بالشفاء على احمد المصطفى عبد الوهاب

آمين يا رب
Post: #2346
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-16-2010, 05:57 AM
Parent: #2345

صباح الهناء والسرور ...
اصبحنا واصبح الملك لله ...
Post: #2347
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-16-2010, 07:05 AM
Parent: #2346

صباح الخير،،، يا وجوه الخير،،،

أصبحنا وأصبح الملك لله،،،وحده

نسمات الصباح :

اللهم رحمتك أرجو،،،
فلا تكلني إلى نفسي طرفة عين
وأصلح لي شأني كله،،،
لا إله إلا أنت،،،

اللهم نسألك بأسمك الاعظم

والذى ان سئلت به اجبت

ان تمن بالشفاء على احمد المصطفى عبد الوهاب

آمين يا رب .
Post: #2348
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-16-2010, 09:08 AM
Parent: #2347

بسم الله الرحمن الرحيم


اللهم إني أسألك خير هذا اليوم
فتحه ونصره ونوره وبركته وهداه



اللهم رب الناس أذهب البأس أشفي أنت الشافي
لاشفاء إلا شفاؤك شفاءا لايقادر سقما

اللهم داوي زميلنا/ أحمد المصطفى عبد الوهاب وأشفه بشفاؤك
وأغنه بفضلك عمن سواك وأبعد عنه كل مايؤذيه

نعوذ بعزة الله وقدرته من شر مانجد ونحاذر
Post: #2349
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 11:08 AM
Parent: #2348

اللهم اشف احمد المصطفى عبد الوهاب
شفاءا لايغادر سقما
وامنن عليه بصحتك وعافيتك
واجعل من مرضه طهورا وكفارة له
آمين يا رب
Post: #2351
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 11:19 AM
Parent: #2349

اسبوع واحد فى السودان
بعد سنة او تزيد
عايز ليهو بهلوان او زول بتاع سيرك
عشان يعمل برنامج كارب يستفيد من دقائقه المعدودة
حاولت انا ان اكون ذلك البهلوان
وانا فى مطار الرياض فى لحظة انتظار وبجانبى محمد عثمان حاج الركز
فتحت الشنطة وطلعت ورقة وقلم وبديت اكتب
اتعاملت مع الموضوع فى الأول بى نهج التمنى
لو قالوا ليك كل الزمن ملكك والمواصلات وفضوا ليك الشوارع وزادوا ليك ساعات الزمن الربعة والعشرين
داير تعمل شنو ؟؟
كان ان مليت لى صفحتين حجم اى فور فى دقائق معدودة
مع مراعاة الأختصار الشديد
لمن رجعت قريتها , حلفت انو ما اوريها لى اى زول
وعزمت على ان ارجع لى تفاصيلها فى الساعات واللحظات القليلة البلقى نفسى فيها براى
لو شافت امانى ما كتبت واطلعت على ما عزمت
لأتهمتنى صدقا بانى ولا ماشى عرس اخوها ولا حاجة
لذلك اول حاجة عملتها وحرصت عليها لمن اتصل على الزناتى زهير عشان يسألنى عن برنامج فطور مقترح عند عوضية بتاعت الأسماك
انو ضمنت زهير معاى فى الأول
كان ذلك اختيارا موفقا وقرارا حصيفا
قلت لى زهير , اى حاجة بالنهار ما عندى عليها مانع
وطلبت منه ان يفرغ نفسه لى ابتداءا من بعد ظهر الأثنين
اليوم التالى لوصولى للسودان
وقد كان
Post: #2350
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 01-16-2010, 11:11 AM
Parent: #2348

ازيكم000

اللهم اشفي زميلنا احمد المصطفى عبد الوهاب يا ارحم الراحمين000
Post: #2352
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 11:23 AM
Parent: #2350

ازيك يا عفاف
مشتاقين كتييييييير
رسلت ليكى سلام مع من تحبى
حاج الركز طلع من عندى قبل دقائق
حملت ليك معاهو سلام غاية فى الجمال
ولكنه اقل مما تستحقين
كان ما وصلوا ليك اب صلعة
معناتها غنج بيهو واستأثر بيهو
للضمان كده باقى حاج الركز ما مضمون
مشتاقيييييييين
Post: #2353
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 11:45 AM
Parent: #2352

دورت الونسة فى بيت ناس امانى
البيت لابس حلة بيت العرس
والشباب اللذين كانو صغارا , يتناوبون على السوق والأقدام لأنجاز امر هنا
وامر هناك
قلت ليهم انا ما زول ترتيبات ولا تجهيزات
لو قلتو ما عارف طباخين ولا النادى العائلى ولا بتاع الفيديو ولا العشاء ولا الغداء
يانى الضيعت ليكم وكتكم ساااااكت
انا (السكسكة ) دى خلوها لى برااااااى
بجضمها ليكم لغاية ما تآآآآآآمن
انت يا ابراهيم وانت يا محمد خجازى
انتى يا ايثار وانتى يا دعاء عبد الرحيم
السكسكة ياها بتاعت زمان ولا فى جديد
يمين باللله جديد على قديم الا اخرطك فيهو وتلقونى فيهو بى غادى ليكم
اتحداكم كلكم
بالجلابية اتحداكم
بالعراقى مافى زول بيلحقنى
بالبدلة والكرافتة مقاس ستين اخير ليكم ترعوا بى قيدكم ساى
جلسة الونسة ضمت اخوات امانى واخواتى
مع دكتور نصر الدين
مع وجود متقطع للعريس واصدقائه وصغار الشباب المتولين لدفة التجهيزات
عندما كانت الساعة الثامنة تغادر دقائقها الأخيرة
قال المجتمعون لى انت بعد كده تعبت وانت جاى من سفر
قوم امشى اخد ليكم حمام ونومة عشان تستعد لى برنامج بكرة
حمام ممكن
لكن نومة دى تلقوها عند الغافل
لق لق لق
عشان بنوم ليكم
ولكنى حجة النوم لأنفضاض السامر ناسبتنى جدا
القيت نظرة او قلت سرقتها لورقتى الفولسكاب القابعتين فى شنطتى الأثيرة
تلك الورقة التى (خبأتها فى خافقى وترفقت بها مرا حفيا)
وذهبت الى البيت المجاور الذى هو (بيتنا)
وتوهم الجميع على اننى سأخلد الى الراحة بعد الحمام
ولكن بت شيخى فاجاتنى بسؤال العارف
معقولة بعد ده ماشى ناس عامر ؟؟!!
السؤال كان استنكاريا من شاكلة الأسئلة المفترض ان تجيب على نفسها (عند السائل)
اما المجيب
اللى هو انا
فقد تأبط شرا وخرج
الصغار كانو قد (استشهدوا نوما )
وبت شيخى كانت تغالب نعاسها الذى يطرده منها حينا بعد حين
تفصيلة هنا , او سؤال هناك
وعانقت بيتنا الذى اشتاق اليه كثيرا
ومريت على دكان خليل
وصحون الفتة والبوش
تحيط به من كل جانب
احاطة السوار بالمعصم
هالنى ان عدد من اعرفهم من المتحلقين على (طشوط ) البوش
اقل مما توقعت
ولكنى سلمت عليهم جميعهم , دون ان انسى ان اتذوق محتويات
طشتين او تلاثة
بعضهم لمن اعرف
وبعضهم لمن ظننت اننى اعرف
ولكن السودان جميل منذ الأزل
لدرجة انه يمكنك فعل ذلك
دون ان تثير استغراب احد
Post: #2354
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 12:14 PM
Parent: #2353

دخلت الى بيتنا الكائن فى مربع تسعة وعشرون من صحافة العظام
التى كما يقول عنها احمد عجوز
انها صحافة العظام
من سبعة لغاية الحزام
عانقت تفاصيله التى تسكننى اصلا
لم استغرب لشىء ابدا
لم اتفاجا باى تفصيل
رغم ان المحتويات تجددت
لكنها لم تفاجئنى
لا ادرى لماذا
حضروا لى الحمام بتاع الرجال البرة
فتفاجاوا بى ادخل الحمام التانى
جاهز ومحضر , مع انهم حضروا التانى
يا اخى اخواتى ديل خربونى من زماااااان
مدلعينى دلع
ان شاء الله انتو تتباركوا , وتتعلوا ما تتدلوا
ياخى انا بحبكم حب
الجو دافىء يميل الى برودة خفيفة
ولكن موية الحمام منعشة ودافئة كأن برد الليل والنهار لم يغشاها
ام ترانى انا المنتعش والشاعر بدفء الأستقبال وحرارته !!!
تفاجأت باننى لوحدى مع اختى الأثنين
اولادى ناموا ونحن فى عز الونسة عند ناس حبوبتهم بى غادى
عبد الرازق وعمرو حجازى مضوا الى امر يهمهم
اكتتشفت بعد ذلك ان وجهتهم كانت ذات وجهتى
فاضفى على ذلك سعادة وارتياحا اضافيين
ولكن احساس اننى مع اخواتى فى بيت ابوى الكبير , كان احساسا عميقا توقفت عنده للحظة
ثم توقفت عنده ثانية مع احساس الأهتمام المتعاظم الذى احاطانى به
حتتى اننى غالبت بعض من دموع كادت تهرب منى
اذ وجدت ضلفة دولاب كاملة وقد افرغت وجهزت لملابسى القليلة التى احضرتها معى
كان الدولاب فى الغرفة الداخلية
على كثرة الدواليب فى غرف الأولاد الخارجية
الا ان تجهيز هذه الضلفة بالذات
فى ذلك الدولاب دون غيره
شحننى بمعنويات تجعل النوم والتعب
بعيدان منى بعدا لا يشابهه او يضاهيه بعدا
الا وجود الرشيد فى غياثى البعيدة
التى تبعد عن (دفئه وحنانه فى ابوظبى)
فراسخ من الحنان
واميالا من المودة
وكيلوهات عدة من جاتوهات السنة الجديدة
وتورتات (الخامس من يناير )
وارهاصات (اكتوبر واحد وعشرين)
وقع ليكم ؟؟؟؟؟؟!!!!!!!!!!
Post: #2355
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 12:39 PM
Parent: #2354

من سرق منى كل هذه الكيلوهات وانا اخرج منتعشا من حمام بيتنا
الذى اشتاقه ويشتاقنى
ما اخفنى
قطع شك مقاس ستين ده فى تلك اللحظات
لا حقى ولا بعرفوا
استمتعت برص اغراضى فى ضلفة دولابى الحنين
اتذكر كم كان مكتظا ذات يوم
ولكنه الآن يعانى من خفة نوعية
وثقل معنوى
ما اوسمنى
ما نيكان حضرتك
وانت فى بنطالك الأسود وقميصك الأبيض المقلم بخطوط سوداء دقيقة
وحذائك الأبيض الخفيف
انعل ابو الشرابات ذاتو
ما دايرها
شن شغلتى بيها
فلتذهب قوانين الأناقة وقيود الماتشنغ الى الجحيم
سالبس حذائى الأبيض العاجبنى دون جورب
ان الجوارب تزيد الأوزان
لن افرط فى خفة وزنى وروحى التى احس واشعر
فداها الف جورب ومليون ربطة عنق
كما ان ارامس تبدو ساحرة فى لحظات الخفة تلك يا رشيد
ما ابدعها , ما اطيبها , وما ارقها والطفها اذ تحولنى الى فصيلة (البراعم والزهور )
بعد ان اخطأوا يوما وجعلونى من (الثديات ذوات الدم الحار )
وغفلت خارجا وانا فى خفتى تلك
وزادت احسان بان قدمت الى مفاتيح العربية الممتلئة التنك
دلفت اليها وحشرت نفسى فى مقعدها الأمامى خلف المقود
وتحلقات المجموعات عند دكان خليل حول طشوت البوش
تزيد ولا تنقص
والدعوات الى لقمة هنا ولقمتين هناك
تطاردنى وتحاصرنى
وخليل سيد الدكان يصيح , الزول ده خلوهو عشاهو معانا آخر الليل زى زمان
صحن الفنانين منتظرينك بيهو
ماشى عرس ناس عامر مش كده؟؟؟؟
يا لروعة الناس
ويا لمجد الزمان
ويا لخفة الأبدان
وارتفاع المعنويات
حركت العربية سراعا , وفتحت نافذتى
ثم
وشوشنى العبير , فانتشيت  
Post: #2356
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-16-2010, 12:52 PM
Parent: #2355

منص يا حكاي .... معاك بس جكة عوضية دي ما تجي ماشي فيها زي الإكسبرس في السندات ... الناس منتظرين علي أحر من الجمر ... ولا نجيب ليك جمال فارح يفتك ...
Post: #2357
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-16-2010, 01:28 PM
Parent: #2356

سلام لكل الناس دون فرز .... الليلة عايز أقول كلام مهم رغم إنه منصور بدأ في الحكي اللذيذ وعارف إنه كلامي ده ممكن يشتت الكوره شوية ... لكن إتمني الناس تركز مع منصور وتدي كلامي الأهمية اللازمة ... لاحظت في عدد من البوستات التي فتحتها في منبر ناس الزقازيق وهي خاصة بتهانئ ومباركات لبعض من الزملاء أولاً عايز الناس تفهم حاجة إنه أنا ما بزعل لو ما الناس إداخلت في بوست فتحته ... في المنبر العام حينما أفتح بوست وألقي الناس ما إشتغلت بيهو أعرف إنه موضوعه مستحمي وما لقي رواج بجليهوا عادي لمن يمشي مزبلة التاريخ ... بس عندي بوستات بتلقي رواج ومداخلات عديدة ... لأنه الموضوع ممكن يكون أتراكتف (دي صاح يا كوتش) ... والناس بتداخل ما عشان خاطر عيوني بقدر ما عشان خاطر الموضوع ... حقيقي بزعل لمن ألقي زول أتداخل عشان صاحبي أو عشان خاطري كنت أتمني يتداخل عشان الموضوع ... ولا أتداخل نهائياً في اي موضوع لو ما كان هبش حاجة جواية مهما كان كاتب الموضوع صديق أو مكانته في نفسي ... ده بشكل عام عن البوستات في المنبر العام .... يعني المسألة مافيها لوم وملاومة بقدر مافيها موضوعية ...

اما عن البوستات التي فتحتها حول التهانئ في المنبر العام .... لاحظت أن معظم أعضاء البوست لم يتداخلوا ، مع معرفتي أن مثل هذه الكلمات لا تكلف كاتبها شيئاً بقدرما تسعد متلقيها وهو صاحب المناسبة ... أتساءل في داخلي لماذا الإحجام عن التداخل في هذه البوستات ... هل لأن هؤلاء الأعضاء يعتقدوا أن فلان أو علان ليس اصحابهم أو من ذوي القربي ... أنا علي نفسي أعتقد بأن كثيرين عرفتهم في هذا البوست زصادقتهم هنا .... ويمكن معظم الأعضاء توطدت علاقتي بهم في هذا المنبر ... عدا القلة من أولاد الدفعة مثل نجاة حوفي ، صالح ، طارق جبريل ، حاتم جبارة سامي وجلال أولاد المستقلين ، زينب التجاني ، إبتهاج ، كذلك أصدقاء الكلية ودروب عديدة السهيلي وحنان مجمر ... أما ناس عفاف ومحمد آدم الشهير بكيلون فقد ربطتني بهم أواصر القرابة والجيرة وغيرها من روابط ناس كسلا المشتعبة ... أما عديلي محمد صديق فكل الناس تذكر القصة الشهيرة مع بكري ود الماذون وأعتقد بأني قد تجاوزت الـ 514 مرة في حكايتها لذا سأتركها لفطنة القارئ وذاكرته الخربة لأن معظم القراء تجاوزا مرحلة الكركم ... أما أحمد إسماعيل وموسي عيسي فمعرفتي بهم منذ أيام الزقازيق وكلية تجارة والتجمع إلا أن هذه العلاقة لم تتوطد إلا عبر هذا البوست ، رفاق الجبهة الديمقراطية عديدون في هذا البوست وما عايز أقول الأسماء عشان التأمين وكده ناس عبد الدائم النضيف وعصام دهب عبد الحفيظ عباس ومشاعر بدوي وغيرهم من الذين عاصرناهم في الزقازيق وكانت لنا علاقة بهم بشكل أو بآخر هم الآن من أعز الأصدقاء ... شخص مثل الرشيد يعتقد الكثيرون بأنه صديق قديم وفردة منذ أيام الزقازيق وللأسف لم ألتقي الرشيد وجهاً لوجه إلا في زيارته الأخيرة للسودان وكذلك منصور عبد الرازق ... لم ألتقيه بـتمعن (عارف إستخدام خاطئ لكن ما يخصكم) إلا في زيارته قبل أيام لزواج شقيق بت شيخه في محاولة منه لتكسير تلج لها ... وكذلك كمال الشادي وميسرة سيد أحمد ، مني يونس ... كل هؤلاء العمالقة عاصرتهم في الزقازيق ولسوء حظي لم تتقاطع طرقنا إلا في أضيق نطاق والأمثلة عديدة ... ما أود أن أنقله للشباب هنا ... أن كثير من أصدقاء البوست لم أكن في محور حياتهم من قريب أو بعيد ... إلا أن العلاقة توطدت بالجميع من خلال هذا البوست ... بمداخلة هنا وتهنئة هناك وتعزية في فقد قريب لك ... قبل أن أكون عضواً في هذا البوست ما دفعني لمتابعته رغم علمي به هو إتصال من أحد الأصدقاء يعزيني في وفاة شقيقتي قبل عدة سنوات بعد أن قرأ نعيها في البوست ,..... دخلت وقرأت تعزية الإخوة فكانت بالنسبة لي بلسم وتعزية حقيقية في فقدنا .... وربطتني بالبوست حتي أصبحت عضواً فاعلاً فيه ...

من المفارقات أن أصدقائي منذ أيام الزقازيق أمثال سيف النصر ، مبارك جادين ، صلاح الأمين ، حيدر حنين ، فارح ومن لف لفهم من النادر أن أتداخل معهم في بوستاتهم ومداخلاتهم إلا فيما يهمني ولي دخل فيه ... ولكن بكل تأكيد لا يفسد هذا لصداقتنا ود ... بل متواصلون بشكل أو بآحر ... انا في غاية السعادة كون أني خلقت علاقات جديدة وتوطدت صلاتي بالكثيرين والكثيرين أقصدها بتحديدها الدقيق من خلال هذا البوست .. في وقت كنت أعتقد بأن تكوين الصداقات الجديدة قد ولي ... وان حياتي قد أخذت مستقرها النهائي ...
من خلال تجربتي في هذا الأسفير .... أن كلمة رقيقة في بوست تهنئة أو تعزية في وفاة عزيز يكون لها مفعول سحري لدي متلقيها ولا تكلفنا سوي دقيقة واحدة .... تربطنا ببعض وتزيد من المودة بين الجميع ... الجميع دون فرز في هذا البوست إناس جيدون بمعني الكلمة لا تملك إلا وأن تحبهم دون تخصيص لا أقول هذا الكلام علي سبيل المجاملة ولكنها الحقيقة العارية ... التي يجب أن نعرفها كلنا ... يجب أن نحافظ علي وجودنا جميعاً هنابالحفاظ علي مشاعرهم والحرص علي مناسباتهم ... أعتقد أن مثل هذه البوستات فرض علي كل عضو أن يتداخل فيها ... اما الأخري فهي فرض كفاية ... أتمني أن أكون قد وفقت في إيصال وجهة نظري ... مع إعتذاري لكل من لم يرد إسمه في هذه المداخلة ... ما ذكرت هؤلاء إلا علي سبيل المثال وليس الحصر ... فكل من يكتب هنا هو صديق وصديق أثير لي ... وله من المعزة في قلبي مثلما يحمل هو ....

وجزاكم الله خيراً .

زهير الزناتي .... فك مكنة الرشيد بابكر وركب مكنة نجاة حوفي
Post: #2358
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-16-2010, 01:30 PM
Parent: #2356

جكة عوضية جاييها تب
بس انت انتظرنى يا زول يا لذيذ يا طاعم
سلم لى على ميار
وحنا
ومجد الدسيتوهو منى
وامهم
وحبوبتهم
والسوريين بتاعين الباسطة والأيسكريم القدامكم
استلمت مفتاحك يا زول
عموما انا عملت منو كوبى
عشان الواحد يقدر يدخل وانت مافيش
شوق شديد
جايييك بى رواقة ما زى حقت الكوتش
Post: #2359
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-16-2010, 02:21 PM
Parent: #2358

يا منص لو غيرنا القفل بنرسل ليك واحد بالدي إتش إل ...
Post: #2360
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-16-2010, 03:15 PM
Parent: #2359

بالله ده عدل يا ناس

بالله قول لي يا منصور قاعد تجيب الكلام الحلو ده منو
انعل صليبك زاتو

انا بطلت اكتب
والله لمن كنت مسافر كنت مرتاح منك
وسارح في البوستات اكتب على كيفي
هسي اكتب معاك كيف
خليناهو ليك

قلبنا قراية بس
يا الله اكتب وخلينا نقرا
Post: #2361
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-16-2010, 05:32 PM
Parent: #2360

كمال الشادي...ضربت ليك تلفون لمن تلفونك نفسو انقطع ما رديت علي...أخير ليك يا كيمو ترد على تلفوناتي قبل ما أفتح فيك بوست...

أبو الزوز...و الله دي فعلا مكنة نجاة حوفي...نفهم من كلامك د انك بتفتش على أصدقاء جدد...و ين نقدم الطلبات...

أبو الزوز كلامك سليم و لا شك أن الكلمة الطيبة لها أثر طيب في النفوس ان كانت لعزاء أو لمباركة أو غير ذلك...و كلنا مقصرين في هذا الأمر و أنا أشكرك على تذكيرنا بذلك...
Post: #2362
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-16-2010, 06:12 PM
Parent: #2361

الرشيد والله كنت في إجتماع
والجوال بعيد مني

ولمن طلعت لقيت اتصالك
انا آسف ما كان القصد

بس اتوقع راح اشد ليك واحد محترم انصاص الليالي الجاية

صاحبك ود جبريل غاطس ليهو غطسة غريييييييييييييييبة الايام دي
مع اني ضربت ليهو تلفون سريع كده يوم الجمعة
وسالتو عن صلاة الجمعة في المغرب
قالي
الجماعة المغاربة غيرو مواعيدها
و خلوها يوم السبت بعد صلاة المغرب مباشرة
تسهيلا للمساهرين في الويك اند
Post: #2364
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-16-2010, 06:21 PM
Parent: #2362

Quote: الجماعة المغاربة غيرو مواعيدها
و خلوها يوم السبت بعد صلاة المغرب مباشرة
تسهيلا للمساهرين في الويك اند


كيمو بينا تلفون قريبا ان شاء الله...

شايف صاحبك جبريلا بقى ما هاميهو يرمي في الكلام ساكت...أنا خايف الجماعة يقرو الكلام ده البلاطة بتاعت المره الفاتت حتكون رفاهية شديدة على الحيحصل ليهو....
Post: #2363
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-16-2010, 06:18 PM
Parent: #2361

Quote: من خلال تجربتي في هذا الأسفير .... أن كلمة رقيقة في بوست تهنئة أو تعزية في وفاة عزيز يكون لها مفعول سحري لدي متلقيها ولا تكلفنا سوي دقيقة واحدة ....


ابو الزوز .... لك العتبى حتى ترضى
كثيرا ما تشغلنا الشواغل ونفوسنا التى ارهقتها (كل شيئ) عن القيام بواجب ما
شكرا للتذكير ياكبير أوي
Post: #2365
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-16-2010, 07:50 PM
Parent: #2363

Quote: فتحته ... في المنبر العام حينما أفتح بوست وألقي الناس ما إشتغلت بيهو أعرف إنه موضوعه مستحمي وما لقي رواج بجليهوا عادي لمن يمشي مزبلة التاريخ ...


إنتو التجمع نازل إنتخابات ولا شنو

ذكرتني عبارة مزبلة التاريخ كانت الفرمالة بتاعتنا بعد

فوزنا في الإنتخابات.

عارف يا زهير باأخوي أخوك متبع إسلوب

واحد هو الدفاع عن أي زقازيقي في البوست العام

وبفهم أنصر أخاك ظالماً أو مظلوماً دايماً بجر عكازي بمشي بكاتل معاهو

سوى كان البوست المفتوح سياسي أو رياضي أو تهنئة أو تعازي إلا ما يقع

الموضوع في عينه ، وهناك ثلاثة أشخاص دايماً بنكون وراهم على طول في أي موضوع

- عصام دهب
- جمال السنوسي
- زهير الزناتي

كلما أجد واحد من الأسماء دي أخوكم طوالي بدخل للمشاكل أو الضحك أو الدفاع

ونؤيد زهير فيما أشار إليه ونأمل أن يكون تكاتفنا واضح للعيان في البوست العام

أذكر في إحتفال بورداب جدة ورابطة أبناء كسلا فوجئ مضيفي بأن زوجتي زقازيقية وكان بجواري

دكتور سيف وفهم بأن زوجته زقازيقية وقال لي سمعت عنكم كثير بس والله يا ناس الزقايق حيرتوني

يعني الجو العام كان مختلف عندكم غير باقي المحافظات التي بها تجمعات طلابية وإستغليت الفرصة

وأفهمته بأن هؤلاء الناس قد تم إختيارهم بعناية فائقة - زي ما قالت سامية إسماعيل -
Post: #2366
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-16-2010, 09:35 PM
Parent: #2365

سلامات يا ناس

Quote: جايييك بى رواقة ما زى حقت الكوتش


ما تكون زى الرواقة الاكلت بيها سمك عوضية والكان نتيجتها

الجكة الشهيرة.

زهير....اوافقك الرأى تمامآ...وكلنا مقصرين...وكلنا نحتاج

الى الدعم والكلمة الطيبة .
Post: #2367
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-16-2010, 11:13 PM
Parent: #2366

1- قف بالسيارة إلى جوار الماكينة.

2- افتح نافذة السيارة.

3. ضع البطاقة فى المكان المخصص ثم أدخل الكود السري.

4. أدخل المبلغ المطلوب سحبه.

5. اسحب المبلغ, البطاقة و الإيصال.

6. اغلق النافذة.

7. قد السيارة.
كانت هذه تعليمات استعمال الصراف الالى من العربه للرجال

ثانياً : الإناث


1. قودي السيارة إلى الماكينة.


2. عودي قليلاً إلى الخلف ح تى تصبح النافذة بمحاذاة الماكينة.


3.ا رفعي فرامل اليد ثم افتحي النافذة.

4. افرغي محتويات حقيبتك على المقعد المجاور إلى أن تجدى البطاقة.


5. أنهي مكالمتك التليفونية مع وعد محدثك بإكمال المكالمة فى وقت لاحق.


6. حاولي إدخال البطاقة فى الماكينة.


7. افتحي الباب لمحاولة الوصول إلى الماكينة لبعد سيارتك عنها.


8. أدخلي البطاقة.


9. عاودي إدخال البطاقة بطريقة صحيحة.

10. ابحثي في حقيبتك عن مفكرتك والتى فيها الكود السري.


11. أدخلي الكود


12. اضغطي إلغاء ثم أدخلى الكود الصحيح


13. ادخلي المبلغ المطلوب سحبه


14. تأكدي من تمام زينتك فى مرآة السيارة.


15. اسحبي المبلغ و الإيصال.


16. أفرغي محتويات حقيبتك مرة أخرى حتى تجدى حافظة نقودك وضعى المبلغ
المسحوب بها

.
17. دوني المبلغ المسحوب في مفكرتك وضعي الايصال في الحقيبة

18. أعيدي التأكد من زينتك.


19. قودي السيارة لمسافة 0.5 متر فقط.


20. عودي للوراء إلى الماكينة مرة أخرى.


21. اسحبي البطاقة.


22. أفرغي محتويات الحقيبة مرة ثالثة وضعى البطاقة في الحافظة الخاصة بها.


23. ارمقي الرجل الذي ينتظر وراءك بنظرة ازدراء.

24. شغلي المحرك.


25. أعيدي مكالمة محدثك على الهاتف.

26. قودي سيارتك لمسافة 2-3 كم.


27. أنزلي فرامل اليد
Post: #2368
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-17-2010, 00:28 AM
Parent: #2367

اللهم نسألك بأسمك الاعظم

والذى ان سئلت به اجبت

ان تمن بالشفاء على احمد المصطفى عبد الوهاب
Post: #2369
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-17-2010, 00:32 AM
Parent: #2368

يا الرشيد
عليك الله ما تشتغل بي كلام الشادي دة
الزول دة محروق من سماحة وبهلة المغرب دي
وباين عليه ناس الامر بالمعروف ضاغطين حنانه ذاته
وبغران من البهلة الموجودة في المغرب دي
يمين البار جنب الجامع
والحجاب جنب البيكيني
شغل نضيف ياخ
Post: #2370
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-17-2010, 06:14 AM
Parent: #2369

صباح الهناء والسرور ...
اصبحنا واصبح الملك لله ...
اللهم نسالك خير هذا اليوم عاجله واجله ...
ونعوذ بك من شر هذا اليوم عاجله واجله...
Post: #2371
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-17-2010, 07:00 AM
Parent: #2370

أصبحنا وأصبح الملك لله رب العالمين
اللهم اني أسألك خير هذا اليوم فتحه
ونصرهـ ونورهـ وبركته وهداهـ وأعوذ بك
من شرهـ وشرّ مابعدهـ، اللهم بك أصبحنا
وبك أمسينا وبك نحيا وبك نموت وإليك النشور
اللهم فاطر السماوات والأرض عالم الغيب والشهادة
رب كل شيء ومليكه أشهد ان لا إله إلا أنت أعوذ بك
من شر نفسي وشر الشيطان وشركه.
أسألك العفوة والعافية في ديني ودنيايّ وأهلي ومالي
Post: #2373
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-17-2010, 07:10 AM
Parent: #2371

صباح الخير ،،، يا وجوه الخير،،،

أصبحنا وأصبح الملك لله،،،وحده

نسمات ا لصباح :

ربنا ظلمنا أنفسنا،،،

وإن لم تغفر لنا،،،،

وترحمنا،،،،،،

لنكونن من الخاسرين،،،،
Post: #2372
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-17-2010, 07:07 AM
Parent: #2370

بسم الله الرحمن الرحيم
السلام عليكم يا بشر
معليش يا البادي
على نفس خطاك
Quote: صباح الهناء والسرور ...
اصبحنا واصبح الملك لله ...
اللهم نسالك خير هذا اليوم عاجله واجله ...
ونعوذ بك من شر هذا اليوم عاجله واجله...


Quote: اللهم نسألك بأسمك الاعظم

والذى ان سئلت به اجبت

ان تمن بالشفاء على احمد المصطفى عبد الوهاب
Post: #2374
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-17-2010, 10:10 AM
Parent: #2372

والله كلام فى السلك يا زهير
لكن تعرف , لا يتخلف اينا عن واجب اجتماعى اسفيرى بنية مسبقة مبيتة
عنى شخصيا , اتصور احيانا ان ما سبق وردده غيرى قبل قليل
يعبر عنى شخصيا
وهذا شعور عملى
ولكنه شعور غير صحيح
هو مفرط فى العملية
ولكنه مستهين بواجب يسهل انجازه حتى ولو بالكوبى بيست
شعورك وصل , وملاحظتك جات وقعدت واتحكرت
وساحكى عن نموذج عملى شعرت به ابان زيارتى الأخيرة
تحدثت معك فيه وعنه
عموما , كلامك تحت التنفيذ الفورى من الليلة وانت ماشى
اما انت يا كمال الشادى
فانعل صليبينك ذاتو
يا مستحمى
لو ضمنت غناك السمح ده كثمن لى كلامى وسردى
فاقنعوا من خيرا فى البوست ده
لأنو ماسورتى مكسورة زى ما قلت ليكم الأيام دى
عندكم جردل بيشيل ؟؟؟
Post: #2375
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-17-2010, 10:34 AM
Parent: #2374

دخلت الى ليل الخرطوم الساحر
الساحر تعود الى ليل , واحسبها تعود الى الخرطوم كذلك عند الكثيرين
ولكن ما بال كل الناس يمشون مشيا عاديا
وهم فى حضرة هذا السحر
ما بالهم لا يركضون , لماذا لا يتقافزون من الفرح
ولا ينططون من البهجة ؟؟ّ
لماذا يتكاسل الناس فى محطة (سبعة تشهد)
وهم يتحلقون حول موائد السمك وولائم الأقاشى وكوارى المديدة
اعرف صديقا رجع الى السودان رجعة نهائية
وكل زاده فى الرجعة عنوان جاذب لمطعم شعبى مقترح
قال ازهرى نور الدين
انا ماشى السودان عشان
(الشطوط والوحوحة )
ياله من عنوان جاذب ولافتة مطعم لو وجدتها لنزلت من وسيلة مواصلاتى التى وجدتها بصعوبة
لأكل الشطوط وتحرى (الوحوحة )
كل الخوف ان تأكل الشطة وتشربها وتهرب عنك الوحوحة الى حين
دكاكين المدائد اخدت صفا كاملا فى شارع الديم حتى قفز محمد المرتضى الى ذهنى
لا ادرى هل المديدة هى ما ذكرنى به , ام خاطرة وحوحات الشطوط المدمرة ؟؟!!!
ولكن اسمه مكتوب فى ورقة فولسكابى التى كتبتها فى المطار وخبأتها فى خافقى وفى جيب الشنطة (ايهما اقرب)
الساعة جاوزت العاشرة مساء
وهذا وقت مبكر فى ليل الخرطوم الساحر
ولكنه وقت جد متأخر عند (نظامه العام )
حفلة ناس عامر لم يتبق عليها الا اقل من ساعة
وانا الذى برمجت العقد الذى كان عصرا فى حلتنا لأنجاز السلام والتحايا لأصدقاء الحلة والجيران
وزيادة التمويه على حضور عامر ونشر اشاعة عدم حضوره لظروف طارئة
حضر عامر الخفيف للعقد , وانتشر خبر حضوره وحضورى
ولم احضر انا حين غرقت فى بحر الونسة العائلية اللذيذة
كنت مخططا ان تبدأ دروس السكسكة والأبتهاج من حفلة بت اخت عامر فى دار الكشافة
باعتبارها درس استكشاف اولى لآخر مآلات السكسكة و(الحت)
حتى اذا ما جاء عرس التاج اخوى وشقيق بت الشيخ
ندلف الى لب الموضوع مباشرة
ولكن قاتل الله الونسة اللذيذة ضيعت علينا اول اهداف الرحلة
وهاهو السلام والعناق وكيف الحال تأخذ مكانا غير مكانها
على ضفاف النيل , وعلى وقع النسائم الآسرة , والموسيقى الشجية التى لا اعرف لمن
ولكنها شجية
انفقنا سحر ذلك الليل الآول فى مشتاقين سلامات
وقد سبقنى عامر الى حكى جله افتراء
وتحولت من خانة الهجوم المفترض , الى خانة المدافع المستميت
وكسب عامر جولة الأفتراء الأولى
ولكنى كسبت ما هو اهم
اذ بدأت اجازتى بجو خرافى من
(الشجن اللذيذ )
حد قال اليم يا اخوانا
لذيذ , لذييييييييييييييذ
سامعين
Post: #2376
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-17-2010, 11:07 AM
Parent: #2375

لعامر هذا
مثلما (للناس الما كويسين وما بيسمعوا الكلام يا ياسر نجيلة )
اتنين بنات شيوخ
شفتوا بالله
اتنين عدد بنات شيوخ من النوع الأصلى
وهذا يجعل من قرار عامر القادم من السفر لتوه عصرا
اين يبيت , واين يمضى ليلته تلك
قرارا محفوفا بموازنات شتى
لا افهمها انا (الشر برة وبعيد )
ولا اريد ان ادخل فى زمرة (فاهميها )
فرتقت الحفلة , واخذنا بعدها زمنا معتبرا فى استكمال السلام والتحايا وبث الأشواق والسؤال عن الأحوال
يازول طولت كده مالك , ويا زول انت اصلك مفترى من زمان قاعد تأكل مع العمايا
بالله شوف الشويفعة دى كبرت كيف ,
ونحن على تربيزتنا جالسون
نتجاذب اطراف الونسة والكلام الطاعم اللذيذ مع اصدقائى واولاد حلتى زملان الشقا والأيام الطيبات
الجا من الجريف , والجا من الجبل
ووحدتهم الأشواق وجمعهم الحنين
كلنا فى انتظار توفيقات عامر وتبديلاته
عامر اشطرنا فى التوافيق والتباديل بضرورة الحال وحكم الواقع
قلت له كيف تسنى لك ذلك وانت ابلدنا فى الرياضيات ؟؟
اجابنى مازحا , اصلو الخلا التوافيق والتباديل والأحتمالات جزء من الرياضيات زول (بليد )
اتفقنا على وجوب كونها جزءا لا يتجزأ من (الكيمياء العضوية )
ومن اراد ان يجد لها مكانا فى الفيزياء او فى علم الأحياء فله ذلك
ولكن علاقتها بالرياضيات علاقة جدلية لانهائية
ولكنها ليست بالضرورة (حتمية )
كان قرار عامر هو التوجه الى الطائف , كمحطة مبيت اختيارية لذلك اليوم
سألته عن آاليات وحيثيات القرار
اجابنى , دى كبيرة عليك
احمد الله الكبيرة على , انا زاتو امانى قالت لى ما تمشى مع الولد البايظ ده
بس انا الليلة ماخد اذن
عليك الله عملتها كيف
آخر مرة جيت السودان كنت فى الطائف
لمن رجعت السعودية سقت معاى ناس الرياض (البيت التانى ) مصر
الليلة العصر لمن جيت من المطار مشيت الرياض لكن هم الأتنين (الرياض والطائف كانوا فى الصحافة عشان العقد )
ولو الأتنين عصلجوا وصعبوها على يانى الماشى معاك الصحافة بيت ناس ابوى
ما قلتوا نوبة !!!!
احمد الله انا الليلة بايت فى بيتنا فى الصحافة مع اخواتى الأتنين برااااااااااااااى
ياسر نجيييييييييلالالالالالالالالالالالالالالا
قلت لى تعددية يعنى شنو ؟؟؟؟؟؟؟؟؟!!!!!!!!!!!
Post: #2377
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-17-2010, 11:34 AM
Parent: #2376

Quote: عليك الله ما تشتغل بي كلام الشادي دة
الزول دة محروق من سماحة وبهلة المغرب دي
وباين عليه ناس الامر بالمعروف ضاغطين حنانه ذاته
وبغران من البهلة الموجودة في المغرب دي
يمين البار جنب الجامع
والحجاب جنب البيكيني
شغل نضيف ياخ



انا ما بغران ولا حاجة يا طارق
بس بعاين
بعيوني
Post: #2378
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-17-2010, 11:38 AM
Parent: #2377

يا منصور
لو قريت كل الفاتك راح تلاقي
احمد اسماعيل
وفافي
وأخرين
متبنيين
فكرة تجميع اهل الرياض مرة اخرى

وآخرين كانو متبنيين
فكرة

لا تجميع لاهل الرياض بدون منصور
يا الله يا زعيم لمنا تاني
عشان اخرتك المرة دي
Quote: اما انت يا كمال الشادى
فانعل صليبينك ذاتو
يا مستحمى
لو ضمنت غناك السمح ده كثمن لى كلامى وسردى
فاقنعوا من خيرا فى البوست ده
لأنو ماسورتى مكسورة زى ما قلت ليكم الأيام دى
عندكم جردل بيشيل ؟؟؟
Post: #2379
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-17-2010, 11:41 AM
Parent: #2376

السناجريب ديل فى بلدنا معروفين يا منصور
عامر ده لو باريتو بضيعك خليك معاهو لحدى وزن العفش بس

ايام المتوسط ونحن مجموعة طلبة واقفين فى محطة ( حجازى )
جاء باص ريكو فاضى وقف لينا ، كلنا ركبنا بالباب الوراء لزوم
الفوضى وكدا ،،،
وانا ماخد بالى اتارى خالتى وام عامر شافونى وهم قاعدات فى الكنبة
الاولى ، بعد شوية نادتنى ام عامر باعلى صوتها داخل الباص يا ود .....
باسم امى ما تدفع خلاس دفعنا ليك ،،،
يلا عينك ما تشوف الا النور الباص كلو يا ود .... يا ود ...
تانى اليوم المدرسة كلها يا ود ....

عشان كده انا مبسوط جدا" انو فى الزقازيق سمونى النضيف

يا منص انا كل ما ارجع اجازة الايام الاولى ما بعرف اسوق
مستغرب انت سقت اول يوم فى الليل كيف ؟؟
Post: #2380
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-17-2010, 01:53 PM
Parent: #2379

عبد الدائم
حركات ام عامر دي نحنا كبرنا عليها
وما بنعملها
Quote: بعد شوية نادتنى ام عامر باعلى صوتها داخل الباص يا ود .....
باسم امى ما تدفع خلاس دفعنا ليك ،،،

لكن
عليك الله الوالدة الله يخليها ليك
اسمها منو ؟؟
Post: #2381
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-17-2010, 02:29 PM
Parent: #2380

سلامات يا ناس

Quote: لكن
عليك الله الوالدة الله يخليها ليك
اسمها منو ؟؟


ام النضيف
Post: #2382
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-17-2010, 02:57 PM
Parent: #2381

في مؤتمر للعلوم والتكنولوجيا


وقف عالم فرنسي وبدأ يحكي عن تاريخ الاختراعات في فرنسا.

وقال : عندما حفرنا تحت برج ايفل وجدنا خطوط تليفون قديمة .

مما يعني اننا في فرنسا استخدمنا شبكة التليفونات قبل اكثر من 100 عام


طبعا الكل عارف انة بيكذب ، بس فوتوها





قام العالم الايطالي وقال : عندما بحثنا تحت برج بيزا المائل وجدنا خطوط تلفيون قديمة .

مما يعني اننا في ايطاليا استخدمنا شبكة التليفونات

من أكثر من 500 عام

وهذه برضة كانت كذبه بس اوسع شوية لكن برضة فوتوها






قام الاخ المصري . وسكت شوية مش عارف يقول شنو ؟؟ .

وبعدين قال : عندما حفرنا تحت الأهرام ...



ثم نظر في وجوه الحاضرين...

اللي غطى وجهه...

واللي نزل تحت الطرابيزة من الضحك...





رد المصري وقال:
لما حفرنا تحت الاهرام ، لم نجد ولا كيبل تحتها !!!



فسكت جميع من في القاعة!!

وقالوا هذا الرجل يتكلم كلام صحيح وجدي جدا

بعدها اكمل العالم المصري وقال
v
v
v
v
v
v
v
v

مما يعني اننا في مصر نستخدم الموبايلات منذ أكثر من سبعة آلاف سنة!!!!!
Post: #2383
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-17-2010, 03:37 PM
Parent: #2382

حجيتكم مابجيتكم
الجدعان طابت ايامكم
زمان في واحدةجارتنا شايقية
وهي مرة كبيرة في السن
ولكن كعادة النسوان مابحبن
يظهرن انهن كبرن فكانت دائما
تقول لجارتا المقتنعات بكبر سنهن
رغم انة في واحدات اصغر منها
النسوان القدركن بسون كذا وكذا
وانا جبت القصة دي للناس القدرنا
في السن والمفروض تكون القناعة
متوفرة عندنا بالشيب والاشياء الاخري
حتي لو مامقتنعين نشوف راي البنات الصغيرات
في الشياب وهذا راي بعض بنات البادية
خليك من بنات العولمة

الشايب ما بندورو
بالملالة فوق صنقورو
ناخد الصبي ساكت على حنجورو

الشايب بى التسلو
وبالشوكة التنكسرلو
شايب الضلال أحماني قريني أتلو

الشايب الجمجمــــة
نفسك دعاش الرمـــة
ناخد الصبي ساكت يبرد الحمى
Post: #2384
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-17-2010, 05:58 PM
Parent: #2383

مساكم الله بالخير
جيت لأخذ حظي من موائد الصباح التي تركها منصورمع الشطوط و الوحوحة و بعدين نحلي بي مديدة الحلبة....و مديدة الحلبة دي أعشقها عشق ما اعتيادي...بس ما تسمع ليك زول جابو ليهو مولود تمشي تبارك طوالي...يمكن ينوبك من الطيبات نصيب...و من الأشياء العجيبة ان مدينة مثل كوستي يا عبدالحفيظ ارتبطت عندي بي مديدة الحلبة...فصديقي محمد الأمين من أبناء كوستي كان يعمل معي بمفوضية الاغاثة و اعادة التعمير بالاقليم الأوسط و كنا أثناء مرورنا عبر كوستي نبيت في منزلهم...و كنت أسعد كثيرا لذلك لأن مديدة الحلبة لا بد و أن تكون حاضرة بعد العشاء...

جبريلا انت أخير ليك تبعد من الشادي ده ...عشان ما يجيب ليك الكتاحة ..و انتو باقي لي كتاحتكم ما بتتقابل...

محمد عيد...لما حفروا تحت بوابة عبدالقيوم لقو شنو ...؟؟

Quote: الشايب ما بندورو


ود المهدي حبابك...حسه محمد صديق ده جاب سيرتك..
Post: #2385
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-17-2010, 06:59 PM
Parent: #2384

Quote: محمد عيد...لما حفروا تحت بوابة عبدالقيوم لقو شنو ...؟؟


فى ناس قالوا طمبور وناس تانيين قالوا كمنجة ..!!

وهنا انبرى المؤرخ السياسى ابو الزوز الزناتى قائلا ...

ده دليل على انو نانسى عجاج بتفنى من ومن اسحق الموصلى وزرياب ..!!
Post: #2386
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-17-2010, 07:16 PM
Parent: #2385

Quote: ده دليل على انو نانسى عجاج بتفنى من ومن اسحق الموصلى وزرياب ..!!


اللخبطة بتاعتك دي دليل على ان يا الكيبورد بتاعك بايظ...يا الكفيل واقف ليك فوق راسك...
Post: #2387
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-17-2010, 07:43 PM
Parent: #2382


أحد الكذابين قال امبارح النار ولّعت في البحر

قام آخر قال انا مابعرف الكذب ، اليوم الصباح كنا

بالمزرعة جانا سمك ظهرو مشلفط بالنار

ــــــــــــــــــــــــــــــــــــــــــــ

كذاب ثاني قال ماشفتوا الطاحونة العملوها فوق شجرة التبلدي

أحد الحاضرين قال انا مابعرف الكذب لكن بشوف حمير محملة بالذرة

تطلع الشجرة وتنزل محملة بالدقيق


هذه على وزن الكذابين اعلاه (الفرنسي والإيطالي والمصري)
Post: #2388
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-18-2010, 06:48 AM
Parent: #2387

أصبحنا و أصبح الملك لله ، و الحمد لله ، لا إله إلا الله وحده لا شريك له ، له الملك و له الحمد وهو على كل شئ قدير ، رب أسألك خير ما في هذا اليوم و خير ما بعده ، و أعوذ بك من شر ما في هذا اليوم و شر ما بعده ، رب أعوذ بك من الكسل ، و سوء الكبر ، رب أعوذ بك من عذاب في النار و عذاب في القبر ".
Post: #2389
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-18-2010, 07:00 AM
Parent: #2387

أصبحنا وأصبح الملك لله رب العالمين
اللهم زدنا ولاتنقصنا وأكرمنا ولاتهنا
وأعطنا ولاتحرمنا وآثرنا ولاتؤثر علينا


سلامات أخونا عمر المهدي

الشايب دة الله بيني وبينو
تطير شرارة تقدد عينينوا
Post: #2391
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-18-2010, 07:20 AM
Parent: #2389

صباح الخير،،،يا وجوه الخير،،،

أصبحنا وأصبح الملك لله ،،، وحده

نسمات الصباح :

ربي هب لي من لدُنك ،،

ذرية طيبة،،

إنك سميع الدعاء،،،
Post: #2390
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-18-2010, 07:17 AM
Parent: #2387

صباح الهناء والسرور ...
يا جلا انا خليني في حالي وابعد منى محنك دي ...
انا بي سببي انت مالك?? نحن كدا وانتو كيف ...
الكتابة بطريقة (الباندا الحجل) صعبةخلاص ...
يا جبريلا ادردق في الواطة من الضحك ...
Post: #2392
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-18-2010, 10:10 AM
Parent: #2390

بسم الله الرحمن الرحيم
أها خليناك يا البادي
Quote: صباح الخير،،،يا وجوه الخير،،،

أصبحنا وأصبح الملك لله ،،، وحده

نسمات الصباح :

ربي هب لي من لدُنك ،،

ذرية طيبة،،

إنك سميع الدعاء،،،
Post: #2393
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-18-2010, 10:28 AM
Parent: #2390

وانتهت توافيق عامر وتبديلاته بقرار المبيت فى الطائف
ركب معى واصطحبنى فى رحلة العودة صحبة طفليه بتاعين الطائف
طفليه فقط دون امهما
للتباديل والتوافيق ثمن ما , دائما وابدا
هل كنت انا نفسى جزءا من الصفقة ؟؟ كل شىء جائز وممكن
ليل الخرطوم بعد انتصافه , رائع ومدهش فى شهر يناير
والسواقة فى شوارعها الفاضية , اكثر جمالا كذلك
كما ان النوم فى برندة تبدو كالحوش الفسيح , ممتع ممتع ممتع
لكن فاتورة ذلك السرير وتلك المعنويات العالية اكتشفت اننى دفعتها ليلا
فى الصباحات الباكرة
لأننى استيقظت على صوت بت الشيخ وهى تتفرج على بيتنا
وتزف لى خبر انو الباعوض عاث فيهم فسادا
وتغرجنى على جسم حجازى ومدرار الذى اصبح وكأنه جسم خالد بن الوليد
ليس فيه شبر الا وفيه عضة باعوض او قرصة انوفلس
حكينا نكتة ان الناموس والباعوض يتعامل مع اجساد اولاد المغتربين بالعتبارها ولائم كاملة الدسم
حتى ان صوت الأنوفلس وهو يشفط الدماء يبدو مختلفا
كما قال راوى النكتة التى استعرتها عنه وحكيتها وانا نائم نصف نومة حتى اهون الأمر واجعله عاديا
فلو كان صوت الناموس شافط الدماء يشابه صوت مصاصة العصير العادية الصغيرة
فهو عند اولاد المغتربين , اقرب لصوت الهوفر
ضحكت انا وضحكوا جميعا للتتبيه
الا ضربات خفيفة من هنا وهناك , واستهجانات يسبقها ويتبعها عبارات قول ما شاء الله
اذهبت عنى نصف النومة المتبقية من كسل الصباح اللذيذ
واذهبتنى فورا الى دلع احبه ويحبنى , من اخواتى مرة ومن بت شيخى مرات اخر
محوره وموضوعه عصير ولا شاى بالبسكويت
اجابتى كانت قاطعة
عصير بعده شاى بالبسكويت , فهذه من فرص دلع الحياة النادرة التى يجب استغلالها
آى والله الناموس ده ما بالغ معاكم
قلتها وانا افحص جسد مدرار الصغيرة وكذلك حجازى
انتو عاد لحمكم ما حلو , او انتو ممكن يا امانى حوش بيتكم ده فيهو بلاء
ايوة تتذكرى ونحن جايين من المطار المويات الواقفة جنب بيتكم ديك , قالوا ماسورة مكسورة
خلاص اخير ليكم تبيتوا فى بيتنا بى جاى عشان بعيد من الموية والناموس
يعنى ناموس فى بيتكم هنا مافى ؟؟
تساءلت امانى مستنكرة للملاحظة الخبيثة
شوفى , ماهو واحد من اتنين , يا تقبلى نظرية الموية الراكده دى , او كمان تكونى مجبورة تقبلى النظرية التانية
البتقول شنو يا سقراط ؟؟؟
استفزاز مقاطع آخر لم آبه له ومضيت فى شرحى جادا
البتقول انو فى فرق بين دمى ودم اولادى
كيف يعنى
دم اولادى حلو ودمى مر
كيف يعنى
البيخلى ناموس الجن ده يعضعض وليداتى العضعضة دى كلها , ويجى لغاية عندك وعندى يفطنا شنو ..
يعنى انت هسى قايل الناموس ما عضاك ولا عضانى ؟؟ّ!!!!
كان سؤال امانى حاملا لصيغة اكثر استفزازا مما جعلنى اتحسس موضع كلماتى وسط ضحكات مكتومة من اخواتى الحاضرات للحوار
غايتوا الواحد لما يكون ما بيحس
بلغ الأستفزاز مداته اذن , وهذا يعنى ان بت الشيخ متأكدة من اسلحتها تمام التأكد , مما جعلنى اتحسس اكثر ثم كانت الألتفاتة القاتلة
هو الناموس ده عضانى انا كمان ولا شنو ؟؟؟؟
انفجر الجميع ضاحكين , وساد البرندة شبيهة الحوش حالة من الهرج والمرج
ثم دنت منى التفاتة حاسمة الى المواضع المكشوفة من جسدى
لو كانت اجساد مدرار وحجازى اشبه بجسد خالد بن الوليد فى معركة استشهاده
فان جسمى وجسدى اشبه بجسد
بجسد
بجسد
امبيلى بتاع الهلال
مش بيسموهو الغربال
Post: #2394
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-18-2010, 10:45 AM
Parent: #2393

غايتو حااعيد قراءة مداخلاتك ....



514 مرة




كان نتعلم شويه "تكتيك"



حالتو وصف لدغات الباعوض
لو كان وصف ...
احلى عيون بنريده لزول علمني الريده ...
كان كيف ....




متعك الله دنيا وآخره .... يامنص
Post: #2395
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-18-2010, 11:02 AM
Parent: #2393

عاث الناموس باجسادنا فسادا
وعمل فيها تقطيعا وعضا
وانا يهمنى
اصغر منك دوسو
هذه نظريتى الأثيرة تجاه كل ما ينغص على استمتاعى بالحياة ويدخل عرضا فى برنامجى اليومى
كعادة النساء حاولت بت الشيخ ان تجعل منه موضوعا يجب بحجثه وحله
ولكن برنامجى , ومواعيدى , وورقة فولسكابى المختبئة فى الخافق وجيب الشنطة (ايهما اقرب)
تأبى ان تذعن لهكذا تخرصات
عليك الله ما تفلقينا بى ناموسك وباعوضتك دى , العوجة ما بتجى لى وليداتك
بعذين انتى البيت كلو ما دكاترة , كلميهم يشوفوا لينا حل ؟؟
هسى عليك الله انا امشى للعريس اقول ليهو شوف لينا حل للباعوض , هو فاضى لينا
قولى لى نصر الدين ولا عبد الرحيم ولا عز الدين
(الأول اخوها الكبير والآخريين عدايلى ازواج اخواتها )
اعرف ان ملاحظتى ليست منطقية , فنصر الدين حضر معنا فى نفس الطائرة من السعودية , وعز الدين وصل فجر اليوم من امريكا حتى اننى لم اقابله او اسلم لا عليه ولا على زوجته حتى الآن
خلاص انا حا اكلم عبد الرحيم
على كيفك , كان اولادك ديل رقدوا بالملاريا انا ما مسئولة
مسئول انا
ولكن الحل كان حاضرا باسرع مما تصورت
ذهبت للسلام على دكتور عز الدين , فوجدت ان زوجته تشكو نفس الشكوى مع انهم لم يصلوا الا انصاص الليالى والصباحات الباكرة
ولكن الأطباء يكونون محتاطين لمثل هذه المشاكل المتوقعة فى السودان (بطبيعة الحال )
كريم جسم طارد للباعوض مع جرعات دواء الملاريا الوقائية اقنعت بت الشيخ وريحتنى فى حنانى
ثم ازداد ضحكى حينمت وجدت ان الكريم متوفر كذلك فى دكان (خليل ) القدامنا
ما كل الحلول تأتى من امريكا
فبعضها يأتى من دكان خليل ايضا
قفلنا صفحة الباعوض وهوس الملاريا
فطرنا
سرقنا نظرة لى ورقة الفولسكاب المخبأة فى خافقى وجيب الشنطة ايهما اقرب
تحسسنا مفتاح العربية
رمينا جوال السعودية ومحفظة الرياض
ركبنا شريحة السودان
ويا شوارع الخرطوم جاك بلا
Post: #2396
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-18-2010, 11:41 AM
Parent: #2395

ورقة الفولسكاب تقول
تاشيرة الخروج اولا حسب المواعيد مع عامر
عليك الله شوفوا البداية السخيفة دى للبرنامج
الواحد قبل ما يدخل كويس , يفكر فى الخروج
هذا انطلاقا وارتكازا على الوصية الثعلبية العتيقة
ان الوقوع فى المصائد هين , ولكن التأمل فى الخروج
الزناتى زهير كان قد اتصل اتصالات عدة , ضاعت منى ابان انشغالى بونسة او نوم
ولكن ملخصها وصلنى , وهو تأكيد لمواعيد متفق عليها مسبقا
فى السودان الشقيق , اعمل مواعيد زى ما داير , وكثر منها كمان , لكن اوعك تغلط وتقول لى زول الساعة كم
الحل دائما فى الغبارة السحرية التعلمتها من زهير وآخرون
بيناتنا تلفون , حدد موقعك
كان على المرور على عامر الذى قضى ليلته الأولى فى موقع الطائف بعد توفيقات وتبديلات استغرقت زمنا ومجهودا
ام عامر التى دفعت للنضيف حق التذكرة لمن ركب مع زملاؤه فى محطة حجازى فى الديم
قالت لى ضاحكة , الحريم ديل ما بهدلوا وليدى , عليك الله عاين ليهو ضعفان كيف
فاجبتها ضاحكا , وليدك براااااهو مبهدل نفسو , ما شايفا الرجال بيبيتوا مع امهاتهم واخواتهم
هذا فى حضور بتى شيخ عامر الأثنتين
وضحكهما على ما اقول
ولكنه ضحك محسوب بحساب التباديل ومعادلات التوافيق المعقدة
لا احب حمل الأغراض فى جيوبى
ولكن مشوار التأشيرة السخيف , يتطلب معينات كثيرة , ابغضها واكرهها الكره كله
ولكن ورقة فولسكابى المخبوءة فى الخافق
تتطلب هنا رؤيتها رأى العين
بحلقت فيها
ما اطولها , وما اقصر ايامى
جوازى , جواز الأولاد وامهم , البطاقة الضريبية التعيسة , ماعندى صور فوتغرافية عشان اعفاء التجنيد
ولكن ما اسهل رسم صورتى على ورق مربع صقيل فى دقائق معدودات
خاصة وانا بتلك الخفة والروح المعنوية العالية
تم تجهيز المستندات
يتصل على عامر سائلا متى ااتى اليه
وسائلا ان امر على بيت ابوهو عشان اجيب مستنداتو الداسيها عند ابوهو
اهاااااااا, نحن نقعد فى زى ده , بايت فى حتة , والليلة بايت فى حتة تانية , وشنطتك وجوازك بايتين عند ابوك وامك ؟؟!!!!
يضحك عامر , واضحك انا , وامر على بيت ناس ابو عامر عم احمد سنجراب
يحضر لى الشنطة ضاحكا اذ اعدت عليه ملاحظتى الليلية التى بحت بها لحاجة رقية , وملاحظتى التلفونية الصباحية التى نفحت بها عامر
وحملت شنطتى وشنطة عامر , وفى الضهرية وصايا ووصايا يجب ايصالها لأصحابها
انزلت عامر او ممكن تقول انتزعته من فطوره الصباحى مع زوجة الطائف
متوجسا ان يتسبب هذا الأنتزاع , فى خلخلة نظريات التوافيق ومعادلات التباديل التى استغرقت فى حبكها وتنفيذها من عامر
زمنا ومجهودا
ولكن امثال عامر
يحتاجون دائما
امثالى
لأحداث تغييرات طفيفة
على معادلات ليل التوافيق
التى تصحو دائما على نهار
التباديل والأحتمالات الجديدة
انت قلتى لى تعددية يعنى شنو يا ود نجيلة ؟؟؟؟؟؟!!!!!!
Post: #2397
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-18-2010, 01:03 PM
Parent: #2396

Quote: رمينا جوال السعودية ومحفظة الرياض
ركبنا شريحة السودان
ويا شوارع الخرطوم جاك بلا


والله يا منصور شبعتنا حكي حلو وطاعم

وسردكم بالتوافيق والتباديل والتباين

أنحنا كل يوم صباح ومساء لازم نستمتع بكلامكم

ومداخلاتكم الشحمانة أم كرشاً كبيرة ،،،، بصراحة

مداخلاتك دي عطت على كل المداخلات ،،، برافو يا منصور

- برافو ده جهاز لاسكي وهاتف - رقمي فيهو 0515026219
Post: #2398
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-18-2010, 07:02 PM
Parent: #2397

توقف قطار البوست العام عند محطة حكايات منصور مع الباعوض و توافيق و عامر و تأشيرة الخروج...فأصبح منصور حكاي البوست الوحيد و بلا منازع...صحيح نحن نستمتع ايما استمتاع بحكاوي منصور...و لكن لا يمكن أن يتوقف القطار حتى يأتي منصور في اليوم التالي ليواصل حكاياتة اللذيذه...بل يجب على القطار أن يغادر المحطة الى محطة أخرى بواسطة آخرون كل حسب قدراته و امكانياتة...فكلها ممتعة بالنسبة لي شخصيا...فأنا أستمتع بالأرقام القياسية لأبو عمر أحمد اسماعيل...و لمناقرات طارق جبريل مع كمال الشادي...و لمداخلات كمال الشادي...و صديقي عبدالسميع (دي المرة الكم يا عبد السميع)...عبد الحفيظ لما يكون رايق...موسى عيسى قبل زنقة نهاية العام المالي...محمد صديق لما يكون رايق...محمد عيد...أبو الزوز...و عمر المهدي...الريس المواظب و السيدة الأولى الرقيقة منى يونس..و الريس المختفي معتصم جعفر...النهاريين ديدو و جلال و جلا رغم اني زعلان منو و هو عارف ليه و البادي...
و نشتاق لحاتم جبارة و زينب التجاني و سناء الصباغ و صلاح الأمين وآخرون اختفوا في ظروف غامضة...كلكم تمنا كتاباتكم و حتى وان لم نتداخل معكم...فأحيانا نقرأ باستمتاع دون التعليق...و هذا أمر ليس بالجيد و لقد انتقدته شخصيا...و لكن أصبح التداخل في كل الاتجاهات يحتاج الى جهد كبير مع مشاكل تحدث أحيانا كثيرة هذه الأيام مع النت...


أحبكم جميعا فلا تغيبوا...
Post: #2399
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-18-2010, 07:30 PM
Parent: #2398

الاحباب الكرام لنا وحشة من البوست حوالي الاسبوعين و الله من جكت منصور ما شفت البوست

إلا الآن و لقيت نفسي ما قادر اشيل نفس من الجكات الحلوات و السرد الرائع للقاص المنصور

و ايما حكي والله يا منصور ابداع نحن من الان متبرعين بطباعة الكتب و ليست الكتاب بس انت

خليك من موضوع الكفلاء دا و اقترح ان تبدا في الكتاب الاول بما هو وارد من رحلة زواج شقيق

بنت الشيخ و الله سوف يكون اروع ما يكون !


الحبيب الرشيد اولا : بنتنا الحلوة امنية انشاء الله ربنا يطول في عمرها وعقبال الالف شمعة

و الله اني احبها امنية و اتمنى ان تكون امنية لكل اخوتها الزقازيقات في ان يكونوا في

الاحتفال بها في عامها القادم و اتمنى ان يكون في السودان او اي مكان بس انتو تاشروا و نحن

نكمل الباقي ، بالله يالرشيد بلغها تهانينا رغم انها اتت متاخرة فلها العتبى حتى ترضى
Post: #2400
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-18-2010, 07:46 PM
Parent: #2399

موسى عيسى تسلم يا عزيز...

عليك الله ما جاتك قحة قبل شوية...لو جاتك كنت بقطع فيك مع جلا قبل شوية بالتلفون...و كنت عايز أشد ليك سلك مسخن...لكن انشغلت شوية جيت لقيت مداخلتك دي...

مشتاقين ليك شوق شديد و غيبتك طالت...عرفت من جلا انك عندك مشاكل في الكمبيوتر بتاعك...على أي حال مرحبا بعودتك و أرجو أن لا تطول غيبتك مرة أخرى...
Post: #2401
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-18-2010, 08:14 PM
Parent: #2400

والله يالرشيد انا لحظة ما فتحت البوست و لقيت التهنئة بالاميرة امينة قولت

احسن اتصل و لكن قبل ما اقوم علي التلفون فتح البوست قلت اعمل مداخلاتي

ليك و في البوست واتصل لكن و الله يا الرشيد الشوق ليك حاصل من اكثر من يومين

والقلوب شواهد و سوف اتصل بعد قليل انشاء الله
Post: #2402
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-18-2010, 08:29 PM
Parent: #2401

سلامات يا ناس

Quote: ...بل يجب على القطار أن يغادر المحطة الى محطة أخرى بواسطة آخرون كل حسب قدراته و امكانياتة...فكلها ممتعة بالنسبة لي شخصيا...فأنا أستمتع بالأرقام القياسية لأبو عمر أحمد اسماعيل...و لمناقرات طارق جبريل مع كمال الشادي...و لمداخلات كمال الشادي...و صديقي عبدالسميع (دي المرة الكم يا عبد السميع)...عبد الحفيظ لما يكون رايق...موسى عيسى قبل زنقة نهاية العام المالي...محمد صديق لما يكون رايق...محمد عيد...أبو الزوز...و عمر المهدي...الريس المواظب و السيدة الأولى الرقيقة منى يونس..و الريس المختفي معتصم جعفر...النهاريين ديدو و جلال و جلا رغم اني زعلان منو و هو عارف ليه و البادي...


الرشيد...الغياب بقى كتير...وزى ما قال محمد عيد قبل كده فى حاجة غلط...

الغلط ما فى الآخرين ...عن نفسى اقول الغلط فينى انا ....

لحدى ما اعرف الغلط ده ...حأجيكم برواقة.
Post: #2403
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-18-2010, 10:14 PM
Parent: #2402

يا اولادى او يا اخوانى ايهما شئتم
المهم انو انا عجزته وكركبته
ما لانى نزلته كم اغنيه وحاولت اجاريكم كتابتا
بقيت شاب 000 عفوا ان نسيت نفسى وعمرى
فوجودى بينكم ينسينى اشياء كثيره
فلست بالمتصابى ولا المتغابى
انما هى ترويحة لشيخ خمسينى يجدها بينكم
فيفرح فينزاح عنه كلل الروح ومللها
وعفوا ان كتبت ما لا يرضاه غيرى
وتبقى حقيقة اننى زقازيقى الهوى0
Post: #2404
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 06:19 AM
Parent: #2403

الحبان والجدعان صباح الله بالخير عليكم اجمعين و انشاء الله

كل صباح و انتم تامين و سالمين .

اخوتي نبدأ صباحنا بالابتسامة حيث ان الابتسامة هــي اللغة

الوحيدة التي لا تحتـاج إلــى ترجمة ولا إلى مدرسة أو جامعة

نتعلمها فيها، فلنتقــنها إتقاناً جـيـداً لأنهــا المدخل إلى

السعادة والصحة النفسية والبد نية ولنلتزم بــأدب الإســلام

فيها وكان النبي (ص) يبتسم حتى تبدو أسنانه ولا يقيقه.

فلكم مني احبتي ابتسامة عريضة لكل من تاخرنا في تهنئتهم

او مشاركتهم افراحا او اتراح او قصرنا في حقهم فلكم احبتي

مشتاق شوق ميسرة لود الجعلي و شوق جلا للحج و شوق محمد الصديق

لميدان المدرسة العسكرية و شوق طارق جبريل لكسحة في شارع القومية

شوق اسامة الطيب لمعانقة شباك ................؟
Post: #2405
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-19-2010, 07:24 AM
Parent: #2404

صبحكم الله بالخير


اللهم أنت ربي, لا إله إلا أنت , خلقتني وأنا عبدك, وأنا على عهدك ووعدك ماستطعت, أعوذ بك من شر ما صنعت, أبوء لك بنعمتك علي و أبوء بذنبي فاغفر لي, فإنه لا يغفر الذنوب إلا أنت



و بكده أكون عملت العلي بالنهار...عشان يجي جلا يعمل كوبي بيست...و بعداك حكاية منصور غريبة خلاص...لأنها من طرف واحد...على وزن حكاية الريد غريبة خلاص...و الشرح ده للناس الما حضروا منى الخير...
Post: #2406
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 07:30 AM
Parent: #2404

بسم الله الرحمن الرحيم
اللهم اغفر لي ما قدمت و ما أخرت
و ما أسررت و ما أعلنت
و ما أسرفت و ما أنت أعلم به منَّي
أنت المقدم و أنت المؤخر
لا إله إلا أنت

البادي فتشتك ما لقيتك
بختك شيل الكوبي بيست دا
حبي لكم سادي الطريق
Post: #2407
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-19-2010, 07:36 AM
Parent: #2404

بسم الله الرحمن الرحيم

اللهم نسألك خير هذا اليوم فتحه ونصره ونوره وهداه
اللهم أحسن عاقبتنا في الأمور كلهاوأجرنا من خزي الدنيا
وعذاب الآخرة، وأرحم والدينا ياغفور يارحيم.


علشان نفعل بوستينا ده كما أشار الأخ رشيد القوم
أقترح نعمل زي برنامج مرسال الشوق ماشاء الله نحن
اولا من مناطق مختلفةفي السودان وايضا من احياء
مختلفة في المدينة الواحدة
ثانيا منتشرين ماشاء الله تبارك الله في كل أرجاء
هذه البسيطة
لماذا مايبدأ كل واحد من المتواجدين هنا بتنزيل
أسماء كل من يعرف من الزقازيقاب وغير متواجد بيننا
مع العناوين ماإستطاع إلى ذلك سبيل
علشان نجمع أطراف العائلة الزقازيقابية الكبيرة.
Post: #2408
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 07:51 AM
Parent: #2407

Quote: لماذا مايبدأ كل واحد من المتواجدين هنا بتنزيل
أسماء كل من يعرف من الزقازيقاب وغير متواجد بيننا
مع العناوين ماإستطاع إلى ذلك سبيل

أحمد إسماعيل قول بسم الله
إنت ما شفت الأخ سامي و البيانات التي كتبها في البوست بتاعو
إذا كان كلامك لازم و لا بد
غايتو أنا معرفتي مع ناس الزقازيق نفرين فقط
أحمد إسماعيل و هو من قرية السقد نام ودي في و لاية النوم و لا اللوم
وموسى عيسى وهو من قرية أم صيقعون الجاك في و لاية أم طرقاً عراض
Post: #2409
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 08:02 AM
Parent: #2408

Quote:
غايتو أنا معرفتي مع ناس الزقازيق نفرين فقط
أحمد إسماعيل و هو من قرية السقد نام ودي في و لاية النوم و لا اللوم
وموسى عيسى وهو من قرية أم صيقعون الجاك في و لاية أم طرقاً عراض


الله يسالك يا جلا حاتم جبارة دي مالو و لا عشان عمل ليه صلعة و الله عالم جبانات

بشكل خوتكم كلها بهناك بس ، اها يا جلا شيل شيلتك جاني تلفون بعد مداخلتك دي

من الخليج ! قال لي حتى جلا الجلا بقى يتغبى علينا المعرفة و هو اعلن من الان

الانفصال عن التحالف السابق والانضمام لحزب البشير أقصد حزب زهير و براك جبتها

لنفسك ؟
Post: #2410
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 08:53 AM
Parent: #2409

طيب خليني أخمن
يا ربي يكون ياسر نجيلة
لا ما ممكن ...لأنو الزول مصنف دا مثقفاتي من الدرجة الأولى و كان في محراب الآداب و الفنون
يعني الواحد ممكن يتلم معاهو في حتة الآداب دي
لكن الفنون دي شوف محمد عيد أو قدورة أو منى يونس....و آخرين عدا عصام جلي و أنت وشخصي...
برضو نقطة خلافنا إنو هو زول لفحنجي و يمارس ذلك بطريقة مستدامة ....
أما شخصي فيمكن أن تعتبرني عكليته
خليني أسأل منصور ما هو الفرق بين اللفحي و العكلتة؟؟؟؟
و طالما نحن مختلفان في تلك الأمور ممكن أجليهو و ماهماني...
يا ربي يكون التلفون من نجاة حوفي
لا ما ممكن طبعاً...لأنها لغاية هس ما بتكون قرت المداخلة بتاعتي....
و حسب علمي تبقت لها ورقة إمتحان أخيرة اليوم...
و بعدين الشغل مكتفها و الكفيل راصد آداءها يعني ما في طريقة تقوم تتداخل عشان تقوم بي بري الناس
الماعندهم ذنب و منتظرين حكاوي منصور بتاعت البعوض ديك
كنت داير أقول ليك زهير الزناتي...
لكن زولك الأيامات دي ما فاضي من الكورة العالمية و العمل السياسي
ما عارف عايز يترشح لي ياتو ولاية...بعدين هو زاتو ما مشا الخليج من أصلو
تاني ما أظن في زول...
لو زولك ما موجود في المداخلة دي أديني تلفون أو أكتب لي في الماسنجر عشان نعتذر ليهو دكاكيني
عليكم الله زول متربي في جبال النوبة و ساكن في الخرطوم في أركويت و شغال في الأمارت
على بعد 250 من دبي و أولادو في دبي زاتها...دا مش زي الفلم الإسمو سمك لبن تمر هندي...
و تيب!!!!
Post: #2411
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 09:14 AM
Parent: #2410

عليكم الله زول متربي في جبال النوبة و ساكن في الخرطوم في أركويت و شغال في الأمارت
على بعد 250 من دبي و أولادو في دبي زاتها...دا مش زي الفلم الإسمو سمك لبن تمر هندي...
و تيب!!!!

هسي يا جلا في داعي للكلام الفوق دا براك جبتو لنفسك ؟ امشي شوف ليك

محامي و ياريت لو استعنت بواحد من البواليس حقيننا ديل طبعا ابعد من

جنابو ود الصديق انا عارفه صارها ليك من ايام الكورة في المدرسة العسكرية

و كمان اسامة ابتر ما بقيف معاك لانك طنشته في البارتي بتاعة الحجة السرية

ولا اقول ليك شوف عوض المفتاح لانه قالوا لي حقاني و بقيف مع الغلابة لو كانوا

غـــــــــــــــــــــــــــــــــــــــــــــــلابة ؟
Post: #2412
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-19-2010, 10:10 AM
Parent: #2411

Quote: إنت ما شفت الأخ سامي و البيانات التي كتبها في البوست بتاعو
إذا كان كلامك لازم و لا بد




انا قلت الغير متواجدينا بيننا

ياحاج مالك بقيت تنط سطر أقصد بعض الكلمات
وفي رواية سابقة بقيت تنسى جوالك الله يكون في العون


طبعا البيانات المنزلها سامي تقريبا عن المتواجدين بيننا
Post: #2413
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-19-2010, 10:45 AM
Parent: #2412

يا أحمد إسماعيل عليك الله سيبك من جلا وموسي عيسي ديل ومن لف لفهم ....ديل إسمهم المرجفين في المدينة وفي رواية أخري المغرضين .... أي زول عنده تلفون زوله وعنوان ينزله في الداتا بتاعت سامي بعد شوية حا يكون عندنا كذا الف إسم وده فكرة ممتازة للغاية وعليك بي لغاية يوم السبت الجاي أنزل ليك كمية من الناس ... ايدك في أيدي .... وأنسي ناس اللفحي ديل
Post: #2414
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 10:50 AM
Parent: #2412

Quote: ياحاج مالك بقيت تنط سطر أقصد بعض الكلمات
وفي رواية سابقة بقيت تنسى جوالك الله يكون في العون

السطر الأول مقدور عليه
زمان في المدرسة قالو إذا أردت أن تكون صاحب خط مميز أكتب سطر و فط سطر
وهذا ما يجعل الكتابة نظيفة و مقروءة و تنال درجة استحسان من الأستاذ
أما عن دخول الزول في عمر معين يعني زي اللفات الأخيرة (يستبعد بنات الشيخ)
فقد تم الإستعاضة عن فط السطر بي إنك قاعد تلقط و رق ثم تطورت بإنك قاعد تلقط في أكياس
و عند الوصول للمراحل الأخيرة من العمر فيقول لك أن فلان جاري و را كيس
وهي حالة البوست و كتابات منصور الآن
يا إما منصور بي مداخلاتو جاري ورا أكياس أقصد جاري و را أهداف معينة من مداخلاتو
أو كل الناس القاعدين ومستمتعين بي مداخلاتو جارين ورا أكياس منصور القاعد يكتبها دي
و يستثنى من ذلك الزول المتابع و المستمتع
السطر الثاني أشم رائحة دهاء و مكر
أن تنسى جوالك خير لك من جكة في سوق الله أكبر بتاع السمك
و هنا يحضرني مواقف سامي مع الكفيل
لمن يقول ليك الكفيل صحبة راكب و الزول دا شدة ما عاصرني لمن الزول ينسى إسمو
أو مواقف جلال لمن يقول المدارس فتحت و أنا معصور مع العيال من الصباح
جيب شنط المدرسة و تجهيز شندوتشات الفطور
و البنات عايزات تسريح و أفتش في فرشة التسريح بس لقيتها بعد تعب
ملاحظ يا أبو حميد لغاية هس ما جبت سيرة بنات الشيخ؟؟؟؟
نرجع لي موضوعنا
طبعاً لو رجعت فتشت الناس في الداتا بتاعت سامي
ستجد أناس ما متداخلين معانا
على سبيل المثال:
أسامة الطيب، الهادي كتير، المصباح
كدي النسألك
إنت الصباح قلت لي أم العيال و دعتك الله لغاية بعدي؟؟؟
أشك ....أشك....أشك
لكن أرجع و أقول إن بعض الشك إثم
Post: #2416
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 11:06 AM
Parent: #2414

و الله يا جلا البتابعك تكون دي نهايته وزهير كان صحبي بس

هسي متابعتي ليك دي مرقتني من كلتشى و قودوين تاني القاها

وين و الله في دوري كادقلي انا هو ما نتلم ! بس سخن لي الحكاية!

الشوت بقى ضفاري ؟

الشي التاني يا زهير انا والله موضوع احمد اسماعيل ما جبتو لا من

بعيد و لا قريب بتلمني مع جلا مالك ؟ انت لو جلا دا عندك معاه بايته

من ايام المدرسة انا مالي ؟ عموما انا صحبت جلا دي خليتها بس ما

تلمني معاه ؟ .
Post: #2417
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-19-2010, 11:09 AM
Parent: #2414

عودة موسى عيسى اعادت للبوست روحه وحلاوته ومناكفاته
يديك العافية ابا عهود
طبعاً متحفظ في الرد على اتهامات جلا الفوق ديك عشان كان ردينا عليها
بنفتح لينا نفاج يصعب قفله وبيساهم في جرنا نحو التعددية وما اليه...
وزي ما قالوا ناس زهير ومن لف لفه جرجير الاضنين حار في السقط دا
Post: #2425
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-19-2010, 12:25 PM
Parent: #2414

صباح الخير ،،، يا وجوه الخير،،،،

أصبحنا وأصبح الملك لله،،،وحده

نسمات صباحية:

الريس الكبير معتصم قال -
وعفوا ان كتبت ما لا يرضاه غيرى
وتبقى حقيقة اننى زقازيقى الهوى0

يا ريس يا عظيم يا خي إنت أجمل زقازيقي

وأفضل زقازيقي ، راجل كلك إحساس وذوق منذ أن عرفتك بالزقازيق

وبعدين الشباب ديل كلهم في الأربعينات أو في بداية الخمسينات

نستثني منهم بنات الشيخ و.....و..........زهير الزناتي وكمان جلا

أكتب ما شئت وبقدر ما تقدر وما تنسى إنك ح تكون رجل الإسبوع القادم

في بوست منى يونس.
Post: #2415
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-19-2010, 10:58 AM
Parent: #2412

وانا مالى ومالكم
انا غايتو قلت ليكم وحذرتكم
زول ماسورة وانكسرت , منتظرين منو شنو ؟؟
باعوضة عضتنى ولا عامر هرشنى ولا الطيارة اتاخرت ولا عندو اتنين بنات شيوخ
وانا يهمنى
ماسورة ومكسورة
الجردلو فاضى , يقيف فى الصف
الجردلو ضيق , يستلف ليهو برميل
الما عندو لا جردل لا برميل , ياخد ليهو صهريج فايبر قلاس بالتقسيط
قلت لى كتاب عدييييييل يا موسى عيسى !!!!
اما الفرق بين اللفحى والعكلتة
يا حاجنا السرى الرايح
فحسب افادات عبد السميع اللميع دفع الله
فهو ايجازا وبيانا
الفرق بين
او يمكن المسافة بين
البادى النور فى شركة التركترات السودانية اقاصى جنوب الخرطوم
والود زهير الزناتى
نهايات شارع الوادى
بعد الكوبرى والخور
جنب الحلوانى السورى
ولا اقول لاليكم
حضروا الباغات
فالكهربا جات
والماسورة المكسورة
ستواصل الأندلاق
لأنكم عارفينها
(هسى بتقطع )
Post: #2418
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-19-2010, 11:16 AM
Parent: #2415

انا شخصيا
وقفات وحتلات البوست
قاعد اشوفها طبيعية واعتيادية
هى ببساطة
نقاط تماس والتقاء (تكثر او تقل ) لا تعنى الا توافق حالات مزاجية تطال الجميع
مرة بعد مرة
لمن يكون الكيرف فى مستويات المزاج الدنيا عند الكثيرين او المعظم
فان البوست يحتل ويرتجف ويقارب التوقف
طيب المشكلة شنو ؟؟؟
وقف الليلة ولا حتل ليهو شوية زمن فالشغلى اصلا كيرف
مهما دنا وانخفض , فهو الى ارتفاع وعلو لا محالة
ومهما يكون , قصة تلاقى ليك واحد منداح وماسورته مكسورة , جائزة وممكنة وبتحصل
وقصة كمان تلاقى ليك زول جلبه مفوتة ومحلوجة , كمان واردة
وقصة تلقى ليك زول قافلة معاهو لا داير يشوف بوست ولا يشيل ليهو معاهو لاب توب , برضو جائزة وواردة
ولكن التأثيرات المزاجية السالبة
كما اختها التأثيرات المزاجية الأيجابية المتفاعلة
هى حالات معدية فى احايين كثيرة
خلونا نسمى حالة تفاعل الزول فى البوست , بانها ترمومتر حالته المزاجية
مع ضرورة وضع مؤشر المشغوليات الحياتية فى الحسبان
ما المشكلة اذن ؟؟
لا مشكلة
عندما نصل لى درجة الأندياح بالسلب والأيجاب فى البوست ده
نكون قد اكملنا (دورتنا الحياتية فى نفس القفص )
ولكننا ما نزال نمارس
اما الأندياح الموجب
او نؤثر الأنسحاب
ولا غرابة عندى فى كلا الأمرين وكلا الحالتين
Post: #2422
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-19-2010, 11:33 AM
Parent: #2418

يا جماعة الموية المكسورة دى ما كتيرة خلاص
كمان بالله ليكم عين تسألوا الباعوض البيعضى ده جاى من وين
يعنى موية كتيرة , وتصريف مافى
ما النتيجة الحتمية باعوض وناموس
انوفلس مذكر ومؤنث بى مزااااااج
انا قلت مذكر ومؤنث
طيب ده ما توالد لا نهائى
وعضعضة مؤسسة
جسدى الذى اصبح من فصيلة الأجساد الغربالية الأمبيلية
اصبح مغريا لكل (سفارى )
بالله اتلفت كده سفارى
امشى يمين سفارى
ارجع ورا سفارى
لكن قونى ده , بجيبوا بجيبو
مش القون اكرم الهادى (الما سليم )
واحدة باليمين , والتانية بالشمال , وجيب من الشبكة
هيثم مصطفى معانا , لا غرضنا ولا خسانا
هكذا كان حالنا انا وعامر فى صفوف التاشيرات المتنوعة والممتدة , صفا بعد صف , تصويرا اثر تصوير , و رسوما تلوها رسوم وتسبقها رسوم
الأرانيك تتطاقش
ولكن هيثم مصطفى الشهير بعامر بتاع التباديل والتوافيق
يخت الباص من هنا
وامبيلى الشهير بالغربال اللى هو انا
توووف
هات من الشبكة يا جنابو
اقصد يا اكرم
الموظف ولا الموظفة تقرب تصل ليهو تطبق توبها ولا يكفكف بنطلونو
ويقولوا ليك , الفطور يا جماعة
ولا انتو عايزين الضهر يفوتنا
ده كلو عاملين حسابو
باص ثرو من هيثم
تمشى بى جهة الباشا لو سفارى عكلت ليك
وترجع لى سفارى لو الباشا عمل فيها ضبان ضكر
والنتيجة الحتمية مع امبيلى الغربال
اهداف بالكوووووم
وهاهى التاشيرة بت الكلب بين ايدينا
وكرت الخدمة الوطنية
رقد فى سلام , مع اخوانه الكروت التانيات
تاشيرتنا معانا وكرت خدمتنا كمان
بعد ده
ان شاء الجمهور يطلع
ونحن مالنا ؟؟؟؟؟!!!!!!
Post: #2419
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-19-2010, 11:19 AM
Parent: #2415

سلامات ياناس الحوش وحوشكم عامر دائما
الاخ موسى عيسى لك التحايا وينك مسجل غياب من فتره

ياناس بسال عن محي الدين علي يوسف لو في زول شايافو يقول ليهو اشتقنا لكتاباتك النادره والظريفه
Post: #2421
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 11:31 AM
Parent: #2419

Quote: طبعاً متحفظ في الرد على اتهامات جلا الفوق ديك عشان كان ردينا عليها
بنفتح لينا نفاج يصعب قفله وبيساهم في جرنا نحو التعددية وما اليه...

نحن قاعدين في بيت الفراش دا لينا أسبوع
قوم أدينا فاتحتنا
و بعدين الواحد ما بجي إلا بي الدق
سؤال في الجغرافيا يا جلال
محمد عيد دا ..يدقو كيف ؟؟؟؟؟
Post: #2420
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 11:28 AM
Parent: #2415

اخيرا ظهر راعي الخبراء الاجانب مرحبتين يا اخونا جلال

ليك وحشة و الله نحن قلنا لحقت الخبراء بهناك لانه كل

البسأل منه اليومين دي بقولوا لي مشى السودان يترشح

و الله الوهم الركب المغتربين دا شنو ما عارفوا الواحد

ليه عشرين سنة خارج البلد و لا عارف كيف حال الناس ماشي

و لا حضر معاهم عزاء زي عزاء ناس جلا الفي جبره

و لا هزه ليه في عرس زي هزت منصور و لا قعد ليه في صيوان

بتاع مناسبة و جره عليه الدفتر و طلع الجزلان قدام الناس

بس افتكروا الملايين البرسلوها دي في زول معترف ليهم بيها

و الله يا جلال قلت صحبي دا يكون ناس المنطقة ما لاقين ليهم

زول يرشحوا اتصلوا عليك ؟

يا جلال ما تتمقلب الشباب ديل اليومين مفلسين عايزين بتاع

القوفه لمدة اسبوع بس والباقي يتموه غلاط لاخر الشهر .
Post: #2423
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 11:36 AM
Parent: #2420

Quote: الاخ موسى عيسى لك التحايا وينك مسجل غياب من فتره

ياناس بسال عن محي الدين علي يوسف لو في زول شايافو يقول ليهو اشتقنا لكتاباتك النادره والظريفه


بتنا الظريفة حنان مجمر كيف حالك مشتاقين ليك والله كتير و كيف

حال ود خالتنا اوباما انشاء الله كويس بالله قولي ليه العقب هنا

المكان ضاق بيهم خلاص و هو كان وعدنا قبل الانتخابات انه عنده

لينا حل ! بس الموضوع دا طول و قول ليه لو ما استعجل بكره بلقانا

بباص الساعة خمس معاكم بهناك ؟ نبل شوقنا و نرجع ؟

و الله لينا منك طولنا طولة شديده عموما الاخ محي الدين على يوسف زيدان

بمكه المكرمه و هو يغريكي السلام و جواله 00966507234020
Post: #2424
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 12:21 PM
Parent: #2423

الماسورة المكسورة أو المحلوجة حسب إفادات الأخ منصور
إياك و إياك أن تعمل على إصلاحها
فمن الممكن أن تملاك موية في و شك و تبل هدومك
أو ممكن أن يختلط الماء بالتراب ليصبح طين
فيومك حيكون طين
فالماسورة المكسورة أو المحلوجة فهو شأن مريخي خالص
أو قل ماركة مسجلة للهلال
طبعاً لو الماسورة المكسورة أو المحلوجة كانت في الطريق العام
فمن الصعوبة أن تسير بشكل طبيعي في إتجاهك
فيجب عليك أن تباري الحيطة ...لأنها ستكون مردومة كويس
أو تحاول تنطط في الحتة اليابسة
أنا داير أبقى ماسورة مكسورة في كتابات منصور
يعني عشان ما تستمتعو كويس أقوم أكتب لي حاجة كدا مخستكة
تقطع حبل استمتاعكم بالكلام الطاعم
وأقوم ألف الحتة المكسورة دي بي أي دلقان ...إنشاءالله بي مداخلات موسى عيسى و أحمد إسماعيل
لكن برضو ما في طريقة
بعدين زاتو الحاجة لمن تكون طاعمة شديد بتمسخ .....

يا موسى عيسى
إنت حنان مجمر دي ...في أمريكا ديك عندهم كفيل و لا لا؟؟؟
لأنو شايفها ماخدا راحتها بالكامل الليلة!!!!
Post: #2426
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-19-2010, 12:30 PM
Parent: #2423

Quote: عليكم الله زول متربي في جبال النوبة و ساكن في الخرطوم في أركويت و شغال في الأمارت
على بعد 250 من دبي و أولادو في دبي زاتها...دا مش زي الفلم الإسمو سمك لبن تمر هندي...
و تيب!!!!


ده منو يا ربي ده....

جلا أخير ليك تختاني كده و لا كده قبل ما اقوم أهاجمك بي تلفون بالليل...و انت عارف تلفوناتي بتاعت آخر الليل...

تستغل انشغالي الصباحيه و تتفسح....

استغلالي...
Post: #2427
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-19-2010, 12:41 PM
Parent: #2426

يا ابو امنية انت يادوبك في القطيعة بتاع جلا دي و الله

مرقت في كندا عند ناس حنان مجمر ؟

الشي التاني مسئول من الخير انت جلا دا انا ماشفته ليه مداخلة لتهئنة

بنيتنا ماله ؟ و كمان عامل ليه قطايع و ضرب فوق الحزام عموما

انا يالرشيد فكيت الصحبة معاه من قبيل لمن زهير حمر لي ؟

و قلت اخليهم بهم اولاد حلة واحدة انشاء الله يحصل البحصل لو


حصلت حاجة عندهم ناس جنابو بحلوهم و لكن نحن لينا الله دا ؟
Post: #2428
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 12:45 PM
Parent: #2426

Quote: استغلالي...

أن تستغل شخص..خير من أن تعادي بت الشيخ بتاعتو
بعدين قالو الحياة فرصة استغلها كما يجب
و الفرصة بتجي مرة واحدة
المشكلة في زول في النص محرشاتي كبير
زي الماسورة المحلوجة بتاعت منصور تكب
و لأنو ما عندي جردل زي ما قال منصور...قمت جبت برميل
أشيل و أغرف و أكب و أكشح
معليش الكشحة جات فيك
إنت القال ليك أقيف قدام منو؟؟؟
Post: #2429
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-19-2010, 12:53 PM
Parent: #2428

Quote: الشي التاني مسئول من الخير انت جلا دا انا ماشفته ليه مداخلة لتهئنة

بنيتنا ماله ؟

مش قلت ليكم في زول ماسورة مكسورة
دا كلامي
بعدين موية متدفقة زي دا كلو كلو ما شفتها
الكلام دا زي قالو لي جلال
ما في زول يقول قاعد أكضب أنا قلت زي
Post: #2430
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-19-2010, 12:59 PM
Parent: #2428

يا زول ما خساك بى ماسورتى
مكسورة ولا محلوجة
خليها كآآآآآآآآآآآبة كده على كيفها
كدى اربطنى بى دلقان
ولا غير لى جلب
الله قال بى قولك
تصدق يا جلا
لقيت ليك الموية وصلت لغاية مربع كاى
المربع ما جارى موية سااااااااكت
لغاية ما الضبان يتطاير ليهم يمين وشمال
ومشيت لقيتهم ليك , ناس الرشيد وبكرى والكوتش
لاعبين معاهو سك سك
جنى وجن الناس يطاردوا الضبان الجاى من مستنقعات (مويتى المكسورة )
الناموس نحن ما اشتغلنا بيهو احتراما للموية
قاعدين تكاتلو فى ضبابينا مالكم
Post: #2431
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-19-2010, 01:07 PM
Parent: #2430

كلام زهير القالوا لينا قبل يوم يومين
عن ضرورة التواصل الأجتماعى والأهتمام الخاص به
اوعكم ترموهو واطة
فات على ان الاحظ انه لا توجد اشارة
لوفاة اخو اختنا عبير زوجة وبت شيخ اخونا وبرلومنا الفاتح على بشير
الوفاة حدثت فى مكة ابان زيارتى للسودان
ووجدت الخبر فى رسالة جوال من برلومنا وحبيبنا الفاتح على بشير
اول ما شغلت جوالى السعودى بعد العودة
وقد فاتنى التنويه لذلك
خاصة واننى لم اجد اى اشارة لذلك فى مداخلاتكم الفاتتنى
خالص التعازى للفاتح على بشير وزوجته الموجودة الآن فى السودان لتلقى التعازى ومعلوماتها وعنوانها عند البلوم محمد حسن
علما بان تلفون الفاتح على بشير فى السعودية
هو 00966504166647
Post: #2432
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-19-2010, 02:31 PM
Parent: #2431

Quote: يا ابو امنية انت يادوبك في القطيعة بتاع جلا دي و الله

مرقت في كندا عند ناس حنان مجمر ؟

الشي التاني مسئول من الخير انت جلا دا انا ماشفته ليه مداخلة لتهئنة

بنيتنا ماله ؟ و كمان عامل ليه قطايع و ضرب فوق الحزام عموما

انا يالرشيد فكيت الصحبة معاه من قبيل لمن زهير حمر لي ؟


موسى و الله مشغول شديد بالنهار ما قدرت أتابع الشمار بتاع النهار...السو ليهو النقدا وو صلوهو لي كندا....عليك الله شفت الشعر ده كيف...حسة لو تميناها ما بتنفع أغنية بنات...لكن ما حأتمها...خايف أتمها ياسر نجيلة يجي يقول لي دي مدحة...

عموما يا موسى عليك الله تتخذ القرارات المصيرية دي و ما بتصحني...يأخي أنا كنت قايلوا زول بينفع فيهو المعروف..لقيتو ليك من حزب البيع...وا خسارة قروشي الكملتها تلفونات فيهو...أنا لو كنت عارفو كده كان ضربت تلفون ان شاء الله لي نانسي...نانسي منو ما تسألني انت كمان يا موسى...بكرة يجونا ناس الملكية الفكرية يبهدلونا...المهم و الله أنا لايمك يا موسى..تنضم معاي الليل كلو و ما تحذرني...عشان أعمل ساتر...
عموما المؤمن لا يلدغ من جحر مرتين...و تاني صاحبك ده يلقاها عند الغافل...
Post: #2433
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-19-2010, 02:39 PM
Parent: #2432

Quote: تصدق يا جلا
لقيت ليك الموية وصلت لغاية مربع كاى
المربع ما جارى موية سااااااااكت
لغاية ما الضبان يتطاير ليهم يمين وشمال
ومشيت لقيتهم ليك , ناس الرشيد وبكرى والكوتش
لاعبين معاهو سك سك


يا منص يجازي محنك...الواحد ما قادر يعرف انت معانا و لا ضدنا...يا زول نكرمك نقول ليك أقلب لينا الصفحة...و نقول ليك أعمل لينا دعاية لي مربع كاي..تجي تقول ليهم الجماعة ساكين الضبان...
حسة الناس البتقرف ما بتجينا..و أصحاب الناس البيقرفوا ما بيجونا...و زملاء الناس البيقرفوا ما بيجونا...و معتصم جعفر ده بقى كبير على السك برضو ما حيجينا...الحيجينا منو...

أقول ليك حاجة يا زول...

أعمل دعاية ضدنا...

امكن.....يجونا
Post: #2434
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-19-2010, 08:52 PM
Parent: #2433

سلامات يا ناس

Quote: انا شخصيا
وقفات وحتلات البوست
قاعد اشوفها طبيعية واعتيادية


وانا شخصيآ بحب ارفعوا لما القا غاتس.
Post: #2435
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-19-2010, 10:13 PM
Parent: #2434

هاكم واحد محمد صديق...
متابع ومستمتع...
Post: #2436
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-19-2010, 11:22 PM
Parent: #2435

سلام يا اهلنا
Quote:
- الرسول آآآآحبوبتي الحج سمح
- والله يا حبيب قساي سمحا لامن يخلي الزول يدستر ضُمة ضُمة
- حبوبتي انت باقيلي جنيتي كمان الحج فيهو دستير انت قايلاهو زار كمان
- وحات الله الراجل الفي بلدنا أليل الزار ذاتو يا ولدي ان بقى وديناهو هناك علي يدستر
- هههههههه الله يقلعك بتبوظي حجتك
- والله يا ولدي انا من جنب شدرة ود جبارة بديت اسوي في لُوبيك اللهم لُوبيك
- الله لا تكسبك يا حبوبتي اسمها لبيك اللهم لبيك.. نان الشي اصلو عند الشدرة..
انت اصلو ما قالولك متين تبدي الاحرام ومتين تبدي تهللي وتدعي..
- يا ولدي انا شن عرفني اخوك ابراهيم قالي السنة دي تحجي ان شاء الله يمة
- عاد دة الوحيد البيقولك يمة
- نان ما ياني الربيتو انا.. قايل رباهو ابوك
- اها واصلك من بير وشدرة ود جبارة دي بقيتي تهللي
- يا ولدي والله ماني فارزالي شي
- اها وسافرتي كيفن
- والله يا ولدي ابراهيم جاء ساقني من البلد بالطيارة
ولامن وصلت المطار أليل مروي اصلي بقيت ازغرد ضُمة ضُمة
واقولهم نادولي بت عريبي وبت بلولة اليشوفني راكبي الطيارة
- باقيلي فضحتينا فيها
- والله يا طارق ولدي ابراهيم اخوك دة بقى يزح ضُمة ضُمة من الضحك
- باقيلي سويتيلك نصايب
- شالني يا ولدي وطلعبي سلالم كدي علي حُجار برج ود درقي
- اي ديل سلالم الطيارة يا حبوبتي
- ايي يا ولدي وهطني في كرسي جنبه وجابلو حُبالا كدي فيهن حدايد
وهجرني بيهن في حجري وقالي فشان ما تتهوززي وانا صاقعالو:
هوزيز شنو كمان في الطيارة يا ابراهيم اصلها هي حمارة ود تميم دايما عايري
- هههههههههه والله ماك نصيحي.. نان طيارة الجن دي ان بقت اتكت كدي ولا كدي
ما لازم تكوني مربوطي فشان ما تقعي يا خرابة
- والله يا ولدي اخوك غمتني بالحبال ديل شويتين جات ويحيدتا كدي
ليها (شطور) مبنقرات علي المنقايي قلب التور وكتين يلولح فيها الهبوب
- انت قايلاهن زي ألاتك العلي السعن ديل.. انت الوداك تشوفي فيها شنو ههههههههههه
- نان يا ولدي جات براها تشوف في حبال الجن ديل وسالتني بي شي كدي
ما فرزتو علي اخوك نجدني واتكلم معاهاوانا بقيت احمرلها خفتها تشبك فيهو
- نان انت هسي ما قلت سميحة و(شطورها) يتهوززن
- يا ولدي كبيري عليهو ومجلبطالا شيتا احمر في شلاليفها
وعيونها فيها شيتن ناطي منهن كدي علي شوك الكتر بس اسود
- يا خرابة كتلتيها ديل الرموش
- يا ولدي رموش شنو القدر ديل وعلي شرا القناديل كدي
- اها ووصلتوو الخرتوم
- ايي يا ولدي لكن الخوفي الدخلت فيني اصلها ما مرقت مني لليلي
- كيفن
- يا ولدي انا ما قايلي الخرابة اليقولولا الطيارة دي قاعدي
توجوج كدي وتتراجف علي الجريد وكتين تكون شايلاهو زيفي
- هههههههه نان انت اصلك قايلاها شنو
- انا قلت تبقى اسرع شوووييي من عربية رابح عمك
- هههههههههه اها
- الساعة القالت كدي جرت وبقت توجوج علي المرة الدايري تلد
- ههههههه اها الله يفضحك
- والله يا ولدي عضعضت لسناتي وبقيت ابيبي واسكلب:
وووووووب علي يا ابراهيم الحج طاير داير تكتلني في النصيبي دي
وبقيت اتبن في جلابيتي وسروالي والتوب
- لي شنو تتبني فيهن
- قايلي نفسي يا ولدي بُول ضُمة ضُمة
- جملة الايمان ماك نصيحي تب
- غايتو يا ولدي الطياري كلها تضحك فيني لامن وصلت الحج
- وهناك شن سويتي
- ترانا وصلنا ولقيت امة محمد دي كلها هناك
انا باقيلي مافي زولا قاعد في بيتو والخلايق دي كلها
جات تحج بس ما شفتلي زولا شايلو كُشر أليل باب
- ههههههههههه بت بغداد انت باقيلي خرفتي
كُشر الباب يشيلوه لي شنو كمان في الحج
- نان يا ولدي امة محمد دي كلها جات وخلت بيوتها
- كلهم زيك كدي.. انت موش خليتي عمي الطيب في البيت
اها كلهم برضو مخلين اولادهم ولا اخوانهم في البيت
- والله يا ولد الحج اماني ماهو سمح.. والعجب وكتين تسمع في الخلايق
كلها صاقعي: لُوبيك اللهم لُوبيك.. وواحدين يتباكو وواحدين يدعوا لي
وليداتهم وواحد نضميهم كُتور ضُمة ضُمة
- المسلمين ماهن كتار
- ايي.. علي يا ولدي في واحدين حجهم كعب
- كيفن
- واحدين كدي من بُكان يقولوا انجيريا(نيجيريا).. ديل يا ولدي
بس يدافروا في الناس ويرطنوا ووكتين يصلوا الحرم دة
ينبطحوا في الواطة وتسمع فيهم يعوعوا
- لا تبقي اتشكالتيلك مع واحدا فيهم
- واحدا فيهم دفر عمك حسن قمت انا شلت برطوشي ومشيت عليه
وقلتلو يا ود الغلفاء تاني تجي علي ولدي دة علي ألتخك بي برطوشي دة
عمك حسن وود عمك علي جوا ينجاروا حصلوني
- والله يا حبوتي باقيلي حجتك دي ماها قايمي من شبا دي
- نان يا ولدي اخليهو يكتل عمك الخرابة غليد علي شوال الكاويق
- دعيتيلنا معاك يا حبوبتي
- والله كلكم دعيتلكم... لكن النصيحي لي الله دعيت لي ابراهيم كتير خلاص
وابوك دعيتلو باقي انا بريدو فشان قاعد يغمتلي القروش العُراض
ويرسلي السُكر والشاي من الخرتوم في لواري اولاد البركل.. ودعيت لي الطيب عمك
الله يتوب عليه من الجغمي أليل العرقي... وأصلي وكتين مشينا نفلع في شيطان الجن داك
قدر ما فتشتلي دُرابي فشان اكفتو بيها ما لقيتها
- لي شنو دُرابي حصايايي ما كفاية
- يا ولدي كل يوم يجي يوسوس لي عمك الطيب ويوديهو مكان الجغمي أليل العرقي
- ههههههههه باقيلي تعبتوا شديد
- والله يا ولدي تعبنالنا جنس تعب.. واصلو عمك حسن دة لسناتو بقن مدلدلات
علي الكون شبر.. وشايلو شيتا اصفر كدي يشرب فيهو علي شيط الشُفع (عصير منقة)
واصلي وكتين مشيت علي عرفة دي.. جاتين خمة نفس وبقيت ادعي الله دة يرجعني لي اهلي
والدنيي يا ولدي سموما كافري.. واصلي بقيت ادعي واضرب في اوراكي.. زي دستور الزار
وكل دقيقة اسأل في عمك حسن: انت يا الحسن عرفة الجن دي ما انتهت نرجع لي بلدنا
- ههههههههه اندردرتوا.. لكن بختك المهم حجيتي
- أيي احمد ربي والله يدي ابراهيم اخوك العافي التخصه في المصارين
- اها ان بقى قالك السنة الجاي داير تاني يوديك الحج تمشي
- والله يا ولدي ان بقى جنب الكرقة ألت عمك الطيب دي ماني ماشي
- هههههههههههه الله لا كسبك


رحمها الله نفيسي بت بغداد

نفيسي دسترت في الحج
Post: #2437
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 06:30 AM
Parent: #2436

ايها العزيز طارق جبريل لك الشكر على الابداع و الله اليوم من

الصباح اقرا في حجة نفيسي بنت بغداد واضحك و العجب في وصفها

للمضيفة ، امل الاندياح و نحن و ناس محمد صديق نستمتع حتى الثمالة
Post: #2438
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 06:35 AM
Parent: #2437

الاحباب نسيت ابدا بدعاء الصباح قبل ما يجي الريس ولا احمد

اسماعيل و قلت علشان جلا او البادي يجي يعمل كوبي سريع فالي

اول برامج الصباح قبل ا لزحمة :

رب عبدك قد ضاقت به الأسباب
وأغلقت دونه الأبواب
وبعد عن جادة الصواب
وزاد به الهم والغم والاكتئاب
وانقضى عمره ولم يفتح له الى فسيح مناهل الصفو والقربات باب
وأنت المرجوّ سبحانك لكشف هذا المصاب
يا من إذا دعي أجاب
يا سريع الحساب
يا رب الأرباب
يا عظيم الجناب
يا كريم يا وهّاب
رب لا تحجب دعوتي
ولا ترد مسألتي
ولا تدعني بحسرتي
ولا تكلني إلى حولي وقوّتي
وارحم عجزي
فقد ضاق صدري
وتاه فكري
وتحيّرت في أمري
وأنت العالم سبحانك بسري وجهري
المالك لنفعي وضري
القادر على تفريج كربي
وتيسير عسري
اللهم أحينا في الدنيا مؤمنين طائعين
وتوفنا مسلمين تائبين
اللهم ارحم تضرعنا بين يديك
وقوّمنا إذا اعوججنا
وادعنّا إذا استقمنا
وكن لنا ولا تكن علينا
اللهم نسألك يا غفور يا رحمن يا رحيم
أن تفتح لأدعيتنا أبواب الاجابه
يا من إذا سأله المضطر أجاب
يا من يقول للشيء كن فيكون
اللهم لا تردنا خائبين
وآتنا أفضل ما يؤتى عبادك الصالحين
اللهم ولا تصرفنا عن بحر جودك خاسرين
ولا ضالين ولا مضلين
واغفر لنا إلى يوم الدين
برحمتك يا ارحم الرحمين
اللهم آمين
Post: #2439
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-20-2010, 07:19 AM
Parent: #2438

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صبايحيه:

اللهم إني ظلمت نفسي
ظلماً كثيراً ،،،،،،،،
ولا يغفر الذنوب إلا أنت
فأغفر لي مغفرة من عندك
وأرحمني ،،،،،،،،،،،،،،،
إنك أنت الغفور الرحيم.
Post: #2441
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-20-2010, 07:39 AM
Parent: #2439

بسم الله الرحمن الرحيم
سلام أيها الناس
Quote: صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صبايحيه:

اللهم إني ظلمت نفسي
ظلماً كثيراً ،،،،،،،،
ولا يغفر الذنوب إلا أنت
فأغفر لي مغفرة من عندك
وأرحمني ،،،،،،،،،،،،،،،
إنك أنت الغفور الرحيم


بالمناسبة يا موسى عيسى....قلنا نعمل الكوبي بيست بتاع ميسرة لأنو هو الريس
بعدين البادي زاتو ساب حكاية أصبحنا و أصبح الملك لله
و أظنو و الله أعلم مباري دولارات المعز الأدوها ليهو ناس الهلال
ولمن تكمل بعدين حيجي يصبح عليكم
Post: #2440
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-20-2010, 07:35 AM
Parent: #2438

يا أخوانا ما يفوتكم كلام منصور دا:


Quote: فات على ان الاحظ انه لا توجد اشارة
لوفاة اخو اختنا عبير زوجة وبت شيخ اخونا وبرلومنا الفاتح على بشير
الوفاة حدثت فى مكة ابان زيارتى للسودان
ووجدت الخبر فى رسالة جوال من برلومنا وحبيبنا الفاتح على بشير
اول ما شغلت جوالى السعودى بعد العودة
وقد فاتنى التنويه لذلك
خاصة واننى لم اجد اى اشارة لذلك فى مداخلاتكم الفاتتنى
خالص التعازى للفاتح على بشير وزوجته الموجودة الآن فى السودان لتلقى التعازى ومعلوماتها وعنوانها عند البلوم محمد حسن
علما بان تلفون الفاتح على بشير فى السعودية
هو 00966504166647



اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر


صادق التعازي للأخ الفاتح على بشير
Post: #2442
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 07:39 AM
Parent: #2440

اللهم ارحمها و اغفر لها واجعل البركة في ذرينهما كما نساله

الصبر و حسن العزاء للاخ الفاتح على البشير و شاكرين على التنبيه


لقد قمت بالاتصال به امس و هو حاليا بالمزاحمية يعني قريب من الرياض
Post: #2443
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-20-2010, 07:52 AM
Parent: #2442

اللهم أغفر له و أرحمه
اللهم إدخله مدخل صدق و أخرجه مخرج صدق
اللهم أجعله من أصحاب اليمين
و الصديقين و الشهداء
اللهم آمين
و للأخ الفاتح و الأسرة الكريمة
صادق العزاء و أن يلهمهم الصبر الجميل
إنا لله و إنا إليه راجعون


التعديل في الدعاء على أن المتوفى ذكر و ليس أنثى
Post: #2444
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 08:13 AM
Parent: #2443

و يا ود ادم النور مسؤل من الخير ولدنا الاسمو تاج الدين الخليل

الحاصل عليهو شنو من ما يوم الكفيل كفشو متلبس مستخدم النت لاغراض

خاصة لليوم والله مكانك سر و لا حس ولا خبر حتى التلفونات بقى ما بردها؟

انت صحبك دا ماكان حريف في الكورة بعرف كيف يدسها من ناس تربية و لا

نساها ما قدر يعملها مع كفيل السجم دا الله لا بارك في الكفلاء السقطوا

لينا ولدنا جلال بقي و الله دخول للبوست زي مطر البخات ! والعجب فناننا

ود الشادي لا حس ولا خبر و لما الرشيد يتصل عليه ما يرد و بعدين يقول

ليك كنت في اجتماع و انشاء الله توقعني اواخر الليالي و بعدين في الليل

يكون دخل في زمن الكفيل التاني (بنت الشيخ ) كمان الله لا وراك كفالتنا!

و الله اخير منها الكفلاء التانيين عموما المغتربين ديل ليهم الله ؟ انتو ياجلا

بهناك احسن مننا مرات بتوديهن زيارة خاطفة للبلد و مرات بتزوعوا بجاي و

جاي و لكن ليك امانة الله نحن هنا بس مسكت شواطين لبيلية ما في فرفرة ضمه ؟

سيك سيك معلق فيك ! اهلنا قالو السعيد يشوف في اخوه .فتك بعافية .
Post: #2445
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-20-2010, 08:38 AM
Parent: #2444



التعازى الحارة لاخونا الفاتح على بشير

فى وفاة شقيق زوجته .. ونسال الله ان

يتغمده بواسع رحمته ويشمله بعظيم مغفرته

ويجعله فى الجنات العلا .. مع الصالحين

* انا لله وانا اليه راجعون *
Post: #2446
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-20-2010, 08:51 AM
Parent: #2445

التعازي الحارة للأخ الفاتح علي بشير
وزوجته الفضلى في وفاة شقيقها
ونسأل الله أن يتقبله لديه قبولا حسنا
مع الصديقين والشهداء
وأن يتجاوز عن سيئاته
ويبدله دارا خير من داره
وأهلا خير من أهله
وأن يلهمهم الصبر وحسن العزاء

وإنا لله وإنا إليه راجعون
Post: #2448
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-20-2010, 09:02 AM
Parent: #2446

يا محمد عيد
وجميع الأخوان
الخبر صحيح ...


توفي إلى رحمة مولاه بالقاهرة الحاج يس النصري والد الزميلة إيمان يس
خريجة زراعة ونسيب الزميل سيف كركساوي - زراعة

التعازي الحارة للزميلة إيمان والزميل سيف كركساوي
ونسأل الله له الرحمة والمغفرة وأن يتقبله
قبولا حسنا ويتجاوز عن سيئاته
ويبدله دارا خير من داره
وأهلا خير من أهله
وأن يلهم آله وذويه الصبر وحسن العزاء
وإنا لله وإنا إليه راجعون ..


للأسف لم أتمكن من الحصول على
تلفونات الزملاء ايمان وسيف
وإنشاء الله سأحاول الوصول إليهم ..
Post: #2447
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-20-2010, 08:59 AM
Parent: #2445

للأخ الفاتح و الأسرة الكريمة

صادق العزاء و أن يلهمهم الصبر الجميل

إنا لله و إنا إليه راجعون
Post: #2449
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-20-2010, 09:08 AM
Parent: #2447

Quote: وابوك دعيتلو باقي انا بريدو فشان قاعد يغمتلي القروش العُراض
ويرسلي السُكر والشاي من الخرتوم في لواري اولاد البركل.. ودعيت لي الطيب عمك
الله يتوب عليه من الجغمي أليل العرقي... وأصلي وكتين مشينا نفلع في شيطان الجن داك
قدر ما فتشتلي دُرابي فشان اكفتو بيها ما لقيتها


جبريلا جننتنا جن...و دي نزلتها وين يا شقي الحال...

انت بس تلبد و تجي تعمل لينا اقتباس.....

أخير ليك يا جبريلا تبطل الحقارة حقتك دي...

رحم الله حبوبتك نفيسي و أنزلها منازل الصديقين...
Post: #2450
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-20-2010, 09:40 AM
Parent: #2449

التعازى الحارة لاختنا وزميلتنا ايمان يسين النصرى ( زراعة 87)

والاخ سيف كركساوى ( زراعة 83 )

فى وفاة المغفور له باذن الله الحاج / ياسين النصرى ونسأل الله ان يجزل ثوابه

ويوسع مدخله مع الصديقين والشهداء وحسن اولئك رفيقا ..


نذكر ان الفقيد زارنا فى كلية الزراعة أكثر من مرة وشاركنا فى عدد من انشطتنا حينذاك

نسأل الله له الرحمة والمغفرة والقبول الحسن

انا لله وانا اليه راجعون
Post: #2451
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-20-2010, 09:50 AM
Parent: #2450

اخواني وخواتي لاحظوا معي أن هناك 10 حروف
من أصل 28 حرف في اللغة العربية مستحــــــيل
أن تجد إسما لإنسان عربي لا يوجد به أحد هذه الحروف
الحروف هي :

" ب،س،م،ا،ل،هـ،ر،ح،ن،ي"

جربوا .....
ومهما حاولتوا،لن تجدوا أبدا أي اسم عربي
لايحتوى على هذه الحروف
دققوا فيها قليلا ستجدوا أن الحروف تكون جمله

"بسم الله الرحمن الرحيم "
فسبحان الله العظيم ..
Post: #2452
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 10:08 AM
Parent: #2451

هذه عملية حسابية تسهل على ابناءنا طريقة ضرب الارقام الثنائية

من 11 حتى 19 في حالة ضربهام مع بعض :

إذا ما سألتك الآن : ما حاصل ضرب 2×3 ؟
ستجيب بكل سلاسة : 6 !
وإذا ما سألتك في كم ثانية حللت هذه المسألة ؟؟ .. ستجيب في أقل من ثانية !!
حسنا .. هل تستطيع ( بنفس السرعة ) أن تحسب حاصل ضرب 12×13 ؟

ستتردد وربما استخدمت الآلة !!.. لا لا بدون آلة..!

هناك طريقة رياضية صاروخية تضمن لك دقة النتيجة المتناهية مع سرعة رهيبة الآداء , مختصرا بذلك الكثير من الوقت الهدف منها هو الحصول على نواتج ضرب الأعداد من 11 إلى 19 بنفس السرعة والكفائة التي نضرب بها الأعداد من 1 إلى 9

أكمل معنا بقية الموضوع حتى تشاهدها !

إليك الحل :

12 ×

13

خذ الرقم(2) واضربه في(3) وضع أول ناتج : 6

نفس الرقم(2) اجمعه مع (3) وضع ثاني ناتح :5

ضع الواحد الأخير : 1

فتصبح النتيجة : 156



فلنجرب مثال آخر :

14×12 = ؟

4×2 = 8 وأيضا 4+2=6 . مع الواحد الأخير إذا ً الناتج هو : 168



كما ترى , نحن نأخذ الرقمين من خانة المئات , ونضربهم في بعضهم.. ونأخذ نفس الرقمين من خانة المئات.. ونقوم بجمعهم.. بعد ذلك نضع الواحد لأن مضروب أي رقمين في بعضهم يكون الناتج ثلاثة أرقام ورقمنا الثالث طبعا هو الواحد .



مثال للتثبيت :

11×13 = ؟

1×3 = 3 وأيضا 1+3=4 . مع الواحد الأخير فالناتج : 143



مثال أخير :

17× 12 = ؟
Post: #2453
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-20-2010, 10:08 AM
Parent: #2451

اللهم أغفر له و أرحمه
اللهم إدخله مدخل صدق و أخرجه مخرج صدق
اللهم أجعله من أصحاب اليمين
و الصديقين و الشهداء
اللهم آمين
و للأخ الفاتح و الأسرة الكريمة
صادق العزاء و أن يلهمهم الصبر الجميل
إنا لله و إنا إليه راجعون
Post: #2454
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 10:37 AM
Parent: #2453

صادق التعازي للاخت ايمان والاخ سيف كركساوي نسال الله

لهم الصبر وحسن العزاء و للفقيد الرحمة والمغفرة

و ان يسكنه الله فسيح جناته و حسن اولئل رفيقا .
Post: #2455
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-20-2010, 10:40 AM
Parent: #2453

خالص التعازى للاخ الفاتح على البشير
والاخت ايمان النصرى والاخ سيف كركساوى

لا حول ولا قوة الا بالله
وانا لله وانا اليه راجعون
Post: #2457
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-20-2010, 10:53 AM
Parent: #2455

التعازى الحارة للأخت إيمان يسين النصرى

في وفاة والدها

والتعازي موصولة للاخ سيف كركساوى

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #2456
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-20-2010, 10:52 AM
Parent: #2453

رحمة الله على فقيد اسرة النصرى المغفور له يسن النصرى
العزاء الحار لزميلتنا العزيزة ايمان النصرى وعزيزنا وسينيرنا الذى له افضال كثيرة علينا
سيف الدين مبارك كركساوى
جعله الله من زمرة الصديقين والشهداء وحسن اولئك رفيقا

عيسى موسى
معلومات رياضية مذهلة
ولكن القاعدة لاتنطبق على حاصل ضرب 17فى 12
وضح , ابن , افصح
Post: #2458
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-20-2010, 11:02 AM
Parent: #2456

طارق جبريل
يا لفصاحة نفيسى بت بغداد ويا لقدرتها التصويرية العالية
ياخى لكن ما جننت البتاعات جن
يقطع حريشك يا مقطوع الطارىء
ان تفاوت البتاعات بين كونهن (منقايات قلب التور وكتين يلولح فيها الهبوب )
ووصول حالهن وصيرورتهن الى كما هو حال بت بغداد نفسها
(زى اللاتك الكنهن على السعن ديل )
خير مثال على تحول الحال من حال الى حال
فبعضهن يهتز ولكن فى ثبات
وبعضن (يتخوجج فى تدفق وسيولة واندلاق)
بالغت عديل يا مطموس
وجننت البتاعات جن
زى ما قال كمال الشادى
انعل ابو شكلك
يا ممتع يا لذيذ
Post: #2459
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-20-2010, 11:27 AM
Parent: #2458

Quote: عيسى موسى
معلومات رياضية مذهلة
ولكن القاعدة لاتنطبق على حاصل ضرب 17فى 12
وضح , ابن , افصح


الاخ منصور الحكاية في غاية البساطة :

1) لرقم الاول الآحاد تضرب رقمي الاحاد في بعضها وممكن يكون العدد اكبر من العشرة تضع رقم الاحاد فقط

مع الاحتفاظ رقم برقم العشرات لتجمعه مع الخطوة الثانية .

2) تجمع نفس رقمي الاحاد السابقة و تضيف إليهما رقم العشرات من الخطوة السابقة وتضع رقم الاحاد فقط

مع الاحتفاظ برقم العشرات لتجمعه مع الواحد الذي يمثل رقم العشرات لاي من العددين المضروبين بمعني :

رقم الاحاد رقم العشرات+ رقم المئات +

17 ضرف 12 الغالباك دي التاتج هو = 4 0 2

1) 7*2 = 14 تضع الاربعة فقط في خانة الاحاد مع الاحتفاظ برقم 1 لتضيفه لناتج الخطوة 2 ادناه .

2) 7*2 = 9+1 (من الفقرة 1)= 10 نضع الصفر في خانات العشرات مع الاحتفاظ بالرقم 1 للاضافة للخطوة 3.

3) 1+1 ( الخطوة 2) =2
Post: #2461
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-20-2010, 11:35 AM
Parent: #2458

التاشيرة وكرت الخدمة الوطنية مدفوعة الثمن فى جيبنا اذن
بعد محاولات مضنية وقردية
كلما تذكرت ورقة فولسكابى المخبأة فى خافقى او جيب الشنطة ايهما اقرب
كلما تفتقت الأفكار والحيل القردية لتجاوز عقبة او الفكاك من بيروقراطية موظف شباك
تجاوز النهار منتصفه بساعة او ساعتين
رغم اننى افطرت فطورا كاربا الا ان الجوع يتملكنى
عامر راودته نفس الفكرة وتحجج باننى انما قومته من الفطور
سمك وفول وشطة وسلطة خضراء كانت خياراتنا فى سودان الأكل الممتع والمكلف
لهطناهما لهطا , وفى زمن قياسى لا يتناسب مع الكميات الملتهمة
لعامر اجندته وورقة فولسكابه ايضا , خاصة وهو المسافر فجر الخميس
وكمان عنده مرتين , وام وابو واخوات وعرس بت اخته الأنتهى امبارح وعرس التاج البعد بكرة
هكذا اوجز عامر جدوله , وقال ما معناهو , بعد ده , لكم دينكم ولى دين
ما بلمنا تانى الا العرس
وهو الدايرك منو يا شقى الحال , المشتهى الحنيطير
كانت اجابتى اللا مبالية
مشوار عارض ليس مكتوبا فى ورقة فولسكابى للبنك الفرنسى شارع القصر
كان من المفترض ان تقوم به اختى الباشمهندسة احسان رغم انه يخصنى
ولكنى اقترحت ان انجزه طالما اننى سايق العربية بدل ان تتحرك هى بالمواصلات لهذا المشوار الوحيد
وزهير الزناتى ينتظرنى فى مكان ما لم يتم تحديده بعد اعتمادا على خلطة السودان السرية
حدد موقعك , بيناتنا تلفون
تم الأتصال التلفونى على الزناتى زهير , وتم تحديد نقطة وموعد تقريبى للألتقاء ودائما بيناتنا تلفون
نزلت عامر عند ناجى المخلص وصديقنا المشترك فى مكتبه فى مطار الخرطوم
اقترح ناجى على عامر ان يركب معه لغاية بحرى حتى يسلم عامر عربية لمشاويره المتبقية
ولكن عامر اعترض بشده بحجة انو ما عنده وكت
طوالى تدينى مفتاح العربية دى , تركب مع منصور يوصلك اقرب نقطة لى مواصلات بحرى
وبيناتنا تلفون
شفتوا القلع بتاع المغتربين والعندهم مرتين كمان
امتطى عامر سيارة ناجى ومضى الى حال سبيله ليغرق فى صيغ تباديله وتوافيقه المستمرة التى لا تنتهى
ركب ناجى الى جوارى
نزل فى شارع الحامعة
ومضيت الى البنك الفرنسى
واذ تراءت لى عمارة الأخوة وانا فى شارع البلدية
تذكرت ان على المرور على صديقى عادل النور فى وكالة دريم للسفر والسياحة
الراجل عندو فاتحة ابوهو المرحوم عندى
وجدت ان ايقاف السيارة فىى اقرب نقطة لعمارة الأخوة
يمكننى من انجاز مشوارى الوكالة والبنك فى ضربة واحدة
شفتوا الود عملى كيف
تلفون من زهير يفيد بأنه ركب المواصلات من الشهداء للخرطوم
ممتاز , لمن تنزل فى شارع الحرية , بيناتنا تلفون
يالها من صيغة مثالية لمواعيد مطاطة , تمكنك من انجاز ما تريد وما لا تريد
وتمكنك ايضا من التجاوب مع مفاجآت الطريق
ادينا عادل النور فاتحة ابوهو المرحوم عم النور دار صليح
قابلت عديلى محجوب فى البنك الفرنسى
سلمت على زملاؤه وزملاء زوجته اخت بت شيخى
اللذين اصبحوا اصدقائى لكثر ما ترددت عليهم
انجزت ما اريد وسلمت واديناهم حق الوصال
وجاءنى تلفون زهير المنتظر
اتفقنا على ان نلتقى فى مكان ما حوالى القبة الخضراء
راجلا هو الى جهة الشرق
وراكبا (احسن منه الراجل من كثرة الزحمة ) انا الى جهة القرب
وظهر لى الزناتى زهير بهيئته وشنبه
حاملا جريدته فى يد
مؤشرا لى بالأخرى
ومحتويا تفاصيلا احبها وتحبنى
فى نفس المكان وذاته
ذلك الذى خبات فيه ورقة (فولسكابى )
Post: #2462
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-20-2010, 11:42 AM
Parent: #2458

الأخ الفاتح علي بشير
أحسن الله عزاكم في وفاة المرحوم شقيق زوجتكم
ربنا يتغمده بوافر رحمته ومغفرته




التعازي الحارة للزميلة إيمان والزميل سيف كركساوي

نسأل الله لوالدها الرحمة والمغفرة


وإنا لله وإنا إليه راجعون






بالإضافافة لسؤال منصور ياموسى وين خانة المئات البتذكر فيها

دي ياخي ماتلخبطنا ، نقوم حسي نجيب/ د.حسن ميته.
Post: #2460
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-20-2010, 11:28 AM
Parent: #2456

الرحمة و المغفرة للحاج يسين النصري
اللهم اغسله بالماء و البرد و الثلج
اللهم وسع مدخله
اللهم أجعله مع الصديقين و الشداء
و ألهم أرته الصبر الجميل و حسن العزاء
اللهم آمين


Quote: ولكن القاعدة لاتنطبق على حاصل ضرب 17فى 12
وضح , ابن , افصح

معليش يا منصور الزول دا من أمبارح مويتو مدفقة
بس حكاية الضبان لقيتا وين؟؟؟؟
الغريبة أنا مشيت الحوش هناك
لقيت ليك واحد ساكس جقر وفار صفيروني
و الباقين رافعين كرعينهم من الطين
أقصد رافعين كرعينهم فوق في الكنبة من الفار
عشان عندهم فوبيا من الفيران
لكن النسألك
الصورة المنزلنها صورة باعوضة و لا ضبانة؟؟؟
و بعدين لمن يكون في تورتة وحفل و عيد ميلاد
هل التورتة بتكون مرتع للضبان؟؟؟؟
Post: #2463
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-20-2010, 12:07 PM
Parent: #2460

زهير الزناتى هذ ا
سمعت بيهو قبل كده
التقيته مرة فى اجتماع زقازيقى فى دار الشرطة قبل سنتين او تزيد
ثم مرة اخرى فى لقاء زقازيقى فى حدائق الشهداء جئت اليه انا صحبة اطفالى متأخرا بعد ذلك بسنة
ومرة اخرى بالصدفة فى مطار الخرطوم مودعا لجمال فارح فى رحلة داخلية ما
هذا هو تاريخى العملى مع المدعو زهير الزناتى باشا
ثم عبر البوست واتصال هنا وتفاعل هناك , ان بطريقة مباشرة او غير مباشرة
ولكننى وبمجرد علمى بسفرى للسودان وضعت هذا الزهير فى رأس ورقة فولسكابى الأنتو عارفين داسيها وين
فى داعى اقول ايهما اقرب للمرة ال 514
انا مسرور لأننى وجد ت كاريزما هذا الزهير كما توقعت بل تزيد
هل هى محلبية زائدة ؟؟
هل هم ثلج مبشور وشبعان حتحتة وتكسير ؟؟
فليكن
اخذ زهير الزناتى مكانه الى جوارى وعلمت انه قادم من مشوار يخص بهجته وبت شيخه , عند الطبيب المداوى
لو قال لى ذلك لعفيته من المشاوير والمواعيد والتفرغ لصحبتى
لم يقل هو ذلك , والحمد لله الما قال
ولو قال لعفيته ولرفض الأعفاء
والحمد لله انه لم يقل
بعد ان تجاذبتا اطرافا تقليدية للحديث ملخصها ازيك وكيف حالك ومشتاقين
تحدثنا عن جدول الأعمال
انتو بقيتو عارفين جدول اعمالى مكتوب وين ومدسوس وين
ولكن هناك طريقة اكثر عملية للمزاوجة مابين هو مكتوب ويجب انجازه
وماهو غير مكتوب ويمكن انجازه بمعرفة زهير
وماهو موجود فى ضهرية العربية وينتظر انجازه
لذا فان جدول الأعمال وبرنامج الرحلة انما يتحدد بالمزاوجة بين كل ذلك
عند كل وقفة
نفتح الفولسكاب يامن الشنطة يا من الحتة التانية العارفينها
ونفتح الضهرية
ونسال زهير
ثم ننطلق
وعينك ما تشوف الا النور
Post: #2464
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-20-2010, 12:10 PM
Parent: #2460

عن اذنكم يا شباب
تخريمة

واحد اسمو عادل نجيلة
ما عارف اذا كان قريب ياسر نجيلة والله لا
لكن فتح ليهو بوست عن اغنية ضنين الوعد
آل مدثر ما بين ضنين الوعد و صبايا أتوا
دخلت كتبت كلمتين
اتصل علي واحد
لي اكثر من عشرين سنة ما شفتو

يا اخي الدنيا صغيرة كيف
والله ايام مصر دي ما بتتعوض

يا اخي ناس الزقازيق السمحين ديل
قاعدين يجو من وين ؟
Post: #2465
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-20-2010, 12:59 PM
Parent: #2464

Quote: الاخ منصور الحكاية في غاية البساطة :

1) لرقم الاول الآحاد تضرب رقمي الاحاد في بعضها وممكن يكون العدد اكبر من العشرة تضع رقم الاحاد فقط

مع الاحتفاظ رقم برقم العشرات لتجمعه مع الخطوة الثانية .


يا موسى و الله أنا عرفتها طايره...ديل ناس بليدين ساكت سيبك منهم....

دي حسة دايرة ليها درس عصر ما واضح ...زي زمان بنقول نخت الكذا و نطلع بالواحد دي ما أدوكم ليها

زمان...غايتو بلده بلاده...

انت يا موسى بتشرح لي منو...بتضيع في وقتك ساكت..
Post: #2466
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-20-2010, 01:09 PM
Parent: #2465

توفي صباح اليوم زميلنا أحمد المصطفي بعد صراع مرير مع المرض .... ويقام المأتم بأمدرمان ود البصير سنفوم بتقديم واجب العزاء الساعة الخامسة من مساء اليوم .... سيكون التجمع بالشهداء ....

رحمه الله رحمة واسعة وأسكنه فسيح جناته مع الصديقين والشهداء ..... وألهم ذويه الصبر والسلوان



للصديق الفاتح علي بشير وزوجته خالص التعازي في وفاة شقيقها ...
Post: #2467
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-20-2010, 01:32 PM
Parent: #2466

الرحمة و المغفرة للأخ أحمد المصطفى
اللهم اغسله بالماء و الثلج و البرد
اللهم وسع مدخله
اللهم أجعله مع الصديقين و الشداء
و ألهم أسرته الصبر الجميل و حسن العزاء


اللهم آمين
Post: #2468
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-20-2010, 01:51 PM
Parent: #2467

التعازي الحارة للزميلة إيمان والزميل سيف كركساوي
ونسأل الله له الرحمة والمغفرة وأن يتقبله
قبولا حسنا ويتجاوز عن سيئاته
ويبدله دارا خير من داره
وأهلا خير من أهله

رحم الله زميلنا أحمد المصطفى رحمة واسعة
وأن يلهم آله وذويه الصبر وحسن العزاء
وإنا لله وإنا إليه راجعون ..
Post: #2469
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-20-2010, 02:02 PM
Parent: #2468

إنتقل إلى جوار ربه الأستاذ أحمد المصطفي عبد الوهاب محمد...المحامي بسلطنة عمان
Post: #2470
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-20-2010, 02:12 PM
Parent: #2469

اوساط المحامين والقانونيين تفجع بوفاة الاستاذ احمد المصطفى عبدالوهاب
Post: #2471
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-20-2010, 03:22 PM
Parent: #2470

الرحمة و المغفرة للأخ أحمد المصطفى
اللهم اغسله بالماء و الثلج و البرد
اللهم وسع مدخله
اللهم أجعله مع الصديقين و الشداء
و ألهم أسرته الصبر الجميل و حسن العزاء


اللهم آمين
Post: #2472
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-20-2010, 04:22 PM
Parent: #2471

اللهم وسع مدخله وارحمه واجعله من اصحاب اليمين
الف رحمه على اخونا احمد والعزا موصول لاسرته ولزملائه
ولكل الزقازيقاب0
Post: #2473
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-20-2010, 05:02 PM
Parent: #2472

إنا لله وإنا إليه راجعون

نسألك اللهم لزميلنا/ أحمد المصطفى الرحمة والمغفرة

ونسألك اللهم أن تتقبله قبولا حسن وأن ترفع منزلته مع الشهداء والصالحين

وأن تلهمنا وأهله الصبر الجميل وحسن العزاء
Post: #2474
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 01-20-2010, 06:58 PM
Parent: #2473

احر التعازى للاخ الفاتح وزوجته والاخت ايمان يسن فى وفاة والدها والف رحمة على روح احمد المصطفى..
اسكنهم الله فسيح جناته واللهم الهم وذويهم الصبر وانا لله وانا اليه راجعون
Post: #2475
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-20-2010, 09:32 PM
Parent: #2474

Quote: جبريلا جننتنا جن...و دي نزلتها وين يا شقي الحال...

انت بس تلبد و تجي تعمل لينا اقتباس.....

أخير ليك يا جبريلا تبطل الحقارة حقتك دي...

رحم الله حبوبتك نفيسي و أنزلها منازل الصديقين...


حبيبنا الرشيد انا ختيت الرابط فوق
لكن نخته ليك تاني:
نفيسي دسترت في الحج
Post: #2476
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-20-2010, 09:38 PM
Parent: #2475

Quote: طارق جبريل
يا لفصاحة نفيسى بت بغداد ويا لقدرتها التصويرية العالية
ياخى لكن ما جننت البتاعات جن
يقطع حريشك يا مقطوع الطارىء
ان تفاوت البتاعات بين كونهن (منقايات قلب التور وكتين يلولح فيها الهبوب )
ووصول حالهن وصيرورتهن الى كما هو حال بت بغداد نفسها
(زى اللاتك الكنهن على السعن ديل )
خير مثال على تحول الحال من حال الى حال
فبعضهن يهتز ولكن فى ثبات
وبعضن (يتخوجج فى تدفق وسيولة واندلاق)
بالغت عديل يا مطموس
وجننت البتاعات جن
زى ما قال كمال الشادى
انعل ابو شكلك
يا ممتع يا لذيذ

والله يا منصور انا ما حكيت نصايبها كلهن
ان بقينا ان شاء الله اتلاقينا
بوديك عند عمتي حواء بت الخضر ود كنيش
والله والله يا يا منصور عاي تخليك تزح من الضحك
Post: #2477
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-21-2010, 07:11 AM
Parent: #2476


اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار .
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .
اللـهـم اجعل قبره روضة من رياض الجنة ,ولا تجعله حفرة من حفر النار .
اللـهـم افسح له في قبره مد بصره وافرش قبره من فراش الجنة .
اللـهـم اعذه من عذاب القبر ,وجاف ِالارض عن جنبيها .
اللـهـم املأ قبره بالرضا والنور والفسحة والسرور.
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً عبدك ورسولك وانت اعلم به.
اللهم ثبته عند السؤال
اللهم انا نتوسل بك اليك ونقسم بك عليك ان ترحمه ولا تعذبه
اللـهـم انه نَزَل بك وأنت خير منزول به واصبح فقير الي رحمتك وأنت غني عن عذابه .
اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين .
اللـهـم انقله من مواطن الدود وضيق اللحود إلي جنات الخلود .
اللـهـم إحمه تحت الارض واستره يوم العرض ولا تخزه يوم يبعثون "يوم لا ينفع مال ولا بنون إالا من أتي الله بقلب سليم"
اللـهـم يمن كتابه ويسر حسابه وثقل بالحسنات ميزانه وثبت علي الصراط اقدامه واسكنه في اعلي الجنات بجوار حبيبك ومصطفاك (صلي الله عليه وسلم) .
اللـهـم اّمنه من فزع يوم القيامة ومن هول يوم القيامة وأجعل نفسه أّمنة مطمئنة ولقنه حجته .
اللـهـم اجعله في بطن القبر مطمئن وعند قيام الاشهاد أمن وبجود رضوانك واثق وإلي أعلي درجاتك سابق .
اللـهـم اجعل عن يمينه نوراً حتي تبعثه اّمنً مطمئن في نور من نورك .
اللـهـم انظر اليه نظرة رضا فإن من تنظر إليه نظرة رضا لا تعذبه ابداً
اللـهـم أسكنه فسيح الجنان واغفر له يارحمن وارحم يارحيم وتجاوز عما تعلم ياعليم .
اللـهـم اعفو عنه فإنك القائل "ويعفو عن كثير"
اللـهـم انه جاء ببابك وأناخ بجنابك فَجْد عليه بعفوك وإكرامك وجود إحسانك .
اللـهـم إن رحمتك وسعت كل شيء فارحمه رحمة تطمئن بها نفسه وتقر به عينه .
اللـهـم احشره مع المتقين إلي الرحمن وفداً .
اللـهـم احشره مع اصحاب اليمين واجعل تحيته سلام لك من أصحاب اليمين .
اللـهـم بشره بقولك "كلوا واشربوا هنئياً بما أسلفتم في الايام الخالية" .
اللـهـم اجعله من الذين سعدوا في الجنة خالدين فيها مادامت السموات والارض .
اللـهـم لا نزكيه عليك ولكنا نحسبه انه اّمن وعمل صالحاً فاجعل له جنتين ذواتي أفنان بحق قولك:
"ولمن خاف مقام ربه جنتان"
اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها ابداُُ .
اللـهـم اجعله في جنة الخلد التي وعد المتقون كانت جزاءً ومصيراُ لهم ما يشاءون وكان علي ربك وعداُ ومسئولاً .
اللـهـم إنه صبر علي البلاء فلم يجزع فامنحه درجة الصابرين الذين يوفون اجورهم بغير حساب
فإنك القائل " إنما يوفي الصابرون أجرهم بغير حساب "
اللـهـم انه كان مصلي لك ,فثبنه علي الصراط يوم تزل الاقدام .
اللـهـم انه كان صائم لك , فأدخله الجنة من باب الريان.
اللـهـم انه كان لكتابك تالي وسامع فشفع فيه القراّن وارحمه من النيران ,واجعله يارحمن
يرتقي في الجنة إلي اّخر اّية قرأها أو سمعها وأخر حرف تلاه
اللـهـم ارزقه بكل حرف في القراّن حلاوة , وبكل كلمة كرامة وبكل اّية سعادة وبكل سورة سلامة وبكل جْزءٍ جَزاءً .
اللـهـم ارحمه فانه كان مسلم واغفر له فانه كان مؤمنً.
وادخله الجنه فانه كان بنبيك مصدقً وسامحه فانه كان لكتابك مرتل.
اللـهـم اغفر لحينا وميتنا وشاهدنا وغائبنا وصغيرنا وكبيرنا وذَكّرنَا وأنثانا .
اللـهـم من أحييته منا فأحيه علي الاسلام ومن توفيته منا فتوفه علي الايمان .
اللـهـم لا تحرمنا أجره ولا تضللنا بعده .
اللـهـم ارحمنا اذا اتانا اليقين ,وعرق منا الجبين ,كشر الانين والحنين
اللـهـم ارحمنا اذا يئس منا الطبيب ,وبكي علينا الحبيب وتخلي عنا القريب والغريب
وارتفع النشيج والنحيب .
اللـهـم ارحمنا اذا اشتدت الكربات وتوالت الحسرات واطبقت الروعات وفاضت العبرات ,
وتكشفت العورات وتعطلت القوي والقدرات .
اللـهـم ارحمنا اذا بلغت التراقي وقيل من راق وتأكدت فجيعة الفراق للأهل والفراق
وقد حَمً القضاء فليس من واق
اللـهـم ارحمنا اذا حملنا علي الاعناق ألي ربك يومئذ المساق وداعا ابديا للدور الاسواق والاقلام
والاوراق الي من تذل له الجباه والاعناق .
اللـهـم ارحمنا اذا ورينا التراب وغلقت القبور والابواب وانقض الاهل والاحباب فإذا الوحشة والوحدة وهول الحساب .
اللـهـم ارحمنا اذا فارقنا النعيم وانقطع النسيم وقيل ماغرك بربك الكريم
اللـهـم ارحمنا اذا أقمنا للسؤال وخاننا المقال ولم ينفع جاه ولامال ولا عيال وقد حال الحال وليس الا فضل الكبير المتعال .
اللـهـم ارحمنا اذا نَسي اسمنا ودَرس رسمنا وأحاط بنا قسمنا ووسعنا .
اللـهـم ارحما اذا اَهملنا فلم يزرنا زائر ولم يذكرنا ذاكر ومالنا من قوة ولا ناصر فلا امل الا في القاهر القادر الغافر يامن اذا وعد وفي , واذا توعد عفا , وشفع يارب فينا حبيبنا المصطفي واجعلنا ممن صفا ووفا وبالله إكتفي يا ارحم الراحمين ياحي يا قيوم يا بديع السموات والارض ياذا الجلال والاكرام .
اللـهـم انه عبدك و ابن عبدك و ابن امتك مات و هو يشهد لك بالوحدانية و لرسولك بالشهادة فأغفر له إنك انت الغفار.
اللـهـم لا تحرمنا اجره ولا تفتنا بعده و اغفر لنا و له و اجمعنا معه في جنات النعيم يا رب العالمين .
اللـهـم انزل علي اهله الصبر والسلوان و ارضهم بقضائك.
اللـهـم ثبتهم علي القول الثابت في الحياه الدنيا وفي الاخره ويوم يقوم الاشهاد.
اللـهـم صلي وسلم وبارك علي سيدنا محمد وعلي اّله وصحبه وسلم إلي يوم الدين


sudansudansudansudansudansudansudansudansudansudansudansudansudansudansudansudansudansudansudansudansudansudan1.jpg Hosting at Sudaneseonline.com
Post: #2478
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-21-2010, 07:40 AM
Parent: #2477

بسم الله الرحمن الرحيم
أصبحنا و أصبح الملك لله
اللهم نسألك بكل خير سألك به نبيك و عبدك محمد (ص)
و نعوذ بك بكل شر استعاذه بك نبيك و عبدك محمد (ص)
اللهم نسألك الهد و التقى
اللهم آمين

الرحمة و المغفرة للأخ أحمد المصطفى
اللهم اغسله بالماء و الثلج و البرد
اللهم وسع مدخله
اللهم أجعله مع الصديقين و الشداء
و ألهم أسرته الصبر الجميل و حسن العزاء


اللهم آمين
Post: #2479
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-21-2010, 08:23 AM
Parent: #2478

صباح الهناء والسرور ...
يا احلى ناس انا ماشي اجازة وداير رضاكم وعفوكم ...
حاكون مسافر وبرجع ليكم بعد شهر بس ...
ولا نامت اعين الجبناء ...
ونشوفكم على خير ...
Post: #2480
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-21-2010, 08:23 AM
Parent: #2478

خالص التعازى للاخ الفاتح على البشير
والاخت ايمان النصرى والاخ سيف كركساوى



الرحمة و المغفرة للأخ أحمد المصطفى
اللهم اغسله بالماء و الثلج و البرد
اللهم وسع مدخله
اللهم أجعله مع الصديقين و الشداء
و ألهم أسرته الصبر الجميل و حسن العزاء

لا حول ولا قوة الا بالله
وانا لله وانا اليه راجعون
Post: #2481
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-21-2010, 09:24 AM
Parent: #2480

الف رحمة وتور تنزل على قبر فقيدنا واحونا احمد المصطفى عبد الوهاب المحامى
اللهك توله برحمتك وعفوك ورضاك
وابدله دارا خيرا من داره
واصطفيه عندك مع شهدائك وصديقيك وحسن اولئك رفيقا
اللهم آمين




البادى النور ماشى اجازة
ودى تيجى دى
هم ناس السودان بيمشوا اجازات ؟؟!!!
وين ؟؟؟
هى ما كتلت كديستنا وشيعتها موت
قطع شك الدوحة مع المعز
ماشين تحرشوهو
انتو تتجازوا ان شاء الله
Post: #2482
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-21-2010, 09:37 AM
Parent: #2481

وجهتنا الأولى حسب تكتيك الضهرية
واولويات الورقة الفولسكاب
وتلفون حدد موقعك
كانت مقابلة العزيز والأخ الحبيب مجدى عبد الله
كانت له معى عشرة باكتات بذور خيار بيوت محمية من النوع ابو كديس حسب طلبه
وكذلك اسبير عربية من اخوه دكتور محمد عبد الله
قال مجدى انه فى شارع الحرية جنب محلات على دنقلا
والمتذكر ليك على دنقلا منو يا مجدى ؟؟
ولكن زهير الزناتى يعرف ويتذكر
ونحن فى مكان ما قرب السوق العربى القديم بجوار داخليات الطب والصيدلة
هل مازالت هى نفسها ؟؟
دخلنا فى اتون زحمة كبرى الحرية
والمواضيع والونسة تتفتح وتتداخل مع الزناتى زهير
فكرة ان يصحبنى للمشاوير دون ان اكتفى بزيارته او بمجرد مقابلته فى مكان ما قكرة جهنمية
اهنىء نفسى عليها
اصلى من زمان عبقرى
وصلنا الى محلات على دنقلا قبل مجدى
ولكن تلفون حدد موقعك حل المشكلة بسرعة
تلقى مجدى كان بيلجم ليهو فى جيربوكس رشاش
ولا تلقاهو داخل ليهو فى مخرطة ولا قاعد ليهو مع حداد
ياهو مجدى البنعرفو
عشرة ونسة كاربة مع مجدى الحبيب
لا تسمن ولا تغنى ولا تشبع
ولكنها تطقىء الظمأ وان الى حين
استلم مجدى بذور خياره وقطعة غياره
وهاهى اول اهداف الزيارة الخاطفة تتحقق
ضمنا انو مافى ازمة خيار فى العاصمة لمدة شهرين تلاتة على الأقل
ومازال زهير الى جوارى يملأنى ونسة طاعمة
الزول ده انا بعرفو من زمان
القال ليكم منو اول مرة نتونس دقاق ؟؟؟!!!
Post: #2483
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-21-2010, 09:58 AM
Parent: #2482

ودعنا مجدى على امل لقاء قريب
اقله فى حنة يوم التلاتاء ولا العرس فى النادى العائلى مساء الأربعاء
ثم لجأنا الى فولسكابنا وفتحنا ضهريتنا وشاورنا رفيق رخلتنا الزناتى زهير
برز فى ورقة الفولسكاب اسم تبلدينا صالح
نعزيهو فى وفاة ابوهو رحمة الله عليه
ونشوفوا فاتح لى بوستينا مالو ؟؟؟
الو يا صالح يا تبلدينا , حدد موقعك , معاك زهير الزناتى
استغرقت المكالمة دقيقتين او ثلاث سمعت فيهم اشارات مختصرة الى جبرة و اركويت وما عارف شنو
ثم اسفرت المحادثات المختصرة عن حل وسط
كنا قد نأينا بالعربية جانب الطريق حتى نحدد وجهتنا النهائية
قجبرة غير اركويت بالطبع للماشى فى شارع الحرية وللوصل سوق السجانة
تم التفاق على مقابلة تبلدينا فى امتداد الدرجة التالتة
علمنا ان صالح يرحل فى عفش كفتريا اختار لها موقعا جديدا
ناس الأمتداد طلعوا ما بتاعين كفتريات يا طارق جبريل
قلت لى صالح تبلدينا , ياخى ديل ناس فول سااااااى
وكان بالغوا قراصة
ولكن قبل ان نصل الى صالح ونحن فى حوالى السوق الشعبى ومحطة حجازة جنب مدرسة ناس النضيف الزمااااااااااااان
جاءنى صوت بت الشيخ القايمة بى دور ام العريس دون اجادة نذكر
من خلال الموبايل ذلك الأختراع المدهش
حدد موقعك !!!
انتى كمان بقيتى على التكتيك ده ؟؟
اصلى انا جيت ناس تهانى (اختها ) ولو قريب تعال رجعنى عشان انا خلصت
منقة بس , هتفت ضاحكا دون ان اعرف (حتى الآن ) خلصت من شنو
منقة بس للتوقيت المثالى للمحادثة
فنحن الآن على مشارف كلية الهندسة جامعة السودان
قبل الأشارة بى حوالى خمسمية متر
وبيت ناس تهانى فى سكن الجامعة شارع واحد وستين فى شارع محمد نجيب
ابقى مارقة لى برة
انت قريب ولا شنو
قريب شنو , انا فى خشم الباب
كل هذه المصادفات السعيدة , والتوقيتات المثالية
والزناتى زهير الى جانبى , نتونس , نضحك , نتناقش , نتذكر , ونجيلب فى سيرة الخلق والعالمين
لكن بالخير بس والله العظيم
ما قلت ليكم الزول ده انا بعرفو من زمااااااااااااان
من زمن ما ركب معايا من جنب القبة الخضراء
Post: #2485
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-21-2010, 10:18 AM
Parent: #2483

كنا اقرب لأمانى مما تصورت
حتى اننا انتظرناها خمسة او عشرة دقائق لا ادرى
دخول لى جوة ما معانا يا تهانى
كانت هذه اجابتى القاطعة لتحانيس تهانى اخت زوجنى وخالة العيال
وكمان انا معايا زول (ما بيصافح ) فى اشارة خبيثة لزهير
خرجت بت الشيخ مع وليداتها ناس ايثار ومجنبى وبنات تهاتى صديقات ايثار
ومعاهم مدرار
مدرار هى اكثرنا اهتماما بالعرس واستعداداته
ايثار مع دعاء بت خالتها يتصرفون فى استعدادات العرس تصرفات (اوفر شوية )
او هكذا تخيلت انا فيما لم توافقنى عليه امهم
انت قايل ايثار لسه صغيرة ؟؟!!
النساء اكثر علما بتصرفات بناتهم تحديدا
ولكن احمد ايضا بدا لى اكثر اهتماما من ذى قبل بتسريحة الشعر ولبسة العرس والحنة وهلم جرا
الشفع ديل كبروا ولا شنو
يكيروا لى روحهم , وانا مالى ومالهم , انا غايتو صغيرونى احمد الله
انا ذاتى عندى لبسة عرس ولبسة حنة وجلاليب قيدومات كمان
بس الله يدينا الوكت
وان شاء الله مشاوير زهير دى , تخلى فينا باقى مروة نسكسك بيها
مروة فى ولا مافى
يمين سكسكتى الحائف عليها والناوى ليها ما بخليها
مع ان عضعضة الناموس اللسلية تنبىء بملاريا قريبة
خلى الناموس يعضى
ونحن ندور بالبنادول
وصلنا الى صالح تبلدينا
بلغناهو تعازينا
وودنا زائد شوقنا ليهو
وسلم لى عليهو , سلم لى عليهو
Post: #2484
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-21-2010, 10:11 AM
Parent: #2482

صباح الخير ،،، يا وجوه الخير،،،

أصبحنا وأصبح الملك لله،،، وحده

نسمات صبايحيه:

صباح الهناء والسرور ...
يا احلى ناس انا ماشي اجازة وداير رضاكم وعفوكم ...

راضين وعافين عنك يا البادي وترجع لينا بالسلامة.
Post: #2486
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-21-2010, 10:30 AM
Parent: #2484

عندما تحركنا من الأمتداد صوب الصحافة عشان ننزل بت الشيخ وعيالها
ووصلنا الى بيت العرس
المجاور لبيتنا
كانت الساعة بعد الرايعة عصرا
الرابعة فى السودان تعادل الواحدة ظهرا زمان
هذا بالنظر الى مظاهر الحياة وسلوك الناس وتعاملهم مع الوقت
دخول مافى رغم ان زهير معى واحساس بت الشيخ بوجوب معاملته كضيف
ولكنى كنت اكثر عملية منها , ففولسكابى وضهرية عربيتى واقتراحات زهير وتوصياته كلها تمنعنى من الوقوع فى شرك الركلسة وشرب الشاى والعصائر
بعدين ما تتأخروا من الحنة الصغيرة
سمح
وتحركنا امتار معدودة من البيت صوب توصية فولسكابية جديدة
فتحنا الضهرية
القادم كان توصية وقروش من زميلنا النور
الى زوجته الجديدة لنج
نمرة تلفونها ترن
ترن ترن ترن , تررررررت
الوصف فى الديوم الشرقية جنب النظام العام
الكترابة
انتو ما جيران ناس محمد المرتضى عديييييييل
انعل ابو الصدف السعيدة ذاتو
Post: #2487
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-21-2010, 10:45 AM
Parent: #2486

Quote: واحد اسمو عادل نجيلة
ما عارف اذا كان قريب ياسر نجيلة والله لا
لكن فتح ليهو بوست عن اغنية ضنين الوعد
آل مدثر ما بين ضنين الوعد و صبايا أتوا


آل نجيلة في السودان اسرة واحدة فقط يالشادي ...
وده عادل حسن نجيلة ابن الاستاذ زاتووووووووووو
يعني خالي اخو امي لزم ...
وكمان زيادة في فك الحيرة
يكون اخو ابوي ود عمو ...
دي كيف ساهلة ولا نشوف موسي عيسي ... يحلها مع معادلاتو


تسلم ياشادي يازوووووووووق ..... ياجميل
Post: #2488
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-21-2010, 11:53 AM
Parent: #2487

يا ياسر نجيلة كيف حالك حمدلله على السلامة و بارك الله فيك ياود الشادي

و الشكر لك اخي عادل نجيلة و التحية لك النجيلاب وهم من اثرى الساحة

الفكرية فلكم التحية و شنو يا صاحبي بقيت زي الخريف مرة في السنة ووين

الحاجات الحلوة ديك آمل التواصل !
Post: #2489
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-21-2010, 01:11 PM
Parent: #2488

Quote: ناس الأمتداد طلعوا ما بتاعين كفتريات يا طارق جبريل



والله يا منص ضحكت لامن وقعت علي قفاي
الناس ديل بتاعين بوش ساااااااكت
Post: #2490
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-21-2010, 01:52 PM
Parent: #2489

يا منص ما تكتر المحلبية .... الناس دي كلها بتعرفني وأول ما يقروا كلامك ده أكيد حا يقولوا ليك والله منصور ده بينقبلها ليك جنس قنبله ياخي ده ما زهير الزناتي البنعرفوا الواحد ده ... ولا واحد تاني ... ولو ما مصدقني أسأل نادر فاروق بتاع الفتيحاب داك ... المهم إستمتعت برفقة منصور بس كل مره حا يكون عندي مداخلة سريعة كده .... والمرة دي حا تكون حول مواعيد منصور .... أي زول ما بيعرف منصور يعمل حسابه في حتة المواعيد دي ...لأنك قدر ما تسئ الظن في مواعيده حا تلقي إنك أحسنت فيها الظن .... يعني مثلاً مثلاً ... عندكم مواعيد مع زول الساعة خمسة .... تقوم تقول لمنصور مواعيدنا الساعة أربعة عليك الله تعال لي تلاتة ونص .... وإنت خاتي إنه علي أسواء الظروف حايجيك الساعة أربعة ونص عشان تحصلوا مواعيدكم ... اها منصور ممكن يجيك الساعة ستة براحة ... عشان كده من الأول تقول ليهو مواعيدنا الساعة 1 ظهر ويكون عندم زي أربعة ساعات احتياطي .... غير كده منصور لا تمل منه ومن ونسته وحكاويه الطاعمة زي ما يقول الكوتش أحلي من كتاباته .... منصور عالم جميل ... وكمان أحلي من بتاع زين داك
Post: #2491
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-21-2010, 03:55 PM
Parent: #2490

نمسيكم والدنيا عندنا صباح مساء الخير
الهم ارحم موتانا وموتى جمبع المسلمين اعزي الاخ الفاتح علي البشير واسرته في فقد شقيق زوجته
واعزي الاخت ايمان يسن في فقد والدها
واعزي نفسي والجميع في فقد الزميل احمد المصطفى

اللهم ارحمهم رحمة جميلة واسعه واسكنهم مع الصديقين والشهداء وانا لله وانا اليه راجعون
Post: #2493
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-21-2010, 04:45 PM
Parent: #2491

الاخ موسى عيسى مشكور على تلفون محي الدين علي يوسف والله مشتاقين ليهو جدا
شايفه ناس الرشيد ماقصرو معاك وقالوا ليك النقده لكندا واليومين دي كندا النقده براها مابتنفع فيها لازم تجيبو معاكم براميل مويه حاره وتقبل تحيات اوباما وستيفن هاربر كمان وقالوا هم شويه اليومين دي مشغولين بهاييتي يعني لاقين ليهم موضوع جديد بعد مايفضوا بيجو عليك
طارق جبريل والله حجة حبوبتك دي ضحكتني ضحك شديد دي اخير عدمها وبمناسبتها احكي ليكم موقف ظريف
في الحج في المخيم كان معانا نسوان جايين من السودان وهو المخيم كلو سودانيين بس حجاج الداخل والنسوان ديل بس يتونسو ولاقرو قران ولاادعيه ولاكانهم في الحج كانهم حاجين عشان يقشرو بيها في الحله وفي مني يوم العيد الفطور كان فته وعليها شوية لحمه وسلطه عاينو للاكل كداا وقالت ليها مخير الله الليله الناس في شنو وانحنا في شنو حالتهم الشيه والمراره ومافضل ليها الاتقول الشربوت وفي واحده قالت ليها ونسيتي شطة الليمون وعملو مشكله مع بتاع المخيم في موضوع الاكل دا يعني حجة حبوبتك اظن اخير شويه من ديل
يلا فتكم بعافيه وعلى قول محمد ادم النور غيب وتعال
Post: #2492
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-21-2010, 04:10 PM
Parent: #2490

النور البادى مبروك----------الاجازه ما حاجه تانيه
والخبر اليقين عند محمد حسن ولا اقول لما ترجع بالسلامه
من شهر الاجازه
==================================
يصل مساء اليوم الاخ اسامه دبلوك من ديى للعزا فى فقيد
الزقازيفاب احمدالمصطفى طيب الله ثراه
اسامه كانت تربطه بالمرحوم علاقه وطيده
Post: #2494
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-21-2010, 07:37 PM
Parent: #2492

سلامات يا ناس

خالص التعازى للاخ الفاتح والاخت ايمان

والرحمة والمغفرة للمرحوم احمد المصطفى

وانا لله وانا اليه راجعون
Post: #2495
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-21-2010, 07:38 PM
Parent: #2492

سلامات يا ناس

خالص التعازى للاخ الفاتح والاخت ايمان

والرحمة والمغفرة للمرحوم احمد المصطفى

وانا لله وانا اليه راجعون
Post: #2496
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-22-2010, 08:05 AM
Parent: #2495

اصبحنا واصبح الملك لله
يا مصرف القلوب صرف قلوبنا على طاعتك
اللهم اصلح لى دينى الذى هو عصمة امرى
واصلح لى دنياى التى فيها معاشى
واصلح لى اخرتى التى فيها معادى
واجعل الحياة ذيادة لى فى كل خير
واجعل الموت راحة لى من كل شر.
امين
بارك الله لكم فى يومكم هذا بل فى كل حياتكم
وغفر لنا ورحمنا وحبب الينا
فعل الخيرات وترك المنكرات
Post: #2497
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-22-2010, 09:01 AM
Parent: #2496

صباح الخير
على وجوه الخير
كل ناس الزقازيق الفي السودان والبره والاودهم واهلهم كلهم
جمعة مباركة
بديت جمعتي من الصباح الباكر
بتلفون اكتر من رائع مع امي في السودان
الله يخليها ويخلي ليكم امهاتهكم ويجزيهم خيرا عنا
اللهم امين
جمعة مباركة
Post: #2498
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-22-2010, 09:54 AM
Parent: #2497

توفيت صباح اليوم والدة الاخ عباس بابكر عباس \حقوق 83
لها الرحمه والمغفره
العزاء بمنزلهم بالخرطوم بحرى \السوق \ جوار عمارة ابراهيم طلب
Post: #2499
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 01-22-2010, 12:19 PM
Parent: #2498

التعازى للاخ الفاتح على بشير ولزوجته ايمان

ونسأل المولى ان يتغمد المغفور له باذن الله بوافر رحمته

والتعازى موصوله للاخ عباس بابكر ونسأل الولى ان يتقبل والدته قبولا حسنا

عنده (امين يارب العالمين)
Post: #2500
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-22-2010, 01:49 PM
Parent: #2499

التعازى الحارة للاخ / عباس بابكر ...

ونسأل الله ان يشمل والدته بواسع رحمته وكريم مغفرته ..

ونسأل الله ان يرحم فقيدنا العزيز / احمد المصطفى

وينزله منزل الصديقين والشهداء وحسن اولئك رفيقا

وانا لله وانا اليه راجعون
Post: #2501
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-22-2010, 06:48 PM
Parent: #2500

الرحمة و المغفرة للأخ أحمد المصطفى

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر

والتعازي موصولة لجميع ناس الزقازيق
Post: #2502
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-22-2010, 06:53 PM
Parent: #2501

Quote: توفيت صباح اليوم والدة الاخ عباس بابكر عباس \حقوق 83
لها الرحمه والمغفره
العزاء بمنزلهم بالخرطوم بحرى \السوق \ جوار عمارة ابراهيم طلب


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها وللأخ عباس الصبر وحسن العزاء
Post: #2503
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-22-2010, 07:00 PM
Parent: #2502

بعد فراق دام لأكثر من 18 سنة

إلتقيت بالأمس بمدينة الدمام الأخ والصديق عثمان عبد الحميد عثمان

الشهير بعثمان جالية

وكان لقاء لا يوصف

وكانت الفرحة الكبيرة

واليوم تلقيت منه إتصال يخبرني فيه بأنه ظل مستيقظا حت الساعة السادسة صباحا يقرأ في البوست القديم

والمنبر الجديد

وهو بسلم عليكم كلكم وهو سعيد وفرحان جدا بهذا التلاقي الجميل
Post: #2504
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-23-2010, 06:34 AM
Parent: #2503

سلامات يا ناس

وصباحات التفاؤل

اللهم ارحم والدة الاخ عباس

واجعل الجنة مثواها.
Post: #2505
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-23-2010, 06:38 AM
Parent: #2504

سلامات يا ناس

Quote: إلتقيت بالأمس بمدينة الدمام الأخ والصديق عثمان عبد الحميد عثمان

الشهير بعثمان جالية


سامى...سلام

طوّلنا من شوفتك وعساك طيّب

تحياتى عبرك للاخ عثمان
Post: #2507
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-23-2010, 06:47 AM
Parent: #2505

Quote: توفيت صباح اليوم والدة الاخ عباس بابكر عباس \حقوق 83
لها الرحمه والمغفره


اللهم أرحم والدة أخونا عباس بابكر

وأسكنها فسيح جناتك مع الشهداء والصالحين

آمين يا رب العالمين.
Post: #2506
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-23-2010, 06:46 AM
Parent: #2504

اللهم ارحمها رحمة جميلة واسعه واسكنها فسيح جناتك مع الصديقين والشهداء وحسن اولئك رفيقا

نعزي الاخ عباس بابكر عباس والاسره في وفاة والدتهم اللهم الهمهم الصبر وحسن العزاء
انا لله وانا اليه راجعون
Post: #2508
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-23-2010, 07:07 AM
Parent: #2506

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

عثمان عبد الحميد عثمان والملقب ب عثمان جالية

ده لقيته وين يا سامي عبدالوهاب , والله صدفة جميلة

وهدية رائعة آخر مره شاهدته في التسعينيات بالقاهرة

وآخر مره كتب عنه صلاح الأمين قال مره كنا في إجتماع

(ل،س) وحضر عثمان جالية ممثل لمؤتمر المستقلين وكاد أن

يفكرتك التجمع ، بلغه أشواقنا ونزلنا لينا الداتا بتاعه في البوست.
Post: #2509
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-23-2010, 07:15 AM
Parent: #2508

خالص التعازى للاخ عباس بابكر فى وفاة والدته
لا حول ولا قوة الا بالله

انا لله وانا اليه راجعون


،،،،،،،،،،

احر الاشواق للاخ عثمان جالية
Post: #2510
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-23-2010, 07:33 AM
Parent: #2509

Quote: سامى...سلام

طوّلنا من شوفتك وعساك طيّب

تحياتى عبرك للاخ عثمان


محمد صديق

مشكور على السؤال ... والطولة دي طبعا أكيد بسبب الشغل ليس إلا

وأكيد تحاياك وصلت لعثمان


Quote: عثمان عبد الحميد عثمان والملقب ب عثمان جالية

ده لقيته وين يا سامي عبدالوهاب , والله صدفة جميلة

وهدية رائعة آخر مره شاهدته في التسعينيات بالقاهرة

وآخر مره كتب عنه صلاح الأمين قال مره كنا في إجتماع

(ل،س) وحضر عثمان جالية ممثل لمؤتمر المستقلين وكاد أن

يفكرتك التجمع ، بلغه أشواقنا ونزلنا لينا الداتا بتاعه في البوست.


ذكر لي عثمان هذا اللقاء في أحد شوارع القاهرة... صح؟؟؟

أما لقائي به فلم يكن صدفة بل كان ثمرة جهد لفترة من الزمن وبحث طويل توجه الأخ عزام بزيارة منزل أسرة عثمان بالقاهرة

وأحضر رقم هاتف شقيق عثمان بالدمام

ومن ثم وصلنا للأخ عثمان

وكان لقاءا جميلا كلقاؤكم بعادل الجعلي

Quote:
احر الاشواق للاخ عثمان جالية


أشواقك وصلت يا نضيف

ونحن كمان مشتاقين ليك
Post: #2511
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-23-2010, 08:40 AM
Parent: #2510

صباحاتكم نديه وبوستاتكم بهيه

نعم إلتقينا بالأخ/ عثمان جاليه بالقاهرة
وهو رجل طيب ويحب الناس وكانت له علاقات جيده
ولكن أخي سامي لقاء كبير مثل هذا كان تسجله وتصوره
وتنزله في البوست بتاع شخصيات واسر زقازيقية من الزمن الجميل
أنا أديتك الإذن بأن تجعل هذا البوست حقك كاملاً ولك مطلق الحريه فيهو
Post: #2512
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-23-2010, 08:45 AM
Parent: #2511

c5p20879sudan1sudan.gif Hosting at Sudaneseonline.com
Post: #2513
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-23-2010, 08:45 AM
Parent: #2511

يحزنني أن يغادر قطار الشوق محطة ود الجعلي وسامية
ولقد وقف القطار كثيراً بناءً على طلب الكثيرين وعلى رأسهم
العزيز جمال فارح لانشغاله ووجوده خارج العاصمة خلال الفترة السابقة
ولكن مقترح أتانا من صديق بأن يتحرك قطارنا ويكون الباب مفتوحاً للكتابة
عن الكل والباب مفتوح للكتابة للجميع .

وتحلق طائرتنا الإسفيرية وتضع رحالها ،،، وبسم الله نبدأ :


هذه الإخوة تبحث عن قلوب تؤنسها
عجبي كيف لا ينسى الأب أول من ناداه أباً
وكيف لا تنسى الأم أول رضيع لها

من لم يجد لجملة التيه تعريف فإني أعرفها
لساني تشرب الكأس ونفسي تشكو الظما
وتلهث من فرط السقاء وتقسم ما سقاها
آنى لنفسي أن ترتوي وأنى لها

ونفسي تسقى لغيرها وقد طاب شاربها
تبيت نفسي في دار من قد نوى
أحراقها والنفس تحسب أن الدار دارها

الدار دار الريس معتصم سلمان ،،،،،،،،

لننطلق جميعاً مرحبين ومهللين بقدوم الرجل الظريف والمهذب
ولنجلسه في الكرسي الساخن سوياً وإلى هناك لنتعرف عليه عن قرب ......
شخصيات وعائلات زقازيقة ،،،،،،،، من الزمن الجميل،،،(توجد صور)
Post: #2514
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-23-2010, 08:56 AM
Parent: #2513

صباح الخير يا اهلنا الحلوين نبدا صباحنا بالدعاء علشان اخونا جلا

يستطيع الدخول بالكوبي فمرحبا بكم صديقي تفضل ؟

رب عبدك قد ضاقت به الأسباب
وأغلقت دونه الأبواب
وبعد عن جادة الصواب
وزاد به الهم والغم والاكتئاب
وانقضى عمره ولم يفتح له الى فسيح مناهل الصفو والقربات باب
وأنت المرجوّ سبحانك لكشف هذا المصاب
يا من إذا دعي أجاب
يا سريع الحساب
يا رب الأرباب
يا عظيم الجناب
يا كريم يا وهّاب
رب لا تحجب دعوتي
ولا ترد مسألتي
ولا تدعني بحسرتي
ولا تكلني إلى حولي وقوّتي
وارحم عجزي
فقد ضاق صدري
وتاه فكري
وتحيّرت في أمري
وأنت العالم سبحانك بسري وجهري
المالك لنفعي وضري
القادر على تفريج كربي
وتيسير عسري
اللهم أحينا في الدنيا مؤمنين طائعين
وتوفنا مسلمين تائبين
اللهم ارحم تضرعنا بين يديك
وقوّمنا إذا اعوججنا
وادعنّا إذا استقمنا
وكن لنا ولا تكن علينا
اللهم نسألك يا غفور يا رحمن يا رحيم
أن تفتح لأدعيتنا أبواب الاجابه
يا من إذا سأله المضطر أجاب
يا من يقول للشيء كن فيكون
اللهم لا تردنا خائبين
وآتنا أفضل ما يؤتى عبادك الصالحين
اللهم ولا تصرفنا عن بحر جودك خاسرين
ولا ضالين ولا مضلين
واغفر لنا إلى يوم الدين
برحمتك يا ارحم الرحمين
اللهم آمين
Post: #2515
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-23-2010, 09:10 AM
Parent: #2514

صادق العزاء لاخونا عباس بابكر عباس و نسال الله للفقيد الرحمة

والمغفرة .

الجميل سامي كيف حالك مرحب بالطلة البهية و مازلنا في الانتظار

و للعلم سوف نقوم بترتيب لقاء زقازيق في القريب العاجل و

احتمال يكون اول خميس بعد امتحانات النصف من العام الموافق

الحادي عشر من فبراير 2010 لذا نحب ان نذكركم حتى تكونوا

على اتم الاستعداد و لك التحايا.كما نامل ان يكون في هذا

اللقاء تمثيل من ناس الغربية وسوف نسعد بذلك نامل التفكير

والافادة .
Post: #2516
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-23-2010, 09:29 AM
Parent: #2515

العزاء للأخ عباس بابكر عباس فى وفاة والدته
رحمها الله رحمة واسعة
والهم آلها وذويها الصبر وحسن العزاء
مشتاقين يا سامى ياخ
ومرحب بالشخصية التانية فى سلسلة شخصيات واسر زقازيقية يا منى يونس
وفعلا وجود مراسلين للفكرة فى كل مكان ممكن وفكرة عملية جدا
وكمان نؤيد التداخل بين الشخصيات حالما تجهز الشخصية الجديدة
تدخلى بيها طوالى
والباب مفتوح للكتابة عن الكل طول الوقت
لأنو ما اعتقد التداخل حايكون مربك لأى زول
تحياتى
Post: #2517
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-23-2010, 10:21 AM
Parent: #2516

نزلنا بلت الشيخ فى بيتهم
وانطلقنا الى الديوم الشرقية صحبة زهير لتسليم امانة النور لزوجته
مكان الألتقاء مع زوجة النور حسب الوصف المستمد من تلفون حدد موقعك
كان جنب محل اسمو دندشة , فى شارع النظام العام
الشارع اسمه كده لأنو فيه مركز شرطة امن المجتمع او ما اصطلح على تسميته النظام العام
شارع ناس محمد المرتضى ذاتو
ومحمد المرتضى اسمه موجود فى ورقة الفولسكاب
عارفين الفولسكاب وين ولا اقول ليكم
سلمنا زوجة النور حاجاتها وغفلنا راجعين
الزريبة على يسارنا , وتتشابه علينا البيوت على اليمين
الأبواب نفس الأبوب , وكل البيوت تبدو لى كأنها بيت ناس محمد المرتضى عبد العزيز
شلفانوف كما احب انا ان اناديه , وكما يكره هو ان يسمع خاصة منى
يكره ولا ما يكره , فهو شلفانوف الذى كنا نتبارى انا والرشيد ورفعت نور الدين وعاطف القوز وصفوت حسن عمر
فى مناداته بما يكره
تناديه بشلفانوف فيفجر فيه الغيظ مكامن وانفعالات نحبها اكثر
يتحول الى وحش كاسر لفظيا , وتتفتق عنده رغبات الرد ودفع الهزيمة المعنوية الى تعليقات تجرى مدامعنا من الضحك والسعادة
وعند ذلك , لن تتمكن من التعرف مجددا فيما اذا كان من الحصافة ان تعيد مناداته بذلك ام لا
ولكنه لا يغضب ابدا , ولا يؤذى لأنه لا يملك ادواتا للأذية
ندق الباب
او بالأحرى , نجر السلك ونكورك , محمد المرتضى
هذا عن زهير
شلفانوووووف , وهذه منى انا
مرتضى مافى , قالت قريبته الشابة الصغيرة المستغربة لهذا الهجوم الكاسح والضحك السمبهارى
متى ما جاء خاطر مقابلة محمد المرتضى فى بالك او كنت لذلك متوقعا
فعليك ان تضحك سمبهارى , وهذه الضحكة الأستباقية فى غاية الأهمية
لأنه يجب عليك ان تقتنع مسبقا انك داخل الى بحر ضحك لجى واسع وفسيح
وامهر السباحين ستواجهة مشكلة ما فى تنظيم النفس او التنفس اعنى
شهيق , زفير , شهيق , زفير
لذا وجب علينا هذا الضحك السمبهارى
والا غرقنا فى بحره الضاحك وضاعت اجازتنا بالموت غرقا
ولكن عبارة مرتضى مافى جاءت ونحن فى كومة ضحكنا الأستباقى هذا
مشى وين الشينة ده
والضحك يستمر من جانبنا , بينما يزيد الأستغراب والتعجب من جانب مستقبلتنا الشابة
الزول ده من الصباح فى مستشفى فضيل لأنو نسيبتو عندها عملية
ام انتصار يعنى ؟؟
سألت انا بينما امارات التعجب تحولت الى امارات اندهاش من الهجوم الضاحك الكاسح والمفاجىء
منو ديل يا
غفلت المسكينة المندهشة المتعجبة الى الداخل لأبلاغ السائلة الداخلية بأن المجمين الضاحكين انما هما زهير ومنصور حسبما اخبرناها
هى , قولى ليهم دقيقة ان نلبس توبى , اتفضلوا بصوت اعلى وصل الى مسامعنا
هذا الترحيب العارف من الداخل ساهم فى فك ربكة مستقبلتنا الشابة فادخلتنا الى الصالون الخارجى
جاءتنا صينية العصير البارد
وشيالة الشوكولاتة الما خمج
روينا عطشنا , والتهمنا من الشوكلاتات ما شاء لنا الألتهام
وجاءتنا هالة اخت محمد المرتضى التى نعرفها من زماااااان
تونسنا وعرفنا اخبار شلفانوف المشغول مع نسيبته
وكذلك اخبار هالة التى مرت بوعكة صحية نتيجة خطا طبى
اخدنا تلفون محمد المرتضى المعروف عنه انو عنده رقم جديد كل اسبوع لذا فانه لم ولن يحظى ابدا بتسجيل اسمه وتلفونه فى اى من تلفوناتى او مفكراتى الرقمية
اخذنا زادنا من الشوكلاتات
بعد ان عمل فيها الزناتى زهير فرزا وتصنيفا
شكيتوا لى الله زهير ده
يعرف ليك الشيكولاتة دى محشية شنو من لون غلافها !!!
وبعد داك , بتشوف الغلاف بس راجع
اصلوا ما بتشوف الشوكولاتة وهى داخلة
لكن اغلفة الشوكلاتة التى التهمناها , قطع شك
اربكت ناس النفايات الشوفت عينى ليهم قاصين اترنا ونحن متحركين من ناس شلفانوف
ارتفعت معنويات زهير وقد التهم كل هذه الشوكلاتات , وزادت عنده الطاقة بما يعادل حوالى مئة الف كالورى
فكان ان عرض على ان يتولى القيادة
عنى انا
معنوياتى وطاقتى مرتفعتان حتى اكثر من زهير
فمعظم معنويات وطاقة زهير يستهلكهما شنبه الكبير
ولكن عرضه ذلك راقنى وسر بالى
اخيرا ساخلد الى المقعد جوار السائق
لا دخل لى بحفر الشارع ومطباته
سيكون الجوال بتاعى فى حالة استاند باى كاملة الدسم اجاوب على اسئلة تحديد الموقع والمكان
وسأتفحص فولسكابى الأثير
الذى تحول من جيب الشنطة الى جيب قميصى
او خافقى ايهما اقرب
قال الفولسكاب او قات الضهرية او وصى زهير لا ادرى
نهلة نجم الدين حسن التوم
Post: #2518
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-23-2010, 11:11 AM
Parent: #2517

ياله من اسم ويا لها من شخصية
لقد فرضت نفسها ليس على ورقة فولسكابى هذا فقط
ولكن مجموع قبيلة اوراق الأى فور من زمن الزقازيق
انها زميلة من زمن جميل , واخت من مقام شاهق
عندما عصف الأستقطاب الحاد باسرة زراعة اواسط الثمانينيات
تفتقت الجسورة نهلة وتفتحت فكرة التئام عبقرى
المبسطون للأمر , والساخرون منه مجملا وان من وراء حجاب
سمو مبادراتها الألتئامية الناجحة , بانها (تجمع النهلجية )
هذا لا يهم هنا
ولكنه من باب الشىء بالشىء (يذكر)
كان زهير الزناتى قد نبه يوما ما قبل العيد الفائت الى ان نهلة ستجرى عملية جراحية ما
واوصى بمعايدتها صباح العيد
شخصيا حاولت ذلك وفشلت ساعتها وصباح العيد وانا فى مطار الرياض فى طريقى الى جده
وزخم برنامج العيد عندى اضاع على ذلك الأتصال الذى احببت واحب
ولكنى لم (اقلق ) على نهلة التى اعرف ابدا
فمثل نهلة لاتهزه عمليات
ثم تذكرت ذلك لاحقا وقبل السفر وجاءنى صوت نهلة كما اعرف عبر الأتصال التلفونى
عندما سألتها عن الشغل , بعد سؤال عابر عن الصحة والعملية
قالت لى انها بعيدة ما زالت عن العمل من العيد الفات
حينها عرفت , ان ما يبعد نهلة نجم الدين عن العمل طول هذه المدة ليس امرا هينا
ولكنها تبقى نهلة نجم الدين
حكت لى وحكت واسرفت فى الحكى
صغرت انا امام نفسى وامام حرص زهير على الأتصال
ولكن فى المقابل
كبرت نهلة , وكبرت , وكبرت
مرت اختنا وزميلتنا نهلة نجم الدين بتجربة ليست بالسهلة ولكنها خرجت منها منتصرة كالعادة
اطول قامة , اعلى هامة , اصفى قلبا وانقى ودا وابقى عزما
كنت مطمئنا اصلا على نهلة نجم الدين
ولكنى كنت مصرا على زيارتها كما افعل كل اجازة ,
هذا ما قال جدول الأعمال المخبوء فى الخافق , القابع فى جيب القميص , الموصى به من الجميل زهير الزناتى باشا
Post: #2519
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-23-2010, 12:08 PM
Parent: #2518

ما بين الخامسة والسادسة
كنا نقطع كوبريا ما , يصل بين الخرطوم والخرطوم بحرى نواحى شارع االأنقاذ
والله العظيم ما متذكر هسى نحن مشينا بالمك نمر ولا كوبرى بحرى القديم
فألاستغراق فى الونسة مع زهير , لا تلزمه تفاصيل كهذه
حتى اذا ما وصلنا الى بدايات الحلفايا التى كانت بعيدة
تراءى لنا بيت ناس نهلة من على البعد
زرت نهلة مرارا فى بيتهم الكبير فى الأملاك
كما وتعودت على المرور عليها فى مكتبها ومشتلها فى شارع النيل قبالة وزارة الصحة جوار نادى الكشافة
ولكنها المرة الأولى لى فى بيتها الخاص فى الحلفايا
عندما اتصل زهير عليها تلفونيا لأبلاغها باننا قادمون
كان الوقت وقت قيلولة
ولكننا سنزورها ونتونس معها حتى ولو ايقظناها من قيلولتها
هالنى كيف وصلنا الى الحلفايا البعيدة فى هذا الزمن القياسى
ونسة جميلة وصحبة اجمل
ام ان المسافات ماعادت هى المسافات
كنا لا نصل الى الحلفايا هذه الا بنية سفر وزوادة طريق
فاذا بها تبرز الينا فجأة وكانها الشعبية او المزاد
نحن جينا وقدام الباب
بالتلفون الموبايل هذا الأختراع العبقرى الثمين
فتحت لنا الأبواب
دخلنا بى عربيتنا الى باحة البيت الفسيح
وبدت لنا نهلة نجم الدين من بعيد

 
Post: #2520
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-23-2010, 12:28 PM
Parent: #2519

لو قدر لى ان استقر فى السودان
لتمنيت منزلا مثل بيت ناس نهلة نجم الدين
عينى باردة
انه على شاكلة منازل الريف الأنجليزى الفسيحة
اظن ان نهلة اتت بعينة من كل الشتلات والأشجار التى تبيعها فى مشتل شارع النيل
الى منزلها قبل ان تجرب بيعها فى المشتل
كما ان التعريشة البلدية على شاكلة قطاطى الشرق الحبيب
جعلت من باحة الحوش الفسيحة مهرجانا من الزهور التى
(بسمت لينا والطيور غنت فرحانة تنثر الورد علينا )
عرضت نهلة علينا الدخول الى الصالون القريب
وتمنيت انا ان نجلس فى باحة الحوش
ولكن الشمس كان فيها باقى
ومفعول شكولاتات بيت ناس محمد المرتضى انتهى او كاد
نحن فى حاجة الى طاقة اضافية تعادل هذا المجهود والزخم
شيكولاتة تانى , حد قال لا
جك كبير من العصير الفاخر
انعل ابو العصير ذاتو
وونسة تفوق الشكولاتة طعما وتتغلب على ارواء العصائر الطازجة
نهلة نجم الدين بيتك غاية فى الجمال
ولكنه يظل دون قامتك
دخلت علينا عزة صلاح ابنة نهلة نجم الدين الكبيرة
الطالبة فى كلية الهندسة الزراعية
قلت ليها انا خالك الصغيرونى
اول ما جيت الكلية فى الزقازيق
امك دى فردلب قامت اتخرجت
لكن لو قابلتينى فى حتة
اعرفى الكلام ده كويس
انا لا زميل امك ولا بعرفها
استمتعنا بزيارة نهلة ايما استمتاع
منحناها ودا تستحقه وتونسنا معها وابنتها ونسة ترفع من المعنويات
وخرجنا الى الشارع الفسيح وقد ذهبت الشمس الى مستقرها
جاءنى تلفون بت الشيخ مستفسرا عن انت يا ازول جاى لى عرس اخوى
ولا عندك اجندة خفية ؟؟؟
وصفت ليها القطية والزهور والونسة والصحبة والحوش الفسيح
فآمنت واردفت
ما تتأخر عن الحنة الصغيرة
دى ما مكتوبة فى الفولسكاب , اجبت بسرعة وتلقائية
ولكنى استدركت
ان غاب امر عن فولسكابى الضيق
فان فى رحابة قلبى وخافقى متسع  
Post: #2521
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-23-2010, 12:55 PM
Parent: #2520

عارف يا منصور قالو فى واحد مغترب جاء اجازة عرس زيك كده
وكان فرحان شديد طلباتو كلها مجابة ، الجماعة هناك استغلو
حتة الفرح بتاعتو دى وعملو ليهو اشيلك وين وآآآختك وين
قلعو منو الجوال والساعة والبدل والكرفتات
اخر يوم وهو مسافر ماشى على المطار دخل الحمام يستحمى
وساب هدومو فوق السرير لما طلع لقاها مافى ، اتهجم
قال ليهم يا جماعة ما متعاقد ســباح

المهم النكتة دى بريئة جدا جدا يا زهير

بس انشاء الله ما يكون قالو ليك يا منصور كتاب الله ما بناباهو
بس البيك اتعرفت ،،،،،،
Post: #2522
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-23-2010, 02:41 PM
Parent: #2521

اللهم أرحم والدة أخونا عباس بابكر

وأسكنها فسيح جناتك مع الشهداء والصالحين

آمين يا رب العالمين.





الف الف مرحب بالعزيز عثمان جالية
Post: #2523
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-23-2010, 02:52 PM
Parent: #2522

العزاء للأخ بابكر عباس في وفاة والدته أسكنها الله فسيح جناته مع الصديقين والشهداء وحسن أولئك رفيقا



يا سلام يا سامي علي الود عثمان جالية ... عليك الله أغريه خالص الود والتحايا والأشواق ... بعدين وين الصور والدموع ... والذي منه ... عليك الله نزلها خلي الجلاكين ديل يجوعروا شوية ...
Post: #2524
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-23-2010, 03:53 PM
Parent: #2523

خالص التعازى للاخ السبكى صلاح حسن<تجاره85> فى وفاة والده
تقبله الله وجعله من اصحاب اليمين.
العزاء بمنزل الاسره بامدرمان المورده.
Post: #2525
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-23-2010, 04:16 PM
Parent: #2524

كامل العزاء لزميلنا السبكى صلاح حسن- تجاره -
فى وفاة والده تقبله الله وجعله من اصحاب اليمين.
وألهم أهله وذويه الصبر والسلوان

إنا لله وإنا إليه راجعون.
Post: #2526
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-23-2010, 04:17 PM
Parent: #2524

احر التعازي لاخونا عباس بابكر
في وفاة والدتة لها الرحمة
وانا لله وانااليه راجعون.

تعازينا القلبية للاخ السبكي
في وفاة والدة رحمة الله رحمة واسعة
واسكنة فسيح جناتة مع الصديقين والشهداء
والزمكم الصبر الجميل
Post: #2527
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-23-2010, 07:45 PM
Parent: #2526

كامل العزاء لزميلنا السبكى صلاح حسن- تجاره -
فى وفاة والده تقبله الله وجعله من اصحاب اليمين.
وألهم أهله وذويه الصبر والسلوان

إنا لله وإنا إليه راجعون.
Post: #2528
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-23-2010, 09:17 PM
Parent: #2527

سلامات يا ناس

خالص التعازى للاخ السبكى

وللفقيد الرحمة والمغفرة

وانا لله وانا اليه راجعون
Post: #2529
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-23-2010, 09:41 PM
Parent: #2528

احر التعازي للأخ عباس بابكر
في وفاة والدتة لها الرحمة
وانا لله وانااليه راجعون.

تعازينا القلبية للاخ السبكي
في وفاة والدة رحمة الله رحمة واسعة
واسكنة فسيح جناتة مع الصديقين والشهداء
Post: #2530
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-23-2010, 10:15 PM
Parent: #2529

العزاء موصول لكل الأهل بالزقازيق
ولكل من فقد عزيز لديه ، اللهم تغمدهم
برحمتك وأجعلهم مع الصديق والشهداء

إنا لله وإنا إليه راجعون
Post: #2531
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-24-2010, 03:56 AM
Parent: #2530

اللهم أرحم والدة أخونا عباس بابكر

وأسكنها فسيح جناتك مع الشهداء والصالحين

آمين يا رب العالمين.
Post: #2532
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-24-2010, 05:06 AM
Parent: #2531

احسن الله عزاء اخونا السبكي و للفقيد الرحمة و المغفرة

ونسال الله أن يسكنه جناته .
Post: #2533
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 01-24-2010, 05:32 AM
Parent: #2532

الاخ العزيز السبكي
البركه فيكم الوالد ربنا يرحمه ويغفر له ويسكنه فسيح جناته
والتعازي لكل الاسره

مع تحياتي
Post: #2534
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 01-24-2010, 06:45 AM
Parent: #2533

التعازي الحارة للأخ عباس بابكر في وفاة والدته
نسأل الله لها الرحمة والمغفرة
وأن يتقبلها الله لديه قبولا حسنا
سائلين الله لآلها الصبر وحسن العزاء ..

ونسأل الله لوالد الأخ السبكي الرحمة والمغفرة
والقبول الحسن ..
اللهم تجاوز عن سيئاته
وأبدله دارا خير من داره
وأهلا خير من أهله
سائلين الله لآله الصبر وحسن العزاء

إنا لله وإنا إليه راجعون ..
Post: #2535
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-24-2010, 06:57 AM
Parent: #2534

خالص التعازى للاخ السبكى فى وفاة والده

ولا حول ولا قوة الا بالله

وانا لله وانا اليه راجعون
Post: #2536
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-24-2010, 07:03 AM
Parent: #2535

صباح الخير،،، يا وجوه الخير،،،

اصبحنا وأصبح الملك لله،،، وحده

نسمات صباحيه:

نهدي إشراقة الصباح لأبنائنا ملائكة الزقازيق

بدخول موسم الإمتحانات عن التيرم الأول

ربنا ينجحكم ويقويكم وتعتلوا أعلى المراتب

آمين ،،،،،،
Post: #2537
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-24-2010, 07:13 AM
Parent: #2536

خالص التعازى للاخ السبكى

في وفاة والده

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #2538
Title: Re: ناس الزقازيق ... أجدع ناس ( 3 ) ..
Author: عبد الحميد البرنس
Date: 01-24-2010, 08:58 AM
Parent: #2537

Quote: العزاء موصول لكل الأهل بالزقازيق
ولكل من فقد عزيز لديه ، اللهم تغمدهم
برحمتك وأجعلهم مع الصديق والشهداء

إنا لله وإنا إليه راجعون
Post: #2539
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 01-24-2010, 09:02 AM
Parent: #2537

خالص التعازي للاخوة عباس والسبكي

انا لله وانا اليه راجعون

العزيز ابو السيم

ياأخي اية المفاجأت دي ! عثمان جالية مرة واحدة وفي الدمام كمان!

ياأخي الرجل ده الواحد مشتاق ليهو بطريقة ما عادية

فالتحية موصولة له الي ان نلتقي ...

جلة وينك؟
Post: #2540
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-24-2010, 09:17 AM
Parent: #2537

احر التعازي لاخونا عباس بابكر
في وفاة والدتة لها الرحمة

وتعازينا ايضا للاخ السبكي
في وفاة والدة رحمة الله رحمة واسعة
واسكنة فسيح جناتة مع الصديقين والشهداء
والزمكم الصبر الجميل

انا لله وانا اليه راجعون
Post: #2541
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-24-2010, 11:30 AM
Parent: #2540

التعازى الحارة للأخ السبكى صلاح
فى وفاة والده
رحمه الله واسكنه منزلة حسنة مع الصديقين والشهداء
وحسن اولئك رفيقا
Post: #2542
Title: Re: ناس الزقازيق ... أجدع ناس ( 3 ) ..
Author: عصام دهب
Date: 01-24-2010, 12:12 PM
Parent: #2541

تحية و سلام و شوق و لأجدع و أعز ناس ..

و إمنياتي لكم جميعاً بالخير كل الخير ..

و إن شاء الله دايماً تامين و لامين و مبسوطين ..


ــ

و التعازي الحارة لزميلناالأستاذ / عباس بابكر في وفاة والدته و أسأل الله تعالى أن
يتغمدها بواسع رحمته و عظيم مغفرته و أن يتقبلها قبولا حسناو ينزلها الفردوس الأعلى من الجنان و أن يلهم ذويهاالصبر وحسن العزاء ..
و التعازي أيضا للأخ الزميل /السبكى صلاح حسن في وفاة والده و اٍسأل الله تعالى أن يتغمد الفقيد بواسع الرحمة و المغفرة و أن يدخله فسيح جناته مع الشهداء و الصديقين و أن يلهم آله الصبر وحسن العزاء

و ( إنا لله وإنا إليه راجعون ) ..
ــ
Post: #2543
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-24-2010, 06:20 PM
Parent: #2542



تعازينا الحارة للأخ/ عباس بابكر في وفاة والدته
نسأل الله لها الرحمة والمغفرة وأن يتقبلها قبول حسن
ويحسن مثواها,ان يلهمكم الصبر الجميل وحسن العزاء


تعازينا الحارة للأخ/السبكي في وفاة والده ونسأل الله
له المغفرة والرخمة
وأن يلهمكم الصبر الجميل وحسن العزاء

وإنا لله وإنا إليه راجعون
Post: #2544
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-24-2010, 06:46 PM
Parent: #2542

الحزن والمواساة كانت الصفة الاساسية للبوست من يومين و اعلك ان الجميع بنفس

حالتي كلماا دخل اجد البوست خاوي الا من مداخلة الزامية للتعزية عموماللمفقودين

الرحمة والمغفرة و لاهليهم الصبر .

اما البوست سوف يظل الواحة التي نلجالها كلما وجدنا انفسنا في حاجة للترويح وهو

التواصل مع اخوانا لنا سوف يظلوا هم الحلم في التلاقي سواء عبر الاسفير او التلاقي

في اي ميدان من ساحات الحياة والتي لا طعم لها إلا بان نسمع او نري او نتواصل مع

اهلي و اصحابي ال>ين فضينا معهم اجمل ايام حياتنا فهم انتم احبابي الزقازيقاب

فودعوا الحزن النبيل و تداعوا كما عهدناكم فاين انتم :

1- يا محمد عيد واين ابداعاتك دعنا نتواصل بما هو احلي وجميل .

2- العزيز جلا لا اسكت الله لك حساوبك يصير البوست له طعم سندوتشات الطعمية بالطماطم

من الشرقاوي في جو زقازيقي بادر ؟

3- الحبيب طارق جبريل طرفاتك ناقصاناو كلمات الحلوة فقدناهامن زمن طويل نامل العودة.

4- حاتم جبارة من ديك و عيك نحن نفقدتك كثيرا.

5-السهيلي اين انت يا جميل نحن في انتظار الحلم.

6- ياسر نجيلة اشتقنالك و لتلك الكتابة الجميلة والتلميحات والكلمات الحلوة انشاء الله

تهجينا فتداعى .

7- الجميلة زنوبة بافتقادك اصبح الدار خلا ؟

8- الاميرة عفاف الراقية نامل المواصلة و الكتابة الحلوة بحلاوة التمائم ؟

9- العزيز ود الشادي نتمني ان نشدو على انغام الضنين و الوعد في داخل البوست كماعهدنا البوست

في سابق عهده .

10- شاعرنا عادل عبدالرحمن نامل العودة والشوق كتير و معك الصديق الصدوق تجتوج ؟

11- جلال يا خبيرنا الاجنبي نتحتاج لخبرات السابقة و بدونها صار البوست كما ترى فهلا تفضلت اخي ؟

12- للجميع نامل عودة الروح للبوست حتى نسعد كما كنا.......
Post: #2545
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-24-2010, 11:36 PM
Parent: #2544

سلامات يا ناس

Quote: 12- للجميع نامل عودة الروح للبوست حتى نسعد كما كنا.......


نأمل...

واحد من الجميع
Post: #2546
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-25-2010, 05:20 AM
Parent: #2545

ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر
Post: #2547
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-25-2010, 06:52 AM
Parent: #2546

بسم الله الرحمن الرحيم
السلام عليكم
Quote: العزاء موصول لكل الأهل بالزقازيق
ولكل من فقد عزيز لديه ، اللهم تغمدهم
برحمتك وأجعلهم مع الصديق والشهداء

إنا لله وإنا إليه راجعون


طبعاً لقيتها ساقطة
لغاية البادي ما يجي
قلنا نعمل الكوبي بيست دا
Quote: ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر
Post: #2548
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-25-2010, 07:15 AM
Parent: #2547

البادي وين يا صحبي لسع ما فاضي بس خليك الكوبي

حقك دا لغاية ما تقابل بت الشيخ تقفل ليك الفرقة؟

و الله لا ينفعك فلان و لا علان .

عموما يا جلا الحمدلله جنابو اول المستجيبن و عمل مس كول

مقبول برضوها منو بس مسؤل من الخير صحبك الرشيد وين بالله

اعمل ليه مداخلة من النوع ابو كديس خليه يظهر!
Post: #2550
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-25-2010, 07:43 AM
Parent: #2548

Quote: سلامات يا ناس


Quote: 12- للجميع نامل عودة الروح للبوست حتى نسعد كما كنا.......



نأمل...

واحد من الجميع


كدي خلينا من الرشيد
شوف زولك دا ...عليك الله مش زي الزول المتابع و مستمتع
زمان الناس ديل صنفوك من ناس الليل
و الليل قبل كدا قلنا بيغطي الجبال
و قلنا فيهو كلام كتير
الناي ديل عندهم بوست
بناع أم فتفت و مرارة و كمونية
و تعال شوف الضبان الجاييهم
الغريبة في زول ما بشبه الحاجات دي
الدخلو معاهم شنو ما عارف؟؟؟
يعني عليك الله زي محمد عيد المتربي في بحري دا البوديهو هناك شنو؟؟؟
معليش بكري الشين...بتاع السلخانة بتاعت مدني ديك
و الكمندان المباري دارفور و الدمازين و الوازا
و بعدين مرة مرة بشوف عفاف ...إنت اسغربت و قلت يمكن الزولة دي تكون قرت بيطرة
أما صاحب القعدة أقصد صاحب البوست طبعاً زول متربي في جنوب كردفان حسب كلامو
إذا قلت الحاجة دي ناقصة بتاع ...هس البوست دا يقوم ريحتو تنقلب
بعدين في زول قاعد يكب مداخلات زي الماسورة المحلوجة
مرة مرة بشوفو بي غادي
عليك الله مداخلات زي المطر زي دي مش بيكون ضاغ من المرارة الكابينها في الصينية ديك
غايتو ربنا يحفظهم و ما يجونا بي حاجاتهم دي بي جاي
الله يخلي لينا الشادي و ناس النضيف بي جاي
Post: #2549
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-25-2010, 07:32 AM
Parent: #2546

صباح الخير،،،، يا وجوه الخير،،،

أصبحنا وأصبح الملك لله،،،وحده

نسمات صباحيه:
خروجاً عن المعتاد وعودة روح البوست
وبعيداً عن الأحزان ، ونيابة عن أحمد إسماعيل


أمثال لها معنى مزعج ..للأسف الشديد أغلبنا يستعملها فى حياته اليومية

1- رزق الهبل على المجانين!! :>

قال الله فى كتابه العزيز:{ إنَّ اْللهَ هُوَ الرَّزَّاقٌ ذُو القُوَّةِ المَتيِنُ

2- لا بيرحم ولا بيخلى رحمة ربنا تنزل !!
كلمة لا ينبغي لنا أن نقولها على الإطلاق... فالله تعالى لا يؤوده شئ
ولا ينازعه فى سلطانه منازع قال الله جل و علا: { مَا يَفْتَحِ اللَّهُ لِلنَّاسِ مِن
رَّحْمَةٍ فَلاَ مُمْسِكَ لَهَا وَمَا يُمْسِكْ فَلاَ مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ

3- أنا عبد المأمور !! :>
هذه كلمة خاطئة لأننا كلنا عبيد لله الواحد الاحد القهار،
هي توحي أن قائلها ليس عليه أي ذنب إذا أمره رئيسه بفعل ما يغضب الله ،
و الحقيقة غير ذلك ، فكل إنسان مسئول عن أفعاله مسئولية كاملة ،

4- يا مستعجل عطلك الله !! :>

وطبعا الغلط واضح فالله جل شأنه لا يعطل أحدا.
ولكن العجلة ( الإستعجال) هي خطأ لحديث أنس بن مالك رضى الله عنه،
عن النبي صلى الله عليه و سلم قال: ( التأني من الله والعجلة من الشيطان.. )
الحديث رواه أبو يعلى و رجاله رجال الصحيح/


5-البقيه فى حيــــــــــــا تك> ما هذه البقيه

لا حول ولا قوه إلا بالله هل يموت إنسان قبل انقضاااااء عمره
بحيث تكون البقيه يرثها أحد أوليائه ، سبحان الله هذا بهتان عظيم .
لن يموت إنسان قبل أن يستكمل آخر لحظة فى عمره
قال تعالى )(فإذا جاء أجلهم لا يستأخرون ساعه ولا يستقدمون ))


6- الباقي على الله

هذه الكلمة دائما ما تتردد على لسان الأطباء ومن أنجز عملا..
وهي مذمومة شرعا .....
والواجب علينا التأدب مع الله..
والأحرى أن يقال : أديت ماعلي والتوفيق من الله

7- شاء القدر
لأن القدر أمر معنوي والله هو الذي يشاء) سبحانه) ...>

8- فلان شكله غلط

وهو من أعظم الأغلاط الجارية على ألسنة الناس ......

لأن فيه تسخط من خلق الله وسخرية به ..
قال تعالى ( لقد خلقنا الإنسان في أحسن تقويم )

9- <<الله يلعن السنة , اليوم , الســاعة اللي شفتك فيها ))

اللعن (( الطرد من رحمة الله ))

وهذي من مشيئته وفي الصحيح عن أبي هريرة رضي الله عنه عن النبي صلى الله عليه
وسلم قال :: قال الله تعالى (( يؤذيني ابن آدم , يسب الدهر , وأنا الدهر ,
أقلب الليل والنهار ))
وفي رواية أُخرى.. لا تسبوا الدهر فإن الله هو الدهر ..
Post: #2551
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-25-2010, 08:34 AM
Parent: #2549

Quote: يعني عليك الله زي محمد عيد المتربي في بحري دا البوديهو هناك شنو؟؟؟



يا حبيبنا ... خليك من الودانى بى غادك ...

...


...

final_41938017346.jpg Hosting at Sudaneseonline.com


انت الوداك تورا بورا شنو ..؟؟


Post: #2552
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-25-2010, 09:07 AM
Parent: #2551

سلامات يا ناس

Quote: انت الوداك تورا بورا شنو ..؟؟




عيد يا حبيب ...شوق وسلام

كده ...مية مية .
Post: #2553
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-25-2010, 09:07 AM
Parent: #2551

التعازي القلبية لكل من فقد عزيزا واحسن الله عزاء الجميع
الشديد القوي بس القاعد يمنعنا منكم وكويس انو بنجي بي شوق يمحن عديل كدة
الحال دا قاعد يمر بيكم؟
المهم هنالك الكثير المثير الفاتنا وبنرد عليه ماتشفقوا .... لكن الرواقة الله يجيبا

تحيلت لكل من سأل مننا يسأل منكم الخير كلكم

بنجي تاني كان الله ادا العافية
















--------------
بن لادن ازيك ياخ
Post: #2554
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-25-2010, 09:10 AM
Parent: #2551

و الله يا محمد عيد بالغت عديل كده الراجل دا ما جبت ليه

الجلا و كانت جلا وبقي جلايين يا جلا اعمل حسابك لو الامريكان

متابعين بوستتات بكري دي انت تكون رحته فيها و يقولوا

بن لادن ظهر اه واصلو اليومين دي عامل ليهم حسكنه !

اقول ليك يا جلا خلي محمد عيد يحذف المداخلة دي قبال ما

يجيك الهوى من كل الاتجاهات و انت عارف انك كنت في الحج

العام المنصرم يعني سيك سيك معلق فيك ؟
Post: #2555
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-25-2010, 09:13 AM
Parent: #2551

صباحات زى اللبن الحليب الكامل الدسم
اما صورة الفوتوفنى دوت نت دى يا محمد عيد
حاتودى الزول ده فى ستين داهية
غايتو بيشبه لى زول كده و زول كده وزول كده
تورابوورا دى ما وصلناها
حدنا قندهار وعوضية ست السمك
الزول ده يشبه منو يشبه منو يا ربى
ايوااااااااااااااااااااااااااااااااااا
عرفتو
Post: #2556
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-25-2010, 09:28 AM
Parent: #2555

لمن انتهينا من زيارة نهلة نجم الدين انا وزهير
كانت الشمس قد رجعت الى مخبئها ,
كان زهير يتولى القيادة
كنا قدرتبنا المشاوير بحيث ان يكون مشوار لى لأمدرمان سوق الشجرة
هو المشوار الأخير فى ذلك اليوم الحافل
الأتنين الرابع من يناير للسنة العاشرة بعد الألفين
جاء ذلك الترتيب اتمكن من اعادة زهير الى اسرته فى نهاية اليوم
واسلم على اهل منزله , وعياله
المشوار فى العودة من الحلفايا عن طريق كبرى شمبات
يبدو اطول من مشوارنا فى الذهاب
طبيعى , فقد انخفضت البطاريات وعادت بحاجة الى شاحن ما
شحناها مرة عند ناس محمد المرتضى , واسرفنا فى شحنها عند ناس نهلة
اما من ناحية الضحك والونسة , فبطاريتى انا مشحونة لغاية هسه
وصلنا سوق الشجرة
دخلنا الى ازقة ابوروف
وصلنا الى بيت ناس خالى العندو معاى وصايا لأولاده وزوجته
فتحنا الضهرية وشلنا الحاجات
دخلت الى بيت ناس خالى
فضل زهير ان ينتظرنى خارجا
اثنيت انا على الفكرة حتى اجد عذرا للأستعجال
دخلت , وصلت الأمانات , وافرطت فى الونسة
كلما هممت بالمغادرة قالوا لى ياخى ما يجوز دخل الراجل المعاك ده
ارفض واعتذر بانو الراجل ده عندو مشاوير كثيرة والوقت بقى ضيق وانا راجع البيت احصل حنة العريس
ولكن شخص جديد ومن داخل حيشان ابوروف الكبيرة
يدخل الينا مسلما دائما لحظة السلام عليكم بتاعتى
فيدور نفس الحديث
ونفس الملاحظات
ياخى ما تدخل الضيف المعاك ده
وتدور الساقية من جديد
حتى اذا ما انتهى سلامى وغفلت راجعا من باب الحوش
كان زهير قد جر كرسى القيادة الى الخلف
وظهره الى الوراء
وكأنه يقول
مصيبة شنو الوقعنا فيها دى !!!!!!!!!!!!!!!!!!!!!!!!!!
Post: #2557
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-25-2010, 09:46 AM
Parent: #2556

الشاى المقنن بتاع ابتهاج
كان هدفا استراتيجيا من اهداف رحلة السودان بتاعت الأيام الستة
فى ترتيب الأولويات
حسب ما يقول الفولسكاب
وحسب تجداخلات اخرى عديدة املتها الضهرية وملاحظات زهير
فان عبارة الشاى المقنن كانت مكتوبة فى مكان بارز فى كل مسودات رحلتى
لذا فأن طعم ذلك الشاى وريحته , بدأت تداعب احاسيس الشم والتذوق عندى من بدايات شارع الوادى
عرفت من زهير ان ابتهاج كانت فى مقابلة طبية صباح اليوم
عملت ما سامع
قالوا ليها اتقل حاجة تشيليها , صينية الشاى لمن يكون فيها كبايتين بس
وانا يهمنى
ولأن طاقتنا وبطارياتنا بالذات كانت فى الخط الأخير
فانا محتاج لشاحن سريع
مرينا على الحلوانى السورة قبالة بيت ناس زهير
قال لى مرجفو المدينة ان زهير ما اجر بيتهم فى ذلك الموقع , الا بعد ما ضمن استقرار هؤلاء السوريين فى مكانهم ذاك
آيسكريم وحلويات ومعجنات
ترررررررررن
ايوة يا ابتهاج
جايينك انا ومنصور , حضرى لينا الشاى بتاعك المقنن
تركنى زهير وانا اتفرج على حلويات السورى
وذهب لتجهيز اللبن
الود عندو لبن من مكان خاص
وبالرغم من انى مستعجل فمعدلات تلفونات بت الشيخ آخذة فى الأزدياد , وحنة العريس بدأت او تكاد
ولكن الشاى المقنن , وابتهاج , وبيت ناس زهير , وبطاريتى القربت تفصل
حتمت على طلوع السلالم ,
ودق الجرس
وفتح حنا الباب
ودلفنا الى الصالة النيقة  
Post: #2558
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-25-2010, 10:08 AM
Parent: #2557


والله يا جماعة انا ما بعرف ابتهاج قبل كده
ما شفتها بتاتا , الا فى صور الموقع والبوست
زهير شفتو , ولكننى لم اتواصل مباشرة معاه الا ظهر هذا اليوم عندما التقيته جوار القبة الخضراء وركب الى جانبى
ثم تحول الأمر الآن الى اننى اركب الى جواره بعد ان حددنا جوانب العاصمة المثلثة ابتداءا من منتصف النهار
وحتى ساعات الليل الأولى هذه
ولكننى اخطو خطوتى الأولى الى بيته الان
ويتملكنى احساس الزيارة الواجبة , والود الموصول
من وين جاك الأحساس ده يا منصور يا شقى
الدنيا ليل , وبطاريتك نازلة , وراسك مسخن , وتلفونات بت الشيخ المنطقية المستعجلة تحاوطك من كل صوب وحدب
ولكن بيت ناس زهير يمثل لك فى اللحظة تلك اكتشافا عبقريا يشبه (التتويج )
مجد قالوا نايم , صحوهو انا ما خسانى بى نوموا , الزول ده انا بعرفوا من يوم ما زهير فتح ليهو بوست قال جاءنا مجد ولا توجد مشكلة فى الأسم
الولد جا طالع بى اسمو , وتقولوا لى نايم
اصحى يا ولد
ميار ومزن , تمائم الفرح العميم وازدواجية العطاء الفرح المختال
حفظكما الله واقر بكما اعين ابتهاج وزهير وزادكما من توفيقه واجزل لكما من عطائه وبذله
ان حديث الألفة  الذى جرى على لسانى ونما الى اذنى ذلك المساء فى حضرة هذه الأسرة الصغيرة الجميلة
يحتاج سنوات ضوئية عدة بمقاييس الزمن والتعود
ابتهاج وزهير وحنا وميار ومزن ومجد
انا احبكم
لكن شاييكم المقنن , اشاااااااااااااااااااااااااااااااااااااااااااااااااااااااااااعة كبيرة
روج ليها مرجفو المدينة امثال الكوتش ومن لف لفهم
Post: #2559
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-25-2010, 10:35 AM
Parent: #2558

وانا طالع من بيت ناس زهير
كانت معنوياتى فى السماء
ولكن بطاريتى وطاقتى وبنزينى , فى الخط الأخير
قربت اقول لى زهير وصلنى وبيت معانا
لكنى اشفقت عليهو , وبينى وبينكم كمان خفت من ابتهاج
رجعت الى عجلة القيادة بعد نهار حافل
ياخى ناس زهير ديل ساكنين بعيد بشكل
ولا اقول ليكم حاجة
الصحافة دى ياها البعيدة
سبحان من قرب الينا الحلفايا , وبعد علينا الصحافة
ولكن عندما تذكرت ان احساسا البعد والقرب هذا احساس معنوى متغير ومتحول
بادرت الى تلفونى الذى فاتتنى فيهو مكالمة او اتنين من بت الشيخ وانا سايق
ترررن ترررن
انت وين ياخى ما بالغت عدييييل
تراءى لى صوت الموسيقى والجبجبة من بعيد
انتو بديتو ولا شنو
لا لسه ما بدينا , لكن على وشك
انا جاييكم هوا
امبيرات السيارة التى امامى كلها فى اتجاه الأنخفاض والنزول
الحرارة والبنزين
الا ان امبيرات المعنويات  والطاقة وحب التواصل
تبدو فى ارتفاع وزيادة
قصرت المسافات عندى , هاهى الصحافة على مرمى حجر
احتاج الى حمام منعش , وجلابية وطاقية
ودلفت الى باحة البيت
بيتنا فى الأول
حمام منعش لذيذ
جلابية بيضاء مكوية
ثم بيت ناس بت الشيخ الكانت زمان بت الجيران
الناس كتااااااار
جزء كبير منهم ما سلمت عليهم
لكن الأفضل ان تدخل فى الموضوع مباشرة
ابشر يا عريييييييس
يا عديلىة يا بيضاء ويا ملائكة سيرى معا
الليلة شويم بى قدرة الله
هاجت الساحة وماجت
وسط اخوات بت الشيخ واخواتى والأهل والجيران
كان السلام شبالا مرة , وعرضة مرات
والزغاريد ما تديك الدرب
ولكن على ما يبدو اننى
كنت اسعد الحاضرين
فيومى بدأ بتأشيرة
وهاهو ينتهى , بتأشيرة اخرى
مساوية فى القوة
ولكنها معاكسة فى الأتجاه
ادونا تأشيرة الخروج الصباح حتى قبل ان ندخل كويس
ولكن ها نحن نصر على الدخول , من باب الفرح الوسيييييييييييييييييييييييييييييييييييع
Post: #2560
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-25-2010, 10:52 AM
Parent: #2559

اخوتي الكرام المتابعين باندحياح للسرد الراقي للمنصور

نستريح قليلا لاعلان قصير ثم نتابع الحلقات الممتعة فالي

الفاصل .
Post: #2561
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-25-2010, 11:27 AM
Parent: #2560

45.gif Hosting at Sudaneseonline.com


التحية ليك ولي منصور
Post: #2562
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-25-2010, 01:56 PM
Parent: #2561

sudancid_image001_gifsudan01C8E146-Copysudan3sudan.gif Hosting at Sudaneseonline.com

ودي وردة كمان من عندنا

علشان متابعين السرد الجميل بتاع

ناس العرس ديل
Post: #2563
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-25-2010, 08:02 PM
Parent: #2562

Quote: أما صاحب القعدة أقصد صاحب البوست طبعاً زول متربي في جنوب كردفان حسب كلامو
إذا قلت الحاجة دي ناقصة بتاع ...هس البوست دا يقوم ريحتو تنقلب


انت قاصد منو يا حاج....أوع تكون قاصدني أنا...
انت خليك في اشانة السمعة دي...ريحة شنو ما عارف و ضبان...و ده دليل على انك طولت ما جيتنا...لأن الصفحة دي قلبناها زماااااااان...تعال تجد ما يسرك...

شايف محمد عيد جاب ليك الهواء...أعمل حسابك بعد د...لو جاك اللوتري ما تمشي أسمع نصيحتي دي...
Post: #2564
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-26-2010, 05:46 AM
Parent: #2563

رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ.

اللَّهُمَّ إِنِّي ظَلَمْتُ نَفْسِي ظُلْماً كَثِيراً، وَلاَ يَغْفِرُ

الذُّنُوبَ إِلاَّ أَنْتَ، فَاغْفِرْ لِي مَغْفِرةً مِنْ عِنْدِكَ وَ

ارْحَمْنِي، إِنَّكَ أَنْتَ الغَفُورُ الرَّحِيمُ.

اللَّهُمَّ اغْفِرْ لِي مَا قَدَّمْتُ وَمَا أَخَّرْتُ، وَمَا أَسْرَرْتُ

وَمَا أَعْلَنْتُ، وَمَا أَسْرَفْتُ وَمَا أَنْتَ أَعْلَمُ بِهِ مِنِّي،

أَنْتَ المُقَدِّمُ وَأَنْتَ المُؤَخِّرُ لاَ إِلَهَ إِلاَّ أَنْتَ .



اللهم اغفر لي و لاخي محمد ادم النور حسن و سهل له عمل

كوبي سريع و يسر امره فيه و في الامور جميعا يا كريم .
Post: #2565
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-26-2010, 06:58 AM
Parent: #2564

بسم الله الرحمن الرحيم
سلام أيها القوم
طبعاُ يا موسى قال ليك بي ضبانتها
اللهم أغفر لي و لأخي موسى
Quote: رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ.

اللَّهُمَّ إِنِّي ظَلَمْتُ نَفْسِي ظُلْماً كَثِيراً، وَلاَ يَغْفِرُ

الذُّنُوبَ إِلاَّ أَنْتَ، فَاغْفِرْ لِي مَغْفِرةً مِنْ عِنْدِكَ وَ

ارْحَمْنِي، إِنَّكَ أَنْتَ الغَفُورُ الرَّحِيمُ.

اللَّهُمَّ اغْفِرْ لِي مَا قَدَّمْتُ وَمَا أَخَّرْتُ، وَمَا أَسْرَرْتُ

وَمَا أَعْلَنْتُ، وَمَا أَسْرَفْتُ وَمَا أَنْتَ أَعْلَمُ بِهِ مِنِّي،

أَنْتَ المُقَدِّمُ وَأَنْتَ المُؤَخِّرُ لاَ إِلَهَ إِلاَّ أَنْتَ .



اللهم اغفر لي و لاخي محمد ادم النور حسن و سهل له عمل

كوبي سريع و يسر امره فيه و في الامور جميعا يا كريم .
Post: #2566
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-26-2010, 07:36 AM
Parent: #2565

صباح الخير ،،، يا وجوه الخير،،،

أصبحنا وأصبح الملك لله،،، وحده

نسمات صباحية:

سأل رجل الحسن البصري ،،
ما سر زهدك في الدنيا يا أمام

فقال أربعة أمور :

- علمت أن رزقي لن يأخذه غيري فاطمأن قلبي
- علمت أن عملي لن يقوم به غيري فاسرعت به وحدي
- علمت أن الله مطلعاً علي فخشيت أن يراني على معصية
- وعلمت أن الموت ينتظرني فأعدت الزاد للقاء ربي
Post: #2567
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-26-2010, 07:59 AM
Parent: #2565

بسم الله الرحمن الرحيم

اللهم نسألك خير هذا اليوم فتحه
ونصرهـ ونورهـ وبركته وهداهـ


بعض الزقازيقاب أيام الدراسة بتكلموا مصري أكثر من
المصرين أنفسهم ياعم ويابيه وياباشاوالشين الفي آخر
الكلمة عند النفي وحرف الجيم والقاف الكاتلنى داك خاصة
في كلمة (قال) .. وهلمجرا
في منطقة الأزهر بالقاهرة فلاح مصري مع صاحبه إستمعا لواحد
أفريقي بتكلم لهجة مصرية زي الترتيب، المصري الفلاح قال لزميله
والله مصر تنطق الحجر



سوداني من كلامه تقول صعيدي، مشى للدكتور عشان عنده إمساك الدكتور
كتب ليه أدويه إستعملها ماعملت حاجة رجع للعيادة، أراد الدكتور أن يعطيه
علاج قوي هذه المرة إستخرج من الدولاب علبةإستخرج من العلبة علبة ثانية
ومن العلبة الثانية إستخرج علبة ثالثة ثم من العلبة الثالثة إستخرج
أربعة لعلوبات أخذ واحدة وبالمشرط زيّن نصفهاأعطاه للسوداني وقال خد هذا
يمشيك وبعد ماقفل العلبة راح يغسل المشرط ، السوداني فتح العلبة وأخذ الأربعة
لعلوبات قشرهم وطمرهم في خشمو الدكتور بعد إنتبه للحصل فورا إتصل بالشرطة
والإسعاف قال لهم عندي حد عايز ينتحر
Post: #2568
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-26-2010, 10:44 AM
Parent: #2567

Quote: أربعة لعلوبات


أحمد اسماعيل ياظريف
انا ماتشرح لي النكتة كلها بس اشرح لي الكلمة بالاسود الفوق دي ...

رشيد القوم مخير اذا عاوز شرح كامل ....

غايتو نحنا بنسميهو " لالوب " والمفرده " لالوبه "
ده ياهو البتقصدو يا ابوحميد ....
اشرح ... ابن ... افصح
نبق ونبق ... دوم ولالوب ... البلوم الطوال يلا يا أطفال ...
شرح اضافي لرشا ...






موسي عيسي سلام خاص ... لك
Post: #2569
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-26-2010, 10:59 AM
Parent: #2568

Quote: موسي عيسي سلام خاص ... لك

دخلني معاهو في السلام دا
Post: #2570
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-26-2010, 11:00 AM
Parent: #2568

ياسر نجيلة لك التحايا شنو بنسال كل يوم منك علك تكون

على ما يرام .

الشي الثاني بخصوص الشرح الخاص باللعلوب المذكور من قبل

قبل اخونا ابو عمر انه اهلنا في كردفان و دار فور كلامهم

كلام رجال يعني الدلع حق ناس الخرطوم و ناس البحر دا ما

بعجبهم لذلك تتضخم اللام إلي عين و يصير لالوبكم لعلوب عندهم

هذا ما زلم توضيحه لحناكيش الخرطوم و من شايعهم الغريبة يا

ياسر نجيلة انت من الاقاليم و سنجة بها كميات كبيرة من اهل

دارفور ؟ علشان كده يا حبيبي ياسر كنت فاكر معاي !.
Post: #2571
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-26-2010, 11:14 AM
Parent: #2570

والله ياموسي عيسي ...
انا بعرف السودان كلو بقول "لالوب"
والرجالة البقلبوليها الألف عين ... اول مرة اسمع بيها
ولا شنو ياعبدالدائم ...




عارفك "ضكرنان" ياموسي عيسي عشان كده سلمت عليك برااااااااك
اوع تدخل محمد ادم النور معاك ....



سلام تاني خاص جدا ....
Post: #2572
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-26-2010, 11:26 AM
Parent: #2571

Quote: كلام رجال يعني الدلع حق ناس الخرطوم و ناس البحر دا ما

بعجبهم لذلك تتضخم اللام إلي عين و يصير لالوبكم لعلوب عندهم


اكان اصلو الرجالة بقت بالعلوب

انشاء الله الرجالـــــــــــــــــــة تطير ..... لوووول


يا قول احمد السنى كان جايب ليهو شطة حارة من مدنى لما ناكلها
ونقول اأأأح يقول لينا انتو ما رجال ،،،،
Post: #2573
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-26-2010, 11:26 AM
Parent: #2568



مليوون سلام للأخ الدفعة الراقي/ ياسر بن نجيلة

ربنا مايحرمنا منك ومن مداخلاتك الطاعمة



اللعلوب ثمار شجرة (اللعلوب) الهجليج ، ولا مابتسموها هجليج ياناس زراعة

لعلوب أو لالوب إسمين لمسمى واحد حصل فيهما إختلاف بسيط يمكن بحري وقبلي
Post: #2574
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-26-2010, 01:08 PM
Parent: #2573

Quote:
عارفك "ضكرنان" ياموسي عيسي عشان كده سلمت عليك برااااااااك
اوع تدخل محمد ادم النور معاك ....


الحبيب ياسر اول مره اعرف صاحبنا ما ضركران ، طيب حذر فزر يطلع أيه

إياك تستعين بصديق و خاصة الرشيد ؟
Post: #2575
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-26-2010, 04:46 PM
Parent: #2574

Quote:

والله ياموسي عيسي ...
انا بعرف السودان كلو بقول "لالوب"
والرجالة البقلبوليها الألف عين ... اول مرة اسمع بيها
ولا شنو ياعبدالدائم ...



أولا انا رديت مباشرة بعد سؤال أخونا ياسر وماشفت المداخلات أعلاه

ثانيا بقول للأخ ياسر كيف تؤكد بأن السودان كله بقول لالوب وأنت

لم تعرفه جيد ونحن في جنوب دارفور نستعمل كلمة صعيد بنفس المعنى

المصري وأيضا عندنا ضدها فإذا بتعرف السودان تمام، قول لنا عكس كلمة صعيد

في جنوب دارفور.

لكن ياخوي البيك إتعرفت
Post: #2576
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-26-2010, 08:08 PM
Parent: #2575

مساكم الله بالخير

شايف اللالوب أو اللعلوب مشتت في البوست...ان شاء الله خير..ما يكون في زول عندو مغص...

كلمة لعلوب..الحرف المتحول فيها يا موسى هو اللألف و ليس اللام..تحولت الألف الى عين...و هذه متداولة في جميع اللهجات السودانية في الصعيد و السافل و الغرب و الصباح...مثل أن يقال سعلت و المقصود سألت وهي تستخدم في كل السودان و هنالك كلمات أخرى و حروف أخرى محورة في العامية السودانية عموما...و أنا عشت فترة طويلة في جنوب كردفان و تشربت بثقافة المنطقة و يهزني من الداخل ايقاع المردوم و النقارة و ما أن اسمعهما حتى تتحرك في طبلون فؤادي كل المؤشرات مثلما كانت تتحرك صعودا و هبوطا في عربية منصور محاولا اللحاق بحنة أخو بت شيخه...المههم في جنوب كردفان تجد لهههجتم العربية أقرب للهجة البدو في الخليج...و أكاد أجزم اذا ذهب بدويا من نا الى غرب السودان فلن يعاني في فهم لجة أهل كردفان...
تختلف اللهجات و السحنات و الثقافات في السودان و لكن يتفق كل السودانيين في كونهم أخوان أخوات و أهل جود و كرم و نفرة و شجاعة....و أهم حاجة عز...السوداني عزيز...
اشتغلت فترة في مفوضية الاغاثة و اعادة التعمير...كنت من ضمن فريق للانذار المبكر...فريقي كان يستهدف المناطق المتأثرة بالجفاف و التصحر بالاقليم الأوسط....في ريفي تندلتي كانت عندما تمر عربيتنا يستوقفنا سكان المنطقة ويحلفوا علينا نتغدى معاهم...ننزل و يكون الغداء عصيدة بالروب...رغم بساطتها الا أنها بتشبع و لذيذة..ثم بعد ذلك يسألوننا انتو منو...يهتموا باكرام الضيف قبل ان يسألوه من أنت...و عندما يعرفوا اننا من الاغاثة تبدأ الطلبات التي نجحت الحكومات في تربيتهم عليها...
لكن الأصل في السوداني كريم و عزيز...
و في الغرب عندما تنزل ضيف يأمر المضيف بالذبح و لا يحدد عدد الذبائح فيبدأ جماعته بالذبح و اذا لم تتدخل و تحلف عليهم ليتوقفوا عن الذبح...قد يذبحوا القطيع كله...


موسى عيسى...جلا ده ما ضكران...جلا ده ضكر ساكت...الزول ده وصيناهو لينا كم يوم قول كم شهر يسأل لينا من الموضوع بتاع التمويل...
Post: #2577
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-26-2010, 09:01 PM
Parent: #2576

الرشيد بابكر إزيك وكيفنك ،،

أنا جيت لهذا البوست بسبب أن التواصل مع ناس الزقازيق ملكية عامة عشان هم حقين كل الناس خصوصاً أولئك الذين درسوا بمصر أياً كانت المدينة ،، ونحن كمان لنا خصوصية عشان اسكندرية كانت وجه في زمنا العدى ليه حوالي 25 سنة ..

بالمناسبة دخلت بدعوة كريمة من الأخ كمال شادي الذي ساقتني إليه صدفة في بوست ضنين الوعد الذي دخلته وفي أعماقي صوته الشجي الذي كان لنا الشفاء حينها، ووجدتك أنت الرشيد بابكر الذي أظنه ذلك الأصيل الذي ساهمت بابنوسة ومدني في تشكيل الجمال فيه .. ثم أبوبكر حامد إبن مدني المقيم في البحرين أخي الأصغر ،، وأخيراً الرائع بطعم أهلنا الشايقية الذين بلهجتهم يضاهون اللبنانيين في لحن المفردة الأخ ود جبريل ..

أتمنى أن أكون قد دخلت من حيث أعلم.. مع كامل مودتي لطلبة الزقازيق عموماً وأبناء وبنات مدني في تلك الحقبة من الزمن ..
Post: #2578
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-26-2010, 09:43 PM
Parent: #2577

شيخي عصام حسين بشحمه و دمه...قبل ما أرحب بيك يا عصام...عايزك ما تمشي شيخي دي ساكت و خلينا نختبر ذاكرتك هل ما زالت غضة و شابة أم اعتراها بعض الوهن و عصلجت و عضت و أصبحت تحتاج الى زيوت طبيعية و غير طبيعية لازالة الصدأ عنها...
عصام سنهوري لك في القلب أوضتين و برنده هم بمثابة جواز سفر و ليس مجرد قرين كارد...جواز يسمح لك بالدخول هنا بيننا و مع أهلي ناس الزقازيق...و اذا كنا نستقبل في هذا البوست بكل ترحاب من هم دونك مكانة في نفوسنا فكيف يكون الحال مع شخص مثلك نحبه و نحترمه و لنا معه ذكريات من الزمن الجميل لم تمحوها السنوات العجاف و لا بدلتها...
سعدت كثيرا لدخولك عالمنا الوردي الجميل و الذي أجزم أنك ستكون بونسيانة مزينة بزهورهاالحمراء و الصفراء و البرتقالية تزيده ألقا و جمالا و روعة...
أرجو التواصل و مدنا بأخبارك و تلفوناتك حتى يمكننا التواصل معك ان شاء الله...
Post: #2579
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-27-2010, 05:31 AM
Parent: #2578

Quote: أنا جيت لهذا البوست بسبب أن التواصل مع ناس الزقازيق ملكية عامة عشان هم حقين كل الناس
خصوصاً أولئك الذين درسوا بمصر أياً كانت المدينة ،، ونحن كمان لنا خصوصية عشان اسكندرية كانت وجه في زمنا العدى ليه حوالي 25 سنة


الاخ عصام حسين حللت اهلا ونزلت سهلا فمرحب بيك في دارنا الذي يسعد اهله ناس الزقازيق بالترحاب بيك و

بناس الاسكندرية جميعا و باحبابنا ناس مدني الحلوين فبك يكون الدار عامرا اكرر ترحابي بيك وما تطول

علينا الغيبة !
Post: #2580
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-27-2010, 05:37 AM
Parent: #2579

برضو نسينادعاء الصباح قلنا نسبق الريس و نقدر نوفر

المقطع علشان جلا يعمل مداخلته الصباحية و يزوغ منا

كما يزوغ ال....................................


اللَّهُمَّ إِنِّي أَعُوذُ بِكَ مِنَ الجُبْنِ، وَأَعُوذُ بِكَ أَنْ أُرَدَّ إِلى

أَرْذَلِ العُمُرِ، وَأَعُوذُ بِكَ مِنْ فِتْنَةِ الدُّنْيَا، وَأَعُوذُ بِكَ مِنْ

عَذَابِ القَبْرِ. اللَّهُمَّ أَلْهِمْنِي رُشْدِي وَأَعِذْنِي مِنْ شَرِّ نَفْسِي.

يَا مُقَلِّبَ القُلُوبِ ثَبِّتْ قَلْبِي عَلَى دِينِكَ.
Post: #2581
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-27-2010, 07:44 AM
Parent: #2580

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

بالمناسبة دخلت بدعوة كريمة من الأخ كمال شادي الذي ساقتني إليه صدفة
في بوست ضنين الوعد الذي دخلته وفي أعماقي صوته الشجي الذي كان لنا الشفاء
حينها،
=====================

نرحب بضيفنا العزيز عصام سنهوري الإسكندراني

سوف يطيب لك المقام هنا في دار ناس الزقازيق

نزلت أهلاً وحللت سهلاً وسوف تجدنا نحن الضيوف وأنت رب الدار
Post: #2582
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-27-2010, 07:52 AM
Parent: #2581

منور يا عصام سنهورى

جبت لينا البرد معاك ياخى
الزقازيق دافية



مرحبا بالاستاذة اسماء الحسينى فى سودانيزاونلاين
Post: #2583
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-27-2010, 08:35 AM
Parent: #2580

بسم الله الرحمن الرحيم
سلام أيها الناس
Quote: اللَّهُمَّ إِنِّي أَعُوذُ بِكَ مِنَ الجُبْنِ، وَأَعُوذُ بِكَ أَنْ أُرَدَّ إِلى

أَرْذَلِ العُمُرِ، وَأَعُوذُ بِكَ مِنْ فِتْنَةِ الدُّنْيَا، وَأَعُوذُ بِكَ مِنْ

عَذَابِ القَبْرِ. اللَّهُمَّ أَلْهِمْنِي رُشْدِي وَأَعِذْنِي مِنْ شَرِّ نَفْسِي.

يَا مُقَلِّبَ القُلُوبِ ثَبِّتْ قَلْبِي عَلَى دِينِكَ.

جاييكم بي رواقة
Post: #2584
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-27-2010, 08:59 AM
Parent: #2583

في الحقيقة انا دخلت البوست بتاع ضنين الوعد في البوست العام
لانو لينا فيهو حتة وذكريات
والبوست بيتكلم عن آل مدثر ويعدهم بالافراد في كافة انحاء العالم
وانا تشرفت بالتعرف ب اسامة صديق مدثر بحكم زمالته في الزقازيق وفي السعودية ايضا هو وزوجته
وياسر صديق مدثر في الرياض
والوالد صديق مدثر شخصيا اشتغلنا معا في شركة واحدة في الرياض هو وانا كنت في جده بس كنا بنتقابل

وكتبت كتابة الغريب وشخبطت في الحيطة ومشيت

يقوم وانا قاعد مع اولادي في مكان عام يجيني تلفون من عصام حسين حسن أو عصام سنهور كما تحفظه الذاكرة

انا انهدهشت لحد الصدمة
وفرحت لحد افق النهاية


هذه اكثر من عشرين عاما
أحدهم لازال يذكرني
والغريب انه لم يوقف التحدث عني وسط اناس لم اقابل اكثرهم
ويشرفني ان تأتي سيرتي وسطهم
اكثر ما افرحني مما ذكره لي عصام سنهوري
انه قال لي أن مصطفي سيد احمد رحمة الله عليه توفي بين يديه
وانه كان يقول له دائما
اذا كان في واحد ممكن يخلفك في السودان في إلتزامو وإحترامو للغنا فهو شخص إسمه كمال الشادي
ابكاني هذا الكلام الرائع
وتناقشنا طويلا

لا زلت اذكر اول مرة تعرفت فيها على عصام سنهوري في حفلة ربة رائعة في الاسكندرية
اظنها حفل حقوق اسكندرية لو ما انسي
عصام عليك الله ذكرني الراجل الرائع بتاع حقوق الكان بيعزف معانا بنقز اسمو منو الله يلعن الشيطان

المهم تاني يوم وانا ضيف في الاسكندرية ( التي كان لي فيها شقيق يدرس في كلية العلوم )
المشي مع عصام انساني شقيقي
اقول تاني يوم عصام سنهوري أدخلني حوالي 22 شقة بنات في أسكندرية
والغريبة
كلما ندخل شقة يعرفني على واحده فيهم ويقول لي دي بت خالتي
قلت ليهو الظاهر جدك ابو امك ده كان خطير
والصراحة البنات مافي واحدة تشبه التانية
البيضاء والسمراء الطويلة والقصيرة ولايمكن أن يكن بنات خالات أحد غير عصام سنهوري

ومن يومها بدأت العلاقة مع هذا الرائع عصام سنهوري

انا في الشغل وراجع ليكم تاني

----------
التفاتة مهمة جدا مخصوصا إلى عبد القادر ومحمد عيد
---------
هذا هو الشخص الرائع الثالث الذي يزرونا في دارنا بعد الموصلى ونصار الحاج
دعونا نكرمهم
ارجوكم
------
Post: #2585
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-27-2010, 09:25 AM
Parent: #2584

أول مايو 2010
بعد ثلاثة شهور من الان

هو بداية الاجراءات الرسمية لتأسيس شركة الزقازيق القابضة في الجهات الرسمية في السودان

تابعونا هنا
شركة الزقازيق القابضة
Post: #2586
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-27-2010, 09:54 AM
Parent: #2585

قواعد السعادة السبع

(1) لا تكره أحدا مهما أخطأ في حقك .

(2) لا تقلق أبدا .

(3) عش في بساطة مهما علا شأنك .

(4) توقع خيرا مهما كثر البلاء .

(5) أعطي كثيرا و لو حرمت .

(6) ابتسم ولو القلب يقطر دما .

(7) لا تقطع دعاءك لأخيك بظهر الغيب.
Post: #2587
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-27-2010, 11:05 AM
Parent: #2586

عصام سنهوري لك في القلب أوضتين و برنده هم بمثابة جواز سفر و ليس مجرد قرين كارد...جواز يسمح لك بالدخول هنا بيننا و مع أهلي ناس الزقازيق...و اذا كنا نستقبل في هذا البوست بكل ترحاب من هم دونك مكانة في نفوسنا فكيف يكون الحال مع شخص مثلك نحبه و نحترمه و لنا معه ذكريات من الزمن الجميل لم تمحوها السنوات العجاف و لا بدلتها...

الرشيد بابكر .. الرجل الشامخ الثري بعنفوان الأدب الرفيع والذوق السليم .. مددت لنا يدك وأنت طالب بمدني الثانوية وبدون علم الإنتماء إلى الجد الذي أحببته حين غريتكم الداخلية بابنوسة ( حسن محمد أحمد سنهوري ــ رحمة الله عليه ) عندها كان مصطفى عبدالله محجوب وعبدالرحمن السر ومبارك سليمان وكمية من الأدب الإنساني يتوشح هذه الملامح ذات العمق الرصين المتوارث ،، إلتقيتك في الزقازيق وكنت أنت كما أنت وهاأنا ألتقيك وأنت الرشيد بابكر بذات الجمال ..
لك مني ومن مدني حب لن توقفه معارك الغربة ولا تداعيات الأزمنة المتلاحقة بفواصل جغرافية أو أحداث ..
Post: #2588
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-27-2010, 11:10 AM
Parent: #2586

Quote:

Quote:

اللَّهُمَّ إِنِّي أَعُوذُ بِكَ مِنَ الجُبْنِ، وَأَعُوذُ بِكَ أَنْ أُرَدَّ إِلى

أَرْذَلِ العُمُرِ، وَأَعُوذُ بِكَ مِنْ فِتْنَةِ الدُّنْيَا، وَأَعُوذُ بِكَ مِنْ

عَذَابِ القَبْرِ. اللَّهُمَّ أَلْهِمْنِي رُشْدِي وَأَعِذْنِي مِنْ شَرِّ نَفْسِي.

يَا مُقَلِّبَ القُلُوبِ ثَبِّتْ قَلْبِي عَلَى دِينِكَ.
E]
Post: #2589
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-27-2010, 11:23 AM
Parent: #2588

الأخوان الأعزاء موسى عيسى ، وميسرة سيدأحمد وعبدالدائم ،، شكراً لكم وربي يقدرني على التواصل مع هذا الجمال المتدفق والإنتماء الراقي لبعضكم في حلقة الذكر الزقازيقية ..

كمال شادي تمنيت أن يكون أهلي هم موطني في كل بقاع نرثها .. وبجي راجع تاني ..

عازف الإيقاع هو الأخ بابكر مغواري وهو حالياً محامي حسب آخر معلوماتي بمدينة أمدرمان .. وياريت يكون من أعضاء سودانيز أونلاين ليعطر لنا منزلكم العامر ..
Post: #2592
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-27-2010, 11:30 AM
Parent: #2589

مرحب بيك الأخ سنهوري ونتمنى لك مقام طيب
بس حدد اتجاهاتك
من ناس الليل و لا النهار
الشوت هنا ضفاري كان ليل أو نهاري

أحمد اسماعيل دائماً الكوبي بيست مرة واحدة في العمر أقصد في المداخلة
بااااااااالغت
Quote: قواعد السعادة السبع

(1) لا تكره أحدا مهما أخطأ في حقك .

(2) لا تقلق أبدا .

(3) عش في بساطة مهما علا شأنك .

(4) توقع خيرا مهما كثر البلاء .

(5) أعطي كثيرا و لو حرمت .

(6) ابتسم ولو القلب يقطر دما .

(7) لا تقطع دعاءك لأخيك بظهر الغيب.

ما تزعل يا موسى عيسى من الكوبي بيست دا
زمان لمن كنت قاعد أشرح ليك و أبصصك في الإمتحانات ما قلت حاجة
المهم عايز اتسدا
متأكد حا تنكر الكلام دا وتقول أنا و أنا و أنا
غايتو ما في زول حيصدقك
لكن ما بيناتنا

يا جماعة جاييكم لكن ما بي روااااقة
Post: #2590
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-27-2010, 11:26 AM
Parent: #2588

سلام يا اهلنا



Quote: وأخيراً الرائع بطعم أهلنا الشايقية الذين بلهجتهم يضاهون اللبنانيين في لحن المفردة الأخ ود جبريل ..

عصام كيفنك ابوي
يا زول حبابك وسط الزقازيقاب الرائعين
الناس ديل والله ما عارف بيجيوا الجمال دة من وين
لك من اعماق الذات كل التكوين
Post: #2591
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-27-2010, 11:27 AM
Parent: #2590

يا جماعة حكايات منصور دي موش بتشبه شغل واسيني الأعرج وطاهر الوطار
Post: #2593
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-27-2010, 12:53 PM
Parent: #2591

سلامات يا ناس

نهار طاعم لكل الحضور ..وعصرية زايدة طعامة

للعضو الجديد سنهورى..ومادام جابو الشادى

وطلع صاحب الرشيد...قطع شك حيكون زول طاعم

ولكل الطعامة دى منى ليكم صحن كبير حق لعلوب

يستثنى منو بس النضيف...النضيف جاياهو حاجة

من الحاجات البقولا الرشيد ديك ..ولو ما شرحا

انت بتكون محتار : هل هى اكلة ولّا عطر.

جاييكم بروااااااااااااااااااقة
Post: #2594
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-27-2010, 04:41 PM
Parent: #2593






الأخوان/ الرشيد ومحمد آدم وموسى عيسى

شكرا على (الترطيبة الروّبة المغلي)
Post: #2595
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-27-2010, 05:55 PM
Parent: #2594

قافلة معاي للطيش
Post: #2596
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-27-2010, 07:51 PM
Parent: #2595

Quote: مددت لنا يدك وأنت طالب بمدني الثانوية وبدون علم الإنتماء إلى الجد الذي أحببته حين غريتكم الداخلية بابنوسة ( حسن محمد أحمد سنهوري ــ رحمة الله عليه ) عندها كان مصطفى عبدالله محجوب وعبدالرحمن السر ومبارك سليمان


عصام حسين...لقد أرجعتني الى زمن التكوين و الأمنيات...الى البدايات حيث عمنا الراحل حسن سنهوري الرجل الذي جمعتنا و أسرتة (محمد و منى) علاقة قربى و انصهار...الرجل الذي ناصرني يوم أن كنت صبيا شقيا معتدا بنفسي...يوم أن حاول مجموعة من الصبيان يحملون المطارق (جمع مطرق و هو السوط) اقتحام ملعب كرة القدم حيث كنا نلعب و حاولوا انتزاع الكرة...فتصديت لهم بشقاوة ذلك الزمن فعادوا و الدماء تقطر من رؤسم جميعا...فأتوا و معهم والدهم و ذهبوا ليشتكوا لوالدي...فاذا بعم حسن يأتي من منزله ليحكي لوالدي ما حدث...لقد كان منزله يفتح في ملعب الكرة و شاهد الحدث منذ بدايته...

مصطفى عبدالله...قصة لوحدها...فصلها الأول في مدني حيث تجاورنا لثمانية سنوات عمر الفترة التي قضيناها بمدني ثم امتدت فصولها الى ما بعد ذلك...صديقي الصدوق و أخي الذي لم تلده أمي...و كنت أنادي والدته الحاجه مدينة رحمة الله عليها بأمي...فرقنا الزمان و قول للزمان ارجع يا زمان...
عبدالرحمن السر و مبارك سليمان و عندما يذكر مبارك يذكر الشافعي...كنت في لندن في العام 81 و كان مبارك وقتها في برايتون...دق الباب في وقت متأخر من الليل...فتحت لأفاجأ بمبارك سليمان يقف أمامي...دهشت لذلك و سألته كيف عرفت أصلا انني في لندن و كيف عرفت بمكاني...لم أجد اجابة لهذا السؤال حتى الآن... انت عارف دغالة مبارك..عندما زرت لندن في العام 2007 أصريت أن اذهب الى برايتون مرة أخرى...فلقد زرت مبارك و شافعي في عام 81 الأمر الذي جعلني أشعر بارتباط ما بتلك المدينة...
عبدالرحمن السر و الحاج...عبدالرحمن موجود بدبي على ما أعتقد اتصل بي مرة من هنا ثم اختفى...انت عارف ان عبدالرحمن السر يظهر مرة كل عشرة سنوات...
و لكنك زغت عن الاجابة على سؤالي بدبلوماسيتك المعروفة عنك يا عصام...من كان يقول لي شيخي الرشيد...لعلك نسيت فريد...هل تذكره..أكيد تذكره و عندك أخباره...

شيخي عصام حسين...سعيد بك حتى الثمالة...
Post: #2597
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-27-2010, 10:03 PM
Parent: #2596

اخي العزيز جبريلا كيف حالك مال عدوك زول في المغرب و وسط عياله

بدبرس طيب الموجودين في السعودية وكمان في الرياض و عزابي والدينا

برد يقول شنو أقول ليك هنيئا لك و الله لا وراك حالنا دا؟
Post: #2598
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-28-2010, 06:19 AM
Parent: #2597

بسم الله الرحمن الرحيم
رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ.
اللَّهُمَّ إِنِّي ظَلَمْتُ نَفْسِي ظُلْماً كَثِيراً، وَلاَ يَغْفِرُ
الذُّنُوبَ إِلاَّ أَنْتَ، فَاغْفِرْ لِي مَغْفِرةً مِنْ عِنْدِكَ وَ
ارْحَمْنِي، إِنَّكَ أَنْتَ الغَفُورُ الرَّحِيمُ.
اللَّهُمَّ اغْفِرْ لِي مَا قَدَّمْتُ وَمَا أَخَّرْتُ، وَمَا أَسْرَرْتُ
وَمَا أَعْلَنْتُ، وَمَا أَسْرَفْتُ وَمَا أَنْتَ أَعْلَمُ بِهِ مِنِّي،
أَنْتَ المُقَدِّمُ وَأَنْتَ المُؤَخِّرُ لاَ إِلَهَ إِلاَّ أَنْتَ .
Post: #2599
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-28-2010, 06:51 AM
Parent: #2598

Quote: مرحب بيك الأخ سنهوري ونتمنى لك مقام طيب
بس حدد اتجاهاتك
من ناس الليل و لا النهار
الشوت هنا ضفاري كان ليل أو نهاري


تعرف يا محمد أجمل حاجة الشوت الضفاري ، لكن الشوط الضفاري يا يمين يا شمال ،، لكن نحن بتاعين كرة طائرة شوتنا من فوق لي تحت دائماًوحريصين على تخفيف الضرب عند ضعف الخصم ،،

لكن مسألة الليل والنهار فالجمع بينهما حلال كالجمع بين الزوجات .

شكراً على مرحباً بنا في بوستكم العامر ..
Post: #2600
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-28-2010, 07:31 AM
Parent: #2599



الإنسان أصدقاؤه ثلاثة

صديقك
وصديق صديقك
وعدو عدوك

الأخ عصام الدين سنهوري صديق أصدقائنا( الشادي والرشيد وآخرون)

فمرحب بك في بوست الصداقة وهللت أهلا ونزلت سهلا


اما موضوع الجمع بين الزوجات دي ضربة في الإنكل لأخون محمد آدم
لأنه دائما في هذا الموضوع يتزاوغ ويعمل ساتر شغال بالمثل

( التصريف جوزو خنس)
Post: #2601
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-28-2010, 09:24 AM
Parent: #2600

صباح الخير،،، يا وجوه الخير،،،

أصبحنا وأصبح الملك لله ،،،وحده

نسمات صباحية:
Quote: بسم الله الرحمن الرحيم
رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ.
اللَّهُمَّ إِنِّي ظَلَمْتُ نَفْسِي ظُلْماً كَثِيراً، وَلاَ يَغْفِرُ
الذُّنُوبَ إِلاَّ أَنْتَ، فَاغْفِرْ لِي مَغْفِرةً مِنْ عِنْدِكَ وَ
ارْحَمْنِي، إِنَّكَ أَنْتَ الغَفُورُ الرَّحِيمُ.
اللَّهُمَّ اغْفِرْ لِي مَا قَدَّمْتُ وَمَا أَخَّرْتُ، وَمَا أَسْرَرْتُ
وَمَا أَعْلَنْتُ، وَمَا أَسْرَفْتُ وَمَا أَنْتَ أَعْلَمُ بِهِ مِنِّي،
أَنْتَ المُقَدِّمُ وَأَنْتَ المُؤَخِّرُ لاَ إِلَهَ إِلاَّ أَنْتَ .


موسى عيسى ما تفهمني غلط وتتخيلي أخونا جلا
Post: #2603
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-28-2010, 09:54 AM
Parent: #2601

صباحاتكم ندية وبوستاتكم بهيه

التحيه لكل الأخوان والأخوات والضيوف والأهل
بعيدين اليومين دي عن البوست لظروف الأمتحانات
ورجعنا نذاكر تاني .

دعوة لحضور فرح بالإسكندرية يوم 16نوفبر 2010
زواج بنت أختي (عبير) والتي كانت تحضر معي إلى الزقازيق
وعمرها لم يتجاوز سنتان .(الدعوة عامة) ويمكن الإتصال على هواتفنا
للذين يكونون بمصر لأجل معرفة موقع قاعة الإحتفال.

نغادر ومعي الريس والأولاد إلى القاهرة يوم 9 نوفمبر بعد الإمتحانات
مباشرة ولمدة 10أيام.
عايزين واحد حكاي زي منصور يوصف ليكم الأحداث وبما أن الريس ميسرة هو ولي
أمر العروسة بحكم التوكيل الشرعي نطلب حضور الأخ/ بكري ود المأذون لعمل عقد
النكاح على الطريقة السودانية لأن العريس مصري الجنسية.
Post: #2604
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-28-2010, 09:55 AM
Parent: #2601

عارف يال الرشيد
المرة الفاتت لمن عزمت الموصلى يجينا بي جاي
قمت إنت رحبت بيهو ترحيب غير طبيعي وتبادلتو كلام أنا كنت اكتر واحد سعيد بيهو

اليلة عصام سنهور وهو ينور بيتنا وحوشنا
الشغلانة جابت ليها ذكريات بينك وبينو يا أخي انا مبسوط لمن ما قادر اوصف الشغلة
طلعت ذكريات الطفولة والمراهقة ومدني وغيرها
يا أخي الله ما يحرمنا منك يا الرشيد

والله إنت يا عصام سنهور من اعظم الناس اللي انا عرفتهم في حياتي
بس يا ريت يا الرشيد تقول للناس الفي البوست ده إنو عصام سنهوري ده كان في يوم من الايام
كابت السودان في الكرة الطائرة الفولي
وخليهو يحكي لينا عن تلك الذكريات عشان نستمتع اكثر
وكمان شايفو فطاني خالص في حكاية بنات خالاتو الكانو في الاسكندرية
الظاهر بت الشيخ بتاعتو بتتاوق بي جاي
والله شنو يا سنهوري
Post: #2602
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-28-2010, 09:30 AM
Parent: #2600


سلامات يا شباب يا حلوين
اهلا بعصام حسين بين الزقازيقاب
ليس ضيفا ولكن سيد محل , عندك عراقى وسروال ولا نديك جلابية
الفرش الجديدة راقدة فى دولاب الرشيد
السفنجة نديك ليها من عند احمد اسماعيل
وفطور الليلة عند موسى عيسى
وبعد داك نشبعك من حكايات ود جبريل وغنا كمال الشادى
وسؤالى ليك يا عصام , العذاب كيف ؟؟!!



ود جبريل مشتاقين
يا زول انت قفلاتك كترت فى مغرب الجن دى
انت عارف الزول البيقفل طوالى وما بيفتح (بى لغة الكوشتينة )
معناتها حاجة واحدة بس
تكون قافل ليك على دو دنارى ميت يا كيشة
قلت لى حكايات منصور دى بتشبه شنو ؟؟؟
تطسنى جاموسة لو فهمت حاجة !!!!


Post: #2605
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-28-2010, 10:36 AM
Parent: #2602

يا شادي الله يعدلها عليك شقيش تقبل
فكيت مني القفلة



يا منص
حكيك طاعم زي روايات واسيني الاعرج والطاهر وطار
اسأل جورج من رواية الحاج كيان للطاهر وطار
حا تلقاها بتشبه حكيك دة
اكتب ياخ
Post: #2606
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-28-2010, 10:39 AM
Parent: #2602

كمال يا شادي إنت الكلام معاك يا راقي عايز عماد شريف على الكيبورد ..

نحن لسه البخوفنا حنعملوا المرة الجاية ..

تلك فترة خصبة لن تتكرر ،، بعدين بنات أهلي في اسكندرية الوقت داك 22 شقة شوية عليهم ،، وطبعاً ده

خفف من الجكس الكان بحوم حوالي عشانك ويترقب جيتك عندنا ..

تعرف ياكمال مصطفى سيدأحمد خلال فترة تواجده في الدوحة كان قلق جداً على مسألة الفن الهادف ومنو من

الشباب ممكن يكون حريص على الرسالة ،، ومهووس جداً بهذا الأمر لمرحلة التفكير فيها دائماً بالبصوت

العالي ،، ظني فيك دائماً أنك كنت تخلط بين الجدية والصوت الجميل ، وأنك شادي

فعلاً بكل ما تحمله المفردة من أبعاد ..

كنت يا كمال مشروع مميز لكن الظروف حكمت في الإتجاه الذي إنتصرت فيه لمثلك وتربيتك .. بس يا

كمال شنو البمنع بداية المشروع ؟ أظن أنك لازلت ندي .. ولك من يراهن على نجاح المشروع ..

أبدأ ....
Post: #2607
Title: Re: ناس الزقازيق ... أجدع ناس ( 3 ) ..
Author: عصام الدين حسين حسن
Date: 01-28-2010, 11:01 AM
Parent: #2606

يا منصور العذاب إمرأة ..

تحياتي لك يا رجل توقعت بأنك حضور فأنت وحسب الذاكرة الخربة كنت مع الرشيد ومع من تزوج بنت الشافعي

تسكنون مع بعض في الزقازيق لمن العذاب كان إمرأة لا نعرف نواصيها ، بس الآن العذاب أصبح إمرأة

كاملة الأركان ...
Post: #2608
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-28-2010, 11:28 AM
Parent: #2607

اذن فانت عصام حسين زاتووووووو
يا خى بالغت عديييييل
ازيك يا حبيب
فى اللحظة دى انا زى قمت كده مرة تانية وبديت اسلم من جديد
سلام عرفة وكده
انا قصدت استخدم كلمة العذاب دى هنا , كطعم خفى استجلى به اذا ما كنت انت انت
ولا زول تانى
قبل فترة جابوك فى واحد من تلفزيوناتنا الكتيرة دى
كان الموضوع اجتماعيا عن الزواج والأسرة على ما اعتقد
مع عفاف حسن امين يا ربى ولا انا غلطان
تانى يوم شديت سلك للرشيد قلت ليهو تتذكر الزول ده
فافاض فى الحديث عنك
استخدام كلمة العذاب كاشارة للجكس
راكزة عندى من زمنك الزمان
مشتاقين يا زول
وما دام انت انت
عراقى زاتو ما ضرورى يا زول
ابقى نايم بى بنطلونك وقميصك وخش ليك فى اى سفنجة تقابلك
ولا اقول ليك حاجة
انت النايم ليها شنو ؟؟؟
يا كمال الشادى انت بتنكت حاجات حلوة بشكل
انعل صليبك ذاتو
الحاجة المرسلاها ليك الوالدة دى , تجى تشيلها ولا نفرتقها ونأكلها كان بتتآكل ؟؟؟!!!!!!!
Post: #2609
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-28-2010, 12:00 PM
Parent: #2608

ما دام جبتو سيرة الشقق
هاكم المسابقة دى للرجال فقط

كم عدد الشقق فى اكتوبر والانتفاضة
وللعجايز الزهراء والحميراء

الاجابة 22 غلط ،،،،

عصام ممكن تشارك ،،
Post: #2610
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-28-2010, 12:49 PM
Parent: #2609

we can buy a house
نستطيع شراء منزل
But not a home
لكن لا نستطيع شراء وطن

It can buy a clock
نستطيع شراء ساعة
But not time
و لكن لا نستطيع شراء الوقت


It can buy you a position
نستطيع شراء منصب
But it not respect
لكن لا نستطيع شراء الاحترام







It can buy you a bed
نستطيع شراء سرير
But not sleep
ولكن لا نستطيع شراء النوم


It can buy you a book
نستطيع شراء كتاب
But not knowledge
لكن لا نستطيع شراء العلم






It can buy you medicine
نستطيع شراء دواء
But not health
و لكن لا نستطيع شراء الصحه








It can buy you blood
نستطيع شراء الدم
But not life
و لكن لا نستطيع شراء الحياة
Post: #2611
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-28-2010, 01:01 PM
Parent: #2610

تحية وأيما ترحاب باخونا عصام سنهورى ...

وطالما انت جيت مع حبيبنا الرشيد رادفك فى عجلتو ...

وكمان شادينا الحبيب بيغرد ليك بى حنجرته .. وعماد شريف شايل سيجارته وايدو فوق كيبوردو

وبعد ما منصور أداك العراقى والسفنجة .. وعبد الدائم ناولك قرعة الموية الباردة

وود جبريل اداك مساديرو

ادخل لى جوه يا خوى وافتح الرادى الهناك تحت الراكوبة

واستمتع معانا وامتعنا ...



Post: #2612
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-28-2010, 05:11 PM
Parent: #2611

و الله ما اتغشينا في يوم الخميس دا نحن بنمشى نعديها حوامه و لف و انتم بهنا

شغالين كلام طاعم طعم سمك ناس زهير و حكي منصور و كمان بضيوفكم فالرشيد يرفع

الكورة للشادي و الراجل كابتن كرة طائرة شغال يضرب في ناس جلا يمين و شمال

فمرحب للمرة الثانية يا سنهوري زي ماقال ليك منصور انت سيد بيت عديل عليك

الله عايزين نزوركم في داركم بوست ناس الزقازيق ؟

ثانيا طبعا انت جيتنا عديل الشباب البشوفهم ديل كلهم بتاعين كلام حلو و

حكاوي و حاجات تانية حامياني فانا واخوي ياسر نجيلة و جلا ديل بتاعين كورة

ساي كورة مطعمه او سادة كله نحن فيه عليه نامل الارسال بعقد اجتماع طاري

نكون فريق البوست و نمشى علي ناس الشعبية بحري ديل عاملين حركات من زمان

خلينا نجيهم.
Post: #2613
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-28-2010, 06:17 PM
Parent: #2612



الاغنية دي مطلعة ميتين ام حبوبتي ذاتها
ياخي فيها ريدة زي الرز
انعل ابو الكمونية ذاتها


كمال الشادي ما تعاين لي








موسى عيسى كيفنك
Post: #2614
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-28-2010, 06:49 PM
Parent: #2613

جبرييلا يا بكااااااااااااااي
كيفك ياحبيب
جيت داخل جري ارحب بي سنهوري ده قبل الرشيد وكمال الشادي ما يشيلوا حسي
غير انو ناس اسكندرية ديل هواهم بحري "وعذابهم" زي العذاب ياخ
لقيتك مدفق الحنان ده ... بالله عليك براحة علينا نحنا ناساً كبرنا
والشعر بقا بلا "المعيوقا" اليابسة تاني زولا بوحد بينا مافي الا بس نبكي
دحين اا ود امي خلى الخمايس البتجيب الهبايب دي تعدي على خير ... وكمونيتك دي بالليل دا بتسوي لينا "حرقان"

شوق ليكم شديد
Post: #2615
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-29-2010, 00:24 AM
Parent: #2614

الشباب الحلوين
تحيات تشبه ارواحكم الحلوة

نبدأ بالمطلوق في آخر الدنيا مع المغاربة بي هناك وقال مدبرس
Quote: يا شادي الله يعدلها عليك شقيش تقبل
فكيت مني القفلة


يا أخي نحن تحت الخدمة
والله يا طارق الساعة هسي 2 و 10 بالليل بعد مباراة مصر والجزائر
وانا مشغل لي اغنية شايقية اكثر من رائعة لي ود البركل قلت اشغلها واسمعها ليك في الجوال
رد علي السنترال بتاع المغرب شوية عربي زي أيمان اهلهم وشوية فرنسي وانا راجل ثقافتي كلها الماني
قفلت الخط وقلت الود ده ماليهو في الحب نصيب
ههههههههههههههههههههها



نمرة اتنين ضيفنا الراقي عصام سنهوري
Quote: كمال يا شادي إنت الكلام معاك يا راقي عايز عماد شريف على الكيبورد


سجل عندك جوال عماد شريف وهو موجود في ابها بالسعودية
0503735374
بالله اديهو تلفون مفاجأة وسلم لي عليهم

عصام سنهوري مرة اخرى
Quote: خفف من الجكس الكان بحوم حوالي عشانك ويترقب جيتك عندنا ..


يارااااااااااااااااااااجل حرام عليك
ده إنت كنت خارتنا
كيف والله كنا عارفين

Quote: كنت يا كمال مشروع مميز لكن الظروف حكمت في الإتجاه الذي إنتصرت فيه لمثلك وتربيتك

المشروع البتتكلم عليهو منصور يشهد عليهو
لاني لفترة ليست طويلة بعد الجامعة كنت جاد جدا اواصل
بعدين عشت فترة جدا تعيسة زي ما قلت ليك في التلفون في جده خلتني اعيد النظر في قرار احتراف الغناء
واخيرا انتصرت زي ما قلت لقناعاتي ، اللي ناس كتار بيختلفو معاي لحدي هسي فيها

مرة تانية اشكرك عصام على ثقتك فيني
Quote: بس يا

خلينا نتكلم في التلفون مرة تانية في الموضوع ده


كمال شنو البمنع بداية المشروع ؟ أظن أنك لازلت ندي .. ولك من يراهن على نجاح المشروع ..

أبدأ ....



يا منصور عبد الرازق
Quote: يا كمال الشادى انت بتنكت حاجات حلوة بشكل
انعل صليبك ذاتو
الحاجة المرسلاها ليك الوالدة دى , تجى تشيلها ولا نفرتقها ونأكلها كان بتتآكل ؟؟؟!!!!!!!


اكان اكلتها بكلم ليك امي
المرة الجاية لمن تمشي السودان ابقى انزل في حتة تانية غير الصحافة
من جانبي انا مبروكة عليك
والله يا منصور كلما اقرر اجيك
اقول خليها جية كاربة اسوق الاود واجيك
وانت عارف الظروف
يا واحد من الاود عندو برد
والله المذاكرة مطلعا عينا
احاول بكرة اعدي عليك
تحياتي للاولاد
Post: #2616
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-29-2010, 00:30 AM
Parent: #2615

يا طارق جبريل
Quote: الاغنية دي مطلعة ميتين ام حبوبتي ذاتها
ياخي فيها ريدة زي الرز
انعل ابو الكمونية ذاتها


كمال الشادي ما تعاين لي


شنو المطلع صليبك
الغنية ؟
والله البت الشديدة البتغني ؟
والله الريدة الزي الرز ؟
والله كلهم مع بعض

يا حبيب قساي أنت الريدة كبرت عليها
وزي ده ما بتقدر عليهو
والجهجهة للناس الكبار ما كويسا
ومابين الدار البيضاء والصحافة مافي بكاسي
أخير ليك اقعد محل إنت قاعد
Post: #2617
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-29-2010, 00:37 AM
Parent: #2616

يا موسي عيسي
والله مشتاق ليك
عليك الله خلينا نتقابل الاسبوع الجاي بأي شكل
Quote: و الله ما اتغشينا في يوم الخميس دا نحن بنمشى نعديها حوامه و لف و انتم بهنا

شغالين كلام طاعم طعم سمك ناس زهير و حكي منصور و كمان بضيوفكم فالرشيد يرفع

الكورة للشادي و الراجل كابتن كرة طائرة شغال يضرب في ناس جلا يمين و شمال

فمرحب للمرة الثانية يا سنهوري زي ماقال ليك منصور انت سيد بيت عديل عليك

الله عايزين نزوركم في داركم بوست ناس الزقازيق ؟

كتر خيرك في ترحابك في ضيفنا العزيز عصام سنهوري
الزول الاسمو عصام سنهوري ده اصدق وصف ليهو إنو
عمدة وشيخ قبيلة
حا اكلمك السبت عشان نتقابل موسي


أبو الجلاجل
كيفنك يا أخوي
Quote: جيت داخل جري ارحب بي سنهوري ده قبل الرشيد وكمال الشادي ما يشيلوا حسي
غير انو ناس اسكندرية ديل هواهم بحري "وعذابهم" زي العذاب ياخ


أكان انت من الناس الكانت مكسرة في الاسكندرية وناسها تعال بي جاي واقيف في الصف
باقي الصف طويييييييييييييييييييييل

جلال تصدق قبل شوية يعني بعد الساعة 2 صباحا بعد مباراة مصر والجزائر
وبعد ما فشل تلفوني مع المطلوق في البنادر مع المغربيات الاسمو طارق جبريل
قلت اكلم صاحبك الرشيد
ررررررررررررررررررررن ررررررررررررررررررررررن ررررررررررررررررررررن

قلت أكان مع الاولاد يا هو الماردا
واكان عزابي براهو يا هو الردا

آخر حاجة جانا صوت من تحت سابع بطانية زي صوت بتاعين البيجو في عز الشتا لمن الواحد يكون مسطوووووووول
ويقول ليك ميييييييييييين
قلت ليهو انا أسف كمل نومك
وقفلت
وجيت عليك جاي
Post: #2618
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-29-2010, 09:05 AM
Parent: #2617

Quote: جبرييلا يا بكااااااااااااااي
كيفك ياحبيب
جيت داخل جري ارحب بي سنهوري ده قبل الرشيد وكمال الشادي ما يشيلوا حسي
غير انو ناس اسكندرية ديل هواهم بحري "وعذابهم" زي العذاب ياخ
لقيتك مدفق الحنان ده ... بالله عليك براحة علينا نحنا ناساً كبرنا
والشعر بقا بلا "المعيوقا" اليابسة تاني زولا بوحد بينا مافي الا بس نبكي
دحين اا ود امي خلى الخمايس البتجيب الهبايب دي تعدي على خير ... وكمونيتك دي بالليل دا بتسوي لينا "حرقان"

شوق ليكم شديد



يا جلال ياخي كيفنك
اسمها ((العميوقا)) ياخي ما تفضحنا قدام الاجانب
بعدين يا حبيب كُبر شنو دفعتنا دي حا تظل شباب كدة إلى أن يرث الله الأرض
حب يا عزيزي ... حب ساااااااكت واضرب الهم بالمفرح
لكن الاغنية يا حبيب انا عوقتني عديييييييييييل
Post: #2619
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-29-2010, 09:10 AM
Parent: #2618

حبيبنا ود الشادي كيفنك ابوي

Quote: يا أخي نحن تحت الخدمة
والله يا طارق الساعة هسي 2 و 10 بالليل بعد مباراة مصر والجزائر
وانا مشغل لي اغنية شايقية اكثر من رائعة لي ود البركل قلت اشغلها واسمعها ليك في الجوال
رد علي السنترال بتاع المغرب شوية عربي زي أيمان اهلهم وشوية فرنسي وانا راجل ثقافتي كلها الماني
قفلت الخط وقلت الود ده ماليهو في الحب نصيب
ههههههههههههههههههههها



ما لينا حظ يا حبيب
ياخي غناء الشوايقة دة انا ببهدلني عدييييييييل



Quote: • شنو المطلع صليبك
• الغنية ؟
• والله البت الشديدة البتغني ؟
• والله الريدة الزي الرز ؟
• والله كلهم مع بعض
•
• يا حبيب قساي أنت الريدة كبرت عليها
• وزي ده ما بتقدر عليهو
• والجهجهة للناس الكبار ما كويسا
• ومابين الدار البيضاء والصحافة مافي بكاسي
• أخير ليك اقعد محل إنت قاعد




الله لا تكسبك يا مقطوع الطاري
بعدين ياخي ما تحكها شديد كدة
يا الحبيب الشي المتاورني خلو آآآآآبيتقال
بعدين تليفوناتك للرشيد دي ما قاعدي تريحني ضُمة ضُمة
Post: #2620
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-29-2010, 04:36 PM
Parent: #2619

نرحب بالأخ عصام بين أهلو وناسو

------------------------------------

إتصال جميل قبل مبارة الجزائر ومصر من الأخ العزيز الرشيد

ومعه أخي وزميلي بمدني الثانوية الأخ العزيز جدا علي بابكر

إتصال أسعدني كثيرا وغير طعم الأمسية كلها

كتر خيرك كتير يا الرشيد
Post: #2621
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-29-2010, 05:59 PM
Parent: #2620

سامي كيفنك
بالله يا الرشيد سلم لي علي علي بابكر دة شديد
ياخي الراجل صديق وزميل دراسة برضو
Post: #2622
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-29-2010, 06:00 PM
Parent: #2621

والله وحدو بينا
والله وحدو بينا البارحونا وراحو
شالو من وادينا بهجتو وافراحو
بالكتير يا حليلهم ويا حليل الراحو
*****
طال نواك وانا قلبي باكي ليلو صباحو
بالضياع والحسرة السنين كم راحو
وراحت الافراح وقلبي عاش لي جراحو
ومين يقول لي فؤادي الروحو زيك راحو
*****
انا قلبي اتصبر لمن تعب صبارو
ونظرة باكية حزينة كان وراها ودارو
يوم رحلت وشلت بهجتو وانوارو
لا ارتويت من عطفو ولا اكتويت بي نارو
*****
للقليب الصادي كنت نبعو وزهرو
كنت ليهو حبيبو وكنت اهلو ودارو
فضحني عيوني وكشفن اسرارو
والعيون لو رادو ما بعرفو يدارو



وجججججججججججججججججججججع ياخي الاغنية دي
Post: #2623
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-29-2010, 06:32 PM
Parent: #2622

مساكم الله الخير

الخميس كانت أمسية مزدحمة...تم الاحتفال بعيد ميلاد مهند في جو عائلي ضم أسرتي و اخواني و عائلاتهم...و تواصل السهر و السمر حتى مباراة مصر و الجزائر التي انتهت كما توقعت و ليس كما تمنيت...سعدت بالتحدث الى سامي عبد الوهاب....
كان يوم جميل و لكنه مرهق لأنني لم أجد وقتا للراحة أبدا...لذلك عندما ألقيت بنفسي في السرير في حوالي الثانية صباحا كنت في غاية التعب و استسلمت للنوم...
رن تلفوني عند الثالثة صباحا على ما أعتقد....أعتقدت انني أحلم...رن مرة أخرى رفعت التلفون لأجد الرقم من السعودية...ألو منو كمال الشادي كيف حالك...
أوووووووو....سوري ياخي...كمل نومك...
تواصلت عصر اليوم مع كمال الشادي...و التواصل مع كمال الشادي دائما به دفعة معنوية......و شمار كمان يا طارق جبريل...

جبريلا أوصلت سلامك لعلي بابكر قبل ما تقول والله و هو يبلغك السلام....و أنا بقول ليك وحدو بيك براك...و زي ما بيقولو حواتنا وحدك و قبالك...

تحياتي للجميع...لكل المتداخلين يوم الخميس...رغم عدم مشاركتي الا أنني سعدت كثيرا عندما وجدت تداخلاتكم اليوم..نرجو الاستمرار....
Post: #2624
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-29-2010, 11:57 PM
Parent: #2623

حبيبنا الرشيد
كل سنة ومهند بالف خير يا رب
وربنا يحفظه

تحياتي بالله لي علي شديد

وبالله ابعد من كمال الشادي دة
الزول دة يوم بعوقك بالشمار



ولو داير الريدة الصاح ادخل هنا:
العيون لو رادوا... ليل تقيل
Post: #2625
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-30-2010, 07:34 AM
Parent: #2624

صباح الخير ،،، يا وجوه الخير،،،

أصبحنا واصبح الملك لله،،،وحده

نسمات صباحية:-

نرسل نسمات الصباح لإبننا مهند الرشيد ود نجاة

وكل سنة وإنت طيب وعقبال مائة شمعة وربنا يحفظك

وتكون من الناجحين،
birthday004.gif Hosting at Sudaneseonline.com
Post: #2626
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-30-2010, 08:11 AM
Parent: #2625

جبريلا كيفك ياخ

والله جنس (جوعير)

لكن الأغنية سمحة شديد

______________________

الرشيد

كتر خيرك

وكل سنة ومهند بألف خير
Post: #2627
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-30-2010, 08:58 AM
Parent: #2626

Quote: يا جلال ياخي كيفنك
اسمها ((العميوقا)) ياخي ما تفضحنا قدام الاجانب

وحاتك كان ما كلامك ده لا بكرة قايلا المعيوقا
الله عالم لامن امشي البلد قاعدين يضحكوا فوقي في جنس الكلام المقلبن دا

Quote: أكان انت من الناس الكانت مكسرة في الاسكندرية وناسها تعال بي جاي واقيف في الصف
باقي الصف طويييييييييييييييييييييل

كيمو ياشادي
كان زمان ياحبيب بس دا مابيمنع انو نقيف في الصف وناخد لينا كسيرة تعيد الذي كان
بعدين ياخي منصور دا ما جاء .... يلا

Quote: الخميس كانت أمسية مزدحمة...تم الاحتفال بعيد ميلاد مهند في جو عائلي ضم أسرتي و اخواني و عائلاتهم

هابي برز داى تو مهند وكل العمر ان شاء الله
ربنا يحفظو ويوفقو ويعلى مراتبو
ويخليك انت ونجاة ليهم

سمسم مشتاقيييييييين والله
Post: #2628
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-30-2010, 10:39 AM
Parent: #2627

نعي أليم


وردني هاتف من القضارف فقد توفي صباح اليوم

والد زميلتنا سعاد عبدالرحمن حسين

بمدينة القضارف وقد تحدث إلى الأخت سعاد وأكدت لي صحة الخبر

رحم الله الفقيد الوالد عبدالرحمن حسين وألهم

أهله وذويه الصبر والسلوان

وجعله الله مع الصديقين والشهداء والصالحين

وللأخت سعاد كامل تضامنا وعزاؤنا

وللعائلة الكريمة ،

إنا لله وإنا إليه راجعون،،،

هاتف سعاد الجديد

00249912783386
Post: #2629
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-30-2010, 10:49 AM
Parent: #2628

خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون
Post: #2630
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-30-2010, 10:58 AM
Parent: #2629

خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون
Post: #2631
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-30-2010, 11:08 AM
Parent: #2630

خالص التعازى لزميلتنا سعاد عبد الرحمن فى وفاة والدها
ربنا يتقبله احسن القبول بأذن الله
ويلزم سعاد مع اسرتها الصبر وحسن العزاء
شكرا يا ريس على ايراد التلفون
تم الأتصال والتعزية والتواصل
مشتاقين يا ريس
سلم على الأولاد الحلوين
بديتوا مشاوير السوق ولا لسه ؟؟
Post: #2632
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-30-2010, 11:37 AM
Parent: #2631

احر التعازى للاخت سعاد عبدالرحمن وللاسرة الكريمة
فى وفاة والدها

انا لله وانا اليه راجعون
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
Post: #2633
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-30-2010, 11:38 AM
Parent: #2631

وصلنا وين وصلنا وين
ايواااااااااااااااااا
اظنه لمن رجعنا متأخرين ولقينا الحنة شغالة
ربة تقيلة , وسكسكة للنهاية ,
قد يضيع كل شىء فى السودان واى شىء
ولكن الناس يعضون على فرص البهجة بالنواجز
يحرزون اهداف الجمال ويلعبون باصات البهجة بحرفنة عالية وابداع لا متناهى
اشكال من مظاهر الفرح والسرور ما تديك الدرب
تكاد تحس ان الجميع فى مباراة حماسية لأظهار بهجتهم وجعلها تطفو على سطح مناطحاتهم الحياتية اليومية
فى تقديرى هذا سلوك ممتاز وتقنية عالية لسرق لحظات الفرح الجميل
فى كل لحظة ودقيقة كنت انفعل واندهش طربا واختال فرحا بسلام على عزيز لى من شوفتو مدة على ايقاع فرح جديد
حتى ان السلام بالأيدى ومقالدة الاحضان كانت تتأجل مع عزيز يعرض امامى او ينقز
او عزيزة تتمايل طربا
لأن سلام الفرحة والبهجة كان اوصل واسرع واعمق
احساس لذيذ مايزال طعمه يراود نخاشيشى حتى اللحظة
اول مرة اشوف ايثار بتى تنفعل فرحا بهذه الطريقة
وسط بنات خالاتها ووسط عماتها وخالاتها واولاد اعمامها وخالاتها كذلك
ما اجمل احساس الأنتماء  , وما احلاه
ويا لحلاوة التدفق السلس فى مشاوير البهجة المخباة خلف حجب اللاانتماء
او دهاليز الأنتماء الكاذب
نحن ابناء وبنات تلك المشاعر المنسابة , لا شك فى ذلك
نحنة نتاج التعبير الشعورى المباشر الممتلىء صدقا ومباشرة
المعطون بماء الأيام الوردية , اصفره اصفر ’كما ان احمره شديد الأحمرار
لا لون رمادى فيه ولا شعور محايد معه
دموع تنساب فى الحالات كلها
ان حزن فللنهاية
وان فرح وابتهاج
ف
للطيش والنخاع
Post: #2634
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-30-2010, 11:58 AM
Parent: #2633

عدت الى برندتنا (الأكثر من برندة واقل شوية من اوضة )
وبرندتنا بتكوينها البينى هذا
تزهووتختال بميزات نادرة
فاقت ميزات مثيلاتها من البرندات , وصفات شبيهاتها من (ثلاثة ارباع الغرف)
لايجد البرد والزمهرير الى النائم فيها سبيلا ولا طريقا
ولكن الباعوض والناموس , يعوث فسادا فى الغرف والأوض الكاملات المحصنات
ذوات الأبواب الموصدات , والمزودات بشبابيك متينة حصينة , وعليها الستائر المزركشات
ولكن برندتى الأثيرة , بها كل هذه الميزات الجميلة
الا ان الباعوض والناموس يمر منها واليها مرور الكرام
يعاملها معاملة الحوش المفتوح وهى ليست كذلك
وينعم فيها بحسن الضيافة وهو ليس المقصود لا بالضيافة ولا بمظاهر حسنها وبهجتها
هل يستفيد هذا الباعوض التعيس بالفرجة على التلفزيون الأنيق شانه شان حجازى ومدرار ؟؟!!!
تبا لك من باعوض , وتعسا لك من ناموس سخيف
ولكنى رغم ذلك انام ملء جفونى
لا يوقظنى طنينه ولا انينه , ولكن تململ ايثار وحجازى من لدغاته المستمرات
وهما النائمان الى جوارى فى سرير يسعنى بالكاد
يوقظنى مرة اثر مرة , فاعرف سبب تململهما من حكة هنا , او هرشة هناك
ولكن طعم السعادة المنسابة الواصل الى نخاشيشى يعيدنى الى النوم الآمن والأحلام اللذيذة
حتى اذا ما شقشق الصباح
وصاح منبه مسجدنا الأثير
الذى لى فيه ذكريات وحكايات (كما للشادى كمال )
الصلاة خير من النوم
تعاملت مع نداء الصبح الجميل والمختلف هذه المرة
تعامل السعادة والجمال الساكن جوايا من امبارح
وهو (النام منو )؟؟
واقوم من سريرى نشيطا جزلا فرحا
كما ولو انى اقوم من
(نومة اهل الكهف )
ولسان حالى يقول
الليلة السمك , الليلة السمك , الليلة السمك
Post: #2635
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-30-2010, 12:05 PM
Parent: #2633

خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون
Post: #2636
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-30-2010, 12:31 PM
Parent: #2635

تعازينا القلبية للاخت سعاد
للفقيد الرحمة ولكم حسن العزاء
إنا لله وإنا إليه راجعون
Post: #2637
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-30-2010, 01:21 PM
Parent: #2635

Quote: مشتاقين يا ريس
سلم على الأولاد الحلوين
بديتوا مشاوير السوق ولا لسه ؟؟


يا منصور يا أخوي بدينا مشاوير

السوق منذ فترة ومزنوقين على الأمتحانات

علشان كده مداخلاتنا ضعيفة شديد بس بقرأ كل يوم

ومتابع كمال الشادي مع طارق ود جبريل والغناء والسمع السمح

إلا كلمة مطلوق في بلاد المغرب دي ضحكتني شديد وهو تعبير قوي ولكنه

لذيذ وكده يكون الشادي تعادل مع طارق حبريل .

سلم لي على الأولاد وقبل السفر بنودعكم زي وداع أمي ليك.
Post: #2638
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-30-2010, 02:29 PM
Parent: #2637

خالص العزاء للأخت سعاد عبد الرحمن في وفاة والدها له الرحمة والمغفرة ولأسرته صادق التعازي
Post: #2639
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-30-2010, 02:35 PM
Parent: #2638

صادق التعازي للأخ السبكي صلاح حسن في وفاة والده ....


وفاة اشهر قاضي فى التاريخ السياسى السودانى(مولانا صلاح حسن)

انعي لكم القاضي والاستاذ صلاح حسن الذي رفع سيادة القانون وانتصر للديمقراطية
Post: #2640
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-30-2010, 02:42 PM
Parent: #2639

2sudansudansudansudansudansudansudansudansudan2.JPG Hosting at Sudaneseonline.com
Post: #2641
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-30-2010, 03:11 PM
Parent: #2640

كتب الريس معتصم في بوست منى يونس

شخصيات وعائلات زقازيقة ،،،،،،،، من الزمن الجميل،،،(توجد صور)

Quote: السلام عليكم
العزيز ميسره
اولاً اشكرك على اصرارك على احياء الا وجعلها اكثر حركه فكما
تفضلت الاخت منى ان الجميع بالبوستاو الغالبيه لمن يعايشونى
وهذا سبب مقنع جدا لضعف الشاركه ولو كنت مكانهم لساءلت نفسى < ده يسالو
عن شنو كمان فالمعايشه هى وحدها تولد الاسئله لذلك لا نطالب الناس بما لا يملكوه
وليتحرك القطار الى محطة جديده والشكر الكثير لك وللاخت منى على هذه الاستضافه وادعو
الله لكم بالتوفيق دوما والنجاح

والشكر لكل الزقازيقاب


ونحن نرد بقوة : الريس معتصم ...شخصية تستحق ان يّلقى الضوء عليها

نيابة عن الأستاذة منى يونس وأصالة عن نفسي فلن يبرح قطار الشوق محطة الريس معتصم

حتى تأتي الفكرة أؤكلها على الرغم من الإمتحانات ولكن ننتظر من ناس السودان أكثر المشاركات

فما زال الليل طفلاً يحبو وما زال هناك الكثير المثير وجايك الشادي بكثير من الدرر المفرحة حسب

ما حكي لي يوم أمس الجمعة بالهاتف وكنت أنت محور حوارنا وذكرياتنا والمهم لم نجد إثنين إختلفوا

في رؤيتهم عن شخصك الكبير ،،، لسه الوقت بدري يا ريس.
Post: #2642
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-30-2010, 08:25 PM
Parent: #2641

مساكم الله بالخير
نرحب بعودة أبوالزوز...أبوالزوز حمد الله على السلامة....

جريلا رد على التلفون ياخي...ما تخاف كنت عايز أسمعك غناء حنين لكن حظك سيئ....

مع الريس ميسرة فيما يخص الريس معتصم..الريس معتصم شخصية تستحق أن يسلط عليها الضوء كل الضوء فالريس معتصم شخصية مضيئة...
Post: #2643
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-30-2010, 09:45 PM
Parent: #2642

العزيز الغالي معتصم سليمان جعفر
تحية طيبة يا ريس

احاول منذ يومين أجمع بعض الصور القديمة من مخابئها في اركان بيتي في الرياض على افاجئك
بصورة أو اكثر لشخصك الجميل في الزقازيق
كما اني متأكد سوف افاجئك ببعض صور قدامى الزقازيق الذين رسمو اسم هذه المدينة في وجدان كل من مر بها

معتصم
لا اعرف اذا بتتذكر والله

كنت انا برلوم
سكنت صدفة في شقة في المساكن قدام مجموعة راقية من اولاد طب وكان معاهم حسين شنقراي زميلنا في تجارة
شباب طب كانو اصحابك
خليل
هاشم البنا
وما بتذر اسامي الباقين
عشان كده قلت ليك خليني اخلص موضوع الصور ده
لاني راح اضيف كيف حاجات حلوة في البوست الرائع حقك ده
عموما وانا برلوم
إنتشر الخبر في الزقازيق أنو في برلوم بيعرف يغني

واخوك كان ماعندو مانع اي زول يجيني عشان امشي معاهم اخوك جاهز
لسببين اولا عايز اكتشف البلد والناس في اسرع وقت
والثاني لاني بحب الغناء
يمكن في اول شهرين لي في الزقازيق عرفت اجمل واظرف ناس فيها
وهم كانو ناس البارتيات والحفلات
ومن ضمنهم عرفتك
ما امشي بارتي الا والقا ليك معتصم جعفر مغزوز في نصو

راجع ليك
Post: #2644
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-30-2010, 10:50 PM
Parent: #2643

خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون






يا الرشيد كيفنك ابوي
للاسف كنت سايق في الهاي وي بين الرباط والدار البيضاء وعامل
التليفون في الصامت
حظنا زي الزفت تقول شنو بس
Post: #2645
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-31-2010, 06:50 AM
Parent: #2644

صباح الخير ،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

اللهم أجعل أوسع رزقي علي

عند كبر سني

وإنقطاع عمري

ربنا آمنا ،،

فأكتبنا مع الشاهدين
Post: #2646
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-31-2010, 07:42 AM
Parent: #2645

خالص التعازي للاخت سعاد عبدالرحمن في وفاة المغفور له بإذن الله والدها


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخت سعاد الصبر
Post: #2647
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-31-2010, 08:01 AM
Parent: #2646

بسم الله الرحمن الرحيم
سلام عليكم أيها البشر
Quote: صباح الخير ،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

اللهم أجعل أوسع رزقي علي

عند كبر سني

وإنقطاع عمري

ربنا آمنا ،،

فأكتبنا مع الشاهدين
Post: #2648
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-31-2010, 09:23 AM
Parent: #2647

Quote: ومتابع كمال الشادي مع طارق ود جبريل والغناء والسمع السمح

إلا كلمة مطلوق في بلاد المغرب دي ضحكتني شديد وهو تعبير قوي ولكنه

لذيذ وكده يكون الشادي تعادل مع طارق حبريل .

سلم لي على الأولاد وقبل السفر بنودعكم زي وداع أمي ليك.

يا ريس ميسرة كيفنك ياخي والوليدات
تعزف كيمو دة انا ما داير اعوقه سااااكت
لكن لااااااابد ليه بي فهم
Post: #2649
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-31-2010, 10:23 AM
Parent: #2648

معليش مشغول شوية و بجيكم لمن أروق
Quote:
خالص التعازي للاخت سعاد عبدالرحمن في وفاة المغفور له بإذن الله والدها


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخت سعاد الصبر
Post: #2650
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-31-2010, 10:59 AM
Parent: #2649

خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون
Post: #2651
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-31-2010, 11:45 AM
Parent: #2650

Quote: تعزف كيمو دة انا ما داير اعوقه سااااكت
لكن لااااااابد ليه بي فهم


ود جبريل الزول الرايق واللذيذ

بصراحة البوست ده خلانا نكتشف شخصيات الناس

بعد فراق الزقازيق ،، بس كمال الشادي ده إتوصى بيهو

كل فترة أفلقوا لينا بس ما تعوقوا شديد ،،، عارفك صاحب مسدار

وكمان تعليقات ساخرة ولكنها في التنك.

زهير الزناتي ده إختفي فجأة وظهر فجأة وأنا كمان حأسافر القاهرة فجأة

أو بالسر بدون ما أكلم زول علشان أحضر عرس البنت عبير وأكتب الكتاب مع المأذون
Post: #2652
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-31-2010, 01:16 PM
Parent: #2651

سلامات يا ناس

Quote: خالص التعازي للاخت سعاد عبدالرحمن في وفاة المغفور له بإذن الله والدها
ونسأل الله تعالى ان يتقبله القبول الحسن ويرحمه ويغفر له ويجعل الجنة مثواه
التعازي موصولة لجميع افراد الأسرة
إنا لله وإنا إليه راجعون




ياسر نجيلة ...ازيّك .
Post: #2653
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-31-2010, 02:05 PM
Parent: #2652

Quote: صادق التعازي للأخ السبكي صلاح حسن في وفاة والده ....


وفاة اشهر قاضي فى التاريخ السياسى السودانى(مولانا صلاح حسن)

انعي لكم القاضي والاستاذ صلاح حسن الذي رفع سيادة القانون وانتصر للديمقراطية


يا جماعة الزول ده برضو ما من الزقازيق وأبوه يستحق الرحمة ولا شنو .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #2654
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-31-2010, 03:50 PM
Parent: #2653

Quote: يا جماعة الزول ده برضو ما من الزقازيق وأبوه يستحق الرحمة ولا شنو .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



أصــحى يا بريش ..

الســبكى الناس قدمت له التعازى قبل اسبوع من اليوم ...

راجع الصفحة الفائتة ...


نسأل الله الرحمة والمغفرة لوالد اخونا السبكى وكل موتانا وموتى المسلمين
Post: #2655
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 01-31-2010, 04:00 PM
Parent: #2654

اخدت حومة بي جاي خارج الحيشان التلاتة
لقيت واحد راكب لابتوب وشادد رسنو
طه الضرير والطيب ود ضحوية
كانا في طريقهما إلى أبو دليق
وكان طه يبحث في اللاب توب

في الإنترنيت بال Wireless. ،

عن رد من محبوبته.
فوجد رداً قصيراً.
فأنشد قائلاً:

شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولنو وسائط
وعطشان الغرام ما برونـّو 2 K.Bite
فرد عليه الطيب قائلاً:
الفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي
استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يالصلاح جميع أنا والحبيب نتلم
ويا ساكن الضريح سيدى الحسن Dot Com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني الفقير البكتب البخرات
قال Defrag ما بفيد أحسن To Reformat
بعد ما كت فقير بخراتي Word و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل
الخبر الأكيد اليلة جابو ال Yahoo
وقال ست البنات إيميلنا مـي طارياهو
ست القوام Hardware نظامو براهو
غرامك Virus الهجعة البقرض الجاهو
Post: #2656
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-31-2010, 07:35 PM
Parent: #2655

سلامات يا ناس

Quote: الخبر الأكيد اليلة جابو ال Yahoo
وقال ست البنات إيميلنا مـي طارياهو
ست القوام Hardware نظامو براهو
غرامك Virus الهجعة البقرض الجاهو


ود المهدى اللذيذ..حكّاى كلامك طاعم

والنّم الجميل منك يصل متناغم

يا دوبك وصلْ دربك مسلّك وناعم

ما تنسى ام خدود اطراها سارع ناغم

=============================

تعال آلّخو بى غادى ....
Post: #2657
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-31-2010, 07:54 PM
Parent: #2656

مساكم الله بالخير

ود المهدي الحبيب...نمك سمح بالحيل....


يا كوتش حمد الله على السلامة...
Post: #2658
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-31-2010, 08:15 PM
Parent: #2654

زهير يا حليك
ياخى نحنا مشينا عزينا السبكى فى المورده وقابلناه
ومعاى بعض الزقازيقاب دفعه اصلو الراجل برلومنا بالمناسبه ارجو الاسراع فى باص ويرد لالسبكى
فهو فى شوق لمشاركتكم.
Post: #2659
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-31-2010, 09:00 PM
Parent: #2658

سلامات يا ناس

الريس معتصم ...كيف حالك

Quote: يا كوتش حمد الله على السلامة...


الله يسلمك يا حبيب ...وصلت الجمعة وتانى ماشى ان شاء الله

مشيت ليك فى حوشك اول حاجة بعد داك جيت هنا...
Post: #2660
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-31-2010, 09:38 PM
Parent: #2659

كمندان تسلم ياحبيب
والله لبك وحشه,,,انته زهير دا سافر معك
اصلو الزميل اسف ولدى بدل انداح انزاح
كان بكره قاعد اخطرنا معزوم عندك شاى
اذا مافى ارتباط ومنها نشوف زعل زهير
فى شنو؟
Post: #2661
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-01-2010, 05:39 AM
Parent: #2660

أصبحنا وأصبح الملك لله وحده لاشريك له,,,له الملك وله الحمد وهو على كل شيء قدير,,, أعوذ بالله السميع العليم من الشيطان الرجيم من همزه ونفخه ونفثه,,,بسم الله ذي الشأن عظيم السلطان شديد البرهان قوي الأركان ماشاء الله كانوما لم يشأ لم يكن أعوذ بالله من كل شيطان أنس وجان,,,اللهم إني أسألك خير هذا اليوم فتحه ونصره ونوره وبركته وهداه وأعوذ بك من شر مابعده,,,اللهم لاتدع لنا ذنبا إلاغفرته ولاعيبا إلا سترته ولا هما إلا فرجته ولا دينا إلا قضيته ولا حاجه من حوائج الدنيا ةالأخره هي لك رضى ولنا صالحا إلا قضيتها يا أرحم الراحمين وصلي اللهم على محمد وعلى أله وصحبه أجمعين....
Post: #2662
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 02-01-2010, 06:14 AM
Parent: #2661

.... وكمان سلام خاص خالص ....







لولدنا محمد صديق ....
Post: #2663
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-01-2010, 06:57 AM
Parent: #2662

من ميسرة

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

اللهم إني أسألك
علماً نافعاً
وأعوذُ بك
من علم لا ينفع

اللهم إنك
عفوُُ
كريم
تُحب العفو
فأعفُ عني
يا الله،،،،،،،،،،

تحية وتعظيم سلام للكوتش محمد صديق وعودة حميده
Post: #2664
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-01-2010, 11:07 AM
Parent: #2663

sudansudansudansudansudansudan2.gif Hosting at Sudaneseonline.com

كذلك المنتخب المصري حصل على أربعة:-
- هزم أربعة فرق متأهلة لكأس العالم(نيجريا،غانا، الجزائر،الكاميرون)
- وأربعة أخرى هم (هداف الدورة ، أحسن لاعب ، أحسن حارس ، اللعب النضيف)
- أربعة أهداف ضد الجزائر
- ثلاثة كاسات من الأمم الأفريقية متتالية والرابعة في الطريق .
- مبروك للمرة الرابعة
Post: #2665
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-01-2010, 11:57 AM
Parent: #2664

سلامات يا ناس

لكم جميعآ التحايا

الريس ميسرة

الريس معتصم

ياسر نجيلة

ونجيكم مع العفش.

الريس معتصم فى انتظارك.
Post: #2666
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-01-2010, 12:08 PM
Parent: #2665

أخدنا لينا طشة بالمنبر العام ولقيت الكلام التحت أقروهو وقولو رأيكم

Quote: تخيل كيف يكون الحال لو ما كنت سوداني

* كنت ح تلتزم بالمواعيد

* كنت ح تدفع فاتورة المحامي او الطبيب قريبك

* كنت قاضيت المهندس اللي خرب ليك بيتك

* كنت عملت مشروعك بنفسك دون محاكاة

* كنت بدأت دوامك في الموعد المحدد

* كنت حتنطق حرف ال (ق) و ال) غ) كما ينبغي وما كنت حا تقول للتسعة تزعة

* كنت صرت متخصص وعالم في مجالك

* كنت حتلبس شيك جدا عند خروجك أمام التلفاز وأجهزة الاعلام

* كنت تتحدث بطلاقة وإنسيابية بدون أ أ أ أ أ أ

* ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس..

* كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...

* كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ...

* و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...

* كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!

* وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...

* كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت
برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!

* ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..

* كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...

* كنت امتنعت عن التدخين في منزل شخص اخر, او على الاقل استأذنت قبل ما تولع...

* كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...

* كنت امتنعت عن زيارة احدهم في مكتبه , للونسه او مناقشة امور لا صله لها بالعمل

* كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....

* كنت حا تقعد فى صالون الناس بدل تلوص فى البيت كلو..

* كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) ..

* ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..

* لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!

* ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!

* لو ما كنت سودااااااااااانى ما كنت سوقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!!

* ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..

* لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟

* ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..

* ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية..

* والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع تافه ما بياخد اكتر من عشرة دقايق!!!

* لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق..

* لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..

* ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!!

* صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..

*كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..

* لو ما كنت سودانى كنت حا تكون سييييييييييد نفسك


منقول من بوست للمعز بخيت
Post: #2667
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-01-2010, 04:13 PM
Parent: #2666

رحم الله الأستاذ عبد الرحمن صالح الطاهر والد العزيز صالح تبلدينا بقدر ما قدم لوطنه وأهله
دعوة للمشاركة

حضور مهيب فى تأبين الراحل عبد الرحمن صالح الطاهر ( والد...) توثيــــق مصور ...
Post: #2668
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-01-2010, 04:16 PM
Parent: #2666

كتابة طاعمة لمصطفي محمد الحسن في بوست الكوتش محمد صديق

Quote: الزقازيق أيام من عدس
( و هل التانك الا برتكان يابس )
شاعر مجهول

مشهد أول
فرقة ( عقد الجلاد تصدح على خشبة المسرح القومي بأ مدرمان ) و انا بدعوة كريمة من الرائع ( محمد صديق الحسين) انتحي ركنا قصيا اشهد توالي القدوم من اهل الزقازيق , منهم من جاء أحدا و الكثير قد اصطحب ( ناس البيت ) , و هذا اصطلاح يطلق على الحبائب بعد أن يبلى الحب، و أنا مثل ( سيدنا عزير ) يملأ اهابي فيض من التذكر الاليم ، قد بعثت بعد عقدين من الزمان و انفتحت امامي و بقوة ( مشاهد من الامس ) . توالت الوجوه عرفت الكثير و ضاع مني الكثير بفعل حتمية الزمن و تعاقب الفصول , و بدأ المشهد كانني في خفل تنكري ، هي نفس الاصوات ، الحركات ، حتى طريقة الوقوف و اختيار الاركان ، طريقة التدخين ( حتى ان لم يكن كليلوباترا) و كنت انتظر في كل حين ان تزول الغشاوة و ينكشف أمامي نادي الشرقية ... ولكن هي الحكاية ... و يبقى فقط هذه اللزوجة في الحلق و الدهشة التي لا تقود الى شيئ ، أي شيئ ، يسميها البعض بالحسرة ، الحسرة علي شنو ؟ و الله ما عارف
مشهد تاني
عرفت محمد صديق ( المدعو جورج ) ذات شكلة ( كما يكتب الهائفون من جرائد التابلويد) في ضاحية لكوظ ( ضاحية اسم الدلع لحلة ) و نحن نودع على ما أظن العمدة ( ابراهيم سليمان)، كان جورج متجدعا كعادته تلك الليلة، رغم ان الحفل كان حق تاس كسلا ، لم يكتسب جورج و جمال فارح هذا الحق الا لاحقا و بالانتساب ، ( عرفت لاحقا ان هذا التجدع يسمى قبولا)، المهم تخاشنا في الحديث و من ديك تالفنا و توحدنا ، رغم ان الكثير كان يتعجب من التقاء النقيضين ، خاصة من الجنس ألاخر ، ,و اكاد أجزم و طوال الفترة التي عشناها في الزقازيق أنه قد حضرنا أي شئ سواء اكان هذا الشي حفلة، رحلة ، ندوة سياسية , تخريج أو حتى لمة لزوم ما لا يلزم. و جبنا طرق البلدة و شوارعها كدرا انصاص الليالي في ظلمة شوارع السمك ، المكتبات و قهوة الربيع حتى ( اخرك زراعة يا اسطى) و الغريب أنا كنا نتافف من ركوب المايكربص حتى رأينا ذات مرة ( ياسمين حاج الطاهر) بجلالة قدرها نندلى من البص ، قلت يا جورج اخوي و نحن كمان في شنو.
التحية اسوقها لكل المحطات الرئيسية في هذه المسيرة، الرائعون تاس حاتم جبارة ، طارف البيجو، امينوف ، ناس جماع مصطقى، تاس هند عمر عباس، رشا ، ناس المرحوم ياسر الشفيع ، و الذي بموته تتبتدئ كل اللزوجة في الحياة، ناس علوم في منشية أباظة اليوسفين ود نور الجليل وود حمد النيل ، حاج النور، حاتم علي ، و ناس محمد ادم النور ( الحاج ، و ان كان الحج بقروش الامم المنحدة دا مشكوك فيهو) ناس اسامة ابتر ، أسامة خضر ، مبارك جادين ، ناس جمال فارح و صلاح الامين في المحلج ( عندهم في التلاجة 10 كيس فول)، ناس اماني عباس ( لماذا لا تتحف الناس ب .... آه ي أيمولا هذا القلب حزين لآ يغنيه برود الثلج و لكن حبك جر عليه برود الرحمة ة الغفران )، ناس محمد الهادي وكل ساكنات المدن الجامعية و الداخليات ).
نواصل
Post: #2669
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-02-2010, 06:58 AM
Parent: #2668

صباحات ندية
Post: #2670
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-02-2010, 07:17 AM
Parent: #2668

Quote: التحية اسوقها لكل المحطات الرئيسية في هذه المسيرة، الرائعون تاس حاتم جبارة ، طارف البيجو، امينوف ، ناس جماع مصطقى، تاس هند عمر عباس، رشا ، ناس المرحوم ياسر الشفيع ، و الذي بموته تتبتدئ كل اللزوجة في الحياة، ناس علوم في منشية أباظة اليوسفين ود نور الجليل وود حمد النيل ، حاج النور، حاتم علي ، و ناس محمد ادم النور ( الحاج ، و ان كان الحج بقروش الامم المنحدة دا مشكوك فيهو) ناس اسامة ابتر ، أسامة خضر ، مبارك جادين ، ناس جمال فارح و صلاح الامين في المحلج ( عندهم في التلاجة 10 كيس فول)، ناس اماني عباس ( لماذا لا تتحف الناس ب .... آه ي أيمولا هذا القلب حزين لآ يغنيه برود الثلج و لكن حبك جر عليه برود الرحمة ة الغفران )، ناس محمد الهادي وكل ساكنات المدن الجامعية و الداخليات ).


اخي الجميل مصطفي محمد الحسن الكسلاوي الهادي الجميل لك مني الود والتحايا الممزوجة بنقاء شوق دفين

لك خاص و كم ذكرت اعلاه اناس من عوالم اخرى نسال الله لهم ولك السعادة و لك الشكر على هذه المساحات

من الاندياح الزقازيقي الجميل و انت تكسح من لوكوظ الي المساكن و بالعكس و التحية عبرك لك احبابنا

ناس علوم و كسلا و تقبل تحايا الجميع .


الكوتش ود الصديق مرحب بيك و منور و زي فاقدين لينا مسدار مسدارين

من النوع ابو كديس ؟


الجميل ود الزناتي الف حمد لله على السلامة ليك وحشة و الله دونك الدار

خلا و كمان مستوحش و بوجودك دارنا بكون عامر بالجنس الاخر و من ما كبيت

الزوغة و الله ناس جلا بقينا ما لاقنهم ؟ انت والله يا زهير دايما بترميني

مع ود الناس دا الله يجيب العواقب سليمة !
Post: #2671
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-02-2010, 07:24 AM
Parent: #2670

الف مبروك للاخ تبلدينا الحصول علي القيد الصحفي
Post: #2672
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-02-2010, 08:08 AM
Parent: #2671

صباح الخير،،، يا وجوه الخير،،،

أصبحنا وأصبح الملك لله،،، وحده

نسمات صباحية:

ربي إني ظلمت نفسي
فأغفر لي.

ربنا آمنا بما أنزلت
وإتبعنا الرسول
فأكتبنا مع الشاهدين
Post: #2673
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-02-2010, 11:18 AM
Parent: #2672

سلامات يا ناس

الرحمة والمغفرة لعضو البورد معتصم عبد الحليم

والتعازى لاسرته.

انا لله وانا اليه راجعون
Post: #2674
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-02-2010, 11:25 AM
Parent: #2673

سلام يا ناس

التحية لمصطفى علوم اينما كان



دكشنري شوايقة
Post: #2675
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-02-2010, 11:33 AM
Parent: #2672

شقشقات الصباح الأولى انتظرتها صااااااااااحى
ماذا فعلت بنفسك يا منصور ليلة البارحة ؟؟
ويحك يا رجل !!!
الألتقاء بعدد كبير من الحبة والهل والجيران
وسط نغمات غنائية فرحة ومرحة وتفيض حبورا وبهجة
جعل من ليلة الأمس ليلة استثنائية
مع انو الغناء كان بالمسجل بس فى خطوة تمرينية استباقية ليوم الحنة الكبيرة اللى هو الليلة
هو انتوا شفتوا حاجة ؟؟
كان هذا هو كلام الشاب ابراهيم سعيد ود اخت العريس وساعده التنظيمى الأول
انا شخصيا رفعت يدى من كل (الخطوات تنظيم )
واخذت على عاتقى ان اتولى حلقة الهجيج بالعناية واكون مركز فيها التركيز كلو
لا على بى كراسى جابوها من وين , ولا على بى فلان اتعشى ولا اتغدى ولا سوى شنو
مهمتى تحفيز الناس , كل الناس , على الأبداع والهجيج والحت
حتى انهم وصونى ان لا اجازف باخراج كل ما لدى فى هذه الليلة التمهيدية الأولى
التى هى اشبه بمباراة تجريبية , المفروض تلعب فيها احتياطينك حتى تتعرف على مستوياتهم
لكن دى على منو , تتطلع العندك الليلة , وحق بكرة بطلع برااااااهو
حتى اذا ما انتهت الليلة الفائتة , ذهبت الى سريرى , والقيت بجسمى الذى اضحى (كل عضو فيه فى ناحية لحالو )
واسلمت اعضائى (غير المتماسكة ) وغير (المتحدة ) والفاقدة للأرتباط (العضوى)
الى ناموس لعين , تولى بنجاح كامل مهمة اعادة اللحمة بين اعضائى المتنافرة
فعاد ت الأرجل اثنتان , والسواعد ساعدان , والعين عينان , وبلغ تعداد الصوابع عشرون كاملات
ولكن كل مراكز الأحساس فينى انتفت وتحولت واضحت واتحدت الى احساس واحد عظيم
جسم لعب فيه الناموس والباعوض (عضعضة ولسعا )
لا يطلب ولا يحس ولا يستمتع الا بالحك , ثم الحك , ثم الحك
والهرش ثم الهرش الذى يتلوه ويسبقه هرش وهرش
ولكن حمام دافىء واحد يكفى للجم عاصفة الحكحكة هذه
ثم العودة الى عمل طاقات الاحاسيس الكوامن
وعادت ذاكرتى الى العمل
اليوم هو الثلاثاء
ثالث ايامى فى السودان الشقيق
دى بقى لا محتاجة لى فلسكاب , ولا محتاجة ليها لى خافقتدس فيه برنامج الواحد بقى حافظو عن ظهر قلب لولا تحالف الناموس وتعب الهجيج والرقص
امانة يا عوضية يا ست السمك , ما جاكى راجل
عليك الله ناس زهير ديل ما بيبالغوا , فى فطور سمك فى الدنيا يعملوهو الساعة حداشر
الساعة يا دوبها ستة
لكن الفولسكاب ما قااااااعد
وضهرية العربية ما ملياااااانة
لكن السمك الأنت ناوى عليهو يا منص النية دى كلها , الجماعة ديل جايبينو ليك الساعة حداشر
الخمسة ساعات لا بيسدها بسكويت بالشاى , ولا قهوة , ولا حجتى نسكافى
كان للعصيدة , دى ما حلاوة قطن ساااااكت
الجماعة قالوا لى امبارح ما تطلع قبل ما تفطر
وانا العوير كنت عايز ازوغ من اجل السمك
والسمك الساعة حداشر
نعمل شنو يا ربى
قصدى نعمل شنو فى الفطور (الأنترميديات ده )
نفتح التلفون
رسائل ورسائل ومس كولات
دى كلها اكيد لمن كنت بمارس فى الهجيج المخلص بتاع امبارح
اسخف رسالة كانت من الود الزناتى زهير
الفطور الساعة واحدة
واحدة !!!!!!!!!!!!!!!!!!!!!!!!!!!!!!!
بالله سموا الحاجات باسمائها
مش السمك ده , بنفضى ليهو حتة
فطور العريس ما قاااااااعد
لكن فى الأول , الشاى بالبسكويت , عنده واللله شعبية كبيرة خلاص فى السودان
خاصة اذا كان مدعم بى (شيالة الخبيز القاعدة فى البرندة ديك )
الى اذن بها , والى بفلسكابى العزيز , ودع عنك (خافقك يا منص)
والله يجازيكم يا ناس زهير
Post: #2676
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-02-2010, 12:06 PM
Parent: #2675


فى السودان الشقيق
لحسن الحظ انه يمكنك ان ان تمشى لأى ناس ان شاء الله الساعة ستة صباحا ذاتو
مش تمشى ليهم بس
كمان تقيف قدام الباب , ولا تخبط عليهو ولا حاجة
كل ما عيك عمله هو ان (تجر السلك وتبقى داخل )
ولا كأنك عملت حاجة
بل انها علامة من علامات الأصالة الحميمة
انت كمان بتدق الباب و انت ما سيد بيت عديييييل
يالها من ملاحظة مريحة , ياخى دى نقطة جوهرية فى برنامجى الصباحى المحكوم بفطور ناس زهير الخلاقة ده
واول بركات اليوم ظهرت فى تنويه من اخواتى انو موسى راجل سمية بت جيرانا , المريض بالفشل الكلوى المزمن
الليلة بايت هنا فى الصحافة لأنو عندو جلسة غسيل فى العمارات
هذا خبر سار يختصر مشوارا مهما ومفترضا للكلاكلة
لكنى استدركت لأختى
بس لكن عارفة يا احسان , سهير بت عمى بالطريقة دى حقها راح
وهير بت عمى من ساكنات الكلاكلة البعيدة ايضا , كنت انوى زيارتها فى بيت اهلها هناك طالما اننى سازور موسى
ولكن وجود موسى هنا , جعل من مشوار ناس سهير مجرد اتصال تلفونى , مع استدراك اضافى بانو سهير اصلا حاتجى عرس التاج
يا (للدبل كيك ) الرائع , لعبة مزدوجة خلفية لا يلعبها الا منو يا ربى
خليهو امبيلى (الغربال ) عشان يتناسب مع جسمى المقدقد ده
استحمينا , ضربنا اشاى بالبسكويت ,
بسكويت البيت الطاعم والجميل , نسانا ان نستمتع بتشكيلات خبيز اخرى نوينا عليها مسبقا ولكن ما كان ليها نصيب
بسكويتة ورا بسكويتة , شفطة شاى اثر شفطة شاى
مش الخبيز بس الما لقينا ليهو حتة
انا دخلتنى شفقة على السمك ذاتو
هسى معقول بس مجهود (عوضية ) داك كلو يضيع ساااااكت كده
ولكن مؤشر الساعة الذى يشير الى السابعة صباحا يا دوب
ادخل فينى بعض طمأنينة , وان اشفقت على معدل (الأداء السمكى المنتظر )
مرينا على موسى , جرينا السلك وتوووووش ,
وصلنا بيت العرس , الناس فى هرج ومرج , ديل صحوا متين ديل ؟؟
سألتنى امانى التى لم تتوقع حضورى الباكر كما ظهر لى
اجيب ليك شاى بالبسكويت ؟؟
تااااانى ؟؟؟
خلاص عليك الله ما تضيع على نفسك فطور العريس الجايبينوا اهل العروسة ده
طيب والسمك
السمك ليهو (رافع ) , ما عارف لو هى قالت كده فعلا ولا ده خيالى المشتت
سلام كتيييير خلاص , امبارح ما ابدعت يا منصور , هو انتو شفتوا حاجة , التقيل ما لسة ورا , وما خفى اعظم
مشاوير داخلية فى الصحافة , امانات وتوصيات هنا وهناك , رجعت مرتين تلاتة لى بيت العرس
بين كل مشوار والتانى يتسنى لى العودة لمركز الأنطلاق
لمن الساعة بقت حوالى عشرة , كنت قد انجزت مشاوير مقدرة
حتى ضهرية العربية خفت وقلت محتوياتها الكثيرة
اتصل على محمد المرتضى , سأل عن مكان العرس لأنو مشغول بالنهار مع نسيبته فى المستشفى
يا ود يا مخلص انت
بدا الناس فى بيت العرس يتجمعون فى انتظار الفطور
بينى وبينكم انا خفت على (عوضية )
انا السمك ما هامينى
ولا حتى زهير ولا مبارك جادين ولا جلا زاتو
عوضية دى تقول علينا شنو ؟؟!!!!
والله موقف محرج خلاص
Post: #2677
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-02-2010, 01:00 PM
Parent: #2676

Quote: معليش مشغول شوية و بجيكم لمن أروق


شباب الزول جلا ده بيكون مشى الحج تاني يا موسى عيسى

مسجل غياب كبير الفترة السابقة ومداخلاته قليلة,,,

والزول السمح إسمه منصور والله عفيت منك ما يفوتك

إلا سيدنا ميكاييل ،،،،

كيل يا مكايلين بالربع التقيل وأنحنا صغار كنا نردد

ذلك عند هطول المطر ،،، هسع منصور ده بدينا بالربع الكبير

ربنا يخدر ضراعك ويقوي نظرك ويحافظ لينا على الكي بورد بتاعك
Post: #2678
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-02-2010, 07:50 PM
Parent: #2677

سلامات يا ناس

Quote: التحية لمصطفى علوم اينما كان



بس؟؟
Post: #2679
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 02-02-2010, 08:15 PM
Parent: #2678

مساء الخيرات

لكم كل الود وعزرا لانقطاع التواصل والسبب المشغوليات الكتيرة



خالص العزاء للعزيزه سعاد عبدالرحمن

رحم الله الفقيد رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم
Post: #2680
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-03-2010, 08:32 AM
Parent: #2679

صباح الخير،،،يا وجوه الخير،،،

اصبحنا وأصبح الملك لله،،، وحده

نسمات صباحية:

اللهم إني أعوذُ بك من :-

العجز
والكسل
والجُبن
والبُخل
والهرم
وعذاب القبر
Post: #2681
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 02-03-2010, 08:57 AM
Parent: #2680

خالص العزاء للاخت الغالية
سعاد عبدالرحمن

رحم الله الفقيد رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم
Post: #2682
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-03-2010, 12:08 PM
Parent: #2681

في بوست للترحيب بالأستاذة أسماء الحسيني وبعد أن رحبت بها بالنيابة عن أجدع ناس كتبت الأستاذة ما يلي:

Quote: أخوتى الكرام كيف حالكم جميعا ....أتمنى أن تكونوا بخير حال واطيب مقام ...أخى هاشم عثمان :شكرا ليك وكيف حالك وحال صديقنا العزيز المشترك علاء بشير ...بالله بلغه سلامى وياريت يطمئنا عليه ،أخى يحيى بن عوف :كتر خيرك ...وسيكون إنضمامى للمنبر مكسب لى أنا ،أخى مجدى كنة :شكرا لك أخى ويبدو أن هناك كثيرين مثلى يبحثون عن عنوان وأخبار علاء بشير ...دعواتنا له بكل توفيق إن شاء الله .أخى موسى شكرا لك ويارب أقدر أكون كما ذكرت بالفعل ،أخى لؤى شكرا كثيرا على كلماتك الطيبة وعلى الترحاب ،أخى العزيز سامى عبد الوهاب شكرا لك ترحيبك بى أنت وكل الزقازيقاب ولايسعنى هنا إلا ان أقول مجددا أنكم بالفعل أجدع ناس ،وقد تعلمت من تجربتكم الجميلة كثيرا من معانى الخير والوفاء ...ارجوك بلغ سلامى لكل أحبتى وإخوانى من أفراد قبيلتك الذين يهبون دوما للترحاب بى فى كل مكان إلتقيتهم فيه وأيضا فى هذا المنبر ،ولا انسى أبدا هذه اللحظات الجميلة التى قضيتها معهم فى الخرطوم مطلع العام الماضى


فلها منّا ألف تحية

وهذا هو البوست

مرحبا بالاستاذة اسماء الحسينى فى سودانيزاونلاين
مرحبا بالاستاذة اسماء الحسينى فى سودانيزاونلاين
Post: #2683
Title: Re: ناس الزقازيق ... أجدع ناس ( 3 ) ..
Author: عمر هواري
Date: 02-03-2010, 01:31 PM
Parent: #2682

أجدع ناس إذيكم
والله مشتاق ليكم كتير لكن ألمشغوليات وكثرة الترحال أخذتني عنكم بعيدأً..
ميسرة صورتك حلوة خالص وذكرتني برنامج من الأمس ..
ارجوأن أنمكن من متابعة البوستات السابقة حتى أتمكن من دخول الشبكة بقدر الإمكان
واتمنى أن يكون كل الأعزاء بخير وعلى أحسن حال
وتعازينا للأخت سعاد عبدالرحمن ..
ومرحب بأسماء الحسيني ..
تحياتي لكم جميعا.. وسأكون معكم دوما أنشاء الله ..
Post: #2684
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-03-2010, 04:17 PM
Parent: #2683

Quote: أجدع ناس إذيكم
والله مشتاق ليكم كتير لكن ألمشغوليات وكثرة الترحال
أخذتني عنكم بعيدأً..


أهلاً الأخ/ عمر هواري ،،،

نفتقدك كثير داخل البوست ، حاول أكثر

من المداخلات حتى تكون مواكب مع الناس

والواحد لو ما كسر روتين الظروف الصعبة ما بقدر

يتواصل مع الناس البحبوه ،،، خليك قريب
Post: #2685
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-04-2010, 07:54 AM
Parent: #2684


al-qatarya-a7add8ff14.gif Hosting at Sudaneseonline.com


صباحات الجمال على الحلوين ...

اين الناس الحلوه ... !!!

ناس الافتتاحيات والتفاؤل والروح الجميلة

واين ..

اين ...

ناس الكوبى آند بيست ..؟!

Post: #2686
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-04-2010, 08:30 AM
Parent: #2685

عيد يا فنان صباحاتك خير
البوست حالتو تحنن ...
اعتقد من تاثير مود الحزن الفي المنبر العام
رحمة الله علي الزميل معتصم وربنا يعوض شبابو الجنة
-------
ودعوة للشباب بأن طلوا ...
عبروا ...
واكسروا حاجز الحزن ...
والرتابة .........
والملل..

فهنا ... دوحتنا
Post: #2687
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-04-2010, 08:52 AM
Parent: #2686

جلجل الحبيب ..

الشوق ليك مطر ..

أشاركك الدعاء بالرحمة والمغفرة للزميل معتصم وربنا يعوض شبابو الجنة

وأثنى دعوتك للجميع بطى ملف الاحزان والعوده الى مرفأ التفاؤل والحياة

وهذه نســمة صغيرة علها تدفع قليلا من تلك الروح التى عنيتها ...

.....


قصــة طريفة / المحتال

قرر المحتال وزوجته الدخول الى مدينة قد اعجبتهم

ليمارسا اعمال النصب والاحتيال على أهل تلك المدينة
من اليوم الأول اشترى المحتال حمــارا وملأ فمه بليرات من الذهب رغما عنه

وأخذه إلى حيث تزدحم الأقدام في السوق
لمح الحمـــار مراهقة في السوق .. فنهق
فتساقطت النقود من فمه ...

فتجمع الناس حول المحتال الذي اخبرهم ان الحمــار كلما نهق تتساقط النقود من فمه
بدون تفكيرا بدأت المفاوضات حول بيع الحمــار الذي اشتراه كبير التجار بمبلغ كبير

لكنه اكتشف بعد ساعات بأنه وقع ضحية عملية نصب غبية
فانطلق مع التجار فورا إلى بيت المحتال وطرقوا الباب

فقالت زوجته انه غير موجود

لكنها سترســـل الكلب وسوف يحضره فــــــورا

فعلا أطلقت الكلب الذي كان محبوسا فهـــرب لا يلوي على شيء

لكن زوجها عاد بعد قليل وبرفقته كلب يشبه تماما الكلب الذي هرب
طبعا التجار نسوا لماذا جاؤوا وفاوضوه على شراء الكلب

واشتراه احدهم بمبلغ كبير طبعا

ثم ذهب إلى البيت وأوصى زوجته ان تطلقه ليحضره بعد ذلك

فأطلقت الزوجة الكلب لكنهم لم يروه بعد ذلك
عرف التجار أنهم تعرضوا للنصب مرة أخرى فانطلقوا إلى بيت المحتال
ودخلوا عنوة فلــم يجــدوا سوى زوجته

فجلسوا ينتظرونه ولما جاء نظر إليهم ثم إلى زوجته

وقال لها:لمـاذا لم تقومي بواجبـات الضيافة لهـؤلاء الأكـارم؟؟

فقالت الزوجة : إنهم ضيوفك فقم بواجبهم أنت
فتظاهر الرجل بالغضب الشديد وأخــرج من جيبه سكينا مزيفا من
ذلك النوع الذي يدخل فيه النصل بالمقبض وطعنها في الصدر حيث كان
هناك بالونا مليئا بالصبغة الحمراء فتظاهرت بالموت

صار الرجال يلومونه على هذا التهور

فقال لهم :لا تقلقوا ... فقد قتلتها أكثر من مرة وأستطيع أعادتها للحياة

وفورا اخرج مزمارا من جيبه وبدأ يعزف

فقامت الزوجة على الفور أكثر حيوية ونشاطا
وانطلقت لتصنع القهوة للرجال المندهشين

نسى الرجال لماذا جاءوا ، وصاروا يفاوضونه على المزمار حتى اشتروه بمبلغ كبير

وعاد الذي فاز به وطعن زوجته وصار يعزف فوقها ساعات فلم تصحو

وفي الصباح سأله التجار عما حصل معه فخاف ان يقول لهم انه
قتل زوجته فادعى ان المزمار يعمل وانه تمكن من إعادة إحياء زوجته
فاستعاره التجار منه .... وقتل كل منهم زوجته

بالتالي ...طفح الكيل مع التجار



فذهبوا إلى بيته ووضعوه في كيس وأخذوه ليلقوه بالبحر

ساروا حتى تعبوا فجلسوا للـــراحة فنــاموا

صار المحتال يصرخ من داخل الكيس
فجاءه راعي غنم وسأله عن سبب وجوده داخل كيس وهؤلاء نيام

فقال له بأنهم يريدون تزويجه من بنت كبير التجار في الإمارة

لكنه يعشق ابنة عمه ولا يريد بنت الرجل الثري

طبعا ... أقتنع صاحبنا الراعي بالحلول مكانه في الكيس طمعا بالزواج من ابنه تاجر التجار

فدخل مكانه بينما اخذ المحتال أغنامه وعاد للمدينة

ولما نهض التجار ذهبوا والقوا الكيس بالبحر وعادوا للمدينة مرتاحين

لكنهم وجدوا المحتال أمامهم ومعه ثلاث مئة رأس من الغنم
فسألوه فأخبرهم بأنهم لما القوه بالبحر خرجت حورية وتلقته وأعطته ذهبا وغنما وأوصلته للشاطيء

أخبرته بأنهم لو رموه بمكان ابعد عن الشاطيء لأنقذته اختها الأكثر ثراء

والتي كانت ستنقذه وتعطيه آلاف الرؤوس من الغنم

وهي تفعل ذلك مع الجميع ...

كان المحتال يحدثهم وأهل المدينة يستمعون فانطلق الجميع إلى البحر والقوا بأنفسهم فيه

(عليهم العوض)

صارت المدينة بأكملها ملكا للمحتال ...


الممثلون

المحتال = شركة الاتصالات

زوجة المحتال = موظفينها

أهل المدينة = عملائها
Post: #2688
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-04-2010, 08:56 AM
Parent: #2686

بسم الله الرحمن الرحيم
سلام أيها الناس
هاكم الكوبي بيست دا
Quote: صباحات الجمال على الحلوين ...

اين الناس الحلوه ... !!!

ناس الافتتاحيات والتفاؤل والروح الجميلة

واين ..

اين ...

ناس الكوبى آند بيست ..؟!

mam.gif Hosting at Sudaneseonline.com


التوقيع
final_1.jpg Hosting at Sudaneseonline.com
Post: #2689
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-04-2010, 09:49 AM
Parent: #2688

Quote: التوقيع



حدد مكانك بالظبط ايها المطلوب للعدالة ...

فى أى مكان ..؟؟

صحراء كان او بستان ...

فى تورا بورا او ام درمان ...

وخلى بالك اليومين ديل كل قوى الاستكبار متربصة بمطلوبيها ...

واوكامبو ذاتو جرررررر الســــبحة ...!!
Post: #2690
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-04-2010, 10:37 AM
Parent: #2689

صباح الخير،،، يا وجوه الخير،،،

أصبحنا وأصبح الملك لله،،، وحده

نسمات صباحية:

اللهم أعني على

ذكرك
وشكرك
وحسن عبادتك
Post: #2691
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-04-2010, 10:48 AM
Parent: #2690

ضعف المداخلات هذه الأيام

يعود إلى إنشغال الناس بمشاغل الحياة

وإمتحانات الأبناء ،،،،

ليدعم التواصل من يجد لديه الوقت

وغداً نعود ،،، ويعود الجميع
Post: #2692
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-04-2010, 10:56 AM
Parent: #2691

Quote: ضعف المداخلات هذه الأيام

يعود إلى إنشغال الناس بمشاغل الحياة

والله ياريس بس نسأل الله الستر لكن انا واحد من الناس الغربة دي جننتني عديل كدة
عاوزين لينا اجازة ياخ ... الظاهر دا من الكاروشة الطلقا فينا منصور
حالتوا دي الزول ده مشا كم يوم بس
انت عارف منصور ده لو مشا اجازة زي شهر كدة ... الا يشيل معاهو دفتر "استاذ" بدل ورقة فلسكابو دي

Quote: وإمتحانات الأبناء ،،،،

نسأل الله ربنا يوفقهم وينجحهم
جننونا ياخ

تحياتي ياريس ونتمنى عودة الجميع
Post: #2693
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 02-04-2010, 11:33 AM
Parent: #2692

يا جماعة الخير ...
انتو اخبار حاتم جبارة شنو ...

مش الدونميكان جارة هايتي ...

اظهر ياحاتم وطمنا على اخبارك ....
Post: #2694
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-04-2010, 12:21 PM
Parent: #2693

وصلتني رسالة من الأخ تبيدي علي الإيميل تبشر ببداية لمة ناس الزقازيق بقطر ... وقبلها سعدت بمخاطبة الحضور في العشاء الفاخر علي طريقة السيد لتجمعات الختمية قبل عودته للسودان ... وعرفت من الأخوة أن اللمة كانت في غاية الروعة وإليكم أسماء وعناوين ناس قطر

439.JPG Hosting at Sudaneseonline.com
Post: #2695
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-04-2010, 12:33 PM
Parent: #2694

440.JPG Hosting at Sudaneseonline.com
Post: #2696
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-04-2010, 12:40 PM
Parent: #2695

448.JPG Hosting at Sudaneseonline.com
Post: #2697
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-04-2010, 09:48 PM
Parent: #2696

أتعرفون من هو همتارو

أغنية المقدمة لمسلسل الأطفال همتارو و الساعة قد تجاوزت الثانية عشر ليلا...

الأولاد مساهرين مستغلين أنشغالي بالبوست و المنبر..

فطنت فجأة لأمرين...

ان الوقت قد تأخر و أنا مرهق جدا بعد يوم طويل و سفر مرهق..

و الثاني أن البوست قد هبط الى الصفحة الثانية...

قررت أن أرفع البوست الى الصفحة الأولى حتى و لو امتد الوقت لعشرة دقائق اخرى...

أمنية و مهند سعيدين بذلك..

ليس لرفعي البوست...

و لكن للعشرة دقائق التي تضمن لهم حضور مسلسل همتارو كاملا...

و جزء من مسلسل هزيم الرعد...

مهند يتقافذ هنا و هناك مع أغنية المقدمة للمسلسل و كأنها الساعة الثامنة مساءا...

و لأني قد فرغت من مهمتي برفع البوست...

فقررت أن أجعله يتململ في فراشة ساخطا علي...

فهو لن يكمل المسلسل...

و أنا لن أواصل مسلسل سهري...

تصبحوا على خير..
Post: #2698
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-05-2010, 11:34 AM
Parent: #2697

جمعة مباركة على الجميع ...
نسأل الله أن يتقبل الطاعات ويحقق الامنيات
أنه كريم مجيب الدعوات
Post: #2699
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-05-2010, 01:14 PM
Parent: #2698

جمعتكم مباركة

أبوظبي تغتسل صبيحة الجمعة بأمطار الخير و البركة...

و الشمس أشرقت لتجد حجابا من السحب الركامية كما يقول خبراء الارصاد في نشرات تلفزيون السودان...

لذلك فاليوم الجمعة يوم جميل هنا في أبوظبي...

صلينا الجمعة و نسأل الله القبول...

و كلمنا الحجاج في التلفون...كلمت الحاجة أولا على تلفونها..قال ثم من قال أمك..

و عندما أعطت التلفون للوالد...قال لي...

تلفون أمك ده كعب...اضرب لي في تلفوني...

فعرفت أهمية أن يكون لكل واحد فيهم تلفونه الخاص..

و قلت يا حليل أيام التلفون أبو منفلة..

ثم اتغدينا و ملينا الكرش...

و قلنا نجي نسلم عليكم...و نمشي ننبرش...

أنا علي الكتابة و التشكيل عليكم...ممكن تستعينوا بمنصور...
و قلت أبلد ليكم الكلام كمان...أبلد من BOLD
Post: #2700
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-05-2010, 06:29 PM
Parent: #2699

سلامات يا ناس

Quote: قررت أن أرفع البوست الى الصفحة الأولى حتى و لو امتد الوقت لعشرة دقائق اخرى...
Post: #2701
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 02-05-2010, 09:06 PM
Parent: #2700

سلامي وأشواقي للجميع
والإعتذار عن الغياب في تلك الفترة
ولكن
الغريب عن وطنه مهما طال غيابه
مصيره يرجع تاني لي أهله وصحابه
والتحية لتجمع الزقازيقاب بقطر
ولتلك الأسماء العزيزة علينا
ودعوني أخص الأخوان طارق عوض الكريم بالسلام
لأني أفتقده منذ العام 1989م
وأحيي الأخ الصادق عبدالله على إتصاله
وجميعكم لكم في اقلوب مساحة
لنا عودة
Post: #2702
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 02-05-2010, 09:07 PM
Parent: #2700

سلامي وأشواقي للجميع
والإعتذار عن الغياب في تلك الفترة
ولكن
الغريب عن وطنه مهما طال غيابه
مصيره يرجع تاني لي أهله وصحابه
والتحية لتجمع الزقازيقاب بقطر
ولتلك الأسماء العزيزة علينا
ودعوني أخص الأخوان طارق عوض الكريم بالسلام
لأني أفتقده منذ العام 1989م
وأحيي الأخ الصادق عبدالله على إتصاله
وجميعكم لكم في اقلوب مساحة
لنا عودة
Post: #2703
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 02-05-2010, 10:39 PM
Parent: #2702

مفاجأة
شخصيات وعائلات زقازيقة ،،،،،،،، من الزمن الجميل،،،(توجد صور)
Post: #2704
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-06-2010, 07:20 AM
Parent: #2703

صباح الخير،،، يا وجوه الخير،،،

أصبحنا وأصبح الملك لله ،،،وحده

نسمات صباحية:


اللهم إنك عفوُُ
كريم
رحيم
تُحب العفو
فأعفُ عني وعن أهل بيتي
وعن أهلي ناس الزقازيق
جميعاً.
Post: #2705
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-06-2010, 08:45 AM
Parent: #2704

اليوم نكمل ليكم كارثة كمال الشادي

خلال العام الدراسي 83/84

يوجد توثيق ،،،،

عند بوست الريس معتصم

شخصيات وعائلات زقازيقية من الزمن الجميل
Post: #2706
Title: Re: ناس الزقازيق ... أجدع ناس ( 3 ) ..
Author: عادل نجيلة
Date: 02-06-2010, 09:13 AM
Parent: #2705



و هل علمتم بكارثة كاتب البوست المتذهب الصفري ..

شاتم النساء و الأسر .. وحقيقة لدي سئوال .. ماهو نوع القانون الذي يدرس في جامعة الزقازيق !! حقيقة هذا يجعلني أطعن في أهليته ..

مع تحياتي لكم ولذكرياتكم الدراسية .. بالمناسبة أنا خال زميلكم ياسر نجيلة .. وحقيقة كلنا في غضب شديد لما فعله عصام دهب بشتمه لإبنة إختى السيدة أماني بشير العجب ووصفها بكلمات نابية .. وحينما حاولت الدفاع عنها كال لي السباب إيضآ ولأسرتنا و التي لم يصبها سباب من قبل .. عشنا في هذه الدنيا محترمين و هكذا عاش أباءنا و أجدادنا وسنعيش كذلك ألى أن يمتنا الله .. لكن أمثال عصام ذهب سيكونون عبرة لمن لا يعتبر .. سنتابع إجراءاتنا ضد عصام دهب الصفري و لن نتركه ولو تبقت لهذه الدنيا ساعة ..
و معذرة لو أصبتكم و أقتحمت عليكم ذكرياتكم و حنينكم لأيامكم في الزقازيق .. فلكم رزءنا لما فعله بعضكم عنا.
Post: #2707
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-06-2010, 10:35 AM
Parent: #2706

الخال العزيز عادل تحياتى واشواقى
اولا" ما تكون نسيتنى انا ود عم صاحبك وجارك نصرالدين عثمان والمرحوم فتحى
وياما جيت قعدت معاكم فى الكراسى قدام البيت سواء مع ياسر او جيت بسأل عنو
اذا جاء من سنجة ولا لسه
تعرفت على اسرتكم الموقرة فردا" فردا" حبوبة زهرة والخالة اسماء وابتسام واميمة
وقبلهم زمالتى مع عمر اخوك بمدرسة المقرن الثانوية مرورا" بالاخ امجد نجيلة
وانا لى عظيم الشرف بان احسب نفسى احدا" منكم

حقيقة قرأت وتابعت كل البوستات المعنية بالامر السابق ، ولا اريد الان الخوض فى
تفاصيلها ،،
ولكن ما يهمنى الان بما انك خال كل الزقازيقاب وامانى اختنا وما يمسها يمسنا
وكذلك الاخ والصديق عصام دهب نحن عاشرناهو عن قرب وهو ولدنا وحبيبنا

دعنى انتهز هذه الفرصة لتكن محضر خير بينكم وادعو كل زملائى فى المنبر ليدعموا
تلك الفكرة من غير الخوض فى التفاصيل حتى لا نرجع لمربع الصفر

ولك منى غالى الاشواق
Post: #2708
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-06-2010, 11:01 AM
Parent: #2707

Quote: مع تحياتي لكم ولذكرياتكم الدراسية .. بالمناسبة أنا خال زميلكم ياسر نجيلة .. وحقيقة كلنا في غضب شديد لما فعله عصام دهب بشتمه لإبنة إختى السيدة أماني بشير العجب ووصفها بكلمات نابية .. وحينما حاولت الدفاع عنها كال لي السباب إيضآ ولأسرتنا و التي لم يصبها سباب من قبل .. عشنا في هذه الدنيا محترمين و هكذا عاش أباءنا و أجدادنا وسنعيش كذلك ألى أن يمتنا الله .. لكن أمثال عصام ذهب سيكونون عبرة لمن لا يعتبر .. سنتابع إجراءاتنا ضد عصام دهب الصفري و لن نتركه ولو تبقت لهذه الدنيا ساعة ..
و معذرة لو أصبتكم و أقتحمت عليكم ذكرياتكم و حنينكم لأيامكم في الزقازيق .. فلكم رزءنا لما فعله بعضكم عنا.


الخال عادل نجيلة لك التحية والود طالما انت خالد اخ و شقيق وزميل عزيز

علينا وهو اخي ياسر نجيلة لذا انت خالنا جميعاو لم نعرف عن الاخ ياسر و

اسرته الكريمة إلا الخير والطيبة والعلم و السمو لذا و كما قال اخي عبدالدائم

نامل منك و من اخينا العزيز و هو صاحب فكرة هذا التلاقي لاخوتي خريجي الزقازيق

أمل و بل اترجاكما انت و اخي عصام دهب ان يكون ما دار بينكم هي سحابة صيف و ان

تقبلونا واسطة خير بينكما و دعونا نسحب هذا السجال من البوسات و ندخل في مناقشة و

اتصال مباشرة و هذا هاتفي يا خال 002499560026152 امل ان ترسل لنا رقم اتصالك حتى

نتواصل معك و كذلك سوف نقوم بالاتصال باخي عصام دهب .

فهذه دعوة منا اهل الزقازيق امل ان تتقبالاها ؟ و نحن في الانتظار .
Post: #2709
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-06-2010, 11:26 AM
Parent: #2708

التحية للاخ الاستاذ عادل نجيلة
والتحية لعبدالدائم وموسى عيسى
ومن ناحيتي اضم صوتي لصوتيهما واتمنى اولا ان نسحب الامر من البوستات وتتوقف الاتهامات والاتهامات المضادة والتراشق بالالفاظ حتى تتهيأ ارضية مناسبة لنتدخل ونحل الخلاف القائم دون الرجوع للاسباب والمسببات التى سوف تعيدنا للمربع الاول كما قال عبدالدائم.
قبولكم استاذ عادل وساطنا في الموضوع هي الضو الاخضر الذي ننتظره، اما عصام دهب فهو كما قال موسى "وهو من سعى لجمعنا هنا" لذلك كلامنا امر له وهو لن يتقاعس عن التنفيذ فعصام الذي عرفت لمايقارب العشرون عام لن يرفض لزقازيقي كائنا من كان امرا البتة...


لكم ودي جميعاً
Post: #2710
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-06-2010, 11:45 AM
Parent: #2707

الأخ عادل نجيلة لك منا كل التحية

ومرحب بيك ضيف عزيز على موقع ناس الزقازيق

ما يدور هناك بالبوست العام نحن نتابع كل ما يكتب

بإهتمام كامل وفيما يخص صديقنا العزيز عصام دهب

تابعنا كل الشتائم والإتهامات الوارده في حقة وخاصة بوست المدعو

هشام هباني وآخرين ،،، وكذلك الشتائم المضادة التي قام بها زميلنا

والذي نعرفه معرفة لصيقة منذ أن كان يافعاً وهو ليس بالسوء الذي قد يراهو البعض .

لا نحب أن ندخل في التفاصيل لأن هذا الموقع يبعد كثيراً عن

اي عمل سياسي ولا نخوض فيهو حتى لا ينجرف الغرض من هذا البوست

الإجتماعي .

لقد أحجمنا عن الدخول هناك لإختلاف وجهات النظر ، ولكن نتبنى دعوة

أخونا عبدالدائم لإصلاح ذات البين ولتكن أخي نجيلة حمامة سلام ونزيل هذا

الجليد الذي بدأ يكبر وهناك سوء فهم كبير جداً مما يحدث ولنبدأ معاً ونطلب مساندة

زميلنا وصديقنا ياسر نجيلة لردم الهوة الكبيرة ،،،

ولنا عودة معكم إنشاء الله .

ومرة أخرى مرحب بيك صديقاً عزيزاً وضيفاً كريماً ونتمنى زيارتك لنا دوماً

ونقول ليك البيت بيتك ولك ولأسرتكم الكريمة كل تقدير وإحترام.
Post: #2711
Title: Re: ناس الزقازيق ... أجدع ناس ( 3 ) ..
Author: عادل نجيلة
Date: 02-06-2010, 11:56 AM
Parent: #2707

Quote: الخال العزيز عادل تحياتى واشواقى
اولا" ما تكون نسيتنى انا ود عم صاحبك وجارك نصرالدين عثمان والمرحوم فتحى
وياما جيت قعدت معاكم فى الكراسى قدام البيت سواء مع ياسر او جيت بسأل عنو
اذا جاء من سنجة ولا لسه
تعرفت على اسرتكم الموقرة فردا" فردا" حبوبة زهرة والخالة اسماء وابتسام واميمة
وقبلهم زمالتى مع عمر اخوك بمدرسة المقرن الثانوية مرورا" بالاخ امجد نجيلة
وانا لى عظيم الشرف بان احسب نفسى احدا" منكم



الزمان: عام 1986
المكان : في الإمتداد الخرطوم مربع 2..

عشرون يومآ هي منذ أن أصابتني حمى التايفويد و أنا حبيس منزلي بعدإجازة قهرية أملاها علي طبيب البنك و مستشاره الصحي الدكتور يحيى جمال أبوسيف..
كان العزيز الدكتور ياسر نجيلة ـ هكذا كنا نسميه منذ نعومة أظافره ـ قد عاد لتوه من إجازته السنوية الأولى من مصر .. فجائني وقال لي : يا خال تعال لتجلس معنا فلدي ضيف زميلي سيهر الليل معنا .. كان المساء حنينآ و جميلا ..
والنجوم لامعات في السماء ذلك الليل .. إمتلأ فضاء الميدان الذي يقاصدنا بمياه ليلة خريفية صيفية .. وأستجبت للنداء وأحضرت كرسيآ و جلست معهم .. كان الضيف هو عبدالدائم سيد أحمد .. و كانت ليلة محضورة غنى فيها لإبراهيم عوض (يا خائن).. من كلمات الشاعر الطاهر إبراهيم .. و توالت الأغاني حتى(مين قساك مين قسى قلبي) .
عبدالدائم هل تظنني أنساك ..! فمازلت أبحث عنك في القطارات و الطائرات و السفن ...! كم كانت المواني عتيقة .. وكم كان الزمان ظلوما ... يا خائن..
تحياتي لك العزيز جدآ عبدالدائم ولكم أفتقدك فأنت فعلآ مني و لي ..
أما الراحل المقيم فتحي فله جنات تجري من تحتها الأنهار .. كم أوحشنا فلقد رحل عصر ذلك الخميس و لم يقل حتى وداعآ للرحيل .. أما نصرالدين فهو أخي و شقيقي وادعته و تركته وهو يستبين حيرته يومها ما بين بنك الإعتماد الذي أغلق ساعتئذ و البنك الإسلامي السوداني ...!! ودعني أقول لك إين أنت يا خائن !
أما عصام دهب فلي معه حكايات ربما لن تنتهي قريبآ..!
Post: #2712
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-06-2010, 12:57 PM
Parent: #2711

ماشاء الله على الذاكرة يا خال

تصدق انا الاغنية دى بحس انى بأديها احسن من زيدان زاتووو ،،، ههه


انا فى جده رقمى 00966504609597
e.m : [email protected]

نصرالدين الان مدير البنك الاسلامى السودانى فرع شارع القصر
بقى جــــد ولديه حفيدة اسمها مـلك من ابنته ريهام
ولـينا الان على مشارف الزواج
رحل من الامتداد ويسكن المعمورة الان

العيال كبرت يا باشا ،،،،،،
Post: #2713
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-06-2010, 05:24 PM
Parent: #2712

وصلتني هذه الرسالة عبر ايميلي من الأخت العزيزة و الصديقة سناء الصباغ...ثم تحادثنا طويلا بعدها عبر الهاتف...الحديث الى سناء لا يمل و لكنه مكلف....

Quote: العزيز الرشيد
الشوق مطر
نسبة لأني فقدت كل أرقامكم حاولت الأتصال بك على الرقم الموجود في البروفايل
لكن ما طلع معاي اتذكرت البنات زمان في الحفلات الواحدة لو في زول شاغلها
تتماشى معاه وتقضي وقتها وفي نهاية الحفلة تديه رقم تليفون ما موجود اضافة للاسم الوهمي الأدته ليه في بداية الحفلة يعني البت تفتيحة وكدا
والله مشتاقة ليكم جدا بس المجيستيراه مع الكبر جايبين لي هواء شديد
مرة مرة بعمل بريك وبتاوق في البوست والله آخر حلاوة ومرات تجيني رغبة اتداخل مع بعض الناس لكن اكتشفت انو الباسويرد بتاعي ما
شغال ما عارفة الموضوع دا بتحلا كيف غايتو لو عندكم طريقة تحاولوه لي علي بال ما أكون خلصت البحث يكون تمام المفروض اسلم
نهاية شهر اتنين وبعدها بكون فاضية لذاك الحين أرجو تبليغ سلامي لكل الجدعان والجدعات وتحايا خاصة للبت ناني وأمنية ومهند


تقبلوا تحيات عمر والعيال
سناء
Post: #2714
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-06-2010, 10:05 PM
Parent: #2713

سلامات يا ناس

Quote: التحية للاخ الاستاذ عادل نجيلة
والتحية لعبدالدائم وموسى عيسى
ومن ناحيتي اضم صوتي لصوتيهما واتمنى اولا ان نسحب الامر من البوستات وتتوقف الاتهامات والاتهامات المضادة والتراشق بالالفاظ حتى تتهيأ ارضية مناسبة لنتدخل ونحل الخلاف القائم دون الرجوع للاسباب والمسببات التى سوف تعيدنا للمربع الاول كما قال عبدالدائم.
قبولكم استاذ عادل وساطنا في الموضوع هي الضو الاخضر الذي ننتظره، اما عصام دهب فهو كما قال موسى "وهو من سعى لجمعنا هنا" لذلك كلامنا امر له وهو لن يتقاعس عن التنفيذ فعصام الذي عرفت لمايقارب العشرون عام لن يرفض لزقازيقي كائنا من كان امرا البتة...


لكم ودي جميعاً


ويبقى الود.
Post: #2715
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-07-2010, 07:30 AM
Parent: #2714

صباح الخير ،،، يا وجوه الخير،،،

أصبحنا واصبح الملك لله،،،وحده

نسمات صباحية:

اللهم أغفر لي ذنبي

ووسع لي في داري

وبارك لي في رزقي
Post: #2716
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 07:40 AM
Parent: #2715

يا سناء انت اقرى وانجحى الباسورد ملحوووق

وهو زاتو كان حيعطلك من القراية وتجى تقولى لينا كلو منكم ،، كلو منكم

وذاكرى فى المكتبة ويوم شم النسيم اوعك تطلعى من البيت ،،،، كويس ،،، هههه


وما تنسى تعزمينا حفلة التخريج اذا على الكورال مافى مشكلة
Post: #2717
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 07:58 AM
Parent: #2716

السلام عليكم يا ناس
و الله من قبيل مستني فيكم زول
عشان الكوبي بيست
لكن شبه فضيت ليكم
Quote: صباح الخير ،،، يا وجوه الخير،،،

أصبحنا واصبح الملك لله،،،وحده

نسمات صباحية:

اللهم أغفر لي ذنبي

ووسع لي في داري

وبارك لي في رزقي
Post: #2718
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 08:06 AM
Parent: #2717

يا جلا ما تنتظر زوول
البوست بقى مسيخ تعمل كوبى بيست تقلب هوبة
زول شغال بيك مافى


شوت بس
Post: #2719
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 08:20 AM
Parent: #2718

Quote: يا جلا ما تنتظر زوول
البوست بقى مسيخ تعمل كوبى بيست تقلب هوبة
زول شغال بيك مافى


شوت بس

يا عبد الدايم
أي زول يقول ليك مشتاقين
أعرفو قاعد يكضب
أي زول يقول ليك مشغول بإمتحانات الأولاد
برضو كضاب
أي زول يقول ليك الجو العام بتاع البوست ما مشجع
أعرفو برضو قاعد يكضب
أما الزول يقول ليك متابع و مستمتع
دا زول غرقان في الكضب لي شوشتو ...زي طارق جبريل كدا
زول يقول ليك الكفيل زانقني
الزول دا قاعد يقول الحقيقة

المشكلة أنا بت الشيخ زنقاني
من يوم الخميس و الجمعة و السبت
بالله التقول عندي ملاريا
فانسدار ..ثلاثة حبات في الأسبوع
جيتكم يا جماعة.....
و سناء الصباغ دي أدوها باسويرد
عشان ما تقول متابعة و مستمتعة
وبعدين تتلما مع الناس الغرقانة في الكضب

في زول قال لي شوت ضفاري دا منو؟؟؟
يكون محمد عيد؟؟؟
Post: #2720
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 09:07 AM
Parent: #2719

Quote: المشكلة أنا بت الشيخ زنقاني
من يوم الخميس و الجمعة و السبت
بالله التقول عندي ملاريا
فانسدار ..ثلاثة حبات في الأسبوع
جيتكم يا جماعة.....



هو انت كنت وين و جاي خاشي توش بدون مقدمات قوم لف انت

اول حاجة اكشح لينا فاتحتنابعدين اتشالق !



تاني يا صحبي انت الفيك معروفة يعني ما جبت جديد في الموضوع

أعلاه بس شوت والله انا خايف الشوت نفسه لحق امات طه ؟
Post: #2721
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-07-2010, 09:27 AM
Parent: #2719

صبحكم الله بالخير...

يا جلا عندي واحد صاحبي أردني مرة قال لي والله ولعت النار و جبت الزعترات و الخبزات و كنت عايز أتصل عليك لكن خفت تكون مشغول...قلت ليهو والله أنت أردني مضروب ما بدوي حقيقي...يا أخي اتصل بي و أعزمني و بعدين خليني أنا أقول ليك مشغول....
فأنا افتقدتك بشدة و كنت عايز أتصل بيك لكن خفت تكون مشغول...عايز تحسبني مع الكضابين ..مع الدجالين انت حر...انما الأعمال بالنيات...
اذا كانت ملاريا كفارة و سلامتك ياخي و كل الناس كرامتك...
انت كمان هين ولا مقطوع لين..
و كان كمان زرتك بت الشيخ...ربنا يفك أسرك...

مشتاقين يا رجل...بس أمشي أفطر و تعال..
Post: #2722
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 09:41 AM
Parent: #2721

Quote:
اذا كانت ملاريا كفارة و سلامتك ياخي و كل الناس كرامتك...
انت كمان هين ولا مقطوع لين..
و كان كمان زرتك بت الشيخ...ربنا يفك أسرك...


يا الرشيد الفيك اتعرفت ! و الزول دازمان كان مصاحبني؟ لكن

ليك امان الله باعني في سوق الله اكبر زي ما باع صحبي ابو شنب ؟

ثانيا انت زاتك ما قلت لينا مبروك للبرسا اللاعب ناقص من نصف

الشوط الاول بطرد بيكي و فاز يعني انت ذاتك ما كشحت لينا

فاتحتنا ؟ بس علشان خاطر بنتنا امنية نحن بنسامحك بس خلي بالك

الولد جلا دا يمشى يصدقك و يقع بعدين تكون انت السبب
Post: #2723
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-07-2010, 10:04 AM
Parent: #2722

موسى عيسى قبل ما أمشي أصلي الظهر...أقول ليك البرسا أنا من ما مشى رونالدينو كجتنهم..حسه بقيت أشجع الريال عشان كاكا...قبل رونالدينو كنت بشجع البرسا عشان روماريو...
بيكي ده شايل ساطورو و حايم خوف الأولاد الصغار ديل...عجبتني جنس عجب طردتو...كان يطردو ماركيز يدري شوية كمان عشان خيتافي المسكين ده يتعادل ويطلع ليهو بي نقطه...

بجيك صاد أبقى قريب...
Post: #2724
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 10:17 AM
Parent: #2723

Quote: أما الزول يقول ليك متابع و مستمتع
دا زول غرقان في الكضب لي شوشتو ...زي طارق جبريل كدا

يا جلا الله لا كسبك
Post: #2725
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 10:23 AM
Parent: #2724

عادل نجيلة ازيك ياخي
انا من زمان داير ليك فيك فرصة
طبعا اكيد ما اتذكرتني مع اني ود حلتكم عديييييييل
وحكاية تتذكر عبد الدايم وتنساني دي واجعاني في قلبي
عشان اذكرك:
انا اخو متكل جبريل رحمه الله
ولطفي جبريل
ديل ممكن يكونوا دفعتكم
بس الكبار:
ابراهيم جبريل
وطلحة جبريل
ما عارف لو عاصرتهم في الامتداد ولا لا
بيتنا واضح جدا فاتح في ميدان المعلمين والوحدة ودايما كان جنبو قندران بتاع الحاج

ياخي عليك الله اقبل كلام الاخوان الفوق دة
والله عصام دة من الطف خلق الله في الكون
وعليكم الله سدوا الموضوع علي كدة
Post: #2726
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 10:39 AM
Parent: #2725

يا طارق برضو حكاية تقارن نفسك بالنضيف دى ما واردة
انا الامتداد دى مقددها حته حته ومحطة سبعة تشهد

واما فاطمة عبدالرحيم والاخلاص ديل خليهم ساكت

انت حدك مدرسة المرضى وضفرك يتقلع فى ميدان الوحدة
تربطو بدلقان وتقعد جمب القندران

وكان بالغت تشرب بيبسى من دكان رمضان ،،،،،
Post: #2727
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 10:42 AM
Parent: #2726

Quote: انت حدك مدرسة المرضى وضفرك يتقلع فى ميدان الوحدة
تربطو بدلقان وتقعد جمب القندران

وكان بالغت تشرب بيبسى من دكان رمضان ،،،،،


ما تخليني افتو واقوليك انا سويت شنو في الصحافات ديك
يا كمال الشادي الزول دة ما تكلمه ياخ
Post: #2728
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 10:48 AM
Parent: #2727

Quote: ما تخليني افتو واقوليك انا سويت شنو في الصحافات ديك
يا كمال الشادي الزول دة ما تكلمه ياخ


الله والرسول يا طارق جبريل كانت تفتو لينا قرض تخلي الما بشتري

يتفرج اصلو انا ذاتي عندي لي حتة شمار كده عايز امرقو في الصحافة

دي ما لاقي ليه محل طالما ما جابت ليه شراب ببسي في الدكاكين و الله

نحن ما خلينا دكان في الصحافة زلط دي ما اخدنا راحتنا فيه والعجب

دكان ...........و لا اخليك انت يا طارق تفت اول بعدين نحن في الصف؟

و الامتداد واقف في الرشيد و جبره صحبي جلا واقف صفين !!!!!
Post: #2729
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 10:50 AM
Parent: #2728

يا موسى كيفنك
ياخي كان فتيتو كمال الشادي دة ما بيريحني ياخ
دة لو ما حرش لي صعايدة
Post: #2730
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 10:54 AM
Parent: #2729

يا عمي طارق الشادي دا كان زمان؟ والله الان ناس عمرو

مجهجهنو و كمان بقي حنين الكلمة تودي و تجيبو انت

شوت بس ما عليك و عبدالدائم لو لقيت ليك فيه فرصة

ما تضيعها وكمان اسال الريس ميسرة حيقول ليك شوت؟
Post: #2731
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-07-2010, 11:07 AM
Parent: #2729

كمان جابت ليها صحافة
وبيبسى فى الدكاكين , وقعدة جنب القندرانات , وزلابية بى شاى لبن فى محطة سبعة
كان لى الأمتداد دى
نحن حافظينها ومقددينها من محطة سبعة لغاية السوق الشعبى
لا خلينا بقالة بابكير , ووصلناها لغاية دكان بشارة
كان جنى وجن يرسلونى لى مغلق عباس
مدرسة فاطنة عبد الرحيم والأخلاص انا ولا بعرفهم زاتو
ناس سلام حداشر والمعلمين والصحراء وفريق الأمتداد زاتو بى محمود صالح بتاعو
قاعدين نطقطقهم زى السلام عليكم
طارق جبريل بتاع فنلتكم !!!!
قال الأمتداد قال
انتو عارفين البنى خور جانقى منو
ما ناس الصحافة زاااااتهم
عشان هضرباتكم الزى دى
غايتو عادل نجيلة ما معاكم , ولا طلحة جبريل  
Post: #2732
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 11:11 AM
Parent: #2731

اها يا موسى عيسى
قبل ما نكتب حاجة جانا منصور ناطي ونفسه قايم
Post: #2733
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 11:11 AM
Parent: #2729

Quote: يا طارق برضو حكاية تقارن نفسك بالنضيف دى ما واردة
انا الامتداد دى مقددها حته حته ومحطة سبعة تشهد

واما فاطمة عبدالرحيم والاخلاص ديل خليهم ساكت

انت حدك مدرسة المرضى وضفرك يتقلع فى ميدان الوحدة
تربطو بدلقان وتقعد جمب القندران

الحمدلله أنا جاي من كسلا
حكاية النضافة دي جادعنها بعيد و ما متلصقين فيها
يمكن ولدي يقوم بيها..ودا يعتمد على بت الشيخ
يعني أنا و صاحبي موسى عيسى ما متخصصين في الحاجات دي
بعيد عنك يا النضيف و الحاجة المتأكد منها إنو الضفر لمن يتقلع
أول حاجة بكبو فيهو تراب ثم ينفخ و يجددو ليهو التراب مرة تانية
و التراب التاني دا لزوم نظافة الجرح
بعد داك أقرب دلقان مغطوس في التراب من الخريف الفات ثم ربطه
و بعد نهاية الكورة يكون الضفر قام
و أظن ليس هناك بيبسي يشربوهو جنب القندران
هناك سبيل مربوط بي شوال خيش و الكوز عبارة عن علبة صلصة كبيرة
تقطع ليك علبتين موية و النص التاني في الراس..يعني ميسي و كدا
قال الإمتداد قال......
Post: #2734
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 11:17 AM
Parent: #2733

Quote: أول حاجة بكبو فيهو تراب ثم ينفخ و يجددو ليهو التراب مرة تانية
و التراب التاني دا لزوم نظافة الجرح
بعد داك أقرب دلقان مغطوس في التراب من الخريف الفات ثم ربطه
و بعد نهاية الكورة يكون الضفر قام


و الله يا منصور ختفتها من خشمي ؟
Post: #2737
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 11:23 AM
Parent: #2734

Quote: و الله يا منصور ختفتها من خشمي ؟

يا جماعة في حاجة اسمها الحق الأدبي
منصور الجابو في مداخلتي دي شنو؟؟
يا محمد عيد و ينك؟؟؟
Post: #2739
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 11:34 AM
Parent: #2734

انت يا شقي الحال جيت من وين والله انا ما عارفها

مداخلتك لكن عجبني للمرقود ؟
Post: #2735
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 11:20 AM
Parent: #2733

عارف يا موسى لما نكون راكبين حافلة الصحافة
يجى واحد يقول للكمسارى عليك بعدين نزلنى الصحافة مركز سمير

بنعرفو انو زول جاى لــوتــرى

بختكم غايتو الميناء البرى العملوه جديد ده اداكم حرية الحركة
فى الصحافة من غير رقيب
Post: #2736
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-07-2010, 11:22 AM
Parent: #2733

Quote: تقطع ليك علبتين موية و النص التاني في الراس..يعني ميسي و كدا
قال الإمتداد قال......

يازول شكيت محنك على الله
من تجي داخل الحوش دا كترابتو تقوم
لكن تعال هنا الدخلك بين اولاد الامتداد والصحافة ديل شنو؟
ديل شفوت يازول اعمل حسابك والسوق الشعبي قريب اسه تلقا روحك في كسلا
Post: #2738
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 11:26 AM
Parent: #2736

يا جلال ياخي جلا دة ماله (((بيئة))) كدة
Post: #2740
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 11:41 AM
Parent: #2738

Quote: عارف يا موسى لما نكون راكبين حافلة الصحافة
يجى واحد يقول للكمسارى عليك بعدين نزلنى الصحافة مركز سمير

بنعرفو انو زول جاى لــوتــرى

بختكم غايتو الميناء البرى العملوه جديد ده اداكم حرية الحركة
فى الصحافة من غير رقيب


والله لو ما منصور خايفه يحرد و كمان كمال الشادي دا زول راقي

كنت طلعت الصور و الحكاوي بتاعت ناس زلط بس ليك يوم حنتلقى

في الرملة ا لدقاقة يا دودي و امشي بيك على الثاوث مول بتاع ناس محمد

عيد و افرجك؟ عليك امان الله كلامك الفوق دا خايفك تسحبوا و انشاء

اخونا خالد احمد محمد صالح يكون قريب و متابع البوست دا.
Post: #2741
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 11:53 AM
Parent: #2740

صور ... صور شنو

ما قلت ليكم لوترى

الصور لو فى منتزهـت المقرن نقول ماشى
لكن فى شارع الزلط ،، دى اول مرة اسمع بيها

كمان عامل فيها تفتيحه سايق معاك خالد
انشاء الله بعد البيبسى تكون ضربو الباسطة فى الصمدى


غايتو الليلة ما بخليلك الا تنزل الصور
Post: #2742
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-07-2010, 12:04 PM
Parent: #2740

أها يا جماعة أولاد الأحياء الشعبية ديل لسه قاعدين و لا الواحد يجي داخل مطمئن...
Post: #2743
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 12:07 PM
Parent: #2742

Quote: أها يا جماعة أولاد الأحياء الشعبية ديل لسه قاعدين و لا الواحد يجي داخل مطمئن...



عبد الدايم تعال حصل ناس اركويت الكانوا كوشة الجبل
Post: #2744
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 12:19 PM
Parent: #2743

هييييي يا ناس الاسر الســغيرة

يا طارق قالو فى ديامية رحلت من الديم وسكنت اركويت بعد مدة طويلة
قابلتها جارتها الديامية السابقة قالت ليها مالك ما بتعزينى
فى حبوبتى ،،،
قالت ليها يطرشنى ما سمعت ،، مالك ما ضربتى لى تلفون

الديامة حرقا الكلام
قالت ليها هووووى يا ناس ديم سلمان بعد كرشة وعرنون بقيتو الووو تلفون



هسه شوف جنس دا ،،،،
Post: #2745
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 12:35 PM
Parent: #2744

Quote: الديامة حرقا الكلام
قالت ليها هووووى يا ناس ديم سلمان بعد كرشة وعرنون بقيتو الووو تلفون
Post: #2746
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 12:38 PM
Parent: #2742

اها يا جماعة شكلة أولاد الصحافة مع ناس الإمتداد إنتهت ولا لسه ... غايتو أنا سمعت تحت تحت قالوا ناس الصحافة قاعدين يجكسوا من الإمتداد وناس الإمتداد يجكسوا من أركويت ... وناس أركويت من مدني (دي حلوه يا الرشيد .؟) وناس مدني من القضارف ... وناس القضارف من بورتسودان ,,, وناس كسلا من كل المناطق ... مع بعض الإستثناءات ... زي ناس رفاعة كده ... المهم ما علينا ورونا لمن الشكلة دي تنتهي عندنا صور عايزين ننزلها ....
Post: #2747
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 12:42 PM
Parent: #2746

ابو ابو الزوز اولاد الامتداد ما بشاكلوا اولاد الصحافة
لانه اولاد الامتداد قلوبهم كلها عند بنات الصحافة
Post: #2749
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 12:44 PM
Parent: #2747

كان كدي يا جبريلا ننزل صورنا ساكت ... وكت مافي شكلة
Post: #2751
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 12:48 PM
Parent: #2747

ايواا يا زهير نزل الصور

فكنا من ناس موسى عيسى ديل
Post: #2748
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 12:44 PM
Parent: #2746

Quote: يا جلال ياخي جلا دة ماله (((بيئة))) كدة

يا طارق جبريل قالو الإنسان إبن بيئته
طبعاً دي موسى عيسى مجليها
لأنو المعنى عميق شوية
Quote: أها يا جماعة أولاد الأحياء الشعبية ديل لسه قاعدين و لا الواحد يجي داخل مطمئن...

كاااااااااااااااااااااااااك
و تاني كاااااااااااااااااااااااااااااك
غايتو كنت داير أعمل زي موسى عيسى و جلال و أمرق
لكن لقيت أبو الزوز جا خاشي
و كمان لقيت الحاجة فيها كرشة و عرنون دفقوها في كوشة الجبل قلت كدي النقعد شوية
يكون ام غازي قربت تنجض
و طالما عبد الدايم قال الكرشة و العرنون
آن لأبي حذيفة أن يمد رجليه
ونقول نحن قاعدين ناكل باسطة و نشرب بيسبي زمان
يا جماعة الكمونية نجضت؟؟؟
البوست ريحتو بقت كمونية كمونية
عشان كدا يا النضيف أطلع لي لغادي شوية و أمشي على المنبر داك شوية
خلي منصور يجي بي جاي معانا
قالو البباري الجداد يمشي ...أنا ما شي علي وين يا ربي؟؟؟؟
Post: #2750
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 12:47 PM
Parent: #2748

Quote: قالو البباري الجداد يمشي ...أنا ما شي علي وين يا ربي؟؟؟؟



ماشي أركويت
Post: #2752
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 12:48 PM
Parent: #2750

ابو ازوز دفق صورك ساااكت خليك من كوشة الجبل دي












والله يا عبد الدائم من زمان كايس لي جمجرة في الرشيد وود الشادي
ريحتني في حناني ياخ
Post: #2753
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 12:54 PM
Parent: #2752

يا اب شنب فك اخر بس اعمل حسابك انت منطقطتك مهدده بالبراكين

والزالزل لكن نحن بعدين لو اتفكت فيك قنبلة ولا حاجة علي بال

ما تصل يكون مفعولها انتهى ..خليك قريب الصورة قربت تحمل ؟
Post: #2754
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 12:56 PM
Parent: #2752

020220102721.jpg Hosting at Sudaneseonline.com


في سماية أحمد ناصر عابدين كان الحضور تربوياً ....
في الصورة أعلاه عبد الرحمن توتي .... عابدين محمد زين
Post: #2755
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:00 PM
Parent: #2754

يا موسي انا من قبيل شكلة أولاد الإمتداد والصحافة دي مضحكاني ... وكمان معاهم أولاد أركويت ... تتخيل زي ديل زمان ندقهم نقلع حق فطورهم ... حتي أسأل جلا ...

020220102722.jpg Hosting at Sudaneseonline.com


أولاد تربية عبد الله جالية .... السمؤال عوض السيد ..... وقاسم حسين ..
شخصيات تظهر للمرة الأولي ....
Post: #2756
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 01:00 PM
Parent: #2754

و الله بالغت يا زهير بعد المشاهد و البروفات دي كلها؟

عموما الفيك اتعرفت و تحياتنا للزول الجميل والكساح

عبدالرحمن توتي و العزيز عابدين و مازلنا في الانتظار؟
Post: #2757
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:06 PM
Parent: #2756

020220102723.jpg Hosting at Sudaneseonline.com
Post: #2758
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 01:10 PM
Parent: #2757

يا سلام يا زهير الناس الحلوين ديل ظهروا من وين

بالله التحايا موصولة عبرك للسموؤل قاسم حسين اخو

محمود حسين تربية بالله بلغهم عنا السلام.


انت جلا دا ما قلت براك كان بتدقك و بشيك حقك ؟

الليلة لمتو معاك مالو ؟ لو ما قدرت عليه كلموا

ليه اللورد ؟
Post: #2760
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:14 PM
Parent: #2758

020220102724.jpg Hosting at Sudaneseonline.com



يا موسي عيسي تتخيل إنه جلا البقلع قروشي انا ... لو جا لناس للجماعة ديل يعمل ليهم شنو؟ ...
Post: #2759
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-07-2010, 01:13 PM
Parent: #2757

لو قالو لي جيب ولى امرك
طوالى بجيب معاى قاسم حسين



طيب لو ده قاسم ياربى النور محمد احمد بكون بقى قدر شنو ،،،،
Post: #2762
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:16 PM
Parent: #2759

020220102726.jpg Hosting at Sudaneseonline.com
Post: #2767
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-07-2010, 01:28 PM
Parent: #2759



بعد اشكلة و اى شكلة
الناس بتقعد وتستجم وتقعد تحكى الفلق معانا منو , والفلق معاهم منو
المفلوق منو ؟ والفالق منو
الوقع فى الخور منو ,
هاكم المقالة اللطيفة دى وسط صور زهير
نحن يا النضيف المتداد القدييييييمة دى عندنا فيها رأى
كمان جابت ناس الأسر السغيييرة
اركويت دى شفناها جنب جيل مرة بس
غير كده يطرشنا
وكمان يعمينا


هى
المقالة دى انا ما عملت ليها كوبى هسه
البيست مالو جلا
النعمل ليها كوبى تانى
نحن ورانا حاجة
Post: #2761
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-07-2010, 01:15 PM
Parent: #2756

ديدو و جبريلا معليش انشغلت و جيت لقيت كلامكم الما مفهوم ده قلت أمشي أجيب محمد المرتضى و أجي لزوم الترجمة و كده...

انتو قريتو وين...

أبو الزوز يا صديقي..مشتاقين ياخي...

كان في زول سألك من أولاد الأحياء الشعبية ديل سألك كلمني عشان أكلم محمد صديق...
Post: #2763
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:20 PM
Parent: #2761

يا رشا أولاد الخرطوم ديل في عرفنا حناكيش لو جو من أمبدة ... عشان كده ما تشيل هم ...

الشوق بلا ضفاف ...


020220102727.jpg Hosting at Sudaneseonline.com
Post: #2765
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 01:24 PM
Parent: #2761

Quote: يا موسي عيسي تتخيل إنه جلا البقلع قروشي انا ... لو جا لناس للجماعة ديل يعمل ليهم شنو؟ ..


انت زعلت ولا شنو يا دكتور ؟

و مسئول من الخير يا زهير وينو في الشباب ديل

قاسم حسين انا بقصد قاسم حسين ولد تربية كان

راجل بشوش وظريف بس يا زهير بكاي بكاء صاح ؟
Post: #2766
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 01:27 PM
Parent: #2761

Quote: يا موسي عيسي تتخيل إنه جلا البقلع قروشي انا ... لو جا لناس للجماعة ديل يعمل ليهم شنو؟ ...

قلع القروش فوقو فنيات
تقلع من زول أصغر منك
دي فتوة
تقلع من زول قدرك
دي فهلوة
تقلع من زول أكبر و أسمن منك
دي حنك
عشان كدا يا زهير الواحد يطرق حنكو كويس ثم يجيهم
لكن أقول ليك الناس ديل زاتم نضاف كدا و أشك إنو عندهم حاجة...
أظنهم ضربو السماية دي وانكشحو
اسمع جابو ليكم مرارة في صينية العشا دي
هس عبدالدايم يقول ليك نحن ناس الصحافة سمايتنا فطور
و المرارة قاعدين نجدعها في الكوشة
قلت يا طارق جبريل
أكون ماشي أركويت؟؟؟
Post: #2764
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 02-07-2010, 01:24 PM
Parent: #2752

ناسنا الحلوين الغالين...
الف الف تحية ومليون سلام ..مليون سلام مليون...

التحية لي الريس ميسرة... عبد الدائم وجلال وياسر ...والزناتي ...وعصام دهب..
ومعتصم ..ومحمد صديق وموسي عيسي ...وجلا ولي كل ناسنا الحلوين...

انا بالغت وشذت عديل في الانقطاع ...لكن متاكد سوف تجدوا لي العذر في نفوسكم الطيبة...

لكم الود والتحايا احبتي...وطبعا انا مازلت في السودان...

مرة اخري مليون سلام

عثمان الجيلي
Post: #2768
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:30 PM
Parent: #2764

بالغت يا موسي عيسي ..... السهم يشير إلي قاسم حسين ... بعدين سيرة البكا والبكايين دي حقوا ما نفتحها ولا شنو يا جماعة ...

759.jpg Hosting at Sudaneseonline.com
Post: #2769
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 01:34 PM
Parent: #2764

عثمان الجيلي
سلام
وبالغت لمن غلط
Quote: انا بالغت وشذت عديل في الانقطاع ...لكن متاكد سوف تجدوا لي العذر في نفوسكم الطيبة...

الحمد لله ما قلت متابع و مستمتع
أو جاييكم بي رواقة
أنا عن نفسي عاذرك لكن حا اتفنن
أما الناس ديلك كلو زول بي حقو
المهم سلامات ...أدينا تلفون
Post: #2770
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-07-2010, 01:41 PM
Parent: #2769

ود الجيلي الف حمدالله على السلامة و الله نحن

بلغنا ناس جنابو محمد صديق و اسامة ابتر

و عوض مفتاح كده بالله كلمهم قولهم انا جمعت

وقوفوا لينا اجراءات البلاغ دا

نكرر الترحاب و الحوش بقى محروس ؟

و يا زهير اه انا سكت خلاص ؟
Post: #2771
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 01:45 PM
Parent: #2770

Quote: راجل بشوش وظريف بس يا زهير بكاي بكاء صاح ؟


Quote: بالغت يا موسي عيسي ..... السهم يشير إلي قاسم حسين ... بعدين سيرة البكا والبكايين دي حقوا ما نفتحها ولا شنو يا جماعة ...


Quote: و يا زهير اه انا سكت خلاص ؟


يحول لجلا لإتخاذ الإجراءات اللازمة




يا عثمان الجيلي والله بالغت ...
Post: #2772
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-07-2010, 01:45 PM
Parent: #2770

Quote: و يا زهير اه انا سكت خلاص ؟

و أنا مشيت خلاص
الوردية النهارية إنتهت
بكرة يوم جديد و عنوان جديد
Post: #2776
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-07-2010, 02:44 PM
Parent: #2772

وأنا مبسوط خلاص كداب كضاب

ظهور ريحة من سناء الصباغ ، ظهور عثمان الجيلي

على الرغم من إني تواصلت معاهو أكثر من مره (بالدس)

معركة ناس أمبدة مع المرخيات ،،،

صور السماية وظهور ناس بقوا حبوبات

أنا مبسوط خلاص ،، البوست الليلة ريحتو كمونية ولا عرقي

ما عارف المهم،، كله تمام ،،

إنتو الليلة ناس وردية النهار ديل رايح ليهم قرش

إنشاء الله نشوفكم بكرة ،،، وأنحنا من دلوقتي بنقول ليكم

بعد 48 ساعة مسافرين للقاهرة وإسكندرية نتم عرس البنية

ونجيكم راجعين ،،،
Post: #2773
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 02-07-2010, 01:59 PM
Parent: #2770

تحــــياتى يا أجدع وأحــــــلى ناس

استأذن ملك التوثيق (الفلاش الساحــــــــر) ابو الزوز .

فى تنزيل مجموعة صور لناس اجدع ناس (فرع الدوحـــــــه)
ماشاء الله يا كمال الشادى الشركة القابضة

فروعــــــــــــــها حا تكون كتيرة بس انت ابدأ فى

]الشجــــــــــــرة مسألة الفروع دى ساهلة.

والى الصور وكل واحد يجتهد فى المعرفة لان الصور

وصلتنى من المدعو هكذا دون اسماء عبر الايميل
Post: #2774
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-07-2010, 02:05 PM
Parent: #2773

يا سمعة صغر الصور دي ياخ
فتلت البوست
Post: #2775
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 02-07-2010, 02:09 PM
Parent: #2774

قول لى ازاى يا طارق


مش قادر والله

يا محمد عيد الحقنا بكورس صغير

زى ما وصلتنى وكانت صغيرة وكتكوتة بس اول ما نزلتها وفتحت البوست لقيتها شحمت وكبرت ااى وكيف

ما عارف والله لو قلتو نسحبها نسحبها ومنتظر الشرح من الخبير الفتوغرافى محمد عيد

تحياتى كتيرة جدا يا جبريلا
Post: #2777
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-07-2010, 02:47 PM
Parent: #2775

760.jpg Hosting at Sudaneseonline.com

طيب ... نبتدي بي صور سماية ولدنا احمد بن ناصر بن عابدين
اطال الله عمره وجعله غرة عين لوالديه ومن ابناء الوطن المخلصين

ولانو حتى دودي بقى ماسح ناس دفعتي ديل هم:
وقوفاً من اليمين سمؤال عوض السيد/ محمد المصطفي خضر مالك/ ابوالقاسم حسين/ ناصر عابدين
جلوساً من اليمين: عبدالرحمن توتي "تجارة" يازهير مش تربية/ ناصر عابدين "تجارة بس جالية في تربية/ عبدالله جالية

اها يا الكوامر قصرنا معاكم
Post: #2778
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-07-2010, 02:53 PM
Parent: #2777

HZV47068.jpg Hosting at Sudaneseonline.com


تاني حاجة:
ولدنا سمعة "ولدنا دي يعني اداب وتربية هتة واهدة" حتى اسأل زهير
لو اديتنى الاوكي بصغر ليك الصور زي الفوق دي رايك شنو؟

بس ماتقول لي عملتها كيف لانو بحولك للهندي الجنبي في المكتب دا طوالي
Post: #2779
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-07-2010, 03:02 PM
Parent: #2778

Rng47067.jpg Hosting at Sudaneseonline.com


ودي على سبيل التحية للهميم الامين فضل المولى
و"المدعو" سر الختم
وسنيرنا الوجيه معاوية الزبير
وباقي الاخوة الكرام الذين نحتاج لجرعة من الكركم او الاستعانة بسيادة المستشار "دودي"
Post: #2780
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 03:24 PM
Parent: #2779

يا أبو الجل حسن معلوماتك ... تجارة وآداب حتة واحدة وكمان أسأل جلا ...

يا سمعة خلي جلال يصغر ليك الصور ديل بعدين ممكن تحذفهم ....
Post: #2781
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-07-2010, 03:36 PM
Parent: #2780

التحية لناس قطر ... أحمد عمر الباقر ، المدعو سر الختم ، تبيدي ، الصادق عبد الله (حقوق) ، فاروق ، الهميم ، عزام ، ياسر شبيكة ، طارق عوض الكريم وبقية الكوكبة الفريدة وضيوفهم ناس جمال علي ... التحية لهذا الشباب وهم يجمعون أطرافهم ونتمني أن يكونوا مثل ناس الرياض وجدة والخرطوم وأن تكون لماتهم بإستمرار ...
Post: #2782
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-07-2010, 08:57 PM
Parent: #2781

عبدالسميع اللميع...

البوست بقى زي لما تجي خاشي بيتكم تلقى نفسك دخلت عند الجيران...

ليس لتشابه الأبواب...

انما لأن باب بيتكم بقى محل باب بيت الجيران...و باب بيت الجيران...بقى باب بيت الجيران التانين...

حسه أنا خايف لما أعمل اضافة ألقى جزء من المداخلة دي مشى مربع كاي...

حتقول لي دي دعاية مجانية لمربع...

حأقول ليك طيب و مالو...دعاية مجانية ...دعاية مجانية...

أعمل فينا خير و أعدل الصفحة..

و الله الواحد بقى لو عايز يمشي لي آخر الصفحة الا يركب ليهو ركشة...

زي الماشي الامتداد و لا الصحافة...
Post: #2783
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 06:18 AM
Parent: #2782

اللهـــم

كن لي ولأحبتـي فيــك مؤيدا وناصرا

وكن بنا رءوفا رحيما يا خير المسؤولين

اليك نشكـو ضعف قوتنـا

وقلة حيلتنـا يا أرحم الراحمين
اللهم إني أستغفرك من كل سيئة ارتكبتها في بياض النهار

وسواد الليل في ملأ وخلاء وسر وعلانية .. وأنت ناظر إلي

اللهم إني أستغفرك من كل فريضة أوجبتها علي في آناء الليل

والنهار تركتها خطأ أو عمداً أو نسياناً أو جهلاً ...

اللهم لا تحرمنا جميل ما عندك بسوء ما عندنا... امين .



يا وجوه الخير براحة علينا شوية نحن ناس عندنا كفلاء

و كمان بنربى لينا في كوم عيال فاكين لينا البوست بسرعة

خمسمائة كيلو في الساعة ماشاء الله بس زودتو الجرعة طيب

جلا دا حنكوا صغير يقوم يطق و نبقي في شوفوا ليه خالد

محي الدين و لا حسن ميته ما فاضين نحن لجنس دا.

اما العجايز بتاعين الدوحة ديل ما عرفت الا جدي الهميم

الله يديه طولة العمر وعمي تبيدي والشاب فاروق احمد ادم

ممكن طارق عوض الكريم حقوق اما الباقي و الله الكركم بتاع

محمد عيد ما يرجعهم ؟
Post: #2784
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 06:31 AM
Parent: #2783

Quote: سلامات يا ناس

لكم جميعآ التحايا


والله افتقدنا صاحب المداخلة اعلاه كثيرا فاين انت يا جنابو

نسعد بقربك و تجلياتك الطاعمة و كمان امس البوست كانت فيه

شكلة كنا محتاجين لخدمات الشرطة .


و كذلك صباحات اخي البادي لينا منها طولة نامل التواصل حقيقة

افتقدناكم ؟

العزيز احمد اسماعيل لا اسكت الله لك حسا اذاكان الموضوع بتاع بنك

المعلومات افتح الايميل تلقى ليك رسالة حاول ادخل لينا بسرعة

و عندك حتى الساعة الثانية عشر من ظهر اليوم الاثنين بعدها سوف

نقوم بتحريض المهندس بكري ابوبكر لعمل اللازم ؟


الريس ميسرة و الكريمة منى يونس بالله هججوا لينا معاكم و لما مافي

مانع نقوم نعمل شيرنق نسفر الراوي والمهجج الزقازيقي المنصور بالله

لكي يقوم بعمل اللازم .

تصحبكم السلامة و مهجيجين انشاء الله و زواجا ميمونا.
Post: #2785
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-08-2010, 06:46 AM
Parent: #2782

سلامات يا ناس

وصباحات التفاؤل

اللهم انّا نسألك خير هذا اليوم آجله وعاجله

ونعوذ بك من شر هذا اليوم آجله وعاجله.


Quote: زي الماشي الامتداد و لا الصحافة...


لمجرد التذكير بانو امس كانت فى شكلة ما عرفنا ليها نهاية.
Post: #2786
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 07:10 AM
Parent: #2785

اخي الحبيب جنابو طلماانت قريب في هذاالصباح فلك تحية

من المبدع احمد مطر :

صحراء همي مالها من آخر وبحار حزني مالها شطآن
تبكي شراييني دماً في مدمعي، وبأدمعي تتضاحك الأحزان
أنت القريبة في اللقاء وفي النوى وأنا بحبي الغارق الظمآن
لي منك ما للقلب من خفقاته ولديك مني الوجه والعنوان
فلقد حملتك في الجفون مسهداً كي لا يسهّد جفنك الوسنان
وملأت روحي منك حتى لم يعد مني لروحي موضعٌ ومكان
ما ذاب من فرط الهوى بك عاشق مثلي ولا عرف الأسى إنسان
قالوا هجرت فقلت أنا واحد وكفى وصالاً ذلك الهجران
هي موطني ولها فؤادي موطن أتفر من أوطانها الأوطان؟؟
Post: #2787
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 07:17 AM
Parent: #2785

بسم الله الرحمن الرحيم
سلام أيها الناس
طالما يوجد كوبي
فإن البيس وارد
Quote: اللهم انّا نسألك خير هذا اليوم آجله وعاجله

ونعوذ بك من شر هذا اليوم آجله وعاجله.
Post: #2788
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-08-2010, 07:34 AM
Parent: #2787

صباح الخير،،، يا وجوه الخير،،،

أصبحنا وأصبح الملك لله ،،، وحده

نسمات صباحية:

ربنا لا تزغ قلوبنا

بعد إذ هديتنا،،،،

وهي لنا من لدنك رحمة

إنك أنت الوهاب،،،،،،
Post: #2789
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 07:34 AM
Parent: #2787

بدينا
أمبارح خليت البوست برغم فيهو المشكلة مدورة
ما كان في زول مفلوق
لكن و الله أعلم البوست زاتو يا مفلوق يا راسو واجعو
الفتلة دي بتكون بي سبب
و السبب و الله أعلم...عندما كانت الشكلة مدورة
الزول الكان قاعد في الطوبة داك
قام شالها من تحتو و فكاها في الزول التاني
الزول التاني زول حريف و لاعب كورة من الدرجة الأولى
زاغ من الطوبة...و الطوبة جات على البوست
عشان كدا البوست بتاعنا مفلوق
و حالف ما يرفع راسو
يا جماعة أضربو تلفون للإسعاف..
أقصد للأخ عبد السميع دا خليهو يجي يشيل طوبتو دي
أقصد يشيل مداخلتو دي
الواحد قاعد يكتب و هو زاتو مفتول
هس الواحد يقابلكم بي ياتو صفحة يعني بي ياتو جنبة!!!!!
Post: #2790
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-08-2010, 07:49 AM
Parent: #2787

قبال ما ابدأ يا سناء الصباع لو جيتى خاشة البوست الليلة
غـطى راســك بالتوب فى رجال كبااااار قاعدين

الهميم وقاسم حسين يتخيل لى الان ممكن يكونو فــرد

معاوية الزبير حنضمو معانا ،،،،،

تبيدى متصور مرتين ،،،،

لمة ناس قطر الجاية انشاء الله تكون اكبر ويا شبيكة خليك معانا شوية
جيب لينا ناس نعمات الجبل وسناء الرضى وعوائلهم وكل الشيوخ الكبار

معقول يا جلال ده محمد المصطفى وبعدين عبدالله جالية مش كان بيلبس نضارة
كبيرة
Post: #2791
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 08:03 AM
Parent: #2790

Quote:
الواحد قاعد يكتب و هو زاتو مفتول
هس الواحد يقابلكم بي ياتو صفحة يعني بي ياتو جنبة!!!!!


الجنبه دي اهم شي !

والجنبة الرايت اهم سايت .

و الله يا جلا لو جات للبوست اي حاجة ما فايتاك ؟

الواحد فيكم من ما قام شغال فليق في اولاد الناس و

قلع ؟ لانو ناس عبدالدائم ديل اولاد ناس و مربين في

الخرطوم و حنان لا بفلقو و لا حاجة .

سمعت بالنكته بتاعت الولد الكان بلعب مع الاولاد في الشارع

وجاي ببكي امه سالتوا مالك يا ولدي قال ليها والله كنت بلعب

في الشارع مع ناس هيثم و اسامة و دودي و جلا ؟ امك قالت ليه

والله اكيد يكون الفلقك ده جلا ؟
Post: #2792
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 08:08 AM
Parent: #2790

Quote: لمة ناس قطر الجاية انشاء الله تكون اكبر

ياخ هي صغيرة قدر دا فتلت البوست
و الرشيد كتب مداخلة لقاها في المنبر الزقازيق
و موسى عيسى كتب مداخلة لقيتها على حسابي (هو ما أحوص لكن الفتلة)
أنا خايف واحد يمشي يفطر بي كبدة مجغمسة يلقاهو فول من غير زيت
طيب لمن تكون اللمه كبيرة نشوف لينا منبر تاني
جوار سودانيز و لا شنو؟؟؟
يا عبد السمييييييييييييييييييييييييييييييييييييييييييييع
يا لميييييييييييييييييييييييييييييييييييييييييييييييييييع
تعاااااااااااااااااااااااااااااااااااااااااااااااااااااال
أمسح مداخلتك بتاعت الصور دي
الشكلة أمبارح و انتهت
Post: #2793
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 08:18 AM
Parent: #2792

Quote:
يفطر بي جبدة



يا جلا شنو الالفاظ دي نحن معانا ناس دودي ؟
Post: #2794
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 08:40 AM
Parent: #2793

Quote: يا جلا شنو الالفاظ دي نحن معانا ناس دودي

لو باريتني في الأخطاء المطبعيبة دي...
حا أطلعك كميروني
يا ريس تمشي و تجي بالسلامة
طبعاً حرمكم المصون ليست بالمشغولة بإمتحانات الأولاد
و لا هي بالمتابعة و المستمتعة
و لا هي جاينا بي رواقة
لغاية هنا نحن كويسين و أنا ما جبت سيرة زول
Post: #2795
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 02-08-2010, 10:06 AM
Parent: #2794

يا الرشيد بابكر ومحمد ادم النور (جلا)

أظن كان ما لفيناها غلط او فتلناها (الصفحة) طبعا ما حيكون فى ذكر لنا عندكم مع شلة الانس الجميل بهنا

الرشيد شايفك بهناك (مربع كاى) والكرة العالمية عامل لى شعر كويس بس بهنا مع جبريلا واحسان عبدالرازق اقصد منص عبدالرازق

الاديب والظريف موسى عيسى والريس وابوالنظافة الود الوجيه عبدالدائم ما بنلقى فرصة قلنا نخش خشة تقيلة بس جات مفتولة

وعذرا للفتلة التى استمرت لاكثر من 24 ساعة والبركة فى جلال عثمان واحلى ما فيها انه استأذن منى بأدب يحسده عليه ابو تريكة

يا اخى انت سنيرنا فى برلوم بستأذنوه الاذن معاك كل ما تشوفنا دقسنا فى الكتابة او الصور صلح ذى ما انت عايز طا لما عندك

الخبير الهندى جنبك (لك الشكر والتحية )

معــــــــــــزتى
Post: #2796
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 10:27 AM
Parent: #2795

Quote: أظن كان ما لفيناها غلط

أنا غايتو من الصباح راسي لافي
من فتلت البوست دا
و اتخيلت نفسي ما شربت جبنة الصباح
لقيت جنبي تلاتة كبايات جبنة فاضية
قلت يمكن ما شربنا شاي الصباح
اتذكرت إنو الشاي اتدفق فيني الصباح
و ينك ياخ
نحن قلنا تجي تحاجز أمبارح تجي تلفها و كمان غلط؟؟؟
بعدين إنت لفيت شنو غلط؟؟؟؟
Post: #2797
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-08-2010, 10:53 AM
Parent: #2796

سلامات يا ناس

Quote: اخي الحبيب جنابو طلماانت قريب في هذاالصباح فلك تحية


موسى ...سلام

بعض المشغوليات ...وعصلجة الكمبيوتر احيانآ

والمتاوقة بى عين واحدة احايين اخرى.....

والمزاج الهلكان فى احيان كثيرة خلت دخولى

زى اللاعب الاحتياطى البدخلو المدرب فقط للتعود

على جو المباريات...

لكن بجيكم ان شاء الله

لك وللجميع الود
Post: #2798
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 11:02 AM
Parent: #2797

Quote:
نحن قلنا تجي تحاجز أمبارح تجي تلفها و كمان غلط؟؟؟
بعدين إنت لفيت شنو غلط؟؟؟؟



Quote:
والمزاج الهلكان فى احيان كثيرة خلت دخولى

زى اللاعب الاحتياطى البدخلو المدرب فقط للتعود

على جو المباريات...


انت يا جنابو مزاجك دي خليه علي جنب طيب المداخلة القدام مداخلتك

دي ما شفتها ولا شنو دا ما بلاغ جاهز بالله خلي الشباب بتاعينكم ديل

يشوفوا شغلهم مع الزول دا و لا خايف يكون ليه واسطة من التاكا؟و الله

الاحتياطي ذاتو ما تلم فيه ؟
Post: #2799
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-08-2010, 12:30 PM
Parent: #2798

Quote: دا ما بلاغ جاهز بالله خلي الشباب بتاعينكم ديل

يشوفوا شغلهم مع الزول دا

آي و الله يا موسى عيسى
الغريبة عبد السميع دا زول ود ناس
لكن أقول ليك خليها مستورة
طبعاً يكون جلال غشاهو و قال ليهو جر ليك نفس
غايتو في ناس بس مارقا للربا و التلاف
و بعدين يجي يقول ليك دا ما ولدنا
ما في فرق بين ناس تربية و آداب
إنت قاصد منو يا موسى عيسى؟؟؟
عبد السميع و لا جلال
Post: #2800
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-08-2010, 12:45 PM
Parent: #2799

Quote: جيب لينا ناس نعمات الجبل وسناء الرضى وعوائلهم


يا ديدو جبنا ليك أختنا الزقازيقية نعمات أحمد (نعمات الجبل)

ودي مشاركة منها في الماسينجر .

كانت خرطوم الستينات والسبعينيات زينة المدائن .. جميله ونظيفه تسر الناظرين .. كان سكانها محدودين وحدودها معروفه والجمال يمتد حتى لاسماء الاحياء.... العمارات وحى الزهور وحى الصحافه... ولم تكن هناك احياء مثل حكومه دقست وقانون مافى.... وكان سكان كل حى يعرفون بعضهم بل وحتى سكان الاحياء المجاوره وبالرغم من انهم من قبائل مختلفه فقد صهرتهم الخرطوم واصبحوا كاسره واحده متعاضده متكاتفه لها كبارها ومضحكيها وحتى صعاليقها ........ المواصلات متوفره والشوارع معبده والمواطنيين يحبون ويتعاطفون مع بعضهم البعض والسواقه كانت ذوق وكان من الطبيعى ان تتوقف عربتان فى تقاطع وكل سائق يعزم على الآخر ان يتقدم اولا
كان التعليم الحكومى هو الاصل والفصول غير مزدحمه والتعليم مجانى والمعلم مؤهل ومؤتمن ويؤدى واجبه بالتزام وكنا لانعرف الدروس الخصوصيه وكانت درة التعليم وسنامه الجميله ومستحيله جامعة الخرطوم والتى يدخلها الطالب بالبوكسنق ولايدخلها لانه دباب فرقع دبابه (حسب افادات مدير الجامعه الاخيره) ولم تكن الجامعه مؤسسه تعليميه فقط وانما كانت مناره ثقافيه
كانت الندوات الادبيه تعقد فى منتديات العاصمه ويعطر اجواءها كلمات محجوب شريف و تاج السر الحسن وعثمان خالد
كانت المستشفيات فى العاصمه مؤهله واطباؤها مميزين ومخلصين والعلاج مجانى ولايسافر المرضى للخارج لطلب العلاج ولم تعرف الخرطوم المستوصفات والعلاج التجارى
كانت الخرطوم تعمل نهارا وبجد ونزاهه وتسهر ليلا على انغام مصطفى سيد احمد ووردى وكابلى مع البنت الحديقه والحنينه السكره وياهاجر
وكانت حدائق الخرطوم تتفتح فيها الازاهر وتفوح منها العطور وهى تحتضن قصص الحب البرىء لاتكدرها شرطه شعبيه او مجتمعيه او نظام عام فقد كانت الخرطوم آمنه ونظامها محفوظ قبل هذه المسميات... فالخرطوم كانت تبارك كل الاديان الاسلام والمسيحيه واليهوديه وحتى المجوسى يمارس طقوسه فى حريه ........ والخرطوم كما احتضنت كل الاديان كانت تحتضن وفى حنان كل الاجناس الامريكى والاوربى والاسيوى والافريقى يتمازجون فى مؤسساتها العلميه وفى اسواقها ويسهرون سويا فى النادى اليونانى والالمانى والامريكى والهندى وكانت صالة غردون جى.ام.اتش.. تستقبل اعرق فرق الموسيقى الاوربيه لتنشر الطرب الراقى فى اجواء الخرطوم
والخرطوم استضاف مسرحها القومى فريد شوقى وفهد بلان وطربت بغناء مريم ماكيبا و الست ام كلثوم
وفى قاعة الصداقه سعدت الخرطوم بنزار قبانى وعبد الرحمن الابنودى
ولم تكن ايام الخرطوم كلها لهو وطرب...... فالخرطوم كانت مناضله وتاريخها حافل بالمواقف الوطنيه وكان رجالها ابطالا لايعرف الخوف طريقه الى قلوبهم اسقطوا نظامين عسكريين وسكبوا دماؤهم رخيصه من اجل الحريه والديمقراطيه وقفوا مع لوممبا وساندوا مانديللا واستقبلوا عبد الناصر بعد النكسه استقبال الابطال فكانت اللاءات الثلاثه واسسوا بموقفهم هذا للصمود ورد العدوان
وكانت الخرطوم مسالمه لم تتلوث يداها بكثرة جرائم القتل واغتصاب الاطفال .......... واذكر اننا احصينا جرائم القتل فى سنه من السنوات فى كل منطقة الثورات فكانت اربعه كلها ارتكبت فى منازل الخمور اى ان مرتكبيها كانوا فاقدى الوعى
اما خرطوم اليوم خرطوم الانقاذ فهى خرطوم اخرى خرطوم مشوهه ...خرطوم مسخ ...خرطوم شيطانيه .... ترتدى لبوس الرهبان وتفعل افعال الشياطين ...... خرطوم كسيحه متسخه تمتلى شوارعها بالعربات وحوادثها نهارا وبالرعب ليلا حيث تنتشر فيها عصابات ال(.........)ز التى تهاجم الحدائق العامه والاحياء فى تحالف مع حيوانات مفترسه مجهولة الهويه وقيل ان احدهم اتى بها لتزداد ملياراته وعندما فشل مشروعه كما فشل مشروعهم الحضارى اطلقها فى شوارع العاصمه لشىء فى نفسه ونفس يعقوب فعضت واكلت ومازالت تسرح وتمرح تنشر الخوف المطلوب
خرطوم اليوم تتطاول فى البنيان الحرام ورغم هذا الشغب العمرانى (كما اسماه منصور خالد) فان المئات من الاطفال ضحايا الحروب يعيشون فى المجارى وياكلون من النفايات ......... وخرطوم اليوم بلا قلب وبلا ضمير فالمئات من اطفالها الابرياء الغير شرعيين يلقون حتفهم فى مكبات النفايات وتاكلهم الكلاب ...ويالعار الخرطوم التى حجزت فى احدى مستوصفاتها جثمان القاضى العادل العالم صلاح حسن ورفض المستوصف دفن الجثمان الا بعد الدفع ولم يشفع للجثمان الطاهر ان اليوم جمعه والبنوك مقفله
خرطوم اليوم نضب فيها الابداع وجفت فيها منابع الشعر واصبحت تكشف مع اغنية القرد ...القرد ...والنبق .....النبق ..... وترقص على انغام راجل المراه حلو حلاه........... وانقطع سيل المبدعين عن زيارتها واصبح زوارها رجال غسيل الاموال
ترهلت الخرطوم واصبح لها كروش وشلاضيم وبلا حدود وتفوح منها رائحة الفساد النتنه ...... وغيرت حتى اسماء حدائقها فقد كانت 6ابريل وحديقة القرشى ... اسماء لها معانى واصبحت الآن حدائق (حبيبى مفلس) وحديقة (ابوى بشوفنى )
وغاب عن الخرطوم دورها السياسى .... الخرطوم التى هزت نظام نميرى عندما زاد السكر قرش صمتت فى لامبالاة عندما زيد السكر الف جنيه !!
لقد افتقدنا الخرطوم الجميله الرائعه الشجاعه التى كانت تخيف الحكام ونحن نعيش اليوم فى خرطوم تنام مبكرا خائفه مرتجفه من كلاب مفترسه ومن عاشه ام ضنب !!
محمد الحسن محمد عثمان
قاضى سابق
Post: #2801
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-08-2010, 12:45 PM
Parent: #2799

نان يا جلا انت بتهضرب كده مالك ما قلتو نوبة؟

اولا عبدالسميع دا ولدناو كمان تحت تحت قالو لي في

الزقازيق كان ساكن مع ناس الاتجاه اسلامي ! يعني

التهمة بعيده منه ؟

إلا الباقين ديل يشيلو شيلتهم مع الحيكومة غايتو

في واحد جوازه مع الكفيل ؟
Post: #2802
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-08-2010, 01:57 PM
Parent: #2801

ونستكم طاعمة ولذيذة وكل حاجة ...

رغم تخريمات جلا ..

وحنينه البائن لعهد الجاهلية ...!

لكن اعذرونى ..

قاعد اعاين ليكم من خرم ابره ...!!
Post: #2803
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-08-2010, 05:28 PM
Parent: #2802

قـلـم يـفــتـقـده المـنبـر بـشـدة أيـن اخـتـفي ؟؟؟؟
Post: #2804
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-08-2010, 06:38 PM
Parent: #2802


سلامنا الكثير وشوقنا بحـــر

الأخ موسى عيسى ربنا يذكرك الشهادة دائما وأبدا

والله ياجلا بصدق بدون كضب الصفحة 28 مش متابعة وإستمتاع فقط
بل ضحك وإضحاك حتى ظهور النواجز هؤلاء هم الزقازيقاب لو جكوا جرو
ولو وقفوا ترترو ولوقعدوا حكروا ولو تكلموا اسمعوا وامتعوا

الإمتاع من بداية المشكلة بين ناس الصحافة بقيادة المدعو دودي والإمتداد
بقيادة المدعو طارق جبريل وناس المديدة حرقتني / موسى عيسى العايز يدردق
طارق جبريل في الوقت الفيه طارق خايف من كمال الشادي يظهر الفطاحلي منصور
مورور لهما الإثنين (طارق وموسى) زي حكاية عادل إمام القال فيها(انا بخاف من
الكلب يطلع لي أسد) وكان طارق إحتراسو في محله لأن منصور كلامه بتاع مضاربة
عديل(طارق جبريل بتاع فنلتكم قال الإمتداد قال وكلام كثير زي خور جانقي وكدة)
صاحبنا طارق قومة نفس منصور جابت راسو وخلتوا يتحين الفرص لتجنب ناس الصحافة
وجاتو الفرصة عندما وصف رشيد القوم الصحافة والإمتداد بالأحياء الشعبية على طول
طارق إستنفر عبد الدائم على ناس أركويت
طبعا الكلام ده حصل بعد ما طارق شاف عمايل دودي في صاحبو موسى عيسى بأن وصفوه
ومن معه ناس لوتري ساكت في الصحافة وحماهم الميناء الجاف من الرقابة

اما جلا في علاج قلع الضفر زي ماشكى جلال محنك ووصفك صاحب الكركم بأنك بعض الآحيين
تحن للجاهلية ( الفتوة ، الفهلوة، ودق الحنك) بعدين حكاية أم غازي ماقلبت فيهاهوبة عديل
لكن في الآخر ودوك أركويت
وحكاية سمعة اللفاها غلط ، ألذ مافيها السؤال الأخير
والله ياجلا من حكاياتك دي زي الراكب ليك فيل
Post: #2805
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 02-08-2010, 06:54 PM
Parent: #2804

احرالتعازى لسعاد عبد الرحمن فى والدها ولكل من فقد عزيز لديه وانا لله وانا اليه راجعون
Post: #2806
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 06:17 AM
Parent: #2805

اللهم بأي قدم نقف بين يديك
وبأي لسان نعتذر إليك
وبأي عين ننظر إليك
وأنت قد علمت سرائر أمرنا
وختمت على ألسنتنا
وأنطقت جوارحنا
يا من أظهر الجميل
وستر القبيح
يا من لا يؤخذ بالجريرة
ولا يهتك الستر
يا حسن التجاوز
يا واسع المغفرة
يا باسط اليدين بالرحمة
يا مغيث المستغيثين
يا قرة أعين العابدين
يا حبيب قلوب المتهجدين
ها نحن جئناك
جئنا ببابك تائبين منكسرين خاضعين
فاقبل توبتنا
واستجب دعوتنا
وأقل عثرتنا
بفقرنا إليك
وغناك عنا
وقوتك وضعفنا
وعزك وذلنا
إلا رحمتنا يا ربنا
Post: #2807
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 06:22 AM
Parent: #2806

يا نجاة حوفي كيفنك الحمدلله الظهرتي و عملت ليك مس مداخلة

اولا الامتحانات انتهت و نحن في منتصف الاسبوع يعني حبيبناما

موجود و الزنقه ما في شنو المس كولات دي ؟ و الله نحن بوستنا

دا شكا من العزوبية و زوبة ليها زمن طويل ما سمعنا ليها حس

و عفاف بقت زي مطرت البخات ؟ لو عارفه مطر البخات شدي السلك

لزنوبة حتفيدك كتير و بالمره تجيب لينا اخبارها ؟
Post: #2808
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 06:53 AM
Parent: #2807

بسم الله الرحمن الرحيم
السلام عليكم أيها الناس
أصلو ما فايتنا الكوبي بيست
لقينا المداخلة القدامنا معلقة
شلنا منها جزئية بسيطة و بتقوم بالواجب
Quote: ها نحن جئناك
جئنا ببابك تائبين منكسرين خاضعين
فاقبل توبتنا
واستجب دعوتنا
وأقل عثرتنا
بفقرنا إليك
وغناك عنا
وقوتك وضعفنا
وعزك وذلنا
إلا رحمتنا يا ربنا
Post: #2809
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:05 AM
Parent: #2808

للأسف أمبارخ نهاية اليوم الشبكة لم تستقر على حال جيد
و كنت ناوي أقول ليكم بكرة يوم جديد
ما قناة النيل الأزرق و كدا!!
طبعاً في مصطلحات متعارف عليها
و أخدت طابعها
يعني زول متابع و مستمتع دا هناي
لا يفوت على فطنة القاري دا الزول داك
و هكذا دواليك
أن تقول الآتي
Quote: لكن اعذرونى ..

قاعد اعاين ليكم من خرم ابره ...!!

فهذا يعني أنك غرقان لي شوشتك
Post: #2810
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:22 AM
Parent: #2809

من أمبارح يا أحمد اسماعيل
شايفك و سامع بيك
طبعاً إذا قلت ليك مشتاقين
بكون كضااااب
المهم ختها في حنانك
و شوف ليك أي تعبير يعجبك
Quote: هؤلاء هم الزقازيقاب لو جكوا جرو
ولو وقفوا ترترو ولوقعدوا حكروا ولو تكلموا اسمعوا وامتعوا

أنا هنا أصنف نفسي في حاجتين
الجكة و الجرية ..
وإذا فترت بقعد و اتحكر بس ما في طوبة لأنو ممكن الواطة تشيلني
أما الناس البتكلمو و يسمعو و يمتعو
أمشي مربع كاي..أو بتاعت الحجابات ديك...أو لو فاتك الإستماع
و لو داير تترتر لي ورا أمشي شوف الكورة العالمية
يا ربي موسى عيسى و إنت في ياتو مكان؟؟؟
أسئلة ليست للإجابة
يا موسى عيسى أسئلة ليست للإجابة دي
عبارة عن إسم أغنية لمصطفى سيد أحمد
و الله زاتو الزول يثقف ياتو و لا ياتو؟؟؟
Post: #2811
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:37 AM
Parent: #2810

من أمبارح داير أعلق على الجزئية دي
Quote: زول ما يعرف ابتسام ميرغنى ده حقوا يشطبوهو من البوست ويقلعوا منو باسويردوا ويدوهو لى محمد المرتضى

الكلام من بين السطور يعنيك إنت في المقام الأول
يا أحمد إسماعيل
طبعاً حا يكون هناك لجنة تقصي الحقائق
يعني عشان تنجح في الإختبار دا
تقوم تفتش إلبوماتك الفيها جكس و حاول تعرف الزولة دي
أنا غايتو حسابي مهكر ..
يعني الباسويرد بتاعي ما بخدم غرض
بعدين باسويرد مهكر و كمان لي محمد المرتضى
معناها سودانيزأونلاين بتبقى السلخانة
Post: #2812
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 07:37 AM
Parent: #2810

لكن الثقافة ما عندك يا ناس كسلا ؟

انت مالك و مال الثقافة ؟

طيب ناس مدني يشمو وين ؟

اما ناس الخرطوم ديل كلامهم تاني !

يا جلا انت خليك بعيد نحن طارحين الليلة

ثقافة علمية يعني ناس تجارة يمرقوا و ناس علوم

يتفضلوا و الباقي فراجه ؟
Post: #2813
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:46 AM
Parent: #2812

Quote: ثقافة علمية يعني ناس تجارة يمرقوا و ناس علوم

يتفضلوا و الباقي فراجه ؟

معناها ثقافتك العلمية دي متطرشقة
أولاً مبارك جادين خلا العلوم و شغال ما عارف شنو كدا...
قال ليك ما تتكلم في السياسة
مصطفى محمد الحسن
شغال مدير برنامج بتاع تمويل صغير
أسامة خضر شغال سمساري (دي تعجب ود جبريل)
عشان كدا أخير ليك ناس تجارة
ناس الشادي، ميسرة،
أنا قريت آداب
و لا شنو يا الخبير الأجنبي
Post: #2814
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:50 AM
Parent: #2813

Quote: يشمو

ساعدونا بالألفاظ يا ناس
ناس مدني ديل بتاعين سلسيون و لا شنو؟؟؟
مسؤول من الخير و ين عصام جلي
واحدة بي واحدة و البادي أظلم
Post: #2815
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-09-2010, 07:50 AM
Parent: #2812

سلامات يا ناس

وصباحات التفاؤل

اهلآ بأحمد اسماعيل الطولنا منو


ناس جلا ديل ينططو ويخوضو فى الوحل

وما عارفين انو المى حار ولا لعب قعونج

Quote: ثقافة علمية يعني ناس تجارة يمرقوا و ناس علوم

يتفضلوا و الباقي فراجه ؟


نحن غايتو فرّاجة....واجمل انواع الفرجة انك تتفرج من

خلال خرم ابرة.
Post: #2816
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 07:55 AM
Parent: #2815

Quote: واجمل انواع الفرجة انك تتفرج من

خلال خرم ابرة.


وهذا يعني

أنك مفتح عين

و كاجي العين التانية

وهنا يكون فاتك الإستماع

و ستحتاج لي كشف نظر ...و حا تعمل ليك عدسة قعر كباية
Post: #2817
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 08:18 AM
Parent: #2816

يا محمد صديق الكلام الجاي تحت انت ما فيه يعني كج التانية

و يا جلا انت كلمناك من قبيل كده امشي شوف لينا ناس جبرة

ديل رفعو فراش ناس اسامة الطيب ولا لسع عموما لو لقيت ليك

قعدت تحت قندار ناس طارق جبريل اخد ليك جمه وبالمرة انت

والله متلوم لوم مع صحبي الرشيد ما موصيك ليه زي شهرين بموضوعه

العملت منه نايم و الله انا لو منو ما اقول ليك الكلام الحلو الفي

الداخلة الفوق ديك .

معليش طولنا عليكم نبدا بالسخافة اقصد الثقافة :

بندا رقم (1):

أنــــواع المــقـــابلات الشـــخصية
المقابلة الشخصية الفردية
وفيها يكون اللقاء بين صاحب العمل وطالب العمل مباشراً ووجهاً لوجه والهدف من هذه الطريقة هو التعرف عن قرب على القدرات التي يمتلكها الفرد وعليك لكي تنجح في هذه المقابلة أن تنصت جيداً لمحدثك وتتعرف أكثر على طريقته وأسلوبه وحاول أن توجد نوع من الألفة والود بينك وبين محدثك الذي سريعاً ما سيشعر برغبتك هذه ويعينك عليها خاصة إذا ما حاولت أن تحاكيه

المقابلة الشخصية الجماعية
وفيها يتم إجراء مقابلة لعدد كبير من المتقدمين لشغل نفس الوظيفة ويتم طرح موضوع معين لمناقشته خلال المقابلة ويكون الهدف من هذه المقابلة هو معرفة مدى قدرتك على التجاوب مع الآخرين والتفاعل مع البيئة المحيطة والقدرات الفردية التي تمتلكها ويتم تحديد مقابلة أخرى لمن يجتاز هذه المقابلة .

المقابلة الانتقائية:
وفيها يتم انتقاء بعض الأشخاص غير المرغوب فيهم نتيجة وجود تضارب في البيانات التي تحتوى عليها السيرة الذاتية أو الأشخاص الاقل خبرة وكفاءة ويتم عمل مقابلة شخصية روتينية لهم .

كيف تستعــد للمقابلة الشخصية
ابدأ بجمع المعلومات عن الشركة التي ستلتحق بها خاصة ما يتعلق بنشاطها وفروعها بحيث تكون ملماً بالجزء الأكبر من المعلومات حول الشركة فهذه المعلومات سوف تعطيك قدر اكبر من الثقة بنفسك وستعطى صاحب العمل انطباع جيد عنك وعن قدراتك واستعداداتك للعمل لدي شركته، وهذه المعلومات يمكن لك الحصول عليها من موقع الشركة على الانترنت أو من الأخبار التي تنشر عنها في الصحف أو حتى من إعلانات الشركة بوسائل الإعلام فلا مانع من إن تقوم بجزء من وظيفة العلاقات العامة بالشركة والمتمثل في جمع المعلومات المنشورة عنها بحيث يمكنك مناقشة بعض منها مع صاحب العمل خلال المقابلة الشخصية .

1- حدد الأسئلة المألوفة في مثل هذه اللقاءات وتدرب على الإجابة عليها قبل اللقاء
2- حدد النقاط التي تريد الاستيضاح عنها من صاحب العمل ودونها في مفكرة واسترجعها قبل المقابلة ثم استفسر عنها بعد أن ينتهي صاحب العمل من الحديث .
3- احرص على ترك انطباع جيد لدى صاحب العمل فالانطباعات الأولى غالبا ما تدوم .
4- اختار الألفاظ والكلمات بشكل دقيق خاصة إذا احتجت لمصطلح أجنبي.
5- تجنب الحركات الجسمانية السلبية كهز الساقين أو ثنى الذراعين ووضعهما متشابكين
6- احرص على وجود ورقة وقلم معك لكتابة اى معلومة هامة
7- يجب أن ترتدي ملابس مناسبة ويفضل ارتداء البذلة الكاملة .
8- يجب أن تراعى أن تكون في أجمل هيئة وفى قمة الأناقة .
9- يجب ان تحرص على الوصول إلى مكان المقابلة قبل الموعد المحدد بفترة كافية
10- انقر على الباب نقراً خفيفاً قبل الدخول .
11- ابدأ بإلقاء التحية على مديرك وصافحة بصورة غير متكلفة ثم اجلس .
12- حافظ على ابتسامة خفيفة على وجهك أثناء اللقاء .
13- حاول ان تصغي لكل كلمة صغيرة أو كبيرة يقولها المدير ولا تنشغل عنه بالتطلع إلى التابلوه الموجود خلفة أو غير ذلك .
14- الثقة في النفس والابتعاد عن الغرور والتصنع .
15- استخدم نبرة صوت متزنة بحيث لا تكون مرتفعة أو منخفضة ولا تتردد في الكلام .
16- عدم الحديث عن الراتب قبل ان يذكره المدير ويفضل عدم تحديد راتب معين لأنه سلاح ذو حدين.
17- حاول أن تؤكد انك حريص على العمل في هذا المجال والتعاون مع الشركة حتى لو كانت شركة حديثة
18- لا تبادر بمصافحة صاحب العمل عندما تهم بالانصراف إلا إذا رغب هو في ذلك حتى لا تتسبب في إحراج نفسك .
19- كن حريصا جدا عندما تهم بالانصراف وتجنب الاصطدام بالكراسي أو أي شيء موجود بالمكتب لأنه يعطى انطباعاً سلبياً.
Post: #2818
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 08:55 AM
Parent: #2817

الغربية يا جلا الليلة ما عملت كوبي بست انا طبعا بكره

انشاء الله ممكن ما اكون موجودفقلت انزل الكوبي بتاع بكره

خليك معاي :

يـارب
ناداك نـوح فنجيته مـن كربـه.....ونـاداك أيـوب فكشفـت مابـه مـن ضـره

ونـاداك يونـس فنجيتـه مـن غمـه

ونـاداك زكــريا فوهبـت لـه ولـدا مـن صلـبه....بعـد يـأس أهلـه وكبـر سنـه

ونـاداك إبراهيـم فأنقذتـه مـن نــار عدوه

وأنجيـت لـوطـا وأهلـه مـن الـعذاب النـازل كلـه....سبحـان مـن أيـَد اليتيـم بجبـريـل

ودمَـر أبـرهـة بطيـر أبابيـل

يامـن هـو فـوق عبـاده ظاهـر....يامـن هو مطلـع عليهـم وناظـر

أعنا على ذكرك وشكرك وحسن عبادتك يـارب

إذِآ كُنتَ تُريدُ الجَنة َفالزم {الصَلآة}

وإذِآ كُنت تريدُ الغِنى َفالزَم {الإستغفَآر}

وإذِآ كُنتَ تُريدُ المَحبَّة َفالزم {الإبتِسآمَة}

وإذِآ كُنتَ تُريدُ السَعآدَة َفالزم {الَقُرآن}
Post: #2819
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 09:01 AM
Parent: #2818

ودي علشان خاطر ولدنا احمد اسماعيل ما يزعل و يبقى

مارق علينا جاي وبالله يا منصور ما تقول لي دي جات كيف

يعنى للشطار فقط ؟ يعني الناس النص نص ما معانا !


هذه عبارة عن عمليات حسابية بسيطة تثير الدهشة وعجبت العلماء!!!!! قرّب الحاسبة إليك وابدأ معي الخطوات :
اضرب العدد إخوانك في العدد 2 إذا لم يكن عندك إخوان فتجاهل هذه الفقرة
أضيف العدد (3)
اضرب المجموع في 5
أضيف عدد أخواتك (الإناث)
إذا لم يكن عندك أخوات فتجاهل هذه الفقرة
اضرب الناتج في 10
أضف عدد أجدادك الأحياء
إذا لم يكن عندك أجداد أحياء فتجاهل هذه الفقرة
اطرح (150) من المجموع السابق
الآن اكتب الناتج الذي حصلت عليه
لاحظ أن الناتج مكون من ثلاثة أرقام
و الآن امسك رأسك زين ولا تخاف وتعوذ من إبليس ولاحظ معي
العدد الأول من اليمين هو عدد أجدادك الأحياء ............ ......... ....... صح؟
العدد الأوسط هو عدد أخواتك(الإناث) ............ ......... ......... ..صح؟
العدد الأخير هو عدد إخوانك ............ ......... ........... ......... .صح؟
Post: #2825
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-09-2010, 10:07 AM
Parent: #2818

صبا ح الخير ياوجوه الخير والتفاؤل
تحياتنا للفريق العامل ماشاء الله تبارك
الله موسى عيسى ومحمد آدم اللياقة فت ومحققين
نتائج طيبة بس فاقدين خدمات المايسترو محمد صديق
بسبب اللياقة الواصلة لأدنى مستوياتها حتى لايستطيع
يتفرج بالعينين مستفيدا من إبتكارات الفنان محمد عيد
(النظر بخرم الإبرة)
يامحمد ادم الباسويرد حقي دة حيجيب ليكم كتاحة بطالة خلاص
مش فلعني وفلعتو البتكلم عنها منصور ديك حيكون الدم للركب
لو ماتورو بورو حتكون كتاحة من الجنجويد



ولاعذر لمن أنذر
Post: #2820
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-09-2010, 09:23 AM
Parent: #2817

صباح الخير،،، يا وجوه الخير،،

أصبحنا وأصبح الملك لله،،، وحده

نسمات صباحية:-

رب هب لي حُكماً وألحقني بالصالحين

وأجعل لي لسان صدق في الآخرين

وأجعلني من ورثة جنة النعيم

ولا تخزني يوم يبعثون.

آميين,,,,,آمييين.
Post: #2821
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 09:45 AM
Parent: #2820

Quote: نسمات صباحية:-

حدد مكانك يا ريس

في السعودية و لا الإسكندرية؟؟

في محطة أبو حمامة و لا محطة البلابل؟؟؟؟
Post: #2822
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 09:55 AM
Parent: #2821

اليوم تحملونا شوية هسع يجي ناطي جلا يقول ليك والله

الراجل عامل لينا وجع وشع ؟

طيب نمشى للبند رقم (2) من فن المقابلات الشخصية :


الأســــــئلة المعتـــادة
هناك بعض الأسئلة المألوفة والتي غالباً ما يتم السؤال عنها خلال المقابلة يجب أن تعرفها وتتدرب على الإجابة عليها مثل :-
- لماذا تريد أن تعمل في شركتنا أو لماذا التحقت بهذا العمل ؟
الهدف من هذا السؤال هو معرفة مدى حرصك على هذه الوظيفة وإمكاناتك للفوز بها
حاول أن تبرز المعلومات التي حصلت عليها والمتعلقة بالشركة والمهارات التي تكتسبها والمزايا التي ستحصل عليها الشركة من عملك بها، واحذر أن تذكر انك ترغب في تحسين دخلك أو أن الرواتب لديكم مرتفعة …الخ

- تحدث عن نفسك ومواهبك و هواياتك؟
الهدف من السؤال كما ترى هو معرفة كيف ترى نفسك وبالتالي كيف تتوقع أن يراك الآخر
استخدم عبارات موجزة للوصف نفسك والتعبير عن قدراتك وخبراتك العلمية والعملية والمهارات الخاصة والهوايات ( لاحظ أن بعض الهوايات لها دلالات معينة مثل القراءة أو لعب الشطرنج أو الموسيقى ) .

أين عملت قبل ذلك ؟
الهدف من السؤال التعرف على خبراتك السابقة وقدراتك الخاصة , حاول أن تذكر الأعمال ذات العلاقة الوثيقة بالوظيفة التي تتقدم لها أولاً فهي تعطى انطباع جيد.
هل عملت أثناء الدراسة ولماذا؟
هدف السؤال هو معرفة الدوافع الحقيقية التي جعلتك تعمل أثناء الدراسة وهل هي دوافع مادية بحتة أم دوافع عملية كاكتساب الخبرة والمهارة .

ما هو المرتب الذي كنت تحصل عليه من عملك السابق ؟
يهدف هذا السؤال إلى التعرف على وضعك المادي في العمل السابق مقارنة إجاباتك بأسباب تركك للعمل واكتشاف التناقض بينهما كن أمينا وصادقاً دائماً .

لماذا تركت عملك السابق ؟
من أهم الأسئلة التي تتعرض لها والهدف منه التعرف على ما إذا كانت هناك مشاكل وجدتها في عملك السابق وكيف تعاملت معها، كن صادقاً في تحديد الأسباب وركز على أسبابك المتعلقة بالطموحات مثل عدم وجود فرصة للترقي، ولا مانع من أن تذكر أسباباً عامة.

كيف تعرفت على الوظيفة المعلن عنها ؟
يهدف هذا السؤال إلى معرفة مدى اهتمامك بالحصول على العمل هل عرفت بالصدفة أم من صديق أم من متابعة أخبار الشركة في وسائل الإعلام أو غير ذلك و هنا تبرز أهمية المعلومات التي قمت بجمعها عن الشركة .

- ما هو الراتب الذي تريد الحصول عليه من العمل معنا؟
حاول ألا تجيب على هذا السؤال بشكل مباشر بل اجتهد لتحصل أنت على إجابته من صاحب العمل كأن تسأله عن الراتب الذي يتقاضاه أفضل الموظفين لديه أو أن تسعى في البحث عن متوسطات الرواتب في الوظائف المشابهة ثم حدد مدى أو متوسط يمكن أن يتحرك فيه المرتب المنتظر ولا تتجاوز في توقع المرتب.(لاحظ أن هذا السؤال ذو حدين فلو توقعت مرتباً منخفضاً قد تحرم نفسك من مرتب أعلى قد تمنحه لك الشركة أما إذا توقعت راتباً مبالغاً فيه فقد يصرف اهتمام صاحب العمل عنك لوجود هوة واسعة بين ما تتوقعه وما ستحصل عليه)

رابعا أسئلة تريد الاستفسار عنها :
حاول أن تدون الأسئلة التي ترغب في سؤال صاحب العمل الجديد عنها أثناء المقابلة الشخصية في مفكرة جانبية، ولا تسال عنها قبل أن ينهى هو الحديث وتحاشى الأسئلة السلبية كان تسال عن إمكانية الانتقال إلى فرع آخر أو إمكانية العمل أيام العطلات
نماذج للأسئلة :
هل تقومون بإعداد برنامج تريبي للموظفين الجدد؟
ما المدة التي يستغرقها هذا البرنامج ؟
ما المهام الوظيفية التي سيقوم بها من يحصل على هذه الوظيفة ؟
ما فرص الترقي الموجودة لديكم؟
ماذا يمكن أن أكون بعد مرور خمس سنوات على في العمل ؟
Post: #2823
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 10:00 AM
Parent: #2821

اضرب العدد إخوانك في العدد 2 إذا لم يكن عندك إخوان فتجاهل هذه الفقرة
1*2=2
أضيف العدد (3)
2+3=5
اضرب المجموع في 5
5*5=25
أضيف عدد أخواتك (الإناث)
25+1=26
إذا لم يكن عندك أخوات فتجاهل هذه الفقرة
اضرب الناتج في 10
26*10=260
أضف عدد أجدادك الأحياء
إذا لم يكن عندك أجداد أحياء فتجاهل هذه الفقرة
شرحوووووو
اطرح (150) من المجموع السابق
260-150
الآن اكتب الناتج الذي حصلت عليه
110
لاحظ أن الناتج مكون من ثلاثة أرقام
و الآن امسك رأسك زين ولا تخاف وتعوذ من إبليس ولاحظ معي
العدد الأول من اليمين هو عدد أجدادك الأحياء ............ ......... ....... صح؟.... صح
العدد الأوسط هو عدد أخواتك(الإناث) ............ ......... ......... ..صح؟ ....صح
العدد الأخير هو عدد إخوانك ............ ......... ........... ......... .صح؟...صح
و الله يا موسى تباري الإيميلات بتاعت الحاجات دي
تأكد إنو حيصيبك فيرس
و بعدين نلقاك قاعد تشحد بالدولار
و تقول أنا إنقطعت و أنا في بريطانيا و لا في أم صيقعون الجاك
Post: #2824
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 10:06 AM
Parent: #2823

Quote: اليوم تحملونا شوية هسع يجي ناطي جلا يقول ليك والله

الراجل عامل لينا وجع وشع ؟

يا سيدي فعلاً عامل وجع وش
بعدين في منبر بتاع ناس الزقازيق
فيهو حاجة اسمها تنمية المهارات
و أنا مخصوص كتبت ليك فيهو حاجة
أمشي شوفها و بعدين كب كلامك دا هناك
لو ما عارف تعال نوصف ليك
تمشي دغريييييي بعدين تكتل ملف
يعني تشيلها موووزة
Post: #2826
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 10:14 AM
Parent: #2824

Quote: لو ما عارف تعال نوصف ليك
تمشي دغريييييي بعدين تكتل ملف
يعني تشيلها موووزة


إنت عارف يا احمد انا والله اتجاه واحد يعني ما في اي لفة

و لو حاولت الف بلقى صحبك جلا حابس لي الدرب امشى وين ما

إلا اصبكم هنا بس ؟
Post: #2827
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-09-2010, 10:33 AM
Parent: #2826

سلام يا اهلنا


طارق ابوعبيدة دة بجضم الغناء ويمحنه عدييييييييييل
له تحية زقازيقية
Post: #2828
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 11:11 AM
Parent: #2827

Quote: يامحمد ادم الباسويرد حقي دة حيجيب ليكم كتاحة بطالة خلاص
مش فلعني وفلعتو البتكلم عنها منصور ديك حيكون الدم للركب
لو ماتورو بورو حتكون كتاحة من الجنجويد

عليك نوووور يا أحمد إسماعيل
معناها أنا و إنت ما بنعرف المدعوة التي ذكرها منصور
و بي كدا إنت أسلحتك شنو؟؟؟
مدافع هاون؟؟
و لا كلاشنك؟؟؟
و لا أربجي؟؟؟
و الله ثقافة الحرب بتاعت دارفور الله يحلنا منها
طارق جبريل
حبابو طارق أبو عبيدة
و الله إنت زولاً حكيم
قلت لي لقيت البوست كترابتو مشعللة قلت أخير تسمعنا الحنان دا؟؟؟
تحية زقازيقية ليهو و لي كل الناس البتحب ناس الزقازيق و الحلال المجاورة ليها
Post: #2829
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-09-2010, 11:53 AM
Parent: #2828

يامحمد آدم الأسلحة كثيرة وآخرها لو ماأخاف الكضب
السلاح الجديد البعمل البراكين والزلازل ممكن تسأل
منو صاحبك موسى عيسى

بعدين خرم الإبرة البنظر بيه محمد عيد ده ماجاء
من فراغ وذلك لأن الله سبحانه وتعالى ذكر بأن الحديد
فيه بأس شديد ونحن لوعايزين نشوف الساحر على حقيقته
ونكشف الاعيبه السحريه علينا ننظر لسحره من خلال (قب الفأس)
اي بالفتحة التي تدخل فيها عصى الفأس
Post: #2830
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 12:13 PM
Parent: #2829

Quote: ونحن لوعايزين نشوف الساحر على حقيقته
ونكشف الاعيبه السحريه علينا ننظر لسحره من خلال (

بعدين الزول القاعد يكتشف الألاعيب السحرية دي إلا يكون زول غاطس في السحر
أتاريهو محمد عيد زولاً سحار بمعنى كلامك دا
و بما أن قلب الفاس أكبر من خرم الإبرة
فإن هذا الزول ما بتصاقع في مسألة العمل دي!!!!
بالله كلم جنابو قول ليهو شيل عينك من خرم الإبرة دا

Quote: قب الفأس)اي بالفتحة التي تدخل فيها عصى الفأس

يا أحمد إسماعيل كلمتك مليون مرة الترجمة الكتيرة تخرب المعنى
خليهم ما في زول شغال بيك
Post: #2831
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-09-2010, 12:16 PM
Parent: #2829


هسي يجي ياسر نجيلة يقول

ماذا تقصد بالعصى ؟

لأن كل ناس السودان بقولوا (عصــا)





والعصا لمن عصى
Post: #2832
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-09-2010, 12:34 PM
Parent: #2831


يامحمد آدم قلنا ناس دار صباح ودار الريح
وعيال البحر كلامنا واحد بنشاف ليهم رطانة


لاكن التيارات الآتية من الغرب ومن الشرق
ومن الريح ادت مفعولها والرندوك كثير
Post: #2833
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-09-2010, 12:41 PM
Parent: #2832

نحن الحمد لله بقينا اولاد خرطوم يعني مرقنا منها ؟

بس لو ناس حاتم جبارة قالو اي شي تاني يانا الجيناكم

راجعين ! خلي جنبك فرقة يا بتاع كسلا انت وسع يا جدع ؟
Post: #2834
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 12:55 PM
Parent: #2833

Quote: راجعين ! خلي جنبك فرقة يا بتاع كسلا انت وسع يا جدع ؟

فرقتك دي ما في زول جا جنبها يعني قاعدة
و خت في بطنك بطيخة صيفي
بشرط
العفش داخل البص على مسؤولية صاحبه
أولاد تجارة و كمان غرِّابة!!!!
يا أبو حميد
و الله من شربنا من موية البحر
و سكنا دار صباح
وجع الراس ما فكانا!!!!
Post: #2835
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-09-2010, 01:13 PM
Parent: #2834

يا موسى لزوم تغيير البروفايل
الناس دي كجنت البروفايل بتاعك المن سنة دو
بالله غيرو
أحمد إسماعيل نحن و الوجاه وجهان لعملة و احدة
و لغاية هنا و كفاية
بكرة لون جديد وموضوع جديد
قناة النيل الأزرق
شخخخخخخخخخخخخخخخخخخخخخخخخخخخخخخ
يا عيد و الرشيد
Post: #2836
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-09-2010, 02:08 PM
Parent: #2835

يا شباب بقيتو تجيبوا كلام عجيب ... كلام مساطيل .... الله يستر من الإنحراف علي آخر العمر ....

المهم البت مشاعر بدوي المبشر ... تدعو جميع ناس الداخل والخارج لزواج شقيقها ياسر يوم الخميس 18/2/2010 بصالة نادي الضباط والما سامع يكلم السامع والنايم يكلم الصاحي والقاعد يكلم الواقف وهذا بمناسبة دعوة للجميع ... يعني يا جلا مافي كروت ولا تلفونات .... والمابينا ما يجينا ......
Post: #2837
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-10-2010, 07:37 AM
Parent: #2836

سلامات يا ناس

اصبحنا واصبح الملك لله

لا اله الا هو عليه توكلت وهو رب العرش العظيم

اللهم آت نفوسنا تقواها .. وزكــها انت خير من زكاها ..

&&&&&&&&&&&&&&&

تخيلوا آخــر مداخلــة كانت امبارح الساعة 4 عصرا

والبوست كان على اعتاب الصفحة الثالثة .. !

هســه بالله .. عليكم الله الزول البيجى بعد شوية ويقص ويلزق ده ..

كان دخل من قبيل براهو .. وانشاء الله قال احـــم وللا بغم .. مااااالوا ..

اصبر لى .. جاييك جاييك .. انشاء الله امرق بى خرم الابره ذاتووووو ..!
Post: #2838
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-10-2010, 08:05 AM
Parent: #2837

سلامات يا ناس

وصباحات التفاؤل

Quote: .. انشاء الله امرق بى خرم الابره ذاتووووو ..!


وانا حأدخل منو.
Post: #2839
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-10-2010, 08:26 AM
Parent: #2838

بسم الله الرحمن الرحيم
السلام عليكم يا يا قوم
بلووووووو الصبر
بنفتش في كوبي عشان البيست
القعدة براي حااااارة

Quote: اصبحنا واصبح الملك لله

لا اله الا هو عليه توكلت وهو رب العرش العظيم

اللهم آت نفوسنا تقواها .. وزكــها انت خير من زكاها ..
Post: #2840
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-10-2010, 08:34 AM
Parent: #2839

Quote: سلامات يا ناس
اصبر لى .. جاييك جاييك .. انشاء الله امرق بى خرم الابره ذاتووووو ..!

محمد عيد مركب مكنة محمد صديق
قلنا جاييكم دي معناها زول شنو؟؟؟
أستاذ ...أستاذ... أستاذ... أستاذ ....أستاذ..... أستاذ
أيوا يا الشاطر هناك
القاعد جنب الشباك قوم جاوب
آآآآآآآآآآآآ
معليش يا أستاذ كنت عارف الإجابة لكن طارت مني
خلاص معليش أقعد...المرة الجاية خيطها جنبك بي إبرة عشان ما طير
Post: #2841
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-10-2010, 09:22 AM
Parent: #2840

Quote: خلاص معليش أقعد...المرة الجاية خيطها جنبك بي إبرة عشان ما طير


لكن يا استااااااذ ...

الابرة دى ما خيطنا بيها البنطلون الزى حق حمدى الفضلى ..

آآآى داك القليتارى ابو كاروهات ..

قمنا لحقنا امــات طـه ..!!
Post: #2842
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-10-2010, 09:32 AM
Parent: #2840

بسم الله الرحمن الرحيم

اللهم نسألك خير هذا اليوم
اللهم أجعل أوله صلاحا
وأوسطه فلاحا وآخره نجاحا

مشيت المنبر في بوست محمد صديق
كمال الشادي والرشيد وفافي وعمر المهدي
والزيناتي وآخرون مدفقين كلام سمح خلاص
عن أغنية مصطفى سيد أحمد
بس ناقصين ياسر نجيلة ، ألحق حصل الربّة
Post: #2843
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-10-2010, 10:09 AM
Parent: #2842

الصور الجمالية والوصفية التي جعلتنا نتذوق نومة منصور
الطاعمة وبالأخص حكاية النخاشيش دي التي تدقدق الأحاسيس والوجدان
تحت لسعات البعوض



Quote:
تبا لك من باعوض , وتعسا لك من ناموس سخيف
ولكنى رغم ذلك انام ملء جفونى
لا يوقظنى طنينه ولا انينه , ولكن تململ ايثار وحجازى من لدغاته المستمرات
وهما النائمان الى جوارى فى سرير يسعنى بالكاد
يوقظنى مرة اثر مرة , فاعرف سبب تململهما من حكة هنا , او هرشة هناك
ولكن طعم السعادة المنسابة الواصل الى نخاشيشى يعيدنى الى النوم الآمن والأحلام اللذيذة
حتى اذا ما شقشق الصباح
وصاح منبه مسجدنا الأثير
الذى لى فيه ذكريات وحكايات (كما للشادى كمال )
الصلاة خير من النوم
تعاملت مع نداء الصبح الجميل والمختلف هذه المرة
تعامل السعادة والجمال الساكن جوايا من امبارح
وهو (النام منو )؟؟
واقوم من سريرى نشيطا جزلا فرحا
كما ولو انى اقوم من
(نومة اهل الكهف )
Post: #2844
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-10-2010, 10:32 AM
Parent: #2843

حياكم الله يا شباب
لى من شوفتكم مدة , بس حبيبى ما ولن ينسى (المودة )
تابعت واستمتعت , بالجد بالجد , بدون اى كضب يا جلا
صحى انها كانت متابعة من خرم الباب
ولكن هل يكفى (عشان تآمنوا ) اننا قضينا امسية الأمس المتأخرة نتفاكر فى سر موسى عيسى الباتع
فى لغز اضرب عدد اخوانك فى اتنين , ثم اضف اليهم ثلاثة , واضرب الناتج فى خمسة
ثم اضف للناتج عدد اخواتك البنات
واضرب فى عشرة بعد ان تضيف عدد جدودك الأحياء
اطرح مية وخمسين وورينى الباقى كم (ورينى ) ؟؟؟؟
الباقى كم
الباقى كم انا شايف انا شايف
كنت عايز استمر (مسطولا زيكم كلكم )
ولكن احمد اسماعيل دردقنى ليكم جنس دردقة
ما لقيتوا ليكم جاب مداخلة الناموس لمن مدرار وحجازى نايمين جنبى فى السرير الضيق كيف
وحاتكم , الباص والتمريرة بتاعت ابو عمر دى
يمين ولا فابريجاس ما قدر يلعبها يوم كورة تشيلسى الأخيرة
طيب , الزول لمن يلقى الكورة مدردقة ليهو الدرديقة دى يا ناس
عليكم الله عنده طريقة يعمل حاجة غير يشووووووووووت
اها انا فى الوضع ده
انا الآن
المتدردق الأممى زاتو يا ابو عمر يا حريف
هاكم الشوت ده
Post: #2845
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-10-2010, 10:56 AM
Parent: #2844

زى ما قلت ليمن زمااااان
اليوم كان تلاتاء
صحينا بدرى جضمنا الشاى ابو بسكويت دون ان نفسح لكعك الشيالة مكانا
هذا ظلم فاضح ان تنحاز للبسكويت دون البتى فورات وانواع الكعك المالية الشيالة
لذا فاننا قمنا شبعانين من الشاى شبعة (عدوك ) ولكن (اهمال ) الكعك والشيالة ترك فى انفسنا شيئا من حتى
حتى اذا ما تمشورنا مشوارين او ثلاثة داخليات (جوة الصحافة دون ان نتعدى خور جانقى لحدائق الصحافة الخلفية الفرحانين بيها ناس كده قاعدين فى المغرب وجنب بيتهم فى قندران واول حرف من اسمهم طارق جبريل )
رجعنا الى بيت العرس وقد خف قلقنا على مصير سمك عوضية
ولكن ما لبث ان عاد خوفنا وتوجسنا على (عوضية دون سمكها )
ما ان راينا صوانى الفطور الكاسحات , المارقات والداخلات ,الشايلات لامن مدفقات , اللى للعاب مسيلات , وللكروش مالئات , وحاتكم بدون ما تكون للأيادى (موسخات )
كل لقمة عصيدة او معلقة سكسكانية او كمشة شعيرية او قضمة فطيرة
كان يتبعها منى , حليلك يا عوضية
وكان الجالسون برددون معى ما اقول
حليلك يا عوضية , دون ان يسألوا , عوضية مين يا مفترى
ولكن الله لطيف دوما بعباده اللذين يعزون (اللهط النضيف )
واللهط النضيف هذا , ليست له اى صلة قرابة بعبد الدائم
سوى انه اخوه ( ولكن من الرضاعة )
رسالة فى جوالى من الواد زهير تفيد بأن الفطور الساعة واحدة
ما قلت ىليكم زهير ده ولد فناااااااااااااااااااااااااان ياخى
Post: #2846
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-10-2010, 11:02 AM
Parent: #2845

انت يا منص سمكك دة الا تدخل فيهو الامتداد
Post: #2849
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-10-2010, 11:33 AM
Parent: #2846



بعد ماتذوقنا حلاوة نومة منصور
نرجع نشوف صعوبة النوم عند هذا المريض
الذي إبتلاه الله بعجز كامل في جهازه العصبي
رغم كل أجذاء جسمه مكتملة مابقي له غير نعمة
الكلام والنظر والإدراك وهو طريح السرير بالمستشفى
أراد أن ينوم طلب من الممرضة تغطي وجهه لمدة نصف ساعة
ثم ترفع الغطاء بعد ماقامت الممرضة بالواجب وتركته كاد
ان يختنق بالغطاء فما كان أمامه غير أن يصرخ بأعلى صوته
مسمعا الممرضة التي أنقذته من الهلاك
مقارنة محاولة هذه النومة بنومة منصور أعلاه
تدرك بأنه كون الواحد ينوم بكيفه ويتقلب على كيفه ومتى شاء
هذه نعمة كبيرة وقيس عليهاباقي نعم الله علينا فعلا كما قال الله
إذا تعدوا نعم الله لاتحصوها
لذلك نوصي نفسي وإياكم بأن نشكر الله على هذه النعم بالتسبيح
وبالجوارح وبالقلب وذلك أقوى الإيمان
Post: #2847
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-10-2010, 11:23 AM
Parent: #2845

الغايظنى فى الموضوع
زهير باين عليهو مرسل الرسالة دى من بدرى
ما متذكر انا شفتها متين بالظبط
ولكن قلقى على سمك عوضية وانا افطر ذلك الفطور المجهبز
يؤكد ان مطالعتى لتلكم الرسالة الظريفة , كان بعد الفطور
لو شفتها قبل الفطور , لكن ادائى مختلفا
طيب لو شفتها قبل الشاى ابو بسكويت , ما كنا كمان اخدنا بى (خاتر ) الشيالة !!!
ده عيب الجوالات الحديثة , البتديك ملخص الرسائل والبريد الألكترونى مع بعض
ولا اقول ليكم , ده عيب الشوف مستعينا بنظارة قراءة
كانت الساعة قبائل عشرة الصباح
ثلاث ساعات كاملات تفصلنى عن سمكك يا عوضية
اذن فقد كان (ضعفى ) الذى مارسته حيال فطور العريس , ضعفا (انسانيا ) موفقا
التاج العريس الذى صارحته بهواجسى كان واقعيا ملخصا الموضوع تلخيصا منطقيا
فى السودان لا تجازف بترك فطور جاهز لمصلحة فطور تحت التجهيز
عرسان السودان الزمن ده نجيضين نجاضة !!!!
اذن قد فطرنا الجاهز , ولم نخاطر حتى بالذى تحت التجهيز
وبعدين اصلا المشاوير العندك يا منصور , تتطلب ان تفطر مثنى وثلاث ورباع
نحن يا دوب فى مثنى اذا ما استثنيا شاى الصباح الذى ظلم الشيالة
حمنا وحمنا وحمنا
تمشورنا ما شاء التمشور
وصلنا رسائلا وطرودا وشنط , ما (ان مفاتحها لتنوء بالعصبة اولى القوة )
وهاهى الساعة الأولى بعد انتصاف ذلك النهار الحافل , تقبل فاردة ذراعيها
وضع البطن بعد المشاوير , مطمئن على الأقل
ونعتمد على مشهيات الونسة اللذيذة والطاعمة
وصحبة الأحباب ممن لم نرى منذ مدة , وممن نتوق الى رؤياهم لربط الأسم بالشكل
قطعنا (خور ابو عنجة ) قدوما من الكوبرى القديم
سوق السمك على يمينك , والسمك زااااااتو على الشمال
مع انى ما شفت لى سمكاية قاطعة الشارع معاى
ولكن نوع عوضية دى بيكون عمل ليهو (نفق )
ولا اقول ليكم , السمك زااااتو بيكون جاى ليها فى مطعمها ينطط فرحان جزلا
يمين بالله يا سمك , تنطط متر , ننطط مترين , تجينى ماشى , اجيكا جاكى
تجينى جاكى , الاقيكا جارى , والعجب لو جيتنى عائم , تلقانى كيجاب , ولو داير تعمل ليا فيها كاكى
اخوك ما جبريلاسياسى عدييييييل

(لاحظ معى ان عربتى وقفت براها فى جانب الشارع الثانى , جنب البحر يعنى , فلهذا الموقف اهميته ارتباطا بما سيأتى )
Post: #2848
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-10-2010, 11:29 AM
Parent: #2847

حبيبى يا جبريلا
علاقة الأمتداد بالسمك
علاقة وطيييييييييييدة
بس حاسب من الشوك
معزتى مع مودتى زائد اشتياقى يا مطيميس
Post: #2850
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-10-2010, 12:40 PM
Parent: #2848

سلامات يا ناس

والله انا محتار : حلقات منصور دى انا افتكرتها

زمان خلصت ...لانو اصلو ما قال نواصل او جاييكم

برواقة او اى كلمة من هذا القبيل ...

الزول ده يكون صحى يادوب من النومة حقت الاسبوع دااااااااك

ولّا تكون ضربتو كهربا؟
Post: #2851
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-10-2010, 05:10 PM
Parent: #2850


هذه القصيدة أخذتها ايام المتاوقة من هذا البوست
وهي للشاعر الموريتاني /أحمد ولد عبد القادر يقول

وادي الأحبة هلا كنت مرعانا
إن الحبيب حبيب حيث ماكانا
ياأخاالبعد هل تشفيك قافية
تبوح بالنفس الحاناوإشجانا
أف على الشعر والدنيابإجمعها
مالم تقرب إلى الإخوان اخوانا
هون عليك ذاك الشمل مجتمع
والنجع لاقى على التحنان خلانا
إن الحمائم قد عادة مغــردة
فوق الغدير وعاد البان نشوانا
أما رأيت طيور البحر حـالمـة
في افقنا ترسم الأفراح ألوانا
وسل احباءك الآتين كيف أتـوا
وكيف نامو على الهجران أزمانا
أحبابنا الأهل مرحى يوم مقدمكم
هذا لقائنا فهل تنضـم أشـلانا
هذا لقانا فهل آمالنا إنعقدت
وهل نسيم ربيع الوصـل قد لانـا
Post: #2852
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 07:54 AM
Parent: #2851

بسم الله الرحمن الرحيم
السلام عليكم ورحمة الله و بركاته
عشان البوست ما يبقى هامل
و يمشي للصفحة التالتة
و عشان محمد عيد ما يزعل
و بما أن الكفيل قافل على موسى عيسى و أحمد إسماعيل يوم الخميس
و يوم الخميس الرشيد راجع لأولادو
نعمل الكوبي بيست دا
Quote: يـارب
ناداك نـوح فنجيته مـن كربـه.....ونـاداك أيـوب فكشفـت مابـه مـن ضـره

ونـاداك يونـس فنجيتـه مـن غمـه

ونـاداك زكــريا فوهبـت لـه ولـدا مـن صلـبه....بعـد يـأس أهلـه وكبـر سنـه

ونـاداك إبراهيـم فأنقذتـه مـن نــار عدوه

وأنجيـت لـوطـا وأهلـه مـن الـعذاب النـازل كلـه....سبحـان مـن أيـَد اليتيـم بجبـريـل

ودمَـر أبـرهـة بطيـر أبابيـل

يامـن هـو فـوق عبـاده ظاهـر....يامـن هو مطلـع عليهـم وناظـر

أعنا على ذكرك وشكرك وحسن عبادتك يـارب
Post: #2854
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-11-2010, 08:07 AM
Parent: #2852

Quote: عشان البوست ما يبقى هامل
و يمشي للصفحة التالتة
و عشان محمد عيد ما يزعل
و بما أن الكفيل قافل على موسى عيسى و أحمد إسماعيل يوم الخميس
و يوم الخميس الرشيد راجع لأولادو
نعمل الكوبي بيست دا


535_344_Hi_20_tn.gif Hosting at Sudaneseonline.com
Post: #2853
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-11-2010, 08:06 AM
Parent: #2851

بسم الله الرحمن الرحيم

اللهم إني أسألك خير هذا اليوم
فتحه ونصره ونوره وبركته وهداهـ
وأعوذ بك من شره وشر مابعده
اللهم بك أصبحنا وبك أمسينا وبك
نحيا وبك نموت وإليك النشور اللهم
فاطر السماوات والأرض عالم الغيب
والشهادة رب كل شيء ومليكه أشهد
أن لا اله إلا أنت ، أعوذبك من شر
نفسي ومن شر الشيطان وشركه اللهم
إني أسألك العفو والعافية في ديني
ودنياي وأهلي ومالي ونسألك العافية وتمام
العافية والشكر على العافية والغنى عن الناس
Post: #2855
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 08:37 AM
Parent: #2853

ما عندك مشكلة
برضو كوبي بيست
535_344_Hi_20_tn1.gif Hosting at Sudaneseonline.com
Post: #2856
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 08:41 AM
Parent: #2855

إستأذن نفسي
لأنو أنا قاعد براي
خلاص اتفضل
هذه بعض
عجائب الشعر العربي الجميل
وياله من مجال واسع رائع

نبدأ بهذا
ألـوم صديقـي وهـذا محـال
صديقي أحبه كلام يقـال
وهـذا كلام بليغ الجمال
محال يـقال الجمال خيال


الغريب فيه..أنك تستطيع قراءته
أفقيــا ورأسيـــا
Post: #2857
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 08:54 AM
Parent: #2856

حلموا فما ساءَت لهم شيم **** سمحوا فما شحّت لهم مننُ
سلموا فلا زلّت لهم قدمُ **** رشدوا فلا ضلّت لهم سننُ

يقال أن الابيات السابقه جزء من القصيده الرجبيّه، ولها ميزة عجيبه الا وهي:
ان الابيات، ابيات مدح وثناء
ولكن اذا قراءتها بالمقلوب كلمة كلمه،
أي تبتدئ من قافية الشطر الثاني من البيت الاول
وتنتهي باول كلمه بالشطر الاول من البيت الاول،
فإ ن النتيجه تكون ابيات هجائيه موزونه ومقفّاه، ومحكمه ايضاً .

وسوف تكون الابيات بعد قلبها كالتالي :

مننٌ لهم شحّت فما سمحوا **** شيمٌ لهم ساءَت فما حلموا
سننٌ لهم ضلّت فلا رشدوا **** قدمٌ لهم زلّت فلا سلموا
Post: #2858
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 08:57 AM
Parent: #2857

ايضاًمن طرائف الشعر هذه القصيدة والتي عبارة عن مدح لنوفل بن دارم،
واذا اكتفيت بقراءة الشطر الأول من كل بيت ف إ ن القصيدة تنقلب رأس على عقب، وتغدو قصيدة ذم لا مدح
قصيدة المدح :
إذا أتيت نوفل بن دارم **** امير مخزوم وسيف هاشم
وجــدته أظـلم كل ظــالم **** على الدنانير أو الـدراهم
وأبخل الأعراب والأعـاجم **** بعـــرضه وســره المكـاتم
لا يستحي مـن لوم كل لائـم **** إذا قضى بالحق في الجرائم
ولا يراعي جانب المكارم **** في جانب الحق وعدل الحاكم
يقرع من يأتيه سن النادم **** إذا لم يكن من قدم بقادم


قصيدة الذم :
إذا أتيت نوفل بن دارم **** وجدتــه أظلـم كل ظـــالم
وأبخل الأعراب والأعاجم **** لا يستحي من لوم كل لائم
ولا يراعي جانب المكارم **** يقرع من يأتيه سن النادم
Post: #2859
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 09:07 AM
Parent: #2858

طيب نشوف حاجة تانية

يحـدث في بلـدي
يحكى أن مستشارا دخل على مولاه فوجده مستغرقا في التفكير، فسأله عما يهمه،
فقال: أريد أن أفرض ضريبة على البنجر.. السكر.. بقيمة 10% لتمويل خزائني التي تكاد تفرغ،
وأفكر كيف سيتقبل الناس هذا القرار
قال المستشار: دع الأمر لي يا مولاي.
جمع المستشار أعوانه، وطلب منهم أن يبثوا في الأسواق إشاعات بأن الحاكم ينوي فرض ضريبة بمقدار 50%.
على البنجر واللحم والتمر والقمح والشعير..
فضج الناس، وأخذوا ينتقدون الأمر علنا، وبدأوا يعبّرون عن سخطهم وعدم رضاهم..
وكان الأعوان ينقلون ما يحدث في الأسواق وما يقوله العامة للمستشار أولا بأول
وفي الأسبوع الثاني طلب المستشار من أعوانه بث إشاعة تؤكد الإشاعة الأولى،
وأضاف عليها أن بعض المستشارين هم من أشاروا على الحاكم بهذا الأمر، وأن القرار سيصدر قريبا جدا.
أخذ الناس يقلبون الأمر، ويقولون: الضريبة مرتفعة جدا،
ومن الظلم أن تدفع على جميع هذه الأصناف، لو كانت 10 أو حتى 15%، أو لو كانت على صنف واحد لهان الأمر.
عندها ذهب المستشار إلى الحاكم
وقال: مولاي، الآن أصدر الأمر بفرض الضريبة.. ودعني أعد صياغة القرار.
كتب المستشار: تلبية لرغبات شعبنا الكريم، ونزولا عند رأيهم،
فقد قررنا عدم الإنصات لمستشاري السوء الذين سعوا إلى إثقال كاهل المواطنين بالضرائب الكثيرة،
واكتفينا بفرض ضريبة بسيطة بمقدار 12% على مادة البنجر فقط
تنفس الناس الصعداء وضجوا بالثناء والدعاء للحاكم الحكيم الذي يراعي شعبه،
ولا يثقل كاهلهم بالضرائب الفاحشة.
هذا ما حدث في قديم الزمان.. ومازال يحدث
Post: #2860
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 10:44 AM
Parent: #2859

أنا غايتو ما سائل في زول
كلمات للزقازيقيون

☼☺☼☺☼☺☼☺☼☺☼
الصمت... إجابة بارعة لا يتقنها الكثيرون

المعني: ياسر نجيلة
☼☺☼☺☼☺☼☺☼☺☼

الألفاظ هي الثياب التي ترتديها أفكارنا . .
فيجب ألا تظهر
أفكارنا في ثياب رثة بالية

المعني: موسى عيسى
☼☺☼☺☼☺☼☺☼☺☼
الانتصارات الوحيدة التي تدوم أبداً
و لا تترك ورائها أسى
هي انتصاراتنا على أنفسنا

المعني: نجاة حوفي
☼☺☼☺☼☺☼☺☼☺☼
افعل ما تشعر في أعماق قلبك بأنه صحيح . .
لأنك لن تسلم
من الانتقاد بأي حال

المعني: زهير الزناتي
☼☺☼☺☼☺☼☺☼☺☼
الضربات القوية تهشم الزجاج
لكنها تصقل الحديد

المعني: محمد عيد
☼☺☼☺☼☺☼☺☼☺☼
القضاء على العدو ليس بإعدامه . .
وإنما بإبطال مبادئه

المعني: أحمد إسماعيل
☼☺☼☺☼☺☼☺☼☺☼

ليس الفخر بألا نسقط . .
و إنما بأن ننهض كلما سقطنا

المعني: جلال
☼☺☼☺☼☺☼☺☼☺☼
ليس شقاؤك في أن تكون أعمى . .
بل شقاؤك في أن تعجز
عن احتمال العمى

المعني: محمد آدم
☼☺☼☺☼☺☼☺☼☺☼
يهب الله كل طائر رزقه . .
و لكنه لا يلقيه له في العش

المعني: حاج الركز
☼☺☼☺☼☺☼☺☼☺☼
الحب جحيمٌ يُطاق . .
و الحياة بدون حب نعيمٌ لا يُطاق

المعني: منصور
☼☺☼☺☼☺☼☺☼☺☼
ليس شرطاً أن تكون دموعنا أمام من نحب . .
لكن من
الضروري أن تكون من أجل من نحب

المعني: الرشيد
☼☺☼☺☼☺☼☺☼☺☼
وردة واحدة لإنسان على قيد الحياة
أفضل من باقة كاملة
على قبره

المعني: الريس ميسرة
☼☺☼☺☼☺☼☺☼☺☼
المتفائل إنسان يرى ضوءاً غير موجود ..
والمتشائم أحمق يرى ضوءاً و لا يصدق

المعني: محمد آدم
☼☺☼☺☼☺☼☺☼☺☼
Post: #2861
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 10:53 AM
Parent: #2860

قلت لي كيف؟؟؟
شغال براك أوباما
يعني الناس عملو ليك شرحبيل
أو يكونو عملو ليك الفاتح عروه
اجمل جمل في العالم
 إذا لم تعلم أين تذهب , فكل الطرق تفي بالغرض
 يظل الرجل طفلاً , حتى تموت أمه , فإذا ماتت ، شاخ فجأة
 عندما تحب عدوك , يحس بتفاهته
 إذا طعنت من الخلف , فاعلم أنك في المقدمة
 كلنا كالقمر .. له جانب مظلم
 لا تتحدى إنساناً ليس لديه ما يخسره
 المهزوم إذا ابتسم , افقد المنتصر لذة الفوز
 اعمل على أن يحبك الناس عندما تغادر منصبك , كما يحبونك عندما تتسلمه
 لا تطعن في ذوق زوجتك , فقد اختارتك أولا
 لن تستطيع أن تمنع طيور الهم أن تحلق فوق رأسك و لكنك تستطيع أن تمنعها أن تعشش في رأسك
 ذوو النفوس الدنيئة , يجدون اللذة في التفتيش عن أخطاء العظماء
 إنك تخطو نحو الشيخوخة يوماً مقابل كل دقيقة من الغضب
 اللسان الطويل دلالة على اليد القصيرة
 نحن نحب الماضي لأنه ذهب . ولو عاد لكرهناه
 من يطارد عصفورين يفقدهما
 لا تجادل الأحمق , فقد يخطئ الناس في التفريق بينكما
 أن تكون فرداً في جماعة الأسود خير لك من أن تكون قائداً للنعام
 لا تستحِ من إعطاء القليل فإن الحرمان اقل منه
Post: #2862
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-11-2010, 11:00 AM
Parent: #2861


final_48886419396.jpg Hosting at Sudaneseonline.com


ان فى الصــمت كلام ..!



Post: #2864
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 11:25 AM
Parent: #2862

Quote: ان فى الصــمت كلام ..!

خاشين إنتخابات؟؟؟؟؟
و لا إنتو في الصلاة؟؟؟؟

أولاً تشكراااااات بالردووووم
لكن عليك الله ما عيب عليك
تجيب ليك زول من دار العجزة و المسنين
الناس الفاضين و ما عندهم شغل يكون ماسك الورق دا!!!
علماً أن البروفايل بتاعك تشكل فيهو زي ماعايز
ممثلات..... عارضات أزياء...إلخ
اللهم أهدنا و أهدي بنا

لكن أقول ليك برضو ما قصرت لأنك عبرتني
Post: #2863
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-11-2010, 11:11 AM
Parent: #2859


يامحمد آدم قلنا لو مابنجدع معاك
نلم ليك الحجار

بالنسبة للأخ موسى عيسى أصيب بنزلة برد
وكحة تقيلة نسال الله ان يعافيه ويرجع لنا
سالما معافى


لماذا الخوف، والشمس لاتظلم في ناحية إلا وتضيء في ناحية أخرى

مهما قدمت للذئب من طعام فإنه يحن إلى الغابة

إذا سئل غيرك فلا تجب؛ فإن ذلك إستخفاف بالسائل والمسئول.

كلمة الحق تقف دائما في الحلق لأنها كبيرة

إذا أهانك شخص فأسكت، لأن السكوت أبلغ آيات الإحتقار

وأخيرا قال غاندي ( إنني آكل لأعيش ولا أعيش لآكل)
Post: #2865
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-11-2010, 11:34 AM
Parent: #2863

Quote: لكن أقول ليك برضو ما قصرت لأنك عبرتني


وما يعبروك ليه .. ياخ

هم لاقينك وين ..؟؟

المهم انت الليلة ركبت لينا مكنة منصور

عشان كده انا شايفك اربعة اربعة ..!!

390758.jpg Hosting at Sudaneseonline.com


لكن رأيك شنو فى مسكة الايدين دى ..؟
Post: #2866
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 12:05 PM
Parent: #2865

Quote: يامحمد آدم قلنا لو مابنجدع معاك
نلم ليك الحجار

بالنسبة للأخ موسى عيسى أصيب بنزلة برد
وكحة تقيلة نسال الله ان يعافيه ويرجع لنا
سالما معافى

و الله كتر خيرك في لملمة الحجار دي
أما موسى العيان بي نزلة و لا كحة ما عارفنو
الزول دا قاعد يكتب مداخلاتو بي قدومو ؟؟؟؟
نحن برضو حلقنا ملتهب و مسدود
و شغالين بي نت الكفيل
لكن النسألك إنت مش الليلة الخميس؟؟؟
المقعدك في جهاز الكفيل شنو؟؟؟؟
طبعاً أنا ما قاصد جلال
Post: #2867
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 12:13 PM
Parent: #2866

Quote: عشان كده انا شايفك اربعة اربعة ..!!

غايتو الناس البتشوف الصورة دي
يقول ديل توائم سيامية
شوفك دا ما بالحيل
لكن بتفي بالغرض
Post: #2868
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-11-2010, 12:35 PM
Parent: #2867

لغاية هنا و يكفي
الخميس بالمساء ماشين للتسوق
ما في طريقة للنت
الجمعة لحاجات العيال و أم العيال
ما في طريقة للنت
يوم السبت ما شغالين مع الكفيل
ما في طريقة للنت
ودعتك الله يا محمد آدم
Post: #2869
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-11-2010, 01:20 PM
Parent: #2868

Quote: المعني: حاج الركز
☼☺☼☺☼☺☼☺☼☺☼
الحب جحيمٌ يُطاق . .
و الحياة بدون حب نعيمٌ لا يُطاق



محمد ادم يا فلقة 000 دا حجر كسلاوي جاييك

فافي بباسوردي000
Post: #2870
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-11-2010, 03:18 PM
Parent: #2869

يا جلا أنا وصلت أبوظبي و لم توصلني مسافة مقدرة..

الليلة بي مداخلاتك الكتيرة ذكرتنا الانتخابات...

هي الانتخابات بتين...

الله يصرف الأمريكان..

الله يصرف الصرفيكان...
Post: #2871
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-11-2010, 03:59 PM
Parent: #2869

Quote: محمد ادم يا فلقة 000 دا حجر كسلاوي جاييك

فافي بباسوردي000



شوفي ياعفاف نظام الحصانة الدبلوماسية ماعندنا

( كل شاة معلقة من عصبتها)

ماعندك غير حل واحد تدي باسويردك للأخ حاج الركز
على الأقل نسمع رأيه وصوته






بلغيه تحياتنا وسؤالنا عنه
Post: #2872
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-11-2010, 05:23 PM
Parent: #2871

الصفحة رقم 30 وراها حتى نراها

القشرة الأرضية تتركب تقريبا من
48% اوكسجين ، 28% سليكون 5% المونيوم
4,5% حديد ، 3,5% كالسيوم ، 2,5% صوديوم
2,5% بوتاسيوم 2,2% ماغنسيوم وعناصر أخرى


تتكون مياهـ البحر من

96,4% ماء ، 2,9% كلوريد صوديوم 3و% كلوريد ماغنيسيوم

2و0% كبريتات ماغنيسيوم 2و0% أملاح أخرى


ماهي عملية النوم

النظرية الأولى
أن الإنسان ينام عندما يتحول الدم من أو إلى عضو هام في الجسم
وقد ثبت خطؤها

أن الجسم يتوقف عن إرسال الإشارات الحافزة إلى الدماغ ونتيجة لذلك
لايعود المرء في حالة إستيقاظ وهذه ننظرية محتمل صحتها

ان النوم غريزة إيجابية ليس حالة(توقف اليقظة) بل عملية إيجابية
يقوم الجسم من خلالها بالإستغراق في النوم
Post: #2873
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-12-2010, 01:23 PM
Parent: #2872

جمعتكم مباركة..

لقيت البوست واقف في محطة أحمد اسماعيل بتاعت القشرة الأرضية و النوم دي...

قلت امكن قاطع بنزين ...و لا مبنشر لستك..

و لا الكتاوت بتاعتو ضاربه...

و لا الكربيتر بتاعو وسخان..

و لا يا ربي امكن عشان جلا مافي الليلة ...


و محمد صديق في القولد و لا دنقلا...

و الله البوست ده عايز اتنين...

منى عباس و محمد المرتضى....
Post: #2874
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-12-2010, 04:29 PM
Parent: #2873


2efn9yq.gif Hosting at Sudaneseonline.com


جمعة مباركة على أحلى واجدع ناس
Post: #2875
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 02-13-2010, 00:08 AM
Parent: #2874

بإسم الحاضر والمستقبل ست الدار بت احمد قالت ....
ليك يا الزين ود حامد شوقنا
المبعوت المنك وصلت
رح سددت الطلب الفوقنا
باقي الدين يا الزين خلصتو
وكل الفضل مصروف راشد والتومات
والجايات من جاي لا جاي
=======================
الرشيد بابكر
انعل صليبك عديييييييييييييييييييل
شوف الكلام ده انا بكتب فيهو الساعة كم
الساعة 2 صباحا يوم الجمعة
يعني بكرة عندي شغل
وانا زي الشيطان براااااااااااي في النت
والنوم ما جياييني كل من صاحبتك ست الدار
انا مالي ومال ست الدار وست اللقيمات
--
على بالطلاق في دوا بتاع كحة إسمو ايزابكت
لمن تقفل معاي وما يجي النوم بشربو
اقسم بالله العظيم شربت القزازا كلها
والنوم ابا ما يجي
انعل صليبك عدييييييييييييل ياالرشيد
Post: #2876
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-13-2010, 08:22 AM
Parent: #2875

صباح الخير يا وجوه الخير

سلامات يا ناس ..

حباب الحبان .. مسكاقمى .. دبايوا .. و كل انواع التحايا ..

اللهم انا نسألك خير ما فى هذا اليوم وخير ما بعده

ونعوذ بك من شر ما فى هذا اليوم .. وشر ما بعده

&&&&&&&&&&&

اكتبى يا خديجة ..

أقصد كوبى بيست يا جلا ...!!!!
Post: #2877
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-13-2010, 12:05 PM
Parent: #2876

الحبان و العزيز ود عيد بارك الله فيك قمت برفع البوست من

صباحاته البيض و لكن صحبي اتلوم ما قام بعمل اللازم و حاولت

مرارا الاتصال به و لكن للاسف لم اوفق في الحصول عليه و حاولت

اعمل مداخلة من الصباح لكن عادة الجهاز الاصلو ما ببطلها حيث

اني استطيع المداخلة في أي بوست في حوش بكري عدا المنبر العام

ليه ما عارف يعني مستقصدني عديل دا كله من دعاء جلا علي ؟
Post: #2878
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-13-2010, 12:08 PM
Parent: #2876

والله هضرباتكم سمحة جنس سماحة
جلا , اتقطعت عديل وانت مركب مكنتى الخائف عليها وبفتش عليها
يضيرك بشى لو قلت ليك انا استمتعت عدييييييل
يعنى حاتحس مجرد احساس بانى كضاب وقاعد اجامل
والله , وحياة الله , اقسم بالله استمتعت عديييييل
بس انا جنى وجن اللفحى , خاصة لمن يكونوا فى اتنين فى بيت واحد عندهم باسويرد سوا
ويجوا يلفحوا ليك لفحة زى دى
تقول يا منو ؟؟
ياعفاف ولا حاج الركز ولا الأتنين سوا
اوعكم تلفحوا (مخصصاتنا ) القسمها لينا ربنا
جلا ده يتقطع جنس التقطيع ده , ويقسم المعانى زى (المرارة )
تجوا تلفحوا (نصيبى ) وتسجلوهو باسمكم يا لفاحين
عاملين فولكم الأطعم من شيتكم دى
الأنا المعنى بأن الحب جحيم يطاق , بينما الحياة بدون حب نعيم لا يطاق
امشوا كده ولا كده شوفوا حنانكم وين
مخصصاتكم شيلوها من جلا بى طريقتكم
وخلو لينا مخصصاتنا كان تطاق ولا لا تطاق
ما شايفين , يهب الله لكل طائر رزقه , ولكنه لا يلقيه اليه فى العش ولا شنو ؟؟
فى الحقيقة , الصور الملونة حاج الركز بقى يعمل ليها استنفار منزلى
دى , نادوا ليها على عديييييييل
يا عجائز يا من زمن فحص (البلهارسيا )
Post: #2879
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-13-2010, 12:15 PM
Parent: #2878

جبريلا
اكتب لى يا غالى الحروف , فى السلك يا مان
قول لى خدر
لو انت عزال فى الطماطم والليمون
زى عزليك بتاع الغنا ده
فانا ارشحك زعيم (فريزين )
فى اجدعها مزرعة طماطم
احب الطماطم زاتو
Post: #2880
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-13-2010, 01:12 PM
Parent: #2879


الــى كل الزقازيقيين الملتزمين بتنفيذ نظريـة .. بابا يغســـل العــدّه

تحذير بعدم تطوير النظرية الى : بابا بيقطـــّع الســـلطة ..!!

يعنى يا منصور ما تقول لى أحب الطماطم ولا البندوره ...


fdr.jpg Hosting at Sudaneseonline.com


هذه الصورة الجميله حصلت على لقب أفضل صورة فوتوشوب فى امريكا لسنة 2009
Post: #2881
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-13-2010, 01:54 PM
Parent: #2880

يا ناس زراعة ... مالكم إتذكرتوا العرس فجأة كده ... مساء الأمس كان زواج الأخ فتح الرحمن عبد الرحمن برلوم زراعة .... بالجزيرة ... آلاف التبريكات والتهانئ بهذا الزواج ... وعقبال الزول الفي بالي ...
تلفون فتح الرحمن 0910197054 ومن خارج السودان : 00249910197054 .....

يا محمد عيد ما تقعد تحك راسك ساكت الزول ده في ناس كتار هنا ما حضروه وما بيعرفوه ... وزي ناس فتح الرحمن ديل نعرفهم نحن الأولاد الصغار ديل ..... والله إلا تلاقوهم في الإنترنت زي ده ...
Post: #2882
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-13-2010, 03:12 PM
Parent: #2881

ازيكم يا اجدع ناس 000

فتح الرحمن الف مبروك 000

فتح الرحمن يخيل لي اخر زول اتخرج من كلية زراعة


دا لو ما كان من الزقازيق كلها 000




00000000000000000000000000000

خالو زهير وين مختفي ؟؟؟
Post: #2883
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 02-13-2010, 03:30 PM
Parent: #2881

التعازي القلبيه لكل من فقد عزيز لهم...
Post: #2884
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-13-2010, 05:42 PM
Parent: #2883

سلامات يا ناس

ومساءات التفاؤل

مرحبآ بالاخ محمد صديق بعد الغياب الطويل

مرحبآ بالاخ حاتم جبارة بعد الغياب الطويل
Post: #2885
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 07:27 AM
Parent: #2884

بسم الله الرحمن الرحيم
السلام عليكم أيها الناس
الكوبي شايلو ليهو تقريباً يومين
البيست قال ليكم يوم الأحد
Quote: اللهم انا نسألك خير ما فى هذا اليوم وخير ما بعده

ونعوذ بك من شر ما فى هذا اليوم .. وشر ما بعده

&&&&&&&&&&&

اكتبى يا خديجة ..

أقصد كوبى بيست يا جلا ...!!!!
Post: #2886
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 08:57 AM
Parent: #2885

Quote: بس انا جنى وجن اللفحى , خاصة لمن يكونوا فى اتنين فى بيت واحد عندهم باسويرد سوا
ويجوا يلفحوا ليك لفحة زى دى
تقول يا منو ؟؟
ياعفاف ولا حاج الركز ولا الأتنين سوا
اوعكم تلفحوا (مخصصاتنا ) القسمها لينا ربنا
جلا ده يتقطع جنس التقطيع ده , ويقسم المعانى زى (المرارة )
تجوا تلفحوا (نصيبى ) وتسجلوهو باسمكم يا لفاحين

أنا متخيل اللفحي ما يكون إلا في المداخلات
لكن أن تلفح ليك حاجة من نص المداخلة
دي ما في زول عملها و لا أظن موسى عيسى زاتو يعملها
و التفنن الفايت الحد ...هي كيفية الإختيار في اللفحي ...
فتداول الحب بين الزقازيقين ظاهرة بدأت دراستها في ثمانينات القرن الماضي ...
حيث توصل الباحثون أنها ليست ظاهرة و لكنها شئ طبيعي بينهم و تجدد مرة أخرى في تلك المدينة
آخذين حديث الرسول الكريم الذي يقول حب لأخيك كما تحب لنفسك
عليه أن تلفح حاجة بتاعت منصور..فهذا و لا شك إنك تحبه حتى النخاع الشوكي
و النخاع الشوكي علمت من بعض الجزارين ناس طارق جبريل أنه هوالطايوق بتاع الدوكة
و قد شكك الباحث منصور
أن سمك عوضية ليس به طايوق
فكان طعمه مختلف و لونه المقمر مختلف أيضاً
وهنا تحضرني نكتة الزول الأحوص
قالوا الزول الأحوص قعد في طربيزة جنب زول تاني
و طلب صحن فول لكن قام أكل سمكة الزول الجنبو
أي تشابهة بين النكتة و اللفحي بتاع الجماعة إياهم غير وارد
يستفاد من هذه النكتة أن السمك و الفول ليسا و جهان لعملة و احدة
و الله أعلم
Post: #2887
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 10:27 AM
Parent: #2886

والله انتو بقيتوا ناس درداقين خلاص
جنكم تدردقوا الزول عشان تخلوهو ينداح
يعنى حتى لو الزول نسى عوضية وسمكها , وريحة السمك راحت من الخياشيم
الخياشيم مش ياها عضو الشم ولا انا غلطان
تجوا ما عارف تقعدوا تقولوا سمك وما سمك وتخلو (لعاب ) الواحد يسيل
ولمن اللعاب يسيل
القلم فرترب تلقاهو طلع من الجيب
قلع غطايتو براااااااهو
والحبر قعد يتدفق
وحتى لة شغلة الحبر دى شغلة مجازية
يعنى اصلا لا فى حبر ولا فى ورق ولا فى يحزنون
لأنو فى كى بورد بس
تلقى الأصابع الشغالة شغل القلم
نملت , وجاتك فيها الكاروشة
اصابعى نملت ونملت
بتوجعنى ياخ
جيبوا لى الكيبورد ده
Post: #2888
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 11:08 AM
Parent: #2887


تعرفوا قصة السمك دى بدت معاى من زمن اجازة الرشيد
لمن حندكونى بى سمك الربيع
انا ختيت السمك ده هدف استراتيجى فى بالى
يعنى ممكن تقولوا انا سافرت السودان لى هدفين اساسيين
عرس التاج وسمك عوضية
وليس خفيا على المتابعين فى الداخل , ان تحديد مكان السمك , خضع لموازنات وتباديل وتوافيق دونها تباديل وتوافيق صديقى عامر
المر لم يكن محصورا على عوضية براها
عوضية لم تفز بمزايدة فطور السمك , الا بعد شد وجذب عنيفين
ومثلما يؤثر غياب لاعب ما على اداء فريق كورة معين
فان غياب الكوتش فى يوم التلاثاء الخامس من يناير ووجوده فى (ام صيقعون الجاك )
كان عاملا مؤثرا ومحددا لكون فطور السمك وين
الكمندان من انصار الربيع ,
واكيد ان القارىء الفطن يعرف ان الربيع المعنى هنا هو الميدان
دون ان ينفى ذلك انحياز (جورج ) الى (ربيع الدنيا فى عينى )
ولكن السمك مدارس , مدرسة عوضية احداها
استغل زهير ود الزناتى باشا
غياب الكوتش عن ملعب المباراة
وباعتباره من (سدنة ) عوضية ومؤيديها
فاادار كفة الميزان لصالحها
فازت عوضية بالمزايدة
لاحظوا انى ما قلت مناقصة
كل العطاءات فى الدنيا تحسم مناقصة
الا السمك
البيناقص فى السمك خسران
ان السمك , جو وحالة ورائحة
الفائز بها
الأعلى بكل تأكيد
Post: #2889
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 11:26 AM
Parent: #2888

خلينا مسألة السمك
و ما دايرين نجيب سيرتو
نشوف الكلام التاني بتاع الطير
أنا مشيت لمحل الحجابات أقصد التمائم بي غادي ..
و لقيت كلام زي العجب ولمن نجيب سيرة العجب ....
يعني ما قاعدين نطرى سمك عوضية
المهم: لقيت الناس كلها مبسوطة...
و منداحة في البوست بتاع التمائم
و الجماعة يقولو يا فافي و الله بخت حاجز الركز بيكي
و في ناس أبدو تمائم إعجاب
المهم كسير تلج صاح الصاح
لدرجة إنو اللوح بتاع التلج خاتينو في طشت و كمان سايح
لكن أي زول لقى فرصة قاعد يكسر في التلج البقا موية
كيف؟؟؟....لا أدري
المهم ختيت الكلام
يهب الله كل طائر رزقه . .
و لكنه لا يلقيه له في العش
بناءً عليه كان المقصود الركز و بتنا بتاعت كسلا
وهذا حسب التحليل الفيزيقي للأشياء
المهم في النهاية لقيت نفسي مفلوق بي حجر جاي من كسلا
أنا زي منصور
ما هماني شئ...و لا خايف من شئ
و جائ بشئ
ما بوريييييييييييييييييكم
أقصد ما بورييييييييييييييييييييييييييك
Post: #2890
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-14-2010, 11:32 AM
Parent: #2889

Quote: و جائ بشئ
ما بوريييييييييييييييييكم
أقصد ما بورييييييييييييييييييييييييييك



دي ايقاع جاييييييييك يا اخر المدائن000


اها يا سيدي الحسن الحقنييييي0000



يا ابنوسي 0000 جلا جايء بشيء0000 انا برة000
Post: #2892
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-14-2010, 11:54 AM
Parent: #2889

مساء أو صباح الخير

هو اليوم ده يوم شنو...و التاريخ كم

ما عارف جاني احساس انو الصفحة دي قريتها قبل كده...
امكن يكون احساس ساكت...
مرات بحس اني جيت المكان ده قبل كده و بيكون أول مرة أشوفو..
أو قابلت زول لأول مرة تحس انك شفتو قبل كده...
مرة كنت في في عمارة الاخوة في الخرطوم...
أنا واقف قدام مكتب و في واحد تاني واقف قدام مكتب تاني..
أول ما شفتو رفعت ليهو يدي و هو رفع يده بمعرفة كمان...
مشيت عليهو أتم التعارف ده..و بعد السلامات الشديدة...
قلت ليهو ياخي أسمع انت قريت في الزقازيق قال لي لا..
طيب في القاهرة.... لا
في مدني....لا
طيب ف الخرطوم مدرسة العمارات...لا
في بابنوسة...لا
طيب ياخي في الأحلام...طلعت روحي ياخي...
قال لي ياخي و الله أنا عندي نفس الاحساس اني بعرفك شديد..
ما حصل جيت كسلا...لا...و لا بعرف زهير الزناتي زاتو..
عندك أخوك و لا ود عمك قرأ في الخرطوم القديمة...لا
المهم في الآخر و قت تعبنا من النكت اتعارفنا من جديد و اتفرقنا...

حسه صفحتكم دي أنا لاقيتها قبل كده و لا أتعرف عليها و أمشي...
Post: #2891
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 11:38 AM
Parent: #2888

لمن وصلت لى سمك عوضية
والله ما كنت عارف حتته
ولا سأل اى زول منو , ولا حتى زهير
وين المكان قالوا فى الموردة
قلنا ليهم خلاص
البيروح من محل سمك وما بيعرفوا , يستاهل يفوتوا الفطور
ده مثل اندونيسى قديم
فمكان طهو السمك , خاصة اذا كان مثل (عوضية للأسماك )
لا يحتاج الوصول اليه الى خريطة
هو يحتاج الى ادوات حس مختلفة
تحركها ادوات حس اخرى خافية
وحاتكم , بطونكم وقرون استشعاركم العاملة توصلكم لى عند وضية لمن تآمنوا زاتووووو
وصلت ليكم آخر مرة لأنى وصلت للموقع بحاسة شمى براها
وحتى لو كنت منزول وعضو شمك متعطل وما شغال
فان زحمة الناس العضاء شمهم شغالة والعندهم نفس غرضك , ما بتديك فرصة لى انك تضهب او تضل الطريق
وقفت على جانب الشارع الأيمن , لأن اليو تيرن والوقوف على حافة المطعم , كان ضربا من المحال
لمن شفت الناس الدايرين ياكلوا سمك عند عوضية
انا شفقت على (البحر )
وجانى احساس انو اجرى لأقرب بقالة واسعى لى (استوك ) من زيت العربى للتحمير
ولكنى اطمئنيت على كل شىء عندما وجدت زهير جالسا الى كرسى مطرف , حاملا جريدته المعتادة فى يده
لا يمكن تصور زهير وهو لا يحمل جريدة
اذا قابلتو وهو ما شايل جريدة , تعرف انو ده ما زهير , او بالكتير تعرف انو ده زهير يا دوب ماشى يشترى الجريدة
جلسنا نتجاذب اطراف الحديث
ده طبعا فى الفهم العام وللبيشوفنا قاعدين بيقول كده
لكنى انا شخصيا , طرف حديث واحد ما اتبادلتو مع المدعو زهير
هو انا فاضى ليهو بى جريدته دى
انا كان همى اعد السمك الطالع
واتأمل فى صوانى الرجيع ,
الشىء المنطقى ان ترجع صوانى السمك المليانة (ذهابا)
بالشوك على الأقل , باقى شطة , ليمونتين تلاتة , صفقاية جرجير صفقايتين , بصلة , طماطماية , باقى خس , شطة خضراء
ان الصوانى بالكاد ترجع ,
تمشى الصوانى فى رحلة الذهاب تحت عناية حاملها القصوى وخوفه من ان تنقلب عليه لثقل ما يحمل
ولكنها ترجع (مدلدلة ) , محمولة باطراف الأصابع , وفى وضع راسى بعد ان كانت فى وضع افقى مستوى
وضع مثير جدا
الصوانى المليانة سمك وشطة
ترجع شوك ما فيها , وحضرة السيد زهير عايزنى اتجاذب معاهو اطراف الحديث
قوم لف يا ابو الزوز انت وجريدتك
الجماعة ديل جايين متين ؟؟!!
Post: #2893
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 11:58 AM
Parent: #2891

لمن انت تكون جزء من منظومة سمك عوضية بالكيفية الوضحتها ليكم
وحتى لو كنت فاطر مرتين , واحدة منهم فطور عريس جايبينوا اهل العروسة
والعريس دكتور , يعنى ناس العروسة اتقطعوا فى فطورهم ده تقطيع الجن
فان النتظار والترقب يصبح قطعو من اللهب
نار حمراء عديييييل
شوفتك للسمك طالع فى الصينية وهو فى كامل اناقته
ثم رؤيتك ليهو ------
رؤيتك ليهو شنو , فى الرجعة هو انت بتشوف حاجة !!
غايتوا انا آخر زول شفتوا وانا واعى لمن جا لى ملعب المباراة هو مبارك جادين
بعده , جو كم زول كده , انا استوضحتهم وفرزتهم تانى يوم
قالوا لى كان معانا شريف حقوق واسامة خضر وجمال فارح
الأخير ده بالذات انا شفتوا طشاش طشاش
الراجل جانا متأخر وقال ايه , بيشاور نفسوا ياكل من سمك عوضية ولا ما يأكل
قال جمال فارح متسائلا , طلب السمك فيهو كم سمكة
ما عارف لى شنو اتذكرت نكتة زمان بتاعت الف الطوب
قلتوا لى هو فيهو كم طوبة ؟؟
طلب السمك الجمال فارح ما عارف فيهو كم سمكة
انا متأكد انو فى نهاية الأمر عرف فيهو كم شوكة
اها ما قلت ليكم
مش ضربنا لى زول كده , اول حرف فى اسمه جيم
وتانى حرف مع الحرف التالت تفيد النفى والنهى
التلفون ده يضرب ويضرب ويضرب
ولا حياة لمن تنادى
يضرب ويضرب ويضرب
والله يا زهير انت باين عليك بتعز الزول ده شدييييييد
زول يضربوا ليهو وسط السمك ده , باين عليهو زول ما هين
ده طبعا مثل (كسلاوى )
وبدل ما يرد زولنا
ردت بت شيخو
زولكم ما نسى التلفون فى البيت
زول ما عنده نصيب فى سمك زى سمك عوضية ديك
وفى ونسة زى حقت اسامة خضر ديك
وفى حكاوى زى حقت مبارك جادين ديك
وفى ذكريات زى بتاعت شريف حقوق ديك
وفى طرائف زى بتاعت جمال فارح ديك
وفى شامبيون الأناناس زى الجابها زهير الزناتى ديك
ما ينسى التلفون فى البيت كيف ؟؟!!
Post: #2895
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 12:29 PM
Parent: #2893

الفطور كان محدد ليهو الساعة واحدة بعد منتصف نهار ذلك الثلاثاء
الخامس من يناير للسنة الفين وعشرة
النصيحة كده , الليلة الحنة بتاعت العريس
بت الشيخ مشغولة , ضيوف واستعدادات
وحنة العريس البيكون اخو لى بت شيخك يتطلب منك ان تكون استاند باى ليها ولى بتها الحلوة ايثار منصور
كيف افعل ذلك ومغريات سمك عوضية تحاوطنى بحواسى الخمس
شما وذوقا ولمسا ونظرا وسمعا , واضف اليهم حاسة احساس سادسة بونسة طاعمة ما منظور مثلها
كان الوعد مع بت شيخى ان اكون تحت الخدمة الثانية ظهرا
فالشغلة فيها مشاوير تبدأ بالحنانة ولا تنتهى بمصفف الشعر المسمى كوافيرا
المشوار المفترض الى مكان ما فى الرياض
اتاخرت لغاية تلاتة قلت ليهم اتصرفوا , انتو اوصلوا انا اكمل سمكى ده وانتو تكونوا خلصتوا واجيكم هناك
كان هذا حلا مثاليا , يضمن لهما الحنة والكوافير , ويضمن لى السمك وجمال فارح
السمك , حكيت ليكم عنه
جمال فارح وقصصه ومغامراته , لا استطيع ولا اقدر ولن اتمكن
ان هذا الرجل الذى اعدت اكتشافه من تلك الجلسة السمكية الما منظور مثيلها
طاقة حكى خلاق , وطاقة فوضى قمة فى التنظيم , وطاقة نظام ممعنة فى الفوضى , وشحنة صدق وتلقائية تخالها للكذب اقرب من فرط صدقها وتلقائيتها
اما العزيز اسامة خضر , فقد امتعنى بونسة بورتسودانية حعلتنى اقول لى بت شيخى , اذهبى للحنانة وكان الزول ده سكت بجيك
مبارك جادين , هو مبارك جادين , اكملت به حكاية الأكتشاف القديم الذى بدأ وتوقف , ثم استمر وكأنه لم يتوقف ,
وشريف حقوق , رصيد اضافى فى معرفة زقازيقية ثرة , قابلته يوم السمك وكأننى اقابله للمرة الأولى , حتى اذا ما حكى وتحدث , وجدته جواك قديما عتيقا (بصورة حديثة مكبرة )
لم يكن لى خيار فى مواعيد بت الشيخ , وانا اتقلى ما بين نيران عوضية و (جنة ) الحكى الجميل
حتى اذا ما فرغت الصينية , واختفت الأشواك , وعادت الأسماك اثرا بعد عين , وتنقلت حكايا الفارح جمال من مغامرة الى اخرى , ومن (زرة ) الى اخرى , وجدت نفسى (اجك ) الى عربيتى الواقفة
الى الجانب الآخر من الشارع , والزحمة ياها زاتها , وخوفى على البحر يتضاعف ويزداد , واسفى على انفضاض الصحبة يماثل فعل ابو داؤؤد حين آلفته (فى البرهة القليلة ) ثم ما لبثت ان فارقته
(ما بين يوم وليلة )
سؤال للكل
لمن تأكل سمك زى داك , وتتونس ونسة زى ديك , وبت الشيخ تضرب ليك تلفون مرة ومرتين , تقول ليها اتصرفى , تقوم تتصرف وتانى تضرب ليك تقول ليك خلصنا ومنتظرينك
وعربيتك تكون واقفة فى جانب الشارع التانى ومقدمينك ناس جمال فارح واسامة خضر وشريف حقوق وكبارك جادين
تعمل شنو ؟؟؟؟
الأجابة النموذجية القاطعة
تجك طبعا
علما بانو فى ناس قالوا
نجرى عديييييييييييييييل
Post: #2894
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-14-2010, 12:23 PM
Parent: #2891


مشيئة الله فوق كل شيء

يوم الخميس الفات تحديت بأننا حنصل الصفحة رقم 30
وماقلت (إن شاء الله) فما أن أكملت مداخلتي تلك
جاتني مكالمة يعزونني فيها بموت حبوبتي والدة أمي فأوقفت كل شيء وأخبرت
اخوايا بالخبر والذهاب إليهم للعزاء.

أسأل الله أن يتقبلها قبول حسنا ويتغمدها بواسع رحمته وعظيم مغفرته
وأن يلحقها بالصالحين في الفردوس الأعلى
اللهم زيد في حسناتها وتجاوز عن سيئاتها وأدخلها في عبادك الصالحين يا أرحم الراحمين
اللهم باعد بينها وبين خطاياها كما باعدت بين المشرق والمغرب
اللهم نقها من الذنوب والخطايا كما ينقى الثوب الأبيض من الدنس
اللهم لقنها حجتها وثبتها بالقول الثابت عند السؤال
اللهم أحعل قبرها روضة من رياض الجنة
اللهم أجمعنا بها في مستقر رحمتك
اللهم لاتفتنا بعدها ولاتحرمنا أجرها وأختم لنا بخاتمة السعادة أجمعين
Post: #2896
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-14-2010, 12:37 PM
Parent: #2894

احسن الله عزاك يا ابو عمر
البركة فيكم يا احمد اسماعيل وجعلها الله آخر الأحزان
الى اللقاء عبر الأسلاك
Post: #2897
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-14-2010, 12:39 PM
Parent: #2894

خالص العزاء للاخ / احمد اسماعيل فى وفاة جدته ..

ونسأل الله أن يتقبلها قبول حسنا ويتغمدها بواسع رحمته وعظيم مغفرته

وأن يلحقها بالصالحين في الفردوس الأعلى
Post: #2899
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-14-2010, 12:48 PM
Parent: #2897

احمد اسماعيل تعازينا الحارة000

ولكم الصبر والسلوان 000


عفاف000 حاج الركز00
Post: #2898
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-14-2010, 12:43 PM
Parent: #2894

Quote:
أنا مشيت لمحل الحجابات



والله يا جلا دي مبالغة 000

خليتني اضحك 00لمن بكيت 00

ودي اكتبها تميمة000
Post: #2900
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-14-2010, 01:12 PM
Parent: #2898

خالص العزاء للاخ / احمد اسماعيل فى وفاة جدته ..

ونسأل الله أن يتقبلها قبول حسنا ويتغمدها بواسع رحمته وعظيم مغفرته

وأن يلحقها بالصالحين في الفردوس الأعلى
Post: #2901
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 01:34 PM
Parent: #2898

أحسن الله عزاءكم وعزاءنا في الفقد الجلل
نسأل الله أن يتقبلها قبول حسنا ويتغمدها بواسع رحمته وعظيم مغفرته
وأن يلحقها بالصالحين في الفردوس الأعلى
Quote: اللهم زيد في حسناتها وتجاوز عن سيئاتها وأدخلها في عبادك الصالحين يا أرحم الراحمين
اللهم باعد بينها وبين خطاياها كما باعدت بين المشرق والمغرب
اللهم نقها من الذنوب والخطايا كما ينقى الثوب الأبيض من الدنس
اللهم لقنها حجتها وثبتها بالقول الثابت عند السؤال
اللهم أحعل قبرها روضة من رياض الجنة
اللهم أجمعنا بها في مستقر رحمتك
اللهم لاتفتنا بعدها ولاتحرمنا أجرها وأختم لنا بخاتمة السعادة أجمعين
Post: #2902
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 01:44 PM
Parent: #2901

الحمد لله الناس جات تعزي
يعني قاعدين
وإيه الدنيا غير .. لمت ناس في خير
أو ساعة حزن ..

عفاف عليكي الله كان تقري المداخلات بالقلبة
خصمتك بي الله
يعني جاييييييييكم
و الحجابات
أيهما أول
Post: #2903
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-14-2010, 01:49 PM
Parent: #2902

عارف البوست حيكون حزين
لكن دوام الحزن مرض
عليكم أن تعزو و تغادرو
لكن راجع لي مداخلات منصور
Quote: وجدت نفسى (اجك ) الى عربيتى الواقفة
وتانى تضرب ليك تقول ليك خلصنا ومنتظرينك
وعربيتك تكون واقفة فى جانب الشارع التانى ومقدمينك ناس جمال فارح واسامة خضر وشريف حقوق وكبارك جادين
تعمل شنو ؟؟؟؟
الأجابة النموذجية القاطعة
تجك طبعا
علما بانو فى ناس قالوا
نجرى عديييييييييييييييل

في إعتقادي الموسيقى التصويرية لا تتناسب مع الحدث المذكور
و تجربتي كناقد توصيفي للأشياء
حيث أنه من الممكن أن تأخذ الجكة صورة استثنائية
لأن الموضوع في الأصل هو الجكة و ليس سمك عوضية
حيث سمك عوضية موضوع استثنائي
ممكن يمر بخاطر أي شخص مغترب
بدءً بالرشيد..مروراً بمنصور و ما أظن أن هناك نهاية له...
عليه أي مغترب لا بد من تحضير نفسه للجكة...
إذا كانت بت الشيخ نازلة معاهو السودان
أما إذا قرر الشخص النزول للسودان من غير أي بت شيخ نسبة للظروف
ما علينا ....عليه أن يأتي للسمك و يجيب صاحبو أو جارو لزوم الجكة و كدا
أما نحن في السودان علينا و التحضيرات و الشمارات و البهارات
لو داير الونسة تكون طاعمة ممكن نجيب الناس الذين ذكرهم منصور
لو داير الونسة تكون مسكرة ممكن نجيب الكمندان
لو داير تفرتك الونسة أجي أنا و محمد المرتضى
Post: #2904
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 02-14-2010, 02:50 PM
Parent: #2903

يا جلا زمان في واحد صحفي اظنه زهير السراج قال استغرب من الرجال الذين لايخافون من زوجاتهم
وقال ان هذا المقال اذا المدام ما وافقت عليهو ما بينكتب اساسا والناس الذين تعصرهم بنات شيوخهم
وتجعلهم يهرولون كمن وصل العمودين الاخضرين في السعي بين الصفا والمروة هؤلاء هم الرجال حقا اشد على اياديهم واهنيهم. اما المرجفون في المدينة والذين يدعون كذبا انهم لا يخافون من بنات شيوخهم ويعودون انصاص الليالي الي بيوتهم فهم اما خائفون من المواجهة لعدم تلبية طلبات واوامر بت الشيخ لذلك يفضلون العودة بعد ان تنوم بت الشيخ مع اولادها استعدادا للمدرسة ثم بعد ذلك ياتي الواحد وهو يحمل جزمته على اباطه خوف ان تسمعه بت الشيخ وتسمعه وصلة حتى ترتعد فرائصه حلوة الفرائص دي ولكم في الزناتي اسوة حسن فهو لا يستطيع ان ينكر انني وجدهفي البيت مع الرفبق مجد لان الاستاذة ابتهاج اليوم duity وانحنا ما دايرين نتكلم عن النوع التانى الذي يهرب من الواجبات الي بالي بالك خوفا(والتي لاتذكر خوفا من مقص الرقيب) فهؤلاء يسري عليهم المثل سجم الدلتكو واداني .........الباقي تموا خيال .هؤلاء نلقهم حجرا كبيرا ونقول لهم انتم كاذبون كاذبون كاذبون

جك جك يا منصور وعين الله ترعاكم
احبكم واحب جكتكم
واحب زوغتكم
Post: #2905
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-14-2010, 04:14 PM
Parent: #2904

سلامات يا ناس

خالص التعازى للاخ احمد اسماعيل

لها الرحمة ولكم حسن العزاء
*******************************************

Quote: لأن الموضوع في الأصل هو الجكة و ليس سمك عوضية


عفارم عليك يا جلا...الزول ما حبرتجى داير يخمنا...

صدق ما حيجى راجع...ولو جا ما حيجيب سيرة للجكة ولا حتى السمك
Post: #2906
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-14-2010, 04:36 PM
Parent: #2905

مساكم الله بالخير

يا كوتش عايزين تجرسوا صاحبي ده مالكم...ما قال ليكم جكيت عشان العربية واقفة بالجهة التانية من الشارع و صدرت لي أوامر أن أحضر فورا...تاني يقول ليكم شنو أكتر من كده...انتو غايتو البقع معاكم الله قال بي قولو..
يا كوتش جيب معاك جبريلا و تعال أشرب معانا كباية شاي بي لبن مقنن...في مربع كاي...

جبريلا دعوة خاصة ليك لشرب كباية شاي بي لبن مقنن...
Post: #2907
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 02-14-2010, 05:03 PM
Parent: #2906

التحية لكل الاحباب وشوقنا مطر

احسن الله عزائكم اخي أحمد اسماعيل وربنا يتقبلها قبولآ حسنآ

جلا , منصور , الرشيد , موسى متعكم الله بالعافية

متابعين ومستمتعين...
Post: #2908
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-14-2010, 05:14 PM
Parent: #2901

احسن الله عزائكم اخي احمد ونسال الله للفقيدة الرحمة والمغفرة

كما نساله ان يسكنها فسيح جناته مع الصديقين والشهداء وحسن

اولئك رفيقا.
Post: #2909
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-14-2010, 06:09 PM
Parent: #2908

العزيز احمد اسماعيل
للفقيده الرحمه ولكم حسن العزاء
Post: #2910
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-14-2010, 06:45 PM
Parent: #2909

احمد |سماعيل البركة فيكم وعظم الله \أجركم حار التعازي لكل الاسرة داخل وخارج السودان وللفقيدة واسع الرحمة والمغفرة
Post: #2911
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-14-2010, 06:57 PM
Parent: #2910

Quote: ويعودون انصاص الليالي الي بيوتهم فهم اما خائفون من المواجهة لعدم تلبية طلبات واوامر بت الشيخ لذلك يفضلون العودة بعد ان تنوم بت الشيخ مع اولادها استعدادا للمدرسة ثم بعد ذلك ياتي الواحد وهو يحمل جزمته على اباطه خوف ان تسمعه بت الشيخ وتسمعه وصلة حتى ترتعد فرائصه حلوة الفرائص دي


يا جماعة كدي انا ده خلوني ..... كلام مبارك جادين ده تصوير مبالغة ... لي زول خبرة في الدخول ما بعد الساعة الثانية عشر .... والله تصوير زي تصوير منصور عبد الرازق للجكة ودي راجع ليها تاني \.. بختك يا منصور لقيت ليك حليف
Post: #2912
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-14-2010, 07:19 PM
Parent: #2911

العزيز أبو عمر
نسأل الله أن يتقبل المرحومة القبول الحسن ويدخلها أعلى الجنان
وأن يجعل البركة في ذريتها وتعازينا للأسرة الكريمة
Post: #2913
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-14-2010, 07:42 PM
Parent: #2911

Quote: التحية لكل الاحباب وشوقنا مطر

جلا , منصور , الرشيد , موسى متعكم الله بالعافية

متابعين ومستمتعين...


عثمان الخير لك أطيب التحيات..

يسرنا متابعتك و استمتاعك...
Post: #2914
Title: Re: ناس الزقازيق ... أجدع ناس ( 3 ) ..
Author: عصام دهب
Date: 02-14-2010, 10:50 PM
Parent: #2913

و تحية و سلام و شوق و إحترام لأجدع ناس و ما سائلين في الناس ..

و أعدكم بتفرغ منكرب لهذا البوست و لوننستكم الطاعمة التي أتابعها في هذا الحوش و الحوش الكبير و أجد نفسي عاجزاً عن مجاراة صفائكم و أنا في خضم المناوشات الإسفيرية ..

تقبلوا مني الحب كل الحب لكم جميعاً ..

_

لا يفوتني أن أتقدم بصادق التعازي للأخ الفاضل / أحمد إسماعيل في وفاة جدنه التي أسال تعالى أن يتغمدها برحمته و مغفرته و ينزل على قبرها شآبيب رحمته و يجعل الجنة مستقرها الأبدي .. و يلهم ذويها الصبر على فقدها ..

صادق التعازي أيضاً لزميلنا الفاضل د. الصادق عبد الله في وفاة شقيقه الأكبر / صالح الفكي عبدالله و أسأل الله تعالى أن يتغمد الفقيد الراحل بواسع رحمته و عظيم مغفرته و أن ينزله الفردوس الأعلى من الجنان في زمرة الشهداء و الصديقين و حسن أولئك رفيقا ، التعازي لدكتور الصادق و لكافة أفراد أسرتهم الكريمة في فقدهم الفادح و مصابهم الجلل ، و أساله تعالى أن يجبر كسرهم و أن لا يريهم مكروهاً أبدا ..

لتعزيةو مواساة د. الصادق في بوست منفصل ..

عزاء واجب إلى د. الصادق عبدالله


ولتعزية و مواساة د. الصادق عبر الهاتف بجمهورية أيرلندا
00353879359144
Post: #2915
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-15-2010, 06:28 AM
Parent: #2914

صادق العزاء للأخ د. الصادق عبد الله و للأسرة في فقدهم الجلل...

نسأل الله أن يتغمد الفقيد بواسع رحمته و مغفرتة و أن يجعل مثواه الجنة مع الصديقين و الشهداء و الأبرار و حسن أؤلئك رفيقا..
و لكم و للأسرة الصبر الجميل.
Post: #2916
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-15-2010, 07:04 AM
Parent: #2915

خالص التعازى للاخ احمد اسماعيل فى وفاة جدته
والعزاء موصول لكافة افراد الاسرة

والتعازى ايضا" للاخ د / الصادق عبدالله فى وفاة اخيه

نسأل الله القدير ان يتغمدهم بواسع الرحمة و المغفرة

وانا لله وانا اليه راجعون

ولا حول ولا قوة الا بالله
Post: #2917
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-15-2010, 07:18 AM
Parent: #2916

الاخ احمد اسماعيل
نسأل الله أن يتغمد الفقيدة بواسع رحمته
و مغفرتة و أن يجعل مثواها الجنة
مع الصديقين و الشهداء و الأبرار
و حسن أؤلئك رفيقا..
و لكم و للأسرة الصبر الجميل
التعازي لدكتورالصادق سائلين الله
الا يريكم مكروه في عزيز لديكم.
Post: #2918
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-15-2010, 07:31 AM
Parent: #2917

التعازى للاخ د / الصادق عبدالله فى وفاة اخيه

نسأل الله القدير ان يتغمدهم بواسع الرحمة و المغفرة

وأن يسكنه فسيح جناته

و أن يلهم ذويه الصبر الجميل

انا لله وانا اليه راجعون

ولا حول ولا قوة الا بالله
Post: #2919
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-15-2010, 07:33 AM
Parent: #2918

صادق العزاء للأخ د. الصادق عبد الله و للأسرة في فقدهم الجلل...

نسأل الله أن يتغمد الفقيد بواسع رحمته و مغفرتة و أن يجعل مثواه الجنة مع الصديقين و الشهداء و الأبرار و حسن أؤلئك رفيقا..
و لكم و للأسرة الصبر الجميل.
Post: #2920
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 02-15-2010, 07:52 AM
Parent: #2919

الاخوان احمد والصادق..
صادق العزاء..
لهما الرحمه والمغفره..
Post: #2921
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-15-2010, 08:01 AM
Parent: #2920

بسم الله الرحمن الرحيم

السلام عليكم يا جماعة

أدونا فرقة للكوبي يا ناس

بيت البكا دا فاتح ما بنتهي

أصبحنا وأصبح الملك لله ،،، وحده

ربنا لا تزغ قلوبنا

بعد إذ هديتنا،،،،

وهب لنا من لدنك رحمة

إنك أنت الوهاب،،،،،،


جلكسة:
حاتم جبارة ما تغيب عندي معاك شماااااااااار
Post: #2923
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 02-15-2010, 08:08 AM
Parent: #2921

خالص التعازي للأخوان
أحمد إسماعيل
الصادق عبدالله
ونسأل الله الرحمة لهم
ولكم وأسركم الصبر
وإنا لله وإنا إليه راجعون
Post: #2922
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 02-15-2010, 08:07 AM
Parent: #2920

التعازي القلبية الصادقة للعزيز د/ الصادق

وللفقيد الرحمة والمغفرة ونسأل الله العلي القدير ان يتقبلة

في جناته العلى مع الصديقين والشهداء
Post: #2924
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-15-2010, 08:33 AM
Parent: #2922

التعازى للاخ د / الصادق عبدالله فى وفاة اخيه

نسأل الله القدير ان يتغمدهم بواسع الرحمة و المغفرة

وأن يسكنه فسيح جناته

و أن يلهم ذويه الصبر الجميل

انا لله وانا اليه راجعون

ولا حول ولا قوة الا بالله
Post: #2930
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-15-2010, 09:12 AM
Parent: #2924

نشكر الأخوة الأعزاء الزقازيقاب
على خالص وصادق التعازي في جدتي
لها الرحمة وعظيم المغفرة وربنا
يتقبل دعاكم للمرحومة.

وعظم الله أجركم وأحسن إليكم.


ـــــــــــــــــ

خالص التعازي للأخ الصادق عبد الله
ونسأل الله الرحمة وعظيم المغفرة لأخيهم
وإنا لله وإنا إليه راجعون
Post: #2925
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-15-2010, 08:34 AM
Parent: #2922

صادق التعازي للأخ أحمد إسماعيل في وفاة جدته


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها وللأخ أحمد الصبر
Post: #2926
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-15-2010, 08:36 AM
Parent: #2925

كما نعزي الأخ الدكتور الصادق في وفاة أخيه

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخ الصادق الصبر
Post: #2928
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-15-2010, 08:53 AM
Parent: #2926

Quote: جلكسة:

والله حكاية ... دي جديدة دي
بس عارف: الشمار شتتو ماتضريهو (مثل كاريبي)
Post: #2927
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 02-15-2010, 08:43 AM
Parent: #2925

خالص العزاء للاخ / احمد اسماعيل فى وفاة جدته ..

ونسأل الله أن يتقبلها قبول حسنا ويتغمدها بواسع رحمته وعظيم مغفرته



والتعازى ايضا" للاخ د / الصادق عبدالله فى وفاة اخيه

نسأل الله القدير ان يتغمده بواسع الرحمة والمغفرة

وانا لله وانا اليه راجعون

ولا حول ولا قوة الا بالله
Post: #2929
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-15-2010, 08:55 AM
Parent: #2927

صادق العزاء لدكتور الصادق واسرته000

وللفقيد الرحمة 00

ولكم حسن العزاء والصبر000

عفاف 000 حاج الركز00
Post: #2931
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 02-15-2010, 09:30 AM
Parent: #2929

الشكر موصول لجميع الأخوان والاخوات الزقازيقيين...ولا أراكم الله مكروه في عزيز لديكم ....الأخ أحمد إسماعيل تعازينا ...ونسأل الله أن يصبر الجميع
Post: #2932
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-15-2010, 10:14 AM
Parent: #2931


التعازى الخالصة لدكتور الصادق فى فقد اخوه الأكبر
رحمه الله وغفر له واحسن عزاءكم والزمكم الصبر الجميل


مرحبا بعثمان الخير الجدى
وود جبارة ده نسوا (الكود ) بتاعو فى السودان ولا شنو
الزول ده من عزومة نادى الشرطة , بقى شغال لينا برقيات اختزالية زى بتاعت زمان
لاسلو ليهو شفرتو الوقعت منو يوم داك , يا كوتش
الحمد لله الما مشيت معاكم نادى الشرطة , ولا عبد السميع عزمنى , ولا اسامة ابتر شافنى , ولا عمار هببوا لى
كان روحتو لى (شفرتى ) ولحقتونى حاتم جبارة
اما جكتى , فانا عائد لها لا محال , بسمك او بدون سمك , بالشطة والليمون ولا (اسكتوا ) يا مبارك جادين
فى واحد سألنى , قال لى لو فى حتتك دى كان ياسر نجيلة
كان عمل شنو ؟؟
واحد شليق متلقى حجج اول حرف فى اسمه (م ) والشق التانى فى اسمو اجازتين واحدة صغيرة والتانية كبيرة وفيها هرولة عديييييل
قال (م ع )
يكون ياسر نجيلة جارى لغاية هسه
Post: #2933
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-15-2010, 12:06 PM
Parent: #2932

Quote:
واحد شليق متلقى حجج اول حرف فى اسمه (م ) والشق التانى فى اسمو اجازتين واحدة صغيرة والتانية كبيرة وفيها هرولة عديييييل
قال (م ع )
يكون ياسر نجيلة جارى لغاية هسه



و الله يا منصور انا ذاتي اليومين دي براي نفسى قايم

قلت هسع لو منصور جاب لينا معاه كيس من سمك عوضية دا

كنا بقينا تمام ؟

و محمد عيد دا اليومين دي ما فاضي للبوست حقنا دا تقوم

تتفتنوا مع ياسر نجيلة مالك ؟

انت في جكتك و لا جكة صحبي جلا قال للليلة هو جاكي و الله قرب

يحصل حاتم جبارة الله مرقو لينا بالعافية و الله نحن خفنا علي

الباسوورد حقه لكن الحمدلله الجمع .
Post: #2934
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-15-2010, 12:14 PM
Parent: #2933

و هذه حدوته لمنصور و الرشيد واحمد اسماعيل فقط ؟


1/ و انت جالس في الكرسي ارفع رجلك اليمين عن الارض و حركها حركة دائرية في اتجاه عقارب الساعة .

2/ اثناء تطبيق الفقرة (1) قم بكتابة الأرقام من واحد حتى ستة في الهواء .

3/ النتيجة مذهلة آمل من الممتحنين كتابة النتيجة في البوست حتى نستطيع تحديد الفائز؟

4/ عدد المحاولات ثلاثة محاولات فقط .
Post: #2935
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-15-2010, 12:25 PM
Parent: #2934


الله يجازى محنك يا موسى عيسى
انت بتجيب المحن دى من وين
حاولت عشرة محاولات فاشلة
اول لفة صاح بتكون فى اتجاه عقارب الساعة
لكن من ما تكتب واحد فى الهواء
تلقى نفسك بتدور فى رجلك اليمين فى اتجاه كتابة الرقم البتكتبوا
وانا قاعد فى المكتب
شت تربيزة المكتب كان مرتين كان تلاتة
المكتب ما اشتكى , والحمد لله مافى ناس جنبى عشان يضحكوا على
لكن وحاتك رجلى وجعتنى عدييييل
Post: #2936
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-15-2010, 12:38 PM
Parent: #2934

سلامات يا ناس

خالص التعازى للاخ الصادق عبد الله

وتقبل الله المتوفى القبول الحسن

وانا لله وانا اليه راجعون
Post: #2937
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-15-2010, 12:50 PM
Parent: #2936

يا منصور مالك كشفت اللعبة قلنا الامتحان سري ؟
Post: #2938
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 02-15-2010, 02:18 PM
Parent: #2937

التعازى الحارة للاخ أحمد أسماعيل

وللاخ د. الصادق عبدالله

ونسأل الله ان يتقبلهما مع الشهداء والصديقين وحسن اولئك رفيقا


أمين يارب العالمين


تحياتى للكوكبة
Post: #2939
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 02-15-2010, 04:53 PM
Parent: #2938

الله يجازي محنكم يا موسى ومنصور

والله الواحد من الضحك لما ناس المكتب اتلموا فيني وقالوا

عثمان ده شكلو الغربة طلعت ليهو في رأسو

فاعتذرت وقلت ليهم في اثنين هنا السمك قام بيهم بقوا يجيبوا حاجات غربية...

يا موسى ويييين يوم 11/02
Post: #2940
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-15-2010, 04:54 PM
Parent: #2938

احر التعازي للاخوين الصادق واحمد اسماعيل
رحم الله الجميع







Quote: يا كوتش جيب معاك جبريلا و تعال أشرب معانا كباية شاي بي لبن مقنن...في مربع كاي...

جبريلا دعوة خاصة ليك لشرب كباية شاي بي لبن مقنن...


يا الرشيد عندي شرط واحد
حلة اللبن دي تكون (مكرتبييي)
Post: #2941
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-15-2010, 05:00 PM
Parent: #2938

Quote: و هذه حدوته لمنصور و الرشيد واحمد اسماعيل فقط ؟


موسى عيسى عليك الله لاميني مع العجايز ديل ليه...لمني مع ناس دفعتي ناس جلا ياخي...

المهم حاولت زي منصور...و اذا كان منصور شات التربيزة...أنا اتعولقت عديل كده...

خليك مواظب على البرنامج بتاع أطرف أفلام فيديو...امكن تلقاني هناك...

لكن برضو ما تلمني مع العجايز ديل تاني...
Post: #2942
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-15-2010, 05:23 PM
Parent: #2938

لمن فاته الإستمتاع على حسب قول محمد صديق

واحد عنده أرنب عارضو للبيع جاهـ واحد مسطول

قال القرد بكم ؟ صاحب الأرنب قال ياخي ده أرنب ماقرد

المسطول قال يا ابو الشباب ، انا بتكلم مع الأرنب


ياموسى بالنسبة للإختبار دوران الرجل في إتجاه عقارب الساعة
وكتابة الأرقام 5 ، 6 ، وممكن 9 بالطريقة السودانية مامشكلة
اما بقية الأرقام هناك صعوبة في كتابتها لكن يسهل كتابتها بالإنجليزي

منصور قال ضرب الطربيزة ، انا قلبت سلة النفاية هناك
Post: #2943
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-15-2010, 05:23 PM
Parent: #2938

لمن فاته الإستمتاع على حسب قول محمد صديق

واحد عنده أرنب عارضو للبيع جاهـ واحد مسطول

قال القرد بكم ؟ صاحب الأرنب قال ياخي ده أرنب ماقرد

المسطول قال يا ابو الشباب ، انا بتكلم مع الأرنب


ياموسى بالنسبة للإختبار دوران الرجل في إتجاه عقارب الساعة
وكتابة الأرقام 5 ، 6 ، وممكن 9 بالطريقة السودانية مامشكلة
اما بقية الأرقام هناك صعوبة في كتابتها لكن يسهل كتابتها بالإنجليزي

منصور قال ضرب الطربيزة ، انا قلبت سلة النفاية هناك
Post: #2944
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-15-2010, 05:40 PM
Parent: #2943

Quote:
موسى عيسى عليك الله لاميني مع العجايز ديل ليه...لمني مع ناس دفعتي ناس جلا ياخي





والله يالرشيد ماتخلينا نمشي لمحمد عيد نجيب
تايمك ( بالمناسبة شفنا حكاية المعضي الدابي بخاف من مجر الحبل)
وماعايزين نقول محمد عيد جاب تايم منو والعايز يعرف
يطالع جرايد أول الأسبوع
Post: #2945
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-15-2010, 05:53 PM
Parent: #2938

الرحمة والمغفرة لشقيق الأخ الصادق عبد الله تغمده الله بواسع رحمته , وألهم أسرته حسن العزاء ... إنا لله وإنا إليه راجعون ...
Post: #2946
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-15-2010, 06:15 PM
Parent: #2945

شكيت محنك على الله يا ابوعهود
عارف غايتو كل الناس الدخلوا البوست اليوم ما اشتغلوا شغل بي تعريفة
وحاتك الناس كلها شغالة بلا سواقين بصات السوق الشعبي القديمة ديك يهوزوا في كرعيهم

والله كنت عاوز اشوف جلا نتيجة الاختبار بتاعو شنو ... لكن عارف الشقي دا بكون جاب "جيد جدا"
مش هو كان الباك اليمين بتاع تجارة ...
وطيب بكون متعود على الحركة دي من الشغل النضيف الكان بسوي فيهو محمد صديق ايام مباريات تربية تجارة ...
اها زولك دا بكون خبرة عديل كدة

الناس اللسة ما حاولوا يعملوا الاختبار ده:
نصيحة لله طلعوا النضارة قبل هذه التجربة لانو ممكن تحدث اضرار
(هذا عن تجربة شخصية)
Post: #2947
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-15-2010, 11:02 PM
Parent: #2946

Quote: والله يالرشيد ماتخلينا نمشي لمحمد عيد نجيب
تايمك ( بالمناسبة شفنا حكاية المعضي الدابي بخاف من مجر الحبل)


و الله يا أحمد من قبيل عايز أرد عليك لكن خفت يجيني مركوب طاير من الجماعة الشغالين يلفو في رجلينهم ديل...

موسى عيسى كان في واحد وقع كسر رجله و لا مخروقته بتكون انت المسئول...

أحمد بالله خلي محمد عيد ده بعيد...حسة الزول ده الجاب سيرته منو...



يا جماعة مسئولين من الخير...وين طارق جبريل...الزول ده اختفى تب...
Post: #2948
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-16-2010, 00:16 AM
Parent: #2947

Quote: دحين آآآطارق ولدي انت جايي تزورنا وتقفر جدودك ولا جايي تباري الزرازير وطير الجنة
- يا حبوبتي هسي انا من اصبحت ماني قاعد معاكي في المراح أليل النعاج
- نان المراح ما كله قمري ودباس فشان كدي لابد فيهو يا ابن الهرمة
- لاكن يا حبوبتي انا زمان قلتلك سويلي كفاي أليل قُمري انت ابيتي
- نان يا ولدي داير الناس يقولوا فردوس بت الريح جنت وسوتلها كفاي قمري بدل الجداد
- انت الناس الدايرين يقولوا ما يقولوا انا مالي عليهن
- انت عاد ماك عايش في الخرتوم..
- والله الخرطوم طايري يا حبوبتي اريتني كان كنت عايش معاكي هني
- نان ما قلت لي امك تخليك معاي ابت.. قالت ابوك ما بيرضى
- هسي ما تكتري الحجي .. تمشي تقولي لي ود ناس تميم يجيب النملي من كريمة
ويسويلي كفاي أليل قمري.. في حوش جدي ود ابو دية وانا بقبض وبجي اخت القمري فيهو
- عاد يا ولدي اشيل حالي معاك انت كلهن شهرين تجي تصوت الدنيي هني وتمشي وتخلينا
نتباكى علي فراقكم.. الله ينعل الخرطوم ويقهرها ان كان شالت بُطان البلد كلهن علينا
- يلا انا بمشي ناس عمي الطيب واجي القاكي سويتي الكفاي
- انت عمك القاشر دة هسي ما كنت عندهم وبايت هناك لي شنو صادي تاني
- نان ماهو عمي يا حبوبتي انت باقيلي خرفتي
- الخرف اليقبضك انت وعمك المباري العرقي دة من تمغرب
- ياخي والله وكتين يجي بالمغربيي يقعد يغنيلو في غنى سمح خلاص
- مو ياها:
ود قرنين في علو
يا خلايق الله خلو
عندي صيدا في الكرو
خايف العين لا تحصلو
- ايي ياها انت قاعدي تعرفيها
- منو الماهو عارفها.. البلود كلها عارفي عمك الطيب كان دايرلو ويحيدتا في الكرو
- نان مالو ما عرسها..
- حبوبتك نفيسي بت بغداد حمتو يمشي يعرس هناك.. انت عارفها مرتا قاهري
آآآبيقدر عليها زول.. اصلو غير ابوك ما قدر عليها زول
- نان هو اصلو ما حنسها
- وحاتك يا ولدي وقفتلو في حلقه المسكين من يومه بقى مباري العرقي وعرس بت ناس محمد احمد دي
- بت ناس محمد احمد والله مرتا زيني
- ما قلنا شي علي عمك كان رايد ألت الكرو..
- نان مالو ما تنابا
- مع نفيسي دي ما ظنيتو يقدر
- مو يييدا ابوي سواها
- وحاتك سنتين آآبتناضمو.. وتلقاهو في الدرب بي تحت تفلعو بالحجار
- انا غايتو ان بقيت دايرلي ويحيدي باخدها حتى ان بقت امي ماها دايراها
- انت عاد ماك ترب ابوك.. محقب يدينك كدي علي شعبة الكرقي..
- هههههههه حبوبتي باقيلي دايري تنجضيني
- هههههههههههههههههههه.. يا ولدي ماهو من قلبي من لساني



الريدة دي من زمان مجهجهة خلق الله


مربع كاي


يسال منك الخير يا الرشيد ترانا عايشين نحمد الله
Post: #2949
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-16-2010, 07:20 AM
Parent: #2948

بسم الله الرحمن الرحيم
السلام عليكم يا ناس
معليش ما لقينا حتة نعمل منها كوبي
عشان البيست
لكن الكوبي من المداخلة بتاعتي لا يمكن أن تكون بيست
المهم
أصبحنا وأصبح الملك لله ،،، وحده
ربنا لا تزغ قلوبنا
بعد إذ هديتنا،،،،
وهب لنا من لدنك رحمة
إنك أنت الوهاب،،،،،،
Post: #2950
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-16-2010, 07:46 AM
Parent: #2949

يا فردة اسفين على التاخير قلت اعمل صباحية كرابة انت

استعجلت و دخلت علشان كده قلنا نحصلك قبل ما تمشى علي

الفطور و اقول ليك جيب لي معاك سندوتش بتاع هنا و كباية

اشمو شنو كده ما عارف زي الجبتها للرشيد المرة الفاتت ؟

و تعال هنا الولد الاسمو جلال دا ماله معاك يعني الطقيش بتاعو

معاك شايفو كتر لو ما قادر ليه كلمني اشوف شغلي معاه ؟ اصلو

اليومين دي الروح مكركره ؟
Post: #2951
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-16-2010, 08:58 AM
Parent: #2950

سلام ياكرام

ربناعليك توكلنا وإليك أنبنا
وإليك المصير
ربنا لاتزغ قلوبنا بعد إذهديتنا
وهب لنا من لدنك رحمة إنك أنت الوهاب
ربي أوزعني أن أشكر نعمتك التي أنعمت
عليّ وعلى والديّ وأن أعمل صالحا ترضاهـ
وأدخلني في عبادك الصالحين.
Post: #2952
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-16-2010, 09:44 AM
Parent: #2951

Quote:
سلام ياكرام


و الله خلعتني يا ابو عمر انا قلت احمد اسماعيل

قاصد كرام الفاتحة ليها كم بوست بغادي و هو

بدل يعمل المداخلة في احد بوسات المعنية كرام

دخل بالخطا وعمل المداخلة هنا ولا شنو والله

علي بال ما افهم الكلمة تعبت يبدو التعب العندي

دا زي ما قال الحبيب جلا تعب باسبابه ؟ بالله يا جلا

ما تفسر ؟
Post: #2954
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-16-2010, 09:51 AM
Parent: #2951

سلامات يا ناس

وصباحات التفاؤل

تذكرت ناس البطانة ..شوفو الزول ده قال شنو

واعتقد انو هو الحردلو ....


فوق ضهر اللّفجْ كوعو وبعيد من زورو

منّو خترنا بالوادى المحيّف خورو

يا زول يا ظريف انا مرضى تمّم دورو

نوسر بىّ واتقسّت دروب دكتورو

************************************

مهداة للعشّاق
Post: #2953
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-16-2010, 09:45 AM
Parent: #2950

كويس إنك معاي الليلة
طبعاً صاحبك أبو الجل
حكايتو غريبة خلاص و حاجاتو كلها متناقضة!!!
مثلاً تلقاهو مفتح عين و مغمض التانية
أو خاينة خايفة يعني زي ما قاعدين يقولو ناس كسلا
أو لا بدورك و لا بحمل براك
أو يكون يقرا تربية و بيحب عند ناس آداب
في النهاية هو مصاحبك لكن مخاصمني
كان جا عليك شوتو ضفاري
نشوفو حيقبل على وين؟؟؟؟
Post: #2955
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-16-2010, 09:56 AM
Parent: #2953

Quote:
أو خاينة خايفة يعني زي ما قاعدين يقولو ناس كسلا
أو لا بدورك و لا بحمل براك
أو يكون يقرا تربية و بيحب عند ناس آداب
في النهاية هو مصاحبك لكن مخاصمني
كان جا عليك شوتو ضفاري
نشوفو حيقبل على وين؟؟؟؟


اها يا جلال عملت بوصيتك و دردقت ليك صحبك و جاك عديل

بس بالله كبر ضقلك و قابله في اللفة و نحن بنتفرج بس

و لو الموضوع محتاج انت طبعا محمد صديق ود كليتكم ؟

يعني ما بتحتاج لو وصية بس شيل معاك دراب للجديع و كده

لانو صحبك دا باقي جراي ما بتلحق لو فك منك ؟
Post: #2956
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-16-2010, 09:57 AM
Parent: #2953

Quote: علي بال ما افهم الكلمة تعبت

و أنا عشان أفهم إنت قاعد تقول شنو؟؟؟
لي هس أنا تعبان
زمان تذكر قلت ليك العربي دا صعب
لغير الناطقين بها
و أبيت تقتنع...
و قلت ليك أهون تدرس التجارة بي لغتك
قلت تُرتُر بس العربي دا
قلت ليك ما بتقدر عليها خليها لأولاد العرب
قلت يا فيها يا أطفيها
هس ...عشان الناس يفهمو مداخلتك دي
عليك أن تعمل دروس خصوصية
خت في بالك ممكن يساعدك فيها جلال
الكورسات لي ناس محمد عيد بي 500 ريال للحصة الواحدة
و من هنا ترفع لي فوق
يعني ناس نجيلة زيادة حبتين
ممكن تتمنى في ناس النضيف
لكن أحذرك ما تمشي للرشيد و تقول ليهو تعال للدروس الخصوصية
الزول دا كان ما أخاف الكضب
هو زاتو من عنديكم
Post: #2957
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-16-2010, 10:07 AM
Parent: #2956

Quote: فوق ضهر اللّفجْ كوعو وبعيد من زورو

منّو خترنا بالوادى المحيّف خورو

يا زول يا ظريف انا مرضى تمّم دورو

نوسر بىّ واتقسّت دروب دكتورو

و الله يا محمد صديق
بالطريقة دي نحن زاتنا نقول دايرين دروس في اللغة العربية
وعشان ما تفضحنا و تطلعنا من الناطقين بغيرها
نرجو الترجمة على الشريط
شوف يا أحمد إسماعيل
دي الحالات الممكن تنفع فيها الترجمة
Post: #2958
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-16-2010, 10:46 AM
Parent: #2957

قلت الحق "اطقعك" قبل ابو الكا دا ما يجيب كثافتنا
المهم الطقيع دا وصية من صاحبك، والله كمان الدراب دا زاتو جايبو لي هو
المهم ياحبيب الله لا جاب خصام وطبعا حكاية المتناقضات دي نجرة منك ساكت
لانو الايام دي الواحد قاعد يلقا نفسو شوية ... يعني الامور سالكة شوية
اها متناقضاتك دي يااخوي لمها عليك.
وقبل ما انسى ماتنسوا تسجلوني معاكم في كورسيكم دا قالوا في خصم للمجموعات
عشان نحنا برضو ناس "صعيد" ومن الناطقين بغيرها
















-------
تحيات ياكوتش وما تنسى الترجمة
Post: #2959
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-16-2010, 10:52 AM
Parent: #2958

يا اخوانا مسئولين من الخير
انتو زهير دا مالو؟
















-----
والله ياجلا كان لقيتك مزعلوا وقعت معاي
Post: #2960
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-16-2010, 11:04 AM
Parent: #2959

Quote: نان المراح ما كله قمري ودباس فشان كدي لابد فيهو يا ابن الهرمة

جبرييلا يا ابن الهرمة .... اتاريك ياحبيب من الزمن داك جنك قمري ودباس
لكن ياشقي الحال القمري والدباس دا ما بشركولو بالليل ... عصريات ... عصريات بس

ماتبخل علينا بالنضم الطاعم ده ... نحن الغربة دي خلتنا نجليها ثابتة ياخ
وفي حاجة ماسة "للدربات دي"
Post: #2961
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-16-2010, 11:22 AM
Parent: #2959

حكاية الترجمة دي شنو يامحمد ادم ماقلت (نوبة)

يا أخوان لازم الفردة تكون قريبة مثلا زي بت الشيخ وزي فردة النظارة
وزي فردة النعال الله يعز السامعين
بس داير أعرف قرابة موسى عيسى من محمد ادم هو كسلاوي وأنت ابواوي
لو زمان بكلية تجارة تلك مرحلة آنية وإنتهت ولو قرابة من حجتكم مع بعض
ايضا وقت إنتهى ، اللهم إلا قرابة كورنات ، بالمناسبة ياموسى وين صاحبك
عبد الله كورنا تذكر كان بالرياض أيام بحكم لينا التمارين

نصيحتي لك ياموسى ماتخسر جلال لأن المثل بقول
جارك القريب ولا حبيبك البعيد ، وجلا مامضمون بتاع تحالفات إستراتيجية
شي خواجات ومرة بورتسودان ومرة الدامر وممكن داراندوكة
Post: #2962
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-16-2010, 11:30 AM
Parent: #2961

سلامات يا ناس

الحبايب المتداخلين ( والمطاقشين)...سلام

Quote: Quote: فوق ضهر اللّفجْ كوعو وبعيد من زورو

منّو خترنا بالوادى المحيّف خورو

يا زول يا ظريف انا مرضى تمّم دورو

نوسر بىّ واتقسّت دروب دكتورو


و الله يا محمد صديق
بالطريقة دي نحن زاتنا نقول دايرين دروس في اللغة العربية
وعشان ما تفضحنا و تطلعنا من الناطقين بغيرها
نرجو الترجمة على الشريط
شوف يا أحمد إسماعيل
دي الحالات الممكن تنفع فيها الترجمة


ودالمهدى الغنّاى ..يغشاك السلام

ياخوى ما تلحق الافندية ديل ...
Post: #2963
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-16-2010, 12:06 PM
Parent: #2962

يا جلا انت مالك ما تخلي جنابو يتجدع ليه زمن بعمل

لينا مس كول و يقول لينا جايكم برواقه لحظة ما يظهر

تقول ليه بالله خلي الترجمة مع الفيلم الاجنبي !

و الله يا جنابو نحن مستمتعين باعجاب و السؤال الغلبنا

بنستعين بصديق ( عصام جلي ) مما مقصر معانا و انت ما

تنسانا ؟
Post: #2964
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-16-2010, 01:42 PM
Parent: #2963

Quote: ودالمهدى الغنّاى ..يغشاك السلام

ياخوى ما تلحق الافندية ديل ...


طبعاً في ناس كتار اتضايرو
حتى ود المهدي بتاعك
أروش ليك و لا أخليهو يجي براهو يشرح كلام الطير دا
المهم معهو لغاية باكر الساعة 10 صباحاً
و بعد داك لا عذر لمن أنذر
ناس قريعتي راحت يا أحمد إسماعيل
يجو بعد الشرح يقول ليك نحن مستمتعين
عليك الله شوف زي دا
Quote: و الله يا جنابو نحن مستمتعين باعجاب و السؤال الغلبنا

بنستعين بصديق

خلي أولاً ود المهدي دا يجي يشرح
بعدين اتفوجج بي استمتاعك دا
بالنسبة لأبو الجل
يعني قاعد ليك كم يوم كدا و ما شغال بينا إلا نجيب سيرتك و لا شنو؟؟؟
بعدين فعلاً كلام المتناقضات دا نجرة عشان نحدد موقعك
بكرة يوم جديد و حا تتعب معاي
من هس أوع تقول لي زانقني أبو الكفل؟؟؟؟؟
Post: #2965
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-16-2010, 01:50 PM
Parent: #2963

Quote: يا اخوانا مسئولين من الخير
انتو زهير دا مالو؟


مساكم الله بالخير

زهير ما عندو أي حاجة...قاااااعد يقرأ و مستمتع و يضحك ساكت..

قال عايز يغيب شوية عشان الناس تشتاق ليهو...

زول طراهو غير جلال مافي...

يا زول ما تدفق مويتك على الرهاب...

الناس ديل ما شغالين بيك...
Post: #2966
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-16-2010, 02:02 PM
Parent: #2965

Quote: لكن أحذرك ما تمشي للرشيد و تقول ليهو تعال للدروس الخصوصية
الزول دا كان ما أخاف الكضب
هو زاتو من عنديكم


جلا..دروس شنو

معليش أنا ما كنت متابع ممكن تشرح لي الحكاية من الأول..

شعر البطانه ده مرات كتيرة بكون ما فاهم الكلمات ..

لكن بكون مستمتع...

حسه متابع شاعر المليون..

و الله زي البتحضر ليك في مسلسل تركي بدون دبلجة...

لكن مستمتع جدا...و حسة بقيت كمان أفهم...بس ما يدخلوا في الغريق...

المشكلة مش يدخلوا في الغريق...
المشكلة يبدو من الغريق...
و الله الا في نهاية القراية تقول مع الناس...
صح لسانك....

جلا...و مع اني ما فاهم...

لكن برضو...صح لسانك...
Post: #2967
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-16-2010, 05:53 PM
Parent: #2966

سلامات يا ناس

ومساءات التفاؤل

برضو ....الحردلو:

لتيبآ حارسو حرّاتو ومسابس وفارق

عقب الحرّة صقّار من سموم مدّارق

اتناين عروقو وراح فصيصو يزارق

لامن جاهو نسّام الغفر مسّارق

**********************************

هيييييييييييع
Post: #2968
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-16-2010, 06:49 PM
Parent: #2967

Quote: : فوق ضهر اللّفجْ كوعو وبعيد من زورو

منّو خترنا بالوادى المحيّف خورو

يا زول يا ظريف انا مرضى تمّم دورو

نوسر بىّ واتقسّت دروب دكتورو



قايتو نجتهد شوية

على ظهر دابة سريعة وغالبا ماتكون جمل لأن الجمل عندما يكون مسرع
يحرك كيعان راكبه وناس البطانة دايما يفتخرون بالجمال

خترنا اي ذهبنا بهذه الدابة في مأمورية عبر الغابات والوديان فمرينا
بالوادي المحدد مجراه بالجرف

ويازول ياظريف مرضي وعلتي ليها سنة كاملة(حول)

هذا المرض مسهر بي وصعب علي علاجه بل هذه إشكالية لايداويها طبيب عادي
غالبا ماتكون مشكة مع الحبيب ، زي مشكلة الطيب عم طارق جبريل ماحيخلي
العرقي لأنه ينسيه زولته وده علاجو بالنصيحة ماينفع إلا بقطع العرق وتسييحو
Post: #2969
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-17-2010, 05:43 AM
Parent: #2968

اللهم إني أسألك الثبات في الأمر ، والعزيمة على الرشد ، وأسألك شكر نعمتك ، وحسن عبادتك ، وأسألك من خير ما تعلم ، وأعوذ بك من شر ما تعلم ، وأستغفرك لما تعلم ، إنك أنت علام الغيوب
Post: #2970
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-17-2010, 06:27 AM
Parent: #2969

بسم الله الرحمن الرحيم
السلام عليكم و رحمة الله و بركاته
Quote: هيييييييييييع

دا الكوبي و لا بلاش
Quote: اللهم إني أسألك الثبات في الأمر ، والعزيمة على الرشد ، وأسألك شكر نعمتك ، وحسن عبادتك ، وأسألك من خير ما تعلم ، وأعوذ بك من شر ما تعلم ، وأستغفرك لما تعلم ، إنك أنت علام الغيوب
Post: #2971
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-17-2010, 07:19 AM
Parent: #2970



بسم الله الرحمن الرحيم

ربنا أفتح بيننا وبين قومنا بالحق ، وأنت خير الفاتحين

ربي أجعلني مقيم الصلاة ومن ذريتي ربنا وتقبّل دعاء

ربنا هب لنا من أزواجنا وذريّاتنا قرّة أعين وأجعلنا للمتقين إماما
Post: #2972
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-17-2010, 08:41 AM
Parent: #2971

إلهي..

أنا الفقيرُ إليكَ في غِنايَ..

فكيف لا أكونُ فقيراً إليكَ في فقري؟!!


وأنا الجَهول إليكَ في عِلمي..

فكيف لا أكونُ جَهولاً إليكَ في جَهلي؟

إلهي :

ماذا وَجَدَ مَنْ فَقَدَكَ؟

وَماذا فَقَدَ مَنْ وَجَدَكَ؟؟


لقد خاب من رَضِيَ دُونَك بَدلاً..

ولقد خَسِرَ من بَغىَ عَنكَ حِولاً

إلهي :

سَمِعَ العابِدون بجزيلِ ثوابِكَ فَخَشَعُوا..

وسَمِعَ الزَّاهِدونَ بِسعَةِ رَحمَتِك فَقَنَعُوا..

وسَمِعَ المُولُّونَ عن القَصدِ بجُودِكَ فَرجَعُوا..

وسَمِعَ المجرمُون بِسِعَةِ غُفرانِكَ فَطَمِعُوا..

وسَمِعَ المؤمنُونَ بِكَرَمِ عَفوِكَ فَرَغبُوا


فلهم اغفر لاخوتي و اهلي و زملائي جميعاو اخص بذلك الحبيب جلا ؟

شوفتك كسير التلج دا ؟

انا عارفه غائب ليه كم يوم لكن الان ينط و يقول لي جلا داما حج سرا نحن مالنا

في راسنا ريشةأه يا صحبي يا الهي و كما القابض علي اعمال المنزل طيلة الفترة

السابقة و غاب عنا ليس برغبته و لكن بفعل فاعل ...آمين يارب العالمين!
Post: #2973
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-17-2010, 10:41 AM
Parent: #2972

قصة جميلة جدا


طلب موسى عليه السلام يوما من الباري تعالي أثناء مناجاته أن يريه جليسه بالجنة في هذه الدنيا
فأتاه جبرائيل على الحال وقال: يا موسى جليسك هو القصاب الفلاني .. الساكن في المحلة الفلانيه
ذهب موسى عليه السلام إلى دكان القصاب فرآه شابا يشبه الحارس الليلي وهو مشغولا ببيع اللحم
بقى موسى عليه السلام مراقبا لأعماله من قريب ليرى عمله لعله يشخص ما يفعله ذلك القصاب

لكنه لم يشاهد شئ غريب
لما جن الليل اخذ القصاب مقدار من اللحم وذهب إلى منزله .

ذهب موسى عليه السلام خلفه وطلب موسى عليه السلام ضيافته الليلة بدون أن يعرّف بنفسه ...

فأستقبله بصدر رحب وأدخله البيت بأدب كامل وبقى موسى يراقبه

فرأى عليه السلام أن هذا الشاب قام بتهيئة الطعام وأنزل زنبيلا كان معلقا في السقف

وأخرج منه عجوز كهله غسلها وأبدل ملابسها وأطعمها بيديه

وبعد أن أكمل إطعامها أعادها إلى مكانها الأول . فشاهد موسى أن الأم تلفظ كلمات غير مفهومه




ثم أدى الشاب أصول الضيافة وحضر الطعام وبدأوا بتناول الطعام سويه
سئل موسى عليه السلام من هذه العجوز ؟
أجاب : هي أمي .. أنا أقوم بخدمتها
سئل عليه السلام : وماذا قالت أمك بلغتها ؟؟
أجاب : كل وقت أخدمها تقول :غفر الله لك وجعلك جليس موسى يوم القيامة في قبته ودرجته


فقال عليه السلام : يا شاب أبشرك أن الله تعالى قد استجاب دعوة أمك



رجوته أن يريني جليسي في الجنه فكنت أنت المعرف وراقبت أعمالك ولم أرى منك

سوى تجليلك لأمك واحترامك وإحسانك إليها
وهذا جزاء الإحسان واحترام الوالدين
Post: #2974
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-17-2010, 11:37 AM
Parent: #2973

توفيت البارحة والدة الأخ محمد زين (تجارة) ويقام المأتم بقرية ود سلفاب لها الرحمة والمغفرة ولأسرتها صادق العزاء ... لتعزية الأخ محمد زين 0912360570
Post: #2975
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-17-2010, 11:46 AM
Parent: #2974

انا لله وانا اليه راجعون

نشاطر الاخ / محمد زين العزاء فى وفاة والدته

ونسأل المولى جلت قدرته ان يشملها برحمته وكريم مغفرته ويجعلها فى عالى الجنان
Post: #2976
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-17-2010, 11:53 AM
Parent: #2975

احر التعازي للعزيز محمد زين و للفقيدة الرحمة

والمغفرة و نسال الله ان يسكنها فسيج جناته مع الصديقين

والشهداء وحسن اولئك رفيقا .
Post: #2977
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-17-2010, 11:59 AM
Parent: #2976

خالص التعازى للاخ محمد زين فى وفاة والدته
نسأل الله العلى القدير ان يسكنها فسيح جناته
مع الصديقين والشهداء وحسن اولئك رفيقا"
وان يلهم اهلها وذويها الصبر والسلوان

وانا لله وانا اليه راجعون
Post: #2978
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-17-2010, 12:09 PM
Parent: #2977

خالص التعازى للاخ محمد زين فى وفاة والدته

وانا لله وانا اليه راجعون
Post: #2979
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-17-2010, 12:48 PM
Parent: #2978

انا لله وانا اليه راجعون

نشاطر الاخ / محمد زين العزاء فى وفاة والدته

ونسأل المولى جلت قدرته ان يشملها برحمته وكريم مغفرته ويجعلها فى عالى الجنان
Post: #2980
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-17-2010, 01:09 PM
Parent: #2979

التعازى الحارة لزميلنا محمد زين فى وفاة والدته
جعلها الله آخر الأحزان وانزلها منزل صدق عند عزيز مقتدر
والهم الأخ محمد زين وكل الأهل الصبر الجميل
Post: #2981
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-17-2010, 01:52 PM
Parent: #2980

انا لله وانا اليه راجعون

نشاطر الاخ / محمد زين العزاء فى وفاة والدته

ونسأل المولى جلت قدرته ان يشملها برحمته وكريم مغفرته ويجعلها فى عالى الجنان
Post: #2982
Title: Re: ناس الزقازيق ... أجدع ناس ( 3 ) ..
Author: عبد السميع دفع الله
Date: 02-17-2010, 02:14 PM
Parent: #2981

التعازى للاخ محمد الزين فى وفاة والدته

نسأل الله لها الرحــــــــــــمة والغفران وان يدخلها

فسيح جناته أمين يارب العالمين
Post: #2983
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-17-2010, 03:40 PM
Parent: #2982



الأخ/ محمد زين
أحسن الله عزاكم في وفاة المرحومة والدتكم
نسأل الله لها الرحمة وعظيم المغفرة
ونسأله عز وجل أن يتقبلها قبولا حسنا وأن يلحقها بالصالحين
Post: #2984
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-17-2010, 03:47 PM
Parent: #2983

خالص التعازي للأخ/محمد زين في وفاة المغفور لها بإذن الله والدته
نسأل الله تعالى ان يتغمدها بالرحمة والمغفرة ويتقبلها القبول الحسن
Post: #2985
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-17-2010, 05:11 PM
Parent: #2983


ولله في خلقه شئون


تعمر السلحفاة 150 عام
بعض العناكب يمكث 570 يوما بدون أكل
الثعبان ليس له آذان ظاهرة، ولاكنه يسمع عن طريق موجات الصوت
التي يلتقطها لسانه ويترجمها لآذانه الداخلية
يمكن للعقرب أن تصوم ثلاث سنوات متتالية
الضفادع يمكنها الصوم سنة كاملة
العنكبوت يضع خيوطا طولها ثلاثون مترا
السمكة أم سيف تستطيع أن تخترق قطعة من الخشب القوي أو المعدن
سمكها 469 ملم
جسم الإنسان العادي يحتوي على
كمية من الحديد تكفي لصنع 7 مسامير كبيرة
وكمية من الفحم تكفي لصنع 65 درزنا من الأقلام
وكمية من الفسفور تكفي لصنع 820 ألف عود كبريت
و20 ملعقة صغيرة من الملح و50 قطعة سكر
و42 لترا من الماء

قوة الفيل تعادل قوة 147 رجلا
الجمل هو الحيوان الذي لايستطيع السباحة في الماء
والسبب هو عدم توازنه يؤدي على إغطاس رأسه في الماء فيغرق

الكنغر له حاسة شم قوية جدا يستطيع شم رائحة الإنسان على مسافة
عدة كيلومترات
الذباب يكره من الألوان الأزرق، الأصفر، الأحمر، الأبيض، الأخضر
موضع الغضب في الإنسان في المرارة ، وموضع الرحمة معروف طبعا
الخطوط الموجودة على ظهر الحمار الوحشي تمنع ذباب التسي تسي
من الوقوف على ظهره
Post: #2986
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-17-2010, 06:09 PM
Parent: #2985

خالص التعازى للاخ محمد زين
اللهم ارحمها واجعلها من اصحاب اليمين يا رب
Post: #2987
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-18-2010, 06:53 AM
Parent: #2986

أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار
ربنا تقبل منا إنك أنت السميع العليم وتب
عليناإنك أنت التواب الرحيم
ربنا آمنا بما أنزلت وإتبعنا الرسول فأكتبنا مع الشاهدين
Post: #2988
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 07:13 AM
Parent: #2987

بسم الله الرحمن الرحيم
السلام عليكم أيها الناس
إنشاء الله خميسكم زين
شكراً يا أحمد إسماعيل على الكوبي
هاك البيست دا
Quote: أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار
ربنا تقبل منا إنك أنت السميع العليم وتب
عليناإنك أنت التواب الرحيم
ربنا آمنا بما أنزلت وإتبعنا الرسول فأكتبنا مع الشاهدين
Post: #2989
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 07:21 AM
Parent: #2988

Quote: موضع الغضب في الإنسان في المرارة ، وموضع الرحمة معروف طبعا

و الله دي حقيقة يا أحمد إسماعيل
و أنا طوالي أقول جلال دا فاقع مرارتي
موضع الرحمة قلت معروف
أنا شخصياً لا أدري أين هو؟؟؟
ممكن تدينا خيارات!!!!!
و قلت الذباب لا يحب الألوان
الأزرق و الأبيض و الأحمر و الأصفر
يعني شنو؟؟؟؟
Post: #2990
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-18-2010, 08:41 AM
Parent: #2989

ازيكم 000

حار التعازي لمحمد زين واسرته 000

للفقيدة الرحمه 000

ولهم الصبر والسلوان


عفاف000 حاج الركز0
Post: #2991
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 09:35 AM
Parent: #2990

Quote: عفاف000 حاج الركز0

لو العريس ينسى اسم العروس ما مشكلة
لو القاش رحل خلا الشرق ما مشكلة
لو اتنين بي باسويرد واحد ما مشكلة
لو إتنين بيكتبو في كيبورد واحد ما مشكلة
المشكلة البروفايل الواحد دا

ياسر عرمان مرشح الجمهورية في حديث له
الحرية تنتزع و لا تستجدى
Post: #2992
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-18-2010, 10:19 AM
Parent: #2991

قادر الله البرالمة بقو كل يوم بصورة بروفايل جديدة
وفى ناس ليهم 50 ميل كدا زى ما هم فى مكانهم

عفاف لابسة طاقيتك وشايلة قفتك دى ماشة تلقطى شنو ،،،

بعد ده انا خايف يا محمد عيد يدخلو ليك جوووة عينك ،،،،


انت يا موسى عيسى قبل كده ميسرة ما نزل ليكم امتحان محاسبة
القعدتو تقرو فيها اربعة سنين بعد ده كلو قعدتو تتلفتو
هسه جاى تقول للناس اختبركم ، ارفعوا كراكم وافتحوا خشمكم
واحمد اسماعيل شابكنا السلحفاه والعنكبوت والتوم فى الزقازيق
بعلقوه فى البلكونة كم سنة كدا ما عارف ،،،،،
Post: #2995
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-18-2010, 10:29 AM
Parent: #2992

غايتو الناس الخاشين بي نمرة خمسة ديل يشيلوا شيلتهم
وبما انو البوست دا زاتو الايام دي بقي نايم كدة داير احرروا ليكم
وادور الشكلة والمديدة حرقتني وكل حاااااااجة

دقيقة امشي اجيب عكازي واجي

جلا وعبدالدائم ما القاكم هنا


ابوعمر ... بالله اوعا تحجزني من الجماعة ديل


















-------
انعل ابو ديييييييييييييشكم زاتو كما يقول "الكوامر"
Post: #2996
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 10:30 AM
Parent: #2992

Quote: عفاف لابسة طاقيتك وشايلة قفتك دى ماشة تلقطى شنو ،،،

ماشا تجيب سمك من عوضية
Post: #2993
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-18-2010, 10:22 AM
Parent: #2991

Quote: قلت الذباب لا يحب الألوان
الأزرق و الأبيض و الأحمر و الأصفر
يعني شنو؟؟؟؟


يعني مابحب البرنس ولاصلاح إدريس

وأيضا مابحب العجب ولا جمال الوالي
Post: #2994
Title: Re: ناس الزقازيق ... أجدع ناس ( 3 ) ..
Author: عصام دهب
Date: 02-18-2010, 10:23 AM
Parent: #2991

أسأل الله تعالى أن يتقبل والدة زميلنا / محمد زين بواسع رحمته و عظيم مغفرته و أن ينزلها الفردوس الأعلى من الجنان .. صادق التعازي لأخينا و زميلنا / محمد زين و كافة أفراد أسرتهم في هذا الفقد الفادح و المصاب الجلل و أسأله تعالى أن يلهمهم الصير على فقدها و يجعل البركة فيهم جميعاً ..
Post: #2997
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-18-2010, 10:30 AM
Parent: #2994



Quote: Quote: قلت الذباب لا يحب الألوان
الأزرق و الأبيض و الأحمر و الأصفر
يعني شنو؟؟؟؟



يعني مابحب البرنس ولاصلاح إدريس

وأيضا مابحب العجب ولا جمال الوالي


يكون يا رب بيشــجع التاكا ؟؟!!
Post: #2998
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-18-2010, 10:40 AM
Parent: #2997

الحناكيش كل زول يجر ليهو عصاية من هنا استعدادا للشكلة الحا تدور بعد شوية
عشان مافي زول يقول ما كلمتوا

انتو عكازي وينو؟

wall_stands_display_sm.jpg Hosting at Sudaneseonline.com
Post: #2999
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 10:57 AM
Parent: #2998

Quote: الحناكيش كل زول يجر ليهو عصاية

انتو عكازي وينو؟

هييييييع
أنا أنا أنا
أنا طبعاً ما مصنف مع الحناكيش
أعمل حساب أحمد إسماعيل
أوع من الرتينزات و الكواديك
أها الحناكيششش خلو ليك الدرب أبقا مارق
زول داير يداوس يسأل من عكازو وين؟؟؟؟؟
أفووو!!!!!
Post: #3000
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-18-2010, 11:00 AM
Parent: #2998

Quote: و الله دي حقيقة يا أحمد إسماعيل
و أنا طوالي أقول جلال دا فاقع مرارتي


طيب ... فقع المرارة خليناهو اها شد حيلك لي كثير التلج "اقصد الرأس" دا

Quote: لو العريس ينسى اسم العروس ما مشكلة
لو القاش رحل خلا الشرق ما مشكلة
لو اتنين بي باسويرد واحد ما مشكلة
لو إتنين بيكتبو في كيبورد واحد ما مشكلة
المشكلة البروفايل الواحد دا

انت مالك .... الدخلك شنو ... بروفايل واحد ولا ما واحد
بعدين ياخ مش احسن من الجنازير المربطا لينا دي ...
يازول احسن ليك ...

بعدين شوف دا بالله
Quote: قادر الله البرالمة بقو كل يوم بصورة بروفايل جديدة
وفى ناس ليهم 50 ميل كدا زى ما هم فى مكانهم

يعني بالله في داعي للمطاعنة دي ... انت كان قاصد موسى عيسى ماتقول عديل كدة

Quote: عفاف لابسة طاقيتك وشايلة قفتك دى ماشة تلقطى شنو ،،،

خليك حريف ياخ ... بالله عليك دي قفة بلقطوا فيها
والله اسا الواحد ينادي ليك سناء الصباغ والله نجاة حوفي يدوك درس في "استايلات" الشنط
ولا اقول ليك حاجة: الاستايلات دي تخصص جبرييلا وحاتم جبارة

Quote: انت يا موسى عيسى قبل كده ميسرة ما نزل ليكم امتحان محاسبة
القعدتو تقرو فيها اربعة سنين بعد ده كلو قعدتو تتلفتو
هسه جاى تقول للناس اختبركم ، ارفعوا كراكم وافتحوا خشمكم

المديدة حرقتني ... بجيك براهو
Quote: واحمد اسماعيل شابكنا السلحفاه والعنكبوت والتوم فى الزقازيق
بعلقوه فى البلكونة كم سنة كدا ما عارف ،،،،،

ههههههههههه غايتو يوم بترفد ليك زول ....
بالله عليك اسا احمد اسماعيل دا جاب سيرة توم ولا شارع فاروق زاتو
غايتو ناس روحا محرقاها

Quote: يكون يا رب بيشــجع التاكا ؟؟!!

غايتو محمد عيد دا قاعد يكيفني ليك جنس كيف
اها رايك شنو في الرد الفوق دا
ارجو ان تضيفوا لبند "فقع المرارة"

هذا والتحية لسيد الحوش المشتهنو

--------
والشكلة لسة مدورة
Post: #3001
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-18-2010, 11:03 AM
Parent: #2998

التعازىلقلبية للعزيز محمد زين فى وفاة والدته
نسأل الله العلى القدير ان يسكنها فسيح جناته
مع الصديقين والشهداء وحسن اولئك رفيقا
وان يلهم اهلها وذويها الصبر والسلوان
وانا لله وانا اليه راجعون
Post: #3003
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-18-2010, 11:16 AM
Parent: #3001

Quote: بعدين ياخ مش احسن من الجنازير المربطا لينا دي ...

طيب رأيك شنو؟؟؟؟
clip_image4.jpg Hosting at Sudaneseonline.com


image36.jpg Hosting at Sudaneseonline.com


طبعاً الحاجات دي ما بتاعت طارق جبريل
Post: #3026
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-20-2010, 11:21 AM
Parent: #3001

خالص التعازى للاخ محمد زين فى وفاة والدته
نسأل الله العلى القدير ان يسكنها فسيح جناته
مع الصديقين والشهداء وحسن اولئك رفيقا"
وان يلهم اهلها وذويها الصبر والسلوان

وانا لله وانا اليه راجعون
Post: #3031
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-20-2010, 05:14 PM
Parent: #3001

Quote: البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

يامحمد صديق كلامك زي الواحد يقول
للناس بقول باع وبضبحو في الضحية
يكون شنو خلينا للتقيل
لكن لامانع من معاني الكلمات
البهم صغير الجدي وهي رمز للمحبوبة
يتمايح مرادف ليتمايل
المقد العيش في مرحلة اللبنة
والمعني واضح

لتيبآ حارسو حرّاتو ومسابس وفارق

عقب الحرّة صقّار من سموم مدّارق

اتناين عروقو وراح فصيصو يزارق

لامن جاهو نسّام الغفر مسّارق



ياود المهدي والأربعة الأخيرة
زي البقول باع وبضبحوا في الحج يبقى شنو؟
Post: #3002
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-18-2010, 11:10 AM
Parent: #2998



Quote: والتوم فى الزقازيق
بعلقوه فى البلكونة كم سنة كدا ما عارف ،،،،،


يعني مابلحقوا ليه الشمار

ياجلال إنت ماعارف الحجاز بموت أول الناس ، وأنا عايز أعيش

وياجلا سمك عوضية ، عفاف تجيبوا بوين مع جكات منصور ديك
Post: #3004
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-18-2010, 11:25 AM
Parent: #3002

Quote: طيب رأيك شنو؟؟؟؟

والله الليلة اماني ما وقع راجل ... يازول هوي ... انت بي صحك
غايتو دقيقة اشوف موسى عيسى وين عشان نعلن تضامننا معاك
في مصيبتك الجبتهن ديل

اها واحمد اسماعيل اعلنها صريحة بأنه عاوز يعيش ...
يعني تاني ما بحجز اي زول بتاع مشاكل ...
Post: #3005
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-18-2010, 11:43 AM
Parent: #3004

سلامات يا ناس

التعازى القلبية للاخ محمد زين

ولها الرحمة والمغفرة

وانّا لله وانّا اليه راجعون
Post: #3006
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-18-2010, 01:49 PM
Parent: #3005

والله الليلة اماني ما وقع راجل ... يازول هوي ... انت بي صحك
غايتو دقيقة اشوف موسى عيسى وين عشان نعلن تضامننا معاك

يا جلال .. استنى لما نشوف جبريلا ..

والله الليله صاحبك الا يمشى الغابة !!


55964.jpg Hosting at Sudaneseonline.com
Post: #3007
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-18-2010, 02:10 PM
Parent: #3006

محلات الشايقي للأثاث








ديل عشن جلا
ههههههههههه
Post: #3008
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-18-2010, 03:10 PM
Parent: #3007

كدة ياجلال مايصلح

كنا منتظرين نشوف الكد كري بتاعت المشكلة
والفلم كدة ضاع ساكت
انت قرّب مخزن العكاكييز وخليني نعمل المديدة حرّقتني مرة ثانية

(ياجلا جماعتك ديل الظاهر بحبوا الفلوس زي الحضارم)
Post: #3009
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-18-2010, 05:14 PM
Parent: #3008

يا جلال اولادالخرطوم ديل ما بشيلو ليهم عكاكيز ديل ناس حنان بنهرشهم

ساي ، بسعموا الكلام ، الشي التاني عبدالدائم دا زاتو زول صحبي وكده يعني

مديدتكم شوفوا ليها ناس ياكلوها و المديدة زاتها خشم بيوت :

1/ مديدة دخن بزيت السمسم و دي في الغالب بعملوها بدل خروف السماية يعني

يا عيد الدائم في ناس كتار معاك في البوست دا سمايتهم كانت مديدة و على

سبيل المثال لا الحصر ........و....كده يا دودي حزر فزر منو غير ج....وج....

2/ مديدة حلبة بالحليب و دي بعملوها ل......................

3/ مديدة بلح و دي حاجة جديدة شايفها في السودان اليومين دي لافه حتى في

مناسبات الاتراح بقت ليها ظل و كما مع الزلالبية الكبيرة الخطرة !

4/ بعدين في مديدة تامه و دي محتاجين لاسامة ابتر علشان التوضيح وكده.

5/ مديدة حرقتني و دي بتاعة ناس بتاع و دي نخلي اخونا جلال للشرح .
Post: #3010
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-18-2010, 05:40 PM
Parent: #3009

والله يا موسى لكن الهرشة ماعندك
ياخوي انت بس قول خفت من تكتل اولاد الامتداد والصحافة
ياخ ديل ناس فارات ساكت من قبيل ادردق فيهم زول هببوا لي ساكت مافي
لكن بعد "فارات" دي خليك قريب غايتو اسا انا كل ما اشوف لي سيارة جيب اتضاير
اقول دا منص ولا كمال جايين بي عكاكيزهم .... غايتو جبرييلا دا الا يفلعني بصاروخ ....

اما فيما يخص المديدة ...
اول شئ شكيتك على منو ... اقول ليك اسا دي سيرة بجيبوها يوم الخميس

غايتو نمرة (5) دي تضرب ليك منها كورية الا توقفك زمبارة "زمبارة دي اسألوا منها طارق جبريل"
رغم ان ايحاءات موسى تشير للنفساء وكدة الا ان مديدة الحلبة لها فوائد جمة ... فننصحكم بتناولها بديلا للرز باللبن...
حيث ان من فوائدها "بتديكم جوانح" احسن من "الريد بول"
او كما قال ...
Post: #3011
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-18-2010, 09:02 PM
Parent: #3010

واحد إثنين تلاتة تست


واحد إثنين تلاتة تست
Post: #3012
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-18-2010, 09:29 PM
Parent: #3011

بوست عزاء والدة الأخ محمد زين
إلى جنات الخلد شقيقة العملاق الراحل مصطفى سيد احمد
Post: #3013
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-18-2010, 09:32 PM
Parent: #3011

سلامات يا ناس

اترددت وانا داخل...مديدة وزيت سمسم

وعكاكيز وقفة وجذلان واثاثات...وتست تست

ده اكيد داير يقول كل حاجة بجنيه...

ده البوست ولا سوق النسوان؟؟؟؟
Post: #3014
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 02-19-2010, 08:05 AM
Parent: #3013

اتقدم باحر التعازى الى كل من فقد عزيز لديه
د. الصادق فى وفاة اخيه
احمد اسماعيل فى وفاة جدته
ومحمد زين فى وفاة والدته
اللم ادخلهم جميعا فسيح جناتك واللم اهلهم الصبر وحسن العزاء.
Post: #3015
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-19-2010, 01:20 PM
Parent: #3014

سلامات يا ناس

وجمعتكم مباركة

جاييكم بالحردلو
Post: #3016
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-19-2010, 06:57 PM
Parent: #3015

سلامات يا ناس

************************

البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

****************************************

خلوا ود المهدى يجى يكلمكم عن مسدار المطيرق

** تُوجد ترجمة **

احمداسماعبل ...ترجمت روح الابيات وهربت من المعانى

لكن ترجمتك مقبولة...
Post: #3017
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-20-2010, 00:21 AM
Parent: #3016

تبقى سيرتك هي الكلام...
Post: #3018
Title: Re: ناس الزقازيق ... أجدع ناس ( 3 ) ..
Author: Elsuhaili Magzoub
Date: 02-20-2010, 04:36 AM
Parent: #3017

Salam,

Tariq

Would you please inform me how i can get a copy of this. Since I am very interested in the oral history.

مسلسل قصة عبد الرحمان المجذوبSuhail
Post: #3019
Title: Re: ناس الزقازيق ... أجدع ناس ( 3 ) ..
Author: Elsuhaili Magzoub
Date: 02-20-2010, 04:52 AM
Parent: #3017

0
Post: #3020
Title: Re: ناس الزقازيق ... أجدع ناس ( 3 ) ..
Author: Elsuh`ili Magzoub
Date: 02-20-2010, 04:52 AM
Parent: #3017

Salam,

Tariq

Would you please inform me how i can get a copy of this. Since I am very interested hn the0oral history.

مسلسل قصة عبد الرحمان المجذوب

Suhail
Post: #3021
Title: Re: ؤاس الزقازيق ... أجدع ناس ( 2 ) 0..
Author: موسي عيسي
Date: 02-20-2010, 06:51 AM
Parent: #3020

إلهي ....

أَتُسَلِّطُ النَّارٍ تلى وُجوهٍ خَرَّت لِعَظَمَتِكَ س÷جدةً؟!!

وعلى أَلسُنٍ نَطَقَت بِتَوحيدِكَ صادِقةً؟!!

وَبُشكرِكَ مادِحةً؟!!
وعلى ضَمائِرٍ حَوَت مِنَ ئلعٌِمِ بِكَ حتى صَارَت خَاشِعةً؟!!

وعلى جًوارِحَ سَعَتْ إلى أَوطانٍ تَعبُدُكَ طَائِعةً؟!!
إلهي..

وعِزٍّتِكٍ.> لَئِن طَالَبتَني بجُرمِي.. لأُطالِبَنَّكَ بِعَفوِكَ..

وَلَئِن أَخَذْتَني بجَهلِي.. لأُطالِبَنَّكَ بحِلْمِكَ..

وَلَئِن أَدْخَلتَني النَّارَ.. لأُعَرِّفَنَّ أَهْلَها أَني كُنْتُ أُوَحِّدُكَ وَأُحِبك
Post: #3022
Title: Re: ناس اàزقازيî ... أجدع ناس ( 3 ) ..
Author: موسي عيسي
Date: 02-20-2010, 07:12 AM
Parent: #3021

اخي السهيلي لك التحية و الشوق مطر

اين انت يا رجà طوàت0الغياب .

الظاهر ود جبرين اخد ليه كسحه في

بحر ابيض ! و لكن بنحاول نرسل ليه
واحد من العيال يشوف ليك وين .

عموما مرحبتين بالطلة و خليك باين فتك بعافية ؟
Post: #3023
Title: Re: ناس الزقازيق .. أجدع ناس ( 3 ) ..
Author: محمخ صدىق!
Date: 02-20-2010, 09:58 AM
Parent: #3022

0
Post: #3024
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-20-2010, 10:29 AM
Parent: #3023

0
Post: #3025
Title: Re: ناس اàزقازيî ... أجدع ناس ( 3 ) ..
Author: منصور عّد الرازق
Date: 02-20-2010, 10:54 AM
Parent: #3024

وكمان شايف جكتى عاجباكم
انا الحمد لله جكتى على çلأقل كانت فى الأتجاه الصحيح
هسى عليكم الله زول شايل عكاكيز زى دى وبيشجع التاكا اللونها لا ازرق ولا ابيض
 لا اصفر ولا احمر
معناتها شنو ؟؟
برضو زول زى ده جاكى ولا ما جاكى , شايفين حاتم جبارة قال ليكم , جاكى والàه
وكمان احمد عجوز , برضو شايفوا رد بالتأمين على انو شيل العكاكيز للدواس يوم الخميس , يعتبر تلاتة ارباع جكة
 لكن ياسر نجيلة رايو وااااضح , قال لى دى جكة كااااملة
بى خمة نفسهç كم÷ن
وفى ئلأتجاإ العكسى
يعنى بالله اتخيلو المنظر
زول ماكل سمك وماشى لى بت شيخو الأتأخر عليها فى (شارع المشتل )
والليلة حنة اخوها , والربة حاصلة والدلاليك مدورة , دى عليكم الله مش جكة فى الأتجاه الصحيح
الدور والباقى على الناس الجاكين
يوم الخميس شايلين عكاكيز
وشايلين محافظهم المطبلة
وحاضنين سفنجاتهم المكبلة
ديل عليكم الله هسى جاكين لى وين
قول يا جلال
ورينا يا جلا
قوم بينا يا محمد صديق
افصح يا محمد عيد
سمعنا يا ديدو
وكان لى زهير , لا تورينا لا حاجة , عارفيييين برانا
اما شوايقة المنبر ناس الشادى وجبريلا , فديل عارفهم قولهم كثر
موسى عيسى يستثنى لشىء فى نفس يعقوب
واحمد اسماعيل يجاوب ولا على كيفو
اما الرشيد , كان السؤال ده صادفه واقف ومنجم من جكة السبت باقى الخميس , الليورينا كمان
Post: #3027
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-20-2010, 11:39 AM
Parent: #3025

حبيبنا السهيلي كيفنك ياخي
معليش والله امبارح مشيت اتدمدمت بدري ونمت
لو قاصد الاغنية دة لنك الحفظ:
تباريح الهوى


يا موسى عيسى يا عجوز انت قايلني قدرك
انا دفعتين بعد زهير وفافي
هههههههههههههه


يا منص الجكة ما عندك لكن
Post: #3028
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-20-2010, 12:07 PM
Parent: #3027

يا جبريلا انت يادوبك قايم من النوم و لا شنو رسلنا الولد

جلا دا من قبيل قال دق الباب لقاك ما في تاريك انت لسع نايم

انا و الله قايلك مشيت على الشرك بتاع القمري و الدباس لانه

لو ما مشيت بدري البلوم برحل بكون عزل و قبل تاني إلا بكرة

الصباح ؟

و الله يا جبريل انا ما عارفك انت ود خرطوم كيف شكلك لا خليت

بتاعين طشم و لا قمري و لا زرزور و و صر غنم يا الاخوي انت من

زمن حفر البحر ولا شنو و لا تكون بعاتي ؟


كمان الحق لينا جنابو دا شكلو زعل جاب لينا امتحان بتاع الحردلو

و كان عصام جلي بغششنا اناو احمد اسماعيل لكن كلامو الليلة دا حتى

عصام جلا زاتو قال لي و الله دا زي كتابة الصينين و شكلو حرد بالله

بسرعة فسر لينا خلينا نراضيهو ؟
Post: #3029
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-20-2010, 01:59 PM
Parent: #3028

البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

يامحمد صديق كلامك زي الواحد يقول
للناس بقول باع وبضبحو في الضحية
يكون شنو خلينا للتقيل
لكن لامانع من معاني الكلمات
البهم صغير الجدي وهي رمز للمحبوبة
يتمايح مرادف ليتمايل
المقد العيش في مرحلة اللبنة
والمعني واضح
Post: #3030
Title: Re: ناس الزقازيق ... أجدع ناس ( 3 ) ..
Author: قيس جمال الدين
Date: 02-20-2010, 02:44 PM
Parent: #3029

تحياتنا ....

أولا" تعازينا الي الأخوان الصادق ، أحمد إسماعيل و محمد زين

ربنا يرحم فقداهم و يدخلهم الجنه ...

و ما دسانا منكم إلا الشديد القوي ..

و نتواصل
Post: #3032
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-20-2010, 06:06 PM
Parent: #3030

Quote: البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

يامحمد صديق كلامك زي الواحد يقول
للناس بقول باع وبضبحو في الضحية
يكون شنو خلينا للتقيل
لكن لامانع من معاني الكلمات
البهم صغير الجدي وهي رمز للمحبوبة
يتمايح مرادف ليتمايل
المقد العيش في مرحلة اللبنة









والمعني واضح

لتيبآ حارسو حرّاتو ومسابس وفارق

عقب الحرّة صقّار من سموم مدّارق

اتناين عروقو وراح فصيصو يزارق

لامن جاهو نسّام الغفر مسّارق



تحياتنا للأخ /عمر المهدي

والأبيات الأربعة الأخيرة زي مالواحد يسأل عن البقول باع وبذبحوا في الحج؟
Post: #3033
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-20-2010, 08:25 PM
Parent: #3032

سلامات يا ناس

ودالمهدى شكرآ للحضور والشرح

والشكر لاحمد اسماعيل للاهتمام

والترجمة...

الغريبة جلال من سنار..وابوه بوليص.
Post: #3034
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-21-2010, 00:29 AM
Parent: #3033

Quote: الله يا جبريل انا ما عارفك انت ود خرطوم كيف شكلك لا خليت

بتاعين طشم و لا قمري و لا زرزور و و صر غنم يا الاخوي انت من

زمن حفر البحر ولا شنو و لا تكون بعاتي ؟

موسى عيسى كيفنك
يا زول نحن زي الركشات اي اتجاه نمشي
مع الحناكيش نعيش ومع الخشنين نعيش
Post: #3035
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-21-2010, 01:02 AM
Parent: #3034



كلام زي الجمكسين ياخ
منعول ابو الكمونية
Post: #3036
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-21-2010, 05:06 AM
Parent: #3035

إلهي..

لا تَغْضَب عَليَّ.. فَلَسْتُ أَقوَى لِغَضَبِكَ..

ولا تَسْخَط عَليَّ.. فََلَسْتُ أَقوَى لِسَخَطِكَ..

فَلقد أَصبْتُ مِنَ الذُّنوبِ مَا قَد عَرَفْتَ..

وَأَسرفْتُ عَلى نَفْسِي بمِا عَلِمْتَ..

فاجْعَلْني عَبْداً إِمَّا طَائِعاً فَأَكْرَمْتَهُ..

وَإِمَّا عَاصِياً فَرَحمِتَهُ


كفى بك عزاً أن يكون لك رباً * كفى بك فخراً أن تكون له عبداً
Post: #3037
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-21-2010, 06:33 AM
Parent: #3036

صبحكم الله بالخير و السرور

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر...
Post: #3038
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-21-2010, 06:37 AM
Parent: #3037

Quote: كلام زي الجمكسين ياخ
منعول ابو الكمونية


جبريلا ده منو الجنى ده...

الله يسألني أول مرة أشوفو...

علة ان درت النصيحة الجنى صوتو سمح بالحيل...لكن الكمونية دي ما عندها سيد...
Post: #3039
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-21-2010, 06:39 AM
Parent: #3037

أخي الرشيد كيف حالك علك تكون كما اود لك من الصحة

و العافية ، شنو يا اخي غيابك طال و شغلت البال بالف سؤال؟

لو الولد جلا دا عمل معاك حاجة كده و لا كده ما تسكت عليه

إنت تاشر بس و نحن علينا بالباقي انا عارفه شليق !و ما

بقعد ساي ، بس حقك علينا و الله ليك وحشة .
Post: #3040
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-21-2010, 06:57 AM
Parent: #3039

بسم الله الرحمن الرحيم
السلام عليكم يا قوم
أصبحنا و أصبح الملك لله

نحن إن أشرق صبح
نترك النوم و نصحو
ثم نمضي فنصلي
إن تقوى الله ربح

و خلاص
Post: #3041
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-21-2010, 07:22 AM
Parent: #3040

Quote: أخي الرشيد كيف حالك علك تكون كما اود لك من الصحة

و العافية ، شنو يا اخي غيابك طال و شغلت البال بالف سؤال؟

لو الولد جلا دا عمل معاك حاجة كده و لا كده ما تسكت عليه

إنت تاشر بس و نحن علينا بالباقي انا عارفه شليق !و ما

بقعد ساي ، بس حقك علينا و الله ليك وحشة .


موسي عيسى يا صديقي...يسأل منك الخير...و لكم من الشوق الكثير المثير الخطر...

و الله يا موسى جلا ده ما بتقدر تعرفو شنو...معاك و لا مع الخيانة...

أنا من يوم ما جاب لينا السفنجة أم طبلة دي البوست ده رجلي ما خيتيه فيهو...

قلت تكون السفنجة دي عمل و لا شنو...

حأمشي أشوف لي فكي هندي يفك لينا الساجور بتاعو ده..
Post: #3042
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-21-2010, 07:56 AM
Parent: #3041

Quote:
و الله يا موسى جلا ده ما بتقدر تعرفو شنو...معاك و لا مع الخيانة...

أنا من يوم ما جاب لينا السفنجة أم طبلة دي البوست ده رجلي ما خيتيه فيهو...

قلت تكون السفنجة دي عمل و لا شنو...

حأمشي أشوف لي فكي هندي يفك لينا الساجور بتاعو ده..



لا جلا دي تشتغلي معاه بنفس طريقتو مغمض عين مفتح عين

و الساجور الفكاهو في البوست دي يمرقو الله و الله طارق

جبريل قال بيجي داخل بوست ناس الزقازيق بلقو روحو في

المنبر الحار و العجب محمد العيد الطش الياها للليلة

ما ظهر الظاهر السفنجة دي عملت ليهو كج ؟ بالله يالرشيد

مما تتاخر في موضوع الفكي الهندي ابو محاية ببسي دا ؟

و كن ما لقيتو شوف لينا بتاعين الصحافات و الامتداد ديل

ممكن يفكوا لينا الشرفة بتاعة الكج دي ؟
Post: #3043
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-21-2010, 08:22 AM
Parent: #3042

اخوتي الاعزاء ما احوجنا بان ننشر الحب و الحنان و الدف

بمن ارتبطت حياتنا بهم و اولانا الله امورهم و جعلنا ننهل

من هواء واحد و نتشارك هم واحد ألا وهم اهلينا و اولادنا

و بناتنا و زوجاتنا ، و بما ان رتابت الحياة تنسينا كثير

من واجباتنا و تطفي كثير من لمعان و بريق العلاقات المتبادلة

و الكلمات اعلاه كانت عنوان لمحاضرة طيبة بالشركة صباح اليوم

القاها علي مسامعنا الدكتور الكريم / حسن بن عبدالله الشريم

و قد حكي لنا القصة التالية :

في إحدى الدورات التي قدمتها عن العلاقة الزوجية تجرأت وطلبت من الحضور والذين اقترب عددهم من المائتين أو يزيدون , وكانت أعمار بعضهم تصل إلى الستين أقول تجرأت وطلبت منهم أن يخرجوا جوالاتهم ويكتبوا كلمة (احبك) ثم يجاهدوا أنفسهم ما أمكن ويرسلوها لزوجاتهم! تفاعل عدد لابأس مع الفكرة رغم صعوبتها وتوجسهم من ردة فعل الشريك ! وبعد أقل من دقيقة وإذا بالقاعة تضج برنات الجوالات ! حيث سيل من الردود أرسل تفاعلا مع تلك الرسالة والتي تراقصت معها القناديل وأنيرت بها الشموع و أُفرز معها ( أدرنالين الحنان)ليضخ الدفء والود , وقد كان رد الزوجات على الكلمة بمثلها أو أحسن منها ومن الردود قول إحداهن :سأحيا بكلمة أحبك ما تبقى من عمري !! ! وأطرف الرسائل كانت من إحداهن وقد استرابها الأمر فأرسلت مستنكرة قائلة: هل سُرق جوالك؟

فوالله يا احباب ما احوجنا لان نجدد العلاقة مع الجميع بطرفنا في العمل و المنزل و الحارة و في الصداقة

فرسالة او اتصال قد لا يستغرق دقيقة يفعل ما لا يفعله السحر لذا اكرر ما كان يقوله اخي الظريف جلا

سابقا احبكم جميعا و قد حرمنا منها منذ امد بعيد لا ادري اي ذنب جنيينا .! ! !
Post: #3044
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-21-2010, 10:50 AM
Parent: #3043

سلام يا أهلنا

الرشيد يا حبيب الجنى دة اسمه عاطف السماني
والاغنية اعتقد انها بتاعة الطيب مدثر
Post: #3045
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-21-2010, 11:10 AM
Parent: #3044

التحية ليكم جميعا
او سلامات ياناس كما يقول الكوتش

معليش ياجماعة من اصبحت الليلة كابي الهضربة هنا طاااااااااااااعم ... والحمد لله !!!
بعد ما ضربني ليك البتاع دا "يضربوا الضريب شقاق العناقريب"
اها لانريد تضامن بقدر ما نحتاج نصائحكم الغالية...

وسؤال برئ والله ...
في زول عندو خبرة سابقة في الموضوع دا
Post: #3046
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-21-2010, 11:28 AM
Parent: #3044

صباح الخير ،،، يا وجوه الخير،،،

أصبحنا وأصبح الملك لله ،،،وحده

نسمات صباحية:

مشتاقين شديد ،،،،

خرمانين كتير ،،،،

بيتكم عامر ،،،،،

الله يديكم العافية ،،،،

القطر ده طويل شديد الله يقدرنا على المذاكرة

راجعين ليكم بالكثير والمثير بإذن الله،،،،
Post: #3047
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-21-2010, 11:32 AM
Parent: #3046

جلال نسأل الله أن يشفيك و يعافيك...كبينا ليك النصائح بي هناك..

يا ريس حمد الله على السلامة...يا ريس الاجازة دي فيها شك...ياخي اختفيت تماما فيها..
Post: #3048
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-21-2010, 11:38 AM
Parent: #3046

مرحبتين بالريس و الله مكانك ما في زول بسدو

و الله نحن المشتاقين ليك و للحاجات الحلوة

العودتنا ليها بعد كل سفرة موفقة ؟

فاكرر ترحيبي و الحوش نور بكما
Post: #3049
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-21-2010, 11:45 AM
Parent: #3044

اتقدم باحر التعازى الى كل من فقد عزيز لديه
د. الصادق فى وفاة اخيه
احمد اسماعيل فى وفاة جدته
ومحمد زين فى وفاة والدته
اللم ادخلهم جميعا فسيح جناتك والهم اهلهم وذويهم الصبر وحسن العزاء.
Post: #3050
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-21-2010, 12:27 PM
Parent: #3049

اللهم باعد بيننا و التعب
و الملاح الكعب
ألذ حاجة الكوبي
أما البيست بمناسبة الريس ميسرة
إنتو مش في ريس تاني ؟؟؟يكون مشى وين؟؟؟
Quote: مرحبتين بالريس و الله مكانك ما في زول بسدها

و الله نحن المشتاقين ليك و للحاجات الحلوة

العودتنا ليها بعد كل سفرة موفقة ؟

فاكرر ترحيبي و الحوش نور بكما
Post: #3051
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-21-2010, 12:51 PM
Parent: #3050

اهلا" ابو منذر
منورين انت والجماعة بتوعك

غايتو حسب الكلام القلتو لي بالتلفون الناس دى كلها حتحول فى
حوش منى يونس

بس اتأخر شوية خليهم يمووووتو بالمغصة

بالذات الرشيد القال ليك الاجازة دى فيها شـك ،،،
Post: #3054
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-21-2010, 02:01 PM
Parent: #3051

البلد منورة يا ريس .... حمد الله علي السلامة وفي إنتظار الجديد والمثير الذي بشر به عبد الدائم النضيف ...
Post: #3052
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-21-2010, 01:06 PM
Parent: #3050

يا ريس حمد الله على السلامة...يا ريس الاجازة دي فيها شك...ياخي اختفيت تماما فيها..

أهلاً برشيد القوم ،،،،
الإجازة دي فيها شئ ،،،،
بس ما همانا ما دام منى معانا،،،

موسى عيسى والله أنحنا مشتاقين ليكم بالأكثر

وأعودك معانا مفاجأة جميلة وسوف تسرك كثير بس

أدونا زمن نحمض الفيلم ونطبع العفريتا،،،،

أخوي جلا إنت عملت شنو من ورانا أنا قرأت الميل رقم 31 كله من الصباح

وما عارف الأميال الأخرى الناس دي شايلة عكاكيز معاك أكيد الموضوع ده كبير

عايزين نعرف الحاصل شنو لو سمحت بسرعة ولو كوبي وبيست.

أنحنا إختفينا بشدة علشان ترتيبات العرس وعلى حسب العادات المصرية كنا في

الإسكندرية أكثر من مرة علشان نرتب بيت العروس وحفل الزواج.
Post: #3053
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-21-2010, 01:10 PM
Parent: #3052

Quote: غايتو حسب الكلام القلتو لي بالتلفون الناس دى كلها حتحول فى
حوش منى يونس

بس اتأخر شوية خليهم يمووووتو بالمغصة

بالذات الرشيد القال ليك الاجازة دى فيها شـك ،،،


سمعاً وطاعاً يا ريس ديدو ،،،

نسخن الدلوكة شوية،،،،
Post: #3055
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-21-2010, 02:08 PM
Parent: #3053

حمدا لله على السلامة ياريس
طلتك ليها طعم تاني والله

خصوصا في ظل الوضع الجديد الطاعم ده ...
Post: #3056
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-21-2010, 03:12 PM
Parent: #3055

مرحبتين حبابك واليوم السعيد الليلةجابك
انشغلنا شوية جينا لقينا ورق الحلاوة
مبعثر في الحوش عودا حميدا مستطاب
Post: #3057
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-21-2010, 05:06 PM
Parent: #3056




السلام عليكم أيها الأحباب

ماشاء الله البوست بدأ يسترد عافيته بظهور الغايبين والمخضرمين

الأخ الريس ميسرة والأخت منى ألف ألف حمد الله على السلامة
ماشاء الله البوست نور

الريس شايفك تسأل من جلا وجلال وعكاكيزهم، هي عكاكيز وبس

ناس شالو عكاكيز
وناس كلبشوا الجزالين والسفنجات
وناس دخلوا الغابة
وناس دخلت للناس في عيونهم بس ربنا يجيب العواقب سليمة
وناس موسى عيسى قاعدين يشربوا في المدايد ساكت
بس وصيتنا ليهم أن يستعملوا سكر الفواكه لأن السكر الآخر عقدو كثيرة
Post: #3058
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 02-21-2010, 05:32 PM
Parent: #3057




قالوا في واحد من تجار الخرطوم الشبعانين رجع تزوج من
قريتهم حيث الإضاءة بالشمس والقمر والمسرجة، وأحضر الزوجة لبيت
في وسط الخرطوم كل كهارب الزوجة ماصدقت وقتها كله تولع وتطفي
في النور
جيرانها جاؤوا يباركوا ليها قالت ليهم (نولع ليكن النور ولا نقدم ليكم شربات)
Post: #3059
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-21-2010, 08:22 PM
Parent: #3058

648.JPG Hosting at Sudaneseonline.com



يا جماعة الليلة الكوتش ده مالوا إنتو الإدارة الداخلية دي غيروها من وقوف الحيط

طبعا لا بفوت علي فتنة القارئ إنه المداخلة كانبها جلا من حساب الكوتش
Post: #3060
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-21-2010, 11:55 PM
Parent: #3059

عدنا والعود أحمد ،،،،

بعد غياب قصير إلى القاهرة والإسكندرية

لزواج عبير إبنة المرحومة تهاني أختي الكبيرة

العروسة كانت تأتي معي إلى الزقازيق وعمرها لا يزيد عن سنة وشهرين

شكراً لجميع الذين إتصلوا بنا وكل الذين لم يتحصلوا على هواتفنا الشكر

الكثير للجميع.

بدوري أشكر الزقازيق التي أهدتنا الريس ميسرة الذي كان الزوج والأب والعم والخال وولي الأمر

بحكم عدم وجود أخ لنا وأن العروسة يتيمة .

sudansudansudansudan169.jpg Hosting at Sudaneseonline.com

الريس الإنسان وهو يبصم العروسة أمام المأذون حسب القوانين الجديدة

sudansudansudansudan170.jpg Hosting at Sudaneseonline.com

العريس - بلال - العروسة عبير، وشخصي ، ورحاب أخت العروسة الكبرى
Post: #3061
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-22-2010, 00:16 AM
Parent: #3060

الف الف مبروك يا منى وربنا يكمل علي خير












نفيستي فيها
Post: #3062
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-22-2010, 06:53 AM
Parent: #3061

سلامات يا ناس

وصباحات التفاؤل

منى يونس...حمدآ لله على السلامة

والف مبروك للعروسة الزقازيقية
Post: #3063
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-22-2010, 07:23 AM
Parent: #3062

صياح كله افراح و صباحكم معطر بعطر الصندل

و رائحة الفل ، صباحا ملئ بالتفاءل و الحب

صباح نبداه بالتهاني و اي صباح هذا غير صباح

تملاءه سيدة البوست الاولي و الريس بباقات الفرح

فلكم وللعرسان نهني و نبارك و نسال الله ان يبارك

لهما و فيهما و أن يجعله زواج مبارك و ان يسعدهما.
Post: #3064
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-22-2010, 07:42 AM
Parent: #3063

بسم الله الرحمن الرحيم
بالغتو ما في أصبحنا و أصبح الملك لله؟؟؟
ما بيناتنا
تاني
نحن إن أشرق صبح
نترك النوم و نصحو
ثم نمضي فنصلي
إن تقوى الله ربح
Post: #3065
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-22-2010, 08:01 AM
Parent: #3064

Quote:
بسم الله الرحمن الرحيم
السلام عليكم يا قوم
أصبحنا و أصبح الملك لله

نحن إن أشرق صبح
نترك النوم و نصحو
ثم نمضي فنصلي
إن تقوى الله ربح

و خلاص



ما بين اعلاه و تاليه يوجد فرق ما هو ؟ منصور ما معانا في

الإجابة محمد لا لا ما يجي 1 احمد اسماعيل الشهادة مجروحة

للاسباب التالية :0000000000000000000000000000000


Quote: بسم الله الرحمن الرحيم
بالغتو ما في أصبحنا و أصبح الملك لله؟؟؟
ما بيناتنا
تاني
نحن إن أشرق صبح
نترك النوم و نصحو
ثم نمضي فنصلي
إن تقوى الله ربح


بالغت يا صحبي انتو الحاصل ليك شنو ؟ إجي يا جمي ؟( التاج خليل -للتفسير )
Post: #3066
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-22-2010, 08:03 AM
Parent: #3062

صباح الخير،،، يا وجوه الخير،،

أصبحنا وأصبح الملك لله ،، وحده

نسمات صباحية:

ربي أجعلني مُقيم الصلاة

ومن ذريتي ،،،،

ربنا تقبل منا الدعاء،،،
Post: #3067
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-22-2010, 08:35 AM
Parent: #3066

الزاج على الطريقة المصرية:-

على الرغم من فترة وجودنا في أرض الكنانة

ولكني لم أفهم الزواج على الطريقة المصرية حتى

عاصرتها وإستغربت منها ،،،،،

أولاً بعد إنتهاء الخطوبة والإتفاق ،،،،

وما هو الإتفاق يكمن السر هنا في إتفاق أهل العريس

وأهل العروسة .

المصرين يقسموا تأسيس بيت الزوجية ما بين العريس والعروس

ومن واقع تجربتنا الحالية ،،

إختار ابو العريس أن يقوم إبنه بعمل كل ما متعلق بالخشب
إختار أهل العروسة بأن يقوموا بتجهيز كل الأجهزة الكهربائية
بدون إستثناء وكذلك كامل المطبخ والعدة والذي منه.

أنا إندهشت وإعتبرتها خيابة من العريس وأهله ولكن قالوا هذا الوضع

عادي وما إعتاد عليه الناس من التقسيم والإتفاق قبل الزواج

الطريقة السودانية يتكفل العريس بكل شئ ،،،، أما أولاد بمبا ديل

قسموا الفيلم بين البطل والبطلة .

نواصل،،،،،،،،
Post: #3068
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-22-2010, 08:52 AM
Parent: #3067

الزاج على الطريقة المصرية:-

الملاحظة الثانية ،،،

يقوم أهل العروسة بالذهاب إلى شقة العروسة

لتجهيزها لإستقبال العرسان ووضع كل شئ في مكانه

الصحيح وبعد ما ينتهي الترتيب يأتوا أهل العريس للفرجة

وبعد أن إستأجرنا شركة نقل العفش والموجود في القاهرب إلى ,br>
الإسكندرية حيث شقة العروسة فوجئت بأن العروسة مسافره معنا إلى

الإسكندرية ،،، أنا بُراحة إعتترضت بشدة وإعتبرته قلام0فارغ بحكم أن العروسة

تتعامل معي في مقام والدها.

يا بنتي العروسة عندنا بيحبسوها والعريس وأهله ما بشوفوها إلا يوم اءعرس علشان تحافظ على

(نورته) وكانت إجابتها كافية ولكن أنا ما ليش في السوداني أعمل إىه؟والجماعة قالوا لي هذه هي ئلêادات والتقاليد لابد من سفر العروس لترتيب

بيتها ومقابلة العريس وأهله ولو قبل 24ساعة مه الآواج عادي جداً ،،،،،،،،،
Post: #3069
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-22-2010, 09:03 AM
Parent: #3068

الأخ ميسرة

الأخت منى

ألف ألف مبروك... مع الأمنيات للعرسان بحياة زوجية سعيدة

وعقبال أولئدكم إؤ شاء الله
Post: #3070
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-22-2010, 09:17 AM
Parent: #3069

أâسكو× الخشب يا ناس يا هو العروز الزق÷زيقية عبير

وهي طفلة صغيرة تحتفل ببراءة الأطفال بهذا التخرج

وتم تكريمها في نذا ئليفل ،،،،،،،،، شفتوا الزمن كيف

أنا العروس كانت بتقول لي يا عمو وحالياً بتقول يا بابا

يا ربي ح تقول لأبو صلعة خاك شنئ؟؟؟؟؟؟؟؟؟؟؟؟؟؟؟؟؟؟؟؟؟؟؟
sudansud`ncudan151.jpg Hosting at Sudaneseonline.com

صلوا على النبي والفي راسه بطيخة يتحسسه،،،،
Post: #3071
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 02-22-2010, 09:56 AM
Parent: #3070

سلام مربع لاجدع ن×سالريس الغالي منور وحمدآ لله على السلامة

اختنا منى الف مبروك للعروسة وبالمال والبنون يا رب

يا ريس والله ئلصوذة مبالغة والواحد بيتزكرها كآنها أول امس

لكن بيني و بينك كده شكلنا خلاص اتل........ا
Post: #3072
Title: Re: ناس الزقازيق ... أجدع ناس ( 3 ) ..
Author: غبد ×لدائم سيد أحمد
Date: 02-22-2010, 10:52 AM
Parent: #3071

دقيقة .. دقيقة
اول مرة اعرف انو فى التسعينات بيتم تخريج اداب وتربية مع بعض
لانى شايف بجوار منى يونس تيسير و بسمات
ياريتنى كان ربتا لج سنْين تلاتة ،،،، ما فوكا شى .....

مبروك يا منى وعقبال ٌمحسنé ،،،، انتى قايلة الموضوع ده بعيد
شوفى الفرق ما بين الليلة ويوم التخريج واحسبى ...
Post: #3073
Title: Re: ناس الزقازىق ... أجدع ناس ( 3 ) ..
Author: طارق جبريل
Date: 02-22-2010, 10:59 AM
Parent: #3072

يا احباب كمال الشادي مختفي ذديے
ان شاء الله المانع خىر
‏ولولوا يظهر علينا وما ينضارى شي
Post: #3074
Title: Re: ناس الزقازيق ... أجدع ناس ( 3 ) .
Author: محمد عيد
Date: 02-22-2010, 11:10 AM
Parent: #3073

ترحاب كبير بعودة الريس الجميل والسيده الاولى

وحللتم أهلا ونزلتم سصلا ...

والف مليون âبلوك .. وعقبال محسنة ومنذر ومشكاة انشاء الله

وزى ما قال دودى .. ما تنوموا قفا$ساـ .. اليوم ما بعيد انشاء ئلءه ...

تناول الريس للطقوس المصرية فى الزواج .. فتحت لنا جانبا مهما ...

وهو اننا بالفعل لم ننهل كثيرا من ثقافة المجتمع المصرى رغم وجودنا فيه لفترات

وقد يكون ذلك مرده لاقتفاہن× بما لدينا من ذخيره معلوماتية نهلناها من الاعلام المصرى الطاغى ..

وكذلك تقوقعنا اكثر فى الثقافات الَكتوبé والمرئية للشعب المصرى .. دون ان نحتك فعليا بطبقات المجتمع

مبروك مرة تانية وعقبال ابناء وبنات الجميع ..

وفى انتظار المـاجآت السارة يا ميسرة ومنى
Post: #3075
Title: Re: ناس الزقازيق ... أجدع ناس ( 3 ) ..
Author: ميزرù سيد أحمد
Date: 02-22-2010, 02:12 PM
Parent: #3074

الزواج على الطريقة المصرية:,<.fOnt>

يبدو أن المصريين تقدموا علينا كثيراً في كيفية

إخراج ليلة العمر ،،، تم حجز صئلù العرس في فندق

ريجىنسي -ميامي - مطل على البحر ،،، تدفع والفندق يتكفل

بكل شئ وأنت جالس مراقب للوضع ،،، لقد أذنلون‎ أولاد بمبا

إستخدموا رقصات وتلاعب بالأنوار عند حضور العرسان وأبدعوا في الزفة

معظم فقرات الحفل كانت مباراة بين العريس والعروس وصاحبات العروس وأصحاب العريس

خصص أكثر من موقع لتواجد العرسان وأكثر موقع كان جميل على بحيرة صناعية وتختفي

فيها العروس والعريس خلف الدخان والغيوم والتلاعب بالإضاءة وإستخدام الليزر والبعد

الثالث والمجسمات (أسألوا محمد عيد) وكأنك في عالم آخر أو في سينما أو أفلام كرتون

وحرب النجوم وغزو الفضاء .

وبعد كل هذا تفتح طاقة من الأعلى وينزل مجسم مضئ يتلألأ ويخطف بصرك ينزل بصورة دراماتيكية

لا أعرف ما هو وفجأة كل الصالة تردد

zero one ,,,,,five,,, nine ten وبدأنا نردد معاهم ومش فاهمين ليه وإنغشعت الغيوم

وظهر المجسم عبارة عن تورته كبيرة بعدة طوابق وأدوار ومن فين ظهر العرسان لا أدري

ولكن في يدهم سكين طويل وبدأوا يقطعوا التورتة وظهرت قطع التورتات على المعازيم

(بدلاً عن الضلع والكوكتيل) والحاجة البارده وفرقة الفندق قدمت إبداع فاق كل تصوري

وكان التركيز على الإخراج بشئ من الإحتراف.

تركت الساحة بعد ده للهز وكل الناس هزت وسطها ونزل العرسان من برجهم العاجي وإنداحوا

مع الناس ترقصاً وطرباً ،،، بس الحيرني في واحد شال العريس على كتفه وبدأ العريس يرقص

بدل ما يبشر (زينا) دي الحاجة الوحيدة الوجدتها مشتركة.

بصراحة إنبهرنا جداً بإستخدامهم لكل إساليب التكنلوجيا وتطويعها كيفما أرادوا.

قدمت لقطات وإبداعات جميلة أدخلت السرور والفرح في نفوسنا .
Post: #3076
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-22-2010, 05:05 PM
Parent: #3075

يا سلام علي البت عبير ... نفرح كلنا لي جديدها ... البت الصغيرونة الكبرت ... مبروك لخالة عروس التي هي في مقام أمها مني يونس ... ولوالدها الإنسان الريس ميسرة ... عقبال ناس منذر ومحسنة ...

والله يا ريس وصفك لعرس المصريين رهيب ... الواحد نفسه خشت في عرسه زي دي .... لكن الله غالب ...
Post: #3078
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-22-2010, 05:10 PM
Parent: #3076

توفي البارحة عم الأخ أحمد عمر الباقر بسنار .... أحمد عمر سيصل مساء اليوم قادماً للعزاء وسيعود مباشرة ... تلفون أحمد عمر بالدوحة 009745897850 وتلفونه بالسودان في زيارته الأخيرة 00249907049643 وإذا ما حدث أي تعديل سنوافيكم به ... للفقيد الرحمة والغفران وللأسرة والعزيز أحمد خالص عزاءنا
Post: #3077
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-22-2010, 05:06 PM
Parent: #3075

Quote: وفجأة كل الصالة تردد

zero one ,,,,,five,,, nine ten وبدأنا نردد معاهم ومش فاهمين ليه وإنغشعت الغيوم

وظهر المجسم عبارة عن تورته كبيرة بعدة طوابق وأدوار ومن فين ظهر العرسان لا أدري

ولكن في يدهم سكين طويل وبدأوا يقطعوا التورتة وظهرت قطع التورتات على المعازيم

(بدلاً عن الضلع والكوكتيل) والحاجة البارده وفرقة الفندق قدمت إبداع فاق كل تصوري

وكان التركيز على الإخراج بشئ من الإحتراف.


يا ريس أول حاجة مبروك ليكم...

تاني و الله ذكرتني بي عرسنا أنا و نجاة حوفي...

الأولاد و البنات الصغار يعفصوا ليك في فستان نجاة...و نجاة تجر الفستان من هنا يعفصوا ليها من مكان تاني...تضايقت ضيق لدرجة أنا خفت تفرتق لينا الحفلة...و تشيل و تصرصر ليك للشفع و أنا تحت تحت أقول ليها طولي بالك...و هي برضو مشغولة بالفستان...العروس جنها و جن فستانها يتوسخ...لكن السؤال كيف ما ما يتوسخ لكن اذا كان المكان كلو وسخان...الحمد لله العرس كان في الشتاء ما كان في الخريف...و الله مرة حضرت ليك عرس في الخريف لي واحدة قريبتنا...جات داخلة ليك النادي قمر أربعتاشر...الفستان كيف و الميك أب ده كيف...و الحفلة كانت بي شرحبيل...بدأ يغني غناء جميل و الناس دي كلها مبسوطة...و فجأة....موسيقى تصويرية....المطرة نزلت ليك...البنات ديل جرو جري...شفت بولت ما يحصلهم...كل واحدة صارفة ليها مبلغ و قدره في الكوفير و انت عارف الشعر حقنا السوداني الأصيل لما تصب فيهو مطرة...بيتعولق جنس عولاق...العروس حاول بعض المتطوعين يعملوا ليها دروع بشرية ضد المطرة...لكن كل محاولاتهم باءت بالفشل...المطر وصل للشعر..الشعر اتنفش...و المكياج سال و اتلخبط...الأحمر مع الأصفر و الأسود...المهم الجماعة نجحوا دخلوا العروس في الصالة المغلقة في النادي..و الناس دي كلها الكانت بره كلها اتكومت في الصالة الضيقة...غايتو أنا لو كنت محل العريس كنت بغير رأي...بنط طوالي بقول ليهم يا جماعة الحكاية دي ما كان فيها شفافية من البداية..العروس شفت الجماعة البسموهم في الجيش البريطاني القبعات الخضر ديلك..بس دي العروس...و الشعر بس حسين خوجلي...و ما العروس براها...البنات الفي الصالة الضيقة ديك كلهم بس كتيبة بتاعت مارينز في مهمة خاصة...

و الله يا ريس شهيتنا الواحد يعيد عرسه تاني...خصوصا الحتة بتاعت التورتة دي...
Post: #3079
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-22-2010, 05:29 PM
Parent: #3077

خالص العزاء للأخ أحمد عمر الباقر في وفاة عمة..

نسأل الله له الرحمة و المغفرة ولأحمد و الأسرة الصبر الجميل...
Post: #3080
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-22-2010, 06:02 PM
Parent: #3079

يا رشدي مداخلتي الساعة 4 وستة دقائق ومداخلتك أربعة وخمسة دقائق يعني توارد خواطر ... دي مش أزمة منتصف العمر البيقولوها ديك الليلة أمانة ما وقع راجل

ولفطنة القارئ عشان الناس ما تلخبط دي مداخلتي :

Quote: الله يا ريس شهيتنا الواحد يعيد عرسه تاني...خصوصا الحتة بتاعت التورتة دي...


ودي مداخلة الرشيد :

Quote: والله يا ريس وصفك لعرس المصريين رهيب ... الواحد نفسه خشت في عرسه زي دي .... لكن الله غالب ...


الرشيد يا خاين مش تستاهل مليص الأضنين ... وبمناسبة الأضنين ومليصهم نفتقد بشدة الشادي وياسر نجيلة زملاءنا في عضوية النقابة
Post: #3081
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-22-2010, 06:30 PM
Parent: #3080

اصدق التعازي للاخ احمد عمر في وفاة عمه و للفقيد الرحمة و المغفرة

و نسال الله ان يسكنه فسيح جناته .
Post: #3082
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-22-2010, 06:35 PM
Parent: #3080

أبو الزوز...أخوك حريص و ما بتوصى....من قبيل ضربت ليك تلفون لي نجاة حوفي و كلمتها بالمداخلة بتاعتي خوفا من المتربصين...و حسه هي قالت بس تنوم الأولاد و حتجي تقرأ المداخلة...ان شاء اللهه بس الحرص بتاعي الاستباقي ده ينفع...

الشادي بخير و كنت على اتصال معه قبل قليل و هو مشغول شوية بمشروع خاص بشركتهم...أما ياسر نجيلة فهو متابع و مستمتع و نتوق الى مشاركته قريبا ان شاء الله...
Post: #3083
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-22-2010, 06:43 PM
Parent: #3082

يالعزيز رشيد القوم كيف حالك مالك لقياتك تعبانة كده الليلة ارجى الجايك

و الله انحن الليلة قاعد بس نحمي في الدلوكة .


و الجميل زهير خليك قريب حنحتاجك اعمل ليك جكه و سودي كده لان الموضوع دا

حيسخن و ممكن نكون محتاجين ليك في سفرة سريعة بالله خليك جاهز؟


و بعدين يا يا ابو الزهور وين انت ليك كم يوم مسجل طناش انشاء الله المانع

خير عموما العصفورة اوردت ظهورك بميدان .............
Post: #3084
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-22-2010, 06:54 PM
Parent: #3083

يا موسي والله الزول ما قاعد يغيب من البوست ... إلا مره مره بس في شح في المداخلات لمصاعب تقنية ... زهجتنا زاتو .... الله يصرف العارضة وبنجيكم بالمهلة ...
Post: #3085
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-22-2010, 07:00 PM
Parent: #3083

موسى الحبيب شكرا على تلفونك الدافئ في ليلة شتوية باردة...دائما ما تكون تلفوناتك في وقت يحتاج فيه الواحد الى التحدث الى شخص حبيب مثلك...شكرا على التلفون و شكرا على السؤال...

ضعف اللياقة نتيجة للانشغال...و لكن رغم الانشغال أحاول بقدر الامكان ان لا أنقطع عن البوست...و لكن نشد على يدك و أنت تثري البوست و تقوم بدور كبير في اعلائه بعد أن انصرف عنه الكثيرون بسبب انشغالهم...
Post: #3086
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 02-22-2010, 07:43 PM
Parent: #3085

الاعزاء منى وميسرة حمد لله على سلامتكمالبوست ونحن مفتقدنكم شديد..
الف مبروك للعروسة ربنا يهنيها ويسعده ويرزقها بالذرية الصالحة ويخلى ليها امها منى وابوها ميسرة.
ربنا يجعل ايامكم كلها افراح وعقبال يا ميسرة ما تكون وكيل محسنة ومشكاة .. ونحن من حسه متجهزين لمهرجان زقازيقى كبير..
مرة اخرة الف مبروك
ودمتم سالمين
Post: #3087
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 02-22-2010, 07:49 PM
Parent: #3086

احر التعازى للاخ احمد عمر انا لله وانا اليه راجعون
Post: #3088
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-22-2010, 07:51 PM
Parent: #3086

يا صحبي يبدو انك قريت يس و البقرة وصليت ليك ركعتين لبنت حوفي دي ؟

نحن مجهزين دلوكتنا و عملت تلفون لزهير علشان يكون قريب بس نجاة الله

يديها العافية مرت على البوست و ما شايفين تعليق دي غايتو مرت بسلام بس خليك

حريف زي صحبك زهير لو عايز يقول ليه حاجة بمشى بفتح ليه بوست بعيد طبعا

زولتنا ما عندها وقت علشان تفتش كل البوسات !
Post: #3089
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 02-22-2010, 07:59 PM
Parent: #3088

نعسانة اول ما لقيت ليكم الموضوع فيه عرس تانى.. ايقاعاتى كلها اضطربت.. ما عدم ثقة فى نفسى او فى ابو امنية اعوذ بالله بس قلت يا اخوانا صديقى فاتن حمامة ودفعتى مالو على عايز يقلق منامى..
العرس ده ما قسمة ونصيب وقدر كمان..
بعدين العرس للشباب.. اى واحد صغير فيكم حلال عليه .. نحن بنات الشيخ الزقازيقيات.. نسوان فولاذيات
بس طهروا لينا راس البيت وزبلوا لينا الاولاد وقشة ما تعتر ليكم..

زناتى الله يسامحك انا قدامى يوم طويل بكرة خوفتنى ..
دمتم سالمين
Post: #3090
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-22-2010, 09:10 PM
Parent: #3089

خالص العزاء للأخ أحمد عمر الباقر في وفاة عمة..

نسأل الله له الرحمة و المغفرة ولأحمد و الأسرة الصبر الجميل...
Post: #3091
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-23-2010, 06:01 AM
Parent: #3090

أَصْبَـحْـنا وَأَصْبَـحْ المُـلكُ للهِ رَبِّ العـالَمـين ،

اللّهُـمَّ إِنِّـي أسْـأَلُـكَ خَـيْرَ هـذا الـيَوْم ،

فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ،

وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه

اخوتي نبدأ صباحنا بروح مرحة و همة عالية نساء الله ان

يديم باقي يومنا علينا سعادة و رحمة و ان يزيل عني و عنكم

ما به من شر و كآبة .
Post: #3092
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-23-2010, 06:51 AM
Parent: #3091

صباح الخير،،، يا وجوه الخير،،،

أصبحنا وأصبح الملك لله،،، وحده

نسمات صباحية:-

أعوذُ بكلمات الله التامة
من كل شيطان وهامة،،،،
ومن كل عين لامة،،،،،،

آمييييين,,,,,,,,,,,,
Post: #3093
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-23-2010, 07:27 AM
Parent: #3092

خالص التعازى للاخ احمد عمر الباقر

الدوام لله
Post: #3094
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-23-2010, 08:28 AM
Parent: #3093

سلامات يا ناس

وصباحات التفاؤل

الواحد يغيب امسية واحدة يجى يلقى

البوست عكاكيز وجزلانات واثاثات وطبل

يغيب تانى يلقاهو ناس نفيستهم فى العرس

الاوائل ديك انا ما عايزم لكن شوفوا لينا

معاكم فى الاخير.
Post: #3095
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 02-23-2010, 08:29 AM
Parent: #3093

خالص العزاء للأخ أحمد عمر الباقر في وفاة عمه

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه ولأخونا أحمد الصبر
Post: #3096
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-23-2010, 08:33 AM
Parent: #3095

سلامات يا ناس

خالص التعازى للاخ احمد عمر

وللفقيد الرحمة والجنة

وانا لله وانا اليه راجعون
Post: #3097
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-23-2010, 08:39 AM
Parent: #3096

سلامات يا ناس

التهنئة القلبية الصادقة للاخ عوض المفتاح نور الهدى

وهو يستقبل فارسآ اطل على اسرته بالامس..ونتمنى ان يكون

ذخرآ لوالديه وللبلد.

ت: 0912374868
Post: #3098
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-23-2010, 08:47 AM
Parent: #3097

خالص العزاء للأخ أحمد عمر الباقر في وفاة عمه ..

رحمه الله وجعل الجنة مثواه ...

&&&&&&&&&&

اجمل التهانى للاخ / عوض المفتاح واسرته بقدوم الفارس الجديد

جعله الله ذخرا لوالديه ...
Post: #3099
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-23-2010, 09:34 AM
Parent: #3098

Quote:
وهو يستقبل فارسآ اطل على اسرته بالامس..ونتمنى ان يكون

ذخرآ لوالديه وللبلد.


التهاني والتبريكات لجنابو عوض المفتاح و انشاء ربنا يجعله

من البارين .


و الله نحمد الله انو في ناس من الدفعة ما زالوا بخير نحن افتكرنا

اننا انتهينا لكن يبدو لسع ؟ بس الله يكون في عون اخونا واحد شكلو

قطع و الله تاني إلا يختو في المتحف بس !
Post: #3100
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-23-2010, 10:17 AM
Parent: #3099

خالص العزاء للأخ أحمد عمر الباقر في وفاة عمه ..

رحمه الله وجعل الجنة مثواه ...

&&&&&&&&&&

اجمل التهانى للاخ / عوض المفتاح واسرته بقدوم الفارس الجديد

جعله الله ذخرا لوالديه ...
Post: #3101
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-23-2010, 10:18 AM
Parent: #3099

البركة فيكم اخونا احمد عمر الباقر فى وفاة عمكم
الله يرحمه ويغفر ليهو ويلزمكم الصبر الجميل
وكمان مبروك المولود الجديد لى جنابو عوض المفتاح
ربنا يجعله من مواليد السعادة ويقر به عيون الوالدين

ومبروك كبيرة اوى للواد اب شنب بزواج البنية عبير
وملايين التبريكات وحزم من الأمانى الندية لى منى يونس واخواتها واولادها وبنياتها
جعله الله فرحا ممتدا بلا نهايات
وان شاء الله تعيشوا وتعقدوا للباقين وتدخلوهم بيوت السعادة المطمئنة بأذن الله
حد يحط لنا زغروودة كبيرة يا جدعان
من عندى , هاكم العرضة دى
وربطة فى النص
ورقصنى يا جدع
Post: #3102
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-23-2010, 10:32 AM
Parent: #3101

توهني إسم صلاح جلال بالقاهرة :

أقنعتني الأستاذة منى يونس بأن نستأجر

عربية وتحت قيادتنا وبدون سواق ولكني تعذرت

في البداية بأني لا أعرف الشوارع ولكنها أقنعتني

بأنها تحفظ معظم شوارع القاهرة ،،، والحقيقة وجدتها

تحفظ كتير جداً ،،،، أنا أسوق وهي مساعد سواق ممتاز حتى

وتوهمت بإني أحفظ جميع المداخل وفي إحدى المرات أنزلتها عند

أختها في باب الشعرية ورجعت عند أختي بالهرم وعدت ليلاً لأخذهم وكنت لوحدي

وكنت أحفظ الطريق أدخل من عند المجمع بميدان التحرير ومنها إلى باب الخلق

وباب اللوق وعابدين وسريعاً إلى باب الشعرية وجوار مستشفى سيد جلال ولم أجد المستشفى

وطرقت كل الأبواب (باب الخلق وباب اللوق وباب الشعرية) إلا باب الحديد ورحت بعفوية

أسأل عن مستشفى صلاح جلال وتهت فترة طويلة لأنه لا يوجد أحد يعرف صلاح جلال بتاع الزقازيق

ونفع الجوال نبهتني منى يونس بأنها مستشفى سيد جلال وليس صلاح جلال وزوجته إخلاص مهدي،،،،

التحية لهم في بلدهم إستراليا.
Post: #3103
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-23-2010, 11:47 AM
Parent: #3102

Quote: الواحد يغيب امسية واحدة يجى يلقى

البوست عكاكيز وجزلانات واثاثات وطبل

يغيب تانى يلقاهو ناس نفيستهم فى العرس

الاوائل ديك انا ما عايزم لكن شوفوا لينا

معاكم فى الاخير.


طبعا يا كوتش و انت بكتب في المداخله أعلاه كنت بتحسب في أصابعك 1..2..3..4 مداخلات و بتنقلب الصفحة يعني لو بي معدل الصباح الصفحة دي باقي ليها أربعة دقايق و أربعة ثواني و تلاتة أرباع الثانية وتنقلب و تمر المداخلة مرور الكرام...
لكن ما عملت حساب المسلطين الزي أنا ديل...البينكتو الكلام من الصفحات اللي وراء و يجيبوهو تاني...و عشان ده كلام ممتع كمان أن حأنزلو ليك في البوست بتاع لمن فاتهم الاستمتاع..
قصرت معاك...

مبروك المولود لي أخونا المفتاح...اتصلت به و هنأته على المولود و قلت ليهو سميهو سادومبا أو وارغو...قال لي المادة دي أنا ما شايله...و أنا بقول يا عوض ديل مادتين ما ماده واحدة....و شاغلات كل الشعب السوداني الا انت و جلا...
Post: #3104
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-23-2010, 04:08 PM
Parent: #3103

صباحاتكم ندية وتهانيكم شجيه ،،،

الإتصالات الهاتفية المباشرة والإسفيرية على الموقع
كان لها وقع طيب في نفوسنا كل الشكر لأخواني وأخواتي
ناس الزقازيق أجدع ناس,,,,,,,
Post: #3105
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-23-2010, 05:35 PM
Parent: #3104

سلام يا ناس
Post: #3106
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-23-2010, 09:34 PM
Parent: #3105

العزيزان ميسره منى الف مبروك وعقبال العيال

==================================
الزناتى ------ الرشيد------- الجرسه شنو فضحتونا وبت حوفى عافى منك بت رجال
انتو الشلاقه عليكم شنو السحاب ده ما بتقدرو عليهو خلوه لينا نحنا الشباب القدرو
والله نسبح فيهو ---- عوم بس ---- كمان قايلننا بنخاف نقدم الاعزار--مافى كلام ذى
ده لانى مطمئن ام سلمان ما بتقرا البوست لكن ده ما يمنع المناشده بقلب الصفحه
سريع . انداح يا منصور
==================================
شوفوا السيره دى هيجت ود جبريل لحدى ما عايز يبقى زرزور ويبارى القندول
وينقد التمر الحلو ----- ذاتو
Post: #3107
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-23-2010, 10:03 PM
Parent: #3106

والرقيص ما يبقالي ياهو أليلنا بتاع محمد كرم الله داك
واقول في نفسي: النصايب ديل باقيلي ماهن من شوايقتنا
ويجي واحدا شايلو نوبة ويدقدق فيها بي صوتا عالي والخرابين الوراهو: حي حي حي حي
ويجي واحدا كبيرا كدي يشيلني ويكبر: الله الله.. قايلني دخت من الذكر وانا شابكو:
انت ود كرم الله وصفاقنو وينم ماني شايفو
والراجل شغال حي الله حي الله.. دورت وشي وفقعتها ضحكة.. لقيتو في الحنكين عدمان
السنايي (من اسنان) ان كان تلاتة سنات في الحنك التحت متل حيطة الفاول..
اكمل النقزي أليلي وارجع لي اخواني..
شويتين ان كان اشوفلك بنية الفريق اللااااقداام مننا لابسالا قميصا سممممممح
اعاينلها واضحك وتعاينلي وتضحك..
قمت رفعتلا يدي.. وهي من تحت لااا تحت هزتلي يدها
ومن الفرحي بقيت انقز في مكاني وابرطع.. ومرا ااتشقلب علي بطني وازح
واصلي بقيت مضرضر تراب كله كله.. يمين زي السمكايي الضرضرولم فيها دقيق قبل يشووها
ماني فرحان الخرابة اشرتلي بي يدها
وبقيت ضايق بتين نرجع فشان احكي لي عوض علي اشيرة اليد ألتها
مشينا علي بتاع السمسمية والحمصيي وطلحة ملالو كيسين كبار واشترالي حصان كبييييييييييير
شويتين ان كان القاها واقفي مع امها جنبنا وشايلالا عروسي مزركشي
بالاحمر والاصفر.. قربت منها وسلمت عليها: انت نصيحي
هزتلي راسها.. وقمت قلتلا: باكر الصباح بجي جنب النيمايي ألتكم
واخلي حصاني يشيل العروسة ألتك في ضهرو
قالتلي سمح
مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
(هذا بعض ما كتبه ودجبريل بالمنبر العام وهو يغالب زكريات المولد الشريف )
Post: #3108
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-24-2010, 06:13 AM
Parent: #3107

صبحكم الله بالخير و السرور

اللهم اني أصبحت منك في نعمة عافية و ستر فأتمم علينا نعمتك و عافيتك و سترك في الدنيا و الآخرة...
Post: #3109
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-24-2010, 07:17 AM
Parent: #3108

صباح الخير،،، يا وجوه الخير،،،

أصبحنا واصبح الملك لله،،، وحده

نسمات صباحية:

اللهم إني أعوذُ بك من :
- البرص
- والجنون
- والجُذام
ومن سئ الأسقام.

اللهم آمييين يا رب العالمين.
Post: #3110
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-24-2010, 07:22 AM
Parent: #3109

مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
(هذا بعض ما كتبه ودجبريل بالمنبر العام وهو يغالب زكريات المولد الشريف )

شكراً يا ريس معتصم ،،،

كلام جميل وطاعم وود جبريل ده ربنا

يديهو العافي خلانا نحب نضميهو بالشايقي

دحين أنا ماشي للمنبر العام نقرأ ليهو ونكحل عيونا

وأضنينا بكلامه الجميل بدلاً من السباب والشتائم المدوره بهناك
Post: #3111
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 02-24-2010, 09:08 AM
Parent: #3110

احب حاج الركز واموووت فى المكسرات زاتا

صحو نسوانكم من النوم وتابعونا


الزميلة عفاف علي ميرغني على التلفزيون السعودي - الواحدة بظ اليوم


المابحضر البرنامج ده بكره بندقو دق الكفتة
Post: #3112
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-24-2010, 01:41 PM
Parent: #3111

احب حاج الركز واموووت فى المكسرات زاتا

صحو نسوانكم من النوم وتابعونا


الزميلة عفاف علي ميرغني على التلفزيون السعودي - الواحدة بظ اليوم


المابحضر البرنامج ده بكره بندقو دق الكفتة

يا عبدالدائم البرنامج ده فاتنا

في إعادة للبرنامج ولا ننتظر دق الكفته.
Post: #3113
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-24-2010, 04:20 PM
Parent: #3112

الريسان معتصم وميسرة
كيفنكم ياخي
ياخي نضمي الشوايقة دي مو زين وسمح بالحيل وحنين يعلم الله
واصلي ان بقيت باريتو ياني الوِدِر
Post: #3114
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-24-2010, 04:30 PM
Parent: #3113

ود جبريل تحياتي وخليك
علي كدة دة كلام موزون
يادباسة راس الفروع
قلبي من علاقة مقطوع
العذر مابنفع الجوع
واصل
Post: #3115
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 02-24-2010, 05:00 PM
Parent: #3114

ود المهدي يا حبيبنا كيفنك
عاد انا شغل الحبوبات بعرفه
علي شيت المسادير دة ماني فارز فيهو شي
Post: #3116
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-24-2010, 05:47 PM
Parent: #3115

النضيف دقو دق الكفته والبفتيك ذاتو
وتفو تف العقارب وسكو سك الارانب
Post: #3117
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-24-2010, 06:42 PM
Parent: #3116

Quote: الزميلة عفاف علي ميرغني على التلفزيون السعودي - الواحدة بظ اليوم


المابحضر البرنامج ده بكره بندقو دق الكفتة


يعني نحن نخلي الشغل و نمشي نحضر البرنامج و لا شنو...صحيح فافي تستاهل يخلو ليها كل حاجة لكن انتو عارفين المعايش جبارة...
لكن هي زاتها فافي دي ما لقت غير تجي في غصب واحد و غصب اتنين ديل...كان تجينا في قناة النيل الأزرق و تقدم البرنامج تصاقيع ديك...
شوفو الكان بجي يقول ليكم المعايش جبارة منو...
Post: #3118
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-24-2010, 06:48 PM
Parent: #3117

Quote: الزناتى ------ الرشيد------- الجرسه شنو فضحتونا وبت حوفى عافى منك بت رجال
انتو الشلاقه عليكم شنو السحاب ده ما بتقدرو عليهو خلوه لينا نحنا الشباب القدرو
والله نسبح فيهو ---- عوم بس ---- كمان قايلننا بنخاف نقدم الاعزار--مافى كلام ذى
ده لانى مطمئن ام سلمان ما بتقرا البوست لكن ده ما يمنع المناشده بقلب الصفحه
سريع . انداح يا منصور


جرسة التابا يا ريس...أها شفت غتاتة منصور من يوم ما نزلت مداخلتك منصور بقى يكتب سطر و يفط سطر...و الصفحة أبت تنقلب..و احتمال ان أم سلمان تهف ليها و تقوم تقول كدي أمشي أشوف الراجل ده بيعمل في شنو مع ناس الزقازيق ديل و تقوم تشوف كلامك ده...

اتخيل لي دق الكفته بتاع عبدالدايم بيكون أرحم...
Post: #3119
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-24-2010, 08:57 PM
Parent: #3118

سلامات يا ناس

كفتة وزرازير وجيب نسوان قدام التلفزيون

وكلام واحدين يقولوه ومتأكدين انو بنات

الشيخ ما بقروهو....

هذا: لمن فاتهم الاستماع
Post: #3120
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-24-2010, 09:05 PM
Parent: #3119

الاخوة الكرام قامت اجهزة الامن السودانية باعتقال احد احرف لاعبي الزقازيق

و هو الاخ تاج البنان تاج الاصفياء و فيما يبدو لي هو دفعة الريس و الاخ كمال

الشادي فنامل من الاخوان التداخل والمطالبة الفورية بفك اعتقاله فورا امل

ان يتم التداخل في البوست المفتوح بالخصوص و سوف استعين بصديق لعمل الرابط
Post: #3121
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-25-2010, 08:05 AM
Parent: #3120


صباح الخير ايها الرائعون ...


add8be10.gif Hosting at Sudaneseonline.com


اللهم انصر أخانا تاج الاصفياء وفك أســـره ...

اللهم فك اسرنا وأســر بلادنا وامتنا من قبضة من لا يخافك ولا يخاف الله فينا ...
Post: #3122
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-25-2010, 10:16 AM
Parent: #3121

صباح الخير ،،، يا وجوه الخير،،،

أصبحنا وأصبح الملك لله،،،وحده

نسمات صباحية:

اللهم فك أسر زميلنا تاج البنان تاج الاصفياء

اللهم خفف عنه مصيبته

وهون عليه ظلم الجلاد

آمين يا رب العالمين،،،
Post: #3123
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-25-2010, 11:05 AM
Parent: #3122

أخوتي غداً ليلاً يرتحل قطار الشوق

ويغادر محطة الريس الكبير معتصم

وتحط طائرتنا رحالها بقاهرة المعز

لتجد أسر زقازيقية ويتم التواصل معهم

واللقاء الحميم بعد فراق زاد عن عشرين عاماً

غداً لقائنا مع أسرتين زقازيقيتين ،،،،

وأشكر كل الذين دعموا البوست خلال فترة سفرنا
Post: #3124
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-25-2010, 11:31 AM
Parent: #3123

Quote: أخوتي غداً ليلاً يرتحل قطار الشوق

إنشاء الله عربية الفرملة تكون ما محجوزة
أنا وصحبي الكاشف موسى عيسى حاجزنها
غايتو لمن نترفع لي درجة تالتة ثم تالتة ممتازة
بعدين تانية و تانية ممتازة
ثم أولى و أولى ممتازة
طبعاً النوم ما بنهبش
تكون طيارتنا قامت
و لا تفوت على فطنة القارئ أن ركوب الطيارة ليست بالدرجات
وبعدين هي زاتها
one way ticket
Post: #3125
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 02-25-2010, 02:13 PM
Parent: #3124

الحبيب احمد اسماعيل
مناسيك ابدا
لتيبآ حارسو حرّاتو ومسابس وفارق

عقب الحرّة صقّار من سموم مدّارق

اتناين عروقو وراح فصيصو يزارق

لامن جاهو نسّام الغفر مسّارق

اللتيب القصبة الخضراء الممتلئة
وردت في رمية كابلي
قصبة منصح الوادي المخضر ضرو
قعدت قلبي تطويه وكل ساعة تفرو
لتيبـــــــاً سيلُه يدلِق لي النهــار ما تْجاففْ
والمربع في مدح المحبوبة
الحارس من ولي امرها (حراتو)من قام بحرث ارضه
لايغفل ولاينوم
وايضا البيئة صالحة للنشاة
هيات له الارض والجو البارد
ومنع عنه السموم حتي بدا في الاثمار
وهو تشبيه شائع للمحبوبة بكثير من النباتات
فرع البانة اليرنع ينود
نظم افكاري ولبسن عقود
*******
قناديل الروا الجبد المياه بابورن
حبكن للضريرة ومن فوق عكل زرزورن
ياسامع النداء عجلي امشي ازورن
لذيذ ان ضقتو قبال ينقدنو طيورن
Post: #3126
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-25-2010, 08:29 PM
Parent: #3125

Quote: إنشاء الله عربية الفرملة تكون ما محجوزة
أنا وصحبي الكاشف موسى عيسى حاجزنها


يا المسنوح الشيخ جلا الناس الراكب ليهم طيارة

في الدرجة التالتة إنت والحبيب موسى يهمك أمرهم

ما تستعجل ساي ،،، بكرة لو ما حصلت الطيارة ممكن تركب

القشاش وتلحقنا صباح السبت.

ودالمهدي عفيت منك مساديرك معتقة ورائعة وجميلة
Post: #3127
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-26-2010, 00:09 AM
Parent: #3126

يا ناس الليل وين شغلكم القديم

يبدو أن الوردية في بيات شتوي

وهل الخميس بتاع منصور ده نعسان كده

جمعتكم مباركة ،،، وتصحبون على خير،،،
Post: #3128
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-26-2010, 04:19 PM
Parent: #3127

up
Post: #3129
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 02-26-2010, 04:44 PM
Parent: #3128

بالامس كانت الليلة الختاميه للمولد النبوى الشريف
اكيد الدخول كان مستحيلا مع هذا الكم الهائل من البشر كل له ماربه
تفاديا لهذا الزحام كنت قبلها بيومين قد ذهبت متجولا بين حلقات الذكر
المختلفه وبين حلقات الدروس الدينيه والتى جلست فيها الى مذهبين مختلفين
تماما, كان الخطيب الاول يصيح فى تشنج واضح بان الاحتفال بالمولد بدعه ليس لها
سند والناس العاملين الاحتفالات حقهم رايح و...و....والخ
على المجلس الثانى كان الشاب المتحدث يتكلم فى هدؤ تام ان فى
هذا اليوم اضاء العالم بميلاد رسول الانسانيه فلماذا لا نحتفل بميلاد الحق
على ان لايتجاوز احتفالنا او يخالف شرعنا وديننا فلناخذ هذا اليوم لاحياء
سنن المصطفى صلى الله عليه وسلم وليتبارى المتبارون فى مدحه ولياكل اطفالنا
حلوى المولد حتى يعرفوا عظمة من اتى فى هذا اليوم.
Post: #3130
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 02-26-2010, 06:00 PM
Parent: #3129

بسم الله الرحمن الرحيم
الاعزاء الغالين ناس الحوش الحلوين...
سلام جاكم ماعداكم...يطرق ابوابكم باب باب...

كيف حالكم وازيكم عساكم بخير ...

بالامس القريب كان لقاء هاتفياً سريعا ممتعا مملوء بالذكريات بيني والاخ / نعمان يوسف الذي كنت
ضيفه في مكتبه حيث هاتفنا الاخ العزيز / ميسرة سيد احمد وكذا الاخ / عادل الجعلي ورغم انقطاع المحادثة بيننا
والاخ / عادل الجعلي الا انه مشكورا اعاد الاتصال بي مساءً سائلا عن اخبار الزملاء في السودان وتلفونات من التقيت بهم
في فترة تواجدي بالسودان ...وبقدر الله وفي اليوم الثاني وفي مناسبة عقد قران ابن خالتي سامح معروف زين العابدين التقيت
الاخ / طارق احمد علي زميلنا بتجارة الزقازيق...والذي لم اقابله منذ اكثر من عشرون عاماً...فكان ماكان من تبادبل الاحاديث والذكريات...

دومااحبابنا ناس الزقازيق الحديث معهم له طعم العسل ...

** العزيز عمر ابو تي ...اين انت يارجل سعيد ان اري صورتك وكذا صوت قلمك ...لك مني كل الود..

عثمان الجيلي
Post: #3131
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-26-2010, 06:32 PM
Parent: #3130

تحية لكم وصلت من الصديقة سناء الصباغ..

Quote: العزيز روشي
الشوق مطر , أخيرا جدا انتهيت من المهمة البايخة دي وزي ما قال ديدو تاني
ما حا أجازف بالطريقة دي, طبعا أبيخ حاجة في القصة دي أنها حرمتني من التواصل مع
ناس جميلين ونقيين زي الناس الحايمين في بوست الجدعان في الفترة الفاتت, المهم اليوم قمت
بارسال أيميل لبكري أبوبكر عشان يحل لي قصة الباسويرد وبعدين أقدر أتواصل معاكم
في أشياء حا أطالب باعادتها خاصة فيما يختص بالصور النزلها العزيز كمال الشادي
وطبعا مربع كاي دا لأنو مسلسل مكسيكي ما بقدر أطالب باعادته كله لكن في حلقات ممكن
نعيد فيها الكلام مثلا الموضوع الطرحوا منصور على خلفية نكتة سيدي الحسن افتكر دا مدخل لنقاش امور مهمة
تحدثنا عنها زمان وكان التمرد وعنفوان الشباب هو محركنا الأساسي لكن دلوقت ممكن نضيف عنصر التجربة والنضج
عشان نناقش من زوايا أخرى , بالمناسبة وصف البوست بأنو مسلسل مكسيكي أرجو أن تفهم في سياق اننا في بداية
دخول السلسلات المكسييكية كنا نقعد بتشوق ولا نمل المتابعة رغم طول المسلسل مرة كدا واحدة من بنات جيراننا كانت حامل
ومزوداها شوية يعني دلع وحركات قامت حاجة كبيرة برضو من حلتنا كانت متابعة مسلسل كسندرا قالت هي حسي البت دي بتسوي كدي ليي
حملت كسندرا يايمة وكانت نفس هذه الحاجة كلما تجي لقطة فيها كسندرا تقول ( وكسندورتي وحلاتي دي يا خواتي )ر
عرفت الوهمة يا عباس؟


تحياتي لنجاة والصغار ولكل الجدعان ولا أقول ليك ممكن تنزل الايميل دا كعربون محبة وبعدين بعدما أستلم الباسويرد بكمل الباقي


تحياتي
سناء الصباغ
Post: #3132
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 02-26-2010, 07:35 PM
Parent: #3131

العزيز ود الجيلي لكن التحية والشوق مطر وطولت علينا الغياب كثير خلاص

و التحية للعزيز ود الجعلي ،

و بالله يا ابو الزوز حاول لينا باست وورد لود الجعلي انشاء مشترك مع الجميلة

سامية اسماعيل .

و الحبيب الرشيد و الله ليك وحشة و للاخت سناء الصباغ و الف حمدالله على السلامة

و عقبال الدكتوراه و بيني و وبينك القراية في الكبر شينة خلاص الله لا ورانا ليها

لك التحية و للاسرة الكريمة .
Post: #3133
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-26-2010, 11:01 PM
Parent: #3132

علمني البحر أن أبحث عن الوفاء
علمني البحر أن أكون قائداً
علمني البحر بأن الإنسان لا يملئ عينه شئ حتى البحر
علمني البحر أن الرجوع إلى الخلف قد يكون إندفاعة إلى الأمام
علمني البحر بأن فاقد الشئ قد يعطيه
علمني البحر أن الكتابة هي ثرثرة ولكن من نوع آخر
علمني البحر أن أكون بحراً
علمني البحر أن السعي وراء الكمال هو قمة النقص
علمني البحر أنني كلما التزمت الصمت أكثر كلما سمعت أكثر
علمني البحر عندنا تسمع للناس أكثر كلما تفهمهم أكثر
علمني البحر أن أبحث عن الذكريات
علمني البحر أن أكون زقازيقياً مخلصاً

كان لقاءنا مع أُسر زقازيقية من ذلك الزمن الجميل ،،، أناس عندما تلتقيهم
يذوب أمامك جبل الجليد الذهني وتتداعى أمامك كل الذكريات وتعود إلى الخلف
عشرات السنين وعندما التقينا بالأسرة الأولى بقيادة الأخت/ الرائعة جداً حبيبة الكل

ننتقل جميعنا إلى هناك بوست شخصيات وأسر زقازيقية من الزمن الجميل ،،، هيا بناإلى

شخصيات وعائلات زقازيقة ،،،،،،،، من الزمن الجميل،،،(توجد صور)
Post: #3134
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-27-2010, 08:17 AM
Parent: #3133

صباح الخير ،،، يا وجوه الخير،،،

أصبحنا وأصبح الملك لله،،، وحده

نسمات صباحية:

اللهم إني أعوذ بك

أن أشرك بك،،،،،
وأنا أعمل،،،،،

وأستغفرك لما لا أعلم،،،

حاشية :

تعطل برنامج تحميل الصور أوقف
الأستاذه منى يونس عن مواصلة تكملة
أسر زقازيقية من القاهرة ،،،،،،
والبرنامج متوقف حتى اللحظة،،،
Post: #3135
Title: Re: ناس الزقازيق ... أجدع ناس ( 3 ) ..
Author: البادي النور
Date: 02-27-2010, 08:47 AM
Parent: #3133

صباح الهناء والسرور...
عدنا والعود احمد ...
كل التعازي للذين فقدوا اعزاء لهم ...
وملايين التبريكات والتهاني للذين غشيتهم الافراح ...
والشوق ليكم كلكم اكوام اكوام ...
Post: #3136
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-27-2010, 09:17 AM
Parent: #3135

DSC00576.jpg Hosting at Sudaneseonline.com



الشكر موصول للأخ/ عبدالدائم الذي نبهنا
بأن البرنامج يعمل والخلل كان من عندنا
Post: #3137
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-27-2010, 10:28 AM
Parent: #3136

مدخل}..

تمر علينا لحظات مختلفة .. فمنها المفرح ومنها المحزن والجميل والقبيح .
تدوم علينا أحزانا وتختفي من أمامنا ابتسامتنا
فتصبح اللحظات الجميلة كالشروق
واللحظات الحزينة كالغروب

{شــروق
عندما ترى نبراساً للأمل معلق في ظلام حالك
فتفرح بوجود هذا الضوء وهذا الأمل

غــروب}
عندما ترى هذا الضوء عبارة عن شمعة تتأرجح في ذلك الأفق
لتنبؤك بأجل انطفائها

{شـــروق
عندما تشعر بوجود أعز النــاس بجانبك
يساندك في وقت الشدة
ويسمح دمعتك في وقت الغربة

غــروب}
عندما تعلم أن هذا الشخص مجرد منافق قد مر على حياتك
وقد مسح دمعتك عن طريق الخطأ

{شـــروق
عندما تبذل كل جهدك في زراعة بذرة
لتكبر وتصبح شجرة قد عليها كل طموحك ومستقبلك

غــــروب}
عندما ترى ان كل ما زرعته قد حصدته
في فصل لم يأن أوان قدومه بعد ..

{شـــروق
عندما ترى ذكرياتك المفرحة تتسلسل أمامك كشريط للأيام
فترسم على شفاتك ملامح الإبتسامة ومعالم الفرحة

غــروب}
عندما تعلم ان لحظات الفرح قليلة بحيث تستطيع عدها
وأن لحظات الحزن كثيرة . لا تعد ولا تحصى

{شــروق
عندما تضمد جراح الآخرين
وترى عنفوان الصفاء والشكر يحيطان بك

غــــروب}
عندما تضمد جـراح الأشخاص الخاطئين
فترى تعبك قد أحاط بك
فتنادي علي أحد ليضمد جراح قلبك النازف
عندها لا تسمع إلا صدى صوتك

{شـــروق
عندما تجد ان قلمك قد يرفع حملاً كبيراً من أحزانك
على ذلك الورق الأبيض

غـــــــروب}
عندما يخونك قلمك ليعلن إنتهاء مسؤوليته
وليعلن عدم احتماله تدوين المزيد من الأحزان والآلام

مخرج}..
هذه هي أيامنا
قد تكون مشرقة .. أو قد تغرب
فنبقى جالسين ننتظر الأيام المفرحة ونركل الحزن بعيداً عن المرمى
فنزرع الأمل بأيدينا .. ونحصد الألم بقلوبنا

اسأل الله أن يجعل شروقكم وغروبكم .. فرح
Post: #3138
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-27-2010, 11:19 AM
Parent: #3137


تصدقوا عطشان
يمين يمين لمن قرب يجينى جفاف عدييييل
شكلى طولت من البوست
وخلونى بمناسبة العطش ده احتفى بى عودة وزارة الرى زااااتها
سناء الصباغ
ياخى مشتاقين
يازهير جازف للزولة دى باسويردها
كان بكرى قال ليك مافى
قوليهو منصور قال ليك , جلا ما ضرورى
شيل من باسويرده , وممكن ترجعوا ليهو بى راحتك و بعدين
شفتى عليك الله يا سناء الصباغ موضوع سيدى الحسن البيلزلز داك
قدر ما كوركت فيهو عشان اطلع منو العبر
زول اشتغل بى مافى
رجعوا للزولة دى باسويردها بسرعة

قطيعة لى سناء الصباغ
وعشان اكون دقيق
هى قطيعة ليكى وفيكى , يعنى قطيعة دبل كيك بى لغة ناس الكورة
قلتى لى كان عندك امتحانات مش كده ؟؟
بعد ما تنجحى فيها حا يقولوا ليك شنو
يا دكتورة !!!!!!
طيب وهسى قاعد يقولوا ليك شنو ؟؟
يا دكتورة برضو !!!!
عليك الله ما احسن ليكى بوستينا ده
حانحنس بكرى يرجع ليك الباسويرد
لكن دى آخر مرة تعملى كده
تحيات ممزوجة بى شوق معطونة بى مبروووووك كبيرة للدكتوراة الأضافية
ولأسرتك سلام كبير
Post: #3139
Title: Re: ناس الزقازيق ... أجدع ناس ( 3 ) ..
Author: مني يونس
Date: 02-27-2010, 01:54 PM
Parent: #3138

يوم أمس كان يوم جمعة وهو يوم مميز

زقازيقي خالص حتى الإشباع ،،،،،،،،

جانا إتصال من أجمل الحلوين ناس زهير وإبتهاج

وكانت مكالمة شحمانة دسمة حتى الإشباع لحدي ما الجوال

آمن زاتو .

وكانت المساء وكنا مع عبدالدائم وعائلته ،،،،،،،،

وكلمنا مشوارنا لحدي بيت محمد عيد وأولاده والتحلية كانت

هناك حلو وطاعم ولا شنو يا جلال ،،،،،،

وفي طريق العودة ليلاً كان حبيبنا موسى عيسى على الخط

ألم أقل لكم كان يوماً زقازيقية خالصاً كامل الدسم.
Post: #3140
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-27-2010, 02:11 PM
Parent: #3139

سم الله الرحمن الرحيم
داير أعمل كوبي بيست
إتذكرت أن الوقت مساء
فما علي إلا أن أقول
أمسينا و أمسى الملك لله
Post: #3141
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-27-2010, 02:21 PM
Parent: #3140

Quote: تصدقوا عطشان
يمين يمين لمن قرب يجينى جفاف عدييييل

وهذا يعني إنك أكلت من سمك عوضية و بما فيه الكفاية
وتكون رسلت للسودان مخصوص و جابوهو ليك بالدي إتش إل
عليه ...الأكل الكتير في هذه الأيام و البوست بتاعنا أصلاً عايش في حالة صيف من المداخلات
يعني لو غرفت من البحر و جيت كبيت مداخلاتك في البوست دا برضو ما بتروى
يعني زي يقولو ليك لو مشيت البحر وشربت مويتو ما بتروى
معلومة علمية: أكل السمك الكتير بيعمل غدة درقية (هكذا سمعت)
عطشك برضو ممكن يتفسر إنو إنت زول طاعم زي صحبك جلال
في الحالة دي و عارفنك إنت زول شرفان (التفسير لأحمد إسماعيل)
وزمان قدر ما حذرناك ما تجي جنب الناس الحلويييين (ناس جلا و محمد المرتضى)
أبيت تسمع الكلام...و كمان زايد في عنادك وكملتها بي سهر الخميس الفات
غايتو جلال أخذ بالنصيحة البتقول الجري و المشي الكتير داخل البوست مهم
ودي نصيحة كل الناس الطاعمين
عشان كدا تلقاهو ماسك في البوست بتاعو داك و جاري معاهو و ماشي بيهو بسرعة 100كلم في الساعة
و قاعد كل مرة يديهو رفعة لي فوق
التقول البوست لابس بنطلون ناصل منو و ما قدرو (موسى عيسى أنا قاعد اتكلم عن البوست ما عن جلال)
المهم في النهاية الجري و الطيران ما بتلقو لي النعام
الكلام دا يا ربي رد لي مداخلة منو؟؟؟؟؟
Post: #3142
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-27-2010, 02:54 PM
Parent: #3141

سلامات يا ناس

منور يا عيد

ويا سلام على الشروق والغروب.

مرحب بى كوثر داؤود..واسرتها

جكة موية...اقصد جك موية لمنصور لو سمحتوا

Quote: الكلام دا يا ربي رد لي مداخلة منو؟؟؟؟؟


مداخلتى انا..
Post: #3143
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 02-27-2010, 10:17 PM
Parent: #3142

احر التعازي للاخوان محمد زين واحمد عمر في مصابهم..
Post: #3144
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 02-27-2010, 10:21 PM
Parent: #3143

مليون مبروك لمني وميسره..
ومليون مبروك لعوض المفتاح..
Post: #3145
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 02-27-2010, 11:21 PM
Parent: #3144

ويا حاتم جبارة ازيك000
Post: #3146
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-28-2010, 00:03 AM
Parent: #3145

مليون مرحب بى طلة ود جباره اللذيذ ...

والله أسفرت وانورت ...

التهنئة لجميع الاحباب ولكافة المسلمين بذكرى مولد المصطفى

صلى الله عليه وسلم ... ونسال الله ان يجمعنا به فى الحوض يوم العرض العظيم

ونبارك لاخوتنا واهلنا فى الوطن العزيز احتفاءهم بهذه المناسبة العظيمة ...

ويا ريس معتصم والله نحن هنا غثــّت نفوسنا من تكرار كلام معظم اهل الدين هنا

بتحريم هذا الاحتفاء ...

ولكنى - شخصيا - اعتبر انه نوع من التكريم الواجب لسيد الخلق اجمعين ...

وحقيقة تخوفت كثيرا من ايرادك لوصول تلك الآراء المتشددة الى مجتمعنا ...

عموما كنا فى انتظار وصول حلوى المولد - انشاء الله من باقى السوق الخيرى ..

وكنا نتوقع ان يعملها حاج فريش مستر جلا ..

ولكن البركة فى الريس ميسره ومدام منى الذين اتحفانا بكمية معتبره من حلويات المولد

جلبوها معهم من مصر المحروسه ... فالشكر لهما ...

ويا شيخ جلا ناس السعودية خلاص اكتفوا وتنازلوا .. عليك اذن ارسال الكوتات الى اخوتنا بالامارات

رشيد وياسر نجيلة ...

بس ما تجى تجيب لينا صورة وتعملها كوبى اند بيست ..!!
Post: #3147
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-28-2010, 07:12 AM
Parent: #3146

صباح الخير ،،، يا وجوه الخير

أصبحنا وأصبح الملك لله،،، وحده

نسمات صباحية:

اللهم إني أعوذ بك من:

جهد البلاء
ودرك الشقاء
وسوء القضاء
وشماتة الأعداء
Post: #3148
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 02-28-2010, 07:19 AM
Parent: #3147

مبروك صالح تبلدينا "ماجستير إدارة الأعمال"


صباح الاخبار الحلوة
Post: #3149
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 02-28-2010, 08:33 AM
Parent: #3148

بسم الله الرحمن الرحيم
سلام أيها الناس
Quote: صباح الخير ،،، يا وجوه الخير

أصبحنا وأصبح الملك لله،،، وحده

نسمات صباحية:

اللهم إني أعوذ بك من:

جهد البلاء
ودرك الشقاء
وسوء القضاء
وشماتة الأعداء
Post: #3150
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 10:14 AM
Parent: #3149


عليكم الله شوفوا الناس دى
اقول عطشان , يقولوا لى ماكل سمك
آكل سمك , يقولوا لى الجكة بعد اكل السمك ما تمام
نجك , يقولوا اوعى تجك تانى , (الجك بيعطش )
نعطش عشان جكينا
يقولوا ليك اوعى تكون طاعم
جلال يرفعوا ايدوا من هناااك يقول ليهم انا الطاعم انا الطاعم يا استاذ
مش الزول الجك داك
يقولوا ليهو لا , سيبك منو , ده زول سمك وملح ساااااى
جك انت واعمل مشاوير بين البوستات
اقول ليكم حاجة
تانى عطشان , والليلة الصباح ده جكيت
اروينى اروينى
يا عوضية اسقينى
يا زهير
جيب لينا باسويرد لى سناء الصباغ دى , اصلها بقت دكتورة تانى
لو مافيش باسويردات
شيل ان شاء الله حق جلا المجننا ده
ومادام انتو سمك عوضية دى جننكم كده وجاب كثافتكم ووصلكم كمان للطعامة
النشوف جبنة الدويم الجابتا لى زينب دى , حاتعمل ليكم ضغط ولا لا ؟؟
من هسه , العنده ضغط يتضاير
Post: #3151
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 02-28-2010, 10:41 AM
Parent: #3150

مبرووووووووك الماجستير للأخ صالح

و عقبال الدكتوراة...
Post: #3154
Title: Re: ناس الزقازيق ... أجدع ناس ( 3 ) ..
Author: البادي النور
Date: 02-28-2010, 11:24 AM
Parent: #3151

نهاراتكم سعيده ...

مبرووووووووك الماجستير للأخ صالح

و عقبال الدكتوراة...
Post: #3152
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 10:48 AM
Parent: #3150


تتذكروا زماااان لمن كنت قاديكم بى حكايات رحلة السودان الخيرة
تتذكروا اجندتى قلت ليكم مكتوبة وين
اعمل ليكم مسابقة تنشيطية عشان تتذكروا
اختاروا الأجابة الصاح من الأجابات التالية
كانت اجندتى وبرنامج رحلتى مكتوبة فى
فى الفولسكاب والشنطة
فى الشنطة وضهرية العربية
فى ضهرية العربية والفولسكاب
فى الفولسكاب وضهرية العربية وفى خافقى
ترسل الأجابات الى البريد الألكترونى بتاع محمد المرتضى
اصلوا ياحبة عينى , بيشتكر لى طوب الأرض انو من يوم سعى ليهو ايميل , ما جاتو الا رسالتين
واحدة من الرشيد
والتانية من ادارة الهوتميل
معقولة تعقدوا لينا الراجل بعد عمره ده
خاصة لمن يعرف انو صاحبو ودفعته محمد عيد
وصل لى الألفية الأولى
ومحمد المرتضى ده كان يتعقد
شيلوا شيلتكم
والله عقدتوا , ما بتتفكفك الا بالجليل الرحيم
رسلوا ليهو الأجابات الصحيحة وارفعوا معنوياتو ينوبكم ثواب
سامعنى ؟؟!! لى محمد المرتضى
مش امشى القاكم رسلتوها لى حاتم جبارة
عارفنوا حاتم جبارة ظهر بعد غيبة
عشان كان مشغول بالجيم والوجبات الدومنيكانية الأسبايسى ديك
وييين
لكن برضو ما بديكم من الجبنة بتاعتى اللذييييييذة دى
Post: #3153
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 11:18 AM
Parent: #3152


كنت احتاج الى اخراج ورقة فولسكابى , حينا بعد حين
لأتذكر تفاصيل برنامجى وخط سيرى اليومى ابان زيارتى القصيرة الأخيرة للسودان
واحيانا كنت احتاج لفتح الضهرية لمراجعة مابها من امانات
ولكننى لم احتاج لكلاهما وانا اضع زينب التيجانى , فى قمة برنامجى وضمن اولوياته المهمة
لزينب التيجانى مع رفيقتيها نجاة حوفى وياسمين بت حاج الطاهر , مكانة خاصة عندى
كانت علاقتى بهذا الثلاثى الجميل , مما لا استطيع له وصفا ولا تحليلا
وبعض العلاقات بين بنى البشر , ما تحتار فى وصفه وحتى (فهرسته وتبويبه)
لا اعرف تحديدا ما الذى اعطانى تفويض (مسئولية ) عنهم بمجرد قدومهم للكلية
وبالرغم من ان ياسمين مثلا لم تكن طالبة زراعة معنا , الا ان علاقة الأنصهار الغريبة التى كانت تميز ثلاثتهم
جعلت منهم (كلا ) لا يتجزأ
والغريب اننى اكتشفت ان احساس الكلية (من كل ) هذا , كان طاغيا على علاقات هذا الثلاثى مع الكل
اى اننى لم اكن (استثناءا) فى ذلك
انا فعلا كنت ريئسأ للأسرة آنذاك
واسرة زراعة تميزت بعضوية نوعية كثيفة (فى الكم والمحتوى )
فتجربة الرعاية المكثفة التى وجدناها حال قدومنا الأول ممن سبقونا من الزملاء والزميلات
جعلت من نقل تجربة الرعاية والأهتمام بالتواتر , سنة متوارثة وواجبة التطبيق
كما ان غلبة الزميلات الكمية (من حيث العدد ) , اسهمت فى ان تجعل من اغلبيتهم الجندرية
عاملا مساعدا فى انتشار احساس المسئولية الأخوية الصادقة
كانوا يتعاملون معنا بعفوية الأخوات
فبادلناهم احساس الأخوة بمسئولية (الأخوان )
بعد التخرج
ذهب كل الى دنياه
اخذتنا تصاريف الأقدار مذاهب شتى
ولكن الخيوط كانت باحساس وضع الخطوط بوضع الأنتظار
هولد نعم , ولكنه فى وضع التأهب للمواصلة فى لحظات عدة
لم انقطع عن نجاة (بحكم الرشيد )
ولكن ياسمين مرقتها فى البعيد القصى
وزينب , اكتشفت انها كانت قريبة , ولكن تفاصيل الجهاد الحياتى المعتاد هى ما جعل وضع الأنتظار يطول بعض الشى
وجاءت سودانيز اون لاين وبوست الأجدع ناس ليقوم مقام ضغطة زر ال(hold) التانية
انها تعيد الأتصال القديم الى الحياة
او انها بالأحرى , تعيد الحياة للأتصال القديم  
لذا فان مقابلة زينب التيجانى , الأخت العزيزة ورفيقة سنوات الدراسة الأثيرة -كانت فى الجدول وفى برنامج اليوم والأجازة وخط السير
دون ان يكون اسمها مكتوبا لا فى الورقة الفولسكاب
ودون ان يكون لها امانة ما فى ضهرية العربية
Post: #3155
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 11:39 AM
Parent: #3153


كانت الأجازة القصيرة قد انتهت او كادت
عندما هاتفتنى زينب التيجانى يوم العرس معتذرة عن الحضور
كنت اعرف ان حتى حضورها للمناسبة والعرس , لا يقومان مقام ونسة عريضة اخطط لها
لذا فاننى وبعد الأتصال وانتهاء احتفالات الزواج
كانت مشكلتى وجود الوقت الوسيع , عشان ندى الونسة حقتها
ولكن الأجازة الصغيرة اصلا , انقضت او كادت
حتى اتى السبت , الذى يسبق السفر يوم الأحد
كان همى الوقت المناسب , والزمن الوسيع
لكن زيارة بهذه المواصفات لا تتأتى فى السودان الشقيق
ولكن ما بدهاش
لنتخلى عن شرط الوقت المناسب اذن
ولكن (لا يفاوضننى ) احد على  شرط الزمن الوسيع
رفيقى الدائم فى رحلتى , زهير ود الزناتى
هو قوقل ايرث بتاعى لتحديد المواقع
نخاف بطبيعة الحال من تحديد المواعيد المسبقة , لأننا شغالين بى نظرية اتصل وحدد موقعك زى ما بتتذكروا
ولا دى كمان نعمل ليكم فيها مسابقة تانية
محمد المرتضى كان رفيقا آخرا مفترضا لهه الزيارة
ولكن مثل محمد المرتضى -لمن يعرفونه -
لا يمكن الأرتباط معه بمواعيد
المشكلة اننى نسيت هذه الحقيقة او قل اننى تخيلت انها انقرضت
ولكن محمد المرتضى وفاء متقادم وتمسك بتقاليد شخصية راسخة تجعل من محمد المرتضى هو محمد المرتضى الذى نحب
بعد مشاوير فولسكابية واخرى تخص ضهرية العربية عديدة ومتنوعة
كان الموعد ما بعد منتصف النهار
وقت ما يشابه قيلولة زمان , حيث ان الجميع افتراضا فى راحة وتعسيلة وجمة وسط النهار
الا انا وزهير الزناتى وعائلة زينب التيجانى اللذيذة الطاعمة
فكلنا تأهب , وكلنا توق لضغطة صارمة على زر (HOLD) نسيناه فى ضغطته الأولى ردحا من زمن
دقينا الباب ,
وانتظرنا
يملأنا الحياء والخجل من وقت زيارة غير مناسب
ولكن من قال ان صاحب الحاجة ارعن
انا متأكد
انه كان يقصدنا تحديدا
Post: #3156
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 12:07 PM
Parent: #3155


لكن فتحة الباب الأولى
وعفوية استقبال زينب التى تشبهها تماما
جعلت من حرج التوقيت غير المناسب
ماضيا ونسيا منسيا ليس الا
ثم ان استقبال اسرة الباشمهندس عمر
الذى لم اقابله لسوء حظى وفظاظة توقيت الزيارة الذى سجلته اعلاه
جعلة من الونسة والجلوس الى هكذا ناس
ضربا من ضروب السياحة البهية
والونسة الثرية
فى لحظات , ايقنت تماما ان الطيبون للطيبات
كنا نخطط للجلوس ربع الساعة او نصفها
ولكننا -لم نفلح فى الخروج
الا على وش العصر
تونسنا وضحكنا مع والد عمر
موسوعة حياتية منحركة
وذخيرة حيوية مرحة لا تتوقف عن الضحك والبتسام
الا لتتهيا لضحكة تالية وابتسامة قادمة
واتهنينا بالحديث الى والدة عمر نسيبة زينب
لا انها ليست نسيبة
انها الصديقة المتفهمة ذات الفق الواسع والصحبة الجميلة
ثم محاسن واحمد ابناء عمر وزينب
حفظهم الله واعلى من مراتبهم واسبغ عليهم نعمة الظل الظليل والأسرة الجميلة
ثم و وانا طالع
صفيحة جبنة سودانية من النوع الذى احب
وحاتكم من يومها
الفول بالجبنة
الساردين بالجبنة
التونة بالجبنة
القراصة بالجبنة
احمد شابكنا احشوا لى من جبنة زينب
وايثار ومجتبى وحجازى
وامانى كمان
استمتعنا بجبنتك يا زينب
لهطناها لهط صاح
ربنا يحفظ ليك اسرتك الصغيرة والكبيرة
ويخلى لى وليداتك
وابوهم طبعا


تليشة اخيرة
وانا فى طريق العودة من زيارة زينب , ضربت لى امانى تذكرنى بالأغراض التى يجب على شراؤها استعدادا للسفر بتاع بكرة
كانت الجبنة على رأس القائمة
لمن قلت ليها اشتريتها اولريدى
لمن امانى (آمنت عدييييييل )
Post: #3157
Title: Re: ناس الزقازيق ... أجدع ناس ( 3 ) ..
Author: محمد عيد
Date: 02-28-2010, 12:39 PM
Parent: #3156

Quote: الفول بالجبنة
الساردين بالجبنة
التونة بالجبنة
القراصة بالجبنة


منصور بالجبنة ...

ياخى جننت الجبنة ذاتها ...

زى الداير تقول بس ( مشينا السودان جبنا جبنة ..! )

يا زول انت مش عندك ضغط ؟؟!!

جبنة شنو البتاكلها مع الطحنية دى ...!!

كدى خلى عندك شوية دم ورسل لينا 2 -3 كيلو ..
Post: #3158
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-28-2010, 12:40 PM
Parent: #3152

نرحب بعودة كثير من الشباب

عثمان الجيلي
د.سناء الصباغ
البادي النور
حاتم جبارة

نورتوا بيتكم ،،،،،

يا سلام عليكم ،،، رجعنا لكتابات
منصور الدسمة بالله زيدنا أصلوا البوست
العام ده معظم الكتاب هجرتوا .
Post: #3159
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 02-28-2010, 01:38 PM
Parent: #3158

وانت الما عندك يعنى يا ود عيد
اتنين تلاتة كيلو شنو, هو ناس احمد فضلوا فيها حاجة
لكن بينى وبينك كده
وصلتك للسودان الأجازة الجاية
من المطار ولى بيت ناس عمر وزينب طواااااالى
يمين جبنتم دى سمحة سماحة



تليشة مع استفسار
انتى يا زينب الجبنة دى من الدويم ولا من الأبيض
الأنا متأكد منو
انها ما من كسلا
Post: #3160
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 02-28-2010, 02:07 PM
Parent: #3152

نداء لناس الرياض

يا الأبنوسي
يا الطاعم
يا حاج الركز
يا عفاف ميرغني
يا موسى عيسي
يا عصام جلي
يا قدورة
يا أحمد إسماعيل
يا أحمد عجوز
يا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يا ناس أخوي كمال الشادي ما وقع في عينكم

لا برد على الهاتف ولا متداخل في البوستات

طمنونا !!!!!!!!!
Post: #3161
Title: Re: ناس الزقازيق ... أجدع ناس ( 3 ) ..
Author: محمد صديق
Date: 02-28-2010, 02:25 PM
Parent: #3160

سلامات يا ناس

مرحب بى حاتم جبارة والبادى النور وعثمان االجيلى

وكتابات منصور...

Quote: الساردين بالجبنة
التونة بالجبنة
القراصة بالجبنة


اعمل حساب ضغطك..السردين والتونة سمك منو؟؟؟
Post: #3162
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 02-28-2010, 02:41 PM
Parent: #3160

يا منص كورتك فكت ... لخبت البرنامج ... والأيام أداخلت في بعض ولخبطت الشغلانة يتخيل لي ولا انا الكورتي فكت ... المهم في زول كورته فكت ومفتاحه ضاع
Post: #3163
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 02-28-2010, 08:55 PM
Parent: #3162


ناسنا الحلوين...الف تحية ليكم...

العزيز موسي عيسي ...كيف حالك واحوالك ...عساك بخير وعافية...
والله السودان حلو ..بس الجري شديد...
العزيزة سناء الصباغ...الف مبروك وعقبال الشهادات الكبيرة ...

مني ميسرة ...او مني يونس ...ليك خالص التحايا ...وطلاتك حلوة..سلام لي ناس الزمن الحلو..
الف تحية للاخت كوثر داؤود..وقولي ليها عايزين نشوفك علي الدوام..

*** اليوم إتصل بي الاخ العزيز / ناجي عبد الحي ...ابن سنجة الرائع ..وهو الآن مستقر بالخرطوم ويعمل بالنيل الازرق للتامين

ناجي راجل ظريف وطفنا معه بفيض من الذكريات الجميلة ...وهو بسلم شديد علي ناس الحوش وبخص بالسلام ناس الدفعة...

لمن يريد الاتصال بالاخ / ناجي عبد الحي رقم تلفونه ـــ 00249912936641

*** عماد عثمان ليك خالص التحاياـــ الاخ / ناجي بسلم عليك كتير وبسأل عنك بشدة !!!

*** ناس عطبرة ... الف مبروك فوز الامل العطبراوي ...رغم انه فوز جاء بعد مخاض عسير ...وبعد إنقطاع الانفس...
لي قدام يا امل يا عطبراوي..
عثمان الجيلي
Post: #3164
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-01-2010, 07:20 AM
Parent: #3163

صباح الخير ،،، يا وجوه الخير

أصبحنا وأصبح الملك لله ،،، وحده

نسمات صباحية:

ربي تقبل توبتي
وأغسل حوبتي
وأجب دعوتي
وثبت حُجتي
وأهد قلبي
وسدد لساني
واسلل سخيمة قلبي.
Post: #3165
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-01-2010, 07:30 AM
Parent: #3164

الصباح الباهي لونكم
الاحباب الزقازيقاب
الحبيب عثمان الجيلي
بركة الجيت وحمد الله بالسلامة
مرحب بيك وشوقا الليك طول ولسه معانا
كيف امورك نتمني ان تكون عال العال
التحيات والسلام للاخ ناجي عبد الحي
سفيرنا في سنجة اتمني ان تكون باحسن حال
منك طولنا طول
Post: #3166
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-01-2010, 07:36 AM
Parent: #3165

بسم الله الرحمن الرحيم
سلام أيها الناس
ود المهدي ما تخش ساكت
لزام عليك تعمل الكوبي بيست
أو تنتظر لغاية ما يجيك
بعديها أعمل الداير تعملو
إنتو مش في ضوابط للبوست دا و لا أي زول يشتغل شغلو و بس؟؟؟
شوف الكوبي دا جميل كيف
لا يفوت على فطنة القارئ إنو البيست أجمل وأحلى كمان الملح
Quote: صباح الخير ،،، يا وجوه الخير

أصبحنا وأصبح الملك لله ،،، وحده

نسمات صباحية:

ربي تقبل توبتي
وأغسل حوبتي
وأجب دعوتي
وثبت حُجتي
وأهد قلبي
وسدد لساني
واسلل سخيمة قلبي.
Post: #3167
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-01-2010, 10:43 AM
Parent: #3166

يامحمدآدم تحياتي
نحن ماعارفين النظام
واسفين سبقناك قبل ماتعمل الكوبي بست
بتاعك وماتتشاطر علي انا شوف الناس العاوزين
يقلعو باسويردك
Post: #3168
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-01-2010, 11:04 AM
Parent: #3167

Quote: ناسنا الحلوين...الف تحية ليكم...

ولك مثلها ياحبيب ... يعلم الله مشتاقين ...

ود المهدي ياحبيب جلا دا مابتعرف ليهو ... خلي لى موسى عيسى
بجيهو جيهة جد...
Post: #3169
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-01-2010, 11:06 AM
Parent: #3168

سلام يا اهلنا
Post: #3170
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-01-2010, 11:30 AM
Parent: #3169


صاح والله يا كمندان
نرجع التونة والساردين لى اصلهم
نلقاهم برضو سمك عوضية
بس ما سمك الربيع
وكان لى الضغط
يمينا بالله كان عاوز يعمل لى عبيط ويزيد بى سبب جبنة زينب دى
ولا سائل فيهو ولا جايب خبرو
خلى الجبنة تخلص
والضغط هين

اما انت يا زهير الزناتى
فانا لا كورتى فكت ولا لخبطت الأيام
عارف انو زيارة زينب دى , ماجات فى السياق الزمنى حسب الترتيب
نحن مش آخر مرة وقفنا يوم الجكة
دى كانت يوم التلاتاء الخامس من يناير
هناك احداث كثيرة ومشوقة باقى التلاثاء زاتو وبعدين الأربعاء والخميس ويوم الجمعة الفى الفتيحاب
ناس زينب ديل كانو يوم السبت القبل السفر طوالى
لكنى قررت ان استسلم لأحساس الجبنة اللذيذ المسيطر على امبارح
فطرت جبنة بالفول الصباح انا وامانى بعد ما وزعت الوليدات على مدارسهم
جيت المكتب كتبت ليكم الحكى داك
رجعت البيت
يمين عينى على السمك والمحاشى وما لذ وطاب
لكن حالة الجبنة المسيطرة المحيرة ليك امانى زاتها
قلبت لينا الغداء سلطة جبنة بالطماطم مع الشطة الخدراء المقطعة صغار صغار
مع كل لقمة انا وامانى نقول
عليكم الله زينب دى ما بالغت
ياخى واحد فيكم يكلمها
يقول ليها منصور قال ليك رصيدنا قرب يخلص
رصيد الجبنة ده ما بترسل رسالة ؟؟؟!!!
اسألو عليكم الله ناس شريحتهم الجديدة ون دى
ما دام جابت لينا الجليد فى الفتيحاب
لسه ما قدرت ترسل الجبنة تكست مسج ؟؟
Post: #3171
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-01-2010, 11:48 AM
Parent: #3170


كمال السادى بصحة كويسة وماعنده عوجة
كان التنسيق بان نتلاقى نهاية الأسبوع الماضى انا وهو واحمد عجوز
لكن اخوى الصادق جابو ليهو وليد بعد بنتين نفس اليوم
هذا ما لخبط البرنامج
ولكن كمال بخير بس مزنوق شوية مع الكفيل
لدرجة ما قادر يرجع النت المقطوع الفى البيت

لكن , انتو ياسر نجيلة ده مشى وين
وكمان طارق جبريل بقى شغال معانا اختزال
وحاتم جبارة تلغرافات
مشتاقين ليكم يا شباب
اما جلا ده ده لو استمر معانا بى صيغة الكوبى بيست دى
قطع شك
حا نقلع منو باسويرده ياعمر المهدى يا فاتن حمامة


تليشة توضيحية
خيالكم ما يمشى بعيد وتتخيلو انو حا نقلع باسويرد جلا عشان زهجنا منه
كل الحكاية انو
الباسويرد بتاعو
فيهو (فتلة كدة فى الأخر )
عايزين نستعدلو ليهو ونرجعو
اسوا حاجة فى الدنيا الزول يسىء الظن
فى كلام الزول التانى
هسى عليكم الله الجاب سيرة موسى عيسى منو ؟؟؟؟؟!!!!!
Post: #3172
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-01-2010, 12:34 PM
Parent: #3171

مساكم الله بالخير

Quote: كمال السادى بصحة كويسة وماعنده عوجة
كان التنسيق بان نتلاقى نهاية الأسبوع الماضى انا وهو واحمد عجوز
لكن اخوى الصادق جابو ليهو وليد بعد بنتين نفس اليوم


منص يا حبيب هنالك سقطتين ...الأولى بتاعت كمال السادي دي عفيناها ليك نقول ما لابس النضارة و بس...أصلي ما حأقول ليك ود حلتكم و انت بتعرفو كويس...عشان أنا زاتي بعرف كمال الشادي...و عشان حسن الظن بيك كمان....قصرت معاك في دي...

التانية بتاعت و لد بعد بتييييييييين دي ما لذيذة منك...أول أمبارح لما اتكلمت معاك بالليل وقلت لي هاك كلم ايثار دي بتي الحبيبة و اللذيذة و البتريدني و البتدلعني...و قربت تغني ليها ليها السمحة بتي..ماها الخبوب الشنو و ماها شنو...
حسيت تجي تقول ولد بعد بتيييين...ما يجي بعد بتين يعني شنو...ان شاء بعد عشرة...يعني شنو الحدث الكبير هنا...

(الرشيد مركب مكنة فاتن حمامة زهير الزناتي)
Post: #3173
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-01-2010, 02:41 PM
Parent: #3172

Quote: كمال السادى بصحة كويسة وماعنده عوجة


شكراً يا منصور بس ما سألتو لينا ما برد على الجوالات ليه؟

عرفنا كمال الشادي من واجب كل الناس تلحق ياسر نجيلة وتسأل عنه

ممكن تطمنونا عليه!
Post: #3174
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-01-2010, 03:54 PM
Parent: #3173

Quote: (الرشيد مركب مكنة فاتن حمامة زهير الزناتي)


قلت لي عفيتو من "السادي" ...
عارف قطع شك منصور دا كتب المداخلة دي بعد الغداء
ياخ والله اثار الجبنة والشطة الخدرا المقطعة صغاااار صغاااار واضحة
اح اح اح احممم

قال السادي قال
Post: #3175
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-01-2010, 10:00 PM
Parent: #3174

سلاااااااااااااااااام لاجدع ناس
ازيكم والله مشتاقين

انتهينا من نص الامتحانات باقى نص يعنى انتهيت من جوز وباقى جوز بس دعواتكم معانا

ويا نا س عيد وميسرة وكل الناس الجنب الحرم من هسة كربو الدعوات محاسن السنة الجاية ممتحنة شهادة سودانية

ام يا منصور وزيارتك العزيزة دى المفروض كان افتع ليها بوست لا اتنين بس خفت اشتت الناس


حاركب مكنة رشا واختها فى مداخلة براها
Post: #3176
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-01-2010, 10:42 PM
Parent: #3175

[]منصور عالم جميل[/]

منصور الاينوسى الجميل
من اجمل واعز واحب خلق الله

اخوى الما ولدتو امى
جماله فى بساطة التعامل وصدق الاحاسيس وعفوية التعامل وكل ما هو جميل يمت بصلة لمنصور

فخورة انا باخى منصور (اقصد حالى)

وهنيئا لك بمنصور يا امانى ربنا يخليك لاسرتك الصغيرة والكبيرة وكمان لاسرة الزقازيقية

كنت رغم مشغولياتى وظروف السودان اياها مصممة على حضور زواج التاج ياخ متابعين من الخطبة
حالت ظروفى دون ذالك وكان عندنا عزاء

واعتزرت لمنصور الاتقبل عزرى
بس كان كيف الملاقا؟

نفسى الاقى منص وامانى العرفتها بلتلفون امراءة جميلة فى قامة منصور ليها مليون تحية

نفسى الاقى احمد وايثار ومدرار وحجازى ربنا يخليهم كلهم

كان شغلى الشاغل مقابلة ناس منصور وكنت بتابع الاخبار والتحركات من مبعوثنا الدائم الزناتى

فى يوم السبت وانا بهم بلاتصال بمنصور على رقمة المميز
اتصل بى زهير

حنمر عليك انا ومنصور بعد حوالى ساعة والكلام دة كان حوالى الساعى 10 ص

فاعلت حالة الطوالرى يلا يا اولاد جاى خالكم منصور يلا يا محاسن ما عايزة دسديس الزول دة ابو اولاد يلا يا ريل حمادة عبد الرحمن دودو
استعدو مافى زول يطلع

الوقت يمر واحنا فى حالة ترغب سالنى عبد الرحمن يا ماما الزول الجاى دة ببقى لينا شنو
قلت ليهو خالكم
فقال لى بس لنت ما عندك اخوان ولا اخوات
اه يا عبد الرحمن انا عندى اجمل اخوان واخوات و يا ريت تقابلوهم كلهم

المهم بعد الساعة 12\ سمحت للاولاد يمشو الحلاق بس يرجعو سريع حتى يحظو بلقاء منصور

وعلى الساعة واحة ونص اتنين جانى صوت منص بانهم قرب الباب

انا جارية وريل جارية والشغالة جارية سبتها قلت ليها انا الحافتح الباب

قبل ما بدق الجرس اندفعنا انا وعيالى ذى اندفاع جيفارات عفاف لما رجع ابوهم من السودان
وقابلت منصور
ياهو منصور
لو ذايد وزن ياكا منصور
ولو بضغط ياكا منصور
كان جميل وتلقائى وحلو الكلام كعادتة
وكانت جلسة ما منظور مثيلا

اسعدنى لقائك واعدت اسرتى وتركت انطباع جميل يا منص

ودايما بتمنى انو بيتنا دة يكون من المحطات الثابتة فى كل زيارة

وتحية لمحمد المرتضى وبتمنى القاهو قريب

ويا منصور تستاهل مصنع جبنة ما شويتين كدة

اهم شى انها عجبتك

شكرا منصور

بزيارتك بيتنا نور

وبيك كنت سعيدة
Post: #3177
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-01-2010, 10:53 PM
Parent: #3176

من اجمل فوائد البوست دة انو جمعنا بناس ما قابلناهم من فترة
الايام دى ايام تواصل زقازيقى
ذى ما قلت ليكم قابلت الهام دوليب صدفة
اتصلت بى عشة صلاح(شوش) قبل يومين وكانت الونسة عن ناس الزقازيق وعن البوست وعن طريقها اتصلت بعزة التجانى

وعزة ياها عزة وعلى وعد اننا نتلاقا

اليوم اسعدتنى مكالمة من العزيزة جدا ورغيقة السكن بدار الطالبات المغتربات حنان على (علوم)

حنان بتبلغكم سلاما وهى متابعة ومستمتعة بنتمنى تتواصل معانا لحدى ما يجيبو ليها باسويرد عن طريق الايميل
حنان جابت التلفون من البوست يا سامى
وحنان بقت دكتورة كبيرة ومبروك ليها
Post: #3178
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-02-2010, 06:35 AM
Parent: #3177

سم الله الرحمن الرحيم
سلام أيها الناس
لقيت نفسي مستعجل للرد على الأمجاد
فقلت أسبق الريس ميسرة
و ما تزعل يا ريس كوبي من القديم بتاع أمبارح
Quote: صباح الخير ،،، يا وجوه الخير

أصبحنا وأصبح الملك لله ،،، وحده

نسمات صباحية:

ربي تقبل توبتي
وأغسل حوبتي
وأجب دعوتي
وثبت حُجتي
وأهد قلبي
وسدد لساني
واسلل سخيمة قلبي.
Post: #3179
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-02-2010, 07:00 AM
Parent: #3178

Quote: منصور الاينوسى الجميل
من اجمل واعز واحب خلق الله

اخوى الما ولدتو امى

يا زينب مشتاقوووووون حتى النخاع
ما ممكن نقول حتى الثمالة لأنو البوست دا قاعد يخش البيوت السودانية
أي زول غير منصور يعمل شخيط و يقيف بعيد
أنا عامل خمسة شخيط
محمد عيد أظنك عامل شخيطين
لكن عليكم الله زينب التجاني مش كترت الجبنة أقصد المحلبية
أنا عايز أزوركم في البيت
جبنة و محدقات ما تلزمنيش
أي حاجة طاعمة ممكن
ما تاخد في خاطرك يا جلال
بعد الطاعم ليكي علي أكب ليك مكنات في البوست دا
لمن ما تصدقي تقولي دي أنا
بعد داك ممكن نشيل من الخمسة شخيط
و يبقو شخيطين
أي زول شاخط ما بعد الشخيط الخامس
يمشي يشوف دوري الدرجة الرابعة أو الليق و يلعب فيهو
Quote: نفسى الاقى منص وامانى العرفتها بلتلفون امراءة جميلة فى قامة منصور

ياخ بالغتي عن كلامك في أماني
الزولة دي أنا قابلتها شخصيا ً فيس تو فيس
و بعدين هي قامتها شوية أطول من منصور
بعدين الجكات بتاعت منصور الكتيرة أثرت فيهو ونقص طول
ناس يجكو عشان ينقصو وزن
و ناس يجكو عشان ينقصو طول
دي تيجي إزاااااي يا برعي؟؟؟؟
Post: #3180
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-02-2010, 07:11 AM
Parent: #3178

صباح الخير،،، يا وجوه الخير،،،

أصبحنا وأصبح الملك لله،،،وحده

نسمات صباحية:

اللهم إني أعوذُ بك :

من شر سمعي ،،،
ومن شر بصري ،،،
ومن شر لساني،،،
ومن شر قلبي،،،

لا يفوت على فطنة جلا أن المتداخل ميسرة
Post: #3181
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-02-2010, 07:31 AM
Parent: #3180

وصلتني هذه اللقطات الكاركاتورية عن طريق الإيميل
من الزقازيقية أختنا نعمات الجبل:

GetAttachment25.jpg Hosting at Sudaneseonline.com

GetAttachment27.jpg Hosting at Sudaneseonline.com


GetAttachment28.jpg Hosting at Sudaneseonline.com
Post: #3182
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-02-2010, 07:38 AM
Parent: #3181

GetAttachment29.jpg Hosting at Sudaneseonline.com


GetAttachment30.jpg Hosting at Sudaneseonline.com


GetAttachment31.jpg Hosting at Sudaneseonline.com
Post: #3183
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-02-2010, 08:08 AM
Parent: #3182

سلامات يا ناس

وصباحات التفاؤل

مرحب بعودة زينب التيجانى...ولو بى مكنة رقشة

التحايا عبرك زينب لى حنان وشوش وعزة التيجانى
Post: #3184
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-02-2010, 08:27 AM
Parent: #3182

صبحكم الله بالخير و السرور

جلال الحبيب...صاحبي ده اتفقدوهو من حين لآخر لحدي ما صفيحة الجبنة دي تكمل...الزول أمانة في رقابكم..

زوبة نورتي البوست بي طلتك البهية بالرغم من اني زعلان منك...منصور يجي أسبوع ترجعيهو بي صفيحة جبنة أنا أقعد شهر يا زوبة سندوتش جبنة ساكت ما أرجع بيهو...الفيك اتعرفت يا زوبة و جنس التفرز حقك خلاص عرفناهو...أنا بكلم بطة بالتفرز ده و بمشي ليها في السلطنة زيارة شوفيها حتعمل لي شنو...كان ما رجعتني بي جردلين من الحلوة العمانية اللذيذة...

آآآخ ....سوري يا جلال و الله ما قصدي...

يا ريس ميسرة الكاريكاتور جميل و معبر و أفكارهم فريش...كل واحد منهم معبر أكثر من مقال في صحيفة أو قصة قصيرة...أو حتى رواية...

شكرا ليك يا ريس و شكرا للأخت العزيزة نعمات الجبل...
Post: #3185
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-02-2010, 08:34 AM
Parent: #3182

Quote: اليوم اسعدتنى مكالمة من العزيزة جدا ورغيقة السكن بدار الطالبات المغتربات حنان على (علوم)


يا زوبة شنو شابكانا رغيفة ومنصور شابكنا جبنة وما جبنة طيب اعملو لى معاكم حشــوة

هل تعلمى انو اول طالب اقابلو فى مكتب القبول بالخرطوم ومقبول فى جامعة الزقازيق
هى حنان على علوم ، من غير سابق معرفة قابلتها هى واختها الكبيرة فى مكتب القبول
بعد اتعارفنا اتفقنا اننا نسافر سوا ، عشان هى ( برلومة ) ولبعد المسافة ما بين
الصحافة والحلفاية ما قدرنا ننسق كويس ، المهم هى سافرت بالسودانية ووصلت الزقازيق
قبالى وانا اتأخرت اسبوع لانى جيت بالافتهانزا
الغريبة اخدت لى يوم يومين كده السناير ودونى دار الاتحاد قابلتها هى وامانى علوم
برضو بالصدفة ، بس المشكلة كنت نسيت اسمها
مشيت سلمت عليها وقلت ليها متين جيتى .... نظام الواد ظريييف ....

فى اجازتى القبل شهرين كانت حنان من ضمن اجندتى يا زوبة والعتبى ليكم انتو انتو
الاتنين اقلاهو كان طلعنا بكيلو جبنة مضفورة .

،،،،،،،،،،،،،،

والله يا ناس زراعة وممكن معاهم ناس بيطرة فى موضوع كده عاوز اسألكم فيهو
بما انكم يعنى ... يعنى الدفعة بيكون فيها 3 اولاد و 48 بت لاحظت انكم
بتدلعو بعضكم شديد وبالذات البنات يا فافى ويا نانا ويا .....

والله والله واحدة فى المساكن تقول ليها يا سوسو مثلا" الاتجيب ليك البوليس ؟

ورونا الحنية دى جاية من وييين يا منصور ....


يا ريس ما تشوف لنعمات الجبل دى باسورد ياخى .
Post: #3186
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-02-2010, 10:10 AM
Parent: #3185

للجميع ... ذكورا واناث ...

البيدلعوا الاسامى ( ناس زراعة وبيطره ) ...

وكمان البيحمروا ليك فى اسم الدلع ( ناس المساكن الشعبية .. اقصد التعاونية )

طبعا بدون مكابره .. الناس كلها نظرها طشش .. والغالبية مركبه نظارات قعور كبايات

والخجلانين وعاملين فيها صغااار عاملينها lences

المهم جايب ليكم اختبار للنظر سريه وساهل وبسيط ...

كل واحد يدخل على الموقع ده ويجاوب لغاية نمرة 12 ...

بس خصمتكم بى الله كل واحد يجيب لينا نتيجته هنا ... وبعدين حسب النتيجة من 12

بنحدد لكل واحد وضعه السياسى الراهن ..!!

جلا .. ما معانا فى الاختبار ده لانو مركب عدسات تحت النظارة ...!!!

كل واحد يبعص هنا ...

http://www.asaher.com/testco/test1.php
Post: #3187
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-02-2010, 10:22 AM
Parent: #3186

شكيتك على منو يا عيد

انتو بتبحتوا مالكم ... اها كدة كويس

Quote: نتيجة فحص النظر تبين أن نظرك ضعيف عليك سرعة مراجعة طبيب العيون
المجموع : 2 من 12
Post: #3188
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-02-2010, 10:26 AM
Parent: #3187

جلجل يا حبيب ...

يا زول انت مالك بقيت رجافة كده ..؟

اعمل الاختبار 3 مرات وبعدين اخذ المتوسط
Post: #3190
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-02-2010, 10:50 AM
Parent: #3188

الزميلة نعمات الجبل نشيطة جداً
يومياً عندها مداخلات كثيرة على الماسنجر
وزي ما قال عبدالدائم مفروض تكون معانا
نعمل ليها باسويرد أو نقلع الباسويرد بتاع هناي داك

Quote: يا حليل زمان وايام زمان
انا كنت ومازلت من اكتر الناس حبا" وعشقا" لاغاني الحقيبة ..
وكلما اسمعها احس اني بسمعها لاول مرة
ودايما كنت بستغرب في الشعراء ديل جابو وصف الجن ده من وين!!
وبستغرب في المخيلة العجيبة دي.
وبسأل نفسي معقول النسوان ديل بشر ولأ صحي من حور الجنان ؟؟
ومعقول الجمال ده كلو كان في السودان؟؟؟ .
واكيد في ناس كتار زي كدة
ومن ضمنهم صديقي العزيز اللاقيتو في حافلة عامة
وكان صوت ياسر تمتام يصدح بأجمل ما قيل في الحب والجمال والنساء,,
والتفت لي صاحبي وانا في قمة النشوة وهو ما أقل مني لو ما أكتر
وقلت ليو: بالله سيد عبد العزيز ده لو كان شاف الجكس الحايم ده كان كتب شنو؟؟
ورد علي صاحبي وشاركنا جارنا في الكرسي الورانا:
((علي بالطلاق ما كان كتب الحبة))
معقول يا جماعة ؟؟؟؟
المنطق بقول نسبة الجمال زادت في السودان !!
زايد رياح الموضة والشياكة والحلاوة والطلاوة المصاحبة لي طلة الجكس
زايد الانفتاح والاختلاط والجامعات والمكاتب !!!
واتحول النقاش لي جدل رجالي جماعي
وكويس انو الحافلة كانت تخلو من الجكس
الإ من خالتين تلاتة ممن تجاوزن الخمسين والستين..
واكد الكل انو الشعراء لو شافو بنات الزمن ده
ما كانو حركو فيهم ساااااااكن
ولا كنا سمعنا بي اغاني الحقيبة من اصلو!!...
وشاركنا واحد من جيل الحقيبة كان راكب ورانا
واول ما سمع طرف الموضوع قام واستند علي عصايتو
وبرقت عيونو بي شقاوة توحي انو عمك كان في شبابو راس هوس كبير وقال لي:
يا اولادى زمان النسوان كانو جواهر كانو درر
المرة تنشف ريقك عشان تسمع ((نغيم فاها))
المرة كانت زي هلال العيد تطلع روحك عشان تلمح صورتها
المرة كانت غاااااااااالية لا بتتلحق لا بتتهبش
النسوان كانن في الخدور يزينن الحياء وكاسياهم الحشمة
الواحدة حتي لو الله رضي عليك واخدتها بالحلال
تفضل مجرياك وراها سنة عشان تتكلم معاك او تسمعك صوتها
وتشحدها شحدة عشان تقول ليك اسمك
وكل يوم تقول ليك خلاص بقول ليك اسمك بكرة
ويجي الصباح وتقول ليك بخجل خلي بالليل
ويجي الليل وتقول ليك اطفي النور وغمض عيونك وقبل علي الحيطة
وبعد ده كلو تقول ليك الحرف الاول من اسمك وتقول ليك الباقي بكرة
وتفضل علي الحال ده زمنننننننن لمن روحك تشحتف وعينك تطلع وعقلك يشت
ويوم تقول ليك اسمك ده يوم عيدك
مش زي هسة من اول يوم تنبح بي اسمك تهاتي وتنادي
الحلة كلها تسمع لا طعم لا ريحة وانت ينادوك كأنو ده مااسمك!! ..
النسوان يا ولدي كان فيهن جمال غريب وبريق عجيب
انقرض بعوامل القهارة الجات لبنات الزمن ده
الواحدة فيهن بقت تخوف الراجل من قوة عينها
الواحدة تقعد تتونس مع الراجل كانها واحد صاحبو
كلام يخوف ويكلب شعرة جلدك وقالو بقن يخمسن مع الرجال
وواحدات قالو لي بشيشن
عليك الله الناقصن شنو غير العمة والعصاية !!!
اصلا شيطان الشعر شرد من قوتن ومساختن وكترتن
والله ود بتي بحكي لي كيف البنات معزبنو
وكيف الولد بتزاوق منهن زي ود الموية
لا نفعت دبلة معاهن ولا نفعت فقارة ولا صرت وش
يا كافي البلاء النسوان بقن ((ويكة ساري))
بس قولو لي حريم متل ديل يكتبو فيهن شنو؟؟؟
يعني معقول يقولو فيهن:
(( حاول يخفي نفسو وهل يخفي القمر في سماهو؟؟؟))
ولأ يقولو ليهن:
(( يومي الاشوفك يبقي عيد والدنيا تبقي معيدة ))
ولا (( مين لي سماك يطول ما بطولك اللمسان
معناك شرحو يطول والله يا انسان))
ديل بقن هن البغنن للرجال وبقولوا ولأ استغفر الله ما في داعي.
ديل بلومن الرجال وبقولن ليهن:
((ياالبتبخل بالزيارة وياالبتنضم بالاشارة))
يا كافي البلاء في زمنا النسوان الكانن مبكمات
وبنضمن بالاشارة ويشاغلن من بعيد لبعيد
هسه انعكست الاية الرجال بقو يأشرو والنسوان يصفرو...
ديل نسوان علي بالطلاق الواحدة فيهن تعكلت فيك
الا بس يحلك منها الحلة بله
ديل زي ما قالو اهلنا آخر الزمن يجيكم:
((زمن الشنكل الراجل ينفض والمرة تتعنكل))
قال شعر وحقيبة ديل لو شافن المتنبي حا يبقي سواق ركشة!!!
وشاركنا شاب وجيه يجلس في الكنبة الاخيرة,
تقريبا في اواخر العشرينيات بس يبدو عليو الالتزام والاحترام
وقال ليهو صدقت يا عم الحاج
والله انا يوماتي بواجه مشاكل من النوع ده رغم اني متزوج
وبقول ليهم كده بس قالو لي طيب مالو: ((راجل المرة حلو حلا))
ديل يا عمي الحاج ما بنفع معاهم الإ ندّس في البيوت ونخليهم براهم في الشارع
يا عمي ديل الشعراء يعملو بيهم شنو؟؟؟
وشاركتنا خالة جالسة بكل وقار وزايداها الشلوخ رزانة
وقالت ليو: صدقت يا ود بطني ديل اريتن بنات اليابا والتابا
القاهرات امات عينن قوية وسنن ملوية
ديل اريتن بالتقصهن وتكسر رقابن فايرات زي الكركار الفي النار..
يسكن بالموبايلات والمس كولات والمسجات
ولمن تغلبن ام غلاب يجن يدقن الباب عديل لا خوف لا خجل لا وليان لا أهل ..
جنس ده يا ولدي في حجي جحا ما سمعنا بيهو
ولا قايلين بنعيش لمن نشوف جنس ده!!!!
يعرسو ليهن شنو يا ولدي ديل متكشفات و مستعرضات
كل زول حايم معرسن بي عيونو
الجزمجي والمكوجي والمهندس والدكتور والضبان والباعوض كلو لامي فيهن..
وود حشايا ده بقول ما كتبو فيهن شعر
ديل يا ولدي بقولن للرجال: ((انا جيتو جاريةعريانة))
يطرشني زي الغنا ده ما سمعت بيهو
د يل مسخنها عديل وجابن لأمنا حواء الكلام!!
وفي الاثناء دي صدح ياسر تمتام : ((طاهرين عفاف يا حبيبي نخلو من قذر...الخ))
وتحول مجري الحديث للحب زمان والحب هسه
وكيف كان الحب طاهر وعفيف ولذيذ
وبرضو اتحفنا عمنا الحاج بروائع الحب زمان
وقال لنا ما لم يقله مالك في الخمر
واكيد كانت الغلبة لحب زمان وبنات زمان وجمال زمان
وطلعنا نحن فشوش
ووصلت لمحطة بيتنا
وأول ما نزلت من الحافلة لقيت واحدة مسخوتة في وشي
وقالت لي: ((الأزرق ده الإ في السماء)) في اشارة لي لون قميصي
ابتسمت ولسان حالي بقول:
الله يرحمك يا سيد ويا عبيد ويا خليل فرح ويا كرومة وسرور
ويا أيام زمان ونسوان زمان وبنات زمان وريدة زمان.

الكلام ده ما رأي نعمات بس على ذمة الراوي وكمان أسألوا جلا
Post: #3189
Title: Re: ناس الزقازيق ... أجدع ناس ( 3 ) ..
Author: Tabaldina
Date: 03-02-2010, 10:42 AM
Parent: #3186

..
.
التحايا الخالصة
للجميع؛

خالص العزاء للأخ أحمد عمر الباقر في وفاة عمه ..
رحمه الله وجعل الجنة مثواه ...

======

مبروك لميسرة ومنى يونس
وربنا يديم الافراح

======

اطيب التهانى لجنابو / عوض المفتاح واسرته بقدوم
الفارس الجديد جعله الله ذخرا للوكن وبرا لوالديه..

----------

وخالص الشكر للاخوة الزقازيقاب
الذين شرفونا فى بوستات التهانى والتبريكات
لهم الود؛
Post: #3191
Title: Re: ناس الزقازيق ... أجدع ناس ( 3 ) ..
Author: حنان مجمر
Date: 03-02-2010, 11:39 AM
Parent: #3189

[B]سلامات ياناس الحوش
جيناكم ياحبايبنا بعد غربه وشوق يغالبنا يغالبنا بعدك غربه وشوق
كوثر داؤود ياغاليه صورتك منوره وتشرح القلب يااميره
Post: #3192
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-02-2010, 11:56 AM
Parent: #3189

نهاركم سعيد...
شكرا للريس ميسره والكمندان محمد صديق على الترحيب ...
اخونا جلا متعود دايما يعمل كوبي بيست من مداخلات الريس
لكن للاسف ما عمل ترحيب ولو بالكربون ...
Post: #3193
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-02-2010, 12:05 PM
Parent: #3192

مرحب بظهور الأخت/ حنان مجمر
كيفنك وكيف العيال ،،، مشتاقين حقيقي

بطرفك الأخوان الهادي وكوثر داؤود ممكن
تتواصلي معاهم وحاولي نزلي لينا هواتفهم إذا
تمكنتي.
Post: #3194
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-02-2010, 12:19 PM
Parent: #3189

عن نفسى انا
نظرى ستة على ستة بدون متوسطات للشىء الداير اشوفو
وما بشوف عديييييل للماداير اشوفوا
يعنى عندى مكنتين شوف حسب الحالة
مرة زرقاء اليمامة
ومرة محمد عيد
(لغاية ما نتأكد من سالفة العدسات التحت النضارة دى )
نتوجه بتحيات واشواق بالبراميل الكبيرة
لزينب التيجانى واسرتها , عليك الله سلمى لى عليهم كلهم
ابتدى لى بى الدكتور والد عمر الزول اللذيذ داك
وعمر زاتو , ووالدته , وبنيتك محاسن وعبد الرحمن واحمد
وجلا ده لا تشتغلى بيهو لا تديهو جبنة ولا كمان اى حاجة طاعمة
كان للعصير داك
سيرتو زاتها ما تجيبيها ليهو
بس باسويرده خليناهو ليهو
عشان ما يجيب لينا محمد المرتضى
اما اعتراض الرشيد وجقلبتو دى
ولا تشتغلى بيها
تتذكرى لمن كان زمان يجيب سندوتشات الكبدة لى نجاة
ومعاها البيرجر والشاورما والمكرونة الباشميل
من الشرقاوى ولورد
والتحلية من سويت بسام
ونحن يخلونا للقطر قام
وكان بالغوا يجدعوا لينا بسكويت بمبو
اها , وانتى تديهو جبنة زى ديك ليه ؟؟؟
انتى قايلة الأزمة ديك الجابها لى بطة غير التفرز ده شنو ؟؟
احبكم كلكم يا حلوين
بما فيكم جلا
دون ان يصل الأمر لمرحلة محمد المرتضى
تحياتى
Post: #3195
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-02-2010, 12:32 PM
Parent: #3194


فاتنى فى مرات ماضية
ان احتفى باسهامات سنيرتنا المبجلة نعمات الجبل عبر نافذة الريس ميسرة
ولكنى اسجل هنا , احتفائى
بالمساهمات الماضية
والحالية
اما ما سيأتى
ان كان على شاكلة ما مضى
فان باسويرد لى نعمات الجبل
سيكون مطلبا اساسيا عاجلا يا زهير
ولأنو سياسة قلع الباسويردات ما جابت نتيجة واوشكت انو تجيب لينا (هوا ) فى بعض الأحيان
فما عندنا غير حل من حلين
نشترى باسويردات جداد
ولا نأجر
يا زهير اسأل لينا بكرى ده قول ليهو
نشترى ولا نأجر
سجلو عندكم مواضيع دايرة ليها مباصرة ونقاش
سيدى الحسن وسياسة لز بنات الشيوخ
الحقيبة والألهام الشعرى بين جكس زمان وهسه
وعلاقة ذلك بى لزلزة سيدى الحسن لبنات الشيوخ حتى شوهدت احداهن تقع على وجهها من فرط (اللزلزة والدفير )
Post: #3196
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-02-2010, 01:11 PM
Parent: #3195

Quote: والله يا ناس زراعة وممكن معاهم ناس بيطرة فى موضوع كده عاوز اسألكم فيهو
بما انكم يعنى ... يعنى الدفعة بيكون فيها 3 اولاد و 48 بت لاحظت انكم
بتدلعو بعضكم شديد وبالذات البنات يا فافى ويا نانا ويا .....


يا ديدو...و طبعا أول ناس دلعوك في البوست ده ناس زراعة...


أنا قاعد أحسب ليك...كل يوم أشخبط في الحيطة الجمبي...

قربت تبقى كلها سوداء...أعمل حسابك محمد المرتضى قرب ياخد باسورد...

حنلعبو ليك باك...أنا طبعا المدرب بتاع زراعة...

حأقول ليهو شوف يا مرتضى سيبك من الذكريات و الكلام الفاضي ده...

كلنا عارفين ذكرياتك العجيبة دي...و كمان حافطنها صم...

شفت الولد نمرة عشرة ده....الولد الاسمو ديدو ده...

ما عندك شغله غير الزول ده...يمشي يمين وراهو...شمال وراهو...

يقول احم..نط ليهو في رقبتو...بغم...نط ليهو في بطنو...

أخير ليك تحسن علاقاتك يا....ديدو...و دي آخر مرة أدلعك فيها..

قصدي أحذرك فيها...
Post: #3197
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-02-2010, 08:54 PM
Parent: #3196

سلامات يا ناس

معزى السيسبان المرد من الكرّاش

بيضة لونن انضف من رفيع الشاش

الخلّانى ما اهم بالمدير والباش

سلّيب الضحى ودفع المهمات كاش
*************************************

محاولة لرفع البوست الغاطس...ودعوة لمحبى

الدوبيت والشعر الشعبى لمتابعة بوست:

ولمن فاتهم الاستماع
Post: #3198
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-03-2010, 00:41 AM
Parent: #3197

متاوقة
Post: #3199
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-03-2010, 07:04 AM
Parent: #3198

صباح الخير ،،، يا وجوه الخير،،،

أصبحنا وأصبح الملك لله،،،وحده

نسمات صباحية :

اللهم أنفعني بما علمتني،،،

وعلمني ما ينفعني،،،،،،،،،

وزدني علماً ،،،،،،،،،،،،،،

آمين،،،،،،،،،،،،،،،،،،،
Post: #3200
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-03-2010, 07:04 AM
Parent: #3198

صباح الهناء والسرور ...
عمنا الزناتي وينك ووين رناتك ووين مكالماتك لي ...
يا جبريلا مداخلاتك بقت مس كول عديل...
الصفحة بقت تقيله وما في ريس عايز يقلبا ...
ديدو رسالتك وصلت لكن بعد العوده ...
Post: #3201
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-03-2010, 07:10 AM
Parent: #3200

إذا أردت أن تكتشف صديقاً .. سافر معه ..

ففي السفر .. ينكشف الإنسان ..يذوب المظهر ..

وينكشف المخبر ! ولماذا

سمي السفر سفراً ؟؟؟

إلا لأنه عن الأخلاق والطبائع يسفر !

*----------- -----*
Post: #3202
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-03-2010, 07:13 AM
Parent: #3201

حاضر يا البادي النور

غالي والطلب رخيص ،،،

وما عاد سمار الليل يتسامرون،،،

*********************

إذا هاجمك الناس وأنت على حق ..

أو قذفوك بالنقد.. فافرح ..إنهم يقولون لك ..

أنت ناجح ومؤثر ..

فالكلب الميت.. لا يُركل !

ولا يُرمى إلا الشجر المثمر !
Post: #3204
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-03-2010, 07:49 AM
Parent: #3202

رسالة عن طريق الإيميل -

الزقازيقية نعمات الجبل,,,,,,,

من التقاليد في جامعات ومدارس الثانوية الأمريكية
أن خريجيها يعودون اليها بين الحين والآخر
في لقاءات لم شمل ويتعرفون على أحوال بعضهم البعض

من نجح وظيفيا ومن تزوج ومن أنجب .... الخ

وفي إحدى تلك الجامعات
التقى بعض خريجيها في منزل أستاذهم العجوز
بعد سنوات طويلة من مغادرة مقاعد الدراسة

وبعد أن حققوا نجاحات كبيرة في حياتهم العملية

ونالوا أرفع المناصب وحققوا الاستقرار المادي والاجتماعي

وبعد عبارات التحية والمجاملة

طفق كل منهم يتأفف من ضغوط العمل

والحياة التي تسبب لهم الكثير من التوتر

"^"^"^"^"^"^ "^"

وغاب الأستاذ عنهم قليلا

ثم عاد يحمل أبريقا كبيرا من القهوة، ومعه أكواب من كل شكل ولون
أكواب صينية فاخرة

أكواب ميلامين

أكواب زجاج عادي

أكواب بلاستيك

وأكواب كريستال

فبعض الأكواب كانت في منتهى الجمال

تصميماً ولوناً وبالتالي كانت باهظة الثمن

بينما كانت هناك أكواب من النوع الذي تجده في أفقر البيوت

"^"^"^"^"^"^ "^"

: قال الأستاذ لطلابه

تفضلوا ، و ليصب كل واحد منكم لنفسه القهوة

وعندما بات كل واحد من الخريجين ممسكا بكوب تكلم الأستاذ مجددا

هل لاحظتم ان الأكواب الجميلة فقط هي التي وقع عليها اختياركم

وأنكم تجنبتم الأكواب العادية ؟؟؟

ومن الطبيعي ان يتطلع الواحد منكم الى ما هو أفضل

وهذا بالضبط ما يسبب لكم القلق والتوتر


ما كنتم بحاجة اليه فعلا هو القهوة وليس الكوب

ولكنكم تهافتم على الأكواب الجميلة الثمينة

و بعد ذلك لاحظت أن كل واحد منكم كان
مراقباً للأكواب التي في أيدي الآخرين
"^"^"^"^"^"^ "^"
فلو كانت الحياة هي القهوة

فإن الوظيفة والمال والمكانة الاجتماعية هي الأكواب


وهي بالتالي مجرد أدوات ومواعين تحوي الحياة

ونوعية الحياة (القهوة) تبقى نفسها لا تتغير

و عندما نركز فقط على الكوب فإننا نضيع فرصة الاستمتاع بالقهوة


وبالتالي أنصحكم بعدم الاهتمام بالأكواب والفناجين
وبدل ذلك أنصحكم بالاستمتاع بالقهوة

"^"^"^"^"^"^ "^"

في الحقيقة هذه آفة يعاني منها الكثيرون

فهناك نوع من الناس لا يحمد الله على ما هو فيه
مهما بلغ من نجاح
لأنه يراقب دائما ما عند الآخرين
Post: #3203
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-03-2010, 07:35 AM
Parent: #3198

صبحكم الله بالخير

الشركة التي أعمل بها شركة كيو انترناشيوال كونسلتانتس...استشاري في مجال تخطيط المدن و استراتيجات التعمير و البنية التحتية و البيئة و هي من كبريات الشركات في العالم...و هي الشركة المصممة لمشروه مانهاتن الخرطوم أو ما يعرف بمشروع السنط...
هذه المقدمة ليس الغرض منها الترويج للشركة أو عرض سيرتها الذاتية لكنها مدخلي لأحدثكم عن أفكار راودتني هذا الصباح...فأنا أعمل و منذ ثلاثة سنوات في المنطقة الغربية لامارة أبوظبي و بالتحديد في مدينة غياثي...نقوم بالاشراف على مشاريع تطويرية للمنطقة ككل و المدينة بوجه خاص...و نحن كاستشاري نصمم المشروع ثم نقوم بالاشراف على معايير الجودة و مراقبة الجودة فيما بادارة الجودة حسب المواصفات و المعايير العالمية و الاقليمية...
من ضمن المخطط الاستراتيجي الذي صممته الشركة لتطوير المدينة هنالك ما نسمية بحدائق الحارات...و هي حدائق في وسط الأحياء تحتوي الحديقة الواحدة منها على ملعب لكرة السلة و الطائرة و ألعاب للأطفال بأعمار مختلفة...بلازا و هي منطقة للجلوس و التحدث و شرب القهوة مسرح صغير ممرات و مرافق صحية و مسجد صغير..مسطحات خضراء ونباتات زينة و أشجار مقاعد و مظلات و خزان مياه يسع ل100 ألف جالون...سور معدني في غاية الجمال و اضاءة داخلية و خارجية...
تمنيت لو نفذت مثل هذه المشاريع و لو حديقة واحدة منها بحي من أحياء الخرطوم....أو أي حي بمدينة من مدن السودان....
تكلفة بناء حديقة واحدة هنا تعتبر تكلفة قليلة بمقاييس الامارات...لكن لما تحول المبلغ بالعملة السودانية تصل لمليارات...و نحن كمغتربين بنحب العملة القديمة أكتر من الجديدة...عشان لما تحول اي مبلغ يصل بالملايين...مش بالآلاف...

بكمل ليكم الباقي بعدين انشغلت شوية...
Post: #3205
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-03-2010, 08:05 AM
Parent: #3203

الرشيد بقيت خطير في موضوع شدالانتباه و شعتفت الروح يعني

حركات الصحفيين دي خليها و واصل نحن الان بطلنا الشغل و

فاتحين خشومنا تقوم تقول لينا انشغلت ؟
Post: #3206
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-03-2010, 08:11 AM
Parent: #3205

العزيز ود الجيلي حمد لله على السلامة و نورت و جبت لينا

اخبار الناس الحلوة ناجي عبدالحي ربنا يطراه بالخير

فهو من السناير الذي نفتخر بمصادقتهم و نحن برالمة

حيث كانت لنا نقاط تلاقي فله و لك التحية و بالله مدنا

بالهاتف على الخط 0560026152

و التحايا للاستاذ نعمات الجبل و بالله يا ابو الزوز

لو بكري حوشه امتلا انا غايتو متبرع بالباسورد بتاعي

و حق جلا للشباب بس شوفوا لينا اللستة دي الاقدمية وين؟
Post: #3207
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-03-2010, 12:26 PM
Parent: #3206

قالوا أن دموع المرأة نقطة ضعف
ولكن ماذا عن دموع الرجل هل هي غالية


لأنها لاتذرف بسهولة ....... الدموع شكل من أشكال التعبير عن المشاعر

وبالتالي ,,,

هي غير مقتصرة على المرأة فقط بل على الرجل ، ولكن بكاءه يختلف من شخص لآخر وحسب

المواقف التي يمر بها فهناك دموع صامتة يبكيها الرجل داخل نفسه ليحاول أن يجعل من

حوله ان يتماسكوا خاصة عند فقدان شخص عزيز أو عند وداع شخص .


أما النوع الثاني هي الدموع التي تظهر والتي يظل الرجل يجاهد لحبسها داخله

حتى لا تظهر و يبكيها الرجل عندما يكون في قمة ضعفه وانكساره فتدمع عيناه من هذا

الانكسار ...

ويمكن أن يبكي الرجل عندما يشعر بالندم على فقدان شيء مهم في حياته ..


إما لحظات الفراق أو الوداع فدائما مليئة بالدموع سواء من الرجل أو المرأة

فالوداع لحظة قليلة جدا ,,,,,

لكنها تمر على الإنسان كفترة طويلة لا يستطيع تحملها وهي من أصعب اللحظات

التي يعيشها الإنسان فمهما كانت قوته لا يستطيع أن يمنع دموعه من السقوط.

أن الإنسان سواء كان رجلا أو امرأة يمكن أن يبكي خشية ,,,,,,

من الله تعالى لشعوره بالذنب أو عندما يدعو الله في صلواته ... فالرجل إنسان صاحب

قلب ومشاعر مثل جميع مخلوقات الله ... فقد بكى سيدنا يعقوب من حزنه على ابنه يوسف

عليهما السلام بعد أن غدر به اخوته ورموه في البئر ...

((فالدموع ))ليست ضعفا لأنها تعبر عن المشاعر داخل الإنسان وتخرج كل ما بداخله

من أحاسيس تجاه من يحبهم.
Post: #3208
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-03-2010, 01:34 PM
Parent: #3207

قصة القهوة والكبايات دى
يا نعمات الجبل
قصة دايرة ليها قعدة فى واطات الله دى
ده كلام فى غاية الجمال
ورمزية شفافة ومعبرة
انا شخصيا راجع ليها بالتفصيل الشديد
يا ربى متين
غالبا بكرة
تحياتى ليكم كلكم
Post: #3209
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-03-2010, 02:12 PM
Parent: #3208

Quote: الرشيد بقيت خطير في موضوع شدالانتباه و شعتفت الروح يعني

حركات الصحفيين دي خليها و واصل نحن الان بطلنا الشغل و

فاتحين خشومنا تقوم تقول لينا انشغلت ؟


موسى الحبيب...و الله أجد صعوبة بالغة في الاسترسال نهارا...لذلك أحاول أن أنهي فكرتي مبكرا قبل أن يبدأ الازدحام...و لكنني لم أفلح و ليست هي حركات صحفيين زي ناس زهير الزناتي و لا حاجة...
الموضوع طرأ علي و ذلك بفعل الجو الجميل عندنا هنا هذه الأيام و قررت أن أشارككم أحلامي...

ليك علي أكمل الموضوع...لكن بس ما حسة بجيك بالليل بعد أرتاح قليلا من يوم طويل جدا...
Post: #3210
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-03-2010, 05:54 PM
Parent: #3209

سلام يا شباب ودي مساهمة من شوش بت زراعة
Quote: الحتة دى يا زهير لازم تنزل فى مربع كاى لانه احادثها كانت فركة كعب من المربع
طيب ..... كنا قد تعرفنا الى خياطة بسيطة تفصل الملابس الستاتية على قدر حالها لكن شاطرة كنا انا وعزة من اهم زبائنها وكثيرا ما انقذتنا فى المناسبات السريعة رحلات / منتديات / سفرة سريعة للقاهرة لمقابلة ضيوف من السودان ... لكن حفلات التخريج والحق يقال ما كانت من مجال اختصاصها ... كنا بنمشلى للترزية درجة اولى زى متولى فى المساكن ... وكدا
المهم عزيزة دى كانت فلاحة بكل ما تحمل كلمة فلاحة من معنى ....على شلاقتى قمت وديت ليها حتة قماشة كدا ومعاها المقاس للتفصيل وغبت منها فترة .... الزولة خلصت الفستان وانا ما ظهرت ..... صحبتنا قلقت شديد وما كضبت يوم هفت ليها شالت طفلها على كتفها بالطريقة الفلاحى ديك و التى لا تخفى على اى زقازيقى المهم زولتنا سجلت زيارة لكلية الزراعة وفى الباب اظن بتاع الامن حماها تدخل وقال ليها انتظرى دلوقت السودانيين حيجم ... انتى بس استنى مكانك ... ومن سوء سوء حظى ( شكله كدا سوء حظى اليوم داك كان شغال معاى اوفرتايم ) ما تظهر ليك بعد شوية عزة التجانى ورحاب فيصل مارقين من الكلية وبمجرد ما ظهروا عزة قالت لى سمعنا بتاع الامن بيقول للمرة اهم دول سودانية اهم اساليهم بقى ... الست عزيزة جات ناحية عزة ورحاب وسلمت بالطريقة الفلاحى سلام عليكم يا اختى - مع تفخيم الخاء - انا بسال على واحدة سودانية اسمها عيشة - الللللللللللللللللله - عزة سكتت وبقت رحاب تقول لعزة بالراحة يا عزااااا الزولة دى بتقول فى شنو شوش يستحيل تعرف ناس زى ديل - وانا من اهم زبائنها - الخياطة قامت قالت ليهم لا والله بتعرفنى وهى ما اخدتش منى حاجة بس حاجتها معاى وغابت كتير وانا جيت اسال عليها - طبعا دا ما السبب الاصلى بتكون فلست وعشمانة فى كنجالين تلاتة - بعد تعب عزة اقنعت الولية
انو انا كويسة وحامر عليها فى اقرب فرصة .... طبعا انا ما عارفة ليه الولية ركزت على عيشة وما اتلحت عزة وطبعا عزة عملت رايحة عدييييييييل ...طبعا فى الشقة عزة والهام دوليب غسلونى وشرونى .... حكاية ما معقولة كل واحدة كانت بتحارب فى جبهه ..... الهام دوليب كانت شغالة لى فى نغمة دى ما اسلوب تعرفوا اى زول من طرف وما معقول تودى ليها القماش وتخليها من غير افادة حتى تكون مرغمة تجيك الكلية ,,,,,,,ووووو . ام عزيزتنا عزة فوجعتها كانت اكبر من كدا طبعا هى ما كانت عايزة عزيزة الخياطة تقابلها وتسالها عنى وطبعا الحتة دى مافى زول حيفمها الا القليل منا يعنى على سبيل المثال نجاة حوفى - زينب التجانى - عزة نفسها - والعبدلله انا .... اطرف ما فى الموضوع انو بعد الدرس دا عزة حست انى احدت لى حبة زعلة كدا قامت جابت عنب من الثلاجة وكالعادة قعدنا بالعنب فى نص السرير ناكل ونتونس ..ز جات الهام ولقت المنظر دا .. عزة خشمها مليان عنب قالت ليها دوليبة تعالى خشى معانا فى العنب دااا .. بكل ادب وغيظ مكتوم اعتذرت وقالت ليها شكرا انا طالعة وفى السكة لو لقيت الفلاحة دى اناديها تجى تاكل معاكم عشان الحكاية تكمل ..... وطبعا عاوزة اتكلم فى مناسبة اخرى عن العزيزة الهام دوليب وحبها للنظام .... كانت يستحيل تاكل غير فى المكان المخصص للاكل - لكن لا بتاكل فى غرفة لا فى حلة لا من غير ملعقة ولا من غير مواعيد اكل المهم بقدر ما الهام كانت منظمة كنت انا وعزة ........ طبعا دى مفهومة
يلا يا حلوين نلتقى تانى عشان موضوع زيارة عزيزة لى فى الكلية ما وقف عند هنا لسة باقى شقق المطبعة ما عرفوا وطبعا المطبعة كانت فيها كل الطبقات .... برضو دى فيها زكريات لا تنسى ...... المهم المرة الجاية حاحكى ليكم موقف ناس نجاة لمن عرفوا بالقصة فى ناس كانوا حيموتوا من الضحك وما يفوتكم لمن جيت امشى اجيب هدومى منها اخدت معاى الهام .....قوية مش كدا ............. والى اللقاء ........ شوش



Post: #3211
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-03-2010, 08:10 PM
Parent: #3210

Quote: تمنيت لو نفذت مثل هذه المشاريع و لو حديقة واحدة منها بحي من أحياء الخرطوم....أو أي حي بمدينة من مدن السودان....
تكلفة بناء حديقة واحدة هنا تعتبر تكلفة قليلة بمقاييس الامارات...لكن لما تحول المبلغ بالعملة السودانية تصل لمليارات...و نحن كمغتربين بنحب العملة القديمة أكتر من الجديدة...عشان لما تحول اي مبلغ يصل بالملايين...مش بالآلاف...


نعم تمنيت ولو حديقة واحدة...حديقة تحقق أهداف كثيرة...تعمل على توثيق الروابط الاجتماعية بين أبناء الحي الواحد...توجد لهم متنفسا..ترتقي بهم حضاريا...تنمي ثقافة الرياضة للجميع و في مكان نظيف و مغلق...رياضة للسيدات و الشابات و الأطفال و الرجال وبالقرب من منازلهم الأمر يشجعهم على ذلك...مسرح تقام به الأنشطة المختلفة..مسرح مفتوح في الهواء الطلق...يشجع المواهب...و ينمي مواهبهم...ملتقى للأسر في الحي الواحد كما في مدن كثيرة في العالم...
عدة عصافير بحجر واحد...عدة أهداف تتحقق بحديقة واحدة...السؤال كم تبلغ تكلفة حديقة صغيرة و بهذا الحجم و تقوم بهذا الدور...حديقة تحوي كل هذه الأنشطة و في مساحة خمسة هكتار تبلغ تكلفتها في الامارات خمسة ملايين درهم...يعني عندما نحولها الى سوداني تبلغ 5.3 مليار جنية بالعملة القديمة...أي ما يعادل سعر ثلاثة منازل في أي حي من أحياء الخرطوم...الراقية منها و غير الراقية...علما بأن تلك الخمسة ملايين درهم تشتمل على أرباح المقاول المنفذ و التي عادة ما تتجاوز ال20% هنا...مع الأخذ في الاعتبار ارتفاع أسعار المواد هنا....و اذا قامت الدولة بدعم المواد المستوردة لغرض تنفيذ مثل هذه حدائق ربما تنخفض التكلفة الى 2.5 مليار أي ما يوازي سعر منزلين في أي حي من أحياء الخرطوم...
ألا يستحق الانسان السوداني حديقة مثل هذه تخفف عليه من هموم الحياة الطاحنة التي يعيشها...أما آن الآوان أن نهتم قليلا بالتنمية البشرية و التي تحتاج الى الكثير من الموارد...و التنمية البشرية لها أوجه عدة و لكني أرى أن مثل تلك المشاريع تنمي قطاعات كبيرة و متنوعة من مجتمعنا الغارق في مشاكل الحياة اليومية...

كثيرة هي الأحلام التي تتراءى لنا هنا و نحن نعيش النهضة الماثلة أمامنا في دول الخليج و التي تمضي قدما بوتيرة متصاعدة...صحيح هم يملكون المال و لكنهم امتلكوا التخطيط السليم و لولا التخطيط السليم لما نفعتهم أموالهم شيئا...و لما بلغوا ما بلغوه الآن...نرى أشياء كثيرة كل يوم و نحلم بأن نراها تتحقق عندنا في بلادنا و لكننا نرى أيضا بأن بعض من تلك الأحلام ممكن تحقيقها و هي ليست مجرد أحلام و انما هي أمنيات مشروعة...

لو كان هذا برنامجا انتخابيا لأي مرشح لولاية الخرطوم لانتخبته...
Post: #3212
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-03-2010, 09:20 PM
Parent: #3211

Quote: ألا يستحق الانسان السوداني حديقة مثل هذه تخفف عليه من هموم الحياة الطاحنة التي يعيشها...أما آن الآوان أن نهتم قليلا بالتنمية البشرية و التي تحتاج الى الكثير من الموارد...و التنمية البشرية لها أوجه عدة و لكني أرى أن مثل تلك المشاريع تنمي قطاعات كبيرة و متنوعة من مجتمعنا الغارق في مشاكل الحياة اليومية...


رش يا حبيب ...

لعلك قد لامست وترا" حساسا" .. ينيط الدم فى قلب كل من تابع مثل هذه

النهضه الحضارية فى الدول الاخرى .. سواء فى الخليج او غيره ...

ولكن ....

كيف السبيل الى الحصول على رد ايجابي لسؤالك المشروع ... وذاك الانسان المكلوم

الذى تبحث له عن متنفس طبيعى فى وسط منطقة سكناه ... ما يزال يتســول ابسط اساسيات الحياة

من حاكميه على اختلاف مشاربهم واشكالهم وألوان عمائمهم ..!!

الا يستحق المواطن السودانى البسيط يا صديقى .. ان يحصل على مشفى حكومى به سرير نظيف

وطبيب غير عابس وممرضة مبتسمة كما يجب ان يكون ملاك الرحمة ؟؟.. بل أليس من حقه ان يحصل

على حقنة غير ملوثه ودواء غير فاسد ومحلول وريدى ليس ملوثا ؟؟!

أليس من حقه ان يحصل على مقعد لابنه فى مدرسة بها كراسى وسبوره يمكن للمدرس الكتابة عليها

وكتاب جديد وكراسة وقلم ليخط الف باءه فى جو يساعد على التحصيل ؟؟

أليس من حقه ان يحصل على الماء الذى خلق منه كل شىء حى وهوو يندفع فى الصنابير بدلا

من تخزينه فى البراميل واستخدامه مثلما يستخدم الآخرون ماء الزهــر ..!!

اين تلك الحقوق البسيطة والآدمية التى تغفل عنها كل منظمات حقوق الانسان بمختلف مسمياتها

وتظل تلهث نحو ايجاد فرص مشاركة فى الحكم واقتسام السلطة والثروة ..؟؟

عندما بدأ نظام عبود فى توزيع وتقسيم الاحياء الجديده فى العاصمة - وتلته الاحزاب ثم

مايو فى ذلك - مثال امتداد الدرجة الاولى والثالثة والصحافة وامتداد ناصر والصافية والمزاد

وغيرها من مختلف الاحياء .. كان اهم ما فى تلك المخططات السكنية وجود مساحة لا تقل عن

الفين وخمسمائة متر فى كل واحد من مربعات تلك الاحياء ، وكانوا يطلقون عليها حدائق

عامة . وكانت الفكرة بأن يتم تشجيرها وتنجيلها بطريقة مبسطة لتكون متنفسا لأهل كل حى

اضافة الى مساحة ارض اخرى فى كل مربع كانت عبارة عن ملعب كرة قدم لروابط الناشئين ...

أـحدى من يحدد لى الآن ولو 10 % من تلك المساحات المخصصة دون ان تكون قد تحولت الى زرائب

للفحم او طواحين او مقار للجان الشعبية والمحليات ..!!!

دول المهجر التى نعيش فيها كانت تعانى وبشدة من الجوع والعطش وانعدام اسس الحياة

وعندما أنعم الله عليهم .. قاموا اولا بانشاء مشاريع البنيات الاساسية التى تجعل من بقاء

الناس فى المدن شيئا مرغوبا .. فدفعوا المليارات فى تحلية المياه وتشجيع الزراعة فى

الصحارى وتعبيد الطرق وتشجير الشوارع وانارتها .. وانشاء المشافى الحديثة و...و....

حتى اصبح الانسان عندهم ليهو قيمة ووزن ودور مهم فى الحياة واصبحت دولهم متقدمة ومتحضرة

رغما عن عدم سعيها الدؤوب لتفجير الثورات وتحقيق الديمقراطيات والحريات كما هو حالنا ...!!

********

رشيد sorry ... فانا اوقن بأنك قد كتبت خواطرك فى خضم طقس جميل وروح متفائله

واوقن بأننى ربما أعدتك لمربع الاحباطات ..!! ولكن يبدو ان ادماننا للمر ( بضم الميم )

صار أدعى من تشوقنا للحلو .. كما هو حالنا بحب الشجن فى اغنياتنا اكثر من الفرح

والجمال ..!

تصدق اننى ومنذ التاسعة صباحا فى خضم يوم عمل طويل لم افق منه الا الآن وما زلت

فى العمل رغم ان الساعة تجاوزت الحادية عشرة ليلا ..! وعندما أتيت للحوش كنت امنى نفسى

بالمرور على بوست الكوتش لمتابعة موضوعه الجميل فاستوقفنى حديثك ولمس فىّ اوتار الالم ..

فمعذرة ان كنت قد افسدت عليك أحلام آخر الليل ..!
Post: #3213
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-03-2010, 10:29 PM
Parent: #3212

Quote: فمعذرة ان كنت قد افسدت عليك أحلام آخر الليل ..!


و أنا بكتب في الكلام ده يا حماده قلت ان شاء الله محمد عيد يكون مشغول...ما يجي حسه يشبكني جوع و عطش و حقنة و حكومة...

قبل فترة كده كنت بقول لي نجاة أنا ماشي الصين أشتري الأبواب و الشبابيك و الحمامات و العفش لي البيت...قالت لي هو وينو البيت...قلت ليها أنا كده ببدأ من الآخر...امكن الحكومة تبني لينا بيوت و تجي توزع لينا المفاتيح زي ما بيعملوا هنا في الامارات...يدوا الاماراتي فيلا فخمة و مرات عمارة 15 طابق و يأجروها ليهو و يجي آخر كل شهر يقبض مبلغ و قدرة بعد أن تستقطع الدولة ميلغ معين مقابل تكلفة بناء العمارة لفترة من الزمن حتى سداد كل التكاليف....

انت مالك فقري كده...أنا عايز أبدأ بالعفش...
Post: #3214
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-03-2010, 10:55 PM
Parent: #3213

خلينانحلم و نحلم لمن وطاتنا تصبح الناس الكنا فاكرين نفسنا

نحن فايتنهم لقينا نفسنا نحن الطيش و ما جايبن للدينا خبر

عموما يالرشيد علي الله احلم و احلم لينا معاك لاني انا زي صحبي

محمد عيد قرفنا من كل شي ؟

الشي التاني انت الصاحي ليها شنو يارشيد قوم شوف ليك نوم ينفعك
Post: #3215
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-03-2010, 11:19 PM
Parent: #3214

حنبنيهو ..
البنحلم بيهو يوماتى
وطن شامخ
وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى

وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
Post: #3216
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-03-2010, 11:28 PM
Parent: #3215

و الله اخي الرشيد ما زلنا نبحث عن دلك الوطن الدي كنا ننشده و نتغبى له

فقد ضاع منا او بمعني ادق فقد سرق منا بليل و مازلنا نفتقده و صدقني لو

قلت لك اصبحت افكر بصورة جادة في ترك السودان نهائيا الي نلقى الله و هو

راضا عنا دون ان ندخل في متاهات و اساءات مع اناس ينافقون باسم الدين

ونحن نعلم ما يقومون به و لا نستطيع ان نفعل شيئا و اصدقك القول بانني

في الشركة كل يوم انا في نقاش مع اخوننا العرب لكي نثبت لهم ان حكومة

البشير ما هي إلا تجار دين وواقعهم غير المنظور والمري و لكننا نجد

انفسنا نحرث في البحر بتصديقهم للمادة الاعلامية

و يا صحبي امشى نوم انا طبعا الالم كاتلني من الموضوع بتاع منطقتنا التي

حدث بها قتل لشخصين من البلد و كان المؤتمر الوطني القاسم المشترك !
Post: #3217
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-04-2010, 00:14 AM
Parent: #3216

مستمتع
Post: #3218
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-04-2010, 00:24 AM
Parent: #3216

Quote: امكن الحكومة تبني لينا بيوت و تجي توزع لينا المفاتيح زي ما بيعملوا هنا في الامارات...يدوا الاماراتي فيلا فخمة و مرات عمارة 15 طابق و يأجروها ليهو و يجي آخر كل شهر يقبض مبلغ و قدرة بعد أن تستقطع الدولة ميلغ معين مقابل تكلفة بناء العمارة لفترة من الزمن حتى سداد كل التكاليف....

انت مالك فقري كده...أنا عايز أبدأ بالعفش...


برضو انا الفقرى .. ؟!!

فكــّر يا حبيب فى الايام والسنين التى قضيتها وانت فى قرى الجزيرة وفى ابو زمام

حاملا فأسك ومحراثك وانت تحاول مع الآخرين بناء هذا الوطن الجريح ...

فكر فى طوافنا ايام الوزارة ومعنا نهلة نجم الدين وعواطف دفع الله وابراهيم مختار والمرحومة رجاء حسن حامد وآخرون

ونحن نقطع البلد من أقصاها الى أدناها ننقب عن الاراضى الزراعية المهملة او المستولى عليها

بواسطى تماسيح الجشع ورمم الحكومات ...

ثم نخطط لهذه المدن الفاضلة فى الدمازين وابو نعامة والقضارف والعيلفون والمكابراب وابو زمام

وعراديب الجبلين وهبيلة وفى الرنك وغيرها شمالا وجنوبا ...

ثم تأتى ايادى الغدر والسرقة لتنزعها منا من على دبابة سطت على قلوبنا بليل بهيم

ثم طفقت تدفعنا دفعا نحو المنافى وتفصل وجداننا عن الارض الطينية التى بذرنا فيها مستقبل ايامنا

آآآآآآآآآآآآآآآآخ يا رشيد

قلّبت علينا المواجع ...!!! ومشيت تنوم ..؟!

هســـه انا البنومنى شنو ؟؟!!
Post: #3219
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-04-2010, 07:15 AM
Parent: #3218

صباحات التفاؤل والمستقبل الزاهر
على الاقل كان ما لينا فهنالك من نحلم "ونتمنى" بأن يعيشوا واقعاً مختلفا عن الذي عشنا
لذلك فالاحلام مشروعة والاماني من حقنا ... يبقي ان نخطط وندبر لتحقيق ولو الجزء اليسير منها
لذلك انا ميال الى ان ناحية الرشيد ... رغم ان عيد وموسى اثاروا الكثير من الحقائق لكن ...
كل دور اذا ماتم ينقلب او هكذا قيل ...
والا ان ينقلب هذا الدور القاتم الذي نعيش ... دعونا نحلم
Post: #3220
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-04-2010, 09:46 AM
Parent: #3219


حا نبنيهو البنحلم بيهو يوماتى !!!؟؟؟
وطن شامخ وطن عاتى
وطن خير ديموقراطى !!؟؟
لاحظتو معاى علامات التعجب والأستفهام الفى النهاية دى
حدائق ومتنفسات طبيعية وجلسات عائلية خضراء يا الرشيد
تانى علامات تعجب مع علامات استفهام
مشكلتى فى الكتابة فى الموضوع دن
هى ÷نو وين اخت العلامات
وعلاماتى للأسف الشديد محصورة فى التعجب والأستفهام
وكان اسرفت وبالغت واحتجت لعلامة تانية
مئ çظنها تكون غير الفولوستوب
مع انو الليلة الخميس
لكن اول علامات الخميس الحلِة , إى صدقك مع نفسك
0 والله يا موسى عيسى , قريت كلامك عن الحاجات الحصلت عندكم فى الجزيرة ابا
تصدق , ضغّت عرى ايقونة اضف رد
اتفتح لى مربع الحوار
لكنى خليتو مفتو‎ لغاية ما انقفل براهو
ولمن جيت قريت موضوع الرشيد بتاغ العخطيط والكونسلتيشن والميادين والساحات الخضراء
قلت ان كل ذلك خشم بيوت
ئلرشىد0قال انه لو وجد شخصا يتبنى برنامجا انتخابيا يجعل الساحات الخضراء من اولوياته
0 كان اداهو صوته
على مستوى البرنامج المكتوب , حاتلقى
0 على مستوى ميدان اركويت ولا ملعب امبدة ولا ناس متنفس لكل حى , كمان يمكن
لكن البيع برضو فى , ما ÷صلا الميادين موجودة
لكن الطمع والناس العندها قروش êايزاها تزيد
موجودة برضو
فعشان كده , ولأنهم عارفين انو الناس ممكن تتعاطف مع زول عاوز يعمل ميدان اخضر , ما بعيدة عليهم يعملوهو ويتشدقوا بى انهم عملوهو
ولكنك تفأجا مع اول منعط‎ ولية , انهم عملوهو لأى شى آخر الا ان يكون متنفسا
اصلا منو القçل لفكم انهم عايزنكم تتنفسوا من الأساس
عايزنكم تتنفسوا بالقدر اليسمح ليهم بانهم يأخدوا صوتقم
لغاية كده وخلاص
بس , بعد داك , المتنفسيà لفها شنو , عنكم ما اتنفستوا , وان شاء الله تموتوا عديل لغاية ما يجوا ناس تانين عايزين برضو يتنفسوا
 يا نعمات اàجبل يç عزيزة
ما شامة معاى ريحة الحقيبة وجكس زمان وجكس هسه فـ الموضوع ده ؟؟
ولا نظرية القهوة والكباية والعلاقة الجدلية البيناتهم , ممكن نلبسها شىء من لباس موضوع الرشيد وتجليئت عىد0واحداث الجزيرة ابا
اها يا موسى عيسى , ناسك ديل , موضوعهم شبيه بحالة بحث عن متنفس
ومن يبحث عن متنفس , غير مهيأ يا نعمات الجبل لأن ىميز بفن الكباية والقهوة الجواها
نحن فى عالم الكبايات (المتطاقشة )
 آى افءام الكابويات القديمة اللاشغالين لا بالكباية ولا بى الجوة الكباية
 ورغâ اختل÷ف ما بجوة الكباية , من فيلم كابوى الى فيلم رعب الى افلام الأكشن
 ال× ان çفلام الواقع المزرى , تحفل كباياتها بمحتويات عديدة يا اعزائى
لا هى قهوة يا نعمات الجبل
ولا هى شاى يا مجمد عيے
ولا هى حلبة بتنزل مستوى الطاعم يا جلال
$  ولا هى سحلب نشوف اثاره عند الترزية الفلاحة السكت ليكم شوش لغاية باب الكلية
ولا هى عرقى ولا ويسكى عند الناس الأخوانا نافع والبشير قالوا ما عايزين اشواتُم
 اها عاد اصواتهم دى تمشى وين , نرميها فى الزبالة ولا نعتبرها اصوات تالفة
هسى عليكم الله الفرق شنو بين اصوات السكارى والمساطيل المابينها دى
واصوات الحرامية والنهابين والقتلة وآكلى مال السحت وسارقى قوت الغلابة
خليكم من ديل
احسن اصوات السكارى والمساطيل
ولا اصوات الناس البيحرمونا متنفساتنا ويعرضوها فى اسواق البيع بأثمان بخسة
بالنسبة لى , مرحب باى صوت سكران , وباى صوت مسطول
وزحوا منى اصوات الناس البيسرقوا مننا حلم (العشة الصغيرة ) البنعرشا بى حرير ايدينا
حتى ولو جبناها من الصين البعيدة
عفوا , هذا صدق الخميس المتدفق
فاعذرونى ان آذيتكم بصدقى , بدل ان اشجيكم بحملة انتخابية فرفورية تظهر خلفيتها على شكل وليد زاكى الدين
Post: #3221
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-04-2010, 10:24 AM
Parent: #3220

والله انتو يا السودانيين اصلو ما بتقولو الحمد لله

مش سووو ليكم الساحة الخضراء وكمان فى اركويت
كان ما دايرين تتفسحو فيها ممكن يتغير اسمها لساحة البيعة

هسه يا منصور شفت ليك غنماية واحدة حايمة فى الخرطوم

طيب ده مش انجاز ، على الاقل تذهب عبارة اكلت الغنماية الفصل
من ذهن الطلاب يا محمد عيد .....
Post: #3222
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-04-2010, 10:42 AM
Parent: #3221

سلام و شوق للجميع ..

و إطلالة عشان تعرفوا الواحد رغم إنقطاع المشاركات و التسطيح لصفحات لكن برضو متابع و مستمخ مع الونسة ..

و كلامك يا رشيد حلم و قد أسمعت إذ ناديت حيا ..

لكن يا عبد الدائم كلامك دة مستفز ..

Quote: هسه يا منصور شفت ليك غنماية واحدة حايمة فى الخرطوم


الغنم هاجرن يا عبد الدائم مشن يشوفن ليهن محل فيهو خدار ..
Post: #3223
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-04-2010, 11:33 AM
Parent: #3222

غنم الخرطوم طول عمرن يا عصام بياكلو اكياس النايلو
واحيانا احيانا عروق الخــدره بعد تتنضف

ده باستثناء غنم الاشلاق البتاكل باقى سندوتشات طلاب جامعة الفرع

الاشلاق ده الحى المجاور لمبنى جامعة الفرع ، النيلين حاليا
قالو المرأة فتحت الباب ونادت لولدها يا ولد شوف لى الغنم
ديل ما جــو من الجامعة
Post: #3224
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-04-2010, 11:42 AM
Parent: #3221

صباح الخير ،،، يا وجوه الخير،،،

اصبحنا وأصبح الملك لله،،،وحده

نسمات صباحية:

لا تحلموا بعالم سعيد
فخلف كل قيصر يموت : قيصر جديد!
وخلف كل ثائر يموت
احزان بلا جدوى ودمعة سدى!

يقول مارتن لوثر : لا يستطيع أحدٌ ركوب ظهرك .. إلا إذا كنتَ منحنياً.

لماذا لا نحلم ولو حلم كاذب ولو حمل كاذب؟؟؟
خلونا نحلم مع الرشيد بسودان جديد؟؟؟
خلونا نحلم ولو بالساحة الخضراء حتى لو نجمع فيها المليشات
ونرتب فيها برنامج ساحات الفداء.
خلونا نحلم ولو بطرد كل غنماية من مدن السودان لنصبح دولة بلا غنم
خلونا نحلم ولو بكنس حكومات السجم
خلونا نحلم لو نقدر نحيد البوست عن السياسة لو من بعيد
خلونا نحلم بوطن غالي ديمقراطي ،،،،،
خلونا نحلم بإغتنام الفرصة وإن رسبنا ،،،
خلونا نحلم بالتجربة الجديدة فقط ؟
هل من الممكن أن يتحول الحلم إلى حقيقة؟!؟!؟!؟
Post: #3225
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-04-2010, 11:59 AM
Parent: #3224

Quote: خلونا نحلم لو نقدر نحيد البوست عن السياسة لو من بعيد


مع الريس قلبا و قالبا...الموضوع تم طرحة في اطار تمنياتي لوطني بأن يصبح هكذا...بعيدا عن أي خلفية أو ثوب سياسي للموضوع...

سعدت بأراء الجميع حول الموضوع و ان كنت لا أتفق مع بعضها الا انني أحترمها جميعها...و أبقي أمنياتي في اطارها الذي أردته لها...

لكم جميعا كل التقدير و الاحترام...

و كل الحب...
Post: #3226
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-04-2010, 12:03 PM
Parent: #3225

يا حبيب ما وصلت ابوظبى لسه ولا شنو

اعمل حسابك الاشارة الجمب الساحة خضراء مزدحمة
اطلع بعبيد ختم ،،،،،،
Post: #3227
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-04-2010, 12:15 PM
Parent: #3226


Quote: على الاقل تذهب عبارة اكلت الغنماية الفصل
من ذهن الطلاب

ولكن تبقى عبارة ...

محمود أكل العود ...

والدود اكل محمود ... ابوك موجود ...

مين محمود ده ؟؟
Post: #3228
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-04-2010, 02:18 PM
Parent: #3227

سلام يا شباب ... تناول الشأن السياسي في هذا البوست أصبح من المحظورات بحكم العرف والإتفاق ... رغم إلتزام الجميع بهذا الأمر إلا إنه من الصعوبة تحاشي الأمر في كل الأوقات .. وهنالك الكثير من الأحداث والمواقف التي تدفعنا لتناول السياسة ... وأتمني أن يتم التناول بموضوعية قدر الإمكان بعيداً عن التهاتر وغيره ... بخصوص الموضوع الذي تطرق له الرشيد أعتقد أن واحدة من مشاكل هذه البلد إضافة للسياسات المتبعة منذ الإستقلال أن كل الأحزاب مجتمعة لا تملك رؤية متكاملة لحل مشاكل السودان دون إستثناء وإن كانت التجارب الديمقراطية قد وأدت قبل أن تنضج فإن التجارب الشمولية لم تقدم للبلاد ما يشفع إستمراريتها ... فتجربة العشرين عاماً السابقة بها الكثير من الإيجابيات علي صعد مختلفة إلا أن السلبيات التي أعترت التجربة تؤكد أن المؤتمر الوطني ليس لديه ما يقدمه الفترة القادمة خاصة وأنه قد أخذ الفرصة كاملة فعشرين عاماً كانت كافية لأن تحدث تحول حقيقي كما حدث في كثير من الدول في العالم وهي لا تملك 10% من الموارد التي يتمتع بها السودان . لذا يا الرشيد المسألة متكاملة ولا يمكن أن تنشأ حديث كتلك التي تتحدث عنها رغم بساطة تكلفتها دون تغيير حقيقي في السياسات والعقليات الحاكمة . كما أن بعض المسئولين لا يعرفون عن العالم الخارجي وما يحدث فيه من طفرات وإن عرفوا فإن عقولهم متحجرة ولا تقبل التغيير والتطوير .. والموضوع طويل وأكتفي بهذا القدر ..
Post: #3229
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-04-2010, 03:08 PM
Parent: #3228

مساء الفل للكل عموما انا حقيقة لا اتفق مع من ينادون بعدم اسيست البوست حتى و لو في بعض الاحيان و اعتقد اننا بشر و لا يمكن ان ننفصل عن الحياة في السودان مهما كان انتماءنا لبعض لان الحياة السياسية ما هي الا حياة اهلنا في السودان علشان كده لازم و لابد ان يكون لنا راينا في السياسة و الكل يعلم باننا كنا نمارس السياسة في الحياة الجامعية و كنا نتعايش مع بعض اجمل اللحظات التي نحن نتمناها حاليا طيب ان كنا نحنو لتلك الحياة بما فيها السياسية فمن باب اولي ان نتعاطي السياسة و اعتقد اللحظات الحالية هي مربط الفرس لك يقول كل منا رايه و متى نقول راينا بعد ما نكون نحن لحقنا امات طه.
Post: #3230
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-04-2010, 03:58 PM
Parent: #3229

غايتو ماعارف لكن الخلاني اتذكر دار الاتحاد شنو ماعارف؟
وخصوصا الحتة الفاضية الملاصقة للدار ...


------
يمكن ياربي عشان كل واحد منكم جاري ليه كرسي وطالع فيه ...
يمكن
Post: #3231
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-04-2010, 06:43 PM
Parent: #3230

سلامات يا ناس

ومساءات التفاؤل

التحية لكل زول جارّى كرسى

وطالع فوقو...

تحية خاصة للنضيف وهو جاى من الساحة الخضراء.
Post: #3232
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-04-2010, 08:32 PM
Parent: #3231

ليون سلام لاجدع ناس
كيفكم وكيف حالكم
بلرغم من الالتزام الغير معلن بعدم تناول السياسة
بس احنا اتقابلنا ومارسنا كل انشطتنا السياسية والثقافي وعبرنا عن اراءنا ودة اتفقن واختلفنا بس فى النهاية كلنا زقازيقاب
المرحلة الجاية الناس ما حتقدر تتجاوز النقاش فى الانتخابات او فى الشان السياسى والا حتفتش على مكان تقول فيهو رايها
اتناقشو
اتحاورو
لتفقو
اختلفو(سياسيا بس)
ارجعو اتلمو زى زمان

او افتحو بوست سياسى


















0
Post: #3233
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-04-2010, 08:56 PM
Parent: #3232

برضو سلام كبير يا جدعان وكمان زيادة سلام لمنصور والاسرة
يا منصور مفعول الجبنة دة دة ما قايلاهو بيكون كدة
يا رشا منصور دة جانى من الصحافة عديييييييييييييييييييل
ما غشوة
وبعدين فى ناس بيجو مارين ببيتنا وفاتن حمامة يقول لى والله فلان وفلتكان كانو معاى امس
اقول ليهو كتر خيرهم
المهم يا رشا الجبنة حنجيبا ليك فى دبى
بس جهزو لينا الاوضة
كمان سادة ومضفرةيا رشا


ناس جلا ديل بنقدر نوصلا ليهم هنا فى السودان
شفت يا منصور غايتو اى قوش تانى حاحوشا جبنة


بس يا منص والله صفيحة الجبنة ما زى برميل الايسكريم

وما اى ايسكريم كون زون

وما اى نكهة بلبقلاوة

عارف لما الاولاد يقولو عايزين ايسكريم بقول ليهم تعالو تستحضر ايسكريم منصور
طوالى يقولو لى شبعنا

عارف يا منص قبل ما تصل لما يقولو لى الجاى منو
بقول ليهم تتزكرو الايسكريم
طوالى لقيتم عارفنك

كل ناس البيت بسلمو عليك وكلامك فى البوست كان تحليتنا امس

لك الود والشكر الكبير يا كبير

خلى البقول كسير تلج والبقول زيادة محلبية
Post: #3234
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-04-2010, 08:58 PM
Parent: #3232

برضو سلام كبير يا جدعان وكمان زيادة سلام لمنصور والاسرة
يا منصور مفعول الجبنة دة دة ما قايلاهو بيكون كدة
يا رشا منصور دة جانى من الصحافة عديييييييييييييييييييل
ما غشوة
وبعدين فى ناس بيجو مارين ببيتنا وفاتن حمامة يقول لى والله فلان وفلتكان كانو معاى امس
اقول ليهو كتر خيرهم
المهم يا رشا الجبنة حنجيبا ليك فى دبى
بس جهزو لينا الاوضة
كمان سادة ومضفرةيا رشا


ناس جلا ديل بنقدر نوصلا ليهم هنا فى السودان
شفت يا منصور غايتو اى قوش تانى حاحوشا جبنة


بس يا منص والله صفيحة الجبنة ما زى برميل الايسكريم

وما اى ايسكريم كون زون

وما اى نكهة بلبقلاوة

عارف لما الاولاد يقولو عايزين ايسكريم بقول ليهم تعالو تستحضر ايسكريم منصور
طوالى يقولو لى شبعنا

عارف يا منص قبل ما تصل لما يقولو لى الجاى منو
بقول ليهم تتزكرو الايسكريم
طوالى لقيتم عارفنك

كل ناس البيت بسلمو عليك وكلامك فى البوست كان تحليتنا امس

لك الود والشكر الكبير يا كبير

خلى البقول كسير تلج والبقول زيادة محلبية
Post: #3235
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-04-2010, 09:47 PM
Parent: #3234

Quote: يا رشا منصور دة جانى من الصحافة عديييييييييييييييييييل
ما غشوة


يا زوبة يا بتي انتي لسه صغيرة على النسيان....على أي حال ما مشكلة بكرة أنا بعمل لي وكالة آيسكريم و برسل ليك آيسكريم بالبسبوسة كمان...
حبابك في أبوظبي يا زوبا انتي و عمر و العيال...
نحن في أبوظبي ما دبي...حتى دي نسيتيها...بسرعة حأرسل ليك الآيسكريم...


يا جماعة أنا من ناديت بتجنب السياسة في هذا البوست من واقع معين و خلفيات معينة...ربما أكون مخطأ و لكنه يبقى مجرد رأي...ان أردتم الالتزام به فبها و ان لم تريدوا فأفعلوا ما شئتم..أنا لم و لن أنصب نفسي ألفا...و لكني قلت ذلك من واقع حرصي على الهدف الذي انشئ من أجله هذا البوست...علما بأن التحدث في القضايا السياسية متاح للجميع في المنبر العام فكل واحد باستطاعتة أن يفتح بوست يثير فيه ما يشاء من قضايا و سيتداخل معه الراغبون في ذلك....و هنالك أمثلة كثيرة...
أكرر أنا لا أحجر عليكم و لا أصادر حرياتكم و لا أملك حتى هذا الحق في الحجر و المصادرة و لكني فقط أرجوكم...

و أرجو أن تقبلوا اعتذاري ان شعرتم بأن هتالك أي نوع من المنع أو الحظر مفروضا عليكم مني...
Post: #3236
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-04-2010, 10:40 PM
Parent: #3235

يديك لى طول العمر وفى الدنيا يوم ما يالمك 0000000 امى الله يسلمك
طلونا هنا
Post: #3237
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-05-2010, 11:24 AM
Parent: #3236

معتكم مباركة وصباحاتكم ندية

البوست دة بقيت افتش ليهو فتيش حليل زمن ما كان ثابت دايما فى راس الصفحة الاولى
رفعتو ليكم من الصفحة التالتة

كمان سلام
Post: #3238
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-05-2010, 01:41 PM
Parent: #3237

c5p20879sudan1sudan1.gif Hosting at Sudaneseonline.com


جمعة خضراء على الناس الزينين

* زنوبة ... ربنا يخضــّر ايامك انشاء الله
Post: #3239
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-05-2010, 02:19 PM
Parent: #3237

بسم الله
مساءكم الله بالخير
معليش الفترة الفاتت كنت نايم
وقاعد أحلم بي حاجات....
بس مختلفة عن أحلامكم الموجودة هنا
قلتو لي تم فك الحظر عن التحدث بالسياسة
إنتو حكومتكم دي حكومة شنو؟؟؟
بيان للناس
هذا و إنني أعلن على الملأ
أنه و بعد تدول الموضوع بشكل سلمي مع كل الأطراف
فقد تم اتخاذ القرار بفك الحظر عن الأحلام
برضو نعلن التداول السلمي للسياسة في هذا البوست
يعني قوانين الطوارئ خلاص؟؟
بح
يا رب تجي حكومة لا دكتاتورية و لا ديمقراطية
كامل التضامن مع توجهات البوست
يا جماعة الحج متين؟؟؟؟؟
Post: #3240
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-05-2010, 10:11 PM
Parent: #3239

Quote: واحدة بلدياتنا عينوها مضيفة في سودانير .. اول رحلة طلعت فيها جات للكابتن
سألتو :اها نغرف العشا؟

واحد قال لي رباطابيه بريدك
قالت ليهو ص. ب. 144

رباطابي زوجته وضعت له ولد بيشبهو شبه شديد عاين للولد وقال لزوجته دي بطن ولا مكنة تصوير

سألوا الجعلى ليه إتزوجت القبيحة دى فوق مرتك السمحة ديك ؟؟
الجعلى : الشينة دى لى حليفة الطلاق !!

رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها هنادي؟؟؟
الزوج: يا بنت الحلال، ده الحصان اللي رشحته الاسبوع اللي فات في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده وتيجي مرته وتديهو بالطوه ‏التيفال على راسه
الزوج: يا ولية مالك جنيتى في شنو؟؟
الزوجه: حصانك على التليفون
شيخ جامع قطع إشارة المرور الحمرا ركن علي اليمين وسجد سجود سهو

إمرأة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا


مسطول طالع من الدكتور بيتكلم مع روحه
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنت يا دكتور قلت عندي شنو؟؟
قاليهو : عندك سرطان فى الحوض


واحد مسطول عضاهو ثعبان قاعد يضحك وميت من الضحك.
الثعبان قاله : مالك بتضحك كدا وانا عاضيك
قاله اصلي أنا عندي الايدز


رباطابي داير يطلع جنسية الضابط سأله قاله ليه انت سوداني
الرباطابي قاله لا أريبا .
فار مسطول لقى كديسة ميتة
ضربها شلوت طااااخ وقال انا لمن أزعل كعب


مساء الخيرات
Post: #3241
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-06-2010, 06:56 AM
Parent: #3240

رباطابى عيان اهلو شايلنو فوق حمار وادنو للدكتور
الشايقى لاقهم سألهم ده وادنو وين .... ؟
الرباطابى رفع راسو قال ليهو وادنو الطاحونة ....



انشاء الله اسبوعكم باسـم
Post: #3242
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-06-2010, 07:13 AM
Parent: #3241

اليوم صباح جديد في اسبوع جديد في ظل حكومة جديدة شعاراتها التفاؤل

و رفع حظر عن السياسة من البوست لذا لابد ان تكون الافتتاحية السابقة لا

مجال لها لان البرنامج المطروح في الدورة الجديدة هو النضال والحرية

ضد البطش و حكر الافتتاحية الصباحية لذا نبدا ايها الاخوة الاحرار بصباحية

لا يستطيع جلا بعمل كوبي و الحمد لله الريس لسع من ما اخذ الاذن للدخول و الي

الصباحية المبتسمة كما قال دودي :

يا أمتي وجب الكفاح فدعي التشدق والصياح

ودعي التقاعس ليس ينصر من تقاعس واستراح

ودعي الرياء فقد تكلمت المذابح والجراح

كذب الدعاة إلى السلام فلا سلامُ ولا سماح

ما عاد يجدينا البكاء على الطلول ولا النواح

لغة الكلام تعطلت إلا التكلم بالرماح

إنا نتوق لألسنٍ بكم على أيد فصاح
Post: #3244
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-06-2010, 08:08 AM
Parent: #3242

صباح الهناء والسرور ...
صباحات التفاؤل والامل الجميل ...
Post: #3243
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-06-2010, 08:05 AM
Parent: #3241

صباح الخير ،،، يا وجوه الخير،،،

أصبحنا وأصبح الملك لله ،،، وحده

نسمات في السياسية:

Quote: أكرر أنا لا أحجر عليكم و لا أصادر حرياتكم و لا أملك حتى هذا
الحق في الحجر و المصادرة و لكني فقط أرجوكم...

و أرجو أن تقبلوا اعتذاري ان شعرتم بأن هتالك أي نوع من المنع أو
الحظر مفروضا عليكم مني...


عند قبولنا أعضاء في هذا البوست وجدنا البعد
عن السياسية هي ديدن أعضاء البوست الأوائل
والأخ/ رشيد القوم من نادى جهاراً بتأطير هذا الشئ
وأنا من ضمن المؤيد لهذا التوجه،، لأسباب عديدة لتوضيح
ذلك :

- المحافظة على هذا التجمع بصورته الراهنة جميل ورائع ولو تذكروا
عندما كنا في الأسر الطلابية بالجامعة تنادى الجميع بدون إستثناء بإبعاد
العمل السياسي من داخل الأسرة وهذه تجربة يجب أن نستفيد منها وإلا لماذا كان
هذا راي الأغلبية المطلقة.
- لو إستطعنا أن نلغي التعصب في التوجه الفكري والجهوي ، والتعصب للحزب أو الفكر
قد يجرف تيار البوست في مزالق بعيدة خفنا منها ونحن في الأسر الطلابية ولكم مني
مثال حي في المنبر العام إثنين من الزقازيقاب لم يلتقو في الزقازيق ولكنهم إلتقوا
في المنبر وتعارفوا وتواصلوا وتصادقوا وإختلفوا وإسقطوا كامل الإحترام والتقدير لبعضهم
البعض وكتبنا لهم على المنبر العام بأن لا يسقطوا كل شئ ضد بعض المهم قفل الموضوع وإنقطعت
العلاقة وإتمسحت كل كلمة طيبة كانت بينهم مع إحترامي وتقديري لهم إذا إطلعوا على هذا التعليق
ولا نرغب في تناول هذا الأمر بإعتبار إنه إنتهى.
- حتى لا ينفر منا من كان لا يرغب في الكلام في السياسة أو من كان له توجه مناصر لحكومته.

ولكن أفضل الكلام عن الوطن وأحلام الوطن ،،،،،،،،،
الكلام المكتوب حتى اللحظة هو كلام جميل وأماني وكلام فلسفي ومنطقي
ولو أخذنا كلام زهير الزناتي كمثال هو كلام جميل ومن حق الناس أن تتحدث
عن الوطن وهموم الوطن ورغبتنا في وطن جميل معافي لا نستطيع أن نحجر على
الناس ،،، يلا نكتب ونحلل عن ما يدور في وطننا الحبيب بشكل راقي وفلسفي
وبعيداً السياسة والصدامات الغير مرغوبة.
Post: #3245
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-06-2010, 08:34 AM
Parent: #3243

Quote: البوست دة بقيت افتش ليهو فتيش حليل زمن ما كان ثابت دايما
فى راس الصفحة الاولى رفعتو ليكم من الصفحة التالتة


نحن سعداء بعودة زينب التجاني للبوست

وزوبا براية لا يستهان بها ،،، مرحب بعودتك

الميمونة ،،، تحياتي للأولاد وأخونا عمر .....

ولو الأولاد بعد الإمتحانات طالبين هدية من تلك النوعية

أنا جاهز ولو ربنا جابنا السودان ما تنسينا من الجبنة بتاعة منصور.
Post: #3246
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-06-2010, 08:34 AM
Parent: #3243

Quote:
ومن حق الناس أن تتحدث
عن الوطن وهموم الوطن ورغبتنا في وطن جميل معافي لا نستطيع أن نحجر على
الناس ،،، يلا نكتب ونحلل عن ما يدور في وطننا الحبيب بشكل راقي وفلسفي
وبعيداً السياسة والصدامات الغير مرغوبة.



الجميل البادي النور لك التحية .


العزيز الريس اعتقد السياسة هي ما قولت سابقا و لكي نناقش هموم الوطن

الحبيب سوف نتعرض للوضع الحالي وبالتاكيد حنكيل السب لمن شردونا في

في بقاع الارض الخمسة و صرنا لا هوية لنا وسوف نطرح اراء قد تتفق مع برماج

بعض الاحزاب السياسية و قد تتختلف و الناس الموجودة اغلبها لها انتماءات

سياسية فكونوا نتحدث عن الوطن و لا يكون ذلك من السياسة لا اعتقد ان يستقيم

الوضع .

فان كان هذا راي الغالبية فلكم ما شئتم و إلا فبصرونا!!!1
Post: #3247
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-06-2010, 09:21 AM
Parent: #3246

وفاة بابكر عثمان بلال شقيق الموسيقار الأستاذ يوسف المو... صباح اليوم بالخرطوم

واجب عزاء للأستاذ يوسف الموصلي والزميل سامي عبدالوهاب

ملحوظة: في هذا البوست الوجود الزقازيقي ضعيف جداً لم
يتعد خمسة أشخاص فقط ،،،،،،
Post: #3248
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-06-2010, 09:40 AM
Parent: #3246


هو هسى التكلم فى السياسة منو ؟؟
انا شخصيا , ما بحبهاش
عمرى ما مشيت ليها بلى كرعينى ديل
ولا ركبت ليها تاكسى ولا حتى كمان ركشة
نحن قاعدين نتونس
جبنة زينب البيضاء وقيافة كانت سيدة الساحة ردحا من زمن
استطاعت ان تسحب البساط من سمك عوضية
ما بيخفى عليكم انو العلاقة بين السمك والجبنة
هى علاقة تنافر
ما بيحبوش بعض من زمان
لكن الموضوع ما غريب
انا قاصد عدم الأستلطاف البين الجبنة والسمك
ما اصلا , حتى زينب ست الجبنة و وعوضية ست السمك
ما بيعرفوا بعض
لكنهم الأثنين شحنونى بجرعات معنويات لا حصر لها ولا حد
لمن جكيت
هسى السياسة هنا وينها
مافى اى سياسة فى الموضوع ده
والرشيد زاتو لمن قال ليكم ما دايرين سياسة
ولقى موسى عيسى بيتحسر على اهله المغدورين فى الجزيرة ابا
ومحمد عيد شايلها تقيلة من خيط حسرة الرشيد بتاعت المتنفسات
وغنم ديدو السرحانة ماشة وجاية من الجامعة
وكلام الود ابو الزوز عن ايجابيات عشرين سنة فاتت
لمن كملت الفى الجراب
ومضيفة جبريلا العايزة تغرف الغداء للضيوف الراكبين معاها
عليكم الله حسى دى سياسة ؟؟!!!
نحن هنا مراية الواقع وصداها العاكس
لمن كنا بنفتح التلفزيون وبتلقى عافية حسن ولا فهيمة بيغنو
تلقى البوست بتاعنا رابى تانى يوم
ولمن نفتح التلفزيون نلقى ميسى بيجضم فى الكفر
ولا ارون رامسى رجله مكسورة وكل جزء منها مشى فى اتجاه
موضوعنا تانى يوم بيكون رامسى وميسى
لكن كمان لمن نلقى صاحبنا محتل الشروق وساكن فى النيل الأزرق
ويتاوق لينا فى السودانية
ونلقى هارمونى يا حبة عينى قفلت بى سبب الفلس
اها , نتكلم ليكم عن شنو فى الحالة دى ؟؟؟
الفى القدر قالوا بتجيبوا المغرافة
قدرنا وماعونا مليان لغاويس زى دى
نجيب ليكم الطيبات من وين ؟؟!!
نحبكم وانتو مراية بترقش وتتراقش
تلمع وتتلامع
تجيب ليكم صورة الموجود
وساعات تتخيل ليكم بكرة , ما شاء لها الخيال
فلو كانت دى سياسة , فانا من الليلة كبير السياسيين
Post: #3249
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-06-2010, 12:46 PM
Parent: #3248


معذرة
Post: #3250
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-06-2010, 01:47 PM
Parent: #3249

مساكم الله بالخير

يا حمادة نشكرك على نقل كل ما هو مفيد...و لكن يا صديقي هنالك فتوى بعدم صحة هذا الحديث و أنه مكذوب و لا يجوز نشرة الا من أجل التحذير منه...فأرجو التحقق و افادتنا حول ذلك...

لك محبتي و تقديري...
Post: #3251
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-06-2010, 01:53 PM
Parent: #3249

يلا يا جماعة نرفع البوست شوية

قصة واقعيةظريفة جداً:-

يحكى أن فتاة اسمها ثناء حاصلة على بكالوريوس تجارة 1998

ظلت لعدة سنوات تبحث عن عمل دون جدوى فأشار عليها أحد أقاربها

بالذهاب معه لمقابلة مسئول يعمل بحديقة الحيوان ليسأله عن عمل

مناسب لها فاعتذر لهم المسئول ولكنه بعد تفكير قال لثناء أن زوجة

الأسد ماتت وأن الحديقة لن تأتى بأخرى الا بعد شهور بسبب الإجراءات

الروتينية وعرض عليها أن ترتدي جلد زوجة الأسد وتجلس في القفص مكانها

يوميا من الساعة الـ 9صباحا حتى الساعة الـ 2 ظهرا لقاء مرتب جيد

وطمأنها أن الأسد في قفص ملاصق لها وان بينهما باب مغلق .

وظلت ثناء على هذا الوضع لمدة شهر حتى حدثت الواقعة حينما نسى الحارس

في أحد الأيام إغلاق الباب الذي يفصلها عن الأسد,,,,,,,,,,,,

فدخل إليها الأسد محاولا التحرش بها فأخذت تصرخ مستغيثة وأنها ثناء

بكالوريوس تجارة 98 ،،،،،،،،،،،،

وكانت المفاجأة أن الأسد رد عليها بأنه

أحمد محروس بكالوريوس هندسة 95

خخخخخخخخخخ
Post: #3252
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-06-2010, 02:32 PM
Parent: #3251

Quote: يا حمادة نشكرك على نقل كل ما هو مفيد...و لكن يا صديقي هنالك فتوى بعدم صحة هذا الحديث و أنه مكذوب و لا يجوز نشرة الا من أجل التحذير منه...فأرجو التحقق و افادتنا حول ذلك...


رشيد الحبيب ...

مشكور على التنبيه ...

وتم حذف الموضوع حتى يتم التأكد من صحة الحديث ..

معذرة للجميع ... ونسأل الله الهدى والغفران
Post: #3253
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-06-2010, 03:12 PM
Parent: #3252

صادق التعازي للأخ سامي عبد الوهاب إدريس في وفاة إبن عمته ... والتعازي للأستاذ يوسف الموصلي في وفاة شقيقه له الرحمة والمغفرة ...
Post: #3254
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-06-2010, 03:23 PM
Parent: #3253

اصدق التعازي للاخ سامي عبد الوهاب
للفقيد الرحمة ولاسرته جميل الصبر وحسن العزاء
وانا لله وانا اليه راجعون
Post: #3255
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-06-2010, 03:35 PM
Parent: #3252

سلام يا شباب بخصوص السياسة في البوست أعتقد أن الأمر حساس أكثر مما نعتقد ... وأن السياسة لا تجلب إلا الخلاف ... وهذا البوست اجتماعي في المقام الأول ... وهنالك عدد من الزملاء الأعضاء لا يحبون السياسة ولا يتعاطوها ... لسبب أو لآخر لذا حفاظاً علي هذه الوحدة يمكننا تجنب الأمر خاصة في هذه الفترة الحساسة ... وهنالك الكثير من البوستات في المنبر العام تعج بالسياسة والسياسيين يمكن الأدلاء برأينا هنا دون حساسية ... هذا ليس رأي لوحدي ولكنه نتاج لنقاش طويل مع عدد من الأعضاء ... وإن بقت علي عكوها سياسة لمن تآمن ذاتو ... بس حانفقد كتير من الناس الاعضاء والمتابعين ...
Post: #3256
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-06-2010, 04:23 PM
Parent: #3255

صادق التعازي للأخ سامي عبد الوهاب إدريس في وفاة إبن عمته ... والتعازي للأستاذ يوسف الموصلي في وفاة شقيقه له الرحمة والمغفرة ...
Post: #3257
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-06-2010, 04:47 PM
Parent: #3256

Quote: بس حانفقد كتير من الناس الاعضاء والمتابعين ...



اخوتـــى ...

هذا خط أحمـــر لا أعتقد ان أيا منا على استعداد لتجاوزه

والمسألة بالفعل أضحت أكثر وضوحا من بعض ردود الفعل الاولية للنقاش

خلال الايام السايقة ...

لا أقول اننا يجب ان نمنع الحديث فى السياسة تماما ..! وهى كما قال منصور

المسيطرة حاليا على كل البيوت والمنابر ...

ولكنى أقول انه عندما يلزمك الموضوع المطروح للتطرق لشأن سياسى .. حينها لا مناص

من الاشارة بما يحقق حتمية التطرق .. دون أن نجعل من تناولنا لها مثارا لاجتذاب

ردود او ردود فعل الآخرين ...

وهذا ما حدث منى عندما دلفت جانبا بما أثاره الرشيد حول حرمان الانسان السودانى

من أحد حقوقه فى الترفيه عن نفسه واسرته وبموارد طبيعية نحن أكثر شعوب العالم

التى حباها الله هذه الموارد ... فكان حديثى نابعا من نفس تزايد عليها الألم والحنق

من أوضاع فرضت علينا من كافة حاكمينا على مر العصور ..

ولم أقصد بأى حال .. تحويل النقاش الى مقهى النشاط او اعتلاء كرسيا فى احد اركان

دار الاتحاد للترويج لفكر او رأى او موقف ..! واوقن بأن الجميع كذلك ...

اذن لا اعتقد اننا سوف نقبل بالتضحية بكل ما حققناه واكتسبناه فى هذا البوست

بل وان الجميع على استعداد للجهاد علنا فى الحفاظ على تميزنا وتفردنا ...

أحبكم جميعا متلاقين ومتحابين ومتضامنين .
Post: #3258
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-06-2010, 08:25 PM
Parent: #3257

خالص العزاء للاخ سامى عبدالوهاب

والاستاذ الموصلى

وانا لله وانا اليه راجعون
Post: #3259
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-06-2010, 09:52 PM
Parent: #3258

خالص العزا للاخ سامى عبدالوهاب
وللاخ الموصلى
=====================
Post: #3260
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-06-2010, 10:23 PM
Parent: #3258

كتب جعفر عباس فى عموده زاويا حاده بالراى العام بسبب
تلقيه دعوة خريجى خور طقت الثانويه.............
سعدت لان هناك من يسعى الى خلق رابطه تسمو
فوق روابط العرق والقبيله والاقليم ولا تطالب بنصيب
فى الثروه والسلطه ,
رابطه تجمع حافظى جميل الوطن يلتقى اعضاؤها
ليس لاجترار الذكريات والبكاء على الاطلال ولكن لاستلهام
تجربة مدرستهم والاسهام فى بعث الروح فى اوصال نظامنا
التعليمى الذى صار طبقيا مدارس حكوميه للفقراء, وهذا النوع
من المدارس يعانى من فقر المدخلات والموارد وفقر الدم بل
يحرق دم من يلتحق به, ومدارس خاصه لمن استطاع اليها
سبيلا .مكرسه فى معظمها لشفط ما فى الجيوب , كلا
النوعين يمارس الدرس <درس المحاصيل> والنتيجه
كميات كبيره من التبن تتناثر بداخلها حبيبات قليله.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
Post: #3261
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-06-2010, 11:25 PM
Parent: #3260

i44ifcf45dcc12.jpg Hosting at Sudaneseonline.com


لله ما أعطى ولله ما أخذ

انا لله وانا اليه راجعون

أعزى نفسى وكافة افراد قبيلة المريخاب وعموم الرياضيين

بفقد هذا اللاعب الخلوق والمقاتل الذى لن تنساه جماهير المريخ مطلقا

وهو قد كان سببا فى جلب الفرح اليها لاكثر من اربعة سنوات

حقا" .. كان ايداهور من أفضل المحترفين الاجانب الذين لعبوا فى بلادنا

قبل سنتين عندما كنت بالوطن الحبيب .. زرت معسكرا للمريخ وكان يستعد لمباراة ضد

النجم الساحلى التونسى فى الكونفدرالية ..

واسعدنى الحظ بالجلوس لهذا النجم والتحاور معه ووجدته واعيا مثقفا ومؤدبا لاقصى حد

هادئا وودودا على عكس هيئته داخل الملعب .. وكان ان قدم لنا وعدا بحسم مباراة النجم والتسجيل فيها

وبالفعل نجح ايداهوور فى هز شباك النجم الساحلى بقذيفة مدوية من خارج منطقة الجزاء ...

*******

منظر زملائه اللاعبين فى الملعب - خاصة طمبل والنفطى - ساعة اصابته جعلتنى اتوجس خيفة

ففتحت هاتفى مع اخوتى وأعلم مدى التصاقهم بالجهاز الادارى للمريخ .. وبالفعل وجدتهم فى سيارتهم

خلف سيارة الاسعاف .. وذكر لى احدهم بأن ايداهور قد حمل من الملعب وهو جثة بلا حراك

وبالفعل ثبت ذلك ساعة وصوله للمستشفى ..!! غم تأخر اعلان وفاته ...

وداعا الضباح .. وداعا ولن ننساك ابدا
Post: #3262
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-07-2010, 00:00 AM
Parent: #3261

خبر حزيييين يا محمد
التعازي لعائلته ولكل جماهير المريخ وجماهير الرياضة بالسودان
والله احزنتني وفاته واطارت النوم من عيني
ونسأل الله له القبول
Post: #3263
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-07-2010, 00:07 AM
Parent: #3261

اعزى كل المريخابخاصة والرياضيين عامة على فقد ايداهور
اللهم ارحمة واغفر لة
Post: #3264
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-07-2010, 05:46 AM
Parent: #3263

اللهم إن لي أخوة " كالدر المنثور "
تفضي علي بهجة وحـبور ..
فأسكنهم اللهم "جنة وقصور" ..
وضاعف لهم الأجـور ..
واجمعنا بهم على منابر "من نـور "


وخلق الله أناس مؤمـنون
يحفظ الله بهــــم الأرض..
بواطنهم كظواهرهم
بل أحلـى..
وهممهم عندالثريا بل
أعلـى ..
وسرائرهم كعلانيتهم بل
أجلـى..
.
يحبهم أهل الأرض..
وتفرح بهم ملائكة السماء..
أســـأل الله أن تكونوا منهم...
Post: #3265
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-07-2010, 06:47 AM
Parent: #3264

صباح الهناء والسرور ...
اصبنا واصبح الملك لله ...

موسى عيسى صباح الخير وصباحك دائما جميل ...

حار التعازي لزميلنا الاستاذ سامي عبدالوهاب والاستاذ الموصلي ...
وربنا يتقبل المرحوم قبولا حسن ويسكنه فسيح جناته امين ...

تعازينا لاهلنا المريخاب في وفاة نجمهم الغالي ايداهور ...
وهو انجح اجنبي يلعب للمريخ وكان متميزا جدا ...
Post: #3266
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-07-2010, 07:21 AM
Parent: #3264

صباح الخير ،،، يا وجوه الخير،،،

أصبحنا وأصبح الملك لله ،، وحده
image002.gif Hosting at Sudaneseonline.com
Post: #3267
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-07-2010, 07:55 AM
Parent: #3266

الاخ احمد اسماعيل ....
ألف حمد لله على سلامة شقيقكم الفريق/ صديق اسماعيل النور "امين حزب الامة القومي"
ونجاته من الهجوم الغادر الذي تعرض له ...
حمد لله على السلامة

الأمين العام لحزب الأمة ينجو من اعتراض سيارته وسوف يعود غدا الى الخرطوم
Post: #3268
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-07-2010, 08:15 AM
Parent: #3267

Quote:
موسى عيسى صباح الخير وصباحك دائما جميل ...



صباح النور علي البلور العزيز البادي كيف حالك

ماشاء الله اليوم زودت المس كول و و نقول ليك صباحية

مباركة يا ..........خايفين ناس جلا يجوا يقولوا و

الله دا تحريض علي بنات الشيخ!!!
Post: #3269
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-07-2010, 08:17 AM
Parent: #3267

Quote: الاخ احمد اسماعيل ....
ألف حمد لله على سلامة شقيقكم الفريق/ صديق اسماعيل النور "امين حزب الامة القومي"
ونجاته من الهجوم الغادر الذي تعرض له ...


حمد لله على السلامة،،،،،
تفيد المصادر بأنهم ربما يكونون قطاع طرق
نأمل ذلك ،،،
بدلاً من تحول بلدنا إلى بغداد أخرى،،،،
Post: #3270
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-07-2010, 10:01 AM
Parent: #3269

الأخوان:

ميسرة سيدأحمد
زهير الزناتي
عمر المهدي
الرشيد بابكر
محمد صديق
معتصم جعفر
والبادي النور

سعيكم مشكور

ونسأل الله ألا يريكم مكروه في عزيز لديكم
Post: #3271
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-07-2010, 10:17 AM
Parent: #3270

تحذير عاجل لكل من يستخدم

Hotmail و yahoo
الخبر بدون مقدمات لأنه لا يحتمل التأخير
إذا وصلتك إضافه من شخص
pavlo _88 @ hotmail .com
pavlo _88 @ yahoo .com
لاتقبل واعمل له بلوك على طول لانه فايروس
بيسرق معلومات الكمبيوتر
ونرجو من الجميع التعاون في نشر الخبر
لأنه في حالة فتحه فانك ستخسر
ايميلك مع الباسوورد
وستظهر عبارة تقول: (انت متاخر جدا فحياتك ليست جميلة ...
الفايروس )؟
اكتشف حديثا من قبل قرصان اسمه مالك الحياة
وهم مجموعة من المخترقين الاسرائليين المراهقين تسمي نفسها
arabs Killer .
Post: #3272
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-07-2010, 10:43 AM
Parent: #3270

الاخ احمد اسماعيل ....
ألف حمد لله على سلامة شقيقكم الفريق/ صديق اسماعيل النور "امين حزب الامة القومي"
ونجاته من الهجوم الغادر الذي تعرض له ...
حمد لله على السلامة
Post: #3273
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-07-2010, 12:03 PM
Parent: #3272

حبيبنا سامي جبر الله كسركم
Post: #3274
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-07-2010, 12:06 PM
Parent: #3273

يصعب جدا ان تكتب عن انسان جاء لخلق الفرح لديك
بماذا تبدأ والى ماذا ستقودك حروف ملتوعة
لاعب كان يجبرك على (التسمُر) خلف شاشة التلفاز
يصعب ان تكتب عن انسان يبذل جهدا مضاعفا ليجعل الملايين تغني انشودة المتعة
يحاول تفكيري من الامس تخيل الموقف داخل اسرة المريخاب... لكنني لم اجد زاوية للنظر من خلالها الى (بيت البكاء)
يا ترى كيف هي زوجته
كيف حال اسرته في نيجيريا
خيوط متشابكة لأفكار مجنونة في يوم حزين
وداعا ايداهور.. ايها الغزال الجميل
Post: #3275
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-07-2010, 01:04 PM
Parent: #3274

sudan_merikh_endurance.jpg Hosting at Sudaneseonline.com


هذه رسالة ربانية لجميع عبادة

لنأخذ تجربة موت هذا الشاب القوي

عظة وعبرة ومحطة للتوقف,,,,,,,,

يأتيكم الموت ولو كنتم في بروج مشيدة

رحم الله هذا الفتى الباسل ،،،،،
Post: #3276
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-07-2010, 01:27 PM
Parent: #3275

الاخ احمد اسماعيل
تحية طيبة
حمد لله علي سلامة شقيقك نتمني ان يكون بخير
وماتشوفو شر
Post: #3277
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-07-2010, 03:16 PM
Parent: #3276

"لا تستخلص النتائج حتى تعرف كل الحقائق"

وقفة تستحق التأمل:-

ُيكى إن رجلاً عجوزاً كان جالسا مع ابن له يبلغ من العمر 25 سنة في القطار.

وبدا الكثير من البهجة والفضول على وجه الشاب الذي كان يجلس بجانب النافذة.

اخرج يديه من النافذة وشعربمرور الهواء وصرخ "أبي انظر جميع الأشجار تسير

ورائنا"!! فتبسم الرجل العجوزمتماشياً مع فرحة إبنه.

وكان يجلس بجانبهم زوجان ويستمعون إلى ما يدور من حديث بين الأب وابنه.

وشعروا بقليل من الإحراج فكيف يتصرف شاب في عمر 25 سنة كالطفل!!

فجأة صرخ الشاب مرة أخرى: "أبي، انظر إلى البركة وما فيها من حيوانات،

أنظر..الغيوم تسير مع القطار". واستمر تعجب الزوجين من حديث الشاب مرة أخرى.

ثم بدأ هطول الامطار، وقطرات الماء تتساقط على يد الشاب، الذي إمتلأ وجهه بالسعادة

وصرخ مرة أخرى ، "أبي انها تمطر ، والماء لمس يدي، انظر يا أبي".

وفي هذه اللحظة لم يستطع الزوجان السكوت وسألوا الرجل العجوز"

لماذا لا تقوم بزيارة الطبيب والحصول على علاج لإبنك؟"

هنا قال الرجل العجوز:" إننا قادمون من المستشفى حيث أن إبني قد أصبح

بصيراً لاول مرة في حياته ".
Post: #3278
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-07-2010, 05:45 PM
Parent: #3277

الف سلامة لشقيق الأخ احمد إسماعيل ... وربك ستر ولطف ... يا ابو حميد
Post: #3279
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-07-2010, 05:50 PM
Parent: #3278

اصابت كل الوسط الرياضي حالة من الحزن والأسي علي فقيد الشباب إيداهور له الرحمة ،،، فقد بكاه أهل الهلال قبل أهله في المريخ ... وأهل المريخ قبل أهله في نيجيريا ... خالص عزاءنا لكل الرياضيين ... وأهل المريخ خاصة .... ونخص محمد عيد وطارق جبريل وموسي عيسي وكل مريخاب الزقازيق ... وجعلها الله آخر الأحزان وليت الإدارات الرياضية تعمل علي رفع مقدرات الأجهزة الطبية في الملاعب والميادين وذلك لأنها متعلقة بأرواح الناس ...
Post: #3280
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-08-2010, 06:37 AM
Parent: #3279

يا الله ياودود يا كريم يا جبار السماوات والأرض يا هادي القلوب اهدي قلبي ....

اللهم لا تزين لي عمل السوء


اللهم ذكرني دائما بأن الدنيا زائلة فاصرف عني زينتها ..

اللهم ارحمني ……..فمن لي اله غيرك؟ ……….من يرحمني غيرك؟ ………

من يستر علي غيرك؟ …….من يرزقني غيرك؟

من يصبرني على هذه الدنيا غيرك؟

اللهم لك الحمد
Post: #3281
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-08-2010, 07:02 AM
Parent: #3280

صباح الهناء والسرور ...

اخونا احمد اسماعيل كفارة وحمدا لله على سلامة شقيقكم ...
وربنا يحفظ بلدنا من الفتن ما ظهر منها وما بطن ...

اخونا موسى عيسى ما تجيب لينا كتاحة ...

عمنا الزناتي النوم بجيب اللوم ...

الريس ميسره مجهوداتك في رفع لياقة الحوش مقدرة وانت قدر المسئولية دائما ...
Post: #3282
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-08-2010, 07:07 AM
Parent: #3280

صباح الخير،،، يا وجوه الخير

أصبحنا وأصبح الملك لله ،،، وحده

نسمات صباحية :

اللهم إني أسألك أيماناً لا يرتد

ونعيماً لا ينفد

ومرافقة محمد (ص) في أعلى جنة الخلد
Post: #3283
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-08-2010, 07:17 AM
Parent: #3282

جبريلا يا حبيب

مشكور كتير وجزاك الله خير

والشكر أيضا للأخ منصور

وكتر خيرك كتير يا منصور على إتصالك

____________________________

الف سلامة لشقيق الأخ احمد إسماعيل
Post: #3284
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-08-2010, 08:07 AM
Parent: #3283

صباحات التفاؤل

الاخ احمد اسماعيل حمدآ لله على

سلامة شقيقكم.
Post: #3285
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 03-08-2010, 09:32 AM
Parent: #3284

تعازينا الحارة للأخ سامي
وأسأل الله للفقيد الرحمة والمغفرة
وأن يتقبله لديه قبولا حسنا مع الصديقين والشهداء
وأن يلهمكم الصبر وحسن العزاء
وانشاء الله ربنا يجعلها آخر الأحزان ..


الأخ أحمد اسماعيل ..
ألف حمدا لله على سلامة شقيقكم
وأسأل الله أن يحفظكم ويحيطكم بعنايته ورعايته ..
Post: #3286
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-08-2010, 09:39 AM
Parent: #3285

er.jpg Hosting at Sudaneseonline.com
Post: #3287
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-08-2010, 09:47 AM
Parent: #3286

# اخونا سامى عبد الوهاب ... عظــّم الله أجركم وجبر كسركم ..

مشينا شلنا الفاتحة بى غادى فى حوشكم الكبير .. ما لقيناك

رحم الله الفقيد وانزله فسيح جناته .

# اخونا احمد اسماعيل .. حمدا" لله على سلامة شقيقكم .. وجنّب الله بلادنا

كل الشرور .

# قدوره الحبيب ... حمدا" لله على السلامة اذا كنت قد عدت الينا

حدد موقعك بالظبط !! واستعد لمسائلة قانونية وشرطية من الكوتش وزهير ..!!
Post: #3288
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-08-2010, 02:11 PM
Parent: #3287

كدي النشوفكم بتعرفوا الزول دة
هسي موجود معاي في الرباط

DSC0053822.jpg Hosting at Sudaneseonline.com
Post: #3289
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-08-2010, 02:37 PM
Parent: #3288

ياسلام ياجبريلا ياخ
الرائع مجدي النعيم لميت فيه وين الزول دا
تحياتنا ليهو وليك يا طارق
Post: #3290
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-08-2010, 03:40 PM
Parent: #3289

sudansudansudansudan-1.jpg Hosting at Sudaneseonline.com

برافو طارق ود جبريل ،،،، وهل يخفى القمر ،،، ضربة معلم
ممكن تعمل لينا لقاء صحفي على الطريقة المغربية
Post: #3291
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-08-2010, 04:05 PM
Parent: #3290





صادق التعازي للأستاذ يوسف الموصلي والأخ سامي عبد الوهاب

في فقيدهم شقيق الموصلي وبن عم سامي عبد الوهاب

نسأل الله سبحانه وتعالى أن يتغمده بواسع رحمته وعظيم مغفرته

ويحسن مثواه مع الصديقين والشهداء وحسن اولئك رفيقا

وإنا لله وإنا إليه راجعون
Post: #3292
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-08-2010, 04:05 PM
Parent: #3290





صادق التعازي للأستاذ يوسف الموصلي والأخ سامي عبد الوهاب

في فقيدهم شقيق الموصلي وبن عم سامي عبد الوهاب

نسأل الله سبحانه وتعالى أن يتغمده بواسع رحمته وعظيم مغفرته

ويحسن مثواه مع الصديقين والشهداء وحسن اولئك رفيقا

وإنا لله وإنا إليه راجعون
Post: #3293
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-08-2010, 05:04 PM
Parent: #3292





سلام لأجدع وأميز ناس

الأخوة
جلال عثمان والريس ميسرة ورشيد القوم
والأستاذ عمر المهدي والعزيز الزيناتي
والكريم بادى النور والكمندان محمد صديق
والأستاذ عبد القادر بابكر والفنان محمد عيد
والأخ سامي عبد الوهاب

جزاكم الله عنا كل خير
ونسأله جلّا وعلا أن يبعد عنكم كل شر ومكروه

فعلا الحمد لله الذي جنّب منطقتنا كارثة كان تكون
شييهة بالكارثة التي حصلت بالعاصمة عندما مات قرنق
Post: #3294
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 03-08-2010, 06:44 PM
Parent: #3293

عزيزنا سامي واستاذنا المبدع الموصلي

احسن الله عزاءكم وجعلها آخر الاحزان

وربنا يرحم الفقيد ويجعل الجنة مثواه يا رب ..

أبوحميد : يا أخي الف حمدآ لله على سلامة اخينا الفريق صديق

والحمد لله ربنا جنب اهلنا في دارفور من كارثة محققة, فألف شكر وحمد لك يا رب ..

ايداهور يا الله على هذا الفقد الكبير وبهذه الطريقة الدرامية المؤثرة

انه فقد لكل اهل الرياضة وليست المريخ فقط , فكم حزنا نحن بالهلال لهذا الفتى الهداف

الذي طالما اكتوينا بنيران مدافعه.. وداعآ ايداهور والعزاء موصول لكل الاخوه المريخاب ..
Post: #3295
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-08-2010, 08:26 PM
Parent: #3294

سلام يا ناس
مجدي النعيم يغريكم تحياته يا شباب
وقاليكم بالله الصورة دي عايزها تجيب ليها مريدين من الجكس
ههههههههههههههههههههه
Post: #3296
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-08-2010, 09:22 PM
Parent: #3295

يا سامى البركة فيكم وربنا يصبركم

يا جبريلا انا ومن المريدين انفع

سلام كبير اوى لمجدى وقول ليهو ماشاء الله استاذ والله


بدينا نكتب عن ام جليلة وهى والدة بطة الشهيرة بياسمين هنا يديك لى طول العمر وفى الدنيا يوم ما يالمك 0000000 امى الله يسلمك
Post: #3297
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-08-2010, 10:36 PM
Parent: #3296

يا زهير باسويرد لشوش

انا حااجر ليها بتاعى بلصباح رايكم شنو

يلا دة ايميل منها هسى دى

Quote: الحلوات الزينات .............مساءالخير ..... احبكم كثيرا واحييكم فى عبدى وعبدكم دى تحية لكل رائعة عرفناها سواء
لكن والله خذلنى العنوان بتاعهمويمكن معظمهم ما قريبين او ما عندهم ارتباط بالايميل .....
التحية للراحلة المقيمة رابعة بشير ..... هيفاء..... امل جابر ... محاسن ... رحابفيصل .... ياسمبن الحج الطاهر ....
واخيرا حبيبتنا الما جايبنا خبرنا احنا فى وادى وهى فى وادى .... الرائعةحلوة الحلوات عزة ..... الوصلة دى ما كسيرتلج
لانه هى اخر زول ممكن يقراء الايميل دا الا واحدة من عينة تاكل عيشتقوم تقراه ليها ...... ومافى واحدة فيكمالنوع دا ... فى ؟؟؟؟؟؟ والله قلبى بياكلنى .......... مساءالخير والى اللقاء .............. شوش
Post: #3298
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-08-2010, 10:46 PM
Parent: #3297

يا زوبة كدي نشاور ود النعيم ونشوفك بتنفعي من المريدين
ههههههههههههههههه
تحياتي لشوش اينما كانت
Post: #3299
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-09-2010, 00:27 AM
Parent: #3298

يا جماعة طمنونا على كمال الشادي
غيبته طالت وقلقت بينا
Post: #3300
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-09-2010, 06:59 AM
Parent: #3299

اللهم نسألك خير هذا اليوم
فتحه ونصره وبركته وهداه
اللهم أجعل أوله صلاحا ووسطه فلاحا
وآخره نجاحا
اللهم آتنا في الدنيا حسنة وفي الآخرة حسنة
وقنا عذاب النار وإدخلنا الجنة مع الأبرار
ياعزيز ياغفار بارب العالمين
Post: #3301
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-09-2010, 06:59 AM
Parent: #3299

اللهم نسألك خير هذا اليوم
فتحه ونصره وبركته وهداه
اللهم أجعل أوله صلاحا ووسطه فلاحا
وآخره نجاحا
اللهم آتنا في الدنيا حسنة وفي الآخرة حسنة
وقنا عذاب النار وإدخلنا الجنة مع الأبرار
ياعزيز ياغفار بارب العالمين
Post: #3302
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-09-2010, 07:23 AM
Parent: #3301

صباح الخير،،، يا وجوه الخير

أصبحنا وأصبح الملك لله ،،، وحده

نسمات صباحية:

اللهم طهرني من الذنوب والخطايا,,,,

اللهم نقني منها كما ينقى الثوب الأبيض من الدنس ،،،

اللهم طهرني بالثلج والبرد والماء البارد،،،،
Post: #3303
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-09-2010, 07:28 AM
Parent: #3302

تحية كبيرة جداً للعملاقة

الجدعة شوش ، مرحب بيك وشكراً

على الإطلالة الجميلة دي ،، وخليك معانا

نبدأ رحلة البحث عن المفقودين :

- كمال الشادي
- ياسر نجيلة

دول كان نشيطين لدرجة قف تأمل ،،، أبحثوا عنهم!please
Post: #3304
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-09-2010, 07:38 AM
Parent: #3303

Quote: صباح الخير،،، يا وجوه الخير

أصبحنا وأصبح الملك لله ،،، وحده

نسمات صباحية:

اللهم طهرني من الذنوب والخطايا,,,,

اللهم نقني منها كما ينقى الثوب الأبيض من الدنس ،،،

الهم طهرني بالثلج والبرد والماء البارد،،،،


اصالة عن نفسي وإنابة عن الشيخ جلا أهديكم هذا الكوبي بيست

وإلى أن يعود شيخنا جلا تصبحوا على خير،،،،
Post: #3305
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-09-2010, 09:19 AM
Parent: #3301

الأخوان الأعزاء

عبد الدائم سيد أحمد
عبدالقادر
محمد عيد
أحمد إسماعيل
عثمان الخير
زينب التجاني

شكر الله سعيكم

وجزاكم الله عنا كل خير

ونسأل الله ألا يريكم مكروه في عزيز لديكم
Post: #3306
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-09-2010, 10:10 AM
Parent: #3301

تحياتى يا شباب ليكم كلكم
حمد لله على سلامة شقيقكم يا احمد اسماعيل
ربنا قدر ولطف
احسن الله عزاكم يا سامى انت والرائع الموصلى
اهلا بيك يا زوبة انتى ومعاك شوش
انت وين باسويرداتك دى يا زهير
فى ازمة باسويردات ولا شىء لا سمح الله ؟؟!!
Post: #3307
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-09-2010, 03:16 PM
Parent: #3306

يلا يا جدعان حدي يشيل معاي شوية

نعدل حال البوست اليوم مايل شديد

الحب

قالت الزوجة: بعد مضي 18 عاما من الزواج وطهي الطعام,

أعددت أخيرا أسوأ عشاء في حياتي..

كانت الخضار قد نضجت أكثر مما يجب , واللحم قد احترق ,

والسلطة كثيرة الملح وظل زوجي صامتا طوال تناول الطعام

ولكني ما كدت أبدأ في غسل الأطباق حتى وجدته يحتضنني بين

ذراعيه ويطبع قبلة على جبيني فـسألته : لماذا هذه القبلة ؟

فـقال : لقد كان طهيك الليلة أشبه بطهي العروس الجديدة, لذلك

رأيت أن أعاملك معاملة العروس الجديدة

هذا منتهى الحب ..
Post: #3308
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-09-2010, 04:56 PM
Parent: #3307

الأعزاء سلام دون فرز ... نعتذر للغياب نسبة لبعض المشاغل العديدة ....
يا منص براك شايف العكة البره في المنبر ده ... وحملة تغيير الباسويردات .. بي كده ممكن المسألة تتأجل ... يا ناس شيلوا الصبر ... باسويرداتكم جايه ...

أين كمال الشادي يا ناس
Post: #3309
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-10-2010, 06:39 AM
Parent: #3308

أصبحنا وأصبح الملك لله رب العالمين
اللهم زدنا ولاتنقصناوأكرمنا ولاتهنا
وأعطنا ولاتحرمنا وآثرنا ولاتؤثر علينا
اللهم أعنا على ذكرك وشكرك وحسن عبادتك
اللهم أحسن عاقبتنا في الأمور كلهاوأجرنا
من خزي الدنيا وعذاب الآخرة.
Post: #3310
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-10-2010, 06:42 AM
Parent: #3308

صباح الخير،،، يا وجوه الخير

أصبحنا وأصبح الملك لله،،، وحده

نسمات صباحية:

اللهم اجعلنا ممن يسمعون القول
ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة الدنيا
وهم يحسبون انهم يحسنون صنعا ،،،،،،،،،،،،ً
ربنا لا تواخذنا إن نسينا أو أخطأنا ربنا ولا تحمل علينا
إصراً كما حملته على الذين من قبلنا
ربنا ولا تحمـِّلنا ما لا طاقة لنا به واعفُ عنا واغفر لنا
وارحمنا أنت مولانا فانصرنا على القوم الكافرين
Post: #3311
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-10-2010, 07:14 AM
Parent: #3310

تحايا الصباح بعد تحيةالريس

أللهم إني أستغفرك لكل ذنب
خطوت إليه برجلي
أو مددت إليه يدي
أو تأملته ببصري
أو أصغيت إليه بأذني
أو نطق به لساني
أو أتلفت فيه ما رزقتني
ثم استرزقتك على عصياني فرزقتني
ثم استعنت برزقك على عصيانك
فسترته علي
وسألتك الزيادة فلم تحرمني
ولا تزال عائدا علي بحلمك وإحسانك
.. يا أكرم الأكرمين
اللهم إني أستغفرك من كل سيئة
ارتكبتها في بياض النهار وسواد الليل
في ملأ وخلاء
وسر وعلانية
وأنت ناظر إلي
اللهم إني أستغفرك من كل فريضة
أوجبتها علي في آناء الليل والنهار
تركتها خطأ أو عمدا
أو نسيانا أو جهلا
وأستغفرك من كل سنة من سنن
سيد المرسلين وخاتم النبيين
سيدنا محمد صلى الله عليه وسلم
تركتها غفلة أو سهوا
أو نسيانا أو تهاونا أو جهلا
أو قلة مبالاة بها
أستغفر الله .. وأتوب إلى الله
مما يكره الله
قولا وفعلا .. وباطنا وظاهرا
Post: #3312
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-10-2010, 07:20 AM
Parent: #3311

الكوخ المحترق

هبت عاصفة شديدة على سفينة في عرض البحر فأغرقتها..

ونجا بعض الركاب..

منهم رجل أخذت الأمواج تتلاعب به

حتى ألقت به على شاطئ جزيرة مجهولة و مهجورة

ما كاد الرجل يفيق من إغمائه و يلتقط أنفاسه،

حتى سقط على ركبتيه و طلب من الله المعونة والمساعدة

و سأله أن ينقذه من هذا الوضع الأليم.

مرت عدة أيام كان الرجل يقتات خلالها من ثمار الشجر

و ما يصطاده من أرانب،و يشرب من جدول مياه قريب و ينام في كوخ صغير

بناه من أعواد الشجر ليحتمي فيه من برد الليل و حر النهار .

و ذات يوم، أخذ الرجل يتجول حول كوخه قليلا ريثما ينضج طعامه

الموضوع على بعض أعواد الخشب المتقدة،

و لكنه عندما عاد فوجئ بأن النار التهمت كل ما حولها .

فأخذ يصرخ:

لماذا يا رب؟ ... حتى الكوخ احترق،

لم يعد يتبقى لي شيء في هذه الدنيا و أنا غريب في هذا المكان،

والآن أيضاً يحترق الكوخ الذي أنام فيه..

لماذا يا رب كل هذه المصائب تأتى علىّ ؟!! "

و نام الرجل من الحزن و هو جوعان،

و في الصباح كانت هناك مفاجأة في انتظاره

إذ وجد سفينة تقترب من الجزيرة و تنزل منها قارباً صغيراً لإنقاذه .

أما الرجل فعندما صعد على سطح السفينة أخذ يسألهم كيف وجدوا مكانه ؟

فأجابوه :

" لقد رأينا دخاناً، فعرفنا إن شخصاً ما يطلب الإنقاذ !!! "

فسبحان من علِم بحاله ورآى مكانه..

سبحانه مدبر الأمور كلها من حيث لا ندري ولا نعلم ..


*إذا ساءت ظروفك فلا تخف ..

فقط ثِق بأنَّ الله له حكمة في كل شيء يحدث لك وأحسن الظن به

وعندما يحترق كوخك.. اعلم أن الله

يسعى لإنقاذك (كم كرهت هذه الكلمة في حياتي من جنس البشر)

بالوسلية التي يختارها لك

ولكن... أصبر.... أصبر... أصبر...

فلك الحمد ربي و قد طال صبري علي من تجبر بطشا باهل بلدي

فنسالك اللهم ان تعجل بالفرج من الذين اتوا لينقذونا!!!!!
Post: #3313
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-10-2010, 08:01 AM
Parent: #3312

السلام أيها الناس
العزاء موصول للأخ سامي و الأستاذ الموصلي
أحمد إسماعيل
الجاتكم في مالكم سامحتكم
Quote: أما الرجل فعندما صعد على سطح السفينة أخذ يسألهم كيف وجدوا مكانه ؟

اتخيلت يا موسى عيسى
الزول دا سأل هل البلد دي فيها حكومة
الجماعة قالو ليهو أيوا
قال خلاص أنا معارضة

جلكسة طاعمة:
لو في فرقة جايييكم
غير كدا أن أتمتع بكامل الصحة و العافية
و أشكر كل الذين زاروني و سألوا عني
هو دا أنا و لا كمال الشادي؟؟؟؟
Post: #3314
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-10-2010, 08:11 AM
Parent: #3313

سلامات يا ناس

وصباحات التفاؤل

Quote: نبدأ رحلة البحث عن المفقودين :

- كمال الشادي
- ياسر نجيلة

دول كان نشيطين لدرجة قف تأمل ،،، أبحثوا عنهم!please
Post: #3315
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-10-2010, 08:21 AM
Parent: #3314

الشيخ جلا حمد لله على السلامة

بركة الجيت وشفناك طيب ،،،

طيب ما فهمنا حاجة ،،، عملنا

مداخلة بإسمك (كوبي وبيست)

ما عجبتك،،،،
Post: #3316
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-10-2010, 08:26 AM
Parent: #3315

سلام يا ناس
يا جماعة طمنونا على الشادي ونجيلة والسهيلي وحاتم جبارة وصفية مساعد
Post: #3317
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-10-2010, 08:46 AM
Parent: #3316

بالامس اتصلت على كمال الشادى وياسر نجيلة
الاتنين بخير بس شوية مشغوليات وجاينكم ما لاتشفقو

اللذيذة لقيت كمال طالع من حمدى الفضلى قلت ليهو خير فى حفلة ولا شنو


،،،،،،،،،،،،،،


عزاء فى وفاة حبوبة العباسى محمود تربية ، والـــده امه زهراء محمد سعيد العباسى


في ذمة الله الحاجة أم عزين، أرملة الشاعر الراحل محمد سعيد العباسي
Post: #3318
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 03-10-2010, 09:01 AM
Parent: #3317

خالص العزاء للأخ سامي عبدالوهاب
والأستاذ يوسف الموصلي
وحمدا لله على سلامة صديق يا أحمد
Post: #3319
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-10-2010, 10:38 AM
Parent: #3318

حمى الإنتخابات ،،،،،

زقازيقي آخر يترشح لمنصب الوالي - النيل الأببض -

في المؤتر الصحفي بقاعة الصداقة :
لافتا الى انه كان ينتمي للمؤتمر الشعبي، لكنه الان مستقل لخدمة النيل الابيض،
قائلا «كنت شعبيا واعتز بذلك لقيم الشورى التى تتمتع بها الجماعة
« ، لكن الان فارقت المؤتمر الشعبي فراق معذور وعاذر، وبلغة الكورة
«انا لاعب مستعار من الشعبي للنيل الابيض» .



من ضمن السيرة الذاتية الذي كتبت للتعريف بشخص للأخ/ أبراهيم يوسف هباني
إنه كان رئيس إتحاد الطلاب السودانيين بالزقايق .

يا ناس السودان أرصدوا لنا ناس الزقازيق الذين يخوضوا الإنتخابات..
Post: #3320
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-10-2010, 01:49 PM
Parent: #3319

نهاراتكم مليانه خير وسعاده ...

الريس ميسره الله يعينك على رفع الاثقال ...

رايت صورة اخونا عبدالحفيظ ملصقة على احد الاعمدة ضمن الحملة الانتخابية
لحزب الامه ... وهذا مرشح زقازيقي اخر ...

نتمنى ان نجدالزقازيقاب في كل المناصب والنواحي وعلى كل الاصعدة ...
Post: #3321
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-10-2010, 02:51 PM
Parent: #3320

سلام لاجدع ناس
البركة السمعنا عن الشادى ونجيلة
ويا نجيلة تنزل كتاب بعد ما تجمع المفكرة الاسبوعية

الاستاذ عبد المنعم خليفة يكتب عن اخته سعاد خليفة بهناك يلا رحبو بيهو
Post: #3322
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-10-2010, 10:14 PM
Parent: #3321

مساكم الله بالخير
عندما عاد والدي من بعثتة للاتحاد السوفيتي السابق في السبعينات أحضر معه مشغل اسطوانات و جهاز سينما...لكن مشغل الاسطوانات كان الأكثر تأثيرا علي و على اخوتي...كانت شركة منصفون تقوم بانتاج كثير من أغاني ذلك الوقت..فأحضر لنا أبي عدد من الاسطوانات بها أغاني لفنانين و فنانات مختلفين...أذكر منها ليلة السبت و سال من شعرها الذهب لصلاح ابن البادية...و لون المنقة للبلابل...قسيم الريد لخضر بشير..و حبيبي جنني لأبراهيم عوض و غيرها من الأغنيات الخالدات...ثم أصبحنا نحضر المزيد من الأغاني في كل مرة....
شكل ذلك الجهاز و شركة منصفون ذوقنا الفني...اصبحنا نسمع الكثير من الجيد الجميل من الأغاني و اذكر أنني كنت كثير الجلوس بالقرب من مشغل الاسطوانات و الاستماع الى تلك الأغاني...فتعلقت بأبراهيم عوض منذ صغري و ربما يكون حب أمي لأغاني أبراهيم عوض له عظيم الأثر في نفسي و سببا في تعلقي به أيضا...كان أبراهيم عوض الأقرب الى نفسي و لكني استمتعت كثيرا بأغاني وردي...عثمان حسين...أبو داؤود... محمد الأمين...زيدان و حمد الريح حتى توقف الاستمتاع نهائيا عند محطة مصطفى سيدأحمد...بعد مصطفى سيدأحمد لم أستمع الى أي أغنية جديدة و استمتعت بها و ان استمتعت ببعضها فان الاستمتاع يكون مؤقتا و لا ترسخ تلك الأغنيات بالذاكرة كما كانت الأغنيات السابقة...استغربت لاستمتاع الشباب الحالي بأغنيات أجدها كلها متشابهه في اللحن و المضمون...و قلت ربما يكون هذا ليس بزماننا...و لكني ما زلت أجد أن أغنيات زماننا تلقى نفس الرواج و يرددها هؤلاء الشباب..بل و لقد أكتسب الكثيرون منهم شهرتهم من خلال ترديدهم لتلك الأغاني...هنالك الكثير من الأصوات الجميلة جدا...و لكن هنالك شح في الألحان الجديدة الجميلة و الكلمات المؤثرة و التي تفرض عليك أن تطبعها في ذاكرتك...

أين الخلل؟؟؟...
Post: #3323
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-10-2010, 11:38 PM
Parent: #3322

Quote: و قلت ربما يكون هذا ليس بزماننا...و لكني ما زلت أجد أن أغنيات زماننا تلقى نفس الرواج و يرددها هؤلاء الشباب..بل و لقد أكتسب الكثيرون منهم شهرتهم من خلال ترديدهم لتلك الأغاني...هنالك الكثير من الأصوات الجميلة جدا...و لكن هنالك شح في الألحان الجديدة الجميلة و الكلمات المؤثرة و التي تفرض عليك أن تطبعها في ذاكرتك...

أين الخلل؟؟؟...


الخلل فى راجل المـــره !! ولا شنو يا ديدو ؟؟

الاصوات التى ذكرت انها جميله يا رشيد .. ليس لدبها استمرارية او ديمومة فى وجدان الناس

لانه لا يبدو جمال اصواتها الا فى الالحان والاعمال القديمة ...

غالبية هذه الاصوات فشلت فى تخطى مرحلة التقليد والغناء للآخرين .. وفقدت بريقها بمجرد

اعتلائها صهوة الالبومات الخاصة والاسطوانات المدمجة ..!! ودوننا فى ذلك تجربة محمود عبد العزيز ووليد

ولا مش كده يا كوتش ..؟!

كل الفنانين القدامى بدأوا بالتقليد والغناء للآخرين ولكن سرعان ما تحتل اصواتهم مكانها فى أفئدة المستمعين

بألحان جديدة تضاف للخوالد والدرر فى مكتبة الغناء ...

وردى مثلا .. عندما بدأ كان يغنى لابراهيم عوض واحمد المصطفى وبعد سنة واحدة صار وردى ...

فهل نحتاج الآن الـى قنبــــــــــــــــــــــــله لنخلدها مع راجل المرة فى تاريخ الغناء والموسيقى ؟؟!
Post: #3324
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-11-2010, 07:33 AM
Parent: #3323

صباح الهناء والسرور ...

صباح النور عليك يا زهور ...

رشيد القوم الاذن اختلفت تماما...

والزمن اختلف والثقافه اختلفت ...

لكن الخلل وين???

نعيب زماننا والعيب فينا ...
Post: #3325
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-11-2010, 07:58 AM
Parent: #3324

كودات الاغانى واقفة كان نزلنا اغنية للناس الاضانهم نضيفة

البادى النور شايفك طربات تتمايل فى اغنية نور بيتنا فى
حفل البلابل بنادى الضباط ، حسدتك عديل
Post: #3326
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-11-2010, 10:33 AM
Parent: #3325

صباح الخير،،، يا وجوه الخير

أصبحنا وأصبح الملك لله،،، وحده

نسمات صباحية:
Post: #3327
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-11-2010, 02:03 PM
Parent: #3326

نهاركم سعيد ...

يا ديدوالحفلة دي ليها سنتين وكانت الحفلة التانية بعد رجوع البلابل
عقبال عندكم انشاء الله ... حقيقي هنا الاذن مظبوطة خالص ...
Post: #3328
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-11-2010, 04:07 PM
Parent: #3327

السلام عليكم
وصلنى قبل قليل عن طريق شوش نباء وفاة والد زميلتنا عزة التجانى بمدنى
الذى توفى قبل قليل
للفقيد الرحمة ولالة وذوية الصبر وحسن العزاء
تلفون عزة0911225040
Post: #3329
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-11-2010, 04:18 PM
Parent: #3327

الرشيد و محمد عيد موضوع الأغاني ده زمان حسمناه ولكل زمن غنايه ، يعني إنتوا زمنكم فات وغنايكم مات ... والمثل ده بيلخص الموضوع ،وشباب اليومين ديل بيستغربوا كيف تواتيكم الجرأة وتستمعوا لزول زي أبو داوؤد ولا حسن عطية ، ولا الرمضانات بتوعين محمد صديق ... والأضان بتختلف من جيل لجيل .. وأمبارح لو الناس تابعت لقاء عمر البشير في النيل الأزرق إتكلم في الحتة دي حينما سأل عن الفنانيين الشباب الغريبة كانت وجهة نظره أحسن من محمد عيد والغرابة ما عشان الموقف السياسي لكل واحد منهما وإنما الغرابة في فارق العمر ، يعني زول قرب للستين زي عمر البشير يكون رأيه إنه ده زمن الفنانين الشباب لأنه بيعبروا عن الجيل ده زي ما كان ناس عثمان حسين ووردي بيعبروا عن جيلنافي وقت كان آباءنا وأجدادنا لديهم فنانين يختلفوا عن فنانينا ...يكون رأيه أفضل من رأي محمد عيد البدأ خطواته يادوبك في التلاتينات ويحاول يقصي الأصوات الجديدة .... يا محمد عيد مافي زول منعك تسمع ناسك بس كمان ما تحرمنا إننا نسمع فنانيين جيلنا وإذا عدتم عدنا ولا نامت أعين الجبناء ....
والجبناء ديل أولاد تجارة ناس موسي عيسي وجلا ومن لف لفهم ...
Post: #3330
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-11-2010, 04:48 PM
Parent: #3329

خالص التعازي للزميلة عزة التجاني في وفاة والدها
نسأل الله له الرحمة والمغفرة
انا لله وانا اليه راجعون
Post: #3331
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-11-2010, 05:06 PM
Parent: #3330

تعازينا القلبية للعزيزة عزة التجاني
ربنا يتقبل الفقيد قبولا حسنا
اللهم كن له
اللهم اجعل الجنة مثواه
انا لله وانا اليه راجعون
Post: #3332
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-11-2010, 05:12 PM
Parent: #3330

رحم الله والد الأخت عزة التجاني رحمة واسعة .. وحار التعازي لها ولأسرتها
Post: #3333
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 03-11-2010, 05:19 PM
Parent: #3332

حار التعازي لعزة التيجاني في وفاة والدها0000


له الرحمة والمغفرة 000

ولها ولاسرتها الصبر والسلوان000


Post: #3334
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-11-2010, 05:24 PM
Parent: #3330






الكاشف - محمد الأمين - الكابلي - هاشم مرغني - وردي - حمد الريح - زيدان إبراهيم

مصطفى سيد أحمد - الموصلي 00000 إلخ المتميزيين

كل واحد يحقق لك إشباع تفنني يختلف عن الآخر يعني وجه شبه بينهما في المسرح ومايحويه فقط
لأن كل واحد تحس عنده ملخص غنائي خاص بيه وهذا الإبداع الخاص بكل واحد نتيجة المنافسة
والتحدي مما يولد التميّز.
اما ناس قريعتي راحت ديل الواحد ماعنده النفس الطويل الذي يولد الإبداع والإتقان المنقطع
النظير .
ثانيا عدم التخصص في إمكانية الصوت تجد الواحد متقلب زي الحرباء اليوم لحن وغدا آخر
ياخي في الكورة لو الواحد تردد يضيع الهدف أو يمرر خطأ أو تفطع منه الكورة .

Post: #3335
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-11-2010, 05:34 PM
Parent: #3334

تعازينا الحارة للزميلة عزة التجاني في وفاة والدها

نسأل الله له واسع الرحمة وعظيم المغفرة

وإنا لله وإنا إليه راجعون
Post: #3336
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-11-2010, 05:44 PM
Parent: #3335

سلامات يا ناس

التعازى الحارة للاخت عزة التيجانى

نسأل الله لوالدها الرحمة ولآلها حسن العزاء

***********************************************



Quote: يا محمد عيد مافي زول منعك تسمع ناسك بس كمان ما تحرمنا إننا نسمع فنانيين جيلنا


الكلام ده قولو لناس ما شافو شنبك الكبير ده.
Post: #3337
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-11-2010, 06:58 PM
Parent: #3336

تعازينا الحارة للزميلة عزة التجاني في وفاة والدها

نسأل الله له واسع الرحمة وعظيم المغفرة

وإنا لله وإنا إليه راجعون
Post: #3338
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-11-2010, 10:46 PM
Parent: #3337

صادق التعازي للاخت عزة التجاني و للمرحوم الرحمة والمغفرة

و نسال الله ان يسكنه فسيح جناته مع الصديقين والشهداء
Post: #3339
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-11-2010, 11:14 PM
Parent: #3338

تعازينا القلبية للعزيزة عزة التجاني
ربنا يتقبل الفقيد قبولا حسنا
اللهم أغسله مكن ذنوبه بالماء والثلج والبرد
اللهم اجعل الجنة مثواه
انا لله وانا اليه راجعون
Post: #3340
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 03-12-2010, 00:09 AM
Parent: #3339

خالص التعازي للاخ سامي والاخت عزه..
اللهم ارحم كل موتانا..
Post: #3341
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-12-2010, 02:13 PM
Parent: #3340

جمعتكم مباركة

لقيت البوست في الصفحة االتانية من المنبر و آخر المتداخلين حاتم جبارة..و قبل ما أفتح قلت في نفسي حاتم ده أكيد جاي يعزي...و فتحت و لم يخيب حاتم ظني...يا حليل أيام كنت ما بقومك من قدام البوست ده الا الجم يا حاتم...عرفنا ان الدومنيكيات ديل بيقولو الأوامر مرة واحد...التانية فيها كسر عديل كده...عشان يطمئن قلبي يا حاتم...

القصة أوامر و لا مشغوليات...

يوم الجمعة ده اليوم البحس فيهو ان كرشي بتزيد...كل الأسبوع تعبان و كلماأدخل المطعم في الشغل يسألني الشيف تآكل شنو أقول ليهو سلطة و شوربة بس...تنزل الكرش شوية أجي يوم الجمعة مع الكسرة و المفاريك و النفس الأمارة بالسوء دي...ترجع كل حق الأسبوع و تزيد زيادة كمان....

ما عارف دي مفاريك و لا منافيخ (جمع منفاخ)...
Post: #3342
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-12-2010, 06:11 PM
Parent: #3341

تعازينا القلبية للعزيزة عزة التجاني
ربنا يتقبل الفقيد قبولا حسنا
اللهم أغسله مكن ذنوبه بالماء والثلج والبرد
اللهم اجعل الجنة مثواه
انا لله وانا اليه راجعون
Post: #3343
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 03-12-2010, 07:26 PM
Parent: #3342

رحم الله والد الاخت عزة التيجاني

واسكنه فسيح جناته وغسل ذنوبه بالماء والثلج والبرد

وانا لله وانا اليه راجعون .
Post: #3344
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-12-2010, 08:25 PM
Parent: #3343

سلامات يا ناس

ومساءات التفاؤل

مرور ومتابعة
Post: #3345
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 03-12-2010, 08:33 PM
Parent: #3343

تعظيم سلام للجدعان

تحدث الرشيد عن الفن وعن زمن الاسطوانات وعمالقة الكلمة واللحن الجمبل وعن الاذن المستمعة ما بين اليوم والامس

وتسآل أين الخلل ؟

نعم أخي الرشيد أنا أرى ان الخلل يكمن في ايقاع الحياة الذي تغير كثيرآ خلال العقدين الماضيين ,

فالشاعر في السابق كان لديه الوقت الكافي للتأمل والاستلهام وصياغة الافكار والتعبير عنها بعمق , والملحن كذلك .

وهذا قطعآ يعود لنمط الحياة في ذلك الزمان , حيث البساطة والسهولة فلم يكن العلاج ومصاريفه هم لاحد ولا التعليم

ولا السفر للخارج من اجل لقمة العيش , فكل هذه الاشياء كانت الدولة هي التي تتكفل بها.

أما نحن فكنا غالبآ ما نستمع للاغاني عبر المذياع الراديو , والراديو فيه ميزة خاصة وهي انك تستمع باذنك ويكون تركيزك

عالي جدآ مع اللحن والكلمة هذا غير الصور الجمالية التي ترسمها أنت بخيالك لكل جملة ومقطع وحينها تشعر ان الاغنية كتبت

ولحنت لك أنت وأنت فقط ...

فتخيل معي وفي مساء هادئ تتلألأ نجومه وأنت ممدد علي سرير في فضاء فسيح ويأتيك صوت الكابلي

في عز الليل ساعة النسمة ترتاح على هدب الدغش وتنوم انا مساهر.

لكن انظر معي للحياة اليوم فالكل يركض والكل مهموم بيومه كيف سيقضيه , حتى الاطفال تجدهم يركضون ..

فلا يوجد وقت للاستماع والتأمل في الكلمات ..

فاليوم هو يوم التلفزيون والDVD وال PLAYSTATION وافلام الكرتون الصاخبة والفيديو كليب , وكل هذه الاشياء تعتمد على المشاهدة

وبهذا ماتت الاذن الموسيقية المرهفة الي الابد...
Post: #3346
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 03-12-2010, 10:14 PM
Parent: #3345

احر التعازى لسامى عبد الوهاب
التعازى الخالصة لعزة واسرتها فى وفاة العم التجانى كنين..
اللهم اسكنه فسح جناتك والهم اهله الصبر وحسن العزاء
محاولاتى جارية للاتصال بعزة لكن الرقم لايمكن الوصول اليه..
شوش وزوبة لو عندكم رقم غير ده لعزة رسلوه لى message
Post: #3347
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-13-2010, 06:46 AM
Parent: #3346

صباح الخير،،، يا وجوه الخير

أصبحنا وأصبح الملك لله،،، وحده

نسمات صباحية:

ربنا أغفر لنا ولإخواننا
الذين سبقونا بالإيمان
ولا تجعل في قلوبنا غلاً
للذين آمنوا ،،،
ربنا إنك رؤوف رحيم
Post: #3348
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-13-2010, 07:13 AM
Parent: #3347

احر التعازى للاخت عزة التجانى فى وفاة والدها


وانا لله وانا اليه راجعون
Post: #3349
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-13-2010, 07:33 AM
Parent: #3348

أسأل الله تعالى أن يتقبل والد الأخت الزميلة / عزة التجاني بواسع رحمته و عظيم مغفرته و أن يدخله فسيح جناته مع الصديقين و الشهداء .. صادق التعازي لعزة و اسرتها في مصابهم الفادح و فقدهم الجلل و أسأله تعالى أن يجعل البركة فيهم و يجعل عمله موصولاً بصالح أعمالهم ..
Post: #3350
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-13-2010, 07:38 AM
Parent: #3347

Quote: يقال ان هناك ديك له ثمانية عيال متّلحو ليك صقر أخذ إثنين من عيالو مشى لفكي
زي فكي ناس جلا البتلفز الكورة في حوض الموية طلب منه أن يعمل حجبات لعياله
من الصقر وإتفق مع الفكي بأن يرجع بكرة لإستلام الحجبات وهو ماشي ظهر ليه صقر
كبير ياااالله نجى من هذا الصقر بعد أن دخل في شوك بتاع زريبة وعندما إستتب
الأمن خرج يجري للفكي قال ليه حكاية عيالي ديك خليها أعمل حجاب لي انا ده
[/
QUOTE]

أحد معارفي قدر حاله ساكن في قرية خارج نيالا، عندما سمع بأني جيت
من السعودية جاني سلّامي وكان العشم موجود بيننا ، سألته كم عنده من
العيال وكم أعمارهم ووعدته بأن أرسل لهم ملابس عندما أرجع السعودية
كمخارجة من الموقف لأني ماعامل حسابه، لكن صاحبي عكليت ، قال لي حكاية
عيالي ديك خليهاشوف أبوهم ده وحكى لي حكاية الديك أعلاه
عرفت صاحبي ماعايز يرجع بخفي حنين وماعنده إستعداد يصبر
وإشتغل بالنصيب تلتو ولاكتلتو،
لذلك عملت معاه تسوية مالية وإنتهى الأمر
Post: #3351
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-13-2010, 07:50 AM
Parent: #3350

صباح الهناء والسرور ...

حار التعازي للاخت عزة في وفاة والدها ...
اللهم ارحمه وتقبله قبولا حسن وادخله فسيح جناتك ... امين
Post: #3352
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-13-2010, 07:58 AM
Parent: #3350

سلامات يا ناس

وصباحات التفاؤل

حق للغافل ان يتخذ مرآتين ينظر فى احداها الى مساوىء نفسه

فيتصاغر بها ويصلح ما استطاع منها.وينظر فى الاخرى الى محاسن

الناس فيحتذيهم فيها ويأخذ منها ما استطاع.
Post: #3354
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-13-2010, 09:22 AM
Parent: #3352

التعازى الحارة للأخت الزميلة عزة التيجانى فى وفاة والدها
ربنا يرحمه ويغفر ليهو و ويلزمكم الصبر الجميل
Post: #3353
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-13-2010, 09:17 AM
Parent: #3350

خالص التعازي للأخت عزة التجاني في وفاة والدها
نسأل الله له الرحمة والمغفرة
انا لله وانا اليه راجعون
Post: #3355
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-13-2010, 10:59 AM
Parent: #3353

هل تعلم أن أول ما يرفع من أعمال هذه الأمة ؟
الصلوات الخمسة
هل تعلم أن أول صلاة صلاها رسول الله ؟
هي صلاة الظهر

هل تعلم أن أول من تنشق عنه الأرض يوم القيامة ؟
هو محمد صلى الله عليه وسلم


هل تعلم أن أول من يقرع باب الجنة ؟
هو محمد صلى الله عليه وسلم

هل تعلم أن أول شافع وأول مشفع ؟
هو محمد صلى الله عليه وسلم

هل تعلم أن أول أمة تدخل الجنة ؟
هي أمة محمد صلى الله عليه وسلم

هل تعلم أن أول من أذن في السماء ؟
جبريل عليه السلام


هل تعلم أن أول من قدر الساعات الاثنى عشرة ؟
نوح عليه السلام في السفينة ليعرف مواقيت الصلاة

************


هل تعلم أن أول من ركب الخيل ؟
هو إسماعيل عليه السلام

هل تعلم أن أول من سمى الجمعة الجمعة ؟
كعب بن لؤي


هل تعلم أن أول من قال سبحان ربي الأعلى ؟
هو إسرافيل عليه السلام

هل تعلم أن أول ما نزل من القرآن الكريم ؟
اقرأ باسم ربك الذي خلق

هل تعلم أن أول من خط بالقلم ؟
هو إدريس عليه السلام

هل تعلم أن آخر ما نزل من القرآن الكريم ؟
واتقوا يوماً ترجعون فيه إلى الله

هل تعلم أن أول ما نزل من التوراة ؟
بسم الله الرحمن الرحيم

هل تعلم أن أول من جاهد في سبيل الله ؟
إدريس عليه السلام

هل تعلم أن أعظم آية في القرآن الكريم ؟
آية الكرسي

من قال ( سبحان الله و بحمده ) مئة مره غفرت
ذنوبه ولو كانت مثل زبد البحر

من قال (بسم الله الرحمن الرحيم ولا حول ولآ قوة إلا بالله العلي العظيم سبعا '
بعد صلآتي الصبح
والمغرب كتب من السعداء ولو كان من الأشقياء

من قال ( لآ إله إلآ إنت سبحانك إني كنت من الظالمين ) و هو في شده فرج الله عنه

... كما فرج عن يونس

عليه السلآم عندما قال هذه الكلمات في بطن الحوت

قال عليه الصلاة والسلام كلمتان ثقيلتان في الميزان حبيبتان إلى الرحمن
سبحان الله وبحمده
سبحان الله العظيم

قال ابن القيم رحمه الله
أربعة أشياء تُمرض الجسم
الكلام الكثير * النوم الكثير * والأكل الكثير *الجماع الكثير

وأربعة تهدم البدن
الهم * والحزن * والجوع * والسهر

وأربعة تيبّس الوجه وتذهب ماءه وبهجته
الكذب * والوقاحة * والكثرة السؤال عن غير علم * وكثرة الفجور

وأربعة تزيد في ماء الوجه وبهجته
التقوى * والوفاء * والكرم * والمروءة

وأربعة تجلب الرزق
قيام الليل * وكثرة الاستغفار بالأسحار * وتعاهد الصدقة * والذكر أول النهار وآخرة

وأربعة تمنع الرزق
نوم الصبحة * وقلة الصلاة * والكسل * والخيانة

من قال سبحان الله وبحمده مائة مرة حطت خطاياه إن كانت مثل زبد البحر متفق
عليه

من قال سبحــــان الله وبحمده
غرست له به نخلة في الجنة
Post: #3356
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-13-2010, 07:38 PM
Parent: #3355



هل تعلم أن أول من إستعمل الكيمياء في صناعة الدواء
هم المسلمون حيث أدخل الرازي لأول مرة إستعمال أملاح المعادن
في الدواء والعلاج


هل تعلم أن أول عاصمة عثمانية هي مدينة برصة



هل تعلم أن أول عاصمة للعباسيين هي مدينة الأنبار

أول مولود في الإسلام قبل الهجرة هو عبد الله بن عمر

أول مولود في الإسلام بعد الهجرة هو عبد الله بن الزبير
Post: #3357
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-13-2010, 07:38 PM
Parent: #3355



هل تعلم أن

الصبح أول النهار
الغسق أول الليل
الوسمي أول المطر
اللغاع أول الزرع
اللبا أول اللبن
السلاف أول العصير
الطليعة أول الجيش
الباكورة أول الفاكهة
البكر أول الولد
الإستهلال أول صياح المولود إذا ولد
Post: #3358
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-13-2010, 07:38 PM
Parent: #3355



هل تعلم أن
الفيل يولد بعد 640 يوما من الحمل
الزرافة تضع حملها بعد 450 يوما
البقرة بعد 280 يوما
الفرس بعد 337 يوما
الكلبة والقطة فترة حمل واحدة وهي 64 يوما
الثعلبة بعد 54 يما
الأرنب بعد31 يوما
الفأرة المنزلية بعد 19يوما
Post: #3359
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-14-2010, 08:26 AM
Parent: #3358

سلامات يا ناس

وصباحات التفاؤل

Quote: هل تعلم أن
الفيل يولد بعد 640 يوما من الحمل
الزرافة تضع حملها بعد 450 يوما
البقرة بعد 280 يوما
الفرس بعد 337 يوما
الكلبة والقطة فترة حمل واحدة وهي 64 يوما
الثعلبة بعد 54 يما
الأرنب بعد31 يوما
الفأرة المنزلية بعد 19يوما


وهل تعلمون أن البوست الكان بيهز ويرز بقى طوالى

قاعد بى مزاااااااج فى الصفحة التانية وفى منتصفها؟؟؟

حقو الناس تدير نقاش حول هذا التراجع..

مع تقديرى للجميع
Post: #3360
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-14-2010, 08:33 AM
Parent: #3359

وهل تعلم انو فى مثل بيقول


كراع البقر جيابة


عاوزين وجوه جديدة
Post: #3361
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-14-2010, 08:34 AM
Parent: #3358

صباح الخير 00000 ياأهل الخير

أصبحنا وأصبح الملك لله رب العالمين

نسألك اللهم خير هذا اليوم فتحه ونصره وبركته وهداهـ
ونعوذ بك من شرهـ وشر مابعده

وين الحلوين وين وين راحوا

كما قال محمدصديق البوست رخصناه خالص لأنه دائما باقي في الأنقاض

بعدين كلام عبد الدائم معاه حق عاملين له وجع وش، التغيير شيء

مهم لأنه يغير الماضيع ويشوق المتصفح

لذلك بقترح لازم الجميع يشاركوا يوميا وذلك بأضعف الإيمان وهي
تحية أو بيت شعر أو حكمة أو دعاء أو نكته أو مثل
اما الطاعمين يدوها قيراط قيراطين كدهـ


Post: #3362
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-14-2010, 09:55 AM
Parent: #3361

Quote: نعم أخي الرشيد أنا أرى ان الخلل يكمن في ايقاع الحياة الذي تغير كثيرآ خلال العقدين الماضيين ,

فالشاعر في السابق كان لديه الوقت الكافي للتأمل والاستلهام وصياغة الافكار والتعبير عنها بعمق , والملحن كذلك .

وهذا قطعآ يعود لنمط الحياة في ذلك الزمان , حيث البساطة والسهولة فلم يكن العلاج ومصاريفه هم لاحد ولا التعليم

ولا السفر للخارج من اجل لقمة العيش , فكل هذه الاشياء كانت الدولة هي التي تتكفل بها.


شكرا أخي عثمان على الاضافة القيمة في هذا الموضوع...و أنا أتفق معك في أن مشاغل الحياة و ايقاعها السريع ربما يكون لها الأثر الكبير كما تفضلت على الأغنية من حيث الكلمات و الألحان...و لكن و أنا أستمع الى بعض الأغنيات الخالدات يأتيني احساس بأنه لولا اللحن الجميل لبقيت الكلمات عادية جدا...حتى انه تختلط علي أحيانا و كلمات ما تسمى بأغاني البنات...
كنت أتوقع أتوقع أن ينعكس ايقاع الحياة على ايقاع الألحان فتصبح سريعة كسرعة الحياة...فكثير من الايقاعات كما نعلم عندنا مستمده من ايقاعات موجودة في حياتنا فلماذا لم تدخل ايقاعات جديدة على الأغنية؟؟؟ و لماذا التشابه الشديد بين الألحان...أعتقد ان التشابة ناتج عن كسل الملحنين و المغنيين معا فهم لا يقومون بواجباتهم..حتى كبار الفنانين لم تعد ألحانهم الجديدة بروعة ألحانهم القديمة...أعتقد ان الاستعجال في عمل البومات جديدة و انزالها للأسواق وراء ذلك..و ليس ايقاع الحياة...
Post: #3363
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-14-2010, 10:45 AM
Parent: #3362

شاركوا النضيف افراحه واحتفائيته الجميلة

http://عذاري عبد الدائم سيد أحمد...عيدك سعيد
Post: #3364
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-14-2010, 11:44 AM
Parent: #3363



كل الأمنيات الطيبات لعذارى بالسعادة و الهناء و عمر مديد ان شاء الله و التهنئة لديدو و نهلة....
Post: #3365
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-14-2010, 03:57 PM
Parent: #3364

سلام يا ناس
وووووب علي انا يا القرقريبي!
Post: #3366
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-14-2010, 05:41 PM
Parent: #3365

عذارى عمر سعيد ومديد
وكل سنه وانتى طيبه
Post: #3368
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-14-2010, 06:06 PM
Parent: #3366

الان وبعد ان نصرنا الله
وحققنا هذا النصر لمقعد رئاسة الجمهوريه
نشكر جماهيرنا الوفيه ونعلن انحيازنا التام
لقضايا الشعب وباذنه تعالى نعلن لكم
1- ضرب الفساد والمفسدين اينما وجدوا
2- العمل على استعادة عافية الخدمه المدنيه
والنهوض بالتعليم والصحه كما و كيفاوضمان
مجانيتهما
3- ضمان استقلال القضاء والاجهزه العدليه
وقومية القوات المسلحه
4- الاهتمام بالبنيه التحتيه والتنميه الحقيقيه
مما يخلق نهضه اقتصاديه تنعكس على حياة الانسان
السودانى فتنمية الانسان ورفاهيته وكرامته هى مقصدنا

هذا بعض ما اتمنى سماعه من الريس القادم للقصر الجمهورى
وان يتبع القول بالعمل فهل هذا كثير؟؟؟؟؟؟؟؟؟؟؟؟؟؟؟؟؟
Post: #3367
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-14-2010, 05:51 PM
Parent: #3365

يقال أن واحد فتوة جاء لعنترة بن الشداد وقال ليه كل العرب

تقول أنك شجاع اليوم عايز أحدد شجاعتك دي لو أنت فعلا شجاع صارعني

رد عنترة قائلا ليس الشجاعة بالمصارعة لكن الشجاعة تقاس بالصبر على الشدائد

خذ صباعي بين أسنانك وهات صباعك بين أسناني وكل واحد منا يعضي بكل مايملك

من قوة الذي يصبر هو الشجاع,

فما مرّت دقيقة واحدة إلا والفتوة بدأ يصيح

عنترة قال لو صبرت شوية يمكن أنا أصيح ، عشان كدة أنا أشجع منك
Post: #3369
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-14-2010, 06:38 PM
Parent: #3367

عيد ميلاد سعيد لبتنا الجميلة عذاري .... وعقبال مية شمعة .... عايزين بالمناسبة دي نسمع أغنية من أبوها
Post: #3370
Title: Re: ناس الزقازيق ... أجدع ناس ( 3 ) ..
Author: Dr. Ahmed Amin
Date: 03-14-2010, 06:52 PM
Parent: #3369

عذارى H A P P Y B I R T H D A Y



تحياتي الحبيب النضيف .. وللأسرة الكريمة
Post: #3371
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-14-2010, 07:53 PM
Parent: #3370







أجمل الأماني لعذاري بالسعادة وعمر مديد إن شاء الله

وكل عام وأنتي طيبة
Post: #3372
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-14-2010, 08:57 PM
Parent: #3371

عقبال مية شمعة للنضيفة عذارى

وربنا يخليها ويخلى اختها

ويديك صباح الوليد يا ديدو
Post: #3373
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-15-2010, 06:18 AM
Parent: #3372

<EMBED SRC=http://www.sudanvoice.net/v2/nnnnnnnnnnn10.mp3 AUTOSTART=true LOOP=FALSE WIDTH=145 HEIGHT=55 ALIGN=CENTER><BR></EMBED>
Post: #3374
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-15-2010, 06:35 AM
Parent: #3373

بسم الله الرحمن الرحيم
السلام عليكم يا ناس
بالمناسبة إنتو قاعدين تردو السلام و لا خاشين طوالي؟؟؟
ما علينا...
أصبحنا و أصبح الملك لله
سبحان الله
و الحمد لله
و لا إله إلا الله
و الله أكبر
اللهم نسألك رضاك و الجنة
و نعوذ من غضبك و النار

معليش ما في كوبي بيست
لزوم حالة البوست المدبرس
برضو ما علينا
Post: #3375
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-15-2010, 06:43 AM
Parent: #3374

شرحووووووو
عذارى كل سنة و إنت طيبة
ربنا يجعلها من البنات الصالحات
القانتات
و البارَّات بوالديها

الناس الناطقين بالعربية
أفتونا في كلمة البارَّات

ولا أقول ليك حاجة يا منصور
أصلو ما في زول جايب خبر
عشان كدا الواحد يكتب زي ما عاوز
عربي بي إنجليزي بي هندي
المهم سمك لبن تمر هندي
ديل لو الواحد ختاهم في حلة ممكن يتلايقو
بمناسبة السمك
السمكة دي دايرا عوضية
Post: #3376
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 06:50 AM
Parent: #3373

صباح الخير ،،، يا وجوه الخير

أصحنا وأصبح الملك لله ،،، وحده

نسمات صباحية :

لا إله إلا الله العظيم الحليم
لا إله إلا الله رب العرش العظيم
لا إله إلا الله رب السموات ورب الأرض
ورب العرش العظيم,,,,,,,,,,,,
Post: #3377
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-15-2010, 07:04 AM
Parent: #3376

كل الامنيات الطيبة لبتنا عزارى وكل العمر يارب
ربنا يحفظها يادودي هي وعناب
Post: #3378
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 07:27 AM
Parent: #3372

أصبحنا وأصبح الملك لله رب العالمين
سلام سلام زقازيقاب سلام

أيام زمان وقت القرايين والكتابين في ندرة
واحد جاتو رسالة مهمة من شخص مهم ومابعرف يقرا
مشى المقهى ولقى الناس ماخدة راحتها الماسك ليه كباية شاي
أو قهوة أو كباية شاي بلبن تفرس وتفحص الناس مين البعرف يقرأ
مين البعرف يقرأ، لين شاف ليه واحد متهندم صاح عمتو متلتلة قال
بس ياهو ده البعرف يقرأ اداه الرسالة، الراجل قال ليه مابعرف أقرأ
صاحب الرسالة قال بالله عمتك الكبيرة دي مابتعرف تقرأ، صاحب العمة
على طول لبسه العمة وقال ليه خذ أنت اقرأ
Post: #3379
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 07:27 AM
Parent: #3372

أصبحنا وأصبح الملك لله رب العالمين
سلام سلام زقازيقاب سلام

ياجماعة الحكاية شنو نعمل مداخلة تتكرر مرتين وثلاثة
وهاك ياتعديل يازهير ويادودي شوفو لي حل
صاحبنا مدثر ابا يزيد كان مرحعنا والظاهر سافر السودان
Post: #3380
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 08:18 AM
Parent: #3379




ربنا يخلي بابا وماما ،،،،،

بس يا عبدالدائم ما كنت معاك أمبارح بالهاتف
وعارف النيت كان معطل عندنا كامل اليوم،،،
أدينا فكرة بس ،،،،،

عموماً أنحنا يوم الخميس عندكم على الرقم من بداية الأمتحانات
إلا حنأجر الدباب ونكون معاكم علشان عذاري ،،،،،،،،،
Post: #3381
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-15-2010, 08:30 AM
Parent: #3380

تحية و سلام لأجدع ناس ..
ـ

بحمد الله وفضله تم إجراء عملية جراحية ناجحة للأخ الزقازيقابي الفاضل الباشمهندس / أبو بكر محمد أحمد الطيب ( هندسة الزقازيق ) و ذلك لإستئصال الطوحال ..
زميلنا الخلوق / أبو بكر يتعافى حالياً بمستشفى الأمل بكوبر غرفة ( 14 ) موبايل ( 00249126413349 ) ..

ألف حمداً لله على السلامة يا باشمهندس و كفارة و أجر إن شاء الله تعالى .. و نسأله تعالى رب الناس أن يذهب عنك البأس و يشفيك شفاءاً تاماً من كل سقم و ألم ..
Post: #3382
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-15-2010, 08:40 AM
Parent: #3381

سلامات يا ناس

وصباحات التفاؤل

Quote: عيد ميلاد سعيد لبتنا الجميلة عذاري .... وعقبال مية شمعة .... عايزين بالمناسبة دي نسمع أغنية من أبوها
Post: #3383
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-15-2010, 08:47 AM
Parent: #3382

سلامات يا ناس

Quote: زميلنا الخلوق / أبو بكر يتعافى حالياً بمستشفى الأمل بكوبر غرفة ( 14 ) موبايل ( 00249126413349 ) ..



ألف سلامة للباشمهندس ابوبكر واجر وعافية ان شاء الله
Post: #3385
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 09:17 AM
Parent: #3383

سلامات يا باشمهندس ابوبكر

ان شاء الله أجر وعافيه ،،،،

نتمنى ليك كامل الشفاء،،،،
Post: #3384
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-15-2010, 08:57 AM
Parent: #3381


الدبرسة ---كائن حى
يمشى ويتحرك بين الناس
مرات يمشى بس , وساعات يجرى
تارة يهرول , واحيانا يعدو , ومرات تانية يمشى الهوينى
كما يمشى الوحى الوجل
عشان كده , سياستى مع هذا الكائن السخيف
هى (السردبة )
تتركه يفعل ما يفعل , تشعره بعدم رغبتك فيه واستثقالك له
ولكن حذارى من المقاومة السلبية , وحالات المقاومة غير المحسوبة
تحدثت مع نجيلة (ياسر )
ونصحته بان لا يعود للكتابة معنا , الا بعد ان يقضى على هذا الكائن , قضاءا تاما
عليه الا يعود الا متاكدا من انهيار آخر جيوب المقاومة
عارفين السفنجة بتمتص موية قدر شنو ؟؟!!
كن مثلها , سردب , واضرب معامل الأمتصاص الفى الأسفنجة
فى مضاعفاتها المنطقية قدر ما تقدر
ولمن تلقى نفسك شربت دبرسة لمن رويت
شوف ليك اقرب حوض , اتمصر , واتعصر , امرق الجواك
ثم شغل اجهزة قياسك وشوف درجة حرارة (المعصور )
وعلى اساسه قرر احتاجك اما الى
تلاجة
او
بوتاجاز
ويمكن ما يكرويف
ثم ارجع الينا , دافئا كما كنت
لا نريدك لا ساخنا ملهلبا فتحرقنا
ولا باردا مثلجا
تجمد فينا فيضانات الدم الجارى
واذا اردت جهازا عبقريا يشتغل بارد حار وما يصرفش كهرباء
فعليك ببوست زينب التيجانى البهناك
فهو عن (امهاتنا المدهشات )
الحارات الباردات , اللينات الخشنات , الباكيات الضاحكات
حبى ليكم
حب ما اعتيادى
Post: #3386
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-15-2010, 09:24 AM
Parent: #3384


ومن اجهزة القياس التى تجدها بالصدفة منتشرة فى المواقع اللكترونية
فتركن اليها , تكون شاعر بنفسك عندك حمى
تشتغل ليك كمادات
ولا شاعر بى برد زى كانك القطب المتجمد
فتلقى ليك بطانية وملفحة بيطلعوا هواء دافىء
هى مبادلات التهانى الأسفيرية باحاسيس عادية عند المدبرس
ولكنها مفعمة بى دهشات الدنيا والعالمين
عند المليانين حياة وبهجة
القدرة على الدهشة , ربى ما تحرم منها زول فى الدنيا دى
اللون القرمزى والوان الفوش والموف والبنك
كلها تعاكست عندى انا المدبرس , تداخلت قدامى فخرجت بلون فرح خرافى جديد
عذارى
قريب ده قلنا لى امك وابوك مبروك عليكم عذارى اخت عناب
الألوان كانت ياها الألوان
ولكنها تحركت للأمام , غطت مساحات اكبر , ولونت الكثير من البقاع غير الملونة
او المكتسية بالوان السجم والرماد
فاحالتها الوان فرح جذاب , تحط عليه الفراشات من (امثالك )
تاركين , الأعمام والعمات
متحلقين ومتحلقات
ينشدون لثمة هنا , او (بوسة ) هناك
علها تأتيهم بجانب من مما ينتجه (نحل الفراشات )
من عسل
رائق مصفى
او على الأقل
يكتحل
بى عيون (مليانة ) الفة
كل سنة وانتى طيبة يا عذارى
Post: #3387
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-15-2010, 09:35 AM
Parent: #3386

ولمن نشوف سمكة جلا دى
تجدون لى الف سبب
ومليون مبرر , لى (جكتى الخايف عليها )
هذا سمك عوضية تماما
الخالق الناطق
كل واحدة منها , تحتاج لى قارورة زيت العربى لقليها
والوصول بها الى مألآتها المحتومة
لأجهزة سبعة زقازيقاب الهضمية
الفارح جمال , وشريف حقوق , والزناتى زهير , واسامة خضر , والمبارك جادين
سادسهم منصور الجاكى
اما سابعهم , فهو الذى نسى تلفونه عمدا
عند بنت شيخه
ومن ينسى الموبايل (عمدا )
غير شك (بيقدر يلايق الما بتلايق , السمك واللبن والتمر هندى )
مشتاقين يا جلا
Post: #3388
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 03-15-2010, 09:39 AM
Parent: #3386

خالص التعازي للأخت عزة التيجاني
ولوالدها الرحمة والمغفرة
وحمدا لله على سلامة الباشمهندس أبوبكر
Post: #3389
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 03-15-2010, 09:40 AM
Parent: #3386

عقبال مية شمعة يا أمورة
إلى عذارى
وكفى
Post: #3390
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 03-15-2010, 09:41 AM
Parent: #3386

عقبال مية شمعة يا أمورة
إلى عذارى
وكفى
Post: #3391
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 03-15-2010, 09:47 AM
Parent: #3386

الدكتور عبدالروؤف قرناص
خريج صيدلة الزقازيق 1981م
مرشح لمنصب والي الولاية الشمالية
تجدونه في الفيس بوك مجموعة عبدالروؤف قرناص
وكذلك تجدوني في الفيس بوك مجموعة عبدالحفيظ عباس صديق المحامي
يلا أتفضلوا وأدعموا
Post: #3392
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 10:16 AM
Parent: #3391

خالص التعازي للأخت عزة التيجاني
ولوالدها الرحمة والمغفرة

إنا لله وإنا إليه راجعون،،،،

المرشح عبدالحفيظ عباس ولدنا المحامي
نتمنى أن يوفقك الله والدعم الزقازيقي واجب

يضاف للائحة الزقازيقية الدكتور عبدالرؤوف قرناس
مرشح والي الولاية الشمالية ،،، حدي يعرف د. عبدالرؤوف

يكتب لينا عنه نبذه.
Post: #3393
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-15-2010, 10:34 AM
Parent: #3392

سلامات يا باشمهندس ابوبكر

ان شاء الله أجر وعافيه ،،،،

نسأل الله له تمام العافية...
Post: #3394
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-15-2010, 11:36 AM
Parent: #3393

Quote:
بحمد الله وفضله تم إجراء عملية جراحية ناجحة للأخ الزقازيقابي الفاضل الباشمهندس / أبو بكر محمد أحمد الطيب ( هندسة الزقازيق ) و ذلك لإستئصال الطوحال ..


نسأل الله ان يعطي اخي ابوبكر الصحة والعافية و أن

يديمها عليه .
Post: #3395
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-15-2010, 11:47 AM
Parent: #3394

مشكورين يا احباب على التهانى
وربنا يسعد ايامكم ويخلى ليكم عيالكم


تمنياتنا بالشفاء العاجل للاخ ابوبكر
واجر وعافية


يا عبدالحفيظ يعنى ممكن نصوت ليك عبر الفيس بوك


يا زهير الحيث داك انا ما حافظو ، شفيتو من القوقل


معتصم سلمان والله اى زول هنا مشتاق ليك

يا ميسرة دى هدية شنو الجايبنها بالدباب
يعنى نفتح باب الحوش ضلفتين ،،،
( الدباب هو عربية نقل صغيرة ) يا جلا
تكون اوضة نوم العروس ....
Post: #3396
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-15-2010, 12:31 PM
Parent: #3395



عيد ميلاد سعيد
العروسة عذاري
وعقبال مائة شمعة
Post: #3397
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-15-2010, 12:37 PM
Parent: #3396

يا ميسرة دى هدية شنو الجايبنها بالدباب
يعنى نفتح باب الحوش ضلفتين ،،،
يا جلا تكون اوضة نوم العروس ....
======================

لو كنت ما مصدقنا أصبر لحدي
يوم الخميس بعد المغرب كان ما
لقيت الدباب جنب بيتكم أنا تاني
ما بكتب في البوست ده
وجلا ما بحلك مننا .
Post: #3398
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-15-2010, 12:47 PM
Parent: #3397

من سنير سنايرنا المبجلين الأخ الزقازيقابي / حامد عبد الله حامد تلقيت هذه الرسالة الطيبة ..


Quote: الاخ عصام
تحيه عطره
لقد جئت فى زياره من الولايات المتحده الامريكيه الى دوله الكويت لزياره اختى الصغيره وكنا نتبادل الحديث
عن الزقازيق وايام زمان ففاجاتنى بان هنالك بوست كامل للزقازيق فى سودانيز اون لاين ولم اتردد لحظه فى تصفحه ووجدت فيه كل الزكريات الجميله والاسماء التى كنت اتمنى ان التقيها من ذاك العهد
انا
حامد عبدالله حامد
الملقب ب (حامد تتش) انذاك
تخرجت عام 1981
من كليه العلوم
دفعت منتصر الطيب ابراهيم
ابراهيم يوسف جميل
ابو بكر الشيخ النور
عبد المحسن حجازى
سيف الماحى
عطا التملوسه
عقيل عبدالسلام زروق
احمد ابو سبح
حسن حسيب
حسن بخيت
احمد خلف الله الفيل
الفاتح الامين النور
هاشم سليمان النور
الفاتح دبرشن
عبدالله بون
عصام الصائغ
امير خليل
خالد فضل وزوجته عزيزه
عمر عوض
ايميلى [email protected]
تلفون 0015867377114


و ألف مرحب بسنيرنا المبجل و دفعته من الذين ذكرهم أو الذين لم يرد ذكرهم و أنه لمن دواعي سرورنا أن يكون هذا البوست و منبر ناس الزقازيق وسيلة لتواصلهم معنا و فبيما بينهم .. و لجميع الأخوة الزقازيقاب الذين يتابعوننا ععبر المنبر و البوست ننتظر تواصلكم معنا عبر رسائلكم على إيميلات جميع الزقازيقاب الأعضاء هنا أو على إيميلي ..
[email protected]
Post: #3399
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 12:52 PM
Parent: #3397

Quote: وهل تعلمون أن البوست الكان بيهز ويرز بقى طوالى

قاعد بى مزاااااااج فى الصفحة التانية وفى منتصفها؟؟؟

حقو الناس تدير نقاش حول هذا التراجع..

مع تقديرى للجميع


كلام الكوتش ده كلام في الصميم

ما مفروض نتجاوزة ،، لأنه بيمثل

نقطة جوهرية ونحن نعايشها حالياً

نأمل التطوع بالنقاش.
Post: #3400
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 01:39 PM
Parent: #3399

Quote: حامد عبدالله حامد
الملقب ب (حامد تتش) انذاك
تخرجت عام 1981
من كليه العلوم


مرحب بأخونا الزقازيقي حامد التتش
ونحن سعيدين جداً بوجودك معنا في داركم
ولقد ذكرت اسماء كثيره من الرعيل الأول
ونحن ناس الزقازيق أجدع ناس نأمل في إيجاد
رابط ما بين الرعيل الأول وحتى الخريجين في التسعينات
مرحب بيك مره أخرى ونأمل التواصل،،،،، ولو عبر الإيميل
Post: #3401
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 01:46 PM
Parent: #3400

أعوذ الله من الشيطان الرجيم

رجع الهكر في المنبر العام تاني

أخرجوا أحسن ما يسرق الباسويرد بتاعكم
Post: #3402
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-15-2010, 01:51 PM
Parent: #3399

Quote: وهل تعلمون أن البوست الكان بيهز ويرز بقى طوالى

قاعد بى مزاااااااج فى الصفحة التانية وفى منتصفها؟؟؟

حقو الناس تدير نقاش حول هذا التراجع..

مع تقديرى للجميع

--------------------------------------

كلام الكوتش ده كلام في الصميم

ما مفروض نتجاوزة ،، لأنه بيمثل

نقطة جوهرية ونحن نعايشها حالياً

نأمل التطوع بالنقاش.
Post: #3403
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-15-2010, 02:47 PM
Parent: #3402

<EMBED SRC=http://www.sudanvoice.net/v2/nnnnnnnnnnn11.mp3 AUTOSTART=true LOOP=FALSE WIDTH=145 HEIGHT=55 ALIGN=CENTER><BR></EMBED>
Post: #3404
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 04:59 PM
Parent: #3403







أخوك ده ياجلا قول ليه يقلل التفكير شوية
Post: #3405
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 05:52 PM
Parent: #3404

وهل تعلمون أن البوست الكان بيهز ويرز بقى طوالي

قاعد بى مزاااااااج فى الصفحة التانية وفى منتصفها؟؟؟

حقو الناس تدير نقاش حول هذا التراجع..

مع تقديرى للجميع


الموضوع مامحتاج لنقاش ، اليس بوستات منبرنا عامرة

إذا السبب باين
وإذا علم السبب بطل العجب








نشوف في الفيل ونطعن في ظله
Post: #3406
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 05:52 PM
Parent: #3404

وهل تعلمون أن البوست الكان بيهز ويرز بقى طوالي

قاعد بى مزاااااااج فى الصفحة التانية وفى منتصفها؟؟؟

حقو الناس تدير نقاش حول هذا التراجع..

مع تقديرى للجميع

ـــــــــــــــــــــــــــــــــــــــــ


الموضوع مامحتاج لنقاش ، فقط عايز حلول ومعالجة

وبموجب السلطات المخولة للسيد الريس ميسرة ممكن يصدر بيان

ينظم فيه حركة البوست ، ويحق له أن يستخدم سياسة العصا والجزرة








نشوف في الفيل ونطعن في ظله
Post: #3407
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-15-2010, 05:54 PM
Parent: #3404

Quote: أخوك ده ياجلا قول ليه يقلل التفكير شوية

أحمد أسماعيل...التفكير ساهل...لكن الكرش دي خلتني أقوم ألبس ملابس الرياضة وأتجهز للجكة...
Post: #3408
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-15-2010, 07:14 PM
Parent: #3407





فعلا ياكابتن الرشيد

التفكير السليم في الجسم السليم


ولا شنو ياجلا
Post: #3409
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-15-2010, 08:50 PM
Parent: #3408

يا احمد اسماعيل سلامات

عليك الله احكي لي قصتك مع جلا الليلة شنو ....

في زول يا جماعة عارف إنه الهلال لاعب مع أهلي مدني .؟
والله حليلك يا محمد عيد ...


العزيز عبد السميع دفع الله سينتقل قريباً نائباً لقنصل السودان باديس ابابا ... ويا جماعة أي زول عايز يأجز بعد ده أديس ابابا راس .... البلد رخيصة 200 دولار تقعدك شهر ... والمواصلات بعربية مبارك جادين ... طيارة مافي ... يعني إجازة لوقعدت في بيتكم تصرف أكتر منها ....
اها يا جماعة العندة النية يسجل إسمع عند محمد صديق ....
Post: #3410
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-15-2010, 10:28 PM
Parent: #3409

ما اصعب الشعور بالفشل
واجترار مرارته
لتدخل فى دوامة من الاحباطات
انه الفشل فى النهوض بهذا الكيان
بل الفشل فى تحريكه كما نريد له
وقد صدق د.معاويه حين قال
افردت حلة وزينة من الرفقاء
واستفردت بخير انداد فى كل لقاء
ثورى فانت ام يا زقازيق واستعيدى الابناء
نعم انا فشلت
فليتقدم اخوتى منكم من يحقق لنا الحلم
وسيجدنا باذن الله خلفه نشد من ازره
علنا نبلغ المرام فحرام ان تضيع الام
وابنائها كثر
والله من وراء القصد
Post: #3411
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-15-2010, 10:33 PM
Parent: #3409

سلام يا ناس
شوية دبرسة كدة
اليوم اكملت والدتي رحمة الله عليها عشة بت ابو دية
ثلاثة اعوام وهي تحت الثرى
رحمها الله رحمة واسعة
اللهم تقبلها قبولا حسنا وارزقها الجنة وقها عذاب القبر والنار

اتوسل من الجميع الترحم عليها
انا لله وانا اليه راجعون


الله يعدي الاسبوع دة
ل شك سيكون حزينا حد القهر
Post: #3412
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-16-2010, 00:20 AM
Parent: #3411

ود جبرين الحبيب ...

أسأل الله ان يرحم والدتك ويجعل الجنة مثواها

وأسأله جلت قدرته ان يغسلها من الذنوب بالماء والثلج والبرد

وان يبدلها دارا خيرا من دارها .. وأهلا خيرا من أهلها ...

وان يجعلها فى عليين .. مع الشهداء والصالحين ...آمين

وأسأله عز جلاله ان يلزمك واخوتك الصبر الجميل ...

وان يمد فى برّكم لها بالدعاء ثم الدعاء ثم الدعاء لها

وأكثر يا اخى من تلاوة القرآن فى هذه الايام ...

فهو سيأتى شفيعا لها ولك باذن الله ...

دمت أخـــى ... ودام برّك لوالدتك
Post: #3413
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-16-2010, 06:13 AM
Parent: #3412




اللهم نسألك إيمانا صادق وقلبا خاشعا ويقينا صادقا وعلما نافعا
اللهم نسالك العافية وتمام العافية والشكر على العافية
واللهم أعنا على ذكرك وشكرك وحسن عبادتك
Post: #3414
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-16-2010, 07:11 AM
Parent: #3413

بسم الله الرحمن الرحيم
يا هو دا الكوبي بيست و لا بلاش


اللهم نسألك إيمانا صادق وقلبا خاشعا ويقينا صادقا وعلما نافعا
اللهم نسالك العافية وتمام العافية والشكر على العافية
واللهم أعنا على ذكرك وشكرك وحسن عبادتك
Post: #3415
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-16-2010, 07:47 AM
Parent: #3414

يازهير لايختلف إثنان في حبنا لجلا
على حسب علمي أكثر سودنة لأنه عايش
4 بيئات سودانية، كردفاني وكسلاوي
وأخيرا خرطومي وأيضا وادي حلفاوي
لأن كل من إفترش فندق الرمال بحلفا
يعتبر عاش البيئة الحلفاوية

وبعد ده كل زقازيقابي
Post: #3416
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-16-2010, 07:59 AM
Parent: #3414

صباح الخير،،، يا وجوه الخير

أصبحنا وأصبح الملك لله ،،، وحده

نسمات صباحية:

اللهم إني أسألك باسمك الطاهر الطيب المبارك
الأحب إليك الذي إذا دعيت به أجبت وإذا سئلت به
أعطيت وإذا استرحمت به رحمت وإذا استفرجت به فرجت
أن تغفر وترحم أمنا وأم الجميع عشة بت أبودية رحمة واسعة
وأن تجعل الجنة مثواها يا رب العالمين.



"ربنا آتنا في الدنيا حسنة...
وفي الآخرة حسنة...
وقنا عذاب النار"
Post: #3417
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-16-2010, 08:42 AM
Parent: #3416




المرحومة إن شاء الله أم طارق جبريل

اللهم أجعل قبرها روضة من رياض الجنة
ونسألك اللهم أن تزيد من حسناتها وتتجاوز
عن سيئاتهاوتلحقها بالصالحيين في الفردوس الأعلى
ياأرحم الراحم

اللهم لاتفتنا بعدها ولاتحرمنا أجرها وأختم لنا بخاتمة السعادة أجمعين
Post: #3418
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 03-16-2010, 08:45 AM
Parent: #3416

اللهم ارحم و أغفر للخالة عشة بت أبودية

وأجعل قبرها روضة من رياض الجنة

والهم أهلها وذريتها وابنها طارق الصبر الجميل

يارب العالمين
Post: #3419
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-16-2010, 09:59 AM
Parent: #3418




اللهم انى أسألك باسمك الطاهر الطيب المبارك
الأحب إليك الذي إذا دعيت به أجبت وإذا سئلت به
أعطيت وإذا استرحمت به رحمت وإذا استفرجت به فرجت
أن تغفر وترحم أمنا وأم الجميع عشة بت أبودية رحمة واسعة
وأن تجعل الجنة مثواها يا رب العالمين
Post: #3420
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-16-2010, 10:19 AM
Parent: #3419

يا ريس معتصم كودات الاغانى ما شغالة واقفة
بكرى مانع الغنا عشان كده الناس مدبرسة ومهمومة

وهمك الكبير والله عايشو معاك .... خليها بس

،،،،،

يا زهير انتو الملح والانتشار ده حدو وين
سمعة يادوب ماشى ادوهو فرصة يتفسح شوية
وبعدين الناس بعد الاربعين بجو الحج
اديس شنو فى العمر ده ، لو ضربتكم مطرة ساكت
بترقدو اسبوع .................................
لوووول
Post: #3421
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-16-2010, 11:42 AM
Parent: #3420

لالالالالالالا لا, كلو الا اديس ابابا دى
ولا اقول ليكم و اخير نرتب الكلام
الهم فى الأول , ثم بعدين اللى بعده فى الأهمية
الأهم فى الأول , هو الترجم على والدتنا المرحومة الحاجة بت ابو دية
والدة حبيبنا المسنوح طارق وليد جبرين
ومن خلالها ندعو لأمهاتنا كلنا , الحياء منهم وألأموات
ربى يرحم امى انا , الحاجة ام الحسين بت بشرى
يا ربى ترحمهم كلهم , وتجعل قبورهم روضة من رياض الجنة
واحفظ لينا بركات دعواتهم لينا , آمين يا رب العالمين


اما موضوع اديس ابابا ده , يا زهير كلم عبد السميع دفع الله
قول ليهو و من الليلة , انت صاحبى الوحيد
الوحيد شنو ؟؟!!عبد السميع ده اعز اصحابى يا اخ
من زمااااااااان , وانا عبد السميع اللميع ده ما برضى فيهو كلمة
قول ليهو منصور قال ليك لمن جيتنا فى العرس
صاحبك منصور مش دبل ليك صحن العشاء ؟؟!!
وتيب !!!!!!!!!!!!!!!!!!!!!!!!!!!!!!!
Post: #3422
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-16-2010, 12:03 PM
Parent: #3421


بعض الأشارات السالبة تحمل معها اعاصير ورياح (القلق )
ماكتبه الريس معتصم , عن الفشل وما ادراك ما الفشل
يثير القلق , ويستوجب ان نتعامل معه بعقلانية وتروى
نعرف تماما , انه اذا كانت النفوس كبارا , تعبت فى مرادها الأجسام
ولكن يجب ان نبعد نفسنا من تيارات التوتر
على مستوى التلاقى الأسفيرى , والتواصل الأجتماعى , فان الرباط مابين الناس , فى موقع افضل ولا شك
والتلاحم النفسى كذلك
ولكن على مستوى (النفوس الكبيرة اللى بتتعب الأجسام )
فنحن فعلا ما نزال بعيدين
بعيدين لأننا اصلا ماكونا لا فكرة ولا اتوحدنا حول تارجت معين
لكن ده كله قاعدتو بقت موجودة
صدقونى اول ما الرؤية تكون واضحة ويبقى فى هناك هدف معين
فان وجود امثالكم , يا ريس معتصم , سيكون هو سلاح تنفيذها الفاعل والماضى
والى ان يحدث ذلك و لا تسمح للتوتر ان يأخذ منك مساحة اكبر
حتى فى موضوع البوست ده , فان قلة المشاركات فيه من فترة لأخرى
امر لا يستوجب عندى سوى التأمل
الدنيا مزيج ايقاعات متنافرة
ما تنتظروا انها كلها تكون على شاكلة (انتى كلك زينة وعايمة كالوزينة ويحفظك مولاى )
ولا ممكن طوالى كمان تبقى على نسق , عقد اللولى يا بت يا حلوة يا غولى )
حاتكون اكيد شذرات من ده و ونفحات من داك , فعودوا نفسكم ان تمثلوا ايقاعكم كما هو
دون زيادة ولا نقصان , لمن العزف يكون جيتار , ما بالضرورة يدخل معاهو الساكسفون طوالى
لا تاخذكم (ثقافة الأورغن ) القادر على تمثيل كل الات الموسيقى , مآخذ بعيدة
الدنيا دى فيها رق , وفيها ساكس , وفيها جيتار و وكمان فيها كمان وقانون
استمتعوا بكل لحن , ولا تستعجلوا لحظات سيادة الأورج
Post: #3423
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-16-2010, 12:03 PM
Parent: #3421

اللهم إني أسألك باسمك الطاهر الطيب المبارك
الأحب إليك الذي إذا دعيت به أجبت وإذا سئلت به
أعطيت وإذا استرحمت به رحمت وإذا استفرجت به فرجت
أن تغفر وترحم لأمهات الجميع...الحاجة عشة بت أبودية...الحاجة ام الحسين بت بشرى
و جميع أمهات المسلمين رحمة واسعة
وأن تجعل الجنة مثواها يا رب العالمين.
Post: #3424
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-16-2010, 12:25 PM
Parent: #3423

فى الحقيقة ان لحظات سيادة البوست ده
وايام صفاه وعزه , بقت ما زى زمان
وده راجع لى نفسيات الناس
وقدرتهم على خلق الموضوع الواحد
شوفوا بوستات المنبر بهناك , بعد ان توحدت محتوياتها موضوعيا
حتى تلك البوستات المنبرية , وحتى فى لحظات نزول منحنياتها الى الأسفل
تظل هى دوحات يرجع اليها كل منا , فى لحظات صفاه
وليس دائما مطلوب ان تتوحد لحظات الصفا تلك وتلتقى
المهم ان يأتى كل ويغتنم لحظات صفاه الأغتنام الأمثل
النتيجة النهائية حاتكون مدهشة , حاتكون ليه , ماهى مدهشة فعلا
كل بوست من البوستات دى فعلا بقى محطة ادهاش متنقلة
صحيح انو منحنياتها على شكل طالع نازل
ولكن هذا لا ينفى ادهاشها وقوتها الجاذبة وكونها قد اصبحت (سحارة ) يلقى فيها كل منا (قرقريباتهو وبستلاتهو )
لا تتعاملو مع بوستاتنا , تعامل الخطوط التلفونية
ولاتتوتروا متفاعلين مع رسوماتها البيانية , نزولا وطلوعا
نحن نحيا ونعيش , ومن يحيا ويعيش , يفرح كما يجزن
يضحك زى ما بيبكى
تعرفوا المشكلة شنو
انا مثلا , زيى زى معظمكم , اذا ما تملكتنى الدبرسة , فانا (اسردب ليها واستسلم )
ولا استطيع اظهار اى مظهر من مظاهر التفاعل الأنسانى مع حالاتها
لكنى معجب ايما اعجاب
بقدرات زى حقت اخونا طارق ود جبرين
فهو على رغم دبرسته الكثيرة
فانه يمر , حتى ليقول انا مدبرس وقافلة معاى
فينتزع منك تعاطفا وجدانيا على اقل تقدير
اما عاد بك الى الكتابة , او دخلك معاهو (للمخزن )
تستعين على زهجك ودبرستك
بمحادثة القراقيب والبستلات والمفاريك
ومجادعاتها المتناغمة
مع الأسكراتشات والحافظات الساخنة والباردة , وخلاطات المولينكس
ازهجوا ودبرسوا زى ما دايرين
بس ارجوكم و ما تتوتروا
Post: #3426
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-16-2010, 12:37 PM
Parent: #3424

شكرا يا شباب ورحم الله جميع موتانا يا رب


يا منص يا حبيبنا
تعرف اقوليك شي
والله لمن تكون قافلة معاي وواقف لمبة بجي بي هنا وبقرأ مداخلات الناس
وبقول زي ما قال عادل الجعلي: الناس دي بتجيب الجمال دة من وين
بحس بي راحة قوية
بحس انه بفرق شديد معاكم
ناس كدة تحس انك حبيتهم لله وهم حبوك لاجل هذا الاله
حتى لو مدبرس بجي بقول يا جماعة انا مدبرس
لكن ما بتوتر لانه القصة ما مستاهلة
ممكن تزعل تطش وتطفش كمان
بس بتجي تلقى الناس الحلوة دي تسأل منك


هسي الايام دي والله مزهجاني غيبة كمال الشادي وياسر نجيلة وود جبارة
الناس دي بتدي المنبر دة نفحة من العطر
ياخي الله يحفظكم ويحفظ اسركم يا رب
Post: #3428
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-16-2010, 12:53 PM
Parent: #3424

بختك يا عبد السميع دفع الله
انا احب هذه البلدة , حبا جما
لو عاوز زول تعينوا معاك مساعد لى نائب القنصل , انسب زول انا
على فكرة , بدأت زياراتى لهذه (الزهرة الجميلة ) من زمن بعيييد
تحديدا وانا انوى الزواج , وافكر اين اقضى شهر العسل , بدأت قصتى مع هذه المدينة الفاتنة
لمن قربت اجازة العرس بتاعتى تبدأ , طبعا ما حا اقول ليكم متين ولا سنة كم
نصحنى زميل عمل بان اقضى شهر عسلى فيها
كنت مترددا , فانا اعرف القاهرة مثلا واحبها واعلم ان ةفيها برامجا تكفى تلاتة شهور عسل , وليس شهر عسل واحد
هذه الحيرة هدتنى لفكرة وسط , ان اتفقد اديس ابابا وانا فى طريقى للسودان للزواج
النشوف مويتها كيف , ثم يكون القراربعد التشاور مع (السلطات العليا طبعا )
قطعت تذاكرى (على اللوفتهانزا على ما اذكر ) رياض -جده اديس -خرطوم-اديس -جده - رياض
على اساس ان امر على اديس ابابا مرتين , ذهابا وايابا , وان وافقت السلطات العليا كمان
فان المرور سيكون على ثلاث مرات , منها مرة شهر عسل
حقيقة , استطاعت اديس ابابا ان تسحرنى من النظرة الأولى
قضيت فيها يومين ذهابا , جعلتنى ارتب لشهر عسلى حتى قبل ان اصل للخرطوم
كانت اديس , تلك الأيام , بلدا تكسوها مظاهر الفقر والعوز
الشحاذون والمتسولون فى كل اشارة , اكثر من عدد السيارات نفسها
ولكنها مدينة ساحرة بكل معنى الكلمة
ساحرة بجوها , بطقسها البديع , بمطرها الذى لا يتوقف عن الهطول
وحباته التى لاتكف عن (دغدغتك ) فى (حنانك زاتو )
عندما قلت لبت شيخى اقتراح شهر العسل
كان على شاكلة
عندى ليك حتة نقضى فيها شهر العسل , حاجة خرافة
وافقت فورا من فرط تأثير مكناتى الكبيتها كب السنين
ولكن -الحمد لله - اقتراحى ما وقع واطة
بت شيخى وام العيال
من ةعاشقات الزهرة الجميلة ايضا
بدأت زياراتنا ليها فى شهر العسل
ولكنها لم تتوقف بعد ذلك ابدا
بقيت اى مشية للسودان عندى , ياتمر باديس ابابا , يا تمر باديس ابابا
صحيح خيار القاهرة دائما موجود
ولكنها لا يتغلب علينا , الا لرغبة الأولاد , اللبطبيعة الحال ب يحبوها اكثر من اديس
تقول شنو فى وليدات الزمن ده
يكبروا ان شاء الله ويغيروا رأيهم , زى ابوهم وامهم
اما وقد سكن فيها , عبد السميع اللميع
فالوليدات كان دايرين يمشوا القاهرة , يمشوا براااااهم
احبك يا عبد السميع اللميع
Post: #3425
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 03-16-2010, 12:30 PM
Parent: #3423

اللهم ارحم امواتانا واموات المسلمين جميعا
وارحم الحاجة عشة بت ابودية رحمة واسعة
والهم اسرتها الكريمة الصبر وحسن العزاء
يا ود جبرين الله يصبرك ويصبرنا جميعا على فقد الامهات
طبعا يا صديقي بفقد الوالدة احسست انني فقدت شخص مهم جدا بالامس القريب ذهبت للعزاء في وفاة والدة احدي صديقات الوالدة بالعباسية وامي كانت فاكهة المجالس وركن اساسي في حينا ومجلسها يجي فيه كل نانسوان الحلة المهم انني وانا اعزي سعاد اب عجاج مسكتني وبكينا سويا بتذكر الاحباب عليهم رحمة الله عندما تفقد امك افادك الله تحس ان مكان في قلبك قد اصبح خاليا لا تستيع اي مخلوقة اخرى ان تسكن فيه مهما كانت معزتك لها فالام لايعوض فقدها فاذا ماتت الزوجة لاقدر الله يمكن ان تتزوج اخرى واذا مات الابنة او الابنةيمكن ان ترزق باخرى او اخر لكن الوالدين يا حليلم .فانشاءالله تعيش وتفتكر ودمتم سالمين


ملحوظة :ساعود في بوست تاني واحدثكم عن ثريا بت محمد(الوالدة عليها رحمة الله) والتي لايمكن الحديث عنها دون اختها خالتنا وامنا صفية محمد جادين بنات بتول عبدالله ادم
Post: #3427
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-16-2010, 12:41 PM
Parent: #3425

مبارك يا جادين
رحم الله الوالدة ثريا والخالة صفية والوالدة ام الحسين واسكنهم فسيح جناته

افضل ان تكتب فى بوست زينب التجانى ( امى الله يسلمك )

يا بركة بالامس ظهر احد خريجى علوم القدامى اخونا ( تتش ) فاتنا ان نرحب به
وممكن نقلع باسورد اسامة ابتر ود علوم الاختفى ونديهو للتتش
Post: #3429
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-16-2010, 05:26 PM
Parent: #3427

رحم الله الوالدة عائشة ابو دية .....
ورحم الله الوالدة ثريا ونحن في إنتظار أن تكتب لنا عنها يا مبارك ،،، ونحتاج أن نكتب عن أمهاتنا عسي أن نرد لهن قليل من كثير ....
Post: #3430
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-16-2010, 05:41 PM
Parent: #3429

سلامات يا ناس

حاجة عشة بت ابودية قبل ما تكون والدة طارق واخوانه

كانت والدتنا كلنا ...وناس الزقازيق الجوها فى بيتا

ده احساسهم وحتى اولئك الذين قابلوها عند حضورها الى

الزقازيق فى احدى السنوات...

لها الرحمة والمغفرة والجنة ان شاء الله...

ورحم الله الحاجة ثريا واسكنها الجنان...

والرحمة والمغفرة لكل موتانا..
Post: #3431
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-16-2010, 06:57 PM
Parent: #3430

ما شاء الله ...
الكثير المثير الخطر ...
بس نبدأ وتيمناً بشيخي "منصور" بالاهم والأهم
فرحمة الله على الوالدة عشة بت ابودية والوالدة ثريا بت محمد
ونسأل الله ان يغفر لهما ويرحمهما وفي اعالي الجنان ان شاء الله
وان يطرح البركة في زريتهما ........

-----------------
مبروك ...
ياعبدالسميع ... وان شاء الله وحسب الحندكة بتاعت منصور دي
قريب نكون معاك ... بس انت تصل بالسلامة وتجيه البيت وكدا ونقوم ننط ليك
زهير ياداقس 200 دولار شنو 100 بس انت قايلني انا منصور
يافالح انا بمشي براي "تقليلا للنفقات"
-----------------
ترحيب
وترحيب حار بالريس معتصم والريس مبارك جادين
وعبر عني جبرييلا تماماً فغياب اي منكم عن هنا يدخل في النفس الكثير من الحزن ... فلا تغيبوا
فتمتلي نفوسنا بالحزن والكدر
-----------------
كسير تلج
والتحية للمثابر ابوعمر جمل الشيل كل مرة "ناتل" ليكم البوست من قعر المنبر
ومثلها للريس ميسرة ومداخلاته الصباحية ونفحاته التي نستنشقها مع قهوة الصباح
والبادي النور رغم انو مرات بطش كدة "الزول دا قاعد يمشي وين"
-----------------
مشاكسة
ودي فقرة لزول عارف نفسو وكان جابو اسمو الهواء بقسمو
اول حاجة عاوزين "عرض حال" عن الاختفاء في فترات سابقة (لانو عندو مداخلتين هنا)
طبعاً ياجماعة المقصود مش زهير لانو زهير دا رجالة كدة انا عاذروا الايام دي مشغولياتو كتيرة
ولا موسى عيسى العذروا معاهو لانو برضو انا عارف هو مالوا
اها الباقي منوووووووووووووووووا
شوف يازول والله العظيم مداخلاتك لها وقع خاص في النفس
وياك صاحبي المتمم كيفي ... كما قال شيخ العرب فبالله عليك اكثر ولا تقل
-----------------
ياجماعة الفقرة الفوق دي كنت قاصد بيها زول واحد لكن لما عملت "شاهده قبل نشره"
لقيت ليكم الكلام دا بنطبق على كم زول اذا استثنيتم "دي صاح كدة" حكاية (لانو عندو مداخلتين هنا) دي

يلا ... فترت بجيكم تاني
Post: #3432
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-16-2010, 07:31 PM
Parent: #3431

Quote: ما اصعب الشعور بالفشل
واجترار مرارته
لتدخل فى دوامة من الاحباطات
انه الفشل فى النهوض بهذا الكيان
بل الفشل فى تحريكه كما نريد له
وقد صدق د.معاويه حين قال
افردت حلة وزينة من الرفقاء
واستفردت بخير انداد فى كل لقاء
ثورى فانت ام يا زقازيق واستعيدى الابناء
نعم انا فشلت
فليتقدم اخوتى منكم من يحقق لنا الحلم
وسيجدنا باذن الله خلفه نشد من ازره
علنا نبلغ المرام فحرام ان تضيع الام
وابنائها كثر
والله من وراء القصد


قصدت ان افرد لكلام الريس دا مداخلة خاصة ... تتسم بالجدية ... والجدية الشديدة كمان
مش الجدية وبس ... بل الهجوم وان تطلب الامر عكازي جاهز ...
معقولة بس غير منصور مافي زول يتطرق بالإشارة لهذا الموضوع ... يعني فايدتكم شنو ... بس تجوا نضحك ونهزر وخلاص
الزول بينعي ليكم في كيان بحالوا "مهدد بالانهيار" وبقول ليكم انوا الحكاية كلها فشلت ... مش لازم يكون في تصدي
للمسببات وتعاون لمعرفة الاسباب والعمل على حلها .... ما داير ارمي اللوم على زول ... كلنا مقصرين ...
يا اخوان والله الموضوع دا انا شخصياً يعني لي الكثير وياريت لو نحاول بث الروح في هذا الكيان
وهذه دعوة للنقاش رايكم شنو ؟؟؟؟؟؟؟؟؟؟
قبل ان تضيع الام... وابنائها كثر
Post: #3433
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-16-2010, 09:42 PM
Parent: #3432

مساكم الله بالخير
أنا أعترف انو في راسي ريشة...
في راسي مش في عمامتي...الفي العمامة دي ريشة ملوك...
و الفي الراس بتاعت حرامية...على حسب المثل البقول الحرامي في راسو ريشة...
لذلك شعرت ان جلال ده قاصدني أنا...
و أنا أعترف اني قليل التداخل في البوست العام و كثير التداخل في بوستات المنبر...
و أنا أيضا أقر و أؤكد على أهمية البوست العام...
و تأتي أهميته في أن كل أو معظم المتابعين من غير أصحاب العضوية يهتمون به أكثر من المنبر...

أنا أبدأ بنفسي و أعتذر للجنرال جلال و سأحاول أن أزيد من مداخلاتي اليومية...

هذا الكيان يهمني جدا و ان كان قد بدأ التأسيس له من هنا فلا بد أن يتقدم خطوة الى الأمام
و تكملة المشوار و البدء في تنفيذ كل التوصيات و المقترحات التي سبق طرحها هنا...
Post: #3434
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-17-2010, 00:22 AM
Parent: #3433

Quote: ما اصعب الشعور بالفشل
واجترار مرارته
لتدخل فى دوامة من الاحباطات
انه الفشل فى النهوض بهذا الكيان
بل الفشل فى تحريكه كما نريد له
وقد صدق د.معاويه حين قال
افردت حلة وزينة من الرفقاء
واستفردت بخير انداد فى كل لقاء
ثورى فانت ام يا زقازيق واستعيدى الابناء


أخى المفضال .. الريس معتصم ..

لعلك حاولت ان تمس بمبضع النطاسى الخبير .. بعضا من مواضع علّة جسدنا اليافع ...

ولعمرى .. فان دافعك فى اشهار هذه الصرخة او قل الاستغاثة ... روح القيادة والرئاسة

التى تسكن دواخلك ... وتشيع فينا نبض الحماس وقوة الدفع التى نحن فى حوجة لها ...

وانا .. وان كنت لم أصل فى درجة احباطى لما وصلت اليه انت .. الا اننى قد شفا قلبى

بعضا من حديث منصور قبيل ساعات ... وهو الحديث الذى يصــر على رسم ابتسامة الامل

رغما عن كل ألم او ملل او ســـقم ..

كما ان حبيبنا الطاعم ابو الجل فى حديثه .. حدد بعضا من اعشاب الشفاء التى حتما اذا وضعت

فى يد طبيب ماهر مثلك فاننا سنحظى بخلطات سحرية قد تعيد الينا بعضا من شبابنا المفقود

او لنكن متفائلين ونقول ... التائـــه ...!!

أرى ان يســهم كل منا فى وصف بعض أعشـــاب الشفاء .. لعلنا فى وقت قريب ننجح فى

اغناء مشفانا بأكثر من ترياق يبطل الســـموم التى باتت خطرا يهدد بقاءنا ..!!

************

1- أرى انه ولتحريك مياه هذه البركة لابد من عمل كبير يشد الانتباه ويسهم فى تجمع الناس حوله

وليكن فى أى موقع .. فى الداخل او فى الرياض او فى جده ..الخ

2- تنظيم برنامج اسفيرى جذاب يشارك فيه الغالبية طوعا ... بأن ننظم مثلا مسابقة فى اختيار وتنزيل

أكبر صورة تجمع عددا من الزقازيقيين فى ماضينا التليد ... او للتسابق فى استذكار بعضا من الاحداث

الجميلة فى ذلك الزمان .

3- او تنظيم مجادعات بالشعر العامى او حتى الفصيح على ان تكون هنا بالمنبر العام ونستنهض فى ذلك

همم الكثيرين من المبدعين الذين تواروا كثيرا خلال الفترة الماضية وفى مقدمتهم ياسر نجيلة وحات جبارة

والشادى والبرنس ...

4- اترك أمر مشاركة العضوات لهمم وافكار زهرات البوست .. وهن قطع شك جديرات بتحقيق نجاحات كبيره ودوننا

فى ذلك مساهمات عفاف وزينب التجانى المقدرة ...

*********

من سيستلم الميكرفون الآن ..؟؟

قصدى الصباح طبعا ...
Post: #3435
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-17-2010, 06:37 AM
Parent: #3434

صباح الخير،،، يا وجوه الخير

أصبحنا وأصحبح الملك لله ،،، وحده

نسمات صباحية :


من طلب الدنيا بعمل الاخره

فقد خسرهما

ومن طلب الاخره بعمل الدنيا

فقد ربحهما ..~
Post: #3436
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-17-2010, 07:16 AM
Parent: #3435

Quote: ما اصعب الشعور بالفشل
واجترار مرارته
لتدخل فى دوامة من الاحباطات
انه الفشل فى النهوض بهذا الكيان
بل الفشل فى تحريكه كما نريد له
وقد صدق د.معاويه حين قال
افردت حلة وزينة من الرفقاء
واستفردت بخير انداد فى كل لقاء
ثورى فانت ام يا زقازيق واستعيدى الابناء
نعم انا فشلت
فليتقدم اخوتى منكم من يحقق لنا الحلم
وسيجدنا باذن الله خلفه نشد من ازره
علنا نبلغ المرام فحرام ان تضيع الام
وابنائها كثر
والله من وراء القصد


ريسنا الكبير معتصم من يوم أمس أتمعن

فيما هو مكتوب وما حداك أن تكتب ذلك إلا شعورك

بقمة المسؤولية تجاه هذا الصرح العظيم ،،،،،،،

ولكن الفشل والنجاح هما وجهان لعملة واحدة ونسبة

النجاح ليست لها معيار دقيق ،، يكفي بأننا ما زلنا سائرين

على الدرب ويكفينا فخراً هذا التجمع القوي والتلاحم الإجتماعي الموجود

الذي صار حديث المنتديات وقام كثيرين بتقليدنا عسى ولعل أن ينالوا ولو

القليل من بحر الزقازيقاب ،،،،لم نفشل ولو إستعرنا عبارتك التي تقول بأن

(الفشل فى النهوض بهذا الكيان بل الفشل فى تحريكه كما نريد له) ليس بالضرورة

أن ندرك كل النجاح ولكن مع مرور الوقت والزمن سوف تنضج الطبخة ويكون لسان حالنا

علينا أن نسعى وليس علينا إدراك النجاح ،،

نواصل،،،،،،،،،
Post: #3437
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-17-2010, 07:27 AM
Parent: #3436
Post: #3438
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-17-2010, 08:12 AM
Parent: #3437

بسم الله الرحمن الرحيم
معليش جرابنا خاوي من المداخلات
لكن الواحد لمن يلقى الكوبي
يقوم يستمع بالبيست
ما علينا
Post: #3439
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-17-2010, 08:47 AM
Parent: #3437

صباح الهناء والسرور ...

اخونا جلال الله يديك العافية .. مشاغل الدنيا كتيرة لكن بنحاول جاهدين ومجاهدين في خلق التواصل والتنفس من خلال حوشنا الكبير ...

عبدالسميع مبروك الوظيفة الجديدة انا متاكد انك اهل لان تكون سفيرا زقازيقيا متميزا ... ومن الان انا حاجز اجازتي معاك ...
Post: #3440
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-17-2010, 10:46 AM
Parent: #3439


ازيكم يا (هبايب)
فى يا جماعة حاجة اساسية وجوهرية الناس فى وجهة نظرى لازم تفهمها وتتعامل معاها بواقعية
البوست العام ده , ياهو حتة الونسة والكلام العام
ولمن نقول الكلام العام , بنقصد الكلام الما مربوط بخيط واصل بين مداخلة , ومداخلة
قبل ما يكون فى منبر خاص بينا
كان فى ناس بيحاولوا يتبنوا ليهم موضوع ما فى بوست منفصل
وده كلام عادى مافيهو اى غضاضة ولا حرج
وفى النص نص كده كنا كمان بنتبنى لينا موضوع ما , ولكنه وسط الونسة وظروف المتابعة الدقيقة الما متوفرة -بطبيعة الحال -على طول الخط
كان بيضيع وبنشعر اننا ما اديناهو حقو
وجود المنبر , وتبنينا لبوستات مشكلة حسب مواضيعها وعناوينها
قلل من حجم الونسة الفى البوست العام ولاشك
ولكن اذا ما جمعنا الأتنين , (والناس ما تنسى انهم الأثنين حقيننا )
فالنتيجة مرضية جدا , بل انها فى الكم احسن
واكيد فى الكيف كمان
ولكن طبعا الناس ما تتوقع من بعض , انو الواحد يكون ليله ونهاره فى البوست
وحتى ثقافة المحاورة التلفونية المباشرة , بحيث ان تتلقى ردا لمداخلة ما فى التو واللحظة
دى احقوا الناس , ما تركز عليها وتختها فى ذهنها
ادخل علينا اى وقت تشاء
ادينا العندك , ثم امضى متفاعلا مع ما كتب غيرك , او تونس ما شاءت لك الونسة
تكون النتيجة الحتمية , تفاعل وتواصل وحبل متين من الود
وما عندنا مانع لو انقطعت مدبرسا , او (قافلة معاك )
فهذا يشبه تماما حالات قفل الأوضة زماااان فى الزقازيق بالترباس من جوة
ولكن مصيرك الباب ده حا تفتحوا
حا تروح مننا فين يعنى
Post: #3441
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-17-2010, 11:10 AM
Parent: #3440

يا منص

ماشين اديس مؤجرين حافلة كنا عايزين نمشي بعربية مبارك جادين لكن شايف العدد كبير ... اها الناس طوال حاجزين ليهم المقعد القدام وناس الجكة المقعد الوراء ... يلا جماعة الهابس ده قرب يتملي
Post: #3442
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-17-2010, 01:11 PM
Parent: #3441

Quote: معليش جرابنا خاوي من المداخلات
لكن الواحد لمن يلقى الكوبي
يقوم يستمع بالبيست
ما علينا


يا جنــّو .. الله يجازى محنك .. والله جننتنا عديل كده

خلاص هاك من هســه الكوبى والبيست بتاعت بكرة ...

ولا اقول ليك .. ختها فى البروفايل حقك .. وجيب مداخلتك بدون فتح خشــم ولا

لصـــيق ..!!




Post: #3443
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-17-2010, 01:15 PM
Parent: #3441

ما احلى الحديث عن اديس
غايتو , انتو احمدوا الله ساااااكت انو ماليش فى قصة تنزيل الصور دى
والا , كان ناس الرشيد وزينب التيجانى ديل
نخليهم ليكم (ورا )فى قصة الشو الماشة فى البلد دى
انا غايتو عندى قانعة راسخة بانو اهم ميزة بتميز اى بلد
هى الجو , الطقس يعنى
وطبعا من ناحية , نحن لا عندنا بلد ولا حاجة
هذه البلدة المسماة اديس ابابا , فيها جنس جو يا اخوانا
مطرة اربعة وعشرين ساعة اتناشر شهر فى السنة
ومع ذلك , تمضى الحياة ولا تتوقف
النا مستغرب ليهو هسه بعد ثورة الأتصالات وحملة (جوالين لكل مواطن دى )
الحبش ديل , بيشيلوا الموبايلات دى كلها وين
فمن الأشياء الأساسية عند كل مواطن حبشى , او زاير لبلدهم
انك تكون شايل مظلة , نحن بنسميها شمسية عشان تتناسب مع غرض شيلها عندنا
الا وهو الأستظلال من الشموس الحارقة
ولكنها عندهم (مطرية ) لأتقاء الرذاذ الماشى فيك ليل نهار
طبعا انت اساسا ما بتزهج منو
لأنو حنين ولذيذ
لكن مرات كده بيتعاور زيادة , وبيبقى فيهو زى حاجات كده بتفلق
عندها , يشهر كل مواطن سلاحه
او مظلته
ويمضى لقضاء عمله غير آبهى بشى
اول شىء , شوفوا لينا عبد السميع ده عنده مظلة , ولا نرسل ليهو واحدة جديدة ؟؟؟؟
وبعدين قول ليهو , المظلة جزء من هندامك اليومى
مظلة لكل بدلة , ليهو هو طبعا
ومظلة ما تشنغ مع كل توب , للمدام
اخير ليك يا عبد السميع , عينى معاك , حتى لو مساعد (مظلة )
ينوبك ثواب
اديس ابابا , جنة العشاق والقلوب مرتاحة , وانت يا قلبى , الما لقيتلك راحة
وقبل ما احجز معاكم فى الهايس الطالع الليلة العصر يا ابو الزوز
مش معاكم ود جادين مبارك ؟؟
اول شىء قول ليهو منصور قال ليك ورينا انت من ياتو مدرسة
مدرسة منصور ام ميتين دولار
ولا تبع ناس جلال الطاعم ام مية بس ؟؟؟ 
Post: #3444
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-17-2010, 01:36 PM
Parent: #3443


وقبل ما تعملوا لينا الكومفورميشن فى مقعد هايسنا الأمامى
باعتبارنا من (الجاكين فى الأرض )
وقبل ما تجينا اجابة المبارك جادين
على شغلة المية دولار
او الميتين
خلينا نفصل شوية ونتعمق فى الموضوع
ليه مية بس , ولى شنو ميتين ما تلتمية يعنى
اول شىء , طالما عبد السميع بقى هناك
فهو فى الغالب حايسكن فى (البولى رود )
وكان انت لقيت ليك سرير فى البولى رود ده , وضمنت صحن الفول المدنكل بتاع الصباح
وشفت ليك عليهو صحن زغنى مسائى فى اى جهة تختار
كان (فن فنى ولا المظ بيت ولا كارامارا )
فيمين خمسين دولا زاتها ما بتكملها فى الشهر
ده اذا كنت من مدرسة المية
ولا كمان من مدرسة الميتين
خلينا نكون اكثر مباشرة واعلى تركيزا وشفافية
المية لى مدرسة الذهاب منفردين
والميتين لى مدرسة اصطحاب بت الشيخ معاك
طبعا هناك نكتة فى غاية البياخة بقولوها مرتادى الزهرة الجميلة فى الحتة دى
فى اطار شفافيتى الحاسى بيها هسى دى
حا اقولها وامرى لله
كانت النصيحة دائما تأتى من رواد مدرسة المية من زوار اديس
لرفقائهم (من رواد مدرسة الميتين امثالى )
فى شكل نكتة تقول
حدى يمشى المطعم , شايل معاهو سندوتش ؟؟!!
واستطيع ان ادعم مناصرى النكتة بحديث صحيح من احد معارفى رواد اديس الدائمين
يدور الحديث والقصة عن عريس قر رقضاء شهر عسله فى اديس
وفى اول ايام الشهر , وفى سهرة من سهرات المدينة
تم ضبط العريس يبكى بحرقة شديدة
حتى اذا ما سئل عن سبب بكائه قال
انا الخلانى اعرس شنو قبل ما اجى هنا ؟؟
هذا وللحديث والحكاية بقية ودلالات
قلنا هذا هنا حتى نرمى حجرا كبيرا فى الموضوع
ما تتضايروا
تعالوا احكوا وانداحو فى الحكى
فهذا موضوع لذيذ
Post: #3445
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-17-2010, 01:43 PM
Parent: #3444

تيست تيست
طبعاً على البروفايل
Post: #3446
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-17-2010, 01:57 PM
Parent: #3443

Quote: ما احلى الحديث عن اديس


Quote: انا غايتو عندى قانعة راسخة بانو اهم ميزة بتميز اى بلد
هى الجو , الطقس يعنى


عارف يا منص .. مصداقا لكلامك ده

اتذكر فى اول زيارة لى لآديس تقريبا عام 99

غير الجو الما غلط ابدا ... لفتتنى حاجة مهمة شديد ..

يا اخوانا مستحيل تلقى ليك زول ماشى فى الشارع .. صـأرّى وشو

ولا مدّور ليهو شكله ..!

كنت راكب مع سواق حبشى فى سيارة اجرة .. والدنيا مطر رذاذ شغال من اصبحت

وقفنا فى اشارة مرور لغاية ما تفتح ..وانا مقفل قزاز العربية ..

جاء ولد ( حوالى 13 - 14 سنة ) هدومو مقطعه وحالتو بالبلا ..

دق لى على القزاز .. نزلتوا عشان اشوفوا داير شنو

لقيتو ليك بدأ يغنى ويرقص ويقول كلاموا الانا ما فاهموا طبعا ..

سألت السواق .. الزول ده بيقول شنو ؟؟

قال لى .. بيقول ليك انو تعبان وليهو 3 يوم ما أكل ولا سندوتش

وبينوم على الرصيف فى المطرة كل يوم ... ودايرك تساعدوا بى حق الاكل ..

قلت للسواق ياخى الراجل ده بيغنى ويرقص ...

قال لى هم الشحاتين هنا كده ... !!!!!!!

تخيلوا ... الزول الجيعان ومقطع ده لمن يشحت بيغنى ويرقص بايقاع كمان

طيب لمن ينبسط .. كيف يكون الحال ؟؟؟!

فعلا ده الجو الزى منقة البيخليك بســـام الشكعة ...

عرفتو ليه انحنا شينين وبايخين ودمنا بقرى ..!!

&&&

* عبد السميع ... اقول ليك .. انا ما داير اتقّل عليك ...

بس انت احجز لى ومعاى عبد الدايم وميسره فى جوردانوز هوتيل

وبعدين رسل لينا ناس الملح الجايين فى الهايس ديل فى ماركاتو بالنهار

ولا فى بياسا بالليل .. بس طبعا لو جلا معاهم رسلوا على الصومال طوالى ..!
Post: #3447
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-17-2010, 02:37 PM
Parent: #3446

مساكم الله بالخير

يعني شفافية منصور دي خلتكم تفكو آخركم...
و طلعتو يا مشيتو أديس يا ماشين...
أنا غايتو لا مشيت و لا ماشي أديس...
أنا زي أخوي الكاشف زوبة...بحب الشو...
بحب أمشي أوروبا...
انتو قايلين اللقب بتاع رشا شو الأطلقتو علي زوبة ده بجي بالساهل...
مية دولار و ميتين دولار شنو...
لازم تصرف دم قلبك عشان تستحق اللقب ده...
المطر الرزاز و الجو الجميل و الوجه الحسن...انتو قايلنو في أديس بس...
ده منو الغبيان القاعد يروج للحكاية دي...
أمشو روما...
رزاز و وجه حسن..لمن حسن زاتو يحتار...
و يسلموا عليك في الشارع لمن تفتكر نفسك رونالدو دي كابريو...
فول شنو و زغني شنو يا أخوانا..
ماله البيتزا و الباستا...
نحن ناقصين فول و زغني...

و قال شنو شحادين بيرقصو و يغنو...
طيب اذا مشيت في شارع و لاقاك شحاد شايل جيتار...و لا بيرسم في لوحات...
تقول شنو...
و لو قعدت تفتش في الشارع على زول شين و ما لقيت...
تقول شنو....

زهير الهايس ده بخيت و سعيد عليكم براكم...

ملحوظة:
صور أديس دي زي موضوع السياسة...
لو عايزين تنزلوها أفتحو ليها بوست براها...

آل أديس آل...
Post: #3448
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-17-2010, 02:50 PM
Parent: #3447

اللهم يا الله أنت الله لا إله إلا أنت
اللهم إني أسألك بأسمائك الحسنى وصفاتك العلا
و بإسمك الأعظم أن تغفر لوالدتنا / عشة بت و د أبودية .
اللهم إغفر لها و إرحمها و عافها و اعف عنها و أكرم نزلها
ووسع مدخلها و أغسلها بالماء و الثلج و البرد ..
و نقها من الذنوب والخطايا كما ينقى الثوب الأبيض من الدنس ..
وأبدلها دارا خيرا من دارها
وأهلا خيرا من أهلها ..
و أدخلها الجنه و أعذها من عذاب القبر ..
واغفر لها وكفر سيئاتها وابدلها حسنات ..
اللهم اجعل قبرها روضة من رياض الجنة ..
اللهم أنزلها منازل الصديقين و الشهداء والصالحين..
اللهم أعذها من عذاب القبر ..
اللهم ارحمها تحت الأرض..
واسترها ولا تخزها يوم العرض..
اللهم يمن كتابها ..
ويسر حسابها ..
وثقل بالحسنات ميزانها ..
وثبت على الصراط أقدامها
وأسكنها في أعلى الجنات في جوار نبيك ومصطفاك..
اللهم اجعل عن يمينها نوراً ..
وعن شمالهِا نوراً ..
ومن أمامهِا نوراً ..
.ومن فوقهِا نوراً ..
حتى تبعثهُا آمنة مطمئنة في نور من نورك..
اللهم أنت ربها ..
وأنت خلقتها ..
وأنت قبضت روحها ..
وأنت أعلم بسرها وعلانيتها ..
جئنا شفعاء اليك فأغفر لها ..
اللهم اجمعنا بها في جنات النعيم يا حي يا قيوم ..
إن لله ما أخذ ..
و له ما أعطى ..
اللهم اغفر لحينا و ميتنا وصغيرنا و كبيرنا ..
وذكرنا وأنثانا وشاهدنا و غائبنا ..
اللهم من أحييته منا فأحيه على الإسلام ..
ومن توفيته منا فتوفه على الإيمان ..
اللهم لا تحرمنا أجرها ولا تفتنا بعدها ..
اللهم إن والدتنا / عائشة في ذمتك ..
وحبل جوارك فقها من فتنة القبر ومن عذاب النار ..
فأنت أهل الوفاء والحق ..
فاغفر لها وارحمها إنك أنت الغفور الرحيم ..
Post: #3449
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-17-2010, 06:14 PM
Parent: #3448

مساكم الله بالخير

أذكر سكيتش قديم لفرقة الأصدقاء عن مغترب غاب عن السودان لفترة طويلة...
و رجع بعد غيبة في احدى اجازاته مشتاق لي فول بالجبنة و زيت السمسم...
فطلب من الحاجة تظبط الفول و لكنها جابت ليهو الفول بدون جبنة...
فقال ليها أنا حأمشي أجيب الجبنة...
فمشى لي أقرب دكان و قال ليهو بالله أديني جبنة بي ريال (ريال زمان)...
بتاع الدكان ما عندو جبنة بي ريال لكن قام جاملو و اداهو حتة صغيرة جدا..
حتة لا ترى بالعين المجردة...
صاحبنا افتكرها للضواغة...أكل حتة الجبنة و قال لي سيد الدكان...
أأأأأي كويسة...أديني منها...
أنا و الله عندي احساس اني زي الزول ده...
نقعد كل يوم نحن في بلاد الجن دي نسأل يا جماعة الدرهم بقى بي كم...
الريال بي كم...ب650..لا حوله مالو نزل كده...
الليلة بقى بي 700...يا سلام أجروا حولوا للأهل و ادخروا شوية...
يجيك واحد ناطي...أسمع أحسن حاجة تحول بالدولار...
الدولار ده ما بيخسر معاك...
يضربوا ليك ناس السودان...حول لينا عندنا ظروف...
يا جماعة أصبروا علينا شوية الدرهم بي 670...
في اشاعات بتقول انو حيبقى بي 720...
تجي تاني يوم تلقاهو بقى بي 630...
لا حولة أريتني كان حولت أمبارح...
المهم تقعد تجابد بي هنا و بي هناك و تعمل ليك شوية مدخرات...
تحس انك بقيت مليونير..
تلفوناتك تطاقش...يا جماعو ما تشوفو لي بيت...
يسألوك انت حدودك كم...هم عارفين المغترب طاشي شبكة...
المغترب يفتكرها دردقة من ناس السودان..
يقوم يتغاتت عليهم...انتو مالكم و مال حدودي...شوفي لي بيت بس...
بعد كم يوم يتصل...أها يا جماعة لقيتو لي البيت...
و الله لقينا ليك عدة خيارات...انت عايز في الخرطوم طبعا حسب وصيتك...
بيت في الرياض بي مليار و ميتين ألف...
مليار شنو...
جنية طبعا...
بالقديم و لا بالجديد...
بالقديم... بالقديم...
خلوني من الرياض دي...
طيب المعمورة...مليار و مية..
بالقديم...
كلو بالقديم يا زول...
طيب المحلات المطرفة شوية مافي...
شرق النيل ينفع..
ان شاء الله جوه النيل ذاتو..عندك حاجة في شرق النيل...
أيوه...في حي النصر الجديد بعد كبري المنشية الجديد...
حلو...أها بي كم ده...
بي ستمائة مليون...أسمع انت عندك كم...
أنا والله...عندي...عندي...مائة مليون...
بالقديم و لا بالجديد...
ب ب ب بالقديم...
أسمع دي لميتها في كم سنة...
في عشرين سنة...
خلاص أضرب لي بعد عشرين سنة تاني أشوف ليك ركشة تستثمر فيها قروشك دي...
Post: #3450
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-17-2010, 08:51 PM
Parent: #3449

و الله يا جلال أسمع كلامكم أسدأكم....
لكن ما علينا...
قلتو الون تو ما ضروري عشان الواحد يجي البوست...
أنا شخصيا أختلف معكم قلبا و قالبا...أنا شايفو ضروري جدا مهما قلتو...
لكن برضو ما علينا...حأقعد أتكلم براي و أمشي...
و تعالوا بكره أكتبوا لا متابعين و لا مستمتعين...
..............

أرجع ليكم لي أحلام المغترب و قاصدة حلم البيت
من أكتر من خمستاشر سنة تم توزيع أراضي سكنية للفئويين في منطقة الفاتح...
أنا في ذلك الوقت قلت الفاتح شنو كمان أنا ما عايز و رفضتها رفضا كاملا...
ثم بعد عدة سنوات سعيت وراءها سعيا حثيثا...
حصلت على واحدة عبر اتحاد المهندسين الزراعيين و بوساطة كريمة من الأخ عبدالرحمن الليبي..
ساعدني عبدالرحمن لأنني كنت أعمل معه لمن لا يعرفون في نادي المهندسين الزراعيين بالرياض...
و منذ أن استلمت أوراق قطعة لم أتمكن من زيارة المكان...
و لا حتى أعرف أين موقعه بالظبط...
ثم شجعني العم محمد حوفي بالذهاب الى المكان و ذلك في زيارتي قبل الأخيرة للسودان...
سألنا عن الموقع و توكلنا على الله و مشينا...
لقد أخبرونا أننا بمجرد أن نقطع كبري المنشية الجديد سنجد الفاتح...
كلها كم كيلو بس و تلقو الفاتح...
لما كانت عربيتنا فوق كبري المنشية وكانت المره الأولى التي أشاهد فيها الكبري...
تذكرت عندما كنت أقول عندي قطعة أرض...
و لما يسألوني وين...كنت أقول الفاتح شرق المنشية...
عبرنا الكبري ثم سألنا أول واحد..وين الفاتح يا أخونا...
الفاتح؟؟ و الله ما سمعت بيها...
بيني و بينكم اتخضيت...كيف ما بيعرفها و هي بعد الكبري طوالي كما أخبرونا...
مشينا شوية وسألنا...أيضا لم يعرفوها..
توكلنا و تعمقنا قليلا ثم سألنا...فوجدنا أخيرا من يدلنا على اتجاهها...
اتجاهها و ليست هي...مشينا مسافة أطول بدت لي و كأننا قد اقتربنا من الهلالية...
كلما تتقدم العربية كلما تنخفض معنوياتي...
قال المنشية شرق....اتلفت ورائي فوجدت ان المنشية قد اختفت....
تقدمنا أكثر ثم سألنا فدلونا اليها....
كلما اقتربنا من الفاتح كلما ازدادت معنوياتي انخفاضا...
حتى وصلنا الفاتح...فوجدت أنها ليس لها أي علاقة بالمنشية...
قال المنشية قال...
وقفنا في الفاتح...
قال لي عمي محمد محاولا رفع معنوياتي...
و الله حتة جميلة...بس عايزه ليها كم سنة عشان تعمر...
تعمر شنو يا عم محمد..دي اتوزعت قبل خمستاشر سنة...
السنة الفاتت برضو مشيت على أمل أن أجد أي حركة تشجعني على عمل شئ هناك...
نفس المشهد...و نفس محاولة عم محمد لرفع معنوياتي...

بجيكم للباقي...

لكن في زول عندو ركشة نشاركو فيها...حكاية البيت دي خليناها...
Post: #3451
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-17-2010, 10:42 PM
Parent: #3450



أحمد التجاني (دودو) عمر محمد عمر

ابن العزيزة زوبة

أكمل عامه الرابع اليوم...

كل سنة و انت طيب يا دودو و ان شاء الله كل العمر...

التهنئة لزوبة و الأخ الصديق عمر...

و كل ألأمنيات الطيبات لدودو...
Post: #3452
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-18-2010, 06:27 AM
Parent: #3451

صباح الهناء والسرور ...

اصبحنا واصبح الملك لله ...
اللهم نسالك خير هذا اليوم ...
اللهم نعوذ بك من شر هذا اليوم ...

عمو الزناتي والله مشتاقين لكن مزحوم زحمة ترزي في يوم الوقفة ...
Post: #3453
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-18-2010, 06:46 AM
Parent: #3452

Quote: و الله يا جلال أسمع كلامكم أسدأكم....
لكن ما علينا...

لا والله يالرشيد ... شوية مشغوليات كدة ...
وزد على ذلك مشاكل تقنية مع النت في البيت ....
زائد المود العام بتاع التفكير في الاجازة .... والطائف ..... والمنشية .... والرياض

والفاتح
Post: #3454
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-18-2010, 08:44 AM
Parent: #3453

Happy birthday Dodo
وربنا يحفظوا ويعلي مراتبو ويخلي ليهو ماما وبابا
Post: #3455
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-18-2010, 09:01 AM
Parent: #3454

كل سنة انت طيب يا دودو
وعقبال العمر كلو

اسمك قريب من اسمى

وده مشروع عريس جاهز
مالنا ومال الناس الطالبين دهب
وهووو زاتو بيتهم بعيد .....
الفاتح دى وين ...
Post: #3456
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-18-2010, 09:15 AM
Parent: #3455
Post: #3458
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-18-2010, 09:52 AM
Parent: #3456

سلام عليكم ياأحباب

الريس معتصم والريس ميسرة ومنصور ومحمد عيد
ومحمد صديق ومحمد آدم وجلال والرشيد وزهير ومبارك جادين
وطارق جبريل كده العمود الفقري للبوست ظهر بس باقي لينا
لعيبة حريفة غايبة علشان نعيد التميّز ونحافظ على كأس البطولة
على بقية فرق سودانييز اون لاين.
Post: #3459
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-18-2010, 09:52 AM
Parent: #3456

سلام عليكم ياأحباب

الله يآ منصور

في المثل البقول / من الحبة يعمل قبة
قبتك ماسمحة خلاص ، من زيارتك القصيرة للسودان وحكاويك عنها
للآن بنستمتع بالحكاوي الشيقة المليانة تعابير ومعان الواحديوقف
عندها كثير مثل ( نخاشيش ، راحة وتعسيلة وجمة وسط النهار)
وكل ده في عجالة ، الليلة زهير جاب ليك أديس اللانت حافظها تماما
أكيد حنستمتع كثير بحكاويك ونشبع من ( الزقني والأنجيرة)

يامحمد عيد مالك على حبيبنا جلا موديه الصومال والله ضحكتنا كثير
لأني تخيلت جلا يكون في الصومال ويتخطف مع إحدى البواخر هناك

يارشيد القوم والله لمست وتر حساس للمغتربين في موضوع ( البيت والأراضي بالسودان)
إن شاء الله نتواصل معك في هذا الأمر ، وياليت كل واحد يحكي لينا تجربته،فيد وإستفيد

وقبل ماأختم نديكم القصة المعبرة عن نهاية مشروع بيت أحد المغتربين

راجل مغترب وبعد ملخص الجهجه التي ذكرها الأخ الرشيد، صاحبنا المغترب ده تحصل
على أرض بعد 20 سنة إغتراب ثم خلال عشرة سنوات تابع بنائها وقبل مايكمل آخر جذء
توفاه الله، طبعا الحي أبقى من الميت، زوجته تزوجت بزوج جديد حلّ محل المغترب ،
زوجة وبيت وممكن تكون هناك سيارة لقاها باردة ليلة قدر عديل ( شفت كيف الناس
العندها حظ) صاحبنا أبو رزقة قاعد يتونس لصاحبه عن البيت لحدي ماجاء عند الحتة
الما إكتملت فال لصاحبه( والله المرحوم لو كان كمّل لينا الحتة دي كان تكون عال العال)

ناس مابتختشيش
Post: #3457
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-18-2010, 09:51 AM
Parent: #3455


احيييييييييييييا انا كان بعرف انزل صور السجم والرماد دى كان هريتكم
قلت لى (جوردونوس هوتيل يا محمد عيد )
ياخى ما جبت لى الكاروشة عدييييل
كية فى الرشيد الوروبى
نحن مع افريقيا , امنا وابونا , عشان نثبت انو الجمال وسط مستنقعات الفقر الزينا
ممكن وجايز
بينى وبينك يا رش , ما بنقدر نقول حاجة فى اوربا
لو كانت افريقيا الفقيرة , امنا وابونا
فاحترامنا لى خالتنا وعمتنا اوروبا , قائم وممدود ومبسوط كمان
وبنجيك ليهو ذات يوم , لنتحدث عن متسولى الأندرقراوند
عازفى الجيتارات والبيانو
لكن جمال الزهرة الجميلة
جمال مستنبط من مستنقعات الفقر والعوز
انه الجمال البكر
يا لهذا الجوردونوس هوتيل !!!!!
اول مرة امشى اديس و فى رحلتى الأستكشافية الأولى من الرياض الى جده الى اديس
استعنت ب (اسكيما ) جاهزة ومكتوبة من احد عاشقيها الحافظين لدهاليز المدينة
كان اسم (يوردونوس هوتيل ) مكتوبا فى اسكيمتى هكذا
كان احد خياراتى للسكن
ولما اننى كنت معتبرا زيارتى تلك ذات طابع استكشافى
فانا اهتميت بالمرور على اكثر من فندق مكتوب عندى فى الورقة الأرشادية
يوردونوس , وقيون هوتيل , وناشيونال هوتيل , وبالطبع هيلتون وفى سنوات لاحقة اخرى شيراتون العمودى وهلم جرا
زيارتى الستكشافية الولى امتدت لثلاثة ايام فقط
يوم فى ناشيونال , ويوم فى يوردونوس ويوم فى قيون
قيون افضلها ولا شك , ولكن كان يوردونوس (انسبها ) لشهر عسل كان مقدرا له اسبوعان , وامتد لثلاث
ولكن مصادفة جميلة ولذيذة عند سفرى لشهر العسل
غيرت كل الخطط وعدلتها تعديلا جميلا ورائعا ما يزال (طعم بهجته ) فى حياتى حتى الآن
فى المطار وانا ماشى شهر العسل (فى فجر خرطومى خريفى منعش وجميل ونادر )
كان ان صادفت معى على نفس الطائرة , وفى رحلة شهر عسل ايضا
سينيرنا الزقازيقى الجميل , ابن عطبرة , نصر الدين السيد وزوجته بنت مدنى الجزيرة (---------- الديمقراطى )
نصر الدين كان يزور اديس للمرة الأولى
وكان من انصار السكن فى (شقة )
لأنه لا يحب اكل الفنادق , ومن رواد المطبخ السودانى الحريفين
قال لى يا زول , الحلة دى , اهم شىء
كان ان وافقته على ذلك
على ان ننزل فى يوردونوس لفترة وجيزة , لحين ترتيب شقة مناسبة
وشقة مناسبة , تفتكروا ده دور منو بعد كده , ما واااااضحة زى عين الشمس , عبد السميع اللميع طبعا
ولكن لا بأس ان اقدكم بمذكرات قديمة لا تحتوى على صور (لأنها ممنوعة , ولو كنت بعرف كنت حا اخترق المنع ده , بس للأسف ما بعرف )
كيف نزلنا فى الفندق ر, وكيف لقينا الشقة الما خمج
دى فى الحلقة القادمة يا (هبايب )
Post: #3460
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-18-2010, 11:54 AM
Parent: #3457

قصة الفتى الوسيم


أصدقاؤه ينادونه بأبو خليل ،،،، زميلات الجامعة ينادونه بالفتى الوسيم


قصة حقيقة جرت فصولها بمدينة الدمام السعودية ،،،،،،،، بمستشفى تداوي العام

المهندس إبراهيم سيد أحمد شاب صغير السن من مواليد 1977م تخرج من كلية

الهندسة وتزوج سريعاًً من مدينة كسلا وأنجب ابنه جميلة اسماها تباريح وهو شاب

خفيف الظل دمث الخلق وسيم المظهر بهي الطلعة أستقر به المقام بمدينة الدمام

كمندس معماري لإحدى الشركات فكر في زيارة السودان إشترى لذلك سيارة جديدة برادو

تايوت اوكان هذا البرادو حلم حياته وطلب من جميع زملاء الدراسة الحضور إلى

الدمام لعمل كرامة العربية ولوداعة على أن تكون الكرامة يوم الخميس ،،،

في أول الأسبوع أي قبل موعد الخميس المقرر اتصل بي هاتفياً وأفاد بأنه يرغب في

إجراء عملية جراحية (بواسير) ويوم الجمعة القادم يتوجه إلينا بجده بعد أن يودع

أصدقائه استعدادا للسفر إلى السودان بالسيارة ومروراً بمدينة كسلا موطن زوجته،،،،،

التحاليل الطبية إكتملت صباح السبت يوم الأحد أجرى العملية وخرج من المستشفى سليم

معافى وقاد عربته الجديدة من البيت إلى المستشفى والعكس ،،،، شعر بتعب شديد رجع إلى

المستشفى مره أخرى أجرى تحليلات وأفادو بأنها نزلة معوية وتنوم بالمستشفى ،،،،

إستمر الوضع كما هو دون أي تحسن ثم بطريقة غير معروفة لنا تدهور وضعة وأنتقل إلى

العناية المركزة وكان هناك مجموعة كبيرة من أصدقائه وزملاء الدراسة تجمعوا حتى كان

يوم الأربعاء حين نقل إلينا زميلة ورفيق دربه بأن الوضع الصحي غير مطمئن وهو يقترح

بنقله إلى مستشفى آخر وقررنا أن يسافر أخي محمد إلى الدمام عن طريق بعض العلاقات

لفرع مؤسستنا بالدمام والتي تعمل في صيانة وبيع الأجهزة الطبية بإيجاد مكان بمستشفى

آخر به إمكانيات عالية جداً وتم الحجز وكنت أتابع طول الليل ولكننا فوجئنا بأن إدارة

المستشفى رفضت الحالة بحجة أن حالته متأخرة جداً ،،،، لم نفهم ما هي الحالة المتأخرة

،،، المهم قلنا غداً صباحاً لنا كلمة أخرى وسوف يصل أخي محمد على الطبيعة ويمكن نقله

إلينا بمدينة جدة.
Post: #3461
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-18-2010, 12:18 PM
Parent: #3460
Post: #3462
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-18-2010, 12:20 PM
Parent: #3460

مساء يوم الأربعاء إكتمل جميع الأصدقاء والزملاء من كل حدب وصوب
وإبراهيم هو صاحب الدعوة ولم ينس أن يوصى صاحبة بشراء خراف للكرامة ،،،
وتسامروا حتى صلاة الفجر بأمل أن يكون يوم الخميس يوم فاصل لهذه المستشفى
وهي مستشفى تداوي العام بالدمام ذهب الجميع لأداء صلا ة الفجر وكان هذا الحوار
ما بين إبراهيم وصديق عمره

- أنحنا ماشين نصلي يا أبو خليل
- جيد بالله أدعوا لينا معاكم
- والله يا أبو خليل أنحنا في كل صلاة بندعوا ليك وربنا يرفع عنك وشدة وتزول
- أحتمال تمشوا تصلوا تلقوني رحلت (ها ها ها ها ها)
- ياخي بعد الشر ،،،
- بعد الصلاة نمشي المطار علشان نجيب محمد أخوك
- يالله في أمان الله ربنا يوفقكم
حكى لنا طبيب القلب أنه بعد عشرة دقائق وجد إبراهيم يتشهد ،،،، وقف بجواره
وطلب منه أن يتشهد مره أخرى فكررها إبراهيم ثلاثة مرات ،،،،،،،،،،،،،،
وطلعت الروح وعادت لمستقرها وأدعت الأمانه لرب العالمين ،،،،،،،،،،،،،
وباءت كل محاولات تنشيط القلب بالفشل وكتب الوفاة صباح يوم الخميس 8/6/2008م
أي هو نفس اليوم الذي دعا فيه زملاء الدراسة لحضور الكرامة ،،،،،،،،،،،،
عاد الزملاء والأصدقاء من الصلاة وسمعوا الخبر لم يصدقوا وهاجوا وكسروا مستشفى
تداوي العام تكسير وتحطيم على كل ما رأته عيناهم وحاولوا الأعتداء على الأطباء
و هرب كل من كان بالمستشفى .

تدخلت الشرطة ولكن السودانيين في تلك اللحظة لم ترهبهم إنهاء خدماتهم وبل كانوا
جاهزين للسفر وذكرني ذلك اقتحام السفارة (التسفير يا سفير) ،،،،،،

كانت رئيسة التمريض سودانية بالمستشفى بكت بصورة هستيرية وقالت سوف أشهد بالحق ،
تقدموا بشكوى عاجلة وكان لها دور في تنويرنا بأشياء كثيرة حيث قام بعض الأطباء بتغير
الروشتات وصرف الأدوية والتقارير المكتوبة ولكنها وقفت لهم بالمرصاد وأعادوا الملف
القديم ولم تنجح فكرة التزوير التي قادها بعض الأطباء المصرين ، وكنا نجنمع عندها
بمنزلها بالدمام وقالت كلمة الحق حين تم استدعائها أما القاضي الشرعي واللجنة الطبية
المكونة من وزارة الصحة لله درك يا سوداني .
Post: #3463
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-18-2010, 12:24 PM
Parent: #3462

تقدمنا بشكوى عاجلة نتهم فيها المستشفى والأطباء المعالجون
بقتل الفتى الوسيم (أبو خليل) واستمرت القضية واحد وعشرين شهر
وصدر القرار وتسلمناهوا يوم أمس وكان يهمنا أن نثبت مدى الإهمال وعدم
الجدية من أطباء كبار بالمستشفى وأن يكونوا عظمة وعبرة لغيرهم ،،

صورة من صدور القرار في الحق الخاص :-
Post: #3464
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-18-2010, 12:37 PM
Parent: #3463





رحل أبو خليل ذلك الفتى الوسيم ولكن ذكراهو عطرة في قلوبنا ........
لقد كان يوم أمس يوم تاريخي في حياة أسرتنا الكبيرة المنتشرة في كثير
من بقاع الدنيا أكتسى الحزن والغم والأسى والألم نفوس كل الأهل وبدأ البكاء والنحيب من جديد

لقد أكد الحكم الصادر بأن أبو خليل مات غدراً وغيلة وإهمالاً وعدم مسؤولية وعدم أمانة وقد قال الله تعالى في حق هؤلاء ،،، إنا عرضنا الأمانة على السموات والأرض والجبال فأبين أن يحملنها وأشفقنا منها وحملها الإنسان إنه كان ظلوماً جهولا .

سبحان الله وكان الوفاة حدثت يوم أمس ،،، كان قدره أن يلتقى بهؤلاء الأطباء وأن تكون منيته على يدهم
وكان له أن تكون دمام الحزن والكآبه ترابه وتربته والحمد لله على ما أراد هو من أعطى ومن أخذ،،،،

اللجنة التي كونتها وزارة الصحة كانت أمينه مع نفسها ومع ربها والحمد لله والشكر لله ولكم مني كل العذر
غيابي عنكم منذ يوم أمس .
Post: #3465
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-18-2010, 01:30 PM
Parent: #3464

أخــى ميســره ...

رحم الله فقيدكم الراحل المغفور له باذن الله .. ابراهيم

والمغدور جهلا وعمدا بأيدى من أخطأت الظروف فى الباسهم ذلك الثوب الابيض

الذى يبعث فى النفس العليلة الشفاء والامل ...

لا عذر لأى طبيب ارتكب ما يسمى بالخطأ الطبى لأن نتيجته فادحة بكل المقاييس

وهنا لا مجال لأى تبريرات لأن المعالجة والاصلاح يكونان معدومان ...

الزمكم المولى جلت قدرته الصبر والسلوان ... والحق أبلج دائما ولو بعد حين .

هذه القصة مشابهة لزوجة أحد زملاءنا السودانيين تعرضت لاهمال واخطاء قاتلة

باحدى المستشفيات بالقصيم اثناء ولادتها .. وتسبب احد الاطباء فى احداث قطع

فى الرحم أدى الى نزيف حاد أدى لوفاتها ... وما زلنا ايضا نتابع قضيتها

وحتما سيبدو نور الحق يوما ..

رحم الله اخاكم وانزله منزلة الصديقين والشهداء والصالحين

وانا لله وانا اليه رجعون
Post: #3466
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-18-2010, 02:11 PM
Parent: #3465

اللهم يا رحمان الدنيا والآخرة ورحيمهما ارحمنا
وارحم أمة محمد رحمة كافة تغنينا عن رحمة من سواك
اللهم اغفر لحيينا وميتنا وشاهدنا وغائبنا كبيرنا وصغيرنا
اللهم من احييته منا فاحييه على الإسلام .
ومن توفيته منا فتوفاه على الإيمان .
اللهم ارحم ( ابراهيم ) رحمة واسعة وتغمده برحمتك
اللهم ارحمه فوق الارض وتحت الارض ويوم العرض عليك .
اللهم قه عذابك يوم تبعث عبادك .
اللهم انزل نورا من نورك عليه
اخي الحبيب ميسرة والاسرة
نسال الله الغفار ان يجعها اخر الاحزان
والا يريكم مكروه في عزيز لديكم
Post: #3467
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-18-2010, 02:58 PM
Parent: #3466

سلامات يا ناس

Quote:
اللهم يا رحمان الدنيا والآخرة ورحيمهما ارحمنا
وارحم أمة محمد رحمة كافة تغنينا عن رحمة من سواك
اللهم اغفر لحيينا وميتنا وشاهدنا وغائبنا كبيرنا وصغيرنا
اللهم من احييته منا فاحييه على الإسلام .
ومن توفيته منا فتوفاه على الإيمان .
اللهم ارحم ( ابراهيم ) رحمة واسعة وتغمده برحمتك
اللهم ارحمه فوق الارض وتحت الارض ويوم العرض عليك .
اللهم قه عذابك يوم تبعث عبادك .
اللهم انزل نورا من نورك عليه
اخي الحبيب ميسرة والاسرة
نسال الله الغفار ان يجعها اخر الاحزان
والا يريكم مكروه في عزيز لديكم
Post: #3468
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-18-2010, 04:00 PM
Parent: #3466


اللهم اني أسألك باسمائك الحسنى وصفاتك العلا
وبإسمك الأعظم أن ترحم أبو خليل شقيق حبيبناميسرة
وكفر سيئاته وأبدلها حسنات
اللهم أغفر له وأرحمه وأكرم نزله ووسع مدخله وأجعل قبره
روضة من رياض الجنة
اللهم أنزله منزلة الصديقيين والشهداء والصالحين واسكنه
في أعلى الجنان جوار نبييك ومصطفاك
الأخ ميسرة فقد جلل وفجيعة ربنا يلزمكم الصبر الجميل وحسن العزاء
القلب يحزن والعين تدمع ولايسعنا إلا أن نقول كما قال أولو العزم
من الرسل
إنا لله وإنا إليه راجعون
Post: #3469
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-18-2010, 06:19 PM
Parent: #3468

اللهم يا رحمان الدنيا والآخرة ورحيمهما ارحمنا
وارحم أمة محمد رحمة كافة تغنينا عن رحمة من سواك
اللهم اغفر لحيينا وميتنا وشاهدنا وغائبنا كبيرنا وصغيرنا
اللهم من احييته منا فاحييه على الإسلام .
ومن توفيته منا فتوفاه على الإيمان .
اللهم ارحم ( ابراهيم ) رحمة واسعة وتغمده برحمتك
اللهم ارحمه فوق الارض وتحت الارض ويوم العرض عليك .
اللهم قه عذابك يوم تبعث عبادك .
اللهم انزل نورا من نورك عليه
اخي الحبيب ميسرة والاسرة
نسال الله الغفار ان يجعها اخر الاحزان
والا يريكم مكروه في عزيز لديكم
Post: #3470
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-18-2010, 09:39 PM
Parent: #3469

اللهم ارحم ابراهيم ونور قبرة واكرم نزله

الحمد لله الذى اظهر الحق
Post: #3471
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 03-18-2010, 09:49 PM
Parent: #3470

سلام لاجدع ناس
شكرا لكل من هنى دودو
ويا النضيف احنا لاقين
ياخ نسبكم برهو دهب



يا لرشيد بمناسبة مدينة الفاتح
انشاء الله تكن تابعت الاحتفال ببناء اولل الف وحدة سكنية على احدث طراز يعنى زى ناس ساري كدة وجابو الشركات الماسكاها وتم التدشين بالنادى الزراعى
بحضور د. على عثمان
انشاء الله تكونو من ضمن الالف الاوائل

وبيقولو الاسعار معقولة

طبعا دة ضمن الحملة الانتخابية يا رب ما يوقفو البناء بعد الانتخابات

اما اراضينا النزعها المتعافى فلا حس ولا خبر
ولا مع الانتخابات
ربنا يلطف
Post: #3472
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-18-2010, 10:48 PM
Parent: #3471

رحم الله الوسيم رحمة واسعة واسكنه فسيح جناته
الحق لا يضيع يا ريس
Post: #3473
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-19-2010, 10:14 AM
Parent: #3472

رحم الله ابراهيم سيد احمد يا ميسرة
وعوضه الجنة عن شبابه الغض
والحمد لله الذى اظهر الحق وزهق به الباطل
ولو بعد حين
قصة مؤثرة وحزينة
سمعتها منك شفاهة من قبل
ولكنك ابدعت , وانت تحت تاثير الحكم الجديد
بتصويرها كتابة مع الدلة والبراهين
تعيشو وتتذكروا
Post: #3474
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-19-2010, 05:43 PM
Parent: #3473

Quote: يا لرشيد بمناسبة مدينة الفاتح
انشاء الله تكن تابعت الاحتفال ببناء اولل الف وحدة سكنية على احدث طراز يعنى زى ناس ساري كدة وجابو الشركات الماسكاها وتم التدشين بالنادى الزراعى
بحضور د. على عثمان


شكرا يا زوبة على الأخبار الطيبة...خليتيني الليلة أرجع تاني أقول المنشية شرق...لو عندك مزيد من المعلومات أرجو امدادنا بها...

زمان كان أهم صفحتين في الجريد هم الصفحة الأولى و الأخيرة..

الأولى فيها الأخبار المنوعة و الأخيرة فيهاأخبار الرياضة...

من الطرائف التي تحكى في هذا الأمر...

في واحد في البص قعد جمب واحد بيقرأ في جريدة...

قال ليهو ممكن لو سمحت تديني الصفحة الأخيرة...

قال ليهو أها هاك ليها كلها هي فيها شنو غير الصفحة الأخيرة..

زمان تجي داخل البوست يكون زي الصفحة الأولى بتاعت الجريدة

تمشي المنبر زي الصفحة الأخيرة....

الليلة الصفحة الأولى و الأخيرة بتاعت الجريدة دي بايخات بياخة شديدة...
Post: #3475
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-19-2010, 05:57 PM
Parent: #3474

يا الله يا كريم احفظ هؤلاء الزقازيقاب
والله يا جماعة بقدر كمية الحزن الجواي لذكرى وفاة الوالدة
بقدر الفرح انه ربنا اداني اخوان واخوات بهذا
يا جماعة والله لاني عارف اكتب لاني عارف ابكي
تخيلوا عصام دهب مشى وعمل عمرة لي روح الوالدة
لو كنتوا مكاني حا تقدروا تكتبوا حرف واحد
Post: #3476
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-19-2010, 06:24 PM
Parent: #3475

ذكرى المرحوم إبراهيم سيدأحمد هي بجد محزنة

ولقد عايشت المرحوم عن كثب وهو طالب بالمتوسط والثانوية

وبعد الجامعة والزواج ، وفعلاً كان يتمتاز بخفة الدم والظل وهو أخي الصغير

وهو يشبه في شكلة الريس ميسرة تماماً خاصة صور ميسرة وهو في الثانوية نسخة مكررة من المرحوم

الله يرحمه ويغفر له وأن تكون الجنة مثواه وأن يلهم الوالده محسنة الصبر على فراقه المؤلم .
Post: #3477
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-19-2010, 09:58 PM
Parent: #3476

عصام يا حبيبنا
معليش مداخلتي الفوق دي كان قبل ما نتكلم مع بعض
معليش يا عصام
لكن لانه قصدك كان نبيل وقصدك الله وحده يعلم اجره
عصام الناس الهنا ديل اخواتك واخوانك
برضو كان صعب علي انه ما اقول ليهم
انه عصام عمل عمرة لي امه عشة بت ابو دية
يا عصام النية لمن تكون صافية الله بيسهل القواسي
والله عارف نيتك تجاه امك بت ابو دية كانت صافية
الله يتقبل عمرتها الوهبتها ليها
وانت الله يديك الاجر العظيم
وعند الله ما في شي بيضيع
الله يعدلها عليك شقيش تقبل
ويحفظ ليك وليداتك ي رب
Post: #3478
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 03-20-2010, 06:59 AM
Parent: #3477

اللهم ارحمه اخانا المهندس ابراهيم رحمة واسعة

و اسكنه فسيح جناتك مع الصديقين والشهداء وحسن

أولئك رفيقا .
Post: #3479
Title: Re: ناس الزقازيق ... أجدع ناس ( 3 ) ..
Author: عمر هواري
Date: 03-20-2010, 08:08 AM
Parent: #3478

الأخ ميسرة..
ربنا يرحم الأخ إبراهيم ويغفر له ويسكنه في أعلى الجنات ..
قصة محزنة جداً والله ،، والحمد لله على كل حال ..
Post: #3480
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-20-2010, 09:24 AM
Parent: #3479


اللهم ارحم ( ابراهيم ) رحمة واسعة وتغمده برحمتك
اللهم ارحمه فوق الارض وتحت الارض ويوم العرض عليك
Post: #3481
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-20-2010, 11:10 AM
Parent: #3480

نهاراتكم سعيدة ...

الريس ميسرة احسن الله عزاءكم ...
اللهم ارحم اخونا ابراهيم وتقبله قبولا حسن ...

الحمد لله على ظهور الحق ودا اكبر انتصار ...
لكن الروح غالية ولا تقدر بثمن ...

اللهم ارحم جميع امواتنا واموات المسلمين ...
وانصر جميع المظلومين .. امين ...
Post: #3482
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-20-2010, 01:53 PM
Parent: #3481

الأخ ميسرة والأخت منى..
ربنا يرحم الأخ إبراهيم ويغفر له ويسكنه فسيح جناته

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر

________________________________________

ولكل الأخوان الذين فقدوا الوالدة خلال الأعوام السابقة

نقول ليهم تعيشو وتفتكرو

والآن عليكم بالدعاء لهن

ونخص الأخوان طارق جبريل ومبارك جادين ومنصور عبد الرازق

آلهم أرحم موتانا وموتى المسلمين جميعا
Post: #3483
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-20-2010, 02:12 PM
Parent: #3481

الأخطاء الطبية التي تنجم عنها كوارث كثيرة جدا في كل مكان في العالم و لكنها تكثر و بصورة جلية في دول العالم الثالث..و قي بلد مثل السودان فحدث و لا حرج..و من لا يملك القدرة على العلاج خارج السودان فهو لا محالة هالك...و في ظل عدم المحاسبة و الشفافية السائدة تمر مثل هذه الحوادث مرور الكرام دون محاسبة تحت مظلة لكل أجل كتاب...قولة الحق التي طالما يراد بها باطل...
في الامارات تحدث نفس الأخطاء أيضا و كان الطبيب لا يمارس المهنة الا اذا خضع لامتحان تفرضة وزارة الصحة هنا..و لكن مع استشراء داء الواسطة يمكن لأي طبيب أن يجتاز هذا الامتحان...فقامت امارة أبوظبي بانشاء هيئة خاصة بالامارة في محاولة منها لرفع مستوى الرعاية الصحية...و لكن تم ملاحظة بعض الاشكاليات التي صاحبت الزامية التأمين الصحي بواسطة شركات تأمين...لوحظ أن عدد كبير من المستشفيات الخاصة تهتم بالجانب التجاري أكثر من الجانب الصحي...فاذا ذهبت لأحدى تلك المستشفيات تشتكي من انفلونزا مثلا تخرج و في يدك كيس كبير من الأدوية تكفيك لثلاثة سنوات بدون مبالغة...فعمدت هيئة الرعاية الصحية بالامارة الى خصخصة المستشفيات عبر طرع عطاءات لشركات عالمية تتولى ادارة المستشفيات الحكومة و تقوم باحضار كوادرها الطبية تحت شروط جودة صعبة جدا...هذا الأمر ارتقى كثيرا بالخدمات الصحية بالمستشفيات الحكومية و لكن ما زالت المستشفيات الخاصة ترزح تحت اهتمامها بالكسب دون الاهتمام بالخدمات التي تقدمها....
كانت ابنتي أمنية تعاني من لحمية و قمنا بعرضها على عدة أطباء هنا بالامارات و كلهم نصحوا باجراء عملية جراحية لها الا انني تريثت كثيرا في الموضوع بالرغم من الحاح نجاة بالاستجابة لنصيحة الأطباء...حتى قمنا بزيارة لندن في اجازتنا قبل الأخيرة و عرضتها على طبيب هناك...
حددنا موعد مع الطبيب الانجليزي باليوم و الساعة...ذهبنا الى المستوصف في الوقت المحدد...وجدنا الباب مغلقا قرعنا على جرس بالباب ففتح لنا الباب و وجدنا شابة تعمل ملفا في انتظارنا عند الباب...سألتنا أين أمنية فقلنا ها هي فطلبت منا أن نتبعها و صعدنا مصعدا الى الطابق الثالث ثم مررنا عبر كوريدور و أدخلتنا الى غرفة خالية و طلبت منا الانتظار...لم تمر أكثر من دقيقة حتى دخل الينا الطبيب و الذي استمع الينا جيدا ثم قام بمعاينة أمنية و أكد لنا حاجتها الى عملية جراحية...هنا اطمئن قلبي و شكرته و قلت له اننا سنقوم باجراءها لها في الامارات و ذلك بعد أن أمطرته بعدد من الأسئلة عن العملية...
لكل أجل كتاب...نؤمن تمام الايمان بذلك و لكن لا بد من محاسبة المخطئ حسابا يعيد للمهنة سيرتها الأولى و تحترم حياة الناس خصوصا الفقراء منهم الذين ليس لهم القدرة على السفر للعلاج و الذين لا يستطيعون ملاحقة المتسببين في كوارث نتجت عن اهمال متعمد أو غير متعمد...
Post: #3484
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-20-2010, 04:55 PM
Parent: #3483

رحم الله إبراهيم رحمة واسعة .. والحمد الله أن الحقيقة قد ظهرت وبانت ... لا إعتراض علي قدر الله إلا أن الإهمال والإستهتار بأرواح الناس تثير الغضب ومن الجيد أن أسرتكم قد تابعت القضية حتي نهايتها .. حتي لا يتكرر الأمر مع شخص آخر تنتظره أسرته وتأمل فيه الكثير .... من الأشياء الجيدة في هذه القضية أن الأمر لم يخضع للواسطة ولا المحسوبية وأخذت التحقيقات مجراها الطبيعي دون تأثير ،، وسؤالي هل قضايا الإهمال الطبي في السودان التي سمعنا بها كثيراً تنتهي نفس هذه النهاية العادلة ... أم أن المجلس الطبي والمؤسسات الطبية تجامل الأطباء وأعضاءها علي حساب المرضي ..
Post: #3485
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-21-2010, 01:10 AM
Parent: #3484

يا ولدي بيشوف القلب ما العيون...

عبارة ترددها أمي...

و هي تقولها عادة عندما أبحث عن شيئ لي و هو أمام ناظري و لا أراه...

فتأتي هي و تقول لي ها هو انه أمامك طول الوقت و لكنك لا تراه...

بيشوف القلب...

تمعنت في تلك الكلمات جيدا ثم أصبحت أؤمن بها...

فاذا ما كنت أبحث عن شيئ أبحث عنه و كلي ثقة في أني سأجده فأجده...

كذلك الحال مع كل شيئ أو أي عمل....

هكذا حققت كل النجاحات التي حققتها بفضل ثقتي بأني محققها...

فهي لم تعلمني كيف أخطو أول خطواتي فحسب...

و لا أن أنطق أول كلماتي فحسب...

و لا أن أشكر الله على نعمائه فحسب...

و لا أن أثق بمقدراتي فحسب...

لقد علمتني كل شيئ...

فشكرا لك أمي على كل شيئ...

لأنك أمي زرعتك في القلب شمعة...

فأنت الملاذ الأخير

و أنت شروق الشمس في كل دمعة...
Post: #3486
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-21-2010, 07:45 AM
Parent: #3485

ربنا آتنا في الدنيا حسنة وفي الآخرة حسنة وقنا عذاب النار
ربنا تقبل منا إنك أنت السميع العليم وتب علينا انك أنت التواب الرحيم
ربنا آمنا بما أنزلت واتبعنا الرسول فأكتبنا مع الشاهدين
Post: #3487
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-21-2010, 07:46 AM
Parent: #3485

لسببٍ مــا..

خسرنـــاهم.. ورحلوا..

فأظلمت الدنيا في أعين قلوبنــا..

وضاق الوجود بنــا..

ونعلم جيداً أنهم لــن يعودوا يوماً..

إذاً.. "فلنحــــاول" أن نضيء النور مرة أخرى!

لا بأس..


لنتألم قليلاً عند الفـــراق..

أو حتى كثيــراً..

ولنصرخ بصوت مرتفــع..

لكــن.. لماذا لا نعتبر هذه الصرخة.. صرخة الميـــلاد..

و"نحاول"استقــبال الحياة من جديد؟!

صباح الخير ،،، يا وجوه الخير

أصحنا وأصبح الملك لله،،، وحده

نفحات الصباح :

جميع الزقازيقين قد آلهم ما حدث لأخوهم

المحروم إبراهيم سيدأحمد ،،،،،،،

اللهم ارحمه فوق الارض وتحت الارض ويوم العرض عليك .
Post: #3488
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-21-2010, 08:06 AM
Parent: #3487


إذا جلست في الظلام بين يدي الله استعمل أخلاق الأطفال ..

فالطفل إذا طلب شيئاً ولم يعطه بكى حتى يأخذه ..

فكن أنت هذا الطفل وأطلب حاجتك

معاً ليستعيد البوست عافيته،،،

ويعود إلى موقعه الريادي بين البوستات،،،،
Post: #3489
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-21-2010, 09:12 AM
Parent: #3488




تحية الى كل الامهات فى يومهن

تابعوا الاحتفالية فى بوست زينب التجانى


http://يديك لى طول العمر وفى الدنيا يوم ما يالمك 0000000 امى الله يسلمك


Post: #3490
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-21-2010, 09:59 AM
Parent: #3489

صباح الهناء والسرور ...

التحية لكل الامهات الزقازيقيات في يوم عيد الام وكل سنة وكلهن طيبات ...
التحية لامهاتنا في يوم عيد الام ...

الام مدرسة اذا اعدتها اعددت شعبا طيب الاعراق ...

والتحية لكل الرجال الاباء وهم يحملون المسئوليات الجسام ويشاركون الامهات في بناء دعائم الاسرة ...
Post: #3491
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-21-2010, 10:06 AM
Parent: #3489




يالرشيد زي حكاية الفول بالجبنة في واحد مغترب نزل الإجازة وماعارف
ان أغلبية ناس السودان بياكلوا الفواكه في الوقت البتتاكل فيه وذلك
في مواسمها، صاحبنا المغترب من صبحت قال ماشي يجيب فواكه دخل أول محل
فكهاني سأل عن المنقة والبرتقال والموز قالوا ليه اسعار فلكية بالنسبة
لتقديراتو إستنكر بشدة وفي نفس اللحظة إتلحتو محتاجة، ساعدني ياولدي الله
يفتحها معاك قال ليها دقيقة ياحاجة، دخل المحل الثاني ودخلت معاهـ المحتاجة
وجد نفس الأسعار حاول يخرج من المحل ، على طول المحتاجة غيرت الدعاء قائلة
( ساعدني ياولدي الله يفك غربتك وإغترابك ويرجعك لأهلك سالم)
Post: #3492
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-21-2010, 10:26 AM
Parent: #3491

تحية و سلام و شوق لأجدع ناس ..
و للجدعان الأعزاء / ميسرة و منى ..
أسال الله تعالى أن يرحم إبراهيم رحمة واسعة ويغفر له و يعفو عنه و يكرم نزله في الفراديس العلى من الجنان و أن يلهمكم و الأسرة و كل أحباء و أصدقاء إبراهيم الصبر على فقده و أن يجعل عمله موصولاً بطيب دعائكم له و يجمعكم به و كل من تحبون في جنات النعيم ..
و رغم أن فراق الأحبة لا يعوض لكن العزاء إن إبراهيم مات بإذنه تعالى شهيدا .. والحمد لله الذي أظهر الحق مؤكداً على إن روحه الطاهرة إزهقت نتيجة خطأ.. و كل خطأ يمنع هذا الحكم وقوعه مجدداً سيكون بإذنه تعالى برداً و سلاماً على روح إبراهيم ..
Post: #3493
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-21-2010, 02:58 PM
Parent: #3492
Post: #3494
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-21-2010, 09:08 PM
Parent: #3493

مساكم الله بالخير
أنا فترت معاكم و الله معاكم يا جماعة أجيكم بي جاي تجوني بي جاي...أجيكم بي هناك تجوني بي هنا...

و بعدين تجو تقولو البوست غطس و البوست ما بعرف شنو...

نورونا الله ينور دروبكم...انتو حكايتكم شنو...

و موسى عيسى مشى وين...دعاء الصباح خلاهو...

و جلا حتى الكوبي بيست خلاهو...

يا أخوي سيب الكوبي بيست...على الأقل وصلني مسافة مقدرة...

بشفافية كده...

يخرب مطنكم كلكم....

بالمناسبة...انتو عيد الأب بتين...

نفسي زول يهدي لي حاجة...

ان شاء الله شراب...و لا كرفتة...

و يكونو بنات الشيخ ديل اتعلموا الفوتو شوب و يعملوا لينا احتفالية...

Quote: ساعدني ياولدي الله يفك غربتك وإغترابك ويرجعك لأهلك سالم)


أحمد اسماعيل زولك ده لاحقني عديل كده....

عشان كده بقينا لما نمشي الاجازة ما بنسأل...بنشوف بس كم تبقى من ميزانية الاجازة...

لما تقرب الميزانية تخلص تلملم شنطك و تتوكل ترجع...

أصلو الاتصال بي صديق بقى صعب الأيام دي...

زول بيهببو ليك مافي...

و بنفس الشفافية البديت بيها بنهي بيها كلامي...

يخرب مطنكم...مافي زول تاني يجي يقول لينا البوست غاتس و لا البوست غرقان...
Post: #3495
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-21-2010, 09:56 PM
Parent: #3494

و الله السهر ده قدد عيونا...
بالمناسبة العبارة دي أنا ما فاهمة كويس...يعني شنو قدد عيوني...ما عارف
لكن معناها معروف طبعا...
عشان ما يجي واحد شليق يشرحها لي الصباح...
لكن ما انتو السبب...قولو لي كيف...
بالنهار اليوم بيبدأ عندي بي نمرة خمسة...لحااااادي العصر...
مرات كان لقينا فرقة بنخش معاكم...
لكن دايما بكون مافي طريقة غير الواحد يجي يتونس معاكم بالليل...
و الحقيقة أكتر حاجة ممكن توصف الحالة دي كلمات اسماعيل حسن...
أقول بعضي
ألاقيهم تسربو في مسارب الروح بقو كلي
محل قبلت ألقاهم معاي معاي زي ضلي...
أها ديل انتو و الله...
بتعرفو كسير التلج الجماعي...على وزن الحاجات الجماعية الكتيرة البتعرفوها و الما بتعرفوها...
ده كسير تلج جماعي...بس جلا ما معانا و لا جلال....و هم عارفين السبب...
لما تكون قاعد براك...و تفتح تلفونك و تختار اختيار واحد من بين آلاف الأسماء المسجلة عندك...
تمني نفسك بي دردشة مسائية لذيذة..
ويقوم يفتح ليك....يعني ما يرد عليك...
عليكم الله ده مش احباط...تمسح اسمو من التلفون...
ما للدرجة دي كمان...
لكن شوفو البيضرب ليكم تاني...
يا ثقلا...ما تردوا على التلفونات و لا توصولوني مسافة مقدرة...

و المشتهي الحنيطير.............يطير...
Post: #3496
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-22-2010, 07:50 AM
Parent: #3495

صباح الخير ،،، يا وجوه الخير

أصبحنا وأصبح الملك لله ،،، وحده

دعاء الصباح :

اللهم أغفر لي خطيئتي ، وجهلي
وإسرافي في أمري ،،،،
وما أنت أعلم به مني ،،،،
اللهم أغفر لي هزلي وجدي ،،
وخطئي وعمدي،،،،،،
Post: #3497
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-22-2010, 08:13 AM
Parent: #3496





عارفني منك
لا الزمن يقدر يحول قلبي عنك ..

لا المسافة ولا الخيال يشغلني منك

وتحرمني منك ..

والمواعيد لا بتجيب منك تودي

لا الشجن قادر يجيبني عليك أعدي

لا التحايا ولا المشاعر الحية في جوا الحنايا

لا رسالة تجيني منك

لا خبر طمني عنك

وأنت سابق فيني ظنك

رغم .. انك
وأنت عارف

انو منك

لا الزمن يقدر يحول قلبي عنك

لا المسافة ولا الخيال يشغلني منك

و أبقى بعدك في الآسي وتبقى أنت الظالم القاسي النسى

وغصب عني أزيح ظنوني

أقول عليك أنت المسامح وفوق شجوني

أعيش زمان للفرقة جارح فوق شجوني

وفي احتمالي وبالي انك

أنت سابق فيني ظنك رغم انك

أنت عارف انه منك

لا الزمن يقدر يحول قلبي عنك

لا المسافة ولا الخيال يشغلني منك

يا هوى الألم النعيم

خليني في الموعد القديم

خليني في الشجن الأليم
عارفني منك


عدنا ... والعود يزاد الفة ... في وجودكم ...

الشكر موصول لكل من سأل عنا مباشرة ...
الرشيد بابكر عبدالدايم النضيف منصور عبدالرازق عفاف على ميرغني
وكذلك من تفقدونا عبر البوست وهم على سبيل المثال لا الحصر
طارق جبريل الريس ميسرة الكوتش محمد صديق موسي عيسي جلال عثمان محمد عيد زهير الزناتي احمد اسماعيل زينب التجاني ...
وبقية الكوكبة الحبيبة ...
Post: #3499
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-22-2010, 08:32 AM
Parent: #3497



ياسر نجيلة الحبيب ...

مرحـــى بعودتك الى بيتك ..

واطلالة الفرح التى لمع بريقها مع مقدمك .. لعلها تكون عودة الروح التى سال عنها الكثيرون ...

صفحتك الاسبوعية ما زالت فى انتظارك .. واعتقد انها ستكون عصب وروح المنبر العام ...

لأنها عند تناول مقتطفات ما يدور فى المنبر الخاص باسلوبك الجميل .. واضافاتك الثــرة التى اعتدنا عليها

فانها ستكون ذلك الرابط العجيب الذى يجمع ما بين جناحى اليمامة ...

ويمكن ان يزداد الاحباب تحلقــا حول مزارهم المحبوب ...

هلا.. ياســـر ... وهلا بعودة الألــق ...
Post: #3498
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-22-2010, 08:27 AM
Parent: #3496

صباح الهناء والسرور ...

رشيد القوم صباحك زين ... خليك انت الكبير وياكا كبيرنا وياكا اخونا الكبير (ما تفهمني غلط انت كبير في مقامك) ومعليش الغائب دائما عذره معاه ...
Post: #3500
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-22-2010, 09:05 AM
Parent: #3498

صبحكم الله بالخير

عودة ياسر نجيلة استحقت مداخلة نهارية رغم صعوبتها...

أجد نفسي في غاية الفرح و السعادة بعودتك يا ياسر....
Post: #3501
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-22-2010, 09:22 AM
Parent: #3500
Post: #3502
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-22-2010, 09:28 AM
Parent: #3501

وصلتنى هذه الرسالة عبر الايميل

المهندس محمد عيد ميرغنى المهندسة عائشة صلاح الدين تحية طيبة وبعد قد يكون هناك وجة الغرابة فى رسالتى اليكم ولكن البحث عن الغريب فيها لة مدلول الزمن الجميل بأصالتة وأنا على يقين بأنكم نبع لكل ما هو أصيل 0 أثناء دخولى لموقع سودانيزاونلاين عثرت على منتدى بأسم ناس الزقازيق وجدت فية ترجمة لمشاعر أنسانية تجمع بين زملاء أخذتهم الحياة كلا إلى مجراة وهذة سنة الحياة وظللت أبحث فى الاسماء علنى اجد غايتى وأعثر على بعض الاصدقاء الذيين تعرفت اليهم خلال دراستهم بجامعة الزقازيق ولم أعثر على أى منهم 0 ولكن بحكم أنكم خريجين كلية الزراعة أنشد فيكم غايتى بالتواصل وإمدادى بأخبار عن الاصدقاء التالى أسمائهم - هاشم عبد الرحمن - و محمد خضر يس - و إسماعيل عبد الرحمن - و الأخ سباروب وغيرهم الكثير من خريجى زراعة الزقازيق وأكون شاكرا لكم هذا الجميل مع تحياتى لسيادتكم ولكل أهل السودان الشقيق
لا يضيع الله أجر من أحسن عملا فقد يكون هناك بريق أمل فى زمن عزت فية المودة 0 00000

أخوكم فى الله عامر الكربيلاوى حفار تنقيب وتعدين - تليفون 0020166294615

Post: #3503
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-22-2010, 09:37 AM
Parent: #3500

عارفني منك
لا الزمن يقدر يحول قلبي عنك ..

لا المسافة ولا الخيال يشغلني منك

عود لينا يا ليل الفرح

داوي القليب الإنجرح

عوداً حميدا مستطاب ،، مرحا مرحا بعودة الحاضر

الغائب ولدنا ياسر بتاع تجارة (كان عجبكم) وشاعر البوست (غصبن عنكم)

وصاحب الجريدة الإسبوعية (رغم أنف النضيف) ،،،،،،،،،،،

الرجع لينا ياسر يرجع لينا باقي العُصبة الزقازيقية،،،

راجع إيميلك توجد رسالة بتاريخ اليوم.
Post: #3504
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-22-2010, 09:56 AM
Parent: #3503

سعدنا اليوم بمكالمة مطولة

ومعي مدام منى يونس من الشيخ جلا

ويبتدرنا قائلاً صباح الخير ،،، يا ،،،،،،

والراجل يطمئن على أحوال الرعية ،،،

ولنعتبر ذلك كوبي وبيست ،،،،،،

مقبولة ولا أيه رايك يا موسى عيسى،،،
Post: #3505
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-22-2010, 10:27 AM
Parent: #3504

Quote: ومعي مدام منى يونس من الشيخ جلا


يا ريس الشيخ ده ما عرفتو...

ده شيخ الأزهر الجديد و لا شنو...

البادي...أخير ليك تخلي المطاعنات بتاعتك...

بعدين الشباب شباب القلب...
Post: #3506
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-22-2010, 12:47 PM
Parent: #3505

بسم الله الرحمن الرحيم
السلام عليكم يا بشر
أسرار: آلو ...آلو ....يا أبوي دايرين نعمل عيد ميلاد لي أمي عشان عيد الأم و دايرين نشتري ليها هدية و جيب معاك حلق و سلسل
إنتصار: و جيب معاك قروش كتيرة عشان نشتري شمع و حلاوة و نعمل كيكة
أنا: طيب أنا أشتري الحاجات دي و لا أجيب قروش؟؟؟
إنتصار: جيب قروش
أسرار: يا بت خليهو يجيب هدية
أنا في نفسي: طيب الحاجات دي يجيبوها من وين؟؟؟
أيوا....دخلت الإجزخانة...بالله أدينا حلق طبي (دا طلب بسيط خاصة و هن لم يحددن نوعية الحلق)
طيب السلسل دا يلقوهو وين؟؟؟ نقول ما في ليهو طريقة....لكن يمكن اإستعاضة عنه بي فتيل ريحة كويس
بالله الدنيا كلها عارفا عيد الأم....الريحة الكانت بي 20 جنيه أصبحت 30 جنيه
علماً بأنني قلت أشتري ريحة تمام التمام بي 30 جنيه أعوض بيها شراية الحلق
فإذا بي أدفع ثمن مضاعف لي ريحة بي 60 جنيه
و الله محن!!!!!
أسرار: أها يا أبوي جبت الحاجات
أنا: آي يا أسرار
إنتصار: و ينها يا أبوي؟؟؟ الحاجات الجبتها سمحة؟؟؟
أنا: ههههههههههههههههههه (بتاعت طارق جبريل)
أنا: إنتي الوراهم الليلة في عيد الأم منو؟؟؟
بت الشيخ: كانو عند الجيران.. وبتهم قالت ماشا تشتري هدية لي أمهم بمناسبة عيد الأم
أنا: كل سنة و أنت طيبة
هي: كل سنة و أسرتنا دي بي ألف صحة و عافية
أنا: يا بنات بعد صلاة العشا حضروا عشان نحتفل بعيد الميلاد
و بدأت التجهيزات الشمع و الحلاوة و الكيكة و الكراسي و التربيزة الكبيرة و الهدية المغلفة (الماخمج) و أطفو النور ...يلا واحد إتنين تلانة
Happy Mother Day to you
سنة حلوة يا ماما
سنة حلوة يا جميل
أطفو الشمعة
أسرار: جيبي بوسة يا ماما جيب بوسة يا بابا
إنتصار: وأنا كمان
أنا: طيب جيبي بوسة يا ماما
وقامو فتحوا الهدية...تلصصت في عيون بت الشيخ...نزلت منها دمعة إلا أنها مسحتها بي عجل
وقالت شكراً كثيراً و جزيلاً
وعمر زاتو كان حضور...وكأنه يقول بختك يا حاج...لكن أمشي قول لي حاجة حياة بت محمد عوض بدري كل سنة و إنتي طيبة
و شديت السلك لي كسلا..يُما ... كل سنة و إنتي طيبة و ربنا يديك الصحة و العافية
يلا يا جماعة خلاص نمشي ننوم
يا أبوي أنت مش منتظر تلفون من الخليج؟؟؟؟
هوي كفاية سهر أرح ننوم
وبس
Post: #3507
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-22-2010, 12:57 PM
Parent: #3506

Quote: يا أبوي أنت مش منتظر تلفون من الخليج؟؟؟؟
هوي كفاية سهر أرح ننوم


حالتك مكلمنك ....

ده تجاهل مع سبق الاصرار و الترصد...
Post: #3508
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-22-2010, 01:04 PM
Parent: #3506

Quote: تمني نفسك بي دردشة مسائية لذيذة..
ويقوم يفتح ليك....يعني ما يرد عليك...
عليكم الله ده مش احباط...تمسح اسمو من التلفون...
ما للدرجة دي كمان...
لكن شوفو البيضرب ليكم تاني...
يا ثقلا...ما تردوا على التلفونات و لا توصولوني مسافة مقدرة...

و المشتهي الحنيطير.............يطير...

الحاجة الأنا عارفها
إنو الكلام دا ما لي أنا
لكن نيابة عن الناس الثقيلين الما عايزين يردوا حا أرد
و أي تشابه بين الرد و شخصي ..ما عندو أي علاقة
طيب زول لمن يفتح ليك
يا يكون نعسان
أو يكون نايم
أو داير ينوم
أو قايم من النوم
أو فتح عيونو و داير ينوم تاني
بعدين لا إحباط و لا شئ
ما عليك إلا تنتظر جنب الحيطة
وتشرب من زير السبيل المربوط في الشجرة
لغاية ما يرد على تلفونك
بالمناسبة زول زي دا إلا تضرب ليهو 10 مرات
مرات تقالة الدم بتاعت الزول تجبرك و تخليك تتقل دمك إنت زاتو
يا جماعة يا جماعة
تلفون نص الليل
زي زائر نص الليل
يعني حرااااااامي
جلال قلت لي دقيت طناش؟؟؟؟؟
Post: #3509
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-22-2010, 01:23 PM
Parent: #3508

Quote: الشكر موصول لكل من سأل عنا مباشرة ...
الرشيد بابكر عبدالدايم النضيف منصور عبدالرازق عفاف على ميرغني
وكذلك من تفقدونا عبر البوست وهم على سبيل المثال لا الحصر
طارق جبريل الريس ميسرة الكوتش محمد صديق موسي عيسي جلال عثمان محمد عيد زهير الزناتي احمد اسماعيل زينب التجاني ...
وبقية الكوكبة الحبيبة ... ومحمد آدم (جلا)

ولك الشكر عزيزي ياسر نجيلة
شوف يا ود نجلية
أنا سمحت لي نفسي و دخلت إسمي جوو مداخلتك و بالبونت العريض
و ناقشت موضوع غيابك عن البوست
كيف؟؟؟؟ و متين؟؟؟؟ وليه؟؟؟ وعشان شنو؟؟؟؟
الإجابة ما عارف
ودي زاتها أسئلة شنو الشترا دي؟؟؟؟؟
يا شباب لو دايرين تشكروا الناس في البوست
حذاري
و حذاري ثم حذاري
تجيب ليك أسماء ناس
وذلك حتى لا تضيقها علي ناس و يحسو بالتقصير
أو تقوم تنسى ليك زول وبي كدا تكون خشيت في حسكنيت (أحمد إسماعيل ما تترجم الكلمة دي)
طيب زول لو سأل عليك هس
أو تفقدك هس و لقاك مافي
تخت إسمو وين؟؟؟؟
Post: #3510
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-22-2010, 01:26 PM
Parent: #3509

Quote: Quote: ومعي مدام منى يونس من الشيخ جلا



يا ريس الشيخ ده ما عرفتو...

ده شيخ الأزهر الجديد و لا شنو...

قالو في المثل
البحر رايق....وطيب القعوي مالو متضايق

يا منصور المثل ما عندو علاقة بالسمك
Post: #3511
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-22-2010, 01:49 PM
Parent: #3510




الحلوين ديل منو؟؟؟؟؟؟

زمان سمعنا واحد سما أولاده هلال مريخ (هلاريخ)

أول مره نسمع بالكوبي بيست

copy and paste

يعني نسميهم (كو بس)

يا رشيد القوم الشيخ ده هو شيخنا محمد آدم النور

صاحب الحج السري وقد تم تنصيبه شيخ مشايخ عموم الزقازيقاب

والما عاجبه يكتب لينا الأسباب؟
Post: #3512
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-22-2010, 01:52 PM
Parent: #3508

نهاركم سعيد...

اهلا بعودة شاعرالبوست ياسر نجيلة والعود احمد ...
وبي عودتك بيتنا نور وكله زينة ... ونور حوشنا وشارع حوشنا ...

بعودة شاعرنا وبتحفيزات رشيد القوم عاد الشيخ جلا للاندياح والجنون الجميل اهلا بيك يا جلا وانت مجنون بي عيد الام ... والجنون فنون ...

الاغنية كانت بتقول ........ شرطا يكون سكران .. نحن عايزين جلا شرطا يكون مجنون بحب الزقازيق واهلها ...
Post: #3513
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-22-2010, 04:29 PM
Parent: #3512

ماشاء الله تبارك الله اللعيبة المحترفة بدأت تظهر أولهم ود نجيلة والله منور

قالوا الجنون فنون ياجلا

واحد غيّر كفر مبنشر والظاهر صاحب البنشر ماقرّض الصواميل ، صاحب السيارة
أخذ سيارته وبعد كم مشوار عجل السيارة إتقلع من السيارة بسبب ضياع الصواميل
في المشاوير صاحبنا جاب عجل السيارة ومتحير يعمل شنو ، هناك مجنون متابع الحاصل
قال للعاقل صاحب السيارة ماتأخذ صامولة من كل عجل وتربط العجل وبعدين بعد ماتصل
يبقى تكمل الصواميل

بالله ايه رايكم الراجل ده مجنون ولا فنان؟
Post: #3514
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-22-2010, 06:05 PM
Parent: #3513


من إهمال المستشفيات


بأسباب عدم التشخيص الدقيق وكل دكتور يأول بالطايبة ليه
أختي أخذت إبنتها (أولى جامعة) ومع زوجها راحوا الأردن للعلاج
أختي بتحكي عن حاجة كبيرة مريضة كانت معهم في الرحلة إلى الأردن
شفقت المسافرين مماتعانيه من آلام حتى نستنا معاناتنا، قالت وكنت
حريصة على معرفة ماذاجرى لها فمشيت أسأل عنها في اليوم الثاني من
الوصول وجدتها ماشاء الله تحسن حالها وجالسة تفطر، سألنا ممارضيها
قالوا عملوا ليها تشخيص غلط في مستشفى آسيا وأعطوها علاج عمل ليه مضاعفات
وتسمم ،بعد على طول عملوا ليها تنظيف من العلاج الخطأ بلغت الصحة وتقول
كل الحالات التي برفقتنا من مستشفى آسيا بالخرطوم
وقبل كدة في كيس لمريض مع مستشفى آسيالا أتذكره الآن، هذا للمعلومية

وإن شاء الله اي إستفادة من هذا الخبر يؤجر عليها، إبراهيم سيد أحمد

اللهم أرحمه فوق الأرض وتحت الأرض ويوم العرض عليك
Post: #3515
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-22-2010, 07:18 PM
Parent: #3514

مساكم الله بالخير
سعيد أنا غاية السعادة بعودة ياسر نجيلا و جلا...
وأنتهز هذه السانحة لمناشدة الآخرين بالعودة...
نطالب بعودة موسى عيسى الى كتاباته الظريفة و بشفافيتة المعهودة...
نطالب حاتم جبارة بالعودة..
و عودة محمد صديق و هو يحمل فنجان قهوة بي شماله يسوى الدنيا بي حاله...
عودة سناء و اخلاص و حنان و كل بنات الشيخ...
سعادتي بعودة ياسر نجيلة هي سعادة بعودة البانوراما...
و سعادتي بعودة هي سعادة بعودة الخربشة و الظرافة و التنوع...
و الخربشة التي بيني و بين جلا هي خربشة محبة...
هو بلا شك يعي ذلك تماما و لا أريد أن أشرح له...
و قالوا قديما البريد بخربش...
بس بقول لأحمد اسماعيل...هو في الحقيقة سؤال...
لو العربية بتاعت صاحبنا كل عجل مربوط بي صامولتين...
يعمل شنو...

و طيب...
Post: #3516
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-22-2010, 08:22 PM
Parent: #3515

Quote: وأنتهز هذه السانحة لمناشدة الآخرين بالعودة...
نطالب بعودة موسى عيسى الى كتاباته الظريفة و بشفافيتة المعهودة...
نطالب حاتم جبارة بالعودة..
و عودة محمد صديق و هو يحمل فنجان قهوة بي شماله يسوى الدنيا بي حاله...
عودة سناء و اخلاص و حنان و كل بنات الشيخ...
سعادتي بعودة ياسر نجيلة هي سعادة بعودة البانوراما...


مهما هم تأخروا فأنهم آتون.
Post: #3517
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-22-2010, 09:40 PM
Parent: #3516

يا جلا عيد الام ما عندك
ههههههههههههههههههههههه
Post: #3518
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-22-2010, 09:56 PM
Parent: #3517

Quote: وقامو فتحوا الهدية...تلصصت في عيون بت الشيخ...نزلت منها دمعة إلا أنها مسحتها بي عجل
وقالت شكراً كثيراً و جزيلاً

جبريلا زولك بيكون نايم حسه خليني أقطع فيهو شوية...

بت الشيخ بكت ما مصدقة زولك جاب ليها فتيل ريحة و حلق طبي...

و بعدين ده زاتو تكتيك قديم...

منتظر يردوها ليهو في عيد الأب...

و هو عارف بت الشيخ كريمه..

فتيل الريحة بيبقى اتنين...

و الحلق الطبي ما عارف بيبقى شنو...

أنا أقترح مركوب طبي...
Post: #3519
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-22-2010, 10:23 PM
Parent: #3518

يا الرشيد
زولك بيكون عمل الهدية دي استثمار عديل
نظام قدم السبت ويرجع ليك الاحد والاتنين...
زولك ما بتاع محاسبة
ههههههههههههههههه
Post: #3520
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-23-2010, 06:17 AM
Parent: #3519

صباح الهناء والسرور ...

اصبحنا واصبح الملك لله ...

اللهم نسالك خير هذا اليوم عاجله واجله ...
اللهم نعوذ بك من شر هذا اليوم عاجله واجله ...
Post: #3521
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-23-2010, 06:39 AM
Parent: #3520

بسم الله الرخمن الرحيم
السلام عليكم أيها الناس
شكراً جزيلاً يا بادي على العودة
إنت جيت متين ؟؟؟؟
الريس تأخر قدومك لكن و لا يهمك
الكوبي الأصلي حضور يسمى البادي
Quote: صباح الهناء والسرور ...

اصبحنا واصبح الملك لله ...

اللهم نسالك خير هذا اليوم عاجله واجله ...
اللهم نعوذ بك من شر هذا اليوم عاجله واجله ...
Post: #3522
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-23-2010, 06:43 AM
Parent: #3520

Quote:

بس بقول لأحمد اسماعيل...هو في الحقيقة سؤال...
لو العربية بتاعت صاحبنا كل عجل مربوط بي صامولتين...
يعمل شنو...



صباح الخير 00000 يا أهل الخير



ياالرشيد في الحالة دي نسأل جلا لا بقصد
ناس الفنون كما ذكر البادى
Post: #3523
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-23-2010, 07:10 AM
Parent: #3522

صباح الخير،،، يا وجوه الخير

أصبحنا وأصبح الملك لله،،، وحده

نفحات صباحية:

{من دعا إلى هدىً،

كان له من الأجر مثل أجور

من تبعه لا ينقص ذلك من أجورهم شيئاً،

ومن دعا إلى ضلالةٍ، كان عليه من الإثم

مثل آثام من تبعه لا ينقص من آثامهم

شيئاً ! }

حديث شريف ,,,,,,,,,,,
Post: #3524
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-23-2010, 08:10 AM
Parent: #3523
Post: #3525
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-23-2010, 08:12 AM
Parent: #3523
Post: #3526
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-23-2010, 08:57 AM
Parent: #3525

اليوم الثلاثاء الموافق 23/ 03 /2010م




شعارنا : "بدون زعل" ... الهزل محل الجد والعكس صحيح ... وسامحونا ...


حكمة اليوم :
- الوحدة ... ليس أن تجلس وحيدا ..... بل ان تفارق من تحب
- وكثيراً ما تنتهي الصداقة بالحب ... ولكن لا يمكن للحب أن ينتهي بصداقة


بيتين شعر لليوم:
الشاعر القامة : اسحق الحلنقي ...

انت مافي
اي حاجة بتبقى مافي وانت مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي


نكتة اليوم:
1- مسطول زوجته قالت ليه عندى انسان فى داخلى بحرك فى مشاعرى
قال ليها شنو اللغة الطويلة دى ماتقولى حامل وخلاص

2- وحده تقول لزوجها : يا ليتني أخذت إبليس ولا أخذتك
قال لا ... ما يجوز أخو ياخذ أخته

3- قيل لأحد المغفلين : أتحب أن تموت امرأتك ؟
- قال : لا
- قيل : لم ؟
- قال : أخاف أن أموت بعدها من الفرح !!!!!!!!!!1

كاراكاتير اليوم:




لفحي اليوم:
- "جكة" منصور عبدالرازق ...
من اليوم دااااااااااااك الموضوع ده ... قاهرني ... "وحايص لي" ...
انت يامنصور الوداك من "اساسو" للشباب ديل شنو ... وتخلي بت شيخك كل المدة دي ... لحدي ماتضرب تلفون ...
انت اصلا مشيت السودان لشنو ...
زواج اخوها " صح”...
اها ... انت غلطان .... ثم غلطان ... ثم الغلط راكبك من ساسك لراسك ...
انا لو منك كان وديتها الحنانة وانتظرتها تحت ضل الحيطة لحدي ماتخلص ... وبعدين جري للكوافير وانتظرتها عند بتاع الدكان لحدي ماتطلع ...
واكمل معاها المشاوير العاوزاها والماعاوزاها ... ومنها طوالي لحدي خشم باب العرس ....
بعد داااااك لو في باقي وقت اشوف درب عوضية بتاعة السمك وين ...
هسع عليك الله بعد ما اكلتو السمك "وجكيت" وخليت الشباب وراك تضحك ... مشيت وين ....
ورجعت لمنو ...
وكملت باقي برنامجك مع منو ...
وتيب ....
و النجيك من الآخر ياحريف ...
بعد ماحضرت العرس ... والاجازة كملت ورجعت السعودية ...
لقيت في وشك منو ....
والقاعد ليك في البيت منو ....
ويومك وليلك مع منو ....
اها خلي ناس زهير وجمال فارح ينفعوك ...
بنات الشيخ ديل خليكم معاهم "لحام" لحدي مايخلصو حاجاتم ... بعدين شوفو برامجكم التانية ...
و"الجكة" دي "اتلافوها" من الأول ...

- جمعنا الحنين والشوق هنا ... وكانت مرات دموعنا تسيل لما نسمع موقف أو ذكري او يجيبو سيرة أو صور ناس عشنا معاهم زماااااااان في الزقازيق ...
ولكن بوست امي الله يسلمتك ... لزينب التجاني .... دموعنا طواااااااااااااااالي بقيت جاريه .... الله يسلك يازينب ...

- والعاوز يعرف انو مقصر في الكتابه عن امو .... يتابع كتابات "الشايقي الضكر" .... طارق جبريل ...

- رشيد القوم ... رشا ... أو رشو ... يستحق بجدارة مسمي "مكنة البوست" ... وين ماتمشي ... وين ماتدور ... تلقاهو قدامك ... مشغل البوست كلو...
ومنه تعلم كيف يكون الــ SHOW ... وكمان "كسير التلج" لزوجتك واولادك ...

- شعار الكوبي بيست العملو محمد عيد لمحمد جلا ... والختاهو طوالي في "برفايلو" ... خلت جلا ينوم في العسل ... وبظهر بالقطارة ...
وموسي عيسي اختفي بدون كوبي بيست ...

- عبدالدايم النضيف ... احسن ليك ... اتعدل مع ناس تجارة ... ونضف قلمك معاهم ...
"تجارة حضارة فن واصالة دوما فايزة وشايلة الجايزة حتي الكورة"
تعرض للمرة 514 ... وان عاد النضيف عدنا ...

- دعواتنا بالرحمة والمغفرة لكل من مات له - ام او اخ او حبيب ...
- وعيد ميلاد سعيد وعمر مديد لكل ابناء الزقازيقاب ...

خارج النص اليوم:
هذة المرة اخونا جلا سوف يكون ضمن قائمة الذين رحبو بعودتنا وعلى رأسهم محمد عيد والرشيد بابكر والريس ميسرة والبادي النور ومحمد صديق واحمد اسماعيل ... اها ياجلا نسينا زول ...

سؤال اليوم :
الجاب ياسر نجيلة .... ان شاء الله يجيب لينا ... كمال الشادي ...

[email protected]
Post: #3527
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-23-2010, 09:50 AM
Parent: #3526

شكراً ياسر نجيلة
وعوداً حميداً
بالمناسبة يا شباب جلال عثمان عندو موقف من البوست دا
إتفقدوهو
Quote: هذة المرة اخونا جلا سوف يكون ضمن قائمة الذين رحبو بعودتنا وعلى رأسهم محمد عيد والرشيد بابكر والريس ميسرة والبادي النور ومحمد صديق واحمد اسماعيل

ما في داعي للجملة الطويلة دي
من الأول ما تقول لينا إنت أمنجي
Post: #3528
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-23-2010, 11:06 AM
Parent: #3527

Quote: ولكن بوست امي الله يسلمتك ... لزينب التجاني .... دموعنا طواااااااااااااااالي بقيت جاريه .... الله يسلك يازينب ...


كما لايخفي على فطنة القارئ ... ان المقصود بالجملة أعلاه مايلي ...

ولكن بوست امي الله يسلمك ... لزينب التجاني .... دموعنا طواااااااااااااااالي بقيت جاريه .... الله يسلمك يازينب ...

... الهكر وصل ولايوجد مفتاح "تعديل" ....

ياجلا ... امنجي يعني شنو ...
Post: #3529
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-23-2010, 11:54 AM
Parent: #3528

Quote: ياجلا ... امنجي يعني شنو ...

و لأنو الهكر وصل
فعليه يصعب الحصول على المعنى المرادف للجملة أعلاه
لا يفوت على فطنة القارئ....
إن مداخلات ياسر نجيلة في هذا اليوم
لا تخلو من أخطاء إملائية نسبة لبعده عن الكتابة في هذا البوست
الواجعني الناس الداقا طناش و ما دايرا تسأل من جلال عثمان
Post: #3530
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-23-2010, 12:36 PM
Parent: #3529

Quote: الواجعني الناس الداقا طناش و ما دايرا
تسأل من جلال عثمان


إنت في جلال يا جلا ولا كمال الشادي

جلال بيظهر كل مره ،،، ولكن صاحبكم الشادي

إختفى مع سبق الإصرار،،،،

وينكم إنتو يا الطال غيابكم،،،،،،،،
Post: #3531
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-23-2010, 12:46 PM
Parent: #3530

Quote: إنت في جلال يا جلا ولا كمال الشادي

بالنسبة لكمال الشادي
الحمد لله الناس كلها سألت منو
لكن الزول المقطوع من شجرة دا
البسأل مِنُّو مِنوْ؟؟؟
بختك إسمك ظهر و لمعناهو
بس أبقا مارق
Post: #3532
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-23-2010, 03:11 PM
Parent: #3531

يا نجيلة والله الواحد حا يقعد يغني (((انا فرحان بيك)))
حمد لله على السلامة يا حبيبنا
والجابك يجيب الباقين
Post: #3533
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-23-2010, 05:02 PM
Parent: #3532

أبشر يامحمد آدم إن شاء الله نسأل عن حبيبنا جلال
جلال غاب وسئل عنه قلت مقطوع من شجرة
والشخص الأكثر غيابا ولم يسأل عنه أي شخص البته
زي مدثر ابا يزيد يكون مقطوع من فرع شجرة

والله حكايتك دي ياجلا ذكرتني طالب الأقاليم الذي
جاء الخرطوم للدراسة الجامعية والده إتصل بسأل
عن أحواله ، سال إبنه بتسكن وين ؟
الإبن في الشجر، وبتدرس وين ؟
الإبن في الفرع
قال ياولدي إنت كده مابقيت عصفور
Post: #3534
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-23-2010, 08:04 PM
Parent: #3533

Quote: - رشيد القوم ... رشا ... أو رشو ... يستحق بجدارة مسمي "مكنة البوست" ... وين ماتمشي ... وين ماتدور ... تلقاهو قدامك ... مشغل البوست كلو...
ومنه تعلم كيف يكون الــ SHOW ... وكمان "كسير التلج" لزوجتك واولادك ...


يا ناس يا عسل الفنكوش وصل...

كده الواحد يقوم الصباح بدرييييي يمشي يحجز نسخته من الجريدة....

شكرا يا ياسر على المكنة (الاطراء)...يديك العافية...

سعيد أنا بعودتك و عودة جلا....

ننتظر عودة جلال و كمال الشادي حتى يكتمل العقد الفريد...
Post: #3535
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-24-2010, 06:14 AM
Parent: #3534

صباح الهناء والسرور ...

صباح النور عليك يا زهور ...

اصبحنا واصبح الملك لله ...
Post: #3536
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-24-2010, 06:41 AM
Parent: #3535

صباح الخير ،،، يا وجوه الخير

أصبحنا وأصبح الملك لله ،،، وحده

نفحات الصباح :

اللهم أغفر لنا ولوالدينا
وللمؤمنين والمؤمنات والمسلمين
والمسلمات الأحياء منهم والأموات

وجميع ما قدمنا وما أخرنا وما أعلنا
وما أسررنا وما أسرفنا وما أنت أعلم به منا

اللهم أنت المقدم وأنت المؤخر لا إله إلا أنت يا أرحم الراحمين
Post: #3537
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-24-2010, 06:51 AM
Parent: #3536

بسم الله الرحمن الرحيم

صباح النور ياأهل النور

أصبحنا وأصبح الملك لله رب العالمين

اللهم نسألك خير هذا اليوم

اللهم أجعل أوله صلاحا ووسطه فلاحا وآخره نجاحا
Post: #3539
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-24-2010, 07:01 AM
Parent: #3536

ما تنسو اليوم الساعة 6 مساء الدخول بالملابس الرسمية

2010 - 1988 = 12

لا حولالا كبرنا ، رغم انى شايف الموضوع كانو امبارح



Post: #3538
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-24-2010, 06:53 AM
Parent: #3535

صباح الهناء والسرور ... (كلاكيت .. للمرة الثانية) ...

عاد الحبيب المنتظر ... عودا حميدا مستطاب ...
يا للمتعة ويا للفرحة ... ويا لحسن الاياب ...
يا ناس ركوب العجلة ما بتنسي ... وود نجيلة مهما غاب بيرجع احلى كمان ...
شاعر البوست ود نجيلة جاب معاه منشطات مسموح بها عالميا ...
واعاد الالق والاندياح .. واعاد الروح الزقازيقية ونكهة الحوش بقت حلوة شديد ... شكرا يا ودنجيلة وما تنقطع ... لكن كسير التلج لبنات الشيخ كان رهيب و يتناسب مع احتفاليتنا بعيد الام ...

يا الشيخ جلا من الجلا .. ياود امي اظنك طاشي .. وبقيت ما بتشوف ...
ولاني اصلي وماني كوبي ... يعني حتشوفني كيف مع الكوبي بيست بتاعك دا ...
حقيقي الجنون فنون .. ونزيد عليها الاختشوا ماتوا ...
Post: #3540
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-24-2010, 07:50 AM
Parent: #3538

بسم الله الرحمن الرحيم
السلام عليكم يا بشر
معليش يا ريس و يا بادي و أحمد إسماعيل
الكوبي بتاعكم دقة قديمة
دايرين نتفنن
Post: #3541
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-24-2010, 08:00 AM
Parent: #3540

Quote: 2010 - 1988 = 12

عندما كان عمري 38 سنة
سألت خالتي قلت ليها يا خاله عمرك كم
قالت لي 35 أسررتها في نفسي
علماً بأنني كنت في وعي عندما تزوجت
لا تفوط على فطنة القارئ أنه ليست هناك علاقة تشابه
بين قصة خالتي و المداخلة بتاعت النضيف
Post: #3542
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-24-2010, 08:14 AM
Parent: #3541

Quote: ننتظر عودة جلال و كمال الشادي حتى يكتمل العقد الفريد...

أنا شخص لا يحب الإنتظار
لكن سأسمح لنفسي و أنتظر بعد مداخلة واحدة من مداخلتي
و إلا فإنني سأتخذ القرارات الثورية التالية:
1/ الإضراب عن الأكل حتى عودة الغائبون
2/ الإضراب عن الطعام
3/ الإضراب عن السفسفة
4/ الإضراب عن العضة الشحمانة
5/ الإضراب عن العزومة بتاعت جورج بتاعت ملاح التقلية (تذكر يا رش)
6/ الإضراب عن سمك عوضية بعد التشاور مع منص
سيسري هذا القرار بعد التوقيع عليه
متين؟؟؟؟؟؟
خليها في سرك يا ياسر نجيلة
في ناس لو ما أخاف الكضب يقولو ليك هاك القلم دا ووقع هس طوالي بما فيهم الناس الغايبين
عالم جبانات بشكل!!!!!

قلت لي لفحي
Post: #3543
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 08:56 AM
Parent: #3542

اها .... شفت الريدة دي كيف؟
ولا خليتك تنتظر اي مداخلة ... قال ليك بعدك طوالي يامعلم الزول جاء ناطي
وحات الله خفت عليك ... عارفك متهور وممكن تعملا ...
بعدين تعال هنا شنو حكاية الاضراب عن الطعام الماشة في البلد اليومين ديل
جلا زعلان علي الغائبون يضرب عن الطعام
دكتورة ناهد زعلانة من وضعهم تضرب عن الطعام
اذا جلا بقي دكتور ...
والله شوق مطر ... بس الشديد القوي هو البخلي الواحد ما يظهر
والشديد القوي هو الروتين القاتل "روتين العمل" اضافة لانقطاع النت عن ام صفقاً عراض
وبعد مجهودات مضنية و "كنجالات" تم اعادة البث ...
سعيد انا غاية السعادة بعودة "ولدنا" ياسر نجيلة المبدع ...
وكلي شوق لعودة القمرة لوطن القماري ... بل قل لعودة النجوم لوطن القماري
النجوم ناس كمال الشادي ومدثر ابايزيد واخلاص وبهجة وحنان ومشاعر والريسة مني يونس وكل "بنوت" الشيخ ...
ودعائي بانتظام ناس اليااااك الود حاتم جبارة والود سامي والريس سيد الحوش والريس معتصم وكل النجوم
اما التحية فهي للعقد الفريد ...
رش ..
منص ...
جلا ...
اسامي اسبيرات بس
احمد اسماعيل "ابوعمر"
البادي
موسى
والود دودو رغم انو ماكلنا في 10 سنين "زي الورد"
والكوتش الفنان رغم انو "ليك ايام ما باين"
وتعازي صادقة للريس ميسرة ومني وربنا يجعلها اخر الاحزان

----------
عزوتي وعشيرتي اهلي لكم مودتي



التعديل ساي كدة مش على كيفي
Post: #3545
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 09:12 AM
Parent: #3543

قال ليك ولانو الذاكرة بقت زي بنطلوني بتاع الجينز الغسلتوا بالكلور لما كنت برلوم ...
عادي قمت جليت ليك نناس جبريلا وزينوبة وعيد لكن هم ما عارفين معزتهم قدر شنو...
ولكن والله خوف ساكت من وليع النيران ...
والناس المضربين ديل اول ما الجوع يقرصهم ... بقوموا على الشمارات
Post: #3544
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-24-2010, 09:11 AM
Parent: #3542

اولا يالكبير جلا ومش شرط تكون كبير عمر

لكن الحمد لله دودي نقص لينا العمر (10) سنوات زي حكاية خالتك ياجلا

ثانيا نطمنك على المدعو جلال عثمان وجدناهـ حي يرزق ومافيه إلا العافية
سبب الغياب إنهم معزّلين من المكتب وإن شاء الله بعد الإستقرار يطمئنكم
Post: #3546
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 09:34 AM
Parent: #3544

في أحوال المغتربين السودانيين

إذا كنت راكب جيب برادو ولافي عمة كبيرة وشايل جوال غالي الثمن وتتجدع في شوارع واستراحات الرياض وجدة فأنت سوداني ظاهرك غنيا وباطنك غرقان في التقسيط إلى أذنيك .

إذا كنت زول شاطر في مهنتك ومعاك مؤهلات حلوة وما لاقي شغل كويس رغم مرور عشرة سنوات على اغترابك ، معناها أنت سوداني ينطبق عليك احد أمرين ( أما انك شين ومبشتن وشكلك ما سياحي ) ومافي زول هضمك أصلا عشان ينظر لشهادتك أو أنك مسكين وعبيط بتعرف تقدم نفسك في عالم الـ malt malt nationality
في الحالتين بنصحك بالعودة فورا إلى بلدك يمكن تلقى ناس تفهمك وتقدرك

إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حا تغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "

إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( مودلز ) جديدة منه.

إذا كان عمرك بلغ الستين أو أوشك وبناتك أتزوجوا وأولادك أتخرجوا من الجامعات ولا زلت قاعد في الغربة ، معناها أنت سوداني يائس من تحسن الوضع في السودان وغير قادر على التأقلم معه والعيش فيه بنمطه الحالي والغربة جرت في دمك بسرعة 360 كيلو متر في الساعة وأنخفضت الى 40 فقط تجاه وطنك وتفضل قضاء بقية عمرك متغرباً عن وطنك ومتقربا لله في مساجد السعودية الفخمة مستفيدا من سهولة وتوفر أجواء العبادة والعمل للآخرة، وغالبا ما تكون ليس من ذوو الطموحات المادية ومكتفي بان تعيش مستور الحال إلى أن تلاقي ربك .

إذا كنت مغترب من أوائل الثمانيات وكنت شغال في الحكومة وحضرت فترة الطفرة الخليجية وانتقلت الآن للقطاع الخاص بعد سعودة وظيفتك التي قضيت بها ما يقرب من ثلاثون عاما واشتغلت في شغل اقل من شغلك الأسبق بكثير وراكب عربية هكرة فأنت سوداني جسور وصبور ونبيل بس تخطيطك الاقتصادي تعبان شوية لأنك مفروض تكون راقد في الضل بعد هذه الرحلة الطويلة ولكن ربما تكون عند الله أفضل من الكثيرين .

إذا كنت ليك سبعة سنوات ما نزلت إجازة رغم مناشدات اهلك لك للحضور حتى لو أيد وراء وايد قدام على الاقل لمقابلة والدتك المريضة وزوجتك "حامياك " تمشي لوحدك بحجة خوفها من أن تتزوج عليها والميزانية غير كافية لسفر جميع أفراد أسرتك ، وسرقك الزمن حتى جاءك خبر وفاة والدتك ونفس الظروف منعتك من السفر للبكاء فأنت سوداني ميؤس من حالتك وعليك تغيير أسلوب حياتك عشان ما تجلي من الدنيا والآخرة معا .

إذا كنت محمول ومليان أطفال إلى أضنيك ومزنوق على مدار العام ورغم ذلك كل يوم تهدد زوجتك بأنك إذا الله أداك رزق حا تعرس فوقها رغم تحملها لفقرك وضنك الحياة معك فتأكد من انك شخص جاهل وأناني ولن يفتحها الله في وشك مدى الحياة بسبب ظلمك لهذه المسكينة العايشة معاك على الحلوة والمرة ومتحملة ( ؟؟؟ ) .
إذا كنت كل إجازة بتنزل مع نسابتك وتقضي معهم معظم إجازتك وتزور اهلك في البلد لمدة يومين بس وتشيل هدايا لنسابتك أغلى وأكثر من التي تحملها لأهلك وكل سنة أو سنتين بتعمل زيارة لي نسيبتك ولم تعمل زيارة لامك سوى مرة واحدة فقط فأنت إنسان مهروش ومغلوب على أمرك ورافع الراية ومصيرك سيكون صعب بعد أن تعجّز وتنزل المعاش ويروح بريق الشباب والقروش وتترمي رمية الـ ( ؟؟؟؟ ) .

إذا كنت من النوع البغير شرائح جواله كثير وله عدة أرقام معظمها لا يمكن الوصول إليه حاليا فأنت أما انك شخص مديون من عدة جهات وغير جاد في التسديد ولا تملك القوة والصراحة والمصداقية والجدية مع الدائنين وتتهرب منهم بعدم الرد وتغيير الأرقام ، أو انك شخص تنتمى لعائلة ممتدة مطلبية وفاكرنك شغال نائب رئيس الدولة المغترب فيها وشغالين طلبات لو ضاعفوا راتبك عشرة مرات ما بتقدر تكفيها وأنت غارق في الحلم وما قادر تكشف وضعك الحقيقي وتعترف لهم بأنك موظف بسيط ودخلك مش مكفي عيالك بدلا عن الزوقان والتهرب وفي الحالتين تبديل الشرائح ما بحلك.

إذا كنت من النوع الببدأ مع المدام في شراء الهدايا لإجازة الصيف منذ فبراير وتبدأ الرحلات المكوكية اليومية لكافة الأسواق ومقاسات وتطقيم وعطلة لأجل الأولاد وأخوالهم فقط فأنت سوداني كلاسيكي وما عندك شغلة ومرتك كلاسيكية اكترمنك حيث عفا الدهر عن مثل هذه الأمور وانك لم ترتدع من العبارات الجارحة التي تسمعها كل اجازة مثل ( الدلاقين دي هنا زاتها بقت رخيصة ) بتتعبوا تجيبوها كل سنة لينا لي شنو ؟؟؟.

إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة ومخليه لاختك تسكن فيه بدون ايجار كمساعدة لها وعندما ذهبت في اجازة مرافقا لابنتك المقبولة في الجامعة كي تسكنها في بيتك مع اختك تفاجأت بأن اختك اجرت البيت لصالحها ورجعت سكنت في البلد بدون اذنك والمؤجرة طردتك من بيتك ومشيت سكّنت بنتك في داخلية غالية التكلفة وما قدرت تسأل أختك من تصرفها فأنت سوداني ويا حليلك كمان الله يكون في عونك ,

غايتو ... الكلام دا رسلوا لي الود سمسم بالاميل ... قدر ما قريتوا لقيت عيوني بدمعوا واطشش وما اقدر اكمل قراية
كدي رايكم شنو ...
جلا ما معانا ...
Post: #3547
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-24-2010, 10:12 AM
Parent: #3546

Quote: قدر ما قريتوا لقيت عيوني بدمعوا واطشش وما اقدر اكمل قراية


اذن انت يا جلة

Quote: إنسان مهروش ومغلوب على أمرك ورافع الراية




العشرة سنين الانا جليتا ديك فاكرها جايه من العدم .... كلو بسببو
Post: #3548
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-24-2010, 10:45 AM
Parent: #3547

جلال يا حبيب
حمد لله على السلامة
Post: #3549
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-24-2010, 11:06 AM
Parent: #3548

Quote: كدي رايكم شنو ...
جلا ما معانا ...

و الله عرفتها
لكن ما مخليكم و الكلام محرقني
لكن أنا بدي فرصة للأخوان كلهم يقولو رأيهم
بعد داك ممكن أخش بي رأي
أو أحسن أمشي أفتح لي بوست بي غادي
Post: #3550
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-24-2010, 11:08 AM
Parent: #3548



ياجلال وسمسم
من زمان صعبانة وبالدراسة المتعمقة لحالة المغتربين أعلاه
صعبتوها أكثر
دي معادلات معقدة خلاص لابتتوزن في الرياضيات ولا الكيمياء
Post: #3551
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-24-2010, 11:18 AM
Parent: #3548

صبحكم الله بالخير

أنا عندي أي مداخلة بالنهار صباح...عشان كده صبحت عليكم...

و بعدين قلت الحندكة بتاعت النهار دي لي بتين...حأدخل يعني حأدخل...

Quote: إذا كان عمرك عدى الأربعين سنة وراتبك لا زال بين 3.000 إلى 5000 ريال



جلال يطلعوا كم بالاسترليني ديل (نظام شو كده)...

Quote: إذا كنت قاعد عزابي وعائلتك ليست معك


ممكن تحدد ليناالمدة بتاعت العزوبية...ستة أيام بتتحسب..

Quote: إذا كنت محمول

طيب اذا كنت جوال...ها ها ها
بايخة مش...

Quote: إذا كنت من النوع البغير شرائح جواله كثير وله عدة أرقام معظمها لا يمكن الوصول إليه حاليا

طيب اذا كنت ما بتغير و يمكن الوصول اليك وما بترد...

تكون شنو..

دغيل ...صاح
Post: #3552
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-24-2010, 11:22 AM
Parent: #3548

جلة .... الطااااااااااااااااااااااااعم

وازيد على مداخلتك الشحمانه ...
هدية قيمة لاي مغترب لا ينطبق عليه بند من البنود التي ذكرتها ....







النضيف ... محاسب نضيف
هاك الجغرافيا دي ....
Post: #3553
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 11:30 AM
Parent: #3552

هوي ... بالراحة بالراحة
عشان نقدر نرد .

يلا .. نمشي نتغدي ونجيكم الرابعة والنصف بتوقيت هنا
Post: #3554
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-24-2010, 11:58 AM
Parent: #3553

Quote: طيب اذا كنت ما بتغير و يمكن الوصول اليك وما بترد...

تكون شنو..

دغيل ...صاح

دي جات في التنك
وكيفتني في حناني زاتو
جلا متنكر في صورة طارق جبريل
Quote: يلا .. نمشي نتغدي ونجيكم الرابعة والنصف بتوقيت هنا

غدا بدون تحلية
زي فول بدون زيت
Post: #3555
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:08 PM
Parent: #3554

Quote: العشرة سنين الانا جليتا ديك فاكرها جايه من العدم .... كلو بسببو

ياجماعة دا كلام واضح ... وصريح
الزول دا رافع الراية معانا ...




--------
عبدالدائم يا اخوي انت معزور جاي راجع من الاجازة
Post: #3556
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:14 PM
Parent: #3555

Quote: جلال يا حبيب
حمد لله على السلامة

جبريلا ... كيف ايامك ياخ .... علك طيب ووليداتك
والله يالحبيب عجبني شديد لي بتنا الدكتورة رؤي طلحة جبريل
بس انت عارف البتاع داك الاسمو "وش الكتاب" ما قاعد اعرفلوا ابدا
دحين آ اخوي انا بباركلها هنا دا معا اعمامها وعماتها ديل ....
دحين امانة عليك توصلها التهنئة وتقول ليها عمك جلال قال ليك الف مبروك الدكتوراة مع مرتبة الشرف
---------
ان شاء الله تكون اتخصصت باطنية "السكر دا كرهنا ياخ"
Post: #3557
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:24 PM
Parent: #3556

Quote: و الله عرفتها
لكن ما مخليكم و الكلام محرقني
لكن أنا بدي فرصة للأخوان كلهم يقولو رأيهم
بعد داك ممكن أخش بي رأي
أو أحسن أمشي أفتح لي بوست بي غادي

جلا ... يا اخوي والله الغربة دي اكعب حاجة في الدنيا ... وانا عارفك زول حنين عشان كدة قلت انت ما معانا
خايف عليك ياخ ... الحكاية دي صعبة ياخ والله تجهج ليك باكات برشلونة ذاتو
اسا ماشيف الهضربة دي ...


---------
هاك دي ....
عندنا واحد بلدياتنا طول عمروا في السودان شغلتوا راعي وكل سنينو في الخلا
اها الراجل محمول قمنا جبنا ليهو تأشيرة راعي وفعلا اشتغل راعي وقريب من الرياض
اها بعد فترة مشيت ازوروا ......
كيف يازول امورك ان شاء الله تمام ...

تعرف قال لي شنو .... هاك الحكمة دي ...
قال لي والله ياجلال الغربة دي حارة وتبكي والله "الجمل اب شلاليف دا"
Post: #3560
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-24-2010, 03:30 PM
Parent: #3556

شكراُ يا بكري على دعمكم اللامحدود لأخوتكم الزقازيقاب ..

و نتمنى تمكيننا من التواصل عبر هذا البوست ..


ناس الزقازيق ... أجدع ناس ( 3 ) ..



و لكم جزيل شكرنا و عظيم إمتناننا

صاحب الحوش أخونا عصام دهب شايف سغلو كويس

شكراً على إهتمامك يا سعادة المستشار الدهب.

أخونا الطاعم اللذيذ جلال عثمان ،،، بركة الجيت

وجايب معاك كتاحة جلا والله هججتوا لينا البوست ،،،

عودة جميلة وهجوم تمام.
Post: #3565
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-24-2010, 03:55 PM
Parent: #3556

Quote: إذا كنت ليك سبعة سنوات ما نزلت إجازة رغم مناشدات اهلك لك للحضور حتى لو أيد وراء وايد قدام على الاقل لمقابلة والدتك المريضة وزوجتك "حامياك " تمشي لوحدك بحجة خوفها من أن تتزوج عليها والميزانية غير كافية لسفر جميع أفراد أسرتك ، وسرقك الزمن حتى جاءك خبر وفاة والدتك ونفس الظروف منعتك من السفر للبكاء فأنت سوداني ميؤس من حالتك وعليك تغيير أسلوب حياتك عشان ما تجلي من الدنيا والآخرة معا .


هي دي بعد الدنيا والآخرة تجليك العقل أيضا

عندما قرأت هذه الجزئية ياجلال تذكرت حالة حصلت لمصلي معتا في مسجد عتيقة الجامع
قي صلاة الجمعة ، الخطبة شغالة يقوم سوداني متهندم تمام للصلاة من الوسط الجنوبي للمسجد
ويبدأ يجري بين الصفوف إلى أن يكمل الصف في الجانب الشمالي ثم يبدأ من قدام الصف الآخر جكة
من الطرف الشمالي إلى الطرف الجنوبي إلى أن تصدى له إثنين من الأخوة السودانيين في وسط المسجد
بس للأسف الشديد بعد إنتهت الصلاة نسيت نسأل عن هذا المنكوب وما افتكرت إلا عندما جات الجمعة الثانية

Post: #3558
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-24-2010, 03:24 PM
Parent: #3555

جلــــّه ... منــور والله

Quote: العشرة سنين الانا جليتا ديك فاكرها جايه من العدم .... كلو بسببو


الزول ده ما جلاّها ولا حاجة ...

هو فتح ليها كوبرى .. لكن ما لقت ليها حريف يختها فى التمانيات

انتظروا منصور ... او الكوتش وزهير ..!!

غايتوا انا رأيى انو دودى عامل حساب فرق حاجة ما عارفها شنو ( عملة .. توقيت .. ؟!

Quote: إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة


طيب ... ناس الفاتح كيف ؟؟
Post: #3559
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:28 PM
Parent: #3558

ابوحميد يا حبيبنا ....
انا قلت اهضرب كدة شوية محمد عيد دا لو ما جا ء امشي اشرك ليهو بهناك ....
بس ما خيبت ظني ....
لكن شرك عبدالدائم دا ماعرفناه غايتو منتظرين منصور
وبالعدم ناس الفاتح ...
Post: #3561
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:34 PM
Parent: #3559

Quote: دي معادلات معقدة خلاص لابتتوزن في الرياضيات ولا الكيمياء

يا ابو حميد ... استعين بصديق
وكان معادلاتك دي غلبك تحلها استعمل القانون دا :
2010-1988=12
Post: #3562
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:44 PM
Parent: #3561

Quote: ممكن تحدد ليناالمدة بتاعت العزوبية...ستة أيام بتتحسب..

حسيت بيك والله .... ياود ياحنين انت ...
عارف لغاية سنة كاملة لايعتبر ذلك في عرف مغتربي الخليج عزوبية
اسأل مجرب ...
منذ 2001 وحتي 2006 كان عيالي بجو لي في الرياض زيارة بقعدوا "تسعة شهور" ويمشوا
وتاني سنة ما بشوفهم ....
اها وحاتك السنة دي بتعدي لفحة بس القاهم ليك جو طايرين ...
اها وحاتك اسا مع المدارس دي كايسين اللفحة دي ما لاقينها ...

تقول لي ستة يوم ......
عملتوا لينا شنو في موضوع "اديس داك"
Post: #3563
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:51 PM
Parent: #3562

Quote: أخونا الطاعم اللذيذ جلال عثمان ،،، بركة الجيت

وجايب معاك كتاحة جلا والله هججتوا لينا البوست ،،،

عودة جميلة وهجوم تمام.

ريسنا وحارسنا وفارسنا
تاني البوست دا انا افوتو مفلق .... ياخ والله الواحد كان ناقص ليهو شئ كتير
والحمد لله سيد الحوش ما قصر ... والود دا ياخ مشتهنو ...
Post: #3564
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 03:53 PM
Parent: #3563

اعلان هام ....
البجي وما بلقاني .....
انا بهناك في الحوش الكبير
Post: #3566
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-24-2010, 04:58 PM
Parent: #3564

هذا الايميل من الأخ أحمد سيد عبد العال وصلني اليوم...
لي عظيم الشرف بالتعرف عليك و أسالل الله أن تمكنني ظروف عملي من ملاقاتك بالمعرض..ولكن حتى و ان لم نلتقي بالمعرض فواجب عليك زيارتنا بأبوظبي...فأنا عادة أكون في أبوظبي يومي الخميس و الجمعة و أعود الى مكان عملي بالمنطقة الغربية صباح السبت...
بامكانك الاتصال بي على الأرقام التالية 0504469622- 0508179161

Quote: : الأخ الفاضل الرشيد
تحية طيبة
على الرغم من اننا لم نتقابل بالزقازيق - لأختلاف الأجيال طبعا - الا اننى من المتابعين لكتاباتك الرائعة واسلوبك المتميز فى الكتابة وكذلك القصص ، لقد عاصرنا الأخت نجاة وهى فى السنة النهائية وآمل ان تكونوا جميعا بخير .
بأذن الله سوف نكون حاضرين فى دبى يوم الأحد القادم 28 مارس للمشاركة فى المعرض الزراعى اجرامى - وندعوكم لزيارة جناحنا وحضور ندوتنا العلمية يوم الثلاثاء الموافق 30 مارس وهذه الدعوة للمهندسين الزراعيين بصفة عامة والعاملين فى مجال الدواجن بصفة خاصة .
آمل ان تسمح لكم ظروفكم فى تلبية الدعوة والى اللقاء تقبلوا منى كل التحايا .
أحمد سيد عبد العال - زراعة الزقازيق 1993
جدة - السعودية



أسعد كثيرا عندما تاتيني مثل هذه الايميلات وأدعو من هنا كل ألأخوان الذين لا يملكون عضوية المنبر بمراسلتي و سأقوم بنشرها لهم ليتواصلوا مع من يحبون...
Post: #3567
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-24-2010, 05:43 PM
Parent: #3566

Quote: حسيت بيك والله .... ياود ياحنين انت ...
عارف لغاية سنة كاملة لايعتبر ذلك في عرف مغتربي الخليج عزوبية
اسأل مجرب ...


جلال يا حبيب الله لا ورانا جنس عزوبيتكم دي...

أنا من أول يوم جيت فيهو الامارات رافع شعار لا انفصال بين أفراد الأسرة الواحدة..
وبيني وبينك الله وفقني و قدرت أحافظ على هذا الشعار حتى يومنا هذا...
أطول فترة عزوبية عشتها كانت في بداية فترة اغترابي و بلغت سبعة شهور...
و كانت كأنها سبعة سنين...
و لم تكن تلك السبعة شهور الا نتيجة لارتباط نجاة بعمل في السودان في ذلك الوقت...
كثيرون هنا كانوا يرفعون نفس الشعار...
و لكن ظروف الحياة في الخليج و خاصة الامارات أجبرتهم على ارجاع أسرهم...
فارتفاع أسعار الشقق السكنية و رسوم المدارس كانت وراء تفريق الأسر...
نسأل الله أن يلم شملهم....

قلت لي أديس...
أديس شنو يا حبيب....
عيبها لي زيوريخ...انتو بس قنطرو لي الشو ده و أنا بشوت ضفاري...
Post: #3568
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-24-2010, 05:59 PM
Parent: #3567

والله يالرشيد لكن الشو ماعندك ...
تعرف .. افكر جدياً هذا العام بتغيير استراتيجية الاجازة
ولكن الخوف هو من الظروف الاجتماعية التي تجبر الانسان بالخضوع لبعض الاساسيات
يعني كنت مبرمج اتجه للغرب القريب "دا مصطلح" خاص ممنوع استعماله
والذي شجعني حكاويك وقصصك "وصورك" ديك عن تركيا ... وفعلا ناقشت الموضوع مع وزارة الداخلية
وذلك يوم "المازرس داي" قلنا مفاجاءات وكدة ... تعرف الرد كان شنو ...
"ياحليلك" انت ناسي عرس اخوي تالت يوم في العيد... غايتو ماعارف ليه طوالي اتذكرت منصور
المهم كان الله مدي في الايام يوما ما امكن نتقابل في زيورخ ...
بس اديس دي برضو ليها يوم بت اللذينا...















---------
هذا والتحية للبرلوم احمد سيد عبدالعال وبالتوفيق ان شاء الله
Post: #3569
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-24-2010, 06:39 PM
Parent: #3568

Quote: "ياحليلك" انت ناسي عرس اخوي تالت يوم في العيد...


عارف يا جلال...اي مشروع بدون مباركة بت الشيخ اعتبرو مجرد أحلام...
هم البنجحوا و بفشلوا أي مشروع...
انت خطط و بعدين خليها تديك خاطرها...
لكن لازم تكتك للموضوع كويس...
أنا قعدت أوري نجاة البص أبو طابقين داك لمدة سبعة سنين..
حتى وافقت نمشي لندن...
حسه الأيام دي رافعة شعار البيت قبل الشو...
رغم منطقية كلامها لكن الموضوع ده محرقني و مخوفني...
محرقني يا حبيب عشان صور تركيا قربت تفقد الصلاحية بتاعتها...
و مخوفني بسبب انو أي زول بنى ليهو بيت في السودان مشى مات فيهو..
قلت لي نجاة الظاهر عليك نويتي علي...
انتي راجعة بتين السودان ان شاء الله...
قالت لي و الله ما عارفة...
قلت ليها لما تعرفي كلميني عشان قبلها بسنة كده أبني ليكم البيت...

ان شاء الله في الفاتح...
Post: #3570
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-25-2010, 00:02 AM
Parent: #3569

نرحب فى هذه الامسية بعودة الابن الـ .... بار

عثمان ود الجيلى

ابو محمد فاجأنى هذا المساء بمكالمة من هاتفه الجداوى ..!!

عاد بعد رحلته للسودان الشقيق والتى اسماها هو

رحلة المائة يوم ..!!

يبدو اننا موعودون بحكاوى كثيرة بعنوان مائة يوم من الحنين

على وزن مائة يوم من العزلة ...

اهلا ابو عفان .... ونوّرت ..
Post: #3571
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-25-2010, 06:30 AM
Parent: #3570

استغاثة ولدنا محمد عيد في مربع كاي .............

Quote: مررت خلال اليومين الفائتين بتجربة مريرة

لم أعش مثلها من قبل ...

الا فى ايام الدراسة الثانوية والمظاهرات ايام نميرى ...

صباح الثلاثاء اول من امس .. وبعد دخولى لمكتبى فى المركز بدقائق

تلقيت اتصالا من زميل لى بدا منزعجا وهو يصرخ .. ألحقنا عندنا طفل مات فى مدينة الملاهى ..!!

انطلقت مهرولا بسرعة لا أحسب اننى مارستها لعدة سنين خلت وصعدت درجات السلم الخرسانى دون ان افكر

فى امتطاء المصعد او السلم الكهربائى .. وسرعان ما كنت بالطابق الثالث ووجدت تجمهرا كبيرا فى مدينة

الملاهى حول لعبة الـ flume ride او كما يسمونها الشلال المائى وسمعت من الزملاء ان طالبا عمره 6 سنوات

كان من ضمن طلاب مدرسة انتظموا فى رحلة للمركز قد انزلق بين عربات الشلال وفاضت روحه الى بارئها ..!!

لم استطع الذهاب لرؤيته ولكنى دون وعى كاملا ادرت هاتفى طالبا عمليات الدفاع المدنى الذين وصلوا خلال

3 دقائق بالظبط .. وبدأت فرق الطوارىء مع الفنيين العاملين لدينا بالمركز فى محاولة اخراج الطفل

وتحقق ذلك بعد مضى ساعة كاملة .. كانت مثل دهر ... وخرج الطفل البرىء جثة هامدة ...

ارتبك الموقف بشكل غير طبيعى وامتلأت الساحة بضباط الشرطة والدفاع المدنى ومسئولى التربية والتعليم

وبالطبع ملاقيف الصحافة ..!! وبعد ابلاغ والد الطفل واهله واجراء بعض التحقيقات فى الموقع تم اقتيادى

مع مجموعة من زملائى العاملين بالمركز الى ادارة الدفاع المدنى لاكمال التحقيق ...

وظللنا فى حالة انتظار مؤلم ومرهق ومداولات وتحقيقات حتى الساعة الثامنة مساء ...

وتكرر الموقف منذ صباح اليوم ولكن فقط حتى الثالثة عصرا لنواصل يوم السبت .. بعد ان سمح بدفن

الطفل نهار اليوم ..!!!

وأخذ علينا تعهدا" وتم سحب اوراقنا الثبوتية لضمان تواجدنا حتى انتهاء التحقيقات ...

الارهاق النفسى الذى تملكنى طوال اليومين لا استطيع وصفه .. ما بين رؤية الطفل مسجى على الارض ثم محمولا

على النقالة وما بين الوقوف انتظارا للتحقيقات لساعات وساعات وترقب مؤلم لتداعيات لا أدرى الى اين

يمكن ان تؤدى ... كل ذلك تمكن منى بصورة شعرت بعدها باعياء شديد ...

أسأل الله ان نتجاوز هذا الموقف بكل تداعياته على خير واطمع فى دعاءكم معى ....

يا رب ســترك ...



نسأل الله ان يمر الموقف على خير يامحمد ...
ونسأل الله ان يكون الطفل رحمة وغفران لوالديه ...
Post: #3572
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-25-2010, 08:03 AM
Parent: #3571

الأخ محمد عيد

أولا نسأل الله أن يرحم هذا الطفل ويصبر والديه وذويه

ثانيا

نسأل الله أن يعينكم على تخطي هذه المحنة لأنو فعلا دا موقف صعب شديد ويصعب إحتماله

لكن إن شاء الله تعدي على خير

_______________

ومشكور كتير يا نجيلة

والتحية لكل الجدعان
Post: #3573
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-25-2010, 09:22 AM
Parent: #3572

الاعزاء الاحباب ..

نجيلة ، سامى ، ود المهدى ، رشيد ، جلا

الشكر الجزيل لكم على هذه الوقفة وهذا التضامن

ونسأل الله الرحمة لهذا الطفل وان يجعله الله شافعا لوالديه

&&&&&&&&&&&

معذرة لكل الاخوة الذين اتصلوا علىّ ولم استطع الرد عليهم

وذلك بسبب تركى لهاتفى فى المكتب والانشغال فى معالجة تداعيات الحادثة

وخصوصا مع الصحافة والصحفيين أقصد السـخفيين .. وبالجد فكرت أستعين بالهكر

الحايم فى المنبر العام اليومين ديل ..!!

رشيد .. نعم نحن نقوم بتشغيل الملاهى والمعدات بأنفسنا .. وكل التجهيزات

والتركيبات مصممة بأحدث الطرق ومؤمنة تماما من نواحى السلامة ..

ولكن الطفل المرحوم لم يقع من اللعبة او سقطت به ... ولكنه تسلل من باب خلفى

خاص باعمال الصيانة وحاول ركوب اللعبة فى الاتجاه المعاكس ...

رحمه الله وصبــر والديه

Post: #3574
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-25-2010, 09:45 AM
Parent: #3572

الأخ/محمد عيد

نسأل الله أن يفك هذه الكربة ، وإن شاء الله محنة وتعدي


يا الرشيد فبل أكثر من خمسة سنوات وزعت لنا أراضي بالوادي الأخضر
المنطقة المخططة للمطار شرق النيل ثم تحول المطار لام درمان
مشيت للموقع من الطائف عبر كبري المنشية ثم شارع العيلفون إلى مشروع
السليت ثم توجهنا شمالا ثم مرة ثانية شرقا مش المنشية لحالها الإختفت
المنشية والحاج يوسف وعد بابكر حتى وصلنا بالظبط (30) كيلو من الطائف
حسب عداد السيارة ، الشيء الإيجابي الوحيد الشوارع مسفلتة إلى داخل الوادي
وجدنا الناس ساكنة في مباني صندوق التنمية العقاري ، خلف المنطقة المبنية
حاجز ترابي عالي ، سألت عن مربعنا قالوا لي خلف الحاجز الترابي منطقة عراء
ومجرى سيل مائي ، قلت في نفسي نحن أصلا أقاليم وفي الخرطوم إن شاء الله ما أسكن
أرياف وأقاليم ، لازم أجد لي موقع داخل الأحياء القديمة المعروفة مهما كلّف
الحمد لله وجدت موقع بشمبات وسط بحري شرق السكة حديدبما يعرف بالسكن البستاني
قطعة بمساحة (800) م 2 شرط أن تكون المباني في مساحة 200م 2 والباقي مشجّر
القيمة (150) مليون جنيه يدفع مقدم خمسين مليون الباقي يقسط في (50) شهر
بواقع مليونين في نهاية كل شهر

الكلام ده بدأ قبل 6أشهر عندما كنت بالخرطوم دفعت عربون لشركة بساتين التاكا
على طول حددوا لنا الأرض بواسطة نوع من أنواع النباتات يستخدم لهذا الأمر
عندما عدت الرياض بالظبط في نهاية أكتوبر 2009 طلبوا المقدم كامل طبعا
ماكنت جاهز ، ناقص لي (20) مليون على طول فكرّت في الزقازيقاب الحلوين
لأني واثق فيهم اخترت ستة أشخاص وفرضت صندوق المشاركة فيه 4ألف ريال ويبدأ
من شهر اكتوبر المنتهي وعلى حسب ظروف الإخوة وزعنا الصرفات والحمد لله الآن
إنتهينا من الصندوق. الزقازيقاب ثروة لا تقدر بثمن
Post: #3575
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-25-2010, 10:06 AM
Parent: #3574

محمد عيد ...
كامل تضامننا ياحبيب وشدة وتزول ان شاء الله
وربنا يرحم الصبي ويجعلوا شفيعا لوالديه
Post: #3576
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-25-2010, 10:19 AM
Parent: #3575

محمد عيد كيفنك
ياخي ربنا يلطف
وربنا يصبر أهل الفقيد
Post: #3577
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-25-2010, 10:32 AM
Parent: #3576

بسم الله الرحمن الرحيم


توفى قبل قليل بمدينة جـــدة والــــد زميلتنا هويدا عثمان حامد / حقوق

وسيتم الدفن خلال اليوم .



اللهم اغفر له وأرحمه

وعافه واعف عنه.. واكرم نزله ..

ووسع مدخله.. واغسله بالماء والثلج والبرد..

ونقه من الذنوب والخطايا كما ينقى الثوب الأبيض..

اللهم جازه بالحسنات إحسانا.. وبالسيئات عفواً وغفرانا..

اللهم أنزل على قبره الضياء والنور.. والفسحة والفرح والسرور..

اللهم أنزل عليه بردا وسلاما..

اللهم انقله برحمتك من ضيق اللحود والقبور..

إلى سعة الدور والقصور.. في سدر مخضود..

وطلح منضود.. وظل ممدود.. وماء مسكوب..

وفاكهة كثيرة.. لا مقطوعة ولا ممنوعة.. وفرش مرفوعة ..

اللهم لا تحرمنا اجره ولا تفتنا بعده واغفر لنا وله ....

اللهم اجعل قبره روضة من رياض الجنة ..

اللهم بيض وجهه.. ويمّن كتابه.. ويسر حسابه..

وليّن ترابه.. وطيب ثراه.. وثبته على الصراط..

اللهم اجعله يمر علي الصراط كالبرق الخاطف..

اللهم اظله تحت ظل عرشك..

يوم لاظل إلاّ ظلك ولا باقٍ إلاّ وجهك..

ولا تحرمه النظر إلى وجهك الكريم.. والشوق إلى لقائك..

اللهم احشره تحت لواء نبيك محمد صلى الله عليه وسلم..

واسقه من يده الشريفة الطاهرة.. شربة هنيئة مريئة..

لايظمأ بعدها أبدا.. وبلغه شفاعة الحبيب المصطفى..

اللهم اجعل القرآن العظيم شفيعا له في قبره..

وشاهدا له في الآخرة.. وحجة لها يا رب العالمين..

اللهم اجعله من السبعين ألفا الذين يدخلون الجنة بغير حساب..

اللهم اسكنه في الفردوس الأعلى من الجنة مع نبينا

و حبيبنا محمد صلى الله عليه وسلم..

اللهم اسكنه في قصورها.. واسقه من أنهارها.. وأطعمه من ثمارها..

اللهم اخرجه من ذنوبه كيوم ولدته أمه.. واعتق رقبته من النار..

اللهم اقض عنه كل دين..

اللهم أبدله دارا خيرا من داره ..

وصحبا خير من صحبه .. ..

واجعل لها من بعده صدقة جارية .. وعلم ينتفع به ..

واجمعنا به في الفردوس الأعلى من الجنة ..

برحمتك يا أرحم الراحمين ..

يا أرحم الراحمين .. يا أرحم الراحمين ..

وصلى الله وسلم على سيدنا محمد خاتم النبيين والمرسلين
Post: #3578
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-25-2010, 10:37 AM
Parent: #3576

نهاراتكم سعيدة ...

اخونا محمد عيد الله يعينكم .. والله بالجد موقف صعب شديد ...
ربنا يرحم الطفل ويعوض اهله خيرا .. وانشاء الله ربنا يسهل عليكم ...

جلال يا خطير .. اهلا بيك وانت مركب مكنة برادو VX ..
نحن عشان ما ندخل في جنس التضريبات دي خلينا الغربة وقلنا نحن جند الله وجند الوطن ...
Post: #3579
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-25-2010, 10:40 AM
Parent: #3576

صباح الخير،،، يا وجوه الخير

أصبحنا وأصبح الملك لله،،، وحده

يا سلام يا محمد عيد ،،،،

شده وتزول رينا يلطف ويسهل الأمر

وأنت في موقع المسؤولية وهي فعلاً

تجربة قاسية.

ربنا يرحم الطفل المتوفى ويلهم أهله

الصبر والسلوان .
Post: #3580
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-25-2010, 03:08 PM
Parent: #3579

Quote: بسم الله الرحمن الرحيم

توفى قبل قليل بمدينة جـــدة والــــد زميلتنا هويدا عثمان حامد / حقوق

وسيتم الدفن خلال اليوم .

خالص التعازي القلبية نسوقها للزميلة هويدا عثمان
ونسأل الله ان يتغمد الوالد برحمته وان يجعل الجنة مثواه مع الصديقين والشهداء وحسن اؤلئك رفيقا
انا لله وانا البه راجعون
Post: #3581
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-25-2010, 05:08 PM
Parent: #3580

رحم الله والد الأخت هويدا عثمان رحمة واسعة وألهم آله وأسرته حسن العزاء ... وخالص التعازي للأخت هويدا عثمان ,,,
Post: #3582
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-25-2010, 05:38 PM
Parent: #3581

سلامات يا ناس

خالص التعازى للاخت هويدا عثمان حامد

فى وفاة والدها له الرحمة.
Post: #3583
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-25-2010, 07:43 PM
Parent: #3582

خالص التعازى للاخت هويدا عثمان حامد

فى وفاة والدها له الرحمة.
Post: #3584
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-25-2010, 10:26 PM
Parent: #3583

اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
صادق التعازي للاخت هويدا عثمان
Post: #3585
Title: Re: ناس الزقازيق ... أجدع ناس ( 3 ) ..
Author: محمد عيد
Date: 03-26-2010, 00:14 AM
Parent: #3584

نشارك الاخت هويدا عثمان الاحزان فى وفاة الغفور له باذن الله والده

اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..

وانا لله وانا اليه راجعون
Post: #3586
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-26-2010, 01:24 PM
Parent: #3585

جمعتكم مباركة

كيفكم و كيف عيالكم...ان شاء الله قيلتم طيبين...

وقف حمار الشيخ في العقبة...
لي زي ربع ساعة واقف بفكر أكتب شنو...
لحدي ما خفت يجي الهكر ينتهز الفرصة دي و يلفح باسوردي و يحيرني...
و أنا لسة واقف بفكر أكتب شنو...
بدون باسورد أعمل شنو أنا تاني...
خميس و جمعة ما مشكلة...
نهار كل يوم من السبت و الى الخميس ما مشكلة...
المشكلة الليل الطويل الملولو داك...
حسة الحمد لله الصيف ابتدأ يرجع و يرجع لينا النهار الطويل...
لكن تخيلو ليل طويل بدون باسورد...
تجي تتابع و تستمتع و تمشي...
بالرغم من انو بتجي لحظات زي دي تقيف و ما عارف تكتب شنو..
لكن برضو أحسن من يجي هكر يشيل باسوردك و يخليك محير...

اللهم جنبنا الهكر
Post: #3587
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-26-2010, 03:36 PM
Parent: #3586

خالص التعازي للأخت هويدا عثمان في وفاة المغفور له بإذن الله والدها

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخت هويدا الصبر

انا لله وانا البه راجعون
Post: #3588
Title: Re: ناس الزقازيق ... أجدع ناس ( 3 ) ..
Author: عمر هواري
Date: 03-26-2010, 11:43 PM
Parent: #3587

تعازينا للأخت هويدا في وفاة والدها..
رحمة الله عليه وربنا يلهمها الصبر الجميل ..
ويسكنه فسيح الجنات مع الصديقين والشهداء .
Post: #3589
Title: Re: ناس الزقازيق ... أجدع ناس ( 3 ) ..
Author: عمر هواري
Date: 03-26-2010, 11:53 PM
Parent: #3588

الأخ محمد عيد تحياتي
لم أقرأ البوست بتاعك إلا الآن .. والله حادثة مؤثرة خالص وربنا يصبر أهل الطفل .
ونتمنى أن تكون المسألة إنتهت على خير ..
وربنا يوفقكم في عملكم ويسهل لكم أموركم ..
Post: #3590
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 03-27-2010, 00:42 AM
Parent: #3589

خالص التعازى للاخت هويدا...ونسأل الله له الرحمه...





تحياتي للناس الحلوه ..ومشتاقين ياجماعه ......
Post: #3591
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 02:39 AM
Parent: #3590

عيد... تسلم أنت إنشاءالله ...
خلص التعازى للأخت هويدا ...
Post: #3592
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-27-2010, 06:50 AM
Parent: #3591

هيييييي دى جمال فرحات ولا عيونى كعبات


شنو ...

ووين ...

وكيف .....
Post: #3593
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-27-2010, 07:09 AM
Parent: #3592

سلام يا أحباب

اصبحنا وأصبح الملك لله رب العالمين


خالص العزاء للأخت هويدا في وفاة والدها
نسأل الله له واسع الرحمة وعظيم المغفرة

وإنا لله وإنا إليه راجعون
Post: #3596
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-27-2010, 07:27 AM
Parent: #3593

صباح الهناء والسرور ...

حار التعازي لاختنا هويدا عثمان في وفاة والدها ...
اللهم ارحمه واحسن مدخله واكرم نزله واسكنه الجنة .. امين ...

اخونا محمد عيد انشاء الله الموضوع انتهى على خير ...
ربنا يفرج عنك كل الكرب ويبعد عنك كل الشرور ...

اعتقد زيارة البشير لكادقلي كان مخطط مريخي دفع الهلال ثمنه ثلاث نقاط وهدفين بالماينص ...
زيارة الرئيس القادمة حتكون حسب جدول مباريات المريخ عشان نرد اعتبارنا الهلالي ...
Post: #3594
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-27-2010, 07:14 AM
Parent: #3592

اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
صادق التعازي للاخت هويدا عثمان
Post: #3595
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-27-2010, 07:24 AM
Parent: #3594

صباح الخير،،، يا وجوه الخير

أصبحنا وأصبح الملك لله،،، وحده

نفحات الصباح :

حديث شريف ، يحفزنا لنجدد الوضوء عند كل صلاة

عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ
وَسَلَّمَ قَالَ: "إِذَا تَوَضَّأَ الْعَبْدُ الْمُسْلِمُ أَوْ الْمُؤْمِنُ فَغَسَلَ وَجْهَهُ
خَرَجَ مِنْ وَجْهِهِ كُلُّ خَطِيئَةٍ نَظَرَ إِلَيْهَا بِعَيْنَيْهِ مَعَ الْمَاءِ أَوْ مَعَ
آخِرِ قَطْرِ الْمَاءِ فَإِذَا غَسَلَ يَدَيْهِ خَرَجَ مِنْ يَدَيْهِ كُلُّ خَطِيئَةٍ كَانَ
بَطَشَتْهَا يَدَاهُ مَعَ الْمَاءِ أَوْ مَعَ آخِرِ قَطْرِ الْمَاءِ فَإِذَا غَسَلَ رِجْلَيْهِ
خَرَجَتْ كُلُّ خَطِيئَةٍ مَشَتْهَا رِجْلاهُ مَعَ الْمَاءِ أَوْ مَعَ آخِرِ قَطْرِ الْمَاءِ حَتَّى
يَخْرُجَ نَقِيًّا مِنَ الذُّنُوبِ". أخرجه مالك
Post: #3597
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-27-2010, 07:37 AM
Parent: #3595

يا جماعة أعملوا حسابكم ،،،

في هكر على بوست ناس الزقازيق

مره دخل بإسم دكتور الصادق

وتاني دخل بإسم جمال فارح

يا ربي يكون هكر ناس الزقازيق غير،،،،

يلا يا هكر مره نشوفك بإسم

كمال الشادي
ياسر شبيكة
سامي الطاهر (الدبيب)
سناء الصباغ
السمؤال ابو سن
مدثر ابا يزيد،،،،،،،،،،،الخ
Post: #3598
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-27-2010, 08:08 AM
Parent: #3597

التعازي الصادقة للأخت و الزميلة الزقازيقابية الأستاذة / هويدا عثمان حامد ( جاينيس ) في وفاة المغفور له بإذن الله تعالى الوالد / عثمان حامد صالح و الذي تمت مواراة جسده الطاهر بثرى مقبرة الحرازات شرقي جدة عقب صلاة عصر يوم الخميس 25/ 3 / 2010م .. و صادق التعازي لزميلتنا هويدا و ولأسرتها خاصة الأعزاء مصطفى / هاشم / مدثر / ياسر / شادية / نادية / نجاة / غادة و أسرة الراحل المقيم / عبد المنعم و لجميع الأهل بالأبيض و نسأل الله تعالى أن يتغمد الفقيد بواسع رحمته و عظيم مغفرته و أن يدخله فسيح جناته ..

هاتف الأخت / هويدا 00966552023551


برحيل الوالد عثمان حامد صالح مدنى تفقد مدينة الأبيض ركن... وعلما من اعلامها!!.
Post: #3599
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-27-2010, 11:15 AM
Parent: #3598

سمحة وسمرية
محبوبتى ولفتاتة غزالة
خضرة ومسقية
وجنب النيل مشتولة النالة
بهواك يا بنيـّة كتبتو قصيد
وبقولو مقالة
بتفتحى فيـّـا معانى غناى
تديلة مجالا
************
زهرة وبرية
بشوق الأرض عيونا كُحالة
تريانة ندية
بعرق الناس والناس فى بالة
يا خوفة علىّ عقل وثبات
ماهـا الولوالة
************
من فرحى البيـّا
قلعت الخوف وكستنى بسالة
قت ليها النية متين نتلم
والحال بطالة
قالت لى غنية وإنت معاى
مستورة حالة
بت سودانية محبوبتى
ولفتاتة غزالة

أغنية من بيت الكلاوي تنفع لييوم السبت...
اذا كان الراحل مصطفى سيدأحمد فنان نادر...فالقدال مجنون...
Post: #3600
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-27-2010, 11:37 AM
Parent: #3599


صباح الخير يا شباب
والشوق اكوام اكوام
تعازينا للزميلة هويدا عثمان فى وفاة والدها
رحمه الله وتقبله قبولا حسنا
والزمك مع الأسرة , الصبر الجميل


محمد عيد , كتلتوا الشافع وقعدتوا ؟؟؟!!!
تجربة صعبة ولا شك
ولكن , انت (أدها وادود )
مع ملاحظة ميسرة المهمة
ده يا ربى جمال فارح ودكتور الصادق
ولا الهكر ؟؟؟
Post: #3601
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-27-2010, 12:03 PM
Parent: #3598

يا سلام ترحيب كبير أوي بفارح والصادق عبد الله وزي ما قال ميسرة عقبال الباقين
Post: #3602
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-27-2010, 12:16 PM
Parent: #3601

طولنا جداً من الإنقلابات العسكرية

والميل رقم 36 إنقلب سريع جداً وأصبح في خبر كان

ظهور جلال وجلا وياسر نجيلة كانت دفعة قوية ،،،،،،،،،،

الميل 37 حنكتبوا بإسم اللواء أركان حرب جمال فارح ونلغي ليكم

الإنتخابات الحيرتنا دي ،،،،
Post: #3603
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-27-2010, 12:45 PM
Parent: #3602

TEST
Post: #3604
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-27-2010, 03:08 PM
Parent: #3603

Quote: TEST
Post: #3605
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-27-2010, 03:21 PM
Parent: #3604

برضو test
Post: #3606
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-27-2010, 03:25 PM
Parent: #3605

ابو الزوز ...
تحيات ياخ ...
وشكرا على المؤازرة لكن صاحبك ده الكوبي بست بتاعتو بقت "مشاترة"
يقولوا ليهو انقلاب وبقيادة "الجنرال" فارح يقول ليك تيست ...
ونحنا منتظرين "بيان رقم 1"
Post: #3607
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-27-2010, 03:32 PM
Parent: #3606

يا ابو الجل صاحبي الليلة الحاصله عليهو خليها
Post: #3608
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 03:34 PM
Parent: #3603

سلامات ...أعترف أن تجربتى مع الكتابة الأسفيرية فاشلة جدا ...فأنا أملك الكثير جدا من الحكى والقليل جدا من الوقت !!فلم تعد الأشياء هى الأشياء ....الخرطوم ليست هى الزقازيق..والقلب ما عاد هو ذات القلب والعقل بات مهموما بأسئلة الوقت ..! كل ما تحبه وتشتهيه ينفرط عقده أمام ناظريك ..وتظل تلهث تلهث لا القريب تدركه ولا البعيد تحلم به ..هى الحياة تسخر منك فى نهايات الطريق ...وتصحو ..لتجد نفسك مواجها بحقيقة أنك تجاوزت النصف الأول من العقد الرابع ........يأأأأه .
مقالدة أولى .. لاتحتمل التأخير ...(لشادى الأمير الفنان ) ..كان يأتى الى شقتى بلكوظ أخريات الليل ..نقرأ معا الزمن والرحلة لهاشم صديق ..ثم نتحين فرصة لندلف الى بهو مستشارنا الروحى سيدى ومولاى الطيب صالح ونتنزه للمرة المليون فى موسم الهجرة الى الشمال وحينما يوغل الليل الى آخر مداااااه نفترق يصر على الذهاب الى المساكن راجلا ...هو شخص يحب الليل ويحبه الليل قلق ودائم التوتر مسكون بالتميز والتفرد ..دائم البحث عن المزهو بإمتلائه ..عن النشاز بثرائه ..
كانت ذاته ممتلئة بكمالات كثيرة ..كمال ود الإمتداد والصحافات ..فردة منصور عبدالرازق ..فى أحايين كثيرة تشرق منه شموس طيبة ورقة ونقاء وبرأة كأن الذى أمامك منصور ( عرفت منصور من خلال كمال فى بدايات برلمتى ..عرفنى به هكذا .. منصور صاحبى وود جيرانا ..)
وووووووونواصل إن شاء المولى القدير مع كمالات جميلة جميàة حخ ÷لشهقة ......تحياتى لشادى
Post: #3610
Title: Re: ناس الزقازيق ... أجدع نçس (3 ) ..
Author: زهير الزناتي
Date: 03-27-2010, 03:52 PM
Parent: #3609


,br>ده كامل للجامعة تظهر كلية الحقوق عشان خاطر أولادنا بتوعين حقوق
Post: #3612
Title: Re* ناس الزقازيق ... أجدع ناس ( 3 ) ..
Author: جلال عثمان
Date: 03-27-2010, 04:16 PM
Parent: #3610

عاين للسفر دا يازهير...

الجنرال قال لىك تجرèتو في الكتابة الاسفيرية فاشلة ... وكل تلك الدرر تم نثرها، ورغم إننا ندين بشدة اتجاه "الزميل" للحصرية وتحجيم الاâر فقطفي "الحراك" دي حقة$الميد الصادق المهدي الفارحي الشادي ... الا اننا "نشتهي" ونتمني ان يجد الفارح الوقت ليتحفنا بكل شئ وكل شئ هنا لا تعني تجولنا نحو شمولية "يبغضها" ولكن النفس تمنئ نفسها بأن يسعف الوقت و "الذاكرة" هذاالذي تعدي النصف الاول من الغقد ×لرابع لنكسر له الواحاً "كثييييييييرة" من الثلج.














--,---,br>تحيات للشادي ... ومنص
Post: #3611
Title: Re: ناس الزقازيق ... أجدع ناس ( 3 ) ..
Author: ميزرظ سيد أحمد
Date: 03-27-2010, 03:57 PM
Parent: #3608

Quote: سلامات ...أعتصف َن تجربتى مع الكتابة الأسفيءية فçشلة
جدا ...فأنا أملك الكثير جدا من الحكى والقليل جدا من الوقت !!


يا سلام عليكم البيان رقم (1-

جميل وراقي ،،، ومتوازن وتوزيع المناصب

الجديده للوزراء ومجلس قيادة الثِرة

نتوقع ظهور الشادي لتنصحبه لئيس للوزراء

وعضو مجلس قيادة الثورة ،،،،،،،،،،،،،،

إنتظروا الكثير والمثير،، ،،، 
Post: #3613
Title: Re: ناأ الزقازيق ... أجدع ناس ( 3 ) ..
Author: جمال فارح
Date: 03-27-2010, 05:09 PM
Parent: #3608

خلال الثمانية أشهر!الف×ئته كنت أعمل بمنطقة تقع جغرافيا غرب النيل الأبيض ..غرب الدويم ..إداريا جزء منها يتبع لمحلية الدويم والجزء الآخريتبع لمحليب أم رسته ...المشروع تشييد محطة تنقيب مياه لتجمع عدد من القرى يسمى تجمع قرى قوز البيض ... وهو من المشاريع الخدمية المهمة جدا بهذه اàمنطقة...فهى منطقة غابت عنها الخخمçت كثيرا ...وإنسانها رائع وواعد ..وهى منطقة ثرية بأراضيها الزراعية الممتدة بلا حدود لكنها بايرب ِخربة وتنظر بأسى الى إمكانىاتهئ çلمهدرة وإنسانها المستسلم الى فقره وبؤسه ...أتمنى أن تتوفر الإرادة والعزيمة الى هذا الجمهور الجميل النبيل ليخطو مجرد خطوة ئلى ؤسعثمار طاقاته المبدعة فى إستصلاح أرضه الغنية ..حتى ولو يحرثها بيديه ويسقيها بخرج على ظهره ....فئلؤعوب العظيمة تواجه تحدياتهئ ولئ êنتظر ...لا تنتظر ...
ما قادنى الى هذا الحديث .. أن الزقازيق كانت حضورا طيلة مشاويرى بتلك اٌمنطقة فى حدثين الأول ..فى بخاياع معرفتى بالطرق المؤدية الى موقع عملى وهى طرق غاية فى الصعوبة عصية على الوصف . كثبان رملية وأخذى0طينية وأخرى بين بين وهى منطقة شبه مغلقة فى فصل الخريف ...فى بدايات تعرفى على المنطقة ..وفى قرية نائية صعبة المداخل والمخارج نسبة لأنها تجثم فوق قوز رمل ضخم تدعى العشرة .. وقعت أعينى على منظر إقشعر له جسدى ..يا سبحان الله .....بقالة الزقازيق !!!!!!!!لوحة حديدية مكتوبة بألوان زاهية تخلو من الجمال والتألف ...ولكنها لوحة مكتوب بها الزقازيق فى قرية نائية فقيرة معدمة ...تسألت بينى ونفسى هل يعلم هؤلاء البسطاء ملح الأرض ما هية هذه المدينة ..؟ ...وأى أرتال من الذكريات والشخوص تتناسل الى ما لانهايات الكون بين حروفها هذه ... عجبى ....من مدينة ترهق القلب حين يظن أنها إنتهت تبتدئ .........
الثانى .....والمشروع فى نهاياته .... تفاجؤنى اللافتات والملصقات الدعائية ...بوجه ألفته ... صبوحا جميلا فهو ينتمى الى تلك المدينة الباذخ حضورها فى القلب والوجدان والوطن (الزقازيق ) الدكتور إبراهيم هبانى مرشحا مستقلا لمنصب والى ولاية النيل الأبيض ..... هذه مدينة لا فكاك من أسرها ( ليت حبيبتى كانت مثلها ..لا فكاك ..!!)
Post: #3614
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 05:43 PM
Parent: #3613

الى الحبيب جلال وعبره للاحباب سامى عبدالوهاب ومحمد الهادى وعزام ...هكذا تأتى الى ذاكرتى (جمعا ) شلة الأولاد الحلوين المشاغبين ... لا أتذكر أنى رأيت واحد ا منكم يتجول بمفرده ..كسرب الحمام تتنزهون ...وتملؤن أرصفة شوارع القومية والشهيد وشوارع أخرى تتعثر فيها الجميلات اللائى كن يتبعن غيما يقود اليكم ... أضفتم الى الزقازيق حيوية وشغف ....أينما كنتم لكم منى كل الحب كل الأمنيات ...
Post: #3617
Title: Re: ناس الزقازيق ... أجدع ناس ( 3 ) ..
Author: Dr. Ahmed Amin
Date: 03-27-2010, 05:58 PM
Parent: #3614

أخي الكريم .. دكتورنا الجمبل

ودفـــارح

الحمدلله الذي هيئ لنا هذا النفاج الجميل الذي نطل منه بين الفنية والأخرى لملاقات أحبة فارفناهم ردحا من الزمان

وسعيد أن أرى أناملك تخط هذه الذكريات الجميلة المموسقة ..لأ أنسى أبدا ذلك اليوم الذي قابلتك فيه وكنت تبدو

حزينا وشاردا .. ليس جمال الذي نعرفه .. وقد سألتك لماذا تبدو كذلك على غير عادتك؟ إجابتك لا زالت محفورة في ذاكرتي

رغم هذه السنوات التي مرت سريعا .. فقلت لي : إني أبحث عن جمال فارح ولن أرتاح حتى أجده...

إجابة كانت قمة الفلسفة التي لا تصدر عن إنسان عادي .. فقط تصدر من إنسان أقل مايوصف به أنه في غاية الصدق ..

إنسان يبحث عن شيئ يشعر به ولا يجده .. كل أملي أن تكون قد وجدت جمال الذي تبحث عنه ..

صادق أمنياتي لك بدوام السعادة والهناء .. وأمتعك الله بكل ما تتمنى ..

وشكــرا لحضورك الأنيق الذي سيملأ البوست بالحيوية ويضخ الدماء في شرايينه .. والتحية لكل الزقازيقاب في شتى بقاع

الأرض .. والذين تجدهم متميزون في كل شيئ ..

محبتي الأكيدة
Post: #3615
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 05:46 PM
Parent: #3613

الى الحبيب جلال وعبره للاحباب سامى عبدالوهاب ومحمد الهادى وعزام ...هكذا تأتى الى ذاكرتى (جمعا ) شلة الأولاد الحلوين المشاغبين ... لا أتذكر أنى رأيت واحد ا منكم يتجول بمفرده ..كسرب الحمام تتنزهون ...وتملؤن أرصفة شوارع القومية والشهيد وشوارع أخرى تتعثر فيها الجميلات اللائى كن يتبعن غيما يقود اليكم ... أضفتم الى الزقازيق حيوية وشغف ....أينما كنتم لكم منى كل الحب كل الأمنيات ...
Post: #3616
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 05:46 PM
Parent: #3613

الى الحبيب جلال وعبره للاحباب سامى عبدالوهاب ومحمد الهادى وعزام ...هكذا تأتى الى ذاكرتى (جمعا ) شلة الأولاد الحلوين المشاغبين ... لا أتذكر أنى رأيت واحد ا منكم يتجول بمفرده ..كسرب الحمام تتنزهون ...وتملؤن أرصفة شوارع القومية والشهيد وشوارع أخرى تتعثر فيها الجميلات اللائى كن يتبعن غيما يقود اليكم ... أضفتم الى الزقازيق حيوية وشغف ....أينما كنتم لكم منى كل الحب كل الأمنيات ...
Post: #3618
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-27-2010, 06:33 PM
Parent: #3616

test
Post: #3619
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-27-2010, 07:05 PM
Parent: #3618

Quote: وشوارع أخرى تتعثر فيها الجميلات اللائى كن يتبعن غيما يقود اليكم ...

جمال اخي ...
كلمات جميلة تجعل القلب يزهو في خيلاء ...
نشكر لتلك الشوارع ان جعلتنا "نحوم" في تخوم من نحب
لك من التحية مثل تلكم الانيقة التي شملتنا بها
ولك كل شكري فقد جعلت شمس يومي هذا تغرب في هدؤ لم تعتاده ...
وحتي مداخلتكم ابت الا ان "تريحني في حناني" فتكررت اكثر من مرة
Post: #3620
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-27-2010, 07:20 PM
Parent: #3619

سلامات يا ناس

مرحب بالدكتور فارح...تعزّ علينا لقياه بالخرطوم

ونحن قاب قوسين او ادنى ونلتقيه هنا...شكرآ لهذا

البوست الذى يجمع ولايطرح ولا يقسم ولاحتى يضرب.

Quote: وحتي مداخلتكم ابت الا ان "تريحني في حناني" فتكررت اكثر من مرة


احب التكسير المُتَبادًل.
Post: #3621
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-27-2010, 07:34 PM
Parent: #3620

Quote: احب التكسير المُتَبادًل.

ياكوتش ...
وبلغة ناس الكورة الليلة بنوم "بي كدارتي"
ياخ جمال دا زول رائع والله ...

لك وله ولصاحب ال TEST الف تحية















--------
ولا يفوتنا الترحيب بسنيرنا دكتور احمد امين
ونملوز الذي ظهر بي غادي
Post: #3622
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 07:41 PM
Parent: #3620



مثل الشهب ...تأتى متباعدة ..تأتى أنت يا دكتور أمين لتذيدنى حنين ...سعيد جدا بحضورك ...لم أجد جمال فارح ولكنى وجدتك وهذا فى حد ذاته إنتصار جميل ...دمت ..
Post: #3623
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-27-2010, 11:35 PM
Parent: #3622

اكتب يا فارح
اخرجنا من ملكوت الحزن
اخرجنا من ملكوت الحنين
ارواحنا هناك
وجسدنا هنا مسخن بالانين
Post: #3624
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-27-2010, 11:41 PM
Parent: #3622

ميسرة .....الدخول الى عوالم مذهلة ...الى الأنسان المحكر فى سويداء القلب إقتدارا ورغبة ..........................................
شاء القدر أن تكون أولى محطاتى فى الزقازيق شقته ...كما شاءت الصدف أن يكون أول سودانى تقع عليه عيناى فى شوارع الزقازيق خارجا من شقة ميسرة صديقى كمال محمد الحسن عثمان................شقة تمتد كما الحقل غرفا وشخوصا ....كانت المعارك الصغيرة تشغل طلبة تجارة ...وكل تجارة داخل شقة ميسرة تتحاور وتخطط وتعمل لإقصاء الأتجاه الأسلامى من أسرة الطلاب السودانيين بكلية التجارة ..الغريب فى الأمر حينها أن طلبة الأتجاه الأسلامى كانوا حضورا داخل شقة ميسرة !!! تلك مدينة مذهلة وذاك مجتمع مبدع ........... فى هذه الأجواء كانت أولى خطواتى بشقة ميسرة ...شقة يقطنها بشكل دائم محى الدين محمد حامد وخالد نوح وجمال دفعة وعوض الكريم وميسرة وبشكل غير دائم لكنه راتب كمال الشادى ..!
كان حينها ميسرة قادما من جدة ...ما لفت إنتباهى فى هذا الشاب الوسيم كثافة شعره وسواده ..!! شعر بالرغم من كثافته تستطيع أن تتأمله شعرة شعرة ...بعدها بشهور إكتشفت سره وسر هذا التألق ..ميسرة يمتلك حقيبة صغيرة ملئ بالشامبوهات وكريمات الشعر والعطور ...ولدهشتى أن هذا الطقس كان لايتعارض البته مع نمط الحياة السائد حينها فى الشقة ..! فهى شقة فقيرة يقطنها رهط من الفقراء ...كان بينهم كأنه هم ...بالرغم من ان تلك الشامبوهات والكريمات فى ذاك الزمان لم تكن معروفة أو متداولة فى أسواقنا ...
كائن يعشق الانتظار ..لايخرج الا نادرا...فالأشياء تأتى اليه الأحباب والأصدقاء والخلان والاخبار حتى الشمار ... يجلس طيلة الوقت مرتديا عراقى وسروال أبيض غاية فى النصاعة ..وهو نظيف نظيف حد الهوس ..يستحيل أن تجد ميسرة فى حالة تسيب فى بدنه أوملبسه ..
كانت له علاقة مميزة بالبنت التى تخدم بالشقة ...علاقة تجسد وتحكى عن أبويته وإنسانيته الفذة ..فهو يعرف كل كبيرة وصغيرة عنها وابناؤها وأسرتها الكبيرة يواددهم ويعيلهم .....كان ماله متاحا للجميع ما عليك الا أن تفتح دولابه لتأخذ ما تحتاجه ...
هذا نموذج غير قابل للتقليد أو التكرار ....فإن كان للقمر وجهان وجه مضئ وأخر معتم ...فميسرة مثل الشمس له وجه واحد مضئ ومتألق ..يشبه الأنسانى الراكز فى دواخلنا .. ممتن أنا للزمن وللمدينة التى أهدتنى بعض أسرارك .... ودمت .....
Post: #3625
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 03-27-2010, 11:50 PM
Parent: #3624

زيدنا يا فارح
زيد.. زيد
Post: #3626
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-28-2010, 02:23 AM
Parent: #3625

جبريلا ...طارق المهذب اللطيف ...
فقط ...تكفى كانت لنا أيام .....
ما بين الأمتداد والزقازيق ثمة نور يضئ القلب والبصيرة ....
فى واحدة من الأجازات النادرة التى لم تحاصرنى فيها الملاحق للعودة باكرا ...كانت لى قدله فى الإمتداد ...فى الميدان المحاط بكفرات العربات ...وبالفطور الما خمج ...قراصة وتقليه ...من إيدين أم طلحه المرأة التقيه ...أدعو لها بكل ما أوتيت من صدق بالجنة ورفقة الأنبياء والصالحين ...وبذلك الصالون البسيط الأنيق تعالت ضحكاتنا وهمساتنا ..وإمتد الأنس يجرى مجرى الإلفة والرفقة الجميلة .... وسلمت على سهير ...شقيقة طارق التى كان يشاغلنى بها كلما جاءت سيرة سهير إبنة خالى حينها ...وزوجتى الأن .....الم أقل لك يا طارق كانت لنا أيام ....والمكرونة بالصلصة بشقة الأوقاف ..ميراث وليد وعماد ...وجيتار حاتم جباره ...ولا ننسى ماهر شاهين الود الأنيق القيافه ....وكمال زولوجى وفتح الرحمن ومحمد إدريس رفقاء شقة برلمتك ......يا طارق أنت زول نادر ...سرك فى بساطتك وطيبوبتك ونقاؤك ...كنت شاهدا على كثير من أفراحى وأتراحى ...وكنت ملاذ آمن ..وكنت زول تتشابا ليهو القمم الشواهق ....دمت يا جميل يا حلو .....
Post: #3627
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-28-2010, 07:07 AM
Parent: #3626

صباح الهناء والسرور ...

مراحب اخونا جمال فارح ... غيب وتعال تلقانا نحن يانا نحن ...
دكتور الصادق حباب متاوقاتك ... وياهو بيتك غيب وتعال بي راحتك ...
اخونا محمد عيد ربنا يفرج عنكم ...
Post: #3628
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-28-2010, 07:10 AM
Parent: #3626

صبحكم الله بالخير
أول ما تجي البوست و تلقى الكلام كلو أعرب ما تحته خط...أعرف ان جمال فارح قد مر من هنا...
قعدنا نضارى...لأنني و منذ أن هجرت الشعر و أصبحت من الغاويين...بقيت مستمتع جدا...و هذا أعلى
درجة من مستمتع بس...و مثل هذا الكلام لا أستطيع الا أن أستمتع به...لكن حكاية أرد بمثلة أو قريب
منه...فده شعر ما عندنا ليهو رقبه...خاصة و ان الرقبة اختفت بين أكوام اللحم و الشحم...آآآآيا
سعدنا بعودة جمال فارح و التي جرجرت د.أحمد أمين...و زادت من تألق جلال و الذي هو أصلا متألق هذه الأيام...
باقي منو...
باقي كمال الشادي...
يا كيمو...
رجيتك و في انتظار عينيك كملت الصبر كلو...
Post: #3629
Title: Re: ناس الزقازيق ... أجدع ناس ( 3 ) ..
Author: عصام دهب
Date: 03-28-2010, 07:27 AM
Parent: #3628

سلام لأجدع ناس في أحلى ميل بنكهة فارح العبقة ..

جمال زول جميل و حكاي .. و منضمة ..

في طريقنا من الساوث مول حيث كانت عزومة محمد عيد إلى صالة الحجاج تداعى لي الحاج في ونسة طاعمة تمنيت معها لو أن كل شيء تعطل ليلتها إلا إلا لسان الحكي عند جمال ..

يا أيخا المدهش الجميل .. مرحبابك و الميل ميلك ..
Post: #3630
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-28-2010, 07:37 AM
Parent: #3626

صباح الخير ،،، يا وجوه الخير

أصبحنا وأصبح الملك لله،،، وحده

دعاء الصباح:

اللهم أحفظني بالإسلام قائماً

وأحفظني بالإسلام قاعداً ،،،

وأحفظني بالإسلام راقداً ،،،

ولا تشمت بي عدواً و لا حاسداً ،،،

آمين يا رب العالمين،،،،،،
Post: #3631
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-28-2010, 08:20 AM
Parent: #3630

ساحر الكلمة وملك الوصف الآخاذ يعود

إلينا بعد أن أخذته تلك القرية الصغيرة

وبقالة الزقازيق النائية النائمة على تلكم التلة

الرملية ،،،،

جمال فارح أخي الصغير الجميل صاحب الإحساس المرهف دائماً يبصر

للدنيا بعين النحل .... يستحسن ما هو جميل ولا ينظر إليها بعين

الذباب فيقع على ما هو مستقذر!

كان ضحاكاً ومبهجاً وساخراً وراقي حين يحب .

أخي الصغير جمال ود فارح أن الأسد لم يصبح ملكاً للغابة لأنه يزأر!!

ولكن لأنه .. عزيز النفس ! لا يقع على فريسة غيره !مهما كان جائعاً يتضور ..

فأنت ملك هذا الميل وأسده القوي ،،،،، خطوطك الراقية أراحت الجميع.
Post: #3632
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-28-2010, 11:01 AM
Parent: #3631


عليكم الله شوفوا جنس حكى الجنا ده
انت خطر عظيم على الكتابة والحكى يا جمال يا فارح
كيف تسنى لك ان تزحم افاقنا بهذه التداعيات المنسابة النضرة , كيف قدرت تنقلنا من عراقى ميسرة النضيف ودولابه المفتوح
الى قراصة الحاجة بت ابو دية ام سهير وطارق فى منزلهم الكائن قرب ذلك الميدان الذى (تحيط به اللساتك ), كيف جمعت فى لحظة بين بقالة الزقازيق
بلوحتها ذات الألوان المتنافرة فى اواسط الكثبان الرملية (الملولوة ) , وبين العقل الجمعى الذى حعل من جلال وسامى ومحمد الهادى وعزام (كلا مقسما على اربع متساويات او غير متساويات )
ما خصانا ان كان عيش الريف حاضرا بينهم ومميزا لهم بين تربية الأشلاقات , وتربية ما غيرها
معلوم انك تملك الحكى الكثير والوقت القليل , كيف لا وانت تجعل من اكلك لسمكة عوضية حتى وان اتنيت متأخرا , فاصلا من المهارة لا يعوزه لا شطة ولا ليمون , يعوزه فقط
شامبيون اشتر نصف بارد وبعض حار , هذا تناول (خلاسى ) , فيه بعض عربية وبعض زنجية , ولكن فيه كل المتعة ومعظم الدهشة والكثير من (ردة الروح )
اروينى اروينى
قلت لى كانت بت خالك ؟؟؟؟
اشكرك اذ منخت لصباحى هذا طعم المفاجاة
Post: #3633
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-28-2010, 12:07 PM
Parent: #3632

يا منصور حل لى الغلوتية دى

بت شيخك اختها تبقى ليك شنو .. ؟


ــــــــــــــــ


Quote: عجبى ....من مدينة ترهق القلب حين يظن أنها إنتهت تبتدئ .........




يا ربى ده منو من ناس تجارة من مواليد النيل الابيض قرية العشرة
وعمل ليهو بقالة

بالمناسبة ياسر نجيلة بعد التخرج برضو عمل ليهو محل عشاء فى سنجة
سماهو كيمو لاند
Post: #3634
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-28-2010, 02:48 PM
Parent: #3633

test
يا جماعة
محل كسير التلج ويييييين؟؟؟؟؟
Post: #3635
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-28-2010, 04:36 PM
Parent: #3634

Quote: يا جماعة
محل كسير التلج ويييييين؟؟؟؟؟


الزقازيق نفر ،،،،،،،
Post: #3636
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 03-28-2010, 04:38 PM
Parent: #3634

اول ناصية تحود يمين تلقي واحد عندو عضلات
وقدامة تلاجة شغالة وسواقه قاعد فيها
لزوم الدلفري
اي خدمات يابيه
Post: #3637
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-28-2010, 04:44 PM
Parent: #3636

Quote: اي خدمات يابيه

ياعمرنا ....
ياخ نسيت "بدال" العجلة البكسروا بيه التلج داك
Post: #3638
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-28-2010, 05:08 PM
Parent: #3637

سلام ياكرام

في سؤال الحقسقة مدخلني في حيرة

ماهو الفرق بين غسيل العدة وكسير الثلج ؟
Post: #3639
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-28-2010, 05:15 PM
Parent: #3638

Quote: ماهو الفرق بين غسيل العدة وكسير الثلج ؟


يعتبر غسيل العدة كسير تلج لبت الشيخ ....

بالله شوف السؤال ده ساهل كيف
Post: #3640
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-28-2010, 07:56 PM
Parent: #3639

يازهير دائما السؤال الساهل لازم تسهب فيه

كأن تذكر انواع كسير الثلج أو جذء منها إذا كثيرة لاتحصر
وايضا ذكر المناسبات المرتبطة بكل نوع ، وياليت ذكر بعض المواقف
علشان نقتنع
Post: #3641
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-29-2010, 06:55 AM
Parent: #3640

أصبحنا وأصبح الملك لله رب العالمين
ربنا عليك توكلنا وإليك أنبنا وإليك المصير
ربنا لا تزغ قلوبنا بعد إذ هديتنا وهب لنا من
لدنك رحمة إنك أنت الوهاب
ربي اوزعني أن أشكر نعمتك التي انعمتها عليّ
وعلى والديّ وأن أعمل صالحا ترضاهـ وادخلنا في
عبادك الصالحين
Post: #3642
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-29-2010, 07:02 AM
Parent: #3640

صباح الخير،،، يا وجوه الخير

أصبحنا وأصبح الملك لله ،،، وحده

دعاء الصباح :

وقضى ربك ألا تعبدوا إلا إياهـ وبالوالدين إحسانا

اللهم يا ذوالجلال والإكرام ،،،
يا حي يا قيوم ،،، ندعوك بإسمك الأعظم
الذي إذا دعيت به أجبت !!!
أن تبسط على والدتي من بركاتك ورحمتك ورزقك،،،،

اللهم أرزقنا رضاهم ونعوذ بك من عقوقهم.
Post: #3643
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-29-2010, 07:33 AM
Parent: #3642

سلامات يا ناس

وصباحات التفاؤل

لكل الناس: ناس العدة وناس التلج

مطلوب متطوع لعمل دراسة حالة للحاج السرّى.
Post: #3644
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 03-29-2010, 07:48 AM
Parent: #3643

Quote: الى الحبيب جلال وعبره للاحباب سامى عبدالوهاب ومحمد الهادى وعزام ...هكذا تأتى الى ذاكرتى (جمعا ) شلة الأولاد الحلوين المشاغبين ... لا أتذكر أنى رأيت واحد ا منكم يتجول بمفرده ..كسرب الحمام تتنزهون ...وتملؤن أرصفة شوارع القومية والشهيد وشوارع أخرى تتعثر فيها الجميلات اللائى كن يتبعن غيما يقود اليكم ... أضفتم الى الزقازيق حيوية وشغف ....


بالله هسه الزول دا يقولو ليهو شنو!!!!!!!!!!!!!!!!!!

Quote: أينما كنتم لكم منى كل الحب كل الأمنيات ...


ياخي ليك إنت كل الحب وكل الأمنيات

ونرجو إنك تكون طواااااااااااااالي بهنا
Post: #3645
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-29-2010, 08:24 AM
Parent: #3642

بسم الله الرحمن الرحيم
السلام عليكم
أنا وجدت الكوبي
إذن أنا موجود بالبيست
كلام شيوعية بي جبهجية
Quote: دعاء الصباح :

وقضى ربك ألا تعبدوا إلا إياهـ وبالوالدين إحسانا

اللهم يا ذوالجلال والإكرام ،،،
يا حي يا قيوم ،،، ندعوك بإسمك الأعظم
الذي إذا دعيت به أجبت !!!
أن تبسط على والدتي من بركاتك ورحمتك ورزقك،،،،

اللهم أرزقنا رضاهم ونعوذ بك من عقوقهم.
Post: #3646
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-29-2010, 08:48 AM
Parent: #3645

صباح الهناء والسرور ...

جمال فارح فرحتنا .. ومليت الحوش فرحة وسرور .. الله يديك العافية ...
Post: #3647
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-29-2010, 09:03 AM
Parent: #3646

الزول ده قال سألنى سؤال
قال شنو
اخت بت شيخك , بتبقى لى شنو ؟؟؟
ده سؤال ده عليك الله يا ديدو
اول يوم فى الأمتحانات
بيشتتوا ليكم السكر
بالأسئلة الساهلة
وبعد داك يجوكم ناس الكيمياء والفيزياء
ويقولوا ليكم
العلاقة بين غسيل العدة , وكسير التلج شنو
انعل ابو (الكيمياء الحيوية زاتو )
Post: #3648
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-29-2010, 09:06 AM
Parent: #3646

يا سامى انت معاى انو عبدالله الزبير طلع ملوص
بالذات فى حتة ( تقديم ) الجميلات من والى الدار

حتى ( يتسكعون ) ما ورد فيها اسمو


ســورى يا فارح سرب الحمام ده كان معاهم ثعلب مكار
يرتدى ثوب فخفاخ وشغال فى الدلالة ........................ ززز




المايك مع منو
Post: #3649
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-29-2010, 09:14 AM
Parent: #3648

سلامات يا ناس

Quote: حتى ( يتسكعون ) ما ورد فيها اسمو


دى حتصل مدنى ...
Post: #3650
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-29-2010, 09:52 AM
Parent: #3649

Quote: ســورى يا فارح سرب الحمام ده كان معاهم ثعلب مكار
يرتدى ثوب فخفاخ وشغال فى الدلالة ........................ ززز



الليلة والليلة ...
دي بتصل الدلالة اسى دي وبعدين نشوف ...

ياكوتش مدني اخبارها شنو؟
Post: #3651
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-29-2010, 10:50 AM
Parent: #3650

يا ديدو الله يجازي محنك ...
عاد مشاغب الحوش لممارسة هواية قرص النحل ...
لكن كلامك صحيح ومظبوط .. خلينا نوصل سنار زاتها ... التقاطع.. المدينة ...
Post: #3652
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-29-2010, 11:21 AM
Parent: #3650

Quote: المايك مع منو


مع محمد الهادي!!!!!!!!
Post: #3653
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-29-2010, 11:47 AM
Parent: #3652

يا بادى لو محمد الهادى حمام وديع

يكون ناس جلال ديل حمام ميت عديل

ـــــــــــــ

جانى مسج من السودان من رقم ما بعرفو قال لى
تقصد شنو ... تانى ما بتجى اجازة .

انا خايف يكون من الحمام
Post: #3654
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-29-2010, 12:00 PM
Parent: #3653

طبعا يا ديدو انت لاعب على اساس انه الدلالة برة الشبكة ...
يا ولدنا في شبكة فاتن حمامة ... وديل حمام صاحي وبطير كمان ... و ما تنسى الحمام الزاجل ...
وحم حم حم تعال يا حمام شتتا ليك ديدو السكر ...
Post: #3655
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-29-2010, 01:02 PM
Parent: #3654

مشاركة بريدية من الزقازيقية نعمات أحمد (نعمات الجبل)

سرد جميل جداً ورائع ،،،،،،،،،،،

عندما يفلح شيطان الغضب في تغييب العقل، ويذكي نار الخلاف بين إ
ثنين وتندلع (الشكلة)، يظل هناك درجة من الوعي الداخلى يدفعنا،
عندما نختلف مع الغريب لأن نضع في إعتبارنا مساحة من المراعاة،
على عدم الوصول بـ(الشكلة) لنهايات اللاعودة .. ليقيننا بأنه بعد
أن يهدأ الغضب ويذهب الشيطان تظل الدواخل تحمل بين طياتها الحزن
وطعم الجرح وشئ من حتى. أما بين الأخوان فسرعان ما تصل (الشكلة)
لقمة منحنى الغلط بأنواعه، من تلاسن وتجريح وسباب وتشابك بالأيدي
والأرجل كمان، ربما لأنهم يحملون في دواخلهم يقين بأنهم مهما إختلفوا
أو أساءوا لبعضهم البعض، فما أن يهدأ الغضب حتى يعودون لبعضهم،،،،،
(زي السمن على عسل) فاهلنا بيقولوا (شكل الأخوان زي شكل المصاريين في البطن) ..
تغلط في بعضا وترجع.

الشكل عند الأزواج (نظام براهو) .. فالنساء يملن للتنفيس عن الكبت وضغوط الحياة
الزوجية بسلاح التهديد وما أن يشتعل أوار الشكلة حتى تتهور الزوجة بالقول:
إنت كان راجل .. تطلقني هسي دي .. أنا تاني يوم واحد ما بقعدوا معاك!
تقولها وهم الإثنان على أتم يقين بأنو (ده كلام شكل ساي .. مابتقصدوا) فلو تابعها
الزوج في تهورها وقال:
أمشي إنتي طلـ... لسقطت من طولها غائبة عن الوعي ولسان حالها يقول:
إنت ما صدقتا يا سيد ؟!!

على العكس من (علوية) سريعة الغضب بطبعها الحامي ونفسها القصير،
كان زوجها (كامل) هادي الطبع أميل ما يكون للبرود وعدم المبالاة، ولذلك
كانت (علوية) ما أن تؤجج نار الشكلة بينهما حتى يصب عليها (كامل) الماء
البارد بلا مبالاته المغيظة، مما يشعرها بالكبت فتندفع في محاولة تصعيد
المشكلة، لعلها تفلح في جره معها للشكل والتنفيس عما بها ، لذلك عندما
لاحقته بكترة الكلام في ذات شكلة، فكر في الخروج من البيت هربا من النقة
فلاحقته حتى الباب وهي تصيح خلفه:
ما ترد علي .. مخليني أهوهو زي الكلبة مالك؟ .. طبعا ما معتبرني بني آدم زيك ....
وعندما فتح الباب وخرج دون أن يلتفت إليها صاحت فيه:
خليك عارف يا كامل .. لو طلعتا .. ما حا تجي تلقاني قاعدة ليك في البيت ده ..
ترسل لي ورقتي في بيت أبوي.

ما إن أغلق الباب وراءه حتى إنفجرت في البكاء، ومع إنحسار نوبة البكاء كانت قد
وصلت لقناعة بأنه لا يأخذ تهديداتها على محمل الجد، لأنها دائما ما تهدده بترك البيت
ثم لا تفعل .. إنتصبت واقفة وجمعت ثيابها وحاجياتها في (هاند باك) بسرعة .. وتركت له
رسالة لطختها بدموعها تخبره فيها عن إستحالة العيش بينهم وتطلب منه الطلاق ثم وضعتها
في مكان بارز على التسريحة وخرجت من البيت.

ركبت الحافلة وهي تعاني من تنازع شديد طوال الطريق لبيت أهلها، فقد أحست بشئ من الندم
على تهورها وخافت من تبعات تصعيد الشكلة بتدخل أسرتها في الموضوع .. سرحت مع أفكارها
في محاولة لتصور ردة فعل (كامل) عندما يعود للبيت ويجدها قد نفذت تهديدها وتركته ..
حدثها قلبها بأنه سوف يحزن ويكتئب لفراقها ولكن شيطانها صوّر لها سعادته الغامرة بتخلصه
منها، وتراءى لها وهو يضحك سعيدا بحريته .. فرقت بأصابعها للكمساري - عندما وصلت
بأفكارها لتلك المحصلة - لكي تنزل .. وعادت بالحافلة العائدة على نفس الخط وهي تجاهد
في إقناع نفسها بعدم (نخّتها) عن الزعلة، فكل الحكاية أنها تريد أن ترى ردة فعله على
مغادرتها البيت عند عودته .. جلست تنتظر على نار حتى سمعت صوت مفتاحه يفتح الباب
فأسرعت بالنزول للأرض وحشرت نفسها تحت السرير وإنتظرت.

من مكمنها تحت السرير راقبته عندما دخل وقرأ الرسالة ثم تعالى صوته وهو يصفر ويدندن
لحن أغنيته المفضلة .. قلب الرسالة بعد أن أتم قراءتها وكتب على ظهرها بضعة كلمات، ثم
فتح الدولاب وأخرج ملابسه ودخل الحمام دون أن يتوقف عن الدندنة والصفارة .. ظلت في مكمنها
تتقلب في نار الغيظ من لا مبالاته، وفضلت الإنتظار حتى خرج من الحمام حيث حمل الموبايل
واضجع على السرير .. سمعته يضحك وهو يضرب موعدا مع أحدهم ويدعوه لقضاء الأمسية معا
ويختم مكالمته بالقول:
أيوه .. الليلة مسجون وأنفكا .. السهرة صبّاحي .. أيوة غارت مشت بيت أهلا .. ربنا ريحني
منها .. يلا خلاص نتقابل بعد نص ساعة !!
كادت تنفجر غيظا وسالت دمعاتها حتى بللت الأرضية بينما إنهمك – هو - في القشرة وكبكبة
العطور وتأمل نفسه في المرآة بسعادة قبل أن يحمل مفاتيحه ويخرج.

أنتظرت حتى سمعت صوت إغلاقه للباب الخارجي واسرعت بالخروج من تحت السرير .. إندفعت
لتحمل الرسالة وتقرأ ما كتبه على ظهرها .. فوجئت بأنه كتب ثلاث كلمات فقط:

عاآآآآرفِك تحت السرير!!!!
Post: #3656
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-29-2010, 05:54 PM
Parent: #3655

ياسلاااام والله البوست جعلنا نتعرف على بعضنا أكثر فأكثر

كلام الأخ جمال فارح الجميل والممتع يضيف لنا بل يكشف لنا جوانب
لامعة وساطعة عن بعض الزقازيقاب ، وماخفيّ أعظم الظاهر كل الزقازيقاب
ذهب دائما زايد في اللمعان
وأيضا ذكر الأخ جمال فارح الإحتجاج المغلظ من الأخوات على تشبه البنت بالولد
نحن أيضا لانمانع من كسير الثلج بس لازم يكون في حدود اللياقة
ولا رايك شنو ياالمتحدث الرسمي بإسم بنات الشيخ.
Post: #3657
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-29-2010, 06:16 PM
Parent: #3655

يا سلام علي نعمات الجبل ناقشت مشكلة كبيرة جداً وبطريقة درامية واعية وبها مسحة من الكومديا وهي مشكلة طلب الطلاق من قبل الزوجات لأقل خلاف بين الزوجي ... أعتقد أنها كتابة علي درجة كبيرة من الوعي والنضج .. وبها إحترافية عالية ...
Post: #3658
Title: Re: ناس الزقازيق ... أجدع ناس ( 3 ) ..
Author: جمال فارح
Date: 03-30-2010, 02:03 AM
Parent: #3657

مجرد مداخلة ....
الحب مذهب أنتمى اليه بكلياتى ....هذه بعض خياراتى ..أنا مسئول عنه وعن تداعياته ....لا سبيل الا إليه ....
لذلك كل علاقاتى الأنسانيه بالناس والأشياء والأزمنة والأمكنة والعابر والراكز ...هى جزء من كل يجعل من هذا الكوكب مكانا رائعا للحياة ...
وأيضا ذكرياتى ..هى ذخيرتى وما تبقى منى ومن عمر يدخل قطاره محطاته الأخيرة ....لن تعطنا الحياة أكثر مما أعطتنا ...وأنا راضى ...!!..
لذلك وبعد أكثر من عقد من الزمان ..حينما تتاح لى فرصة سانحة للعودة الى زمان ومكان لا يزال يحتل مرتبة الجوهرى والمركزى فى الذى مضى ..وفى الآنى الذى نحياه ( الزقازيق زمانها ..وناسها ..) ..حتما ساتعايش مع هذه اللحظة بكثير من مفردات مذهبى بكثير من الحب والإمتنان ...هى فرصة متاحة ومبذولة لرد الدين الى أهله ..وأنا هنا أرنو الى التفاصيل الصغيرة تلك التى دائما ما تضيع حينما يمتلئ النهر ويفيض ...من منا كفلته مصاريف أهله أو بريزة السفارة ..! من منا الذى لم تشمله الزقازيق بزخم حياة إجتماعية تضيف اليه أرصدة من الأخوان والأصدقاء والأخوات والصديقات ..بل للأن بعد أكثر من عقد من الزمان لا زالت الخيارات توسع بناس الزقازيق والحياة أجمل بزمن الزقازيق .....لذلك أعزائى لا أستطيع أن أحكى عن أحبائى وخلانى ورفاقى فى ذاك الدرب الطويل الجميل الا بلغة الحب والإمتنان والعرفان ..مثلا كمال الشادى حينما تخرج وسافر الى السعودية ظل يرسل لى بإنتظام مصاريف شهرية لم أطالبه بها ولكنه ظل يرسلها بغير إستئذان .. لايحتاجه ...وصلاح الأمين وسيف النصر يتعايشان مع حماقاتى وطيشى حينما أذهب كل شهر الى القاهرة الى الزمالك شارع أبو الفداء البنك الأهلى المصرى حيث حساب عمى لأصرف مصروفى الشهرى ..وأضيعه بالكامل فى مقاهى وسينمات شارع عماد الدين ومكتبة مدبولى وقمصان شارع الشواربى ومطعم فلفة الراقى ...!!!! وحمدى الفضلى يعود الى الزقازيق بعد سنوات من تخرجه ..يسأل عن شقتى ويباغتنى بطريقته المميزة أوووو مان عارفك ملان بالبنات الصغيرات ديل وما داير تمشى أهلك ويضحك ضحكته الواثقة بطلته البهية ووسامته الغير عاديه ..وحينما يسافر يترك لنا وصلاح الأمين حقيبته بالكامل مع كثير من الإلفة والحب والدعم ...هى الزقازيق وهم ناسها ........
هذه المداخلة أو الخواطر أدخلتنى الى دائرتها قرأتى لعبارة ( كسير التلج ) ...هل يا يا ترى بعد كل هذا نكون ضمن زمرتهم .....ودمتم
Post: #3659
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-30-2010, 06:12 AM
Parent: #3658

صباح الهناء والسرور ...

اصبحنا واصبح الملك لله ...

عمو الزناتي نقترب من انتصاف العام 2010 عايزين دماء جديدة تدخل الحوش من ابوابه المشرعة ... واكيد حيكونوا اضافة كبيرة وعشان نحرك عصب السكون ...
Post: #3660
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-30-2010, 07:21 AM
Parent: #3659

صباح الخير ،،، يا وجوه الخير

أصبحنا وأصبح الملك لله،،، وحده

دعاء الصباح :

"اللهم اجعل القرآن العظيم ربيع قلوبنا،
ونور صدورنا، وجلاء أحزاننا، اللهم اجعله شفيعاً لنا،
وشاهداً لنا لا شاهداً علينا، اللهم ألبسنا به الحلل، وأسكنا
به الظلل، واجعلنا به يوم القيامة من الفائزين،،،،،،،،،،،،

آآمين ،،،،،،
Post: #3661
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 07:44 AM
Parent: #3659

بسمالله الرحمن الرحيم

أصبحنا وأصبح الملك لله رب العالمين

وقضى ربك الا تعبدوا إلا اياه وبالوالدين إحسانا
اللهم نسألك الرحمة المغفرة والصحة والعافية لوالدىّ
اللهم أرزقنا رضاهم ونعوذ بك من عقوفهم

شكرا الأخت /نعمات الجبل إلى الإضافة المهمة والمفيدة جدا
وخاصة جات من أهل الحل والربط ، وأيضا كما ذكر الأخ الزيناتي
كتابة على درجة كبيرة من الوعي والنضج.
Post: #3662
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-30-2010, 08:09 AM
Parent: #3661

بسم الله الرحمن الرحيم
معليش مسكاني وِردة
Quote: أصبحنا وأصبح الملك لله رب العالمين

وقضى ربك الا تعبدوا إلا اياه وبالوالدين إحسانا
اللهم نسألك الرحمة المغفرة والصحة والعافية لوالدىّ
اللهم أرزقنا رضاهم ونعوذ بك من عقوفهم
Post: #3663
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-30-2010, 08:58 AM
Parent: #3662

Quote: معليش مسكاني وِردة

الف سلامة والله ، طيب انت عرفنا ماسكاك وردة
صاحبك موسى مالو ...
Post: #3664
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-30-2010, 09:28 AM
Parent: #3663

Quote: صاحبك موسى مالو ...

Quote: إذا كنت قاعد عزابي وعائلتك ليست معك تأتيك في مرة في العام أو النزول للسودان و التفكير في البقاء فيه و لم تفلح ثم العودة مرة أخرى للعذاب و و الحنين و البكا و الجوعير و الأنين وحيداً فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( مودلز ) جديدة منه.

كدا كيف يا تييييكة!!!!!
Post: #3665
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-30-2010, 09:47 AM
Parent: #3664

يا فارح مداخلتك الاخيرة اقلقتنى

،،،،،،،،،،،،


يا زهير وين باسورد نعمات الجبل

ويا نعمات من بكرة انا ماشى اشترى لى سراير ذى حقت السودان ام اربعة رجلين
لان سراير هنا ( بوكس ) مافى طريقة للدخول تحتها
بس المشكلة الوحيدة اجيب حافلة من وين عشان تمشى بيها بيت امها
طبعا ما ممكن تقول لكابت الطيارة لو سمحت نزلنى هنا
Post: #3667
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-30-2010, 10:13 AM
Parent: #3665

يا جماعة
نعمات الجبل دى , صحت فينى خلايا التطرف النايمة
من الليلة اعلن انحيازى الكامل للحلول المشروطة والمربوطة بمواعيد مضروبة واجل مسمى
شوف يا زهير ويا ناس البوست القدام , وشوف يا ريس ميسرة انت زاتك
الزولة دى ما تجيبوها لى بالباب عديل خلال اتنين وسبعين ساعة
يعنى لغاية يوم الخميس
انا انتخابات زاتو ما داير
الصادق المهدى احسن منى فى شنو يعنى ؟؟!!!!!!!!!!!
Post: #3666
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-30-2010, 09:50 AM
Parent: #3664

شكراً يا الطاعم
على إهتمامك بإفريقيا و على البروفايل
Poliomyelitis متفرع من Polio وهو (شلل الأطفال)
مرض فيروسي شديد العدوى
يصيب عادة الأطفال يشعل الدماغ والنخاع الشوكي
مما يؤدي أحيانا إلى فقدان حركة العضلات الطوعية والهزال
صاح يا دكتور الصادق؟؟؟؟
يا جماعة أخوكم ما طبيب لكن متلقي حجج
Post: #3668
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 10:29 AM
Parent: #3666

Quote: يا جماعة أخوكم ما طبيب لكن متلقي حجج




لكن ملقت حجج
Post: #3671
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-30-2010, 11:12 AM
Parent: #3668

Quote: كدا كيف يا تييييكة!!!!!

دقيقة بالله قبل متلقي حجج "تييييكة" انت والله
عشان قاعد في ام طرقا عراض وما جايب خبر ... ياحليلك
صاحبك من فجر الخميس الفات يحمد ربو وليداتو جنبو ...
لا وازيدك من الشعر بيت جاء امبارح من الدمام...
انت تلفونك راح ولا شنو ... سريييع قول للزول ده حمدلله على السلامة
قبل ما اتصل عليه انا و "المديدة حرقتني" ....
يادكتور
Post: #3669
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 03-30-2010, 10:35 AM
Parent: #3666

ازيكم 000

اولا اعزي كل من عزة التيجاني في وفاة والدها 000

واعزي هويدا عثمان حامد في وفاة والدها 000

رحم الله الفقيدين والهم اسرهم الصبر والسلوان0000


-----------------------------------------------------


ومبسوطة بعودة الفرح الجمال 00 وخليك قريب دايما



وبهرتني نعمات الجبل بطرحها لظاهرة الطلاق بهذا الشكل الدرامي الكوميدي

Quote: ]وهي مشكلة طلب الطلاق من قبل الزوجات لأقل خلاف بين الزوجي ...


ليه ما نقول يا زيناتي ياخالو انها طرحت الظاهرة وتركت لنا البحث في الاسباب ؟؟؟

وما تنسى (((((علي الطلاق)))))الي شايلنها الرجال السودانييين في طرف لسانهم0000 (((صادقين0000كاذبين))
Post: #3670
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-30-2010, 10:36 AM
Parent: #3666


انا ادب الحكى المتعلق بفحص وتشريح حالات التقاطعات الأنسانية الواقعية
بيكسرنى حتت حتت وبيطلع حنانى زاتو
لأنو زى ما قلت ليكم بيتكلم عن حالات تشريح لحالات واقعية
وسلاحه فى التشريح ده , مبضعه ومشرطه , سلاح الكلام والمفردة
المفردة دى هنا بتدخل فى تحدى عظيم يبدو متناقضا للوهلة الأولى
مطلوب منها ان تكون جميلة ولابسة سمح وممكيجة كمان
وفى نفس الوقت , واقعية بعيدة عن التزييف وكأنها (صاحية من النوم يا داب )
شفتو المواصفات دى صعبة كيف , شفتوها مجوبكة ومتداخلة وعايزة تآكل من بعضها قدر شنو ؟؟
اها ما ياهو ده المجنن بوبى زاتو
وهذا ما فعلته , بت الجبل , نعمات ,
لو انتهى الأمر , ببت الشيخ بطلة الرواية او الحكاية او الأقصوصة اعلاه
ان تنهى باقى عمرها تحت السرير , لفعلت
حتى تثبت لود الشيخ الليئم ده , انها طلعت فعلا وركبت الحافلة ورجعت من نص الطريق
رجعت شنو , انا قلت رجعت , القال ليكم انها رجعت منو
ماهى قضت اليوم كله فى بيت ابوها , وانت يا ود الشيخ داير تعمل فيها فتك وناقش
وبس تقلب الجواب المبلول بالدموع ده , وتكتب فيهو عارفك تحت السرير
يا بايخ يا سخيف
كلما ما فى الموضوع
انو سييدى الحسن ابو جلابية
اتنكر ليها فى هيئة سواق الحافلة مرة
وفى هيئة الكمسارى مرة تانية
هى زاتها ما طقطقت لى سيدى الحسن , اقصد للكمسارى
وقام سيدى الحسن التانى , هى مالى بقيت الخبت قدر ده , اقصد سواق الحافلة
قام خت ليك رجلو فى الفرامل وقوم ليك الكتاحة ووقف
وبت الشيخ تشيل وتقول ليهو , هى انت غلتان , انت لخبتا ما بين الأبانس والفرامل
انا اقول ليك دوس ابانس ووصلنى بيت (امى )
(فى هذه الحالات فان بنات الشيوخ لا يأتون على ذكر بيوت ابائهم وكأن البيت بيت (امها ) ولا دخل لأبيها فيه )
لكن تضامن اسيادى الحسن المتخفى والمتنكر فى زى السواق وتابعه الكمسارى
ابى الا ان يلزلز , ويلزلز
يدفر , ويدفر
واخرتا كمان بعد اللزليز زالدفير
كمان جابت ليها حشير تحت السرير
مع انو السرير بوكس وفيهو شبك وما بشيل بت شيخ قدر دى
لكن بركات سيدى الحسن (اللزلاز والدفار ده )
تكفى دائما , لحشر مارد بت الشيخ الضخم والكبير , فى (قمقم لا تزيد ابعاده عن تلاتين سنتى فى عشرين )
ما يقدر يحشرها ليكم تحت سرير بوكسى يا ديدو
والله سيدى الحسن ده
بيبالغ بشكل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #3672
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-30-2010, 11:19 AM
Parent: #3670


وقصة (مخزن الذكريات ) بتاع جمال فارح ده, كمان قصة تانية
مافى طريقة ترمينى جوة المخزن بتاعك ده وتنسانى سنة سنتين يا فارح ؟؟
لكنت اذن من السعداء الفرحين
حقيقى , نحن وبعد العمر ده , نقيس ايامنا وليالينا , على ايام وليالى زمان
وحدات القياس اختلطت علينا وجاطت جوانا
الما عنده مخزن , يسعى ليهو مخزن
والا فان جفاف الدنيا وتصحرها , سيحيط به ويستغرقه ايما استغراق
نحن نستدعى (جوانا ) الف مرة كل ساعة ويوم
تتفرج فى المسلسل , فتقيسه على ليالى الحلمية ونهاراتها القديمة
تشاهد مباريات كرة القدم بمسطرة ايان رش وترمومتر كيفن كيجان
وتستمع الى نانسى عجاج , مستخرجا منها صوت ابراهيم عوض
وتستعيض عن عثمان حسين (بدنياوات سميرة دنيا )
اما اذا هبط عليك وسواس الشعر وشيطان الأدب , فلا شك ان قامات الطيب صالح ومحمود درويش ومظفر النواب
كما امل دنقل
تتنزل عليك كما الوحى , متقمصة الصور ومختزلة المشاهد , كل مشهد بصورة
وكل صورة بمشهد
ولا شك انك واصل باتلصورة والمشهد الى غايتهما القصوى
عندما يتراءى لك كل كبرى وكأنه للشبان المسلمين
وكل ميدان وكأنه احمد عرابى
وكل مكرونة بشميلى آتية من الشرقاوى ولا شك
ولن تبلغ الصورة نهايتها
الا اذا فتحت دهاليز عالم الأسافير
وتراءى لك مشهد كاى المربع
مرة على القوقل ايرث
واخرى على شكل بوست منفصل
نحلته القارصة كما المشتتة لشهد (العسل )
الرشيد ود بابكر سيد احمد
Post: #3673
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 11:29 AM
Parent: #3670





كلام عفاف مظبوط 0000 لكن مش البحث في الأسباب بل في الحل

ولأن التشخيص حصل ، الحل ليس في الصمت والهروب

بل الحل في المواجهة حتى وإن لزم صبر وتحمل جامد

وذلك لأن بت الشيخ عايزة تتنفس وتفرّق مش تطّنش
Post: #3674
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 11:29 AM
Parent: #3670





كلام عفاف مظبوط 0000 لكن مش البحث في الأسباب بل في الحل

ولأن التشخيص حصل ، الحل ليس في الصمت والهروب

بل الحل في المواجهة حتى وإن لزم صبر وتحمل جامد

وذلك لأن بت الشيخ عايزة تتنفس وتفرّق مش تطّنش
Post: #3675
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-30-2010, 01:03 PM
Parent: #3674

مساكم الله بالخير يا أحباب

اتخذت قرار قبل يومين بأن آخد لي اجازة يومين من البوست...
و السبب و الله لا مقاطعة و لا زعل...
هو انتو البقاطعكم انتو يوصل منو؟؟؟
لكن الحالة بتاعتي ما حالة زول بيضيف ليهو بهجة للبوست...
فقلت أعمل زي أدريانو البرازيلي...
قال لي ناس انتر ميلانو أنا ماشي أقعد في البرازيل و ألعب هناك...
و لما سألوهو...مالك يا أدريانو...ان شاء الله خير...
قال ليهم يا جماعة أنا والله زهجت من الكورة دي...
و عايز أرتاح شوية من الجري ده..
عمك ماسيمو موراتي مالك النادي راجل خبرة قال ليهو أمشي يا أدريانو...
القشة دي ما تعتر ليك... و لما تشعر بانك قادر تلعب تاني كلمني...
أنا قلت مافي داعي أقلق بي عصام دهب و أكلمو بالموضوع...
عصام دهب ما زي موراتي في الانتر...
تحت تحت كده أمشي أغير نفسيات و أرجع...
و لكني كنت متابع و باستمتاع شديد...
و الحمد لله البوست بتاعنا ده لا ينقطع عنه الابداع و المبدعون...
فالصفحة دي شهدت عودة فارح...فانبسطت و كتبت رغم الحالة...عشان مبسوط..
و شهدت عودة نعمات الجبل و بتألق يشبهها...نعمات الجبل طول عمرها متألقة..
و مرابطة كل من أحمد اسماعيل و ميسرة...
و كنت عايز أقول لي جلا أخوي...
أحسن تمشي تغير في البرازيل زي أخوك و زي أدريانو...بس تلعب دي الله أعلم...
و بعدين الاندياح الجميل اللذيذ بتاع منصور...
الحقيقة كلام منصور بتاع اليوم...و كل يوم...
جاب لي البرازيل لحدي عندي..

و قلت اديكم الباكورد ده بي حالتي دي..
Post: #3676
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 03-30-2010, 01:17 PM
Parent: #3674

غايتو ما بسألكم..
كسيركم لي التلج مبالغه..
ذكرتوني رمضان ونحن شفع..
تحوم الخرطوم كلها ما تلقي ليك تلجايه..
كان جنبنا في الديم كشك تلج..
كل رمضان.. اول يوم لوجيت بي جنبو الساعه2 ظهر..
تلقاهو مكسر في الواطه من شكل الناس..
Post: #3677
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-30-2010, 02:21 PM
Parent: #3676

مداخلة الحب الجميل ،،، كتاب بإحساس د. جمال فارح

Quote: الحب مذهب أنتمى اليه بكلياتى ....هذه بعض خياراتى ..أنا
مسئول عنه وعن تداعياته ....لا سبيل الا إليه ....


كانت لنا خيارات قبل الزقازيق ومعظمها إرتكز على الصداقة ،،، ولكن هنا
في زقازيق الخير ،،، توسعت الفكرة وإرتبطت الصداقة بالحب ،،،

Quote: بعد أكثر من عقد من الزمان لا زالت الخيارات توسع بناس الزقازيق
والحياة أجمل بزمن الزقازيق .....لذلك أعزائى لا أستطيع أن أحكى عن أحبائى
وخلانى ورفاقى فى ذاك الدرب الطويل الجميل الا بلغة الحب والإمتنان والعرفان ..


هذا الجمال الفارح عرفته عن كثب يعشق الجمال ويحب الحب ،،،،
ضاحك وصاحب حضور مميز ، تجد عنده إحساس كالذي يوجد عند الطفل الذي عمره سنة
عندما تقذفه في السماء وهو يضحك ..لأنه يعرف أنك ستلتقطه ولن تدعه يقع !

Quote: ظل يرسل لى بإنتظام مصاريف شهرية لم أطالبه بها ولكنه ظل يرسلها بغير
إستئذان .. لايحتاجه..

وحينما يسافر يترك لنا وصلاح الأمين حقيبته بالكامل
مع كثير من الإلفة والحب والدعم ...هى الزقازيق وهم ناسها ........


لنتوقف هنا كثيراً ونتأمل عن هذه المعاني والمواقف وهذا الزقازيقي الشامخ
وهذا الحب القوي ،،، ولماذا نختلف عن غيرنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا زلت أذكر أحبائي محي الدين وخالد نوح ورهط كبير من الأحبه والخلان وحينما ضاقت
بنا شقة سفن آب توسعنا أنا وأخي الشادي في شقة كيمو لاند وصار لنا أكثر من موطئ
قدم نرتاح فيه ونهرول إليه متى ما غمرنا الإحساب بالبرد أو بحثنا عن بعضنا لكثير
من الدفئ ،،،،

Quote: هذه المداخلة أو الخواطر أدخلتنى الى دائرتها قرأتى لعبارة ( كسير التلج )


مداخلة جميلة وخواطر صادقة ومتخنة بالمحبة الحقيقية وإذا ده كان إسمه كسير تلج
بالله كسر لينا شديد ،،، الغربية العبارة دي أول مرة قرأتها أو سمعت بيها من أخونا
زهير الزناتي فلم أفهم لماذا يكسر التلج دون غيرة ولم أجد لها معنى سوى الإستنتاج

إنتوا بتجيبوا العبارات الجديدة دي من وين يا فردة (أول مرة في حياتي أستعملها)
Post: #3678
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-30-2010, 05:55 PM
Parent: #3677

صفحة ولا كل الصفحات ...
بل قل ميل مضمخ بعبير وشذى ...
طلة نعمات بي فوق الحيطة جعلت الاعناق "تزهو"
وعودة ام الجيفارات تبعث في الروح فرحة حقيقية
وعودة الود "بردو البرتغالي" ذات نكهة وطعم ولون (لامن بردت)
اندياحات منصور ... وتجليات رش ... وتحليلات الريس ...
ومواكبة ابو عمر ... ولسعات دودو ... وصباحات البادي ...
وتجليات جلا .... وسلامات الكوتش
زائد درر فارح ... تحتاج الى نقلات نجيلة المتقنة















--------
دي صدت* الحارس لي الباكورد بتاع الرشيد

* "صدت" دي صاح كدة يا اخوانا
Post: #3679
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-30-2010, 05:58 PM
Parent: #3677

يبدو أن فارح قد تحسس من كلمة(كسير تلج) وله الحق في ذلك حيث تسخدم الكلمة في السودان داخل المكاتب ودور الحكومة حينما يقوم موظف بكسير التلج لرئيسه ويكون مسار إنتقاد لزملائه إلا أن الأمر هنا يختلف وأصبحت في حكم الكلمات العادية التي تعبر عن الحب ... هي ورفيقتها كترتوا المحلبية ... ولكسير التلج هنا رواده الأوائل أمثال الصديقة نجاة حوفي وزوبة بت النوبة ... أما مجيديه فهم كثر وعلي رأس القائمة كبيرنا منص ... والرشيد ود غياثي ... وهو تعبير عن حب وإندياح مشاعر علي الملأ ... لذا يا فارح لا تثريب عليك وبكتابتك الطاعمة تلك لك أن تفاخر بأنك من مجيدي كسير التلج وتحمل الفرول بتاع العجلة داك علي رؤوس الأشهاد وتكسر تلج لكل من تحب ... وحتي هذه المداخلة لا تخلو من كسير التلج رغم إني مصنف نفسي من الذين يضبطون حالات كسير التلج كحامل الراية في مباريات كرة القدم والذي كثيراً ما يحسب حالات كسير تلج أقصد تسلل دون أن يكون هنالك لاعب متسلل ... وفي الراية الثانية هنالك الكوتش محمد صديق .... اماحكم الساحة فهو متروك لفطنة القارئ وإن جلت الفتنة فلن تجلي جلا الجلا الحكم الدولي وإذا عدتم عدنا
Post: #3682
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 03-30-2010, 06:12 PM
Parent: #3679

ابو الزوز .... عليك نور
وهذا ما دار بخلدي عندما قرأت مداخلة عبدالدائم بأن مداخلة فارح اقلقته
وانا كذلك ... بس بعد هذا الشرح الغير مخل "لكسير التلج" وشقيقتها "المحلبية"
ارجو ان لا يتحسس جمال من استخدامهما...

---
لانني حتما وعقب كل مداخلة له سوف اصيب هذا المكان "بالرجفة"

جيبوا بطاطينكم معاكم ...
Post: #3680
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 06:00 PM
Parent: #3677

Quote: ما إن أغلق الباب وراءه حتى إنفجرت في البكاء، ومع إنحسار نوبة البكاء كانت قد
وصلت لقناعة بأنه لا يأخذ تهديداتها على محمل الجد، لأنها دائما ما تهدده بترك البيت
ثم لا تفعل .. إنتصبت واقفة وجمعت ثيابها وحاجياتها في (هاند باك) بسرعة .. وتركت له
رسالة لطختها بدموعها تخبره فيها عن إستحالة العيش بينهم وتطلب منه الطلاق ثم وضعتها
في مكان بارز على التسريحة وخرجت من البيت.


زي ما الزوجة وصلت لقناعة بأن تهديدها بترك البيت والذهاب لأهلها %E
Post: #3681
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-30-2010, 06:02 PM
Parent: #3677

Quote: ما إن أغلق الباب وراءه حتى إنفجرت في البكاء، ومع إنحسار نوبة البكاء كانت قد
وصلت لقناعة بأنه لا يأخذ تهديداتها على محمل الجد، لأنها دائما ما تهدده بترك البيت
ثم لا تفعل .. إنتصبت واقفة وجمعت ثيابها وحاجياتها في (هاند باك) بسرعة .. وتركت له
رسالة لطختها بدموعها تخبره فيها عن إستحالة العيش بينهم وتطلب منه الطلاق ثم وضعتها
في مكان بارز على التسريحة وخرجت من البيت.


زي ما الزوجة وصلت لقناعة بأن تهديدها بترك البيت والذهاب لأهلها ما جايب نتيجة
وتحتم عليها (لازم القيام بالنفس حتى لو النجاة مستحيلة)
أيضا الزوج إذا دخل في نقاش مع زوجته وهي في حالة إنفعالها ممكن ينفعل ويغضب
ويركب المحظور بحجة علشلن تاني ماتهددني بالطلاق
وهنا تصرخ مشكلة 000 لكن رأي الدين صريح
لذا لازم كسيييير الثلج 00 والتكثيير منه واجب كما طلب الريس
Post: #3683
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 03-30-2010, 06:37 PM
Parent: #3681

هلا ابو الجل ....

وجاك واحد يا فارح من أحسن كم نفر بيعرفوا يكسروا تلج .. والدليل(آلولو) ...
Post: #3684
Title: Re: ناس الزقازيق ... أجدع ناس ( 3 ) ..
Author: مني يونس
Date: 03-30-2010, 09:30 PM
Parent: #3683

عملتها يا بخيت وطلعت الشجرة (الكلام ده مقصود منه الحاج السري)

عديل كدي .

بالله يا جماعة بكرة البصحى من نومه بدري يدخل بسرعة بعد

الإنقلاب العسكري بتاع بكري أبو بكر ،،، علشان البرالمة ما يتوهوا

بعد إيجادهم للبوست ،،،،

واحد يعدل لينا بسرعة ،،،،

نكمل حياة بت الشيخ بتاعة نعمات الجبل بكرة

موضوع حي يجب ألا يموت بسرعة.

ولا يخفى على فطنة القارئ بأن المتداخل ميسرة
Post: #3685
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-31-2010, 06:38 AM
Parent: #3684

صباح الخير ،،، يا وجوه الخير

أصبحنا وأصبح الملك لله ،،، وحده

دعاء الصباح :

اللهم حبِّب إلى أبناءنا تلاوت القران
وحفظه والتمسك به، واجعله نوراً على درب حياتهم،
برحمتك يا أرحم الراحمين،
سبحانك ربنا رب العزة عما يصفون،
Post: #3686
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-31-2010, 06:42 AM
Parent: #3685

صباح الهناء والسرور ...

اصبحنا واصبح الملك لله ..
Post: #3687
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 03-31-2010, 06:51 AM
Parent: #3686

Quote: اكتب يا فارح
اخرجنا من ملكوت الحزن
اخرجنا من ملكوت الحنين
ارواحنا هناك
وجسدنا هنا مسخن بالانين

سلام لاحلى ناس في احلى صباح
بكان يكمن الابداع والكلمة الطيبة وعظمة التاخي










سلام لكل الزقازيقاب بدون فرز














------------------
متابعنكم
Post: #3688
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-31-2010, 07:22 AM
Parent: #3687

أخي وليد عبداللطيف ،،، دائماً

سباق وتخجلنا بكرمك ومداخلات المتواصلة

بين الفينة والأخرى ،،، مرحا بطلة أكرم صديق للزقازيق

سردت الزميلة نعمات الجبل عن (الشكلة) بين فئات مختلفة

وإنصبت في نهاية المطاف في العلاقات الزوجية،،،،،،،

أضيف زاوية أخرى بدأتها الزميلة عفاف ،،وهي ظاهرة الحلف

بالطلاق في كل كبيرة وصغيرة وحتى في المشرب والمأكل والبيع والشراء

وهي ظاهرة تتردد كثيراً في مجتماعاتنا ولو أخذنا بها لوجدنا بأن معظم

النساء في بيوتهن مطلقات وأن أولادهم غير شرعيين وهن لا يدرين بذلك ،،،،

والزوج حضور بالمنزل وكأن شئ لم يكن ،،،، ولذلك تجد أن الزوجة أقرب لطلب

الطلاق بشجاعة وعدم فهم !!! ومن أصغر خلاف لأن الزوج شبع في الخارج من طلب الطلاق

وما عاد محتاج طلبه داخل بيت الزوجية ،،،، نفهم من ذلك إنهم شركاء في هذه الغوغائية

بس كلٌ على طريقته.

تابع،،،،،،
Post: #3689
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-31-2010, 07:31 AM
Parent: #3687

بسم الله الرحمن الرحيم
السلام عليكم يا بشر
قلنا ما نزعل البادي
لكن الواحد حاسي زي شاحد ليهو كوبي من الجيران
فعشان كدا تقبلوا البيست دا بصدر رحب
Quote: صباح الهناء والسرور ...

اصبحنا واصبح الملك لله ..

طبعاً البادي شغال بي نظرية
خير الكلام ما قل و دل
Post: #3690
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-31-2010, 08:00 AM
Parent: #3687

سلامات يا ناس

وصباحات التفاؤل

1/ اهلآ بحاتم جبارة وعودآ حميدآ أرجو الاّ ينقطع

2/ أهلآ بود الشعبية الحبيب الينا وليد عبداللطيف ونرجو الاّ ينقطع أيضآ

3/ أجمل حاجة تكسّر تلج وأنت صادق..( متبرّع لى فارح ببدالين عجلة عشان

يكون عندنا تلج كتير مكسّر)

4/

Quote: أنتظرت حتى سمعت صوت إغلاقه للباب الخارجي واسرعت بالخروج من تحت السرير .. إندفعت
لتحمل الرسالة وتقرأ ما كتبه على ظهرها .. فوجئت بأنه كتب ثلاث كلمات فقط:

عاآآآآرفِك تحت السرير!!!!


يا سلام على الدراما الاجتماعية المعبّرة ...

بعيدآ عن المحتوى ...عجبتنى النهاية الغير متوقعة حد الدهاش ( دى ببدال واحد)

جاييكم
Post: #3691
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 03-31-2010, 08:36 AM
Parent: #3690

اليوم الأربعاء الموافق 31 / 03 /2010م



شعارنا : "بدون زعل" ... الهزل محل الجد والعكس صحيح ... وسامحونا ...


حكمة اليوم :
إذا رمت أن تحيا سليما من الردى ..... ودينك موفور وعرضك صين
فلا ينطقن منك اللسان بسوأة ..... فكلك سوءات وللناس ألسن
وعيناك إن أبدت إليك معائبا ..... فدعها وقل يا عين للناس أعين
وعاشر بمعروف وسامح من اعتدى ..... ودافع ولكن بالتي هي أحسن


بيتين شعر لليوم:
شماشية ترثي زوجها
شماسية مات راجلها يوم العرس....قعدت فوق الكبري وقالت

الليلة يا عشا البايتات
بدري علي الشتات
انت يا حبيب تتلحس
في يوم العرس

خليتني وراك عزبة
يا اب سجارتن قصبة

يا الشرط ما.. شين
يا الصغير.. ما.. جلكين

يا الخدرتك ...عجور
حليلك انت يا اب بابور

ما بتعرف الفلس
واصلك... ما دقس

من بعدك البيت
عدمان الشرتيت

انت يا العنقالي
يا الساتر احوالي

يا البتريد البوش
يا الماك حنكوش


نكتة اليوم:
واحد بيشتكي من الديدان في بطنه... داخ عند كل الدكاترة... ولا واحد عرف يعالجه... اخر حاجة قالو له فيه واحد مسطول بيشفي كل الامراض...
صاحبنا ماكضب خبر وراح واشتكي له حالته ...
فقال له المسطول... مشكلتك بسيطة جدا... تروح عند محل يبيع بطيخ... وتشتري بطيخة حمره وكبيره... تقطع راسها وتقعد عليها...
بيقوم رئيس الديدان ينزل ويلحس منها شويه... حيلاقيها حلوة... حيقول للديدان... شباب انزلو ... تقوم كل الديدان تنزل من بطنك ...

قام صاحبنا رايح واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال للديدان ... شباب طلعوها لفوق...


كاراكاتير اليوم:




لفحي اليوم:
- بتنا نجاة حوفي البرااااااية ... لها مداخلة لذيذة بهناك ... في مربع زوجها "كاي" ...
وتحكي على لسان جارتها "النققاقة" في أبوظبي ...
"فرددت لى ما ممكن يا نجاة حوفى بهدلة التكاسى دى ما معقولة .. فقلت ليها بكل تواضع انت سايقة عربية .. سالتنى اشتريتى؟؟ متين؟؟ قلت ليها لا عربية الرشيد .. سالتنى تانى لى على الزيرو؟؟؟.. قلت ليها العربية اشتريناها ليها 4 سنوات.. فردت لى اه يعنى ما على الزيرو؟؟!!.. وانا مصرة على التواضع فقلت ليها اكيد يعنى حسه م على الزيو بس بتجيب 3 نيسان تيدا على الزيرو. فزعلت منى وسالتنى ليه هى شنو فقلت ليها...... سكتت .. ومن يومها ما سمعت سيرة عربيتها النيسان تيدا العلى الزيرو."
هسع يانجاة الندخل في الجد ... انا عربيتي مرسديس موديل 1993 لو وصلت بيها ابوظبي اكيد مابتصل لحدي غياثي "عربية خردة" ... وعبدالدايم عربيتو "كامري" اداها ليهو عمو زماااان لما زهج من الاغتراب وعمو كان سايقا ليهو عشرة سنوات وعبدالدائم ساقها لحدي هسع عشرة سنوات كمان – بقو كم ديل ياعبدالدايم -
وموسي عيسي سيارتو اسكودا بفتش ليها في اسبيرات,
وجلال عثمان ماعارفو غير الكوريلا بتاعتو ولا لسة سايقها،
ومحمد عيد مابنسألو لان سيارتو تبع "الساوث مول"
اما المخضرم منصور عبدالرازق بقشر بسيارة اختو لما يمشي اجازة السودان وبوقفها بالطرف التاني في شارع عوضية بتاعة السمك، لزوم الجكة عندما تضرب ليهو بت شيخو ....
اها يانجاة العربات دي كلها لو بعناها مابتجيب سعر تيدا واحدة على الزيرو ... فوالله الشمار حاريقنا عاوزين نعرف عربية ود شيخك "السكتت جارتك" ... لانو عربية الرشيد دي لي هسع ماعارفنها ... لما زرناكم في ابوظبي مانزلتو قدمتونا بيها ... وكمان لي هسع ما زرتونا في الشارقة عشان لما نودعكم نوصلكم لحدي سيارتكم ونعرفها شنو الحقينا باسم العربية ... .... ولا حنضرب لمهند ونعرف برانا ....

- " امى التى وقفت صامدة صابرة مع ابى عندما تغيرت الظروف المادية 360 درجة "
360 درجة تعني الدوران دورة كاملة "دائرة" ... والرجوع الى نقطة البداية مرة اخري ... يعني "ابوك" حالة كما هو لم يتبدل ... او كما يقول المثل "كانك ياابوزيد ... ماغزيت" لا يخفي على فطنة القارئ ان هذا المثل ليس من نوعية الامثال التي يُسأل عنها ولدنا أحمد اسماعيل –
ولذلك نقول 180 درجة وهي تعني التحول في الاتجاه المعاكس ... وتغير الحال الى الحال المغاير ...
كما وارجو ان لا تقودكم فطنتكم مرة اخري ان الفقرة تخص كتابات بتنا نجاة حوفي في حوش زينب التجاني "امي الله يسلمك"...

- كما وارجو ان تبلغي سلامنا الخاص والمطول لبتنا الرائعة مني عباس ... وبعمل معاك "شيرنج" في المكالمة لكندا يابت حوفي ... عشان السلام يصل مطول ... ومعاهو باص ورد من زهير الزناتي وبكري ابوبكر ....

- دخل الفرح الي حوشنا .... بدخول ولدنا جمال فارح ... ولانسانية فارح الاكيدة ... تعهد بعدم حرماننا من هذا الفرح الذي سوف يكون شلالا دائما بالحوش ... برغم ضيق وقته ...

- وكمان ناس هولندا جونا بعد ما رحلوا الي بلجيكا صاحبة الفريق الذي تشجعه ابتهاج ... ولا يشاهده الزناتي ... مرحبا بولدنا ابوالطيب وفي رواية اخري ولدنا عمر نملوز ... الليله المسادير جاها زولا "مجهبز" ... قوم بينا سداري ياعمر ...

- الطلاق بنكهة نعمات الجبل ... حيخلي الحياة حلوة وممتعة ... والمشاكل ممكن ان تتخطي بصورة مرحة وسهلة ... ياحليل المقشاشة والمفراكة ... زمااان كانو بضربونا بيهم ونحنا صغار ... هسع لحقونا ونحنا كباااااااار ... زمن ومحن ... او كما قال صديقي التعيس في حياته ... غايتو اخير "مليص الاضنين" ... وينك ياشادي ...

- أي والله ياعبدالدائم بعد التخرج فتحت محل فطور مدراس وعشاء بسنجة بس اسمو كان "نجيلة لاند " ... على قرار "كيمو لاند" ...

خارج النص اليوم:

من المصطلحات الجميلة والحبيبة الى قلوبنا ... وكانت مستخدمة هنا بالحوش ... واخدت دورها المريح لنفوسنا "كسير التلج" وهذه الجملة دائما بتذكرني بكتابات رشيد القوم ونجاة حوفي ... واثار المصطلح حبيبنا زهير الزناتي ... فيا ايها الفارح هذا مصطلح حبيب الى نفوسنا ... ويعني التعبيرعن حبك والفتك المفرطة تجاه الشخص الذي تكتب عنه ...
ولا ننسي مصطلح ... 514 مرة ... من اين اتي زهير الزناتي من بهذا الرقم ... شئ في نفس يعقوب ... ولكنة وجد صدي جميل في حوشنا ... دلاله على تكرار الكلام مرات عده ...
ومصطلح "بت الشيخ" الذي فاز بالتزكية عندما نشرة ولدنا جلا اول مرة ... وحاول جاهدا زهير الزناتي وشلته الطعن فيه والزج بمصطلحات اخري لبت الشيخ ولكن نجد بالنهاية الكل ... وبالاجماع يستخدمونه بكل الحب والقبول حتي من بنات شيوخنا ... والجديد شديد ... واصل يافارح وحتما حنطلع بالجديد من سردك الممتع ... فلاتحرمنا ...
واسمحو لي بشوية كسير تلج " ببدالين عجلة " لولدنا البادي النور ... وسلامنا الخاص له ... وكمان كسير ببدال واحد بس ... لجلال عثمان ومحمد صديق وحاتم جبارة ... وابن الشعبية الظريف وليد عبداللطيف ...

سؤال اليوم :
الولد المات في ألعاب "الساوث مول" حنسيته شنو ... وابوهو وامو عملو معاكم شنو ... يامحمد عيد ...


[email protected]
Post: #3692
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-31-2010, 09:22 AM
Parent: #3691

وبعض الأشياء , يفسدها شرحها
ياكل من حلاوتها اكلا , وينتقص من عنفوانها
محاولات تفسيرها اليائسة
ورائد هذه المدرسة عندنا , هو الحاج السرى جلا
الذى تعامل مع اهداءات ابو عمر احمد اسماعيل اللفظية القديمة الحديثة لنا بهذا المنطق
طبعا منطلق جلا , يختلف عن منطلقان النجيلة ياسر
ولا توجد ادنى علاقة منطلقات , فيما يفعل جلا , وادوات انطلاق بوردو البرتغالى
هذه مقدمة غير موضوعية , لكلام موضوعى قادم
حا يجى جلا ناطى يقول ليك , الخلاها ما موضوعية شنو و والخلى كلامك الجاى موضوعى منو
مش على كيفى
اصلو ما حا اديك فرصة بيست يا مستر كوبى انت
Post: #3693
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-31-2010, 09:33 AM
Parent: #3692

اما التلج
هذه السلعة التى يفهمها معظم الناس (غلط )
فان اعتزازى به عظيم
وهو لا يحتاج الى تكسير , فيما اظن واعلم
الا فى سوداننا العظيم
حيث يوجد , فى غالب الأحوال , الواحا الواحا
ويشتريه الناس , ووحدة قياسه اللوح
وهى وحدة قياس استفزازية صماء , اذا قيس بها اى شىء غير التلج
افادت البرود وذهبت بنقاط قوة التلج , واحالتها ضعفا
فاذا ما ناديت احدهم (بيا لوح ) , فان (واطات المنادى قد صبحت )
وتطلق على من لا (مسام له ) , ولا قرون استشعار , ولا حتى حاسة شم
اللوح يرى ويسمع , يتذوق ويلمس , ولكنه لا يحس ولا يشم
وغرائب الأحوال , مع ان اللوح لا يشم (كفاعل )
الا انه فى موضع (نائب الفاعل دائما )
يشمه الناس , حتى ينزلون به الى درجة (المفعول ) نهاية الأمر
Post: #3697
Title: Re: ناس الزقازيق ... أجدع ناس ( 3 ) ..
Author: البادي النور
Date: 03-31-2010, 10:27 AM
Parent: #3693

ولدنا وحبيبنا ود نجيلة .. تشكرات على كسير التلج الدبل كاب ...

بالرجوع لقصة بتنا نعمات (رسالة من تحت السرير) ... واني اغرق اغرق ...

انا شخصيا شايف انه الرجل صاحب القصة كان من المفروض بعد ما اخد الدش الظريف وتهندم وتعطر كان مفروض يدخل تحت السرير ويفاجئ زوجته ...
وياخذها في حضنه وكدا يكون احتوى كل تناقضات مشاعرها الانثوية .. وارضى غرورها كامراة (انشاء الله ما اكون كترتا المحلبية) ...
هذا السلوك الذكوري ظاهرة غير صحية ... كيف تقشر وتخرج وتترك زوجتك تعاني الوحدة وانت مستمتع حتى الثمالة مع اصحابك وشلتك ...
ودا من اكبر الاسباب اللي خلت البنات يتغنون بــ(راجل المرا حلو حلا) ..
لانه رجل فوق الاربعين (سن النبوة) .. عاقل .. مسئول .. يحترم المراة .. ذو خبرة في الحياة .. ذو خبرة في معرفة احتياجات المراة .. وذو خبرة في احتواء هذه الاحتياجات برومانسية وحنان معدومين تماما عند شباب هذا الجيل .. فانتم ايها الرجال المحترمون سلعة نادرة جدا وتكاد تكون معدومة من السوق نهائيا ...
شباب اليوم الواحد يتزوج من اجمل الحسناوات واللي ممكن تكون نائب فاعل للقمر في عرس اكتماله بدرا .. وبعد شهر العسل (الهني مون) ..
ياتي من العمل مرهق يتناول وجبة الغداء .. ينام حتى المغرب .. يخرج مهندما متعطرا ليقضي الليل مع الاصحاب في مقاهي الشيشة التي انتشرت في الخرطوم .. يرجع على وش الفجر .. ينام .. يصحو للعمل .. وهكذا .. هل هذه حياة زوجية سعيدة ...
يتبع.....
Post: #3694
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-31-2010, 09:48 AM
Parent: #3692

والتلج كمادة متحولة اصلها (ماء )
انما تتمايز وترتقى , كما تعلو وتنخفض فى الأثر والتأثير
حسب كينونتها ساعة الأنفعال (اللحظى )
او ممكن تقول حسب حالته الفيزيائية (لحظة الأنفعال )
فهو متحول ومتمايز ومتأرجح , ما بين كونه (لوحا جامدا عديم المسام )
فتتعطل (ساعتئذ) حواسك تجاهه, الا ان (تشمه ) وتتمنى عدم وجوده
الى حالة كونه , ماءا رقراقا جاريا فى (سيلان أخاذ)
فيشعل (لحظتها ) حواسك كلها , ويجعلها استاند باى
فانت تلمسه وتتذوقه وتبصره وتكاد تسمعه (خريرا وزقزقة عصافير )
ومن هنا جاءت اهمية التحكم فى حالة التلج اخونا , الفيزيائية
حكمة الله جعلته عندنا فى السودان (لوحا )
والما بيكسر (اللوح )
قطع شك غلطان , الغلط راكبه من ساسه لى راسه
فمن يجد امامه (لوحا ) يخفى خلف حالته الفيزيائية (اطنان من السعادة والحب العظيم )
لا تتفجر الا (بالتكسير والهرس والجرش )
ولا يفعل
اووول انت بأه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #3695
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 03-31-2010, 10:03 AM
Parent: #3694

وصاحبنا (التلج ) الذى يوجد فى حالة (اللوحنة الفيزيائية )
فى السودان العظيم , الا ما ندر
موجود , مكسر جااااااهز , وما محتاج تكسير , فى غير السودان
فهو مكعبات
ومربعات
ودوائر
صفرا , وحمرا , وخضرا , وقوس قزح
تختها صفراء مدورة , مع العصير الأحمر
وزرقاء مدغلبة , مع العصير الأبيض
مجروشة , ومهروسة , ومطلعين عينها وداقينها كمان , فى حالات تانية
بدالات العجلات , والات تكسير التلج الحادة , معدومة وعديمة القيمة , فى عالم التلج المكسر جاهز ده
انا شخصيا , اعزازى وحبى للسيد تلج , عظيم وقديم
اكسره واهرسه واجرشه صيفا كما شتاء , ربيعا وخريفا , وفى حالات الكتاحة والغبار
فانا اجعله وجبة يومية , مع الموية كما مع العصير
وخدوا منى العهد والميثاق الغليظ الجاى
اى لوح , يتضاير منى ويحاول يقعد ركن
ساكسره بيداى هاتان , اذا عزت بدالات العجلات , واسرف حافرى القبور , فى دس (المحافير )
والتلج المكعبات والمدورات الملون والأبيض , نحتفل به ايما احتفاء , ونزهو به (قدام اى لوح ) ونختال
اما لو كان مهروسا او مجروشا جاهزا
فاننا نضعه فى (سويداء القلب والفؤاد )
امنيتنا وهوايتنا التى لا نمل منها ولا نسام
اللعب فى حالات التلج الفيزيائية
حتى كدنا ان نشرع فى ان نحاكى الكانوا بيركبوا حمار ويجوا ماشين فى الشارع ديك ويكوركو
المع قزززززاااااز يااااااااااا
نكسر تلج يااااااااااااااااااااااااااااااااااااااااااااااااااااااااااا
Post: #3698
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-31-2010, 10:31 AM
Parent: #3695

جيبو ليا لوحين تلج اغطى بيها قلبى الحرق



الليلة منصور حارس البوست ذى الواحد لما يحرسوه التلج فى بيت
العرس

اجيب ليك خيشـة يا منصور تغطى بيها التلج
ولا انادى ليك ناس جلا يجيبو البراميل ويرصو قزاز البيبسى
وكل واحد يكسر على كيفو
Post: #3696
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-31-2010, 10:25 AM
Parent: #3694

أخطر ميل على الإطلاق

لينا فترة طويلة لم نتحف بهذا الألق الإسفيري

أبصم بالعشرة بأنكم أذقتونا أحلى كلام وأطعم حكي

ألم أقل لكم هذا الميل هو للجنرال جمال فارح سجلناه

ليهو بإسمه ولم يخذلنا الرجل ونثر الدرر وباغتتنا بالهجوم

نعمات الجبل وفافي وثلاثية منصور العجيبة (بين القصرين ،،، والسكرية ،،،،،)

حبة مع الصباح بالكبتشينو وحبه عند الغداء وحبة عند العشاء وممكن

تاخد واحدة من رشيد القوم عند اللزوم ،،، وتتجدع مع جلال وجلا وفاتن حمامة

وأحمد إسماعيل وصباحات البادي ووجبة نجيلة الدسمة وملاحظات الزتاتي ولدغات

النحلة ،،،،،، حقيقي ميل في التنك
Post: #3699
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 03-31-2010, 10:38 AM
Parent: #3696

يا ميسرة
يا ميسرة

انا عارفك جيت هسه عشان تعمل شنو

عارفك هوووووى


فضل كم 2 ولا 4
Post: #3700
Title: Re: ناس الزقازيق ... أجدع ناس ( 3 ) ..
Author: محمد صديق
Date: 03-31-2010, 10:55 AM
Parent: #3699

سلامات يا ناس

Quote: لفحي اليوم:


سلام ياسر ...وحمدآ لله على قوة العودة
Post: #3701
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-31-2010, 11:08 AM
Parent: #3700

يا ديدو يانحلة أشوفك

في العدد القادم،،،

وكل ميل وإنت طيب
Post: #3702
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 03-31-2010, 11:13 AM
Parent: #3701

نعمات الجبل لديها عدة مشاركات

تنتظر الموعد المقرر لها ،،،،،

وهذه مشاركة وتقول إنها منقولة بتصرف

والله كلام يصف الحال تماما
فعلا ليه الحاجة يرتفع سعرها بسبب معين و بعد
زوال السبب ما ينزل السعر
مطلوب أن نتفاعل بخصوص الموضوع
-----------------------------------------------------

ديون وحمير


إحتار الناس في فهم حقيقة ما جرى في الأزمة المالية العالمية الأخيرة!!
فتم الطلب من خبير مالي محنك أن يبسط للناس العاديين أسباب الكارثة
التي حدثت في أسواق البورصة فحكى لهم قصة فيلم قديم ...

حين باع الناس الحمير والتراب... فقال:

ذهب رجل تاجر إلى قرية نائية، عارضا على سكانها شراء كل حمار لديهم
بعشرة دولارات ، فباع قسم كبير منهم حميرهم، بعدها رفع الرجل السعر
إلى 15 دولارا للحمار، فباع آخرون حميرهم، فرفع الرجل سعر الحمار
إلى 30 دولارا فباع باقي سكان القرية حميرهم حتى نفذت الحمير من القرية.
عندها قال الرجل التاجر لهم: مستعد أن أشتري منكم الحمار بخمسين دولارا
ثم ذهب التاجر إلى استراحته ليقضي أجازة نهاية الأسبوع

حينها زاد الطلب على الحمير وبحث الناس عن الحمير في قريتهم والقرى
المجاورة فلم يجدوا في هذا التوقيت أرسل التاجر مساعده إلى القرية
وعرض على أهلها أن يبيعهم حميرهم السابقة بأربعين دولارا للحمار الواحد.
فقرروا جميعا الشراء حتى يعيدوا بيع تلك الحمير للرجل الذي عرض الشراء
منهم بخمسين دولارا للحمار، لدرجة أنهم دفعوا كل مدخراتهم بل واستدانوا
جميعا من بنك القرية حتى أن البنك قد أخرج كل السيولة الاحتياطية لديه،
كل هذا فعلوه على أمل أن يحققوا مكسب سريع.
ولكن للأسف بعد أن اشتروا كل حميرهم السابقة بسعر 40 دولارا للحمار لم يروا
الرجل التاجر الذي عرض الشراء بخمسين دولارا ولا مساعده الذي باع لهم. وفي
الأسبوع التالي أصبح أهل القرية عاجزين عن سداد ديونهم المستحقة للبنك
الذي أفلس وأصبح لديهم حمير لا تساوي حتى خمس قيمة الديون، فلو حجز عليها
البنك مقابل ديونهم فإنها لا قيمة لها عند البنك وإن تركها لهم أفلس تماما
ولن يسدده أحد بمعنى آخر أصبح على القرية ديون
وفيها حمير كثيرة لا قيمة لها
ضاعت القرية وأفلس البنك وانقلب الحال ، رغم وجود الحمير

وأصبح مال القرية والبنك بكامله في جيب رجل واحد،

وأصبحوا لا يجدون قوت يومهم ،،،،،

انخسف سعر الدولار .... وما زلنا نعاني من سعر الخضار

بل إننا أصبحنا حتى .... لا نملك السعر ولا قيمة الحمار
Post: #3703
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-31-2010, 05:23 PM
Parent: #3702

Quote: ضاعت القرية وأفلس البنك وانقلب الحال ، رغم وجود الحمير

وأصبح مال القرية والبنك بكامله في جيب رجل واحد،

وأصبحوا لا يجدون قوت يومهم ،،،،،

انخسف سعر الدولار .... وما زلنا نعاني من سعر الخضار

بل إننا أصبحنا حتى .... لا نملك السعر ولا قيمة الحمار


هذا واقع الحال 0000 والحمار لايفهم

والذي يبيع ويشتري الحمير ، أكيد حيختار الاسلوب
الأنسب للتعامل مع الحمير




الله يعين الحمير على الجاييها
Post: #3704
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-31-2010, 06:11 PM
Parent: #3703

مساكم الله بالخير
صباح اليوم البوست كان عامر بيكم و مليان حركة زي سوق الثلاثاء...
و منصور صاحبي يشتري في الحمير سااااكت...لحدي ما احتكرها كلها...
الاحتكار الذي كان أساس مداخلة سنيرتنا العزيزة نعمات...
و هنالك بعض العوامل الأخرى بين السطور تؤدي الى تدمير الاقتصاد..
و لكن أهمها التمويل بشروط جائرة حتى و ان ألبسوه (عباية)....
كنت في قمة الغيظ و أنا غير قادر على التداخل معكم...
خاصة و اني عارف لما أجي بالليل حألقى السوق انفض...
عملت محاولة يائسة كده...أغلقت مكتبي علي و طلبت منهم عدم ادخال أحد...
و قلت ليهم علقو ليكم ورقة على الباب أكتبو فيها أي حاجة..
نط أحدهم و سألني نكتب شنو على الورقة...
قلت ليهو أكتب نأسف المدير متجمد عن العمل...
ما داخل وسط كسير التلج ده أكيد حأتجمد...
قعدت أبلور في الأفكار سريع كده حتى تتناسب مع الجو...
بلورات أفكاري الكريستالية بقت جاهزة..
طرقعت أصابعي و انجعصت ليك...
فاذا به واحد من الذين لا توقفهم الأبواب الموصدة يندفع داخل مكتبي...
حمدت الله اني ما كتبت حاجة لحدي حسة...و الا كنت دفقت مويتي على الرهاب...
عجبتني زرزرة ياسر نجيلة لي بت شيخي المحكرة في ضميري...
لكن أنا عارف بت شيخي مواقف زي دي ما بتغلبها...
عارفه رداده و صداده...يعني بتعرف ترد...
و يا ياسر لو عايز تعرف العربية تعال أبو ظبي في الويك اند...
هنا في البوست ده (تشمها قدحة)...بتعرف المثل ده و لا نطلب تدخل أبو عمر..
لكن تبقى مجلتك لذيذة و منوعة و شيقة....
و خضرااااااااء من بره...
Post: #3705
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 03-31-2010, 07:17 PM
Parent: #3704




يالرشيد 00ياسر نجيلة الظاهر مطرود من حصة
الرياضيات الخاصة بالأرباع الأربعة لتقاطع
الإحداثيين السيني والصادي
او تحرك من المربع الأول في إتجاه عقربي الساعة
أو كلامه السمح داك شوّش عليه شوية



ياجلا ويامنصور منتظرين حل معادلة عبد الدائم

2010- 1988 = 12


( كل ، جبار ، ظالم ، حاتو داهية)
Post: #3706
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 03-31-2010, 08:56 PM
Parent: #3705

الحمد لله اخيرا استطعنا المشاركه وعادت الروح للباص ويرد
شحتفة الروح عندى فاتت حقت رشيد القوم بيغادى خاصة وانا اتابع
ابداعات الفارح المسكون روعة وجمال .
ولابد ان اقول ان كثير التلج عند الزقازيقاب عطاء الاخوه والزماله
والحب فى الله ولله . وغسيل العده لدينا يصب فى نفس الاطار !ولا
ما كده ىا ود اسماعيل لك التحيه وانت حضورا فاعل.
الشادى اين انت لا تحرمنا الطله حتى لو كنت فى اديس انشاءالله
كوبى من بتاعة حاج جلا او متابع ومستمتع من بتاعات الكوتش اوسمك
منصور وناس فجركى والشاى بالمربه لكم اسمى التحايا.
اما حمير القرية فعلا تم شراءها كلها والادهى انها غير معروضه
للبيع بل للايجار باغلى الاسعاروتم حظر دخول الحمير من المناطق الجاوره
لدواعى صحيه !انها شطارة التمكين يا مساكين ومين يقول البغله فى الابريق
ما الابريق ذاتو قاعد فى ضل الشجره الذى امتلاء بصفوف المتسلقين
والمنتظرين الى حين ميسره.
Post: #3707
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 03-31-2010, 10:46 PM
Parent: #3706

يا ريس بركة الرجعت ليك روحك..
قصدي باسوردك...
و رجع للبوست قطبه الثاني...
و الله أنا أول مرة أسمع انو باسوردك راح شمار في مرقه...
كان اتخاتتنا ليك باسورد لحدي ما تتحل مشكلتك..
كنت عايز أقول ليك الجاتك في باسوردك سامحتك...
لكن فكرت فيها شوية كده لقيتها لا سامحتك و لا حاجة...
يعني أنا ما بتخيل نفسي من غير باسورد...
أكيد حتجيني نفسيات أكتر من الأنا فيها دي...
و كان فيها حسنة واحدة بتكون انو الواحد حيرجع للرياضة...
و يخلي الحكيرة القدام الكمبيوتر طول اليوم دي...
و ينزل الكرش البقت تعقد دي...
حسه بقيت ألبس جزم كشف من الكرش...
حتقول العلاقة شنو بين الجزمة الكشف و الكرش...
الجزمة البي رباط محتاجة تندقر عشان تربط الرباط...
و الكرش تحول بيني و بين ربط الرباط...
بل و تجعل منه عملية غاية في المشقة و التعب...
عشان كده حولت للجزمة الكشف...
و البنطلون بعد كده حنشوف أبو لستك...
Post: #3708
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 03-31-2010, 10:49 PM
Parent: #3706

اهلنا الحلوين ناس الحوش...
سلام سلام والف سلام ..يا احباب..

عودنا ليكم بعد الغياب ,,,كل التحايا الي الاحباب ...

وكل التعازي لمن فقد عزيز له من اهل الحوش.. تابعت ما استطعت ان اتابعة من الاحداث المتلاحقة...
وما فاتني البركة فيكم بما ادركتم...

مرة اخري لكم الف تحية

عثمان الجيلي
Post: #3709
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-01-2010, 06:13 AM
Parent: #3708

صباح الهناء والسرور ...

اللهم نسالك خير هذا اليوم عاجله واجله ما علمنا منه وما لم نعلم ...
Post: #3710
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-01-2010, 07:25 AM
Parent: #3709

الناس البقولو متابعين ومستمتعين عليكم الله اخجلو

تراها علوية مامون متابعة و مستمتعة .... وتحمد الله



اليوم الخميس التنك لازم يكون مليان يا هوووى
Post: #3711
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-01-2010, 07:53 AM
Parent: #3710

سلامات يا ناس

وصباحات التفاؤل

Quote: الحمد لله اخيرا استطعنا المشاركه وعادت الروح للباص ويرد


الحمد لله على عودة الروح

وهذا يجعلنا متابعين ومستمتعين أكتر( ولو معاها خجلة )
Post: #3712
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-01-2010, 07:57 AM
Parent: #3711

سلامات يا ناس

Quote: عودنا ليكم بعد الغياب ,,,كل التحايا الي الاحباب ...


تحياتى عثمان ...وحمدآ لله على الإياب

لكن السؤال المهم :

أنت بتمشى وين عشان تجى راجع؟؟
Post: #3713
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-01-2010, 07:58 AM
Parent: #3711

صبحكم الله بالخير

انت يا ديدو وقت بتجي مربع كاي و بتخش لحدي الغريق أكتب حاجة...قول أنا جيت...

أكتب في الباب حضرت و لم أجدكم....

و كان ما لقيت فحمه شوف ليك ورقة و قلم من الدكان الجمبنا...

و بعدين قول خالتي علوية مامون و لا عمتي علوية...يخس عليك...و علي قلة أدبك...
Post: #3714
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-01-2010, 08:25 AM
Parent: #3713

انا قلت الاسم حاف عشان عاوز اطلع ليها باسورد
ومتأكد انها حتتفوق على ناس كتار هنا كسلانين

يعنى حتبقى زميلة




،،،،،،،،،،،،،



انتو محمد عيد وين
Post: #3715
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-01-2010, 08:45 AM
Parent: #3714

سلامات يا ناس

الحمد لله الذى منّ بالشفاء على إبنة الاخ

محمد المرتضى والتى عانت من آلام عديدة

فى الاسبوع الفائت..وقد تعافت تمامآ .

تلفون محمد: 0904275229
Post: #3716
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-01-2010, 09:04 AM
Parent: #3715

منى يونس كل سنة وانتى طيبة
وعقبال العمر كلو











ــــــــــــــ

كبر اللفة يا ريس الانتخابات جاية
Post: #3717
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-01-2010, 09:32 AM
Parent: #3716

ما التلج
هذه السلعة التى يفهمها معظم الناس (غلط )
فان اعتزازى به عظيم
وهو لا يحتاج الى تكسير , فيما اظن واعلم
الا فى سوداننا العظيم
حيث يوجد , فى غالب الأحوال , الواحا الواحا
ويشتريه الناس , ووحدة قياسه اللوح
وهى وحدة قياس استفزازية صماء , اذا قيس بها اى شىء غير التلج
افادت البرود وذهبت بنقاط قوة التلج , واحالتها ضعفا
فاذا ما ناديت احدهم (بيا لوح ) , فان (واطات المنادى قد صبحت )
وتطلق على من لا (مسام له ) , ولا قرون استشعار , ولا حتى حاسة شم
اللوح يرى ويسمع , يتذوق ويلمس , ولكنه لا يحس ولا يشم
وغرائب الأحوال , مع ان اللوح لا يشم (كفاعل )
الا انه فى موضع (نائب الفاعل دائما )
يشمه الناس , حتى ينزلون به الى درجة (المفعول ) نهاية الأمر
Post: #3718
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-01-2010, 09:34 AM
Parent: #3717

والتلج كمادة متحولة اصلها (ماء )
انما تتمايز وترتقى , كما تعلو وتنخفض فى الأثر والتأثير
حسب كينونتها ساعة الأنفعال (اللحظى )
او ممكن تقول حسب حالته الفيزيائية (لحظة الأنفعال )
فهو متحول ومتمايز ومتأرجح , ما بين كونه (لوحا جامدا عديم المسام )
فتتعطل (ساعتئذ) حواسك تجاهه, الا ان (تشمه ) وتتمنى عدم وجوده
الى حالة كونه , ماءا رقراقا جاريا فى (سيلان أخاذ)
فيشعل (لحظتها ) حواسك كلها , ويجعلها استاند باى
فانت تلمسه وتتذوقه وتبصره وتكاد تسمعه (خريرا وزقزقة عصافير )
ومن هنا جاءت اهمية التحكم فى حالة التلج اخونا , الفيزيائية
حكمة الله جعلته عندنا فى السودان (لوحا )
والما بيكسر (اللوح )
قطع شك غلطان , الغلط راكبه من ساسه لى راسه
فمن يجد امامه (لوحا ) يخفى خلف حالته الفيزيائية (اطنان من السعادة والحب العظيم )
لا تتفجر الا (بالتكسير والهرس والجرش )
ولا يفعل
اووول انت بأه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #3719
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-01-2010, 09:36 AM
Parent: #3718

وصاحبنا (التلج ) الذى يوجد فى حالة (اللوحنة الفيزيائية )
فى السودان العظيم , الا ما ندر
موجود , مكسر جااااااهز , وما محتاج تكسير , فى غير السودان
فهو مكعبات
ومربعات
ودوائر
صفرا , وحمرا , وخضرا , وقوس قزح
تختها صفراء مدورة , مع العصير الأحمر
وزرقاء مدغلبة , مع العصير الأبيض
مجروشة , ومهروسة , ومطلعين عينها وداقينها كمان , فى حالات تانية
بدالات العجلات , والات تكسير التلج الحادة , معدومة وعديمة القيمة , فى عالم التلج المكسر جاهز ده
انا شخصيا , اعزازى وحبى للسيد تلج , عظيم وقديم
اكسره واهرسه واجرشه صيفا كما شتاء , ربيعا وخريفا , وفى حالات الكتاحة والغبار
فانا اجعله وجبة يومية , مع الموية كما مع العصير
وخدوا منى العهد والميثاق الغليظ الجاى
اى لوح , يتضاير منى ويحاول يقعد ركن
ساكسره بيداى هاتان , اذا عزت بدالات العجلات , واسرف حافرى القبور , فى دس (المحافير )
والتلج المكعبات والمدورات الملون والأبيض , نحتفل به ايما احتفاء , ونزهو به (قدام اى لوح ) ونختال
اما لو كان مهروسا او مجروشا جاهزا
فاننا نضعه فى (سويداء القلب والفؤاد )
امنيتنا وهوايتنا التى لا نمل منها ولا نسام
اللعب فى حالات التلج الفيزيائية
حتى كدنا ان نشرع فى ان نحاكى الكانوا بيركبوا حمار ويجوا ماشين فى الشارع ديك ويكوركو
المع قزززززاااااز يااااااااااا
نكسر تلج يااااااااااااااااااااااااااااااااااااااااااااااااااااااااااا
Post: #3720
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-01-2010, 09:41 AM
Parent: #3719

يمينا بالله كسير التلج الفوق ده
من كثر ما عاجبنى ومريحنى
قلت اشيلو معاى اجيبو ليكم فى الصفحة القلبتوها دى
يا انقلابيين
ده كلو عشان بعدين نجى نشوف الحمير (بتاعت الرهن العقارى دى )
اهلا بى عودة عثمان الجيلى والريس معتصم

وكل سنة , ومنى يونس بالف خير
وربنا يخلى ليك ميسرة
قولى آآآآمييييين
Post: #3721
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-01-2010, 10:06 AM
Parent: #3720

يا خلف الله عذبتنــــــــــــــــــــا .....
Post: #3722
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-01-2010, 10:47 AM
Parent: #3721

صباح الخير ،،، ياوجوه الخير

أصبحنا وأصبح الملك لله ،،، وحده

Quote: كبر اللفة يا ريس الانتخابات جاية


لفة العمة ولا لفة الكسرة ولا لفة العربية ،،،،

إنت سرقت المعلومات دي من وين ،،، وبعدين تعال

خالتك علوية دي منو ،،، وخلف الله ده كان معانا في الزقايق
Post: #3723
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-01-2010, 11:08 AM
Parent: #3722




ا/أبريل عيد ميلاد منى يونس وعيد زواجها،،،،،،،،،،

كنا زايغين بس النحلة لسعتنا!!!!!!!!!!!!!!!!!!!!!!!!!!
Post: #3724
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-01-2010, 12:07 PM
Parent: #3723

Quote: يمينا بالله كسير التلج الفوق ده
من كثر ما عاجبنى ومريحنى
قلت اشيلو معاى اجيبو ليكم فى الصفحة القلبتوها دى
يا انقلابيين


والله تسلم يا بشير عباس ،،،

بس ما جننت التلج جن ،،،،، جدي الله يرحمها

كان بنادي العامل الما بيفهم تعال إنت يا لوح

وأنا صغير كنت أعتقد بأن اللوح هو لوح الخشب

بس التحليل الفيزياء والفيسفسائي بتاع منصور ده

أثبت لي المقصود هو لوح التلج بعد ثبات كسير التلج

بتاع منصور الما خمج ،،،، سلمت يداك ،،،،ويمناك

منهجك التحليلي خلانا نقرأ مداخلاتك أكثر من مره ،،،

كسر يا عم وما تشيلش هم ،،، أهي ماشى معاك لحدي آخر لوح
Post: #3725
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-01-2010, 12:23 PM
Parent: #3724

في قصة ماعارف عندها علاقة بالتلج بتاعكم ولا لا
واحد من ام علي كان في مصر سنوات عديدة لحد
ماقلب مصري وعاد بعد سنين وعلي حظه كان رمضان
وكان حر شديد فالراجل جهز شنطته وقاليهم انا رايح الخرطوم
ام علي حارة اوي قالو ليه الخرطوم برضه حارة
قالهم حارة آه بس في تلج
يامنصور خليتنا نغير من التلج
يديك العافية (دي مافيها كسير تلج؟؟؟)
Post: #3726
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-01-2010, 12:56 PM
Parent: #3725

نرحب بعودة الريس معتصم

وحمد لله وعاد الباسورد بتاعكم

مكانكم في البوست ما زال شاغراً

مرحبتين حبابك اليوم السعيد الليلة جابك

يا عثمان يا جيلي ،،، ونحمد الله على العودة

وخليكم متواصلين ،،،،،
Post: #3727
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-01-2010, 01:54 PM
Parent: #3726

كل سنة و منى يونس بألف خير...
كل الأمنيات الطيبة لك و لأسرتك...
كذلك أحر التهاني لمنى و الريس بمناسبة عيد زواجهم..
كل العمر مع موفور الصحة و العافية و تتحقق النجاحات...
على صعيد المال...و نجاحات العيال...
و كسير التلج الما خمج...

ان شاء الله تكسروا تلج لي بعض حتى تتساقط كل أسنانكم...

و تشوفو بعض طشاش ...طشاش...
Post: #3728
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-01-2010, 02:13 PM
Parent: #3726

سلام يا ناس

والله نكتة عمر مهدي ضحكتني لم شكلي بقي عوير ... دي مبالغة .... يعني نكتة الشهر يا نجيلة ... مش زي بتاعت البطيخة .....
Post: #3729
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-01-2010, 02:27 PM
Parent: #3728

مني يونس عيد ميلاد سعيد وعمر مديد ... وصحة حديد ...
وعيد زواج مبارك ... ويا رب نحتفل بالذكري المية معاكم وفي الزقازيق
Post: #3730
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-01-2010, 02:34 PM
Parent: #3729

سلامات لأخونا مصطفي محمد الحسن فقد تعرضت مكاتب منطمة أكورد بكسلا لحريق هائل ... قضي علي المخزن الرئيسي وكذلك مكتب الأخ مصطفي محمد الحسن ... بحمد الله لم تكن هنالك أي خسائر بشرية رغم الخسائر المادية الفادحة ... والتي من ضمنها اللابتوب الخاص بمصطفي .... تلفون مصطفي 0912341904
Post: #3731
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-01-2010, 03:11 PM
Parent: #3730

نهاراتكم سعيدة ...
اختنا منى يونس الشهيرة بالسيدة الاولى .. كل سنة وانت وريسنا بالف خير ..
وعقبال تطفي الشمعة المائة وبالصحة والعافية ...
وكمان عيد زواج سعيد ...
يا منى الريس ما يخمك لازم يجيب هديتين ..
Post: #3732
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-01-2010, 04:14 PM
Parent: #3730






كل عام يامنى يونس وأنت طيبة

أطيب الأماني وأحرّ التهاني لك وللريس ميسرة
وموفقين دائما وابدا
Post: #3733
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-01-2010, 04:14 PM
Parent: #3730






كل عام يامنى يونس وأنت طيبة

أطيب الأماني وأحرّ التهاني لك وللريس ميسرة
وموفقين دائما وابدا
Post: #3734
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-01-2010, 10:16 PM
Parent: #3733

سلامات يا ناس

التهانى للريس ميسرة والاخت منى

وكل عام والاسرة بخير...

سلامات للاخ مصطفى والجاتك فى مالك ومال المنظمة

قطع شك سامحتك.

ياريت تكون الناس اتصلت بمحمد المرتضى
Post: #3735
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-02-2010, 12:13 PM
Parent: #3734

جمعتكم مباركة

يا كوتش ما تخلع الناس ساكت...سميرة الصغيرة بنت محمد المرتضى كانت تعاني من الملاريا و التهاب اللوز...واحدة فيهم بتجهجه محمد المرتضى زاتو خليها سميرة الصغيرة...لكن و الحمد لله البنت استجابت للعلاج و ابتدأت في التعافي تدريجيا...
جرعات المضاد الحيوي أثرت علي شهية البنية الفنجرية...و أصبحت غير راغبة في تناول الطعام...
محمد المرتضى اتجرس...أول حاجة لأن الوالد لا يستطيع أن يتحمل رؤية أولاده و هم في هذه الحالة...و تاني لأن صاحبنا أبو برلوم....لافي بالخلاء طول عمره و أختنا انتصار زوجته كانت شايله الشيلة و مرت بيها حالات زي دي كتير....محمد المرتضى دي بتكون المره الأولى و لا التانية...
أنا امكن اتكلمت معاهو بالتلفون تلاته أربعة مرات...كل مره ألقاهو ليك متجرس...أقول ليهو يا محمد طول بالك ده طبيعي و بعد 24 ساعة حيظهر أثر المضاد و تبدأ في التعافي...
الحمد لله سميرة تعافت تماما الآن و ربما يكون محمد و أسرته الآن بالخرطوم بعد أن قضى الأسبوع كله بالأبيض...
Post: #3736
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 04-02-2010, 01:02 PM
Parent: #3735

ميسرة 000 منى000 كل سنة وانتو فرح 000 تفاؤل 000

00000000000000000000000000000000000000000000000000

سميرة الصغيرة تسلمي ويسلم قلب ابوك الابيض من القلق 000

00000000000000000000000000000000000000000000000000000000000

مصطفى محمد الحسن الف سلامة 000 والله اكورد يا زهير قريبة من بيتنا في كسلا

لو في نفس المقر السابق 000

وتحياتي يامصطفى لصاحباتي في اكورد 000

0000000000000000000000000000000000000000000000000

محمد عيد 000 طلتك منتظرنها كن بخير دايما 00

00000000000000000000000000000000000000000000000000

يا عموم الاجدع ناس جمعة مباركة000
Post: #3737
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-02-2010, 03:59 PM
Parent: #3736

مني يونس عيد ميلاد سعيد وعمر مديد ...
وعيد زواج مبارك لمنى وميسرة...
وإن شاء الله سنوات عديدة من السعادة
Post: #3738
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-02-2010, 10:01 PM
Parent: #3737

سلامات يا ناس

ومساءات التفاؤل

سامى عبدالوهاب ...سلام

اهديناك قصة بالمنبر بى هناك

وانت ما جيت ...

تعال بى هناك
Post: #3739
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 04-02-2010, 11:16 PM
Parent: #3738

حبايبنا الحلوين ...
لسلام عليكم ورحمة الله ...

العزيزة مني بونس ...كل عام وانت بالف خير ...
والريس والعيال والاسرة الكريمة بالف خير ...وربنا يحفظكم..

عمر مهدي ...يا بتاع الثلج انت ...وينك وين اراضيك ؟؟؟؟ ليك خالص التحايا...

عبد الدائم ...يا رايع ...دوما ابداعتك حلوة ...وتحمل رقة حسك الجميل ...جميلة الوردة الوجه...وتعبيرها حلو ...

عثمان الجيلي
Post: #3740
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 04-03-2010, 02:45 AM
Parent: #3739

مني كل سنه وانتي طيبه..
عيد زواج سعيد..

سلامه سميره محمد المرتضي..
وكفاره لي مصطفي.. وناس اكورد صحبان فافي..
Post: #3741
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-03-2010, 05:26 AM
Parent: #3740

سلامات يا ناس

وصباحات التفاؤل

قيل للسعادة أين تسكنين؟ قالت :

فى قلوب الراضين بقضاء الله.

قيل : فيم تدومين؟

قالت :

بحسن ظنهم فى الله.

اللهم انا نسألك سعادة الدنيا والآخرة.


آمين
Post: #3742
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-03-2010, 06:56 AM
Parent: #3741

صباح الخير،،، يا وحوه الخير

أصبحنا وأصبح الملك لله ،،، وحده

دعاء الصباح :

اللهم إني أستغفرك من كل سيئة

ارتكبتها في بياض النهار

وسواد الليل،،،،،،،،،،،،

في ملأ وخلاء ، وسر وعلانية

وأنت ناظر إلي ........

يا الله،،،،،،،،،،،
Post: #3743
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-03-2010, 07:46 AM
Parent: #3742

صباح الهناء والسرور ...

اصبحنا واصبح الملك لله ...

اللهم نسالك خير هذا اليوم عاجله واجله ما علمنا منه وما لم نعلم ...

اللهم نعوذ بك من شر هذا اليوم عاجله واجله ما علمنا منه وما لم نعلم ...
Post: #3744
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-03-2010, 09:23 AM
Parent: #3743

أصالة عن نفسي وإنابة عن الأستاذة منى يونس

نشكر لكم كريم إهتمامكم وحسن مشاعركم،، وكل سنة

والجميع بخير،،،،،،،

##################################

لا يفوتني أن أقول للأخونا محمد المرتضى

سلامة بنتنا سميرة وإنشاء الله تبلغ الصحة والعافية

وكمان كفاره لي أخونا مصطفي.. والجاتك في مالك سامحتك
Post: #3745
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-03-2010, 03:27 PM
Parent: #3744

مساكم الله بالخير

عندما اذهب كل جمعة الى بلد الخيرات لشراء الكسرة...و بلد الخيرات و هو محل سوداني يبيع المنتجات السودانية...أقوم عادة ابلبحث عن شريط أو سي دي جديد يحوي أغنيات تروي أشواقنا...و لأن المحل ليس محلا متخصصا في بيع الأشرطة انما يقوم فقط بعرض ما تنتجة شركات الانتاج و أحيانا الأفراد...فانه لا يتسنى لنا سماع محتويات الشريط قبل شرائه....فأختار الشريط مصدقا ما هو مكتوب على الغلاف...تماما كما يحدث مع الأراضي و المزارع التي تباع للمغتربين مستغلين أشواقهم في امتلاك قطعة أرض يعوضون بها سنوات الغربة...
قلبت في الأشرطة فلم أجد ما يستهويني...فقلت اذا لأجرب أحدهم و لأتعرف الى بعض الأصوات التي تسود الساحة...وجدت شريطا مكتوب عليه نجاة غرزة و الربع...و تحتهما مكتوب قنبلة...دفعني فضولي الى اختيار هذا الشريط...و ما أن ركبت في عربيتي أدخلته و لاستمع اليه...لقيت ليك البطيخة بيضاء و مسيخة كمان و لو أن زعيم الديدان تذوقها لتركها مكانها و انصرف عنها محبطا...
لم أفهم شيئا في الشريط و استغربت للغة التي أصبحت متداولة...و الكلمات التي ما أن تقولها المغنية حتى يهيج الجمهور الحاضر...أدركت انني غبت كثيرا عن أرض الوطن...
كانت المغنية تردد كتمت...كتمت...فيهيج الجمهور...
ماذا تعني لا أدري...أرجو أن لا أكون قد ساهمت في نشر كلمة مخلة بالآداب دون أن أدري...
ركب معي أحد الأصدقاء منذ عدة أيام و تحدثنا عن الانتخابات و المرشحين...قال لي انه لا يدري لمن يصوت رغم انه اهتم بالتسجيل للانتخابات...اعتقد انه بعد الانسحابات الكثيرة التي حدثت تكون خياراته قد تقلصت...فهل يجد في من تبقى الخيار الذي يريد...أو يزداد ارتباكه فيما قد يحدث في الساعات و الأيام القادمات....
أم سيردد...كتمت...كتمت...
Post: #3746
Title: be: ناس الزقازيق ... أجدع ناس ( # ) ..
Author: معتصم جعفر
Date: 04-03-2010, 03:32 PM
Parent: #3704

اولا اجمل الامانى لست الكل وللر‎س ميَره
ثانيا النت من الخميس!لوح0تلج وساح --- لانو ناس
كنار ما بعرفو يكسروا التلج للزباين يوم 30 ما دفعته
يوم 1 انته دون خïمه ! يا تبلدينا وين التسوىق اقثء من
4 مرات ىوم 30 يقع خميس!!!!!!!!!!!!
==================
البادى النور تلفون لو سمحخ ظلوفك
والله يوفق.
Post: #3747
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-1970, 08:30 AM
Parent: #3746

br> اخوتى .. اخواتى ... الاحباء جميعا .. حفظكم الله
لا تستطيع كل عبارات وكلمات الشوق والحنين ان توشف ديفية اشتهائى للتواجد
br> الذى لا يعرف
=br>0 حقيقة طعمه .. الا من تقسو عليه النوائب وتدفعه قســرا للبعد عنه ...

عــــدنا ... كما تقول الفضائيات$ ..
عدت اليكم وجوانحى تكاد تطير بى فى فضاءاتكم الجميلة وتنتقل بى من خميلة الى خميلة

عدت بعد اà ْجاوزنا بحمد الله مرحلة كبيرة من تلك المعضلة التى ما اظن اننى سأنساها
قريبئ ...
مساندتكم جميعا ... وبكل حقيقة كانت لى هى الســند والظهر والمرفأ ... اشكركم جميعا على اتصالاتكم ومداخلاتكâ ودْواتكم التى كانت لى مجداف الغوث وسط تلاطم الامواج ..
لا أريد أن اختص بالشكر أحدا ولكن اتصالات الاخوة من خالج السعودية كان لها عمىق ئلَثر والتأثير ... عذرا فالواجب يحتم على ان ابعث بشكرى الى الاحباب .. الرشيد وجلا ونجاة حوفى وبكور طارق جبذيل وميمد صديق الذين توالت اتصالاتهم بى رغما عن عدم تمكنى من الرد عليهم فى احايين كتيرة  وبالطيع لا انسى اخوتى 0المرçبطين فى كل المدن السعودية وفى الوطن العزيز . هذا عدا المداخلات الكثيرة التى كثيرا ما تساءلت عنى ولهجت بألسنظ الïعاء للنجاة من هذا الموقف ..
اخوتى .. حقا كنتم لى السند .. وحقا لا ادرى كىف ئشكركم ولكنى ونيابة عن جميع افراد اسرتى اقول ..ادام الله المودة بيننا ..
والله لا جاب يوم شكركم ..
Post: #3748
Title: Re نام الزقازيق ... أجدع ناس ( 3 ) ..
Author: زهير الزناتي
Date: 04-03-2010, 04:58 PM
Parent: #3747

عيد حمد الله عءي ارسلامة .... حقيقة كنا في غاية القلق علي موضوع والحمد الله أن الأمر إنجلي علي خير ... وهي إمتحانات لا بد أن يواجهها الإنسان في حياته ...
Post: #3649
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 04-03-2010, 05:22 PM
Parent: #27$8

الاعزاء$منـ والريس ميسرة انشاء الله كل ايامكم اعيادوربنا يخليكم لبعض.. ويهنيكم ويفرحكم بعيالكم.. حاولت الاتصال بميسرة ولكن تلفونه مغàق فذسٌت ليكم مسج ..
سلامتها زميرب َرتضى( حفيدة ماما سميرة الله يرحمها) مرتضى الفيل رغم شناته الا انه قلبه ذى ماما سميرة
مàيان حط وحنية انشاء الله ما تشوف شر سميرة..
يا اخوانا وين عبد الله كتوكو( زراعة)؟؟؟
البركة عيدنا الرجع لينا حتى يمطر سمانا اعيادا وابداعا والله انك تستاهل يساàوç عنك وده اقل من الواجب يا ابو دعاء..
والبركة الجيت يا البسكويت ( حاتم جبارة)
اميرة التçائس يا زمردة حياتى وفراشة انتى تنثرين الفرح بتنقلك حولينا وحول البوستات سلام لحاج الركز وجيفاراتك.
جورج فاتنى الاستماعز
زنئتـ يا صديقى ودفعتى راجعة ليك للسلطة ..
مساء جميل لاخواتى وبنات اماتى بطة وزوبة سوليتيرات الزمن الجميل الذى لا يصدأ.
دمتأ سارمين
Post: #3750
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-03-2010, 08:05 PM
Parent: #3749

أخواني وأخوئتي آشïركم جميعاً

على كل هذا الإهتمام الجميل والراقي

من أجمل وأجدع ناس .. كل عام وأنت جميعاً بخير


العزىزة جو‎ي وصلت رسالة الرقيقة على الجوال وشكراً ليك كتير

حمد لله على السلامة أخي محمد عيد.
Post: #3751
Title: Re: ناس اهزق÷زيق ... أجدع ناس ( 3 ) ..
Author: مةمدعيد
Date: 04-03-2010, 09:56 PM
Parent: #3750

الشىء المفرح والمحزن فى وقت واحد اثناء تغيبى ئلقسءى عن البوست

هو هذا الحراك الهائل الذى حدث فى الميل السابق ...

خاصة الاقتحام الجميل التدئعى 0الراقى للثنائى الرهيب .. جمال فارح وياسر نجيلة

وبالتالى التفاعل الكبير الذى حدث من بقية الفرسان ئالف÷رسات ...

هو مفرج لعودة هذا الألق الجميل .. ومحزن لعدم استمتاعى بالمشاركة فى ذلك

ولكن بحمد الله .. الجميع كـــفى و وفـــى ...

&&&&&&&&&&

التحية والتهنئة للريس ميسرة ومدام منى

وعيد سعيد وعمر مديد انشاء الله

سلامات لابنة اخونا وحبيبنا شلفانوف الشهير بمحمد المرتضى

وأسأل الله ان يواليها بالشفاء العاجل
Post: #3752
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-04-2010, 00:50 AM
Parent: #3751

التحايا والتهانىء القلبية لاخونا وحبيبنا زهير الزناتى

اليوم عيد ميلاد الرجل القابض على جمر البوست والجمعية

التهنئة لـ أب شنب الراجل الضــكر بعيد ميلاده الـ ...... ( نشوف بهجة تحدده لينا )

وهو طبعا مصــغّر نفسه شديد ..

بس برضو بنعترف .. انت آخر العنقوووود ..!!

يا أحلى عنبه كسلاوية راميه فوق حوشنا




التحية للسكرتير الاجتماعى للبوست زينب التجانى

وهى صاحبة الرياده دائما فى الاحتفاء بالاعزاء والرائعين




كما انت محفور فى قلوبنا ...

حفرناك فوق أغصان المودة والحب الذى يجمع كل اولئك الرائعين ...


كل سنة وانت بألف خير .. وربنا يخلى ليك اولادك وامهم ويخليك لينا
Post: #3753
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 04-04-2010, 01:39 AM
Parent: #3752

ود عيد.. حمدلله ألف علي السلامه..

أب شنب.. كل سنه وانت طيب (معاها ضحكه شديده)..
حوفي.. سلام مربع..
Post: #3754
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-04-2010, 06:25 AM
Parent: #3753

صبحكم الله بالخير

التهنئة القلبية لأبو مجد...
الصديق الصدوق زهير الزناتي...

أنا كنت قايلك مولود يوم 1/1 يا أبو الزوز....ليه ما عارق...
Post: #3755
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-04-2010, 07:10 AM
Parent: #3754

الشجر الكبار فوقو الصمغ

اختيار موفق يا محمد عيد لشجرة اللبخ

اذن فلنصوت لرمز الشجرة
كل سنة وانت طيب يا زيزو
وعندى ليك مفأجاة بالمناسبة دى
ادعو معاى انها تتسهل وتتحقق

ــــــــــ

نجيلة والرشيد حركات اولاد الشهادة العربية دى بطلوها
وخلو اى واحد يعلمكم المصطلحات الجديدة ،،،،،
نحن اولاد من اسـر محافظة ...... لوووول
Post: #3756
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-04-2010, 07:24 AM
Parent: #3755

صباح الهناء والسرور ...

عمو الزناتي كل سنة وانت بالف خير .. وعقبال تطفي الشمة المية ...
Post: #3757
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-04-2010, 07:28 AM
Parent: #3755

Quote: سامى عبدالوهاب ...سلام

اهديناك قصة بالمنبر بى هناك

وانت ما جيت ...

تعال بى هناك


محمد صديق يا راقي

كيفك ياخ

والله مشيت فتشت لكن ما عرفت حاجة

علشان كدة خت الرابط هنا... مشكورا
Post: #3760
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-04-2010, 07:44 AM
Parent: #3757

يا زناتي

كل سنة وإنت طيب

بعد دا قررررررررررررربت تمرق من العشرينات دي
Post: #3761
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-04-2010, 07:47 AM
Parent: #3760

محمد عيد

حمد لله على السلامة

ومبروك التأهل لدور ال16

والتهنئة موصولة لكل المريخاب هنا

وعقبااااااالنا
Post: #3758
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-04-2010, 07:32 AM
Parent: #3754

صباح الخير،،، يا وجوه الخير

أصبحنا وأصبح الملك لله،،، وحده

دعاء الصباح :

اللهم إني أستغفرك
لكل ذنب خطوت إليه برجلي ..
أو مددت إليه يدي ..
أو تأملته ببصري ..
أو أصغيت إليه بأذني ..
أو نطق به لساني ..

يا أرحم الراحمين،،،،، يا الله
Post: #3759
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-04-2010, 07:43 AM
Parent: #3758

صباحاتكم خير ...
وكل سنة وانتم طيبين كلكم
* السيدة الاولي
* زهير ابو مجد
وفي خطوة استباقية ...
Zuhair Zenaty's birthday Today
Sami Abd Al-Wahab Idris's birthday Monday
Saleh Abdelrahman Saleh's birthday Tuesday
ابوالسيم وتبلدينا كل العمر ان شاء الله
طبعا دي دعاية انتخابية ... قلنا لحقكم المولد ..
Post: #3762
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-04-2010, 10:16 AM
Parent: #3759
Post: #3763
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-04-2010, 10:32 AM
Parent: #3762

فى خطوة استباقية برضو ....
عمر T عيد ميلادك متين .....


قدرت اتخيل رابطة شرق الجزيزة منزلة اعلان فى دار الاتحاد
بتدعوكم للاحتفال بعيد ميلاد ابنها الخزين البلولة عوض السيد
بشقتهم بابى طرطور

تتخيلو الهدايا حتكون شنو ...

المداخلة دى ساي كدا
Post: #3764
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-04-2010, 11:28 AM
Parent: #3763

ميلادي مامعروف متين
لكن كبار ناس ام بكول بي قولو
وقت البحر غطا الجروف
والعمدة كان ضابح خروف
يا عبد الدايم
يومي البشوفك ببقي عيد
والدنيا تبقى معيدة
تهانينا لكل المحتفلين بعيد ميلادهم
ومناسباتهم الحميمة ومرحب بالعائدين
والمتالقين دوما وناس البدنجان
الماكويس مع الناس الفصيلة دمهمo+
زي مابقولو بتاعين التغذية ولانة بعمل
حساسية لابنتي روان عشان كدة المابحبوه
مابنحبة ومافي داعي للدواء
رغم انة احلى سندوتش طعمية في الفرع مضاف له سلطة الاسود
التي تغنى بها المغنون (ياتسمعو الكلام ولا استمتعو باسودكم ) ودمتم
Post: #3765
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-04-2010, 02:15 PM
Parent: #3764

هلا يا شباب وكل من هنأنا بعيد الميلاد الذي لم نتعود الإحتفال به ... وفي السنين الغابرة وحينما كان الواحد متشرداً لم أكن أذكر يوم 4/4 إلا بعد مرور أيام وأحياناً شهر حينما تأتي مناسبة وتريد أن تحسب عمرك ... تقوم تشوف يوم 4/4 كان متين وتقعد تحسب .. أما الآن فقد جاء الأبناء وعلمونا ما لم نكن نعلمه ... وأدخلونا في ثقافة جديدة علينا .. هي ثقافة جيلهم ... جيل التلفزيون ... والله لغاية ما سافرت الجامعة ما شفت لي عيد ميلاد ...
Post: #3766
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-04-2010, 02:16 PM
Parent: #3764

Quote: اذن فلنصوت لرمز الشجرة


ما قايلك غواصة!!!!!!!!!!

يا شماتت طنط طاظة،،،فينا
Post: #3767
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-04-2010, 02:19 PM
Parent: #3764

يا عمر مهدي لم يعرف عن صديقتي نجاة حوفي التآمر ... لكن بعد موضوع سلطة الأسود ده لابد من أن إعادة نظر ... قمت اليوم بزيارة قسم التغذية في جامعة الخرطوم .. وقابلت البروف المسئول عن القسم .. فلم أجد منه إلا الكلام الطيب عن سلطة الأسود وآكلي سلطة الأسود . وقد أثني علي الباذنجان بجميع أحجامه تلك التي للسلطة أو للمحشي ... أو ذاك الذي يعمل ملاح فيصبح مثل براطيش البلاستيك ... وقد قال لي بالحرف الواحد أن من يتحدث بسوء عن الباذنجان لا بد أن تكون لديه بعض الأجندة الخفية ... وعليه نعلنها اليوم حرب الباذنجان علي بنات الشيخ وسنحرص علي حضور أسامة السيد لمعرفة كيفية إعداد الباذنجان بكل أصنافة ....
Post: #3768
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-04-2010, 03:30 PM
Parent: #3767

ونحن مالنا
يازناتي حاتجيب لينا الكلام
عاش البادنجان
محمرا مقليا
مخللا مشويا
مبرطشا محشيا
Post: #3769
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-04-2010, 03:48 PM
Parent: #3768

يا الزناتى ..

سجل عندك .. من أكبر عاشقى سلطة الاسود

الزعيم / عادل ود الجعلى ...

وفى كل سنة كان يشحن معه للزقازيق كرتونة مليئة ببرطمانات

سلطة الاسود + الفسيخ ..

وهذين الاثنين لا ينافسه فى حبهما الا عادل البيه سابقا وسامية حاليا ..!!
Post: #3770
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-04-2010, 04:04 PM
Parent: #3769

شكراً يا محمد عيد الصورة الجميلة .... ومبروك للأمل عطبرة تأهل لدور الستة عشر الأول في الكونفدرالية ...
Post: #3771
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-04-2010, 04:20 PM
Parent: #3770

مبروك للمريخ والامل

وعقبال هلال السودان هذا المساء
Post: #3772
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-04-2010, 05:15 PM
Parent: #3771

مساكم الله بالخير

تحية خاصة هذا المساء للأخ الحبيب موسى عيسى و الذي اختفى عنا ذات مساء و لم يعد حتى الآن...
و بقول ليهو و بكل شفافية...
اللقى مفاريكو نسى أصحابو...
عملتها واضحة يا موسى....
تضرب لي في المفاريك...و مباري لي أصحابك العجايز ديل...

الأخ الصديق السهيلي اختفى عن الساحة أيضا...نعرف مدى مشغوليات السهيلي التي تمنعة من المواظبة على الظهور...لكن المره دي الغيبة طولت...

جبريلا راقدلو فوق راي...لي زمن من طلته الجميلة الحبيبة الى النفس....
وينك يا مان...على طريقة أخي الذي لم تلده أمي محمد المرتضى...

قدورة حبيبنا...لا عارفنك هنا و لا هناك...انت وين بالظبط؟؟؟؟
Post: #3773
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-04-2010, 10:51 PM
Parent: #3772

مبروووووووووووووووووووووك لكل الاخوان
والموج الازرق زارع الفرح .... يبهجنا في هذه الامسية الجميلة
Post: #3774
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-05-2010, 06:50 AM
Parent: #3773

صباح الهناء والسرور ...

مبروك للهلال ... مبروك للمريخ ... مبروك لامل عطبرة ...
مبروك للسودان ... والى الامام دائما انشاء الله ...
Post: #3775
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-05-2010, 07:18 AM
Parent: #3774

صباح الخير،،، يا وجوه الخير

أصبحنا وأصبح الملك لله،،، وحده

دعاء الصباح :

اللهم إني أستغفرك من كل فريضة
أوجبتها علي في آناء الليل والنهار
تركتها خطأ أو عمدا ؛
أو نسيانا أو جهلا ,,,,

وأستغفرك من كل سنة من سنن
سيد المرسلين وخاتم النبيين
سيدنا محمد صلى الله وآله وسلم
تركتها غفلة أو سهوا ؛ أو نسيانا
أو تهاونا أو جهلا ،،،أو قلة مبالاة بها.
Post: #3777
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-05-2010, 07:53 AM
Parent: #3775

غسيل الجمعة ... ومكوي السبت
دايما مطششانا من احداث البوست ...

الف مبروك لمني يونس عيد الميلاد
وكمان مليون مبروك عيد الزواج انت والريس ميسرة ...

زهير الزناتي ... حبيب الباذنجان ....
مليون شمعة مباركة ... زيادة لعمرك المديد ان شاء الله
مع السعادة والرفاهية التي نتمناها لك ولاسرتك ...
بس قول لى "ندي صوتنا" لمنو ...

مبروك للمريخ العظيم والامل عطبرة والهلال ...
نتمني ان تكتمل فرحتنا هذه المرة ... بتتويجهم بالكأس ... او احدهم ...

ولدنا أحمد اسماعيل ... نستميحك عذرا شرح مداخلتك الفووووق ديك ... عن المربعات والاحداثيات
حتي ولو في الخاص بالماسنجر ...

حبيبنا جمال فارح ... لاتحرمنا المتعة والفرح
ان طشيت ... حنطش كلنا ...

رشيد القوم ... حبنا بالكوم ...
رسل لي موبايل مهند حتي لو في الخاص ...
عندي موضوع عاوز احسمو ...

النضيف ... يالذيذ يارايق ...
Post: #3776
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-05-2010, 07:38 AM
Parent: #3774

Quote: صباحاتكم خير ...
وكل سنة وانتم طيبين كلكم
* السيدة الاولي
* زهير ابو مجد
وفي خطوة استباقية ...
Zuhair Zenaty's birthday Today
Sami Abd Al-Wahab Idris's birthday Monday
Saleh Abdelrahman Saleh's birthday Tuesday
اèوالميم وتبلدينا كل العمر ان شاء الله
طبعا دي دعاية انتخابية ... قلنا لحقكم المولد ..


كتذ ‏يرك يا جلجل

والحمد لله كملنا فترة العشرينات دي بسلااااااااااام

طبعا دا ما حزب معاïلة عبد الدائم النضيف المشنورة..

لأنو بحسب المعادلة آنفة الذكور بنطلع أنا والزناتي قرينا مرحلة الأساس عديييييييييييييييييل كدا
Post: #3778
Title: محمد عيد
Author:
Date: 04-05-2010, 08:43 AM
Parent: #3766!Re: ناس الزقازيق ... أجدع ناس ( 3 ) ..

0
Post: #3779
Title: Re: ناس الزقازيق ./. أـدع ناس ( 3 ) ..
Author: عثمان الخير
Date: 04-05-2010, 09:15 AM
Parent: #3778

أبو السيم

كل سنة وانت بألف خير

وانشاء الله العمر كله
محمد عيد الكرت مبالغب عدىل0كده !!!






الزقازيقاب: لكم كل الحب ...


الهلالاب انشاء اللن دائمآ كده
Post: #3780
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-05-2010, 09:26 AM
Parent: #3778

اشمْنى يا محمد عيد ناس السعودية تخت ليهم تفاح
انت قايلو فى السودان مافى ....
Post: #3781
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-05-2010, 10:05 AM
Parent: #3780

0
Post: #3782
Title: Re: ناس ئلزقئزفق ... أجدع ناس ( 3 ) ..
Author: عثمان ÷لخير
Date: 04-05-2010, 10:21 AM
Parent: #3781

جلة يا غالي

والله شوقنا مطر .. بس المشاغل
br>
يا نضيف التفاحة عرـناهئ... بس السبحة دي بترمز لشنو ؟
Post: #3783
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-05-2010, 10:25 AM
Parent: #3781

محمد عيد يا فنان

مشكور كتير على الكرت الخطير

وعلى التفاحب واàسّحة

ويا نضيف بهدي لىك اàت‎احة

والشكر موصول لأخونا عثمان الخير

كتر خيركم كتير
Post: #3784
Title: Ra: شاس الزقازيق ... أجدع ناس ( 3 ( 0..
Author: ميسرة سيد أحمد
Date: 04-05-2010, 10:31 AM
Parent: #3783
Post: #3785
Title: Re: ناس الزقازيق ... أجدع ناس ( 3 ) .. ميسذة سيد أحمد
Author:
Date: 04-05-2010, 12:14 PM
Parent: #3784

0
Post: #3786
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-05-2010, 03:50 PM
Parent: #3785

سلامات ياناس


عيد سعيد للزيناتى وسامى وربنا يمد فى الايام

ويحسّن الاعمال...

âبروك للمريخ والامل والهلال

وعقبال النهائى
Post: #3787
Title: Re: ناس الزقازيق ... أüدع ناس ( 3 ) ..
Author: زهير الزناتé
Date: 04-05-2010, 05:02 PM
Parent: #3786

شكراً يا ريس ميسرة علي اللوحة الجديدة ... لكن ما كترت القلوب دي شوية ... الكلام ده بيجيب لينا الهواء ...


سامي كل سنة وإنت طيب يا نديدي
Post: #3788
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-05-2010, 07:41 PM
Parent: #3787

مساكم الله بالخير

التهنئة الحارة لسامي الأنيق بمناسبة عيد ميلاده...
كل العمر ان شاء الله يا سامي...
و نسأل الله أن يحقق كل الأمنيات...
و أن يحفظك و أسرتك....
Post: #3789
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 04-05-2010, 11:31 PM
Parent: #3788

سلامات يا اروع ناس
اسفة للغياب القسرى
واجى من الاخر
منى وميسرة عيد سواج سعيد وعمر مليىء بلتفائل
زهير يا زنلتى يا هادى الفرح يا جميل
اجمل سنة وكل العمر
يا سامى يا انيق
عقبال مليون سنة
اها الفاتنى شنو


نانى لا يكتمل الجمال الا بسولوتيرة ثالثة فكانت نانى
احبكم جميعا
Post: #3790
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 04-06-2010, 00:52 AM
Parent: #3789

ابوالسيم يا حربي..
عقبال ألف مليون شمعه..
أحب التفاح واللبخ..
Post: #3791
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-06-2010, 06:01 AM
Parent: #3790

عيد ميلاد سعيد ياسامي ...
كل العمر بالهناء والرفاهيه نتمناه لك ...
Post: #3792
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-06-2010, 06:06 AM
Parent: #3791

صباح الهناء والسرور ...

سامي .. كل سنة وانت بالف خير ... وعمرا مديدا مليئ بالاعمال الصالحات ...

يا ربي ياسر نجيلة دا هكر واللا حقيقي ...
Post: #3793
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-06-2010, 06:47 AM
Parent: #3792

صباح النور 00 صباح الهناء والسرور

المكرمين / زهير وسامي

عيد ميلاد سعيد
وكل سنة وأنتما وعائلتيكما بألف خير وطيبيين وموفقين
إن شاء الله
Post: #3794
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-06-2010, 07:19 AM
Parent: #3793

إنتقلت إلى رحمة الله أول أمس ليلاً الحاجة/ سميرة محجوب

جدة كل من :
- فاطمة زوجة محمد عيد
- منى يونس

والمرحومة في مقام والدة فاطمة حيث إنهاعاشت معها

منذ الصغر وقد قامت بتربيتها ورعايتها ,,,,

تغمد الله المرحومة بواسع رحمته
وأسبغ على أهلها وذويها الصبر والسلوان

والعزاء موصول للأخ/ محمد عيد والأخت فاطمة ومنى يونس

إنا لله وإنا إليه راجعون،،،،،
Post: #3795
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-06-2010, 07:35 AM
Parent: #3794

الأعزاء:

ميسرة
محمد صديق
الزناتي
الرشيد
زينب
حاتم
ياسر نجيلة
البادي
أحمد إسماعيل

مشكورين كتير على تهنئتكم الرقيقة
Post: #3796
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-06-2010, 07:39 AM
Parent: #3794

صادق التعزي للأخ العزيز محمد عيد وحرمه المصون
والأخ العزيز ميسرة والأخت منى يونس
في وفاة المغفور لها باذن الله الحاجة سميرة محجوب


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها الصبر
Post: #3797
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-06-2010, 07:57 AM
Parent: #3796

خالص التعازى للاخ محمد عيد وحرمة فاطمة
والاخت منى يونس والاخ ميسرة فى وفاة المغفور لها بأذن الله الحاجة سميرة


انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
Post: #3798
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-06-2010, 07:57 AM
Parent: #3792

صبحكم الله بالخير

مشيت ليك الرياض السعودية...
و أول ما نزلت من الطيارة لقيت ليك في استقبالي..
منص حبيبنا اللينا منو سنين...جلال الطاعم و موسى عيسى رغم مشغولياتو..
كمال الشادي الحبيب...
مامون أخوي و فيصل ود خالتي..
حسيت اني كبير خلاص...وطرت في الفضاء أحلق...
كل واحد فيهم مصر نمشي معاهو البيت...
ذكروني ليك أيام كنا بنصلي الجمعة في قرية السديرة بالجزيرة...
بعد الصلاة كل واحد في الحلة يصر نتغدى معاهو...
منصور يقول ليك يا جماعة الزول ده حقي أنا...
مامون أخوي يقول يا جماعة ده أخوي أنا أولى بيهو..
جلال يقول لي مامون...انت قايل هو أخوك براك...
موسى عيسى يقول ليهم و لا واحد فيكم...يمشي معاي أنا...
أنا فرحان لكن محتار...أمشي وين و لا وين...
المهم حسمنا الموضوع قلنا كل يوم في مكان...
الجماعة وافقوا على مضض...خاصة منصور..
الجماعة كانو محضرين لي مفاجأة...
حفلة كبيرة أكبر من الاولى...
دعوا لها كل الزقازيقاب في كل أنحاء المملكة...
محمد عيد و ميسرة و ديدو جو مخصوص من جده...
المكان مجهز أحلى تجهيز...
الناس كلهم حضروا...
كمال الشادي واقف وراء الأورغ
الجماعة قالو لي تعال أفتتح لينا الحفلة...
مسكت ليك المكرفون قلت أرشهم ليك..
قلت ليهم يا جماعةأنا من عرس منصور ما مسكت لي مكرفون...
و بديت ليك كسير تلج...
قلت ليهم انتو عارفني بحب الشو..مشيت وين و مشيت وين..
و الله أجمل مكان في الدنيا مشيت ليهو...المكان ده...
عشان انتو فيهو...
و قمت قدمت كمال الشادي...و أحمد عجوز...
صدحوا بأجمل الألحان...وغنوا للصباح...
و أثناء ما كمال الشادي بغني في ضنين الوعد...
حصلت حاجة غريبة...برجع ليها تاني...

أمبارح بالليل أمنية بتي قالت لي تصبح على خير يا بابا....
و أحلام سعيدة...و نمت نومه عميقة جدا...

و على أمنيات أمنية بأحلام سعيدة...

حلمت بالموضوع الفوق بتاع الرياض ده..

أرجع ليكم لي الحاجهالغريبة الحصلت و كيمو بيغني ضنين الوعد...
أنو ما كملها...
لأني صحيت فجأة...
Post: #3799
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-06-2010, 08:10 AM
Parent: #3798

خالص التعازى للاخ محمد عيد وحرمة فاطمة
والاخت منى يونس والاخ ميسرة فى وفاة المغفور لها بأذن الله
Post: #3800
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-06-2010, 08:45 AM
Parent: #3799

الحمدلله على قضاءه وقدره
وانا لله وانا اليه راجعون
اسأل الله العظيم ان يغفر لها ويسكنها فسيح جناته ،
تعازينا للاخ محمد عيد وحرمه
والاخوان ميسرة ومنى يونس
جعلها الله آخر الاحزان
Post: #3801
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-06-2010, 09:06 AM
Parent: #3800

سلامات يا ناس

خالص التعازى للاخ محمد عيد والاخت فاطمة

والتعازى للاخ ميسرة والاخت منى.

وانا لله وانا اليه راجعون
Post: #3802
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-06-2010, 09:19 AM
Parent: #3801

صادق التعزي للأخ العزيز محمد عيد وحرمه المصون
والأخ العزيز ميسرة والأخت منى يونس
في وفاة المغفور لها باذن الله الحاجة سميرة محجوب
انا لله وانا اليه راجعون ...
Post: #3804
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-06-2010, 09:28 AM
Parent: #3802

Quote: يا ربي ياسر نجيلة دا هكر واللا حقيقي ...


ياهو زاتووووو ياسر نجيلة الحقيقي ... يا بادي يا ملك

قلنا نخفف اليوميات شوية ... شكلها كده بقت تجيب شويه هوا وكتاحة ....
Post: #3803
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-06-2010, 09:25 AM
Parent: #3801

إستقبال خُرافي للموسيقار يوسف الموصلي بمطار الخرطوم ..!!

ALIM0224.jpg Hosting at Sudaneseonline.com


عودة العميد إلى أرض الوطن بعد غياب طال أكثر من عشرين سنة ،،،، على قدر الشوق
Post: #3805
Title: Re: ناس الزقازيق ... أجدع ناس ( 3 ) ..
Author: عمر نملة
Date: 04-06-2010, 09:35 AM
Parent: #3803

سلام تحيه

صادق التعازى للاخ محمد عيد والاخت فاطمة

والتعازى للاخ ميسرة والاخت منى.

وانا لله وانا اليه راجعون

رجاء فتح بوست للافراح والاتراح
Post: #3806
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 04-06-2010, 09:43 AM
Parent: #3805

خالص التعازى للاخ محمد عيد وحرمة فاطمة


والاخت منى يونس والاخ ميسرة فى وفاة المغفور لها بأذن الله
Post: #3807
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-06-2010, 09:58 AM
Parent: #3806

سم الله الرحمن الرحيم
سلام و بس
قلنا برضو الكوبي دا ينفع
Quote: صادق التعازي للأخ العزيز محمد عيد وحرمه المصون
والأخ العزيز ميسرة والأخت منى يونس
في وفاة المغفور لها باذن الله الحاجة سميرة محجوب
انا لله وانا اليه راجعون ...
Post: #3808
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-06-2010, 10:09 AM
Parent: #3807

Quote: صبحكم الله بالخير

مشيت ليك الرياض السعودية...
و أول ما نزلت من الطيارة لقيت ليك في استقبالي..
منص حبيبنا اللينا منو سنين...جلال الطاعم و موسى عيسى رغم مشغولياتو..
كمال الشادي الحبيب...
مامون أخوي و فيصل ود خالتي..
حسيت اني كبير خلاص...وطرت في الفضاء أحلق...
كل واحد فيهم مصر نمشي معاهو البيت...
ذكروني ليك أيام كنا بنصلي الجمعة في قرية السديرة بالجزيرة...
بعد الصلاة كل واحد في الحلة يصر نتغدى معاهو...
منصور يقول ليك يا جماعة الزول ده حقي أنا...
مامون أخوي يقول يا جماعة ده أخوي أنا أولى بيهو..
جلال يقول لي مامون...انت قايل هو أخوك براك...
موسى عيسى يقول ليهم و لا واحد فيكم...يمشي معاي أنا...
أنا فرحان لكن محتار...أمشي وين و لا وين...
المهم حسمنا الموضوع قلنا كل يوم في مكان...
الجماعة وافقوا على مضض...خاصة منصور..
الجماعة كانو محضرين لي مفاجأة...
حفلة كبيرة أكبر من الاولى...
دعوا لها كل الزقازيقاب في كل أنحاء المملكة...
محمد عيد و ميسرة و ديدو جو مخصوص من جده...
المكان مجهز أحلى تجهيز...
الناس كلهم حضروا...
كمال الشادي واقف وراء الأورغ
الجماعة قالو لي تعال أفتتح لينا الحفلة...
مسكت ليك المكرفون قلت أرشهم ليك..
قلت ليهم يا جماعةأنا من عرس منصور ما مسكت لي مكرفون...
و بديت ليك كسير تلج...
قلت ليهم انتو عارفني بحب الشو..مشيت وين و مشيت وين..
و الله أجمل مكان في الدنيا مشيت ليهو...المكان ده...
عشان انتو فيهو...
و قمت قدمت كمال الشادي...و أحمد عجوز...
صدحوا بأجمل الألحان...وغنوا للصباح...
و أثناء ما كمال الشادي بغني في ضنين الوعد...
حصلت حاجة غريبة...برجع ليها تاني...

أمبارح بالليل أمنية بتي قالت لي تصبح على خير يا بابا....
و أحلام سعيدة...و نمت نومه عميقة جدا...

و على أمنيات أمنية بأحلام سعيدة...

حلمت بالموضوع الفوق بتاع الرياض ده..

أرجع ليكم لي الحاجهالغريبة الحصلت و كيمو بيغني ضنين الوعد...
أنو ما كملها...
لأني صحيت فجأة...
Post: #3809
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-06-2010, 10:13 AM
Parent: #3808

صادق التعزي للأخ العزيز محمد عيد وحرمه المصون
والأخ العزيز ميسرة والأخت منى يونس
في وفاة المغفور لها باذن الله الحاجة سميرة محجوب
انا لله وانا اليه راجعون ...
Post: #3810
Title: Re: ناس الزقازيق ... أجدع ناس ( 3 ) ..
Author: عصام دهب
Date: 04-06-2010, 10:19 AM
Parent: #3809

التعازي الصادقة لأشقائنا الأعزاء / ميسرة و منى و محمد محمد عيد وحرمه المصون في وفاة المغفور لها باذن الله تعالى الحاجة / سميرة محجوب و أسال الله تعالى أن يتقبلها بواسع رحمته و عظيم مغفرته و أن ينزلها الفردوس الأعلى من الجنان و أن يلهم ذويها الصبر الجميل و ( انا لله وانا اليه راجعون ) ...
Post: #3811
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-06-2010, 10:33 AM
Parent: #3810

خالص التعازى للاخ محمد عيد وحرمه
الاخ ميسرة والاخت منى
نسأل الله ان يتقبل المرحومة ويجعل الجنة مثواها















--------
الرشيد ... كمل الحلم الجميل دا وخليهو حقيقة
الرياض ما بعيدة ياخ
Post: #3812
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-06-2010, 11:01 AM
Parent: #3811

Quote: سلام و بس

وين انت ياخ ؟
بغيابكم نفتقد "الكوبيات" "والبيستيات"
















------
والجلكسات
ليك وحشة والله
Post: #3813
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-06-2010, 11:25 AM
Parent: #3801

صادق التعازي
للأخ/ محمد عيد وحرمه فاطمة
وللأخت منى والأخ /ميسرة في وفاة الحاجة/ سميرة
نسأل الله لها واسع الرحمة وعظيم المغفرة وحسن الخاتمة
وإنا لله وإنا إليه راجعون
Post: #3814
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-06-2010, 11:26 AM
Parent: #3801

صادق التعازي
للأخ/ محمد عيد وحرمه فاطمة
وللأخت منى والأخ /ميسرة في وفاة الحاجة/ سميرة
نسأل الله لها واسع الرحمة وعظيم المغفرة وحسن الخاتمة
وإنا لله وإنا إليه راجعون
Post: #3815
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-06-2010, 11:40 AM
Parent: #3801







والله ياالرشيد رفعت ضغطنا باحلامك دي
كنت بقرأ بسرعة علشان أنتهي من مداخلتك أعلاه
وأكبس على كل ناس الرياض، كيف رشيد القوم بالرياض
ومايكلمون وكمان لمة وحفلة ، دي ماليها عذر أبدا
لكن الحمد لله تنفسنا في الآخر
Post: #3816
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-06-2010, 12:25 PM
Parent: #3815

ربنا يحقق حلمك يا رشيد القوم

بتصدقك في البداية تخيلت الحلم حقيقة

وتهت ويا ربي الأولاد ونجاة ؟؟؟؟؟؟؟؟؟؟؟

بس يا خسارة إتضح إنه حلم !
Post: #3817
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-06-2010, 12:36 PM
Parent: #3816

Quote: بغيابكم نفتقد "الكوبيات" "والبيستيات"

سؤال في الجغرافيا
هل تكرارا المداخلة تعني الكوبي بيست؟؟؟
Post: #3818
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-06-2010, 04:29 PM
Parent: #3817
Post: #3819
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-06-2010, 04:34 PM
Parent: #3818

ياساتر يارب ....
الاسد ده جبتو من وين ياريس ...
Post: #3820
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-06-2010, 06:08 PM
Parent: #3801

صادق التعازي للأخت فاطمة والأخت مني يونس
وللأخوين محمد عيد وميسرة ..
وألف رحمة للحاجة سميرة وأسكنها الله الفردوس الاعلي مع الصديقين والشهداء ...
Post: #3821
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-06-2010, 09:19 PM
Parent: #3820

Quote: الرشيد ... كمل الحلم الجميل دا وخليهو حقيقة
الرياض ما بعيدة ياخ


جلال...الرياض قريبة من حيث المسافة...
بعيدة من حيث تعقيدات التأشيرة...

Quote: والله ياالرشيد رفعت ضغطنا باحلامك دي
كنت بقرأ بسرعة علشان أنتهي من مداخلتك أعلاه
وأكبس على كل ناس الرياض، كيف رشيد القوم بالرياض
ومايكلمون وكمان لمة وحفلة ، دي ماليها عذر أبدا
لكن الحمد لله تنفسنا في الآخر


و الله يا أبو عمر انتو ناس الرياض ديل بقيتو متلقين حجج...
نجيب ليكم كلام طاعم تقولو رفعتو لينا السكر...
نكسر ليكم تلج تقولو الرطوبة و الركب...
نحلم تقولو رفعت ضغطنا...

نطير نحن و لا شنو يعني...

Quote: ربنا يحقق حلمك يا رشيد القوم

بتصدقك في البداية تخيلت الحلم حقيقة

وتهت ويا ربي الأولاد ونجاة ؟؟؟؟؟؟؟؟؟؟؟

بس يا خسارة إتضح إنه حلم !


يا ريس ان شاء الله يا جيناكم حج و ده الهدف الأول...

و اذا تعذر ذلك فلا بد من عمرة قريبة ان شاء الله...
Post: #3822
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-06-2010, 10:46 PM
Parent: #3821

الاخوات الكرام
للفقيده الرحمه ولكم حسن العزاء
والعزاء موصول للاخوان عيد وميسره
Post: #3823
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-07-2010, 07:10 AM
Parent: #3822

صباح الخير،،، يا وجوه الخير

أصبحنا وأصبح الملك لله ،،، وحده

حكمة صباحية :

يقول الشيطان عجبا من بني آدم ..
يحبون الله ويعصوه ..
ويكرهوني ولا يعصوني ..

فاسأل الله الكريم أن يجعلنا ممن نحبه ولا نعصيه ..
Post: #3824
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-07-2010, 07:29 AM
Parent: #3823

صباح الهناء والسرور ...

حار التعازي لاخونا محمد عيد وحرمه ...
والتعازي موصولة للاخت منى يونس والريس ميسرة ...

اللهم ارحمها وتقبلها قبولا حسن واسكنها فسيح جناتك امين ...
Post: #3825
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-07-2010, 07:33 AM
Parent: #3823

عمر نملة

حبابك ألف

ومنور المكان
Post: #3826
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-07-2010, 09:50 AM
Parent: #3825


صــبحكم الله باخير

"
اللهم انى أسألك رحمة من عندك تهدى بها قلبى ، وتجمع بها أمرى

وتلم بها شعثى ، وتحفظ بها غائبى وترفع بها شاهدى ،

وتبيض بها وجهى وتزكى بها عملى وتلهمنى بها رشدى ،

وتعصمنى بها من كل سوء .
"


الحمد لله من قبل ومن بعد

الشكر أجزله لكل من واسانا فى فقدنا .. وجزاكم الله عنا كل خير
Post: #3827
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-07-2010, 09:50 AM
Parent: #3825


عذرا للتكرار

يبدو انها عدوى انفلونزا الكوبى بيست يا عزيزى جلا
Post: #3828
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-07-2010, 09:54 AM
Parent: #3825

سلامات يا ناس

وصباحات التفاؤل

مرحب بمقدم الاخ عمر نملة وهو اضافة للكل الجميل

سامى عبد الوهاب تلقى القصة فى المنبر فى بوست

ولمن فاتهم الاستماع ...وانت والله فاتك الكتير...

Quote: رجاء فتح بوست للافراح والاتراح


كلام منطقى...

لو تذكروا ايام النقاش حول المنبر الجديد وكيفية

التعامل معه كانت هنالك اقتراحات عديدة ووجيهة

والريس ميسرة اشار لموضوع التنظيم وحصر الموضوعات

خوف التشتت...

هسة فى المنبر يوجد بوست خاص اسمو بوست عزاء..مافى

زول قاعد يخش فيهو ..ارجو فى حالة حدوث وفيات ايراد

ذلك فى البوست الخاص بالعزاء..ولايخفى عليكم تأثير موجة

الحزن على الايقاع والموضوع المطروح...

حاجة تانية عندى ملاحظة على حركة بوستات المنبر ومشاركة

الناس ....المشاركة فى بوستات المنبر ضعيفة ..يكتفى

الكثيرون بالقراءة عوضآ عن المشاركة ..وكتاب البوستات يحتاجون

الى الدعم المعنوى وهم يتوجهون بالكتابة اليكم انتم..اقلو ممكن

الواحد يخش يقول للكاتب كتر خيرك..او متابع ومستمتع ( حتى ولو لم

يكن مستمتعآ) ما اظن كذبة زى دى ممكن تودى النار ...

على العموم ده اقتراحى فى القضية.

انتو اقتراحكم شنو؟؟؟؟؟
Post: #3829
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-07-2010, 10:52 AM
Parent: #3828

Quote: حاجة تانية عندى ملاحظة على حركة بوستات المنبر ومشاركة

الناس ....المشاركة فى بوستات المنبر ضعيفة ..يكتفى

الكثيرون بالقراءة عوضآ عن المشاركة ..وكتاب البوستات يحتاجون

الى الدعم المعنوى وهم يتوجهون بالكتابة اليكم انتم..اقلو ممكن

الواحد يخش يقول للكاتب كتر خيرك..او متابع ومستمتع ( حتى ولو لم

يكن مستمتعآ) ما اظن كذبة زى دى ممكن تودى النار ...

على العموم ده اقتراحى فى القضية.

انتو اقتراحكم شنو؟؟؟؟؟


وقع ليك كلامي يا جورج
انا ما قلت ليكم قصة وجود منبر منفصل بشتت الكورة
انا شخصيا ما قاعد امشي بهناك الا ما ندر
الى الآن قناعاتي البوست دة فيهو الكفاية
Post: #3830
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-07-2010, 11:13 AM
Parent: #3829

أضم صوتي للاخ طارق جبريل ...

وحين قام الاخ زهير الزناتي مشكورا بفتح بوست للافراح والاتراح

قلنا وجهه نظرنا بان هذة المواضيع لو تركت بالبوست العام بتكون اجدي وانفع
لان كل الشباب بدخلو الحوش الكبير اولا وبعدين بشوفو بقية الحيشان...
وثانيا ماعاوزين نفرغ الحوش الكبير اكتر من كده ...
علشان كده ... وجهه نظري
ان تكتب وتنقل كل الافراح والاتراح بالبوست الكبير لضمان مشاهدتها والمشاركة فيها من اكبر عدد ممكن
وكمان بنقدر نحرك الحوش ....

والامر متروك للأغلبية ...
Post: #3831
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-07-2010, 11:34 AM
Parent: #3830

Quote: والامر متروك للأغلبية ...

تاااااااااني قال ليك رجعنا لي مربع واحد
أنا أعلن إنسحابي و مقاطعتي بشرط
تحقيق ال8 شروط التالية
و إذا تحقق ال90% بعد داك ينظر و يفاد
مع العلم أنا لا أثق في المفوضية المقترحنها
و التي يرأسها منصور
و إذا قلتم نأجل الكلام دا لي بعد الإنتخابات
تكونو خققتوا شروطي كلها
عاش الهناي حراً مستقلاً
قال حرية قال!!!!!!!
Post: #3832
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-07-2010, 11:55 AM
Parent: #3831

لا تفوت على فطنة القارئ أنه لا يوجد كوبي بيست اليوم
وذلك للأسباب التالية
1/ لأننا في الفترة النهارية
2/ و الدنيا سخانة
3/ و الإنتخابات جايطة
4/ و أخيراً الواحد ما داير يتكلم في السياسة
Post: #3833
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-07-2010, 01:49 PM
Parent: #3832

يا ناس
لو في زول طالب من زول حاجة
يعمل شنو؟؟؟
يفتح بلاغ ضد مجهول؟
و لا ياكلها في حنانو؟
و لا يكورك في الشارع يقول أنا مظلوم؟؟
و لا يقول الجاتك في مالك سامحتك؟؟
أظن الأخيرة مناسبة
لا تفوت على فطنة القارئ كل الناس دي عندها مطلوبات عند الآخرين
بالمناسبة مطلوبات دي بتاعت مريم الصادق
عندما استضافوها في قناة العربية
منكم نستفيد
معليش تاني إتكلمنا في السياسة
Post: #3834
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-07-2010, 02:20 PM
Parent: #3833


Quote: 2/ و الدنيا سخانة


ســخانة عـيـنة ..!!!

بخت الناس البتكســــر ثلج ..!


3/ و الإنتخابات جايطة..

it's just a fighting in a circus


4/ و أخيراً الواحد ما داير يتكلم في السياسة

عاقل يا حبيب ..

خلينا فى كلام التلج والمحلبية ...
Post: #3835
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-07-2010, 02:39 PM
Parent: #3834

الشكر أجزله لكل من واسانا
في فقيدتنا ،،،

وجزاكم الله عنا كل الجزاء
لا أراكم الله مكروه في عزيز لديكم
Post: #3836
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-07-2010, 06:11 PM
Parent: #3835

عزيزنا الغالي والفاضل/ ود نجيلة
شاعر البوست المخضرم وصاحب نافذة
خاتمة الأسبوع التي كلنا بها من المستمتعين
يا أخي حبيت نمازحك شوية يادفعة في حكاية
الدوران 360 درجة في عكس عقارب الساعة والتي
تعني إكتساب 100% أو الواحد الصحيح كامل
وحكاية (كل ، جبار ، ظالم ، جاتو داهية) لو
بتتذكر عبارة كنا نتذكر بها السالب والموجب
بالنسبة للنسب المثلثية في الأرباع الأربعة
للزاوية الدائرية
أخي الكريم نرجوا مواصلتك في نافذتك المعهودة
ولاتحرمنا الألق والإستمتاع
ياخي نحن ماصدقنا وجدناك ( يانجيلة لاند) فما
معقول نجيب ليك الهواء والكتاحة.


تسلم ياغالي
Post: #3837
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-08-2010, 05:58 AM
Parent: #3836

اوراقنا كلها ... دكوها ... عاوزة توزيع من جديد
ولخبطو لينا "فيوزاتنا" ...
حسع نرشح منو ...

عيد و جلا ... بالله ممنوع كلام في السياسة ...





حبيبنا وولدنا ...
احمد اسماعيل ...
ان شاء الله حنستمر في النافذة الاسبوعية ...
بس بعد اعادة التكتيك ... التحليلي ....

يااخي انت شباكك بجيب ... النسيم .... يا رائع
بس لما تشرح ... وخاصة الامثال ... بكون "همبريبك" احلي ...

وين موسي عيسي ...
Post: #3838
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-08-2010, 06:41 AM
Parent: #3837

بسم الله الرحمن الرحيم
الليلة فتشت لي كوبي عشان البيست
عشان تحية الصباح ما لقيت غير الكوبي دا
عارفكم حتقبلوهو لكن على مضض
Quote: يا ناس
لو في زول طالب من زول حاجة
يعمل شنو؟؟؟
يفتح بلاغ ضد مجهول؟
و لا ياكلها في حنانو؟
و لا يكورك في الشارع يقول أنا مظلوم؟؟
و لا يقول الجاتك في مالك سامحتك؟؟

المهم إعتبروه إفتتاحية
Post: #3839
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-08-2010, 06:54 AM
Parent: #3837

بسم الله الرحمن الرحيم
اللهم إنا نسألك خير هذا اليوم
فتحه ونصره ونوره وبركته وهداهـ
ونعوذ بك من شره وشر مابعدهـ
اللهم بك أصبحنا وبك أمسيناوبك نحيا
وبك نموت وإليك النشور اللهم فاطر السماوات
والأرض عالم الغيب والشهادة رب كل شيء ومليكه
أشهد أن لا إله إلا أنت
نعوذ بك من من شر أنفسنا ومن شر الشيطان وشركه
اللهم إني أسألك العفوة والعافية والمعافاة الدائمة
في ديني ودنياي وأهلي ومالي
Post: #3840
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-08-2010, 07:15 AM
Parent: #3839

Quote: يا ناس
لو في زول طالب من زول حاجة
يعمل شنو؟؟؟
يفتح بلاغ ضد مجهول؟
و لا ياكلها في حنانو؟
و لا يكورك في الشارع يقول أنا مظلوم؟؟
و لا يقول الجاتك في مالك سامحتك؟؟
أظن الأخيرة مناسبة
لا تفوت على فطنة القارئ كل الناس دي عندها مطلوبات عند الآخرين


والله يامحمد آدم ( فطنة القاريء إتجهجهت) في الكوبي بيست بتاعك ده
Post: #3841
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-08-2010, 08:07 AM
Parent: #3840

سلامات يا ناس

وصباحات التفاؤل

يقول الحاردلو:

مرَقنْ يا مُجِيبْ لى جُملةْ السُّعّالْ

شاحْدَك تجْمَعِنْ من مَطْبَقْ الحَلّالْ

ما ينقص حساب الدُرْجْ ولو بى عْجال

ونحن نجيب لْهِن فى كل يوم منوال

**********************************

عن شنو الكلام ده؟
Post: #3842
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-08-2010, 09:51 AM
Parent: #3841

Quote: عن شنو الكلام ده؟


عنى مالم صدو واتوارو


الحصة عربى ولا شنو يا كوتش

يحول السؤال لود المهدى او عفاف


واللى عاوز كوبى يمشى ولمن فاتهم الاستماع
Post: #3843
Title: Re: ناس الزقازيق ... أجدع ناس ( 3 ) ..
Author: عمر نملة
Date: 04-08-2010, 10:00 AM
Parent: #3842

الصديق دربنا انت ليه منير
اثني على كلامك بوست الافراح والاتراح اذا انفصل بيكون افضل. يعني ممكن يفوت عليك خبر وماتقوم بالواجب يحصل زعل ومسادير وممكن اتخاذ قرارات بالمقاطعه ودخول الغابه. اما مشاركه وتشجيع كل من يكتب ضروريه بس اكتر منها من يفتح بوست يحاول جاهدا ان يرد على كل من يتداخل معه أو يسلم البوست...اقول ليك حاجه انا ماعايز ازعل لكن عايز ازعل لي زول بس شايفه ماخد جوار يمنعني اعدي الخطوط الحمراء. يااخي حبي لودالماذؤن زي الشطه تفتح شهيتك بس حراقه يعني لابريدك ولا بحمل برك ولا بلاك ولا ميسي.
Post: #3844
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-08-2010, 10:23 AM
Parent: #3843

صباح الخير،،،يا وجوه الخير

أصبحنا وأصبح الملك لله ،،، وحده

دعاء الصباح :-

اللهم اجعلنا ممن يسمعون القول
ويتــَّبعوون احسنه يارب العالمين

اللهم أجعل عملنا كله خالصا لوجهك الكريم
اللهم لاتجعلنا ممن ضل سعيهم في الحياة الدنيا
وهم يحسبون انهم يحسنون صنعا ً،،،،،،،،،،،،،،،،،،
Post: #3845
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 04-08-2010, 11:10 AM
Parent: #3844

صباح الخيرات لاجدع ناس ...

تعازينا للاخ محمد عيد والاخت امانى ...
والتعازي موصولة للاخت منى يونس والريس ميسرة ...

اللهم ارحمها وتقبلها قبولا حسن واسكنها فسيح جناتك امين ...
Post: #3846
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-08-2010, 11:13 AM
Parent: #3844

اليوم الخميس الموافق 08 / 04 /2010م


2.bmp Hosting at Sudaneseonline.com

شعارنا : "بدون زعل" ... الهزل محل الجد والعكس صحيح ... وسامحونا ...


حكمة اليوم :
إذا تفرقت الغنم قادتها العنزة الجر باء ...

بيتين شعر لليوم:

سلبطة !! شعر حلمنتيشى!!!!

بحبك
منو القال ليك بحبك
حصل شفتيني اتكبكبت ولا جريت انا في دربك
ما ساكت قدر مكتوب كان جابني وقعد جنبك
ولمن كان بعاين ليك
ماعاجبني لون عينيك
ساكت كنت بتسلي
وبفكر في خلقة الله
وقادر انت يا الله
كيف خلقك وكيف رسمك وكيف سواك غوريلا
ورقبتك ناطة منسلة
وراسك ذي غطاء الحلة
وكلك توب وباروكة
ياملوخية مفروكة
وبرضك تاني ليكي امل
برضو تقولي شاغلتك
اشاغلك ليه رماني جمل


نكتة اليوم:
شايقي عرف انو الخدامة عندهم جعلية اداها فرشة اسنان وقال ليها قشي الحوش ...

مسطول جاري مخلوع .. سالوه : مالك؟؟ قال : انا ماشي في الكلب عفصت لي شارع في جلابيتو مسكني من ضنبي ....

مسطول سايق تاكسي ... وقفتو بت بعد ما ركبت قالت ليهو نادي الضباط لو سمحت
قال ليها : ناديهم انتي ...

كاراكاتير اليوم:

8936_1263979980.jpg Hosting at Sudaneseonline.com


لفحي اليوم:
- عرفنا اللون الأحمر واللون الأصفر واللون الأخضر ..... اللون البنفسجي ده شنو ....
اكتبي ياخديجة وضميهو لقائمة المصطلحات الخاصة بالحوش ... 514 مرة ... كسير التلج .... كوبي بيست ... والمعادلة المشهورة ...

- ولدنا بقي حائم بالحيشان البهناك ... وخلى الدخلة علينا هنا بحوش "ابوهو" الكبير ... عليك الله ماتحرمنا من زيارتك هنا ... وجودك بفرحنا ...
وانت ياهوووووي ... خلف الله ده خليهو .... ماتجيب سيرتو تاني ....

- المثل بقول " الكديسة لو مالقت "أكل" بتاكل اولادها ... اخونا بقي يعمل كوبي بيست ... لكلامو زااااااااااتو ....
ياربي المثل ده عند ناس "هناي" بقولوهو كيف ...

- انتو الكورة "مقطوعة الطاري" دي ... ماعملنا ليها حوش خاص بيها ... طيب بدخلوها في الحيشان التانية ليه ... هسع اقوم اتكلم في السياسة ... عشان توروني "اصوت" لمنو ...

- نفسي ادخل بيت "تمايم قصيرة" بس والله ده شعر ماعندي ليهو اضنين ... بس كل يوم لازم المرور ... عشان الفرح والسكينة والامتاع ...

- ولد مدني ... الدرس حقوق ... وعندو ضحكة مشهورة مازال صداها من ايام الزقازيق عالقة بذاكرتنا ... وشغال في البحرين "دي واضحة يانجيلة" ... مابدخل علينا هنا مالو ... وطوالي حايم "بالفرقان" التانية ..

- حتي احلامو "بتحرك شجونا" ... انا زماااااان ماقلت ليكم ولدنا ده ... كتاباتو حتي المن واقع الخيال ... هي بالنسبة لنا واقع معاش ... تنتفض لها مشاعرنا وتحرك "فشافيشنا" ... كسير تلج ..كسير تلج ... انا حر والقلم في يدي ... والله تكرروها لي ... اطفش زي ولدنا داك ... وامشي اصقاع السودان المنسية ... وابحث عن لافتات الزقازيق ... في القري النائية ... واحرمكم من احلى قلم ... وانتشي لوحدي مع النسيم "الهباني" ...

- فكرة حلوة ... ان تشكر الذين يقفون معك ويواسونك في مناسبة معينه ... بالجملة ... بدون تفصيل ... عشان المطبات ... وحدران العيون ...

خارج النص اليوم:
غايتو الليلة اليوميات انا زاتي مافهمت منها حاجة ... والنسي قديمو ... رجع ليهو تاني ...

سؤال اليوم :
برضو ندي صوتنا لمنو ... "صدقوني سؤال ماداخل في السياسة" ... نفتح بوست منفصل ولا نخليها في البوست العام ... الافراح والاتراح ...

[email protected]
Post: #3847
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-08-2010, 12:27 PM
Parent: #3846

Quote: سؤال اليوم :
برضو ندي صوتنا لمنو ... "صدقوني سؤال ماداخل في السياسة" ...


بعيداً عن السياسة:

فعلاً الناس إحتارت نمشي نودي راسنا ده لمنو
يجزوا لينا،،،،،،،،
أول مره في التاريخ أمشي أسجل إسمي
في كشوفات مستحقي التصويت حتى لا أكون لمن فاتهم الإستماع(التصويت)
وأدخل التاريخي وأمشي السفارة وأرمي الورقة فاضية أو أقاطع
دا صراع داخلي مع نفسي،،،،

أنا اليوم غيرت رأي وقررت المشاركة ،،، وعايز أنزل إنتخابات

رئاسة الجمهورية ودحين بتفق مع السادة / الصادق المهدي ، ونقد ومبارك
الفاضل وناس حق وقرفنا وبعض وجهاء المجتمع المدني علشان يطلبوا من قواعدهم

دعم هذا المرشح الجديد وبالطريقة دي ممكن ناس نجيلة وجلا وأخرين يلقوا ليهم
موقع ،،، وتاني ما في واحد يسأل يقول نصوت لمنو أصلوا يا أنا يا عمر البشير
طبعاً ممكن هباني يأثر في عبدالله دينق يتنازل وكمان بشير على العبيد بحكم الصداقة
يتصل لينا بالسيد الميرغني ،،،

وفجأة أصبح عندنا مرشح قوة الإنتفاضة أي قوة المعارضة ،،، يا حلاوه يا شباب
ومستعد أضمن ليكم النتيجة 15.5% عمر البشير 84.5% لمرشح المعارضة ولا عزاء
للمرشح المستقل ،،،،

رأيكم شنو؟؟؟؟؟؟

ننزل ولا كيف!!!!

خليكم واضحين،،، بسرعة الباقي يومين تلاته،،، علشان عايز أزور المهمشين
إنتخابياً في الخليج وأوروبا وأمريكي وكمان أدخل دارفور عن طريق تشاد.
Post: #3848
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-08-2010, 12:33 PM
Parent: #3847

والدة الزميل صالح تبلدينا في ذمة الله

لا حولة ولا قوة إلا بالله

اللهم أرحم والدة زملينا صالح وأغفر لها
وتغمدها بواسع رحمتك وألهم أهلها وذويها
الصبر والسلوان ،،،

إنا لله وإنا إليه راجعون
Post: #3849
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-08-2010, 12:39 PM
Parent: #3848

تعزية في وفاة والدة الأخ صالح تبلدينا
بوست عزاء ....
Post: #3850
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-08-2010, 12:48 PM
Parent: #3849

Quote: خليكم واضحين،،، بسرعة الباقي يومين تلاته،،، علشان عايز أزور المهمشين
إنتخابياً في الخليج وأوروبا وأمريكي وكمان أدخل دارفور عن طريق تشاد.

تحدثت تلفونياً قبل شوية مع زول
قال لي إنت زول رمادي
يعني متمسح بي رماد
الحمد لله ما قال لي إنت زول زول ضبابي
عارف في زول حيحرف الكلام إنو أنا زول ضلالي

لكن يا ريس لفتك دي كبيرة خلاص
طيب حتجينا في كسلا متين؟؟؟
Post: #3851
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 04-08-2010, 01:11 PM
Parent: #3849

لا حول ولا قوة إلا بالله

نسأل الله أن يلزمكم الصبر يا صالح على هذا الفقد الكبير

اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها ولأبنائها ولأخونا صالح الصبر
Post: #3852
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-08-2010, 02:10 PM
Parent: #3851

لا حول ولا قوة إلا بالله
إنا لله و إنا إليه راجعون.
نسأل الله لها الرحمة والمغفرة
خبر مفجع حقيقة
احر التعازي للصديق العزيز صالح
ولاسرته الصبر والسلوان
Post: #3853
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-08-2010, 02:39 PM
Parent: #3852

صادق العزاء للأخ صالح تبلدينا في وفاة والدته ...
إنا لله وإنا إليه راجعون وربنا يصبرك يا صالح علي هذه المصيبة
ورحم الله الوالدة رحمة واسعة وأسكنها فسيح جناته مع الصديقين والشهداء
Post: #3854
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-08-2010, 03:10 PM
Parent: #3853


لا حول ولا قوة الا بالله العلى العظيم

انا لله وانا اليه راجعون

هذا قضاء الله وهو حال الدنيا

نسأل الله العلى العظيم ان يرحم والدة اخونا صالح تبلدينا رحمة واسعة

وان يغفر لها ذنوبها وينقها من الخطايا كما ينقى الثوب الابيض من الدنس

وان ينزل على قبرها شآبيب رحمته وينزلها منزلة الصالحين من الانبياء والتابعين

ونسأل الله لاخونا صالحا والاسره الصبر الجميل وحسن العزاء ....

عظم الله اجركم أخى صالح .... وعليك بالصبر ثم الصبر ثم الصبر والاحتساب

انا لله وانا اليه راجعون
Post: #3855
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-08-2010, 03:54 PM
Parent: #3854

صادق العزاء للأخ صالح في وفاة والدته
ربنا يتغمدها بواسع رحمته وعظيم مغفرته
ويلزم أهلها الصبر الجميل وحسن العزاء
وإنا لله وإنا إليه راجعون
Post: #3856
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-08-2010, 06:10 PM
Parent: #3855

يانجيلة ياخي صاحبنا ده مقامو عالي ماممكن
تشبهه بالكديسة البتأكل عيالها، لكن ممكن بالمثل
الجمل بيأكل من سنامه

وعلى ذكر الكديسة نأخذ النكته دي
دكتور بمستشفى الأمراض العقلية الله لايبلاناأثناء مروره على
المرضى وجد مريض عنده كديسة قاعد يغسل فيها بالماء
الدكتور قال ليه كفاية كدة بالطريقة دي الكديسة حتموت
الدكتور عاد بالمريض صاحب الكديسة فعلا وجدها ماتت، قال ليه
انا قبيل قلت لك حتقتلها
المجنون قال ( ماماتت وقت الغسيل لكن ماتت وقت جيت أصفيها)
Post: #3857
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-08-2010, 09:02 PM
Parent: #3856

صادق العزاء للأخ صالح تبلدينا في وفاة والدته ...
إنا لله وإنا إليه راجعون
ورحم الله الوالدة رحمة واسعة وأسكنها فسيح جناته مع الصديقين والشهداء

للأخ صالح و الأسرة الصبر و السلوان
Post: #3858
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 04-08-2010, 11:55 PM
Parent: #3857

حار العزاء للعزيز صالح

في وفاة والدته الاسناذة الفاضلة فاطمة جاجا

رحمها الله رحمة واسعة 000 ولتبلدينا واسرته

الصبر وحسن العزاء
Post: #3859
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-09-2010, 09:14 AM
Parent: #3858

2efn9yq.gif Hosting at Sudaneseonline.com


جمعة مباركة على الجميع
Post: #3860
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-09-2010, 09:19 PM
Parent: #3859

f4fb04de86.jpg Hosting at Sudaneseonline.com



* غطس البوست حتى مشارف القرن الثالث قبل الميلاد ...

يا ناس الجمعة اجازة من الشغل بس ...

البوست ده زى البيت و العيال وامهم ... لازم تدوهو حقو ..!!
Post: #3861
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-09-2010, 09:48 PM
Parent: #3860

جبريلا عندك لحن للكلمات دي تسمعنا ليهو...

يا ممكون جواك وصابر،، وصبرك في جواك ممكون..
يا تايه في الزمن العابر،، وعابر زمن الهم محزون..
يا موجود في ناسك ونادر،، ورايح في زاتك مرهون..
يومك بين البارح وباكر،، مشوار بالآهات مشحون..

لما تلملم زاتك وترحل
من الزول الأصبح المافي..
وتسجن روحك عفو الخاطر..
بين الدهشة وحزن خرافي..
يبقى عزاك يا زول في إنك..
لما تطلع نفسك منك.. يطلع منك ويرجع صافي..
وفي ترحالك لما تسافر،، تلقى مداين الزيف السافر..
Post: #3862
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-10-2010, 06:44 AM
Parent: #3861

صباح النور 00 صباح الهنا والسرور
اللهم نسألك خير هذا اليوم
اللهم أجعل أوله صلاحا ووسطه فلاحا وآخرهـ نجاحا
اللهم لاتزغ قلوبنا بعد إذ هديتنا وهب لنا من
لدنك رحمة ، يا أرحم الراحمين وأجود الأجودين
Post: #3863
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-10-2010, 06:44 AM
Parent: #3861

صباح النور 00 صباح الهنا والسرور
اللهم نسألك خير هذا اليوم
اللهم أجعل أوله صلاحا ووسطه فلاحا وآخرهـ نجاحا
اللهم لاتزغ قلوبنا بعد إذ هديتنا وهب لنا من
لدنك رحمة ، يا أرحم الراحمين وأجود الأجودين
Post: #3864
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-10-2010, 07:05 AM
Parent: #3863

صباح الخير،،،يا وجوه الخير

أصبحنا وأصبح الملك لله،،،وحده

دعاء الصباح :

اللّهُـمَّ إِنِّـي أسْـأَلُـكَ خَـيْرَ هـذا الـيَوْم ،

فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ،

وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه.
Post: #3865
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-10-2010, 07:11 AM
Parent: #3863

خالص التعازى للاخ صالح عبدالرحمن فى وفاة والدته

انا لله وانا اليه راجعون

الدوام لله
Post: #3866
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-10-2010, 10:00 AM
Parent: #3865

سلامات يا ناس

التحايا للجميع ...والسؤال عن الغائبين:

الشادى

موسى عيسى

د.احمد امين

د.الصادق

د.سيف

د.شبيكة

السموأل

حنان مجمر

عرفة

السهيلى

ابايزيد

عثمان الخير

عجب سيدو

نزار الشقلينى

اخلاص
قيس جمال الدين
نأمل ان يكونوا بخير
Post: #3867
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 04-10-2010, 12:57 PM
Parent: #3866

احر التعازى لمن يونس وفاطمة ربنا يتقبل المرحومة قبولا حسنا ويجعل قبرها روضة من رياض الجنة
اصدق واحر التعازى للاخ صالح حاولت الاتصال دون جدوى ربنا يصبرك ويجعلها اخر الاحزان
Post: #3868
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-10-2010, 01:46 PM
Parent: #3867

توقف قطار الشوق في محطة كوثر داؤود والهادي ومجدالدين
كثيراً وكنا نأمل بتداخل مجد الدين حسب ما تم الإتفاق عليه
لأن لديه الكثير ولكن لظروفه الخاصة لم يكمل المشوار نأمل أن تكون
هناك فرصة أخرى ،،،

وفي تطور جميل كانت معنا الأخت كوثر على الهاتف يوم أمس من
كندا بعد أن إستقر بهم المقام في تلك البلاد وتحدثنا إيضاً مع الهادي
وكان ذلك في تمام الساعة العاشرة ونصف ليلاُ وأفادوا بأن الوقت لديهم الساعة
الثانية ظهراً وكان الهادي آتياً من صلاة الجمعة ،،،

كوثر طلبت أن نستمر معها هذا الإسبوع قبل أن نرتحل إلى محطة جديدة وسوف تخاطب
ناس الزقازيق عن طريق الإيميل إبتداءً من يوم الإثين وإنها تبحث عن كي بورد عربي
وإلا إستعدوا بالإنجليزي .

تلفون كوثر داؤد:
0012044174551
Post: #3869
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-10-2010, 06:21 PM
Parent: #3868

يا سلام يا مني علي الأخبار الجميلة كوثر والهادي يستاهلوا كل خير ...
وربنا يوفقهم في رحلة كندا ... وأكيد حا نسمع أخبار جيدة من هذا الثنائي
Post: #3870
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-10-2010, 06:46 PM
Parent: #3869

لا حول ولا قوة إلا بالله
إنا لله و إنا إليه راجعون.
نسأل الله لها الرحمة والمغفرة

احر التعازي للاخ صالح
ولاسرته الصبر والسلوان
Post: #3871
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-10-2010, 10:22 PM
Parent: #3870

مساكم الله بالخير

من قبيل قدر ما أقول أدخل هنا...أقول بعد مباراة تشيلسي و استون فيلا انتهت المباراة لقيت مباراة الانتر و فيورنتينا قبل ما تنتهي ابتدأ الكلاسيكو بين برشلونة و ريال مدريد...حسه بين الشوطين قلت أدخل قبل ما يبدأ الشوط التاني و بعدين أنوم و أجي أحكي ليكم الصباح أحلامي...
أظنكم مليتو من أحلامي دي...مرة أحلم في الرياض و مرة أحلم بي بيت و مره أحلم بي وطن من غير حدود...
لو سألتوني أها عندك شنو المره دي...
بصراحة ما عندي حاجة...لكن برضو جيتكم...
شوفتو المحبة دي كيف...
هي ربع ساعة بين الشوطين استحملوني فيها...
في اعلان في الجزيرة الرياضية بيقول من ستشجع في كاس العالم...
كل ما يجيبو الاعلان ده أقول انتو في كاس العالم البعيد داك...
نحن الانتخابات بكره و لي حسه ما عارفين نصوت لي منو...
أنا الناس ديل سمعتهم كلهم في منبر سونا...
و الله كلهم قالوا كلام سمح خلاص...
كلما أحضر واحد فيهم أقول بس ده زولي أنا حأصوت للزول ده...
يجي التاني بكره أقول و الله ده برضو زولي حأصوت لي ده كمان..
يجي التالت و الرابع....
الناس ديل كلهم ما فيهم عوجة...حيرونا و الله...
الناس دي كلها وقت قلوبهم على البلد قدر ده..
ما يعملوا ليهم حزب واحد يسموهو...حزب قلوبنا على البلد...
و يقيفوا كلهم صف واحد ضد الناس القلوبهم على ثروات البلد...
أنا نفسي أرجع للبلد...أشتغل في البلد بدون تمييز...
أولادي يقروا مجانا...يتعالجوا مجانا...
أسكن في بيت حقي...
بيتي ما تنقطع عنه الكسرة..
نتبادل فيه السلطة بي صندوق انتخابات...
و مستعد كمان اتنازل من كل الحاجات النفسي فيها...
لو لقيت لي ضمانات بوطن واحد...
بي وطن يبدأ الخطوة الأولى عشان يكون زي ماليزيا بس...
خليها اليابان حسه عشان نكون واقعيين...

كفاية كده الشوط التاني بدأ
Post: #3872
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-10-2010, 10:28 PM
Parent: #3870

اسمع فى اغنبة لااعرف مغنيها وهى تقول
لو قايله ريدتنا
ذى مهند ونور
تبقى عيانه وعايزه ليك دكتور
اعقلى شويه وبطلى الاوهام
ناس مهند ونور قصه فى الاحلام
عيشى فى الواقع عاينى لقدام
ناس مهند ونور مسلسلات وافلام
رغم انو هواك لى فيهو دهور
انتى عاديه لا ملاك لانور
يعنى يامنقه انتى عايشه الدور
هسه بالذمه انتى تشبهى نور
انتى قايله الريده حب اوتمثيل
اصلو الحب البعرفو قليل
Post: #3873
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-10-2010, 10:37 PM
Parent: #3872

يا رشا
باقى لى انته والنضيف حتصوتو
لخلف الله الجننا ده
Post: #3874
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-10-2010, 10:47 PM
Parent: #3873

يا ريس ده حالتك ما عارف البغنيها منو...

لو عرفت البغنيها منو كان غنيتها في الحملة الانتخابية بتاعت صاحبنا داك...

على أي حال يا ريس أغنية رمزية جدا و ذات مضمون جيد...

انت يا ريس لو عارف ما تغششنا ياخي....

نحن غلب حمارنا...
Post: #3875
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-11-2010, 05:40 AM
Parent: #3874

سلامات يا ناس

وصباحات التفاؤل

اللهم نسألك خير هذا اليوم آجله وعاجله

ونعوذ بك من شر هذا اليوم آجله وعاجله

Quote: الناس دي كلها وقت قلوبهم على البلد قدر ده..
ما يعملوا ليهم حزب واحد يسموهو...حزب قلوبنا على البلد...
و يقيفوا كلهم صف واحد ضد الناس القلوبهم على ثروات البلد...
أنا نفسي أرجع للبلد...أشتغل في البلد بدون تمييز...
أولادي يقروا مجانا...يتعالجوا مجانا...
أسكن في بيت حقي...
بيتي ما تنقطع عنه الكسرة..
نتبادل فيه السلطة بي صندوق انتخابات...
Post: #3876
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-11-2010, 06:52 AM
Parent: #3875

صباح الخير،،، يا وجو الخير

أصبحنا وأصبح الملك لله،،، وحده

بعيداً عن الساسة والسياسة

تتعرض البلاد لهزة كبيرة جداً ،،،،،

وهي تجربة فريدة تمر بها البلاد منذ الإستقلال

حيث لا يعلم كثير من الناخبين لمن يصوتون ،،،،،،،

وهو منعطف أخطر من منعطف الحركة الطلابية الحرج،،،

لا يسعنا إلا أن نقول ربنا يستر ويلطف على البلاد والعباد

لك الله يا وطن،،،،
Post: #3877
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-11-2010, 07:01 AM
Parent: #3876

صباح الهناء والسرور ...

تعازينا الحارة لاخونا صالح في وفاة والدته ...
اللهم ارحمها وتقبلها قبولا حسن واسكنها فسيح جناتك .. امين ...
Post: #3879
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-11-2010, 07:23 AM
Parent: #3876

1270680425_1.jpg Hosting at Sudaneseonline.com

أحلم يا الرشيد يمكن تجيك ليلة القدر

ونقتنع بصحة الإنتخابات ،،،
ونحل مشكلة دار فور،،،،،،،
ونقنع الجنوببين بالوحدة الجاذبة،،
ونتبادل السلطة سلمياً ،،،،،،،،،،
ويموت ود أم بعولو وما ح نشوفه راكب دبابة بالليل
وعنده تموت أحلامنا بالبيان الأول،،،،،،،،،،،،،،،،،،،،،،،
Post: #3878
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 04-11-2010, 07:22 AM
Parent: #3875

التعازي القلبية للريس ميسرة والاخت منى يونس
وكذلك للاخ محمد عيد وزوجته
وانا لله وانا اليه راجعون


وكنا نود الذهاب الي عزاء الاخ صالح ومعي الزناتي لكن حالت ظروف الانتخابات والانسحابات دون ذلك
الاخ صالح عبدالرحمن صالح فقد والده قبل 4 شهور وكان قد ذهب للابيض حتى يحضر خروج المرحومة من الحداد لكن تشاء ارادة المولى ان تلحق الاستاذة والمربية المغفور لها اذن الله الحاجة فاطمة جاجا بزوجها
ربنا يصبركم يا صالح انت واخونك وكل من عرف او اقترب من الاستاذ المرحوم عبدالرحمن صالح والاستاذة فاطمة جاجا
انا اسعدني الحظ ان التقيت الاثنين
المرحوم الاستاذ عبدالرحمن ذلك الرجل الذي يلقاك دائما هاشاياشا حتى في حر الخرطوم الذي تعرفون ويقول ليك ليه ما قاعدين نشوفك اخوك دة ما داير يعرس يا ناس ما تتكلموا مع اخوكم دة وتخلوا يعرس ثم يعرج بي طوالي على موضوع ابيي فالمرحوم كان من زعامات المسيرية حاضر الذهن والراي واضح وسوداني يريد الحلول الجيدة لاهله (رحمه الله رحمة واسعة )
الحاجة المرحومة فاطمة التقيتها وهي مديرة تعليم الاساس لولاية شمال كردفان وكان ببيتها قبلة للزوار وناس البلد والناس بتاعين الشغل وغيره
رحمها الله كانت مثل زوجها وابناءها يرحبون بك وتشعر انك في يتك
بالاختصار هؤلاء ناس احببتهم لحبي لصلح ووجدهم افضل مليون مرة من صديقي اللدود صالح عبد الرحمن صالح
صبرنا واياكم يا صالح على هذا الفقد العظيم واسكنهم الجنة امين امين
وانا لله وانا اليه راجعون
تلفون صالح هو 01555525515
لناس برة يخوتوا الكود بتاع السودان +2499




التحية للهادي وكوثر كم انما سعيد بوصلوكم الي كندا شكرا للريس وميسرة دائما تتخلون الفرحة لقلوبنا بسؤلكم وبحثكم عن الناس الذين احباناهم في ذلك المكان المثالي المسمى الزقازيق
Post: #3880
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-11-2010, 08:21 AM
Parent: #3878

صباح النور 00 صباح الهناء والزهور
أصبحنا وأصبح الملك لله وحده

اللهم نسألك خير هذا اليوم وخير مابعده
اللهم نسألك أن تصلح بلادنا وتبعد عنها
الأشرار وتولي عليها الأخيار المخلصين العادلين
الذين يحّسنوا حال البلاد والعباد.

من مزدوج الكلام
البردان : الغداة والعشيّ
الأيهمان : السيل والحريق
الأحمران : الذهب والزعفران
الأسودان : التمر والماء
الأطيبان : الأكل والجماع
الأجوفان : الفم والفرج
الأصغران : القلب واللسان
الأكبران : الهمّة واللب
الأصمعان : الفهم الذكي والرأي الحازم
الجديدان: الليل والنهار
القمران : الشمس والقمر

القلم أحد اللسانين
حسن التقدير أحد الكسبين
المال أحد الجاهين
الدعاء للسائل أحد العطائين
الرد على السائل بالدعاء إحدى الصدقتين
السامع للغيبة أحد المغتابين
Post: #3881
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-11-2010, 08:28 AM
Parent: #3880

Quote: نحن الانتخابات بكره و لي حسه ما عارفين نصوت لي منو...
أنا الناس ديل سمعتهم كلهم في منبر سونا...
و الله كلهم قالوا كلام سمح خلاص...
كلما أحضر واحد فيهم أقول بس ده زولي أنا حأصوت للزول ده...
يجي التاني بكره أقول و الله ده برضو زولي حأصوت لي ده كمان..


... يا خلف الله ما عذبتنا ..!!

دكان الحى .. الصباحية .. عدد من الزباين أمام سيد الدكان بينهم (خير الله) ورفيقه .. يأتى خلف الله يحمل فى يده (جك الفول) .. يلقى عليهم التحية ثم يخاطب سيد الدكان :

- بالله لو سمحتا أدينا (فول) بى جنيه وخت لينا فيهو مويت (جبنة) وزيت بى خمسمية !

- يا خلف الله الأولاد ديل ما (هردتهم) بالفول .. طوااالى فول فول فول

- أيوه يا خلف الله يوم ياخى غير ليهم ... جيب ليهم سمك .. كبده شية ..

- أجيب ليهم من وين ؟ أسرق؟ أختلس قروش المصلحة !

- لا لا يا خلف الله كل حاجة ولا السرقة دى

- طيب أعمل شنو يعنى !

- تستفيد من صوتك يا خلف الله !

- أبقى فنان يعنى

- فنان شنو يا خلف الله هو أنحنا ناقصين

- أها يعنى أستفيد منو كيفن يعنى

- تديهو للزول الممكن يغير ليكا حياتك ويأكلك بدل الفول ده قلوب وكلاوى وشية !

- أديهو للجزار يعنى؟

- جزار شنو يا خلف الله تديهو للزول المرشح فى الإنتخابات الإنتا عاوزو

- والزول ده شغال شنو؟

- الزول ده ما شغال .. شغلو كلو إنو يوفر ليكا كل حاجه

- يعنى ما عندو شغلة ؟ عاطل يعنى؟ طيب ح يجيب ليا الكبد والكلاوى دى من وين؟

- يا خلف الله هو بجيبا ليك .. إنتا مالك ! يااااا خلف الله ما عذبتنا !!
Post: #3882
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-11-2010, 10:51 AM
Parent: #3881

خلف الله طلع ما بيأكل كبدة

قال ليهم فقعو لى بيض


عجبنى منطق خلف الله لما شرحو ليهو كيف يصوت
عشان مرشحو يحقق ليهو الرفاهية واحلامو

قال ليهم
اشيل لى ورقة اطبقا واختها جوة الصندوق
دى رفاهية ولا لالوب
Post: #3883
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-11-2010, 12:07 PM
Parent: #3882

أمام أحد المدارس .. خلف الله يمسك بيد طفله الذى ينخرط فى نوبة بكاء شديد وهويمسك بشنطة المدرسة .. يقابلانه خير الله ورفيقه فيستوقفانه

- خلف الله إذيك .. الولد ده مالو بيبكى

- طردوهو عشان المصاريف

- طيب ما تدفعا ليهو يا خلف الله ما حرام عليك

- يا جماعة إنتو ما عاقلين؟ أنا عندى ستة فى المدارس أدفع ل منو وإلا لى منو

- خلاس يا خلف الله المسألة ح تفرج بإذن الله !

- جبتو ليا (لوترى) !

- لوترى شنو يا خلف الله .. الإنتخابات .. الإنتخابات

- الإنتخابات ياتا ؟

- كيفن ياتا ؟ الإنتخابات الواااحده دى يا خلف الله

- ودخلها شنو بى رسوم المدارس

- كيفن دخلها شنو؟ إنتا تمشى تدى صوتك للمرشح البريحك .. للمرشح البيدعو لى مجانية التعليم

- وده أعرفو كيف؟

- أى مرشح يا خلف الله عندو برنامج

- يعنى شغال مذيع؟

- لا لا يا خلف الله برنامج إنتخابى بيورى فيهو الحاجات الح يعملا للمواطنين بعد ما يفوز !

- طيب لو ما فاز؟

- يا الله يا خلف الله .. إنتا بس صوت ليهو .. بعد داك لو ما فاز إن شاء الله ما يفوز.. ! يااااا خلف الله ما عذبتنا !!
Post: #3884
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-11-2010, 04:08 PM
Parent: #3883

... يا خلف الله ما عذبتنا ..!!

يا ناس السودان ،،، الصناديق ما وصلت السفارة

سعادتو قال ليهم تعالوا الساعة 6مساء حتى 12 ليلاً .
Post: #3885
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-11-2010, 07:17 PM
Parent: #3884

Quote: يا ناس السودان ،،، الصناديق ما وصلت السفارة

سعادتو قال ليهم تعالوا الساعة 6مساء حتى 12 ليلاً .



من ســـطا على رقاب الآمنيـــن فى أنصاص الليالى ...

لا يقوى على كشف وجهه فى ضوء النهار ..!

يا ريس ... الحكاية درس عصــر ولا شنو ؟؟

والله خلف الله زاتو إتحـــير ..!!
Post: #3887
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-11-2010, 08:11 PM
Parent: #3885

- يا خلف الله شايل شنو في إيدك و ما شي وين؟؟؟
- ماشي البوستة أرمي المداخلة دي لي ناس الزقازيق أجدع ناس
- إنت راسك دا فيهو دكوة ما ترسلها إيميل؟؟؟
- زعلان من الناس دي... لأنو لغاية هس ما جابو لي باسويرد
- طيب أقول ليك إنت ما تعصر ليك حاجة للزول البجيب ليك باسويرد
- و دا ألقاهو وين؟؟؟؟
- شوووف المسألة دي سرية...يعني ما تجيب سيرة الزول الإنت عايزو يجيب ليك الباسويرد
- يعني مثلاً زهير الزناتي
- يا خلف الله عذبتنا
Post: #3886
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-11-2010, 07:43 PM
Parent: #3884

مساكم الله بالخير

طبعا الشمار كاتلكم عايزين تعرفوا أنا أديت صوتي لي منو...
أكلمكم..أحدثكم....لا لا لا ما بقدر...
أكلم أكلم أكلم كيف...
صحي أنا راسي فيهو دكوة...
لكن بقدرة قادر كده فهمت انو الاقتراع سري...
و عشان كمان أكون شفاف معاكم أكتر...
اليوم ألأول ده و لا مشيت و لا حاجه...
ما لسه باقي يومين مافي مشكلة...
أكون أنا كونت راي و عرفت صوتي الغالي ده أديهو لي منو...
عشان و بشفافية كمان مطبخ السياسة ده ما بنفهم منو الا سلطة الطماطم بالدكوة...
تلتاشر سنة في الغربة خلتنا برالمة سياسة...
رغم محاولة المواكبة بمتابعة الاعلام الموالي و غير الموالي...
و يا ريت لو بقت بس كومين...
موالي و غير موالي...
في كمان شبه موالي و شبه غير موالي و شبه شبه الموالي...
و بقينا زي ما قلت ليكم ما بنعرف الا الطماطم بالدكوة...
و الله يستر علينا ما تبقى دكوة ساااااكت من غير طماطم...

تخريمة:
انتو يا جماعة الحبر البختوهو في الأصبع ده بيطلع بعد كم يوم...
في ناس يشوفو الحبر ده يقولو ليك انت ما مقاطع....يخس عليك...
تقوم تدس أصبعك في جيبك...
زي الواحد المتزوج عرفي على مرتو و تقوم العروس الجديدة تورطو بي حنة...
يقوم يحاول طول فترة المؤتمر الغاشي بيهو مرتو القديمة يحاول يطلع الحنة...
و تقوم ما تطلع...يعمل شنو...

ما قلت ليكم غير الطماطم بالدكوة دي بقينا ما بنعرف حاجة...
Post: #3888
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-12-2010, 06:16 AM
Parent: #3886

سلامات يا ناس


وصباحات التفاؤل

Quote: ما قلت ليكم غير الطماطم بالدكوة دي بقينا ما بنعرف حاجة...


ضف الى ذلك سلطة الاسود والبرتكان الانجكتيد.
Post: #3889
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-12-2010, 06:43 AM
Parent: #3888

صباح الهناء والسرور ...

اصبحنا واصبح الملك لله ...
Post: #3890
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-12-2010, 07:16 AM
Parent: #3889

كوبي وبيست
Post: #3891
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-12-2010, 07:36 AM
Parent: #3889

صباح النور 00 صباح الهنا والسرور

أصبحنا وأصبح الملك لله رب العالمين
اللهم نسألك خير هذا اليوم فتحه ونصره
وبركته ونوره وهداهـ ونعوذ بك من شره
وشر الأشرار وشر الشيطان وشركه.

نقول لخلف الله
مهما واجهتك العقبات فلا يجوز أن ترتد إلى الوراء
وإذا حدث أن تقهقرت أكيد تنشد طريقا آخر تمضي فيه إلى الأمام
علشان تزيد عذاب اولئك الطفيليين الإنتهازيين

قايتو دكوة ممكن لكن الطماطم الذرية الكانت في رمضان 1430
الله أعلم تحصل
Post: #3892
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-12-2010, 07:48 AM
Parent: #3891

قال العقاد

ليس أضنى لفؤادي من عجوز تتصابى
ودميــم يتحـالى وعليــم يتغابى
وجهولا يملأ الأرض ســؤالا وجـوابا
Post: #3893
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-12-2010, 08:57 AM
Parent: #3892

Quote: والبرتكان الانجكتيد.

صحح معلوماتك
هي إنجيكتيد اورانج
Quote: كوبي وبيست

إنت راسك دا فيهو دكوة
و ينو الكوبي و وينو البيست
يا جلة ما عذبتنا
Post: #3894
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-12-2010, 10:15 AM
Parent: #3893

صباح الخير،،، يا وجوه الخير

أصبحنا واصبح الملك لله،،، وحده

خلف الله وصل وين يا شباب ،،،،

بالله خلف الله راجل سلحفائي ونمطي

جدة دي على بعد مرمى حجر مش عارف يوصل

صناديق البلاستيك من بورتسودان ،،،،،،،،

طيب عمل شنو مع ناس أم صيقعون الجاك بتاعك جلا

بتكون لسه محموله على ظهر الحمير تصل بعد يوم 13أبريل


يا خلف الله ما عذبتنا،،،،،
Post: #3895
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-12-2010, 11:01 AM
Parent: #3894

انا قايل نفسي خلف الله براي ...

لقيت معاي خلف الله كتاااااااااااااااااااااااار ...






0
Post: #3896
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-12-2010, 01:08 PM
Parent: #3895

xzs.bmp Hosting at Sudaneseonline.com
Post: #3897
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-12-2010, 04:59 PM
Parent: #3896

Quote: إنت راسك دا فيهو دكوة
و ينو الكوبي و وينو البيست
يا جلة ما عذبتنا


ياخ ما عذبتنا لكن ... راجيك من متين تجي
عارفك الموضوع دا ماخدوا وكالة حصرية وما بترضي زول يشاركك فيهو...
المهم اعمل حسابك من هنا ورايح سوف تكون هنالك منافسة غير شريفة
وضرب تحت الحزام لترويج الكوبي + بيست

.... هم الجماعة ديل احسن مننا في شنو
Post: #3898
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-12-2010, 05:01 PM
Parent: #3896

ترقد طريحة العناية المكثفة بمستشفي الخرطوم الجنوبي خالة مبارك جادين ... وتحيطها الأسرة بالدعوات ... والتمينات بعودتها سالمة لأسرتها ...
Post: #3899
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-12-2010, 05:06 PM
Parent: #3898

Quote: ترقد طريحة العناية المكثفة بمستشفي الخرطوم الجنوبي خالة مبارك جادين ... وتحيطها الأسرة بالدعوات ... والتمينات بعودتها سالمة لأسرتها ...

خالص الدعوات القلبية بتمام الشفاء للخالة خالة مبارك جادين ...
ونسأل الله ان يتمم شفاؤها ويدثرها بثوب العافية
اللهم رب الناس اذهب البأس ...















---------
ابو الزوز اذيك ياخ
Post: #3901
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-12-2010, 05:58 PM
Parent: #3899

خالص الدعوات القلبية بتمام الشفاء للخالة خالة مبارك جادين ...
ونسأل الله ان يتمم شفاؤها ويدثرها بثوب العافية
اللهم رب الناس اذهب البأس ....
Post: #3900
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-12-2010, 05:53 PM
Parent: #3896

شذرات وقطوف وحكم

إذا عرف الرجل عيوب نفسه بلغ مبلغ الرجال

جنب كرامتك اللئام، فلإنك إن أحسنت إليهم لم يشكروا
وإن أساءوا لم يشعروا

الدهر يومان : يوم لك، ويوم عليك ، فإن كان لك فلا تتبختر
وإن كان عليك فأصبر ، فبكليهما أنت مختبر

المستغني عن الدنيا بالدنيا كمطفء النار بالتبن

تستطيع أن تسحق الزهرة تحت قدميك ، ولكن أنى لك أن تزيل عطرها
Post: #3902
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-12-2010, 06:10 PM
Parent: #3900

قلبها
Post: #3903
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-12-2010, 07:59 PM
Parent: #3902

سلامات يا ناس

نسأل الله الشفاء لخالة الاخ مبارك

اللهم اشفها شفاء تامآ

آمين
Post: #3904
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-12-2010, 08:35 PM
Parent: #3903

نسأل الله جلت قدرته

ان يسبغ على خالة اخونا العزيز مبارك جادين

ثوب الصحة والعافية وعاجل الشفاء ..

آميــــن
Post: #3905
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-12-2010, 08:41 PM
Parent: #3904

Quote: قلبها


والله يا ابو الزوز دى ما قلبة صفحة

ده انقلاب عسكرى عديل ..!!

وما تقول الايامات دى شامين لينا ريحة كده ما عارفينها

وكمان شاهد عليها مركز كارتر ..!!

المهم بعد ما قلبت الصفحة .. هكـــر ملعون علــــّق الصــفحة لساعات

لغاية ما دخل الكوتش بى بركاتو ...

يكونش الهكـــر ده كان مرشــّح وانســحب ؟؟

ولا يكون ده خلف الله زاتوووووو ؟؟!
Post: #3906
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-13-2010, 06:03 AM
Parent: #3905

بسم الله الرحمن الرحيم
أصبحنا وأصبح الملك لله رب العالمين
اللهم نسألك خير هذا اليوم وأعوذ بك
من شره وشر مابعده
اللهم بك أصبحنا وبك أمسينا وبك نحيا
وبك نموت وإليك النشور ، رب كل شيء ومليكه
الهم إنا نسألك العفوة والعافية والمعافاة الدائمة
في ديني ودنياي وأهلي ومالي

اللهم رب الناس أذهب البأس
أشفي أنت الشافي شفاءا لايغادر سقما
اللهم داوي خالة زميلنا مبارك جادين
وأشفها بشفاءك وأعنها بفضلك عمن سواك وأبعد عنها كل مايؤذيها
Post: #3907
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-13-2010, 06:45 AM
Parent: #3906

صباح الخير،،، يا وجوه الخير

أصبحنا وأصبح الملك لله،،، وحده

دعاء الصباح :

اللهم رب الناس أذهب البأس
أشفي أنت الشافي شفاءا لايغادر سقما

نتمنى لخالة مبارك كامل الشفاء العاجل
أجريت الإبنة عناب عبدالدائم عملية لحمية
يوم أمس بمستشفى المغربي والحمد لله تماثلت للشفاء
كما أن عبدالدائم نفسه مصاب بإنفلونزا خلال اليومين الماضين
وقد باشر العمل اليوم ،،،

نتمنى للجميع الصحة والعافية ،،،،،،،
Post: #3908
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-13-2010, 07:00 AM
Parent: #3906

شذرات وقطوف

كفى بالله محبا ، والقرآن مؤنسا ، وبالموت واعظا
إتخذ الله صاحبا، وذر الناس جانبا

إستغن بالرحمن عن خلقه00 تغن عن الكاذب والصادق
وإسترزق الرحمن من فضله0 0 فليس بعد الله من رازق

من تفرد بالعلم لم توحشه خلوة، ومن تسلى بالكتب
لم تفته سلوى، ومن آنسه قراءة القرآن ، لم توحشه مفارقة الأخوان

خير الرزق مايكفي ، وخير الغنى مايخفى
من آثر عاجل الإنسان رخيص ، فقد ضيّع آجل النفيس

إذا حنث الزمان كسدت الفضائل.
إذا وسد الأمر إلى غير أهله فانتظر الساعة

أضيق الأمر أدناه إلى الفرج
أعدل الناس من أنصف عقله من هواه

علة الكذوب أقبح علة ، وزلة المتوقي أشنع زلة
صديق المرء عقله ورفقه، وعدوه جهله وخرفه

حمار يحملك خير من حصان يلقيك على الأرض
عدو عاقل خير من صديق جاهل

كلمات المجاملة والنفاق كماء الكلونيا يمكن أن تستمتع به قليلا
لكن أحذر أن تبتلعها

ويل لأمة تلبس مما لا تنسج ، وتأكل مما لا تزرع ، وتشرب مما لا تعصر

السجين المظلوم الذي يستطيع أن يهدم جدران سجنه ولا يفعل يكون جبان
Post: #3909
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-13-2010, 08:16 AM
Parent: #3908

خالص الدعوات القلبية بتمام الشفاء لخالة مبارك جادين ...
ونسأل الله ان يتمم شفاؤها ويدثرها بثوب العافية
اللهم رب الناس اذهب البأس ....
أشفي أنت الشافي شفاءا لايغادر سقما
اللهم داوي خالة زميلنا مبارك جادين
وأشفها بشفاءك وأعنها بفضلك عمن سواك وأبعد عنها كل مايؤذيها

Quote: أجريت الإبنة عناب عبدالدائم عملية لحمية
يوم أمس بمستشفى المغربي والحمد لله تماثلت للشفاء
كما أن عبدالدائم نفسه مصاب بإنفلونزا خلال اليومين الماضين
وقد باشر العمل اليوم ،،،

نتمنى للجميع الصحة والعافية ،،،،،،،


ألف حمدلله على سلامة الابنة عناب النضيف
ونتمني ان تتماثل للشفاء التام هي وابوها ...
Post: #3910
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-13-2010, 08:34 AM
Parent: #3908

133.jpg Hosting at Sudaneseonline.com


إستحقت المفوضية العليا للإنتخابات أن تنال لقب خلف الله الغبي

يا خلف الله ،،، عذبتنا

التوقيع : الشعب السوداني
Post: #3911
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-13-2010, 09:42 AM
Parent: #3910

085141113033.jpg Hosting at Sudaneseonline.com

ألف سلامة لي عناب وماتشوف شر يارب
النضيف حمدلله على السلامة



شكرا ياريس وانتم تتفقدون الرعية ...
Post: #3912
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-13-2010, 09:55 AM
Parent: #3911

Quote: خالص الدعوات القلبية بتمام الشفاء لخالة مبارك جادين ...
ونسأل الله ان يتمم شفاؤها ويدثرها بثوب العافية
اللهم رب الناس اذهب البأس ....
أشفي أنت الشافي شفاءا لايغادر سقما
اللهم داوي خالة زميلنا مبارك جادين
وأشفها بشفاءك وأعنها بفضلك عمن سواك وأبعد عنها كل مايؤذيها


Quote: ألف سلامة لي عناب وماتشوف شر يارب
النضيف حمدلله على السلامة

يا جلة شفت الكوبي دا كيف؟؟؟
Post: #3913
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-13-2010, 10:09 AM
Parent: #3912

Quote: كما أن عبدالدائم نفسه مصاب بإنفلونزا

أولاً هي إنفلونزا شنو؟؟؟
تعددت الإنفولنزات و العطيس واااحد
يعني السنة الجاية نجي الحج و مانغشى جدة و لا شنو؟؟؟
غايتو باب شريف السنة الجاية حيخسر خسارة فادحة
ما لم ...ما لم...
إنت يا جلال شغلك في جدة و لا في الرياض؟؟؟؟
Post: #3914
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-13-2010, 10:19 AM
Parent: #3913

نسأل الله الشفاء لخالة الاخ مبارك
اللهم اشفها شفاء تامآ
والف سلامة لي بتنا عناب
والنضيف دة مرض دلع ساكت
Post: #3915
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-13-2010, 11:20 AM
Parent: #3914

الكوبي بيست بتاعنا ياجلا ... بنتعب فيهو ...
لكن مالقيت ... فطنتك زايدة ... الله يستر منك



الريس ميسرة ...
زدت عذابنا ...
معقول لما كنا طلبة ... كنا بنفهم اكتر من ديل ...
ولا نحنا الفهمنا كان غلط زمان ...


محمد عيد .... اين روايات ... ولدنا خلف الله ... واصل وفرج همنا...



انا متأكد كل المداخلات دي .... ماسياسية ...


ززززز
Post: #3916
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-13-2010, 03:11 PM
Parent: #3915

نطمئن الجميع بأن خالة الأخ مبارك جادين قد إستجابت للعلاج وقد عادت أجهزتها الحيوية لعملها وربما تنقل للعناية الوسيطة خلال الساعات القادمة


يا محمد عيد الهكر ده انا شاكي لي في نفرين واحد عنده عضوية في المنبر وما بيكتب في البوست ومن مدني ومقيم في البحرين وخريج حقوق وصاحب مجتبي فاروق لمن إتأكد من معلوماتي حا أفصح عن إسمه والتانية ما عندها عضوية وخريجة زراعة وشغالة في مطار الخرطوم وأول حرفها شوش ...وبرضو حا أفصح عن الإسم بعد التأكد .... شفت مخابرات أخوك كيف ..
Post: #3917
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-13-2010, 03:14 PM
Parent: #3916

كفارة للعروسة عناب وأكيد دي عين الشماشة المشوا معاها رحلة جبل أولياء
وعاجل الشفاء للحنكوش عبد الدائم وزي ما قال ليك طارق جبريل النزله دي ما مرض ... حليل القرض كمان قولوا ما بتعرفوا القرض ...
Post: #3918
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-13-2010, 04:23 PM
Parent: #3917

Quote: حليل القرض كمان قولوا ما بتعرفوا القرض ...

يااااي .... ق ايه يا ابوالزوز ... لكن لقيتك بلدي خالص
ودا حبوب ولا كبسولات ...
ياخ بالله ما تخوف النضيف دا بي حاجاتك البلدية دي ....
القرض دا تديهو لي جلا ... وكان بالعدم مالقيت عندو نزلة رسلوا لي انا
والله اخوك عندو جنس قحة اليومين دي "كتكوتة" بس
Post: #3919
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-13-2010, 05:54 PM
Parent: #3918

يا أبو الزوز كما يحب جله يناديك
أفتنا ياخي في المداخلة أعلاه حاولت
أربعة مرات تعديل المقولة أعلاه إلى

خير الرزق مايكفي، وخير الغنى مايخفى
من آثر عاجل الإنسان رخيص ، فقد ضيّع آجل النفيس

فلم أفلح ، مهو السبب
Post: #3920
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-13-2010, 11:40 PM
Parent: #3919

ألف سلامة لي عناب وماتشوف شر يارب
النضيف حمدلله على السلامة
Post: #3921
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-13-2010, 11:49 PM
Parent: #3920

2-en-e83c326feeda2b5e50d689749291589b.jpg Hosting at Sudaneseonline.com


الاحتفاء بذكرى ميلاد الاحباب فى هذا البوست
ســنة ظهرت قريبا ..
وكانت بمبادرة رقيقة من الرقيقة ...
ريحانة بوست ناس الزقازيق ...
العزيزه .... زينب التجانى
او زنوبة بت النوبة ,, كما كانت تناديها فى حبوها امها وام الجميع الخالة محاسن حفظها الله
ظلت زنوبة .. وعلى الدوام تنقب وراء تواريخ ميلاد اعضاء هذا البوست
وتدعو بمختلف الاشكال للاحتفاء بهم فى اريحية جميلة ورائعة ..
روعة هذه الانسانة الرقيقة المتشبعة بروح الوداد والحنيـّة والمترعة بألق الاخوة الصادقة
ظللت كثيرا ما استلم منها على الماسينجر او الـ SMS نواقيس ورنات التذكير بمناسبات اخوتنا
وكثيرا ما تلحق ذلك باتصال هاتفى للتأكد من تجاوبى واستعدادى ...
وهكذا كانت دوما زووووبه ... مهيـــرة الاخوان فى احايين كثيره
والخنساء التى تنظر للجميع وكأنهم ابناءها فى احايين أكثر ..
ولكنها تظل هى الزنبقة الجميلة التى اشاعت بطيبها هذا البوست منذ دخولها اليه

زينب ... كل سنة وانت بألف خير وعافية
Post: #3922
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-14-2010, 00:00 AM
Parent: #3921

خصــوصية الاحتفاء بذكرى ميلاد زينب التجانى استوجبتها مبادرات هذه الاخت الرائعة

فهى من تسعى للاحتفاء بالآخرين وادخال الفرح اليهم ..

وما اولى بنا ان نرد لها جزءا احاسيسها الجميلة ..

لذا انوب عنكم فى الاحتفاء بها فى اكثر من غرفة من غرف هذا الحوش


2-en-e83fc326feeda2b5e50d689749291589b.jpg Hosting at Sudaneseonline.com
Post: #3923
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-14-2010, 06:03 AM
Parent: #3922

عيد ميلاد سعيد...
وكل سنة وانت بألف خير ... يازينب التجاني
Post: #3924
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-14-2010, 06:36 AM
Parent: #3923

صباح الهناء والسرور ...

الف حمدا للسلامة لبنتناعناب النضيف ...
اخونا النضيف الف لا باس عليك وما تشوف شر ...

الحمد لله على سلامة خالتنا كلنا وخالة مبارك جادين ...
اللهم اشفيها شفاءا لا يغادر سقما ...

اختنازينب التجاني كل سنة وانت بالف خير ... وعيد ميلاد سعيد ...
Post: #3925
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-14-2010, 07:02 AM
Parent: #3924

صباح النور يازهور
أصبحنا وأصبح الملك لله الواحد الأحد
اللهم نسألك خير هذا اليوم فتحه
ونصرهـ ونورهـ وبركته وهداهـ


أطيب الأماني وأحرّ التهاني للأخت زينب التيجاني
عيد ميلاد سعيد وكل سنة وأنت طيبة وموفقة بإذن الله
Post: #3926
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-14-2010, 09:29 AM
Parent: #3925

الشكر لكل من سأل عننا يا اخوان
من غير تحديد اسماء عشان جلا ما يزعل



وعاجل الشفاء لخالة مبارك جادين



زوبة كل سنة وانتى طيبة
وعقبال شمعــ 100 ـــــــة
Post: #3927
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-14-2010, 09:29 AM
Parent: #3925

صباح الخير ،،، يا وجوه الخير

أصبحنا واصبح الملك لله،،،وحده

أحلى الأماني وأطيب التبريكات

وكل عام وأنتي بخير وعيد ميلاد سعيد

يا زينب ،،،،،،

10.gif Hosting at Sudaneseonline.com
Post: #3928
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-14-2010, 10:15 AM
Parent: #3927

زوبة كل سنة وانت بالف خير
Post: #3929
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 04-14-2010, 10:42 AM
Parent: #3928

الف لاباس عليك يا عناب
وهو المرض ما بشوف عشان كدة بجي للحلوين الزيك

يا زوبة عقبال مليون سنة حلوة


الخالة لازالت بالعناية المركزة ولكن حاتها مستقرة
نسال الله العلي القدير ان ياخدبيدها ونسالكم الدعاء لها بعاجا الشفاء
كما لايفوتني شكر الجميع على السؤال عنها
Post: #3930
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-14-2010, 10:49 AM
Parent: #3929

Zoba
كل سنة وانت طيبة يارب
وكل العمر ان شاء الله
Post: #3931
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-14-2010, 12:52 PM
Parent: #3930

العزيزة كوثر داؤود تعطر سماء البوست بمداخلاتها اليومية

في رسالة معبرة وجميلة ورقيقة من العزيزة كوثر
عبر الإيمل .

أفادت بأنها قرأت كامل البوست ولم تستطع أن تمسك نفسها ودموعها

نتابع كوثر على الميل رقم 4 والميل رقم 5 في

شخصيات وعائلات زقازيقة ،،،،،،،، من الزمن الجميل،،،(توجد صور)
Post: #3932
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 04-14-2010, 12:58 PM
Parent: #3900

Quote: قلبها

وكده مين يازهير يازناتي














---------------
سلام لكل الزقازيقاب
Post: #3933
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 04-14-2010, 01:03 PM
Parent: #3932

زهير الزناتي
المداخلة السابقة كانت مجرد مؤامرة




الزقازيقاب
عندما يرتفع ترمومتر الابداع في المنبر ويعتلي البوست صفحتة الاولى
نقول سقطت درر ونجوم من كوكب احلى اهل واهل للابداع
دمتم وسلمتم جميعا
Post: #3934
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-14-2010, 01:42 PM
Parent: #3933

sudansudansudansudansudan37.jpg Hosting at Sudaneseonline.com
Post: #3935
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-14-2010, 07:14 PM
Parent: #3934

سلام يا شباب ....

حسب موقع الفيس بوك الشهير أن عيد ميلاد زينب التجاني الشهيرة بزوبة بت النوبة يوم 18 إبريل وهو ما يصادق عيد ميلادها الرابع والعشرين ... ما عارف الإشاعة دي جبتوها من وين ... لكن برضو نقول لزوبة كل عام وأنت بألف خير ...


يا ولي حباب المؤامرات .. وحبابك إنت مليون وطلت بتسعدنا ...


يا أحمد إسماعيل تعرف مرات الموقع ده بيكون عنده زار ... عشان كده حاول غيب وتعال ...


يا ابو الجل شايف صاحبك النضيف موضوع القرض دع عد فيهو وعمل ليهو شتات خالي محطات ...
Post: #3936
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-14-2010, 07:19 PM
Parent: #3935

حسب مكالمة هاتفية قبل قليل مع مصدر مقرب أن زينب إحتفلت البارحة بعيد ميلاد إبنتها ريل وهذا ما لزم توضيحه وشكراً ...


آي كسير تلج عارف يا جلال بس أحسن من لفحي الكلام
Post: #3937
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-15-2010, 05:30 AM
Parent: #3936

يا زمن وقف شويه ...
اهدى لى لحظات هنيه
وبعدها...
شيل باقى عمرى
شيل شبابي ... وشيل عينيّ
ياعيني ...
Post: #3938
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 04-15-2010, 05:50 AM
Parent: #3937

سلام لاجدع ناس
ومليون سلام لاروع ناس
وسلام كبير اوى اوى لعيد العيد
والف شكر لعيد مترجم الفرح فى بوستنا العزيز
ويا عيد غرقتنا بجمايلك
وده كلام كتير على
انتو التاصل معاكم نعمة من نعم الخالق
بشكر كل من هنانى
وكل من اتصل وواصل
يا زناتى حبيت احتفل بعيد ميلادى مع ريل الفرق بينا ما كبير
شكرا ليكم يا مبدعين يا رايعين
عبد الدائم الف سلامة لبتنا عناب
ويا جادين الف سلامة للخالة العزيزة

وتانى شكرا يا عيد العيد
Post: #3939
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-15-2010, 06:28 AM
Parent: #3938

سلامات يا ناس

وصباحات التفاؤل

لعُنَّابْ النضيفة بت النضيف..خالص الدعوات بتمام

الشفاء..واللهم ربى اكفِ النضيف شر قرض الزيناتى

وجلال الحاقدين.
Post: #3940
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-15-2010, 06:49 AM
Parent: #3939

نحن ان اشرق صبح نترك النوم ونصحو
سلام لكل الحلوين وامنيات بالخير لاتنقطع
سلام لعناب وابوها وماتشوفو شر
بمناسبة القرض واحد زميلنا عمل فيها ماعارف
القرض مع انو ممكن يكون في جيبو والجماعة
محتارين كيف يعرفوهو القرض جابو ليه قرضة
قال ليهم دا عندنا اسمو ثمار السنط (خيار للماعارفينو)
وسمي القرض لانه يقرض الشر
Post: #3941
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-15-2010, 07:12 AM
Parent: #3940

سألت خالتى عن البتاع الاسمو القرض ده

قالت لى حق السودان ما سمح طعمو مـر

وحترسل لى واحد معمول بطعم الجلاكسـى من دبــى




ـــــــــــــ

هسه بالله عليكم ده خشم قرض
Post: #3942
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-15-2010, 07:45 AM
Parent: #3941

ديمو تحياتي
ماتعذب الناس من دبي
بريد ممتاز وغيرة انا عندي
كبسولات قرض
بالاصفر والاحمر للمريخاب
والابيض والازرق للهلالاب
لو بتقدر تبلعهم
ده عشان الخشم الماخشم قرض
Post: #3943
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-15-2010, 09:05 AM
Parent: #3941

يازهير حكاية الزار دي بس نغيب ونجي
يعني الزار ماعايز يذبحو ليه ديك أبيض ولا أحمر
Post: #3944
Title: Re: ناس اàزقازيî ... أجدع ناس ( 3 ) ..
Author: ميسرة سيد أحمد
Date: 04-15-2010, 10:40 AM
Parent: #3943

صباح الخير ،،، يا وجوه اهخيل

أصبحنا وأصبح الملك لله،،، وحده

ردد معي هذا الدعاء:

اللهم إني أدعوك الله وأدعوك الذحمن
وأدعوك البر الرحيم ، وأدعوك بأسمائك
الحسنى كلها ماعلمت منها وما لم أعلم

أن تغفر لي وترحمني،،،،،
Post: #3945
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-15-2010, 03:16 PM
Parent: #3944

دروس في الحè جلس رسول الله صلى الله ليه وسلم مع أصحابه رضي الله عنهم وسألهم مبتدا
أبي بكر
ماذا تحب من الدنيا ؟
فقال ابي بكر 8 رضي الله عنه) أحب من الدنيا ثلاث
الجلوس بين يديك. والنظر اليك . وإنفاق مالي عليك
وانت يا عمر ؟
قال احب ثلاث :
امٌ بارمعروف ولو كان سرا – ونهي عن ألمشكر ولو كان جهرا – وقول الحق ولو كان مرا
وانت يا عثمان ؟
:قال احب ثلاث
اطعام الطعام – وافشاء السلام – والصلاة باليه و÷لناس نيام
وانت يا علي ؟
قال احب ثلاث:
اكرام الضيف – الصوم بالصيف - وضرب العدو بالزيح
ثم سأل أبا ذر الغفارى: قال أبو ذر :أحب في الدنيا ثلاث
الجوع؛ المرض؛ واهموْ
فقال له النبي (صلى اàله عليه وسلم): ولم؟
فقال أبو ذر
أحب الجوع ليرق قلبي؛ وأحب المرض ليخف ذنبي؛ وأحب الموت لأàقى ذبي
فقال النبي (صلى الله علين ِسلم) حبب إلى من دنياكم ثلاث
الطيب؛ والنساء؛ وجعلت قرة عيني في الصلاة
وحينئذ تنزل جبريà êليه السلام وأقرأهم السلام وقال: وانأ أحب من دنياكم ثلاث
تبليغ الرسالة؛ وأداء الأمانة؛ وحب المساكين؛
ثم صعد إلى السماء وتنزل مرة أخرى؛ وقال :
ئلله عâ وجل يقرؤكم السلام ويقول: انه يحب من دنياكم ثلاث
لساناً ذاكراً ؛
و قلباً خاشعاً ؛
و جسداً على البلاءِ صابراً
سبحان الله وبحمده ،،، سبحان الله العظيم
Post: #3946
Title: Re: ناس الزقازيق ... أجدع ناز ( 2  ..
Author: محمد صديق
Date: 04-15-2010, 03:19 PM
Parent: #3944

0
Post: #3947
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-15-2010, 03:34 PM
Parent: #3946

سلامات يا ناس

Quote:

Quote: يعني أنا كنت مضروب في ركبتي
و الأنكل بتاعي مفكوك
و ىدي كانت مكسورة
و قررت ما أجيكم في اليوم داك و لا شنو؟؟؟؟



سلامتك يا حاجنا السري..
كنت أتمنى أن أشهد لقاءك وْنضم إلينابالأمس ..
ولكنني في قرارة نفسي
آثرت أن أتلقى فرحة لقاك في موعدنا القادم
وذلك إمعانا في استمرار الفرح
وحْى لا تتعاظم على قلبي جرعة الفذحفتتعطل مخارج حروفي
ففرحة لقاكم أكبر من قدرة إحتمالي
وأعظم من أن أتلقاها في لحظة واجدة .. br>
أحبكم جميعا ........
Post: #3948
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-15-2010, 03:40 PM
Parent: #3947

Quote: سلامات يا ناس


Quote: لحظات سعيدة جدا قضيتها معكم امس وكنت أتمنى أن تطول وتطول



هذا الرباط العميق بين الناس...وسرّ هذه المحبة المبذولة...والقلوب المشْرَعة

قبل ساعات هاتفنى ود المهدى الذى لم أراه فى الزقازيق ولم أسمع صوته..وحالما

نطق اسمه تبدد كل المجهول وسادت الالفة...

قدورة ...المغترب السرى( عشان جلا ينبسط) ايضآ لم ألتقيه بالزقازيق وحتى

صورته التى على البروفايل لم أكن فى وقت ما متأكد من انها له...عند دخول

قدورة الى البوست كان حذرآ...كنت احسّ ذلك..وكنت الاحظ انه يتحدث فى العموميات

ويتصيّد مداخلات الرشيد ومنصور...( ذكر لى جزأً من ذلك بالامس) وبعدها غرق معنا فى

بحر الإلفة..

لم يساورنى احساس عدم لقاء هذا الزول قبلآ كأنى دفعته والتقيته بعد غياب يوم او

يومين...لم نستغرق وقتآ لجس النبض والبدايات المترددة ..دلفنا مباشرة الى الدواخل

العامرة بتلك الالفة الحبيبة...وكانت ساعات تمنيناها ان تطول ..

شكرآ قدورة ان منحتنا ساعات من الصفاء المفقود هذه الايام ...وشكرآ معاوية يحى مهندس

اللقاء...وشكرآ لجلا الغائب الأكبر...

موعدنا السبت ان شاء الله...ولانك منحتنا ساعات صافية علينا ان نمنحك جكّة ساخنة( نكاية

فى منصور المختفى من البوست والمنبر)
Post: #3949
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-15-2010, 05:54 PM
Parent: #3948


ياجماعة وين الريس معتصم يزيدنا من مثل الأغنية الخاصة
بريدة مهند ونور
هسي باقي ليك إلفة ناس الزقازيق دي ماعندها شبه
لريدة مهند ونور لأن عندها جوانب كأنها في الخيال والأحلام

ياسلام ياعمر المهدي والله دروس مهمة للذكرى .

ومنها ابا ذر قال بحب الموت ، قال الشاعر

الموت باب وكل الناس داخله 000 ياليت شعري بعد الباب ما الدار
الدار جنة الخلدإن عملت بما 000 يرضي الإله ، وإن قصرت فالنــار

والصالحين قال فيهم الشاعر

إن لله عبادا فطنـا طلقوا الدنيا وعافوا الفتنا
نظروا فيها فلما علموا أنها ليست لحـي سكنـا
Post: #3950
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-15-2010, 06:50 PM
Parent: #3949

من عطبرة
إتصل الأخ/عادل الحسين
كلية حقوق الزقازيق 1988

يبلغكم السلام جميعا بعد 22سنة مش 12 سنة زي بتاعة
عبد الدائم شفاك الله وعافاك من النزلة مع القرض أضف
كركدى وللحلق (إسبرين محلول بليمون للغرغرة)

يا أخوان الإتصال ده من فوائد بوست العزيز سامي عبد الوهاب
Post: #3951
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-15-2010, 07:03 PM
Parent: #3950

تستشفي بالأردن شقيقة العزيز الرشيد نتمني لها الشفاء العاجل وأن تعود معافية من كل مرض ونتمني أن يدعو لها الجميع بالشفاء
Post: #3952
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-15-2010, 07:06 PM
Parent: #3951

الفطور يوم السبت سمك مع قدورة عند عوضية .... الدعوة عامة للجميع .... وما فيها أي جكات ...
Post: #3953
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-15-2010, 07:14 PM
Parent: #3951

يا ابو حميد سعدت البارحة بإتصال مولانا عادل الحسين وهو من المتابعين للمنبر وسيكون بمشيئة الله في الدفعة القادمة ...
Post: #3954
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-16-2010, 09:39 AM
Parent: #3953

سلامات يا ناس

Quote: من عطبرة
إتصل الأخ/عادل الحسين
كلية حقوق الزقازيق 1988


التحية والشوق للاخ عادل الحسين وكل ناس عطبرة

محمد حسان ، محمد عطية ،ودالبيه وخالد محمد طه

ومن الدامر عبدالحميد احمد المصطفى..
Post: #3955
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-16-2010, 10:12 AM
Parent: #3954

الف سلامة لاخت الرشيد بابكر
وكفارة وأجر ان شاء الله يا رب
Post: #3956
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-16-2010, 03:57 PM
Parent: #3955

اللهم ان يوم الجمعة احب ايامك اليك

فلا تدع شمسه تغيب الا وقد كتبت لأحبتى ..

مغفرة لذنبهم

وازاحة لهمهم

وتفريجا لكربهم

وشفاء لمرضاهم

ورحمة لموتاهم

ونصرة على ظالمهم

ورضا بحالهم

وسعادة تغمر قلوبهم ...

اللهم رب الناس اشف شقيقة اخونا الرشيد

والبسها ثوب الصحة والعافية .... آميــــن
Post: #3957
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-17-2010, 06:19 AM
Parent: #3956

سلامات يا ناس

وصباحات التفاؤل

مرض إعرابى ..فقيل له إنك تموت فقال:

فإذا مت الى اين اذهب.قالوا :

الى الله.قال:

فما كراهتى ان اذهب الى من لم ار الخير الا منه.
Post: #3958
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-17-2010, 07:17 AM
Parent: #3957

صباح الهناء والسرور ...

صباحات التفاؤل والخير الكثير ...
Post: #3959
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-17-2010, 07:35 AM
Parent: #3958

اللهم رب الناس اذهب الباس اشف انت الشافي شفاءا لا يغادر سقما ...
اللهم يا ربي اشف شقيقة اخونا الرشيد والبسها ثوب الصحة والعافية ...
اللهم اشف جميع مرضانا ومرضى المسلمين .. امين ..
Post: #3960
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-17-2010, 09:02 AM
Parent: #3959

بسم الله الرجمن الرحيم
اللهم نسألك خير هذا اليوم ونعوذ بك
من شره وشرّ مابعدهـ ونعوذ بك من شر
أنفسنا وشر الشيطان وشركه
ونسألك اللهم العفوة والعافية في
ديننا ودنيانا وأهلنا ومالنا

اللهم رب الناس أذهب البأس أشفي أنت الشافي
لا شفاء إلا شفاؤك شفاء لايغادر سقما
اللهم داوي شقيقة الرشيد بابكر وأشفها بشفائك
وأبعد عنها كل مايؤذيها.
نعوذ بعزة الله وقدرته من شر مانجد ونحاذر
Post: #3961
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-17-2010, 09:13 AM
Parent: #3959

صباح الخير ،،، يا وجوه الخير

أصبحنا واصحبح الملك ،،، لله وحده

دعاء الصباح

اللهم رب الناس اشف شقيقة اخونا الرشيد

والبسها ثوب الصحة والعافية .... آميــــن
Post: #3962
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-17-2010, 09:56 AM
Parent: #3961

أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً....

إلهي....

أذهب البأس رب الناس ، بيدك الشفاء ، لا كاشف له إلا أنت .. يارب العالمين ....

إلهي....

إني أسألك من عظيم لطفك وكرمك و سترك الجميل أن تشفي شقيقة الرشيد وتمدها بالصحة و العافية....

إلهي....

لا ملجأ و لا منجا منك إلا إليك .. إنك على كل شيء قدير....

إلهي....

اشفها... ومرضانا ... وكل مرضى المسلمين ... إنك على كل شيء قدير....
Post: #3963
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-17-2010, 10:16 AM
Parent: #3962

امنياتنا بدوام الصحة والعافية لشقيقة الرشيد
وترجع بالسلامة انشاء الله



،،،،،،،،،


الان وعلى الهواء مباشرة
Quote: قدورة عند عوضية
Post: #3964
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-17-2010, 10:22 AM
Parent: #3963

Quote: الان وعلى الهواء مباشرة


منقولة على ياتو قناة ياعبدالدائم؟
نزل لينا رابط بالله
Post: #3965
Title: Re: ناس الزقازيق ... أجدع ناس ( 3 ) ..
Author: عصام دهب
Date: 04-17-2010, 10:30 AM
Parent: #3964

[green]سلام و تحية لأجدع ناس ..

و إن شاء الله دايماً تامين و لامين ..

و دعوات صادقة للمولى عز و جل أن يشف شقيقة زميلنا الرشيد شفاءاً تاماً .. اللهم رب الناس أذهب البأس و أشفها أنت الشافي لا شفاء إلا شفائك .. اللهم خذ بيدها و أغدق عليها من فيةض الصحة و العافية

و يا ريس ميسرة و يا محمد عيد و عبد الدائم و يا كل الأعزاء في جدة .. أما آن لنا أن نلتقي ؟؟

..
Post: #3966
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-17-2010, 11:08 AM
Parent: #3965

صبحكم الله بالخير

أشكركم جميعا على تفاعلكم وعلى مشاعركم الطيبة النبيلة هنا أو عبر اتصالاتكم التلفونية اليومية و التي لم تنقطع عني لحظة...أشكركم جميعا بدون تمييز و أسأل الله سبحانه و تعالى أن يتقبل دعائكم و أن ينعم عليكم و على أختى بالصحة و العافية و أن يديمها عليهاو عليكم...
Post: #3967
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-17-2010, 12:00 PM
Parent: #3966

Quote: و يا ريس ميسرة و يا محمد عيد و عبد الدائم و يا كل الأعزاء
في جدة .. أما آن لنا أن نلتقي ؟؟


إبن حلال والله،،،،،،

يوم أمس ذهبت مع أولادي عند د. حسن وعرجنا

إلى عناب عبدالدائم نتفدهم ،،، وطرحنا نفس الفكرة

وذكرت الكلام الكان بيننا بالهاتف عند إتصالكم لنا معزياً

عبدالدائم مجهز مفاجأة إذا نجحت لناس جدة وكذلك أخونا أحمد السيد

إحتمال تنجح المحاولات في نهاية هذا الإسبوع.
Post: #3968
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-17-2010, 04:51 PM
Parent: #3967

دي الدفعة الأولي من طالبي العضوية ... أي زول إسمه ما ورد يا ريت يلحقني بيهو بسرعة ... ويا موسي عليك الله رسل لي إيميل ود الهادي تاني .... كما نرجو مراجعة الأسم والإيميل



1/ شوش
[email protected]


2/ خالد محي الدين
[email protected]


3/ عادل الحسين
[email protected]


4/ محمد العبيد
[email protected]

5/ مني عباس
[email protected]

6/ موسي الراجل
[email protected]


7/ النذير عبد الله زيدان
[email protected]


8/ سر الختم محمد علي
[email protected]

9/ محمد المرتضي
[email protected]

10/ نور الدين عثمان
[email protected]

11/ كوثر داؤود
[email protected]

12/ الفاتح قمر

[email protected]

13/ مجد الدين عوض السيد

[email protected]
Post: #3969
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-17-2010, 04:55 PM
Parent: #3968

ابو الزوز ..

والله انت عمال مع حاج الركز ده

عمايل صلاح ادريس مع عماد عديل كده ..!!

طالبوا اعتذار برضو ولا شنو ؟؟
Post: #3970
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-17-2010, 05:08 PM
Parent: #3969

يا زول والله محمد عثمان بعد ده حا يقول متآمر معاه عفاف عديل كده


الدفعة الجديدة :

1/ محمد عثمان عبد الرحيم
[email protected]
Post: #3971
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-17-2010, 05:11 PM
Parent: #3969

14/ يوسف عبدالله خالد
[email protected]
Post: #3972
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-17-2010, 05:41 PM
Parent: #3971

2/ يا جلا بدينا العد من جديد
Post: #3973
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-17-2010, 05:47 PM
Parent: #3972

ألتقينا اليوم بعوضية للأسماك وكان لقاء لا يوصف حضوراً وسمكاً وخالي من الجكة .... الصور ستدهش الكثيرين أبقوا في الإنتظار وحتماً سيطول
Post: #3974
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-17-2010, 06:17 PM
Parent: #3973

Quote: الصور ستدهش الكثيرين أبقوا في الإنتظار وحتماً سيطول

لكن الحندكة ما عندك يا ابوالزوز
Post: #3975
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-17-2010, 09:24 PM
Parent: #3974

اكيد ما فيها جكه لانوقدوره جاى البلد عزابى
يعنى مافى انتظار عند الحنانة ولا هرشات بالموبايل ! !
Post: #3976
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-18-2010, 06:45 AM
Parent: #3975

اللهم رب الناس اذهب الباس اشف انت الشافي شفاءا لا يغادر سقما ...
اللهم يا ربي اشف شقيقة اخونا الرشيد بابكر والبسها ثوب الصحة والعافية ...
اللهم اشف جميع مرضانا ومرضى المسلمين .. امين ..



ومليووووون مراحب بالكوكبة الجديدة
التي نتمني لها اقامة سعيدة بالحوش
مع توقعنا باسهامات متدفقة جديدة
تعيد رونق الحوش لسابق عهدة
Post: #3977
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-18-2010, 07:15 AM
Parent: #3976

صباح الهناء والسرور ...

نرحب بالكوكبة الجديدة و اكيد حيكونو اضافة قوية لحوشنا الاسفيري ...
شكلهم كدا زي الحكومة القومية من دفعة ومن كل كلية زهرة ...

عمو الزناتي سمك عوضية انشاء الله ينفعكم وبالهناء والعافية ...
عوضية للاسماك عندهم شوربة قرقور قوية جدا يغني عليها الكاشف واحمد عجوز زاته كمان ...
للذين لا يعرفون شوربة القرقور ولا حتى الموردة والقراقير فهي اقوى من الكوارع ... حسه في زول اتكلم في السياسة يا جلا ياخي ما تحدر لينا كدا يا عمك ...
Post: #3978
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-18-2010, 07:33 AM
Parent: #3977

هو دفعة البرالمة الجداد ديل ( ادوهم العضوية ولا عايزين يدوهم )

لانو لحدى الان مافى واحد فيهو جازف وظهر ....

يكون راجين شنو ... السمك

كنت متخيل الاقى شوش بايتة فى مربع كاي
Post: #3979
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-18-2010, 07:48 AM
Parent: #3978

تفعيل باسورد سناء الصباغ مطلب شعبى

[email protected]
Post: #3980
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-18-2010, 11:28 AM
Parent: #3979

سلامات يا ناس

مرحب باللاعبين الجد

وفى انتظار اطلالتهم
Post: #3981
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-18-2010, 01:48 PM
Parent: #3980

مساء النور على البلور

مساء الورد والنرجس والياسمين‏

والناس الحلوين والوجوه النيره

ألف مليون مرحب بالكوكبة الجديدة ،،، والدماء

الحارة وزادنا المتدفق ومدادنا المتوهج ،،،،،،

شكراً أخي زهير الزناتي ،،،،

ياهو ده زهير ،،،، بتاعنا الزمان.
Post: #3982
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-18-2010, 04:13 PM
Parent: #3981

يا عبد الدائم طبعاً رسلت الإيميل لبكري وقلت بالله العضوية للشباب بسرعة بس نمرة واحد ده تقلوا لي لغاية ما اقول ليك عوك وأكيد لو جا الباسويرد حا يكون ما مفعل .... وعلي الشباب المذكورين أعلاه مراجعة إيميلاتهم بصورة دورية ,,,, واي زول إسمه ما ورد عليه بإرسال إيميله بسرعة ....
Post: #3983
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-18-2010, 04:29 PM
Parent: #3982

جلال ... محمد عيد ...

وحات خوتكم امبارح الجكة كانت جماعية .... بداها الكوتش ... بحجة أنبوبة الغاز وتبعه كم واحد كده سراً لكن جكة زينب التجاني عينة ودي أسألوا منها جلا
Post: #3984
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-18-2010, 05:49 PM
Parent: #3983

عبد الدائم إطمئن باسويرد سناء الصباغ قد وصلها ولكنها مشغولة بعض الشئ ... لذا توقعها قريباً ... ولو علي سبيل المرور السريع ....


ميسرة نتمني أن يكون هؤلاء إضافة حقيقية مش زي الجماعة الإستلموا الباسويرد بتاعنا وزاغو ... زي وارغو ... شفت الشعر ده يا محمد عيد ...
Post: #3985
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-18-2010, 05:55 PM
Parent: #3983

قيل في الصمت وحفظ اللسان

إن كان يعجبك السكوت فإنه ؛؛؛ قد كان يعجب قبلك الأخيـارا
ولئن ندمت عل سكوتي مــرة ؛؛؛ فلقد ندمت على الكلام مرارا
إن السكوت سلامة ، ولربمـا ؛؛؛ زرع الكـلام عداوة وضــرارا

وقيل

التيـه مفسدة للدين ، منقصة ؛؛ للعقل ، مهتكة للعرض ، فإنتبه
لاتشرهن،فإن الذل في الشره ؛؛ والعز في الحلم لا في البطش والسفه
Post: #3986
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-18-2010, 07:08 PM
Parent: #3985

وصلتني هذه الرسالة قبل قليل ...
دي آخر تقليعة في عالم الإنترنت شوفوا المحن ده ... يا ناس أعملوا حسابكم ... وغيروا باسويرداتكم كلما سنحت الفرصة ...
مسحت بريدهم الإكتروني ورقم التلفون من الرسالة أدناه

Quote:
Good day, Gentlemen.
First of all, this service is illegal..........
We are a Chinese programming group, specialized in Intrusion, Cyber-attack, Backdoors, Trojan, Virus-making, etc. Now we are here to provide
mailbox-cracking service. If you want to get someone's password, like your boss, lover, business competitor, etc, we are able to do that for
you with confidence. Usually it will take us 12 to 72 hours.
Please send all your inquiries to our private mail:
...........
Or you can send SMS or call us at: ...................
Best wishes,
Wang
Post: #3987
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-19-2010, 07:21 AM
Parent: #3986

أصبحنا وأصبح الملك لله الواحد الأحد
اللهم نسألك خير هذا اليوم وخير مابعده
ونعوذ بك من شره وشر مابعده

حكمة اليوم
من شاء عيشا جميلا يستفيد به ؛؛ في دينه ثم في دنياه إقبالا
فلينظرن إلى من فوقه أدبـا ؛؛ وينظرن إلى من دونه مـالا


كثر الترحيب بالأعضاء الجدد ولا نرى المرحب بهم الظاهر ضلوا الطريق
Post: #3988
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-19-2010, 08:17 AM
Parent: #3987

ولدنا العزيز زهير الزناتي
شكرا لموجهوداتك تجاه البوست ...


وصلتني اليوم نفس الرسالة على بريدي ... تحديدا الياهوو
الظاهر الهكر شغلو بقي علني ...

بس لاادري ماذا يكسبون من خدمة الناس بهذه الطريقة
واكبر الظن اذا حاولت الاتصال بهم عن طريق الوصلة التي بالرسالة سوف يتم سرقة
كلمة السر الخاصة لبريدك الالكتروني نفسة
يجب توخي الحذر ... وعدم التعامل مع مثل هذه الرسائل
وتغيير كلمات السر بصورة دورية خاصة اذا كانت تصلك رسائل عملية مهمة على بريدك



وين صور السمك ... منتظرين
جلا عليك بقصص ... الجكة
Post: #3989
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-19-2010, 08:17 AM
Parent: #3987

صباح الهناء والسرور ...

اصبحنا واصبح الملك لله ...

جكة سمك عوضية الجماعية دي استايل جديد ... نحن عايزين نعرف العلاقة بين سمك عوضية والجكة ???? ... وليه سمـك جبل اوليا ما معاه جكة ...
عمو الزناتي بالله عليك ادينا التفاسير ...
Post: #3990
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-19-2010, 08:57 AM
Parent: #3989

شــطة عوضية حارة يا بادى عشان كده بعض الناس بتجك

اما جبل اولياء الجكة الا تتحول لسباق مارثون وده ما بقدر عليهو الا نملة


ــــــــــــ

الصباح لقيت البوست فى الصفحة التانية بعد عملت مداخلة اتراجعت
قلت ما بتدخل فى شغل البادى
Post: #3991
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-19-2010, 09:54 AM
Parent: #3990

صباح الخير ،،،يا وجوه الخير

أصبحنا وأصبح الملك لله،،، وحده

من آداب الدعاء وأسباب الإجابة،،،
- الدعاء في الرخاء والشدة
- عدم الدعاء على الأهل والمال والولد والنفس
- الإعتراف بالذنب والإستغفار منه
- عدم تكلف السجع في الدعاء
- التضرع والخشوع والرغبة والرهبة
- رد المظالم مع التوبة
Post: #3992
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-19-2010, 11:06 AM
Parent: #3991

سلامات يا ناس

وين المُرَّحبْ بهم كما قال أحمد اسماعيل ويبدو

انهم شغالين يَسِّنو فى الأدوات..

تحذير : أى مداخلة عن جكة سمك عوضيه هى هكر...اعملوا حسابكم.
Post: #3993
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-19-2010, 01:23 PM
Parent: #3992

مساكم الله بالخير
دعوني أولا أرحب بكل الاضافات الجميلة الجديدة...و جميلة دي مجازية يا جماعة عشان ما يجي واحد يقول لي محمد المرتضى ده ما بيندرج تحت الفئة دي...و لكن من خبر محمد المرتضى و رأه من قريب شديد...
حيتأكد ليهو انه...ما بيندرج مع الفئة المجرده...يعني غير المجازية....و لأنه صاحبي الروح بالروح أنا عارفو ما بيزعل مني...
و هو زاتو العارف عزو مستريح...

مصطفى صاحبي...و صاحبي دي برضو مجازية هنا...لأنو مصطفى موديل جديد ما هكر زي كده...بس بيجمعنا عمل واحد عشان كده بقول مصطفى صاحبي...
مصطفى هيمان و متيم للحد البعيد...
مسجل ليك في الموبايل بتاعو كل أغاني الهيام و الغرام...
أخوانه و أخواته في البيت مجننو ليك جن...
كل ما يجو يلقوا مصطفى بيسمع ليهو في أغنية يشبكو ليك...
كيفك يا قيس...
أخبار الميرندا شنو..
كيفك يا حبه يا ملك المحبة..
كرهو ليك الغناء و الميراندا...الا أم مصطفى و صاحبتو ساكته ساكت..
يوم واحد ما قالت حاجه...
يا تكون عاجبه العجب و يا تكون راقده فوق راي..
مصطفى بقى لكي يتجنب السخرية بتاعت الجماعة..
بقى يشيل الموبايل و يدخل الحمام و يسمع بي مزاااااج...
يوم في الحمام مشغل ليك أسبوع تمام بتاعت هاشم ميرغني...
و صوتو طالع من الحمام البيت كلو بيسمع...و مافي زول قادر يدخل الحمام..
بعد ساعة طلع من الحمام...أخوانو يسخروا منو..
انت يا حبة ده أسبوع بس لو خمس سنين بتاعت محمد الأمين كان طلعت بكره..
المفاجأة كانت من الوالده...
انت يا مصطفى البت المجنناك دي بتقرأ تحاليل طبية...
لا يا أمي....ليه..
شايفاك ما بتسمعها الا محل الفسحة...
Post: #3994
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 06:39 PM
Parent: #3993

أولاً يا حلوين .... الشباب ديل لسه خبر ... يعني بكري ما إتعطف عليهم بالعضوية لسه ... فمافي داعي تشيلوا حالهم من الآن ... دي حاجة الحاجة التانية بخصوص جكة عوضية التفسير كالآتي ... في جبل أولياء الزول ما بيقدر يزوغ من بت الشيخ ولا ود الشيخ ... يعني بيجيبوا معاهو لحام ... عشان كده بيكون قاعد بدون إنزعاج ... اما في عوضية الموضوع فيهو زوغة والله ماشي السلاح الطبي أزور لي زول عيان .. ولا حبوبة واحد صاحبنا في الشغل ماتت وماشي أشيل الفاتحة ولا غيرها من الأعذار ... اها الونسة في محل عوضية لذيذة .. فجأة الزول يقوم يجيهو ليك تلفون مستعجل ... لو فتح مشكلة لأنه أصوات الناس والضحك بتفتضح المسألة ... يقوم يعمل نائم وما يرد علي المكالمة ... أها تغلبوا الونسة ... وياخد ليهو سرحه طويلة ... وفجأة تاني التلفون يدق ... يا عمل نائم ,,,, يا طلع علي شارع الموردة ... ورد جنب العربات المسرعة عشان يعمل رايح ...أها قلتي شنو ... آي أنا قريب في الشارع .. بعد نهرة نهرتين صاحبك يقوم جاكي نحو الهدف دي الفرق بين سمك جبل أولياء ... وسمك عوضية ... وده الفرق يا البادي بين الزول البيلقي فرصة يزوع حبه .. وبين الزول الماقادر حتي علي الزوغة نص ساعة بس زيك كده ... أحب السمك ذاتو ... لكن والله للأمانة زينب جكاكة عديل كده ... وممكن بإرتياح المارثون الجاي بتاع ناس عمر نملة تجي في الألفية الأولي
Post: #3995
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 07:00 PM
Parent: #3994

يا رشدي والله أكيد الزول ده أمه رباطابية
Post: #3996
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-19-2010, 07:14 PM
Parent: #3995

انت يا أبو الزوز...انت الناس دي كلها عند عوضية بين جاكي و متلبد وراء العربات..
ما وريتنا موقف قدورة شنو...
لو قدورة زاتو جاكي معاكم...
تكون بت شيخ قدورة دي زي أمريكا...
هرشة عابرة قارات...
Post: #3997
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 07:23 PM
Parent: #3996

يا رشدي بمناسبة أمريكا ... الولد عمر بسكو عاملين ليهو أسورة مراقبة زي بتاعت البوليس الأمريكي ديك ... اها بت شيخه لمن تجي السودان الراجل خط سيره معروف ومحدد بالكمبيوتر .. بنك البركة والبيت مباشرة ... اي تخريمة جاي ولا جاي اللابتوب يصفر ... مافي طريقة لأي زوغة ... عشان كده ممكن صاحبك قدورة ممكن يكون مستخدمين معاه نفس التقنية ... عشان كده لازم الناس تعمل حسابها من موضوع الأسورة ده ...
Post: #3998
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-19-2010, 07:47 PM
Parent: #3997

Quote: الولد عمر بسكو عاملين ليهو أسورة مراقبة زي بتاعت البوليس الأمريكي ديك


ما معقول يا أبو الزوز...

و الله أنا كنت قايل بسكو ده شجاع زينا كده...

طلع زي الجماعة...
Post: #3999
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 07:54 PM
Parent: #3998

إنت مالك فارقت الجماعة ... بسكو شجاع زيك وزي الجماعة ... ما تطلع روحك ساكت نقوم نجيب الأدلة والبراهين ... خليها مستورة زي ما قال علي الحاج
Post: #4000
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-19-2010, 08:46 PM
Parent: #3999

Quote: إنت مالك فارقت الجماعة ... بسكو شجاع زيك وزي الجماعة ... ما تطلع روحك ساكت نقوم نجيب الأدلة والبراهين ... خليها مستورة زي ما قال علي الحاج


وقت جابت ليها أدلة و براهين أحسن أسكت ساكت...

و كمان لا ترقى للمعايير الدولية...و يجب اعادتها...

و خليها مستورة زي ما قال علي الحاج...
Post: #4001
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 09:05 PM
Parent: #4000

Quote: كمان لا ترقى للمعايير الدولية...و يجب اعادتها...


شنو هي ... الأسورة .؟؟؟؟؟ (وش برئ)
Post: #4002
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 09:15 PM
Parent: #4001



قلبها

الإهداء لطارق جبريل
Post: #4003
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 09:26 PM
Parent: #4002



الإهداء كمال الشادي
Post: #4004
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-19-2010, 09:31 PM
Parent: #4003



الإهداء لموسي عيسي
Post: #4005
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-20-2010, 06:06 AM
Parent: #4004

سلامات يا ناس

وصباحات التفاؤل

الليلة سبقنا ناس الصباح ...ميسرة واحمد اسماعيل والبادى

( عمّر الله قلوبكم بالأنوار،وحفظكم من الأخطار،وأسعدكم مادام

الليل والنهار،وجعل حياتكم حياة الصالحين الأبرار)

( غير قابل للكوبى والبيست.
Post: #4006
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-20-2010, 06:09 AM
Parent: #4005

سلامات يا ناس

Quote: و الله أنا كنت قايل بسكو ده شجاع زينا كده...

طلع زي الجماعة...


شجاعة (مقطوعة) النظير.
Post: #4007
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-20-2010, 06:42 AM
Parent: #4006

Quote: إنت مالك فارقت الجماعة ... بسكو شجاع زيك وزي الجماعة ... ما تطلع روحك ساكت نقوم نجيب الأدلة والبراهين ... خليها مستورة زي ما قال علي الحاج


صباح النور 000 صباح الهنا والسرور
أصبحنا وأصبح الملك لله الواحد الأحـد

بما أن زهير يالرشيد اقنعك تخليها مستورة
لكن والله ماعرفناهـ معانـا ولا معاهـم
وطال ماهو محترف زيكم أنت وميسرة ومحمد صديق
الظاهر لاعب على الحبلين.
Post: #4008
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-20-2010, 06:47 AM
Parent: #4007

سلامات يا ناس

Quote: وطال ماهو محترف زيكم أنت وميسرة ومحمد صديق
الظاهر لاعب على الحبلين.


احمد اسماعيل ...سلام

لاتستمع الى احاديث المرجفين فى المدينة بالذات فى الموضوع

ده وجكّة السمك.

اخبار موسى عيسى شنو..غيابو انشاء الله عافية.
Post: #4009
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-20-2010, 08:05 AM
Parent: #4008

Quote: اخبار موسى عيسى شنو..غيابو انشاء الله عافية.

تسأل منك العافية ...
شوية مشغوليات كدة ...
ان شاء الله من السبت وغادي "بصبكم" صب شديد..... "ولقدح الذاكرة" من هو الزقازيقي صاحب التعبير "صب" وماذا يعني؟




















---
هذا ولا يخفي على فطنة القارئ ان جلال مركب مكنة موسى عيسى
Post: #4010
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-20-2010, 08:10 AM
Parent: #4008

صبحكم الله بالخير

تصلي صلاتك...تقرأ أورادك...تشرب قهوتك الصباحية...تضرب لي بت شيخك تصبح عليها...تدعو ليك بالتوفيق و تدعو ليها بالتوفيق...تتوكل و تمرق من بيتك..تركب عربيتك تشم ريحة جميلة...تفتح الشباك تتنسم هواء عليل و طيب...ينشرح صدرك و ينبسط وجهك...تتحرك يدك لا اراديا الى مشغل الأقراص بعربيتك و تشغله...يأتيك صوت طمبور حنين...و صوت معني رخيم......يقول
سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام

تردد يا سلام ...يا سلام...على الطمبور و الصوت الرخيم...و الكلمات الجميلة التي ألهمت المغني هذا اللحن الجميل...
هذه رقيتي اليومية ضد الدبرسة و هموم الشغل و ضغط الحياه و فراق الأحبة و صمت الليل...

تخريمة:
يا زهير أرجو ارسال دليل التشغيل لمحمد المرتضى مع الباسورد حتى يتمكن من الدخول الى حسابه...أنا ما خايف انو ما يعرف يدخل...أنا خايفو يدخل غلط و يقوم بكري يفتكر المنبر اتهكر...
Post: #4011
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-20-2010, 08:28 AM
Parent: #4008

صباح الخير ،،، يا وجوه الخير

أصبحنا وأصبح الملك ،،، لله وحده

فضل الدعاء :

قال الله تعالي (وإذا سألك عبادي عني فإني قريبٌ أجيب دعوة
الداعي إذا دعانِ فليستجيبوا لي وليؤمنوا بي لعهم يرشُدُون)

وقال عليه الصلاة والسلام (ما من مُسلم يدعو الله بدعوة ليس فيها
إثم ولا قيعةُ رحم إلا أعطاهُ الله بها إحدى ثلاثٍ ، إما أن تُعجل له دعوتهُ
وإما أن َيدخِرها له في الآخرة ، وإما أن يَصرِف عنهُ من السوءِ مثلها)

اللهم أغفر لنا ذنوبنا ما ظهر منها وما بطن،،،
Post: #4012
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-20-2010, 08:52 AM
Parent: #4011

ياسر نجيلة في جلباب أحمد اسماعيل ... تحياتي يا ابوحميد ...


القصة الاولى:

مواطن بلجيكي دأب طوال 20عاماً على عبور الحدود نحو ألمانيا بشكل يومي على دراجته الهوائية حاملا على ظهره حقيبة مملوءة بالتراب، وكان رجال الحدود الألمان على يقين انه "يهرب" شيئاً ما ولكنهم في كل مرة لا يجدون معه غير التراب (!).
السر الحقيقي لم يكشف إلا بعد وفاة السيد ديستان حين وجدت في مذكراته الجملة التالية: "حتى زوجتي لم تعلم انني بنيت ثروتي على تهريب الدراجات إلى ألمانيا"!!.

أما عنصر الذكاء هنا فهو (ذر الرماد في العيون وتحويل أنظار الناس عن هدفك الحقيقي!).

القصة الثانية:

أيضاً، جاء عن حذيفة بن اليمان انه قال: دعاني رسول الله ونحن في غزوة الخندق فقال لي: اذهب الى معسكر قريش فانظر ماذا يفعلون، فذهبت فدخلت في القوم (والريح من شدتها لا تجعل احداً يعرف احدا) فقال ابو سفيان: يا معشر قريش لينظر كل امرئ من يجالس (خوفا من الدخلاء والجواسيس) فقال حذيفة: فأخذت بيد الرجل الذي بجانبي وقلت: من أنت يا رجل؟ فقال مرتبكا: أنا فلان بن فلان!.

وعنصر الذكاء هنا.. (أخذ زمام المبادرة والتصرف بثقة تبعد الشك؟).

القصة الثالثه:


أما أبو حنيفة فتحدث يوما فقال: احتجت إلى الماء بالبادية فمر اعرابي ومعه قربة ماء فأبى إلا أن يبيعني اياها بخمسة دراهم فدفعت إليه الدراهم ولم يكن معي غيرها.. وبعد أن ارتويت قلت: يا أعرابي هل لك في السويق، قال: هات.. فأعطيته سويقا جافا اكل منه حتى عطش ثم قال: ناولني شربة ماء؟ قلت: القدح بخمسة دراهم، فاسترددت مالي واحتفظت بالقربة!!.

.. وعنصر الذكاء هنا (إضمار النية وخلق ظروف الفوز)!!

القصة الرابعة

هناك حركة ذكية بالفعل قام بها أحد النبلاء الفرنسيين.. فذات يوم عاد لقصره قلقاً متجهم الوجه فسألته زوجته عن السبب فقال: أخبرني الماركيز كاجيلسترو (وكان معروفا بممارسة السحر والعرافة) انك تخونينني مع أقرب أصدقائي فصفعته بلا شعور.. فقالت الزوجة بهدوء: وهل أفهم من هذا أنك لم تصدق ادعاءه!؟ فقال: بالطبع لم أصدق كلامه، إلا أنه هددني بقوله "إن كان كلامي صحيحا ستستيقظ غدا وقد تحولتَ إلى قطة سوداء"!.. وفي صباح اليوم التالي استيقظت الزوجة فوجدت بجانبها قطة نائمة فصرخت من الرعب والفزع ثم عادت وركعت أمامها تعتذر وتطلب منها الصفح والغفران.. وفي تلك اللحظة بالذات خرج الزوج من خلف الستارة وبيده سيف مسلط!.

وعنصر الذكاء هنا هو (استغلال خرافات الآخرين والاتجاه بتفكيرهم لنهاية تخدم مصلحتك)!!.


القصة الخامسة:

عندما كادت هيئة المحكمة أن تنطق بحكم الاعدام على قاتل زوجته والتى لم يتم العثور على جثتها رغم توافر كل الادلة التى تدين الزوج - .. وقف محامى الدفاع يتعلق بأى قشة لينقذ موكله ... ثم قال للقاضى
"ليصدر حكماً باعدام على قاتل ... لابد من أن تتوافر لهيئة المحكمة يقين لا يقبل الشك بأن المتهم قد قتل الضحية ..
و الآن .. سيدخل من باب المحكمة ... دليل قوى على براءة موكلى و على أن زوجته حية ترزق !!...
و فتح باب المحكمة و اتجهت أنظار كل من فى القاعة الى الباب ...
و بعد لحظات من الصمت و الترقب ...
لم يدخل أحد من الباب ...
و هنا قال المحامى ...
الكل كان ينتظر دخول القتيلة !! و هذا يؤكد أنه ليس لديكم قناعة مائة بالمائة بأن موكلى قتل زوجته !!!
و هنا هاجت القاعة اعجاباً بذكاء المحامى ..
و تداول القضاة الموقف ...
و جاء الحكم المفاجأة ....
حكم بالإعدام
لتوافر يقين لا يقبل الشك بأن الرجل قتل زوجته !!!
و بعد الحكم تساءل الناس كيف يصدر مثل هذا الحكم ...
فرد القاضى ببساطة...

عندما أوحى المحامى لنا جميعاً بأن الزوجة لم تقتل و مازالت حية ... توجهت أنظارنا جميعاً الى الباب منتظرين دخولها
الا شخصاً واحداً فى القاعة !!!
انه الزوج المتهم !!

لأنه يعلم جيداً أن زوجته قتلت ...
و أن الموتى لا يسيرون



خمسة قصص ... اهداء ... لكسر الروتين ... ولحين ظهور الشادي ...
Post: #4013
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-20-2010, 11:07 AM
Parent: #4012

القصة السادسة يانجيلة

يقال أن للسلطان /علي دينار (فيل) ، فيل السلطان هذا كل سنة
ضيف على قرية من قرى السلطنة ترعاه فيعمل في مزارعها زي ماعايز
هذا الضيف الثقيل تحملته إحدى القرى سنة كاملة ولم يؤخذ عنهم عند
بداية السنة الثانية، تجمع أهل القرية لحل هذه المشكلة ومعروف عن
السلطان علي دبنار لو غضب عليك زمان جهديتو شالوك لذلك كل الناس
تخاف مواجهته لأي موضوع ، واحد من شجعان أهل القرية قال لو جاء
السلطان في زيارته السنوية للقرية انا بقول ( سيدنا الله ينصرك فيل)
عايز واحد ثاني يكمل ، قام واحد قال لو أنت قلت فيل انا بقول
ليه سنتين معانا
عندما قابلوا السلطان في لقائه السنوي بهم، الأول إلتزم وقال فيل
السلطان عاجله بسسؤال (فيل مالو) الثاني خاف وجبن وماقدر يقول
المتفق عليه، الأول كمّل ( فيل لحاله عايزين تجيبوا لنا مرتو)

مانوع عنصر الذكاء هنا يانجيلة

Post: #4014
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-20-2010, 11:17 AM
Parent: #4013

Quote: مانوع عنصر الذكاء هنا يانجيلة



**** الخواف ربي عيالو ****




هاهاهاهاهاهاهههههه
Post: #4015
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-20-2010, 01:33 PM
Parent: #4014

رأيك شنو يا نجيلا بقصة الحمار إبن الحمار

قصة جميلة سمعتها وأحببت ان أضعها بين يديكم لتدرك قصص نجيلا

(القصة السابعة)

كان يا مكان في أحد الاسطبلات العربية معشر من الحمير
وذات يوم أضرب حمار عن الطعام مدة من الزمن
فضعف جسده وتهدّلت أذناه وكاد جسده يقع على الارض من الوهن
فأدرك الحمار الأب ان وضع ابنه يتدهور كل يوم
وأراد أن يفهم منه سبب ذلك
فأتاه على انفراد يستطلع حالته النفسية والصحية التي تزداد تدهورا
فقال له : ما بك يابني؟؟
لقد احضرت لك افضل انواع الشعير.. وأنت لاتزال رافضا ان تأكل..
أخبرني ما بك؟ ولماذا تفعل ذلك بنفسك؟ هل أزعجك أحد؟
رفع الحمار الأبن رأسه وخاطب والده قائلا:
نعم يا أبي .. انهم البشر..
دُهش الأب الحمار وقال لأبنه الصغير:
وما بهم البشر يا بني؟
فقال له: انهم يسخرون منّانحن معشر الحمير..
فقال الأب وكيف ذلك؟
قال الأبن: ألم ترهم كلما قام احدهم بفعل مشين يقولون له يا حمار..أنحن حقا كذلك؟
وكلما قام أحد ابنائهم برذيلة يقولون له يا حمار..
يصفون أغبياءهم بالحمير.. ونحن لسنا كذلك يا أبي..
اننا نعمل دون كلل أو ملل.. ونفهم وندرك.. ولنا مشاعر..
عندها ارتبك الحمار الأب ولم يعرف كيف يردّ على تساؤلات صغيره وهو في
هذه الحالة السيئة ولكن سُرعان ما حرّك أذنيه يُمنة ويٍسرة ثم بدأ يحاور
ابنه محاولا اقناعه حسب منطق الحمير..
انظر يا بني انهم معشر خلقهم الله وفضّلهم على سائر المخلوقات لكنّهم أساؤوا
لأنفسهم كثيرا قبل أن يتوجهو لنا نحن معشرالحمير بالاساءة..
فانظر مثلا..
هل رأيت حمارا في عمرك يسرق مال اخيه؟؟
هل سمعت بذلك؟
هل رأيت حمار ينهب طعام اخيه الحمار؟
هل رأيت حمار يشتكي على أحد من أبناء جنسه؟
هل رأيت حمار يشتم أخيه الحمار أو أحد ابنائه
هل رأيت حمار يضرب زوجته وأولاده؟
هل رأيت زوجات الحمير وبناتهم يتسكعون في الشوارع والمقاهي؟
هل سمعت يوما ما أن الحمير الأمريكان يخططون لقتل الحمير العرب!!
من أجل الحصول على الشعير؟
طبعا لم تسمع بهذه الجرائم الانسانية!!
اذن أطلب منك أن تحّكم عقلك الحميري وأطلب منك أن ترفع رأسي عاليا
وتبقى كعهدي بك حمار ابن حمار
واتركهم يقولو ما يشاؤن..فيكفينا فخرا أننا حمير لانقتل ولا نسرق
ولا نغتاب ولا نسّب...أعجبت هذه الكلمات الحمار الأبن فقام وراح يلتهم
الشعير وهو يقول:

نعم سأبقى كما عهدتني ياأبي ..
سأبقى حمار ابن حمار..!!
Post: #4016
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-20-2010, 01:47 PM
Parent: #4015

يا ريس...هذا رأي الحمار الكبير فينا...

يا ترى ماذا كان سيكون رأي الحمارة فينا نحن البشر....

على أي حال مهما أحصى الحمار الكبير من سوءات في البشر...

سنبقى دائما بشر أبناء بشر...

و لن يغرينا الحمار الكبير بأن نكون حمير أبناء حمير...

حتى و ان جاء بكل شعير الدنيا...
Post: #4017
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-20-2010, 03:31 PM
Parent: #4016

توفي اليوم عم محمد المرتضي ويقام المأتم بالبلابل رقم تلفون محمد المرتضي

0904275229
Post: #4018
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-20-2010, 03:48 PM
Parent: #4016

Quote: سنبقى دائما بشر أبناء بشر...


نظل بشر حتى لو لم نرتق إلى المعايير البشرية

ونظل بشر حتى لو أصبحت المفوضية من جنس الحمير
Post: #4019
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-20-2010, 05:21 PM
Parent: #4016

يا ريس...هذا رأي الحمار الكبير فينا

تقصد ياالرشيد رأي الحمار الكبير في سلوك البشر
ولا تقصد الحمار الكبير من البشر

قصة ثامنة بمناسبة الحمير

في عهد رئيس سوداني عسكري وصف بالحمار
يقال هذا الرئيس طايف بالمروحية يتفقد الحدود
وجد (حصان وديك وحمار) في منطقة نائية متجهين
صوب الحدود، عرف بأنهم مهاجرين وتاركين السودان نهائي
سأل الحصان عن السبب ، الحصان قال انا كنت سيد الحيوانات
الأليفة صاحبي ينظف مكاني ويطيب لي طعامي بالتمر والذرة
وذلك فقط من أجل الجكة وسباق الخيل لكن في عهدكم هذا إتمرمت
وأصبحت فقط حصان كارو كل من هبّ ودبّ يهينني لذلك فضلت الهجرة
الديك قال أنا كنت المؤذن أصحي الناس لصلاة الفجر الناس دائما تشكرني
اما الآن في عهدكم هذا كثرة المشغوليات خلتني أسهى واوؤذن نصف النهار
الناس بقت تلعني
اما الحمار قال ماممكن حمارين يكونوا في بلد واحد
Post: #4020
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-20-2010, 10:07 PM
Parent: #4019

أحر التعازى لخونا الحبيب محمد المرتضى عبد العزيز

فى وفاة المغفور له باذن الله عمه

ونسأل الله للفقيد واسع الرحمة والمغفرة

وان يسكنه فسيح جناته مع الصديقين والصالحين والنبييين

وانا لله وانا اليه راجعون
Post: #4021
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-21-2010, 06:38 AM
Parent: #4020

صباح الهناء والسرور ...

حار التعازي لاخونا محمد المرتضى في وفاة عمه ..
اللهم ارحمه رحمة واسعة وتقبله قبولا حسن وادخله الفردوس الاعلى من الجنة .. امين
Post: #4022
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-21-2010, 06:53 AM
Parent: #4021

تعازينا الحارة لولدنا محمد المرتضى ولاسرته الكريمة

فى وفاة المغفور له باذن الله عمه

ونسأل الله للفقيد واسع الرحمة والمغفرة

وان يسكنه فسيح جناته مع الصديقين والصالحين والنبييين

وانا لله وانا اليه راجعون
Post: #4025
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-21-2010, 07:14 AM
Parent: #4022

Quote: اذن أطلب منك أن تحّكم عقلك الحميري وأطلب منك أن ترفع رأسي عاليا
وتبقى كعهدي بك حمار ابن حمار


وعنصر الذكاء هنا ياريس (حتي الحمير " تبرأو " منا ... بقينا جنس غير مرغوب فيه ... من عمايلنا ) ...



Quote: يا ترى ماذا كان سيكون رأي الحمارة فينا نحن البشر....



رشيد القوم ... الحمير ديل عندهم بنات شيخ برضو ؟؟؟؟؟ ... والجكة كيف عندهم ...
Post: #4023
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-21-2010, 06:55 AM
Parent: #4021

اصبحنا وأصبح الملك لله رب العالمين

صادق العزاء للأخ محمد المرتضى في وفاة عمه
نسأل الله لعمه واسع الرحمة وعظيم المغفرة
وإنا لله وإنا إليه راجعون
Post: #4024
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-21-2010, 07:12 AM
Parent: #4023

سلامات يا ناس

وصباحات التفاؤل

Quote: تسأل منك العافية ...
شوية مشغوليات كدة ...
ان شاء الله من السبت وغادي "بصبكم" صب شديد..... "ولقدح الذاكرة" من هو الزقازيقي صاحب التعبير "صب" وماذا يعني؟




جلة يا حبيب ...سلام

وشكرآ على الإفادة ...

العبارة أعتقد كانت لعبدالمجيد عيسى ...وكنكش فيها محمود أدروب( وين الزول ادروب ده)
Post: #4026
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-21-2010, 07:30 AM
Parent: #4023

صباح الخير،،، يا وجوه الخير

أصبحنا وأصبح الملك لله،،، وحده

دعاء الصباح :

اللهم إني أسألك في صلاتي ودعائي .
بركة تطهر بها قلبي ، وتكشف بها كربي ،
وتغفر بها ذنبي ، وتصلح بها أمري ، وتغني بها فقري
وتذهب بها شري ، وتكشف بها همي وغمي ، وتشفي بها سقمي ،
وتجلو بها حزني ، وتجمع بها شملي ، وتبيض بها وجهي ..اللهم آآآمين
Post: #4027
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-21-2010, 08:03 AM
Parent: #4026

صادق العزاء للأخ محمد المرتضى في وفاة عمه
نسأل الله لعمه واسع الرحمة وعظيم المغفرة
وإنا لله وإنا إليه راجعون
Post: #4028
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-21-2010, 09:12 AM
Parent: #4027

خالص التعازى للاخ محمد المرتضى فى وفاة عمه



ـــــــــــــ

ليكم يومين

موضوع كاي



خاص
غايتو يا جنابو من الشهر الجاي الحمل حيبقى عليك تقيل
Post: #4029
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-21-2010, 10:45 AM
Parent: #4028

خالص التعازي للاخ محمد المرتضى في وفاة عمه
نسأل الله ان يتغمده بالرحمة والمغفرة وان يتقبله القبول الحسن
















------
مية مية ياكوتش بس كشاح برضو كان مكنكش
Post: #4030
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-21-2010, 02:15 PM
Parent: #4029

[QUOTE][email protected]

Hello Dear ,
My name is Miss gift, I got your contact details in (www.sudaneseonline.com) and I'm interested in knowing you & being friendly with you . I would appreciate if we get acquainted as soon as possible, you can reach me through my private e-mail stated below so that we can get to know each other better.

My e-mail ( [email protected] )

I quite believe that we can start from here since it takes one to know someone. I want you to understand that race or distance does not matter but loving and caring matters a lot in life. I look forward to hear from you soonest.

Yours truly,

gift.


دون أي مسئولية
Post: #4031
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-21-2010, 02:37 PM
Parent: #4030

وحاتك يا ابوالزوز الايميل دا من الصباح جاني...
لا وشنو قال ليك معاه الترجمة بالعربي
غايتو احسن حاجة عجبتني في الاخر كدة قال ليك التوقيع هدية!!! ....

ابو الزوز كان رديت على الايميل ده "بكلم ليك" ...
انت ماعارف خشمي خفيف ...
Post: #4032
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-21-2010, 02:45 PM
Parent: #4031

يا ابو الجل قيلني فاره ... الإيميلات البيردوا عليها ما بنجيبها هنا ... نموت بي هناك برانا
Post: #4033
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-21-2010, 02:57 PM
Parent: #4031

يا جلال إي إيميل بالإنجليزي إنت داخل فيهو ،،،،،،أنا وصلت
ليك البنت الإسكتلندية دي لحدي مكان إستلام الفلوس بس إنت شد حيلك
وأنا بسلمك ليها وبديك عنوانها ورقم هاتفها والإيميل وحدد لي نسبتي
وكان الموضوع ما نفع معاك عندي ليك واحده تانية عمرها 18سنة برضو بترسل إيميلات
وبعدين لسانك الخفيف ده إقفلوا من بنات الشيخ .

Dear Maisara,

My name is Miss Juliet Williams and i am from Scotland, but I lived and work in London and I work with a security and deposit company where important personnel keep their valuables for a saver keeping, The name of the company is Global Trust Security and Deposit Company London,UK.which am the Director of operation.

I met you on skype as i was searching for the relative of our late client who deposited a consignment containing huge amount of money in a Trunk box after which he deposited it with our security company as Family Treasure,this man Late Tarek Ali Ahmed died in an Auto crash with his wife and kids and from the time of the incident till now,no member of his relatives have shown up to claim his deposited consignment,this was why i decided to search to see if i could track any members of his relative from the internet and inform them about the deposited consignment before i met you.

I want to seek your consent to present you as the next of kin to the late man,this man came from United Arab Emirate but lived here in London with his wife and children,before the incident,he was an oil merchant and he deposited a consignment with our company as family treasure containing the sum of $3.5million us dollars, and no one knew about the content of this deposited consignment in our security company,but only me and as am discussing it with you now.although the late man have the same last name with you.


i want to also let you know that from the time of the incident till now, no member of his relatives have shown up to claim this deposited consignment,this is to tell you that no one knows about the consignment,This is my reason why I want to present you as his next of kin, so that the consignment can be released and delivered to you as his next of kin and rightful beneficiary.am going to prepare documents which will authenticate you as his next of kin and also attach your information’s to his file in my office.
The information’s i will need from you to start the official paper work is your full names first, second and last name, country and city where you live direct phone and Fax number including your personal email address, this information’s will be attached to the file of the late man and also the documents which i will prepare that will enable the security company release the trunk box to you as his next of kin without any delay.

After that I will arrange for a lawyer here in London on your behalf who will finalized every arrangement between you and our security company till the consignment is released and delivered to you,

As soon as you receive the consignment, I will resign and come to meet you for the sharing of the total sum as we may agree,Please this discussion should be kept very secret till you claim this consignment which the money contain

after the claim,you will have 45% of the total money and i will have 45% too,we will set aside 10% of the money to pay back for every expenses we may make in the course of this business.

I wait your reply

Miss Juliet Williams
Post: #4034
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-21-2010, 03:15 PM
Parent: #4033

سلام يا أحباب
اليومين ديل عندنا كروراك في الرياض
Post: #4035
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-21-2010, 04:32 PM
Parent: #4034

Quote: اليومين ديل عندنا كروراك في الرياض


يا أبو حميد مزيد من التفاصيل والشرح
Post: #4036
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-21-2010, 04:46 PM
Parent: #4035

14.gif Hosting at Sudaneseonline.com


زهير .. قدامك 24 ساعة لو ما نزلت صور سمك عوضية

سوف أتمادى .. وأتمادى .. و ... !!
Post: #4037
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-21-2010, 04:58 PM
Parent: #4036

يا محمد عيد سيدي الحسن فيك ما تصل الشنب ... الصور دي ما عندي ... مجرد أن تصلني علي الإيميل سأقوم بإنزالها
Post: #4038
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-21-2010, 05:07 PM
Parent: #4037

أحر التعازى لخونا الحبيب محمد المرتضى عبد العزيز

فى وفاة المغفور له باذن الله عمه

ونسأل الله للفقيد واسع الرحمة والمغفرة
Post: #4039
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-21-2010, 05:43 PM
Parent: #4038

يا أبو الزوز التفاصيل مع صحبك جلال
Post: #4040
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-21-2010, 05:48 PM
Parent: #4039

يا أبو حميد بالصدفة الصباح سعدت بتلفون من الصادق أبو سكين ... وعرفت منه التفاصيل ... المهم قلوبنا معكم ... ده نظام عايز أفشل ليكم المفاجأة
Post: #4041
Title: Re: ناس الزقازيق ... أجدع ناس ( 3 ) ..
Author: عمر هواري
Date: 04-21-2010, 11:16 PM
Parent: #4040

إزيكم ياجدعان ..
فاتتني بعض الأحداث الهامة جدأ بسسب عطل فني .. وأهمها عيد ميلاد الأخت العزيزة زينب ..
كل سنة وإنتي طيبة وكل الأعزاء كذلك ..
، سعدنا بلقاء بعض الجدعان في ملحمة الأسماك بملعب عوضية ( سناء، قدورة ، محمد المرتضى ، زوبة ،
الكوتش ، نادر ،صديق،نادر ورجاء، معاوية،والمايسترو زهير وبهجة ..عبدالرحمن.. والحاج جلا الذي أصر على أن يأخذ معه
شوية سمك لبنت الشيخ .(شايفين الإخلاص ده كيف)..برضو تقولوا أنا رافع الراية البيضاء ..
طبعا يعني الواحد ماخايف لكن المراقبة من على البعد دي خطرة شديد
خاصة أنو في تقرير يومي عن كل التحركات لازم الواحد يرفعو ..
بس لسه مأأخدنا عضوية W.H.O) Week Husbands Organisation) ودي طبعأً رئيسها زهير والنائب الرشيد
والسكرتير الكوتش ، وعضوية آخرين .....
Post: #4042
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-22-2010, 00:07 AM
Parent: #4041

فيك الخير والله يا بسكو ...

الوحيد لغاية هسه الجاب شوية تفاصيل لجلسة الانس بملعب عوضية ..

من تكوين الفرق المتبارية بدا واضحا ان المباراة كانت من اجمل مباريات الموسم الجديد

ورغم اننا راضون بأن نحضر المباراة مسجلة ...

الا انه يبدو ان تقنيات التلفزيون القومى لم تستطع حتى الآن الارتقاء لمصاف المحطات الكبيرة

وما زلنا فى انتظار وصول الشريط ( المدسوس منى !! )

ورغم ان كامبوس ( زهير ) اطلق المبررات منذ الآن وان الشريط مع بر جاس

الا اننا بلعناها وفوتناها بمزاج ...

وما زلنا فى الانتظار على المدار
Post: #4043
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-22-2010, 07:59 AM
Parent: #4042

kh11.jpg Hosting at Sudaneseonline.com
Post: #4044
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-22-2010, 08:10 AM
Parent: #4042

سلامات يا ناس

وصباحات التفاؤل

Quote: يا أبو الزوز التفاصيل مع صحبك جلال


احمد ...سلام

اول حاجة ذكرتنى التعلمجية كانوا بقولوا الكورارك دى

الحاجة التانية انت الجبت الكلام وقالوا سمح القول فى

خشم سيدو.

عمر هوارى ..طلع من المرجفين ودى عضوية جديدة مبروكة عليهو

يا محمد عيد...عليك الله اتمادى وانداح.
Post: #4045
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-22-2010, 10:22 AM
Parent: #4044

طال عمركم ان شاء الله التفاصيل سوف تكون بالمستندات والصور ...
وما حا نخليكم تطولوا زي ناس كدة ...
لا اسا ولا "روسين" سمك ساى ما شفناها.
Post: #4046
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-22-2010, 10:31 AM
Parent: #4045

صورة زهير دى يا محمد عيد زكرتنى طلعت زكريا فى فيلم طباخ الريس


قبل كم سنة كان فى واحد بقيف جمب جامعة الاحفاد بعمل نفس الحركات
قبضوه ناس النظام

بس صاحبنا هنا برئ اكيد بشاغل فى الســمك ....
Post: #4047
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-22-2010, 10:44 AM
Parent: #4046

صباح الخير،،، يا وجوه الخير

أصبحنا واصبح الملك لله وحده

دعاء اليوم :

اللّهُـمَّ إِنِّـي أسْـأَلُـكَ خَـيْرَ هـذا الـيَوْم ،

فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ،

وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه
Post: #4048
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-22-2010, 11:01 AM
Parent: #4047

عرفنا الحاجب بلعب عشان شنو ...
بس الكتف ده مالو بطلع وبنزل مع الحاجب ...
متعه ياعيد ... متعك الله

Quote: Please this discussion should be kept very secret till you claim this consignment which the money contain

يعني ياريس قالو ليك very secret تقوم تختها في النت ...



اليوم الخميس ...
ماعارف بذكرني بولدنا منصور ... ليه
سلامنا وتمناتنا ليك بالسعاده يامنص ...

رشيد القوم .... الدبرسة دي تمسك كل الناس
بس انت ... لأ ... وألف لأ ... البحرس البوست منو بعدك
محمد صديق ... الرجل الخفي ... في كل مكان ...
Post: #4049
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-22-2010, 11:01 AM
Parent: #4046


سلام ياكرام

ياكوتش صاحبك موسى عيسى البتسأل عنه عامل غادة وأركان
في مسألة الكروراك دي
ويا أبو الزوز الكروراك كان يستخدم لإعلان مناسبات الأفراح
قبل ماتظهر وسائل الإعلام المختلفة هذه ، وطال ما إلتزم أخونا /جلال
بتنزيل التفاصيل بوسائل الإعلام الحديثة إذا ننسى الكروراك وكدة يكون
شميتوا الخبر وننتظر لمن تسمعوا وتشوفوا.
Post: #4050
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-22-2010, 01:06 PM
Parent: #4049
Post: #4051
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-22-2010, 01:09 PM
Parent: #4049

170420102882.jpg Hosting at Sudaneseonline.com
Post: #4052
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-22-2010, 01:12 PM
Parent: #4049

170420102881.jpg Hosting at Sudaneseonline.com
Post: #4053
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-22-2010, 01:20 PM
Parent: #4052

170420102880.jpg Hosting at Sudaneseonline.com
Post: #4054
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-22-2010, 02:09 PM
Parent: #4053

الحفاظات الحمراء دي فيها
مع الموية شنو
انا ماقلت حاجه
حقيقة لمة روعة
Post: #4055
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-22-2010, 02:16 PM
Parent: #4053

Quote: الله يا كوتش أنا نفسي انقطع عديل كده وبقيت ما قادر أواصل...و مدبرس دبرسة شديدة جدا من المنبر و البوست لدرجة اني بقيت بفتح الكمبيوتر دون أن أعرج على البوست أو المنبر...
كل أول و ليهو آخر...


كلام خطير يارشدي
Post: #4056
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-22-2010, 02:19 PM
Parent: #4053

علمت أن والدة الأخ علي أحمد يوسف قد توفيت إلي رحمة مولاها....... وهو الآن في السودان ولم نتحصل علي تلفونه بعد ..... لها الرحمة والمغفرة ,,,, رحمها رحمة واسعة وأسكنها فسيح جناته مع الصديقين والشهداء وحسن أولئك رفيقا .... وألهم آله الصبر والسلوان وللأخ علي صادق التعازي
Post: #4057
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-22-2010, 02:30 PM
Parent: #4056

يوم السبت بعد غد قندهار ... لحمة طازة وونسة حميمة ... كل الناس .... بدون فرز ... ستصلكم الرسائل مساء اليوم علي تلفوناتكم ... هذا بمثابة دعوة للجميع ....
Post: #4058
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-22-2010, 04:25 PM
Parent: #4057

والله اللمة عندكم الشاي ده ليبتون ولا زهرة الشمس

ياحليل شاي زهرة الشمس وحب التسالي وبالمرة خميرة أحمد عوض وأهم وأفضل
من دي كلها الفضة
Post: #4059
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-22-2010, 04:49 PM
Parent: #4058

أحمد إسماعيل يا عجوز ... عليك الله إنت ما زمن شاي زهرة الشمس ... ده عصر الزرافتين والغزالتين
Post: #4060
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-23-2010, 06:37 AM
Parent: #4059

سلامات يا ناس

Quote: ياحليل شاي زهرة الشمس وحب التسالي وبالمرة خميرة أحمد عوض وأهم وأفضل
من دي كلها الفضة


صباحات التفاؤل...ويا حليلن دوام بطراهم.
Post: #4061
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 04-23-2010, 10:03 AM
Parent: #4060

جعل الله جمعتكم مباركة ودعاءكم مستجاب ..
اعزرونى للانقطاع الغير مقصود ..
احر التعازى لمحمد المرتضى فى وفاة عمه
سلامتها خالتك يا جادين ربنا يطمنك اكثر عليها..
الف سلامه لعناب النضيفة بت النضييفين ويا ديدو سلامتك من الانفلونزا واشرب عصير برتقال فريش انت عاد شبه القرض ( oh no)القرض والحاجات البلدى ذى خليها لى ناسهاومرسل ليك من ابوظبى بابونج وجنجر مع الليمون.
زوبةدى يا جماعةماا بتزعل منى كل سنة وهى اجمل واحلى وشكرا على الاتصال شوفتوا اتصلت عشان تطمئن على وعشان اهنيها بعيدها عقبال مليون شمعة ..
صحتين على قلوبكن كبكم ينفعكم السمك انشاء الله..
دمتم سالمين
Post: #4062
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-24-2010, 06:52 AM
Parent: #4061

صباح الهناء والسرور ...

عمو الزناتي .. لمة قندهار اليوم السبت انشاء الله تكون جميلة كسابقاتها ...
لكن يا عمك نحن يوم السبت شغالين دوام كامل يعني ما ممكن يفوتنا كل الجمال دا .. يا ربي قندهار ما فيها جكة ليه ??? على الرغم من حرارة الشطة ووجود المساحات المغرية ..
لكن لو اخونا منصور مبتكر الجكات تقندهر (يعني زار قندهار) كان بقت عندنا جكة قندهار بالنهار الما خمج ...

قبل كم يوم كدا مشينا فطرنا في شارع عبيد ختم في محل جديد اسمه مشويات ام درمان .. وكان المكان زحمة بالسماسرة وبقية الناس .. الحاجة قاعدها وقداما اربعة صاجات وما قادرها تلحق تخلص الشية وبعض الناس عملوا refund بسبب التاخير وبسبب الضغوط الحاجة قامت انتفضت وقالت "دا انا خبرة خمسة سنة في قندهار عمري ما شفتا عدم نظام زي دا" يعني الحاجة الـCV بتاعتها مجيهة ...
Post: #4064
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-24-2010, 07:30 AM
Parent: #4062

صباح الخير ،،، يا وجوه الخير

أصبحنا وأصبح الملك لله ،،، وحده

دعاء الصباح :

*اللهم ثبتني وأجعلني هادياً مهدياً
* اللهم آتني الحكمة التي من أُتيها
فقد أُتِي خيراً كثيراً ،،،،،،،،
Post: #4063
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 07:07 AM
Parent: #4061

وكانت ليلة من أجمل الليالي ....
ليلة كانت من جنان رضوان ... ترم تررم ترررم
حتي الرياض "المدينة" ابت الا ان تشاركنا الفرحة
فاغتسلت بالامطار الغزيرة وتجملت وتجلت ...
وهطلت مرة اخرى لتجعلنا اكثر قرباً وجمعتنا حول الشادي ومكي
واستمتعنا بالغناء الجميل ... المعتق ...

واستمتعنا وشرفنا هذه المرة بلقيا احباب لنا التقيناهم بشوق وحب
وكانت لقيا بعد سنين عددا ...

... يتبع ...
Post: #4065
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 07:41 AM
Parent: #4063

حضور مميز وأنيق ....
دكتورة زينب بشير المحتفى بها ...
حاج الركز وعفاف والجيفارات
محجوب حسن ربيع وسميرة عبدالرحمن واولادهم ...
وشرف ليلتنا الاستاذ الشاعر نصار الحاج وابدع ...

وسوف تتوالى المفاجاءات ...
















-----
اختلف تكتيك هذه الليلة .... ومافي زول يقول لي وينا الصور
صور مافي .... في حاجات تانية ...
Post: #4066
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-24-2010, 08:28 AM
Parent: #4065

ابو الجل
صباح الخير
لك ولكل ناس الزقازيق الرائعين في كل مكان
على الطلاق
راجع
بس خفسة صغيرة
وراجع
Post: #4072
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-24-2010, 09:46 AM
Parent: #4066

السلام عليكم معشر الزقازيقاب

ياسلام وياسلام على كل الإخوة الزقزيقاب
وياسلام على كمال الشادي ومكي حمز ونصارالحاج والله امتعونا في عز المطر
وياسلام على إستجابة وسماحة الزقازيقاب لهذه اللمة الإرتجالية
ونطمئن الإخوة الذين يسألون عن الإخوة منصور عبد الرازق وموسى عيسى
وعثمان الخير والأخ الحربي قيس جمال الدين المتواجد في كل تجمعات ناس
الرياض رغم البعد بأنهم عال العال.

على هامش الجلسة أخونا عبد المحسن دفعة عندما شاف دكتورة زينب بشير
قال عندما كنا برالمة في الزقازيق أخذنا لينا سندوتشات من محل بتاع
فول شكل مانظيف في منشية أباظة واقفين نأكل أمام المحل جات الدكتورة دي مع
زميلاتها ونادونا وفالن لينا تاني ماتأكلوا من هذا المحل. عايزين تعليق؛؛
Post: #4067
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-24-2010, 08:46 AM
Parent: #4065

فى بعض الاحيان
وعندما تستبد بك ماعارف شنو
وتملاك حاجات ما عارف اسمها شنو
وتقول يا ربى , انا البيرجعنى شنو
وتفتش وتفتش وتفتش , تلقى طريق الرجعة صعب
صعب صعب يا على , الحب صعب يا على
تقوم (فجعة ) كده , تشم ليك حاجة
حاجة لا تعرفها , فليل دمور , ولا تفرزها من ارامس
تشبه ريحة المطرة , وما مطرة
لونها ذهبى محمر , ولكنها لا جمر , لا شية جمر
شكلها مستطيل (متداور ) , وممكن تكون دائرة (متطاولة )
لا بتنمحى , لا بتبتدى , لا بتنتهى , لا بيغشاها الحريق
زى ضلنا , وما ضلنا
زى شمسنا , لكنها باااااردة
زى كسير تلجنا , لكن الدفو والحرارة , كا تلاتنو
زى خميسنا الليل زماااان , لكنه ممزوج بى زهجة سبت
وزى سبتنا الفى الطريق , لكنه معطون بى (جن ) خميسنا الما خمج
اقول سمح , يمكن لا وطبعا لا
اقول لذيذ , يمكن لا وطبعا لا
ما هو الجمال مكملو
رائحة سمك عوضية , ومنظر محمد المرتضى المن بعيد
وقعدة بت النوبة التى (كاد السمك المسكين ان يفر منها فرارا )
ودكتورة رجاء وهى بين بت النوبة , ونادر فاروق
ومعاوية يحيى , وجلا , والكوتش , وقدورة معتقلا (كباية الشاى )
ما ناقصها وحاتكم , الا انا فى نصكم
ان شاء الله بعد داك
اجك زاتو  
Post: #4070
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-24-2010, 09:12 AM
Parent: #4067


انا باقى لى مطول منكم
بتقبلوها منى لو قلت مشتاق ليكم ؟؟؟!!!
ولا اخش فى المفيد
اى زول كان عنده عزاء , البركة فيكم
اى زول كان عيان ولا اخته فى الأردن عيانة , ربنا يكتب الشفاء
اى زول اتصل واى زول ما اتصل واى زول فكر يتصل , شكرا جزيلا
دورة حياتى , كانت مارة بمنحنى زهج مدارى , لا اصل له ولا فصل
حاجات كده بين مشغوليات , ملخبطة بى شوية زهج , معطونة بى كم احباطات هائلة
بس لكنى اكتشفت اكتشاف رهيب
الزحة من البوست ده , كان كنتو زهجانين , بتزيد زهجكم
وكان كنتوا مشغولين , بتزيد انشغالكم
وكان كنتوا محبطين , بتكسركم عديل وبتجيب آخركم وتزيد كثافتكم
يعنى اعرفوا حاجة ,داءكم , ياهو دواكم
شخصيا وانا فى دياجير زهج وانشغال , عليها شوية احباط وقلة حيلة
جانى عارفين تلفون من منو ؟؟
من شوش
آآآآى والله , شوش عدييييل كده
فاذا بالأزاهير تتفتح , واذا بالهزار يغنى , واذا بى انا كمن هو فى (فينيسيا العائمة )
بندقية الزمان , و (فيردوفيا المكان )
يا ربى انا منصور , ولا على محمود طه المهندس ؟؟!!
المديرة شوش , التى خسرت بعدم لقياها فى مربع كاى , ولا فى معامل تكنولوجيا الأغذية
هكذا تتفقدنى بصلة الكتابة وتواصل الحروف
فارتفع ولا انخفض , حتى لم يعد يفصلنى عن (الان ديلون ) الا شعرة
اجمل فعل ياتى به بنى آدم , تجاه زميله البنى آدم
قدرته على رفع معنوياته , ساعة انخفاضها
بالغتى عديييييل يا شوش
انا ممنون ليكى بهذه الألتفاتة المدهشة
ورفعة المعنويات , الكنا قايلين انها عايزة ليها (رافعة شوكية )
وعشان اكمل كسير تلجى العاجبنى ده
واحد باسويرد لى شوش وصلحه يا سيد الباسويردات انت يااااااااااااااااااااااا
Post: #4068
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 04-24-2010, 08:56 AM
Parent: #4065

التحية للجدعان

والعزاء موصول للاخوة محمد المرتضى وعلي احمد يوسف وربنا يجعلها آخر الاحزان

والرحمة والمغفرة للفقيدين يا رب ..

نعم أخي جلة: ليلة الخميس كانت ولا ألف ليلة , كانت ليلة نديه تعانقنا فيها

وتسامرنا وطربنا حتى الثمالة ..

شدى فيها الشادي فأبدع وتغنى مكي فأمتع وكتبنا معه رسائل طويلة لأمهاتنا

اللآي إفتقناهن كثيرآ ..

كذلك سعدنا فيهابسماع صوت الريس ميسرة سيدأحمد عبر الاثير وأيضا حبيبنا

وسيد حوشنا عصام دهب .

فالتحية لكل الحضور الانيق وللمحتفى بها د/زينب بشير وأبنائهاالذين اثبتوا لنا

أصالة معدنهم الزقازيقي حيث جعلونا نحن الضيوف من خلال حركتهم الدائبة في خدمة

الحضور فالتحية لهم مجددآ..

كذلك الشكر والتقدير لكل الذين ساهموا بجهدهم ووقتهم حتى تكون هذه الليلة

بهذا الألق الجميل ...
Post: #4069
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-24-2010, 09:06 AM
Parent: #4068

الاخ الحبيب علي احمد يوسف
ندعو المولي عز وجل ان يرحم الوالدة
ويحسن اليها ويكرم نزلها ويغفر لها
وان يلهمكم الصبر الجميل وتعازينا
لكافةالاهل وانا لله وانا اليه راجعون
Post: #4071
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-24-2010, 09:33 AM
Parent: #4069

Quote: ابو الجل
صباح الخير
لك ولكل ناس الزقازيق الرائعين في كل مكان
على الطلاق
راجع
بس خفسة صغيرة
وراجع


الله أعلم!!!!!!!!!!!!!

سعدت يوم أمس كثيراً مع ناس الرياض

ناس متحركين ومجتهدين وعاجباني سرعة حركتهم

وسعدت كثيراً بالتحدث لبعض الإخوه وعلى رأسهم مصطفى عبدالجواد

وعودة كمال الشادي وسعادتي كانت أكثر حين تحدثت عبر المايكرفون

للجمع الزقازيقي الكريم بالرياض .

إنشاء الله تامين ولامين وعقبال ناس جده،،،،
Post: #4073
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 10:29 AM
Parent: #4071

بسم الله ما شاء الله وعيني بااااااااااااردة
والله بسحروكم اها ظهور القمر بالنهار دا شفتوهوا
عقبال كل الاقمار المختفية ...

بس بجو انا واثق ....

















-------
الرشيد مداخلة نهارية يامحسنين
Post: #4074
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 10:47 AM
Parent: #4073

طيب سؤال للمختصين اللى زينا كدة
الفيديو بنزلوا هنا كيف؟ يعني تفيدونا بكل التفاصيل
عشان تشوفو العجب ...
Post: #4075
Title: Re: ناس الزقازيق ... أجدع ناس ( 3 ) ..
Author: عصام دهب
Date: 04-24-2010, 10:50 AM
Parent: #4071

تحية و سلام لأجدع و أعزّ ناس ..


و التعازي الصادقة للأخ العزيز / علي أحمد يوسف في وفاة والدته و للأخ العزيز / محمد المرتضى في وفاة عمه و أسال الله تعالى أن يتقبلهما بواسع رحمته و عظيم مغفرته و أن ينزلهما الفراديس العلى من الجنان و يلهم زميلينا علي و محمد المرتضى الصبر الجميل على فقدهم الجلل ..ـ

و تحية إعتزاز ومودة و تقدير و إحترام لزقازيقاب الرياض و هم يؤكدون على أصالة معدنهم النقي بتواصلهم الرائع و تناديهم للإحتفاء بالزقازيقابية د. زينب .. و تحية لهم في تلاقيهم الجميل و هم يطوقون عنقي بجميل لن أنساه حينما شرفوني بمخاطبة جمعهم الكريم .. و يبدو أنني غير محظوظ فعلاً لأنني في خلال الأسبوع المنصرم قصدت الرياض مرتين في مهمتي عمل ولم أكن أعلم بأمر هذا اللقاء و إلا لما ترددت في حضوره .. لكن إن شاء الله الجايات أكتر و يشرفني حضور مثل هذا الجمع الطيب و إن شاء الله دايماً تامين و لامين و على الخير مجتمعين ..
Post: #4076
Title: Re: ناس الزقازيق ... أجدع ناس ( 3 ) ..
Author: عصام دهب
Date: 04-24-2010, 11:15 AM
Parent: #4075

قولوا معي مليون مبروك ..

لبتنا الزقازيقابية الشقيقة الأستاذة و حضرة النائبة / مثابة حاج حسن عثمان و هي تسجل إنتصاراً كبيراً للزقازيقاب بتفوقها و نجاحها في إنتخابات المجلس التشريعي لولاية الخرطوم كمرشحة في قوائم المرأة عن الحزب الإتحادي الديمقراطي ( الأصل ) ..
الأستاذة / مثابة كانت المرشحة الوحيدة من خارج قائمة المؤتمر الوطني التي فازت بعضوية المجلس التشريعي ..
رغم تجميدي لنشاطي في الحزب الإتحادي الديمقراطي إلا أنني فخور جداً بفوز شقيقتنا الرائعة مثابة لأنها تستحق و هي المناضلة التي لا تلين لها قناة .. و لأنني ـ و كما تقول هي ـ من ( خميتها ) أدخلتها في هذه المعمعة و هي برلومة يافعة آنئذ .. رغم كونها إبنة علم ختمي إتحادي و هرم رياض بارز هو القبطان حاج حسن عثمان و لم تكن محتاجة أصلاً لأي جهد ليجعل منها كادراً متميزاً مصادما ..
مثابة في آخر مكالمة مطولة لي معها قبل الإنتخابات أكدت لي ترشيحهاو أنها واثقة من موقفها .. وصراحة سعدت كثيراً حينما سمعت بخبر فوزها من تلفزيون اتلسودان يوم أمس ..
قولوا مجدداً لمثابة مليون مبروك و يبقى عليكم يا زهير و يا كل زقازيقاب الداخل واجب الإحتفاء بالسيدة النائبة الزقازيقابية الأصيلة / مثابة ..

Quote: مثابة حاج حسن عثمان رمز العصا
من أجل قوانين مبرأة من العيوب.
القضاء علي كافة أشكال العنف ضد المرأة .
العدالة الإجتماعية.
مجانية العلاج.
إصلاح مناهج ونظام التعليم وإدخال مفاهيم النوع الإجتماعي.
لعمل علي إعادة القيم الشودانية السمحة و الأصيلة لسيرتها الأولى.
الوحدة الوطنية و الوفاق الوطني
السلام المستدام.
التنمية المتوازنة.
حقوق الطفل وذوي الإحتياجات الخاصة.

المجلسي التشريعي ولاية الخرطوم قائمة المرأة
حزب الاتحادي الديموقراطي الأصل
من مواليد ام درمان حي العرب
الاصل :الولاية الشمالية كورتي
بكالريوس قانون جامعة الزقازيق جمهورية مصر العربية 1993
محامية ام درمان عمارة الحرية مكتب 34 الطابق الأول
عضو مكتب سياسي حزب الاتحادي الديموقراطي الأصل
عضو مكتب تنفيذي حزب الاتحادي الديموقراطي الأصل
مقرر حقوق الإنسان وشوؤن المجتمع المدني لحزب الاتحاد الديموقراطي الاصل
عضو المكتب التنفيذي اتحاد ابناء مروي .
ناشطة في مجال السلام و العون القانوني
عضو مؤسس لحركة تمكين المرأة.
عضو التجمع النسائي الوطني الديموقراطي.
المشاركات العاليمة:
مؤتمر ماسترخ بهولندا 2000
مؤتمر نساء المهجر بالنمسا 2005
مؤتمر نساء القرن الأفريق لنقل تجربة حركة تمكين المرأة (سويب)
مبادرة إسماع صوت نساء دارفور لتحقيق السلام –الفاشر 2009.
ورش تدريببة عالمية ومحلية في مجالات مختلفة ( بناء السلام- الإداره المالية - حكم راشد - المفاوضات –حملات المناصرة- لغات).
معلومات الاتصال
[email protected]
0912210623
www.suwepmovement.org
Post: #4077
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-24-2010, 12:45 PM
Parent: #4076

جيناكم يا حبايبنا بعد غربة و شوق نغالب فيه و يغالبنا.

بعد ظهور الديناصورات الشادي و منصور و كل الغائبين كان

الظهور حتما مقضيا.

نبدا باحر التعازي لكل من فقدوا اعزاء لهم فلهم الصبر

و للمفقودين الرحمة والمغفرة .

اسال الله الصحة العافية لك الذين تعرضوا لعارض صحي وانشاء

الله ما يشوفوا شر .

و التحايا لكل من سال عنا و لمن لم يسال فلكم اخوتي

التحية جميعا و سامحونا على الغيبة قطعا كانت باسبابها

و لكن كما قال منصور عدة و لله الحمد و نحن اولاد النهار دأ !

فامل ان يعود كل الاحبة الغائبين و علي راسهم الغائب الحاضر

العزيز جلا فلك الشوق دافق تتدفق الاصوات الانتخابية !!!!كما نامل

عودة الماسترو كفرا و بوست الرشيد الحبيب و الله من طلتك طولنا ؟


و يا جنابو تسال منك العافية ياك البسند الشيل و الله حاولت الاتصال

بيك اكثر من مرة ولم اوفق فتوقع منى سلك قريب !! بس بالله شوف لينا

اسامة ابتر وين محتاجين ليه شويه وعندنا كم بلاغ علي بعض الشباب الذين

قبضوا متلثين في صف ...............؟


و استجابة لطلب العزيز اوي ابو الجل ظهرنا و ما حنخزلك و انشاء الله على طول

في الخط بس خليك قريب لان الموضوع بعد شوية بكون فيه دشمان يعني بنحتاج

لعكاكيزك ديك ( يعني قرب تعالى ما تبتعد ).
Post: #4078
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-24-2010, 12:52 PM
Parent: #4077

الاخ الكريم الغالي ميسرة سيد احمد
Quote: سعدت يوم أمس كثيراً مع ناس الرياض

ناس متحركين ومجتهدين وعاجباني سرعة حركتهم

وسعدت كثيراً بالتحدث لبعض الإخوه وعلى رأسهم مصطفى عبدالجواد

وعودة كمال الشادي وسعادتي كانت أكثر حين تحدثت عبر المايكرفون

للجمع الزقازيقي الكريم بالرياض .

إنشاء الله تامين ولامين وعقبال ناس جده،،،،


في الحقيقة الواحد إنتهز فرصة لمة الزقازيق عشان نخاطب قلبك الكبير ونعتذر عن حاجات كتيرة واهمها الاختفائة العجيبة الفاتت دي

وبرضو كلامك كان رائع جداً على لمة ناس الرياض يوم الخميس الماضي
انا شخصياً
حسيت إنك قاعد معانا

انا ما عايز احرق المفاجآت
جلال والشباب المعاهو
ومجهوداتهم في إخراج ليلة رائعة زي الفاتت دي
هم أحق إنهم يتكلموا عنها اكثر مني انا
فنحن في إنتظار جلال

لكن ابو الجل الظاهر عليهو ثقافتو الدجتليه ضعيفة
ننوس خفيف في التكنلوجيا ألحقوهو يا شباب
Post: #4080
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-24-2010, 01:11 PM
Parent: #4078

يمكنك تحميل الفيديو و الاغانى من نوع

mpg ,mpeg,WMV,mpeg4,wav,avi,ra,ram

- يجب ان يكون حجم افيديو حوالى 8 ميغابايت


وقبل ده كلو خـــج الفيديو خــج عشان ما يقولو مزور

- نفس طريقة تحميل اغنية يا جلال ..... رد .... تحميل اغنية


مرحبا" بالحبيب العاد الشادى
وموسى عيسى

فى انتظار الصور من قندهار الى الرياض


تهانينا للزميلة مثابة حاج حسن
Post: #4079
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-24-2010, 01:10 PM
Parent: #4077

و الصورة دي علشان خاطر ولدنا و حبينا الغالي المامقصر معانا ياسر نجيلة و هاك الدفعة دي و تحياتنا للعزيز ابو سكين و سوف اقوم انزال الباقي تباعا .
sudansudansudansudansudansudansudan35.jpg Hosting at Sudaneseonline.com
Post: #4081
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-24-2010, 01:30 PM
Parent: #4079

الاخ الكريم عبد الدائم
شكراً لي ترحيبك بي

عارف الواحد يغيب يومين يلقى الدنيا إتغيرت
أقول ليك سر
رغم إنو مصطلحات ( كسير تلج ) ( محلبية ) حسب تسلسل السرد في البوستات قديمة إلا إني والله لليلة ما عارف وين وكيف وليه بتستخدم

غبت الغيبة الفاتت دي يا عبد الدائم
وجيت لقيت في المنبر العام لقيت الناس كلها شغالا لبي بعض
( خج ) و خجيت و خجخجة
رغم إنو الكلمة دارجة جداً في السودان وفي حياتنا إلا إنو عجبني جداً ظهورها على السطح كمصطلح

اللهم زيد وبارك

يا موسي عيسي
ده شنو ده


Quote: و الصورة دي علشان خاطر ولدنا و حبينا الغالي المامقصر معانا ياسر نجيلة و هاك الدفعة دي و تحياتنا للعزيز ابو سكين و سوف اقوم انزال الباقي تباعا .


نحن مش فاتحين دكان بي هناك بتاع عده
تجي تفرش عدتك قدام دكانا ليه
شيل بضاعتك دي وخش بيها السوق
امشي نزل صورك العاجباك دي في محل الصور
وفي بوست ستوديو الذكريات
Post: #4082
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 02:40 PM
Parent: #4081

Quote: وقبل ده كلو خـــج الفيديو خــج عشان ما يقولو مزور

- نفس طريقة تحميل اغنية يا جلال ..... رد .... تحميل اغنية


عبدالدائم شق سيرتو ويوم ولدوهو الشكرا هيلتوا
انا فوقم بقول كلام...
طيب ياولدنا من الاول ...
اول حاجة نحتاج فري سوفت وير لتقطيع الفيديو عشان ننزل الحاجات في حجم صغير ...
وبعد داك التنزيل هين يلا ياشباب ... همتكم معانا
Post: #4083
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-24-2010, 03:08 PM
Parent: #4082

مرحب بالناس الغابت وجابت
منصور
الشادي
موسي
بطريقتكم دي حاتجهجهو الناس
عايزين الهجوم الكاسح دا يستمر
Post: #4084
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-24-2010, 03:28 PM
Parent: #4083

سلام وتحية لناس الزقازيق ونخصص ناس الرياض

بتحية خاصة جداً وكنا متابعنكم على البعد .

*************************************

اليوم ليلاً نرتحل إلى الأخوان إلى الأحباب

في بلاد الله الواسعة بحثاً عن زقازيقين طال بهم

البعد وغابت ذكراهم وملامحهم عن وجوهنا ،،، تحلق

طائرتنا الميمونه إلى مرافئ الشوق بحثاً عن زملاء الدرب

كان لقاؤنا مع أُسر زقازيقية من ذلك الزمن الجميل ،،،،،،،

هذه الزميلة الزقازيقية الرائعة التي ظفرنا بها بعد مجهود

كبير ،،، وكان لقاؤنا بها في منزلنا بمدينة جدة هي وزوجها وإبنها.

الميل رقم 5 على بوست :
شخصيات وعائلات زقازيقة ،،،،،،،، من الزمن الجميل،،،(توجد صور)
Post: #4085
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 03:54 PM
Parent: #4084

ترحيب حار وكبير أوي بشادي القوم .... الليلة حقه يا ناس نعمل وليمة كبيرة ...
بهذه المناسبة الرائعة ...
Post: #4086
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 03:55 PM
Parent: #4084

وترحيب تاني بموسي عيسي .....
Post: #4087
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 03:57 PM
Parent: #4084

وفي إنتظار طارق جبريل
Post: #4088
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 04:01 PM
Parent: #4087

****
Post: #4089
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 04:03 PM
Parent: #4088

هاكم دي إتصبروا بيها لغاية بكره عشان تقلبوا الصفحة وننزل من أول جديد
Post: #4090
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 04:05 PM
Parent: #4089

240420102901.jpg Hosting at Sudaneseonline.com




center>240420102903.jpg Hosting at Sudaneseonline.com


كبدة جمل تفك أي حاجة يامنص
Post: #4091
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-24-2010, 04:20 PM
Parent: #4090

يا ابو الجل خليك شفت والصفحة تقلب ونزل الفيديوهات ...
Post: #4092
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-24-2010, 04:47 PM
Parent: #4091

سلامات يا ناس

ومساءات الإياب

مبهجة هذه العودة الجماعية

الشادى

منصور

موسى

عثمان الخير

عصام دهب

ومبروك لناس الرياض اللمة الجميلة

ومبروك للاخت مثابة هذ الفوز وبالتوفيق.
Post: #4093
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 05:33 PM
Parent: #4092

احيييييييييييييي انا
قندهار قال ليك ... انعل ابو الكلسترول لابو القاوت ذاتو ...
زهير النبي فيك ممنوع الحندكة ... اسا الرشيد حندكني وفتا لي الكمونية كلها
عبر الهاتف طبعاً"نظام دردقة"
Post: #4094
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-24-2010, 05:55 PM
Parent: #4093

مساكم الله بالخير

أشكركم جميعا على السؤال سواء أن كان في البوست أو عبر التلفون...يكاد لا يمضي يوم دون أن أتلقى اتصال من أحد الأحباب...فتقبلوا مني عظيم شكري و تقديري...

فاتني التحدث عبر التلفون لي ناس الرياض و ذلك لأن فافي العزيزة فاتها مراعاة فروق التوقيت بين أبو ظبي و الرياض فعندما اتصلت كنت قد أكثرت من الرز باللبن و نمت نوم قرير العين هانيها...

أما لمة قندهار فلم تفتني...و تحدثت الى الكثيرين منهم عبر التلفون الا زهير الزناتي و الذي أخبروني بأنه مشغول باللحمة...و لكني تحدثت الى محمد المرتضي الذي استولي على عنقريب دون أن يترك مجالا لجلوس الآخرين...محمد المرتضى قال انو جاء و هو يعاني من مشاكل في بطنه...لإاعجتني روحه الاجتماعية...حتى و هو يعاني من مشاكل في بطنه الا أنه يأتي للمشاركة في أكل اللحوم و الشطة الحااااارة....دي روح اجتماعية ولا طفاسة....

لمة الرياض و لمة قندهار جعلتني أشعر بالحزن و الأسى لعدم المشاركة في أي منهما...و لا أقول يكفيني المشاركة عبر الهاتف...

فهي حتما لا تكفي...

حبيبنا موسى عيسى...عودا حميدا و شوقنا ليك مطر...و مرحى بعودة الجميع...
Post: #4095
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-24-2010, 05:59 PM
Parent: #4094

المداخلة الفاتت استجابة لدردقة جلال...

و المداخلة دي مساهمة مني في قلب الصفحة حتى يتسنى لجلال انزال الفيديو بعد أن ينجح في تقطيعه...و لو غلبك يا جلال استعين بي زهير عشان بكون اكتسب مهارات خاصة بعد رحلة قندهار اليوم...
Post: #4097
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-24-2010, 06:09 PM
Parent: #4095

Quote: المداخلة الفاتت استجابة لدردقة جلال...

تسلم ياحبيب سعدت جدا بالتحدث اليك ... واهو جرينا رجلك
اها اسا اقوم اقبل ليك على جلا دا ...
لكن عارف بكون غاتس في اللحمة لي اضنينوا ...
اخير اشوف جبريلا الدنيا بتكون عندهم نص النهار اسا
اخير من جلا دا بكون اسا قايم بيهو اللحم وحالتو حالة
Post: #4096
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-24-2010, 06:02 PM
Parent: #4093

حكمة نحتاجها كثيرا
قال الشاعر
لايمتطي المجد من لم يركب الخطرا
ولا ينال العلا من قدم الحذرا
لا يحسن الحلم إلا في مواطنــه
ولا يليق الوفا إلا لمن شــكرا
Post: #4098
Title: Re: ناس الزقازيق ... أجدع ناس ( 3 ) ..
Author: مني يونس
Date: 04-24-2010, 07:21 PM
Parent: #4096

البوست يشهد حراك يحسد عليه في أربعة اتجاهات
اولاً سمك عوضية وقندهار ،ثانياً تجمع ناس الرياض ، ثالثاً ظهور زميلة زقازقية مختفية
رابعاً عودة كوكبة من أهل البوست وعلى رأسهم الكاتب المخضرم منصور وصاحب الحركة
القوية بالرياض موسى عيسى ، وعودة الفنان كمال الشادي ، والرشيد صاحب أجمل بوست

عين الحسود فيها عود،،،،،،
Post: #4099
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-25-2010, 06:52 AM
Parent: #4098

صباح الخير،،، يا وجوه الخير

أصبحنا وأصبح الملك لله ،،، وحده

دعاء الصباح :

اللهم أعِنا على ذكرك
وشكرك ، وحُسن عبادتكَ

اللهم يا الله حاسبني حساباً يسيراً ،،،،
Post: #4100
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-25-2010, 07:38 AM
Parent: #4099

ابو الزوز الحبيب
Quote: ترحيب حار وكبير أوي بشادي القوم .... الليلة حقه يا ناس نعمل وليمة كبيرة ...
بهذه المناسبة الرائعة ...

يا أخي إنت الكرم وأخو الكرم وأبوهو زاتو
اشكر ترحيبك الجميل ده
ولايمك معروفة راقية ومكربة
صراحة صحانتكم تشفق وتمطق
انا زول مدمن شطة
رغم إنو مافي زول جاب سيرتها
إلا إنو الصحانة كلها رحيتها شطة
... ابو غندهار زاتا
Post: #4101
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-25-2010, 07:48 AM
Parent: #4099

صباح النور 000 صباح الهنا والسرور

كلام جميل من شعر الإمام الشافعي

الناس بالناس مادام الحياة بهم ؛؛ والسـعد لا شك تارات وهبات
وأفضل الناس ما بين الورى رجـل ؛؛ تقضى على يده للناس حاجات
لا تمنعن يد المعـروف عـن أحـد ؛؛مادمت مقتدرا فالسعد تارات
وأشكر فضـائل صنـع الله إذ جعلت ؛؛ إليك لا لك عند الناس حاجات
قد مـات قوم وما ماتت مكارمهـم ؛؛ وعاش قوم وهم في الناس أموات
Post: #4102
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-25-2010, 08:00 AM
Parent: #4101

اللقاء الثاني مع شخصية زقازيقية جميلة

هذا الرجل هاش باش وصار لنا قبلة نحن في مدينة جدة

كل اللقاءات تدور في مكان عمله ،، وكل التحضيرات تتم عنده

ولكنه الجندي المجهول ،،،،،،

تعالوا لنتعرف على د.حسن أبو علي وعائلته،،،،

على بوست : شخصيات وعائلات زقازيقة ،،،،،،،، من الزمن الجميل،،،(توجد صور)


DSC00612.JPG Hosting at Sudaneseonline.com

حسن أبو علي ،، الجندي الزقازيقي المجهول - فخر مدينة جدة
Post: #4103
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-25-2010, 08:21 AM
Parent: #4102

ده تلفون د/ حسن عشان اى زول عايز ليهو دواء وكايسو وما لاقيهو 00966502059310

الرف العلى يمين حسن كريمات وشامبوهات وادوات تجميل .. للناس البتحب النضافة

العلى الشمال وخلف الستار ده المقصود يا ناس هووووى
ذى دواء السكرى مثلا" ..........


انا مستعد اوصلو ليكم لحدى عندكم .. انتو بس اطلبو



يوجد مسدس تخريم اضنين كمان
Post: #4104
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-25-2010, 08:26 AM
Parent: #4103

اللهم بك اصبحنا و امسينا و بك نستعين يامعين .

الهي وخلاقي وحرزي وموئلي اليك لدى الاعسار واليسر افزع
الهي لئن جلت وجمت خطيئتي فعفوك عن ذنبي اجل واوسع

الهي ترى حالي وفقري وفاقتي وانت مناجاتي الخفية تسمع
الهي اجرني من عذابك انني اسير ذليل خائف لك اخضع


الهي اذقني طعم عفوك يوم لا بنون ولا مال هنالك ينفعها

الهي ذنوبي جاوزت الطود واعتلت وصحفك عن ذنبي اجل وارفع
Post: #4105
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-25-2010, 08:49 AM
Parent: #4104

Quote: العلى الشمال وخلف الستار ده المقصود يا ناس هووووى
ذى دواء السكرى مثلا" ..........


انا مستعد اوصلو ليكم لحدى عندكم .. انتو بس اطلبو



معاك 2 كورس من المطلوب ارسلهم على العنوان التالي مستجل :

السودان الخرطوم - السجانة -شارع بتاع - مقابل سوق هنا-

جنب بيت ناس فلان - قرب مكتب ناس ....الشغالين في التدريب!


الراجل الظريف الهاش الباش ابو علي دا طبعا كان ضمن الجمعية

الطبية و لكنه مركب ماكينة تجارة . ماشاء الله تجده في كل مناسبات

تربية و اداب و علوم و حقوق و تجارة و زراعة فهو صديق الجميع من

ايام الزقازيق و بالطبع سوف تكون عادته في جده و في كل مكان !

فهذا ديدنك يا ابو علي فنسال الله ان يديم عليك الصحة والعافية.

بس رد علي التلفون لاننا والله مشتاقين نسمع صوتك .
Post: #4106
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-25-2010, 09:17 AM
Parent: #4105

فرصة عظيمة لا تتكرر كثيرا فى الكتابة فى اعلى صفحة
مقلوبة جديدة لنج
يا دااااابك
الدنيا شايفها ليكم شطة شطة مع كبدة ابل فى امبدة زى ما بيقول البوكس المقفل الجنب الصحن الشايلينو
وكمان الدنيا قبائل فيديو تحت (التقطيع والتجزئة )
غايتو يا ناس الزقازيق بالغتو عدييييل
اى شىء بقيتوا تقطعوهو
الكبده وعرفناها
قطيع الفيديو عليكم شنو ؟؟!!
يمين يا جلال , القى الفيديو ده فيهو اى رقصة لى مع عبد الله احمد السنى
مقطوعة ؟؟!!!!!!!!!!!
الله قال بى قولك
Post: #4108
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-25-2010, 09:29 AM
Parent: #4106

صبحكم الله بالخير

انت حسه يا منصور مدردقني مالك (منص دي على وزن سيدي الحسن مدفرني مالك)...
ده نظام زول بيتعزز و كده يا منص...أمبارح دردقني جلال...
الليله ما لقيت زول يدردقني قلت ألصقه فيك و أدردق برااااااي...

Quote: يمين يا جلال , القى الفيديو ده فيهو اى رقصة لى مع عبد الله احمد السنى
مقطوعة ؟؟!!!!!!!!!!!
الله قال بى قولك


و الله يا منص أخير ليكم كان الصور الثابتة و اذا تعذر فالفيديو المقطع...
مع الأجسام العائلية دي الواحد ما يعرفكم بترقصوا...
ولا جامبو هابطه هبوط اضطراري و في نص الخرطوم كمان...
حتقول ليه في نص الخرطوم...
لأنو حيكون شكلكم و انتو بترقصوا هايجين و بتخبتو في العيال حواليكم...
زي جامبو هابطه هبوط اضطراري في نص الخرطوم...

ده حالتي ما شفت الفيديو المقطع...
ده خيال بس....ساااااكت
Post: #4107
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-25-2010, 09:22 AM
Parent: #4105

منصور عبدالرازق - الابنوسي الممتع
كمال الشادي - يالذيذ
موسي عيسي- دفعة الأصيل

063.gif Hosting at Sudaneseonline.com



وترتيب الاسماء على حسب اسبقية الظهور بالحوش
وليس للأعمار أي دخل بالموضوع
Post: #4109
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-25-2010, 10:36 AM
Parent: #4107

ما ظاهر يا ياسر نجيلة انها ما عندها دخل بالأعمار
الا اذا كنت قاصد ترتيب تصاعدى ليها
علاقتى شنو انا بى كمال الشادى وموسى عيسى فى قصة العمر دى ؟؟؟
مافى اى علاقة
يا اخى كمال ده , من سنة ما عرفته , وهو رابط الكرافتة
وموسى عيسى , من يوم ما شفتو وهو لافى العمة
وانا لا بعرف اربط ولا الف
شن جاب لجاب يا نجيلة يا حبيبى
اما مسألة ظهورى كاملا فى الفيديو الناوين يقطعوهو ده
انا زاتى ما واقعة لى يا رش
لا انا , لا اخوى الكاشف داك ,
هسى منو القال ليكم لمن اقول (الكاشف ) يعنى اكون قاصد صاحبى البيغنى
غايتو , انتو بقيتوا متلقين حجج بشكل
والذ حاجة فى حفلة يوم الخميس الفات
قيس جمال الدين كان شغال (ميكروفون )
ولمن يتعب , كان بيشتغل (امبريلا )
وفى احايين اخرى , ضبط متلبسا بحالة كونه ( فردة ساوند سيستم )
Post: #4110
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-25-2010, 10:43 AM
Parent: #4109

Quote:
وانا لا بعرف اربط ولا الف


انا قصدي بري جدا و فهمي في الحاجات دي لا يتعدي الفهم

العادي لكن في زول الان بجي ناطي و بقول ليك يا منصور

انت زودتها شوية !!!! الربط واللف دا ناسو معروفين !!!
Post: #4111
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-25-2010, 10:52 AM
Parent: #4110

Quote: لكن في زول الان بجي ناطي و بقول ليك ما منصور

انت زودتها شوية !!!! الربط واللف دا ناسو معروفين !!!


موسى عيسى...ديل منو ديل (وش بريئ)...

قبل شوية مشيت أتغدى لقيت الطباخ عامل لينا أكل بيعرفو براهو...
قمت (لفيته) معاهو...

أوع تكون قاصدني أنا يا موسى بي ناسو معروفين دي...
Post: #4112
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-25-2010, 12:35 PM
Parent: #4111


موسى عيسى والرشيد
سيبوا اللخبتة
فى فرق بين انك تقول , ربط ولف ودوران
وبين انك تقول , ربط ولف بس
بعنى كمال الشادى , بيعرف يربط الكرافتة
موسى عيسى , ومعاهو جلا , بيلفوا (العمة )
لكن لو جيت لى محمد المرتضى
بيربطها , وبيلفها
قصدى الكرافتة والعمة
يا متلقين الحجج



تليشة اضافية :_
فى نا سكمان قالوا , بعد ما يربطها ويلفها , بيعرف يفكها كمان
اعملوا حسابكم , البلد فيها طوارىء
Post: #4426
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-06-2010, 12:50 PM
Parent: #4102

اهداء خاص للصديق العزيز ابو على.

ســـلوا قلــبى … شعر أحمد شوقى

لحن رياض السنباطى … غناء ام كلثوم


سلوا قلبى غداة سلا وتابا … لعل على الجمال له عتابا

ويسأل فى الحوادث ذو صواب … فهل ترك الجمال له صوابا

وكنت إذا سألت القلب يوما … تولى الدمع عن قلبى الجوابا

ولى بين الضلوع دم ولحم … هما الواهى الذى سكن الشبابا

تسرب فى الدموع فقلت ولى … وصفق فى الضلوع فقلت تابا

ولو خلقت قلوب من حديد … لما حملت كما حمل العذابا

ولا ينبيك عن خلق الليالى … كمن فقد الأحبة والصحابا

فمن يغتر بالدنيا فإنى … لبست بها فأبليت الثيابا

جنيت بروضها وردا وشوكا … وذقت بكأسها شهدا وصابا

فلم أر غير حكم الله حكما … ولم أر دون باب الله بابا

وأن البر خير فى حياة … وأبقى بعد صاحبه ثوابا

نبى البر بينه سبيلا … وسن خلاله وهدى الشعابا

وكان بيانه للهدى سبلا … وكانت خيله للحق غابا

وعلمنا بناء المجد حتى … أخذنا إمرة الأرض اغتصابا

وما نيل المطالب بالتمنى … ولكن تؤخذ الدنيا غلابا

وما استعصى على قوم منال … إذا الإقدام كان لهم ركابا

ابا الزهراء قد جاوزت قدرى … بمدحك بيد أن لى انتسابا

فما عرف البلاغة ذو بيان … إذا لم يتخذك له كتابا

مدحت المالكين فزدت قدرا … فحين مدحتك اجتزت السحابا

سالت الله فى ابناء دينى … فإن تكن الوسيلة لى أجابا

وما للمسلمين سواك حصن … إذا ما الظلم مسهم ونابا
Post: #4427
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-06-2010, 01:02 PM
Parent: #4102

اهداء خاص للصديق العزيز ابو على.

ســـلوا قلــبى … شعر أحمد شوقى

لحن رياض السنباطى … غناء ام كلثوم


سلوا قلبى غداة سلا وتابا … لعل على الجمال له عتابا

ويسأل فى الحوادث ذو صواب … فهل ترك الجمال له صوابا

وكنت إذا سألت القلب يوما … تولى الدمع عن قلبى الجوابا

ولى بين الضلوع دم ولحم … هما الواهى الذى سكن الشبابا

تسرب فى الدموع فقلت ولى … وصفق فى الضلوع فقلت تابا

ولو خلقت قلوب من حديد … لما حملت كما حمل العذابا

ولا ينبيك عن خلق الليالى … كمن فقد الأحبة والصحابا

فمن يغتر بالدنيا فإنى … لبست بها فأبليت الثيابا

جنيت بروضها وردا وشوكا … وذقت بكأسها شهدا وصابا

فلم أر غير حكم الله حكما … ولم أر دون باب الله بابا

وأن البر خير فى حياة … وأبقى بعد صاحبه ثوابا

نبى البر بينه سبيلا … وسن خلاله وهدى الشعابا

وكان بيانه للهدى سبلا … وكانت خيله للحق غابا

وعلمنا بناء المجد حتى … أخذنا إمرة الأرض اغتصابا

وما نيل المطالب بالتمنى … ولكن تؤخذ الدنيا غلابا

وما استعصى على قوم منال … إذا الإقدام كان لهم ركابا

ابا الزهراء قد جاوزت قدرى … بمدحك بيد أن لى انتسابا

فما عرف البلاغة ذو بيان … إذا لم يتخذك له كتابا

مدحت المالكين فزدت قدرا … فحين مدحتك اجتزت السحابا

سالت الله فى ابناء دينى … فإن تكن الوسيلة لى أجابا

وما للمسلمين سواك حصن … إذا ما الظلم مسهم ونابا
Post: #4113
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-25-2010, 12:40 PM
Parent: #4101

نهاراتكم هناء وسعادة ...

عمو الزناتي وبقية الكوكبة القندهارية ماشاء الله عيني باردة لمة حلوة ولحمة احلى وشطة نار وكبدة الجمل وكل الجمال ...

نرحب بعودة الحلوين وحقيقي اضافوا للحوش الق وبعد ثالث .. يا جماعة ما تغيبوا وتعالوا نخلي الحوش فرحة وسرور ...
Post: #4114
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-25-2010, 02:49 PM
Parent: #4113

أجدع ناس سلامات ... صور قندهار ما ممكن تنزل في المولد وتطلع بدون حمص ... عشان كده لازم ننتظر عليها شوية لغاية مع الأمور تروق ....


عرفت اليوم أن هنالك عدد كبير من ناس الزقازيق قد فاز في الإنتخابات خاصة في جنوب السودان ... فقد فاز الصديق دينق قوج وهو عضو بورد وله كتابات في البوست ... بالدائرة الجغرافية لمدينة الرنك ... ليكون ممثلاً للحركة الشعبية وكذلك لناس الزقازيق في المجلس القومي ...

كما فازت الزميلة نياندينق مليك بمنصب والي ولاية وراب بعد منافسة شرسة وهي خريجة إنجليزي تربية دفعة 90

وكذلك هنالك عدد كبير من الذين فازوا أبرزهم جيمس واني أيجا رئيس المجلس التشريعي لجنوب السودان والرجل الثالث في الحكومة والحركة .... وعقبال الباقيين ...
Post: #4115
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-25-2010, 03:23 PM
Parent: #4114

التهنئة لناس الزقازيق بفوز عدد طيب

منهم في الإنتخابات الجارية هناك،،،،،،
Post: #4116
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-25-2010, 04:14 PM
Parent: #4115

يا ريس جارية وين ... وهنالك وين
Post: #4117
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-26-2010, 06:01 AM
Parent: #4116

أصبحنا وأصبح الملك لله وحده لاشريك له,,,له الملك وله الحمد وهو على كل شيء قدير....
Post: #4118
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 06:42 AM
Parent: #4117

يا رشيدالقوم اسعدالله صباحك و انشاء الله اليوم سوف يكون

خيرا علينا لانه سوف يتم اعلان نتيجة شهادة الاساس للحلوين

عيالنا والعقبال عندكم ، بس الليلة شايفك مبدر بلحيل و سبقت

الريس انشاء الله خير .

إلي دعاء الصباح قبل الزحمة :

اللَّهُمَّ مَغْفِرَتُكَ أَوْسَعُ مِنْ ذُنُوبِنَا، وَرَحْمَتُكَ أَرْجَى عِنْدَنَا مِنْ أَعْمَالِنَا
اللَّهُمَّ رَبَّ جِبْرِيلَ وَمِيكَائِيلَ وَإِسْرَافِيلَ وَمُحَمَّدٍ صَلَّى اللهُ عَلَيْهِ وَسَلَّمَ
نَعُوذُ بِكَ مِنَ النَّارِ
Post: #4119
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 07:00 AM
Parent: #4118

اليوم يوم السعادة اكيد و سوف يكون فيه الفرح شلالا دافق

لذا كان لزاما علينا ان نبداه بالكلام عن الابتسامة فهل هل تحب أن تعيش حياة هانئة ومديدة؟ هناك طريقة بسيطة جداً ومجانية ... إنها الابتسامة ....

في بحث علمي جديد تبين أن للابتسامة تأثيراً أكبر بكثير مما كان متوقعاً. فقد نشرت مجلة "العلوم النفسية" دراسة لأشخاص عاشوا أكثر من غيرهم وعندما تمت دراسة الصور المختلفة الملتقطة لهم أثناء حياتهم، ظهرت الابتسامة على وجوههم في مختلف المناسبات!

ويقول العلماء إن الأشخاص الذين يميلون للتبسم والسعادة والسرور تكون اضطراباتهم النفسية شبه منعدمة وينعكس ذلك على صحتهم وبالتالي يكونون أقل عرضة للأمراض ويعيشون لفترة أطول!

من المعروف أن الأشخاص الذين يعيشون أيامهم بسرور يميلون إلى عيش حياة زوجية سعيدة، ويتمتعون بمهارات اجتماعية أفضل من سواهم، وينعكس الأمر على وجوههم بالمزيد من الابتسامات العريضة.
فدعون نبدا يومنا هذا بالابتسامة لكل من نقابل و من نحب في المنزل و في العمل و نرى ما سوف نجنيه
من فوائد بس لدي طلب واحد يا الرشيد ( بالله تخيله يكون شنو !!! )
Post: #4120
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 07:04 AM
Parent: #4119

مواصلة للفرح والابتسامة فهل ديننا الحنيف يدعونا لذلك :


أيها الأحبة! كلما قرأتُ دراسة علمية جديدة يقول عنها العلماء إنها المرة الأولى التي يصلون فيها إلى هذه النتيجة، أجد النتيجة ذاتها في تعاليم إسلامنا الحنيف. وكأن الله بالفعل قد أتمَّ هذا الدين ولم يترك شيئاً نافعاً إلا حدثنا عنه وأمرنا به، ولم يترك شيئاً ضاراً إلا وحذرنا منه.

فهذا هو النبي الأعظم صلى الله عليه وسلم، يأمرنا بالتبسم فيقول: (وتبسّمك في وجه أخيك صدَقة)، وهذا تشجيع من النبي الكريم للناس كافة ليتعلموا "ثقافة التبسّم" وينشروا السعادة والسرور فيما بينهم ليعيشوا حياة أفضل.

إن الذي يتعمق في سيرة النبي الأكرم عليه الصلاة والسلام يجد أن حياته كانت مليئة بالتفاؤل والتبسم والفرح برحمة الله. فلم يكن يغضب لأمر من أمور الدنيا، ولم يكن يحزن على شيء في هذه الدنيا الفانية، ولم يكن عنيفاً أو محباً للانتقام. بل كان متسامحاً صابراً يريد الخير للناس جميعاً.

وليس عبثاً أن وصفه رب العالمين بأنه رحمة للعالمين فقال له: (وَمَا أَرْسَلْنَاكَ إِلَّا رَحْمَةً لِلْعَالَمِينَ) [الأنبياء: 107]. فهو رحمة للمؤمن ورحمة للكافر! لأن التعاليم التي جاء بها لو طبقها أي إنسان فإنه يجني الخير الكثير في الدنيا والآخرة.

فالإعجاز يتجلى في أن النبي صلى الله عليه وسلم حضَّ على التبسم وأمر به، في زمن كان عرب الجاهلية يعتبرون أن الابتسامة هي نقطة ضعف لا ينبغي للرجل أن يمارسها، بل أن يكون مقفهر الوجه عابساً ليرهب الناس، فجاء النبي ليصحح هذه المفاهيم ويؤكد أن الابتسامة هي أفضل شيء تقدمه لأخيك المؤمن!

والآن هل تريد أن يطيل الله عمرك؟ إذاً منذ هذه اللحظة تعلّم "فن الابتسامة" لتعيش حياة مطمئنة سعيدة وتبعد عنك شبح الأمراض، ونقول يا إخوتي إن أفضل شيء يدعو المؤمن للفرح هو رحمة الله تعالى الذي أمرنا بذلك فقال: (قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ) [يونس:
Post: #4121
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-26-2010, 07:27 AM
Parent: #4120

صبحكم الله بالخير

نسأل الله تعالى أن تنطلق زعاريد الفرح في كل البيوت اليوم ابتهاجا بنجاح البنات و البنين من الزقازيقاب و غيرهم....

موسى عيسى اختيارك موفق جدا اليوم و أنت تدعو للأمل و التفاؤل و الابتسام و كان سردك رائع و يدفع للتفاؤل أيضا...أشكرك علىالكلمات الطيبات يا موسى...
كنت قد فكرت صباح اليوم في نفس الاتجاه و تأخرت قليلا لانشغالي...و عندما فتحت وجدتك قد سبقتني الى الكتابة عن الموضوع و لكن لا شك بطريقة و أسلوب أفضل من الذي كنت سأكتب به...

Quote: فدعون نبدا يومنا هذا بالابتسامة لكل من نقابل و من نحب في المنزل و في العمل و نرى ما سوف نجنيه
من فوائد بس لدي طلب واحد يا الرشيد ( بالله تخيله يكون شنو !!! )


أنت بس أطلب يا بيه و نحن حاضرين...
Post: #4122
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-26-2010, 07:29 AM
Parent: #4120

صباح الخير ،،، يا وحوه الخير

أصبحنا وأصبح الملك لله،،، وحده

ربي أوزعني أن أشكر نعمتك
التي أنعمت علي وعلى والدي
وأن أعمل صالحاً ترضاه ،،
وأدخلني برحمتك في عبادك الصالحين،،،،،،،،،
Post: #4123
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-26-2010, 07:31 AM
Parent: #4118

صباح النور صباح الهناء والسرور
اللهم نسألك خير هذا اليوم وخير مابعدهـ
اللهم أجعل أوله صلاحا واوسطه فلاحا
وآخرهـ نجاحا

من حكم الإمام الشافعي

إذ المرء لا يرعاك إلا تكلفا ** فدعه ولاتكثر عليه التأسفا
******

إذا شئت أن تحيا سليما من الأذى ؛؛ ودينك موفور وعرضك صـين
فلا ينطـقن منـك اللســان بسـوء ؛؛ فكلك عورات وللناس أعين

*******

نعيب زماننا والعيب فينا ،، ومالزماننا عيــب ســوانا
وقد نهجو الزمان بغير جرم ،، ولو نطق الزمان بنا هجـانا
وليس الذئب يأكل لحم ذئـب ،، ويأكل بعضـنا بعضـا عيانا


سلام على الدنيا إذا لم يكن بها
صديقا صدوقا صادق الوعد منصفا
Post: #4124
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-26-2010, 07:45 AM
Parent: #4123

صباح الهناء والسرور ...

اسماعلية .. يا اسماعلية احب ازورق في المغربية .. نركب فلوكة انا وحمص ونغني غنية على السمسمية .. (الهلال وينو اكلو الدودو .. الهلال وين راح اكلو التمساح .. ).
Post: #4125
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 08:31 AM
Parent: #4124

يا محمد عيد الحقني و افزعني البادي قلب و بقي وطني

اقصد بقي صفوة :

Quote: اسماعلية .. يا اسماعلية احب ازورق في المغربية .. نركب فلوكة انا وحمص ونغني غنية على السمسمية .. (الهلال وينو اكلو الدودو .. الهلال وين راح اكلو التمساح .. ).
Post: #4126
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-26-2010, 10:29 AM
Parent: #4125

سلام مربع لكل الجدعان والحلوين ..

فى هجوم هكرى مفاجىء وغادر تعرضت قبل ثلاثة أيام لحادث سرقة واستلاب للباسويرد
الخاص بى ، واصبحت غير قادر على التداخل مطلقا" ..
وطبعا عملت فيها انو انا سنير كبير ومافى داعى ارسل اى استغاثات واحاول بنفسى محاربة الهكر
واسترداد ما سرق منى ،
وظللت لمدة ثلاثة ايام فى محاولات شبيهة بمحاولات ناس كاريكا ووارغو ( الفاشلة ) فى غزو مرمى الخصم !!
وادرت هاتفى نحو عبد الدائم لمساعدتى وقبل ان يرد تراجعت وأكلتنى الجعلتية .. وكررت المحاولة
وكانت نفس النتيجة ( راكب التونسية ولاعقا السمسمية بطعم الحمص ) ..!!
واخيرا لجأت مساء امس للاخ الباشمهندس / بكرى ابو بكر ..
والذى تفضل مشكورا بالتدخل فى اقل من 24 ساعة بحل المعضلة واستعادة الأسير
فالشكر أجزله للاخ الكريم بكرى ، وحتما ان كلمة السر فى عظمة ونجاح سودانيزاونلاين
تكمن فى هذا الرجل الجميل ...
تحية له انابة عنى وعن جميع فرسان قبيلة الزقازيقاب
Post: #4127
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 11:16 AM
Parent: #4126

كما توقعنا صباح اليوم بان يكون هذا اليوم مسرح

للفرح و الافراح و فيه سعدنا باحراز الشاب عيسى موسى

مجموع 265 في شهادة الاساس كما اتمني التوفيق للجميع .
Post: #4128
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-26-2010, 11:45 AM
Parent: #4127

مبروك والف مبروك

عيسى الشاطر

عقبال الشهادة الكبيرة

عيسى هنا ولا بهناك لزوم الهدية وكدا

،،،،،،،،،،،،

محمد عيد انا ما قلت ليك الايام دى ماتمشى براك فى الليل
غايتو ربك ستر
Post: #4129
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-26-2010, 11:48 AM
Parent: #4127

حلاوة العوده غنيناها فى مواااال



بدءا" لا يفوتنى ابداء السعادة بعودة ثلاتى الرياض الزاهى وباهى ..

منصور والشادى وموسى عيسى ..

ولو ان العودة جاءت جماعية مما يثير الفضول ولكن مش وقته .. المهم رجوع القمارى

وان جاءت العودة متلازمة بمصطلحات الخمسينات والستينات ..

اللافـّى والملفوف ، والرابط والمربوط ..

الا ان الثلاثى الجميل حمل معه فى عودته ألــق الايام الزاهية لهذا البوست

وحتما ستكون دفعة قوية لمحركات الدفع الرباعى الاخرى التى تراخت بعض الشىء .

* اجمل التهانى والتبريكات بالنجاح الباهر لابننا عيسى موسى عيسى وعقبال الجامعة .

* ايضا" سـعدت بتلقى خبر نجاح ابنة أخى أســـيل هشام عيد وحصولها على مجموع 261 وعبركم اقدم لها التهانى .
Post: #4130
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 11:53 AM
Parent: #4129

النضيف سعدنا بسماع صوتك و نبارك ليك انشاء في

الامورات عناب و اخواتها و ربنا يجعل ايام ناس

الزقازيق كلها افراح .


الحبيب محمد عيد ديك كانت استراحة محارب و سوف

تتواصل المسيرة باذن الله و لن ندعها تقيف و مبروك

لاسيل و انشاء الله عقبال الجامعة و بنفس التفوق

و لمزيد من النجاحات في جميع المجالات انشاء الله
Post: #4131
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-26-2010, 11:58 AM
Parent: #4127



مبرووووووووووووووووووووك لعيسى موسى عيسى....

مزيد من النجاحات و التوفيق...
التهنئة للأخ الصديق موسى عيسى و لأم عيسى و أخوانه و جميع الأسرة في السعودية و السودان...


و العقاب بالجزيرة أبا...
Post: #4132
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-26-2010, 12:06 PM
Parent: #4131

محمد عيد الهكر الهكر الشال باسوردك يتكسر حتة حته...

و لا يفوت على فطنة القارئ ان المحطه أعلاه سايلنت....

مبروك لأسيل بنت هشام عيد...و مبروك لتبيان بنت أختي منى التي تستشفي الآن بالأردن...

كان لنجاح تبيان الباهر( 274 ) دفعا معنويا كبيرا لها.....
Post: #4133
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-26-2010, 12:15 PM
Parent: #4132

الاخ الفاضل محمد عيد
Quote: بدءا" لا يفوتنى ابداء السعادة بعودة ثلاتى الرياض الزاهى وباهى ..

منصور والشادى وموسى عيسى ..


الف شكر ليك بترحيبك بعودتنا كلنا
الله ما يجيب قطعة تاني انشاء الله


يا عيسي موسى عيسي
الف مليون مبروك
رفعت راس ابوك
وراسنا كلنا
الله يديك العافية
ولوالدينك التحية والتهنئة القلبية الحارة جداً

يا موسي
على طريقة الجماعة
دى عايزه ( ذبيحة )
Post: #4134
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-26-2010, 12:19 PM
Parent: #4127

Quote: كما توقعنا صباح اليوم بان يكون هذا اليوم مسرح

للفرح و الافراح و فيه سعدنا باحراز الشاب عيسى موسى

مجموع 265 في شهادة الاساس كما اتمني التوفيق للجميع .


ألف مبروك ،،،، وألف مبروك وعقبال الدكتوراة

محمد عيد برضو ألف مبروك بعودة الباسويرد الضال
Post: #4135
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-26-2010, 12:24 PM
Parent: #4134

مبروك اسهيل وعقبال الشهادة الكبيرة

ومبروك تبيان فرحتينا كلنا والله
ربنا يرجع ليك ماما منى بالصحة والعافية
Post: #4136
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-26-2010, 12:47 PM
Parent: #4135

مبروك لتبيان هذا النجاح الباهر

ومبروك لماما منى وبابا ،

ومبروك هذا الدفع المعنوى الكبير لماما

وربنا يواليها بالشفاء ويرجعها بالسلامة
Post: #4137
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-26-2010, 01:03 PM
Parent: #4136

تتبارك انت يالشادي و تفرح بي بعمرو وجميع الزقازيقاب

انشاء الله و ربنا يعليهم و يخليهم كلهم انشاء الله .


الريس رئيسنا والله كان تترشح لينا انت وكنت فكيتنا من زنقة

النتيجة دي و الله يا ميسرة دارت الايام كما يوم امس عندما

تقدم التجمع على الاتجاه الاسلامي في الزقازيق و انتظرنا

طويلا في البرد حتى ساعات متاخرة من الليل من اجل اعلان

النتيجة و كانت في الاخر كما هي دون ...............

فلك التحية و الشكر و العقبال للحبان وانشاء الله تفرحوا

بكل نجاحاتهم و افراحهم يا كريم .

الظريف الرشيد اثلجت صدري بنباء احراز تبيان و تفوقها و

و انشاء الله ربنا يكتب الصحة والعافية لامها التي هي اكثر

سعادة نسال الله لها ان تبلغ السلامة .

و نبارك للجميع و انشاء الله ربنا يجعل كل ايامك افراح .
Post: #4138
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-26-2010, 01:12 PM
Parent: #4136

سيل من التبريكات والتهاني

لنجاح ألأبناء أسيل وتبيان وععقبال الشهادة العليا

وكمان قالوا نتيجة غزوة ذات الخجة 68.24% ،،،،،

يلا يا جماعة إنتهى الخج ،،، وللأحزاب قوموا خجوا وصروا

البشير رئيساً للسودان ولمدة 4سنوات نتمنى أن نشهد تحول ديمقراطي

حقيقي وأن تحافظ البلد على وحدتها وتماسكها وأن يعين الله المواطن البسيط
Post: #4139
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-26-2010, 02:20 PM
Parent: #4138

والله انا عندي شك كبير في فيديوهات الحفلات بتاعة زقازيقاب الرياض

المرة الفاتت كل الحفلة احمد منصور عبد الرازق يصور فينا بي كميرة الفيديو
وبعدين هو وابوهو زاغو بالشريط

الحفلة الاخيرة جلال شابكنا تصوير من اول الحفلة لاخرها
والظاهر كده زاغ بالشريط برضو

انا المحيرني هم بيبعوها وين ناس جلال ومنصور عشان نمشي نشتري من السوق الاسود
Post: #4140
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-26-2010, 02:37 PM
Parent: #4139

آلاف التبريكات للشباب الشطار ...

أكيد عيسي موسي عيسي الشطارة دي جايبها من أبوه ... ألف مبروك ... ليك عيسي ولموسي وللوالدة ولكل الشباب ...

ومبروك كمان لتبيان بت مني بابكر ... وربنا يعيد لك الوالدة سالمة غانمة وبأتم الصحة والعافية .... لو كنتي ولد كنا قلنا الولد خال ... يعني الرشيد ما عنده دور في جينات البت الشاطرة دي ...

وكمان نفس الكلام علي أسيل هشام عيد .... طلعت منها يا محمد عيد .... ونتمني لهم جميعاً التقدم في حياتهم الأكاديمية وأن يحرزوا أعلي الشهادات ...
Post: #4142
Title: Re: ناس الزقازيق ... أجدع ناس ( 3 ) ..
Author: عصام دهب
Date: 04-26-2010, 02:58 PM
Parent: #4140

تحية و سلام لأجدع ناس ..

و ملايين التهانئ و التبريكات للأشبال من الزقازيقاب و أقارب الزقازيقاب على نجاحهم و تفوقهم في إمتحانات مرحلة الأساس ..

و تهنئة حارة وخاصة لكل من :
عيسي موسي عيسي .. أسيل هشام عيد .... مجدي أزهري دهب .. و تبيان بت مني شقيقة الرشيد بابكر و اٍسال الله أن يرد منى لتبيان و لكل أفراد الأسرة و هي بموفور الصحة و أتم العافية و أن يهنيها بنجاحها ...
و تهنئة عامة لجميع أشبال الزقازيقاب و أصدقائهم من المتفوقين الناجحين ..
و أدام الله عليكم جميعاً و على أشبالكم أسباب النجاح ..
Post: #4141
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-26-2010, 02:56 PM
Parent: #4139

Quote: نا المحيرني هم بيبعوها وين ناس جلال ومنصور عشان نمشي نشتري من السوق الاسود


الفيديوهات دي يا كمال الشادي بتباع بس ما في السوق ... تابع برنامج أوبرا وينفري الأيام الجاية ...

شكراً علي الإتصال البارحة فقد أسعدني أن أسمع صوتك بعد كل هذه السنوات
Post: #4143
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-26-2010, 03:34 PM
Parent: #4141

يعني مافي زول سأل من صور قندهار ...طيب لمن تسألوا ننزلها ليكم .. عالم جبانات








ولا أقول ليكم كدي نخلي النتائج دي تأخد حظها ومن ثم الصور ...
Post: #4144
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-26-2010, 05:13 PM
Parent: #4143

159.JPG Hosting at Sudaneseonline.com


ماشاء الله تبارك الله

الف ألف مبروك النجاح لعيسى ووالده موسى والعائلة
وألف مبروك لأسيل هشام عيد ولوالدها وعمها محمد عيد
وألف مبروك لتبيان بنت أخت الرشيد ومبروك لخالها ووالدتها
ونسأل الله لهاالشفاء والعافية التامة والعودة بالسلامة
وألف مبروك لمجدي أزهري دهب ومبروك لوالده وعمه عصام دهب
إن شاء الله دائما ناجحين وموفقين
Post: #4145
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-26-2010, 05:27 PM
Parent: #4143

التهنئة لآل دهب بنجاح مجدي أزهري دهب و الذي لا شك أنه قد ورث الذكاء و الشطارة من أعمامه...

زهير وين صور قندهار؟؟؟
Post: #4146
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-26-2010, 10:08 PM
Parent: #4145

ظهرا وامامى كباية الشاى الماخمج رن الموبايل معلنا وصول رساله
اغضبتنى جدا فقد كانت تخبر بال 251 نتيجة بنتى علا فقد كنت اتوقع
لها اكثر من ذلك, دخل احد جيران العمل هاشا باشا فرحا يحمل علبة
حلوى يقسمها على الجميع فقد نجح ابنه ب237 عندها فقط حمدت الله و حملت التلفون
لابارك لها عبر الاثير, مبروك لكل الناجحين
Post: #4147
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-27-2010, 05:07 AM
Parent: #4146

الدهب لا يصدا و سوف يظل دوما اكثر لمعانا حتى وإن جارت علية

ظروف الطرق و الصهر فلك التهاني اخي عصام دهب بنجاح مجدي دهب

و انشاء الله نراه من المتفوقين في امتحان الشهادة .


الريس العزيز معتصم جعفر نبارك لعلا و انشاء الله انت تتعلي دوما

و نتمنى لها المزيد من النجاحات والتفوق و انت كمان ما تبالغ

كتير مالها 251 يعني نسبة في حدود 90% هؤلاء هم جيل المستقبل ما

علينا إلا ان ناخذ بيدهم و نشجعهم لانهم هم الاستثمار الحقيقي فاكرر

التهاني لها و لامها و لباقي الاسرة و انشاء الله ربنا يديم عليكم

الافراح .

ود الزناتي متشكرين و العقبال لجميع الزقازيقاب و انشاء الله ربنا

يجعل كل ايامك افراح و سعادة وخاصة الافراح عندما تاتي من الابناء

بيكون ليها طعم اخر .


ابو عمر لقدام و القبال لناس ضحى صباح ولجميع الحلوين انشاء الله

ربنا يسعدهم و يعليهم و يجعلهم من المتفوقين دوما و علي راي منصور

خلي قريب الحكاية ما تفوتك و سوف تكون قريبا فالسمع يكلم الما سمع
Post: #4148
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-27-2010, 05:46 AM
Parent: #4147

ألف مبروك النجاح لعيسى موسي ووالده موسى عيسي والاسرة
وألف مبروك لأسيل هشام عيد ولوالدها وعمها محمد عيد
وألف مبروك لتبيان بنت أخت الرشيد ومبروك لخالها ووالدتها
ونسأل الله لهاالشفاء والعافية التامة والعودة بالسلامة
وألف مبروك لمجدي أزهري دهب ومبروك لوالده وعمه عصام دهب
وألف مبروك لعلا معتصم جعفر
إن شاء الله دائما ناجحين وموفقين والعاقبة عند الباقين ..
Post: #4149
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-27-2010, 06:28 AM
Parent: #4148

صبحكم الله بالخير و السرور

Quote: ظهرا وامامى كباية الشاى الماخمج رن الموبايل معلنا وصول رساله
اغضبتنى جدا فقد كانت تخبر بال 251 نتيجة بنتى علا فقد كنت اتوقع
لها اكثر من ذلك,


يا ريس مبروك لي علا أولا على تلك النتيجه الباهرة...ثم ليك و لي أم سلمان...
كل التقدم و الازدهار لعلا...

لكن يا ريس الذي أثار غضبك ما نتيجة علا...
هي حاجة من اتنين...
يا شمس الظهيرة دي تكون حااااااااارة و حرقت ليك روحك...
يا يكون الشاي الانت قايلو خمج...
طلع ما خمج...

يا تكون أخدت ليك سيك في قبولك...
زي جماعة كده....
Post: #4150
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-27-2010, 06:44 AM
Parent: #4149

فقط مسموح للأخوة كسير تلج و دفيق المحلبية بهذه المناسبة السعيدة لأبناءنا
غير ذلك كل قرد يطلع جبلو عليه أهنئ كل من
عيسي موسي عيسي و إحرازه 265 ..
أسيل هشام عيد و إحرازها 261 ....
و تبيان بت مني شقيقة الرشيد بابكر و إحرازها 274...
مجدي أزهري دهب و إحرازه 270 (إنشاءالله أكون مقدر صاح)..
و علا معتصم جعفر و إحرازها 251 ...
ولد جيران معتصم جعفر الذي أحرز 237

إبني عمر بيسأل الأعمام و قال ليكم الفورة كم؟؟؟؟؟؟
لا تفوت على فطنة القارئ التعب التعبتو في لقيط النتائج من المداخلات ما عدا بتاعت آل دهب
عليه أحذر من الكوبي و البيست لهذه المداخلة و إلا.......إحم و السلام
Post: #4151
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-27-2010, 07:13 AM
Parent: #4150

مبروك يا عــلا انشاء الله دايما فى العلالى
والتحايا عبرك يا ريس للدكتورة منى والابناء


ابو عناب والاسرة
Post: #4152
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-27-2010, 07:23 AM
Parent: #4151

Quote: يا تكون أخدت ليك سيك في قبولك...
زي جماعة كده....


هويييييييييييييييييييي يالرشيد هسى في زول قال ليك

جيب سيرت جلا !!!! عموما هو براه جاء ناطي يعني في الراسو

حرقص براهو برقص .


الشي التاني مبروك حافي كده لعيسي موسى من اخونا جلا و بعد

ثلاثة ايام من النتيجة ما مقبولة أو ( عهود) بالله قوم ادينا

فاتحتنا !!!!!
Post: #4153
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-27-2010, 07:29 AM
Parent: #4150

تهانينا لكل الناجحين
عيسي موسي عيسي و إحرازه 265 ..
أسيل هشام عيد و إحرازها 261 ....
و تبيان بت مني شقيقة الرشيد بابكر و إحرازها 274...
مجدي أزهري دهب و إحرازه 270 ..
و علا معتصم جعفر و إحرازها 251 ...
ولد جيران معتصم جعفر الذي أحرز 237
الكوبي بيست دا ترحيب بالملك جلا
وعندنا مثل بقول (العندو بليلة بغادي بيها)
اذا كل زول جاب غداه المدنكل وانت ماعندك غير بليلة برضه طلعها
الشرح دة عشان عبد الدايم
المهم باركو لي بنتي روان 195 درجة
Post: #4155
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 04-27-2010, 07:39 AM
Parent: #4150

صباح الخير،،،يا وجوه الخير

أصبحنا وأصبح الملك لله،،،وحده

ماشاء الله ما زال مسلسل النجاحات الباهرة

التي أحرزها الأبناء تتوالى

ألف مبروك ،،، مجدي دهب

ألف مبروك ،،، علا معتصم جعفر
Post: #4154
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-27-2010, 07:31 AM
Parent: #4149

صباح الهناء والسرور ...

ملايين التبريكات لكل المتفوقين والناجحين من ابناء واقارب الزقازيقاب ونخص بالتهنئة الاخوان موسى عيسى - رشيد القوم - الريس معتصم ..
Post: #4156
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-27-2010, 08:00 AM
Parent: #4154

Quote: المهم باركو لي بنتي روان 195 درجة


التهاني والتبريكات ليك يا روان المهدي و انشاء الله من

المتفوقات في امتحان الشهادة و ربنا يديم الافراح يا عمر



تشكر يا البادي انشاء الله يربنا يعلي كل ابناء الزقازيقين

و يسعدهم بيهم .

و بالمناسبة يالبادي العشاء فتة حمص كيف !
Post: #4157
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-27-2010, 08:16 AM
Parent: #4149

أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار وأدخلنا الجنة مع الأبرار
ربنا تقبل منا إنك أنت السميع العليم
وتب علينا إنك أنت التواب الرحيم
ربنا آمنا بما أنزلت واتبعنا الرسول
فاكتبنا مع الشاهدين


ألف مبروك النجاح لعلا معتصم جعفر ولوالدها والأسرة
وإن شاء الله فلاح وفوز ونجاح دائما وعقبال الجامعة
Post: #4158
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-27-2010, 08:50 AM
Parent: #4157

Quote: فقط مسموح للأخوة كسير تلج و دفيق المحلبية بهذه المناسبة السعيدة لأبناءنا
غير ذلك كل قرد يطلع جبلو عليه أهنئ كل من
عيسي موسي عيسي و إحرازه 265 ..
أسيل هشام عيد و إحرازها 261 ....
و تبيان بت مني شقيقة الرشيد بابكر و إحرازها 274...
مجدي أزهري دهب و إحرازه 270 (إنشاءالله أكون مقدر صاح)..
و علا معتصم جعفر و إحرازها 251 ...
ولد جيران معتصم جعفر الذي أحرز 237

إبني عمر بيسأل الأعمام و قال ليكم الفورة كم؟؟؟؟؟؟
لا تفوت على فطنة القارئ التعب التعبتو في لقيط النتائج من المداخلات ما عدا بتاعت آل دهب
عليه أحذر من الكوبي و البيست لهذه المداخلة و إلا.......إحم و السلام

اها وقال ليك بي ضبانتا نشوفك عاوز تعمل شنو يعني؟
قوم ادينا فاتحتنا بلاش حركات معاك ... اسا الزول ينادي ليك بكري يقلع باسويردو
انت قايل الحكاية هاملة ساكت
تغيب على كيفك وتجي على كيفك؟
















----
جلال مركب مكنة "هراشة ساكت"
Post: #4159
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-27-2010, 08:58 AM
Parent: #4158

مبروك تانى وتالت لروان عمر المهدى

تستاهلى بيتين دوبيت وكمان جــوال نوكيا




ابو كاميرا
Post: #4160
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-27-2010, 09:02 AM
Parent: #4158

وتتوالى الفرحة فى ديار الزقازيقاب

التهانى والتبريكات بنجاح ..

مجدى دهب

علا معتصم جعفر

روان المهدى

وربنا يديم النجاحات والافراح ..

Quote: إبني عمر بيسأل الأعمام و قال ليكم الفورة كم؟؟؟؟؟؟


يا عمر يا ابنى ..

الفورة ايام ناس ابوك كانت 100 وهدية النجاح كانت تعريفة

ايام ناس عمك الزناتى كانت 200 والهدية ريال

ايامنا انحنا غايتو كانت 260 والهدية طراده ..

لكن الايامات دى ( ايام ناس اخوك البادى ) ما بنعرفها كم لكن الهدية حلاوة حمصية ..!
Post: #4161
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-27-2010, 09:49 AM
Parent: #4160

على ايامنا المجموع الكامل كان 250
والنجاح من من 125

هدايا الاولاد غالبا" ما تكون عجلة ، ويستفيد منها للمشى للمدرسة
فى المرحلة المتوسطة ، البنات ما مذكر هداياهم شنو ..

فى ناس بسقطو وما بقولو مجموعهم الحقيقى ، يقول انا جبت 124 ونص
فضل لى نص درجة

برضو حكاية الميتينات كان قليلة للشطار فقط
عندنا جارنا التنافس بينا كان على اشده ولدو جاب 186
يقول للناس ولدى جاب 200 الا 14 درجة
Post: #4163
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-27-2010, 10:06 AM
Parent: #4161

دودي ....
الكلام دا كان سنة كم؟
انا غايتو هدية نجاحي في المتوسط كانت PlayStation 3
Post: #4162
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-27-2010, 09:56 AM
Parent: #4160

يا رى الواحد ينتظر شوية تانى ويعمل كوى بيست واحد
ولا خلاص الأسماء كلها انكتبت ؟؟؟
بقيتوا كبار بشكل , بالله اولادكم وبناتكم امتحنوا اساس ؟؟
تانى باقى ليكم شنو , ما تقوموا تلفوا بس
عموما نبدأ بى ود جيران ناس الريس معتصم
ونغشى علا معتصم جعفر , ونبارك لى ام سلمان وابوهو
ونشتت تباريكنا ما بين اركويت والمعمورة والأردن
نوصلها لى تبيان مبارك محمد الحسن عبد الله ياسين , وامها منى بابكر , وخيلانها من محد بابكر
لغاية عماد بابكر , ونغشيها لى الرشيد المسافر الأردن يوم السبت الجاى
وندعو ليهو ومعاهو ربنا يتمم شفاء منى , ويطمنو عليها ويرجعوا لى وليداتو سالم غانم
ونمرقها فى شمبات نسلم على اسيل هشام عيد ونبارك ليها هى وحبوبتها ام محمد عيد
وعماتها واعمامها من محمد لغاية حاتم وامير
ونرجع للرياض بعد ما نغشى اهلنا فى الجزيرة ابا
ونقول لى عيسى موسى عيسى , اهو ضمننا لينا لمة تانية , مبروك والف مبروك ليك ولى ام عيسى
واين ما كان مجدى ازهرى دهب , فان تباريكنا وتهانينا تصله وتغشى عمه عصام دهب
ولا ننسى ان نحط بالرحال الى المنطقة الغربية
عشان نشد على ايدى روان عمر المهدى , وامها وابوها
لكن اقول ليكم حاجة
قطعتوا نفسنا عدييييل
مبروك ياخ
Post: #4164
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-27-2010, 10:19 AM
Parent: #4162

التهاني لكل المتفوقين
وعقبال الجامعة ان شاء الله

الشكر لكل من سأل عني
مدروش شغل شديد
وقافلة للطيش




التحية من علي البعد للعزيز حسن ابو علي
صاحب الشال الاحمر
Post: #4165
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-27-2010, 10:25 AM
Parent: #4162

Quote: الفورة ايام ناس ابوك كانت 100 وهدية النجاح كانت تعريفة

ايام ناس عمك الزناتى كانت 200 والهدية ريال

ايامنا انحنا غايتو كانت 260 والهدية طراده ..

لكن الايامات دى ( ايام ناس اخوك البادى ) ما بنعرفها كم لكن الهدية حلاوة حمصية ..!

لا نامت أعين الجبانين و المندسين
أنا يأولولي أن أيامي كانت الفورة 100؟؟؟؟؟
طيب الزول دا في ياتو تصنيف من التصنيف الدولي يعني يختوهو وين؟؟؟؟؟
Quote: على ايامنا المجموع الكامل كان 250
والنجاح من من 125

Quote: لكن اقول ليكم حاجة
قطعتوا نفسنا عدييييل
مبروك ياخ

و إنت شفت حاجة
ولد جيرانا في كسلا حيطة بالحيطة جاب 238
الماجاني في ود جيراني يعتبر ما جاني....
Post: #4166
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-27-2010, 10:52 AM
Parent: #4165

نهاراتكم عسل ...

التبريكات والتهاني لاخونا عمر المهدي - واخونا عصام دهب - وما بننسى ولد جيران الحاج جلا ..

اخونا الجميل محمد عيد .. والله نحن الحمص هرا مصارينا .. لكن اقول ليك حاجة الهلال والمريخ الى الكنفدرالية بالسمسمية والتونسية .. وفي الكنفدرالية ما حايجيبو عمار .. و نحن تاني ما حنراهن على اللاعب السوداني وكفاية احباطات ووجع قلب .. لا هلال ولا مريخ .. لا هلال ولا مريخ ..

الفورة يعني شنو .. غايتو نحن اولاد صغار وزمننا لسه ما جاء .. الله يحضركم ليه يا اعمامنا الافاضل ...
Post: #4167
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-27-2010, 11:12 AM
Parent: #4166

Quote:
الفورة يعني شنو .. غايتو نحن اولاد صغار وزمننا لسه ما جاء .. الله يحضركم ليه يا اعمامنا الافاضل ...


يالبادي انت شن جابك لناس جلا امس القريب دا لقيت لي واحد

راجلا كبير ليه شنبات زي حقات ود الزناتي داك ؟ قال لي الله انا

من كسلا و كمان محمد ادم النور دا درسني في كسلا قبل ما يجي

الجامعة ؟ يعني قديم خلاص من زمن الفورة مية في الكمبلة طبعا

زمنهم داك الحياة كانت رخية اللعب ماخد يومهم كلو لكن في

زمنا الفورة بقت عشرة علشان القراية ام دق !!!

و الميكروف مع عم عمر المهدي لشرح المصطلحات ..............
Post: #4168
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-27-2010, 12:01 PM
Parent: #4167

Quote: المهم باركو لي بنتي روان 195 درجة

نجاح مبارك يا روان ليكي و لي أمك و أخوانك
بعدين يا أبو الشباب لمن تعمل موبي بيست
خلي الحاجات زي حتاتها
زي ما عمل الزول الطاعم
بعدين نحن نقدر ما نقول مبروك النجاح يا روان
هاك الهدية دي
sudansudansudansudansudansudansudansudansudansudan23.jpg Hosting at Sudaneseonline.com
Post: #4169
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-27-2010, 12:48 PM
Parent: #4168

Quote: لكن اقول ليك حاجة الهلال والمريخ الى الكنفدرالية بالسمسمية والتونسية


لا وانت الصادق ..

بالكيــتا والكمبــلة ..!!

Post: #4170
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-27-2010, 01:15 PM
Parent: #4169

مبروك النجاح لبنتنا روان عمر المهدي...
و التهنئة موصولة لي ود المهدي و أن روان...

كنت عايز أهدي ليك بطاقة تهنئة لقيت واحد من أعمامك ديل سرق بطاقتي وعملها حقتو...

الله يصرف الخواجات...
Post: #4171
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-27-2010, 02:09 PM
Parent: #4170

Quote: الله يصرف الخواجات...

يا رب آمييييين
و بإذن واحد أحد الواحد يمسك مكانهم و يصبح International Staff
أي واحد مغترب يخت في بطنو بطيخة صيفي و يجي راجع السودان
هس في ناس يقولو ليك إلا بعد أربع سنوات
إنتو الهلال درن مع الإسماعيلي عشان كدا حظوظو ضعيفة و لا شنو؟؟؟
أمبارح عرفت المريخ مغلوب من الترجي
طبعاً المريخ متعود على التعويض في الريد كاسل
و لا يهمك يا محمد عيد
Post: #4172
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-27-2010, 05:04 PM
Parent: #4171

يا أخوانا
الود الطاعم ده منو
حلاتو
Quote: انا غايتو هدية نجاحي في المتوسط كانت PlayStation 3



الود الحلو أظنو كان في المتوسط السنة الفاتت
انا شفتو الاسبوع الفات لابس مريلة الثانوية
آسف يوني فورم الثانوية

يا طارق جبريل تعال بي جاي
عليك الله
قاعد تتجني علي بي هناك وتقول انا ديناصور
تعال شوف الديناصورات البتلعب بلي ستشن ثري دي عليك الله
Post: #4173
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-27-2010, 05:15 PM
Parent: #4172

يا شادي كيفنك
انت صدقت ناس البلي ستشن ديل
يمين يكونوا داقين ام الحفر وحرينا
والعرق في رجلينهم زي خرايط الجغرافيا
انا غايتو كان بيجيبوا لي ميكي ماوس بوالعدم كدة كبتن ماجد
Post: #4174
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-27-2010, 05:31 PM
Parent: #4173

والله ياكمال ... حالتى دي قلت عدت وزل جاب ليها خبر مافي
لكن لقيتك مفتح ....

جبرييلا ام الحفر شنو ياخ عليك امان الله "شدت" كسرت ركبنا كلو كلو
وكلوا كوم والبلي كوم ...
والله كان عندي شراب مليان بلي رابطو فوق النيمة
Post: #4175
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-27-2010, 05:36 PM
Parent: #4174

يا جلال يا حبيب
والله ناس الشادي ديل بيكونوا كملوا سكج بكج
Post: #4176
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 04-27-2010, 05:53 PM
Parent: #4173

احلى الامانى واجمل التهانى بمناسبة نجاح كل الورود:
مبروك عيسى موسى
مبروك اسيل هشام
مبروك مجدى ازهرى
مبروك علا معتصم
مبروك روان عمر مهدى
مبروك مجدى مهدى
مبروك تبو( تبيان مبارك بت منى بابكر) الحمد لله الفرحتى ماما منى .. انشاء الله ترجع ماما سالمة ..
تحية خاصة لمنى بابكر ام تبو وامنيةوتسنيم ودعواتنا كلناليها بالشفاء العاجل منى اصرت تسافر الاردن بعد ما تخلص تبيان الامتحانات ..
مبروك للميس فتحى(270) بت نوال حوفى عمتى ..
مبرررررررررروك ليكم ولينا كلنا وعقبال النجاح لاولادكم كلكم
ودمتم سالمين
Post: #4177
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-28-2010, 06:57 AM
Parent: #4176

صباح الخيريضوي عليك بشاشاتو
وحنين زولا يشيلك يعطر بيك مساحاتو
صباح امي وصباح دمي البتمرق من مضخاتو
صباح الخير شروق عمري وبداياتو
صبحت اليوم سمعتك في حسيس قلبي بتهتف من صباباتو
صباحكم بالرضا والسرور والذنب المغفور
شايل رسالة من روان بتقول اشكر لي اعمامي
كتير وكتر خيركم و تشكرات للحاج جلا علي البطاقة الحلوة
وياعبد الدايم بتقول يابابا انت عمو دا كلمتو بي طلباتي
مع كثير شكري لكم علي تهانيكم الرقيقة
وربنا يفرحكم بي اولادكم ويسعدكم جميعا
Post: #4178
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-28-2010, 08:11 AM
Parent: #4177

Quote: صباح الخيريضوي عليك بشاشاتو
وحنين زولا يشيلك يعطر بيك مساحاتو
صباح امي وصباح دمي البتمرق من مضخاتو
.
.
.
شايل رسالة من روان بتقول اشكر لي اعمامي



مبرووووووووووووووووووووووووك لكل اولادنا وبناتنا

وماننسي اسرة "حوفي"
Post: #4179
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-28-2010, 08:20 AM
Parent: #4177

wqe.jpg Hosting at Sudaneseonline.com


مبروك النجاح ياروان وياوالد روان وكل أهل روان
ومبروك النجاح للميس فتحي بت أخت نجاة حوفي
ودائما إن شاء الله توفيق ونجاح



ياجلا ماتقول حاجة أخذنا هذه البطاقة براس مالها
أنت سرقت البطاقة وأخذت منك بنفس الطريقة.
Post: #4180
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 08:24 AM
Parent: #4177

نجاة حوفي
ام الحلوين
الله يخليهم ليك
ويخلي ليك البراية الكبير كمان
انا بستأذنك اعمل كوبي وبيست لكل الكتبتيهو فوق
كنت منتظر واحد تفتيحة يلم الاسامي كلها عشان نعمل كوبي ونبارك تاني
احلى الامانى واجمل التهانى بمناسبة نجاح كل الورود:
مبروك عيسى موسى
مبروك اسيل هشام
مبروك مجدى ازهرى
مبروك علا معتصم
مبروك روان عمر مهدى
مبروك مجدى مهدى
مبروك تبو( تبيان مبارك بت منى بابكر) الحمد لله الفرحتى ماما منى .. انشاء الله ترجع ماما سالمة ..
تحية خاصة لمنى بابكر ام تبو وامنيةوتسنيم ودعواتنا كلناليها بالشفاء العاجل منى اصرت تسافر الاردن بعد ما تخلص تبيان الامتحانات ..
مبروك للميس فتحى(270) بت نوال حوفى عمتى ..
مبرررررررررروك ليكم ولينا كلنا وعقبال النجاح لاولادكم كلكم
ودمتم سالمين
Post: #4181
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 08:28 AM
Parent: #4180

يا عمر المهدي
سؤال مباشر
وإجابة مباشرة لو سمحت
الكلام الحلو ده
اول حاجة باقيهو وين
والكتبو منو
Quote: صباح الخيريضوي عليك بشاشاتو
وحنين زولا يشيلك يعطر بيك مساحاتو
صباح امي وصباح دمي البتمرق من مضخاتو
صباح الخير شروق عمري وبداياتو
صبحت اليوم سمعتك في حسيس قلبي بتهتف من صباباتو
Post: #4182
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 08:31 AM
Parent: #4181

يا جلال عليك الله ساعدني بالترجمة
الكلمتين ديل معناتم شنو
Quote: سكج بكج

أول مرة اسمع حاجة زي دي
صاحبك طارق باين عليهو عاش طفولة صعبة عشان يعرف كلمات زي دي
Post: #4183
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-28-2010, 08:43 AM
Parent: #4180

Quote: انا بستأذنك اعمل كوبي وبيست

إتعلمو من الزول دا يا.....
أمبارح قلت مافي زول يعمل كوبي بيست لمداخلتي
لقيت ليك الجماعة خرمجوها
لا زلت أكرر ولد جيرانا جاب 238
Post: #4184
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-28-2010, 08:55 AM
Parent: #4183

Quote: أول مرة اسمع حاجة زي دي
صاحبك طارق باين عليهو عاش طفولة صعبة عشان يعرف كلمات زي دي



يا كيمو .. جبريلا ده اليومين ديل أختاهو بى الله واحد ..

الزول ده كان اتحرشت بيهو زياده يمين الله يفك فيك بنج كده ما بعرفوا جايبو من وين

والله يخليك تنضم نضمى فى البوست ده وتفــت الداسيهو كلو ..!

بعدين انت ليه ما اتلايقت مع موسى عيسى .. ما برضوا قاعد يقول ليك كمبلت و كومبليتة

وشــدّت وحرينا وشليل وين راح ..؟؟

هووووى يا ناس الرياض .. شغل الدوائر الجغرافية ده طمم بطننا فى انتخابات الســجم ...

كفاية ..!
Post: #4185
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-28-2010, 09:00 AM
Parent: #4183

وقضى ربك الا تعبدوا إلا اياه وبالوالدين إحسانا

اللهم نسألك الرحمة والمغفرة والصحة والعافية لوالديّ
اللهم أرزقنا رضاهم ونعوذ بك من عقوقهم

ألف مبروك النجاح لولد جيران محمد آدم النور
ومبروك لوالديه ولكل الجيران النتيجة المشرفة 238درجة


من هو/ مجدي مهدي المهنأ أعلاه يمكن يكون ولد جيران جلا
Post: #4186
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-28-2010, 09:08 AM
Parent: #4183

سلامات يا ناس

وصباحات التفاؤل

يبدو أنه فاتنى الإستماع...

يومين لايص ( وجلا هايص) وما قادر أخش بسبب الشبكة

او الجهاز ما عارف...

مبروووووك لكل الوليدات والبِنَّيات النجحوا وفرحوا الجميع.

وعلى شرف النجاح ..كلكم مدعويين كم قيم كده سكّج بكّج.
Post: #4187
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-28-2010, 09:29 AM
Parent: #4186

Quote: يا جلال عليك الله ساعدني بالترجمة
الكلمتين ديل معناتم شنو

بلحيل آآ جني
هي لعبة انتشرت في اوائل التمانينات "طبعاً الوكت داك انا في اولى ابتدائي عشان كدة متذكر كويس"
وهي لعبة شرحها صعب جداً الا تشوفها عشان تفهمها...
غايتو اسا قاعد انجر في "الكلب"* ولمن انتهي بنزل ليك صورتو يمكن تساعد في الشرح
















-----
"الكلب"* هذه الكلمة هي واحدة من الادوات التي تستعمل في هذه اللعبة ... والله جد
مش داك البهوهو
غايتو ياكمال دخلتنا في مكان ... يعني اسا نوعي البعرف يصنعا دا تقول عليه عاش طفولة شنو
والله يا اولاد الصحافة عليكم جنس حاجات
Post: #4188
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 09:29 AM
Parent: #4186

الحبيب الغالي محمد عيد
حرام عليك
ايه جاب لجاب
ياحبيب
ال
Quote: بعدين انت ليه ما اتلايقت مع موسى عيسى .. ما برضوا قاعد يقول ليك كمبلت و كومبليتة

وشــدّت وحرينا وشليل وين راح ..؟؟


الالعاب الذكرتها دي كلها انا وموسى عيسى كنا بنلعبها في كي جي مع بعض
وعمرنا ما قالو لينا على السكج بكج بتاعة صاحبك المبنج داك

إنت سمعتو قال شنو

Quote: انا غايتو كان بيجيبوا لي ميكي ماوس بوالعدم كدة كبتن ماجد


يا أخي ايام طفولتو الديناصور ده مجلة ماجد لسه ما بدأت تصدر
جنس صلبطة

بعدين يا محمد عيد إنت معانا والله مع الجماعة ؟
Post: #4189
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 09:31 AM
Parent: #4186

Quote: تعلمو من الزول دا يا.....
أمبارح قلت مافي زول يعمل كوبي بيست لمداخلتي
لقيت ليك الجماعة خرمجوها
لا زلت أكرر ولد جيرانا جاب 238

يا زول بطل صلبطة
انا لا عملت منك كوبي ولا حاجة
من نجاة حوفي
وإستأذنتها
وهي سمحت لي

ولد جيرانكم الجاب 238 ده انشاء الله يتبارك والله يعليهو ويبقى أحسن زول في الدنيا
والف مبروك ليهو
Post: #4190
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 09:36 AM
Parent: #4189

الحبيب محمد صديق

عارف لمن اكون قاطع من البوست فترة طويلة
واقرر ارجع افكر في مكنة كده افكها في الجماعة ( نوع من الاعتذار يعني )
ولمن تغلبني الحيلة
اقول ما في مشكلة اراجع بوستات محمد صديق بلاقي حل
الراجل ده كل مرة فاكي فينا واحدة شكل
مكناتك قاعد تنفعنا في الزنقة
Quote: يومين لايص ( وجلا هايص) وما قادر أخش بسبب الشبكة

او الجهاز ما عارف...
Post: #4191
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-28-2010, 09:50 AM
Parent: #4190

Quote: يا زول بطل صلبطة
انا لا عملت منك كوبي ولا حاجة
من نجاة حوفي
وإستأذنتها
وهي سمحت لي

يا جماعة أمسكوا الدفار دا منِّي!!!!
أولاً نجاة حوفي عملت كوبي لمداخلتي
و لو ما عملت كوبي برضو عملت كوبي
إنت كتر خيرك شكرناك و قلنا للناس التانيين إتعلمو ثقافة حقوق الآخريين منك الشادي
و الكلام معني بيهو الزول الطاعم و غير الطاعم
بالمناسبة أنا منصب نفسي شرطي البوست دا
و إنت أدليت بقول غير صحيحة ....حيث لا يوجد دليل بسماح نجاة حوفي لك
وهذا تدليس
تدليس يعني شنو يا جلال؟؟؟؟ ...بلاش جلال ...تدليس يعني شنو يا دهب؟؟؟
Post: #4194
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 10:00 AM
Parent: #4191

Quote: تدليس يعني شنو يا جلال؟؟؟؟

نطيت منو ليه جلال
انا راضي بي حكمو
ده ود دفعتي في الابتدائي في الثمانينات


مشيها يا ابو الجلاجل أسترنا الله يستر عليك
Post: #4192
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-28-2010, 09:53 AM
Parent: #4190

شادينا الكلام دا ماعندو باقي
وهو مشري من السوق
مازي طاقية ود بادي
هدية ام زين ومامشرية من السوق
بعدين سكج بكج دي لعبة مشهورة
حتي في الزقازيق في اولاد بلعبوها
لما شفتها في الصحافة تكون شفتها
في الزقازيق واسمها عصفورة
شايف الفرق في الاسماء
برضه الملافظ سعد
Post: #4193
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-28-2010, 09:57 AM
Parent: #4189

صباح الهناء والسرور ...

اصبحنا واصبح الملك لله ...

كمان ملايين التبريكات لاولادنا واولاد الجيران الناجحين والمتفوقين...

وكمان مبروك لي وليد جيران جلا الفي كسلا .. يا جلا ما عذبتنـــــــا...
Post: #4195
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-28-2010, 10:06 AM
Parent: #4193

Quote: تدليس يعني شنو يا جلال؟؟؟؟ ...بلاش جلال ...تدليس يعني شنو يا دهب؟؟؟

والله ياهو التدليس بعينه ....
عليك انا كان ماغلطان اعما منك كوبي بيست ...
مالو كلام ود المهدي الحلو داك شعر ... ومقفى ... وطاااااااااااااااعم زيّ
لكن قالوا شقي الحال يقع في جلا ....
عازمك سكج بكج .... وبالعدم فلفلت

ود المهدي ... ياحبيب
لكن الشادي دا ما كان بمشي شارع فاروق ياخ ...
لعصفورة دي في المساكن مافي ...
Post: #4196
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 10:14 AM
Parent: #4195

صديقي الجميل العزيز ودفعتي جلال
Quote: يا جماعة أمسكوا الدفار دا منِّي!!!!

يعني شنو دفار ؟؟؟؟؟؟؟؟؟؟
Post: #4197
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-28-2010, 10:21 AM
Parent: #4196

Quote: انا راضي بي حكمو
ده ود دفعتي في الابتدائي في الثمانينات


الناس ديل كلامهم صاح

وكمان كانوا بيلعبوا ســيجة وصـفرجت فى ضل الحيطة جنب خور جانقى

وبالليل بيتموها الرمــّه وحرّاسها فوق كوم الرملة القدام الدكان ..!
Post: #4198
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-28-2010, 11:05 AM
Parent: #4193

Quote: وكمان مبروك لي وليد جيران جلا الفي كسلا .. يا جلا ما عذبتنـــــــا...

كتر خيرك
أنا حارس الزول اللافي يبارك للناس زي لفة الكلب في الحلة
أنا عذبتك و ماشي
الكلام في الحمصية و التونسية
قلت لي المعز قريبكم؟؟؟؟
Post: #4199
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-28-2010, 11:10 AM
Parent: #4193

Quote: وكمان مبروك لي وليد جيران جلا الفي كسلا .. يا جلا ما عذبتنـــــــا...

كتر خيرك
أنا حارس الزول اللافي يبارك للناس زي لفة الكلب في الحلة
أنا عذبتك و ماشي
الكلام في الحمصية و التونسية
قلت لي المعز قريبكم؟؟؟؟
Post: #4200
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-28-2010, 11:35 AM
Parent: #4199

Quote:
وكمان كانوا بيلعبوا ســيجة وصـفرجت فى ضل الحيطة جنب خور جانقى

وبالليل بيتموها الرمــّه وحرّاسها فوق كوم الرملة القدام الدكان .



والله يا محمد عيد بدات تتغير لي كثير من المفاهيم نحن كنا

قايلنكم اولاد بحري و الخرطوم ديل حناكيش و كده لكن طلما كنت

بتعرفوا الحاجات الصعبة البقول فيها جلال وود جبريل دي الظاهر

الحكاية جايطة لا فيها خرطوم ولا فيها غيره !!!!


عموما البرنامج للرحلة القادمة لناس الزقازيق مشتركة في الخرج

حيكون في برنامج شدتت و حاره ام الجري و اي كرش ما تحول بيهناك!

الكلام ليك ما المنطط عينيك ؟.

الشي التاني يا جماعة اليوم البيكون فيه الواحد مشغول يلقاكم بتقولوا

كلام حلو حلاة ومن كل المخضرمين عمر مهدي و ود الشادي و طارق وكما جنابو

الليلة قدر يسترد عافيته و يرجع و العجب جلة متالق بس بالله يا شباب خلو

لينا شوية معاكم و حددوا لينا الفورة كم اول حاجة وشوفوا جلا دا بتاع

صلبطة ساي ما دايرنو معانا في القيم الجاي يمشي يلعب من الرجال الكبار

بهناك ناس ال..........وم...........................؟

الليلة يا جلال ما وقعت معاهم بس العكاكيز ...!!!!
Post: #4201
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 04-28-2010, 01:16 PM
Parent: #4200

فوق
.
.
.فوق
Post: #4233
Title: Re: ناس الزقازيق ... أجدع ناس ( 3 ) ..
Author: عمر نملة
Date: 05-01-2010, 06:59 AM
Parent: #4201

مبروك لاشبال وزهيرات الزقازيق
روان عمر المهدي،عيسي موسى عيسي،اسيل هشام،مجدي ازهري،علا معتصم،مجدي مهدي،تيبان مبارك،لميس فتحي وربنا يزيد افراحكم.
Post: #4202
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-28-2010, 01:17 PM
Parent: #4200

بالله عليكم الله شوفوا كلام ود الشادي دة
ياخي الدينصاور دة يمين امين محمد الحسن الشهير بأمين السمين قال جاء لقاهو خريج
يا جلال زولك دة من زمن بحكوا ليهو فاطنة السمحة وشمطت قمطت في قــ......ـة الصغير فيكم
تعرف يا ود عيد زولك دة بيكون اشتغل عطشقي قطارات حتى جاء الزقازيق
يعني نحن لمن ابوي زاتو ما فكر فيني ود الشادي كان حايم بي اللباس ابو استك داك
ورجيلنو من العرق عاملة خرايط بيضاء
غايتو زولكم دة ان بقى اتبنج يمين يطلعلو كلاما بي عجاجو من القُدُم
Post: #4203
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 01:35 PM
Parent: #4202

بالله اشهدوا على يا ناس
بالله انا ماشقي حال
جنيت على نفسي براي


قمت قبل شوية قلت البوست حلو محتاج طارق يخش
رسلت ليهو رسالة على الجوال
( عليك الله خش على النت )

أها انشاء الله شفتو النتيجة
والمصيبة الكبيرة كمان
راس ا لصفحة من فوق يعني لغاية ما الصفحة دي تقلب ان شاء الله
انا عمال أتهزأ
الله يقطع شرك يا مبنج
Post: #4204
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-28-2010, 01:39 PM
Parent: #4203

ود الشادي مسوي راسك اكنك سغنبوتي
انت وكتين بلغتة انا امي باقيلي ما خطبوها
يعلم الله ونستك قالوا كلها عن الدحشة والحمير اكرمكم الله
تجي تقولي ماك عارف سكج بكج
والله انت تلقاك ((أول حول)) لعبتها
ياخي انت وكتين تشرك للقمري والدباس في السواقي
انا ابوي جاب لي كنار*








ـــــــــــــــــــ
* هو كنار دة شنو أكنو
Post: #4205
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-28-2010, 05:13 PM
Parent: #4204

آلاف التبريكات لكل الحلوين

بت ريسنا وخطيبة ولدنا علا معتصم ... وأمانة ما إتلومنا معاها نجي نبارك ليها آخر ناس

ولروان عمر مهدي ... ومبروك لوالدها العزيز عمر مهدي وجعلها الله دائماً من المتفوقات ..

ولميس فتحي ... بت ناس حوفي ... ولكل آل حوفي وكمان صديقتي حاجة محاسن لازم نوصل ليها التحايا والتبريكات ...
Post: #4206
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 04-28-2010, 05:31 PM
Parent: #4205

الاخ محمد عيد ، كان زمان عندو حاجات كدة رائعة بيجيبها من وين ما عارف
انا لافي في النت ( المنبر الحار ) لقيت حاجة بتشبه الحاجات الكان بيجيبها محمد عيد
ايه رايكم نقراها سوا
----------------------
كيف تقود سيارتك في السودان؟

القاعدة الذهبية في القيادة في السودان:ـ
ـ'عامل جميع السيارات الأخرى كخصوم وأعداء لك'!!!ـ

اشارات الإنعطاف:ـ
لا تستعمل أي إشاراة انعطاف ضوئية أو يدوية.ـ
لأن في ذلك كشف لنواياك وإتجاهاتك للأعداء.ـ
وإذا تطلب الأمر، إعط إشارة لليمين ثم إستدر يسارًا أو العكس.ـ

المشاة:ـ
المشاة قوة معرقلة لك، لا تأبه لهم ولا تنظر اليهم.ـ
مع ذلك تجنب أن 'تطقش' أحدهم ما لم تكن مهيئاً للفرار دون أن يدركك أحد أو ان تكون مهيئاً ماليًا لتحمل تبعات ذلك. ونحن هنا نفضل الخيار الاول.ـ

سيارتك (قديمة أو جديدة)ـ

إذا كانت سيارتك قديمة ...ـ
إعتمد على مبدأ: 'اللي خايف على سيارته يزح '.ـ

أما إذا كانت سيارتك جديدة ...ـ
فإبتعد عن السيارات المعفنة والمهكعة.ـ
لأنها عدو لا يرحم وأصحابها يتلذذون في خدش سيارتك.ـ

الدخول للصينية:ـ
حين تدخل الى الصينية ، لا تنظر الى السيارات القادمة من اليسار.ـ
لان من ينظر اليهم يعني أنه منتبه لهم، لذا يجب أن يعطيهم الطريق، فيفقد بذلك حق من حقوقه المكتسبة.ـ

الإزدحامات المرورية:ـ
إعتمد على قاعدة: 'اللي يدخل سيارته أولاً يربح'،مع الاستمرار بالضغط على البوري 'بييب بيييييب'.ـ
ولكن إحذر أن تستخدم هذه القاعدة مع سائقي "الهايسات و الروزات " خوفاً على سيارتك وحياتك!ـ

عند السير البطئ:ـ
لا تترك مسافة بينك وبين السيارة التي أمامك أبدًا.ـ

لان ترك مثل هذا الفراغ يعني دخول سيارة أمامك، وهذا يكون على حساب كرامتك ومكانتك الشوارعية وفق المفاهيم السائدة حاليًا.ـ

خطوط المسار الطولية:ـ
حاول دائما ان يكون خط المسار بمنتصف سيارتك.ـ
هذه طريقة مثالية لحجز مسارين، في حال خسارتك لمسار لأحد الأعداء، يبقى لك المسار الآخر، مع فرصة لإسترجاع المسار المفقود من الخصم.ـ

إشارات المرور:ـ
عند الوقوف لاشارة المرور الضوئية، يجب البدء بالبوري 'بيييب بييييييييب' عندما تتوقع اقتراب اللون الاخضر.ـ
مع توقع ارتطام ميكرو من الخلف ، ولكنه معذور، فالزبون ينتظر في الشارع يا حرام.ـ

الطريق السريع (الهاي وي)ـ
إحرص على أن تلز او تلزق سيارتك بالسيارة التي أمامك، وحين يراك سائقها و انت ملاصق له بإصرار يكون هناك ثلاث إحتمالات:ـ

إذا كان ذلك السائق جباناً
فلا بد أن يفسح لك المجال لتجتازه، وبذلك تكون قد حققت نصراً معنوياً عليه، ولك أن تنظر له نظرة إستصغار واحتقار وأنت تجتازه.ـ

إذا كان مؤدب 'شوية'ـ
سيفسح لك المجال لإجتيازه، ولكن آنذاك قد تسمع بضعة كلمات قد يكون فيها أسماء حيوانات أو أهالي أو أشياء أخرى. فلابد أن تتوقع ذلك. وما عليك في هذه الحالة الا الاشارة بيدك 'وانت مبتسم'. ـ!!!!!

أما إذا لم يكن مؤدباً (وهم الأغلبية السائدة في الشوارع حاليًا)ـ
فسوف يبدأ بالتباطؤ، والانعطاف ناحيتك 'يحدك' على صبات الطريق او شبك , او شجرة ، ففي هذه الحالة يجب أن يكون حزام الامان غير مربوط حتى تنزل بسرعة من السيارة وتبدأ معركة صغيرة بالأسلحة البيضاء. وكن على اتم الاستعداد لمثل هذه الحالات بعصا، شاكوش، مفك. مع تكرار نفس اسماء الحيوانات والأهل مع بعض التعديلات (انت وحظك).ـ


وفي الأخير

يجب أن تعرف أن القيادة فن و ذوق وأخلاق
Post: #4207
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-28-2010, 08:19 PM
Parent: #4206

التحيه والاشواق للجميل الشادى وهو يعيش هذه الحاله الفافويه مع سكج
النضيف مالى اراك صامتا ما تقول بكج ولا خايفين من زول الرباط
يشلخكم لى ورا !!!
Post: #4208
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 04-28-2010, 08:20 PM
Parent: #4206

التحيه والاشواق للجميل الشادى وهو يعيش هذه الحاله الفافويه مع سكج
النضيف مالى اراك صامتا ما تقول بكج ولا خايفين من زول الرباط
يشلخكم لى ورا !!!
Post: #4209
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 04-28-2010, 09:48 PM
Parent: #4208

سلام يا اجدع ناس
معليش للبارسا وما بشجع الانتر
مبروك لبت الريس معتصم ولبت ود المهدى وللميس فتحى ولكل الفاتنى
واتلومنا وما عملنا احتفالية لمنصور
الليلة عيد ميلادو ال26\
كل سنة ومنصور واسرتو بالف صحة وعافية
يا عيد لحقنا حاجة
Post: #4210
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-28-2010, 09:49 PM
Parent: #4208

يا ريس معتصم
كيفنك ياخي
ياخي هم لاقين يتشلخوا لاااااوراء
Post: #4211
Title: Re: ناس الزقازيق ... أجدع ناس ( 3 ) ..
Author: محمد عيد
Date: 04-29-2010, 00:53 AM
Parent: #4210

لكن يا زنوبه ما زريتينى زرّة الترزى يوم الوقفة ..!

عاينى هسه الساعة كم ؟

&&&&&&&&&&&&&&&


sudansudansudan24.jpg Hosting at Sudaneseonline.com

منصور .. كل سنة وانت طيب

وكل 26 سنة جاية عديده ومديده انشاء الله

sudansudansudan25.jpg Hosting at Sudaneseonline.com
Post: #4212
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-29-2010, 06:55 AM
Parent: #4211

صبحكم الله بالخير و السرور

أجمل التبريكات و التهاني لملك الجمال و الذوق...العزيز اللذيذ زي آيسكريم كون زون...حبيبنا الأولاني فلان الفلاني...منصور بن عبد الرازق محمد فضل بمناسبة عيد مولده...يا منص ان شاء الله تعيش و تتهنى و عمر مديد و سعيد...و التهنئة لي أماني و لجميع أفراد الأسرة من أحمد و حتى مدرار مرورا بايثار الجميلة ومجتبى و حجازي...

كنت عايز أكسر تلج أكتر من كده لكن خفت ألحق ليكم البوست ده تيتانيك...
Post: #4213
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 04-29-2010, 07:19 AM
Parent: #4212

Quote: لكن يا زنوبه ما زريتينى زرّة الترزى يوم الوقفة ..!

و الله إنت خاطي براك!!!
في زول مولود يوم عيد الإستقلال يوم 1/1 يسو ليهو عيد ميلاد؟؟؟؟
ما كفاهو عيد الإستقلال
غايتو نسوي شنو غير نقول
كل عام و السودان يظل حراً أبياً... و كمان منصور
Post: #4214
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-29-2010, 07:43 AM
Parent: #4213

صباح الهناء والسرور ...

منصورنا الجكاك كل سنة وانت بالف خير وعقبال سنوات عديدة ومديدة كلها صحة وعافية وهناء وسعادة .. ممكن اهدي جكة عيد الميلاد ... بهديها لي كل الحلوين الجاكين والمهرولين ...

اخونا جلا كان ما شغال بالكورة السودانية واخر عهدوا بيها ايام ناس صديق منزول وصحبه وفي رواية اخرى من ايام الرياضة الجماهيرية ...
طيب مالك ومال المعز .. ممكن تكون فاكرو ابوالعز ...

يا جلا هـــــــوي الحوش دا عندو بوليس اسمه جنابو محمد صديق .. قوم لف هسه بخلي عصام دهب يعمل ليك بلاغ انتحال شخصية بوليس هو انت قايل البلد فوضى .. ما عذبتنـــــــا ...

يا ود جبريلا كيفنك .. العصفورة قالت لي انت جاي البلد قريب .. انشاء الله تجي بالسلامة ..
Post: #4215
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 04-29-2010, 07:58 AM
Parent: #4214

امس اتكلمت مع منصور 4 مرات اصلو ما جاب لى سيرة عيد ميلاد
ولا عندهم بارتى ، قال لى النت فى منطقتنا كعب عشان كده ما قادر ادخل

البادى يوم الاحد الفات كان فى ضيافتنا بتكم امانى احمد البشير معهد تجارى
وزوجها الهميم تجارة من دولة قطر وقضينا سهرة ممتعة حتشوفوها بعد صور الرياض
وفيديوهاتهههههها
كان شريط عرس كان طلع ورسلوه لاخوان العروس المغتربين



اول مرة اعرف انو الجزيرة ابا فيها كى جى هاااات
Post: #4216
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 04-29-2010, 08:13 AM
Parent: #4215

sudansudansudan27.jpg Hosting at Sudaneseonline.com



ألف مبروك لولدنا منصور ... قبال الـ 27 سنة ...

بس ياعيد ماوريتونا بلوغو الـ 26 سنة بعد السنة الكم ... ؟؟؟
Post: #4217
Title: Re: ناس الزقازيق ... أجدع ناس ( 3 ) ..
Author: البادي النور
Date: 04-29-2010, 08:55 AM
Parent: #4216

ديدو النضيف يا رائع .. وعبركم نرسل التحايا الندية لي بتنا اماني وولدنا الهميم ولي كل حبايبنا في معهد تجاري ...
Post: #4218
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 04-29-2010, 10:28 AM
Parent: #4217

غني غني ياطيور
الليلة عيد ميلاد منصور
أقدم لك أجمل التهاني بيوم ميلادك
وأدعو الله أن يبارك لك في عمرك
ويحقق لك كل ماتتمناه وأتمني لك كل
السعاده في حياتك
Post: #4219
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-29-2010, 11:47 AM
Parent: #4218

يا منص كل سنة وانت طيب
يا البادي النية في بس الله يجيب حق التذكرة وقروش الاجازة
الملاهط ما فيها مشكلة لانه زهير واعدني كل يوم يعزمني


عشان كدة يا شباب انا حا اقترح اقتراح جميل
العايزني انزل معاهو اسبوع في طريق العودة من السودان
من هسي نشوف المغريات شنو
اها يا ناس جدة
اها يا ناس ابوطبي
اها يا ناس قطر

المغريات لازم يكون فيها الفيزا
والاقامة والملاهط والفسحة والهدايا الما خمج
ودفع تكاليف العفش الزايد
البيعمل ديل كلهن بنجي ناطين عنده
لو عملتوا ميتين بنمشي عن طريق مصر
Post: #4220
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-29-2010, 12:42 PM
Parent: #4219

منص كل سنة وإنت طيب ياخ وعقبال 500 سنة عديل كده .... بس شايف محمد عيد ده كلفتك واللبيب بالإشارة يفهم ...


يا جبريلا في الإنتظار بس بلاش المحركة الكتيرة دي ....
Post: #4221
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 04-29-2010, 03:18 PM
Parent: #4220

الناس دي بتمشي وين يوم الخميس ده
Post: #4222
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 04-29-2010, 03:37 PM
Parent: #4220

الأخ منصور أفضل الأماني وأجمل وأطيب التهاني
بيوم ميلادك وربنا يبارك لك في عمركويحقق كل
امانيك مع أماني

أكيد 26 سنة بعد التخرج ونعتبر 9سنوات قبل التخرج
مبروك عليك فقط 35 سنة إن شاء الله عمر الزهور وعمر الهنا
Post: #4223
Title: Re: ناس الزقازيق ... أجدع ناس ( 3 ) ..
Author: محمد صديق
Date: 04-29-2010, 03:50 PM
Parent: #4222

سلامات يا ناس

منصور كل عام وانت بخير ..وعمر مديد ان شاء الله

Quote: المغريات لازم يكون فيها الفيزا
والاقامة والملاهط والفسحة والهدايا الما خمج
ودفع تكاليف العفش الزايد
البيعمل ديل كلهن بنجي ناطين عنده
لو عملتوا ميتين بنمشي عن طريق مصر


يا جبريل وفى طريقك للسودان ..أنا حاجزك وديل كلهم بعملن ليك.
Post: #4224
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 04-29-2010, 04:27 PM
Parent: #4223

منصور ...
كل عام وانت بألف خير ياخ ... وعقبال 500 زي ما قال زهير
طبعا ابو الزوز دا نحنا كلامو "ما بنرمي واطة"
Post: #4225
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 04-29-2010, 04:57 PM
Parent: #4224

Quote: يا جبريلا في الإنتظار بس بلاش المحركة الكتيرة دي ....


ابو الزوز دة هسي يعتبرو شنو
نطيت من الملاهط ولا شنو

Quote: يا جبريل وفى طريقك للسودان ..أنا حاجزك وديل كلهم بعملن ليك.



والله يا جورج عداك العيب



شايف ناس الخليج مافي اي زول قدم اقتراح
معناها نمشي بي مصر
Post: #4226
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 04-30-2010, 11:08 AM
Parent: #4225

جمعتكم مباركة

لعلكم بخير يا جماعة... مالكم... سمعتو و لا جابو ليكم...

لابدين كده ان شاء الله خير...

أنتو يا مهججين يا لابدين...حاجة في النص كده مافي...
الأسبوع الفات جننتونا جن...
حفلة في الرياض و رحلة لي قندهار...مدخلين يدينكم في الشية لي كيعانكم...
و تكاوا فينا بالرسائل..
ناس الرياض مهججين و يضربوا ليك في التلفونات أنصاص الليالي...
لا مطره وقفتهم و اشتغلوا بيها الشغلة...
أمبارح و الليلة مالكم...
اشنو ده يا أخوانا الأقوى من مطرة الرياض...

و كتاحة سوق الناقة...

المعروف بقندهار...
Post: #4227
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 04-30-2010, 01:58 PM
Parent: #4226

سلام للحلوين
كل سنة اتفاجا بانو فى ناس لسه متذكرين عيد ميلادى
لمن ارجع البيت
القاهو مقلوب والهدايا بتتطاقش
كل مرة استغرب و ثم انسى الأستغراب
لغاية ما يتكرر السنة البعدها
السنة دى استغرابى دبل , مرتين يعنى
حقيقة ضربت لى نجاة حوفى العزيزة و ولكنى لم انتبه لمكالمتها
ثم حدثنى العزيز الرشيد
ولمن قال لى كل سنة وانت طيب
استغربت من اول جديد, لأن استغرابى كان يوم الاربعاء
لمن رجعت من الشغل ولقيت البيت مقلوب
ما دخلت البوست من يوم التلاتاء الفات
وعندما وجدت اشارة بت النوبة العزيزة
راجعت تلفونى , انا البليد فى متابعة التلفونات
زينب التيجانى , انتى يا راقية يا ست المبادرات الحلوة
كلكم تسلموا ويباركوا ليكم السمح ان شاء الله
وان شاء الله لا اعدمكم و لا اسمع فيكم شيتا كعب
ويعلم الله قلعت اللاب توب ده من الشباب قلع
عشان اكتب المداخلة دى
Post: #4228
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 04-30-2010, 09:08 PM
Parent: #4227

سلام لاجدع ناس
فاتنى ابارك لولدنا عيسى موسى
الفين مبروك
يا منص يا ابنوسى
لا يا اجمل غابة ابنوس مطيرة
برضو عام جديد وعمر مديد
كان ما باركنا ليك نبارك لمنو
وشكرا يا عيد
دى ما زرة دى ثقة وفى مكانا
انت فنان مبدع وعرفته تلميح زهير يا عيد
ال كلفتة ال
الرشيد تمشى وتجى بلسلامة
Post: #4229
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-01-2010, 06:18 AM
Parent: #4228

الحمد لله اللطيف المنان، الغني القوي السلطان، الكريم الرحمن.
الحمد لله الواحد الديان، العظيم، كُلَّ يَوْمٍ هُوَ فِي شَأْنٍ
لا مانع لما وهب، ولا معطي لما سلب،
لا رادَّ لما قضى، له الحمد في الآخرة والأولى.
المتعالي عن الأنداد، المقدس عن النقائص والأضداد،
المتنزِّه عن الصاحبة والأولاد، رافع السبع الشداد،
واضع الأرض للمهاد، المطلع على سرائر العباد.
سبحان الله! لا يخفى على سمعه خفي الأنين، ولا
يعزب عن بصره حركات الجنين، ذلَّ لكبريائه جبابرة
السلاطين. العظيم في قدره، العزيز في قهره،
العالم بحال العبد في سره وجهره، نحمده على القضاء حلوه ومره.

الاحبة الكرام لكم التحايا و الاشواق .
Post: #4230
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-01-2010, 06:24 AM
Parent: #4229

Quote: فاتنى ابارك لولدنا عيسى موسى


شاكرين يا زنوبة و انشاء ربنا يوفق الجميع و يجعل

ايامك كلها نجاحات ، و ليك وحشة والحمدلله اللي جابت لينا

ميلاد الشاب منصور و طلعتي لينا علشان كده اقترح ان يكون

للاستاذ منصور كل شهر عيد ميلاد !!!!.

و جلا كمان علشان ما يجي يقول ليه منصور بس ،،منصور لانه

صاحب اشهر جـــــــــــــــــــــــكه في التاريخ ؟

فعقبال مليون جكة قادمة ...............
Post: #4231
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-01-2010, 06:28 AM
Parent: #4228

صباح الهناء والسرور ...

اصبحنا واصبح الملك لله ...

يا جبريلا يا ود امي احسن ليك مصر .. وشباب الخليج والمغتربين عامة الفيكم اتعرفت .. نحن شباب الداخل تعال فرح ليالينا وبالملاهط الما خمج ليك ولينا ...

وبرضو مبروك لي ولد جيران ناس جلا في كسلا ...
Post: #4232
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-01-2010, 06:38 AM
Parent: #4231

Quote: وشباب الخليج والمغتربين عامة الفيكم اتعرفت


يا ود جبريل و الله انت مكانك في القلب و ما تسمع كلام المغرضين

ديل نحن نفرش ليك الصحراء ورد و نشيلك جوه العيون بس انت اشر

و نحن في الانتظار ؟ و كل طلبات اوامر .


و ياحبيبنا البادي كيفنك و بالله قولت لي الاسماعلية كيف ! العجب فيها

جنس حمص يفك الدبرسة ، تحياتنا للراجل الراكب الحافلة و راكب طرف

جبن الشباك و جاي من المربعات .............
Post: #4234
Title: Re: ناس الزقازيق ... أجدع ناس ( 3 ) ..
Author: عمر نملة
Date: 05-01-2010, 07:04 AM
Parent: #4232

مبروك لاشبال وزهيرات الزقازيق
روان عمر المهدي،عيسي موسى عيسي،اسيل هشام،مجدي ازهري،علا معتصم،مجدي مهدي،تيبان مبارك،لميس فتحي وربنا يزيد افراحكم.
Post: #4235
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-01-2010, 07:25 AM
Parent: #4232

صباح النور صباح الهنا والسرور
اللهم انا نسألك خير هذا اليوم
فتحه ونصرهـ ونورهـ وبركته وهداهـ
ونعوذ بك من شره وشر مابعده اللهم
بك أصبحنا وبك أمسينا وبك نحيا وبك
نموت وإليك النشور ، اللهم فاطر السماوات
والأرض عالم الغيب والشهادة رب كل شيء ومليكه
نشهد أن لا إله إلا أنت ، نعوذ بك من شر أنفسنا
ومن شر الشيطان وشركه اللهم انا نسألك
العفو والعافية والمعافاة الدائمة في ديننا ودنيانا
ووالدينا وأهلنا ومالنا.
Post: #4236
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-01-2010, 08:03 AM
Parent: #4235

اول حاجة مبروك عيد ميلاد منصور عبد الرازق
وكل سنة وإنت طيب
ومادام ده عيد ميلادك ال 26 فيبقى انا اطمن وانوم قفا
لانو الاسبوع الفات كريم ولدي بيسألني عمرك كم يا بابا
انا عرفت خلاص عمري
حا أمشى اقول ليهو عمو منصور عمرو 26 يبقى انا زيوو
مش كده يا منص
Post: #4237
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-01-2010, 08:09 AM
Parent: #4236

الاخ الظريف عبد الدائم

Quote: اول مرة اعرف انو الجزيرة ابا فيها كى جى هاااات

شايف الشباب عدوها ليك

يا موسى عيسى
عبد الدائم مستنكر اننا قرينا الكي جي سوا
Post: #4238
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-01-2010, 08:32 AM
Parent: #4237

صباح الخير ،،، يا وجوه الخير

أصبحنا وأصبح الملك لله ،،، وحده

عدنا إليكم بعد إنقطاع قهري دام لعدة أيام

ونكمل التهاني للأبناء بمناسبة النجاح في مرحلة الأساس

وللعزيز منصور كل سنة وأنتم طيبين وربنا يديك الصحة وطولة العمر

ولأخونا رشيد القوم تمشي وترجع بالسلامة ،،،،،،

طارق ود جبريل أفضل ليك تجي السعودية وتزور مكة والمدينة
Post: #4239
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-01-2010, 09:42 AM
Parent: #4232

Quote: تحياتنا للراجل الراكب الحافلة و راكب طرف
جبن الشباك و جاي من المربعات .............


اخونا موسى عيسى راكب الحافلة كمان بيسلم عليك شديد ..


نحن حناكل احلى حمص في الاسماعيلية .. ولا يفوت على فطنة القارئ انه السفر حيكون بالتونسية ...
Post: #4240
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-01-2010, 01:00 PM
Parent: #4239

Quote: ولا يفوت على فطنة القارئ انه السفر حيكون بالتونسية ...


البادى الجميل .. كلنا فى الهواء سواء

او كما تقول العرب .. كلنا فى الهم شرق ..

*********

على ذكر التونسية .. هناك حكاية زقازيقية شيقة فى هذا الخصوص

اذكر ان أخانا وزميلنا / برهان الدين المكى ( بيطرة ) كان عضوا" فعالا فى محراب الآداب

والفنون وكان يقرض الشــعر الفصيح كما كان يكتبه شعراء الجاهلية .. بحور وقوافى واوزان شعرية

وكانت لديه قصيدة جميلة لا يلقيها الا فى جلسات خاااصة ولأقرب الاصدقاء ...

وهى بعنوان ( تونسية ) .. وقد كتبها متغزلا فى مضيفة جوية تونسية .. رمته الظروف للالتقاء

بها فى احدى السفريات الجوية ..

وقد حاولت كثيرا الحصول منه على نسخة مكتوبة منها لانزالها فى نشرات المحراب ..

ولكنه كان يرفض بصلابة شديدة ..!

* هل يا ترى يسعدنا الحظ ونجد نسخة منها لدى ياسر نجيلة او الكوتش او ود جبرين ؟؟

* كما ان السؤال الذى يطرح نفسه .. هل من يدلنا على مكان برهان الآن .. اتمنى ذلك

فقد انقطعت اخباره عنى منذ سنين عديده ، واذكر آخر ما سمعته عنه انه فى ليبيا ..
Post: #4241
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-01-2010, 01:38 PM
Parent: #4240

Quote: وكانت لديه قصيدة جميلة لا يلقيها الا فى جلسات خاااصة ولأقرب الاصدقاء ...

وهى بعنوان ( تونسية ) .. وقد كتبها متغزلا فى مضيفة جوية تونسية .. رمته الظروف للالتقاء

بها فى احدى السفريات الجوية .. هل يا ترى يسعدنا الحظ ونجد نسخة منها


محمد عيد يا رائع .. باقي القصيدة حيجيبو ليكم الترجي ...
Post: #4242
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-01-2010, 06:40 PM
Parent: #4241

يا جبريلا ما نطينا ولا حاجة ... بس البلد دي ما مضمونة ممكن يطلعوا قرار يمنعوا فيهو الجكة بعد أكل السمك ...
Post: #4243
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-01-2010, 07:04 PM
Parent: #4242

مرحب بثلاثة عشر كوكباً من الزقازيق ..... أي زول ورد أسمه في القائمة السابقة عليه مراجعة إيميله ...ويا جماعة ما تحرجونا مع بكري بس نشوفكم أول ايام وتاني الزوغة الياها ... بكري ده تاني ما بيدينا العضوية دي بأخوي وأخوك .... شدوا حيلكم معانا ...
Post: #4244
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-01-2010, 08:07 PM
Parent: #4243

عودة صالح تبلدينا من الأبيض ... ويتلقي العزاء بمنزله بالعشرة
Post: #4245
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-01-2010, 08:09 PM
Parent: #4243

من الأخبار الجميلة لا تسع الفرحة أسامة أبتر واسرته بمناسبة تفوق إبنته في إمتحان مرحلة الاساس بالبحر الأحمر ... وعقبال أبوها كمان ينجح في الماجستير ... ويبقي شاطر زي بته ...
Post: #4246
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-02-2010, 06:51 AM
Parent: #4245

صباح الخير،،، يا وجوه الخير

أصبحنا واصبح الملك لله،،، وحده

اللهم أغفر لي،،،،وأرحمني
وأهدني ،،، وعافني ،،، وارزقني
وأجبرني ،،، وأرفعني،،،
Post: #4247
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 07:02 AM
Parent: #4246

بسم الله الرحمن الرحيم
بدأنا....و الله يعينا
لقيناها باااااردة
Quote: صباح الخير،،، يا وجوه الخير

أصبحنا واصبح الملك لله،،، وحده

اللهم أغفر لي،،،،وأرحمني
وأهدني ،،، وعافني ،،، وارزقني
وأجبرني ،،، وأرفعني،،،
Post: #4248
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-02-2010, 07:05 AM
Parent: #4245

صباح الهناء والسرور ...

مبروك لي جنابو اسامة ابتر نجاح الامورة ... وعقبال نفرح بي شهاداتك في الماجستير والدكتوراه ...
Post: #4249
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-02-2010, 08:09 AM
Parent: #4248

صبحكم الله بالخير و السرور

تحية من عمان الأردن...أمطار صباحية و الجو بارد نسبيا...

نهني الأخ أسامة أبتر بنجاح الأمورة و أمنياتنا له بالتوفيق في الماجستير....
Post: #4250
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-02-2010, 08:32 AM
Parent: #4249

الرشيد اااالحق شوش دخلت مربع كاي وكسرت ليك المصطبة
بالعربية بتاعتها

عقبال بقية الجماعة

سناء الصباغ دى ما قاعدة تكورك باسوردى باسوردى
مشت السودان عملتا لينا سمك وفاتحات ...


مبروك لبت اسامة ابتر وتوديها botany طوالى
Post: #4251
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-02-2010, 08:41 AM
Parent: #4249

Quote: تحية من عمان الأردن...أمطار صباحية و الجو بارد نسبيا...

نهني الأخ أسامة أبتر بنجاح الأمورة و أمنياتنا له بالتوفيق في الماجستير....



تمشي وتجي بالسلامة يالرشيد ... ودعواتنا لاخت مني بالشفاء العاجل ..






Post: #4252
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-02-2010, 10:07 AM
Parent: #4251

الف مبروك لي بت ولدنا ابتر

يا ميسرة ياخي مغرياتكم شكلها ما مشجعة كدة
ما اديتونا تفاصيل
كان كدي ياني المشيت بي مصر
Post: #4253
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-02-2010, 10:36 AM
Parent: #4252

Quote: يا ميسرة ياخي مغرياتكم شكلها ما مشجعة كدة
ما اديتونا تفاصيل


تفاصيل شنو يا شقى ..؟

يقولوا ليك الحكاية عمرة وزيارة وبركات وايمانيات .. تقول تفاصيل ..!

اكان كايس للنخجى .. غايتو راااقد .. بس نوع .. حى قيوم ..مداحين ساى

والله يا جبريلا احسن ليك تحرك البوصلة بى هنا ساكت ...

يمين الله اكان ما جيت لحقت ليك عمرة وزيارة للحبيب هسه تانى البيخارجك من ناس سيدى ومولاى

ديل شنو ؟؟

انوى يا حبيب وانشاء الله تلقى رموشنا فارشة طريقك من جده الى مكة ومن ثم الى طيبة الطيبة

هاك التلج ده ( الجو مولع نار ) .

* رشا الحبيب ... حمدا لله على السلامة وربنا يزيدك اطمئنانا على صحة الاخت منى

ويواليها بعاجل الشفاء انشاء الله .

* شوش العزيزة .. نورتى الديار ... بس ما ينفع نوع سلام الصباح بالحيطة كده

ادفرى الباب وخشى لا جوه .. البنابر عامرة بالناس ...

* والباقين انشاء الله نتكحل بى شوفتكم بعقاب اليوم ده والا ابو الزوز رافع مهدداته ..
Post: #4254
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-02-2010, 11:16 AM
Parent: #4253

البركة الجات منك يا الجامع
الليلة بقت عليك يا شقي الحال
Quote: كان كدي ياني المشيت بي مصر


نفيستك في مصر
روح مصر
عديلة عليك

نوع كلام ناس محمد عيد داك ما بينفع معاك يا أخوي والله شنو ؟
يا سيد الدنيا فيها عمرة
والعمرة دي تمشي مكة
ومكة دي فيها بيت الله الحرام
وبيت الله الحرام ده تشوفو في التلفزيون اسود والناس بيطوفو حوالينو

هسي بيطوفو حوالينو دي اشرحها ليك كيف
شايف جكة نمروز من مرتو
حاجة زيها كده
Post: #4255
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-02-2010, 12:37 PM
Parent: #4254

احر التهاني للامورة بنية اسامة ابتر و العقبال

لجنابو و انشاء الله نفرح بالدكتورة كمان قريب .
Post: #4256
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-02-2010, 12:52 PM
Parent: #4255

يا جماعة الولد أسامة أبتر شاطر اتاريهو خلص الماجستير وشغال في الدكتوراة عقبال جلا وكل أولاد كسلا خاصة ود جيرانهم النجح داك ... التلفونات في بوست سامي
Post: #4257
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:12 PM
Parent: #4256

شكيتك لي الله كان ركبتني التونسية
Post: #4258
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:17 PM
Parent: #4257

مضى نصف الزمن
أي زول يعاين في مداخلتو و بس
لكن ما راجيك في اللفة.....
Post: #4259
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-02-2010, 01:18 PM
Parent: #4256

يا محمد عيد والشادي
بيت الله ما ابيناهو لكن الفيكم اتعرفت
Post: #4260
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:24 PM
Parent: #4259

Quote: بيت الله ما ابيناهو لكن الفيكم اتعرفت

أنت في دا و لا أنا.....
غايتو أنا مجهز لي نبوت بتاع الحرامية داك
و ممسحو بي زيت نعام
ودافنو في الواطة ليهو 15 يوم
الفيكم اتعرفت دي ... ما ينفع معاهاحاجة
عشان كدا تقوم تفتش ليك عن وسائل أخرى مساعدة
Post: #4261
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:28 PM
Parent: #4260

السؤال الأخير
كم يبلغ طول أطول بنطلون في العالم
السؤال موجه لي
منصور
ياسر نجيلة
عبدالدائم

طارق جبريل أبقى بعيد من الدم
أي زول ما جاوب ما يلوم إلا نفسه
Post: #4262
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:37 PM
Parent: #4261

لمن تزعل ما بتشوف قدامك
معليش يا جنابو
بعدين الزول حاربنا و ختانا و ماشغال بينا
بس البركة في بتو
الجابت سيرتو
طبعاً الأخير دا شِعِرْ
Quote: مبروك لي جنابو اسامة ابتر نجاح الامورة ... وعقبال نفرح بي شهادة الدكتوراه ...
Post: #4263
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:46 PM
Parent: #4262

منو منكم من وردية الليل؟؟؟؟
ومنو منكم ماسك و ردية النهار؟؟؟؟
ما تقولو الزول دا الليلة مالو؟
أنا عايز أفرِّز الكيزان
أقصد الكيمان
الرشيد إنت برا الحساب
و بعدين ربنا يجيبك بالسلامة
وربنا يكرم بتنا الناجحة و النابغة بدوام الصحة و العافية
وتجي بالسلامة
عايز إجابة لتساؤلاتي
لأنو سأحدد بعدها حاجات كتيرة
Post: #4264
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:54 PM
Parent: #4263

عذراً لتكرارا المداخلة
Post: #4265
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 01:54 PM
Parent: #4263

قبيلك كتبت مضى نصف الزمن
وهس مشى منه ربع
و الباقي ربع
و الكمبيوتر بتاعي ما شايلو البيت
و ما عندي نت
و حأأصلي العشا و يا سرير جاك زول نوم طوالي
بالمناسبة الجوال زاتو مقفول
و الشريحة ضايعة
أقول ليكم حاجة!!!
ما عندي باسويرد أها
Post: #4266
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-02-2010, 02:13 PM
Parent: #4265

ياجلا هدي نفسك الموضوع دا بتحل بدون عكاكيز
انا خايف الجماعة يقولو سيبو دا هراش ساكت
Post: #4267
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 02:23 PM
Parent: #4265

لأنو الفترة الفاتت كنت غرقان للطيش يا طارق جبريل
عشان كدا الليلة عايز إتفشى
و بعدين ما تقولو دا هكر
دا أنا و المغالط يسأل أبو الزوز
Post: #4268
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-02-2010, 02:41 PM
Parent: #4265

أجرت اليوم الحاجة محاسن والدة زينب التجاني عملية عيون بمستشفي مكة بالرياض (الخرطوم) وقد غادرت إلي المنزل ... ألف حمد الله علي السلامة
Post: #4269
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-02-2010, 02:44 PM
Parent: #4265

إنت يا جلا الليلة مالك راميك جمل

ولا شارب كوني مورووو،، ولا قدو قدو

يا ود جبريل والله تجينا في بلد الله الحرام دي

إلا نكيفك ونظبطك وعينك ما تشوف إلا كل ما هو جميل

ونعمل إحتفال ما بنعمل حتى للبشير ،،،،،،،،،

وبيت الله ده روحانيات تكون كسبان مرتين ،،،بس أمرق تعال

رشيد القوم ربنا يوفقك في مشوارك ده ،،،،

منتظرين شوش على قناة النيل الأزرق في البوست العام

مبروك الأخ/ أسامة أبتر وبنته ،،، وعقبال الدكتوره للجميع
Post: #4270
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 03:02 PM
Parent: #4269

Quote: إنت يا جلا الليلة مالك راميك جمل

ولا شارب كوني مورووو،، ولا قدو قدو

أولاً تشكرات يا ريس
و لا عدمناك ياك البتسأل و ياك السائل فينا
بالمناسبة الوالد و الوالدة يسلمو عليكم كتير و الشوق كميات قال ليك
الحمد لله ما راميني جمل
لكن الحاجتين الآخريات ما عرفتهم
خلي جلال يجي يترجمهم لي
Post: #4271
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 03:07 PM
Parent: #4270

ألف حمد لله على سلامة الحاجة محاسن والدة زينب التجاني
نسأل الله أن يمن عليها نعمة الصحة و العافية
Post: #4272
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 03:11 PM
Parent: #4271

Quote: ياجلا هدي نفسك الموضوع دا بتحل بدون عكاكيز
انا خايف الجماعة يقولو سيبو دا هراش ساكت

ود المهدي ..
الموضوع لو بيتحلى طيب الزول دا مؤخرني لغاية هس ليه؟؟؟
داير أسألك أنت معانا و لا مع الخيانة؟؟؟؟
بعدين حركات الزول الطاعم دي يا ود المهدي ما بتنفع معاي خليك عارف أأأ!!!!
Post: #4273
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-02-2010, 03:26 PM
Parent: #4269

الف سلامة للوالده محاسن ونسال الله ان يواليها بعاجل الشفاء ..

*************

Quote: يا محمد عيد والشادي
بيت الله ما ابيناهو لكن الفيكم اتعرفت


يا حبيب .. وانا مااااالى مغتسنى مع ناس الكفر ووتر ديل ..!؟

انحنا كبيرنا سيجة وسكج بكج ...

وبنقولها ليك تانى .. انت بس أنوى وسترى ما يســرك ..

بعدين انت خايف من شنو ؟ ما قدامك ناس جلا وجمال فارح ..!!

Quote: السؤال الأخير
كم يبلغ طول أطول بنطلون في العالم


عادى ولا طيحنى ..؟

فتش ايميلك تلقى الاجابة ...!!!!!!
Post: #4274
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-02-2010, 04:38 PM
Parent: #4273

Quote: فتش ايميلك تلقى الاجابة ...!!!!!!

ما يها دي زاتها المشكلة!!!!
الغريبة فتشت الإيميل فلقيت الإجابة قبل ما أسأل السؤال
لكن الغايظني ما لقيت الفي مرادي!!!!
النشوف آخرتا
غايتو اترقب إنو حا أشد ليك سلك
زول عليكم الله يا ناس قاعد في بلد الله
مخو يجي الساعة أتناشر؟؟؟؟
دا شنو دا!!!!
ولا أقول ليك
فيك حاجة ناقصة!!!!
ورورورورورورك يا منصور
Post: #4275
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-03-2010, 05:15 AM
Parent: #4274

Quote: أجرت اليوم الحاجة محاسن والدة زينب التجاني عملية عيون بمستشفي مكة بالرياض (الخرطوم) وقد غادرت إلي المنزل ... ألف حمد الله علي السلامة

الف حمدلله على سلامة الوالدة يازنيب .... وان شاء الله ماتشوفو شر ...

جلا تحياتنا ... بالله ايميل صغيروني من عيد ... يجرسك كده ...
طبعا انت عارفني بنوم ... اقصد حدي ساعات الشغل في الكمبيوتر ...
في البيت ماعندي فرصة ... حجوزات كتيرة ... ومراقبة لصيقة
عشان كده نحنا ناس نهار ساي ... وجمعة وسبت اجازة ... مكرر 514
عشان كده سؤالك وصلني اليوم الصباح ... حسي يعني ... بطل جرسه (هاك الكنومورو والقدوقدو)
هل توجد علاقة بينهم ... اشرح يا .... منو .... خايف اقول ولدنا احمد اسماعيل

الف مراحب ببتنا اشراقة - شوش -
لو جينا السودان ندخل بياتو صالة ..
Post: #4276
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 05:46 AM
Parent: #4275

اللهم صلي على محمد وآل محمد
اللَّهُمَّ إِنِّي أَسْأَلُكَ فَوَاتِحَ الْخَيْرِ وَخَوَاتِمَهُ، وَجَوَامِعَهُ، وَأَوَّلَهُ وَآخِرَهُ، وَظَاهِرَهُ وَبَاطِنَهُ، وَالدَّرَجَاتِ الْعُلَى مِنَ الْجَنَّةِ آمِينَ. اللَّهُمَّ لَكَ أسْلَمْتُ، وَبِكَ آمَنْتُ وَعَلَيْكَ تَوَكَّلْتُ، وَإِلَيْكَ أنَبْتُ، وَبِكَ خَاصَمْتُ، وَإِلَيْكَ حَاكَمْتُ، فَاغْفِرْ لِي مَا قَدَّمْتُ وأَخَّرْتُ، وَأَسْرَرْتُ وَأَعْلَنْتُ. أَنْتَ إلهِي لاَ إِلَهَ إِلاَّ أَنْتَ. اللَّهُمَّ اغْفِرْ لِي جَمِيعَ مَا مَضَى مِنْ ذُنُوبِي، وَاعْصِمْنِي فِيمَا بَقِيَ مِنْ عُمُرِي، وَارْزُقْنِي عَمَلاً زَاكِياً تَرْضَى بِهِ عَنِّي
Post: #4277
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 05:49 AM
Parent: #4276

الأخت زنوبة نسال الله الصحة والعافية و المعافاة

الدائمة للوالدة محاسن و ان يلبثها ثوب العافية

في الدين والدينا والاخرة .
Post: #4279
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 06:28 AM
Parent: #4277

بسم الله الرخمن الرحيم
الله أهدنا و اهد بنا
اللهم نسألك رضاك و الجنة
ونعوذ من سخطك و النار
اللهم آمين
طبعاً اليوم دا يوم استثنائي
أولاً هذه المداخلة رقم 1000
طبعاً أي واحد حيقول ما جبت حاجة من عندك
وفي ناس فاتوك
طيب ما بيناتنا
ثانياً يصادف هذه المداخلة يوم الحصول على باسويرد
في ناس يقول ليك حاجة عادية
ثالثاً و الأهم إنو تكون من ضمن إمبراطورية الميم
سكتو مالكم؟؟؟؟؟
عليه تشكرااات
للأخ بكري أبوبكر
و لي حبيبنا زهير الزناتي
و أولى الحلقات هذه الصورة
NewImage5.JPG Hosting at Sudaneseonline.com
Post: #4278
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-03-2010, 06:23 AM
Parent: #4276

الف مبروك لكل اولادنا وبناتنا الممتحنيين والممتحنات
كما جاء في مداخلة نملوز

يا منصور انا من الذين يقولوا ليك كل عام وانت بخير وعمر مديد بدون اي تورية اوحاجات خبيثة كما قصد
صديقك ود الزناتي الفاكر نفسوا لسةفي كيجي تو لكن قريب الناس بتجي تتكلم وتخطب ميار بس
يومداك الذي يراه بعيدا ونراه قريبا اوع تنسانا من الدعوة
هذا وقد هاجمني اخونا نادر واختنارجاء الطيب عندما رايت ابنهم البكراحمد نادر فاروق الياس ربنا يحفظوا ويعلي مراتبه والذي يدرس بالصف الثاني ثانوي
بينما ولدي احمدايضا في الصف الثاني بس اساس اوابتدائ قديم عليهما بانني لو عندي ولد في تانية ثانوي يانى خليتهوه منوبي السامي في تجمعات ناس الزقازيق في قندهار وسمك عوضية ونادي الشرطة وحتى المجاملات يعني بقول ليهو كدي امشي على اعمامك ديل وغيرها واكتفيت انا باللبن البارد والنوم بعد صلاة العشاء كما يفعل اخونا جلا
لكن تقول شنو جاءت كدة

مبروك خاص لبنت ابتر

الف لاباس للحاجة محاسن والدة زينب
وانشاءالله اجر وعافية


تحية للريس ميسرة
ولاخونا حلال
واخونا البادي والذي يغيب عن دعوات قندهار بدعوة انه يسكن مع مراعاة فروق الوقت
لكن انا عارف السبب والداير يعرفو يجينا فب الماسنجر

وين يا ريس معتصم



يا ود جبرين مرحب بيك
ونضم صوتنا لجورج باننا انحنا جاهزين من والي
Post: #4280
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-03-2010, 06:54 AM
Parent: #4278

صباح الخير،،، يا وجوه الخير

أصبحنا وأصبح الملك لله ،،، وحده

دعاء للوالده محاسن أم زينب التجاني

بسم الله الرحمن الرحيم

يا ودود يا ودود ، ياذا العرش

المجيد ، يا مبدئ يا معيد، يا فعالا لما يريد،

أسألك بنور وجهك الذي ملئ أركان عرشك

وأسألك بقدرتك التي قدرت بها على جميع خلقك

و أسألك برحمتك التي و سعت كل شيء

أن تمن عليها بالشفاء العاجل والكامل
Post: #4281
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 07:01 AM
Parent: #4278

* التاريخ : 3-5-2009

* المناسبة : مرور عام من مشاركة كوكبة حرف الميم بقيادة الماسترو منصور.

* المكان : سودانيز اولاين .


ياسر نجيلة :

دلفو بقوة الى ساحة البوست ...
تناسو الى غير رجعة الولوج خلسة عبر النفاج ...
وجودهم حتما سيسعدنا ...
مكانكم شاغر بدون استئذان ..

باسثناء اسامة ابتر ... جمعكم البوست وحرف "الميم" ايضا

محمد صديق
محمد عيد
محمد ادم النور - جلا
منصور عبدالرازق
موسي عيسي

تشكر يا زهير الزناتي على مجهوداتك المقدرة دوما ...


موسى عيسي :

بالباب عديل دخلنا وليك يا الزناتي شكرنا و لكل ناس الحـوش دبايوا مطـرنا سـلامـنا
وبي جنب عنقريب الريس ميسرة وود الجيلي حطينا رحالنا وفي نـص سهلة الحوش الـكبير
عرضنا كلامنا جيناكم عديل بعد ما استضافنا العزيز جلال عثمان وانشاء الله يا جلال ربنا
ما يجيب يوم شكرك والتحايا موصولة للجميع وانشاء تامين وما ناقصين .


الرشيد بابكر :

يا منص و الله حبابك الف...
يا راجل انت قبيل ضربت لي بتعافر في الدخول آخد نومه و أجي ألقاك منبرش...أحمد قعد
جمبك ولا شنو...على أي حال جيتن جيت و نورت الحوش و الله...
شايفك العربي و الدين و الحساب ديل نسيت ما تقول الشعيريه الكنت بتعمله لينا في العشاء
يوم يكون العشاء عليك...شعيرتك دي والله ما بنساها يا منصور خصوصا في الشتاء...ياما عانينا
منها...الواحد فينا قبل ما ينوم يكون جاع...الحمد لله حسه لقيناك محضر لينا وجبه دسمه وأظنها
مبشره كمان بوجبات أكثر دسامه...
انت كلام ود جبريل خلاني أظن وان بعض الظن اثم انك كنت بتخليني نايم وبتمشي من وراي رحلات بيطره
الرحله الكنت قاعد فيها وراء دي مشيته بتين يا شقي الحال...وتجي من الرحله تعبان تعشينا
شعيريه..ونسألك كنت وين يا منصور تقول كنت بقرأ مع ناس علوم غذائية...والله عليك حركات.
والله بس قلت أرحب بيك ترحيب يليق بقدرك...بس أسأل أحمد يوريك مكان الزال في الكيبورد .



محمد ادم النور (جلا).

ما قلت ليك ياعبد الدايم أقيف بعيد و أعمل 5 شخيط
ذكر الأخ الفاضل ياسر نجيلة و لقيتو شاطر شديد
و أن هناك 5 شخيط للناس الدخلو البوست وكل أسماءهم تبدأ بالميم
و أنحنا أولاد جيش ذكر الأقدمية مهم
منصور أم محمد عيد و الأثنان مميزان أفيدونابالأقدمية يا جماعة الخير
محمد آدم
محمد صديق
موسى عيسى
مع إنو دفعة لكن الحروف الأبجدية أدتني الحق دا
هناك شخيط سادس جاييكم في السكة
الكمندان أسامة أبتر
معليش يا أسامة نسوي شنو جات كده
عبد الدايم قلت لي عملت 100 شخيط و زحيت
الحمد لله طارق جبريل قال حيضارا
Post: #4282
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-03-2010, 07:09 AM
Parent: #4278

صباح الهناء والسرور ...

سلامتك يا امنا حاجة محاسن والدنيا كلها كرامتك ...
كفارة يا زينوبا وربنا يحفظ الوالدة من كل الشرور ...

اخونا جلا انشاءالله خير مالك شايل عكازك وصوط العنج والله الموضوع ما بيستاهل كدي باركا ...
ويكون في علمك ولد جيرانكم داك الجاب ليهو 238 الله يشهد انا باركت وهنيته مرات ومرات يعني يا دجانقو افرز ...

اخونا مبارك جادين اهلا بعودتك .. لكن يا ود امي انا ما هبشتك ولا سالتك مالك شايل حالي بالمسنجرات المليانة شمارات .. يا اخواننا دي شبكة شنو دي .. كل يوم بنقول يا لطيف الطف علينا .. انت يا خوي المسلطك علي دا منو .. ما انا قاعد هادي ولطيف وما عملت اي هرجلة زي ناس كدا وبرضو ما عايز تخليني في حالي ..
الحوش دا عنده بوليس حارسه لو كلمتو ليك حيبهدلك .. لكن المرة دي مشيناها ليك .. لكن وحات شيخ جلا تاني تهبشني الا اكلم ليك البوليس .. غايتو جنس صلبطة ...
Post: #4283
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 07:34 AM
Parent: #4282

بالله نحن تمينا سنة !!!!!
عمر الزهور والله , عمر الغرام , وكمان عمر الهنا
ما باقى لينا الا نقول
نتمنى يوم تجمعنا , جنات حبنا , تبقى الأميرة , والبيطيع قلبى انا
هسى يا ربى دى مشاركتى الكم
ما عارف والله , هو انتو بتعرفوها كيف , هى بتلقوها مكتوبة جنب اسمكم !
غايتو انا يتخيل لى اكثر من جلا , واكثر من موسى عيسى , واكيد اكثر من (مسامة ابتر )
مسامة ابتر دى ولا فيها خطأ املائى ولا حاجة
مش هو اصلو ما قاعد يمر علينا كتير , طيب لزوم التدقيق فى اسمه شنو
نكتبوا اسامة نكتبوا مسامة فهو اسم زول غايب (العب بيهو زى ما داير )
لكن غيابه ما يمنع انه بوليص وممكن (يخجك خج )
عشان كده الزول يتضاير زيحترم نفسه ويقول ليهو مبروك لى بنيتك النجاح
وانت كمان مبروك ليك , مرة قالوا لينا الماجستير وتانى رجعوا قالوا لينا الدكتوراة
انت نقى زى ما داير وخت جنبها مبروك
كل سنة وانا طيب يا شباب
Post: #4285
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 07:45 AM
Parent: #4283

شفتوا , ما قلت ليكم اكثر من جلا , واكثر من موسى عيسى
لقيتا ليكم الف وتمنتاشر مداخلة
هسى عليكم الله ما احتفلتوا بى الفيتى مالكم
محمد عيد بتذكر زمااااان مرة جاب طارى الألفية دى واحتفل بيها التكنوا
باعتبار ان المشاركات سرعة مشى وتحرك
انا وجلا اتضح انو سرعتنا الف مداخلة فى السنة
يعنى بواقع 2.73 مداخلة فى اليوم
الزول بطريقتوه دى , خائف يراجع ملفه فى المرور , يلقاهم مليان مخالفات
معناتها تأشيرتنا بتاعت الخروج والعودة , ما اتجهجهت
محمد عيد مثلا , سرعته فاتت التلاتة مداخلات فى اليوم
لمن (كتل ليهو ) وليد صغير فى الملاهى بتاعتم
الحمد لله , الرشيد بابكر , شغال ليهو فى خلا , لا فيهو شفع ولا تقاطعات
والا كان بى سرعته ديك , كتلنا كولنا
Post: #4284
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-03-2010, 07:40 AM
Parent: #4282

صبحكم الله بالخير

زوبة العزيزة.... نسال الله الصحة والعافية و المعافاة

الدائمة للوالدة محاسن و ان يلبثها ثوب العافية و تمام العاقية...
Post: #4286
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 07:53 AM
Parent: #4284

تحيات من على البعد يا الرشيد
و طمنا على صحة الأمورة
لغاية ما محمد عيد يجي
المداخلة دي بتاعت منصور
Quote: والله دخوا البيوت من ابوابها اتارى طعمه تانى , طعمه مختلف . زى العشاء بتاع الميز زمان لمن كل يوم يكون (حساب عربى دين )على قولة اخونا ربنا يطراهو بالخير (محمد المرتضى عبد العزيز ) , الحساب طبعا ياهو اخونا الفول المعلب . العربى لايتعدى ان يكون على نفس المنوال والوزن حبيبنا البيض (وده ياهو السبب الأساسى فى حمل بعضنا من الزملاء لقب (بيض بجدارة ) كناية عن المساخة والتكرار وكترة الطلة , اما (الدين ) فلأنه الحصة الثالثة وممكن تكون يوم فى ويومين مافى فهو بلاشك صاحبنا الزبادى اللى لو قدرنا طعمناه بحلاوة طحنية فيا سعدنا ويا هنانا باليوم المختلف
Post: #4287
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 07:58 AM
Parent: #4286

إعتذارات منصور
Quote: (ملاحظة مهمة يا جماعة , حرف الزاى لايعمل فى كمبيوترى ولعله عيب خلقى و لزا اضطر دائما لتحويله الى زين دون ان احمل عب التصحيح لثقتى فى فطنتكم دون ان اكون واثقا نفس الثقة فى لغتى العربية الودتنى زراعة )
Post: #4288
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 07:58 AM
Parent: #4284

زوبة حمد الله على سلامة ماما محاسن
ربنا يواليها بالعافية , ويحفظها ليكم من كل مكروه
هسى يا الرسيد مش يفترض انك فى اجازة
وفى الأردن كمان , والأردن دى فرقها من ابوظبى ساعتين بالناقص
يعنى يا دوب الساعة عندكم تسعة ما لحقت
المصحيك زى الوكت ده شنو يا شقى الحال
مبارك جادين , جنس شوق جنس شوق جنس شوق
ومال لو شفتوا احمد ولدى الفى اولى ثانوى تقولوا شنو
دايرين نعرس ليهو الأجازة الجاية ونخلص من الموضوع ده , بس قولوا لينا رأيكم شنو
وبعدين انت البادى النور ده ما تفتوا لينا فى البوست العام ده
اقول ليك , انت بس رسله لى فى الخاص
وانا بتحمل عواقب النشر
سلم لى على نادر فاروق ورجاء , وقول ليهم مسجدكم بارد برد
والعجب السفن اب
ونومة زهير ومحمد المرتضى فى سرير الصالون الجوة
انتو انا سفنجتكم المشيت بيها الصلاة ديك
رجعتها ليكم ولا شالها محمد صديق ؟؟؟؟؟
Post: #4289
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 08:01 AM
Parent: #4288

البادي يرحب
Quote: صباح الخير على وجوه الخير...
نرحب يالناس الحلوين وبي طلتهم البهية ، وسلام مربع يا جدعان لي إمبراطورية (ميم) الذي دخل منهم واللي في طريقه إلى باب الحوش ، أنتم إضافة حقيقية لهذا المنبر الإسفيري ، متاوقاتكم بالنفاجات المشرعة كانت لطيفة وحلوة ، يلا شدو أوتار التواصل وأضربو على الكيبورد بذالها وزالها حتى نستمتع معا بحديث الذكريات ولو كانت عن فترات أجدادنا القدماء وإكتشافهم للنار (الغاز)...
Post: #4290
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 08:08 AM
Parent: #4289

Quote: انتو انا سفنجتكم المشيت بيها الصلاة ديك
رجعتها ليكم ولا شالها محمد صديق ؟؟؟؟؟

متين؟؟؟
بعد الجكة؟؟؟؟
ولا قبل السمك؟؟؟
Post: #4291
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:16 AM
Parent: #4290

التحية لينا انحنا اولا ...

قواد انتفاضة امبراطورية ميم بقيادة رئيس العسس .. اسامة ابتر


x3.jpg Hosting at Sudaneseonline.com


ومعذرة يا جلا .. صعوبات تقنية يبدو انها بفعل فاعل ..!!
Post: #4292
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:21 AM
Parent: #4291


اول من تداخل من قوات الغزو ..

كان العقيد مظلات / محمد آدم النور الشهير فى مناطق شعيرية وكبكابية بـ جلا

x20.jpg Hosting at Sudaneseonline.com


Quote: شكراً زميلي زهير
و يا جماعة الخير password يجي الساعة الثانية صباحاً
ده معناهو أقيفوا بعيد و أعملو 5 شخيط
بعد ده أقفلو نفاجاتكم وشبابيكم
آن لأبو حذيفة أن يمد رجليه
Post: #4293
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 08:21 AM
Parent: #4291

Quote: ومعذرة يا جلا .. صعوبات تقنية يبدو انها بفعل فاعل ..!!

أنا قلت كدا!!!
البركة في استجابة موسى ومنصور السريعة
لكن عليك الله زول زي منصور دا
يذكروهو عيد ميلادو
و يذكروهو سنوية دخولو سودانيزاونلاين
ويذكروهو إنو ولدو اسمو أحمد
مش عليك الله حقو يقرو ليهو الحمدو سبعة مرات في راسو الكبير دا!!!
Post: #4294
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-03-2010, 08:21 AM
Parent: #4289

صباح الهناء والسرور ... (كلاكيت تاني مرة)...

تحياتنا لرشيد القوم ربنا يردك سالم وغانم وربنا يشفي اختنا ويشفي جميع مرضى المسلمين ...

اليوم دا الله يعديه على خير ... يا منصور في شنو يا ود امي .. دايرين تتاجرو بي شماراتنا ونظام عمولات كمان .. يا جماعة السترة سمحة (وان كان انا ذاتي ما فاهم الموضوع) لكن للضمان كدا خلو الطبق مستور ...
وا بوليساه .. وا بوليساه .. اين انت يا بوليس الحوش .. انا خايف جنابو محمد صديق ذاته يشترك في المؤامرة ويبيعني ...

وا شيخاه (جلا) .. وا شيخاه (جلا) .. تلحقنا وتفزعنا ومن الشمارات تسلمنا.. ومن المؤامرات والدسائس تسلمنا ...
Post: #4295
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:25 AM
Parent: #4294

ثم منصور ( بشير عباس )

x23.jpg Hosting at Sudaneseonline.com


Quote: المهم ياجماعة زهير الزناتى بى توقيت باسويرداته الوزعها علينا دى , بقى لى زى اخونا صلاح عبد المجيد نصر لمن كان يملأ ليك دار الأتحاد لمن تقول بس , شىء عدس وشىء سكر قبل مواعيد الجمعية العمومية بى يوم يومين , فلتعلم يا بكرى ابو بكر ان عدس صلاح وسكره تحول الآن الى باسورد بكرى ابوبكر والغريب ان طعمهما واحد (فهو سكر فى الحالتين ) ونحن نقبل كلاهما بكل حب وامتنان ونعلن ان صوتنا لزهير الزناتى اليوم فى حدائق الشهداء ولو كان ثمنه باسورد بالطعم البيجنن ده
Post: #4296
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:28 AM
Parent: #4295

ثم أتى العمدة .. موسى عيسى

x7.gif Hosting at Sudaneseonline.com


Quote: بالباب عديل دخلنا وليك يا الزناتي شكرنا و لكل ناس الحـوش دبايوا مطـرنا سـلامـنا
وبي جنب عنقريب الريس ميسرة وود الجيلي حطينا رحالنا وفي نـص سهلة الحوش الـكبير
عرضنا كلامنا جيناكم عديل بعد ما استضافنا العزيز جلال عثمان وانشاء الله يا جلال ربنا
ما يجيب يوم شكرك والتحايا موصولة للجميع وانشاء تامين وما ناقصين
Post: #4297
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:31 AM
Parent: #4296

ثم .. العبد لله

x21.jpg Hosting at Sudaneseonline.com


Quote: صباح الصباح والجااااى انشاء الله احلى من الراااح

وأصلوا ما الطلاّّت خشوم بيوت ..
لكن الطله من قدام عتبة البيت .. طعمها غير ..! وشكلها غير ..!

فاصل التشكرات :

اولا الشكر اجزله لكل ناس الحوش الذين أغدقوا علينا بالامس وتفننوا
فى نثر درر الترحاب ، وانشاء الله جيرة ونسب !!

العرفان يمتد للاخ الفاضل زهير لمجهوداته العظيمة فى وصول العضوية
متزامنة مع يوم تاريخى بانعقاد الجمعية .

ايضا لا انسى كل الشبابيك والنفاجات التى كانت لنا قبل التابعية

تأشيرة الزيارة المعتبره ذات الخمس نجوم واخص بالتحية الاعزاء .. عصام دهب

وعثمان الجيلى والريس ميسرة وعبد الدائم وزهير والعزيز جلال .

اما رشيد الحبيب .. فألف شكر على التحية المميزة .. وللحديث بقية
Post: #4299
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:35 AM
Parent: #4297

x17.jpg Hosting at Sudaneseonline.com
Post: #4303
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-03-2010, 08:52 AM
Parent: #4295

حمد الله بسلامة الوالدة يا زوبة
وكفارة وربنا يديها الصحة والعافية

،،،،،،

امبراطورية ميم بالله تميتو سنة

شــن جـده تحت المخدة

ما ياهو الحال فى حالو كل يوم تلفونات بالتقيل وايميلات
نزلى لى ده ورينى ده وخت لى ده

وكمان جابت ليها تحميل اغانى فى I POD

غايتو نجضتونا نجاض السنة الفاتت دى بمداخلاتكم ( السمحة ) الفاتت حد الــ 1000
عموما نقدر نقول حسن جيد

واخير من الدفعة البعدكم ...... كااااااك
Post: #4298
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 08:34 AM
Parent: #4294

عارف يا محمد عيد
بت الشيخ الليله تعبت
غايتو الرقبة بتاعتي الفي الصورة دي
حتكون دايرا ليها 5 رطل زيت سمسم
Post: #4300
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:39 AM
Parent: #4298

ثم اتى على جواد أشم .. الكوتش الجميل محمد صديق

x12.gif Hosting at Sudaneseonline.com


Quote: بسم الله ابدأ واصلى على المصطفى افضل الخلق جميعآ


سلام يا ناسنا ناس الحوش

سلام حدادى مدادى

قدر وطنآ بيملا العين

سلام ما جايى بالنفاج

ولا متاوق من الشباك

ولا بعاين بي فوق الحيط

سلام بالباب

عديل بالباب

من زولآ ملاهو الشوق

لحدى الشوق صبح مذهول وما واعى

اجدع تحية واجدع شوق لكل الناس بدون تمييز


شكرآ للباشمهندس بكرى ابوبكر

شكرآ لسيد الحوش دهب

شكرآ للنحلة زهير

شكرآ لسكان الحوش جميعهم

سلام
Post: #4301
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:43 AM
Parent: #4300

وأخيرا جدا .. ظهر العسكرى شبراوى ... ابتر

x15.gif Hosting at Sudaneseonline.com
Quote: سلامات تشكرات بكرى ابو بكر... الزناتى
الناس الفتحو لينا الباب
للدخول للزقازيقاب .. نشوف الحلوين بالباب
الناس الشغلو الالباب

من الليلة انا اسمى مسامة ابتر
علشان ما افارق الكوكبة النيرة دي
وقبلان اكن برلوم البرالمة والسناير
واللة الدخول من نفاج النضيف ليه طعمة لكن ما بحصل الحلاوة دى
ايه الحلوة دى يا اولاد

السلام بالباب سلام بالاحضان
سلام بدون كلام وقلبى بيكم فاض فيضان
فيضان قاش محمد ادم من كسلا لين ادبره
يا جماعة ما تحصلونى كل ما ادق لى باب القاه ما ياه
انا ما طشيت ... قالو يهدو من الطشيش يبيت برا
لكم الود والحنين بفدر ترحابكم لهذا الطاشى المنكشح

من صاحب الحوش وبقول ليه البوست ده كلو للعزيزة الحبيبة اقبال ابتر
الى كل سكان الحوش الصاحين والنايمين والبتلبتو كمان
طبعا انا طلعت منه
طبعا البركه فى الزناتى وللزول النضف الاستقبلن فى نفاجو
3
حلوين حلاوة غالين غلاوة
ازيكم وازى الحوش
حبايبنا
معليش انا قلت ما اخش توش

المرة دى ما طشيت انا طشت الكهربا
يعنى مولدنا عامل تضامن مع ناس الخرتوم

احلى كورال يا عبد الدايم لكن احلى منو كوراك الريس
اقصد كورال الريس ان دل على شئ انما يدل على احساسو المرهف بالناس
يا ابو الناس كل ملحوق المهم الناس تتفاعل وتكشكش الجيوب

على وزن لاريحة غاز ولا كشكشة قزاز الاخير دى بيعرفوها ناس السعودية وكدا
Post: #4302
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:47 AM
Parent: #4301


وكان فى استقبال الفاتحين .. دودى الشهير بـ عبد الدائم

وكان ان قام بتعليق راية كل فارس فى حبل المودة

x1.jpg Hosting at Sudaneseonline.com


x6.jpg Hosting at Sudaneseonline.com
Post: #4304
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 08:54 AM
Parent: #4302

حقا" .. لقد كان يوما جميلا .. خالدا مخلدا فى ذاكرة كل منا

وكان ترحيبات الجميع من كل حدب وصوب اوسمة فى صدورنا

وكما استمرت المسيرة من قبلنا ... كنا لها بمثابة قوة الدفع الاضافية ..

ثم توالت بعدها القوات الاخرى ..

فكنا فى كل مرة نستقبل افواجا جديدة من الفرسان والفارسات ...

فالشكر هنا أجزله للمهندس بكرى ابو بكر .. ومن بعده لحبيبنا ابو الزوز واخونا ود دهب

*******8

" يا جلا ما تنضم ..انت مشيت للمساج من هســه ؟؟ )
Post: #4305
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 09:03 AM
Parent: #4304

من أهم احداث العام الفائت ...

اجازة منصور ذات العشرة ايام

والجكــة الشهيرة اما سمك عوضيــة

كاميرا الشروق رصدت الحدث ..

وبثته على الهواء


x19.jpg Hosting at Sudaneseonline.com


وتم رصد الحدث بواسطة عين فاحصة وخبيرة
x8.jpg Hosting at Sudaneseonline.com
Post: #4307
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 09:12 AM
Parent: #4304

تشكرات يا محمد عيد
و بي كدا تكون ما قصرت
و معليش يا جماعة
يا دوب يا ود المهدي المسألة بتاعت أمبارح اتحلت
و لمينا العكاكيز خلاس
عليك الله يا ميسرة يوم زي دا يمر عليك سااااكت مش تقول راميك جمل
المهم ليس وحدنا نحن ناس الزقازيق لكننا الأفضل
نرجع لي ترحيب الشباب بإمبراطورية الميم
عبد الدائم
Quote: كورال حفل استقبال ( البرالمة )
يلا ... اقيفوا صفين ... اى صوت نشاز حيستبعد .... الالتزام بمخارج الحروف ز .. ذ
جلا خلى واحد من السناير يصلح ليك الكرفتة ...
لما ارفع ليكم يدى ابتدو




ــــــــــــــــــــــــــــــــــ
لما ينتهى الكورال ما تمشوا فى جوائز ...
Post: #4306
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 09:08 AM
Parent: #4301


يا زول ما حلجت لينا رقبتنا !!!!!
البيشوفنى بتاوق واتلفت كده , يقول بتفرج لى على مباراة تنس
ولا ماتش تنس طاولة فى دار الأتحاد !!!!!!!!!!
يخرب شيطانك يا مطموس , ده فوتوشوب ده , ولا ورشة سمكرة ؟؟؟
انت عارف , صورتى بتاعت زمان البى هدومى الجايبها كنت من السعودية دى
عاجبانى وسارة بالى
لدرجة ما داير انزل اى صورة تانى
الرحلة اللبست فيها البنطلون الأزرق , والفنلة الازرق ام خط ابيض
حلفت للرشيد ورفعت , البشوفو لابسن فيكم , الا املصو ليها حتى لو كان فى مربع كاى زاتو
من يوم داك الرشيد , فارق الأزرق والأبيض , وبقى ما يلبسهم , حتى لو كانوا حقاتو
عالم تخاف من المليص جنس خوف
ومن يومها , وانا سارح فى الأزرق والأبيض برااااى
وخليت ليهم الرمادى والأسود , والبنى كمان
بس الكوت بتاعى البيج داك , امانة ما عاسوهو عواسة
اظنه اخر السنة بقى لونه اسود , كان ما بخاف الكضب
Post: #4308
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 09:18 AM
Parent: #4306


انا جنى وجن زول يشرنى
وكمان شابكنى بى مشابك زرقاء وحمراء
ومملصنى فانيلتى العاجبانى وملبسنى احمر
بعد ده ما تجدعنى فى الكوشة عديييل
الزول الأسمه عبد الدائم النضيف ده , شايفه بقى يطعن بالكلام
اى بود وما آى بود
نحن غايتو ما بنسل لساننا الا بعد ما نستلم
ولمن نستلم يحلها الحلال
البادى النور , انا ذاتى ما عارف السالفة شنو
لكننا جاهزين لى اى شيل حال , واى شمارات تلقانا جاهزين
مبارك جادين , لا تأخذك رافة بأى زول
الزول ده لمن انت صورتو
مش قال ليك , ذيع ؟؟!!!!!!
طيب ما تذيع ياخى , راجى شنو ؟؟!!!!
Post: #4309
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 09:33 AM
Parent: #4308

Quote: يا جلا ما تنضم ..انت مشيت للمساج من هســه ؟؟

أنا هين شوف ديك المسلمية داك البحمرو في بصلتو وهو يعوعي
و يقول ليك أنا قاعد أتفرج تنس مضرب
و مرة يقول ليك أنا قاعد اتفرج تنس طاولة
و مرة يقول ليك أنا قاعد أشجع الهلال و ما تلبسني فلينة حمرا
بس يا عيد إنت نسيت حاجة الزول دا قال ليك
Quote: بعد ده ما تجدعنى فى الكوشة عديييل

طبعاً لا تفوت على فطنة القارئ... الزول دا ما قاصد كوشة الزفاف
إنشاء الله أم أحمد ما قاعد تخش بي جاااي
Post: #4310
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-03-2010, 09:46 AM
Parent: #4309

اقسم بالله إنتو ناس بتاعين مشاكل
Quote: بعد ده ما تجدعنى فى الكوشة عديييل

طبعاً لا تفوت على فطنة القارئ... الزول دا ما قاصد كوشة الزفاف
إنشاء الله أم أحمد ما قاعد تخش بي جاااي


إديتوها كوز
ووسعتو الشغلانة
وام احمد
يا أخوانا خلوكم محضر خير

الراجل قاصد الكوشة الشينة ديك عديييييييييييييل بتاعة الزبالة خلاص إرتحتو !

كلامكم ده في كل الاحوال راح يخلي منصور ده يبطل كلامو الحلو والاهم حاجة إنو على سجيتو

اها من الليلة وغادي ( على سجيتو دي ) مع منصور إلا تحلموا بيها

عليك الله يا منصور إنت قاصد يا تو كوشة ؟؟؟
Post: #4312
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-03-2010, 09:48 AM
Parent: #4310

إلى محمد عيد
اقسم بالله شغلك نضييييييييييييييييييييييف
تحياتي
Post: #4311
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-03-2010, 09:47 AM
Parent: #4309

سلام يا اهلنا
يا زوبة اجر وعافية للحاجة


انتو جلا دة مهكور فكريا ولا شنو
Post: #4314
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 09:53 AM
Parent: #4311

Quote: انتو جلا دة مهكور فكريا ولا شنو

طبعاًأي كلمات غير مفهومة المرجع الأساسي حسب أخونا الشادي هو جلال
مع إنو أنا عندي راي في الترجمة الشترة بتاعتو
عليه ممكن أحول الكلام دا لي ياسر نجيلة
Post: #4313
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 09:49 AM
Parent: #4309

يجازيك يا جلا
انت عاد ما دردقتنتى دردقة السنين
ان شاء الله الجدعة فى كوشة ام احمد , فال البيحبوك والبيريدوك
عاد هى ما جدعة السرور
بالحيل ام احمد قاعدة تمر على الحتة دى , والحتة دى مالا
عليك الله شايف فيها شنو , غير المشابك والرقاب المحلوجة والعايزة ليها مساج
الدخول هنا هين
بس قولوا ليهم كلهم , وام احمد اولهم
البوست بتاع صور نادى الشرطة , اتشفر
مش زهير الجن ده , حرق الصور
اوعكم تمشوا بى غادى
انتو مجانين تقعدوا تنتظروا ليكم فى صور محروقة ؟؟!!!!
ولا مش كده يا ياسر نجيلة ؟؟؟



عبد الدائم , البتاع وصلنى هسى
اريتو بتاع السرور
البتاعات فى الأضنين , والكاشف بيلعلع
وداعا روضتى الغناء , وداعا معبدى القدسى
انت يالله تتجازى , صاحبك المصرى ان شاء الله ------- بالقزازة
Post: #4315
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 09:59 AM
Parent: #4313

قصة تقول
في واحد شليق شلاقة الجن
وسأاال سؤال نكير
قالو ليهو لو خليت شلاقتك دي و أسئلتك السخيفة دي
نديك نص مليون
قام قال ليهم
النص التاني دايرين تدوهو منو؟؟؟؟
Quote: عبد الدائم , البتاع وصلنى هسى
اريتو بتاع السرور

البتاع دا شنو؟؟؟؟
Post: #4316
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 05-03-2010, 10:10 AM
Parent: #4315

محمد ادم النور
Quote: قصة تقول
في واحد شليق شلاقة الجن
وسأاال سؤال نكير
قالو ليهو لو خليت شلاقتك دي و أسئلتك السخيفة دي
نديك نص مليون
قام قال ليهم
النص التاني دايرين تدوهو منو؟؟؟؟

هههههههههههه
ياخي سلام وتاني سلام
وامتع شيء وامنقة شيء
مره مره الواحد يدخل يضحك ويشوف اخبار الحبايب
ويعمل انسحاب تكتيكي لا من شاف ولا من درا
تحياتي لكل الشباب والشابات
وربنا يديم التوادد والتواصل بينكم
بالجد ممتعين ممتعين
Post: #4317
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 10:15 AM
Parent: #4315

نفيد سيادتكم بأن الكمندان يجابه صعوبا تقنية
و وعد بأنه سيكون بالأستديو في أي لحظة
حتى لا يفوته هذا اليوم التاريخي
و إلى ذلك الحين نبقى مع بعض مداخلات الترحيب من الإخوة الكرام
عبدالدائم
Quote: سلام بالاحضان لابن دفعتى محمد صديق
والحوش بقى محروس بالبوليس
جنابو درس فى تربية
وسكن مع ناس بيطرة
وناسب ناس اداب
Post: #4318
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-03-2010, 10:35 AM
Parent: #4317

وسأل جلا , عن البتاع
هم اصلا , كانو بتاعين , وصل منهم واحد , والتانى لسه عند كمال الشادى
لما يوصل التانى , ويقعد جنب اخوهو الأول
بقول ليكم
المهم هو لا سمك
لا جكة
ولا تلفزيون
ولا رادى
لا بلى استيشن
اول حرف فى اسمه آى
وتانى حرف منو , بو د
هى , شوفوا شلاقتى دى , طيب انا ما قلتها ليكم
هسى واحد منكم يجى ناطى ويقول لى
يا ربى ده لاب توب


وصلنى , واحد أى بود معتبر , اشتغل فيهو عبد الدائم التقول خمسة ولا ستة شهور
ومعاهو واحد صاحبه مصرى
وواحد تانى فنان , ومن اعضاء البوست ده
الاى بود ده , فيهو خمسة الاف اغنية من عيون الغناء السودانى
تسجيل اذاعة عدييييل
يا ربى آخذ لى اجازة , ولا اغيب من الشغل ساكت ولا اسأل لى فى زول
باقى التانى العند كمال الشادى
بعد داك , كدى واحد يجى يغالطنى فى الغنا , ان شاء الله يوسف الموصلى زاتوووو
Post: #4320
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-03-2010, 10:55 AM
Parent: #4318

البعرف لى اسماء الفنانات ديل ليهو جائزة واحد جهاز اى بود
مع خمسة الاف اغنية ببلاش ....


sudansudansudansudansudansudansudansudansudansudan31.jpg Hosting at Sudaneseonline.com




sudansudansudansudansudansudansudansudan41.jpg Hosting at Sudaneseonline.com


sudansudansudansudansudansudansudansudansudan37.jpg Hosting at Sudaneseonline.com
Post: #4319
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 10:53 AM
Parent: #4317

Quote:
Quote: سلام بالاحضان لابن دفعتى محمد صديق
والحوش بقى محروس بالبوليس
جنابو درس فى تربية
وسكن مع ناس بيطرة
وناسب ناس اداب


عذبتنا يا جلا الراجل برضو بلدياتكم بالمصاهرة و كده

يعني في داعي للدردقة دي !

و يا ود عيد و الله ربنا يديك في المرادك شغل نضيف و راقي

بس صحبي جلا دا جننتو جن و العجب لو عملت ليهو دقن تكون ما

قصرته .
Post: #4321
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 11:04 AM
Parent: #4319

يا موسى عيسى
إنت زول قديم كدا مالك!!!!
بالله غير البروفايل بتاعك دا
و لو ما عارف خلينا نشد ليك سلك لي عبدالدائم
عشان البتاع يصلك...هو شنو؟؟؟؟
فاتني أن أشكر الأخ وليد على طلتو البهية لي بوست الزقازيق
فألف مرحب بيك عزيزي
بعدين يا وليد لو البوست العام زادت حرارتو زي حرارة الخرطوم
تعال أخد ليك جمة في الحوش البارد دا و بعدين اتوكل أمشي
المهم ألآف الترحيب (الجملة الأخيرة دي من ناحية لغة عربية في حتاتها و لا في مشكلة)
ما في زول يقول لي كدي النشوف أبو الجل....
Post: #4322
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 11:38 AM
Parent: #4321

أستاااذ

استااااذ ..

انا عرفت الاجابة

مهلة العبادية وفاطمة الحاج وام بلينا السنوسى

يلا رسل 3 آى بوود بسرعة ( طبعا عشان دعاء ومصطفى وامهم )
Post: #4323
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-03-2010, 11:38 AM
Parent: #4321


معذرة للتكرار
Post: #4326
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 11:57 AM
Parent: #4323

المداخلة لأولى بتاعتي
المداخلة التانية بتاعت محمد عيد
إذن من يستحق الجائزة
أنا
التكرار يعلم الشطاااار
كضب!!!!
Post: #4324
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 11:55 AM
Parent: #4321

انت ياجلا و الله بتاع مشاكل انا دودي دا ما بقدر علي زعلو

و الراجل ما مقصر بس انت اطلع منها !!!


العجب يا جلا الرياض الان مطر و جو رائع روعة محمد عيد !!!
Post: #4325
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-03-2010, 11:55 AM
Parent: #4321

دفعة أمبراطورية ميم كانت دفعة جميلة

وقوية لها تأثير واضح للعيان في دفع مسيرة

البوست إلى الأمام ،،،،

الفنان محمد عيد بصراحة أبدعت وجهد مقدر شديد

وهذا العمل يأخذ الكثير من الوقت ،،، الحية لكامل

كوكبة إمبراطورية ميم،،،،

مبارك جادين طلتكم اسعدتنا نأمل التواصل,,,,
Post: #4327
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 12:08 PM
Parent: #4325

Quote: وهذا العمل يأخذ الكثير من الوقت ،،، الحية لكامل

كوكبة إمبراطورية ميم،،،،

وييينك يا ريس
تذكر أمبارح لمن
قلت لي راميني جمل
و لا شارب كانجي مرووو
و لا ماكل قدو قدو
دا كلو عشان شنو؟؟؟؟
كنت خايف الزمن ما يسعفو
مرات الحاجة تحكها لمن تجيب الدم
و دا المطلوب
موسى عيسى ما زلت أطالبك غير البروفايل
Post: #4328
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-03-2010, 12:27 PM
Parent: #4327

Quote:
موسى عيسى ما زلت أطالبك غير البروفايل


يا جلا انت لو .....طالعني الخلا !!!
Post: #4329
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 12:34 PM
Parent: #4328

هس يفرزوا الكيزان كيف؟؟؟
أقصد الكيمان
ياربي أنا مالي ومال لمة الكيزان مع الكيمان اليومين ديل
وينا مداخلتي
و ياتا مداخلتك
Post: #4330
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-03-2010, 12:45 PM
Parent: #4329

Quote: وييينك يا ريس
تذكر أمبارح لمن
قلت لي راميني جمل
و لا شارب كانجي مرووو
و لا ماكل قدو قدو
دا كلو عشان شنو؟؟؟؟
كنت خايف الزمن ما يسعفو


يا جلا والله ليك حق

بس أنا فاتت علي حكاية عيد ميلاد

الدخول لعالم سودانيز يوم 3مايو

أصلو الحكاية بدأت بعيد ميلاد العيال

وكبرت صارت عيد الأم وعيد الحب وعيد الناس الكبار

وعقبال يا جلا عبد الأب ،،،

بس الإحتفالية رائعة ومشرفة وليكم حق يا ميم
Post: #4331
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-03-2010, 12:45 PM
Parent: #4328

بسم الله وماشاء الله والله اكبر ...
دا شنو دا ... ابداع وجمال والله
بس نبتدي زنقول:
حمدلله على سلامة الوالدة والدة زينب التجاني ونسأل الله ان يمتعها بالصحة والعافية
ونبارك ونهنئ للكمندان اسامة ابتر نجاح الامورة والماجستير وعقبال الدكتوراة

والعزيز الرشيد ... حمد لله على سلامة الوصول لعمان ونسأل الله ان يتمم شفاء اختنا
ويرجعها بالسلامة وتفرح وتتهنى بنجاح بنيتها...

وتاني شيئ بركة الله يسلمك ومقدرين مشغولياتك بس مرة مرة ادينا طلة


وتالت شيئ الما برسل لي اي بود فهو 2 مليون اغنية لا بيني لا بينو

ياجلا ... انت الاي بود دا شنو
نعلوا بتاع الاسطوانات الزمان داك ... بالله لما تشد سلك لعبدالدائم اسألوا لينا
لانو البروفايل شايفو اتغير
Post: #4333
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-03-2010, 12:59 PM
Parent: #4331

Quote: طبعاًأي كلمات غير مفهومة المرجع الأساسي حسب أخونا الشادي هو جلال
مع إنو أنا عندي راي في الترجمة الشترة بتاعتو
عليه ممكن أحول الكلام دا لي ياسر نجيلة

والله صحى طلعت مهكور
ياخ انت ماعارف نجيلة دا زول بتاع تجارة ومحاسبة وكدا
امور الترجمة دي "شرعياً" موكلة للعبدلله وذلك حسب "الاختساس"
انت قايلني انا قريت لاهوت ولا شنو

















---------
هذا ولا يخفى على فطنة القاري ان لاهوت دي من ادبيات اخونا عبدالمجيد عيسى
له التحية والتجلة سنيرنا المبجل
Post: #4332
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-03-2010, 12:56 PM
Parent: #4321

سلام للجدعان
الامنيات لوالدة بنت النوبة بالشفاء العاجل
مراحب بالناس الوصلو والحيوصلو
مبروك سنوية امبراطورية م
تبريكات للاخ اسامة ابتر بنجاح ابنته وعقبال الدكتوراه له ولها
الاخ عبد الديم انت عارف في ناس عجايز وشكرا ليك انعشت الذاكرة
فاطمة الحاج 0000منى الخير 00اماني مراد
البتاع القلتو يصل بسرعة
Post: #4334
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-03-2010, 01:21 PM
Parent: #4332

Quote: البتاع القلتو يصل بسرعة

ود المهدي ...
الحمد لله الماجبت إسمو
ونقدر لك عدم معرفتك به
إنت في دا و لا موسى عيسى
كبَّر الملف..حتى ما سأل من البتاع زاتو
عشان كدا الوحد يغير البروفايل بتاعو
عشان الكيزان تتفرز
Post: #4335
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-03-2010, 01:54 PM
Parent: #4334

امطار غزيرة تشهدها الرياض الآن ...
جعلها الله امطار خير وبركة
جو بديع نتمنى انو يستمر ليبرد لنا حرارة الصيف هذا العام
ويخفف عن كاهلنا فاتورة الكهرباء في الصيف ...

ياموسى عيسى سوق بالراحة بالله في المطرة دي ...
او تعال اوصلك ... الكورلا دي عايزين ننزل بيها بالله
Post: #4336
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-03-2010, 04:05 PM
Parent: #4335

ولا يخفي علي فطنة القارئ أن الميكانيكي طالع تيست بباسيورد الكوتش محمد صديق ....

يا أولاد الدفعة .... هذا ما لزم توضيحه ... وبس

التوقيع
الميكانيكي
Post: #4337
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-03-2010, 04:46 PM
Parent: #4336

زمان بقولو واحد عندة واسطة وواحد زينا
دخلو امتحان الاستاذ سال صحبنا تعرف ياشاطر
بلد المليون شهيد طبعا الجزاير وسال التاني
اذكر اسماء الشهداء
القصة قديمة عارف كده
لكن ناس يرسلو ليهم اي بود
وناس يمتحنوهم
مش كدة ياجلا
Post: #4338
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-03-2010, 05:05 PM
Parent: #4337

لا يفوتني أن أهنئ الدفعة الماسية التي صادف البارحة عيد ميلادها الأول ... وهم الآن عماد البوست فلهم التحية واحداً واحداً وقد رفعوا رأسنا عاليا في المنبر والمنابر المجاورة ...
Post: #4339
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-03-2010, 08:53 PM
Parent: #4338

يا ناس الرياض طمنونا


أمطار الرياض بالصور الأثنين 3 مايو 2010
Post: #4340
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-03-2010, 10:20 PM
Parent: #4339

التحية من القلب لاولاد الدفعة الذين ترسوا البوست بالكلمات النديات واكملوا عامهم
الاول بدون كلل او ملل رغم تراخي السناير ولااستثني نفسي
فمبروك العام الاول والحبل رهيب رهيب كما تقول مشجعات علوم عندما
يمسك محي الدين عبدالستارالكورة ويرقص ليك ناس زراعةفي دوري الكليات بالمدرسة العسكرية
فيتعالى هتافهن( رهيب يا محي رهيب يامحي )
فالحبل( رهيب يا عيد رهيب يا عيد )

اخونا البادي مساء الانوار
شايفك رفعت الراية البيضاء عشان كدة
انحنا البينا عامرة
وانا والله البوليس بتاعك لايهز فيني شعرة وانا ابوك
يا احمد

يا جلا
مستمتعين والله
Post: #4341
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-04-2010, 05:02 AM
Parent: #4340

اللَّهُمَّ مَغْفِرَتُكَ أَوْسَعُ مِنْ ذُنُوبِنَا، وَرَحْمَتُكَ أَرْجَى عِنْدَنَا مِنْ أَعْمَالِنَا
اللَّهُمَّ رَبَّ جِبْرِيلَ وَمِيكَائِيلَ وَإِسْرَافِيلَ وَمُحَمَّدٍ صَلَّى اللهُ عَلَيْهِ وَسَلَّمَ
نَعُوذُ بِكَ مِنَ النَّارِ.

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ واَلغِنَى وَأَنْ تُجَدِّدَ الإِيمَانَ فِي قُلُوبِنَا
اللَّهُمَّ إِنَّا نَسْأَلُكَ إِيمَاناً لاَ يَرْتَدُّ، وَنَعِيماً لاَ يَنْفَدُ
وَمُرَافَقَةَ نَبِيِّكَ مُحَمَّدٍ صَلَّى اللهُ عَلَيْهِ وَسَلَّمَ فِي أَعْلَى جَنَّةِ الخلد.
Post: #4342
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-04-2010, 06:07 AM
Parent: #4341

سرعان ما انفض سامر عاما من التواصل مع اناس امثالكم في توادهم و ترابطهم و تراحمهم ،حقيقة سعدت

بتشاركي معكم و استفدت كثيرا من ارائكم و مشاركاتكم و تواضعكم و رقي تعاملكم فكنتم خير انيس عبر

الاثير و كنتم خير معين لي في هذا العام الذي احسبه من اجمل ايامي في الغربة و ذلك لسطوعكم في

حياتي فاضئتوها بنوركم الجميل فلكم الشكر علي جميل صنيعكم .


و لكني اخوتي خلال هذه الاشهر الجميلة معكم اعلم انني تواصلت معكم و اعلم كذلك بانني اخطات و جرحت

بعض منكم (ما كان ذلك بيدي و لكن بيد عمرو و هو .....صحبي ...) عموما اني التمس منكم جميعا العفو

و العذر لكل من صدر له مني مالا يرضي من ذلة لسان او سوء فهم ان كان ذلك عن قصد او دونه فاكرر طلبي

بعفوكم و صحفكم ، حيث انني منذ البارحة نمت مرتاح البال من ناحيتي تجاهكم اخوتي بعفوي عن جميع

الزقازيقاب لذا املي كيبر في سماحتكم و اتمني من الله ان يديم علينا نعمة الاخاء الصادق والولاء

الزقازيقي الاخاذ كما اساله ان يتولانا و اياكم برحمته و رعايته .

و كل عام و الجميع بخير .
Post: #4343
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-04-2010, 06:41 AM
Parent: #4342

صباح الهناء والسرور ...

اخونا مبارك جادين شكرا على التجاوب .. انت انسان راقي من يومك ربنا يفظك ...

اخونا موسى عيسى كل سنة وانت بالف خير .. ياخوي العفو والعافية ...

سنة حلوة على افراد امبراطورية (م) .. ودمتم زخرا للحوش ...
Post: #4344
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-04-2010, 07:30 AM
Parent: #4343

سلامات يا ناس

وصباحات التفاؤل

عام سعيد للدفعة (م) ومزيد من التواصل

Quote: اخونا مبارك جادين شكرا على التجاوب .. انت انسان راقي من يومك ربنا يفظك ...

اخونا موسى عيسى كل سنة وانت بالف خير .. ياخوي العفو والعافية ...

سنة حلوة على افراد امبراطورية (م) .. ودمتم زخرا للحوش ...


يبدو انه فاتنا الإستماع أمس بسبب أشياء تقنية.

حمدآ لله على سلامة حاجة محاسن.

رشيد القوم سلام والتمنيات بالشفاء التام ل منى .

منص..شغال غيب وتعال.

عيد ...شكرآ على الإبداع

أين قدورة يا ناس؟؟؟

وسامى عبدالوهاب؟؟
Post: #4345
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-04-2010, 07:45 AM
Parent: #4343

صباح ا لخير،،، يا وجوه الخير

أصبحنا وأصبح الملك لله ،،، وحده

التحية الصباحية نوجها لناس الرياض

ونتمنى أن تكون سقيا خير و رحمة،،،،

ولدنا موسى عيسى لا تكون حساس لم نسمع عنك كل

خير وربنا يديك الصحة والعافية ،،،،،،،،،،،،

التحية لأخونا الرشيد في دولة الأردن،،،،،،
Post: #4346
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 08:10 AM
Parent: #4345

يا ميسرة
قعدنا نقول جده وغرقت
الليلة بقت علينا يا الحبيب
والله امبارح المطرة دي كلها وانا بره البيت
واقف في حتة ما قادر لا امشي ورا ولا قدام
وزوجتي من البيت تتصل على إنو كريم لسه ما رجع البيت
وباص المدرسة إتأخر
اتصل على سواق البص بيني وبينو حوالي 3 كيلو تقريبا في نفس المنطقة
الكلام ده الساعة ثلاثة
يا أخي الولد وصل البيت الساعة 7 مساءً
غايتو الرياض اتفضحت يا ميسرة
تصريف مياه وامطار ( زيرو )
Post: #4347
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-04-2010, 09:34 AM
Parent: #4346

هسى عليكم الله , غيب وتعال مش احسن من غيب وفرتق واقعد عند الميكانيكى ؟؟!!
كمال الشادى حكى ليكم زنقته فى انفاق الرياض
وكريك ولده المارجع البيت الا الساعة سبعة
انا البقت على , انا ما عارف سببها المطرة , ولا الأى بود
الأتنين لخبطونى ليكم جنس لخبتة , الله لا وراكم ليها
صلينا العصر فى المكتب
غالبا , بصلى الغصر , وبشتت طوالى
السلام عليكم السلام عليكم
الرعد زى الكأنوا بيقول لينا , وعليكم السلام
جرى على مكتبى , لملمت لابتوبى , وختيت لى حاجة فى جيبى تقيلة كده
متعود انا الفى جيبى ده يكون الموبايل
لذا فانا ماشى العربية شاعر بتوازن طبيعى , جيبى الشمال تقيل , ونفس وزنه العادى
فى يدى اللابتوب , والجو حاجة ما تخلص , والرعد يضرب اخماسا بأسداس , والبرق يشيل معاهو ويخت
انفتحت السماء , وتدفقت المياه فيما لايشبه تدفق المطر
وفى حاجة تانية بتتدفق من جيبى الشمال , لأضانى طوالى
حقيقة الأمر , بقيت ما عارف المطر جاى من وين ؟؟ والغناء السمح جاى من ياتو حتة ؟؟
مرات المطرة تجينى من جيبى الشمال , والغناء زى الكانوا جاى من السماء
حالة متعة ملخبطة , وحالة لخبطة غاية فى الأمتاع
المطر مع صوت زيدان , وبعد شوية صوت الخالدى من بين حبات المطر
تانى الرعد قام , لكن صوت فيروز يغطى على صوت الف رعد
وتانى البرق قام يضوى
لكن صوت ابراهيم عوض اكثر ضياءا , واعلى متعة
الطرق مغلقة , ومكدسة بالسيارات المعطلة والخائفة
انا الوحيد الذى يبدو وكأنه لا يقود سيارة , او قد يبدو انه ليس خائفا عليها من المطر
انا فى طريقى للبيت , كنت قد اطماننت على وصول الأولاد من مدارسهم فى الوقت المحدد قبل الخروج من المكتب
لذا فان كامل ما يشغلنى طوال الطريق , اصوات الجمال من جيبى الشمال , وفتحة السماء المشقوق , من خلفى وامامى وعلى جانبى
وعلى زجاج السارة
وصلت البيت خلال اكثر من ساعة ونص زحزحة فى الطريق
ولكنى لم اشعر بذلك , الا من خلال استقبال اسرتى القلقة على تاخيرى
مالك ما بترد , ارد على شنو ؟؟ اجابة لا مبالية كادت تقتل بت شيخى من فرط عدم تقديرى لقلقها والأسرة
على تأخيرى الكبير
ايوة والله , ما بترد على الموبايل مالك
هو موبايلى زاتو وينو ؟؟؟؟!!!!!
احتل (آيبودى العزيز ) , مكان الموبايل فى جيبى الشمال
فتدفقت النغمات , وانهمر مطر الأغانى
وظل رفيقى الموبايل العزيز , فى درج المكتب , نسيا منسيا
وانا ملى وملو , لكنى استدركت بالأتصال على ساعى المكتب وحارس الشركة
فطمأننى على وجوده , ومن ثم حفظه لى الى حين عودتى للمكتب باكر الصباح
عبد الدائم , اى بودك ما جننا جن !!!
انت ان شاء الله تتجازى , وصاحبك المصرى المعاك , ان شاء الله ------------ بالقزازة
Post: #4348
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-04-2010, 09:45 AM
Parent: #4347

Quote:
عبد الدائم , اى بودك ما جننا جن !!!
انت ان شاء الله تتجازى , وصاحبك المصرى المعاك , ان شاء الله ------------ بالقزازة



انت يا جلا انشاء تتجازى نقيت في الراجل لغاية ما

نسيته بنت شيخه الليلة لو كان اتاخر اكثر من كده كان البحصل

شنو و صحبوا ود الشادي القاعد يتوسط ليه محبوس في شمال الرياض

مزرور زرة كلب في طاحونة .......فالف حمدالله على السلام يا كيمو

الجاتك في تاخيرك سامحتك الله لا وراك بعض الشباب عندنا في المكتب

حصل ليهم شنو طلعوا بارواحهم مهرولين تاركين السيارات الما خمج

للامواج تتلاعب بها كما تشاء و حتى الان اثنين منهم لم يحضروا

اكرر الف حمدالله علي السلامة .
Post: #4349
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-04-2010, 09:49 AM
Parent: #4348

هذا تلفون العزيز علي احمد يوسف بالسودان حيث توفيت

والدته لمن اراد ان يعزيه :

00249914707507
Post: #4350
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-04-2010, 10:01 AM
Parent: #4349



حفظ الله اهلنا واصدقاءنا وجميع أهل الرياض
حقيقة منظر صور امطار وسيول الأمس أعاد الى أذهاننا مأساة جده قبل عدة أشهر
لكن طبعا مع فارق تجهيزات وخدمات الرياض الاكثر حداثة ...
وحمدا لله على اطمئنان اخونا الجميل كمال الشادى على ابنه .. ونسأل الله ان يحفظ الجميع ..

اما أخونا الناسى موبايلو فى المكتب وخاتى البتاع فى جيبو الشمال والسماعة فى أضانو اليمين
وقاشر بى فنيلته الازرق × ابيض وشغال يلولح فى راسو دونما اكتراث لصوت الرعد والبرق
ودونما التفاتة لقلق ام احمد والعيال فى البيت ...
وبعد دا كلو جاى يتفاصح ويقول عاملينى كأنى باتفرج فى كورة تنس طاولة ... !!
الحقيقة انو كان بيدندن مع أغنية .. قبلى جاى وقبلى جاى ..!!
اها انشاء الله ما تكون جاتك فليــتة ..؟!
**********
يا ناس الرياض .. يا ناس المطر ...
كدى بالله افقدوا لينا حاج الركز ( ليهو اسبوع استلم الباسويرد وما ظهر ) ..
وكمان فافى زاتها مختفية ...
الناس ديل مش ساكنين فى حى الربوة ..؟
طيب الربوة دى ما عالية .. مطرة شنو البتخوفهم ؟؟
Post: #4351
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-04-2010, 11:04 AM
Parent: #4350

يا عبدالدايم صور الفنانات ديل اسأل منهم ناس جيلهم
كمال الشادي ومنصور وميسرة وعيد وجلا
انا جيلي ناس ريماز واسرار بابكر ومي بحري (منو مي دي) ام احمد كدي امشي بعيد مني ...

الف حمدلله على سلامة ناس الرياض ...
ان شاء الله امطار خير وبركة ...
موسي عيسي انت حصل ليك شنو ... كل واحد حكي حكايتو ...
جله ... الأخبار شنو ... برضو احكي لينا ...

الميكانيكي ده منو ياشباب ... الخاشي بي باس وورد الكوتش

والله يامنصور ... حندكتك ما عينه ... اي بوود مرة واحده ...
غايتو لو ماناديت ولدي أحمد ... وشرح لي اي بود ... وقال لي تذكر لما
كنا ماشي في السوق وقلت ليك اشتري لي الجهاز ده نخزن فيهو الاغاني والالعاب وكان ب 1200 درهم وعامل زي "اي فون" "وبلاك بيري"
والله ما كان عرفتو ... بختك يامنصور ...
وانت يانضيف عشرتك انتعرفت ... نعمل ليكم في الحلل ونظبت ليكم الميز .. تكبرو وتجو تنسونا ..
Post: #4352
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-04-2010, 11:06 AM
Parent: #4351

محمد عيد ... يافنان ... متعة وفن ...
Post: #4353
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-04-2010, 11:49 AM
Parent: #4352

هو عاد ما ايبود السرور
انت يا عبد الدائم -----------------------
5566 اغنية , اغنية تنطح اغنية , 160 جيجابايت , ولسه عندنا قريب للمية جيجا فاضية
ولكن هو فى اغانى تانية ما عندنا فى آيبودنا ده
الحصة من قبيل شغالة فى صفحة مصطفى سيد احمد
مصطفى سيد احمد السرور
انت يا عبد الدائم ان شا ء الله ------------------------------
عفاف دخلت ليها فى دور قراية من اول جديد
وحاج الركز محموم والمطرة بلتو من شعره , لى اخمص رجليه
ضربت ليهم هسى قبضتهم ليك بيتفسحوا فى مطرة الرياض
حاج الركز قال عنده شروط للدخول
بصريح العبارة قال , لو محمد المرتضى حا يدخل للمنبر ده معاهو ويبقى دفعته
فما تنتظروهو فى المنبر ده
محمد المرتضى وحاج الركز , ما بيشيلهم منبر واحد
او كما قال
Post: #4354
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-04-2010, 11:59 AM
Parent: #4352

&&&
مختارات جميلة
 &&&


ما هي قصة التشهد

كثير من المسلمين للأسف يبدؤون صلاتهم بخشوع جميل وما هي إلا ثواني حتى يبدأ الشيطان في الوسوسة لهم ويبدأ الصراع

حتى يصل المسلم للتشهد الأوسط أو الأخير وقد وقع في شباك الشيطان أو شباك نفسه الأمارة بالسوء والتي تتمنى أن تنتهي تلك الوقفة أمام الله لترتاح إلا من رحم ربي وفي خضم كل هذا يفقد المسلم لحظات هي (في رأيي) من أحلى لحظات الصلاة لحظات أسترجع وأتخيل ذلك الحوار الرائع

حوار التشهـّد
يبدأ المشهد بسيدنا رسول الله وهو يمشي في معيـّة سيدنا جبريل في طريقهما لسدرة المنتهى في رحلة المعراج . وفي مكان ما .. يقف سيدنا جبريل عليه السلام .... فيقول له سيدنا محمد ..
أهنا يترك الخليل خليله ؟
قال سيدنا جبريل : لكل منا مقام معلوم ... يا رسول الله ... إذا أنت تقدّمت اخترقت .. وإذا أنا تقدّمت احترقت

وصار سيدنا جبريل كالحلس البالي من خشية الله فتقدم سيدنا محمد إلى سدرة المنتهى ... واقترب منها

ثم قال سيدنا رسول الله : التحيات لله والصلوات الطيبات

رد عليه رب العزة : السلام عليك أيها النبي ورحمة الله وبركاته

قال سيدنا رسول الله : السلام علينا وعلى عباد الله الصالحين

فقال سيدنا جبريل وقيل الملائكة المقربون : أشهد أن لا إله إلا الله .. وأشهد أن محمدا رسول الله
هل نستشعر عند قراءة التشهد هذا الحوار الراقي ؟؟ هل نستشعر أن سيدنا رسول الله تذكرنا هناك عند سدرة المنتهى حيث مواطن الأنوار والأسرار ... حيث من المستحيل من روعة المكان أن تتذكر الأم وليدها
ولكنه بحنانه تذكرنا هناك .. استشعروا روعة هذه الكلمة
السلام علينا وعلى عباد الله الصالحين

تذكر عباد الله الصالحين الذين نرجو أن نكون منهم ليشملنا سلام سيدنا رسول الله
كم نحبك يا رسول الله
كم نتمنى أن نراك في المنام ولو معاتبا .. المهم أن نكحل أعيننا بطلعتك .
صلى الله عليك يا حبيبي يا رسول الله
هل بعد هذا ستقرأ التشهد كما كنت تقرأه سابقا ؟؟

هل بعد ذلك ستصلي على سيدنا رسول الله في الصلاة الإبراهيمية بنفس الفتور ؟؟

هل ستكثر بعد هذا من الصلاة على حبيبك سيدنا محمد ....؟؟

اللهم صلي على محمد وعلى آل محمد كما صليت على إبراهيم وعلى آل إبراهيم انك حميد مجيد

وبارك على محمد وعلى آل محمد كما باركت على إبراهيم وال إبراهيم في العالمين انك حميد مجيد
صلوا على الحبيب المصطفى
يا حبيبي يا رسول الله
عليه أفضل الصلاة وأتم التسليم
قال رسول الله صلى الله عليه وآله وسلم :- 'من صلى علي في يوم ألف صلاة لم يمت حتى يبشر بالجنة '

وقال صلى الله عليه وآله وسلم:-'من صلى علي في يوم مائة مرة قضى الله له مائة حاجة :سبعين منها لآخرته وثلاثين منها لدنياه '

وقال صلى الله عليه وآله وسلم:-'من صلى على حين يصبح عشرا وحين يمسى عشرا أدركته شفاعتي يوم القيامة '

وقال صلى الله عليه وآله وسلم :-'من صلى علي واحدة صلى الله عليه عشر صلوات وحط عنه عشر خطيئات ورفع له عشر درجات '

وقال صلى الله عليه وآله وسلم :- 'ما من أحد يسلم علي إلا رد الله علي روحي حتى أرد عليه السلام '

وقال صلى الله عليه وآله وسلم:- 'إن أولى الناس بي يوم القيامة أكثرهم علي صلاة .

اللهم صلى وسلم وبارك على نبيك وحبيبك محمد .. اللهم واوردنا حوضك معه
Post: #4355
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-04-2010, 01:39 PM
Parent: #4354

اللهم صلى وسلم وبارك على نبيك وحبيبك محمد
جزاك الله خيرا وزادك علما ونفعك بما تعلم
Post: #4356
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-04-2010, 02:08 PM
Parent: #4354

Quote: يا ناس الرياض طمنونا


أمطار الرياض بالصور الأثنين 3 مايو 2010


غايتو الحمد لله رب العالمين ...
ربنا لطف وستر والحمد لله جات سليمة
من يوم 1/5 تغيرت مواعيد الدوام وصارت من السابعة ص للخامسة م
ورغم فرحي بالدوام الجديد الا أنو امبارح كرهتو عديل كدة.
ورغم انو البيت قريب اشارة واحدة بس ... وخمس دقائق تفصل بيني والبيت
الا انو اخوكم قول كدي امشي اتشوبر وقول "لابو الكا" لا بد من الاطمئنان على مستودعات المؤسسة بحي السلي
وعينك ماتشوف الا النور ...
وطق طق طق واللافندر عطروا يطير
وانت بتحلم ياعبدالله ترجع البيت ...
والجوع الكافر ينهش اعماق الانسان
والود عامل فيها ابو عرام ....
واللاندكروز عالية وما بجيها شئ
وقومي يابت الحرام اغتسي لي اضنيك في نفق شارع الامير سلمان
والود عامل فيها حريف وهسي بتطلع وهسي بتطلع
ويجيك سعودي حمـ ... طاير في الموية دي تقول سايق مركب
وقومي ياالموية بطلي العربية ... واتزر اخوكم زرة كلب في جزارة
ولكن بارك الله في كل سوداني من هنا ليوم القيامة ...
تلاتة من اهل الكوتش ناس رفاعة جزاهم الله كل خير وكل ناس رفاعة
يقومو يربطو ليك العربية في عربيتهم "الدينا" "الدفار" بلغة هناك
ويقوموا بجرها من النفق الذي جرف في ذلك الوقت عدد مقدر من السيارات
ليس ذلك وحسب بل قاموا بتنشيف "البوبينا" وادارة السيارة
وكان ان وصلنا البيت في الثامنة مساء بدلاً عن الخامسة بتاعت الدوام الجديد
















--------
اها اول حاجة عاوزكم تتوسطوا لي عشان ارجع دوامي القديم
وبالعدم رجعوني السودان بس ماتعصروا على الاخيرة دي شديد
ماعشان شئ والله بس عشان ما نرجع ليكم السيول والفيضانات ديك ...
Post: #4357
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 02:49 PM
Parent: #4354

ياسلام عليكم يا محمد عيد
والله العظيم أول مرة أعرف قصة التشهد
وهي قصة مؤثرة جدا
بلا شك
الله يديك العافية
وما توقف اتحفنا دائما بالحاجات الحلوة دي
الله يجعلها في ميزان حسناتك أنشاء الله
تحياتي
Post: #4358
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 03:17 PM
Parent: #4357

يا ياسر نجيلة
Quote: يا عبدالدايم صور الفنانات ديل اسأل منهم ناس جيلهم
كمال الشادي ومنصور وميسرة وعيد وجلا
انا جيلي ناس ريماز واسرار بابكر ومي بحري (منو مي دي) ام احمد كدي امشي بعيد مني ...

اللييييييييييييييييييييييييييييييييلة
انا ما كلمتك قبل ده وقلت ليك التأمين الطبي في الامارات ما بيغطي إصابات العمل والناس البيفنوهم من الشباك ( إنت ساكن في الدور الكم )
نصيحتي ليك ما دام باريت لي ناس ريماز ومي ما عارف منو نصيحتي ليك اسكن في الدور الارضي

بعدين قلت ليك ركب للكيبورد مرايات عشان أي زول جاي يتلبد ليك من بعيد تزوغ بي سرعة
اما لو كانو الجماعة حريفين بتاعين نت وكمبيوتر يا أخوي كبر بوليصة التأمين خليها تشمل الكسور من الدرجة الرابعة

يا أخي لمن توزع الكمونية تشيل ناس ريماز
وتديني انا ناس ما عرف ام بلينة السنوسي وعائشة الفلاتية
الله يسامحك ياسر
أخوك صحيح كبير ودفعة طارق جبريل
لكن ده ما يمنع الروح شباب
وبرضو بنقدر نتذوق ناس ريماز ( قصدي الفن طبعاً )
Post: #4359
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 03:20 PM
Parent: #4358

ابو الجلاجل
Quote: وقومي يابت الحرام اغتسي لي اضنيك في نفق شارع الامير سلمان
والود عامل فيها حريف وهسي بتطلع وهسي بتطلع


سلامات يا الحبيب ما تشوف شر
اعمل حسابك الليلة برضو في نفس الموجة بتاعة امبارح
أختا الانفاق عليك الله
والله انا شفت نفق نهاية شارع العليا العام مع الدائري الشمالي
والله حاجة تمحن
الله يرجعك سالم لاولادك
Post: #4360
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 03:22 PM
Parent: #4359

يا منصور عبد الرازق

Quote: 5566 اغنية , اغنية تنطح اغنية , 160 جيجابايت , ولسه عندنا قريب للمية جيجا فاضية

حسدتك عديييييييييييييييل والله
انا صحي مجهز ليك حاجات حلوة
لكن ما كنت عارف إنو عدد الاغاني السودانية ممكن يصل الرقم ده
يا أخي الزول العمل ليك البرميل ده زول أثري وكلاسيكي وقديييييييييييييم ( إسمو منو قلت لي )

عموماً انا بجيب ليك الانا عملتهم ليك
وبنسخ العندك كمان عشان ما نسطح
Post: #4361
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-04-2010, 03:26 PM
Parent: #4357

الف سلامة لناس الريض جعلها الله امطار خير وبركة
والناس اهلنا الفي الرياض ربنا يكون في عونهم طمنونا عليكم




حكاية الاسراء والمعراج كاها حاجات جميلة اتحفنا بالمزيد من الجواهر النفيسة
زصلى الله عليك وسلم يا سيدي يا رسول الله
Post: #4362
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-04-2010, 03:30 PM
Parent: #4361

الاخ الفاضل مبارك جادين
التحية والتجلة
كتر خيرك في سؤالك عن ناس الرياض
الله يديك العافية
وما عدمناك
يا الحبيب
Post: #4363
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-04-2010, 11:07 PM
Parent: #4362

ناس منصور ادونا الطريق فشكرا له


يا طير ان مشيت
سلم على حبانى
جيب خبر الوطن
يمكن قليبو طرانى
جيب نسام زولا
المنو مره روانى
جيب لمحات جمالو
الاصلى مو برانى

الشكر اجزله لكم جميعا وأخص الاخ بكرى وموسى عيسىو زهير الزناتى.
سلام على اهلى الكرام
Post: #4364
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-04-2010, 11:10 PM
Parent: #4363

مبروك المئوية

zagazig1.jpg Hosting at Sudaneseonline.com
Post: #4365
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-04-2010, 11:21 PM
Parent: #4364

والله الفين مرحب بالدكتور العزيز خالد محي الدين
نرحب بيك اضافة حقيقية للبوست بتاع ناس الزقازيق
انا عارف عندك حكايات عجيبة
مرحب مرة اخرى

انا بضم دعواتي ليكم يا ناس الرياض
من الامطار المتوقعة
مسؤلين من الخير وين حاج الركز من هذه الاحداث وعفاف
والجيفارات ؟؟؟؟؟؟؟؟؟؟؟؟؟؟؟؟
Post: #4366
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-05-2010, 06:37 AM
Parent: #4365

اللهم لا تشمت أعدائى بدائى واجعل القرآن العظيم دوائى وشفائى

أنت ثقتى ورجائى وأجعل حسن ظنى بك شفائى

وأرزقنى رزقًا حلالا يكفنى وأبعد عنى شر من يؤذينى

ولا تحويجنى لطبيب يداوينى
Post: #4367
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-05-2010, 06:53 AM
Parent: #4366

الشاب الظريف و الجميل في كل شي دكتورنا العزيز

خالد محي الدين بيك الديار انورت و بي طلتك الوجوه

اشرقت و بيك سعدت نفوسنا و انت اهل الدار فمرحبا

بك و قطعا انت اضافة ثمينة للحوش فتفضل و ها نحن

نفسح الطريق مرصعا بالورد فهلا تقدمت اخي دكتور خالد.



بس وصيتي ليك اعمل حسابك من جلا و الكلام العسل البقول

ليك في الاول دا ما تمسك فيه كتير ببيعك في اول شارع

القومية قبل المفرق مع الشهيد احمد اسماعيل يعني قبل

ما تصل كشك الامن الغذائي تكون لحقت امات طه !


و منصور كلامه طاعم زي طعامة اخونا جلال ابو دوام مقلوب !!!

بس كلام منصور دا تخليه للتحلية بعد ما تشوف نهاية

معملك و يكون الكفيل فرتك للكبسة لانه كلام منصور دا

بعيشك في جو تاني و تلقى نفسك في صف الجوزات بالمطار!



ياسر نجيلة عندو برنامج كان اسبوعي بقى الان شهري خلي

بالك من مواعيده بس قزقز بيهو ساي يعني ما تملى يدك بيه

لانه ......عسل ؟


مداخلات احمد اسماعيل ابو عمر دي تحاول تخلي معاك قاموس

ترجمة اصدار محمد صديق علشان تواكب و برضوا حنكون في

الخدمة للترجمة في حالة عدم حصولك علي القاموس سريع !



محمد عيد دا شغلو نضيف بس كتر من التواصل السلكي معاه

علشان تفوز بمونديال عالمي قريبا و تكون من الصفوة !



و النضيف دا اياك و اياك و اياك ان تبتل بالماء يعني

خليك حريف طق طق من لمسة واحدة و كده يعني ميسي و شافي !!!

و باقي المذكرة بكملها ليك بالتلفون ؟
Post: #4371
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 07:34 AM
Parent: #4367

صباح الخير،،، يا وجوه الخير

أصبحنا وأصبح الملك لله،،، وحده

دعاء الصباح

اللهم يا مقلب القلوب

ثبت قلبي علي دينك،،،

اللهم اجعلنا من الذين هم في صلاتهم خاشعون

والذين هم على صلاتهم دائمون

والذين هم على صلاتهم يحافظون

مرحب مره أخرى بدكتور خالد وهبابك عشرة بلا

كشرة بحوش ناس الزقازيق ،،، والحوش حوشك أدخل جاي
Post: #4368
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-05-2010, 07:14 AM
Parent: #4366

ألف مليون مراحب ...
بولدنا وحبيبنا الدكتور / خالد محي الدين الطيب ...
خش برجلينك الاتنين ... منتظرنك ...

Quote: يا طير ان مشيت
سلم على حبانى
جيب خبر الوطن
يمكن قليبو طرانى
جيب نسام زولا
المنو مره روانى
جيب لمحات جمالو
الاصلى مو برانى



كمال الشادي ...
Quote: أخوك صحيح كبير ودفعة طارق جبريل
لكن ده ما يمنع الروح شباب
وبرضو بنقدر نتذوق ناس ريماز ( قصدي الفن طبعاً )


طارق جبريل زاتووووووووووو ماحصل جيل ريماز ...
نحنا جيل 1993



Post: #4369
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-05-2010, 07:17 AM
Parent: #4366

يا عمر المهدى من امس عاوز ارد عليك لكن كنت بجهز فى i pad جديد
وده بختلف من i pod شوية والاتنين ما غاليين عليك

اجابتك صحيحة الصورة الاولى الفنانة فاطمة الحاج ، والشايلة العود منى الخير
ودى العميان بيعرفها والاخيرة امانى مراد صاحبة اغنية تلقى الدنيا فرحة لما اجيك تانى

والناس العاملين فيها صغار وهم من زمن سرور و كرومة اخير منهم محمد عيد

ويا الشادى طلعت زول بتاع ناس جلال الصحافة عديل كده

د/ خالد محى الدين برلوم ابتدأ معانا بالمئوية ، رفع الصورة ما عندك
يا دكتور بالله علقها ذى صورة الاشعة فى نص الصفحة ... اتعلمو يا سناير
Post: #4370
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-05-2010, 07:21 AM
Parent: #4366

صباح الهناء والسرور ...

سلامات يا ناس الرياض .. وربنا يجعلها خير وبركة عليكم...

تعازينا لاخونا علي احمد يوسف في وفاة والدته .. اللهم ارحمها وتقبلها قبولا حسن واسكنها فسيح جناتك .. امين ...
Post: #4372
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-05-2010, 09:09 AM
Parent: #4370

Quote: هذا تلفون العزيز علي احمد يوسف بالسودان حيث توفيت

والدته لمن اراد ان يعزيه :

00249914707507



تعازينا لولدنا علي احمد يوسف في وفاة والدته ..
اللهم ارحمها وتقبلها قبولا حسن واسكنها فسيح جناتك .. امين ...





موسي عيسي ...
لو سمحت ذكرنا بزميلنا على أحمد يوسف ...
Post: #4373
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 09:11 AM
Parent: #4372

Quote: موسي عيسي ...
لو سمحت ذكرنا بزميلنا على أحمد يوسف ...

يا ميسرة أديها صور
المسالة محتاجة صورة هنا ل على أحمد يوسف
لو معاك قول عووووووووووك
عشان لو ما معاك امشى افتح الكيس تاني
Post: #4374
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-05-2010, 09:23 AM
Parent: #4373

تعازينا لاخونا علي احمد يوسف في وفاة والدته .. اللهم ارحمها وتقبلها قبولا حسن واسكنها فسيح جناتك .. امين ...


اووووووووه خالد محي الدين شخصيا
ياخي البلد نورت يعلم الله
مرحب بيك يا دكتور
وليداتك ان شاء الله طيبين





يا نجيلة ياخي كمال الشادي دة نديد حبوبتي
انا علاقة بالغناء السوداني من افراح وانت نازل
Post: #4375
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-05-2010, 09:41 AM
Parent: #4374

sudansudansudansudansudansudan66.jpg Hosting at Sudaneseonline.com



علي احمد يوسف الثاني من علي اليمين قرب الصادق

ابو سكين و كان ساكن مع الصادق ابو سكين صلاح جلال

فيصل و مبارك قسم السيد و الهادي احمد صلاح شقة

الشهيد احمد اسماعيل قبل تقاطع القومية .
Post: #4377
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 09:47 AM
Parent: #4375

شكراً موسي على الصورة
يا ياسر نجيلة
وقعت ليك ؟؟
----
Quote: يا نجيلة ياخي كمال الشادي دة نديد حبوبتي
انا علاقة بالغناء السوداني من افراح وانت نازل


أفراح منو يا كبير
إنت نسيت أيام صباك
لمن كت صفاق مع النعام آدم

يا أخي انا لي الليلة بتذكرك في عرس خالتي أمونة في البلد في مروي
لمن جانا صديق أحمد في صباهو
وكان بيستشرك في غناهو وأياما إنت بطلت الصفيق وإشتغلت شغلانة تانية
( مافي داعي اجيب سيرتها هنا ) !!!
Post: #4376
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-05-2010, 09:47 AM
Parent: #4374

Quote: اووووووووه خالد محي الدين شخصيا

أنا عيان يا جماعة
الضغط مرتفع و السكري كمان
و لفة راس
و عيوني ما قاعد تشوف
بالإضافة لي جيوب أنفية
يعني زي مزكوم و ما مزكوم
و البطن مكركبة
و هناك إلتهاب مصران
و عندي شق في الركبة
و الأربطة بتاعت الأنكل محلوجة ..أقصد فيها إرتخاء
تاني شنوووووو يا رب؟؟؟

أيواا أنا الآن راقد في السرير و مركبين لي درب
ما عندكم دكتور يجي يدينا دوا
يا أبو الزوز دوا دي ما معناها دوا بُن (جنزبيل)!!!!
Post: #4378
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-05-2010, 09:50 AM
Parent: #4376

Quote: أفراح منو يا كبير
إنت نسيت أيام صباك
لمن كت صفاق مع النعام آدم

يا أخي انا لي الليلة بتذكرك في عرس خالتي أمونة في البلد في مروي
لمن جانا صديق أحمد في صباهو
وكان بيستشرك في غناهو وأياما إنت بطلت الصفيق وإشتغلت شغلانة تانية
( مافي داعي اجيب سيرتها هنا ) !!!


امال صورتك الانت شيال فيها مع كرومة ديك نوديها وين
بس لا يبقى غاشي بت الشيخ ألتك ان لليلي تني
Post: #4379
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 09:51 AM
Parent: #4376

يا اخوانا ده شنو ده
Quote: أنا عيان يا جماعة
الضغط مرتفع و السكري كمان
و لفة راس
و عيوني ما قاعد تشوف
بالإضافة لي جيوب أنفية
يعني زي مزكوم و ما مزكوم
و البطن مكركبة
و هناك إلتهاب مصران
و عندي شق في الركبة
و الأربطة بتاعت الأنكل محلوجة ..أقصد فيها إرتخاء
تاني شنوووووو يا رب؟؟؟

أيواا أنا الآن راقد في السرير و مركبين لي درب
ما عندكم دكتور يجي يدينا دوا
يا أبو الزوز دوا دي ما معناها دوا بُن (جنزبيل)!!!!


الزول ما محتاج دكتور
أخينا ده محتاج يمشي التشليح
( التشليح ) دي شرحها عند جلال
خصوصاً الايام دي أيام سيول وامطار و ( قطع غيار ) وكده يعني
جلال
صاحبك اب ركب مجليه ده
أوعى يكون كان لافي في الانفاق ديك
البتجيب الهواء !!!
Post: #4380
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 09:53 AM
Parent: #4379

أيه كرومة دي
Quote: امال صورتك الانت شيال فيها مع كرومة ديك نوديها وين

دي فرقة جاز ؟؟؟؟؟؟؟؟؟؟؟؟؟؟
والله جروب ميوزيك جديد ؟؟؟؟؟؟؟؟؟؟؟؟
Post: #4381
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 09:56 AM
Parent: #4380

طارق حبيبي
حاسس إنك قاعد تكتب لي في رد زي السم

ما بقدر انتظروا
داخل لي إجتماع اخلصو وأرجع ليك
تحياتي
Post: #4382
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 09:57 AM
Parent: #4370

Quote: يا عمر المهدى من امس عاوز ارد عليك لكن كنت بجهز فى i pad جديد
وده بختلف من i pod شوية والاتنين ما غاليين عليك


يا عبدالدائم ما دام إشتغلت في السمسرة

أنا جاني جهاز هدية من هونغ كونغ وهو أعلى

رتبه من ipod وأقل درجة من ipad ممكن تشرح لينا

بيكون ده شنو ممكن يكون بيبي آي باد .
Post: #4383
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-05-2010, 10:09 AM
Parent: #4382

Quote: طارق حبيبي
حاسس إنك قاعد تكتب لي في رد زي السم

ما بقدر انتظروا
داخل لي إجتماع اخلصو وأرجع ليك
تحياتي
Post: #4384
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 10:23 AM
Parent: #4383

Quote: أفراح منو يا كبير
إنت نسيت أيام صباك
لمن كت صفاق مع النعام آدم

يا أخي انا لي الليلة بتذكرك في عرس خالتي أمونة في البلد في مروي
لمن جانا صديق أحمد في صباهو
وكان بيستشرك في غناهو وأياما إنت بطلت الصفيق وإشتغلت شغلانة تانية
( مافي داعي اجيب سيرتها هنا ) !!!


sudansudansudansudansudansudansudan20.gif Hosting at Sudaneseonline.com

يا شادي أرفع رجلك من البنزين شوية،،،،،،
Post: #4385
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-05-2010, 10:27 AM
Parent: #4383

Quote: أيواا أنا الآن راقد في السرير و مركبين لي درب
ما عندكم دكتور يجي يدينا دوا

الزول دا وقع لي في جرح ياكمال ياخ
دقيقة بالله يادكتور خالد اعمل ليكم لي الزول دا كنسلتوا
اول شيئ: قوم اعمل الفحوصات دي وارجع لي
- السكر مرتفع يعني كم؟ عشان نعرفك طاعم ولا لا
- الضفط بقيسوا ليك ما مشكلة 160/100
- حكاية قندهار الاخيرة دي كنت فيها.
- بتسمع ريماز ولا افراح عصام "لو بتسمع الاتنين واطاتك صبحت"
- عندك صاحب اول حرف من اسمو موسى


دكتور خالد انا حولت ليك المريض دا لانو حاسي كدا انو "هوب لس كيس"

---
ياجلا اخر كلمة في السطر الفوق دا مش كيس بتاع النايلون
عارفك حالتك صعبة وعيونك مطششات
Post: #4386
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-05-2010, 10:32 AM
Parent: #4382

صبحكم الله بالخير

من أبوظبي

أول حاجة خلوني أرحب بصديقي و أخي الدكتور خالد محي الدين...و للذين لا يعرفون خالد معرفة لصيقة...أقول ليهم خالد محي الدين ده شخص متفرد و جميل و حبوب...و لا شك ان وجوده هنا معنا سيشكل اضافة نوعية للمنبر و لينا...مرحب بيك يا خالد...

تاني أشكركم كلكم...أمطرتوني بتلفوناتكم من كل أنحاء الدنيا تسألون عن أختي منى...فرحة أختي منى كانت بقدر دهشتها من الترابط و الحميمية التي تجمعنا...قالت لي بعد أن تحدثت عبر الهاتف الى كل من قدورة و أبوالزوز...شعرت و كأني أعرفهم من زمان...و لم أذكر منصور لأنها تعرفه من زمااااااان...لقد كان لتلفوناتكم و سؤالكم عبر النت فعل السحر على معنويات منى....أشكركم من كل قلبي...

منصور مبروك الآي بود...و قول لي الرسل ليك الآي بود ده...كان رسلتو بالبريد للرياض فسعر الشحن لأبوظبي زي سعر الشحن للرياض...و كان رسلتو مع زول...ناس كتار بيجو من جده لأبوظبي...

يا ناس الرياض الحال من بعضه....أمطار في أبوظبي أيضا...و لكن ليس لحد الغرق...و لا حتى السكوتر بتاع أمنية حيغرق لي اضنينو...و لا حتى جزمة نجاة الجديدة الجبتها ليها من الأردن لزوم كسير التلج...مع العلم ان الجزمة زاحفة...ما كعب عالي...

كنت عايز أرشكم أكتر من كده لكن قلت الرحمة حلوة...
Post: #4387
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 10:40 AM
Parent: #4386

وفاة شقيقة عزيزنا عبدالمنعم خليفه خوجلي (عضو المنبر).

كامل العزاء للأستاذ عبد المنعم خليفة خوجلي في وفاة شقيقته ست البنات

ولزميلتنا ياسمين حاج الطاهر (بطه) في وفاة خالتها ست البنات خليفة

تغمد الله الفقيدة بواسع رحمتها

وألهم أهلها وذويها الصبر والسلوان

إنا لله وإنا إليه راجعون ،،،،،
Post: #4388
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-05-2010, 10:56 AM
Parent: #4386

حمدلله على السلامة رشيد القوم بركة الجيت طيب ...
محمد اخوك بسلم عليك ومني بخير .... آخر اخبار الصباح اليوم





ياشادي وطارق جبريل ...
انا غلاط العجائز ده مابفهم فيهو ...
ولا اسم فنان من البتقولو فيهم ديل مابعرفو ...
ياخ نحنا سميرة دنيا وحنان بلولو ... بنذكرهم بعد تعب
تقول لى سرور والنعام ادم وم صديق ... عالم تراث ...

شغل ريماز دي ياولد ...
Post: #4389
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-05-2010, 11:01 AM
Parent: #4388

كامل العزاء للأستاذ عبد المنعم خليفة خوجلي في وفاة شقيقته ست البنات

ولزميلتنا ياسمين حاج الطاهر (بطه) في وفاة خالتها ست البنات خليفة

تغمد الله الفقيدة بواسع رحمتها

وألهم أهلها وذويها الصبر والسلوان

إنا لله وإنا إليه راجعون ،،،،،







موسي عيسي ...
شكرا للشرح بالصورة
Post: #4390
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-05-2010, 11:08 AM
Parent: #4389

كامل العزاء للأستاذ عبد المنعم خليفة خوجلي في وفاة شقيقته ست البنات

ولزميلتنا ياسمين حاج الطاهر (بطه) في وفاة خالتها ست البنات خليفة

تغمد الله الفقيدة بواسع رحمتها

وألهم أهلها وذويها الصبر والسلوان

إنا لله وإنا إليه راجعون ،،،،،
Post: #4392
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-05-2010, 11:34 AM
Parent: #4390

خالص التعازي للأستاذ عبد المنعم وفاة شقيقته
والتعازي موصولة لكل افراد الاسرة الكريمة
وللزميلة العزيزة ياسمين حاج الطاهر (بطه)
تغمد الله الفقيدة بواسع رحمته وتقبلها القبول الحسن
إنا لله وإنا إليه راجعون ،،،،،
Post: #4391
Title: Re: ناس الزقازيق ... أجدع ناس ( 3 ) ..
Author: أزهري سليمان
Date: 05-05-2010, 11:24 AM
Parent: #1

مولانا الاستاذ عصام دهب
اطيب التحايا والاشواق الى شخصكم الكريم اعجبنى جدا هذا البوست وكنت اكثر الناس اطلاع عليه وفعلا ناس الزقازيق اجدع ناس عشت معهم فى الزقازيق مع اسرتى وكانوا نعم الاخوان ونعم الاخوات ومثال يحتذى به فى كل شى مثال للاخلاق والكرم والحفاوة والترحيب طبعا زوجتى منال عبدالعزيز خريجه الزقاريق 1987 زراعه وهل تفتكر سارة بنت العامين التى عاشت معكم فى الزقازيق الان سارة ثالثه طب اسنان مامون حميدة الخرطوم وباتل يشد الرحال الى ماليزيا لدراسة هندسة الطيران ورزقنا بجوهرة الان ست سنوات قطعه من سارة بس شيطانه جدا
ام سارة هنا فى الكويت حفظت القران وخلصت معهد القران الكريم الشريعه والتجويد وهى الان تدرس فى الدعوة
مولانا لا انسى عندما التقيت بك فى الحج 1998 انا وزوجتى ووالدها عليه رحمة الله وكانت لنا معنا وقفة رجل عظيم لن ينسى العشرة وازكر كنت فى مطار ابوظبى وسارة وباتل مسافران الى الخرطوم بطيران الخليج وانا افرت معهم من الكويت الى ابوظبى كى يواصلا سويا الى الخرطوم واذا باحد طلبة الزقازيق بيصيح انت ازهرى دى سارة دا باتل الذى اكلنا سمايته حضن اطفالى وهو يبكى والله نسيت اسمه كن مفتكر شكله كويس
بامانه ناس الزقازيق اجدع واعظم الناس فى عينى واكثر ما عظمهم فى عينى صغر الدنيا فى عينيهم لهم جميعا تحياتى واتمنى منك اتصال مولانا عصام موبايلى 0096567731425 الكويت اخوكم ازهرى محمد سليمان الزاكى الكويت
Post: #4393
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-05-2010, 11:35 AM
Parent: #4391

كامل العزاء للأستاذ عبد المنعم خليفة خوجلي في وفاة شقيقته ست البنات

ولزميلتنا ياسمين حاج الطاهر (بطه) في وفاة خالتها ست البنات خليفة

تغمد الله الفقيدة بواسع رحمتها

وألهم أهلها وذويها الصبر والسلوان

إنا لله وإنا إليه راجعون ،،،،،


نجيلة شكرا على الأخبار الصباحية الجميلة يا جميل....

الأخ أزهري لك التحية و لأختنا منال عبدالعزيز...تشرفنا بمرورك و يسعدنا تواصلكم معنا عبر هذا البوست...و عبر منبر ناس الزقازيق و ستجد فيه منال الكثير من الذكريات الجميلة...
مرحبا بكم....
Post: #4394
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-05-2010, 11:59 AM
Parent: #4391

نرحب بالقادمين الجدد

صديقتي شوش ودكتور خالد ونرحب بضيفنا

الأخ سليمان زوج زميلتنا منال عبدالعزيز

خريجة كلية الزراعة ، يا مرحبتين حبابكم

والدار داركم والحوش حقكم ،،،
Post: #4395
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-05-2010, 12:11 PM
Parent: #4394

اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .
اللـهـم عاملةا بما انت اهلها ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناً.
اللـهـم إن كانت محسناً فزد من حسناتها , وإن كان مسيئةً فتجاوز عن سيئاتها .
اللـهـم ادخلها الجنة من غير مناقشة حساب ولا سابقة عذاب .
اللـهـم اّنسها في وحدتها وفي وحشتها وفي غربتها.
اللـهـم انزلها منزلاً مباركا وانت خير المنزلين .
اللـهـم انزلها منازل الصديقين والشهداء والصالحين وحسن اولئك رفيقا .
اللـهـم اجعل قبرها روضة من رياض الجنة ,ولا تجعلها حفرة من حفر النار .
اللـهـم افسح لها في قبرها مد بصرها وافرش قبرها من فراش الجنة .
اللـهـم اعذها من عذاب القبر ,وجاف ِالارض عن جنبيها .
اللـهـم املأ قبرها بالرضا والنور والفسحة والسرور.

اصدق التعازي للاخ عبدالمنعم خوجلي والاخت ياسمين .
Post: #4396
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-05-2010, 12:22 PM
Parent: #4395

كامل العزاء للأستاذ عبد المنعم خليفة خوجلي في وفاة شقيقته ست البنات

ولزميلتنا ياسمين حاج الطاهر (بطه) في وفاة خالتها ست البنات خليفة

تغمد الله الفقيدة بواسع رحمتها

وألهم أهلها وذويها الصبر والسلوان

إنا لله وإنا إليه راجعون ،،،،،
Post: #4397
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-05-2010, 12:35 PM
Parent: #4396

Quote: أيواا أنا الآن راقد في السرير و مركبين لي درب
ما عندكم دكتور يجي يدينا دوا


الزول ده ودوهو لى بت بتــى ..!!


*****

رشا الجميل .. حمدا" لله على السلامة .. وديار زايد نوّرت ..

امس الصباح اتصلت بيك .. كنت فى الطيارة .. ورد على محمد بابكر

وكانت فرصة جميلة للحديث معه بعد سنين طويلة ..

ربنا يتمم لاختنا منى شفاءها ويحفظها ..

****
الترحاب يمتد بأخونا أزهرى زوج زميلتنا ودفعتنا .. منال عبد العزيز ..

ونسأل الله ان يطيب له المقام بيننا .. فالدار داره والاهل اهله ...
Post: #4398
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-05-2010, 01:13 PM
Parent: #4397

Quote: صبحكم الله بالخير
من أبوظبي


حمدلله بسلامة العودة ياالرشيد وان شاء الله تكون لقيت وليداتك وامهم طيبين
ونسأل الله ان يتمم شفاء اختنا منى ويطمنكم عليها ...
Post: #4399
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 01:15 PM
Parent: #4397

رشيد القوم حمد لله على السلامة

والناس الجيت منهم طيبين وسالمين ومتعافيين

*******

مرحب بأخونا أزهري سليمان وزوجته الزقازيقية

منال عبدالعزيز ولأبناءهم والذين عاصروا شئ من زقازيق الخير

البيت بيتك أي يوم جيب بالحلة دي نشوفك داخل معانا جوه ...

*****

أخوي الطاعم حمد الله على سلامتك وسلامة العربية وأعمل حسابك

من الأنفاق ناس كتار في جده إتمقلبوا بحكاية الأنفاق وأصروا على

إصلاح سياراتهم داخل النفق وجاء السيل وشال العربات والناس الفيها
Post: #4400
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-05-2010, 01:30 PM
Parent: #4399

[green[B
]]&&&&&&&&& مختارات &&&&&
&&&[/green]



سبعة أشياء يجب أن لاتمارسها بعد الأكل

(1)لا تشرب الشاي لأن أوراق الشاي تحتوي على نسبة عالية من الحمض
وهذه المادة ستؤثر على البروتين المتواجد في الأطعمة التي نستهلكها وتجعلها جافة وعسيرة الهضم

(2) لا تأكل الفواكه بعد الأكل مباشرة إن أكل الفواكه مباشرة بعد الأكل يتسبب في إنتـفاخ البطن بالهواء
لذا يجب الحذر و أخذ الحيطة في عدم تناول الفواكه قبل مضي ساعة إلى ساعتين
من الأكل أو قبل ساعة من الوجبة الغذائية

(3) لا ترخي حزام البنطلون لاترخي حزام البنطلون بعد الأكل لأن ذلك يتسبب في إلتواء الأمعاء واقفالها ( الكلام ده بصفة خاصة لاصحاب الكروش .. انا واخوى الكاشف .. ؟ )

(4) لا تستحم بعد الأكل إن الاستحمام بعد الاكل يسبب أرتفاع تدفق الدم لليدين, الأرجل
وبالتالي سيقلل تدفق الدم في مناطق كثيرة من الجسم وبالأخص حول منطقة البطن وعليه سيضعف ذلك الجهاز الهضمي

(5) لا تمشي الكثير من الناس يعتقدون بجدوى المشي بعد الأكل ( مائة خطوة ستجعلك تعمر تسعة وتسعين عام)
في الحقيقة أن هذا غير صحيح
لأن المشي سيعطل الجهاز الهضمي من إستخلاص الغذاء من الأطعمة التي أكلناها

(6)لا تنم في الحال إن النوم بعد الأكل مباشرة يتسبب (يعطل) إكمال عملية هضم الطعام بشكل جيد
بالنتيجة سيقودنا ذلك إلى عدوى معوية أو إلتهاب معوي

(7) لا تدخن معلومة علمية مؤكده تدخين سجارة واحدة بعد الأكل تعادل تدخين عشر سجائر في
الأوقات الأخرى
( لذلك نسبة الإصابة بالسرطان أكثر في حالة التدخين بعد الأكل مباشرة).

حمانا الله واياكم
Post: #4402
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-05-2010, 01:40 PM
Parent: #4400

Quote: أخوي الطاعم حمد الله على سلامتك وسلامة العربية وأعمل حسابك

ونحمد الله على سلامتك انت برضو ياريس ... مشيت في جولة بهناك وعرفتك انك كنت توعك شوية
الف بعد الشر عليك ... الكرامة ما تفوتونا ليها بالله جدة مابعيدة - والتذاكر بترسلوها لينا
















-----
الف مرحب بالأخ ازهري سليمان زوج زميلتنا الزقازيقية منال
وبالله مرة مرة كدة بتنا دي اديها شدة في الباسويرد دا
Post: #4405
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 02:16 PM
Parent: #4402

اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .
اللـهـم عاملةا بما انت اهلها ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناً.
اللـهـم إن كانت محسناً فزد من حسناتها , وإن كان مسيئةً فتجاوز عن سيئاتها .
اللـهـم ادخلها الجنة من غير مناقشة حساب ولا سابقة عذاب .
اللـهـم اّنسها في وحدتها وفي وحشتها وفي غربتها.
اللـهـم انزلها منزلاً مباركا وانت خير المنزلين .
اللـهـم انزلها منازل الصديقين والشهداء والصالحين وحسن اولئك رفيقا .
اللـهـم اجعل قبرها روضة من رياض الجنة ,ولا تجعلها حفرة من حفر النار .
اللـهـم افسح لها في قبرها مد بصرها وافرش قبرها من فراش الجنة .
اللـهـم اعذها من عذاب القبر ,وجاف ِالارض عن جنبيها .
اللـهـم املأ قبرها بالرضا والنور والفسحة والسرور.

اصدق التعازي للاخ عبدالمنعم خوجلي والاخت ياسمين
Post: #4406
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-05-2010, 02:37 PM
Parent: #4402

يا ريس

Quote: يا شادي أرفع رجلك من البنزين شوية،،،،،،


الزول المبنج ده خليهو لي انا عارف كيف بتفك منو
عشان كده لازم تخليها مربوطة طولي
ولو ما عاجباك المربوطة سميها تسعة
Post: #4401
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-05-2010, 01:40 PM
Parent: #4399

محمد عيد الحبيب...جلال الطاعم و الريس الجميل...الله يسلمكم جميعا....

يا حمادة شكرا على التلفون...سلمت شريحة الأردن لمحمد بابكر الساعة التاسعة صباحا و توجهت الى المطار متوجها الى أبوظبي...
عندما تكلمت معهم صباح اليوم أخبروني بتلفوناتكم التي أسعدتهم كثيرا...يديكم ألف عافية...
Post: #4403
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-05-2010, 01:48 PM
Parent: #4401

عبدالدائم ما رديت علينا على الجهاز الجديد،،،

أنا حولت الجهاز للأهل والأصدقاء بالرقم

00966568340802 الرقم القديم خليناهو للعمل فقط.

أضف الرقم يا سامي ،،،،،
Post: #4404
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-05-2010, 01:58 PM
Parent: #4403

Quote: أضف الرقم يا سامي ،،،،،

انت عارف ياريس الواد سمسم دا لقى ليك عثمان جالية دا جمبوا في الشرقية دي
قاموا فكونا عكس الهواء
ابوالشيم شوقك شاويني ... او كما قيل
اظهر ياخ
Post: #4407
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-05-2010, 04:51 PM
Parent: #4404

نحن السودانيون فلاحون فقراء فى نظر العالم الاروبى ,
ولكننى حين أعانق جدى أحس بعبق دقات قلب الكون كله,
لأن جدى ليس كمثل شجرة السنديان تجود عليها الطبيعه
بالخصب والماء , ولكنه كشجرة السيال فى صحارى السودان
تقهر الموت ولا تسرف فى الحياة .

الاديب الراحل الطيب صالح
Post: #4408
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-05-2010, 06:44 PM
Parent: #4407

سلامات يا ناس

غياب من البوست والمنبر لاسباب تقنية فى معظم الاوقات.

التعازى الحارة للاخ على .

التعازى للاستاذ عبد المنعم والاخت ياسمين .

مراحب بالاستاذ ازهرى وبتنا بت زراعة.

مبروك علينا هضربة جلا ...

وسعداء بعودة الرشيد وتعافى اختنا منى.
Post: #4409
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-05-2010, 06:48 PM
Parent: #4408

سلامات يا ناس

Quote: ولكنه كشجرة السيال فى صحارى السودان
تقهر الموت ولا تسرف فى الحياة .



مبروك علينا برضو ...عودة المزاج للريس معتصم

مساء الفل يا ريس.
Post: #4410
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-05-2010, 07:03 PM
Parent: #4407

للفقيدة الرحمة والغفران وأن يسكنها فسيح جناته مع الصديقين والشهداء ...

حار التعازي لأستاذنا عبد المنعم خليفة خوجلي ....

وحار التعازي للزميلة رجاء في وفاة والدتها وللزميل الهادي هباني زوجها صادق التعازي
والعزاء للزميلة ياسمين حاج الطاهر وأخواتها وأخوانها
ولكل الأسرة بالسودان وخارجه لهذا الفقد الجلل نسأل الله أن يلهمهم الصبر والسلوان

زهير الزناتي والأسرة
Post: #4411
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-05-2010, 07:17 PM
Parent: #4410

شكراً بكري أبوبكر .. مرحباً صديقي محمد عثمان عبدالرحيم ...العطبراوي الزقازيقي)

يا جماعة رحبوا بحاج الركز ,,, وين الناس القدر الراجل العجوز ...

ميسرة

منصور

معتصم

محمد صديق

وكل الميمات في المنبر يلا واحد يقود عمك ده من عصياته ويوريهو درب المنبر والبوست بوين
Post: #4412
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-06-2010, 07:31 AM
Parent: #4411

لحين ظهور اصحاب الحق الحصري نقول ....

صبحكم الله بالخيرات وجمل قلوبكم بالطاعات
Post: #4413
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-06-2010, 07:35 AM
Parent: #4411

صباح الهناء والسرور ...

تعازينا الحارة لاختنا ياسمين حاج الطاهر وافراد اسرتها في وفاة خالتها ...
اللهم ارحمها وتقبلها قبولا حسن واوسع مدخلها واجعل قبرها روضة من رياض الجنة .. امين
Post: #4414
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-06-2010, 07:53 AM
Parent: #4413

رشيد القوم حمدا لله على السلامة .. وربنا يتمم شفاء اختنا منى ويلبسها ثوب الصحة والعافية ...

حاج الركز حبابك عشرة .. والحمد لله ربنا فك اسرك واخذت الحرية كاملة غير منقوصة .. ويا بتنا عفاف ردينا ليك حقوقك وحريتك الكاملة في الباسورد بتاعك ... بعد كدا عايزين التواصل يكون دبل شوية من حاج الركز وشوية من فافي ...
Post: #4415
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-06-2010, 08:20 AM
Parent: #4414

سلامات يا ناس

وصباحات التفاؤل

ألف أهلآ بى حاج الركز

وين سامى عبدالوهاب؟؟؟
Post: #4416
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-06-2010, 09:19 AM
Parent: #4415

13 عضو جديد ما ظهر منهم غير اتنين فقط

-- يا اما الناس دى ما عارفة كيف تخش وده احتمال كبير جدا" جدا"
وبكره حتعرفوا منهم ....

-- يا اما الـ 11 الباقين شغالين بنظرية متابع ومستمتع

-- يا اما ما فتحو النت ليهم فترة وكده لازم اى واحد يعملو ليهو مسج فى جوالو


اخى/ اختى البرلومـ/ـة

تفعيل وتأكيد دخولك للمرة الاولى مهم جدا" حتى لا يضيع الباسورد
Post: #4417
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-06-2010, 09:24 AM
Parent: #4416

سلامات يا ناس

يا نضيف إزيَّكْ...

أنا جايب ليك أنت وجلال وسامى حكاوى وصور

حقة كشَّاح ..

أول حاجة دى تدوها كم؟؟

الحاجة التانية فى المقابل حتدونا كم؟؟
Post: #4418
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-06-2010, 09:32 AM
Parent: #4417

الحكاوى 10 من 10
والصور 3 من 10 حسب النضافة

امس بالصدفة قابلت واحد من شبشة شغال فى شركة جمبنا بعرف كشاح
ووعدنى برقم تلفونو قريب



المهم
البرالمة ديل ادوهم خبر ...
Post: #4420
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-06-2010, 09:34 AM
Parent: #4417

Quote: -- يا اما الناس دى ما عارفة كيف تخش وده احتمال كبير جدا" جدا"


هســـه بالله حاج الركز المسنوح ده ...

أكان ما عارف يدخل .. مش كان ممكن يستعين بصديق وهو أقرب اليه من حبل الغسيل..

ولا اخونا التقدمى اصبح من دعاة التعالى الذكورى ..؟

عفاف .. بالله أكسبى فيهو الأجر العجوز ده خلينا نشوف طشاشاته اسفيريا ..

.....
Post: #4419
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-06-2010, 09:34 AM
Parent: #4416

صبحكم الله بالخير

أولا ترحيب خاص بالزول السمح الفات الكبار و القدرو...أخي و صديقي بس ما دفعتي...دفعة محمد عيد...ترحيب بحاج الركز...
كلما أجي أتكلم عن واحد من ناس الزقازيق و أتأمل في شخصيتة أجد الكثير من الصفات الجميلة التي تكاد أن تكون صفات مشتركة بينهم جميعا...فمعظم من عرفتهم هناك ناس حلويين و متفردين...ثم تعرفنا على آخرين منهم من عاصرنا و لا أقول عاصرناهم و منهم من تعرفنا عليه من خلال البوست...فوجدناهم يحملون نفس الصفات المتفردة...
لكن حاج الركز ده زايد شوية لما له من صفات تجعله أكثر تميزا...و الما مصدقني يسأل محمد المرتضى عبدالعزيز...و يسأل عاطف القوز...
أمبارح تلقيت اتصال مطول من حاج الركز...و هو الذي أخبرني بعضويته...و سوف يطل عليكم قريبا بمجرد أن يفرغ من الmake up بعد أن بهدلت أمطار الرياض شعره...
Post: #4421
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-06-2010, 11:33 AM
Parent: #4419

مساء الخير ،،، يا وجوه الخير

اليوم ترحيب كبير أوي بالراجل الظريف

أخونا حاج الركز ،،،،وهو رجل كبير في مقامة

وغني عن التعريف ،،، ولا أعتقد إنه يعاني من أي مشكلة

إسفيرية ما دام أختنا عفاف بجواره وقد سبقته،،،،

أهلاً بيك بالباب عديل ،،،
Post: #4422
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-06-2010, 11:40 AM
Parent: #4419

Quote: ...و سوف يطل عليكم قريبا بمجرد أن يفرغ من الmake up بعد أن بهدلت أمطار الرياض شعره...


























----------
غايتو الله يسترنا مع عفاف
Post: #4423
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-06-2010, 12:16 PM
Parent: #4422

وصلتني عن طريق الإيميل وأعجتني


سأل يوماً طفلاً أباه عن المخلوق الذي اسمه المرأة؟
أجابه والده
هل نظرت لكل المميزات والمواصفات التي وضعها الله فيها
يجب أن تمتلك أكثر من 200 جزء متحرك لتؤدي كل ما هو مطلوب منها
يجب أن تكون قادرة على عمل كل أنواع الطعام
قادرة أن تحمل بالأولاد ولعدة مرات
تعطي الحب الذي يمكن أن يشفي من كل شيء ابتداءا من ألم الركبة وانتهاءا بألم انكسار القلب
ويجب أن تفعل كل ذلك فقط بيدين اثنتين
اثنتين فقط
إنها الأقرب لقلب الله
إنها تداوي نفسها عند مرضها
وقادرة أن تعمل 18 ساعة يومياً
*******
اقترب الطفل من أمه ولمسها
وسأل والده: لكنها ناعمة ورقيقة جدا
قال الوالد: نعم إنها رقيقة لكنّها قوية جدا
إنك لا تستطيع تصور مدى قدرتها على التحمل والثبات
سأله الطفل: هل تستطيع أن تفكر؟
أجابه والده: ليس فقط التفكير
يمكنها أن تقنع بالحجة والمنطق
كما يمكنها أن تحاور وتجادل
لمس الطفل خدود أمه واستغرب قائلاً: لماذا خدودها مثقبة
أجابه والده: انها ليست الثقوب.. إنها الدموع
لقد وُضِع عليها الكثير من الأعباء والأثقال
ولماذا كل هذه الدموع؟.. سأل الطفل
أجابه والده: الدموع هي طريقتها الوحيدة للتعبير
التعبير عن حزنها وأساها.. شكها.. قلقها.. حبها.. فخرها.. وحدتها ومعاناتها
*******
هذا الكلام كان له الانطباع البليغ لدى الطفل.. فقال بأعلى صوته
حقا.. ان هذا المخلوق الذي تدعوه المرأة مذهل جداً
قال الوالد: المرأة تمتلك قوة يدهش لها الرجال
يمكنها أن تتعامل مع المشاكل
وتحمل الأعباء الثقيلة
تراها تبتسم حتى وإن كانت تصرخ
تغني وإن كانت على وشك البكاء
تبكي حتى عندما تكون في قمة السعادة
وتضحك حتى عندما تخاف
تدافع عن كل ما تؤمن به
وتقف في مواجهة الظلم
لا تقول كلمة لا
عندما يكون لديها بصيص أمل بوجود حلّ أفضل
حبها غير مشروط
تراها تبكي في انتصار أولادها
أو في حزن يصيب أحد من حولها
لكنها دائما تجد القوة لتستمر في الحياة
تؤمن أن القبلة والعناق يمكن أن تشفي كل قلب منكسر
Post: #4424
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-06-2010, 12:18 PM
Parent: #4422

سلام مربع لاجدع ناس ومشتاقين ........

مرحب بالاخ محمد عثمان واتمنى له طيب الاقامة
العزاء لك من فقد عزيز لديه
التهنئة لكل الابناء الناجحين .







* جاييكم برواااااااااااااااااااقة
Post: #4425
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-06-2010, 12:24 PM
Parent: #4424

يا بوست جاك بلا ...

الزول ده داخل معسكر مقفول للبوست ...

غايتو يا جلا وبقية الناس العضلاتها تبش ..

اتضايروا ساااكت ...

ac38f7da56d3837f.jpg Hosting at Sudaneseonline.com
Post: #4428
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-06-2010, 01:56 PM
Parent: #4425

يا جماعة البرالمة ديل قولوا ليهم يعملوا مداخلاتهم بعد آخر مداخلة
عشان نقدر نتابع وكدة
من قبيل دكتور خالد محي الدين عمل مداخلة ملا لامي فيها
Post: #4429
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-06-2010, 02:09 PM
Parent: #4428

جبريلا...أتاريك ممحن زي كده...
أنا لي ساعة بفتش على مداخلة خالد دي ما لاقيها...
قلت امكن يكون كمبيوتري ده زي مكنة البتي فور...
ما بتظهر المداخلة الأخيرة الا تجي بعدها مداخلة تانية..
فلما شفت اسمك كآخر متداخل قلت أكيد مداخلة خالد بتكون ظهرت...
نشوف مداخلتك بعد ما يجي زول تاني بعدك...

لكن كان مجرد سوء ظن بكمبيوتري...
Post: #4430
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-06-2010, 03:54 PM
Parent: #4429

Quote: قلت امكن يكون كمبيوتري ده زي مكنة البتي فور...
ما بتظهر المداخلة الأخيرة الا تجي بعدها مداخلة تانية.

يمين فقعتني بالضحك يا رشا
ياخي رباطابي انت
Post: #4431
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-06-2010, 04:42 PM
Parent: #4430

مغريات النزول في جدة لسة ما مشجعة ياخي
وناس الامارات عملوا ميتين
وناس احمد عمر في قطر ما اشتغلوا بي
شكلي كدة حا امشي عن طريق مصر
Post: #4433
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-06-2010, 06:25 PM
Parent: #4431

Quote: مولانا الاستاذ عصام دهب
اطيب التحايا والاشواق الى شخصكم الكريم اعجبنى جدا هذا البوست وكنت اكثر الناس اطلاع عليه وفعلا ناس الزقازيق اجدع ناس عشت معهم فى الزقازيق مع اسرتى وكانوا نعم الاخوان ونعم الاخوات ومثال يحتذى به فى كل شى مثال للاخلاق والكرم والحفاوة والترحيب طبعا زوجتى منال عبدالعزيز خريجه الزقاريق 1987 زراعه وهل تفتكر سارة بنت العامين التى عاشت معكم فى الزقازيق الان سارة ثالثه طب اسنان مامون حميدة الخرطوم وباتل يشد الرحال الى ماليزيا لدراسة هندسة الطيران ورزقنا بجوهرة الان ست سنوات قطعه من سارة بس شيطانه جدا
ام سارة هنا فى الكويت حفظت القران وخلصت معهد القران الكريم الشريعه والتجويد وهى الان تدرس فى الدعوة
مولانا لا انسى عندما التقيت بك فى الحج 1998 انا وزوجتى ووالدها عليه رحمة الله وكانت لنا معنا وقفة رجل عظيم لن ينسى العشرة وازكر كنت فى مطار ابوظبى وسارة وباتل مسافران الى الخرطوم بطيران الخليج وانا افرت معهم من الكويت الى ابوظبى كى يواصلا سويا الى الخرطوم واذا باحد طلبة الزقازيق بيصيح انت ازهرى دى سارة دا باتل الذى اكلنا سمايته حضن اطفالى وهو يبكى والله نسيت اسمه كن مفتكر شكله كويس
بامانه ناس الزقازيق اجدع واعظم الناس فى عينى واكثر ما عظمهم فى عينى صغر الدنيا فى عينيهم لهم جميعا تحياتى واتمنى منك اتصال مولانا عصام موبايلى 0096567731425 الكويت اخوكم ازهرى محمد سليمان الزاكى الكويت


كل الترحيب والأشواق بالأستاذ أزهري سليمان وهو من سودانيي الزقازيق الذين عاشوا بيننا ردحاً من الزمن أيام حرب الخليج الأولي .. جاء وأسرته إلي الزقازيق حتي إنقشعت غيوم الحرب ... فحل بيننا وزوجته الزقازيقية الفاضلة منال إبنة مدني واطفاله وكان بيننا نعم الأخ الأكبر والذي عاش في الزقازيق كما طلبتها تماماً ... كنت أزوره في شقته جوار الفرن البلدي بالقرب من بيت المغتربات .. بمعية أشرف زين وجمال فارح ووليد أبو قرجة وغيرهم ... وظهر هنا في عدد من صور حفلات التخريج ... فمرحب به زقازيقي أصيل ورجل فاضل لن ننساه ...
Post: #4432
Title: Re: ناس الزقازيق ... أجدع ناس ( 3 ) ..
Author: أزهري سليمان
Date: 05-06-2010, 05:38 PM
Parent: #4399

اشكر والتقدير الى كل المرحبين احييكم من الكويت وتقبلوا تحيات وسلام الزوجه منال والابناء ام باتل تسال عن كل الزملاء مزيدا من التواصل معها عبر منتداكم وهى تهم بالاشتراك فى سودانيز اون لاين للتواصل معكم تبلغكم جميعا تحياتها وسلامها ومرحب بيكم فى الكويت فى لحظه البيت بيتكم وحبابكم عشره
مع تحياتى للجميع
Post: #4434
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-06-2010, 06:38 PM
Parent: #4432

أزهري سليمان شخصية لا تتكرر إنسان يحب الجميع وقد خلق علاقات مع كل ناس الزقازيق دون فرز وأصبح صديق الكل ... بس أنا كنت صاحب سارة وباتل بحكم السن .. أذكر في تلك الفترة أحداث إعتصام الطالبات بدار الإتحاد وكان أزهري سفير السلام بين المعتصمات والتنظيمات السياسية من جهة والإتحاد من جهة أخري وكادت الوساطةتؤتي أكلها لولا تعنت الطرفين .. ومن الطرائف كانت البيانات تنزل ويرد إسم الأخ أزهري سليمان (بالمواطن أزهري سليمان) .. تقول نحن ما مواطنين .. غايتو أيام
Post: #4435
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-06-2010, 07:54 PM
Parent: #4434

انا قاعد أجيب ليكم اللوم ... قولوا لي كيف ...

بتنا مشاعر بدوي الشهيرة بتوتة ... زوجت شقيقها قبل أيام وكلفتني بأن أدعو الجميع من خلال البوست ... والتلفون لزواجه في نادي بري ... بيني وبينكم قلت مافي داعي أعمل للناس زحمة ساكت في الصالة السمحة دي ... اها قمنا مشينا أنا وأبو النور ... لهطنا عشوة كاربة ... وحفلة رهيبة بأحمد بركات ... رقصنا نقصنا عشرين كيلو ... وباركنا للعريس والعروس وأهل العروسين نيابة عنكم ..

وتاني نقول توتة ألف مبروك للعرسان وإنشاء الله بيت مال وعيال ...


عمار حمة الله إتصل قبل كم يوم وقال لي عامل عزومة لكل ناس الزقازيق بكره الجمعة في بيته الجديد .. نظام قندهار محلي .. برضو عملت نايم .. ونزلتها يوم الخميس بليل عشان ما في زول يقراها .. وأكون طلعت من النوم ونلهط الشية برانا .. ونجيكم بالصور ....

غايتو دي بمثابة دعوة للجميع .. والسامع يكلم الماسامع ...ويا البادي النور حقك راح تجي تقراها يوم السبت وتعض بدلاً عن اللحمة بنان الندم .. بيني وبينك إنت زول جبان ساكت وقاعد تخاف من الجماعة وما بتقدر تمشي أي حتة إلا تاخد إذن قبال شهر يعني ما فارقه معاك ...
Post: #4436
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-06-2010, 08:27 PM
Parent: #4435

حازت الدكتورة سناء الصباغ علي الماجستير الثاني في الصحة العامة من جامعة جلاسكو بالمملكة المتحدة بتقدير ممتاز ... وكان الأول من كلية الطب جامعة الخرطوم ...

سناء الصباغ خريجة كلية الطب البيطري جامعة الزقازيق ... وناشطة في العمل السياسي في مصر ثمانيات القرن الماضي ... وهي عضو منبر سودانيز أونلاين ...

فألف مبروك لها وللصديق عمر مجذوب وأبنائها ناظم ، زينب وإيناس وكل الاسرة بحي ابوروف العريق .. ولكل ناس الزقازيق أجدع ناس ....


مبروووووووووك الدكتورة سناء الصباغ
Post: #4437
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-07-2010, 11:11 AM
Parent: #4436

أجدع ناس

ألف تحية وسلام وأشواق كتيرة جدا

والله طولنا منكم جدا

Quote:
انت عارف ياريس الواد سمسم دا لقى ليك عثمان جالية دا جمبوا في الشرقية دي
قاموا فكونا عكس الهواء
ابوالشيم شوقك شاويني ... او كما قيل
اظهر ياخ


جلجل كيفك ياخ
والله الموضوع ما كدا بس أنا كنت في الصين لما يقارب الشهر تقريبا... وهناك جري شديييييييييييييييييييييييد ويادوب رجعت أول أمس


Quote: وين سامى عبدالوهاب؟؟؟


محمد صديق يا رقي كيفك
خلاص رجعنا وحنواصل معاكم إن شاء الله
وأشكرك كتيييييييييييييييييييييييييييييييير على سؤالك عني


Quote:
يا نضيف إزيَّكْ...

أنا جايب ليك أنت وجلال وسامى حكاوى وصور

حقة كشَّاح ..

أول حاجة دى تدوها كم؟؟

الحاجة التانية فى المقابل حتدونا كم؟؟


يا سلام يا محمد صديق... كشاح دا من الناس الجميلين جدا المروا على تربية... يلا أتحفنا بالحكاوي والصور
Post: #4438
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-07-2010, 11:16 AM
Parent: #4436

ألف مبروك للدكتورة سناء الصباغ نيلها درجة الماجستير


ومبروك للأخت مشاعر زواج شقيقها


ومبروك نجاحات أبناء أجدع ناس


والتعازي لكل من فقد عزيز لديه
Post: #4439
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-07-2010, 12:24 PM
Parent: #4438

جمعتكم مباركة

مبروك للأخت والصديقة سناء خليل الصباغ...

سناء هميمة و مجتهدة لذلك استحقت الدكتوراة...

و سناء شليقة شلاقة شديدة...لذلك ستستحق ان البروفيسورشب عن قريب..

مبروك سناء...
Post: #4440
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-07-2010, 01:54 PM
Parent: #4439

الف مبروك للاخت والزميلة سناء الصباغ

ومزيد من الترقى والتقدم ...

والتهنئة موصولة لافراد الاسرة الكريمة وعموم الزقازيقاب
Post: #4441
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-07-2010, 02:40 PM
Parent: #4439

جمعة مباركة

بالصور معجزة قرآنية أثبتها العلم الحديث للأية 26 سورة البقرة
والمفاجئة كانت فى اخر ما توصل اليه العلماء

ان فوق ظهر البعوضة تعيش حشرة لا ترى بالعين المجردة وهو ما يفسر قوله تعالى:
( إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا)

untitled11.jpg Hosting at Sudaneseonline.com

430.jpg Hosting at Sudaneseonline.com


431.jpg Hosting at Sudaneseonline.com

وفى هذه الصورة تظهر الحشرة فوق ظهر البعوضة


lsudan.png Hosting at Sudaneseonline.com

لا إله إلا أنت سبحانك إني كنت من الظالمين
Post: #4442
Title: Re: ناس الزقازيق ... أجدع ناس ( 3 ) ..
Author: salah elamin
Date: 05-07-2010, 03:05 PM
Parent: #4441

الصديقات والاصدقاء ناس الزقازيق
اكتب من بعيد من محل لو قلت ليكم اسمو
بتفرشوا. عشان كده اقول ليكم انا بخير وبس

زهير الزناتي قال لمبارك جادين
صلاح الامين نقلوا لمدة شهرين ل...

عشان كده قبل يسافر نعمل ليهو حفل وداع

مبارك قال لزهير ما دام الزول دا ماشي المنطقة الفلانية دي .احسن نعمل ليهو تأبين عديل كده .



تعازي للدين فقدوا دويهم
ومبروك للناجحين .

واهلا بالقادمين الجدد


واحبكم كلكم وكلكن .
Post: #4443
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-08-2010, 06:28 AM
Parent: #4442

مبروك:
لدكتورة سناء ويارب من نجاح الى آخر
ولمشاعر زواج شقيقها
وللكمندان عمار البيت الجديد
----
وحمدلله ياسامي وبركة بالعودة
ويا شبوكشي علك طيب ياخ .... مشتاقين
















----
وشكرا للكبير اوى ابوالزوز
Post: #4444
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-08-2010, 07:20 AM
Parent: #4443

الف مبروك للزميلة سناء الصباغ وعقبال ما نبارك ليك نجاح اولادك

ومبروك لشقيق مشاعر بدوى

ولعمار رحمة الله البيت الســــــعيد

عن اذنكم ماشى منبر ناس الزقازيق
كوثر داؤد واقفة وداقاها المطرة وبتكتب من كيبورد سودانيز

وواحد برلوم منزل ليهو تلاتة اغانى شغالين كلهم فى وقت واحد
Post: #4445
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-08-2010, 07:29 AM
Parent: #4443

الريس لسع ما دخل للافتتاحية و اخونا جلال قام سداري

علي طول بنمرة واحدة و نسى الركعة الاولي الدعاء :



اصبحنا واصبح الملك لله ، والحمد لله

لاإله إلا الله وحده لاشريك له

له الملك وله الحمد وهو على كل شيء قدي

ربي أسألك خير مافي هذا اليوم وخير مابعده

واعوذ بك من شر هذا اليوم وشر مابعده

ربي اعوذ بك من الكسل وسوء الكبر

ربي اعوذ بك من عذاب في النار وعذاب في القبر
Post: #4447
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-08-2010, 07:36 AM
Parent: #4445

سلامات يا ناس

وصباحات التفاؤل

مبروك لدكتورة سناء ولاسرتها

مبروك مشاعر

مرحبآ بعودة سامى

جلال والنضيف اصلو مافى كلام سر عندكم؟
Post: #4446
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-08-2010, 07:34 AM
Parent: #4443

صباح الخير ،،، يا وجوه الخير،،

أصبحنا وأصبح الملك لله ،،،وحده

حديث الصباح الجميل،،،،،،،

عليكم بذكر الله جلَّ وعلا ،،،،،
فهو سلوة المنكوبين ،،،،
وأمان الخائفين ،،،،،
وملاذ المنكوبين ،،،،،
وأُنسُ المرضى والمصابين ..

( الذين ءامنوا وتطمئنُّ قلوبهم بذكر الله ألا بذكر الله تطمئنُّ القلوب ) ..
Post: #4448
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-08-2010, 07:45 AM
Parent: #4446

الدكتورة سناء الصباغ الف مبروك و عقبال الدكتوراه و

التحايا عبرك للاسرة الكريمة .


العزيز سامي الف حمد لله على السلامة و افتقدناك كثيرا !!


الراقية مشاعر بدوي الف مبروك للاخ و انشاء الله

بيت مال وعيال و العقبال عندنا ..ترم ..ترم ..ترم..


جنابو عمار رحمة انشاء ربنا يعطيكم خير المنزلة الجديدة

و يكفيكم شرها .


ود الزناتي بتخنق ما نتسى انك ناوى على .....

فاعمل حساب لبكرة يعني كما تدين تدان .....

لكن عملتك عجبتني للمرقود علشان تاني تقول لي كسلا نفر .....
Post: #4449
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-08-2010, 08:00 AM
Parent: #4448

مبروك:
لدكتورة سناء ويارب من نجاح الى آخر
ولمشاعر زواج شقيقها
وللكمندان عمار البيت الجديد
----
وحمدلله ياسامي وبركة بالعودة
ويا شبوكشي علك طيب ياخ .... مشتاقين


إتخيلوني الشيخ جلا،،،،
Post: #4450
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-08-2010, 08:46 AM
Parent: #4449


غايتوا الخميس والجمعة ما عندكم !!!!
هسى الواحد يلحقكم كيف ؟؟
يمين بالله الا كتبت الحاجات فى ورقة
الواحد يقوم يعتمد على الذاكرة فى اليوم الصعب ده , يقوم يلخبط الشغلة
يبارك للغندو وفاة , ويعزى النجح ليهو زول , فتكون بذلك مداخلته ام المداخلات زاتووووو
نبدا بالأستاذ عبد المنعم خليفة خوجلى
وصديقاتنا ناس بطة وسيزا وماجدولين وسارة وخالد وايمن , ونعزيهم فى فقيدتهم ست البنات
ونرجب باخونا من الكويت ازهرى سليمان مع زوجته الزميلة منال عبد العزيز
ومن فوائدالدخول المتأخر او المتأنى , انك ممكن تدخل وانت زى بتعرف ازهرى سليمان وكده
بسبب الضوء السلطه عليهو (المسلط ) ابو الزوز
المسلط دى اقروها زى ما عايزين وحا تلقنى قاصدها برضو
الللام لو فتحتوها ولا كسرتوها , الأتنين قاصدهم و شفتو الشجاعة دى كيف , وانتو قايلننا بنخاف منو عشان بيدى الناس باسويردات ولا شنو
والله انحنا علاقتنا مع بكرى ابوبكر زاتووو بقت واصلة , وكلها اسبوعين ولا تلاثة والباسويردات نوزعها ليكم زى (المرارة ) من كمبيوترى ده
عرفناهو مسلط بكسر اللام عشان سلط لينا الضوء على ازهرى سليمان
لكن اللام ممكن تكون مفتوحة برضو , عليكم الزول البيغنج بى حفلة لى احمد بركات
وشية لى عمار رحمة الله فى بيتو الجديد
وما خفى اعظم
مسلط ولا ما مسلط ؟؟؟؟؟
مبروك لى مشاعر زواج اخوها , ومعليش كان فاتنا احمد بركات (لايف ) فى نادى برى
فأحمد بركات فى (آيبودنا رااااااقد ) , لا داير ليهو عزومة , ولا بيركبوا ليهو ركشة !!!
وكمان عودة سامى عبد الوهاب من (ولو فى الصين ) , عجبتنا وسرت بالنا اكيد
اها , اننجى لى ماجستير سناء الصباغ التانى ده
ما جستير تانى تسوى بيهو شنو يا دكتورة , ما جستيرين يا مفترية , حسى ديل زى بيعادلوا شنو كده ؟؟؟
غايتو (مبروكين ) لأنو الماجستير الأول ما لحقناهو , بس هسى قولى لينا , انحنا نلقى لينا ماجستير وين اذا انتى بتلقطى فيهن اتنين اتنين
(الليلة وين الماجستير الليلة وين ؟؟)
مبروك تستاهليها يا دكتورة , وواصلة منك لى اسرتك كلها
ثم نختم بتعزية زميلنا الهادى هبانى وزوجته رجاء فى وفادة والد رجاء
أامل ان لا اكون قد اخطأت او نسيت اى واجب
مع انى لو بضمن مداخلة واجب قدر ده من الصباح
اكيد رياضة الصباح بتاعت السبت , حا اخليها , قومة نفس على قومة نفس
نخليها قومة نفس واحدة
Post: #4451
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-08-2010, 09:09 AM
Parent: #4449

صباح الهناء والسرور ...

اخوناونسيبنا ازهري سليمان حبابك ملايين والدار دارك ..

مشاعر بدوي (توتة) الف مبروك الزواج لشقيقك .. عمنا الزناتي عمل خيانات لكن ما مشكلة برضو مبروك اسفيريا (القحة ولا صمت الخشم) (وكعب العدم) ...

جنابو عمار رحمة الله مبروك المنزل الجديد وربنا يديكم خيرو ويكفيكم شرو ...

ملايين التبريكات لاختنا الدكتورة سناء الصباغ وعقبال الدراسات والنجاحات المتتالية في كل المجالات ...

عمو الزناتي خياناتك عظيمة .. وبالهناء وصحتين على البك (قلبك باللبناني) .. والمثل بقول الخواف ربا عيالو ...
Post: #4452
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-08-2010, 10:46 AM
Parent: #4451

والله يا اخوانا قالوا اللوم بجي بالغفلات ...
من كم يوم كدا وصلتني رسالة ما عملت حميل زي ابوالزوز
لكن ما شفتها الا يوم الخميس ومفادها .... بأن
اطلت على أسرة الاخ والصديق عثمان الخير الجدي وردة حلوة
بنوتة جعلها الله غرة عين لوالديها وحمدلله على سلامة المدام يا ابوعمر
وتتربى في عزكم ان شاء الله

وخلاص بعد ما "اتحليتوا" بالسلامة بعد دا اظهر
Post: #4453
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-08-2010, 11:49 AM
Parent: #4452

اطلت على أسرة الاخ والصديق عثمان الخير الجدي وردة حلوة
بنوتة جعلها الله غرة عين لوالديها وحمدلله على سلامة المدام يا ابوعمر
وتتربى في عزكم ان شاء الله
=============================

ألف مبروك الأخ/ عثمان الخير

ربنا يحفظ الأموره الجديده وتكون من الصالحات

وحمد لله على السلامة .
Post: #4454
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-08-2010, 11:55 AM
Parent: #4453

الف مبروك البنوتة تتربى فى عزكم

عثمان ياخى ما تسميها جدية

عشان تبقى جدية عثمان الجدي


ولا سميها كوثر داؤد تكريما بدخول كوثر المنبر
مش دفعتك ياخى ... والسماية على الهادى
Post: #4455
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-08-2010, 12:15 PM
Parent: #4454

مبروك لعثمان الخير الجدي العروس ... وجعلها من بنات الوطن الديمقراطيات ...

ويا سامي حمد الله علي السلامة ...
Post: #4456
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-08-2010, 01:39 PM
Parent: #4455

السلام عليكم ،، رحبوا معي بقدوم كوثر داؤود

المتعطشة للقياكم ،،، كوثر كلها شوق لناس عزاز

وناس بتحبهم ولا يمكن أن تنساهم ،،

العنصر النسائي ماشاء الله في إزياد مستمر بعد دخول العزيزة شوش

مبروك للعزيزة دكتورة سناء الصباغ ، ومبروك العروسة أخي عثمان الجدي

وتحياتي للجميع.
Post: #4457
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 05-08-2010, 01:51 PM
Parent: #4456

لكل ناس الزقازيق أجدع ناس سلام واشواق وأعتذارات شديدة لطول الغياب لظروف عديدة ، كل التعازي لمن فقد عزيز في الفترة السابقة ، ومبروك لكل أصحاب المناسبات السعيدة ، خاصة الِأخت توتة لزواج شقيقها ، ومبروك لكل الذين نجح أبنائهم في أمتحان مرحلة الاساس ، وربنا يشفي كل مريض ودعواتنا للأخت مني شقيقة الرشيد ، وخالة مبارك جادين . سأحاول الإطلالة كلما سنحت فرصة كهذه ، وتحياتي مرة أخري للجميع
Post: #4458
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-08-2010, 01:54 PM
Parent: #4456

مبروك لعثمان الخير الجدى المورة الحلوة الجديدة
باين اللوم الويك اند ده , جارى سلبة
وجدت بريد الكترونى من صديقنا وعزيزنا ودفعتنا وود شقتنا المارقها فى النرويج
اخونا رفعت نور الدين محمد عابدين
يفيد البريد اللكترونى بخبر مؤسف يتعلق بوفاة والدته فى الأسكندرية
وبالفعل اتصلت به قبل قليل وعزيته باسمكم جميعا
والدة رفعت اتوفت فى الأسكندرية قبل ثلاثة اسابيع تقريبا
ربنا يرحمها ويغفر ليها وينزلها احسن منازله
مع الصديقين والشهداء وحسن اولئك رفيقا
تلفون رفعت فى النرويج 004790619037
 
Post: #4459
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-08-2010, 02:33 PM
Parent: #4458

خالص التعزي للأخ/ رفعت نورالدين في وفاة والدته
نسأل الله ان يتقبلها القبول الحسن
ويكرم وفادتها ويجعل منزلتها الجنان العلا مع الصديقين
والتعازي موصولة لكل افراد الاسرة الكريمة
Post: #4460
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-08-2010, 02:33 PM
Parent: #4458

مبروك المولودة للأخ عثمان الخير و ان شاء الله تكون من الصالحات...

كما و نعزي أخي و صديقي رفعت نورالدين في وفاة والدته...نسأل الله لها المغفرة و أن يسكنها فسيح جناته مع الصديقين و الشهداء و الأبرار...
Post: #4461
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-08-2010, 02:36 PM
Parent: #4458

خالص العزاء للأخ رفت نور الدين في وفاة والدته لها الرحمة والمغفرة
وله ولكل الاسرة صادق التعازي
Post: #4462
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-08-2010, 03:16 PM
Parent: #4461

يفيد البريد اللكترونى بخبر مؤسف يتعلق بوفاة والدته فى الأسكندرية
وبالفعل اتصلت به قبل قليل وعزيته باسمكم جميعا
والدة رفعت اتوفت فى الأسكندرية قبل ثلاثة اسابيع تقريبا
=========================================

الله يرحم والدة رفعت نور الدين

ويلهم أهلها وذويها الصبر والسلوان

إنا لله وإنا إليه راجعون،،،
Post: #4463
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-08-2010, 03:20 PM
Parent: #4461

تهانينا للاخ / عثمان الجدى وجعلها الله قرة لأعين والديها


&&&&&&&&&&&&&&&&&&

أحر آيات العزاء لاخونا وزميلنا رفعت نور الدين فى وفاة والدته

ونسال الله تعالى ان يشملها بكريم رحمته ومغفرته ..

وان يجعلها فى عليين مع الانبياء والصالحين

وانا لله وانا اليه راجعون
Post: #4464
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-08-2010, 04:00 PM
Parent: #4463

أحر آيات العزاء لاخونا وزميلنا رفعت نور الدين فى وفاة والدته

ونسال الله تعالى ان يشملها بكريم رحمته ومغفرته ..

وان يجعلها فى عليين مع الانبياء والصالحين

وانا لله وانا اليه راجعون




والف مبروك المولودة لاخونا عثمان الخير
Post: #4465
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-08-2010, 04:40 PM
Parent: #4464

مبروك لاخونا عثمان الخير الجدي العروسة الجديدة
جعلها الله من بنات الوطن الصالحات
ومبروك للدكتورة سناء الصباغ الماجستير
ومبروك لاختنا مشاعر بدوي زواج شقيقها
ومبروك لابتهاج الطلة التي تشبه يااااك بتاعت الاولاد الصغار وشكرا على السؤال على الخالة
وحمدالله الف على سلامة الاخت يا الرشيد


ويا اخونا شبكش البركة الطمنتنا عليك
وربنا يكمل ليك الشهر دة بس



البركة فيكم يا رفعت في وفاة الوالدة
انزلها الله منزل صدق عند مليك رحيم

يا زهير الزناتي
تتزكر كل الناس الكانوا يزوروا المواطن ازهري وتنسى اخوك وتعمل لي دروب اوت
المهم مرحب باخونا ازهري ترحيب كبيير اوي
Post: #4467
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-09-2010, 06:40 AM
Parent: #4465

صباح الخير ،،، يا وجوه الخير

أصبحنا وأصبح الملك لله ،،، وحده

نفحات صباحيه :-


قل سبحان الله, والحمد لله, ولا إله إلا الله
ولا حول ولا قوة إلا بالله, والله أكبر
لا اله إلا الله العلي العظيم
لا اله إلا الله رب السماوات السبع ورب العرش العظيم
سبحان الله وبحمده ،،، سبحان الله العظيم
Post: #4468
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-09-2010, 07:09 AM
Parent: #4467

صادق التعازي للاخ رفعت و نسال المولي عز وجل

لكم الصبر وللفقيدة الرحمة و الغفران و ان يسكنها

الله فسيح جناته مع الصديقين والشهداء وحسن اولئك

رفيقا .
Post: #4469
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-09-2010, 07:49 AM
Parent: #4468

خالص التعازى للاخ رفعت نورالدين فى وفاة والدته

انا لله وانا اليه راجعون
Post: #4470
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-09-2010, 07:57 AM
Parent: #4469

Quote: خالص التعازى للاخ رفعت نورالدين فى وفاة والدته

انا لله وانا اليه راجعون
Post: #4471
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-09-2010, 09:41 AM
Parent: #4470

مبروك لاخونا عثمان الخير الجدي العروسة الجديدة
جعلها الله من بنات الوطن الصالحات

ومبروك للدكتورة سناء الصباغ الماجستير
ومبروك لاختنا مشاعر بدوي زواج شقيقها

ومبروك لابتهاج الطلة التي تشبه يااااك بتاعت الاولاد الصغار وشكرا على السؤال على الخالة
وحمدالله الف على سلامة الاخت يا الرشيد

ويا اخونا شبكش البركة الطمنتنا عليك
وربنا يكمل ليك الشهر دة بس

البركة فيكم يا رفعت في وفاة الوالدة
انزلها الله منزل صدق عند مليك رحيم

وشكرا يامبارك جادين ... على التمريرة الحلوه ...
تحياتي ...
Post: #4472
Title: Re: ناس الزقازيق ... أجدع ناس ( 3 ) ..
Author: عابدون محمد عابدون
Date: 05-09-2010, 10:17 AM
Parent: #4471

سلام يازقازيقاب والله مشتاقين .
ياسر نجيلة انت اخو عمر نجيلة؟
Post: #4473
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-09-2010, 12:01 PM
Parent: #4472

Quote: سلام يازقازيقاب والله مشتاقين .


مرحب بأخونا عابدون البيت بيتك

أدخل بكل حريه ،،، ومرحبتين حبابك
Post: #4474
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 05-09-2010, 01:56 PM
Parent: #4473

الأعزاء والعزيزات
والله ما عارفة أعبر ليكم كيف عن امتناني وعن حفاوتكم التي فاقت كل تصور
1)أولا عزائي لكل من فقد عزيز

2)والتهاني بمواليد الزقازيق الذين نفاخر بهم الأمم

3)التهاني لأبنائنا الناجحين في الشهادة البتدائية والنجاح ما غريب عليهم
فهم خير خلف لخير سلف (ما في زول يكللمهم اننا كنا بنجي ملاحق بالذات انت يا ديدو باقي خشمك خفيف)

4)شكرا زهير على انزال التهنئة انت دائما مبادر كما عهدناك وأن شاء الله نبارك ليك نجاح عيالك

5) مبروك علي الباسويرد بعد طول غياب لكن بكري بالغ رسل لي باسويرد من شدة ما صعبة لما عملت ليها كوبي بيست
حتى ظبطت باقي لي عشان أغيرها حا أضطر استعين بالخبير الأجنبي ديدو

دي مداخلة سريعة كدا أشكركم فيها وأبدأ التواصل معاكم وأجرب الباسويرد لكن بجيكم في بيوتكم(بوستاتكم) بهناك بالمهلة
يالرشيد امبارح أنا وعمر كنا بنقرأ في بوست في المنبر العام عن أسعار الأراضي في الخرطوم وظل المتداخلون يوجهون الأسئلة لأحد
القانونيين بالخرطوم وهو على المام تام بالأسعار, ظلوا يسألون عن الأسعار في الأزهري مربع كذا ومربع كذا قام عمر قال لي حقو نسأله
عن أسعار الأراضي في مربع كاي
Post: #4475
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-09-2010, 02:56 PM
Parent: #4474

Quote: القانونيين بالخرطوم وهو على المام تام بالأسعار,
ظلوا يسألون عن الأسعار في الأزهري مربع كذا ومربع كذا قام عمر قال لي حقو نسأله
عن أسعار الأراضي في مربع كاي


أهلاًً بالأخت العزيزة سناء الصباغ ،،

مبروك عودة الباسويرد ومبروك عليك نجاحك المبهر

خانتك ما زالت محفوظه بالبوست .

وكمان لو عرفتوا أسعار أراضي مربع كاي كلمونا.
Post: #4476
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-09-2010, 03:35 PM
Parent: #4475

مراحب يا سناء بدخولك الى عالمنا الجميل من جديد

وأكيد الدخول هذه المرة ببدلة دبل ماجستير حيكون مختلف ..

...

يا ريس ميسرة ..

مربع كاى الاراضى فيهو لى ناس زراعة بس ..!

وناس بيطرة ممكن ياخدوا حسب قانون الجار أولى بالشفعة ..

اما الباقين .. والله محمد المرتضى لهم بالمرصاد ..!!
Post: #4477
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-09-2010, 04:21 PM
Parent: #4476

Quote: يالرشيد امبارح أنا وعمر كنا بنقرأ في بوست في المنبر العام عن أسعار الأراضي في الخرطوم وظل المتداخلون يوجهون الأسئلة لأحد
القانونيين بالخرطوم وهو على المام تام بالأسعار, ظلوا يسألون عن الأسعار في الأزهري مربع كذا ومربع كذا قام عمر قال لي حقو نسأله
عن أسعار الأراضي في مربع كاي


بت خليل يا صديقة حمد الله على السلامة و عودا حميدا...

قولي لي عمر أول حاجة أشتروا ليكم بطاقة تلفون عشان تردوا على التلفونات الفي الميل بوكس بتاعكم...

تانيا أراضي مربع كاي دي ما أظن قروش الكبه كافية تشتروا فيهو...شزفو ليكم كبه تانية...

أعزمونا غداء في ناندوس و جيبوا لينا شطتهم الحارة ديك و خلونا نتفاوض...امكن نشوف ليكم قطعة رخيصة

في المربع...و تكون ناصية كده فاتحة على شارعين...

أهم حاجة في مربع كاي ...مافي سقط زي حقكم داك...

الأجواء دايما دافئة...

يالله علينا جاييييي...
Post: #4478
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 05-09-2010, 05:45 PM
Parent: #4477

الزقازيقاب الرائعون

الف شكر لكل المهنئون والحمد لله البنوتة بخير وكذلك أمها

وألف مرحب بالقادمون الجدد وأخص الزميلة الغالية كوثر داؤود

وشكرآ جلة وعذرآ على يوم الخميس لانني والله لم استقر في بيتي الا بعد

منتصف ليلة الجمعة وسأشرح لك الاسباب لاحقآ .
Post: #4479
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 05-09-2010, 09:35 PM
Parent: #4478

200803sudan2.JPG Hosting at Sudaneseonline.com
Post: #4480
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-09-2010, 11:18 PM
Parent: #4479

د . الصادق يا حبيبنا ...

مشتاقون ...

انت ما بتظهر الا مع انفجار المواســير ..؟؟

لكن المرة دى يا حبيب المواسير مزدوجة .. والعرضة بى شمالها وجنوبها غرقانة ..!!

عارف .. أهم نتيجة فى مباريات الهلال والمريخ ..

انو اللاعب السودانى - بكل أسف - يتميز بالبلاده والبلاهة والجهل والتخلف الكروى والفكرى والذهنى ...!!

.... وكفـــى ..!!!
Post: #4481
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-09-2010, 11:28 PM
Parent: #4480

نحتفل اليوم 10/5 بعيد ميلاد احدى نوارات هذا البوست

وواحده من اكثر زهرات حديقة الزقازيق شذى واريجا" وعطرا" ..

هى تلك القرنفلة التى ما ان تفوح بشذاها الا ويعم الفرح كل الأمكنة ...

وهى تلك الزنبقة التى تبوح بألوانها الزاهية فتستحيل الأزمنة الى جمال ...


452.jpg Hosting at Sudaneseonline.com


عيد ميلاد سعيد نجاة ... وعمر مديد انشاء الله

وعفوا" ايها الحبيب رشيد ... فان ما لنا من ود فى العزيزة نجاة

يتجاوز كل الحدود ...

453.jpg Hosting at Sudaneseonline.com
Post: #4482
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-09-2010, 11:33 PM
Parent: #4481

أسأل الله ان يديم عليكم السعادة والهناء

وان يحفظ لكما ابناءكما

-2.jpg Hosting at Sudaneseonline.com

مرحــى بأجمل الثنائيات الزقازيقية الزراعية
Post: #4483
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-10-2010, 05:37 AM
Parent: #4482

اصدق التهاني و يا نجاة و عقبال مليون شمعة و ربنا

يحفظكما و يخليك لبعض و يسعدكم بابناءكم و يديم عليكم

الصحة والعافية و يبقيكم سندا لبعض في كل الظروف .

و تحايا خاصة للامورة امينة سر الاسرة لها التحية .
Post: #4484
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-10-2010, 06:35 AM
Parent: #4482

عيد ميلاد سعيد يانجاة حوفي ...
وكل سنة واسرتك بألف خير ...


Quote: سلام يازقازيقاب والله مشتاقين .
ياسر نجيلة انت اخو عمر نجيلة؟

العزيز عابدون محمد عابدون ...
مرحب بيك بمنبر اجدع ناس ... الزقازيق
عمر نجيلة هو خالي ... اخو الوالده
وابن عم الوالد ...
Post: #4485
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-10-2010, 06:48 AM
Parent: #4484

صباح الهناء والسرور ...

مداخلة الامس ضاعت وسط الزحمة .. وما زال البحث جاري ...


اخونا عثمان الخير مبروك المولودة وربنا يجعلها من الصالحات ...


حار التعازي لاخونا رفعت نور الدين في وفاة والدته .. اللهم ارحمها رحمة واسعة وتقبلها قبولا حسن واجعل قبرها روضة من رياض الجنة .. امين ...
Post: #4487
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-10-2010, 06:54 AM
Parent: #4484

صباح الخير ،،، يا وجوه الخير

أصبحنا وأصبح الملك لله ،،،وحده

دعاء إفتتاحية الصباح :-

اللهم صل على سيدنا محمد كلما صليت
عليه وملائكتك وآله وسلم،،،،،،،،،،،
اللهم ارحم والداي كما ربياني صغيراً
اللهم ارحم عبدك ر ووسع مدخله
وأكرم نزله ونور قبره وبرزخه وطريقه
على الصراط المستقيم,,,,,,,,,,,,
Post: #4486
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-10-2010, 06:49 AM
Parent: #4482

صبحكم الله بالخير

و الشكر لأخي الحبيب محمد عيد الجميل الهفيف الرهيف السباق...لقد سبقني الى تهنئة نصفي بل كلي الحلو...شكرا يا حمادة يا جميل...
و لي أم أمنية و مهند و أمي و زوجتي و أم الكل و أخت الكل...كل الأماني الطيبات بمناسبة عيد ميلادك...و كل الأمنيات بحياة سعيدة رخية طيبة و ربنا يطول في عمرك و يخليك و يديمك و يسعدك...
Post: #4488
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-10-2010, 07:11 AM
Parent: #4486

عيد ميلاد سعيد لاختنا نجاة حوفي .. وربنا يطول عمرك وتعيشيه بالصحة والعافية والهناء والسعادة ... والتهنئة كمان لاخونا رشيد القوم وافراد الاسرة جميعا .. وجعل الله ايامكم كلها افراح واعياد...
Post: #4489
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-10-2010, 07:30 AM
Parent: #4486

اهلا" اهلا" ام ناظم .. الشوق بحور
وانا اقول البوست ده مالو منور كده
انتى بس اقعدى معانا وخشمى الخفيف مقدور عليهو


وكل سنة وانتى طيبة يا حوفى ، وحنجى مربع كاي نبارك ليك
وكان لقيناهو محروس كمان اعذرينا نحن ما ناس مشاكل والاسمو محمد المرتضى
ده انا من شكلو كده هارش منو ... وانشاء الله ينفعك يا محمد عيد


ما دام فرزتو عيشتكم ادونا اي بودنــــــــا ....
Post: #4490
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-10-2010, 07:53 AM
Parent: #4489

الف مبروك وعيد سعيد يا نجاة حوفي والتهنئة موصولة للرشيد
مبروك يا عمار رحمة الله البيت وانشاءالله تحضر فيه جديد اولادك
والله يا جماعة لمن فاتهم الاستماع والاستمتاع بجلسة يوم الجمعة الفاتت في بيت عمار
واقصد بكلامي ناس جلا ومن لف لفهم من الناس الخفيفين ولفيفين
فاننا قد استمتعنا بصحبة ناس لن يفارغوا وجداننا ابدا
اولا جاء الزعيم محمود الحورى
والزعيم مجزوب حمد
والزعيم الكبير اوي عبدالله الزبير وما ادراك ما عبدالله الزبير
وكان فاكهة اللقاء الزعيم الضخم كما يقول المرحوم ابراهيم احمد عبدالكريم
نادر فاروق ونصفه الحلو رجاء الطيب
ولن اقول كيف كانت الونسة لكن نادر فاروق القمنا كلنا حجرا وجعلننا نتحسس جيوبنا ونحضر مستنداننا لكل لقاء قادم
وانتوا ما تسالوا وانا لن افسر او كما قال يشير خفة ما تحاولواتتجروروني اكثر من كدة
ووايضا كان هناك الزعيم ص ع ص(صالح عبدالرحمن صالح)


بالاختصار جلسة فوق الخيال اضافة للحضور الانيق لسامي عبدالفتاح والشاب عشي
والناس الثابتين الزناتي ومحمد صديق وشريف عباس الشريف وبت شيخه وابتهاج والبطل مجد
فيا جلا دي فاتتك
Post: #4491
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-10-2010, 08:05 AM
Parent: #4489

لا هلال ولا مريخ ...
لا ابطال ولا كونفدرالية ...
لا حمص ولا سمسمية ...
ولا طائرات تونسية ...
Post: #4492
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-10-2010, 08:11 AM
Parent: #4491

صباح الخير
ده عشان ما نتحسب غياب
وراجع تاني
Post: #4493
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-10-2010, 08:30 AM
Parent: #4492

ماشاءالله ويجعلوا عامر إن شاءالله
والحوش منور والله بحضور القامة سناء الصباغ ونتمنى انها تتحفنا بالكثير حتى نعوض فترة الغياب ... ونبارك ونهنئ مرة أخري بالماجستير الثاني وزي ما قال منصور ... خلي لينا معاك واحد ...

والاف التهاني لام امنية وعقبال مليون سنة ... وخالص امنياتي بحياة سعيدة وهانئة وربنا يخليكم لبعض ويخلي ليكم وليداتكم...

ويا مبارك جادين والله لمتكم تعجب ان شاءالله دايما تامين وسالمين، بالله تحياتي الخاصة لعبدالله الزبير ولو ممكن تلفونو بالله

عبدالدائم شايف "اي بوداتك" تتطاقش ان عملت ليك مصنع وما كلمتنا
Post: #4494
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-10-2010, 09:07 AM
Parent: #4493

قبل ما يقلعوهو
يقلعو شنو ؟؟!!
ايبودى طبعا , وهو انا عندى حاجة تتقلع غير الآيبود الحيلتى ؟؟؟
وطبعا السؤال ده من عينة الأسئلة الأعتراضية التى ليس مطلوبا من احد ان (يتلاقف ) ويجيب عليها
او حتى يحاول الأجابة عليها , لا بالسر ولا بالعلن
زمااااان و قبل ما الباسويردات تبقى هبطرش الواحد كان فى حل من الملاحظات البديهية الزى دى
لكن الباسويردات كترت , ودخلوا ناس من الديم , ومن سوق القنا , عشان كده الواحد لازم ياخذ ساتر وهو بيكتب
هسى انا كنت عاوز اقول شنو ؟؟اقول شنو ,,,,
ايوااااا قبل ما يقلعوا سلاحى القاشر بيهو الأيام دى
دعونى انتقل الى خانة جديدة من خانات هذا البوست
اخصصه لعزيزتى , زوجة عزيزى , ام اعزائى الصغار , بت احمد حوفى واخت غادة وامير
وبس
Post: #4495
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-10-2010, 09:40 AM
Parent: #4494

لمن جات نجاة حوفى الزقازيق
برلومة بى شراباتها الطويلة
شفت فيها ما اراه فى اخواتى , وبنات جيرانا
زى التقول وصونى عليها , منو ما عارف
وبعدين , بعدين اوى , عرفت انو من وصانى عليها , هو انا
كان التعامل بيناتنا تلقائيا منسابا , من اول يوم
وعندما توطدت معرفتها بالرشيد , كنت انا فى موقع غريب , شديد الغرابة
ومرت علاقتهما بمنعطفات وتضاريس موحشة , وصعبة , وقاسية
والغريب ان عوامل وحشتها , هى نفسها عوامل استئناسها فيما بعد
كما ان عوامل الصعوبة فيها , هى نفسها عوامل السلاسة والأنسياب , بعد ذلك
ولا اجد مناصا من ان اردف , ان عوامل القسوة كمان , كانت تحمل داخلها وبين طياتها , كوامن (النعومة والرقة واللطافة )
فليعذرنى عزيزى الرشيد اذ اجد نفسى (ناشرا ) لما استعصى على بوحه
واجد نفسى (ذائعا ) , لما كان مكانه (كوامن الصدور والأفئدة )
فبينما كانا يقاتلان لبدء حياة زوجية بسيطة
كانا على حد السواء , يحملان بين الجوانح اعباء (اسر صغيرة ممتدة )
حملا وما يزالان , عبء النهوض بها واقالة عثراتها
هنا لن احكى عن الرشيد , فهذا نموذج الرجل الشرقى الذى يتعلق بأسرة كبيرة ممتدة من الأب والأم الى اصغر الأخوان والأخوات
ولكن نموذج -عزيزتى واختى نجاة حوفى - هنا - نموذج استثنائى
استثنائى ومختلف فى كيف تكون الأبنة (مقام ) الولد لأبيها
ولد شنو , كيف تكون المرأة (رجلا ) شرقيا ناعما ورقيقا
وفى اوقات الشدة (بأس يتجلى )
استثنائى ومختلف , فى كيف تكون المرأة ( رمانة ميزان )
يتأرجح ذات (الرشيد ) , وذات (الأسرة الكبيرة الممتدة )
فيكون فعله تماما كما (ميزان الدهب اب كفة راجحة )
استثنائى ومختلف , فى كيف تنحنى المرأة الشرقية
لعواصف بدايات الزواج الأسرية , وحمى الأستقرار اللاهب
فتفعل بذلك فعل الترمومتر الحساس
ينثنى -كما البان - بردا وزمهريرا
فلا كان يابسا فانكسر
ولا استحال لينا فانعصر
انحاز الى (حزمة العصى والرماح ) التى يستحيل كسرها
وتمردت على التفرق المؤدى الى (تكسر الآحاد )
يا نجاة حوفى
هنا فى هذا البوست (العام )
ليس فى مربع كاى , ولا فى ماسنجر الداخل , ولا حتى فى الأيميل بوكس
ولا حتى فى تلفونى اليك -قبل قليل -
اسمحى لى ان اتقمص قلم اخى وحبيبى الرشيد ود بابكر سيد احمد
لأقول على لسان قلمه , الممتد وصلا الى شريان المعانى ووريد الصلات

كل سنة وانتى طيبة
تعرفى , لو ما محمد عيد ده , انحنا الدنيا كانت فاتتنا
Post: #4496
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-10-2010, 09:53 AM
Parent: #4495

اما انت يا مبارك جادين
فبيجى الخريف واللوارى بتقيف
زهير الزناتى يقول لينا شية بس , وبيت جديد
اتارى القصة اكبر
جابت ليها زعماء , ومضايرات , وشطوط , وحندكات
نحن ولا دايرين نعرف ولا حاجة
الشمار ولا كاتلنا ولا شغالين بالموضوع
مش كان معاكم امتحانات السودان ولا محمود الحورى
هو محمود الحورى زاتو كان بيعرف يلعب كورة ؟؟!!
عشان ياكل شية




شخيط كبيييييير ملون باللون الأحمر ما قدرت اعمله اعملوهو انتو واكتبوا فوقو اعمل شخيط واقيف بعيد وبعدين اقروا التحتوا

الشمار ما كتلنا ياخ فى قصة مستندات نادر فاروق ده ياخ , مافى حتى رسالة واحدة ولا ما سنجر جوانى ؟؟!!!
Post: #4498
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-10-2010, 09:56 AM
Parent: #4496

عيد ميلاد سعيد يانجاة حوفي ...
وكل سنة واسرتك بألف خير ...
Post: #4497
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-10-2010, 09:55 AM
Parent: #4494

Weddinggreeting1sudan1sudan.jpg Hosting at Sudaneseonline.com
Post: #4499
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-10-2010, 12:13 PM
Parent: #4497

Quote: يا زهير الزناتي
تتزكر كل الناس الكانوا يزوروا المواطن ازهري وتنسى اخوك وتعمل لي دروب اوت
المهم مرحب باخونا ازهري ترحيب كبيير اوي


يا مبارك جادين الوقت داك إنت ما كنت سري ... عشان كده متخيلك لسه سري ... ودي ذكرتني قصة صلاح علي صالح مع السكر (514) دس لينا السكر ما لقيناهو إلا آخر السنة ونحن راحلين ....

اليوم النت بطئ جداً في الخرطوم
Post: #4500
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-10-2010, 01:22 PM
Parent: #4497

نهاركم سعيد ومشتاقين شديد ......
أبو الزهور بالغت شديد ما كلمت الناس وانا زعلت شديد
وقلت الجماعة ديل ما شاركونا الافراح ، لكن تانى قلت الغائب عزره معه
فلكم جميعا كل الود ومشكورين شديد للتهانى الحلوة .
الاخت سناء مليون مبروك يا دكتوره وعقبال كل الحاجات الحلوه يا رب
الاخ عثمان الجدى مبروك البنيه وتتربى فى عزك
الاخ عمار مبروك البيت وربنا يهنيك به يارب
العزيزه نجاة عيد ميلاد سعيد وربنا يسعدكم
مرحب بكل الاعضاء الجدد .



بالجد شوق شديد ليكم كلللللللللللللللللللللللللللللللللللللكم .
Post: #4501
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-10-2010, 05:26 PM
Parent: #4500

الزعيم منصور ارجو ان تكون بينا رؤف
وما تخرب الحلف السناري الراسخ رغم انف المرجفين في المدينة
ااحكاية شرحها يطول بخصوص المستندات التي طالبت الجميع ان يعملوا حسابهم
ويحضوروها في كل لقاء زقازيقي
وانا كان قصدي اخاطب من فاتهم الاستماع
والله زرزرة لزرارة الاخيرة



جلال هاك تلفون ود الزبير00249912939292
Post: #4502
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-10-2010, 08:04 PM
Parent: #4501

بخاف..
Post: #4503
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 05-10-2010, 11:32 PM
Parent: #4502


بس حبينا نقول سلام...

سلام سلام والف سلام...


عثمان الجيلي
Post: #4504
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-11-2010, 06:46 AM
Parent: #4503

صبحكم الله بالخير

قلت أعمل لي ضربة استباقية قبل ما يزدحم النهار و يبدأ هجوم التتار...

عندنا في السودان اعتقاد كبير انو الواحد لو عينو رفت معناها اما خير و اما شر...و دي بتعتمد على العين...ان كانت يمين بيكون خير و ان كانت شمال بيكون شر...كذلك الآكولة أو الحكة في اليد...و هنا تتساوى اليدان في الموضوع...يمينا و يسارا...ففي اكلتا اليدين بتجيك قروش أو رزق كما يعتقد أهلونا...
نجاة حوفي تضيف الى موضوع العين أبعاد أخرى...فالمسألة في البيئة التي نشأت بها ليست عين يمين و عين شمال...بل جفن علوي و جفن سفلي...فالجفن العلوي للخير و الجفن السفلي للشر مهما كانت العين...
أنا نشأت وسط تلك الاعتقادات أيضا و اعتقادات أخرى و حاولت أن لا أصدقها و أتمرد عليها و أوجد لها تفسيراتها العلمية..ففي ما يخص حركة العين اللا ارادية هذه سمعت الكثير من التفسيرات لأطباء مختصين في المجال و أوجدوا لها تفسير علمي منطقي يصدقه العقل و يؤمن به...و ما تبقى من بقايا تنشأة حاولت القضاء عليه بالدين...
أما موضوع حكة اليدين دي ما لقيت ليها تفسير...أو لم أستمع لتفسير عنها...و المرجح عندي و هذا يخص حكة يدي أنا فقط ان هذه الحكة تأتي بعد أن أغطس يدي في ملاح ملوخية مفروكة أو سلج مفروك بالكسرة الكاااااربة حتى مرفقي...لأنني و بصراحة لم أصادف أي قروش أو رزق بعد اي حكة أو احتكاك تعرضت له...و رغم ان عقلي الباطن يمل سريعا ويرسل بشارات الى باقي الأعضاء المعنية بالفرح و السعادة...الا أنني دائما ما أحبط بعد كل حكة...و قد تأتي نتائج عكسية أيضا مثل أن تحدث طوارئ تجعلك تصرف أكثر بعد الحكة...
و لأن الطبع كثيرا ما يغلب التطبع...أجد نفسي عاجزا عن مقاومة تأثير رفة العين هذه نهائيا...حيث أنها ما زالت تقلقني...بمجرد أن ترف عيني أجد نفسي لا شعوريا قد قلت اللهم أجعله خير...و أجد نفسي متيقظا مترقبا لحدوث شيئ ما أثناء يومي الذي حدثت به الرفة أو بعده...

أرفكم حسة و أجيكم بعدين...
Post: #4505
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-11-2010, 07:12 AM
Parent: #4504

صباح الخير ،،، يا وجوه الخير،،

أصبحنا وأصبح الملك لله،،، وحده

نفحات صباحية:

[B
]اللهم يا عزيز يا جبار اجعل قِلوبنا تخشع من تقواك
واجعل عيوننا تدمع من خشياك واجعلنا يا رب من أهل التقوى
وأهل المغفرة وارزقنا الهدى والتقى والعفاف
Post: #4506
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-11-2010, 08:11 AM
Parent: #4505

Quote:
أرفكم حسة و أجيكم بعدين...


يا ربي دا جنابو و لا الرشيد مركب مكنة محمد صديق

عموما ما علينا بس موضوع رفة العين في اخر مرة نزلت

السودان في المساء رفت عيني اول ما قلت ذلك عندي خالي

كبير في العمر قال لي اللهم ارنا خيرا و بعد صلاة العشاء

كان امام البيت الاستاذ محمد ادم النور جلا بجلالة قدرة،

بالله عليك يالرشيد دي رفت عين و لا قنبلة بالمناسبة قنبلة

دي من الحاجات الممكن تكون موجوده في الآي بود بتاع منصور

و لا لا !!!!!!!!!!!!!
Post: #4507
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-11-2010, 08:27 AM
Parent: #4506

صباح الهناء والسرور ...

اصبحنا واصبح الملك لله ...

رشيد القوم قلبا ...
Post: #4508
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-11-2010, 08:55 AM
Parent: #4507

والما بجيب القنبلة فى آيبودى شنو ؟؟!!
قااااااعدة
Post: #4509
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-11-2010, 09:44 AM
Parent: #4508

يا ريت يا عبد الدائم تتحفنا بمناسبة قنبلة دي بالتسجيل الصوتي لها حتي نشف آذاننا بواحدة من كلاسيكيات الفن السوداني في القرن الجديد ... وبكل تأكيد ومحبة سيكون التسجيل إهداء للسميعة جميعهم وعلي رأسهم الكوتش والفنان محمد عيد ...
Post: #4510
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-11-2010, 10:54 AM
Parent: #4509

لمة زقازيقية إستثنائية يوم الجمعة القادم بنادي الشرطة .. إحتفاءً بمعلمي الزقازيق الذين يشاركون في التصحيح وكل زقازيقي جميل ...
عشاء فاخر ... وونسة طاعمة ... السامع يكلم الماسامع ... والحاضر يكلم الغائب ...

والرسوم عشرة جنيه فقط لا غير ...

يلا يا جماعة نعمل نفير ونكلم كل الناس ... وضروري أي زول يأكد لينا الجية عشان نعمل حسابه في العشاء ... والما حيأكد .. حا يجي يعاين ويمشي .. ويمكن نسمعه غناء بس ..
Post: #4511
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-11-2010, 11:12 AM
Parent: #4510

و السمع و عالم ما سمع ،يعني زعلان من موضوع الشية

الفاتته مفلق يعمل شنو!

يعني يكون من ضمن الشيرنق؟ و لا بكون ليه وضع خاص !

طيب لو هو ما عايزها عشاء ممكن تخلو ليه نصيبه فطور ؟

و كما لو عندو راي في الزول البقوم بالمواضيع و عايز يفتح

فيه بلاغ و خايف انو العسكري يكون صحبوا ؟يمشي وين !

دا كلها اسئلة صريحة و عايزة ردود سريعة و صريحة يا زهير ؟

حتى نستطيع ان نشارك و لا نقاطع مع العلم بانه صاحبنا دا عندو

راي في السجل الانتخابي بتاعكم دا يا ابو الزوز !
Post: #4512
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-11-2010, 11:41 AM
Parent: #4511

سلامات يا ناس

Quote: و السمع و عالم ما سمع ،يعني زعلان من موضوع الشية

الفاتته مفلق يعمل شنو!

يعني يكون من ضمن الشيرنق؟ و لا بكون ليه وضع خاص !

طيب لو هو ما عايزها عشاء ممكن تخلو ليه نصيبه فطور ؟

و كما لو عندو راي في الزول البقوم بالمواضيع و عايز يفتح

فيه بلاغ و خايف انو العسكري يكون صحبوا ؟يمشي وين !

دا كلها اسئلة صريحة و عايزة ردود سريعة و صريحة يا زهير ؟

حتى نستطيع ان نشارك و لا نقاطع مع العلم بانه صاحبنا دا عندو

راي في السجل الانتخابي بتاعكم دا يا ابو الزوز !


الكاتب الكلام ده يكون جلا وهو متنكِّر؟
Post: #4513
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-11-2010, 11:50 AM
Parent: #4512

Quote: الكاتب الكلام ده يكون جلا وهو متنكِّر؟



إنت يا جنابو راس السوط لحقك و لا شنو ؟

عموما انا بقرا في افكاره قلت اقطع ليه الطريق ، اه نشوف

بكتب شنو تاني عموما موضوع دعوة زهير دا انتهيت ليه منو خالص ،

يعني الا يشوف ليه مكنة تانية ! و انت يا محمد صديق عارف رفضه

لموضوع العشاء سببه شنو بالله حذر وفزر بس ما تجيب سيرت بنت الشيخ هنا؟
Post: #4514
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-11-2010, 12:59 PM
Parent: #4513

سلامات يا ناس

Quote: بالله حذر وفزر بس ما تجيب سيرت بنت الشيخ هنا؟


يا موسى...

إذا ما جبنا بت الشيخ يعنى هو حيكون موجود فى العشا.
Post: #4515
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-11-2010, 01:08 PM
Parent: #4514

يا محمد عيد منتظرك ترسل لي الكمونية في الإيميل
Post: #4516
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-11-2010, 01:54 PM
Parent: #4515

ناس الخرطوم شغالين شية
وناس المغرب عاوزين كمونية
نحن نتمتطق ساي ولا شنو

مسؤولين من الخير وين احمد اسماعيل
طابور الصباح بحضرو
Post: #4517
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-11-2010, 02:33 PM
Parent: #4516

سلامات
يصاب الجفن احياناً بنفضان عشوائي كثيراً ما يزعج صاحبه .
وعادة لا يدوم هذا الاهتزاز اللاارادي لأكثر من دقيقة واحدة . أما السبب فهو غير معروف . إلا أن بعض الاطباء يظن أن هذا النفضان غير المؤلم ناجم عن التوتر العصبي والارهاق .
ونادراً ما تكون هذه الحالة إشارة إلى مرض عضلي أو عصبي . بالتالي ، فإن نفضان الجفن هو حالة غير مؤذية ولا تتطلب أي علاج .

العناية الذاتية :

- ضع كمادة دافئة لمدة 10 دقائق
- من شأن تدليك الجفن بلطف أن يساعد على إيقاف النفضان

أما يا رشيد حكاية نجاة دى اسالنى منها انا من يوم ما قلت عاوز ارجع السودان نهائى والجما عة عينهم يوميا رافه بتحت- الله يثبتها
Post: #4518
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-11-2010, 02:41 PM
Parent: #4517

خلود يا رائع من قبيل عيني اليمين دي بترفني...

أتاريك انت جاي داخل...

شكرا على الشرح الطبي لي رفة العين يا خلود..

بس ما شرحت لينا حكة اليد...
Post: #4519
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-11-2010, 03:10 PM
Parent: #4518

جبريلا يا حبيب ..

الكمونية جاهزة .. بس الناس قاعدين يجهزوا ليك ام فتفت ..

قاعدين نكوس فى الأتــّى .. لى هسه ما لاقينو ...

كدى النشوف الايدو قاعد تاكلو ده ..
Post: #4520
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-11-2010, 03:11 PM
Parent: #4518

اذا كانت الشمال فانك سوف تدفع ما اتاك بحكة اليمين

و الناس كلها ايديها حاكاها

بس احسن عندك بدل الجماعة
لان ديك بالاخضر و اليابس
Post: #4521
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-11-2010, 08:01 PM
Parent: #4520

Quote: لمة زقازيقية إستثنائية يوم الجمعة القادم بنادي الشرطة .. إحتفاءً بمعلمي الزقازيق الذين يشاركون في التصحيح وكل زقازيقي جميل ...
عشاء فاخر ... وونسة طاعمة ... السامع يكلم الماسامع ... والحاضر يكلم الغائب ...

والرسوم عشرة جنيه فقط لا غير ...

يلا يا جماعة نعمل نفير ونكلم كل الناس ... وضروري أي زول يأكد لينا الجية عشان نعمل حسابه في العشاء ... والما حيأكد .. حا يجي يعاين ويمشي .. ويمكن نسمعه غناء بس ..
Post: #4522
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-12-2010, 05:45 AM
Parent: #4521

بعد ما نستاذن صاحب الفقرة الصباحية الريس لتقديم

دعاء الصباح :

اللهم أنت الباقي بلا زوال، الغني بلا مثال
القدوس الطاهر العلي القاهر الذي لا يحيط به مكان ولا يشتمل عليه زمان
نسألك بأسمائك الحسنى ما علمنا منها وما لم نعلم أن تغفر لنا وترحمنا
اللهم فرج عنا كل هم وغم وأخرجنا من كل حزن وكرب
اللهم فرج عنا ماقد ضاقت به صدورنا وقلت فيه حيلينا
ياكاشف كل ضر وبليّة
ياعالم كل سر وخفيّة
Post: #4523
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-12-2010, 06:04 AM
Parent: #4522

صبحكم الله بالخيرات
والله ياهو ناس قاعدين "يرفرفوا"!!!
وناس بجهزوا في الشيات والسلات ...
وناس في الكمونية وام فتفت ...
انتوا امس كنتوا "مقيلين" ولاشنو؟
ومالكم مابتكلمونا... والله خيانات

والله يا الرشيد اقول ليك حاجة ... من زمن شيكات مصر ديك تاني عيني ما "رفتني"
بس حكة اليد دي جديدة علّي كدي بالله براحة كدة اشرحوها لينا تاني ... امكن ناخد بالنا...



















-------
نفتقد بشدة أخونا احمد اسماعيل ...
مطلوب حضورك
Post: #4524
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-12-2010, 06:44 AM
Parent: #4523

صباح الخير ،،، يا وجوه الخير

أصبحنا وأصبح الملك لله ،، وحده

همسات الصباح :

يارَب

عَلمّنْي أنْ أحبّ النَاسْ كَما أحبّ نَفسْي
وَعَلّمني أنْ أحَاسِبْ نَفسْي كَما أحَاسِبْ النَاسْ
وَعَلّمنْي أنْ التسَامح هَو أكْبَر مَراتب القوّة
وَأنّ حبّ الانتقام هَو أولْ مَظاهِر الضعْفَ
Post: #4525
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-12-2010, 07:25 AM
Parent: #4524

إذنك معاك يا موسى ،،، بس أدعم خطنا ده

-------
نفتقد بشدة أخونا احمد اسماعيل ...
مطلوب حضورك

-----------

نطالب بدخول جميع البرالمة والما سمع بلغوه

--------------

كمال الشادي أوعك ترجع للبيات الشتوي

---------------

لسه بكري ود المأذون ما رجع ،،،
Post: #4526
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-12-2010, 07:29 AM
Parent: #4524

ودي عشان لما عشاء يوم الجمعة يخلص زهير يجيب لينا
الصور بهناك ... "صور نادي الضباط ....

شوف اوعك تعرس واحدة من ديل

إن بقيت بخيت ربنا يديك مرا هدية ورضية...السماحة ماضروري لأنو بعد
شوية ماحتكون سمحة...حتكون عادية..نصيحة ليك النسوان البقولن ليك ديل أوعك تعرس منهن واحدة!

1/الفنانة والحنانة والحردانة:
أ/الفنانة:دي حتمرق معاها وتقعد تحوم في الحفلات وتشوف ليك كرسي قداااام
تقعد فيهو شايل عكازك وسكينك في ضراعك وعينك عليها إن راجل بشر ساكت تتحنفش وتقوم إلا يهجروك إتنين مانعين علي الكرسي وتجو نُص الليل راجعين أهلكم والنهار كلو نايمين...

ب/الحنانة: طول النهار برة البيت تحنن في نسوان الرجال وهي كرعيها يكون ماشافن الحنة من سنة ستة والنهار كلو إنت تحاحي في الشفع مايلمسوا الصبغة...

ت/الحردانة: دي حتكرهك حياتك!!! أقل كلمة تتلفح توبها وتجري بيت أبوها وتلحقها إنت وتلقي أبوها...تقعد في طرف العنقريب  تطقطق في أصابعيك ومدنقر في الواطة داير تراضيها وترجع البيت...أحسن حل إنكم تسكنوا مع ناس أبوها أو تجيبوا ناس أبوها يسكنوا   عندكم عشان توفر المشاوير والجري..

2/ المدرسة والمدبرسة والمفلسة:
أ/ المدرسة: أول حاجة دي مابتقدر تفرق بينك والطلبة !!! وحتقعد تعيد وتكرر في الكلام مليون مرة وما بعيد في الأخر تقول ليك فاهم ياشاااااااااااااطر...

ب/ المدبرسة: تلقاها طول النهار زهجانة وأخلاقها في طرف نخرتها ولو كلكلتها ماتضحك..في النهاية دي حتوديك التيجاني الماحي نزيل إكتئاب...

ت/ المفلسة: دي مادايرة أي شرح!!!
3/النوامة والحوامة واللوامة:

أ/ النوامة. تجي من الشغل نص النهار زهجان تلقاها تانية المخدة وخاتة إيدها تحتها وتشخر وريالتها سايلة وحالتها بالبلا تكرهك اليوم الفكرت فيهو تعرس...

ب/ الحوامة: طول اليوم فوق كرعيها زي عربة الوساخة لايصة الحلة من بيت لي بيت وتدخل البيت قبل رجوعك من الشغل بي خمسة دقائق تجري تولع النار وتديك القطر قام وأول ماينتهي الغداء تدخل في سفنجتها إستعدادا لجولة جديدة...

ت/ اللوامة: ده نوع مزعج جداً لو جبيت سيرة أخوك ساااااااكت تفتح فيهو:
الله يسألني سنتا ديك وكت إنت سافرت وخليتنا بلا قروش وسافرت يدخل علينا ويمرق مدلدل إيديهو ولا كيس موز ساكت ماجابو لينا...والعجب أمك ....هييييييييييي والله أمك دي أصلها مابتريدني ومن تشوفني تنطلق فيها النيران وتمد قدومها...

4/ البوبارة والكوبارة والخبارة:
البوبارة دي تحملك فوق طاقتك وتشريك المابنشري ولو جونكم ضيوف في البيت تجري علي علبة الدهب وتتعنكش كلها وتقعد تنضم بي إيديها وكرعيها ورقبتها وأضنيها عشان توري الناس الدهب...

ب/ الكوبارة دي تكبر ليك أي موضوع وتسوي ليهو توم وشمار وتقول ليك
(ناس القبور دقوا الطنبور) ولو شافع من شفعك عتر ووقع!!! هيييييييييي
تخُت إيديها في نص رأسها وتصرخ وووووووووب علي ووووووووووب علي الولد مااااااااااات والمصيبة لو كنت نايم وسمعتها تقوم مخلوع وتمرق  من الأوضة جري ولو كان عندك قلب تمرق من المهد إلي اللحد طوالي...

ت/ الخبارة!!!: دي بتحب الخبورات والشمارات زي عيونها ولو في نضم تلقاها سكتت الشفع عشان تسمع الجيران!!! مالهم بيهرجوا وصوتهم عاليولو كانت بتكوي ليك في قميص ولا جلابية قطع شك حيكون أو تكون من أعداد ضحايا مصنع الشفاء وممكن الملاح يحرق, الجردل يكون تحت الماسورةيتملي ويغرق البيت وحرمكم المصون واقفة فاتحة خشمها زي التمساح في نص الليل تتصنت علي الجيران.

5/ الممحوقة والمطلوقة واللايوقة:
أ/ الممحوقة: دي لو جبيت ليها دكان كاااااامل ختيتو في البيت تكملو في يومين..
ب/ المطلوقة: واضحة وضوح الشمس في السوق العربي ومادايرة أي شرح
ت/ اللايوقة: دي حكايتها تانية!!! تمسك في موضوع يحلك منو الجليل الرحيم  يادا....هوووووي...الليلة يايمة طرشتَ؟؟؟....وقدُر ماتطنش أنت هي تزيد إصرار وممكن لو عدمت الحيلة تجي جنبك وتخجك خجة جااااااااامدة ....
عشان تنتبه للنقة...




خايف يكون ده الموضوع 514
Post: #4527
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-12-2010, 07:29 AM
Parent: #4524

سلامات يا ناس

وصباحات التفاؤل

Quote: مسؤولين من الخير وين احمد اسماعيل
Post: #4528
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-12-2010, 08:02 AM
Parent: #4527

لعناية جلال + موسي

Quote: مسؤولين من الخير وين احمد اسماعيل
Post: #4529
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-12-2010, 09:34 AM
Parent: #4528

بسم الله الرحمن الرحيم

السلام عليكم أحبابنا الزقازيقاب

الأخ عمر المهدي يسأل عنك الخير ، وطلباتك أوامر
آهو حضرنا طابور الصباح
والتحية موصولة للأخ الطاعم جلال والريس ميسرة
والكمندان محمد صديق ودينمو الزقازيقاب الأخ زهير
والعزيز موسى عيسى وكل ةالإخوة السائلين عني أحييهم
بإسم إبنتي وقول صباح النور ، وحاضرين
وهنا أحب أن أقول هذا البوست بث فيني الأمل بعد أن كان
الواحد أصبح إنسان آلي مهلوع لإثنين النوم والعمل
ينوم من أجل تأدية العمل وشئون العائلة غير ذلك لايعجب
لانّ إنسانيتنا السودانية مع الفقر التي كنا نعوّل عليها
كثيرا ضاعت وحلّ الكذب والنفاق وسوء الأخلاق ، لا أخبار
ولا إعلام صادق كل كذب في كذب إلى أن وجدنا هذا البوست
الذي أعادنا 22سنة للوراء حيث المجموعة الفاضلة التي
بثت فينا الأمل بأنهم إن شاء الله يعدّلون حال السودان
لذلك إني حريص على البوست كل الحرص، فعندما تراخى
الإخوة والبوست بقى يقبع في الصفحات الداخليةوأشارإلى ذلك
كل من الريس معتصم والأخ محمد صديق حرصنا على وجوده دائما
في الصفحة الأولى وذلك بمداخلات مش ولابد وعندما إلتف الإخوة
جزاهم الله ألف خير حول البوست قلت أخفف المداخلات المسيخة ونشوف
الناس الطاعمين القادمين والغائبين فألف مرحب بالجديد.
Post: #4530
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-12-2010, 09:48 AM
Parent: #4529

Quote: في الصفحة الأولى وذلك بمداخلات مش ولابد وعندما إلتف الإخوة
جزاهم الله ألف خير حول البوست قلت أخفف المداخلات المسيخة ونشوف
الناس الطاعمين القادمين والغائبين فألف مرحب بالجديد.


يا ابو عمر دا تواضع و لا ترقيد علي العموم صحبي البيشوت

اليومين دي عامل تقيل و محمد صديق مشغول شوية يعني ما في

هداف !!!! عموما انت اهل للمشاركات الرائعة و التي هي عطر

فواح لهذا البوست و التي نامل ان تواصل في ابداعاتك و معلوماتك

الثرة و كما بدا الظريف ياسر نجيلة في المداخلة السابقة لذا نحن

نطالبكم بالمواصلة و الكل في الانتظار و ما في داعي للحساسية الزايدة

دي ‘ و بالله يا النضيف تفسير سريع ل ( ابسلمبوتي ولا كدكاي زول ؟ ).
Post: #4532
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-12-2010, 09:59 AM
Parent: #4529

يعنى هسى يا ابو عمر
التكنوا كده انك عاوز تقول انو مداخلاتك مسيخة ؟؟!!!!!!!!!!!!
ياخى مسيخ الترمس , لو انت مسيخ نحن ما عندنا طاعم , الا الطاعم
هى دى مش بتشبه ليها دعاية كده بتاعت لا طازج الا الطازج , فروج مسيخ المشوى
ولا انا غلطان ؟؟؟



هسى عليك الله فى امسخ من مداخلتى دى ؟؟؟؟!!!
Post: #4533
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-12-2010, 09:59 AM
Parent: #4529

مناظره بين الهواء و الماء

--------------------------------------------------------------------------------

مناظره بين الهواء و الماء:
أنا الهواء الذي أولف بين السحاب و أنقل نسيم الأحباب وأهب تارة بالرحمة و أخرى بالعذاب و أنا الذي سيربي الفلك في البحر كما تسير العيس في البطاح و طار بي في الجو كل ذي جناح و أنا الذي يضطرب مني الماء اضطراب الأنابيب في القنا إذا صفوت صفا العالم وكان له نضره و زهوا
و إذا تكدرت انكدرت النجوم و تكدر الجو لا اتلون مثل الماء المتلون بلون الإناء لولاي ما عاش كل ذي نفس و لولاي ما طاب الجو من بخار الأرض الخارج منها بعد ما احتبس و لولاي ما تكلم ادمي ولا صوت حيوان ولا غرد طائر على غصن بان ولولاي ما سمع كتاب ولا حديث و لاعرف طيب المسموع و المشموم من الخبيث فكيف يفاخرني الماء إذا طال مكثه ظهر خبثه وعلت فوقه الجيف و انحطت عنده الآلىء . فقال الماء : الحمد لله الذي خلق كل حي (أما بعد) فأنا أول مخلوق ولا فخر و أنا لذة الدنيا و الآخرة و يوم الحشر وأنا الجوهر الشفاف المشبه بالسيف إذا سل من الغلاف وقد خلق الله في جميع الجواهر حتى الآلىء والأصداف ، أحيي الأرض بعد مماتها واخرج منها العالم جميع أقواتها و أكسو عرائس الرياض أنواع الحلل وانتثر عليها لالىء الوبل والطلل حتى يضرب بها في الحسن المثل كما قيل :
ان السماء إذا لم تبك مقلتها ************* لم تضحك الأرض عن شيء من الزهر
فكيف ينكر فضلي من دب أو درج وأنا البحر الذي قيل عنه في الأمثال ( حدث عن البحر ولا حرج ) واما أنت ايها الهواء فطالما أهلكت أمما بسمومك وزمهريرك ولا تقوم جنتك بسعيرك .
واما قولك لولاي ما عاش إنسان ولا بقى على الأرض حيوان فجوابه ( لو شاء الله تعالى لعاش العالم بلا هواء كما عاش عالم الماء في الماء )و أنشدك الله أما رأيت ما حباني الله به من عظيم المنه حيث جعلني نهرا من انهار الجنة أنا ارفع الأحداث واطهر الأخباث واجلوا النظر أزيل الوظر أما رأيت الناس إذا غبت عنهم يتضرعون الى الله بالصوم والصلاة والصدقة والدعاء ويسألونه تعالى إرسالي من قبل السماء – واعلم أنني ما نلت هذا المقام الذي ارتفعت به على أبناء جنسي ألا بانحطاطي الذي عيرتني به وتواضعي وهضم نفسي .وقد كثر بينهما النزاع والجدال حتى حكم بينهما أمير وقال : إن كلا منكما محق فيما يدعيه فما أشبهكما في السماء بالفرقدين وفي الأرض بالعينين إلا ان مرآة الحق أرتني فضيلة تفضل بها ايها الماء أخاك الهواء وحققت لي بأنكما لست في فضل سواء وهي ( ان الله تعالى خلق آدم من الماء ) فاعترف لأخيك بالفضل والذكاء .
تحياتي
Post: #4531
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-12-2010, 09:49 AM
Parent: #4528

sudansudansudansudansudansudansudansudan57.jpg Hosting at Sudaneseonline.com
Post: #4534
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-12-2010, 11:05 AM
Parent: #4531

اكان كدة نشوت ضفاري ويكون الحساب على منصور وعيسى موسى


أحمل الأماني وأطيب التهاني
للأخت نجاة بمناسبة عيد ميلادها
وإن شاء الله عمر مديد مليان
بالإنجازات مع رشيد القوم والأبناء


نقل فؤادك حيث شئت من الهوى ؛؛ ما الحب إلا للحبيب الأول
كم منزل في الأرض يألفه الفتى ؛؛ وحنينـه أبدا لأول منـزل

يانجيلة البيت الأول ماعنده معاك في مداخلتك أعلاه أي لفت نظر



في بيت الشعر الثاني ذكر المنزل والأرض بهذه المناسبة نذكر الإخوة
هناك نخيل 2 في بحري معروضة في السفارة بالرياض قطع سكنية كاملة
الخدمات بالتقسيط المريح أتمنى أن يهجم عليها الزقازيقاب لأننا قبل
كدة فوتنا فرص لاتعوض.
Post: #4535
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-12-2010, 11:07 AM
Parent: #4531

الفنانة والحنانة والحردانة:
المدرسة والمدبرسة والمفلسة:
النوامة والحوامة واللوامة:
البوبارة والكوبارة والخبارة:
الممحوقة والمطلوقة واللايوقة:

سلام اخوي ياسر نجيلة ابشرك 90% من الصفات دي
إنتهت منها المرأة العصرية وما زالت قليل منها موجوده
بطبيعة البشر والتركيب الإنثوي الناس مركزه على
حواء في جانب تاني إسمه آدم.

كتب الريس ميسرة قبل هذا عن الحريم نقلاً عن أبوه
قال :
فيهن حريم
وفيهن رميم
وفيهن عقارب ساكنات الهشيم
وفيهن دهباً مخزون قديم
أنحنا كلنا مسكنا في الدهب المخزن قديم ده شديد علشان معتق

دفعني للكتابة هو جذب أخوي ياسر نجيلة (شاعر البوست الأول) بالعودة
إلى كتابة الشعر الجميل زي زمان وعلشان البرالمة (شوش وكوثر) والباقين
يسمعوا شوية عن أشعارك الجميلة نحن بنات حواء في إنتظارك.
Post: #4536
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-12-2010, 11:16 AM
Parent: #4535

Quote: 2/ المدرسة والمدبرسة والمفلسة:
أ/ المدرسة: أول حاجة دي مابتقدر تفرق بينك والطلبة !!! وحتقعد تعيد وتكرر في الكلام مليون مرة وما بعيد في الأخر تقول ليك فاهم ياشاااااااااااااطر...


يعني نطلق ... انا وأخوي الكاشف داك ..... شايفو فاتح لابتوبو وخاتي يدو في راسو وغالبو اليقولوا


غايتو سجم أمك يا ياسر نجيلة وشد حيلك ... علي الأقل لو عندك نية تجي السودان أجلها علي الأقل تلات سنوات ... وشوف ليك واسطة قوية في مطارات الدولة خت ليك إسم (نفرتين) في قوائم الممنوعين ...
Post: #4537
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-12-2010, 11:52 AM
Parent: #4536

ترحيب حار بعودة الصديق ابوعمر
والظاهر عليك التلفون لسة ماغيرتو



وياسر نجيلة يفتح على نفسه طاقة ناس اداب
غايتو دا الفهمتو من مداخلة ابوالزوز ...
غايتو يانجيلة يلزمك اعتزار حار عشان تقدر تخش السودان
شايف اسمك اتسجل في البلاك لست ...
غايتو عندي ليك مخرج: قصيدة حارة في المرأة العاملة وحبذا لو كانت مدرسة
اها شد حيلك والا طنش من الاجازة السنة دي
Post: #4538
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-12-2010, 12:29 PM
Parent: #4537

Quote: الفنانة والحنانة والحردانة:
المدرسة والمدبرسة والمفلسة:
النوامة والحوامة واللوامة:
البوبارة والكوبارة والخبارة:
الممحوقة والمطلوقة واللايوقة:


الحمد لله أن نصي الحلو لا تندرج تحت أي من هذه الفئات..

امكن المدرسة دي شوية كده...يعني نص نص...

لأنها بتدرس الأولاد في البيت...

لكن عندي ليك سؤال للتوضيح يا نجيلة...

هل في علاقة بين البراية و اللايوقة...

و لا مجرد تشابه أسماء...
Post: #4539
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-12-2010, 01:26 PM
Parent: #4538

Quote: المدرسة والمدبرسة والمفلسة:


يا نهار أزرق ،،،يا نهار مُش فايت

المدرسة ماله يا نجيلة يعني هسع منى يونس دي

تقدم إستقالة وتخلي التدريس وكمان فاتح علينا باب تاني

ما هي بتدرس الأولاد في البيت زي نجاة حوفي ما أنا مرتاح من القصة دي

وكمان لو قعدت في البيت زي زمان تندرج تحت طائلة

- الطفشانه
- الزهجانه
- الكسلانه
- الخمجانه
-الما عندها موضوع

والله يا نجيلة الليلة لو رسلت ليهن آي باد بتاع منصور عبدالرزاق

ما بحلك ،،، وكمان ما تستبعد أن يصدر بيان من وكليهن الشيخ جلا

سؤال أخير ؟ كيف تجمع المدرسة مع المفلسة ،،، أها الليلة نرجع البيت

نسأل منى يونس بتدوي قروشة دي وين؟
Post: #4540
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-12-2010, 01:33 PM
Parent: #4539

وا زنقتك يا نجيلة اخوى
انت الوداك تهابش شنو ؟؟!!
انا ولا معاك ولا حاجة , ولا انا الحكيت النكات الفى نادى الشرطة ديك
هسى صاحبى ده يخارجوهو كيف , يخارجوهو كيف يا ربى
المدرسة لى بلدنا مفيدة
المدرسة ربنا يزيدها
المدرسة شايلة لينا امانة
المدرسة عندنا مصانة
دى غنية لى محمد احمد عوض
قاااااعدة فى آيبودى
الدخول فى الشبكات هين
ولكن التأمل فى الخروج
اسلفك الايبود , ولا تتوكل تقطع ليك واحدة من راسك براك ؟؟!!!
ويا زول كان غلبتك , اضرب لى , وممكن احتياطى كده تقطع فيهن , قم للمعلم وفه التبجيلا
Post: #4541
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-12-2010, 02:23 PM
Parent: #4540

Quote: المدرسة لى بلدنا مفيدة
المدرسة ربنا يزيدها
المدرسة شايلة لينا امانة
المدرسة عندنا مصانة


منصور أخوي ريحتني شويه الله يريحك
كنت عايزة أشوف أختي إبتهاج ونتقدم باستقالة جماعية
يمكن شغل التدريس ده ما جايب همو وكمان أنحنامحاكم التفتيش
جايه علينا والحمد لله داخله صندوق سنوي وبستلم الصرفه الأخيرة
يعني بداية شهر سبعة وأشتري لي آي باد زي منصور وما حدش حوش.

بالله عليكم كان في داعي لده كله.
Post: #4542
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-12-2010, 03:48 PM
Parent: #4541

يامنصور أخوي انت براك لخبت نفسك الجاب نادي
الشرطة هنا شنو الظاهر الفي بطنو حرقص براه بقوم برقص
وأفتكر موضوع نجيلة دة أهون لأنه مجرد رأي ، لكن هناك
مواقف ، زي قول الثعلب ( اليوم بقع كبير وبموت كثير)
Post: #4543
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-12-2010, 06:04 PM
Parent: #4542



معليش نضحك شوي

رباطابي قالوا ليه الثعبان عندما يعضي بترك اسنانه مع العضيه
الرباطابي قال لو عايز يعضي تاني يعضي كيف؟ قالوا ليه على طول
تقوم ليه اسنان ويعضي
الرباطابي قال ليهم ده ثعبان ولا دباسة
ــــــــــــــــــــــ
رباطابي عنده جزارة نهاية اليوم شايل بقاي عظام وماشي قابلوا جعلي
قال ليه الليلة عازم كلاب
الرباطابي قال أيوه ، أنت الكرت الليك ماجاك
ــــــــــــــــــــــــ
فلاتي في الحج دخل حمامات النسوان ناس الهيئة جاطوا فية ياراجل مابتعرف تقرأ
الفلاتي قال نأرف نقرأ، لكن هاجي للوالدة.
Post: #4544
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-13-2010, 06:32 AM
Parent: #4543

الحمد لله الذي أذهبَ الليل مظلماً بقدرته ، وجاءَ بالنهار مبصراً برحمته ، وكساني ضياءه وأتاني نعمته . اللهم فكما أبقيتني له فأبقني لأمثاله ، وصل على النبي محمد وآله ، ولا تفجعني فيه وفي غيره من الليالي والأيام ، بارتكاب المحارم واكتساب المآثم ، وارزقني خيره وخير ما فيه وخير ما بعده ، واصرف عني شره وشر ما فيه وشر ما بعده ، اللهم إني بذمة الإسلام أتوسل إليك ، وبِحُرمة القرآن أعتمد عليك ، وبمحمدٍ المصطفى صلى الله عليه وآله أستشفع لديك ، فاْعرف اللهم ذمتي التي رجوت بها قضاء حاجتي ، يا أرحم الراحمين .

اللهم اْقضِ لي في الخميس خمساً لا يتسع لها إلا كرمك ولا يُطيقها إلا نِعَمُك : سلامةً أقوى بها على طاعتك ، وعبادةً أستحق بها جزيل مثوبتك ، وسعةً في الحال من الرزق الحلال ، وأن تؤمِنني في مواقف الخوف بأمنك ، وتجعلني من طوارق الهموم والغموم في حصنك ، وصل على محمد وآل محمد ، واْجعل توسلي به شافعاً يوم القيامة نافعاً ، إنك أنت أرحم الراحمين .
Post: #4545
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-13-2010, 06:35 AM
Parent: #4543

اصبحنا واصبح الملك لله
ياحلاه ليلا معاك مادرنا يصبح
وياحلاة صبحا تكون انت المصبح
صباحات ندية
Post: #4546
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-13-2010, 06:37 AM
Parent: #4543

صباح الهناء والسرور ...

اصبحنا واصبح الملك لله ...

تعرضت والدتي لوعكة صحية الزمتها سرير المستشفى لثلاثة ايام .. حيث اصيبت بجلطة خفيفة اثرت على النطق والاطراف اليسرى .. الان هي بخير وتعدت مرحلة الخطر وتخضع لعلاج طبيعي بالمنزل .. نرجو منكم الدعاء لها بالشفاء والصحة والعافية .. اللهم اشفيها واشفي جميع مرضى المسلمين .. امين ...
Post: #4547
Title: Re: ناس الزقازيق ... أجدع ناس ( 3 ) ..
Author: عمر نملة
Date: 05-13-2010, 07:02 AM
Parent: #4546

سلامات للوالده يابادي وربنا يواليها بالعافيه

والله بتفوت علي حاجات كتيره في المنبر العام رجاء المعذره ولو في طريقه تنزل الاجتماعيات منفصله داخل حوشنا
لكم مودتي
Post: #4548
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-13-2010, 07:02 AM
Parent: #4546

اللهم رب الناس اذهب البأس اشف انت الشافي
اللهم نسألك باسمك الاعظم الذي اذا دعيت به اجبت ان تشفي والدة اخونا البادي
اللهم اشفها شفاء تاما لايغادر سقما
اللهم دثرها بثوب الصحة والعافية
اللهم بلغها تمام العافية يارب العالمين
وصلى اللهم على سيدنا محمد وآله وصحبه

الاخ البادي:
حمدا لله على سلامة الوالدة ونسأل الله لها تمام العافية ... يارب
Post: #4549
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-13-2010, 07:09 AM
Parent: #4548

الاخ البادي:
حمدا لله على سلامة الوالدة
وربنا يطمنكم عليها ويشفيها
ونسأل الله لها تمام الصحة العافية

ياطاعم تخريمتك حلوة ايوة كدا
Post: #4550
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-13-2010, 07:09 AM
Parent: #4548

اللهم رب الناس ... مذهب الباس .. اشف انت الشافي .. لا شافي الا انت ... شفاء لا يغادر سقما


تمنياتنا للوالدة يا بادى بدوام الصحة والعافية
Post: #4551
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-13-2010, 07:21 AM
Parent: #4548

ولدنا البادي النور ...
ألف حمدلله على سلامة الوالده ... وان شاء الله ماتشوف شر ...
Post: #4552
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-13-2010, 07:55 AM
Parent: #4551

بسم الله الرحمن الرحيم
أصبحنا وأصبح الملك لله الواحد الأحد
وقضى ربك الا تعبدوا إلا اياه وبالوالدين إحسانا
اللهم نسألك الرحمة والمغفرة والصحة والعافبة
لـوالـديّ
اللهم أرزقنا رضاهم ونعوذ بك من عقوقهم



اللهم رب الناس أذهب البأس أشفي أنت الشافي
لا شفاء إلا شفاؤك شفاءا لايقادر سقما
اللهم داوي والدة البادى وأشفها بشفاءك وأعنها
بفضلك عمن سواك وأبعد عنها كل مايؤذيها
نعوذبعزة الله وقدرته من شر مانجد ونحاذر
Post: #4553
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-13-2010, 08:28 AM
Parent: #4552

اللهم رب الناس اذهب البأس اشف انت الشافي
اللهم نسألك باسمك الاعظم الذي اذا دعيت به اجبت ان تشفي والدة اخونا البادي
اللهم اشفها شفاء تاما لايغادر سقما
اللهم دثرها بثوب الصحة والعافية
اللهم بلغها تمام العافية يارب العالمين
Post: #4554
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-13-2010, 08:33 AM
Parent: #4552

اول شىء بعد صباح الخير , طمنونا على ولدنا نجيلة
المدرسات ديل ما يكونوا ربطوا ليهو انصاص الليالى
اصلوا انتو عارفين , فى مدرسات ساى , وفى مدرسات اتحاد معلمين , وبتاعين ناس محو الأمية ديك
كان لموا فيك ناس محو الأمية يا نجيلة , مش واطاتك بس الأصبحت
والله ديل الليل زاتو يقلبوا ليكا نهار
عموما , انا متأكد حا تلقى ليك مكنة تتخارج بيها
استشير ام العيال , وقول ليها دبرينا , واحلف ليها وقول , وحاة الله ما بسوى كدة تانى
آآآآآآآخر مرة والله
منى يونس وابتهاج ديل والله طيبات جنس طيبة
انت احمد الله عفاف على ميرغنى الأيام دى غائبة , وحاج الركز لسه ما دخل
اقول ليك حاجة , ارسل ليك تلفون حاجة محسنة ام ميسرة
يمين دى الوحيدة الممكن تخارجك من الموضوع ده
طمنا عليك يا خ , شفقتنا
Post: #4555
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-13-2010, 08:39 AM
Parent: #4554

البادى النور
قادر يا كريم , يا الله يا مجيب الدعوات
تحفظ والدتك من كل شر , وتبلغها تمام الصحة
وكمال العافية , وتجنبها كل مكروه
بختك يا بادى
الربنا كتب ليك ممارضة والدتك
فرصة عظيمة لنيل رضاها , واعطاءها القليل مما تستحق
بالله قول ليها تدعو لينا معاها
Post: #4556
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-13-2010, 08:51 AM
Parent: #4551

شباب الجرسة العليكم شنو ....
انا وبنات الشيخ البينا عااااااااااااااااامرة ...
وهم عارفين انا بكتب المواضيع دي عشان ... جس نبط
يعني بالواضح .... عاوزين نشوف مويتكم شنو ...

عالم جبانه ...

والله ضحكتوني ومعاي .... رشا ...
رشا بت شيخي ... خريجة آداب ... وهي مدرسة من ما ولدوها ... لي هسع
بس كل المدرسات مازي بعض ... بناتنا ديل ما العلم زاتو ... الكلام دااااااك اكيد مابشبهم ...
ده قاصدين بيهو مدرسات تانيات .... كعبات …

اها اقول ليكم حأمشي السودان عن طريق جده ...
وعندي عزومة مفتوحه من الاخت مني يونس ...
وفي السودان ابتهاج وخالده ...والبقية ...
وكان لي ناس ابوظبي ديل ... والله بت حوفي بتجيب الشاي مع نارو ...
وصحن كبير فيهو كل انواع منكهات الشاي ... اقعد واخلف رجل ... وكب ساي ...

ودي مخصوص عشانهم ... ونزولا عن رغبة بتنا مني يونس ...

ياصافي زي نبع الحياة ياقطعة من زمن الحقيقة
يا آيه للناس الحياري يا نوبة عند ناس الطريقة
اخلاصنا في ودك يقين زي سجدة في آخر دقيقة
يا ملهم الناس المحنه يا دعاشه من أجمل حديقة
بعلمك انزاح الظلام واولادنا منكم شبعو حريقة (اقصد معرفة وحقيقة)


دي كلمات ملطوشة من فلانه ... بتصريف خفيف مني ... عشان الجو وكده ...

اكرر عالم جبانه بشكل .... خمسة وجوه ميته من الضحك ...
Post: #4557
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-13-2010, 08:53 AM
Parent: #4551

حذفت المداخلة ... للتكرار ....
Post: #4558
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-13-2010, 09:23 AM
Parent: #4557

اللهم رب الناس اذهب البأس اشف انت الشافي
اللهم نسألك باسمك الاعظم الذي اذا دعيت به اجبت ان تشفي والدة اخونا البادي
اللهم اشفها شفاء تاما لايغادر سقما
اللهم دثرها بثوب الصحة والعافية
اللهم بلغها تمام العافية يارب العالمين
وصلى اللهم على سيدنا محمد وآله وصحبه
Post: #4559
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-13-2010, 09:43 AM
Parent: #4558

اللهم نسألك باسمك الاعظم الذي اذا دعيت به اجبت ان تشفي والدة اخونا البادي
اللهم اشفها شفاء تاما لايغادر سقما
اللهم دثرها بثوب الصحة والعافية
اجر وعافية يا بادي ان شاء الله





يا ود عيد الكمونية وصت تب
الله يقدرنا ننجضها
Post: #4560
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-13-2010, 10:19 AM
Parent: #4559


يا سر نجيلة , مكنتك ما قسمت معانا يا زول
يعنى هسى انت عاوز تقنعنا , انو رشا ميتة من الضحك , معاك
قلت لى مدرسة , من يوم ربنا خلقها !!!!!!
انا قبيل دقيت ليك تلفون , ولمن سمعت صوت الكواريك , طوالى عملت نايم
وبعدين اوعك تعلمها وتجى بى جدة
منى يونس دى والله بتكون عاملة ليك كمين
ضربت لى امى حاجة محسنة وقالت لى الجماعة ديل كانو بيتوسوسو ا
وعاوزين يدردقوا واحد صاحبكم كده , قاعد فى ابو ظبى
قلت ليها شغال فى الديوان
قالت لى , ايوة يا ولدى
قلت ليها خريج بيطرة , ولا زراعة
بيطرة تب و ردت على الحاجة بسرعة
قلت ليها ما عرفتى اول حرف فى اسمه
قالت لى اسمو ده ما عرفتو , لكن عرفت ليك اسم بت شيخو
ثلاثة حروف بس , وتلاتة نقط بس
يمين منى يونس عندها كترت اسود ونمور فى بيتهم بتاع جده داك
يا زول اخير ليك مر على الرياض , جده دى اختاها تب
وكان مشيت السودان
كبرى ام درمان ده ما تقربوا , وكان لى شارع الوادى , كان قالوا ليك فيهو ايسكريم كون زاتو ما تشتغل بيهو
الرياض اخير ليك , عفاف دى بنحنسها اغايتو , وكان عصلجت
بنشغل ليها شريط التمايم , بتاع الدنيا كل شىء اتنين اتنين داك
رشا , يمين الزول ده صاحبى وانا بضمنوا , آخر مرة والله , كان عملها تانى
انا بوريك بعدين تعملى ليهو شنو
المرة دى , عدوها ليهو يا جماعة , هو انحنا عندنا حد غيركم
Post: #4561
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-13-2010, 10:36 AM
Parent: #4560

اللهم رب الناس اذهب البأس اشف انت الشافي
اللهم نسألك باسمك الاعظم الذي اذا دعيت به اجبت
ان تشفي والدة اخونا البادي
اللهم اشفها شفاء تاما لايغادر سقما
اللهم دثرها بثوب الصحة والعافية
اللهم بلغها تمام العافية يارب العالمين
Post: #4562
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-13-2010, 10:56 AM
Parent: #4560

Quote: وكان عصلجت
بنشغل ليها شريط التمايم , بتاع الدنيا كل شىء اتنين اتنين داك


منصور يا اخوي ...
ماقلنا ليك سيرة اتنين ... اتنين دي ماتجيبا تاني ...
انا بنات الشيخ ديل بعرفهم كويييييييس ...
اي شئ بمشوهو ...
الا اتنين ...اتنين دي ...
هسع كلامي الفوق ده ... ماخدنو ضحك ساي ...
وماسمعت مني يونس قالت 90% منو انتهي ...
وباقي عشرة بس ... والعشرة اكيد هم ماضمنهم ...
ديل الدهب المجمر .... قديم ومدسدس .... مش قالو كده براهم ...
حسب تصريات عمك سيد أحمد والد الريس ميسرة ...
انا جبت حاجة من عندي ...
وهم عاوزين قصيدة ... وجبناها ليهم ...
بس اتنين ... اتنين دي ابعدنا منها ...


هسع كدي شوف ولدنا رشيد القوم ...
عاوز العلاقة بين ...
البراية ... واللايوقة ....
شوف الشبك دي ... كدي اضرب ليهو انت ... انا العرفني شنو ...



============================
زهير .... محمد صديق وين ....
Post: #4563
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-13-2010, 11:35 AM
Parent: #4562

سلامات يا ناس

خالص الدعوات الطيبات لوالدة الاخ

البادى بالشفاء التام..ربنا ألبسها

ثوب العافية بقدرتك ومشيئتك يا رب.

آمين
Post: #4564
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-13-2010, 11:49 AM
Parent: #4563

سلامات يا ناس

Quote: زهير .... محمد صديق وين ....


يا نجيلة ....سلام

موجود والله..وزى غائب

بعدين يا خى المدرسات ديل ما عصَرْتَ عليهن؟
Post: #4565
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-13-2010, 11:52 AM
Parent: #4562

Quote: يا سر نجيلة , مكنتك ما قسمت معانا يا زول
يعنى هسى انت عاوز تقنعنا , انو رشا ميتة من الضحك , معاك



Quote: هسع كدي شوف ولدنا رشيد القوم ...
عاوز العلاقة بين ...
البراية ... واللايوقة ....
شوف الشبك دي ... كدي اضرب ليهو انت ... انا العرفني شنو ...


ان فى الصمت كلام ..!!

انتو وين جلا من المولد ده ؟؟

بس عامل زى الارباب لمن يزنقوهو ..؟؟


Quote: يا ود عيد الكمونية وصت تب
الله يقدرنا ننجضها


جبريلا الحبيب ..

اطبخ على مهلك .. بس اوعك تجيب ليك شـمار من الجيران ...

قرون الشطة الخضراء بارسلها ليك ...
Post: #4566
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-13-2010, 12:38 PM
Parent: #4565

Quote: بعدين يا خى المدرسات ديل ما عصَرْتَ عليهن؟


ياسر نجيلة كتر من المحلبية وكسير التلج

وشوف كلام الكوتش ده قوي كيف ،،، أرمي ليهن قصيده قصيدتين

حلوات أصلهن بنات حواء ديل طيبات ،،،

الظاهر الكلام ده عمل ليهن حسكن ،

أمبارح كنا في سهرة زقازيقية معانا عائلة هالة أيوب

ومنى يونس أقنعتها تشتغل مدرسة ولكن بعدما سمعت الكلام عن المدرسة

غيرت رأيها .
Post: #4567
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-13-2010, 12:58 PM
Parent: #4565

يا نجيلة دي فرصة نكسر بيها تلج للحكومات بتاعتنا ... وما بنديك اي فرصة تتراجع .. عشان كده مكنتك دي ماشالت وحا نعمل نحلف ضخم لضربكم بصواريخ أسكود عابرة للقارات ,,, الليلة شيل شيلتك ...بكره لمة نادي الشرطة دي معظمها ناس تربية ....

ويا عبد الدائم رسلت ليك تلفون سكينة قرشي وصلك .؟
Post: #4568
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-13-2010, 01:35 PM
Parent: #4567

يسقط نجيلة وكل المتضامنين معه ... للضمان كده .....

عبد الدائم
موسي عيسي

ومن لف لفهم ...
Post: #4569
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-13-2010, 01:39 PM
Parent: #4567

البادي النور ألف سلامة للوالدة ...
وليه ما كلمتنا لمن الوالدة كانت في المستشفي إنت زول ثقيل كده مالك ما عارف إنه الوالده دي فردتنا ولا عايز تديني مشوار لغاية حلتكم البعيدة ديك ....

في زول سألني قال لي البادي حا يجي ... قلت ليهو ... اللمة دي لو كانت قبل شهرين كان ممكن يجي لمحة ويزوغ لكن اللمة دي الله أعلم ... قال لي ليه قلت ليهو ما أي حاجة بيعرفوها يقولها ... وأنت ما تقصر وانا ما بفسر .....

البادي عايز أديك نوط الثقالة في الربع ده ... رايك شنو حا تزعل مني ... ولا تجي بكره وتكسر لي التلج أقصد الدش في يدي ...
Post: #4570
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-13-2010, 04:36 PM
Parent: #4569
Post: #4571
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-13-2010, 04:51 PM
Parent: #4570

اللهم يا كاشف الهم ومفرج الغم
رحمن الدنيا البس والدة اخونا البادي
ثياب الصحة والعافية
وانشاءالله اجر وعافية يا حاجة


يا شباب الحكاية شنو شايف في هجوم على المدرسات
طبعا لانزال ضمن طاقم التدريس مع وقف التنفز
عشان كدة ارفع اقلامكم عنخن اثابكم الله يا ياسر نجيلة
ومن لف لفهم
Post: #4572
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-13-2010, 06:25 PM
Parent: #4571

الاخ البادى النور سلامات


اللهم اشف أمنا وألبسها لباس الصحه.....آمين يارب العالمين

أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

"((لابأس طهور إن شاء الله ))"
Post: #4573
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-13-2010, 08:21 PM
Parent: #4572

سلامات يا ناس

Quote: ياسر نجيلة كتر من المحلبية وكسير التلج

وشوف كلام الكوتش ده قوي كيف ،،، أرمي ليهن قصيده قصيدتين



يا ريِّس...سلام

نحن فى انتظار القصائد..وحبل العشم ممدود

ولايفوت على فطنة القارىء أنه دائمآ هنالك هجمات مرتدة..
Post: #4574
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-14-2010, 08:59 AM
Parent: #4573

جمعة مباركة ،،، تقبل الله الطاعات ... وانزل عليكم البركات ...
Post: #4575
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-14-2010, 11:43 AM
Parent: #4574

جمعة مباركة بإذن الله

ربنا آتنا في الدنيا حسنة وفي الآخرة حسنة وقنا عذاب النار
وأدخلنا الجنة مع الأبرار ياعزيز ياغفار .
Post: #4576
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-14-2010, 11:46 AM
Parent: #4574

إن قراءة هذه الرسالة تستغرق دقيقة فقط....أرجوك أكمل التعرف على الجلطة :


يقول طبيب أعصاب، أنه إذا تمكن من الوصول إلى مصاب بالجلطة خلال 3 ساعات فقط، يمكنه عكس مفعول الجلطة.... كليّةً !!! يقول أن الأمر يتطلب فقط التعرف على أعراض الجلطة، وتشخيصها والوصول إلى مريض الجلطة خلال 3 ساعات فقط، و هو أمر ليس بصعب

أقرأ التالي و تعلم أحياناً تكون أعراض الجلطة سهل التعرف عليها و لسوء الحظ، فإن قلة الوعي قد يسبب كارثة. مريض الجلطة قد يعاني ضرراً بالدماغ، في الوقت الذي لا يفطن فيه من حوله إلى إصابته بالجلطة

و الآن يقول الأطباء أن عابر سبيل يمكنه التعرف على أعراض الجلطة بسؤال المريض 3 أسئلة :



1 - اطلب من المصاب الإبتسام


2 - ا طلب منه أن يرفع كلتا ذراعيه


3 -اطلب منه أن يقول جملة بسيطة ، مثال: 'الحمد لله رب العالمين '


إذا كان أو كانت تجد صعوبة في أي من هذه المهام، فاطلب الإسعاف فوراً، و صف الأعراض لهم ،،،،،،،،،،،،

بعد ما اكتشف الباحثون أن مجموعة من المتطوعين غير الطبيين قادرون على اكتشاف الضعف بالتحكم في تعابير الوجه ( السؤال الأول) ، أو الضعف بالذراعين ( السؤال الثاني) أو مشاكل النطق (السؤال الثالث) ، بدأوا يحثون العامة على تعلم هذه الأسئلة الثلاث ، لقد قاموا بعرض استنتاجاتهم في الاجتماع السنوي لرابطة الجلطة الأمريكية في فبراير الماضي. إن الانتشار الواسع لهذا الفحص البسيط سيؤدي إلى التشخيص المناسب و العلاج للجلطة، و يمنع الإضرار بالدماغ

يقول أحد أطباء القلب ، لو أن كل من استلم هذه الرسالة قام بإعادة إرسالها إلى 10 أشخاص فقط ، يمكنك أن تنقذ روحاً واحدة على الأقل

،،،،بإذن الله،،،،
Post: #4577
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-14-2010, 11:46 AM
Parent: #4574



تم حذف هذه المداخلة لتكرارها
Post: #4578
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-14-2010, 11:57 AM
Parent: #4577

خالص التعازى للاخ الطيب شيبس فى وفاة عمته صباح اليوم
نسال لها الرحمه والمغفره ,ولهم الصبر والسلوان.
Post: #4579
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-14-2010, 03:24 PM
Parent: #4578

سلامات يا ناس

وجمعة مباركة

خالص التعازى للاخ الطيب شيبس

وانا لله وانا اليه راجعون.
Post: #4580
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-14-2010, 04:09 PM
Parent: #4579


Up-Ar-7d4fc97bf5.gif Hosting at Sudaneseonline.com

لست ادرى ...
هل الحياة جميلة ؟؟ ام ان طيبتكم تزيد الحياة جمالا ..؟؟
اللهم انك اعطيتنى خير احباب فى الدنيا .. دون ان أسألك ..
فلا تحرمنى من صحبتهم فى الجنة .. وانا أسألك ..
اللهم اسعدهم وفرج همهم .. واجعل الجنة مقرهم ..

* جمعة مباركة *
Post: #4581
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-14-2010, 04:12 PM
Parent: #4580

خالص التعازى للاخ الطيب شيبس

فى وفتة عمته ...

اللهم ارحمها واغفر لها واجعل الجنة مثواها

وانا لله وانا اليه راجعون.
Post: #4582
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-15-2010, 00:08 AM
Parent: #4581

خالص التعازى للاخ الطيب شيبس فى وفاة عمته صباح اليوم
نسال لها الرحمه والمغفره ,ولهم الصبر والسلوان
Post: #4583
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-15-2010, 06:38 AM
Parent: #4582

طبعا اخذنا الاذن من الريس لطابور الصباح :

يا خالق الخلق ويا بسط الرزق

ويا فالق الحب , ويا بارىء النسم

ومحيي الموتى ومميت الأحياء

ودآئم الثبات ومخرج النباتات

إفعل بي ما أنت أهله فإنك أهل التقوى وأهل المغفرة .



اللهم انت الشافي و لا شفاءا إلا شفاؤك .

اللهم انك قادر علي كل شي ان اردت شيئا فتقول له

كن فيكون فاسالك اللهم انت تشفي والدة أخي بادي

و متعها اللهم بالصحة والعافية.
Post: #4584
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-15-2010, 07:32 AM
Parent: #4583

صباح الخير ،،، يا وجوه الخير

أصبحنا وأصبح الملك لله،،، وحده

مناجاة :-

يـارَب لئن سألتني عن ذنبي يوم القيامة ، لأسألنك عن رحمتك
و لئن سألتني يا رب عن تقصيري , لأسألنك عن عفوك
و لئن أدخلتني النار لأخبرن اهل النار
أني أحبك،،،أُُحبك يا الله،،،،،،،،،،،،
Post: #4585
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-15-2010, 07:34 AM
Parent: #4583

صباح الهناء والسرور ...

اخواني وحباني الغاليين .. جزاكم الله خيرا على دعواتكم الصادقة للوالدة .. الحمد لله تحسنت كتير جدا .. اليد اليسرى رجعت لوضعها الطبيعي والرجل اليسرى حركتها طبيعية بنسبة 90% .. النطق تحسن كثيرا وباقي بعض الحروف صعبة النطق .. اجمالا وضع الوالدة مطمئن جدا والحمد لله .. وما تشوفوا شر انشاء الله ...

حار التعازي لاخونا الطيب شيبس في وفاة عمته .. اللهم ارحمها وتقبلها قبولا حسن واسكنها فسيح جناتك .. امين ...
Post: #4586
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-15-2010, 08:15 AM
Parent: #4585

عمو الزناتي .. يا اخي مالك علي يا زول احسن ليك اختى دربي ...

والله ما عايز اقول الاعذار وتقوم تقول لي هو انا دائما كدا .. يا عمو شنبو حوالي الساعة 6 مساء كنت في عزاء في ام بدة .. بعد كدا رجعت حلتنا البعيدة عشان كان عندنا حفل تعارف مع نسابتنا الجداد اللي عايزين يخطبوا بنت اختي .. لما رجعت البيت الساعة كانت 11 مساءا .. وانت عارف انه نحن بنشتغل يوم السبت .. دا وصف بسيط ومختصر ومافي داعي للغمز والهمس وانا ما بفسر وانت ما بتقصر .. غايتو انا بعترف اني مقصر لكن يا جماعة شكل الحياة في الخرطوم اختلف تماما وضغوط الحياة كل يوم في ازدياد .. وحقيقي عايزين اليوم يكون 48 ساعة عشان نقدر نخلص الحاجات كلها ...
Post: #4587
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-15-2010, 08:24 AM
Parent: #4585

نبدأ يومنا بالدعاء لوالدة اخونا البادى
اللهم اكمل عليها نعمة شفائك
واسبغ عليها ثوب الصحة والعافية
آمين يا رب العالمين


شفت يا ياسر نجيلة ؟؟؟؟
ما قلت ليك منى يونس دى راقدة ليها فوق رأى
قلت لى قالت ليك تسعين فى المية , خلاص راح مع الغسيل
طيب المشكلة مافة العشرة فى المية الباقية دى , انت قايل شنو يعنى
اقول ليك حاجة , انت قول ليها اعفينى من العشرة فى المية , والتسعين فى المية انا بقدر عليهم
شفت هسى الزولة دى قالول مشت لى هالة ايوب , وكمان اقنعتها تشتغل مدرسة
شفت العشرة فى المية بتاعت منى يونس
هالة ايوب دى مش قرت حقوق ؟؟؟؟
وتيب !!!!!!!!!!!!!
Post: #4588
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-15-2010, 12:54 PM
Parent: #4587

سلام بالكوم لاجدع ناس ...

اخونا العزيز البادى الف سلامة للوالده وربنا يطمئنكم عليها
ونجى كلنا للكرامة .

حار التعازى للاخ الطيب شبس
Post: #4589
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-15-2010, 03:02 PM
Parent: #4588

الاخوان الاعزاء
تحيات عطرات وجميلات وحلوات

من المنبر ده اشكر الريس ميسرة الذي ناشدني في مكان ما من مواقع ناس الزقازيق ب ( أعوى من البيات الشتوي )

انا شغال في شركة عقارية في الرياض
ومعرض العقار في الرياض هو الحدث الاكبر للشركات العقارية
والاسبوع الفات كلو كنا في المعرض
ووقفة زي الزفت والله والواحد من طول الوقفة
كأنو حلاق
خلوها على الله
قاعد اقرا في كل ما فاتني خلال الاسبوع الماضي

الود الاسمو ياسر نجيلة ده غصباً عني شداني في أول مداخلة لي من اسبوع

Quote: الفنانة والحنانة والحردانة:
المدرسة والمدبرسة والمفلسة:
النوامة والحوامة واللوامة:
البوبارة والكوبارة والخبارة:
الممحوقة والمطلوقة واللايوقة:


والله يا ياسر بعيداً عن الشد والجذب
عجبني جداً الجمع الغريب بين هؤلاء النسوة
ومهما تجمعت ( الاصوات ) ضدكم
انا معاك
بس عليك الله حاسب من مليص الاضنين أخوك عندو ضغط وكده
تحياتي
Post: #4590
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-15-2010, 03:14 PM
Parent: #4589

Quote: شفت يا ياسر نجيلة ؟؟؟؟
ما قلت ليك منى يونس دى راقدة ليها فوق رأى


حريم زمان زي المفعوصة والملزوقة والطايوقه كانوا براضوهن
بغويشة دهب (أحفظ مالك)،،، لكن حريم الزمن ده متفلهمات وشاطرات

وحساسات أديهن قصيده قصيدتين حلوات كدي بسامحنك وبغفرن ليك ذنوبك ،،،،
وما تنغش بكلام الشادي ده اسمع كلامي وكلام منصور ،،،،،

إنتو الشيخ جلا وين المولد ده ما فاته،،،،،
Post: #4591
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 05-15-2010, 03:30 PM
Parent: #4590

سلام وتحية للجدعان ..

تلغرافات ......

التعازي الحارة للأخ رفعت نور الدين
في وفاة والدته
نسأل الله أن يتقبلها لدية قبولا حسنا مع الصديقين والشهداء
اللهم أرحمها وتجاوز عنها
اللهم أبدلها دارا خير من دارها
وأهلا خير من أهلها ..

والتعازي الحارة للأخ الطيب شيبس
في وفاة عمته
نسأل الله أن يتغمدها برحمته الواسعة
وأن يلهمكم جميعا الصبر وحسن العزاء ..

التهاني والتبريكات للأخت سناء الصباغ
مع صادق أمنياتي لها بدوام التقدم والنجاح ..

الأخ البادي ..
أسأل الله أن يمن على الوالدة بكامل الشفاء والمعافاة
وأن يجعل ذلك في ميزان حسناتها
وانشاء الله ما تشوف شر ..

اللهم رب الناس أذهب الباس
وأشف أنت الشافي لا شفاء إلا شفاءك
شفاء لا يغادر سقما ..

ألف مرحب بالأخوة البرالمة الجدد
مع أمنياتي القلبية لهم بإقامة سعيدة وطيبة
في الحوش الوسيع ......
Post: #4592
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-15-2010, 06:36 PM
Parent: #4591

دييييييييييييييييييينك
عبد القادر شخصياً
وينك يا راجل
زماااااااااااااااااان
خليت ليك رسالة بي هناك
استديو الذكريات
شوفها
تحياتي
Post: #4593
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-15-2010, 06:38 PM
Parent: #4592

يا عبد القادر
انا قصدي هنا
ملائكة الزقازيقاب
تحياتي
Post: #4594
Title: Re: ناس الزقازيق ... أجدع ناس ( 3 ) ..
Author: عائشة صلاح الدين
Date: 05-15-2010, 06:42 PM
Parent: #4537

غايتو يانجيلة يلزمك اعتزار حار عشان تقدر تخش السودان
شايف اسمك اتسجل في البلاك لست ...
غايتو عندي ليك مخرج: قصيدة حارة في المرأة العاملة وحبذا لو كانت مدرسة
اها شد حيلك والا طنش من الاجازة السنة دي


السلام عليكم
كلام جلال عين العقل يا ياسر
تقوم تنزل قصيدة فى المراة العاملة وركز على المدرسات وموظفات المطار وانا اضمن ليك اجازة ما تتوقعها
اولا حنفتح ليك ال v i p room
تانيا حناجر ليك ليموزين من المطار للبيت
اذا دا ما حصل ما تفكر فى الاجازة من اصلو والبادى اظلم ......... شوش
Post: #4595
Title: Re: ناس الزقازيق ... أجدع ناس ( 3 ) ..
Author: عائشة صلاح الدين
Date: 05-15-2010, 06:43 PM
Parent: #4537

غايتو يانجيلة يلزمك اعتزار حار عشان تقدر تخش السودان
شايف اسمك اتسجل في البلاك لست ...
غايتو عندي ليك مخرج: قصيدة حارة في المرأة العاملة وحبذا لو كانت مدرسة
اها شد حيلك والا طنش من الاجازة السنة دي


السلام عليكم
كلام جلال عين العقل يا ياسر
تقوم تنزل قصيدة فى المراة العاملة وركز على المدرسات وموظفات المطار وانا اضمن ليك اجازة ما تتوقعها
اولا حنفتح ليك ال v i p room
تانيا حناجر ليك ليموزين من المطار للبيت
اذا دا ما حصل ما تفكر فى الاجازة من اصلو والبادى اظلم ......... شوش
Post: #4596
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-16-2010, 06:08 AM
Parent: #4595

اولا نبدا بالدعاء :

اللهـــم

كن لي ولأحبتـي فيــك مؤيدا وناصرا

وكن بنا رءوفا رحيما يا خير المسؤولين

اليك نشكـو ضعف قوتنـا

وقلة حيلتنـا يا أرحم الراحمين

اللهم إني أستغفرك من كل سيئة ارتكبتها في بياض النهار وسواد الليل في ملأ وخلاء وسر وعلانية .. وأنت

ناظر إلي اللهم إني أستغفرك من كل فريضة أوجبتها علي في آناء الليل والنهار تركتها خطأ أو عمداً أو

نسياناً أو جهلاً ... اللهم لا تحرمنا جميل ما عندك

بسوء ما عندنا... امين .........
Post: #4597
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-16-2010, 06:35 AM
Parent: #4596

صباح الخير،،،يا وجوه الخير

أصبحنا وأصبح الملك لله،،، وحده

همس الصباح :
(1)
أحبتي صلاة الفجر تشكو من قلة المصلين فيها
مع أنها صلاة مباركة مشهوده أقسم الله بوقتها فقال :
( والفجر وليال عشر)

وقال تعالى : ( أقم الصلاة لدلوك الشمس إلى غسق الليل وقرآن الفجر
إن قرآن الفجر كان مشهوداً )الاسراء
Post: #4598
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-16-2010, 06:42 AM
Parent: #4597

سلامات يا ناس

وصباحات التفاؤل

وامنياتى للجميع بالتوفيق

اللهم انا نسألك خير هذا اليوم

ونعوذ بك من شره.

*************************************

نشاطر الاخ مبارك جادين الاحزان فى وفاة خالته

والتى حدثت امس..

ارجو المشاركة فى بوست العزاء بالمنبر.
Post: #4599
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-16-2010, 06:58 AM
Parent: #4598

احر التعازى للاخ مبارك جادين وللاسرة الكريمة فى وفاة خالته

انا لله وانا اليه راجعون



ربنا يجعلها اخر الاحــــزان
Post: #4600
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-16-2010, 07:09 AM
Parent: #4596

صباح الهناء والسرور ...

اصبحنا واصبح الملك لله ...

وتاني شكرا لصالح دعواتكم للوالدة .. وانشاء الله ما تشوفو شر ...

اختنا شوش في خضم حماسها وكلامها الموجه لشاعر الحوش ود نجيلة .. قامت قالت والبادي اظلم .. يا بت امي مالك معاي انا لا ناقة لي ولا جمل في هذا الموضوع ولم احرض شاعرنا ليفعل فعلته هذه .. بالعكس تماما انا نصير المراة والمراة العاملة والمدرسات .. المعلمة لي بلدنا مفيدة .. والعلمة ربنا يزيدا .. المقصود بالمعلمة هنا يعني المدرسة التي تدرس وتعلم الاجيال .. ما يقوم واحد مركب مكنة فاتن حمامة ويقول المعلمة سماسم او ........ لاني ما بقدر علي بنات حواء ولا انا بشاعر علشان ارضيهم بقصيدة .. ولا انا برياضي علشان اقوم جاري زي عمر نملوز .. يا اخوانا والله المشاكل مع بنات حواء ما حبابا .. فتكم بي عافية ...
Post: #4601
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-16-2010, 07:15 AM
Parent: #4600

Quote: غايتو يانجيلة يلزمك اعتزار حار عشان تقدر تخش السودان
شايف اسمك اتسجل في البلاك لست ...
غايتو عندي ليك مخرج: قصيدة حارة في المرأة العاملة وحبذا لو كانت مدرسة
اها شد حيلك والا طنش من الاجازة السنة دي


السلام عليكم
كلام جلال عين العقل يا ياسر
تقوم تنزل قصيدة فى المراة العاملة وركز على المدرسات وموظفات المطار وانا اضمن ليك اجازة ما تتوقعها
اولا حنفتح ليك ال v i p room
تانيا حناجر ليك ليموزين من المطار للبيت
اذا دا ما حصل ما تفكر فى الاجازة من اصلو والبادى اظلم ......... شوش


كلام في التنك ،،،،،

البادي تأكدنا من براءتك ،،،

الباقي على المحرضين،،، ولا شنو يا شادي
Post: #4602
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-16-2010, 07:23 AM
Parent: #4600

صادق التعازي لاخونا مبارك جادين في وفاة خالته ...
اللهم ارحمها رحمة واسعة ..
اللهم اجعل قبرها روضة من رياض الجنة ..
اللهم تقبلها قبولا حسن ..
اللم اسكنها فسيح جناتك ..
Post: #4603
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-16-2010, 07:39 AM
Parent: #4602

احر التعازى للاخ مبارك جادين وللاسرة الكريمة فى وفاة خالته
نسأل الله ان يتقبلها القبول الحسن وان يجعل الجنة مثواها
وان يلهم آلها وزويها الصبر والسلوان
انا لله وانا اليه راجعون
Post: #4604
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-16-2010, 07:58 AM
Parent: #4596

صبحكم الله بالخير

Quote: اولا حنفتح ليك ال v i p room
تانيا حناجر ليك ليموزين من المطار للبيت
اذا دا ما حصل ما تفكر فى الاجازة من اصلو والبادى اظلم


و الله يا شوش الكورة دي جننتنا في راسنا...
شفت مداخلتك دي قلت يا ربي شوش دي حتفتح نادي West Bromwich كيف...
طبعا أنصار النادي يطلقون عليه west Brom ...
لحدي ما ركزت كويس حتى عرفت انها V.I.P Room

موسى عيسى...شايفك تقدل براك في البوست الخلا ده...
أنا لو ما جيت لقيتك قاعد كنت ضبيت أغراضي و رجعت...
لكن الحمد لله اللقيتك...

انتهت معظم الدوريات المهمة في أوروبا والباقي سينتهي هذا الأسبوع...
و سيبدا كأس العالم بعد 26 يوم...
أحيانا بقول و الله الدوريات دي حتقطع راسنا لحدي ما يبدأ كاس العالم..
و أحيانا بقول و الله فرصة الواحد يرتاح فيها...
الكورة دي ما عذبتنا...زي خلف الله...
النوم مقطع...و السهر وراء البارشا و الريال...
و النومة بتاعت العصر راحت في حيص بيص مع الدوري الانجليزي...
و كان اتأخرت مباريات الدوري الانجليزي ما بريحك الدوري الايطالي..
و كان ريحك الدوري الايطالي تمشي وين...
من الCarling cup ...
و كاس ايطاليا...و كاس انجلترا...وكاس أسبانيا...و ال F.A cup ...
و عيييييك...الحمد لله الانتهت...

عشان نرتاح شوية لحدي ما يبدأ كاس العالم...

على فكرة مداخلتي دي بديتها الساعة 8 صباحا و انتهيت منها الساعة 11...
شفتو المسائل الفكرية دي بتاخد وقت قدر شنو...
Post: #4605
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-16-2010, 08:04 AM
Parent: #4604

احر التعازى للاخ مبارك جادين وللاسرة الكريمة فى وفاة خالته
نسأل الله ان يتقبلها القبول الحسن وان يجعل الجنة مثواها
وان يلهم آلها وزويها الصبر والسلوان
انا لله وانا اليه راجعون
Post: #4606
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 08:46 AM
Parent: #4605

السلام عليكم
ما في زول يقول لي كنت وووووين
و ما في زول يقول لي قوم أدينا فاتحتنا
و ما في زول يقول لي ضربنا ليك تلفون و مارفعت
و ما في زول يقول رافع قزاز مظلل
و ما في زول يقول لي بيناتك بتاعت بت الشيخ و ينا
كدا بس!!!!!
Post: #4607
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-16-2010, 09:05 AM
Parent: #4606

يا جنابو محمد صديق و اسامة ابتر و عوض مفتاح الحقوني

انا فاتح بلاغ رقم 17 ضد المدعي جلا و الراجل اب شنب دا شايلوا و حايم

و تم مشاهدة المجني الان بضواحي سوق السجانة و بيده كامل

ادوات الجريمة المتمثلة في التالي :

Quote: ما في زول يقول لي كنت وووووين
و ما في زول يقول لي قوم أدينا فاتحتنا
و ما في زول يقول لي ضربنا ليك تلفون و مارفعت
و ما في زول يقول رافع قزاز مظلل
و ما في زول يقول لي بيناتك بتاعت بت الشيخ و ينا
كدا بس!!!!!


لذا نامل سرعة اتخاذ كامل التدابير الامنية للقبض

علي المجني حتى لا تعم الفوضى والجريمة البوست .

و لكم كامل تضامني معكم .
Post: #4608
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 09:30 AM
Parent: #4607

[
Quote: يا جنابو محمد صديق و اسامة ابتر و عوض مفتاح الحقوني

هههههههههههههه
هاهاهاهاهاهاهاهاه
هئ هئ هئ هئ هئ هئ
قرقرقرقرقرقرقرقرق
لا تعشم
لكن أخير تشوووووف بدائل
أوعك من العسكر
طبعاً لا تفوت على فطنة القارئ نحن في مرحلة تحول ديمقراطي
كااااااااااك
و تاني كاااااااااااااااااااااااااك
دنيا دبنقا دردقي بشيش
Post: #4609
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-16-2010, 09:42 AM
Parent: #4607

احر التعازى للاخ مبارك جادين وللاسرة الكريمة فى وفاة خالته
نسأل الله ان يتقبلها القبول الحسن وان يجعل الجنة مثواها
وان يلهم آلها وزويها الصبر والسلوان
انا لله وانا اليه راجعون
Post: #4610
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-16-2010, 10:15 AM
Parent: #4609

احر التعازى للاخ مبارك جادين وللاسرة الكريمة فى وفاة خالته
نسأل الله ان يتقبلها القبول الحسن وان يجعل الجنة مثواها
وان يلهم آلها وزويها الصبر والسلوان
انا لله وانا اليه راجعون

Post: #4611
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-16-2010, 10:35 AM
Parent: #4610

تعازينا للاخ الطيب شبس في وفاة عمته ....

احر التعازى للاخ مبارك جادين وللاسرة الكريمة فى وفاة خالته

انا لله وانا اليه راجعون
Post: #4612
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-16-2010, 10:42 AM
Parent: #4611

الشادي معانا ... ولا همانا ....
عارف اخوي الضكر وصل ....
Post: #4613
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-16-2010, 11:01 AM
Parent: #4612

بتنا شوش ...

Quote: تقوم تنزل قصيدة فى المراة العاملة وركز على المدرسات وموظفات المطار وانا اضمن ليك اجازة ما تتوقعها
اولا حنفتح ليك ال v i p room
تانيا حناجر ليك ليموزين من المطار للبيت
اذا دا ما حصل ما تفكر فى الاجازة من اصلو والبادى اظلم ......... شوش


هسع الهبش موظفات المطار ... منو
لو فيها صالة VIP ... خلينا النروق شويه من "الهرسي" ده ...
وبجيك راجع ... انتو خليتو فينا عقل للشعر ...
بقي علينا البيت .... والبوست ...
وخاصة الجملة بالاخضر دي .... قلبي اباها كلو ... كلو
حسيت فيها بكيد بنات حوا مجتمعات ...
اخير منها مليص الاضنين ...
كدي اشرحي شويه ... بالتفاصيل ...





===========================
الله يجازي محنك .... يازناتي
Post: #4614
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 11:21 AM
Parent: #4613

Quote: وخاصة الجملة بالاخضر دي .... قلبي اباها كلو ... كلو

أول مرة أشوف زول قلبو يابى التفاح الأخضر
بلاش تفاح أخضر
إعتبرها خيييارايايا
وبعدين خللووووه
أو أحشووووووه
إنت من أول في زول قال ليك تعال خش في الحسكنييت
أحمد إسماعيل أحذرك من الشرح
Post: #4615
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-16-2010, 11:34 AM
Parent: #4614

انت بقول ليك فيها صالة VIP تقول لي حسكنيت

دا جاي من وين بالله اديه قرشو خليوه يجننوا !!!

عموما يا ياسر نجيلة خليك تفتيحة و احسبها صاح ؟

لو خايف من الكشمبيرات واصل علي طول مطار سنجة نفر !!!

و لو قلبك جامد اتوكل علي الله و غمد و اقع الحسكنيت بتاع

ناس جلا بس تكون عندك شروط للمستقبلين و برسلها ليك بالماسنجر!
Post: #4616
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-16-2010, 12:15 PM
Parent: #4614

Quote: أول مرة أشوف زول قلبو يابى التفاح الأخضر
بلاش تفاح أخضر
إعتبرها خيييارايايا
وبعدين خللووووه
أو أحشووووووه


الزول ده ما قال ليك الأخضر البي الجملة...

قال ليك الجملة البي الأخضر...

تقول ليهو تفاح و خيار...

انت الليلة قاعد تعاين في المرايا و لا شنو...
Post: #4617
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 12:53 PM
Parent: #4616

Quote: الزول ده ما قال ليك الأخضر البي الجملة...

قال ليك الجملة البي الأخضر...

تقول ليهو تفاح و خيار...

انت الليلة قاعد تعاين في المرايا و لا شنو...

الجملة الفوق دي تحتاج لمترجم خاص على أن يربطها بالمداخلة المعنية
مؤهلاته:
سوداني الجنسية
لا يتجاوز ال30 عام (يعني ما حارق)
مكان العمل بلاد الشام
يحظر دخول الآتية أسماءهم
الرشيد
موسى عيسى
ياسر نجيلة
محمد عيد
محمد صديق
ود المهدي
كمال الشادي
عبد الدائم
الطاعم
منصور
الزناتي
الريس ميسرة
البادي
يسمح لكل من الآتية أسماءهم بتحفظ
طارق جبريل
زينب التجاني
سامي
يسمح للآخرين بلا استثناء بما فيهم محمد المرتضى زاتو
Post: #4618
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-16-2010, 01:13 PM
Parent: #4617

Quote: يحظر دخول الآتية أسماءهم
الرشيد
موسى عيسى
ياسر نجيلة
محمد عيد
محمد صديق
ود المهدي
كمال الشادي
عبد الدائم
الطاعم
منصور
الزناتي
الريس ميسرة
البادي
يسمح لكل من الآتية أسماءهم بتحفظ
طارق جبريل
زينب التجاني
سامي
يسمح للآخرين بلا استثناء بما فيهم محمد المرتضى زاتو

بما انو أنا "ماسوداني"
ولم يتجاوز عمري الثلاثون ... ولم يرد أسمي في "البلاك لست"
وشغال في بلاد الشام مترجم
يعني تنطبق على كل المواصفات المطلوبة .... لكن:
ثقالة كدا ما حا اترجم ليك اي حاجة ... الا:
توريني كنت غاتس وين؟ ...

























-------
رغم تحذيراتك الفوق ديك ...
Post: #4619
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-16-2010, 01:20 PM
Parent: #4618

إنت يا جلال ما في مثل بقول البتشهى الحنطير يفرتك ولا شنو.؟


و إنت كمان عاملين ليك خط عديل يعني لو نطيتو تشوف

كلام تاني ، انت النسالك عكاكيزك ديك خاتيها لمتين !!!

ما ياهو وقتها جاء و كما سلف معاك كمال الشادي واحد

و خلي طارق جبريل الفي المغرب يجي يحجز ، طبعا ما تنسى

الحجاز ليه عكاز علشان ما في واحد يقرب ..






يا زول ابعد الدم ما طير فيك ..


الرشيد خليك قريب الموضوع سخن ...
Post: #4620
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 01:23 PM
Parent: #4618

Quote: ثقالة كدا ما حا اترجم ليك اي حاجة ...

الدا الكلام
إجابتك مقبولة
قول واحد







عشان أبرد ليك بطنك......مابتلقاها
هههههههههه
أنا متنكر في وش طارق جبريل
Post: #4621
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 01:28 PM
Parent: #4620

Quote: انت النسالك عكاكيزك ديك خاتيها لمتين !!!

زول قرا الكي جي
مع ناس عبد الدائم و كمال الشادي
دي لغتو!!!!!
الغريبة عبد الدائم كان نطق العكاكيز دي
بتجيهو لوز
و بعدين حسب معلوماتي
إنو حرف العين الملاصق لي حرف الكاف قاعدين يفطوهو في الكي جي
قرقرقرقرقر


أنا متنكر في وش تبلدينا
Post: #4622
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-16-2010, 01:41 PM
Parent: #4621

جلا اتنكر وما بتذكر .. يا جلال سيبو ...

ترالللللا تيرالللللللا تتم تتم تاراللللم...

على الرغم من الحظر ...
Post: #4623
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-16-2010, 01:54 PM
Parent: #4622

Quote: جلا اتنكر وما بتذكر .. يا جلال سيبو ...

ترالللللا تيرالللللللا تتم تتم تاراللللم...

أمسكو لوري اللبن دا و طبعاً اللواري الفرملة بتاعتها تعبانة
إنشاء الله الوالد يديها الصحة و العافية و تقوم بالسلامة
يا قادر يا كريم يا رب
لكن بي مداخلتك الزي الدقداق دي الله يستر علينا من الفكك و الفقه و الكسير
آمين يا كريم
لودايرين نعمل لمة زقازيقية نكلم منو عشان يجينا يا جماعة!!!!
الكلام ما عندو علاقة بي أي زوووووول
Post: #4624
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-16-2010, 10:37 PM
Parent: #4623

العزاء للاخ مبارك جادين والاسرة الكريمة فى وفاة خالته


- اللهم أغفر لها و ارحمها و اعفو عنها و أكرمها
- اللهم وسع مدخلها و ادخلها الجنة و غسلها بالثلج و الماء والبرد
- اللهم يمن كتابها و هون حسابها و لين ترابها و ثبت أقدامها و ألهمها حسن الجواب
- اللهم طيب ثراها و اكرم مثواها واجعل الجنة مستقرها و مأواها
- اللهم نور مرقدها و عطر مشهدها و طيب مضجعها
- اللهم آنس وحشتها و ارحم غربتها و قه عذاب القبر و عذاب النار
- اللهم نقها من خطاياها كما ينقى الثوب الأبيض من الدنس
- اللهم فسح لها في قبرها و اجعله روضة من رياض الجنة و لا تجعلها حفرة من حفر النار
- اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
"اللــــهم آمين آمين آمين يارب العالمين"
Post: #4625
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-17-2010, 06:34 AM
Parent: #4624

صباح الهناء والسرور ...

امبارح مشيت عزيت اخونا مبارك جادين في وفاة خالته رحمها الله رحمة واسعة ...

ونسبة للحقد الطبقي والاجندات الخفية لعمو الزناتي اب شنبا كبير ...
ابو النسب نادر فاروق تبرع بالوصف الغلط لبيت العزاء ...
اخذت اكثر من نصف ساعة حوامة في شوارع الفتيحاب ولم افلح في الوصول ...
بعد ان انفض سامرهم تبرع عمو الزناتي بالوصف الصحيح وفي خلال دقيقتين كنت امام مبارك جادين ...
بالله عليكم في مؤامرة اكبر من كدا .. وجدت مبارك جادين زقازيقيا وحيدا ...
شلنا الفاتحة .. وقعدنا اتونسنا ونسة طاعمة وحلوة ...
وكلكم يعرف مبارك بثغره الباسم دائما ... وزول هاش وباش ويعقدك بطيبة قلبه وصفاء نفسه وحلو معشره .. ربنا يحفظه ويغطي عليه ...
من خلال هذه المؤامرة كنت محظوظ بالانفراد بالزول الطاعم وكانت احلى ونسة ... ولا نامت اعين الجبناء ...

اخونا المتنكر جلا .. يا اخي ما جننتنا ...
Post: #4626
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-17-2010, 06:35 AM
Parent: #4624

صبــاح الخيــرات


اللهم إن هذا خلق جديد فافتحه علىّ بطاعتك

واختمه لى بمغفرتك ورضوانك

وارزقنى فيه حسنة تقبلها منى وزكها وضاعفها لى

وما عملت فيه من سيئة فاغفرها لى

إنك رحيم ودود كريم
Post: #4627
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-17-2010, 06:56 AM
Parent: #4626

عادت ريمة لي قديمة
Quote: صبــاح الخيــرات


اللهم إن هذا خلق جديد فافتحه علىّ بطاعتك

واختمه لى بمغفرتك ورضوانك

وارزقنى فيه حسنة تقبلها منى وزكها وضاعفها لى

وما عملت فيه من سيئة فاغفرها لى

إنك رحيم ودود كريم
Post: #4628
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-17-2010, 07:06 AM
Parent: #4627

صباح الخير ،،، يا وجوه الخير

أصبحنا وأصبح الملك لله،، وحده

همسه صباحيه :-

أحبتي
كم أجور ضيعناها يوم نمنا عن صلاة الفجر
كم حسنات ضيعناها يوم سهونا عن صلاة الفجر
كم من كنوز فقدناها يوم تكاسلنا عن أداء صلاة الفجر في وقتها .


قال صلى الله عليه وسلم ( من صلى العشاء في جماعة فكأنما قام نصف الليل
ومن صلى الصبح في جماعة فكأنما قام الليل كله ). اخرجه مسلم.
Post: #4629
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-17-2010, 07:57 AM
Parent: #4628

بشرى للناس الكبار
وجات فى رقبتنا نحن الصغار الما شفنا شى فى الدنيا


Quote:
إسقاط الخدمة الوطنية عن أكثر من مليون وسبعمائة خاضع

13 / 05 / 2010 02:10:00
الخرطوم: هناء حسين


شمل المواليد من بداية 59 وحتى نهاية 1964م



أعلنت منسقيه الخدمة الوطنية أمس عن إعفاء نحو 1,798,790 من الخاضعين للخدمة بموجب قرار صادر من وزارة الدفاع اسقط الخدمة عن المواليد في الفترة من 1959م وحتى نهاية العام 1964م على أن تنطبق الخدمة على مواليد العام 1965م
وشدد القرار على إعمال مبدأ المساءلة وفقا لقانون الخدمة الوطنية في حالة تجاوز قانون الخدمة لسنة1992 وألزم القرار جهات الاختصاص بالتنفيذ.
وأكد منسق الخدمة الوطنية عبدالقادر محمد زين الذي كان يتحدث أمس في منبر سونا حول إعلان تعديلات بغرض تسهيل الإجراءات الحرص للتواصل مع المواطنين لتأكيد التلاقي الايجابي لأداء الخدمة الوطنية وقال نريد (من يأتي للخدمة يكون مقبلا متفاعلا وليس متخوفا) مشيرا إلى أن القرار اعفى الفئات العُمرية من مواليد 1/1/1959م وحتى 31/12/1964م وكشف عبدالقادر أن العدد الكلي للخاضعين للخدمة بحسب تقارير الإحصاء السكاني بلغ 14,864,195 فيما بلغ عدد الذين شملهم القرار 1,798,790 بنسبة 12% مشيرا إلى تفاصيل الفئة العُمرية بالمؤسسات للعام 1959حتى 1964حيث بلغ العدد الكلي المحصور2523697 فيما بلغت جملة الفئة العُمرية (1959ـ1964) حوالي 175420 وبلغ عدد الذين نالوا براءة الخدمة الوطنية 20446 وعدد الذين شملهم القرار الحالي 154974 فيم بلغ مجموع الفئة العُمرية لذات الفترة بولاية الخرطوم بكل محلياتها 33670 واصفا تجربة الخدمة الوطنية بالثرة وإنها حققت الكثير من النجاحات والايجابيات إلا أنه اقر بأنها لا تخلو من السلبيات كإجراء البحث عن الأوراق الثبوتية والكشة والدفارات كانت صعبة، وقال إن البرنامج الأساسي للخدمة الوطنية لعزة السودان هذا العام سيكون لتعزيز مشروع الوحدة الوطنية والتواصل الاجتماعي.
ومن جهته أكد اللواء أحمد عبدالقيوم حسم ظاهرة التزوير وقال (نحن مستعدين لحسم أي ظاهرة وزاد انه بفضل الاستخبارات والأجهزة الحديثة نستطيع اكتشاف التزوير في الشهادات
Post: #4630
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-17-2010, 08:23 AM
Parent: #4629

الشكر الجزيل للاخ د/ طارق محمد النور الامين - بيطرة
بتزويدى بهذه الصور الرائعة لتكريم د/ كمال طلبة عويضة



sudansudansudansudansudansudan7.jpg Hosting at Sudaneseonline.com



مع هبانى

sudansudansudansudansudansudansudansudansudansudansudan2.jpg Hosting at Sudaneseonline.com


مع نوال سر الختم


sudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudan.jpg Hosting at Sudaneseonline.com



ونواصل ......
Post: #4631
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-17-2010, 08:30 AM
Parent: #4630

sudansudansudan2.jpg Hosting at Sudaneseonline.com




sudansudansudansudansudan8.jpg Hosting at Sudaneseonline.com



sudansudansudansudansudansudansudansudansudan4.jpg Hosting at Sudaneseonline.com
Post: #4633
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-17-2010, 08:39 AM
Parent: #4631

sudansudansudansudansudan9.jpg Hosting at Sudaneseonline.com




sudansudansudansudansudan10.jpg Hosting at Sudaneseonline.com





sudansudansudansudansudansudansudansudansudan3.jpg Hosting at Sudaneseonline.com




sudansudansudansudansudansudansudansudansudan5.jpg Hosting at Sudaneseonline.com
Post: #4634
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-17-2010, 08:45 AM
Parent: #4633

اجدع باسورد لسنيرنا د / طارق النور
وانا ما عارف ليه اسمو ما ورد فى ( كوتة ) الباسوردات الاخيرة

لمزيد من الصور عن الحفل الاخير بنادى الشرطة تابعونا على

صور نادي الشرطة
Post: #4632
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-17-2010, 08:38 AM
Parent: #4630

العزاء للاخ مبارك جادين والاسرة الكريمة فى وفاة خالته


- اللهم أغفر لها و ارحمها و اعفو عنها و أكرمها
- اللهم وسع مدخلها و ادخلها الجنة و غسلها بالثلج و الماء والبرد
- اللهم يمن كتابها و هون حسابها و لين ترابها و ثبت أقدامها و ألهمها حسن الجواب
- اللهم طيب ثراها و اكرم مثواها واجعل الجنة مستقرها و مأواها
- اللهم نور مرقدها و عطر مشهدها و طيب مضجعها
- اللهم آنس وحشتها و ارحم غربتها و قه عذاب القبر و عذاب النار
- اللهم نقها من خطاياها كما ينقى الثوب الأبيض من الدنس
- اللهم فسح لها في قبرها و اجعله روضة من رياض الجنة و لا تجعلها حفرة من حفر النار
- اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
"اللــــهم آمين آمين آمين يارب العالمين"
Post: #4635
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-17-2010, 12:19 PM
Parent: #4632

احر التعازى للاخ مبارك جادين وللاسرة الكريمة فى وفاة خالته
نسأل الله ان يتقبلها القبول الحسن وان يجعل الجنة مثواها
وان يلهم آلها وزويها الصبر والسلوان
انا لله وانا اليه راجعون
Post: #4636
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-17-2010, 02:55 PM
Parent: #4635

ماشاء الله يا عبدالدئام صور معتقة بالصندل

وتجمع جيل قوي من الزقايزيقاب ،،،،،،،،

بخصوص التكريم أين الدكتور يسري طلبه عويضة

الأب الروحي لأسرة الطلاب السودانين بكلية التجارة
Post: #4637
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-17-2010, 05:05 PM
Parent: #4636

ما بين القرقوش والكورواسون
Post: #4638
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-17-2010, 10:47 PM
Parent: #4637

شكرا يا نضيف كده دخلنا الاعفاء من الخدمه!!!!!!!!!!!!
=========
ريس ميسره د.يسرى يعمل بالامارات وقد اعتذر عن حضور هذا التكريم موضوع الصور
ولا يفوتنا ان نقدم اجمل الامنيات بعمر مديد وسعيد وكل سنه وانته طيب.
===============
محمد عيد والله الموضوع ما مقصود ولم اراه الا بعد وصول ايميل لتعليقك
حصل كيف الله اعلم وما زلت فى حرج شديد.
Post: #4639
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-18-2010, 06:19 AM
Parent: #4638

صباح الهناء والسرور ...

اصبحنا واصبح الملك لله ...

شكرا يا نضيف على الصور الجميلة ...

المرة القادمة انشاء الله حتكون صورتي معاهم ...

اخونا جلا المتنكر اثني اقتراحك للمة زقازيقية طاعمة .. ولا نمانع ان تخللها جكات منصورية على احدث الموضات والاستايلات ...
Post: #4640
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-18-2010, 06:20 AM
Parent: #4638

بسم الله الرحمن الرحيم
أصبحنا وأصبح الملك لله رب العالمين
اللهم نسألك خير هذا اليوم
اللهم أجعل أوله صلاحا وأوسطه فلاحا
وآخره نجاحا
ربنا آتنا في الدنيا حسنة وفي الآخرة
حسنة وقنا عذاب النار وأدخلنا الجنة مع الأبرار
ربنا تقبل منا انك أنت السميع العليم وتب علينا
انك أنت التواب الرحيم
ربنا آمنا بما أنزلت واتبعنا الرسول فأكنبنا مع الشاهدين
Post: #4641
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-18-2010, 06:50 AM
Parent: #4640

صباح الخير،،، يا وجوه الخير

أصبحنا واصبح الملك ،،، لله وحده

دعاء الصباح :

اللهم إني أعوذُ بك من الجُبن
وأعوذُ بك من البُخل
وأعوذُ بك من أن أُرد إلى أرذل العمر
وأعوذُ بك من فتنة الدنيا وعذاب القبر.....
Post: #4642
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-18-2010, 07:58 AM
Parent: #4641

Quote: صباح الخير،،، يا وجوه الخير

أصبحنا واصبح الملك ،،، لله وحده

دعاء الصباح :

اللهم إني أعوذُ بك من الجُبن
وأعوذُ بك من البُخل
وأعوذُ بك من أن أُرد إلى أرذل العمر
وأعوذُ بك من فتنة الدنيا وعذاب القبر.....
Post: #4643
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-18-2010, 09:35 AM
Parent: #4642

sudansudansudansudansudansudansudansudan1.jpg Hosting at Sudaneseonline.com


نعتقد جميعا أن تناول الفاكهة يعني: شرائها ، تقطيعها ، ثم وضعها في أفواهنا.
ولكن في الحقيقة الأمر ليس بهذه السهولة فمن المهم معرفه كيف ومتى نتناول الفواكه .
إذا!!ما هي الطريقة الصحيحة لتناول الفاكهة؟
أكل الفاكهة لا يعني تناولها بعد الطعام !

* بل ينبغي تناولها على معدة فارغة.

إذا كنت تأكل الفاكهة بتلك الطريقة "واعني أكل الفاكهة على معدة فارغة"
فذلك سيؤدي بدور رئيسي وفعال لإزالة سمية جهازك الهضمي، وفي نفس الوقت
سوف يمد الجسم بقدر كبير من الطاقة اللازمة لإنقاص الوزن وغيرها من أنشطة
الحياة المتعددة . .

الفاكهة هي أهم غذاء:

لنفترض انك تناولت شريحتين من الخبز وبعد ذلك أكلت شريحة فاكهة. شريحة
الفاكهة على استعداد للذهاب مباشرة من المعدة إلى الأمعاء، ولكنها منعت من
القيام بذلك.
وفي هذه الأثناء الوجبة بكاملها( شريحتي الخبز) ستتعفن وتتخمر وتتحول إلى حامض.
في اللحظة التي تلامس بها الثمرة الطعام في المعدة والعصارة الهضمية فان كتله
الطعام تبدأ بالفساد ....

لذا رجاءا تناول الفاكهة على معدة فارغة أو قبل وجبات الطعام!

لابد انك سمعت الناس يتذمرون قائلين " في كل مرة كنت أتناول بها البطيخ
أتجشأ" ،أو "عندما أكل فاكهه محدده فان معدتي تنتفخ" ، " بمجرد تناولي
الموز أشعر بحاجه ملحه للذهاب إلى المرحاض" ،... الخ في الواقع كل هذه
المشاكل لن تحدث إذا أكلت الفاكهة على معدة فارغة. ثمرة الفاكهة ستختلط مع
غيرها من المواد الغذائية المتعفنة وتنتج الغاز، وبالتالي سوف تشعر بالانتفاخ ! .

( الشيب ، الصلع ، الغضب ، والدوائر السوداء تحت العين
كل ذلك لن يحدث إذا كنت تتناول الفاكهة ومعدتك فارغة) .

ووفقا لما ذكره الدكتور {هربرت شيلتون} الذي اجري مجموعه من البحوث
حول هذه المسألة :-" لا يوجد ما يسمى بفواكهه حمضيه مثل البرتقال والليمون ،
وذلك لأن جميع الفواكه تصبح قلوية داخل أجسامنا .إن كنت تتحكم بالطريقة الصحيحة
لتناول الفواكه ، فأنك ستملك كل من سر الجمال ، طول العمر ،الصحة والطاقة والسعادة
والحصول على الوزن الطبيعي.

عندما ترغب بشرب عصير الفاكهة فأشرب عصير الفاكهة الطازجة فقط وليس المعلب،ولا تشرب
العصير الذي تم تسخينه.

لا تأكل الفواكه المطبوخة لأنك لن تحصل على المواد المغذية المفيدة على الإطلاق.
كل ما ستحصل عليه هو الطعم . فالطبخ يدمر الفيتامينات.
والأفضل تناول الفاكهة بكاملها بدلا من شرب العصير. ولكن إن كان لا بد أن تشرب العصير
فاشربه عن طريق الفم و ببطء، وهكذا ستسمح باختلاط العصير مع اللعاب قبل بلعه.

عمل حميه الفاكهة وذلك- بالصيام لمده 3 أيام خلالها لا تتناول أي طعام غير الفواكه
وبذلك تطهر وتنظف الجسم.- بمعنى "مجرد أكل الفاكهة وشرب عصير الفواكه طوال 3 أيام " ،
وسوف تفاجأ عندما يقول لك أصدقائك كم تبدو مشرقا ومبتهجا !

Post: #4644
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-18-2010, 09:53 AM
Parent: #4643

Quote: الشيب ، الصلع كل ذلك لن يحدث إذا كنت تتناول الفاكهة ومعدتك فارغة


اذن طارق جبريل عليك بجناين الباوقــة


يا جلا الليلة الغداء كيس موز .
Post: #4645
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-18-2010, 10:11 AM
Parent: #4644

Quote: ( الشيب ، الصلع ، الغضب ، والدوائر السوداء تحت العين
كل ذلك لن يحدث إذا كنت تتناول الفاكهة ومعدتك فارغة) .

زمان في الزقازيق قدر ما أحلف علي موسى عيسى
و أقول ليهو ما تاكل برتقان أبو صرة بعد الغداء
أصلو ما سمع كلامي
عشان كدا الزول متعود ياكل الفاكهة بعد الأكل
عشان كدا الكرش بتاعتو دي من أكل الفاكهة الزمان و لغاية هس ما اتهضمت
أما كترة الشيب بتاع محمد صديق أنا ما عرفتو إلا من مداخلة الريس
عبد الدائم ما هي الوصفات السحرية الطبيعية
التي تجعلك تحتفظ بنضارة و سواد شعرك
الحمد لله ما جبت سيرة الرشيد القاعد يلبس جزمة كاشت (يعني بدون رباط) ومراكيب
Post: #4646
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-18-2010, 10:55 AM
Parent: #4645

و بشر الصابرين الذي اذا اصابتهم مصيبة قالوا إنا لله و أنا إليه راجعون . صدق الله العظيم.


توفيت إثر حادث حركة اليم في رحلة العودة من الابيض والدة الزميل عبدالباقي علي مخاوي .


نسال الله للفقيدة الرحمة و الاخ عبدالباقي والاسرة الكريمة الصبر وحسن العزاء .


إنا لله و إنا إليه راجعون .
Post: #4647
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-18-2010, 11:18 AM
Parent: #4646

نسال الله للوالده الرحمة و المغفرة
و للاخ عبدالباقي والاسرة الكريمة الصبر وحسن العزاء .


إنا لله و إنا إليه راجعون .
Post: #4648
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-18-2010, 11:36 AM
Parent: #4647

نسال الله للفقيدة الرحمة و الاخ عبدالباقي والاسرة الكريمة الصبر وحسن العزاء .


إنا لله و إنا إليه راجعون
Post: #4649
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-18-2010, 12:46 PM
Parent: #4648

خالص التعازى للاخ عبدالباقى

فى وفاة والدته ...

اللهم ارحمها واغفر لها واجعل الجنة مثواها

وانا لله وانا اليه راجعون.
Post: #4650
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-18-2010, 01:44 PM
Parent: #4649

رحم الله والدة عبد الباقي رحمة واسعة ,اسكنها فسيح جناته مع الصديقين والشهداء وحسن أولئك رفيقا

تلفون عبد الباقي لو ممكن يا موسي عيسي
Post: #4651
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-18-2010, 02:07 PM
Parent: #4650

يا ناس الزقازيق سلام ... خاصة ناس الداخل ...

يوم الجمعة 20 مايو سيتم عقد قران الأخت أميرة الهادي حقوق .... بمنزلهم الكائن في شارع الستين ... وتدعوكم جميعاً دون فرز لحضور عقد القران والغداء .... أتمني أن نسجل حضور في ذلك اليوم ... فأميرة إنسان جميل يتسحق أن نفرح به ونشاركه الفرحة ....
Post: #4652
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-18-2010, 02:29 PM
Parent: #4651

نسال الله للفقيدة الرحمة والمغفرة
و للاخ عبدالباقي والاسرة الكريمة
الصبر وحسن العزاء .


إنا لله و إنا إليه راجعون
Post: #4653
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-18-2010, 03:13 PM
Parent: #4651

Quote: يوم الجمعة 20 مايو سيتم عقد قران الأخت أميرة الهادي حقوق


يا زناتي أنحنا في الخارج يوم 20مايو ده يوم خميس

صححوا المعلومة،،،،، ومقدماً مبروك لبنتنا أميره

وربنا يهنيك ويسعدك.

شكرات الريس معتصم وكمان شكراً لمعلومة الدكتور يسري طلبة عويضة

الراجل جمعتنا معاها أيام جميلة لما كنا في أسرة كلية التجارة برئاسة

الأخ/ مكي أحمد حمزه.
Post: #4654
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-18-2010, 03:24 PM
Parent: #4653

يا ريس ما تزعل يوم واحد وعشرين ....
Post: #4655
Title: Re: ناس الزقازيق ... أجدع ناس ( 3 ) ..
Author: عائشة صلاح الدين
Date: 05-18-2010, 06:43 PM
Parent: #4654

اصلو يا ريس ميسرة زهير دا طبعوا دايما جايب لينا اللوم مع الناس يا اداك miss leading information ومتخصص فى ال short notice
يعنى المناسبة يكلمك بيها بعد ما تفوت باسبوع
Post: #4656
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-18-2010, 11:59 PM
Parent: #4655

رحم الله والدة عبد الباقي رحمة واسعة ,اسكنها فسيح جناته مع الصديقين والشهداء وحسن أولئك رفيقا

وانا لله وانا اليه راجعون
Post: #4657
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-19-2010, 05:46 AM
Parent: #4656

صباح الهناء والسرور ...

صادق التعازي لاحونا عبدالباقي في وفاة والدته ...

اللهم ارحمها وتقبلها قبولا حسن واسكنها فسيح جناتك .. امين ...
Post: #4658
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-19-2010, 06:30 AM
Parent: #4657

خالص التعازى للاخ عبدالباقى مخاوى فى وفاة والدته

انا لله وانا اليه راجعون


،،،،،،،،،،،،،،

مبروك مقدما" للزميلة اميرة الهادى
بيت مـــال وعــيال
Post: #4659
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-19-2010, 06:33 AM
Parent: #4657

صباح الخير ،،، يا وجوه الخير

أصبحنا واصبح الملك لله وحده

همسات الصباح:-

اللهم ألهمنا رشدنا
وفقهنا فى ديننا،،،
وتقبل منا صالح القول والعمل...

آمين يا رب العالمين،،،،
Post: #4660
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 05-19-2010, 06:38 AM
Parent: #4657

خالص التعازي للأخ عبدالباقي مخاوي

وللفقيدة الرحمة والمغفرة

وإنا لله وإنا اليه راجعون
Post: #4661
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-19-2010, 06:52 AM
Parent: #4660

سلامات يا ناس

خالص التعازى للاخ عبد الباقى

ولوالدته الرحمة والمغفرة والجنة ان شاء الله

***********************************************

سلام خاص ل:

محمد عيد

سامى

نجيلة

عندى مزاج مع الناس ديل هذا الصباح ما عارف ليه

وما اظن يكون فى زول عندو مانع ( على طريقة شبكش)
Post: #4662
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-19-2010, 07:31 AM
Parent: #4661

انشاء الله بيت مال وعيال و الف مليون مباركة للاميرة

بنت الهادي بنت حقوق الظربفة و انشاء الله ربنا يسعدكم

يا كريم يارب .

و دا تلفون عبدالباقي مخاوي :

في السعودية : 0556114197 و سوف يكون بالسودان يوم الخميس .



وانا زاتي عندي مزاج مع الاتي اسمائهم :

1- .........

2- ..........

3- .......... و بس يعني الماسمع اسمو يقيف علي جنب .

المطلوب املا الفراغات في الاسئلة اعلاه مع مراعاة فارق العمر في الترتيب !!!

* مع المعذرة اصحاب الشيب في مقدمة الراس غير مرغوب في اضافتهم.
* الطاعمين يفضل ذلك ........بشرط ان لا يكونوا دوامين ...
* الحردانين ممكن ترضيتهم ...
Post: #4663
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-19-2010, 08:43 AM
Parent: #4662

109.JPG Hosting at Sudaneseonline.com


لمة نادي الشرطة لمة خرافية ....

جزء من الصور في بوست :

صور نادي الشرطة
Post: #4664
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-19-2010, 08:46 AM
Parent: #4663

110.JPG Hosting at Sudaneseonline.com



111.JPG Hosting at Sudaneseonline.com
Post: #4665
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-19-2010, 08:48 AM
Parent: #4664

112.JPG Hosting at Sudaneseonline.com
Post: #4666
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-19-2010, 08:48 AM
Parent: #4664

112.JPG Hosting at Sudaneseonline.com
Post: #4667
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-19-2010, 09:19 AM
Parent: #4666

الخالف رجلو داك منو

واللابس ادروب ده منو

والشايلة جوال مالا تشبه سكينة قرشى



والخلعة لشنو

29.jpg Hosting at Sudaneseonline.com
Post: #4668
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-19-2010, 09:43 AM
Parent: #4667

يا زهير في الصورة قبل الاخيرة هل يوجد محمود

ابوعضل ود رفاعة ود تجارة دفعتنا ؟
Post: #4669
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-19-2010, 09:54 AM
Parent: #4668

خالص التعازي للأخ عبدالباقي في وفاة والدته



والأخ مبارك جادين في وفاة خالته

اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

وللفقيدتين الرحمة والمغفرة

وإنا لله وإنا اليه راجعون
Post: #4670
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-19-2010, 10:06 AM
Parent: #4669

خالص التعازى للاخ عبدالباقى مخاوى فى وفاة والدته

انا لله وانا اليه راجعون


،،،،،،،،،،،،،،

مبروك مقدما" للزميلة اميرة الهادى
بيت مـــال وعــيال



=======================
حبيبنا محمد صديق ...
سلامك الخاص وصل ...
تشكر ياملك ... يسلم مزاجك
Post: #4671
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-19-2010, 10:17 AM
Parent: #4668

الف رحمة ونور تنزل على قبر والدة زميلنا عبد الباقى مخاوى
التعازى القلبية ليهو ولى اسرته
وربنا يلزمهم الصبر
والف مبروك لزمبلتنا اميرة الهادى , وربنا يهنيها ان شاء الله
الأسماء الكتبوها ناس محمد صديق وموسى عيسى ديل
كلهم انا مشتاق ليهم والله
خاصة نمرة تلاتة يا موسى عيسى
ده بالذات , لو عندك موبايله , ادينى لبيهو
اصعقوا ليكم بى miss-leading information
تخليهو ليكم واقف من الساعة واحدة فى شارع الستين مستنى الغداء , يوم الخميس
انتو الفى الصور ده , نبيل البطل ولا انا عيونى كعبات يا ناس زراعة ؟؟؟
Post: #4672
Title: Re: ناس الزقازيق ... أجدع ناس ( 3 ) ..
Author: Shiraz Abdelhai
Date: 05-19-2010, 11:59 AM
Parent: #4671

سلام لجميع ناس الزقازيق.....ولكل الناس الحلوة البتحب اللمة .......

.....بعد أن استئذن صاحب البوست الخال دهب ...وأستئذنكم فى أن اخش تووووووش كده في مساحتكم الخاصة جدا والتى افردتموها بإصرار لتكون ساحة تتقبل افراحكم وأتراحكم......

......عايزة اقول كلمتين.....

...كنت دائما - للحقيقة والتاريخ - استغرب من إختيار " أجدع ناس" للبوست....وابتسم .....ولكن حدث ما أكد أنكم بالجد أجدع ناس...أو ربما فيكم من مجدعية أولاد البلد ...الكثيرين.....
...فقد تقدم أخوكم موسي عيسي بكل هدؤ فى ذات نهار قاسي من نهارات الرياض الساخنة ليحمل عنى طفلي المتمرد الذى ضاق بسخونة الجو وطول الانتظار الممل فى سفارتنا العجوز.....وقدم يد العون ...دون سابق معرفة بي ...بل فقط رغبة فى " الفزعة" .......وشهامة إبن السودان الأصيل.......ولم يكتفى بحمل عبء الطفل الذى ضاق به الحال والمحال فى انتظار الفرج من ضباط الجوازات السلحفائيين....بل انتظر دون صخب أو ملل --ورغم عن اكتمال إجراءاته -- حتى تأكد من تسلمي لأوراقي ...بل وحتى وصولى وطفلى سالمة لباب بيتي.....
فى زمن تعودت فيه على التعامل إما مع أطماع سخيفة لمن حولك أو خذلان مؤلم.....كان سلوكه المهذب الحضاري منعشا ونقيا....وأخلاقه العالية المترفعة عن كل ما هو دنئ...ورغبته فى مد يد العون دون من أو اذي...كانت خصاله تلك منعشه ونقية فى نهار الرياض الحار ...الجاف......
سعدت لحظتها لكهذا اثبات بأن هذا الوطن ما زال بخير طالما هؤلاء هم ابنائه....ورغما عن انف القبح والطفابيع....فحواء ما زالت والده وتلد الخير كل يوم!!
....فشكرا موسي عيسي....سعيدة بمعرفتى لأمثالك الذين يضيفون الكثير والقيم لهذا الوطن الذى يحتاجكم. ...وشكرا يا ناس الزقاريق....يا أجدع ناس......



(ما بتقبلوا انتساب؟؟))
Post: #4673
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-19-2010, 12:21 PM
Parent: #4672

شيراز عبدالحي

اسم ما غريب بالنسبة لي ، يا ربى سمعت بيهو وين ...

اكيد اكيد من د/ سلافة العاقب زميلتى فى المنبر عندما فتحت انا بوست الخرطوم القديمة بنات
واكملت هى الجزء التانى منه ، جاء اسمك كثيرا" د/ شيراز ولكن حينها كنتى غائبة من المنبر



Quote: (ما بتقبلوا انتساب؟؟))


يحيل الطلب للاستاذة عفاف على ميرغنى



نورتى الزقازيق واجدع ناس ....
Post: #4674
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-19-2010, 12:35 PM
Parent: #4672

* مرحبتين اختنا شيراز فى حوش الاجدع ناس ...

وما قام به العزيز موسى عيسى تجاهك ليس اثباتا للجدعنة فقط ..

ولكنها خصالنا الجميلة التى لن تنمحى مهما جار علينا الزمان ..

،،،،،،،،،

الكوتش الحبيب .. محمد صديق ..

يعلم الله شوقنا ليك اكثر واكثر ..

وحاولت اتجاوب معاك من الصباح ولكن كانت هناك صعوبات تقنية بكل اسف

وعد منى ان ازورك هذا المساء فى حوشك العامر بأطعم الكلم .. وح أجــر لى بنبر

واقعد أدوبى .. لو جاء زول ولا ما جاء ..

////

منصور ... والله من الصباح انا اتفرس فى الزول ده

واقول هل هو نبيل البطل ولا زول تانى ؟ وفكرت اضرب لى قدورة لأنو كان حاضر الجلسة

عفارم على الزول القدر يجيب لينا الديناصور ده

ولمن لا يعرفه .. هو خريج زراعة 84 - دفعة قدورة ( الكاشف اخوى )

وهو اللابس قميص مقلم يا عبد الدائم

36.jpg Hosting at Sudaneseonline.com
Post: #4675
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-19-2010, 01:01 PM
Parent: #4674

سلامات يا ناس

Quote: وفكرت اضرب لى قدورة لأنو كان حاضر الجلسة


عيد يا حبيب ...سلام وشوق

ومنتظرك بى هناك ...بدينا فى طعامة وماشة زايدة ..احسن تلحق ( تعال ومعك آخرون)

الزول ياهو نبيل الحلفاوى ..بعدين قدورة لو كان حاضر الا يكون ولى من الصالحين.

مراحب باختنا شيراز والواجب والاخلاق عمرها ما حتموت..وتحياتى للسلحفائيين لانهم من

لحمى ودمى.

يا موسى عيسى ...محمود اب عضل ما موجود فى اللمة دى وهو بالخرطوم سلب امريكا زمان.
Post: #4676
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-19-2010, 01:08 PM
Parent: #4674

مش يا محمد عيد ؟؟
ياهو زاتو نبيل البطل , لكن بى شحمه بس , اللحم باين عليهو كمل
بينى وبينك , هو من يومو , ما عنده لحم
لأقيتو آخر مرة فى اجتماع زقازيقاب فى نادى الشرطة برضو
كم سنة كده لى ورا
يا لها من ايام

دكتورة شيراز عبد الحى
حبابك عشرة
انتى قايلة موسى عيسى ده قابلك مصادفة ؟؟!!
ده ما كمين عاملينو ليكى الزقازيقاب , عشان تآمنى بس !!
ان افلح الطفابيع فى سرقة (سودانيتنا ليوم او للجظة )
فلا تصدقى انهم قادرون على (تجريدنا منها )
السودان الصامت , والسودانيون الصامتون , سيتحدثون ويرفعون من (نبرات حد يثهم ) ذات يوم
عندها ستصادفبن (موسى عيسى ) اينما كانت وجهتك
عموما يا دكتورة شيراز
الدخول (للبوستات ) هين , ولكن التأمل فى الخروج
مرحبا بك فى (متاهة )الزقازيق اللذيذة
ولو عرفتى تطلعى , قولى لى !!!!!
Post: #4677
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-19-2010, 01:33 PM
Parent: #4676

Quote: دكتورة شيراز عبد الحى
حبابك عشرة
انتى قايلة موسى عيسى ده قابلك مصادفة ؟؟!!
ده ما كمين عاملينو ليكى الزقازيقاب , عشان تآمنى بس !!

قلت لي متلبد!!!!!
هاهاهاهاهاهاها
غايتو كان الكتورة دي طبيبة بشرية وقعت مع الزول دا
كشف و علاجات و وصفات مجانية لي مدى الحياة
يعني ملح لمن غلط
الميز قاااادي للطيش
غايتو أنا أتمنى تكون بيطرية
عشان تشوف لينا الكرشة و تستعدل ليناالكوارع بتاعت الزول دا
Post: #4678
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-19-2010, 01:57 PM
Parent: #4677

سلامات يا ناس

Quote: يعني ملح لمن غلط


هسة عليك الله الملح يختاك انت ومنصور يمشى وين يعنى

هسة اختياركم للاوقات الميتة دى للدخول ما ياهو الملح ذاتو؟
Post: #4679
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-19-2010, 02:37 PM
Parent: #4678

Quote: .....بعد أن استئذن صاحب البوست الخال دهب ...وأستئذنكم فى
أن اخش تووووووش كده في مساحتكم الخاصة جدا


مرحبتين حبابك اليوم السعيد الليلة جابك

ضيفتنا العزيزة د.شيراز الدار دارك وأدخلي بدون

إستئذان ،،،البيت بيتك ،، وتأكدي تماماً نحن ناس الزقازيق

متأكدين تماماً بأن مجتمعنا الزقازيقي كان مجتمع فاضل وصافي القلب

وهؤلاء القوم كأنه قد تم إختيارهم بعناية فائقة ،،، وسوف تجدي كثير من موسى عيسى
عيسى،،،،

الزقازيقاب هم أهلنا وأحبابنا وعزوتنا ،،،،

اعطيناك حق التسجيل الكامل وبدون إنتساب.
Post: #4680
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 05-19-2010, 05:15 PM
Parent: #4679

ازيكم حار التعازي لمبارك جادين في وفاة خالتة


وحار التعازي لعبد الباقي مخاوي في وفاة والدته


لهم المغفرة ولاهلهم وزويهم الصبر والسلوان
Post: #4681
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 05-19-2010, 05:22 PM
Parent: #4680

ازيكم 000 والله ازيكم


حبيت ابدا من هنا000

الواحد جاري جري 000 ((دا شنو دا)))

طمنوني حاج الركز وصل ولا بعده
Post: #4682
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-19-2010, 05:27 PM
Parent: #4681

مرحب بالدكتورة القامة شيراز عبد الحي ... أكيد إنت بين أهل وناسك والدار دارك ... وعضوية كاملة دون إنتساب ولا حتي بواسطة عفاف علي ميرغني ... وموسي عيسي ما عمل إلا الواجب ... وده صفاته أخو بنات وشيال تقيلة من زمان ... ولو ما عمل كده ما يبقي موسي عيسي ..
Post: #4683
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-20-2010, 07:52 AM
Parent: #4682

صباح الهناء والسرور ...

الدكتورة شيراز حبابك عشرة .. واهلا بيك في حوشنا العامر بوجودك ...
وناس الزقازيق حقيقي اجدع ناس .. اخونا موسى عيسى الله يديك العافية ...
Post: #4684
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-20-2010, 07:58 AM
Parent: #4682

الاخ على حسن اداب - من مدنى يوافينا باخر العناوين

يا زهير وين باسورد الزول دفعة حسن اكشن ده


sudansudansudansudansudansudan11.jpg Hosting at Sudaneseonline.com



تابعونا هنا

Re: كل ناس الزقازيق... عناوين وهواتف
Post: #4685
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-20-2010, 08:12 AM
Parent: #4684

بسم الله
شكراً جميلاً للزول الأسمو علي حسن
لا تفوت على فطنة القارئ
في زول كان مرسلنو يجيب تلفون الأسمو حافظ أبو عاقلة
و لمن السؤال كتر و الإجابة زيرو
الجماعة عملو نايميين و كل ليل يدعون يا رب إليَّ بتلفون حافظ أبو عاقلة
فجأة التلفون جا
من وين؟؟؟
الله أعلم
Quote: 0912578881 مدارس النخبه لغه عربيه حافظ ابو عاقله
Post: #4686
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-20-2010, 09:53 AM
Parent: #4685

Quote: فجأة التلفون جا
من وين؟؟؟
الله أعلم

Quote: 0912578881 مدارس النخبه لغه عربيه حافظ ابو عاقله


الحمد لله اولا وآخرا" ...

وبدون ما تشتت المديده الحارة يا جلا ..

والف مليون شكر لاخونا على حسن على هذا الاسهام الكبير

وبذا نحن موعودون باذن الله بتشريف هذا الرجل القامة بيننا
Post: #4687
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-20-2010, 10:18 AM
Parent: #4686

سلامات يا ناس

مراحب بالاخ على حسن

والرجل بينى وبينه نسب وصلات اسرية

له التحايا ولناس مدنى الجميلة.

Quote: سلامات يا ناس

وصباحات التفاؤل

شايف المشاركات كده مسكينة ..فى ناس اصلو

ما قاعدين يجونا بى جاى ..

الريس والاستاذة منى

الريس معتصم

احمد اسماعيل

جلال

سامى عبد الوهاب

عثمان الخير

وكثيرون...

محمد عيد اختفى فى الفترة الاخيرة اختفاء يرسم اكثر من علامة استفهام

وكذلك منصور وبكرى حامد..وعمر المهدى

يا ناس تعالوا
Post: #4688
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-20-2010, 10:42 AM
Parent: #4687

صباح الخير ،،، يا وجوه الخير

وصباح جميل لأخونا علي حسن وكذلك

ومشكور الشيخ جلا لقد سعدت كثيراً

بالإتصال الجميل والمطول بالزقازيقي

الكبير الشاعر حافظ أبو عاقلة والذي

ربطتني به صداقة جميله خلال الفترة الزقازيقية

وهو سعيد جداً ويبلغ تحياته لجميع الإخوه ويقول هو

كما هو على العهد السائر ولم يتغير ولم يتبدل

ولكنه أفاد بأنه لم يدخل هذا الموقع وسوف يحاول

الدخول والمتابعة .

Quote: يا ناس تعالوا


أمرك مطاع يا كوتش ولكن بندخل كثيراً

للإطلاع وسماع الكلم الطيب الجميل.
Post: #4689
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-20-2010, 10:52 AM
Parent: #4688

يا جماعة الموضوع محير من 15 عضو جديد ما دخل غير 5 اعضاء فقط
عائشة صلاح - خالد محى الدين - محمد المرتضى - كوثر داؤد - منى عباس


المداخلة ادناه كانت من زهير يوم 17/4/2010 يعنى اكثر من شهر فرجاء حتى
لا نفقد مصداقيتنا مع الاخ الكريم بكرى ابوبكر ان يتكرم اى عضو منا بلاتصال
باى واحد من الاعضاء المادخلو ويشوف المشكلة بتاعتو شنو ..


Quote: دي الدفعة الأولي من طالبي العضوية ... أي زول إسمه ما ورد يا ريت يلحقني بيهو بسرعة ... ويا موسي عليك الله رسل لي إيميل ود الهادي تاني .... كما نرجو مراجعة الأسم والإيميل



1/ شوش
[email protected]


2/ خالد محي الدين
[email protected]


3/ عادل الحسين
[email protected]


4/ محمد العبيد
[email protected]

5/ مني عباس
[email protected]

6/ موسي الراجل
[email protected]


7/ النذير عبد الله زيدان
[email protected]


8/ سر الختم محمد علي
[email protected]

9/ محمد المرتضي
[email protected]

10/ نور الدين عثمان
[email protected]

11/ كوثر داؤود
[email protected]

12/ الفاتح قمر

[email protected]

13/ مجد الدين عوض السيد

[email protected]



14/ محمد عثمان عبد الرحيم
[email protected]

15/ يوسف عبدالله خالد
[email protected]
Post: #4690
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-20-2010, 11:54 AM
Parent: #4688

الكرام و الاحباب الزقازيقاب الحقيقة منذ البارحة و انا و الاولاد حلت رحالنا ببريدة في ضيافة الدكتور حسين و الدكتور الانيق خالد محي الدين و الدكتورة زينب بشير الذين غمرونا بحسن و كرم ضيافة فريد و هذا هو ديدنكم ايها الزقازيقاب فلكم التحية اينما

كنتم و انشاء الله سوف نواصل المسيرة اليوم للنعيرية لتعزية الدكتور حسن اسماعيل في وفاته اخ زوجته و انشاء الله سوف اكون بالرياض غدا الجمعة .


أولا التحية عبرك اخوتي للاخت الراقية د.شيراز محمد عبدالحي تلك الانسانة الرائعة بكل ما تحمل الكلمة من معني سامي و جميل و الحقيقة هي اضافة كبيرة و شرف لنا في قبيلة الزقازيق بانتماء امثالك لجمعنا الكريم و سوف نكون اكثر سعادة باستمرارك و دكتور حاتم بيننا و سوف تجدون نحن يا نحن و بدون مقدمات هؤلاء هم اهلي ناس الزقازيق و هكذا هم فلكم الشكر علي الترحاب الحار بالدكتورة شيراز و لكن للامانة الدكتورة يبدو انها حساسة اكثر من اللازم و يبدو انها زقازيقابية بالميلاد و لكن يبدو انها ضلت الطريق من الزقازيق لجامعة الخرطوم حيث كانوالدها العلامة الدكتور محمد عبدالحي الشاعر الرهيف و المدرسة المتميزة يدرس و لكنها زقازيقية التنشئة و الهوي لان وجودها بيننا هو الفرحة والإضافة و ما قمت به تجاها لا يرتقي لكل هذا و انما واجب قليل يقوم به كل فرد تجاه اخته و لا يستحق ان يشكر عليه هكذا و حقيقة يا دكتور كترة المحلبية شوية !! و زي ما قال ليك ظريفنا منصور عبدالرازق ما في حاجة اسمها صدفة فانت ولدت زقازيقية و كنت ضالة الطريق و الحمد لله انك وصلت فمرحبا بيكما و نكرر ما بين الاخوة شكر فانت عفاف ميرغني و انت زينب التجاني و نجاة حوفي و عشوش وسامية اسماعيل و خديجة ابراهيم و فاطمة بدري و ابتهاج عبدالله بدرية محمد صديق و حنان قرض و حنان مجمر و كل اخواتنا الذين جمعتنا بهم اجمل الصلات و اصدق المعاني و التي يا دكتورة مضى عليها اكثر من اثنين و عشرون عاما و لكنها كل يوم تتزداد لمعانا و بريقا و نكتشف بعضنا بعضنا فنسال الله ان يديم علينا هذه النعمة في الاخاء الصادق و انت يبقيك دوما معنا و اكرر شكري لله ان اكون منارة لتتعرفي من قرب علي هذه الكوكبة من النبل و الاخلاق لتسعدني معنا في زقازيقتنا التي لم و لن نحيد عنها ابدا لذا امل من نضيفنا عبدالدائم بهذها المناسبة ينزل لينا من الآي بود بتاعه طرف منصور اغنية مش حاتنازل عنك ابدا مهما يكون .

نسال الله ان يحفظ و يرعاك و دمتي
Post: #4691
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-20-2010, 11:54 AM
Parent: #4688
Post: #4692
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-20-2010, 12:17 PM
Parent: #4691

sudansudansudansudansudansudan12.jpg Hosting at Sudaneseonline.com


الولد علي حسن الشاب الجميل و الوديع و الحريف كرويا ، آداب اي آداب يا جلا ما لك انا عا########ي و عجبني اهلا كترت قللت بقول ليك انا ذاتي من آداب عديل عندك كلام و الظريف علي حسن آخر التقيناه في

مدني شهر اكتوبر العام المنصرف و كان لقانا عامرا كان مدهش مع الظريف الباسم عبدالله الزبير و يوسف نور الجليل و وجدناهم كما ياهم بنفس الحال السابق فلك التحية اخي علي و التحايا عبرك لكل ناس

مدني و امل التواصل .
Post: #4693
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-20-2010, 07:01 PM
Parent: #4692

الناس دي يوم الخميس ده بتمشي وين ....
Post: #4694
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-21-2010, 01:59 PM
Parent: #4693

أجدع ناس...

لكم التحية

ودي رسالة من الأخ محمد حامد تبيدي من الدوحة:

Quote:

بسم الله الرحمن الرحيم
بالجد الواحد مهما تنقل وتغيرت أحواله
يبقى أسيراً مشدوداً لأيام الزقازيق الجميلة بكل ألقها وحلاوتها
كل الزقازيق بكل مزيجها وتنوعها وكلياتها وأنديتها وشللياتها
للزقازيق عبق ولون وطعم ورائحة أظنكم جميعكم تحسونه
وتعيشونه ولا تختلفون عليه
كلما يرن إسم الزقازيق تتزاحم علينا المفردات والمشاهد
هذا أحمد عوض يترنم للكاشف وذاك جمال فارح بشاله الديمقراطي
وذاك عبد الدائم النضيف وهناك هباني وخلفه ميسرة وأمامه بشير
علي العبيد وتلك خديجة همام وجوارها زينب التيجاني وخلفهما ابتهال وهناك كمال الشادي وخالد بنها يعزف وموسى عيسى يتكشم
والطيب شيبس يدعو للتغيير الشامل وصلاح الأمين يحمل ختمه ويوسف محمد الحسن رئيس لجنة الإنتخابات ومحمود حسين غارق في البنق والشطرنج وهاني برعي ووليد أبو القاسم يا ساتر كسروا كراع الدرديري
وحنان مجمر وإحلام مختار ورحاب كاسحات وعادل النمير وعبد الهادي يقرضان الشعر وزهير الزيناتي يخطط لتغيير الكيزان ومحمد صديق مهموم بكيفية زحزحة تجارة عن النهائي والتاج بهندسته وفنه يقود تجارة للكؤوس وامامه أسامة الطيب السعيد
ونادي الشرقية وكبري أم حماد وشارع الصيادين ونادي التجاريين وشارع القومية وشارع فاروق وشارع المصالح حتى لكوظ بتاع الفول وعمك مرجان وعم عبدة وأم محمد ووووووووووووو
آخ خ خ خ خ خ
لو بقيت أكتب لبكرة لما توقف القلم والأسماء الرائعة والذكريات الأروع تكبس وتتزاحم
الأحباب
محتاجين لموقع وحوش يلمنا بلا قيود أو تمييز
فقط الإنتماء للزقازيق
عشان كل زول يلقى نفسو ويتفاعل
وإلا فلا كبير معنى أو قيمة في تقديري
دعونا نتماسك أكثر ونتفاعل ونجدد الألق في نفوسنا
فوالله ما لنا في الدنيا غير العمل الطيب والذكرى الطيبة
وكل ما عدا ذلك الى فناء مهما تأملنا وتوهمنا
تحية إجلال وإكبار للزقازيق والزقازيقيين ونسابتهم
من القاهرة والمنصورة وإسكدنرية وطنطا الأوانطا
عموما هي وجهة نظر منطقها ودافعها مفهوم
ويبقى التقدير والإحترام للجميع
وشخصياً سأبادر بالتواصل مع كل من أجد عنوانه
وأحرص على التواصل مع كل من يرغب في التواصل معي
حفظكم الله من كل سوء
محمد حامد تبيدي
موبايل 009743509929
الدوحة - قطر


لك منا ألف تحية يا تبيدي
Post: #4695
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 05-21-2010, 03:16 PM
Parent: #4694

سلام لاجدع ناس وسلام مربع للوافدين الجدد ناس خالد وشوش وكوثر ومنى وكل من تداخل
اعزى الاخ عبد الباقى مخاوى
وارحب وبشدة بلدكتورة شيراز وعلى ما اعتقد انها دفعة د. كمال محمد عمر اخو عمر محمد عمر
وياريت تكون بيناتنا دايما
مليون سلام يا تبيدى وكا ناس الدوحة


سلام كبير اوى اوى للريس ميسرة سيد احمد وبنقول ليهو عيد ميلاد سعيد وربنا يديك الصحة والعافية
ويخليك لمنى والعيال ويخليهم ليك
وعقبال مليون سنة

من الاخ على حسن وصلنى ايميل به عناوين وهواتف وبرضو واحد تانى ويا ناس وين الباسويرد بتاع على حسن يا زناتى
الاخت /زنوبه بت النوبه
كما يحلو للاخوة بمنبر الزقازيق ان يخاطبوك به
لكى التحيه والتقدير اينما كنتى ---والتحيه الخالصه لوالدتك وربنا يديها العافيه ---انا مداوم الاطلاع على منبر الزقازيق وخاصه كتاباتك وذلك لسببين الاول الاستماع لاغنية امى الله يسلمك التى تريح الاعصاب
والثانيه لسردك لسيرة الراحله /سعاد خليفه –قل ان يجود الزمان بمثلها ---هذه المربيه الفاضله 0ربنا يرحمها) تعرفت عليها عام2001 عندما تزوجت حفيدة شيخه خليفه (وئام التجانى عبد الرحمن خليفه )بمدينة ودمدنى وكانت المرحومه حاضره لكل مراسم الزواج بمدنى باركا ن حربها خالد ابنها –وسيزا –وخالد شارز
وتم التواصل مع هذه الاسرة العريقه بالخرطوم والابيض ومدنى –الا ان اختارها الله الى جواره
كما ابلغك بان شقيقة سعاد خليفه –ست البنات خليفه قد توفيت الى رحمه مولاها امس بالابيض وهى والدةازهرى و ناديه وابوجلمبو وذلك حتى تتمكنى من تعزية الاسرة الكريمه
واحب ان اعرفك بنفسى رغم طول الفتره
اخوك /على حسن (اداب) خريج 88 دفعة منى عباس
ومن مدينة مدنى ---ومستقر بها واعمل موظف بشركة سوداتل
وهاتفى 00249120121108
كل اخبار ناس الزقازيق الوجودون بمدنى بخير وهم ياسر لورد( بيطره) سعاد عبد الرحمن (تربيه) محى الدين عبد الستار (علوم)
وفى الختام لكى التحيه والتقدير

الف شكر لعلى وبتمنى يكون بيناتنا قريب
يا جلا ماشة احصل لى عرس
Post: #4696
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-21-2010, 03:21 PM
Parent: #4695

عيد ميلاد سعيد لريسنا وتاج راسنا ... العزيز ميسره

4-en-73859577e3e143bb919734513b33f1838.jpg Hosting at Sudaneseonline.com


أدامك الله لنا ولاسرتك الجميلة
Post: #4697
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-21-2010, 03:57 PM
Parent: #4696

عيد سعيد وعمر مديد .. يا قلب هذا التجمع النابض


4-en-73859577e3e143b919734513b33f1838.jpg Hosting at Sudaneseonline.com
Post: #4698
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-21-2010, 06:43 PM
Parent: #4697

الريس ميسرة ... ألف سلام وتحية ... وعيد ميلاد سعيد ... وآلاف التهاني والتبريكات ...

أكيد ما حا نسأل نقول عيد الميلاد الكم ... ونخليها حمدو في بطنو ...

بس شايف اليومين ديل لياقتك وقعت وبقيت مازي زمان ... أوعي دي تكون أعراض الخمسين ... بره وبعيد
Post: #4699
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-21-2010, 07:01 PM
Parent: #4698

نرحب بالأعزاء علي حسن وتبيدي ...

علي حسن من الذين يهتموا لأمر الجمعية ولم شمل الناس وهو الدينمو المحرك لناس مدني والرابط الذي يجمع الناس هنالك .. وقد شارك في رحلة المعرض الأولي وجاء من مدني لحضور هذا التجمع له ولناس مدني خاصة الجميل تراروي ...

اما تبيدي فهو من الذين وضعوا وأسسوا اللبنات الأولي للجمعية ... وقد إستلمت منه حوالي 300 إسم ورقم تلفون وعنوان لناس الزقازيق ... وهو من أحرص الناس علي نجاح هذا التجمع وله إسهامات عديدة ... ويكفي إنه من الذين أسسوا للجمعية وكان في اللجنة التنفيذية ... له التحية ولأسرته الفاضلة والزقازيقية المهندسة ميسون ...
Post: #4700
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-21-2010, 08:19 PM
Parent: #4699

ما اروع الزقازيقاب فهم اجدع ناس بلا منازع جمال عشره ووفاء نادر
فيصل الكنزىالاخ والصديق وصلنى منه ايميل جميل من مسقط يسلم
على الجميع فله ولااسرته منا خالص التحايا,
وهاهو تبيدى فى رسالته للاخ سامى يقول
Quote: محتاجين لموقع وحوش يلمنا بلا قيود أو تمييز
فقط الإنتماء للزقازيق
عشان كل زول يلقى نفسو ويتفاعل
وإلا فلا كبير معنى أو قيمة في تقديري
دعونا نتماسك أكثر ونتفاعل ونجدد الألق في نفوسنا
فوالله ما لنا في الدنيا غير العمل الطيب والذكرى الطيبة
وكل ما عدا ذلك الى فناء مهما تأملنا وتوهمنا

فمرحبا بك وبدعوتك موسسا فاعلا فى كيان الزقازيقاب
فهيا بنا جمعيا من اجل دور فاعل للجمعيه ولانطلب اكثر من
التفاعل بالحضور الفاعل وعندها سنحقق الكثير
Post: #4701
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-21-2010, 08:35 PM
Parent: #4700

عيد ميلاد سعيد يا ريس


1008-029-08-1.gif Hosting at Sudaneseonline.com
Post: #4702
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-21-2010, 08:37 PM
Parent: #4700

يا ريس معتصم ...

ليك تحية ..

وبالله راجع الماسينجر
Post: #4703
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-21-2010, 11:20 PM
Parent: #4702

وصلتنى هذه المشاركة عبر الايميل من الاخ الصديق

الطيب محمد صديق عاليب ( زراعة 85 )

ورأيت نشرها للفائدة العامة


Quote: حالنا موصوف قبل 1430 سنه



حديث شريف يصف حالنا الآن

قال رسول الله صلى الله عليه وآله و سلم:

يأتي زمان علي أمتي يحبون خمس و ينسون خمس ....

يحبون الدنيا و ينسون الآخرة

يحبون المال و ينسون الحساب

يحبون المخلوق و ينسون الخالق

يحبون القصورو ينسون القبور

يحبون المعصية و ينسون التوبة

فإن كان الأمر كذلك

ابتلاهم الله بالغلاء و الوباء و موت الفجأة و جور الحكام.

قال رسول الله صلى الله عليه وآله و سلم: 'من صلى علي في يوم ألف صلاة لم يمت حتى يبشر بالجنة'

Post: #4704
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-21-2010, 11:32 PM
Parent: #4703

وهذه المشاركة الجميلة من الاخ الجميل

محمد حسان سعد الدين ( زراعة 88 )

Quote: معلومة عن الملائكة التى تحيط بالانسان

عددها(10) وتتبدل في وقت الفجر ووقت العصر , والله سبحانه وتعالى يسأل ملائكته وقت انتهاء عمل ملائكته وقت الفجر كيف تركتم عبادي , فترد الملائكة وتقول: تركناهم يصلون , لذلك ينصح دائماً بصلاة البردين الفجر والعصر وقال رسول الله صلى الله عليه وسلم: من ترك صلاة العصر حبط عمله .

وقد جعل الله عشرة أنواع من ملائكة تحيط بالإنسان كالتالي :

ملكين ملك عن اليمين وملك عن اليسار , الملك اليمين ليكتب الحسنات الملك الشمال ليكتب السيئات ولكن حين يفعل الإنسان سيئة يقول ملك اليمين لملك اليسار اكتب هذه السيئة, فيرد ملك اليسار ويقول

أمهله لعله يستغفر, فإذا استغفر الإنسان لا يكتبها له .
ملكين ملك أمام الإنسان وملك خلفه ,

حتى يدفع عنه السيئة التي تصيبه وتحفظه, مثال لذلك : كالذي تصيبه سيارة وينجوا من الحادث , هذه الملائكة تحفظ هذا الإنسان , ولكن إذا كتب الله سبحانه وتعالى أن يموت في الحادث باللوح المحفوظ فسوف يموت.

ملك على الجبين : للتواضع وعدم الكبر.

ملكين على الشفتين : ملك على الشفة العليا و ملك على السفلى وهم مفوضين هذين الملكين لتسجيل الصلاة على الرسول صلى الله عليه وسلم فقط وليس لغرض أخر .

ملكين على العينين : وهم لغض البصر وحماية العينان من الأذى وكما يقول المثل العامي المصري العين عليها حارس.

و أخيرا ملك على البلعوم : لأنه ممكن أن يدخل في فم النائم أي شيء يؤذيه فالله سبحانه وتعالى جعل ملك يحرس البلعوم حتى إذا دخل أي شيء بفم النائم ممكن أن يلفظه تلقائياً.


زهير الراجل ده والله لازم يكون معانا ...
Post: #4705
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-22-2010, 07:02 AM
Parent: #4704

صباح الخير ،،، يا وجوه الخير

أصبحنا وأصبح الملك لله ،،، وحده

صباح التفاؤل والأمل الجميل

صباح زقازيقي راقي ومعطر بعبق الذكرى الحلوه

لأجدع وأمتع ناس ،،،،،

أحي أحبتي المتداخلين بالباب وبالنفاجات

هلا بالقامة تبيدي ويا ريت لو تتواصل معانا ولو عبر الشباك

مرحبتين محمد حسان سعد الدين محمد صديق ، علي حسين ،،،،،،

وفيصل الكنزي إبن كلية التجارة ،،
Post: #4706
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-22-2010, 07:13 AM
Parent: #4705

يوم أمس إحتفلت عائلتي وزي ما عملوا في منصور

يا جماعة بعد ما شاب ودوه الكتاب بس يا زناتي حاولت

أحسب كم شمعة ولحدي ما نمت لم يكتمل العدد...

بصراحة منى يونس عملت لوحة وطلبت منها عدم إنزالها بالبوست

ما فيش حد بتكون عنده فكرة كدي أنسي الموضوع ،،، اليوم الصباح على

الفيس بوك وجدت الأخت العظيمة زينب التجاني عامله تهنئة وكذلك على البوست

عاملة تهنئة ، تشكرات أختنا زنوبا (دائماً فايتانا مسافة) وأنتي تتفقدي أحوال

الزقازيقاب ربنا يديك طولة العمر وراحت البال ،،،،

كذلك الريس معتصم قبل ابام وجدت منه تهنئة في أكثر من

موقع شكري ومحبتي للجميع وللفنانين وأصحاب الجاتوهات والبالونات .
Post: #4707
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-22-2010, 07:51 AM
Parent: #4706

وفاة والدة عضو المنبر عبدالحفيظ عباس
Post: #4708
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-22-2010, 07:55 AM
Parent: #4707

توفيت صباح اليوم والدة أخونا عبدالحفيظ عباس

تغمد الله الفقيدة بواسع رحمته

وألهم أهلها وذويها الصبر والسلوان

ولأخونا عبدالحفيظ كامل العزاء وللعائلة الكريمة

إنا لله وإنا إليه راجعون
Post: #4709
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-22-2010, 08:04 AM
Parent: #4708

خالص التعازى للاخ عبدالحفيظ والاسرة
ت عبدالحفيظ 912366742-00249



انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
Post: #4711
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-22-2010, 08:13 AM
Parent: #4709

إنا لله و إنا إليه راجعون

اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار .
اللـهـم عاملةا بما انت اهله ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناً.
اللـهـم إن كانت محسنةً فزد من حسناتها , وإن كانت مسيئةً فتجاوز عن سيئاتها .
اللـهـم ادخلها الجنة من غير مناقشة حساب ولا سابقة عذاب .
اللـهـم اّنسها في وحدتها وفي وحشتها وفي غربتها.
اللـهـم انزلها منزلاً مباركا وانت خير المنزلين .
اللـهـم انزلها منازل الصديقين والشهداء والصالحين وحسن اولئك رفيقا .
اللـهـم اجعل قبرها روضة من رياض الجنة ,ولا تجعلها حفرة من حفر النار .
اللـهـم افسح لها في قبرها مد بصرها وافرش قبرها من فراش الجنة .
اللـهـم اعذها من عذاب القبر ,وجاف ِالارض عن جنبيها .
اللـهـم املأ قبرها بالرضا والنور والفسحة والسرور.
اللـهـم إنها فى ذمتك وحبل جوارك فقها فتنة الفبر وعذاب النار , وانت أهل الوفاء والحق فاغفر لها وارحمها

أخي عبدالحفيظ نسال الله ان يحسن عزاكم و يجبرك كسركم و ان يجعل البركة في الذرية .
Post: #4710
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-22-2010, 08:07 AM
Parent: #4708

ياريس
ليلة ميلادك ياحبابا
عقبل تطفي الشمعة ال100
كل سنة وانت طيب
Post: #4712
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-22-2010, 08:27 AM
Parent: #4710

الريس ربنا يطول في عمرك و يزيدك من سيدك و يتمتعك

بالصحة والعافية و عقباك ما نفرح بالشمعة المليون

و انت صحيح معافي و يهنيك بعيال و اهلك انشاء الله.


الدفعة محمد حامد تبيدي لك التحية و التهنئة علي

الكلام الجميل و نامل من الجميع المداومة علي التواصل .
Post: #4713
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-22-2010, 08:50 AM
Parent: #4712

صباح الهناء والسرور ...

صادق التعازي لاخونا عبدالحفيظ في وفاة والدته ...

اللهم تقبلها قبولا حسن واسكنها فسيح جناتك .. امين ...
Post: #4714
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-22-2010, 08:51 AM
Parent: #4713

صادق التعازي لاخونا عبدالحفيظ في وفاة والدته ...

اللهم تقبلها قبولا حسن واسكنها فسيح جناتك .. امين ...
Post: #4715
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-22-2010, 08:53 AM
Parent: #4714

الريس ميسرة كل سنة وانت باحسن حال وربنا يديك الصحة والعافية ...
ويهنيكم واختنا منى يونس والعيال وكل افراد الاسرة الكبيرة ...
Post: #4716
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 05-22-2010, 09:01 AM
Parent: #4715

تحياتي للجميع ...

التعازي الحارة للأخ عبد الحفيظ عباس
سائلين المولى القدير أن يتقبلها لديه قبولا حسنا
مع الصديقين والشهداء وأن يتغمدها برحمته الواسعة ..
وللأخ عبد الحفيظ والأسرة الكريمة الصبر وحسن العزاء
وإنا لله وإنا إليه راجعون ...
Post: #4717
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-22-2010, 10:35 AM
Parent: #4716

اشارات تواصل كثيفة , حفل بها هذا الجزء من البوست
تبعث فينا الأمال (النايمة ) , باستمرار التواصل , وتطوره , واذدهاره الى افاق اكثر رحابة
طالما ان الريس احتفل بميلاده , نهاية هذا الأسبوع
فانا حا اقدر اتخيل شكل الصالون بتاعكم كان كيف يا منى يونس
اكيد النمر الواقف داك , اتوهط قعد
والأسد الجارى , اخد ليهو سندة
ناس بطوط وميكى واسبايدرمان , بيكونوا رجوا البيت رج
اما اغنية عيد الميلاد للريس الحبيب
فانا اتخيلها , من لسان المبدع عبد العزيز العميرى (رحمه الله )
ولى قلب الوالدة العزيزة ست الكل , حاجة محسنة ام البنيات والوليدات
لو اعيش زول ليهو قيمة , اسعد الناس بى وجودى
زى نضارة غصن طيب كل يوم يخضر عودى
وابقى زولا ليهو قيمة
لو اعيش فى عمرى نسمة او مع الأيام سحابة
اهطل ادى الدنيا بسمة اروى وادى واسقى غابة
او اعلم طفل واعد لسه ماعرف الكتابة
ابقى شجرة ظلالها وارفة تحتى ناس نايمين تعابة
وابقى زولا ليهو قيمة  
Post: #4718
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-22-2010, 10:42 AM
Parent: #4717

تغمد الله الفقيدة بواسع رحمته

وألهم أهلها وذويها الصبر والسلوان

ولأخونا عبدالحفيظ كامل العزاء وللعائلة الكريمة

إنا لله وإنا إليه راجعون
Post: #4719
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-22-2010, 10:50 AM
Parent: #4717

ده كان فى المقام الأول
واذا ما جينا واتطلعنا على الخبر الحزين , اللسه طازة وجديد
بتاع وفاة والدة اخونا وزميلنا , عبد الحفيظ عباس
اللى ربنا ان شاء الله يرحمها ويغفر ليها وينزلها فى عليين
مع خلصائه , من الصديقين والشهداء
وكمان عرجنا , وكحلنا عيوننا , بمداخلات (شباكية ) زى بتاعت الطيب التكو , وعلى حسن , ومحمد حسان سعد الدين
فلنا ان نغنى . وسط حزننا , حلالى انا واحلالى , القبلى شال انا واحلالى
فنحن امام صندوق سحرى , يا الرشيد بابكر , ينبيك , بما لاتعلم , ويؤكد على انبائك بما تعلم
ينقلك الى مقابر فاروق ومقابر الصحافة , فى الصباح الباكر
ويجعلك حاضرا فى صالون منى يونس , مساء الجمعة
مثلما انه جعلك مجاورا لى موسى عيسى , صحبة دكتور خالد محى الدين , ودكتورة زينب مع زوجها , فى بريدة القصيم
وندعو له بسلامة العودة من النعيرية
حتى لو لما يجى راجع , يغلوهو ليك ناس السفارة وهو منتظره جوازه التحت التجديد
طالما ان هذا الأنتظار , سيثمر عن دخول دكتورة شيراز عبد الحى
التى سيتضح لاحقا انها , دفعة اخو عمر محمد عمر , زوج بت النوبة العزيزة
اقول ليكم حاجة
انا عاوز لى باسويرد تااااااانى , فى البتاعة دى , احتياطى كده يا بكرى , لأنو الزمن ما معروف
Post: #4720
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-22-2010, 12:10 PM
Parent: #4719

تحياتي للجميع ...

التعازي الحارة للأخ عبد الحفيظ عباس
سائلين المولى القدير أن يتقبلها لديه قبولا حسنا
مع الصديقين والشهداء وأن يتغمدها برحمته الواسعة ..
وللأخ عبد الحفيظ والأسرة الكريمة الصبر وحسن العزاء
وإنا لله وإنا إليه راجعون ...
Post: #4721
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-22-2010, 12:25 PM
Parent: #4720

Quote: فنحن امام صندوق سحرى , يا الرشيد بابكر , ينبيك , بما لاتعلم , ويؤكد على انبائك بما تعلم
ينقلك الى مقابر فاروق ومقابر الصحافة , فى الصباح الباكر
ويجعلك حاضرا فى صالون منى يونس , مساء الجمعة


منص يا حبيب...تمر أيام تسوء فيها العلاقة بيني و بين الكتابة...فأترك الأمر حتى يأتي الفرج...لا أبحث عنه حتى يأتي وحده...ربما يتأخر و لكنه يأتي...يأتي في أشكال مختلفة...نسمة صباحية و هذه غير متوفرة هذه الأيام...بخة أرامس و هذه لها فعلها و لكن ليس في كل الأوقات...اتصال من أخ عزيز أو أخت عزيزة و هذه لها مفعول طيب في كل الأوقات...و حين يستعصى الأمر أو يعصلج تماما يكون لتدخل الأجاويد أهمية كبرى هنا...
و لأن الريس ميسرة ليس بالشخص العادي...فان احتفالية مثل تلك الاحتفالية بعيد مولده يكون لها وقع و صدى عظيمان في نفسي...تعيد المياه التي بيني و بين الكتابة تعود الى مجاريها غير المختلطة بالمياه الآسنة...بل تختلط بينابيع من المحبة و الصدق و المودة...
كل عام و أنت بخير يا ريس لك و لأسرتك الكريمة ممثلة في الأخت منى يونس و الأبناء...و أمنياتنا لك بالعمر المديد المليئ بالانجازات و النجاحات...
Post: #4722
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-22-2010, 01:18 PM
Parent: #4721

صادق التعازي للأخ عبد الحفيظ عباس في وفاة المغفور لها بإذن الله والدته

اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها ولأخونا عبد الحفيظ الصبر
Post: #4723
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 05-22-2010, 01:20 PM
Parent: #4722

كل سنة وإنت طيب يا ريّس

والله يديك طولة العمر
Post: #4724
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-22-2010, 01:33 PM
Parent: #4721

رحم الله والدة عبد الحفيظ عباس وأسكنها فسيح جناته مع الصديقين والشهداء ...
ولعبد الحفيظ والأسرة صادق التعازي ...
لقد تم مواراة الجثمان بمقابر الصحافة صباح اليوم ويقام المأتم بمدينة كوستي
Post: #4725
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-22-2010, 02:49 PM
Parent: #4724

خالص التعازي للاخ عبدالحفيظ في وفاة المفغور لها بإذن الله والدته
نسأل الله أن يتقبلها القبول الحسن وان يجعل قبرها روضة من رياض الجنة
التعازي موصولة لافراد الاسرة الكريمة ...
Post: #4726
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-22-2010, 03:08 PM
Parent: #4725

Quote: تمر أيام تسوء فيها العلاقة بيني و بين الكتابة...فأترك الأمر حتى يأتي الفرج...لا أبحث عنه حتى يأتي وحده...ربما يتأخر و لكنه يأتي...يأتي في أشكال مختلفة...نسمة صباحية و هذه غير متوفرة هذه الأيام...


لا لا لا ... كلو الا انت يا جميل

ما معانا جميلة بوحريد ...
Post: #4727
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-22-2010, 05:49 PM
Parent: #4726

وفاة والدة عضو المنبر عبدالحفيظ عباس
Post: #4728
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 05-22-2010, 10:12 PM
Parent: #4727

صادق التعازي للأخ عبد الحفيظ عباس في وفاة المغفور لها بإذن الله والدته

اللهم أغفر لها و ارحمها و اعفو عنها و أكرمها
- اللهم وسع مدخلها و ادخلها الجنة و غسلها بالثلج و الماء والبرد
- اللهم يمن كتابها و هون حسابها و لين ترابها و ثبت أقدامها و ألهمها حسن الجواب
- اللهم طيب ثراها و اكرم مثواها واجعل الجنة مستقرها و مأواها
- اللهم نور مرقدها و عطر مشهدها و طيب مضجعها
- اللهم آنس وحشتها و ارحم غربتها و قه عذاب القبر و عذاب النار
- اللهم نقها من خطاياها كما ينقى الثوب الأبيض من الدنس
- اللهم فسح لها في قبرها و اجعله روضة من رياض الجنة و لا تجعلها حفرة من حفر النار
- اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
- اللهم اجعل لها من فوقها و من تحتها و من أمامها و من خلفها و عن يمينها و عن يسارها نورا من نورك يا نور السماوات و الأرض
- اللهم أبدلها دارا خيرا من دارها و أهلا خيرا من أهلها و أزواجا خيرا من زوجها واسكنها فسيح جناتك في الدراجات العلي آمين
Post: #4729
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-22-2010, 11:33 PM
Parent: #4728

ريسنا ميسرة كل سنة وانت بالف خير
Post: #4730
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-22-2010, 11:46 PM
Parent: #4729

تغمد الله والدة زميلنا عبدالحفيظ برحمته

والهم أهله وذويها الصبر والسلوان

إنا لله وإنا إليه راجعون

والعزاء لكل من فقد عزيز لديه
Post: #4731
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-22-2010, 11:59 PM
Parent: #4730

أصالة عن نفسي وإنابة عن عائلتي

تشكر إمبراطورية ميم الإخوه المتداخلين والمهنئين

والأخت الجميلة زينب التجاني لتعاملها الراقي مع الجميع

sudansudansudansudansudansudansudansudansudan..sudan1sudan.jpg Hosting at Sudaneseonline.com

[center]ونقول كل سنة وجميعكم بألف خير ،،،، وعقبال مائة شمعة
Post: #4732
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-23-2010, 06:22 AM
Parent: #4731


بسم الله الرحمن الرحيم
أصبحنا وأصبح الملك لله رب العالمين
اللهم نسألك خير هذا اليوم وخير مابعده
فتحه ونصرهـ ونورهـ وبركته وهداهـ
ونعوذ بك من شرهـ وشر مابعدهـ


صادق العزاء للأخ عبد الباقي مخاوي والأخ عبد الحفيظ عباس
في وفاة والدتيهما
نسأل الله أن يتغمدهما بواسع رحمته وعظيم مغفرته ونسأل الله
الرحيم الغفور أن يزيد من حسنات والدتيهما ويتجاوز عن سيئاتهن
وأن يلحق والدتيهما بالصالحين في الفردوس الأعلى ياأرحم الراحمين
اللهم أجعل قبريهما روضة من رياض الجنة
اللهم لاتفتنا بعدهم ولاتحرمنا أجرهم وأختم لنا بخاتمة السعادة أجمعين
Post: #4733
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-23-2010, 06:31 AM
Parent: #4731

صباح الهناء والسرور ...

رشيد القوم .. مهما هم تاخروا فانهم ياتون من .... او من .....

يا اخواننا الحاج الشيخ المجننا جلا وين ...

اعملوا حسابكم الايام دي جلا داخل في تنكر واحتمال ظهوره باي شكل من الاشكال المالوفة وغيرها ...

حاتم جبارة والباندا المفقودة .. لا اسكت الله لك حسا ...

منصور تستاهل عشرة باسويردات كلامك طاعم .. ونضمك حلو ...

قيس جمال الدين والله فاقدنك شديد ...
Post: #4734
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-23-2010, 07:09 AM
Parent: #4733

صباح الخير ،،، يا وجوه الخير

أصبحنا وأصبح الملك لله وحده ،،،

هدية صباحية لمن أحبه في الله

* إذا كنت تريد الجنة فإلتزم الصلاة
* وإذا كنت تريد الغنى فألزم الإستغفار
* وإذا كنت تريد المحبة فألزم الإبتسامة
* وإذا كنت تريد السعادة فألزم القرآن

يشهد الله إني أحبكم جميعاً في الله ،،،،،،
Post: #4735
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-23-2010, 07:17 AM
Parent: #4734

Quote: صباح الخير ،،، يا وجوه الخير

أصبحنا وأصبح الملك لله وحده ،،،

هدية صباحية لمن أحبه في الله

* إذا كنت تريد الجنة فإلتزم الصلاة
* وإذا كنت تريد الغنى فألزم الإستغفار
* وإذا كنت تريد المحبة فألزم الإبتسامة
* وإذا كنت تريد السعادة فألزم القرآن

يشهد الله إني أحبكم جميعاً في الله ،،،،،،

يشهد الله إني أحبكم جميعاً في الله
يشهد الله إني أحبكم جميعاً في الله
يشهد الله إني أحبكم جميعاً في الله
Post: #4736
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-23-2010, 07:23 AM
Parent: #4735

Quote: يشهد الله إني أحبكم جميعاً في الله
يشهد الله إني أحبكم جميعاً في الله
يشهد الله إني أحبكم جميعاً في الله


مستمتعين و جايكم برواقه (بمكنة جنابو).
Post: #4737
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-23-2010, 08:11 AM
Parent: #4736

صادق التعازي للاخ عبد الحفيظ عباس في وفاة الوالدة
رحمها الله واسكنها فسيح جناته مع الصديقين والشهداء وحسن اولئك رفيقا
والعزاء ايضا موصول للاخ مخاوي
في وفاة الوالدة جعلها الله اخر الاحزان وجعل قبرها روضة من رياض الجنة
وانا لله وانا اليه راجعون





يا ريس الف مبروك
سنة سعيدة وعمر مديد
ويا ناس الامبراطورية الميمية
ابقوا عشرة على الريس
ابوكم زول ما ساهل
ورقم في حياتنا
وجزء من احلام الشباب
فوقروه واستمعوا لما يقول
فمنذ ان عرفناه لقيناه
في صف الغلابة
والتعابا والحيارى
الف مبروك يا ريس


مودتي
Post: #4738
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-23-2010, 08:27 AM
Parent: #4737

و الله لكن يا جلا بقيت مكسراتي كبير !!!!

عملت ازمة في تلج الناس .......لوووووول .

الدينا سخنت في الخرطوم و لا شنو ؟

عموما خفف المحلبية شوية و زيد في دلك شوية!!

يعني موضوع ميلاد الريس لوك لينا يعني يعني و لا شنو !
Post: #4739
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-23-2010, 08:28 AM
Parent: #4736

صادق التعازي للأخ عبد الحفيظ عباس في وفاة المغفور لها بإذن الله والدته

اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها ولأخونا عبد الحفيظ الصبر
إنا لله وإنا إليه راجعون




الريس ميسرة كل سنة وانت باحسن حال وربنا يديك الصحة والعافية ...
ويهنيكم وكل افراد الاسرتكم الكريمة ...
Post: #4740
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 05-23-2010, 09:46 AM
Parent: #4739

رحم الله والدة زميلنا الاخ عبدالحفيظ عباس وأدخلها فسيح جناتة..

اللَّهُمَّ اغْفِرْ لَها وَارْحَمْها ، وعافها وَاعْفُ عَنْها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الذنوب والْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

ونسأل الله عز وجل لكم أخي عبدالحفيظ الصبر وحسن العزاء..


ريسنا كل عام وانت وأفراد أسرتك بألف خير وصحة , وانشاء الله العمر كله..
Post: #4741
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-23-2010, 10:09 AM
Parent: #4740

هسى البادى النور ده , براهو ما داير ليهو باسويردين تلاتة
يا دوب يكفوهو
طاعم انت , سمح انت وبسكويت , آآآآآآآآى
اها , اقول ليك حاجة تانية يا البادى
هسى الوالدة بقت كيف ؟؟ ان شاء الله تكون بلغت العافية
قول ليها فى زول اسمه منصور
يا حليلو , يتيم , امه وابوهو ماتو زمااااان
لكن معنوياته عالية بشكل الأيام دى
عارف ليه
مش قبل يومين ضربت ليهو مخسوس من السودان الحاجة ام جلا
ادتنى ليكم دعوتين عبر الأثير
لمن اتلفت بى جاى واتلفت بى جاى
انعل ابو ام المناديل الأتعدمت دى
انتو بتودوا المناديل ويييين يا اولاد
لو ما فى مناديل
بنقبل باسويرد (شفاف بدلها )
كمال الشادى وين انت ؟؟؟
تتذكر حمد الريح ده زمان كان طاعم كيف ؟؟؟
يا ربى هو مسخ , ولا انحنا سكرنا زاد
قال (آيبودى ) قبل قليل وهو يجرنى الى الماضى الجميل جرا
نار البعد والغربة شوق لى أهلى والصحبة
شوق لكل جميل فى الحى شوق للشينة لو صعبة
Post: #4742
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-23-2010, 10:30 AM
Parent: #4741

آيبود مسخوط بشكل يا نضيف
ياخى ده بيطلع حاجات , وبينكت جنس كلام
حمد الريح ده , بالرغم من انو (زى ما عارف كمال الشادى )
ذاكرة طفولية , ووجدان ذكرياتى عريض
الا اننى يبدو قد اسقطته من ذاكرتى , لى شنو ؟؟ والله ما عارف
عشان مساخته يا ربى ؟؟ ممكن
عشان اشكال مواقفه الصنفتها تصنيف سالب , يجوز
لكنى غلتان والغلط راكبنى من راسى لغاية اخمص الرجول (هى اخمص الرجلين دى مش آخر حتة ولا انا غلطان )
بين اليقظة والاحلام بين اجفان تقول لى النام
اريت النوم يزورنى ليوم انوم لو ليلة فى كل عام
آه بتطلع بدمع العين زفرة بتشعل انفاسى
وىه بتحيى فينا حنين ولا زفرة بتجيب ناسى
بين اليقظة والحلام
لو عبرة تزيل غصة ولو ذكرى بتهدى حنان
او انسان صبح قصة انا القصة يا امدرمان
بين اليقظة والأحلام


اقول ليكم حاجة , النوم ده خلوهو , لو بيجيب جنس (الكتاتيح دى )
يا حمد الريح , اشهد انك (احلى مسييخ )
وانك (اخف ثقيل ) , اذ تغنى مثل هذا الكلام , ما لنا ومساختك وانت تحمل المايك
ولكنك بدون مثل هذا الكلام , وبدون المايك , ما بتتقابل عدييييييييييل
Post: #4743
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-23-2010, 10:41 AM
Parent: #4741

انت يا منصور خليت الشغل وقاعد تسمع فى الاي بود اربعة وعشرين ساعة

وصل بيك الحال بقيت تحلف بيهو كمان وحات ايبودى وحات ايبودى

ذكرتنى نكتة الدينكاوى اول ما ظهر شريط النور الجيلانى باغنية يا مسافر جوبا
شايلو فى جيبو وطلع مشوار ، يوقف بتاع التكسى اول سؤال يسألو ليهو
آآآنــدك مووووســجــل ؟
بتاع التكسى يقول ليهو لا .
يقولو ليهو تووووويل ... ويشير باصبعة لقدام يعنى امشى ما تقيف
والبعدو وهكذا

لحدى ما لقى ليهو تكسى فيهو مسجل شغل الشريط اولا" وقال لبتاع التكسى بالله ودينى جبرة
Post: #4744
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-23-2010, 11:53 AM
Parent: #4743

ياعبدالدائم ومنصور
عليكم الله اي بوداتكم دي ما فيها اغنية عندك بحرية ياريس لوديع الصافي
ياخي مغروض فيها والله ...
عندي حفلة هنا .... عندك بحـرية ياريس ... (كل سنة وانت طيب)

بالله شوفها لينا والا ليس لديكم "اي بودات" ونشوف الرشيد عندو "زلمات" كتار بدبروا لينا الشغلة دي.
Post: #4745
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-23-2010, 02:20 PM
Parent: #4744

مساكم الله بالخير

يا بادي يا جميل لك تحياتي ...

Quote: بالله شوفها لينا والا ليس لديكم "اي بودات" ونشوف الرشيد عندو "زلمات" كتار بدبروا لينا الشغلة دي.


جلال يا حبيب...
لك تؤبرني يا جلال...ان طلبت عيوني خذها...شو لون الآي بود اللي بدك اياه...
انت تأمرني أمر عيوني...

مو هيك بدك...
Post: #4746
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-23-2010, 03:01 PM
Parent: #4745

Quote: جلال يا حبيب...
لك تؤبرني يا جلال...ان طلبت عيوني خذها...شو لون الآي بود اللي بدك اياه...
انت تأمرني أمر عيوني...

مو هيك بدك...

ليك .... حبيب البى انت ...
ليك يسلموا .... وتسلملي عيونك ... شو ها الرشيد
حبيب البي ما بدي اي بود ... بدي وديع الصافي ... غنية عندك بحرية
نكسر بيها تلج للريس "دي بلسان جلا"


















------
الرشيد معليش ياخ لساني اتعوج .....
Post: #4747
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-23-2010, 03:45 PM
Parent: #4746

خالص التعازي للاخ عبدالحفيظ في وفاة المفغور لها بإذن الله والدته
نسأل الله أن يتقبلها القبول الحسن وان يجعل قبرها روضة من رياض الجنة
التعازي موصولة لافراد الاسرة الكريمة ...
Post: #4748
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 05-23-2010, 03:59 PM
Parent: #4747

الريس ميسرة ........
كل عام انت والعزيزه منى والابناء بالف خير
Post: #4749
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-23-2010, 08:10 PM
Parent: #4748

سلامات يا ناس

التحايا للجميع

وانقطاع وما باليد حيلة

الريس ميسرة ...كل عام وانت والاسرة بالف خير
Post: #4750
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-24-2010, 06:05 AM
Parent: #4749

صبحكم الله بالخير
الأطفال في سن أمنية و مهند يعتقدون أن آبائهم يعرفون كل شيء...و أحيانا قليلة يستغربون كيف نعرف كل شيء...و هذا الاعتقاد بأننا نعرف كل شيء يجعلهم لا يتقبلون منا أن نقول لهم لا نعرف...فهذا يحدث سقوطا مؤقتا للقدوة سرعان ما ينسونه و نسترجع مكاننا...
دفعني الى كتابة هذا الموضوع سؤال ابني مهند لي عن احدى شخصيات فلم شريك...فأخذ يصف لي الشخصية بأنها كانت تلبس كذا و كذا...ما اسمها يا بابا...فلم أعرف...حاولت الاستعانة بصديق فلم أنجح أيضا...فما كان منه الا أن قال لي: انت زمان ما كان عندك ألعاب و بلاي ستيشن...فضحكت ضحكة عالية انتقلت على اثرها الى مناطق عزيزة في ذاكرتي التي كاد أن يبطش بها صراع العودة و اللا عودة...
لا أذكر انني تعاملت في طفولتي مع ألعاب مصنعة الا عندما رجع أبي من الاتحاد السوفيتي وقتها و أحضر لاخواتي البنات (ماتروشكا)... " ما تروشكا " هو اسم دمية روسية تتكون من نصفين ينطبق العلوي على السفلي في شكل عروس منتفخة. وعندما تنزع الجزء الأعلى تظهر لك في بطن العروس دمية أخرى أصغر تشبه الكبيرة تماما، تفتحها فتجد ثالثة، وهكذا حتى تصل إلي دمية صغيرة جدا بحجم عقلة الإصبع تشبه السابقات.
و ماتروشكا تعني الأم باللغة الروسية...هكذا أخرني أبي الذي كان يتحدث الروسية بطلاقة عندما عاد من روسيا...
و أحضر أبي معه مشغل اسطوانات و سينما..شكلا وجداني مبكرا حيث انني سمعت الكثير من الأغاني الروسية و من بعدها السودانية من انتاج منصفون...و كذلك حضرت الكثير من الأفلام الروسية التي وثقت للبطولات الروسية في الحرب العالمية الثانية.
هذه كل علاقتي بما هو عصري في طفولتي..فأين لي بشريك و بن 10...سبايدر مان...باكي قون....و غيرها من الأشياء التي لا أستطيع أن أعطي فيها حكما....

و لي عودة
Post: #4752
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-24-2010, 06:16 AM
Parent: #4750

اللهم اجعلنا ممن دعاك فأجبته

واستهداك فهديته، واستنصرك فنصرته

وتوكل عليك فكفيته، وتاب إليك فقبلته

اللهم طهر قلوبنا من النفاق، وأعمالنا من الرياء

وألسنتنا من الكذب وأعيننا من الخيانة
Post: #4751
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-24-2010, 06:14 AM
Parent: #4749

صباح الهناء والسرور ...

يا جلال شايف الجماعة اصحاب الاي بودات طنشو وديع الصافي ... غايتو البحرية دي تاني الا تلاقيها عند ناس بورتسودان ...

منصور الطاعم والله الوالدة بخير وتمام التمام ...

رشيد القوم هذا حال الدنيا يوم ليك ويوم عليك .. يوم ابيض ويوم اسود وهنالك تدرج في الالوان .. يوم اون ويوم اوف .. اديها مية تديك طراوة ...

يا جماعة دفتر الغياب اتملا خلاص .. بعد كدا حنشيلوا نوديهو لي الريس اعملوا حسابكم ...
Post: #4754
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-24-2010, 06:33 AM
Parent: #4751

Quote:
لا أذكر انني تعاملت في طفولتي مع ألعاب مصنعة الا عندما رجع أبي من الاتحاد السوفيتي وقتها و أحضر لاخواتي البنات (ماتروشكا)... " ما تروشكا " هو اسم دمية روسية تتكون من نصفين ينطبق العلوي على السفلي في شكل عروس منتفخة.



و الله يا اولاد الخرطوم حيرتونا معاكم يعني ابوك مشى الاتحاد السوفيتي و جاب ليكم كوتشينا ولا كشونير عموما وقتها كان عام كم و ستين و انت وقتها قدر مهند او اصغر و زعلان يالرشيد بالله عايزه يجيب ليك شنو اكثر من كده يعني يجيب ليك صاروخ عابر قارات و لا شنو !!!!!!!!!!!!!!!!!!

يا اخي و الله محمد ادم النور دا ابوه ما مشى كاب الجداد، و قتها لو جاب ليهو دوم (محتاجين للمترجم) و الله كان قبض بيهو الجو في الشرق كلو خليك من كسلا ، اماانا علي الطلاق يالرشيد لعباتنا كنا بصنعن بحر ايدينا يعني نلعب بما نصنع شعار ليهو عشرات السنوات نطبقه واقع في حياتنا التي لا تعرف الكلل ولا الملل كنا نصنع عربات من حديد بدركسون بس دكسون عادي ما كان موضوع البور موجود و كما ترتل (ترجمه) بعجلات مصنوعة من اسفنج السفنجات يعني يا الرشيد لو حضرناك كانت سفنجتك بتاعت الحمام لحقت امات طه يعني ما تشوفها الا في ترتل موسي جاري بيه في شارع الزلط ، و العجب لو شفت المباني التي نتفنن في صنعها من القصب بعد ما نقشره من الطبقة الخارجية و نعمل بيه عمايل و الله تقول الشباب ديل مهندسين و وقتها الخيال كان خصب لو شفت ليك لوري ود الزعيم و لا عبدالعظيم ( الشيطان من الكوة ) حايم قدامك وقتها تحمد ربك بانك لقيت ليك فكرة جديدة لباقي اليوم و من مكانك داك عينك ما تشوف إلا تجميع لمكونات ما اتخزنت من فكرة و ما هي إلا سويعات و الفكرة تكون واقع معاش بين يديك .

و لك التحية عزيزي الرشيد والابن مهند الذي هيج في دواخلي ماضي بعيد و حبيب للنفس امل ان يدور الزمان ساعة للوراء حتى نقبس منه لحظات للتامل .
Post: #4753
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-24-2010, 06:25 AM
Parent: #4749

أصبحنا وأصبح الملك لله رب العالمين
اللهم نسألك خير هذ اليوم وخير مابعده
اللهم أجعل أوله فلاحا وآخره نجاحا

كل سنةوانت طيب ياريس ميسرة
ونتمنى لك عمر طويل مليء بالإنجازات
وهناء وسعادة مع أسرتك الكريمة
Post: #4755
Title: Re: ناس الزقازيق ... أجدع ناس ( 3 ) ..
Author: مني يونس
Date: 05-24-2010, 07:14 AM
Parent: #4753
Post: #4756
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-24-2010, 07:20 AM
Parent: #4755

صباح الخير ،،، يا وجوه الخير

أصبحنا وأصبح الملك لله وحده

يقول أحد السلف ..
إذا انكشف الغطاء يوم القيامة عن ثواب أعمالهم ..
لم يروا ثوابا أفضل من ذكر الله تعالى ..
فيتحسر عند ذلك أقوام فيقولون :
ماكان شيء أيسر علينا من الذكر ..
فاللهم ارزقنا ألسنة رطبة بذكرك وشكرك ..
آمين
00000
Post: #4757
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-24-2010, 07:32 AM
Parent: #4756

يا بادى كودات الاغانى موقوفة من الخدمة الان ، والريس اخد حقو كااااش
Post: #4758
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-24-2010, 07:53 AM
Parent: #4757

سلامات يا ناس

وصباحات التفاؤل

Quote: ...فما كان منه الا أن قال لي: انت زمان ما كان عندك ألعاب و بلاي ستيشن...فضحكت ضحكة عالية انتقلت على اثرها الى مناطق عزيزة في ذاكرتي التي كاد أن يبطش بها صراع العودة و اللا عودة...


الرشيد ..تعرضت لموقف مثل هذا مع بكرى..وسألنى انتو مش كان عنكم قنوات مفضلة بتشوفوها؟

قلت ليهو فى زمنا التلفزيون قناة واحدة ..وبرنامج الاطفال بيجيبوه يوم الجمعة الساعة 10

وبرنامج الرياضة برضو يوم الجمعة بالعصر..تغيرت ملامحو وقال لى باندهاش:

انتو يا بابا زمنكم ده كان زمن الانجليز؟
Post: #4759
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-24-2010, 10:32 AM
Parent: #4758

اجريت في مستشفي سوبا الجامعي أول عملية زراعة كلي لطفل ... وكان من ضمن الفريق الذي أجري العملية ولدنا د. محمد بابكر إخصائي كلي الأطفال وهو نجاح نهنئه عليه ....
Post: #4760
Title: Re: ناس الزقازيق ... أجدع ناس ( 3 ) ..
Author: عصام دهب
Date: 05-24-2010, 10:33 AM
Parent: #4758

تحية و شوق و سلام و كتير مودة و إحترام لأجدع ناس ..


و عذراً لهذا الإنقطاع القسري ..


و لكم جميعاً العتبى حتى تستغيثوا من الرضا ..


و عوداً على ما فاتني معزياً و مترحماً و مواسيا لإخوتي الأفاضل ..

الطيب شيبس في وفاة المغفور لها بإذنه تعالى / عمته ..
مبارك جادين في وفاة المغفور لها بإذنه تعالى / خالته ..
رفعت نور الدين في وفاة المغفور لها بإذنه تعالى / والدته ..
عبد الباقي مخاوي في وفاة المغفور لها بإذنه تعالى / والدته ..
عبد الحفيظ عباس الصديق في وفاة المغفور لها بإذنه تعالى / والدته..
و أسال الله تعالى أن يتغمد الفقيدات العزيزات بواسع رحمته و عظيم مغفرته و أن يدخلهن فسيح الجنان .. و أن يلهم زملائنا المذكورين و أسرهم الصبر الجميل على فقدهم و يجعل أعمال الفقيدات الراحلات متصلة بعمل الخير وصالح الدعوات ..

و أساله تعالى أن يحفظكم جميعاً و يديم عليكم فيوض عنايته ..
 ..
Post: #4761
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-24-2010, 11:23 AM
Parent: #4760

سلامات يا ناس

Quote: سلامات يا ناس


Quote: منصور عبد الرازق
تاريخ التسجيل: 03-05-2009
مجموع المشاركات: 1065


Quote: محمد آدم النور


تاريخ التسجيل: 03-05-2009
مجموع المشاركات: 1065




!!!!!!!!!!!!!!!!
Post: #4762
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-24-2010, 11:24 AM
Parent: #4760

ودى فرصة يا عصام دهب الواحد يهدى ليك اغنية الدموع السايلة مني


وين ياخى مشتاقين

المرة دى نكتبك تعهد ... غايب جاي على كيفك ...


الكتبتهم ديل الوفيات لسه راجيك النجاحات واعياد الميلادات الكتيرة ...
Post: #4763
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-24-2010, 11:37 AM
Parent: #4762

يا دودي الراجل اداكم فاتحتكم يخليه يشيل نفسو شوية ؟

بعدين يمشي يغير البدلة الرسمية بتاعت العزاء دي و يلبس

القمصان الكاشول و الجزمة النبيتي و البنطال السكري و يجي

للافراح !!!!!! الحفلة اليوم بالنهار علشان ناس الدوامين و

كمان ظروف المواصلات لناس المربعات و ام برويوه و الجرافة ؟

بس فنانك دا ما شايلنو معانا عايزين فنانين من الاي بود بتاع

منصور انشاء الله حمد الريح ذاتو المجهجه ناس منصور اليومين دي .



عموما يا ود الدهب مشتاقين ليك و الدار منور بس اعمل حسابك الغياب

شايف ناس البادي بقوا عاملين عليه رسوم اعمل حسابك ممكن يكون بالدولار.

و لو الشغل ماخد وقتكم شوف ليك واحد امين (و سمين ) خت عندو الباسوورد

علشان يساعدك بس اوعى تتغشى في ناس باقي لسانك حلو اختار القوي الامين ..........

خليك ظاهر
Post: #4764
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-24-2010, 12:05 PM
Parent: #4763

Quote: اللقب: موسي عيسي

: .
عدد البوستات: 966
تاريخ التسجيل: 03-05-2009


يا جنابو ليك علي باقي اليوم دا ياني الفايت

جلا بس انت وريني الفرق كم و الفوره عندكم كم ؟

والحسابة بحسب والحشاش يملى شبكتو !

إنت بس خليك بعيد ومنصور دا صحبي وود دفعتي في

الباسوورد يعني البينا صافية لبن و كما ود حلتي

في الرياض و عشمانين لينا في شدة للاي بود خلال

الاسبوع القادم !
Post: #4765
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-24-2010, 01:04 PM
Parent: #4764

عندك بحرية يا ريس ؟؟؟
وحاة الله بعرفها يا جلال , (علا ) عبد الدائم ده , باين عليهو غشانى
يرسل لى (آيبود ناقص ) ؟؟!!
هسى عليك الله , آيبود ما فيهو , عندك بحرية يا ريس , يقبلو بيهو وين يا نضيف
يا زول حا ارسل ليك ايبودك الناقص ده , تتموا وترجعوا لى
مش ناسنا تموا الأنتخابات وكملوها (موية )
آيبودى ده من غير (البحرية بتاعت وديع الصافى )
ما بيدخل على ولا بيقعد لى فى (جيب )

ما قلت ليكم جلا ده (مراقبنى ) , انا حاسى بى مراقبته من زماااااااان
يا كوتش , انتو ما ادوكم فى البوليص طريقة لى فك المراقبة
ورينا نفارق الزول ده كيف , شكله شغال معانا الحجل بالرجل
لو داير دى يا جلال يا طاعم انت , فى آيبودى قاااااعدة
تتذكروا شواطين مع بيلية , ايوة ايام الهلال وسانتوس ؟؟
انا ذاتى لا حضرتها ولا بعرف شواطين ده منو
بيلية ده اتخيل لى دفعة ناس كارلوس البرتو
وتيب
Post: #4766
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-24-2010, 01:19 PM
Parent: #4765

وانتو الوداكم تتشالقوا مع الوليدات شنو يا رشيد ويا كوتش
واطات الله ما بتعرفوا تقعدوا فيها زيى انا واخوى موسى عيسى الكاشف
مالنا ومال القراية ام دق
انا اتعذبت جنس عذاب مع احمد ولدى لمن كان صغير فى الشغلات الزى دى
لكن هسى مرتاح راحة شديدة
حجازى ولا مدرار لمن يتكلموا لى الغاز جنس دى
طوالى بنادى احمد ولا مجتبى يترجموا لى
والعجب لمن يقولوا ليك , الشنطة ما جبتها لولو كاتى لى شنو
هسى المجننى لا اسبايدر مان ولا بات مان وللا غيرهم
الفاقع مرارتى الجنا الأسمه (هارى بوتر ده )
يمين بالله مجتبى عنده ليه كتابين وزن الواحد منهم خمسة كيلو
وشرايط الدى فى دى حقتو وصلت الجزء السابع وانا بطلت اعد
ومافى منها غير اصلى , الواحد بى مية ريال عديييييل
وكان اشتريت واحد لى مجتبى
ايثار تنطط بى هناك عايزة (هانا مونتانا ) , ولا (هاى ميوزيكال سكووول )
جنة الأطفال مالها , عيبوها لى علييكم الله ؟؟!!

يا كوتش قول لى ابوبكر , عمك منصور قال ليك , قوم لف عليك الله , قال زمن الأنجليز قال
اقول ليك حاجة , الزول ده سوقوا معاك الدفاع الشعبى
Post: #4767
Title: Re: ناس الزقازيق ... أجدع ناس ( 3 ) ..
Author: عصام دهب
Date: 05-24-2010, 02:29 PM
Parent: #4766

و قبل ما ندخل على حتة التهاني و التبريكات و الكلامات التانيات .. الواحد زي عايز يثبت حاجة في الحتة دي بالذات ..
Quote: ودى فرصة يا عصام دهب الواحد يهدى ليك اغنية الدموع السايلة مني

يعني الحكاية جابت ليها شغل بتاع مهابشة يا النضيف ؟؟
و دة حالتك أنتا عارف و أنا عارف ..
يعني لو ما كنت عارف كان هديت لي أغنية عيني ما تبكي ممممم ما تبكي .. .. ؟؟

كويس !!
Post: #4768
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-24-2010, 07:45 PM
Parent: #4767

سلامات يا ناس

Quote: يعني الحكاية جابت ليها شغل بتاع مهابشة يا النضيف ؟؟


مراحب بى طلتك يا دهب..

والكتاحة القايمة بى هناك دى حيَّرت الناس الهنا ديل ..وحرمتهم منك ..

مش كده وبس دى حيَّرت متابع ومستمتع ذاتا.
Post: #4769
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-24-2010, 08:25 PM
Parent: #4768

التحايا والتجلة لولدناد. محمد بابكر
على نجاح عملية زراعة الكلى للطفلة
لاول مرة في السودان
وشكرا على الاخبار الجميلة يا الزناتي



يا كوتش والله مشينا لمن فاتهم الاستماع
وادلينا بدلونا وان لم نشارك في النقاش
لكن لي عودة اخرى بعدردك


مودتي
Post: #4770
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-24-2010, 08:59 PM
Parent: #4769

يا بركة والله في كتيرين من ناس الزقازيق ديل نابغين في مجالهم ... ود. محمد بابكر ده واحد منهم .. فله التحية .... ويا ريت كل يوم نسمع أخبار جديدة مفرحة زي دي ....
Post: #4771
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-24-2010, 09:09 PM
Parent: #4769


بيتين شعر في الحب ما أروعهما
قال محمود الوراق
تعصي الإله وأنت تظهر حبه ؛؛ هذا محال في القياس بديع
لو كنت تظهر حبـه لأطعتـه ؛؛ إن المحب لمن أحبّ مطيـع

وأيضا
لايحسن الحلم إلا في مواطنه
ولا يليق الوفـاء إلا لمن شـكرا
Post: #4772
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-24-2010, 10:14 PM
Parent: #4771

ممكن يا أحمد إسماعيل كمان تسمع بيتين في العشق والغرام

والليل يرخي سدوله وترتفع أحاسيس الحب والجمال

أتذكري في الدجي الساجي مدار حديثنا العذبُ
وفوق العشب نستلقى فنطوي صفحة الغيب


أتذكري عهد لقيانا ويوم القبلة السكرى
أقبل ثغرك الطامئ فقد لا تنفع الذكرى


أتذكري قبلتي والليل يروي طلعة البدر
وكيف أناملي الحيرى تداعب خصلة الشعر
Post: #4773
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-25-2010, 06:37 AM
Parent: #4772

اَللّـهُمَّ اِنّي اَساَلُكَ صَبْرَ الشّاكِرينَ لَكَ
وَعَمَلَ الْخائِفينَ مِنْك، وَيَقينَ الْعابِدينَ لَكَ

اَللّـهُمَّ اَنْتَ الْعَلِيُّ الْعَظيمُ
وَاَنَا عَبْدُكَ الْبائِسُ الْفَقيرُ

اَنْتَ الْغَنِيُّ الْحَميدُ
وَاَنَا الْعَبْدُ الذَّليل

اَللّـهُمَّ صَلِّ عَلى مُحَمَّد وَآلِهِ
وَاْمْنُنْ بِغِناكَ عَلى فَقْري
وَبِحِلْمِكَ عَلى جَهْلي
وَبِقُوَّتِكَ عَلى ضَعْفي
يا قَوِيُّ يا عَزيزُ

اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ
وَاكْفِني ما اَهَمَّني مِنْ اَمْرِ الدُّنْيا وَالاخِرَةِ
يا اَرْحَمَ الرّاحِمينَ
Post: #4774
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-25-2010, 06:50 AM
Parent: #4773

صباح الخير ،،، يا وجوه الخير

أصبحنا وأصبح الملك لله وحده

همسات الصباح ،،، وبالوالدين إحسانا

اللهم وأعنا على برهاوالدتنا حتى ترضى عنا فترضى ،
اللهم اعنا على الإحسان إليها في كبرها
اللهم ورضها علينا ، اللهم ولا تتوفاها إلا وهي راضية عنا تمام الرضى ،
اللهم و اعنا على خدمتها كما ينبغي لها علينا،
اللهم اجعلنا بارين طائعين لها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها

اللهم آمين
Post: #4775
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-25-2010, 07:24 AM
Parent: #4774

Quote: يعني الحكاية جابت ليها شغل بتاع مهابشة يا النضيف ؟؟


انا والله عا########ى الحتة بتاعت فى سنة تالتة جيت الاول ... وبس

انت عارفنى زول اطيب من الطيب عبدالله

الباقى ما لي فيهو .... انت عارف وانا عارف ....


وباقى القصة عليك الله تمها بهناك
Post: #4776
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-25-2010, 07:49 AM
Parent: #4775

صديق سأل صديقه عن سر حياته الزوجية السعيدة

قال : في بيتنا أنا أتخذ القرارات في الشؤون الكبيرة ،
بينما تتولى زوجتي قرارات الشؤون الصغيرة ، ولا يتدخل أحدنا
مطلقا في قرارات الطرف الآخر .

لا يزال غير مقتنع بالجواب ، طلب الأول إيضاحا من الثاني ،
قال : زوجتي تتولى شؤونا صغيرة مثل اي سيارة نشتري ، متى نزور فلان ،
أختيار الأثاث ، الأيركندشن ، الثلاجة ، الميزانية الشهرية ، الخدامة الخ ،
وأنا لا أتدخل بهذه القرارات مطلقا.

سأل الأول : ماذا عنك ،

قال : مسؤوليتي القضايا الكبيرة مثل هل من الأفضل أن تضرب أميركا أيران ،
ورفع العقوبات عن السـودان , السلام في الشرق الأوسط .....الخ
Post: #4777
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 05-25-2010, 08:07 AM
Parent: #4776

صباح الخير يا وجوه الخير
اتتني هذه القصة على بريدي هذا الصباح من أحد الاصدقاء
وددت أن تشاركوني الضحك شوية

قال الراوي :
سافرت إلى السعودية صغيرا منذ كنت في الصف الثالث الابتدائي مع الوالد يرحمه الله . بدأنا في الصف الأول الإعدادي دراسة اللغة الإنجليزية
كان الطلبة السعوديون يعتبرون اللغة الإنجليزية شيئا شيطانيا لا يمكن فك طلاسم شره وسحره، وكان يدعم ذلك بعض الفتاوى التي ترى بحرمة دراسة هذه اللغة باعتبارها لغة الكفر .. تجاوزنا الصف الأول والثاني الإعدادي ومعظم الطلبة لا يعرفون نطق الحروف أساسا.
كان الأمر مختلفا بالنسبة لي ببساطة لأن والدي يُدرس اللغة الإنجليزية في المعاهد العليا وهو خريج كلية الآداب قسم اللغة الإنجليزية .
عندما وصلنا إلى الصف الثالث الإعدادي تولى تدريسنا أستاذ سعودي نراه لأول مرة كان اسمه له وقع عجيب فقد كان اسمه الأستاذ جربوع الجربوع
والجربوع عائلة سعوديه معروفة .. تخيلوا أستاذا للغة الإنجليزية اسمه جربوع..
المهم أن أستاذنا كان عائدا لتوه من بعثة في الولايات المتحدة لدراسة أحدث أساليب تعليم الإنجليزية ..
دخل إلى الفصل قائلا
Good Morning every body
رد عليه أربعة طلاب فقط من أصل 28 طالبا بينما فغر الباقون أفواههم دهشة .. حاول المسكين أن يستمر في مخاطبة الفصل بالإنجليزية فلم تنقض خمس دقائق حتى صرخ بصوت كهزيم الرعد: وراكم ما تردون يا الثيران؟؟
فقال له أحد الطلبة - وكان مشهودا له بشدة الغباء
حنا ما ندري وش تقول
كانت هذه نقطة تحول في فكر الأستاذ جربوع نحو تعليم الإنجليزية .. فقد أخذ على نفسه عهدا أن يعلم الطلبة بأسلوب جديد ..
دخل الحصة التالية حاملا عصا تشبه عصى عساكر الأمن المركزي وبدأ بتعليم الحروف فطلب منا أن نذاكر الحروف الستة والعشرين خلال أسبوع على أن يعقد لنا اختبارا بعد ذلك
في يوم الاختبار صاح :
( A) أيــه !
كتب من شاء الله لهم ذلك الحرف الصعب في أوراقهم
ثم قال :
( B) بــي !
هنا خرجت عشرة أصوات في نفس الوقت تسأل :
أم كرش ولا أم كرشين يا أستــاذ ؟
لقـد علمهم الأسبقون أن أم كرش هي
P
وأن أم كرشين هي
B
هنا أصيب الأستاذ جربوع بلوثة مفاجئة وأنهال بالعصا ضربا على رؤوس الجميع وهو يزعق بصوته الجهوري: (والله لأدبغكم دبغ) بمعنى أنه حيهرينا ضرب ..
أصر الأستاذ جربوع على تعليمنا تصريف الأفعال في اللغة الإنجليزية وكانت الطريقة أن يعطينا عشرة أفعال وتصريفها في حصة ويتم التسميع في الحصة التالية ..
وكانت الحصة التالية حصة تعذيب يشيب لهولها الولدان
فقد كان الأستاذ جربوع يدخل إلى الفصل مندفعا دون أي مقدمة
وعصاه مرفوعة لأقصى حد فوق رأسه ويصرخ في أول طالب من اليمين:
Break
وهنا يصرخ الطالب مثل العساكر الذين يؤدون التحية العسكرية ( Break Broke Broken ) بريك بروك بروكن..
فإن لم يقلها صرخ الأستاذ جربوع
Haaaands
فيفتح الطالب ذراعيه ويناوله الأستاذ ضربتين مهولتين يتركان يديه قاعا صفصفا لا ترى فيهما عوجا ولا أمتا كان غالبية الطلبة يستعدون للحصة ليس بالحفظ ولكن بفرك أيديهم بشدة لتكون ساخنة استعدادا للضرب لأنه من المستحيل أن يحفظوا كلمات لا يستطيعون قراءتها أصلا وكان لا ينجو من الضرب سوى 5 أو 6 طلاب فقط على أحسن تقدير
في صبيحة يوم لا ينسى دخل الأستاذ جربوع إلى الفصل وصرخ في وجهي
Speak
فقلت بأقصى قوتي
Speak .. Spoke .. Spoken
فتركني وتوجه للطالب التالي وكان طالبا سوريا، فما أن وقف حتى إرتعد الطالب وكاد أن يغمى عليه، فصرخ فيه الأستاذ لمعرفة ما به
إيش فيك ؟
فصاح الطالب السوري بأقصى قوته:
إيشفيك إشفوك إشفوكن
احمرّ وجه الأستاذ جربوع وصمت للحظة مذهلة وخيل إلى أنه سينفجر.. ولكنه ألقى بالعصا واستدار خارجا من الفصل .. ولم أشاهده أبدا بعد ذلك اليوم
Post: #4778
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-25-2010, 08:32 AM
Parent: #4777

كلمات عن أجمل الصفات

ما هي اجمل صفات المرأة؟
قلت: الحنان

قال : واجمل صفات الرجل ؟
قلت: الرحمة

قال : واجمل ما في الطفولة ؟
قلت: البراءة

قال : واجمل ما في الشباب ؟
قلت: الأحلام

قال : واجمل ما في الشيخوخة ؟
قلت: التقوى

قال :واجمل ما في الرجولة ؟
قلت: الحكمة

قال : ما هي أرقى أنواع الصبر؟
قلت: حينما يجتمع الصبر والرضا

قال : هل للقناعة درجات ؟
قلت: نعم هناك قناعة الاكتفاء وقناعة الصبر وقناعة الزهد
والأخيرة أرقى الأنواع.

قال : ماذا يعنى الحنان ؟
قلت: أن يستريح الإنسان إلى شاطئ بعد رحلة سفر متعبة
وان يجد صدرا يلقى عليه متاعبه دون خوف او
...استجداء أو ثمن أو

قال : ما هي أرقى أنواع الحب ؟
قلت: الأمومة لأنها حب بلا مقابل وعطاء بلا ثمن...

قال: ما هي أعلى درجات الأخلاق؟
قلت: أن ينزه الإنسان نفسه عن الصغائر ليس خوفا
من أحد ولكن تقديرا لذاته وسموا بنفسه وحبا للفضيلة

قال : أيهما أعلى درجة العفو أم التسامح ؟
قلت: العفو أعلى درجة لان العفو يقترب بالمقدرة ولكن
التسامح قد يقترب بالضعف وقد يتسامح الإنسان
مكرها ولكنه لا يعفوا ألا إذا كان راضيا.

قال : وماذا عن النجاح ؟
قلت: إنسان يجفف عرقة مع نسمة صيف منعشة اجمل ما في
النجاح انه يشعرنا بقيمة ما نفعل وانه أوسع أبواب
الثقة وربما يكون أيضا أوسع أبواب الغرور.

قال : كيف تنبت أشجار الغرور في أعماق الإنسان؟
قلت: مع أشخاص صنعتهم صدفة أو فرصة عابرة والصدفة
والفرصة هما اقل الدرجات في سلم النجاح.

قال : ما الفرق بين الإصرار والعزيمة؟
قلت: الإصرار ضيف عابر والعزيمة صديق مقيم والإصرار
يساندة الطموح والعزيمة تساندها الإرادة والطموح
يتغير باختلاف الأيام والأشخاص والظروف ولكن
الإرادة أقوى من كل الظروف...

قال : ومن أنت ؟
قلت: آنسان ضيع عمره فيالبحث عن حقيقة الأشياء
واكتشفت أن الحقيقة الوحيدة المؤكدة هي الموت وكل
شئ بعد ذلك يحتمل التأويل ألم اقل لك أنها صفقة
خاسرة ولكننا نلعبها حتى النهاية مهما كان حجم
خسارتنا فيها

قل لمن يحمل هماً بأن همه لن يدوم
فكما تفنى السعادة هكذا تفنى الهموم
Post: #4779
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-25-2010, 09:38 AM
Parent: #4778

يا عثمان والله حصص الانجليزى دى فى المتوسط كان بتحصل فيها قصص عجيبة

واحد برضو زميلنا بليد بلادة فى الانجليزى ودايما" بتدق فى الحصة ( متعودة )

جاء يوم متأخر اثناء حصة الانجليزى ، دق باب الفصل الاستاذ قال ليهو come here

هو شاف الســوط فى يد الاستاذ ... قال للاستاذ 3

الاستاذ استغرب قال ليهو تـــلاتت شــنو ...

قال للاستاذ ما انت يا استاذ سألتنى اديك كم سـوط بالانجليزى

الاستاذ طــاخ اداهو ليك سوط فى ظهرووو

Quote: إيشفيك إشفوك إشفوكن
Post: #4780
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-25-2010, 10:00 AM
Parent: #4779

صباح الهناء والسرور ...

التهاني والتبريكات لاخونا د. محمد بابكر على النجاح الباهر في زراعة كلى لاول مرة بالسودان .. نتمنى لك التوفيق والسداد ونجاحات دائمة وتفوق مستمر ...

موسى عيسى ما شاء الله عليك كسحت جلا .. لكن ما يفوت عليك الحاج دا اليومين دي متنكر ...

عصام دهب الرجل الدهب .. اهلا بي طلتك .. شفت كيف لدغات النضيف .. ما هو نحلة الحوش .. وبناخد منو عسل اصلي .. لكن شايف اي بوداته ما مشكرا .. وفيها عنصرية للسلم الخماسي وما في مجال لوديع الصافي ولا حتى الصافي الوديع ...

عمو الزناتي قالو ود الفار حفار وود الوز عوام .. وود الزناتي شنبو كبير ...
Post: #4781
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-25-2010, 11:05 AM
Parent: #4780

ازيكم يا معشر الزقازيقاب واسعدتم صباحا
راقتنى مداخلاتكم هذا الصباح , فرأيتكم (اكثر جمالا ) من امبارح على الأقل
وقعت عيناى -اول ما وقعت - على محمود الوراق اذ يقول برواية ابو عمر احمد اسماعيل
تعصى الأله وانت تظهر حبه هذا محال فى القياس بديع
لو كنت تظهر حبه لأطعته أن المحب لمن احب مطيع
والله يا احمد اسماعيل ان هذين البيتين الصغيرين , فعلا بى الأعاجيب من صباح الله الباكر
حتى توجست مخافة الأفراط فى تفكير , والخوض فى (لجج التأمل المتلاطمة )
اعرف ان جوهر علاقة العبد بربه , ان ارتقت وسمت الى سماوات المحبة , فقد وصلت الى (ذرا وسنامات قل واصلوها ومرتادوها )
وهذه صوفية , امتاز بها بعض الناس , وخصهم الله بها دون غيرهم
واذا اردت ان ترد الفكرة الى اصلها , وتطلق لعنان تفكيرك مداه
فمن الأسلم عندى , ان تتحول لمناقشة الفكرة , دون ان تربطها بكونها علاقة (عبد بربه )
ثم بعد ان تشبعها وتقتلها تفكيرا , اذا اردت ان تعيدها الى اصلها ذاك , فلك ما شئت
والمقصود عندى فى هذه الجزئية , هو اطلاق العنان لمناقشة اصل العلاقات ذات الطرفين , فاذا صح ان نطلق على اى كائنين انهما (طرفا علاقة )
فان علاقة الطرفين هذه , اذا كانت من شاكلة , اله معبود , وعبد عابد , فانها تصح ولكن الى حد
وهذا الحد وان بدا مرسوما مسبق الرسم عند الأغلبية , الا اننا لا يمكن ان نتعامل معه الا (بعموميات )
يصح التعامل معها (كذلك ) لمن اراد , ويمكن ان لا يصح (لمن لم يرد )
Post: #4782
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-25-2010, 11:39 AM
Parent: #4781

ولكن مداخلاتكم , بدت , فوق انها جميلة
بدت وكأنها مسبقة التنسيق ايضا
تخيلت وانا اقرا , واستمتع , ان عثمان الخير الجدى , قام بعمل تنسيق كامل , مع ابو عمر احمد اسماعيل
قبل ان يورد الينا وارد بريده الأكترونى هذا الصباح , او ذاك المساء
قصة -جربوع الجربوع - استاذ الأنجليزى وارد بلاد برة
وتداعيات جموحه الصادق لتعليم تلاميذه - او اعادة تعليمهم ان شئت -
والتى بدأت بحديث انجليزى صرف , ادى به لأكتشاف ان تلاميذه لا يعرفون , (is من does)
وصل به غايته القصوى بان رمى عصاته (وما ابعدها من عصى موسى )
وعمد خارجا الى غير عودة , عندما فأجاه تلميذه بفذلكة (ايش فيك , ايش فوك , ايش فوكن )
ترى ما هى العلاقة , بين جربوع الجربوع , ومحمود الوراق , يا عثمان الجدى واحمد اسماعيل
انها علاقة الجدل (فى جدلية تعليم اللغة الأنجليزية ) بالطريقة (الجربوعية )
او ردها الى اصولها القائمة على الحب وتبادل العلاقة السلس بين طرفيها
الأصل فى الأمر ان تحب , مثلما قد يكون الأصل ايضا ان (تكره ولا تحب )
تسرى كهرباء المحبة وتجرى سيلانا مدهشا تماما (كفعل السيل وكت يتحدر ويكسح ما يفضل شىء)
او انها تقف وتعترس وتنتقل -ان انتقلت - من مطب الى مطب , منتقلة من (جرف الى دحديرة )
ان وسائل (العلقنة ) ان صح هكذا كمصطلح يعنى عندى (وسائل اقامة العلاقات الطبيعية )
مصاب عندنا فى الشرق , بانيميا الأفراط (ترغيبا وترهيبا )
ان افرطنا فيها ترغيبا , فنحن ننتقل بها وبسرعة مذهلة , الى مصافات الكمال المنزه
او اننا نفعل العكس , فنيمم بها شطر (الترهيب ) الذى يحيلها شيطانا رجيما
اننا نحتاج ان نفعل (فينا ) ادوات الأكتشاف الذاتى الحر , الخالى من بذور الأفكار والنتائج المسبقة
حتى اذا ما وصلت الى نتيجتك , كانت نتيجتك انت , دون ان تتطابق مع نتيجة (زيد ) الا تطابق الواقع الحقيقى
وليس تطابق الأرادة المزيفة , واكليشهات القوالب (المسبقة الصب )
يا محمود الوراق , ويا احمد اسماعيل ابو عمر
ان علاقات (ذات الطرفين المتساويين ) عندنا , تكدرت ونزلت الى دهاليز (الخوف السالب )
ننتظرها اولا ان تمر بمنعطف (الخوف الموجب )
ولك ان تدعو لنا , ولها , لكم , ولنا
بأن تصل -ذات يوم - الى مصاف - علاقات الحب
حتى اذا ما صحت كذلك واستوت , بين طرفين متساويين
كان نقلها الى مصاف , حب الذات العالية , خالق العصف والنوى , من بيده (كل شىء) , اللطيف الخبير
سهلا ميسورا
ارأيتم اذن , اين وكيف قابل جربوع الجربوع , محمود الوراق , فى رحلة الخوف والحب
انه نفس المكان الذى التقى فيه عثمان الجدى , احمد اسماعيل , وكنت انا (ثالثهم )
فى زول (يربعنا يا شباب ) ؟؟؟؟؟؟!!!!!!!!!!!!!!!!!
Post: #4783
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-25-2010, 11:50 AM
Parent: #4781

يا شيخ منصور راجل الحوبة محايتو ببسي و حواره جيكسي

تلحقني و تفزعني يبدو انك ما هين و ليك باع طويل في موضوع

التصوف دا !! اتمنى ان يكون لهذا الموضوع بوست في ناس الزقازيق

حتى تعم الفائدة و اعتقد الفكرة متوفره لديك بعدها لمزيد من النقاش.
Post: #4784
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-25-2010, 01:50 PM
Parent: #4783

لبن العصفور حقيقة أم خيال؟


من يوم كنا صغار ونحن نسمع هذه الجملة
بجيب لك لبن العصفور
هل لبن العصفور حقيقة أم خيال؟
هذا التعبير يقوله الناس
حينما يقصدون الشيئ المستحيل
فهل للعصفور لبن؟
من تقرير علمي
للعصفور لبناً كما لغيره من الطيور
ولايختلف في تركيبه الكيميائي
عن لبن أي حيوان آخر
فهو يحتوي على مادة بروتينيه
كازينزجين
ودهن وسكر اللاكتوز
وهي نفس مكونات اللبن
ولكن لبن الطيور عامة
يختلف عن لبن الحيوانات الأخرى
في بعض خواصه الطبيعيه لأنه ليس بسائل
ولكنه على هيئة فتات أبيض اللون
هش سريع التكسر أشبه مايكون
بفتات الجبن الأبيض


حيث أنه في زمن حضانه البيض
يتحور النسيج الداخلي لحويصلة الطائر
تحوراً دهنيا ويزداد سمك الغشاء المبطن
لهذه الحويصلة فيبلغ في الأناث مليمترا ونصف
وفي الذكور ثلاثة مليمترات
هذا وعلما بأن هذا الغشاء لايزيد في الأوقات العادية
على جزء من عشرة أجزاء من المليمتر
ويفرز كلاً من الذكر والأنثى اللبن من الحويصله
لذلك يشترك كلاهما في إطعام الصغار
ولعلنا جميعا رأينا كيف تضع العصفورة
منقارها في فم فراخها
معتقدين أنها تطعمهم
فقط حبه شعير أو قمح
ولكنها في الواقع تطعمهم لبناً حقيقياً
تكون في الحويصلة وتقوم بإسترجاعه الى فمها
ومن ثم الى منقارها ومنه الى فراخها


إذاً لبنالعصفور
حقيقة وليست خرافه
اتمنى تكون المعلومه فيها افاده
لما كان الكثير منا يجهله
Post: #4785
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-25-2010, 03:29 PM
Parent: #4784

من عجائب سودان الألفية الثالثة


VHV.jpg Hosting at Sudaneseonline.com


.... نواصل
Post: #4786
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-25-2010, 03:43 PM
Parent: #4785

Quote: يا شيخ منصور راجل الحوبة محايتو ببسي و حواره جيكسي


يا موسى الشيخ ده هو شيخنا ديدو ، أبو محاية بيبسي

وحواره مع الجيكسي ، بلاش سرقات مذهبية .
Post: #4787
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-25-2010, 05:58 PM
Parent: #4786




موسى عيسى ده الظاهر درس
الموازنات والسرقات الكانت في النقد العربي قبل كتاب النقد
الأخير لشوقي ضيف وتعلم السرقات من الشاعر أبو تمام بس كان
ابو تمام عندما يسرق بيوت الشعر يحسّن فيها ويجودها
لذلك ياموسى ماهكذا السرقة الأدبية مقولة(محايتو ببسي وحواره مع الجكسي)
بي ضبانة كدة ماجاية.
Post: #4788
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-25-2010, 07:49 PM
Parent: #4787

يا حليل كلام الليل اليمحوهو النهار
أقصد يا حليل وردية الليل
و التباري في المداخلات
أنا إتذكرت لمن كانو يقولو
منو من ناس الليل و منو من ناس النهار
يعني ما يدوك باسويرد إلا عندما تحدد هويتك
عشان كدا قلنا الديمقراطية دي ما عايزنها
بالمناسبة أنا في دامر المجزوب
ولقيت نفسي باليل
النسألكم الرشيد مشى لي أولادو و لا لا؟؟؟؟
ولا أيوااا الليلة الثلااثاء
Post: #4789
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-25-2010, 08:18 PM
Parent: #4788

سلامات يا ناس

مرور ومتابعة ×إستمتاع
Post: #4790
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-25-2010, 08:34 PM
Parent: #4789

جلا يا حبيب...أخيرا خرجت من سطوة ....و بقيت تدخل بالليل...
و الله أنا سعيد جدا...
ما شمتان...
لكن سعيد...
Post: #4791
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-26-2010, 06:49 AM
Parent: #4790

اللهم اجعلنا ممن دعاك فأجبته

واستهداك فهديته، واستنصرك فنصرته

وتوكل عليك فكفيته، وتاب إليك فقبلته

اللهم طهر قلوبنا من النفاق، وأعمالنا من الرياء

وألسنتنا من الكذب وأعيننا من الخيانة
Post: #4792
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-26-2010, 07:05 AM
Parent: #4791

صباح الخير،،، يا وجوه الخير

أصبحنا وأصبح الملك لله وحده

دعاء الصباح :-

اللهم أجعل القرآن الكريم لنا في الدنيا قرينا ..
وفي القبر مؤنساًوعلى الصراط نوراً وفي القيامة شفيعاً
وإلى الجنة رفيقاًومن النار ستراً وحجاباً وإلى الخيرات
كلها دليلاً وإماماً
Post: #4793
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-26-2010, 07:50 AM
Parent: #4792

Quote: لذلك ياموسى ماهكذا السرقة الأدبية مقولة(محايتو ببسي وحواره مع الجكسي)
بي ضبانة كدة ماجاية.


يا ابوعمر و الريس مع الاحتفاظ بالحق الادبي لصاحب المقولة

مع اختلاف بسيط في الفهم انتو قاصدين فكيكم دا حواره بمعني

حديثه مع الجكسي فقط ، و انا قاصد حواره أي مساعدين في

الخلوة بدل الراجل يكونوا جكسي من النوع ابو كديس .
Post: #4794
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-26-2010, 07:53 AM
Parent: #4792



أصبحنا وأصبح الملك لله الواد الأحد
اللهم نسألك خير هذا اليوم وخير مابعده
ونعوذبك من شرهـ وشر مابعده

الأخ جلا موسى عامل ليك موية سكر في بوست
مقتطفات متنوعة أمشي شوفها
Post: #4795
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-26-2010, 10:32 AM
Parent: #4794

مساكم الله بالخير
صحي ما من عادتي أجيكم زي الوقت ده...لكن حبيت أطمئن عليكم و أشوف أخباركم شنو....
دخلت و طلعت بسرعة البرق لأن البروفايل الجديد بتاع موسى عيسى بصراحة ضللني...قايل نفسي دخلت تلفزيون النيل الأزرق بالغلط...لكن لما ختيت الرحمن في قلبي عرفت ان الحكاية مجرد تغيير بروفايل ليس الا...و دي دايما مشاكل الناس البتجي داخله مستعجلة زي كده...
المهم اطمأنيت عليكم...و اطمأنيت على نفسي...


بجيكم تاني كان الله هون...
Post: #4796
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-26-2010, 11:07 AM
Parent: #4795

شنو يا ابو الرشد علي طول بتهبر لينا شركنا، والله

الكلام دا كلو من احمد اسماعيل قال لي لو عايز

تشرك لصحبك غير البروفايل بلوك مختلف علي طول تلقاه

جاء ناطي لانه عينو ..........................

الحقيقة الطلع بالمواصفات دي ما جلا !!!!!!
Post: #4797
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-26-2010, 11:25 AM
Parent: #4796

Quote: دخلت و طلعت بسرعة البرق لأن البروفايل الجديد بتاع موسى عيسى بصراحة ضللني...

أنا بقيت أحول
الكتابة كتابة موسى
البروفايل بتاع واحدة بتحب معارض الأزياء
طبعاً من الصباح
قريت الإخلاص
و المعوذتين
و الفاتحة
ونهيتها بي
الكافرون
و منتظر البروفايل يحصل ليهو تغيير
أو تجي الكشة للحوش دا
يعني لو ما كلامك الفات
كان لسع منتظر و أقول حوالينا و ما علينا
Post: #4798
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-26-2010, 11:34 AM
Parent: #4797

قلنا نلحق المولد ...
طلعت الحكاية تغيير في البروفايل ليس الا ...


المهم ... تحيات نواضر للجميع وغياب قسري لظروف تقنية بحتة
تم الآن اصلاح العطل الفني ...



نواصل ...
Post: #4799
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-26-2010, 11:55 AM
Parent: #4798

عدناسيداتي و سادتي لاستديوهاتنا الرئيسية سالمين

بعد ان تم القبض عليه بالاقليم الشمالي بالدامر

و نجاح عملية الذراع الغليظ في الجهجهة و بشتنة

الحال ظهر و معه بعض من الطابور الخامس بدولة

الامارات المتحدة فعلي حافظي النظام بالبوست عمل

اللازم تجاهم و نامل من الجهات المختصة اخذ الحيطة

و الحذر عند التعامل مع هؤلاء المتمردين علي بنات

الشيخ ، و حيث انهم يظهرون خلاف ما يبطنون .




و الحمد لله الذي نصر عبده و هزم الاحزاب وحده !!!!

متشكرين با ابو عمر علي الوصايا القيمة ؟
Post: #4800
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-26-2010, 12:14 PM
Parent: #4799

لكن يا موسى عيسى .. الشرك ( بفتح الشين ) ما عندك ..!!

انا من الصباح شفت البروفايل ..

قلت والله ابو عهود ده عامل ليهو كمين لى زول ...

منو ... منو ... منو ... يا ربى ...؟

يكونش حاااج الركز ..؟؟

ولا حاااج الـ ... سر ..؟؟

المهم انو الكمين طلع اكبر كتير من سواتره الدفاعية ..

ومن قدراته الهجومية ...

عفيت منك يااخى ...
Post: #4801
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-26-2010, 12:20 PM
Parent: #4799

نهاراتكم بالهناء والسرور ...

ما شاء الله عيني باردة المولد عندكم .. يا ربي برزنجي واللا عثماني ...

اختلط الحابل بالنابل ناس النهار ظهرو بالليل .. وناس وردية الليل كحلناهم بالنهار ...

المدعو الحاج جلا المتنكر .. لم يجيد التنكر وتم القبض عليه بدامر المجذوب ...
Post: #4802
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-26-2010, 01:15 PM
Parent: #4801

من عجائب سودان الثورة

BVC.jpg Hosting at Sudaneseonline.com



CDR.jpg Hosting at Sudaneseonline.com
Post: #4803
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-26-2010, 01:57 PM
Parent: #4802

عشان نفرز الكيمان عاوزين رايكم في القصة عجبتني
قلت اشاركم فيها من يؤيد يرفع ايدو
حنة ص
قصة حقيقية واقعية وهى بلسان شخص عاش تفاصيل هذا الموقف فالى تفاصيل القصة
كان ذلك ايام الاغتراب بخيرو وبركاتو وكنا وقتها ناخذ نصيبنا من الاغتراب باحدى دول البترول، وفى نفس العمارة التى
كنت اقطنها كان يسكن صديقنا (س) فى الطابق الارضى للشقة التى اسكن فيها حينها. وس هذا ينتمى الى احدى
القبائل التى تتكسر فى الزوجة كسير شديد وتجعل طلباتها مستجابة فى لمح البصر ، بل تجعل الزوج ذى الريموت
يسير وهو مبرمج تماما ..يمين يمين.... شمال شمال... كان س ينصاع انصياعا تاما لزوجته (ص) والتى سميناها الحكومة .
فما ان يسمع س صوت الحكومة وهى تنده له الا ويرمى ورق الكتشينه الذى كنا ندمن لعبتها فى العطلات
ومن اساسيات الاغتراب ان تلعب كوتشينه ذاهبا نحو مصدر صوتها ملبيا لاؤامرها تماما.
كان س يهيم حبا بزوجته ص حتى تخال انها عشيقته فانت اذا ماقدر الله وذهبت معه للتبضع فى السوق فاجاك قائلا:
- والله التوب المشجر داك اريتو فى جسم ص
- شفت غويشة احفظ مالك الفى البترينه داك يجنن انا حاشتريهو لى ص!
فى احد الايام وبينما انا اصعد درجات السلم نحو شقتى مرورا بشقة س وجدته امام باب شقته عائدا من الشغل
وهو يحمل فى يده بطيخة وعددا من الاكياس وبعض الصحف والاوراق ونفسو قائم ونازل من الشيل .
- مالك ياس واقف متحير؟
وهو يشير بنفس مقطوع نحو شقته، الشقة مقفولة والمفتاح جوه مع ص
- طيب ماتكوريك ليها !
- لا ... لا .. ما اصلو هى قاعدة متحننه
- ويعنى شنو؟ ماتخليها تطلع الحنة وتجى تفتح ليك
- كيفن تجى تفتح ليا اكان جات فتحت ليا حنتا بتبوظ1
قالت لى انتظر لامن الحنة تشيل واخرتا حتين اجى افتح ليك!
- وانت هسه قاعد راجى حنة ص لامن تشيل ليك بعد ساعتين؟
- ساعتين شنو ؟ فى اقل من ساعة حتشيل .. دى اصلو حنة التاج الاصلية جايبا ليها انا من السودان
مع الشاف والطلح والمحلبية نمرة واحد ميسو اصلية .. انا حاجات س دى مابلعب فيها كلو كلو !
- طيب خلاص وكت ماعايزا تفرتق حنتا تعال اطلع معاى فوق فى الشقة لحدى ما حنتا تشيل وتخرتا وتجى تفتح ليك الباب !
وطلع معاى س الى شقتى وهو يحمل البطيخة وكل تلك الاكياس والاوراق والصحف وما ان جلسنا وراى علامات الاندهاش على وجهى حتى بادرنى قائلا
- كل حاجة ولا بشتنت ص دى.. انا عاوزا لمن تمشى عرس ناس بعد بكرة النسوان ديل لمن يتضايرن منها
- هى لاكن ... انت كده الوقفة البره دى عليك ماحارة؟
- لا حارة ولا حاجة انا كل شئ ولا زعل ص دى.. لازم حنتا تطلع سمحة وذى سواد الليل!
رفض س رفضا قاطعا مبدا ان يتناول معى طعام الغداء قائلا لى :
- ص دى لو انا ما اكلت معاها ما بتاكل
انقضت حوالى ساعة من الزمان كان يحدثنى فيها س عن علاقته الحميمة مع زوجته ص وكيف انه حريص على
تجنب زعلها ودائم العمل على ارضائها ، كما عرج على موضوع حنة ص وكيفية اختيارها للنقشات وعدد الحنانات اللواتى
كن يقمن بعملية رسم الحنة لها فى السودان واختياره للنوع الجيد من الطلح والشاف
واخذه معه صحبت راكب فى الطائرة وبعد ان استمعت له قلت له مندهشا :
- ياخ معقولة فى راجل بيهتم بالحاجات دى كده !
- كيف ما اهتم؟ دى ص ياخ!
- طيب قوم شوف ص بتاعتك دى حنتا شالت !
عشان تدخل الاوراق والملفات الشايلا ليك ساعتين دى؟
خرجت مع س وهو يتكى على الباب وقال مخاطبا ص فى رقة زائدة
- ص ...ص ...ص .. حنتك ما شالت؟
جاءه الرد سريعا وفى حدة صوت :
- ياخى كرهتنى الحنة ذاتا ... ماقلت ليك لسه ماشالت!
احمّر وجه س واصفّر ثم احمّر مرة اخرى ونظر لى مبتسما وهو يقول :
- ص دى بتزعل سريع .
Post: #4804
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-26-2010, 03:27 PM
Parent: #4803

-
Quote: لا ... لا .. ما اصلو هى قاعدة متحننه
- ويعنى شنو؟ ماتخليها تطلع الحنة وتجى تفتح ليك
- كيفن تجى تفتح ليا اكان جات فتحت ليا حنتا بتبوظ1
قالت لى انتظر لامن الحنة تشيل واخرتا حتين اجى افتح ليك!



ود المهدى ...

زولك ده أخير ليهو البقى محبوس بى بره ...

غايتو لو كان قاعد جوه .. كان ياهو الخت ليها الحنــه

وياهو زاتو البيخرّتها ليها ... !!!!

* لكن يا ربى س ده بيشبه لى منو ؟؟؟!



Post: #4812
Title: Re: ناس الزقازيق ... أجدع ناس ( 3 ) ..
Author: محمد العبيد
Date: 05-26-2010, 07:38 PM
Parent: #4804

السلام ورحمة الله

بعد عدة محاولات للدخول

ولعد الاستعانة بصديق ( النضيف )

تم الدخول والحمد لله

التحية والتقدير لكل الاخوان والزملاء

طبعا كنت طول السنوات الفائتة اتابع كل جديد

وكل ما يكتب على المنبر العامر باهله

وفعلا كان المنبر لام الشمل والتواصل

اغلب ناس منبر الزقازيق بالنسبة لي اعمام

وفي ناس كثيرين ما بيعرفونا

لكن في جواكر صالحين لكل العصور لو ما بيعرفونا نحن بنعرفهم

ربنا يديكم الصحة والعافية وطولت العمر ويديم التواصل بينكم

وكمان يديم التواصل بين ابناؤكم وبناتكم

اعرف بنفسي :

محمد العبيد حبيب الله
خريج كلية التجارة - الزقازيق
دور 1992م

دفعت عمو زهيرالزناتي
Post: #4805
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-26-2010, 03:38 PM
Parent: #4803

Quote: عشان نفرز الكيمان عاوزين رايكم في القصة عجبتني

لكن ياودالمهدي ياخ دخلتنا في حتة ضيقة خلاص ...
اسا يا اخوي الواحد يكون مع ياتو كوم من كيمانك ديل ..
لكن اقول ليك حاجة ....
وللضمان كدة "جلد جلد غرامة غرامة" انا غايتو مع الحنة لغاية ما يجي طارق جبريل يدينا النجيضة
Post: #4806
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-26-2010, 03:48 PM
Parent: #4805

انت قايل قلبة محمد عيد للصفحة دي بتحلك ياود المهدي
اها جبت ليك القصة بي جاي عشان ناس هناي وهناي البشبهو (س) ما يعملوا ماشافوها

محمد عيد بالله ماتعمل فيها حريف انت معانا ولا مع الخيانة ...


حنة ص
قصة حقيقية واقعية وهى بلسان شخص عاش تفاصيل هذا الموقف فالى تفاصيل القصة
كان ذلك ايام الاغتراب بخيرو وبركاتو وكنا وقتها ناخذ نصيبنا من الاغتراب باحدى دول البترول، وفى نفس العمارة التى
كنت اقطنها كان يسكن صديقنا (س) فى الطابق الارضى للشقة التى اسكن فيها حينها. وس هذا ينتمى الى احدى
القبائل التى تتكسر فى الزوجة كسير شديد وتجعل طلباتها مستجابة فى لمح البصر ، بل تجعل الزوج ذى الريموت
يسير وهو مبرمج تماما ..يمين يمين.... شمال شمال... كان س ينصاع انصياعا تاما لزوجته (ص) والتى سميناها الحكومة .
فما ان يسمع س صوت الحكومة وهى تنده له الا ويرمى ورق الكتشينه الذى كنا ندمن لعبتها فى العطلات
ومن اساسيات الاغتراب ان تلعب كوتشينه ذاهبا نحو مصدر صوتها ملبيا لاؤامرها تماما.
كان س يهيم حبا بزوجته ص حتى تخال انها عشيقته فانت اذا ماقدر الله وذهبت معه للتبضع فى السوق فاجاك قائلا:
- والله التوب المشجر داك اريتو فى جسم ص
- شفت غويشة احفظ مالك الفى البترينه داك يجنن انا حاشتريهو لى ص!
فى احد الايام وبينما انا اصعد درجات السلم نحو شقتى مرورا بشقة س وجدته امام باب شقته عائدا من الشغل
وهو يحمل فى يده بطيخة وعددا من الاكياس وبعض الصحف والاوراق ونفسو قائم ونازل من الشيل .
- مالك ياس واقف متحير؟
وهو يشير بنفس مقطوع نحو شقته، الشقة مقفولة والمفتاح جوه مع ص
- طيب ماتكوريك ليها !
- لا ... لا .. ما اصلو هى قاعدة متحننه
- ويعنى شنو؟ ماتخليها تطلع الحنة وتجى تفتح ليك
- كيفن تجى تفتح ليا اكان جات فتحت ليا حنتا بتبوظ1
قالت لى انتظر لامن الحنة تشيل واخرتا حتين اجى افتح ليك!
- وانت هسه قاعد راجى حنة ص لامن تشيل ليك بعد ساعتين؟
- ساعتين شنو ؟ فى اقل من ساعة حتشيل .. دى اصلو حنة التاج الاصلية جايبا ليها انا من السودان
مع الشاف والطلح والمحلبية نمرة واحد ميسو اصلية .. انا حاجات س دى مابلعب فيها كلو كلو !
- طيب خلاص وكت ماعايزا تفرتق حنتا تعال اطلع معاى فوق فى الشقة لحدى ما حنتا تشيل وتخرتا وتجى تفتح ليك الباب !
وطلع معاى س الى شقتى وهو يحمل البطيخة وكل تلك الاكياس والاوراق والصحف وما ان جلسنا وراى علامات الاندهاش على وجهى حتى بادرنى قائلا
- كل حاجة ولا بشتنت ص دى.. انا عاوزا لمن تمشى عرس ناس بعد بكرة النسوان ديل لمن يتضايرن منها
- هى لاكن ... انت كده الوقفة البره دى عليك ماحارة؟
- لا حارة ولا حاجة انا كل شئ ولا زعل ص دى.. لازم حنتا تطلع سمحة وذى سواد الليل!
رفض س رفضا قاطعا مبدا ان يتناول معى طعام الغداء قائلا لى :
- ص دى لو انا ما اكلت معاها ما بتاكل
انقضت حوالى ساعة من الزمان كان يحدثنى فيها س عن علاقته الحميمة مع زوجته ص وكيف انه حريص على
تجنب زعلها ودائم العمل على ارضائها ، كما عرج على موضوع حنة ص وكيفية اختيارها للنقشات وعدد الحنانات اللواتى
كن يقمن بعملية رسم الحنة لها فى السودان واختياره للنوع الجيد من الطلح والشاف
واخذه معه صحبت راكب فى الطائرة وبعد ان استمعت له قلت له مندهشا :
- ياخ معقولة فى راجل بيهتم بالحاجات دى كده !
- كيف ما اهتم؟ دى ص ياخ!
- طيب قوم شوف ص بتاعتك دى حنتا شالت !
عشان تدخل الاوراق والملفات الشايلا ليك ساعتين دى؟
خرجت مع س وهو يتكى على الباب وقال مخاطبا ص فى رقة زائدة
- ص ...ص ...ص .. حنتك ما شالت؟
جاءه الرد سريعا وفى حدة صوت :
- ياخى كرهتنى الحنة ذاتا ... ماقلت ليك لسه ماشالت!
احمّر وجه س واصفّر ثم احمّر مرة اخرى ونظر لى مبتسما وهو يقول :
- ص دى بتزعل سريع .
Post: #4807
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-26-2010, 03:56 PM
Parent: #4806

ياطاعم اللعب دا بتاع حرفا باين عاوز تكبر كوم الناس الرافعين الرايه
ياود عيد عاوزين صوره واحد رافع رايه بس تكون بيضاء(دعم للموضوع)
Post: #4808
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-26-2010, 04:58 PM
Parent: #4807

Quote: ياود عيد عاوزين صوره واحد رافع رايه بس تكون بيضاء(دعم للموضوع)




24-600x857.jpg Hosting at Sudaneseonline.com



انا ما قلت ليك س ده بيشبه لى زوووووول ...!
Post: #4809
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-26-2010, 05:03 PM
Parent: #4808

يا عمر المهدي والله الزول سعد يومداك بسماع صوتك ... بس عليك الله القصة دي أحذفها سريع قبل الصباح يجوا ناس كتار اعصابهم حا تبوظ ... ويلبسوا طاقية س ده ...

ما أكثر السينات في هذا العالم ...والله يطراك بالخير صديقي نادر فاروق ... كان سيعدد لنا السينات دون خوف أو وجل ....
Post: #4810
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 05-26-2010, 07:01 PM
Parent: #4809

الحمد الف مرة الخلة نادر فاروق
خارج القطر لانو كان بهدل ناس سين
البخافو من ص
وانا اكرر لود المهدي
واكرر لجلال ومحمد عيد ان الكلام المنشور
ممكن بسهولة اذا وصل بعض الناس يؤدي
الي قطع العلاقات الثنائية والثلاثية
والزاوية المنفرجة ذاتها
مع الناشر والقارئ والمقرؤة له
ومن لف لفهم



مودتي
وتذكروا ان اليوم الاربعاء وبكرة معروف شنو
فرفقا بنا وبهم
اثابكم الله
Post: #4811
Title: Re: ناس الزقازيق ... أجدع ناس ( 3 ) ..
Author: محمد العبيد
Date: 05-26-2010, 07:31 PM
Parent: #4810

السلام ورحمة الله

بعد عدة محاولات للدخول

ولعد الاستعانة بصديق ( النضيف )

تم الدخول والحمد لله

التحية والتقدير لكل الاخوان والزملاء

طبعا كنت طول السنوات الفائتة اتابع كل جديد

وكل ما يكتب على المنبر العامر باهله

وفعلا كان المنبر لام الشمل والتواصل

اغلب ناس منبر الزقازيق بالنسبة لي اعمام

وفي ناس كثيرين ما بيعرفونا

لكن في جواكر صالحين لكل العصور لو ما بيعرفونا نحن بنعرفهم

ربنا يديكم الصحة والعافية وطولت العمر ويديم التواصل بينكم

وكمان يديم التواصل بين ابناؤكم وبناتكم

اعرف بنفسي :

محمد العبيد حبيب الله
خريج كلية التجارة - الزقازيق
دور 1992م

دفعت عمو زهيرالزناتي
Post: #4813
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-26-2010, 07:42 PM
Parent: #4811

Quote: محمد العبيد حبيب الله
خريج كلية التجارة - الزقازيق
دور 1992م

كدي خلينا من الترحيب هس
إسمك دا فيهو حرف السين و لا لا؟؟؟
Post: #4814
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-26-2010, 07:59 PM
Parent: #4813

سلامات يا ناس

قادر الله على محنك يا ود المهدى

جابت ليها س و ص

التباديل والتوافيق كيف؟
Post: #4815
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-26-2010, 08:19 PM
Parent: #4814

نرحب بود العبيد ترحيب بلا حدود ....

بس يا ودالعبيد عمو دي كان تقول قبل ما نرسل ليك الباسويرد ....

بعدين صحح معلوماتك حول الدفعة وناس الدفعة بالله يا جماعة في زول ما بيعرف ناس دفعته ... والله يا ود العبيد بالغت عديل كده ....
Post: #4816
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-26-2010, 08:48 PM
Parent: #4815

Quote: محمد العبيد حبيب الله
خريج كلية التجارة - الزقازيق
دور 1992م

دفعت عمو زهيرالزناتي


ود العبيد مرحبتين

لكن كان انت دفعة زهير ... واطاتك أصبحت ...!!

الزول الدفعتك ده .. عاين ولدو شنبو قدر شنو ..؟ !

Post: #4817
Title: Re: ناس الزقازيق ... أجدع ناس ( 3 ) ..
Author: محمد العبيد
Date: 05-26-2010, 10:05 PM
Parent: #4815

زهير

انت زعلت ولا شنو

ياخي انت علم وهرم شامخ

الناس بتوصفك حتى تعرف ( مع ضم التاء )

بعدين حاولنا نقرب للناس المسافة عشان الناس يرجعو الشريط بسرعة

الاخ محمد عيد

سلامات

شنو التوريط ده ... غير تعليقك انا كنت متوقع رد الفعل

لكن التعليق مقصود

عشان اقل حاجة الواحد يعمل اعلان اي كان شكلو

لك التحية والتقدير

وللهرم الشامخ زهير خالص التقدير

ولكل اسرة الزقازيق دوام الصحة
Post: #4818
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 05-27-2010, 06:45 AM
Parent: #4817

بسم الله الرحمن الرحيم

أصبحن وأصبح الملك لله رب العالمين
ربنأ آتنا في الدنيا حسنة وفي الآخرة حسنة وقنا عذاب النار
وأدخلن الجنة مع الأبرار ياعزيز ياغفار

ألف مرحب بالأخ ود العبيد
بالواضح كده جلا عندو شك

ياود المهدي في الحالات المستعصية زي دي
صبرة أم بيتين 00 واجبة ولازمة
Post: #4819
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-27-2010, 07:27 AM
Parent: #4818

Quote: كنت اقطنها كان يسكن صديقنا (س) فى الطابق الارضى للشقة التى اسكن فيها حينها. وس هذا ينتمى الى احدى
القبائل التى تتكسر فى الزوجة كسير شديد وتجعل طلباتها مستجابة فى لمح البصر ، بل تجعل الزوج ذى الريموت
يسير وهو مبرمج تماما ..يمين يمين.... شمال شمال... كان س ينصاع انصياعا تاما لزوجته (ص) والتى سميناها الحكومة .


- وانت هسه قاعد راجى حنة ص لامن تشيل ليك بعد ساعتين؟
- ساعتين شنو ؟ فى اقل من ساعة حتشيل .. دى اصلو حنة التاج الاصلية جايبا ليها انا من السودان
مع الشاف والطلح والمحلبية نمرة واحد ميسو اصلية .. انا حاجات س دى مابلعب فيها كلو كلو !


ود المهدي ... يعطيك العافية
والله قصة ... س و ... ص ... كيفتني خالص ... ووقت لي في جرح
الحمدلله ياود المهدي ماقلتها واضحة ... ياسر ...و .... رشا
محمد عيد ... المشبه عليهو ده منو ... ماتقولها عديل ... الخواف ما معانا ...
موسي عيسي .... سحبت البروفايل الكان شرك ... ليه
ولا جاك تلفون من السودان يا (س) ...
في ناس شايفين العملو (س) ده شويه ...
ياخي ديل "جكو" عديل كده ... تقول لى حنه لما تنشف ...


بالرغم من بعض التبادل في استخدام ... س ... ص ....
بس مفهومة ... ومهضومة .... تسلم ياعمر ... وديها نادي الضباط ...بهناك


مليون مرحب بولدنا محمد العبيد حبيب الله
دفعت عمو زهير ...
انت تبع ناس (س) ولا (الجكه) ...
Post: #4820
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-27-2010, 08:55 AM
Parent: #4819

يا ود المهدى هوووووووى
الليلة الخميص
اول شىء , شيل حصة التفاضل والتكامل بتاعتك دى , ووديها صور نادى الشرطة
بهناك الكلام ممكن ياخذ اتجاهات تانية لى ناص كتااااااار
عارف ليه , لأنو البوصت بهناك محروص ياخى
وبى جاى فاتح على البحرى
ونحن ناص بنحب (المضايرة )
الحمد لله الواحداصمه ما (منسور عبد الراسق )


* اعوذ بالله منكم , البوصت ظاتو بقى احول , فى حرفين (بص )
Post: #4821
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-27-2010, 09:09 AM
Parent: #4820

امبارح ولا اول امبارح ما عارف
كان فى مداخلات مدهشة استفزتنى واستكتبتنى وانا مشغول
اتنين منهم , مداخلات ىابو عمر احمد اسماعيل , وعثمان الجدى
الأنا ربطت بيناتهم , ما بين الوراق , واستاذ جربوع الجربوع بتاع الأنجليزى
لكن فى مداخلة تالتة انا كتبتها , فى الرد على مداخلة الريس
حقت توزيع الأختساسات (شفت يا ود المهدى عوجتا كيبوردينا كيف ؟؟!!)
بتاعت القرارات الكبيرة , والقرارات الصغيرة
وتوزيعها ما بين احداثيات (س ص ) الجديدة بتاعت مداخلة ود المهدى الملغمة دى
هسى , شيل الحنة , واختيار نوعها , وكونها تشيل ةلا ما تشيل
وتوابعها من انواع الطلح والشاف والذى منه
وطريقة شحنها ما بين الكارقو وصحبة الراكب
ومفتاح البيت يكون كم نسخة
والنسخة الجوانية , تقعد فى الباب , ولا يشيلوها جوة الدولاب
البتيخة الشايلنها ظااااااتا
تكون شارلستون قراى , ولا من النوع المدور المدغلب
حلا وحمار (الحاء مفتوحة ) , ولا حلا بدون حمار (ما تزال الحاء مفتوحة )
شيل الحاجات لمن تجى من الشوبنغ وسوق الخدار
البيشتغل حمار (الحاء المرة دى مضمومة ) ضمة ضمة يا ود جبرين
سين ولا صاد , ولا سين يشتغل حصان , وصاد تبقى الكارو ظاتو
الحاجات دى كلها محتاجة تصنيف
دى قرارات صغيرة من اختساس سين , ولا كبيرة ما بيقدر عليها الا صاد
افتونا يا جماعة
لكنى ما بتدردق ليكم فى موضوع (الكشتة ) بتاع ود المهدى ده
الا تجونا بى هناك , فى المشفر
والمشفر داير اشتراك
والأشتراك عند (الحداد )
والحداد داير (فلوس )
والفلوس عند العر وص
والعروص دايرة الفستان
والفستان داير ترزى
والترزى عامل مشغول
وروروووووووووك
Post: #4822
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-27-2010, 09:32 AM
Parent: #4821

ساعيد محاولى ما كتبت فى شأن القرارات العظيمة الكبيرة
والقرارات الصغيرة عما ورد فى مداخلة الريس
المبدأ التقسيمى مبدأ مقبول ومعمول بيهو يا ريس (عندك بحرية )
ولكن التقسيمات نفسها تختلف
لى صديق , سمعت منه الحكاية نفسها , مع اختلاف التقسيمات
عشان كده انا حا استمر اسألكم (وحا تستمروا تمتنعوا عن الأجابة )
عن الكلاسيفيكيشن (عليك ما كان اسهل منها تصنيف السااااهلة دى )
بتاع اى تصرف حتى ولو كان من شاكلة حنة زولتنا , وبتيخة زولنا
اول شىء لاحظوا معاى العلاقة اللونية غير المباشرة
مابين الحنة , والبتيخة
فألأولى (يعنى الحنة منعا للخبتة الملخبتين )
تبدأ خدرا , ثم تمر باللون الأحمر , حتى تستقر سوداءءءءء
حالكة السواد , وما اكثر ما ترنم هاشم ميرغنى بهذا التبادل اللونى الخطييييير
اما البتيخة الشايلا اخونا سين
فانها تبدأ وتبدو (وهى بين ذراعيه )
وانا هنا اقصد ان (البتيخة ) بين ذراعى الزول الشايلها , منعا للخبتة الناس الملخبتين , لكن ما الملخبتين الزمان , ديل ملخبتين من نوع تانى )
فان البتيخة , تبدو خدرا فى الأول بين ذراعى الزول الشايلا
ثم , تظهر حمراء , دون ان تكون متأكدا من حلاوتها
وتصل الى الأستقرار اللونى المنشود , بأن تكون بيضاء , يأكلها البعض , كما ترمى الى (الغنم ) اذا لم تجد من يأكلها
شفت المقارنة حسمت نفسها كيف , حنة منتهية للسواد
وبتيخة , نهايتها بيضاءءءء , ناصعة البياض
العاقل يختار , غض النظر عن اللون الأحمر المشترك
وتصنيف فعل الحنة حسب حكاية الريس
لا شك انه من القرارات (العظيمة والكبيرة , حتى انك ممكن تجك ليها عاااادى , وتخلى ليها سمك عوضية زاتا لو اضطريت )
وهى بذلك لا تقل , ان لم تزيد , عن قرارات مثل لمن ستعطى صوتك فى الأنتخابات (مع الأعتذار لأنتخابات السودان 2010)
ولا تقل حتى عن قرارات اممية معتبرة من شاكلة 338, و242 ,
وهى اهم حتى من (تجديد اشتراكك بتاع الجزيرة , عشان تشوف كاس العالم الجاى
الراجل يقول لى تصنيف مختلف
علما بأنى عندى ليكم كلام (اكثر شفافية ) فى بوست صور نادى الشرطة المشفر , فترقبوه
Post: #4823
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-27-2010, 09:44 AM
Parent: #4822

سلامات يا ناس

وصباحات التفاؤل

مراحب بى ود العبيد..إضافة للكل الجميل

يا منسور...مداخلاتك دى دايرة يقروها اكتر من

مرة أقلُّو نميِّز بين السين والصاد...وبين البتيخة والحنة

Quote: ياود المهدي في الحالات المستعصية زي دي
صبرة أم بيتين 00 واجبة ولازمة


الترجمة ..ساعدونا بالترجمة لاجل عيون النضيف وآخرين كتاااااااار.
Post: #4824
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-27-2010, 10:20 AM
Parent: #4823

با منسور سلامات والله حديثك حديث الزول الخبير الذي لا يشق له غبار يا جماعة ما قلنا ليكم نحن حيرانكم .... اتفق معاك علي إنه الموضوع محله هناك صور نادي الشرطة لامن شافي ولامن دري لكن نعمل شنو مع ود المهدي شيال الحال ده ....

ود العبيد حكاية هرم دي بالغت فيها عديل عليك الله ما لقيت في اللغة العربية دل كلها غير الكلمة دي ... انا ياخي عامل للناس دي ود شاب وصغير ودفعة ناس سمؤال أبو سن وعفاف ميرغني ... تقوم تجي ناطي إنت تقول دفعتي وما عارف شنو ... كمان جابت ليها إهرامات ... مرة ود البيه الجماعة شبكوا جيت من سنة دو وكبير وما عارف شنو ... زهج قال ليهم أنا لمن جيت البلد دي ما لقيت إلا ابو الهول والهرم ... اها عرفنا الهرم طلعت أنا ... أبو الهول منو أوعي يكون أمين السمين ...
Post: #4825
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-27-2010, 10:22 AM
Parent: #4822

هسى منو القال ليكم انا كملت كلامى , عشان تطشوا من قدام وشى , جنس الطشة دى
انا مش بديت ليكم كلامى بانو عندى واحد صاحبى , متبنى نظرية القرارات العظيمة , والقرارات الصغيرة بتاعت الريس العندو بحرية
لكن بيتعامل معاها , بى تصنيف مختلف
اها سألتونى كيف , وانا حا اجاوبكم , قصدى هو الحا يقول ليكم
قال لى صاحبنا , انو فعلا يتعامل مع الموضوع بنفس المنطق , لكن بزاوية مختلفة نوعا ما
كيف قلت ليهو يا (فتك ) , ودى اكسروا فيها الفاء والتاء وخلو الكاف ساكنة
فى ناس , حا يقوموا يختو شدة فى حتة ما , ويغيروا العلامات , ما قلت ليكم ناس (اللخبتة قاعديييييين )
قال لى صاحبى صاحب النظرية
انا بكون عاوز اشترى مثلا حاجة
كان بيت ولا تلاجة ولا كمان عربية
بقول عاوز اشترى عربية برادو ولا تلاجة كليفينيتور ولا بيت فى المعمورة
ودى من القرارات الصغيرة , البحسمها انا براى
وبحدد انو العربية اربعة ولا ستة سلندر , الفرش جلد ولا قماش
والتلاجة بنتهى ليك من حكاية انها باب واحد ولا بابين , فروست ولا نو فروست , عشرة ولا ارعتاشر قدم
والبيت احسم ليك مسالة مساحتو البايخة دى , ناصية على ميدان , ولا ما ناصية ومافى اى ميدان
ودى كلها تفاصيل مملة وما عندها اى معنى , يعنى تصنيفها قرارات (فتفوتة بس )
وبنتهى ليك برضو من قصة تمويل الشراء بتاع الحاجات دى , كاش , تقسيط , تمويل بنكى , قرض , ايجار منتهى بالتمليك
ولمن انتهى من الكلام الفارغ ده
وحاتك تقيف قدامى القرارات الكبيرة , الأنا ما مؤهل اصلا عشان اتخذ فيها قرار
ترررن , تررن , تررن , جرس البيت يدق , بتاع التلفون الثابت طبعا , والمتصل ياهو انا بتاع القرارات الصغيرة
لكن زول بيرفع السماعة ما فى
نشيل ونتصل بالجوال بتاع صاد , التلفون مشغول , تانى مشغول , تالت مشغول
تلفون الولد , برضو مشغول
تلفون البت , مالو ما بينشغل زى (اخوانو )
نرجع ندق التلفون الثابت تاااانى , كان فى زول بيهببوا ليك مالو
عينك تطلع , السمسار بتاع البيت يزهج ويمشى ويديك رقم جواله
المعرض بتاع العربيات يقفل ويقول ليك مر علينا بكرة بعد ما تحسم امرك
ناس التلاجات برضهم (قفلوا ) بعد ما الضحك (شرطهم او كاد ) امام عجزك الظاهر
تمشى البيت بى ليموزين بعد ما بعت عربيتك القديمة , وشك يلعن قفاك
تقيف قدام باب البيت , شايل بتيختك , لافى جريدتك , مجرجر شبشبك القديم الما قادر يغطى (عجاج كرعيك )
الجرس يرن , المرة دى جرس الباب , كان فى زول يفتح مالو
اضانك سامعة جرى الشفع جوة , لكن امهم ما حالفة ليهم , الراجل فيكم يفتح الباب قيل ما يقول لى الجاى منو
ده ابوى يا امى
بس , افتحوا ليهو , مالو جايينا بدرى كده , عشان يقطع لينا ونستنا الحلوة دى ( يا عين ) يا اختى
ولا اقول ليك , خليك على الخط , بطفحوا ليكوهسى ام رقيقة باقى امبارح , وبتيختو المسيييخة الجابة امبارح , زول ضاقا مافى
اختها ليهو دقيقتين ونتم ونستنا يا عين
اها قلتى لى , عليك الله , اشترى ليها الطقم القالتوا لينا امبارح , عاد والله (نون دى ) ما نجييييضة , عرفت ليهو والله
يا صاد , يا صاد , يهمس سين وهو يهم بدخول البيت
تشيح صاد بوجهها , وقد ارتمت سماعة التلفون الجوال ما بين اذنها وكتفها وهى تفتح الباب لى (سين )
وتصدر من يدها الوحيدة الحرة والتى ىاستعانت بها على فتح الباب , ما يشبه اشارة (مالك داير شنو لزوجها )
فى موضوع مهم عايزك فيهو , قرار مستعجل غلبنى اصلو اتخذه , داير مشورتك باخ
اساورها اصلو ما حلوة , قدييييمة , وخفيفة كمان , باقى لى مية جرام ما فيها , تواصل صاد حوارها التلفونى
اول ما تخلصى عليك الله كلمينى
تقفلى الخط لى شنو , نحن يا دوبو ونستنا بدت , ما قلت ليك بغديهو اى حاجة
اقول ليك حاجة و انتى تمى ونستك , وخلينى انوم شوية , لمن تخلصى صحينى
عين حمراء بشرر متطاير صدرت من صاد تجاه سين , فيما يشبه نوم شنو الليك , انا عايزاك لى حاجات كتيييييرة
تغدى سين ولهط ام رقيقة البايتة , مع الكسرة الأكثر بياتا , و تلفونات البيت كلو فى حالة حديث متواصل
اكل البتيخة بتاعت امبارح المسيخة , وخت بتيخة الليلة الحا ياكلها بكرة فى تربيزة المطبخ
وعينو على السرير , لكن كيف الى الوصول اليه سبيلا
عندما انتهت صاد من المكالمة , وحقيقة الأمر ان ظرفا ما من (الطرف الآخر ) هو ما انهى المكالمة
وغالبا مايكون هذا الظرف , متعلقا بى (سين تانى ) , من طرف المكالمة الآخر , يخص (ام رقيقة البايتة بتاعتو ) العملت ليهو (لواية )
منعته حتى من (لهط بتيختو بتاعت امبارح الحمرا ومسييييخة )
عندها كان اذان العصر يرفع , الله اكبر , ومواعيد الدوم التانى لسين اوشكت , وما يزال هو فى طور (القرار العظيم ) لحسم اموره المتعلقة
يا بت الرجال
ايوة مالك انت , الواحد اصلو ونسة مع صاحباتو ما يقدر يتنفسها معاكم
لون العربية والتلاجة دايراهم شنو ؟؟؟؟؟؟؟؟؟؟
Post: #4826
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-27-2010, 10:36 AM
Parent: #4825

هوووى انت يا ابو الزوز
انت يقولوا ليك هرم , تقول لينا خبير
مشتاقين يا خى
يا كوتش , اقرا بى راحتك , الوضوع ما مستعجل , والنجيضة بتاعتو ختها فى (المشفر )
وكان انت لسه بتقدر تفرق بين السين والصاد , ما بختك ياخ
مشتاق ليك لمن غلط

مرحب بى محمد العبيد , قلت لى دفعة كم ؟؟؟وكمان بتعرف تنزل الصور ؟؟!!!
انا زاتى بعرف , بس عندى (لدغة فى حرفين كده )
اضافة للمنبر ولا شك يا محمد العبيد
Post: #4827
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-27-2010, 11:12 AM
Parent: #4826

كلام متفق عليه

Quote: انا عاوزا لمن تمشى عرس ناس بعد بكرة النسوان ديل لمن يتضايرن منها


يا حبذا لو ذكرتها انو الطلح الجبتو ليها ده يا ( س ) لازم يتغسل من السوس والغبار
عشان ما يســـود الجسسسسسسسم ... قبل ما تولقد ليها النار ....

واها اثناء ما بتولقد النار كمان لو حافظ اغنية قسمة البتقول

انتى الموية فى الكباية
انتى الكهرباء الضواية

تترنم بيها نظام رفع معنويات ( بتلقاها فى الاي بود يا منصور )



انفتح ليكم على الاخر
نسوان الخليج الايام دى قال ماسكين شنو .... الحنة بالشطرطون
( الشرطوطون ده يا ناس السودان ياهو شريط الـلصاق البربطوبيهو العفش )

اها كيف دى الا بالتلفون ....


وكلنـــا فى الشرق ... ســــينو ....
Post: #4828
Title: Re: ناس الزقازيق ... أجدع ناس ( 3 ) ..
Author: عصام دهب
Date: 05-27-2010, 11:15 AM
Parent: #4826

سلام و إحترام لأجدع ناس ..
ثم تحية كبيرة أوي .. أوي .. أوي
لكل الأفاضل من الزقازيقاب الذين عطروا حوشهم بعبق قدومهم الرائع ..
فأهلاً حللتم و سهلاً نزلتم و الحوش حوشكم خدوا راحتكم .. و ألف مرحبتين حباب اليوم الجابكم يا رايعين ..
1/عائشة صلاح الدين ( شوش )
2/د. خالد محي الدين
3/ عادل الحسين
4/ محمد العبيد
5/ مني عباس
6/ موسي الراجل
7/ النذير عبد الله زيدان
8/ سر الختم محمد علي
9/ محمد المرتضي
10/ نور الدين عثمان
11/ كوثر داؤود
12/ الفاتح قمر
13/ مجد الدين عوض السيد
14/ محمد عثمان عبد الرحيم
15/ يوسف عبدالله خالد
و لكم العتبى إن جاء الترحاب بكم متأخراً .. و العزاء أنكم أسياد الشيئ ذاتا ..
فأنداحوا يرحمكم الله ..
Post: #4829
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-27-2010, 11:40 AM
Parent: #4826

صباح الخير ،،، يا وجوه الخير

البوست ولع شديد من متخذ القرارات الصعبة

لوضع الحنه وخرت الحنه ،،، والبطيخة أم عجاج

وهسع منسور مع مداخلاته الثلاثة الشمحانات ديل نأكلهم كيف

إندياحك ده عجبني خلاص ،،،، س أم حني (كسر السين وتشديد النون) جهجهت منسور

حتى الثمالة ولهطنا المداخلات الجميلة دي كلها وممكن تاني نعيده من جديد

ود العبيد مرحبتين حبابك في بيتك والظاهر عليك شقي ومجنون ،،،،

قلت لي دفعت كم ؟؟؟ سألت عنك أمس النضيف بعد ما نزلت صور الحلوين بتوعك

الزول ده موجود في جده وكمان الضيف بشهد شافك في الزقازيق .

بس إتلومته في زهير الزناتي أبو شنب ، إذا طلع هو الهرم أكون أنا والكاشف

أخوي من بنو ا لهرم.
Post: #4830
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-27-2010, 12:39 PM
Parent: #4829

في ناس الواحد بجر كرسيه ويجيب هبابه (هوايه) عشان الدخان
ياعيني عليك يامتكسر ومالاقي البجمعك هاكم ص دي
Post: #4831
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-27-2010, 04:13 PM
Parent: #4830

سهير الزناتى
منسور
الرسيد
سى عمر
السلام عليكم
جنى وجن ناس س ديل
نسال الله السلامه
Post: #4832
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-27-2010, 04:29 PM
Parent: #4831

يا جماعة الريس معتصم ده عايز معانا مساكل ولا سنو .؟
Post: #4833
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-27-2010, 06:29 PM
Parent: #4832

اها يا ناس سين الخميس جا ودسوكم ناس صاد ... فتانكم بعافية ونشوفكم يوم السبت
Post: #4834
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-27-2010, 07:27 PM
Parent: #4833

Quote: ... فتانكم بعافية ونشوفكم يوم السبت


جبريــلا الحبيب ..

ما قلت ليك ؟

انا عارفهم ناسك ديل ..

بس الخوف بعدين نكوس لينا زولا يدفــّر ..!!
Post: #4835
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-28-2010, 01:23 PM
Parent: #4834

جمعة مباركة

c5p20879sudan1sudan.gif Hosting at Sudaneseonline.com
Post: #4836
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-28-2010, 02:14 PM
Parent: #4835

جمعتكم مباركة

متابع و مستمتع بموضوع س ص و الذي أدليتم فيه كلكم بدلوكم بطريقة الفيك بدربه...
تأخرت في التداخل معكم في هذا الموضوع الحيوي لأن نون منعتني من الكتابة الا بشرط...
الشرط كان أن أقوم بارسال مداخلتي ليها بالايميل و تقوم هي تقراها و تحذف أو تضيف...
رسلت المداخلة و ضربت ليها بعد ساعتين...
عملتي لي شنو في المداخلة بتاعتي...
مداخلة شنو؟
بتاعت سودانيز أون لاين...
ما قادر تصبر يعني...مش لما أخرت شغلي القدامي ده...
طيب...طيب...ما تزعلي...
لما تخرتي شغلك أعملي لي مس كول...
بعد ساعتين تاني ضربت ليها...
عملتي لي شنو في المداخلة...
خلصت ليك المقاشرة دي..تلقاها في ايميلك...

فتحت الايميل و قريت المداخلة و لقيتها بعد الحذف و الاضافة حاجة تانية...
قلت مافي داعي انزلها ليكم و أكتب ليكم الحصل معاي...
ان شاء نون ما تكون خرتت القراية مع الأولاد عشان ما تقرأ كلامي ده و تزعل مني...
Post: #4837
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-28-2010, 02:58 PM
Parent: #4836

Quote: ان شاء نون ما تكون خرتت القراية مع الأولاد عشان ما تقرأ كلامي ده و تزعل مني...


انت يا الرشيد مش من زمان كنت بتـخرت ناس دفعتكم فى الجكس ..؟

وعلى بجــه كان بيختركم فى الغناء ...

ومحمد العوض كان بيخرتكم فى الكوتشينة ..

اذن الدنيا خارت ومخروووت ...

اها الله أداك ... خرررراته وبررررراية ..

هســــه انت الخرتره العليك شنو ؟؟؟

أخرت ورقك ساى يا ختيـــار ....
Post: #4838
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-28-2010, 07:30 PM
Parent: #4837

سلامات يا ناس

ومساكم طاعم

نحن غايتو الخرت ده ما عندنا

بنقعد الاتنين نقتسم السلطة والثروة(سلمياً)
Post: #4839
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 05-28-2010, 11:08 PM
Parent: #4838

يا معاين من الشباك ...

دي اسمها ..ياك ...

سلام يا ناس الحوش يا حلوين...

الرشيد بابكر ...تحياتي
محمد عيد سويتها شينة...

النضيف دي ما المحرية فيك...

الريس ميسرة وين اللمة...

زهير الزناتي ...ما قال بجي مالو ماجاء...

جمال السنوسي ...الله يفتح علي ناس حي العرب
Post: #4840
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-29-2010, 08:56 AM
Parent: #4839

سلامات يا ناس

وصباحات التفاؤل

النفس تجزع ات تكون فقيرة

والفقر خير من غنى يطغيها

وغنى النفوس هو الكفاف فان ابت

فجميع ما فى الارض لا يكفيها
Post: #4841
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-29-2010, 10:38 AM
Parent: #4840

صباح الخير ،،، يا وجوه الخير

أصحبنا واصحبح الملك لله وحده

كيف حالكم يا شباب ،،،،،

يوم السبت دائماً بيكون بداية عمل

مرهق وبايخ ،،، ويأخر التداخل اليومي

مين عثمان الجيلي ، إزيك يا جميل ومشتاقين كتير

لمة جدة في الطريق بس الظروف ما سمحت ولكنها قائمة

الأيام دي الخرت بقى شديد!!!!
Post: #4842
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-29-2010, 11:42 AM
Parent: #4841

مساكم الله بالخير

Quote: هســــه انت الخرتره العليك شنو ؟؟؟

أخرت ورقك ساى يا ختيـــار ....


محمد عيد يا صديقي...
قريت مداخلتك دي و قلت الله مرقني منها بي بونط...
لو ما ربنا ستر كان قلت لي يا خرتيت..
ختيار أصغر شوية من خرتيت...
لكن الاتنين أصغر من هرم بتاعت زهير...
Post: #4843
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-29-2010, 03:38 PM
Parent: #4842

الليله البوست ده مهكر ولا شنو

مناشدة من كوثر داوؤد ضاع منها الباسويرد

ويبدو إن رسالة بكري الأولى إختفت منها بدون ما تحفظها

كوثر بتطلب مساعدتها لإسترجاع الباسويرد وقد أرسلت لبكري

ولكن بكري ما رد عليها ....

زهير يا زناتي ممكن نستعين بصديق ،،، رجعوا لينا بتنا يا جماعة

[email protected]
Post: #4844
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-29-2010, 06:49 PM
Parent: #4843

ما زلنا مع س وص
بعد ان انتهى س من واجب العزاء لاقاربهم برفقة اخيه
قال اخيه :تعرف يا س انا اصل معاك اسلم على امى
واقعد معاها شويه وبعدين ارجع
س : يازول امك مرتاحه والله ص شايلاها على
كفوف الراحه الله يديها العافيه
وما ان يصل س واخيه الى باب المنزل يسمعان صراخ
ص الحاد فى امهم وما ان يدخلا المنزل تبادر ص قائله
اسمع يا س الليله يا انا يا المره المخرفه دى فى البيت دا.
س :مالك يا ص كدى اهدى وروقى دمك ما تزعلى نفسك
الزعل ما كويس عشانك ويلتفت مخاطبا اخيه كدى انته
سوق الحاجه دى خليها تبيت عندك .كانت هناك دمعه على
خد الام حاولت جهدها لاخفائها
انها احدى صور س فى الحياة ولاحولة ولا قوة الا بالله
والرجاله تطير والرجاله تطير تقع فى البير
Post: #4845
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-30-2010, 05:43 AM
Parent: #4844

صبحكم الله بالخير

اللهم ما أصبح بي من نعمة أو بأحد من خلقك فمنك وحدك لا شريك لك..فلك الحمد و لك الشكر...

" أصبحنا وأصبح الملك للـه رب العالمين , اللهم إني اسألك خيـر هذا اليوم , فتــحه , ونصــره , ونــوره , وبــركته , وهداه , وأعــوذ بك من شر مافيـه وشر مابعده "
Post: #4846
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-30-2010, 06:53 AM
Parent: #4845

صباح الخير ،،، يا وجوه الخير

أصبحنا وأصبح الملك لله وحده

حكمة اليوم ،،،،،،،،

لتكن خطواتك
في الخير،،،

كمن يمشي
على الرمل


لا يسمع
صوته

ولكن أثره

واضح،،،،
Post: #4847
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 05-30-2010, 07:25 AM
Parent: #4846

بسم الله والحمد لله
ألهم أرحمها وتقبلها قبولا حسنا
شكر وعرفان
إلى أهلي وأحبابي وإخوتي وأخواتي
إلى الذين يزرعون الفرح في دروب الحزن
إلى الذين شاركونا الأفراح والأحزان
إلى الذين بمواساتهم لناصرعوا آلامنا
وهزموا الحزن
شكرا( المنبر العام - ناس الزقازيق أجدع ناس )
1. الريس ميسرة سيد أحمد
2. عبدالدائم سيد أحمد
3. موسى عيسى
4. البادي النور
5. محمد عيد
6. عبدالقادر بابكر
7. طارق جبريل
8. منصور عبدالرازق
9. الرشيد بابكر
10. سامي عبدالوهاب
11. زهير الزناتي
12. جلال عثمان
13. د. خالد محي الدين
14. منى يونس
15. أحمد إسماعيل
16. مبارك جادين
17. ياسر نجيلة
18. عثمان الخير
19. مشاعر بدوي
20. عصام دهب .
شكرا ( المشاركين في المقابر )
1. زهير الزناتي
2. محمد صديق
3. الريس معتصم جعفر
4. نادر فاروق
5. منتصر طه
6. صديق الصادق
شكرا ( المتصلين تلفونيا )
1.الهادي أحمد صالح- كندا
2. كوثر داؤد- كندا
3. منصور عبدالرازق- اليابان
4. د. الصادق عبدالله- أمريكا
5.صلاح جلال- استراليا
6. إخلاص مهدي- استراليا
7. ميسرة سيدأحمد
8. عصام دهب
9. عبدالدائم سيدأحمد
10. الصاديق أبوسكين
11. د. خالد محي الدين
12.موسى عيسى
13. الصادق عبدالله
14. الرشيد بابكر
وإن سقط إسم فله العتبي وليقدر الظرف
جميعكم
لا أراكم الله مكروها في عزيز لديكم
Post: #4848
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-30-2010, 08:37 AM
Parent: #4847

صباح الهناء والسرور ...

حباب اخونا محمد العبيد .. الزول الاصيل .. والزول السمح في كل شئ ...

يا جماعة المتواليات والرياضيات والمجهولين س و ص يا ناس خلونا في حالنا وخلو الطبق مستور ...

سؤال بريئ .. لو س عندو عدد محترم من الصادات (مثنى وثلاث ورباع .. وناس ما ملكت ايمانهم) حيكون الوضع كيف يا جماعة .. اكرر سؤال بريئ ...
Post: #4849
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 05-30-2010, 09:08 AM
Parent: #4848
Post: #4850
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-30-2010, 09:43 AM
Parent: #4849

مرحب بعودة أخونا عبدالحفيظ

ورحم الله الوالدة رحمة واسعة

وتقلبها قبولا حسناً

ولتكن آخر الأحزان
Post: #4851
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-30-2010, 12:09 PM
Parent: #4850

وصل الوطن الأخ سامي عبد الوهاب إدريس لزيارة والده الذي تعرض لأزمة صحية الايام الفائتة ... سيغادرنا سامي صباح العد بعد أن إطمئن علي صحة الوالد ... الف سلامة عمنا عبد الوهاب ....

كما غادرنا للقاهرة مستشفياً الزميل أمين محمد الحسن الشهير بأمينوف يوم الجمعة السابقة ... أمين يعاني من بعض الآلام في الركبة اليمني وهي نتيجة لتعرضه لإصابة في إحدي التمارين ... يغريكم السلام ويفول ليكم لا متابع ولا مستمتع ... بس مرة مرة بيسمع بيكم ....
Post: #4852
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 05-30-2010, 12:17 PM
Parent: #4851

الاخ الكريم عبد الحفيظ
انا لله وانا اليه راجعون
اللهم اجيرنا في مصابنا
اللهم ارحم الوالدة واحسن نزلها واجعل الجنة مأوها ومرقدها
جعلها الله آخر احزانكم اخي عبد الحفيظ
Post: #4853
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-30-2010, 12:40 PM
Parent: #4852

خالص الامنيات للعم عبدالوهاب بالصحة والعافية
حمدا لله على السلامة ياسامي ...

والامنيات نسوقها لامينوف وماتشوف شر ياخ


وترحيب بعودة الاخ عبدالحفيظ ورحمة الله على الوالدة وربنا يجعلها اخر الاحزان
Post: #4854
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-30-2010, 01:50 PM
Parent: #4853

Quote: (عدل بواسطة محمد آدم النور on 30-05-2010, 08:10 ص)


الشمار دا ما حضرناه ... خسارة
Post: #4855
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-30-2010, 07:36 PM
Parent: #4854

أجرى يوم أمس بالمستشفى السعودي الألماني بالرياض

فنان الزقازيق أحمد عوض عملية (فتاق) ،،، غرفة رقم 203

الخبر من مكي أحمد بواسطة الشادي،،،،،

نتمنى للأخ/ أحمد عوض كامل الشفاء وأن يخرج

سليماً معافى بإذن الله ،،،،

ت 00966590086541
Post: #4856
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-30-2010, 08:09 PM
Parent: #4855

سلامات يا ناس

الف لا بأس عليك احمد عوض

اللهم البسه ثوب الصحة والعافية

لكى تكتمل صحته يُحرّم عليه الغناء لمة تلاتة اشهر.
Post: #4857
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 05-30-2010, 08:41 PM
Parent: #4856

إنا لله وإنا اليه راجعون...

الاخ العزيز عبد الحفيظ عباس ...

حار تعازينا ونسأل الله ان يسكنها فسيح جناته ...وان يلزمكم والاسرة جميل الصبر...

..............

اطيب امنياتنابالشفاءالعاجل للعزيز الغالي / احمد عوض...

( يااخي بعد الشر عليك )

حاولت تلفونك ...لكن ( تلفونك مابيك خبور...ضربنا نسال وين البدور ؟؟؟ )

............

الاخت كوثر داؤود...لسع مالقيتي الباسورد...؟؟؟ قصة والله ...خالص تحياتي...

............

محمد صديق والاسرة نورتوا الدار....
زهير الزناتي والاسرة ...نورتوا الدار...

زهير الزناتي ...قالوا الكفيل منتظرك في المطار بكشف الحساب....

عثمان الجيلي
Post: #4858
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-31-2010, 05:11 AM
Parent: #4857

صبحكم الله بالخير

تحية الصحة و العافية...

للعم عبدالوهاب و نسأل الله أن يتمم عليه نعمة الصحة والعافية
حمدا لله على السلامة ياسامي ...

و خالص الأمنيات للأخ أحمد عوض بتمام العافية...

كما و نتمنى للأخ أمين محمد الحسن أن يجد في القاهرة اجابة لكل مسألة و علاج لكل داء...و أن يعود منها معافا ان شاء الله...
Post: #4859
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-31-2010, 05:32 AM
Parent: #4858

اللّهم لا تجعلني للبلاء عرضاً، ولا للفتنة نصباً
ولا تتبعني ببلاء على اثر بلاء
فقد ترى ضعفي وقلّة حيلتي وتضرّعي

أعوذ بك من جميع غضبك فأعذني
واستجير بك فأعنّي
وأتوكّل عليك فاكفني
واستهديك فاهدني
واستعصمك فاعصمني
واستغفرك فاغفر لي
واسترحمك فارحمني
واسترزقك فارزقني
Post: #4860
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-31-2010, 05:44 AM
Parent: #4859

موسى عيسى صباح الخير...
وينك يا صديقي لا حس و لا خبر...
أكيد الأولاد راجعين خلاص من الاجازة...
Post: #4861
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-31-2010, 05:45 AM
Parent: #4859

أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..

إلهي ..

أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

إلهي ..

إني أسألك من عظيم لطفك وكرمك و سترك الجميل أن تشفيهم و تمدهم بالصحة و العافية ..

إلهي ..

لا ملجأ و لا منجا منك إلا إليك .. إنك على كل شيء قدير ، نسالك اللهم العافية لكل من

1- العم الكريم عبدالوهاب .

2- الاستاذ العزيز امينوف .

3- الاخ الجميل احمد عوض .

كما نسأله ان لا يريكم مكروها يا كريم .
Post: #4862
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 05-31-2010, 06:22 AM
Parent: #4861

ولدنا سامي عبدالوهاب و نسأل الله أن يتمم نعمة الصحة والعافية على الوالد ...

و امنياتنا بالشفاء العاجل للأخ أحمد عوض وبتمام العافية...

كما و نتمنى للأخ أمين محمد الحسن (امينوف) ... رحلة موفقة مع كامل الشفاء ...
Post: #4864
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-31-2010, 06:41 AM
Parent: #4862

صباح الهناء والسرور ...

اخونا سامي سلامة الوالد وربنا يديه الصحة والعافية .. وحمدا لله على سلامتك وربنا يردك غانم ومطمئن على الوالد ...

اخونا امينوف انشاء الله ربنا يكتب الشفاء ويكسيك بثوب الصحة والعافية ...

اخونا الفنان الرائع احمد عوض يا خي بعد الشر عليك .. حمدا لله على سلامتك وانشاء الله تقوم بالصحة والعافية ...

يا جلال شمار الحاج المتنكر جلا عندي .. ولو ما دفع كويس حيتعب معاي وحافتح ليه بوست خاص .. قبل ما يعمل التعديل والحذف نحن قرينا الجريدة ...
Post: #4863
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-31-2010, 06:28 AM
Parent: #4861

صباحاتكم ندية ان شاء الله
وخالص الامنيات للاخ احمد عوض بكامل الشفاء واجر وعافية ان شاء الله

-----
وترحيب حار بعودة ابوي الغالي عثمان الجيلي وطلة بهية ومنور الحوش والله
لكن ...
Quote: زهير الزناتي ...قالوا الكفيل منتظرك في المطار بكشف الحساب....

لعبك ضفاري وخشن شديد وقربت تكسر كراع الزول دا ....
والله اخير منك فتحي فرج الله
Post: #4865
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 05-31-2010, 06:50 AM
Parent: #4863

خالص الدعوات للوالد عبدالوهاب ادريس بكمال الصحة والعافية وطول العمر


وللعجوز احمد عوض الف الف حمد الله على السلامة

وامين محمد الحسن ما تشوف شر ياخى وحاول نقص الوزن شوية لو انت لسه سمين
Post: #4866
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 05-31-2010, 06:50 AM
Parent: #4863

1- العم الكريم عبدالوهاب .

2- الاخ امين محمد الحسن

3- الاخ احمد عوض
امنياتي لهم جميعا بتمام الصحة والعافية

ترحيب بعودة السنير المبجل عثمان الجيلي

البادي النور تحياتي قلت لو الواحد من ناس مثني وثلاث
ياخي س دا لو شاف توب في الشارع بلف باول شارع يقول
دي ممكن صاحبة ص تقوم تديها خبر تطين عيشتي
حتي لو افترضنا دا حصل دا يقدر يغطي كيف دا عاوز ليه
مورينيو عديل عشان يطلع باقل الخسائر
الناس كبت الزوغه
الخواف ربا عيالو
Post: #4867
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 05-31-2010, 06:58 AM
Parent: #4863

صباح الخير ،،، يا وجوه الخير

أصبحنا وأصبح الملك لله وحده،،

دعاء الصباح :

اللهم إني أدعوك باسمك الواحد الأعز
وأدعوك اللهم باسمك الصمد
وأدعوك باسمك العظيم الوتر
وأدعوك باسمك الكبير المتعال
الذي ثبت به أركانك كلها
أن تكشف عني وعنهم ما أصبحنا وما أمسينا فيه

الشفاء للعم عبدالوهاب والشفاء الكامل لأخونا أمين (السمين).
Post: #4868
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 05-31-2010, 07:50 AM
Parent: #4867

Quote: Quote: (عدل بواسطة محمد آدم النور on 30-05-2010, 08:10 ص)

الشمار دا ما حضرناه ... خسارة



Quote: يا جلال شمار الحاج المتنكر جلا عندي .. ولو ما دفع كويس حيتعب معاي وحافتح ليه بوست خاص .. قبل ما يعمل التعديل والحذف نحن قرينا الجريدة ...

البادي ياحبيب ... لا تأخذك به رأفة لو مادفع ليك فتو بالله ولا اقول ليك حاجة ...
كان دفع ولا مادفع فتو بالله الشمار حارقنا ياخ
Post: #4869
Title: Re: ناس الزقازيق ... أجدع ناس ( 3 ) ..
Author: محمد صديق
Date: 05-31-2010, 08:18 AM
Parent: #4868

سلامات يا ناس

الامنيات بالشفاء للعم عبد الوهاب واجر وعافية ان شاء الله

Quote: نشاطر الاخ محمد المرتضى الاحزان فى

وفاة جدته هذا المساء

لها الرحمة والمغفرة وللاسرة خالص العزاء

ت :0904275229
Post: #4870
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-31-2010, 08:21 AM
Parent: #4868



* سامى .. حمد الله على السلامة ونسأل الله ان يوالى الوالد بوافر الصحة والعافية وان يتم عليه نعمة الشفاء ...

* امنيات الصحة والعافية لاخوينا العزيزين ... العجوز احمد عوض .. والكان سمين امين محمد الحسن ...

وانشاء الله كفارة وأجر وعافية ...


* ود الجيلى ... يعنى غايب من التمارين والدورى وكاس الابطال والكونفدرالية ... وجاى تووووش داخل كاس العالم

وكماااان ضفارى ...؟؟!

زى ما قال جلال ... انت غايتو اما فتحى فرج الله ولا دوشكا ( اووووو دوشكا ... ! )
Post: #4871
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-31-2010, 09:35 AM
Parent: #4870

خالص آيات العزاء للاخ / محمد المرتضى عبد العزيز

فى وفاة المغفور لها باذن الله جدته ...

ونسأل الله لها الرحمة والمفغرة الواسعة
Post: #4872
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 05-31-2010, 10:00 AM
Parent: #4871

خالص آيات العزاء للاخ / محمد المرتضى عبد العزيز
فى وفاة المغفور لها باذن الله جدته ...



والف سلامة لي عمنا عبد الوهاب
والف سلامة لامين السمين
Post: #4873
Title: Re: ناس الزقازيق ... أجدع ناس ( 3 ) ..
Author: عصام دهب
Date: 05-31-2010, 10:39 AM
Parent: #4872

و تحية و سلام ممزوج بمودة و إحترام لأجدع و أروع ناس ..

و التعازي الصادقة للأخ / محمد المرتضى عبد العزيز في وفاة جدته و أسال الله تعالى أن يتغمدها بواسع رحمته و عظيم مغفرته و أن يدخلها فسيح جناته و يلهم ذويها الصبر الجميل على فقدها ..


و ألف حمداً لله يا سامي على سلامة الوالد و أسال الله تعالى أن يحفظه بحفظه و أن يديم عليه و عليكم و كل من تحبون نعم الصحة و العافية ..

و حمداً و شكراً لله على سلامة أخانا و فناننا الجميل / أحمد عوض عجوز و دعوات للسميع المجيب رب الناس أن يذهب البأس و يشفيك شفاءًاً تاماً يا أبو حميد و كفارة و أجر إن شاء الله ..

و الدعوات الصادقات للمولى عزّ جل أن يحفظ أخانا الجليل الزقازيقي العلم / أمينوف في حله و ترحاله و أن يغدق عليه من فيوض العافية .. و تمشي و تجي بالسلامة إن شاء الله ..


و سلامي لكم مجدداً ودعواتي لله تعالى أن يحفظكم و من تحبون بحفظه و رعايته ..
Post: #4874
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 05-31-2010, 11:26 AM
Parent: #4873

*الف سلامة للوالد يا سامى عبد الوهاب , وابقى عشرة عليهو
* حمد الله على سلامتك يا امين السمين , وان شاء الله ما تشوف شر
* الف لا بأس عليك احمد عوض عجوز , الفتاك ده انا كنت قايلو بيجى (للشيالين بس ) , اتارى هو حتى الفنانين , ما بيخليهم , نتمنى لك شفاءا عاجلا
*االبركة فيكم فى حبوبتكم يا فيل
*يالبادى ياخى ما تضرب لى تورينى الزول ده مسح شنو ؟؟ يمين غير جلال واحمد اسماعيل وموسى عيسى وكمال الشادى وحاج الركز والرشيد ومحمد صديق وعفاف وزينب وشوش ومنى عباس
ومحمد عيد وميسرة ومنى يونس وكوثر داؤؤد وعثمان الجيلى وبكرى حامد وياسر نجيلة والسمؤأل ونجاة حوفى وجمال السنوسى والنضيف ونادر فاروق ومجتبى ورجاء ومشاعر البدوى واخلاص محمد احمد
وزهير الزناتى وابتهاج وياسر شبيكة وعاطف القوز وطارق جبرين وجريدة اخبار اليوم المغربية وخديجة بن قنة واسامة ابتر ومعتصم جعفر وعمار , ومعاهم امانى بت شيخى , يمين ما اكلم زووول , جمال فارح
وصلاح الأمين سيرة واحدة ما اجيبها ليهم والله ولا حتى كمان محمد المرتضى  ولا عبد الحفيظ عباس ولا سامى عبد الوهاب زاتووووو
اها , قلت شنو ؟؟ حاتضرب لى ؟؟؟؟, ولا اضرب لى بكرى زاتوووووو
Post: #4875
Title: Re: ناس الزقازيق ... أجدع ناس ( 3 ) ..
Author: محمد عيد
Date: 05-31-2010, 12:14 PM
Parent: #4874

مهـــداة الى اخــونا العزيز ... جلال

... وكل الطاعمين ...


وردتنى هذه الرسالة الهامة فى الايميل .. انشرها لكم كما جاءت


Quote: بسم الله الرحمن الرحيم

اللهمّ صـلِّ على سيدنا محمد طب القلوب ودوائها وعافيه الأبدان وشفائها ونور الأبصار وضيائها وعلى آله وصحبه وسلم تسليما كثيرا


هذا علاج كلما وصفته لإحد الإخوة المصابين بالسكر جائني بنتائجه الطيبة الرائعة


وهذا من فضل ربي أخرها زميل لي في العمل اعطيته إياه منذ 5 ايام وجاءني اليوم يدعو لي حيث كانت عيناه يكسوها البياض الغير طبيعي من السكر، وعلى قوله اليوم لي عندما طلب مني مزيد منه

قال: والله ياابو مشاري السكر كان في الليل يصل 480 وفي النهار مابين 250 إلى 300 وقد نخرت جسده ابر الإنسولين فقال لي منذ ان استعملته وقد اصبح في الليل 180 وفي النهار 110لا يتعداها

وقد أوقف إستعمال إبر الإنسولين خلال الأيام الماضية تماماً ...



لا اطيل عليكم الدواء بعد توفيق الله سبحانه وتعالى هو ( ورق شجرة الزيتون (

طريقة عمله بسيطة جداً هي ان تغلي كمية من ورق الزيتون مايملى كفيك منها من الورق كفيك الإثنين تغسله بالماء لتخليصه من الغبار ثم بعد ذلك تغليه بلتر ونصف ماء حتى يغلي ويقلب الماء عند غليه 3 دقائق ثم تتركه يبرد وتشخله بمشخال ( يعنى تغربله بى غربال يا جلا ) وتأخذ الماء فقط وتعبئة في زجاجة قزاز وليست بلاستيك وتضعه في الثلاجة وتشرب منه فنجال قهوة عربي كبير او فنجال شاي ( بادريق(

طريقة استعماله تشرب منه فنجال قبل الفطور وقبل الغداء وقبل العشاء يعني 3 مرات يومياً

مع ايقاف جميع انواع ادوية وعلاجات السكر وتقوم بمراقبة السكر بالتحليل خلال اليوم الأول والثاني والثالث وبعدها تقرر هل تستمر او لا اسأل الله سبحانه وتعالى بمنه وكرمه وجوده وإحسانه أن يمن على مرضى المسلمين بالشفاء والعافية أنه سميع مجيب والله يرعاكم
Post: #4876
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-31-2010, 12:21 PM
Parent: #4874

خالص التعازي للأخ محمد المرتضى للأسرة في وفاة حبوبته...
Post: #4877
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-31-2010, 12:24 PM
Parent: #4874

مساء الفل الحقيقة كنت حردان علشان صاحبي عامل مجليها واقف

لكن تلفون بجمال الامارات و روعة نجاة ست البنات و حرفة جلا في

دفسي الحافلات من الجميل رشيد القوم كسرنا بخاطر الحردة و قررنا

نتواصل رغم الزنقة التي تحيط بي من كل حدب و صوب و هو سفر العيال

و ميزانية ميسرة نصف السنة ، عموما سعدنا بتلفونك يا الرشيد بس

بالله كتر منه لانه ينشط كثير من الحاجات المتورمه شوقا و لك التحية

و كذلك سوف نقوم بالزيارة للاخت الكريمة التي وصلت و اخونا المنصور

عامل بيها ام غمتي .

الحبيب ود الجيلي الف حمد لله على السلامة و شكلك رجل هنا و كراع هناك

حظ ناس البور !!!!


الجميل محمد المرتضي احسن الله عزام و للفقيدة الرحمة والمغفرة .
Post: #4878
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 05-31-2010, 12:37 PM
Parent: #4877

الدنيا مسألة حسابيه خذ من اليوم عبرة

ومن الأمس خبرة

اطرح منهن التعب والشقاء

واجمع لهن الحب والوفاء

ووكل أمرك لرب السماء

فالعبرة بكمال النهايات

لابنقص البديات
Post: #4879
Title: Re: ناس الزقازيق ... أجدع ناس ( 3 ) ..
Author: البادي النور
Date: 05-31-2010, 01:48 PM
Parent: #4878

نهاراتكم هناء وسعادة وسرور ...

صادق التعازي لاخونا محمد المرتضى في وفاة حبوبته ...

اللهم تقبلها قبولا حسن واجعل قبرها روضة من رياض الجنة ...

اللهم اسكنها فسيح جناتك مع الشهداء والصديقين وحسن اولئك رفيقا ...

__________________________________

اخونا المنصور الحاج المتنكر برة الشبكة يطوف بدامر المجذوب وما جاوره خلينا نديهو فرصة ونسمع منو السعر واذا ما نفع معانا ما يلوم الا نفسه ... واكيد يا منصورنا حيكون عندك السبق الصحفي للخبر العاجل ...

يا ود المهدي شايفك بتستعرض في عضلاتك وما خايف من بنات الشيخ .. يا خوي انت لابس حجاب والا عندك حق الفيتو ...

يعنى انت فتحت سيرة الـ س والـ ص وجاي كمان تلغم علينا سؤالنا البريئ داك ... يا ود المهدي اختاني وخليني في حالي ...

ـــــــــــ

توقيع: البريئ جدا
Post: #4880
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 05-31-2010, 02:04 PM
Parent: #4879

النور البادى عوووووووووووك
بركاتك تلحقنا وتنجدنا
Post: #4881
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-31-2010, 03:00 PM
Parent: #4880

الأخ محمد المرتضي لك خالص العزاء في وفاة جدتكم ولها الرحمة والمغفرة وأن يسكنها الله فسيح جناته مع الصديقين والشهداء
Post: #4882
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 05-31-2010, 05:20 PM
Parent: #4881

Quote: عموما سعدنا بتلفونك يا الرشيد بس

بالله كتر منه لانه ينشط كثير من الحاجات المتورمه شوقا و لك التحية


موسى تجدني أنا الأكثر سعادة عندما أتحدث اليك...
أحمد الله انني قد وفقت في كسر الحردة بتاعتك...
و الله يقدرني على الحاردلو الكبير العائد مؤخرا من دامر المجذوب...
تحدثت الى الحاردلو صباح اليوم...
و رغم اني هجمتو من صباح الرحمن...
الا أنه تجاوب مع اتصالي رغم أن مكتبه كان مكتظا بالمهام المستعجلة...
و تحدث معي لوقت مقدر...
Post: #4883
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 05-31-2010, 06:44 PM
Parent: #4882

تماثل للشفاء والد العزيز عثمان الجيلي بعد عملية جراحية وهو الآن في أكمل عافية والف حمد الله علي السلامة ....
Post: #4884
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 06-01-2010, 05:49 AM
Parent: #4883

سبحانك من ذا يعلم ما أنت ولا يخافك
ومن يعرف قدرتك ولا يهابك
سبحانك ربّنا.

اللّهم إنّي أسألك إيماناً دائماً
وقلباً خاشعاً، وعلماً نافعاً ويقيناً صادقاً
وأسألك ديناً قيّماً، وأسألك رزقاً واسعاً.
Post: #4885
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-01-2010, 06:55 AM
Parent: #4884

صباح الخير ،،، يا وجوه الخير

أصبحنا وأصبح الملك لله وحده ،،،

اللهم أرحمن جميع موتانا وموتى المسلمين

كامل االعزاء الأخ محمد المرتضي في وفاة جدتكم

ولها الرحمة والمغفرة وأن يسكنها الله فسيح جناته

مع الصديقين والشهداء .

وأشفي جميع مرضانا ومرضى المسلمين

حمد لله على سلامة الوالد أخي عثمان الجيلي
Post: #4886
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-01-2010, 07:10 AM
Parent: #4884

Quote: مهـــداة الى اخــونا العزيز ... جلال

... وكل الطاعمين ...

الحبيب عيد .... شاكر لك ياسيدي ونسأل الله الشفاء للجميع
دعني احكي لك تجربتي مع ورق الزيتون ... الموضوع منتشر وهنالك الكثير جدا من مرضى السكري النوع الثاني يتناولون شراب ورق الزيتون كبديل لادوية تنظيم السكر ...
قمت بتجربة الموضوع بعناية فائقة قياس مستوي السكر في الدم قبل الزيتون وقبل الاكل وبعد الاكل وبعد الزيتون وكل ذلك تحت اشراف الطبيب المعالج وجمعية رعاية مرضي السكر وغيرها من المهتمين بهذا الامر ....
المهم ياسيدي النتيجة لغاية الآن جيدة وفعلا يسهم مغلي ورق الزيتون في تخفيض نسبة السكر في الدم ... ولكن هل له مضاعافات اخري نتيجة الاستعمال الدائم؟ هذا هو السؤال الذي لم يُرد عليه الى الآن ....
والى ان نجد اجابة على هذا السؤال توقفنا عن تناول الزيتون ورجعنا للادوية حبة كل يوم من الصباح تكفيك شر تناول ذلك الشئي "المر" ثلاثة مرات في اليوم ..........

شكرن كثيرن ياحبيب والوصفة السحرية .... وللحفاظ على الصحة
وخصوصا انتو كلكم "طعنتوا في السن" ماعدا زهير والدفعة البعدو زنوبة وفافي
جكة نص ساعة بعد صلاة الفجر ..... الامتناع نهائي عن تناول السكر (في كل المشروبات والماكولات) تقليل نسبة الملح بحد اقصى 60 جرام في اليوم
تقليل نسبة الدهون في الاكل ..... وتاني الحبة مابتجيكم .... بس ماتقطعوا الشارع قبل ما تلتفتوا يمين ثم شمال ثم يمين مرة اخري

ودي الذي تعلمون ...
Post: #4887
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-01-2010, 07:12 AM
Parent: #4884

بسم الله الرحمن الرحيم
أصبحنا وأصبح الملك لله الواحد الأحد
اللهم إنا نسألك إيمانا دائما وقلبا خاشعا ولسانا ذاكرا
ويقينا صادقا ورزقا واسعا وعلما نافعا
ونسألك اللهم العافية وتمام العافية والشكر على العافية
ونسألك اللهم الغنى عن الناس.

الأخ سامي حمد الله على سلامة والدكم نسأل الله له الشفاء الكامل
وأن يبلغ تمام الصحة والعافية
الأخ / أحمد عوض ألف حمد الله على السلامة ونسأل الله رب الناس الذي
أذهب البأس أن يذهب عنك البأس ويشفيك ويداويك ويبعد عنك كل مايؤذيك
نسأل الله الشافي الكافي أن يشفي الأخ / أمينوف ويرجع من مصر سالما معافى

إن شاء الله الإعاقات المرضية كفارة وأجر وعافية

صادق العزاء للأخ مرتضى في وفاة جدته
نسأل الله لها واسع الرحمة وعظيم المغفرة
وإنا لله وإناإليه راجعون
Post: #4888
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-01-2010, 07:28 AM
Parent: #4887

Quote: تماثل للشفاء والد العزيز عثمان الجيلي بعد عملية جراحية وهو الآن في أكمل عافية والف حمد الله علي السلامة ....

الف حمدا لله على سلامة الوالد ياعثمان ....
ونسأل الله ان يمن عليه بنعمة الصحة والعافية وان يتمم له الشفاء
-----
كما اسألكم أخوتي الدعاء لشقيقي "سيد" الذي اجري عملية زراعة كلى قبل ستة سنوات ، ومنذ حوالى يومين يعاني من التهابات في الاسنان ادت لبعض المضاعفات
هو بخير وعافية الآن لكن "خلعني" وطير النوم من عيني أمس نتيجة لخلعته من الفحوصات التى اجراها . نسأل الله ان يمتعه بالصحة والعافية ...
-----
اللهم رب الناس اذهب البأس اشفي انت الشافي
Post: #4889
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-01-2010, 07:31 AM
Parent: #4887

سلامات يا ناس

وصباحات التفاؤل

مبروك عليكم العودة الضفارية لعثمان الجيلى

وعقبال ناس كتار غايبين...

Quote: والى ان نجد اجابة على هذا السؤال توقفنا عن تناول الزيتون ورجعنا للادوية حبة كل يوم من الصباح تكفيك شر تناول ذلك الشئي "المر" ثلاثة مرات في اليوم ..........



كان تواصل فيهو شوية ..عشان لما تجى بى هناك وتلقى ود المهدى مدفق الدوبيت

تقيف فى النص وتجر عكازك وتشنق طاقيتك وتقول:

هيييييييييع أنا المُر
Post: #4890
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-01-2010, 07:59 AM
Parent: #4887

اولا ياود المهدي نذكر الشيء الإيجابي من حكاية (س،ص)
هذه القصة طال ماهي حقيقية خلتني أقدر بت شيخي تفدير شديد
وبقيت أكسر ليها شوية ثلج.

ثانبا حكاية س المستعصية دي وبالأخص إذا ص أضافت للقصة جذئية
الريس معتصم الحل في المثنى ( صبرة أم بيتين) طبعا ص متعودة
على (قطع نفس س) لكن س إذا وجد متنفس في ص2 واطات ص أصبحت
مع العلم بأن ص ،ص2 إحتمالية الإتفاق شبه مستحيلة.
Post: #4891
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-01-2010, 08:30 AM
Parent: #4890

صباح الهناء والسرور ...

اخونا عثمان الجيلي كفارة وسلامة الوالد .. اللهم يا ربي متعه بالصحة والعافية ...

اللهم اشفي شقيقنا سيد ومتعه بالصحة والعافية يا رب .. شقيقنا جلال انشاء الله ربنا يطمئنك عليه وربنا يكتب السلامة ...

اخونا احمد اسماعيل شايفك ركبت الموجة .. انتو يا جماعة ما بتخافو من بنات الشيخ ديل .. شكلكم كدا عاملين لينا شرك ولغم ممكن ينفجر في اى لحظة .. وتبقى انت وودالمهدي شاهد ملك .. ونحن شاهد ما شافش حاجة .. الرحمة يا جماعة .. غايتو بعد كدا الا نقول الرووووووووووووووووووب ...
Post: #4892
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 08:59 AM
Parent: #4891

الف حمدا لله على سلامة الوالد ياعثمان ....
ونسأل الله ان يمن عليه بنعمة الصحة والعافية وان يتمم له الشفاء
Post: #4893
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-01-2010, 10:51 AM
Parent: #4892

خالص العزاء لولدنا محمد المرتضي لوفاة جدته
انا لله وانا اليه راجعون ....



الف حمدا لله على سلامة الوالد ياعثمان الجيلي ....
ونسأل الله ان يمن عليه بنعمة الصحة والعافية وان يتمم له الشفاء
Post: #4894
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 06-01-2010, 12:03 PM
Parent: #4893

الف حمدلله على السلامة الوالد يا عثمان الجيلي

و نسال الله ان يديم عليه الصحة والعافية
Post: #4895
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-01-2010, 12:26 PM
Parent: #4894

اخونا عثمان الجيلي كفارة وسلامة الوالد .. اللهم يا ربي متعه بالصحة والعافية ...

اللهم اشفي شقيقنا سيد عثمان ومتعه بالصحة والعافية يا رب ..
Post: #4896
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 06-01-2010, 12:41 PM
Parent: #4894

سلامات لاجدع ناس ...


الاخ سامي عبدالوهاب نسأل الله أن يتمم نعمة الصحة والعافية على الوالد ...

و امنياتي بالشفاء العاجل للأخ أحمد عوض ...

واتمنى للأخ أمين محمد ... رحلة موفقة مع كامل الشفاء ...
والف سلامة لوالد الاخ عثمان الجيلى وربنا يمتعه بالصحة والعافية
والاخ سيد اخو جلال انشاء الله ما تشوف شر
والعزاء للاخ محمد المرتضى فى وفاة جدته
Post: #4897
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-01-2010, 01:50 PM
Parent: #4896

الحبيب ابو الجلاجل الطاعم
كيفنك يا أخوي
نظري غصبا عني جابني للموضوع الكلو خطوط خطوط ده وقلت اقرا رغم اني في الشغل وما في وقت
يا زول لقيت الشغلانة زي ما قال منصور عبد الرازق تفاضل وتكامل س و ص وحاجات عجيبة
اولها
Quote: وس هذا ينتمى الى احدى
القبائل التى تتكسر فى الزوجة كسير شديد وتجعل طلباتها مستجابة فى لمح البصر ، بل تجعل الزوج ذى الريموت
يسير وهو مبرمج تماما ..يمين يمين.... شمال شمال


رغم اني إجتهدت اعرف الجهوية المطروحة بين الثنايا لكن غلبني
لكن متاكد انك ما قاصدنا نحن
والفي راسو ريشا ...

بعدين شايف الشباب قامو على الراجل ساكت
بالله عليك يا الطاعم
واحدة خاتة الحنا وناقشاها وعندها عرس بعد بكرة
تقوم ليه
اهم بالله عليك الحنة والله البطيخ
يا أخي البطيخ ما ملحوق وهسي الضمنك شنو زاتو البطيخة تطلع حمرا وسمحة
لكن حنت ص دي مضمونة أنها تطلع سودا وسمحة بس خلي الكابتن س ده يطول الونسة معاك فوق

يا أخوانا الموضوع ما فيهو حساسية
عادي !!
Post: #4898
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-01-2010, 05:20 PM
Parent: #4897

اخونا عثمان الجيلي كفارة وسلامة الوالد .. اللهم يا ربي متعه بالصحة والعافية ...

اللهم اشفي شقيقنا سيد عثمان ومتعه بالصحة والعافية يا رب ..
Post: #4899
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-01-2010, 06:25 PM
Parent: #4898

Quote: ما زلنا مع س وص
بعد ان انتهى س من واجب العزاء لاقاربهم برفقة اخيه
قال اخيه :تعرف يا س انا اصل معاك اسلم على امى
واقعد معاها شويه وبعدين ارجع
س : يازول امك مرتاحه والله ص شايلاها على
كفوف الراحه الله يديها العافيه
وما ان يصل س واخيه الى باب المنزل يسمعان صراخ
ص الحاد فى امهم وما ان يدخلا المنزل تبادر ص قائله
اسمع يا س الليله يا انا يا المره المخرفه دى فى البيت دا.
س :مالك يا ص كدى اهدى وروقى دمك ما تزعلى نفسك
الزعل ما كويس عشانك ويلتفت مخاطبا اخيه كدى انته
سوق الحاجه دى خليها تبيت عندك .كانت هناك دمعه على
خد الام حاولت جهدها لاخفائها
انها احدى صور س فى الحياة ولاحولة ولا قوة الا بالله
والرجاله تطير والرجاله تطير تقع فى البير

الأخ الكريم البادى
الرسول (ص) قال أف لمن حضر والديه ولم يدخل الجنة

بالله عليك حكاية (س، ص) إذا حصّلت المرحلة دي لا يمكن نتكلم ساكت
لازم يكون قول وفعل
لأن الحكاية رضا ص والخروج من الجنــة
والخروج من الجنـة يعني أيه؟ قول ليه ياريس ميسرة.
Post: #4900
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-01-2010, 08:08 PM
Parent: #4899

حضور ومتابعة

ومداخلة طاشة
غاب أبو سن ولعب أبو ضنب مقال لسمؤال أبو سن رداً علي مصطفي البطل
Post: #4901
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 08:24 PM
Parent: #4900

يا سلام لمن تبدأ يومك بي تليفون من الريس ميسرة
ياخي حاجة كدة فوق الخيال
Post: #4902
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-01-2010, 10:32 PM
Parent: #4901

ما شاء الله طارق جبريل سعدنا

نحن بسماع صوتك بعد طول هذه السنين العجاف

لكن صوتك في الهاتف بسم ا لله ما شاء الله تنفع

مذيع في قناة الجزيرة صوت مليان ورويان ،،،،
Post: #4903
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-01-2010, 10:36 PM
Parent: #4902

بعد دخول جيل العمالقة ودفع دماء قوية

وتربينات شديدة الدفع إحتفلنا جميعنا بالعيد

الخمسين وثم إحتفلنا بالعيد المئوي واليوم نحتفل

بعيدنا للخمسين الثالثة ويقود الإحتفال المايسترو محمد عيد

والمبدع طارق جبريل ،،،،،،،

نودع هذا الميل ونستقبل ميل جديد ...
Post: #4904
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-01-2010, 10:46 PM
Parent: #4903

عندما تتمرد الروح عن المألوف

ويدعي الطير أنه لم يستفد من الغصن أبدا

وعندما لا يعني الضياء للظلام شيئاً

وعندما تعجز المقل عن حمل دموعها

وعندما يصبح الوقت لا وقت لديه

فإن الحب يولد رغماً عنا ،،،

ويحيا الحب بلا فضل منا ،،،،

ونحمد الله بأن الذي جمعنا هو الحب

ونحتفل اليوم ونبدأ الميل الجديد بكل قلب

صافي ومحبة متدفقة وذكريات عطره وأناس زقازيقين متميزين

أحبكم جميعاً .....
Post: #4905
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:02 PM
Parent: #4904
Post: #4906
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:20 PM
Parent: #4905

zagazig8.jpg Hosting at Sudaneseonline.com

الحب كان هناك..
نما.. ازدهر
طاف ارجاء الكون
حملناهو في دواخلنا
كان شموعا أضاءت ارجاء الكون
انتشر معنا حيث كنا
محبتنا مستمرة
باستمرار هذا الداء الزقازيقي الجميل

احبكم اكثر
Post: #4908
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:24 PM
Parent: #4906

zagazig9.jpg Hosting at Sudaneseonline.com

كنا اجدع ناس
وسنظل..
جابت محبتنا ارجاء البسيطة
حملنا نُبلنا وذرات مقدرتنا على خلق الفرح
قبضنا على هذا الألق داخل صدورنا
رعيناه
احببنا نسماته
Post: #4909
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:30 PM
Parent: #4908

tarte1.jpg Hosting at Sudaneseonline.com

ميسرة... زينب.. الرشيد
نجاة...حاتم... ياسمين
عيد... فافي.. طارق
جلا... منى.. منصور
سلمى... الشادي... سناء
موسى.. هالة.. جلال
... و....و...
...و...و...
...و...و...
...و...و...
...و...و...
...و...و...
...و...و...
احباب
اصحاب
اجدع ناس
Post: #4911
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:37 PM
Parent: #4909

zagazig10.jpg Hosting at Sudaneseonline.com

....و....و...
....و....و...
....و....و...
....و....و...
....و....و...
....و....و...
سعاد.. قيس
عبد الحميد... احمد عوض
بابكر ... عمر
عبد الدايم وطراوة
وناس كلها حلاوة
Post: #4916
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-02-2010, 08:13 AM
Parent: #4903

أولا تحية طيبة مباركة لأخونا/ عبد الدائم
الراجل النضيف الذي أسمعني صوته قبل كم يوم
بإتصال مباغت سائلا عن حالنا وحال إبني شاكر
وعن جميع الإخوة بالرياض ، جزاه الله عنا كل خير
وبالتوفيق إن شاء الله

نشكر الإخوة المبدعين طارق جبريل والعيد السعيد إن شاء الله دائما
والريس ميسرة والأستاذة منى، على الإبداع والإحتفالية بالميل الخمسين الثالث
Post: #4907
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-01-2010, 11:21 PM
Parent: #4901



واقعيا ... نحن نخطو نحو الميل الخمسون ...

ولكن الحقيقة اننا ذهبنا فى مسارنا الجميل لأكثر من مائة ميل آخر

فاذا جمعنا البوستات التى قطعت اكثر من صفحة فى منبرنا الخاص سنجد اننا قد تعدينا

تلك المئوية بأميال ضوئية عديدة ... وأحسبوها معى


مربع كاي [ 1 2 3 4 5 6 7 8 9 10 11 12 13 14 15 16 17 18 19 ] 1879 13277 الرشيد بابكر

ولمن فاتهم الاستماع ..... [ 1 2 3 4 5 6 7 8 ] 5066 محمد صديق


شخصيات وعائلات زقازيقة ،،،،،،،، من الزمن الجميل،،،(توجد صور) [ 1 2 3 4 5 ] 482 6814 مني يونس


صور نادي الشرطة [ 1 2 ] 180 2265 زهير الزناتي

ملائكة الزقازيقاب [ 1 2 ] 136 2089 طارق جبريل




كورة عالمية وبس [ 1 2 ] 131 1100 زهير الزناتي



عمر نملوز [ 1 2 ] 142 1311 عمر نملة



أمنية الرشيد كل سنة وإنت طيبة [ 1 2 ] 117 1350 زهير الزناتي

حكايا شرقاوية ........ أو نجوع الملح [ 1 2 ] 128 1682 أبوبكر حامد الأمين



الجمعية السودانية لخريجي الزقازيق [ 1 2 ] 105 886 زهير الزناتي

هذا بخلاف البوستات التى ما زالت فى صفحتها الاولى




حقا كم انتم رائعون ...
Post: #4910
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-01-2010, 11:37 PM
Parent: #4907

منطاد احتفاءنا بالجمال ... حلـّـق بنا الى شواطىء الاطلسى

بمعية الحبيب .. الرائع .. طارق جبريل

127369291511106182.jpg Hosting at Sudaneseonline.com
Post: #4912
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-01-2010, 11:42 PM
Parent: #4910

واستقبلنا سفير الجمال وعاشق أصالة وحنية بلدنا

فى قاعة احتفالات تموج فخامة وروعة

واصطف فيها الزقازيقاب وابناء الزقازيقاب وزوجاتهم .. وفى احيان اخرى .. احفادهم

127369258510666826.jpg Hosting at Sudaneseonline.com



اليك بالميكرفون ايها الجميل .. لتواصل فقرات حفلك الشيق

كلنا انتباه .. استمتاع .. دهشه ...
Post: #4913
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-01-2010, 11:42 PM
Parent: #4910

غدا اكيد سيكون لنا يا ((عيدنا))
غدا سنجمع الاحباب هنا
غدا نواصل الفرح
اما المسرات فستمضي بنا طيلة العمر
Post: #4914
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-02-2010, 07:31 AM
Parent: #4913

سلامات يا ناس

وصباحات التفاؤل

Quote: ونحمد الله بأن الذي جمعنا هو الحب

ونحتفل اليوم ونبدأ الميل الجديد بكل قلب

صافي ومحبة متدفقة وذكريات عطره وأناس زقازيقين متميزين

أحبكم جميعاً .....


مبروك الخمسينية الجديدة...

انه الحب وصدق التعاطى مع العلاقة وانتفاء الغرض...

يكفى انك ما ان تحكى عن هذه العلاقة ..حتى تحضر الدهشة.

مزيد من الترابط والود ونقله الى الاشبال.
Post: #4915
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-02-2010, 07:51 AM
Parent: #4914

1500copy.jpg Hosting at Sudaneseonline.com

sudansudansudansudansudansudansudansudansudansudan4.gif Hosting at Sudaneseonline.com

[center]صباح اليوم الجميل ،،،،

والناس الحلوين ،،،،،

دائماً تأمين ومجتميعن وعيدكم مبارك
Post: #4917
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 06-02-2010, 08:15 AM
Parent: #4915

أجدع ناس

السلام عليكم ورحمة الله وبركاته

لكم مني الشكر أجزله على هذه المشاعر النبيلة وتلكم الدعوات الصادقات

والحمد لله الوالد الآن بخير

والشكر لأخونا زهير لتكبده المشاق ورغم ضيق الوقت إلا أنه أصر على أن يحضر لمقابلتي... وأنتم فعلا أجدع ناس يا ناس الزقازيق

والشكر لكل من إتصل أو كتب هنا

ونسأل الله أن يمتعكم جميعا بالصحة والعافية وأن يديم هذه المحبة بيننا

وبرضو مشتاقييييييييييييييييييييييييييييييين
Post: #4918
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-02-2010, 09:05 AM
Parent: #4917
Post: #4919
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:14 AM
Parent: #4917

newyear1.jpg Hosting at Sudaneseonline.com

اجدع ناس
واحلى ناس
Post: #4920
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:17 AM
Parent: #4919

zagazig13.jpg Hosting at Sudaneseonline.com

خمسون صفحة معاكم يا نوراة الحلوين
Post: #4921
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:19 AM
Parent: #4920

zagazig14.jpg Hosting at Sudaneseonline.com

خمسون صفحة مرة حلوة زي انسام
Post: #4922
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:22 AM
Parent: #4921

zagazig15.jpg Hosting at Sudaneseonline.com

ثم اينعت زهور الزقازيقاب
فكانت اريج الجيل الثاني
Post: #4923
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:24 AM
Parent: #4922

zagazig16.jpg Hosting at Sudaneseonline.com

واستمر الرحيق
Post: #4924
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:25 AM
Parent: #4923

zagazig17.jpg Hosting at Sudaneseonline.com

واستمرت النفحات
Post: #4925
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 09:28 AM
Parent: #4924

zagazig18.jpg Hosting at Sudaneseonline.com

واستمرت الرياحين
Post: #4926
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-02-2010, 10:18 AM
Parent: #4925

ناس جنهم إحتفالات
ديل شنو ديل
يعني واحد لو صرف ما هيتو ساكت يعمل ليهو إحتفالية و بارتي
يا الناس المحتفلين خلصتو و لا لسع
كدي وروني أبدأ من وين؟؟؟؟
يا جلال هاك فا تحتكم
غايتو المداخلة دي ما عا########ي
وقلبي يقولي أمسحها
النشوف آخرتا
Post: #4927
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 10:26 AM
Parent: #4926

حبيبنا جلا
ياخي الله يجعل أيامنا كلها احتفالات
شوت ضفاري بعد دة
نحن انتهينا
Post: #4928
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-02-2010, 10:43 AM
Parent: #4927

Quote: شوت ضفاري بعد دة
نحن انتهينا

طيب و ين صورة ولدي عمر الراقد في الهندووول
قول واحد............
Post: #4929
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 11:18 AM
Parent: #4928

يا جلا قبل كلامك دة
كنت ناوي اعتذر لو فاتت علينا صورة زقازيقي او زقزوقي
اها بنعتذر يا الحبيب
Post: #4931
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-02-2010, 11:42 AM
Parent: #4929

انشاء الله دايما" تامين ولا مين





شكرا" جبريلا على هذا الالق الساكن فينا
Post: #4933
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-02-2010, 11:46 AM
Parent: #4929

Quote: جلا قبل كلامك دة
كنت ناوي اعتذر لو فاتت علينا صورة زقازيقي او زقزوقي
اها بنعتذر يا الحبيب

غايتو اعتذارك دا قولو لي زول ما عندو حديدة
أنا هين و عندي حديدة GL
وعارف ولدي ما قاشر القشرة التمام ديك
طبعاً في ناس سمعوني ليها
و قالو لي دا هس يشوفوهو بي وين
البركة فيني و في العمة اللافيها كويس
موسى عيسى
المداخلات الفاتت دي لزوم الواحد يطرق حنكو و كدا
النسألك إنت صورتك و صورة عيالك مافي ليه؟؟؟
إعتذرو ليك و لا لسع

شفتو الشوت الضفاري كيف؟؟؟
دا حالتو أحمد إسماعيل ما ترجم شنو يعني ضفاري!!!!!
Post: #4930
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-02-2010, 11:40 AM
Parent: #4928

وصلتني الرسالة عبر الإيميل من ولدنا سفيان

الاخ / ميسرة
تحية طيبة وبعد

اخي العزيز لعدم تمكني من الدخول الى موقع ناس الزقازيق
ارسل لك بعض الصور للذكري وسوف اوافيك بالبقية لاحقا
ولك مني الشكر
سفيان علي

sudansudansudansudansudan53.jpg Hosting at Sudaneseonline.com

يا ناس تجارة عايزين نشوفكم أو اشمت فيكم عبدالدائم
Post: #4932
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-02-2010, 11:45 AM
Parent: #4930

sudansudansudansudansudan54.jpg Hosting at Sudaneseonline.com


sudansudansudansudansudan55.jpg Hosting at Sudaneseonline.com

التحية للأخ/ سفيان ونتمنى أن تكون بداخل البوست
الشيخ اللابس جلابية ده منو
Post: #4934
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-02-2010, 11:53 AM
Parent: #4932

sudansudansudansudansudan56.jpg Hosting at Sudaneseonline.com

إنابة عن الشيخ جلا أنا بقبل العذر لأنه عندي أثنين من أولادي ما شايفن

يمكن إتهكروا والأتنين بدون هندول ،،،،،،،،

كدى قبال ما يجيل موسى عيسى ولا أحمد إسماعيل شوف لينا الناس دي يا شيخنا
Post: #4935
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-02-2010, 11:57 AM
Parent: #4932

اهلا" سفيان على
يسعدنا اضمامك الينا ، وسعيدين برؤياك رغم انو ما عارفين
انت ياتو واحد فى الصورة ، القاعد جمب الجكس ولا الشيخ ابو جلابية

الصور عاوزة معتصم جعفر ديل ناسو وقدرو
Post: #4936
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-02-2010, 12:41 PM
Parent: #4935

طرق جبريل يا فنان ....
مبوك الميل خمسين ... اها عندك ساعتين صورتي دي تجيبهامع الجماعة الفوق ديلك ...ولوما لقيت حته ... شيل لي يا نادر فاروق أو معاوية يحيي ... يعني لغاية خمسة بتوقيت السودان ... وأي زول غير النفرين ديل ما بقبل .... وبعد تعمل العملية الما أخلاقية دي بقوم أوريك إخترت ليك النفرين ديل لشنو . اها اليا حبيب ... هسه مع كتابة المداخلة دي إنتهت خمسة دقائق ... نكسبك وقت ونعمل ليك اضف رد ..

بس الشغل جميل خالص ...
Post: #4937
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-02-2010, 12:43 PM
Parent: #4935

بالله وصلنا خمسييييين , تااااانى
يعنى بعد ده الواحد ممكن يأرخ قبل الميلاد وبعده عااااااادى
ادام الله علينا نعمة التآلف والتآحى ,
احتفالية جميلة يا ريس ويا ود جبرين ومحمد عيد
لاعدمناكم يا احباب
Post: #4938
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-02-2010, 12:54 PM
Parent: #4935

ادعو معي لشقيقة صديقنا الريس معتصم والتي ستغادرنا صباح الغد إلي الرياض للإستشفاء ... اللهم عجل بشفاءها واعيدها لأهلها سالمة وبأتم العافية.....
Post: #4939
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-02-2010, 01:27 PM
Parent: #4938

اللهم اشفها وعافها يا رب










ابو الزوز يا بتاع الفتن
Post: #4940
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-02-2010, 01:59 PM
Parent: #4939

اللهم أشفي شقيقة الريس معتصم

وأن تعودي سالمة غانمة إلى أهلها

وعلى أتم صحة وعافيه,,,,,,,,

آمين يارب العالمين،،،،،،،،،
Post: #4941
Title: Re: ناس الزقازيق ... أجدع ناس ( 3 ) ..
Author: عصام دهب
Date: 06-02-2010, 02:11 PM
Parent: #4940

صادق الدعوات لشقيقة الريبس معتصم بالصحة و العافية و أن يذهب الله تعالى عنها كل سقم و بأس و يعيدها إلى أهلها سالمة غانمة و بأتم صحة و عافية .. اللهم أشفها فأنت الشافي ..

،
وكل لحظة و جميع الزقازيقاب و أصدقائهم بكل خير و صحة و عافية يا رب ..

و إن شاء تدوم أفراحكم و ما تكمل و ربنا يجعل كل أيامكم أعياداً ..

و عقبال خمسين مليون ميل مترعة بالخير و الحب و الجمال ..

و تحية خاصة للمبدعين محمد عيد و د. طارق و ميسرة و ربي يحفظكم و عيالكم و يجعل كل أيامكم سعيدة و جميلة و مبهجة ..
Post: #4942
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-02-2010, 02:24 PM
Parent: #4941

ياجلا انت باكي علي عمر الفي الهندول الصغيرون دا
في ناس شنبات وشلوخ اتنسو
ربنا يجعل كل ايامكم سعاده
Post: #4943
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-02-2010, 03:04 PM
Parent: #4942

ياسلام على الروعة دي
ياسلام عليك يا محمد عيد
اقسم بالله صورة المسرح والخلفية ناس الزقازيق لغاية ما عملت ليها كوبي وبيست وحفظتها انا قايلها جد جد
بعدين لقيت الشغل فوتو شوب

الله يديك العافية يا محمد عيد وكتر خيرك دخلت السرور في النفس يا أخي
ويا الحبيب طارق جبريل
إنت راجل رائع وفنان
إنشاء ما عدمناك
وإنشاء نشوفك دائماً مبسوط
لانك لمن تكون مبسوط في ناس كتاااااااااااااااااااااااااااااار بيكونو مبسوطين معاك

محمد عيد وطارق جبريل
كتر خيركم
والله يديم علينا نعمة المحبة والتآلف ان شاء الله
Post: #4944
Title: Re: ناس الزقازيق ... أجدع ناس ( 3 ) ..
Author: مني يونس
Date: 06-02-2010, 03:53 PM
Parent: #4943

sudansudansudansudansudansudansudan26.jpg Hosting at Sudaneseonline.com

dance1.jpg Hosting at Sudaneseonline.com

dance1.jpg Hosting at Sudaneseonline.com
Post: #4945
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-02-2010, 07:04 PM
Parent: #4944

جبريلا الحبيب ...

الله يخضــّر ضراعك ...

مشكور جدا على الشغل الجميل جدا ...

ومن يتعاملون مع برامج التصاميم يعرفون تماما صعوبة ودقة العمل الذى قمت به ...

فشــكرا لك على افرادك لهذه المساحة الزمنية الكبيرة من وقتك لاتمام ما قمت به ...

وبالفعل كان الريس ميســرة ذو نظرة ثاقبة عندما أصــر على ان تقوم بتولى زمام هذه الاحتفالية

فهنيئا" لنا جميعا بتميزك وابداعك ...

وتهنئة متجددة لجميع الزقازيقاب فى هذه المناسبة الجميلة ...

جعل الله ايامكم كلها اعيادا ...

Post: #4946
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-02-2010, 08:55 PM
Parent: #4945

مساكم الله بالخير

أولا دعوة خالصة لشقيقة الريس معتصم بأن يمن الله عليها بالصحة و العافية...

ثانيا...
جيت متأخر لظروف خاصة منعتني من الاحتفال معكم و لكن أن تأتي متأخرا خيرا من أن لا تأتي...
لذلك و بعد أن أقدم التهنئة بالميل الخمسين بعد المائة أقدم اعتذاري و شكري في نفس الوقت للذين أفردوا وقتا ثمينا ليجملوا لنا هذا الميل بفنهم الراقي الجميل...
التحية لجبريلا الجميل الفنان...
التحية لمحمد عيد ناثر الدرر و مايسترو المناسبات الجميلة...
التحية للريس ميسرة باسهاماته الرائعة المبدعة...
و التحية للأخت منى يونس و هي تستقطع وقتا غاليا هذه الأيام لتضع بصمة جميلة...
و التحية لكل الزقازيقاب و هم يتراصون كالبنيان مهموهمون ببعضهم البعض...
Post: #4947
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 06-02-2010, 09:24 PM
Parent: #4946

يا سامي الف لاباس للوالد وربنا يديه الصحة والعافية
الريس معتصم انشاءالله ربنا يطمنك على اختك
ويديها الصحة والعافية


الشكر لصاحب الدار عصام دهب الذي جمعنا بعد فرقة
الشكر للاخ طارق جبريل
ولمحمد عيد
ولميسرة
والف مبروك الخطوة خمسين بعد المائة وعقبال الالف

شكرا جبريلا
شكرا عيد على هذا الجمال

انتو جلا دة مالو طوالي ضفاري كدة ؟؟؟؟؟؟
Post: #4948
Title: Re: ناس الزقازيق ... أجدع ناس ( 3 ) ..
Author: احمد محمد بشير
Date: 06-02-2010, 09:30 PM
Parent: #4947


يا ناس الزقازيق
أطلعو و إتضامنو مع الدكاتره ديل يااااااخ!
بعد شوية المواطنيين و أهلكم حيموتو كان في الزقازيق أو أُمدرمان لانو الدكتور البيعالج بيضرب ويهان
سفك دماء الاطباء اثناء مسيرتهم السلمية اليوم صور وفيديو
Post: #4949
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-03-2010, 06:31 AM
Parent: #4948

Quote: و لكن أن تأتي متأخرا خيرا من أن لا تأتي...


جملة وقعت لى جرح ....
مليون مبروك يا اجدع ناس ...
والشكر لمبدعين الاحتفالية ... محمد عيد وطارق جبريل والريس ميسرة وحرمة المصون مني يونس ...




خالص الشفاء لشقيقة الريس معتصم ... تمنياتنا لها بالشفاء العاجل ...




===========================
الرشيد بابكر ... كيف الاخبار
تحياتنا للاسرة ... الامتحانات خلصت؟!!!
Post: #4950
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-03-2010, 06:49 AM
Parent: #4949

سلامات يا ناس

واسعد الله ايامكم جميعاً

الامنيات بالشفاء التام لشقيقة الريس معتصم

والشكر والتقدير للريس ميسرة والاخت منى

وشكر خاص لطارق جبريل على الابداع.
Post: #4951
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-03-2010, 07:12 AM
Parent: #4950

خالص الدعوات لشقيقة الريس معتصم بالشفاء التام

اتصلت عليهو من شوية وجدته فى المستشفى لتخليص بعض الاوراق
بينما سعادتو محمد صديق وزهير بالمطار لتكملة اجراءات السفر

دخولك المنبر ياسعادتو الان طمئنى انشاء الله كل الامور ماشة تمام

وربنا يوصلها الى الرياض بالسلامة
Post: #4952
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 06-03-2010, 08:23 AM
Parent: #4951

ألهم رب العرش...
أذهب البأس واشفي شقيقة الريّس معتصم شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بصلاح من وجع .
Post: #4953
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-03-2010, 08:24 AM
Parent: #4951

كل الامنيات وصادق الدعوات للمولى عز وجل ..

ان يمن بالشفاء على شقيقة الريس معتصم ...

وانشاء الله اجر وعافية وعودا حميدا ...
Post: #4954
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-03-2010, 08:30 AM
Parent: #4951

Quote: يا ناس الزقازيق
أطلعو و إتضامنو مع الدكاتره ديل يااااااخ!
بعد شوية المواطنيين و أهلكم حيموتو كان في الزقازيق أو أُمدرمان لانو الدكتور البيعالج بيضرب ويهان
سفك دماء الاطباء اثناء مسيرتهم السلمية اليوم صور وفيديو

الزول دا ماقاعد يكورك ليكم ياخ ... ما تلحقوه
انا غايتو الزقازيق ماعندي فيها اهل الا خالد سحلب
لكن اهلي ماشاء الله ممتدين عبر كل ربوع وسهول السودان من حدو لي حدو
لذلك يا ابوحميد نسأل الله ان ينطوي هذا الليل الطويل المظلم
وان تشرق شمسنا على يوم لايظلم فيه احد ....
ان شاء الله اكون بردت ليك بطنك ... وتاني ماتكورك فينا بالله ...
Post: #4955
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-03-2010, 08:35 AM
Parent: #4954

اللهم إني أسألك يا فارج الهموم ويا كاشف الغموم يا حي يا قيوم يا رحمن الدنيا ورحيمهما يا فرد يا صمد يا من لم يلد ولم يولد ولم يكن له كفوا أحد يا ذا الجلال والإكرام يا رب الأرباب يا مالك الرقاب يا منشئ السحاب يا مسبب الأسباب يا مفتح الأبواب افتح لي أبواب رحمتك وأبواب كرامتك وأبواب نعمتك وأبواب شكرك وأبوب خيرك وأبواب رزقك وأبواب منك وأبواب عنايتك وأبواب إحسانك يا رءوف يا رحيم يا سميع الدعاء يا لطيفا بالعباد استجب لدعائي اللهم اشفي شقيقة الاخ معتصم ومن عليها بالصحة والعافية واعدها الي اهلها سالمة ودثرها بثوب الصحة والعافية ... يارحمن يارحيم
Post: #4957
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-03-2010, 08:50 AM
Parent: #4955

هي "الخمسون" الثالثة اذن ....
شغلتنا "الشغلات" عن المشاركة امس في الاحتفال البهيج ...
ادام الله عليكم البهجة والسرور ومتعكم بالصحة والحبور ...
وان يحفظ الله لكم الريس وجبريلا وعيد وابو الزهـــــور ... "تمام القافية" عشان ما الكوتش وودالمهدي يعملوا لي سمكرة

غايتو في مواضع كثيرة يعجز الانسان عن التعبير، وهذا احدها فحين تجيش بك العواطف نحو اناس هم كالدرر بل اشد لااقول بريقاً ولكن قيمة فبالتأكيد سوف تعجز الكلمات ومهما حاولت انتقاء ابلغها سوف لن ترضيك بأن تصف بها اؤلئك الدرر ...
فلكم احبتي "ولتحاشي" الكثير من العواطف والانفعالات اقول كما تقولون ... احبكم جميعاً
Post: #4956
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-03-2010, 08:38 AM
Parent: #4951

خالص الدعوات لأخت الريس معتصم بالشفاء التام و العاجل
و إنشاءالله أجر و عافية....حسب كلام أمي حياة محمد عوض
Quote: بينما سعادتو محمد صديق وزهير بالمطار لتكملة اجراءات السفر

في زول ناقص
مش ناس الزقازيق المغادرين و الواصلون بالسلامة
مش في حاجة إسمها صالة كبار الزوار؟؟؟
مش الزولة المغادرة أخت الريس
وتيب!!!!
Post: #4958
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-03-2010, 09:20 AM
Parent: #4956

Quote: غايتو في مواضع كثيرة يعجز الانسان عن التعبير، وهذا احدها فحين تجيش بك العواطف نحو اناس هم كالدرر بل اشد لااقول بريقاً ولكن قيمة فبالتأكيد سوف تعجز الكلمات ومهما حاولت انتقاء ابلغها سوف لن ترضيك بأن تصف بها اؤلئك الدرر ...
فلكم احبتي "ولتحاشي" الكثير من العواطف والانفعالات اقول كما تقولون ... احبكم جميعاً

ألحقو الزول دا مفوت سنة
ولا أقول ليكم المكنة بتاعتو ردفت سبيكة
Post: #4959
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-03-2010, 09:27 AM
Parent: #4958

حسيت البوست دا جااااف

و الكلام الندي بي جوه

قلنا نرش حوش دهب دا

بي كلمات الدسوقي عن أمدرمان

يا زمن الأفراح الورديه

فى ماضى الأيام القاسيةالمرّه

كلماتى..

تعبر موجات البحر وتصل إليك

وتحط على فرعٍ فى حقل فؤادكِ..

بين يديك

وتقول :أنا أهواك

أحببتكِ حين الحب بأرضكِ غير مباح

ممنوعُُ بالقانونْ

ممنوعُُ يا سمراءُ لأن الحب هناك جنونْ

وأنا مجنون تعرفنى كلُّ الأشعار

يعرفني الليلُ المسدلُ سترتَهُ

وشقاءُ الفنِ وكلُّ نهار

لا أُحْسِنُ أن أبقى من غير الحب

والحب حرامُُ فى الصحراء
Post: #4960
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-03-2010, 09:53 AM
Parent: #4959

بالمناسبة صالة كبار الزوار داخل القطية

03062010043.JPG Hosting at Sudaneseonline.com
Post: #4961
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-03-2010, 10:06 AM
Parent: #4960


ربنا يكتب الشفاء العاجل لشقيقتك يا ريس معتصم
ساتصل بك بعد قليل لمعرفة تفاصيل وجودها فى الرياض حتى نسجل ليها زيارة ونطمئن عليها ان شاء
كامل تضامنى الشخصى مع اطباء السودان فى حركتهم المطلبية العادلة
وفى انتزاعهم لحق التجمع والتعبير الجماعى
Post: #4962
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-03-2010, 10:49 AM
Parent: #4961

يا منص سلامات ...
للأسف لم تتمكن شقيقة معتصم من مغادرة البلاد صباح اليوم ... وأدخلت العناية المكثفة إلا إنها وبحمد الله قد تحسنت كثيراً وإنشاء الله سوف تغادر بعد غد إلي الرياض ..
Post: #4963
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-03-2010, 10:53 AM
Parent: #4961

خالص الامنيات والدعوات لله جل وعلا

ان يمن بالشفاء على شقيقة الريس معتصم

واجر وعافية وعودا حميدا
خالص الدعاء لوالد الاخ عثمان الجيلي
والدعاء له بتمام الصحة وربنا يسبل ثوب
الصحة علي الجميع
Post: #4964
Title: Re: ناس الزقازيق ... أجدع ناس ( 3 ) ..
Author: جمال فارح
Date: 06-03-2010, 04:00 PM
Parent: #4963

تحياتى ....
مبروك الميل الخمسين ....
مبروك للقابضين على جمر التواصل وإمتداد مساحات الود والتأخى....
مبروك لشيوخ البوست وشبابه الذين يعانون الأمرين ..فى سبيل هذا القصد النبيل ...
خاصة ومن خلال تجربتى القصيرة ..أعرف ما تعنيه الكتابة من رهق وإعياء ...
إستقطاع ساعة أو بعض ساعة أوبطريقة صديقنا الكوتش برهة (بتاوق) ...عملية صعبة للغاية فى خضم اليومى السادر فى غيه ...
فى رحلة جبل أولياء إحتفاءً بالجميل السادة النضيف أبو النضيفات ...دار حوار أسرى ..اشتكت فيه الزوجات من بوست الزقازيق لإنشغال الأخوة الأعداء عنهن وعن أطفالهم .!!
وهذا البوست حقيقة قادر على خلق تداعيات أكثر من هذه بكثير ...وله سطوة تسقط دونها كل الأعتبارات ...وله حضور آسر يأخذك بعيدا عن الرتابة واليومى والعادى ................
هناك مئات من البوستات والمواقع لا تجد مثل هذا الزخم من الحب والأصرار على مشاركة الأخرين تفاصيلهم الصغيرة رغم بعدهم الجغرافى ....رغم أن الذكريات التى يتشاركونها تسربت من بين شقوق الذاكرة الى ركن قصى بفعل الزمن وقسوة الحياة ......ولكن ولدهشتى هؤلاء النفر من أبناء تلك المدينة التى أصبح لها تاريخ وتاريخ ناصع وباذخ بفضلهم وبفضل تلك الذكريات القديمة العريقة ..يصرون عليها ...كأن الدنيا تضيق من دونها ...كأن الحياة لا ترفد للفرح والإمتلاء مجرى أو نهرا الا بها ...
وشكرا لجبريلا وهو يتألق كعادته ...مثل تفاحة فى عز النهار ...
ولعصام دهب (رغم إنفجار قنبلته الأخيرة ...يظل حبيبا وصديقا وأخا جميلاوصاحب فضل كبير ) له مودتى يا ود يادهب .... الدهب لا يصدأ ...
ولزهير الزناتى ...نديم كلمتى وخلوتى ...خليل الأمس واليوم وغدا ...دمت بوصلة للتلاقى والتأخى يا سيزيف الصخرة العنيدة .. يا أعند من عنادها..........
ولمحمد عيد ...الفنان ..أعطيت اللوحة أكثر مما نشتهى .....................................
وللشيخ الريس ميسرة ...فيوض أبويتك واريحية حضورك جعلت من الممكن الأستمرار والتقدم وئيدا نحوك ونحو كل الرائعين من بنات وأبناء تلك المدينة التى تضيق الدنيا من دونها ..ولا ترفد الحياة للفرح والإمتلاء مجرى أونهرا الا بها .....
لسامى عبدالوهاب أمنياتى أن يكون الوالدقد بلغ تمام الصحة والعافية ............
وللريس القديم (معتصم) الدعوات الصادقات بشفاء أختنا العزيزة ...................
ودمتم فى رعاية الواحد الأحد ............
Post: #4965
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-04-2010, 01:02 PM
Parent: #4964

اللهم انك اعطيتني خير الاخوان في الدنيا فلا تحرمني صحبتهم في الاخره

اللهم اسعدهم وفرج همهم وحقق امالهم واجعل الجنه دارهم وقرارهم

واشفهم من كل مرض يارب واجمعني بهم في جنات النعيم

*****

اللهم صلي وسلم وبارك على سيدنا محمد صلاة تاتي بها برزق وفرج

وترفع بها عنا كل ضيق ومقت وحرج

بجاه من صلى بالانبياء ثم عرج

صلاة ماصلاها مهموما الا انفرج

وعلى اله وصحبه وسلم

اللهم امين جمعة مبارك
Post: #4966
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-04-2010, 04:43 PM
Parent: #4965

سلامات يا ناس

الخميس والجمعة ديل يبو انو

فى ناس ما بفرطو فيهم...بكرة

انشاء الله حاجيب ليكم حاجة على

وزن س و ص ..وهى حاجة ملفوحة

لكن هسة بقول ليكم :

أقسمتُ امامك لن أتجرأ

لن أستمطر دمعة حزن للاموات

خذنى عندك يا وهّاب المحتاجين

ازرعنى قمراً أوشك ان يستشهد قبل سنين

ازرعنى وسط الشوك وفى الانقاض وتحت الطين

لن تسمع منى غير ثنائك حين يطل السأمالمترف من عينيك

ستجدنى حاكى الليل الطائع فى كفيك

فأنا يا مولاى الطيب حتى الموت

يملؤنى ظلك حتى الموت

تغمز أضحك

تزجر أصمت

تمنح أحمد

ترفع أخفض...أنت السيد حين الموت.

مصطفى سند

اسأل الله له الرحمة والمغفرة ..
Post: #4967
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-04-2010, 04:47 PM
Parent: #4965

سلام يا اهلنا وجمعتكم مباركة
وشكرا على الإطراء
ونعتذر عن السهو عن بعض الصور
حاولوا تلقوا لينا عذر
Post: #4968
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-04-2010, 09:55 PM
Parent: #4967

أسال عليك الليل ونجمه وحتى أنوار الصباح

وكل طائر في سماه وكم في شريعة الحب مباح

أسأل مشاعرك عن هوانا وحـنانك لـي راح

تلقاني في غاية الألم آمالي تزورها الرياح

جمعتكم مباركة ،،،،،،
Post: #4969
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-05-2010, 06:16 AM
Parent: #4968

صباح الهناء والسرور ...

الشوق بحور ...
Post: #4970
Title: Re: ناس الزقازيق ... أجدع ناس ( 3 ) ..
Author: مني يونس
Date: 06-05-2010, 07:29 AM
Parent: #4969
Post: #4971
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-05-2010, 07:32 AM
Parent: #4969

ملاييين التبريكات بعيد الخمسين بعد المائة ...
وكل سنة ونحن كلنا تامين وبالصحة العافية متمتعين ...

ودجبرين ابداعك متفرد .. وعزف منفرد جميل وانيق .. وقد اعطيت الاحتفالية طعم ونكهة ...

اخونا محمد عيد شكرا على التفوق والتميز في ابراز الاحتفالية بشكل انيق .. ومسرحك المتميز بشاشته الكبيرة ونحن كلنا حضور ننهل من ينابيع ابداعاتك ..

الريس ميسرة ممنونون لك لرعايتك الابوية لاحتفاليتنا.. ونشكر لك توزيع الفرص بين مبدعيننا فاستمتعنا بفن وجمال المغرب من اخونا ود جبرين .. شكرا لك يا قائد الاسطول .. شكرا لك علي قيادة الفرقة الموسيقية وهي تعزف اجمل واحلى السيمفونيات ...

السيدة الاولى اختنا منى يونس شـكرا على الابداع والفن والذوق الرفيع .. حقيقة دراستك للفوتوشوب كانت موفقة جدا وابرزت لنا جوانب تعبيرية فنية جعلت احتفاليتناغير ...

شكرا لكم جميعا ايها المبدعون المسكونون بالفن والذوق الراقي ...

اللهم يا ربي اشفي شقيقة الريس معتصم واكسيها بثوب الصحة والعافية ...

الشيخ جلا مالك يا اخوي بقيت تكتب بي قلم الرصاص وفي يدك الاخرى الاستيكة وشغال مسح .. البركة في التقنية اللي تخلينا نقتفي اثرك بالرغم من الاستيكة ...
Post: #4972
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-05-2010, 07:41 AM
Parent: #4971

صباح الخير ،،، يا وجوه الخير

أصبحنا وأصبح الملك لله وحده،،

دعاء الصباح :-

ربي هب لي من لدُنك ذرية طيبة

إنك سميع الدعاء،،،،،،،،،،،،

ربي لا تذرني فرداً ،،،،،

وأنت خير الوارثين،،،،
Post: #4973
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-05-2010, 07:42 AM
Parent: #4971

سلامات يا ناس

وصباحات التفاؤل

رحم الله الاستاذ الاذاعى الشاعر ذى النون بشرى

واسكنه فسيح جناته بقدر ما اعطى..

والعزاء لنا ولاسرته ولكل السودان.
Post: #4974
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-05-2010, 08:27 AM
Parent: #4973

سلامات يا ناس

زيارة خاطفة الى منبر ناس الهندسة ولفحت منهم

المادة الجاية دى وكاتبها صديقى حمد محمد احمد

Quote: السلام عليكم
..
جمعية المساواة مع الحمار ( لا مؤاخذة )
الجمعية تدعو للمساواة بين حقوق الرجل والحمار ( على اقل تقدير )
مدخل ..
رجل يملك كارو حمار وهو مصدر رزقه
ياتي الرجل اخر النهار وهو مرهق لكن لا ينسى واجباته تجاه حماره العزيز
يبدأ بنظافة منزل الحمار ( مهما تكن نوع النظافة )
يحضر الماء امام الحمار ليشرب
ومن ثم يحضر له العلف للاكل وينتظر حتى يرى ان الحمار اكل الاكل وبشهية
يحضر الجردل والصابون ليغسل جسد الحمار المنهك من العمل
اذا مرض الحمار يسرع بعرضه على الطبيب البيطري ويشتري له العلاج ويراعيه حتى الشفاء
مخرج ....
الرجل يخرج من الصباح للعمل ويجلب النقود
ابسط شئ يحتاجه نظافة منزله
تقديم الطعام له
والماء
لا نحتاج للحمام سنفعله بمفردنا !!
نطالب بالمساواة
المراة دائما تتذمر انها مرهقة وان الكنس والطبخ كثير عليها وتطالب بخادمه ( اعني المراة الغير عاملة )
نحن نشقى لترتاح المراة
حتى الحد الادنى من المساواة تطالب ان يقوم به الخادمة لتقعد هي مرتاحة
نحن في هذه الحمعية نطالب بحقوقنا وبمساواتنا بالسيد المحترم الحمار ( لا مؤاخذة )
وندعو جميع الاعضاء لاجتماع الجمعية العمومية

جمعية المساواة مع الحمار
(عدل بواسطة حمد محمد احمد on 04-06-2010, 12:04


يحتاج الموضوع ان ينقل الى الاستديو بى هناك عشان خاطر الناس الخايفين على اضنينم..ماجبت سيرة زهير ولا نجيلة.
Post: #4975
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-05-2010, 06:02 PM
Parent: #4974

رحم الله الأستاذ ذو النون بشرى واسع الرحمة والمغفرة
وإنا لله وإنا إليه راجعون

نسأل الله الواحد الأحد الشافي الكافي
أن تشفي شقيقة الريس معتصم وتداويها وتبعد عنها كل مايؤذيها
ونسأله جلا وعلا ان يشفي شقيق اخينا جلال عثمان ,
Post: #4976
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-05-2010, 07:36 PM
Parent: #4975

سلام يا ناس ... كل الأمنيات بشفاء شقيقة الأخ معتصم سلمان ...


يا جماعة السبت لحق كمان الخميس والجمعة ... واضح إنه في شغل بتاع صادات تقيل
Post: #4977
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-05-2010, 10:08 PM
Parent: #4976

ما اروعكم ايها الزقازيقاب وانتم تمنحون البسمه بلا حساب فتقدمون اجمل الامثله فى الزماله والاصاله والوفاء
لقد حيرتم من هم حولى فى وقفتكم الاخويه الرائعه فى زمان قل فيه الاحساس بالاخرين ولكن هكذا هم الزقازيقاب دوما,
فهاهو الزناتى بصحبة الشاب المتابع ومستمتع يسبقاننى منذ الفجر للمطار وودجادين الذى حالت ظروفه دون الحضور
يوصى من يقف على اهبة الاستعداد لمد يد العون ,ويترك جلا مناكفاته الشهيره ليكفر لك فى وداعه كامله وياتيك صوت
المنصور مطمئنا وتزداد اطمئنانا وانت تسمع دعوات النضيف وتتابع امنيات رشيد القوم وعيد وسامى وسيد الحوش
والريس ميسره واحمد اسماعيل والنور البادى من مغارب الارض تصلك دعوات حنينه حنية اهلنا الشوايقه وفجركى
تتكرر التلفونات , وتزيدك دعوات الجلال ودعثمان يقينا وتشعر بالرضا لكلمات ياسر نجيله وياتيك ذلك الفارح
الجميل بكل جميل وانشاءالله العلى الجليل الشافى ان يتم شفاءه بفضل دعواتكم وانتم نعم الاهل والاصدقاء والاخوان
ووا اسفى لو ديل ما اهلى ,
احبكم جميعا
Post: #4978
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-06-2010, 06:24 AM
Parent: #4977

صباح الهناء والسرور ...

وكمان دعوات صالحات .. اللهم يا ربي اشفي شقيقة اخونا وريسنا معتصم .. اللهم اشفيها واشفي جميع مرضانا ومرضى المسلمين ...
Post: #4979
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-06-2010, 06:48 AM
Parent: #4978

إلى السيد محمد صديق
وإلى جميع أعضاء الجمعية الاكارم
تحية وبعد
نفيدكم رسمياً أن باب العضوية قد قفل نسبة لكثرة الطلبات .
كما نفيد الاعضاء الرسميين المسجلين بأن الاجتماع القادم للجمعية العمومية سيكون
بدار الاتحاد يوم الخميس القادم
مع التحية
Quote: نحن في هذه الحمعية نطالب بحقوقنا وبمساواتنا بالسيد المحترم الحمار ( لا مؤاخذة )
وندعو جميع الاعضاء لاجتماع الجمعية العمومية

جمعية المساواة مع الحمار
Post: #4980
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-06-2010, 06:48 AM
Parent: #4978

صباح الخير ،،، يا وجوه الخير

أصبحنا وأصبح الملك لله وحده

يبدو أن كثير من المشغوليات والعمل الكثير

وناس بدأت الأمتحانات وناس بتجهز للإمتحانات

فقد أحجم نفر كثير مننا عن التواصل ،،،،،،

وعندما تعود إلى البوست ولا تجد الأحباب تعود

من حيث أتيت ،،،،،

ربنا يخفف عنكم أعباء الدنيا وإلتزاماتكم الكثيره.

أعجبتني مداخلة العزيز جمال فارح لأن الدهب لا يصدأ مهما

طال عليه الزمن.
Post: #4981
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-06-2010, 10:01 AM
Parent: #4980
Post: #4982
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-06-2010, 10:35 AM
Parent: #4981


مساعدة لكل الســينات ( جمع حرف السين ) فى مواجهة الأيامات العصيبات القادمات

وأعنى بها ايام كأس العالم ...

النصيحة للكل .. ما عدا الذين يحملون البتيخة المسيخة ويلوكون الصبر اما ابواب منازلهم

انتظارا للحنة لمن تنشف ويخرتوها ...

رسالة الى زوجتى العزيزة

أود ان اوجه لكي التحية وان اعطيكي 12 نصيحة قبل بداية كأس العالم:

1-في الفترة ما بين 11 يونيو حتى 11 يوليو يجب عليكي أن تقرأي الصحافة الرياضية ومتابعة اخبار المونديال وبهذا يمكنك ان تشاركيني الحديث حول ما يحدث وان لم تفعلي هذا فلن يكون امامي خيار سوى ان اتجاهلك بشكل تام وهو الأمر الذي لن تحبيه.

2-خلال كأس العالم التلفاز يعتبر ملكا لي في كل أوقات اليوم بدون ابداء الاسباب واذا رأيتك تنظرين الى جهاز التحكم قد تفقدين عضوا هاما (عينيكي(

3-اذا اردتي ان تمري امام التلفاز خلال المباراة أو قبلها أو بعدها فاني لا امانع أبدا طالما يتم ذلك زحفا على الأرض مثل رجال الكوماندوز في الحرب العالمية.

4-خلال المباريات يجب ان تعلمي انني لا أرى ولا اسمع ولا اتكلم, الا اذا احتجت منك طعاما أو شرابا, ولن اوافق على سماع جمل مثل: رد على الهاتف, احضر لنا طعاما من السوبر ماركت أو افتح الباب.

5-اذا قمتي بكل ما سبق فانني سوف اسمح لكي بمشاهدة التلفاز من الساعة 12 مساءًً حتى ال 6 صباحا.

6-أرجوكي ثم أرجوكي ثم أرجوكي الا تقولي لي "انها مجرد لعبة" أو"سيفوزون في المرة المقبلة" عندما ابدو حزينا لخسارة فريقي في المونديال, لأن هذا لا يساعدني انما يزيد من غضبي و كلماتك "التشجيعية" لن تجلعني اتحسن انما قد تؤدي الى مزيد من الغضب والنكد.

7-لن امانع ابدا في ان تشاهدي مباراة واحدة معي وسأسمح لك بالكلام خلال فترة الاستراحة بين الشوطين فقط اذا كانت نتيجة المباراة لصالح فريقي الذي اشجعه, أرجو وضع خط تحت كلمة مباراة واحدة فقط.

8-الاعادة التلفزيونية للأهداف مهمة جدا لي ولا اهتم اذا شاهدت الهدف 100 مرة فلا تظهري تذمرا.

9-قولي لأصحابك وأصدقائنا بشكل عام الا يقوموا بانجاب اطفال أو اقامة أي حفلات تتطلب تواجدي معهم لثلاثة اسباب بسيطة الأول هو انني لن أذهب والثاني هو انني لن أذهب والثالث وهو الأهم هو أنني لن أذهب.

10-تلغى النقطة السابقة في حالة واحدة وهي ان يدعونا احد اصدقائنا لمشاهدة المباراة.

11-خلال الملخص اليومي لكأس العالم يجب عليكي ألا تقولي "لقد شاهدت المباراة فلماذا تشاهدها مرة اخرى", لأن ردي سيكون "ارجعي للنقطة رقم 2".

12-في نهاية كأس العالم ارجو منكي الا تقولي "الحمد لله ان كأس العالم تأتي كل 4 سنوات" لأن لدي مناعة ضد مثل هذه الكلمات ولا تنسي ان بعد هذا سيأتي الدوري الانجليزي والدوري الأسباني والدوري الايطالي ودوري أبطال أوروبا وكأس اوروبا وكأس الاتحاد الانجليزي, وكأس أسبانيا... الخ. ودورى ام برمبيطة بتاع شداد ..!!
Post: #4983
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-06-2010, 10:35 AM
Parent: #4981

Quote: نفيدكم رسمياً أن باب العضوية قد قفل نسبة لكثرة الطلبات .
كما نفيد الاعضاء الرسميين المسجلين بأن الاجتماع القادم للجمعية العمومية سيكون
بدار الاتحاد يوم الخميس القادم
.

أنحنا حنجي متأخرين وفي حالة عدم إكتمال

النصاب ممكن نحولها إلى مؤتمر للتوصيات والقرارات

الهامة والغير هامة .
Post: #4984
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-06-2010, 03:16 PM
Parent: #4983

سلام للسيناب
يامحمد عيد دا نظام الضربات الاستباقيه ولا ايه
تعتبر روشته دسمه
احسن حاجه نظام تكشيره واختلاق القرف
من العمل عشان مايتفتح باب نقاش والبفكر
في اي حاجه يتضاير برضه الهرشه بتنفع احيانا
لكن ناس البطيخه اكيد حايتفرجو كلام نواعم
وممكن يشوفو الملخص
Post: #4985
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-06-2010, 10:34 PM
Parent: #4984

كعادة كل السودانين كان هناك اعداد من اهل المرضى واصدقائهم
يتكدسون امام المستشفى , وسط هذا الزحام رايت وجها مالوفا لدى
توجهت اليها متسائلا فردت بنفس تلك الابتسامه الجميله فتجاذبنا
الحديث كاننا بدار الاتحاد ,
نابغه سالت عنكم جميعا واخذت بعض التلفونات
وسلامها وشوقها اليكم بلا حدود.
د.صيدلى محمد دواود دفعه بالزقازيق ابنه طريح الفراش بنفس المستشفى
نسال الله له الشفاء.
من المفارقات اللطيفه جاء احد الزقازيقاب لزيارتى وانا برفقة محمد
وبعد السلام وجه الكلام لمحمد <تذكر يا محمد لما كنا فى سكشن واحد
واقيف جنبك تقول لى الريحه دى شنو اقول ليك ده سبيرتو مدفق فى
المعمل!!! > سبحان الله اذن المغرب وكان اكثرنا اصرارا للصلاة
بالمسجد.
Post: #4986
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-06-2010, 10:55 PM
Parent: #4984

همس الليل:

لو تذكر مره إنك حبيتني
من قبل سنين وهواك أهديتني
بعطف وحنيه ومودة حبيتني
ما كان يا غرامي وحصل وسليتني
************************
لكني أقول عسى قلبك
لونسى أيامي ، ما ينسى هيامي
سأظل أحبك وأعيش على حبك
وأديك من عمري أجمل أيامي
Post: #4987
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-06-2010, 11:02 PM
Parent: #4986

Quote: نابغه سالت عنكم جميعا واخذت بعض التلفونات
وسلامها وشوقها اليكم بلا حدود.
د.صيدلى محمد دواود دفعه بالزقازيق ابنه طريح الفراش بنفس المستشفى
نسال الله له الشفاء.


يا سلام يا ريس معتصم ،،،، الزميلة الراقية

نابغة والله لم أسمع بها منذ الزقازيق ،،، لقد

أختفت ،،،، التحية لأختنا وزميلتنا نابغة - كلية تجارة -

عاجل الشفاء لأبن الزقازيقي دكتور محمد داوؤد ،،،،،،

شكراً يا ريس على الرغم من أن سمار الليل هجروا مرقدهم ،،،،
Post: #4988
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-07-2010, 07:03 AM
Parent: #4987

نابغة حتة واحدة يا معتصم
نابغة نوارة الكلية والبت الظريفة
وأختنا الصغنوووووووووووووونة
تحياتنا ليها يا ريس معتصم
والدعوات مرفوعة للمولى عز وجل أن يتولى اختكم بالصحة والعافية ويخليها ليكم انشاء الله
Post: #4989
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-07-2010, 07:26 AM
Parent: #4988

صباح الهناء والسرور ...

حباب بنوتتنا نابغة النابغة .. حقيقي مشتاقين ليك ...

في مرة من مرات لقاءاتنا بحدائق القصر جاءت نابغة تتهادى ببسمتها الجميلة المعهودة وبكل الطيبة والحنية .. حقيقي الدهب لا يصدا ...
Post: #4990
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-07-2010, 07:48 AM
Parent: #4989

توفي د. أسامة مصطفي ابو قرجة شقيق الوليد أبو قرجة (علوم) بدولة أوكرانيا... يقام المأتم بشمبات شارع الهجرة .... سنقود بأداء واجب العزاء الساعة الخامسة من عصر اليوم .... يصل الجثمان غداً وسنحدد لاحقاً الزمان والمكان ... تلفون وليد 0912303492

رحمه الله رحمة واسعة وأسكنه فسيح جناته .... ولوليد والأسرة صادق التعازي ...
Post: #4991
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-07-2010, 07:57 AM
Parent: #4990

توفي د. أسامة مصطفي ابو قرجة شقيق الوليد أبو قرجة (علوم) بدولة أوكرانيا

رحم الله د. أسامة أبو قرجة شقيق الزقازيقي وليد أبو قرجة

تغمده الله بواسع رحمته وأهلم أهله

وذويه الصبر والسلوان ،،،،،،

إنا لله وإنا إليه راجعون،،،
Post: #4992
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-07-2010, 08:25 AM
Parent: #4991

خالص التعازى للاخ وليد ابو قرجة فى مصابهم الجلل


انا لله وانا اليه راجعون
Post: #4993
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-07-2010, 08:49 AM
Parent: #4992

انا لله وانا اليه راجعون

خالص التعازى للاخ وليد ابو قرجة فى مصابهم


ولاحول ولا قوة الا بالله
Post: #4994
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-07-2010, 08:51 AM
Parent: #4991

تحياتنا للاخت نابغة ... سلام بالحدود

عاجل الشفاء لابن الدكتور محمد داؤود ...


رحم الله د. أسامة أبو قرجة شقيق الزقازيقي وليد أبو قرجة

تغمده الله بواسع رحمته وأهلم أهله

وذويه الصبر والسلوان ،،،،،،

إنا لله وإنا إليه راجعون،،،
Post: #4995
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-07-2010, 09:13 AM
Parent: #4994

انا لله وانا اليه راجعون

خالص التعازى للاخ وليد ابو قرجة فى مصابهم


ولاحول ولا قوة الا بالله







تحية خاصة لاختنا نابغة
Post: #4996
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-07-2010, 09:14 AM
Parent: #4994

خالص التعازى للاخ وليد ابو قرجة فى مصابهم


ولاحول ولا قوة الا بالله


التحية للاخت الظريفة نابغة ( نانا ) فقد كانت من

اجمل شخصيات الزقازيق الوفاقية واكثر الناس معرفة بجموع الزقازيقيين

فى محتلف الكليات ..
Post: #4998
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-07-2010, 09:28 AM
Parent: #4996

رجعت امس فرحااااااااااااااااااان ... وفتحت الكمبيوتر في البيت
وناديت بت الشيخ بصوت عااااااااااالي ... جاتني جارية جري (حفيانه) ....
فتحت ليها مقال محمد عيد وانا مبتسم لي اضنيني ....
وحاتكم ماكملت المقال بس وصلت البند ادناه ....

Quote:
3-اذا اردتي ان تمري امام التلفاز خلال المباراة أو قبلها أو بعدها فاني لا امانع أبدا طالما يتم ذلك زحفا على الأرض مثل رجال الكوماندوز في الحرب العالمية.


سمعتها بتضحك ضحكه عاااااااااااااالية وغربية ... بعد داك عرفت انها بتزأر ...
أي والله زئير عديل كده ....
ولقيت نفسي – بقدرة قادر – بزحف زي الكماندوز في الحرب العالمية ... تجاه باب الشقة ...
وسمعتها قالت كلام كتير كده ... طلع مرة واحده من خشما واضننا وعيونا ... زي بندقية الخرطوش ...
وضغطت "وصرجت" اسنانها بالجملة الاخيرة ... (عندك ساعة واحدة بس ...) ...
وفعلا خلال اقل من ساعة واحدة ... كنت
اشتريت تلفزيون جديد ... وطربيزة ... ورسيفر منفصل ... وكرت الجزيرة ... وجبت فني ...
ووصلت التلفزيون بالصالون ... وهدومي كانت مرميه بطرف الصالون ...
بالرغم من انو عندنا تلفزيون في غرفة الاولاد ... وتلفزيون آخر بغرفتنا ...
وكنت يادوب بقول ليها - اثناء ماهي بتقرأ في مقال محمد عيد ...
شوفي ياحياتي ... اختاري ... يا انتو والاولاد تتفرجو مع بعض في غرقتهم ...
أو انا ما عندي مانع جيبي الأولاد غرفتنا واتفرجو مع بعض ...
عشان انا عاوز تلفزيون براااااي لكأس ...
والكلام ماتم ... وحصل الشفتو فوق ...

========================================
تقول لى جمعية المساواة بالحمير ...
محمد عيد انت لاصاحبي لا بعرفك ...
Post: #4997
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 06-07-2010, 09:25 AM
Parent: #4994

التحايا والشوق الشديد للعزيزه نابغة ...

عاجل الشفاء لاخت الريس معتصم ....

عاجل الشفاء لابن الدكتور محمد داؤود ...

رحم الله د. أسامة أبو قرجة

تغمده الله بواسع رحمته وأهلم أهله

وذويه الصبر والسلوان ،،،،،،

إنا لله وإنا إليه راجعون،،،
Post: #4999
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-07-2010, 10:50 AM
Parent: #4997

Quote: وفعلا خلال اقل من ساعة واحدة ... كنت
اشتريت تلفزيون جديد ... وطربيزة ... ورسيفر منفصل ... وكرت الجزيرة ... وجبت فني ...
ووصلت التلفزيون بالصالون ... وهدومي كانت مرميه بطرف الصالون ...


نجيلة الحبيب ...

انت والله كويس الجدعوك فى الصالون ...

واحد أخونا ضرب لى وقال انو لما بت شيخو شافت الموضوع ..

قالت ليهو تشيل تلفزيون غرفة الشفع وتنزل تقعد فى غرفة حارس العمارة ..!!

Post: #5000
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-07-2010, 12:52 PM
Parent: #4999

دعاء إمرأة:
إلهي, ادعوك ان تمنحني الحكمة
لافهم الرجل
, لأحبه,
ولأسامحه.
وأسألك الصبر,
لتحمل مزاجه.
لانني ياإلهي ان سألتك القوة
فلن يوقفني شيء عن ضربه حتى الموت
Post: #5001
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-07-2010, 01:47 PM
Parent: #5000

انا لله وانا اليه راجعون

خالص التعازى للاخ وليد ابو قرجة فى مصابهم


ولاحول ولا قوة الا بالله
Post: #5002
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 06-07-2010, 01:54 PM
Parent: #5001

صادق التعازي للأخ وليد أبو قرجة
في وفاة شقيقه

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه ولأخونا وليد الصبر
Post: #5003
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-07-2010, 02:02 PM
Parent: #5001

صادق التعازي لاخونا وليد ابوقرجة في وفاة شقيقه...

اللهم تقبله قبولا حسن .. اللهم ان كان محسنا فزده احسانا .. وان كان مسيئا فتجاوز سيئاته .. اللهم نقه من الخطايا كما ينقى الثوب الابيض من الدنس .. اللهم واغسله بالماء والثلج والبرد .. امين ...
Post: #5004
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-07-2010, 03:19 PM
Parent: #5003

لا يستطيع كائن من كان أن يفسر ما يجمع معشر الزقازيقيون
و إرتباطهم الوجداني لهذه الدرجة
بما فيهم ناس الزقازيق أنفسهم
وهذا شئ واضح و طبيعي ...المهم هي علاقة كل منا أسماها على هواه
و كل منَّا تناولها كيف شاء
لكن أن يأتيك ليلاً جمال فارح
فهي شحتفة منامية إسفيرية
إجتمعنا نحن ناس الزقازيق
و أكرر نحن ناس الزقازيق و بس
لا أدري أين المكان و لا متى الزمان
ما استحضرته أننا لم نسأل موسى عيسى أن يسأل ربنا أن ينزل علينا مائدة من السماء
و لكنها مائدة مليئة بما طاب و لَّذ من طيب الطعام
وهي تخلو تماماً من بقلها و قثّائها و فومها و عدسها
المناسبة .... نعم المناسبة
المناسبة قد تكون عقيقة (سماية) لأحد أبناء الزقازيقين
أو فطور عريس أيضاً لأحد أبناء الزقازيقين...دنيا..... العيال كبرت
ما جال بخاطري أن البربور هو صناعة نجاة حوفي
و لكنني ركزت على الشعيرية و كأنني بديري دهمشي
تباًً لصحن الفول (كل يوم معانا) يناولني جمال فارح مقهقاً
هذا لك إنه شبيهك أنت و موسى عيسى...
ألا تدري أنه لون القرفة لكنه بالتأكيد طعمه ليس كالقرنفل؟؟؟؟
ويحك يا هذا... ألم تقل أنها تخلو من بقلها!!!!
و انتظرنا حتى فرغنا من الصلاة
هذا هو جمعنا
لم يكن بيننا سامري
و ليس بيمين موسى عصا ليتوكأ عليها و لكنه أراد أكون له وزيراً
و كما تعلمون أنه ناطق بغيرها
فإبتدرت و ارتجلت حديثاً ليس لي ناقة فيه و لا جمل
بمناسبة زواج إبنته البكر البتول
منْ يشكر منْ!!!! و منْ يمتدح منْ!!!!
كلنا سواء بسواء
كلنا في الهوى سوا
و شاع الخبر و عم الملأ و الحضر
ودندنة ما أروعها و لا أجملها
هوي يا زول ها...يا ناس البندر
هوي يا زول ها...يا ناس البندر
أدينا موية اللات جبنة
كدي أصحا يا بابا
و أدينا قروش بسكويت
يا إنتصار بالغتي ياااااااااااخ
Post: #5005
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-07-2010, 03:41 PM
Parent: #5004




هدية كأس العالم مهداه إلى الثنائي (س) و(ص)
Post: #5006
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-07-2010, 04:06 PM
Parent: #5004


بسم الله الرحمن الرحيم

فايتو ياجلا علاقة الزقازيقاب لا أستطيع التعبير عن كنهها
لكن منذ عرفت هذا الموقع وماإحتواهو من افراد زقازيقابية
وأخبارهم القديمة والحديثة انا في إرتياح مابعده إرتياح
وكل ماامر لو ماضحكت أفرح بس في مرات بسيطة أزعل عندما أجد
البوست العام بتاعنا إنتقل للصفحات الداخلية وهذا يعني مافي جديد

ياسعادة الوزير جلا أنا وصفت رئيسك بهناك بأنه مرات بفط سطر
والظاهر أنت مرات بتقدم سطر.
Post: #5007
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-07-2010, 06:41 PM
Parent: #5006

يا احمد اسماعيل صاحبك جلا بقي يحلم وهو صاحي ....



يا جماعة وين مدثر أبايزيد وين حيدر حنين
Post: #5008
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-07-2010, 07:29 PM
Parent: #5007

سلامات يا ناس

Quote: و أدينا قروش بسكويت
يا إنتصار بالغتي ياااااااااااخ


ولمن فاتهم الإستماع ....زهير حيقول ليهم الزول ده مالو.
Post: #5009
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-07-2010, 10:21 PM
Parent: #5008

ان تصطبح بتلفون الرائع دوما شادينا كمال
وتفطر بمحادثة النضيف والتحليه الحاج محمد ادم
والزناتى والكمندان محمد صديق وكباية الشاى
مع شريف وبيت دوبيت من الزول المشلخ تى
هل هناك روعه اكتر من كده
احبكم جميعا
=============
يا جماعه الغرفه البتقولوها رحمه فى ناس جهزوا ليهم
الكونتينر الجنب باب الشارع !
Post: #5010
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-08-2010, 06:58 AM
Parent: #5009

صباح الهناء والسرور ...

الشيخ جلا نصير عموم بنات الشيخ - الحاج السري - المتنكر - الوزير ...

الحلم الزقازيقي جميل وبالتاكيد لا يشبه الحلم العربي .. نحن الزقازيقيون نعيش حياة وتواصل وواقع احلى من الاحلام والخيال .. ربي اديمها علينا نعمة واحفظها من الزوال اللهم وادم علينا نعمة الصحة والعافية.. امين ...
Post: #5011
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-08-2010, 07:11 AM
Parent: #5009

صباح الخير ،،، يا وجوه الخير

أصبحنا وأصبح الملك لله وحده

دعاء الصباح :

اللهم اجعلنا ممن يسمعون القول
ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة
الدنيا وهم يحسبون انهم يحسنون صنعا. ً
Post: #5012
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-08-2010, 09:41 AM
Parent: #5011

صباح الخيريضوي عليك بشاشاتو
وحنين زولا يشيلك يعطر بيك مساحاتو
صباح امي وصباح دمي البتمرق من مضخاتو
صباح الخير شروق عمري وبداياتو
صبحت اليوم سمعتك في حسيس قلبي بتهتف من صباباتو
خير صحبه انتم ربنا يديم المودة
Post: #5013
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-08-2010, 10:44 AM
Parent: #5012

Quote: صباح الخيريضوي عليك بشاشاتو
وحنين زولا يشيلك يعطر بيك مساحاتو
صباح امي وصباح دمي البتمرق من مضخاتو
صباح الخير شروق عمري وبداياتو
صبحت اليوم سمعتك في حسيس قلبي بتهتف من صباباتو
خير صحبه انتم ربنا يديم المودة

اللييييييييل يا ليييييييييل
إمممممممممممممممممممممم
أعععععععععععععععععععععع
Post: #5014
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-08-2010, 12:05 PM
Parent: #5013

كيف مات أبي لهب؟؟؟






كان لأبي لهب ثلاثة أبناء
عُتبه
متعب
عُتـيبه

أسلم الاولان يوم فتح مكه، وأما ( عُــتيبه ) فلم يُسلم ،
وكانت ( أم كلثوم ) بنت الرسول صلى الله عليه وسلم عنده،
وأختها ( رقيه ) عند أخية ( عُـتبه ) فلما نزلت سورة ( المسد )
في حق ( أبي لهب ) قال ابوهما : رأسي من رأسكما حرام - أي لا أراكما
ولا أكلمكما - إن لم تطلقا ابنتي محمد !! فطلقاهما.

ولما اراد الشقي ( عُـتيبة ) الخروح إلى الشام مع أبيه قال : لآتين محمد
فلأوذينه في نفسه ودينه، فأتاه فقال : يا محمد إني كافر بالنجم إذا هوى
وبالذي دنا فتدلى ثم بصق امامه وطلق ابنته ( أم كلثوم ) فدعا عليه رسول الله
صلى الله عليه وسلم قال : ( اللهم سلط عليه ######اً من كلابك ) فأفترسه الاسد، ،،
وهلك أبو لهب بعد وقعة بدر بسبع ليالي بمرض معد يسمى ( العدسة ) وبقى ثلاثة ايام
لا يقربه أحد حتى أنتن، فلما خاف قومه العار حفروا له حفرة ودفعوه إليها بأخشاب
طويله غليظة حتى وقع فيها ثم قذفوا عليه الحجاره حتى واروه فيها ولم يحمله أحد
خشية العدوى فهلك كما أخبر عنه القرآن الكريم ومات شر ميتة .

أما زوجته فهي( أم جميل ) وهي عوراء والاولى أن تسمى ( أم قبيح ) فهي ذكرت في سورة
المسد بـ ( حمالة الحطب ) فقد كانت تحمل حزمة من الشوك والحسك فتنثرها بالليل في
طريق النبي صلى الله عليه وسلم لإيذائه فقد كانت خبيثة مثل زوجها

وكانت تمشي بالنميمة بين الناس وتوقد نار البغضاء بينهم والعداوه ويحكى أن كان لها
قلادة فاخرة من جوهر، فقالت : واللات والعزى لأنفقها في عداوة محمد، فأعقبها الله حبلاً ،،
في عنقها من مسد جهنم.

ومن عجائب القصص والاخبار أن إمرأة ( ابي لهب ) لما سمعت ما أنزل الله في حق زوجها
وفيها أتت رسول الله صلى الله عليه وسلم وهو في المسجد الحرام ومعه ابوبكر الصديق
وفي يدها فهر - أي قطعة حادة من الحجر تشبه السكين - فلما دنت من الرسول أعمى الله
بصرها عنه فلم ترى إلا أبا بكر فقالت : يا أبا بكر بلغني أن صاحبك يهجوني أنا وزوجي،
فوالله لئن وجدته لأضربن بهذا الحجر وجهه، ثم أنشدت ،،،
( مُذمماً عصينا، وأمره أبينا، ودينه قلينا ) أي أبغضنا ، ثم انصرفت.. فقال أبوبكر :
يا رسول الله أما تراها رأتك ؟ قال : ما رأتني ! لقد أعمى الله بصرها عني .

وكان المشركون يسبون الرسول صلى الله عليه وسلم ويقولون : ( مذمماً ) بدل قولهم
( محمداً ) فقال رسول الله صلى الله عليه وسلم : ألا تعجبون كيف صرف الله عني أذاهم ؟
إنهم يسبون ويهجون مذمماً وأنا محمداُ .
Post: #5015
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-08-2010, 09:08 PM
Parent: #5014

يا ناس الرياض شقيقة معتصم بطرفكم في الرياض ... يا ريس ربنا يكتب السلامة ويعيدها سالمة معافاة وهو قادر علي ذلك ...
Post: #5016
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-08-2010, 09:15 PM
Parent: #5014

سلامات يا ناس

ومساءات التفاؤل

ينزل فى الصفخة التانية ..؟؟

الليلة الخميس ولا الجمعة؟؟
Post: #5017
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-08-2010, 10:13 PM
Parent: #5016

sudanR0BJOP6.jpg Hosting at Sudaneseonline.com
Post: #5018
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-09-2010, 07:38 AM
Parent: #5017

صباح الخير ،،، يا وجوه الخير

أصبحنا وأصبح الملك لله وحده

حديث الصباح :

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"لا يَلِجُ النَّارَ رَجُلٌ بَكَى مِنْ خَشْيَةِ اللَّهِ
حَتَّى يَعُودَ اللَّبَنُ فِي الضَّرْعِ،
وَلا يَجْتَمِعُ غُبَارٌ فِي سَبِيلِ اللَّهِ وَدُخَانُ جَهَنَّمَ".
Post: #5019
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-09-2010, 07:44 AM
Parent: #5017

صباح الهناء والسرور ...

صباحات التفاؤل والامل ...
Post: #5020
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-09-2010, 09:09 AM
Parent: #5019

صبحكم الله بالخير

تسللت مساء البارحة الى البوست و الناس نيام..
خلدت بت الشيخ الى فراشها و كذلك الأبناء...
الكل يستغرق في نوم عميق لينالوا قسطا من الراحة بعد رهق يوم طويل..
أطفأت كل الأنوار في البيت...الا ضوء خافت يصدر من أباجورة في غرفة العيال..
و ضوءان آخران يأتيان من التلفزيون و كمبيوتري...
كتبت كما شئت و شاء لي الهوى...
فلقد كنت مشتاق اليكم...
تسارعت أصابعي تسابق مشاعري الى مفاتيح الحروف بالكيبورد...
سطرت اليكم كلاما بعد غياب قسري...
لم يكن جميلا و لكنه كان تدريبا جيدا بعد افتقاد المهارة...
المهارة التي قلت بسبب عدم التمارين...
قرأت ما كتبته مرة و اثنتان و ثلاث...و لم احتاج الى رابعة...
حتى و ان كانت رابعة العدوية...
هممت بأن أرسل اليكم أشواقي...
فاذا به أحد أصابعي يتسلل دون علم مني الى مفتاح الESC و يقوم بمسح كل ما كتبت...
و لأن الكتابة كانت بعد معاناة مع كل الأنوار مطفأة...
لذلك لم أعد ما كتبت...

عايز أقول....أقول...أقول...
مشتاق ليكم...
Post: #5021
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-09-2010, 09:42 AM
Parent: #5020

ده اسمو الا ESC من السـلع


امس عرفت من منصور والباقى بالتلفون



التعديل لوجود اغنية اعلى الصفحة
Post: #5022
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-09-2010, 10:24 AM
Parent: #5021


تأملات

:

يقول عليّ بن أبي طالب : لو أٌحلت نساء العالم لرجل إلا امرأة واحدة، لاشتهى تلك الواحدة !!

تلك سمة الرجال.

*-*-*-*-*-*

عندما تتهم المرأة زوجها بأن " ذوقه رديء " تنسي أن اختياره لها وليد هذا "الذوق الرديء" !!

تلك هي سمة النساء

*-*-*-*-*-*

هي .. لا تنسي أبداً ذلك الرجل الذي تقدم ليتزوجها يوماً ما.

أما هو ... فلا ينسي أبداً تلك المرأة التي رفضته.



هذا هو التقدير.

*-*-*-*-*-*

عندما يٌعجب الرجل بالمرأة يتخيلها عارية، أما المرأة عندما تٌعجب برجل، فإنها تتخيله في أبهي زينته !!

تلك سمات البشر.

*-*-*-*-*-*

عندما يتصل بك أحدهم "لأمر هام جداً" فالأرجح أن الأمر هام بالنسبة له.

تلك هي الأنانية.

*-*-*-*-*-*

عندما ينبطح أحدهم على الرصيف مجاهراً بساقه المبتورة ويطلب الصدقة، فإنه في الحقيقة يشتكى خالقه لعباده، ويطلب منهم تعويضه، بينما الخالق قد ابتلاه وعوضه برفع منزلته في الآخرة، فيجاهر بالبلاء ويحجب الجائزة.

ذلك هو الجحود.

*-*-*-*-*-*

تصر زوجتي على شراء الأسماك الطازجة، ولا تقبل أبداً شراء الأسماك المجمدة، وتنظفها وتحفظها بالفريزر، وتقدمها لنا بعد أسابيع، وتدعوني في كل مرة للاستمتاع "بالسمك الطازج"..

تلك هي الحكمة.

*-*-*-*-*-*

سأل أحدهم شيخاً وقوراً: لماذا لم تتزوج حتى الآن؟

قال: كنت أبحث عن المرأة المناسبة طوال أربعين عاماً .. وأخيراً وجدتها.

سأله: ولما لم تتزوجها؟

قال: اكتشفت أنها لا تزال هي الأخرى تبحث عن الرجل المناسب.

تلك هي النسبية.

*-*-*-*-*-*

طلبت ممثلة شابة جميلة من عالم حفريات أفريقي أن يتزوجها لينجبا طفلاً في جمال أمه وذكاء أبيه فيكون أعجوبة الدهر، فرفض خوفاً من أن يرزقا بطفل في ذكاء أمه وجمال أبيه فيصير أضحوكة الدهر.

هذا هو الإدراك.
Post: #5023
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-09-2010, 10:37 AM
Parent: #5022

Quote: عندما تتهم المرأة زوجها بأن " ذوقه رديء " تنسي أن اختياره لها وليد هذا "الذوق الرديء" !!

تلك هي سمة النساء

أيضاً المرأة تتهم زوجها بأن زوقه ردئ
عندما يشتري بنطلون جنز بزوقها هي
Post: #5024
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-09-2010, 03:05 PM
Parent: #5023

يا شباب
أخت الريس معتصم جعفر
شفاها الله وعافاها
ترقد في مستشفي فيصل التخصصي بالرياض
وحالياً ممنوع الزيارات لها
زوجها الدكتور توفيق حمزه بالرياض
تلفونه 0545555773
نرجو الاتصال به لمؤازرته
مع التحية
Post: #5025
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-09-2010, 05:55 PM
Parent: #5024

Quote: ده اسمو الا ESC من السـلع


امس عرفت من منصور والباقى بالتلفون


ديدو لكن منصور ده عشان رسلت ليهو آيبود يقوم يفشي ليك أسراي...
ضرب لي منصور و أنا في طريق عودتي الى أبو ظبي مساء الأحد...
بعد أن قرأ في مربع كاي مداخلة لي أقلقته...
و قال صاحبي ده بيكون عندو اجهاض...سوري قصدي احباط... بعد المداخلة دي...
مالك يا رش...
و الله يا منص قرفان لدرجة أخدت لي اجازة عشرة أيام...
و قلت أقضي لي يومين مع عيالي...و أخلد فيهم للراحة...
للدرجة دي يا رش...
و قعد منصور يقول لي...
الدنيا تحلى و صعابها سهلة...
بس روق و أحلى...
كانت كلماته زي العسل...
لكن قلت أكيد منصور كان ببسمع في أحمد المصطفى في جكة الصباح...
و برضو منتظر تلفونك يا ديدو...
Post: #5026
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-10-2010, 07:05 AM
Parent: #5025

يسعد صباحكم
بالرضا والسرور
نهايه اسبوع حلوه علي الجميع

ادر مهجة الصبح
صب لنا وطناً في الكؤوس
يدير الروؤس
وزدنا من الشاذلية حتى تفئ السحابة
ادر مهجة الصبح
وأسفح على قلل القوم قهوتك المره
المستطابة
ادر مهجة الصبح ممزوجة باللظى
وقلب مواجعنا فوق جمر الغضا
ثم هات الربابه
Post: #5027
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-10-2010, 08:05 AM
Parent: #5026

إنت ود المهدي
و لا البادي
لأنو متعود أن تكون الإتتاحية بي التاني
قلت لي كيف!!!!!
Quote: يسعد صباحكم
بالرضا والسرور
نهايه اسبوع حلوه علي الجميع

ما عندك خبر و لا شنو؟؟؟
الناس خلاص أجزت لي كاس العالم
و في ناس بطنها طامة
أنا غايتو قاعد و قدامي قفة ليمون
أشيل و أمضغ و أكتب
إذا بتقدر على الكلام دا
يبقى خلاص حرييينا و الفورة 5 مليوووووون
Post: #5028
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-10-2010, 09:50 AM
Parent: #5027

صباحات المتاوقة ...
والاستمتاع الذي بلغ مداه ...
والشوق الذي لايعرف منتهاه ...
وبس ...


















----
الناس الخاتا قفف الليمون قدامها ...
ادونا فندكم "قصدي" ليمونكم ... لا والله قصدي فاتحتكم

----
هضربة زول مشتاق بس ...
Post: #5029
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-10-2010, 10:22 AM
Parent: #5028

إنت مشيت و لا شنو يا ود المهدي؟؟؟
المهم أنا غالبك لغاية هس ...
1250 مرة مقابل صفر
عارف ليه
طبعاً الأقدمية هنا معاي
أي عنكبة شنكبة تقعد تتفرج و ترمي البايظ و إنت ساكت!!!
Quote: صباحات المتاوقة ...
والاستمتاع الذي بلغ مداه ...
والشوق الذي لايعرف منتهاه ...

الكلام دا تقولو لي زول ما عندو حديدة
كان جبل طلعناهو
وكان عسل لحسناهو
أقيف بعيد
و أعمل شخيط
Post: #5030
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-10-2010, 11:32 AM
Parent: #5029

صباح الخير يا وجوه الخير

اصبحنا واصبح الملك لله وحده

دعاء اليوم :

اللهم يا رحمن يا رحيم يا حليم يا عظيم يا تواب يا كريم

اللهم إنا نسألك باسمائك الحسنى وصفاتك العلى

وباسمك الأعظم الذي إذا سئلت به اعطيت وإذا دعيت به أجبت

أن تشفى أخواتنا شقيقة الريس معتصم وشقيقة الرشيد بابكر

وصلى الله وسلم على سيدنا محمد وآله أجمعين
Post: #5031
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-10-2010, 11:37 AM
Parent: #5029

________________________________

اها الشخيت وعملنا
ورينا رايك شنو؟
انت الظاهر عليك قاعد تتعزز (دي بمناسبة ليمونك داك)

اسمع جيت من الدامر ولا لسة لو لسة عايز اقول ليك انتظرني قبلك
عشان نشوف "حركات الجيش" دي حدها وين ...
حركات البوليس ما معانا عشان الكوتش ما يزعل
Post: #5032
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-10-2010, 02:04 PM
Parent: #5031

اسعدالله نهاراتكم بالهناء والسرور ...

اهلا بي رشيد القوم ...

منصور يا اخوي استغفر الله ...

مشتاقين لمشاغلات الحاج جلا المتنكر ...
Post: #5033
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-10-2010, 05:34 PM
Parent: #5032

مساكم الله بالخير

هل سيؤثر كاس العالم و الاجازات على الأداء العام للبوست؟؟؟
هذا سؤال يطرح نفسه..خاصة و ان البوست و كذلك المنبر ما ناقصين...
فالبوست العام مصاب بقطع في الرباط الصليبي...
و المنبر يعاني من تمزق في العضلة الضامة...
و الاصاباتان و لحسن الحظ لا تحتاجان الى اجراء جراحة...
فقط بعض العلاج الطبيعي و سيعودان الى سابق عهدهما...
و يبقى السؤال قائما...
هل سيفاقم كاس العالم من اصابة البوست و المنبر....
أم أنه سيعدي بأمان مثلما عدت مناسبات كثيرة غيره...
لا أعرف كثيرا عن الأساليب الحديثة المتبعة في علاج مثل هذه الحالات...
و لكن مما لا شك فية فان قفة الليمون لا بأس بها كبداية...
Post: #5034
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-10-2010, 06:11 PM
Parent: #5032

ياجلا الظاهر قفة واحدة ماكافية ماتحلك إلا توتي

نستطـلع الحكم والمواعظ الآتية يمكن واظن الأخ منصور يتحفنا
في أي منها كما سبق أتحفنا في بيتي الشعر لمحمود الوراق ( في الحب)

وإسترزق الله مما في خزائنه ×× فإنما الأمر بين الكاف والنـون
إن الذي أنت ترجـوه وتأملـه ×× من البـرية مسـكين إبن مسـكين

إذا شئت أن تحيا سليما من الأذى
ودينك موفور وعرضـك صـين
فلا ينطـقن منك اللســان بسـوء
فكلك عورات وللناس أعين

لا تخضعن لمخلوق على طمع ×× فإن ذلك نقص منك في الدين

قف دون رأيك في الحياة مجاهدا
إن الحياة عقيدة وجهاد

ولست أرى السعادة جمع مال ؛؛؛ ولكن التقي هو السعيد

إذا كنت في نعمة فأرعها
فإن المعاصي تزيل النعم
وحافظ عليها بتقوى الإله
فإن الإله سـريــع النقم


إذا كنت في حاجة مرسـلا ++ فأرسل حكيم ولا توصـه
وإن ناصح منك يوما دنا ++ فلا تنأ عنه ولا تقصه
وإن باب أمر عليك إلتوى ++ فشاور لبيبا ولا تعصه

من يفعل الخير لا يعدم جوازيه
لا يذهب العرف بين الله والناس
دع المكـارم لاترحـل لبغيتها
وأقعـد فانت الطــاعـم الكاس

وإبن العميد قال
من شاء عيشا جميلا يستفيد به ؛؛؛ في دينه ثم في دنياه إقبالا
فلينظـرن إلى من فوقه أدبـا ؛؛؛ وينظـرن إلى من دونه مــالا


وأخيرا قال أبو العتاهية

ما أحسن الدين والدنيا إذا إجتمعـا
وأقبح الكفـر والإفـلاس بالرجـل
Post: #5035
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-11-2010, 11:39 AM
Parent: #5034

جمعتكم مباركة...

اليوم أم أمنية غدتنا بدري...
قلت في نفسي يا ربي أم أمنية دي لاعبه في مباراة الافتتاح بتاع كاس العالم و لا شنو...
لكني اكتشفت ان لها مآرب أخرى...
ففضلت التخلص منا مبكرا...
أنا زاتي الغداء البدري ده وقع لي في جرح...
فحملت أجهزة الروموت و بدأت في اختبار القنوات المشفرة و غير المشفرة...
فلا حديث اليوم الا عن المونديال...
حتى بعد أن فرغنا من صلاة الجمعة كل من لاقيتة يتحدث عن المونديال...
حتى تلفوني للأهل في السودان و الذي كان بغرض الاطمئنان...
كان كله عن المونديال...
حتى الحاجة الوالدة كلمتني عن المونديال...
و عن مباراة هلال مريخ مساء البارحة...
كانت الحاجة في غاية السعادة لفوز الهلال...
هل سر سعادة الحاجة تكمن في سعادة أبناءها بفوز الهلال...
أم مكاواة للوالد المريخابي الوحيد في البيت...
أعتقد الاثنين معا...
الحاجة ترشح البرازيل للفوز باللقب...
رغم أنها لا تعلم أن السامبا فقدت رونقها مع دونقا...
طلبت مني نجاة أن أختار تلفزيونا و غرفة لمشاهدة المونديال...
فاخترت اثنين و الصالون احتياطي في حالة مداهمة الضيوف أثناء احدى مباريات المونديال...
و اذا كانت المباراة طرفها البرازيل فعليها أن تنكر وجودي...
و تتولى هي الضيافة...
أما اذا صدر أي صوت مني أثناء المباراة...
فما عليها الا أن تجد التبرير المناسب...

كلما أرجوه أن يكون البوست بكامل لياقته حتى نهاية المونديال...
Post: #5036
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-12-2010, 06:35 AM
Parent: #5035

صباح الهناء والسرور ...

أول حاجة نرفع البوست دا للصفحة الأولى وبعدين نشوف الدنيا ماشة وين ....
Post: #5037
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-12-2010, 07:15 AM
Parent: #5036



أصبحنا وأصبح الملك لله رب العالمين
اللهم صلي على سيدنا محمد صلاة
تنجينا بها من جميع الأهوال والآفات
وتقضي لنا بها جميع الجاجات
وتبلغنا بها أقصى الغايات
وترفعنا بها أعلى الدرجات
من جميع الخيرات في االحياة وبعد الممات
آمين ، يارب العالمين


سلام كثير للأخ الرشيد والأخ البادى ولا مرحب بالمونديال
الذي يجمّع لعيبة الفرق المشاركة ويشتت لبوستينا لعيبته
Post: #5038
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-12-2010, 07:19 AM
Parent: #5036

صباح الخير ،،، يا وجوه الخير

أصبحنا وأصبح الملك لله وحده

دعاء الصباح :

لا اله الا الله عدد ما كان ،
لا اله الا الله عدد ما يكون ،
لا اله الا الله عدد الحركات و السكون
اللهم اهدنا الى طريق الحق و الصراط المستقيم
وثبتنا عليه حتى نلقاك على ما تحب و ترضى من عبادك المخلصين
Post: #5039
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-12-2010, 07:53 AM
Parent: #5038

sudansudansudan46.jpg Hosting at Sudaneseonline.com
Post: #5040
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-12-2010, 08:07 AM
Parent: #5038

اصبحنا واصبح الملك لله
الريس ميسرة وكل الموجودين والجايين لسه
كل صباح وانتم بالف خير
انتم واولادكم وكل من تحبون

اسبوع بادي بي تنشن عجيب
لانو قبل نهاية الاسبوع ده راح تبدا امتحانات الاولاد
ومن هسي نحن شدينا الحزام
ربنا يكتب ليهم جميعا التوفيق والنجاح يارب
امين
Post: #5041
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-12-2010, 11:35 AM
Parent: #5040

ربنا ينجح كل أولادنا وبناتنا ... مجلس الآباء والأمهات الله يكون في عونكم ...

طيب عرفنا ناس الخليج ممتحنين مع وليداتهم ... باقي الناس وين ؟؟؟ والناس اللي ما متزوجين واللي ما عندهم أولاد وين ؟؟؟

زمان قلنا دفتر الغياب أتملأ .. بعد كدا حنشيلو ونوديهو لي الريس ميسرة .. ولو ما لقيناهو حنوديهو للنائب وهكذا حتى نجد من يقتص لنا من هؤلاء الغائبون ...
Post: #5042
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-12-2010, 12:03 PM
Parent: #5041

Quote:
اسبوع بادي بي تنشن عجيب
لانو قبل نهاية الاسبوع ده راح تبدا امتحانات الاولاد
ومن هسي نحن شدينا الحزام
ربنا يكتب ليهم جميعا التوفيق والنجاح يارب


إمتحانات وكاس العالم والبوست

لازم يكون في عدل ونوازن بين الثلاثة

ربنا يوفق جميع الأبناء والنجاح للجميع.
Post: #5043
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-12-2010, 12:44 PM
Parent: #5042

تحية وشوق ليكم كلكم...
والامنيات بنجاح العيال ... وربنا يصبر بنات الشيخ على ها الايام
.
..
...
Post: #5044
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-12-2010, 09:23 PM
Parent: #5043

سلامات يا ناس

Quote: طيب عرفنا ناس الخليج ممتحنين مع وليداتهم ... باقي الناس وين ؟؟؟ والناس اللي ما متزوجين واللي ما عندهم أولاد وين ؟؟؟

زمان قلنا دفتر الغياب أتملأ .. بعد كدا حنشيلو ونوديهو لي الريس ميسرة .. ولو ما لقيناهو حنوديهو للنائب وهكذا حتى نجد من يقتص لنا من هؤلاء الغائبون ...


عشانك وكل الناس...

جبناهو من الصفحة التانية...
Post: #5045
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-13-2010, 07:06 AM
Parent: #5044

صباح الهناء والسرور ...

جنابو محمد صديق الله يجبر بي خاطرك ويغطي عليك ...

يا جنابوعايزين بسط أمن شامل هنا في البوست عشان يحفظ النظام ويعمل التمام الصباحي ... وبعد كدا الغائب يشيل شيلتو ...

عبدالدائم النضيف ما عندو أي سبب للغياب كمان قولوا عناب ممتحنا !!! ولو بقت نضيفتنا عناب ممتحنا يبقى يا ديدو جهز نفسك بكرة حيجيك واحد يخطب العناب ... وبعد كم شهر تبقى جد ... وينادوك يا جدو ديدو ... حلوة دي ...

زهير الزناتي مشغول بي شنبو الكبير دا من حلاق لي كوفير ... الله يكون في عونك ... غايتو لو ركبت طيارة الا يشحنوهو ليك ... وكمان عايز يعمل علامة الجودة في ولده ... قالوا ولد الفار حفار ... وولد الوز عوام ... وولد الزناتي شنبو كبير ...

أخونا الحاج جلا .. أظهر وبان عليك الأمان ... يا خوي الدار خلا تعال أقدل بي عكازك الكبير ... لكن ما عايزين مشاكل ومشاكسات ... لآنه البوست بقى فيه بسط أمن شامل كامل ...
Post: #5046
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-13-2010, 07:44 AM
Parent: #5045

صباح الخير ،،، يا و جوه الخير

هدية الصباح :
sudansudansudansudansudansudansudansudansudansudansudansudansudansudansudan2.gif Hosting at Sudaneseonline.com
Post: #5049
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 06-13-2010, 09:04 AM
Parent: #5046

الدعوات الصالحات للمتحنين من الابناء و الله يكون في

عون الامهات و يصبرهم على الامتحانات والكاسات التي


لا ناقة لنا فيها ولا جمل غير مشاهدة الاخرين !!!!!


اما نحن و لله الحمد قاعدين ساي.......كيد بدون امتحانات

بس مشاهدة و استمتاع بس يعني تبكي بس و نحن نجاوب و الله يكون في عون

كمال الشادي الاثنين بقن عليهم الشغل و المذاكرة طيب خليت

لناس ياسر نجيلة و اب شنب شنو إلا كم غسيل العدة (بابا بغسل العدة ).
Post: #5047
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-13-2010, 07:54 AM
Parent: #5045

صبحكم الله بالخير
الأولاد خلصوا الامتحانات و قاعدين يفرموا في البلاي ستيشن...
و أنا في اجازة لمدة عشرة أيام...
لكن ما مستمتع بالنوم مع البلاي ستيشن التي تبدأ الساعة ثمانية صباحا و تنتهي واحدة صباحا...
مع ارتفاع درجة الحرارة يكون من الصعب خلق أي برامج خارج البيت...
ما عدا المولات...
و المولات تعني مزيد من الشحم و اللحم...
و مزيد من الشراء الغير مبرر...
تدخل المول...يا اما تعمل شوبينغ...
أو تقعد في كافي أو مطعم...
تطلع مفلس و وزنك زايد....
المشي في الكورنيش مع ارتفاع الحرارة و الرطوبة بمثابة عملية انتحارية...
يبقى المخرج الوحيد البيت و كاس العالم...
تفتح البوست و المنبر من حين لآخر...
و تقول ليهو...يا حليلك ما الفؤاد ملكوهو غيرك...
Post: #5048
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-13-2010, 08:37 AM
Parent: #5047

السلام عليكم ورحمة الله ...
التحية للقابضين على جمر البوست هذه الايام ...
الكوتش والبادي والريس والرشيد ...
نحن برضو خلصنا وخلصنا يالرشيد...
خلصنا امتحانات وخلصنا "يعني فلسنا" انعل ابوالشوبنغ زاتو"
واحدة من اسواء عادات المغتربين تلك الهوجة العمياء على الاسواق حين عزمهم على النزول في الاجازة الصيفية
وبما اننا "زفتطين" يعنى مغتربين باللغة الصينية، وعاقدين العزم على تشريف السودان الشقيق هذا العام ...
فالاسواق قد طلعت ميتين ابو ميتينا زاتو ... "معليش" ياجماعة لكن والله البتاع القال عليه الرشيد الاسمو الشوبينغ دا جاب كثافة الواحد عديل كدة، ياخ دي طلبات مابتخلص كلوا كلوا ... لا حول ولاقوة الا بالله...
المهم ...
لا وزاد الطين بلة ... قال ليك اجراءات جديدة لعملية الافراج الجمركي المؤقت للسيارات ...
راجعو دا شروط تعجيزية للافراج المؤقت ( التربتيك )
نرجو من الاخوة بالداخل خصوصاً "الكمندانات" وزهير تأكيد الامر عشان ياجينا ياكمان تركيا جاها بلا ولاشنو يالرشيد؟
Post: #5050
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-13-2010, 09:48 AM
Parent: #5048

Quote: نرجو من الاخوة بالداخل خصوصاً "الكمندانات" وزهير تأكيد الامر عشان ياجينا ياكمان تركيا جاها بلا ولاشنو يالرشيد؟


جلال الحبيب....

عارف الاجازة في أي مكان غير السودان لا بتغلط عليك و لا بت###### ايديك...
مهما كانت الوجهة...
لا فيها شوبينغ قبل السفر...
و لا وزن زايد و تقعد تفتش للواسطات...
و لا تعب من لف الأسواق...
و لا تلقى نفسك نسيت ليك زول في آخر لحظة تقوم تجري السوق تاني...
الاجازة في أي مكان غير السودان...
البرنامج واضح...
الأسرة ملمومة في مكان واحد و مستمتعة ببرنامج مخطط له مسبقا...
الشنط خفيفة...
تطلع ليك شوية هديمات من الدولاب و تختهم في الشنطة و خلاص...
الميزانية مظبوطة و غير فالته...
مافي مصروفات غير مرئية أو غير متوقعة...
الا قلبك يحن على واحد بيعزف جيتار في الأندرقراوند...
و لا واحد بيرقص ليك و انت راكب تاكسي زي في أديس كما حكي لنا...
لكن الاجازة في السودان شيء لا بد منه...
لكن يلزمها استراتيجية محددة كمان...
اذا كنت بتخطط تمشي السودان و انت محدد قبل فترة طويلة...
فلا بد أن يكون الشوبينغ منذ فترة طويلة...
حتى لا تتراكم عليك الأشياء في آخر لحظة...
و تلخبط ميزانيتك...و تكتر عليك لف الأسواق...
و كذلك تتجنب الزحمة التي يحدثها المسافرين للاجازة في الأسواق...
هكذا نفعل دائما أنا و بت الشيخ...
لما يجي يوم السفر ما علينا الا أن نستف الشنط...
و لكن اذا السفر قطعة من جهنم...
فان السفر للسودان...
جهنم زاااااااااااتها.....
Post: #5051
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-13-2010, 10:30 AM
Parent: #5050

اجازة عشرة أيام...
لأول مرة أشعر بأن اليوم طويييييل...
على صوت البلاي ستيشن صحيت..
قهوة وراء قهوة...
تفتح البوست و تمشي على المنبر...
تكتب في الاثنين حتى تتعب من الكتابة و تكمل الكلام...
تشوف اللايميلات في الجي ميل و الياهو و الهوت ميل و ايميل الشركة...
تلعب بلاي ستيشن مع الأولاد شوية...
تقرأ ليك في كتاب لحدي ما تمل منو...
تتعلم عادات سيئة و تقعد تتفرج على الناس في الشارع من شباك الصالون...
الوقفة في البلكونة مستحيلة...
و من شباك الصالون تشوف الناس و هي تحاول المشي في الضل...
لكن مافي ضل مع الشمس العمودية...موضة الطبيعة بتاعة السنة دي...
كل الأشجار في الشارع مفصلة ظلها على جسدها كالنخلة الحمقاء...
واحد عامل رش مبيدات...لابس اليونيفورم و شايل الرشاشة الظهرية...
خشيت أن يرش المبيد على رأسة من شدة الحر...
حقا ان للاجازة سلبيات مثل ما لها من ايجابيات...
رغم اني لا أشعر بالحر داخل البيت مع وجود التكييف المركزي...
الا أن الحمام لا بد منه الآن من أجل تضييع الوقت فقط...
و بجيكم راجع نضييييييف....و بردان...
Post: #5052
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-13-2010, 02:07 PM
Parent: #5051

الحلوين الطاعمين ...

رشيد القوم وجلال والإجازة في السودان الشقيق ...

يا جماعة المغتربين والمغتربات السودان فيه كل الحاجات اللي قاعدين تجيبوها من برة ويمكن تكون الحاجات الموجودة في السوق في الخرطوم ذوقها أرقى ومتماشية مع الموضة ... يعنى يا جماعة ما في داعي للشوبنغ وجيبوها دولارات نبيعها ليكم في السوق الأسود ... وكل واحد يأخد حقه في يده ... تعب في الشوبنغ وتعب في الشيل والشحن وسير العفش في مطار الخرطوم وما أدراك ما سير العفش ... الحمالين والشيالين في المطار لو شافوا الشنط كتيرة يمكن يدوك عين تروح فيها إنت وأولادك وبت الشيخ كمان ... ناس الجمارك ينظرون أليك شظرا ... يا جماعة ما في داعي للكلام دا كلو ...

تعالوا أفرحوا بلقاء الأهل والأحباب والأصحاب والزملاء ... وحاولوا تطلعوا من النفق المظلم دا ... يا مغتربين الناس هنا مرتاحة أكتر منكم وكل الحاجات اللي قاعدين يطلبوها منكم هي كماليات ورفاهيات ... والله لو تعرفوا إنتم التعبانين وما في زول شغال بيكم ... وأول يوم توصل فيه وتقدم الهدايا لأصحاب الحظ يكون سؤالهم قلت لي راجع متين ؟؟؟
Post: #5053
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-14-2010, 05:08 AM
Parent: #5052

Quote: وحاولوا تطلعوا من النفق المظلم دا ... يا مغتربين الناس هنا مرتاحة أكتر منكم وكل الحاجات اللي قاعدين يطلبوها منكم هي كماليات ورفاهيات ...






==================================================
كلام في السلك ... وكلام عقل يابادي
لك كل التحايا الحارة ... حرارة التسوق في هذه الأيام
ياريت كل الناس تعمل كده .... او حتي تكون البداية ..
الديك عرفناه ...... البقنع الدجاجة منو ......
Post: #5054
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-14-2010, 06:46 AM
Parent: #5053

صباح الهناء والسرور ...

أخونا ياسر نجيلة ليك وحشة والله ... وينك ووين كتاباتك الجميلة الأنيقة والملخصات الحلوة ... شكله الشوبنغ شاغلكم كلكم ...

يا أخوان الكلام اللي أنا قلتو دا عن تجربة إغتراب قرابة الـ15 سنة ومعاها عودة لأحضان الوطن من حوالي خمسة سنوات يعني أعتقد ما في زول يقدر يغالطني في أحكامي حسب الممارسة الحياتية اليومية ...

قبل كدا رشيد القوم في واحدة من دبرساته المشهورة قام فتح موضوع الإغتراب والتحليق في الفراغات وفكرة العودة للوطن من وقتها كنت أتمنى يكون عندي وقت كافي علشان أسرد تجربتي البسيطة والتي سوف تسهم بشكل فعال في توضيح الصورة لكثير من المغتربين ...

أهم حاجة أقدر أقولها في هذه العجالة أنني عندما حضرت للوطن إكتشفت إنه ناس البيت بيعيشوا بـ10% فقط من الذي أرسله لهم على الرغم من شكواهم المتواصلة بأن المصاريف لا تكفي !!!! وباقي الـ90% لا أحد يدري أين تذهب وما في واحد يقدر يعطيك تفسير منطقي لهذا الوضع ...

عموما الناس في السودان فهمها محدود وما عايزين يشغلوا نفسهم بالتفكير في أحوال المغتربين .. والفكرة الأساسية إتجاه المغتربين إنه القروش بجيبوها بسهولة جدا وما تعبانين فيها خالص وأنهم ناس مرتاحين وطول اليوم قاعدين تحت المكيف (الكنداش) أماالمعاناة والمشاكل والهموم والكفيل هذه كلها مشاكل لا يعرفون عنها شئ وما مستعدين حتى لسماعها ... وفي إعتقادهم السائد إنه الكنداش دا ممكن يكون حل لكل مشاكل الدنيا ... ولا يدرون أن ليل المغترب طويل ونومه كله قلق وأرق على الرغم من الكنداش ...
Post: #5055
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-14-2010, 07:13 AM
Parent: #5054

صباح الخير ،،، يا وجوه الخير

أصبحنا وأصبح الملك لله وحده

هدية الصباح :
sudansudansudansudansudansudan11.gif Hosting at Sudaneseonline.com
Post: #5056
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-14-2010, 07:53 AM
Parent: #5054

Quote: قبل كدا رشيد القوم في واحدة من دبرساته المشهورة قام فتح موضوع الإغتراب والتحليق في الفراغات وفكرة العودة للوطن من وقتها كنت أتمنى يكون عندي وقت كافي علشان أسرد تجربتي البسيطة والتي سوف تسهم بشكل فعال في توضيح الصورة لكثير من المغتربين ...


صبحكم الله بالخير

البادي الجميل...
و لسة مدبرس يا بادي...بس لحدي حسه زول واحد فيكم ما ورانا كيف تكون الرجعة لي بيوت تفتح لي أدق أو ما أدق...من غير تقول الزول منو...
بس زي ما انت جربت 15 سنة في الغربة...نحن جربنا الاتنين...عشرة سنين داخل السودان و 13 سنة خارجة...و بيني و بينك المقارنة بين الاثنين ليست بأي حال من الأحوال في صالح السودان...و لسنا على استعداد لنعود الى نفس الأوضاع التي كنا عليها قبل 13 سنة...مع العلم ان هنالك أحيانا دوافع أخرى للاغتراب غير الحصول على المال...
الكثيرون يقولون ان الأوضاع قد تغيرت كثيرا عن ما كانت عليه قبل 13 سنة...و لكنها تبقى تجارب فردية لا يمكن تعميمها على الكل...و التعميم عادة ما يؤدي الى تضليل الكثيرين...فيحملون تحويشة العمر ان كانت هنالك تحويشة عمر و يعودون بها الى السودان فتضيع في وقت وجيز...فيقومون بالاتصال بصديق للعودة مرة أخرى الى مهاجرهم...
لي صديق هنا في أبو ظبي تعرفت عليه منذ قدومي الى هذا البلد الطيب أهله...هذا الصديق و في كل مرة يذهب للسودان في اجازته السنوية يعود منها و هو يقول لي...و الله يا رشيد مضيعين عمرنا هنا...أصحابنا الخليناهم ما قادرين ياكلو حسة بقو مليونيرات...
أقول ليهو مليونبرات بالقديم و لا الجديد...انت يا مامون وقت أصحابك كلهم بقو مليونيرات ما ترجع طيب...
مامون ما زال يعمل بأبو ظبي و ما زال يردد نفس الكلام في كل مرة يعود من اجازته...
و الله أعلم كم واحد اقتنع بكلامه و عاد الى السودان...

يا بادي أدونا طريقة ما تخرش المية....
Post: #5057
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-14-2010, 09:17 AM
Parent: #5056

شركة الزقازيق القابضة
راجع للضرورة
Post: #5058
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-14-2010, 11:57 AM
Parent: #5057

ازيكم يا حلوين
ماعارف اذا كان صحيح انو القصة بتتلخص فى انو يا السودان , يا برة السودان
لو بقت كده , فريق السودان و وفريق ناس برة , ممكن كل واحد منهم يدبج مليون مقالة لتعداد المزايا
وحصر السيئات
انا يتخيل لى , اينما تجد ريح نجاحك , فهناك موطنك , وينبغى لك ان تتعاطى مع مزايا ذلك الخيار , وتتغافل عن منغصاته
لكن ده ما يمنع انو معايير النجاح , ومقاييس الفشل , او ممكن تقول عدم التوفيق
بقت تتأثر بى عوامل كثيرة , مرات تكون عندك فيها يد
لكن للأسف الشديد , مرات اكثر لا بتكون ليك فيها يد ولا كراع
والعوامل دى جوة السودان , واضحة وضوح شديد
ويمكن تلخيصها , بانو فرص الأجتهاد لبلوغ النجاح المطلوب , غير متساوية وغير متكافئة
فى ناس قدروا يتماشوا معاها
والتماشى مع الظروف دى براهو موضوع نقاش , نخشى ان افتتحناه , ان لا ينتهى ابدا
ولكن الملخص البسيط والأكيد , هو انو من لم يستطع التماشى معها , فان الأغتراب خيار مثالى ومقبول
خاصة وانو مع مرور الزمن , المغترب شوية شوية ممكن يبندىء يحس بالغربة (وهو فى عز الأجازة وبين الأهل )
لأنو عايش فى جو مختلف , ومناخ غير , وظروف عمل واكتساب معيشة لا تتشابه مع مايرى ويسمع
لكن احقوا الناس تأكد على حاجة مهمة
وهى اقتناعك بجدول حياتك الزمنى , ما حققت خلاله , وما تنتظر تحقيقه , وما يجب عليك اسقاطه من جدول اهتماماتك
اما لأستحالة الوصول اليه , او لسقوط مبررات مجرد التفكير فيه وجعله رقما يستحق التفكير فى برنامج حياتك الزمنى
ولكن , متى ما كنت غير راض عن ما تفعل (وهذه مسألة نسبية )
طوالى غير مكانك ولا تتردد , خلى خياراتك مفتوحة , ما تلغى منها لا بلاد الواق واق , وما تستبعد لا السودان ولا غيره
داوم على البحث عن اسباب نجاحك , فانت لا تدرى اين تجدها
ولو السودان زاتو ضاق بيك , فرتق من حنانه زاتو , فالخروج منه لن يلغى جوازك , ولن يمحى ملامح شخصيتك
فان فى الحركة بركة يا احباب
بقت وصية اظنها غاية فى الأهمية
اوعك تبقى زى مامون صاحب الرشيد
فاسباب نجاح الناس , واماكن نجاحهم , ليست بالضرورة متشابهة , ولا ينبغى لها ان تكون
Post: #5059
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-14-2010, 04:18 PM
Parent: #5058

Quote: والعوامل دى جوة السودان , واضحة وضوح شديد
ويمكن تلخيصها , بانو فرص الأجتهاد لبلوغ النجاح المطلوب , غير متساوية وغير متكافئة
فى ناس قدروا يتماشوا معاها
والتماشى مع الظروف دى براهو موضوع نقاش , نخشى ان افتتحناه , ان لا ينتهى ابدا
ولكن الملخص البسيط والأكيد , هو انو من لم يستطع التماشى معها , فان الأغتراب خيار مثالى ومقبول

والله يامنصور كلام في السلك ورد شافي كافي ، مش زي تعميم صاحب الرشيد الرفع ضغط كثير من الناس

يااخوان بوستينا العام هذا مفروض يكون ثقافي ورياضي يعني لماذا لم نفاد بأحوال السودان عامة
لأننا نسمع بأن هناك موجة إسهالات الله يكرم السامعين وأقوال هنا وهناك عن مشكلة الصرف الصحي ومياه
الشرب وإضراب أطبة وهناك الكثير المثير نرجوا الإفادة وأيضا ممكن أخونا زهير يعمل زي زمان يشوف
العلاجات المهمة المامتوفرة ويهيب بالجميع لإحضار الممكن ، خاصة والإجازة على الأبواب
بالبوست مافي محلل رياضي يفرد لينا عضلاته ويثقفنا رياضيا لأن كثير منا لم يجدوا الفرصة لتابعة كأس العالم والمسابقات الأخرى
Post: #5060
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-14-2010, 09:45 PM
Parent: #5059

Quote: متى ما كنت غير راض عن ما تفعل (وهذه مسألة نسبية )
طوالى غير مكانك ولا تتردد , خلى خياراتك مفتوحة , ما تلغى منها لا بلاد الواق واق , وما تستبعد لا السودان ولا غيره
داوم على البحث عن اسباب نجاحك , فانت لا تدرى اين تجدها
ولو السودان زاتو ضاق بيك , فرتق من حنانه زاتو , فالخروج منه لن يلغى جوازك , ولن يمحى ملامح شخصيتك
فان فى الحركة بركة يا احباب

منصور ينصر دينك
Post: #5061
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-15-2010, 07:05 AM
Parent: #5060

صباح الخير ،،، يا وجوه الخير

أصبحنا وأصبح الملك لله وحده

حديث الصباح :-

قال أبو هريرة ، قال كان رسول الله (ص) يسكت بين التكبير
والقراءة إسكاتة قال أحسبه قال هُنيةً فقلت بأبي وأمي يا
رسول الله إسكاتك بين التكبير والقراءة ما تقول ؟

قال أقول :-

اللهم باعد بيني وبين خطاياي كما باعدت بين المشرق والمغرب
اللهم نقني من الخطايا كما ينقي الثوب الأبيض من الدنس
اللهم أغسل خطاياي بالماء والثلج والبرد.
Post: #5062
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-15-2010, 07:49 AM
Parent: #5061

صباح الهناء والسرور ...

منصور يا خطير كلامك طاعم ...

وين الحلوين وين راحوا ...
Post: #5063
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-15-2010, 11:12 AM
Parent: #5062

سلامات يا ناس

Quote: وين الحلوين وين راحوا ...


يا بادى ...الحلوين قاعدين وبيجوا...

بس انت البجيبك شنو؟؟؟(على ارض الواقع).
Post: #5064
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-16-2010, 06:11 AM
Parent: #5063

أأأوبببببباححح ... نرفعوا في الصفحة الأولى ...
Post: #5065
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-16-2010, 06:26 AM
Parent: #5064

صباح الهناء والسرور ...

جنابو محمد صديق كيفنك يا ود أمي ... أرض الواقع دي وين ؟؟؟ يا ربي تكون الواق الواق ؟؟؟ ... غايتو من ناحية الواقع نحن عايشين الواقع تمام التمام ... ويا جنابو الإلتزلمات الإجتماعية كتيرة وما ليها حد ... ومشكلتنا نحن بنشتغل يوم السبت يوم كامل الدسم ...

عمو الزناتي وينو أكلو الدودو ... يا عمو أظهر وبان عليك الأمان ...

ما زال السؤال قائم وين الناس العزابة ... وين الناس اللي ما عندها شغلة بإمتحانات الأولاد والبنات ... إنتو ما خايفين دفتر الغياب دا يمشي للريس ... والله رعية متمردة جدا ...
Post: #5066
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-16-2010, 07:16 AM
Parent: #5065

الاخ الفاضل البادي
صابحك فل
إنتو مع ياتم يا أخوي
العندهم إمتحانات والله العندهم ملاحق
والله في النص

إنتظرتك بي هناك
كل وادينا رأي
شركة الزقازيق القابضة
تحياتي
Post: #5067
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-16-2010, 07:28 AM
Parent: #5066

تأبين والدة الاخ صالح عبدالرحمن صالح ( اداب )

الزمان في تمام السابعه مساء
يوم الجمعه 18/6/2010
بمسرح عروس الرمال بالابيض




sudansudansudansudansudansudansudansudansudan30.jpg Hosting at Sudaneseonline.com




sudansudansudansudansudansudansudansudansudan31.jpg Hosting at Sudaneseonline.com





(18/يونيو) تأبين معلمة الاجيال(فاطمه جاجا الضاي الطيب) ...عروس الرمال بالابيض!



لها الرحمة
Post: #5068
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-16-2010, 07:59 AM
Parent: #5067

انا لله وانا اليه راجعون
التعازي الحارة للاخ صالح عبدالرحمن صالح
في وفاة والدته
تغمدها الله بواسع رحمته وادخلتها فسيح جناته
ولا حول ولا قوة الا بالله
Post: #5069
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-16-2010, 09:26 AM
Parent: #5065

حبابك ما غريب الدار
وماك لحقنا ودار ،،،،،

صباح الخير يا وجوه الخير

بعد جهد كبير قبل البوست الباس ورد بتاعي

حاولت من الصبح أرفع الميل السلحفائي مع البادي

ولكنه لم يستجب معي ،،،،،،

الكسل الزائد ما ليهو مبرر حتى لو كانت إمتحانات أو مباريات

أو مشغوليات .

فاقدنك يا أبو الزهور ،،،،،،
Post: #5070
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-16-2010, 09:54 AM
Parent: #5069

سلام يا شباب ,.... وشكراً يا ريس ميسرة علي السؤال ... سافرت منذ نهاية الأسبوع السابق لمدينة جوبا ... العاصمة القادمة لدولة الجنوب ... كآخر زيارة لها وهي جزء من السودان .... لذا تغيبت عن البوست .....


عضو المنبر عفاف علي ميرغني علي التلفزيون السعودي بعد قليل
Post: #5071
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-16-2010, 11:25 AM
Parent: #5070

زهير الزناتي
رجل في الزمن الصعب
Quote: سافرت منذ نهاية الأسبوع السابق لمدينة جوبا ... العاصمة القادمة لدولة الجنوب

كل يوم أزداد إعجابا بك وحبك فيك
Post: #5072
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-16-2010, 01:18 PM
Parent: #5071

الجميل كيمو الشادي ... ربنا يديك الصحة والعافية ...

أنا مع الغلابة التعابة ... لا إمتحانات بتمنعنا ولا كورة بشتت أفكارنا ... لكن يا الحبيب مشغوليات البلد بقت كتيرة واليوم ذو الـ24 ساعة لا يكفي لأداء الواجبات الإجتماعية مع الدوام الطويل ... غايتو الدوام لله ...

إنشاء الله لو ربنا سهل حأضيف وجهة نظري في مشروعنا الحضاري شركة الزقازيق القابضة ... ونحن القابضون على الجمر ...

يعني يا عمو الزناتي التفرقة العنصرية دي خليها ... ما أنا سألت عليك وناجيتك ... وإنت برضو ما شغال بي وفاتح لي فتوح شديد ... لكن الواحد بيعمل بي أصلو ... وعلى الأصل دور ... ودور بي يا تنقا دور بي ... ولو ما عاجبك أمشي أشتكي لي الحاج جلا خليه يجي يجننا زاته ...
Post: #5073
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-17-2010, 06:09 AM
Parent: #5072

صباح الهناء والسرور ...

أصبحنا وأصبح الملك لله ...

إيدك معانا يا ..... ... والله البوست بقى تقييييييييل ...
Post: #5074
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-17-2010, 01:54 PM
Parent: #5073

جلسة بلا ذكرة بنات مي لايقة
وعاشق ذو نظر مابعشق الا اللايقة
ان جلست تجيب كلمة نباهة ولايقة
وفوق ست الحسن الصولة خايلة ولايقة

نهايه اسبوع حلوه عليكم
من صباحيه ربنا جاء البادي
فتح الباب وزول واحد ماجا بنقول سلام للجميع
Post: #5075
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-17-2010, 06:18 PM
Parent: #5074

السلام على حارسي وحافظي ورافعي البوست
تصدق ياالبادى قوة تحمل عضلات الأنسان القصوى
لرفع الأثقال هي (1000) مرة قدر وزن العضلة
وطال ماقلت ياأبو مروة حدك إتلحق ولازم نحصلك

عن أبي هريرة رضي الله عنه قال : قال رسول الله (ص)
(من كان يؤمن بالله واليوم الآخر فليقل خير أو ليصت)
الصمت يكسب المحبة والوقار ،ومن حفظ لسانه أراح نفسه
والرجوع من الصمت أحسن من الرجوع عن الكلام
الصمت منام العقل، والمنطق يقظته، كما قال الشاعر

أقلل كلامك واستعذ من شره ×× إن البلاء ببعضه مقـرون
احفظ لسانك واحتفظ من غيه ×× حـتى يكون كأنه مسجـون
وكّل فؤادك باللسان وقل له ×× إن الكلام عليكما موزون
فزناه وليك محكمــا ذا قـلة ×× إن البلاغة في القليل تكون

قال مالك بن أنس ( كل شيء ينتفع بفضله إلا الكلام فإن فضله يضر)
وقال ابو الدرداء :خير الحياة لأحدين : منصت واع ، أو متكلم عالم

إن كان يعجبك السكوت فإنه ؛؛؛ قد كان يعجب قبلك الأخيـارا
ولئن ندمت على سكوتي مـرة ؛؛؛ فلقد ندمت على الكلام مرارا
إن السكوت سلامة ، ولربمـا ؛؛؛ زرع الكلام عـداوة وضــرارا

Post: #5076
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 06-17-2010, 08:06 PM
Parent: #5075

رن جرس الجوال واسم دعاء بنتى يتوسط شاشته
ليجىء صوتها مرتجفا باكيا 78.8% بس يابابا
سكت لوهله من المفاجاءه فقد كنت اتوقع لها كما هى
تتوقع لنفسها 85 فاكثر ولكن ماذا يمكن ان اقول ؟
طيب ما بطاله والف مبروك ليجىء صوتها بطاله
وقد رايت دموعها فى تلك الحظه واحسست بها
كما لم يحدث من قبل .
Post: #5077
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-18-2010, 07:10 AM
Parent: #5076

سلامات يا ناس

وصباحات التفاؤل

وجمعتكم مباركة

يا ريس....سلام

مبروك النجاح رغم انو ما قدر الطموحات...

عجبنى احساس البنيّة بتاع عدم الرضا عن النتيجة...وده مؤشر

على معرفة الامكانيات والاصرار على التغيير.
Post: #5078
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-18-2010, 07:32 PM
Parent: #5077

سلامات يا ناس

مساكم سعيد

Quote:



- الليلة الصباح - خُدره وعليها بُدره - بطن البيت - خشم الباب - نخرة السفنجة - أضانالقفة - إيد الهون - كراع العنقريب
رقبة القزازة - عنكوليب .. - سنه ناعمه - حضرنا ولم نجدكم - الشكيه لي أبيداً قويه - -يا (زول) عاين للقروش دي مش فيها نمرة ؟؟؟
- فك القميص ده .. - - سجمي دقاو .. - - قرصة يا معلم .. - فك النفس ولا أقوليك -جيب سفه ... - - حِسي إنقرش






أفعال رباعية بظلال سوريالية:


برطع - فرتق – كنكش – سردب – صنقع - - هضرب – زرقن – بشتن – سنسن – طرشق - طربق - شحتف – دنقر – شلهت – سلفق – عنقد – حمبك – عصلج – خرخر – حندك – جهج – تلب –




جمل يكثر استخدامها




سيد اللبن - بيت البكا - أدّيك كده .. - الضحاكات (القروش) - المنجره (السفاسف - العضه) - عملت لي شنو في البتاعات ؟؟ - الفوره كم؟ - ووويك ادوهو اسنافيك - ناس عمي - أقوليك حاجه خليتا ليك كلو كلو .. - دور الليله - الرقصة الجاية للعريس والعروس.. - وقووووووومي كده يا المرا موتي.. - بي الكُرُوباوي (بالفه أو بي وره) - بي جاي خمسين ... بي جاي خمسين والقافل يجُر - أدوني (حَسُن) بضم السين – كتب ي قابلني - بحسَ الفريغين ترتيبات لغاء الغمه المرتغب وغال غايد الفريغ الازرغ - سنحسم اللغاء من الدغايغ الاولى (من أغوال الراحل المغيم ..) - عشطان داير لي بيستي كولا - مشينا اتحمدلنا السلامه - كو كو كو دقا الباب.. قام تراااااااااح أداهو كف .. - قام زييييييطك كده زاغ من الكف .. لكن ووردلوب وقع ..- بس بب قام سريع ..- وشخخخخ ضبح الخروف كرامة ..- اول بالتبادى- يا سيدي اللَّمانتي ليك - القصة ما قصة قروش - ربك رب الخير يستر - لكن النصيحه السوتا شينه - ادتو شاكوش في صمت خشمو
تتخيل
رقد سلطة - وزادت عليه الطين بله - و في النهاية نقول شنو كل شي - قسمة و نصيب


واحد استعداد... اتنين ضرب نان... تلاتة كوف...

لزيزه جنس لِزه

عامل الأرض والجمهور

شايت كورة مافي ليها اي داعي – كورنل - رمية التماس - ده من ناحيه - من الناحيه التانيه

قريت الاهلية وساكن العرضة - علينا وعليك يتبارك - راسي لفة جاتني دوشة

مشيت لقيتو مافى - زول عواليق ساكت - بكرة بيجى الخريف واللوارى بتقيف



ألطف ما قريت على سيارة واحد كاتب في الحافلة :




هذا المشترك لا يمكن الوصول اليه حاليا + وواحد تاني كاتب : الزراف ركوب الجن + واقفين تحننوا وراكبين تجننوا + ياناس ياشر كفاية قر .... عين الحسود فيها عود




يابت اكُتلي اللمبه معاك وقنِبي فوق بطن البيت - كراس العيادة - الكنبة الطيش - أبو الفصل – دفتر العيادة - سنة ساتَّة – الالفة

محطة الماسوره – محطة العشرة – محطة السبيل – محطة الخور -

قلبي أكلني... موبالغة (بلغة الحناكيش) ... روق في علبك لمن يجي طلبك (دي بالتأكيد ما لغة حناكيش)

انتو يا النسوان تمشو للملجه... تقيفو مع الرجال...تقلو جبنا خدار..آآآي سمح انت و شرط انت..

الكواريك شنو ... الروس الروس .. حباب التيوس ... مشيت لقيتوا مافي ... قام قع
Post: #5079
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-19-2010, 06:14 AM
Parent: #5078

صباح الهناء والسرور ...

أصبحنا وأصبح الملك لله ...

الصفحة دي ما عايزة تتقلب ... يا ريس أقلبها ...

ربنا يكون في عون أولادنا وبناتنا ومجلس الأباء الممتحنون ...

والله يكون في عون أخواننا اللي بطلوا أي حاجة علشان كاس العالم ...
Post: #5080
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-19-2010, 06:44 AM
Parent: #5079

مبروك لدعاء الريس النجاح رغم عدم رضاها بالنتيجة

وكلنا يا دعناء كنا متوقعنك تجيبى اكتر من كده

عملتى العليك وما قصرتى بالعزيمة و الاصرار واصلى المشوار

وربنا معاك ...
Post: #5081
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-19-2010, 07:45 AM
Parent: #5080

الاخ الفاضل البادي النور
تحية وحب وإحترام
ننتظرك مشاركاتك القوية في شركة الزقازيق من واقع خبرتك الطويلة كمغترب وكواحد بطل الغربة

يا البادي
حيرتني معاك
في مكان ما ذكرت الاتي
Quote: تعالوا أفرحوا بلقاء الأهل والأحباب والأصحاب والزملاء ... وحاولوا تطلعوا من النفق المظلم دا ... يا مغتربين الناس هنا مرتاحة أكتر منكم وكل الحاجات اللي قاعدين يطلبوها منكم هي كماليات ورفاهيات ... والله لو تعرفوا إنتم التعبانين وما في زول شغال بيكم ... وأول يوم توصل فيه وتقدم الهدايا لأصحاب الحظ يكون سؤالهم قلت لي راجع متين ؟؟؟



وهسي هنا قلت

Quote: ونحن القابضون على الجمر


جمر شنو يا أخوي القابض عليهو
ما قبل كده كنت مرطب
مرة البلد حلوة ونحن مغتربين وهم
ومرة جمر

حيرت قلبي معاك
خليتو بيك مشغول
Post: #5083
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-19-2010, 08:32 AM
Parent: #5081

بنتي الغالية دعاء معتصم جعفر
اول حاجة الف مبروك
نتيجتك حلوة وعجبتني
وما تزعلي
Post: #5082
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-19-2010, 07:56 AM
Parent: #5080

ألف مبروك لبنت الريس دعاء وإن شاء الله المرة الجاية مزيد من التوفيق
وبقول لبتنا دعاء مرات كثيرة الأفضل لايوفق كأن ينسى سؤال كامل أو الزمن
يسرقو رغم أنه يعرف إجابة الأسئلة ياما كثير الأفضل لايحقق الدرجات الأعلى
بس لأنه لم يوفق ، فدي إعتبريها عترة ودائما العترة بتصلح المشي.
Post: #5084
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-19-2010, 08:46 AM
Parent: #5082

استوقفتنى مداخلة الريس معتصم , ونسبة الأمورة دعاء
فقررت ان اتداخل , حتى قبل ان اهبش ولا ورقة من المردمة قدامى فى المكتب دى
مبروك يا دعاء فى الأول , ومبروك يا ريس , ده طبعا قبل ما ندخل فى الموضوع توش
حرقنى جدا والله عدم اقتناع دعاء بنسبتها الحققتها , رغم انها نسبة تستحق وصف الجديد جدا , على اقل تقدير
موضوعى العاوز اتطرق ليهو , هو عدالة التقييم من خلال الأمتحانات بطريقتها الحالية , او عدم عدالتها
فى تقديرى ان مشكلة المشاكل , بالنسبة للشباب والشابات الفى عمر دعاء
هى اضطرارهم للجلوس لأمتحانات عامة , محشوة بمواد ما انزل الله بها من سلطان
انا ما حاتكلم فى بداية مداخلتى دى , لنظام الأمتحان زاتو , مسالة انو يختو ليك مقرر ويعملوا ليك تقييم نظرى فيهو من خلال ورقة اسئلة
طول بى عرض , وده كلو بيتحدد فى يوم واحد بس , كدى نخلى المسألة دى لى بعدين , واكيد حا نرجع ليها
لكن خلونا كدى نركز على قصة الحشو دى , وكلمة حشو هنا دى , انا ماشايقها بتعبر بدقة عن ما اود ان اقوله
لكنى مضطر لأستخدامها حتى اجد كلمة بديلة وكلمة ادق
العايز اقولو , انو مشكلة المشاكل بتجى من حيرة الشباب فى العمر الباكر , فى عمل قراءة اولية للميول والأتجاهات
وكمان بيزيد على حيرتهم دى , محاصرتهم (بقصد او بدون قصد ) بامنيات ورغبات افراد اسرتهم , خاصة الآباء والأمهات
ومرات كمان بيدخل فيها الأقارب حتى من الدرجة التانية والتالتة , ديل كلهم بيرسموا للزول الشاب اليافع ده (بحسن نية طبعا )
طريق مرصوف وماشى لأتجاهات متشابكة
يعنى مثلا , اذا كانت الشابة او الشاب , ذات ميول فنية او موسيقية , او جواها او جواهو مشروع فنان ما
فنجد ان مثل هذا الأتجاه تتم محاصرته بمواد الفيزياء والكيمياء وما شابهها
وتجد ان من ميوله قانونية او محاسبية او اقتصادية او اعلامية
يقتل نفسه ويهدر جهوده فى دراسة الجغرافيا , او حساب المثلثات
وهكذا وهكذا
انا اعتقد ان دور ما يسمى بالأمتحان العام لما يسمى بالشهادة السودانية
ينبغى ان ينتهى دوره ويرسم من الأساس على مساعدة الطالب الشاب , او الطالبة الشابة , على تحديد ميوله واهتماماته فقط
دون ان يكون له دور (نهائى وحاسم ) فى نوعية الدراسة التى سيتجه لها
على ان تترك عملية التحديد النهائى لأمتحان قدرات متخصص لكل نوعية دراسة , يختارها الطالب بعد نتيجة امتحان الشهادة
هذه الطريقة ستكون اكثر عملية , واكثر قدرة على تخريج اجيال ملتصقة معرفيا باختياراتها
واذا ما طبقت هذه الآلية , تم استصحاب ذلك بآلية حكومية مرتبطة ومؤسسة على دراسات ميدانية حقيقية
يتحدد بها ومعها احتياجات مجتمعية من ناحية الكم والمحتوى , فاننا نكون قد بدانا فى لمس وربط ما نحتاج , بما نرغب
وهنا فى هذه النقطة بالذات سنجد (البريك ابفن بوينت ) , الأنحنا طول عمرنا بعيدين عنها بفراسخ وفراسخ
دائما اما عندنا دكاترة اكتر من اللازم , او مهندسين كمبيوتر اقل مما يجب
ودائما عندنا دكاترة درسوا الطب لأن مجموعهم كبير وهم لايجدون انفسهم فيه
او كمان عندنا شباب يهوى العمل الحرفى الخلاق والمبدع , ولكن درجات (التاريخ والجغرافيا ) اثرت فى مجوعهم النهائى , وابعدتهم من دراسة الهندسة
ما يحدث فى السودان , وزحمة الجامعات البى قروش بس , والجامعات البى قروش كتييييرة (لأنو مافى جامعات بلاش على حد علمى )
ستخرج لنا مجموعات ومجموعات من حملة البكالريوس العاطلين عن الموهبة , وبعد داك , اكيد حايكونوا عاطلين عن العمل
مجوع دعاء يا ريس , مجموع اصلو ما شوية , كتيير عديييل ما شاء الله عليها
اقعد معاها واتلمس رغباتها وميولها واتجاهاتها , وقارنها مع درجاتها المتحصلة عليها
وبعد داك , ان شاء الله طوبة ما تعتر ليك ولا ليها
ليس من العدل ان يتنافس الجميع , فيما يرغبون , وفيما لا يرغبون
هذا يشبه ان تطالب فان جوخ مثلا , بان يدخل كلية الطب
او ان تسعى وراء (مايكل جوردان ) , لكى ينضم لفريق الولايات المتحدة فى كاس العالم الفى جنوب افريقيا
هل يستووون ؟؟؟؟!!!!
Post: #5085
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-19-2010, 08:50 AM
Parent: #5082



هل تـعـلـم

أن السنة الضوئية تساوي 9و5 ترليون ميل ( مليون مليون ميل)
لا يستخدم الماء لإطفاء حرائق النفط لأن النفط يطفوا على الماء ويظل مشتعلا
الألوان الأولية هي الأحمر - الأخضر - الأزرق
أقصر نهار وأطول ليل من أيام السنة هو (يوم 22 ديسمبر من كل عام)
الفاصل الطبيعي الذي يفصل آسيا عن اوربا (سلسلة جبال الأورال)
الحيوان الذي يستطيع يعدو طول النهار هو (الذئب) ياعمر نملوز
حيوان يطير ولكنه ليس من الطيور هو ( الخفاش)
عدد ضربات جناح البوعضة(300) ضربة في الثانية
الطائر الذي يسمى أبو اليقظان هو ( المؤذن)
أن القلب يضخ 28 مللتر في كل ضربة
الثعبان يشم بلسانه
أحقد الحيوانات هو الجمل
خمسة مليون لتر كمية الهواء المستنشق سنويا بواسطة الرئتين
1930 لترا من الدم تمر يوميا في الكليتين
أكثر الطيور حذرا هو الغراب
عدد خلايا جسم الإنسان 60 ترليون خلية
للنحل خمسة عيون
عدد عضلات جسم الإنسان 639عضلة
أذن الإنسان تسمع الصوت بمتابعة ترددمن 50- 3000 ذبذبة في الثانية
ال###### يستطيع يسمع ذبذبات تصل إلى 38000 ذبذبة في الثانية
الخفاش يسمع إلى 300000 ذبذبة في الثانية
Post: #5086
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-19-2010, 09:21 AM
Parent: #5085

صباح الخير ،،، يا وجوه الخير

أصبحنا وأصبح الملك لله وحده،،،

التهنئة الصباحية للريس معتصم ولبنتنا الأمورة التي

أحرزت نتيجة جميلة وتقدير جيد جداً ودي بمقايسنا القديمة

تعتبر إنجاز رائع وعلى طول إلى العلاقات الثقافية ،،،،،،

اليوم السبت بداية اليوم عمل مردوم شديد،،،،،،،

عمره وزيارة مقبولة موسى عيسى وتقبلها الله منكم

لسوء حظنا لم نسعد بلقياك ونتوقع إعادتها مره أخرى

وزمان قال الشيخ جلا والشيخ النضيف أي واحد ما زارنا في جده

تعتبر عمرته ناقصة .
Post: #5087
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-19-2010, 12:11 PM
Parent: #5086

مساكم الله بالخير

مبروك دعاء معتصم جعفر...و كل الأمنيات بمستقبل باهر تتحقق فيه كل أمنياتك...
التهنئة أيضا للأخت العزيزة نهلة نجم الدين لنجاح بنتها و تحقيق نتيجة جيدة...

موسى عيسى تقبل الله منك عمرتك الناقصة دي...

و نشوفكم بعدين بي رواقة...
Post: #5088
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-19-2010, 01:24 PM
Parent: #5087

كنت مقرر عدم الدخول نسبة لضيق الوقت .... إلا أن نجاح الإبنة دعاء جعلني أضحي بكل شئ من أجل أن أبارك لها ...

مبروك دعاء معتصم وعقبال الدكتوراة .....


تحياتي للجميع إلي حين عودة
Post: #5089
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-19-2010, 01:31 PM
Parent: #5088

مبروك دعاء معتصم جعفر...و كل الأمنيات بمستقبل باهر تتحقق فيه كل أمنياتك...
التهنئة أيضا للأخت العزيزة نهلة نجم الدين لنجاح بنتها و تحقيق نتيجة جيدة...
Post: #5090
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-19-2010, 01:31 PM
Parent: #5087

نهاراتكم سعيدة ...

مبروك دعاء معتصم جعفر...و كل الأمنيات بمستقبل باهر تتحقق فيه كل أمنياتك...

التهنئة أيضا للأخت العزيزة نهلة نجم الدين لنجاح بنتها و تحقيق نتيجة جيدة...

موسى عيسى تقبل الله منك عمرتك الناقصة دي...


يا كمال الشادي الحمد لله حتى الآن في هذا الوطن لم أندم على قرار العودة الطوعية النهائية ... المختصر المفيد أنه البلد دي هي حلومر !!!

إنشاء الله بجيك بي هناك في شركتنا العامرة ...
Post: #5091
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-19-2010, 01:37 PM
Parent: #5087

مبروك لصفوة صلاح عوض إبنة نهلة نجم الدين نجاحها الباهر .......
Post: #5092
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-19-2010, 02:12 PM
Parent: #5091

مواصلة لموضوع دعاء معتصم سليمان جعفر
والكلام الراقي الذكرو الزول الراقي منصور عبد الرازق
وتحديدا الحتة دي
Quote: هذا يشبه ان تطالب فان جوخ مثلا , بان يدخل كلية الطب
او ان تسعى وراء (مايكل جوردان ) , لكى ينضم لفريق الولايات المتحدة فى كاس العالم الفى جنوب افريقيا
هل يستووون ؟؟؟؟!!!!


انا اعشق شخص إسمو جهاد الخازن
يعجبني قبل الموضوع الكم الهائل من المعلومات التي يردم بها عموده كل صباح
إشتغلت فترة في جريدة عرب نيوز في المكتب الرئيس في جده في مكتب رئيس التحرير خالد المعينا
والذي لايزال رئيسا لتحرير اول صحيفة انجليزية في السعودية
وأعلم أن العمود اليومي لرئيس التحرير لا يعده وحده
ورغم ذلك يظل جهاذ الخازن يومياً يبهرني بكمية معلومات لا أجدها في أي مكان آخر
هذا أولاً
---
اما ثانياً
فقد إستضاف جورج قرداحي في برنامجه من سيربح المليون إستضاف جهاد الخازن
كضيف شرفي سوف يصل المليون في غمضة عين

بدأ الاسئلة السهلة
تصوروا إنو جهاد الخازن سقط فيها
لانو الاسئلة كانت من عينة
من كتب كلمات أغنية أنت عمري لام كلثوم
ومن لحن مش عارف ايه لعمرو دياب
وأين رقصت مين مش عارف مين أحلى رقصاتها

ودي طبعا معلومات لازم يسقط واحد زي جهاد الخازن فيها

----
اما ثالثا
فزي ما قال منصور عبد الرازق موجها كلامه ل معتصم جعفر
وانا اؤيد كلامو
إنو أكيد دعاء الجميلة
في المواد اللي هي بتحبها
وحاتنبغ في الحياة فيها
جابت الدرجة الكاملة
وفل لست
Post: #5093
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-19-2010, 05:29 PM
Parent: #5092

مساكم الله بالخير

و الله قلت أجي أتفلسف ليكم شوية في الموضوع الفتحو منصور قبيل...
بتاع التعليم و المنهج و الرغبة و القراية كسر الرقبة...
و القراية كسر الرقبة دي مقصود بيها حاجتين...
الأولى المنهج المليان و البخليك لحدي ما تكسر رقبتك...
و التانية انك تجبر تقرأ ليك حاجة غصبا عنك...يعني كسر رقبة...
لكني لقيت مخزوني الاستراتيجي في الموضوع ده ما بيسعفني...
دي حاجة...و الحاجة التانية الموضوع ده بيقوم يهيجني و يفتح علي جروح قديمة...
و أقعد أورم فيكم بالليل ده ساكت....
و تقوموا تطفشوا من البوست ده...
و انتو أصلكم ما ناقصين...
دحين حسه المواضيع البتجيبكم شنو...
ممكن ترسلوا لي اس ام اس...
يعني رسالة نصية...
الترجمة دي للناس الثقافتهم فرنسية زي صديقي أبو الزوز...
أبو الزوز أشيل و أوصي فيهو في التلفون...
عليك الله يا أبو الزوز تعال داخل البوست ده كب النقه شوية...
قال لي حاضر يا أفندم...
أجي ألقاهو ليك كاتب أنو لولا دعاء معتصم لما دخل البوست لضيق الوقت...
Post: #5094
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-20-2010, 05:05 AM
Parent: #5093

اللَّهُمَّ بِكَ أصْبَحْنا، وَبِكَ أمْسَيْنا، وَبِكَ نَحْيا، وَبِكَ نَمُوتُ
وَإِلَيْكَ النُّشُورُ؛

صباحاتكم ندية...

داك الصبااح اهو لاح يا حبيب
و البلبل الصداح جا قريب
جاك يحكى ليك..جاك يشكى ليك
من شوقو ليك..صااح يا حبيب

جاتك طيور تحمل زهور فوق الندى
جاتك تزور حاديها نور فى الكون بدا
و الفجر لاح يعلن صبااح
و الطير شدى
جاك يحكى ليك..جاك يشكى ليك
من شوقو ليك...صااح يا حبيب..

الكون جميل و نسيم عليل
فى خفه ساير
و من الخميل اصواات هديل
تحمل بشااير..
و حديث طويل من فم خليل
فى همس داير
جاك يحكى ليك..جاك يشكى ليك
من شوقو ليك..
Post: #5095
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-20-2010, 06:20 AM
Parent: #5094

صباح الهناء والسرور ...

رشيد القوم الليلة عضلاتك تبش ... ما شاء الله عيني باردة كانت آخر مداخلة من أمبارح حقتك وبدون منازع جيت الصباح الباكر وفتحت باب الحوش علشان الشباب اللي كانوا مساهرين بره يدخلوا من غير ما يدقوا الباب ويزعجوا الحجاج النايمين ديل ... أو حتى ما يحتاجوا ينطوا بي فوق للحوش باقي لي قصة النطنيط دي بقت مستبعدة لعوالمل البروزات والإنتفاخات الجسمانية الكتيرة ...

أخونا منصور عندو سحر خاص وأسلوب كتابة مستفز يجعل رشيد القوم آخر النائمون وأول المستيغظون ...

وين باقي العقد الفريد ناس ... وناس .... وناس ....
Post: #5096
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-20-2010, 06:30 AM
Parent: #5095

بسم الله أصبحنا وأصبح الملك لله الواحد الأحد
اللهم نسألك خير هذا اليوم، فتحه ونصره وبركته وهداهـ
اللهم أجعل أوله صلاحا وأوسطه فلاحا وآخرهـ نجاحــا
Post: #5097
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-20-2010, 07:05 AM
Parent: #5096

اصحبنا واصبح الملك لله
صباحكم فل
صباحكم عسل
صباحكم حب ومودة
صباح الخير
يا وجوه الخير
Post: #5098
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-20-2010, 08:13 AM
Parent: #5097

Quote: اللَّهُمَّ بِكَ أصْبَحْنا، وَبِكَ أمْسَيْنا، وَبِكَ نَحْيا، وَبِكَ نَمُوتُ
وَإِلَيْكَ النُّشُورُ؛

Quote: صباح الهناء والسرور ...

Quote: بسم الله أصبحنا وأصبح الملك لله الواحد الأحد
اللهم نسألك خير هذا اليوم، فتحه ونصره وبركته وهداهـ
اللهم أجعل أوله صلاحا وأوسطه فلاحا وآخرهـ نجاحــا

Quote: اصحبنا واصبح الملك لله
صباحكم فل
صباحكم عسل
صباحكم حب ومودة
صباح الخير
يا وجوه الخير

السلااااااااااااام عليكم و رحمة الله و بركاته
مبروك لدعاء و إبنة نهلة نجم الدين
التوقيع:
محمد عيد
Post: #5099
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 06-20-2010, 08:32 AM
Parent: #5098

نهنئ ونبارك نجاح بناتنا

إبنة معتصم جعفر

وإبنة نهلة نجم الدين

وإن شاء الله دائما ناجحين ومتفوقين
Post: #5100
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-20-2010, 08:40 AM
Parent: #5097

صباح الخير يا وجوه الخير

أصبحنا وأصبح الملك لله وحده

دعاء اليوم :-

اللهم أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ
نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا
مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ
أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي
Post: #5101
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-20-2010, 08:40 AM
Parent: #5097

مبروك دعاء معتصم جعفر...و كل الأمنيات بمستقبل باهر تتحقق فيه كل أمنياتك...

التهنئة أيضا للأخت العزيزة نهلة نجم الدين لنجاح بنتها و ,والعقبي للباقين...

موسى عيسى تقبل الله منك عمرتك ... دعواتك ياشيخنا ...






===========================================================
بعش الفرق الافريقية ... وبشجعها بجنون .... لاحساسي بالانتماء إليها...
ومن زمان ... بستمتع بمباريات كأس العالم البتكون افريقيا طرف فيها... وللحين
واكون متحمس جدا لهذه المباريات ... والعكس للمباريات التي تخلو من اطراف افريقية
حزين لخروج الكاميرون المبكر ... وجنوب افريفيا حظوظها معدومة ...
وكذلك نجيريا ... ساحل العاج محتاجة مجهود مع حظ وافر ...
غانا برازيل افريقيا ... سوف اواصل متعتي بمتابعتها في الادوار القادمة ...
ولو خرجت الفرق الأفريقية ... كأس العالم حيكون لي مسييييييييييييييييييييييخ
وما يهم مين يفوز ... ان شاء الله باراجواي او اوروجواي ....
Post: #5102
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-20-2010, 09:43 AM
Parent: #5101


فى هذا الصباح واليوم الجديد
احساس المشاركة يتملكنى ويتقمصنى ويلبسنى عدييييل
من زمااان , ومن زمن مجلة صباح الخير المصرية التى كنت مدمنا على التهامها صباح كل خميس
وكنت , اول ما اشتريها وافتحها وانا لا ازال متشعبطا على درابزين كشك الجرائد
كنت ابداها مشتاقا , بصفحة نادية عابد
التى اتضح فيما بعد انها ليست الا اسم حركى وتخفى صحفى للكاتب مفيد فوزى
كانت صفحة نادية عابد باسم (شىء ما )
وكان شعارها , المشاركة , هى ما نحتاج اليه لنشعر , بانسانيتنا
وانا اليوم , انسان كامل الدسم , الأسم الكامل انسان , والشعب الطيب والديا
المهنة بناضل وبتعلم , تلميذ فى مدرسة الشعب
المدرسة فاتحة على الشارع , والشارع فاتح فى قلبى , والقلب (مشاركة فورية )
ابدأ بأن اشارك الرشيد الحبيب اعجابى بدرة عثمان الشفيع
داك الصباح اهو لاح يا حبيب , والبلبل الصداح جا قريب , جاك يحكى ليكا وجاك يشكى ليكا , ومن شوقو ليكا صاح يا حبيب
ان لحن وايقاع هذه الغنية , محفور فى الدواخل , وملصق على جدار غشاء (تامورى ) , حتى انه يستدعى -ضمن ما يستدعى - صوت ليلى المغربى فى برنامج صباحى قديم , كانت الأغنية خلفيته الدائمة
يقطع حريشك يا رش , لقد (لدغتنى ) لدغة صباحية (فنانة ) , لذا فانا اشاركك فيها بتمعن , وساعمل فى ايبودى بحثا عنها , فاذا لم اجدها , اكيد حا ارجع ليك ايبودك يا نضيف
ثم اشارك البادى النور اعجابه بنشاط الرشيد الزائد -هذا السبت - واذا ما عرفنا انه عائد من اجازة عائلية قضاها مابين (الحمام والحمام ) , عرفنا فائدة الأجازة , ولم نغفل عن فوائد النضافة والبحث عن الترطيبة
حتى ولو فى الحمام , دى طبعا على وزن البحث عن العلم -حتى لو فى الصين -
ومشاركة ابو عمر -احمد اسماعيل - وابو كريم -كمال الشادى فى احساسات صباحاتهم البهيجة , تكمل عقد المشاركات , وتزيد من احساسى ىالأنسانية
واسهل مشاركة شفتها فى حياتى , هى مشاركة جلا للجميع , ثم مشاركتى له , فى (كوبى بيستاته الأنيقة والحريفة ) الموقعة باسم محمد عيد ,
واذا كنت انا هنيت دعاء معتصم جعفر بالنجاح الدسم , فانى اشارك سامى عبد الوهاب فى تهنئته لأبنة صلاح عوض ونهلة نجم الدين , خاصة اذا ما عرفنا ان اسمها (صفوة ) -ولكن ليست لها اى علاقة بصفوة (مزمل )
ومشاركتنا لنهلة نجم الدين , مخلوطة باحساس من (خال صفوة ) , القريب كل القرب من (خال فاطنة الأريتو يسلم لى البيدرج العاطلة )
وكان ما شاركت الريس فى دعاء الصباح بتمنى ان يكون القران ربيع افئدتنا وجلاء احزاننا وذهاب همومنا وغمومنا , باقى ليكم ما بكون غلتاااان ؟؟!!!
واعنف مشاركة اهديها لكم فى الختام , هى مشاركتى الأحساسية المونيالية لشعور ياسر نجيلة , بأن منتخبات افريقيا السوداء , هى كامل بهارات كؤؤس العالم اجمع , حتى اذا ما استحال كاس العالم الى مونديال
بدون بهارات بخروج رفاق ايتو وتشابالالا, وتعادل رفاق الولد آيوا واسامواه الظالم وغير المستحق بالأمس مع الكنجر الأسترالى , كان مونديالا مشابها لأكل المستشفى , صحى , لكنه مكمل المساخة
فى زول لسه ما شاركناهو , مشاركات بالصباح يا , علينا جااااااى
Post: #5103
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-20-2010, 10:07 AM
Parent: #5102

وكمان عندى مشاركات قدييييمة , كانت رايحة منى وما لا قيها
يعنى هسى جلال عثمان بى جلالة قدره , يقول ماشى السودان , وخاشى السوق بالطول والعرض
والكلام ده نفوتوا ساااااكت كده و دى تيجى يا اخوانا , يصح كده يعنى ؟؟
يقوم اخونا البادى , يقول ليهو , يا زول السودان مليان اى شى , وكل حاجة متوفرة
هنا انا اقوم ارتبك ليكم جنس ارتباكة , باعتبارى زى الأنقسمت نصين , بين حالة جلال , ونصيحة البادى النور
من ناحية , انا وجلال حاجة واااااحدة وسلوك وااااحد , لمن تكون ماشى السودان اجازة
ومن الناحية التانية , البادى النور ده , ماقال كلام زى الدهب , ده على المستوى النظرى طبعا
خلينا نلبس طاقية جلال فى الأول
الزول ما ماشى السودان , والزول ما عنده خيلان واعمام , عمات وخالات , اخوان واخوات , والشفع مليانين الحيشان
وبت الشيخ كمان , خيلانها واعمامها وخالاتها وعماتها واخوانها واخواتها والشفع المالين الحيشان ربنا يخفظهم , ما برضو قاعديييين
هنا احساس التهادى الجميل , ينمو ويتضخم عند جلال , زى ما بيحصل لى منصور , مع بنات شيوخهم
احساس بالأنتماء الجميل , مخلوط بشعور مسئولية , مرات (يلحق ) ومرات يقصر , وان شاء الله يقصر الملح , ما يقصر الملاح
هنا احقو نفرق بين حالتين , وبين شعورين , وبين احساسين
احساس الهدية البتجيب الحب والمحنة
واحساس الواجب والمسئولية , البرضو بتعمق التواصل , وترقع المشروط , وكمان بتسد (الفرقة )
جلال , زى كتيرين , بيشيلو ويقوم بيهو الأحساس الأول
والبادى النور , راكبو ومتقمصه (الأحساس التانى )
المشكلة عارفينها فى شنو
انو , فى كتير من المرات , تلقى نفسك , وبعد ما تتصرف بوحى من احساسك الأول
تلقى الأحساس التانى قام بيك , لا يدك لا كراعك
يعنى تلقى نفسك , انجرفت ورا التيارين , اذا ما وجدت نفسك مضطرا
يعنى تلقى نفسك جلال مركب مكنة البادى
ولا البادى , لابس جلابية جلال
لو حصل ده , واطاتك ما صبحت عديييييل !!!!!
Post: #5104
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-20-2010, 10:24 AM
Parent: #5103

وانا الليلة باين شعورى واحساسى بى انسانيتى , عاااالى , وقايم بى عدييييل
الولد المطموس الأسمو طارق جبرين ده
مش كان بيشاورنا وبيدردق فينا , اجيكم بى جدة , ولا امر بيكم بالرياض
امشى عمرة فى الأول , ولا اجليكم كلكم وامشى عن طريق مصر
قدانا ليك قد , وكمان قال فى الأخر انتو لا اشتغلتوا بيهو لا حاجة
قر ريمشى السودان عن طريق سيريلانكا
قلت لى سيريلانكا ؟؟؟
اها قاموا جماعتو ديك , ايوا انتو ما بتعرفوهم , نفس الناس القعدوهو فى طوب الشوارع
قاموا قالو ليهو , اها خم وصر , اجازة ليكا مافى
الجنى , ما (جنوا قام ) واتسلط عليهو شيطان الكتابة الطاعمة , وقام كده كتب لينا
يمة , حمونى الأجازى
قطع قلبى عديييييل
وبينى وببنكم , ما قطيع قلب ساى
قطيع قلب , مخلوط بى شوية شماتة على كتير من الأعجاب
يمين يا ود جبرين قربت اديك الأجازة انا ده , مالك ومال الجماعة الماعندهم قلب ديل
بس شمت فيك عشان فى الأول زمان بعتنا وقلت ماشى عن طريق مصر
لكن , بينى وبينك , لو ده كلو ما كان حصل ليك
كنت حا تقدر تكتب لينا الكلام السمح ده ؟؟؟؟؟
Post: #5105
Title: Re: ناس الزقازيق ... أجدع ناس ( 3 ) ..
Author: عصام دهب
Date: 06-20-2010, 10:32 AM
Parent: #5103

مرور على سبيل التحية و السلام و النهل من معين أجدع ناس ..

ثم تهاني قلبية صادقة للأفاضل الريس / معتصم جعفر على تفوق إبنته / دعاء و للفاضلة / نهلة نجم الدين على تفوق إبنتها / صفوة صلاح عوض .. و الأمنيات لبنتينا دعاء و صفوة بمستقبل باهر و مشرق و ربنا يحفظهن ذخراً ..
Post: #5106
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-20-2010, 10:45 AM
Parent: #5105

يا منص ليك حق تشمت
عشان كدة في عيد الضحية ان شاد الله حا امشي عن طريق فلسطين

كدي اسمع خضر بشير دة
Post: #5107
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-20-2010, 12:03 PM
Parent: #5106

بعد العملتو فيني امبارح يا طارق
عجبني ليك كلام منصور
Post: #5108
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-20-2010, 12:20 PM
Parent: #5106

مرات لما تكون في حاجة مسيطرة على أفكارك زي سيطرة كاس العالم علينا الأيام دي...
بتقوم تفسر أي و تفهم أي حاجة في اطار الحاجة المسيطرة عليك و بس...
زي لما تكون بتحب بت جيرانكم و مسيكرة على كل تفكيرك...
و تكون قاعد مع ناس البيت يجي فلم بطولة انجلينا جولي مثلا...
تسأل ناس البيت واحد واحد..الممثلة دي بتشبه منو...
ناس البيت ما يلقوا ليهم شبه لي انجلينا (هو في زول بيشبه انجلينا دي)
يقوموا يقولو ليك و الله ما عرفنا...
تقول ليهم و الله بالغتو عديل كده...
حسه عليكم الله ما بتشبه هنايا بت الجيران...
و طبعا بكون مافي أي وجه شبه بين هنايا و انجلينا...
المقدمة الطويلة دي مدخل لي سيطرة كاس العالم علينا...
و من وحي مباراة الكاميرون أمبارح و التي فقدت أي أمل للتأهل على اثرها...
أول ما سمعت أغنية خضر بشير دي...
خدعوك و جرحوا سمعتك...
اتذكرت صمويل ايتو و هو طالع من الملعب بعد نهاية المباراة...

لذلك نهدي كلمات الأغنية لي صمويل ايتو...و ياسر نجيلة...

خدعوك وجرحو سمعتك
نور وجنتيك طفتن مذارف دمعتك
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك
لمهالك الشر اودعوك
لابد ليهم يوم عسير
يحيو ويقاسموك جرعتك
وين عقلك الفاهم دليلو وخبرتك
وين عقلك الثابت اساسو وجبرتك
ربك يجازي الخدعوك لمهالك الشر اودعوك
هم ضللوك تخلو عنك سلوك
ماحسبوا وراعو ذكرتك
خدعوك هل جازوك شيء من منيتك
اغروك فقدت اعز شيء في دنيتك
والخونة ظنوك في عذاب
وتجاهلو يوم الحساب
لكن تاكد ليك رب
ياخد حقوقك ينصفك
Post: #5109
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-20-2010, 01:48 PM
Parent: #5108

ناس عمو الزناتي برامجهم مرة سمك في جبل أولياء (بدون جكة منصور المشهورة) ... ومرة سمك في الموردة عند عوضيه (مع جكة منصور المشهورة) ... ومرة شية جمر في قندهار وبالنهار (وبدون أي نوع من الجكات) ...

ناس الحاج جلا ما خلوا صلطة أمواج والمشويات الطاعمة (وبرضو من غير جكات) ...

وفي ناس بتطالب بمقاطعة المنتجات اللبنانية بسبب ما حدث لأخواننا في بيروت ...

هل سمعتو بمطعم الساحة اللبناني وهو يمثل قرية الساحة اللبنانية التراثية؟؟؟ ... نفسي ومنى عيني أشوف جكة منصور التراثية الفلكلورية ...
Post: #5110
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-20-2010, 02:23 PM
Parent: #5109

لو داير تقطع ليك موضوع من راسك
فهو أمر هين
بس ترجع لي ذاكرتك و إنشاءالله الذاكرة ما تكون خربة
آها تقوم تعمل مقدمة
زي مثلاً تقوم تقول
كان مرة من المرات أنا و أولادي ماشين على الكورنيش بتاع نهر النيل
مع إنو لا في كورنيش و لا حاجة
تقوم البنت الفصيحة إنتصار صاحبة الرشيد تقول ليك
يا بابا تعال نقعد هناك في النجيلة ديك
تقوم تقول ليها
لا لا لأنو النجيلة ديك فيها ناس شماشة
تقوم أسرار البت الكبيرة تقول ليك
شنو يعني شماشة يا أبوي
تقوم تقول ليها الناس الماعندهم شغل و ما قاعدين يمشو الشغل
أو ما قاعدين يمشو المدارس ديل شماشة
تقوم إنتصار تقول ليك طبعاً أنا بكرا الروضة بتاعتنا بتفتح
يعني بكرة أنا ماشا الروضة
أسرار طوالي تقول و أنا زاتي بكرا المدرسة تفتح
و نحن معناها ما شماشة...صح يا بابا
طوالي أقول ليهم أيوااااا دا الكلام الصاح
إنتصار تقوم تقول ليك يا بابا معناها ماما شماشة
أسرار تقول ليها أيوا كلامك صاح لأنو ما شغالة و ما قاعد تمشي الشغل

كاااااااااااااك
وختيتها ليك في حناني
هس عليك الله الواحد لو كان إتفرج في مباراة الكميرون
وشاف الجناح الجراااااي داك مش كان أفضل من الإحراج دا
Post: #5111
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-20-2010, 02:54 PM
Parent: #5110

مبروك إنتهاء الميل 51 بعد أن سل روحنا

ياخي ده ميل نفسه طويل طفش لينا الحبايب والقرايب

ويظهر مباراة الكمرون الجميلة يوم أمس رغم الخسارة وقد

ساهمت في بث الروح في البوست وعقبال غانا تواصل المشوار ،،

أختنا نهلة نجم الدين مبروك نجاح بتنتنا ونتمنى لها مستقبل زاهر

شكراً طارق ود جبرين متابعين ماتكتب ومستمتعيين بما نسمع .
Post: #5112
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-20-2010, 03:18 PM
Parent: #5110

طبعاً لا تفوت على فطنة القارئ
أن المداخلة الفاتت عبارة عن المقدمة
أما الموضوع ينقسم إلى جزئين
الجزء الأول خاص بالإجازات السنوية داخل السودان
الجزء الثاني خاص بكأس العالم
وطبعاً الجزء الأول دا زاته بتنقسم إلى جزئين
الجزء الأول إجازة للناس الفي الخارج و جايين السودان
و الجزء الثاني إجازة للناس الفي داخل السودان
أولاً نتتطرق لإجازات الناس الفي الخارج
وطبعاً هناك نوعان
النوع الأول الناس الجايين من الدول العربية
النوع الثاني الناس الجايين من الدول الأخرى
إذا مسكنا إجازة الناس الجايين من الدول العربية
دي تأخذ منحنيان
المنحنى الأول الناس الفي المشرق العربي
أما المنحنى الثاني فهو الناس الفي المغرب العربي
بالنسبة لي للناس الفي المغرب العربي
فلهم خياران
الخيار الأول على السعودية و آداء المناسك و العبادات وبي خشوع
ثم زيارة جدة حسب توصيتي السابقة و التي ذكرها الريس في مداخلته الأخيرة
و الخيار الثاني زيارته للسودان
وهنا هو مخير في أن يختار احد الخيارين للإحتفاء به
أن يختار قندهار بدون جكة
أو سمك عوضية بي جكة مع تصوير سينمائي Slow Motion

سنتطرق لاحقاً و بالتفصيل الممل لموضوع تحت عنوان
كيفية قضاء الإجازة في السودان الأسباب و الدوافع
حالة دراسية (يُمة حموني الإجازي)
فاصل و نواصل لا تذهبوا بعيداً
نذكر الإخوة المتداخلين أننا سنقوم بإستقبال رسائلكم في هذا البوست
و نرجو الإختصار ما أمكن ذلك
شكراً جميلاً
التوقيع
موسى عيسى
Post: #5113
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-20-2010, 05:13 PM
Parent: #5112

Quote: تقوم البنت الفصيحة إنتصار صاحبة الرشيد تقول ليك
يا بابا تعال نقعد هناك في النجيلة ديك


انتصار محمد آدم النور صديقة لذيذة و ذكية كمان...
ربنا يحفظها و يحفظ والدتها و والدها...
و أسئلة زي أسئلة انتصار دي مشروعة لمن هم في سنها...
و لكن النتيجة التي توصلت اليها تنم عن ذكاء...
هذا الذكاء لا بد و أنها قد ورثته عن والدتها رغم أنها شماشية...
و أنا من هنا أحي كل النساء الشماشيات...
و على رأسهم أكبر شماشية...أمي...
كل ما أرجوه أن تقوم انتصار بحكاية القصة لأمها الشماشية...
نشوف صاحبنا الما شماشي ده بمشي وين الليلة...
Post: #5114
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-21-2010, 05:04 AM
Parent: #5113

اللهم ما أصبح بي من نعمةأو بأحد من خلقك فمنك وحدك لا شريك لك فلك الحمد و لك الشكر
Post: #5115
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-21-2010, 05:11 AM
Parent: #5114

بحثت عن البوست هذا الصباح فلم أجده الا في الصفحة الثانية...

فقررت اهدائة كلمات محمد يوسف موسى و رائعة عثمان حسين...الدرب الأخضر...
مهداة كذلك الى صديقي و أخي منصور عبدالرازق...و اذا لم تجدها في الآيبود فما عليك الا ارجاعه الى ديدو مباشرة...
و حق الDHL علي...
مهداة الى الريس ميسرة كذلك و هو من عشاق عثمان حسين...
و الى كل عشاق عثمان حسين...
الى الأخت العزيزة و التي اختفت تماما من الساحة حنان محمد ادريس الشهيرة بحنان القطينة...

تهيم خطواتى نشوانا
تعانق دربك الاخضر
وحات الوعه والاهات
يا مشوار ماتقصر

على دربك زرعت الحب
جمـــال و كمــــال
ريــاض وزهـــــور
غزلت صبابه العشاق
امـــانى تزيد
صبـــــاح وعـطور
شلت الهفه والاشواق
هيام وســــــلام
ومنـــابع نور
مواكب روعه وابداعات
سلام وخيال قصاده شعور
مابدلت الايام ولا فى مره اتغير

وحات الوعه والاهات
يا مشوار ماتــقصر

امانه تطــــول وتتجدد
وروعه تبقى لينا حـــــدود
عليك مقصر الاعمار و وعود و وصال
ماقسينا نارحــــرمان
وما عنينا جــــور وصــــدود
وكم مرت بــــلاك ايــام
وقفته فى طريق مســـدود
وشوفوا الليله واشــــراقات
سنـــا و نــــــوار بيتقطر

وحات الوعه والاشواق
يا مشوار ماتقـــصر

يا مشوار يا رائع
بدون اول بدون اخـــــر
معانــــــى لا نهــــايئــــــا
عليك دفق حنان زاخـــــر
عليـــــك روح

واحضــــن قلـــب
وابــهج عين
وســر خاطـــر
فيك يا شوقى ماترتاح
وفيك افضل دوام ســــارح
معاك فرهد شباب الحــب
ورف على جناح اخضــــــر


وحات الوعه والاشـــواق
يا مشوار ماتقصـــــر
Post: #5116
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 06:32 AM
Parent: #5115

Quote: اللهم ما أصبح بي من نعمةأو بأحد من خلقك فمنك وحدك لا شريك لك فلك الحمد و لك الشكر

Quote: بحثت عن البوست هذا الصباح فلم أجده الا في الصفحة الثانية...

أنا شخصياً ما قاعد أبحث في البوست حتاتو وين
بس من Favorites وطوالي أشوف آخر مداخلة وتوووف في الاوت
طيب نحن واقفين وين؟؟؟
بجيكم بي طايوق نص كلتش
التوقيع:
محمد صديق
Post: #5117
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-21-2010, 06:57 AM
Parent: #5116

صباح الهناء والسرور ...

الحاج الشماشي عاد وجاب معه الألق والتألق ... ولا يفوت على فطنة القارئ إنه الحاج الشماشي قاعد يحصر في الغائبين وماسك دفتر الغياب بتفويض من الريس شوفوا توقيعاته حتلاقوها هي دفتر الغياب ...

أخونا محمد عيد من يوم هزيمة المريخ من الهلال تاني ما شفناهو ... با ود عيد كلنا حمام ميت دحين يا أخوي إستغفر الله وتعال راجع نحن حبايبك وما ممكن نجرح شعورك ونقول ليك كااااااك ... تعال فرح ليالينا .. تعال قبل السنين تجري وتعال وتعال ...

رشيد القوم ما شاء الله عليك إنشاء الله دائما طريقك أخضر (زراعي) ... وعايزنك كدا مع فرق التوقيت تقوم الصباح بدري وترفع البوست .. ويا إيد البدري أصحي بدري .. أزرعي بدري .. وشوفي كان تنقدري ... وقالوا ود البدري سمين ...
Post: #5118
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-21-2010, 07:46 AM
Parent: #5117

صباح الخير ،،، يا وجوه الخير

أصبحنا وأصبح الملك لله وحده

حكمة اليوم :

راقب أفكارك لأنها ستصبح أفعالاً
راقب أفعالك لأنها ستصبح عادات
راقب عاداتك لأنها ستصبح طباعاً
راقب طباعك لأنها ستحدد مصيرك
Post: #5119
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-21-2010, 08:21 AM
Parent: #5117

Quote: تهيم خطواتى نشوانا
تعانق دربك الاخضر
وحات الوعه والاهات
يا مشوار ماتقصر


تهيم خطواتي نشوانا يا سلام عليك

رشيد القوم ،، بالله شوف التعبير ده رائع

وجميل كيف ويضربك في نخاشيم إحاسيسك ويكهرب أوتار مشاعرك

ويلهب فؤادك ويهز الصخرة ولو كانت صماء،،،،،،،،

ووحات اللوعه والآهات شكراً يا رشيد ،،،،
Post: #5120
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-21-2010, 09:30 AM
Parent: #5119

Quote: وكمان عندى مشاركات قدييييمة , كانت رايحة منى وما لا قيها
يعنى هسى جلال عثمان بى جلالة قدره , يقول ماشى السودان , وخاشى السوق بالطول والعرض
والكلام ده نفوتوا ساااااكت كده و دى تيجى يا اخوانا , يصح كده يعنى ؟؟
يقوم اخونا البادى , يقول ليهو , يا زول السودان مليان اى شى , وكل حاجة متوفرة
هنا انا اقوم ارتبك ليكم جنس ارتباكة , باعتبارى زى الأنقسمت نصين , بين حالة جلال , ونصيحة البادى النور
من ناحية , انا وجلال حاجة واااااحدة وسلوك وااااحد , لمن تكون ماشى السودان اجازة
ومن الناحية التانية , البادى النور ده , ماقال كلام زى الدهب , ده على المستوى النظرى طبعا
خلينا نلبس طاقية جلال فى الأول
الزول ما ماشى السودان , والزول ما عنده خيلان واعمام , عمات وخالات , اخوان واخوات , والشفع مليانين الحيشان
وبت الشيخ كمان , خيلانها واعمامها وخالاتها وعماتها واخوانها واخواتها والشفع المالين الحيشان ربنا يخفظهم , ما برضو قاعديييين
هنا احساس التهادى الجميل , ينمو ويتضخم عند جلال , زى ما بيحصل لى منصور , مع بنات شيوخهم
احساس بالأنتماء الجميل , مخلوط بشعور مسئولية , مرات (يلحق ) ومرات يقصر , وان شاء الله يقصر الملح , ما يقصر الملاح
هنا احقو نفرق بين حالتين , وبين شعورين , وبين احساسين
احساس الهدية البتجيب الحب والمحنة
واحساس الواجب والمسئولية , البرضو بتعمق التواصل , وترقع المشروط , وكمان بتسد (الفرقة )
جلال , زى كتيرين , بيشيلو ويقوم بيهو الأحساس الأول
والبادى النور , راكبو ومتقمصه (الأحساس التانى )
المشكلة عارفينها فى شنو
انو , فى كتير من المرات , تلقى نفسك , وبعد ما تتصرف بوحى من احساسك الأول
تلقى الأحساس التانى قام بيك , لا يدك لا كراعك
يعنى تلقى نفسك , انجرفت ورا التيارين , اذا ما وجدت نفسك مضطرا
يعنى تلقى نفسك جلال مركب مكنة البادى
ولا البادى , لابس جلابية جلال
لو حصل ده , واطاتك ما صبحت عديييييل !!!!!

كلام الحالات المتماثلة والمتنافرة وذات الاحساس والشعور دا ما بخلوهو ينزوي في الميل الطلع روحكم دا على رأي الريس.
بس قبل ما اجيهو "اجيهو" تشكرات لي "شيخي" منصور لجر رجلي "غصباً" عن عين الكفيل والاجازة وكاس العالم
والتهاني الصادقة نسوقها قبلا للاخ الريس معتصم بنجاح بتنا دعاء وللاخت نهلة بنجاح بتنا صفوة صلاح مع خالص الامنيات بدوام النجاح والمستقبل الباهر.
مشتاق ليكم كلكم والله
Post: #5121
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 10:30 AM
Parent: #5120

Quote: تشكرات لي "شيخي" منصور لجر رجلي "غصباً" عن عين الكفيل والاجازة وكاس العالم

مش أنا قلت ليكم لو عايز تعمل موضوع المسألة هينة؟؟؟؟
و قلت بالحرف الواحد ترجع بي ذاكرتك لي ورا
أما إذا كانت ذاكرتك خربة ...
وليس لدي أدنى شك في الذاكرة الخربة بتاعت الزول صاحب المداخلة دي
المهم من غير ذكر أسماء تقوم تجيب مداخلة بايتة
ونسبة لحساسية الموضوع أفضل حجب ذكر إسم صاحب المداخلة السابقة
كنت مفتكر إتو البوست دا عبارة عن متنفس والواحد يجي
يا يكب حنان....أو يكب المحلبية
في عدم وجود ذلك ممكن كسير التلج
أيضاً ممكن تكتب أي موضوع زي موضوعي دا
وهذا أبسط الإيمان
لا تفوت على فطنة القارئ أن الزول الجارنو لي للبوست دا من كرعينو
يسمع من هس الإجازة في السودان صعبة للغاية وذلك للآتي
أولاً الإنفصال جاي
و الحكومة الإتحادية فيها 77 وزير
و في ناس في السودان حيمشو يغتربو سراً في دول الخليج
و الكميرون طلعت من المنافسة
غايتو!!!!
هو الموضوع شنو؟؟؟؟؟
التوقيع
عفاف ميرغني....من غير حاج الركز
Post: #5122
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 11:15 AM
Parent: #5121

جزء من قصيدة الطمبارة والغناي ...
أحب محمد طه القدال زاتوو
و كمان عقد الجلاد
و إنشاءالله ما يكون في الآي بود بتاع الناس القاعدا تسمع طشاش طشاش

أهل الفرحة جينا
لا المدامع وقفتنا
ولا الحكايات الحزينة
لما درب الرايحه جابنا
جابنا فى هادى المدينة
ياولدي الدروب شقاقا بحر التيه
ليك درب ولا دربين
مساك الدروب ضهاب
ليك قلب ولا بالين
سواى القلوب كضاب
ليك ضهر ولا سرجين
ركَّّاب السروج وقَّاع
شق يا ولدى بحر التيه
بتتدردر وتتودر
ولامن يوم على تايتنا ديك ترسى
نعزك بالقبيل داخرنو ليك
الشوق بحر يا ولدى بحراً تيه
قت العليك ادرابو لا تنغش
ولا ترضابو لا تنغش
فى الزمن الزمين والكى يسوقو خلاف
عشان النى
عليك الدور .. وتصريف الليالى بدور
تشيل ما شلنا من الهم
ولا من دمعه ترمى الدمعة فوق دربك
روح يابا ..
وابق قفاك لا تعاين
ولا تعاين على موطاك
ولا تندم على خطواً تملي مشيتو لي قدام
Post: #5123
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-21-2010, 11:26 AM
Parent: #5121

Quote: لذلك نهدي كلمات الأغنية لي صمويل ايتو...و ياسر نجيلة...



كنت قايل قفف الليمون ... عشان هلال مريخ ...
بس لقيت نفسي محتاج " قندراني " ليمون .....
بالله دي ساحل العاج اللعبت امام البرتغال ....

==================================================
شكرا للاهداء ... يارشيد القوم .... بتشجع منو عشان اجهز الهدية ...
بجيكم بكوم احباطات ... بعد كأس العالم
بس ركزو معاي في الاحمر التحت ... خاصة الشماسة....
لو الدول الافريقية طلعت .... برضو الكأس بكون مسسسسيييييييخ ...
حتي لو شالتو البارجواي أو الاوروجواي ....
Post: #5124
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 11:41 AM
Parent: #5123

Quote: ولا يفوت على فطنة القارئ إنه الحاج الشماشي قاعد يحصر في الغائبين وماسك دفتر الغياب بتفويض من الريس شوفوا توقيعاته حتلاقوها هي دفتر الغياب ...

أقبل ما أمشي للتعليق على الإقتباس الفوق دا
يشهد الله إني أحب الزول الإسمو ياسر نجيلة دا وبس!!!!
الجماعة يقول ليك الزول البيفرز الناس دا
معناها ما زقازيقي أصلي
دا يايواني ولا صيني
المهم ما علينا...
أنا أكره دفتر الغياب
و البوست دا بمن حضر...دي عجبتك يا قريب المعز
يعني لو ما عندك شغل و جيت البوست هنا معناها إنت شماسي
عشان كدا ما عليك إلا تجي تكب حاجاتك هنا و تمشي
أي زول قاعد يجي البوست دا معناها شماسي
ودا حسب كلام إنتصار
لكن ممكن تجر ليك زول من كرعينو للبوست دا عشان يكون شماسي
ودي أمنقا حاجة
المتغيبون ليس بشماسيون
ودي تيكة في السبيكة
وقع ليك و لا أعيدو ليك
Post: #5125
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-21-2010, 02:15 PM
Parent: #5124

Quote: " تشكرات لي "شيخي" منصور لجر رجلي "غصباً" عن عين الكفيل والاجازة وكاس العالم

مشتاق ليكم كلكم والله


جلال ما عارف ليه عندي احساس انك دخلت الكفيل و كاس العالم للتمويه و التضليل كمان....
أنا من مداخلتكك دي حسيت انك ممكون و صابر...
و الكفيل و كاس العالم يبروا و يستبروا من مكنتك دي...
و الحكاية و ما فيها ان الاجازة و التحضير ليها هي السبب...
طمنا عليك يا جلال كم في المية من اللستة بتاعتك انتهت...
خليني أقول ليك حاجة لو اشتريت 90% من القائمة...
يكون الباقي ليك 100%...مش عشرة تقول الصفر الأخير ده سهو...
Post: #5126
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 02:20 PM
Parent: #5124

يا جماعة ما تنومو في العسل
وقعوا هنا
http://sudaneseonline.com/cgi-bin/petitions/petitions.cgi
Post: #5127
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-21-2010, 02:58 PM
Parent: #5126

From: Hyder Ibrahim ([email protected])
You may not know this sender.Mark as safe|Mark as junk
Sent: Thursday, June 17, 2010 2:47:00 AM
To: [email protected]

Dear Maisara
before 4 days i was entering zagazig community on sudaneseonline site
it takes me back 25 or more years
but when i try to rigister i didnt find how to that
i want to share all with the people there
now iam in sudan after 10 years in saudi arabia
and now open my own office for accounting & auditing
we have to develop the profession in sudan and this my first goal

Hyder Ibrahim Mohammed
zagazig 1984 graduate
وطنى عيونك ديل وطنى
وكل الحلوين الزقازيقين لهم التحية والود
=============================

التحية لأخونا حيدر إبراهيم كلية التجارة هل تذكرونه

وقد كان علم زقازيقي بارز مشارك في كثير من الأنشطة

قابلت الأخ/ حيدر في الخرطوم عام 1990 ومعه خالد غالي - كلية التجارة -

وهم يعملون كمراجعين قانونيين لأحدى الشركات السودانية ،،،،،

يا زناتي الزول ده جاني برجوله داخل الحوش نأمل إضافته للمجموعة القادمة

وكذلك الأخت هالة أيوب تود الدخول إلى عالم الزقازيق الجديد .
Post: #5128
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 03:10 PM
Parent: #5127

طبعاً لأنني على الخط
داير أسألك يا ريس
زولك دا يعرف عربي؟؟؟
إذا بعرف عربي كفا المؤمنين شر القتال
إذا ما بعرف عربي و كمبيوترو ما فيهو حرووف عربية
أقترح ينتظر لغاية ما نمسكو درب العربي
وبعدين يتم تسجيلو في خانة اللاعبين الهواه
قلت لي زولك حيدر دا قال العربي قاسي مش؟؟؟
أمانا ما تعب معاي قال ليك و كمان من هس!!!
أقول ليك ما تشتغل بيهو
خليهو يعاين كدا بس ....
Post: #5129
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-21-2010, 03:21 PM
Parent: #5128

http://www.sudaneseonline.com/petitions

إنت يا شيخ جلا الموضوع بتاع وقعوا هنا ده

جاريهو من رجله مالك زي أخونا جلال جبت نهاية

الموضوع جيب رأس الموضوع في أعلى الصفحة ،،،،

أنا وقعت ومن الليلة دي حاربنا المحطات اللبنانية

والأكلات اللبنانية والزعتر الشامي وكمان عندي زميلي

لبناني عنصري ولسانه و س خ ان أه قطعت علاقتي معاهو وسحبت

عضويته من مكتبنا وإلا يشوف ليهو مكان تاني ياخد منه شيكات

حتى المناديب اللبنانيات أنحنا خلاص مش ح نستقبلهم في مكاتبنا

حتى المشرفة على مدام منى في المدرسة لبنانية وخلاص المدام ح تقدم

إستقالتها !!! رأيك شنو؟؟؟؟؟

وبعدين حيدر ده ولدنا وما بيعرف عربي وكمان درس المحاسبة في الزقازيق

باللغة الإنجليزية .
Post: #5131
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-21-2010, 03:44 PM
Parent: #5129

و الله يا ريس ميسره
الشووق لكد لكد
و حارسك من قبيل
بالله تحياتنا لإمبراطورية الميم
النسألك مش في ناس أدوهم باسويرد
وقالو حنكون حكومتنا برانا!!!!
بيني بينك برضو من غير ذكر أسماء
بالمناسبة محمد عيد عندو عقدة من لغة الفرنجة
ممكن تسألو
Post: #5130
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-21-2010, 03:31 PM
Parent: #5126

Quote: لما درب الرايحه جابنا
جابنا فى هادى المدينة
ياولدي الدروب شقاقا بحر التيه
ليك درب ولا دربين
مساك الدروب ضهاب
ليك قلب ولا بالين
سواى القلوب كضاب
ليك ضهر ولا سرجين
ركَّّاب السروج وقَّاع

والله درب الرايحةجابنا في هاي المدينة(صاحبك راسو مقطوع)

سواي القلوب كضاب وصاحب بالين كضاب (الرأس مابشيل جرين)


أحب معاك محمد طه القدال، وأحب وأموت في لقمان الحكيم زاتوو
Post: #5132
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-22-2010, 05:56 AM
Parent: #5130

صبحكم الله بالخير

اللهم اني أصبحت منك في نعمة و عافية و ستر فأتمم نعمتك غلي و عافيتك و سترك في الدنيا و الآخرة...
Post: #5133
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-22-2010, 06:04 AM
Parent: #5132

اصحو صباح كل يوم على أنغام هذه الأغنية...
فلقد جعلتها نغمة التنبية في موبايلي...
لماذا هي دون غيرها لا أدري...
كلماتها صاغها الحسين الحسن...
و للحسين الحسن مفردات تستنطق الصخر العصي...
و لحنها الأستاذ كابلي...
و لكابلي ألحان تجعلك تطير في الهواء تحلق...
أهديها هذا الصباح لكم جميعا....
و لكمال الشادي...
و برضو لي منصور...و ان شاء الله دي تكون عندك في الآيبود...


أكاد لا أصدق
يا أنت .. يا أنت إننى
أكاد لا أصدق
أهذه الحروف؟ … كلّ هذه الحروف
خطّها بنانك المنمّق
بنانك المنّغم المموسق
لا غرو ..
إنها تأتلق
و إنها تموج بالعبير تعبق
و إنها تجعلنى أحترق
أسطرها ..
بحر إشتياق موجه يصطفق
فى لجّه ..
أضيع راضيا وأغرق
وأعينى تغرورق
وينمحى الوجود عنها
غير صورة تحدّق
ترمقنى .. تبسم لى ..تهمس لى ..
فاطرق
ثم تطوف بالخيال صور تشوّق
لحبّنا .. لبيتنا .. لأمسياتنا
وهى تكاد بالحنان تورق
وأطرق
ولا أصدق
لأننى من فرحى
أطير فى الهواء أحلّق
Post: #5134
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-22-2010, 06:35 AM
Parent: #5133

أصبحنا وأصبح الملك لله رب العالمين
ربنا آتنا في الدنيا حسنة وفي الآخة حسنة
وقنا عذاب النار وأدخلنا الجنة مع الأبرار
ياعزيز ياغفار يارب العالمين
Post: #5135
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-22-2010, 06:36 AM
Parent: #5133

Quote: كنت قايل قفف الليمون ... عشان هلال مريخ ...
بس لقيت نفسي محتاج " قندراني " ليمون .....
بالله دي ساحل العاج اللعبت امام البرتغال ....

==================================================
شكرا للاهداء ... يارشيد القوم .... بتشجع منو عشان اجهز الهدية ...
بجيكم بكوم احباطات ... بعد كأس العالم
بس ركزو معاي في الاحمر التحت ... خاصة الشماسة....
لو الدول الافريقية طلعت .... برضو الكأس بكون مسسسسيييييييخ ...
حتي لو شالتو البارجواي أو الاوروجواي ....


ياسر نجيلة الجميل...
أنا أشجع البرازيل دائما و لا أشجع أحد يلعب ضدهاحتى و لو كان من أفريقيا...
لكن ممكن أرشح أكتر من فريق للفوز بكاس العالم...
و الأوروجواي و البارجواي لا تشملهما قائمة ترشيحاتي...
Post: #5136
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-22-2010, 06:52 AM
Parent: #5133

صباح الهناء والسرور ...

رشيد القوم صبحك الله بالخير وفيك الخير وأهلا بيك في وردية البكور وما عندنا مانع لو طليت علينا نافلة في وردية الليل ... والليل جميل ...

ليلة أمبارح ذهبت لزواج النجم اللامع والفنان الشبابي / طه سليمان .. وطبعا ما ممكن يكون في الآي بود بتاع منصور .. وللذين لا يعرفون طه سليمان فهو فنان شاب فرض أسلوبه في ظهور أغنيات لم تتعود عليها أذن المستمع السوداني فكانت أغنية تمام يا عوض دكام والتي فيها إنتقاد واضح وصريح لأحوال البلد حتى كورتنا الشينة لم تسلم من الإنتقاد .. وأغنية قنبلة والتي صار يتغنى بها الأطفال الصغار دون وعي وإدراك لمعاني الكلمات ...
كان الزواج في صالة المعلم الكبيرة وهي من أكبر صالات الأفراح في السودان ... تحركت بعد صلاة العشاء حوالي 9:30 مساءا وأخذت قرابة نصف ساعة علشان أجد موقف (باركنغ) وبعد صعوبة وجدته بعيدا عن موقع الحدث ... مشيت (يا ريت لو في منصور علشان نجك لينا جكة ليلية) مشوار على الرجلين ليس بالقريب ... وجدت الشباب من الجنسين من أعمار التين إيج يحضرون من كل فج عميق رجالا وركبانا وتعال شوف اللبس والموضة (إحتمال تكون هدايا المغتربين وصلت) شئ عريان وشئ مليان وشئ فصل الدين عن الدولة (يا جلا أنا ما بفسر وإنت ما بتقصر) ... المهم العدد كان فوق التصور ... دخلت الحوش وكان مليئا بالناس من كل الأعمار والأنواع ... مددت رأسي متاوقا من باب الصالة فكانت عبارة عن فرن باربكيو (شواء) تفوح منه أنفاس الناس الحضور المتعطشين لرؤية نجمهم اللامع ... المكيفات لا أثر لها .. العساكر المفروض يكونوا حافظين للنظام في غمرة الزحمة أصبحوا ديكور باللون الأخضر غير المحبوب عند كثير من أهلنا الطيبين ... وكان هنالك أحد المتطوعون يتكلم عبر مكبر الصوت مناجيا الحضور بفتح مجال حتى يدخل العريس متأبطا عروسته (أنكشه) ولكن لا حيات لمن تنادي .. وحقيقة علشان يفتحوا مجال للعروسين إلا يفرغوا الصالة من محتواها البشري وطبعا دا ممكن يحصل لأنو ما ممكن تجد متبرع بالخروج (حد يشعر بالسعادة يمشي يختار البعاد) .. وكل من نال شرف الدخول للصالة لن يتنازل عنه حتى لو دفع عمره ثمنا ...
ذهبت ناحية عربية العروسين الكامري الجديدة المزينة ولم أفلح في رؤيتهما من شدة الزحمة ... ذهبت للناحية الأخرى مع شوية عمم ورجال كبار في السن أبت أنفسهم الطيبة إلا ويشاركوا أهل العروسين الفرحة ... دخل العروسين وكانت المئات من الحاضرين يتفرجون من خلال شاشتين كبيرتين في الحوش .. وقفت في الزحمة وإستفدت من طول قامتي لنيل شرف النظر للعروسين .. إنه طه سليمان بكل وجاهته عريسا ويمسك يد عروسته الحسناء ويشق الطريق وسط الزحام وهو مبتسم فرحان يلوح للحضور يمنة ويسرى ... وجدت فرصة في والد العروس عمنا عبدالرحمن أبوشيبة هرولت (ليست جكة) ناحيته .. حضنته مهنئا ومباركا ومتمنيا للعروسين بالمال والعيال ... وكان هذا هو القصد من حضوري ...
إنسحبت إنسحابا تكتيكيا وفي طريقي للسيارة كانت الوفود تملأ الطريق في إتجاه الصالة همهمت في نفسي الله يكون في عون الصالة ...
Post: #5137
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-22-2010, 07:22 AM
Parent: #5136

صباح الخير ،،، يا وجوه الخير

أصحبنا وأصبح الملك لله وحده

جذبتني مداخلة البادي عن الحالة السودانية

وعن الفنان الأسمو طه حسين ولا طه البشير ، طه سليمان والذي

لم نسمع به ولم نسمع القنبله بتاعته دي وسمعت من بعض ناس الخرطوم

بتوع العمره بأن هنالك لا مؤخذه جزمة حريميه إسمها قنبلة وإحضروا للمدام منها

هدية وهذه القنبلة قديمة من زمن حفر البحر وكانت إسمها تموت تخليهو أو حدوقه

كانت تلبسها الرضيه بت سالمين حبوبتي ،،،،،

وكمان كل هذه الزحمة وبدون رحمة لمشاهدة فنان القنبلة وهو يتأبط عروسته

الحسناء وهو يلوح للجميع يُمنى ويُسرى ،،، كان ممكن يركب سيارة مكشوفة لزيادة

الكشخة ،،،،

أستاذن رشيد القوم بإعادة القراءة والسماع

للفنان الأسطورة عبدالكريم الكابي ،،، وشتان بين

القنبلة وهذا التيه الوجداني والجمال ومتعة المعنى

وقوة الأغنية ،،،، آل قنبلة آل ،، الله يرحم الذوق العام

لو أصبح هذا حالنا ،،،


أكاد لا أصدق
يا أنت .. يا أنت إننى
أكاد لا أصدق
أهذه الحروف؟ … كلّ هذه الحروف
خطّها بنانك المنمّق
بنانك المنّغم المموسق
لا غرو ..
إنها تأتلق
و إنها تموج بالعبير تعبق
و إنها تجعلنى أحترق
أسطرها ..
بحر إشتياق موجه يصطفق
فى لجّه ..
أضيع راضيا وأغرق
وأعينى تغرورق
وينمحى الوجود عنها
غير صورة تحدّق
ترمقنى .. تبسم لى ..تهمس لى ..
فاطرق
ثم تطوف بالخيال صور تشوّق
لحبّنا .. لبيتنا .. لأمسياتنا
وهى تكاد بالحنان تورق
وأطرق
ولا أصدق
لأننى من فرحى
أطير فى الهواء أحلّق
Post: #5138
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-22-2010, 09:28 AM
Parent: #5137

يا بادى اصلا" اعراس الفنانين كده ، بالنسبة لطه الفنانين والفنانات الشاب
الموجودين على الساحة الان براهم دايرين ليهم صالة ، خليك من الضيوف والــبعام


سنة تسعين فى زواج جلال الصحافة الانا بعتبرو فنان اجتماعى اكثر من انو فنان غنائى
الميدان الجمبنا لمدة اسبوع كامل ليل ونهار مقفول عشان الحفلات والمجاملات
الزمن داك حظر التجول كان الساعة 6 مساء ، لكن حفلاتو للصباح ....

تقول لى قنبلـــــــــــة ....

وكمان طه جايكم السنة دى فى رمضان فى برنامج اغانى واغانى هو وناس فرفور حيمرضونا
مرض ....
Post: #5139
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-22-2010, 09:54 AM
Parent: #5138

انتو طه سليمان دة
موش الولد الممشط شعره زي الكفتة وكتين تطلع من المفرمة
Post: #5140
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-22-2010, 10:13 AM
Parent: #5139

Quote: انتو طه سليمان دة
موش الولد الممشط شعره زي الكفتة وكتين تطلع من المفرمة


جبريلا...جننت الولد جن...
الجنى عريس....حسه بكره ان جاتو حاجه من الله يقولو سحرو طارق جبريل...
و الله شعرو ده و سلسله اللابسه ده مزعلني زعل...
الا يا جبريلا أنا خايف نقعد نتفاصح كده بعدين نلقاهو في أولادنا...
حسه مهند ولدي أقول ليهو أمشي صلي...
يمشي يتوضأ و يجيني ليك شعرو كلو موية و رافعو ليك من النص لي فوق...
أقول ليهو ده شنو يا مهند....
يقول لي كريستيانو رونالدو يا بابا...
أقول ليهو انت يا ولدي أنا قلت ليك صلي و لا أرفع كورنر...
Post: #5141
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-22-2010, 10:20 AM
Parent: #5140

Quote: أقول ليهو انت يا ولدي أنا قلت ليك صلي و لا أرفع كورنر...


يمين يا ابو مهند ضحكت لامن وقعت علي قفاي
Post: #5142
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-22-2010, 10:37 AM
Parent: #5141

سلامات يا ناس

سلام ليكم كلكم...

أطول مداخلة للبادى النور مصحوبة بى جكة..

تسجيل حضور ومتابعة بنصف طايوق.
Post: #5143
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-22-2010, 11:19 AM
Parent: #5142

Quote: أنا أشجع البرازيل دائما و لا أشجع أحد يلعب ضدهاحتى و لو كان من أفريقيا...


ولدنا رشيد القوم ... الروقة بالكوم ...
حب البرازيل ... حب فطري ...
زي حب المعجون السجنال ... والصابون الوكس ... والنضارة البيرسون ...
من كل عشرة اشخاص بتلقي خمستاشر بحبو البرازيل ...
الكاس لو مشي البرازيل صدقني حيكون عااااااااااادي ... عاوزن احداث مثيرة ...
كدي ركز لي في ديل البارجواي .... الاوروجواي ....
ويوم حداشر سبعه .... حنتفاكر
الفرق الافريقية ... بالنسبة لى الانتماء ... والفرحة الحقيقية ...
والله بحبها من جووووووه ... لما تلعب في كأس العالم ... وبكون متوتر ...
حتي خروج آخر فريق من المنافسة ... وبعد خروجهم ما بهمني البشيل الكأس منو ..

Quote: حسه مهند ولدي أقول ليهو أمشي صلي...
يمشي يتوضأ و يجيني ليك شعرو كلو موية و رافعو ليك من النص لي فوق...
:
:
أقول ليهو انت يا ولدي أنا قلت ليك صلي و لا أرفع كورنر...

دي هسع ما كأس عالم عديل كده ...

==============================
محمد أدم جلا ... انا زاتي بحبك
ومعاك شماسة الضل ... والشمس
Post: #5144
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-22-2010, 02:03 PM
Parent: #5143

طه سليمان (كلاكيت تاني مرة) ...

بعد سؤال أصحاب الحظ السعيد اللذين تشرفوا بالجلوس على كراسي الصالة لحضورهم المبكر ...

فنان الحفلة كان المبدع زيدان إبراهيم (شرطا يكون فنان .. شرطا يكون زيدان .. وشرطا يكون ........!!!!!!!) ودا طبعا موجود في الآي بود بتاع أخونا منصور ...

العشاء لم يتم توزيعه نسبة للزحمة ... وبعد إنجلاء الزحمة كان هنالك نهب وسطو على العشاء وحتى الصحون الفارغة لم يتم العثور عليها ... هل تم إلتهام العشاء بصحونه؟؟؟
Post: #5145
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-23-2010, 04:30 AM
Parent: #5144

اللهم إنى أعوذ بك من الهم و الحزن و أعوذ بك من العجز و الكسل ، و أعوذ بك من الجبن و البخل ، و أعوذ بك من غلبه الدين و قهر الرجال
Post: #5146
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-23-2010, 04:47 AM
Parent: #5145

اليوم نحلق مع كلمات أغنية جديدة...
ليس منافسة مني لبوست ود المهدي الجميل أغنيات لفك الدبرسة...
بل تحديا لآي بود منصور و محتواه الديدوي....
كنت من أشد المعجبين بكلمات و ألحان هذه الأغنية...
ربما لا يعرف الكثيرون مثلي انها من كلمات الشاعر الجميل هاشم صديق.....
رغم اننا سمعناها كثيرا من صاخب الحنجرة الذهبية الأستاذ صلاح بن البادية...
نهديها لكم جميعا...
اهداء لي أمي....شتل المحنة الشب في وسط الجروف...
و اهداء لي بت شيخي ست الفريق الليها كم غنت حروف...
و أهداء لمنى عباس...زنوبة و ياسمين....

يا جنا....يا جنا
في بعادنا عن أرض الحنان الليله مرت كم سنه
يا ريت نعود للدار سراع نرتاح تحت شتل الهناء
واشوقنا لنخل الفريق الضامي في صدرو الجنا
للحلوه أم وجها قمر ضواي مورد بالهناء
........
الليله زارتنا الرؤي المنسوجه من عمق الجذور
رسمت صور ضوت جمال وجوه الخيال عاشت دهور
أفراح فريق يوم الحصاد وجريف يضم طينو البذور
وزغروده وصلت للسحاب وعريس معطر بالعطور
وجهاد فتح درب الصباح وشهيد ملفح بالزهور
وشباب بعز الأرض شايل مبادئ نضال و نور
......
في مره طاف بيناالخيال بعد الغياب الطال جرح
شفنا البخور في الريح عبق و الليل شرب عطر الطلح
والغيم ربط فوق للفريق شافو الشتل شابا و فرح
و حدا الصريف قام الخدار حاضن صفيقات القمح
و القمره نامت في الرمال و الطين شرب نديان صبح
و الوادي فرهد بالخريف اخضر بقشو السمح
...........
الفين سلام
يا يمه يا شتل المحنة الشب في وسط الجروف
يا يابا يا الدرع المتين الليهو كم سجدت سيوف
يا جده يا أم صوتا حنين حجواتا بالوادي بتطوف
ياالسمحه يا شمس الفريق الليها كم غنت حروف
في الغربة يا أهلي الحنان كم عشنا في قسوة ظروف
و أشواقنا لي أرض الوطن و لخضرة الوادي العطوف
خلتنا كم ساقنا الخيال طار بينا لدارو الولوف
والفرحة غنت و صفقت و الشوق حضن شتل الجروف
Post: #5147
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-23-2010, 06:19 AM
Parent: #5146

صباح الهناء والسرور ...

رشيدنا صح لسانك ... كلمات حقيقة تخلي الواحد محلق في عوالم أخرى ويخرج من حيز الزمان والمكان ...

ما قلت ليكم رشيد القوم دا مهاجم خطير ضل طريق كاس العالم ... وردية الصباح صارت حاجة تانية وحسب لغة أهل جدة صارت غير ...

جنابو عسكري البوست متاوقاتك حلوة لكن تواجدك بكون أحلى ...

عمو الزناتي مطلوب القبض عليه حيا أو حيا ... الزول الجميل دا مشى وين ؟؟؟
Post: #5148
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-23-2010, 07:24 AM
Parent: #5147

صباح الخير ،،، يا وجوه الخير

أصبحنا واصبح الملك لله،،، وحده

فضل الدعاء

قال عليه الصلاة والسلام:-

- لا يرد القدر الا الدعاء
- إن الدعاء ينفع مما نزل وما لم ينزل ، فعليكم عباد الله بالدعاء
- من لم يسأل الله يغضب عليه
- أعجز الناس من عجر عن الدعاء ـ وأبخل الناس من بخل عن السلام

السلام عليكم ورحمة الله تعالى وبركاته،،،،،،
Post: #5149
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-23-2010, 08:52 AM
Parent: #5148

Quote: رشيدنا صح لسانك

رشيدنا تربت يداك
رشيدنا لا فض فوك
Post: #5150
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-23-2010, 09:42 AM
Parent: #5149



لاتأمن الأحمق وبيده سيف، كفر النعمة لؤم ، وصحبة الأحمق شؤم

من يبدأك بجهله فكافئه بحلمك ، ولا تأمن جانب من لا يأمن جانبك

الناس يرونك بقدر تصويرك لنفسك ، فأن أعززتها رئيت عزيزة ، وإن
أهنتها رئيت مهانة

ثوب الرياء يشف عما تحته
فأن التحفت به فإنك عـار

لاتكن غضوبا فالغضب رأس الخطايا ، الغضب على من لا تملك عجز
وعلى من تملك لؤم

عجبا لمن يحس وخز خرطوم الذبابة في جلده ، ولايحس وخز خرطومه
في جلود الناس
Post: #5151
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-23-2010, 11:04 AM
Parent: #5150

الرشيد ما بالغت معاى عدييييل
امبارح ما لحقت اكاد لا اصدق , فاذا بك تبهدلنى اليو م زيادة بيا جنا
وجدتها فى آيبودى العزيز تحت اسم الشوق والوطن
وها انذا استمع اليها واستمتع بها وادعو لعبد الدائم النضيف بى طولة العمر
انت متأكد الشغلة دى حقت هاشم صديق ؟؟
هى ليست بعيدة منه تماما , ولكنها مرحلة قديمة من مراحل تطوره على ما اظن
هى مرتبطة عندى بما يطلبه المستمعون صباح الجمعة , بعد حقيبة الفن طوالى
وحاجة غريبة تانية فى الغنية دى
اول حاجة اكتشفت , ومن خلال كلماتها , ان مقطع الفين سلام الذى يردده ابن البادية فى خواتيم الأغنية
مقطع لا يمكن ان يؤديه الا صلاح بن البادية نفسه
لكمية التطريب والشجن العالى الذى تحتويه
هذه من كلمات هاشم صديق القليلة على ما اظن , التى تحفل بمباشرة المعانى وخلوها من الرمزية
كلام مستقيم طالع من منبع واضح وشفاف , ماشى لمصب اكثر وضوحا وشفافية
وهذه الشفافية لا تكون عند البنى آدم , الا فى بواكير العمر , ومنحنياته الأول
اذا كان هاشم صديق , نخلة باسقة فى سماء الكلام
فان يا جنا (الشوق والوطن ) , رطبة من رطبه البواكير , النديات الطاعمات
ومن بعدها , تساقط علينا البلح (رطبا جنيا )
ولحنها ذو ايقاع مميز , لمن ابن البادية كان يردد الفين سلام يا يمة , يا يابا , يا جدة , يا السمحة
كنت انسجم معه فى كل تجلياته وسلاماته الألفين المرسلة وازيد عليها واحد سلام اضافى من عندياتى
كنت افهم يمة ويابا كما هى
ولا اعير اهتماما لسلاماته المرسلة للسمحة
ولكنى كنت اظن انه يبعث سلاما (لجدة ) المكان الفى السعودية , هل ياترى لأن ابى (رحمه الله كان مغتربا فيها ) ايامئذ
ام لأننى لم انهل من (جداتى وحبوباتى ) ما يكفى لأن اعتقد بأنهن يستحقن (الفين من السلامات )
صدقونى اول مرة اتفهم هذا المقطع كما اراده صاحبه ومغنيه
احب هذه الأغنية يا الرشيد
واحب ايرادك لكلماتها
واحبك انت ذاتك
واحب النضيف الأدانى آيبود فيهو الشوق والوطن
باقى جزئية صغيرة
لأغنية الشوق والوطن , التى اتضح انها من كلمات هاشم صديق
اخت شقيقة , لا ادرى ان كانت من وحى خيالى , او اننى (رضعتهما سويا زمان فخيل لى ذلك )
الى بالباقى باقى , يا الرشيد او يا من يستطيع ذلك
انها للصادق الياس كما اتذكر
اعمل ايه ما الباقى باقى , واصلو دنيا الحب محن
Post: #5152
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-23-2010, 12:53 PM
Parent: #5151

sudansudansudansudansudansudansudan54.jpg Hosting at Sudaneseonline.com

صور من مظاهرة الكرامة أمام السفارة اللبنانية بالخرطوم
Post: #5153
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-23-2010, 12:59 PM
Parent: #5151

رشيدنا لا فض فوك....

أخونا الحاج جلا أعمل حسابك في ناس هنا تخصصهم عربي .. علشان كدا يا عمك أبعد من الشبهات اللغوية والأسماء الخمسة .. الأسماء الخمسة لها أوضاع إستثنائية .. بالله عليك نحن ما فاضين نحجز وما عندنا وقت للجودية .. هسع كان واحد عربجي (بتاع لغة عربية) جاء وردح في إستخدامات الأسماء الخمسة نحن نمشي وين؟؟؟

واصلو دنيا الحب محن...

يا منصور يا أخوي والله إنت محنتنا بي كلامك السمح دا .. ذكرتني دكتور شمو في إذاعة البيت السوداني إف م 100 عندما يشرح المدلولات الفنية واللغوية البلاغية والموسيقية للنماذج من الأغنية السودانية .. حقيقي يا منصور أنت فنان بارع في التشريح الفني ...
Post: #5154
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-24-2010, 05:16 AM
Parent: #5153

اللَّهُمَّ فَاطِرَ السَّمَواتِ والأرضِ عَالمَ الغَيْب وَالشَّهَادةِ ، ربَّ كُلِّ شَيءٍ وَمَلِيكَهُ . أَشْهَدُ أَن لاَ إِله إِلاَّ أَنتَ ، أَعُوذُ بكَ منْ شَرِّ نَفسي وشَرِّ الشَّيْطَانِ وَشِرْكهِ
Post: #5155
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-24-2010, 07:33 AM
Parent: #5154

صباح الهناء والسرور ...

أصبحنا وأصبح الملك لله ...

يا رشيد القوم ما لك يا ود أمي سحروك ... والا الليلة الخميس !!! .. نحن مقدرين ظروفك .. لكن يا رشيدنا نحن تعودنا على طلة الصباح وكلام الصباح الحلو والأغاني والكلمات الجميلة اللي تخلي منصور يتألق والحاج جلا يتجلى ويفرد مساحة يستخدم فيها الأسماء الخمسة ...

في واحدة من الحافلات (الروزا) كان مكتوب عليها : مفطوم اللبن ما بسكتو اللولاي .. هسة نحن اليسكتنا شنو ؟؟؟ ....
Post: #5156
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-24-2010, 08:32 AM
Parent: #5155

Quote: يا رشيد القوم ما لك يا ود أمي سحروك ... والا الليلة الخميس !!! .. نحن مقدرين ظروفك .. لكن يا رشيدنا نحن تعودنا على طلة الصباح وكلام الصباح الحلو والأغاني والكلمات الجميلة اللي تخلي منصور يتألق والحاج جلا يتجلى ويفرد مساحة يستخدم فيها الأسماء الخمسة ...


البادي الجميل...صبحك الله بالخير و السرور...
تأخرت اليوم لتلت ساعة عن موعدي فأضعت على نفسي وقتا عزيزا و جميلا...
فلم أتمكن من التداخل بغير دعاء الصباح...
رغم انني كنت مخططا للاستجابة لطلب منصور...
و كذلك كانت لي أجنده أخرى...
سأحاول أن ألحق قبل أن أركب سيارتي متوجها صوب الحبايب..
Post: #5157
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-24-2010, 09:31 AM
Parent: #5156

قصـة اعجبتني ---
ليس دائما ً تقول أمي الحقيقة
ثماني مرات ... كذبت أمي عليّ

تبدأ القصة عند ولادتي ، فكنت الابن الوحيد في أسرة شديدة الفقر

فلم يكن لدينا من الطعام ما يكفينا...

وإذا وجدنا في يوم من الأيام بعضا ًمن الأرز لنأكله ويسد جوعنا
كانت أمي تعطيني نصيبها .. وبينما كانت تحوِّل الأرز من طبقها إلى
طبقي كانت تقول : يا ولدي تناول هذا الأرز ،
فأنا لست جائعة وكانت هذه كذبتها الأولى

وعندما كبرت أنا شيئا قليلا كانت أمي تنتهي من شئون المنزل وتذهب
للصيد في نهر صغير بجوار منزلنا ، وكان عندها أمل أن أتناول سمكة قد
تساعدني على أن أتغذى وأنمو ، وفي مرة من المرات استطاعت بفضل
الله أن تصطاد سمكتين ، أسرعت إلى البيت وأعدت الغذاء ووضعت
السمكتين أمامي فبدأت أنا أتناول السمكة الأولى شيئا فشيئا ، وكانت أمي
تتناول ما يتبقى من اللحم حول العظام والشوك ، فاهتز قلبي لذلك ،

وضعت السمكة الأخرى أمامها لتأكلها ، فأعادتها أمامي فورا وقالت
يا ولدي تناول هذه السمكة أيضا ،
ألا تعرف أني لا أحب السمك وكانت هذه كذبتها الثانية

وعندما كبرت ! كان لابد أن ألتحق بالمدرسة ، ولم يكن معنا من المال
ما يكفي مصروفات الدراسة ، ذهبت أمي إلى السوق واتفقت مع موظف في أحد
محال الملابس أن تقوم هي بتسويق البضاعة بأن تدور على المنازل
وتعرض الملابس على السيدات ، وفي ليلة شتاء ممطرة ، تأخرت أمي في
العمل وكنت أنتظرها بالمنزل ، فخرجت أبحث عنها في الشوارع المجاورة ،
ووجدتها تحمل البضائع وتطرق أبواب البيوت ، فناديتها : أمي ، هيا نعود
إلى المنزل فالوقت متأخر والبرد شديد وبإمكانك أن تواصلي العمل في الصباح ،
فابتسمت أمي وقالت لي :
يا ولدي.. أنا لست مرهقة وكانت هذه كذبتها الثالثة

وفي يوم كان اختبار آخر العام بالمدرسة ، أصرت أمي على الذهاب معي ،
! ودخلت أنا ووقفت هي تنتظر خروجي في حرارة الشمس المحرقة ،
وعندما دق الجرس وانتهى الامتحان خرجت لها فاحتضنتني بقوة ودفء
وبشرتني بالتوفيق من الله تعالى ، ووجدت معها كوبا فيه مشروب كانت
قد اشترته لي كي أتناوله عند خروجي ، فشربته من شدة العطش حتى ارتويت ،
بالرغم من أن احتضان أمي لي : كان أكثر بردا وسلاما ، وفجأة نظرت
إلى وجهها فوجدت العرق يتصبب منه ، فأعطيتها الكوب على الفور وقلت لها
اشربي يا أمي ، فردت : يا ولدي اشرب أنت ،
أنا لست عطشانة وكانت هذه كذبتها الرابعة

وبعد وفاة أبي كان على أمي أن تعيش حياة الأم الأرملة الوحيدة ، وأصبحت
مسؤولية البيت تقع عليها! وحدها ، ويجب عليها أن توفر جميع الاحتياجات ،
فأصبحت الحياة أكثر تعقيدا وصرنا نعاني الجوع ، كان عمي رجلا طيبا
وكان يسكن بجانبنا ويرسل لنا ما نسد به جوعنا ، وعندما رأى الجيران
حالتنا تتدهور من سيء إلى أسوأ ، نصحوا أمي بأن تتزوج رجلا ينفق
علينا فهي لازالت صغيرة ، ولكن أمي رفضت الزواج قائلة
أنا لست بحاجة إلى الحب
وكانت هذه كذبتها الخامسة

وبعدما انتهيت من دراستي وتخرجت من الجامعة ، حصلت على وظيفة
إلى حد ما جيدة ، واعتقدت أن هذا هو الوقت المناسب لكي تستريح أمي
وتترك لي مسؤولية الإنفاق على المنزل ، وكانت في ذلك الوقت لم يعد
لديها من الصحة ما يعينها على أن تطوف بالمنازل ، فكانت تفرش فرش!
في السوق وتبيع الخضروات كل صباح ، فلما رفضت أن تترك العمل
خصصت لها جزءا من راتبي ، فرفضت أن تأخذه قائلة :
يا ولدي احتفظ بمالك ، إن معي من المال ما يكفيني
وكانت هذه كذبتها السادسة

وبجانب عملي واصلت دراستي كي أحصل على درجة الماجيستير ،
وبالفعل نجحت وارتفع راتبي ، ومنحتني الشركة الألمانية التي أعمل بها
الفرصة للعمل بالفرع الرئيس لها بألمانيا ، فشعرت بسعادة بالغة ،
وبدأت أحلم ببداية جديدة وحياة سعيدة ، وبعدما سافرت وهيأت الظروف ،

اتصلت بأمي أدعوها لكي تأتي للإقامة معي ، ولكنها لم تحب أن تضايقني
وقالت : يا ولدي ..! أنا لست معتادة على المعيشة المترفة ...
وكانت هذه كذبتها السابعة

كبرت أمي وأصبحت في سن الشيخوخة ، وأصابها مرض السرطان ،
وكان يجب أن يكون بجانبها من يمرضها ، ولكن ماذا أفعل فبيني وبين
أمي الحبيبة بلاد ، تركت كل شيء وذهبت لزيارتها في منزلنا ، فوجدتها
طريحة الفراش بعد إجراء العملية ، عندما رأتني حاولت أمي أن تبتسم لي
ولكن قلبي كان يحترق لأنها كانت هزيلة جدا وضعيفة ، ليست أمي
التي أعرفها ، انهمرت الدموع من عيني ولكن أمي حاولت أن تواسيني
فقالت : لا تبكي يا ولدي فأنا لا أشعر بالألم ...
وكانت هذه كذبتها الثامنة

وبعدما قالت لي ذلك ، أغلقت عينيها ، فلم تفتحهما بعدها أبدا ...

لكل من ينعم بوجود أمه في حياته
حافظ على هذه النعمة قبل أن تحزن على فقدانها

وإلى كل من فقد أمه الحبيبة :
تذكر دائما كم تعبت من أجلك ، وادع الله تعالى لها بالرحمة والمغفرة ..

أحبك يا أمــــــــــــــــــــــــــي
(وقل ربي ارحمهما كما ربياني صغيرا)
Post: #5158
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-24-2010, 10:43 AM
Parent: #5157

Quote: قصـة اعجبتني ---
ليس دائما ً تقول أمي الحقيقة
ثماني مرات ... كذبت أمي عليّ


مداخلة أعجبتني جداً

أعدت قراءتها عدة مرات

وتأثرت بها وأكتفيت بالقراءة وعدم المداخلة
Post: #5159
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-24-2010, 12:33 PM
Parent: #5158

ياسر نجيلة ...

الله يديك العافية ويديك رضاء والديك ...

حقيقي قصة جميلة وهي مثال لتفاني الوالدين وبالذات الأم في إرضاء أولادها ولو كان ذلك على حساب صحتها وعمرها كله ... عطاء بلا إنقطاع .. عطاء بلا حدود .. عطاء لا يعرف الملل .. عطاء بدون مقابل ...

ربي أرحمهما كما ربياني صغيرا ...
Post: #5160
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 06-24-2010, 01:55 PM
Parent: #5159

اجدع ناس .....

نهاركم سعيد...

سلام بالكوم ومشناقين .....

اخونا ياسر نجيلة لك الشكر والتقدير
والبادى ما قصر

Quote: حقيقي قصة جميلة وهي مثال لتفاني الوالدين وبالذات الأم في إرضاء أولادها ولو كان ذلك على حساب صحتها وعمرها كله ... عطاء بلا إنقطاع .. عطاء بلا حدود .. عطاء لا يعرف الملل .. عطاء بدون مقابل ...
Post: #5161
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-24-2010, 06:38 PM
Parent: #5160

سلام ,,, وحضور ....

مافي زول غير صديقي البادي سأل عن غيابي لذا لن أعتذر عن الغياب وسأتصل به بالتلفون لشكره ... وما عندكم معاي أي فاتحات ... ونبدأ من محل وقفتوا


وشكراً للرشيد بابكر الذي أتصل سائلاً عن غيابي ... يعني أحسن منك يا البادي .... وما وريتنا ود أختك الماسورة قبض كم من صلاح إدريس ... عايزين الحاضرة ما الشيكات .....
Post: #5162
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-24-2010, 06:52 PM
Parent: #5161

أبو الزوز أجدع تماسي...
تعتذر لي منو يا أبو الزوز...
الا تعمل نفسك مارشيلو ليبي و تعتذر للشعب الايطالي...
و الله يا أبو الزوز ياسر نجيلة مرشح الأوروجواي و البارجواي...ما عارف ليه...
أنا اتعاملت معاها على أساس انها نبوءة و ليست ترشيح فني...
و بيني و بينك ابتديت أحس انو شيخي ياسر نجيلة ده ما ساهل...
الاتنين ماشين زي الطلقة...
Post: #5163
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-24-2010, 06:56 PM
Parent: #5162

و تحية ليكم كلكم من الأخت نوال كمال...نشكر نوال على التواصل الجميل...\و بقول ليها...ما تطولي الغيبة...

Quote: السلام عليكم الاخ الرشيد:
تقبل سلامى لك ولاسرتك الكريمه. كم ارسل تحياتى عبركم لكل ناس الزقازيق من اعرفهم ولا اعرفهم الا عبر المنبر .
سلام خاص لسامبه اسماعيل وبسالها عن خدوج .
ولك منى خالص التحايا
نوال كمال بادى
الخرطوم الرياض
زراعه 1987
Post: #5164
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-24-2010, 07:04 PM
Parent: #5163

يا رشدي سلامات

كلام نجيلة بتاع زول خبير في كرة القدم وبيشوف المابيشوفوه الناس ... الفريقين مهولين وسيتقدموا كثيراً في البطولة وقد يكون حتي دور الأربعة ... لكن هنالك ثقافة البطولات قد يفتقدها الفريقان ... أرشح هولندا وأسبانيا للنهائي ... أو بصحيح العبارة أتمني الفريقين لكرتهما الحلوة والمهارات العالية خاصة وإن الحظ لم يحالفهما طيلة السنوات الطويلة السابقة ... رغم ما يتمعان به من مهارات علي مر السنوات .... خروج ايطاليا اليوم .. تأكيد علي أن الكرة التجارية في طريقها للذهاب لمزبلة التاريخ ... ونقول للألمان بلوا راسكم وخلوا علب البيرة يبقوا عشرة مليون ...
Post: #5165
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-25-2010, 11:56 AM
Parent: #5164

جمعتكم مباركة

المجد للذين يعبرون كل يوم...
بربع او نصف طايوق...أو بطايوق كامل...
و لأن القحة دايما أحسن من صمة الخشم...
نقول ليهم المرور بربع طايوق أحسن من عدم المرور...
أو المرور بدون طايوق...

أبو الزوز....ياسر نجيلة...
حتى الآن الطريق ممهد أمام الأوروجواي للوصول الى دور الأربعة...
أما البارجواي فهنالك بعض المطبات عليها أن تتجاوزها...
Post: #5166
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-25-2010, 04:50 PM
Parent: #5165

أخيرا البُطان كملوا امتحانات
نفسنا اتقطع ياخ
Post: #5167
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-25-2010, 09:04 PM
Parent: #5166

Quote: أخيرا البُطان كملوا امتحانات
نفسنا اتقطع ياخ


حمد الله على السلامة يا جبريلا...
ان شاء الله دي تكون بداية العودة....
و نرجو عودة الآخرين أيضا...

قاعد اتفرج في جيرانكم الأسبان مع شيلي...
مباراة لا بأس بها رغم أنها تعتبر مباراة مصيرية لأسبانيا...
Post: #5168
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-26-2010, 06:25 AM
Parent: #5167

صباح الهناء والسرور ...

عمو الزناتي فيك الخير برضو .. أنا عارف مشاكلك معاي ما حتخلص نهائي .. وحتى لو رشيد القوم ما ضرب ليك تلفون كنت حتشوف ليك أي حجة أو أي شماعة علشان تخلي في زول آخر أحسن مني .. يا أخي إنت ذاتك أحسن مني .. المعز قبض التلتين من المبلغ المحدد على حسب رواية والده وكان تعليقي يا حاج التلت لو الراجل الكعب داك ما دفعوا نحن بنعمل ليه كشف ...

رشيد القوم الله يديك العافية .. واصل كفاحك وخليك متواصل وما تنسانا من إستفزازاتك الصباحية عشان الجماعة الكبار ديل يقعوا في الواطة ناس منصور وشيخي جلا .. عليك الله بهدلم وخليهم يجمعوا هنا بي كلامهم الطاعم ...

محمد عيد وينو أكلو الدودو ... أو أكلوا كاريكا ...

جلال وينو .. بيعمل شوبنغ ...

سامي عبدالوهاب وينو .. إمكن في الصين ...

موسى عيسى وينو ... يتعبد .. مش قالوا العمل عبادة ...

وناس عثمان الخير وقيس جمال الدين وحاتم جبارة وحتى بكوري ودالمأذون وغيرهم .. نفتقدكم كثيرا أيها الأحباب .. فرمالة عصام دهب متابع ومستمتع دي ما بتقسم معانا .. القحة ولا صمة الخشم ...
Post: #5169
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-26-2010, 06:52 AM
Parent: #5168

صباح الخير ،،، يا وجوه الخير

أصبحنا وأصبح الملك لله رب العالمين،

اللهم إني أسالك خير هذا اليوم ،

فتحه ، ونصره ، ونوره وبركته ، وهداه ،

وأعوذ بك من شر ما فيه ، وشر ما بعده .
Post: #5170
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-26-2010, 07:31 AM
Parent: #5169

صباح الخير
يا وجوه الخير
والمحبة
Quote: أخيرا البُطان كملوا امتحانات
نفسنا اتقطع ياخ

يا أخوي نحن نفسنا إنقطع
ولي الليلة
بطانا ما خلصو الامتحانات
الرسول أدونا شوية نفس

الله يعدي الاسبوع ده على خير
تحياتي
Post: #5171
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-26-2010, 08:50 AM
Parent: #5170

صباحات الجمال على الناس الجميلة

Quote: الله يعدي الاسبوع ده على خير


آمين يا ود الشادى


شكرا لكل السائلين وكمان الما سائلين


Quote: محمد عيد وينو أكلو الدودو ... أو أكلوا كاريكا ...


البادى الجميل .. مشكور على السؤال رغم ما يدور فى باطنه ...

انت لسه فاكر .... ياااى شكلك محلى خاااالص ...

عقبال ما تيقى مونديالى .. وانشاء الله تكون اورغوانى او باراغوانى ...

حتـــما" ســنعود ..

Post: #5172
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-26-2010, 10:26 AM
Parent: #5171

صبحكم الله بالخير
عودة كل من كمال الشادي و محمد عيد شكلت نقلة نوعية لا شك في ذلك...و ما زلنا في انتظار المزيد...
الريس ما زال مواظبا...و ده دليل على ان الريس لم ينال لقب ريس بالكوسة...بل بالاستحقاق...

أسمع كلامك اسدأك...أشوف عمايلك...
رفعت نجاة حوفي شعار البيت أولا و البيت أخيرا...و فرضت علينا حظر السفر حتى و ان كان للسودان...
هذا الأمر لا أقول أنه صادف هوى في نفسي...و لكنه جاء متماشيا مع ظروف عمل استجدت أخيرا...
و لكنها ليها كم يوم كده و من شدة شوقها الى أمها بالتحديد يبدو أنها لا أقول تراجعت عن شعاراتها...
و لكنها ندمت عليها...
فلقد سمعتها صباح اليوم و هي تدندن بصوت عال...
و على طريقة أعنيك و أسمعي أيضا يا جارة...
تدندن بأمي الحبيبة الشوق غلب...
Post: #5173
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-26-2010, 10:49 AM
Parent: #5172

ان شاء الله عافيه كلكم...
جيت أسالمكم زي سلام صبرية..
لأنو زي سلام صبرية مافي...
و لو عايزين تعرفوا صبرية دي منو...
أهي دي صبرية...

حـمـتـا اطـراف الـفـيـافـى
شلتا صبحى وليلى حافى
مـا نـسـيـت ارد الـقـوافـى
زى طـعـم صـبريه مافى
زى عـشـم صـبـريـه مـافـى... زى نـغـم صبريه مافى
شـافعى من عربان بلدنا منها وفيها الـوداعــه
شتلة فى قيزان بلدنا قايمي بي إيده وضراعه
القديم الافحه طرقى زاهى فى روعة طباعه
البسـيمه الفى وجيها ياها من زمن الرضاعه
واقعى زى شمس العصارى فى العمر باقيهو ساعه
فى الـقـلـيب الشايله صافى
زى صفاء صبريه مافى
فى الـهـجـيـر راحـت تـدقـق
فى النهار الحار تورق
لـلـهـدوم بـالـيـل تلـتق
فى الجرف زارعاله حوضاً
راجـيه قـبل الحين يبتق
واليسالمه من بلدنا هى يوت
تـقـولـوا إن شاءالله عـافـى
وزى سلام صبريه مافى
Post: #5174
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-26-2010, 11:06 AM
Parent: #5173

Quote: زى صفاء صبريه مافى
فى الـهـجـيـر راحـت تـدقـق
فى النهار الحار تورق
لـلـهـدوم بـالـيـل تلـتق
فى الجرف زارعاله حوضاً
راجـيه قـبل الحين يبتق
واليسالمه من بلدنا هى يوت
تـقـولـوا إن شاءالله عـافـى
وزى سلام صبريه مافى

سلام زي سلام صبريه دا ...
غايتو شميت ريحة البلد عديل كدا ...
قال ليك ياشباب النجيضة على رأي ودالصايم ... كالآتي ...
عملنا الحجز والتربتك والذي منه عشان ناس جدة وناس السودان "الشقيق" ما يقولوا ما كلمناهم ...
21/7 المغادرة من ميناء جدة .... وبإذن واحد أحد الاجازة من يوم 15/07
يوم 16/07 ان شاء الله سوف نتوجه لمكة المكرمة لاداء العمرة ...
باقي الايامات دي فرض عين لى ناس جدة يلا ياريس ويا عبدالدائم ظبطوا البرنامج الكارب ...
والسمع يكلم الما سمع ...
-------
اها دا "عرضحال" الاجازة .... الرشيد رايك شنو؟
Post: #5175
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-26-2010, 11:20 AM
Parent: #5174

آآآآيك حتقعد معانا 5 آيام

عاوز البرنامج قبل العمرة ولا بعدها

والله يا جلال حتجى فى توقيت مناسب جدا" برنامجنا اصلا" حيكون فى الايام دى
احتفالا" بالقادمين من السودان نوال البلول و مغترب سرى

اها لو نازل بحديدة جديدة كلمنى عشان اجهز ليك سيديهات mp3 تسمع لحدى
تصل سـنار ، اما لو بقيت سايقلك دفــار ولا دينا كمان عندنا شوية عفش
نشحنو معاك ....
Post: #5176
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-26-2010, 11:30 AM
Parent: #5175

Quote: والله يا جلال حتجى فى توقيت مناسب جدا" برنامجنا اصلا" حيكون فى الايام دى
احتفالا" بالقادمين من السودان نوال البلول و مغترب سرى

ايوا ...
دا الكلام البخلي الزول ينطط زاتو ... جهز السيديهات عشان الزول يعمل بيها بزنس في السودان
وبعدين تعال هنا ناس ايبودات وناس سيديهات اشمعنا؟ وين العدل
غايتو ظبطت معاي ظبطة تمام عشان الزول يعلم الله مشتهي يلاقي سنيرنا الاستاذة نوال البلول دي
لكن مغتربك السري دا زمان عرفنا خبروا ... ويعلم الله كنت عاوزوا يكون بهناك لكن ماعندنا حظ ... نقول شنو
بس "نصفه الآخر" مابقصر وانت ماتفسر ... اكتر من كدة الحكاية بتنكشف.
Post: #5177
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-26-2010, 11:54 AM
Parent: #5176

Quote: اها دا "عرضحال" الاجازة .... الرشيد رايك شنو؟


جلال يا جلجل...
و الله اجازة مكربه...
ان شاء الله ربنا يحفظك و الأسرة و تقضوا اجازة جميلة...
و سلامنا لي ناس جده الفرازين ديل...
و أدعو لينا معاك في الطواف...
و سلامنا لكل الأهل في السودان...
سلام زي سلام صبرية...
Post: #5178
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-26-2010, 11:56 AM
Parent: #5176

يا جلة الايبود ما كتير عليك ، لكن انا خايف من ناس محمد الهادى
يقلعو منك ويقايضوك بمسجل ترانسستور
ده شغل ناس الدلالة ..... اعمل حساب العربية كمان .. ههه
Post: #5179
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-26-2010, 01:08 PM
Parent: #5178

Quote: 21/7 المغادرة من ميناء جدة .... وبإذن واحد أحد الاجازة من يوم 15/07
يوم 16/07 ان شاء الله سوف نتوجه لمكة المكرمة لاداء العمرة ...
باقي الايامات دي فرض عين لى ناس جدة يلا ياريس ويا عبدالدائم ظبطوا البرنامج الكارب ...
والسمع يكلم الما سمع ...


إجازة زي إجازة صبرية ما في !!!!!

في إنتظارك يا نور العين،،،،،،

ويهون ليك كل قاسي ،،،،،

ونصبح التماسي،،،،،

======================

محمد عيد والله مشتاقين عديل كدي

وزي ما قال الشادي آخر يوم أمتحان الأربعاء

وبنكون مطلوقين في رحاب جدة.
Post: #5180
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-26-2010, 01:24 PM
Parent: #5179

Quote: محمد عيد والله مشتاقين عديل كدي

اها الفارة دا "الي هو انا يعني" قام دقس عديل كدا ونسى محمد عيد ...
انت عوير "الى هو انا" نسيت الثاوث مول اي بود شنو وسي دي شنو ...
ايام التخفيضات يامعلم "وصيف جدة غير" ومدير المول "حقنا" في زول عندو كلام تاني
وياجلا ... اجيب ليك معاي شنو من المول "كتر من الملح يامعلم"
Post: #5181
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-26-2010, 02:43 PM
Parent: #5180

Quote: مغترب سرى


انا غايتو عارفه منو
ولساني حارقني شديد


يا جلال رحلة سعيدة ياخي
اخوك حموهو الاجازة وقطعوها ليهو في حنانو


ود الشادي ياخي والله الامتحانات دي اسوأ اقتراح في الكون بعد الطيارة
Post: #5182
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-26-2010, 05:00 PM
Parent: #5181

اولا أسالمكم زي سلام صبرية
بعد نجيضة الأخ جلال بالسفر
قد تأكد أيضا سفر الأخ/ عصام جلي وأحمد إسماعيل
وحيث أن المذكورين يعملان كمحاسبين ليس هناك نجيضة
لجدولة سفريهما وأيضا الإجازة لا تزيد عن شهر لذا نرجو
أن تدونا فاتحتنا بقصد خاطركم
وتقولوا إن شاء الله عافى
وزي سلام صبرية مافي
(بعد إذنك يارشيد القوم ، إحتراما لحق الملكية الفكرية)

حكاية المغترب السري دي ماتكون عملية ( ون تو مع الحاج السري )
Post: #5183
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 06-26-2010, 06:45 PM
Parent: #5182

سلام يا حلوين ....

اليوم أمتحنت لغة عربية للأغراض الصحفية .... ويبدو بأني سأكرر الرسوب والظاهر عليها حا تبقي لي زي قصة أمين السمين مع الإدارية ... بالله ما ألقي لي استاذ بتاع عربي فيكم يا ناس الزقازيق ....
Post: #5184
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-26-2010, 06:59 PM
Parent: #5183

Quote: اليوم أمتحنت لغة عربية للأغراض الصحفية .... ويبدو بأني سأكرر الرسوب والظاهر عليها حا تبقي لي زي قصة أمين السمين مع الإدارية ... بالله ما ألقي لي استاذ بتاع عربي فيكم يا ناس الزقازيق ....


و الله يا أبو الزوز امتحان العربي بتاعك ده زي امتحان رخصة القيادة هنا في الامارات...
حتى أنه يتداول هنا ان الحصول على الدكتوراة أسهل من الحصول على رخصة قيادة في الامارات...
فيحكى أن...
في ولد سوداني أصحابه كلهم بيسالوه ليه انت أبوك ما عندو عربية...
يقول ليهم عشان ما عندو رخصة...
فيقومو يضحكوا فيه...
فرجع البيت زعلان و قال لي أبوهو...انت عندك امتحان رخصة بتين يا بابا...
قال ليهو بكرة ان شاء الله يا ولدي...
بكرة الوالد جاء راجع من امتحان الرخصة و دق جرس الشقة...
الولد فتح الباب فتحة صغيرة كده و طلع بس راسه بره...
قال لي أبوهو كان ما نجحت في الرخصة يا بابا ما حأخليك تدخل...

فحسه حقو انت حنا يعمل معاك كده عشان تنجح المرة الجاية...
و الا ما يدخلوك البيت...
Post: #5185
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-26-2010, 07:12 PM
Parent: #5184

Quote: قد تأكد أيضا سفر الأخ/ عصام جلي وأحمد إسماعيل
وحيث أن المذكورين يعملان كمحاسبين ليس هناك نجيضة
لجدولة سفريهما وأيضا الإجازة لا تزيد عن شهر لذا نرجو
أن تدونا فاتحتنا بقصد خاطركم
وتقولوا إن شاء الله عافى
وزي سلام صبرية مافي
(بعد إذنك يارشيد القوم ، إحتراما لحق الملكية الفكرية)


أبو عمر القابض على جمر البوست...
ما شاء الله السودان عامر الصيفية دي...
أرجو ان يتسنى لكم الوقت و تلتقوا بزقازيقي الداخل و تتحفونا بالصور الجميلة...

صبرية دي أغنية محمد النصري من كلمات الأستاذ خالد شقوري...
أعجبتني كلماتها مع ألحان العبقري النصري...
Post: #5186
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-26-2010, 07:53 PM
Parent: #5185

سلامات يا ناس

ومساءات التفاؤل

لناس صبرية ...والماشين اجازات ...والبطانم خلصوا الامتحانات واللسة منتظرينها تخلص

والجميع..اليكم حسن طلب..من القصيدة البنفسجية...

إهداء خاص لمحمد عيد..(عل هذا الإهداء يأتى به مكبلاً بالكلام الطاعم)

أشارت نحو المرج وقالت:
إن شئتَ قصصتُ عليك تباريحَ الوردة...

أو أنبأتُكَ عن ورعِ الحِنْطَة

قلتُ أشاء

فانضبطتْ فوق العشبِ

وما إن أدرى إلا أن قد تركتْ

دائرةً زرقاء

على مرمى البصرِ

وخلَّفَتِ المرج يتيماً

قلتُ: فيا للبُرحَاء!

وهتفتُ:خُذِينى

أن يا طارئةً أطلقت الدهشة

فى أوردتى

أى أسَرَتْنى

قالت: فاصبر حتى تنتصف الوحشة

واعبر من نسقِ الأسماء

إلى فوضى الأشياء

ما إن أدرى :هل سكتت

أم هل همست:

سيكون لقاء.

( عربون عودة بطايوق كامل الدسم)
Post: #5187
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-27-2010, 05:27 AM
Parent: #5186

أصبحنا و أصبح الملك لله ، و الحمد لله ، لا إله إلا الله وحده لا شريك له ، له الملك و له الحمد وهو على كل شئ قدير ، رب أسألك خير ما في هذا اليوم و خير ما بعده ، و أعوذ بك من شر ما في هذا اليوم و شر ما بعده ، رب أعوذ بك من الكسل ، و سوء الكبر ، رب أعوذ بك من عذاب في النار و عذاب في القبر ".
Post: #5188
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-27-2010, 05:59 AM
Parent: #5187

في سنة 85 كنت أنوي السفر الى الكويت لزيارة خالي بعد نهاية العام الدراسي...
و نسبة لتأخر التأشيرة اضطررت للبقاء بالزقازيق لفترة بعد نهاية الدراسة في انتظارها...
سافر كل الأحباب...منصور الى السعودية...و رفعت الى الاسكندرية و كذلك حماده...
و كان أول و آخر عيد أحضره بالزقازيق...
قضيت يوم الوقفه و صباح يوم العيد في الاسكندرية مع أخي و صديقي رفعت نورالدين...
و أفطرت فطور العيد مع عمي الراحل د. أحمد السيد حمد بالقاهرة...
ثم مساء نفس اليوم الى الزقازيق....
كانت الشقة موحشة جدا بعد سفر الجميع...
و لكن وجود أخي و صديقي العزيز كمال أحمد عبد الباري الشهير بكيمو...
و شريط لوردي به أغنية الود للشاعر العملاق عمر الطيب الدوش...
خففا كثيرا من وحشة الشقة و الزقازيق عموما...

لذلك أهديكم هذا الصباح..كلمات أغنية الود...
هذه الأإنية مهداة لكم جميعا...


الود
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب

أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ
Post: #5189
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 06-27-2010, 06:06 AM
Parent: #5188

أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ

احبكم وكدا..
Post: #5190
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-27-2010, 06:52 AM
Parent: #5189

صباح الهناء والسرور ... صباح زي صباح صبرية ...

ما شاء الله تبارك الله ... حضور ميمون ومبارك للحلوين الغايبين ليهم فترة وليهم مننا كل الشوق والحنين ... وين حيدر حنين الحنين ...

جلال عثمان الله يوصلك بالسلامة وإنشاء الله تستمتع بإجازة حلوة وجميلة ...

ود جبيرن حمدا لله علي سلامة البطان وإنشاء الله بالنجاح الباهر .. وعقبال ما نشوفك في السودان الشقيق عبر أمريكا ...

جنابو الليلة ظهر ومتعنا بالكلام الطاعم .. إنت يا جنابو في إنتخابات تاني ؟؟ طيب إنتو مشغولين في شنو ؟؟؟

المغترب السري الله يكون في عونه ... قالوا في جنوبي دخل الإسلام جديد وكان شهر رمضان باقي ليه شهر .. قام الحلفاوي قال ليهم يا جماعة الزول دا عارف إنه رمضان بعد شهر ؟؟ .. ياأخواننا المغترب السري دا شكله كدا أول مرة يغترب وأول مرة يخرج من السودان بعد العودة من الزقازيق .. دحين يا جماعة المغتربين الزول دا أبقوا عليهو عشرة وفهموهوا فنون التعامل مع الكفيل وعلموهو فنون قهر الدبرسة والحنين للوطن والأولاد وعلموهو كيف يتجاوز الأرق وينوم غرير العين .. وخلوهوا يعرف إنه أول عشرة سنة في الغربة دائما صعبة !!!

حاتم جبارة بشحمه ولحمه وبالباندا المفقودة .. يا أخي السودان ظروفه صعبة !!!

محمد عيد .. والعود أحمد .. نحن ما شغالين لا بالمحلي ولا بالمونديال .. نحن عايزنك تكون معانا وما تكون مع الخيانة ...

عصام جلي وأحمد إسماعيل نتمنى لكم إجازة جميلة في أحضان الأهل .. وخلونا نشوفكم بي جكة أو من غير ...

رشيد القوم لك كل الود .. ولك سلام أحلى من سلام صبرية ... المقدمة للكلمات كانت بديعة .. والحالة النفسية التي كانت متلبساك آنذاك أعطت الكلمات بعد ثالث ... بعد شوية حيجي منصور طاير وحيزتفز مشاعرنا بكلامه الطاعم .. ممكن تكون ما عندو في الآي بود الديداوي .. أهلا بيك يا المنصور وأهلا بي كلامك الطاعم ...

الحاج الألفة جلا كراس الغياب بتاعك دا بلو وأشرب مويته الجماعة حضروا ووقعوا على دفتر الحضور وبشهادة جنابو ... وإنت لسه نائم في العسل أو في دامر المجذوب ...

صباح اليوم في الخرطوم لقينا آثار مطرة ليلية خفيفة .. وزي ما بقولوا الخير على أقدام الواردين .. ناس جلال وعصام وأحمد بس حددوا إجازتهم طوالي الدنيا أمطرت .. ديل لما يصلوا حيعملوا فياضان عديل ...
Post: #5191
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-27-2010, 07:05 AM
Parent: #5189

عارف يا الرشيد من يوم شقي الحال الاسمو طارق جبريل
كتب خاطرة ( حموني الاجازي )
وانا عندي حساسية تجاه أي كتابات عاطفية
والله بتحمل شحنة بتاعة مشاعر
اول ما اشم ريحة غربة وبدايات جعير وكده بزوغ طوالي
بصراحة كلامك كويس إنو إنتهى بالاغنية
لانو شوية
والقصة كانت راح تجيب ليها جرسة
كلمات الاغنية اكتر من رائعة
وتستغرب إنها كتوبة قبل أكثر من ثلاثين سنة
وملحنة اللحن الرائع داك قبل كل الزمن الطويل ده

اقسم بالله العظيم لو محمد وردي ده كان لبناني والله مصري
كان عرفو يختوهو فوق راس أي زول لافي في الدنيا
وكان عرفو يمجدوهو وكان أدهو لقب كبيييييييييييير
على وزن
كوكب الشرق
سيدة الشاشة العربية
وأمير الشعراء
وهلم جرا
ونحنا ماعارفين قدرو لحدي هسه

عارف الرشدي مرة كنت في اديس ابابا
صديق اثيوبي اصر يوريني قاعة إحتفالات راقية جدا في أرقي احياء اديس
وحكي لي قصة إفتتاحها
قالي إنو كان في مؤتمر بتاع افارقه كبير جدا في المدينة
والبشير حقنا كان حاضرو
الرئيس الاثيوبي ساعة إفتتاح القاعة وبحضور عدد من الرؤساء الافارقة اصر
إنو يفتتحها محمد وردي
وقال إنو ده راجل أثر في وجدان كل الاثيوبيين
تصور

يا أخي محمد وردي
وآخرين طبعا
هم اللي شكلو
على الاقل
وجدان كل السودانيين الحايمين الليله دي
في كل اركان الكرة الارضية
تحياتي
وشكرا للغنية الرائعة
Post: #5192
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-27-2010, 07:56 AM
Parent: #5191

صباح الخير ،،، يا وجوه الخير

أصحبنا وأصبح الملك لله ،،، وحده

أهديكم عظمة وهيبة وقوة الوضوء قبل الصلاة :

يقول رسول الله صلى الله عليه وسلم :
إذا توضأ المسلم فغسل وجهه :
خرج من وجهه كل خطيئة نظر إليها بعينيه مع آخر قطر الماء..
فإذا غسل يديه : خرج من يديه كل خطيئة بطشتها يداه ..
فإذا مسح رجليه : خرجت كل خطيئة مشتها رجلاه ... حتى يخرج نقياً من الذنوب

بالله ألم يسهل الله لكم دخول الجنة ،،، لنتوضاً قبل كل صلاة وعند الخروج
من المنزل وقبل النوم.
Post: #5193
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-27-2010, 09:19 AM
Parent: #5192

صباحات مترعة بالجمال ...
ما بين تباشير الترحيب بمقدم جلــة واحمد اسماعيل وجلى والتى استحالت نقناقة ليلية منعشة .. أيقظت شجون حبيبنا البادى ...
وما بين ظهور الكوتش الطاعم بألقه الممزوج بطعم البنفسج
وما بين اطلالة حبيبة مفرحة اشاع منها فجرا جميلا حبيبنا ود جبارة ..
وكل ذلك وسط تمايل وانسجام رشا الجميل وود الشادى شادينا ..
على انغام الود ... أرقى واعذب الألحان السودانية على مــر الزمان

هنا لا يسعنى الا مجادعة الكوتش الرقيق .. وأقول ..

أيتها اللغة
كفى عن اللهو بأنصاف الكئووس الفارغة
واخرجينى من فسيفسائك المراوغة

حفظك الله لنا ايها الجميل محمد صديق ...
فكل حرف تلمسه بشفافيتك يتحول الى جمال يغوص فى النفس
ويبدد ما بها من مآلات ...
Post: #5194
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-27-2010, 09:32 AM
Parent: #5192

Quote: و الله يا أبو الزوز ياسر نجيلة مرشح الأوروجواي و البارجواي...ما عارف ليه...
أنا اتعاملت معاها على أساس انها نبوءة و ليست ترشيح فني...
و بيني و بينك ابتديت أحس انو شيخي ياسر نجيلة ده ما ساهل...
الاتنين ماشين زي الطلقة...


حبيبنا رشيد القوم ...
قبل الأوروجواي و البارجواي ... ماتنسي الفرق الافريقية
بندعم بشدة وقوة ... غانا .... وان شاء الله تعملها حين نالت كأس الشباب 2009م بمصر ... وتفوقها التاريخي على البرازيل
وحزين لتساقط الفرق الافريقية في الدورة الاولي بالرغم من أداؤهم البطولي في الدورة ...
وحزين جدا لتقابل غانا و الأوروجواي في دوري الثمانية ... يعني الفيفا حاسداني وخلت فريقين بشجهم ... يضربو بعض ...

الحبيبان رشيد القوم وزهير الزناتي ... صدقوني مانبوءة ... ولكن بعد مشاهدتي للمباريات الاولي للفرق الكبيرة ... حسيت انو الأوروجواي و البارجواي يعزفون موسيقي مش كورة ... واسروني ... بتجانس وقوة اداءهم ... الذي فقدته كثير من الاسامي الكبيرة ...


========================================================================================
شكر خاص للريس ميسرة والبادي النور ومشاعر بدوي ... للاشادة بقصة تضحيات الام ... والتي قد تكون لاتحصي وتعد ... وكثير منا لايحسها ...
لانها ... تعمل ذلك بتفاني عجيب دون ان تحسسك بذلك ...
ناس الاجازة تمشو وتجو بالسلامة جلال عثمان أحمد اسماعيل عصام جلي ... و عقبال ود جبريل ...
ورشيد القوم الشقة الحجزها عمر نملة قرب الشاطئ يعمل فيها شنو ...
Post: #5195
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-27-2010, 10:08 AM
Parent: #5194

سلام يا أهلنا
ربنا يكتب سلامة المسافرين
Post: #5196
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-27-2010, 11:22 AM
Parent: #5195

السلام عليكم ...
خالص التعازي القلبية الصادقة للزميلة الدكتورة حنان علي عبدالرحمن في وفاة شقيقها عبدالرحمن
نسأل الله ان يتقبله القبول الحسن وان يتغمده برحمته ومغفرته ويجعله في الدرجات العلى من الجنة.
إنا لله وإنا إليه راجعون
خالص التعازي نسوقها ايضاً للاخ محمد عثمان "حاج الركز" حيث ان المرحوم هو ابن خاله
والتعازي موصولة لكل افراد الاسرة الكريمة
Post: #5197
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-27-2010, 11:38 AM
Parent: #5196

خالص التعازى للاخت حنان على عبدالرحمن فى وفاة شقيقها
وللاخ محمد عثمان والاسرة الكريمة


انا لله وانا اليه راجعون
Post: #5198
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-27-2010, 11:42 AM
Parent: #5196

التعازي الصادقة للزميلة الدكتورة حنان علي عبدالرحمن في وفاة شقيقها عبدالرحمن
نسأل الله ان يتقبله القبول الحسن وان يتغمده برحمته ومغفرته ويجعله في الدرجات العلى من الجنة.
والعزاء موصول ايضاً للاخ محمد عثمان "حاج الركز" ولكل افراد الاسرة الكريمة
انا لله وانا اليه راجعون ....
Post: #5199
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-27-2010, 11:44 AM
Parent: #5196

" ولنبلونكم بشىء من الخوف والجوع ونقص من الأموال والأنفس والثمرات وبشر الصابرين

الذين اذا اصابتهم مصيبة قالوا انا لله وانا اليه راجعون " صدق الله العظيم


التعازى الحارة أسوقها لاختنا وزميلتنا الدكتورة حنان على فى فقدها الجلل

ونسأل الله جلت قدرته ان بشمل الفقيد بواسع رحمته ومغفرته وان يجعله فى عليين

مع الصديقين والصالحين .

والتعازى موصولة للأخ / محمد عثمان عبد الرحيم وفاروق واخوتهم والاسرة جمعاء

وانا لله وانا اليه راجعون
Post: #5200
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-27-2010, 11:52 AM
Parent: #5199

خالص التعازى للاخت حنان على عبدالرحمن فى وفاة شقيقها
وللاخ محمد عثمان والاسرة الكريمة


انا لله وانا اليه راجعون
Post: #5201
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-27-2010, 12:08 PM
Parent: #5200

صادق التعازي للأخت الزميلة الدكتورة حنان علي عبدالرحمن في وفاة شقيقها ...
والعزاء موصول ايضاً للاخ محمد عثمان "حاج الركز" ...
نسأل الله ان يتقبله القبول الحسن وان يتغمده برحمته ومغفرته ويجعله في الدرجات العلى من الجنة...
انا لله وانا اليه راجعون ....
Post: #5202
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-27-2010, 12:22 PM
Parent: #5201

خالص التعازى للاخت حنان على عبدالرحمن فى وفاة شقيقها
وللاخ محمد عثمان والاسرة الكريمة


انا لله وانا اليه راجعون
Post: #5203
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 06-27-2010, 02:18 PM
Parent: #5202

صادق التعازي للأخت الزميلة الدكتورة حنان علي عبدالرحمن في وفاة شقيقها ...
والعزاء موصول ايضاً للاخ محمد عثمان "حاج الركز" ...
نسأل الله ان يتقبله القبول الحسن وان يتغمده برحمته ومغفرته ويجعله في الدرجات العلى من الجنة...
انا لله وانا اليه راجعون ....
Post: #5204
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-27-2010, 03:20 PM
Parent: #5203

التعازي للأخت حنان علي في وفاة شقيقها

وللأخ/ محمد عثمان كامل العزاء

تغمد الله الفقيد بواسع رحمته

وألهم أهله وذويه الصبر والسلوان

إنا لله وإنا إليه راجعون.
Post: #5205
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-28-2010, 05:20 AM
Parent: #5204

اللهم أني أصبحت أشهدك وأشهد حملة عرشك وملائكنك وجميع خلق بأنك أنت الله آله الا أنت وحدك لاشريك لك وأن محمدآ عبدك ورسولك
Post: #5206
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-28-2010, 05:52 AM
Parent: #5205

عصفوران جميلان بمكالمة واحدة
أمبارح و بعد الظهيرة بقليل أحسست انني بحاجه الى التنفيس قليلا بعد ضغط عمل متواصل منذ الصباح...
فخرجت من مكتبي و ركبت عربيتي و تحركت دون أن أحدد وجهتي...
ثم أمسكت بموبايلي و بحثت عن رقم محمد المرتضى و اتصلت عليه...
رغم ضغط الحياة العنيف عليه الا أنه دائم الابتسام...
و كان من حسن حظي أيضا أن وجدت معه الأخ و الصديق العزيز دز معاوية يحي...
و كان أول تعليق أطلقته له...انت البخليك تباري محمد المرتضى ده شنو...
لقد نفسوا عني و حلقوا بي في فضاءات ندية...
و أهديهما هذا الصباح...

نفسك ابية وروحك خفيفة وليك جاذبية
ليك جازبية وروح من رقة النسام
ماخوذة من انفاس السوسن البسام
سمت بى اشواقى من عالم الاجسام
للعالم الروحى
حيث الجمال يوحى
روائع الالهام
ياكوكبى السارى
نورك يزيد نارى
انا الذى اهديتك كل اشعارى
وسبحت بى معانى جمالك اوتارى
وهبت ليك باقات من روضة اشعارى
تعال نهار وليل شوف العلى جارى
او اسال النجم حولك عن اخبارى
Post: #5207
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 06-28-2010, 06:16 AM
Parent: #5206

صادق التعازي للأخت الزميلة الدكتورة حنان علي عبدالرحمن في وفاة شقيقها ...
وللاخ محمد عثمان "حاج الركز" ...
نسأل الله ان يتغمده برحمته ومغفرته
انا لله وانا اليه راجعون ....
Post: #5208
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-28-2010, 06:17 AM
Parent: #5206

صباح الهناء والسرور ...

الريس ميسرة قلبها كعادته .. يجي الريس في آخر الدقائق ويقلبها ودي حرفنة الرؤساء ...

رشيد القوم وردية الصباح عندك .. بالله خليك دائما مبكر .. هي بالتأكيد تنفيس ليك ومتعة كبيرة جدا لينا كلنا المتواجدين والمتواقين ومستمتعين .. الله يديك الصحة والعافية .. وكتر لينا من الآهات ... قالوا في واحد بحب غنا كمال ترباس جدا وفي حفلة من حفلاته قال ليهو يا أستاذ بالله عليك سمعنا أغنية تعبت وكتر من الأهات !!....
Post: #5209
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-28-2010, 06:24 AM
Parent: #5208

خالص التعازى للاخت حنان على عبدالرحمن فى وفاة شقيقها
وللاخ محمد عثمان والاسرة الكريمة


انا لله وانا اليه راجعون
Post: #5210
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-28-2010, 06:27 AM
Parent: #5209

لعلم الجميع
أنا غائب و على كيفي
بس منتظر تلفون من زول كدا
إذا ضرب لي ...بكون معاكم
إذا ما ضرب لي ...بجليهو و أجلي حنانو زاتوو
لعلمكم الزول دا لا طارق جبريل و لا حاجة
Post: #5211
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-28-2010, 06:52 AM
Parent: #5210

الحاج جلا .. المحترم

يا ود أمي إنت بقيت بتاع مشاكل .. تغيب وتجي علي كيفك .. ويوم ما تطل علينا نلاقيك شايل عكازك الكبير دا وكل مرة شكلة مع زول .. يا وأخوي روق وأحلى ..أكيد السفر الكتير دا خلاك تشاكل ضلك .. إنت قايل الحوش دا فوضى وما فيه عسكري ؟ يا أخوي البلد أمان وجنابو الأيام دي لافي بي جاي أعمل حسابك ما يودوك العدالة الناجزة ... علشان كدا نحن شلنا منك منصب الألفة وجردناك من الشريطين اللي إنت لابسهم ومجننا بيهم .. حتى دفتر الغياب ما عايزنه الجماعة أولادهم خلصوا إمتحانات وكأس العالم باقي ليه كم يوم كدا ويخلص وتاني ما عندهم غير حوشنا دا وإمكن نعمل الدخول بإشتراك لكن ما حنديك التحصيل ...
Post: #5212
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-28-2010, 07:10 AM
Parent: #5210

صباح الخير ،،، يا وجوه الخير

أصبحنا وأصبح الملك لله وحده ،،،

هدية الصباح :-

تخيلوا ..

من قال : أشهد أن لاإله إلا الله وأشهد أن محمداً عبده ورسوله ..
اللهم اجعلني من التوابين وا جعلني من المتطهرين ...

من قال هذا الدعاء تفتح له أبواب الجنة جميعها
Post: #5214
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 06-28-2010, 07:23 AM
Parent: #5212

في زمن مضى كان الـبابوات ( جمع بابا ) في الكنيسة - يبيعون للناس أراضي في الجنه !!!
وكانت أسعارها غالية جداً، ورغم غلائها إلا أن الناس مقبلون عليها بشكل كبير جدا،

فـكان الشخص بشراءه أرضاً في الجنة يضمن دخوله الجنة مهما فعل من معاصي في الدنيا،

ويأخذ الشخص صكاً ( عقداً ) مكتوب فيه أسمه وانه يملك أرضاً في الجنة،

كان ربح الكنيسة من هذه المبيعات عالياً جداً جداً،

ولكن في يوم من الأيام جاء أحد اليهود للبابا وقال له:

" أريد شراء النار كاملة "

!!!!!!!!!!!!!!!!!!!!!!!!!!!!!!!!!!!!!!!!

فتعجب البابا من أمر هذا اليهودي وإجتمع مسؤولوا الكنيسة كاملة وقرروا بينهم القرار التالي:

أراضي النار أراضٍ كاسدةٌ خاسرة، ولن يأتينا غبي أخر غير هذا الغبي ويشتريها منا، إذا سنبيعها له بثمن عالي ونتخلص منها!!!

وقرر الـبابا أن يبيع له النار وأشترى اليهودي النار كاملةً من الكنيسة واخذ عليها صكاً (عقداً) مكتوب فيه

أنه أشترى النار كاملة!!!

وبعدها خرج اليهودي للناس جميعاً وقال لهم أنه إشترى النار كاملةً ورأى الجميع العقد المكتوب فيه ذلك وقال لهم:

" إن كنت قد إشتريت النار كاملة فهي ملكي وقد أغلقتها ولن يدخلها أي أحد،

فـما حاجتكم لـشراء أراضي في الجنة وقد ضمنتم عدم دخول النار لأني أغلقتها؟"

وعندها لم يشتري أي شخص أرضاً في الجنة لأنه ضمن عدم دخول النار،

وعندها بدأت الكنيسة تخسر أموال تلك التجارة ولم تعد تدر لها شئيا

وعندها عادت الكنيسه وطلبت شراء النار من هذا اليهودي ، فقام ببيعها بـأضعاف أضعاف سعرها الأصلي !!!


======================================
Post: #5213
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-28-2010, 07:18 AM
Parent: #5210

Quote: ورشيد القوم الشقة الحجزها عمر نملة قرب الشاطئ يعمل فيها شنو ...


ياسر نجيلة....الظاهر علي حأجرها بالباطن..

بتعرف ناس ماشين بلجيكا نأجرها ليهم؟؟
أنا غايتو بعرف اتنين عندهم نية...
Post: #5215
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-28-2010, 07:40 AM
Parent: #5213

Quote: لعلم الجميع
أنا غائب و على كيفي
بس منتظر تلفون من زول كدا
إذا ضرب لي ...بكون معاكم
إذا ما ضرب لي ...بجليهو و أجلي حنانو زاتوو
لعلمكم الزول دا لا طارق جبريل و لا حاجة


يا موسى عيسى...الزول ده ما قال الروب...
حن عليهو و أضرب ليهو تلفون...
غيري أنا و أنت مافي زول تاني بيضرب ليهو....
و أنا ما فاضي الأيام دي....
ممكن تقوم بالمهمة دي نيابة عني...ينوبك ثواب...

بعدين الراجل من شدة معزتو لينا عامل لينا نغمات خاصة في الموبايل...
لما انت تتصل يا موس ى النغمة...ناس معزتنا ما بنريد غيرهم رحلوا خلونا حليلهم...
و لما أنا أتصل النغمة...تجي و لا نجي بمطار أبو ظبي...
شفت المعزة دي كيف...
Post: #5216
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 06-28-2010, 09:10 AM
Parent: #5215

خالص العزاء للأخت حنان علي عبد الرحمن في وفاة شقيقها
وللأخ محمد عثمان في وفاة بن خاله
ربنا يتغمد الفقيد بواسع رحمته وعظيم مغفرته
وإنا لله وإنا إليه راجعون
Post: #5217
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 06-28-2010, 10:50 AM
Parent: #5216

صادق التعازي للأخت الدكتورة حنان علي
والأخ محمد عثمان
وكل أفراد الأسرة
في مصابهم الجلل


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #5218
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-28-2010, 11:57 AM
Parent: #5217

الاخوة/ات الاعزاء
دكتورة حنان علي بالسودان لتلقي العزاء في وفاة شقيقها
ولتقديم واجب العزاء تلفون شقيقتها فاطمة
00249903564845
Post: #5219
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-28-2010, 12:13 PM
Parent: #5218

الأعزاء الأحباب ...

وصلتنى هذه الرسالة عبر الايميل .. ولأهميتها اعيد نشرها عليكم

انا أذكر جيدا الاخ فيصل واعتقد انه دفعة اخونا عبد القادر بابكر ( قدورة )

وأكيد الرشيد ومنصور يذكرونه .. اعتقد انه كان يطلق عليه لقب فيصل كولا

او فيصل ليبيا او ما يشابه ذلك ... فليصححنى من يعرف أكثر ... ايضا معروف انه يسكن الصحافة

مربع 27 يعنى قريب من ناس منصور وجمال السنوسى واحمد عوض

عموما النداء موجه للجميع وخصوصا قاطنى جنوب المملكة للادلاء بأى معلومات عنه

ونسأل الله ان يعيده لأهله وان يكون سالما غانما


Quote: الأخ / محمد عيد
تحيه طيبه
انا محمد هاشم ، سوداني مقيم في السعوديه. انا بسأل عن احد خريجي الزقازيق في الثمانينيات. هذا الشخص ذهب الي السعوديه سنه 1995 عمرة. وانقطعت المعلومات عنه. اذا امكن المساعدة في الموضوع.

الاسم / فيصل محمد الحسن
السكن / الخرطوم – الصحافه مربع 27.
اخوانه : صلاح محمد الحسن ، عصام محمد الحسن ، نصرالدين محمد الحسن.
الدراسه: كليه الزراعه.
سنه التخرج : في الثمانينيات.

هو ابن عمتي، وحاولنا البحث عن معلومات عنه ولم نجد طريق. اخر معلومات عنه كان موجود في خميس مشيط وبعدها انقطعت اخباره.
ليس لدي صلاحيه الدخول لسودانيزاونلاين. لذلك اطلب منك المساعدة اذا امكن. وتقبل تحياتي
للتواصل تلفون 00966507431477 محمد هاشم – الرياض – المملكة العربية السعودية
Post: #5220
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-28-2010, 01:23 PM
Parent: #5219

فيصل محمد الحسن ده جارى يا محمد عيد

وانا اتصلت بمحمد هاشم وحنواصل البحث عنو انشاء الله
Post: #5221
Title: Re: ناس الزقازيق ... أجدع ناس ( 3 ) ..
Author: عصام دهب
Date: 06-28-2010, 01:39 PM
Parent: #5220

سلام و تحية لأجدع ناس و لكل الأصدقاء الأفاضل ..

و صادق آيات التعازي و المواساة لزميلتنا الفاضلة د. حنان علي عبدالرحمن في وفاة شقيقها ...
وللاخ الفاضل / محمد عثمان حاج الركز في وفاة إبن خاله ..
و أسال الله تعالى أن يرحم الفقيدو يغفر له و يتقبله حسن القبول و يدخله فسيح الجنان ويلهم أهله و ذويه الصبر الجميل ..

ـ
Post: #5222
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-28-2010, 02:05 PM
Parent: #5221

محمد عيد وعبدالدائم بالله قلبوا الصور القديمة امكن تلقوا صورة لي فيصل
وهي بالتأكيد سوف تسهم في انعاش ذاكرتنا كلنا وبالتالي نساعد في البحث
عن زميلنا فيصل رد الله غربته وطمأننا وأهله عليه...
ياجامع... يارقيب ...
Post: #5223
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-28-2010, 04:02 PM
Parent: #5222

جلال .. مشكور على قوة الدفع

قلبت فى صفحات منبر مربع كاى بتاع الرشيد

ولقيت الصورة دى كان منزلها قدورة .. رغم عدم وضوحها

لكنها قد تسهم بعض الشىء فى مساعنا النبيل

612.jpg Hosting at Sudaneseonline.com

فيصل الثالث جلوسا بالقميص الغامق

sudansudansudansudansudan331.jpg Hosting at Sudaneseonline.com


وهنا الصورة مقـرّبة للعزيز فيصل محمد الحسن رد الله غربته
Post: #5224
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-28-2010, 04:20 PM
Parent: #5223

ربنا يجمع فيصل بأهله وأحبابه
Post: #5225
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 06:02 AM
Parent: #5224

اللهم إني أســألك الـعافية في الدنـيا والآخـرة. اللهم إني أسألك العفو والعافية في ديني ودنياي وأهلي ومالي. اللهم استر عوراتي وآمن روعاتي. اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي.
Post: #5226
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-29-2010, 06:42 AM
Parent: #5225

صباح الخير ،،، يا وجوه الخير

أصبحنا وأصبح الملك لله وحده ،،،،

دعاء الصباح :

اللهم إني أستغفرك من كل سيئة
ارتكبتها في بياض النهار وسواد الليل
في ملأ وخلاء ، وسر وعلانية
وأنت ناظر إلي ..
Post: #5227
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 06:44 AM
Parent: #5225

Quote: اللهم إني أســألك الـعافية في الدنـيا والآخـرة. اللهم إني أسألك العفو والعافية في ديني ودنياي وأهلي ومالي. اللهم استر عوراتي وآمن روعاتي. اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي.
Post: #5228
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 06:57 AM
Parent: #5227

طبعاً أنا لغاية الآن ثابت على موقفي حق أمبارح
ما حا أجي البوست دا إلا يضرب لي الزول داك تلفون
بالمناسبة أمبارح لقيت مكالمة بايتة أقصد فايتة
ولم أستطع أن أحدد وجهتها
هل هي من زولي و لا لا
سأكون في الإنتظار...إذا تكررت المكالمة الفايتة
معناها زولي
إذا لم تكرر
حا أجيكم بي طايوق مكتمل الأضلاع
وجاييكم بي كتاحة أقصد بي روااااقة
أحبكم أينما كنتم...
بما فيكم الأخ فيصل...رد الله غربته
Post: #5229
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 06:58 AM
Parent: #5225

صبحكم الله بالخير
في حنة عمي بدر الدين و التي لا اذكر في أي عام كانت اما لطول الزمن أو لضعف الذاكرة...
و لكنها لا شك قبل سنوات طويلة....
كان محمد جار عمتي التي يقطن معها بدر الدين عازف كمان ماهر و ينشط بمركز شباب السجانه و مركز الخرطوم جنوب...
كما و أنه عزف فترة مع الأستاذ مصطفى سيدأحمد...
و لمحمد صلة قرابة بنا أيضا...
ما كان من محمد الا أحضر رتلا من فناني المركزين...
و لأن العدد كان كبيرا كان الفنان منهم يؤدي أغنية أو أغنيتين و يترك المسرح لغيره...
و أذكر منهم الراحل الخالدي و عثمان الأطرش...
حتى صعد أحد الفنانين و بدأ يغني...
فكان كأنه سحابة تظل من الغيظ و ترسل زخات من الرذاذ الناعم اللذيذ...
و ما أن أكمل الأغنية الثانية و هم بالنزول...
فاذا بقريب لي يمسك بالمايك و يطلب منه الاستمرار..
كما قال أتوقع لهذا الشاب مستقبل باهر و أنه سيكون من كبار الفنانين...
منذ ذلك الوقت و أنا أرصده و أتابع مسيرته باهتمام...
له امكانات مهولة و لكنه لم يحقق ما كان متوقع له أن يحققه برغم موهبته و ذكائه...
انه الفنان الطيب مدثر...

و اليكم من كلمات سعد الدين ابراهيم....

العزيزة الما بتسأل عن ظروفنا

الوحيدة الطال عشان جيتك وقوفنا

العزيزة الما بتسأل عن ظروفنا

الوحيدة الما بتحاول يوم تشوفنا


المواعيد لسة حزنانة بتنادي

والأماسي بتبكي في أسى ما إعتيادي

ما كنتي بهجتا براوئع قوس قزح

والله ما طلانا من بعدك فرح


سلميلنا على ضفايرك موجة موجة وكلميها

قولي ليها حرام تتوه فيها المواسم ونحنا بالجد نشتهيها،

سلميلنا على عيونك يوم تسهي تغروديها

ويبقو تفاحتين خدودك بس خدودك وين شبيها،


سلميلنا علي يدينك وشملة الريد أنسجيها

سلميلنا علي خطاكي عزة العاملة ومشيها

والله أحضانك بلد يا حلوة ما تنسينا فيها
Post: #5230
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-29-2010, 08:10 AM
Parent: #5229

التحيايا والسلام للجميع
يارشيد موضوع الطيب مدثر دا يحير
انا برض همعجب بي صوته وشخصيته
يعني صوت جميل وزول مرتب ومهندم
لكن ناقصه حاجه ماعارفه ممكن كثير من الاغاني
باديها بدون احساس واذا استمعت لاغنيته العديل والزين
تجدها قمه في الروعه ايضا يامهيب
مره في جلسه مع اصحاب قلت نفس الكلام قلت الطيب
دا زي الحله المزبطه وناقصه ملح
Post: #5231
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-29-2010, 08:48 AM
Parent: #5230

كتب الشاعر سعد الدين إبراهيم ( العزيزة ) وهو فى المرحلة الثانوية التي لحنها

الأستاذ عمر الشاعر وأداها الفنان فتحى حسين عام 1974 م ثم هاجر إلي

السعودية وترك الفن والعزيزة خلفه في إرشيف مكتبة الإاذعة السودانية



العزيزة بصوت الطيب مدثر
Post: #5232
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 09:03 AM
Parent: #5231

Quote: العزيزة بصوت الطيب مدثر

الآي بود بتاعك دا أبا يفتح
Post: #5233
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-29-2010, 09:09 AM
Parent: #5232

يا جلا يمكن فى الدامر مافى mp3


يا بادى اول مرة اشوف لى زول بشيل الفاتحة وفى نفس الوقت يقلب الصفحة
دى كيف دى ...؟
Post: #5234
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 09:27 AM
Parent: #5233

Quote: يارشيد موضوع الطيب مدثر دا يحير
انا برض همعجب بي صوته وشخصيته
يعني صوت جميل وزول مرتب ومهندم
لكن ناقصه حاجه ماعارفه ممكن كثير من الاغاني
باديها بدون احساس واذا استمعت لاغنيته العديل والزين
تجدها قمه في الروعه ايضا يامهيب
مره في جلسه مع اصحاب قلت نفس الكلام قلت الطيب
دا زي الحله المزبطه وناقصه ملح


ود المهدي سلامات من غير يا ناس (لزوم الملكية الفكريه و كده)
قصة الحلة المزبطه دي معاك فيها...
لكن ما معاك في الملح...لأنها بتكون بقت مسيخة..
و الزول ده أنا و انت متفقين انو ما مسيخ...
ممكن نقول ناقص كسبره و لا حبهان...

لكن يا ود المهدي انت ما معاي انو منصور ده ما براهو...
مختفي ليهو يومين تلاته...
و انت حسه تشيل و تقنطر ليهو في الكلام و برضو ما يجي...
بيني و بينك قلقت عليهو...
كنت متوقع أجي ألقاهو ليك ناطي يقول...
ياا لرشيد و ود المهدي الزول ده الناقصو الكاتشب...
أقول ليكم ليه الكاتشب....و يثبت ليك النظرية في الآخر...
Post: #5235
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-29-2010, 09:41 AM
Parent: #5232

التعازى للزميلة الدكتورة حنان على فى وفاة شقيقها
ومع انى اتهمت حاج الركز فى تلفون صباحى قبل قليل , بانو متلبط ساى فى دكتورة حنان , لأنى لم اعرف صلة القرابة هذه الا الآن
لكن برضو البركة فيكم فى ود خالك يا حاج الركز , وبالمرة يا عفاف كمان , معقولة الزول يصل لغاية حاج الركز وما يجيب سيرة عفاف
ودى تيجى , ما تجيش طبعا
وخلونى كمان اعزى جلا , فى المكالمة (الفايتة بتاعتو )
بينى وبينك , مكالمة فايتة , ومن المغرب البعييييدة ديك , تستاهل التعزية والله
نجى بقى لموضوع فيصل محمد الحسن
طبعا انا اعرفه واتذكره تماما
ومع انه جار فى الصحافة , ولكنى لم اعرف ذلك الا منه وفى الزقازيق , وفى سنوات الدراسة المتأخرة كمان
هو طبعا من خريجى 1984 على ما اتذكر واعتقد
وهو شاب قصير القامة , اسمر اللون , وقد كان من المقربين او من اعضاء الجبهة الديمقراطية آنذاك
ومع اننى لم التقيه ابدا فى السعودية
لكنى سمعت اوائل سنين اغترابى , انه كان مقيما فى منطقة وادى الدواسر
عرفت ذلك من احد الزملاء (العطبراويين ) الذين بدأوا حياتهم العملية فى مجال الزراعة فى تلك المنطقة
على ما اذكر الزميل (الحارث حسن الحاج ) , والذى رجع الى السودان منذ فترة طويلة , وهاجر الى اوروبا وانقطعت عنى اخباره
حاولت تتبع هذ ا الخيط فى الدقائق القليلة الماضية , واتصلت بأحد زملائى فى مكتبنا فى وادى الدواسر
ذكرته بالأسم , فتذكره , ولكن زميلنا هذا الآن فى فرع الخرج , وسنكثف اتصالاتنا بزملائنا القدامى العاملين فى مجال الزراعة فى منطقة وادى الدواسر , لتتبع هذا الخيط القديم
وسأفيدكم باى معلومات تستجد بأذن الله
Post: #5236
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 09:54 AM
Parent: #5235

قبل ما تمشي تتطش و تاني ما تجي إلا بعد أسبوعين
عاين للأقتباسات دي كويس ورااااجعها
Quote: البركة فيكم فى ود خالك يا حاج الركز

ما بيناتنا التعزية واجبة
Quote: معقولة الزول يصل لغاية حاج الركز وما يجيب سيرة عفاف

دا كلام صاح لازم تجيب سيرة عفاف
نجي للأهم
Quote: وخلونى كمان اعزى جلا

دا كلام كويس....
لكن وينا بت الشيخ بتاعتي...سيراتا ما جات!!!!
بلاش بت الشيخ ...وينو إسم موسى عيسى هنا؟؟؟؟؟؟
Post: #5237
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-29-2010, 10:16 AM
Parent: #5236


رشيد وود المهدى وديدو ...
مع احترامى الشديد لآراءكم - وطبقا"- لحرية الرأى والاعتقاد غنائيا على الاقل -
اسمحوا لى ان اعبر لكم عن مقتى الشديد لهذا المغنى .. حيث اننى لا أحس فى صوته ذلك التطريب
الذى تحدث عنه الرشيد ولا تلك الشخصية الغنائية التى كلمنا عنها ابو الـ T . قد يكون محظوظا بالحصول على اعمال جيده سواء من ناحية الكلمات او الالحان ولكن انعدام شخصيته الفنية جعله يحظى بهذا البهتان والتخلف عن زملاء دفعته الذين ظهروا فى نفس الفترة وكان لكل منهم بصمته الواضحة وأذكر منهم الأطرش والخالدى وعلى السقيد وزينب الحويرص . ما ينطبق على الطيب ينطبق ايضا على الامين عبد الغفار .
المثال الآخــر الذى اود الاستعانة به هنا هو اثنين من الفنانين ايضا كانا لا يملكان امكانات صوتية جيدة ولكن بهما مساحة لا بأس بها من التطريب كما ان قوة الشخصية الغنائية لدى كل منهما حققت لهما نجاحا لا ينكر .. وهما عبد العزيز المبارك ونجم الدين الفاضل .

حاشية :
انا عارف كويس هســه الرشيد وابو الزوز ( واحتمال كمان بتاع الايبود البيجى يوم الخميس داك ) يجوا ناطين ويقولوا اصلوا محمد عيد ده آراءه حااادة ومتعصبة فى الفنانين ... لكن والله الطيب مدثر ده أخيـــر منو طيبة الذكر نانسى عجاج معشوقة الاثنين ( رشا وزوز )!!!
Post: #5238
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 10:25 AM
Parent: #5237

Quote: نانسى عجاج معشوقة الاثنين ( رشا وزوز )!!!

دخلوني معاهم
عليك الله أسمع منها قالو علي شقي و مجنون
يا رب تكون في الآي بود بتاع الزول الخرفان داك
Post: #5239
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-29-2010, 10:31 AM
Parent: #5237

يا محمد عيد كلامك القلتو على العين والرأس

لكن بالغت مبالغة شديدة فى عبدالعزيز المبارك

ياخى بالله فى فنان بقدر يأدى اغنية ما كنت عارف

ولا اغنية بوصيك يا المفارق وراحل عننا غير ود المبارك

اعشق هذا الفنان حتى الثمالة ....


تسجيلان قديمان موجودان فى تلفزيون السودان لفنانين فى مقتبل العمر

** زيدان ابراهيم واغنية جميل ما سألناهو

** عبدالعزيز المبارك واغنية ما كنت عارف

اتحدى بهما اى فنان يقدر يأدى ويعبر بوجهه كما ادياء زيدان وود المبارك
تلك الاغنيتين ...
Post: #5240
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-29-2010, 11:05 AM
Parent: #5239

الزول ده صاحبى عديييل
غنى لى فى حنتى , واديتوا قميصى قشر بيهو , ولغاية هسى ما رجعوا لى
يمين بالله الطيب مدثر غناى لمن بى غادى
بس الزول ده حسب ما عرفت من مناقشة سابقة مع صديقى وصاحبى (الجابوا لى فى حنتى ) عادل النور
انو زول شاغل نفسه باهتمامات تانية , وتقدروا تقولوا كده , بيغنى لمن يكون فاضى
هو قريب الشبه بحبيبنا كمال الشادى
فنان لمن غلط , لكن ما شغال بالفن كتير
الطيب مدثر تظهر روعة صوته المتفرد , فى ادائه لأغانى ابو داؤؤد البالغة الصعوبة
هو فعلا لم يصل لمكانة توازى امكانياته الصوتية والتطريبية العالية
مثلا الزول ده , جا غنى لى فى حنتى , مجاملة ليس لى انا
ولكن لصديقنا المشترك , اخوى عادل النور (ود شمبات جار ناس محمد عيد )
عادل النور لم ليهو الفرقة بتاعتو , لقطهم ليهو عازف عازف
الراجل جانا من (الكرين ) للحفلة عدل
حمامه زاتو اخدو فى بيتنا
دبرنا ليهو القميص والبنطلون
غنى بيهم وابدع , ومشى بيهم بيتنا
اتعامل معانا ومعاى ببساطة جميلة ووصل معنى المجاملة لى حده
حبيت غناهو من يوم داك , كما ارتحت لبساطته وتلقائيته
ولكن نؤكد ان الفن والغناء , قيمة عالية وليست ابدا ساهلة
عاوزة مثابرة واجتهاد واحترافية
لم ولن تتوفر عند كثيرين من مواهبنا الغنائية
والطيب مدثر مثال واضح للفنان الموهوب , غير المجتهد والذى لا يعطى الفن اهتمامه الكامل
حاجة كده تشبه مابين (الأحتراف والهواية )
هى ما يمكن وصف مشكلة الطيب مدثر بها
Post: #5241
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-29-2010, 11:24 AM
Parent: #5240

انا قاعد والله يا الرشيد ويا البادى النور ويا جلا كمان
متوفر زى الشىء الكعب
متابع ومستمتع , بس الرشيد بقى يجى بدرى شوية
وجلا بقى يجى من بعيييييد
عموما , الفرق بينى وبينك يا جلا , اربعة مداخلات بس
1119 قصاد 1123
الفرق ده بجيبوا لمن تكون راجع من الدامر ماشى كسلا
عموما
عفاف لا بتسلم عليك ولا جابت سيرتك
قالت يا دابها انتهت من الأمتحانات امبارح
سالتنى ما بتعرفوا ليكم زول ماشى كسلا
قلت ليها جلا قالوا ماشى بعد يومين
قالت لى جلا ما بيقدر يشيل الحاجة العاوزة ترسلها كسلا
اها
تقدر تعرف الحاجة العاوزة ترسلها عفاف لى كسلا (شنها ) ؟؟؟
كان عرفتها بخلى عبد الدائم يرسل ليك آيبود زى حقى
من اوله لغاية آخره
الكتيابى
قصرنا معاك ؟؟!!!
Post: #5242
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-29-2010, 11:48 AM
Parent: #5241


كلام الرشيد وعمر ومحمد عيد وعبد الدائم عن الطيب مدثر
وقبل ذلك (جدلية الغناء السودانى ما بين نانسى عجاج وعثمان حسين )
تفتح بابا عريضا
عن انطباعيتنا كسودانيين فى تكوين الأفكار المسبقة
عموما (الأنطباعية ) فى اطلاق الأحكام , هى صفة انسانية
ولكننا كسودانيين , نقدمها على ما عداها من معايير التقييم , حتى لتكاد تأخذ الأسبقية عندنا
امام المعايير الموضوعية الأخرى
بمعنى
ان الواحد منا يكون فكرة مسبقة عن شخص ما , فيقرر ان يحبه , او ان لا يحبه
يسرى هذا الفلتان التقييمى علينا , من زماااان
وردى مثلا قيمة فنية عالية وعظيمة
ولكنى اعرف العديدين ممن يكجنونه (مسبقا )
الكثيرون , لا يجدون فى هيثم مصطفى او فيصل العجب , الا لاعبا مصنوعا لا يستحق ما وصل اليه
مارادونا وبيليه , مارادونا ورود جوليت , ميسى ومارادونا , زيدان ورونالدو
الكثيرون منا اما يحبونهم مسبقا , او لا يطيقونهم (سمبهارى )
فى حقيقة الأمر
اننا لو ارجعنا تقييماتنا لأصولها
لوضعنا لكل (درجة ما ) من (درجة كاملة متفق عليها )
عندها سيختفى هذا التفاوت (الأنطباعى فى التقييم )
انا مثلا
سامى الجابر بتاع الهلال السعودى ده
لو جضم الكفر لمن خلاهو يتكلم , ما بعترف بيهو لاعب كورة
وكنت فى (زمن ما ) , لا اطيق الأستماع لما يسمى (مجذوب اونسة )
اتذكر ان اختى الشقيقة احلام عبد الرازق المقيمة فى العين (الأمارات )
كانت تبادر (صادقة ) لقفل التلفزيون اذا ما ظهر فيه مغنيا (المرحوم خوجلى عثمان )
بحجة ان (بطنها بتتطم عدييل مما تشوف الزول ده )
فى لحظة ما , عرفت ان لمجذوب اونسة هذا , اغانى لا تخطئها الا (اذن السخط التى تسمع المساوئا )
اذا عرفنا حدود انطباعيتنا فى الحكم (على بعض اشياء )
عادت الينا (موضوعيتنا فى التقييم )
Post: #5243
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-29-2010, 12:42 PM
Parent: #5242

نهاراتكم بالهناء والسرور ...

راحت علينا نومة ولقينا المولد عمران بالناس الحلوة وطاعمة ...

رشيد القوم .. عيني باردة وواصل كفاحك ...

الريس ميسرة .. القحة ولا صمة الخشم .. لكن برضو بتقلبها ...

ديدو .. الزول شال فاتحة ناقصة يعني بي يد واحدة والتانية قلب بيها الصفحة .. تكنولوجيا يا ود أمي ...

المنصور .. طلتك حلوة .. شرطا تكون مستفز من رشيد القوم ...

أمبارح إستمتعت بمكالمة طاعمة مع عمو الزناتي .. لينا زمن من الكلام الحلو دا .. الله يديك العافية يا أبوالزوز ...

وين مجتبى فاروق الشاب المخرف ...

ربنا يرد غربة أخونا فيصل ...
Post: #5244
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-29-2010, 01:34 PM
Parent: #5243

منصور كالعاده فردت كنوز حسنك   وريتنا فيها فنون
الانطباعيه زي ماقلت موجوده لكن مع الغنا بتنخفض شويه
مثلا الزول الغنا في حنتك دا ما ظلمناه قلنا العديل والزين
بجضمها صاح ولو كل اغانيه غناها بنفس الاحساس
كان لقى رواج وانا شخصيا ماعندي حكايه ياكلو ياخلو
الحلوه بنسمعا ولو من المابنريدو لكن في ناس مابتبلعو
مثلا انا بسمع اغاني شايقيه ومرجع فيها لكن واحد اسمو
عبد الرحيم البركل دا بعمل لي خمه نفس وشحتفه روح
الملاح الناقص بهارات انا بعرفه شخصيا كان معانا في جده
وكل فنان عنده حاجات قويه لايختلف عليها اثنان وحاجات
فوق البيعه
Post: #5245
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-29-2010, 01:52 PM
Parent: #5244

على نسق الفن الماشي دة
انا غايتو نانسي عجاج دي بتذكرني تُمنة اللبن وكتين تفضى ويختوها في كارو
وتقعد توجع في راسنا: كللو كللو كللو
الرأي صادم عارفه
بس مقتنع بيهو
Post: #5246
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-29-2010, 02:01 PM
Parent: #5244

الطيب مدثر فنان لا يشق له غبار ... يبدع لما يغني بالعود .. ويتألق لما يغني بالأوركسترا ...

عنده أغنية من أغانيه الجديدة ...

ليه حياتنا إخترت غيرها ...

فيها أحلامنا وكلامنا وفيها حاجاتنا الصغيرة ...

هل صحيح راقي ومهندم ...

هل ببكي الريد عيونوا ...

هل عرفتو وما بتندم ...

في الليالي القاسي طولها ...

ألف مبروك يا مخير ...

ما البصر دون البصاير والأصل ما ببقى صورة ...

نأسف لعدم الحفظ والترتيب .. عموما دي مقاطع مبعثرة .. يا دودي أسعفنا بالآيبود ... ويا حبذا لو كانت بالعود ... آخر روعة ...
Post: #5247
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-29-2010, 02:09 PM
Parent: #5246

البادي ياحبيب ماقلنا لما يغني باحساس عالي كويس
وفي مداخلتي الاولى ذكرت هذه الاغنيه من الحاجات الحلوه عندة
Post: #5248
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-29-2010, 02:38 PM
Parent: #5247

Quote: انا غايتو نانسي عجاج دي بتذكرني تُمنة اللبن وكتين تفضى ويختوها في كارو
وتقعد توجع في راسنا: كللو كللو كللو
الرأي صادم عارفه
بس مقتنع بيهو


عااافى منك يا ود جبرين ...

شوف لينا وصف للتانى الواجع بيهو راسنا عبد الدايم من الصباح
Post: #5249
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 02:42 PM
Parent: #5247

Quote: على نسق الفن الماشي دة
انا غايتو نانسي عجاج دي بتذكرني تُمنة اللبن وكتين تفضى ويختوها في كارو
وتقعد توجع في راسنا: كللو كللو كللو
الرأي صادم عارفه
بس مقتنع بيهو


يا جبريلا ما داير أحلفلك بي الله ساكت...
عل وحات سيدي أحمد انت ما مقتنع بيهو كلامك ده...
حسه خليني من أي حاجه منو القاعد يغني قبل كده وهو لابس برنيطه...
سمعنا بي دلع الراء و دلع الجيم...سمعت قبل كده بي دلع التاء...
سمعتها بتغني يا زمن وقف شوية...
و لا مسامحك يا حبيبي بتاعين عثمان حسين...
توقف قلبك عديل كده يا جبريلا...
أنا كان لاقيتها حأوصيها مخصوص عشانك...
و أقولها عليك الله يا نانسي غني لينا أم الحسن...
و النشوفك بعد داك بتنضم جنس نضمك ده تاني...
قال صادم قال...
ده ما صادم يا جبريلا....
عل مسيخ ساااااكت...
Post: #5250
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-29-2010, 02:58 PM
Parent: #5249

عليك الله يا الرشيد اسمع مسامحك يا حبيبي دي عن اسرار بابكر
وتعال اسمعها عند نانسي
يمين زي لمن تاكل ليك قطعة جاتو لذيذة وتجي بعدها تكُد ليك في دومة




مع الاعتذار للدوم
Post: #5251
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-29-2010, 03:07 PM
Parent: #5249

Quote: انا غايتو نانسي عجاج دي بتذكرني تُمنة اللبن وكتين تفضى ويختوها في كارو
وتقعد توجع في راسنا: كللو كللو كللو
الرأي صادم عارفه
بس مقتنع بيهو

يا رش ثقافتو السمعية ليها فترة متوقفة
يعني سمعو يعتبر طشاش طشاش
بالنسبة لمحمد عيد ما تسأل فيهو
لأنو قاعد يسمع الغنا بي ربع طايوووق
قلت لي كيف
Quote: سمعت قبل كده بي دلع التاء

بالمناسبة زولك دا مشا المغرب العربي قبل ما يمر بي جامعة الأحفاد ولا شنو؟؟؟؟؟
أي حرف في الجامعة عندو مخرج موسيقي مختلف
يعني ليس تعطيش الجيم وحدها
كل الحروف عندهم متعطشة
حريقة في الحروف الإنجليزية زاتووو
Post: #5252
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-29-2010, 03:36 PM
Parent: #5251

Quote: بالمناسبة زولك دا مشا المغرب العربي قبل ما يمر بي جامعة الأحفاد ولا شنو



هي الاحفاد دي كانت قصر الشباب والأطفال ولا شنو
Post: #5253
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 03:51 PM
Parent: #5252

Quote: عليك الله يا الرشيد اسمع مسامحك يا حبيبي دي عن اسرار بابكر


جبريلا أنا والله أسرار دي ما عندي فيها راي و بيعجبني غناها...
لكن مرات كده قاعد أشفق عليها...
بتجيها مرات كتمة نفس بتذكرني بي محمد أخوي لما تقوم عليهو الأزمة...
لكن ما ملاحظ انك بالغت في حتة الدوم دي...
كان تشوفلك شيتا بينبلع...
Post: #5254
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 03:57 PM
Parent: #5253

Quote: يعني ليس تعطيش الجيم وحدها
كل الحروف عندهم متعطشة
حريقة في الحروف الإنجليزية زاتووو


هي لكن يا جلا التاء دي معطشه ساكت...
دي من شدة ما معطشه لمن مشققة عديل كده...
أنا خفت أقول ليكم تاء مشققة تقومو ما تفهموني...
Post: #5255
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 04:06 PM
Parent: #5254

Quote: انا عارف كويس هســه الرشيد وابو الزوز ( واحتمال كمان بتاع الايبود البيجى يوم الخميس داك ) يجوا ناطين ويقولوا اصلوا محمد عيد ده آراءه حااادة ومتعصبة فى الفنانين ... لكن والله الطيب مدثر ده أخيـــر منو طيبة الذكر نانسى عجاج معشوقة الاثنين ( رشا وزوز )!!!


كنا عايزين نجي نسمعك كلام زي الواطه دي لكن راعينا للعشره ساكت...
أضانك دي يا أخوي أمشي أعمل ليها updating ...
حسه أغنيتك القبل كده نزلتها لي في مربع كاي لحدي حسه كل ما أتذكرها يجيني اكتئاب...
أحسن حاجة عملته فيني خلتني أعمل خمسة مداخلات في اليوم...
عشان أقلب الصفحة بسرعة...
كدي أمشي انزوي ليك في ركن هاااادي كده...
و أقعد أسمع شقي و مجنون...
و كان جابت ليك الهواء كمان أرميها فيني...
Post: #5256
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-29-2010, 04:28 PM
Parent: #5255

Quote: كدي أمشي انزوي ليك في ركن هاااادي كده...
و أقعد أسمع شقي و مجنون...


مش الغنا ده ...؟ خليناهو ليكم ..

بس انشاء الله ما يجيكم شـقيق اضنين بعدين


&&&&&&&&&&

هزنى اليوم خبر رحيل الشاعر الرقيق محمد عفيفى مطر

فتبادرت الى ذهنى العديد من قصائده الجميلة

اخترت لكم هذه الأبيات ...


نداءات على الجدران لم تقشرها الاظافر ولم يغسلها المطر

اختبىء ياقطاراً يهرول في الحلم،

صوتك يخلع ريش النشاز الملون، يسقط بين

الصدى والصدى، وتصنفره شفرات الأظافر،

يدخل أوركسترا الأسر.

فلتختبىء ياقطار يهرول في الحلم،

فالأرض مكشوفة المحطات مفتوحة تحت ضوء السفر

اختبىء فالإقامة مأهولة بوحوش القرابة

والألفة الناعمة.


أسرعوا اسرعوا.. فالبلاد القديمة

ركضت خلفكم، واكتبوا واكتبوا.. فالبلادالقديمة

قطعت شجر الأبجدية.

مطلع جاهلي يجيء

تطلع الشمس في الذاكرة

تحت ايقاعه يستضىء

وطن للخراب الطلولي،

نهر تجررّه الصرخة الغائرة.

.

صخب، وبلاد تجلجل في حجر السمع،

والرعد يزرع أعضاءه..

انتظروا.. تصهل الخيل في الأروقة ..
Post: #5257
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-29-2010, 08:00 PM
Parent: #5256

سلامات يا ناس

ومساكم طاعم

رحم الله الشاعر محمد عفيفى مطر فهو كان من الاصوات المميزة.

Quote: مش الغنا ده ...؟ خليناهو ليكم ..

بس انشاء الله ما يجيكم شـقيق اضنين بعدين


شايف القصة قلبت غنا ...وبقيتو تيارين..انا متعاطف مع محمد عيد وما بتفق معاهو...

لكن اقول ليكم حاجة ...شوفوا لينا المديح...وانا مستعد اجيب مدائح اولاد حاج الماحى

واهديها للجميع واهداء خاص للرشيد.
Post: #5258
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-29-2010, 08:43 PM
Parent: #5257

Quote: لكن اقول ليكم حاجة ...شوفوا لينا المديح

اها يا جورج انا من هسي معارضة
Post: #5259
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-29-2010, 10:04 PM
Parent: #5258

Quote: واهديها للجميع واهداء خاص للرشيد.


شكرا يا كوتش على الاهداء...

من بكرة جيب طارك و تعال...

الفتة خليها علي...
Post: #5260
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-30-2010, 05:06 AM
Parent: #5259

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر....
Post: #5261
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-30-2010, 06:12 AM
Parent: #5260

صباح الهناء والسرور ...

أصبحنا وأصبح الملك لله ...
Post: #5262
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-30-2010, 06:29 AM
Parent: #5261

Quote: اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر....
Post: #5263
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-30-2010, 06:36 AM
Parent: #5261

صبحكم الله بالخير
كان اجتماعنا حول مائدة الطعام من الأشياء المقدسة عند أبي...
فما أن توضع صينية الغداء أو العشاء الا و يسأل أين فلان و أين فلان...
و لا يمد يده الى الطعام حتى يحضر الجميع...
لم تكن عندنا صينية للنساء و أخرى للرجال....
كنا نجتمع كعائلة واحدة...
نتبادل الحديث و نضحك و و نحس بأننا عائلة تحب بعضها بعضا...
كنا ننقسم الى فريقين عندماكان يزورنا جدي رحمة الله عليه...
فوالدتي لا تأكل من نسيبها...
كنا ننادي جدي بأبوي سيدأحمد و ليس بيا جدي...
و رغم ان وجود جدي بيننا يفرق بيننا كعائلة في الوجبات...
الا أن جدي بقلبه الطيب و وجهة البشوش و ثقافته التي كنا نراها عالية...
كان يضفي الى جلسة الطعام نكهة خاصة به...
فلقد اعتاد جدي أن يقوم بطرح أسئلة و ألغازا أثناء الطعام يختبر بها ذكاءنا...
مثل أن يطرح معادلات رياضية...
أو أسئلة عن بلدان و قارات...
و شعر و شعراء...و من هنا كان حبي للشعر...
و لأن من شابه أباه و جده فما ظلم...
فلقد وجدتني أقدس اجتماعي بأسرتي على مائدة الطعام...
و وجدت نفسي أقوم بطرح نقس الأسئلة على أبنائي ...
لدرجة أن أمنية و مهند أصبحوا يحبون تلك الأسئلة حبا شديدا...
و ما أن نجلس الى الطعام الا و طلبوا مني أن أسألهم....

اليوم تذكرت وجه جدي البشوش و لحيته البيضاء و هو يردد...

و من لم يصانع في أمور كثيرة يضرس بأنياب و يوطأ بمنسم
و من يجعل المعروف في غير أهله يكن حمده ذما عليه فيندم..
Post: #5265
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 06-30-2010, 06:50 AM
Parent: #5263

اليوم يحتجب الغنايين في انتظار المداحيين....

زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيني تطنطن
غايتو بشر...بس ربه يهون...
Post: #5264
Title: Re: ناس الزقازيق ... أجدع ناس ( 3 ) ..
Author: البادي النور
Date: 06-30-2010, 06:40 AM
Parent: #5261

صباح الهناء والسرور ... (كلاكيت تاني مرة) ...

لأول مرة أتوافق فكريا مع أخونا جلا عجاج .. وحقيقة فشيتني في ود جبرين وود عيد ...

يا أخي نانسي دي بتدلع الحروف الخمسين كلها (هم الحروف كم) ... الحروف مع نانسي بيزيد عددهم لأنه في حروف كدا حقيقة أول مرة أسمعها من خشيم بت عجاج ... التاء فيها تاءآت والجيم بيبقوا خمستاشر جيم (مش جيم ثري وبس) ...

نحن يا جماعة أذننا موسيقية بنسمع أي زول بيغني حتى لو كان تركي أو هندي وكلامه ما مفهوم ... فالموسيقى والإيقاع لغة عالمية نطرب بهما حتى الثمالة ...

وليه حياتنا إخترت غيرها ...

إنت بتبيع المشاعر ...

ما البصر دون البصاير والأصل ما ببقى صورة ...

يا دودي شايفك فتحت لي .. غايتو آيبوداتك الفيها خيار وفقوس دي ما يسمعوها إلا ناس منصور ...
Post: #5266
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 06-30-2010, 07:28 AM
Parent: #5264

صباحكم بالرضا والسرور
شايفكم جبتو سيره المديح والطار وفي ناس هددت
انها حاتخش الغابه لذلك وللتوافق حانديك عمل ادبي
لابن الفارض الواحد المتجلي التي يؤديها سيف الجامعه بروعه


أنْتُم فُرُوضي ونَفلي *** أنْتُم حَديثي وشُغْلي
يا قِبْلَتِي في صلاتي *** إذا وَقَفْتُ أُصلّي
جَمالُكُمْ نَصْبُ عَيني *** إليهِ وجّهْتُ كُلّي
وسِرّكُمْ في ضَميري *** والقلبُ طُورُ التّجَلّي
آنسْتُ في الحَيّ ناراً *** لَيْلاً فَبَشّرْتُ أهلي
قُلْتُ امْكُثُوا فَلَعَلّي *** أجِدْ هُدايَ لَعَلّي
دَنَوْتُ مِنها فكانَتْ *** نارُ المُكَلَّمِ قَبلي
نودِيتُ مِنها جِهاراً *** رُدّوا لَياليَ وَصلي
حتى إذا ما تَدَانَى *** الميقَاتُ في جَمْعِ شملي
صارَتْ جِباليَ دكاً *** منْ هَيْبَةِ المُتَجَلّي
ولاحَ سرٌ خَفيٌ *** يَدْريهِ مَنْ كَانَ مِثْلي
وصِرْتُ مُوسَى زَمَاني *** مذ صارَ بَعْضِيَ علّي
فالموتُ فيهِ حياتي *** وفي حَياتيَ قَتلي
أنا الفقيرُ المُعَنّى *** رِقُوا لِحَالي وذُلّي
Post: #5267
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-30-2010, 08:05 AM
Parent: #5266

Quote: التاء فيها تاءآت والجيم بيبقوا خمستاشر جيم

أمسكو الزول دا يا ناس
الزول دا عندو ظار ....
وظارو مسكون بالدهشة القرمزية
عارفك شقي و مجنون
Quote: شايفكم جبتو سيره المديح والطار

منو القال ليك!!!!
الكلام دا جابو البوليس يعني زي قانون الطواري
عشان كدا و معليش يا رش ...أنا مُعارض
Post: #5268
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 06-30-2010, 10:04 AM
Parent: #5267


احبكم بالصباح , احبكم بالشتى
وبما ان الدنيا ظهر , وكمان صيف قائظ وهجير
فده معناهو انى لا بحبكم ولا حاجة
عارفين ليه ؟؟
هو انا لاقيكم عشان ما احبكم ؟؟؟
نانسى عجاج دى , مثال كبير اوى للأنطباعية الأنسانية , والسودانية على وجه الخصوص
معظم من حبوها , فعلوا ذلك بناءا على طلتها الأولى و وعلى ادائها المتميز و لأغانى اصلا متميزة وجميلة ومتعوب عليها من زمان
لكنها اضافت اليها طلة جديدة ومميزة , واداء مختلف
فعلت ذلك مع اغانى ابراهيم عوض , وشقى ومجنون , وبعض اغانى عثمان حسين وليس كلها
لكن الجوانب السالبة فى ادائها الصوتى واللحنى (خاصة ضعف الصوت الظاهر وعدم مناسبته لأداء الألحان القوية )
ظهرت غاية فى الوضوح فى محاولاتها الغنائية الخاصة (على قلتها ) , وفى بعض الأغانى التى تتطلب مجهودات صوتية واداء صوتى قوى
لذا فان التخلى عن الأنطباعية الأولى , لا يجعل منها فنانة كبيرة , كما انه لا يهضمها حقها فى الأداء المتفرد والجيد لبعض الأغانى
اى مطرب او فنان فى العالم ده , بيكون فى بداياته اتعرض لتجربة اغانى فاشلة او ممكن تقولوا اقل نجاحا
لأن اختيار الأغانى والألحان المناسبة لطبقات الصوت
والتى يمكنها (ابراز مناطق الصوت الجميلة والقوية ) وتحاشى الدخول فى متاهات (مناطق الصوت الضعيفة والباهتة )
يتطلب خبرة من الفنان او المؤدى , او ممكن نقول الملحن كمان الذى يفصل لحنا (ما ) لمطرب او فنان (ما )
ونانسى اساسا اغانيها الخاصة (قليلة ومعدودة ) , بس تقييمى ليها انها مافيها حاجة مميزة
مشكلتها انها بدات بترديد اغانى (ذات قيمة عالية ) , وادتها بأداء (مبهر وممتاز )
هى الآن فى مشكلة كبيرة
مشكلة ان تنتج انتاجا خاصا مميزا
هنا المحك , وهنا الأمتحان القوى
والذى به وحده دون سواه
تبدأ فى الأنتقال من مجرد (مطربة ومؤدية جيدة )
الى مصاف (مشروع فنان قادم )
وفى هذا , فأن اسرار بابكر مثلا , متقدمة بخطوات على نانسى من وجهة نظرى الخاصة
Post: #5269
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-30-2010, 10:38 AM
Parent: #5268

سلامات يا ناس

Quote: اها يا جورج انا من هسي معارضة


الزول ده مالو معاى؟ انت لسه شغال معاى باسلوبك بتاع ميدان المدرسة العسكرية؟

قال لى مصطفى محمد الحسن أنا الإستوبر.مصطفى قال ليهو يعنى فرحان ...وانت قايل

الاستوبرده شنو ؟ما نائب الثيردباك.
Post: #5270
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-30-2010, 11:06 AM
Parent: #5269

Quote: ظهرت غاية فى الوضوح فى محاولاتها الغنائية الخاصة (على قلتها ) , وفى بعض الأغانى التى تتطلب مجهودات صوتية واداء صوتى قوى


وأيضا فى الحفلات العامة بمواجهة الجمهور

والتى تتطلب حضورا وشخصية مميزة للمغنى ..

كما ظهر ذلك جليا فى حفل بورتسودان الفضيحة


Quote: هى الآن فى مشكلة كبيرة
مشكلة ان تنتج انتاجا خاصا مميزا
هنا المحك , وهنا الأمتحان القوى
والذى به وحده دون سواه
تبدأ فى الأنتقال من مجرد (مطربة ومؤدية جيدة )
الى مصاف (مشروع فنان قادم )
وفى هذا , فأن اسرار بابكر مثلا , متقدمة بخطوات على نانسى من وجهة نظرى الخاصة


عشان كده انا بأقترح انو رشا يكتب ليها كلمات أغنية ويلحنها ابو الزوز

والشيخ جلا على الايقاع والبادى النور على الاورغ ...

وبعد داك ممكن نقنع كمال الشادى يعمل ليهم التوزيع الموسيقى
Post: #5271
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 06-30-2010, 11:51 AM
Parent: #5270

سهرة الامس سهران يا نيل كانت تتحدث عن الاصوات النسائية فى الساحة
الفنية مع مجموعة من الموسيقيين عثمان النو ودكتورة بسطاوى والصحفية منى
والمغنية نهى عجاج وللاسف الشديد اثبتت نهى عجاج بالدليل القاطع
انه لا توجد اى اصوات نسائية جيدة حاليا" فى السودان لا هى ولا نانسى ولا اسرار
ولا غيرو حتى البلابل الان بغنو بنصف طايووووق


عن نفسى لا بسمع ناسى ولا اسرار واضفتهم ليك يا منصور فى الايبود ســاي كده
Post: #5272
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-30-2010, 12:39 PM
Parent: #5271

Quote: البلابل الان بغنو بنصف طايووووق

دا كلام تمام التمام
كل جيل بي زمنو
زمانك البلابل لمَّا يغنو
السودان كلو على بكرة أبيه يتمايل طرباً
الآن أسأل منهم البوليسي و أبو الزوز
حيقولو ليك هن زاتم ما عندهم طايوووق من أصلو عشان يغنو!!!!
طبعاً البادي ما حضر حفلة ناس الزقازيق بالبلابل
Post: #5273
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-30-2010, 01:32 PM
Parent: #5272

البادي..
واله موش لو عطشت الحروف
يمين لو سقتهم عرقي عديييييييل
لا بتعرف تغني ولا يحزنون غناها زي صوت الكرجة في جريد التمر
والعجب اختها دي امبارح يا النضيف ضرستني عدييييييل كدة
ياخي دي لا بتعرف تغني ولا عارفة غناء يعني شنو ذاته


يا جورج مديح دة انا غايتو اووووف منه نهائي
الله معاك انت واللرشيد

يا منص ياخي كنت حنين علي عجاج دي اردمها ياخي عاملة زي السنبرية كدة
Post: #5274
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-30-2010, 01:33 PM
Parent: #5272

عليك دينك عاين زي ديل ...
من امس داقين لينا دلوكة في راسنا المدوقس دا بي غناية نانسي ولا اسرار
ياخ ما تقوموا تلفوا كده ولا كدة ...
اقول ليكم حاجة هو زاتو العندو طايقوق (الحقوق محفوظة) يسمع غنا اليومين ديل منو
لكن بالجنبة كدة التي تتربع على عرش الاصوات النسائية هي بلا شك ...
الصوت الجميل المعبر المريح الملائكي سميرة دنيا رغم اتهام الكثيرين لها بالجمود وماعارف شنو كدة...!
الزولة دي غنننناية ومادام المسألة تقليد في تقليد اتحدي زول يقلد زي الزولة دي ...
Post: #5275
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-30-2010, 01:38 PM
Parent: #5274

هذا بالاضافة لي انو كلام جبريلا الفوق دا دايرلو مترجم
والله ياجنى كتلتني بالضحك قلت لي سمبرية... والله انك صادق ... سمبرية وام قدوم كمان
Post: #5276
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 06-30-2010, 01:40 PM
Parent: #5274

والله يا جلال اقنعت الجلاكيم ديل
ياخي تقول لي نانسي عجاج
عاملة علي القِحِف كدي
Post: #5277
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-30-2010, 01:50 PM
Parent: #5272

الظاهر عليكم خلصتوا إمتحانات بدري شوية

أنحنا روحنا طلعت ا ليوم وأمبارح كان عندنا آخر

مذاكرة للعام الدراسي 1429/1430 وشاهدنا الكورة بنص طايوووق

بس من الصباح أنا مزنوق في شغل وما قادر أدخل البوست

ولا حتى إفتتاحية الصباح بتاعة رفع البوست وبس عجوبوني

الليلة جو ترسوا البوست جضموه ،،،،

عفيت منكم يا ناس بصراحة العودة للكتابة المطولة وتنقية موضوع

للنقاش والتفاكر،،، صحى لينا المرفعين خوف زي مباراة إسبانيا أمبارح

في الشوط الثاني أكلت البرتقال وعصرتوا كمان في الخلاط .
Post: #5278
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 06-30-2010, 02:31 PM
Parent: #5277

شكراً يا ريس
لكن نحن لم ننتهي بعد من الوتر
عشان كدا معطلين الكفر شوية
منافسة فيها الأرغواي و البرغواي
ما يشوفها إلا ياسر نجيلة
كدي رايك في هاجر كباسي شنو؟؟؟؟
بالله يا طارق جبريل نبِّذ لكن ما تسئ
إتفقنا!!!!
Post: #5279
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 06-30-2010, 02:50 PM
Parent: #5278

Quote: لكن نحن لم ننتهي بعد من الوتر


عارف يا شيخ جلا أغنية العزيزة دي

كان لها وقع طيب في نفسي كنت أحب أستمع

ليها كلما سنحت لي الفرصة وأردده بإستمرار

وطبعاً بصوت الفنان فتحي حسين صاحب الأغنية

ونسيت موضوع العزيزة ده سنين طويلة ولكن أخونا

رشيد القوم قام طلع لينا من جراب الحاوي الأغنية الجميلة

والبسيطة ولكنها فيها كثير من المحنة والدفئ الغير إعتيادي

باقي الفنانين القامت عجاجتهن بين فريق جبر الله ومحمد عيد والفريق

الآخر ، أنا كمان مع المعارضة وما سمعت غير شقي ومجنون ،،،،،،،،،،،
Post: #5280
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 06-30-2010, 03:05 PM
Parent: #5279

Quote: بالله يا طارق جبريل نبِّذ لكن ما تسئ
إتفقنا!!!!

يازول ينبذ ويسئ ... مش على كيفو
والله اسا انادي ليك صاحبك المتربس بي برة ليهو زمن دا
والله تعرف ... ماعندك عشرة مفروض تعمل حملة تضامن مع صاحبك الرجع يتاوق بالحيطة تاني دا
Post: #5281
Title: Re: ناس الزقازيق ... أجدع ناس ( 3 ) ..
Author: محمد عيد
Date: 06-30-2010, 03:52 PM
Parent: #5280

Quote: ياخي تقول لي نانسي عجاج
عاملة علي القِحِف كدي


والله يا جبريلا الليله كيفتنى فى حنانـى ذاتوووو

عشان كده مشيت كيب تاون جبت ليك فوفوزيــلا مخصوص

بيييييييب يا ود جبرين

200961813059730734_3.jpg Hosting at Sudaneseonline.com
Post: #5282
Title: Re: ناس الزقازيق ... أجدع ناس ( 3 ) ..
Author: محمد صديق
Date: 06-30-2010, 06:58 PM
Parent: #5281

سلامات يا ناس

نحن غايتو غنا مراحيم سااااااااى

بكرى ولدى لما يسمع معاى غنا طوالى يسألنى

الفنان ده اسمو منو؟اقول ليهو الاسم يقول لى

اتوفى مش؟اقول ليهو عرفت كيف؟ يقول ظاهر من صوتو.
Post: #5283
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 07-01-2010, 07:15 AM
Parent: #5282

الكلام شايفو كله بالطايووووق وكدة
عشان كدة انا بطايووووق كامل اعشق البلابل الان وحتى الموت
وجدعة الطيب مدثر العزيزة حاجة عجيبة شكرا عبدالدائم
الطيب لما غنى اغنية الفنان الذري ابراهيم عوض لو داير تسيبنا جرب وانت سيبنا
كان حاجة خطيرة
Post: #5284
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-01-2010, 07:41 AM
Parent: #5283

Quote: عشان كدة انا بطايووووق كامل اعشق البلابل الان وحتى الموت

سبحان الله الذي يحي العظام وهي رميم
في زول منتظر فاتحة و لا كدا؟؟؟
بالمناسبة مرات البلابل قاعدين يغنو
غيييب و تعال.......ز
Post: #5285
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-01-2010, 08:10 AM
Parent: #5284

صباح الهناء والسرور ...

بركة الجيت .. بركة الجيت .. حلو إنت وبسكويت ...

لزوم إحتفالية بقدوم وطلة مبارك جادين .. بركة الشوفا يا ود أمي ...

الحاج جلا كتاحة (عجاج) .. إنت بتكتح مالك يا زول؟ .. حفلة البلابل بتاعت الزقازيق كنت موجود .. لكن ما ظهرت في الصور لزوم حاول يخفي نفسه ولزوم صورتك الخايف عليها .. وكدا ...

جلال عثمان (بنصف طايووق لزوم الإجازة) .. يا جلجل أنا أحترم رأيك في سميرة دنيا .. في حفلة رأس سنة بعد عودة البلابل .. كانت الحفلة في صالة تاجوج فيها البلابل وسميرة دنيا .. وكانت الحفلة مجهبظا بالعشاء والمشروبات (غير الكحولية) .. الفاصل الأول غنوا البلابل وأبدعوا وحلقوا بنا في عوالم أخر .. جاءت سميرة دنيا بعد الفاصل الأول للبلابل وبدأت في الغناء .. كان غناها باهت جدا على الرغم من أدائها لنفس الأغاني التي طرب لها الناس من قبل .. كان فاصل سميرة دنيا فرصة لتقديم العشاء والخروج لقضاء الحاجات الإنسانية من سجاير وتمباك والذي منه .. ممكن يكون السبب الرئيسي في هذا العزوف الجماهيري إنه ما في مقارنة بين البلابل وأي صوت نسائي آخر مهما عظم ومهما تدلع وتخشلع ومهما عطش الجيم أو شقق باقي الحروف .. من وجهة نظري أنا شايف إنه سميرة دنيا أخطأت خطأ كبير يوم أن وافقت للغناء بصحبة البلابل .. وهي كانت مفتكرة إنه دي فرصة العمر علشان تكتسح فيها الدنيا مع أهرامات الغناء النسائي في السودان .. ولكن إنقلب الأمر تماما وظهر فشل سميرة دنيا للعيان وكانت المقارنة أساسا غير موجودة ... ولو كان البلابل بي نص طايوق برضو ما في منافس أنثوي للبلابل ...
Post: #5286
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-01-2010, 09:00 AM
Parent: #5285

انتو الكلام البيقولو ود جبرين ده , فى الأول اشرحوا لينا
يمين القحف دى , لغاية هسى ما عارف معناها شنو
والله لمن اتغظت من نفسى
بعد ثلاثيت سنة خدمة ثانوى , يجى طارق جبرين ويقول ما عارف قحف
سمبرية وعرفناها
عليك الله قحف دى شنو ؟؟؟
Post: #5287
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-01-2010, 09:17 AM
Parent: #5286

كمان سميرة دنيا دى , كوم تانى براااااهو
غناية مافى كلام , عزاااالة لمن غلط , عينها نجييضة فى الغنا البتختاروا
وكمان طلعت نفسها من دنيا الغناء الخاص , بقوا الناس ما منتظرين منها انتاج ولا يحزنون
تقعد تغنى لى عثمان حسين والتاج مصطفى , نصفق ليها لغاية ما يدينا توجعنا
اى محاولات منها غير كدة , يفتح الله
وبدون ما يكون عندى اى فكرة عن حفلتها المع البلابل يا بادى , الزولة دى دقست انها تدخل نفسها حتة زى دى
البلابل , مدرسة غناء مختلفة , لا تماثلها اى مدرسة اخرى لا فى السودان ولا خارجه
يماثلهم فى الخصوصية عقد الجلاد مثلا
اذا فى حفلة لى عقد الجلاد , محمد وردى زاتو ما بينفع يغنى معاهم
لذا فان غناء سميرة دنيا مع البلابل فى حفلة واحدة , دقسة كبيرة منها
عموما مدارس الغناء الجماعى الكورالى
مدارس قادرة على السيطرة على الآذان والألباب والأفئدة
وعلى كافة المبدعين فى ذلك الوقت , باختلاف صور ومدارس ابداعهم
ان يتضايروا
دون ان يقدح ذلك فى ابداعهم او ينقص منهم شيئا
الغناء الكورالى الجماعى , غناء محرض للتفاعل والأنسجام
بينما الغناء الفردى , يخاطب الأمزجة (المختلفة ولا شك )
لذا فان تفاعل المستمعين والحاضرين يتباين ويختلف حسب امزجتهم وحالتهم (لحظتها )
تتذكروا البى جيز والأبا قروب وناس البونى ام
وتيب ؟؟!!!
Post: #5288
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-01-2010, 09:53 AM
Parent: #5287

الى الان تيم البلابل يتفوق باغلبية ساحقة ....

بس يا منصور عندى ملاحظة صغيرة ، غنا البلابل ليس كورالى
هم 3 لكن الصوت واحد ( فردى ) لدرجة فى اكثر الاغانى ما بتقدر
تفرزن من بعض ، ما عدا فى القليل من الاغانى حيث يستفيد الملحن
الموسيقار بشير عباس من التباين فى الاصوات ويضيف للحن بعد اخر
مثال الجزء الاول من الكوبلية الاول فى البيسأل ما بتوه ، و
الكوبلية الاخير فى حلوين حلاوة
الكوبلية الاول فى اغنية موجــة


وعشان اشعلل الموضوع اكتر لا تطربنى عقد الجلاد فى حضرة البلابل ..
Post: #5289
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-01-2010, 10:32 AM
Parent: #5288

يا منصور شوف ليك اقرب شايقي بوقع ليك الكلام

يا ود عيد يمين ريحتني في حناني


نانسي شنو ياخي غناها زي القراصة الما فيها ملح
Post: #5290
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-01-2010, 10:43 AM
Parent: #5289


يا زول انا ما بعرف اى زول شايقى غيرك
يا تقول لى قحف يعنى شنو
ولا ما تتكلم فى (قراصتنا )
عليك الرسول كان ما قلت لى قحف يعنى شنو ؟؟!!

(المحيرنى محمد عيد ده لقطها من وين ؟؟ ولا هو زاتو ما عارفها بس شايلاهو الهاشمية وعاجباهو الشتيمة )
عندك دقيقتين يا ود جبرين , ولا انا وقريبى النضيف (وحليلك يا مدثر ابايزيد ) , حانقلبها ليكم لاوندى !!
Post: #5291
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-01-2010, 10:53 AM
Parent: #5290

يا جماعة جمال فارح وعبدالحفيظ عباس كتبوا كلام تقيل هنا



شركة الزقازيق القابضة
Post: #5292
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-01-2010, 11:09 AM
Parent: #5288

صباح الخير ،،، يا وجوه الخير

أصبحنا وأصبح الملك لله وحده ،،،

هدية الصباح الجميل :

اذا رفع العبد يديه للسماء وهو عاصى{ فيقول يـارب}
فتحجب الملآئكة صوته{ فيكررها يـارب} فتحجب الملآئكة صوته
{{ فيكررها يـارب} فتحجب الملآئكة صوته{ فيكررها فى الرابعة}
فيقول اللـه عز وجل}} الى متى تحجبون صوت عبدى عنى،،،،،،،،،
{ لبيك عبدى لبيك عبدى لبيك عبدى،،،،
Post: #5293
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-01-2010, 11:50 AM
Parent: #5292

صباحاتكم زي الفل ...
وتحية لبركة المنور البوست
يالبادي كلام منصور عن البلابل والمقارنة مع سميرة دنيا مابتزاد
كل ميسر لما يغني له ... بس
بس الشئ الحلو تخصص عبدالدائم في البلابل بفتح ليك افق كدة بتاع زول فنان
والله انا من زمان فناني المفضل عبدالدائم رغم انو الاي بود بتاعي مافيه الليل الهادي
لكن الما سمعا من عبدالدائم نص حياتو ضايعة ...

منصور قلت لي ماعرفت "القحف" اها يالحبيب زمان مش كان عندكم زير
اها مش مرة غنماية جيرانكم نطحتوا كسرتوا حتة حتة
اها ومش "كسار" الزير دا خميتيهو جدعتوهو في الكوشة
اها "الكسار دا ياحبيب "مفرده" قحف ... مش كسرة
اها.. ياخ صحي قحف دي صعبة خلاص
صعبة شنو ... والله كان قلت ليك "الكركجي" كان راسك سخن
Post: #5294
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-01-2010, 11:58 AM
Parent: #5293

Quote: والله كان قلت ليك "الكركجي" كان راسك سخن


يا جلال ياخي ما تودر الراجل دة
Post: #5295
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-01-2010, 04:27 PM
Parent: #5293

Quote: اها ومش "كسار" الزير دا خميتيهو جدعتوهو في الكوشة
اها "الكسار دا ياحبيب "مفرده" قحف

سلام لكل الأحباب
ياجلال هذه الكحوف مفردها عندكم كحف ونحن عندنا شقفة من كسار الزير
أما الكحف عندنا المتبقي من البطيخة بعد مايؤخذاللب

وهناك سؤال لطارق جبريل كد الدوم ده مش عايز ليه كجة عين؟
Post: #5296
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-01-2010, 11:18 PM
Parent: #5295

جاءني اتصالان من السودان قبل شوية
من الريس معتصم سليمان جعفر
والريس زهير الزناتي

الاخبار النقلوها اكتر من راقية
واكبر من مفاجأة
م

ماعايز احرق المفاجاة على الناس
منتظرين اصحاب الحق والمفاجاة ينشروهو علينا

يا الله يا شباب منتظرين حاجاتكم الجميلة
Post: #5297
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 07:35 AM
Parent: #5296

063.JPG Hosting at Sudaneseonline.com
لقاء الجمعيه بالسيد الاستاذ الدكتور ماهر الدمياطى مدير جامعة الزقازيق والاستاذ الدكتور محمد بهجت نائب مدير جامعة الزقازيق
الاخ زهير الدينمو المحرك لديه الكثير عن المفيد هذا اللقاء وما اسفر عنه فاين انت يا زناتى
Post: #5298
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-02-2010, 12:04 PM
Parent: #5297

يا ريس أصالة عن نفسي و نيابة عن بت شيخي و عيالي...أشكرك و الكوتش و أبو الزوز على كل ما قمتم و تقومون به من أجل الجميع...
كما و أشكرك على التلفون الطويل و الأخبار المفرحة التي لا يريد أبو الزوز بحسه الصحفي أن ينزلها في أيام تقل فيها متابعة البوست و ينتظر بها يوم السبت على ما أعتقد...
شكرا لكم...
Post: #5299
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-02-2010, 12:06 PM
Parent: #5298

Quote: وهناك سؤال لطارق جبريل كد الدوم ده مش عايز ليه كجة عين؟


يا سمعة ما تدخلنا في حتة ضيقة ياخي
Post: #5300
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 01:05 PM
Parent: #5299

يا جماعه اقلبوا الصفحه عشان ثشوفوا اخبار ابو الزوز والكمندان ومجمد ادم
انا عارف ابو الزوز ما بجيكم بالجديد الا فى صفحه جديده
Post: #5301
Title: Re: ناس الزقازيق ... أجدع ناس ( 3 ) ..
Author: محمد عيد
Date: 07-02-2010, 03:19 PM
Parent: #5300

Quote: يا جماعه اقلبوا الصفحه عشان ثشوفوا اخبار ابو الزوز والكمندان ومجمد ادم
انا عارف ابو الزوز ما بجيكم بالجديد الا فى صفحه جديده


القلبة هيــنة يا ريس ..

بس المهم زولك ده هســـه تلقاهو محكـــّر قدام التلفزيون

وقاعد يشوت فى الكورة بدل كاكا ...

اديهو سلك وقول ليهو فـــت الكلام ... وما ترجى باكر

الجمعة مباركة ... ويستحب فيها التحية والاهداء للأحباب
Post: #5302
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-02-2010, 05:56 PM
Parent: #5301

قلب الصفحة عمرو ما كان مشكلة...
زمان تخلي الصفحة في المداخلة التلاتين في الصباح ...
المساء تجي تلقاها اتقلبت....
حسه الصفحة تكون على بعد أربعة خطوات تقعد ليها يومين....
عموما هذه المداخلة مساهمة مني في قلب الصفحة...

ربما تكون بلا طعم و لا لون و لا رائحة...
لكنها تبقى خطوة الى الأمام....
Post: #5303
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-02-2010, 06:05 PM
Parent: #5302

سلامات يا ناس

ومساكم طاعم وجمعتكم مباركة

Quote: حسه الصفحة تكون على بعد أربعة خطوات تقعد ليها يومين....
عموما هذه المداخلة مساهمة مني في قلب الصفحة...


المساهمات يوم الجمعة لازم تكون من الحجم العائلى.
Post: #5304
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-02-2010, 06:17 PM
Parent: #5303

سلامات يا ناس

اها قلبناها....

خلوا زهير والريس وجلا يجوا...

ولو طارق جبريل جا أكيد حيجيب لينا مدحة.
Post: #5305
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-02-2010, 06:32 PM
Parent: #5303

Quote: المساهمات يوم الجمعة لازم تكون من الحجم العائلى.


المساهمات يوم الجمعة يقل حجمها و تصبح من النوع المضغوط...
مع كاس العالم...و مشتروات الأسبوع...و البلاي ستيشن...و تدريبات مهند على الكورة...
عشان يطلع زي عمو كاكا...أو روماريو...
و الله يستر من يايا توري...و هو الأرجح...
Post: #5306
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 07-02-2010, 06:41 PM
Parent: #5303

سلام يا اجدع ناس
والله ما كنت متابعة فبلتالى ما مستمتعة نسبة لظروف المدارس وحاجات تانية
بس مشتاقة للجميع وبتسقط الاخبار
الرشيد عامل لى لى فتح الرحمن مشكور
اتصالين بطعم ايام الزقازيق الدافئة الاول من الهام شمس الدين العزيزة رفيقة السكن فى المغتربات وغريب مجاهد
اتصال جميل وطويل سافر بى لايام جميلة
شكرا لالهام وحنتواصل عنوانها حيكون عند سامى
الاتصال التانى وبعده اتصالين من الاخ العزيز جدا عادل الحسين وليهو الف الف شكر
عادل متابع ومستمتع وباذن الله حيكن معانا قريب
لكم تحياتى
يا ريس معتصم مبروك لبناتك وللامام
Post: #5307
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 10:36 PM
Parent: #5306

065.JPG Hosting at Sudaneseonline.com

أ.د \ ماهر الدمياطى رئيس جامعة الزقازيق و أد \ محمد بهجت عوض نائب رئيس الجامعة
اثناء لقائهم لوفد الجمعيه
Post: #5308
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 10:45 PM
Parent: #5307

067.JPG Hosting at Sudaneseonline.com

أ .د \ ماهر الدمياطى ما كنا نعلم بوجود الجمعيه وهى يجب ان تستمر بقوه وان ترتبط بالجامعه وتدعم منها
Post: #5309
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 10:51 PM
Parent: #5308

070.JPG Hosting at Sudaneseonline.com
069.JPG Hosting at Sudaneseonline.com

تبادل الهدايا التذكاريه
Post: #5310
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 11:02 PM
Parent: #5309

061.JPG Hosting at Sudaneseonline.com

كان اللقاء جميلا فالرجلان كانا فى غاية التواضع والكرم وقد اعطيا الجمعيه الكثير من وقتهما رغم ارتباطاتهما الكثيره
وقدما الكثير من المفاجات الساره لاعضاء الجمعيه .
Post: #5311
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-02-2010, 11:11 PM
Parent: #5310

819.JPG Hosting at Sudaneseonline.com

الزناتى مهندس اللقاء الحقيقى يدعمه الرجل الذى يقدم الكثير فى صمت وصبر محمد صديق
Post: #5312
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-03-2010, 06:58 AM
Parent: #5311

بسم الله الرحمن الرحيم
أصحنا وأصبح الملك لله الواحد الأحد
اللهم نسألك خير هذا اليوم فتحه ونصره ونوره وبركته وهداه
ونعوذ بك من شره وشر مابعده
Post: #5314
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-03-2010, 07:11 AM
Parent: #5312

اصبحنا واصبح الملك لله
يا حى يا قيوم برحمتك استغيث أصلح لى شأنى كله ولا تكلنى الى نفسى طرفة عين
Post: #5313
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-03-2010, 07:07 AM
Parent: #5311

صباح الهناء والسرور ...

لأول مرة يقلبها عسكري !!! ... جنابو شكرا على قلبة الهوبة ...

التحية والتجلة للجنتنا وهم يقومون بالمحاولات الجادة لربط الجمعية بالجامعة الأم وبالزقازيق المدينة الساحرة ...

تحية قلبية للريس معتصم .. وتحية خاصة لأبو الزوز .. وتحية رقيقة لجنابو محمد صديق .. وتحية مجنونة للأستاذ الدكتور محمد آدم جلا ...

حقيقي يا ناس إنتم راقين وجميلين وحلوين وبرغم كل المشاغل والزحمة بتتعبوا علشان تعملوا حاجات لكل الزقازيقيين الطاعمين ...

يا ريس ما كملت القصة وبقيت زي أغنية ود اللمين .. كنت عايز أقول .. وكنت عايز أقول .. والجمهور يتبهدل في إنتظار البوح الجميل ...

وبقيت زي قصص ألف ليلية وليلة لما يقطعوها ليك في حتة حساسة جدا ويقولوا ليك وسكتت شرزاد عن الكلام المباح وراح الملك في سابع نومة .. نحن صاحيين وعيوننا مفتحة ...
Post: #5315
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-03-2010, 07:23 AM
Parent: #5313

زينب التجانى شكرا وعقبال اولادك
ما تحرمينا من طلتك ونشطى البرايه
شويه .
العزيز البادى كل الامر ان ابو الزوز من المفترض
ان ينزل بالموضوع ولكنه شحتف روحنا معاكم لاننا
فى شوق لنراه مكتوبا
يا زناتى حرقتا روحنا بفتو!!!
Post: #5316
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-03-2010, 07:30 AM
Parent: #5313

صباح الخير يا وجوه الخير
كما يحلو دائما للريس ميسرة ان يحينا بها
-------

يا ريس معتصم
ويا ريس زهير الزناتي
منتظرين إنكم تقولو لينا الاخبار الجميلة
ولغاية هسي مافي زول فيكم قالها
رغم إني سمعتها عبر تلفون راقي جدا من الريس معتصم
مباشرة بعد إنتهاء اللقاء مع رئيس جامعة الزقازيق الزائر للخرطوم
--------
انا طالع من المكتب وراجع تاني
يعني موضوع بتاعين ساعتين
فتيتو الموضوع كان بها
ما فتيتوهو انا راح أفتو
وسلام
-------
Post: #5317
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-03-2010, 07:59 AM
Parent: #5316

صباح الخير ،،، يا وجوه الخير

أصبحنا وأصبح الملك لله وحده ،،،

تحية لأعضاء الجميعة الزقازيقية الحاضرين في قلوبنا

وهم يخطفون هذا السبق الصحفي الجميل والمجهود الرائع

وقد كنت مع الريس معتصم بإتصال وأكرمني بإتصال طويل وكذلك

كنا مع المايسترو زهير الزناتي بإتصال وتحية خاصة لجنابو وعمار

وصاحبنا مقدم التذكار وللجميع إجمل التحيايا ،،،،

لوكوا الصبر زهير مشغول وجاييكم .
Post: #5318
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-03-2010, 08:06 AM
Parent: #5317

ورونا اولا" الصور دى وين ؟
فى الخرطوم ولا الناس ديل سافرو الشرقية فى مهمة رسمية !!


وبرضو جانى اتصال مطول وما بقدر اقول ولا قادر اصرح ....
Post: #5320
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-03-2010, 08:19 AM
Parent: #5318

الشكر الجزيل والثناء العظيم لجمعيتنا العملاقة متمثلة
في الإخوة معتصم جعفر وزهير والكوتش ومحمد ادم وأكيد حققوا
لنا مكاسب جيدة من لقائهم بإدارة جامعة الزقازيق بالأخص
فيما يخص شركة الزقازيق المحدودة
Post: #5321
Title: Re: ناس الزقازيق ... أجدع ناس ( 3 ) ..
Author: عمر نملة
Date: 07-03-2010, 08:27 AM
Parent: #5318

ياشباب ورونا ياتو رئيس جامعة الزقازيق اتخيل لي الجميل الاسمر على اليمين احيك واحب يدلاتك بدلاتك في نظاراتك
wie.jpg Hosting at Sudaneseonline.com
Post: #5319
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-03-2010, 08:19 AM
Parent: #5317

في يوم زقازيقي جميل هاتفني السودان الزقازيقي

وكان على الخط من عطبره مولانا وقاضي محكمة الدامر

أخونا عادل الحسين إبن الزقازيق ، رجل طيب المعشر حافظ

للود والخوة وهو متابع ومستمتع وله رغبة الدخول إلى البيت الزقازيقي

هاتف : 00249912343993
بريد الكتروني : [email protected]

يا زهير سجل الراجل ده في القائمة الجديدة

مولانا عادل من متابعته المتواصلة لما يكتب قال لي تبحث عن هاتف

جمال دفعة ،،،،،،، الراجل أعطاني الهاتف وعلى طول إتصلت كان على الخط

دفعة بشحمه ولحمه الغريبة في أقل من نصف دقيقة تأكد إنو أنا المتصل وجمال

غني عن التعريف وهو يعمل أستاذ جامعي وتزوج من الدامر ومستقر في عطبرة

الإسم : جمال الدين محمد عثمان الطاهر

هاتف :00249912903433

سجل يا سامي مولانا/ عادل والأستاذ/ جمال
Post: #5322
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-03-2010, 08:34 AM
Parent: #5319

سلام وتحية لاجدع ناس مشتاقين ليكم جميعاً
والبيت محروس بأصحابه خلال الفترة السابقة
توقفنا عن المداخلة ويظهر ان الموضوع صعب كثير
أن تكوني ربة بيت وموظفة ومتابعة لدروس الأولاد والأمتحانات
الحمد لله نعود لكم كما عادت زميلتي زينب التجاني وأتمنى أن
تعود جميع زهرات الزقازيق للكتابة ولنستفيد من الإجازة قبل السفر.

سلام وتحية للجنة التنفيذية لمجهوداتها الرائعة وإلى الأمام سيروا
Post: #5323
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-03-2010, 09:33 AM
Parent: #5322

والله يا منى يونس لو جيتى بدرى شوية كان قلبتى الصحفة

لكين ما مشكلة مع شامبيون زى ما بتقول الدعاية


صالح الدعوات لبت زوبة فى امتحانات الشهادة السودانية

والتحية لمولانا عادل الحسين وجمال دفعة
Post: #5324
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-03-2010, 09:49 AM
Parent: #5323

خبر محزن وردنى للتو من الأخ محمد عثمان حاج الركز
فقد توفيت خالة زميلتنا واختنا عفاف على ميرغنى مساء الأمس
فى حادث حركة مؤسف , هى وابنها -فى طريق مدنى الخرطوم
الفقيدة وابنها راحا مبكيا على شبابهما الغض
عفاف بحاجة ماسة لمواساتكم ووقفتكم
تلفون عفاف على ميرغنى 00966501292285
وتلفون حاج الركز 00966502451426
اللهم تقبل المتوفية خالة زميلتنا عفاف وابنها , احسن القبول
والهم زميلتنا عفاف , الصبر الجميل
Post: #5325
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-03-2010, 10:00 AM
Parent: #5324

انا لله وانا اليه راجعون

خالص التعازى للاخت عفاف والاخ محمد عثمان فى مصابهم الجلل

الفقد كبير ، اللهم الزمهم الصبر الجميل
Post: #5326
Title: Re: ناس الزقازيق ... أجدع ناس ( 3 ) ..
Author: عصام دهب
Date: 07-03-2010, 10:34 AM
Parent: #5325

لا حول و لا قوة إلا بالله العلي العظيم ..

أسال الله تعالى أن يغفر لخالة و إبن خالة زميلتنا و اختنا الفاضلة / عفاف علي ميرعني و أن يرحمهما و يتقبلهما قبولاً حسناً و ينزلهما الفراديس العلى من الجنان و يلهم أهلهم و ذويهم الصبر الجميل .. التعازي الصادقة لعفاف و للأخ الفاضل / محمد عثمان حاج الركز و كافة أفراد الأسرة في هذا الفقد و المصاب الجلل و ( إنا لله و إنا إليه راجعون ) .
Post: #5327
Title: Re: ناس الزقازيق ... أجدع ناس ( 3 ) ..
Author: محمد عيد
Date: 07-03-2010, 10:58 AM
Parent: #5326

انا لله وانا اليه راجعون

خالص التعازى للاخت عفاف والاخ محمد عثمان فى مصابهم الجلل

الفقد كبير ، اللهم الزمهم الصبر الجميل
Post: #5329
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-03-2010, 11:10 AM
Parent: #5327

خالص التعازى للاخت عفاف والاخ محمد عثمان فى مصابهم الجلل ...

اللهم أرحم المتوفين وتقبلهما قبولا حسن وأدخلهما الفردوس الأعلى من الجنة .. آمين
Post: #5328
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-03-2010, 11:07 AM
Parent: #5326

اللهم ارحمهم واجعلهم من اصحاب اليمين مع الصديقين والشهداء
خالص التعازى للاخت الفاضله عفاف والاخ محمد عثمان
Post: #5330
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-03-2010, 11:33 AM
Parent: #5328

خالص العزاء للأخت الفاضلة عفاف و للأخ محمد عثمان في مصابهم الجلل...
نسأل الله أن يتقبل الفقيدين بقبول حسن و أن يلهم آلهم الصبر الجميل...
انا لله و انا اليه راجعون...
Post: #5331
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-03-2010, 12:01 PM
Parent: #5330

انا لله وانا اليه راجعون

خالص التعازى للاخت عفاف والاخ محمد عثمان فى مصابهم الجلل

الفقد كبير ، اللهم الزمهم الصبر الجميل
Post: #5334
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 07-03-2010, 12:11 PM
Parent: #5331

خالص التعازى للاخت عفاف والاخ محمد عثمان فى مصابهم الجلل
الهم ارحمهما واغفر لهما وادخلهما فسيح جناتك
مع دعواتنا لاهلم بالصبر وحسن العزاء
Post: #5332
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-03-2010, 12:06 PM
Parent: #5330

خالص التعازى للاخت عفاف والاخ محمد عثمان فى مصابهم الجلل

اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

لا حول ولا قوة إلا بالله
Post: #5333
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 07-03-2010, 12:07 PM
Parent: #5330

انا لله وانا اليه راجعون

خالص التعازى لعزيزتنا عفاف والاخ محمد عثمان فى مصابهم الجلل

نسال الله الرحمة والمغفرة للفقيدين
Post: #5335
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-03-2010, 01:49 PM
Parent: #5333

خالص التعازي للاخت عفاف والاخ محمد عثمان
ونسأل الله للفقيدة وابنها الرحمة والمغفرة
انا لله وانا اليه راجعون
Post: #5336
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-03-2010, 03:30 PM
Parent: #5335

خالص التعازي للأخت عفاف والأخ محمد عثمان
في وفاة خالة عفاف وإبنها نسأل الله لهما
واسع الرحمة والمغفرة ,ان يلهم أهلهم وذويهم
الصبر الجميل
وإنا لله وإنا إليه راجعون
Post: #5337
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-03-2010, 04:08 PM
Parent: #5336

انا لله وانا اليه راجعون

خالص التعازى للاخت عفاف والاخ محمد عثمان فى مصابهم الجلل

الفقد كبير ، اللهم الزمهم الصبر الجميل
Post: #5338
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-04-2010, 04:35 AM
Parent: #5337

الللهم اني أعوذ بك من الهم و الحزن و أعوذ بك من العجز و الكسل و أعوذ بك من الجبن و البخل و أعوذ بك من غلبة الدين و قهر الرجال.....
Post: #5339
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-04-2010, 06:22 AM
Parent: #5338

صباح الهناء والسرور ...

يا جماعة خافو الله فينا .. الريس معتصم وأبوالزوز ومحمد صديق والشيخ جلا عايزنكم تكملوا القصة والبشارات الكثيرات القادمة من جامعة الزقازيق ...

يا شادينا روقنا المنقا لكن(غيابك طال) وما جيت تفتوا لينا ...
Post: #5340
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-04-2010, 06:37 AM
Parent: #5339

انا لله وانا اليه راجعون

خالص التعازى للاخت عفاف والاخ محمد عثمان فى مصابهم الجلل

الفقد كبير ، اللهم الزمهم الصبر الجميل
Post: #5341
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 07-04-2010, 07:34 AM
Parent: #5340

خالص التعازى للاخت عفاف والاخ محمد عثمان فى مصابهم الجلل
اللهم أغفر لهم و ارحمهم و اعفو عنهم و أكرمهم
- اللهم وسع مدخلهم و ادخلهم الجنة و غسلهم بالثلج و الماء والبرد
Post: #5342
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-04-2010, 07:52 AM
Parent: #5341

الفتة
بي طريقتكم
انا راح افتها ومالي شغلا بي زول
-------
يوم الخميس بالليل اتصل على الريس معتصم جعفر
وقال إنو هو والمايسترو الزناتي مختلفين
زهير قال راح يجري ينشر الخبر في النت
ومعتصم قال ليهو انا راح اتصل على الناس ابشرهم
وانا واحد من الناس الاتصل عليهم معتصم
---------
الصور في برج الفاتح في الخرطوم

رئيس جامعة الزقازيق والوفد المعاهو في زيارة رسمية للسودان

ناس اللجنة سمعو بيهم مشو ليهم وآخر تكريم وإحتفال بالناس الحلوة الجاية من البلد الحلوة

الله يرحم شارع القومية وعم حسن بتاع الفول وعزه الشغالة وأبو ياسر بتاع السوبرماركت وعمارة سفن اب


الراجل ( رئيس جامعة الزقازيق ) جاتو حالة بتاعة إنبهال ودخل في دوخة دهشة من هول ماسمع
ناس قرت مع بعض قبل عشرين سنة لاتزال متماسكة ومحبة لبعض وعندها جمعية وموقع على النت وبتعمل في شركة

معئئئولة
معئئئولة
( بالمصري )

يا الله الراجل قام شالتو الهاشمية
وعلى الطلاأأأأأ ( بالمصري )

قام ادا ناس الزقازيق ثلاثة هدايا
( حسب كلام الريس معتصم )

الهدية الاولى :
1- عدد ثلاث منح دراسية لابناء خريجي جامعة الزقازيق
2- تسهيلات وخصومات حتى كم % ماعارف لكل خريجي جامعة الزقازيق العايزين يحضروا .
3- زهير قام شالتو الهاشمية وحكى ليهو عن الشركة البنأسس فيها:
الراجل شرقاوي
شالتو الهاشمية هو التاني
وحلف طلاأأأ ( بالمصري )
ومش معئئئئئول
وقال :
كل الدراسات والاستشارات البتحتاجها الشركة الجديدة
مالية وهندسة وخلافو
تقدم ليكم من استاف الاساتذة في الجامعة ومجاناً
4- تسهيلات ماعارف كيف وكم لاستخراج شهادات الكرتون .

انا فتيتو
لو في حاجة غلط صلحوها
Post: #5343
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-04-2010, 08:04 AM
Parent: #5342

يا البادي
يا موسى عيسي
يا ميسرة

ندفع كم ووين وكيف ولي منو

ورونا السكة
Post: #5344
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-04-2010, 08:06 AM
Parent: #5343

اتصال راقي من الراجل الراقي الدكتور خالد محي الدين
جاءني يوم الخميس مساءً ليزيد تلك الليلة بهاءً
اتصالين من الريس معتصم من السودان
ومن خالد محي الدين من القصيم
الله يديك العافية خالد ويخلي ليك اولادك
وإن شاء الله نجتمع بيك قريب
تحياتي
Post: #5345
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-04-2010, 11:19 AM
Parent: #5344

خالص التعازي للعزيزة عفاف علي ميرغني في وفاة خالتها ... وإن أكثر الناس يعرفون مدي ألم عفاف علي هذا الفقد بعد ذهاب خالاتها واحدة تلو الأخري في عز شبابهن ... كم أنا حزين لأجلها ولأجل إبنها ... ولأجل أسرتها الصغيرة وأسرتها الكبيرة بكسلا والخرطوم والشمالية ... لا نقول إلا ما يرضي الله ... إنا لله وإنا إليه راجعون رحمها الله رحمة واسعة .... وأسفي كبير لأني لم أسمع هذا الخبر إلأ الآن ... التعازي موصولة للعزيز محمد عثمان....
Post: #5346
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-04-2010, 11:36 AM
Parent: #5345

تقرير لقاء رئيس الجامعة ....

وصل السيد رئيس جامعة الزقازيق الأستاذ الدكتور ماهر الدمياطي ونائبه السيد الأستاذ الدكتور محمد بهجت عوض وهو عميد سابق لكلية الطب جامعة الزقازيق .... في زيارة رسمية للبلاد لمدة ثلاث ايام (الأربعاء ، الخميس ، الجمعة) .. بدعوة من اكاديمية السودان للعلوم وهي مؤسسة تعني بالدراسات العليا وتتبع لوزارة التعليم العالي (مقرها الخرطوم (2)) ... عرفت الزيارة بالصدفة من الأخ الفاتح القمر ومن بعض صحف الخرطوم في نهار الأربعاء نفسه ... بعد مجهودات مضنية من محمد آدم النور عرفنا في في وقت متأخر من مساء الأربعاء أن الوفد قد حل ضيفاً في برج الفاتح ... أستطعنا الأتصال بالوفد في تمام الساعة الحادية عشر صباح الخميس وقد رحب بنا السيد رئيس الجامعة وأعتذر عن لقاء موسع مع خريجي الجامعة وأبدي ترحيبه بوفد من اللجنة التنفيذية لعقد لقاء ترحيبي مساء نفس اليوم ما بين الساعة السادسة والنصف والسابعة والنصف ... تحركت نفر من اللجنة التنفيذية في كل الإتجاهات حتي يكون اللقاء مثمراً وقد قمنا بتجهيز الهدايا والدروع وأجندة الأجتماع ...
في تمام الساعة السادسة وخمس وثلاثون دقيقة إلتئم الأجتماع بحضور كل من الريس معتصم ، محمد صديق ، محمد آدم ، زهير الزناتي ... إضافة للأستاذ يعقوب مدير العلاقات العامة بأكاديمية السودان للعلوم وتلفزيون السودان وبعض صحف الخرطوم ... بعد كلمات المجاملة التقليدية المتبادلة ... شرح السيد رئيس الجامعة التطورات العلمية والمادية التي تمت مؤخراً في جامعة الزقازيق والطفرة العمرانية والإقتصادية التي شهدتها المدينة ... كما قمنا بتقديم شرح وافي عن الجمعية وأنشطتها وأحوال خريجيها المنتشرين في أنحاء العالم المختلفة ... وما تنوي الجمعية تنفيذه من مشاريع مختلفة وعلي رأسها شركة الزقازيق القابضة .... رحب السيد رئيس الجامعة بكل تلك الخطوات وأبدي استعداده للتعاون التام مع الجمعية وكل المؤسسات السودانية وقد قرر الآتي في تلك الجلسة :

1/ تقديم ثلاث منح كاملة لأبناء الخريجين للدراسة بالجامعة (لعناية أحمد إسماعيل والمغتربين) .
2/ قبول كل أبناء الخريجين بالجامعة برسوم رمزية (علي طريقة البعثات السابقة) .
3/ قبول كل أعضاء الرابطة وغيرهم من السودانيين للدراسات العليا بالجامعة برسوم رمزية تقدر بـ 10% من الرسوم البالغة 1.500 جنيه استرليني أي حوالي 150 جنيه ما يعدل أزيد قليلاً من الـ 200 دولار لكل التخصصات .
4/ العمل علي استخراج الشهادة الأصلية (الكرتونة) بواسطة الجمعية عن طريق إرسال قائمة بكل من يود استخراجها .
5/ دعوة وفد رسمي من الجمعية لزيارة الجامعة مع تكفل الجامعة التام بالإقامة والإعاشة والتنقل . من أجل إنزال هذه القرارات لأرض الواقع . إبتداءً من العام الدراسي القادم والذي يبدأ في سبتمبر القادم.

بعد ذلك تم تقديم الهدايا للسادة أعضاء الوفد وتسجيل لقاء تلفزيوني ولقاءات صحفية معهم .
وشكراً
زهير الزناتي
بأمر وفد اللجنة التنفيذية للإجتماع .
Post: #5348
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-04-2010, 11:56 AM
Parent: #5346

كتر خيركم كتير ...
وفي رواية ... الشكر الجزيل العميق ل لجتنا التنفيذية وربانها الريس معتصم
رفعتوا راسنا ومديتوا جسور تواصل جديدة مع جامعتنا.
وكتر خير جامعتنا ممثلة في رئيسها ونائبه ... وشكرا شكرا على المنح الدراسية ومنح الدراسات العليا
والكرة الآن في ملعبنا لتأطير كل هذه الامور وبالجد لا بد من عمل مؤسسي راقي للاستفادة من هذه الفرص
وحتى نثبت بأننا على قدر المسئولية في شأن التعامل المؤسسي
.
..
...
وعلى قدر أهل العزم تأتي العزائم
Post: #5347
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-04-2010, 11:46 AM
Parent: #5345

http://www.gla.ac.uk/services/it/graduationwebcast/grad...sarchive/summer2010/

بعد فتح الصفحة أضغط علي :
Monday 28th June under Morning


When the page opens, click on Monday 28th June under Morning.



تخريج سناء الصباغ بجامعة غلاسكو وتظهر سناء في الدقيقة 4 و18 ثانية
Post: #5349
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-04-2010, 12:01 PM
Parent: #5347

DSC00991.JPG Hosting at Sudaneseonline.com



DSC22.JPG Hosting at Sudaneseonline.com



DSC00969.JPG Hosting at Sudaneseonline.com



DSC00988.JPG Hosting at Sudaneseonline.com
Post: #5350
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 07-04-2010, 01:39 PM
Parent: #5349

كل اعضاء اللجنة التنفيذية
بدون فرز
وبدون ذكر اسماء
إنتو ناس كبار
وعمايلكم عمايل ناس كبار
إنتو فخر لكل انسان يعرفكم
وما بيعرفكم كمان
العملتوهو ده شرف لكل الزقازيقاب وغيرهم كمان
كتبر خيركم
وربنا يقدرنا على جزاكم
وربنا يقدرنا على صون النعمة الغالية الجاتنا دي
Post: #5351
Title: Re: ناس الزقازيق ... أجدع ناس ( 3 ) ..
Author: Tabaldina
Date: 07-04-2010, 01:49 PM
Parent: #5350

..
.
نسال الله ان يتغمد خالة و إبن خالة الاخت الفاضلة / عفاف علي ميرغني
بواسع رحمته وان يتقبلهما قبولاً حسناً و ينزلهما الفراديس العلى من الجنان
و يلهم أهلهم و ذويهم الصبر والسلوان وحسن العزاء..


-------

احر التعازي الصادقة لعفاف و للأخ الفاضل / محمد عثمان حاج الركز
و كافة أفراد الأسرة في هذا الفقد و المصاب الجلل

إنا لله و إنا إليه راجعون ) .
Post: #5352
Title: Re: ناس الزقازيق ... أجدع ناس ( 3 ) ..
Author: عصام دهب
Date: 07-04-2010, 02:01 PM
Parent: #5351

شكراً كتير و تحية و تقدير لأعضاء اللجنة التنفيذية لمبادرتهم الرائعة ..

و أسال الله تعالى أن يوفقكم جميعاً و يسدد على سبل النجاحات خطاكم ..

و أتمنى أن تتوج هذه الجهود الفاعلة بمزيد من البشريات للزقازيقاب و أسرهم ..

و ربنا يخدّر ضرعاتكم ..

و تتباركوا ما تتشاركوا ..
Post: #5353
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-04-2010, 03:47 PM
Parent: #5352

التعازي الحارة للأخت عفاف علي ميرغني في وفاة خالتها وابن خالتها
وللاخ محمد عثمان والأسرة الكريمة ...
نسأل الله أن يتغمدهما برحمته الواسعة
وأن يتقبلهما لديه قبولا حسنا مع الصديقين والشهداء
اللهم تجاوز عنهما ونقهما من الذنوب والخطايا كما ينقى الثوب الأبيض من الدنس
لك الصبر وحسن العزاء اخت عفاف
وانا لله وانا اليه راجعون
Post: #5354
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-04-2010, 04:06 PM
Parent: #5353

شكر واعجاب شديد بالمجهودات الطيبة والمقدرة من الشباب الحلوين
زهير - الكوتش - محمد ادم النور - والريس معتصم
منورين البوست والله وانشاء الله شاحد ربي يديكم قدر نيتكم الطيبة دي
ويوفقكم دائما لخير وتقدم جمعيتنا العظيمة ..
دي خطوات عظيمة ومقدرة جدا ولا شك انها حتفيد الكثيرين من الأخوة الزملاء ..
الشكر موصول للاخوة بادارة الجامعة ونسأل الله أن يديم المعروف والصلات الحميمة

الشكر لكم مجددا على هذه اللفتة البارعة منكم
والى الأمام دائما انشاء الله ....
Post: #5355
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-04-2010, 04:42 PM
Parent: #5354

Quote: تخريج سناء الصباغ بجامعة غلاسكو وتظهر سناء في الدقيقة 4 و18 ثانية

التهاني والتبريكات نسوقها للاخت والزميلة الدكتورة سناء الصباغ بمناسبة التخرج وان شاء الله من نجاح الى آخر.

الف مبروك يادكتورة
Post: #5356
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-04-2010, 07:51 PM
Parent: #5355

مساكم الله بالخير

الانجازات التي قام بها الرباعي الخطير الريس و الكوتش و الحاج و أبو الزوز هي انجازات تستحق منا أن نشكرهم عليها و نثني على جهدهم الكبير و العظيم...
نسطر اعجابنا بأناقة جلا...
و عمة الريس معتصم...
و بقول للكوتش شايف تمارين البطن بتاعت العيال عاملة نتيجة رهيبة...رسل لي التمارين في الايميل...
عمل جبار و نوعي...يجعلنا ننادي بعمل نقلة نوعية أيضا لأنشطة الجمعية...
لا بد من مقر و نظام عام للجمعية و سكرتارية...
لا نريد لمثل هذه الأعمال أن تنقطع بغياب زهير...
أو انشغال الريس و الكوتش...
أو جولات جلا الدائمة المرتبطة بعمله...
لا نريد لها أن تتوقف بانتهاء هذه الدورة...

مرة أخرى شكرا زهير...جلا...محمد ...و الريس معتصم جعفر...
Post: #5357
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-04-2010, 09:39 PM
Parent: #5356

رب اغفر لي ولوالدي، رب ارحمهما كما ربياني صغيرا
Post: #5358
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-05-2010, 04:41 AM
Parent: #5357

(( اللهم إني أسألك العافية في الدنيا والآخرة اللهم إني أسألك العفو والعافية في ديني ودنياي وأهلي ومالي اللهم استر عوراتي وآمن روعاتي اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي ))
Post: #5359
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-05-2010, 05:13 AM
Parent: #5358

صبحكم الله بالخير

عندما يبكي الزجاج

سافرت أختي غادة مساء البارحة هي و عائلتها الصغرة للسودان...
غادة تنتظر هذه الاجازة السنوية منذ عودتها من الاجازة السنوية السابقة...
و لعدم ثقتها في سودان طير لم تستطيع ان تحندكني الا عندما ضمنت لنفسها مقعدا داخل الطائرة...
ثم اتصلت بي من داخل الطائرة قائلة...خليناك براك في غياثي...
و رغم انني قد بلغت بي الحندكة مبلغا الا انني ضبطت نفسي و تمنيت لها اجازة سعيدة...
يجدر الاشارة الى أنهم بقوا في المطار لقرابة الثمانية ساعات قبل أن يدخلوا الطائرة...
هذا بعد التأجيل الأول...و الثاني...
لكن بيني و بينكم حندكتني حتى الثمالة...
فالخروج من الامارات في هذا الوقت من السنة ضروري...
هذا ان لم يكن حتمي...
و لكن ظروف استجدت كما ذكرت سابقا أثرت على جميع خططي...
فدرجات الحرارة في تصاعد مستمر...
كل الكائنات في حالة اعياء و عطش...
حتى النباتات التي تشكل اللاندسكيب في المدينة...
فلقد أصبحت تحتاج الى كميات اضافية من المياه لانعاشها...
الشركات أصبحت تمد عمالها في المواقع بالعصائر و الجلوكوز و المياه...
و لقد ارتفعت درجة الرطوبة اليوم الى حد كبير...
بدأ هذا الصباح بضباب دافيء...
و بالرغم من وجودي داخل غرفة باردة...
الا أن قطرات الماء التي تجمعت على زجاج نافذة مكتبي...
ثم سالت على النافذة...
قد عبرت عن حالتي أحسن تعبير...

و هكذا يبكي الزجاج...
Post: #5360
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-05-2010, 05:33 AM
Parent: #5359

اللّهم لا تجعلني للبلاء عرضاً، ولا للفتنة نصباً
ولا تتبعني ببلاء على اثر بلاء
فقد ترى ضعفي وقلّة حيلتي وتضرّعي

أعوذ بك من جميع غضبك فأعذني
واستجير بك فأعنّي
وأتوكّل عليك فاكفني
واستهديك فاهدني
واستعصمك فاعصمني
واستغفرك فاغفر لي
واسترحمك فارحمني
واسترزقك فارزقني
Post: #5361
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-05-2010, 06:34 AM
Parent: #5360

003.gif Hosting at Sudaneseonline.com
Post: #5362
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-05-2010, 06:36 AM
Parent: #5360

الحمد لله الكج فكه و عفشنا وصلنا و نقول مبروك للجميلة بنت الجميل الريس معتصم .

و احر التعازي للاخت حنان علي عبدالرحمن في وفاة شقيقها عبدالرحمن .

و التحايا للجميع خلال فترة الانقطاع الإجباري بالرغم من اننا كنت مستمع استمتاع جنابو بالبوست .

و التحية والتقدير للريس و باقي الكتيبة الباسلة بما الانجاز الجميل بلقاء وفد الجامعة بالسودان

فلك التحية و إلي الامام أخوتي و لمزيد من الانجازات .
Post: #5363
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-05-2010, 06:42 AM
Parent: #5362

اصدق التعازي للاخت عفاف علي ميرغني في وفاة

خالتها و ابنتها فلهما الرحمة والمعفرة و للاسرة

الصبر و حسن العزاء و نسال الله ان يتقبلهم قبولا

حسنا و ان يجعل الجنه هم دارهم و قرارهم و ان

ان يجعلهم مع الصديقين والشهداء و حسن اولئك رفيقا.
Post: #5364
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-05-2010, 07:18 AM
Parent: #5363

صباح الخير ،،، يا وجوه الخير
أصبحنا واصبح الملك لله وحده،،،

دعاء الصباح :

اللهم يا عزيز يا جبار اجعل قِلوبنا تخشع من تقواك
واجعل عيوننا تدمع من خشياك واجعلنا يا رب من أهل التقوى
وأهل المغفرة وارزقنا الهدى والتقى والعفاف والغنى

وصلى اللهم على سيدنا محمد وعلى اله وصحبه وسلم

موسى عيسى حمد لله على سلامة العودة والعالج الباسويرد بتاعك
يعالج علينا موضوع كوثر داؤؤد، يا زهير الزناتي فقد طال إنتظارها
ساعدوها لكي تواصل المداخل معكم .

الزميلة سناء الصباغ لكلي منا ألف تحية وتهنئة خالصة.
Post: #5365
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-05-2010, 08:02 AM
Parent: #5364

اللهم بك أصبحنا وبك أمسينا وبك نحيا وبك نموت وإليك النشور
اللهم فاطر السماوات والأرض عالم الغيب والشهادة رب كل شيء ومليكه
أشهد أن لا إله إلا أنت ونعوذ بك من شر أنفسنا ومن شر الشيطان وشركه
اللهم نسألك العفو والعافية والمعافاة الدائمة في ديننا ودنيانا وأهلنا
ومالنا ووالدينا وكل من لهم حق علينا وفي عاقبة أمورنا كلها.
Post: #5366
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-05-2010, 08:25 AM
Parent: #5365

صباح الهناء والسرور ...

ملايين التبريكات للزميلة سناء الصباغ وعقبال النجاحات المتتالية في كل الإتجاهات والتخصصات ...

أعضاء لجتنا الموقرين الريس معتصم والدينمو المحرك أبوالزوز والكوتش الرقيق جنابو محمد صديف والأنيق المشاكس الحاج جلا ...

الله يديكم العافية ويديكم قدر ما يرضيكم .. أرضيتمونا تماما وأشبعتمونا بالأخبار السارة ...

تم الإستفادة من خبرة جنابو الإستخباراتية .. يعني من مجرد خبر صغير في الصحف تم التحرك المكوكي لأعضاء اللجنة وتم عمل أشياء كثيرة من وراء الكواليس علشان يجينا اللقاء بهذه الأناقة وتم صرف مبالغ مع العلم لا توجد ميزانية ولا أرصدة في بنوك اللجنة .. دفعوا من جيوبهم كعادتهم الكريمة .. وكلنا نعرف الأوضاع في السودان المادية والمعنوية .. علشان تعمل هدايا بجودة عالية وأنيقة المنظر وفي وقت قياسي زي دا وفي السودان أكيد دا عمل جبار وراه ناس ما عادية .. ناس يصعب وصفهم ... جزاكم الله عننا خير الجزاء وجعلها الله في ميزان حسناتكم وربنا يقدرنا على جزاكم ...

بهذه المناسبة أرجو فتح ملف دعم اللجنة التنفيذية لرابطتنا لنساعدهم على إسترداد المبالغ النقدية التي يدفعونا من جيوبهم الخاصة وحادثة رئيس الجامعة ونائبه خير دليل وبرهان ... خلونا نرد ليهم جزء من الحاجات اللي قاعدين يعملوها بإسمنا جميعا واللي قاعدة تشرفنا جميعا ... فلتكن تبرعات .. فلتكن إشتراكات .. ولا ننسى المبالغ الضخمة التي تم صرفها من قبل ومن جيوبهم الخاصة ...
Post: #5367
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-05-2010, 09:05 AM
Parent: #5366

ملايين التبريكات للدكتورة سناء الصباغ و مزيد من

الانجازات في حياتك و لك التحية و للاسرة يا دكتورة.


بداية ذي بدء ابدء بموضوع العزيز البادي و هو دعم

اللجنة التنفيذية فالحقيقة يا اخوان هذا الموضوع

من الاهمية بمكان ان يقوم كل واحد منا علي الاقل بسداد

اشتراكاته السنوية لللجنة لانه للامانة ما يقومون به من

مجهود فهو من وقتهم الغالي و وقت اسرهم و كمان يقومون

بدفع فواتير ذلك العمل من جيوبهم اعتقد كثير عليهم لذا

فانا اقترح علي كل من لم يسدد اشتراكاته خلال الفترات السابقة

ان يقوم الان بسدادها دون الطلب منه و أبدا بنفسي و اؤكد باننا

ان قمنا جميعا بسداد الاشتراكات فسوف نكفي هؤلاء الاشاوث شر

كثير من المتعاعب و التي هي حق للجميع .

أكرر ان لا نفوت هذا الموضوع كسابقه ؟

و لك التحية اخي البادي علي هذا التوجيه .
Post: #5368
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-05-2010, 09:44 AM
Parent: #5367

والله انجاز مشرف يا شباب وربنا يحفظكم
موسى عيسى حمد لله على السلامة
والف مبروك للسنير سناء الصباغ
Post: #5369
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-05-2010, 10:16 AM
Parent: #5368


مجهود مقدر ومكسب كبير ما قام به الشباب تجاه مقابلة وفد جامعة الزقازيق الزائر
واعتقد ان هذا المكسب بحاجة الى متابعة فورية , حار حار , وذلك لتأطيره وتحويله الى قرار ادارى معلوم من ريئس الجامعة ونائبه
وتقريبا ده بيتم من خلال المراسلات المكتوبة والموثقة
بافتراض اننا حصلنا على مرجعية عندهم , فيجب تثبيت ذلك فورا
خطاب شكر من اللجنة التنفيذية لمدير الجامعة , وفى نفس الوقت شكر اضافى مع تذكير دبلوماسى بالوعود التى قطعوها
الرد الكتابى الذى يأتينا منهم , سيكون اساس متين للمضى قدما فى تأطير هذه المكاسب ووضعها موضع التنفيذ
وبعد ذلك العمل بجدية للأستفادة الفورية المباشرة من قصة المنح الثلاثة دى , وكذلك فرص الدراسة المفتوحة لأبناء الزقازيقاب بنظام البعثات القديم
هذا فى حد ذاته من الممكن ان يكون عمل محورى وجبار لتجميع العضوية وتنظيم الحقوق والواجبات بشكل مباشر وسريع
نجضوا موضوع المنح والفرص الدراسية ده بسرعة يا شباب اللجنة التنفيذية
لأنه ممكن يكون اساس تنظيمى متين لجمعيتنا البتشتكى ليها مدة من موضوع محورى جاذب
وماشة باجتهادات فردية مقدرة وظاهرة , لكنها غير كافية لتأسيس عمل على مستوى الأجل الطويل
يا ريس معتصم ويا جلا ويا كوتش ويا نهلة نجم الدين ويا ابو الزوز والبادى النور وكل الشباب والشابات القريبين والقريبات من عمل اللجنة
هذه فرصة ذهبية خلقتوها انتم بمتابعتكم , نجضوها ووصلوها الحد
فمثل هذه الفرص , لا يتكرر كثيرا
Post: #5370
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 07-05-2010, 10:57 AM
Parent: #5369

الزميلة سناء الصباغ لكلي منا ألف تحية وتهنئة خالصة.
Post: #5371
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-05-2010, 12:28 PM
Parent: #5370

Quote: ملايين التبريكات للزميلة سناء الصباغ وعقبال النجاحات المتتالية في كل الإتجاهات والتخصصات ...


الاتجاه الجاى الزقازيق طوالى بعد المغريات الكتيرة دى كلنا عاوزين نقرأ تانى ..



انا متأكد جلا اول مرة يدخل برج الفاتح ما تخدعكم البدلة يا موسى
Post: #5372
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 07-05-2010, 12:36 PM
Parent: #5370

اولا نهاركم سعيد ....

ثانيا الشكر والتقدير لاخوانى الاعزاء
جنابو والزناتى ومعتصم وجلا وكل اعضاء اللجنة التنفيذية
فلهم ملايين التحايا لهذا الانجاز
اضم صوتى للاصوات التى طالبت بوجود دخل ثابت للجمعية
حتى لا تتكفل اللجنة التنفيذية بكل الاعباء المالية
ويمكن ان يكون الدخل الثابت من خلال تفعيل بند الاشتراك الشهرى
ايضا لابد من التفاكر لايجاد وسيلة لتسديد مديونية الجمعية والتى تكفل بعض
اعضاء اللجنة التنفذية بسد العجز فى كثير من الاحيان
Post: #5373
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-05-2010, 02:58 PM
Parent: #5372

الأعزاء ناس جوه وبره الأشواق بلا حدود
قبل دعم اللجنة التنفيذية هنالك أخ عزيز من خريجي الزقازيق ... أصيب بالسرطان العام السابق وقد قام بإجراء عملية في الأردن لإستئصال الورم ... والآن يحتاج لإجراء عملية أخري كان مقرر لها الشهر السابق ... إلا أن ضيق ذات اليد حال دون سفره ... العملية تكلف حوالي 20 مليون جنيه سوداني ... اي حوالي 8.000 دولار ..... لا يملك منها إلا القليل والقليل جداً ... نتمني أن نقوم بنفرة كبري لجمع أكبر قدر من المال لإنقاذ حياته .... أقترح جمع تبرعات عاجلة من ناس بره وتجمع عند عبد الدائم النضيف بجدة ... وناس الداخل لدي محمد صديق وهو المكلف من اللجنة بجمع التبرعات ... يلا يا جماعة الموضوع هام وعاجل ... لمزيد من التفاصيل يمكن الإتصال بهاتفي : 00249919701061 أو هاتف الكوتش 002489912162923 -

نحن في سباق مع الزمن
Post: #5374
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-05-2010, 06:25 PM
Parent: #5373

ياسلام على الهمة والنشاط والتضحية من أجل مجموعة الزقازيقاب
( الإستثنائية)
الإخوة الذين قابلوا وفد الجامعة وماتحقق من مكاسب لاتصدق
والإخوة الذين تفاعلوا مع شركة الزقازيق المقترحة
وكان الكوتش عامل مشترك بين المجموعتين الحمد لله على الخطوات
السريعة في موضوع الشركة إن شاء الله مايكون هذا التسارع أدى
لتجاوز بعض الإخوة ولو حصل حيكون بحسن نية ومامقصود والحمد لله
نحن متسامحين
Post: #5375
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-05-2010, 06:47 PM
Parent: #5374

صباح الخير ياكرام
نأسف لفتل الصفحة من أمس وشكرا للأخ العزيز النضيف نبهني لذلك تلفونيا
في الحالة الإسعافية لزميلنا أعلاه وماصرفه الإخوة مشكورين لمقابلة إدارة جامعة
الزقازيق وغيرها كثير . للبت في هذا بسرعة انا أبداها بطريقة عبد الحفيظ
بحكم إني على سفر حأساهم ب500 جنية للحالة المسنعجلة أعلاه و500 جنيه
لمصاريف مقابلة وفد الجامعة
Post: #5376
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-06-2010, 04:39 AM
Parent: #5375

Quote: قبل دعم اللجنة التنفيذية هنالك أخ عزيز من خريجي الزقازيق ... أصيب بالسرطان العام السابق وقد قام بإجراء عملية في الأردن لإستئصال الورم ... والآن يحتاج لإجراء عملية أخري كان مقرر لها الشهر السابق ... إلا أن ضيق ذات اليد حال دون سفره


لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .
Post: #5377
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-06-2010, 05:28 AM
Parent: #5376

صبحكم الله بالخير و العافية

عندما كنت أدرس بالمرحلة المتوسطة بمدرسة العمارات النموذجية...كنت ألتقي الراحل الأستاذ سيد خليفة كل يوم...
ذلك لأنه كان يسكن بالعمارات و كان يمر بمدرستنا كل يوم...
كنا نحييه فيحيينابابتسامته العريضة التي اعتاد عليها الجميع...
ثم اكتشفت انه يسكن قريبا من عمي عبدالرحمن بالعمارات...
ربما كانت تلك الابتسامة سببا وراء عشقي له...
فأصبحت أستمع لأغنياته و أستمتع بها...
و أرددهامعه...أحيان أعرف الكلمات و أحيانا أخرى أكملها همهمات...
فأغنية مثل قم يا طرير الشباب...رائعة التجاني يوسف بشير...
قم يا طرير الشباب - رائعة التجاني يوسف بشير
قم يا طرير الشباب ... غنِِ ِ لـنا غنِِ ِ
يا حلو يا مستطاب ... أنشــودة الجن
وأقطف لى الأعناب ... وأمـلأ بها دنى
من عبقري الرباب ... أو حرمِ ِ الفن ِ

كنت أقولها أو حارة من فن حتى وقت قريب...

أما أغنية...
شدولك ركــب فوق مهرك الجمــاح
ضرغام الرجال الفارس الجحجـــــاح
الســـــم النقوع الفي البــــــــدن نتاح
تمساح الدميره المـــــا بقتلو ســـــلاح
اعصار المفازه اللي العيون كتـــــاح
المال ما بهم هوي ان كتـر وان راح

فهذه تكثر فيها الهمهمات و التي عادة ما تنتهي بحرف الحاء....
لكن أكثر ما يعجبني فيها...المال ما بهم هوي ان كتر و ان راح...

كفاية كده...
Post: #5378
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-06-2010, 07:04 AM
Parent: #5377

صباح الهناء والسرور ...

رشيد القوم .. صباحاتك هنية .. والله كلام جميل في الغزل وفي الرجالة .. الله يديك العافية ...

Quote: المال ما بهم هوي ان كتـر وان راح


دا حال أعضاء لجنتنا الأفزاز يؤثرون على أنفسهم ولو كان بهم خصاصة ... في عز إحتياجهم للمبالغ التي دفعوها في نشاطات شتى كانت لنا فخرا وإعزازا وبعد كدا يجيك أبوالزوز يطلب التبرعات لعلاج أحد أخواننا اللهم أشفه .. دا يا جماعة قمة في الإيثار وقمة في التضحية وقمة في الشهامة والرجولة (والمال ما بهم هوي إن كتر وإن راح) ...

يا جماعة الخير الأمر جدا مهم والموقف جدا حرج .. خلونا ندفع للناس دي قروشها علشان ما يجي يوم وما نلقى فيه زول يقوم بأمر اللجنة .. لأننا كلنا بشر وكلنا نحتاج للمال لتسيير شئون حياتنا اليومية .. وما أعتقد أن أعضاء اللجنة التنفيذية من أصحاب الثروات الضخمة زي ناس صلاح إدريس وأشباهه من أصحاب الثروات ..
Post: #5379
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-06-2010, 07:40 AM
Parent: #5378

بسم الله الرحمن الرحيم
السلاااااااام عليكم و رحمة الله و بركاته
Post: #5382
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-06-2010, 08:31 AM
Parent: #5379

صباح الخير ،،، يا وجوه الخير

أصبحنا وأصبح الملك لله وحده

دعاء الصباح :

يا ودود يا ودود ، ياذا العرش المجيد ،

يا مبدئ يا معيد، يا فعالا لما يريد،

أسألك بنور وجهك الذي ملئ أركان عرشك

وأسألك بقدرتك التي قدرت بها على جميع خلقك

و أسألك برحمتك التي و سعت كل شيء

أن تشفي زميلنا المصاب بمرض السرطان

وأن ترفع عنه الألم والحسرة يا الله

' يا مغيث
' يا مغيث
" يا رب العالمين
Post: #5380
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-06-2010, 07:52 AM
Parent: #5378

Quote: الأعزاء ناس جوه وبره الأشواق بلا حدود
قبل دعم اللجنة التنفيذية هنالك أخ عزيز من خريجي الزقازيق ... أصيب بالسرطان العام السابق وقد قام بإجراء عملية في الأردن لإستئصال الورم ... والآن يحتاج لإجراء عملية أخري كان مقرر لها الشهر السابق ... إلا أن ضيق ذات اليد حال دون سفره ... العملية تكلف حوالي 20 مليون جنيه سوداني ... اي حوالي 8.000 دولار ..... لا يملك منها إلا القليل والقليل جداً ... نتمني أن نقوم بنفرة كبري لجمع أكبر قدر من المال لإنقاذ حياته .... أقترح جمع تبرعات عاجلة من ناس بره وتجمع عند عبد الدائم النضيف بجدة ... وناس الداخل لدي محمد صديق وهو المكلف من اللجنة بجمع التبرعات ... يلا يا جماعة الموضوع هام وعاجل ... لمزيد من التفاصيل يمكن الإتصال بهاتفي : 00249919701061 أو هاتف الكوتش 002489912162923 -

نحن في سباق مع الزمن

نسأل الله ان ينعم عليه بنعمة الصحة ويدثره بثوب العافية
ورجائي من جميع الاخوة الاهتمام بهذا الامر الملح والطارئ لانقاذ حياة زميلنا كما اشار ابوالزوز اعلاه
Post: #5381
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-06-2010, 08:09 AM
Parent: #5378

إللهم رب الناس ، مذهب الباس ، اشف أنت الشافي ، لا شفاء إلا شفاؤك ، شفاءً لا يغادر سقماً ..


على عبدالمعروف - كلية التربية دفعتنا 84/88 م قسم طبيعة و كيمياء من الجزيرة الحوش

اصيب بسرطان فى القولون واجريت له عميلة فى مستشفى عمان بالدوار الثالث بالاردن
آستئصل الورم وتم قفل المستقيم واجرى له كيس جانبى فى المعدة للاخراج ( كلوستمـى باق )


الان يواصل العلاج بمستشفى الذرة بالخرطوم حيث اخذ 32 جلسة اشعة فى المستقيم
و 8 جلسات علاج كيماوى ، الفرق بين كل واحدة حوالى 21 يوم .

الان بصدد الذهاب للاردن لقفل فتحة المعدة الكلوستمـى وارجاع الوضع الطبيعى



صورة الاخ / على عبدالمعروف وسط زملائه وهو يحمل الطفلة ، رقم هاتفه 0912652503

sudansudansudansudansudansudansudansudansudansudansudansudansudansudansudan16.jpg Hosting at Sudaneseonline.com
Post: #5383
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-06-2010, 10:51 AM
Parent: #5381

سلامات يا ناس

كلى أسف للانقطاع الطويل غير أنى متابع ومستمتع

التعازى الحارة للاخت عفاف والاخ محمد عثمان فى

مصابهم الجلل...وانا لله وانا اليه راجعون
Post: #5384
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-06-2010, 11:00 AM
Parent: #5383


A few numerology facts

This world cup is already determined by the numbers....! !!




Brazil won the World Cup in 1994; before that they also won in 1970.Adding1970 + 1994= 3964
Argentina won its last World Cup in 1986; before that they also won in 1978. Adding 1978 + 1986= 3964
Germany won its last World Cup in 1990; before that they also won in 1974. Adding 1974 + 1990= 3964
Brazil also won the World Cup in 2002; before that they also won in 1962. Adding 1962+ 2002= 3964



Therefore if you want to know what nation is going to win the World Cup in 2010, you only have to subtract 2010 from the magic number that we have determined: 3964.3964 minus 2010 = 1954... In 1954 the World Cup was won by Germany!!!






Probably not scientific.. . but pretty interesting. .
Post: #5385
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-06-2010, 11:06 AM
Parent: #5384

اللهم اشفه وعافه يا رب
Post: #5386
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-06-2010, 11:57 AM
Parent: #5385

سلامات يا ناس

Quote: Probably not scientific.. . but pretty interesting. .





and amazing

اضف اليها :

مداخلات منصور 1131

مداخلات جلا 1133

المجموع 2264

برضو فيها الرقم 64
Post: #5387
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-06-2010, 02:39 PM
Parent: #5386

الشوايعــى الخلوق زهير الزناتــى مبروك القيد الصحفــى

الف مبروك ابوالزوز ...
Post: #5388
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-06-2010, 02:42 PM
Parent: #5386

الحقيقة العلمية في سر دلع المرأة في مشيتها .. غير مايعتقده الرجال !


يعتقد بعض الرجال أن تمايل المرأة في مشيتها دليل على أنوثتها ودلعها ورقتها ،

ولكن الحقيقة التي لا يفقهونها أن تمايل المرأة في الواقع له سبب علمي بحت ،

يترك في طياته حكمة من الخالق عز وجل.

اكتشف العلماء مؤخراً أن التمايل والدلع نتيجة للمبنى الجسدي المختلف للمرأة
عن الرجل، هذا بالإضافة إلى اختلاف ترتيب العظام عند كلا الجنسين ، حيث إن حوض المرأة
أكبر من الرجل مما يؤدي إلى ضرورة بذلها لجهد أكبر عند المشي ، كما أنَّ أرداف المرأة
مع الركبة بهما ميلان أكثر من الرجل مما يؤدي لتكسرها أثناء المشي.

ومن جانب آخر ذكر الباحثون أن التنفس عند المرأة أسرع وأكثر ، كما أنَّ جسم المرأة
اقدر من جسم الرجل على إنتاج الدم ، الأمر الذي يساعدها على التوازن في المشي.

كما أوضح الباحثون أن سر تمايل المرأة يعود لسرعة ضربات قلبها مقارنة بالرجل
حيث تصل ضربات قلب المرأة إلى 90 مرة في الدقيقة بينما تصل ضربات الرجل إلى 80 مرة في الدقيقة.
Post: #5389
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-06-2010, 05:24 PM
Parent: #5388

التهاني و التبريكات للصغير الكبير زهير الزناتي بمناسبة حصوله على القيد الصحفي...
و كما كتبت في البوست الخاص بهذا الموضوع...
الخيول الحرة بتجي في اللفة...
فزهير صحفي بالفطرة...
و كاتب متميز...
و صاحب مفردة رصينة و جميلة...
محقق جيد و لا يطرق موضوع الا و تناوله من كل جوانبه بحرفية...
يحضر جيدا للموضوع قبل أن يطرحه للقارئ...
قاص من طراز فريد..
ود الزناتي استحق قيده منذ زمن طويل و لكنه لم يتفرغ لذلك...

ألف مبروك زهير الزناتي...
Post: #5390
Title: Re: ناس الزقازيق ... أجدع ناس ( 3 ) ..
Author: محمد عيد
Date: 07-06-2010, 07:41 PM
Parent: #5389

مبرووووووك يا فارس الحوبــه


1-en-4e235a46adde753a85657ffea94ff5e1.jpg Hosting at Sudaneseonline.com
Post: #5391
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 07-06-2010, 10:22 PM
Parent: #5390

تحياتي للجميع

التعازي الحاره للاخت عفاف والاسره الكريمه....

ألف مبروك لزهير الزناتي القيد الصحفي...

لقاء الجمعيه مع مدير الجامعه حاجه روعه ...شكرا لكم جميعا ...

اعتذر للانقطاع ...
Post: #5392
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-07-2010, 05:51 AM
Parent: #5391

اللهم إنى أسألك من الخير كله عاجله وآجله ما علمت به وما لم أعلم، وأعوذ بك من الشر كله عاجله وآجله ما علمت وما لم أعلم، وأسألك الجنة وما قرب إليها من قول وعمل، وأعوذ بك من النار وما قرب إليها من قول وعمل، وأسألك من الخير ما سألك عبدك ورسولك محمد صلى الله عليه وسلم، وأستعيذك مما استاعذك منه عبدك ورسولك محمد صلى الله عليه وسلم، وأسألك ما قضيت لى من أمر أن تجعل عاقبته رشداً برحمتك يا أرحم الراحمين"
Post: #5393
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-07-2010, 06:28 AM
Parent: #5392

بسم الله الرحمن الرحيم
السلاااااااام عليكم و رحمة الله و بركاته
مبرووووك أبو الزوز
Post: #5394
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-07-2010, 06:34 AM
Parent: #5393

صباح الهناء والسرور ...

ملايين التبريكات يا أبو الزوز .. والله إنجاز فريد من نوعه برغم عناد لغة الضاد .. حقيقي تستاهل النجاح وحقيقي تستاهل الصحافة وهي بتستاهلك لأنك مكسب للصحافة والقراء .. في صحفيين كثر أنت أفضل منهم .. وإلى الأمام دائما ...
Post: #5395
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-07-2010, 06:37 AM
Parent: #5392

قضينا في مدينة بابنوسة بجنوب كردفان قرابة الثمانية سنوات...
حيث كان أبي يعمل في مصنع ألبان بابنوسة...
كان القطار وسيلتنا للذهاب اليها أو الى أي مكان...
كنت و أخوتي ننتظر الاجازة السنوية حتى نستقل القطار الى الخرطوم...
و بحكم عمل أبي في وزارة الصناعية كنا نحصل على عربة نوم...
و رغم ان القاطرة كانت بخارية في البدايات الا أن الغرف كانت في كامل التجهيز...
و كذلك المطعم و نوعية الأكل و المشروبات...كان كل شيء متميزا...
كان القطر يأخذ ثلاثة أيام كاملة الى الخرطوم...ذلك في أحسن الأحوال...
و لكن في أكثر الأحيان تتعطل القاطرة و ينتظرون حتى قاطرة لتسحب القاطرة المتعطلة...
ثم احضار قطار جديد...و هكذا....
و الى الآن...كلما وضعت اللحمة في أوراق الجرايد لامتصاص الزيت...
أشم فيها رائحة الزوادة على الفور و أتذكر تلك الأيام...
و القطار هو القطار...سواء أن كان قطار حلفا أو قطر نيالا...
و لكن قطر نيالا كما يسمى في الغرب...له طعم و نكهة و رائحة مختلفة تماما...
فجمال الطبيعة في كردفان الغرة أم خيرا جوا و بره...غير
على وزن جده غير...
خصوصا في الخريف عندما تهطل الأمطار لساعات و ثم تتوقف دون أن تخلف أي برك و مستنقعات...
قالأراضي الرملية في كردفان تبتلع مياه الأمطار مكونة أكبر بحيرة للمياه الجوفيه في أفريقيا...
عندما يتوقف القطار في المحطات هنالك باعة يبيعون أشياء مختلفو للركاب...
و في كردفان كنا نحب أن نشتري العرديب و القنقليز و قراصة النبق اللذيذة...
و أرتبطت المحطات عندي بصوت القطار و هو يقلل من سرعته ايذانا بدخوله للمحطة...
فأذكر ان القطار كان عندما يهم بدخول تندلتي...
كان صوته و كأنه يقول...تن...دل..تي...
تن...دل...تي....تن....دل....تي...
و هكذا...كان القطار يسمي المدينة التي يدخلها....
هذه الرهد و تلك أم روابة و ود عشانا...

و هذه آخر محطاتي هذا الصباح ...و أرجو أن لا تكون لليوم...
Post: #5396
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-07-2010, 07:06 AM
Parent: #5395

ابو الزوز مبروك
وين الفيديو ، فضلنا منتظرين حتى الدقيقة 4 و 18 ث وما شفنا شى
تخريجكم تعبان زى حق معهد تجارى ....


Quote: في صحفيين كثر أنت أفضل منهم


تقصد منو ....



د/ الصادق لو ما كان جيت براك ، صدقنى المرة دى كنت حافتح ليك كبررررى
اعتذارك مقبول وما تنقطع ..
Post: #5397
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-07-2010, 07:50 AM
Parent: #5396

تحية صباحية عطرة ..

ألف ألف مبروك العزيز الراقي أبو الزوز
وانشاء الله يارب نشوفك دائما من نجاح لنجاح
أمنياتي لك بالتوفيق والتقدم
وشاحد ربي يعلي مراتبك كمان وكمان .....
Post: #5398
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-07-2010, 08:10 AM
Parent: #5396

التهاني للأخت سناء الصباغ
_________________

وكذلك للأخ زهير الزناتي
_________________

عاجل الشفاء للأخ علي عبد المعروف
__________________

شكر وتقدير كبير جدا لجهود الأخوان معتصم ومحمد صديق ومحمد آدم جلا وزهير الزناتي
Post: #5399
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-07-2010, 08:18 AM
Parent: #5398

Quote: وشاحد ربي

و الله إنت زول شحااااااد بي شكل
ياخ أمشي شوف ليك شغلة غير الشحدة دي
هس قطر الرشيد دا يقيف في أي محطة تجي إنت طاير طوالي شاااحد؟؟؟
أقول ليك يا رش
غير القطر و أركب طياراتك
نشوووف الزول دا تاني يشحد وين!!!!
أحبك و أحب شحداتك زاااتو
Post: #5400
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-07-2010, 08:20 AM
Parent: #5398

وصلتني هذه الرسالة من الأخ عادل الحسين

Quote: الخ سامى لك التحايا العطرة
بفضل ماتقومون به من وصل للاخوةوالزملاء من خريجى الزقازيق مازالت
السفن تبحر نحو الزمن الجميل
مرفق صور من القديم والجماعية لاحقا



sudansudansudansudan0281.jpg Hosting at Sudaneseonline.com



Picture26.jpg Hosting at Sudaneseonline.com
Post: #5401
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-07-2010, 08:20 AM
Parent: #5398

التهاني والتبريكات للزميلة سناء الصباغ
وانشاء الله دائما من الناجحات والمتميزات
مع امنياتي لك بدوام التوفيق والتقدم ..
Post: #5402
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-07-2010, 09:13 AM
Parent: #5401

زيزو يا حبة مبروك القيد العجيب دة
Post: #5403
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-07-2010, 01:36 PM
Parent: #5402

Quote: اخى سامى سلام
وهذه ليست قديمة وما جديدة للتاكد من عدم وجود صلعة




sudansudansudansudan0284.jpg Hosting at Sudaneseonline.com
Post: #5404
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-07-2010, 06:06 PM
Parent: #5403

مبروك للأخ الزيناتي القيد الصحفي وإن شاء الله على طول موفق
Post: #5405
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-07-2010, 06:10 PM
Parent: #5403

اللهم رب الناس أذهب البأس
أشفي أنت الشافي لا شفاء إلا شفاؤك شفاءا لايقادر سقما
اللهم داوي زميلنا علي عبد المعروف وأشفه بشفائك وأعنه
بفضلك عمن سواك وأبعد عنه كل مايؤذيه
Post: #5406
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-07-2010, 06:17 PM
Parent: #5403

ألف مرحب بالأخ مولانا عادل الحسين زميل البرلمة في الزقازيق
حيث سكنت معه وألأخ عصام عبد الدائم من القضارف والشهيد المرحوم
سيد أحمد مختار غريق بحيرة ناصر نسأل الله له واسع الرحمة وعظيم
المغفرة و أعلى الجنان ونرجوا من جميع الإخوة أن يدعوا له
سكنا في شقة بعمارة إستديو المنصورةعلى شارع متفرع من شارع الجلا قبالة
شارع مولد النبي من الناحية الثانية.
مولانا عادل الحسين متغير كثير الواحد لوقابلو صدفة ماحيعرفه
Post: #5407
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-08-2010, 04:53 AM
Parent: #5406

اللهم ما أصبح بي من نعمة أو بأحد من خلقك فمنك وحدك لا شريك فلك الحمد و لك الشكر
Post: #5408
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-08-2010, 05:37 AM
Parent: #5407

في فصل الشتاء هنا في الامارات يهجر الاماراتيون بيوتهم وينصبون خيامهم في الصحراء...
ليست الخيام كتلك الخيام التي كانوا يسكنونها في أيام ما قبل البترول...
بل هي خيام فاخرة مجهزة بكل وسائل الراحة و الترفيه...
و ان الاهتداء لا يكون بالنجوم كما كان من قبل...
بل هنالك أجهزة الملاحة الحديثة...و البوصلات الحديثة...
و كنت أستغرب كثيرا لهذا الارتباط الشديد بالصحراء...
و كيف يحن الانسان الى الشقاء و التعب...
و لكن وجودي بالمنطقة الغربية من أمارة أبوظبي...
قريبا من الربع الخالي و من أكبر صحراء بالمنطقة....
أتاح لي الخروج مع أصدقاء اماراتيين لاختبار سحر الصحراء...
فوجدت أن العيش في تلك الخيام لا يختلف عن العيش في شقة فخمة...
و لا يذكرك بالصحراء الا صوت المولد الخافت الذي يوفر الاضاءة...
و شعلة النار المتقدة دائما كما في المسيد حيث حلقة تحفيظ القرآن....
هذه النار توفر الدفء من برد الشتاء... و بردالصحراء قارس...
و توضع بها دلال (جمع دلةو هي اناء القهوة) القهوة و الشاي و لبن الابل...
أما الصحراء و الرمال و ضوء القمر الذي يحول التلال الى منارات فضية....
هذه لوحة في غاية الجمال و الابداع الالهي...
هي جنة لو عاش فيها بيكاسو أو دافنشي لانجزوا فيها لوحات خلدت كالموناليزا....
صديقي راشد يتحدث عن الصحراء التي يتشابه كل شيء فيها مثلما أتحدث عن حيينا....
فكان يقول لي و نحن نمر بتلة ما...كنت أترك الخيمة و أنوم في هذه التلة...
كنت أفترش الأرض و ألتحف السماء...أولا تخشى من العقارب و الثعابين؟؟...
كان يضحك و يقول لي هي التي يجب أن تخشاني...
ثم أعطاني دروسا في حركة الرياح صيفا وشتاءا...و كيف يستدلون بها...
و كيف يعرفون الشمال من الجنوب...أو الغرب و الشرق...
و أين و كيف يجدون الماء و نبات الفقع الذي ينبت شتاءا...

أفتكر لحدي كده كفاية...
Post: #5409
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-08-2010, 06:30 AM
Parent: #5408

صباح الهناء والسرور ...

رشيد القوم شكرا على التحف الفنية الراقية .. قطار الأمس وصحراء اليوم .. وشتان بين الأمس واليوم ...

اللهم رب الناس أذهب البأس أشفي أنت الشافي شفاءا لا يغادر سقما .. اللهم أشفي أخونا علي عبدالمعروف وألبسه لباس الصحة والعافية .. آمين ...
Post: #5410
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 07-08-2010, 06:40 AM
Parent: #5409

اللهم نسألك بعد السلام على الجميع
الشفاء والعافية للأخ علي عبدالمعروف
Post: #5411
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-08-2010, 06:51 AM
Parent: #5409

سلامات يا ناس

وصباحات التفاؤل

التهانى القلبية للاخت الدكتورة سناء ومزيد من النجاحات

واخرى رقيقة للصاحب زهير ...واوعك من ( عملت ليهو (القيد) حَرَنْ)

Quote: و شعلة النار المتقدة دائما كما في المسيد حيث حلقة تحفيظ القرآن....
هذه النار توفر الدفء من برد الشتاء... و بردالصحراء قارس...
و توضع بها دلال (جمع دلةو هي اناء القهوة) القهوة و الشاي و لبن الابل...
أما الصحراء و الرمال و ضوء القمر الذي يحول التلال الى منارات فضية....
هذه لوحة في غاية الجمال و الابداع الالهي...


يا أخانا الذى بالصحراء:

مافى لينا طريقة ..(أبِيتَنَّ ليلة بوادى (الرمال) ؟
Post: #5412
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-08-2010, 06:54 AM
Parent: #5409

أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار ربنا تب علينا إنك أنت التواب
الرحيم ربنا آمنا بما أنزلت وأتبعنا الرسول
فأكتبنا مع الشاهدين.
Post: #5413
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-08-2010, 07:39 AM
Parent: #5412

Quote: يا أخانا الذى بالصحراء:

مافى لينا طريقة ..(أبِيتَنَّ ليلة بوادى (الرمال) ؟


يا حبيبنا الذي بالمدينة...
مستعد أبادلك بي عصيدة بي ملاح نعيمية...

يا كوتش يحكى أن بثينة ابنة عم جميل و محبوبته دخلت على عبد الملك بن مروان فقال لها: والله يا بثينة ما أرى فيكِ شيئا مما كان يقول جميل....

قالت : يا أمير المؤمنين...إنه كان يرنو إلىّ بعينين ليستا في رأسك وأنشدت تقول من شعر حبيبها..

ألا ليت شِعري هل أبيتن ليلة بوادي القرى إني إذاً لسعيدُ....

يا كوتش يبدو ان موضوع الصحراء ده لمس حاجه في الهارد ديسك...
Post: #5414
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-08-2010, 08:45 AM
Parent: #5413

نيابة عن الاخ على عبدالمعروف اشكر كل الاخوة والاخوات الذين قاموا
بتحويل مساهماتهم فى العلاج عن طريق حسابى ، وربنا يجعله فى ميزان حسناتكم

وكذلك الشكر لكل الاخوان الذين اهتموا بموضوع مديونية الجمعية وقاموا ايضا"
بدفع مساهماتهم


اذكر الاخوة الراغبين فى المساهمات برقم الحساب

الممكلة العربية السعودية -- جده
البنك الاهلى التجارى
رقم الحساب 11716164000110
عبدالدائم سيداحمد محمد


الرجاء لكل شخص بعد اتمام عملية التحويل الاتصال بى على رقم 00966504609597
او ارسال رسالة يوضح بها التفاصيل .


ودمتم سالمين
Post: #5415
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-08-2010, 08:53 AM
Parent: #5414

يا نضيف... سلام

عُلم وجرى التنفيذ

في دعم الخطين

_________________________

نسأل الله العلي القدير أن يشفي أخونا علي عبد المعروف
Post: #5416
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-08-2010, 09:03 AM
Parent: #5415

شكرا" سامى

عند مراجعتى لحاسبى اليوم وجدت بعص الحوالات ، عرفت بعض الاسماء
وبعضها من غير تفاصيل ولذلك طلبت
Quote: الرجاء لكل شخص بعد اتمام عملية التحويل الاتصال بى على رقم 00966504609597
او ارسال رسالة يوضح بها التفاصيل
Post: #5417
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-08-2010, 10:58 AM
Parent: #5416

صباح الخير ،،، يا وجوه الخير

أصبحنا واصبح الملك لله وحده ،،،

هدية الصباح :

تسلم إيدك يا عبدالدائم النضيف يا صمام الأمان

يا مرجعية أهل الزقازيق في الخليج وما جاورها ،،،،
Post: #5418
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 07-09-2010, 02:33 AM
Parent: #5417

سلام.. فاتنا ما فات..
عاجل الشفاء للاخ علي..
مبروك يا سناء..
والزناتي...
Post: #5419
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-09-2010, 11:53 AM
Parent: #5418

جمعتكم مباركة إن شاء الله
قال سيدنا محمد صلى الله عليه وسلم
من لزم الإستغفار جعل الله له من كل هم فرجا ومن كل ضيق
مخرجا ورزقه من حيث لايحتسب
اللهم نسأللء خير هذه الجمعة اللهم أجعل اولها صلاحا
وأوسطها فلاحا وآخرها نجاحا
Post: #5420
Title: Re: ناس الزقازيق ... أجدع ناس ( 3 ) ..
Author: محمد عيد
Date: 07-09-2010, 04:43 PM
Parent: #5419

1ft36vf3zxu93ubjk8x4.gif Hosting at Sudaneseonline.com



جمعة مباركه
Post: #5421
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-09-2010, 05:07 PM
Parent: #5420

ود جبرين والجاكوزي
Post: #5422
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-09-2010, 06:27 PM
Parent: #5421

سلامات يا ناس

وجمعتكم مباركة

Quote: ود جبرين والجاكوزي


يا ود جبرين...

كلما تزيد صلعتك تزيد محنك.
Post: #5423
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-10-2010, 06:21 AM
Parent: #5422

صباح الهناء والسرور ...

أصبحنا وأصبح الملك لله ...
Post: #5424
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-10-2010, 06:35 AM
Parent: #5423

صباح الخير ،،، يا وجوه الخير

أصبحنا وأصبح الملك لله وحده

دعاء اليوم :

دعاء سيدنا يونس عليه السلام

لا اله الا انت سبحانك انى كنت من

الظالمين
Post: #5425
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-10-2010, 06:45 AM
Parent: #5423


أصبحنا وأصبح الملك لله
ربنا آتنا في الدنيا حسنة وفي الآخرة
حسنة وقنا عذاب النار
ربنا هب لنا من أزواجنا وذرياتنا
قرّة أعين وأجعلنا للمتقين إماما
رب أوزعني أن أشكر نعمتك التي أنعمت
عليّ وعلى والديّ وأن أعمل صالحا ترضاه
وأدخلني برحمتك في عبادك الصالحين
Post: #5426
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-10-2010, 06:58 AM
Parent: #5425

Quote: ود جبرين والجاكوزي

يا ود جبرين يا ود أمي محنك دي زحها مننا بعيد ...

لكن والله كتاباتك تحير وتجنن زي جن المجنون داك البقولولو الحاج جلا .. الله يسامحك .. غايتو أمواسكم دي ما تجي السودان .. تخيل كدا الجلاكين اللي تعودوا على التماسيح ديل حيتعاملوا معاها كيفن .. الله يجازي محنكم ...
Post: #5427
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-10-2010, 07:40 AM
Parent: #5425

قصة واقعية


في أحد المستشفيات كان هناك مريضان هرمين في غرفة واحدة ، كلاهما
معه مرض عضال كان أحدهما مسموحاً له بالجلوس في سريره لمدة ساعة
يوميا بعد العصر ، ولحسن حظه فقد كان سريره بجانب النافذة الوحيدة
في الغرفة ، أما الآخر فكان عليه أن يبقى مستلقياً على ظهره طوال الوقت ،
كان المريضان يقضيان وقتهما في الكلام دون أن يرى أحدهما الآخر ، ولأن كلاً
منهما كان مستلقياً على ظهره ناظراً إلى السقف . تحدثا عن أهليهما ،
وعن بيتيهما ، وعن حياتهما ، وعن كل شيء.

وفي كل يوم بعد العصر ، كان الأول يجلس في سريره حسب أوامر الطبيب
وينظر في النافذة ، ويصف لصاحبه العالم الخارجي ، وكان الآخر ينتظر
هذه الساعة كما ينتظرها الأول ، لأنها تجعل حياته مفعمة بالحيوية وهو
يستمع لوصف صاحبه للحياة في الخارج : ففي الحديقة كان هناك بحيرة كبيرة
يسبح فيها البط ، والأولاد صنعوا زوارق من مواد مختلفة وأخذوا يلعبون فيها
داخل الماء ، وهناك رجل يؤجِّر المراكب الصغيرة للناس يبحرون بها في البحيرة
والجميع يتمشى حول حافة البحيرة ، وهناك آخرون جلسوا في ظلال الأشجار
أو بجانب الزهور ذات الألوان الجذابة ، ومنظر السماء كان بديعاً يسر
الناظرين ..

وفيما يقوم الأول بعملية الوصف هذه ينصت الآخر في ذهول لهذا الوصف الدقيق
الرائع ، ثم يغمض عينيه ويبدأ في تصور ذلك المنظر البديع للحياة خارج
المستشفى . وفي أحد الأيام وصف له عرضاً عسكريا ، ورغم أنه لم يسمع عزف
الفرقة الموسيقية إلا أنه كان يراها بعيني عقله من خلال وصف صاحبه لها .
ومرت الأيام والأسابيع وكل منهما سعيد بصاحبه ، وفي أحد الأيام جاءت الممرضة
صباحاً لخدمتهما كعادتها ، فوجدت المريض الذي بجانب النافذة قد قضى نحبه
خلال الليل ، ولم يعلم الآخر بوفاته إلا من خلال حديث الممرضة عبر الهاتف وهي
تطلب المساعدة لإخراجه من الغرفة ، فحزن على صاحبه أشد الحزن .

وعندما وجد الفرصة مناسبة طلب من الممرضة أن تنقل سريره إلى جانب النافذة
ولما لم يكن هناك مانع فقد أجابت طلبه. ولما حانت ساعة بعد العصر وتذكر
الحديث الشيق الذي كان يتحفه به صاحبه انتحب لفقده ، ولكنه قرر أن يحاول
الجلوس ليعوض ما فاته في هذه الساعة ، وتحامل على نفسه وهو يتألم ، ورفع
رأسه رويداً رويداً مستعيناً بذراعيه ، ثم اتكأ على أحد مرفقيه وأدار وجهه
ببطء شديد تجاه النافذة لينظر العالم الخارجي ، وهنا كانت المفاجأة!!.

لم ير أمامه إلا جداراً أصم من جدران المستشفى ، فقد كانت النافذة على
ساحة داخلية .
نادى الممرضة وسألها إن كانت هذه هي النافذة التي كان صاحبه ينظر من
خلالها ، فأجابت إنها هي !! فالغرفة ليس فيها سوى نافذة واحدة ، ثم سألته
عن سبب تعجبه، فقص عليها ما كان يرى صاحبه عبر النافذة وما كان يصفه له .
كان تعجب الممرضة أكبر ، إذ قالت له : ولكن المتوفى كان أعمى ولم يكن يرى
حتى هذا الجدار الأصم ..!!! ولعله أراد أن يجعل حياتك سعيدة حتى لا تُصاب
باليأس فتتمنى الموت .

ألست تـُسعد إذا جعلت الآخرين سعداء ؟
نسوق هذه القصة الجميلة ونواصل في تحويلاتنا المالية
ولنجعل عائلة زميلنا علي عبد المعروف تحس بالسعادة وتنعم بالأمان
Post: #5428
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-10-2010, 12:10 PM
Parent: #5427

Quote: ألست تـُسعد إذا جعلت الآخرين سعداء ؟
نسوق هذه القصة الجميلة ونواصل في تحويلاتنا المالية
ولنجعل عائلة زميلنا علي عبد المعروف تحس بالسعادة وتنعم بالأمان


شكرا يا ريس على القصة الرائعة و الرسالة الأروع...
Post: #5429
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-10-2010, 02:52 PM
Parent: #5428

نعي اليم : زوجة اخينا الدكتور عبد القيوم سليمان الخليفة في رحمة الله

لها الرحمة والمغفرة ... ولزوجها د. عبد القيوم سليمان وأسرتها خالص العزاء ... وحار التعازي لشقيقتها خديجةهمام خريجة جامعة الزقازيق ...
إنا لله وإنا إليه راجعون
Post: #5430
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-10-2010, 02:57 PM
Parent: #5429

شكراً للتهاني والتبريكات ... بمناسبة القيد الصحفي والذي جاء بعد صراع مرير مع اللغة العربية ... ولكن بحمد الله ودعوات الأصدقاء وقليل من البوشات تجاوزناها ورمينا هذه الصفحة للأبد .... مع صادق الدعاء وسيكون أهم دعاء لي في الكعبة بألا أتعرض لإمتحان لغة عربية مرة أخري

وهذا تحذير صحفي كأول عمل صحفي بعد نيل القيد ...

Quote: إذا وصل لك ايميل اسمه زواج بنغالية لا تفتحه . ياخذ الصور وكل شي مخزن في الكمبيوتر ويخرب الكمبيوتر الى الابد وما تقـدر تصلحه . لازم تبلغ كل الي عندك بالقائمة لانه اذا وصل لهم يوصل لك أنـت. بلغتك التحذير عليك بالباقي لكل اللي معاك في القائمه اذا وصلكـ رسالة ايميل 'عرس بحرينية' لا تفتحه و اذا فتحته يوصل لهم الباسورررد .
انشر هذا الإيميل للتحذير



مساهمات الزملاء لعلاج علي عبد المعروف تسير بشكل جيد نتمني أن نحسم الأمر خلال هذا الأسبوع
Post: #5431
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-10-2010, 03:49 PM
Parent: #5430

خالص التعازي للأخت / خديجة همام في وفاة

المغفور لها بإذن الله شقيقتها ،،،،

نسأل الله الرحمة والمغفرة لها وأن يلزم

أهلها وذويها الصبر والسلوان،،،

إنا لله وإنا إليه راجعون ،،،،
Post: #5432
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-10-2010, 04:04 PM
Parent: #5431

خالص التعازي للأخت / خديجة همام في وفاة

المغفور لها بإذن الله شقيقتها ،،،،

نسأل الله الرحمة والمغفرة لها وأن يلزم

أهلها وذويها الصبر والسلوان،،،

إنا لله وإنا إليه راجعون ،،،،
Post: #5433
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-10-2010, 04:35 PM
Parent: #5432

عرفت قبل قليل من الأخ عادل الحسين خبر وفاة والدة الأخ عبد الرحمن إبراهيم صديق (اللعوتة ) خريج تجارة الزقازيق وتلفونه 0123000797 ... لها الرحمة والمغفرة وللأخ عبد الرحمن والأسرة خالص العزاء ...

الأخ عبد الرحمن من المداومين علي حضور كل فعاليات الرابطة ....
Post: #5434
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-10-2010, 04:53 PM
Parent: #5433

التعازي القلبية للأخ/ عبدالرحمن إبراهيم

في وفاة المغفور لها بإذن الله والدته

رحمها الله رحمة واسعة وأسكنها فسيح جناته

مع الصديق والشهداء الصالحين ،، والهم أخونا

عبدالرحمن والعائلة الكريمة الصبر والسلوان

إنا لله وإنا إليه راجعون،،،،
Post: #5435
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-10-2010, 08:11 PM
Parent: #5434

سلامات يا ناس

يا ريس كتير الشكر على القصة الهادفة

وكذلك الشعور الجميل .
Post: #5436
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-11-2010, 06:23 AM
Parent: #5435

أصبحنا وأصبح الملك لله رب العالمين
رب أدخلني مدخل صدق ,اخرجني مخرج صدق
وأجعل لي من لدنك سلطانا نصيرا
رب أجعلني مقيم الصلاة ومن ذريّتي ربّنا وتقبل دعاء
Post: #5437
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-11-2010, 06:29 AM
Parent: #5436

صباح الهناء والسرور ...

التعازي القلبية للأخ/ عبدالرحمن إبراهيم

في وفاة المغفور لها بإذن الله والدته

رحمها الله رحمة واسعة وأسكنها فسيح جناته

مع الصديق والشهداء الصالحين ،، اللهم أرحمها وأغفر لها

وتجاوز عن سيئاتها وأسكنها الفردوس الأعلى من الجنة .. آمين ...

إنا لله وإنا إليه راجعون،،،،
Post: #5438
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-11-2010, 06:29 AM
Parent: #5436

صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة
وأن ينزلها منزلا مباركا مع الصديقين والصالحين
وحسن اولئك رفيقا

وإنا لله وإنا إليه راجعون
Post: #5439
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-11-2010, 06:29 AM
Parent: #5436



خالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة
اللهم نسألك أن تزيد من حسناتها وتتجاوز عن سيئاتها
وأن تنزلها منزلا مباركا مع الشهداء والصديقين والصالحين
في الفردوس الأعلى من الجنان
ونسأله حلا وعلا أن يلزم أهلها وذويها الصير الجميل

وإنا لله وإنا إليه راجعون
Post: #5440
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-11-2010, 06:36 AM
Parent: #5439

خالص التعازي للأخت / خديجة همام في وفاة

المغفور لها بإذن الله شقيقتها ،،،،

نسأل الله الرحمة والمغفرة لها وأن يلزم

أهلها وذويها الصبر والسلوان،،،

إنا لله وإنا إليه راجعون ،،،،
Post: #5441
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-11-2010, 06:45 AM
Parent: #5440

صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة

وخالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة

وإنا لله وإنا إليه راجعون
Post: #5442
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-11-2010, 06:52 AM
Parent: #5436

صباح الخير ،،، يا وجوه الخير

أصبحنا وأصبح الملك لله وحده ،،،

دعاء الصباح :

اللهم اجعلنا من الذين هم في صلاتهم خاشعون

والذين هم على صلاتهم دائمون

والذين هم على صلاتهم يحافظون
Post: #5443
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-11-2010, 07:20 AM
Parent: #5442

صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة

وخالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة

وإنا لله وإنا إليه راجعون
Post: #5444
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-11-2010, 07:37 AM
Parent: #5443

صادق العزاء للأخت خديجة همّام في وفاة
شقيقتها.

وكذلك خالص العزاء للأخ عبد الرحمن الصديق في وفاة
والدته.


اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #5445
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-11-2010, 08:20 AM
Parent: #5444

سلامات يا ناس

Quote: صادق العزاء للأخت خديجة همّام في وفاة
شقيقتها.

وكذلك خالص العزاء للأخ عبد الرحمن الصديق في وفاة
والدته.


اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #5446
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-11-2010, 09:26 AM
Parent: #5445

أحر التعازي للأخ عبد الرحمن الصديق
ونسأل الله أن يتغمد والدته برحمته الواسعة
وأن يلزمه الصبر وحسن العزاء

وأحر التعازي للأخت خديجة همام في وفاة شقيقتها
لها الرحمة ولآلها الصبر وحسن العزاء

وانا لله وانا اليه راجعون
Post: #5447
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-11-2010, 09:40 AM
Parent: #5446

Quote: صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة

وخالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة

وإنا لله وإنا إليه راجعون
Post: #5448
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-11-2010, 09:42 AM
Parent: #5447

أحر التعازي للأخ عبد الرحمن الصديق
ونسأل الله أن يتغمد والدته برحمته الواسعة
وأن يلزمه الصبر وحسن العزاء

وأحر التعازي للأخت خديجة همام في وفاة شقيقتها
لها الرحمة ولآلها الصبر وحسن العزاء

وانا لله وانا اليه راجعون
Post: #5449
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 07-11-2010, 11:05 AM
Parent: #5448

صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة

وخالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة

وإنا لله وإنا إليه راجعون
Post: #5450
Title: Re: ناس الزقازيق ... أجدع ناس ( 3 ) ..
Author: عصام دهب
Date: 07-11-2010, 11:30 AM
Parent: #5448

تحية و سلام و تقدير و إحترام لأجدع و أروع ناس ..

وبدءاً أتضرع للمولى عزّ و جل أن يشف زميلنا و أخانا / علي عبد المعروف شفاءاً تاماً لا يغادر سقما و أن يأخذ بيده لبلوغ تمام العافية .. و أكرر المناشدة لكافة الزقازيقاب الأفاضل لتلبية نداء الواجب بالوقوف إلى جوار أخانا علي في محنته ندعم علاجه و نواسيه و نشد من أزره و ندعو له في كل لحظة بالشفاء العاجل فأشفه يا شافي يا معافي .

ثم أتوجه مجدداُ و عبر هذا بالبوست بالتهنئة لأخي و زميلي / زهير بمناسبة حصوله على القيد الصحفي و إن شاء عقبال ما نشوفك رئيس مجلس إدارة عديييل كدة ..

ثم أحر التعازي الصادقة أتقدم بها للأخ الزقازيقابي الفاضل / عبد الرحمن الصديق في وفاة والدته و للأخت الزقازيقابية الفاضلة / خديجة همام في وفاة شقيقتها ..

و أسال الله تعالى أن يتقبل الفقيدتين بواسع رحمته و عظيم مغفرته و أن ينزلهن الفراديس العلى من الجنان و يلهم ذويهن الصبر الجميل وحسن العزاء ..
Post: #5451
Title: Re: ناس الزقازيق ... أجدع ناس ( 3 ) ..
Author: محمد عيد
Date: 07-11-2010, 11:55 AM
Parent: #5450

صادق العزاء للأخت خديجة همّام في وفاة
شقيقتها نسأل الله لها واسع الرحمة والمغفرة

وخالص العزاء للأخ عبد الرحمن الصديق في وفاة
والدته نسأل الله لها واسع الرحمة وعظيم المغفرة

وإنا لله وإنا إليه راجعون
Post: #5452
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-12-2010, 05:21 AM
Parent: #5451

عنْ أَبي هريرة رضي اللَّه عنهُ قال :أَنَّ أَبا بَكرٍ الصِّدِّيقَ ، رضيَ اللَّه عنه ، قال : يَا رَسُولَ اللَّهِ مُرْنِي بِكَلمَاتٍ أَقُولُهُنَّ إِذَا أَصْبَحْتُ وإِذَا أَمْسَيتُ ، قال : قُلْ : « اللَّهُمَّ فَاطِرَ السَّمَواتِ والأرضِ عَالمَ الغَيْب وَالشَّهَادةِ ، ربَّ كُلِّ شَيءٍ وَمَلِيكَهُ . أَشْهَدُ أَن لاَ إِله إِلاَّ أَنتَ ، أَعُوذُ بكَ منْ شَرِّ نَفسي وشَرِّ الشَّيْطَانِ وَشِرْكهِ » قال : « قُلْها إِذا أَصْبحْتَ ، وَإِذا أَمْسَيْتَ ، وإِذا أَخذْتَ مَضْجِعَكَ »
رواه أبو داود والترمذي وقال : حديثٌ حسنٌ صحيحٌ
Post: #5453
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-12-2010, 06:07 AM
Parent: #5452

أصبحنا وأصبح الملك لله
ربّنا عليك توكلنا وإليك أنبنا وإليك المصير
ربّنا وسعت كل شيء رحمة وعلما
ربّنا لاتزغ قلوبنا بعد إذ هديتنا وهب لنا من لدنك
رحمة إنك أنت الوهاب ، رب إغفر لي ولوالديّ ومن دخل
بيتي وللذين تابوا واتبعوا سبيلك
وافوض أمري إلى الله ، إن الله بصير بالعباد
Post: #5454
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-12-2010, 06:18 AM
Parent: #5453

صباح الهناء والسرور ...

محمد عيد بركة الشوفا .. الإمتحانات إنتهت وكمان كأس العالم الإسباني إنتهى خلاص خليكم في الحوش طوالي ...

رشيد القوم صبحك الله بالهناء والسرور .. يوم الخميس بتكون ماشي للأولاد علشان كدا طلتك بتكون خفيفة .. في الويك إند ما في طريقة إلا ما تيسر .. لما ترجع من الأولاد عايز ليك يومين علشان ترجع للفورمة .. ياأخي الله يعينك ويسهل عليك ...
Post: #5455
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-12-2010, 06:23 AM
Parent: #5454

صباح الخير،،، يا وجوه الخير

أصبحنا وأصبح الملك لله وحده ،،،

دعاء اليوم :

اللهم إني أسألك بأني أشهد أنك أنت الله ،
لا إله إلا أنت ، الأحد الصمد، ،،،
الذي لم يلد ولم يولد ،،،،،،
ولم يكن له كفؤا أحد،،،،،،
Post: #5456
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-12-2010, 06:44 AM
Parent: #5455

سلامات يا ناس

وصباحات التفاؤل

Quote: اللهم إني أسألك بأني أشهد أنك أنت الله ،
لا إله إلا أنت ، الأحد الصمد، ،،،
الذي لم يلد ولم يولد ،،،،،،
ولم يكن له كفؤا أحد،،،،،،
Post: #5457
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-12-2010, 07:36 AM
Parent: #5456

Quote: رشيد القوم صبحك الله بالهناء والسرور .. يوم الخميس بتكون ماشي للأولاد علشان كدا طلتك بتكون خفيفة .. في الويك إند ما في طريقة إلا ما تيسر .. لما ترجع من الأولاد عايز ليك يومين علشان ترجع للفورمة .. ياأخي الله يعينك ويسهل عليك ...


البادي صبحك الله بالخير و السرور...

الأيام التي يكون التداخل فيها من الصعوبة بمكان هما الخميس و صباح السبت...
فالخميس سواقة طويلة بعد يوم عمل طويل....و صباح السبت العودة الى مكان عملي...
عدا ذلك فلا أجد اي مشكلة في التداخل...حتى الجمعة هنالك وقت بعد الصلاة و قبل الغداء...
و لكن يا صديقي أحيانا تجبرك حالة البوست على التماشي معها...
لقد آليت على نفسي في الأسبوعين الماضيين أن أعيد الى البوست سيرته الأولى...
و لم أستسلم حتى الآن...سأواصل محاولاتي حتى عودة أصحاب أنصاف و ارباع الطايوق...
Post: #5458
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-12-2010, 09:35 AM
Parent: #5457

Quote: لقد آليت على نفسي في الأسبوعين الماضيين أن أعيد الى البوست سيرته الأولى...
و لم أستسلم حتى الآن...سأواصل محاولاتي حتى عودة أصحاب أنصاف و ارباع الطايوق...

السلاااااااااااااااااام عليكم
وكدا!!!!!!!1
Post: #5459
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-12-2010, 12:49 PM
Parent: #5458

سلامات يا ناس

السلام عليكم وكدا ...2
Post: #5460
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 07-12-2010, 08:10 PM
Parent: #5452

يا جماعة الواحد يشكر كل الناس الرحبو بينا
بما فيهم اخونا جلا
وبداية انقل اعتذاري للغيبة الطويلة لكن هي الحياة
تعازينا القلبية للاخت الدكتورة حنان على في وفاة شقيقها
وانا لله وانا اليه راجعون


ثانيا البلابل
دي حكاية طويلة
اسمع عمنا بشير عباس يقول عنهم شنوقال ربنا يديه الصحة والعافية
(اتعرفت عليهم عن طريق المرحوم فضل المولى وكانوا في الفنون الشعبية
وبعد ما سمعت اصواتهم ذهبت اليهم في البيت وابوهم كان في مامورية فقابلت والدتهم وكانوا ينادوها بطة
وطلبت منها الاذن حتى يغنن معاي فظهروا معاي في سهرة من تقديم حمدي بولاد اسمها صالة العرض
وكنت اقدم اغنية ابوداؤد من اريج نسمات الشمال بالعود والصفارةوهن كانن كورس
لكن اول اغنية ظهرن بيها لم تكن مشينا ولكن اب عاج اخوي
بعد اندحار انقلاب هاشم العطا سنة 1971
واطالب بان تذاع هذه الاغنية الان لانها اصبحت تراث )
شوف وتامل ايها الصديق الان البلابل من غنوا ليهم اربعين سنه بيغنوا
ولا يزال الصوت كما هو لاغيرتو الظروف ولا مرور الزمن


ثالثا :والله العظيم خبر اللقاء العظيم العملوا ناس الادارة التنفيذية للجمعية
مع مدير الجامعة ونائبه يؤكد اننا جمعية عظيمة
سير سير يا ريس معتصم انحنا معاك
انااشكر كل الناس الرحبو بي
واخص جلال
والبادي
وجلا
ومشتاقين يا جلا ومنصور وودجبريل وميسرة واحمد اسماعيل
وانا القحف دة استغربت انو منصور ما عرفو لكن نقول شنو
هي الغربة


مودتي





المساهمة الفاتت فوق دي لمن فاتهم الاستماع


تعازينا القلبية للاخ عبدالرحمن الصديق
في وفاة الوالدة عليها الرحمة
وكذلك للاخت خديجة همام في وفاة شقيقها
وانا لله وانا اليه راجعون

وانا عارف نفسي مقصر لكن انشغال بسيط وساعود
عاجل الشقاء للاخ علي عبدالمعروف
وحقيقي كل صباح الواحد بيتاكد انو ناس الزقازيق اجدع ناس
Post: #5461
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-13-2010, 05:09 AM
Parent: #5460

اللهم إنى أصبحت أشهدك ،وأشهد حملة عرشك وملائكتك وجميع خلقك، أنك أنت الله،

لاإله إلا أنت وحدك لاشريك لك ، وأن محمدا عبدك ورسولك...
Post: #5462
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-13-2010, 06:19 AM
Parent: #5461

Quote: اللهم إنى أصبحت أشهدك ،وأشهد حملة عرشك وملائكتك وجميع خلقك، أنك أنت الله،

لاإله إلا أنت وحدك لاشريك لك ، وأن محمدا عبدك ورسولك...

السلاااااااااااااااااام عليكم
وكدا!!!!!!!3
Post: #5463
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-13-2010, 06:27 AM
Parent: #5461

لون المنقه يا الشايل المنقه
ما عارف كيف نحنا بنشقي
نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق

استمرارا لمداخلة أخونا مبارك جادين عن البلابل...
قال الحلنقي في احدى اللقاءات التلفزيونية عن أغنية لون المنقة...ان بشير عباس أتاه يوما
طالبا منه عمل أغنية لبنات تلاتة بيظهروا لأول مره...فطلب الحلنقي يشوفهم...
فلما شافهم الحلنقي قام فصل ليهم لون المنقة بحيث تتناسب مع أعمارهم...
مثلما فصل للتاج مكي حبيت عشانك كسلا و عشقت أرض التاكا...
و للحلنقي العديد من الأغنيات الرائعة التي تتميز ببساطة الكلمات...
فشعر الحلنقي من النوع السهل الممتنع...
و أحيانا كثيرة أتسائل هل تلك الأغنيات الخالده من أشعار الحلنقي...
و التي تغنى بها العديد من الفنانين...
هل الكلام هو الذي جعل من الأغنية أغنية خالده...ام هي الألحان و الأداء المتمز لمغنييها...
و أورد هنا أمثلة لتلك الأغنيات...
عيش معاي الحب...بتتغير... لصالح الضي (و ديل عشان الكوتش) ..
أعز الناس ...هجرة عصافير الخريف....يا راحياني لمحمد وردي...
ونجمه نجمة.. ساعة الغروب لأبراهيم حسين..
أسمعنا مرة للراحل خوجلي عثمان...
الطير الخداري لعلي أبراهيم....
عقبال بيك نفرح يا زينه للأستاذ كابلي...

و غيرها من الأغنيات الخالدات التي صنعت نجوما...و صنعها نجوم...
أغنيات خالدات ترنم و سيترنم بها الشعب السوداني منذ سنوات و لسنوات طويلة...

حاولت أن أستفيد من تمريرة أخونا مبارك لأصنع منها مداخلة تشبه هدف أنيستافي الزمن الضائع
و الذي احتج عليه الهولنديين كثيرا...
Post: #5464
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-13-2010, 06:45 AM
Parent: #5463

صباح الخير ،،، يا وجوه الخير

أصبحنا وأصبح الملك لله وحده،،،

أشكرك يارَب فقد علمتني ،،،،
إذا أسَأء إلى الناس ،،،،، شجَاعَة الاعتذار
وإذا أسَاء لي النَّاس ،،،،، شجَاعَة العَفْوَ
وإذا نَسيْتك يَارَبّ فإنك لن تنسَـاني مَنْ عَفوِك وَحْلمك
فأنت العَظيْم القَـهّار القَادِرْ عَـلى كُـلّ شيء..
Post: #5465
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-13-2010, 07:33 AM
Parent: #5464

اشكرك يا مبارك جادين على الكلام الحلو

Quote: لكن اول اغنية ظهرن بيها لم تكن مشينا ولكن كانت اب عاج اخوي
بعد اندحار انقلاب هاشم العطا سنة 1971
واطالب بان تذاع هذه الاغنية الان لانها اصبحت تراث )


من كلمات جعفر فضل المولى

وخليهم يقولو علينا سدنة سدنة ، بس اهم حاجة الابداع ونستعيد اغنيات خالدة فى الوجدان



sudansudansudansudansudansudansudansudansudansudansudansudansudan34.jpg Hosting at Sudaneseonline.com
Post: #5466
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-13-2010, 07:47 AM
Parent: #5465

سلامات يا ناس

Quote:

Quote: اللهم إنى أصبحت أشهدك ،وأشهد حملة عرشك وملائكتك وجميع خلقك، أنك أنت الله،

لاإله إلا أنت وحدك لاشريك لك ، وأن محمدا عبدك ورسولك...


السلاااااااااااااااااام عليكم
وكدا!!!!!!!3


السلاااااااااام عليكم

وكدا 4
Post: #5467
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-13-2010, 08:18 AM
Parent: #5464

Quote: السلاااااااااااااااااام عليكم
وكدا!!!!!!!3


المداخلة دي عاملة زي سد الحنك

من أمس كلما أفتح البوست ألاقي المداخلة دي في وشي

أقفل وأمشي ،،،،،

اليوم الصباح فتحت ووجدتها كذلك وأستغربت الناس دي

ما بتدخل ليه أخونا جلا ده عمل ليهم عمل ،،، لم أنتبه

السلام عليكم وكدا رقم 3 ،،، أرحمنا يا شيخنا جلا
Post: #5468
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-13-2010, 08:40 AM
Parent: #5467

عبدالدائم أغنية تراثية قوية وجميلة

وتستاهل نحتفظ بيها كأرث حضاري وتراث سوداني

خسارة كانت في ناس ما بستاهلوا ،،،،،،،

المداخلة دي سببها البنية القدام البلابل

وبترقص دي منو؟؟؟؟؟؟؟؟
Post: #5469
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-13-2010, 08:51 AM
Parent: #5468

Quote: وبترقص دي منو؟؟؟؟؟؟؟؟


دى الجابت الــري للعطاشا والمريض بقتــو طيب

عجبتك مش ....

غالبا" ما تكون من فرقة الفنون الشعبية ايام مجدها
ما شايف ابو القاسم محمد ابراهيم والمعلمين الكبار بعاينو ليها كيف ...

قطع الرحط بس ...
Post: #5470
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-13-2010, 08:54 AM
Parent: #5469

Quote: المداخلة دي سببها البنية القدام البلابل

وعليكم السلااااااا ورحمة الله و بركاته
بس!!!!!!!!!1
Post: #5471
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-13-2010, 11:26 AM
Parent: #5470

هل تأملنا معنى كلمة "حُب" أو كلمة "أحبك"
أهديكم هذه القصة التي أعجبتني كثيراً ،،،
وأحببت أن تشاركوني لذتها وروعتها ،،،،
وهي درس للجميع في فن الحب ،،،

وجدت بريقاً جديداً من الحب. قبل فترة بدأت أخرج مع امرأة غير زوجتي،
وكانت فكرة زوجتي حيث بادرتني بقولها: "أعلم جيداً كم تحبها"... المرأة
التي أرادت زوجتي ان أخرج معها وأقضي وقتاً معها كانت أمي التي ترملت منذ 19 سنة،
ولكن مشاغل العمل وحياتي اليومية 3 أطفال ومسؤوليات جعلتني لا أزورها إلا نادراً.
في يوم اتصلت بها ودعوتها إلى العشاء سألتني: "هل أنت بخير ؟ " لأنها غير معتادة على
مكالمات متأخرة نوعاً ما وتقلق. فقلت لها: "نعم أنا ممتاز ولكني أريد أن أقضي وقت معك
يا أمي ". قالت: "نحن فقط ؟! " فكرت قليلاً ثم قالت: "أحب ذلك كثيراً". في يوم الخميس وبعد
العمل ، مررت عليها وأخذتها، كنت مضطرب قليلاً، وعندما وصلت وجدتها هي أيضاً قلقة. كانت تنتظر
عند الباب مرتدية ملابس جميلة ويبدو أنه آخر فسنان قد اشتراه أبي قبل وفاته. ابتسمت أمي كملاك
وقالت: " قلت للجميع أنني سأخرج اليوم مع ابني، والجميع فرح، ولا يستطيعون انتظار الأخبار
التي سأقصها عليهم بعد عودتي" ذهبنا إلى مطعم غير عادي ولكنه جميل وهادئ تمسكت أمي بذراعي
وكأنها السيدة الأولى، بعد أن جلسنا بدأت أقرأ قائمة الطعام حيث أنها لا تستطيع قراءة إلا الأحرف
الكبيرة. وبينما كنت أقرأ كانت تنظر إلي بابتسامة عريضة على شفتاها المجعدتان وقاطعتني قائلة:
"كنت أنا من أقرأ لك وأنت صغير". أجبتها: "حان الآن موعد تسديد شيء من ديني بهذا الشيء .. ارتاحي أنت".
يا أماه ،،، تحدثنا كثيراً أثناء العشاء لم يكن هناك أي شيء غير عادي، ولكن قصص قديمة على قصص جديدة
لدرجة أننا نسينا الوقت إلى ما بعد منتصف الليل وعندما وصلنا إلى باب بيتها قالت:
"أوافق أن نخرج سوياً مرة أخرى، ولكن على حسابي". فقبلت يدها وودعتها ". بعد أيام قليلة توفيت
أمي بنوبة قلبية. حدث ذلك بسرعة كبيرة لم أستطع عمل أي شيء لها. وبعد عدة أيام وصلني عبر البريد
ورقة من المطعم الذي تعشينا به أنا وهي مع ملاحظة مكتوبة بخطها:-
"دفعت الفاتورة مقدماً كنت أعلم أنني لن أكون موجودة، المهم دفعت العشاء لشخصين لك ولزوجتك.
لأنك لن تقدر ما معنى تلك الليلة بالنسبة لي أحبك". يا ولدي ،،،

في هذه اللحظة فهمت وقدرت معنى كلمة "حب" أو "أحبك" وما معنى جعلنا الطرف الآخر يشعر بحبنا
ومحبتنا هذه،،،

أحبكم جميعاً،،،،،،
Post: #5472
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-13-2010, 12:48 PM
Parent: #5471

Quote: في هذه اللحظة فهمت وقدرت معنى كلمة "حب" أو "أحبك" وما معنى جعلنا الطرف الآخر يشعر بحبنا
ومحبتنا هذه،،،

أحبكم جميعاً،،،،،،

و عليكم السلاااااام و رحمة الله و بركاته
بس!!!!!!!2
Post: #5473
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-13-2010, 01:45 PM
Parent: #5472

سلامات يا ناس

Quote: أحبكم جميعاً،،،،،،


ولك زكائب منه ..(على قول عرفة)
Post: #5474
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 07-13-2010, 02:34 PM
Parent: #5472

يا ريس ميسرة القصة قمة في الرقي
اقعد عافية انت واولادك
تجدني كلما اقرا قصة عن وفاء الابناء لامهاتهم
اتحسس قلبي فمنذ وفاة الوالدة وانا احس ان طائرا جميلة
كان يسكن في قلبي قد طار


شكرا على الاستجابة السريعة يا عبد الدائم كان معي
بالمكتب الان اخونا الشريف عباس الشريف
وهو ينقل عبر هذا الموقع وعبري التهاني القلبية للاخت عطيات بكري
التي نجح ابنها نجاحا باهرا ودخل الجامعة
مزيد من التقدم


مودتي الدائمة
Post: #5475
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-14-2010, 04:56 AM
Parent: #5474

اللهم اجعل صباحي هذا نازلاً عليّ بضياء الهدى وبالسلامة في الدين والدنيا

ومسائي جنة من كيد العدى ووقاية من مرديات الهوى إنك قادر على

ما تشاء تؤتي الملك من تشاء وتنزع الملك ممن تشاء

وتعز من تشاء وتذل من تشاء بيدك الخير إنك على كل شيء قدير..
Post: #5476
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-14-2010, 05:08 AM
Parent: #5475

التهاني القلبية للاخت عطيات بكري
لنجاح ابنها ودخوله الجامعة...

و التحية للأخ شريف عباس شريف...
Post: #5477
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-14-2010, 07:03 AM
Parent: #5476

صباح الخير ،،، يا وجوه الخير

أصبحنا وأصبح الملك لله وحده،،،

تـذكـر


أن للكون رباً لا تأخذه سِـنة ولا نوم

يراك من حيث لا تراه

عالم بما في نفسك .. ونفوسـهم

.يجيب دعوة المضطر إذا دعاه

ودعوة المظلوم لا تُرد

فلتدعوا لهم بالهداية

وتسأل الله لك الصبر
Post: #5478
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-14-2010, 07:09 AM
Parent: #5476

ناس راشــك السمحين صباحكم زين

الف مبروك نجاح ابنك يا عطيات
وعقبال ما تفرحى بنجاح اخوانو
والتهنئة موصولة لناس بيولوجى برضو
وجيولوجيا كمان عشان خاطر الشريف ما يزعل منى
Post: #5479
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-14-2010, 08:39 AM
Parent: #5478

صباح الهناء والسرور ...

نأسف لعدم الظهور بالأمس .. يعني فطينا سطر ...

مبارك جادين أهلا بيك على الرغم من أنك متعود تفط صفحة كاملة .. والبلابل روعة سودانية ما حتتكرر ...

ديدو النضيف تسلم على الأغنية والصورة .. لكن ثبت بما لا يدعو مجال للشك أنك بلابلي الهوى وعندك عنصرية فنية واضحة الملامح .. وأرشيفك دا ما فيه غير البلابل .. يا ما طلبنا منك أغنيات ولكن لا حياة لمن تنادي إلا حياة طلسم وبس !!...

رشيد القوم وخلال الأيام العادية وبعد ما يفوق من صدمة العودة للغياهب بيظهر معدنه البراق في الكلمات الشفيفة والتعليقات والمداخلات الطاعمة ...

الحاج المجنون جلا .. يا أخي خت الكورة واطة ...

الكوتش جنابو جورج .. متاوقاتك وإنت مشغول برضو بنستمتع بيها وهي زي الباصات البينية في الكورة ...

مبروك لأختنا عطيات نجاح ولدها .. وأهلا بي شريف الشريف ...
Post: #5480
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-14-2010, 11:19 AM
Parent: #5479



ابداكم من وين ؟؟؟!!
كان عندى ما يشبه خلل المحركات فى الطائرات العمودية
ولكنه خلل لا يرقى لدرجة السقوط العمودى
خلل يجعل منك طائرا محلقا , ولكن حول نفسك
قمة فى اللف والدوران , اللف والدوران اللاموضوعى
اوريكم كيف , تقرأ وكأنك ما فاهم
تمشى وتلقى نفسك واقف
تحاول تتلفت , فأذا برقبتك معسمة عسيم السنين
تمد فضاءاتك مد البصر , فيرتد اليك بصرك من آفاق اللاشىء , واللارؤية
تشوف دون ان تميز , وتتساوى عندك الأطعمة ,فتتساءل عن فائدة هذا الشىء المعلق بين فكيك اوما يسمونه (لسان )
يحدث لى هذا بعض احيان
تعودت عليه وعلى تخطيه , على تجاوزه
وكما يحدث كل ذلك دون سبب
فانه يختفى وينجلى كذلك , دونما اى سبب
هل هى حركة الأبراج , ام ان لذلك ارتباطات غير منظورة (بالدورة الدموية وفصيلة الدم )
ياخوى متعب حالك مالك
مش مشكلتك اتحلت وبقيت فى مشكلة انك تبدأهم من وين ؟؟
ياخى ابداهم من اي حتة , ان شاء تبدأ تاكل تحلية , وبعد داك ترجع لى ام رقيقة
مش على كيفى ؟؟؟!!
Post: #5481
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-14-2010, 11:44 AM
Parent: #5480


حسب ما قرات فى الصحف السيارة , جريدة الخرطوم تحديدا
فان من توفيت هى الدكتورة خديجة همام , زميلتنا فى طب الزقازيق
بينما المعلومة التى اوردها ابو الزوز ,تقول ان المتوفية اختها
العزاء لأسرتها , ومطلوب تاكيد الخبر الصحيح لمن يعرف
والعزاء لزميلنا عبد الرحمن ابراهيم فى وفادة والدته
ومبروك لزميلتنا عطيات بكرى , نجاح ابنها
وربنا يكمل شفاء اخونا وزميلنا على عبد المعروف
وادام الله الزقازيقاب ,اسرة واحدة متعاضدة ومتكافلة
Post: #5482
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-14-2010, 11:51 AM
Parent: #5480


حسب ما قرات فى الصحف السيارة , جريدة الخرطوم تحديدا
فان من توفيت هى الدكتورة خديجة همام , زميلتنا فى طب الزقازيق
بينما المعلومة التى اوردها ابو الزوز ,تقول ان المتوفية اختها
العزاء لأسرتها , ومطلوب تاكيد الخبر الصحيح لمن يعرف
والعزاء لزميلنا عبد الرحمن ابراهيم فى وفادة والدته
ومبروك لزميلتنا عطيات بكرى , نجاح ابنها
وربنا يكمل شفاء اخونا وزميلنا على عبد المعروف
وادام الله الزقازيقاب ,اسرة واحدة متعاضدة ومتكافلة
Post: #5483
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-14-2010, 01:09 PM
Parent: #5482

تحياتنا يا منصور .. الظاهر من كتر الجكات بقيت تعمل دبل كيك !!.... أوتمشيا مع ثقافة كأس العالم الإٌسباني ...
Post: #5484
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-14-2010, 02:49 PM
Parent: #5483

أول شيء مسئولين من الخير...
جلال وصل وين....
و أحمد اسماعيل مسافر بتين...
و ده كلو كوم....
موسى عيسى ده مالو...
محمد عيد...تلفوناتك ما زالت مقطوعة موسيقية ياخي...
حاتم جبارة...شنو ياخي هارشنك بالدومنياكني و لا شنو...
وحات سيدي أحمد الناس دي ما براها...
ياسر نجيلة بالرغم من انو بيني و بينك رنه قصيرة لكن...انت وين ياخي؟؟؟

Quote: ياخى ابداهم من اي حتة , ان شاء تبدأ تاكل تحلية , وبعد داك ترجع لى ام رقيقة
مش على كيفى ؟؟؟!!

ما علي كيفك ياخي...
و الله يا منصور حقارتك دي أصلك ما بتخليها...
ماله أم رقيقة عيبة لي....
يعني شنو ما عادي ممكن تحلي و ترجع تآكل أم رقيقة...
أنا بالنسبه لي أم رقيقة دي لا يعلى عليها...
الغريبة أنها قابلة للخلط بكل شيء....
يعني أم رقيقة دي مع لذتها...
خلاطة كمان...
Post: #5485
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-14-2010, 04:38 PM
Parent: #5484

Quote: جلال وصل وين....

يسأل منك الخير يايابا ...
عارف كلى امل بأن يسهب منصور ويتحفنا بحلوله السحرية في كيفية الخروج من عنق زجاجة الحالة القال عليها ديك
غايتو لما يعدد ليكم رؤاه ورؤياه انا بختار منها مايعجبني واترك مايعجب منصور ليك انت دا "خصوصا ام رقيقة"
لانو انا "اسبشال كيس" وحالتي تصعب على الكافر ...
غايتو المداخلة دي ما تدقق فيها كتير لانو كلام الطير في المحطة البعد سوبا
وما عاوز اقول حاجة لكن تاني "كراعا" تمشي الاجازة تنقطع وخصوصا اذا عبرت البحر الاحمر
اما اذا توجهت وجهات اخري ف الترلة مافي ليها أي داعي خصوصا اذا قطعت البحر الاحمر من جهة الجنوب الشرقي
وشرطا تقطعوا من عل.

الرشيد: انعل زيتك زاتو ماتخلي الواحد يقوم يفك اخروا اسا دي ..
Post: #5486
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-15-2010, 04:32 AM
Parent: #5485

أصبحنا و أصبح الملك لله ، والحمد لله ، لا إله إلا الله وحده لا شريك له ، له الملك وله الحمد وهو على كل شئ قدير ، رب أسألك خير ما في هذا اليوم وخير ما بعده ، وأعوذ بك من شر ما في هذا اليوم وشر ما بعده ، رب أعوذ بك من الكسل ، وسوء الكبر ، رب أعوذ بك من عذاب في النار
Post: #5487
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-15-2010, 04:55 AM
Parent: #5486

Quote: الرشيد: انعل زيتك زاتو ماتخلي الواحد يقوم يفك اخروا اسا دي ..


جلال يا حبيب...
و الله انتو قاعدين تحننو ..مسافرين تجننو...
ما قلنا ليك السفر لي أي حته غير السودان لا بغلط عليك و لا ب###### ايديك..
أها انت حسه مش بينطبق عليك مقولة خم و صر..
لكن في حالتك دي خم و ستف...و الباقي أردمه في ضهرية العربية ساكت...
و وصيتي ليك شوف ليك سي دي كارب كده يكون فيهو أغنية كده..كده يا الترله...

يا قندراني.....
Post: #5488
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-15-2010, 05:25 AM
Parent: #5487

اذا عادت بنا الايام الى الماضى
كتبت على ثوان العمر شعرا
لا يدانيه غناء الطير
وهمس الماء ووشوشة هى فيه
ركبت زوارقى ابحرت في شعر لها مجدول
جعلت مشاعرى جندول
Post: #5489
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-15-2010, 06:43 AM
Parent: #5488

صباح الهناء والسرور ...

عصر الأمس إستمتعنا بأمطار خير وبركة ناحية جامعة أفريقيا (حي المجاهدين وحي الراقي) كان الجو عليل ولطيف جدا ...

فجر اليوم كانت الأمطار على ناحية بحري ما أجملها .. وهي من نوع الأمطار الهادشة التي تجعل الجو مريح والهواء الجميل يلفح وشك يمنة ويسرى مش زي السموم اللي تعودنا عليها طول العام .. هي أيام معدودات نعمة من رب العالمين نغير فيها نفسياتنا ومعنوياتنا .. ما زال الجو جميل ومازالت المتعة مستمرة .. قاعدين نفكر في الفطور يكون شنو .. سمك عند عوضية مع جكة منصورية .. شية جمر بالواحة في الخرطوم2 .. فطور جميل في أمواج .. فطور أجمل في سوليتير الرياض ... وهلم جررا ...

وين الناس اللي قالوا جايين للسودان الشقيق في موسم الإجازات .. أخواننا جلال .. أحمد إسماعيل .. عصام جلي ... وغيرهم .. نحن في الإنتظار ...
Post: #5490
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 07:56 AM
Parent: #5489

Quote: أصبحنا و أصبح الملك لله ، والحمد لله ، لا إله إلا الله وحده لا شريك له ، له الملك وله الحمد وهو على كل شئ قدير ، رب أسألك خير ما في هذا اليوم وخير ما بعده ، وأعوذ بك من شر ما في هذا اليوم وشر ما بعده ، رب أعوذ بك من الكسل ، وسوء الكبر ، رب أعوذ بك من عذاب في النار
Post: #5491
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 08:02 AM
Parent: #5490

Quote: الرشيد: انعل زيتك زاتو ماتخلي الواحد يقوم يفك اخروا اسا دي ..

زول زي دا ما تحاولو تجرجروهو و تجيبوهو الحوش هنا
بس خلوهو جوه بي غادي في الديوان
لأسباب كتيرة ما في داعي لذكرها
بس خلوهو متابع و مستمتع
Post: #5493
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 08:11 AM
Parent: #5491

أولاً أهنيك تهنئة زي الناس القاعدين يقولو
القابضين على الزناد
و الماسكين على جمر القضية
و العيون الساهرة على البوست
ولا نامت أعين الجبناء
ثانياً:
Quote: أخواننا جلال .. أحمد إسماعيل .. عصام جلي ... وغيرهم .. نحن في الإنتظار ...

عشان نعمل شنو؟؟؟؟
ياخ مش أحسن تستمتع بالجو الظريف دا برااااك (باراك أوباما)
ثالثاً:
أنا عازمك فطور قراصة في السوق العربي
Post: #5492
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-15-2010, 08:07 AM
Parent: #5489

Quote: فجر اليوم كانت الأمطار على ناحية بحري ما أجملها .. وهي من نوع الأمطار الهادشة التي تجعل الجو مريح والهواء الجميل يلفح وشك يمنة ويسرى مش زي السموم اللي تعودنا عليها طول العام .. هي أيام معدودات نعمة من رب العالمين نغير فيها نفسياتنا ومعنوياتنا .. ما زال الجو جميل ومازالت المتعة مستمرة .. قاعدين نفكر في الفطور يكون شنو .. سمك عند عوضية مع جكة منصورية .. شية جمر بالواحة في الخرطوم2 .. فطور جميل في أمواج .. فطور أجمل في سوليتير الرياض ... وهلم جررا ...


و الله يا البادي ماشه معاكم...يا أخي نحن أمبارح بالليل درجة الحرارة و حسب ما مبين في العربية 54 درجة...
نقص منها ستة درجات حتكون 48 درجة...عليك الله دي حالة دي...
و براحة كده ممكن تعمل شاي من موية الحنفية...
و كان جوك ضيوف كتار و حلتك ما بتكفي..ممكن تديها كوز من الحنفية برضو...
و ممكن تفقع ليك بيض في الطوة و تخليهو في الشمس تلاتة دقايق تجي تلقاهو استوى...
عشان كده حابسين نفسنا في المكيفات دي...
Post: #5494
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-15-2010, 08:27 AM
Parent: #5492

Quote: أنا عازمك فطور قراصة في السوق العربي

عازمني أنا و لا البادي يا جلا...
القراصة دي بجيك ليها ان شاء الله في الشتاء...
من حسه حأجهز ليها البصل الأخضر و الشطه الخضراء بالدكوة....
لأني الأيام دي عندي ميول لحزب الخضر...
لو لقينا كمان ملاح قريين تكون ما قصرت معاي تب...
Post: #5495
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-15-2010, 08:41 AM
Parent: #5494

سلامات يا ناس

وصباحات التفاؤل

يا صوتها يا روعة

لحناً (خريفياً)سرى

كوبى وبيست لمداخلة البادى.
Post: #5496
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-15-2010, 09:09 AM
Parent: #5495

قراصة فى السوق العربى !!!!!!!
سمك !!!!! عوضية !!!!!!!!!!!!!
كلام الطير فى المحطة البعد سوبا !!!!!!!!!!!!!!!!!
ام رقيقة !!!!!!!!!!!!!!!!!!!!!
اديتونى احساس انى متشعلق لى فى بص
والمطرة صابة
يعلم الله متشعلق بى فرد رجل
التانية تتلولح فى هواء الله ده
عملتوها قبل كده ؟؟؟؟
Post: #5497
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 09:27 AM
Parent: #5496

Quote: عازمني أنا و لا البادي يا جلا...

يا رش اليجي أول أنا عازمو
أقول ليك حاجة أنا متوقعك تجي إنت الأول
إيه رأيك
ولا كيف يا البادي؟؟؟؟؟
Quote: اديتونى احساس انى متشعلق لى فى بص

الزول دا كلموهو
نحن تطورنا و البصات بقت فاااضية
و وااااسعة
و مكيفة
ونضييييفة
بس شوارعنا محتاجة ليها زي 35 سنة كدا عشان تتناسب و البصااات الجديدة
Post: #5498
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 09:38 AM
Parent: #5497

Quote: فجر اليوم كانت الأمطار على ناحية بحري ما أجملها ..
وهي من نوع الأمطار الهادشة التي تجعل الجو مريح والهواء الجميل يلفح وشك يمنة ويسرى ..
هي أيام معدودات نعمة من رب العالمين نغير فيها نفسياتنا ومعنوياتنا ..
ما زال الجو جميل ومازالت المتعة مستمرة ..

شكراً الأخ البادي
عشان كدا الواحد داير يحسن ملافظو شوية
خاصة و اليوم الخميس
و زي ما الرشيد قاعد يجيب غنا و شعر
أنا الليلة متكيف من رائعة مصطفى سيد أحمد إذا عادت بنا الأيام للماضي
وهذا مقطع من الأغنية
إذا عادت بى الأيام يوما
أيها الأحباب
ولو فى زورق يمضى
على الصحراء عبر سراب
أنا ملاحه الفرحان ..
يطرق مغلق الأبواب
أدق .. ليس يعنيني
لأنى قادم من حاضر اللحظات للماضي
وبى شوق سيشعل صمت هذا الزورق الهادئ
فيدفعه إلى الوادى ..
إلى أفق أنيق النجم صداح البساتين
Post: #5499
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 10:07 AM
Parent: #5498

و الله يا رش
لما كتبت رائعة مصطفى
لم أقرأ مداخلتك بي تركيز
رغم إني من طلعت من البيت و الصباح الإستثنائي دا قعدت أدندن في الأغنية
ودا كلام كويس أجد من يشاركني خواطري
بالمناسبة يا أبو الجل ..الما لقا شبهو الله قبحو

قلت يا رش كيف؟؟؟
Quote: محمد عيد...تلفوناتك ما زالت مقطوعة موسيقية ياخي...

طبعاً أنا جنِّي و جن الإحراجات
يعني الواحد يحترم نفسو و يقعد ساكت وما يضرب تلفونات مش ؟؟؟؟

الغريبة زولك يجي يعزي و يتخارج
بالمناسبة إذا ليقتو على جنب كدا
قول ليهو سعيكم مشكور ...و الكشف ما سكو البادى
Post: #5500
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 10:24 AM
Parent: #5499

Quote: و ده كلو كوم....
موسى عيسى ده مالو...

يا ناس الرياض
شوفو الزول دا عيان بي شنو ؟؟؟؟
بعدين العيا خشم بيوت
الزول دا من عيالو فارقوهو
و هو في حالة عييان
مش قلت ليك يا رش جنِّي و جن الإحراجات
أها الزول دا شديت ليهو سلك لمن السلك قطع
و إنت عارف السلك بتاع حبل الغسيل جااامد أوي
خاصة إذا كان من السودان لي السعودية
برضو أُحرجت
أها نسوي شنو؟؟؟؟
إنت يا زول ماشي متين لي أولادك
مش عايز ليك مسافة مقدرة ؟؟؟؟
Post: #5501
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 11:14 AM
Parent: #5500

لمن تكون متكيف 24 قيراط
ما تسأل في زول
ودي قاعدة و وصية أداني ليها الرشيد
في جو خريفي زي بتاع الليلة تقول أي حاجة
تكب أي حاجة حلوة قاعد تسمعها أو شفتها
قريت كم مرة قاسم أبو زيد
الليلة قريت ليهو كويس
خاصة في ليه غبتى يا القمرة


ليه غبتى يا قمرة
نركب جياد الليل
إنشرّ بينّا صباح
سفر العتامير .. ليل

نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقى السيل
*****

صُدْ لى ملامحك يا حراز
ريح العوارِض ... غرّبتْ
فرتِق ضفايرك .. فى الرزاز
جية العصافير .. قرّبتْ
Post: #5502
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 11:19 AM
Parent: #5501

وكمان....إدفقي

إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
Post: #5503
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 11:25 AM
Parent: #5502

كدا الواحد إرتاح ويمشي الدمازين و معنوياتو فوووق
في زول داير يسلم على حسن عبد المجيد
مدير عام وزارة المالية
تجارة الزقازيق 87

يا كمندان تعال أقلب الصفحة دي

أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
Post: #5505
Title: Re: ناس الزقازيق ... أجدع ناس ( 3 ) ..
Author: عمر نملة
Date: 07-15-2010, 11:45 AM
Parent: #5503

سلام تحيه
ياناس انتوا سرعيين كدا ليه، والله ماقادر احصلكم يااخي انتوا ابطال مارثون بسرعه وصلت الان 55 ميل في الساعه. بالله ختوا الاوفر دا واطه واسمعوا كلام زول جاري وماقادر يلحقكم وداخل في اللوم من الوفيات البقت افتش ليها تفتيش. بس رجاء اي زول ينزل خبر وفاه يعمل ليه كوبي بالببيت بالداخل في بوست العزاء. وربنا يرحم موتانا والبركه فيكم في كل من فاتني ان اقدم واجب العزاء. والموضوع الاهم موضوع زميلنا وحبيبنا على عبد المعروف ياريت لو نخصص ليه بوست منفصل ونوضح وين وصلت التبرعات لانه المساله مسالة موت او حياة يعني ننبطل كل شئ ونحسبها بالفلس عشان نكمل ال 8000 دولار .
وقول ليكم كمان حاجه ان جاري احصل جريه. وسلام تحيه كمان
Post: #5506
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-15-2010, 11:46 AM
Parent: #5503

صباح الخير ،،، يا وجوه الخير

أصبحنا وأصبح الملك لله وحده ،،،

صباح اليوم صباح مميز

عاد منصور يقدل

وعاد شيخنا جلا يعرض بقوة

والرشيد يغازل بالشعر

وجلال ترك التستيف وهب يرد زي إستيف

والبادي يبشر القادمين بجو السودان الممطر في بعض المناطق

أبو الجل إنحنا في إنتظارك في بوابة السعودية أكتب لينا

تاريخ حضورك وبرنامجنا جاهز بس منتظرين نعاين!!!!
Post: #5507
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 07-15-2010, 11:51 AM
Parent: #5503

سلام الله عليكم جميعا اخوانى واخواتى الاعزاء الطيبين ونشكر اداره المنبر لاتاحه فرصه الانضمام و نتمنى ان نكون من المساهمين و المتواجدين
Post: #5504
Title: Re: ناس الزقازيق ... أجدع ناس ( 3 ) ..
Author: Tabaldina
Date: 07-15-2010, 11:44 AM
Parent: #5502

...
.

التحية للاعزاء جميعا
مبرووكـ القيد الصحفى يا زناتى

ومبروكـ الانجاز فى تكريم مدراء جامعة الزقازيق
والوصول الى فرص للتعامل والدراسة

لم اجد تفاصيل كيفية الاتصال بالجامعة او الشخص
فى الدراسات العليا والرسوم
الرجاء الافادة ؛

---------------

مودتى؛
Post: #5508
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-15-2010, 12:04 PM
Parent: #5504

نرحب بقوة بأخونا موسى

دفعة قوية لناس البوست

هلا ومرحب بالدماء الجديده

وسعداء بقدومك،،،،،

نتمنى كثرة التواصل،،،
Post: #5509
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 12:05 PM
Parent: #5504

قلنا الصفحة دي
يقلبها المكندان يا نملة
موسى الراجل
مبرووك الباسوير
لكن الناس ديل زي ظلموك
عارف يوم الخميس دا ما في زول بهبب ليك
التلقاهو قاعد يلعب عشرة و ست
التلقاهو في الطريق لي عيالو
التلقاها مشت تتمشط عند الجيران
التلقاهو عندو و ردية عسكرية و ما شي يستلمها
التلقاهو جاكي في المارثون لتحطيم الرقم القياسي
التلقاهو جا خاشي و ما ناقش الحاصل شنو
و التلقاهو ما عندو موضوع (زي كدا)
غايتو حللت أهلاً لكن النزول 194
ما عندك أقيف بي و رقك دا فوق و جر الخمسين
عندك جوكرين و لا شنو؟؟؟؟؟
Post: #5510
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-15-2010, 12:46 PM
Parent: #5509

Quote: أبو الجل إنحنا في إنتظارك في بوابة السعودية أكتب لينا

تاريخ حضورك وبرنامجنا جاهز بس منتظرين نعاين!!!!

يا ريس زولك دا برنامجو مطرشق
للتأكيد أنا لو في محلك
طوالي بشد سلك لي بت الشيخ بتاعتو
عشان تديني النجيضة
حسب كلام ود الصائم
Post: #5511
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-16-2010, 12:41 PM
Parent: #5510

جمعتكم مباركة...
أولا نرحب بمقدم موسى الراجل كاضافة جديدة و نوعية ان شاء الله للمنبر و لهذا البوست...

جلا ان شاء الله تكون وصلت بالسلامة للدمازين و تكون مستمتع بالجو الجميل و بخيرات تلك المناطق...
و أنا متأكد بأنك ستعود أكثر اندياحا نرجو أن يكون له عظيم الأثر على الأخوة الغائبين...
مثل أخونا و حبيبنا الأولاني فلان الفلاني...موسى عيسى آخر ما وصلني منك كانت رسالة
تقول بأنك متوعك شوية ياخي بعد الشر عليك...ان شاء الله تكون بلغت الصحة و العافية...
و كمان يا جلا أرجو أن يؤثر بك الجو المحيط لانتاج ما يجرجر حبيبنا محمد عيد للبوست...

جلال برضو ما وريتنا وصلت وين...انعل زيتي...انعل زيتي...أجب على السؤال...
Post: #5512
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 07-16-2010, 02:37 PM
Parent: #5511

اليوم جمعة ولقيت لاول مرة الصفحة في البداية يعني جيت بدري وكدة
عشان كدة بنتهز هذه الفرصة
وارحب اولا بمقدم الاخ موسى الراجل
والاخ عمر بعيدا عن نملوز في البيت البهناك
ومشتاقين يا ريس
والرشيد معاك قبال تقوموا سداري بالبوست دة ونبقى من مراعاة فروق الوقت
اخونا تبلدينا انت وين يا زول
يا جماعة جلال دة جاي بالدرب القبيل بتاع السايق الفيات
Post: #5513
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-16-2010, 09:31 PM
Parent: #5512

أحر التعازي للأخت منى سيد لطفي زوجة الأخ الصديق أبوبكر حامد في وفاة محمود سيد لطفي شقيق الأخت منى...
نسأل الله أن يرحم الفقيد و يغفر له و أن ينزله منازل الصديقين و الشهداء...
و لأهله و ذويه الصبر الجميل...
انا لله و انا اليه راجعون...
Post: #5514
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-17-2010, 06:12 AM
Parent: #5513

اللهم زدنا ولا تنقصنا وأكرمنا ولا تهنا
وأعطنا ولاتحرمنا وآثرنا ولاتؤثر علينا
اللهم أعنا على ذكرك وشكرك وحسن عبادتك
اللهم أحسن عاقبتنا في الأمور كلها وأجرنا
من خيزي الدنيا وعذاب الآخرة
Post: #5515
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-17-2010, 06:51 AM
Parent: #5514

Quote: أول شيء مسئولين من الخير...
جلال وصل وين....
و أحمد اسماعيل مسافر بتين...

وين الناس اللي قالوا جايين للسودان الشقيق في موسم الإجازات .. أخواننا جلال .. أحمد إسماعيل .. عصام جلي ... وغيرهم .. نحن في الإنتظار

رشيدنا الله يديك العافية والأخ البادي الله يعافيك وكل البسأل عننا
يسأل عنكم الخير ويقابلكم كمان في ساعة مليون خير

بعد أن أزمعنا السفر بالسيارة وتم التنسيق مع الأخ جلال
إلا إني بعد ماتأملت شفق بنتي وتذكرت بأنها مولودة خديج
غيرت الفكرة من السيارة إلى الطيارة والحمد لله وجدت حجز
في طيران ناس يوم 26/7/2010
أما الأخ عصام جلي له مايقارب الأسبوع بالخرطوم ويمكن اليومين
ديل يكون في مدني لأنه سافر بالسيارة
Post: #5516
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-17-2010, 07:22 AM
Parent: #5515

صباح الخير ،،، يا جوه الخير

كامل التعازي للأخ/ أبوبكر حامد في وفاة شقيق زوجته

تغمد الله الفقيد بواسع رحمته

وألهم أهله وذويه الصبر والسلوان

إنا لله وإنا إليه راجعون،،،،،
Post: #5517
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-17-2010, 07:50 AM
Parent: #5516

كامل التعازي للأخ/ أبوبكر حامد في وفاة شقيق زوجته

تغمد الله الفقيد بواسع رحمته

وألهم أهله وذويه الصبر والسلوان

إنا لله وإنا إليه راجعون،،،،،
Post: #5518
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-17-2010, 08:07 AM
Parent: #5517

مساء أمس الجمعة 16/7/2010 قبيل صلاة المغرب
عائلتي وعائلة زميلنا حماد أحمد حماد ذهبنا
إلى منزل الأخ محمد عثمان والأخت عفاف لأداء واجب
العزاء في خالة الأخت عفاف وإبنها لكن لسوء الحظ لم نجدهم
ربنا يتغمد الفقيدة وإبنها بواسع رحمته وعظيم مغفرته
وإنا لله وإنا إاليه راجعون
Post: #5519
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-17-2010, 10:16 AM
Parent: #5518

أحر التعازي للأخت منى سيد لطفي زوجة الأخ الصديق أبوبكر حامد في وفاة محمود سيد لطفي شقيق الأخت منى...
نسأل الله أن يرحم الفقيد و يغفر له و أن ينزله منازل الصديقين و الشهداء...
و لأهله و ذويه الصبر الجميل...

انا لله و انا اليه راجعون



لا تنسو الدعاء للاخ على عبدالمعروف
Post: #5520
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-17-2010, 10:44 AM
Parent: #5519

تعازينا للأخت منى سيد لطفى
بت شيخ اخونا ابو بكر حامد , فى وفاة شقيقها
احر التعازى والبركة فيكم
وجعلها الله ىخر الأحزان
Post: #5521
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-17-2010, 11:29 AM
Parent: #5520

طيب ... آخر مداخلة لي من الرياض
بعدها يمكن الزول يستلف "الكونكت" بتاع ميسرة
او اقول ليكم حاجة عبدالدائم لو ما اداني اي بود بخرتو اي حاجة ان شاء الله لابتوب
طيب نبدا ليكم الصفحة دي من بدايتها...

ونحي اخونا عمر نملة في منافيه البعيدة
والله لو عملت ذي السويدي البعمل فيه الايامات دي
مش تجي الاول ... تعال عتل معاي ياخ عشان الارتري داك يأمن

Quote: أبو الجل إنحنا في إنتظارك في بوابة السعودية أكتب لينا

تاريخ حضورك وبرنامجنا جاهز بس منتظرين نعاين!!!!


طيب ياريس ... لظروف قاهرة "العمل" ح اتحرك بكرة الاحد مساء
وأول ما نقول بسم الله بمسكلك عشان تونسني في الطريق "اشمعني" الرشيد
بس عاين عاوز مكان "ابركن فيه العربية لغاية ما امشي العمرة وارجع
العربية دي كان اتسرقت جلا دا الا يشوفني في الصور بتاعة البوست دا

موسى الراجل:
طبعاً انا السنير بتاعك ... الذي هيأ لك امر الدخول للمنبر
عشان كدة ياحبيب امسك الراية قوي لغاية ما نرجع من السودان الشقيق

تبلدينا العزيز ...
شايفك ... مكتح المنبر العام وقايم على بورداب الخارج
شوف ... والله ترفع منى القزاز وتعمل لي فيها ميت احرش ليك سامي يطلع زيتك
ماعايز لمة ولاقندهار ولا سمك عوضية ولا غيروا ... عاوز ابقى وزير
الغربة دي طلعت ميتين ابو اهلنا ....
حضر البرنامج القوي عليك الله خلينا نشوفكم "ونسالمكم ونقالدتكم ياخ"

Quote: يا ريس زولك دا برنامجو مطرشق
للتأكيد أنا لو في محلك
طوالي بشد سلك لي بت الشيخ بتاعتو
عشان تديني النجيضة

شوف يا جلا ... بالله ماتعملا لي دمازين ولا الرصيرص
بعدين تعال هنا في زول عاقل بمشى الدمازين فى الخريف
اها اجيب ليك حبوب ملاريا معاي؟
يوم الجمعة ان شاء الله اعمل لي رنة على جوالى السعودي
بعد داك الا تقوم جاري ...

Quote: جلال برضو ما وريتنا وصلت وين...انعل زيتي...انعل زيتي...أجب على السؤال...

رش ياحبيب ...
غدا بإذن الله نبدأ رحلة الاجازة الى ربوع الوطن الحبيب
حا نركلس في جدة يومين ... لتأدية العمرة ثم بإذن الله نغادر الاربعاء للسودان الشقيق
وكان الاخبار مش ولا بد طوالي ندق الخلف ونتوجه لابوظبي
والله السودان قالوا حاجة تمام اليومين دي
كنا نتمنى ان نلتقي Over there والله


Quote: يا جماعة جلال دة جاي بالدرب القبيل بتاع السايق الفيات

والله يابركة اشواقنا تسبقنا لرؤياكم
دعواتكم بس ياحبيب انو ربنا يستر طريقنا ونصل بالسلامة...

أحر التعازي للأخت منى سيد لطفي زوجة الأخ الصديق أبوبكر حامد في وفاة محمود سيد لطفي شقيق الأخت منى...
نسأل الله أن يرحم الفقيد و يغفر له و أن ينزله منازل الصديقين و الشهداء...
و لأهله و ذويه الصبر الجميل...
انا لله و انا اليه راجعون...

Quote: بعد أن أزمعنا السفر بالسيارة وتم التنسيق مع الأخ جلال

عين العقل والله يا ابوعمر
هي رحلة شاقة وان شاء الله سوف تجدنا في انتظارك في المطار
كتر الريالات ... عشان الواحد بكون حت كرونة في الخمس يوم دي
بعدين هو زاتو الملح ماكويس بوديك اي حتة بنص السعر بس
عشان نساهم في وقف الجشع الفى السودان ده

عبدالدائم ...
جاييك بي خشم الباب عديل كدة وحقي بشيلوا منك ناشف
حضر الاي بود ... لابتوب ... وشوية دولارات كدة لزوم البقشيش في سواكن
اوعك تقول لي ليه ولدتك وناسيك
عارفك متاثر بي مساخة كشاح ...

منص ...
حا اجيب ليك معاي ويكة وشطة وكركدي
نحن ما بتاعين تكنولوجيا زي عبدالدائم ...
بعدين السودان زاتو الحاجات دي فيهو غالية ...
كان عاوز اي حاجة غير اللستة الفوق دي ...
حقها يصلني كاش ... واول ما اصل برسل ليك رقم حساب جلا

كل الاحبة
نستودعكم الله الذي لا تضيع ودائعه
ونتمنى ان نلتقي في رحاب اروع وامتع
ونسأله تعالى ان يسهل علينا سفرنا هذا ويطوي عنا بعده

وفي أمان الله ... دعواتكم
Post: #5522
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-17-2010, 02:00 PM
Parent: #5521

سلامات يا ناس

صادق العزاء للاخ بكرى حامد وبت شيخو منى فى وفاة شقيقها

له الرحمة والمغفرة وانا لله وانا اليه راجعون.

مرحب بالاخ موسى الراجل اضافة للناس ديل .

وامنياتنا للناس الجايين الإجازة بسلامة وسلاسة الوصول (يا جلال جدة

فيها عمرة؟)

اعتذارى لجلا لعدم تمكنى من قلب الصفحة (لحاجات تانية حاميانى)
Post: #5523
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-17-2010, 02:12 PM
Parent: #5521

Quote: طيب ياريس ... لظروف قاهرة "العمل" ح اتحرك بكرة الاحد مساء


ضيقتها علينا شديد ،،، كنا طمعانيين تجلس معانا إسبوع كامل

السفر بالليل جميل ولكن صعب شديد ،،،،،

المشوار بعيد جداً ،،، لازم تنوموا في الطريق

وما عليك بالمجانين في الخطوط السريعة ،،،

سوق بالمهلة ،،،

نشوفكم في جده يوم الإثنين بإذن الله

وح نكون متابعينكم بالجوال بس خليهو مليان،،،
Post: #5524
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-17-2010, 04:28 PM
Parent: #5523

Quote: رش ياحبيب ...
غدا بإذن الله نبدأ رحلة الاجازة الى ربوع الوطن الحبيب
حا نركلس في جدة يومين ... لتأدية العمرة ثم بإذن الله نغادر الاربعاء للسودان الشقيق


طريق السلامة يا حبيب...توصل جدة سالما و ربنا يتقبل منك عمرتك...
و منها حتى تصل الى أهلك بسنار و تعود سالما ان شاء الله...
و ما تنسى وصية الريس درب السلامة للحول قريب...
و أوع البشغل و العربات و القيشورة السمها فاير...
Post: #5525
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-17-2010, 08:59 PM
Parent: #5524

Quote: بعد أن أزمعنا السفر بالسيارة وتم التنسيق مع الأخ جلال
إلا إني بعد ماتأملت شفق بنتي وتذكرت بأنها مولودة خديج
غيرت الفكرة من السيارة إلى الطيارة والحمد لله وجدت حجز
في طيران ناس يوم 26/7/2010


أبو عمر...

بالسيارة أو بالطيارة...تصحبكم السلامة...
المرة دي اتحججت بي شفق...
المره الجاية شوف ليك حجه تانية...
المهم سلم لي على الكوتش...
و لو لاقيت زهير سلم عليهو كمان....

بس موسى عيسى ده مالو...
Post: #5526
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-17-2010, 11:01 PM
Parent: #5525

الاخوه الاحباب
سلام الله عليكم
الاخ تبلدينا
بخصوص الدراسات العليا بجامعة الزقازيق
يتم الاتصال بالاستاذ الدكتور \ محمد بهجت عوض
نائب رئيس الجامعه للدراسات العليا والبحوث والمشرف العام
ويمكن مدكم ببريده الالكترونى وبريد الجامعه
وستجد منهم كل ترحاب حسب لقائنا معهم
والجمعيه الان بصدد التوثيق المكتوب لنتائج اللقاء حتى يحفظ
كحق لكل الزقازيقاب .
947.JPG Hosting at Sudaneseonline.com

الاستاذ الدكتور محمد بهجت يقف جوار الاخ زهير وبجواره الاستاذ الدكتور ماهر الدمياطى رئيس الجامعه ثم الاخ الكمندان محمد صديق
Post: #5527
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-18-2010, 04:43 AM
Parent: #5526

اللّهُـمَّ إِنِّـي أَصْبَـحْتُ أَُشْـهِدُك ، وَأُشْـهِدُ حَمَلَـةَ عَـرْشِـك ، وَمَلائِكَتِك ، وَجَمـيعَ خَلْـقِك ، أَنَّـكَ أَنْـتَ اللهُ لا إلهَ إلاّ أَنْـتَ وَحْـدَكَ لا شَريكَ لَـك ، وَأَنَّ ُ مُحَمّـداً عَبْـدُكَ وَرَسـولُـك
Post: #5528
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-18-2010, 06:05 AM
Parent: #5527

رمضان على الأبواب...
و هذه المره سيستمتع به ناس السودان مع الخريف و الجو الجميل...
أما نحن مع الصيف المولع ده الا نعمل زي العربي...
العربي سألوه كيف عامل مع رمضان...
قال ليهم و الله كان ما جغيمات المويه الببلعهم مع الوضوء ديل كان فطرت زمان...
أنا جغيمات موية ما ببلعهم لكن القعاد تحت المكيف طول اليوم بيخليك تجوع...
لكن يظل رمضان الشهر الأروع و الأجمل و الأبرك...
هو رمضان شهر الخير و البركات و العبادة...
له نكهته الخاصة في كل بلاد العالم..
و لكن في السودان له نكهة أكثر تميزا...
و لا ده شوق ساكت ما عارف...
و لكن لا شك أن رمضان في السودان مع الأبري و العصيده و التقلية و الخشاف...
لمة الناس في الشوارع و البيوت و المساجد...
فطور عند ناس عمك و خالك و خالتك و أصحابك...
لمة الأخوان و الحبان و الجيران...
حتى جرسة ما قبل المغرب لها نكهة خاصة...
صلاة التراويح و بطنك مليااااانه قمردين...
عند السجود للركعة الأولى تشم رائحة خليط من الأبري و التقلية و البليلة...
و عندما ترجع من التراويح أول مكان تدخل اليه عندما تعود الى البيت هو المطبخ...
هذا ان كنت صليت حيث يصلون 21 ركعة...
أما اذا صليتها مثنى مثنى...ثم توقفت عند الثامنة ثم أشفعت و أوترت...
فان دخولك المطبخ بعد ذلك ليس له تفسير غير انها دناوة...
أما السحور فيا سلام على السحور...
كل ذلك و في جو خريفي رائع و جميل...

و الله يا ناس السودان حاسدكم عدييييل كده...
Post: #5529
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-18-2010, 06:32 AM
Parent: #5528

صباح الهناء والسرور ...

صادق العزاء للاخ بكرى حامد وبت شيخو منى فى وفاة شقيقها

له الرحمة والمغفرة وانا لله وانا اليه راجعون.
Post: #5531
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-18-2010, 06:44 AM
Parent: #5529

أخونا جلا شكرا على عزومة المراكبية .. حضرنا ولم نجدكم ولم نجد القراصة زاتها ...

جلال الله يوصلك بالسلامة ونشوفك طيب ...

رشيد القوم اليوم درجة الحرارة 25 ما شاء الله .. بلدنا دي يا جماعة موضوعا بسيط جدا يعني نقطتين من المطر وسحابتين تبقى درجة الحرارة في العشرينات ...
Post: #5530
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-18-2010, 06:42 AM
Parent: #5528

Quote: رمضان على الأبواب...

السلاااااااااااام عليكم
رمضان كرييييييييم

بالمناسبة أعملو حسابكم
عيد رمضان حيجي فجأة
Post: #5532
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-18-2010, 06:46 AM
Parent: #5530

Quote: صادق العزاء للاخ بكرى حامد وبت شيخو منى فى وفاة شقيقها

له الرحمة والمغفرة وانا لله وانا اليه راجعون.
Post: #5533
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-18-2010, 07:02 AM
Parent: #5532

صادق العزاء للاخ بكرى حامد وحرمه الأخت منى فى وفاة شقيقها

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر

_________________________
Post: #5534
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-18-2010, 07:04 AM
Parent: #5533

التحية للأخ موسى

ونتمنى أن يطيب لك المقام

ومنور والله

_____________________________

بالسلامة يا جلجل

وإجازة سعيدة إن شاء الله
Post: #5535
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-18-2010, 07:09 AM
Parent: #5532

صباح الخير ،،، يا وجوه الخير

أصبحنا وأصبح الملك لله وحده ،،،


حكمة الصباح :-

إن لم تجد من يبتسم لك ..

ابتسم له أنت !
Post: #5536
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-18-2010, 08:03 AM
Parent: #5535

يا جماعة شوفوا بلدنا لمن الجو يبقى لطيف الحاجات كلها تبقى لطيفة .. والناس كمان تبقى لطيفة .. عليكم الله شوفوا الحاج جلا ما شاء الله عيني باردة منور الحوش وقاشيهو وراشيهو .. يعني المسألة زي ما قلنا عبارة عن قطرات من السماء وسحابتين يقوم يجيك الحاج جلا طاير ومتنكر في شخصية منصور وهاك يا بري وإندياح .. يا جلا يا أخوي حمدا لله على سلامتك وربنا شفاك من الجن الكلكي .. إنشاء الله عاد ما تنتكس وتجينا راجع للشخصية الجنونية ..
Post: #5537
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-18-2010, 08:41 AM
Parent: #5536

يا موسي
يا رااااجــــل
منتظرنك لنا شهور .... ومرحبتين

سر التسمية لو سمحت
نحن كنا عبدالدايميييين عشان كده فرزونا بالالقاب
انتو كنتو كم موسى ... انا ما بعرف الا موسى عيسى الواحد ده

تحت تحت كده سمعت انك لما كنت بتشوت الكورة بتقدها ..

فى ناس كتيرة هنا ما عارفنك قريت وين ودفعة كم .
Post: #5538
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-18-2010, 09:22 AM
Parent: #5537

كتب منصور عبدالرازق

Quote: حسب ما قرات فى الصحف السيارة , جريدة الخرطوم تحديدا
فان من توفيت هى الدكتورة خديجة همام , زميلتنا فى طب الزقازيق
بينما المعلومة التى اوردها ابو الزوز ,تقول ان المتوفية اختها
العزاء لأسرتها , ومطلوب تاكيد الخبر الصحيح لمن يعرف


المتوفية هى د/ رجاء همام ، خريجة طب الزقازيق اوائل الثمنينيات
اخـــت زميلتنا بكلية التربية خديجة همام اللهم طول فى عمرها
وهى موجودة فى مدينة مكة ، و للفقيدة الرحمة وجنات النعيم .
Post: #5539
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 07-18-2010, 09:42 AM
Parent: #5537

اصدق التعازي للاخت منى سيد لطفي في وفاة شقيقها
والتعازي ايضا للاخ ابوبكر حامد
وانا لله وانا اليه راجعون


يا جلال تجي بالسلامة
وادينا ثلاثة ايام
قبل الذهاب الي سنار

يا جلا انشاءالله الدمازين رحبت بيك

مشتاقين يا البادي اظهر علينا
Post: #5540
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-18-2010, 09:57 AM
Parent: #5539

ود جادين يا ود أمي الله يديك العافية .. إنت ما ظاهر خالص ولما تظهر بتعديها قراية في المداخلات والصفحات (لمن فاتهم الإستماع) .. غايتو بي طريقتك دي بتكتلنا شوق وحنين ...

ملايين الترحيبات بموسى الراجل ...

والله ليك وحشة وشوق شديد .. يا ديدو موسى الراجل دا يعيش وحده ويدخل ويخرج وحده ما عندو شبيه لا في الإسم ولا في قدقيد الكورة ...

أخونا موسى الراجل خريج معهد تجاري دفعة ...... لكن ليس له علاقة بالمعمر موسى عيسى .. دا راجل الألفية يعني في نهاية التسعينات لكن بالجد راجل ...

يا موسى يا أخي أظهر وبان وجيب لينا حكاوي ناس معهد تجاري والكورة ...
Post: #5541
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-18-2010, 11:43 AM
Parent: #5540

Quote: المتوفية هى د/ رجاء همام ، خريجة طب الزقازيق اوائل الثمنينيات


الله يرحم الدكتورة رجاء همام رحمة واسعة

وأن يدخلها الجنة مع الشهداء والصديقين

،،،،،،،،،،،،،،،،،،،،،،،،

شكراً عبدالدائم لإيراد المعلومة ....
Post: #5542
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-18-2010, 05:14 PM
Parent: #5541

تم تأجيل اجتماع اللجنة التنفيذية نسبة لظروف الأمطار التي اجتاحت العاصمة مساء الأمس .... وعليه سيكون الاجتماع الساعة الثالثة من عصر بعد غد الثلاثاء بمكتب نهلة وسيخصص لمناقشة الشركة في المقام الأول ... وكذلك القبول بجامعة الزقازيق
Post: #5543
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-18-2010, 05:14 PM
Parent: #5541

الأخوة الأفاضل لقد خاطبت إدارة الجامعة لمعرفة الكيفية التي يمكن التواصل بها ... ونحن في إنتظار الرد ...

بخصوص الدراسات العليا الرسوم سنوية وهي عبارة عن 150 جنيه أسترليني ... يعني الماجستير بـ 300 جنيه والدكتوراةبـ 450 جنيه ..

بخصوص دراسة الأبناء ... هنالك ثلاث منح مجاناً شاملة مصروفات الدراسة والسكن في المدينة الجامعية التي حدثت بها نقلة كبري ..

أما الآخرون فيمكن أن يقبلوا بنفس الطريقة التي درسنا بها سابقاً ... الرسوم هي نفس رسوم الطلاب المصريين .. مع تكفل الطالب بنفقات السكن والإعاشة وهي زهيدة مقارنة بالسودان...

أقترح كل من لديه الرغبة في الدراسة أو إرسال إبنه للدراسة بجامعة الزقازيق إرسال رغبته في هذا البوست أو عن طريق الإيميل [email protected] أو عن طريق الهاتف 0919701061 ,,,

وأنا أسجل نفسي أول شخص لدراسة الماجستير :

1/ زهير محمد عثمان ...

وفي الدراسة الجامعية للمنح :

1/ محمد الفاتح ثابت ....
Post: #5544
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-18-2010, 06:36 PM
Parent: #5543

Quote: أقترح كل من لديه الرغبة في الدراسة أو إرسال إبنه للدراسة بجامعة الزقازيق إرسال رغبته في هذا البوست أو عن طريق الإيميل [email protected] أو عن طريق الهاتف 0919701061 ,,,

وأنا أسجل نفسي أول شخص لدراسة الماجستير :

1/ زهير محمد عثمان ...

وفي الدراسة الجامعية للمنح :

1/ محمد الفاتح ثابت ....

الزيناتي الله ينصر دينك كنت بفكر نفس الفكرة القلوب شواهد
2/ دراسة الماجستير / أحمد محمد إسماعيل النور
2/ منح الدراسة الجامعية / عمر أحمد محمد إسماعيل الآن ثانية ثانوي
Post: #5545
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-18-2010, 06:38 PM
Parent: #5543

Quote: تم تأجيل اجتماع اللجنة التنفيذية نسبة لظروف الأمطار التي اجتاحت العاصمة مساء الأمس .... وعليه سيكون الاجتماع الساعة الثالثة من عصر بعد غد الثلاثاء بمكتب نهلة

دي خيانات و لا شنو؟؟
الإجتماع كنت عاملينو في قندهار؟؟؟
طيب لو إجتاحتكم مطرة يوم الإثنين ؟؟؟؟
Post: #5546
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-18-2010, 08:01 PM
Parent: #5545

إهداء للأخ الغائب الحاضر
محمد عيد

يقول محمود درويش في قصيدته هكذا قالت الشجرة المهملة

خارج الطقس ،

أو داخل الغابة الواسعة

وطني.

هل تحسّ العصافير أنّي

لها

وطن ... أو سفر ؟

إنّني أنتظر ...

في خريف الغصون القصير

أو ربيع الجذور الطويل

زمني.

هل تحسّ الغزالة أنّي

لها

جسد ... أو ثمر ؟

إنّني أنتظر ...

في المساء الذي يتنزّه بين العيون

أزرقا ، أخضرا ، أو ذهب

بدني

هل يحسّ المحبّون أنّي

لهم

شرفة ... أو قمر ؟

إنّني أنتظر ...

في الجفاف الذي يكسر الريح

هل يعرف الفقراء

أنّني

منبع الريح ؟ هل يشعرون بأنّي

لهم

خنجر ... أو مطر ؟

أنّني أنتظر ...

خارج الطقس ،

أو داخل الغابة الواسعة

كان يهملني من أحب

و لكنّني

لن أودّع أغصاني الضائعة

في رخام الشجر

إنّني أنتظر ...
Post: #5547
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-18-2010, 08:25 PM
Parent: #5546

شوفو يا جماعة
بالنسبة لموسى عيسى
عطل فني في كمبيوتر الكفيل بتاعو وكدا
يعني مشكلتو محلولة
بالنسبة للأخ محمد عيد
غايتو نبكي كداااااا لغاية ما يجينا

وهاكم البكا من اللحظة دي

لو تعرف اللهفة والريد والعذاب..
والشوق بطرق فى دروبك الف باب...
لو تعرف دى الدنيا من بعدك سراب..
ماكانت روحت وكنت طولت الغياب ...
***
كنت فاكر الشوق يجبك والحنين..
وتعود لقلبى الفى هواك صابر حزين...
لكنو بس طال الصبر بالسنين...
يا الروحت طولت الغياب ..
***
الليل حزين دمعاتى صامته بتبللو...
ممتد طويل ماليهو حد فاقد نهايتو...
بالله كيف اقدر اطيق واتحملو...
يا الروحت طولت الغياب ..
Post: #5548
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-18-2010, 10:01 PM
Parent: #5547

أعوذ بالله من الشيطان الرجيم

" هو آلله آلذي لآ آله آلآ هو عآلمٍ آلغيب و آلشهآده هو آلرحمٍن آلرحيمٍ (22)هو آلله آلذي لآ آله آلآ هو آلمٍلك آلقدوس آلسلآمٍ آلمٍؤمٍن آلمٍهيمٍن آلعزيز آلجبآر آلمٍتكبر سبحآن آلله عمٍآ يشركون (23)هو آلله آلخآلق آلبآرئ آلمٍصور له آلآسمٍآء آلحسنى يسبح له مٍآ فى آلسمٍوآت و آلآرض و هو آلعزيز آلحكيــــــمٍ (24)"

هل تعلمٍ آن مٍن قرأ آلثلآث آلآيآت آلآخيره مٍن سورة آلحشر في آلنهآر صلى عليه 70 آلف مٍلك حتى يمٍسي و آذآ قرأهآ آلمٍسآء صلى عليه 70 آلف مٍلك حتى يصبح و آذآ مٍآت مٍآت شهيد
Post: #5549
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-18-2010, 10:21 PM
Parent: #5548
Post: #5550
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-19-2010, 04:38 AM
Parent: #5549

اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ
Post: #5551
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-19-2010, 05:08 AM
Parent: #5550

صبحكم الله بالخير

مداخلات جلا الشحمانه بطعم و نكهة منقة الدمازين لم تخرج حبيبنا محمد عيد من مخبأه...
و ما زال التواصل معه عبر هاتفه المتحرك غير متاحا...
يا ناس جده أفقدوا الراجل و بلغوهو تحياتنا و مناشداتنا...
و نقول لي محمد عيد...تعال فرح ليالينا...

ياسر نجيلة...غيابك طال...
غياب قسري أم اختياري...
نعرف أنك بعد كاس العالم و بعد أن تغلب عليك الاخطبوط...
ربما تكون قد قررت أن تبعد عن عالم المستديرة و صفحات المنتديات...
لكن أحيانا يا صديقي هنالك أشياء أنت مخير فيها و أخرى غير مخير...
كتابتك هنا و البانوراما المميزه التي كنت تتحفنا بها....
لست مخير بها...

الرمح الملتهب موسى عيسى...
اصابه في العضلة الالكترونية حرمتنا من ابداعاته...
نسأل الله أن يستعيد عافيته الالكترونية ليعود لقيادة الهجوم (الأحمر)...
Post: #5552
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-19-2010, 06:05 AM
Parent: #5551

أصبحنا وأصبح الملك لله الواحد الأحد
اللهم نسألك إيمنا دائما وقلبا خاشعا
ويقينا صادقا وعلما نافعا
اللهم نسألك العافية وتمام العافية والشكر على العافية
Post: #5553
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 07-19-2010, 06:33 AM
Parent: #5552

يا محمد ادم
صاحبك موسى ما فيه إلا العافية وكلمته بسؤال الرشيد عنه
قال لي جوالك مالوا مابرد قلت ليه العيب ما في الجوال
العيب فيني كل ما أخليه في الصامت انساهـ
قال لي عليك بالعرس ( ابو سناية بضحك على ابو سنايتين)
والظاهر ينطبق عليه الفيك بدر بيه
بعدين بعد بكاك الكثير ده لو لقيت محمد عيد قول ليه
بس جرعتين كركم عشان ما أنسى الجوال
Post: #5554
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-19-2010, 07:27 AM
Parent: #5553

صباح الخير،،، يا وجوه الخير

أصبحنا وأصبح الملك لله وحده

دعاء اليوم :
اللهم يا عزيز يا جبار

اجعل قلوبنا تخشع من تقواك
واجعل عيوننا تدمع من خشياك
واجعلنا يا رب من أهل التقوى وأهل المغفرة

الأخ محمد عيد بخير وعلى ما أعتقد

بأنه خارج مدينة جدة لتدشين موقع جديد

ولربما لا يوجد إرسال في منطقة جبال الطائف .
Post: #5555
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-19-2010, 08:02 AM
Parent: #5554

صباح الهناء والسرور ...

أصبحنا وأصبح الملك لله ...

بعد هزائم الهلال الآفريقية الكتيرة ديك وعروضه الغير مقنعة ويجي بعد كدا يفوز على نيل الحصاحيصا وباقي الفرق المحلية الضعيفة يقوم يجيك الإعلام الرياضي بالعناوين الكبيرة ويقول "الهلال يصالح جماهيره بفوز غالي على نيل الحصاحيصا" .. وطبعا دا كلام غير مقبول ودي مصالحة ناقصة زي لمن تضرب زول قدام الناس وتجي تعتذر ليه على إنفراد ...

لكن مباراة الأمس نعتبرها المصالحة الحقيقية بشرط المواصلة في الإنتصارات والعروض القوية الممتعة والعودة بكأس يفرح بها السودان كله ...
Post: #5556
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 08:39 AM
Parent: #5555

Quote: الأخ محمد عيد بخير وعلى ما أعتقد
بأنه خارج مدينة جدة لتدشين موقع جديد
ولربما لا يوجد إرسال في منطقة جبال الطائف .

شكراً جميلاً يا ريس
لكن الزول دا إيميلاتو تتطاقش
إيميلات مرات تدعوك للإستغفار و مرات و التأمل في ملكوت الخالق
ومرات !!!!كدي أسأل منها منصور و ياسر نجيلة
عشان كدا خلينا نبكي بس

رحت خليتنا تاني ما جيتنا
لو مغالطنا وما مصدقنا
أسأل العنبة الرامية فوق بيتنا

خاينة يا دنيا وظالمة يا دنيا
قاسية يا دنيا وظالمة يا دنيا

العذاب ضقنا والشقا وعشنا
الله يغفر ليك من ضياع ريدنا

قلنا نتصبر لا لا ما بنقدر
قلنا الصبر قاسي والمحبة قدر

قلنا للقمرة سافري من بكرة
ختى في قلبو شتلة الذكرى

الغمام خشَّ والمطر رشَّ
كانت آمالنا نحيا في عُشة

الزمن غدار ظلمو ما بندار
حني يا دنيا واقبلي الأعذار

رحت خليتنا تاني ما جيتنا
كان مغالطنا ما مصدقنا
أسأل العنية الرامية فوق بيتنا
Post: #5557
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-19-2010, 09:06 AM
Parent: #5556

Quote: الغمام خشَّ والمطر رشَّ
كانت آمالنا نحيا في عُشة


يا جلا بطل المكاواه بتاعتك دي...
و الله يا جلا جاي من مشوار حسه...نزلت من العربية خمسه دقايق كده...
حسه لو شفت رباط الجزمه لا مؤاخذه مليان عرق...
درجة الحرارة أظنها زي ألف كده و الرطوبة 1000%...
انت يا جلا لسه في الدمازين و لا رجعت...
أعتقد انك لسه بالدمازين...
لأنو مداخلاتك بتاعت الليل دي شامي لي فيها ريحة انطلاقة...
خفت أقول حرية تقوم تجيب لي الهواء مع بنات الشيخ...
Post: #5558
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 11:58 AM
Parent: #5557

Quote: يا جلا بطل المكاواه بتاعتك دي...
و الله يا جلا جاي من مشوار حسه...نزلت من العربية خمسه دقايق كده...
حسه لو شفت رباط الجزمه لا مؤاخذه مليان عرق...
درجة الحرارة أظنها زي ألف كده و الرطوبة 1000%...
انت يا جلا لسه في الدمازين و لا رجعت...
أعتقد انك لسه بالدمازين...
لأنو مداخلاتك بتاعت الليل دي شامي لي فيها ريحة انطلاقة...
خفت أقول حرية تقوم تجيب لي الهواء مع بنات الشيخ...

أعطني حريتي أطلق يديا
بالله خمَّن كويس ....آآآآآآآآآي رجعت من الدمازين


18072010087.JPG Hosting at Sudaneseonline.com
Post: #5559
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 12:14 PM
Parent: #5558

يا رش ما داير أخلي دموعك تجري
لأنو دموعك دي غالية لكن أبت نفسي إلا و أن أنادي عيداً
هلم أيها الرجل.....

طبعاً الصور دي في أطراف الدمازين
تخيل أكون ماشي على الخرطوم و لا ماشي على الدمازين
قلت لي رجعت الخرطوم و لا شنو ؟؟؟؟؟؟؟
18072010092.JPG Hosting at Sudaneseonline.com
Post: #5561
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 12:24 PM
Parent: #5559

ما هو الفرق بين زخااات المطر أثناء مشاهدتك مباراة المريخ
و المطر المطر المطر في الدمازين
البادي بالله إنشاء الله المطر ما يكون إجتاح الخرطوم
حسب ما ورد من أخبار بواسطة الصُحفي الزناتي

18072010090.JPG Hosting at Sudaneseonline.com


التعديل إستبدال كلمة الدمازين بالزقازيق
Post: #5562
Title: Re: ناس الزقازيق ... أجدع ناس ( 3 ) ..
Author: Tabaldina
Date: 07-19-2010, 12:40 PM
Parent: #5559

..
.
احرالتعازىلاخ ابوبكر للاخت منى فى وفاة شقيقها
ونسال الله ان يتقبل الدكتورة رجاء فى فسيح جناته
ويرحم جميع موتانا وموتى المسلمين

الاخ / جلجل
تصل بالسلامة يا حبيب
كيان البورداب وكيان الزقازيق يختلفان ضمنا وموضوعا
يا صديقى .. اهلين بيكـ بين اهلك وحبايبك

الاخوة معتصم وزهير
شكرا للتوضيح .. بخصوص الدراسات العليا
مقدما الرجاء التسجيل اسمى لدرجة الدكتوراة ..
او ان صح التعبير الاستفسار
عن الحصول على درجة الدكتوراة .. فى مجال
التسويق - او التجارة الإلكترونية .. او اى مجالات مشابهة
تفاصيل الرسوم كاملة من تسجيل وحتى منح الشهادة ( استثناء تكاليف السفر والاقامة طبعا ) ؟؟
التسجيل ( بالحضور / ولا بالايميل ) ؟؟
خيارات المشرف هل تحدده الكلية ام الحضور لاختيار الشخص ؟؟
الكلية التى تمنح هذه الدرجة حاليا ( التجارة ام الاقتصاد ام هناك كليات اكثر تخصصيه نشأت حاليا )
افضل المواعيد والتواريخ للحضور ؟؟
الفترة الزمنية الادنى والاقصى ؟؟
اى معلومات اضافية تتعلق لالموضوع

-------------

انت يا زهير لسه بتتحاوم هنا ..؟؟
Post: #5560
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-19-2010, 12:23 PM
Parent: #5558

Quote: الأعزاء ناس جوه وبره الأشواق بلا حدود
قبل دعم اللجنة التنفيذية هنالك أخ عزيز من خريجي الزقازيق ... أصيب بالسرطان العام السابق وقد قام بإجراء عملية في الأردن لإستئصال الورم ... والآن يحتاج لإجراء عملية أخري كان مقرر لها الشهر السابق ... إلا أن ضيق ذات اليد حال دون سفره ... العملية تكلف حوالي 20 مليون جنيه سوداني ... اي حوالي 8.000 دولار ..... لا يملك منها إلا القليل والقليل جداً ... نتمني أن نقوم بنفرة كبري لجمع أكبر قدر من المال لإنقاذ حياته .... أقترح جمع تبرعات عاجلة من ناس بره وتجمع عند عبد الدائم النضيف بجدة ... وناس الداخل لدي محمد صديق وهو المكلف من اللجنة بجمع التبرعات ... يلا يا جماعة الموضوع هام وعاجل ... لمزيد من التفاصيل يمكن الإتصال بهاتفي : 00249919701061 أو هاتف الكوتش 002489912162923 -

نحن في سباق مع الزمن



التبرعات فى السعودية جارية على قدم وساق والحمد لله ، المبلغ الذى بحوزتى الان ما يقارب الـ 5 مليون
ولا زال العشم موجود وفى انتظار اهل الخير
يمكن الاتصال كذلك بالاخوان :

محمد حامد تبيدى - قطر الدوحة ت 009743509929

د/ خالد محى الدين السعودية ت 00966503980115

د/ حسن ابو على- جـده - للناس العاوزة تدفع كاش وما لديها حساب بالبنك الاهلى

موسى عيسى - الرياض 0560026152

عثمان الجدي - الرياض 0546561927

الرشيد خواطر - مــكة المكرمة 0534342100

قيس جمال الدين - الرياض 0505747644
Post: #5563
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 01:06 PM
Parent: #5560

يا منزل الغيث
ألبس أخانا علي عبد المعروف لباس الصحة و العافية
يا كريم ..... يا رب
وانعم على أخانا الرشيد زخات مطر شبيه بزخات مطر الدمازين

يا قادر يا كريم
987.JPG Hosting at Sudaneseonline.com
Post: #5564
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-19-2010, 01:20 PM
Parent: #5563

أعتقد أن هذا يكفي
و بعد ما خلينا الرشيد يبكي بس
أقوم أنا أمشي أشوف محل البكا بتاعي وهو غياب سميي
خاصة و أن الجو ما جو بكا لكن نسوي شنو ؟؟؟
نبكي بس !!!!!

984.JPG Hosting at Sudaneseonline.com
Post: #5565
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-19-2010, 02:47 PM
Parent: #5564

يا جلا الرحمة ياخي...
ضربات متتالية في الأنكل أيقظت الشجون و استثارت الخيال...
الصور بتاعتك دي رجعتني 15 سنه لي وراء...يعني من قبل أن آتي الى الامارات...
لأن المناظر دي حتى ناس الخرطوم محرومين منها...
تكون قاعد في الهواء الطلق و تشوف المطره و هي جاياك من بعيد لحدي ما تصل عندك...
و تغسل أحزانك و أشجانك و فقرك و حسدك و كرهك و حتى جوعك...
و تقيف و كأنك تمتلك الدنيا...يظللك الغمام و يطيبك الدعاش و يربت على كتفيك المطر...
يقبل وجنتيك...يطيب خاطرك و يسالمك و يقالدك...
و ترجع كيوم ولدتك أمك أبيض النية و طيب الخاطر و نضيف الدواخل...
Post: #5566
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-19-2010, 05:37 PM
Parent: #5565

أولاً سلام يا شباب ...

طائفة الأخبار الزقازيقية ...

1/ أتصلت اليوم بمكتب مدير الجامعة وستكون كل التفاصيل طرفكم في ظرف الأيام القادمة ...
2/ سيكون هنالك اجتماع هام وكبير لكل عضوية الجمعية لمناقشة أمر الشركة بالإضافة لمنح وبعثات جامعة الزقازيق ...
3/ توفيت بدرية عبد الوهاب شقيقة حامد عبد الوهاب (كرتون) الأيام الماضية لها الرحمة والمغفرة .. تلفون حامد 00249126699979
4/ يرقد طريح العناية المكثفة بالسلاح الطبي والد الأخت رجاء الطيب ...تلفون رجاء 00249912225937 - تلفون نادر فاروق 00249912209033
5/ يغادرنا للرياض عصر الغد الريس معتصم لزيارة شقيقته المريضة ... نتمني له السلامة ولشقيقته دوام الصحة والعافية .
Post: #5567
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-19-2010, 06:07 PM
Parent: #5566

يا رشدي أوعي الزول ده يكون قاعد في الخرطوم وعمل لينا فوتو شوب للصور ... عليك الله شوف الوجاهة دي .. أكيد الصور دي مضروبة حتي أسأل الرمح الملتهب
Post: #5568
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-19-2010, 06:44 PM
Parent: #5566

Quote: / توفيت بدرية عبد الوهاب شقيقة حامد عبد الوهاب (كرتون) الأيام الماضية لها الرحمة والمغفرة



اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها وللأخ حامد عبد الوهاب الصبر

Quote: يرقد طريح العناية المكثفة بالسلاح الطبي والد الأخت رجاء الطيب


ألهم رب العرش...
أذهب البأس واشفه شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك


Quote: يغادرنا للرياض عصر الغد الريس معتصم لزيارة شقيقته المريضة


توصل بالسلام يا ريّس
وإن شاء الله تطمئن على شقيقتكم


ألهم رب العرش...
أذهب البأس واشفها شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك على ما بالأخت من وجع
Post: #5569
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-20-2010, 05:17 AM
Parent: #5568

أحر التعازي للأخ حامد عبد الوهاب في وفاة شقيقته...
نسأل الله لها الرحمة و المغفرة...

كما و نسأله سبحانه و تعالى أن يعافي والد الأخت رجاء الطيب...
اللهم بلغه العافية و أكمل عافيته و أدمها عليه...

كل الأمنيات للريس معتصم أن يصل الى الرياض سالما و أن يجد أخته بخير و عافية...
نسأل الله أن يشفيها و ينعم عليها بنعمة الصحة و العافية...
أجر و عافية ان شاء الله...
Post: #5570
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-20-2010, 07:00 AM
Parent: #5569

صباح الخير ،،، يا وجوه الخير

أصبحنا وأصبح الملك لله وحده،،،

خالص العزاء للزميل حامد عبدالوهاب
في وفاة المغفور لها بإذن الله شقيقته
تغمدها الله بواسع رحمته وأسكنها فسيح جناته
وألهم أهلها الصبر والسلوان ،،،،،

كامل تضامنا مع الأخت رجاء الطيب ونادر فاروق
وربنا شفي الوالد ويخرج سالماً معافى بإذن الله

الريس الكبير معتصم تصل بالسلامة ونتمنى لشقيقتنا
الصحة والعافيه ،،،،،
Post: #5571
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-20-2010, 07:09 AM
Parent: #5569

أحر التعازي للأخ حامد عبد الوهاب في وفاة شقيقته...
نسأل الله لها الرحمة و المغفرة...

كما و نسأله سبحانه و تعالى أن يعافي والد الأخت رجاء الطيب...
اللهم بلغه العافية و أكمل عافيته و أدمها عليه...

كل الأمنيات للريس معتصم أن يصل الى الرياض سالما و أن يجد أخته بخير و عافية...
نسأل الله أن يشفيها و ينعم عليها بنعمة الصحة و العافية...
أجر و عافية ان شاء الله...




ـــــــــــــ

يا جلا معقولة المطرة تكون صابة ، لا فى راسك نقطة موية ولا قميصك مبلول
قووووم لف ، عندى ( فيزا ) جاهزة بمهنة ..... صورتك وسط الحشائش بتأكد انك
حتتقنها ... ارسلها وتجى مع صاحبك
Post: #5572
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-20-2010, 07:24 AM
Parent: #5571

Quote: يا جلا معقولة المطرة تكون صابة ، لا فى راسك نقطة موية ولا قميصك مبلول
قووووم لف ، عندى ( فيزا ) جاهزة بمهنة ..... صورتك وسط الحشائش بتأكد انك
حتتقنها ... ارسلها وتجى مع صاحبك


ديدو دي اسمها وسط الغيوم متصور...
وجهه الصبوح و منور...
المطره الفي خلفية الصورة مطره صابه بعيد يا ديدو...
Post: #5573
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-20-2010, 09:00 AM
Parent: #5572

أولاً السلااااام عليكم
Quote: عندى ( فيزا ) جاهزة بمهنة ..... صورتك وسط الحشائش بتأكد انك
حتتقنها ...

بالنسبة للفيزا و المهنة ما عندي مانع
لكن عندي شرط و احد
لو المكان الأنا ماشي ليهو فوقو جو زي دا ما عندي مانع
إنشاء الله المرتب 75 ريال سعودي في الشهر
قااال حشائش قااال
دي ما حشائش دي نباتات طبيعية
و جو طبيعي
لو ما كنت خايف يقولو الزول دا جنَّ
كان لبست عراقي و سروال طويل بي تكه
و طاقية حمراء
و عصايه لأهش بها غنمي و لي فيها مآااارب أخرى
عشان أكون طبيعي
يا رش .... في باديتكم ديك فيها حشائش زي دي !!!!!!
قاااال حشائش قااااال
Post: #5574
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-20-2010, 09:00 AM
Parent: #5572

تسعد جده بوجود الأخ جلال وأسرته الكريمه

بين ظهرانيها بعد أداء العمره مثني وثلاث

ويستعدون يوم غداً الأربعاء الترحال إلى سوداننا الحبيب

اليوم سهره زقازيقية جداويه ،،،،

الناس الموجودين في جده ينسقوا مع عبدالدائم ،،،،
Post: #5575
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-20-2010, 10:14 AM
Parent: #5574

سلامات يا ناس

وصباحات التفاؤل والمطر...

بختك والله يا سِرِّى...(قابض الجو)

عليك الله جيب ليك حبة حشائش لى النضيف وبِنَيَّاتُو.

الرشيد ياخوى ما تلحق الجو ده مطرة مطرتين فى راسك وفى الآخر

ترجع ومعاك ربطة حشائش.

جلال ...بعد وصولك بالسلامة منتظرين تلفونك.

Quote:
اليوم سهره زقازيقية جداويه ،،،،

الناس الموجودين في جده ينسقوا مع عبدالدائم ،،،،


ولو التنسيق كان مع الريس زاتو نحن ذاتنا يمكن نكون فيها.
Post: #5576
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-20-2010, 10:53 AM
Parent: #5575

Quote: يا رش .... في باديتكم ديك فيها حشائش زي دي !!!!!!


جلا باديتنا دي لو فيها حشائش زي دي كان الناس ديل اشتهروا بالأبقار...
و كان بيني و بينك ما طلع ليهم بترول...
حشائش مافي يا جلا لكن مشتقاتها ممكن...

Quote: الرشيد ياخوى ما تلحق الجو ده مطرة مطرتين فى راسك وفى الآخر

ترجع ومعاك ربطة حشائش.


يا كوتش تدردق فيني و بعدين تتغابى فيني العرفه...
تقول الزول المهرب حشائش بلدنا ده لا صاحبي و لا سمعت بيهو...
عليك الله شوف لي ناس الجمارك بخصوص الحشائش المسموح خروجها من البلد...
عشان أوصي جلا يجيب لي معاهو شوية من الدمازين...
Post: #5577
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-20-2010, 11:01 AM
Parent: #5575

مشتاقين
الوكت عندى الأيام دى ممحوق جنس محقة
ناوى لى اجازة صغيرة مع العائلة , واول ما تنوى اجازة زى دى , الشغل يتردم قدامك بالكوم والردوم
والزمن يتمحق , وتتشال منو حتى بركته
الجو زى الزفت , ناس قالوا بقت خمسين وزيادة , يعنى شوية كده وتبق
ولكن الرطوبة جايانا جايانا , كان من الدمازين جايانا , كان بالخيال جايانا , وكان ما جاتنا , نحن بنمشى ليها
مليون اهلا وسهلا بى موسى الراجل
ربنا يكمل شفاء على عبد المعروف
ربنا يكمل شفاء منى بابكر اخت الرشيد الراجعة اليوم للسودان بعد ما اكملت جرعاتها العلاجية
انجاز كبير وجبار خطوات اللجنة التنفيذية بتاعت زقازيقاب , وننتظر نتائج اجتماعهم الأجلتو المطرة
الدور والباقى علينا نحن اللاعندنا مطرة تأجل لينا شغل , ولا عندنا سفرات ممطرة للدمازين تخلى رش اعصابو بايظة قدر ده
والتخلى جلا يحندكنا بالمطرة , وقميصو ناااااااشف , وهو غير زى الحندكة دى الخلى محمد عيد يحرد ويبكى الناس شنو ؟؟!!
بختكم يا ابو الجل ويا ابو عمر , نفسى والله فى سفرة عربية للسودان , بس ما فى طريقة (تزحوا لينا رمضان ده شوية ) ؟؟؟
اما خبر الموسم بجانب لمة البحر بتاعت الليلة
فهى انو الريس معتصم جاى الرياض
سمعتوا يا ناس الرياض , الريس معتصم بكرة دى معانا فى الرياض
الف سلامة لوالد اختنا وزميلتنا رجاء , وربنا يواليه بالعافية يا نادر فاروق
دعواتنا مرة تانية وتذكيرنا للجميع لزيادة الأهتمام بى موضوع اخونا على عبد المعروف , هذا امتحان حقيقى لأخوتنا وتكافلنا , ونحن قدها وقدود ان شاء الله
مشتاقين يا كوتش , مشتاقين يا بادى النور , سعيدين بمشاركات تبلدينا بعد موسم احزان نتمنى ان تكون قد انتهت للأبد , والشروط بتاعت جلا يا تبلدينا , شروط لا تقبل التبديل ولا التاجيل
قلت شنو ؟؟!!
Post: #5578
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 07-20-2010, 02:05 PM
Parent: #5577

ياناس يا اجدع ناس انتو تاج بالراس فى دورى الموده شايلين الكاس( مو كاس هاجه خربان دى ).... يا ذكرى فى اعماق قلبى مايطلعها غطاس شوق ليكم رميه دافره ما يصدها الحراس زكريات حلوه مايسعها كراس يا لمه فيها الاصايل و الفراس يحفظكم البارى(ليس البادى) بالاخلاص ، يابادى النور ياولد ياعسل تحياتى واشواقى ، يازهير جيب ليك زميل عارف حنعمل فيك ذى الزمان بل اشد و لا خليتها الوست
Post: #5579
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-20-2010, 02:19 PM
Parent: #5577

Quote: ولكن الرطوبة جايانا جايانا , 1/ كان من الدمازين جايانا , 2/ كان بالخيال جايانا , 3/ وكان ما جاتنا , نحن بنمشى ليها


يا جماعة كلمو الأخو دا خليهو يركز على نمرة إتنين
Post: #5581
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-20-2010, 02:45 PM
Parent: #5579

Quote: بعد أداء العمره مثني وثلاث

و الله الزول دا إلا كان خايف ما يرجع تاني السعودية
لينا أسبوع الزول قال مشى العمرة
البرجعو تاني مكة شنو ؟؟؟؟
و بعدين العمرة كلها ساعات
زول يأديها مثنى و ثلاث !!!!!
إلا كان قاعد ليهو فوق راي
خسمتك بالله يا ريس
كدي شوف جوازو
داقين لهو خروووج نهائي و لا خرووج و عودة
ناس بتاعين جرسة
وكان بي طريقتو دي و كل يوم مؤخر جيتو للسودان
قولو ليهو ما تخاااف
بترجع سريع و بعدين قلنا لكل الناس ما في زول يتمسح فيهو شديد
حليل النضيف
قااال حشائش قاااال
Post: #5580
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-20-2010, 02:42 PM
Parent: #5577

جدة غير ... وان تكون في ضيافة الريس والسيدة الاولى "غيرين"
فشكرا على الحفاوة رغم انو اديناكم السهر ... اعفو لينا
دي طبعا مداخلة مسروقة من لابتوبي غايتو لقيت لي شبكة طاشة
لكن بقوم بعد شوية بخش ليكم بي حساب الريس او منى
واشاكل ليكم الناس الداقاهم المطرة
والناس "الظالطم" الحر
وغيرهم ...
ومافي زول فيكم يقول بغم لانو الريس والسيدة الاولي كلامهم اوامر
المهم بعد رحلة طويلة وقاسية "وممتعة" في نفس الوقت حللنا بمدينة جدة فجر اليوم
بعد ان ادينا العمرة مثني وثلاث كما قال الريس ...
وشوقنا لاحدود له لملاقاة الاحبة بالغربية بعد كل هذه السنوات ...
قلت لي محمد عيد في الطائف ياريس ... مش مشكلة انا ما قاعد فاضي اسا بمشي اجيبو ليكم وبجي وبعدين برجعو ....
Post: #5582
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-20-2010, 02:57 PM
Parent: #5580

Quote: مش مشكلة انا ما قاعد فاضي اسا بمشي اجيبو ليكم وبجي وبعدين برجعو ....

مش قلت ليكم الزول دا ما جاي !!!!
زولكم السودان ما واقع ليهو...
أنا غايتو راجع من الدمازين يوم الجمعة
ومن هس خت في علمك
الفطور معاك في سنار
وهديتي أشيلها قبل ما أواصل الخرطوم
و إذا قلت متأخر لزوووم الحجز و الجمارك
ما عندك مشكلة
السبت فاضي برضو الفطور في سنار
ألز حاجة أشيل الهدية الكاربة البتكون جايبها لي زول موصيك
و في النهاية زولك يطلع بي كتاب الله الما بتأبي لكن الفيك عرفناها
Post: #5583
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-20-2010, 03:08 PM
Parent: #5582

Quote: ومافي زول فيكم يقول بغم لانو الريس والسيدة الاولي كلامهم اوامر

كلامك دا تقولو لي زول ما عندو حديدة
يعني زيك كدا
لمن نحن كنَّ في ضيافتهم
في وجود الحديدة بتاعتي (الوالد و الوالدة)
الأوامر كانت من الوالد زي الطلقة الريس زاتو ما قدر يقول بغم
أما السيدة الأولى لمن لقت الحاجة
إتضايرت زي الترتيب

المهم و الأنا متأكد منو تماماً
أنا راجع جدة مرة تانية مش عشان كرم الناس دي
لا أنا راجع عشان أقول ليهم ربما أجيب بت الشيخ بتاعتي للفسحة و بس
Post: #5584
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-20-2010, 03:29 PM
Parent: #5583

Quote: بعد ان ادينا العمرة مثني وثلاث كما قال الريس ...
وشوقنا لاحدود له لملاقاة الاحبة بالغربية بعد كل هذه السنوات ...
قلت لي محمد عيد في الطائف ياريس ... مش مشكلة انا ما قاعد فاضي اسا بمشي اجيبو ليكم وبجي وبعدين برجعو ....


حمد الله على السلامه يا جلال..
و ان شاء الله ربنا يتقبل منك...و ما تكون نسيتنا من صالح الدعاء...
و كان نسيتنا أمشي أعمل واحده رابعه ادعو لينا فيها...
و عليك الله ما تجمعني مع نا س الزقازيق ديل...
بعدين تعال انت أصلك كاكي تعمل ليك تلاته عمرات في الوقت الوجيز ده...
المهم أمشي أنكت لينا محمد عيد ده جيبوا لينا من تحت الأرض...
وكان كسرت ركبه في جده مافيها مشكلة...وزع الهدايا في باب شريف...
و سلم على الحجاج بي سكايب و خليهم يطلعوا الحوش يجيبوا ليك صورة المطره...
و كان أصريت تمشي السودان كمان...ما تنسى السبحه هدية جلا....
عشان الدعاء مستجاب ساعة نزول الغيث...لخقو السبحه بسرعة قبل الخريف ما يخلص...
Post: #5585
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-21-2010, 05:07 AM
Parent: #5584

سلامات يا ناس

وصباحات التفاؤل

اللهم نسألك خير هذا اليوم آجله وعاجله

ونعوذ بك من شر هذا اليوم آجله وعاجله.

جيت بدرى مارى ولقيت البوست(غاتس)
Post: #5586
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-21-2010, 06:17 AM
Parent: #5585

صباح الهناء والسرور ...

....جيت بدرى مارى ولقيت البوست(غاتس)....

يا كوتش صباح الخير .. الفنان بيقول .. جيت ماري بالعصير .. لكن يا ود أمي مرور الفجر دا حق ساكر ساكت ...
Post: #5587
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-21-2010, 07:01 AM
Parent: #5586

عيونى مليانة نوم من سهرة امبارح

بالجد بالجد و ما مجاملة كانت سهرة الموسم

رغم انها جات سريعة لكن تشرفنا بوجوه جديدة لاول مرة

عمر كريمة معهد تجارة 84 م

عصام عبدالباقى

عمر T الطوييييل مع اسرهم

هلا ايوب وعائلتها

عثمان الجيلى ، احمد السيد ، ميسرة

جمال السنوسى وتلفوناتو مع امانى واميمة دفع الله بعد 20 سنة

والمفاجأت فى الصور ..... المايك معاك يا ريس
Post: #5588
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-21-2010, 07:43 AM
Parent: #5587

صباح الخير،،، يا وجوه الخير

أصبحنا وأصبح الملك لله وحده

سهرة ناس الزقازيق في ضيافة

عائلة جلال في الميجا مول يوم أمس (صباح اليوم)

بمدينة جدة كانت لها طعم خاص جداً لأنها جمعت لنا ناس

لم نلتقيهم منذ أكثر من عشرين سنة ففاضت ذكرياتنا وشجونا

وأحاديث الماضي ،،، بصراحة كان لقاء جميل جداً ومؤثر

Quote: السبت فاضي برضو الفطور في سنار


تصحيح معلومة مهمة لناس السودان عائلة جلال تركت سنار

منذ عام 1990م وعادت إلى موطنها الأصلي أم درمان الثورة الحارة 21
Post: #5589
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-21-2010, 08:10 AM
Parent: #5588

يوم أمس تناولنا موضوع أخونا علي

شفاهو الله ،،، والأخ عبدالدائم متبنئ

الموضوع بشكل جيد تماماً بالسعودية ونستأذن

ناس الخارج وننصبة شخصية عام 2010 للمهام الصعبة

ويلا يا ناس جلا (ناس الداخل) شوفوا زولكم منو ومن عندي أنا

أرشح ،،،،،،،!!
Post: #5590
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-21-2010, 11:04 AM
Parent: #5589

ياريس ماكنت تخليهم كدة بالله خصوصاً الزول الداقس داك القال الفطور في سنار وماعارف شنو ..
المهم ...
شكر واجب وعرفان لكل الاحبة بمدينة جدة ...
عن جد تعجز الكلمات عن التعبير بما يفيض من مشاعر تجاهكم ...
شكرا اخوتي / اخواتي فقد احتويتونا بكرمكم وحنانكم وعطفكم فلكم التجلة والتقدير
وربنا يقدرنا على جزاكم ...

ولكم جميعا خالص محبتي وودي
ودي آخر مداخلة ك بورداب خارج وان شاء الله نلتقيكم ونحن بورداب داخل ...
Post: #5591
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 07-21-2010, 11:44 AM
Parent: #5590

شكرا لجلال الطاعم الذي طعم ايامنا بلقائه
ولقاء الاحبه في بعد طول فرقه وربنا يجعل
ايامنا كلها فرحه
الترحيب بالريس معتصم وهو بين ظهرانينا
مع خالص دعواتنا لاختنا بالشفاء العاجل
آملين ان نراه في جده ولكم جميعا كل الامنيات
الطيبه
Post: #5592
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-21-2010, 12:39 PM
Parent: #5591

Quote: وننصبة شخصية عام 2010 للمهام الصعبة


يعنى الترقية ما لاحقة حتى وزارة

كنت عشمان فى الرئاسة يا ريس ، انتا اصلو ما بتسافر
زى معتصم جعفر عشان الواحد يقلبا ....

ودى فرصة للدعاء فيها للاخ على عبدالمعروف

اللهم رب الناس مذهب الباس اشف انت الشافى لا شافى الا انت شفاء لا يغادر سقما .


وفى انتظار مساهماتكم
Post: #5593
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 07-21-2010, 01:09 PM
Parent: #5592

الهم اشفى جميع مرضى المسلمين و جعلها الله اجر و كفاره وشفاء عاجل للاخ على ، الاخ عبدالائم سر الاسم يمكن جينا الزقازيق كبار شويه وكان فى ناس بتبكى بتقول عايزه امى فوجودوا منا الحنان ذى واحد اسمه سامى جمال و شرف كانو صغار جدا مقياسا بعمر الغربه اصلا الواحد ابعد حته مشاها قبل مايجى مصر كان (الحلاق )وابو الزهور شاهد
Post: #5594
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-21-2010, 02:38 PM
Parent: #5593

مساكم الله بالخير و السرور
نسأل الله أن يبلغ جلال أهله بالسلامة و أن يهون عليه السفر و يطوي عنه بعده...
و ان يجنبه وعثاء السفر و كآبة المنظر و سوء المنفلب...

و نتمنى لكل من وصل الى أرض الوطن و من يهم بالرحيل اليها اجازة سعيدة...
و بلغوا عنا التحايا الى النيل و النخيل و الأبنوس...
و بلغوه عني رسالة محبة و قولو ليهو أبقى عشره على روحك...
و ان شاء الله نجي نلقاك بلد واحد...بلد صمي و شعب واحد...عتيه على الانقسام...

بلد صمِّي وشعب واحد
عصية على الإنقسام
أبية وبكراها واعد
صبية ومشهاده تام
...
بساطه أحمدي
كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
...
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
Post: #5595
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-21-2010, 03:04 PM
Parent: #5594

أحر التعازي للأخ حامد عبد الوهاب في وفاة شقيقته...
نسأل الله لها الرحمة و المغفرة...

كما و نسأله سبحانه و تعالى أن يعافي والد الأخت رجاء الطيب...
اللهم بلغه العافية و أكمل عافيته و أدمها عليه...

كل الأمنيات للريس معتصم أن يصل الى الرياض سالما و أن يجد أخته بخير و عافية...
نسأل الله أن يشفيها و ينعم عليها بنعمة الصحة و العافية...
أجر و عافية ان شاء الله...

وربنا يكتب الشفاء لآخونا على عبدالمعروف ويمتعه بالصحة والعافية ...
Post: #5596
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-21-2010, 08:27 PM
Parent: #5595

يرقد طريح العناية المكثقة بمستشفي الأمل الأخ أبو بكر محمد أحمد الطيب هندسة اثر تداعيات عملية مرارة وهو الآن يتماثل للشفاء ... نتمني له عاجل الشفاء وسنتابع حالته عن قرب ....


سيغقد الأجتماع العام لمناقشة أمر الشركة يوم الأحد 1 أغسطس الساعة السابعة والنصف مساء بدار الشرطة ببري ... نتمني أن يتم نقاش جدي في بوست الشركة وذلك لبلورة رأي ورؤية قبل طرح الأمر للأعضاء ... لأن الفكرة لا زالت عائمة وضبابية وتحتاج لأن يضع الناس خطوط واضحة المعالم تطرح علي أثرها الفكرة متكاملة
Post: #5597
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-22-2010, 05:44 AM
Parent: #5596

{رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ(8)رَبَّنَا إِنَّكَ جَامِعُ النَّاسِ لِيَوْمٍ لاَّ رَيْبَ فِيهِ إِنَّ اللّهَ لاَ يُخْلِفُ الْمِيعَادَ}


اللهم أشفي أخانا أبو بكر...اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.
Post: #5598
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-22-2010, 06:24 AM
Parent: #5597

صبحكم الله بالخير و السرور
اليوم الخميس...و هو يوم نلتقي فيه مع من نحب و نهوى...
كنت كل خميس أجتهد في أن تكون لي مداخلة على الأقل قبل أن أتوجه الى عيالي...
حيث أن التداخل يصعب بعد ذلك بعد سواقه طويلة و يوم عمل مرهق...
و لكن يبدو ان كل الأيام أصبحت خميس من حيث عدد المداخلات و توقيتها...

تهاتفت مطولا مع الحبيب ياسر نجيلة مساء البارحة...
و يا سر في اجازة اجبارية لمدة تزيد عن الشهر قرر فيها أن يطبق برنامجا صارما للراحة و الاستجمام..
فهجر الانترنت و بعد مسافة عاطفية عن الكمبيوتر حتى لا يفسد عليه برنامجه...
و لكنه بخير و عافية و طلب مني أن أبلغكم تحياته....

جلا ما زال بالدمازين مستمتعا بالأمطار التي تكاد لا تتوقف...
تحدثت اليه أمبارح و لقيت صوته مندي...
حتى ضحكته غير....
صوت جلا أمس الأول يؤهله للمنافسه في برنامج نجوم الغد...

أما محمد المرتضى فهو انسان بحجم فيل و قلب طفل...
مهما تحاول الحياة النيل منه بقسوتها عليه...
الا أنه يقف شامخا يضحك من قلبه بسخريته المحببه...
لا الزمن يقدر يغير محبتي له...
و لا المسافه و لا الخيال يبعدني عنه..

كان ينقصني أن أتحدث الى الكوتش و أبو الزوز لأكمل نصاب الشوق و أحلق في دنيا الجمال...
Post: #5599
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-22-2010, 06:28 AM
Parent: #5597

صباح الهناء والسرور ...


اللهم أشفي أخونا أبو بكر... والبسه ثوب الصحة والعافية عاجلا غير آجل ياأرحم الراحمين...

اللهم أشفي أخونا على عبدالمعروف ... وألبسه ثوب الصحة والعافية عاجلا غير آجل يا أرحم الراحمين ...
Post: #5600
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-22-2010, 09:49 AM
Parent: #5599

توفى صباح اليوم بمدينة الابيض والد زميلنا عمر مخاوى ابراهيم
معهد صحى 83 م ت عمر 0912732286



اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ


وانا لله وانا اليه راجعون
Post: #5601
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-22-2010, 12:57 PM
Parent: #5600

صباح الخير ،،، يا وجوه الخير

أصبحنا وأصبح الملك لله وحده

كامل التعازي للأخ/ عمر مخاوي في وفاة

المغفور له بإذن الله والده ،،،،
تغمد الله الفقيد بواسع رحمة وألهم أهله
وذويه الصبر والسلوان ،،،،

إنا لله وإنا إليه راجعون،،،،

شفى الله أخونا أبوبكر محمد أحمد
اللهم رب الناس مذهب الباس اشف انت الشافى
لا شافى الا انت شفاء لا يغادر سقما .
Post: #5602
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-22-2010, 01:15 PM
Parent: #5601

في إتصال هاتفي مع الأخ علي عبد المعروف يتقدم لكل من دعا له وساهم في العملية بالشكر الجزيل وقد أذهلته مشاركة الجميع في نفرة علاجه وبحمد الله وصل الرقم حتي الآن إلي 3.000 جنيه سوداني بالإضافة إلي 5.000 من ناس جدة ... يعني الرقم في حدود العشرة مليون إذا اضفنا ما لدي علي ... قطعنا النص ولا زالت الإستنفار لناس الداخل والخارج قائماً
Post: #5603
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-22-2010, 01:27 PM
Parent: #5602

خالص التعازي للأخ عمر مخاوي في وفاة والده له الرحمة والمغفرة ووأن يسكنه الله فسيح جناته مع الصديقين والشهداء وحسن أولئك رفيقا ...
Post: #5604
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-22-2010, 02:09 PM
Parent: #5603

يزور الكوتش محمد صديق هذه الأيام ولاية نهر النيل .... وهنالك التقي بعدد من ناس الزقازيق في لمة مستمرة مستمتع بحسن الضيافة مع مولانا عادل الحسين ود البيه ومحمد عطية ودكتور خالد وجمال دفعة والقائمة تطول .. كل من لديه زقازيقي طاشي في عطبرة يرسل للكوتش رسالة
Post: #5605
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 04:56 PM
Parent: #5604

1050.jpg Hosting at Sudaneseonline.com
Post: #5606
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:00 PM
Parent: #5605

1051.jpg Hosting at Sudaneseonline.com
Post: #5607
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:03 PM
Parent: #5606

1052.jpg Hosting at Sudaneseonline.com
Post: #5608
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:06 PM
Parent: #5607

1053.jpg Hosting at Sudaneseonline.com
Post: #5609
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:08 PM
Parent: #5608

1053.jpg Hosting at Sudaneseonline.com
Post: #5610
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:11 PM
Parent: #5609

1054.jpg Hosting at Sudaneseonline.com
Post: #5611
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:14 PM
Parent: #5610

1055.jpg Hosting at Sudaneseonline.com
Post: #5612
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:16 PM
Parent: #5611
Post: #5613
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:20 PM
Parent: #5612

1058.jpg Hosting at Sudaneseonline.com
Post: #5614
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 05:59 PM
Parent: #5613

1059.jpg Hosting at Sudaneseonline.com
Post: #5615
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 06:04 PM
Parent: #5614

1064.jpg Hosting at Sudaneseonline.com
Post: #5616
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 06:06 PM
Parent: #5615

1063.jpg Hosting at Sudaneseonline.com
Post: #5617
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 06:33 PM
Parent: #5616

1065.jpg Hosting at Sudaneseonline.com
Post: #5618
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-22-2010, 06:41 PM
Parent: #5617

1067.jpg Hosting at Sudaneseonline.com
Post: #5619
Title: Re: ناس الزقازيق ... أجدع ناس ( 3 ) ..
Author: Magdi Is'hag
Date: 07-22-2010, 07:40 PM
Parent: #5618

الأعزاء
دخلت معزيا و لأبكي معكم الأنسان الرائع إسماعيل هلالي ولأستزيد من ذكراه العطرة له الرحمة ولكم الصبر الجميل
Post: #5620
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-23-2010, 03:02 PM
Parent: #5619

لرفع البوست من الرياض فحرارة الجو غطست به
شكرى لكل من اتصل واخص بالشكر المنصور دوما
والراقى النضيف دوما وجميع الزقازيقاب .
Post: #5621
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-24-2010, 07:20 AM
Parent: #5620

صباح الخير ،،، يا وجوه الخير

أصبحنا وأصبح الملك لله وحده،،

Quote: لرفع البوست من الرياض فحرارة الجو غطست به


التحية الصباحية للريس معتصم

وصلت أهلاً ونزلت سهلاً ومرحب بيك في مدينة الرياض

حمد لله على سلامة الوصول ،،،،،،،،،،،،،،،،،،،،،،،،،،
Post: #5622
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-24-2010, 09:00 AM
Parent: #5621

خالص التعازي للأخ عمر مخاوي في وفاة والده


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخ عمرالصبر
Post: #5623
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-24-2010, 09:01 AM
Parent: #5622

يا شباب الرياض

بالله ورونا درب الريّس معتصم بوين

التليفون لو سمحتم
Post: #5624
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-24-2010, 12:11 PM
Parent: #5623

الحمد لله رب العالمين
خلق اللوح والقلم
وخلق الخلق من عدم
ودبر الأرزاق والآجال بالمقادير وحكم
وجمل الليل بالنجوم في الظُلَمّ
الحمد لله رب العالمين
الذي علا فقهر
ومَلَكَ فقدر
وعفا فغفر
وعلِمَ وستر
وهزَمَ ونصر
وخلق ونشر


الحمد لله اخيرا طلعت العينة اللعينة التي اصابتني في مقتل و

هي عين حارة الجميع يعلم صاحبها الله يستر ما يمشي يجدد لينا الفتله

في الدمازين و لا الرصيرص ؟

عموما عدنا بعد الغياب بعد الليالي المرة في حضن الشتات .

اولا اصدق التعازي لكل من فقد عزيز خلال هذه الفترة .

و ملايين التهاني لكل من نجح و فرح و كان له سرور .

و نتمنى سلامة الوصول لكل من غادر في اجازته و انشاء الله عودا حميدا.

و مرحب بقدوم الريس معتصم في الرياض نسال الله ان يكتب العافية للاخت.
Post: #5625
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-24-2010, 12:35 PM
Parent: #5624

sudansudansudansudansudansudansudansudansudansudansudansudansudan37.jpg Hosting at Sudaneseonline.com



التحايا لزقازيقاب جده على هذا التواصل الجميل و الأنيق

و الله لمتكم تعجب والعجب بظهور زقازيقاب جدد لاول مره فمرحبا

بكم و التحايا للعزيز جلال و سفرا سعيدا و عودا حميدا.

دعوني ارحب بالزقازيقي الجميل برلومنا عصام عبدالباقي الذي

قدما لتجارة الزقازيق من معهد تجاري بنها هو و العزيز ابوعبيدة

و كانا خير سند لنا في فريق تجارة و كنا وقتها فرحين بقدومهم و

كانوا شعلة من النشاط و الحرفنة فلك التحية اخي و عصام و عبرك

للعزيز ابو عبيدة و سعدت كثيرا بسماع صوتك و لكن التصحر يبدو

ترك اثاره .


التحايا للجميلة دوما هالة ايوب و مازالت الملامح تحكي عن نفس

الانسانة الودودة اللطيفة التي انقطعنا عنها سنوات تعد عمرا فلك

التحية للاسرة جميعا .
Post: #5626
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-24-2010, 02:41 PM
Parent: #5625

Quote: الحمد لله اخيرا طلعت العينة اللعينة التي اصابتني في مقتل و

هي عين حارة الجميع يعلم صاحبها الله يستر ما يمشي يجدد لينا الفتله

في الدمازين و لا الرصيرص ؟


عين الحسود فيها عود،،،،

عليك بقراءة سورة ياسين والمعوذتين

الشر بره وبعيد كان في الدمازين ولا كان في الرصيرص!!!!!!!

آخر الزمن العمل كمان بقى في الباسورد،،،

حمد لله على السلامة موسى عيسى وجيتاً جيت ،،،

وأعمل حسابك منه ،،،،،
Post: #5627
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-24-2010, 06:13 PM
Parent: #5626

مساكم الله بالخير

احتفائية ناس جده بي جلال و عودة موسى عيسى بلا شك جملتا هذه الصفحة...
موسى...عودا حميدا...و يا عيني يا عينيا...
و الله سألت عنك حتى طوب الأرض و لم أجد ردا يطمني...
Post: #5628
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-25-2010, 05:06 AM
Parent: #5627

اللهم ما أصبح بي من نعمة أو بأحد من خلقك فمنك وحدك لا شريك لك..فلك الحمد و لك الشكر
Post: #5629
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-25-2010, 06:00 AM
Parent: #5628

صبحكم الله بالخير
الملاحظ ان الكثيرين من الذين أنعم الله عليهم بمناصب عليا و هم لا يملكون ما يؤهلهم لها...
يلبسون قناعا من الصرامة و الحزم و عدم التواصل مع الآخرين...
محاولين بذلك أن يجعلوا مسافة بينهم و الآخرين حتى لا يكتشفوا مدى جهلهم و عدم معرفتهم...
أما الذين يتمتعون بالمعرفة و الخبرة فانهم عكس ذلك تماما...
فهم يتواصلون و يتفاعلون مع الآخرين بتواضع و حب...
و يعطون الآخرين من خبرتهم و معرفتهم بكل ثقة في أنفسهم و محبة...
حقا ان فاقد الشيء لا يعطيه...
و لكن هذا ليس بخطورة فاقد الشيء الذي يدعي المعرفة...
و هذا النماذج من الناس لا شك أنها موجودة في كل مكان في الدنيا...
و لكنها في الخليج تتخذ أشكالا و ألوانا مختلفة...
فهنا بمقدور أي شخص أن يغتني بدلة أنيقة جميلة و قميص حريري و حذاء ذا بوز طويل...
و يضيف اليهما ربطة عنق و(كف لنكس) من بيت أزياء معروف...
هذه ما تعرف بعدة الشغل...فالشهادات و الخبرات تستبدل هنا بطقم من بييير كاردان أو بلقاري..
ثم يرسمون على الوجوه ما سبق و أشرت اليه في البداية...
صرامة و لؤم و عدم تواصل..
و هذه التوليفة كثيرا ما تنجح هنا و تخدع من بيدهم تعيين الموظفين...
و هي تنجح لأن الذي يقوم بالاختيار نفسه جاهلا و ينظر الى المظهر الخارجي...
بل هو غير قادر على توجيه أسئلة تكشف مدى معرفة المتقدم لوظيفة ما...
الذي دفعني الى كتابة هذه الأسطر هو استهداف السودانيين أصحاب الكفاءات...
و يتم الاستهداف بواسطة هؤلاء المدعين المعرفة...
و الذين يجدون آذان صاغية من آخرين أكثر منهم جهلا يملكون مفاتيح التعيين و الاستغناء...
و لقد تم الاستغناء عن أحد أقاربي من أصحاب الكفاءة النادرة...
و لو كان يعمل في أي مؤسسة ما في أوروبا لتم تكريمه و منحه أوسمة و نياشين...
و لكن هنا فحدث و لا حرج...

المفرح هنا أن الامارات ابتدأت تخطو خطوات تصحيحية مهمة...
و تم تأهيل الكوادر الوطنية و تعليمهم تعليم متقدم و تدريبهم...
و ابتدأت تقل فرص مثل هؤلاء المدعيين و يضيق عليهم الخناق يوما بعد يوم...
Post: #5630
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-25-2010, 06:32 AM
Parent: #5629

إلهي

لي في الحياة صحبة من الزقازيقاب يملأ قلبي حبُهم،

وإن باعد الزمان بيننا فدموعنا تسيل علي وجناتهم،

ويطوي الفراقَ حنينُنا وشوقُهم،




إلهي

يامن ألفت بيننا بغير موعد ولا أرض تقلهم

هيئ لنا لقائهم وقربهم،

فأرواحنا تعارفت بأرواحهم،

فأنت فيك نجلهم ونحبهم،

فاجمع إلهي قلوبنا بقلوبهم،

حتي تعانق أكتافنا أك########م .




Quote: حمد لله على السلامة موسى عيسى وجيتاً جيت ،،،

وأعمل حسابك منه ،،،،،


العزيز الريس لك الشكر علي الترحيب و المواساة في الفقد العزيز

و بيني و بينك بقيت عليه عشرة و بقيت اقرأ عليه المعذوتين صباح

و مساء بس انتو ساعدونا بالدعوات .
Post: #5631
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-25-2010, 06:38 AM
Parent: #5630

Quote:
احتفائية ناس جده بي جلال و عودة موسى عيسى بلا شك جملتا هذه الصفحة...
موسى...عودا حميدا...و يا عيني يا عينيا...
و الله سألت عنك حتى طوب الأرض و لم أجد ردا يطمني...


الجميل الرشيد يسال منك الخير و انت ما الاصيل دوما و وصلني سؤالك

و كان لك منى التواصل حتى من غير باسوورد و لكن لك العتبى حتى ترضى

بس بينك و بينك في زول جاب لي شمار بس بقول ليك في الماسنجر او التلفون!

عموما دعواتكم لنا بالثبات في المحافظة علي الباسورد المنكوب بفعل فاعل؟

و التحايا للاسرة الكريمة و اخص حنكوشتنا امينة لها مني الاشواق .
Post: #5632
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-25-2010, 06:39 AM
Parent: #5629

صباح الخير ،،، يا وجوه الخير

أصبحنا وأصبح الملك لله وحده

دعاء الصباح :

اللهم إنا نسألك
زيادة في الأيمان.
وبركة في العمر ..
وصحة في الجسد ..
وسعة في الرزق ..
وتوبة قبل الموت ..
وشهادة عند الموت ..
ومغفرة بعد الموت ..
وعفواً عند الحساب ...
وأماناً من العذاب ..
ونصيباً من الجنة ..
Post: #5633
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-25-2010, 06:48 AM
Parent: #5629

صباح الهناء والسرور ...

خالص التعازي للأخ عمر مخاوي في وفاة والده .. اللهم أرحمه وأسكنه فسيح جناتك .. آمين ...

ملايين الترحيبات بأخونا عسام عبدالباقي ولد شندي وتوأمه أبوعبيدة الشيخ .. كانوا شباب حلوين وولوفين ولم يفترقوا قط حتى في الكورة كانوا مع بعض .. عصام عبدالباقي بعد الزقازيق إلتقيته في جدة مرات ومرات وكانت لنا صولات وجولات إجتماعية ومع نفر كريم من أهلنا الزقازيقاب .. عصام كان في شارع فلسطين ومكث هناك وقتا طويلا .. حقيقي مشتاقين يا ولدنا ...

هلا أيوب وما أدراك ما هلا أيوب .. ما شاء الله نفس الملامح والشبه والقدلة زاتها ومشيتها والضحكة والفرفشة .. يا مليون هلا بي الغالية هلا أيوب .. والله ليك وحشة .. عايزينك تتواصلي في هذا الحوش ولو من الشباك ...

عودا حميدا لأخونا موسى عيسى وربنا يحفظك من عين الحسود ولو كانت الدمازين أو النهود ...

بالأمس كنا في زيارة لمنزل أختنا رجاء الطيب ونادر فاروق بمعية البرلوم محمد حسن - زراعة.. الحمد لله حاج الطيب تماثل للشفاء وهو بصحة جيدة وعافية ...
Post: #5634
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-25-2010, 07:48 AM
Parent: #5633

Quote: دعاء الصباح :

اللهم إنا نسألك
زيادة في الأيمان.
وبركة في العمر ..
وصحة في الجسد ..
وسعة في الرزق ..
وتوبة قبل الموت ..
وشهادة عند الموت ..
ومغفرة بعد الموت ..
وعفواً عند الحساب ...
وأماناً من العذاب ..
ونصيباً من الجنة ..
Post: #5635
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-25-2010, 08:32 AM
Parent: #5634

Quote: محمد آدم النور


تاريخ التسجيل: 03-05-2009
مجموع المشاركات: 1190



Quote: دعاء الصباح :

اللهم إنا نسألك
زيادة في الأيمان.
وبركة في العمر ..
وصحة في الجسد ..
وسعة في الرزق ..
وتوبة قبل الموت ..
وشهادة عند الموت ..
ومغفرة بعد الموت ..
وعفواً عند الحساب ...
وأماناً من العذاب ..
ونصيباً من الجنة ..


شوف يالرشيد جنس الكج دا ما ياهو ذاتو البجيب لينا

الهكر لي عندما و يطلع بوبي بتاع الباسوورد بتاعنا ذاتوووووو!

بس يالرشيد خليك شاهد انا الزول دا و الله لما كان جلال شال

عكاكيزو ديك و مشى بيها السودان كان الليلة سمعتو ليكم كلام

تاني ! الزول دا غير الكوبي و بيست و اكل التبش و الدردقو

في الدمازين ما عندو وقت علشان يكتب لينا بعد الغيبة دي !

عموما الله في !!!!
Post: #5636
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-25-2010, 10:05 AM
Parent: #5635

يشهد الله طولت جدا من احساس زنقة ومحقة وكت زى الحاسى بيهو الأيام دى
من بدرى كان تخطيطى لأجازة صغيرة فى اواخر يوليو
نسقنا مع الرشيد , الرشيد زاغ لظروف موضوعية
نسقنا مع نملوز , تأشيرة بلجيكا ابت , لظروف غير موضوعية
لتقنا لى اجازة عائلية صغيرة فى بلاد الواق واق البعيدة , فى شرق الدنيا الأقصى
ماليزيا كوالالامبور
فجاء الترتيب على عجل , وفى سرعة متناهية , مربكة ولكنها لا تخلو من لذة
جدولى هو السفر يوم السابع والعشرين من يوليو الحالى ,عن طريق سنغافورة الى ماليزيا
ثم العودة فى بدايات رمضان , الحادى عشر من اعسطس القادم
كل هذا وظروف العمل تضغط , وكأنها كانت تنتظر اعلانى للأجازة القصيرة , لتعلن حربا لا هوادة فيها
ثم جاءنا الريس معتصم سلمان جعفر للرياض , ولم نلتقيه حتى اللحظة , ولكننا نقدر ظروفه الخاصة والضاغطة
وندعو جميعا , ونطلب من الكل عدم وقف الدعاء لمرضانا على عبد المعروف , واخت الريس معتصم جعفر
ربنا يواليهم بالعافية , ويكتب ليهم الشفاء , ويلطف بيهم
نحن ما زلنا فى انتظار ترتيب خاص اليوم للقاء الريس معتصم , تحت الظروف الضاغطة دى , كمرض اخته , وسفر ابو عمر احمد اسماعيل غدا للسودان
واجازتى التى ستبدأ الثلاثاء , وكل الشباب فى الرياض يجلسون على (حافة سماعات هواتفهم ) لأشارة اللقاء المرتقب اليوم
الله يبعد العوارض
لكن يا نضيف الكوضيم ما عندك , جننت ناجت (الجداد ) جن , البيك ده , ولا عيونى كعبات
ملمومين فى الخير دائما
Post: #5637
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-25-2010, 10:37 AM
Parent: #5636

اسمو المسحب يا منصور بضم الميم اى الجداد الخالى من العضم
طبعا ده عندكم مافى يا ناس الرياض ولا ناس البادى وناس زهير فاتحين خشمهم وجايين

اها بعد التعب والجرى والاتصالات ديك كلها ما أكل الكان أكل .. ينفعنى انشاء الله
انت قايل نفسك حتسحرنى يعنى ..

ولعلمك هلا ايوب ادتنى البطاطس حقها وهى ايضـــا لا تشرب البيبسي ....

واخير تصحبك السلامة وجــــك براحتك هناك ...
Post: #5638
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-25-2010, 12:15 PM
Parent: #5637

سوف يلتقي زقازيقاب الرياض اليوم الاحد الساعة التاسعة

والنصف مساءا في فندق قصر الستين في شارع الستين الملز

احتفاءا بقدوم الريس معتصم سلمان جعفر لذا نامل من الجميع

الحضور و الالتزام بالمواعيد نسبة لارتباطات الريس .
Post: #5639
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-26-2010, 05:29 AM
Parent: #5638

لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم


ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين

لا اله الا انت سبحانك انى كنت من الظالمين

اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال
Post: #5640
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-26-2010, 05:39 AM
Parent: #5639

Quote: الجميل الرشيد يسال منك الخير و انت ما الاصيل دوما و وصلني سؤالك

و كان لك منى التواصل حتى من غير باسوورد و لكن لك العتبى حتى ترضى

بس بينك و بينك في زول جاب لي شمار بس بقول ليك في الماسنجر او التلفون!


موسى الحبيب...بعودتك عادت الروح الى البوست فنسأل الله أن يكفيك شر الهكر و شر الجماعة التانين...
و الجماعة التانين ديل هم البجيبو الهكر...
يقعدوا يقولو ليك انت يا موسى أصلك لا بتتهكر و لا بتتعكر و لا كمان بتتحير...
لما جاء الهكر بليل و استولى على الباسورد بتاعك....
و أنا عاذرك مهما تعمل في الجماعة ديل...لأن ما أخذ بالعين لا يسترد الا بالعكاز...
لكن مسئول من الخير يا موسى...
شمارك العملت ليهو FORWARD ده وينو...لا خبر و لا أتر...
Post: #5641
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-26-2010, 06:27 AM
Parent: #5640

Quote: اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم

ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين

لا اله الا انت سبحانك انى كنت من الظالمين

اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال
Post: #5643
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-26-2010, 07:09 AM
Parent: #5641

صباح الخير ،،، يا وجوه الخير..

أصبحنا وأصبح الملك لله وحده ،،،

حديث اليوم (هام جداً)

فضل الوضوء قبل النوم

هل تعلم أين تذهب روحك وانت نائم ؟؟؟

عن عبد الله بن عمرو رضي الله عنهما قال:' الأرواح تعرج في منامها إلى
السماء فتؤمر بالسجود عند العرش فمن كان طاهرا سجد عند العرش
ومن ليس بطاهر سجد بعيدا عن العرش ' رواه البخاري.

و قال رسول الله صلى الله عليه و سلم

من بات طاهراً بات في شعاره ملك .
فلم يستيقظ إلا قال الملك .'
اللهم اغفر لعبدك فلان فإنه بات طاهراً'
رواه الطبراني

لذلك أحبتي لنحرص على الوضوء قبل النوم حتى تظل ارواحنا عند عرش الرحمن
Post: #5642
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-26-2010, 07:01 AM
Parent: #5640

أصبحنا وأصبح الملك لله وحده لا شريك له, له الملك وله الحمد

وهو على كل شيء قدير. أعوذ بالله السميع العليم من الشيطان

الرجيم من همزه ونفخه ونفثه اللهم أني أسألك خير هذا اليوم

فتحه ونصره ونوره وبركته وهداه وأعوذ بك من شر ماتعلم .
Post: #5644
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 07-26-2010, 07:28 AM
Parent: #5642

صباح الخير يا وجوه الخير

ليلة أمس , ما أحلاها ليلة

ليلة في حضرة الريس معتصم سلمان جعفر

وحضور أنيق لكوكبة من الزقازيقاب

إزدان بها بهو وقاعة فندق قصر الستين بالرياض

وكان اللقاء ملئ بالحب وعطر الزكريات أنسانا سخونة الجو بالرياض


ولنا عودة ...
Post: #5645
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-26-2010, 09:21 AM
Parent: #5644

ليلة زقازيقية معطرة باحلي انواع الزهور كيف لا و قد شرفها

نفر كريم يتقدمهم ريسناالجميل في كل شي معتصم سلمان جعفر

و ربي كانت من اجمل اللحظات تبادل فيها الحضور اجمل الذكريات

و اصدق التعابير التي بدات بمعانقة الرعيل الاول مكي مع الريس

بعد طول غياب دام اكثر من ربع قرن من الزمان يا لها من لحطات

أجبرت قواميس الزمن بان يرجع و يدور دروات حتى نحصل علي شريط

تلك الايام الفائتة و كانت لحظات رائعة بحضور المخضرم الراقي

كمال الشادي و عبدالقادر قدورة و المايسترو المنصور المنصور

باذن الله والزعيم محمد عثمان حاج الركز الجميل الشاب الانيق

عبدالمنعم عبدالله عبدالرحمن تجارة .

والشاب عصام الدين احمد احمد تجارة و الدكتور قيس جمالد الدين

الزعيم عثمان الجدي ربنا يديه العافية والصحة والشكر اجزله

لك اخي الريس فقد امتعتنا بالحضور برغم قصر المدة التي قضيناها

معا و لكنها تظل محفورة في ذاكرة الاخاء الصادق و لكم الشكر احبتي

زقازيق الرياض .
Post: #5646
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-26-2010, 12:16 PM
Parent: #5645

سلام يا ناس
التعازي لكل من فقد عزيزا
وربنا يكتب سلامة الناس المسافرة


خوتكم لستك ياخي
زول سااااي بالغلت ما يقفرنا ويسأل مننا




19335_1116164562754_1786171104_226181_7847349_n.jpg Hosting at Sudaneseonline.com

25715_380116377210_571657210_3572117_16522_n.jpg Hosting at Sudaneseonline.com

بتتذكروا الزول دة
Post: #5647
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-26-2010, 12:54 PM
Parent: #5646

Quote: خوتكم لستك ياخي
زول سااااي بالغلت ما يقفرنا ويسأل مننا


هلا ومرحب بالعزيز طارق جبريل

والله فاقدنك وواحشنا شديد ،،،،،

بس في ناس كتار بالحيل غايبين ،،،

ربنا يردهم لينا زي جيتك الجميلة دي .
Post: #5648
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-26-2010, 12:56 PM
Parent: #5646

والله يا جبريلا انت كمان كل اسبوع اسبوعين شابكنا مدبرس مدبرس
لما الحالة بقت عامة ، هسه البوست ليهو شهر هجروهو نص الناس

زولك الطاير ده بردان ولا مالو متخمخم كده
Post: #5649
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 07-26-2010, 01:14 PM
Parent: #5646

جبريلا يا شقي الحال كيفنك .

عموما انا بره من عدم السؤال لاني خارج الشبكة

لي شهرين وقتها انت قاعد تبرطع في البوست لكن ليك

الحق تزعل و لا اقول ليك والله انا لو في محلك دا

بحرد عديل من ناس جلا و الرشيد و كمال الشادي

عاملنها شد سلك ساي لبعض و لا في زولا فيهم قال

يا جماعة ود جبرين وين و لا حتى خافوا عليك من

من المغاربة ديل يكونوا عملوا فيك شيتن كعب!!!!


عموما الف مرحب بيك حبيبنا و لا جيت قاصد تزورنا.

ويا شقي الحال الزول دا منو التقول احمد بدير دا

و نكتو من وين ؟
Post: #5650
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-26-2010, 01:33 PM
Parent: #5649

والله يا ريس شغلة مع احباط المانعنا منكم
يا عبد الدايم طيب ما تشد لي سلك لي الله كدة


موسى يا حبيب انت برة اللوم
وحا اشتغل بي نصيحتك دي
واقوم احرد
ياخي الرشيد كل يوم شابكنا شديت سلك لي جلا
وجلا يا الرشيد تعال شوف الجو كيف
ياخي والله كلامك صاح مفروض احرد عدييييييييل
Post: #5652
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-26-2010, 01:36 PM
Parent: #5650

قالوا.....


(1)

تحسي بي بقوليكم ينوبكم ثواب لو صحيتوني بدري يا عيال بيطرة

مصطفى محمد الحسن (علوم)
كتب ورقة ولصقها في الحمام في شقتنا في لكوظ
Post: #5651
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-26-2010, 01:35 PM
Parent: #5649

نسألك تاني يا ود جبرين

إنت ما كان في واحداً صاحبنا ليلنا كدي إسمه كمال الشادي

وكمان ليلنا صاحب تاني إسمه محمد عيد ،،،،

وصاحبكم داك إسمو................؟؟؟؟؟؟؟؟؟؟؟؟؟

والقائمة طوييييييلة ،،،،،،،،، وقوية!

هوي إنتو بنات الشيخ وين؟؟؟؟؟ الزقازيقيات

نعمل زي غزوة الخندق كل واحد يسال الجنبو ،،، !!!
Post: #5653
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 07-26-2010, 02:05 PM
Parent: #5651

جبريلا... كيفك

بشير خفة دا جبتو من وين

بالله الزول دا وين؟؟؟؟

طبعا ناس كتار هنا ما بعرفو الزول دا

وخفة كان ليهو إرتباط جميل جدا وقوي بالزقازيق بالرغم من إن ما درس فيها

له التحية أين ما كان
Post: #5654
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-26-2010, 02:26 PM
Parent: #5653

Quote: جبريلا... كيفك

بشير خفة دا جبتو من وين


جبريلا و الله لو ما مداخلة سامي دي كنت عايز أقول ليك عبد السلام وادو ده بتعرفو من وين...
عبد السلام وادو مدافع المنتخب المغربي....

الاعتذار لبشير خفه و بقول ليهو الما بعرفك يجهلك...

جبريلا يا يابا ما نجضتنا نجاض عاد باللوم...
وحات الله مباريك زي بتاع المباحث من بوست لي بوست...
بس أشوف أسمك في مكان الا أجريلو جري...
يعني شاااااايفك و مطمئن عليك...
و بالامارة...
و لا أقولك سامحنا غلطانين بنعتذر ياخي...
Post: #5655
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-26-2010, 02:48 PM
Parent: #5654

كان في زيارتي اليوم بمدينة غياثي بمكان عملي الأخ الجميل الشفيف ياسر نجيلة (لا توجد صور)...
كان الكلام كله منصب حول العمل و ذلك لطبيعة الزيارة...
و لم يبقى معنا كثيرا لارتباطه بزيارات أخرى في المنطقه...
ياسر يبلغكم التحايا و يعتذر عن الانقطاع غير المقصود...
و ستكون عودته قويه ان شاء الله...
Post: #5656
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-26-2010, 05:11 PM
Parent: #5655

يا ريس هولنا ود الشادي هسي بيقلع

يا سامي دة بشير خفة بشحمه ولحمه حايم في الفيس بوك

يا رشا الفيكم اتعرفت
تاني عضلات تبش عروق عجور
Post: #5657
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-26-2010, 05:13 PM
Parent: #5656

قالوا....

(2)

ياخي الليلة دي عايزة ليها شمع

محمد صديق الشهير بجورج (تربية)
جاء من الاتحاد بطاطيرو مليانة
Post: #5658
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-26-2010, 07:29 PM
Parent: #5657

سلامات يا ناس

Quote: خوتكم لستك ياخي
زول سااااي بالغلت ما يقفرنا ويسأل مننا


معليش يا حبيب...العجلة دى سريعة

أنا برضو زيَّك (كنت عاشق وكانت أيام عمرى عيد)

هسة بقت الرشيد.
Post: #5659
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-26-2010, 07:33 PM
Parent: #5658

سلامات يا ناس

Quote: بتتذكروا الزول دة


يا جبريل ما بالغت ياخى...تقدر تدرِدِ قو؟
Post: #5660
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-26-2010, 07:43 PM
Parent: #5659

سلامات يا ناس

أهلاً بعودة موسى عيسى وابقى عشرةعلى باسويردك.

Quote: تحسي بي بقوليكم ينوبكم ثواب لو صحيتوني بدري يا عيال بيطرة



نسيت ياجبريل تقول كتبها بخطو الجميل داك الزى حروف الطباعة.
Post: #5661
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-26-2010, 07:49 PM
Parent: #5660

سلامات يا ناس

Quote: ياخي الليلة دي عايزة ليها شمع



يا حبيب ...حِليل زمن الشمع ولياليه.
Post: #5662
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-26-2010, 08:15 PM
Parent: #5661

سلامات يا ناس

حمداً لله على سلامة الريس معتصم

وربنا يتمم الشفاء لشقيقته.
Post: #5663
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-27-2010, 04:38 AM
Parent: #5662

حسبي الله عليه توكلت وهو رب العرش العظيم
اللهم اني أسألك خير هذا اليوم فتحه ونصره ونوره وبركته وهداه
وأعوذ بك من شر ما فيه وشر ما بعده .
Post: #5664
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-27-2010, 04:59 AM
Parent: #5663

صبحكم الله بالخير و السرور

نرحب بعودة الكوتش الى التداول مره أخرى...
و التداول هنا مقصوده وليست فيها أي أخطاء مطبعية...
و لأن ثقافة السلام و اتفاقية السلام هي السائدة هذه الأيام..
فلقد قام الكوتش بتوزيع عادل للثروة بين مداخلاته الأربعة...
حيث منح كل مداخله سطران...زاخران بالمودة..
اتضح لي بأن الكوتش لم يكن متابعا أو مستمتعا أثناء رحلته...
لأنه اتهمني بعدم السؤال عنه و هذا دليل عدم متابعه...
و هنالك أدله أخرى سنوردها في حينها...فنحن لا نريد كشف كل أوراقنا...
و لأن الكوتش قادم من مدينة الحديد و النار فلا نريد أن نرهقه كثيرا...
و كنت أود أن اهديه هذا الصباح قطار الشوق بتين ترحل...
الا انني في اللحظات الأخيرة غيرت راي و قررت ان أهديه و أهديكم...

فتاح يا عليم .. رزاق يا كريم ..
صلى على عجل ..
همهم .. همهمات ..
حصن للعباد ... وهوزز سبحتو ..
ودنقر للتراب .. هم فوق هم همات ..
صنقع للمسا ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ؟..
لا لمسة حنان .. لا لمسة وداد ..
لا رمشة طريق من قلباً وفي ..
زي أيام زمان ..
أيام الدفي ..
Post: #5665
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-27-2010, 06:37 AM
Parent: #5664

Quote: فتاح يا عليم .. رزاق يا كريم ..
صلى على عجل ..
همهم .. همهمات ..
حصن للعباد ... وهوزز سبحتو ..
ودنقر للتراب .. هم فوق هم همات ..
صنقع للمسا ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ؟..
لا لمسة حنان .. لا لمسة وداد ..
لا رمشة طريق من قلباً وفي ..
زي أيام زمان ..
أيام الدفي ..
Post: #5666
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-27-2010, 07:09 AM
Parent: #5665

صباح الخير ،،، يا وجوه الخير

أصبحنا وأصبح الملك لله وحده ،،،

دعاء الصباح :

اللهم يا عزيز يا جبار ،،،،،
اجعل قلوبنا تخشع من تقواك ،،
واجعل عيوننا تدمع من خشياك
واجعلنا يا رب من أهل التقوى وأهل المغفرة
Post: #5667
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-27-2010, 08:17 AM
Parent: #5666

سلامات يا ناس

وصباحات التفاؤل

وصباحات الخريف والغيوم ال بالكوم (نكايةً فى الرشيد)

نخلى الحاج السِرِّى يجيب الصور بعدين.
Post: #5668
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-27-2010, 09:16 AM
Parent: #5667

Quote: وصباحات الخريف والغيوم ال بالكوم (نكايةً فى الرشيد)

نخلى الحاج السِرِّى يجيب الصور بعدين.


يا كوتش أنا ألقاها منك و لا من جلا و لا من غاده أختي...
غاده الأيام دي في اجازه في السودان...
كلما تصب مطره و لا ان شاء الله تغييم ساكت غاده تضرب لي تلفون..
و الله يا الرشيد في جنس جو....رهيييييب..
و الله من الصباح ما شفنا شمس...
قلت الظاهر ده عرض خاص من سوداني...
عرض سوداني الخريفي...
تواصلوا مع من تحبون...
اتصال مجاني كلما تصب مطره..
و بنصف التعريفه لو غيمت ساكت...
Post: #5669
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-27-2010, 09:43 AM
Parent: #5668

الكوتش يخت الباص والرشيد يرجع ليه الكورة بالمقاس
ونحن مقهين في الحكم


يا موسى عيسى
يا حبيب يمين الرباط فيها جو يخليك تاكل خمسة صحانة فول




قالوا....

(3)

ياخي جاكي شان دة لمن يجي يشيل الكباية من المعلم بتاعو ببالغ

ناصر آدم بشار (الشهير بناصر كشري) (بيطرة)
كان جايي من فيلم بتاع كراتيه وقعد يحاكي لينا في جاكي شان لمن كسر لينا تلاتة كبابي في الشقة
Post: #5670
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-27-2010, 10:16 AM
Parent: #5669

شوفوا ود جبريل ده جايينا متين
خمسة صحانة فول يا مفترى ؟؟ بس الصحانة ما خشم بيوت
لو بقت زى صحنى الفى بالى , بتتشق يا زول , وبيحصل ليك مرض (الفولينا )
اعمل حسابك
جلستنا كانت لذيذة فى حضرة الريس
الصور موجودة , بس قولوا لى البينزلها منو ؟؟
اليوم عصرا الى كوالالامبور مع الأسرة مرورا بسنغافورة
لاب توبى معاى , الا غايتو تخذلنى اشارة الأنترنت
حا اهريكم , بس ان ان شاء الله تتسهل
وحا اجك جنس جك , واعوم جنس عوم ( مش نملوز عامل فيها كاكى )
انا ما كيجاب زااااتو
ان غدا لناظره قريب
لكن الأجازة ما عندك يا ياسر نجيلة , اجازة يعنى تأجز مننا , ما عملتها ظااااااهرة ياخ
بس تعال راجع , حقنا ناخدو منك تالت ومتلت
والله العظيم منسرق من الشغل للأجازة , انسراقة عدييييل
قبل ما يحمونى ليها , زى ما حموا ناس كده
باشتاق ليكم وانتو معايا
Post: #5671
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-27-2010, 10:24 AM
Parent: #5670

يا منص اجازة سعيدة ياخي
ونحن برضو بنشجع الكورة الحلوة
وان بقت علي الفول والإجازي ساهلات
بس وكتين امشي في عيد الضحية وارسلكم الصور من الدرابزين لا تتنخجوا

لائحة أعداء طارق جبريل وموسى عيسى:
الكوتش بتاع الشمع
الرشيد بتاع القرين
منص الماليزي
Post: #5672
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-27-2010, 11:21 AM
Parent: #5671

السلام عليكم
يا ناس ها...دي قناة الحب؟؟
هوي ياناس ها ..مو قناة الحب؟
هووووي يا بشر دي قناة الحب؟؟؟
المقاطع دي لقناة الأمل في بث تجريبي
الكلمات مهداه بس طارق جبريل
لزوم نحن متلومين معاهو

بالمناسبة لمن تكون عندك النية و تكتب
يا تكون زحمة الشغل بدأت و نهايتها متين ما معروغ
أو تلقاالناس ما قادرة تخش عشان الباسويرد رايح منها
أو تلقاهم في الحمام الجاكوزي و لا ساركوزي ما عارف
أو مرتبين للسفر لماليزيا مروراً بي سنغافورة
أو تلقاهم مشو في مامورية لصيانة القاطرات
أو تلقاهم قاعدين يودعو زول جاي السودان
أها تقوم تكب الراندوق بتاعك كلو و لا تسأل في زول
ما عدا ناس الرشيد و البادي الجلدهم تخن
و حكاية رفع البوست بقت عندهم شئ عادي
و لأن العتالة أصبحت حاجة عادية عندهم
فعليه أي زول مسافر و عندو عفش كتير
طوالي رش و البادي جاهزين للناس الجاية السودان
الناس الماشا البلاد أم طيرا عجمي
الأستعانة بي عبد الدائم

يا ربي أنا كنت عايز أكتب شنو؟؟؟
Post: #5673
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-27-2010, 11:38 AM
Parent: #5672

سلامات يا ناس

Quote: لائحة أعداء طارق جبريل وموسى عيسى:
الكوتش بتاع الشمع
الرشيد بتاع القرين
منص الماليزي


يا حبيبنا الذى بالمغرب....سلام

بلِّغ تحياتى لى بشير الخفيف...

وانت شكلك رجعت لى جِنَّكْ القديم ...الجِّنْ الجميل.

لكن داير أتأكد اللائحة دى فيها عقوبات إقتصادية؟
Post: #5674
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-27-2010, 12:08 PM
Parent: #5673

Quote: يا حبيبنا الذى بالمغرب....سلام

بلِّغ تحياتى لى بشير الخفيف...

وانت شكلك رجعت لى جِنَّكْ القديم ...الجِّنْ الجميل.

لكن داير أتأكد اللائحة دى فيها عقوبات إقتصادية؟


بش بش الشهير بي بشير خفة مرابط في الفيس بوك يا حبيب
اللائحة مفتوحة على كل الاحتمالات اقتصادي.. سياحي.. تمباك كله

قالوا....
(4)

ياخي الجكس الشين فيه حنان تقيل ومدفق
بشير محمد عبد الله (الشهير بي بش بش أو بشير خفة)
Post: #5675
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-27-2010, 05:03 PM
Parent: #5674

اقول ليك كنت داير تكتب شنو ؟؟؟
كنت عايز تقول , عايز تقول , عايز تقول , بحبك
يا وحيدة , يا وحيدة, بقرأ فى عيونك ---- وانتى مشغولة بى جريدة
من مطار الرياض , احييكم , السهرة الليلة صباحى
وحاتكم الرحلة طويلة (طولا يجنن )
وكمان بعد ما كانت سنغافورة كوالالامبور
ادوها كوز زيادة وبقت
الرياض -دبى - سنغافورة - كوالالامبور
آل ايه , عايزين يعملوا فيولنج فى دبى
شفتوا السنغافوريين الحقارين ديل
حتى فى بنزين الله والرسول ده
بنزين دبى ما زى بنزين السعودية
دور بينا البلد ده , احرق الجازولين يا الوابور جاز
دور بى , حريقة دور بى
احبكم قدر كده , قدر كده , قدر كدة , قدر الدنيا دى كلها
انتو نجاة حوفى مشت وين ؟؟
Post: #5676
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-28-2010, 05:24 AM
Parent: #5675

عن أنس بن مالك رضي الله عنه قال : قال رسول الله صلى الله عليه وسلم لمعاذ :
(الا أعلمك دعاء تدعو به لو كان عليك مثل جبل أحد دينا لأ داه الله عنك ؟
قل يا معاذ : ( اللهم مالك الملك تؤتي الملك من تشاء ، وتنزع الملك ممن تشاء ، وتعز من تشاء ، وتذل من تشاء ، بيدك الخير إ نك على كل شيء قدير ،رحمن الدنيا والاخرة ورحيمهما ، تعطيهما من تشاء ، وتمنع منهما من تشاء ، ارحمني رحمة تغنيني بها عن رحمة من سو اك)
Post: #5677
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-28-2010, 06:00 AM
Parent: #5676

صبحكم الله بالخير
بالرغم من أنني لا ألتقي أخي و صديقي منصور الا عبر التلفون و البوست..
الا انني أحسست و هو يسافر أمس ألأول الى ماليزيا لقضاء اجازته و كأنه سافر من هنا من أبوظبي...
ثم فطنت الى أن منصور يصطحب معه اللاب توب و طمأنتني أكثر مداخلته الأخيره من مطار الرياض...
و صدقت أن العالم أصبح قرية صغيره...و انه حتى لو سافر الى الواق الواق فاني ملتقيه..
نسأل الله أن يكون قد وصل سالما الى ماليزيا و أظنه سيقضي اليوم و غدا نائما بعد هذه الرحلة الطويلة...
منصور وعد أماني بكونيكشن واحد في سنغافورة حتى تلتقط الطائرة أنفاسها...
الا أن الطيران السنغافوري فاجأه بكونيكشن آخر في دبي للتزود بالوقود و بريحة الحبايب...
و ستظل أماني دائمة الثقة في ترتيبات منصور....رغم أنها قد عضت من هذا الجحر عدة مرات...
و هذا لا يقلل من ايمانها شيئا...فكثير من المؤمنين يلدغون من نفس الجحر مئات المرات...
و لكنها لا تستطيع أن تصمد أمام حنك منصور و حججه التي لا يصمد أمامها الا من خبر حنكه...
Post: #5678
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-28-2010, 06:31 AM
Parent: #5677

صباح الهناء والسرور ...

عذرا على الغياب خلال الأيام الماضية .. كانت عندي مشكلة كونيكشن الحمد لله اليوم ظبطت .. التحية لكل من سأل عني ومن لم يسأل عني برضو التحية ليهم ...
Post: #5679
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-28-2010, 06:35 AM
Parent: #5677

بالسلام للأخ منصور
لكن عجبتني مداخلة الرشيد
و لأنو معتبر الحالة وااااحدة
قلت الكوبي دا ينفع معاي
صبحكم الله بالخير
Quote: بالرغم من أنني لا ألتقي أخي و صديقي منصور الا عبر التلفون و البوست..
الا انني أحسست و هو يسافر أمس ألأول الى ماليزيا لقضاء اجازته و كأنه سافر من هنا من الخرطوم...
ثم فطنت الى أن منصور يصطحب معه اللاب توب و طمأنتني أكثر مداخلته الأخيره من مطار الرياض...
و صدقت أن العالم أصبح قرية صغيره...و انه حتى لو سافر الى الواق الواق فاني ملتقيه..
نسأل الله أن يكون قد وصل سالما الى ماليزيا و أظنه سيقضي اليوم و غدا نائما بعد هذه الرحلة الطويلة...
منصور وعد أماني بكونيكشن واحد في سنغافورة حتى تلتقط الطائرة أنفاسها...
الا أن الطيران السنغافوري فاجأه بكونيكشن آخر في الخرطوم للتزود بالوقود و بريحة الحبايب...
و ستظل أماني دائمة الثقة في ترتيبات منصور....رغم أنها قد عضت من هذا الجحر عدة مرات...
و هذا لا يقلل من ايمانها شيئا...فكثير من المؤمنين يلدغون من نفس الجحر مئات المرات...
و لكنها لا تستطيع أن تصمد أمام حنك منصور و حججه التي لا يصمد أمامها الا من خبر حنكه...
Post: #5680
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-28-2010, 06:49 AM
Parent: #5677

صباح الخير ،،، يا وجوه الخير

أصبحنا وأصبح الملك لله وحده ،،،

دعاء السفر لجميع الزملاء المسافرين :

اللهم أنا نسألك في سفرنا هذا البر والتقوى ومن العمل ما ترضى ،
اللهم هون علينا سفرنا هـذا واطوِ عنا بعده ،
اللهم أنت الصاحب في السفر والخليفة في الأهل ،
اللهم إني أعوذ بك من وعثاء السفر وكآبة المنظر وسوء المنقلب في المال والأهل ،
وإذا رجع قالهن وزاد فيهن ـ" آيبون ،تآئبون ، عابدون ، لربنا حامدون

تحية الصباح نهديها

للشيف منصور وأماني والعائلة

ونتمنى لكم وصولاً سعيداً ورحلة مريحة
Post: #5681
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-28-2010, 10:25 AM
Parent: #5680

يومين والهكر المستخدم الإيميل الخاص بتاع

محمد عيد عامل معاي إشكالية أولاً لا يكتب إلا

باللغة الإنجليزية وفي الأول تجاوبت معاهو على

أساس إنه محمد عيد ولكن من يوم أمس تأكدت إنه هكر

وكل يوم يضيع في الوقت معاي في الكلام المبهم،،،

وهذه النموذج قبل خمسة دقائق ،،،،

يا محمد عيد لو كنت بتطلع على البوست راجع إيميلك

قبل ما يسرقوا كمان الباسورد .

mohamed [email protected]:

Hi are u there?

maisara:
who are you
mohamed:
i just took an IQ quiz

maisara:
what you mean
mohamed:
I was smarter than I am
Post: #5682
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-28-2010, 03:00 PM
Parent: #5681

مبدأ المعادلة :
1 × 1 = 1
تلك هي أسمى علاقة في قلبي
فهناك أناس في حياتي يعيشون بداخلي ، فأنا وهم شيء واحدٌ لا يتجزأ
ولأنهم يسكنون داخلي ، فالنتيجة دائماً تساوي واحد
فمهما ابتعدنا فنحن واحد ، ومهما اختلفنا فنحن واحد
ومهما حدث من هؤلاء فنحن واحد
Post: #5683
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-28-2010, 03:07 PM
Parent: #5682

نهديكم كلمات الوكر المهجور - حسين بازرعة

الفنان الراحل عثمان حسين

بمناسبة هجركم للبوست

كانت لنا أيام في قلبي ذكراها
ما زلت أطراها
يا ليتنا عدنا .. أو عادت الأيام
******
إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام
****
كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام
Post: #5684
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-28-2010, 03:28 PM
Parent: #5683
Post: #5685
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-28-2010, 03:33 PM
Parent: #5684

المعادلة الأخيرة :
1-1 = 0
وهذا الواحد القهار، أنا بدونه لا أساوي شيئاً
بدونه أنا صفر كأني لم أكن ، فبدونه أنا شيء غير مذكور
فهذه المعادلة لا يدخل فيها أحد من الخلق
فهي لله وحده لا أحد معه ، فأنا بدون الله لا أساوي شيئاً
وأعتذر لكل من أحبّ ، حتى أمي وأبي
فبدونكم أنا شيءٌ وإن كان ناقصاً ، ولكنني أظل شيئاً
فأسأل الله أن يبارك في أعماركم جميعاً
Post: #5686
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-28-2010, 04:02 PM
Parent: #5685

مساكم الله بالخير

يا ريس يديك العافية...
شايفك قايم بالحراسة لوحدك لحدي ما نفسك قام...
فقلت أجي أحرس معاك شوية...رغم ان سلاحي ما جاهز و ما لابس رسمي...
و أبو الزوز حتى متابع و مستمتع استعصت عليه...
و الله دي حالة أخير منها العرس...
أذكر في مثل هذا اليوم من العام الماضي...كان البوست ده بيقلب تلاته صفحات في اليوم..
أما رمضان الفات فكان من أجمل فترات في تاريخ البوست...
نرجو من الكوتش انو يطلع لينا من مداخلات رمضان الفات في لمن فاته الاستمتاع....
على أي حال نحن جاهزين لي رمضان ان شاء الله عبادة و سمر معاكم...
كل عام و أنتم بخير....
Post: #5687
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-28-2010, 04:11 PM
Parent: #5686
Post: #5688
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-28-2010, 04:19 PM
Parent: #5687

أبو الزوز دي حالة تستوجب يودوك للشيخ أبو شراء...
عشان تفتو معاهو (عايز أفتو معاك يا ابو شراء)...
Post: #5689
Title: Re: ناس الزقازيق ... أجدع ناس ( 3 ) ..
Author: Safia Mohamed
Date: 07-28-2010, 04:22 PM
Parent: #5687

اييك


ازيكم يا ناس طولت

ما متابعة
بجي بروااقة دي دفرة







صفية
Post: #5690
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-28-2010, 04:31 PM
Parent: #5689
Post: #5691
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-28-2010, 04:32 PM
Parent: #5689

اهلا دكتورة صفية
ياخي ليك وحشة




قالوا...
(5)

ياخي امشي عامل راسك زي الحجر البيسنوا فيهو سكين عيد الضحية
أبوبكر حامد (حقوق) موجها حديثه لأحمد عوض (آداب)

ياخي فكنا عامل وشك زي طربيزة اللحام كدة
أحمد عوض ردا على أبوبكر حامد
الاتنين كانوا متناقرين في شقتنا
وانا وحاتم جبارة وجورج ميتين من الضحك
Post: #5692
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 07-28-2010, 05:29 PM
Parent: #5691

شكرا زقازيقاب الرياض
شكرا شكرا شكراعلى هذه الجلسه الجميله
والتى حفرت فى الذاكره واثبتت ان ما يربط بين
الزقازيقاب اكثر من اخوه ,ادام الله الود وحفظ المحبه.
===========================
بمبادره جميله رمى بها الاخ موسى بالكره فى ملعب
الجمعيه نتمنى ان نسجل منها هدف لخدمة اهلنا
بالسودان وانشاءالله نعلنها بعد نجاح المساعى
========================
Post: #5693
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 07-28-2010, 10:20 PM
Parent: #5692

سلام والف وسلام...
جينا ليكم شايلين فرحنا وكان وعشمنا نزيدو حبه...
وزيدنا شوقنا بيكم..وزيدنا شوقنا ليكم...

نعم انقطعنا عنكم وكان الانقطاع قهري..الا اننا لم نقطع وجدانيا عنكم فانتم تشكلون حضورا دائماً في الاعماق..
وانشاء الله نتواصل معكم عبر الحوش ولا انتقطع عنكم في قادم الايام...
الريس ميسرة حلوة رائعة عثمان حسين ...وانشاء الله تعود الايام الحلوة بوجود كل الحبايب في البوست معنا ...

بمناسبة العودة ارسل هذه النكته التي اعجبتني وضحكت فيها بمزااااااااااج...


ذكاء صعيدي


جلس اينشتاين جنب صعيدي في الطياره


فالتفت اينشتاين للصعيدي وقاله إيه ر أيك نلعب لعبه ،

أنا هاسألك سؤال اذا ما عرفتش الجواب تديني 5 دولار وانت تسألني سؤال ، اذا أنا ما عرفتش الجواب اديلك 500 دولار


فوافق الصعيدي


سأل اينشتاين الصعيدي :


ما سبب جاذبية الارض ؟


الصعيدي طلع محفظته وإدى اينشتاين 5 دولار


سأل الصعيدي اينشتاين :


إيه هو الشئ اللي يطلع الجبل بثلاث أ رجل وينزل برجل واحده ؟


اينشتاين قعد يفكر ويبحث فى الانترنت ويسأل أصحابه العلماء محدش عرف الجواب


بعد ساعه تقريبا طلع اينشتاين محفطته وإدى الصعيدي 500 دولار


وسأله طيب وإي هو بقى الشئ اللي يطلع بثلاث أ رجل وينزل برجل واحده ؟


طلع الصعيدي محفظته وإدى اينشتاين 5 دولارات





كبييير يابووووووووووووووووووي


عثمان الجيلي
Post: #5694
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-29-2010, 03:43 AM
Parent: #5693

تحياتى يا حلوين , يا الرحتو طولتو
انها الخامسة واثنتا عشرة دقيقة فجرا بتوقيت الخليج والسودان
العاشرة واثنتا عشرة دقيقة صباحا بتوقيت الشرق الأقصى وكوالالامبور
رحلة طيران طويييييلة , ولكن طيران سنغافورة , جعل منها رحلة ممتعة
خدمة ممتازة ومتواصلة وانيقة وراقية
مع توقف التزود بالوقود , غير المحسوب فى وقت الرحلة , فى مطار دبى
فان مكوثنا الطويل داخل الطائرة السنغافورية الجامبو العملاقة
والذى وصل الى عشر ة ساعات كاملة
كان متعة حقيقية
يبدو ان توقيت الرحلة كان مناسبا للأسرة
لأنهم -ومع الأجازة المدرسية , كانوا كما قال عبد الوهاب الصادق , شايلين الليل قلبهو نهار
فكانوا كلهم -عداى - فى كامل الأستيقاظ والتاهب
جالوا - طوال الليل - مع قنوات نظام المشاهدة الجوى على الطائرة
فتباروا فى عدد الأفلام المشاهدة ونوعياتها
ما بين افلام الكرتون , والآيرون مان  , والهانا مونتانا , وقنوات الصوت الموسيقية
الا ان بنت الشيخ , قضت الوقت فى سهر الليالى الجوى هذه المرة
فيما ان حبذت نظام غيب وتعال , ما بين النوم ووجبات الطعام المتلاحقة
الى ان نزلنا فى مطار سنغافورة البديع
ما هذا المطار الفخم , تسمع باسم المطار وبلده , فتزدريه
وما بين ثناياه , مطار غاية فى الكبر , غاية فى الجمال , آية فى النظافة , راقد بين احضان الطبيعة
كانت فترة الأنتظار المقررة , ساعتان اثنان , تمنيناها لو تزيد
انا بعد النوم المتقطع , والأكل المتواصل
وبنت الشيخ , بعد السهر المتواصل , والأكل المتقطع
والشباب , بين التحفز والتأهب والصحيان المتواصل , والأكل المتقطع للبعض , والمتواصل لآخرين
عندما نزلنا فى مطار سنغافورة , وكأننا نصحو لتونا من نومة اهل الكهف
نشاط , حيوية , زادهما جمال المطار وكبره ونظافته , نشاطا وحيوية
جبنا اركان المطار جميعها , تمتعنا بالقطار الكهربائى الرابط بين (التيرمنالز ) , والسواق الحرة المتناثرة بين كل تيرمنال وآخر
حوالى المطار , تعبت عيوننا وهى تبحث عن ارض لا شجر وخضرة عليها
حقيقى مافيش , حتى اننا علقنا وقلنا ان الطيارين يحتاجون الى حرفنة عالية حتى لا يخطئوا مدرج الهبوط , او لا تعتر ليهم شجرة هنا , او شجرة هناك
اقول ليكم حاجة , المرة دى قاصدين ماليزيا بجزرها ومدنها المختلفة
اما انت يا سنغافورة , فقد (ختيتك فى راسى )
Post: #5695
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-29-2010, 06:23 AM
Parent: #5694

صبحكم الله بالخير و نهاركم سعيد يا ناس ماليزيا

منصور شحتف روحنا المشحتفه خلقه و بوظ اعصابنا البايظه من يومه...
طياره جامبو و مطار بني على خاصرة اللاندسكيب جعلت منصور يتدفق وصفا و تمني...
و بالرغم من أنه متوجهها الى ماليزيا مع سبق الاصرار و الترصد الا أنه استهدف سنغافورة....
الأمر الذي يدل على أنه صائد اجازات محترف و من الطراز الكلاسيكي...
و ان كان منصور اتحفنا بمسلسله المكسيكي سمك عوضية...
فاننا موعودون مكسيكي آخر على شاكلة ساندرا...
الذي كنت أحضره في بداية المرحلة الثانوية و انتهى بانتهائي من الجامعة.....
Post: #5696
Title: Re: ناس الزقازيق ... أجدع ناس ( 3 ) ..
Author: البادي النور
Date: 07-29-2010, 06:36 AM
Parent: #5694

صباح الهناؤ والسرور ...

أهلا بالحلوين العائدين من طول غياب ...

منصور حمدا لله على سلامة الوصول وإنشاء الله تستمتعوا كلكم وتفرحوا وترجعوا سالمين وغانمين .. في كوالالمبور سلم لي على التايم إسكوير وعرج على شارع العرب وأدخل ما طاب لك من المطاعم العربية والعجمية .. سلم لي علي مولاتهم السمحة الأنيقة .. وما تنسى مدينة الألعاب جنتنغ وهي تناطح السحاب .. حقيقي ماليزيا جنة الله في الأرض ... ولو عندك زمن أمشي جزيرة لانكاوي حيث المتعة في الأنشطة البحرية .. يا أخي دي منتهى الجمال والروعة ...
Post: #5697
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-29-2010, 06:46 AM
Parent: #5696

بسم الله الرحمن الرحيم
السلااااااام عليكم
و الله تعبت جنس تعب
عشان أفتش لي كوبي للإفتتاحية
المهم
Quote: حسبي الله عليه توكلت وهو رب العرش العظيم
اللهم اني أسألك خير هذا اليوم فتحه ونصره ونوره وبركته وهداه
وأعوذ بك من شر ما فيه وشر ما بعده .
Post: #5698
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-29-2010, 06:53 AM
Parent: #5697

صفية مساعد يا تصومى معانا فى البوست ده

يا تلحقى ماليزيا .... اختارى !
Post: #5699
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-29-2010, 06:54 AM
Parent: #5697

اليوم الخميس
في ناس عايزين مسافة مقدرة
البادي وجودك في الصباح دائماً له طعم خاص
لكن نسألك
أنا مش قلت ليك عازمك قراصة في السوق العربي
لزوم الجو السمح داك؟؟؟؟
طيب الليلة رأيك شنو في فووول بالطعمية
لزوم الجو السمح دا
للأسف هناك دائماً زوووول محندك
كان من سنقافووورة كان من السودااان
ما علينا....
تجينا بالسلامة ريس الداخل
أي مقترحات من زقازيق الخارج مقبولة
و ما عندك مانع
لكن عليك الله ما لقيت غير موسى عيسى دا؟؟؟
Post: #5700
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 07-29-2010, 07:10 AM
Parent: #5699

Quote: صفية مساعد يا تصومى معانا فى البوست ده

يا تلحقى ماليزيا .... اختارى !

بالمناسبة دي و في وجود صفية مساعد
تدعو جمعية بنات الشيخ
جميع أعضاءها الكرام للإجتماع الطارئ
الذي سيعقد إسفيرياً يوم الأحد القادم
و ذلك لمناقشة بعض المواضيع الهامة و المفصلية
في تاريخ حياة الجمعية
تتقبل الجمعية كل الإعتذارات المكتوبة و الشفهية
على أن يكون ذلك قبل الإجتماع بساعة
نسبة لحساسية المواضيع
رأينا عدم نشرها هنا حتى لا تتداول بين الآخرين
العضوة أماني (بت شيخ بتاعت منصور)
نسبة لتواجدها خارج نطاق التغطية
فقد قبل إعتذاراها مسبقاً

التوقيع:
الناطق الرسمي بإسم الجمعية
بتكليف من رئيس الجمعية
نجاة حوفي
Post: #5701
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-29-2010, 08:31 AM
Parent: #5700

Quote: اليوم الخميس
في ناس عايزين مسافة مقدرة


اليوم الخميس ...
و الله صحي الأيام بقت ممحوقه...
من الخميس و الى الخميس تمر الأيام بسرعة البرق...
أي علامة من علامات الساعة هذه لست أدري...
فالمسألة تخصص و مافي داعي أدخل نفسي فيها...
أصحاب المسافات المقدره..نقدر لكم تواصلكم معنا اثناء الطريق...
و أصحاب المداخلات الفارغة توقعوا اتصالاتنا...و كذلك العائدين من الولايات...
حننتوني و الله و قلت أقوم أسأل عليكم...
كنت قايل فاقد الشيء لا يعطيه...يحني و أنا فاقد حنان ما ممكن اديكم حنان...
لكن لقيتكم يا كافي البلى عدمانين التكتح...مع اني ما عارف التكتح دي شنو...
لكن لقيتكم نشفانين نشاف الدنيا و العالمين من الحنان...
و قالو في الأمثال البشوف مصيبة غيره بتهون عليهو مصيبتو...
اليوم الظاهر علي حأوصل سلك عدييييل كده مع شركة الاتصالات...
و أشتت ليكم حنان كده لمن تآمنو عديل كده...
و أي واحد يندرج تحت الفئات المذكورة أعلاه عليه أن يتوقع تلفون مني...
Post: #5702
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-29-2010, 08:42 AM
Parent: #5701

أمبارح اتغديت و اتصلت على بت الشيخ للاطمئنان عليها وعلى العيال...
قامت سألتني اتغديت... قلت ليها حسه جاي من المطعم...
قالت لي اتغديت بي شنو...قمت سكت فتره طويلة كده...
قالت لي مالك سكت...
قلت ليها أقول ليك حاجه و الله قدر ما حاولت أتذكر اتغديت بي شنو ما قدرت..
نسيت أنا اتغديت بي شنو...

فعشان كده بقول لي صفية مساعد أعذريني الما سالمتك و رحبت بي عودتك الجميلة...
و كذلك لم أحي الأخ عثمان الجيلي الذي عاد بعد ان اختفى عن الساحة لفترة طويله....
التحية لصفية و لعثمان الجيلي....
صفية مساعد اعترفت بالغيبة الطويلة و وعدت بالعودة...
لكن عثمان الجيلي مع الأيام الممحوقه دي ما شعر انو غاب مننا فتره طويلة...
لذلك لم يعدنا بشيء...
ولكننا نطالب الذين وعدونا و الذين لم يعدونا بأن لا يطولوا الغيبه...
Post: #5703
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-29-2010, 01:37 PM
Parent: #5702

سلامات يا ناس

مرور للمطايبة والسلام

(بنصف طايوق)
Post: #5704
Title: Re: ناس الزقازيق ... أجدع ناس ( 3 ) ..
Author: محمد صديق
Date: 07-29-2010, 01:43 PM
Parent: #5703

سلامات يا ناس

الرشيد انا شكلى من الفئة المقصودة...

وزهير طبعاً على رأس القائمة..وهو هسة قال ماشى

على الشهداء ..وده معناه انو حتكون عندو مداخلة

عشان كده حقو نقلب ليهو الصفحة.
Post: #5705
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-29-2010, 02:23 PM
Parent: #5704

توفيت اليوم أختنا سامية سلمان جعفر شقيقة الريس معتصم بالرياض ... ويقام المأتم بمنزلهم بالميرغنية جوار صينية المظلات ..... لها الرحمة والمغفرة والعفران ... تلفون معتصم 0912304549.
Post: #5706
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 07-29-2010, 02:26 PM
Parent: #5705

انا لله وانا اليه راجعون
صادق التعازي للاخ العزيز معتصم جعفر
تقبلها الله قبولا حسنا
وجعلها الله من الابرار
وادخلها الله فسيح جناته مع الصديقين والشهداء
Post: #5707
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 07-29-2010, 07:14 PM
Parent: #5706

فى ذمة الله سامية سلمان جعفر زوجة الدكتور توفيق حمزة جعفر
Post: #5708
Title: Re: ناس الزقازيق ... أجدع ناس ( 3 ) ..
Author: مني يونس
Date: 07-29-2010, 07:44 PM
Parent: #5707

خالص التعازي للريس معتصم

في وفاة أختنا سامية ،، تغمدها

الله بواسع رحمته ،،،،


إنا لله وإنا إليه راجعون
Post: #5709
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 07-30-2010, 08:45 AM
Parent: #5708

وبشر الصابرين الذين اذا اصابتهم مصيبة قالوا انا لله وانا اليه راجعون
احر التعازى للاخ معتصم وكل اسرته وربنا يلهمكم الصبر ويجعلها اخر الاحزان.
Post: #5710
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-30-2010, 09:24 AM
Parent: #5709

انا لله وانا اليه راجعون
صادق التعازي للاخ العزيز معتصم جعفر
الا رحم الله أختنا سامية و أنزلها منزلا حسنا...
وتقبلها الله قبولا حسنا
وادخلها فسيح جناته مع الصديقين والشهداء والأبرار...
Post: #5711
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-30-2010, 09:43 AM
Parent: #5710

من ماليزيا كوالالامبور , كان حزنى على فقيدة اسرة الأخ الريس معتصم جعفر مضاعفا
رحم الله الأخت سامية سلمان جعفر
تعازينا لأسرتها , والدتها المكلومة , ابنائها وبناتها , زوجها الدكتور توفيق
وكل افراد الأسرة الصغيرة والكبيرة
وهذا حال الدنيا يا ريس
بلغ تعازينا للجميع
سنعود مع حكايات ماليزيا لاحقا
Post: #5712
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 07-30-2010, 01:05 PM
Parent: #5711

انا لله وانا اليه راجعون
التعازينا للاخ العزيز معتصم جعفر وجميع ال جعفر
تقبلها الله قبولا حسنا
وجعلها الله من الابرار
وادخلها فسيح جناته مع الصديقين والشهداء
Post: #5713
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 07-30-2010, 03:10 PM
Parent: #5712

سلام يا اجدع ناس
للريس معتصم التعازى
والف رحمة للفقيدة سامية
اللهم تقبلها فى منازل الصديقين والشهداء
Post: #5714
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-30-2010, 05:24 PM
Parent: #5713

إنا لله وإنا إليه راجعون

خالص التعازي للريس معتصم والعائلة

بفقدهم للأخت سامية ،،،،،

رحم الله الفقيدة وأسكنها فسيح جناته

وأصبغ على أهلها وذويها الصبر والسلوان
Post: #5715
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 07-30-2010, 08:06 PM
Parent: #5714

خالص التعازي للريس معتصم وجميع افراد الاسرة الكريمة
انا لله وانا اليه راجعون

















------
ولازالت مشاوير التعازي جارية في ارض الوطن الحبيب
و والله العظيم سرقت هذه المداخلة غصبا عن الزمن
المهم تلفوني 0905183344
Post: #5716
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 07-30-2010, 11:50 PM
Parent: #5715

بسم الله الرحمن الرحيم
( وبشر الصابرين الذين اذا اصابيتهم مصيبة قالوا انا لله وانا اليه راجعون )

حار التعازي للاخ العزيز/ معتصم سلمان جعفر وللا سرة الكريمة

نسأل الله ان يتقلبها في الصالحين ,..
وان يسكنها فسيح جناته ...

عثمان الجيلي
Post: #5717
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 07-31-2010, 00:24 AM
Parent: #5716

ناسنا الحلوين..

السلام عليكم ورحمة الله وبركاته..

العزيز الغالي/ الرشيد بابكر ...احيك في بعدي يا نجمي ياسعدي...
كيف حالك يااخي عساك بخير وكيف المدام والعيال...تحياتي ليهم..

موسيي عيسي ...ليك خالص التحايا اسال الله ان تكون بخير وعافية ...

صفية مساعد ..مرحب بيك الف ...والحال من بعضة ...

يا اخوانا مسئولين من الخير ...وين الاخت سناء الصباغ؟؟؟
وين فارس الفرسان محمد عيد؟؟؟

عثمان الجيلي
Post: #5718
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-31-2010, 01:44 AM
Parent: #5717


انها الثامنة من صياح كوالالامبور الرطب الجميل
ولكنكم مازلتم فى (غرب الدنيا الأدنى ) , فى نوم (ثلث الليل الأحير تسبحون وتستغرقون )
من بعد خلعة مطار سنغافورة التى اذهبت عنا رهق الرحلة الطويل
توالت علينا (الخلعات )
بل اننا بتنا من (خلعة الى خلعة تانية نتنقل )
ماليزيا
لم تكن فى حسبانى ولا فى تخطيطاتى , يا عمر نملة
لولا ان البلجيك (ضنوا على بتأشيرتهم ) !!!!
ولكن الغلط راكبنى من راسى لى رجلينى
خفف علينا مطار ماليزيا من خلعة مطار سنغافورة الرهيب
هو ليس فى خضرة مدرجه المسفلت وبين (الزهور متصور )
ولكنه فى جماله , وفى مساحته الهائلة , وصالاته المتعددة
صالات الوصول فى كل المطارات , دائما ما تبز , صالات المغادرة
الوصول الى كاونتر الجوازات وسير العفش الخاص برحلتك فى مطار كوالا , يحتاج الى دليل
يحتاج الى مرشد
مجرد الركوب للقطار الناقل الى صالة العفش والجوازات الخاص بالرحلة , استغرف منا زمنا مقدرا
عرفنا رقم الصالة ورقم الرحلة , واتبعنا الأرشادات المكتوبة باللغة الأنجليزية
ولكن انتهى السهم المرشد الى (لا شىء )
او هكذا خيل الينا
ولكن ما ان انزاح الباب الزجاجى العملاق وهرع الجالسون والمنتظرون الى قطار متحرك من ورائه
حتى بانت لنا معالم الطريق
ولكن الحلعة وزمن الأستيعاب كان كافيا لأن يفوت علينا رحلة القطار الأولى
وجاء قطار آخر معاكس فى الأتجاه , فوتناه ايضا لمزيد من الأستيعاب , ولو قلت مزيدا من الأستمتاع , لكنت ايضا (معى من الصادقين )
قال لى احمد ولدى , يا ابوى ولا اتجاه معاكس ولا شىء , ما اصلا هى محطتين , يعمل بينهما القطار جيئة وذهابا
فما ان يصل , الى ويرتد الى اتجاهه المعاكس
فوضحت الصورة الآن , وانتظرنا قطارنا انتظار العارفين هذه المرة
وما ان جاء , الا وتطينا فى جوفه , نطة من جاء الى ماليزيا الاف المرات
وتركنا الخلعة , وتفويت القطارات , الى دفعات جديدة من ورائنا
ترى هل فوتوا قطارين بس زينا
ام انهم ما زالوا ينتظرون !!!؟؟؟؟



رحم الله سامية سلمان جعفر وغفر لها , عجزت عن الأتصال على الريس معتصم
مرة فرق توقيت , ومرة تلفون مقفول , ولكن المحاولات مستمرة
اليوم ننتقل الى بينانج
الله يدينا اشارة نت تانى عشان نتواصل
اما مفاجاة ماليزيا , فقد كانت قطيعتنا مساء البارحة فى كل من
جمال فارح وطارق جبريل وابو الزوز والكوتش
مع منو ؟؟؟ بقول ليكم لمن يجى الدور قى الحكى
Post: #5719
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 07-31-2010, 07:05 AM
Parent: #5718

إنا لله وإنا إليه راجعون "
نسأل الله للفقيدة الرحمة والمغفرة
ولاهلها الصبر وحسن العزاء
احر التعازي للاخ معتصم جعفر
Post: #5720
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 07-31-2010, 07:39 AM
Parent: #5719

بسم الله الرحمن الرحيم


( وبشر الصابرين الذين اذا اصابيتهم مصيبة قالوا انا لله وانا اليه راجعون )

حار التعازي للاخ العزيز/ معتصم سلمان جعفر وللا سرة الكريمة

نسأل الله ان يتقلبها مع الصالحين ,..
وان يسكنها فسيح جناته ...


انا لله وانا اليه راجعون
Post: #5721
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-31-2010, 07:51 AM
Parent: #5719

صباح الخير ،،، يا وجوه الخير

أصبحنا واصبح الملك لله وحده ،،،

حكمة اليوم ..


لا تقل: " يحلها ألف حلاّل" ....

قل: " يحلها الحلاّ ل" (سبحانه) ......

لا تقل:" مستمتع فقط،،،،،،،،،،،،،،

قل:" متابع مع منصور وحكاياته الظريفه،،،،
Post: #5722
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-31-2010, 12:38 PM
Parent: #5721

مساكم الله بالخير

كآبة يوم السبت و المنبر المتشح بالسواد حالتان لا يمكن تجاوزهما الا بحكايات من ماليزيا...
عندما يحكي منصور و ان كان ما زال في مرحلة القاطرات فانه يجبرك على المتابعة...
و تبدأ في الاستمتاع و أنت تتوقع أن ينتقل بك الى مرحلة ابر العبير و خيوط الماء...
و ان كان منصور قد احتاج الى بضعة دقائق ليستوعب حركة القاطرات...
فأرجو أن لا يتوقع منا أن نستوعب كل الجمال الذي سينقلنا اليه من أول وهلة...
Post: #5723
Title: Re: ناس الزقازيق ... أجدع ناس ( 3 ) ..
Author: عصام دهب
Date: 07-31-2010, 01:47 PM
Parent: #5722

خالص التعازي للأخ الفاضل الريس / معتصم و لكل أفراد أسرتهم الكريمة في وفاة شقيقتهم / سامية ، وأسال الله تعالى يغفر لها و يرحمها و يعفو عنها وويجعل قبرها روضة من رياض الجنة .. و يكرم نزلها يدخلها الجنه و ينزلها منازل الأبرار ,, و يلهم ذويها الصبر الجميل ..
Post: #5724
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-31-2010, 02:11 PM
Parent: #5723

في محاولة لإخراج البوست والمنبر من السواد

الذي أكتسى به،،،،،،،،،،،،،،،،،،،،،،،،

كيس الحلوى

في إحدى الليالي جلست سيدة في المطار لعدة ساعات في انتظار رحلة
لها وأثناء فترة انتظارها ذهبت لشراء كـتاب وكيس من الحلوى لتقضي بهما
وقتها.. فجأة وبينما هي متعمقة في القراءة أدركت أن هناك شابة صغيرة
قد جلست بجانبها واختطفت قطعة من كيس الحلوى الذي كان موضوعا بينهما
قررت أن تتجاهلها في بداية الأمر ولكـنها شعرت بالانزعاج عندما كانت تأكل
الحلوى وتنظر في الساعة!! بينما كانت هذه الشابة تشاركها في الأكل من الكيس
أيضا. .! حينها بدأت بالغضب فعلا ثم فكرت في نفسها قائلة: "لو لم أكن امرأة
متعلمة وجيدة الأخلاق لمنحت هذه المتجاسرة عينا سوداء في الحال" وهكذا في كل
مرة كانت تأكل قطعة من الحلوى كانت الشابة تأكل واحدة أيضا وتستمر المحادثة
المستنكرة بين أعينهما وهي متعجبة بما تفعله!! ثم قامت الفتاة بهدوء وبابتسامة
خفيفة باختطاف آخر قطعة من الحلوى وقسمتها إلى نصفين فأعطت السيدة نصفا بينما
أكلت هي النصف الآخر أخذت السيدة القطعة بسرعة وهي تفكر قائلة:-
" يا لها من و ق ح ه ، كما أنها غير مؤدبة حتى أنها لم تشكرني"..!!

بعد ذلك بلحظات سمعت الإعلان عن حلول موعد الرحلة فجمعت أمتعتها وذهبت إلى بوابة
صعود الطائرة دون أن تلتفت وراءها إلى المكان الذي تجلس
فيه تلك السارقة ال و ق ح ه !!!

وبعدما صعدت الى الطائرة ونعمت بجلسة جميلة هادئة أرادت وضع كـتابها الذي
قاربت على إنهائه في الحقيبة , وهنا صعقت بالكامل !! وجدت كيس الحلوى الذي
اشترته موجوداً في الحقيبة!! بدأت تفكر، يا الهي لقد كان كيس الحلوى ذاك ملكا
للشابة وقد جعلتني أشاركها به!!!

حينها أدركت وهي متألمة بأنها هي التي كانت و ق ح ه ،،،،،
Post: #5725
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 07-31-2010, 02:21 PM
Parent: #5724

تعرف يا ريس لو ما كان منصور يصطحب معه بت الشيخ و الأولاد...
كنت قلت ليك الضهبانة دي منصور...
و انت حولت القصة لي سيده بدلا من شاب لم يتجاوز الثلاثين (وش ما عارف شكلو كيف)...
Post: #5726
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 07-31-2010, 02:57 PM
Parent: #5725

عارف يا رشيد القوم ،،، دي فاتت علي

كان ممكن تكون القصة دي في سنغافورة

أو في مطار ماليزيا،،، منصور محظوظ
Post: #5727
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-31-2010, 03:42 PM
Parent: #5726

مساء الخير بلغة الساعة العاشرة مساءا بتوقيت ماليزيا , توقيت الشرق الأقصى (الفايت الكبار والقدروا )
ولكننا فى الخامسة , بدايات عصر الخليج والسودان , محبورين ان نقول , كيف قيلتوا يا ريس ميسرة
ويا رشيد القوم وكل من يقرأ ويتابع هذا البوست
مشتاقين
فى السفر , وفى الأجازات , حيث لا كفيل ولا مدير , الا بت الشيخ واولادها
فان صداقة البوست ورغبتك فى متابعته ورغبتك فى مقابلة من تحب فيه ’ تزيد وتضطرم
كلما صادفك موقع دهشة , وكلما مرت بك لحظات سحر آسر
تشعر بان البوست صديقك , تشعر بان له (اذنين ) حتى ولو كان بلا (لسان )
انا هنا تكفينى منه الأذنين
حتى اذا ما نقلت اليهما دهشة كدهشة (القطار الماليزى الناقل بين الصالات )
شعرت بان البوست يسمع ويعى , لا بل انه يردد معى وكأنه يستمع الى ام كلثوم فى ليل خميسى فى (هزيعه الأخير )
تانى يا ست , عندها , تقترب من ان تردد (انت عمرى , يا ظالمنى ) حسبما كانت حالتك النفسية آذ ذاك
وماليزيا تشتغل معى -هذه الأيام - كما يعمل بيرم التونسى مع الست
او كما -تفعل بها وبى - رباعيات الخيام واقبل الليل
كل العذر عندى لصلاح احمد ابراهيم , اذ تمنى ان يكون له -للحظة - ازميل فدياس او روحا عبقرية
اذا لكان نخت -مريا - بيديه المجردتين من كل شىء , الا ازميل ذلك الفد ياس
Post: #5729
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 07-31-2010, 04:22 PM
Parent: #5727

وفدياس هذا الزمان , يحتاج -عوضا عن ازاميل صلاح احمد ابراهيم الناحتة -الى كاميرا ديجتال وبلد استوائى المزاج
مثلك يا ماليزيا
هل قال كابلى , عند حلفا , عند خط الأستواء  ؟؟
انا لست فى حلفا يا كابلى , انا الان عند خطك الأستواء هذا
ترى ماذا يقصدون بخط الأستواء
هل يقصدون ان يصير ظل كل شىء مثله ؟؟؟
ام هل يقصدون استواء الليل والنهار
ام ان الأستواء هنا للنضج وبلوغ مبلغ الرجولة للذكور , وكامل استحقاق الأنثى (للتاء الأتانيث فى اولها او فى آخرها ) ؟؟!!
الأستواء فى ماليزيا خليط من كل ذلك
فما ان استوعبنا خلعة قطر المطار , الا واحتضنتنا (ماليزيا ) المستوية
ولك ان تكتب فى وصف (مستوية ) هذا , ما تشاء , ولك ان تستعير (سيدة وجمالها فريد , خلقوها زى ما تريد ) , وتلعب بما (تريد ) , لعب العرب بالأسماء الأعجمية
حقيقة الأمر , عالم الأنترنت عالم ساحر
وليطمئن من يقرأ هذا الكلام , اذا ماوصل الى كلامى الفجائى عن الأنترنت , فانا , والله (لا جنيت ولا مسانى جن )
فانا كما قلت , جئت لهذا البلد (المستوى ) , بعد ان طال تخطيطى لبرنامج عملت له زمنا , فما كان ولا تم
لذا جئت الى ماليزيا , تماما كما جاء اهل السودان الى (موضوع الوحدة الجاذبة )
يعنى فى الساعة (الخامسة والعشرون )
لذا فان كامل تخطيطى الأضطرارى للرحلة , كان عن طريق الأنترنت
ولن انشغالى العملى فى الفترة الأخيرة لم يمكننى من تجويد حتى هذا التحضير الأسفيرى المتاخر
فاننى كلفت احمد ابنى بوضع برنامج مقترح
فكان عالم الأسافير الأنترنتى -هو زادنا ومعيننا ومصدر معلوماتنا
وهذا خلق لنا مصدر دهشة واستمتاع اضافى لم يكن فى الحسبان
مثلما ان تتواصل عبر سودانيزاونلاين مثلا , مع البادى النور , مع انك لم تحظى بمقابلته حتى الان
وعندما تدخل الى مكتبه , فى شركة التراكتورات السودانية , كم يكون عندك من شوق لمطابقة الصورة مع الأصل
هكذا كان وضعى مع اسرتى الصغيرة كلما دلفنا الى موقع قرانا عنه وتخيلناه
فعندما دلفنا الى لوبى فندق ال swiss garden hotel الذى وضعنا برامجنا لقضاء اول ثلاث ليالى فيه
واستحضرنا صورته من على موقع الأنترنت , واسترجعنا محاذير الميزانية ونكاليف الرحلة التى نوخيناها عند الأختيار
هالنا ان وجدناه , اجمل بكثير , واحلى بمراحل , حتى اننا تحسسنا (فاوتشر الدخول ) القابع فى الشنطة الصغيرة
وقرأنا الأسم والقيمة مثنى وثلاث ورباع , فتطابق الأسم , ولكننا ما زلنا نخشى من عدم تطابق السعر وخفنا من وجود خطا فيه
حتى نطقت موظفة الأستقبال الماليزية الحسناء , اسماءنا وعملت فيها تكسيرا وبشتنة
لم نكن لنسامحها على فعلتها تلك , لو لم تتطابق قيمة الغرفة التى نطقتها -بلا تكسير ولا بشتنة -مع ماهو مكتوب ومخطط
فدخلت حقائبنا ودخلنا الى غرفتينا -غير المتجاورات - خلافا لماهو مكتوب فى (request) الحجز المبدئى
وهذا ما دفع الموظفة الجسناء لأن تتقطع اعتذارا واسفا
وما درت اننا لم نحفل بالأمر كثيرا -خاصة انا واحمد - بينما قابلت بت الشيخ الأمر ببعض تحفظ , كان احتفاءنا بجمال الفندق ومطابقته للميزانية
كافيا لجعل تحفظ بت الشيخ , يذهب ادراج الرياح
 
Post: #5728
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 07-31-2010, 03:50 PM
Parent: #5726

إنا لله وإنا إليه راجعون
رحم الله الفقيده رحمة واسعة
وأسكنها فسيح جناته
وألهم آلها وذويها الصبر الجميل
ولا حول ولا قوة إلا بالله العلي العظيم

التعازى للاخ معتصم وللاسرة
Post: #5730
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 07-31-2010, 05:58 PM
Parent: #5728

التعازي الحارة للأخ معتصم في وفاة شقيقته
وأسأل الله أن يتقبلها لديه قبولا حسنا مع الصديقين والشهداء
وأن يلهمهم جميعا الصبر وحسن العزاء
اللهم أشملها برحمتك الواسعة واغفر لها وتجاوز عنها
اللهم أبدلها دارا خيرا من دارها وأهلا خير من أهلها
اللهم تجاوز عن سيئاتها ونقها من الذنوب والخطايا كما ينقى الثوب الأبيض من الدنس
وانا لله وانا اليه راجعون ...
Post: #5731
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-01-2010, 05:01 AM
Parent: #5730

اللهم اني أسألك الهدى و التقى والعفاف و الغنى...
Post: #5732
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-01-2010, 05:31 AM
Parent: #5730

صبحكم الله بالخير و السرور

اطلالة قدوره و ان كان معزيا أفرحتني كثيرا و جعلتني آمل في اطلالة ناس عزاز علينا شالو نوم عينينا...
و أنا أكاد أجزم ان الذي منع قدوره من التواصل هو كثرة مشغولياته و هو أيضا ما منع الآخرين...
لكن لأن المشغوليات عمرها ما بتخلص فأرجو أن تأخذنا و تمنعنا من التواصل مع الآخرين...
و هي ايه الدنيا غير لمة ناس في خير...أو ساعة حزن....
كنت أؤجل اجازاتي كثيرا بحجة ان الشغل و مسئولياتي لا تسمح بذلك...
و بينما كان الآخرون يستمتعون باجازاتهم و لا يحفلوا بأي شيء...
حاولت أن أفعل مثلهم فوجدت ان ذلك ممكنا بل و مطلوبا...
فأصبحت الاجازة بأهمية العمل بل و ربما تفوقه أهمية...
فنقول لأحبابنا الذين تشغلهم أعمالهم...ساعة فساعة...
Post: #5733
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-01-2010, 06:29 AM
Parent: #5732

صباح الهناء والسرور ...

انا لله وانا اليه راجعون
صادق التعازي للاخ العزيز معتصم جعفر
تقبلها الله قبولا حسنا
وجعلها الله من الابرار
وادخلها الله فسيح جناته مع الصديقين والشهداء
Post: #5734
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-01-2010, 07:03 AM
Parent: #5733

كوبي قال ليك زي مقولة
ما خف وزنه و غلا ثمنه
Quote: اللهم اني أسألك الهدى و التقى والعفاف و الغنى...
Post: #5738
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-01-2010, 07:23 AM
Parent: #5734

و الله المتابعة و الإ ستمتاع مع ماليزيا و بس
Quote: لم نكن لنسامحها على فعلتها تلك , لو لم تتطابق قيمة الغرفة التى نطقتها -بلا تكسير ولا بشتنة -مع ماهو مكتوب ومخطط

أولاً حمد لله على تطابق قيمة الغرفة مع ما هو مكتوب و مخطط
و طالما أن موظفة الإستقبال نطقت الأسماء بي تكسير و بشتنة
و هذا يتعارض مع القانون الدولي بحقوق الإنسان
الفقرة كم كدا ما عارف
عليه يحق لك يا منصور أن تقوم هذه الحسناء بتعويض
إنشاءالله يو م واحد زيادة
أما إذا نطقت إسم إبنك أحمد بي أخمد
فهذا تعدي على خصوصية إبنك
و يمكن أن يحرك الإجراءات القانونية
إلا إذا عينو و قعت فيها
حينها نقول لا ضرر و لا ضرار
Quote: فدخلت حقائبنا ودخلنا الى غرفتينا -غير المتجاورات - خلافا لماهو مكتوب فى (request) الحجز المبدئى
وهذا ما دفع الموظفة الجسناء لأن تتقطع اعتذارا واسفا

في الحالات دي الكبكبة مع الناس دي ما بتجب حاجة
أجمد شوية ياخ...إنت بت الشيخ دي ما معاك و لا شنو؟؟؟
طاما في الحجز المبدئي يقول غرفتين متجاورتين
فهذا يعني أنهما متجاورتين و كفى
إنت البلد دي ما عندها رئيس؟؟؟؟

هس دربكتو للواحد إجازاتو يقضيها وين ما عارف؟؟
قلنا تركيا بي كلامك عن ماليزيا طلعت ماسور
قلنا ماليزيا و حكاية جاييك يا سنغافورة
تكون ماليزا زاتها ماسورة كبيرة
لكن كدي نخلي زولك دا يمشي مدريد و بعدين نقارن!!!

بعدين النشوف آخرتا !!!!
Post: #5735
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-01-2010, 07:09 AM
Parent: #5733

بسم الله الذي لا أرجو إلا فضله، ولا أخشى إلا عدله، ولا أعتمد إلا قوله، ولا أتمسك إلا بحبله. بك أستجير يا ذا العفو والرضوان، من الظلم والعدوان، ومن غِير الزمان، وتواتر الأحزان، وطوارق الحَدَثان، ومن اْنقضاء المدة قبل التأهب والعُدة، وإياك أسترشد لما فيه الصلاح والإصلاح، وبك أستعين فيما يقترن به النجاح والإنجاح، وإياك أرغب في لباس العافية وتمامها، وشمول السلامة ودوامها، وأعوذ بك يا رب من همزات الشياطين، وأحترز بسلطانك من جَوْرِ السلاطين، فتقبَّل ما كان من صلاتي وصومي، واْجعل غدي وما بعده أفضل من ساعتي ويومي، وأَعزَّني في عشيرتي وقومي، واْحفظني في يقظتي ونومي، فأنت الله خيرٌ حافظاً وأنت أرحم الراحمين.

اللهم إني أبرأُ إليك في يومي هذا وفي ما بعده من الآحاد، من الشرك والإلحاد، وأُخلص لك دعائي تعرضاً للإجابة، وأُقيمُ على طاعتك رجاءً للإثابة، فصلِّ على محمد خير خلقك الداعي إلى حقك، وأَعزَّني بعزك الذي لا يُضام، واْحفظني بعينك التي لا تنام، واْختم بالاْنقطاع إليك أمري، وبالمغفرة عمري، إنك أنت الغفور الرحيم، برحمتك يا أرحم الراحمين.
Post: #5737
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-01-2010, 07:12 AM
Parent: #5735

اصدق التعازي للريس معتصم و للاسرة الكريمة و للفقيدة

الرحمة والمغفرة ونسال الله ان يتقبلها قبولا حسن وان

يسكنها فسيح جناته مع الصديقين والشهداء و حسن اولئك

رفيقا.
Post: #5736
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-01-2010, 07:12 AM
Parent: #5733

صباح الخير،،، يا وجوه الخير

أصبحنا وأصبح الملك لله،،،

حكمة اليوم :-

اللهم اجعلنا ممن يسمعون القول

ويتــَّبعوون احسنه يارب العالمين
Post: #5739
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-01-2010, 07:37 AM
Parent: #5736

نرحب بعودة المايسترو سابقا ود الجيلي و الف حمدلله

علي السلامة و ليك وحشة والله و نامل المداومة .


حبيبنا منصور سيب الجقلبه و خليك معانا في البث

المباشر من دون تشويش و نحن في الانتظار و الكل

معاك .

الحبيب البادي وينك اليوم حتى اللحظة لم تظهر انشاء

المانع خير و لا تكون رقصة البارحة فرحا بغلب الصهاينة

نحن ذاتنا الكورة البشجها جلا دي خليناها طب و و بقينا

مع ناس سارة جادالله و ندي القلعة يعني العزابة مفارقنهم

دينا و آخرة ، بالصح يا جماعة صحبي محمد عيد وين و ياسر

نجيلة ما يكون الموضوع بتاع امبارح دا اثر في النفسيات

و كده بالله خلوا اخلاقكم شعبية يعني بتحصل في ارقي الفرق

المريخ ذاتو بقى ...................؟


يا الريس ميسرة بالله الزول البكتح بالتراب قول ليها اعمل

حسابك نحن اصلو دمنا فاير و رويحتنا مكركره من جوه ؟ قول

ليه الله اديك كده امرقك في الدمازين و لا مايرنو !!!! كاك كاك كاك.
Post: #5740
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-01-2010, 08:19 AM
Parent: #5739

ندعو الجميع لحضور معرض كتاب الحال السوداني

نامل من الجميع الحضور لاختيار ما يناسبه من

المعرض و اخص بذلك :

1- صحبي الكافي لشرح الوافي في التعامل مع بت الشيخ .

و عنوان المعرض هو :

الدليل الكامل لحال السودان المايل :


1- درة المباهج في إصلاح أوضاع المناهج .
2- الأخطار الملموسة لانتشار العنوسة .
3- تأثر البيئة من مستنقعات الخريف الرديئة .
4- سر ارتفاع الوفيات في داخل المستشفيات .
5- القول المبين في تحسين أوضاع المعلمات والمعلمين .
6- المعالجات الفطيرة لإحياء مشروع الجزيرة .
7- القول المأثور في التصرف عند كشات المرور .
8- الحكمة السرية في غلاء السلع الاستهلاكية .
9- لوامع الأفكار لمواجهه قطع التيار .
10- الأدلة القطعية في رفض المؤسسات للمراجعة الداخلية .

فاصل و نواصل والمايكروف مع مراسلنا من كولالمبور فإلي هناك .
Post: #5741
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 08-01-2010, 08:41 AM
Parent: #5740

الاخ العزيز معتصم سليمان جعفر
احسن الله عزاكم
وانا لله وانا اليه راجعون
حاولت الاتصال بك اكثر من مرة ولكنك لا ترد
حبيت اعزيك
راح احاول تاني انشاء الله
الله يرحمها ويدخلها الجنة
ويصبركم على فراقها
Post: #5742
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-01-2010, 11:26 AM
Parent: #5741

Quote: فاصل و نواصل والمايكروف مع مراسلنا من كولالمبور فإلي هناك .


موسى انت قايل الحكاية هامله كده ساكت...
المكرفون يمشي كوالالمبور بدون ما يعمل كونيكشن في أبو ظبي...
يعني يملا بنزين من وين...
و الله مداخلة الصباح دي قطعوها لي في راسي...
كلما أكتب سطر يجي واحد داخل...
لحدي ما قمت عملت ليها ارسال و بعد عدلتها مرتين و برضو ما نفع...

حسه قريت مداخلة جلا لقيت فيها حاجات موضوعية جدا غابت عني في مرحلة القراءة الأولى...
و الله يا جلا أتاري عينك نجيضة و نحن ما جايبين خبرك...

بعد ده المكرفون لو عايز يمشي كوالالمبور القشة دي ما تعتر ليهو...
Post: #5743
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-01-2010, 01:05 PM
Parent: #5742

نعتذر عن الانقطاع و نواصل و علي مشاهدين في الخليج مراعاة

فارق التوقيت المحلي و سوف نواصل البث عن المعرض علي الموجة

القصيرة 091231924 كسلا مروراً بتوقيت الدمازين :

11- الرد العجول في تبرير رسوم الوصول .
12- الرد المختار على المواطن المحتار .
13- تخدير الأنام بمنتخب الكلام .
14- طرق ابن آوى في كيفية استلام الرشاوى .
15- الشرح الكارب لمعنى استراحة المحارب .
16- الدعاء اللطيف لدرء كوارث الخريف .
17- الدرر البهية في كيفية تعلم اللصوصية .
18- سر البكاء عند اللجوء إلى ديوان الزكاة .
19- الأسرار البهية لسرقة أموال المحلية .
20- الجواهر اللماعة في سر تقديم الساعة .
Post: #5744
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-01-2010, 01:57 PM
Parent: #5742

نهاراتكم سعيدة ...

أخونا موسى عيسى الله يديك العافية .. أخواننا الصهاينة إنتهوا خلاص وسلموا الراية .. لكن بيني وبينك كدا نحن ما أحسن منهم كتير .. يعني ممكن نفوز بالخمسة وممكن يغلبونا بالخمسة وبدون أي سبب أو حتى ما من حقنا نحن جمهور الكورة أن نسأل عن الأسباب .. وممكن نجيب الكأس وممكن نكون الطيش .. يعني ما في ثبات في المستوى وأكيد الخبراء الأفارقة محتارين في الأندية السودانية .. كل الدلائل والبراهين كانت في صف الهلال يوم أن كان في مواجهة الإسماعيلي لكن للأسف هزيمة رايح جاي ...

رشيد القوم حمدا لله على سلامتك .. وزيدني من دلك شوية وكتر ......

في ناس كدا ما تجيبهم إلا الفاتحة .. سامي عبدالوهاب .. دكتور خالد محي الدين .. قدورة .. عصام دهب .. جلال وهو في الإجازة .. وفي ناس حتى الفاتحة ما جابتهم .. ديل في دفتر الغياب اللي في الدمازين ...

منصور وحديثه الطاعم .. يا أخي على الرغم من ذهابي لماليزيا لكن من حلاوة وطعامة كلامك أحسست كأنني لم أذهب إليها .. بينانغ جزيرة ليست من مصاف الجزر الحلوة .. فيها التليفريك البدائي .. وفيها حديقة النباتات الإستوائية .. وحديقة الفراشات .. وحديقة الطيور .. وحديقة التماسيح ... جزيرة لانكاوي فعلا جميلة للذين يحبون البحر والأنشطة البحرية .. فيها جزيرة المرأة الحامل .. وجزيرة الصقور بكل أنواعها .. فيها بحيرة ماء عذب وسط الجبال وفيها أحلى سباحة .. فيها القرود بكل أنواعها واللي ممكن تهاجم عشان قطعة بسكويت ...
بالنسبة للفندق اللي حكى عنه منصور أنا لا أعرفه .. السكن في التايم سكوير ممتع جدا لأن المول كبير خالص وعايز ليك إسبوعين علشان تخلصه .. بالإضافة إلى وجوده في وسط البلد فكل شيء قريب وفي متناول اليد .. حقيقي ماليزيا بلد جميل جدا وبعد كلام منصور دا كلنا حنفكر في العودة لماليزيا ...
Post: #5745
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-02-2010, 04:49 AM
Parent: #5744

رَّبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مِن لَّدُنكَ سُلْطَانًا نَّصِيرًا
Post: #5746
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-02-2010, 05:15 AM
Parent: #5745

صبحكم الله بالخير و السرور
كل جمعة نهرب مساءا من غيظ و رطوبة الشارع و حبسة البيت الى أحد المولات الكبيرة...
و التي متاح فيها المرح و الغناء و الأنشطة و الفرجة أيضا التي تسعد الأطفال و حتى الكبار كثيرا...
فيسعدون و يمرحون دون أي خوف من مخاطر الصيف و أمراضه...
و لكن الذهاب الى هذه الأماكن سلاح ذو حدين...
فهي بلا شك توفر ما أسلفته و لكنها في نفس الوقت يصعب التحكم فيها بالميزانية...
فان كنت واضعا سقفا محددا لانفاقك في تلك الليلة فانك لا محالة متجاوزها...
و ربما تضاعفها و تثلثها أما اذا ربعتهافستحتاج الى بطاقتك الذهبية أو الماسية حتى...
ان كانت هذه البطاقة Debet أو كانت Credet ....
فعادة ما يكون برنامجنا أن يلعب العيال و أتفرج أنا و أمهم ثم نتعشى بأحد المطاعم...
و لكن العروض المذهلة و التكنلوجيا التي تسابق الزمن تفتح عليك طاقات لم تحسب لها أي حساب...
و الطرف في تلك الجمعة ان أمنية و مهند قاما باختيار لاب توب لكل واحد منهما و طلبا مني شراؤه...
تذكرت حين كنت في عمر أكبر من أعمارهم و كنت قد أحرزت المركز الأول في امتحانات الشهادة من الابتدائي للمتوسط...
أحضر لي أبي ساعة فأخبرته بأني لا أريد ساعة...
فسألني ماذا تريد...قلت أريد أن أذهب الى المكتبة لسراء بعض الكتب...
قلت لأمنية و مهند...نحن حنفتح دكان كمبيوترات...مهند يشيل اللاب توب بتاعي...
و أمنية تشيل اللاب توب بتاع ماما...فصاح مهند يا بابا يا سلفش...
تديني اللاب توب حقك القديم عشان انت تشتري واحد جديد...
و بيني و بينكم كنت ناوي أديهو اللاب توب بتاعي لحدي ما يزهج و أشيلو تاني...
و كان عصلج شديد كنت حأكون سلفش و أشتري واحد جديد بعد أخذ التصديقات اللازمه من السيد وزير المالية...

المهم نقة الصباح البي مزااااج دي خلاصتها ان المولات تضمن البهجة و الفرجة و كمان الفلس...
Post: #5747
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-02-2010, 05:56 AM
Parent: #5746

الحمد لله الذي لم يُشهد أحداً حين فَطَرَ السماوات والأرض، ولا اْتخذ معيناً حين برأَ النسمات، ولم يُشَارَك في الإلهية، ولم يُظَاهر في الوَحدانية، كلَّت الألسُن عن غاية صِفته، واْنحسرت العقول عن كُنه معرفته، وتواضعت الجبابرة لهيبته، وعنت الوجوه لخشيته، واْنقاد كل عظيم لعظمته. فلك الحمد متواتراً متسقاً ومتوالياً مستوسقاً وصلواته على رسوله أبداً، وسلامه دائماً سرمداً.
اللهم اْجعل أول يومي هذا صلاحاً، وأوسَطه فلاحاً، وآخرَه نجاحاً، وأعوذ بك من يومٍ أوله فزع، وأوسطُه جزع، وآخرُه وجَع. اللهم إني أستغفرك لكل نذر نذرته، وكل وعد وعدته، وكل عهد عاهدته ثم لم أفِ لك به، وأسألك في مظالم عبادك عندي، فأيما عبد من عبيدك، أو أمةٌ من إيمائك كانت له قبلي مظلمة ظلمتها إياه، في نفسه أو في عرضه أو في ماله، أو في أهله وولده، أو غيبة اْغتبته بها، أو تحامل عليه بميل أو هوى، أو أنفةٍ أو حميةٍ أو رياءٍ أو عصبيةٍ، غائباً كان أو شاهداً، وحيَّاً كان أو ميِّتاً، فقصرت يدي وضاق وُسعي عن ردها إليه والتَّحلل منه، فأسألك يا من يملك الحاجات، وهي مُستجيبة لمشيئته، ومُسرعة إلى إرادته، أن تصلِّي على محمد وآل محمد، وأن تُرضيهُ عني بما شئت، وتَهَب لي من عندك رحمةً، إنه لا تنقصك المغفرة ولا تضرك الموهبة، يا أرحم الراحمين.
اللهم أولني في كل يوم اْثنين نعمتين منك ثنتين، سعادةً في أوله بطاعتك، ونعمةً في آخره بمغفرتك، يا من هو الإله ولا يغفر الذنوب سواهُ، برحمتك يا أرحم الراحمين.
Post: #5748
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-02-2010, 06:39 AM
Parent: #5747

صباح الهناء والسرور ...

أخونا موسى عيسى الله يديك قدر ما يرضيك .. حقيقة أدعيتك جميلة وبليغة .. نسأل الله أن يبلغ المقاصد .. وأن يدخلنا الله في رحمته ونسأله الدرجات العليا من الجنة .. آمين ...

رشيد القوم الله يعينك مع المولات والصولات والجولات .. حقيقة المولات جميلة ولطيفة وتفرح القلب لكن للأسف ما في حاجة بالمجان .. حتدفع يعني حتدفع ... بالإضافة إلى ذلك بتفتح الشهية للأكل والرمرمة وهاك يا سعرات حرارية زائدة وعلى طول الوزن زايد والكرش دافر لي قدام ...
Post: #5749
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-02-2010, 07:15 AM
Parent: #5747

صباح الخير ،،، يا وجوه الخير

أصبحنا وأصبح الملك لله وحده،،،

حديث الصباح :-

عن أبي ذر رضي الله عنه أن رسول الله صلى الله عليه وسلم قال
من قال في دبر صلاة الفجر(والعصر ..ن) وهو ثان رجليه قبل أن يتكلم
لا إله إلا الله وحده لا شريك له له الملك وله الحمد يحيي ويميت
(بيده الخير..ن )وهو على كل شيء قدير عشر مرات ،،،،
كتب الله له عشر حسنات ومحا عنه عشر سيئات ورفع له عشر درجات
وكان يومه ذلك كله في حرز من كل مكروه وحرس من الشيطان ولم
ينبغ لذنب أن يدركه في ذلك اليوم إلا الشرك بالله
(وكان له بكل واحدة قالها عتق رقبة مؤمنة..ن)
رواه الترمذي واللفظ له (والزيادات عند النسائي = ن)
Post: #5750
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-02-2010, 08:27 AM
Parent: #5749

صادق التعازي للأخ معتصم في وفاة شقسقته


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها الصبر

______________________________

عذرا على التأخر والإنقطاع وذلك بسبب عطل فني في خدمة الإنترنت بالمدينة
Post: #5751
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 08-02-2010, 08:52 AM
Parent: #5750

التعازي القلبية الصادقة للريس معتصم

وللفقيدة الرحمة والمغفرة

إنا لله وإنا اليه راجعون
Post: #5752
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-02-2010, 08:58 AM
Parent: #5749

Quote:
أخونا موسى عيسى الله يديك قدر ما يرضيك .. حقيقة أدعيتك جميلة وبليغة .. نسأل الله أن يبلغ المقاصد .. وأن يدخلنا الله في رحمته ونسأله الدرجات العليا من الجنة .. آمين ...


الجميل البادي الله يديك الصحة والعافية و يبلغك اعلي الدرجات

في الديناوالاخرة و كما افيدك بان الدعاء هو مخ العبادة لذا

كان واجب علينا ان ننغمس فيه و معرفة خفاياه و حسن معانيه

نسال الله ان يجعلنا و إياكم و صحبي الفاتح لينا ممن يحسنون

الدعاء و نكونو و إياكم من المقبولين (آمين ) .
Post: #5753
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-02-2010, 09:27 AM
Parent: #5752

Quote: و نكونو و إياكم من المقبولين (آمين ) .

الكلام كلام ناس نجريين
أقصد نيجريين
Post: #5754
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-02-2010, 09:54 AM
Parent: #5753

Quote: أقصد نيجريين



تقصد حركات جيش
Post: #5755
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-02-2010, 10:14 AM
Parent: #5754

تدعوكم اللجنة التنفيذية لاجتماع هام وموسع يوم الأربعاء بعد غد بنادي الشرطة وذلك لمناقشة تفاصيل الشركة بالإضافة للمنح المقدمة من الجامعة في تمام الساعة الثامنة مساء ... وللأهمية المرجو الحرص علي الحضور ....
Post: #5756
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-02-2010, 10:26 AM
Parent: #5755

Quote: تقصد حركات جيش

قالو في إتنين ماشين في الخلا
و جاعو شديد ما لقو غير مرفعين صادوهو و أكلوهو
واحد قال لي التاني
أوع تمشي تقول لي الناس نحن أكلنا مرفعين
قال ليهو خلاص إتفقنا
لمن جو الحلة و قعدو يتونسو
كلما مرة الزول يقول أدوني موية
المهم في النهاية قال
و الله الشغل دا بجر جنس موية
الزول التاني حمَّر ليهو وحمحمممممم
زولك طوالي نط و قال
هس أنا قلت نحن أكلنا بعشوووم

هس أنا قلت المريخ إتغلب من الجيش النيجري
Post: #5757
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-03-2010, 06:29 AM
Parent: #5756

صباح الهناء والسرور ...

غطسنا 2 كيلو متر علشان نجيب الحوش ...

وينك يا رشيد القوم ...

وينك يا ريس ميسرة ...
Post: #5758
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-03-2010, 08:09 AM
Parent: #5757

صباح الخير ،،، يا وجوه الخير

أصبحنا وأصبح الملك لله وحده،،،


يا الله ،،،،،

لك الحمد ما أكرمك


ولك الحمد ما أرحمك


ولك الحمد ما أعظمك


اللهم أننا نشهدك أننا نشتاق إليك فلا تحرمنا
من لذة القرب منك في الدنيا ،،،،،،،،،،،،،

ولالذة النظر إلى وجهك الكريم في الآخرة .

امين امين امين
Post: #5759
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-03-2010, 08:13 AM
Parent: #5758

الحمد لله والحمد حقه كما يستحقه حمداً كثيراً، وأعوذ به من شر نفسي إن النفس لأمارة بالسوءِ إلا ما رحم ربي. وأعوذ به من شر الشيطان الذي يزيدني ذنباً إلى ذنبي، وأحترز به من كل جبار فاجر وسلطان جائر وعدوٍ قاهر، اللهم اْجعلني من جندك فإن جندك هم الغالبون، واْجعلني من حزبك فإن حزبك هم المفلحون، واْجعلني من أوليائك فإن أولياءك لا خوف عليهم ولا هم يحزنون.
اللهم أصلح لي ديني فإنه عصمة أمري، وأصلح لي آخرتي فإنها دار مقري، وإليها من مجاورة اللِّئَام مفري، واْجعل الحياة زيادة لي في كل خير، والوفاة راحة لي من كل شر . اللهم صل على محمد خاتم النبيين، وتمام عدة المرسلين، وعلى آله الطيبين الطاهرين، وأصحابه المنتجبين، وهب لي في الثلاثاء ثلاثاً: لا تدع لي ذنباً إلا غفرته، ولا غماً إلا أذهبته، ولا عدواً إلا دفعته، ببسم الله خير الأسماء، بسم الله رب الأرض والسماء، أستدفع كل مكروه أوله سخطه، وأستجلب كل محبوب أوله رضاه، فاْختم لي منك بالغفران يا وليَّ الإحسان، برحمتك يا أرحم الراحمين .
Post: #5761
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-03-2010, 08:40 AM
Parent: #5759

سلامات يا ناس

وصباحات التفاؤل

أعرف معنى أن تستقطع وقتاً ولو يسيراً من الكم

الهائل من المشغوليات والإلتزامات لتأتى للقاء

الأحبة وتكتب حتى ولو كانت على شاكلة (متابع

ومستمتع أو بجيكم بروااااقة)ولأنى أعلم هذا فأنا

أشكر الوجوه التى تشكِّل حضوراً دائماً..يُخجلنا نحن

الذين أدْمَنَّا المتاوقة واللعب بطريقة غيب وتعال

وليس غريباً أن يكون على رأس هؤلاء الريس ميسرة..

فهو الريس ..(وإن غاب الريس حتماً سيلعب أب ضنب..

ولايخفى على فطنة القارىء انو انا ما قاصد جلا )

للمداومين والصابرين علينا أكواماً من الإعتذارات

وما معروف امكن الفترة الجاية دى تجينا نحن ذاتنا

اكوام من الإعتذارات والتشكرات.

لكم الود

وبجيكم برواااااااااااااااقة.
Post: #5760
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-03-2010, 08:16 AM
Parent: #5757

صبحكم الله بالخير و السرور
تأخرت نص ساعة عن موعد العمل فكان ذلك خصما على مداخلتي الصباحية...
فشكرا البادي على القيام بمهمة رفع البوست...
و شكرا على السؤال ...لكن طالما انت شغال في دال كان تشحم المداخلة دي شوية ياخي...
أو تعمل على طريقة الكوتش محمد صديق و تقسطها على مداخلتين تلاتة...
و خلي الدفعة الأولى تكون دعاء كارب من أدعية موسى عيسى...

في ليل الشجن و الشوق و بعد أن سألنا عليه و ناجيناه كثيرا...
أتصل بي الحبيب محمد عيد مساء البارحة فشنف الآذان و عطر الليالي...
اتتني عدد من الاتصالات كلها كانت متعلقة بالشغل قررت بعدها أن لا أرد على أي مكالمة...
ثم رن تلفوني و نظرت اليه متكاسلا فوجدت الرقم من السعوديه فتشجعت...
فلي في السعودية أحباب كثر...
عندما بادرني بالسلام لم أميزه لطول الغياب ثم استطاع كمبيوتري التمييز...
فانتبهت و أفقت من حالة شبه النوم و تيقظت...يقظة طاحت بأحلام الكرى...
أنا سعيد جدا بتواصلك يا حمادة...و عندي لك وصيتان...
لا تنقطع...
و لا تطول الغيبة...
Post: #5762
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-03-2010, 09:42 AM
Parent: #5760

انا لله وانا اليه راجعون
صادق التعازي للاخ العزيز معتصم جعفر
الا رحم الله أختنا سامية و أنزلها منزلا حسنا...
وتقبلها الله قبولا حسنا
وادخلها فسيح جناته مع الصديقين والشهداء والأبرار...
Post: #5763
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-03-2010, 09:44 AM
Parent: #5760

الحبيب الكوتش محمد صديق

الفترة الحالية هي فترة ركود إسفيري عام والكل

مشغول وآخرين على سفر أو يجهزوا في العتاد إستعداداً للسفر

وأحي المداومين على التواجد اليومي كل صباح وعلى راسهم

أخونا البادي النور ورشيد القوم وموسى عيسى بعد رجوع الباسويرد

سعدت كثيراً بالإطمئنان على محمد عيد وفي إنتظار عودته الميمونه

بعد إختفاءه القسري،،،،

يا شادي إنشاء الله يكون الأولاد وصلوا القاهرة بالسلامة
Post: #5764
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-03-2010, 10:00 AM
Parent: #5763


ســـلام ايها الأحباب ...

عندما تقسو نوائب الدهر على احد .. فان أشد ما تفعله ...
هو ان تبعده قســرا عن أحبابه ...
وهكذا كنت انا ...
كمن ابتعد قهرا عن معشوقته ويظل يناجى طيفها فى دجى الليالى الموحشة ..!!

ولا أجد أفضل من الأحرف التى خطها الكوتش الجميل محمد ود صديق
والتى اختصرت علــىّ كثيرا من الســرد الذى كنت أحتاجه لشرح ما يعتمل فى دواخلى ...

Quote: أعرف معنى أن تستقطع وقتاً ولو يسيراً من الكم

الهائل من المشغوليات والإلتزامات لتأتى للقاء

الأحبة وتكتب حتى ولو كانت على شاكلة (متابع

ومستمتع أو بجيكم بروااااقة)ولأنى أعلم هذا فأنا

أشكر الوجوه التى تشكِّل حضوراً دائماً..يُخجلنا نحن

الذين أدْمَنَّا المتاوقة واللعب بطريقة غيب وتعال



التحية للجميع والأمانى لكل الأحباب بالتوفيق والسعادة
وحتى نتمكن من ايجاد الفسحة التى تتيح لنا ( فـــررررر ) ما فاتنا من اوراق سابقة
واستعادة فورمة المشاركات ... أشكر كل من سأل عنا او افتقدنا فى خلال الفترة الماضية
حتى اولئك بتاعيــن حركات الجيش ...!!
Post: #5766
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-03-2010, 10:29 AM
Parent: #5764

قالوا...

عادل يسلم الحلو الأصفر الفسفوري رئيس جكس زراعة

أسامة خضر(علوم)
طارق جبريل (بيطرة)
بعد اختيار عادل يسلم رئيسا لاسرة زراعة ودعمه من طرف جكس الكلية
Post: #5765
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-03-2010, 10:29 AM
Parent: #5763

sudansudansudan112.jpg Hosting at Sudaneseonline.com


[
green]عدت يا عيدى .بدون زهور..
وين قمرنا.وين البدور..
غابوا.عنى..
حبسونى فى داخل قصور.
قالوا عيان لشفاك ندور.
غابوا عنى..
يا حنان فاض بالشعور..
تلفونك ما بيك خبور
sudansudansudan113.jpg Hosting at Sudaneseonline.com
Post: #5767
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-03-2010, 11:16 AM
Parent: #5765

قالو ....



محمد عيد وصل ...


اصفر شنو وفسفورى شنو يا طارق جبريل
انت ما شفت حمدى الفضلى لما كان رئيس اسرة علوم
زى الآآآمر .... زى الآآآمر ....
Post: #5768
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-03-2010, 01:02 PM
Parent: #5767

إلى جنات الخلد د. عبدالعزيز خليفه خوجلي..
Post: #5769
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-03-2010, 02:38 PM
Parent: #5768

سلام مربع للجدعان
ياجميل يامربع
ترحيب مربع بالعيد
الجاب الناس
Post: #5770
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-03-2010, 03:08 PM
Parent: #5769

عدت يا عيد بالزهور..يا أخي والله مشتاقين ليك شوق شديد ...

عايزنك تعوضنا اللي فات بالله أدخل الفورمة بسرعة ...

وكمان أهلا بيك يا ودعيد ...
Post: #5771
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-03-2010, 03:51 PM
Parent: #5770



الفرق فى درجات الحرارة ما بين سفح جبل الهدا المؤدى الى مدينة الطائف والتى تكون فى المتوسط ما بين 45- 48 درجة مئوية ..
وما بين قمة الجبل التى يهوى فيها التيرموميتر الى 27- 29 درجة واحيانا اقل من ذلك ...
هذا الفرق يتماثل تماما مع الحالة المزاجية التى تسيطر علـىّ اثناء هذه الرحلة اليومية ، فيظل تيرموميتر
مزاجى يتأرجح كثيرا اثناء رحلتى الصعود والهبوط من والى الجبل ..
وبالتالى ينعكس ذلك على كثير من الرغبات الحياتية .. احيانا تشعر بعدم الرغبة فى تناول الطعام مثلا ..
وبعدها بقليل يمكن ان تشعر بأنه يمكنك ان تأكل خروفا كاملا ..!
واحيانا تفقد الرغبة فى الحديث عبر الهاتف وترمى به بجانبك وتظل تنظر اليه بشراسة وكراهية كلما رن بجانبك ، واحيانا تنعكس الآية وتظل تبحث فى ذاكرة الهاتف منقبا عن اسماء طال بك اوان الحديث اليها ...!
هذا توصيف مبسط لهذا الصيف - غير العادى - او قل انه فو ق العادة كما تحدث به الناس فى كافة انحاء المعمورة ..
وفى العموم فان الصيف بالنسبة لى – كغالبية السودانيين - ومنذ زمان بعيد فصل لا احبه .. واظل احسب ايامه الطويلات تحسبا لانتهاءه .. ودائما ما يرتبط عندى بتأجيل كثير من الخطط والافكار ..!
لماذا .. لا ادرى
هل هى الكاريزما او الـ mentality السودانية التى تعانى من انعدام مزاجية الصيف بسبب مناخ بلاد نا القاسى فى هذا الفصل وسطوع شمسه اللاسعة التى لم نتمكن حتى اليوم من الاستفاده منها كمورد طبيعى للطاقة ، ولا حتى كمخزن حيوى لغذاء الزرع والضرع وما فتئنا نشكو كل يوم من مضارها دون ان نسعى حتى للاستفادة من نعماء الله بها علينا .. ؟!
هل تولد هذا الاحساس العدائى تجاه هذا الفصل لدى السودانيين بسبب اهمال كافة حكامهم على مر الازمان لاهمية التنشيط السياحى لاماكن متعددة فى بلادنا كان يمكن ان تصبح ملاذا لهم ولاجازاتهم السنوية دون اللجوء للهروب الى بقاع بعيدة ؟ واقصد هنا اماكن المرتفعات فى شرق السودان وغربه ... وكافة مناطق الجنوب الساحره الذى يزحف بقوة دفع الجهل والعبط السياسى الى هوة مفارقة الوطن دون عودة ؟؟!

&&&&&&&&&&&&

الأعزاء .. الأحباب ..
الريس الحبيب .. عطر المكان وألق الزمان
دودى .. ريحانة البوست وفراشته ونحلته
رشيد الجمال ..باقة الزهر التى تدهش كل داخل لهذه الدار بأريجها وعبقها
ود المهدى .. اصالة ترابنا وعراقة تاريخنا وجمال شلوخنا ..
البادى الجميل ... نكهة شاى الصباح المقنن وبجانبه صحن الزلابية ....
الشكر لكم كثيرا على جميل الترحاب ،
ويقينا .. فان احرفكم الجميلة ستدفعنى لعدم الابتعاد مهما كانت الظروف
فالسماح منكم ، وانشاء الله وعد النوّار يظلل بيتنا ونتجمع كلنا من جديد
قدامى الغائبين والآخرين ..
احبكم جميعا
Post: #5772
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-03-2010, 07:23 PM
Parent: #5771

يا ود عيد النبي فيك كان تفوتنا

على فكرة حتى لو ايميلك مهكر انا عا########ي الرسائل البتجي منه



يا النضيف نحن ياخي كان رئستنا نورا كرم الله
تقولي حمدي

التحية للاثنين اينما كانوا
Post: #5773
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 08-03-2010, 09:56 PM
Parent: #5772

انحنا كناس علوم
نحي حمدي الفضلي اينما كان
ومحي اختنا نورا كرم الله برلومتنا
وايضا نحي اخونا اسامة خضر



مرحب يا عيد والله العظيم منور
Post: #5774
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 06:03 AM
Parent: #5773

الحمد لله الذي جعل الليل لباساً والنوم سباتاً وجعل النهار نشوراً. لك الحمد أن بعثتني من مرقدي ولو شئت جعلته سرمداً، حمداً دائماً لا ينقطع أبداً ولا يُحصي له الخلائق عدداً، اللهم لك الحمد أن خَلقت فسويت، وقدَّرت وقضيت، وأمَتَّ وأحييت، وأمرَضت وشفيت، وعافيت وأبليت، وعلى العرش اْستويت، وعلى المُلك اْحتويت. أدعوك دعاء من ضعفت وسيلته، واْنقطعت حيلته، واْقترب أجله، وتدانى في الدنيا أمله، واْشتدت إلى رحمتك فاقته، وعَظُمت لتفريطه حسرته، وكَثُرت زلَّتُه وعثرته، وخلصت لوجهك الكريم توبته، فصلِّ على محمد خاتم النبيين، وعلى أهل بيته الطيبين الطاهرين، وارزقني شفاعة محمد صلى الله عليه وآله، ولا تحرمني صُحبته، إنك أنت أرحم الراحمين.
اللهم اْقضِ لي في الأربعاء أربعاً: إجعل قوتي في طاعتك، ونشاطي في عبادتك، ورغبتي في ثوابك، وزهدي فيما يوجب لي أليم عقابك، إنك لطيف لما تشاء، برحمتك يا أرحم الراحمين.
Post: #5775
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 06:13 AM
Parent: #5774

التحايا لك يا ود عيد و الله الشوق ليك كتير وبدونك البوست فاقد شي كتير

و حمدلله علي سلامتك و انشاء الله ما تنقطع مننا تاني و الرجعك انشاء الله

يرجع لينا ياسر نجيلة و انشاء الله بربع طايوق و نتمنى عودة كل الطيور

المهاجرة خارج البوست .

و يا بادينا وينك اليوم حتى اللحظة ما ظهرت و لا مشيت لقراصة الشقي داك

عموما يالبادي انا بحذرك اعمل حسابك و شيل قروشك معاك و خليك حريف

الجنى دا صحبي و انا بعرفوا !!!!!!يعني يعزمك و عييييييييييييييييييييييييييييييييييك !

و يا صحبي كمال شداد ماله شداها كدا يعني ناس ود اختك دا ما يتهنوا بالفوز دا علي

طول يقول ليهم مشاركات معلقة من الفيفا الله يقطع طاري شداد مع الشدة دي فتك بعافية.
Post: #5776
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-04-2010, 06:40 AM
Parent: #5775

صباح الهناء والسرور ...

موسى عيسى ود البدري سمين ...
Post: #5777
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 07:00 AM
Parent: #5776

يا البادي انت اظنك السوداني الوحيد الملتزم بالدوام في السودان دا لانه ناس جلا

الواحد و هو ماشي الدوام بمر علي كل ستات الشاي والقهوة التقول شغال ليهن محامي !!!!!!!

لكن يبدو عليك انت مطبق الشروط بتاعت بت الشيخ بحذافيرها ؟؟؟؟ بالله رسلها لي بالماسنجر ؟

علشان الواحد لمن يجي الاجازة يكون حفظها علشان ما يقع في الشيتن الفيه صحبي جلا دا !
Post: #5778
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-04-2010, 07:03 AM
Parent: #5776

صباح الخير ،،، يا وجوه الخير

أصبحنا وأصبح الملك لله وحده ،،،

EED53297.gif Hosting at Sudaneseonline.com
Post: #5779
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-04-2010, 07:17 AM
Parent: #5778

سلامات يا ناس

وصباحات التفاؤل

مراحب بعودة الأخ عيد الذى يأتى وهو يرفض قول المُغنى

لأنه يأتى بكل الزهور...

دعاء لقضاء الدين (اللهم اكفنى بحلالك عن حرامك واغننى

بفضلك عمَّن سواك)
Post: #5780
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 07:33 AM
Parent: #5778

لدينا مزيد من اسماء الكتب المحتملة في الوضع السوداني المنهار :

21- الحكم والآيات في مشروعية الرسوم والجبايات .
22- الحكم المأثورة في قولة خلوها مستورة .
23- الأخطار الملموسة لإنتشار العنوسة .
24- الأفكار الشيطانية في لهط أموال المحلية .
25- الرد الشافي لمن يقول بأن المرتب غير كافي .
26- الأسباب والدواعي لفشل العرس الجماعي .
27- السيف البتار في محاربة ستات الشاي والخدار .
28- السر الباطن في كيفية تنظيف جيوب المواطن .
29- القول الفاصل في ظاهرة البنطلون الناصل .
30- الخطط التامة في سرقة الأموال العامة .
31- الأدلة المحجوبة لوجود الأدوية المضروبة .
32- الأحاديث الضعيفة في قطع من يسرق رغيفه .
33- أنوار الربيع لجلب الثراء السريع .
34- الكامل في الجبايات .
35- البيان والتبيين في غزو منتجات الصين .
36- المستطرف في كل لغفٍ مستظرف .
37- المنقذ من حملات المحليات .
38- الواقع الأليم في مسائل التربية والتعليم .
39- السلوك في معرفة تجاوزات البنوك .
40- الإيضاح في علوم النهب المباح .
Post: #5781
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 08:22 AM
Parent: #5780

اخوتي الكرام لدي سؤال بات يؤرقني كثيرا فكلما ضاق بي الامر من الأساتذة عيسى موسى و البروف محمد المصطفي موسى من كثرة التوجيهات و التوعد

لهم بكذا و كذا رغم بعدي و رغم معرفتهم باني بنفخ من بعيد !!!

فالسؤال هو هل واقعنا في السابق عندما كنا صغار هو نفس الواقع الحالي لابناءنا مع اختلاف في الازمنة والواقع فقط ؟ أم نحن كنا اولاد ناس و محترمين

أكثر منهم و لدينا اهتمام بكثير من الامور دونهم اللآن .

إن واقع الأبناء نستشفه مما نراه بأعيننا وما نسمعه من أغلب الوالدين فاليوم لا تكاد تجلس إلى أحد إلا وهو يشكو سلبية سلوك أبنائه ويخشى عليهم من هجمة الفساد وأهله، وأصبح الأبناء مصدر قلق في كثير من البيوتات،..
وانطلق كثير من الناس يبحث عن الوقاية والحل ويسأل هنا وهناك. ومما يمكن أن تلمسه من سلوكيات الأبناء وتسمعه من شكاوى مريرة من الكثير من الأهالي ما يلي ، او من منا لم يجلس بعد تصرفات احد ابناءه يسال نفسه هذه الاسئلة : :
- ولدي / ابنتي لا تفهمني.
- لا يطيعني.
- شخصية غير جادة.
- يميل إلى الشلل ويصدق أقوالهم.
- لا يحب العمل.
- لا يقيم وزناً للعلم والدراسة.
- لا يحرص على أداء الصلاة.
- يتعلق بتوافه الأمور ويسير في الحياة بدون هدف.
- لا يتذكر ولا يتعظ.
- يهتم بمظاهر الترف.
- يسهر في الليل وينام في النهار.
- عنيف على إخوانه.
- كثير الصراخ سريع الغضب.
- لا يجلس مع الرجال ولا يخدم الضيف.
- كثير الكذب والتحايل.
- يرى نفسه في البيت كأنه غريب فلا يكاد يدخل حتى يخرج.
- يعتبر طلباته ملزمة لوالديه ولا يصرح لهم بشيء عند مناقشته.
- لا يثق بقدراته بل لا يعرفها.
- يستهتر في الناس.
- يكثر من الحديث في الهاتف.
- لا تهتم بالحجاب.
- تحاكي الغرب في لبسها وفكرها.
- تمضي كثير من الوقت في زينتها.


اتمنى ان يسمح لنا الوقت لمناقشة هذا الامر الحساس حتى نحاول ان نصل فيه لحلول لمستقبل فاذات اكبادنا و الذين هم راس مالنا ؟؟؟؟
Post: #5782
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-04-2010, 11:00 AM
Parent: #5781

شكراً جميلاً يا موسى
قلت لي ما لقيت زول يعبرك قلت تفتح ليك موضوع ...مش ؟؟؟
أنا جاييك لكن ما بي رواااقة
Quote: فكلما ضاق بي الامر من الأساتذة عيسى موسى و البروف محمد المصطفي موسى

ما هو الشئ الذي يمنع
أن يكون عيسى موسى بروف مثله مثل محمد المصطفى موسى ؟؟؟؟؟
فلك أن تتضايق أكثر ... حتى في تعاملنا معهم تفرز
و أنا أكثر اسغراب
ما جبت سيرة الأميرات بتاعنك ليه؟؟؟
أعتقد أنني أمارس نفس الشئ
لكن بلونية مختلفة
سأعود لاحقاً

أمنياتي للآخ محمد عيد بطيب المقام بينكم
زولكم دا راجع الغار بتاعو متين ؟؟؟؟
Post: #5783
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 11:52 AM
Parent: #5782

Quote:
ما هو الشئ الذي يمنع
أن يكون عيسى موسى بروف مثله مثل محمد المصطفى موسى ؟؟؟؟؟
فلك أن تتضايق أكثر ... حتى في تعاملنا معهم تفرز
و أنا أكثر اسغراب


يا جدع هذا ما اختاره كل منهم لنفسه و ليس اختياري الكل عندي في نفس المقام .

تانيا اول مرة اقول ليك متشكرين علشان هببتوا لي الباقي عامل طناش عموما

لكن يا حبيبي هو الموضوع ما موضوع اني مفرق بينهم المشكلة هم متحدين و جايبين

لي الضغط و الله يا جلا ما بقيت اكره يوم زي يوم الجمعة والسبت العملوه اجازة للطلبة

في السودان انا في كل عشرة دقائق مس كول عيسي و مصطفي ومصطفي و عيسى !!!

و اخرتها انو المدعو عيسى موسى في الامتحانات الشهرية الحالية جاب في امتحان الانجليزي

عمل 25 من 30 طبعا انا عامل انو النتيجة ما مرضية بالنسبة لي لانه الامتحان لسع في

باب بابين راح الراجل بقول لامو هو ما كويس انا جبت ليكم النمرة دي و ........و ما خفي اعظم

تقولي شنو و تقولي منو !!!!
Post: #5784
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-04-2010, 12:45 PM
Parent: #5783

Quote: المشكلة هم متحدين و جايبين

لي الضغط و الله يا جلا ما بقيت اكره يوم زي يوم الجمعة والسبت العملوه اجازة للطلبة

في السودان انا في كل عشرة دقائق مس كول عيسي و مصطفي ومصطفي و عيسى !!!

بصراحة قبل مداخلتك كنت داير أكتب و أقول ليك
كان من المفترض تستعين بي طبيب نفساني
في كيفية التعامل مع أبناءك
لكن بي طريقتهم دي
طوم أند جيري دي
فدا معناهو أنا أمشي و أقول ليهم
إستعينو بطبيب نفساني في كيفية التعامل مع أبوكم
و دا بعد سفرتي الصغيرة إنشاء الله لعطبرة و الرجوع منها
وجودك في السودان أصبح ضرورة قصوى
محبتي لك أينما كنت
و كن بخير و معافا من الأخطرين
Post: #5786
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-04-2010, 12:48 PM
Parent: #5784

سلام يا ناس
Post: #5785
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-04-2010, 12:48 PM
Parent: #5783

Quote:
قلت لي ما لقيت زول يعبرك قلت تفتح ليك موضوع ...مش ؟؟؟
أنا جاييك لكن ما بي رواااقة


يا ربي دا جلي و محمد صديق !!!!!!!!!!!!

عموما يا جلا انا شلت موضوع و اتفكفكت متخارج احسن لي نشوف لي

جحر و كما لقيت بتسلف بتاع محمد عيد الفي الطائف انشاء اسبوع !!! بعدين

بجي ممكن يكون ياسر نجيله قلع ؟

فتكم بعافية ................................
Post: #5787
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-04-2010, 12:54 PM
Parent: #5785

Quote: سلام يا ناس

خلاص ... كويس
Post: #5788
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-04-2010, 01:30 PM
Parent: #5783

واحشنا يا محمد عيد , وشوقنا ليك ارادب واطنان
يا كلكم , من شرق الدنيا الأقصى احييكم , واجدد حبى لكم
ولأن الأ swiss garden يا بادى النور ليس الا على مرمى حجر من ال times square
فان حكايتك قد تكون حكايتى , وهذا لا يمنع ان تكون حكاياتنا بتشابه الملايو ذوى السحنات المتطابقة
اندهش لتعايش قوميات الملايو والهنود والصينيين , فى ماليزيا الجديدة
بينما نعجز نحن عن تعايش السودانيين القدماء
هل تعتقت مشاكلنا وتخمرت فعملت فيها بكتريا التفرق والشتات فعلتها فما عاد الطريق الى (السيولة والأنسياب ) والتعايش ممكنا ؟؟؟
المساجد هنا تعانق الكنائس , كما ان حتى معابد بوذا وجدت لها موطىء قدم , والكل يكابد عيشه , ويدفع بعجلة بلده الى الأمام
كان السويس قاردن محطتنا الأولى فى هذه البلدة المدهشة ’ الناضجة , كاملة الأستواء
كانت ليالينا الثلاث الأولى فيها ,محطات دهشة متتالية
من موقع الفندق الذى اخترناه اسفيريا , قصدت ان نكون -بدءا - فى وسط البلدة الفاعل والمتحرك
وقد كان , فطريقنا الى البوكت بنتانج , او شارع العرب يا بادى النور , يحتاج منا الى قطع اشارة سير واحدة
ثم قطع شارع بودو الفسيح , فتجد نفسك فى (دبى الشرق الأقصى ) , او شارع (رقتها ) (المستشرق القاصى )
فالشاورما من مراكش يا طارق جبريل , والتبولة من بيروت وبجانبها (حاجات تانية حاميانى )
ومحمد عبده (بأماكنه ) يشدو فيحول البوكت بنتانج الى كورنيش جدة للحظة
كما ان لاذقية سوريا وشارع الهرم وشارع جامعة الدول العربية , كلها لا تغيب الا لتحضر
كما ان النافذة لا تنسى ان تعطيك لمحات من البرجين التوامين لبتروناس , وبرج المنارة العملاق يصادف عينيك انى كان موقعقهما
واستواء البلدة وكامل نضجها , ما يكاد يظهر على محياك رطوبة وعرقا , الا ليعود اليك بنسمات باردة مع اول شجرة ظليلة , او حتى هبهبات مروحة معلقة هنا
او جهاز تكييف منصوب هناك
ما تكاد تركب تاكسيا وقد هدك العرق وشربت منك الرطوبة , الا وتعود بعد لحيظات قليلة لتطلب من سائقه ان يغلق تكييفه , وتتخيل للحظة ان تتأشيرة بلجيكا فى جوازك يا عمر نملة
ولكن الحديث عن ال butter fly park و حديقة الطيور وحديقة الزهور وال tasik burdana و التامبلر ووتر فول بارك
حديث سيأخذ شكلا مختلفا
وهو , بالأضافة الى انه عاوز ليهو قعدة , فهو كمان -على الأقل - يستحق برغراف جديد ومنفصل
Post: #5789
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-04-2010, 01:35 PM
Parent: #5788

استمتع يا منص
وتعال كب لينا النجيضة خلينا نختها في راسنا السنة الجاية ان شاء الله
Post: #5790
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-04-2010, 02:23 PM
Parent: #5789

اليوم الثامنة مساء اجتماع عام لكل ناس الزقازيق .... يلا يدكم معانا عشان الشركة ومنح الجامعة ... ومخيم العيون ... يلا همتكم


محمد عيد سلامات ... سمعنا اشاعة تحت تحت قالوا كنت في السودان
Post: #5791
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-04-2010, 10:09 PM
Parent: #5790

Quote: أمنياتي للآخ محمد عيد بطيب المقام بينكم
زولكم دا راجع الغار بتاعو متين ؟؟؟؟



الحمد لله ياسرى انك سميتو غار .. يعنى برضو فيهو اشارة للعباده والروحانيات ...

انت الله يجيبك من ضواحى الدمازين دى وانا عارف محنها تمام ..

من بوط وانت طالع لغاية قيسان ..!!

وكان داير واسطة عشان تلقط شوية عسل وفحم ومحاصيل ..

حرّم اجــر ليك سلك لى سلطان بـــوط وما بقصر معاك ...

وانا برضو جاييك لكن بى رواقة تمام ...


Quote: محمد عيد سلامات ... سمعنا اشاعة تحت تحت قالوا كنت في السودان


ابو الزوز .. سلامات ومشتاقين .. وانتظارك طااال

والله فى ناس قالوا مرقها فى الحبشة .. وناس قالوا مشيت زيورخ عشان موضوع عمنا شداد

لكن الأكيده غايتو انا لا مشيت النيجر ولا دخلت الجيش ..!!

منصور الحبيب ...

كمل جكاتك يا زول بس عندى ليك وصايا تلقاها فى الخاص ...

ما زالت اللياقة ضعيفة .. وعشان ادخل معكم فى الليجا ..

خلى بالك لازم اطــيّر كاربونى ده ..!!!

كوتش يا جميل .. الشوق مطر وباكر انشاء الله بجيك فى حوشك

عندى معاك حديث طويل ..

موسى عيسى ... ياخى بالله ما تهتم لآراء صاحبك ده واحباطاتو ..

الزول دخ عندى اخبار الايامات دى مهددات أمنية بعدين باقول ليك عليها
Post: #5792
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-05-2010, 01:58 AM
Parent: #5791

كنت اتساءل دائما , متى سا ستطيع الكتابة والمشاركة فى الصباحات الباكرة
كما يفعل الحباء الريس والرشيد , والبادى النور فى بعض المرات
اخيرا تمكنت من ذلك , بفعل اضطرابات ساعة (البيولوجيا ) , وفروقات التوقيت التى بدات فى السريان فى اجسادنا
الثامنة والنصف صباحا عندنا فى صباح يطل على من نافذة نزلى فى السن واى لاجون آند ريسورت
فى هذا التوقيت هناك و اكون على وصول الى مكتبى , لآغرق حينا من الوقت فى اوراق العمل وتلفوناته
انتم الآن نائمون فى هزيع الليل الأخير , وقت ان يحلو النوم ويستطيب ,
تمكنت من الدوران على بعض بوستات المنبر العام فى سودانيزاونلاين لأطالع بعضا من حركة الدنيا فى بلادى
انا المقطوع عن الأخبار الا ما اجدها امامى هنا او هناك
هالنى ما فعله (النظام العام ) فى بيت فنون طارق الأمين
كامل تضامنى مع طارق الأمين ورهطه , فمثل هذه الحوادث , تكشف المغطى وتعرى المستور وكفى
امبارح شايفكم فى سيرة دكتورة نورة كرم الله
لم احظى بالتعرف اليها فى الزقازيق
ولكن القدر كان يعد لجلسة تعارف مفاجئة وبالصدفة البحتة -هنا فى كوالالامبور
كنت اود الذهاب لطالب سودانى من ابناء جيراننا فى الرياض , لسلمه بعض الأشياء المرسلة ليهو من اهله
وكمان لتخفيف عفشنا عنده مما لايلزمنا حمله فى رحلة بينانج وجزيرة لأنكاوى
فكان ان اتاح لى فرصة التحدث مع جاره فى السكن , الدكتور ياسر مبارك بشير , حتى يقوم بوصف المكان لسائق التاكسى الذى سيتولى توصيلى
وقد كان ووصلنا اليهم فى ضاحية كاجان فى اطراف كوالالامبور الجميلة
استقبلنا دكتور ياسر فى طرف الشارع , بجلابيته وطاقيته , واحشينى الجلابية والطاقية
وعندما دخلنا كانت زوجته موجودة بالداخل
وعندما اشتد اوار الونسة وبدت الضحكات تعلو , كان تعليق زوجة دكتور ياسر المفاجىء , عليك الله ضحكته ما بتشبه ضحكة جمال فارح
انا غايتو حصلت كباية شاى اللبن , قبل ما تصل الواطة بى شووووية
ثم اكتملت المفاجاة بعد ذلك , بأنها هى بعينها دكتورة نورة كرم الله , زوجة الدكتور ياسر مبارك بشير
واذا كانت السيرة بدأت بى ضحكة جمال فارح
فانها تواصلت وشملت محمد صديق وطارق جبريل والرشيد بابكر ونجاة حوفى وزهير الزناتى وابتهاج وعروة والنضيف وكمال الشادى والريس ميسرة
تحيات دكتورة نورة وزوجها دكتور ياسر ليكم كلكم من كاجان كوالالامبور
Post: #5793
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-05-2010, 04:15 AM
Parent: #5792

قال سائق التاكسى الماليزى المرافق لنا , مهدى , انه غير قادر للحضور فى الموعد
لأن الطريق زحمة وسيحضر لنا خلال خمسة واربعين دقيقة
شوفوا الزول ده دقيق كيفن , وما يتاخر خمسة واربعين دقيقة كان داير يتأخر , ولمن يجى , اليقول الداير يقولوا
نحن زاتنا حانتخيلوا جاء فى الميعاد
لأن الدقائق الخمسة والأربعون , ليست بذات قيمة فى عرفنا وثقافتنا
كان يحدثنى ويشعرنى بانه سيلتمس لى العذر ان مشيت المشوار مع تاكسى تانى
وهو لا يعلم انو الأولاد اساسا حا يتاخروا الدقائق الخمسة والأربعين ما بين لبس وحمام
انا كنت وعدتكم اكلمكم عن حديقة الفراشات
فى ثقافتنا و علاقتنا مع الفراشة الملونة , علاقة متوترة و او ممكن تقولوا علاقة عدم عرفة
نحن لا نعرف الفراشة الملونة , ذات الوان الأجنحة المزركشة , ولننا لا نعرفها فأننا نستعيض عن عدم عرفتها فى الوان ثيابنا النسائية
وفى الوان القمصان الأفريقية المزركشة
وعند اولادنا , فأن ال butter fly مجرد مربع لحرف البى , فى كتاب اللغة الأنجليزية
هذا ما اتضح لى عندما نطقنا اسم الحديقة باللغة الأنجليزية , من تجاوب مجتبى وحجازى الأولى مع الأسم
ثم ان افلام الكرتون لها جانب مضىء ايضا
فهى اعطتهم عنها فكرة نظرية كاملة تقارب معلومات دكتور احمد زكى , التى شربناها منه عنوة يا الرشيد ومحمد عيد وقدورة
سبحان الله فيما خلق , رددناها مرارا وتكرارا ونحن نجوب اطراف الحديقة الكبيرة , التى تقارب مساحتها ضعف مساحة قسم الحشرات كله فى كلية الزراعة جامعة الزقازيق , مقابل مربع كاى الأثير
وحتى تكتمل صورة الخيال و وحتى تعرف انك فى حديقة فراشات
فانك تدخل اليها من باب , ثم لاتجد بينك وبينها , لا حاجز ولا سلك شائك ولا حتى فاصل زجاجى
تجدها امام عينيك , وخلف اذنيك , وعلى ياقة قميصك وفى كعب شبشب بت الشيخ الأنيق
اصابت فينا موضع ذعر -بادىء الأمر - خاصة عند الصغيرين مدرار وحجازى
ثم ما لبثت ان اسرتهما بالوانها الزاهية حتى شككنا فى ان الوان الطيف مجرد سبعة الوان
كل هذا مع بطاقات تعربف باصلها وفصلها وتصنيفها باللغتين الأنجليزية والماليزية
ولم ينسوا ان يعطونا فكرة مستفيضة عن اصلها وفصلها التشريحى , منشاها وحياتها , ماذا تاكل وماذا تعتصر
هذه على رحيق زهور التفاح , وتلك تفضل رحيق زهر البنفسج
اما انا , فاذا تخيلتنى فراشة , (بتضحك ليه يا زهير الزناتى )
فانا لا اعتصر الا رحيق زهور (لحم الضان الطازج المشوى على الفحم )
Post: #5794
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-05-2010, 06:21 AM
Parent: #5793

صباح الهناء والسرور ...

لم أتمكن البارحة من حضور إجتماع اللجنة التنفيذية لرابطتنا الفتية .. ألتمس منكم العذر .. وذلك لظروف قاهرة ...
Post: #5795
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-05-2010, 07:00 AM
Parent: #5793

صباحاتكم بيض

من رحيق مداخلة منصور الصباحية...
لي أريج نسمات الشمال...
أهدى أسمى بنات الخيال...غبت عني...
و أهديكم أحلى تحيات الصباح و نتداخل معكم بالكلام المباح...
و ان كانت المعنويات مرتفعة هذا الصباح فالفضل يرجع لعدة أشياء أهمها...
ان الصباح في حد ذاته يدعو للتفاؤل و الابتهاج و أحيانا (زهير الزناتي)...
ان اليوم الخميس و هو يوم نلتقي فيه ان شاء الله مع من نحب...
و السبب المهم و الأهم ان ربك رب الخير أرسل السماء علينا مدرارا صباح اليوم...
أمطار بهذه الغزارة في شهر أغسطس من غرائب الأشياء في الامارات...
فانخفضت درجات الحرارة و غردت الطيور فرحة و تمايلت الأشجار طربا...
و انفرجت الوجوه و علت الضحكات و أثمرت القلوب و عدا و حبا و تمني...

و صباحاتكم بيض
Post: #5796
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-05-2010, 08:05 AM
Parent: #5795

Quote: صباحاتكم بيض

قدر ما أقول الزول دا قاصد شنو؟؟؟
ما عرفت
المهم ممكن أطلب منك طلب؟
الرجاء تشكيل الكلمة التانية
عشان الواحد نفسياتو تتفتح شوية
أي زول ما قادر يخش المود بتاع البوست
يمشي يقعد في أي مول
و أخص بذلك مبارك جادين و بس
Post: #5797
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-05-2010, 08:33 AM
Parent: #5796

الى منصور عبدالرازق

الفراشة
صباح الخير يا اختي رايتك زينة البيت عليك القطر ينهل و يغسل وجهك الطل

الزهرة
صباح النور و الخير سلمت اليوم من ضير

الفراشة
وكيف انتي اخبارك

الزهرة
سعدت بخفة الطير و فزت بنعمة السير الى هذي الزهيرات خذي عني تحياتي




قد كان عندى طائر ...
فى قفص من ذهب ....
جميل شكل ريشه حلو طويل الذنب .....
ولم اكن امنعه من مأكل او مشرب .....
ففر عنى ومضى بدون ادنى سبب .....
وقال لى حريتى .....
لا تشترى بالذهب .....
لا تشترى بالذهب .....
لاتشترى بالذهب .....



لو عاوزين اكتب ليكم اللحن ممكن برضو

الناس الماحضرو الحصة وكانو داكين يقيفوا على حيلم

الفة البوست ده منو ..
Post: #5798
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-05-2010, 09:47 AM
Parent: #5797

الحصة الجاية
لي قطة صغيرة **** سميتها سميرة
تنام في الليل معي **** و تلعب بأصابعي
لأنني أحبها *** و لا أريد ضربها
الما حافظ يردف و يجي
الحافظ نص كم ما يتراجف
Post: #5799
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-05-2010, 09:52 AM
Parent: #5797

يا منص ايامك والله اتجدع
يا ود عيد يعني انا ما سألت منك
مالك يعني فاطيني كدة
هسي اقوم احرد
Post: #5800
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-05-2010, 10:20 AM
Parent: #5799

يا جلا انت زاتك ما حافظ

النشيد الصحيح كدا


لى قطة صغيرة **** سميتها سميرة
تنام في الليل معي **** و تلعب بأصابعي
وكل ما امر اسمعها تخــر ..
لأنني أحبها *** و لا أريد ضربها

ولا اريد ضربها

ولا اريد دلبها ( انا طبعا دخلونى المدرسة صغير 4 سنة
وكنت الجن عشان كده كنت بنطق الكلمة غلط )

ولا اريد دلبها ....
ولا اريد دلبها ...
واقعد ادلب فى الكنبة بيدينى ...

ناس طارق جبريل ديل كانو بياكلو دوووم ..
Post: #5801
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-05-2010, 10:23 AM
Parent: #5800

Quote: ناس طارق جبريل ديل كانو بياكلو دوووم ..

انت اقعد باري لي الكدايس وجيب سيرة طارق جبريل
غايتو جنب مدرسة الشهيد الطاهر ديك كان في بت كاتلة الامتداد كله
Post: #5802
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-05-2010, 11:30 AM
Parent: #5801

سلام آآآآآآ ناس

سلام لأجدع ناس

وصلتني هذه الرسالة:


Quote:


الاخوة أعضاء منبر الزقازيق ،،، المحترمين



السلام عليكم ورحمة الله وبركاته ،،، وبعد



دائماَ تامين ولامين ومتعاونون علي الخير، طبعاَ تحصلت على البريد الكتروني من موقع منبر ناس الزقازيق ، واخترت بعض العنوانين علها تفيد في المساعدة علي حل هذا الاشكال العارض انشاء الله وكل في موقعة ، طبعا مرفق السيرة الذاتية الخاصة بي لكل الاخوة وذلك في اطار البحث عن وظيفة وذلك بعد توقفي عن العمل لظروف خاص بالشركة التى كنت اعمل بها . وممكن أن تكون هناك جهة لديها فرصة او تدري عن بعض الجهات التى لديها فرصة وربنا يسهل ان تكون هذه فاتحة خير ...



كما ان عنواني للتواصل :



[email protected]

جوال : 0559162863

العنوان الحالي : جدة



محمد العبيد حبيب الله

المهنة : رئيس حسابات / محاسب / محاسب تكاليف ،،،




مع أمنياتنا له بالتوفيق
Post: #5803
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-05-2010, 11:40 AM
Parent: #5802

علم وجارى البحث يا حبيب
وربنا يوفق انشاء الله


يا سامى الاخ محمد حبيب الله عضو معانا هنا ، ما يكون ضيع الباسورد بتاعو
ياخى البرالمة ديل تعبونا تعب
Post: #5804
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 12:05 PM
Parent: #5803

قلبها
Post: #5805
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-05-2010, 01:00 PM
Parent: #5804

نهاراتكم سعيدة ...

عمو الزناتي الليلة قلبها .. عافي منك آبشنب ...


ديدو بدأ حملة العودة للمدارس الإبتدائية سنة ......... حفرو البحر ...

هاك الباص البيني دا يا ديدو وأمشي جيب القون:

برز الثعلب يوما في ثياب الواعظينا
ومشى في الأرض يهدي ويسب الماكرينا
:
:
:
مخطئ من ظن يوما أن للثعلب دينا
Post: #5806
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 01:38 PM
Parent: #5805

أمبارح الاجتماع ناجح ويعتبر يوم هام في تاريخ ناس الزقازيق ....

بدأ الأجتماع بالترحم علي روح فقيدة الزقازيق د. رجاء همام ...
ومن ثم ناقش أمر دعم علاج الاخ علي عبد المعروف ...
Post: #5807
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 02:51 PM
Parent: #5806

تأبين د. رجاء همام غداً الجمعة
Post: #5808
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 04:03 PM
Parent: #5807

تأبين د. رجاء همام غداً الجمعة
Post: #5809
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 07:28 PM
Parent: #5808

اجمع الكل علي ان تسعي الجمعية لتثبيت المنح المقدمة من الجامعة .... وتم الأتفاق مع الأخ خالد يسن خريج تجارة علي متابعة المسألة والعمل مع إدارة الجامعة علي إيجاد آلية لتنفيذ الأتفاق كاملاً . علماً بأن الاخ خالد سيغادر الي الزقازيق في بداية رمضان .... حاملاً مكاتبة رسمية من الجمعية . كما أتفق الجميع علي أن الأولوية للمنح تكون وفق الشروط الآتية :

1/ الحصول علي شهادة سودانية حديثة .
2/ النسبة .
3/ الوضع المالي .

تنبيه : ** هنالك العديد من الفرص لأبناء الخريجين بالإضافة للمنح السابقة .
** لم تحدد إدارة الجامعة سقف لعدد الخريجين المستوعبين للدراسات العليا .
Post: #5810
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-05-2010, 07:39 PM
Parent: #5809

اما بخصوص الشركة كان النقاشاً ثراً وقد أتفق معظم الحاضرين علي ضرورة تكوين شركة مساهمة خاصة وليس شركة مساهمة عامة علي الأقل في الوقت الراهن ... علي أن يكون الاجتماع التاسيسي في مقبل الايام وقبل حلول شهر رمضان ... علي أن تتم الدعوة للاجتماع القادم لكل الناس الذين لديهم الرغبة في المساهمة ... وبذلك تصبح الشركة حقيقة ماثلة لذا يجب ان يكون للجميع مساهمتهم في هذا الاجتماع بالفكر والاقتراحات ... وقد أبدي الكثير من الحضور حماسهم للشركة واستعدادهم لدعمها حتي تكون رافد مودة جديد إضافة للجمعية ....
Post: #5811
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-05-2010, 11:03 PM
Parent: #5810

Quote: يا ود عيد يعني انا ما سألت منك
مالك يعني فاطيني كدة
هسي اقوم احرد


عــاد يا ود جبرين انت كمان بيفطوك ولا بينطوك ..؟؟!

حاشاك يا قريبى .. انت لا بتتـ فات ولا تتـ شات

وانت عارف انا برضيك بى وين ..!

فتش كويس غايتو بتلقى مرادك .. بس حاسب من كدايس عبد الدايم الماليات الحوش ديل ...

أريتن يلمن فى الزول اب عمــة داك ويعضـعضـنه ..!

0238FE75-9775-4DAD-9493-75C6A28F3BE9.gif Hosting at Sudaneseonline.com
Post: #5812
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 08-06-2010, 00:33 AM
Parent: #5811

سلام والف سلام ..

جانا العيد... وانت العيد ( يا عيد )

طلتك علينا عيدين....

خالص تحياتي يازعيم...

عثمان الجيلي
Post: #5813
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-06-2010, 12:43 PM
Parent: #5812

ازيكم يا احباب
مبروك يا زهير ليكم ولينا نجاح الأجتماع العام
ونرجو ان تتواصل الخطوات التنفيذية لتثبيت المكتسباب الأخيرة , وزيا دتها كمان
زى ما قلت ليكم واقول دائما , الله ادانا فكرة محورية نتمسك بيها ونجعل منها مركز التقاء , ونكون منها محيط دائرة جديد متنامى ومضطرد فى المساحة والحجم
ورحم الله رجاء همام , وخلوا من يوم تأبينها يوم التقاء جديد ويوم تفاكر , وابقوا عشرة على موضوع على عبد المعروف وزيدوا ليهو الهمة
وبما ان اليوم جمعة , فانا ساقفز على برنامج الحكى , لحكى لكم عن طعم الجمعة هنا , وعن ايقاعها المختلف
وبالمرة نعرج على (بوتراجايا الجديدة ) , وكيف تعطى مثالا على سعة الأفق , واستشراق روح المستقبل , والولوج الى الغد من باب اليوم الواسع
كان اليوم يومنا الأخير فى منتجع الصن واى لاغون , الذى ستأتيكم حكاياته لاحقا
وبدأ بعدها , ال phase الأخير من الرحلة , التى تبقى فيها ستة ايام بليال خمس
للأنتقال من ولاية سلانجور وبالتحديد من فندق ال sun way lagon hotel and resort
الى فندق ال legend فى الجانب الآخر من ولاية كوالالامبور , بالقرب من برجى بتروناس التوأمين
علما بما ان الولايتين , على كبرهما واتساعهما , اذ ان المسافة بين مدينة شاه علم مركز سلانجور وكوالالامبور عاصمة كوالالامبور , تستغرق ما يقارب الساعة
الى الساعة والنصف , حسب حالة الطريق وزحمته , ومع ذلك فانك لاتكاد تفرق فاصلا بينهما , الا كما نفرق بين الشارقة ودبى , او بين بحرى والخرطوم (مع الفارق )
ولأننا مطالبون بال check out قبل الثانية عشرة منتصف النهار , وحيث ان صلاة الجمعة تبدا عند الواحدة والنصف بعد الظهر , فقد قررنا ان نمضى الى المسجد
فى طريقنا الى مقر اقامتنا الجديد , ومعنا بت الشيخ وكامل افراد الأسرة , وحتى شنطنا التى (التأم جمعها ) مرة اخرى , كانت تصطحبنا فى شنطة التاكسى
وقررنا طالما اننا سنصلى فى الطريق , ان ننفذ فى طريقنا احدى فقرات برنامجنا
زيارة بوتراجايا , التى فيها مسجد الملك فهد الجامع
وبوتراجايا , هى عاصمة مستقبل ماليزيا
اذ ان كامل كوالالامبور , كما سلانجور , افرغتا تماما من اى دائرة حكومية , ونقلت كل الدوائر الى مدينة بوتراجايا الجديدة
ولأنها عاصمة المستقبل , فأن كل شىء فيها , بدأ من حيث انتهت كوالالامبور وسلانجور وكل ولايات ماليزيا
ولنها عاصمة المستقبل , وعاصمة الرؤية الجديدة , فان بأمكانك كزائر او كسائح او حتى كمواطن ماليزى
زيارة اى دائرة حكومية , بدءأ من مبنى المحكمة الفسيح , مرورا بكل دوائر الخدمات , وصولا ليس الى مبنى ريئس الوزراء فحسب
بل ان بأمكانك حتى الوصول الى (ناسا ماليزيا ) , اى وكالة فضائها الواسع الفسيح
ودونك عن ذلك بحيرات وانهار وشوارع فسيحة محفوفة بأشجار الفاكهة والظل الظليل
تلنقط موزة عن اليسار , ومنجاية من اليمين , وباباية من فوق رأسك
ثم تختار فى اى من مساجدها تصلى
ذهبنا الى محل الزحمة , واقبلنا حيث يقبل الناس على الصلاة
مسجد غاية فى الفخامة , غاية فى الأتساع , غاية فى النظافة والترتيب
خدامه يستقبلونك ويودعونك بأطباق الموز والأناناس
والمطر يتقبلك مع المستقبلين
وكلما نزل المطر , كلما ازدادت الأرض نظافة , وازدادت صورة الناس فى الشارع بهاء
صلينا , اكلنا موزنا , وآيسكريمنا , ودلفنا راجعين الى تأكسينا المنتظر وحسابته (العداد ) , تحسب ولا تتوقف عن الحساب
بوتراجايا
كوالالامبور الغد
اما الخرطوم , وحتى الرياض , ويتخيل لى العديد من الدول العربية التى زرتها
فهى مجرد (لنكاوى او بينانج ) قبل ميتين سنة
Post: #5814
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-07-2010, 07:48 AM
Parent: #5813

صباح الخير ،،، يا وجوه الخير.

أصبحنا واصبح الملك لله وحده،،،

دعاء اليوم :-

اللهم إننا على مشارف رمضان ، فأرزقنا

قبله قلوب جديده وتوبة سديدة وهمة شديدة

وأعمال صالحة عديدة وأرحم أختنا رجاء همام

وأشفي أخونا علي عبدالمعروف ،،، يا رب العرش العظيم
Post: #5815
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-07-2010, 07:56 AM
Parent: #5814

بسم الله كلمة المُعْتَصِمِين، ومقالةِ المُتَحَرِّزِين، وأعوذُ بالله تعالى من جَوْرِ الجائرين، وكيد الحاسدين، وبُغي الظالمين، وأحمدُه فوق حمد الحامدين. اللهم أنت الواحد بلا شريك، والملك بلا تمليك، لا تُضاد في حكمك، ولا تُنازع في ملكك. أسألك أن تصلي على محمد عبدك ورسولك، وأن توزعني من شكر نعماك ما تبلغه غاية رضاك، وأن تعينني على طاعتك ولزوم عبادتك، واْستحقاق مثوبتك بلطف عنايتك، وترحمني وتصدني عن معاصيك ما أحييتني، وتوفقني لما ينفعني ما أبقيتني، وأن تشرح بكتابك صدري، وتَحُطَّ بتلاوته وزري، وتمنحني السلامة في ديني ونفسي، ولا تُوحٍشَ بي أهل أُنسي، وتُتمَّ إحسانك فيما بقي من عُمري كما أحسنت فيما مضى منه، برحمتك يا أرحم الراحمين.
Post: #5816
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-07-2010, 08:43 AM
Parent: #5815

التحية والشوق للدكتورة نورة كرم

ولزوجها الفاضل الدكتور ياسر مبارك

شكراً منصور الماليزي،،،،

ارى أن الجمعية تمر بمنعطف إيجابي رائع

وتتبلور في الإتجاه الصحيح ،،، سدد الله خطاكم

ونشكر لكم هذه الهمة ونحن فخورين بكم وبمجهوداتكم

ووقتكم الثمين المستقطع لصالح ناس الزقازيق ،،،،،
Post: #5817
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-07-2010, 09:08 AM
Parent: #5815

سلامات يا ناس

وصباحات الحكى الطاعم

غبنا وعدنا ...ركبنا أمجاد للحاق بما فاتنا

وأوله هذا الحكى الجميل والتصوير البديع لملك الكتابة الطاعمة (منص)

والكدايس الحايمة (ليتها لقت جلا)

والعصافير ...

ولانى جيت متأخر وكمان ما حافظ...

كان العقاب...ان اقول كلاماً طاعماً...ولاننى فقير هذه الأيام ،أستعير مقاطع

للحبيب محمد نجيب محمد على:

كنت باليقظة أغفو

كان ضوء الشعر يسرى

فى شرايين الإبر

وخزة تبقى على قلبى أثر

وخزة ترفع ضغطى

وخزة تجعل عينىّ مفاتيح نجوم

مقعدى يعلو على سُرر الغيوم

فانتظرنى

أيها الموج الجبل

انتظرنى

ريثما أحمل قيثارى

وأمضى فى عجل

انتظرنى
Post: #5818
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 08-07-2010, 12:06 PM
Parent: #5817

سلام وتحية للجدعان

تحية وتقدير للإخوة في اللجنة التنفيذية للجمعية

على هذا المجهود الوافر ...


منصور : سلامات ديتانغ

صراحة الواحد حاسدك عديييل على هذه المتعة التي يعجز القلم عن وصفها

هذه البلاد من أجمل بلاد الله على هذه الأرض , يعني الواحد بكون في دهشة حتى آخر لحظة.

أتمنى لكم مزيدآ من المتعة وأن يحفظكم المولى عز وجل وترجعوا بالسلامة..


لا تنسى زيارة ملاهي جينتين قرب كوالا ( بس ألبسوا تقيل).
Post: #5819
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-07-2010, 12:08 PM
Parent: #5817

التحية للاخوة الزقازيقاب بالداخل و هم يسطرون باحرف من نور لبداية عمل

اقتصادي مؤسسة فالي الامام احبتي و نحن نشد من ازركم و معكم يكون المستقبل

انشاء الله ..


و التحية للاخوان السناير الرجل الظريف العقيد خالد يس و الاستاذ ابراهيم الشريف

وكل الزقازيقاب الحضور لكم منا التحية والاحترام .

والتحية لجنابو الظاهر يا حبيب اليوم بطايوق إلا ربع الله يرجع لينا ايام الطايق الكامل

بس انت في صباح تعوز من حاجتين و امرق واحدة الشيطان الرجيم و الثانية عدم مقابلة

الكج اللعين و انت فسر براك و اشاء الله حتجينا بطايوقين !!!!!
Post: #5820
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-07-2010, 01:30 PM
Parent: #5819
Post: #5821
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-07-2010, 02:49 PM
Parent: #5820

انتو ابو الزوز ده ..

صايم صيام الضــب ولا شنو ..؟

Post: #5822
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-07-2010, 03:06 PM
Parent: #5821

تعظيم سلام

وكمان سلام مربع لجدعان اللجنة التنفيذية ..

القابضون على الجمر ( كما يسميهم الريس المحبوب ابو منذر )

مجهوداتم الوافرة واسهاماتهم العظيمة فى سبيل تكوين الشركة وتطوير القدرات العلمية للاعضاء

ومتابعة واستنفار مساندة الحالات الاجتماعية تحتم علينا ان نساعدهم بجهود مماثلة ...

فهلا .. تقدم كل منا بآراءه ومقترحاته فيما طرحه اخونا ابو الزوز قبل مداخلة ( ان فى الصمت كلام ) ؟
Post: #5823
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-08-2010, 06:38 AM
Parent: #5822

صباحكم بالرضا والسرور
واكليل من الثناء لكل الساعين
والشايلين هم المستقبل ولكل
من كتب حرفا يرفه ويفرح ويعين
اهو قنطرناها ليكم
Post: #5824
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-08-2010, 06:46 AM
Parent: #5823

صباح الهناء والسرور ...

يا ود المهدي الله يديك العافية .. كنت أفتش عن الحوش وشكلي كدا لسع ما صحصحته أو إنت كنت حاجزه ...

أصبحنا وأصبح الملك لله ...
Post: #5825
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-08-2010, 07:20 AM
Parent: #5824

صباح الخير ،،، يا وجوه الخير

أصبحنا وأصبح الملك لله وحده ،،،

هدية صباحية :-

تبسم ..
فإن هناك من ..
يحبك ..
يعتني بك ..
يحميك ..
ينصرك ..
يسمعك ..
يراك ..
هو الرحمن ..
Post: #5826
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-08-2010, 09:14 AM
Parent: #5825

سلامات يا ناس

وصباحات التفاؤل

Quote: والتحية لجنابو الظاهر يا حبيب اليوم بطايوق إلا ربع الله يرجع لينا ايام الطايق الكامل



مراحب موسى ...اليومين دى شغالين تمارين صالة لاستعادة الطايوق المفقود...انتظرونا زى ما بقولوا

ناس القنوات الفضائية.

على الجنبة كده : الوليدات ابقى ليهم صاحب ...وعليك بشعرة معاوية
Post: #5827
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-08-2010, 11:08 AM
Parent: #5826

فى اطار تداعيات ما حدث فى الوطن العزيز مؤخرا وما يحدث حاليا
وفى خضم الهيصة الحاصلة ما بين اناس يزيدون من أوار الانفصال وآخرون يسعون لوحدة عرجاء
وجموع ثالثة تصطف خلف اقلام السخافة التى تســوّد الصفحات زعيقا وصخبا ..
وتلوك فى تقزز حكاية شداد وفيفا عبده ...
ووسط ذلك كله ...
ما زال الناس يحكون ويتحاكون فى موضوع عرض الأزياء الشهير ...
وما تبع ذلك من احكام وتوقيفات ...
وصلتنى هذه الأبيات بالبريد وهى تحكى فى ألــم محنة هذا البلد ...



عرض أزياء

قالوا اليعيش أكتر يشوف حاجات عجيبة ومنكرة
يا عيبة الشوم يا زمن فيك الرُّجال جد مسخرة
قصصاً عجيبة بنسمعا والأمَّة راقدة مخدَّرة
أولاد بيعرضوا في الهدوم والليلة حلوة ومقمرة
ومعاهم البنوت كمان والخمرة لافة مدوِّرة
يا حليل زمانِك يا بلد يا حليل زمان الفنجرة
تعرض شنو وتلبس شنو وماسح كمان شعرك ورا
يا راجل اركز وكون حِمش يا خ انت راجل ما مرا
مالك ومال شغل الحريم مسِّيح وحنة وجرجرة
أزياء وتغيير في الشكل والبشرة ناعمة مصنفرة
يا خيبة الزمن البقت رجَّالتوا آخر مسخرة
وين دقنة وين أسد الشرق ناس النجومي وعنقرة
وخليفة المهدي الامام الصوتو هيبة وزمجرة
وزعيمنا ود حبوبة كم أثبت شجاعة مقدَّرة
ألماظ وناس عبد اللطيف ومهيرة سمحة المقدرة
رجالة حروم زي نجوم عمت سمانا منوِّرة
الكاتلوا العادي العنيد خلوهوا يتراجع ورا
جيشهم حفظ أرض الجدود بارك أرضنا وطهَّرا
رفعوهو راسنا مع السَّحاب خلونا نقدل بخترة
نورهم غمر ارض الوطن من نمولي لا عن عطبرة
وجيتونا انتو شباب سجم لا فيهو فائدة ولا دِرا
بس همو في مسيح وشي وما عارف آخرها مقبرة
ومن بعدها الحر والعذاب للباع رجولتو وغيَّرا
أصلوا التشبه جد حرام قولتن حكيمة مسطَّرة
واصحابو ملعونين دوام في الدنيا أو في الآخرة
يا انت اسمع منِّي هاك كلمات قصيرة معبِّرة
الدنيا ما وشاً حلو لا بدلة سمحة معطَّرة
الدنيا أخلاق زول كريم الدنيا أعمال خيِّرة
سيب المساخر والعروض راجياكا آخرة ودردرة
فيها المصائب والحساب ولفحة هجير عدمان ضرا
جايينا تقدل بافتخار شوفوني راجل مسخرة
خليك من التقليد كمان تايواني ساكت منظرة
ياخ امشي قوم لف يا وهم أمريكا ذاتها مقنطرة
مستنِّية اليوم والحساب وفي النار أكيد متحكِّرة
يا ربِّي تحفظ للشباب من موضة جات متأخِّرة
وتهديهم أسباب الرَّشاد يتحلوا يوم الزرزرة
لا يبروا أمريكان وهم لا ناس ###### متحرِّرة
يبقى الرسول ليهم دليل أحمد حبيبنا المفخرة
ضوَّاي قلوب العالمين نور في حياتنا نما وسرى
شافعنا يوم وضع الحساب يوم النفوس متوترة
يوم داكا لو ما تبت جد راجاك عروض متوكرة
أزياها من نار السموم قطران وحاجات منكرة
ومزيونة بي لهب الحديد النارو ديمة محمِّرة
يتفرَّجوك كل الخلق في شاشة واضحة مكبرة
قدرة اله جبَّار عظيم قدرة اله خلق الورى
وباكر تقول ياريت أنا سبت الوهم والفشخرة
وقضيتها بس سجدة وركوع وتركت درب المسخرة
Post: #5828
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-08-2010, 11:42 AM
Parent: #5827

مساكم الله بالخير
أعتقد دي يا جلا أحسن من صباحاتكم بيض...و لا شنو...
المهم متابع بشده و مستمتع كمان و لا يوجد شديد و قوي مانعني و لا هي حرده كمان...
هي اجازة للاستجمام و استرداد عافية الكتابة...
مستمتع لأن مجرد تواجدكم و بشكل يومي يمثل لي متعة كبيرة جدا...
و متابع دجاج ديدو الذي يلقط الحب (شكلوها براكم)...
و حتى كديسته التي تنام في الليل معه...
و لكني فضلت أن أتفرغ خميس و جمعة و سبت لأسرتي دون غيرهم...
و الاستمتاع بالمفاريك أيضا و كثير من الشطوط...
الشطوط التي بعد كل مرة أتناولها فيها أقول اني لمفارق (دلبها)...و (ضلبها)...
و لكني أضعف كثيرا أمامها رغم تحذيرات نجاة حوفي...
تقول لي أعمل حسابك بكره قدامك سفر...
أقوم أقول ليها العربية عربيتي و الهدوم هدومي...

محمد عيد يعود الى تألقه المعتاد...
و طارق جبريل كمان...و دي عشان ما تقول لي فطيتني...
منصور يعاني من أزمة دخول...
حيث أنه حاول الدخول عدة مرات دون جدوى...
مع عدم قدرة منصور على الدخول و عدم قدرته على الحكي...
فاني أنصح كل من يتصل به للاطمئنان أن يكون رصيده ماااااكن...
و الا سيضيع الرصيد في القطارات المعلقة قبل أن يصل الى التيليفريك...

في الختام عايز أسأل على مدثر با يزيد....أين أراضيه...

و أشكر كل من سأل عني...يا......
Post: #5829
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-08-2010, 12:18 PM
Parent: #5828

للمرة الثانية

ننشر هذه الرسالة لريما نجد الفرصة المناسبة لأخونا محمد العبيد لأنو المرة الأولى كانت في آخر الصفحة:

ويا ريّس ميسرة همتك معانا... والرجل دا عندكم هناك

Quote:
الاخوة أعضاء منبر الزقازيق ،،، المحترمين



السلام عليكم ورحمة الله وبركاته ،،، وبعد



دائماَ تامين ولامين ومتعاونون علي الخير، طبعاَ تحصلت على البريد الكتروني من موقع منبر ناس الزقازيق ، واخترت بعض العنوانين علها تفيد في المساعدة علي حل هذا الاشكال العارض انشاء الله وكل في موقعة ، طبعا مرفق السيرة الذاتية الخاصة بي لكل الاخوة وذلك في اطار البحث عن وظيفة وذلك بعد توقفي عن العمل لظروف خاص بالشركة التى كنت اعمل بها . وممكن أن تكون هناك جهة لديها فرصة او تدري عن بعض الجهات التى لديها فرصة وربنا يسهل ان تكون هذه فاتحة خير ...



كما ان عنواني للتواصل :



[email protected]

جوال : 0559162863

العنوان الحالي : جدة



محمد العبيد حبيب الله

المهنة : رئيس حسابات / محاسب / محاسب تكاليف ،،،
Post: #5830
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-08-2010, 02:17 PM
Parent: #5829

Quote: ويا ريّس ميسرة همتك معانا... والرجل دا عندكم هناك


تشكرات الحبيب سامي وعلى جميل إهتمامك

كان معي الأخ/ محمد العبيد يوم أمس على الهاتف

وأرسل لي السيرة الذاتية على الإيميل وقد قمنا بتقديمها حتى اللحظة

إلى أربعة شركات ،،، نأمل همت الجميع معانا

شركة الأخ/ محمد تقريباً بتصفي أعمالها والراجل ما شاء الله

عنده سيرة ذاتية قوية جداً متميزة والحمد لله .
Post: #5831
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-08-2010, 03:13 PM
Parent: #5830

نهاراتكم سعيدة ...

منصور .. مشتاقين للحكي الطاعم ...

رشيد القوم .. خلاص الويك إند إنتهى وفترة الإستجمام خلصت .. تعال فرح صباحاتنا ...

جنابو الكوتش .. إنت طاعم حتى لو بي ربع طايوق (ربع مشكل...) ...

الريس ميسرة .. شكرا لإهتمامك بأخونا محمد العبيد .. دائما قلبك كبير .. وهي عادة الزعماء والرؤساء ...
Post: #5832
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-09-2010, 05:42 AM
Parent: #5831

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر..
Post: #5833
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-09-2010, 06:22 AM
Parent: #5832

صبحكم الله بالخير
كنت أقف منتظرا دوري لأقوم بدفع قيمة المواد الغذائية في السلة الصغيرة...
كان المكان مزدحما...فاليوم جمعة و أعتاد معظم الناس أن يعرجوا بعد صلاة الجمعة لشراء احتياجاتهم...
لو كنت أملك مثل هذا السوبرماركت بأحد أحياء الخرطوم...ان لو هذه تفتح أبوبا كثيرة للشيطان...
لا تخلو الطوابير القصيرة من الجلاليب و العمم السودانية فقمت بالقاء التحية على الكثيرين منهم..
كيف الحال...منهم من يهز رأسه راداعلى تحيتي و منهم من يردها كارها و كأنك قد سببته و منهم من يشيح بوجهه دون رد...
جاءت و كأنها ملكا نزل لتوه من السماء يكسو وجهها نورا و ضياء...
كانت تحمل في يديها قطع من الحلوى و البسكويت...
رددت في سري...ما شاء الله تبارك الله و لا حول و لا قوة الا بالله...
هذا ما أمرنا بقوله رسولنا الكريم عندما نرى أو نجد شيء يعجبنا...
حتى و ان كنت تنظر الى نفسك في المرآة و أعجبتك...
لا أظن ان محمد المرتضى عبد العزيز قد فعل ذلك أبدا و هو ينظر الى المرآة...
تقدمت نحوي بثقة و براءة أضافت الى شكلها الجميل جمالا و ألقا...
عيناها اللتان تبرقان ذكاءا مصوبتان ناحيتي دون تردد أو تراجع...
وقفت بالقرب مني و رفعت رأسها الى الأعلى حتى أشفقت عليها...
فلقد كانت قصيرة و أنا طويل جدا....
أشارت الى علبتي الكورن فليكس من نوع POP CORN في سلتي...
قالت لي بصوت ناعم و لذيذ...
عمو لا تطعم عيالك الكورن فليكس...عشان فيه مواد مسرطنه...
مين حكالك...كنت أنا أسألها بعد أن تفاجأت بالمعلومة...
هيك سمعت في التلفزيون...نحن هلا بابا وقف يجيبو...
لم أسمع بالمعلومة من قبل...و لكنها جعلتني أتردد كثيرا قبل أن أمضي قدما نحو الكاشير...
قلت لها شكرا حبيبتي...فتقبلتها بابتسامة فرح بدت كالنور في محياها...
أسعدها كثيرا أنني استمعت اليها و استجبت أيضا اكراما لها فأرجعت الكورن فليكس...
كانت في الثامنة أو التاسعة من عمرها و لكن بثقة و ذكاء و جرأة العشرين...
حفظها الله أينما كانت...
Post: #5834
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-09-2010, 06:43 AM
Parent: #5833

صباح الخير ،،، يا وجوه الخير

أصبحنا وأصبح الملك لله وحده ،،،

دعاء الصباح :

اللهم ارحم تضرعنا بين يديك ..
وقوّمنا إذا اعوججنا ..
وادعنّا اذا استقمنا ..
وكن لنا ولا تكن علينا ..
اللهم اجعلنا ممن يورثون الجنان
ويبشرون بروح وريحان ورب غير غضبان ..
Post: #5835
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-09-2010, 06:55 AM
Parent: #5833

صباح الهناء والسرور ...

رشيد القوم الله يديك العافية .. إنت كدا مية مية و 10 / 10 ...

الطفولة جميلة وحلوة وتزداد حلاوتها بالشقاوة وحركات الأطفال ...

طفلتك الشامية هذه إستفادت من مجتمع الإمارات الذي تعيش فيه وهو مجتمع فيه تتعايش الثقافات المختلفة والأشكال المختلفة .. ودليل ذلك أنها لم تهاب أو تخشى الأغراب بل وبكل ثقة تقدمت من رشيدنا ...

الله يحفظها ويجعلها من الصالحات ...

لكن يا جماعة الخير الفضل يرجع للتربية التي تلقتها في بيتها .. والبيت أم .. يعني مهما كان الرجل بشواربه الطويلة زي الزناتي أو بقوته وجبروته فالغلبة للأم .. فإذا رأيت طفلا وأعجبك سلوكه الحياتي فالفضل يرجع لأمه التي تعبت وسهرت لتصنع منه هذا الجمال السلوكي ...

فيا بنات الشيخ ويا بنات حواء في كل مكان لكن التحية والإحترام والإجلال على هذا العمل العظيم الذي تقومن به ...
Post: #5836
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-09-2010, 07:21 AM
Parent: #5835

الف مبروك للأديب عبدالحميد البرنس صدور المجموعة القصصي... داخل كمبيوتر محمول»
Post: #5837
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-09-2010, 08:02 AM
Parent: #5836

بسم الله الذي لا أرجو إلا فضله، ولا أخشى إلا عدله، ولا أعتمد إلا قوله، ولا أتمسك إلا بحبله. بك أستجير يا ذا العفو والرضوان، من الظلم والعدوان، ومن غِير الزمان، وتواتر الأحزان، وطوارق الحَدَثان، ومن اْنقضاء المدة قبل التأهب والعُدة، وإياك أسترشد لما فيه الصلاح والإصلاح، وبك أستعين فيما يقترن به النجاح والإنجاح، وإياك أرغب في لباس العافية وتمامها، وشمول السلامة ودوامها، وأعوذ بك يا رب من همزات الشياطين، وأحترز بسلطانك من جَوْرِ السلاطين، فتقبَّل ما كان من صلاتي وصومي، واْجعل غدي وما بعده أفضل من ساعتي ويومي، وأَعزَّني في عشيرتي وقومي، واْحفظني في يقظتي ونومي، فأنت الله خيرٌ حافظاً وأنت أرحم الراحمين.
اللهم إني أبرأُ إليك في يومي هذا وفي ما بعده من الآحاد، من الشرك والإلحاد، وأُخلص لك دعائي تعرضاً للإجابة، وأُقيمُ على طاعتك رجاءً للإثابة، فصلِّ على محمد خير خلقك الداعي إلى حقك، وأَعزَّني بعزك الذي لا يُضام، واْحفظني بعينك التي لا تنام، واْختم بالاْنقطاع إليك أمري، وبالمغفرة عمري، إنك أنت الغفور الرحيم، برحمتك يا أرحم الراحمين.
Post: #5838
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-09-2010, 09:22 AM
Parent: #5837

Quote:
أشارت الى علبتي الكورن فليكس من نوع POP CORN في سلتي...
قالت لي بصوت ناعم و لذيذ...
عمو لا تطعم عيالك الكورن فليكس...عشان فيه مواد مسرطنه...
مين حكالك...كنت أنا أسألها بعد أن تفاجأت بالمعلومة...
هيك سمعت في التلفزيون...نحن هلا بابا وقف يجيبو...


لو ضلينا هيك يا ابو الرشد لما استمتعنا باي شي في هذه البسيطة كل واحد اطلع ليه

علي معلومة راح الشرق الأوسط او اي صحفة و علي طول هيك و هيك و دي هيك

يا عمي سيبنا من قرفهم المهم البنية الحلوية ادتك معلومة و انت رايك شنو الصغيرة

شامية و كلامها هيك و اش بدك بالله يالرشيد خلينا نرتب للرحلة الجالية للناس ديل!!

اوعي تقول لي امشى اخذ راي بنت الشيخ ؟؟عموما لو انت مو هيك راح بدي اخد راي

الصديق الصدوق عله يكون هيك بدو ! عموما هي رحلة بالمرة نمر علي اخونا علي

عبدالمعروف و بعدين نعرج علي الشباب ديل و نفضيلنا اسبوع بس المهم جلا يوافق !!!!! كاك.
Post: #5839
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-09-2010, 12:04 PM
Parent: #5838

يا شباب انتو الزول ابو شنب دا قاعد يعمل في شنو شوفوه لينا ؟؟

الشي التاني يا جلا انت ما شايف شغلك و لا شنو عندنا ثلاثة فرد(بكسر الدال)

دخلوا الغابة و ما ليهم حس ولا خبر نحنا ما صدقنا انو الشباب

ديل وفقوا حرب الجنوب بالشغلانة بتاعتهم اتفاقية ......المهببة دي

يقوموا ناس عصام جلي و احمد اسماعيل و جلال يدقوها لينا بهناك

نبقي في الوساطات تقوم و تققعد ما نخلي الريس و كمال الشادي و هم

ذاتهم ما فاضين لينا لوساطات جديدة عموما فتش لينا عليهم و امرقهم

لينا بره في السهلة دي و خلينا نشوفهم بعملوا في شنو كان نعرس نعرس

سوا و كان شيتن تاني انا غايتو بره !!!!
Post: #5840
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-09-2010, 12:10 PM
Parent: #5838


كيف نستفيد من رمضان

كيف نستفيد برمضان في التقرب من الله من خلال الحرص على 8 أشياء في غاية الأهمية:
1- أنت و الصلاة: الحرص علي الفريضة علي وقتها في جماعه – يفضل في المسجد – يساوي 100,000 (مئة ألف) حسنة في ليوم الواحد أو 3,000,000 (ثلاثة ملايين) حسنة طوال شهر رمضان !!!!
النوافل : الحرص علي 12 ركعة في اليوم : 2 قبل الفجر , 6 حول الظهر , 2 بعد المغرب و 2 بعد العشاء يبنى لك بها قصر في الجنة في غير رمضان بنص حديث الرسول – صلي الله عليه و سلم - فما بالك بالحرص عليها في رمضان.
2- أنت و القرآن: كل حرف بحسنة و الحسنة بعشر أمثالها و في رمضان بسبعين ضعفًا، إذن قراءة الجزء الواحد = 4 مليون حسنة تقريبًا، فكيف لعاقل أن لا يقرأ جزءًا علي الأقل يوميًا لتحقيق هذا الثواب غير العادي ؟؟ و لم لا نجتهد و نقرأ جزئين يوميًا ( بعد الفجر و قبل النوم مثلا ) لنختم مرتين ؟؟
3- أنت و الصدقة: بسبعين ضعفًا في رمضان و هي تطفئ غضب الله على العبد، خصص مبلغًا معينًا تتصدق به كل يوم و سترى لهذا أثرًا رائعًا في حياتك.
4- أنت و التراويح: الحرص عليها أفضل من تضييع وقت رمضان الثمين المليء بنفحات الله في التمثيليات و الفوازير و غيرها من مضيعات الوقت و حاول إن استطعت أن تصلي في مسجد يقرأ بجزء يوميًا لتضاعف من ثواب القرآن اليومي.
5- أنت و صلة الأرحام: و ابدأ بمن بينك و بينه خلافات و كن أفضل منه فلن يقبل الله صيامًا من مسلمَيْنِ بينهما مشاحنات أو عداوة.
6- أنت و الدعوة للخير: ادعُ الناس لكل هذا الخير الذي عرفته و شجع القريبين منك على الحرص على الطاعات.
7- الصحبة الصالحة: صاحب في رمضان صديقك الحريص على طاعة الله لتعينوا بعضكم البعض على الخير و ابتعد عن رفاق السوء. انظر إلى أمر المولى بالصبر على رفاق الخير أي مقاومة هوى النفس في الانصياع إلى أهوائها أو مصاحبة غيرهم من محبي الدنيا في سورة الكهف "و اصبر نفسك مع الذين يدعون ربهم بالغداة و العشي يريدون وجهه و لا تَعْدُ عيناكَ عنهم تريد زينة الحياة الدنيا و لا تطع من أغفلنا قلبه عن ذكرنا و اتبع هواه و كان أمره فُرُطا"
8- الدعاء: كان الصحابة يحرصون في رمضان على دعوات محددة يركزون عليها في الصلاة و كل المناسبات طوال الشهر و يقولون: فوالله ما يأتي رمضان الذي يليه إلا و قد استجيبت كلها، و لا تنس مهما تعددت دعواتك أن تدعو الله أن ينصر الإسلام و المسلمين في الأرض كلها و أن يعيد للمسلمين المسجد الأقصى و فلسطين و ما ذلك على الله بكثير .
فيا من ترجو رحمة الله و مغفرته و ترجو أن يعتق رقبتك من النار في رمضان القادم هذا، احرص أشد الحرص علي تلك الأشياء النافعة في رمضان و جاهد نفسك على أن لا تفتر عزيمتك بعد بضعة أيام ثم لا تصحو من تلك الغفلة إلا و رمضان يوشك أن ينتهي –

ربنا آتنا في الدنيا حسنة وفي الآخرة حسنة وقنا عذاب النار
"رب اجعلنى مقيم الصلاة ومن ذريتى ربنا وتقبل دعاء، ربنا اغفر لى ولوالدى وللمؤمنين يوم يقوم الحساب
Post: #5841
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-09-2010, 12:52 PM
Parent: #5840

سلامات يا ناس

Quote: كيف نستفيد من رمضان



سلام للجميع ...

الاخ محمد عيد ...بارك الله فيك

اللهم انفعنا برمضان ونفحاته
Post: #5842
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-09-2010, 01:42 PM
Parent: #5841

سلام يا ناس
يا الرشيد انت متأكد بتاعة الكورن فليكس دي عمرها تسعة سنين
ما تخاف بندخل ليك واسطة عند بت الشيخ
Post: #5843
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-09-2010, 03:13 PM
Parent: #5842

يا ود جبرين رشيد القوم دا نحن واثقين منو .. خليهو في حالو عشان لو حصل أي موقف داني هيك ولا هيك يجي ويحكيهو لينا ...

محمد عيد الله يجيب العيد .. بارك الله فيك وجعلها في ميزان حسناتك ...

موسى عيسى كلام العرس دا تنساهو وبطل الهضربة ...
Post: #5844
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-09-2010, 04:11 PM
Parent: #5843

سلامات يا ناس

Quote: يا ود جبرين رشيد القوم دا نحن واثقين منو .. خليهو في حالو عشان لو حصل أي موقف داني هيك ولا هيك يجي ويحكيهو لينا ...


يا بادى ....سلام

مبروك تغيير التوقيت ...اظنو لزوم رمضان
Post: #5845
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-09-2010, 04:13 PM
Parent: #5844

يا البادي الحكي الفوق دة والوصف ما بتاع بنية صغيرونة
الله يكضب الشينة
Post: #5846
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-09-2010, 04:32 PM
Parent: #5845

هلا يا شباب .....

يا موسي صحبانك الثلاثة ديل دخلوا الغابة ولم نعثر لهم علي أثر في أزقة الخرطوم ولا شوارعها ... نحن بصدد أن نصدر نشرة من البوليس الدولي .... وقد شكلنا تيم من شرطة الجمعية وهم بصدد البحث عنهم ... في حالة ورود أي معلومات سنوافيكم بها أول بأول ... جلال عثمان شوهد آخر مرة يتجول جنوب الخرطوم في منزل عمه لأداء واجب عزاء ومن ذلك التاريخ لم يشاهده أحد ... أما جلي وأحمد إسماعيل فقد شوهدا آخر مرة في منافذ الدخول وحتي تلك عليها أختلاف فمنهم بمن يقول بأنها سواكن والبعض الآخر يرجح مطار الخرطوم وحتي أن هنالك بعض الأراء المتطرفة ذهبت إلي أن من شوهدوا ما هم إلا دوبليرات أنا الشخصيات الحقيقية فلا زالت طرفكم ... نرجو التأكد من المعلومات ...
Post: #5847
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-09-2010, 04:42 PM
Parent: #5846

الجمعية بصدد الإعداد لإفطار جماعي جامع أول رمضان ... فقط ننتظر إجراءات الحجز في نادي الشرطة ... سيكون إفطار عمل بخصوص الشركة .... ما بين أيام الأحد الإثنين أو الثلاثاء ... يلا همتكم يا ناس جوه وبره ...
Post: #5848
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-09-2010, 09:32 PM
Parent: #5847

Quote: يا الرشيد انت متأكد بتاعة الكورن فليكس دي عمرها تسعة سنين
ما تخاف بندخل ليك واسطة عند بت الشيخ


المعنى انت قاصد كبيره و ليها تسعتاشر سنة...
أنا غايتو شفتها صغيرونه...
امكن عشان خليت نضاراتي في البيت؟؟؟
ما بعرف...
عل انت مسخوت...
و كان حلفت لي بي سيدي الحسن ما بصدق انك حتدخل لصالحي...

تلقاها عند الغافل يا جبريلا...
العمر مش بعزقه...
Post: #5849
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-10-2010, 05:08 AM
Parent: #5848

كل عام و انتم الى الله اقرب

و بالطاعات اكثر

ربنا اعنا على قيامه و صيامه و اكتب لنا فيه العتق من النار




Post: #5850
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-10-2010, 06:14 AM
Parent: #5849

صباح الهناء والسرور ...

الكوتش الجميل .. ما شاء الله عليك ما بتفوت عليك ...

عموما نحن لما نلقى فرصة طوالي بنتواصل وفي أي وقت ...

ما زال الغياب مسيطر على كثير من الأخوان والأخوات ...

رمضان كريم قبل الزحمة وربنا يعيننا جميعا على صيامه وقيامه وربنا يتقبل من الجميع ...

يا ود جبرين .. رشيد القوم دا مشفر والباسويرد بتاعتو مع بتنا يعني ما بقدر يعمل أي حاجة .. درجة التشفير والتأمين عالية حتى إنه أي بنت من بنات حواء في نظر رشيدنا هي طفلة .. يعني قمة البراءة .. شفتا التشفير دا كيف .. عافي منك يا بت حوفي ...
Post: #5851
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 06:35 AM
Parent: #5850

يدى ماكلانى عدييييل
القصة وما فيها , لى مدة شغال على المتصفح قوقل كروم
اها قوقل قشور ده , ليهو كم يوم مابى الباسويرد حقى , ما عارف لى شنو
قدر ما عافرت , قوقل كروم حالف بى ستين يمين , انو لا شافنى قبل كده ولا بيعرفنى
الليلة خطرت لى الفكرة دى قبل شوية وانا راجع مع اولادى , من برج منارة ماليزيا كوالالامبور
قلت كدى نحنس متصفحى القديم , انترنت اكسبلورور
يا حليلو الأكسبلوورر, والله فيهو الخير , لسهحافظ العشرة , دخلتى كده نط فينى ازيك يا منصور
النسى قديمه , تاه , بس البيعرفوا منكم يقولوا لى , الزول ده مالو معاى ؟؟
قصدى القوقل قشور ده
يكون تقلت عليهو , وعاوز ياخد ليهو اجازة , يجوز !!!
المهم , استطيع ان اكتب الآن
جاييكم
Post: #5852
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 06:48 AM
Parent: #5851

رمضان كريم يا كل الزقازيقاب
لافتات الترحيب بمقدم رمضان , اصبحت تصادفنا فى كل مكان فى تنقلاتنا فى كوالالامبور
ومعظم لافتات الترحيب , تاخذ شكل الترويج لموائد الأفطار الرمضانى , فى مطاعم وفنادق العاصمة
تم الأعلان مسبقا عن ان الأربعاء هو اول ايام رمضان
قال لى الدكتور ياسر مبارك بشير , ان الماليزيين يعلنون توقيت رمضان من الكالندر , قبل وقت مبكر
بالنسبة لى مع العائلة , سنغادر راجعين الى الرياض فجر اول ايام رمضان
اى اننا لن نحظى بمشاهدة مظاهر الشهر الكريم فى هذا البلد القابع فى شرق الدنيا الأقصى
وعلى الرغم من اننى اخترت هذا الميعاد متعمدا , وانا تحت تأثير الخوف من وحشة قضاء اول ايام الشهر الكريم
وانا فى سقط لقط , بعيدا من بيتى ومدينتى التى اعرف
الا ان (الندم راكبنى من راسى لى رجلى ) ازاء هذا القرار الخاطىء والمتسرع
ولو كان فى ميزانية الأجازة (فرقة اضافية ) , لما ترددت لحظة فى تمديدها يومين او تلاتة او حتى اسبوع
لأختبار رمضان فى وجه الأرض الثانى , وللأستمتاع بهذه البلدة الجميلة الرائعة
على العموم , هكذا كانتى التدابير , ولكل شىء جميل , نهاية تبدو سريعة
Post: #5853
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 07:02 AM
Parent: #5852

الساعة الآن الواحدة والنصف فى كوالالامبور ماليزيا
بينما هى الثامنة والنصف صباحا بتوقيت الخليج والسودان
لن يتداخل معى احد فى هذا التوقيت بالتأكيد
وبينما نحن فضينا مشوارين طويلين عريضين ورجعنا الى الفندق استعدادا لجولة وداع مسائية
فانتم ما تزالون تقاومون او تستمتعون ببقايا النوم اللذيذ
لطالما تساءلت , اليوم بالتحديد , واثناء محادثة الرشيد التلفونية قبل يومين او ثلاث فى بواكير الصباح الخليجى
وهو يغادر ابوظبى يوم الأحد , لأول مرة الى (السلع ) بدلا من وجهته المعتادة الى (غياثى ), فى اول تنفيذ للنقلية الجديدة التى
(حمته الأجازة زى طارق جبريل )
تساءلت عن علاقتنا كبشر مع الحيوانات
نحن (ككائنات حية ) تمثل الجزء (العاقل ) من منظومة الكائنات الحية التى خلقها البارى عز وجل بتوازن بديع
ما مدى معرفتنا باخواننا فى نفس المنظومة , حتى ولو كانوا بلا عقل ودون ادراك
ثم اذا خصصنا انفسنا كسودانيين , هل نختلف نوعيا عن افراد منظومتنا الباقيين
وانا هنا اقصد البشر فى منظومتنا من خلال علاقتنا بالحيوانات (كنموذج ومثال )
انا انقل لكم هذا الكلام , لأنه كان مثار نقاش وجدل بين افراد اسرتى الصغيرة ببت شيخها واولادها وبناتها
لماذا تناقشنا , وكيف تجادلنا , وماهى محفزات النقاش , وتوابل الجدل , واساسا الجاب المناسبة شنو ؟؟
حا اقول ليكم
Post: #5854
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-10-2010, 07:12 AM
Parent: #5853

صباح الخير ،،، يا وجوه الخير

أصبحنا وأصبح الملك لله وحده

صباح يوم جميل وإندياح الجميل منصور

وتعليقات ود جبرين وإبر النضيف

وهجوم إسفيري من بنات الزقازيق

بقيادة د. سناء الصباغ ود. نورا

على منبر ناس الزقازيق ،،،،،،،،،،

اللهم بلغنا رمضان ،،،،،،،.

كل عام والجميع بخير ،،،،
Post: #5855
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-10-2010, 07:17 AM
Parent: #5854

اللهم يا من دَلَعَ لسان الصباح بِنُطْقِ تبَلُّجِهِ، وسَرَّح قِطع الليل المظلم بغياهب تلجلُجه، وأتقن صنع الفَلك الدوّار في مقادير تبرُّجه، وشعشع ضياء الشمس بنور تأججه، يا من دل على ذاته بذاته، وتنزه عن مجانسة مخلوقاته، وجلّ عن ملاءمة كيفياته، يا من قَرُبَ من خطرات الظُنون، وبَعُدَ عن لحظات العيون، وعلم بما كان قبل أن يكون، يا من أرقدني في مِهَادِ أمنهِ وأمانه، وأيقظني إلى ما منحني به من مِنَنِهِ وإحسانه، وكَفّ أكُفَّ السوءِ عني بيده وسلطانه.
Post: #5856
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 07:23 AM
Parent: #5853

فى برنامج الأجازة فى ماليزيا الذى اختاره اولادى من خلال معومات الأنترنت عن ماليزيا
والتى تحفل بها منتديات الأنترنت , ومواقعه السياحية
لاحظت تعدد حدائق الحيوانات بأنواعها المختلفة , مش كدة وبس , فعلى الرغم من وجود حديقة حيوانات شاملة ومتنوعة
عرفت فيما بعد انها من اكبر حدائق الحيوانات فى العالم واكثرها تنوعا
فان البرنامج حافل كذلك بحدائق اكثر تخصصا , مثل الطيور , والتماسيح , والقرود , واكويريا الحياة المائية
وعالم ما تحت البحار
وهذا ليس محصورا على كوالا وحدها (الواحد من كترة ما بقى يعرفها بقى يقول ليها كوالا بس , وكوالا حاف كمان )
بل ان هذه المعالم والحدائق الجميلة , موجودة فى بينانغ , وفى جزيرة لأنكاوى ايضا
ومش كدة وبس , فى معالم المدينة الأخرى مثل برج المنارة , وحتى فى بعض الولات الكبيرة
تتفاجا بان بها ملاحق حدائق حيوانات متنوعة , صغرت او كبرت
نحن كسودانيين , وسودانيين عايشين فى البنادر كمان (على فكرة فوجئت بان لفظة بندر موجودة فى اللغة الماليزية
وتعنى مدينة ايضا )
نحن كسودانين بنادر , علاقاتنا محصورة فى الكلاب والقطط والأغنام وخروف العيد
وهذا لا يمنع معرفة سودانى الريف , ببعض الحيوانات والطيور التى تناسبها بيئة هنا او طقس هناك
هذا اولا
ولكن بالنسبة لأولادنا الذين قدر لهم الله الولادة والنشأة فى بنادر غريبة
فانهم حتى مع الكلاب والقطط والأغنام وخروف العيد , فانهم (يفتح الله )
يعنى هسى شفتوا ود جبرين المنجضنا بالدارجى ودكشنرى الشايقية , يمين بالله يمكن وليداتو وبنياتو وبت شيخو كمان
ما بيفرقوا بين التيس والنعجة , وما بعيد يتفاجأ بيهم يوم منتظرين يشربهم (لبن التيس المربوط فى الدرابزين الليل
الأمتداد , والعجب وليدات حاتم جبارة ومحمد عيد وناس منذر ميسرة وعناب النضيف وامنية الرشيد وانتصار جلا , بس لكن ابوبكر محمد صديق المتشقلب الأممى داك , انا شاكى فيهو يكون بيضبح الخروف زاتو يوم العيد
اولادى انا , اكتشفت انهم بالكاد يفرقون بين الكديسة والنمر , لذا فان استمتاعى بحدائق ماليزيا الحيوانية , كان استمتاعا بلا حدود , وما يزال الحديث فى بدايته , والدنيا صباح , خلونا نستمتع بى فرق الساعات ده فى اليوم الأخير , قبل ما يجوك ناس موسى عيسى والرشيد والريس ميسرة بمداخلاتهم الصباحية الطاعمة , راجع ليكم
Post: #5857
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-10-2010, 07:32 AM
Parent: #5856

نسال الاخوة الكرام الدعاء بالشفاء للاخ احمد الطيب حسن خريج تجارة الزقازيق دفعة

88 الذي يرقد في السرير الابيض بمستشفي التامينات بالرياض منذ أكثر من شهرين

نتيجة لقصور في وظائف الكلي ، نسال الله له الشفاء العاجل و للاخوة في الرياض

الزيارة .و للاتصال الهاتف 0507604435 ,
Post: #5858
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-10-2010, 07:40 AM
Parent: #5856

وصلتني هذه الرسالة من الأخ أحمد سليمان حسين:

Quote: لاخ الفاضل سامي



لك وكل ناس الزقازيق الف تحية والله ليكم وحشة

لقد كتبت الي الاخ زناتي طالبا باسوورد ولكني لم احصل عليه حتي الان امل ان يكون ذلك قريبا حتي استطيع المشاركة



أحمد سليمان حسين

خريج علوم كيمياء 1990

حاليا

دكتوراة

قسم الهندسة الكيميائية

كلية الهندسة

جامعة بترا

ماليزيا

ت: 0060123040594 موبايل


0060387378403 منزل

[email protected]


ويا زهير الزناتي يلا همتك معانا وفي ناس تاني برضو كلموني ومنهم:

عزام أحمد البشرى
عثمان عبد الحميد (جالية)
محمود حسين
حبيب الله كدام
وغيرهم... نسيت والله
Post: #5859
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-10-2010, 07:53 AM
Parent: #5858

Quote: خلونا نستمتع بى فرق الساعات ده فى اليوم الأخير , قبل ما يجوك ناس موسى عيسى والرشيد والريس ميسرة بمداخلاتهم الصباحية الطاعمة , راجع ليكم


يا منصور قول بسم الله متين مشيت و لمن تقول لينا اخر يوم نحن يادبوك استعدلنا القعدة

علشان نقرا الحكاوي و كما قدمنا ليك لتمديد للاجازة لاسبوع كمان تقول لينا انتهينا نحن لسع

ما ابدينا و لازم تصوم لينا يومين ثلاثة مع الناس ديل علشان نشوف صيامهم ذاتو كيف وريحتو

شنو و مع جمال بلدهم البتقول فوقو دا المفروض يصوموا شهرين ثلاثة و اهلنا في السودان ديل

ينقص ليهم 15 يوم لزوم فروق شدة و كده !

الحقيقة نحن مستمتعين حد الاندهاش فواصل و طبعا اللسته بتاعت زيارة ماليزنا بقت طويله طول

بداية بابو صلعة بتاع المغرب مرورا بالرياض و تعرج علي الطايف ناس الكهف مرورا بناس عوض

شلبي في هلفا دغيم .
Post: #5860
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 07:57 AM
Parent: #5856

تحياتى يا ريس ميسرة , ويا عزيزى البادى النور و حبيبى موسى عييسى
توقعتكم فوجدتكم , تداخلاتكم الصباحية اصبحت لى من الأهمية بمكان , فهى تزودنا (برشفة روحانيات صباحية ) تلامس فينا الوجدان
وتشبع فينا الأرواح , كل سنة وانتم طيبين ورمضان كريم
مازال فينى بقية من حديث الحيوانات
القرود فى جزيرة لأنكاوى , وضعها والفتها بين الناس , كوضع الكلاب والفتها عندنا , فهى وان كانت فى اقفاصها فى حدائقها المتعددة , الا انها تمشى بين الناس وتنام وتعيش معهم , لذا فانها كانت مصدر هلع بالغ لأسرتى عداى (انا يخوفونى قرود ؟؟!!انا ولدك يا عبد الرازق )
, ولكن بمرور الوقت , فان التعامل معها اصبح اكثر سلاسة وانسيابية ,وعموما , فان القرد حتى وان كان غير مألوف لنا , فانه يدخل فى (المعلوم غير المألوف ) , ولكن ماليزيا وحدائقها اشبعتنا بغرائب المخلوقات الحيوانية والطيور وحتى الفراشات والحشرات , فكما اسلفت فان حديقة الفراشات تستطيع ان تمضى فيها يوما كاملا وانت تستمع بالوانها الزاهية واشكالها وانواعها المتعددة , ولكنك تزداد انبهارا بانواع من القرود والسناجب والبطاريق البحرية والطيور ذوات الريش الملون وغير الملون , والتى تطير مثلما تسبح مثلما تركض وتمشى , اما عن الأسود والنمور والفهود والضباع والتماسيح والضببة والسحالى فحدث ولا حرج , اجكى ما شاء لك الحكى واستمع حتى تتعب من الأستماع , كما ان عالم اكويريا الأسماك , عالم فى غاية الأدهاش , ورغم اننى استمتعت من قبل بمتحف احياء مائية (خرافى ) من قبل فى مدينة (كيب تاون ) وهو يفوق ما رايت فى ماليزيا , الا ان الفرق هذه المرة يكمن فى صحبتى لأولادى وافراد اسرتى فكانت دهشتى دهشتان , دهشة مما ارى ودهشة من اثر ما يرون ومن اثر ما يسألون , عالم الحيوانات فى ماليزيا , عالم ساحر , ومنظر القرود والنسانيس التى تتمشى فى شوارع لانكاوى , اثار بيننا نقاشا اسريا حادا فى طريق العودة , لم يخلو من علاقتنا كآدميين بالحيوانات , ولم يتجاوز كون اننا (مع بعضها) , نرجع ونعود الى تصنيف علمى متقارب , ولم ننسى ان نصطحب معنا دارون ونظريته (النشوء والأرتقاء ) ,تخللته عبارات مثل , (برى يا يمة , بيشبهك براك ) , ويكفى اننى اتيحت لى فرصة حكى وونسة مع وليداتى وامهم , لم احظى بمثلها منذ زمن بعيد
(هناك استثناءات لنظرية دارون , احتفظ بها لنفسى , قد تكون الشافعة التى حذرت الرشيد من المواد المسرطنة فى الكورن فليكس (ذات التسعتاشر سنة كما قال طارق جبريل من ضمنهم , وقد لا تكون )
برجع ليكم كان الأنترنت اكسبلورر ما ابانى زى اخوه القوقل كروم )
Post: #5861
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-10-2010, 08:18 AM
Parent: #5860

سلامات يا ناس

وصباحات التفاؤل

اللهم عجِّل بشفاء الاخ احمد الطيب ومتعه بنعمة الصحة والعافية

منصور ...يادوبك نحن اتحكرنا عشان نتابع تقول لينا ..راجع( راجع حساباتك)

لمحبى الدوبيت:مربعة لودشورانى

غاب نجم النَّطح والحَر علينا اشتدَّ

ضَيَقْنا وقِصِرْ ليلو ونهارو امتدَّ

نَظِرْةْ المِنُّو للقانون بقيت اتحدَّى

فتحتْ عندى منطقة الغُنَى الانْسَدَّ
Post: #5862
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-10-2010, 08:18 AM
Parent: #5856

السلاااام عليكم
معليش يا جماعة ما قادر أتابعكم
لأنو رمضان خش العضم من هس
Post: #5863
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-10-2010, 08:37 AM
Parent: #5862

Quote: ما مدى معرفتنا باخواننا فى نفس المنظومة , حتى ولو كانوا بلا عقل ودون ادراك
ثم اذا خصصنا انفسنا كسودانيين , هل نختلف نوعيا عن افراد منظومتنا الباقيين
وانا هنا اقصد البشر فى منظومتنا من خلال علاقتنا بالحيوانات (كنموذج ومثال )
انا انقل لكم هذا الكلام , لأنه كان مثار نقاش وجدل بين افراد اسرتى الصغيرة ببت شيخها واولادها وبناتها
لماذا تناقشنا , وكيف تجادلنا , وماهى محفزات النقاش , وتوابل الجدل , واساسا الجاب المناسبة شنو ؟؟
حا اقول ليكم

قووول لينا سريع بالله
بالمناسبة لأنو أغلب الناس قالو يا دوب اتحكرو لي الحكي معاك
و لأن ميزانيتك المخطط لها لا تسمح لأكثر من ذلك
عليه أنا أقترح الآتي
أن تمكث بماليزيا ثلاثة أيام أخر
على أن يقوم كل من داير يتحكر للحكي بإرسال مساهمته لك
المساهمة بتاعت الزول المتحكر لا تشمل بت الشيخ و أولادها (زي ضرائب القيمة المضافة)
يعني رسل الجماعة للرياض و قول ليهم حقكم ما مدفوع
Post: #5864
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-10-2010, 11:09 AM
Parent: #5863

sudansudansudansudansudan3.JPG Hosting at Sudaneseonline.com

طلــب ســماح

لكل من اخطات بحقه او تسببت في زعله مني
او كنت قاسي وكان كلامي جارح
ارجوا منكم ان تسامحوني
حتى اقبل على هذا الشهر الكريم بصفاء
ويتقبل الله مني صيامي وقيامي

اعتــــــــــــــــذر
عن كل مابدر مني كبيرا كان او صغيرا
لعلي لا ادرك الشهر وان ادركته ان اكون قد قدمت اعتذاري للجميع
وان وافاني الاجل
فما أرجوه منكم هو السماح وان تدعوا لي بالمغفره
وكل عام وأنتم بخير

إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي

إنـي ابتليت بـأربع مـا سُلِّطوا.... إلا لشـدّة شقوتـي وعنـائي

ابليس والدنيا ونفسي والهوى...كيف الخلاص وكلهم أعدائي

بمـعية الرحــمن ونــهج حبيبـه ... أبــلغ بـإذن الله رجـــائي
Post: #5865
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-10-2010, 11:17 AM
Parent: #5864

عيد يا حبيب

يا أخوي

العفو والعافية

وربنا يبلغك رمضان ويوفق في صيامه وقيامه وعلى الإكثار من الطاعات

قول آأأأأأأأأأأأأأأأأأأأأأأأأأميييييييييييييييييييييييييييييين

وكل سنة وإنت طيب ورمضان كريم
Post: #5866
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-10-2010, 11:20 AM
Parent: #5865

Quote: طلــب ســماح

لكل من اخطات بحقه او تسببت في زعله مني
او كنت قاسي وكان كلامي جارح
ارجوا منكم ان تسامحوني
حتى اقبل على هذا الشهر الكريم بصفاء
ويتقبل الله مني صيامي وقيامي

ياخ الكلام دا قولو بعد الإفطار
من هس الزول دا عطشني
ما قلت ليكم رمضان خش العضم
Post: #5867
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-10-2010, 11:22 AM
Parent: #5865

منصور

والله بالرغم من إني زرت ماليزيا قبل كدا (business trip) لكن شوفتا بعيونك (وبحسب ماتخطه يداك) مؤكد شوقنا ليها ولزيارتها مرة أخرى...

بس بعدين أدينا الوصفة السحرية والروت المناسب لرحلة سياحية ممتعة مع الأسرة

وربنا يوصلك بالسلامة

وكل عام وأنت والأسرة بألف خير
Post: #5868
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-10-2010, 11:34 AM
Parent: #5867

Quote: وكل عام وأنت والأسرة بألف خير

شنو يا شيخ سامي
يا دوووب استلمنا التهنئة بي رمضان
تقوم تجيب لينا العيد حتة واحدة كدا !!!!
إنتو مستعجلين كدا مالكم ؟؟؟؟
Post: #5869
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-10-2010, 11:34 AM
Parent: #5865

تمنياتنا بالشفاء للاخ العزيز احمد الطيب حسن

يا الرشيد ما قلتوا نوبة

يا منص ياخي ما تقعد تشهينا ياخي


يا البادي والله عمك الرشيد شايفو جرة واطي


يا ود عيد ياخي من غير رمضان العفو لله والرسول
Post: #5870
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-10-2010, 12:23 PM
Parent: #5869

Quote: إن مرت الايام ولم تروني فهذه مشاركاتي فـتذكروني


الكلام ده ذكرنى ززززمان لما الجكس يهديك صورة ويكتب فى الخلف
اذا دفن جسدى فى الرمال ....
وغاب طيفى عن الخيال ...
ووووو ....
(اللهم انى بكره صايم )


رمضان كريم وتصومو و تفطرو على خير


وتمنياتنا بالشفاء للاخ احمد الطيب

ونتمنى وجوه جديدة فى شهر رمضان سواء كانت علوم كيمياء 90 م او تربية طبيعة وكيمياء 90 برضو
Post: #5871
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-10-2010, 01:14 PM
Parent: #5870

Quote:
الكلام ده ذكرنى ززززمان لما الجكس يهديك صورة ويكتب فى الخلف
اذا دفن جسدى فى الرمال ....
وغاب طيفى عن الخيال ...
ووووو ....


انتو يا اولاد الخرطوم من زمان بتاعين جكس و حبكانات زي دي و فيها كلام الدفن

و الشوق والحاجات دي !!!!!

علي الدين ناس جلا ديل ما عرفوا الجكس دا إلا في الزقازيق و كمان في سنة تانية و ثلاثة !!



و يا محمد عيد الحكاية انت كبرتها زيادة شديد الناس ما لامه في شوفتك علشان نعتذر ، انت نوعك

دا حاشاه من الغلط و الكلام الشين الحاجات دي ناسها معروفين و يا كافي البلاء لا بعتذرو ليك و لا

بقولوا كفى (اصلو المحبين الحنان لا بنسوا و لا بتحولوا ) .

الله يرضى عنا و عنك دينا واخرة يا محمد عيد و انشاء تصوم و تفطر علي الخير وربنا يجعلنا و إياكم

من صيامه و قيامه .
Post: #5872
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-10-2010, 03:22 PM
Parent: #5871

اللهم هذا شهر رمضان المبارك الذي أنزلت فيه القرآن وجعلته هدى للناس وبينات من الهدى والفرقان قد حضر ،
فسلمنا فيه وسلمه لنا وتسلمه منا في يسر منك وعافية . وأسألك اللهم أن تغفر لي في شهري هذا ، وترحمني فيه ،

وتعتق رقبتي من النار ، وتعطيني فيه خير ما أعطيت أحدا من خلقك ، وخير ما أنت معطيه ، ولا تجعله آخر شهر

رمضان صمته لك منذ أسكنتني أرضك إلى يومي هذا ، واجعله علي أتمه نعمة ، وأعمه عافية ، وأوسعه رزقا ،

وأجزله واهناه . اللهم إني أعوذ بك وبوجهك الكريم وملكك العظيم ان تغرب الشمس من يومي هذا ، أو ينقضي بقية

هذا اليوم ، أو يطلع الفجر من ليلتي هذه ، أو يخرج هذا الشهر ولك قبلي معه تبعة أو ذنب أو خطيئة ، تريد ان

تقايسني بذلك أو تؤاخذني به ، أو تقفني به موقف خزي في الدنيا والآخرة ، أو تعذبني به يوم ألقاك يا ارحم الراحمين

تصومو وتفطرو على خير
العفو العافية
Post: #5873
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 06:04 PM
Parent: #5872

بينى وبين الطائرة التىتعود بى الى الرياض
نومة اليوم , انها الساعة الأولى بعد منتصف ليلة الأربعاء
لم يظهر لى ان هلالا قد هل فى سماء الرياض والخرطوم حتى الساعة , ولكن الوقت ما يزال مبكرا فى توقيت تلك المدائن
بينما هنا الماليزيون حسموا امر صيامهم من بدرى , فغدا عندهم صيام , صمنا نحن فى نواحى الدنيا تلك , او لم نصم
نحن ايضا امرنا محسوم , فبيننا والطائرة ساعات معدودة , حيث اننا سنغادر الفندق الى مطارهم البعيد , قبل موعد الامساك
ولكننى عازم على معرفة امر الهلال قبل ان اخلد الى نوم قصير
والهلال الذى اريد ان اعرف امره , هو هلال رمضان طبعا , لن سيد البلاد شايفنوا مجضم الكفر
لمن ناس محمد عيد وموسى عيسى و خلوا تشجيع الكورة وبقوا ناس عفو وعافية
معافينك يا محمد عيد يا حبيب و وربنا يحفظ ليك عيالك والوالدة واخوانك وبت شيخك
ويبلغك كامل اجر الصيام , وتمام حسنات القيام يا حبيب
والله يا سامى ان زيارة ماليزيا مع الأسرة, او اى مكان سواها , تفرق عن زيارات البيزنس
واذا زرتها تانى مع العيال , فانا متاكد بانك ستراها بعين جديدة , تصوم وتفطر على خير انت والأسرة
اما انت يا جلا , فاعلم انى قد صدقتك وشيكت على الرصيد قبل شوية من احدى مكائن صراف الميجا مول
فارتد الى كرتى الائتمانى و خاسئا وهو حسير , فليه ياجلا تعمل كده , تجهجه منص بالشكل ده
كل سنة وانت طيب , وتصوم وتفطر على خير , وانت رمضانك واصل لى (عضمك ) خلقة (هو وينو اللحم ) ؟؟؟
Post: #5874
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-10-2010, 06:55 PM
Parent: #5873

رمضان كريم لكل زقازيقاب الأرض
ندعو الله ان يشفى مرضانا , ويديم لمتنا وتآلفنا
وين الريس معتصم , رحم الله شقيقتكم مرة اخرى و اجزل لها الثواب ولكل موتانا وموتى المسلمين
رحم الله والدينا من توفى منهم , وادام صحة من لا يزالون يعطرون سماواتنا بكريم السجايا وروائع الخصال
امين يارب يا كريم
Post: #5875
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-10-2010, 07:27 PM
Parent: #5874

رمضان كريم و ان شاء الله ينعاد عليكم بالخير و اليمن و البركات...
قلت أجي أعمل لي معاكم مداخلة استباقية...
عشان الواحد ما عارف بكره حأقدر على مداخلة الصباح دي و لا ما حأقدر...
و كمان تكون مداخلة خم رماد...
و بعد داك العفو و العافية...زي ما قال شيخي محمد عيد...

ناس من المقربين قالو لي شايفين ابتدت تظهر عليك علامات الكبر...
فهنالك خطوط بدأت تظهر على جبهتك و في مناطق أخرى...
فقاموا بنصيحتي باستعمال كريم أويل أوف يولاي لعلامات الكبر السبعة...
قلت في نفسي و الله فكره البلد مليانه أويل أوف يولاي...
لكن قول أزلنا علامات الكبر السبعة...
العشرة الباقيات ديل نعمل فيهم شنو...

كل الدنيا متوقعه رمضان بكره...
أنا واحد من الناس كنت لو أعلنت الامارات رمضان بكره كنت صمت مع ليبيا...
كل الناس أرسلوا التهاني بمناسبة الشهر الكريم قبل حتى أن يعلن...
كل الناس أخرت وجبة العشاء و حضرت السحور...
حتى عبد الله الهندي صاحبي مبسوط عشان بكره الدوام الساعة تسعة و نص...
كل الناس الا نجاة حوفي...قالت لي رمضان هجمنا...
يا جماعة ما تشوفوا لينا حل...

ضربت تلفون قبل شوية أهني الوالد و الوالده بحلول شهر الصيام...
أسمع ليك صوت سرينات عربيات نجده بصوت عالي...
أبوي يقول لي ما سامعك كويس...
أقول ليهو خلي الأولاد ديل يخفضوا صوت التلفزيون...
قال لي ده ما تلفزيون دي عربات نجده في الشارع...
أبوي قال الكلام و كأن الموضوع عادي جدا...عربيات نجده في الشارع...
قلت ليهو كيف الجو عندكم يا أبوي في نيو يورك دي...

في زول جاي يخم الرماد معاي....
و لا ما فاضين...
Post: #5876
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 08-10-2010, 11:28 PM
Parent: #5875

سلام لاجدع ناس ورمضان كريم
يا الرشيد انا مهجومة زى صحبتى
انا عندى دايما جرسة من اليوم الاول ودة بسبب الشاى
عشان كدة بستعد من بدرى لكن ما عارفة اله المرة دى ما استعديت
اللهم اكفينى شر الصداع
منصور ده لو مشى اى لما يوصفا بزيد جمالا جمال خلى لما يمشى ما ليزيا
يا تعال نوديك الابيض فى الخريف دة ونسمع كلامك فيها

بمناسبة وجود يا سمين حاج الطاهر واخواتها هنا
كانت عندنا لمة كردفانية بس نافصة المردوم
اجتمعنا حوالى عشرين صديقة من الزمن الجميل وكان يوم ما عادى
بطة بتسلم عليكم ومتابعة ومستمتعة بس
Post: #5877
Title: Re: ناس الزقازيق ... أجدع ناس ( 3 ) ..
Author: مجدي نقد
Date: 08-11-2010, 00:43 AM
Parent: #5876

ناس الزقازيق الراقين
رمضان كريم .. و كل عام و انتم بخير
Post: #5878
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-11-2010, 02:32 AM
Parent: #5877

شكرا يا مجدى نقد ورمضانك كريم
ازيك يا بت التيجانى ابو رفاد ,وكمان معاكى بطة
انتو متين بقيتوا قدر الصيام ياخى
ماليزيا حاجة ما تخلص يا الرشيد , سلم لى على الوالدين
وين شوش يا زينب ؟؟اختفت بعد ما حندكتنا وعرفناها
ساواصل حكى ماليزيا فهو (مالينى لمن مدفق )
اخلص من جوطة الشباب والزحمة العاملينها فى مطار كوالالامبور , وارجع ليكم
Post: #5879
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-11-2010, 02:33 AM
Parent: #5877

شكرا يا مجدى نقد ورمضانك كريم
ازيك يا بت التيجانى ابو رفاد ,وكمان معاكى بطة
انتو متين بقيتوا قدر الصيام ياخى
ماليزيا حاجة ما تخلص يا الرشيد , سلم لى على الوالدين
وين شوش يا زينب ؟؟اختفت بعد ما حندكتنا وعرفناها
ساواصل حكى ماليزيا فهو (مالينى لمن مدفق )
اخلص من جوطة الشباب والزحمة العاملينها فى مطار كوالالامبور , وارجع ليكم
Post: #5880
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-11-2010, 03:05 AM
Parent: #5879

يا ربى المشاركات بتنزل دبل مالها فى مطار كوالالامبور ؟؟
يا ربى ينفع احكى ليكم عن بينانج فى اول ايام رمضان ؟؟ولا حا اجرح صيامكم ؟؟
زينب التيجانى خائفة من اول يوم عشان الشاى
طبعا من يعرف زينب , ما بيشيل هم الشاى معاها , لكن ممكن نشيل هم المعلقة المختوتة جوة كباية الشاى طول الوكت
وده طبعا كناية عن المزاج العالى
كباية شاى زينب التيجانى , ناقصا بس مبسم وتعميرة تفاح , وتبقى شيشة معتبرة
بينانج على بعد حوالى الاربعمائة كيلومتر من كوالا
فشلت فى الحصول على حجز طيران لها , وكان ذلك من حسن حظى
واكد لى حظى العالى الدكتور ياسر مبارك بشير , زوج زميلتنا الدكتورة نورة كرم الله
عندما اتفقت مع سائق التاكسى الماليزى مهدى , الذى التقيته صدفة عند باب اول فندق انزل فيه فى كوالا
هالنى ان سعر الرحلة بالتاكسى , يعادل سعر التذكرة لفردين فقط من افراد العائلة
ولكن الطريق نفسه . كان هو المفاجاة السارة الأكبر
الحقيقة ان دهشة الطريق وروعته , تمثلت فى حيثيات عديدة
ليس اولها المطر النازل بسياسة (لا بنزل بتم النزول , ولا بقيف وامشى )
وهو احلى سياسات النزول للمطر , يا ناس رهيد البردى الملمومين فى صيف الخرطوم القائظ
ثم ان هذا الطريق , سلمنى شهادة (رسوبى وسقوطى الشنيع ) فى مدرسة الزراعة والحياة
حقيقة وليس مجازا , كنت باعتبر نفسى بكالريوس زراعة بتقدير (كويس )
ولكن طريق كوالا -بينانج , كان امتحانا زراعيا غاية فى الصعوبة و غاية فى القسوة
ممعن فى التعذيب الحلو الجميل
لم اعرف فى طريقى الا بعضا من شجيرات الموز , الموجودة على طول الطريق
ولى ان اعترف ايضا , من هنا فى مطار كوالالامبور البديع
انه لولا زيارتى لمحمد العوض الطيب , فى واوسى ود رملى , منذ سنين عددا
ما كان لى ان اعرف الموز ولا شكله و الا وهو على المائدة جاهز للتقشير
او اذا ما كان موجودا ضمن افراد سلطة فواكه شهية من تلك التى تعدها لى بت الشيخ
ولكن الموز , روا , وهو (قايم سوا ) , يا ناس انا بالنار جسمى انشوى
ولكنى لم اعرف شيئا ىخرا من الأشجار المصطفة على طول الشارع والطريق كما (قرقول الشرف )
هل هى واقفة هذه الوقفة المدهشة , ومنتصبة هذه الأنتصابة الفارهة طول الوقت
ام انها فعلت ذلك تحية لى ولبنت شيخى واسرتى الصغيرة
كانت تعليقاتهم جميعا استهزائية واستغرابية لجهلى الفاضح
وكيف لا يكون جهلى فاضحا , والأمتحان كله من اشجار خط الأستواء الناضج
لا بل المحروق والذى ينز نزا من فرط نضجه واستوائه
من اين لى ان اعرف شجرة المطاط يا زينب التيجانى , وانا الذى لم يرى (شجراية هشاب )
تقف شجرة المطاط تحاكى اختها ورفيقتها زيت النخيل , وكلاهما يمد لى لسان الأستهزاء
ويرمقنى بنظرات الأستغراب
وانا فى جهلى اصحو وانام
ثم من قال ان للنخيل ثمرة غير البلح والتمر الذى عهدناه رطبا جنيا يتساقط علينا كما فعل مع مريم البتول
اتوقف لأن منادى رحلة سنغافورة قد نادى , فالى الملتقى فى مطارها
Post: #5881
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-11-2010, 07:01 AM
Parent: #5880

صبحكم الله بالخير
أول حاجة نقول لمنصور حمد الله على سلامة العودة الى الرياض...
و أظن اليوم الأول ده عملتو ليهو داكوتا آتين برخصكم بحجة السفر...

أول أيام رمضان شهر الخير و البركه...
و لرمضان عندي احساس خاص..فهو شهر أحبه...
و بمناسبة رمضان كنت في مرة أتحدث و صديقي المهندس نادر عن اجازته...
فقلت له لماذا لا تجعل اجازتك في رمضان و منها فرصة تصوم و تعيد في السودان...
قال لي انت جنيت هي السنة فيها شنو غير رمضان و الاجازة...
المعنى رمضان اجازة أيضا....
و في البلاد العربية للأسف الشديد يكون رمضان شهر للنوم و الانقطاع عن العمل...
ففي الامارات ما بتشوف ليك جلابية و عقال بالنهار أبدا...
و بالليل يطلعوا زي الخفافيش...و عندهم ليل رمضان ليس برمضان..
Post: #5882
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-11-2010, 07:16 AM
Parent: #5881

Quote: يا الرشيد انا مهجومة زى صحبتى
انا عندى دايما جرسة من اليوم الاول ودة بسبب الشاى
عشان كدة بستعد من بدرى لكن ما عارفة اله المرة دى ما استعديت
اللهم اكفينى شر الصداع


زوبازمن مداخلتك دي ان دل على شيء انما يدل على انك ما فارقتي كباية الشاي لحدي ما اذن الآذان...
أمبارح كان يوم عمل طويل و مرهق و دخلت البيت بعد صلاة المغرب...
بعد داك اتكلمت مع الوالد و الوالده و ختمت بنجاة و العيال...
وصتني نجاة أصحيها قبل الامساك عشان الشاي و المكيفات الاتعلمتها و أنا في غياثي...
قلت السحور ده و خصوصا أول يوم ضروري و مصيري كمان...
ظبطت ليك تلاتة منبهات و كل منبه في ركن و نمت مطمئن...
السحور ده اني لمدركه...تلاتة منبهات و كل منبه في كورنر...أكيد حأصحى ليهو...
أها...المنبه يرن...لا ده ما المنبه ده التلفون...
نجاة حوفي...صباح الخير...مالك ما صحيتني للسحور...
أعاين القى الساعة سبعة و نص صباحا...
Post: #5883
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-11-2010, 07:36 AM
Parent: #5882

رمضان كريم أيها الناس
اللهم أجعلنا من التوابين المستغفرين آناء الليل و أطراف النهار
اللهم بفضلك أشفي أخونا أحمد الطيب
اللهم أنت الشافي
لا شفاء إلا شفاءك
Quote: أها...المنبه يرن...لا ده ما المنبه ده التلفون...
نجاة حوفي...صباح الخير...مالك ما صحيتني للسحور...
أعاين القى الساعة سبعة و نص صباحا...

بي كدا يا رش يكون رمضان خش العضم
Post: #5884
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-11-2010, 08:42 AM
Parent: #5883

ربي زد هذه القلوب نورا ...

و اجعلها ربي مسرورة ....

و بلغها رمضان مأجوره ....

اللهم لي احبة يطيب القلب بودهم و يسعد الخاطر بذكرهم....

فاثقل اللهم لهم الميزان ..........

و اجعلهم من عتقاء رمضان .......

و اجمعنا بهم في باب الريان ...........

احبتي اسال الله ان يجعلنا جميعا و اهلنا و اولادنا من صوام هذا الشهر الكريم

و من قيامه كما نساله تعالي ان يتقبل منا الطاعات و يجعلها خالصة لوجه .

الحبيب المنصور بدونك الرياض ما ليها طعم للحكي الجميل و بيك تكون حتى

الفيافي و الصحاري ليها نضم سليل الف حمد لله علي السلامة .
Post: #5885
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 08-11-2010, 09:20 AM
Parent: #5884

رمضان كريم للكل
تصوموا وتفطروا على خير
Post: #5886
Title: Re: ناس الزقازيق ... أجدع ناس ( 3 ) ..
Author: Tabaldina
Date: 08-11-2010, 09:37 AM
Parent: #5885

..
.
الاخوة الاعزاء الزقازيقاب

mobarakagazoan8.jpg Hosting at Sudaneseonline.com


------------

ونسال الله ان تكونوا من عتقاء هذا الشهر
وتقبل الله منكم صيامكم وقيامكم ..

صالح عبدالرحمن صالح
Post: #5887
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 08-11-2010, 10:05 AM
Parent: #5886

رمضان كريم للزقازيقاب جميعا
تصوموا وتفطروا على خير
Post: #5888
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-11-2010, 10:41 AM
Parent: #5887

واحـــة الصــيام

كل عام وانتم بخير .. وتقبل الله منكم الصيام والقيام والطاعات جميعا ...

والامنيات بقضاء ايام روحانية جميلة للكل .. الذين دخل فى عظمهم حتى قبل ان يبدأ

وللذين ابتدوا الجرسة بالحنين لكباية الشاى .. واولئك الذين فوتوا السحور رغم الاربعة مآذن

اقصد منبهات ..!! اما اولئك العائدون على متن طائر الشوق ينشدون مع كابلينا عشق باندونج

وما حولها فلا أرى غضاضة فى استخدامهم لرخصة هذا اليوم يا رشا ...

ليس بسبب السفر والمسافة ...

انما سيكون بسبب ما سيعتمل بدواخلهم بعد وصولهم مطار الرياض .. واسترجاع تلك الاشرطة

التى ابدع منص فى تصويرها ووصفها بشكل جعل كل المتابعين يوجهون بوصلة اجازاتهم الى حيث

حكى ...

.. وكأنى بشركات السياحة العالمية ستتسابق الآن لتوقيع عقد حصــرى مع منصور لاحتكار

واستغلال اسلوبه الحكوى الرشيق فى الترويج والوصف البديع للاماكن بما يفوق بمراحل قدرة

الكاميرات الديجيتال فى التعبير ، وخوفا من ضياع حق البوست فى تلك الاتفاقيات الحصرية

اناشد قانونىّ البوست .. دهب وعبد الحفيظ والآخرون بالتدخل ومراجعة تلك الاتفاقات حتى

نضمن ديمومة استكتاع البوست وزواره بهذا الاندياح البديع ...

* مشكور يا وليد على التهنئة ،

والتحية عبرك لجميع احبابنا فى الشعبية وفى بحرى ست الطراوه ...

* اعتزم اخوتى .. تقديم استراحة رمضانية .. ، ونسبة لعدم ضمان استمرار توفر

الوقت والمزاج .. ارجو ان تشاركونى بها خاصة وان الكل - بحمد الله - له اسهاماته

وابداعاته .. واطلاعه الواسع ...

- سامعنى يا ود نجيلة ؟

Post: #5889
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-11-2010, 07:37 PM
Parent: #5888

رمضان كريم لكل الحلوين..
تصوموا وتفطروا علي خير..
Post: #5890
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-11-2010, 08:08 PM
Parent: #5889

Quote: رمضان كريم لكل الحلوين..
تصوموا وتفطروا علي خير..
Post: #5891
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-11-2010, 08:38 PM
Parent: #5890

سلامات يا ناس

Quote: Quote: رمضان كريم لكل الحلوين..
تصوموا وتفطروا علي خير..
Post: #5892
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-11-2010, 11:04 PM
Parent: #5891

مساكم أبيض و ندي...

و دي مداخلة استباقية أخرى و ذلك لتعذر التداخل صباحا...
رمضان شقلب الوقت و أصبحت ال24 ساعة التي كانت بالكاد تكفي لانجاز ما يجب انجازه...
أصبحت لا تكفي لانجاز ربع ما كان يتم انجازه قبل رمضان...
و لذلك تفسير و مبررات منطقية و موضوعية...
فالعبادة في الشهر الفضيل نفرد لها وقت أطول...
و هو وقت يضفي و يضيف الى الروح اشراقا و صفاء...
أضف الى ذلك سفر طويل و حر شديد...
و لكن يبقى رمضان الشهر الأحب و الأبرك في السنة...

و القمر بوبا عليك تقيل....
Post: #5893
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-12-2010, 06:49 AM
Parent: #5892

صباح الهناء والسرور ...

رمضان كريم وربنا يتقبل منا ومنكم صالح الأعمال ...

وتصوموا وتفطروا على خير ... وربنا يقدرنا على الصيام والقيام على الوجه الأكمل ...

بالأمس عز علينا الدخول وما عرفنا المشكلة فينا نحن أم في الحوش الكبير ...
Post: #5894
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-12-2010, 11:17 AM
Parent: #5893

Quote: اجمع الكل علي ان تسعي الجمعية لتثبيت المنح المقدمة من الجامعة .... وتم الأتفاق مع الأخ خالد يسن خريج تجارة علي متابعة المسألة والعمل مع إدارة الجامعة علي إيجاد آلية لتنفيذ الأتفاق كاملاً . علماً بأن الاخ خالد سيغادر الي الزقازيق في بداية رمضان .... حاملاً مكاتبة رسمية من الجمعية . كما أتفق الجميع علي أن الأولوية للمنح تكون وفق الشروط الآتية :

1/ الحصول علي شهادة سودانية حديثة .
2/ النسبة .
3/ الوضع المالي .

تنبيه : ** هنالك العديد من الفرص لأبناء الخريجين بالإضافة للمنح السابقة .
** لم تحدد إدارة الجامعة سقف لعدد الخريجين المستوعبين للدراسات العليا .


كدي يازهير براحة كده ... ورينا ... فهمنا
يعني اولادنا الدرسو مدارس اجنبية او عربية مادخلين المنافسة .... طلعو "بقد القفة"
ليه مايكون الترشيح لكل ابناء الخريجين حملة انواع الشهادات الثانوية المختلفة المعترف بها من جامعة الزقازيق وتدخل منافسة القبول ...

=========================================
رمضان كريم ياشباب ... لسة طايوقي ناقص من الاجازة
جايكم بعد مامنصور يدخل الرياض
ويامنص انا عكس الشباب .... حكاويك دي كلها من الانترنت
لارحت ماليزيا لا ركبت طيارة ....
نحنا ناس صور بس ...
نزل الصور ثم الصور ثم الصور ....
وبعدين نبارك ليك الاجازة ....



جايكم ... ان شاء الله ... بعد اكتمال الطايوووووووق
Post: #5895
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-12-2010, 12:15 PM
Parent: #5894

رمضان كريم و مبارك لكل الزقازيقاب و أصدقائهم أينما حلوا و كيفما طلوا ..
و دعوات للمولى عزّ و جل أن يعيده عليكم و على كل من تحبون بالخير و اليمن و البركات ..
و يا رب دايماً تامين و لامين ..
و تصوموا و تفطروا على كل خير ..
و يا أخوتي .. العفو منكم .. إن قصرت حتى في الرد على مداخلة .. أو في معاودة مريض أو تعزية مكلوم أو تهنئة فرحان .. العفو منكم و من كل من يقرأ لغيابات قسرية .. و يشهد الله تعالى أنني إن فعلت لم أقصد ما فعلت ..
و أسأل الله تعالى أن يديم محبتنا و أخوتنا و أن يعمر بالحب قلوبنا ..

تلبيكة :

كل سنة و إنتو طيبيبن و العيد مبارك عليكم بخيت و سعيد و ينعاد عليكم و على من تحبون خيراً و صحة و عافية و بكل ما هو جميل ..

و قصدت بهذه التهنئة أن أكون من السباقين لتهنئتكم و أنتم تستحقووووون هذا من ناحية .
و من ناحية تانية عشان العيد ذاتووو قرب و ما باقي ليهو إلا 28 يوم بس و الواحد مع مشاغل العيد يمكن ينسى و يتلوّم .

أقعدوا عافية ..
Post: #5896
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-12-2010, 12:33 PM
Parent: #5895

رمضان كريم يا اهلنا
نحن الليلة يا دوب بدينا رمضان الفلاتة حقنا

حفرة دخان سكينة بت ود جيب الله
Post: #5897
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-12-2010, 12:46 PM
Parent: #5895

Quote: عشان العيد ذاتووو قرب

غايتو المكنة دي
أنا قسمت معاي
ووزنة البلوفة طلعت تملم التمام
تشكر يالماش و ما غاشي

زول يرسل ليك رسالة مس كول
تفتشو عشان تقول ليهو حمدلله بالسلامة
يوقل ليك رمضان خش العضم
لو داير و نسة أضرب لي بعد الفطور
دا حالتو جا من ماليزيا

ياسر نجيلة
قبل اللفحي بتاعك أدينا فاتحتنا
و أحكي لينا بالإجازة بتاعتك
مش يا جماعة أي زول مش إجازة بيجي يحكي
و تيب !!!!
لكن الزول الكان غاتس في الغار
محل العبادة
لا يجوز أن يسألوهو كنت وييين
غير إنو يقول ليهو العفو و العافية
و رمضان كريم
Post: #5898
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-12-2010, 01:30 PM
Parent: #5897

sudansudansudansudansudan35.jpg Hosting at Sudaneseonline.com
Post: #5899
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-12-2010, 01:36 PM
Parent: #5898

مساء الخير ،،، يا وجوه الخير

أمسينا وصار المساء ممسح بالصيام

مسوؤلين من الخير ،،، المنبر ده أمبارح مشى وين

يوم أمس بدأنا المداخلة بعد صلاة الظهر ولكن حضرنا

ولم نجدكم جميعاً ،،، بيكون المنبر العام سافر ماليزيا

حمد لله على السلامة منصور والعائلة الماليزية،،،،،،،،،،،

والبركة في رمضان الكريم ظهروا ناس كتار كانوا مندسين ،،،
Post: #5900
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-12-2010, 01:43 PM
Parent: #5897

حتى مكتبى فى الرياض , ذلك البائس التعيس
والذى شبعت منه مللا , والذى كجنته تكجينا , بدا لى مختلفا هذا الصباح
تفعل الأجازات, ويفعل التغيير بالنفس البشرية الأفاعيل
ينقلها وينتقل بها من محطات الى محطات
مشتاقين والله يا ياسر نجيلة
لا نسمح لك بأى غياب اختيارى يا محمد عيد
ان جاءك الغياب قسريا , فاننا على تقدير الظروف قادرون
اما ان تغيب بسبق الأصرار وكامل الترصد , فهذخ جريمة مكتملة الأركان
لا نسمح لك ان تقوم بها , ولا نرغب ان تنوى مجرد نية
الأنتقال من مطارات كوالالامبور وسنغافورة , ثم دبى والرياض , لعب بساعاتنا البيولوجية لعبا
وساهم رمضان فى ان يزيد من ضرب ساعة البيولوجيا عندنا , وكانها كرة تنس صغيرة
حتى اننى حضرت الى المكتب والدوام اليوم , ساعة كاملة قبل مواعيد الدوام الرسمية الرمضانية
كانت (طاقة الحكى ) قد توقفت وانقفلت بفعل منادى الطائرة فى مطار ما , ساعدونى بالتذكر , ولكنى اظنه كوالالامبور
وكنت اتحدث عن اشجار , ما (ادونا ليها ) فى كلية الزراعة
نخيل بدون تمر , ومنجة تحتاج لعربية كارو لحمل ثمرتها المنتفخة (عينى باردة )
وجوز الهند ولا هند , وشذى زهر ولا زهر , وحوالينا الظلال والنهر, ويفوح العطر عندنا , ولا عطر
تغيرت سياسة نزول المطر حال وصولنا حياض (بينانج )
ترى لماذا قفزت لفظة (حياض ) الى ذهنى وكأنها احد (نسانيس لنكاوى )
ان حال المطر (المتغازر ) , وهو يسقط على مياه المحيط الهندى , قتلنى , وما انفك يفعل كلما استدعيته من ذاكرتى القريبة , ان منظر حبات المطر العاتيات الكبيرات غير القادرات مع ذلك على انقاص اوزان واحجام غمامات السحاب , ثم منظر المياه المتدفقة من فتحات السحاب , ومع ذلك لا تقوى على زيادة مياه المحيط الصاخب , منظر يثير فيك كوامن الأبداع والحيرة فى آن , انه الماء عندما يسقط على الماء , ومع ذلك لاماء يزيد ولا ماء ينقص , قاتل الله اصحاب نظريات الرياضيات والفيزياء, فمن قال لهم ان قطرة الماء اذا ما سقطت على اختها صارتا قطرتان , الم يقل (كوال ) لأستاذ الرياضيات الجديد الذى سأله عن حاصل جمع النص للنص , انهما (قزازة ) , ترى ماذا يقول (منصور ) عن حاصل جمع قطرة لقطرة , ان حاصل جمعهما ليس قزازة بالتأكيد , لا , انه عنفوان واختلاجة , انه زهو وافتخار , لا , انهما اكثر من ذلك بكثير
وبينانج بمحيطها هى حاصل جمع حاضرتين اولهما جورج تاون , الميناء التجارى العملاق , والتى يحيطها المحيط احاطة السوار بالمعصم الا فتحة صغيرة , اما (باتو فرنجى ) , فهى جانب المدينة السياحى , وحيث ان بينانج جزيرة (الا قليلا ) , فانك واجد ماءا انى كانت وجهتك , من جوانب ثلاثة على ظهر اديمها الأخضر, ولكن الأمطار النازلة اكملت جوانب مائها بجانب رابع يكمل احاطة سوارها بالمعصم , حتى يخال اليك انها لن تستطيع معها فكاكا
بينانج , ماء وخضرة وشجر وشاطىء الذهب , متعة النظر وانشراح الفؤاد
Post: #5901
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-12-2010, 02:28 PM
Parent: #5900

مساءاتكم بركات وحسنات ...

عصام دهب التهنئتبن قبلناهم لكن الفيك إتعرفت ... أقعد عافية ...

مراحب بود نجيلة الغائب الحاضر .. عايزين نشوفك في رمضان ...

منصور حمدا لله على سلامة الوصول ...
Post: #5902
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-12-2010, 06:08 PM
Parent: #5901

قال رسول الله صلى الله عليه وسلم

من صام رمضان إيماناً وإحتساباً

غفر له ما تقدم من ذنب

تقبل الله قيامكم وصيامكم
Post: #5903
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-12-2010, 06:19 PM
Parent: #5902

دعوة إلى ناس الليل للعودة للكتابة

اليلية وعلى رأسهم رشيد القوم،،،،

لأن الدوام صار الساعة عشرة صباحاً

والدخول إلى البوست بعد أداء العمل الصباحي

صار صعب ،،، يلا يا شباب لنعيد للبوست رونقه الليلي
Post: #5924
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-14-2010, 08:31 AM
Parent: #5903

اليوم الاول

اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نَوْمَةِ الغافِلينَ ، وَهَبْ لي جُرمي فيهِ يا اِلهَ العالمينَ ، وَاعْفُ عَنّي يا عافِياً عَنِ

المُجرِمينَ .

اليوم الثاني :
اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ .

الثالث :
اَللّهُمَّ ارْزُقني فيهِ الذِّهنَ وَالتَّنْبيهِ ، وَ باعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا اَجوَدَ الأجْوَدينَ .

اليوم الرابع :

اَللّهُمَّ قَوِّني فيهِ عَلى اِقامَةِ اَمرِكَ ، وَ اَذِقني فيهِ حَلاوَةِ ذِكْرِكَ ، وَ اَوْزِعْني فيهِ لِأداءِ شُكْرِكَ بِكَرَمِكَ ، وَ احْفَظْني فيهِ بِحِفظِكَ و َسَتْرِكَ يا اَبصَرَ النّاظِرينَ .
Post: #5904
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-12-2010, 06:22 PM
Parent: #5902

sudansudansudansudansudan36.jpg Hosting at Sudaneseonline.com
Post: #5905
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-12-2010, 06:32 PM
Parent: #5904

سلام لأجدع ناس ورمضان كريم وصيام مقبول
وذنباً مغفور بإذن الله .

طيلة الفترة السابقة توقفنا عن المداخلة
بسبب الأمتحانات والمشغوليات ولكن ،،
وإتضح لي بأن العودة للكتابة من أصعب الأشياء
في الحياة ورمضان كان دافع لي بالعودة للكتابة

ومتابعة بوست عائلات زقازيقية من الزمن الجميل
الحقيقة كنت متابعة ومستمتعة على قول أخونا عصام دهب.

القائد منصور والعزيزة أماني وأفراد العائلة الكريمة
حمد لله على سلامة العودة.
Post: #5906
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-12-2010, 07:08 PM
Parent: #5905

sudansudansudansudansudansudansudansudansudan12.jpg Hosting at Sudaneseonline.com

sudansudansudansudansudansudansudansudansudansudan.JPG Hosting at Sudaneseonline.com

May Allah accept all our good deeds.. and bless us with forgiveness
in Ramadan


First of all,Salam alaikum wa rahma allah wa brakato

I know all of u .every day I read what u wrote
and I know your names2 I like 2 join zagazig group I am waiting 4
Mr. bakry to give me password throught uncle Zuher AL- zanati

This is Mohsina Maysara-Grade:8. 12 years old
Post: #5907
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-12-2010, 08:02 PM
Parent: #5906

مساكم الله بالخير
بعودة منى يونس الى نشاطها و همتها تعود ألوان قوس قزح الى البوست...
لتكمل مهرجان الجمال و الألوان الذي عاد بعودة محمد عيد...
و كذلك بعودة منصور الظافرة من ماليزيا تبدأ شهرزاد في الكلام المباح حتى الصباح...
و عندما يحكي منصور عن الغمام و الرزاز الذي يمسح الوجوه مقابل المحيط...
يجتاحني احساس بأن درجة الحرارة التي بلغت أرقاما قياسية هذا الصيف تنخفض كثيرا..
مستمتع يا منص واصل جمالك...و ان شاء ساعتك البيولوجية تكون تفضل ملخبطة كم يوم عشان نستمتع..

الشمار في رمضان يختلف كما و نوعا و شملا عن الشمار في الأيام العادية..
بعد خروجي من صلاة التراويح اليوم وجدت رسالة من الكوتش محمد صديق...
دخلت أو قل هرولت الى البيت حتى أهرب من درجات الحرارة و الرطوبة العالية...
لقيت صلاة التراويح في تلفزيون السودان ما زالت مستمرة...
قلت أشوف الكوتش ده في التراويح و لا داكيها..
ضربت ليهو تلفون فلم يرد علي....تقبل الله منك يا كوتش و ما تنسانا من صالح الدعاء...
و سامحنا على الشمار...
Post: #5908
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-12-2010, 09:09 PM
Parent: #5907

أول حاجة يا جماعة خلوني أستقل قصة السماح و المسامحة بتاعت الأيام ديل...
و أقول ليكم سامحوني اذا كانت هنالك أحطاء املائية في المداخلات..
و بصراحة أجد أن الرجوع اليها و تعديلها غير مجدي...
لأنه في رمضان تكثر مثل هذه الأخطاء فمهما تعدلها ستبقى هنالك العديد منها..

في الليلة الظلماء يفتقد البدر...
أفتقد كثيرا جلال عثمان في هذا الشهر الفضيل...
حيث أن جلال كان أحد فرسان الليل في رمضان الماضي..
و صادف أيضا تواجد والدته و والده معه بالسعودية في تلك الأيام..
و كان للحاجة تعليقات لطيفة نقلها لنا جلال...خاصة عندما اثرنا موضوع ملاح الويكاب...
نرجو أن يكون جلال مستمتع باجازته في أرض الوطن...

حاتم جبارة...رمضان كريم...
طلتك كانت بهية مع اطلالة رمضان...
لكنها كانت قصيرة...
نرجو طهورك المكثف في رمضان...
Post: #5909
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-12-2010, 10:23 PM
Parent: #5908

سلامات يا ناس

ومساءات رمضان الندية(والمتمسحة ..كما يقول د.عشرى)

ومراحب بعودة الغائبين...منى يونس وحاتم جبارة وياسر

نجيلة ..وسيد الحوش المستمتع وجاب لينا العيد جرى

تقبل الله من الجميع الصيام والقيام..
Post: #5910
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 08-12-2010, 10:33 PM
Parent: #5908

Quote: في الليلة الظلماء يفتقد البدر...
أفتقد كثيرا جلال عثمان في هذا الشهر الفضيل...
حيث أن جلال كان أحد فرسان الليل في رمضان الماضي..
و صادف أيضا تواجد والدته و والده معه بالسعودية في تلك الأيام..
و كان للحاجة تعليقات لطيفة نقلها لنا جلال...خاصة عندما اثرنا موضوع ملاح الويكاب...
نرجو أن يكون جلال مستمتع باجازته في أرض الوطن...

اها دي ليلة القدر ...
والله منذ ان وطئت اقدامي ارض الوطن الحبيب وانا في شوق لكم جميعا
ولكن ما باليد حيلة .... فامتداد اسرتنا في كل ربوع السودان يجعل الاجتماعيات تاخذ جل وقتي...
حتى زهير الذي يفصلني منه فقط حارتين او ثلاثة لم ازره حتى الآن رغم وعدي له امس ...
حيث اصبحنا في القرير وانا اكتب هذه المداخلة من هناك الآن وهي مهداة بالطبع بجانب الزول السمح وزين الرشيد
مهداء الى اخونا الذي بالمغرب طارق جبريل وريحة الجروف تعبق المكان بسحر خاص ...
والرطب رفع سكرينا خلاه 200 لكن والله كان "شمبتني" عديل ياني القارشو .
كيفنكن كلكم ياالحبان ورمضانكم كريم وسائل المولي ان يتقبل منكم الصيام والقيام وان يتقبل منكم طاعاتكم...
بجيكم راجع تاني بس ادوني فرصة اذاكر الصفحات الفاتت لزوم المواكبة وكدة















--------
جلا والكوتش وزهير ....
سوف اعود من القرير بعد يومين ان شاء الله وبيننا اتصال
Post: #5911
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 08-12-2010, 10:45 PM
Parent: #5908

رمضان كريم تصوموا وتفطروا على خير

الريس ميسرة .. الريس معتصم جعفر... زهير الزناتي ... محمد صديق... محمد ادم النور... صالح تبلدينا...البادي النور...زينب التجاني ...عفاف ميرغني ...محمد المرتضى ...الرشيد بابكر ...منصور عبدالرازق...حاتم جبارة...طارق جبريل ...ودالمهدي ..نورالدائم سيداحمد..بكري حامد..مجتبى فاروق..عمر نملة..عثمان الجيلي ...كوثر داؤاد...موسى عيسى.. محمد عيد..سامي عبدالوهاب ..خالد محي الدين ..سناء الصباغ ...الصادق عبدالله..السهيلي مجذوب...منى يونس ...جلال عثمان ...نجاة حوفي ...منى عباس ...سيف النصر محي الدين ...سامي الطاهر ...ياسر شبيكة ...



وكل عام وانتم بخير
Post: #5912
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-12-2010, 11:17 PM
Parent: #5911

Quote: سلامات يا ناس

تعالوا نِنْجَمْ مع محمد نجيب محمد على :

بنات البنوك

بنات البنوك

حاملات الصكوك

خدم الأغنياء كما أعتقد

اللواتى يُجِدْنَ العَدد

ويُجِدن التأمل فى كل شىء ورد

ويعرفن أسماء من

يكنزون الرصيد

وفى كل صباح تراهن يحدقن

فى كل وجهٍ جديد

وشيك جديد

ومقاصات يأتى بها آخر اليوم

ظهر البريد

وحوالات تأتى معبأة من بعيد
Post: #5913
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-12-2010, 11:22 PM
Parent: #5912

سلامات يا ناس

Quote: جلا والكوتش وزهير ....
سوف اعود من القرير بعد يومين ان شاء الله وبيننا اتصال


جلا وزهير ما عارفم...

لكن انا ما اظن اثق فى تلفون منك...الا القاك فى وشّى..

استمتع بالرطب...

Quote: مبارك جادين
تاريخ التسجيل: 13-09-2008
مجموع المشاركات: 175


يا أخانا الذى أدمن الإختفاء..

انتظر تلفون منك بشأن موضوع اخونا على عبدالمعروف.
Post: #5914
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-12-2010, 11:31 PM
Parent: #5913

سعيد انا - كما الرشيد الحبيب - بانطلاق هذه الامسيات الرمضانية الجميلة فى البوست ، واذا كانت دعوة الريس ميسرة بتفعيل هذه الليالى قد لاقت قبولا سريعا .. فان اوامر الرئاسة لا تقبل الجدل حولها ، حتى لو شكك المشككون فى هذه الطاعة العمياء .. ويا ريس وان كنا فى الغــار فان طلباتك اوامر .. مهما حاول البعض استدراجنا لما خلفه ( واياك اعنى فاسمعى يا جارة )
وجمال مساءات رمضان الندية كما قال الكوتش يكفى انها أتت الينا بريح ود جبارة من وراء الاطلسى معبقة ببخور ود نجيلة السندسى وبطعم الابنوسى مبارك جادين .. اما أحلى الاطباق فكانت اطلالة جلال الحبيب من جروف القرير .. والليلى ود جبرين اظنو حيخلى حفرة الدخان الولعها من البارحة وحيقعد يدوبى الليل كله .. واكيد سنكون على وعد منه بجمال اكثر بهاء .
ولعل ظهور حاتم جبارة يدفعنى للسؤال واعراب الشوق لبعض احبابنا الغائبين وهم فى أقاصى بعيده واتساءل معكم عن : الســهيلى - صلاح الامين – تملوز - د. الصادق .

وســؤال خاااص عن الحبيب ... كمال الشادى

• الكوتش الحبيب .. صدق والله كلام نجيب ده شرقنى عديل كده ..

رغم انو الواحد فى رمضان داير يخفف من السكريات الا ان هداياك دائما بطعم العسل ..

حفظك الله
Post: #5915
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-13-2010, 01:15 AM
Parent: #5914

حضر إلى شركتنا أخونا الزقازيقي محمد العبيد
خريج كلية التجارة عام 1992م عدلت الكرافيتا وصلحت
الهندام وخرجت لمقابلته وأنا أتوقع هذا البرلوم الصغير
ولكن يبدو أن الزمن لعب دورته المقلوبه فقد بدأ لي بأنه
أكبر مني سناً وظننت في نفسي بأن يكون الزول ده حضر في بداية
الثمانينيات ولكن ألجمني وخذلني وأفاد بأنه حضر الزقازيق عام 1988م
ونحن لم نتقابل من قبل المهم هو زقازيقي وكفاية ،،،،،،،،
الموضوع ده بيذكرني عندما قابلت كمال الشادي (المختفي) قبل سنين وهو كما
هو لم يتغير فقط إزداد لحماً وشحماً ولكن يمكن تصنيفه من فئة (المقرش) زي تقريش
العربية زمان في السودان تكون مسافر ترفع لساتك العربية وتغطيها وتعمل ليها راكوبه
وتسافر مطمئن بأن عربيتك مقرشة وما بيحصل ليها حاجة وبعيدة عن عوامل التعرية
بس في واحد ما شاء الله خارق وتم إستحداث فئة خاصة به وهي فئة المحنطين وهم كما هم
من تركناهم في الزقايق مافي أي تغيير وهذه الفئة يتسيدها بجدارة مولانا جلا
بصراحة حين إلتقيت بعائلة جلا وقابلني في البداية أخوه خالد ظننت بأنه الشيخ جلا
بس خالد كان قصير ولربما يتغير الناس ويصبحوا قصار (قالوا القصار طالوا) وتم تصحيح
المعلومة يا هو ده محمد آدم النور بشحمه ودمه ومخه وعظمه لم يتغير ،،،،
عيني عليك باردة ،،،
خلي عيسى موسى يقرأ ليك المعوذتين.....
Post: #5916
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-13-2010, 02:05 AM
Parent: #5915

Quote: حيث اصبحنا في القرير وانا اكتب هذه المداخلة من هناك الآن وهي مهداة بالطبع بجانب الزول السمح وزين الرشيد
مهداء الى اخونا الذي بالمغرب طارق جبريل وريحة الجروف تعبق المكان بسحر خاص ...

والله يا حبيب حاسدك عديييييييييييييل
يا جلال النب فيك ان ما شفت القماري والدباس
وطير الجنة والكرجة ولوبي عفن
واوعك تقرب من العميوقة



انا فاتح لي حفرة دخان في المنبر العام
العايز يجي يجيب طلحو معاهو
طبعا الرشيد بتاع البت السغنبوتة حا يعمل ميت
ههههههههههههههه
Post: #5917
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 08-13-2010, 03:53 AM
Parent: #5916

صبحكم الله بالخير في ايام رمضانية جميلة

بدات تغسل وتنقي كثير الدواخل امنيات طيبات بصيام

مقبول 000 ودوام محبة زقازيقية دائمة000 مقرونة بشكر كتير ليكم

في وقفتكم معاي في محنتي اخوان واخوات عزيزين علي 0000

فكل سنة وانتو طيبين وسط اسركم الكبيرة والصغيرة 000

وتعازي الحارة لكل من فقد عزيز لديه 000

ولكم حبل ود ممدود00 فافي
Post: #5918
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-13-2010, 12:51 PM
Parent: #5917

صباح الخير ،،، يا وجوه الخير

أصبحنا وأصبح الملك لله وحده،،،

دعاء اليوم :

"اللهم أنت ربي... وأنا عبدك... خلقتنى...
وانا على عهدك ووعدك مااستطعت... أعوذ بك من شر ما صنعت...
أبوء لك بنعمتك علىّ... وأبوء بذنبى... فاغفر لي... فإنه لايغفر الذنوب إلا أنت"

جمعة مبارك لأول جمعة في رمضان
Post: #5919
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-13-2010, 08:53 PM
Parent: #5918

Quote: سلامات يا ناس

وكل أحاديثهن

تدور بهن

عن المال ..عن روعة الرائحة

وكيف تَوجَّعن من زحمة الإستلام

وكيف العيون غدت نائحة

وكيف الدنانير تعدو وتعدو

لتلك الخزائن

ملفوفة بخيوط الحرير

ومحروسة بالجنود الأشاوس

كى لا تطير

ومختومة بكتاب المدير
Post: #5920
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-13-2010, 09:37 PM
Parent: #5919

Quote: سلامات يا ناس

نواصل الإنجمامة مع نجيب..(جلا حيقول شنو تانى؟مش عايز ينْجْم؟)

البنات يولولن فى السِّر

من نفحات الريال

من عجوز أتى يتمرجح

ذات اليمين

وذات الشمال

وترقص عكازه كالعروس

تميل بشبالها عند باب الصرافة

العجوز الذى يزدهى بالنحافة

وعمته بالظرافة

وجبته بالخرافة

وأمواله حوله تستدير



(ولا يفوت على فطنة القارىء أننا هنا نقوم بخدمة التوصيل

لأؤلئك الذين لا يستطيعون الحضور إلينا فى (ولمن فاتهم الإستماع))
Post: #5921
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-13-2010, 09:52 PM
Parent: #5920

Quote: سلامات يا ناس

وهو كالأراجوز

يراقص خطواته فى المسير

فيشتعل البنك، تصطف

كل عيون البنات،

لمقدم هذا العجوز الأمير

لماذا تحب بنات البنوك العجائز؟

لماذا تطارد تلك الرموش الجنائز؟

لماذا تكسّرت الآن فى البنك،

تلك الحواجز

وصارت لكل البنوك نواجذ!

مرابحة أو مصاهرة أو جوائز!!؟

وصار (الجنيه) حزيناً...

كمثل بنات البنوك حزيناً

وأصبح (دولار) سيدة الأرض فائز!
Post: #5922
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-13-2010, 10:45 PM
Parent: #5921

مساكم الله بالخير

حاتم جبارة...شكرا على الحضور المكثف...مهما كانت الوسيلة فالتواصل هو التواصل...

يا كوتش شكرا على الDelivery الما خمج...

حلال و الله مداخلتك المن القرير دي بألف مداخلة...بتين ناوي الرجعه...
مشتاقين عديل كده...

جبريلا...نحن لسه مع الناس الصغار...الكبار ديل نبرى و نستبرى منهم...
ما تقوم تقراها نبري و نستبري أبيض و حلو مر..

غدا سأتواصل معكم ان شاء الله من موقع جديد المسافة بينه و أبوظبي هي نفس المسافة بينه و الرياض...
لو مسألة الدخول و الخروج للسعودية مثل الدخول للامارات لفطرنا فطورين تلاته مع منصور...
على الأقل كان سمعنا حكايات ماليزيا وجها لوجه...


و حتى نلتقي لا أقول وداعا و لكن أقول الى لقاء...(العبارة دي عا########ي قلت أجربها فيكم)..
Post: #5923
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-13-2010, 11:07 PM
Parent: #5922

رشا يا حبيبنا ربنا يوفقك في الموقع الجديد

لكن حكاية البت السغنبوتة دي ما بنمشيها
Post: #5925
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-14-2010, 08:44 AM
Parent: #5923

صباح الخير ،،، يا وجوه الخير

أصبحنا وأصبح الملك لله وحده ،،،

دعاء الصباح :-

اللهم أحينا في الدنيا مؤمنين طائعين ..
وتوفنا مسلمين تائبين ...
اللهم ارحم تضرعنا بين يديك ..
آمين يا رب العالمين،،،،
Post: #5926
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-14-2010, 09:50 AM
Parent: #5925

اليوم الاول

اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ ، وَ نَبِّهْني فيهِ عَن نَوْمَةِ الغافِلينَ ، وَهَبْ لي جُرمي فيهِ يا اِلهَ العالمينَ ، وَاعْفُ عَنّي يا عافِياً عَنِ

المُجرِمينَ .

اليوم الثاني :
اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ .

الثالث :
اَللّهُمَّ ارْزُقني فيهِ الذِّهنَ وَالتَّنْبيهِ ، وَ باعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا اَجوَدَ الأجْوَدينَ .

اليوم الرابع :

اَللّهُمَّ قَوِّني فيهِ عَلى اِقامَةِ اَمرِكَ ، وَ اَذِقني فيهِ حَلاوَةِ ذِكْرِكَ ، وَ اَوْزِعْني فيهِ لِأداءِ شُكْرِكَ بِكَرَمِكَ ، وَ احْفَظْني فيهِ بِحِفظِكَ و َسَتْرِكَ يا اَبصَرَ النّاظِرينَ .


العزيز ميسرة كيف حالك و يومك سعيد طبعا رمضان مش لحق العضم دا كسر العضم عديل .

قمت الصباح من بحين فتشت البوست ما لميت فيهو عموما رفعتو بقدرة قادر بباقي السحور

و عملت مداخلة بس طلعت المداخلة هي ذاتها ما متسحره بدل تطلع في الصفحة 60 الظاهر عليها

نعسانه اول صحفة قريبة منها توش دخلت ليك علي الصفحة 59 و قمت الان بالتعديل .
Post: #5927
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-14-2010, 09:55 AM
Parent: #5925

صباح الخير يا وجوه الخير زى ما بيقول ابوها



May Allah accept all our good deeds.. and bless us with forgiveness
in Ramadan


sudansudansudansudansudansudansudansudansudansudansudansudansudansudan7.jpg Hosting at Sudaneseonline.com



بتنا الحلوة محسنة ميسرة قالت الكلام الحلو ده فيكم


Quote: First of all,Salam alaikum wa rahma allah wa brakato


I know all of u .every day I read what u wrote
and I know your names2 I like 2 join zagazig group I am waiting 4
Mr. bakry to give me password throught uncle Zuher AL- zanati

This is Mohsina Maysara-Grade:8. 12 years old


Email: [email protected]




محسنة يا حبيبة انتى تستاهلى باسورد ومعاهو شهادة
لانك اول كاتبة من الجيل التانى من الزقازيقاب

يلا رحبو بيها يا عجايز ، انتو ناسين انكم على اعتاب الخمسين
ومحتاجين من يحمل اللواء من بعدكم


ـــــــــــــ

وصلت الى جـده يوم الخميس زميلتنا نوال البلول وابنائها
نتمنى لهم اقامة طيبة وان يمن الله على الزميلة نوال بدوام الصحة والعافية
وعاجل الشفاء ، للاتصال ت عثمان الجيلى 0563107975
Post: #5928
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-14-2010, 11:28 AM
Parent: #5927

تسعد مدينة جدة هذه الأيام بتواجد الزميلة الزقازيقية
الحبيبة نوال البلول زوجة الزقازيقي عثمان الجيلي،،،
بغرض الزيارة والأستشفاء .

هلا ومرحب بيك أختنا نوال في دارك ونتمنى لك الشفاء العاجل
وإقامة طيبة وسعيده لكي وللأولاد .
Post: #5929
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-14-2010, 12:04 PM
Parent: #5928

الرشيد فى السلع , ونوال البلول فى جدة
عفاف على ميرغنى فى البوست , ونجاة حوفى فى التلفون
جلال عثمان فى القرير , وطارق جبريل فى حفرة الدخان
موسى عيسى ما يزال فى الصفحة تسعة وخمسين , ومحسنة ميسرة بباسويرد جديد
منى يونس رجعت تانى , وحاتم جبارة بيحندك فينا , ومبارك جادين رمضانه يا دوب بدأ يوم الجمعة
وانا فى الرياض غلبنى عديييل القى لى رقم تلفون شغال لى محمد عيد
يا محمد عيد , اتصل بيك كيف ؟؟؟
Post: #5930
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-14-2010, 01:14 PM
Parent: #5929

المتأمل لخريطة ماليزيا , يجد هناك فى اقاصيها البعيدة
وفى ركن نافر , لا يكاد يتصل بصلة الى ماليزيا
جزيرة متمردة , خارجة عن المالوف , تحيطها مياه المحيط من جوانب اربع
هى (لتايلاند وبانكوك ) اقرب منها لماليزيا وكوالالامبور, انها لأنكاوى الجميلة
وانت على شاطئها الذهب , تكاد ترى انوار تايلاند بعينيك المجردتين
ولأنها جزيرة من تسع وتسعون جزيرة
فان الوصول اليها من مدن ماليزيا القريبة , او الخروج منها كذلك
يمر برحلة بحرية باذخة
كان الخيار امامى ان تمضى اليها برا من كوالالامبور
الى اقرب مدينتين اليها , وهما كوالا بيرلس , وكوالا كدا
وهاتان بينهما ولانكاوى , ما بين الساعة , والساعة ونصف الساعة
ولكنى اخترت الطريق الأبعد فى المسافة , رغبة فى رحلة بحرية اطول
لذا فان خيار الطريق البحرى من بينانج الى لانكاوى
ثم العودة من لانكاوى الى كوالالامبور برحلة بحرية اخرى الى كوالا بيرلس و ثم بالبص ذو الطابقين الى كوالالامبور
بدا لى الخيار الأجمل
كان من الممكن ان ارجع عن طريق بينانج مرة اخرى , ولكنى لم ارد ان افوت فرصة الأطلالة على مدن ماليزية جديدة
اضف الى انها بعيدة عن المركز , فاردت ان اتعرف على فروقات جوهرية بين (الريف والمدينة )
فلم اجد غير ان اوصف الريف بالتمدن , بعد ان افرطت فى وصف طبائع كوالا الريفية المتحضرة
غير ان الطريق بواسطة الفرى الأنيقة (لم ادرى ما سر تسمية هذه السفينة البحرية الفارهة بالفرى حتى الآن )
ولكنى اعرف اننى حجزت على متنها مقاعد سبع , من خلال موقعقها الأسفيرى من بينانج الى (كوا )
حاضرة لانكاوى وعاصمتها
وحيث ان اقامتى فى بينانج استغرقت ليلة واحدة بيومين اثنين
فان اول مشوار وضعته فى برنامج اليوم الواحد فيها , هو الوصول لمحطة الفرى لتقدير مسافة الوصول اليها
فى صباح الغد الباكر
كانت تحتاج الى الربع ساعة تقريبا , من فندق الرويال بينانج الذى اخترناه لأقامتنا لتلك الليلة
وكما كان مهدى هو رفيقنا ودليلنا فى كوالالامبور , اضافة الى انه اوصلنا الى فندقنا فى بينانج
فان راجاش , الهندى الأسمر , والذى شعرت معه (بانفتاح لونى ) , تكفل ببرنامج يومنا الوحيد فى بينانج
والذى بدأ بزيارة مصنع الشوكلاتة , وعالم ما تحت البحار, واكويريا الأحياء المائية المدهش
ثم خصصنا باقى النهار , وامتد التخصيص لباقى الليل الأول , لشاطىء بينانج الخلاب
وكان اللافت فيه رغبة الشباب فى ممارسة الصعود المظلى بالباراشوت
والذى واجهته بت الشيخ برفض قاطع , ووجدت نفسى امامه فى تردد ما بين رغبة وخوف
الا ان المياه المحيطية المتلاطمة الأمواج اخذتنا بسحرها واستمتاع الجميع بها
حتى اذا ما انقضى الليل , تلفتنا لنجد البيتش خاليا الانا
وسائقنا الهندى يرمقنا من بعيد , دونما تذمر او استعجال
حتى اننى خلته يختبىء وراء الأشجار ,حال احساسه باننا (شفناهو شفناهو )
وتعلمون اثر الخوض فى المياه وملاطمة الأمواج (للعظام الكبيرة من شاكلة عظامنا)
حتى اذا ما دلفنا الى غرفتينا المتجاورتين فى الرويال بينانج هوتيل
وأستمتعنا بمنظر المحيط الممتد من نافذة الغرف, ثم اندسينا تحت اللحف البيضاء
ولم نصحوا الا على اصوات جرس التلفون الصباحى التى تقول (ويك اب كول , بليس هاف ابليسنت داى
وز رويال بينانج هوتيل )
Post: #5931
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-14-2010, 01:42 PM
Parent: #5929

قصة إبنتي محسنة (tota) مع سودانيز أون لاين
بوست ناس الزقازيق كانت عندها الرغبة من العام الماضي
بالدخول ولكن تم تأجيله لهذا العام وما زالت تلح علينا بالسماح
لها بأن تدخل وتكتب فوعدتها إذا أحرزت نتيجة طيبة لهذا العام ممكن
أن نخلي زهير يرسل علشان تاخدي باسويرد وقد كان فأحرزت 99% في إمتحان
نهاية التيرم من الفصل السابع إلى الثامن وكانت الأولى بتفوق ، لقد أوفت
لي بعهدها وتبقى أن أوفى بعهدي وتركها تكتب وكمان الحصول على الباسويرد
وبالمناسبة هي تكتب على الكي بورد بالإنجليزي اسرع مني خالص وأنا أستعين بها للتابة
لسرعتها الكبيرة وكمان لها دراية بالفوتوشوب وتنزل صور على الموقع وتحصلت قبل سنتين ع
لى الرخصة الدولية لقيادة الحاسب الآلي كأصغر طفل يتحصل على الشهادة من هذا المعهد.

الجيل التاني من الزقازيقياب بدأ يتحرك ، أحسن نتضاير!
Post: #5932
Title: Re: ناس الزقازيق ... أجدع ناس ( 3 ) ..
Author: عمر نملة
Date: 08-14-2010, 04:44 PM
Parent: #5931

رمضان كريم وكل سنه وانتم بخير وصحه وربنا يحقق الاماني ويخيط ثوب العافيه لكل المرضى، ويرحم من رحل عن دنيانا الى دار الخلود.
آمين.
Post: #5933
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 09:16 PM
Parent: #5932

مساكم الله بالخير

محسنة ميسرة سيدأحمد يشرفنا انضمامك لينا...على الأقل الواحد يلقى ليهو زول من سنه...
يعرف يتفاهم معاهو ويفهمه...

عمر نملة...كيف رمضان عندكم يا حبيب...ان شاء الله يكون ساهل و لذيذ زي بتاعنا...
جربت مرة الصيام في لندن و كان الامساك في الثانية صباحا و الافطار عند التاسعة مساءا...
و رغم ذلك كان رمضان لذيذ و ممتع...

جبريلا...شايف جلال شحتف روحك بموضوع القرير...
حقو جلال يقم يرسل ليك شوية رطب مجمد يبل بيهو شوقك...
Post: #5934
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 09:22 PM
Parent: #5933

يا كوتش القصيدة بدون تعليق...
عشان نحن تخصص ناس صغار و الكبار ديل ما تبعنا...
انت براك شايف المتربصين من أمثال جبريلا و غيرهم...
ديل ما بيريحو...

البادي اختفى في رمضان...البادي صايم و لا زي كل سنة...
Post: #5935
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-14-2010, 09:39 PM
Parent: #5934

والله يا الرشيد حسدت جلال دة عدييييييييييل
يايخ القرير وكت المطوطي والمشرق
دة شغل نضيف ياخي


يا رشا كيف الشغل الجديد ان شاء الله الامور ماشة كويس
Post: #5936
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-14-2010, 10:06 PM
Parent: #5935

كما فى كل عام فى رمضان .. اعتدنا على ترخيمة بعد الافطار مع عمنا السر قدور

وذلك قبيل الانطلاق الى صة التراويح ...

ومن اكثر الاشياء التى جعلتنى أصر على حضور البرنامج يوميا هو اجذاب ابنائى نحوه

وانتظارهم لبدءه .. ولعلها خطوة جميلة فى سبيل ربط ابناء المنافى بجزء هام من ثقافة الوطن

حيث اننى كنت كثيرا ما احس بالألم وانا اراهم لا يكترثون بمتابعة الغنائيات السودانية ..

وانحصرت اهتماماتهم فى متابعة اغنيات والبومات الفنانين والفنانات العرب من مصريين ولبنانيين

وحتى خليجيين ... حتى اصبحوا مراجعا للفن الخليجى والعربى ( الحديث طبعا ) وهذا كان يمثل لى

ارقا" وقلقا" دون ان احس بأننى استطيع فرض ثقافاتنا عليهم ...

لذا اصبح برنامج السر قدور طوق نجاة لنا من هذا المأزق ...

سعيد انا الآن بمتابعة البرنامج رغم ان فيه مغنيا ذو شعر غريب اسمه احمد ( قرّب يبوظ لينا

صيامنا ) ..!

غايتو يا ابو الزوز .. الحمد لله عمنا ود قدور ما طبظها وجاب لينا بت عجاااااج ..!!

Post: #5938
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:15 PM
Parent: #5936

يا عيد والله انا برنامج عمك ده السنة دي حردانه عديل كده ... بعد ما عشمنا في بتنا وقام المسألة ما ظبطت معاهو ...

تعرف عايز ترجعنا تاني لنفس نقاش المرة الفاتت بتاع كل جيل وعنده أذنه ... إنتو لمن كنتو شباب سمعتوا أم كلثوم وعبد الحليم وفيروز طبعاً بجانب الغناء السوداني ... والشباب ديل بيسعوا فنانين جيلهم يعني لو ركزت في الحلقة شوية تلقي أكتر زول أطربهم الزول القرب يبوظ ليك صيامك ... يا عالم خلوا الشباب يعيش يعني مما ممكن تلبسوهم نفس الجلابية اللبستوها سنة 60 إنت والرشيد ومنصور ...
Post: #5939
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:17 PM
Parent: #5936

يا منص شكراً علي الحكي الجميل ... والوصف الممتع لماليزيا .. راك شنو نحن هسع زي المشينا ماليزيا دي وما محتاجين نخسر قروش طيارة وغيره .. استمتعنا تماماً بالزيارة ... بس من غير تأشيرات ..

منصور موهبة أدبية ضلت طريقها للزراعة .... إنشاء الله دي يكون نجح فيها خاصة بعد كلامه عن الأشجار الإستوائية ...
Post: #5940
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 10:22 PM
Parent: #5936

Quote: يا رشا كيف الشغل الجديد ان شاء الله الامور ماشة كويس


جبريلا رمضان كريم...
ركبت عربيتي صباح اليوم متوجها الى موقعي الجديد...
مرت ساعتين و اليافطات تشير الى مزيد من الكيلوات المتبقية...
تلاتة ساعات و ما زالت مسافة مقدرة جدا باقية...
حتى حسبت انني سأقود سيارتي حتى موعد الافطار...
فاذا بالسلع تلوح لي في الأفق...
يبدو انني سأحتاج الى شريطين لمحمد النصري في كل مرة أنوي فيها الذهاب أو العودة من السلع...
و بعد رمضان كيس تسالي و سرموس قهوة...
و زمزمية...
Post: #5937
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:11 PM
Parent: #5935

تحية لناس الليل

الرشيد ، طارق ، عيد ..

بخصوص طلب أختنا الكبيرة محسنة ميسرة .. ينفذ طلبها في الحال ... حتي تكون أول شابة في سنها تنضم للمنبر العام وطبعاً معروف أول شاب في سنها إنضم قد إنضم للمنبر وهذا لا يفوت علي فطنة القارئ خاصة الأخ جلا بعد الفطور ....
Post: #5941
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:23 PM
Parent: #5937

لا يفوتنا أن نرحب بالأخ عمر نملة بعد غياب ونقول ليهو رمضان كريم ... وسمعنا قالوا الصيام عندكم ستة عشر ساعة ... والله لو كان الصياح في السودان أكثر من الـ 12 ساعة دي كان في ناس بكت بدموعها ..
Post: #5945
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 10:30 PM
Parent: #5941

Quote: غايتو يا ابو الزوز .. الحمد لله عمنا ود قدور ما طبظها وجاب لينا بت عجاااااج ..!!


أمشي يا حاقد...
و الله لو عمك جاب نانسي دي كان ارتقى بسمع أولادك يا قديم...
خلي الولد يبرم شعره...انت نسيت تفتك و بنطلونك الشارلستون...
شعرو ما مشكلة...المشكلة لمن غتى أ،ا قلت الولد ده كان كمل الحلقة دي حينقلوهو للعناية المركزة طوالي...

أبو الزوز..انت ندى القلعة دي هلالابية و لا مريخابية...
شايفها بقت تشبه نوال الزغبي بي شعرها الأشقر ده...
كان ما عرفت نوال الزغبي أسأل محمد عيد...
Post: #5942
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-14-2010, 10:23 PM
Parent: #5937

Quote: يعني لو ركزت في الحلقة شوية تلقي أكتر زول أطربهم الزول القرب يبوظ ليك صيامك ...


والله يا ابو الزوز دى بالغت فيها ..!!

ياخى الزول ده بينهك كده تقول نفسو داير ينقطع ...

ياخى طيب ما تشوف عاصم وفرفور ومنار وريماز والبت الغنت الليله لترباس

انحنا برضو بنحب نسمع من الجديد لكن زى اب شعر ده غايتو الا اسمعوا فى باص الحاج يوسف ..!

بعدين انت لامينى مع ناس منصور والرشيد .. ؟؟

اولا رغم انو انا اصغر منهم لكن هم برضوا بريدوا زولة العجاج حقتك دى ... !!

يعنى برضو المسألة زى ما قال منصور زمان مقاييسها بتختلف ...

يعنى مثلا عندك الزل الاسموا ابن البادية ولا ابن البايخة ده رغم انو عندو اغانى جميلة

لكن والله كان بريدو ... ألحــس المكوه ..!! رغم انه جارنا لاكثر من 30 سنة ..!!
Post: #5943
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:25 PM
Parent: #5937

تقيم الجمعية إفطارها السنوي يوم الإثنين 6 رمضان بنادي الشرطة بري... وسيعقب الإفطار الاجتماع التأسيسي للشركة ... نتمني حضور الجميع خاصة الأخوة بتوعين بره المدسين لغاية الآن ...
Post: #5944
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-14-2010, 10:29 PM
Parent: #5943

يا عيد لحس المكوة ده عادي وإذا قلت ليك منو من الفنانين ممكن ألحس ليهم المكوة ممكن البوست يتقفل بالطبة والمفتاح عشان كده خليها مستورة ...


اها نسيت أقول ليك البت نانسي دي خط أحمر ... وممكن نقفل ليكم مش البوست المنبر العام ... وده تهديد أقوي من تهديد ملالي إيران للولايات المتحدة في حال تعرض إيران لضربة أمريكية ...
Post: #5946
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-14-2010, 10:32 PM
Parent: #5944

Quote: اها نسيت أقول ليك البت نانسي دي خط أحمر


كان كده غايتو خلى ناس جمال فارح يعملوا ليك جلسة استتابة عديل كده

قبل ما تقطع البحر ..!
Post: #5947
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 10:35 PM
Parent: #5944

Quote: بعدين انت لامينى مع ناس منصور والرشيد .. ؟؟

اولا رغم انو انا اصغر منهم لكن هم برضوا بريدوا زولة العجاج حقتك دى ... !!


يا حمادة انت قريت KG1 زي كده...
يا بتاع الخلوة...
Post: #5948
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-14-2010, 10:38 PM
Parent: #5947

Quote: يا حمادة انت قريت KG1 زي كده...


رش يا حبيب ما انا زى ما قالت ليك امى

كنت شاطر عشان كده فططونى طوالى لى KG2 !!
Post: #5949
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 10:43 PM
Parent: #5947

Quote: يعنى مثلا عندك الزل الاسموا ابن البادية ولا ابن البايخة ده رغم انو عندو اغانى جميلة

لكن والله كان بريدو ... ألحــس المكوه ..!! رغم انه جارنا لاكثر من 30 سنة ..!!


يا حمادة بالله عليك سال من شعرها الذهب دي مش علامة في الغناء السوداني...
كلمات الشاعر الرائع الراحل أبو آمنة حامد...
و ألحان ود الحاوي...الملحن الذي قدم للغناء ألحان رائعة و جميلة..
و الله فيها مقطع يؤديه ابن البادية بروعة...
لو جمعت كل الفنانين قاطبة لعجزوا عن غنائه...
Post: #5951
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-14-2010, 10:45 PM
Parent: #5949

ما انا قلت ليك اغانيهو جميلة ..

لكن ده ما بيمنع انو بييييييض ..!!

وكمان معاهو عثمان مصطفى ..!!
Post: #5950
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-14-2010, 10:44 PM
Parent: #5937

سهرة ليلية


جعلت من الدمع طريقاُ إلى قلبي
والحقت الأنين وزناً على قافيتي
خدعتني بحبها بالأمس وإلى اليوم تخدعني
وأنا أعرف إنها تخدعني وأعرف إنها قاتلتي
وجعي منها على فراشي يقلبني
وأشرب من سمها لأسترد عافيتي
سلكت طريقها حتى تمزقت قدمي
طرقت بابها حتى تمزقت يدي فلم تجاوبني
سال دمعي وزاد يأسي عدت أدرجي
وأقسمت أن لا أعود ولو نادتني
فيا عجباً أشتقت لها ما بين طرقي وما بين قسمي
ولكن كبريائي أحرق الأشواق التي راودتني
وذات يومي وأنا منهمك في تضميد جرحي
سمعت طرقات لم تكن كطرقات أمي
فتحت فإذا بالوجه الذي قد كان يسحرني
ينفجر منه الأسى يرجو معاونتي
قلت ما الذي جاء بكم وآخر بيت تقصدينه بيتي
أم أنها الأقدار وقد دارت بك صاحبتي
أرجوك عودي من حيث أتيتني
فإنك اليوم لست فاتنتي
Post: #5952
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 10:51 PM
Parent: #5950

يا ريس حبابك...جيب بطانيتك و تعال ساهر معانا...
و بتين قول لينا رايك في نانسي يا ريس...
عايز نشوف عملت updating لي سمعك و لا لسة معلق في القديم...

يا حمادة و الله عثمان مصطفى أغانيهو جميلة لكن أنا معاك في كلامك...
لكن ملاحظ ان أغانيهو كانت متداولة بشدة أيام كنا في الزقازيق...
Post: #5953
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-14-2010, 11:02 PM
Parent: #5952

Quote: يا ريس حبابك...جيب بطانيتك و تعال ساهر معانا...
و بتين قول لينا رايك في نانسي يا ريس...


أخوي رشيد القوم إنت نانسي دي مش ياها نانسي عجرم
بت ممسوخه ووهمانه والله عندي بنات أختي في ليبيا أحلى منها
بكتير وأتحدى وأزيدك من الشعر بيت واحده منهم سموها نانسي عجرم
هي زعلان وكمان حردان وأنا بقول ليها حق بس الإعلام والفيدوهات والعمليات
التجميلية ,

يا محمد عيد أنا مكجن لينا الزول إلى أسمه عثمان مصطفى
مشينا ليهو في القاهرة علشان يجي يغني والله أفترى علينا شديد
بقى مسيخ أنا كمان تركت حتى السمع لأغانيهو والبركة في حبيبنا الموصلى

------------------

ماشي مشوار مع المدام وبرجع ليكم تاني ما تنوموا
Post: #5954
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 11:17 PM
Parent: #5953

Quote: أخوي رشيد القوم إنت نانسي دي مش ياها نانسي عجرم


يا ريس انت الظاهر عليك ثقافتك عربية أكتر...ما غربية زينا كده...
انت عايز ليك اجازة كده في السودان و تشنف أذنيك بي بت عجاج...
و العجب لو غنت ليك شقي و مجنون...
تآمن عديل كده...
Post: #5956
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-14-2010, 11:24 PM
Parent: #5954

سلام يا ناس
يا عيد غايتو نانسي عجاج دي بتضرس عديل
زي عجلات القطر لمن السكة يكون فيها حصى
بعدين طه سليمان دة غازنو في الابداع لي شنو ما عارف
عامل شعره زي بعر الجمال كدة اكرمكم الله
Post: #5955
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-14-2010, 11:19 PM
Parent: #5953

سلامات يا ناس

يا ريس مساك طاعم..الشبكك شنو مع السُقد ديل؟

لكنى ما اظنيتك تجى راجع ...

Quote: أرجوك عودي من حيث أتيتني
فإنك اليوم لست فاتنتي


الشرح الشرح
Post: #5957
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 11:35 PM
Parent: #5955

Quote: يا عيد غايتو نانسي عجاج دي بتضرس عديل
زي عجلات القطر لمن السكة يكون فيها حصى
بعدين طه سليمان دة غازنو في الابداع لي شنو ما عارف
عامل شعره زي بعر الجمال كدة اكرمكم الله


جبريلا يخرب مطنك...
انت من وين بتجيب الأوصاف دي...
ضحكتني من الأعماق أضحكك الله...
بس البنية دي عاد ما اتلومت معاها...
الظاهر عليك ما حضرت سهرتها بتاعت العيد في النيل الأزرق...
ات كان اضنيك ديل مجغمسات..عيونك ديل لحقن عيون محمد عيد و لا شنو...
Post: #5958
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-14-2010, 11:41 PM
Parent: #5957

سهرة ممتعة قضيناها معاكم...
لكن آن الأوان أن ننسحب انسحاب تكتيكي فالليل أرخى سدوله...
و الدوام بنص عين بجيب اللوم...
تصبحون على خير على أن نلتقيكم غدا بعد التراويح ان شاء الله...

ودعناكم الله....
Post: #5959
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-15-2010, 00:12 AM
Parent: #5958

How r u .I hope that u r fine

Thanks all of u uncles(Abdul daim,Rasheed algoum and Zuhair)iam waiting for the password

Now there is a singer in blue Nile TV called Trbass
Iam watching him ,he has a funny long hat
hahahahahahahahhahahahhahah
very nice tradition
still my parents outside

Mohsina Maysara said ahmed
Email:[email protected]
Post: #5960
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-15-2010, 00:33 AM
Parent: #5959

بتنا محسنة مرحب بيك في عالم الزقازيقاب


يا الرشيد والله زولتك دي مفروض تشوف ليها شي غير الغناء دة
ياخي البت رقبتها علي شعبة الكرقي
Post: #5961
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-15-2010, 01:24 AM
Parent: #5960

يا شباب طمنونا علي كمال الشادي







تليشة:
مافي زول جاني علي حفرة الدخان
يا ربي الناس دي خايفة من بت الشيخ ولا شنو
Post: #5962
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-15-2010, 01:36 AM
Parent: #5960

Quote: يا ريس مساك طاعم..الشبكك شنو مع السُقد ديل؟

لكنى ما اظنيتك تجى راجع ...


رجعنا ليكم والشوق دفرنا

يا نشوق روحنا وُدمرنا

يا المحطات الحنيني القصرت مشوار سفرنا

والله يا كوتش الشبكني معاهم حبي لليل والناس

البكتبوا بالليل وأحب قيادة السيارة بالليل في

جو رومانسي جميل (أنا والنجم والمساء)

وبعدين ما بقدر أشرح أو أشرح !!!!!!

مسؤول من النبي يا كوتش ما قاعده تجيك تلفونات

غريبة عليك من السعودية ،،، وما بترد عليها

وتيب ده ما أني ومعاي منى يونس

طارق ود جبرين صاحب حفرة الدخان سلام يا حبيب ما أظن في زول

غيرك سهران والبركة في البنية محسنة سدت لينا الفرقة لحدي ما رجعنا
Post: #5963
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-15-2010, 01:59 AM
Parent: #5962

Quote: يا شباب طمنونا علي كمال الشادي


الزول ده بيكون لسه صايم

Quote: تليشة:
مافي زول جاني علي حفرة الدخان
يا ربي الناس دي خايفة من بت الشيخ ولا شنو


يا زول مين قال ليك ما جينا

بس آي خايفين ؟؟؟؟
Post: #5964
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-15-2010, 07:40 AM
Parent: #5963

طالما الدوام يبدأ عند بعض الناس الساعة العاشرة
فعليه و جب أن نقول السلام عليكم
وصباح الخير
و بعدين النشوف آخرتا!!!
Post: #5965
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-15-2010, 08:11 AM
Parent: #5964

بكلمكم من هس
الزولة البتكتب بالإنجليزي دي
حتودي ناس كتيرة التوج
بما فيهم أنا
الباقي أصحابي و الفي راسهم قنابير و ريش
عشان كدا يا ريس
و رونا حدها الساعة كم عشان نخش في ساعة غير ساعتها
Post: #5966
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-15-2010, 09:32 AM
Parent: #5965

صباح الهناء والسرور ...

إزيكم يا الحبان عاد حالكم حال السرور تبارك الله وعيني باردة .. النشاط ظهر مع رمضان وظهروا ناس كتار ...

بنيتنا محسنة الله يديك العافية ومليون مرحب بي إنضمامك للحوش مع أعمامك وأجدادك .. بس خففي من الإنقليزي دا .. مالو العربي عيبيهو لينا .. دا النبي عربي .. يا ريس عليك الترجمة ...

رشيد القوم إنشاء الله يطيب ليك المقام في محل عملك الجديد .. وإنشاء الله موفق شقيش تقبل .. إنشاء الله كمان هناك في بنيات صغيرونات كدا وحلاتن .. سؤال بريئئئئئئ ...

محمد عيد عاد عيني باردة .. وبركة المرقتا من الغار .. ويا ود أمي مستوى المريخ المتدهور دا ما يخليك تتركنا .. نحن زاتنا بي خمساتنا دي الله يستر .. يا ود أمي الحال من بعضو وخلي روحك رياضية ...

الكوتش اللطيف .. شكلو رمضان أداك زمن إضافي .. يا بختنا ويا فرحتنا بي إندياحاتك .. بعد العيد ممكن نعمل خيانة سمكية ربيعية وبالمفتاح ...

فافي أهلا بي عودتك لي وطن القماري .. والجابك يجيب حاج الركز ...

ودجبرين المغربي يا ود أمي رمضان كريم .. أنا ما شفتا حفرتك .. لكن خايف علي صيامي ما تقوم تجرحوا لي ...

الريس ميسرة .. حضورك الرمضاني ما شاء الله .. وشكرا على اللاعبة المحترفة محسنة .. عايزين نعرف أخبار أخونا محمد العبيد العجوز ...
Post: #5967
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-15-2010, 09:36 AM
Parent: #5965

عرفنا في السودان ناس غير ناطقين باللغة العربية وهم معروفين و اعتقد صحبي دا

منهم ، و لكن ايضا غير ناطقين باللغات الاجنبية دي كبيرة ، إنت يا صحبي لمن كنت

في الحج مع الريس في البيت كنت بتتكلم مع الشباب ديل بالاشارة و لا شنو و الله شرطت

عينا عديل ، كده اديت ناس منصور و محمد عيد ديل فرصة يقولوا ناس تجارة ديل اميين !!!!!!!!!!!!!في اللغة ....

عموما يا شباب جلا دا اتوزع تجارة من المدارس المصرية ؟؟مع المعذرة لاخونا سعد الراجل !!

التحية ليك يا محسنة و التحية للاستاذة منى يونس و التحية لكل جيل الشباب الزيقازيقي نسال الله

ان يوفقكم و اما بخصوص الباسوورد فعليك يا ابو شنب امر زقازيقي كبير للدكتورة محسنة لحصولها علي

باسوورد و انا من هنا متبرع بالباسوورد حقي للابنه محسنة وبالمره يكون البوست ارتاح من امثال اخونا

الشيخ جلا لان لغة البوست بتكون اتغيرت و صحبي بكون مسطح في مركبها الزمان في البروفايل داك !!!

اكرر شكري و تقديري لكي بنتنا محسنة و الي الامام يا رائعة .
Post: #5968
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-15-2010, 11:00 AM
Parent: #5967

مع الشابة محسنة فات علينا ان نرحب الاستاذة بنت كسلا نوال البلول فمرحبا و حللت اهلا

و نزلت سهلا و انشاء الله يطيب لك المقام و التحايا موصولة للحبيبنا الرائع عثمان الجيلي



الاستاذ عمر نملة رمضان كريم و الشهر مبارك انشاء الله تصوم و تفطر علي خير طولت

الغيبة يا رجل .

ابو الزوز اعمل حسابك مواعيدك المتفق عليها متبقي منها يومان فقط و إلا لا تلومنا إلا نفسك !!!

الحبيب جلال متعك الله بالصحة والعافية و التحايا للجميع بالقرير بس خلي بالك من وصايا ود جبريل

خاصة الدباس والبلوم ؟؟؟طبعا اولاد الخرطوم يا طارق جبريل الان بتلفتوا للدباس دا قايلونه لعبة !!!

و يا شباب احمد اسماعيل مفقود يا زهير و جلا نكرر لابد من البحث عليه و كذلك عصام جلي .بالله

اخبارهم ضرورية احمد اسماعيل انا مرسل معاه شنطة لجلا لليوم ما وصلت الحاصل شنو !!!!
Post: #5969
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-15-2010, 11:03 AM
Parent: #5968

صبحكم الله بالخير بتوقيت المغرب


يا البادي حفرة الدخان بالقاها هنا:
حفرة دخان سكينة بت ود جيب الله
Post: #5970
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-15-2010, 11:11 AM
Parent: #5967

مساكم الله بالخير و السرور...

اليوم جئتكم بنبأ سعيد...
لي زول جميل و رقيق و شفيف و أصيل كمان...
لقد أصبح الزول الجميل محمد صديق منذ اليوم سعادة العقيد محمد صديق...
لقد ترقي الكوتش الى رتبة العقيد صباح اليوم...
و هو يستحقها و يستحق أكثر منها...
و لو منحناهو رتبة على كل صفة من صفاته الرائعة لتجاوز رتبة المشير دون شك..
فلنزف التهاني و أجمل الأماني للأخ الصديق محمد صديق..
و التهنئة موصولة لخالدة و الأبناء...


مبروووووووووووووك
Post: #5971
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-15-2010, 11:13 AM
Parent: #5970

الف الف مبروك للكوتش محمد صديق
كدي لمن اجي ما تعمل لي تأشيرة الخروج يمين اشيل حالك لي الله وخلقه
Post: #5972
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-15-2010, 11:29 AM
Parent: #5971

مليون مبروك لسعادة العقيد ود الصديق و الله تستاهل مش عقيد مشير عديل !!

و انت اهلا لذلك و انشاء الله دائما في ترقي و تتعلا يا حبيب دوما ً و نقول للامانة

إنها ترقية صادفت اهلها .و ربنا يعطيك خير هذه الوظيفة و يكفيك شرها انشاء الله .

اكرر التهاني الصادقة يا كوتش .
Post: #5973
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-15-2010, 11:46 AM
Parent: #5972

عقييييد عديييل
يمين بالله , انت مشير زاتها (اصغر منك )
يا دوبك بقيت زى (القذافى يعنى ) , عليك الله شوف فهم الناس ديل
مبروك لرتبة العقيد , فوزها بعضوية حبيبنا محمد صديق
ولكن يظل لقبه المفضل عندى , الكوتش محمد صديق

زهير الزناتى , تاشيرة خروجك من السودان مربوطة بشرط واحد وحيد
باسويرد لى توتا , محسنة ميسرة , والا , فخليك قبلك (افتحوا كل الحروف وسكنوا الحرف الأخير )
يمين يا نملوز قربنا نبلغ الأنتربول , قلنا الزول ده انزلق وهو جارى ولا شنو
اوعك تغيب قدر ده تانى

اما حفرة دخان ود جبرين , فنحن عايزين فتوى من شيخ معتمد
كم (بوخة منها بتفطر ) , وهل تنطبق عليها نظرية
ما بوخ كثيره , فقليله حرام , ولا بس بيفطر
باقى صيامنا ده انحنا تعبانين فيهو بالحيييييل
ما زى صيام الفلاتة بتاعكم الكل سنو ثلاثة وعشرين يوم بس


يا ابو الزوز , موهبتى الأدبية , بتأهلنى لى نجوم الغد , ولا نتضاير ساى ؟؟!!
Post: #5974
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-15-2010, 12:24 PM
Parent: #5973

مبروك يا سعادة العقيد
والتهانى موصلة لخالدة وابوبكر و عمر والاهل برفاعة


عليك الله اول خدمة آآآشر لزهير ده خليهو يجى مارق





ـــــــ

الواحد بقى ينسى عاوز يكتب شنو ، احسن نجيكم فى الليل
Post: #5975
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-15-2010, 12:39 PM
Parent: #5973

ادهشتنى رغبة توتا فى الكتابة فى زقازيقاب سودانيزاونلاين
وادهشنى اكثر ربط والديها لتحقيق الرغبة تلك , بالتفوق والنجاح
الكتابة فى زقازيقاب سودانيزاون لاين , اصبحت بمثابة هدية نجاح , للشابة الصغيرة ذات الأثنتا عشرة ربيعا
انا اشعر بالزهو , ازاء هذه الخاطرة المدهشة
انا اشعر بالزهو , لأمتلاكى باسويرد معكم , لا يمنح لمثل توتا اللذيذة , الا وهى ناجحة ومتفوقة وجايبة تسعة وتسعين
بعد ده يا ابو الزوز , ممكن تبيع باسويردات عديييييل

وحيث ان اننى امتلك باسويردا بهذه القيمة الجمالية العالية , وبهذه القيمة التحفيزية المدهشة
فاننى ساواصل من حيث انتهيت على نغمة ايقاظ الرويال بينانج هوتيل الصباحية المدهشة
والتى تمنت لى يوما جميلا , وهى توقظنى بجرسها هادىء الرنين
وكان صوت نغمة الأيقاظ , وصاحبته الماليزية صاحبة التقاسيم الدقيقة , وكأنها تقاسيم عود شرقى موزون
كان مرسلا من قمقم بحرى انفتح فجأة يصيح , شبيك لبيك , اختر تفاصيل يومك بايديك
فقد كان اول يومنا افطارا فى بهو الفندق , على شرفة حوض سباحته الذى تضاءل امامنا بالأمس واضمحل امام عظمة (بحر المحيط )
ولكنه برز امامنا هذا الصباح بمياه صافية , شفافة , هادئة , ساكنة وكأنها تقول ,
تضربكم امواج بحر المحيط , واتفبلكم انا فى الخضم الباهى
وانطلقت بنا سيارة راجاش الباجيرو جيب , فى صباح يدغدغ المطر ساعاته الأول
وكانت الفرى تيرمنال , فى استقبالنا , واحمد يصارع شنطتنا الوحيدة , مستخدما عجلاتها فى الجر
وعيونه ,كما عيوننا , تحتضن المكان , حتى لا تكاد تفرغ من وداع منظر , الا وتحتضن آخرا يبزه جمالا
ويفوقه روعة
وعندما توهطنا مقاعدنا الأمامية , ومنظر المحيط يحيطك من كل جانب عبر نوافذ الفرى الزجاجية
فاذا النور نذير طالع , واذا الفجر مطل كالحريق
واذا الدنيا (كما لا نعرفها ) , واذا الأحباب كل فى (ذات ) الطريق
وعندما كانت الساعة تشير الى الثامنة صباحا , وكنتم انتم فى هزيع الليل الأخير
كانت العبارة الفرى , تمخر عباب البحر المحيط ميممة وجهها شطر لآنكاوى
وها هى بينانج تتوارى كحلم جميل , وهاهى مياه الأمطار , كما مياه بحر الهند المحيط
تتسابقان فى غسل نوافذ الفرى الزجاج , فتصبح احلى وانظف واكثر شفافية من قلوب الكثيرين (عداكم )
فذهب النعاس الى غير رجعة , واخرجت بت الشيخ بسكويتات (عددا ) من (خرجها ) المحمول
قصدت به اطفالها الصغار , ولكننا الكبار كنا (اجوع ) , فالتهمنا بسكويتاتها التهاما
ثم عرجنا على مشترياتنا من مصنع الشيكولاتة , فقضينا عليها , ونسينا لمن (اشتريناها )
حتى اذا مر علينا بائع الأسناكس الماليزى دقيق القسمات حى الشعور
اخذنا منه عينات تذوق من كل ما يحمل , ناسين ومتناسين نظريات الحلو والمر , ايهما يسبق ايهما
وايهما يتلوه , فالبطاطس الشيبس , بعد الشوكلاتة , والعصير البارد , يتلو القهوة الحارة
وحمدنا الله كثيرا , ان بوفيه افطار الرويال بينانج المفتوح الصباحى , لم يصحبنا الى البحر المدهش
حتى اذا ما امتلأت البطون , وضرب الدم المؤكسد الجارى فى الشرايين , اوردة (الأسترخاء )
نهضنا الى غفوتنا نقاومها , فالنوم فى مثل هذه المواضع , ضرب من (البعزقة والجنون )
فصعدنا الى سطح العبارة العلوى , بعضنا يستند الى البعض , وكلنا يترنح ويقاوم السقوط
وكل الجالسين يمد يد العون للعابرين , وقد استهوتهم الفكرة
فاذا ما كان السطح الجميل , ذو المقاعد الطرفية الوثيرة , وليس بينك وبين مزيج مياه الأمطار والمحيط حجاب
تركنا لهذا المزيج الباذج , ايادينا والوجه , فاصبح النعاس واصبحت الغفوة خبرا لكان
وخرجت كاميرات الديجتال من مخابئها الجلدية , يا ياسر نجيلة
ترسم المشاهد , قبل ان تصورها , وتطبعها على شريط عقل الباطن , قبل ان تفعل على ذاكرتها الرقمية
هذا والعبارة تمضى , والأشجار المصطفة تمضى وتهرول , ثم ما تلبث ان تهرول وتمضى
ونحن فى احضان غناء الطبيعة , تشنف اذاننا كما عيوننا
اوركسترا مكتملة الأركان , صوت الناى مع الأورغن , والكمان كما الأكورديون , والساكس مع البيز جيتار
يتناوبون فى سكب عصير الموسيقى , فتتلقاها اعيينا والآذان
Post: #5976
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-15-2010, 01:59 PM
Parent: #5975

منصور ياعازف الاوتار
معك لابد من الترنم والنقر بالاصابع
طربا لما تقول نشكر لك الرشاقه وانت
تنتقل بنا من زهره الى غصن ومن واحه الى
بستان (كل الجمال وهبوه ليك)
الكوتش الغناي
تعظيم سلام وطابور شرف
بمناسبه تقلدك رتبتك الجديده
فانت اهل لذلك مزيد من التوفيق

الاحباب والله رمضان عامل عمايل
لكن شايف الليل عملوه نهار كده
طلعتونا من اللعب

لو ادينا نظره لكل الشباب البغنو ديل
بتلقى فيهم حاجه تشفع ليهم يعني الواحد
يعاملهم معامله الفاكهه حبه بايظهالواحد مايرميها
يعني يتحرفن بطلع منها حته كويسه
نظام شيلوه ودوهو الزباله ظالم شويه
سيبكم من الشباب ديل ندى القلعه عندها
خنخنه عجيبه تضايق الواحد داما معناه
ماعندها حاجات حلوه لكن برضو الواحد شغال بنظام
الفاكهه والسكين

دمتم في حفظ الباري
Post: #5977
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-15-2010, 02:31 PM
Parent: #5975

نهاراتكم رمضانية متمسحة بالبركات ...

ملايين التبريكات لحبيبنا الغالي العقيد الكوتش جورج محمد صديق .. والله فرحت قلوبنا بهذه الترقية وإنت تستاهل كل الخير يا وجه الخير ...

حاولت الإتصال الآن على سعادة العقيد لكن للأسف لا يمكن الوصول إليه الآن .. إحتمال يكون الموبايل صائم ...

نرحب بالاستاذة بنت كسلا نوال البلول .. مليون مرحب و حللت اهلا و نزلت سهلا وانشاء الله يطيب لك المقام والتحايا موصولة لحبيبنا الرائع عثمان الجيلي ...


نملوز رمضان كريم و الشهر مبارك انشاء الله تصوم و تفطر علي خير طولت الغيبة يا رجل .. كيف الجري في رمضان مع الصيام ...

يا منصور الله يديك العافية .. نحن كمان رحلتنا من بينانغ للانكاوي كانت بالفيري .. والله دي حاجة جميلة جدا .. أذكر وعند الساعات الأولى من الصباح وفي عرض المحيط تحصلت على كباية شاي بي لبن والله كانت طاعمة بشكل مختلف جدا عن كل الشايهات ... وفي العودة من لانكاوي لكوالالمبور إمتطينا طائرة الخطوط الآسيوية .. أغرب حاجة أنك تدفع رسوم عشان تقعد في مقاعد متجاورة أو متلاصقة .. والطائرة ما فيها أي ضيافة يعني صيام ...
Post: #5978
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-15-2010, 09:18 PM
Parent: #5977

Quote: وعندما توهطنا مقاعدنا الأمامية , ومنظر المحيط يحيطك من كل جانب عبر نوافذ الفرى الزجاجية
فاذا النور نذير طالع , واذا الفجر مطل كالحريق
واذا الدنيا (كما لا نعرفها ) , واذا الأحباب كل فى (ذات ) الطريق
وعندما كانت الساعة تشير الى الثامنة صباحا , وكنتم انتم فى هزيع الليل الأخير
كانت العبارة الفرى , تمخر عباب البحر المحيط ميممة وجهها شطر لآنكاوى
وها هى بينانج تتوارى كحلم جميل , وهاهى مياه الأمطار , كما مياه بحر الهند المحيط
تتسابقان فى غسل نوافذ الفرى الزجاج , فتصبح احلى وانظف واكثر شفافية من قلوب الكثيرين (عداكم )
فذهب النعاس الى غير رجعة , واخرجت بت الشيخ بسكويتات (عددا ) من (خرجها ) المحمول
قصدت به اطفالها الصغار , ولكننا الكبار كنا (اجوع ) , فالتهمنا بسكويتاتها التهاما
ثم عرجنا على مشترياتنا من مصنع الشيكولاتة , فقضينا عليها , ونسينا لمن (اشتريناها )
حتى اذا مر علينا بائع الأسناكس الماليزى دقيق القسمات حى الشعور


منص هذا المقطع و كأنه مقطع من احدى روايات ماركيز...منتهى الروعة في السرد و الوصف...

متعتنا...يا خلف الله
Post: #5979
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-15-2010, 11:38 PM
Parent: #5978

كل الناس مرقت بالنهار...الا سعادة العقيد عمل نايم...
ربما يكون مشغول باستقبال التهاني...
غايتو الواحد أول ما يرقهوهو يعمل تقيل...
حكم و الله...

و انتي يا محسنة مالك...رقوك كمان و لا شنو...
الليلة ما جيتينا بعد ما خلاص اعتمدناك عضو فاعل في الnight shift.
استعملي باسورد بابا و ماما لحدي ما عمو زهير يجيب ليك باسورد...
أمبارح شايفك مبسوطة من الbig hat بتاعت ترباس...
رأيك شنو في عقد الجلاد الليلة...

باقي ناس الليل كان جيتو جيتو و كان ما جيتو أنا ماشي أنوم...
Post: #5980
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-16-2010, 07:23 AM
Parent: #5979

صباح الهناء والسرور ...

مبروك يا هلالنا حقيقي أفرحتنا .. وعقبال ما ناخد بالثأر من الجيش النيجيري .. لكن يا جماعة الواحد بقى ما بيثق في الأندية واللاعبين السودانيين ...
Post: #5981
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-16-2010, 07:38 AM
Parent: #5980

الحبيب البادي الف حمدلله علي السلامة و نتمنى فوز الهلال دايما

علشان التصبيحة البدري دي في رمضان عموما الف مبروك

الفوز للهلال و اييدك في الراي بخصوص اللاعب السوداني

عموما ما مطمئن الليلة يكون في احسن حالاته و المباراة القادمة

تستغرب في لعبه .

الحقيقة امس فرحنا بعودة الروح الليلية للبوست و الواحد اليوم

جاي علشان يكشف لوردة الليل لقيت الدار بتضرع فيها البادي براه

قلت يا ربي الناس ديل جاتهم هرشة و لا مشو يباركوا لود الصديق .

عموما لك التحايا يالبادي .
Post: #5982
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-16-2010, 08:55 AM
Parent: #5981

صباح الخير ،،، يا وجوه الخير

أصبحنا وأصبح الملك لله وحده

حديث اليوم ،،،،،

قال رسول الله (ص) :

رأيت قوماً من أمتي على منابر من نور
يمرون على الصراط كالبرق الخاطف
نورهم تشخص منه الأبصار
لا هم بالإنبياء ولا هم بالصديقين ولا هم بالشهداء

إنهم قوم تقضى على إيديهم حوائج الناس

************************************
يا سلام ما أروع هذا الكلام وأجمله وفرصة جميلة لنا جميعاً
بأن نكون في مرتبة الصديقين والشهداء!!!!!!!!!!!!!!!!!
Post: #5983
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-16-2010, 09:10 AM
Parent: #5982

يوم أمس لم نستطع أن تتداخل عائلة ميم

نسبة لوصول أهلنا من أرض السودان زيارة

لبيت الله تعالى ، فقد كان البيت حتى ساعات

الصباح الأولى مزدحم بالضيوف والمرحبين من الأخوان

* النجم الزقازيقي الأول بمدينة جدة عبدالدائم النضيف

يلازم السرير الأبيض -منذ يوم أمس ليلاً - بمستشفى عرفان شارع الستين

غرفة رقم 307الدور الثالث ،،، نتمنى جميعاً له دوام الصحة والعافية

تلفون عبدالدائم 00966/504609597

* تهانينا الحارة للكمندان محمد صديق نتمنى لكم التقدم
والإزدهار ولعائلتكم الكريمة .
Post: #5984
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-16-2010, 09:31 AM
Parent: #5983

أجمل التهاني والتبريكات

للأخ محمد صديق

بمناسبة الترقية إلى رتبة عقيد

مع أمنياتنا له بالتوفيق والتقدم دائما

والتهنئة موصولة للأخت خالدة قسم الباري والأبناء
Post: #5985
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-16-2010, 09:35 AM
Parent: #5984

ألف سلامة للأخ عبد الدائم النضيف


ألهم رب العرش...
أذهب البأس واشفه شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بعبد الدائم من وجع
Post: #5986
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-16-2010, 09:39 AM
Parent: #5983

الف حمد الله علي السلامة يا نضيف و انشاء ما تشوف شر .

و عين الحسود بالعود و اعمل حسابك من العيون الحارة دي

يعني قبل ما تحاول تكتب في البوست اقرا المعوذتين و اية الكرسي

و اعوذ بكلمات الله التامات من شر ما خلق و بعدين تعال نحن ما

مستعجلين يعني ورانا شنو .

نتمنى ليك الشفاء العاجل يا دودي .

و الف حمدالله علي سلامة وصول الاهل يا ابو محسنة و انشاء تسعدوا بلقاهم

و ربنا يجمعكم علي الخير دوما نشاء الله و التحايا للزائرين .
Post: #5987
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-16-2010, 11:05 AM
Parent: #5986

التحيه والاحترام
لمن فاتهم الاستماع امس
للفنان الشامل المضحك المبكي
الرهيف الرشيق جمال حسن سعيد

اليكم هذي البنيه

زولة بتفتح الروح ضلفتين
_ تخشك وتمرقك (عادي)
تخشك وتمرقك_
ما بتقفل الباب من وراها بس تساسق بين شفقتك وحرقتك
ما بتأذنك ما روحا نفاج غربتك...
هذي البنية الساكنة أسرار فكرتك
هي الشايلة حسك وسترتك...
زولة كما النورس تجي تنزل شواطي الالفة الزمن الشفيف...
وأنا زي مكتف في الرصيف
مربوط علي حبل السفن في الظلمة والليل المخيف...
بتجيني تدخلني وتقيف...
شرشرت تيبان السكات علي ارض رويانة وخريف...
زولة...بتعرف تدخلك
وتقفلك
وتغفلك
تقعد علي ناصية هواك وتسجنك...
وانتا بتخلي الغمام كي تجعلك مطرة ودعاش..
طائر تحلق في السما وارضك فراش...
هذا الفراش بيطيرعلي نضرة رحيقا وخضرتا ومحبتا او ضحكتا ######ريتا ...
وتقعد تهضرب ياولد من حمتا
ولو تسألك وتحلفك في زمتك او زمتا...
والي متا
هذا الجنون والي متي.
.كل التفاصيل لمتا...
هذه البنية قد اتت وانتا زاتك كالورق..
كيف تنجو انتا من زاك الغرق..
من زكرياتك تنجو وين وين مهربك..
من دفترك..من مظهرك..من حرقة الجوف والعرق..
هذي البنية تفتح الروح ضلفتين وعلي ضفتين..
في نهر احزان الزمن تقعد تلوح باليدين...
Post: #5988
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-16-2010, 11:08 AM
Parent: #5986

ولدنا زهير الزناتي منتظرين ردك الكريم على سؤالنا بالميل 59
عن منافسة اولاد نا بجامعة الزقازيق – هل الشرط الذي وضع هو "شهادة سودانية حديثة" فقط
ام تشمل كل الشهادات العربية الاخري والاجنبية – للأهمية
وتشكر مقدما ....

مبروك الكوتش العقيد محمد صديق – تهنتك واجبه لانك فخر لنا

باسبورد محسنة ميسرة – ضروري

سلامتك يا نضيف

منصور الصور ... الصور .... الصور ....
كلام .... نهي ...

طارق جبريل ... حفرة دخان في رمضان ...

محمد عيد وموسي عيسي ... انا الليلة ماشي مباراة المريخ والوصل .... النصر باذن الله
ولو العكس حصل ... اكيد انا ما كج ياجلا ... لانو الفرق السودانية يستحيل تفرحنا للآخر ...
ومبروك للهلال يابادي ...

والله مالاقي وقت عشان اتداخل بمهلة في رمضان ...
Post: #5989
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-16-2010, 11:33 AM
Parent: #5988

Quote:
والله مالاقي وقت عشان اتداخل بمهلة في رمضان ...


بدون تعليق يا جلا ( رمضان دخل في العضم )





مرحب بيك يا امير و الحوش منور بس بعد الفطور ما في طريقة ممكن نشوف ليك

الشيخ جلا يلقى ليك رخصة فطور يوم يومين !!!
Post: #5990
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-16-2010, 11:58 AM
Parent: #5989

الف سلامة للحبيب ديدو
وما تشوف شر
Post: #5991
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-16-2010, 12:33 PM
Parent: #5988

عبد الدائم القرحة تطير , وتقع فى البير
عشان تانى تكوضم فى الأسناكس الفيليه , الما فيهو عضم بتاعت البيك ديك
الف لا بأس عليك
ود المهدى , لم استمع الى قصيدة جمال حسن سعيد بالأمس , لكنى اطلعت عليها من قبل
وين ؟؟ ما متذكر , لكنها قصيدة متفردة , تستاهل ان يغنيها مصطفى سيد احمد
البادى النور , شكرا لمشاركتك الشعورية فى الفرى , كانت رحلة (عظمة )
الجميل فيها , اننى حجزت تذاكرها اسفيريا على اعتبارها مجرد سفينة بحرية
لكنها طلعت اكثر من ذلك بكثير , لا وايه , بس بى ستين رنجت للكبار , واربعين للصغار
لرحلة باذخة مدتها اكثر من ثلاث ساعات
ميسرة الريس , اعرف كم انت مبسوط بلمة الأهل وزحمة البيت , كل سنة وانت وجميع الأهل بصحة وعافية

* اهلا بيهو , الهلال هلا
* غارسيا ماركيز عديييل يا مفترى , ما تخليها فكتور هوجو
Post: #5992
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-16-2010, 12:58 PM
Parent: #5991

ياخوانا ديدو مالو?
سلامتك ياديدو يا اصلي...
تحت تحت قالو دي رخصه.. رمضان مسحن..

الكمندان جورج.. الف مبروك الترقيه..
دي أكيد معاها عربيه جديده..
التهنئه موصوله لكمندانات التانيين برضو..

منصور يا ابن بطوطه..
سلام للكل..
Post: #5994
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 08-16-2010, 01:34 PM
Parent: #5992

الأخ / عبدالدائم
سحروك المابشبهوك ناس جلا
ربنا يواليك بالعافية وكفارة وأجر

الأخ / العقيد محمد صديق
مبروك الترقية والخوف ما ينقلوك من جنبنا
وعقبال المهيب .
Post: #5993
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-16-2010, 01:34 PM
Parent: #5991

بذخ الرحلة البحرية المترف من بينانج الى لآنكاوى
صعد بنا الى مراتب عالية من البهجة , حتى اننا لم نلحظ ولم نسجل
بدايات الوصول الى هذه الجزيرة ام تسعة وتسعين
لأنكاوى جزيرة كبيرة تتكون من تسع وتسعون جزيرة صغيرة
اشهرها واكبرها لأنكاوى نفسها بحاضرتها كوا
ولن تخطىء عينك , شكل جزيرة المرأة الحامل , التى تطالعك بدايات رحلة المانجروف عبر البوت البحرى السريع
الأم الحامل , اسم عريب , ستعرف مدلولاته فورا وانت تطالع شكل اعلى جبالها التى توحى لك بوجه امراة منتفخة البطن
مسدلة الشعر , ومع ذلك تحمل طفلا صغيرا على حجرها
تبدو لنكاوى كقرية كبيرة , تنام باكرا , يمشى البشر فى شوارعها جنبا الى جنب مع النسانيس والقرود الصغيرة
ولكن شاطئها , شاطىء (حاضر ) بينما لانكاوى كلها فى (قرويتها تذوب )
ولأن لنكاوى كلها تبدو شديدة القرب من تايلاند , حتى انك ترى انوار مدن تايلاند ما ان يرخى ليلها سدوله
الا من انوار خافتة هنا وهناك , فان النشاط التجارى فيها منقسم بين الصينيين والتايلانديين المسلمين
حتى انهم يفتحون المطاعم ويطلقون عليها اسماء عربية لجذب السياح العرب
وما علموا ان سائحا عربيا اسمه منصور , كان ينفر من الأسماء العربية , كما ينفر الصحيح من ( الج ---)
دهشة لأنكاوى بالنسبة لى , ولأسرتى , كانت عالم ما تحت البحار , او اكويريا الحياة المائية
كانت دهشته اقل بالنسبة لى , لأنى حظيت باكويريا اعظم واكبر بكثير ابان زيارة سابقة لكيب تاون جنوب افريقيا
فكما ان القرود وتالنسانيس تشارك الناس الشوارع فى لنكاوى
اذكر ان البطاريق البحرية , الوادعة والجميلة , كانت تجلس الى جوارنا فى مطاعم الأسماك التى زرناها
ونحن فى طريقنا من كيب تاون , الى مشارف التقاء المحيطين , الأطلنطى والهادى , هناك فى
(آخر نقطة فى العالم كما هى مرسومة فى الأطالس الجغرافية ) , حيث ال (cape of good hope), او رأس الرجاء الصالح
ولانكاوى تشابه رفيقتها رأس الرجاء الصالح , كونها نقطة قصية من خريطة آسيا , حتى انه يخيل الي الناظر
ان لا رابط بينها وبين ماليزيا كلها , بل انك تشعر بكامل انتمائها للبحر المحيط الهندى
فالماء يحيط بها من كل جانب , احاطة السوار بالمعصم
فالمسافة بينها وبين كوالا بيرلس ساعة يحرية , وبينها وبين كوالا كدا , ساعة ونصف بحرية
وبينها وبين بينانج , ثلاثة ساعات تزيد قليلا
ولا سبيل للولوج اليها , او الخروج منها , انى كانت وجهتك , الا من خلال احد هذه النفاط الثلاث
حيث بامكانك ان تمضى من كوالا بيرلس الى كوالالامبور فى ست ساعات برية , او منها الى بانكوك فى ساعتين بحريات
وكل هذه المدن التى ذكرت , تبدو كقرى صغيرة مقارنة مع كوالالامبور وباقى المدن الماليزية
ولكنها حواضر مكتملة البنيان , طرقا ومواصلاتا وفنادقا واسواقا تجارية
ففى لأناكوى فقط ما يزيد عن الثلاثين او الأربعين فندقا عالية المستوى والتصنيف
عجزنا ان نجد لنا موطىء قدم فى اتحداها من تلك التى تطل على المحيط , كما فعلنا فى بينانج
الا ان اقامتنا فى شقق century suria appartments , كانت اقامة مناسبة , رغم اننا كنا نحتاج
فى انتقالاتنا للشاطىء الى رحلة سيارة فى ربع ساعة زمن
عالم ما تحت البحار مارس مع صغارى واولادى وحتى بت شيخى , استفزازاته المدهشة باحيائه المتنوعة
شاهدنا الأسماك من قرقور البحر الى (قرشها الحوت )
من ابيضها الى اسودها , من الوانها القوس قزح , الى تلك خاتفة الألوان ومتعددتها
وانت تمشى فى نفق بحرى لا يفصلك من ماء المحيط واسماكه واحيائه العجيبة , الا فاصل زجاجى شفاف
فترى الأسماك فى غدو ورواح , تستعرض الوانها واشكالها , فى بذخ مترف , او فى ترف باذخ سيان
ثم انك لتنتقل الى متحف التماسيح وحديقتها المجاورة , فتشاهد غرائبها , وتتامل عظمة الخالق عز وجل
ثم تخرج متجها الى الشاطىء والبيتش , فيمرق من بين رجليك نسناس , وبائعات الموز الماليزيات دقيقات الملامح
يرمين اليك بسبائطه رغبة تقريب النسناس منك لتصويركما معا , فيختلط عليك الأمر , اينا النسناس واينا القرد
حتى اذا ما قضينا يومينا الجميلين , وانتقلنا بالفرى مرة اخرى ولكن الى كوالابيرلس هذه المرة
وركبنا اتوبسنا المنتظر ذو المواعيد الدقيقة , وذو الطوابق المزدوجة العالية
وبدانا طريق العودة الى كوالا
بدانا فى نقاش وجدل الانسان القرد ,اوالقرد الأنسان , او الأنسان الذى كان قردا , كما قال صديقنا دارون
ومر النقاش والجدل بمنعطفات كثيرة , جلها عالم الحيوان وعالم الأنسان , والأنسان باعتباره حيوانا ناطقا
والأنسان باعتباره مكونا اساسيا من مكونات منظومة الحيوان , وهل القرد (بنى آدم الا شوية )
وعندما اعيا بت الشيخ جدلى , ولم تجد المقارنة استحسانا لديها , باعتبارنا نحن بنى الأنسان (مخلوقات كاملة التكريم ) , لم تجد مناصا من ان تضع حدا لهذا الجدل الذى اخذ من طريقنا الطويل وقتا مقدرا , فكان تعليقها الذى سبق وان ذكرت , خير ختام لهكذا نقاش وهكذا جدل , (برى , بيشبهك انت براك , فى اشارة الى القرد النسناس )

Post: #5995
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-16-2010, 02:09 PM
Parent: #5993

ديدو .. قالوا متألم شوية ..

يا أخي بعد الشر عليك ..

النضافة الفي شبابك ..

والطفولة الفي عينيك ..

والقلوب الحايمة حولك ..

يا نضيف بتتمنى ليك ..

بكرة تشفى وبكرة تفرح .. يا نضيف ما العمر بيك ...

سلامتك يا ديدو وإنشاء الله عدوييينك وما تشوف شر يا رب ...
Post: #5997
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-16-2010, 02:21 PM
Parent: #5995

نهاراتكم صيام مقبول إنشاء الله ...

ود نجيلة ملايين الترحيبات بعودتك .. وعايزنك ترجع بي طايوق كامل الدسم .. ويباركوا ليك السمح إنشاء الله ...

حاتم جبارة يا أخي ليك وحشة والله .. وال؟؟؟؟ ظروفو صعبة .. وبركة الجيت بركة الجيت .. حلو إنت وبسكويت .. حليل زمن الصبا والباندا ...

منصور في سؤال محيرني .. ما أخدت ليك جكة في ماليزيا ...

لكن يا منصور بأسلوب حكيك الجميل دا بقى عندنا ماليزيتين واحدة شفناها وعشنا فيها فترة من الزمن وإستمتعنا بها تماما .. والثانية عيشتنا فيها إنت بأسلوبك الأنيق وشفناها بعيونك الحلوة فأصبحت كأنها ماليزيا جميلة أخرى .. وحتما سوف نذهب لها يوم ما كان الله هون ...

جنابو العقيد الكوتش .. يا ود أمي ما خلاص أظهر وبان عليك الأمان .. شنو لسه الحفلة مستمرة ...
Post: #5996
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-16-2010, 02:17 PM
Parent: #5993

عبد الدائم سلامات ... ومرض عبد الدائم ده أسألوني منه انا ... أكيد بعد رمضان حا يبقي كويس مش عشان خايف من رمضان لا لي أسباب تانية

خالص الدعاء للعزيز عبدالدائم سيد أحمد وهو يستشفي بمستشفي عرفان
Post: #5998
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-16-2010, 02:34 PM
Parent: #5993

يا نجيلة لمن نقول لي بتاع الدكان الجنبنا عليك الله أدينا بيبيسي نقوم نشرب ميرندا ... ولم نقول ليهو أدينا صابون لوكس ممكن نشتري نوع تاني ... عشان كده يا حبيب الشهادة السودانية مقصود بها أي شهادة ثانوية ... مقبول لدي إدارة القبول والوافدين بوزارة التعليم العالي المصري ... ونعتذر للأخوة الافاضل عن هذا القصد غير المخطوء ... ولكم الشكر
Post: #5999
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-16-2010, 02:58 PM
Parent: #5998

مبروك للكوتش محمد صديق الترقية ........ وهي ترقية صادفت أهلها(رايك فيها شنو يا منصور) ... وكذلك التهانئ والتبريكات لكل ناس الزقازيق الذين شملتهم الترقية .... عوض المفتاح ، أسامة ابتر ، عمار رحمة الله ، أبو بكر علي يونس

بس يا جماعة الزول في الدنيا دي يعمل حسابوا من إثنين لا يجيب بنات لا يصاحب بواليس .... الإثنين بيكبروك هسه بكره بعد بكره يقول ليك الفريق أركان حرب محمد صديق ... زي ده تقول صاحبي كيف ...
Post: #6000
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-16-2010, 03:02 PM
Parent: #5999

إنتقل إلي رحمة مولاه زميلنا أبو بكر محمد أحمد الطيب خريج هندسة الزقازيق بعد رحلة طويلة مع المرض ... له الرحمة والمغفرة ... فهو شخص دمث الأخلاق محبوب من الجميع ... رغم خلافنا السياسي معه إلا إننا لم نري منه إلا الإبتسامة والتعامل الإنساني الراقي ... نسال الله أن يرحمه رحمة واسعة بقدر طيبته وأخلاقه العالية .... الراحل العزيز عمل في الإتحاد في الدورات التي أعقبت دورتي التجمع ....
Post: #6001
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-16-2010, 04:18 PM
Parent: #6000

نسأل الله الرحمه والمغفره لاخونا ابوبكر .ونسأل الله أن يسكنه فسيح جناته مع الصديقين والشهداء ....



أيضا التهاني موصوله لمحمد صديق وكل البواليس على الترقيه ...



ورمضان كريم للجميع وتصوموا وتفطروا على خير
Post: #6002
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-16-2010, 04:43 PM
Parent: #6001

نسأل الله الرحمه والمغفره لاخونا ابوبكر .ونسأل الله أن يسكنه فسيح جناته مع الصديقين والشهداء ....
وانا لله وانا اليه راجعون








تليشة:
ابو الزوز عليك الله انتظر الضحية
Post: #6003
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-16-2010, 09:33 PM
Parent: #6002

نسأل الله الرحمه والمغفره لاخونا ابوبكر .ونسأل الله أن يسكنه فسيح جناته مع الصديقين والشهداء ....

ألف سلامة ليك يا ديدو...
سحروك الما بشبهوك...
نسأل الله أن يشفيك و يعافيك و يتم ليك العافية و يديمها عليك...
Post: #6004
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-16-2010, 10:02 PM
Parent: #6003

انتقال الصديق أبو الزوز مكسب لي ناس السعودية و خسارة لناس الداخل...
أنا أيضا في غاية السعادة لأنه سيكون بيني و بينه أربع ساعات قيادة...
و تأشيرة دخول تسل الروح...
لو كان انتقالك لأي مكان غير السعودية يا أبو الزوز...
كان جبنا العصيدة و الملاح و فطرنا معاك يوم في رمضان...
لكن و بما ان الدخول للامارات من السهولة بمكان نتوقع حضورك الينا..
و ستجد ان شاء الله ما يسرك...
Post: #6005
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-16-2010, 10:32 PM
Parent: #6004

الوقت في رمضان زي الماهية في السودان...
مهما تجتهد في توزيعه يظل الوقت المخصص للنوم غير كافي...
هنالك أركان أساسية تحظى بالجزء الأكبر من اليوم...
ألشغل و أوقات الصلاة..خاصة صلاة العشاء و التراويح...
أضف اليهم الافطار و تبعاته من قهوة و شاي...
يبقى الوقت المستقطع للتواصل معكم...يكون على حساب أشياء أخرى لها قدر كبير من الأهمية...
و لكن لا ندم و لا حسرة طالما أن الوقت يستقطع لأمر هام و محبب...
و طالما جبنا سيرة الماهية...الماهية أوف قولة هاك و كف...
و الماهية في السودان لا تكفي الكثيرين في الوفاء بالتزاماتهم...
من سكن و معيشة و تعليم و صحة وترفيه...
و ان استطاعت أن تغطي بند واحد من البنود السابقة تكون ما قصرت...
زمان أول ما الواحد يتخرج من الجامعة و يشتغل في الحكومة كان بيتعين على درجة Q...
فكان ان تزوج واحد في Q بي واحدة في الدرجة Q أيضا كان يقال...
two Qs never lose
أما الآن فان two Qs ever lose...
شوفو بالله عدة سنوات شالت حرف واحد بس...
و لكنها غيرت وضع اجتماعي كامل من صورة ناجحة و مشرقة الى صورة قاتمة و فاشلة بكل المعايير..

يبقى الموضوع الأساسي اليوم في رمضان يجب أن تضاف اليه عدة ساعات عشان يكفي..
أما الماهية فهي تضاعف أربعة أو خمسة مرات عشان تكفي...
Post: #6006
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-16-2010, 10:51 PM
Parent: #6005

سلامات يا ناس

ومساءات التفاؤل

كثير إعتذارى للغياب القسرى...

وأشكر كل الأحبة الذين نثروا درر التهانى ونسأل الله أن
يجعلنا قدر المسؤلية الكبيرة.

كما أُشير إلى الزقازيقيين الآخرين (عوض مفتاح ،اسامة أبتر،عمار رحمة الله

أبوبكر على يونس) هنالك أيضاً الأخت هاجر كمال بشرى والأخ رضا حمزة.لهما التهانىء.

Quote: مسؤول من النبي يا كوتش ما قاعده تجيك تلفونات

غريبة عليك من السعودية ،،، وما بترد عليها

وتيب ده ما أني ومعاي منى يونس


يا ريس..سلام لك ولمنى وللوليدات

صدق أنا ما محظوظ...دايماً لا ألحق هذه المكالمات مش ما برد(عادتى ان أرد على أى تلفون)

وبقول احتمال زول ضارب نمرة غلط ...لك الود ولأسرتك وتقبل تحياتنا خالدة والأولاد.
Post: #6007
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-16-2010, 11:00 PM
Parent: #6005

محاولاتي اليائسة لانقاص وزني كلها باءت بالفشل...
تجنب السكر و العيش و الرز و لفترة طويلة لم تأتي بأي نتيجة...
تمارين البطن القاسية و المشي لمسافات طويلة يعقبها دوما زيادة في الوزن و زيادة الكرش...
ضبط النفس الأمارة بالسوء...غض الطرف عن الحلويات و القطايف و الكنافه...
خاصة الكنافه النابلسية التي تمثل نقطة ضعف كبيرة عندي...
و لكن لا فائدة لدرجة انني شككت في نفسي...
كثيرا ما أدخل في مغالطات و مرات بتجيب ليها زعل كمان...
أقول للبائع في المحل ان مقاسي كذا فيقول لي مش ممكن انت مقاسك كذا...
فأقوم كيه فيهو أشتري المقاس الذي أريده و عندما أذهب الى البيت أرميه...
و أقول أنا ما حأغير مقاسي و لا بد أن أنزل وزني حتى أرجع ألبس هذا المقاس...
ثم أنتقل الى مقاس أكبر في كل مرة...

في زول عنده وصفة ما تخرش المية...
Post: #6008
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-16-2010, 11:35 PM
Parent: #6007

Quote:
سلامات يا ناس

مع نجيب....

أسَفَاً...ولَمْ....

(1)

أسفاً عليك...ومن رماك؟

فى سدرة البدء انتهيت

وما اشتهاك

غير جرحك ذلك الشىء الذى ما كان جرحى

غير بوحك ذلك الشىء الذى ما كان بوحى


(خدمة التوصيل)
Post: #6009
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-16-2010, 11:37 PM
Parent: #6008

سلامات يا ناس

Quote: في زول عنده وصفة ما تخرش المية...


تمرين أولادى أبو خمسة دقائق.
Post: #6010
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-16-2010, 11:40 PM
Parent: #6009

Quote: سلامات يا ناس

(2)

يسقط المطرُ وأعشاب السماء

وما تبقى:

الطير

والشُطآن

والعسل المُنَقَّى.

أنت من تحت سمائى لست أرضى

أنت بعضك لست بعضى

يسهر القلب ...وللقلب ابتهاج

وجبينٌ من زجاج

أنت تأخذنى من القلب

ومن هذا الزجاج

آهٍ...

ومنك...

تجىء

آه
Post: #6011
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-16-2010, 11:50 PM
Parent: #6010

سلامات يا ناس

خالص الدعوات بالشفاء للنضيف

وانشاء الله ما تشوف شر.
Post: #6012
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-17-2010, 07:04 AM
Parent: #6011

صباح الهناء والسرور ...

اللهم أرحم أخونا أبوبكر وأسكنه فسيح جناتك ...

اللهم إن كان محسنا فزده إحسانا وإن كان مسيئا فتجاوز عن سيئاته يا رب العالمين ...
Post: #6013
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-17-2010, 07:13 AM
Parent: #6012

يا رشيد القوم كيف تقلبها ونحن عندنا عقيد .. لا بل عقداء ...

تاني يا سعادة العقيد تقلبها براك ...

التهاني والتبريكات لبقية العقد الفريد من بواليس الزقازيق على الترقية ودائما للأمام ...

يا أبو الزوز يا أخي بطل التفرقة العنصرية بتاعتك دي .. يعني باقي البواليس ديل ما جبت لينا خبر ترقيتهم ليه علشان هم غائبين أو ما عندهم باسوورد .. يا أخي بطل الحركات دي ...
Post: #6014
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-17-2010, 08:36 AM
Parent: #6013

اللهم ارحم اخونا بوبكر رحمة واسعة و ادخله فسيح جناتك مع الصديقين والشهداء

وحسن اولئك رفيقا اللهم ابدله دارا خيرا من داره واهلا خيرا من اهله و اجعل اللهم

قبره روضة من رياض الجنة يا كريم .


و التهنئة موصولة للاخوة الكرام (ناس البوليس ) و علي راسهم عوض المفتاح (تسلم لي يا عوض)

و الكمندان اسامة ابتر و الكابتن رضا و هاجر كمال و كل باقي العقد الفريد و انشاء الله تتعلو دوما

و هذه الترقيات صادفت اهلها فعلا و انتم خيار من خيار و لكم التهنئة مجددا .


و يالبادي انت ابو الزوز دا مالك معاه بتحدر ليه في الظلمة الراجل دا لا جاب سيرة الترقية دي لا من بعيد

و لا من قريب الجاب السيرة الريس ميسرة و ابو الزوز دا بقي حقنا ما بنرضى ان يجروا فيه الشوك في

في ضهرو (خلاص يا ود المهدي)!!!!!!!

و صباحك أشطه يا عمي البادي .
Post: #6015
Title: Re: ناس الزقازيق ... أجدع ناس ( 3 ) ..
Author: Tabaldina
Date: 08-17-2010, 08:37 AM
Parent: #6013

..
.
صباحتو بيض ..

نسال الله ان يتقبل صيامكم وقيامكم ودعائكم

اللهم أرحم أخونا أبوبكر وأسكنه فسيح جناتك ...
اللهم إن كان محسنا فزده إحسانا وإن كان مسيئا فتجاوز عن سيئاته يا رب العالمين ...


---------------

الامنيات بالشفاء العاجل للنضيف

ومتعكم الله صحة وعافية؛
Post: #6016
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-17-2010, 09:09 AM
Parent: #6015

صادق التعازي لأسرة الأخ أبو بكر محمد أحمد الطيب ولكل ناس الزقازيق

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #6017
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-17-2010, 10:40 AM
Parent: #6016

اللهم ارحم اخونا بوبكر رحمة واسعة و ادخله فسيح جناتك مع الصديقين والشهداء

وحسن اولئك رفيقا اللهم ابدله دارا خيرا من داره واهلا خيرا من اهله و اجعل اللهم

قبره روضة من رياض الجنة يا كريم .

==============================================================================================
تشكر يا ابوالزوز على التوضيح بخصوص دراسة أولادنا ... وعجبني استشهادك بالببسي والصابون ... والفن في "ونعتذر للأخوة الافاضل عن هذا القصد غير المخطوء"
ومن مداخلة الشباب ... أشم رائحة .... ان ابو الزوز ... جاهو عقد اغتراب .... وده سؤال تاني يازهير ...... التفاصيل عشان العنوان الجديد ..... ومبروووووووووووووك مقدما ....
Post: #6018
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-17-2010, 10:47 AM
Parent: #6016

انا لله وانا اليه راجعون

رحم الله الاخ أبو بكر محمد أحمد الطيب رحمة واسعة وجعل الله مثواه الجنة

وألزم آله واسرته الصبر الجميل وحسن العزاء

&&&&&&

سلامات لحبيب الكل النضيف وانشاء الله أجر وعافية

تلييشه : قلت لى يا دودى كنت خامى الرماد وين ؟؟

&&&&&&

التهانى والابتهاج الكبير بأفراح ناس اشلاق البوليس ...

الكوتش حبيب الكل ، وود حلتنا عمار رحمة الله والاحباب عوض المفتاح وابتر وابو بكر ورضا حمزة والعزيزه هاجر كمال بشرى

ما شاء الله تبارك الله ... مجلس عسكرى جاهز ... (

ما دايرين ليكم مدنيين لحكومة الانتفاضة دى ؟؟
Post: #6019
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-17-2010, 02:07 PM
Parent: #6018

موسى عيسى كيفنك يا ود أمي ...

أبو الزوز دا نحن بنعزو إلا الغلط مو سمح .. وبعدين ديل بواليس صعبين خلاص ما حيتفهموا الموضوع ...

أقول ليك حاجة حتى لو الخبر جابو الريس ميسرة برضو أبوالزوز غلطان .. لأنه كان ممكن يصلح الغلطة ويلحق الموضوع ويعمل ليه سمكرة صحفية موش هو نجح في القيد الصحفي ... وطيب .. يا أبوالزوز أرعى بي قيدك ...
Post: #6021
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-17-2010, 02:44 PM
Parent: #6019

اللهم ارحم اخونا بوبكر رحمة واسعة و ادخله فسيح جناتك مع الصديقين والشهداء

وحسن اولئك رفيقا اللهم ابدله دارا خيرا من داره واهلا خيرا من اهله و اجعل اللهم

قبره روضة من رياض الجنة يا كريم .


و التهنئة موصولة للاخوة الكرام (ناس البوليس ) و علي راسهم عوض المفتاح (تسلم لي يا عوض)

و الكمندان اسامة ابتر و الكابتن رضا و هاجر كمال و كل باقي العقد الفريد و انشاء الله تتعلو دوما

و هذه الترقيات صادفت اهلها فعلا و انتم خيار من خيار و لكم التهنئة مجددا .
Post: #6022
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-17-2010, 06:07 PM
Parent: #6021

اللهم ارحم ابوبكر واغفر له..
وادخله جنتك.. برحمتك يا أرحم الراحمين...
Post: #6023
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-17-2010, 06:48 PM
Parent: #6022

Good evening how r u

About writing English, Sorry it is difficult to me to write Arabic properly
but I hope that in future , Cuz they teach us all subjects in English even the Quran

&&&&&&&&&&&&&&&&&&&&&&&&&&&&&&&&&&&&&&

Yesterday we visit uncle abdu aldaim in the hospital, I feel that he is well

I like you Zagazigap , Friend ship forever

Friend's ship is like the relation between hands and eye
when the hand get hurt the eye cries the hand wipes it tears

Friends are like balloons if u let them go u cant get them back
so I m gone tie u to my heart so I will never lose u

Sun said to moon said to star said to sky said to me I said to u I love u

Some love 3 ship some love 2 ships but I love one ship that is Zagazig friend ship

Post: #6024
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-17-2010, 07:53 PM
Parent: #6023

Well done Mohsina!
Very nice and thoughtful words.. Keep shining with love just like the sun!
!Allah bless you
Post: #6025
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-17-2010, 10:25 PM
Parent: #6024

مساكم الله بالخير

بنتي محسنة ربنا يديك العافية و يعليك و ينجحك...
سعدت بي عباراتك الجميلة الرائعة التي وصفتي بها حالنا و حبك لنا كزقازيقاب...
نحن نبادلك الحب مثله و أكثر...
و ان كانت لي وصية يا بنتي فهي أن تجتهدي للتعامل مع اللغة العربية بصورة أكبر...
و أقول لك هذا لأن أمنية و مهند أبنائي و الذين أتمنى أن تلتقي بهم يوما ما يعانون من نفس الموضوع..
فأحاول أن أحببهم في اللغة العربية بقراءة القصص العربية و غيرها...
حتى لا تضيع لغتنا العربية و أنتم حملة لواءها ان شاء الله...
لك مني كل الحب و الود...
Post: #6026
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-17-2010, 11:55 PM
Parent: #6025

uncle hatim gubara

Thanks u v.much u know thats u have a nice picture I saw it

Uncle al rashid babikr

your kids mohanad and aumnia. I know that u and your

wife Najat hofi suffer from them

in arabic language like me

I received an email from mohammad adam al noor (jala) in my own email
Quote: Dear Mohsina

I appreciate your ambition and I wish you success in your studies always, when you gain your password you should have to put your own post at Zagazeg post,
God bless you

Very nice e mail, thank u very much salam to your mother and your father2


Mohsina Maisara Email:[email protected]
Post: #6027
Title: Re: ناس الزقازيق ... أجدع ناس ( 3 ) ..
Author: محمد العبيد
Date: 08-18-2010, 00:22 AM
Parent: #5915

الزعيم ميسرة
سلام ،،،
فعلا الصورة بتاعتك لا تعطياالحقيقة
ولد لسع بشبابك ما شاء الله تبارك الله
واشكرك لحسن الاستقبال وجزاك الله خير
لما قدمته من زلت تقدمه
كما لا يفوتني ان اشكر كل من ساهم في رحلة البحث التي لم تنته بعد
ياخي مالك والفضائح دي كلها مكياج لزوم المقابلة

اللهم ارحم اخونا ابوبكر
رحمة واسعة واخلة فسيح جناته

كما اطلب من جميع الاخوة الافاضل السماح والمعذرة
لقلة مشاركاتي في افراح واتراح الاخوة ناس الزقازيق لانشغالي بامور طارئة
كما اطلب من الجميع الدعاء في يفرج همومنا وهموم جميع المسلمين

سلامات لاخونا عبدالدائم النضيف
وربنا يجعله اجر وعافيه
وشدة وبتزول وترجع كما كنت الزول الخلوق والخدوم واخو الاخوان

تحياتي للجميع وتصوموا وتفطروا علي خير
ودائماً تامين ولامين ومتعاونون
Post: #6028
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-18-2010, 00:51 AM
Parent: #6027

يا شباب سلام قلنا نجيكم في هجمة ليلية عشان تآمنوا ......

طبعاً بعد الاستمتاع بحلقة اغاني واغاني الجميلة دي .... يا ريت ناس الغنا يتابعوا البوست الجميل ده ...

برنامج اغانى واغانى فى دورتة الخامسة على النيل ...ازرق وعلى المنبر
Post: #6029
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-18-2010, 07:19 AM
Parent: #6028

صباح الهناء والسرور ...

بنوتتنا الحلوة محسنة الله يديك العافية ويحفظك .. خليك معانا دائما وعقبال تاخدي الباسورد وتكتبي بكل لغات العالم ...

محمد العبيد رمضان كريم وبركة الشوفة .. ما تشيل هم كل الأمور حتبقى تمام التمام وهذا هو ديدن الدنيا يوم أبيض ويوم أسود .. جعل الله أيامنا كلها بيضاء وربنا يفرج عن الجميع ...

حاتم جبارة خليك هناهنا هنا وبلاش تفارق ...

رضيد القوم النوم بجيب اللوم ...

يا حاج جلا العيد قرب أبقى مارق ...
Post: #6030
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-18-2010, 08:03 AM
Parent: #6029

صباحك خير يا عمي البادي و انشاء الله الامور تكون ما مزنقة

زي الرياض دي و الله من الصباح الساعة تسعة و درجة الحرارة

41 درجة يعني بعد شوية عينك ما تشوف إلا النور ، بس المحيرني

يا بادي انه في باكستانين شغالين في الحفر و قص الشجر في عز الهجير دا زي المافي شي .

الشي التاني يا اخي زهير دا فارق دربو يعني البواليس ذاتهم صحبانو !!!

و بالمناسبة تعبان دينق جلا قال ماشي كادقلي ليه اسبوع للان ما وصل

اللهم كضب الشينة ما يكون انضم لناس عبدالواحد تحت تحت قالوا هو احمد

اسماعيل مرتبين لاحتلال منطقة حيوية بس وين ما معروف ممكن تكون في

السعودية !!!!!
Post: #6031
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-18-2010, 11:55 AM
Parent: #6030

صباح الخير ،،، يا وجوه الخير

أصحنا وأصبح الملك لله وحده ،،،

مهم جداً الإلتزام بهذا الدعاء (5 مرات يومياً)

دعاء يقال بين التكبيرة وبين القراءة

اللهم باعد بيني وبين خطاياي
كما باعدت بين المشرق والمغرب

اللهم نقني من الخطايا
كما ينقى الثوب الأبيض من الدنس

اللهم أغسل خطاياي بالماء والثلج والبرد
Post: #6032
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-18-2010, 11:55 AM
Parent: #6030

تحيات صباحية ندية
يا توتا يا حلوة , نرحب بيكى كاتبة منتظمة معانا
وبدايتك موفقة وواعدة ,ووصفك لحال صداقات الزقازيقاب
وصف انجليزى بليغ , فلنحذر جميعا من ان (نفرط فى البالونة )
والا راحت فى الباى باى
لكن عشان تتقنى العربى زى اتقانك للنجليزى ما شاء الله
لازم فى الأول تحبيهو, وبعدين تقرى بيهو وتكتبى بيهو عادى
ربنا يحفظك من كل مكروه , وينور ليك حياتك قادر يا كريم
رحم الله زميلنا ابو بكر محمد احمد الطيب , كما اننا ما نزال فى انتظار تفاصيل الاجتماع التاسيسى الهام لزقازيقاب الداخل
يا زهير , وبعدين انت اصلك جاى متين ياخ , شحتفت روحنا
التهنئة موصولة لكافة عساكر الزقازيقاب الذين شملتهم الترقيات الرمضانية الأخيرة
اقعدوا عافية
Post: #6033
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-18-2010, 12:49 PM
Parent: #6032

ورجعنا الى رهق روتين اليوم القاتل
وبالرغم من ان رمضان , اسهم ويساهم فى تخفيف وتيرة ملل الدوامات والعمل اليومى المنتظم
الا اننى تأملت مقولة البادى النور فى مداخلة سابقة
والتى تلخصت فى انه يرى ماليزيا مرة اخرى بعين جديدة
وتساءلت و هل تكون عينى ذات العين , اذا ما قدر لى ان اراها ثانية ؟؟!!
وقفزت الأجابة متسارعة , ستين يمين لا
ان عين الأكتشاف الأولى , لا تماثلها عين
وبهذه النظرية , فما اسعدك يا كولمبس , وما اسعدك يا ماجلان
وما من احد فى هذه البسيطة بقادر على ان يعادل ويماثل عين (ابن بطوطة المستمتعة )
فرق كبير بين اول يوم رأيت فيه دبى , وابو ظبى , وكيب تاون واستنبول ولندن
لا بل حتى انه فارق كبير بين اول يوم رأيت فيه الزقازيق والرياض وجدة والدمام واديس ابابا
ولكن عين الرؤية الأولى , وعين الدهشة الأبتدائية , حتى وان اصابها برود الأيام المتوالية والليالى المتعاقبة
فانها تظل عصية على النسيان , وجاهزة للأستدعاء بالكيفية التى نريد
عدت الى الزقازيق مرات عديدة عقب تخرجى منها
لم اراها ابدا جميلة , مثلما رايتها المرة الأولى
لا بل , اننى شعرت بريفييتها وبداوتها فى شعور (مفاجىء)
ولكن جمالها المخزن وذكرى لياليها الأول , تبقى بذات الالق وبنفس الزخم
انا احكى واحكى واحكى , فعلت ذلك مرارا وتكرارا
اول مرة مضينا الى الزقازيق صحبة بت الشيخ
قالت لى ان الزقازيق ليست كما صورتها لى
المشكلة اننى اقتنعت بكلامها فورا , حيث اننى ما وجدت فيها ما كنت اجد , قبل سنين عددا
ولكن الزقازيق ما تزال فى خيالى , وكأنها (ماليزيا الزمن الجديد )
فهل ترتد ماليزيا فى خيالى القادم , وتعود (القهقرى ) , فاراها مجردمبانى عالية وشوارع اسفلت (بلا روح )
هل قال على محمود طه المهندس , كل ماقال فى (فينسيا ) وكيليوباترا فى لحظات (طيش خيالى ) ؟؟!!
ام ان صلاح احمد ابراهيم , عاد ليلتهم تمثال ماريا الذى صنع بعين الخيال
فلم يذق فيه الا طعم الصلصال وطين البحر ؟؟!!
لاحل عندى الا ان استسلم لخيالى , فليذهب بى انى ذهب , وبكره
يحلها الحلال
Post: #6034
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-18-2010, 01:39 PM
Parent: #6033

حرصت وانا اضع برنامج رحلتى للأجازة مع العائلة
على ان اضمنها (ثلاث ايام فارهات ) , فى احد منتجعاتها البواذخ
لذا فان اتجاهات الأشارة , كانت تتجه صوب الصن واى لاجون ريسورت اند هوتيل
هذا منتجع فاره , فيه من متع الحياة الكثير
اولها فندق فخيم من ذوات النجوم التى تزيد على الخمسة , مافى ذلك شك
فى تصنيف الفندق والمنتجع , انه خمس نجمات كما يقول موقع دليل ماليزيا السياحى على الأنترنت
ولكنى اعطيه خمسة نجمات اخريات , من واقع تجربة الثلاث ايام العائلية فيه
هو فندق فخم , له اثنتا عشرة طابقا تحت ارضية , وعشرون اخريات فوق سطح الأرض
وجنبا الى جنبه مول عظيم , به خمس طوابق فارهات , فيهن كل شىء واى شىء
والى جنبه الاخر , مدينة ملاهى تقول ليك (تعال ولاعبنى ) , فاذا دخلتها , فانك من الناجين ان استطعت منها فكاكا
ولكن كل ذلك لم يكن هدفى الأول , ولم يكن مبتغاى من استهداف المتعة والتغيير
انه فندق ومنتجع كما قلت
لذا فان تعريف منتجع فى اللغة , يصلح الصن واى لاغون ليكون له مثال ناطق
مدينة العاب مائية , كل شىء فيها من ماء والى ماء وعبر ماء يتخلله ماء
هذه البقعة , تناديك وتمعن فى النداء , تستطيع سباحة وعوما , او لا تستطيع (كحالى المائل )
حقيقة الأمر , لم اندم فى حياتى على عدم حذقى لصنعة , كندمى على جهلى بالسباحة والعوم
لذلك فلم يكن هناك من هو احرص منى عل تعليم السباحة لأولادى , منذ فترة زمنية مقدرة
لذا فان احمد ومجتبى , يحبون الماء واحواض السباحة , حبا جما
بينما انا احبها للبلبطة لا غير , فهم يحبونها للسباحة فعلا و وللأسمتاع بقدرة الماء على حمل اجسادهم
وهى تطفو على السطح , فى لحظات متعة جارفة , اغبطهم عليها , غير اننى ينالنى من استمتاعهم, فى معظم الأحيان نصيب
وهذا المنتجع , ليس مجرد حوض سباحة , لا , انه من ماء كما قلت ياتيك من كل مكان
تتزحلق على ماء لتسقط فى ماء
تجلس على حافة حوض الماء , فيندلق عليك جردل ماء لا تدرى من اين اتى , ولا الى اين يسير
تجلس على حافة حوض الماء , فتفاجئك موجة عاتية , تجبر الممتنعين على التعامل مع الماء
نوات بحرية اصطناعية , وامواج لا تتوانى على حملك انت وعفشك داخلها , فلا تملك ان تصرخ , فانا لا اعرف فن العوم
شلالات الماء المنحدرة لا تعرف لها موقعا ثابتا, ولا تعرف لها توقيتا , انها تسقط فجاة , للتوقف عن السقوط فجاة
لتعاود الهطول فى مكان آخر , اكثر فجاءة وتمويها , باختصار شديد , لا سبيل لك فى الصن واى لاغون من الماء الا الماء
ولا عاصم لك من الماء الاهو , كل ما تستطيع ان تتوخاه وتتحراه ان تبتعد من اماكن العمق , وتتضاير فى اماكن ضحلة , وتحاول ان تستمتع بالماء (الذى خلق الله منه كل شىء حى ) ما استطعت , حتى اذا ما انتهى اليوم , اكتشفنا اننا لم نأكل ولم نتذكر غير الماء من الصباح الباكر , فتشعر بان الجوع يسابق النعاس اليك , فكان حرصنا نحن ذوى الكروش الكبيرة , اكبر على الأصطفاف فى طوابير الكنتاكى والماكدونالدز والبيتزا هوت , وكل المصطفين خارج لتوه من الماء , يلبسون فى معظمهم رداء الماء ولبسه , كما ان بعضهم يكاد يلبس (بعضا منه ) , تاركا البعض الاخر (اين ؟؟ لا ادرى ) , وفى نهاية اليوم بالكاد نلحق نأكل كما رايتم , ثم ننعم بدفء الفرش البيضاء الوثيرة , لنعاود الكرة صباح الغد الباكر , هكذا فعلنا لثلاث ايام متتاليات , كنا بالكاد نأكل , ولم نستجب ابدا لرغبات بت الشيخ الملحة فى ان نغشى معها المول , ولو غشوة , (فألأموال التى هى جمع مول) , على قفا من يشيل , ولكن ليس هناك الا منتجع صن واى لاغون مائى واحد )
Post: #6035
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-18-2010, 11:26 PM
Parent: #6034

سلامات يا ناس

ومساءات وصباحات التفاؤل

يا سلام على بتنا محسنة..القادمة إلينا حتماً

بباس ويرد مِلِك..(اديها جكة يا زهير) الريس طبعاً

حيتولى الترجمة ..

Quote: تجلس على حافة حوض الماء , فيندلق عليك جردل ماء لا تدرى من اين اتى , ولا الى اين يسير
تجلس على حافة حوض الماء , فتفاجئك موجة عاتية , تجبر الممتنعين على التعامل مع الماء
نوات بحرية اصطناعية , وامواج لا تتوانى على حملك انت وعفشك داخلها , فلا تملك ان تصرخ , فانا لا اعرف فن العوم
شلالات الماء المنحدرة لا تعرف لها موقعا ثابتا, ولا تعرف لها توقيتا , انها تسقط فجاة , للتوقف عن السقوط فجاة
لتعاود الهطول فى مكان آخر , اكثر فجاءة وتمويها , باختصار شديد , لا سبيل لك فى الصن واى لاغون من الماء الا الماء


يا ماركيز :الحوض ده ما فيهو سمك؟
Post: #6036
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-18-2010, 11:53 PM
Parent: #6035

Quote: اول مرة مضينا الى الزقازيق صحبة بت الشيخ
قالت لى ان الزقازيق ليست كما صورتها لى
المشكلة اننى اقتنعت بكلامها فورا , حيث اننى ما وجدت فيها ما كنت اجد , قبل سنين عددا
ولكن الزقازيق ما تزال فى خيالى , وكأنها (ماليزيا الزمن الجديد )


الريشة التي يسطرها لنا هذا المنصور العبقري

تسبح بنا في فضاء جميل وكلمات متناغمة وخيال خصيب

بهذا أقول لكم بأن زيارتنا إلى ماليزيا ومعي العائلة

كانت رحلة جميلة ورائعة وسوف نكررها عدة مرات وقد

نراها بعيون أكثر جمالاً من سابقتها ،،،، هكذا كنا نرى

زقازيق الخير والتي ما زال عبقها وذكرياتها الجميلة في آخر

زوايا عقلنا ومخنا ذهبت إلى الزقازيق فلم أتعرف عليها ولكن تظل

في عقلي هي الزقازيق التي أحببتها وأحببت من فيها .
Post: #6037
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 08-19-2010, 00:43 AM
Parent: #6036

سلام لاجدع ناس
معليش جيت طايرة طوالى وما شفت الوراى
اصلو رمضان والحمد لله عندنا جا خاشى العضم طوالى
ربنا يتقبل منا ومنكم


مساهرة عشان يوم 19 يدخل واقول لمحمد عيد كل سنة وانت بالف خير وعافية
وربنا يخليك لعيالك وامهم ولينا دايما منورنا
ويا منى يلا نزلى حاجة تليق بابو مصطفى

وعيد ميلاد سعيد يا عيد
Post: #6038
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-19-2010, 07:00 AM
Parent: #6037

صباح الهناء والسرور ...

أصبحنا وأصبح الملك لله ...

ما شاء الله في عودة لبعض الغائبين ...

أهلا بي عودة أختنا زينب التجاني .. وأهلا بي عودة أخونا حاتم جبارة ...

عساكرنا بعد الترقيات طفشوا وما في زول ظهر منهم .. يكونوا بيحتفلوا بالترقيات في كوالالمبور ...
Post: #6040
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 07:21 AM
Parent: #6038

يا جماعة عايزين نحكي ليكم عن افطار الجمعية يوم الإثنين الفات في نادي الشرطة ... بس كنا عايزين منصور يخلص حكاوي ماليزيا دي عشان الناس تاخد بالها من حكاوينا وما نروح تحت كرعين الحكي الطاعم ....


المهم في الأمر أن الإفطار كان ناجحاً حضره قرابة الأربعين زقازيقي وزقازيقية .... والصور في الطريق لو ما ضلته كالعادة ... إتناقش موضوع الشركة ... مرة أخري وبدأ الناس في الإكتتاب ... قرابة الثلاثين شخص أكتتبوا في أسهم الشركة ما يقارب الأربعمائة سهم ..... وبي كده تكون ضربة البداية ... قد بدأت ستشهد الأيام القادمة أول أجتماع للمساهين وبدء إجراءات تسجيل الشركة رسمياً عليه ... كل من يأنس في نفسه الكفاءة المالية عليه بالإتصال فوراً بعبد الحفيظ عباس ويسجل نفسه .... عشان يكون من البدريين والناس المؤسسين ... اها يا جماعة فتكم بعافية ودي آخر فعالية لي مع ناس الخرطوم ... وبعد ده جيتكم يا ناس السعودية مغترب ذو كرش قبل أن يغترب
Post: #6039
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 07:15 AM
Parent: #6037

عبد الدائم النضيف حمد الله علي السلامة .... عرفنا إنك امبارح طلعت من المستشفي .... لكن غايتو عصام دهب إتلوم .... إلا يجي يقدم ليك إعتذار اسفيري ....


ولدنا محمد عيد رمضان كريم وكل سنة وإنت طيب .... بس عايز أعرف الإحتفال بعيد الميلاد في رمضان شكلوا يكون كيف ....


بتنا زينب التجاني ... الظاهر عليها من مدرسة عادل الجعلي الناس البيجرسهم رمضان ..... والله جرستها ظاهرة في المداخلة .... يا جماعة ما تدوا رمضان ده فرصة يعصر عليكم .... عليكم بالنوم ثم النوم .... في نهاره ....
Post: #6041
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-19-2010, 08:50 AM
Parent: #6039

محمد عيد كل سنة وإنت بألف خير ودائما على خير ...

بتنا زوبة جاءت بالأمجاد مخصوص علشان عيد ميلادك على الرغم من الجرسة الرمضانية ...

لكن إنت تستاهل يا ود عيد .. وكمان مرة كل سنة وإنت وعيالك وأم عيالك وكل الأسرة بألف خير ...
Post: #6042
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-19-2010, 08:52 AM
Parent: #6039

يا زناتي والله شفقتنا شفقة شديدة... يا أخوي إنت جاي متين؟؟؟؟؟؟؟؟؟؟؟؟؟؟؟

عبد الدائم حمد لله على السلامة

محمد عيد كل سنة وإنت بألف خير
Post: #6044
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-19-2010, 08:54 AM
Parent: #6042

وهذه رسالة أخرى وصلتني اليوم:

Quote: عصام الدين برعي محمد حمد
تربية الزقازيق شعبة بيولوجي 1993
اعمل بدولة الامارات العربية دبي
مدرس بوزارة التربية و التعليم
هاتف00971505706552
بريد الكتروني[email protected]
ارجو اضافتي في بوست خريجي الزقازيق كما ارجو ان تشرح لي كيفية الاشتراك في المنتدي
و انا طبعا برلومك لو فاكرني
وتقبل تحياتي و اشواقي لك و دفعتي تقريبا كلها معاك في السعودية ارجو ان تبحث عن عناوينهم و تنزلها في البوست


ويا زهير الزناتي همتك معانا
لضم كل هؤلاء الأخوان
Post: #6043
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-19-2010, 08:53 AM
Parent: #6039

ولدنا المبدع محمد عيد ....
عيد ميلاد سعيد ... عقبال مليون شمعة (مرفق مع التهنئة تورتة عصيدة بملاح تقلية و 21 شمعة)



========================================
ياشباب والله كلام منصور ده ...
حقو توثقوه ... نعملو في كتيب ...
ونهديهو للماليزيين اولا ...
كلام عجيب وصف دقيق ... فن وابداع
بس الصور مهمة للشباب التي لم تحظي بمشاهدة ماليزيا ... وعشان نشوف شكلك في ماليزيا
منصور لم تتطرق لموضوع التذاكر ... عندما تدخل
الصن واي لاقون او جنتج او اي ملاهي في ماليزا ...
تشتري دباجة - تلبسها زي الساعة - لتلعب يوم او يومين ...
وهذا من اكثر الاشياء التي ادهشتي في ماليزيا
حيث اعتدنا ان نشتري التذاكر بالحبه والسعر "نار" لتلعب ثواني ...
والله في خلقة شؤون ...
Post: #6045
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 09:08 AM
Parent: #6043

يا سمسم الله لا جاب شفقة بس الإجراءات إتأخرت شوية الظاهر دي نية ناس كده ... المهم الأسبوع القادم سأكون بطرفكم والآن بعمل في التشطيبات الأخيرة ....
Post: #6046
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 09:11 AM
Parent: #6045

Quote: بسم الله الرحمن الرحيم
الجمعية السودانية لخريجي جامعة الزقازيق
مكتب الأمين العام

التاريخ / 19/8/2010م الرقم 33/2010

السيد الأستاذ الدكتور / ماهر الدمياطي
رئيس جامعة الزقازيق

الموضوع : قبول خريجي وأبناء خريجي جامعة الزقازيق (السودانيين)

في البدء نهنئكم بحلول شهر رمضان المعظم أعاده الله علينا وعليكم وعلي شعب الشرقية وعلي الأمة الإسلامية بالخير واليمن والبركات . كما يسعدنا أن نشكركم علي تفضلكم بمقابلة وفد اللجنة التنفيذية باقتطاع زمن مقدر من وقتكم الثمين إبان زيارتكم الأخيرة لوطنكم الثاني السودان . تلك الزيارة التي تركت أطيب الأثر في نفوس وفدنا والذين قاموا بعكس هذه الروح لأعضاء الجمعية .
تفضلتم خلال الزيارة المذكورة بتخصيص ثلاث منح لأبناء الخريجين من أعضاء الجمعية للدراسة بجامعتنا الغراء لمرحلة البكلاريوس والليسانس ليكونوا امتداد طيب لآبائهم وتمتين لأواصر العلاقة بين شعبينا ، إضافة للقبول عن طريق البعثات لذات المرحلة و التخفيضات المعتبرة للخريجين من أعضاء الجمعية للدراسة فوق الجامعية . نقلنا كل ما دار في الاجتماع لأعضاء الجمعية الذين أبدوا ترحيب بلا حدود بهذه المكرمة والتي هي غير مستغربة عنكم . وقد أبدي عدد مقدر منا نيته في مواصلة الدراسة بجامعتنا الأم . تكليفي رسمياً بشكركم علي هذه اللفتة الكريمة و التنسيق معكم علي إنزال هذا الأمر لأرض الواقع والعمل علي إيجاد قنوات رسمية يتم القبول عن طريقها . وقد تم تكليف العميد / خالد يسن علي حمل هذا الخطاب وتفويضه تفويضاً كاملاً ولديه كافة صلاحيات اللجنة التنفيذية لإنجاز هذه المهمة .
مرة أخري لكم فائق الشكر والتقدير بإسمي وبإسم اللجنة التنفيذية وأعضاء الجمعية السودانية لخريجي جامعة الزقازيق . وكل تحياتنا لك ولأساتذة وطلاب وموظفي وعمال جامعة الزقازيق ولكل شعب الشرقية المضياف .
زهير الزناتي
الأمين العام للجمعية السودانية لخريجي جامعة الزقازيق
بأمر اللجنة التنفيذية



نص الخطاب الموجه للسيد رئيس جامعة الزقازيق بخصوص المنح والبعثات الدراسية
Post: #6047
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 09:30 AM
Parent: #6046

يا جماعة بنسأل من كمال الشادي ...

ونقول ليهو رمضان كريم ... وفي غاية الأشواق ...
Post: #6048
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-19-2010, 12:57 PM
Parent: #6047

خالص التعازى فى وفاة الاخ ابوبكر محمد الطيب

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

انا لله وانا اليه راجعون




صورة من قائمة مرشحى التجمع الاسلامى


sudansudansudansudansudansudansudan13.jpg Hosting at Sudaneseonline.com
Post: #6049
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-19-2010, 01:41 PM
Parent: #6048

ديدو الف سلامة حبيب
وبركة رعت لينا طيب
Post: #6050
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 08-19-2010, 01:47 PM
Parent: #6049

بسم الله الرحمن الرحيم
شركة الزقازيق للتجارة والإستثمار المحدودة
شركة ذات مسئولية محدودة
دفتر المساهمين



أولا : عدد الأسهم = 1000 سهم .
ثانيا : قيمة السهم = 100 جنيه سوداني
ثالثا : راس المال = 100000 جنيه سوداني
رابعا : مساهمة الفرد في التأسيس 240 جنيه .

قائمة المساهمين :

عبدالحفيظ عباس صديق عثمان 100سهم بمبلغ 10000ج/س
صالح عبدالرحمن صالح 100سهم بمبلغ 10000ج/س
د. فاروق نصر علي 100سهم بمبلغ 10000ج/س
فتح الرحمن 100سهم بمبلغ 10000ج/س
نهلة نجم الدين حسن 100سهم بمبلغ 10000ج/س

خالد يسن 10 أسهم بمبلغ1000ج/س
ابراهيم الشريف 10 أسهم
محمد أدم النور 10 أسهم
ابوبكر محمد صديق 10 أسهم
عمار رحمة الله 10 أسهم
سفيان لطفي 10 أسهم
نزار محمد إبراهيم 10 أسهم
المنتصر طه حسن 10 أسهم
جلال عثمان محمد علي 10 أسهم
جبريل نعمان عبدالله 10 أسهم
د. الطيب محمد أحمد 10 أسهم

زهير محمد عثمان 5 أسهم بمبلغ 500 ج/س
إبتهاج عبدالله سليمان 5 أسهم
الهادي حسين أحمد 5 أسهم
صلاح عبدالمجيد 5 أسهم
سامي عبدالفتاح 5 أسهم
ماجدة عبدالرحمن أحمد 5 أسهم

الشريف عباس الشريف لم يحدد بعد
محمد حسن زمراوي لم يحدد بعد

فاتن محمد فضل لم تحدد بعد
علي عبدالمعروف مجذوب لم يحدد بعد
أحمد عوض سيد أحمد لم يحدد بعد

على كل من يرغب التسجيل قيد إسمه مع التفاصيل
وبالله التوفيق
Post: #6051
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 02:13 PM
Parent: #6050

عبد الحفيظ سلامات
مبروك هذه الخطوة الجبارة ....

أولاً قبل كل شئ أين كمال الشادي من هذه الخطوة وهو الشخص الذي لم يكل أو يمل حتي تري هذه الشركة النور ...

ثانياً : بخصوص مصاريف التأسيس ،، أعتقد سابق لأوانه تحديد قيمة مساهمة الفرد في التأسيس حتي يكتمل عدد المؤسسين ... وبعدها يمكن تحديد الإحتياجات بدقة ومنها يمكن تحديد المساهمة حتي لا يكون هنالك قصور ... في تلك المصاريف ...
Post: #6052
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-19-2010, 09:10 PM
Parent: #6051

اعتقد ان مصاريف التأسيس تشتمل علي الرسوم وإجراءات التسجيل إضافة لإيجار المقر وتأثيثه ... بختكم يا ناس الجمعية بيضت ليكم في قفص
Post: #6053
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-20-2010, 11:22 AM
Parent: #6052

من امبارح في البوست ده براي ..................................................................


شنو يا جماعة
Post: #6054
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-20-2010, 11:36 AM
Parent: #6052

أحبابى ، اعزائى الزقازيقيين

سلااام وتحية

رمضان كريم وتصومو وتفطروا غلى خير

اعتذر اولا للتاخير فى دخولى لواحتكم الظليلة والتى سوف الجأ اليها دائما باذن الله كلما اشتدعلينا

صيف الرياض وحرارة نهاره الطويل .

بداية أتقدم بالشكر الجزيل لصاحب الحوش الاخ بكرى ابوبكر الذى أتاح لى فرصة الدخول لهذا المنبر .

الشكر لكل من قدم لى الدعم لنيل العضوية .
Post: #6055
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-20-2010, 11:48 AM
Parent: #6054

الشكر موصول للأخ عصام دهب والذى ساهم بشكل كبير فى لم الشمل بعد هذه السنين وساهم فى تواصلنا

من جميع بقاع المهجر .

اعتذر مرة اخرى عن تأخرى فى الدخول . وانشاء الله ستكون هذه هى بداية تواجدى معكم باستمرار .
Post: #6056
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-20-2010, 01:16 PM
Parent: #6055

البوست صن صن قوية وجاب ليهو صيد ثمين ..... محمد عثمان عبد الرحيم رمضان كريم ,,, ومرحب بيك في الحوش وإنشاء الله قعدة مستمرة
Post: #6057
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-20-2010, 01:28 PM
Parent: #6056

غادرنا فجر اليوم للاردن الأخ علي عبد المعروف ... وبدعمكم السخي استطعنا أن نوفر له تقريباً كل منصرفات العملية والتذاكر .... الشكر لكل من ساهم في هذا العمل الإنساني .... ونخص بالشكر عبد الدائم (جدة) ... تبيدي (قطر) محمد صديق (الخرطوم) الذين وقفوا علي جمع المساهمات حتي فاقت كل تصوراتنا .... علي يشكر الجميع ويناشدكم بالدعاء له ....
Post: #6058
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-20-2010, 02:34 PM
Parent: #6057

سلام وتحيةلأعز الناس

بداية اسمحوا لى أن أقف قليلا فى هذا اليوم المبارك من الشهر الكريم لأترحم على أرواح زملائنا

الزقازيقيين الذين سبقونا الى الدار الآخرة ،، فجعنا برحيلهم كنا نتوق الى لقاؤهم بعد التخرج

لقد كان بيننا الكثير ،، فهل نحن تأخرنا أم تعجلوا لرحيل

،سال الله أن يتغمدهم بواسع رحمته ويسكنهم فسيح جناته

كان آخرهم الاخ ابوبكر محمد احمد الطيب والذى كانت تربطنى به علاقة جميلةفقد كانت تربطه علاقة

بعطبرة بحكم عمل والده كمدير عام للسكة حديد .. رحم الله اخينا وزميلنا ابوبكر واسكنه فسيح

جناته مع الصديقين والشهداء.



حتما ساعود
Post: #6059
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-20-2010, 02:52 PM
Parent: #6058

سلام لاعز الناس

حبابك ود الزناتى وأوعدك انساء الله ان تكون قعدة مستمرة

فى اتنظار قدومك للرياض لكن انا متأكد انك لما تصل جدة مفاوضات ناس عبد الدائم وعموم ناس جدة

بتقعدك على الاقل يومين. وبعدها ح يظهر ليك المفاوض الكبير ابراهيم عتكبة بالمدين المنورة ودة

بالميت ح ينتزع ليهو ثلاثة ايام .

المهم نحن بانتظارك وما بنأخرك كثير من شغلك ،، وبالمناسبة فى خروف مدوعل مربوط فى الحوش بانتظارك


لى عودة

الركز
Post: #6060
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 08-20-2010, 10:17 PM
Parent: #6059

تعازي الحارة في وفاة الأخ أبو بكر محمد أحمد
وأسأل الله أن يتغمده برحمته الواسعة
وانا لله وانا اليه راجعون

ألف سلامة ليك يا عبد الدائم
وانشاء الله ما تشوف شر وأجر وعافية باذن الله
وحمد لله على سلامتك..

رمضان كريم عليكم كلكم
وربنا يتقبل منا ومنكم الصيام والقيام

بركة بالشوفة يا حاج الركز
وانشاء الله ما تنقطع تاني
تحياتي ليك وللمدام والعيال
Post: #6061
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-20-2010, 10:44 PM
Parent: #6060

Quote: السلام عليكم

رمضان مبارك

وجدت اميلك بموقع سودانيز اون لاين
ووجدت الاسم ليس غريب على
لاننى خريجة تجارة الزقازيق
ان لم يكن ظنى خاطئ...فهل تعرف
الدكتور أحمد فؤاد..وايضا ابوبكر..؟
وهل تدلنى على ارقام تليفوناتهم
او الاميلات...ولك منى كل الاحترام والتقدير

فاطمة عباس
كندا

وصلتني هذه الرساله عبر الايميل ..من يعرف أي معلومه الرجاء ارسالها عبر الايميل :[email protected]



Post: #6062
Title: Re: ناس الزقازيق ... أجدع ناس ( 3 ) ..
Author: عمر نملة
Date: 08-20-2010, 10:50 PM
Parent: #6060


صديق العقيد الليلة طلت فرحه
في شهر الصيام ايامنا زانت نفحه
ان كان في الادب فايتنا واخلاق سمحه
ياك العقيد ياك المشير ياك اب عمر ياك زوج السمحه

اسمع دي
مره في النادي بنلعب وست وواحد صاحبنا لاعب زميلي شغال سب للشرطه ، قمت براحه قلت ليه اسمع الزول القاعد في الكرسي دا عقيد في الشرطه، وقبل مايستوعب كلامي قلت ليه: سمي التسميه عندك، صاحبك بقى يرجف كله ونطط عويناته ، وتاني قلت ليه سمي ماتاخر اللعب، ويظهر ورقه كان كارب ومع الخوفه عايز يقول مربوطه صاحبك قال: معقوده.
ديدو
سلامتك وماعرفنا مرضك فرحه ولا قرحه
محسنه الحلوه
وعليكم السلام ورمضان كريم. عارفه قبل ما اقول ليك ربنا يحفظك وقبل ما اسطر كلام حلو واصفق ليك على تمكنك من اللغه الانجليزيه اقول ليك اكتر حاجه عجبتني لغتك المهذبه والراقيه ، والتحيه لبابا وماما.
المبارك بحر الدميره
تصوم وتفطرك العافيه وكل سنه وانت طيب وربنا لاصومك في اوربا في الصيف كل حاجه طويل ماعدا المصيفين والمصيفات.

محد عيد يابسمه يافنان
تسال منك العافيه وكل سنه وانت طيب

منصور بيانج
والله رب ضاره نافعه . فرحت باستمتاعك مع الاسره في ماليزيا. سمعنا واتلفت حولك من منو سمعنا انك بعد الاتصال البينا وانك قررت قضاء الاجازه في اوربا انك فاتحت الحكومه بالفكره على طول قالوا ليك ماليزيا يعني ماليزيا، (وقالوا الله يكفينا ناس قالوا وقلنا ليه) انك جريت واطي وقلت ما لا ليزا.
اسمع الاموال عندنا ناس الجري جمع ميل وعند ناس الطرب جمع موال وعند ناس الطشمه جمع ململه وعند ناس البزنس اكيد جمع مال وكل يغني على امواله.

رشيد القوم
قلت لي رمضان عندنا ساهل ولذيذ وماتنسى سلبه من الساعه 3:30 صباحا الي الساعه 9:30 ليلا وليس مغربا احسبها انت براك. قالوا لينا نصوم على اقرب دوله لقينا اقرب دوله السويد وديل بيصوموا اليوم كله ،قلنا اخير نموت بتوقيتنا هنا.
اسمع السلع بالكسره ولا الضمه ولا الفتحه ولا بالسكون حرف الوقف. وقلت لي عبدالله الهندي فرحان بمواعيد الدوام الرمضاني بس ماوريتنا هو صائم ولافاطر.
اسمع الوصفه قلنا ليك الجري ولو يتتذكر في برنامج كان اسمو الحبل هو الحل.

نور البوادي والحضر
والله رمضان معاك كان جميل وخاصه مع الممتع محمدو. مره قال لي وبدون اي مقدمات وكنا بنلعب تنس طاوله وكنت عاصروا شديد ، اسمع انت عارف امي اصلها مابتزعل بس قالت زعلت مره واحده يوم سمايتي، قلت ليه: وشنو الزعلها؟ قالت انها غلطت وكان مفروض كان تسميني القمرّ!!! وطبعا غزا ايديه في وسطه وغمض وفتح عيونه وحركات بيعمل فيها بيحرك شعره. والله ماكسبت ضريه تاني.

ابو الزوز
عليك امان الله الصوم اكتر من 17 ساعه. اليوم الاول كان 18 ساعه بالتمام ، بالله قربنا نقفل المصموم. مهم حدي الاحد يوم 22/08/2010 وهارب الي القاهره لمده شهر, اقول حاجه اخطى الغربه وزي ماقال مصطفى سعيد (جنبي الاولاد الغربه) .

السنير موسى عيسى
شهرك مبارك وتسلم على السؤال. بس شايف حلا مركز معاك. والله لو محلك ابداء تمارين وادخل الفورمه من جديد. ياخي ماتشوف لي تلفون يس الدومه.

حاتم جباره
ياوهم

ياسر نجيله
صائم ولا زي كل سنه ووين صور اجازتك

ود العبيد
شنو الكبر الدخل عليك ارجع تمارين بترجع شباب عشرين سنه. ربنا يسهل طريقك ويفتح ليك ابواب الرزق قبل نهاية رمضان.

وين الناس الغائبين ، الشادي الكريم، المجمره حنان، اختي منى عباس،المهدي عمر والبقيه.

ياشباب سالتكم بالله ماتدخلونا في لوم خاصه في الوفيات نزلزها لينا في بوست التعازي بجوه البيت لاني ماقادر احصل اتابع ناس الحوش البره من صفحه 36 القاكم في صفحة 61 ختو الاوفر دا بالواطه.
Post: #6063
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-20-2010, 11:32 PM
Parent: #6062

سلامات يا ناس

ومساءات وصباحات التفاؤل

مراحب بى حاج الركز...وفى ظهورك الجميل

مرَّقت لينا قدورة.

شكراً حبيبنا نملوز على التحية الشاعرية

وأتفق معك فى ضرورة أن تكون التعازى بالبوست

المخصص لها بالمنبر...لما كنا عايزين ننزل خبر

وفاة الاخ ابوبكر عليه الرحمة كان الناس فى البوست

بتكلموا عن برنامج أغانى وأغانى والكلام كان كلو غنا

ونحن نحاحى زى يومين ...

ده إضافة الى عدم قدرة المنقطعين عن البوست على معرفة

مثل هذه الأخبار...

أُناشد الجميع ..فلنجعل التعازى فى المكان المخصص لها بالمنبر.
Post: #6064
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-21-2010, 08:44 AM
Parent: #6063

تحية كبيرة لأخونا محمد عثمان (حاج الركز)

طلتك علينا أسعدتنا كثيرا

ورمضان كريم

____________________________

والتهنئة لكل ناس الزقازيق بنزول حلم الشركة لأرض الواقع

والتحية لكل الأخوة على هذا المجهود الكبير

____________________________

نسأل الله العلي القدير أن يشفي أخونا علي عبد المعروف

وأن يرجع لأهله وهو في أتم الصحة والعافية
Post: #6065
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-21-2010, 08:46 AM
Parent: #6064

وتتوالى الرسائل

بفضل الله ثم بفضل هذا البوست

وهذه رسالة من الأخت فاطمة عباس:

Quote: السلام عليكم

الاعزاء ميسرة وسامى

كم بحثت عن زملائى وزميلاتى خريجى الزقازيق
وسعدت جدا عندما وجدت هذا الكم الهائل منهم يتربعون فى حوش سودانيز
اون لاين....ترابط موفق ومحبة حقيقية ولدت بين زملاء وزميلات هذه الجامعة العريقة
لذا لا نزال نبحث عن بعضنا البعض اينما توجهنا...فكونوا كما انتم ...ودعونا نفتخر ببعضنا البعض
وهائذا اليوم اهرول لالحق بركبكم فى هذا المنبر العجيب الناجح دوما..فهل من مرحب

مع تحياتى
وكل عام وانتم بخير

فاطمة عباس
خريجة تجارة
ادارة--
كندا
(416) 614- 9419
Post: #6066
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-21-2010, 10:01 AM
Parent: #6065

المغتربين يدفعوا وين وكيف ؟

من غير ضرايب طبعا"


شكرا" لكل من سأل واتصل وما تشوفو شر ، ويا ناس قندهار
وعوضية سمك قللو من الشطة احسن ليكم عشان بتعمل قرحــة
وبعدين نقعد فى واي واي واي من الزبادى قليل الدسم


والناس الكان بتشمشر وبتكتب كلام كده كدااا ... ياربى قايلنى ما بجى
هنا تانى ...


واهلا بفاطمة عباس تجارة ( كندا ) دى حكايتها شنو مع بناتنا
كلهن مهاجرات فيها ....

وحاج الركز بعد سنة جاي يفتش الماضى


ــــــــــــ

اتفضلو معاى سندوتش بيض مسلوق

جالـــدو ...
Post: #6067
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-21-2010, 10:16 AM
Parent: #6065

صباح الخير يا وجوه الخير

أصبحنا وأصبح الملك لله وحده

تحية ا لصباح نخصصها للزميل محمد عثمان

حاج الركز ومرحب بيك في حوشك وبيتك الكبير

ورمضان كريم تحياتي للأولاد وأمهم كثير ،،،،

===============

زميلتنا فاطمة عباس - رابطة ترهاقا - خريجة كلية التجارة

نذكرها جيداً وهي إنسانه خلوقة ومهذبة جداُ ،،، لكي مني كل التحايا

والأشواق ،،، ولقد كنتي تبحثي عنا واليوم تتواصلي معنا ،،، وسعدنا كثيراً

بسماع أخبارك ولقد رددت عليك في إيميلك الخاص ،،

سجل يا سامي في السجل عندكم :

فاطمة عباس
كلية التجارة
العنوان : كندا
هاتف رقم 9419614/416
E-mail : [email protected]
Post: #6068
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-21-2010, 11:14 AM
Parent: #6067

مساكم الله بالخير

أنا تراني بي سببي عندي رحلة الشتاء و الصيف....انتو مالكم...
الظمأ مكنكم و لا شنو...و لا مشغولين بي العبادة....
حسة لو ما جاء حاج الركز كتب مداخلاتو حقت السنة دي كان البوست ده غتس غتسه...
و بعدين ما تصدقو حاج الركز ده...بيعتذر و تاني ما حأختفي و ما عارف شنو...
انت يا حاج الركز شايفنا عندنا قمبور و لا شنو...
على أي حال جهز مداخلات السنة الجاية من حسة....

أنا لو مكان ابتهاج بعد ده بطرد الزول ده شر طرده...
الزول انتو عارفنو منو...لكن كان جابو اسمو الهواء بقسمو..
الزول ده حالف يركب باصات العاصمة الجديدة المكيفة بص بص...
تضرب ليهو وين انت يا أخونا يقول ليك في البص المكيف...
الزول ده من رمضان ما بدأ أظنه عمل ليهو أبونيه يركب من أول محطة لي آخر محطة و بالعكس..
أسمع يا أخونا أمشي قشقش باقي دميعاتك هناك و بطل الجرسة...
Post: #6069
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-21-2010, 11:24 AM
Parent: #6067

اخيرا الحاج متحكر ( الركز) في الميدان وسع يا قدع منور يا ركزه و الجميع

في الانتظار و بيك البوست منور علي الاقل الواحد يرتاح من ناس ...........؟

بالله يالريس ما تشغال انا جبت سيرة جلا هنا ؟


شاعرنا نملة تسعد ايامك انشاء الله و لك التحية مجددا و الاخ يس محمد احمد الدومة

ترك المملكة وهو الان بالجزيرة ابا سوف احاول جاهدا الحصول علي تلفونه .


الاستاذه بنت ترهاقا الظريفة فاطمة عباس لك التحية و رمضان كريم و سعدنا بطلتك .
Post: #6070
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 08-21-2010, 11:25 AM
Parent: #6067

رمضان كريم ..

نسال الله ان يتقبل صيامكم وقيامكم ودعائكم

اللهم أرحم أخونا أبوبكر وأسكنه فسيح جناتك ...
اللهم إن كان محسنا فزده إحسانا وإن كان مسيئا فتجاوز عن سيئاته يا رب العالمين ...


---------------

اخونا النضيف الف حمد لله على السلامة وبركة فى الطلة
محمد صديق ، عوض المفتاح ، عمار ، هاجر مبروك الترقية
Post: #6071
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-21-2010, 11:30 AM
Parent: #6070

انت يا موسى ما تسلم علي أنا مش جيت قبلك...
Post: #6072
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-21-2010, 11:48 AM
Parent: #6071

انت انت بتتنسي ما انت رشيدنا وحبنا .

علي الليمون يا الرشيد ما شفت مداخلتك اولا رمضان دخل الحوش

ثانيا لو شفت انا داخل من بعد مداخلة الريس مباشرة يعني ما لحقت اصل

نهاية الصفحة عموما لك العتبي حتى ترضي و كمان بعد لحظات بشد ليك

سلك كنت عايز اشدو لواحد في كادقلي لكن قلت الراجل دي في كادقلي دي بكون

جالد الصوم و قاعد ليه في بمبر و شغال كتح صاح !!!! اللهم اني صائم .
Post: #6073
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-21-2010, 11:49 AM
Parent: #6067

وما يزال (فينى ) شىء من تلكم المدينة
اما ان (اكبه ) ها هنا , او (كتلتنى المغصة )
وما انا للمغصة من (المستحملين )
اما عن الصور يا ياسر نجيلة , فهى بالكوم والردوم , بس انتظر لمن يا (احمد يا ايثار )
يدخلوا لى فى يدى
وسال سائل عن (جكة فى ماليزيا ) , يا سلام عليك يا بادى النور (يا لديح )
واقول , ان كان لسمك عوضية جكة , فان لمطر ماليزيا (جكتان )
وتأتيك التفاصيل , لاحقا
نملوز يهرب من السبعتاشر ساعة , الى صيام السيدة زينب والحسين , وحاجات تانية حاميانى
اعتقد انه الى (ملاقاة بت الشيخ ) يهرول , على مين يا (ياحبيب) , كملت جرى الشواطىء , جارى تكب الحنان
تستاهل والله فى الحالتين , فمن كانت (هجرته ) ,كمل انت بااااه (اجراءات المدام خلصت وماشى تجيبها من القاهرة , صحى ولا انا غلتان ؟؟؟؟؟), نحن متعاطفين معاك فى الحالتين , لأنو الجرى الجريتو فى حياتك ده , داير ليهو بت شيخ فى نهايته مافى ذلك شك
عارف , يا نملوز , ناسكم ديل ابونى لله فى الله كده , خطأ اجرائى قاتل من وكالة السفر التى تولت تكملة اجراءات الفيزا
رمى بى الى اتون كوالا , لا يدى لا كراعى , فانعم بها من (رمية ) دونها رميات عاصم البنا فى اغانى واغانى , يا زول انا ان شاء الله السنة الجاية مصيف فى (الشقة اياها ) , جهز (الأنفيتيشن من هسا )
مرحب بفاطمة عباس , فقد تذكرتها بمجرد ان تذكرها الريس
ربى تكتب شفاء عاجل لعلى عبد المعروف , وتنجح شركتنا (القابضة قادر يا كريم ) , والزول الجايينا راكب ابو القدح ده , يوصلنا بالسلامة , اما محمد عثمان عبد الرحيم حاج الركز , تجينا بعد اربعة شهور يوم الجمعة , انت قايلنى ما بكلم عفاف ولا شنو ؟؟ترررن تررن ترررن , تررن تررن تررن , انفصال قبل (الأستفتاء ) , نهى يا مان , المفوضية جااااهزة وعملتنا (المدوعل ) المربوط فى خشم الباب , اسحبوا باسويرد حاج الركز , وادوهو لى (محسنة ميسرة ) , والا فان (الغابة راجيانا ) , وما اخذ (بالعيش البر ) , لا يسترد الا (بالتميس )
Post: #6074
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-21-2010, 12:06 PM
Parent: #6073

يا ربى ده الرشيد بابكر ولا انا (عيونى كعبات )
مداخلتك دى (بايتة ولا شنو ) و انا مش قلت ليك خلى (الهباب ده فى رمضان )
مساكم الله بالخير , الساعة عشرة صباحا ؟؟؟
ما متوقعك ابدا , قلت الزول بيكون لسه فى الطريق الصباحى , بس ما كنت قايلها (بايتة معاك )
لمن كتبت مداخلتى الفوق دى , كان ىخر زول ميسرة
تدوس على المداخلة , يطلع ليك الرشيد يقول ليك مساكم الله بالخير , وتشوف موسى عيسى شادى ليهو سلك
, وسلك موسى عيسى للرشيد قالوا بدل سلك تانى لى (كادوقلى ) , للزول داك , الخايفنوا يكون متوهط فى بنبر
وبيكتح زى الما حاصل شىء و يا خوى الكتيح جاك من ناس قريبييين , فى السلع القريبة دى و يصحوا من النوم
يقولوا ليك , مساكم الله بالخير , عارف , لو لميت فى بتاع كادوقلى القاعد فى البنبر و اظنوا حا يقول ليك
(اسعدت مساءا يا اخا العرب )
لو داك رمضانه خش العضم
يا ربى ديل رمضانهم (يكون طلع فى الراس ولا شنو ) ؟؟؟؟!!!!
Post: #6075
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-21-2010, 12:23 PM
Parent: #6074

Quote: سلك كنت عايز اشدو لواحد في كادقلي لكن قلت الراجل دي في كادقلي دي بكون

جالد الصوم و قاعد ليه في بمبر و شغال كتح صاح !!!! اللهم اني صائم .


موسى الحبيب أشكرك على التلفون الما خمج ...
بس استخباراتك ما مظبوطة...الزول بتاع كادقلي ما في كادقلي...
الزول قاااااعد في الخرطوم...
و بالامارة اليوم عليهو يعمل الملاح و العصيدة عشان اليوم السبت اجازة...
ضربت ليهو قبل شوية لقيتو ليك مشغول بيعمل في الملاح...
و أنا أقول الزول ده بيكره يوم السبت مالو...

عموما تحية من جلا لكم جميعا...
هو يعتذر عن الانقطاع بداعي المشغولية...
و سيعود قريبا ان شاء الله...
Post: #6076
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-21-2010, 12:42 PM
Parent: #6075

Quote: يا ربى ده الرشيد بابكر ولا انا (عيونى كعبات )
مداخلتك دى (بايتة ولا شنو ) و انا مش قلت ليك خلى (الهباب ده فى رمضان )
مساكم الله بالخير , الساعة عشرة صباحا ؟؟؟
ما متوقعك ابدا , قلت الزول بيكون لسه فى الطريق الصباحى , بس ما كنت قايلها (بايتة معاك )


يا منص انت رمضان ده عامل عمايلو معاك و لا شنو...
أي مداخلة بعد الساعة اتناشر أنا عندي مساء الخير...
قبل الساعة اتناشر صباح الخير...
عشان ما عندنا مرادف بالعربي لي good after noon ...
عشان نشتق منو قوود أفتركم الله بالخير...
عموما أنا صليت الظهر و جيت البيت و روقت و فجأة كده هفت لي أشاغلكم..
لكن أنا عارف في رمضان ده تكون انت فاتح نافذة الرد و تقوم تسرح شوية...
تفتكر الشوية دي عشرة دقايق و هي تكون ساعة ساعتين...
و لما تنزل مداخلتك تلقى زي عشرين واحد دخلوا قبلك...
غايتو فبلك و قبالك يا منص...

نمت بعد الفجر و ظبطت المنبه على ستة و نص عشان ألحق أمشى في جو بارد..
ضرب المنبه ستة و نص...قلت في نفسي و أنا راقد في محلي...حسه تسوق كيف بنعاسك ده...
و في الجانب الآخر في واحد تاني يقول لي قوم أمشي ألحق شغلك...خليك مسئول...
مسئول شنو...أحسن تسوق و انت صاحي و تصل و لا ما تصل...
المهم تغلب الكسلان على النشيط...
قمت و ظبطت المنبه على سبعة و نص و في زول كمان ماشي معاي...
كتبت ليهو رسالة...
لما خلصت الرسالة المنبة ضرب الساعة سبعة ونص...اتوكلت على الله...
أقول لي نجاة استعنا على الشقاء بالله...
و أتوجه الى سمرقند...
Post: #6077
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-21-2010, 12:43 PM
Parent: #6074

نهاركم سعيد

سامى ، الريس ميسرة ، موسى عيسى ، قدورة العجوز ، النضيف ، منصور

شكرا على الترحيب وانشاء الله قعدة دايمة

لاحظ يامنصور انه مداخلاتى ح تكون فى اوقات مختلفة والمداخلة دى من البيت مامن المكتب .

والحمد لله انتزعنا حق تقرير المصير

عفاف قاعدة تعاين وحردانة المنبر لكن انا ماشغال بيها ،،، اهة رايك شنو يامنص.
Post: #6078
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-21-2010, 12:52 PM
Parent: #6074

عندما وصانى عثمان الخير الجدى -ذات مداخلة - بان اتقل فى اللبس لمن امشى الجنتنغ
كنت انا عائدا منها لتوى , ولو كان التداخل متاحا -تلك اللحظة - لكنت غنيت ليهو -عينى يا سبب التعب
شفتى الجمال شفتى العجب , وين ساهرتى ,
الجنتنغ هاى لاندز , قمة اقتناص الصدق , من براثن الفجر الكاذب المصنوع
هى حكاية مختلفة , فيها قمة معانى , الضد يظهر حسنه الضد , لأن فى (عنق الحسناء يستحسن العقد )
فاذا كنت محل عمر نملة , تستمتع بجمال شواطىء بلجيكا , بل وتجرى فيها وتهرول بحثا عن الأرقام القياسيات
ويدفعك الحنين -اى حنين - الى زحمة القاهرة والسيدة زينب والحسين
او كنت محل الرشيد بابكر , واصل لتوه الى (سلع بايرة لا مشترى لها ولا مثمن )
فيتخيل انه ما يزال فى (مساء ابو ظبى الدافىء ينعم بالملاحات اللواييق ذوات الكسرة التى كأنها اوراق بفرة السجائر )
او كنت محل موسى عيسى , وهو فى يوم وداع الأسرة الحزين , شهر ونصف او تزيد
اذ يتخيل ان له كرسيا صحبة اسرته , فبصطحبها الى الخرطوم ثم الى (الجزيرة ابا )
فانهم جميعا فى نفس موضعى , ذلك الذى صادفتنى فيها كلمات عثمان الجدى , وانا عائد من (اراضى جنتنغ المرتفعة )
والرابط بين كل ذلك وعنق الحسناء التى يستحسن فيها العقد
هو ان النفس البشرية , تتوق الى عكس المتاح دائما , فتتمنى البرد الزمهرير وهى فى هجير الصيف , وتتمنى الليل الهادىء كيما يختطفها من حركة النهار الدائبة , ثم انها تتمنى سقوط المطر الغزير , متى ما لاحت عندها مظاهر العطش ,
هذه هى جنتنغ , واراضيها العالية
انك تركب العربة التاكسى , من امام فندقك او سكنك , فترتفع بك امتارا عديدة , فى طريق جبلى ملتو , يرهقك (صعودا ) , حتى انك ما تنفك تتأمل فى قوله عز وجل , (---- يجعل صدره ضيقا حرجا كانما يصعد فى السماء ) , فتنفلت منك قولة (صدق الله العظيم ) , مختلفة عن الاف المرات التى نطقت بها فى ذات الموضع , وما يزال الطريق يواصل التوائه , والعربة التاكسى ماليزية الصنع موديل الفين وعشرة تئن وتئن من أثر الصعود والحمولة , فاذا ما بلغت مقصدك وجدت نفسك فى ما يربو على الف متر فوق سطح البحر او تزيد , ولكنك تتفاجأ بان مقصدك بعيد , وما انت ببالغه الا بشق الأنفس , فاما ان تواصل العربة التاكسى انينها , او ان تسلمك الى تاكسى من نوع آخر , كيبل كار او تلفريك تنتقل اطرافه من سفح جبل الى سفح جبل اعلى , وناقلك هذه المرة ليس بشارع اسفلت تأمنه , لا , انه خيط رفيع تنزلق فيه عربات التلفريك بصعود غاية فى الأدهاش , والدنيا كلها تبدو الى ناظريك كما بيوت العنكبوت , وانت مربوط اليها بخيطها الواهى , حتى لا تكاد ترى عربة تاكسيك التى اوصلتك , الا كما يرى (الظمآن الماء ) , فتمتنع بت الشيخ عن النظر , وترتضى بأن تنقص حواسها الخمس فتصبح اربعا لوهلة و ولا مانع من ان تتخلى عن (سماع ) ضحكاتنا كذلك , فتصبح بحواس ثلاثة لكن (متضخمات ) , فهى لا ترى ولا تسمع و ولكنها تتذوق الخوف وتتحسسه وتتلمسه وتشمه للحظات بدت لها كالسنوات الطوال , ومدرار الصغيرة بعباراتها البريئة غير الخالية من خوف فطرى , تزاود من هلع امها ومن ضحكنا وهى تردد (خلاص حا نقع ) , فلا تكاد تعرف ان كانت تتساءل او تقرر الوقوع , حتى الأشجار التى كانت تبدو عالية حين دلفنا الى هذا الطبق الطائر , تسلمنا من قمة احداها الى قمة الأخرى حتى لا نستبين اى شجرة هى , فاذا بنا بعد كل ذلك الى محطة التلفريك او (skyway cable car terminal), فنزلنا , وكانت بت الشيخ اسرعنا فى النزول , وهى لا تكاد تنظر وراءها , ولم نستبين من كلامها الا بقايا ايمان مغلظة , انها (ما حا ترجع بالطريقة دى حتى لو تبيت فوق ) , ولو اقترب منها احدنا تلك اللحظة لبطشت به بطشة الخائف , وما ادراك ما بطشة الخائف , فهى لا يشبهها الا (نطة الحرامى الساكينو ناس الحلة للسور العالى ) , واحتاجت بت الشيخ منا لوقت ليس باليسير لأعادتها الى حالتها , وان فشلنا حتى تلك اللحظة , فى اقناعها فى العودة من ذات الطريق , حتى اذا اوحينا لها بان لا طريق سواه , قالت انه وان كان لا بد , فانها تفضل ان تركب عربة تلفريك مع اى ناس سوانا , حتى لا تضطر الى الأستغناء عن حاسة اخرى من حواسها التى كانت خمسة
Post: #6079
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-21-2010, 12:52 PM
Parent: #6074

عندما وصانى عثمان الخير الجدى -ذات مداخلة - بان اتقل فى اللبس لمن امشى الجنتنغ
كنت انا عائدا منها لتوى , ولو كان التداخل متاحا -تلك اللحظة - لكنت غنيت ليهو -عينى يا سبب التعب
شفتى الجمال شفتى العجب , وين ساهرتى ,
الجنتنغ هاى لاندز , قمة اقتناص الصدق , من براثن الفجر الكاذب المصنوع
هى حكاية مختلفة , فيها قمة معانى , الضد يظهر حسنه الضد , لأن فى (عنق الحسناء يستحسن العقد )
فاذا كنت محل عمر نملة , تستمتع بجمال شواطىء بلجيكا , بل وتجرى فيها وتهرول بحثا عن الأرقام القياسيات
ويدفعك الحنين -اى حنين - الى زحمة القاهرة والسيدة زينب والحسين
او كنت محل الرشيد بابكر , واصل لتوه الى (سلع بايرة لا مشترى لها ولا مثمن )
فيتخيل انه ما يزال فى (مساء ابو ظبى الدافىء ينعم بالملاحات اللواييق ذوات الكسرة التى كأنها اوراق بفرة السجائر )
او كنت محل موسى عيسى , وهو فى يوم وداع الأسرة الحزين , شهر ونصف او تزيد
اذ يتخيل ان له كرسيا صحبة اسرته , فبصطحبها الى الخرطوم ثم الى (الجز
Post: #6080
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-21-2010, 01:13 PM
Parent: #6079

معاك حق يا رش
اكتشفت انى فتحت نافذة الردو اكثر من ساعة عشان اكتب المداخلة الأخيرة
وبعد ده كلو , اول مرة اشوف لى مداخلة تنزل (مرة ونص )
يا كافى البلا , مداخلة ونص دى هسه يفهموها كيف , والعجب كان ابت تنمحى وتتلغى
يا شماتة (ابلة ظاظا فيك يا منصور )
ما شغال بيها يا حاج الركز ؟؟
يا ولد انت جنيت ولا شنو ؟؟
انضموا معى لحملة سحب الباسويرد البايت من حاج الركز , عشان نضرب عصفورين بحجر واحد
نكسب محسنة ميسرة بباسويرد منفصل
نتضامن مع البت عفاف , الحردانة المداخلات
زمان كانوا تمائم
هسى , فرد ساى ما لاقين

تليشة :- انت بقيت تأجز السبت ولا شنو يا حاج ؟؟!!
Post: #6081
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-21-2010, 01:29 PM
Parent: #6079

تحية و سلام و شوق بمودة و أحترام لأجدع ناس ..

و معذرة لهذا الإنقطاع رغم أني مستمتع حقاً بسرد منصور عن ماليشيا الساحرة ..

ـ


و فاتني أن أعزيكم جميعاً في فقيدنا و زميلنا الفاضل الأخ المهندس / أبو بكر محمد أحمد ..

و الله لقد أحزنني و أفجعني رحيل أخانا الخلوق / أبو بكر ،
فإن العين لتدمع و أن القلب ليحزن و إنا على فراقك حقاً لمحزونون يا أبا بكر ..
و لا نقول إلا ما يرضي الله ( إنا لله و إنا إليه راجعون )
ونبتهل له بصادق الدعاء ..
اللهم يا الله أنت الله لا إله إلا أنت
اللهم إني أسألك بأسمائك الحسنى وصفاتك العلا
و بإسمك الأعظم أن تغفر لأخينا و زميلنا / أبو بكر محمد أحمد .
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
واغفر له وكفر سيئاته وابدلها حسنات ..
اللهم اجعل قبره روضة من رياض الجنة ..
اللهم أنزله منازل الصديقين و الشهداء والصالحين..
اللهم أعذه من عذاب القبر ..
اللهم ارحمه تحت الأرض..
واستره ولا تخزه يوم العرض..
اللهم يمن كتابه ..
ويسر حسابه ..
وثقل بالحسنات ميزانه ..
وثبت على الصراط أقدامه
وأسكنه في أعلى الجنات في جوار نبيك ومصطفاك..
اللهم اجعل عن يمينه نوراً ..
وعن شمالهِ نوراً ..
ومن أمامهِ نوراً ..
.ومن فوقهِ نوراً ..
حتى تبعثهُ آمناً مطمئناً في نور من نورك..
اللهم أنت ربه
وأنت خلقته ..
وأنت قبضت روحه .
وأنت أعلم بسره وعلانيته ..
جئنا شفعاء اليك فأغفر له ..
اللهم اجمعنا به في جنات النعيم يا حي يا قيوم ..
إن لله ما أخذ ..
و له ما أعطى ..
اللهم اغفر لحينا و ميتنا وصغيرنا و كبيرنا ..
وذكرنا وأنثانا وشاهدنا و غائبنا ..
اللهم من أحييته منا فأحيه على الإسلام ..
ومن توفيته منا فتوفه على الإيمان ..
اللهم لا تحرمنا أجره ولا تفتنا بعده ..
اللهم إن أخانا / أبو بكر محمد أحمد في ذمتك ..
وحبل جوارك فقه من فتنة القبر ومن عذاب النار ..
فأنت أهل الوفاء والحق ..
فاغفر له وارحمه إنك أنت الغفور الرحيم ..
و ألهم أسرته و أهله و زملائه الصبر الجميل ..
أستغفر الله العلي العظيــم وأتوب إليه ..

أحر التعازي لأسرة زميلنا / أبو بكر محمد أحمد و أهله و أخوته و زملائه و أعزيكم أخوتي جميعاً و أعزي نفسي في هذا المصاب الأليم و الفقد الجلل .. و لا حول و لا قوة إلا بالله العلي العظيم .. و لا أراكم الله مكروهاً .
Post: #6082
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-21-2010, 08:00 PM
Parent: #6081

يا جماعة عصام دهب ده مالو ما بتجيبوا إلا الفاتحات ...
Post: #6083
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-21-2010, 08:25 PM
Parent: #6082

مرحب بالأخت فاطمة عباس .... والله فترة طويلة لم نسمع بأخبارها ,,,,
Post: #6084
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-22-2010, 06:49 AM
Parent: #6083

صباح الهناء والسرور ...

أبوالزوز يا عجيب .. عصام دهب دا إلا يشوف الصيوان مليان عمم حتى يجي يشيل الفاتحة ...
Post: #6085
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-22-2010, 08:14 AM
Parent: #6084

السؤال يا ابو الزوز كان يكون انو عصام دهب بعد ما الناس ينزلوا الصيوان

بجي للفاتحة بمعني انه ما بشوف القون إلا في الاعادة ؟؟
Post: #6086
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-22-2010, 09:31 AM
Parent: #6085

مرحب حبابو ...
محمد عثمان حاج الركز ...

والتحايا لبتنا فاطمة عباس ....


===================================
عمر نملوز ...
بجيكم بطايوووق كامل بعد رمضان
والله اليوم عندنا هنا = 3 ساعات بس
انوي اكتب مداخلة طويلة من المكتب ... اول مااصل المكتب
اسلم على الشباب واخلص معاملتين تلاتة ... ينادونا لصلاة الظهر
بعد الصلاة تجهز حالك عشان تمشي البيت ... الدوام من الساعة 9 الى الساعة 2 ... 5 ساعات بس
ترجع البيت تقول تعمل مداخلت من هناك ...
ترجع من الشغل تنتظر تصلي العصر تنوم شوية ... بعدها تدخل المبطبخ مع بت الشيخ
تعمل معاها الفيهو النصيب ... ترمي طعمية ... تصوت حلومر ... ترص الصحانة ... تظبت فول
تفطر تشرب الشاي تستعد تمشي تصلي العشا والطراويح ... والله حتي اغاني أغاني ما بنحضرها
مواعيدها مع صلاة الطراويح ... ماعارف ناس الرشيد بحضروها كيف ....
ترجع من الصلاة ... تتونس شويه تشرب شاي مرة تانية ... تشاغل احمد وعمار ...
الساعة حداشر تجي ... تاكل حاجة بسيطة ... تقرأ الجريدة ... قبل الساعة واحدة تنوم عشان تحصل السحور وصلاة الفجر... بعدها شويه عبادة ودقسة خفيفة ... وتقوم تستعد تمشي المكتب مرة تانية .... اها يلقو الوقت وين ...


==========================
عبد الدايم ....
حمدلله على السلامة ...
جالدو مالك ... الموضوع بسيط ... ان شاء الله
ماصدقت انت ...
Post: #6087
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-22-2010, 10:21 AM
Parent: #6086

صباحاتكم بالهناء والسرور ...

ياسر نجيلة بركة الجيت .. رمضان دا شهر العبادة يا جماعة .. والنوم بيجيب اللوم ...

ديدو النضيف حمدا لله على سلامتك .. وإنشاء الله أجر وعافية .. جالدو مالك يا ود أمي .. ما هو إنت زي الفل ونفس الشقاوة والمشاغلات ...

حاج الركز رمضان كريم .. وملايين الترحيبات بقدومك بإستقلالية واضحة .. أن تأتي متاخرا خير من أن لا تأتي .. شايف الجماعة كلهم ما مصدقين تواصلك معانا .. إيه رأيك تديهم بمبة وتتواصل يوميا ...

نملوز غيب وتعال تلقانا نحن يانا نحن .. من الجري الكتير عملوا ليكم الصيام طويل علشان تحصلوهو .. صاحبك الصومالي الجراي داك إنشاء الله صائم ...

ملايين الترحيبات بي أختنا فاطمة عباس .. ونثني دخولها للحوش بباسورد منفصل حتى تكون إضافة للثريات الغائبات دائما ...

الحاج جلا وينو أكلو الدودو .. هو الدودو دا ما صائم ...
Post: #6088
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-22-2010, 10:42 AM
Parent: #6087

صباح الخير ،،، يا وجوه الخير

أصحبنا وأصبح الملك لله

تخيلوا ..

من قال : أشهد أن لاإله إلا الله وأشهد أن محمداً عبده ورسوله ..
اللهم اجعلني من التوابين وا جعلني من المتطهرين ...

من قال هذا الدعاء تفتح له أبواب الجنة جميعها

مرحب بعودة نملوز ،،، وياسر ود نجيله
Post: #6089
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-22-2010, 11:14 AM
Parent: #6088

فعلا يا نجيلة , اليوم فى رمضان , نص يوم بس
وادارته وتقسيمه واقتصادياته , عاوزة ليها بهلوان عديييل
قلت لى قاعد (تصوت الطعمية وترمى الحلومر )
بعد صلاة العصر
يمين بالله نديك تلاتة من عشرة بس يا مفترى
نحن طعميتنا بنسوطها قبل يومين , وحلو مرنا بنرميه قبل اسبوع
لا تؤجل عمل اليوم الى الغد , انت براك ما شايف اليوم ممحوق قدر شنو
قدر ما نوريكم ونقول ليكم , تصروا تجيبوا لينا اللوم
كدى عن اذنكم نسوط طعمية يوم الأحد الجاى
Post: #6090
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-22-2010, 11:34 AM
Parent: #6089

الحمد لله نحن عزابة !! لكن و الله جاني شمار من السودان قالوا في واحد

سحبوا منو اللابتوب بتاعوا علشان كلفت غسيل العدة كلفت جد

علشان يعمل ليهو مداخلة و الله من يومها محبوس في البيت لا شغل ولا

لابتوب يعني بقت فيه حكاية ال.................؟ و كمان اسالوا الرشيد !!

الشي التاني يا ياسر نجيلة انت الاجازة كنت بتسوي في شنو ! ما في حاجات

المفروض ترتبها في الاجازة،حسب نص المادة اثنين من دليل تعليمات واجبات الرجل المنزلية

والصادر من زهير الزناتي و المعتمد من الرياض بواسطة كمال الشادي و الذي قام بصياعته الحكاي

وارد ماليزيا .
Post: #6092
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-22-2010, 12:19 PM
Parent: #6090

Quote: الحمد لله نحن عزابة !! لكن و الله جاني شمار من السودان قالوا في واحد

سحبوا منو اللابتوب بتاعوا علشان كلفت غسيل العدة كلفت جد

علشان يعمل ليهو مداخلة و الله من يومها محبوس في البيت لا شغل


إنت يا ود موسى قاصد منو ،،،،،

بس أنا فاقد واحد إسمه جلا ،،،

واحشنا حقيقي واحشنا بصحيح يا راجل

أطلع من غسيل العدة ده وخليك معانا

في واحد تاني كان إسمه كمال الشادي يا منصور

أفقدوا لينا الزول ده وهل موجود في الرياض ولا سافر

القاهرة يلحق بأولاده ،،،،،
Post: #6091
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-22-2010, 12:13 PM
Parent: #6089

وهبط بنا طبقنا الطائر , اخيرا على ارض مسطحة رغم انها على قمة جبل شاهق
عادت بعض من سكينة الى بت الشيخ , رغم انها اعلنت تمردها على العودة الى الأرض بذات الطريق
فوتنا ليها الكلام ساى , فتذاكرنا ريترن تيكتس , يعنى رايح جاى , والما عاوز , يتلب بالسلالم
ولكن البرد القارس الذى واجهنا واستولى علينا فجأة , انسى بت الشيخ كما انسانا , متعة خوف التلفريك ومغامرته اللذيذة
يا سبحان الله , درجة الحرارة من حيث صعدنا , راوحت الثلاثين مع غيوم ملبدة , ومعد مضروب مع المطر
ولكننا الان فى درجات حرارة لا تزيد عن ما بين الخمسة الى العشرة
برد عديييييل , داير ليهو كوت
ثم ان السحاب , ذلك الذى كنا ننظر اليه ويستعصم عنا بعدا
هو الآن بيننا , يمشى كما نمشى , الهوينى تارة , كما يمشى الوجى الوحل
ومتسارعا تارات اخر , كما جون بولت وعمر نملوز وصديقه الصومالى
انا شخصيا التهمت سحابات عددا
هل يا ترى نحن فى ذات المكان الذى ارتاده الكاشف فى رحلته ما بين طيات السحاب ؟؟!!
اذيعكم خبرا اكيدا , تملكنى ارتباك عظيم , الأنخفاض المفاجىء لدرجات الحرارة , مع ارتباك بت الشيخ من رحلة التلفريك
اضافة الى وجود حياة بكل هذا الزخم , على ارتفاع يقارب الألفين وخمسمائة متراو تزيد من سطح الأرض
احوجنى الى الجلوس محاولة استيعاب ما يحدث
خطر ببالى مباشرة شطر بيت الشعر الذى اوردته صدر المداخلة السابقة
فاى ضد , اظهر وابان حسن نقيضه وضده
كنا فى جونا الأستوائى الممطر والغائم , على سطح ارضنا التى نعرف , نستمتع وننعم
لا بل , نكاد نقرض الشعر وندبج المقالات الطوال
فماذا انت قائل اذ انت بين السحاب فى ذات السرج ,تدهمك الغيمة فتذوب وراءها دون اى تقيد بقوانين المرور
وللجظة , قالت غيمة (بين قوسين غيمة لئيمة ) , لآقطعنك اربا يا منصور , ولأدخلن بين عينيك ولانفذن الى كرشك
فانظر ماذا انت فاعل ؟؟
لا حيلة لى تجاه كل هذا الجمال (اللئيم ) الا ان اعلن استسلامى وحوجتى الى بطانية فاخرة
دثرونى دثرونى , ومن الغيمة اللئيمة فاحجبونى , والى سحابة الكاشف اوصلونى ,
يا الطاف الله , لقد انتقلنا الى فصل الشتاء ما بين غمضة عين وانتباهتها , حتى اننى لم اقوى على ملاحظة ما حولى لفترة
ليست بالقصيرة
لم الحظ اننا امام مدخل فندق عظيم , التلفريك نفسه , جزء من خدمته الترويجية
التلفريك بالنسبة لذلك الفندق الفخيم , كأنه تاكسى المطار , تركبه (برنجتات خمس فقط لا غير )
فينقلك , من عالم الأرض الى عالم السماء الرحب ,حتى اذا ما دلفت الى ردهته الأولى
وجدت نفسك فى عالم مختلف , ليس بفندق واحد ولا فندقان , انها فنادق عديدة تناطح بعضها فخامة وابهة
ثم انك لتدلف الى (مدينة ملاهى خيالية )
ولا اجد وصفا لألعابهاالشواهق , الا انها تكاد تلامس (السماء الثانية )
ولعلو الكثير من العابها وارتفاعاتها غير المعقولة , فانك لن تستطيع تحديد علوها خاصة اذا ما التهمتها
الغيمات الليئمة , والسحب التى تعلو وتنخفض , لتنخفض وتعلو
غيمة فوقك , وغيمة جنبك و واخرى تحتك , ورابعة بين احضانك
وبهذا المنظر البديع , والجو الخرافى , فان كل شىء يبدو مختلفا
الساقية ليست بساقية , وقطار الموت , ليس كذلك , بينما العاب الماء تصيبك بدوار (الجو )
دون ان تترك لدوار البحر اى وظيفة
يا ليتنى قرات نصيحة عثمان الجدى قبل ان اذهب
فانا بردان , وكاتلنى البرد, ولكنهم تناسوا بردهم , واصبحوا بتذاكر معاصمهم مشغولين
كنا قد واعدنا تاكسينا الخامسة والنصف مساءا
وعندما ازف الموعد , قال لى الجميع , لو داير تمشى , امشى براك
حاولت تعديل الموعد مع سائق التاكسى فاعتذر
ولكن كل هذا لا يعنى شيئا للمنغمسين فى متع الملاهى المختلفة
هذا اول خطأ فى تخطيط الأجازة, انقله للقارئين
جنتنغ هاى لاندز , تستاهل اكثر من يوم واحد
هى لا تقل عن الصن واى لاغون فى متعها الفارهة , بل تزيد
السكن فى اى من فنادقها العاليات , وان تبقى ضيفا على السحاب (الطيب غير الئيم )
يحتاج لأيام لا تقل عن الثلاثة , ومعك كوت وبطانية عظيمة
وبت شيخ (تموت خوفا من الأطباق الطائرة )
ففى ذلك متعة اضافية , واى متعة
Post: #6093
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-22-2010, 12:35 PM
Parent: #6091

رمى الطعمية هين .. الكلام الـفــرم
Post: #6094
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-22-2010, 01:12 PM
Parent: #6093

Quote:
رمى الطعمية هين .. الكلام الـفــرم


الناس الشطار بفرموها في السوق يعني الفرم ما مشكلة !!!

الف حمد الله علي السلامة يا دودي انشاء الله ما تشوف شر .
Post: #6095
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-22-2010, 04:09 PM
Parent: #6094

نملوز يا أصلي..
شكرا على سؤالك ولو إنو شغلك بالبارد... يا وهمين إنت..

حاج الركز..
عودا حميدا ياخ.. نحن قلنا الحاقدين قلعوا الباسويرد منك..

نجيله ياحبيب...
أنا عمري دا كلو باصلي التراويح.. طلعت طراويح بالطاء..

سلامات يا محمد عيد...

دودي يا وهم..
في زول بيحندق بي ساندويتش؟
وقت جالدو ما تاكل كويس..
Post: #6096
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 08-22-2010, 04:18 PM
Parent: #6094

سلام لأجدع ناس

وربنا يتقبل الصيام والقيام

بداية الف رحمة ومغفرة تنزل بقبر زميلنا أبوبكر محمد احمد ببركة هذا الشهر الكريم

ونساله المولى عز وجل أن يصبر أهله واسرتة الصغيرة

إنا لله وإنا اليه راجعون.



حبيبنا منصور حمدآ لله على السلامة وجيتآ جيت , سردك الرائع لرحلة ماليزيا فيه إبداع عجيب

ومقدرتك الفائفة في رسم صور ذهنية خلابة بالحروف والكلمات لقمة الابداع ...

وهي دعوة لكل من يريد أن ينعم بقضاء لحظات خالدات مع من يحب أن يتجة صوب ماليزيا...
Post: #6097
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-22-2010, 09:34 PM
Parent: #6096

مساكم الله بالخير

بالرغم من اني لا بسوط الحلو مر و لا برمي طعمية الا انني أعاني من قصر اليوم في رمضان...
و رمضان لم يدخل العضم بعد...بل العكس أشعر بنشاط غير عادي في رمضان...
بالرغم من ارتفاع درحة الحرارة هنا في بداية الشهر...
أما هذه الأيام فلقد خفت وطأتها كثيرا...
أشتاق الى سواطة الحلو مر و الى رمي الطعمية...
ففي يومي الخميس و الجمعة أجد كثير من الدلال من قبل بت الشيخ و الشغالة...
و لا يسمح لي بدخول المطبخ أبدا حتى و ان أردت ذلك...
و تسمتع مساي الشغالة الأثيوبية باعداد مائدة فوق العادة على أنغام المديح الأثيوبي...
كنت أعتقد أنه غناء فصصحت معلوماتي بأنه مديح...
سألتها هل عندكم أولاد تسفاي و أولاد منليك مثلما عندنا...

...
نجيلة أنا بحضر الحلقة المعادة من أغاني و أغاني و التي تأتي الثانية صباحا..
Post: #6098
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-22-2010, 09:54 PM
Parent: #6097

سلامات يا ناس

مراحب بالاخت فاطمة عباس
Post: #6099
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-22-2010, 11:21 PM
Parent: #6098

جينا نمسي على الناس الحلوة
Post: #6100
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-23-2010, 07:06 AM
Parent: #6099

صباح الهناء والسرور ...

حاتم جبارة زي سحابة صيف تجافي بلاد وتسقي بلاد ...

ودجبرين دخاخينك .. دخاخينك .. دي على وزن مساجينك ...

سعادة العقيد محمد صديق تضرب ليه ما يرد .. على الرغم من إنه في إجازة .. يجي البوست يعمل ميس كول ويجري زي نملوز في المراثون ...

ديدو تاني حمدا لله على سلامتك ...

ربنا يشفي أخونا على عبدالمعروف ويمتعه بالصحة والعافية ...
Post: #6101
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 08-23-2010, 07:44 AM
Parent: #6100

البادي يا جميل صباحك خير .


يا اخوي مسعول من الخير الزول جلا دا خبرو شنو افقدوا بالله ما يكون

رمضان دا عوقوا و فات العضم ذاتو !!!!
Post: #6102
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-23-2010, 08:50 AM
Parent: #6101

ده تلفون فاطمة عباس بشكله الصحيح :


001(416) 6140- 9419

001
(416) 614 9419
Post: #6103
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-23-2010, 08:58 AM
Parent: #6101

صباح الخير ،،، يا وجوه الخير

أصبحنا وأصبح الملك لله وحده

اللهم إنا نسألك من خير ما سألك به
محمد صلى الله عليه وسلم ..

ونستعيذ بك من شر ما استعاذ به
محمد صلى الله عليه وسلم ..
Post: #6104
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-23-2010, 09:26 AM
Parent: #6103

توفي البارحة والد صديقنا عبد الرحمن توتي (بنك فيصل الإسلامي) ... وقد حضر للعزاء كم مهول من ناس الزقازيق

1/ السموأل عوض السيد
2/ محمد صديق
3/ ناصر عابدين
4/ محمد الصادق
5/ عاطف مختار
6/ عبد الرحمن عشي
7/ قاسم حسين
8/ محمد المصطفي
ديل الغريبة كلهم من تربية
9/ الريس معتصم
10/ المدعو جلا (الشهير بالحاج السري)
11/ محمد حسن
12/ طارق حسن عبيد
13/ وشخصنا الكريم ممثلاً لناس الخارج

ولولا مهابة العزاء كنت أود تصوير بعض الشخصيات التي لم تظهر منذ فترة طويلة
بس يا موسي عيسي صاحبك جلا ده حالته بقت متأخره خالص ... جتي أسأل سعادة العقيد والريس ....
Post: #6105
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-23-2010, 09:29 AM
Parent: #6103

sudansudansudansudan7.gif Hosting at Sudaneseonline.com


هذه المداخلة نخصصها للفنان الملهم أخونا محمد عيد

وكل سنة وأنت طيب يا أبو حميد وربنا يخليك لأودلاك وأمهم

وشكراً يا زينب التجاني دائماً تلفتي نظرنا لأشياء على الرغم

من أنها بسيطه ولكنها جميلة ورائعة
Post: #6106
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-23-2010, 09:35 AM
Parent: #6105

خالص العزاء لأخونا عبدالرحمن توتي

في وفاة المغفور له بإذن الله والده

والهم الله أهل المرحوم الصبر والسلوان

إنا لله وإنا إليه راجعون .
Post: #6107
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-23-2010, 09:35 AM
Parent: #6105

احر التعازى للاخ عبدالرحمن توتى فى وفاة والـده


اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء



انا لله وانا اليه راجعون
Post: #6108
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 08-23-2010, 09:41 AM
Parent: #6107

رحم الله والد أخونا توتي رحمة واسعة ... تلفون توتي 0912943237
Post: #6109
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-23-2010, 09:57 AM
Parent: #6101

Quote: البادي يا جميل صباحك خير .


يا اخوي مسعول من الخير الزول جلا دا خبرو شنو افقدوا بالله ما يكون

رمضان دا عوقوا و فات العضم ذاتو !!!!

لغاية هس ما سمعت أغنية
عشان خاطرنا ترجع
أو عشان خاطر عيون حلوين
أجي ليه؟؟؟؟
Post: #6110
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-23-2010, 10:12 AM
Parent: #6109

اللهم أرحم والد أخونا عبدالرحمن توتي .. وأسكنه فسيح جناتك ...

اللهم إن كان محسنا فزده إحسانا وإن كان مسيئا فتجاوز عن سيئاته ...
Post: #6111
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-23-2010, 10:20 AM
Parent: #6110

عمو الزناتي قلبها بنكهتي الداخل والخارج (دبل كاب) ...

الغريبة بقى عندنا عقداء كتار بس ما عايزين يقلبوها ...

الحاج جلا رمضان كريم .. لكن عملتها ظاهرة .. يوم في كادوقلي ويم في الدمازين يا أخي إنت أستاذ جغرافيا ...

حسب علمنا كل هذه المسافات لا تعطي حق الفطور في رمضان طيب إنت بتجوغم مالك (حسب تقرير الكاميرا الخفية) ...

يا أخي تعال فرح ليالينا .. تعال قبل السنين تجري .. وتعال ...
Post: #6112
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-23-2010, 10:27 AM
Parent: #6110

البادي
كل المناسبات و أنت داقي أضان الحامل طرشا
ما قاعد تجينا ياخ تعال شوفنا
و أمسك محل محمد صديق
لأنو محمد صديق حيمسك محل زهير
يا أهل الخير
بوست العزاء زي بيت العزاء
و البكان بي غادي
لزوم التنويه و كدا
اللهم أرحم موتانا
بوست عزاء ....
Post: #6113
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-23-2010, 10:35 AM
Parent: #6112

يا جلا أنا ماشي أشتكي لي جمعية عقداء الزقازيق ...

خبر الوفاة دا أنا سمعتو في البوست بس .. يعني إتجمعتوا كلكم ومشيتوا عملتوا الواجب وما في واحد منكم كلف نفسه يخبرنا ...

وبعد كدا تقول لي داقي طناش ... الكلام دا تقولوا هناك في التحقيق قدام سعادة العقيد ...
Post: #6114
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-23-2010, 10:50 AM
Parent: #6113

أحر التعازى للاخ عبدالرحمن توتى فى وفاة والـده


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه وللأخ عبد الرحمن الصبر
Post: #6115
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-23-2010, 10:58 AM

أسأل الله تعالى أن يتغمد والد زميلنا الزقازيقابي الفاضل / عبد الرحمن توتي بواسع رحمته و عظيم مغفرته و أن يتقبله قبولاً حسناً و يدخله فسيح جناته مع الشهداء و الصديقين و الأبرار و يلهم أسرته الصبر الجميل .. و صادق التعازي لزميلنا عبد الرحمن و لكافة أفراد أسرتهم في فقدهم الجلل و ( إنا لله و إنا إليه راجعون ) .
Post: #6116
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-23-2010, 10:59 AM
Parent: #6115

خالص العزاء لأخونا عبدالرحمن توتي

في وفاة المغفور له بإذن الله والده

والهم الله أهل المرحوم الصبر والسلوان

إنا لله وإنا إليه راجعون .
Post: #6117
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-23-2010, 11:02 AM
Parent: #6115

احر التعازى للاخ عبدالرحمن توتى فى وفاة والـده


اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء



انا لله وانا اليه راجعون
Post: #6118
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-23-2010, 11:13 AM
Parent: #6117

بالمناسبة العزاء دا حقي عديييييييل
و الماجاني بي غادي يعتبر ما جانيييي
خلو عندكم نظاااااااام
و الفاتحة و الترحم مرة واحدة و بي غاااااااااااااادي
بي جاييييي ما دايرين
خلو عندكم نظااااام
اللهم أرحم موتانا
Post: #6119
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-23-2010, 11:16 AM
Parent: #6113

خالص العزاء لأخونا عبدالرحمن توتي

في وفاة المغفور له بإذن الله والده

والهم الله أهل المرحوم الصبر والسلوان

إنا لله وإنا إليه راجعون .

Quote: نجيله ياحبيب...
أنا عمري دا كلو باصلي التراويح.. طلعت طراويح بالطاء..

ود جبارة يارهيب ...
انت مركز كده .... رمضان ده .... جالدو ولا شنو ... بس حلوووووووووووه


موسي عيسي والنضيف ...
فرم شنو ... ومشي سوق شنو .... واحد منوليكس 150 سم ... يقوم بالواجب وزياده ...

Quote: نجيلة أنا بحضر الحلقة المعادة من أغاني و أغاني و التي تأتي الثانية صباحا..

رشيد القوم ...
الثانية صباحا .... ومال السحور وصلاة الفجر متين ...
بعدين شغالة شنو يا رشا .... خلي الشغالات بعيد من الموضوع ...
رمي الطعمية ما اتعلمناهو منكم ... بس ماقادر ارجع للصفحات الوراء واعمل كوبي بيست ...
ذكروه ياشباب .... شوف ولدنا منصور ... بقي متمرس في الشغالنة لحدى ما "بصوت الطعمية ويرمي الحلومر" ابو الزفت زاتووووووووووووووو ...
ده الشغل ... بت شيخي لو تقرأ كلام منصور ده ... الا هي التجدع لي الورقة وتقول لي امشي بيت ابوك ... شغلك ضعيف ...
وناس موسي عيسي عملو ليها قانون ومراجع عديل كده ...
اكتشفتك برئ شديد ياالرشيد ..( وش طارق جبريل الضاحك داك .. وسنونو بره) ...
بس كلامك وحكاويك كلها ظريفة ...
والله كمال الشادي ليهو وحشه ....

الريس ميسرة ... يسأل منك الخير ... تسلم ياكبير ...
ياجماعة محمد عيد ... بعد ما اكمل الــ 21 عاما اختفي ... يكون سجل في فريق الشباب للدورة الرمضانية ...

عليك الله يامنصور واصل ... ونحنا بنجيب الصور ....
Post: #6120
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-23-2010, 11:46 AM
Parent: #6119

خالص العزاء لأخونا عبدالرحمن توتي

في وفاة المغفور له بإذن الله والده

والهم الله أهل المرحوم الصبر والسلوان

إنا لله وإنا إليه راجعون .
Post: #6123
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-23-2010, 12:08 PM
Parent: #6120



كيف فات علي أن أهنئ الحبيب محمد عيد بعيد ميلاده...
كيف مرت مداخلات زوبا دون أن انتبه لذلك...
لولا مداخلة و تهنئة ميسرة الأخيرة لمرت المناسبة دون أي تهنئة من جانبي...
و دي زلة لا تغتفر...حتى و ان دخل رمضان العضم أو تجاوزه للنخاع...

يا حمادة سامحنا...
كل سنة و انت طيب و بألف خير و الأسرة الكريمة بألف خير...
و التهنئة لأم مصطفى عبرك لأن زوجها قد تجاوز ال.....ين...
الفي النص دي تموها براكم...

كل سنة و انت طيب يا حمادة...
Post: #6121
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-23-2010, 11:48 AM
Parent: #6119

العزاء بتاعى حا انشروا بى هناك لى زميلنا عبد الرحمن توتى
بس البركة فيكم احتياطى كده بى جاى , عشان جلا بس يآمن
وصلنى هذه الرسالة الألكترونية , من زميلتنا الصديقة حنان عبد الرازق الخطيب , من لندن
انا بدورى انشرها و واهديها الى ياسر نجيلة , وحاتم جبارة , ومحمد عيد , لى شنو ؟؟
والله ما عارف

عَرُوضِي




يرويها بطل القصه...

أخونا العارض

ياعمك مرة زمان في الزمان الغابر ، وانا راقد في نص الحوش زي
التمساح العشاري معاي الحجة نتجاذب اطراف الحديث ، والكهرباء ( كاطعة)
كعادتها و السخانة زي الشطة .
التلفون يقوم يرن ،،، ارفع السماعة يجيني ليك صوت زي الكمنجة :
العارض : منو معاي !!
هي : حسن موجود ؟؟
العارض : مافيش .... نقول لي منو ؟؟
هي : قول ليه ندي ،،، طيب باي !!
انا ما لايووق :
باي نق تربيع !!
دقيقة و الحكاية شنو انا غفير ولا بتاع كبانية !!؟
هي : ليه في شنو؟؟
العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
ما كرهتونا البلي زاتو !!!
هي : انا آسفة ما قصدت شئ بس لانو ما بعرفك ، انت منو طيب ؟!؟!
انا : انا العارض اخو حسن ( علماً باني لا اعرف حسن ولا زول بهذا الإسم
الا حسن الترابي وده بذات بيني وبينو مافي اي عمار ) يعني معقول اقول
ليها النمرة غلط ومافي زول إسمو حسن ( انا جنيت ) !!
ونظريتي في الحياة :
ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !!
هي : خلاص ياعارض اتونس معاي وليه لا ، ده حتي باين عليك زول ( لطييف) !!
المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
وشئ شعر شئ غرويد عيون ، حكم وامثال و البت انكيفت لي شديد !!
هي : طيب باي ، هاك تلفوني وهات تلفونك وسلم علي ( حسن ) .
انا : ( في سري طبعاً ) حسن بتاع جنك ، حسن والصفارة !!
دقييقة ياخي ، ومال كنت ح احنكا كييف !!
لما خلصت المكالمة وجيت راجع للحجة :
سالتني :
ام العارض : انت يا ( عروضي ) ده منو البتنضم معاو ساعة ده !!
.... قلتا ادقس الحجة قلت ليها النمرة غلط .
الحجة : ساعة وتقول لي غلط الضارب ده هندي !!
انا : انت ياحجة في الامن ولا نكير خالك : مالك بتحكيها كدة .
الحجة : يحكك الجرب يامخوزق تلقاها واحدة من الغنم البضربو ليك ديك ...!!
العارض : انت ام رقيقة ولا ام فتفت
،،،،!!
... المهم سادتي دورت التلفونات بيني والحبيبة الوطن ،،
وكل يوم تلفونين تلاتة وانا خلاص الصوت الناعم يزداد
رسوخاً في ذهني .. اتعذبتا عذاب شديد .
البت اقرأ ليها شعر ( يحي فضل الله ) اقول ليها
انا كتبتو ... مرة قريت ليها :
( ياضلنا ) قلتا ليها دي بذاات كاتبا فيك لانك
عندي زي ضُل الضحي المترامي بين مسارب روحي !!
بعد مدة سمّعتا ليك في شريط لي ( مصطفي سيد احمد )
شاكلتني وقالت لي انت ماعندك مصداقية كييف تدقسني
وتقول لي كاتبا فيك !!
انا : ( مالئيم وما بتغالط )
العارض : انت ما سمعتي بي توارد الخواطر ،،،
اها ده توارد بيني والشاعر الإسمو / يحي فضل الله ده .
وبعدين هو زاتو متأثر بي و شعرو كلو
ضُل و شجر تقول ( مزارع ) .
اها الدامة كلما اقول ليها نتلاقي تقول لي خلينا
شوية نأخد علي بعض !!
انا ( متفائل ) قلت النص ده ح يكون مبالغة زي
صوتا ده اصبر عليها و طول بالك ياحبة بكرة تُفرج
وتكتحل عيونك برؤية البدر ليلة تمامه .
يا بت الناس ما نتلاقي خلاص ،، تقول لي اصبر
بطل شفقة انت مالك لايوووق كدة !!
انا اللايووق انا الويكة انا السرسيون .
واشيل واطمن في نفسي واقول البت دي بي صوتا
ده بالميت بتكون قريبة ناس المغربي ، وعيونا
بكونوا كبار وغلاد و حلوات زي عيون الحمار .

... اها مرة قُرحتي قايمة علي و عندي حرقان
وزهجان الف، قامت ضربت لي تلفون في المكتب .
العارض : هووي انا حركات المراهقين دي ما
بتنفع معاي ،،، نحن لازم نتلاقي يا كلّ قرد
يطلع شجرتو، شنو شغّالين خيال علمي !!
هي : ما تخلينا شوية مالك الليلة !!
خلينا نخلق مساحات للشوق !!
العارض : مساحات شنو،،، دي الاراضي!!!!يا نتلاقي
يا شتات تاكلي نارك
كرهتينا التلفونات بقيت عامل زي رأفت
الهجان كدة !!
هي : خلاص بكرة نتلاقي في نادي الاسرة ،،
بس انت خليك ( ريلاكس)

.. وقد كان اليوم الموعود
الحلة كلها عارفة انو العارض جادع زمن وح يلاقي الحبيبة
( ستات الشاي... نسوان الكسرة... بتاع الدكان
...عوض الترزي حتي عايدة شمار ) .
ياعمك خشّيت ليك في المحشي من العصر ونجيب الريحاني
( اباطي اتهرد من الريحة ) قربت اعمل (الفاتح الصباغ)
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
( الخفة الكتلت اب تفة والرشاقة الكتلت إشراقة ) .
وقلتا اعمل كاسحة ألغام ،،، هو ده ما مهرجان فرح كرنفال عشق !!
اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
( بس ،، الله يكسر حنكك عامل وشك العريض ده ) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيّرا ليك من راسك .
.. بس بعد شوية تجي ليك بت زي ( السحلية )
لا لا لا زي الدبيب ... ... لا دبيب شنو ... زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
... انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
( خربانة ام بناية قش) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
... وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم)
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر)
و لو جاء زول فيكم بهناك ما حا يعرف الجكساية منو فينا ..
... لكن النصيحة البت ما مبالغة حنضل بس !!
ياخ دي وشها زي اللين ( مثلث ) وخاتة ليها
قطعة كرتونة في صدرها زي المريلة ،، ح تقولوا لي ليه :
ما عشان صدرا ما يتقدّ لو نزلت حنكا ودنقرت
لي تحت ،،، مش قلنا حنكا سنين ولا شنو !!
وبعدبن مجلطا ليك شعرا ،،،
وكمان لابسة ليها 15 قطعة قماش ده،،، مسلسل
الجوارح ولا شنو أنا زاتي ما عارف !!
طبعاً دايرة تسمن وكدة : في سري
( لن يصلح العطار ما افسده الدهر يا حبة ) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!

... ولما رجعتا الحلة فكيتا ليك في الشباب
قلتا ليهم : البت طلعت زي الليل زي اللبلب ،
هم صدقوني لكن بإرتياب عارفين حظي !!
اهن هي بقت تضرب في المكتب وانا عامل
( حظر عاطفي ) إستنفار شديد اي بت تضرب لي
ان شاء الله بت لعاب : انا مافيش انا في الجنوب
مشيت العمليات جاني قبول من سراييفوو
اي حاجة بس جلوني منها !!
انا ما شليق يوم جيت المكتب بدري التلفون يرن ،
رفعتا السماعة القاها ليك دي ( حبيبة قساي )
ومين قسّا قلبي !!
هي : وييين اتا،، وشنو الحكاية من ديك وعيك !!
انا قايل ده يوم القيامة ،، لساني الطويل داك
بقي زي حق الطيرة، وخشمي بقي ناااشف و حلقي مُرّرّرّرّو ،،
جاني الطُمام بتاع الملاريا داك و كلما ابلع ريقي
احس كأنو في حلقي فيه علبة ( صلصة مصدية)
ولا لستق عربية محروق و !!!؟؟ ماعارف بالضبط شنو !؟!؟
وهي مواصلة في الاسئلة زي نكير :
الصارقيلة الصايمة : مالك ما باين ويا حليلك
وياحليل ايامك وشنو ما بضرب ليك طوالي ما بكلموك
سكرتيرتكم العاملة زي الورل دي ما بتكلمك !!
ورل انت كمان بتتكلمي في الشكل ( في سري طبعاً ) .
لما خلاص زهجت مني وانا زي الابكم !!
الصارقيلة الصايمة : ماعشان كدة قلنا
ما نتلاقي ،،، رجال ماعندهم نظر ، و المراة
عندكم بس جسد .... وكركرب قفلت السماعة !!!





نصيحة :
... تاني مافي واحد فيكم يرد علي التلفون
لو في ناس تانين في البيت !!


همسة :
انا لو بقدر علي الحمام الميت ده ووجع
القلب ده كان مشيت الشرطة الشعبية !!


حاشية :
لا تثق في الصوت عبر الهاتف ان بعض الجكس يؤذي !!


حاشية الحاشية :
... لو في زول فيكم وهو حايم في الخرطوم
و شاف لي بت زي الحربوية خاتة كرتونة
Post: #6122
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-23-2010, 11:56 AM
Parent: #6121

وكمان لى قائمة الأهداءات الفوق
الخصيتهم بتمرير هدية حنان الخطيب لى
والقلت ليكم ما عارف لى شنو
نضيف زول تانى
بس فرزته من الناس الفوق و لأنه الوحيد الأنا عارف مررت ليهو الهدية
عشان شنو
قصة العارض هدية خاصة لى طارق جبريل
عشان يآمن برضو
وعشان كمان يتامل معاى فى وصف العارض لى حبيبته بانها
صارقيلة صائمة
وكان طارق جبريل عايز يمرر الوصف ده للزولة بتاعت محمد عيد ديك
انا ولا عندى علم بالموضوع , وانا مللللللى
Post: #6124
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-23-2010, 12:26 PM
Parent: #6122

الحمد لله يا منص ما لميتني مع الجماعة الفوق ديل...
حسة لو كان لميتني معاهم كان أدخل في مغالطات مع نجاة لي عيد الضحية الجاي...
تقعد تقول لي منصور ده ما صاحبك من زمان...و ما بقول حاجة ساكت...
أشكرك يا منص لعدم درج أسمي مع الناس ديل و تكون بذلك أنقذت أخوك من الغلاط...
لكن انت العارض الجد جد ما جبت سيرتو...
أوع تقول لي ما عارفو منو...


نجيلة...و الله يا أخوي دخلتني في حسبة بورما...
و زنقتني بي المطرقة و السندان...
بين ن الفجر و التراويح...
أها يا أخوي أنا بحضر تسجيل على الDVD ...
Post: #6125
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 08-23-2010, 12:42 PM
Parent: #6124

Quote: الحمد لله يا منص ما لميتني مع الجماعة الفوق ديل...

رش
و أنا كمان
Post: #6126
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-23-2010, 01:00 PM
Parent: #6125

رسالة من الأخ عثمان عبد الحميد:

Quote: الاخ/ سامي

السلام عليكم ورحمة الله وبركاته

مرفق بياناتي الشخصية ضمن مشروع جمع المعلومات الخاص بخريجي جامعة الزقازيق



الاسم: عثمان عبدالحميد عثمان أبشر

كلية التجارة
قسم الاقتصاد
دفعة 1992م

الوظيفة: مدير تسويق

عنوان ومكان العمل: أكاديمية سوداتل للاتصالات – الخرطوم – السودان 0120120986



مع خالص تحياتي لجميع خريجي جامعة الزقازيق


فله منّا ألف تحية
Post: #6127
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-23-2010, 01:20 PM
Parent: #6126

يا اخوانا
ما تعملوا (مساحات للتواصل )
ولا دى ما (الأراضى )
Post: #6128
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-23-2010, 01:45 PM
Parent: #6127

أحر التعازي للاخ عبدالرحمن توتي
Post: #6129
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-23-2010, 02:08 PM
Parent: #6127

حزنت كثيراً لوفاة زميلنا أبو بكر محمد أحمد
فقد تعرفت على المرحوم عن قرب عندما كنت طالبة
بكلية الهندسة قبل إلتحاقي بكلية الآدآب ..
فقد كان أخ مهذب ومحترم.
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..

أحر التعازي للاخ عبدالرحمن توتي
إنا لله وإنا إليه راجعون.
Post: #6130
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-23-2010, 04:13 PM
Parent: #6129

تعازي القلبيه للأخ توتي..
اللهم ارحمه واغفر له وادخله جنتك..
إنا لله وإنا له راجعون..
Post: #6131
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-23-2010, 04:23 PM
Parent: #6130

بالغت عديييل يا منصور..
ضحكت كما لم أضحك من قبل..
العارض مجرم فك البت عكس الهوا..
Post: #6132
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-23-2010, 04:37 PM
Parent: #6131

Quote: وكمان لى قائمة الأهداءات الفوق
الخصيتهم بتمرير هدية حنان الخطيب لى
والقلت ليكم ما عارف لى شنو
نضيف زول تانى
بس فرزته من الناس الفوق و لأنه الوحيد الأنا عارف مررت ليهو الهدية
عشان شنو
قصة العارض هدية خاصة لى طارق جبريل
عشان يآمن برضو
وعشان كمان يتامل معاى فى وصف العارض لى حبيبته بانها
صارقيلة صائمة
وكان طارق جبريل عايز يمرر الوصف ده للزولة بتاعت محمد عيد ديك
انا ولا عندى علم بالموضوع , وانا مللللللى


يا منص يمين الزولة ديك عاملة زي ود الواطة
خصوصا لمن تخت الطاقية
Post: #6133
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-23-2010, 06:49 PM
Parent: #6132

birthday004sudan1sudan.gif Hosting at Sudaneseonline.com

So many wishes
So many smiles
Too many memories
Too few words
With one big Birthday
Happy Birthday!to u uncle Mohammad Eid

birthday009sudan1sudan.gif Hosting at Sudaneseonline.com



[center]Mohsina Maysara E-mail:[email protected]
Post: #6134
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-23-2010, 10:54 PM
Parent: #6133

اولا" ..

اسمحوا لى ان احبى وأتباهى بهذا الجمال الخرافى

الذى أضاء باشعاعه من منارة الجمال المتمثلة فى بيت ريسنا الحبيب

ولا غرابة فى ذلك طالما كان رب هذا البيت ضارب بدف الاخوة الصادقة والمحبة الكبيره

كما ان ربة البيت هى الاخرى مشعلا جميلا من مشاعل الاخاء والوفاء التى تملأ الكون جمالا ..

اما ابنتى الحبيبة محســنه ( توتا ) فقد نصبتها اليوم ريحانة لهذا المنتدى ...

واوقن بأنكم جميعا توافقونى الرأى فى عقد لواء الجيل الثانى بمعصمها الجميل ..

حفظك الله ايتها الابنة الرائعة وأقر بك اعين والديك ..
Post: #6135
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-24-2010, 07:35 AM
Parent: #6134

صباح الهناء والسرور ...

يا شيخ جلا البركة فيكم ...

الليلة عصام دهب لحق العزاء قبل الرفع .. أكيد في زول طابور خامس ...

سعادة العقيد .. تحية وإحترام .. هل رمضان العقداء بيختلف كتير ...

اللهم أشفي أخونا علي عبدالمعروف ورده إلينا سالما مكسوا بثوب الصحة والعافية .. آمين ...
Post: #6136
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-24-2010, 08:20 AM
Parent: #6135

صبحكم الله بالخير

فتحت البوست لقيت الحله صااااانه قلت الحاصل شنو...
ان شاء الله طيبين و شديدين...
نعل مافيكم المبطون و لا الممكون و لا المرهونه ارادته (بتاعين العده و الطعمية)..

طمنونا..و نجي نلقاكم بعدين...
Post: #6137
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-24-2010, 09:33 AM
Parent: #6136

صباح الخير ،،، يا وجوه الخير

أصبحنا واصبح الملك لله

رمضان كريم،،،،،،،،،،،،،،،

سبحـآن آلله وبحمدهـ عدد خلقه ورضـآ نفسه وزنة عرشه ومدآد كلمـآته


سبحـآن آلله وبحمدهـ عدد خلقه ورضـآ نفسه وزنة عرشه ومدآد كلمـآته


سبحـآن آلله وبحمدهـ عدد خلقه ورضـآ نفسه وزنة عرشه ومدآد كلمـآته
Post: #6138
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-24-2010, 10:56 AM
Parent: #6137

الحبيبان رشيد و ميسره ..

وعلى طريقة ابنتنا الحبيبه توتا ...

thanks alot for your feelings ,and more thank for the candles and flowers



Quote: كل سنة و انت طيب و بألف خير و الأسرة الكريمة بألف خير...
و التهنئة لأم مصطفى عبرك لأن زوجها قد تجاوز ال.....ين...
الفي النص دي تموها براكم...


غايتو انا ما حأنطط واعمل فيها صغير او ادعى السن القالوا ياسر نجيلة

لكن والله يا حبيب .. كنت عاوز اسألك الواحد فى سن الثلاثين

نشاطه الذهنى بيكون كيف ؟ وكذلك مسائل الذاكره والتركيز والمزاج العام

عشان نشوف .. هل نزود جرعات الكركم ام نبحث عن أدواء اخرى ..؟!

Quote: الحمد لله يا منص ما لميتني مع الجماعة الفوق ديل...
حسة لو كان لميتني معاهم كان أدخل في مغالطات مع نجاة لي عيد الضحية الجاي...


انت يا رشيد .. منصور ده صايم ولا شنو ؟ ولا تكون راسو لافة لسـّـه من التلفريك بتاع

ماليزيا ؟؟

انت حكاية العارض دى مش نزلها لينا السنة الفاتت وكمان علقنا عليها سواء ؟؟

وبعدين تانى فى زول نزلها ..

اها الا يكون قاصد يربط فى الوصف الزولة ديك على قول جبريلا

Quote: يا منص يمين الزولة ديك عاملة زي ود الواطة
خصوصا لمن تخت الطاقية


والله يا ود جبرين ضحكت لامن داير اقع

وكنت داير افتح معاك ... عــلا بس الدنيا رمضان ..!


Quote: رش
و أنا كمان



أها هسه جنس الشــلاقة دى يقولوا عليها شنو ..

يا موسى عيسى ...

يا البادى ...

شوفوا ليكم حل ... الزول ده بطريقتو دى حيكتل ليهو زول ..!!
Post: #6139
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 08-24-2010, 11:11 AM
Parent: #6138

إفطار بورداب المغرب الجمعة 16 رمضان
إفطار بورداب الامارات الجمعة 17 رمضان -



حاتم جبارة دي ماشفتها .....
Post: #6140
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-24-2010, 11:17 AM
Parent: #6138

ايوا , بتذكر انى قريتها قبل كده , وما دام قريتها يمكن اكون نزلتها كمان
لكن لمن لقيتها فى بريدى من العزيزة الصديقة حنان عبد الرازق الخطيب , قربت توقعنى من الضحك
واتذكرتكم انت وحاتم جبارة وطارق جبريل
واتذكرت الرشيد طشاش طشاش كده و لكن ما دام هو زائغ لاعتبارات لوجستية , يبقى لا اتذكرتو ولا حاجة
بعدين شفت الزول بتاع المغرب ده , يوم حا يجيب لينا الهواء
نقول ليهو صارقيلة صايمة , ي قول لينا ما عارف شنو بتاع الواطة
ياخى اللهم انى صائم و اقول ليكم حاجة , تحت تحت كده قريت لى فتوى فى مكان ما
انو الونسة مع طارق جبريل فى نهار رمضان , فيها اننننا
يعنى بتعمل شنو كده ما عارف للصيام
طارق جبريل , يقطع حريشك يا مقطوع الطارى
بس قول لى , انت لسه قاعد فى الخرابة الليلة الدخان ديك
ولا قمت , كتر البوخات عشان تمشى فطوركم يوم الجمعة تقول يا ليل
ياخى انا والله لا داير معاك ونسة ولا حاجة
جننت صيامنا جن يا اخى , يمين علا مسكت نفسى منك (مسكان )
اللهم انى صائم , قلت الواطة عندها شنو ؟؟!!
Post: #6141
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-24-2010, 01:43 PM
Parent: #6140

Quote: إفطار بورداب المغرب الجمعة 16 رمضان
إفطار بورداب الامارات الجمعة 17 رمضان -

حاتم جبارة دي ماشفتها .....


يا خوانا نجيله دا ألحقوه.. رمي الطعميه سحلب بيهو..
أها إفـطار بورداب نيجيريا يوم الجمعه 14 رمضان..
رأيك شنو..

عيد.. عقبال ألف شمعه عديل كدا..

يا منص.. طارق جبريل دا تتذكرو بس مع العوارض..

ما حكم رمضان في فاتن حمامه..
للأحتياط.. اللهم إني صائم..
Post: #6142
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 08-24-2010, 02:04 PM
Parent: #6141

نتوقع وصول الزول الحلو
زهير الزناتي اليوم الى الاراضي المقدسة
تجي بالسلامة
Post: #6143
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-24-2010, 03:00 PM
Parent: #6142

يا منص ياخي خيلني صايم
ما تدردقني ياخي

وحفرة الدخان حقتي ديك بولعها هسي
Post: #6144
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-24-2010, 05:48 PM
Parent: #6143

Quote: انت يا رشيد .. منصور ده صايم ولا شنو ؟ ولا تكون راسو لافة لسـّـه من التلفريك بتاع

ماليزيا ؟؟

انت حكاية العارض دى مش نزلها لينا السنة الفاتت وكمان علقنا عليها سواء ؟؟

وبعدين تانى فى زول نزلها ..


يا حمادة و الله أنا شفت المداخلة و قطعت الشمار في حشاي...قلت مافي داعي...
نفس المداخلة و نفس المصدر ...

غايتو الله يصبر أماني ساكت على الاجترار ده....
Post: #6145
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-24-2010, 09:47 PM
Parent: #6144

سلامات يا ناس

عيد...كل سنة وانت طيب..وانا والله ما بعرف

انزل الزهور والشموع والحاجات ديك..واطلب من

النضيف يستنضف لى شموع وزهور وينزلن باسمى.

يا بادى النور ...إزيّك ...الإجازة تعنى الإنجمامة

بعد رهق طويل...

بعدين انا زعلان من الزول الجلا ده..فى المنبر بى

هناك بديت بى همة ونشاط عاليين رغم انو ناس طارق

جبريل ومن لف لفه ما قاعدين يجوا بى هناك...ومن

لف لفه دى تشمل الريس ميسرة ذاتو (أنا بخاف منو؟)

وانا فى قمة النشاط ده يجينى الزول الإسمو جلا ده

يقول ياخ قوم لف الدنيا رمضان ونحن عايزين ننْجَمْ...

شابكنا الحاردلو وامرىء القيس ومحمد نجيب...أها أنا

حِردت ..وبقيت شغال بنظرية ال مِس كول...

ماركيز ذاتو خاشى مع من لف لفه.
Post: #6146
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 00:04 AM
Parent: #6145

سعادة المشير - بإذن الله - جنابو محمد صديق

والله أنحنا بهناك مقصرين شديد ومعاي أخوي ا لكاشف

الفي المغرب داك صاحب حفرة الدخان ،،، ولكن بعدك حنصلح

العلاقة ونصبح من المرتادين الدائمين ،،،،،

بيان هام لسكان مدينة جدة وضواحيها وصول إبن الزقازيق البار

زهير الزناتي معتمراً خلال الـ 48 ساعة القادمة فترقبوه ،،،،،

على الرغم من أنه فقد عظيم للرابطة وناس الداخل ولكنه أيضاً مكسب

لناس الخارج وخاصة ناس الرياض لقرب الدمام منهم .
Post: #6147
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 00:40 AM
Parent: #6146

إهداء كلمات أغنية أنا والنجم والمساء

الشاعر حسين بازرعة إلى زهير الزناتي

بمناسبة فراقة السودان مغترباً بالمملكة العربية السعودية


أنا والنجم والمسا ضمنا الوجد والحنين
جف في كأسي الرجا وبكت فرحة السنين

آه يا شاطي الغد أين بالله موعدي
أين في الليل مقعدي

يا خطاها على الربى عطر أنفاسها صبا
تحمل الشوق والصبا والخيالات موكبا


وأنا كلما دنا طيفها الحلو وأنثنى
عادني الهم والضنا

في الدجا شاق مسمعي صوتها الملهم النغيم
في الهوى هاج مدمعي حبها الخالد الأليم

كلما لاح بارق من محيا خافق
مات بالهم عاشق

إنها رقيتي التي خلدت لحن شهرتي
أسرجب ليل وحدتي بالأسى والصبابة

يا رؤى البحر أشهدي
ها هنا كان موعدي
وهنا كان مقعدي
Post: #6148
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-25-2010, 01:04 AM
Parent: #6146

تمنياتنا القلبية لابو الزوز بالتوفيق في عمله الجديد
وهو فقد كبير بالنسبة لي ناس الداخل

الريس ميسرة وجورج
والله يا جماعة انا البيت البهناك دة اصلو ما واقع لي
وصراحة كدة ما قاعد امشي بهناك الا ما ندر
قدر ما قلت اعود نفسي امشي غلبني
يكون من شنو دة
Post: #6149
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-25-2010, 01:42 AM
Parent: #6148

كل سنة و الجميل محمد عيد بألف خير وو الامنيات القلبية لكم و العائلة الكريمة بالصحة و العافية و كل السنين لك يا عيد ..

و يا ود جبرين نقل مداخلاتك حيث شئت و ما يهمك كلك حلو ..

البادي يا دفعة انا لو قمت على جني حتلقاني قبل الخبر ذاتوو .. عشان كدة خليني افكر و اتامل نظام متابع ومستمتع ..

و يا حاج جلا انت البركة و انشاء الله البركة فيكم ياخي ..

الريس و السيدة الاولى منى حضور دائما باهي و جميل .. ما حضر ليكم عدو يا رب ..

يا منصور يا الحندكتنا بحكاوي كوالالمبور و بينانج مدد ياخي و العيد في جدة غير ..

الرشيد و نجيلة الجاب لينا زهير بي فيزا ان شاء الله يشوفنا ليكم عمرة ..

و يا سامي وينك يا الحبيب .. جاكم صيد و يا بختكم ..

البوليس الجميل الاجازة دي ما فيها ختفة رجل لينا ؟؟ اوعدنا

حاتم جبارة يا غايب عن العين .. قربك بفرجنا

الصادق عبد الله يا دفعة ادينا بالسي سي و برضو قول لسيف النصر مشتاقين ..

النضيف شكلك صدقت انك عيان .. اجلد كويس .. طهور ان شاء الله ..

زهير الزناتي مرحب بك مكفولا ..

اخونا وليد انت ذاتك مرحبابك في بيتك

و يا كل من فات على ذكرهم و الله احبكم كووولكم ..

و يا عصام دهب بالغتنا ..
Post: #6150
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-25-2010, 07:10 AM
Parent: #6149

صباح الهناء والسرور ...

عصام دهب .. إنت الليلة دهب عيار 24 قيراط .. دي عملتها كيف ..

من فجر الرحمن وكمان مداخلة شحمانة .. إنت الليلة يا ود أي ما براك ...

لكن يا دهبنا اليوم يومك ونحن مستمتعين معاك .. يا أخي ما تخليك معانا طوالي ...

يا جلا إنت جنيت في زول في الدنيا دي بيزعل ليه عقيد ... غايتو الليلة ما أشوفك في فطورنا ...

سعادة العقيد خلي روحك رياضية وما يهمك .. أمطار اليوم حتغسل كل الزعل ونشوفك بعدين ...

يا أبوالزوز والله حتوحشنا من حسه .. وقبل ما تمر ليلة واحدة بي حرارة الشوق غلبنا ...

حقيقي إنت فقد كبير جدا لهذا الوطن .. لكن برضو بنقول ليك ربنا يوفقك ويعلي مراتبك وتلقى كل الخير ...
Post: #6151
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-25-2010, 08:02 AM
Parent: #6150

Quote: زهير الزناتي معتمراً خلال الـ 48 ساعة القادمة فترقبوه ،،،،،


معتمرا شنو يا ريس؟؟؟ قبعة...كوفية..الخ...

سؤال بريء...

Quote: إهداء كلمات أغنية أنا والنجم والمساء

الشاعر حسين بازرعة إلى زهير الزناتي


دي يا ريس ضربت بيها عصفور و بطه بي حجر واحد...

أنا غايتو العصفور....
شوف البطه منو...

Quote: قدر ما قلت اعود نفسي امشي غلبني
يكون من شنو دة


المعنى يا جبريلا أنا و الكوتش بايخين يعني...

فاتن حمامة في رمضان...

Quote: الرشيد و نجيلة الجاب لينا زهير بي فيزا ان شاء الله يشوفنا ليكم عمرة ..


دهب و الله النية في و ان شاء الله نجيكم قريب...

بس ورونا زهير جاي بتين عشان نقبض عليه معتمرا...

و نكون ضربنا عصفورين بي حجر واحد...
Post: #6152
Title: Re: ناس الزقازيق ... أجدع ناس ( 3 ) ..
Author: مني يونس
Date: 08-25-2010, 09:13 AM
Parent: #6151

من ميسرة

صباح الخير ،،، يا وجوه الخير

أصبحنا وأصبح الملك لله وحده

رمضان كريم،،،،،،،،،،،،

Quote: معتمرا شنو يا ريس؟؟؟ قبعة...كوفية..الخ...


من ضمن شروط صحة عمرة زهير أن تنزل

صورته على الموقع وهو يرتدي ملابس الإحرام ، علشان تآمنوا

مدد يا مولانا ،،، دي عايزة ليها فتوه من الشيخ جلا .

عصام ود دهب هذا الصباح الجميل هو عيار 26 خالص ونقي

والدهب طول عمره دهب ولا يصدأ ابداً ،،، مداخلتك الصباحية

المليانه أثلجت صدورنا ... وأنا متأكد لو حكمت معاك حتفوت منصور ذاته.
Post: #6153
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-25-2010, 12:24 PM
Parent: #6152

واحد زقازيقابي جميل هنا ..

رحبوا معي بالاخ تبيدي..وشكرا بكري ابوبكر
Post: #6154
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-25-2010, 01:13 PM
Parent: #6153

محمد صديق امامكم
وتبيدى خلفكم

اعملوا حسابكم

انا غايتو الكوتش دفعتى وتبيدى صاحبى


اهلا بيك ( تبيدينا ) رغم طول الانتظار
Post: #6155
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-25-2010, 01:14 PM
Parent: #6153

ملايين الترحيبات بالزول الجميل تبيدي .. أكيد حأتكون إضافة نوعية وكمية للحوش ...

تبيدي صاحب قلم راقي جدا .. عايزنك تنداح وتدينا من القديم والجديد ...

___________________________

عصام دهب الليلة بسحروك .. ربنا يحفظك من عيون الناس .. لكن حقيقي الليلة بالغتا عدييييييييييل كدا ... إنت جالدو زي ناس كدا ...
Post: #6156
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 02:12 PM
Parent: #6155

يا سلام عليكم خبر جميل يا دهب ود. الصادق

تبيدي حته واحده كدة ،،، ممتاز جداً وإضافة

هائلة لكم يا ناس الزقازيق وهنئياً لكم هذا القلم

الراقي الجرئ ،،،،، وللحقيقة تمنيت سابقاً بدخول تبيدي

إلى هذا الموقع حينما ظلم جوراً وبهتاناً في حوش بكري وحمل

لواء الدفاع مولانا عصام دهب وزهير وشخصي وآخرين ،،،،

والمثل بيقول بجي الخريق واللواري بتقيف .

هلا ومرحب بأخونا تبيدي الدار دارك وأدخل ساكت ،،،،،،

وأعطنا من ذكرياتك الحلوه وعن زقازيق الخير الكثير .
Post: #6157
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 02:45 PM
Parent: #6156

أضبط.. أمنجي جديد بالبورد.

هذا ما كتبه المدعو دينق Deng

Quote: أما لبقية مونساتية الزقازيق أقول لهم عجبي لمواقفكم المخزية.


علشان ناس الزقازيق رحبوا بدخول تبيدي للموقع

أعتقد دينق كان طالب زقازيقي؟ ولا أنا غلطان
Post: #6158
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-25-2010, 02:53 PM
Parent: #6157

مرحب بالزقازيقي مشجع تجارة المزعج للبياطرة تبيدي



Quote: المعنى يا جبريلا أنا و الكوتش بايخين يعني...


ما كدة يا حبيبنا الرشيد والله
لكن البيت الجديد داك اصلو ابى يقع لي كله كله
الغريبة ما عندي سبب واضح
Post: #6159
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-25-2010, 02:56 PM
Parent: #6157

Quote: أعتقد دينق كان طالب زقازيقي؟


نبرأ و نستبرأ

دينق بتاع الزقازيق داك زول كويس وعندو قيمة ياخي ..
Post: #6160
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 03:57 PM
Parent: #6159

Quote: دينق بتاع الزقازيق داك زول كويس وعندو قيمة ياخي ..


شكراً يا عصام دهب بس أنا بطلب من الجميع

الرد بشكل منهجي وعلمي على المدعو دينق

وتاريخ ناس الزقازيق معروف لا يمكن أن يمسحها

كأن من كان بمجرد قلم.
Post: #6161
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-25-2010, 04:15 PM
Parent: #6160

ثبت فلكياً بقدوم الهلال يوم الجمعة قادماً

من الخرطوم إلى مدينة جدة الساعة 10:30 صباحاً

ويمكن أن يكون البرنامج المبدئي كالتالي:

وصول زهير ومعتمراً يا الرشيد ،،، الذهاب إلى مكة

بعد صلاة الجمعة مباشرةً وقد قررت أمبراطورية ميم أداء

العمرة مع زهير والدعوة مفتوحة للجميع للتنسيق.

الفطور بالحرم المكي الشريف .

سهرة ناس الزقازيق يوم الجمعة إحتفالاً بحضور زهير ونوال البلول وأبنائها

والسهرة صباحي .

ومقترح المكان (الصيرفي مول) ويمكن للجميع الإقتراح بتعديل الموقع إذا أرادوا

سفر زهير يوم السبت صباحاً إلى الرياض لمقابلة ناس الرياض

سفر زهير من الرياض صباح يوم الأحد ومباشرته للعمل.

يحق لنا ولناس الرياض المطالبة بعودة زهير لقضاء العيد معنا,
Post: #6162
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-25-2010, 04:50 PM
Parent: #6161

5-08-2010, 03:34 م


Deng


تاريخ التسجيل: 28-11-2002
مجموع المشاركات: 20607

تغير كلمة السر
كيف تتصفح المنبر!
قوانين المنبر
مكتبة الفساد

Re: أضبط.. أمنجي جديد بالبورد. (Re: saif massad ali)


Quote: يادينق مفروض تعتذر لناس الزقازيق لوصفك لهم بالمونساتيه ...مافي زول واحد جاب سيرتك بخير أو شر ..لزومو شنو الغلط في مجتمع كامل يشهد له هذا المنبر بانه اجتماعي ..ولعلمك في ناس من الزقازيق أشد عداوه لتبيدي ..لكنهم رحبوا به احتراما للرأي الاخر ...عليك عتزار واجب ...



الأخ دكتور الصادق.

أتقدم الى ناس الزقازيق بأعتزاري لكم جميعا لأنني أستخدمت كلمة مونساتية في وصفي لكم جميعا.
أرجوا أن تتقبلوا أعتزاري لكم جميعا.
Post: #6163
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 08-25-2010, 09:18 PM
Parent: #6162

توفيت بالرياض مساء أمس والدة الزميل أسامة صديق مدثر
خريج زراعة عام 1982
لها الرحمة والمغفرة سائلين الله ان يلهم آلها الصبر وحسن العزاء
وأن يتجاوز عنها ويتقبلها لديه قبولا حسنا مع الصديقين والشهداء
اللهم أغفر لها وأبدلها دارا خير من دارها
وأهلا خير من أهلها
وانا لله وانا اليه راجعون

تلفون الأخ أسامة 0505166043
Post: #6164
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-25-2010, 10:06 PM
Parent: #6163

سلامات يا ناس

ومساءات النشاط (والونسة)

أنا مع عدم الإنزلاق مع مثل هذه الأشياء ...والإعتذار يكفى

دعونا (نتونس).

Quote: قدر ما قلت اعود نفسي امشي غلبني
يكون من شنو دة


يكون يا حبيب من رأسك الزى الطوبة الكنت قاعد تقعد فيها دييييييييك.

سلام ...عصام دهب وختفة الرجل والله دايرنها ونسأل الله يهوِّن القواسى.

الريس ميسرة ...انا واخوى الرشيد منتظرين.

مراحب بأخونا تبيدى ...وهو صاحب كتابات طاعمة (وونَّاس كامل الدسم)

يا بادى النور ...جلا ده يا هو توم (جَلِيَّة؟)

يا نضيف انت محروس ...مش دفعة؟

رأيكم شنو فى ال(مس كول ) ده.
Post: #6165
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-26-2010, 07:13 AM
Parent: #6164

صباح الهناء والسرور ...

بالأمس كان إفطار وداع لأخونا الغالي زهير الزناتي .. كانت ليلة ما منظور مثيلا ...

الجضور كان مشرفا ضاق به المكان .. وكانت الحميمية العالية في الجلوس متلاصقين جسدا واحدا لا نشاز فيه ...

أحمد عوض أمتعنا بأغنيات من الزمن الجميل فتمايلنا وطربنا وحلقنا فوق السحاب .. وكان الحاج جلا سر قدور هذه الليلة بضحكاته وغفشاته ...

التوثيق الفوتوغرافي (عمو جودة) أنتج صورا أنيقة .. سوف تظهر للعيان سريعا إنشاء الله ...

حقيقي كانت دقائق مسروقة من عمر الزمن أخذناها عنوة .. وكانت منتهى الروعة .. وهذا حال الزقازيقاب أينما حلوا وتقابلوا ينثروا الروعة والمتعة والجمال ...

تخيل كيف يكون الحال لو ماكنت زقازيقابي ... تخيل ...
Post: #6166
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-26-2010, 09:02 AM
Parent: #6163

صادق التعازي للأخ أسامة صديق مدثر في وفاة والدته



اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها الصبر
Post: #6167
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-26-2010, 09:12 AM
Parent: #6166

خالص التعازى للاخ اسامة صديق مدثر فى وفاة والدته


انا لله وانا اليه راجعون
Post: #6168
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-26-2010, 09:14 AM
Parent: #6166

وهذه رسالة من الأخت فاطمة عباس:

Quote: سلامات

كيفكم كويسين

ارجوا ابلاغ تعزيتى فى



ابوبكر محمد احمد

حزنت لهذا الفقد الكبير...لله ما اعطى وما اخذ

وكل من عليها فلن يبقى الا وجه ربك ذو الجلال والاكرام

نسأل الله ان يغفر له ويرحمه ويجعل قبره روضة من رياض الجنة ولا يجعله حفرة من حفر النار

اللهم إن كان محسنًا فزد في إحسانه وإن كان مسيئًا فتجاوز عن سيئاته

تعازينا لجميع افراد الاسرة

انا لله وانا اليه راجعون



تعازينا للاخ عبدالرحمن توتى فى وفاة والده
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته
انا لله وانا اليه رجعون


فاطمة
Post: #6169
Title: Re: ناس الزقازيق ... أجدع ناس ( 3 ) ..
Author: Tabaldina
Date: 08-26-2010, 10:11 AM
Parent: #6168

..
.
تعزية اسفيرية للاخ / عبدالرحمن توتى ..
فى وفاة والده ..
وايضا صادق التعازي للأخ أسامة صديق مدثر في وفاة والدته

نسال الله ان يتغمدهم بواسع رحمته وان يسكنهم فسيح جناته مع الصديقين والشهداء
وحسن اولئك رفيقا ..

---------------

انا لله وانا ليه راجعون؛
Post: #6170
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-26-2010, 11:37 AM
Parent: #6169

صادق التعازي للأخ أسامة صديق مدثر في وفاة والدته
انا لله وانا اليه راجعون
Post: #6171
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-26-2010, 12:45 PM
Parent: #6170

تعازينا الحارة للزميل أسامة صديق مدثر في وفاة والدته ...

اللهم أرحمها وتقبلها قبولا حسن ...

اللهم إن كانت محسنة فزدها إحسانا .. وإن كانت مسيئة فتجاوز عن سيئاتها ...
Post: #6172
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-26-2010, 01:19 PM
Parent: #6171

غايتو يا تبيدي الكتاحة السويتها لينا برة المنبر الله يلمها
Post: #6173
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 08-26-2010, 01:47 PM
Parent: #6170

احر التعازي للاخ عبدالرحمن توتي في وفاة والده
ووللاخ اسامة في وفاة والدته
ورحم الله اخونا ابوبكر محمد احمد
وانا لله وانا اليه راجعون
Post: #6174
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 08-26-2010, 02:16 PM
Parent: #6173

صادق التعازي للأخ أسامة صديق مدثر في وفاة والدته..
انا لله وانا اليه راجعون...
Post: #6175
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-26-2010, 03:58 PM
Parent: #6174

Quote: غايتو يا تبيدي الكتاحة السويتها لينا برة المنبر الله يلمها




والله ياطارق في حاجات كثيره ماقادره تدخل راسي في الهيلمانه دي..الرجل كلنا نعرفه جيدا ،لذلك لا استوعب أو اقتنع بانه فعل كل ما زكر ...
Post: #6176
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-26-2010, 08:48 PM
Parent: #6175

صادق التعازي للأخ أسامة صديق مدثر في وفاة والدته

إنا لله وإنا إليه راجعون،،،،
Post: #6177
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-26-2010, 08:59 PM
Parent: #6176

صادق التعازي للأخ أسامة صديق مدثر في وفاة والدته

إنا لله وإنا إليه راجعون،،،،
Post: #6178
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-26-2010, 09:43 PM
Parent: #6177

875290B7-CBDB-4251-9674-7259BB3D4D3E12.jpg Hosting at Sudaneseonline.com



الف مليون مراااحب بالزول الجميل

نورت الديار والبلاد ...


احتفالا بهذا المقدم الميمون ... وبهذا الفرح القادم فى منافينا

واحتفالا بوجود اختنا نوال البلول واولادها ..

الدعوه مقدمة لكافة زقازيقاب جده ومحبيهم

للاحتفال امسية الجمعة ..

المكان : مركز ســاوث مول

الدور الثالث - قاعة البولينج العائلى


وهذا تعديل للمكان المحدد سابقا بواسطة الريس ميسره ..


الترحاب بالجميع للاحتفاء والالتقاء


تلييشة :

الاحتفال كما قلنا بوصول الزعيم زهير الزناتى والزميلة نوال البلول


ما يجينا واحد ناطى يقول احتفال بانضمام تبيدى ..!!!


جبريلا ... ساعدنا وشعلل حفرة الدخان
Post: #6179
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-27-2010, 00:35 AM
Parent: #6178


نسبة لحدوث تعديل فى موعد رحلة الأخ / زهير

تم تعديل موعد الاحتفال

وسيتم الاعلان عن الموعد الجديد بعد تأكيد موعد حضور ضيف البلاد الكبير ..!

&&&&&&&&&&&&

الله يفك صاجووووورك يا ابو الزوز ..!!

موسى عيسى ... بالله فاتحة كاااااربة للزول ده
Post: #6180
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-27-2010, 02:00 AM
Parent: #6179

أفادت بعض التقارير الواردة من الخرطوم

بأن الشاب زهير الزناتي بمكتوب ولا يستطيع

السفر وفي واحد عامل ليهو عمل ،،،،،،،،

الشيخ جلا يجر السبحة منذ مساء اليوم لفك

الساجور وإنهاء الطلاسم ،،،،،،،

وتدخل الشيخ الجداوي المحايتو ببسي وبخورو جكسي

مدد يا عبدالدائم النضيف,,,,

تأكد وصول الزعيم الزناتي صباح يوم السبت الساعة 10:30صباحاً

وخليكم متابعين لأي تعديل ،،، والعاقبة عندكم في ا لمسرات
Post: #6181
Title: Re: ناس الزقازيق ... أجدع ناس ( 3 ) ..
Author: Tabaldina
Date: 08-27-2010, 02:33 AM
Parent: #6180

..
.
Quote: أفادة بعض التقارير الواردة من الخرطوم
بأن الشاب زهير الزناتي بمكتوب ولا يستطيع
السفر وفي واحد عامل ليهو عمل

والله يت ريس ريحترنى
حسى انا كنت هامى قلت متين انوم والحق المطار الساعة 6 ص
يا ربي اشيلها صباحى ..

--------------

غايتو ابتهاج بكون جاها طمام ..
النسوان ديل ابو السودان عددددديل
اى واحدة دايرة تطفش الراجل عشان تلحقو ..
Post: #6182
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-27-2010, 02:55 AM
Parent: #6181

يا ود عيد حصل حفرة الدخان اشتغلت بهناك
Post: #6183
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-27-2010, 01:59 PM
Parent: #6182

جمعة مباركة و سلام و تحية لأجدع ناس ..

و التعازي الصادقة لزميلنا الزقازيقابي / أسامة صديق مدثر و كافة أفراد أسرتهم في فقدهم الجلل ومصابهم الأليم و أسال الله تعالى أن يرحم والدتهم و بغفر لها و يتقبلها قبولاً حسنا و يدخلها فسيح جناته و يلهمهم الصبر الجميل ..
Post: #6184
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-27-2010, 02:15 PM
Parent: #6183

قابلت الأديب القامة و المبدع د. بشرى الفاضل في إفطار بورداب جدة أمس ..
حدثني عن مسلسل قام بتأليفه و تدور أحداثه بين طلبة درسوا في الزقازيق ..
الدكتور يرغب صادقاً في مشاركتكم في تصويب ما كتبه لجهة الإحاطة بالأمكنة و كل ما يخص حياة الزقازيق و يرحب بملاحظاتكم خاصة و أن المسلسل غالباً ما يتم أنتاجه و إخراجه ..
طلعت القمرة - مسلسل أون لاين

هنا يمكمنكم المشاركة و إبداء ملاحظاتكم ..

و اول ملاحظة لاحظتها في أول حلقة أن الحكومة لم تكن تمنح الطلاب في مصر تحديدا تذاكر سفر بالطائرة .. كنا نسافر على حساب الحكومة بالباخرة و على حسابنا بالطائرة .. صاح يا جماعة ؟؟
Post: #6185
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 11:04 AM
Parent: #6184

صباح الخير ،،، يا وجوه الخير

أصبحنا وأصبح الملك لله وحده

الناس دي كلها مش عايزة تدخل منتظرين زهير

sudansudansudansudan114.jpg Hosting at Sudaneseonline.com

أبو الزوز بمطار الملك عبدالعزيز بجدة
Post: #6186
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 11:12 AM
Parent: #6185

sudansudansudansudan115.jpg Hosting at Sudaneseonline.com

زهير ضاحكاً على عبدالدائم النضيف ووصفه بأنه برلوم
زهير وصل بمطار الأجنبية وجلس عبدالدائم قرابة 45دقيقة
بمطار الخطوط السعودية ،،،،
Post: #6187
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 11:37 AM
Parent: #6186

الصورة مهداة إلى رشيد القوم وشوف زهير كيف بالإحرام،،،،،،،،،،،،،،،،،،،،،
sudansudansudansudan116.jpg Hosting at Sudaneseonline.com
Post: #6188
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 12:05 PM
Parent: #6187

sudansudansudansudan118.jpg Hosting at Sudaneseonline.com
Post: #6189
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-28-2010, 12:09 PM
Parent: #6187

سلامات للجميع

يا سلام يا أبو الزوز ...ألف مبروك الوظيفه ومبروك عمرة رمضان ...والله يازهير أنت إنسان أصيل في هذا الزمن الصعب وتستاهل كل خير ...

فقد كبير لزقازيق الداخل ومكسب لناس المملكه ...
Post: #6190
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-28-2010, 12:52 PM
Parent: #6189

مراحب ألف بزهير الزناتي و مرحباً حللت و سهلاً نزلت و نتمنى لك إقامة طيبة في هذه البلاد و أن يجعل الله تعالى لك فيها قراراً و يرزقك فيه رزقاً حلالا طيبا ..

و عمرة مقبولة إن شاء الله ..

بس أوعة تقول عايز ترمي جمرات في العمرة ..
باقي أنا عارفك زعلان من شيطانك ..
Post: #6191
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-28-2010, 01:06 PM
Parent: #6190

والله انا قايلو زيو وزى المغتربين التقال جاى راكب السعودية

اتاريهو جاى بطيران سن آير ولا سن توب ما بعرفو

اكيد ده ابو ارخاء .....


جمرات شنو يا دهب ، الزول قال ليكم لمة فى الحجر الاسعد وحضنو ليك
وهاك يا بكاء بالتقيل .... غايتو لما يرجع بعدين حنستقبلو بطلع البدر
علينا ...
Post: #6192
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-28-2010, 01:18 PM
Parent: #6191

A46FEE73-A40E-4C48-B471-645DD404A5DC.gif Hosting at Sudaneseonline.com


عبد الدايم ...

ألحق الزول خلى بالك راسو ضرب ومرقها فى طريق حائل


Post: #6193
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-28-2010, 01:18 PM
Parent: #6191


معذرة للتكرار
Post: #6194
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-28-2010, 01:35 PM
Parent: #6193

4-en-4e235a46adde753a85657ffea94ff5e1.jpg Hosting at Sudaneseonline.com




حقا" اليوم

ان جده غيــر ...!!

تزهو عروس البحر الاحمر اليوم بوجود اب شنب الجميل

ولها ان تحتفى وترقص فرحا بهذا البهاء ...


كافة زقازيقاب جده وضواحيها مدعوون للتلاقى الجميل فى حضرة هذا الرمز الشامخ

والاحتفاء بتواجده بيننا ....


المكان مركز ساوث مول - طريق المحجر

الساعة : 11 مساء[/red]
Post: #6195
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 02:11 PM
Parent: #6194

بحمد لله فقد أتم زهير عمرته

عمره مقبولة بإذن الله ،،، وعقبال الحجة

للإتصال على زهير بالهاتف المؤقت رقم :

00966/566847522
Post: #6196
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 08-28-2010, 02:54 PM
Parent: #6195

اهداء خاص بمناسبه قدوم زهير
اهلا بيه الزناتي هلا وشفنا حبيب بنريدو في الحله

نور بيتنا و شارع بيتنا يوم ما جيتنا

يالهليت فرحت قلوبنا إطريتنا الليلة وجيتنا

كنا فرشنا السكة ورود لو كلمتنا كان بالجية

خطوة عزيزة ويوم موعود الخلاك تطرانا شوية

الحظ الجانا غشى سكتنا جانا وجابك لينا هدية

يالهليت فرحت قلوبنا إطريتنا الليلة وجيتنا

شوف شتلاتك كيف نشوانا والفل فرهد فرحان في البيت

والريحان طربان يتمايل غازل زهرة وعاين ليك

كل البيت خليتو في فرحة ضحكه قلوب وقلوب منشرحة

جيت واكتملت بيك اللوحة تسلم سيرتك أهلاً بيك >>>
Post: #6197
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 08-28-2010, 03:43 PM
Parent: #6196

ود الزناتى الحبيب

زقازيقيى جدة

حمد الله على سلامة الوصول ، وبركة الاتفك ساجورك،، عمرة مقبولة باذن الله

بس بالله الزول دة باكر صباحا بدرى تمسكوه الدرب للرياض

وانشاء الله ياناس جدة دائما لامين وتامين

حاكون على اتصال بالريس للتنسيق .
Post: #6198
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 03:49 PM
Parent: #6196

في الليلة الظلماء يفتقد البدر

كما أفتقد محمد صديق وناس الداخل

زهير الزناتي ،،،،

أنحنا نفتقد أخونا رشيد القوم يا ناس
Post: #6199
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-28-2010, 10:12 PM
Parent: #6198

جدة غير وناس جدة غير ....

شكر بلا حدود وأشواق بلا ضفاف لناس جدة الرائعيين ... ويا سلام عليكم يا رائعيين ...
ديمة تامين ولامين .... أحبكم كما يقول صلاح الأمين .... والواحد لو باري عزايمكم دي
ياهو الشغل واصلوا شهر 11 ....

بالله يا محمد عيد عايز أوصيك علي الصور من الفوتوشوب أجي ألقاك عملت عمايلك ...



ولا يفوت علي فتنة اقصد فتنة السادة القراء بـأن هذه المداخلة مش حقت الريس ميسرة ...
Post: #6200
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-29-2010, 07:55 AM
Parent: #6199

صباح الهناء والسرور ...

أخونا أبوالزوز الله يوفقك ويسدد خطاك .. عمرة مقبولة إنشاء الله ...

يا هنيئا لكم بأبو الزوز يا ناس السعودية والمنطقة الشرقية خاصة ...
Post: #6201
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-29-2010, 08:07 AM
Parent: #6200

حمد لله على السلامة يا زناتي

والعمرة مباركة إن شاء الله

نسأل الله أن يتقبل منكم

ونسأله تعالى أن يوفقك في عملك الجديد

ومنتظرنك في الشرقية بس أدينا تفاصيل تحركاتك وموعد الوصول المتوقع


____________
تعديل حرف
Post: #6202
Title: Re: ناس الزقازيق ... أجدع ناس ( 3 ) ..
Author: عصام دهب
Date: 08-29-2010, 09:53 AM
Parent: #6201

سلام و تحية لأجدع ناس ..

و كنا حتى بواكير الصباح سماراً في صحبة زهير المضمخ بعطر البلد و ريحة أهلنا ..

فشكراً للزول الرائع زهير ..

و شكراً لصاحب الدعوة الأنيقة الزول الجواد / محمد عيد ..

و شكر لسنايرنا المبجلين الريس ميسرة و عثمان الجيلي وعمر و النضيف .

و شكراً لي أنا ذاتي ياخ ..

شكراً للزميلات والسيدات الكريمات الفضليات اللائي كن حضوراً ..

و لتعش روح الزقازيق فينا ..

ـ
البادي تحية و سلام ..
و دحين يا البادي أنت و أنا مش دفعة و أولاد سفرية واحدة ونحنا برالمة يوم 27/12/1987م ..

طيب بالله وضح للناس ديل أنحنا عيد الإستقلال بتاع سنة 1988م عيدناهو وين و جينا الزقازيق دي بتين ؟؟
و هو نحنا ذاتنا أولاد بتين ؟؟
Post: #6203
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-29-2010, 11:13 AM
Parent: #6202

صباح الخير ،،، يا وجوه الخير

أصبحنا واصبح الملك لله وحده

رمضان كريم،،،،،،،،،،،

جاءنا على عجل وسافر متعجلاً

ويوم أمس كان يوم حافل مع ابو الزوز

وأختنا نوال البلول ،،،،،،،،،،،،،،

وجمع من الجداوين الكرام ، على الرغم من

إعتذار البعض لظروف العمل ,,, توجد صور في الطريق

يا ناس الرياض زهير في ذمتكم اليوم الساعة 11:46 ليلاً يكون بطرفكم

ولسوء حظنا لم نتحصل على أي مقعد فاضي .
Post: #6204
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-29-2010, 12:02 PM
Parent: #6203

يعلم الله بنحب زهير ده قدر شنو
التقول عامل لينا عمل , الزول الشيوعى ده
النقل الجماعى , انا اقرب زول ليهو
ولا عندى دخل بى حاج الركز , ولا شغال بى عفاف زاتها


فى مكالمة عاجلة الان مع ابو الزوز الزناتى
مليون مبروك ترقية زميلتنا واختنا , خالدة , بت شيخ زميلنا واخونا العقيد (معمر القذافى )
اقصد محمد صديق
مليون مبروك ترقيتها الى رتبة (لواء )
شفتوا غتاتة العقداء لمن , لمن بنات شيوخهم يبقوا لواءات
سيرة ساى لى ترقيتهم ما بيجيبوها
غايتو , نحن ضد التمييز الجندرى , ايا كان مصدره
حتى لو كان سيده , عقيد
مليون مبروك يا خالدة , والزول ده , قولى كده واضفريهو , ضفروا جن
بختك يا خالدة , بقى عندك على الزل ده (سلطتين )
السين مضمومة طبعا لظروف رمضان وكده
Post: #6205
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-29-2010, 01:33 PM
Parent: #6203

زهير الزناتي .. وقبل ما تمر ليلة واحدة بحرارة الشوق غلبنا ...

الوجيه عصام دهب .. يا دفعة .. بجيك بي رواقة علشان أحكي بالتفاصيل عن السفرية المشهورة للبرالمة السناير .. وفي حاجات تانية حامياني ...

لكن يا دهب خليك هنا وبلاش تفارق .. شفتاالتواصل حلو كيف ...
Post: #6206
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-29-2010, 02:39 PM
Parent: #6205

رسالة من أختنا المحسية فاطمة عباس
بت تجارة

================
الاعزاء الافاضل


سامى عبد الوهاب

ميسرة سيد احمد

عبد الدائم سيد احمد

موسى عيس

منصور عبد الرازق

زهير الزناتى

ياسر نجيلة

محمد صديق

البادى النور



يعجر قلمى عن البوح بما يجوب بخاطرى

من فخر ومعزة حقيقية عندما وجدت

اقلامكم يسكب درر الكلمات الطيبات للترحيب بى

لكم منى اجمل واطيب ما سطرته اقلام الكتاب والمبدعين



كونوا بخير

فاطمة
Post: #6207
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-29-2010, 02:58 PM
Parent: #6206

سلام يا اهلنا
مبروك لي ناس السعودية ابو الزوز
Post: #6208
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-29-2010, 03:06 PM
Parent: #6207

فعلا .. كانت جلسة ما منظور مثيلها ...
وليلة من ذات الليالى ...
تجاوب فيها حتى طقس جده الرطب .. واستحال نسيما عليلا ...
امتلأ المكان عبقا" ببخور الذكريات الجميلة .. وتمايل الجميع طربا مع انسياب شلالات التلاقى الجميل
فرحنا جميعا بالزناتى ...
ومثله لا بد من الفرح عند لقاءه ...
فان له فى عنق كل واحد منا .. دين مستحق وعرفان أكيد ...
ازهدت الليلة بالظهور العلنى الأول للســنير الكبير عمر المهدى ابو T ، وفاحت بطيب الآخرين ..
عبد الدائم والريس ميسرة وعثمان الجيلى وعصام دهب ومحمد عيد واكتمل الجمال بوجود الاســر الزقازيقية والبراعم والناشئين

&&&&&&&&&&&&&

قلبى مع الخرطوم وناس الخرطوم وهم يودعون هذا الفارس الجميل ...

ومرحى بالمدن السعودية .. وهى تتســابق فرحا بلقياه من شرقها الى غربها ...

أخى الحبيب زهير ...

طبــت مقاما بيننا ...
Post: #6209
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-29-2010, 11:10 PM
Parent: #6208

سلامات يا ناس

مبروك للهلال وللسودان

ناس السعودية :مبروك عليكم زهير ...لكن

ما تفرحوا كتير حنرجعو فى التسجيلات التكميلية.

***************************************************

أجريت للاخ على عبدالمعروف عمليتان بدلاً عن واحدة لتأخره فى الحضور

للموعد المُحدد للعملية ...وهو بخير...أُناشد الذين تأخرت مساهمتهم سرعة

إرسالهالمقابلة منصرفات العملية الثانية..بارك الله لكم
Post: #6210
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-30-2010, 00:12 AM
Parent: #6209

نفهم ونتفهــم تماما الحــزن الذى يتملك احبابنا بالوطن العزيز على سفر ابو الزوز

ونقدر لهم انقطاعهم عن الظهور فى المنبر ...

ولكنى أفتقد بشــدة .. أخــى الحبيب الرشيد بابكر ...

وأحســب انه يفترض ان يكون اكثر ســعادة بوجود ابو الزوز على بعد كيلومترات قليلة منه ...

أظهــر وبان يا رشــا ...

فقد تعلمنا منك ان التواجد بالبوست ...

هو أهم أدواء همومنا ومشاغلنا .. فرحنا واكتآبنا .. ألقنا ودبرستنا ....

ولا دايرنى انزّل ليك نانسى عجاج هسه فى رمضا ن ده ؟؟!  
Post: #6211
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 08-30-2010, 00:36 AM
Parent: #6210

ونحن الليله مليانين فرح000

والله لما شفت زهير كاني شفت ناس بيتنا في كسلا كلهم 000

والله ديوانا وبيتنا وشارع بيتنا منور الان بلمة زقازيقية ما منظور مثيله 000

يا ناس السودان ليكم الله000
Post: #6212
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-30-2010, 08:25 AM
Parent: #6211

صباح الهناء والسرور ...

زهير الزناتي وما أدراك ما الزناتي .. شعلة من النشاط .. أطنان من المحنة والمحبة .. أخو أخوان .. رجل لكل المواقف ...

حقيقي فقد كبير جدا لنا نحن أهل الداخل .. ومكسب كبير جدا لأهل السعودية ...

ربنا يوفقك يا ود الزناتي ...

رشيد القوم .. حقيقي مشتاقين ليك شديد .. أظهر وبان عليك الأمان ...

مبروك يا كوتش للهلال ومبروك للسودان .. وإنشاء الله أولادنا يبقوا قدر المسئولية ويحيبوا لينا الكأس .. آمييييييين ...

الحاج جلا لا أسكت الله لك حسا .. شنو يعني علشان أحبطت مؤامرتك وجيت حضرت الفطور بتاع الزناتي تقوم إنت تحرد الحوش مرة واحدة .. وكنت حتستفيد شنو لو انا لم أحضر للفطور .. عموما خليك إنت الكبير وتعال الدنيا كبيرة بتشيلنا كلنا ...

سؤال برئ: قلت لي مؤنث جلا شنو ...

موسى عيسى كمان غائب وما ظاهر وما عوايدك .. إنتو كلكم زعلانين علشان الهلال ماشي كويس في الكونفدرالية .. يا جماعة خلوا روحكم رياضية ...

محمد عيد ظهورك الأنيق يبعث الفرح في قلوبنا .. خليك دائما قريب ...

حاج الركز خرج ولم يعد .. في شنو يا حاج ما خلاص أخذت إستقلالك وتحمد سيدك تتجدع وتتضرع بي باسورد عزيزة وغالية ...

يا جماعة دفتر الغياب مع الغائب الكبير الحاج جلا .. لكن ما تنسوا في نائب ألفة أعملوا حسابكم ...

يا عصام دهب مالك يا ود أمي .. واصل كفاحك ...
Post: #6213
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-30-2010, 09:38 AM
Parent: #6212
Post: #6214
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 08-30-2010, 10:06 AM
Parent: #6213

جده فرحانه للقادم الجميل الزناتي

















--------------------------------
عبد الدايم انت مُصبن الزول دا وين
Post: #6215
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-30-2010, 10:50 AM
Parent: #6214

بالله نحن نغيب زول يسأل مننا مافي
الدنيا حظوظ ياخ


يا اخوانا كمال الشادي وين
طمنونا عليه
يا الرشيد مالك ياخ غايب
Post: #6216
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-30-2010, 11:21 AM
Parent: #6215

ا غائب عن العين , انت موجود فى عينياالأتنين
من امبارح زهير معانا
استقبال فى محطة النقل الجماعى , من موسى عيسى وحاج الركز وعفاف
ثم سهرة سحور صباحى جمعتنا مع كمال الشادى وعبد المحسن دفعة وموسى عيسى
ثم الفاتح ثابت , الزقازيقى العتيق , الذى عطر الأمسية بحكايات وذكريات زقازيقة شجية
اليوم , الدعوة عامة لحفل افطار رمضانى بهيج
المكان فندق قصر الستين , شارع الستين بالملز
الحاضر يبلغ الغائب
قام عثمان الخير الجدى بكامل الترتيبات , وفى انتظار حضوركم
Post: #6217
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:48 PM
Parent: #6216

554.jpg Hosting at Sudaneseonline.com
Post: #6218
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:50 PM
Parent: #6217

555.jpg Hosting at Sudaneseonline.com
Post: #6219
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:52 PM
Parent: #6218

556.jpg Hosting at Sudaneseonline.com
Post: #6220
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:54 PM
Parent: #6218

557.jpg Hosting at Sudaneseonline.com
Post: #6221
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:55 PM
Parent: #6220

558.jpg Hosting at Sudaneseonline.com
Post: #6222
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:57 PM
Parent: #6221

559.jpg Hosting at Sudaneseonline.com
Post: #6223
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 03:58 PM
Parent: #6222

560.jpg Hosting at Sudaneseonline.com
Post: #6224
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:00 PM
Parent: #6223

561.jpg Hosting at Sudaneseonline.com
Post: #6225
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:02 PM
Parent: #6224

562.jpg Hosting at Sudaneseonline.com
Post: #6226
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:03 PM
Parent: #6225

563.jpg Hosting at Sudaneseonline.com
Post: #6227
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:05 PM
Parent: #6226

564.jpg Hosting at Sudaneseonline.com
Post: #6228
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:08 PM
Parent: #6227

566.jpg Hosting at Sudaneseonline.com
Post: #6229
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:10 PM
Parent: #6228

568.jpg Hosting at Sudaneseonline.com
Post: #6230
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:14 PM
Parent: #6229

570.jpg Hosting at Sudaneseonline.com
Post: #6231
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-30-2010, 04:19 PM
Parent: #6230

572.jpg Hosting at Sudaneseonline.com
Post: #6232
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 08-30-2010, 05:16 PM
Parent: #6231

والله ماشاء الله...والله لمه الواحد يحسدكم عليها..متجمعين في الحرم إنشاء الله
Post: #6233
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 08-31-2010, 09:04 AM
Parent: #6232

صباح الخير يا وجوه الخير،،،

أصبحنا واصبح الملك لله وحده،،،

رمضان كريم ،،،،،

الظاهر رمضان دخل في العضم

الناس كلها صارت ،،، تعبانه وغير

مواكبه ،،،، يا ناس الرياض زهير ركب قطر الدمام؟؟؟
Post: #6234
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 08-31-2010, 10:09 AM
Parent: #6233

حمد لله على السلامة يا أبو الزوز

الآن هو بالقطار من الرياض إلى الدمام حيث مقر عمله الجديد

وهذا ترحيب من أخونا عادل الحسين:

Quote: لك التحية والسلام
وفى هذا النهار الرمضانى ادعوالله الكريم ان يثبت الاجر وان ندخل الى العشرة الرمضانية الاخيرة
مغفورا لنا ولكم
وقد حل بينكم الاخ الزناتى (ابوالزوز) كما يدلل وهو اهل لذلك التدليل ارجوا ان تبلغ الجميع فقد اهل الزقازيق بعطبرة له
فالرجل الطيب بجدارة ذو البذل والسخاء ظل يحمل هموم الكل ويربط الكل بالداخل والخارج
ايها البدر سافر سوف تاتينا غداوتملا الدنيا ضياء
وياناس الزقازيق بالعاصمة ابقو عشرة وسدوا فرقتو
وياناس الخارخ مابنوصيكم عليه الواعي مابوصوه
Post: #6235
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 08-31-2010, 10:48 AM
Parent: #6234

Quote: الآن هو بالقطار من الرياض إلى الدمام حيث مقر عمله الجديد


من خلى عاتـو قلت سعاتو ... الظاهر عليهو اشتهى الطحنية و التونا


،،،،،،،،،،،،،،،،،،

والله يا ميسرة اتارينى انا ضعفت جنس ضعفة زول بيراعى لمشاعرى مافى
نازلين فى المحدقات واللحوم والحلويات ( قش ) تقيل ، بالعافية انشاء الله


غايتو يا عصام دهب لبستك دى ذكرتنى فنانة فى السودان اسمها بهاء عبدالكريم
عليك الله شاكلنى ( براحة ) انا عيان


عادل الحسين رمضان كريم وينك اختفيت

يا رشا لو رمضان تعبك اعمل زى اخوك ، شايف الجو الايام دى اتصلح


يا ناس جده زهير جاب معاهو جركانة كبيرة زيت سمسم العاوز يجيب
معبارو نقسم ليهو
خوفى يا جلا ما يكون شايل معاهو خميرة عشان يبعها فى الدمام
Post: #6236
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 08-31-2010, 10:52 AM
Parent: #6235

ايامكم يا ناس السعودية مع ابو الزوز
Post: #6237
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 08-31-2010, 12:53 PM
Parent: #6236

يومين ونحن مع ابو الزوز لغاية ما يأذن الفجر
الزول ده , لا بيفتش على الكلام , ولا بينقطع عن المتعة
زول فقرى فقارة ابو الزوز ده
سهرانين سهرة سحور عند بت توتيل عفاف , وزوجها اب قجيجة اريتها الصلعة طايرة
كانت سهرة زقازيقية لم نحس معها بالوقت
موسى عيسى وكمال الشادى وانا وعفاف وعبد المحسن دفعة وزهير الزناتى وانضم الينا زقازيقى عتيق هو الدكتور الفاتح ثابت
حكى لنا حكايات زقازيقية ادهشتنا وملتنا بالفخر والأعتزاز
تناولنا سحورنا سرعة وبعد ان (دقستنا عفاف ) بالونسة الطاعمة وجابت لينا الطيبات فى الدقائق الأخيرة
ثم يوم امس الاتنين , كان افطارا جماعيا حافلا وحميما فى فندق قصر الستين بالرياض
حضره لفيف من الزقازيقاب
التنظيم الدقيق اللى ما يخرش الموية كان كالعادة من اخونا عثمان الخير الجدى
بعد غياب طويل شاركنا الأفطار مدثر ابايزيد , عصام تجارة , احمد السنى , كمال الشادى , عبد الله بشير , عثمان الجدى , قدورة
قيس جمال الدين , عبد المحسن دفعة , موسى عيسى , حاج الركز , , الباشمهندس حمدان , كدام , بألضافة للمحتفى به اخونا ابو الزوز
ابو الزوز لمن شاف الفطور ابو بوفيه مفتوح , يا الله يا الله مسك دميعاته , مالك يا زول , انت كويس , الزول دميعاتو شرررر نازلة , الا ضربنا ليهو لى ابتهاج , حتين قدر يلهط , وبعد داك لمن قام للحلا , ما عرفنا الطريقة النرجع نبكيهو بيها عشان يرحم نفسه كيف , عموما الراجل من الساعة عشرة واتناشر دقيقة ركب قطر ادمام , ونحن نحول المايكرفون بعد كده لى ناس سامى عبد الوهاب , زى ما قلت ليك يا سامى , الزول ده لو رجعت ليهو حالة الجعير والدموع النازلة , طوالى تلفون لى ابتهاج , بس احتياطى كده , بعد ما يكلمها , خلو صينية الباسطة جاهزة ,
Post: #6238
Title: Re: ناس الزقازيق ... أجدع ناس ( 3 ) ..
Author: البادي النور
Date: 08-31-2010, 01:45 PM
Parent: #6233

نهاراتكم بالهناء والسرور ...

صور جميلة توثق للإحتفالية بأبوالزوز .. بشحمه ولحمه وشنبو الكيير ...
Post: #6239
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-31-2010, 06:58 PM
Parent: #6238

سلامات يا ناس

وتانى ...مبروك عليكم زهير

يا ناس السعودية ...ونلقاكم فى التكميلية.

المساهمات يا عبد الدائم...
Post: #6240
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-31-2010, 07:01 PM
Parent: #6239

سلامات يا ناس

Quote: أجريت للاخ على عبدالمعروف عمليتان بدلاً عن واحدة لتأخره فى الحضور

للموعد المُحدد للعملية ...وهو بخير...أُناشد الذين تأخرت مساهمتهم سرعة

إرسالهالمقابلة منصرفات العملية الثانية..بارك الله لكم
Post: #6241
Title: Re: ناس الزقازيق ... أجدع ناس ( 3 ) ..
Author: محمد صديق
Date: 08-31-2010, 07:13 PM
Parent: #6240

سلامات يا ناس

ومع خدمة التوصيل:

Quote: Quote: جَسدٌ ضَخمْ

ـ عصاااااااااااااااااام
يباغتك الصوت المعتاد ... رغم أنك اعتدته كل هذه السنين ...يأتيك منطلقاً كما المدفع تحس داخله ذلك التهديد غير المنطوق ...إيَّاك والتأخير .أكثر ما كان يُخيفك هو ذلك التهديد المُبطَّن المنطلق منه،
طوال هذه السنوات لم تتأخر أنت ثانيةً واحدةً لحظة أن تنطلق حروف اسمك الأربعة بعد أن تتحول إلى ملايين الحروف المنفلتة
داخل غرف وصالات المنزل الضخم بل المنازل المجاورة...وحتى الشارع.... كنت تجهد أن تستجيب قبل أن ينفلت الحرف الأخير ويلتحق بإخوته ..
الإستجابة كانت عنيفة ...تطايرت صفحات الصحيفة التى كنت تطالعها وأنت مستلقٍ على سريرك فى كل أرجاء الصالة بفعل اندفاعك والهواء المنبعث من جهاز التكييف الضخم ..وقبل أن يرتد طرفها إليها كنت تقف هناك أمامها وهى متكومة فوق سريرها الضخم بالصالة الأخرى ...كأنك تراها لأول مرة !!أكلّ سنواتك هذى قضيتها مع هذا الجسد الضخم ؟؟جسدٌ يُغطِّى كل هذا السرير
كانت مستلقية على ظهرها ...وصدرها العظيم يعلو ويهبط ...عيونها
كانت تقول الكثير...تقف أنت هناك قزماً صغيراً...تنتظر الأمر.. كنت تعلم فى الآخر ان الموضوع لا يستحق كل هذا الجهد فى إرسال حروف اسمك الأربعة كل هذه الرحلة ...تُحضر كوب الماء وتضعه أمامها وتعود إلى صحيفتك ...تُجمِّع صفحاتها المتطايرة وتدفن نفسك داخل صفحاتها وأنت بعيد...
لم تكن فى حاجة إلى أن يذكرك أحد ما بفقرك الحاد ودمامتك التى لا تحتاج إلى كثير نظر....ظلت تُطاردك هاتان الصفتان لزمنٍ طويل وكان وقعهما شديداً فى كل مراحلك الدراسية مما كان يدفعك إلى التفوق وكان تفوقك المميز يعطيك القدرة على أن تَمُد لسانك لهما ولأؤلئك الذين يُعرِّضون بك تصريحاً وتلميحاً...تفوقك وروحك السمحة كانتا ترياقاً لكل تلك الآلام...ويأتى بعد ذلك تصالحك العميق مع نفسك...كنت تقول بأن الفقر مع هذا التفوق ستكون رحلته قصيرة
أما (عدم المَلاحة) ..الكلمة التى كنت تطلقها بديلاً للدمامة ..كنت تقول أن الرجال لايحتاجونها ...وتُدلِّل على ذلك بمقولة شهيرة لأمّك
(الراجل سَماحتو فى عَرْضُو)...
التحاقك بالجامعة كان حدثاً مهماً لك ولوالدتك والتى كانت تحس بأن سنوات المعاناة فى سبيلها إلى أن تُولِّى ..أخيراً سيترجل حملٌ ثقيلٌ جثم على صدرها سنين طِوال منذ أن فارق والِدك الدنيا ...كنت موفقاً فى دراستك ومتفوقاً كدأبك ..روحك الحلوة خلقت لك معارف وأصدقاء بلا عدد ...يلتف حولك الصِّحاب من الجنسين وأنت تُبسِّط
الدروس لهم ...كنت سعيداً بذلك وتزداد سعادتك حينما تلتف الزهرات حولك ...يسألنك وأنت تُجيب وتشرح ..يمازحنك ويُثنين عليك ولا يَذهبن أكثر من ذلك ...وأنت كنت تتوق إلى شىء لم تجده طوال سنوات الجامعة ...ورغم تصالحك مع نفسك إلا أنك كنت تهتف سِرَّاً تَبَّاً لهذين الشيئين....
ـ عصااااااااااااااااااام
يا لهذا ال عصام ...تأخذك الفجأة رغم تعوّدك ....تُهرول ناحيتها تقف قزماً ذليلاً ...تُنفِّذ الأمر وتعود إلى صحيفتك تدفن نفسك فيها وأنت بعيد.....لم يشفع لك تفوقك الدراسى ...وها أنت بعد كل ذلك محض موظف بأحد الدوائر الحكومية تنتظر راتبك عند نهاية كل شهر...لم تكن مُحقاً فى توقعك وكذلك والدتك لم تكن مُحقة فى توقعاتها ...الشىء الوحيد الذى جلبته لك الوظيفة هو ذلك الجسد الضخم المتكوِّم على السرير بالصالة الأخرى والذى يمُطُّ اسمك كل حين....هذا الجسد الضخم هو الوحيد الذى لامس أوتاراً مشدودة لم يلمسها أحد ...وقتها وبالنسبة إليك لم يكن مهماً من الذى سيلمسها المهم هو أن تُلْمَس....
بعض التوقعات بدأت فى التَّحقق ...ما عاد هنالك انتظار للمرتب آخر كل شهر....يضمُّك الآن هذا المنزل الباذخ ...وبالأسفل تقف سيارة أنيقة ....ورغم ذلك تظل هنالك أشياء أهم من كل ذلك..تُطل صورة والدتك وهى تخاطبك ..
ـيا وليدى ده كلو فايدتو شنو؟ دايرة أشوف جناك
تصالحك مع عدم الملاحة وتقبلك لذلك الجسد الضخم بكل تعقيدات حياته واشكاليات تعامله اليومى معك ..وكل حسناته الأخرى والتى يحسدك عليها الكثيرون ...والراحة التى تحسها جرّاء تحللك من بعض تبعات المعيشة التى كانت ستكون صعبة لولا هذا الجسد الضخم ....كل هذا لم يُوقف تفكيرك المستمر فى حاجتك إلى الولد
كيف السبيل إلى ذلك ؟؟الزوجة الأخرى ...هل تجرؤ ؟ حتماً لا تقدر على ذلك...إلا فى حالة واحدة....يقفز إلى ذهنك (عم كرار )الساعى
يهمس إليك وهو يضع أمامك كوب القهوة :
( ضغطة واحدة مستمرة بالمخدة ..وكل الحاجات دى تبقى حقتك براك ..)
تهتف فى أعماقك ...وتكون حراً ...تنفتح أمام عينيك عوالم أخرى وجسدٌ آخر ليس كهذا الجسد..تراها الآن أمامك .. تفاصيل الأشياء وشكل الجسد القادم ....تنفرج أساريرك ..يتمدد جسدك بهجة ..ويأتيك الصوت....
ـ عصااااااااااااااااااااام
تندفع مُلبِّياً وتتطاير صفحات الصحيفة مختلطة بحروف اسمك المنفلتة ...وقبل ارتداد الطرف تقف هناك وقفتك المألوفة تنتظر الأمر....ولكن الأمر هذه المرة ليس كالأوامر السابقة..الصوت الذى أتاك هذه المرة ليس كالأصوات فى كل المرَات ...تستطيع أن تميِّز فيه نوعاً من الوهن....كان الجسد الضخم ممداً كعادته ...الصدر العظيم يعلو ويهبط...علوه كان كما فى السابق غير أن هبوطه كان مختلفاً ...هذه الحالة التى أمامك ليست كسابقاتها ....تضع يدك على أجزاء الجسد الضخم جزءاً جزءاً...ارتفاع درجة الحرارة شىء بيِّن لم يكن أمامك إلا استدعاء سيارة الإسعاف ....داخل السيارة تختلط عليك المشاعر...هذا الجسد الضخم جزء منك ....تحسه الآن ولا ترغب فى فقدانه ...ويأتيك (عم كرّار ) الساعى ...يهمس فى أذنك (جاتك باااااااردة)...تبتسم فى أعماقك....
المستشفى كان جاهزاً لاستقبال الحالة ...الطبيب المختص ومعاونوه بلباسهم الأبيض المميّز يتحلّقون حول الجسد الضخم ...يضغط الطبيب على الصدر العظيم بصورة متكررة ...يظهر جهاز التنفس الإصطناعى ...يطلب الطبيب دواءً بعينه ...لابد من جلبه على وجه السرعة من الصيدلية الخارجية ...يدفعون إليك بالورقة التى كُتب عليها اسم الدواء....تخطفها خطفاً وتُهرول خارجاً ...تتخطى عتبات السُلَّم قفزاً...أنت لاتريد فقدان الجسد الضخم كما أنك تستمع إلى (عم كرار) وتبتسم ...وتستمر فى القفز ...تُخطىء قدمك عتبة السُلّم ..لم تجد القدم الأخرى العتبة المقصودة ...تهوى من ذلك العُلُوْ ..تتدحرج إلى الأسفل ...تبدأ الآلام فى زيارة أعضائك كلها ..عند وصولك إلى العتبة الأخيرة كان رأسك يتوسدها ...تحس لُزوجة الدماء على أذنك التى كان يهمس داخلها (عم كرار) وتسيل نحو عيونك التى كانت وقتها ترى الصدر العظيم وهو يعلو ويهبط.
Post: #6242
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 08-31-2010, 09:32 PM
Parent: #6241

مساكم الله بالخير

الأحباء الريس ميسرة...محمد عيد...البادي...جبريلا...
شكرا على السؤال...
و تقبلوا أسفي على عدم الاستجابة الفورية لسؤالكم عني...
و لي عدة مبررات لاختفائي أهمها الجدول الرمضاني الضاغط...
سهر و شغل و زمن ممحوق...
و بشفافية كده حرده كمان...
بغض النظر عن أسبابها...الا أنها أبعدتني عنكم...
و هانئذا أعود اليكم من جديد لأساهم معكم من جديد في مسيرة الحب و الجمال...

مرحبا بالكوتش من جديد و هو يعود بانتاجه الجديد الجميل...
نشكرك يا كوتش على اتحافنا و خصنا بهذه القصة الرائعة...
فلك مني كل التقدير و الاحترام...

هاتفت الأخ الصديق أبو الزوز فوجدته غارق في العمل...
رغم أنه وصل اليوم الا أن الغربة أظهرت له الوجه الذي لايرحم...
بعد أن قضى وقتا ممتعا و طيبا بجده و الرياض...
كل الأمنيات لزهير بالتوفيق و النجاح في مشواره الجديد...
Post: #6243
Title: Re: ناس الزقازيق ... أجدع ناس ( 3 ) ..
Author: محمد عيد
Date: 08-31-2010, 11:07 PM
Parent: #6242

ليله سعيده جدا هى التى أتت ومن غير ميعاد بأجمل الطاعمين .. الكوتش والرشيد

Quote: سلامات يا ناس

وتانى ...مبروك عليكم زهير

يا ناس السعودية ...ونلقاكم فى التكميلية.


يا كوتش .. امس جلا بالتلفون أطلق نفس التهديد

بس المشكلة التمويل فى التكميلية حيكون من وين ..؟؟

جمال الوالى والارباب استقالوا ...

ومنصور خلص قروشو فى ماليزيا ...

وابو الزوز يادوب استلم العمل ...

غايتو كلموا نهلة تعمل ليكم صندوق وتديكم الصرفة الاولى ...!!

* القصة .. وفى مرحلة القراءة الاولى بديعة

انشاء الله نساهر ليها الليله وباكر نشتغل فى السمكرة ...

Quote: و بشفافية كده حرده كمان...
بغض النظر عن أسبابها...الا أنها أبعدتني عنكم...


رشــا يا حبيب ...

غايتو ما قادر غير اقول ليك

مبسوطين تحننوا ... وحردانين تجننوا ...!!

والله كلنا بنحبك ياخى ....
Post: #6244
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-01-2010, 07:31 AM
Parent: #6243

صباح الهناء والسرور ...

أبوالزوز ربنا يوفقك ويسعدك .. شغل من أول لحظة (دي على وزن حب من أول نظرة) .. ما قلنا ليك الحب قاسي وصعيب من أولو .. عشان تأمنو ...

رشيد القوم حبابك والله سعدنا بعودتك .. والجابك يجيب باقي لستة الغياب ...

الكوتش يا رهيب .. دائما متعتنا بيك زائدة ...

ديدو بطل قريص النحل دا يا زول نحن في شهر رمضان .. عشان إنت ماصائم تقوم تجرح صيامنا نحن .. الله يسامحك ...
Post: #6245
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-01-2010, 08:23 AM
Parent: #6244

Quote: و بشفافية كده حرده كمان...

و أنا كمان
عشان زهير إغترب
Post: #6246
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-01-2010, 08:27 AM
Parent: #6245

يا جورج
هاك الحاردلو بي جاي


ملعون أبو الغُربه
وملعون أبو عِلانْ ،
القالْ تهاجر.. يجيكْ
شِيتاً كتيرْ . . بلحيلْ
شِيتاً يجيكْ بالوَعَا ..
وشيتاً يجيكْ بالليلْ
ناساً يجوكْ طاشينْ
وواحدين يجوك ْ نازلينْ
من السَما العشرينْ ،
زىّ الخِدرْ .. داجينْ
شايلين كلامَ الكتابْ
وشايلين كتابَ الكلامْ ،
وشايلينْ . . كمان شايلين
كلّ السَمحْ .. والزينْ
Post: #6247
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-01-2010, 10:16 AM
Parent: #6246

نهاركم سعيد ...
روائــــع المعـــاني


: يقول جون وليامز

_____ما فائدة الدنيا الواسعة ... إذا كان حذاؤك ضيقا ؟!

____

________

يقول الإمام القرطبي :

أجمع العلماء على أن قوله تعالى :

' وكلوا واشربوا ولا تسرفوا '

قد جمعت الطب كله ..

___ _____================================______

ستتعلم الكثير من دروس الحياة ، إذا لاحظت

أن رجال الإطفاء لا يكافحون النار بالنار ..

__

الضمير لا يمنع المرء من ارتكاب الخطأ

إنه فقط يمنعه من الاستمتاع به وهو يرتكبه ...

____________

يقول الشافعي رحمه الله :

ما جادلت أحدا ، إلا تمنيت أن يُظهر الله الحق

على لسانه دوني !!

___ ________

إن الشق وسط حبة القمح ، يرمز إلى أن النصف لك

والنصف الآخر لأخيك ..

__ ________

ذُكِر لسقراط أن رجلا من أهل النقص يحبه

فاغتم لذلك وقال :

ما أحبني إلا وقد وافقته في بعض أخلاقه

_

زئير الأسد لا يكفي لقتل الفريسة !

________======================__ ____

قد يجد ال######## 36 حلا لمشكلته ، ولكنه لا يعجبه منها

سوى حل واحد وهو الفرار !

___ __________

ليس شجاعا ذلك ال###### الذي ينبح على جثة الأسد ..

__________ _

الأطفال الأشقياء فقط هم أطفال الغير !

___________ _

يتميز الأطفال بسبع خصال :

أولها .. أنهم لا يغتمون للرزق

وثانيها .... أنهم إذا مرضوا لم يضجروا من قضاء الله

وثالثها.. أن الحقد لا يجد سبيلا إلى قلوبهم

ورابعها .... أنهم يسارعون للصلح

وخامسها .... أنهم يأكلون مجتمعين

وسادسها .... أنهم يخافون لأدنى تخويف

وسابعها .... أن عيونهم تدمع ....


___________ _

الذي لا رأي له ، رأسه كمقبض الباب

يستطيع أن يديره كل من يشاء ....

___________ _

يقول أحد الصحابة :


ما وجد أحد في نفسه كبرا ، إلا من مهانة يجدها في نفسه ....


__________ _

و يقول صحابي اخر:

إني لأبغض أهل بيت ينفقون رزق أيام في يوم واحد !!

___________

___ يقول مجاهد رحمه الله :

ما تردّى حجر من رأس جبل

ولا تفجّر نهر من حجر ، ولا تشقّق فخرج منه الماء

إلا من خشية الله .. نزل بذلك القرآن


__________


ما عرفت أسخف من الذين يحفرون أسماءهم

في الصخور ليخلّدوا ..

__________

_كلنا كالقمر ... له جانب مظلم !

__________

___رسم أحد الظرفاء حمارا على عباءة صاحبه

فلما رأى ذلك صاح بالحاضرين :

من الذي مسح وجهه بعباءتي ؟!

__________

يقول الأصمعي وقد سأله الرشيد عن حقيقة العشق :

إنه شيء يُذهل القلب عن مساويء المحبوب

فيجد رائحة البصل من المحبوب أعظم من المسك والعنبر !!

____________

من المخجل التعثر مرتين بالحجر نفسه ....

__________

_يمتلك المعلم أعظم مهنة :

إذ تتخرّج على يديه جميع المهن الأخرى ....

-------------------------

لا يوجد في الحياة رجل فاشل ، ولكن يوجد رجل

بدأ من القاع وبقي فيه ....

__________

_يقول وليام آرثورد :

إن أبواب الإنجازات تتسع لذلك الشخص الذي يرى في الأشياء ال########ة

إمكانيات غير محدودة ..

___________

يقول أحد العارفين :

مصيبتان لم يُسمع بمثلهما تصيبان العبد عند موته

يؤخذ ماله كله ، ويُسأل عنه كله ....

__________

_يقول هتلر :

لقد اكتشفت مع الأيام انه ما من فعل مغاير للأخلاق

وما من جريمة بحق المجتمع إلا ولليهود يد فيها ....

__________

_يقول روسو :

دموع الأطفال هي توسلات ، فإذا لم تُلبى طلباته

صارت أوامر ....

__________

يقول ،،، :

لا يجرؤ بعض الناس أن يكونوا ملوكا حتى في أحلامهم ....

___________

تريد المرأة أن تكون الأخيرة في حياة الرجل

ويريد الرجل أن يكون الأول في حياتها ...

__________

يقول المثل الياباني :

أن تكون على حق ، لا يستوجب أن يكون صوتك مرتفعا ..

__________

يقول إبراهام لنكولن :

أنا أمشي ببطء ، ولكن لم يحدث أبدا أنني مشيت

خطوة واحدة للوراء ..

___________

شتم رجل عمر بن عبد العزيز فقال عمر :

لولا يوم القيامة لأجبتك
Post: #6248
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-01-2010, 10:21 AM
Parent: #6247

سلام يا اهلنا

رشيد القوم حبابك
Post: #6249
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-01-2010, 10:26 AM
Parent: #6247

Quote: يقول جون وليامز

_____ما فائدة الدنيا الواسعة ... إذا كان حذاؤك ضيقا ؟!

قبل فترة إشتريت لي جزمة طلعت ضيقة لمن جاني صداع
و لأنها جميلة
عزمت في أن ألبسها حتى تتوسع
وقد كان
ولقيتها ليك زي الدنيا لمن تضيق بتتوسع عليك ودي الفائدة بتاعت الجيش
ضاقت فلما استحكت حلقاتها ... فرجت و كنت أظنها لا تفرج
الحمدلله ما ضاقت تاني
Post: #6250
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-01-2010, 10:56 AM
Parent: #6246

Quote: رشــا يا حبيب ...

غايتو ما قادر غير اقول ليك

مبسوطين تحننوا ... وحردانين تجننوا ...!!

والله كلنا بنحبك ياخى ....


حمادة حبيبنا رغم البين...هي الأشواق

يشهد الله أبادلكم حبا مثل حبكم أو يزيد كثيرا...

شيء عجيب هذا الذي يجعلنا لا نقدر على البعد عنكم...

حكة و رعشة في فثيفثاء القلب تعبر عن ادماني لكم...

لكم كل الحب و المودة...
Quote: رشيد القوم حبابك والله سعدنا بعودتك .. والجابك يجيب باقي لستة الغياب ..

البادي الحبيب اللبيب...
شكرا على الترحاب و أنا أيضا سعدت بعودتي اليكم...
بس بالله كلم قريبك ده ما يبوظ أعصابنا تاني زي ما عمل في مباراة الجيش...

Quote: و أنا كمان
عشان زهير إغترب


انت يا يابا تتبارك ...
Post: #6251
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-01-2010, 02:47 PM
Parent: #6250

سلام لناس جوه وبره ....
في البدء تحية خاصة لكل الناس دون فرز ... واحد واحد .... حينما هبطت الطائرة في مطار جدة ... بدأت أتلتفت ذات اليمين وذات اليسار .,.. عسي أن أجد أحدهم يبحث عني ... ميسرة في الطريق وعبد الدائم في إنتظاري بصالة الوصول ... وصل ميسرة ولم يظهر عبد الدائم .... عرفنا أنه في الصالة الأخري وتبعد حوالي العشرون دقيقة عن تلك التي التي نتواجد فيها ... عرفنا أن القرحة تسبب بعض النسيان وليس التقدم في العمر ... خرجت مع ميسرة إلي منزله ومنه إلي العمرة ... وده هدف من بداية المباراة لنطمئن به الجماهير التي تشكك في إنتماءنا العقدي مثل المدعو (نقط نقط نقط) ومن لف لفه ....

نصيحة جانبية من أراد أن يهبط جدة فليحذر من ميسرة وأسرته ... ويكب الزوغة ... قولوا ليه ...
هؤلاء الناس من طينة أخري لا تشبه طينة البشر ... حينما تحدث المدعو جلا ومنصور عبد الرازق رغم مقدرته الخرافية علي الحكي والوصف إلا أنهما لم يعطيا هذه الأسرة حقها في الوصف ... أهتمام وكرم لا حدود لهما ... وأنا الذي لا أخجل قد دخلت في أظافري ... بتعاملهم الراقي .. وقد تفرغ ميسرة تماماً لخدمتي وقضاء شئوني ... علي حساب أسرته وعمله وشئونه الخاصة ... شكراً لكم ولكل الأسرة الصغيرة والكبيرة دون إستثناء ... وتحية خاصة لصديقتي الجديدة مشكاة ... وهو مشروع صداقة سسيمتد ... الحديث عن ميسرة ومني وأسرتهما يطول ويطول .. وقد عزمت علي ألا أكرر الزيارة ما لم توعداني بأن تخففا من تعاملكما هذا حتي لا تحرق الأمية بهذا الضغط العالي ...
Post: #6252
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-01-2010, 02:57 PM
Parent: #6251

حمدلله على السلامه يا أبوالزوز..
ومبروك عليك الشغل الجديد..
والكندشه.. الكندشه..
Post: #6253
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-01-2010, 02:59 PM
Parent: #6251

جدة غير وناس جدة غير ....

منذ وصولي لجدة وأهلها يحيطوني بالود والمحبة .. حتي كدت لا أصدق نفسي ...

ميسرة
مني
عبد الدائم
محمد عيد
سيف النصر
عثمان الجيلي
الأبله نوال البلول ربنا يشفيها ...
عمر المهدي
عصام دهب
حسن أبو علي
وأسرهم
وكل من لم أذكر أسمه ... الهواتف لا تتوقف عن الرنين .. وكل خطوة هاتف .. اها يا أخونا وصلت وين عملت شنو ... ياخي محبة خرافية ... الزول زي ما قال في المداخلة الفاتت ... أميته أم 110 فولت دي ما بتقدر علي الكهرباء أم 3000 فولت دي ... ياخي ما حرقتوا لينا سلوكنا(المعنيين) وخربتوا طبعنا .. الدلع ده ما بنقدر عليهو يا جماعة ....
Post: #6254
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-01-2010, 03:08 PM
Parent: #6253

حينما هبطت بأرض الرياض وجدت في أستقبالي رهط من القوم ... عفاف ومحمد عثمان موسي عيسي دفعة ومنصور وكمال الشادي ... وكل ناس الرياض يتابعون زمن وصول البص لمدينتهم ... تنازع القوم أين أنزل وانا في حيرة من أمري ... إلا أن عفاف كشرت عن أنيابها وقالت بالصوت العالي أن صلة الرحم هي الأولي وهذا خالي وتناست للحظة واحدة ... أن كل ناس الزقازيق أهل ... وأن صلة الرحم والدم تربطنا جميعاً ... وشهادة تخرجك من الزقازيق .... هي شهادة ميلادك الحقيقي ... وكلهم اشقائك ...
Post: #6255
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-01-2010, 03:14 PM
Parent: #6253

سأعود لأحكي عن ناس الرياض ...

ولن أننسي ناس الخرطوم الذين احتفلوا بي في منزلنا ... وكانت لمة خرافية ... سأعود لأحكي عنهم بعد فترة ليس لأنهم غير مهمين .. ولكن حتي أتحصل علي صور تلك اللمة ..

أحبكم في الخرطوم وجدة والرياض والدمام وكل أركان الدنيا .. ياخي إنتوا أجمل ناس ...
Post: #6256
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-01-2010, 03:30 PM
Parent: #6255

ياخي ما تحبنا انا وحاتم جبارة
برضو كنا متابعنك من على البعد
Post: #6257
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-01-2010, 03:36 PM
Parent: #6256

حباكم برص إنتوالإتنين..
Post: #6258
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-01-2010, 03:47 PM
Parent: #6257

Quote: حباكم برص إنتوالإتنين..

خلاص يا ابو الزوز حبيتك انا براي
Post: #6259
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-01-2010, 09:32 PM
Parent: #6258

سلام لاروع ناس
ازيكم ومنكم طولنا
ويا ناس السعودية هنيئا لكم بزهير ويا ناس السودان فقدكم كبير

ويا زهير من هنا بقول ليك مع السلامة بما انى ما بقدر اودع اى زول خلى لما يكون الزول دة زهير الزناتى
ودى تانى مرة اهرب من وداع زهير بس المرة الاولى كانت فى الزقازيق هربت من وداع زهير وصلاح وجمال
وديل عيال امى وابوى زى ما قالت لى بطة من شدة مباراتك ليهم بقيتى تشبهيهم
ووالله زهير الزناتى دة بقدر مناقرتى ليهو ذى الطردة الا وانى دايما بلقاة وبل1ات انو وهو قريب مننا
حتى لما اكون زهجانة وامشى ليهم ابتهاج بتقول لى بكون عندك قطيعة مع زهير
حتى ناس مجد وحنا لما اجى بيقولو لى بابا جاى هسة انتظرى
بس بتمنى ليك يا ابو الزوز حياة عملية ناجحة وموفقة
وربنا يوصل ليك عيالك وامهم بلسلامة اصلك زول جرسة
ويا رب تطيب ليكم القعدة هناك
خاصة وانو الدمام بلد جميلة وحميمة قضيت فيها 9 سنوات جميلة جدا
فيها اتولدت محاسن وحمادة
فيها ناس حلوة واهلها طيبين جدا
فيها جو جميل وكورنيش رهيب
وفيها وفيها وفيها
يا رب تتوفق فى كل خطوة
وربى ينور طريقك يا وليد امى
ويا ناس السعودية ابقو عشرة على زهير
ويا ناس السودان عيال زهير امانة لحدى ما يوصلو ابوهم
Post: #6260
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-01-2010, 10:11 PM
Parent: #6259

مساكم الله بالخير

حضور بهي لزوبا بعد غيبة طويلة...
و لزوبا قائمة طويلة من مبررات الغياب تخرجها من جرابها متى ما سألت من أسباب غيابها..
و لكننا لسنا بصدد معاتبتها...بل بالترحاب بها في العشرة الأواخر...

مداخلات زهير أسالت الدموع من عيني...
لأن الولد الشقي عبر عن علاقاتنا بطريقة أسعدتني...
و جعلتني أفخر بانتمائي اليكم فخرا لا تحده حدود...
و أن تبدأ ثاني أيامك بثلاثة مداخلات فهذا يعني أنك بدأت بطريقة صحيحة...
ففي غربتك و التي تشبه الى حد كبير غربتي الداخلية تتوطد علاقتك بالكمبيوتر....
فتصبح علاقة تشبه علاقتك بزوجتك الى حد كبير...
حتى في حتة الزعل و مد البوز و الانزواء...و المقاطعة أحيانا...
ان شاء الله تكون كل أيامك و الكمبيوتر في منتهى الرومانسية...
حتى تتحفنا بمداخلاتك التي نحبها و نعشقها...
Post: #6261
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-01-2010, 10:23 PM
Parent: #6260

سلامات يا ناس

الحاجات بقت ملخبطة:

هل هو حزن ولا فرح ولا حَرْدَة؟

Quote: انشاء الله نساهر ليها الليله وباكر نشتغل فى السمكرة ...


يا حبيب ...سلام ومشتاقين

و ف ى ا ن ت ظ ا ر السمكرة.
Post: #6262
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-02-2010, 07:18 AM
Parent: #6261

صباح الهناء والسرور ...

زهير الزناتي .. ظهورك أثلج قلوبنا .. ربنا يوفقك .. بس حاول تكون معانا دائما .. وخلي فترة الثلاثة شهور الأولى دي تعدي على خير إنشاء الله ...

محمد عيد مراحب بي عودة المزاج الرايق .. حقيقي أتحفتنا ...

رشيد القوم يا ود أمي كل اللعيبة السودانيين ما مضمونين .. الله يكضب الشينة ...

حاتم جبارة وودجبرين شغالين مس كولات .. يا أخواننا الكراسي كتيرة أقعدو وأرتاحو شوية إنتو مشواركم بعيد ...

منصور مالك يا ود أمي دخلت إعتكاف .. وين حاجاتك الحلوة وطاعمة ...

شيخي الحاج جلا خليك إنت الكبير وعاقل وخلاص بطل الحردة .. عايزين نشوف برنامج العيد في غياب الغالي أبوالزوز ...
Post: #6263
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 08:33 AM
Parent: #6262

حاتم جبريل وطارق جبارة

تعرفوا أول مرة استخدم كلمة أحبكم دي .... كنت متأكد حا احتاج ليها في يوم ... وجا اليوم الأنا عايزه فيهو ... وحقيقي لمن قلت أحبكم لم أكن اقصد ناس السودان وجدة والرياض ... بل كل ناس الزقازيق .... دون استثناء في مغارب الأرض ومشارقها وما قام به هؤلاء الشباب قاموا به نيابة عن الآخرين لذا الفعل لهم والحب للجميع ...

وتاني أحبكم ...
Post: #6264
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 08:58 AM
Parent: #6263

حاتم جبارة يا وهم أوكما قال عمر نملة


أجمل حاجة شايف حاتم جبارة اليومين ديل في نص الشكلة انعل ابو الرجالة ذاتو
Post: #6265
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 09:12 AM
Parent: #6263

حينما هبطنا ارض الرياض قرابة منتصف الليل أو أقل قليلا وحينما وجدت الأحباب في إنتظاري ... عرفت بأني لم أتغرب بعد ... لأن الغربة هي البعد عن الوطن والأهل ... وها هو الوطن يلفظنا ويشرب جرعة ماء دون أن ترمش جفونه أو حتي يشعر بطمام .... إلا أن الأهل وجدتهم في كل مكان ذهبت اليه ... فلم أشعر بالغربة حتي الآن .... ناس الرياض أحاطوني إحاطة السوار بالمعصم (وأخيراً لميت فيك يا بت ال ك ل ب) والله وأقسم صادقاً( بإعتباري حاجاً كما قالت أمي التي لم تتوقع أن أؤدي العمرة مثل الكثيرين الذين أساءوا بي الظن لذا رفعتها لي لحجة كاملة) بأني عدت لمرحلة الطفولة مرة أخري .... بل كطفل في بيت لا أطفال فيه ... أهتمام ورعاية ودلال حتي كدت أن أستمرأ الحكاية وأسوق فيها لولا بعض الهواتف من هنا وهنا تستعجل قدومي .... ناس الرياض هل أحدثكم عن موسي عيسي أم كمال الشادي .... وما فعلاه ... منصور ودفعة ... ولا عفاف ومحمد عثمان ... طيب نتكلم عن قيس وسامي عبد الوهاب في الأول ولا كده حا نظلم باقي ناس الرياض ... مدثر .. السني ... وباقي العقد الفريد ... ولا نحكي عن صلاح علي صالح ....
اما رشيد القوم ده حكاية براهو .... أقول ليكم حاجة أحسن الزول ما يقول .... ويهديكم أغنية عثمان حسين أنا ما بقدر أقول .... ويلا نمشي برنامج أغاني وأغاني وعمنا السر قدور .....

تاني يا جماعة ما تخلوني أقول ليكم أحبكم كلكم .... دون إستثناء ... من سريلانكا حيث صديقي حيدر الحنين وجبال اليمن حيث شبكش ... وحتي أسكتلندا حيث تختبئ سناء الصباغ ... ولا يمكن أن أنسي ود جبرين في مغرب السادس من أكتوبر ...
Post: #6266
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-02-2010, 09:13 AM
Parent: #6263

يا رشا 3 و 4 مداخلات فى اليوم دى يشمها قدحة تانى قول فى الشهر فى السنة

الكفيل مضيفو لسه ما اداهو العين الحمرررررة

... غايتو لو انقطع كم يوم ابقى افهموها طايرة ..

اخو الكفيل قال لي اول مرة اشوف سودانى بشبه الاتراك ....

يا زوبة رمضان كريم السنة الفاتت انتى كنتى ماسكة البوست على حسابك
مالك السنة دى ....


يا كافى البلاء زول علق على الاغنية الحلوة دى مافى حتى منصور ساب الايبود
وبقى يحكى عن الفراشات
Post: #6267
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 09:15 AM
Parent: #6263

656.jpg Hosting at Sudaneseonline.com



يا جماعة البت البتشبه مني يونس دي اسمها مشكاة ... دي زوله جميلة بشكل ما عادي ... بس ما تتورط معاها وتدخلك المعاينة بتاعتها حا تسقط حا تسقط ما شاء الله عليها .... فهم وذوق وجمال ... يا ميسرة قوليها عمك قال ليك أحبك ... ولسه باقية علي خطوبة ولا نطيتي ....
Post: #6268
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 09:20 AM
Parent: #6267

تعرف يا عبد الدائم .... أخوك حريف ... ويقدر ينتزع حقوقه ... وناس الزقازيق ديل ما بلعب فيهم ... وبلقي طريقة إنشاء الله بعد الساعة 12 بليل والله الكفيل ده إلا يصاحب بكري أبو بكر ويسحب الباسويرد ...


مرة ماشي في شارع الجمهورية بالعربية في إثنين راكبين عربية جنبي ... يعاينوا ويتكلموا ... وحسيت بيهم عايزين يفتحوا معاي موضوع ... أها بعد الونسة السريعة بتاعت الأستوب قالوا لي كنا عايزين نعرفك سوداني ولا تركي ... تركي عديل كده الله يجازي محنك ... اها مش الشنب ده إلا ألحقوا ليكم شنب أمات طه ... يعني لو شفتوني بنيو لوك جديد زي ما قال المذيع المصري ما تستغربوا .... علي الأقل الواحد يصغر ليهو كم سنة كده ...
Post: #6269
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-02-2010, 09:27 AM
Parent: #6268

أكيد الناس ملت السيرة ... صفحتين ملئتهما قسراً وكرهت الناس الإغتراب ذاتو ... بس لازم ناس الخرطوم ديل ياخدوا حقهم إنشاء الله صور .... ويا محمد حسن ياخي ما عذبتنا رسل الصور دي ...

اها الراجي منصور يجيب الصور إنتظاره حا يطول ....
Post: #6270
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-02-2010, 09:45 AM
Parent: #6269

غايتو اوعدك يا ابو الزوز
اول يوم اتلاقى فيهو انا واحمد ولدى
ولا انا وايثار بتى
ولا انا ومجتبى ولدى
ونكون فيهو كلنا صاحين او ما نعسانين
الصور تنزل ليكم طوالى
يمين عندى كترة صور
من ايام الريس معتصم (مشتاقين يا ريس ورمضان كريم )
لغاية سنغافورة , وماليزيا , لغاية فطور يوم الأثنين الفات (الليلة يا حليلو )
ابو الزوز , الحمد لله انت حبيت مشكاة اللذيذة
انا محسنة دى , مكسرانى حتت حتت
الراجل فيكم يعرف لى (ياتو محسنة فيهم )
الزقازيق عالم جميل
ومنتدى الزقازيق الأسفيرى , اختراع عظيم
Post: #6271
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 09-02-2010, 09:48 AM
Parent: #6269

يازناتي الف حمدا لله على السلامة
ياخي صاحبك التعبان دا ( عبد الدائم )
قلت ليهو جيبو لينا كان على الاقل وريناك عجلة سيدنا ادم ... هههه
كم تمنينا ان نشوفك ياغالي في جدة
والشيء الوحيد الذي قاله عبد الدائم ان طائرتك تأجلت من يوم الخميس
يازول السعودية منورة بيك ...















----------------------
تحياتي لكل الزقازيقاب
Post: #6272
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-02-2010, 10:17 AM
Parent: #6271

أبو الزوز شكلك كدا لسع ما قابلتا الكفيل (أبوالكا) .. غايتو إستمتع وخلينا نستمتع معاك وبعدين الكفيل دا ما زي الموت يعني حتمشي منو وين (وين حنهرب منو وين) سيك سيك معلق فيك .. الغربة في أول عشرة سنة شوية حارة لكن بعد كدا بتبقى حاجة عادية ...
Post: #6273
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-02-2010, 11:06 AM
Parent: #6272

لوووووووووووووووووول ...
القي الوقت والرأس وين ...
يا نااااااااااااااااااس ماقادر الحق ... وكت "نهي"
ابوالزوز الحق أعمل UPDATE للبروفايل بتاعك عند سامي عبدالوهاب ...
عشان اجيك بالتلفون او الدرب عديل كده .. واديك حقلك بالتهنئة ...


ياجماعة والله مزنوووووووووووووووووووووووق رمضان ... وبت الشيخ (أسألو النضيف)
ربنا يحلني ويحلها بالسلامة .....
Post: #6274
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-02-2010, 11:55 AM
Parent: #6273

ابو الزوز الغربة في الاول بكون اندهاشة
بعداك بتكون انكراشة

البادي يا حبيب
والله الزنقة حاصلة عشان كدة شغالين مسكولات
Post: #6275
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-02-2010, 12:27 PM
Parent: #6274

أبو الزوز يا أصلي..
شهيتنا والله السعوديه وناسهاالحلوين..
بعد الكتبته زوبا.. كلامنا تحصيل حاصل..
بعدين الظاهر ما كنت شايل معاك ورق فلوسكاب..
منصور وريه النظام عليك الله..
زولك كاتب ليهو ورقه واحده..
بينزلها سطرين في المداخله.. عشان يغشنا..

البادي.. أنا ماسك خشمي لحدي ما نتلاقى..
ولا يمكن ما نتلاقى.. لظروف السودان الصعبه..

نجيله يا مشغول ديمه.. الله يكون في العون ويكتب السلامه..

الإبنه محسنه.. نشكر ليك حسن ضيافتك..
وإهتمامك بي عمو زهير وبكل زقازيقي وضيف عليكم..
as mom and dad has raised you and your brothers and sisters
Cheers!
Post: #6276
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-02-2010, 02:28 PM
Parent: #6275

انا ما عارف غايتو دى هضربة ..!! ؟؟

ولا تخاريف صيام زى ما بيقولوا ...؟

ولا عشان الواحد النوم كابس عليهو ... واحساس كبير بأنو ما نام ليهو زى سنه كده ..؟؟

انتو تيمان بيطره ديل قاعدين ســواء ولا مساهرين سواء مع فرق التوقيت ولا كل واحد مدى التانى الباسويرد حقة ؟؟

ود جبارة وود جبرين .. بقوا عاملين زى بشرى وبشارة او حمد والديبه ( عشان البادى ما يزعل ) .

طواااالى شغالين ون تو .. باصات قصيرة .. وثروباص ، ومثلثات وشىء بالكعب وشىء كوبرى ( بيضه يعنى )

غايتو انا اخدت لى غفوة كدى وشفتهم فى المنام قاعدين الاتنين سواء يتضاحكوا وصوتهم واصل شارع الحمام ..

شكلهم كده قاعدين سواء .. غايتو يا بى جاى مع جبريلا فى بلاد التيمومى وسميرة سعيد .. يا بى هنيييييك

فى ام صيقعون الجون بتاعت ود جبارة ...

غايتو هم كانوا قاعدين يحشــوا فى زول ... لكن النصيحة غايتو ما سمعت لى أى قطيعة فى حجة ابو الزوز ..!!

* ود نجيلة ... حبيبنا ..

ياخى انشاء الله بى بركة الايام المباركة دى ربنا يحل بت شيخك بالسلامة .. وكمان يحلك انت قبلها آمين

بس باقى لى اوصى ليك التلميذ اللبنانى دااااااااك ...!
Post: #6277
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-02-2010, 02:40 PM
Parent: #6276

Quote: غايتو هم كانوا قاعدين يحشــوا فى زول




ود عيد دة كلام شنو دة
كورتك قكت يا حبيب
Post: #6278
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-02-2010, 02:59 PM
Parent: #6277

ود عيد..
Quote: غايتو انا اخدت لى غفوة كدى وشفتهم فى المنام قاعدين الاتنين سواء يتضاحكوا وصوتهم واصل شارع الحمام ..

وصفتنا تب..
شغالين جمجره بالياهو كمان..
جبريلا دا شيطانو هارب من السجن..


Quote: لكن النصيحة غايتو ما سمعت لى أى قطيعة فى حجة ابو الزوز ..!!

نصيحه شنو.. وحجه شنو..
تصوروه لينا طالع من الحمام وتقولو حجه..
Post: #6279
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-02-2010, 06:31 PM
Parent: #6275

مساء النور يا شباب

كنت غائب عن البوست يومين وكأنها دهر

حمد لله على سلامة الوصول إلى مقر العمل يا أبو الزوز .

مشكاة مبسوطة جداً بأنك ذكرتها وقالت عمو قال يجي في العيد

مرحب برشيد القوم وزينب التجاني وياسر ود نجيلة ، وحمد لله على سلامة العودة

والبوست منور بكثافة مداخلات الأحباب .
Post: #6280
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-02-2010, 09:58 PM
Parent: #6279

Quote: ود عيد دة كلام شنو دة
كورتك قكت يا حبيب


جبريلا الحبيب ...

ما قلت ليكم دى تخاريف صيام ...

والله كتبت المداخلة بى نص عين وربع طايوق ...

لكن برضو ما تفهمنى غلط ...

الخليجيين لمن يقولوا بيحشــّوا فى زول يعنى بيقطعوا فيهوا ...

وبرضو ما تقلب معناها .. يعنى بينمــّوا فيهو ... !!!


Quote: نصيحه شنو.. وحجه شنو..
تصوروه لينا طالع من الحمام وتقولو حجه..


ود جبارة اللذيذ ...

يعنى كلامى طلع صاح ...

التنسيق التآمرى كان بيتم عبر الياهو ...

لكن بينى وبينك الزول ده غايتو وصل لغاية مكة

لكن ســوى شنو ؟؟ مافى زول عارف لى هســه ..

غايتو طلبنا من ممثلنا فى مكة - الرشيد مصطفى ( خواطر ) يتقصى لينا

واحتمال يمدنا بالصور ...

لاننا محتاجين كمان نرسلها لى والدة ابو الزوز ...

هى زاتها ما مصدقة ..!!
Post: #6281
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-03-2010, 12:21 PM
Parent: #6280

سلام يا أجدع ناس

حلّ بيننا بالأمس المغترب الجديد لنج أبو الزوز

وكانت سهرة صباحية حتي طلوع النهار

وما زال زهيرا نائما حتى الآن من السهر والإرهاق (الساعة الآن 2:15 بعد الظهر)

والله كانت ليلة من أجمل الليالي... ونسة طاعمة وذكريات وهموم الجمعية وآمال وأحلام الشركة و و و...

وبعدين كل دا وأنا هو رأس

والله جلسة وليلة نُحسد عليها
Post: #6282
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-03-2010, 12:25 PM
Parent: #6280

عصام دهب والزناتي ...ضروري تعملوا فحص سكري ..لانو شايف بطونكم كرشت..
Post: #6283
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-03-2010, 01:47 PM
Parent: #6282

مليون سلام لاجدع ناس
سلامات يا عيد ويا جبريلا وميسرة و نجيلا و حاتم يا جبارة والبادى وسامى ورشا ومنص وكلكم كلكم
والله مشتاقين
يا الرشيد وحياتك رمضان دة جا طوالى بادى بلعضم
امتحانات قبل وبعد العيد اصلو عندى جيلين
ضيوف من كل العالم
ما حلا ليهم الا رمضان ده فى السودان
عوازيم
وووووووووووووووو
بس ربك يهون
كان عندى نية عمرة وربنا ما كتبا اللهم اخلفها بحجة
ياسر نجيلة بلسلامة من كل قلبى وعليك بسورة مريم
الزناتى والله ليك وحشة
ما عايزين نقول ربنا يرد غربتك واليوم جمعة تقومتكس يرجع بلغة البللى
دى متاوقة الليلة عندنا جماعة فطور
ويا حاتم والله اشتقنا لى جمجرتك
Post: #6284
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-03-2010, 02:02 PM
Parent: #6283

Quote: لكن بينى وبينك الزول ده غايتو وصل لغاية مكة

لكن ســوى شنو ؟؟ مافى زول عارف لى هســه ..

خلاص صدقنا إنو إعتمر..
لكن كتبتو ليهو ال instructions في ورقه?..
والا فكيتوه عكس الهوا?..
راجعوا الحته دي.. لأنو إحتمال لازم يرجع يعيدها..

Quote: ويا حاتم والله اشتقنا لى جمجرتك

زوبا العجيبه..
الدنيا رمضان يا بتنا..
خللي الدردقه..
الله يديك عمره وحج..
Post: #6285
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-03-2010, 02:12 PM
Parent: #6284

ود الحلبية دية (رحمها الله)
لو خليتوه يجمجر يمين صيامكم كله بايظ
يوم امبارح دة انا مفكر اعيده
Post: #6286
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-03-2010, 02:21 PM
Parent: #6284

التحية للجميع ...
وكل التوفيق "للزميل" العزيز ابو الزوز
وكنا نتمني ان نكون من زقازيقي الخارج حتى نسهم في رد ولو جزء من الجمايل
ياابو الجمايل

المهم كان داير ليك دوم ولا لالوب قول
Post: #6287
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-03-2010, 07:04 PM
Parent: #6286

سلام مربع
يا جبريلا انا لو اخدت حاتم ده على جنب هسة باررو
اظرف ما فى جمجرتكم انو الاتنين خشمكم خفيف
ولو ما كلمتو زول تالت بتعيو اها كلمونى

سلام كبير اوى يا جلال
Post: #6288
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-03-2010, 08:30 PM
Parent: #6287

سلام مربع لزنوبة ...
وكراع ماتصلك ان شاءالله تنكسر بس المشغوليات ربنا يهون ونجي نسلم عليك
قال ليك شغال زي المدرس الكل يو ينقلوهو مرة قوز كبرو ومرة قوز المطرق ومرة قوز شنو كدة ماعارف
اها قال ليهم انتو ناس الوزارة ديل قايلني نيسان ولا شنو





















-------------------
اسا ناس البورد ديل مشو العمرة ولا حردانين زي رش
Post: #6289
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-03-2010, 10:12 PM
Parent: #6288

سلام يا ناس ...

البارحة كنت في ضيافة اللورد سامي عبد الوهاب في الجبيل علي بعد 80 كيلو متر من الدمام .. زي ما قال ليكم الونسة للصباح شرقنا وغربنا ثم عدنا حتي اشرقت شمس وجدي أو كما قال توفيق صالح جبريل في موقف مشابه
كسلا اشرقت بها شمس وجد فهي في الحق جنة الأشراق

حينما كان يتآنس مع أصدقائه علي رملة القاش ومعهم لوازم الونسة ... بس نحن ونستنا كانت علي أنغام برنامج أغاني وأغاني وبجك مهول من الحلو مر والعصائر ... يا سلام علي سامي وأسرته زوجته وأبنائه الحلويين .. منتهي الريد ومحمد الطاعم ... كان يوم خرافي وعدت منهم قبل قليل ... ويا سلام تاني علي الجبيل وناس الجبيل ... ده حالتهم جبيل ... والله لو كانوا جبل عديل كده كان ضيعونا من الشغل والدوام
Post: #6290
Title: Re: ناس الزقازيق ... أجدع ناس ( 3 ) ..
Author: عصام دهب
Date: 09-03-2010, 10:44 PM
Parent: #6289

Quote: عصام دهب والزناتي ...ضروري تعملوا فحص سكري ..لانو شايف بطونكم كرشت..

يا دكتور إن بقت على السكري و بس نحمدو و نشكرو .. ما تقوم تجيب ليها مرض حامد ..
Post: #6291
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 00:27 AM
Parent: #6290

يا زوبة كيفنك ياخي
والله ذكرتيني بشير الشين
كان لمن تكون حارقاهو الجمجرة يقوم ويقعد
وفي النهاية يقوم يقول لينا:
يا جماعة كدة خشمي حا يعفن
وطوالي يفت جمجرتو



ابو الزوز مبروك عليك ونسة الزول الطاعم سامي
تعرف يا ابو الزوز عندي عرض قوي من جريدة اليوم بالدمام
اها اقوم اجيك طاير
Post: #6292
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-04-2010, 09:37 AM
Parent: #6291

صباح الخير ،،، يا وجوه الخير

أصبحنا وأصبح الملك لله وحده

رمضان كريم ،،، وليلة القدر على الأبواب

يا حي يا دايم،،،،،،

اللهم لا تردنا خائبين ..
وآتنا أفضل ما يؤتى عبادك الصالحين ..
اللهم ولا تصرفنا عن بحر جودك خاسرين ..
ولا ضالين ولا مضلين ..
واغفر لنا إلى يوم الدين ..
برحمتك يا أرحم الرحمين ..
Post: #6293
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 11:58 AM
Parent: #6292

يا جبريلا تجي من غير تردد ... ياخي انا لاقي رفيق ...
والله ده يكون يوم السعد ... اها كمان العرض لو ما لافق بتموا ليك من مرتبي ... رايك شنو ... بس تجي
Post: #6296
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-04-2010, 12:15 PM
Parent: #6293


عليك الله كان ما جيت يا ود جبريل
بدل ما يبقى بس عندنا سامى عبد الوهاب
تبقوا سامى وطارق وابو الزوز
بعد داك تانى , كل خميس و يا طريق الدمام ما جاك بلا
وبعدين هنا لا فى اضرابات ولا اعتصامات ولا قعاد فى الطوب والحجار
تشتغل شغلك , وتلزم بيتك
النبى فيك كان ما جيت , احسن ليك تستبدل المجيط , بالخليج , واهى كلها موية ملح
Post: #6294
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 12:06 PM
Parent: #6292

مساكم الله بالخير

تحية فترانة و عطشانه و نعسانه...
و المداخلة دي في علم المداخلات اسمها مداخلة اختبار معزة...
اختبار معزة بمعنى مودة ...مش ميييييع معزة...
و الحمد لله معزتكم غلبت على فتري و تعبي و عطشي و مفارقة أولادي صباح اليوم...
الواحد ما كان قايل نفسو بيحبكم قدر كده...لكن الله غالب...
و أشكركم لأنكم بتعذروني يوم الخميس و الجمعة و مرات كده السبت...
لأن الخميس و الجمعة و السبت ديل ما حقاتي...حقي المشنقة و المدفع السكلي...
دي أيام أبذل فيها جهد جبار لتوزيع الحنان بعدالة بين أطراف ثلاثة...
عادة ما تكون هنالك خطة أو خارطة طريق لتوزيع الحنان...
و لكنها عادة ما تفشل الخطة و تذهب خارطة الطريق الى مذبلة التاريخ...
فنالك من يأخذون حقهم و حق غيرهم دون أدنى مراعاة لحقوق الآخرين...
متبعين في ذلك منهج الحشاش يملى شبكتو...
أمنية تحاول الظفر بكل ثانية ممكنة و هي بالقرب مني...
استيقظت فجأة عند الثانية صباحا لأجدها ترقد بجواري...
قلت ليها قومي امشي غرفتك يا أمنية...
قالت لي لو خليتني أمشي حأخليك تنوم و تاني أجي أرقد جمبك...
يبدو ان أبنائي يفتقدونني كثيرا....
المهم في ألمر انني أنا الكسبان صحيح أنا أوزع الحنان بين ثلاثة...
و لكنني وحدي آخذ من ثلاثة...
Post: #6295
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 12:14 PM
Parent: #6294

Quote: يا جبريلا تجي من غير تردد ... ياخي انا لاقي رفيق ...
والله ده يكون يوم السعد ... اها كمان العرض لو ما لافق بتموا ليك من مرتبي ... رايك شنو ... بس تجي


أبو الزوز...
ده كلام زول دقو ليهو الاقامة خلاص...
و فتحوا ليهو حساب في البنك...
و لقى ليهو مفاجأة..
ان العرض الرسلوهو ليهو بالفاكس كان ناقص رقم...
Post: #6297
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:22 PM
Parent: #6295

يا رشا مشتاقين


قالوا الغربة حارة ... عشان كده قلنا نبردها بالرفقة الحلوة ... سامي وطارق جبريل ...
بس عرفت في عجايز في الدمام ... أصغرهم تعدي الخامسة والخمسين من عمره ...
جبريلا ده رغم الطريق الهاوي واي بتاعه داك إلا إنه دفعه ...
Post: #6298
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:29 PM
Parent: #6297

تعرف يا منص .. عذرتك في كتابة الحروف الملخبطة ... (المحيط كاتبها المجيط) الليلة لميت لي في نضارة قراية طبعاً عامل فيها الولد صغير ... وأخلي ابتهاج تقبل كده اشيل نضارتها اقرا بيها ... اها الليلة لقيت نضارة كاربة أكتشفت إنه في الموبايل ملخبط ليك الحروف لخبطة جد ... أول مرة اشوف النقط بتاعت الحروف ... يعني منصور ممكن أكون كاتبها متصور ... وهكذا ...

دار حوار ظريف بيني وبين محمد ومنتهي سامي ... قلت ليهم أكبر أنا ولا بابا الإثنين بدون تردد قالوا بابا طبعاً صاحبك سامي طويل أوي .. والأطفال عندهم الكبر بالطول بس عندهم ليهو فهم تاني .. اها أعدت السؤال ... طيب العجوز انا ولا بابا والإثنين من غير تردد قالوا لي (إنت يا عمو) اها المساكين ما شافوا الجماعة بتوعين الرياض ديلك الرانكرز وأصحاب المعاشات وكمان ناس السودان ... عليكم الله اقلبوا الصفحة دي سريع ننزل ليكم صور الجلاكين بتوعين الخرطوم ...
Post: #6299
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:31 PM
Parent: #6298

دكتور الصادق سلامات .. كرش شنو ياخ سلامة النظر ... يعني الواحد ما يتمغي في الصور طوالي تشبكوه سكر وطاعم وما عارف شنو داك ... نحن متين بقينا للسكري والكلام بتاع العجايز زي جلال عثمان ... اها نحن يادوبك استعدلنا للكرش والدردمة ... وأكل الطيبات ...
Post: #6300
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 12:32 PM
Parent: #6297

أبو الزوز...
يعلم الله فتحت الكمبيوتر ده مشتهي لي ون تو معاك ...
و يا حبذا لو انضم جلا...منصور...جبريلا ...جلال...ياسر نجيلة...و تم تتويجها بديدو...

طبعا يا أبو الزوز في الغربة دي الكتوف بتتلاحق....
يعني انت بي شنبك الكبير و مظهرك التركي ده...
و طارق جبريل بالهاي واي بتاعوعضامو الكملانه من لحم الدنيا دي...
بالراحة ممكن تبقوا أصحابي أنا و تمشوا معاي في الشارع زي المافي حاجة...
Post: #6301
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:35 PM
Parent: #6300

يا رشا يا كحيل ...

نحن عارفين الغربة دي عندها ضريبة ... ولو بقت رفقتك ضريبة ما عندنا عليها أي مانع .. بس المسألة ما تجر لغاية ناس منصور وحاج الركز ومن لف لفهم من عجايز الرياض ...
Post: #6302
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:41 PM
Parent: #6301

.

النقطة دي تبرع مني لي قلب الصفحة
Post: #6303
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 12:42 PM
Parent: #6301

انت الظاهر عليك فهمتها بالعكس...أنا قصدي أنتو الكبار ديل ممكن تمشوا معاي أنا الشاب ...
أنا عارفك فاهم لكن لازم تهبش منصور و حاج الركز ديل...
الناس ديل بقو قريبين يا أبو الزوز أعمل حسابك..

ان شاء الله تكون خلصت من الاقامة عشان تجي تعيد معانا...
Post: #6304
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:44 PM
Parent: #6303

يا رشا اجراءاتي بعد العيد ... لكن إنشاء الله عيد الضحية ... نجيب خروفنا معانا من الخلاء ونجي نعيد عندكم انا والأولاد ...
Post: #6305
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:45 PM
Parent: #6304

3.bmp Hosting at Sudaneseonline.com


البادي وسامي عبد الفتاح
Post: #6309
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 12:48 PM
Parent: #6305

أبو الزوز....طلع النضارة و انت بتنزل في الصور...

الصورة الفاتت دي صغيرة شديد...
Post: #6306
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:47 PM
Parent: #6304

ده احتفال ناس الخرطوم بوداعي ... في منزلنا ... جابو فطورهم وجونا الحلوين
بس الزول البيني وبين جلا ده يمين الله ما عرفتوا ... اي زول يقول عبد الحفيظ عباس كضبا كاضب

2.bmp Hosting at Sudaneseonline.com
Post: #6307
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:48 PM
Parent: #6306

5.bmp Hosting at Sudaneseonline.com


شكلها ليها ضل بين قاسم حسين .. وسامي عبد الفتاح ... أكيد عن آخر مباراة بين زراعة وتربية
Post: #6310
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:49 PM
Parent: #6306

4.bmp Hosting at Sudaneseonline.com


يا رشا شوف الوجاهة دي ... محمد المرتضي انا عايز أعرف إنتو حاقدين عليهو كده ليه ... يعني أوجه من كده إلا يبقي الان ديلون
Post: #6308
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 12:48 PM
Parent: #6301

ابو الزوز وزشا كيفنكم ياخي
قالوا في اتنين مساطيل ساكنين مع بعض
المهم العصرية كل واحد مشى بي دربو واتفقوا يتعشوا حمام في البيت
الاول جاء بدري ظبط الحمام واخد ليه نومة
التاني جاء وجاب معاهو حمامتين حيات
قام ضرب الفي الحلة وقال لمن نصحى بنسوي التانيات
بعد قشا ليك الحلة ختة فيها الحمامتين حقاتو
التاني قام جعان لقى الحلة فيها حمامتين حيات
قام قال: يحي العظام وهي رميم ما عندنا فيها مشكلة
بس البصل والزيت حقي مشى وين




والله يا ابو الزوز انا قصة الكفيل دي ما واقعة لي في راسي
مع انه العرض ما بطال
Post: #6311
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:51 PM
Parent: #6308

يا زول كفيل شنو إنت جاي علي مؤسسة ... بعدين والله الدلع التلقي في السعودية هنا مع الشباب ديل ... عمرك ما بتلقي ...
يا زول أحسم امرك وتعال ... قريب من الناس ..
Post: #6312
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:52 PM
Parent: #6308

6.bmp Hosting at Sudaneseonline.com


الوزير القادم مبارك جادين ... عبده مضوي ... احمد عوض ... عليكم الله الناس ديل فاضل ليهم للمعاش كم شهر ...
Post: #6319
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:00 PM
Parent: #6312

أبو الزوز...
محمد المرتضى ممكن نشيل منو لقب فيل بس...لأن الراجل شايف السكري عامل عمايلو فيهو...
لكن ألان ديلون دي بالغت فيها شوية...كدي نشوف منصور حيقول شنو...

جبريلا...تسمع ليك نصيحة زول شهر ما تماهو...
يا زول لو مرتاح في المغرب مع شوية مجابدة كدة...خليك قبلك...
و كان الحكاية بستاهل...يعني الزومة ضايقي...
أها كمان أستخير و توكل على الله...
و كان للدلع بتاع ناس السعودية...
تعال ليهم عمرة...زي حقت صاحبك...
Post: #6313
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:52 PM
Parent: #6308

7.bmp Hosting at Sudaneseonline.com



عليك الله يا منصور في شلاليف هنا ... أكيد النضارات دي بتضخم ليك الحاكات ساكت
Post: #6314
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 12:54 PM
Parent: #6313

ابو الزوز انت صورك دي خبر ولا شنو
مالها صغيرة كدة
Post: #6315
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:54 PM
Parent: #6313

9.bmp Hosting at Sudaneseonline.com



يا سلام عليك يا احمد عجوز غني حتي ابكي إبتهاج وخالدة في المطبخ .. حينما قال :
حليل زمن الصبا الماضي ...
Post: #6316
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:56 PM
Parent: #6313

11.bmp Hosting at Sudaneseonline.com



اولاد صغار ومهذبين .... نزار هندسة علي الارض .. علام وعشي .... ديل الدفعة ولا بلاش ...
Post: #6317
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 12:57 PM
Parent: #6316

يا جبريلا محمد البرلوم رسلها لي كده قلنا القحة ولا صمة الخشم ..
Post: #6318
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:00 PM
Parent: #6316

12.bmp Hosting at Sudaneseonline.com


البادي النور متالقاً
Post: #6320
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:02 PM
Parent: #6318

766.jpg Hosting at Sudaneseonline.com


كده كيف
Post: #6321
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 01:04 PM
Parent: #6320

يا رشا الدلع ساهل بجيهم زيارة
خليني مع ناس وخا ديل
Post: #6322
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:07 PM
Parent: #6321

768.jpg Hosting at Sudaneseonline.com
Post: #6323
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:07 PM
Parent: #6321

769.jpg Hosting at Sudaneseonline.com
Post: #6324
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:09 PM
Parent: #6321

771.jpg Hosting at Sudaneseonline.com


شوفو الوجاهة ديل ... طبعاً البادي ما أنا
Post: #6328
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 01:11 PM
Parent: #6324



ابو الزوز انت مشيت السعودية بالكرش دي
سجمك وسجم الراجيك
Post: #6325
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:09 PM
Parent: #6321

770.jpg Hosting at Sudaneseonline.com



ودي عشان جلا شايل حال الراجل قال ما قاعد يظهر ... في ظهور أحسن من كده
Post: #6326
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:11 PM
Parent: #6325

772.jpg Hosting at Sudaneseonline.com



مصطفي عجب سيدو يمين الصورة ... ويسارها بدر الدين الشهير ببودي .. وليس اسحق احمد فضل الله
Post: #6329
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:11 PM
Parent: #6325

773.jpg Hosting at Sudaneseonline.com



منتصر طه ... والصورة دي إهداء لبكري حامد
Post: #6327
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:11 PM
Parent: #6321

Quote: يا رشا الدلع ساهل بجيهم زيارة
خليني مع ناس وخا ديل


أي أخير ليك يا أخوي...
و الله كان أولادك بيقروا كويس...ساكنين كويس...لابسين كويس...بيتعالجوا كويس..
سببا واحد يمرقك من هناك مافي...
تاني وين تلقى الخضرة و الوجه الحسن...
الموية هناك في...عل الوجه الحسن ده الا تشترك ليهو في مجلة سمر...
Post: #6330
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:12 PM
Parent: #6327

776.jpg Hosting at Sudaneseonline.com


محمد صديق وصديق الصادق
Post: #6331
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 01:13 PM
Parent: #6327

يا رشا إنت من زمن مجلة سمر ...حليلك والله
Post: #6332
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:16 PM
Parent: #6331

ما كان قلت ليك سيدتي ما حتعرفوها...قلت أحسن أقول ليكم الحاجة البتعرفوها..
Post: #6333
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 01:20 PM
Parent: #6331

يا رشا مالي ومال المشاكل
نبقى في الكفيل حمر لي
هنا لا في كفيل ولا جن ازرق يدوك الاقامة بطاقة صغيرة كدة
زي كروت الاسكراتش وانتهى الموضوع
لا في زول يقول ليك بنرحلك ولا جن ازرق
الجامعة مجااااااااااااان للاولاد
وحق تمليك السكن موجود
والويكة قاعدة تجينا من السودان
بس ناقصنا الطلح
Post: #6334
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:25 PM
Parent: #6333

Quote: لا في زول يقول ليك بنرحلك ولا جن ازرق
الجامعة مجااااااااااااان للاولاد
وحق تمليك السكن موجود
والويكة قاعدة تجينا من السودان
بس ناقصنا الطلح


جبريلا كان كده ما تشوف لينا طريقة نجي نتلم عليكم...

و أمان عليك الطلح علي...
Post: #6335
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-04-2010, 01:33 PM
Parent: #6333

يا جبريلا..
سبببك ألما داير تخلي ليهو المغرب أنا عارفو..
قال ناقصني الطلح قال..

أبوالزوز..
قلت لي محمد حسن ما بيعرف للصور..
قحه.. مش كدا..
عندك واحد فاتن بالتلفون هسي دي..

يا كحيل.. يا متألق..
دي حالتك تعبان..
الباصات عندك.. 
Post: #6336
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-04-2010, 01:43 PM
Parent: #6333

انت مش سالتنى , حسى عليك الله شايف ليك شلاليف هنا فى الصورة دى يا ابو الزوز ؟؟
سجم خشمك , اوعك تكون قايل الحاجة الوراهو السوداء دى , تكون قايلها تلفزيون
سعدت جدا بصورة البادى , اول مرة اشوف الزول اللذيذ ده
يمين ده لا (بادى ) ولا حاجة
ده منتهى عديييل يا اخ , عشان كده يالله يا الله يجيكم مرة فى السنة
وبعدين انتو البيقعد خالدة وابتهاج فى المطبخ شنو طالما احمد عوض بيغنى برة فى الصالة
آخر الزمان والله , عقداء يسفسفوا , ولواءات عديل جوة المطبخ , الدنيا اتقلبت يا جدعان
يمين بالله يا ود جبريل , بس ميزة قراية الجامعة المجانى دى , براها كفاية عشان نقول ليك خليك قبلك
لكن لو فى طريقة تباصرها , تحتفظ ببطاقة الأسكراتش بتاعتك , وتجى تعمل ليك نقاطة كويسة بى جاى , ومعاها بطاقة اسكراتش جديدة
مافى مانع ياخ
لو كان العرض احسن ماليا , وممكن تحتفظ بمزايا مراكش الجميلة , وقراية الوليدات المجانى
فى الحالة دى , انت كريم , ونحن بنستاهل ياخ

الرشيد بابكر
انعل ابو اى زول ما مشتاق ليك ياخ
بتوزع على تلاثة بس يا بخيل , ومال حق الحاجة وين ؟؟ اصبر كان كلمتها ليك وقلت ليها الحقى وليدك
لحسوهو ناس مدنى لمن ما فضلوا فيهو شى
ما اكون اسمى منصور



تليشة :-
ويعنى شنو لو نجاة حوفى قرت البوست ده , انا مالى ومالها
Post: #6337
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:50 PM
Parent: #6336

منص...وينك ياخي...
مالك قافل تلفونك اليوم...
مقلبتني عديل كده....
و الله ال 150 كيلو الأخيرة دي كان ما العربية عارفه الطريق...كان يا ضربت ليك شاحنة...
يا مرقتها في الدمام...
تاني ما تقفل تلفونك يومي السبت و الخميس...
Post: #6338
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 01:55 PM
Parent: #6337

حاتم جبارة كيف حالك ياخي...

قمت تتسحر و لا شنو...
حسة عليك الله الدومنيكانية دي نتعرف تعمل ليك الخشاف و لا الرقاق باللبن...
من لم يتسحر برقاق بلبن لا صيام له...
و من لم يفطر بعصيدة بملاح تقلية...
فلا ابتلت عروقة و لا ذهب ظمأه....
Post: #6341
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-04-2010, 02:19 PM
Parent: #6338

يا رشا..
أها الخشاف دا بكون لي زي عشرين سنه منو..
زولتك شابكاني زبادي تقيل في السحور..
وعلمتها زمان الفول.. والباميه المفروكه..
وبتظبط بسبسوسه.. اتعلمتها جديد في رمضان دا..
لكن لو اقول طباخه قدر كيف في الدومينيكاني تستغرب..

يا منص.. طلعت مش فاتن.. طلعت ومعاها كم فنانه كدا..
ذكرتني بمناسبه طنط أم الرشيد..
في واحده من الاجازات.. صحيت متأخر علي تسعه كدا..
وكان عندي مشوار مع محمد حسن..
اتصلت بيهو.. إنت وين..
قال موصل الحاجه الشغل..
خلا ص نزلها وتعال لي بي جاي..
خلصنا مشوارنا على حداشر ونص كدا..
أشوف صاحبك شق بواحد من شوارع الخرطوم موازي لشارع القصر..
وراح واقف مكتب بتاع إحصاء..
يا زول مالك..
لا بس دقايق نسوق الحاجه نوديها البيت..
يا زول خير..
لا ما خلصت الشغل..
شغل شنو يا زول.. أصلو امك جات تفطر وراجعه والا شنو..
حاكلمها..
كلمها.. هي عندها نفس تقول حاجه كمان.. قايلو بيهزر..
وحاتك ما ختت رجلها زي الناس في العربيه..
شفتي يا أمي حاتم قال شنو..
ما قلت..
Post: #6339
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-04-2010, 02:00 PM
Parent: #6337

بالله عليك
تكون ضربت لى وانا قاعد مع ناس الراجحى ديل
عاوزين ليهم سماد لى مشروع السودان الفى بربر
كرهونى الحياة ظاتها ياخ
اجتماع ور اجتماع , يقولوا ليك تعال لينا الساعة واحدة ونص يوم الخميس
تمشى ليهم يقولوا ليك الشيخ قام عليهو القولون وقال ليك تعال ليهو يوم السبت الساعة عشرة ونص
وحاتك مصلوب من السبت بعد الضهر , ما قابلتو الا السبت الليلة بعد الساعة اتناشر
تقول شنو , مجبور خادم الفكى على الصلاة


حاتم جبارة
وانا مالى ما بيضربوا لى تلفون
عليك الله كان ما قلت لى المقعد الزول ده فى مغارب الدنيا ديك شنو
انتو التنين بى صلعكم البتجهر دى , ما ظنيتكم بتجيبوها البر
الدومنيكان كيف يا معلم , الجيم شغال فى رمضان ولا عامل صايم ؟؟
Post: #6340
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 02:07 PM
Parent: #6339

ود الحلبية دة وكتين جاء داخل اخير لي امشي بهناك لي حفرة الدخان

يا رشا تعال والله اولادك ديل قرايتهم ملح سااااااااكت
بس طرد الطلح ما تنساهو


يا منص قالوا ضباط مطار الخرطوم اول ما يشوفوا كرتونة طلح ماشة السعودية
بيقول حا تجينا شافع
Post: #6342
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:22 PM
Parent: #6340

fatourramadan113sudan1sudan.jpg Hosting at Sudaneseonline.com



780.jpg Hosting at Sudaneseonline.com
Post: #6343
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:23 PM
Parent: #6342

781.jpg Hosting at Sudaneseonline.com
Post: #6344
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:24 PM
Parent: #6342

782.jpg Hosting at Sudaneseonline.com
Post: #6346
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:26 PM
Parent: #6344

785.jpg Hosting at Sudaneseonline.com
Post: #6347
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:27 PM
Parent: #6344

787.jpg Hosting at Sudaneseonline.com



أجمل صورة حتي الآن
Post: #6345
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:25 PM
Parent: #6342

784.jpg Hosting at Sudaneseonline.com
Post: #6348
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:33 PM
Parent: #6345

يا جبريلا يعني ما نتغي

796.jpg Hosting at Sudaneseonline.com
Post: #6349
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:33 PM
Parent: #6345

798.jpg Hosting at Sudaneseonline.com


التسليم والتسلم ... عابدين محمد زين
Post: #6350
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:34 PM
Parent: #6345

801.jpg Hosting at Sudaneseonline.com
Post: #6351
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 09-04-2010, 02:48 PM
Parent: #6340

رمضان كريم وسلام حار لاجدع ناس..
احر التعازى لمن فقد عزيز لديه..واحلى التهانى لكل المناسبات السعيدة..
معليش ما تزعلوا رمضان ومشاغل الحياة خلتنى لا متابعة ولا مستمتعة بس مشغولة شديد ..
اخص بالتهنيئة الرائع محمد عيد وانشاء الله العمر كله وعلى فكرة حاولت الاتصال عدة مرات بس لسوء حظى تلفونك كان مغلق.. وللاسف انا والفوتشوب اعداء( ما بلادة يعنى) ولولا ذلك كنت قمت باكبر احتفالية فى البوست انت تستحق الكثير يا عم مهند وامنية الهدية من القلب للقلب ولو ما كفاية رسل لى العنوان وبتاع الكورير يجيبها ليك لحدى عندك الله يخلى ليك الاولاد وامهم.

مبرووووووك لزقازيقاب السعودية قدوم اخو الاخوات الفنجرى الشملول الما مبدول ..دينموالزقازيق وصديقى ودفعتى
زهير الزناتى .. والله بختكم نحن غايتو عزانا الوحيد انه ممكن نشوفه اكثر من مرة فى السنة ... بس تعدى الستة شهور الاولى.. اكيد ما قصرتو ا كلكم..
منى وميسرة والنضيف وجدةكلها.. منصور وفافى حاج الركز والرياض كلها .. الدمام وسامى عبد الوهاب..
الله يخليينا كلنا لبعض..
بس يا زهير قطعت راس زوبة ... تانى تستلف باسوورد من منو
لكن برضو بقول ليكم يا ناس السعودية زهير الزناتى امانة فى رقبتكم..ابو الزوز ده قلبه مليان حنية.. ختوه فى عيونكم لما تجى بهجة والاولاد..
منصورالليلة من دون الايام فجاءة قريت اخر مداخلات..
ودمتم سالمين
Post: #6352
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:56 PM
Parent: #6351

حوفي يا صديقة شكراً علي الكلام الجميل .... وده من ذوقك ....

بس الكلام التحت ده صراحة عايز ليهو ترجمة

Quote: الشملول الما مبدول


الله يجيبك يا الكوتش محمد صديق ....


يا جماعة صراحة كده جلا ده شفقنا أختفي في ظروف غامضة .. أقترح الأتصال ببت شيخه لمعرفة التفاصيل ..


يا ناس السودان موسي عيسي طرفكم صباح اليوم .....
Post: #6353
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 02:57 PM
Parent: #6352

وغدا جولة أخري من الصور ...
Post: #6354
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-04-2010, 03:03 PM
Parent: #6351

الليله يا منص.. حوفي دي ناويالها على شيتن..
دمتم سالمين دي ما مريحه الليله..
تعرف مشينا الدومينيكان اسبوع واحد في يوليو..
لكن ما أغش عليك.. لو عندي رزمه بتاعه فلوسكاب ما بتكفي..
الا بس وجع الرقبه ما خلاني قادر أكتب..

جبريلا هوي.. قوم اشرب ليك مويه..
ليك يومين شغال تخرمج..
شي طلح وشي قطيعه محمد عيد..

هي فتكم بي عافيه..
ماشيين شوبينج..
Post: #6355
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 09-04-2010, 03:16 PM
Parent: #6354

يا زهير الشملول الما مبدول دى شافاها من منى عباس..( بس ما تقول لزول)..
انت يا حاتم حمامة وينك..
نيتى لمنصور دى خليها لبعد التراويح وقبل صلاة التهجج ذى ما بقول مهند..

دمتم سالمين
Post: #6356
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-04-2010, 03:20 PM
Parent: #6355

Quote: جبريلا هوي.. قوم اشرب ليك مويه..
ليك يومين شغال تخرمج..
شي طلح وشي قطيعه محمد عيد..


يعني انت كنت مقصر
Post: #6357
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-04-2010, 10:21 PM
Parent: #6356



يا ناس السودان وين الكوتش
Post: #6358
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-04-2010, 10:58 PM
Parent: #6357

Quote: يا ناس السودان وين الكوتش


يا أبو الزوز...يا مغترب...

الكوتش ده خبرو عندي أنا ما عند ناس السودان...

الكوتش عندو كسل رمضاني فقط...

حيث كسل من تجديد بطاقة الانترنت لذلك لا يشارك...

و لكنه وعد بالقيام بذلك صباح الغد و المشاركة فورا غدا...
Post: #6359
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-05-2010, 00:12 AM
Parent: #6358

ماشاء الله

ما يســحروكم ...

برررررراييين للطيش

انتو ما صايمين ؟؟!!
Post: #6360
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-05-2010, 01:42 AM
Parent: #6359

سلام يا اروع ناس
والله بدوكم عين
سايقين امجادات بلجملة دايرين ليكم رجل مرور
فاتنى المولد ده
لافة فى سوق امدرمان مع الشباب دخلت البيت الساعة وحده
بلرغم من انو امس كان فى مطرة ما عادية بس الزحمة فوق التصور
نانى يا حبيبة مشتاقين
يا بت الحنان بتاع الرشيد ده ما تنتظرى يقسم ليك شيلى كومك بيدك
يا منص طوالى واقع مع نانى بس هى عارفاك ما قاصد

زناتى مكنة المغترب لفقت معاك

يا جبريلا تعال الدمام البلد دى فيها حنية الزقازيق لو ما نفعت الرجع لنسايبك
سلام يا حاتم ويا عيد
Post: #6361
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-05-2010, 08:56 AM
Parent: #6360

رجعتو تانى لحركاتكم القديمة تقبلو الصفحة فى ليلة


وبعدين يا زهير الصور لا سمحة ولا حاجة ما عدا الريس معتصم جعفر
لحدى ما اعرف منو القال يدو ميسرة واحدة من ( القطع ) المرسلهم
خصيصا" لي انا ، شايف منتصر طه لابس نفس النقشة .

ودى كاميرا شنو يا برلوم لو ما ساكن نمرة 3 يعنى .....

،،،،،،،،،،،،،،



احييييي اليوم ده مالو طويل كده ....
Post: #6362
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-05-2010, 09:11 AM
Parent: #6360

صباح الهناء والسرور ...

أبوالزوز المغترب ما شاء الله عليك المكنة قسمت .. بعد ما تستلم الإقامة بعد العيد حاجات كتيرة حتتغير .. لكن خليك أصلي وما تتغير ...

منصور يا ود أمي بركة الشوفة .. خلاص إنت كدا عملت ماتشنغ للشخصية مع الصورة .. بعد كدا تعال نجك مع بعض حتى لو في لانكاوي ...

ود جبرين في المغرب العربي وودجبارة في الغرب الأمريكي .. ونستكم حلوة وطاعمة وظهوركم بيسعدنا كلنا .. لكن يا أخوان صوموا والجمجرة دي خلوها لي بعد العيد .. حاتم جبارة قلت لي ساكت وما عايز تتكلم .. ما مشكلة نخليك حسب الظروف ولكن لما العين تشوف العين بكون في كلام كتير خلاص ...

الحاج جلا وينو أكلو الدودو .. طبعا الحاج جلا كان شاني علي حملة إعلامية مغرضة وكان بيقول أنا ما ظاهر ودائما غائب من فعاليات ناس الداخل .. لكن من يوم ما شافني في وداع أبوالزوز كب الزوغة وبقى ما عندو موضوع .. تعال يا ود أمي المواضيع كتيرة .. ولو كنت أعلم إنه ظهوري حيسبب ليك مشكلة كان عملت نايم ...
Post: #6363
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-05-2010, 10:48 AM
Parent: #6362

Quote: حاتم جبارة قلت لي ساكت وما عايز تتكلم

البادي كيفنك
غايتو زولك دة حسب الشي الوصلني في الايميل مفروض يعمل كفارة لي صيامه دة
Post: #6364
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-05-2010, 10:52 AM
Parent: #6362

أي حاجة متعكم الله بيها بالخير

اليوم شوية حوامة كده في الشمس التي أجزم أنها تشرق و تغرب من هنا...
خلتني أطشش لدرجة ما عارف ده وقت مساكم الله بالخير و لا صبحكم الله بالخير...
وبعد كده خلاص ماشي البيت الدوام خلص...لكن قلت أعمل مداخلة الطريق...
و منها أتفقد الكوتش أشوفوا جاء و لا ما جاء...لقيتو ما جاء...
قلت و الله الكوتش ده من يوم ما اتفرغ لكتابة القصص بقى يعيشنا في أوهام..
على أي حال يعيشك يا كوتش...دي بالمغربي و لا التونسي...
بعمل لي كورس بتاع لغة مغربية عشان نلبي دعوة جبريلا و نمشي نستقر في المغرب...
ما يقوموا يقولوا لينا شرط النجاح في اللغة المغربية و لا حاجة...

أبو الزوز...اليوم الجماعة عصروك في الشغل و لا لسة عامله ليهم ماشي أطلع الاقامة..
أعمل حاسبك الناس ديل ضيافتهم يوم واحد بس...
ما يقوموا يرجعوك قبل ما يدقوا ليك الاقامة...
المشكلة ما مافي انك ترجع السودان..المشكلة ترجع بعد أقل من اسبوع..
و تقوم تغني ليهم (بتسألني أنا جاي ليه) بتاعت الهيلاهوب ديك...

أفتكر دي مداخلة ما بطالة...بتوصلني البيت...
Post: #6365
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-05-2010, 11:02 AM
Parent: #6364

الرشيد يعيشك دي بتاعة توانسة
ما تتصلح معانا ياخي
Post: #6367
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-05-2010, 11:10 AM
Parent: #6365

سلامات للجميع

موضوع الاقامه دي حسب علمي أن مامكن تطلع الا بعد العيد لانو حسب ما أتذكر أن هؤلاء الاعراب الكسالي لايعملون كثيرا في رمضان وعادة الأجازه تبدأ من الأيام دي لحدي بعد العيد ...يعني ياابوالزوز تحاول تستمتع وتملي نظرك من جوازك لانك ماحتشوفو قريب ثاني ...
Post: #6366
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-05-2010, 11:05 AM
Parent: #6362

شكرا للشباب على السؤال ...
حاتم جبارة ومحمد عيد وزينب التجاني والرشيد وميسرة وكل الحلوين ...

زوبة ... صورة مريم براها ... والله ختمت القرآن 4 مرات .... ولسه البطن "مكرضمة" ... كل يوم الدكتورة تقول ... الليله بينزل ... الليلة بتتحله ... وحاتكم لا رقنا لرمضان لا شفنا المولود ....


============================================
طارق جبريل طلح شنو ياخوي ... عاجباك حالتنا دي ....


============================================
ابو الزوز ... عافي منك ... وزعت مرتبك قبل الاقامة وقبل ماتقبضو كمان
خلى ود جبريل مع المغاربة .... عشان نكون من المحيط للخليج ...

سامي عدل البرفايل بتاعو ....
===============================================
البادي ياوجيه ...
النضيف بركة الحقت صيام العشرة الاواخر .... وخليت ساندونشات البيض ... وكمان مسلوق
Post: #6368
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-05-2010, 12:03 PM
Parent: #6366

جبريلا يا حبيب و الله أهلك ديل ما بفرز كلامهم أبدا...
كان عندنا جيران مغاربه نجاة متصاحبة عليهم...
كل ما يعزموني أعتذر باني مشغول...
قامت نجاة قالت ليك انت مالك كل ما يعزموك الناس ديل تعتذر...خجلتني معاهم ياخي..
قلت ليها و الله الا أمشي أشرب الشاي حقهم و أستئذن...
يعني أنا ما حأفهم منهم و لا حاجه...شن فايدة قعدتي معاهم..
علي أي حال أصبر علينا شوية لحدي ما نخلص الكورس...


ياسر نجيلة يا حليلك يا أخوي...مزنوووووووق
بقيت مداخلة في الأسبوع...
و المداخلة مقسمة زي عيش التوست...
و القسم الواحد ممحق زي وجبة الريجيم...
لا تغني و لا تسمن من جوع...
و لا من شوق زي شوقنا ليك ده...

وين جلا يا جماعة
Post: #6372
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 12:54 PM
Parent: #6368

14.gif Hosting at Sudaneseonline.com
Post: #6369
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-05-2010, 12:29 PM
Parent: #6366

والله فعلا يا جماعة , ابو الزوز ده حيرنا فى حنانا زاتو
نحن السناير القاعدين فى البلد دى ---- سنة , رمضان مبهدلنا بى محقة وكتو
الزول ده يجينا قبل يومين , يسك لينا الصفحة اربعة وستين دى جنس السك ده
على فكرة يا ابو الزوز , الرشيد على بعد اقل من ميتين كيلو منك , حاول انقز بى جوازك ده , واعمل ما فاهم
يمكن تظبط مع المواهيم ديل
احياااا منك يا حاتم جبارة , تمشى الدومنيكان اسبوع تمام وما تكلمنى , طيب الصور وين
البسبوسة الدومنيكانية دى , اوعى تكون برضو بسبوسة (اسبايسى )
يمين فى لانكاوى يا البادى , ضوقونى (شوكولاتة تشلى ) , لى هسى نفسى قائم
الناس بالليل لمن بيكونوا (بيتهججوا ) فى الصلاة , انا لغاية الساعة ديك بكون بمصمص فى حلقى من طعم الشوكولاتة ديك
نجاة حوفى , انا والله لا فاتن حمامة ولا حاجة , بس حاولت انتحل شخصية(قسمة وترباس)
انتى تستاهلى الكيمان كلها ,
زوبة اسمعى الكلام ده
خلى حوامة سوق امدرمان لمن تكون المطرة صابة
انا لمن تكون المطرة صابة , مقاسى زاتو بيزيد درجة درجتين
يعلم الله والالوان كمان تتلخبط على
زى لمن الواحد يغلط ويمشى يعمل شوبنج وهو صائم
فى الحالة دى , حايشترى الدايرو والما دايرو
عشان كده شايف ليك حاتم جبارة , ملا الواطة والتلاجة
وكان لى طارق جبريل
زولنا ده رايحة الأيام دى تكون رايحة ليهو عصيدة بى ملاح روب
تتفضلوا معانا ؟؟
حندووووكم
Post: #6370
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 12:43 PM
Parent: #6369

يا منص الخوفة من الرجعة بعدين الناس دي ممكن تخليك تتخارج ... إلا بعدين أشتغل مع الرشيد في محل عبد الله الهندي ...
Post: #6371
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-05-2010, 12:47 PM
Parent: #6369

يا منص انا رايحة لي حفرة دخان
Post: #6373
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 12:57 PM
Parent: #6371

295.JPG Hosting at Sudaneseonline.com
Post: #6374
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 12:58 PM
Parent: #6371

294.JPG Hosting at Sudaneseonline.com

ناصر عابدين
Post: #6375
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 12:59 PM
Parent: #6371

297.JPG Hosting at Sudaneseonline.com
Post: #6377
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:03 PM
Parent: #6375

298.JPG Hosting at Sudaneseonline.com



299.JPG Hosting at Sudaneseonline.com


301.JPG Hosting at Sudaneseonline.com
Post: #6376
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:00 PM
Parent: #6371

296.JPG Hosting at Sudaneseonline.com
Post: #6379
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:08 PM
Parent: #6376

305.JPG Hosting at Sudaneseonline.com



306.JPG Hosting at Sudaneseonline.com



307.JPG Hosting at Sudaneseonline.com
Post: #6378
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:06 PM
Parent: #6371

302.JPG Hosting at Sudaneseonline.com



303.JPG Hosting at Sudaneseonline.com



304.JPG Hosting at Sudaneseonline.com
Post: #6380
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:11 PM
Parent: #6378

1000.JPG Hosting at Sudaneseonline.com



2323.JPG Hosting at Sudaneseonline.com



يا جماعة بالله شوفوا الوقار الأكايديمي بتاع معاوية يحيي ده ...


صور البادي كلها هدية للمدعو جلا عشان يشوف البادي لمن يجي لازم يتألق ..
Post: #6381
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 01:14 PM
Parent: #6380

يلا اقلبوا الصفحة عشان نديكم طائفة أخري من الصور ... بالتفصيل الممل ...
Post: #6382
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-05-2010, 04:40 PM
Parent: #6381
Post: #6383
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-05-2010, 10:10 PM
Parent: #6382

سلامات يا ناس

ابو الونسة ذااااااتا.
Post: #6384
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-05-2010, 11:04 PM
Parent: #6383

خواتيــم مباركة

Quote: ابو الونسة ذااااااتا.
Post: #6385
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-05-2010, 11:25 PM
Parent: #6383

سلام يالحبايب

والله يازهير صور جميلة ورائعة روعة الناس اللى فيها.

بس مازلنا منتظرين صور منصور دى . فى كل مناسبة يجينا شايل الكاميرا وهاك يالقطات

وبعد داك يبلعة فى كاميرتو دى ومانشوف منها حاجة،، يامنص انا حاجيك فى البيت وانزلها .

بعدين يالرشيد ومنص انا مااقبل اى كلام فى محمد المرتضى مالو ،، وجييييه وشلاليفو كشت .

منتصر طه بقى لى يشبه تجار الكرين كدة مالو غير تخصصو ولة شنو ؟؟ .
Post: #6386
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-06-2010, 07:19 AM
Parent: #6385

صباح الهناء والسرور ...

ياسر نجيلة الله يحلكم بالسلامة ...

ود جبرين والله رمضان دا الله يخلصو على خير .. يا زول ما لك معانا خلينا نصوم اليومين الباقين لينا ديل وبعد العيد إنشاء الله تفتح البوست دا كباريه ...

يا ربي تجيب الحاج جلا وآخرون .. آميييييين
Post: #6387
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-06-2010, 09:48 AM
Parent: #6386

صبحكم الله بالخير

و صبحكم الله بالخير دي غتاتة مني ساكت في رمضان الحاااااار ده...
ما قلت ليك مساكم الله بالخير عشان ما تتكيفو و تفتكروا المغرب قرب...
لسه يوم طويييييل...
زوبا ضربت لي تلفون الساعة تسعة صباحا ريقه ناشق...
و صوتهت متهدج و حالتها بالبلا...
قلت ليها كيف الجو يا زوبا في السودان...
قالت لي و اللـــــه ما بطال...
أنا قلت من ما زوبا دي جرت والله دي...معناها بطاااااال...
بعد شوية ابتدت تأتي الاعترافات زرافات و وحدانا...
الرطوبة و الكتمة...
غايتو قبلكم و قبالكم...

شكرا يا زوبا على تلفونك الرائع...بالرغم من صوتك المتهدج...
Post: #6388
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 10:09 AM
Parent: #6387

Quote: و صبحكم الله بالخير دي غتاتة مني ساكت في رمضان الحاااااار ده...
ما قلت ليك مساكم الله بالخير عشان ما تتكيفو و تفتكروا المغرب قرب...
لسه يوم طويييييل...


مشتاقين يا حبيب ...

نسأل الله ان يعظم الاجر لنا جميعا ...

لكن بالفعل لأول مرة ومنذ سنين عديدة .. نحس بطعم رمضان الحقيقى

والذى اشتق اسمه من الرمضاء ...

وبالفعل تبدو جليا حكمة مشروعية فرضه على العباد ...

نسأل الله القبول لنا ولكم ولجميع المسلمين ...
Post: #6389
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-06-2010, 10:58 AM
Parent: #6388

حماده حبيبنا الشوق مطر...
تقبل الله صيامكم و قيامكم و جعلكم الله من عتقاء هذا الشهر....

حمادة تلفونك الجديد ده قدر ما فتشتو ما لقيتو..ما عارف خزنتو وين...
يا ربي في النيل الحصاحيصا و لا شنو (هاهاهاهاهاها)...
بالله رسلو لي في رسالة عشان ما يضيع مني تاني...

و الله يا حمادة بفضل الله علينا ما فطيت يوم في التراويح و التهجد...
أمبارح ليلة 27 دي استهدفتها ليك عديييييل كده...
و كنت خاتي ليها سبوتينق عديييل كده...
بيني و بينك يا حمادة تعبت عديل من السواقة...
و الأولاد ديل أبتدأو يشعروا بعدم وجودي و ابتدأت تؤثر فيهم...
قلت أنا ليلة سبعة و عشرين دي ما بخليها...
أها ظبطت لي تلاتة منبهات...واحد فوق راسي طوالي...
و اتنين فرقت بينهم حتى أقوم و أقفلهم بضربة واحدة...
و الله يا حمادة المنبهات دي ضربت لما سكتت و أنا لم أحرك ساكنا...
ما صحيت الا الساعة أربعة و نص صباحا...و لقيت نجاة ضربت لي خمسة مرات كمان..
قلت غايتو البركة في السحور و صلاة الفجر...
و الله يعوضنا ليها في ليلة 29...و الله يكضب الشينة...

يا حمادة لو حكيت لي زول الحكاية دي و قام قال ليك عسى أن تكرهو شيئا و هو خير لكم...
زي ده ترد عليهو تقول ليهو شنو...و لا تعضيهو وين...
Post: #6390
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-06-2010, 11:07 AM
Parent: #6389

سلام يا اهلنا

يا الرشيد اليام بالمنبهات دة دليل كُبر سااااااكت


يا البادي ياخي أُحل لكم الرفث في الليل
Post: #6391
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-06-2010, 11:33 AM
Parent: #6390

Quote: يا الرشيد اليام بالمنبهات دة دليل كُبر سااااااكت


يا جبريلا الحمد لله الما قلت قلت أدب ساكت...

القيام من غير منبهات ببقى قالو ليك يا جبريلا...
Post: #6392
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-06-2010, 12:52 PM
Parent: #6391

Quote: يا جبريلا الحمد لله الما قلت قلت أدب ساكت...



الله يقلعك
Post: #6393
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 01:41 PM
Parent: #6392


5135C522-E9C9-4D4D-9596-BBBFFAE0225C.jpg Hosting at Sudaneseonline.com


تــأنقت هذه الصفحة والصفحة التى سبقتها بظهور جميل وعلنى لاول مرة للحبيبين
..

البــادى النــور و عمر المهـــدى ابو T ]

Post: #6394
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-06-2010, 02:43 PM
Parent: #6393

محمد عيد يا سلام علي الشباب ... أولاً البادي مكمل الوجاهة .... وعمر المهدي التقيته في جدة أول مرة ماشاء الله الراجل لسع شباب .,..


سا جماعة عندي اقتراح نعين منص كبير مونساتية الزقازيق
Post: #6395
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 02:55 PM
Parent: #6393

Quote: حمادة تلفونك الجديد ده قدر ما فتشتو ما لقيتو..ما عارف خزنتو وين...
يا ربي في النيل الحصاحيصا و لا شنو


البعيد عن العين بعيد عن القلب ولا شنو ؟

عبــرك ارسل التحايا واحمل المنى .. الى نصفك الحلو ..

العزيزه .. الرقيقة .. ام مهند وامنية على كلماتها الرقيقة

وربنا انشاء الله يخليها ليك ويخليك ليها ويقر أعينكما بأبناءكما


&&&&&&&&&&&&&&&

يا اخوانا ... اخونا جــلا .. وعلى حسب معلومات استخبارية علمنا انه الآن فى شرقنا الحبيب

ويقال انه حصل على فتوى من مجلس الفتاوى فى الوطن العزيز ( ما عارف اسمو بالظبط )

الفتــوى تجيز لاخونا جلا الاعتكاف اواخر رمضان بســفح جبل توتيل .. وقد شوهد فى معتكفه منذ مساء الخميس الماضى

بالله لا تنسانا يا الشيخ مضــوى الجيبو قــوّى من صالح الدعوات
Post: #6396
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 02:55 PM
Parent: #6393

عفوا ..

دبّلـلت ...

الصيام وكده ...
Post: #6397
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 03:05 PM
Parent: #6396

Quote: سا جماعة عندي اقتراح نعين منص كبير مونساتية الزقازيق


أثنـــى ......

بل انه أفضل من يحرك المياه الساكنة .. سواء رمى فيها حجرا او قذفها بالراجمات ..

وهو احسن من يجزل الوصف فى جمال الاماكن والمواقع ..حتى لو كان يصف مطعما رديئا فى السوق الشعبى

وهو يغسل اكثر بياضا .. ويجعل الألوان ازهى واجمل ...

أخيرا .. عرفت من هو تــيرى الذى تغني له تلك المرأة فى ذلك الاعلان ..

" ولو ما جبت تــيرى .... بلاش العرس يا ريرى ...!
Post: #6398
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-06-2010, 06:31 PM
Parent: #6397

Quote: البعيد عن العين بعيد عن القلب ولا شنو ؟

عبــرك ارسل التحايا واحمل المنى .. الى نصفك الحلو ..

العزيزه .. الرقيقة .. ام مهند وامنية على كلماتها الرقيقة

وربنا انشاء الله يخليها ليك ويخليك ليها ويقر أعينكما بأبناءكما


يا حمادة انت ساكن جوه القلب و جوه العين...
رسل التلفون بطل........ (ما علي طريقة الخليجيين)....

تحياتك وصلت لأم مهند...و لك الشكر على كلماتك الطيبة...
و ربنا يحفظك و أم مصطفى و العيال...
Post: #6399
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-06-2010, 08:59 PM
Parent: #6398

تاني رجعنا لكسير التلج
Post: #6400
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-06-2010, 11:05 PM
Parent: #6399

Quote: تاني رجعنا لكسير التلج


نعمل شنو مع رمضان الحار ده يا مغترب...
Post: #6401
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-06-2010, 11:14 PM
Parent: #6400

سلامات يا ناس

مرور للسلام على المونساتية
Post: #6402
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-06-2010, 11:25 PM
Parent: #6401

Quote: تاني رجعنا لكسير التلج


يا كوتش ..

بالله .. كلــّم ابتهاج تحن على الزول ده ...

انشاء الله بى miss call ..!!
Post: #6403
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-06-2010, 11:34 PM
Parent: #6401

سلام يا شباب
كيفكم وكيف احوالكم
يا الرشيد بعد صوتى المتهدج لا نملك الا ان نقول اللهم تقبل صيامن وقيامنا
لما كنا فى الدمام قبل ما يجيها زهير
جات عمة عمر زيارة لحضور زواج غادة شقيقة عمر
صادفت شهر رمضان وكان الجو بارد جدا برد الدمام الما جربو الزناتى لسة
واليوم قصير الفطور خمسة الا تلت وفى نهاية الشهر كان 4ونص
الناس بيصحو الساعة 3 يكابسو فى المطبخ
بع\ اسبوعين رفضت انها تتم الشهر واصرت على الرجوع
لما سالناها قالت ماشة اصوم فى بلدى والايام الصمتهن هنا الا اقضيهن دة ما صيام
هسة صيامكم صيام واحنا صيامن صيام
اللهم عظم الاجر يا رب
وخواتيم مباركة
Post: #6404
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-07-2010, 09:37 AM
Parent: #6403

صباح الخير ،،، يا وجوه الخير

أصبحنا وأصبح الملك لله وحده،،،

سؤوال إنتو بتجيبوا الوقت من وين

أيام رمضان تتحول مؤسستنا إلى مؤسسة خيرية

لتوزيع الزكاة والعادة السنوية ،،، ولا يوجد موطئ قدم

في الردهات أو السلالم من أمة لا إله إلا الله ،،،،،،،

العمل full time ومساءً تراويح والذهاب إلى الأسواق وتهجد

وتكملة سوق والحضور قبل الآذان للسحور وصلاة الفجر والنوم صباحاً

والذهاب إلى المكتب الساعة العاشرة ما في وقت للنوم حتى ،،،،

بتسرقوا الوقت ده كيف ،،، قرأءت البوست صارت مشكلة

اليوم أقفلت البنوك وحمدنا الله على ذلك ،،،،،،

تقبل الله صيامكم وقيامكم .
Post: #6405
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 09-07-2010, 10:05 AM
Parent: #6404

سلام للجميع وكل عام وأنتم بخير
وصلتني هذه الرسالة من الأخ إسماعيل

ألأخ / عبدالحفيظ

تحياتى

مايلى البيانات المطلوبة بخصوص ألأسهم .والأخرى أرجوا شاكرا عمل بوست لها فى صفحة عناوين وهواتف ناس الزقازيق

(1) اسماعيل آدم سوميت 100 مائة سهم
(2) كوثر ابراهيم يونس 100 مائة سهم
(3) العناوين 1-2 بواسطة امل ابراهيم يونس ضرئب امدرمان العرضة
هاتف 120942078
...............................

اسماعيل آدم سوميت
تجارة شبرا - ادارة أعمال
دفعة 81
Master of accounting and Financial Management
X Bank Manager
الزوجة : مهندسة كوثر ابراهيم يونس
هندسة شبرا
دفعة 85
الاقامة : الولايات المتحدة الامريكية

[email protected]
Post: #6406
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-07-2010, 10:05 AM
Parent: #6404

ظهور البادي النور على السطح أسعدنا

لأني طاشي شبكة ولا أذكر شكل البادي يعني ممكن

أقابل الحاج جلا ويقول لي أنا البادي أصدق ،،،

حاولت أن أعمل لوحة بالفوتو شوب لظهور البادي

وعملت كذا مسوده ولكن لعدم وجود وقت لم أكمل العمل

واليوم أجد عمل المايستروا بتاعنا محمد عيد ،،،

ونستأذن لإقتباسها ونرحب بالظهور العلني للبادي النور

sudansudansudansudansudansudan37.jpg Hosting at Sudaneseonline.com
Post: #6407
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-07-2010, 10:37 AM
Parent: #6406

يا عبد الحفيظ كيفنك
ناس شبرا ديل مالهم جايين مكابسننا في الزقازيق
Post: #6408
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-07-2010, 10:46 AM
Parent: #6407

58329_1284782058086_1786171104_556784_6090359_n.jpg Hosting at Sudaneseonline.com

بشير خفة
Post: #6410
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-07-2010, 12:08 PM
Parent: #6408

28 رمضاااان
حولا ولا قوة الا بالله العظيم
الشىء ده ما انتهى عدييييل
يمين بالله لمن ما فهمنا حاجة
تعرفوا , امبارح ضحكت جنس ضحك
زميلنا فى فرع حائل و المهندس محمد صالح ابراهيم
من اولاد امروابة
من ما جيت من ماليزيا و يضرب لى بعد الضهر , ويقول لى عليك الله احكى لى عنها يا منصور
لمن الشغلة كترت و قلت ليهو يا زول بعد ده انا فترت , وحولتوا ليك لى بوست الزقازيق
انقروا الزول ده الليلة ما صبح الواطة مع ولدوا فى كوالا لامبور
انعل ابو الحكى ظاتو
جنس مونساتية , يا جماعة ما تخليكم (موضوعيين شوية ) !!!
Post: #6409
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-07-2010, 11:57 AM
Parent: #6406

نَاصِيَةٍ كَاذِبَةٍ خَاطِئَةٍ

تفسير جميل جداً يستحق منا جميعاً القراءة والتثقيف العلمي


في كتابه (وغداً عصر الإيمان) يقول الشيخ عبد المجيد الزنداني
بخصوص سورة العلق: كنت أقرأ دائما قول الله تعالى
( كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ ﴿١٥﴾ نَاصِيَةٍ كَاذِبَةٍ خَاطِئَةٍ ﴿١٦﴾ سوره العلق).

والناصية هي مقدمة الرأس وكنت أسأل نفسي وأقول يارب اكشف لي هذا المعنى ..
لماذا قلت ناصية كاذبة خاطئة؟
وتفكرت فيها وبقيت أكثر من عشر سنوات وأنا في حيرة أرجع إلى كتب التفسير
فأجد المفسرين يقولون : المراد ليست ناصية كاذبة وإنما المراد معنى مجازي
وليس حقيقيا فالناصية هي مقدمة الرأس لذلك أطلق عليها صفة الكذب
(في حين أن المقصود صاحبها) . واستمرت لدي الحيرة
إلى أن يسر الله لي بحثا عن الناصية قدمه عالم كندي
( وكان ذلك في مؤتمر طبي عقد في القاهرة )

قال فيه : منذ خمسين سنة فقط
تأكد لنا أن جزء المخ الذي تحت الجبهة مباشرة "الناصية" هو المسؤول عن
الكذب والخطأ وانه مصدر اتخاذ القرارات
sudansudansudansudansudansudansudansudansudansudan39.jpg Hosting at Sudaneseonline.com

فلو قطع هذا الجزء من المخ الذي يقع تحت العظمة مباشرة فإن صاحبه لا تكون
له إرادة مستقلة ولا يستطيع أن يختار ... ولأنها مكان الاختيار قال الله تعالى :
(لنسفعا بالناصية) أي نأخذه ونحرقه بجريرته ... وبعد أن تقدم العلم أشواطا
وجدوا أن هذا الجزء من الناصية في الحيوانات ضعيف وصغير
(بحيث لايملك القدرة على قيادتها وتوجيهها) وإلى هذا
يشير المولى سبحانه وتعالى:
(ما من دابة إلا هو آخذ بناصيتها) ...

وجاء في الحديث الشريف : "اللهم إني عبدك ابن عبدك ابن أمتك ناصيتي بيدك".
ولحكمة إلاهيه شرع الله أن تسجد هذه الناصية وأن تطأطئ له...
Post: #6411
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:14 PM
Parent: #6409

327.JPG Hosting at Sudaneseonline.com



326.JPG Hosting at Sudaneseonline.com



325.JPG Hosting at Sudaneseonline.com
Post: #6412
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:19 PM
Parent: #6411

328.JPG Hosting at Sudaneseonline.com



329.JPG Hosting at Sudaneseonline.com



330.JPG Hosting at Sudaneseonline.com



الحاج (عشي) ابو عشة .... متواجد في العمرة هذه الأيام
Post: #6413
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:22 PM
Parent: #6412

331.JPG Hosting at Sudaneseonline.com



عايزين تعليق من الرشيد و منصور و محمد عيد ويا ريت لو جا جلا
Post: #6414
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:23 PM
Parent: #6412

333.JPG Hosting at Sudaneseonline.com



منتصر ده بس حبوبة
Post: #6415
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:24 PM
Parent: #6412

332.JPG Hosting at Sudaneseonline.com



زملان كار واحد بس مبارك جادين بفرمالة وحيدة
Post: #6416
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:25 PM
Parent: #6412

337.JPG Hosting at Sudaneseonline.com




الشاي ... الشاي ... الشاي

كره ليك ابتهاج اعلانات الغزالتين زاتو
Post: #6417
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:28 PM
Parent: #6416

335.JPG Hosting at Sudaneseonline.com



ناصر عابدين الجابك مع شرامة تجارة ديل شنو ... ؟؟؟؟
Post: #6419
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:30 PM
Parent: #6417

338.JPG Hosting at Sudaneseonline.com



يا فاتن حمامة صاحبك ده بيضحك كده مالو ..؟؟؟؟ امشي كلمه كمان من أمبارح باقي لي في حلقي ...
Post: #6420
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:31 PM
Parent: #6417

340.JPG Hosting at Sudaneseonline.com



ده اسمه لقاء العمالقة ...
Post: #6418
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-07-2010, 12:28 PM
Parent: #6409

آآآآآآآه مساكم الله بالخير...
نعسان بي شكل...قلت أجي أسلم عليكم بعد يوم عمل سلبة...
و الآن شوية دردشة معاكم و دقسة خفيفة كده لحدي الأذان بس...

يا ريس شكرا على المعلومات الطيبة بخصوص الناصية...أفادك الله و شيخ الزنداني..
الحمد لله قطعتي بتاعت الفاتح ما ناصية...

يا منص قلت لي الراجل صبح الواطه في كوالمبور...
أوع تجي تنق لي بالموضوع داك و لا تخليني أقرأ ليهو بوست...
عشان ما أصبح الواطه في أركويت (أركويت بتاعت الشرق يا لبيب)...

1-2-3 تلاته مقاطع افتكر كفاية عليكم...مداخلة خفيفة و لفيفة تنفع لي الوقت ده..
Post: #6421
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-07-2010, 12:32 PM
Parent: #6418

يا الرشيد عليك الله ما حارقاك دخول المصريين لي مشروع الجزيرة دة
Post: #6422
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:35 PM
Parent: #6421

طارق جبريل ... المصريين ديل ما من زمان في السودان ... والدليل آلولو ...

والله الجماعة ديل تبارهوم ... إلا تلقوا السودان ده بعد فترة بقي ... الأمم المتحدة ...


يا الرشيد ....صاحبك محمد المرتضي ده ما شايفو متالق كيف
Post: #6424
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-07-2010, 12:36 PM
Parent: #6422

يا الزناتي والله انا مفكر جادي ابيع حقي في السودان واقطع وشي

ناسك ديل حا يبيعوهوا حا يبيعوهوا
Post: #6423
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:35 PM
Parent: #6418

341.JPG Hosting at Sudaneseonline.com


لمه في الزقازيق
Post: #6425
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:39 PM
Parent: #6423

يا جبريلا ... في شركات من عدة جنسيات أشترت في مشروع الجزيرة ما المصريين براهم ... اعلنوا الموضوع ده في الوقت ده بالون أختبار بأعتبار إنه المصريين هم الأقرب للسودانيين ... ويجسوا بيهم النبض ...
للأسف يا جبريلا ما في زول بقي عنده حق في البلد دي ...
Post: #6426
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:40 PM
Parent: #6423

fatour_ramadan_069.jpg Hosting at Sudaneseonline.com



عابدين ومصطفي عجب سيدو ... ضحك شديد .. في واحد فيهم قاعد يكضب للتاني ..
Post: #6427
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:45 PM
Parent: #6426

344.JPG Hosting at Sudaneseonline.com



هل تجوز الصلاة بالتي شيرت
Post: #6428
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:47 PM
Parent: #6427

345.JPG Hosting at Sudaneseonline.com



حرماًُ يا طارق حسن عبيد
Post: #6429
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-07-2010, 12:47 PM
Parent: #6427

الله يستر من الجايي يا ابو الزوز
Post: #6430
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:52 PM
Parent: #6429

346.JPG Hosting at Sudaneseonline.com



علق صديق الصادق ... إنه الجماعة ديل ما فيهم زول تنطبق عليهو شروط الإمامة (معاوية ، عبده ، محمد حسن ، محمد المرتضي) ...
Post: #6431
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 12:54 PM
Parent: #6430

347.JPG Hosting at Sudaneseonline.com



ختام الصور .... صورة معبرة للتطبيع بين جلا والبادي ...
Post: #6432
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-07-2010, 01:02 PM
Parent: #6431

ابو الزوز

الله يديك العافية ...

تغطية صحفية متميزة ..

فعلا زى ما قال الكوتش .. غايتو بختنا ناس السعودية

فعلا سجلنا محترف لا يشق له غبار ...

قلت لى يا جلا .... منو ...؟

بويــــا ...؟؟
Post: #6433
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-07-2010, 01:12 PM
Parent: #6432

AA91A524B0473540E62A24B97CFD34.jpg Hosting at Sudaneseonline.com
Post: #6436
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-07-2010, 01:32 PM
Parent: #6433

وعد منى , اديكم يوم كامل فى اجازة العيد الجاى ده
اتعلم ليكم نزيل الصور
انت يا ابو الزوز مش معيد معانا ؟؟
بى كده يكونوا معاى ابو الزوز وحاج الركز والبت عفاف
ديل يبقوا معلمين مباشرين مع احمد ولدى وايثار بتى
بالتلفون ممكن نستعين بعبد الدائم النضيف , عشان نحفظ ليهو حقوا فى انو اول واحد حاول يجتهد معاى فى الحتة دى
ومحمد عيد باعتباره (فوتو شوبر محترف ) , طارق جبريل بيكون قائد الفرقة لأنو فات الكبار والقدروا وقاعد ياكل منها عيش عدييييل
الرشيد عفيناهو , باعتباره بيكون فى الوكت داك مشغول بتقسيم الحنان لى تلاتة
(لو حنانك بقى تمانية مثلا ولا عشرة يا رش , حاتقسموا كيف , علما بأن حاصل القسمة ما بيقبل يكون فيهو بواقى )
الريس ميسرة برضو عفيناهو , لأنو اكيد بيكون مشغول بى ضيوف السودان , لكن لو ادانا واحدة من (المحسنتين )
على الأقل (البتعرف تنزل صور فيهن ) , يكون عيدنا عيدين
تعرفوا من الصباح الليلة , مشتهى جلال واحمد اسماعيل
التانى ده , ما وقع فى عينكم يا جماعة , فتشوهو
ولا مشتاق لى محمد المرتضى و لافاقدين جلا
احمد عوض ده قعد قبلو ولا شنو
عيدكم سعيد قبل الزحمة
وعشان فروق الوكت كمان , وللضمان كده , كل سنة وانتو طيبين يا حاتم جبارة وطارق جبريل
Post: #6434
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-07-2010, 01:18 PM
Parent: #6432

نهاراتكم بالهناء والسرور ...

أبوالزوز والله مشتاقين ليك .. ومشتاقين لسماع صوتك الحنين عبر الشبكات السودانية .. الصور كانت جميلة ومعبرة تماما عن المتعة في لمات الزقازيق الطاعمة ...

جلا دا تاني خليهو يشوف ليه بلد تاني أبعد من الدمازين ...

محمد عيد الله يديك العافية على الترحيب والشغل النضيف على الفوتوشوب .. كدا نحن صورة وقلم وإنشاء الله نقابلكم في ساعات خير ...

الريس ميسرة تشكرات على الترحيب الرئاسي بالرغم من ضيق وقتك .. طبعا أنا شفتك في الزقازيق كتير لكن إنت ما بتتذكر .. ويا قلبي سيبو سيبو...
Post: #6435
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-07-2010, 01:32 PM
Parent: #6434

Quote: عايزين تعليق من الرشيد و منصور و محمد عيد ويا ريت لو جا جلا


990.jpg Hosting at Sudaneseonline.com


مرتضى : والله يا كوتش .. انحنا الاغتراب ده ابيناهو زماااااااان

لكن صاحبك زهير ده خلى بالك بس داير يتوب ساى ويعمل عمره

قام عملها سبب ..!!!
Post: #6437
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-07-2010, 01:38 PM
Parent: #6435


Quote:
991.jpg Hosting at Sudaneseonline.com



عبده مضوى ومعاوية ومحمد المرتضى ... والامام عبده مضوى

الحكاية شنو يا ابو الزوز ..

دى الصحوة الدينية ..

ولا بلدا" ما فيها آآآآآآآس ؟؟
Post: #6438
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-07-2010, 05:39 PM
Parent: #6437

Quote: يا الرشيد عليك الله ما حارقاك دخول المصريين لي مشروع الجزيرة دة


جبريلا...أنا طبعا اشتغلت في مشروع الجزيرة...
مع شركات كانت تقوم برش مبيدات الحشائش قبل زراعة القطن...
و من بعد ذلك في جمعية أبو زمام الزراعية في شمال الجزيرة...
و أكاد أكون تجولت فيه من المناقل و حتى أبو قوتة و الباقير شمالا...
و رغم ان المشروع كان ينهار بطريقة تقطع القلب بسبب ضعف الادارات المتعاقبة...
و أسباب أخرى يطول الحديث عنها...
الا أنه صمد في وجه الانتهازيون الجدد...
و جاء رجال مخلصون حاولوا جاهدين انقاذ المشروع و تطويره و تطوير انسانه...
و أنا أشهد لبروفيسور قنيف بذلك...
الا أنهم فشلوا فشلا زريعا بسبب انشغال الحكومة بقضايا أخرى أقل أهمية...
السباق المحموم نحو الخصخصة غير المدروسة...و نحو تحقيق أغراض قل ما توصف بها أنها شخصية...
أدى الى التضحية بمشروع استراتيجي و حيوي...
مشروع يشغل تلت سكان السودان و يفتح بيوتهم و يعلم أبناءهم...
مشروع كان بالامكان أن يجعل السودان يأكل حقا مما يزرع...
لو أنفقت علية الحكومة ربع ما تنفقة على أشياء أخرى....
أقول هذا و أنا لا أملك كل تفاصيل الحقيقة...
و لكن تبقى حقيقة واحدة...
ان الآثار التي ستترتب على بيع مشروع الجزيرة...
ستكون آثار كارتية بكل معنى الكلمة...
على انسان الجزيرة و انسان السودان...
على مدن الجزيرة و حتى الخرطوم التي ستمتليء بالباحثين عن الرزق الحلال...
و غير الحلال ان دعا الأمر...
Post: #6439
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-07-2010, 05:50 PM
Parent: #6438



مرتضى...أنا أنا ...أنا ده حسه شين عليك الله شين يا كوتش زي ما بيقولو العجايز بتاعين الرياض و الامارات ديل...

الكوتش بديلوماسية...و الله يا مرتضى ما عارف أقول ليك شنو...لكن قميصك أنيق...
Post: #6440
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-07-2010, 06:22 PM
Parent: #6439



يا جماعة الامامة دي ما بالشهادات...
الامامة بالتقوى و الأقدمية...
كابتن فريق المساكن يقود المصلين...
ناقصة جمال مصطفى بس...
غايتو أقول ليكم شنو غير...
تقبل الله...
Post: #6441
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-08-2010, 06:55 AM
Parent: #6440

صباح الهناء والسرور ...

كل سنة وإنتم جميعا بألف خير .. وربنا يحقق أمنياتنا جميعا .. وربنا يتقبل مننا ومنكم صالح الأعمال ...

دي تهنئة العيد قبل الزحمة وكمان عندنا اليوم آخر يوم عمل وإنشاء الله العودة يوم الإثنين ...

عايزين بعد العيد عودة قوية لكل الغائبين والغائبات .. وتعالو شوفو الحاج جلا بعد العيد بالنيو لوك ...
Post: #6442
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-08-2010, 07:35 AM
Parent: #6441

التهنئة بالعيد السعيد
وتقبل الله صيامكم وقيامكم
وكل عام وانتم بخير


يا الرشيد يا عزيزي الرجاء الكتابة بالتفصيل الممل عن كارثةبيع مشروع الجزيرة
Post: #6443
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-08-2010, 09:37 AM
Parent: #6442

صبحكم الله بالخير

ضربة استباقية...لأني حأكون شغال حتى اعلان العيد أو عدمه...فان أعلن العيد غدا
ياني الحأكون مسافر طول الليل...و ان كان بعد غدا فسأتحرك صباح الخميس..
لذلك في كل الأحوال و مع زحمة أيام ما قبل العيد...

لكم مني أجمل التهاني و التبريكات بمناسبة عيد الفطر المبارك أعاده الله علينا
و عليكم و على الأمة الاسلامية و على السودان بالخير و اليمن و البركات...
و أن يعيده الله علينا و عليكم و كل أمنياتكم الشخصية و الوطنية و قد تحققت...
و أن يكون السودان موحدا و متحدا...بلد واحد آمن..خيره وافر..و انسانه منعم
و متعلم و متمتع بالصحة و العافية و شبعان و تريان و مؤمن وواعي و غيور و مقدام...
Post: #6444
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-08-2010, 10:35 AM
Parent: #6443

كل سنة والجميع بخير يا شباب
طبعا نحن مع الفلاتة حقننا ديل
ممكن عادي يجرونا لي يوم السبت
Post: #6445
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-08-2010, 11:32 AM
Parent: #6444

كووولللكم كده , وبى صمة خشمكم
كل سنة وانتو طيبين
السنة الجاية ان شاء الله تامين ولامين
ومافيكم زول ناقص
العيد ده , زى الجا فجاة كدة مالو يا جماعة
احساس عيد نهائى ما عندى
يا ربى بيجى مع صلاة العيد ؟؟؟
Post: #6446
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-08-2010, 11:46 AM
Parent: #6445

الريس ميسرة ... موضوع الناصية والله مفيد جدا ... كنا فاهمين غير كده ... جزاك الله خير ....

زوبة بعد ماخلصنا سورة مريم 100 مرة مافي سور مساعده اخري ... عاوزين نخلص من "الهنضبة" دي ... طواري ... يحلنا الحل موسي عيسي ... انتو احمد اسماعيل وبن ...

sudansudansudansudansudansudan38.jpg Hosting at Sudaneseonline.com



... الناس كلها في السودان .... غاطسة .... وزهير جه قالع .... صور روعة يازهير وفعلا نشتاق ان نري زملاءنا القدامي بشكلهم الجديد ... تصور طارق حسن عبيد ... اشوف في الصور والاسم طار لي لحدي ماذكرته وعادت معه كل الذكريات الجميلة الاخري ...


رشيد القوم ومبارك جادين .... مشروع الجزيرة براهو ... نحن شعب اثبتنا اننا لانملك "حكمة" تسيير امورنا ... خلو ياجرو السودان كلو ويقسمونا على باقي الدول ... حتي خلافاتنا السياسية والحزبية ليس في مصلحة المواطن السوداني والوطن ... وجاية مصيبة اكبر " استفتاء على تقسيم السودان" ... الدول الآن في طور التكل الجغرافي والاقتصادي ... ونحن نفتش للشتات ... لمصلحة من هذا الاستفتاء لتقسيم السودان ... غير مصلحة الحزبين طرفي الاتفاق ... والوطن والمواطن اخر من فكرو فيه في ظل المكاسب الحزبية؟؟؟؟

ااااااااااااااااااه ياوطن .... خلونا في .....

sudansudansudansudansudansudansudansudan37.jpg Hosting at Sudaneseonline.com


... ودي لحدي مانتقابل ....

sudansudansudansudan142.jpg Hosting at Sudaneseonline.com



و .....

sudansudansudansudansudansudansudansudan.GIF Hosting at Sudaneseonline.com




وان شاء الله العيد يجي بعد صلاة العيد ... وما يكون فجأة ... عشان مايخلع عمو منصور .....

وين الصور ياخ ....
Post: #6447
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-08-2010, 11:49 AM
Parent: #6444

العيد علينا وعليكم مبارك

وتعود الايام بالخير واليمن والبركات

والسنة الجاية تامين ولامين

ومزيد من المغتربين

ويا زهير شفت الناس اللفى الصور ديل لازمك
السنة الجاية لما تنزل الاجازة ( لو ما حمووك )
كل واحد جلابية ولمرتو تــوب

بالله نزل لناس السودان صورة ( السيارة ) الماخمج


وعيدية خاصة من مولانا عادل الحسين يرسلها اليكم عبر اتصال هاتفى
طوووويل ، وبعد العيد يا مولانا انشاء الله معانا
Post: #6448
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 09-08-2010, 01:31 PM
Parent: #6447

ميسرة سيد احمد
Quote: والناصية هي مقدمة الرأس وكنت أسأل نفسي وأقول يارب اكشف لي هذا المعنى ..
لماذا قلت ناصية كاذبة خاطئة؟

يا سلام عليك ياخ يديك العافية ياطيب
.
.
. عبد الدايم والزاتي
عملتوها ظاهرة ورحلتو الزول الرياض زي الفلاشا
وانا حلات مجهز الاوضة والسرير ومفرش الملايات
Post: #6449
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-08-2010, 01:57 PM
Parent: #6448

يا ولي سلامات والله متلومين معاك ....

قضيت في جدة ساعات بس ... ولم أزر أي إنسان ... ولكن لومك بي إنشاء الله في اول حضور لي لجدة سأكون في زيارتك ... وشكراً علي الإهتمام والمتابعة ...



النضيف .... أجازة من اول سنة مافي عشان ما تكون عارف ... ثانياً الإجازة الثانية ماشي الزقازيق امتحن الماجستير ... الأجازة الثالثة ماشي المالدليف عندي ود خالتي غائب هناك ليهو زي 30 سنة ماشي أشوف خبره ... الأجازة الرابعة بكون بدفع في تكاليف الأجازتين الفاتو ... الاجازة الخامسة نص الناس الفي الصور يكونوا هجروا السودان الشقيق لدول أخري ومنافي بعيدة ... والنص التاني بيكون نصهم نزل المعاش ومحتاجين يحسنوا علاقتهم مع ربهم ... أجيب لكل زول مصحف وطاقية لزوم الصلاة في الجامع .. والنص التاني اللسه في رقشة .. حا أجيب ليهم ديك الريحة الما خمج وحتي أسأل منها الكوتش محمد صديق ...
Post: #6450
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-08-2010, 02:19 PM
Parent: #6449

184AB97F-186A-41E6-B898-956430D3F074.jpg Hosting at Sudaneseonline.com
Post: #6451
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-08-2010, 02:28 PM
Parent: #6450

هوي يا ناس رمضان ده مالكم مستعجلين عليهو كده ... يمكن العيد ده يكون لي يوم الجمعة علي العموم


كل عام وأنتم بخير للجميع .. في الداخل والخارج ....
Post: #6452
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-08-2010, 03:07 PM
Parent: #6451


Quote: هوي يا ناس رمضان ده مالكم مستعجلين عليهو كده


انحنا هينيــن ...

زولك الحاج الســرى داك مرقها من اول اسبوع قال دخل فى العظم

وهســـه ليهو اسبوع معـــيّد فى كسلا .. !!

انا خايفو يكون ضــبح ...!
Post: #6453
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-08-2010, 03:27 PM
Parent: #6450

السلام عليكم ياإهل الخير المليانين بالطيبة والإلفة والمحبة والمحنة كمان
عدنا وشوقنا بحر غريق غلب عوامينو بعد إستجمام كارب في الوطن مع الأهل والأحباب
والوالدين ربنا يحسن إليهم ويلبسهم ثوب الصحة والعافية
نسأل الله واسع الرحمة والمغفرة لكل الزقازيقاب الذين توفاهم الله وواسع الرحمة
والمغفرة لكل المتوفين من أقارب الزقازيقاب ونسأله جلا وعلا أن يشفي الأخ
علي عبد المعروف ويبعد عنه كل مايؤذيه,
Post: #6454
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-08-2010, 03:33 PM
Parent: #6453

عييييييييك
احمد اسماعيل كيفنك ياخي
Post: #6455
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-08-2010, 03:54 PM
Parent: #6450

لأخ العزيز عبد الدائم بعد الشر عليك والله سبحان الله
أليس أنت والأخ زهير وبعض الإخوة لكم حظ الأسد من هم
علاج الأخ علي عبد المعروف إن شاء الله لا بأس عليك أجر وحسنة

أشكر كل الإخوة الذين سألوا عنا يسأل عنهم الخير
الأخ منصور والله إشتقت لحكاويك الطاعمة وبدأت أنهل بنهم من
الوصف الجميل لماليزيا شاعرنا الكبير نجيلة يسأل عنك كل الخير
وأهل الخير
Post: #6456
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-08-2010, 04:04 PM
Parent: #6455

الإخوة ويرداب بوست الزقازيق ماقصّرتوا وإن شاء الله تامين
ولامين ومبدعين كعهدنا بكم

الأخ أبو الزوز والله فاتنا الشيء الكثير لعدم حضوري مع الإخوة
بالرياض للإحتفال بمقدمكم نسأل الله أن يطيب لك المقام بالدمام
وبالتوفيق إن شاء الله .
Post: #6457
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-08-2010, 04:14 PM
Parent: #6456


بمناسبة عيد الفطر المبارك أقدم لجميع الزقازيقاب أسمى آيات
التهاني والتبريكات داعي المولى عز وجل أن يتقبل منا جميعا
الصيام والقيام وصالح الأعمال وأن يعيده علينا وعلى الأمة الإسلامية
في أحسن حال والسودان بلد واحد موحد عزيز ينعم بالخير الوفير
والأمن والصحة والتعليم والعدل والمساواة

وكـل عـام وأنـتـم بخـير
Post: #6458
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-09-2010, 09:32 AM
Parent: #6457

ياود جبريل إني أحمد الله زرت الوالد والوالدة
نسأل الله الرحمة والمغفرة لوالدتك وإن شاء الله
جزاها يكون الفردوس الأعلى
قايتو قدر ماصرفت علشان أحبب السودان لأولادي يفتح الله
مازال الفاقد المعنوي للعيال كما هو والزاد الطين بلة
إنشغال الأهل بظروفهم الحياتية عنهم.
يامنصور خذنا معك الإجازة الجاية إن شاء الله جزر الوغواغ
Post: #6459
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-09-2010, 01:05 PM
Parent: #6458

مراحب الوف بى عودة ابو عمر احمد اسماعيل
ربنا يحفظ الوالدين الأحياء , ويرحم اباءنا وامهاتنا المتوفين
وعيد سعيد للكل
اشاراتك عن اجازة السودان ومجهودك نجو تحبيبه للأولاد, لو اصابت او ضلت الطريق
بالتضامن مع اجازات ابو الزوز الجاية , الما فيها سيرة لى سودان الجن ده
احزنتنى , مع انى عارفها فى حنانى , وقاعد انفذ فيها عمليا
عيدكم مبارك , ابو الزوز من المفترض ان يكون وصل الرياض فجر اليوم
ضمنا عيدنا , وضمنا حصة تعليم تنزيل الصور
الرشيد وصلت , ولا لسه ازح فى الطريق ؟؟
طارق جبريل , عيدتو ولا لى السبت يا فلاتة يا بيض
حاتم جبارة عيد الدومنيكان كيق مع الكعك السبايسى ؟؟
محمد عيد , جانا العيد , وانت بعيد , مشتاقين ليك جد جد والله , سلم لى على دعاء ومصطفى وامهم
ياسر نجيلة , انعل ابو طلحكم ياخ , ربنا يحلكم بالسلامة
ياربى موسى عيسى ده ما وصل لسه ؟؟
معتصم حعفر يا ريس , مشتاقين ليك فى البورد
البادى , الأجازة ما عندكم
محمد صديق يا عقيد , حاسب على اللواء الجنبك , سلامى لأفراد الفرقة الصغار
زينب التيجانى , عيدك مبارك وانتى وعائلتك الكبيرة و سلام لى عمر ومحاسن الصغيرة والكبيرة
وسلام خاص وعيد اخص لى والد ووالدة عمر , اما احمد فعيدى ليهو انتى وقولى ليهو دى من (خالك منصور )
نجاة حوفى , مين ادك , الحنان الما بيقبل القسمة على تلاتة كللللو معاك , عيدك بحلاوة امنية ومهند , بوسيهم لى الحلوين ديل
عمر تى , عدت يا عيدى بدون زهور , وين قمرنا , وين البدور , غابو عنى
امبراطورية ميم , ضاعت خطط العيد معاكم , ولكن الأعياد جاية , سلامى لكل افراد اسرتكم , واخوانك زاخوان منى يونس
وعيدكم زى العسل ان شاء الله
سامى عبد الوهاب , يا ربى ما بتعيد فى الرياض
البت القهوة عفاف , العيد كيف ؟؟
حاج الركز , انت متأكد انك ما سرقت باسويرد عفاف , مما الزول ده دخل علينا , عفاف امتنعت
عبد الدائم النضيف , تصدق آخر مرة سمعت الايبود كانت فى ماليزيا , يادوب طلعتو من مخبأه وقاعد المع فيهو
يا ربى نبد بى منو
الى الغائبين , شوش , نورة كرم الله , عصام دهب , سناء الصباغ, ياسر شبيكة , عمر بسكو , مصطفى العجب سيدو , دكتور سيف النصر , دكتور الصادق , محمد المرتضى , عمر نملة , كمال الشادى , عبد الحفيظ عباس , الريس معتصم , عرفة محمد سعيد , اخلاص محمد احمد, صفية مساعد
صباحاتكم جميعا بيض , كوللكم والى كذلك من نسيت و عيدكم مبارك , ديارك حلوة ارجع ليها, دى دار الغربة , ما بترحم
Post: #6460
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 09-09-2010, 01:07 PM
Parent: #6458

كل عام و انتم بخير أعاده الله علينا
و عليكم بالخير و اليمن و البركات و
تقبل الله منّا و منكم الطاعات صالح الاعمال
وربنا يحقق الاماني والشكر لكل المبدعين
الذين يضفون على دنيانا الالق والبهجه والسرور

ابوعمر عودا حميدا مستطاب
لكم جميعا مودتي وامنياتي بالخير
Post: #6461
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-09-2010, 01:40 PM
Parent: #6460

eidf002sudan1sudan.jpg Hosting at Sudaneseonline.com

when eids sun will rise I will have for u zagazigap surprize
alot of love will shine in my eyes

Eid Mubarak

mohsina maysara said ahmed Email:[email protected]
Post: #6462
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-09-2010, 07:32 PM
Parent: #6461

أحر التهاني بالعيد السعيد..
ربنا يعيده عليكم وانتو مبسوطين..
ويحقق كل مرادكم.. آمين..
Post: #6463
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-09-2010, 09:23 PM
Parent: #6462

سلام يا ناس
اول مرة تحصل
حا نعيدمعاكم
المغاربة ديل يكونوا جنوا يا ربي
يا ناس الرياض والله حاسدكم علي ابو الزوز
يا جماعة كمال الشادي قولوا ليه العيد الجاب الناس...
طبعا الواحد هس مفتقد الكعكي
وحومة بعد الصلاة ديك
ودخول بيوت الجيران ومباركة العيد للاهل بعد الفطور
يا جماعة الوضع دة حا يستمر كدة لي متين
نموت بي شوقنا ولا شنو
ياخي اتذكرت ناس البيت بينضفوا
وانا ناصر اخوي بنضرب بهية في باب الشارع
ياخي والله الواحد مدبرس عدييييييييييل
Post: #6464
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-09-2010, 11:05 PM
Parent: #6463

يا جبريل والله اخر يوم انتهى من اخوك
مرة واحدة وكان بطعم النشاف الكامل
الريق وحاتك بقي دقيق بس
وانا كمان عامل ليك فالح
قلت امش اشتري الحلاوة بالصباح
وعينك ما تشوف الا النور
بس ربنا يتقبل اعمالنا واهمالكم خالصة لوجهه الكريم
وبالمناسبة انتهيت للتو من تركيب الستائر
ودي اصلو ضريبة كل عيد بس الحمدلله مافي بوهية
عموما لكم جميعا كل عام وانتم بخير

اعاده الله علينا وعليكم باليمن والبركات
Post: #6465
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 09-10-2010, 01:05 AM
Parent: #6464

أحلى وأغلى ناس

عيدكم سعيد وكل عام وانتم بخير

أبوحميد حمدا لله على السلامة والتحية عبرك لي نيالا البحير
Post: #6466
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-10-2010, 01:14 AM
Parent: #6465

يا مبارك ياخي ركيب الستاير دة لسة شغال
ياخي انا لحدي ما طلعت بركب الستاير دي
ودي ضريبة انك تكون اطول زول في البيت
Post: #6467
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-10-2010, 05:34 PM
Parent: #6466

عيد سعيد على احلى واجمل ناس

وتهنئة خاصة لناس المنافى البعيده .. جبريلا وود جبارة

وكمان للزعيم مبارك جادين بعد تركيب الستائر

كل سنة وستائركم جميعا معلقة عنترة وعمرو بن كلثوم
Post: #6468
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-10-2010, 09:23 PM
Parent: #6467

معليش يا شباب المداخلة دي من الأشتاذ الحصوصي في تعليم منصور كيفية تحليل الصور ....

1050.jpg Hosting at Sudaneseonline.com


ومن الأشتاذ الف تحية لكل الشباب وكل عام وأنتم بخير ....
Post: #6469
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-10-2010, 09:34 PM
Parent: #6468

1052.jpg Hosting at Sudaneseonline.com




حاج الركز, قدورة , منصور عبد الرازق
اجيال زراعة , بطولات , وراها تضحيات
التضحيات انا , البطولات قدورة
حاج الركز ده يكون شنو ؟؟
اول تجربة تنزيل صور من منصور عبد الرازق
سجل يا تاريخ , احفظ يا عبد الدائم
Post: #6470
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-10-2010, 09:40 PM
Parent: #6469

1053.jpg Hosting at Sudaneseonline.com




عصام تجارة فى لحظة تأمل
استقبال الريس معتصم سلمان جعفر فى زيارته الأخيرة للرياض
ولد ده يا منصور
انعل ابو تنزيل الصور ظاتو
Post: #6471
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-11-2010, 00:58 AM
Parent: #6470

Quote: انعل ابو تنزيل الصور ظاتو


أبو الزفت ..!

منصور جااااكم ...

ريشـــه وقلـــم ...

بعد ده نتضاير سااااى يا حبيب ...!
Post: #6472
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-11-2010, 01:22 AM
Parent: #6471

رشهم يا منص


كل سنة والجميع بخير
عيدنا مرة حزين ياخي
رحم الله عماد محمود
Post: #6473
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-11-2010, 09:25 AM
Parent: #6472

سلام للحبايب

كل عام وانتم بالف خير ، تقبل الله صيامكم

وبارك لكم فى حوشكم العامر

وانشاء الله دايما تامين ولامين
Post: #6474
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-11-2010, 09:48 AM
Parent: #6473

امس كان العيد عندنا عيدين ، سعدنا ايما سعادة بوجود الزناتى معانا

جمعنا فطور الصباح بمنزلى العامر بوجود الزناتى وكمان منص والشادى ودفعة

وامتعنا ود الزناتى بجكاويه الجميلة.

سهرنا بالمساء مع منصور وكان اهم مافيها اته علمنا منص كيفية تنزيل الصور وزى ماعارفين تعليم

الكبر صعب ولياقة شديدة تعبنا معاه تعب شديد ياخ رجعنامنه البيت على وش الصباح .

بس اليومين الجاية دى حيهرينا صور بدأ من حفل ناس الزقازيق مرورا برحلة ماليزيا وحتى جلسة امس

واقترح انه ياخد اجازة ويمشى لى محمد عيد علشان الفوتوشوب .

امس سعدنا باتصال الرشيد ونجاة وكمان الفنان عماد شريف .
Post: #6475
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-11-2010, 10:27 AM
Parent: #6474

عيد مبارك للجميع
Post: #6476
Title: Re: ناس الزقازيق ... أجدع ناس ( 3 ) ..
Author: almohndis
Date: 09-11-2010, 12:39 PM
Parent: #6418

الرشيد بابكر
كل عام وانت بخير
والاسرة
دحين السنة دي حوشتك 3|2
رقادة بور
الرشيد انت ودالقوز واحمد سجم
وميعت حميدة
عثمان احمد
Post: #6477
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-11-2010, 02:23 PM
Parent: #6476


احداث يوم امس كانت متلاحقة
وبرامجه كانت عظيمة ومتفاوتة لى حد التناقض
عيد بالجد جد
انا دائما يوم الوقفة ده يا طارق جبريل , بيقرب يعمل لى صداع
من زمان و بشيل ليهو هم , البيت يبقى استاند باى
دائما الأخوات والأمهات متوترات , ويسكنهم هاجس النظافة والتجديد
ولكن سبحان الله , هذا التوتر بتاع يوم الوقفة , والذى يبدأ , اول ما يبدأ
بى فطور متقشف , لا فيهو شوربة ولا حلومر , بى حجة انهم مشغولين
وغالبا ما ينتهى , بى تركيب الستائر , كبادرة مساعدة من مبارك جادين لى بت شيخو
يكون كل هذا التوتر , هو السبب الأساسى ومبعث شعور العيد فى الصباح الباكر
مع الجلابية البيضاء (المكوية )
صلينا العيد انا واحمد ومجتبى
قابضنا ليكم فى السودانيين الجنبنا فى الصلاة
سلام ومعايدة , شى بالرضا وشى بالقوة
زرت المقابر كعادتى للسلام على موتانا ومتى المسلمين
رحم الله والدى ووالدتى و اخى حجازى وجميع موتانا ومتى المسلمين
والداى , رحمهما الله , احدهما فى مقابر فاروق , والوالدة فى مقابر الصحافة
ولكن حجازى , رغم انه قضى معظم حياته فى الرياض
وبعد ان قيض له الرجوع النهائى للسودان
كتب الله له ان تكون مقبرته حيث عاش معظم حياته , عاد ومات فى الرياض فى احدى زياراته لى بعد العودة النهائية
ودفن فى مقابر المنصورية جنوب الرياض
رحم الله الجميع
ثم رحت فى نومة عميقة
حتى ايقظنى رنين هاتف حاج الركز الموعود , للحاق بى عصيدة عفاف الصباحية
صحبة زهير وعبد المحسن دفعة وكمال الشادى و وبصحبة تلفونية رائعة من الرشيد بابكر سيد احمد
ارجع ليكم حالا
Post: #6478
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-11-2010, 03:28 PM
Parent: #6477

عيدكم سعيد 000
مع امنياتي القلبية بتكاثر الفرح وانزواء الاحزان



sudansudansudansudansudan8.gif Hosting at Sudaneseonline.com
Post: #6479
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-11-2010, 03:55 PM
Parent: #6478

يا منص ياخي كل سنة وانت طيب
ياخي على الاقل انت قدرت تمشي المقابر وتترحم
كان نفسي اكون في السودان
عشان امشي اترحم على الحاجة في مقابر الصحافة
4652 دة رقم الشاهد حق الحاجة
الارقام دي اترسخت عندي بالالم ليه ما عارف
بس حقيقي كان نفسي اقعد جنب قبر امي واقرأ على روحها ما تيسر من الذكر الحكيم
ياخي الغربة دي اسوأ اختيار في الكون
تقوم يوم العيد وتطلع تصلي ريحة سوداني جنبك مافي
ما شفتة لي سوداني لحدي الساعة واحدة ضهر لمن قابلت ناصر اخوي
وطلحة ضرب لي تليفون لانه كان شغال
شفت سجم زي دة
لا لُقمة ولا سكسكانية ولا لمة حلوة ولا جيران تدخل عليهم تبارك العيد
وفوق دة ودة موت عماد محمود الله يرحمه
Post: #6480
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-11-2010, 04:07 PM
Parent: #6479

437.JPG Hosting at Sudaneseonline.com


ازيك يا ود جبرين
ياخى الله يرحم الحاجة وكل موتى المسلمين
الجازة قربت ان شاء الله , تعيش وتزور وتستمتع بالدرابزين وتضرب الباب بوهية كمان باذن الله
اها و وقفت ليكم لغاية ما حاج الركز صحانى بالتلفون
يمين فطرنا فطور كارب خلاص
اللقمة قاعدة , والسكسكانية كمان , والفول الماخمج
ضربناها انا وابو الزوز وحاج الركز ومحسن دفعة وكمال الشادى
واتونسنا لغاية الساعة تلاثة
ساعتها جانى تلفون بى وفاة عماد محمود الله يرحمه
من دربى داك و تانى لى مقابر النسيم , بعد ما صلينا عليهو فى مسجد الراجحى
وبعد داك للعزاء بتاع المرحوم , فى دار جمعيتنا
عماد الله يرحمه من نفس منطقتنا , وانا لم اعرف هذا الا مؤخرا للأسف الشديد
ما رجعت البيت الا لمن ضربوا لى ناس زهير وقالوا لى جايين يحضروا معاى الكورة بتاعت الهلال
وحاتك حضرناها سوا و واتعشينا وشربنا القهوة والشاى ابو بسكويت لغاية ما فاتو منى ناس ابو الزوز وحاج الركز ومحسن دفعة
وكمال الشادى ومعانا بت شيخى , اتونسنا وقطعنا فى اى زول , حتى انت قطعنا فيك
الليلة الصباح , المفروض ابو الزوز ومحسن دفعة يكونو مرقوها فى القصيم لزيارة صلاح على صالح
ما عارفهم بعد السهر داك قدروا قاموا ولا لا
اها الصورة الفوق دى من لمة امبارح بالليل
كل سنة وانت طيب ياخ
Post: #6481
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-11-2010, 04:23 PM
Parent: #6480

مناحــــة قويــــة وعصــماء ...

ناح بها أخونا الحبيب طارق جبريل فى فقده العظيم عماد محمود

أحــرف ساخنة تخترق القلب وتنيط دماءه ..

تجلى فيها حزنه العظيم ...

رحم الله عماد واسكنه فسيح جناته ...

وألزمك الصبر أخى طارق ...

لمشاركة طارق ومتابعة مناحته غير المسبوقة ...

http:// //ليه يا عماد..
Post: #6482
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-11-2010, 04:30 PM
Parent: #6481

وهذه صورة اخرى التقطت عند الأحتفال بالريس معتصم جعفر ابان زيارته الخيرة للرياض
المكان , فندق قصر الستين
الحاضرين فى الصورة , قدورة , موسى عيسى , حاج الركز , كمال الشادى , عصام تجارة , الريس معتصم , عثمان الخير الجدى مع اولاده

1061.jpg Hosting at Sudaneseonline.com
Post: #6483
Title: Re: ناس الزقازيق ... أجدع ناس ( 3 ) ..
Author: عصام دهب
Date: 09-11-2010, 04:56 PM
Parent: #6482

كل عام بل كل يوم و كل لحظة و كل الزقازيقاب و من يحبون بكل خير و صحة و عافية ..
و مبارك عليكم العيد سائلاً المولى عز و جل أن يعيده عليكم جميعاً بكل الخير و اليمن و البركات
و أسال الله تعالى أن يحفظكم جميعاً بحفظه و أن يديم عليكم أسباب الخير و أن يديم أخوتكم و محبتكم ..
و إن شاء الله دايما تامين و لآمين ..
Post: #6484
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-12-2010, 09:16 AM
Parent: #6483

الصور سوووده ( زرقة ) وما واضحة والعجب كلها فى الكرعين

اعــــــــــد
ثم
قابلــــــنى



اصلو كان قعدت لحاج الركز عشان يعلمك
اهن هاك ده فى خشمك .....

خليك فى الوصف انت فيهو حسن جيد
Post: #6485
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-12-2010, 09:26 AM
Parent: #6483

التاس دى مشت وين ؟؟

البوست دة خلاص حتل
Post: #6486
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-12-2010, 10:04 AM
Parent: #6485

طيب رأيك شنو فى السلام الحار ده
مكى احمد محمد حمزة , يعتنق موسى عيسى
وبيناتهم قيس جمال الدين , يرتشف قهوة تستاهلك يا نضيق
وحسب طلبك , اها لقينا ليك كراسى بيضاء , رايك شنو ؟؟

1064.jpg Hosting at Sudaneseonline.com
Post: #6487
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-12-2010, 10:04 AM
Parent: #6485

فرصتك يا حاج الركز

اكتب ونزل صور حتى لو بالشقلوب


نحن طالبنك كتير وعليك ديون قديمة فى حق البوست
لازم تسددها
Post: #6488
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-12-2010, 10:17 AM
Parent: #6485

سلام يا اجدع ناس
وكل سنة وانتو طيبين يا اروع ناس
السنة الجاية على امانيكم
ودايما لامين وتامين
Post: #6489
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-12-2010, 10:29 AM
Parent: #6488

ازيك يا بت النوبة
كل سنة وانتى بالف خير وصحة وعافية
ان شاء الله السنة الجية محاسن الصغيرة فى الجامعة
والوالدة فى اتم صحة وعافية
اسكتى ساى , مش علمونى تنزيل الصور
بعد ده , حقكم راح معاي
هاكم الصورة بتاعت الأجيال دى
من جيل ناس معتصم جعفر
لغاية ناس قيس جمال الدين


1065.jpg Hosting at Sudaneseonline.com
Post: #6490
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-12-2010, 10:48 AM
Parent: #6489

سلام يا منص
والله امانه الناس ما تعبو
متابعة نزيل صورك من اولووراجية بتاعة ماليزيا
يعنى مع وصفك الصور حتقلب فيديو

حتنطا ذى ما بقولو اهلنا المصاروا
تحياتى لامانى والشباب
Post: #6491
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-12-2010, 11:16 AM
Parent: #6490

حاتنطأ بس
دى يمين حا تتكلم لغات عدييييييل
هاكى دى مثلا

1066.jpg Hosting at Sudaneseonline.com
Post: #6492
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 03:42 PM
Parent: #6491

Quote: الرشيد بابكر
كل عام وانت بخير
والاسرة
دحين السنة دي حوشتك 3|2
رقادة بور
الرشيد انت ودالقوز واحمد سجم
وميعت حميدة
عثمان احمد


التحية من القلب للأخ و الصديق و الزميل عثمان أحمد عبد الله...
و للأسرة الكريمة..
عثمان ...و الله أيام يا زمان...
الشوق اليك لا تحده حدود...
أرجو التواصل عبر تلفوني 00971508179161
كما و أرجو مدي برقم تلفونك...
شكرا عثمان ...
Post: #6493
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 04:51 PM
Parent: #6492

مساكم الله بالخير

و عيدكم سعيد ايها الأحباب في كل مكان...
و عودة الى البوست و الى العمل بعد انقطاع اختياري بمناسبة العيد..
و نسبة لأن عطلة العيد بالنسبة لي قصيرة جدا لذا لم أنشغل بشيء غير عيالي..
رن منبهي عند السابعة من صباح اليوم فأسكته بحزم...
نجاة تقول لي قوم عشان ما يسخن عليك الجو...و أنا أرد عليها بي آي آي آي...
و لكني لم أقم من مكاني....ثم لكزتني عند الثامنة و أن آي آي آي...و لم أقم أيضا...
ثم لكزتني عند التاسعة و العاشرة...و أن آي آي آي....
و ما زالت تلكزني و أنا في مكاني حتى ظننتها ستذهب الى الشغل مكاني...
و أبقى أنا في مكاني....ما أنا تعبت خلاص من رحلة الشتاء و الصيف...
كانت أهم دعواتي لي نجاة في العيد المبارك ده...ان شاء الله السنة الجاية مديرة كبيرة...
عشان أنا أقدم استقالتي و أقعد في البيت...
أنا تعبت يا جماعة من السفر ده...
المهم في الآخر شلت عدتي و مشيت في سكة الشوق من جديد...
Post: #6494
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-12-2010, 04:51 PM
Parent: #6492



انتو ود الشادي لليلي يلبس في البرتقالي دة
ما يكون فاكر نفسو صوغوير
ولا فاكر نفسو روبين أليل هولندا
Post: #6495
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 04:54 PM
Parent: #6494

جبريلا...البركة فيكم في عماد محمود...
أعتذر لأنها جات متأخرة...
نسأل الله له الرحمة و المغفرة...
و لك الصبر و السلوان...
Post: #6496
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-12-2010, 04:57 PM
Parent: #6495

الرشيد يا حبيب
البركة في الجميع
رحمه الله
والله الامتداد كله نام حزين يوم العين
ارادة الله

كل سنة وانت طيب يا حبيب
Post: #6497
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 05:05 PM
Parent: #6496

Quote: انتو ود الشادي لليلي يلبس في البرتقالي دة
ما يكون فاكر نفسو صوغوير
ولا فاكر نفسو روبين أليل هولندا


جبريلا...
القميص ما مشكلة...
الجزمة دي الشادي جابها من وين...
حسه حنكشة الشادي دي ينافسوها ككيف...
Post: #6498
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-12-2010, 05:54 PM
Parent: #6497

أجدع ناس...

السلام عليكم ورحمة الله وبركاته

وكل عام وأنتم بألف خير

وربنا يحقق أمنياتكم جميعا

كان عيدنا بالدوحة ووصلنا السعودية قبل قليل... والتقينا كل من عزام أحمد البشرى ومحمد تبيدي والمدعو سر الختم وأخيرا أسامه طيارة

ولم نتمكن من لقاء بقية الأخوة نسبة لسفر الأخوين عزام وسر الختم إلى مصر

ونعتذر منهم بشدة
Post: #6499
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-12-2010, 08:02 PM
Parent: #6498

Quote: الجزمة دي الشادي جابها من وين...


دى ما جزمة .. ده مركوب احمر ( جلد بقر مصبوغ )

زماااان كان بلبسوهو بياعين الترمس والكبكبى ..!!

&&&&&&&&&&&

رشيد الحبيب ...

كل سنة وانت طيب .. وحمدا لله على السلامة ..

كنت نايم وصحيت العصر لقيت تلفونك .. قلت بعدين باتصل بيك ودخلت فى المعمعة

معليش اخوك شغال العيد كله وما بنوم الا الساعة 7 صباحا وارجع تانى الساعة 5
Post: #6500
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-12-2010, 08:50 PM
Parent: #6499

1-en-3a90d61bb2c7e7b6a13be22a0af40e3341.jpg Hosting at Sudaneseonline.com



ناس الرشيد شغالين ســمكرة فى قصص الكوتش

قلــنا نســـمكر للبرلوم ده الصور بتاعتو ...!!

ياخ فتــّح الصور دى شوية قبل ما تنزلها ولا انت لســـه بتحب الغوامق ..؟!
Post: #6501
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 09:01 PM
Parent: #6500

حمادة الحبيب....

طرقت تلفونك حتى كل متني...

و أنا في طريق عودتي الطويل الممل...

كنت أنشد رفقة حسنة تقصر علي الطريق...

و لكن خاب ظني....

بس الجايات أكتر من الرايحات...

أفتح قناة الشروق و استمتع بنانسي عجاج...
Post: #6502
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-12-2010, 09:07 PM
Parent: #6501

الوصية أمانة...
في دردشتي اليوم مع جلا طلب مني أن أبلغكم تحياته...
جلا الآن مستجم في كسلا بشروط ناس البيت...
و أهم شرط هو أن لا يقرب الكمبيوتر...
فانصاع جلا للتعليمات المشددة...
فتقبلوا تحياته و تهانيه لكم بالعيد...
Post: #6503
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-12-2010, 09:17 PM
Parent: #6502

3-en-d0d573cd4ed68e561e7a42fccceb3bcc.jpg Hosting at Sudaneseonline.com


Quote: جلا الآن مستجم في كسلا بشروط ناس البيت...
و أهم شرط هو أن لا يقرب الكمبيوتر...
فانصاع جلا للتعليمات المشددة...


ســمعنا تحت تحت .. قالوا محرســينو كديســة الجيران

وممنوع يقــرّب لا من الكمبيوتر ...

ولا قناة الشروق ..!!
Post: #6504
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-12-2010, 11:02 PM
Parent: #6503

نفتقد فى هذا العيد كثيرين من الغائبين عن البوست لفترة طويلة ..

الكومندان .. اسامة ابتر

السهيلى

صلاح الأمين

جمال فارح

منى عباس

شـــوش

سيف النصــر وعرفه ..

ابتهاج

موسى عيسى

مشاعر

مجتبى فاروق

والحبيب .. كمال الشادى ( وحتى هذا المساء هاتفه مغلف )

وآخرون كثــر .. نحتاج الى جرعة كركم اضافية اذن

التحية لهم جميعا والتهنئة لهم بالعيد السعيد
Post: #6505
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-13-2010, 06:19 AM
Parent: #6504

صبحكم الله بالخير

هو اذا رابع أيام العيد كما اعتدنا أن نسميه في السودان...
و لرابع أيام العيد برنامج حافل بالزيارات مثله مثل أول يوم...
و هو عادة ما يفرد للأقارب البعيدين جغرافيا و من حيث الصلة أيضا...
و ربما يفرد لزيارة الأقارب الذين يقطنون مدينة أخرى...
أشتاق الى أربعة أيام العيد تلك لأستمتع بها من أولها وحتى رابعها...
فالعيد الذي يصادف جمعة و يكون العمل يوم الأحد تشعر أنه منقوص جدا...
و مجرد التفكير في أن العمل بعد يوم يشعرك بأنه تسرب من بين يديك من أول يوم..
فلا تحسن الاستفادة منه كما يجب...
فلا ترتاح كما يجب...و لا تحتفل كما يجب...
لدرجة أنني فكرت بعمل تمديد للعيد بمعرفتي في نهاية هذا الأسبوع...
تمديد يفش غليلي و يشرني بالرضا و الراحة...
و يجعلني أعود الى مقر عملي مع بداية الأسبوع القادم و ليس في النفس غبينة...
و لا شيء من حتى....
و أقول للذين ما زالوا معيدين و بدون حسد...
يا معيدين...يا مفرهدين...
أهكذا ...أهكذا..
أهكذا العيد...
Post: #6506
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-13-2010, 06:36 AM
Parent: #6505

eid.JPG Hosting at Sudaneseonline.com



للجميع بدون فرز عيد سعيد وعمر مديد وصحة حديد ....
Post: #6507
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-13-2010, 06:53 AM
Parent: #6506

ده الهنا زاتوووووووووووووو
منصور جانا صورة وصوت .... مبرووووووك
بعد ده شحتفة مافي ...

طارق جبريل ...
ياخي انت انسان وفي ... وحنين شديد خلاس
معرفتك كنز حقيقي لكل الزقازيقاب ...
وان شاء الله البركة فيكم ...
ومعليش انا في العيد ... زي جلا ... ممنوع اقرب من الكمبيوتر
ومحرسني "كديسة برضو "

رشيد القوم ...
والله حالتك تحزن ... مشاوير الهاي وي للسلع صعبة بالحيل
دعواتنا ليك ... ان شاء الله في الايام القليلة القادمة (مش السنة الجاية)
يحولوك ابوظبي ... وتستقر جنب الاسرة
Post: #6508
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-13-2010, 07:12 AM
Parent: #6507

طارق جبريل سلامات ....

ياخي إنشاء الله البركة فيكم .... كان معنا منصور قبل أن يتوجه لدفن جثمان الراحل عماد .. . وحينما ذكر ذلك لم أكن أعرف بأن الراحل عماد هو المقصود ... لو كنت أدري لذهبت معه ... رحم الله عماد رحمة واسعة ....
Post: #6509
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-13-2010, 10:58 AM
Parent: #6508

صباح الهناء والسرور ...

العيد مبارك عليكم كلكم .. وكل سنة وإنتو طيبين وتامين ولامين .. وربنا يحقق أمنياتنا جميعا ...

أبوالزوز يا ود أمي كل سنة وإنت طيب .. وربنا يحقق مرادك في بلد الغربة والإغتراب .. والله مشتاقين شديد خلاص ...

أحمد إسماعيل حمدا لله على السلامة ومراحب بعودتك .. لكن مالك ضنيت علينا بالشوفة وعلى الهواء مباشرة ...

عمر تي ودالمهدي عيدك مبارك يا ود صورتي (دي على وزن يا ود حجتي) ...

بنتنا الأمورة محسنة كل سنة وإنت بألف خير .. وربنا ينجحك ويحفظك من كل شر ...

جبريلا يا ود أمي البركة فيكم .. عاد يا ود أمي الدنيا عيد ودا أمر الله .. ربنا يرحمو ويتقبله قبولا حسن ...

ياسر نجيلة يحلكم الحلا بلة .. عيدكم مبارك وعساكم من عواده ...
Post: #6510
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 09-13-2010, 12:21 PM
Parent: #6509

جميع أحبائي أهل الزقازيق
تحياتي وتبريكاتي لكم بالعيد السعيد
وإنشاء الله تامين ولامين
كان العيد بمدينة كوستي الرائعة التي قال فيها :
بدرالدين محمد أحمد حمزة
كوستي ياكوستي الأصيلة
كوستي يارمز الجمال
إنتي مازينة المدن يازهرة حفاها الطلال
الكاف كمال
والواو وصال
والسين ... سنين من ليالي الغربة بتقول للوليد الراح بعيد
أرجع تعال
والتاء تبرية يازينة المدن تبرية يارمز الجمال
والياء ياقوته بين أحضان هلال
وأنا الأن داخل البص أقترب من مدينة الأبيض
فالتبريكات لعصام دهب وزينب التجاني
وكل الرائعين من أبناء تلك المدينة الرائعة
وتهاني خاصة للغائب عنا هذا العيد
زهير الزناتي وعبره لأسرته الكريمة
ونتلاقى
Post: #6511
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-13-2010, 01:59 PM
Parent: #6510

بالأمس تشرفت أيما شرف بصحبة الوجيه محمد عبدالله الشهير بي محمدو ...

والشاب اللطيف محمد خير المشهور بي عضم ...

والرائع محمد حسن المشهور بالبرلوم ...

كانت البداية إتصال تلفوني من محمدو وهو داخل البص على مشارف مدينة ودمدني في طريق عودته من سنار ...

وتم الإتفاق على المقابلة في شقتنا العامرة في شمبات مربع خمسة .. وتم وصف الموقع بدقة حتى لا يضيع المغترب الليبي ...

محمدو الرجل المرح وصاحب القلب الأبيض من سكان مدينة سنار وكان يلعب بنادي الموردة بسنار .. كان من اللاعبين الموهوبين بفريق معهد تجاري .. وكان من المؤسسين لفرقة الدراما الزقازيقية بصحبة محمد حسن مهيدي ونصرالدين الكريبة وجعفر العربي ومعاوية أبو وآخرين ...

ذهبت إليه في شارع المعونة .. وجدته محمدو بشحمه ولحمه مع بعض الشيب الذي يبوح بمافعلته الغربة الليبية ...

حاولت جمع محمد خير ومحمد حسن كمفاجأة لهم ومفاجأة له .. لم أفلح في البداية ..

تجاذبت الونسة الطاعمة مع محمدو الطاعم وحكينا في كل شئ وضحكنا وقهقهنا .. ذكريات وتاريخ جميل .. واقع الغربة التي يعيشها .. وضع بلدنا الغريب الذي لا يعرف أحدا إلى أين ينتهي بنا المطاف ... المستقبل القريب والبعيد على الصعيد الشخصي والمشروعات الحضارية والتي أولها الزواج ...

وبعد سويعات أتى محمد خير كإضافة حقيقية لتكتمل الونسة والضحك .. إستمرينا نتجاذب أطراف الكلام حتى بعد صلاة المغرب ...

مررنا على محمد حسن في شارع كترينا ونسبة لظروف المحتفى به محمدو وقفنا دقائق معدودات كانت مليئة بالأنس والإلفة والمحبة .. حتى أوصلناهو لحي المعمورة وودعناهو على أمل اللقاء في بحرالأيام القادمة ...

كم هي اللحظات طاعمة وحلوة وجميلة عندما نلتقي نحن الزقازيقاب .. عشرة طويلة ملئها المحبة والشوق والراحة بلقاء الزقازيقاب ...
Post: #6512
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 09-13-2010, 02:50 PM
Parent: #6511

كيف حالكم وازيكم
ياالكل الناس مازيكم

البادي ياود صورتي
لك التحيه وانت تتقلد
منصب السفير المقيم بعد
انضمام ابو الزوز لركب الطيورالمهاجره
فلكم الموده وانتم تفرحون بكل قادم لارض
الحبايب والاهل
عيدنا زي سوق السماسره
بيعه رابحه وبيعه خاسره

وعوز اقول ليكم طرفه بدون مناسبه عالقه
بذهني قد تجد من تضحكه لكم مودتي

حكى لي احد الاصدقاء ان احد البسطاء كان يحب بجنون
وكان من العادات السائده آنذاك اذا العروس لاترغب في العريس
كان في قطع الرحط (رقيص العروس )وعندما ياتي العريس
لينزل يديها لبدايه الرقص فانها ترفض انزالهما وبما ان هذا المحب
متمسك بالامل حتى تلك اللحظه وكان على جدار منتظرا الفرحه
بهدف التعادل فاذا بالعروس تبدا بالرقص فسقط الرجل مغشيا عليه
كجلمود صخر حطه السيل من عل
احذرو المرتفعات يا(شباب) مافي حاجه مضمونه
Post: #6513
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-13-2010, 07:33 PM
Parent: #6512

سلامات يا ناس

ومساءات التفاؤل

عيد سعيد لكل الناس وربنا يحقق أمانى الجميع

البركة فيكم يا طارق وللفقيد الرحمة والمغفرة.
Post: #6514
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-13-2010, 07:56 PM
Parent: #6513


توفيت الى رحمة مولاها امسية السبت اول امس ( ثانى ايام العيد )

خالة الريس / ميسره سيداحمد وزوجة والده ...

خالص العزاء للأخ/ ميســره وللاخوان .. مرضــى وحذيفة وبقية الاخوة

ونسأل الله للمرحومة واسع رحمته وشامل مغفرته

وانا لله وانا اليه راجعون

للتواصل مع الاخ / ميسره على رقم الهاتف : 00966568340802
Post: #6515
Title: Re: ناس الزقازيق ... أجدع ناس ( 3 ) ..
Author: مني يونس
Date: 09-13-2010, 11:24 PM
Parent: #6514

رحم الله الوالدة الحاجة سعاد المرضي
(زوجة والد الريس ميسرة سيدأحمد)

فقد كانت أم للجميع وعمود إرتكاز من
أعمدة عائلة سيدأحمد إبراهيم أل شروني
وقد حدثت الوفاة صباح يوم السبت ثاني أيام العيد
بالقاهرة والتي سافرت إليها للعلاج , والحمد لله كان
مجموعة من أولاد سيدأحمد بقربها حضروا من لندن وهولندا والخليج
والسودان لقضاء العيد بالقاهرة بقربها ولكن وافتها المنية.

اللهم أغفر لها وأرحمها بقدر ما كانت إمرأة طيبة
وأغسلها بالماء والثلج والبرد ونقها من الخطايا كما
ينقى الثوب الأبيض من الدنس

إنا لله وإنا إليه راجعون ولا حوله ولا قوة إلا بالله .
Post: #6516
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 07:00 AM
Parent: #6515

خالص العزاء للأخ ميسرة وأخوته ولكل أسرته داخل السودان وخارجه .....

اللهم ارحم الحاجة سعاد المرضي رحمة واسعة وأسكنها فسيح جناته مع الصديقين والشهداء
Post: #6517
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-14-2010, 07:20 AM
Parent: #6516

صباح الهناء والسرور ...

خالص العزاء للأخ الريس ميسرة وأخوته ولكل أسرته داخل السودان وخارجه .....

اللهم ارحم الحاجة سعاد المرضي رحمة واسعة وأسكنها فسيح جناته مع الصديقين والشهداء ..

اللهم تقبلها قبولا حسن .. وأبدلها بدار خير من دارها .. اللهم إن كانت محسنة فزدها إحسانا وإن كانت مسيئة فتجاوز عن سيئاتها...
Post: #6518
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-14-2010, 08:11 AM
Parent: #6517

خالص العزاء للأخ ميسرة والأخت منى ولكل أسرته في فقدهم الجلل

اللهم ارحم الحاجة سعاد المرضي



اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها الصبر
Post: #6519
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-14-2010, 09:10 AM
Parent: #6518

خالص العزاء للريس ميسرة وأخوانه ...
والعزاء موصول لبقية افراد لاسرة داخل وخارج السودان .....

اللهم ارحم الحاجة سعاد المرضي رحمة واسعة وأسكنها فسيح جناته مع الصديقين والشهداء ..
اللهم تقبلها قبولا حسن .. وأبدلها بدار خير من دارها ..

انا لله وانا اليه راجعون ...
Post: #6520
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-14-2010, 09:10 AM
Parent: #6518

خالص التعازى للريس ميسرة

لها الرحمة ولذويها الصبر وحسن العزاء
Post: #6521
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 09:33 AM
Parent: #6520

البادي النور ...

تصدق مشتاق ليكم وللحوامة في الخرطوم وتلفونات الصباح بدري ... وتقول لي أكيد نايم ....

ياخي كل سنة وأنت طيب ... وتحياتي للوجيه محمدو ... ومحمد خير عضم ...


سامي عبد الوهاب ... معقولة ياخي ...

كل سنة وأنت طيب ... وتحية خاصة لأصدقائي طرفكم .... وعيدهم إنشاء الله سعيد في الدوحة ....
Post: #6522
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-14-2010, 09:46 AM
Parent: #6520

خالص التعازي للريس ميسرة...

نسأل الله أن يتغمد الفقيدة بالرحمة و المغفرة...

و للأسرة الصبر الجميل...
Post: #6523
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-14-2010, 10:47 AM
Parent: #6522

خالص التعازى للريس ميسرة ومنى يونس
فى وفاة الخالة زوجة الوالد رحمهما الله واحسن اليهم
كتبنا التعزية هنا , رغما من تحذيرات جلا والكوتش
عشان تلفون الريس ما بيرد
البركة فيكم يا ريس
Post: #6524
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 09-14-2010, 11:02 AM
Parent: #6523

خالص العزاء للأخ ميسرة والأخت منى ولكل الاسره
اللهم ارحمها واغفر لها واكرم نزلها وانا لله
وانا اليه راجعون
Post: #6525
Title: Re: ناس الزقازيق ... أجدع ناس ( 3 ) ..
Author: عصام دهب
Date: 09-14-2010, 11:10 AM
Parent: #6523

صادق التعازي لريسنا الفاضل الأخ / ميسرة ولأخوته ولكل أفراد الأسرة داخل السودان وخارجه في فقيدتهم الحاجة / سعاد المرضي ..
و أسال الله تعالى أن يرحم الفقيدة و يغفر لها و ينزلها الفراديس العلى من الجنان و أن يجعل البركة في ذريتها و أهلها و يلهمهم جميعاً الصبر الجميل على فقدها .
Post: #6526
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-14-2010, 12:19 PM
Parent: #6525

خالص التعازي للريس ميسره والأخت منى..
ولكل عائله سيدأحمد.. لوفاه الحاجه سعاد..
اللهم إرحمها واغفر لها..
Post: #6527
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 12:47 PM
Parent: #6526

يا سلام علي العيد مع ناس الرياض .... في أمسية الأربعاء السابقة ركبت القطار بعد الساعة الثامنة مساء ... متوجهاً للرياض ... بصحبة كتاب ممتع ... المنسي إنسان نادر علي طريقته ... للطيب صالح .. قرأت جزء من هذا الكتاب ,, في حلقات علي ما أعتقد في مجلة المجلة .... فعلاً المنسي إنسان نادر إلا إنني كنت أبحث عن شخص ألتقيته يشبه المنسي ... إلا أن صفات المنسي لا يمكن أن تجتمع في شخص وااحد .... عندما شارف القطار ضواحي الرياض كنت قد قرأت الكتاب تماماً ... استمتعت بالكتاب ... واستمتع بأني قد عدت للقراءة مرة ثانية من سنوات طويلة ... وفكرت فيمن قال لي بأن الغربة كلها شر ... ولم يدري بأن الوطن أصبح مرتعاً للشرور .... وصلت بعد الثانية صباحاً ووجدت الأخ دفعة بقامته المديدة كأنه من جند الحرب العالمية الثانية ينتظرني خارج محطة القطار .. توجهنا مباشرة لشارع غبيرة وهو شارع سوداني السمات ... به كل ما هو سوداني من حطب الطلح إلي تفصيل الجلاليب السودانية ... مروراً بالتمباك وكل المنتجات والمستهلكات التي يحبها أهل السودان ... لم نجد سوي مشتقات الفتة ... عدس ... فول وكل فتة تخطر علي البال ... عند عودتي من مغسلة اليدين ... وجدت شخص يملأ الشيب كل ما أستطاع إليه سبيلا ... يصيح بأعلي صوته (زهير الزناتي) .... يا الله ... تمعنت النظر فوجدت شخص يبدو بأني أعرفه من زمن مضي ... ودققت النظر مرة أخري لأجده محمد إبراهيم رحمة الله إبن كسلا والشهير بالنمس ... لحبه الجم للنمس ... ومن منا لا يحب النمس ... إلا إنه كان يجاهر بحبه ولا يخفيه .. وللعجب وجدته لم يتزوج حتي الآن ... كأنه يريد أن يظل حبه علي كل نمس الدنيا ... وتآنسنا علي تلك الطاولة لفترة طويلة وقرب شروق الشمس ....
Post: #6528
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 01:18 PM
Parent: #6527

وجدت دفعة وحيداً يغالب دمعته ... فتآذرنا علي وحدة العيد .... في الدمام وجدت الأصدقاء الذين قد أحس معهم بالدفء ... إلا إنني قبل العيد بيوم واحد ... وجدتهم يتآمرون علي ... عماد صباحي دون مقدمات سافر إلي السودان ... الأمين قرر أن يؤدي العمرة ويلحق بآخر رمضان في البيت العتيق ... سامي عبد الوهاب غادر مبكراً للدوحة لقضاء العيد هناك ... لم أجد بداً من مغادرة المدينة حتي لا اقضي العيد بين البكاء والدموع كما حذرني العديدين ... في منزل دفعة وجدت أن الأنس قد سرقنا حتي ساعات الصباح الأولي ... وأتهمني دفعة باني قد فوت عليه صلاة العيد ... نمنا كما الديك علي الحبل حتي لا يفوتنا أفطار العيد مع عفاف ومحمد عثمان ... وبصحبة منص كبير الوناسين ... وشادي القوم الجميل ... كان أفطار عيد حقيقي ... بطعم الأسرة ولمة الأهل ... وعصيدة لا تشبه البت فافي الحنكوشة .. وانما عصيدة لحبوبة عتيقة ... حتي أن بعض المرجفين في المدينة قطعوا بان العصيدة من صنع حاج الركز ... تفرقنا لوقت وجيز ... ثم التقينا بمنزل منصور .... شاهدنا الهلال والفريق المالي ... الا اننا لم نشعر بالسعادة لفوز الهلال ... ليس لان العرض لم يكن في المستوي المطلوب ... ولكن لان مدرار فتحت لحنانا وما اشتغلت بينا الشغلة ... رغم ونسة اماني الطاعمة وعشاءهم الجميل .... وبذلك نكون قد قضينا اليوم الاول من العيد وسط الاحباب والاصدقاء ... والاهل ... واعني هذه الكلمة علي وجه التحديد ....
Post: #6529
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-14-2010, 01:18 PM
Parent: #6527

وعشان تستمر تحكى لينا
ونستمتع بى حكيك الطولنا منو
وعشان انت علمتنى انزل الصورة
فلا تلومن الا تفسك
هاك انا , ومدرار , وحجازى , وكلنا اذان صاغية , جوة الموية , لى حكيك الطاعم

1118.jpg Hosting at Sudaneseonline.com
Post: #6530
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 01:54 PM
Parent: #6529

يا منص شاكوش مدرار حار خلاص خاصة انه يوم العيد ...
Post: #6532
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 02:17 PM
Parent: #6530

استيقظنا في اليوم التالي مبكراً علي غير العادة محسن وانا .... اجرينا اتصالاتنا بكل من نوي ان يغادر معنا لزيارة ولي من اولياء الله الصالحين .... لم نظفر برفقة احدهم ... حتي كمال الشادي وجدناه لم يذق للنوم طعماً منذ البارحة ... يناجي خلوته وحيداً فاستعصي النوم علي عينيه ... غادرنا صوب القصيم قبل التاسعة صباحاً... ونحن في سعادة وحبور حيران .... يهمون بملاقاة شيخهم ... هو شيخنا وابينا وكبيرنا الذي علمنا السحر ... لماذا لا نزوره في خلوته البعيدة تلك ... سنوات طيلة لم التقيه ... حينما تحدثت معه المرة الاولي لم يقوي علي الكلام الا بعد بكاء حار ... انا ابكي ولكن سراً ... فقد علمونا ان دموع الرجال ندامة ... لذا ابكي الا في حضرتها لاني اكون عارياً امامها بكل ضعفي الانساني ... اما هو فلا ابكي امامه حتي لا يظن بان احد تلاميذه به خوار ... اذن لماذا يبكي شيخي ... اليس لديه مقدرات فوق مقدرات البشر ... طيلة الطريق كنت افكر في لحظات اللقي بعد عشرون عاماً ونيف ... تذكرت كيف كان يرشدنا ويهتم بكل تفاصيل حياتنا السياسية والانسانية ... انسان نادر علي طريقته ... لم يكتسب من الزقازيق سوي حب الناس اجمعين ثم شهادة في الميكانيكا الزراعية ... يمم بها صوب الحجاز ... في محياه يشبه رجال الدين ... وذلك الصنف الذي كاد ن ينقرض منهم ... الزهاد الوراع ... وليس رجال الدين ممتلئ الخدود ولابسي الحرير .... وفقهاء السلطان .... حينما توفيت والدته ولا زال في المهد صبيا ... تعهدته بالرعايا والدته الثانية او فلنقل بصحيح العبارة عمته شقيقة والده .. نشا يتيماً.... محروما من حنان والدته ... مما جعله مصممماً علي ن يكون حانياً علي كل من يلتقيه ... هنا في هذا المنبر الكثير من ابناءه وحيرانه ... وعارفي فضله ...
Post: #6531
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-14-2010, 02:08 PM
Parent: #6529

منص .. إني أتنفس تحت الماء .. إني أغرق أغرق ... كل سنة وإنت وأفراد أسرتك بكل الخير ...

أبوالزوز .. مشتاقين حتى الثمالة .. كل سنة وإنت طيب ودائما طيب .. شايفك مستفيد من فرق التوقيت وبنشوفك الفجر ...

رشيد القوم .. كل سنة وإنت وأفراد الأسرة بخير وعافية .. حقيقي أداءك ما عاجبني .. حاول أرفع اللياقة شوية ...

محمد عيد .. كل سنة وإنت وأفراد أسرتك طيبين ومتعافين ...

عصام دهب .. كل سنة وإنت وأفراد أسرتك بخير وعلى خير .. تشكرات على الرسائل الحلوة في رمضان والعيد .. عيني باردة شايفك الليلة لحقتا العزاء قبل الرفع ...

سعادة العقيد الكوتش جورج محمد صديق .. كل سنة إنت وأفراد أسرتك مبسوطين ومرتاحين .. خلاص رمضان إنتهى عايزين نشوفك بنيو لوك ...

حبيبنا وشيخي الحاج السري جلا .. كل سنة إنت وأفراد أسرتك في نعيم .. يا ود أمي ألعن إبليس .. دا حتى العزاء الرئاسي ما جابك .. حقيقي إنت زول جلا ...

ياسر نجيلة .. كل سنة إنت وأفراد أسرتك بخير .. الخبر شنو يا جماعة إنشاء الله إنحليتو .. ربنا يحلكم بالسلامة ...

في ناس كدا حتى العزاء ما بيجيبهم ... غايتو العزاء الرئاسي دا عندنا ليه دفتر غياب منفصل ...
Post: #6533
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 02:30 PM
Parent: #6531

تعلمنا منه الكثير ... وتاثرنا به ...ولكنا لم نقدر ان نصعد لمقامه ... كعادة الحيران ولمقدراته الكبيرة ... انسان نذر نفسه لقضية آمن بها ...ومبادئ لا اعتقد ان هنالك قوي يمكنها ان تغيره ... حتي السنين لم تغير من ضحكته الشهيرة ... لا يلقي بجملة الا ويعقبها بضحكته المميزة ...تزيدك قرباً منه ... قد لا يعرف الكثيرين حجم التضحيات التي قدمها في حياته ... لا تجده الا متقدماً الصفوف ... هنا في غربته البعيدة ... وفي تلك البلدة الصغيرة وجدنا ان كل ابناء السودان بمختلف مشاربهم متلفون حوله ويعتبرونه الاخ الكبيرة حتي اولئك الذين يكبرونه سناً... كيف مضت الساعات ... في حضرته وماذا قلنا ... لا اذكر ... اجزم باننا لم نقل شيئاً لان كل الحديث الذي انتويت ان اقوله لا زال في اوله ... انه عشرون عاماً ونيف ايها الاصدقاء ... لا زال هو ... في محياه ... وفي سلوكه وفي حبه للآخرين ... كانا لم نغادره سوي لساعات قليلة ....
Post: #6534
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-14-2010, 03:59 PM
Parent: #6533

صادق العزاء للأخ ميسرة والأخت منى وكل الأسرة في فقيدتهم
الحاجة/ سعاد المرصي
نسأل الله لها واسع الرحمة وعظيم المغفرة وأن يكرم منزلتها مع
الصديقيين والشهداء والصالحين وحسن اولئك رفيقا
ونسأله سبحانه أن يلزمكم الصبر وحسن العزاء
Post: #6535
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-14-2010, 04:11 PM
Parent: #6534

أحر التعازي للريس ميسره وانا لله وانا اليه راجعون
Post: #6536
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-14-2010, 04:38 PM
Parent: #6535

اصدق التعازي للاخ ميسرة في وفاة خالته وزوجة ابيه
عليها الرحمة وتقبلها الله مع الصديقين والشهداء
وحسن اؤلئك رفيقا
والتعازي ايضا للسيدة الاولى من يونس
والاسرة الكريمة وانا لله وانا اليه راجعون
Post: #6537
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 09-14-2010, 04:47 PM
Parent: #6536

خالص التعازى للريس ميسرة

لها الرحمة ولذويها الصبر وحسن العزاء
Post: #6538
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-14-2010, 05:01 PM
Parent: #6536

مساكم الله بالخير

كان آخر أحلامي ليلة البارحة انني التهمت كمية من الكسرة بأم رقيقة...
قمت منزعجا ظانا انني قد أفسدت صيامي...
لم تكن نجاة حوفي بجواري حتى تقوم بتفسير ذلك الحلم...
فلربما قالت لي ان أم رقيقة في النوم تعني انني سأنتقل قريبا الى أبو ظبي...
لكان سرني كثيرا ذلك التفسير....
لقد أوشكت على قضاء الستة أيام من شوال...
فلقد تبقى لي يومان...
و لا أظنني بعدها سأنظر لكوب القهوة الذي يتجكر أمامي بكل ذلك التقدير و الاشتهاء...
ان الأبخرة التي تتصاعد من الكوب تغزو حواسي كلها و تأسرني...
بل انها تشل كل حواسي...

البادي الحبيب...ما زالت اللياقة تعبانة...
خاصة مع استمرار الصوم و زيادة ساعات العمل...

أبو الزوز أظن الكتابة عن شيخك الموقر قد أضاعت عليك نومة الظهر...
ان لم تفصح عن اسم الشيخ بعد هذه المداخلة...
فأعلم ان روحي حرقتني و سأقوم بحرق الفلم عليك...
Post: #6539
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-14-2010, 05:22 PM
Parent: #6536

يا البادى ياهميم كل سنة وأنت طيب وبألف خير
ياخي ياليت كنا معكم لكن الظاهر نحن كنا مع الأسف
لأننا مااستفدنا من روشتات منصور الفلسكابية أيام
زواج نسيبوا ، وحيث نحن أقاليم فنا إلى نيالا وكان مناي
عند الرجعة نتواصل معكم بعد العيد لكن سبحان الله تأتي
الرياح بما لا تشتهي السفن قطعت الإجازة بطلب من ناس الشغل
صمت كم يوم وعيدت لحالي وعيالي عيدوا مع أهلهم بنيالا
Post: #6540
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 06:21 PM
Parent: #6539

يا رشا حا نفصح عن اسمه الصباح وبالصورة كمان .....
Post: #6541
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-14-2010, 06:22 PM
Parent: #6539

قال نومة الضهر قال ....

إغتراب من متين عشان ننوم الضهر ...
Post: #6542
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-14-2010, 08:34 PM
Parent: #6541

سلامات يا ناس

Quote: قال نومة الضهر قال ....

إغتراب من متين عشان ننوم الضهر ...


انت يا خوى مالك ومال نومة الضهر؟

على الجنبة كده : وحات الملح والملاح ..منسى ده ما لطشتو من

مكتبتى يوم فطور رمضان اصلى شفتك واقف تبحلق فى المكتبة.

على جنبة تانى : عليك الله سلِّم لى على كبار السِّن.
Post: #6543
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 09-14-2010, 08:51 PM
Parent: #6542

Quote: انسان نادر علي طريقته ... لم يكتسب من الزقازيق سوي حب الناس اجمعين ثم شهادة في الميكانيكا الزراعية ... يمم بها صوب الحجاز ... في محياه يشبه رجال الدين ... وذلك الصنف الذي كاد ن ينقرض منهم ... الزهاد الوراع ... وليس رجال الدين ممتلئ الخدود ولابسي الحرير .... وفقهاء السلطان .... حينما توفيت والدته ولا زال في المهد صبيا ... تعهدته بالرعايا والدته الثانية او فلنقل بصحيح العبارة عمته شقيقة والده .. نشا يتيماً.... محروما من حنان والدته ... مما جعله مصممماً علي ن يكون حانياً علي كل من يلتقيه ... هنا في هذا المنبر الكثير من ابناءه وحيرانه ... وعارفي فضله


عرفته يا زناتي ...
حنين وفات الحنية ذاتها
اغريه سلامي وحوامل اشواقي له
Post: #6544
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-15-2010, 00:26 AM
Parent: #6543

Quote: تعلمنا منه الكثير ... وتاثرنا به ...ولكنا لم نقدر ان نصعد لمقامه ... كعادة الحيران ولمقدراته الكبيرة ... انسان نذر نفسه لقضية آمن بها ...ومبادئ لا اعتقد ان هنالك قوي يمكنها ان تغيره ... حتي السنين لم تغير من ضحكته الشهيرة ... لا يلقي بجملة الا ويعقبها بضحكته المميزة ...تزيدك قرباً منه ... قد لا يعرف الكثيرين حجم التضحيات التي قدمها في حياته ... لا تجده الا متقدماً الصفوف




مدد يا شيخنا مدد

ولي عودة لهذا المقام بعد ان تنزل صورك الاكيد سمحة
Post: #6545
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-15-2010, 01:04 AM
Parent: #6544

Quote: يا رشا حا نفصح عن اسمه الصباح وبالصورة كمان .....


ده الكلام يا زناتى يا جيــّد

مثل هذا الرمز المعتــّق يســتحق ان نفرد له منبرا خاصا فى الحوش الداخلى

...

قبل فترة فكــرت ان افتح منبرا" بعنوان .. دهب خالص .. لاستعراض شخصيات زقازيقية محددة

كان لكل منها أثر عظيم وبصمة واضحة على مئات الزقازيقيين

وشخصيتك المختارة يا زناتى .. كانت على رأس القائمة ...

أفصح عنها .. وانزل الداتا الغنية بتاعتك .. لأنى على الفور سأشرع فى افتتاح هذا البوست مستفيدا من الداتا اللتك
Post: #6546
Title: Re: ناس الزقازيق ... أجدع ناس ( 3 ) ..
Author: قيس جمال الدين
Date: 09-15-2010, 05:17 AM
Parent: #6545

صادق التعازي للأخ ميسرة و مني ...
و ربنا يرحمها و يحسن إليها و يجعلها مع الصديقيين و الشهداء ...
Post: #6547
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 06:19 AM
Parent: #6546

يا كوتش سلامات ....

وحات خوتك زي ما قالوا ناس السوق .... ما كتابك ... لقيت لي كنز هنا ... استعير ثم استرد ... مش زيك إنت قايلني أنا نسيت كتبي ... عليك الله في زول بيستلف تمانية كتب مرة واحدة .... يا مفتري ...
بعدين خلي الطابق مستور عشان ما أعمل ليك فاتن حمامة مع صاحبنا الذي في غيه سادر وأذكره كتبه ... يجي يقلعهم منك ...
Post: #6548
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 06:20 AM
Parent: #6546

محمد عيد أخانا الذي بجدة ... ولم يعيد علينا ...

عفة بت أختي السمحة ...

لكما ما تريدان ...
Post: #6549
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-15-2010, 06:21 AM
Parent: #6546

صبحكم الله بالخير

أصبحت اليوم و أنا في غاية الاثارة و الحماس...
هنالك أسباب عديدة و لكن أهمها صور شيخ زهير الزناتي...
ليس الزناتي هو الشيخ حتى لا يساء فهمي...
فعمرة واحدة لا تؤهل أي منا لأن يصبح شيخا هكذا...
فغاية ما يمكن أن تفعله أن تجعله في مصاف المؤلفة قلوبهم..
بل الشيخ الذي وعدنا الزناتي بانزال صوره اليوم...
كنت أرجوها أن تكون صور فيديو حتى نستعيد ذكرياتنا مع الشيخ من خلال ضحكاته...
و لكن صورنه و رأسه به بعض الشعر الأشيب كما أتوقع قد تكون أضعف الايمان...

في انتظارك يا أبو الزوز....
Post: #6550
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-15-2010, 06:42 AM
Parent: #6549

البادي يانور ... والله لسة الولد "مكنكش" ماعاوز ينزل .... ربنا يسهل ...


شيخ زهير الزناتي ده ياشباب والله شيخا صالح وكلو صلاح ....




رشيد القوم ... عليك الله ماتنوم جعان ... وربنا يسهل ليك نقلية جنب اولادك ...
حلمان ام رقيقة ... وفي السلع ... يااخوي ده العرس زاتووووو
قصدي عرس امنية بتك ... بعد عمر جميل ودراسة موفقه ....




لا
Post: #6551
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 06:43 AM
Parent: #6549

لا أعتقد أن هنالك من لم يعرفه فهو علم علي رأسه نار ... حتي إن لم تكن هنالك تلميحات مثل القصيم وغيرها كان الجميع سيعرفه ... فهو صديق للجميع ... رغم أن صلاح علي صالح الشهير علي نطاق واسع بـ : ص ع ص ... كان غارقاً في عمل الجبهة الديمقراطية خاصة علي مستوي الجمهورية ... مما لم يتح له بناء علاقات واسعة مع ناس الزقازيق حسبما كنت أعتقد ... إلا إني فوجئت بكم هائل من الناس يعرفونه حق المعرفة ... لسبب بسيط فهو إنسان في غاية الود وبشوش ... وحينما يذكر ص ع ص يقفز إلي ذهنك مباشرة الإنسان الودود .... الذي يشارك الناس كل همومهم وأفراحهم .... وكان يستثمر كل وقته في الزقازيق في معرفة الآخرين ... وبناء صلات معهم ... وما يميزه أنه يبحث دائماً عن المشترك مهما كان الإختلاف .... أذكر طرفة في شقة السوق ... حينما كنا نتحدث عن الرياضة والكورة ... وكان ماردونا نجم ذلك الزمان ... وتشعب الحديث عن موهبته الفذة ... أراد صلاح أن يجاملنا في الحديث ... ويمد معنا حبال المشترك ... فقال بكل ثقة ... أن البرازيل لن تنجب مثل ماردونا مرة أخري .... ضحك الجميع حتي كاد أن يهرب الشقة إلا أن ضحكته الشهيرة لم تفارقه ... ... وحينما علم بالحقيقة ضحك حتي بكي ... إنه شخص قل أن يجود الزمان بمثله ... انا في غاية السعادة لأني عرفت في يوم ما صلاح علي صالح وفي غاية الإمتنان للأقدار التي هيأت لي أن اكون صديقه ومن المقربين له ... ومن يطلق عليهم (اولاد صلاح علي صالح) وهي لفظ تحمل نفس المدلول السياسي لعبارة (أولاد قرنق) ... وإن كنت نهلت من تلك المدرسة في الأخلاق السياسية والإنسانية إلا إني أعترف بأني حوار فاشل .. وتلميذ خائب لتلك المدرسة ... فقط يكفيني شرف أن ارتدتها ولو ليوم واحد .... لأن الصورة لن تصير أصلاً ... والحوار يمكن أن يكون شيخاً ولكنه لن يصبح ولياً ....

110920103230.jpg Hosting at Sudaneseonline.com



أحمد أصغر أبناء صلاح علي صالح ... ويكبر وحيدته شروق ...
Post: #6552
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 07:03 AM
Parent: #6551

حينما وصلنا القصيم ... وجدناه محاطاً بأهله جاءوا إليه من كل مكان .... أليس هو ولي تشد إليه الرحال ... رغم أنهم يكبرونه سناً ... ويزيدون عليه في سنوات الإغتراب .. إلا أن كاريزما صلاح علي صالح ... تجذب كل الناس إليها ... وجدنا عنده كل أهل البيكيرية ... علي مائدة الغداء ... وما أجمل صينية البطاطس بالسمك ... كانت حديثنا ومحسن طيلة الطريق في العودة للرياض ... شكراً أم صالح علي تلك الوجبة المميزة ... فأنت زوجة رجل مميز ... لذا لا بد أن تحافظي علي هذا التميز وتلك الأريحية ...


110920103235.jpg Hosting at Sudaneseonline.com


عمر الإبن الثاني لصلاح ... لم نستطع تصوير صالح لانه هرب من جلسة التصوير ... فعرفنا بأن الرجل لا يجب الشهرة وهو الآن في السنة الثانية المتوسطة ...
Post: #6553
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 07:07 AM
Parent: #6552

إلي الذين حاولوا حرق الفيلم لولا تمالكوا أنفسهم في الوقت بدل المستقطع من الزمن الضائع ... ها قد أفصحنا عن الإسم ... لكن الصورة يسمكم ... عشان نعلقكم شوية .... اها يا شيلقين عرفناكم عرفتوا صلاح علي صالح ... اها العندو صورة حديثة ليهو ينزلها .....


أنعل أبو الإنفرادات الصحفية .... إنت قايلين شهادة القيد الصحفي دي جات بالساهل ولا بالساهل ... ولا أدوني بوش في العربي ....
Post: #6554
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-15-2010, 07:23 AM
Parent: #6553

رحم الله الوالدة سعاد المرضي

فقدت كانت بحق شمس ومنبراس ومثال

يحتذى لكل الأمهات فقد كانت أم الجميع

جزاكم الله خيراً عسى أن تصيبها إحدى دعواتكم

الصالحة وتكون لها عتقاً وبلسماً يوم لا ينفع مال

ولا بنون إلا من أتى الله بقلب صادق خاشع،،،،،،،،،،،

إنا لله وإنا إليه راجعون،،،،،،،،
Post: #6555
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 08:32 AM
Parent: #6554

يعني مافي تحانيس ...

طيب
Post: #6556
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-15-2010, 08:48 AM
Parent: #6555

وانت قايل نفسك لسه ما نزلتها ولا شنو ؟؟
ومال الورا احمد ده البى العراقى الأبيض الجميل
وبالدقن البيضاء الفارهة , يكون ياسر نجيلة ولا شنو ؟؟
يا زول , عليك الله كان ما نزلت الباقى
لأنو انت بى طريقتك دى , بديت تنافسنا فى الحكى
النبى فوقك كان ما كملت
Post: #6557
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-15-2010, 09:00 AM
Parent: #6555

صباح الهناء والسرور ...

أبوالزوز يا ود أمي ما شفتا ليك مداخلة ضائعة .. يعلم الله عملت مداخلة قبل ساعتين كدا ما عارف وقعت وين .. يكون الهكر ظهر تاني .. حوالينا ولا علينا ...

حنين سان .. كل سنة وأفراد أسرتك بكل خير وعافية .. ليك وحشة والله ...

قيس جمال الدين كل عام وأفراد أسرتك بصحة وعافية .. يا ود أمي تعال نشمك ...

ياسر نجيلة غايتو لو ما كنت زول سنير في كل شئ كنا قلنا في غلط في الحساب .. غايتو الولد دا جهزو ليه الروضة عشان حيجي جاهز وبي كدارتو ...

أبو الزوز .. كنت من ضمن اللذين شهدوا وداع أخونا صلاح عندما ودع الزقازيق صوب السعودية .. كان إستفتاء حقيقي يوضح حقيقة هذا الرجل .. أنا لم أتشرف بمعرفته لكن أذكر تماما الأفواج من البنين والبنات السناير والبرالمة بكل ألوان الطيف السياسي وهم يشهدون وداع الرجل الرقم ...
Post: #6558
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 09:11 AM
Parent: #6557

يا منص إنت قايلني فارة ولا شنو ... .؟؟؟؟ الوارء أحمد ده ليس صلاح ولكن قريبه ...

متأكد أنه كثير من الناس ستذرف الدمع ثخيناً حينما تري صلاح علي صالح ... عشان كده عايز اوفر ليهم الدموع دي شوية ....
Post: #6559
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 09:15 AM
Parent: #6558

طبعاً صلاح مقيم في البكيرية وهي بالقرب من البريدة حيث يقيم العزيز خالد محي الدين ... للأسف حاولنا الأتصال به طيلة الطريق في رحلة الذهاب ... وحتي وقت العودة إلا أن هاتفه لم يستجب لنداء الزقازيق .... كنا نمني نمني النفس بصيدين ثمينين ... ولكنا غير محظوظين في مقابلة الزول الجميل خالد محي الدين .... يبدو أن خالد في إجازة بالخارج .... له التحية والسلام إلي حين عودته ... وأكيد يا خالد محي الدين الزيارة دي محسوبة ولازم تردها لينا ... ونقول ليهو كل سنة وأنت طيب ...
Post: #6560
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-15-2010, 09:48 AM
Parent: #6559

الريس ميسرة ... ان شاء الله آخر الاحزان ....

نازل الموية يامنص بالتي شيرت ... الصن واي لاقون .... عملوها عشان تخلي هدومك في الباب ...
لكن لقيتك ... حريص ... وحريف شديد ... اكيد كنت عامل حساب لسان النضيف ...

بادي يا خوي ... النسوان ديل معاهم حساب ... ديل نسونا عمرنا ...
عاوزني للجوه البطن ... والله بس تكاسي ... ارح المستشفي ... طيب ... رجعني البيت ... حاضر
اقول ليها انت تميتي كم ... تقول لي دخلت في الشهر الكم ماعارف ... طيب حتلدي بتين ...
تقول لي دي ايامي ... اها الكلام ده ليهو شهر ... قبل يومين قالت لي نسيت اشتري مريلة عشان
يلبسها وما ي###### صدرو في الرضاعة ... قلت ليها مريلة شنو انا جبت ليهو فرشة ومعجون ...
وامي رسلت ليهو عراقي ومركوب وعكاز ... كويس انت ذكرتني الكدارة ... واسجلو KG1 طوالي ...


الزناتي ... خلاص اغتربتا ... وبقيت تشحتف الروح ...
زمان بالله كل الصور مرة واحدة تنزل ان شاء الله لو مليون ...
عشان تمشي تتم الحوامة ... والمشاوير ... وتلحق على الزيارات الضيوف
حسع الشحتفة بتاعة عدم الموضوع ... وقلة البرامج ... من الشغل للبيت والعكس
مافي زحمة ... حركات المغتربين "العزابة" دي عارفنها ... وكمان مليون مداخلة في اليوم
ربنا يجيب ابتهاج والاولاد ....
نزل ..... ياخ







حسع عملت الصور موضوع ...
Post: #6561
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-15-2010, 10:03 AM
Parent: #6560

رسالة من الأخ جلال الدين عباس

Quote: الأخ الفاضل العزيز / سامي
السلام عليكم ورحمة الله وبركاته

حقيقة مجهود مقدر وناس لها قدرها : والذكريات عامرة بهم
فلك كل الشكر


جلال الدين عباس الطيب(عطبرة)
كلية العلوم
قسم الإحصاء والحاسوب (1992)
متزوج وأب لثلاثة أبناء
دكتور بجامعة القصيم - السعودية
ت 00966508195709
[email protected]


له منّا ألف تحية
Post: #6562
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-15-2010, 10:04 AM
Parent: #6561

تحية كبيرة جدا للأخ صلاح علي صالح

ونقول ليهو كل سنة وإنت طيب
Post: #6563
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-15-2010, 10:54 AM
Parent: #6562

تعازينا الحارة لآل ميسرة
وتقبل الله الفقيدة قبولا حسنا
وانا لله وانا اليه راجعون


نجيلة يا حبيب
عماد محمود واحد من انبل خلق الله الذين عرفتهم
رجل يجبرك ان تحبه وتوده
رحمه الله بقدر الفرح الذي كان ينثره بيننا




يا الله يا زناتي
صلاح علي صالح كله
دة زول استثنائي يا زناتي
استثنائي بكل المقاييس
بتذكر مرة قلت لي امين السمين
انا لو حا ادخل الجبهة الديمقراطية دي
حا ادخلها عشان فيها صلاح علي صالح
بالله اكشح لي تليفونه في الخاص
يمين يا زناتي حاسدك
Post: #6564
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 01:47 PM
Parent: #6563

11111.jpg Hosting at Sudaneseonline.com



دي بس عشان خاطرك ... يا طارق جبريل
Post: #6565
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 01:48 PM
Parent: #6564

1147.jpg Hosting at Sudaneseonline.com
Post: #6566
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-15-2010, 02:28 PM
Parent: #6565

بالله دا صلاح..
ما عرفتو من غير الشنطه الشحمانه..
ههههههه
ماشاءالله.. بس حبه الشيب في الدقن..
والله زمان..






عدل للتوضيح
Post: #6567
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-15-2010, 03:21 PM
Parent: #6566


واحد من اروع ما انجبت الزقازيق يا زناتي
Post: #6568
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 04:38 PM
Parent: #6567

صدقت يا ود جبريل
Post: #6569
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 04:57 PM
Parent: #6567

اين رشيد القوم يا قوم ....
Post: #6570
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-15-2010, 05:58 PM
Parent: #6569

والله يا زهير برضو شايف رشا ما طهر الليلة
ان شاء الله خير
Post: #6571
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-15-2010, 06:05 PM
Parent: #6570

Quote: والله يا زهير برضو شايف رشا ما طهر الليلة


اوعي الشغلة دي تكون بعد الدوام الرسمي
Post: #6572
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-15-2010, 06:51 PM
Parent: #6571

Quote: رشا ما طهر الليلة

أجي يا جبريلا..
النقطه على الطاء وديتها وين..
مهمه في الحته دي..
Post: #6573
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-15-2010, 10:05 PM
Parent: #6572


غايتو يا ناس فاتن حمامة ما بسالكم
Post: #6574
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-15-2010, 10:11 PM
Parent: #6572

1151.jpg Hosting at Sudaneseonline.com




يااااا اللـــه

يا سلام عليك يا زناتى ...

بالجد تســتحق شهادة القيد الصحفى التى نلتها

شــكرا لك لابراز واحده من أعظم جماليات الزقازيق
Post: #6575
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 09-15-2010, 10:22 PM
Parent: #6574

البادي يافردة
لك مثل ما في قلب أمي لي من دعاء كما يقول البرنس

وما تشوف وحشة يا جميل
Post: #6576
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-15-2010, 10:23 PM
Parent: #6574

1152.jpg Hosting at Sudaneseonline.com


صلاح الدين على صالح

ابن سنار - الحاج عبدالله

الدفعة فى البرلمة فى زراعة الزقازيق ..

زميل شقة الاستقبال فى لكوز .. ورفيق تعلم اولى خطوات العزوبية

كان معلمنا فى كيفية الطبخ وتظبيط الحلل ...

وايضا .. الرفيق اللصيق ايام المذاكرة والكســر الشديد فى شارع فاروق

ليس لى فقط .. ولكن تخيلوا ذلك لدفعة كاملة قوامها ما يقارب الـ 70
Post: #6577
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-15-2010, 10:37 PM
Parent: #6576

1153.jpg Hosting at Sudaneseonline.com


بكل المقاييس ... هو رجل اسـتثنائى

انســـانى و ودود لأبعد الحدود

علاقاته مع الجميع دون استثناء - ذكورا واناثا فى غاية الســمو

كان من اشخاص قليلين .. استطاعوا ان يحتفظوا فى الزقازيق بعلاقات متفرده مع الجميع من كافة التيارات ...

سياسية .. فكرية .. قبلية واجتماعية

كنت تراه فى الكلية وهو يتبادل السلام والتحية مع المختلفين معه سياسيا بطريقة مدهشه

وحميمية مفرطة ، كأنما ليس له اى حد أدنى من الاختلاف معهم ناهيك عن الحدود العليا ..!!

وفى دار الاتحاد عندما تراه واقفا مع هبانى او أدروب او عادل الزاكى او زاهر الصادق ...

يخيل اليك ان معركة ساخنة سوف تحتدم بعض قليل .. فاذا بك تفاجأ بالضحكات والقفشات والموده ...

وعندما أعلن عن توجهه السياسى أعلن ذلك فى موقف رهيب ما زلنا نستحضره حتى اللحظه ..

أترك المجال لمنصور والرشيد لسرده

وعندما تكونت اللجنة السياسية الاولى لترتيب تجمع اتحاد التجمع الأول ..

كان صلاحا هو المكوك وحمامة السلام التى كانت تجمع بين المتنافرين فى سلاسة ...

حتى كان النصــر الكبير الذى كان ابرز صــناعه ...
Post: #6580
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-15-2010, 10:51 PM
Parent: #6577

من الأشياء التى لا يعفها كثيرون عن صلاح ..

انه كان قارئا ومحبا للأدب والفنون ..

وكان يتمتع بصوت جميل كثيرا ما دندن به فى اندية التعارف وجلساتنا الخاصة

كان محبا وحافظا لأغنيات الحقيبة ودرر الغناء السودانى ...



1154.jpg Hosting at Sudaneseonline.com


وكان يتمتع بذكاء وتفوق غير عاديين ...

حتى انه كان ملجأ للكثيرين فى شرح واستيضاح ما كان يستعصى علينا من الدروس

أحبه الجميع وكونوا صداقات عديدة معه ...

عندما كنا فى محراب الآداب والفنون وعندما نذهب الى المنصورة او الاسكندرية او القاهرة

فى جولاتنا الثقافية .. كان كثيرون من تلك المدن يسألوننا عنه ... بحكم ترحاله الدائم

وتكوينه لمعارف وصداقات بمختلف اماكن تجمعات الطلاب السودانيين

اخوتى .. صلاح يستحق ان نكتب عنه كتابا كاملا ومنفردا ...

صلاح ...

نحن جميعا حيـــران متصوفين فى حضرتك ايها الدرويش الجميل
Post: #6578
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-15-2010, 10:42 PM
Parent: #6574

أبو الزوز...جبريلا...شكرا على السؤال...يديكم العافية...

حاتم جبارة...يخرب مطنك...

بعد الدوام أسرجت عربيتي و توجهت الى أبو ظبي حيث أنا الآن...
عندي باقي عيد جيت أتمو...
لما كنت بقول ليكم مشتهي لي رابع يوم عيد و خامس يوم...
أظنكم كنتو قايلني بتكلم ساكت...
و أنا مقفول في سكني بالسلع في ثالث أيام العيد...
اتخيلت ليك نفسي في السودان في البيت...
جلابيتي حقت أول يوم مشرورة في الحبل منتظره المكوة لتكملة باقي الزيارات...
العمه أنا أصلي ما بعرف ألفها وبختها ساك
Post: #6579
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-15-2010, 10:43 PM
Parent: #6574

أبو الزوز...جبريلا...شكرا على السؤال...يديكم العافية...

حاتم جبارة...يخرب مطنك...

بعد الدوام أسرجت عربيتي و توجهت الى أبو ظبي حيث أنا الآن...
عندي باقي عيد جيت أتمو...
لما كنت بقول ليكم مشتهي لي رابع يوم عيد و خامس يوم...
أظنكم كنتو قايلني بتكلم ساكت...
و أنا مقفول في سكني بالسلع في ثالث أيام العيد...
اتخيلت ليك نفسي في السودان في البيت...
جلابيتي حقت أول يوم مشرورة في الحبل منتظره المكوة لتكملة باقي الزيارات...
العمه أنا أصلي ما بعرف ألفها وبختها ساكت في كتفي يعني بتكون ما اتكرفست...
يعني لا عايزه غسيل لال مكوه...و لا حتى الطاقية...
حسيت انو عيدي ناقص...العيد البينتهي من تاني يوم ده ما واقع لي...
أها جيت أكمل باقي العيد بتاعي...

أبو الزوز سعيد جدا بصورة الشيخ الكبير صلاح علي صلاح...
لولا اللحية المشيبة فلا تغيير كبير في شكل صلاح...
تكلمنا عبر الهاتف منذ سنة أو يزيد...ما زال صوته شابا و نضرا...و كذلك قلبه...
له تحية كبيرة من هنا...و لأسرته الصغيرة أيضا...
و شكرا أبو الزوز على السبق الصحفي...
Post: #6581
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-16-2010, 06:00 AM
Parent: #6579

تحية الفة ومحبة للرجل الخلوق صلاح على صالح ...



===============================================
ومرسلة ايضا تحايا وسلامات ولدنا الرشيد خواطر من مكة المكرمة
ويقرئكم جميعا السلام ... وبقول كل سنة وانتم طيبين
اتصل هاتفيا بالامس مهنئا ومتفقدا الجميع ...
ومستفسرا ايضا عن شركة الزقازيق القابضة ...
جاكم زبون ياعبدالحفيظ ... تولي الامر

================================================
ولدنا حيدر حنين ... رجوعك بهدوء مثل انسحابك ...
نورت والف مراحب .... لك شوقنا ...
Post: #6582
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 06:15 AM
Parent: #6581

يا سلام عليكم يا محمد عيد .... قلت فأوفيت ... معظم علاقاتي مع اهل زراعة تكونت بحكم سكني مع صلاح علي صالح ... خاصة الرعيل الأول الذي حضر الاستقلال ....
Post: #6587
Title: Re: ناس الزقازيق ... أجدع ناس ( 3 ) ..
Author: عمر هواري
Date: 09-16-2010, 07:09 AM
Parent: #6582

ناس الزقازيق أجدع ناس كل سنة وأنتم طيبون وربنا يحقق الأمنيات
خالص التعازي للأخوين طارق جبريل وميسرة سيدأحمد والأخت منى يونس ..
عزيزنا زهير والله فقدناك شدييييييييييييييييييد جدا .. نتمنى لك التوفيق
عزاؤنا أنك مع إخوة أعزاء ..
سررت كثيراً عندما طالعت كلماتك عن العزيز القامة الشامخة أستاذنا صلاح علي صالح
وقد تمتعت كثيراً بصوره التي تعكس مدى طيبة وأصالة هذا الإنسان الجميل
إنه أحد أبناء الزقازيق الرائعين
له من الصفات مالا نستطيع حصرها
مشتاقون للقياه ونتمنى أن نتمكن من ذلك .
وفرحت عندما ذكرت لقائك بالأخ النمس
أحد ظرفاء الزقازيق ..
وطبعاً العزيز أبو الدفاع محسن ..
حقيقي يازهير أنا مبسوط من أجلك كثيراً عشان حتلاقي كمية من الناس الحلوين الجدعين
فحسب علمي أن المملكة تضم كوكبة من أعظم ناس الزقازيق
لهم مني كل الود
Post: #6583
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-16-2010, 06:47 AM
Parent: #6581

كل عام و أنتم بخير و بدون تفرَّز
دايرين نخش في الستوت وكدا
و طالما خاشين في الستوت معناها الياقة تعبانة شوية
وماداير أرجع لا ورا و نذاكر
عليكم الله بداية شهر شوال دا مش كان مفروض يكون يوم الخميس؟
بالمناسبة زهير الزناتي
كفيلو دا فاكي ليهو اللعب
علماً بأن ناس الدمام كفيلهم ما بيخليهم إلا الواحد يجي يعزي أو يبارك و طوالي يتخارج للشغل
الجميل صلاح .....
زمن البرلمة جانا في الشقة و عندنا طاسة شعيرية
وضرب معانا لمن قال كفاية
و قال لينا
من هنا يبدأ النضال
أحبه و أحب السكسكانية المغربية زاتو
أي واحد مشتاق و كدا..... يجيني في الخاص
عليكم الله أنتو بشر؟؟؟
ياخ عملتو لي وجع قلب من الحب الكتير
يعني كان جاني هارت و القبول بتاعي
موسى عيسى حياخدها سيك
Post: #6584
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 06:50 AM
Parent: #6583

وصل جلا وجا اللعب الضفاري ... كل زول يلبس كدارته ....
Post: #6585
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 06:54 AM
Parent: #6584

نجيلة يا ولدنا سلام ..... والعيد مبارك عليك ... كل ما اقول اهبشك يجوا زي ناس جلا ديل ... يبقوا ليك عارض ....
تحياتي للجماعة ...


يا جلا حسادتكم دي ما بتسيبوها ..... قبل سنتين فارح ركب عربته وجا لابتهاج .. قال ليها إنت الراجل ده فاكا ليهو اللعب كده ليه ... يمشي ويجي علي كيفه .... غايتو دي حسادتكم البتولدكم بنات ...

قلت لي شعيرية .... اها نكلم صلاح يرسل ليك كرتونة شعيرية ... يا ابو شعيرية انت...
Post: #6586
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-16-2010, 07:08 AM
Parent: #6585

كلامي مش و جا
بلد ما فيها كفيل
يقدل فيها أبشنب
Post: #6588
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 07:26 AM
Parent: #6586

شكراً يا بسكو يا جميل .... من قبيل كايس لي زول أحكي ليهو القصة دي ... الشقي البيعمل شكلها وأحضرها ... حكمة ربنا حاضر لي زي مليون شكلة كده .. ونصهم الحجاز بتاعهم دفعة .. وانا أصور ... منو فيكم الماحضرت ليهو شكلة يرفع يده ... عشان نفته هنا .... اها نحكي ليكم شكلة منصور مع المصري ... احبسوا انفاسكم ...

قال ايه لازم نتغدي بره ومنها امشي محطة القطار كوداع .... ناس الرياض طبعاً الواجب ده ما بيلعبوا فيهو ... قمنا مشينا محل راقي شديد اسمه كنتاكي ... زمان سمعنا بيهو سمع من قصيدة الود حاتم ابو صلعة بتاع حقوق ما حاتم ابو صلعة بتاع بيطرة ...
حنكوشة وين القاك في ويمبي أو كنتاكي ...
اها من الزمن داك الواحد مشتهي يمشي محل الحناكيش ده ... ربك رب الخير ... سخر منصور وعفاف ومحمد عثمان ... واكيد دفعة ما جا كنتاكي دي الا لمن جا السعودية ... المهم في الموضوع مشينا يا زول وجابو الحاجات السمحة ... والفراخ العامل كيف كيف داك .. والسلطات الرهيبة ... انا اضرب وابكي اتذكرت اولادي المساكين ابتهاج تكون هرتهم بالدمعة المن غير لحمة ... فجأة اتذكرت القطر ومواعيده القربت ... يلا يا جماعة .. علي المحطة ... انا حضوري الساعة ثلاثة وهسه الساعة ماشة علي تلاتة وتلت ... طبعاً منصور راجل هميم ... واخو تقيلة ... وشيال هم ... قمنا جارين .. لقينا ليك الجماعة قفلوا الباب ... والجوه جوه والبره بره ... مواعيد الصلاة ... منصور اي واحد من المصريين يتكلم معاهو يعمل فيها برئ ... آخر واحد قال ليهو المفتاح عند المدير ... اها يا منصور قوم خش للمدير وبكل ظرافة ::
لو سمحت عايزين نطلع ... قوم يا المصري اعمل فيها سفير مصر بالرياض ... ومهم خالص ... وانت الدخلك هنا شنو ... ومين السمح ليك ... قوم انت يا منصور طوالي بنمرة اربعة ... وادي المصري من ابو كديس لمن المصري نطط عيونه كبار ... وحات الله معاها لكيزات في الوش .. أقرب منها للكفيت ... المصري طوالي عمل انسحاب تكتيكي ....
- معليش يا عم مش حا ارد عليك ... ده انت راجل كبير في السن وفي مقام والدي ...

اها هنا منصور هاج زيادة ... والمصري ذاتو استغرب الراجل ده فجأة اتهيج كده مالو ... لولا وجود البارجة شوارزكوف الشهير بدفعة لحدث ما لا يحمد عقباه .... وتدخل في الوقت المناسب وسحب منصور ...
Post: #6589
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-16-2010, 07:52 AM
Parent: #6585

صباح الهناء والسرور...

جلا حبابك يا ود أمي .. والعيد مبارك عليك .. لكن أدينا فاتحتنا في الأول ...

أبوالزوز شكلك كدا لسع ما أستلمتا الإقامة .. غايتو بالغت في السبق الصحفي بتاع صلاح .. ودا تفوق المهارات الفردية .. لكن برضو العربي جهجهك ...

محمد عيد .. إبداع منقطع النظير .. الله يديك العافية ...

ديدو وينو .. أكلو الدودو ...
Post: #6590
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 08:01 AM
Parent: #6589

لا بد أن نبارك للاخ عبد الدائم زواج إبنة اخته بمدينة جدة .... وهي آخر النضيفات ... يعني بعد ده إلا ترجو ناس عناب ....
Post: #6591
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-16-2010, 09:31 AM
Parent: #6590

ابداكم من وين ؟؟؟
اول شىء , اجمل حاجة فى الدنيا , شعورك بانك تشارك الناس
وشعورك كمان بان الناس , تشاركك فيما تحس وتشعر
اها , من المبدأ الجميل ده , وقبل ما ابدا حتى
عاوز اصرح ليكم تصريح رهيب
يمين بالله , من ما العيد ده بدا , الود عصام محمد نور ده , عامل لى حسكنة فى راسى
عارفين بى شنو
بأغنية الوصية بتاعت محمد وردى , الكتب كلماتها اسماعيل حسن
ولحنها برعى محمد دفع الله
يمين بالله , الود عصام ده , قعد ليكم الأغنية دى جنس قعيد , يمين لمن ذكرنى ما يطلبه المستمعون زماااان يوم الجمعة , ووردى بى نفسه قاعد يغنى فيها
اوعى يا قلبى تنسى
فى لحظة الوصية
انا عارفك حنين
خسمتكم يا جماعة نزيل الاغانى , انا زهير ده يا دوبك علمنى انزل صور بس
يمين بالله قاعد افكر جادى ارسل ليهو تذكرة طيارة يجينى بعد الدوام , يعلمنى نزيل الأغانى , ويفرتق بعداك راجع لى كفيله
ولو ده حصل
غايتو , الا اعمل لى منبر براى
لأنو منبركم وبوستيكم ده , لا بيكفينى ولا حاجة
حلفتك ياقلبى , الخانك تخونو , والخائن غرامك اوعك يوم تصونو
يمين الأغنية دى فيها جنس تحريض , يكفى لقيام مظاهرة تسقط حكومة (الغرام ) اينما كانت
الى بها وبسرعة يا ود جبريل
اغثنى بها يت نضيف
هلم بها يا رشيد
اما انت ىا جلا , فلا بتعرف ولا حاجة !!!!
Post: #6592
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-16-2010, 09:42 AM
Parent: #6591

التهاني والتبريكات للنضيف

زواج النضيفة

_____________________

كمال الشادي حيرتنا ياخ... وين إنت

كل سنة وإنت طيب
Post: #6593
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-16-2010, 10:04 AM
Parent: #6592

Quote: الى بها وبسرعة يا ود جبريل
اغثنى بها يت نضيف
هلم بها يا رشيد

قالو في إمام جامع بصلي بي ناس حلفاوين
و الجماعة كارهينو ليك
المهم مرة أثناء قراءته إتعتت في آية
و داير زول يلحقو الآية
فبدأ يتعتع إن...إن...
واحد من المصلين زعلان منو شديد قال
مافي هد يكلم....

أها يا جماعة مافي زول يكلم
Quote: معليش يا عم مش حا ارد عليك ... ده انت راجل كبير في السن وفي مقام والدي ...

يا زناتي
زول زي دا مفروض يمشي يجاور الحرمين

Post: #6595
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-16-2010, 10:31 AM
Parent: #6593

Quote: لا بد أن نبارك للاخ عبد الدائم زواج إبنة اخته بمدينة جدة .... وهي آخر النضيفات ... يعني بعد ده إلا ترجو ناس عناب ....


بيت مال وعيال .... واجمل التبركيات والتهاني ... يانضيف عقبال البنيات ....






وين كرت العزومة ....





جلا ... انت حتصوم " الستوت" كم يوم ؟!!!!! .....................
Post: #6594
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-16-2010, 10:13 AM
Parent: #6591

هذا عن اولا
اها , النقوم ونجى لى تانيا
ابدع زهير الزناتى فى رسم صورة صلاح على صالح بالكلمات
ثم تلا ذلك الرسم , صورة بديعة
اجمل ما فيها السفة المدسوسة دسا , ناحية الشفة العليا
ثم من اين لك هذه اللحية الفارهة , يا ود بيا صلاح ؟؟!!
ثم اعقبهم سفيرنا بتاع الفوتو شوب , فجنن ليكم صلاح وسفته , حتى خيل لى انه سيتفها لا محالة
من كثر الشقليب الشقلبو ليهو الود محمد عيد
ده حالتو لسه ناس الريس , ومنى يونس , والبت الصغيرونة البتكتب بألنجليزى الأسمها محسنة ديك , لسه ما جو
ثم قيل عن مناقب صلاح على صالح الكثير
واجمل ما فيه , ان مناقبه انسابت من بين اصابع كتابها انسيابا , فى سلاسة فائقة وايجاز بديع
ثم اريد منى فى اشارة فوتوشوبية بديعة , ومعى اخى الرشيد (اخى الأكبر طبعا )
ان افصل واضيف ا
انا اضيف ؟؟؟!!!
دا انا غلبااااااان
اراد منى محمد عيد الحبيب , ان اسرد صورة واقعيية حدثت امامنا تفرد لنا مساحات من صدق ذلك الشخص المسمى (صلاح ) ( على ) ( صالح )
اجتمعنا , ذات يوم , والحبايب حوالينا , ولم نفترق , الا ومطر صدق وشفافية ذلك الرجل , تصب وتمعن الصب , علينا
كنا رهط ممن اعياهم تكالب الأحزاب , وارقهم تهافتهم على حياتنا الأجتماعية
حتى غاصوا بسياستهم , ومناكفاتهم , وعاثوا فيها تمزيقا وتفريقا
اتفقنا على ان ناتى بأسرة مبرأة من كل حزب , ليس لها الا اعمار حياتنا الأجتماعية , وليحتفظ كل منا بحزبه , كيفما اراد
ووضعنا شرطا اوليا لسنة السرة ودورتها الأولى , بابعاد ذوى الأنتماءات الحزبية الصارخة , مع احتفاظنا بكامل الأحترام لهم ولاحزابهم
فكان الترشيح للحاضرين , حسب رؤية الناس ونظرتهم فى امكانية خدمة توجهات الأسرة الجديدة والوليدة , ولمن يستطيعون ان يبعدوا تطلعاتهم الحزبية , ولو لسنة واحدة
فاخذت الأختيارات تترى , اختاروا من انسو فيهم كفاءة وتجردا , وابعدوا من انسوا فيهم توجهات حزبية صارخة , حتى ولو انطبق معيار الكفاءة عليهم
ساعتها وقع الأختيار على صلاح على صالح , لان توجهاته الحزبية , لم تكن قد اعلنت على رؤؤس الأشهاد
ونعلم جميعا كما القاصى والدانى , ان معيار الكفاءة والتفانى , عليه بنى وبه يقاس
ولكن الفتى انبرى للجمع , فى بساطة وشجاعة وصدق
يعلن لنا اننا جميعا , قد اخطانا العنوان , هكذا قال
وقال لنا فى تجرد , انه مع التوجه الأجتماعى للأسرة , وانه مع الشروط التى اجيزت من الجمع
ولأن هذه الشروط لا تنطبق عليه , فانه يعتذر , واى اعتذار كان
قال لنا , ما لاتعرفونه يا اخوان , وما يجب ان اقوله لكم فى هذا الجمع الحاشد , والا كنت من (المنافقين )
هو اننى عضو منظم قديم التنظيم فى الجبهة الديمقراطية
انا شخصيا لا اعرف ما فعل به حزبه وتنظيمه تلك الليلة , جراء تفريطه فى مثل تلكم الفرصة
ولكن ما اعرفه , هو ان صلاح على صالح منذ تلكم اللحظة , سكن فى منزلة صدق وتجرد عالية عند جميع الحاضرين
مشتاقين يا صلاح على صالح , وتستاهل (القيد ) يا زهير
Post: #6596
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-16-2010, 10:44 AM
Parent: #6594

اما ثالثا , فنجى لى حكاية كنتاكى دى
طبعا (مرجفى المدينة ) , لقوا فرصتهم
وجابت ليها مرجفين من حتات تانية كمان , لا مدينة ولا حاجة
آل ايه , زول زى ده , المفروض بعد كده (يلزم ما عارف ايه )
زماااان لمن مشينا لى عوضية , تكالب على مرجفوا المدينة نفسهم , مع تغير (سحناتهم )
فمثل جمال فارح , دور كبير المرجفين , فى جكة السمك الشهيرة
بينما استمر اب شنب زهير الزناتى , فى لعب دور (الجاسوس ) الذى يرمى الكلام براااحة برراحة , فى الحالتين
ويمضى تاركا لمرجف آخر , رمى طوبته فى مياه (العبد لله الساكنة )
وما دروا ان مياهى ( وان طال سكونها ) , يوما الى ( وكأنها تسونامى ) تتحول
اليكم ما خفى عليكم فى معركة (ذات الدجاج ) , الشهيرة بى (كنتاكى )
اخوكم طبعا قلبه حااااار بلغن احد
بارد اذا ما نام
سبايسى , شديد الحرارة اذا ما هاج او ماج
لمن يجى قطيعة مصيرى يقول لى فى استفزاز
انت ايه اللى دخلك هنا
لم اكن ادرى اننى محبوس اختياريا , ولم يبلغنى احد بذلك
اذان العصر يؤذن عندنا حوالى الثالثة والثلث , واو الثالثة وخمس وعشرون دقيقة
ومن فرط حرصنا على النظام , اكتفينا بكنتاكى شارع الستين , بدلا عن خيارات عديدة فى الفيصلية
خاصة وان ابو الزوز كان (تواقا ) الى غموس يغمسها , والى رغيف عيش يدسه فى الطبق دسا , فياتيه (بالملحات البديعة )
ولكننا اكتفينا بجداد كنتاكى , وبعضنا له كارهون
وبعد ده كلو , انا يتآل لى , ايه اللى دخلك هنا
مرجف المدينة اضاف ملحا وشمارا للحكاية , مثل ما اخرج مرجف المدينة الكبير , جمال فارح , التوم والشمارات , الى جكة عوضية
لكن امانى , بت شيخى اللى الله يخليها لى ان شاء الله
قطعتها ليهم فى راسهم , ذلك المساء
حتى ان محسن دفعة ما يزال يسألنى كل يوم
اشتريت لى امانى الغويشات ولا لسه ؟؟؟
آل كبير آل , عارفين قلت ليهو شنو
طيب , لو سمحت افتح لينا , يا حمار يا صغير , طالما انت شايف انى راجل كبير
فاسقط فى يده , ورمى لينا المفتاح زى المافى شى
والا و لقضى زهير يومه فى الرياض دون سفر
ولغضب الكفيل
وانت عارف يا جلا , لمن الكفيل يزعل من الموظف اللى لسه ما عنده اقامة
بيعمل فيهو شنو ؟؟!!!
Post: #6597
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-16-2010, 10:54 AM
Parent: #6596

Quote: جلا ... انت حتصوم " الستوت" كم يوم ؟!!!!! .....................

طالما صمنا رمضان 30
يمكن يكون 7
و الله أعلم
Post: #6598
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-16-2010, 11:04 AM
Parent: #6596

سلام يا ناس
يا الله ياخي لمن تبدأ يومك بي تليفون لي صلاح علي صالح
ياخي الزول دة اكيد من طينة تانية
يمين لمن قطعت المكالمة لقيت نفسي زي الطاير كدة
صلاح علي صالح الله يديك الفي مرادك يا رب



الف مبروك للنضيفة
Post: #6599
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-16-2010, 11:18 AM
Parent: #6598


عاينو لى حجازى
يا جلا , وابو الزوز , وطارق جبريل و وياسر نجيلة
جاى جارى باللباس ساااكت
قال عاوز يقول لى المصرى بتاع الجداد
ارشكم

1158.jpg Hosting at Sudaneseonline.com
Post: #6600
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-16-2010, 05:50 PM
Parent: #6599

Quote: الى بها وبسرعة يا ود جبريل
اغثنى بها يت نضيف
هلم بها يا رشيد
اما انت ىا جلا , فلا بتعرف ولا حاجة !!!!


اهايا منص لو استنجدت بي كان قبيل علمتك ليها ولا واحد من الناس ديل هببو ليك ... ياخي دي اسهل من موضوع الصورة كدي عاين لي تحميل صورة مش جنبها في تحميل الاغنية ... ما تيب موضوعك اتحلا ... بس المهم يكون عندك الاغنية العايز تنزلها وعارف محلها وين في الجهاز .....
Post: #6601
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-16-2010, 07:19 PM
Parent: #6600

sudansudansudansudan159.jpg Hosting at Sudaneseonline.com




صلاح علي صالح 0000

خضرة رافقتني منذ وصولي الزقازيق ولا ازال مكنوزة بها0000


انه حكمة المكان 00

تاخذ الحكمة معك الى المكان000

فليس للمكان حكمة في غيابك000

ثمة امكنة لا تحصى وحكمة واحدة

حيثما تكون انت0000 صلاح علي صالح شكرا

Quote: ياخي الزول دة اكيد من طينة تانية
يمين لمن قطعت المكالمة لقيت نفسي زي الطاير كدة



بعد كل مكالمة لي مع صلاح علي صالح 000

اتخيل اني كائن بحري عاد محمل بالغابات0000


جبريلا0000

كل سنة وانت طيب 000

حزنت لعماد محمود وربنا يجعلها اخر الاحزان 000
Post: #6602
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-16-2010, 09:49 PM
Parent: #6601

اخي صلاح والله مشتاقين.. كتير.. والله
شكرا الزناتي
وكمان يا جبريل ...انا اكون ممنون اذا نزلت الوصية
الكلمات لاسمعين ود حد الزين
الالحان للاستاذ برعي محمد دفع الله
الاداء لفنان عموم السودان الاستاذمحمد وردي





ملحوظة:جمعتني الصدفة بالقامة الاستاذ.. محمد عثمان وردي.. فقلت له: انني اول
مرة احضر ليك حفلة كانت بالزقازيق سنة 1985 قبل الانتفاضة بشهور
في كلية تربية حفلة ناس رابطة تهراقا
وانك عندما وصلت المقطع الذي تقول فيه

في حضرت جلالك يطيب الجلوس
مهذب امامك يكون الكلام

جلست ارضا
وانت تغني المقطع
تذكر الحفلة ومسح دميعات
انه فنان عموم السودان
ارحنا بها يا ود جبرين
Post: #6603
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-16-2010, 10:06 PM
Parent: #6602

غالي والطلب رخيص يا ود جادين يا حبيب
Post: #6604
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 09-17-2010, 01:00 PM
Parent: #6603

التحايا الطيبات العطرات لأجمل وأحلى ناس
وكل سنة وانتوا طيبين وأمانيكم محققة
غبت عن التواصل معكم كتابة لمدة طويلة أحد أسبابها
حماقة مني تمثلت في أني حردت استعمال كل الكومبيوترات
الموجودة في البيت والتي لا أملك أي منها وقررت أن أشتري لابتوب
لحالي وحذرت كل من بالمنزل من أستخدامه يعني ببساطة فرزت عيشتي
وأذا بي أواجه بأن الجهاز والذي دفعت فيه دم قلبي وأثر على الميزانية تأثير قطعتوا
في مصاريني ليس به كيبورد عربي يعني دقسة تاريخية وطبعا كرامتي ما كانت بتسمح لي
بالرجوع عن قراري علي الأقل في الأيام الأولى غايتو بمرور الزمن مع شوية حنك
وكمان زيادة غيظي كلما أشوف موضوع المشاركة فيه ضرورية أقنعت ود شيخي اليوم فقط
بأني محتاجة أستعمل جهازه طبعا قبل كدة فكرت أستعمل الجهاز بالدس لكن لأنو ود الشيخ
متابع للبوست قلت دي حتتكشف.
رغم عدم مساهمتي بالكتابة لكنني كنت أقرأ واستمتع وأحزن لحزنكم وأفرح لفرحكم

التعازي للأخ ميسرة والأخت مني في فقدهم.

التعازي للعزيز طارق جبريل في أصدقائه عماد وحاتم حمدتو.


سأواصل
Post: #6605
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 09-17-2010, 01:34 PM
Parent: #6604

أزيكم جيتكم تاني
رغم أنو في حاجات كتيرة فاتتني ويمكن يكونوا الناس أدوها
حقها من النقاش والملام فيها ببقى تكرار ممل لكن لا بد لي أن أشكر
العزيز منصور على الجهد المقدر للتعبير عننا فيما يخص موضوع تبيدي
وملابساته, وبعدين ياخواننا الشيئ بالشيئ يذكر فعلا لو كان المذكور بعيد
عن أي شبهةبتاعة تعذيب أو رقابة على الصحف ألا تذكرون ما كتبه في جريدته الحائطية
أيام دراستنا بالزقازيق في حق زميلات لناعندما شاركن بوصلة غنائية كانت قمة في الابداع
كواحدة من فقرات برنامج حفل تخريج كلية التجارة. حينها كتب المذكور في صدر أصدارته
(تخريج تجارة أم حفلة دعارة) أو تعبير بهذا المعنى لكنه دون شك استخدم تعبيري تجارة ودعارة
وكان يشير ألي مشاركة الزميلات بالغناء لكن أذكر الأن الشجاعة المقدامة أميمة دفع الله لها التحية
ولأسرتها عندما سمعت بالخبر غلى الدم في عروقها وذهبت لدار الاتحاد وأمسكت بتلابيب المدعو وأدته
كفين أمام أعين الطلاب الذين تدخلوا وانقذوه منها فمن يصف زميلات الدراسة بالدعارة في صحيفته
أي كتابة ورأي نرجوه منه. ثم أن هذا البوست (ناس الزقازيق أجدع ناس) قائم على دعائم أساسها المحبة
اللا محدودة بين أفراده فكيف نحب مثل هؤلاء.

يامنصور تاني الله يخدر ضراعك وماتهتم للمرجفين انت لسة شباب
Post: #6606
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-17-2010, 02:57 PM
Parent: #6605




سنيرنا الصباغ كيفنك ياخي



يا منص جبنا ليك الوصية من سيد الاسم ذاته
Post: #6607
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-17-2010, 05:32 PM
Parent: #6606

يا دكتورة الف مرحب وكل سنة انت والاسرة بالف خير ...


اخباركم شنو ... ...؟؟؟؟
Post: #6608
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-17-2010, 05:46 PM
Parent: #6607

091220092479.jpg Hosting at Sudaneseonline.com



يا دكتورة عايزين نديك الصورة دي هدية ... بس يمنع التعليق خاصة من المرجفين في المدينة وعلي راسهم صديقي عمر مجذوب,,,
Post: #6609
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-18-2010, 06:22 AM
Parent: #6608

صباح الخير ....

يا وجوه الخير ..


نيابة عن الريس ميسرة ...


تاري الغربة دي ما فيها اي موضوع ...
Post: #6610
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-18-2010, 07:13 AM
Parent: #6609

والله حكم فى ناس بقو يقلبو الصفحة
المد القادم من لكوظ .... دى حالة دى يا ناس
كل سنة وانت والاسرة طيبة يا دكتورة


باركو لياسر نجلية المولـــــود الجديد
يتربى فى عزكم وحمد الله على سلامة المدام
وعقبال ما تجيبو بت المرة الجاية

فاتتنى صفحة كاملة عاوزة مراجعة
Post: #6611
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-18-2010, 07:27 AM
Parent: #6610

مبروك لولدنا ياسر نجيلة المولود الجديد ويتربي في عزكم ....


ده عايز ليها مجادعة بينك ومحمد صديق والحاضر الغائب عمر نملة ورشيد القوم ... وكمان النضيف
Post: #6612
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-18-2010, 08:25 AM
Parent: #6611

2830641321283972847.gif Hosting at Sudaneseonline.com


الف مليون مبرووك لولدنا وحبيبنا ود نجيلة المولود الجديد

وحمدا لله على سلامة المدام ..

وقبلها حمدا لله على سلامتك انت كمان يا ياسر .. انا عارفك ولدت فى الفترة دى اكتر منها ...

هناكم الله به .. وجعله مع اخوته قرة اعين لكما ...
Post: #6613
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-18-2010, 08:53 AM
Parent: #6612

الف مبروك المولود
يا ياسر نجيلة
جعله الله من ابناء السودان الناجحين
وحمدلله على السلامة للمدام
فالولادة دخول للبرزخ وخروج موفق



مرحب يا دكتورة سناء الصباغ
Post: #6614
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-18-2010, 09:08 AM
Parent: #6613

نجيلة كان معاى فى الخط الان بيسلم عليكم كلكم
وبيقول ليكم الحقوه بالاسم سريع لانو محتار
ما بين المهام القديمة من غسيل عدة وخلافة ومسك البيبي الجديد
اسماء اولادو احمد و عمار والمدام تفضل اسماء حديثة شوية
ذى ( ديدو ) مثلا"

طهور الولد يمكن يكون يوم السبوع عشان كده اسرعو شوية .....
Post: #6615
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 09-18-2010, 09:16 AM
Parent: #6614

كل عام وأنتم بخير
وأسأل الله أن يعيد عليكم العيد وأنتم أكثر محبة وتواصل
مع موفور الصحة والعافية ..

التعازي الحارة للأخ ميسرة والأسرة
وأسال الله أن يتغمدها برحمته الواسعة
وأن يلهمكم الصبر وحسن العزاء
وإنشاء الله آخر الأحزان

التهاني والتبريكات للأخ ياسر نجيلة المولود الجديد
أسأل الله أن يجعله من البارين الناجحين
Post: #6616
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-18-2010, 09:30 AM
Parent: #6615

قدورة يا حبيبنا ...

وين الطلــّه ووين الهلــّه ..

منذ اجازتك الاخيرة بالسودان الشقيق .. وانت لياقتك البدنية والذهنية فى النازل ...

شوية لياقة وتمارين سويدى يا وارقو ..!

&&&&&&&&&&&

أصـعب الأيام .. هو اليوم الذى تحاول فيه استعدال ساعتك البيولوجية

تماما مثل اليوم ...

التعود على النوم بعد الفجر والصحيان ما قبل العصر

وبين الصحيان القهرى اليوم صباحا والانتظام فى دوام صباحى ممــل ..

قد تحدث كثير من التخاريف والخرمجــة .. فلا تؤاخذونا ..

ربنا لا تؤاخذنا ان نسينا او أخطأنا ...
Post: #6617
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-18-2010, 09:40 AM
Parent: #6615

تحياتي للجميع

ألف مبروك المولود يا ياسر نجيله وجعله الله من أبناء الوطن الصالحين والف مبروك للمدام ..

---اقترح تعيين جمال فارح وزيرا للثروه الحيوانيه والزراعيه ومستشارا للرئيس لشئون الايمان والمؤمنين ...ما تجي تقول لي مافي وظيفه زي دي..لانو أي وظيفه في سودان السجم ده ممكن يتم نجرها مابين يوم وليله ...أيام العيد حضرت جزء من برنامج في تلفزيون السودان مع واحد مستشار الرئيس لشئون الجوده...

----الأخت سناء الصباغ سلامات ..لو عندك مشكله في الكيبورد عربي ممكن تستخدمي الوب سايت دي :www.yamli.com ..اكتبي عادي بنفس حروفك الانجليزي والكلمات بتظهر ليك بالعربي مع عدة خيارات،وفي النهايه تعملي كوبي اند بيست ... أنا الآن اكتب عربي بهذه الطريقه ...

---تحياتي للجميع مره أخرى .....
Post: #6618
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-18-2010, 09:59 AM
Parent: #6615

بالله قلبتوها
لكن اقول ليكم حاجة , دى صفحة عجيبة خلاص , سمحة جنس سماحة
لامن بوظت لى اعصابى
اول شىء و القى ليكم الوصية تلعلع , وبالفرشن الأصلية بتاعتها و من سيد الأسم ظاتو , , يمين لامن شعرة جلدى ######ت
وشعرت بما يشبه الأنزلاق الغضروفى , فى حنانة زاتو
ايوة والله , انزلاق غضروفى فى حنان حنانى , انا عارفك حنين , اوعى ياقلبى تنسى , فى لحظة الوصية
قلت ليكم الغنية دى فيها جنس تحريض , يكفى لقيام مظاهرة , فى الزمن الصعب ده
تعبيراتها جاية فى شكل اوامر عسكرية صارمة , اوعى ياقلبى تنسى , لكنها مليانة بى حنية الدنيا والآخرة
زول لابس رسمى قدامك , يديك اوامر دشنة , بتعبيرات حانية رقيقة , لدرجة انك تقيف فى منتصف الطريق ,بين ان تستجيب ولا تستجيب
تطلع للشارع تكورك تقول يا ابو مروة , ولا تنصاع لشقشقات قلبك الحانية ؟؟؟
اها , ده سبب اول لى سماحة الصفحة الطاعمة دى
وانا عارفكم مطموسين , ما تلقوا ليكم صفحة سمحة وطاعمة , الا وتجروا تقلبوها
يعنى فالحين بس تقلبوا دى , مافى حاجات كتيييييرة عاوزة ومحتاجة مش تتقلب , محتاجة تختوا مصارينها زاتها فى الواطة
وواحد فيكم شغال بيها مافى
آل ايه , الأولاد قلابين اوى يعنى ؟؟!!!!
Post: #6619
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-18-2010, 10:23 AM
Parent: #6618

اها الصية النزلها طارق جبريل , بى نسختها الأصلية
مش قلبت الصفحة بس , دى قلبت السبت بتاع الليلة , لى خميس عديييل
ولمن كمان لقيت ليكم مبارك جادين يشاركنى الطلب والطرب , ومصوب سهامه معاى فى ذات الأتجاه
شعرت بالزهو , او ما يشبه الخيلاء , ويعلم الله رغم الشغل المردم قدامى , قعدت اقدل لمن شفت نفسى قريب لى ندى القلعة فى الشكل
وما فارقنى فى اللون من نانسى عجرم ولا عجاج حتى , الا شويات تتشات كده , وان احتاج الحال لى شوية (تقدير ظروف ) من سعد قشرة , فلا مانع
اذن استجاب طارق جبريل و وشارك مبارك جادين , طيب ده ما العيد زاتو يا اولاد الحلال
اها وفوق لى ده كلو , الصفحة لمن تتقلب , تلقى فى اولها الدكتورة (ام ما جستيرين ديك , بتاعت جلاسكو )
البقولولا سناء بت الصباغ , تجى تلقانى ليكم فى نص قدلتى ديك , وكمان تزيدنى قدلة , فيما يشبه تجليات فرفور وهو يردد رائعة احمد محمد على
المنقولة عن الشين السمح عبد العزيز محمد داؤؤد , همسات فى ضمير الغيب تشجى مسمعى ,
اها الزول ده , قصة براهو
يمين بالله شناتو دى , اصلو ماقابلتنى الا فى غناء هيفاء وهبى
لكن كمان غناهو , سمح واصلو ماقابلنى زيو الا فى وشها
عليكم الله شفتو جنس محن الزول ده , ما قلت ليكم شين لمن سمح , واوجه الشبه بينو وبين هيفاء كتيرة لمن الواحد اتخيلهم اخوان رضاعة , لأنو ما بينفع يكونوا اخوان بطن واحدة على حد علمى
سناء الصباغ , اوعك تغيبى تانى , ولو مشكلتك الكيبورد العربى , اما عليك بتوصيات دكتور الصادق عبد الله , ولا كمان الأتنين رسلو لى عناوينكم فى الخاص
وتلقوا كيبورد عربى متين فى صندوق بريدكم , باسرع فرصة يا حلوين
Post: #6622
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-18-2010, 10:37 AM
Parent: #6619

الكلام لسه ما كمل , انتو مستعجلين قدر ده مالكم
ضربت ليكم لى ياسر نجيلة , ومعاهو بت شيخو , ومعاهم ولدهم الجديد , ربنا ان شاء الله يجعله من الصالحين الناجحين
اها الزول ما داير يطير من الفرحة , وبعدين يا دوبك الحساب وقع ليهو فى راسه
غايتو تحت تحت كده , ناس ابوظبى قالوا شافوهو قبل يوم يومين كده
حايم تاااانى فى سوق الدهب بتاع دبى
هسى الزول ده ما عقدنا عديييل كده ياخ
يلخبط فى البوست ويتكلم عن المدرسات وما ادراك ما المدرسات , يضطر يسوق معاهو زهير , ويجيبو السوميتات الما خمج من البتتحمل باكاروهات ديك
اها , الوليد يتأخر شوية , تقوم تاااانى تمشى سوق الدهب
هسى زهير ده اقامته اتاخرت , وتاشيرة ناس ابتهاج لسه ما طلعت
يمشى سوق الدهب برضو ولا شنو
يتربى فى عزكم يا حبيب
Post: #6623
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-18-2010, 10:45 AM
Parent: #6619

والله يا دكتور الصادق , لقيتك نجيض جنس نجاضة
بينى وبينك كده , قريت تعليقك على جمال فارح
قلت الزول ده حسى الزكره جمال فارح (فجعة ) كده شنو ؟؟
يمين بالله , الصورة النزلها زهير , شفتها اكثر من تلاتة مرات
ولا اتذكرت جمال فارح , ولا حتى جا فى بالى
المشكلة ما فى البدلة
ولا كمان فى الكرافتة
السبحة زاتها ما عندنا شغلة بيها
النضارات ولا بتعنى لينا اى حاجة
المكتب اصلوا ما خصانا بيهو
انا الحارقة رزى , الكراتين الوراهو دى
بعدين , الزول ده بالبدلة , لا جمال فارح ولا حاجة يا دكتور
جمال فارح
يا ترجع تكتب , يا بنقلع الباسورد بتاعك ده ونديهو لى (محسنة ميسرة )
Post: #6620
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-18-2010, 10:25 AM
Parent: #6618

صباح الخير ،،، يا وجوه الخير

أصبحنا وأصبح الملك لله وحده

أهلاً ومرحباً بالوجوه الطيبة

أخونا حيدر حسين والدكتورة سناء الصباغ

ليكم وحشة والله ،،،،،

النضيف ألف مبروك للبنية يا خال

ياسر نجيلة حمد لله على سلامة الجميع وربنا يجعله من الصالحين

وكل عام والجميع بخير ،،،،،،
Post: #6621
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-18-2010, 10:34 AM
Parent: #6620

يا جماعة مداخلة الريس دي زي ما قال البادي رئاسية عديل كده ورسمية ....


الصادق عبد الله والله المنصب بتاع صاحبي ده ميه الميه ... بس خايف يقوم يلهطوا منه واحد تاني ... عشان كده بقترح يكون المقترح سري حتي التنفيذ
Post: #6624
Title: Re: ناس الزقازيق ... أجدع ناس ( 3 ) ..
Author: عصام دهب
Date: 09-18-2010, 10:53 AM
Parent: #6621

ألف حمداً لله على سلامة المدام يا نجيلة ..

و مبروك مقدم المولود و نسأل الله تعالى أن يجعله من الأخيار الصالحين .. و يحفظه لكم و إخوته و يحفظكم لهم ..

ـ
و مرحبا بإطلالة د. سناء الصباغ بعد هذه الغيبة ..

و نتمنى عودة كل الغائبين و المنقطعين ..

و سلام و تحية لأجدع ناس ..
Post: #6625
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-18-2010, 10:59 AM
Parent: #6621

sudansudansudansudan160.jpg Hosting at Sudaneseonline.com

أسمحوا لي أن أنقل صورة الإسطور الزقازيقية أخونا صلاح علي صالح
هذا الرجل القامة ، لقد شاهدته بالزقازيق أيام العمل السياسي
ولم يعرفن به أحد ولكني شاهدت شاب نحيل أسمر يمسك دفتر وقلم ويسجل
كل شاردة وواردة وحينما إلتقت أعيننا هزمني بضحكته وإبتسامته البيضاء
الجميلة فبادلته الإبتسامة والرضى لهذا السوداني الطيب الجميل
لم تساعدني الظروف في تلك الفترة أن أقترب منه إجتماعياً ولكني عرفته
من خلال تواجدنا الرسمي فكان أطيبنا ونحس بأنه أفهمنا وأكثرنا صبراً
فكان حمامة السلام وكثير من الوئام ،،،

صلاح الدين علي صالح لك مني مليون سلام وتحية

وكل سنة وأنت والأسرة الكريمة بألف خير يا صاحب الضحكة الجميلة
Post: #6626
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-18-2010, 11:52 AM
Parent: #6625

سلامات يا ناس

مبروك يا نجيلة الولد وحمداً لله على سلامة (شيختك)

تعرف( ولادتك) دى ذكرتنى ولادة واحد :الراجل كان

قاعد فى النجيلة قدام واحد من العنابر جاء واحد

سألو قال ليهو عنبر الولادة وين ؟ قال ليهو الولادة

حريم ولا رجال ؟ الزول اندهش وبقى يعاين ليهو قال

ليهو شوف ياخوى لو داير الولادة حريم العنبر القدامك

ده طوالى اما اذا كنت داير الولادة رجال اقعد معاى هنا.
Post: #6627
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 09-18-2010, 12:26 PM
Parent: #6626

جدعة :

الولد الأصيل ما شفنا فيه العجلة
متمهل ملك عارف حلاوة الطلة
لي وضع الإسم إجتمعوا كل خلق الله
يكفيك النسب أبواتك زمام الملة

ألف مبروك ياسر
وحمدا لله على سلامة بت الشبخ
Post: #6628
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-18-2010, 12:37 PM
Parent: #6627

الف الف الف مبروك يا نجيلة والف سلامة للمدام
سميهو طارق وريح نفسك ما بتلقى احسن منه
Post: #6629
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-18-2010, 12:45 PM
Parent: #6627

سلامات يا ناس

وصول الاخ خالد يسن موفد ناس الزقازيق

عائداً من الزقازيق ...بعد تكليفه من قبل

اللجنة التنفيذية لمقابلة السيد مدير الجامعة

بشأن المنح الدراسية لابناء الزقازيق والدراسات

العليا ( للكوامر) ...

الاخبار مُبشرة وسعيدة على الصعيدين ...

التفاصيل بعد ترسلوا الحلاوة.
Post: #6630
Title: Re: ناس الزقازيق ... أجدع ناس ( 3 ) ..
Author: محمد صديق
Date: 09-18-2010, 12:50 PM
Parent: #6629

سلامات يا ناس

Quote: صلاح الدين علي صالح لك مني مليون سلام وتحية



سلام وتقدير لصاحب الضحكة الدائمة .
Post: #6631
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-18-2010, 01:53 PM
Parent: #6630

مساكم الله بالخير

بصراحة كده اليومين الفاتو ديل فتحت ليكم و اتفرغت لي عيالي تماما...
و حتى المتابعة ما كانت متوفرة...
و عدم المتابعة ده كلفني زمن طويل عشان ألحق الفاتني...
و الفاتني كتير و استحق الزمن القضيتو فيهو...
و عودة سناء الصباغ و لو بي كي بورد مسروق أو مشحود تعتبر حدث مهم...
عليك الله يا سناء ما جاتك عشراقة شديدة يوم الخميس...
كنا في سيرتك أنا و نجاة...حيث احتفلنا بذكرى معركة ناندوس...

كذلك حكاية أبو الزوز عن معركة كنتاكي...
اغتراب أبو الزوز أصبح مكسبا كبيرا للبوست...
عقبال الكوتش عشان يجي يكمل قصصه الليها سنين ما قادر يتمها دي...

ياسر نجيلة طبعا أنا باركت ليك بالتلفون...
لكن مباركة البوست دي لا بد منها...
عشان بكره ما تكتب صحف التابلويد متسائلة عن سر القطيعة بين ياسر نجيلة و الرشيد...
مبروك الوليد و أسأل الله أن يجعلة من الصالحين و الباريين بوالديه...
Post: #6632
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-18-2010, 03:00 PM
Parent: #6631

مليون مبروك عليكم يا نجيله يا رهيييييب..
حمدالله على سلامه الشيخه بت الشيخ..

ياخ معقول تسعه شهور ولي هسي رايح ليكم إسمو..
تحت تحت الود قالو طالع شايل ليهو مضرب وكوره بنج بونج...

ربنا يحفظو واخوانو.. من كل سوء..
آمين..






عدل قبل الشمات ما يجو..
Post: #6633
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-18-2010, 05:32 PM
Parent: #6632

يا وهم عدلت شنو
Post: #6634
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-18-2010, 06:01 PM
Parent: #6633

ابو الزوز نديك الكوت
Post: #6635
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-18-2010, 09:49 PM
Parent: #6634

تسعة اشهر الا يومين بالتمام والكمال ... تجسد فيها صبر بت الشيخ
تربية ومراعاة لبيتها ... وحمل ... في غربة ليس من ينجدك فيها سوي نفسك
وفي يوم الخميس الساعة التسعة والنصف مساءا
وشاءت ارادة الله ... ان تحتضنه بت الشيخ بين زراعيها بدلا عن احشائها
بعد ان ققرر الفارس ان يترجل ...
وكانت فرحتي اكثر مما تتصورو ... هذا المولود بالذات عشت كل تفاصيل حمله
بكل احساسي ... حيث مرت ولادة ابني البكر احمد كالبرق ومابين الدهشة والتصديق
تمت الولاده وكبر سريعا ... وكذلك الثاني عمار ... لم افق له الا بعد ان صار عمرة السنتان
وذلك بسبب ضغوط العمل حيث كنت اعمل اكثير من 15 ساعة في اليوم ... ولذا كانت ولادتهم وطفولتهما
مرت سريعا دون ان استمتع بيها ...
اما هذا الفارس ... فقد عشت كل تفاصيل حمله يوم بيوم وكأني الذي احمله ...
هل هذا بسبب وقت الفراغ الاضافي الذي اعيشة ... دوام حكومة فقط ...
ام فرحة ولاده الكبر من هذا العمر ... ولا اريد ان اؤمن على هذه النقطة لان طرف السوط والرشاش
سوف يصيب عمنا منصور الابنوسي وحيقول لي " طيب ياولد ياصغير يا ........ حاول جيب واحد تاني"
وحينها وسوف يسقط على يدي .......

كم سعدت بمباركتم الصادقة عبر اليوست ... وكلكم بدون فرز ... احبكم ... وكنت افاخر اهلى بتهنئتكم لى .. وتأكدو اطلعتهم على كل حرف مباركة كتب هنا ... حتي قالت ام بت شيخي ... ياخي انتو ناس عجيبين لحدي هسع محتفظين بكل هذا التواصل والود فتو الاهل زاتوو ... ولفت نظرهم بكل صدق مداخلة الاستاذ عبدالحفيظ عباس وكلماته البهيه وايضا كرت ولدنا محمد عيد وتحريض منصور بشراء سوميتات دهب وضحكت الخالة ام بت الشيخ وقالت لى " هي ده زميلكم وبعرف كلمة "سوميته" دي كلمة تاريخية اتنست زمااااان ... وكانت من الذكاء ان تقول مباشرة زميلكم ده ولا زميل ابونا حسن نجيلة...
وانا ماقصرت بالشرح واقول ليهم ده زميلي ابوشنب محاسب كبير في السعودية اغترب هسع ... وده مدير مول كبير في جده ... وده مدير مكتب الحركة برئاسة الجمهورية وان شاء الله حيكون وزير كبير في قصون الشهور القادمة احفظو الاسم ده كويس ... وده مدير مالي وده مستشار قانوني كبير بجده كان مع مولانا وبقي مع سرتانا (وش طارق جبريل الضاحك وينو)... وده دكتور بشري ودكتور بيطري وده مهندس وديل مهندسين زراعين ... والعايش في الخليج والعايش في المغرب وحتي العايشين في الدمنيكان ... وده غير التلفونات ... ومن اوائل التلفونات الاستلمتها بعد اداء الآذان والاقامة للطفل مباشرة كانت منكم وتحديدا من الرائع رشيد القوم واخي النضيف "يوم شكركم ان شاء الله مايجي" ... وتوالت الهواتف منص الذي افحم وادهش بت الشيخ والكمندان الكوتش محمد صديق الذي طرت فرحا بمكالمته ... غايتو كنت فخور بيكم حتي الثمالة ... والله انتم كنز حقيقي وشعرت به في هذه الايام ....
داومو على هذا التواصل الاصيل .... واحبكم شويه عليكم ...




طبعا جايكم تاني ....
Post: #6636
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-19-2010, 00:27 AM
Parent: #6635

ياخ نجيله دا ما بيجيكم قريب..
يا زناتي أنا ما عوير عشان أوريك عدلت شنو..

يوم داك شايف ود المهدي كتب طرفه وقال دي من غير مناسبه..
أها النحكي ليكم القصه دي وعندها مناسبه..
أقولها ليكم بعدين..

مقدمه..
في الزقازيق..
كنت من عشاق السيما زي ما بيقولو أهلنا..
كل اسبوع لازم أخش الافلام البتنزل جديده..
متعتي بعد سكشن الصباح امشي أدفع الربع جنيه في سينما سلمى أو مصر..
وأقعد زي الملك في اللوج ومعاي تلاته فلاحين ما في واحد فينا بيعرف التاني..
ويبدا عرض مستمر.. تلاته افلام أصليه..
شي عربي.. شي هندي.. شي كونج فو..
اخلص واطلع مع المغربيه كدا..
ولو يومي في الكليه طويل.. باخش قصر الثقافه بالمسا..

الفصل الأول.. سينما الثقافه..
يفي سنتنا التالته كنا ساكنين أنا والوله جبريلا في المساكن عماره الأوقاف..
ورثنا الشقه من أولاد بيطره وليد إبراهيم وعماد كريازي..
تخريمه.. إنت يا زناتي ما حضرت الناس ديل..
المهم راجع يوم من الكليه عندي سكشن بينتهي متأخر...
إتمحركت بيجاي بيجاي.. قلت اظبط مواعيدي على قصر الثقافه..
فيها فلم لسهير رمزي خطير جدا إسمو ليال..
على ما أذكرقصتو عن راقصه مصريه عصاميه جدا..
معليش يا جماعه.. اصلو أهلنا ناس بمبه محنهم كتيره..
تخريمه.. يا زناتي لو داير تعلق أنا شايفك في الفلم متحكر..
ياللا الفلم كان طويل جدا.. الزوله ليال دي جابو قصتها العصاميه بالتفصيل..
كل ما تطلع درجه في سلم المجتمع.. ترقص زي ساعه كدا تحتفل..
المهم دا ما موضوع القصه...
إنتهى الفلم أظن بعد تلاته ساعات ونص..

الفصل التاني..
رجعت الشقه..
لقيت جبريلا ومعاهو واحد صاحبنا.. كان فردتنا ومعانا طوالي..
صاحبنا كان عندو حله فرماله.. بيطبخها طوالي.. معذبنا بيها..
الاتنين كانوا في المطبخ بيظبطوا العضه..
جدعت اللاب كوت.. وجيت ليك عليهم مبسوط..
"والله الليله خشيت فلم إسمو ليال.. حاجه ما تخلص.."
الجماعه عاينو لي بعض وفكوها ليك ضحكه..
"شنو يا شباب في حاجه؟"
صاحبنا قال.. "لا أبدا.. راجينك بي الأكل.."
تاني ضحكوا ضحكه خبيثة كدا..
وصاحبنا قال... "آاال ليال آاال.."
"##### قصدكم شنو يعني.. حاكون كنت وين.."
قصدهم طبعا اني أكيد خالط في حته..
"ههاااااااااي.. آاال ليال آاال.."
بعد داك عينكم ما تشوف الا النور..
إتبادلوني هو والوهم جبريلا..
كل دقيقه والتانيه.. "آاال ليال آاال.."
كل كلمه والتانيه.. "آاال ليال آاال.."
خطوا الأكل.. "آاال ليال آاال.."
"ميتينكم ######.. ما داير آكل زاتو.."
استحميت ولبست.. قلت أمشي الإتحاد أفك زعلتي في تربيزه البنج..
جاي مارق.. زولكم مواصل..
"ماشي تحضر ليال تاني... ههااااااااي..."
و جبريلا يرد ليهو... "آاال ليال آاال.."
صرفت ليهم من التقيل "#####?????" و مرقتا...

الفصل التالت... دار الإتحاد..
لاعب بنج بونج بي مزاج قريب الساعتين..
جا خاشي الصاله صاحبنا بتاع قبيل..
هو زول بتاع جوطه كدا.. أكل ليك الناس المستنيه دورها حنك تقيل..
"يا خوانا انتو كلكم لعبتوا.. بس أدوني قيم واحد أغلب ليكم العامل فيها حريف دا.."
"نعم.. يا خوي.."
"أيوه باغلبك وتحدي قدام الناس ديل.."
ابتسمت وأنا أشكر ربي الجاب لي الزول دا لحدي عندي مدردق..
خش يلعب.. ودايرو يسخن..
"ما محتاج أسخن عشان أغلبك.."
"يا زول؟.. طيب دقها.."
وقع ليهو السيرف..
شمر أكمامو كدا وبدا يلعب..
صفر - 1
صفر - 2
زولكم بدا يعرق كدا ويتحنفش..
صفر- 3
الجمجارين البره.. "دا شنو يا اسمك حيدوك 6 - صفر؟"
تخريمه.. 6 - صفر يا زناتي معناها القيم بينتهي طوالي..
"وكمان الزول دا لاعب معاك باللفت (اليد الشمال)..."
قال.. "إنت لاعب معاي بي اللفت؟.."
ما رديت عليهو..
"الا أغلبك الليله.."
صفر - 4
صفر - 5
السيرف جاني.. أديتو ليك أعفن سيرف..
6 - صفر.. قيم اب..
خط المضرب.. "قود قيم.."
مرق ما جا راجع..

الفصل الأخير.. شقتنا..
جيت داخل مبسوط.. لقيت زولكم كاضم كضمه أصليه..
بديت أغني أغنيه من الفلم فيها إسم ليال..
زولكم ما استحمل..
"يعنى أنا الليله إكتشفت حاجه مؤسفه.."
"يا زول؟.. خير؟.."
"يعني إنت بتحب البنج بونج دا أكتر من ما بتحبني أنا.."
"نعم يا خوي؟.. حباك برص.. ههاااااااي.."
ستار

وعدتكم بالمناسبه..
اللي هي الصوره النزلها زهير قبيل..
والفرماله حله مكرونه بالصلصه والفلفل..
ياللا يا خوانا.. فتكم بي عافيه..
Post: #6637
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-19-2010, 00:38 AM
Parent: #6636

ملعوبة يا ود جبارة
لي بكرة
Post: #6638
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-19-2010, 05:36 AM
Parent: #6637

صبحكم الله بالخير و السرور

أصبحت اليوم على صوت قمرية و هي تقوقي فوق سقف سكني فذكرتني بالكثير...
ذكرتني بأغنية محمود تاور طيري يا قمرية و ركي فوق الزنكي...
و هذه الأغنية تعيدني سنين عددا الى الوراء...
حيث كنت أجوب مشروع الجزيرة مع شركة ساندوز باحثا عن الرزق الحار و الحلال...

تانيا ذكرتني ببابنوسة و الأبيض و كل كردفان الغره أم خيرا جوه و بره...
و بكل أبناء كردفان و هم يكورلون مكتول هواك أنا من زمان...
و ذكرتني بالأخ العزيز أسامة موسى صاحب الوتر و الكفر...
رغم انه اشتهر بالوتر الا أنه لا يقل موهبة في الكفر أيضا...
تلقيت تحاياه منذ يومين من محمد المرتضى و أرسلته تحياتي عبره أيضا...

ذكرتني عندما كنت صبيا...
كان همي كل همي واجباتي المدرسية...
كان معنى الحب عندي قبلة من والدي...
فكبرت و تفتحت لدنيا شاعرية...

حاتم جبارة....آل ليال آل...

جبريلا...انت صاحبك ده مخليهو يسرح و يمرح على راحتو كده مالك...
الغريبة الحكاية بتاعتو دي لا نفيتها و لا أيدتها...
Post: #6639
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-19-2010, 06:37 AM
Parent: #6638

Quote: وده مستشار قانوني كبير بجده كان مع مولانا وبقي مع سرتانا


والله يا نجيلا دي حلوه وعجبتني جداً وريحتني في عصام دهب ... طيب ما تسمي الولد سرتانا أو عصام وبالعدم ممكن تسميه زهير الزناتي عديل كده ...


يا جبارة يا وهم صاحبي ده بقي شيخ كبير وبيغطس حجرك .... ما شايف السبحة دي والله يجرها إلا يخليك تجي السودان تكون السماح ... ذكرتني مرة في شقة السوق .... جونا إثنين من أولاد زراعة (514) اذكر منهم احمد صالح ... والثاني لا أذكره وإن كنت أتهم محمد عيد ... الدنيا امتحانات وعندهم مذكرات مع صلاح علي صالح علي ما اعتقد ... المهم مع زنقة الامتحانات ديك ... أصروا يلعبوا قيم وست ... يا زول دورنا الكوشتينة ومن أول دويرة للورق جماعتك اخدةا سيك ... احمد صالح ضحك بحسرة ... وعارف الزول لمن يضحك بحسرة يكون عامل كيف ... وأصر علي أنه لازم يلعب تاني ويسده السيك ... وتاني التوزيعة وتاني سيك ... ناسك قاموا جارين ... وخلوا مذكراتهم ...

.
Post: #6640
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-19-2010, 06:39 AM
Parent: #6639

Quote: ذكرتني عندما كنت صبيا...


سنة كم .؟

سؤال برئ
Post: #6642
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-19-2010, 07:01 AM
Parent: #6639

بسم الله
السلام عليكم أيها القوم
أهم شئ قالو الخيل الحرة تجي في اللفة
مثلاً جلا المشهور بي محمد آدم
موسى عيسى
أحمد إسماعيل
و بما أن الولد الجديد بتاع ياسر نجيلة و لدنا
يعني نحن أولاد دفعة في التجارة
عليه قومو عيدو المباركة تاني من أول و جديد
طبعاً حيجي منصور
و يقول ليك لا بالله
و كنتو وين من أول يوم؟؟؟
و لو مهتمين تقعدو مع الزول بتاع الولادة رجال
بالمناسبة لو إنت زول متحدث أساسي في ندوة لازم تتحدث في النهاية
عليه نحن المتحدثين الأساسين
ما علينا
المهم أسرة ياسر نجيلة لازالت عزابة
أمنياتنا الصادقة بدوام الصحة لي بت الشيخ
و نسأل الله الكريم أن يجعله باراً بوالدية و من أبناء الوطن الصالحين
بالمناسبة الزول دا حيجي يشرف السودان متين؟؟؟
Post: #6641
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 09-19-2010, 06:43 AM
Parent: #6638

سلام يااحباب صباحكم بالرضا والسرور

يانجيله وليدكم مبروك ويتربى في عزكم
ياحبيب انت عندك عمار اظن عمر مابطال

حسين خوجلي من الناس البمخمخو بالغناء
وانا يتخيل لي بتمتطق لما يسمع غنا حلو
آخر مره شفت حلقته عن ود القرشي والشفيع
ونكت ليه اغنيه لم اسمعها رغم محبتي للشفيع
واشعار ود القرشي

هاكم ياها

يوم قالوا لي الاقمار عليمة
انك تراها و تلمس اديمها
يا ريتني ابقى سعيد
واشوفها ديمه

يا فني جود و انصفني ديمه
يا لحني اشدو شعرا قويما
تصور الاقمار عرفت غناك
نزلت من السموات تسمو حداك
و ازدانت الحفلة و النور تجلى
يا الله زيد في الحب و العفة ديمه

فلتسالوني عن عيد الكواكب
الفيه نور الدنيا صفاه ساكب
صوت المغني اصف المواكب
دا الدهب المجمر بجماله انضر
دا الفل يحكي لونه ما احلى نونو
فشهدت استغراضا كان عظيما
و سهرت والاقمار لسواى ظليمة

الحقيقة حبي بعيد و بعيد سماه
و ما ذنبي لو عازل بالجور رماه
ليه التجني و انا راقي فني
و حلو التثني قد غاب عني
معروف هواى و طاهرات نوايا
و الا لو اصررت تكون اليمة
ساجفو و الاقمار لي داني ريمها
Post: #6643
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-19-2010, 08:03 AM
Parent: #6641

صباح الخير ،،، يا وجوه الخير

أصبحنا وأصبح الملك لله وحده،،،

اللهم أجعل القرآن الكريم لنا في الدنيا قرينا ..
وفي القبر مؤنساً،،، وعلى الصراط نوراً ،،،،،،،
وفي القيامة شفيعاً،،، وإلى الجنة رفيقاً
ومن النار ستراً وحجاباً وإلى الخيرات كلها دليلاً وإماماً
بفضلك وجودك يا أكرم الأكرمين،،،،،

اللهم آمين يا رب العالمين،،،،
Post: #6644
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-19-2010, 08:36 AM
Parent: #6643

صباح الهناء والسرور ...

ياسر نجيلة مليون مبروك وإنشاء الله ربنا يجعله من الصالحين .. شايفك إتجرست شديد خلاص دي ولادة الكبر يا ود أمي .. الحمد لله ربنا حلاكم إنت وبت شيخك لأني صراحة مقتنع تماما أن الرجل يولد مع زوجته .. يعني أنا مع الراجل بتاع النكتة داك وحقيقي في عنبر ولادة رجال ...

ديدو النضيف ملايين التبريكات للنضيفة .. لكن لياقتك الإسفيرية ما ع########ي ...

رشيد القوم لما يكون ماخد جرعة حنان أسرية كويسة بكون ظاهر في خط إيدو .. وبكون المزاج عالي .. إنشاء الله دائما مبسوط وربنا يحفظ أفراد أسرتك ودائما سعيدين ...

الدكتورة غابت وجات في الآخر قلبتا .. تحياتنا ليك ولي أفراد أسرتك وكل سنة وإنتم طيبين ...

زهير الزناتي .. الغربة حارة يا حاجة السارة ...

شيخنا المبجل جلا .. نزل منك والحمد لله .. خلاص القراصة في السوق العربي متين .. إمكن نخليها سمك عوضية من غير جكة منصورية .. خلاص خليها سمك مع سعادة العقيد في نادي الربيع ...
Post: #6645
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-19-2010, 08:40 AM
Parent: #6644

Quote: شيخنا المبجل جلا .. نزل منك والحمد لله .. خلاص القراصة في السوق العربي متين .. إمكن نخليها سمك عوضية من غير جكة منصورية .. خلاص خليها سمك مع سعادة العقيد في نادي الربيع ...

يا البادي
أنا لا نزل مني و لا أصلاً طلع
قندهار الكنا نمشي ليها بي سبب و بدون سبب بقت مافي
عشان كدا ينعل أبو الإغتراب زاتو
وحتى سمك عوضية كتلنا فوقو
عشان كدا إنشاءالله الحكومة تنقلب و الزول دا يجي راجع
Post: #6646
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-19-2010, 09:26 AM
Parent: #6645

في ناس كده لو سمعوا كلامك ده البوليس محمد صديق ذاتو ما حا يحلك ...


قال سمك عوضية قال ...

ياخي انا علي بعد أمتار من خليج أصغر سمكه فيهو قدر البادي النور ... عايزني اسيب ليكم البيبسي البارد ده وأجي لقندهار ....

عالم صحيح تخاف ما تختشيش .....

أو عالم وهم كما قال البروف بتاع الدومنيكان ... الشهير بجبارة
Post: #6647
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-19-2010, 10:30 AM
Parent: #6646

يا أبوالزوز الله يدينا ويديك يا ود أمي .. لكن بي طريقتك دي حتفقع ليك زول من الغيظ والزعل ...

على أيام ناس أبوالزوز .. قالوا لالوبنا ولا تمر الناس .. نحن سمكنا معاهو جكة منصورية .. إنتو سمكم كيف ...
Post: #6648
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-19-2010, 10:32 AM
Parent: #6646

قالوا أكتر حاجه ممكن تهزم المغترب أو تجعله منهزما...
أو حتى تهزم مشروع اغترابه ان كان له مشروع كما يفعل الآخرون...
و الآخرون ديل المقصود بيهم أي جنسية غير السودانيين...
الحاجة دي هي التردد و عدم الثقة في النفس...
و دي عندها مؤشرات أو أعراض كتيرة...
لكن منها...أن تبدأ في كتابة تقرير ثم تشطب كل ما كتبته و تبدأ من جديد...
أن تأخذ وقتا في كتابة ايميل لرئيسك أو لأي شخص ثم تغير رأيك فجأة...
أن تكون عضوا في سودانيز أون لاين فتكتب مداخلة ثم تعدلها مرة و اثنتان..
Post: #6649
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-19-2010, 10:39 AM
Parent: #6648

Quote: ياخي انا علي بعد أمتار من خليج أصغر سمكه فيهو قدر البادي النور ... عايزني اسيب ليكم البيبسي البارد ده وأجي لقندهار ....


حسه يا أبو الزوز عليك الله الفرق بين غريبة و قندهار شنو...
Post: #6650
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-19-2010, 10:51 AM
Parent: #6649

يا الرشيد زول الدومنيكان دة زول حداث ساي ما سواي
قال ايه قال سينما قال
خليني ساكت ياخي
Post: #6652
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-19-2010, 10:56 AM
Parent: #6648

Quote: أن تبدأ في كتابة تقرير ثم تشطب كل ما كتبته و تبدأ من جديد...

طوالي عى السودان
Post: #6651
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-19-2010, 10:53 AM
Parent: #6646

رجع حاتم جبارة لى (ادواته القديمة )
فابدع , وجضم كفر الكلام ووتر الحرف تجضيم
بى تعديل ولا بدون , عجبتنى حكاية ليال , وعجبتنى سهير رمزى زاتا
المراة اللى اسمها سهير رمزى دى ,زمان كانت كاسرة فينى ماسورة
وعشان اديكم ادلة اضافية من شاكلة السوميتة , النالت اعجاب خالة ياسر نجيلة ونسيبته
فانا كنت زمان بقرا مجلة الكواكب , والموعد , والشبكة كمان
والحوادث كنت بشتريها كل خميس مع صباح الخير
وروز اليوسف يوم الأربعاء مع اكتوبر بتاعت انيس منصور
ومعاهم الدوحة بتاعت رجاء النقاش ومحمد ابراهيم الشوش
والصقر الرياضية ايام عهدها الذهبى
وبعد ده كله , انا اصغر من عمار ولد ياسر نجيلة الوسطانى
ولمن احمد ياسر نجيلة ولدوهو , انا كنت يا دوب بتعلم فى الحبى
لمن تقولوا لى سوميتة
انتو سوميتة يعنى شنو يا جماعة ؟؟
الواحد من كتر حرصو على التحريض , بيستعمل كلمات تجيب ليهو الهواء
آل ليال آل
قلت لى (رقاصة عصامية ) ؟؟!!! رايك فى الكلام ده شنو يا ود جبرين ؟؟
Post: #6653
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-19-2010, 11:01 AM
Parent: #6651

يا منص رقاصة عصامية دي زي سينما بتاع الدومينكان داك
Post: #6654
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-19-2010, 11:07 AM
Parent: #6651

انا عاوز اقول ليك حاجة يا طارق جبريل
عارف , ربنا ان شاء الله يرحم ليك والدتك , ويخلى ليك عيالك
وان شاء الله يوعدك بى اجازة كاربة وقريبة , وتقعد بالعراقى والسروال فوق درابزينكم ماسك خرطوشك
ومويتك تسقى فى اشجار النيم القدام باب بيتكم , وان شاء الله الجماعة ما يكونوا غيروا الضفرة بتاعت حوش الدرابزين وعملوها سيراميك
عشان ترشها كده بالموية من الخرتوش , وتتجدع كدع فى العنقريب المن غير لا مرتبة ولا يحزنون , بعد ما (تطرى ) حباله ) بى موية الخرتوش
وجنبك الوالد قاعد فى العنقريب التانى , وشفعك وشفع اخوانك واخواتك وجيرانك , يتجاروا كدى حوالينك
وتضربوا كلكم فى صحن الفول الما خمج , قول امييين ياخ
قصرت معاك عليك الله ؟؟
يمين صوت وردى القديم ده , ريحنى جنس راحة فى دنيتى دى , حاجة بسيطة ومبالغة ياخ
كلام ولحن وصوت مافيش ابسط من كده
لا فيهو تعقيدات ولا نخنخة , كلام مقعد زى العجب
وكان مر عليك جمال فارح ولا الكوتش ولا جلا او ان شاء الله حات جبارة زاتو
تغلبهم كلهم ستة لف , زى الما حصل حاجة
بالمناسبة , يا ود جبارة , غلبك الستة صفر لى جمال فارح , يمين عاجبنى لى درجة حاسى بى انى حضرت الماتش ده
اغلبوا غلبو جن , وكان لقيت لى طريقة فى البادى ده كمان , جضموا لى جضيمة جمال فارح
قال جكة منصورية قال ؟؟!!!
Post: #6655
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-19-2010, 11:14 AM
Parent: #6654

منص يا حبيب
يمين دعوتك ريحتني في حناني ياخي
Post: #6656
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-19-2010, 11:22 AM
Parent: #6651

الوجيه ياسر نجيلة

ألف ألف مبروك المولود

وحمد لله على سلامة المدام

مع أمنياتنا أن تكون هي والمولود بصحة جيدة

وإن شاء الله يتربى في عزّكم

ومعذرة على التأخير بسسب المشغوليات (أكل العيش مر)

كن بخير
Post: #6657
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-19-2010, 11:27 AM
Parent: #6651

Quote: رشيد القوم لما يكون ماخد جرعة حنان أسرية كويسة بكون ظاهر في خط إيدو .. وبكون المزاج عالي .. إنشاء الله دائما مبسوط وربنا يحفظ أفراد أسرتك ودائما سعيدين ...


البادي يديك العافية...و تسلم على الدعوات الطيبات...
و ان شاء الله جمعا...
انت عارف يا البادي مؤشر الانبساط ده متذبذب بين الأخضر و الأحمر دائما...
تجي يوم السبت و انت ما عارفو في الأخضر و لا في الأحمر...
تصحى بدري تسمع حاجه حلوه...نسمه حلوه...منظر حلو... تخلي المزاج عالي...
و أول ما تضع أصابعك على الكيبورد تلقى أصابعك تتحرك لوحدها...
و مرات أجارك الله تحنس فيها تحنيس تحلف ما تكتب...
تشرب ريد بول تقول امكن يعطيها جوانح...
تلاقي الحال ياهو زاتو الحال...

Quote: يا الرشيد زول الدومنيكان دة زول حداث ساي ما سواي
قال ايه قال سينما قال
خليني ساكت ياخي


جبريلا قلت لي الزول بتاع نضم ساااااكت...

عل يا جبريلا انت زولك ده مش قال 6 صفر القيم بينتهي...

أها عرفنا السته اللعبهم باليمين...

الستة الليلات الشمال ديل جابم من وين...

ديل في الاعاده بالبطي و لا شنو...
Post: #6658
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-19-2010, 11:43 AM
Parent: #6657

سمك عوضية , وسمك الخليج اللى الواحدة منه قدر البادى النور
ما قدرت اعدى عليهم ساكت
سمك عوضية , سمح بالحيل , وطعامته فايتة للكبار والقدروا
كمان حوت الخليج , كبير ومتين ونضيف
بس ما عارف الطعم بيختلف ليه ؟؟
صحن الفول فى درابزين ناس طارق جبريل , انا متاكد انه اطعم من الكافيار فى ساحة من ساحات الشانزليزيه , عند طارق جبريل طبعا
هذا هو حوار القلب والعقل , الذى جسده سماعين ود حد الزين , وصاغه لحنا برعى محمد دفع الله
وخرج لنا فى بساطة صوت محمد وردى وعصام محمد نور
حلفتك ياقلبى
وحملتك امانة
الفاتك عهوده
ماتبكى عشانا
حلفتك تقول لى
ايه اخرة بكانا
انه كلام مشابه فى المعنى والمبنى , لمقارنة ابو الزوز ما بين سمك عوضية
وحوت الخليج العملاق الكبير
هذا يذكرك بذاك
وطعم عن طعم يفرق
اللهم حبب لنا سمك عوضية , و(اطو عنا بعده )
Post: #6659
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-19-2010, 12:14 PM
Parent: #6658

الساعة ياربى فى جلاسكو تكون كم زى الوكت دا ؟؟؟؟
الدكتورة العملت ما جستيرين , وحردت كمبيوترات البيت كلهن لى حدهن
ومشت دقست جابت ليها لاب توب (خالى الدسم ) من غير كيبورد عربى , وسرقت لينا من لابتوب ود شيخها , كلامات شوية وصغيرة لكنها عميقة
وحندكتنا بيها واختفت
الماشى يخليك منو يا سناء الصباغ ؟؟
اولا خلونا نناقش حالة الحردان , ومحاولات فرز العيشة , الممستشرية فى البلد دى
المحاولات الزى دى , قامت بيها عفاف بت كسلا البى طعم القهوة ديك , من زماااان
كل واحد فيكم يقيم التجربة الحردانية العند شاباتنا دى , ويقيس عليها , ويرمينا برؤيته ليها مابين مناظير الفشل والنجاح
حاج الركز واخونا ود المجذوب , لن نسمح لهم بالتقييم مبدئيا , باعتبارهم خصوم اصيلين
انا حا ابدا ليكم المناقشة
لمن عفاف اطلقت صرختها الأولى تجاه محاولات الأنفصال الركزية , كان رايها مباشرا وصريحا وفى التجاه المضاد لأكساب حاج الركز كلمة سر تتيح له التصرف المباشر فى المنبر
اما الدكتورة ام ماجستيرين , فهى اصلا تملك كلمة سر وباسويرد , ولكنها لا تملك كمبيوترا خاصا , وهذا فرق جوهرى فى الحالتين
والحتة دى بالذات دايرة ادوات تشريح , زى العند حاتم ود جبارة و عشان نوصل فيها لى حل
ويلزمنا طبعا معرفة اذا ما كان حاج الركز , اتبع محاولاته الأنفصالية التى نجحت مؤخرا , بامتلاك لابتوب خسوسى , حتى ولو كان من النوع اللى (بيقوم دفرة او بمنفلة حتى )
ومع توالى مداخلات حاج الركز بعد الأنفصال , وما صاحب ذلك من تناقص مداخلات البت القهوة , فان هذه الجزيئة محتاجة لى بحث وتمحيص
ونحن نكلف الود زهير الزناتى , مستعينا بمقدرات استخباراتية واسعة تتوفر عنده وعند مصادره المحيطة , حتى ولو وصل الأمر لمحاولات استمالة (الود دفعة )
لأستقراء القرائن المحيطة , واستنباط النتائج
ولكن الدكتورة بتاعت غلاسكو , وبعد ان ظهرت صورها فى مواقع انترنتية عديدة , وبدت فيها كأنها (مسز اسكوتش زاتا ) , وهى تستلم شهادة الماجستير التانية بيد
وتسلم على ال(دوق ) مدير الجامعة بالبيد الأخرى , فلم يظهر لنا ساعتها
ان كانت تحمل لاب توب , او لم تكن تحمل
وآخر ما صلنا من اخبارها , هى مساهمتها الفعالة فى معركة (ذات الأجنحة ناندوز ) , وان لم تتوفر لدينا اى ادلة مصورة
لامنها مباشرة , ولا من ود شيخها المحترم الذى استاثر باللاب توب , تاركا لها (الباسويرد ) , اسكتوا كده ساااااكت (التاء مشددة تشديدا شديدا وصارما فى اسكتوا طبعا )
والقاسم المشترك الأعظم بين حالتى الحردان (الفاشلتين )
هو انهما انتهتا الى الأذعان الضمنى او الأذعان الفاضح الواضح
وكان السلاح هو التحنيس (فى الحالتين )
حيث افادت البت القهوة صراحة بذلك ابان حضورها لمعركة (كنتاكى الشهيرة الأسبوع المنصرم )
بينما اكتفت الدكتورة ست الماجستيرين , بالأعتراف الضمنى بالتحنيس
عموما , ما يزال الموضوع مفتوحا للتحليل والنقاش , وما يزال محتملا لمعانى وتحليلات عديدة
فالموضوع اصلا (حمال اوجه )
حملت لكم انا , او حاولت ان اجمل _ احد وجوهه , فمن يتجرأ حاملا معى الوجوه الأخرى
حاج الركز وود المجذوب يمتنعون , على الأقل فى هذه المرحلة
Post: #6660
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-19-2010, 01:07 PM
Parent: #6659

Quote: ما يزال الموضوع مفتوحا للتحليل والنقاش , وما يزال محتملا لمعانى وتحليلات عديدة
فالموضوع اصلا (حمال اوجه )

دخلتنا في حسكنيت
غايتو بي تفكيرك دا يوم حتقد ليك نافوخ زول
ما علينا
أنا بقول التفكير المنطقي لحالة الدكتورة أم ماجستيرين دي حالة تحير
يتضح و بدون شك أن منظمة WHO محتاجة إلى مراجعة دقيقة في الرؤية و الرسالة
حيث لا يعقل أن تكون بت الشيخ تميل كل الميل للتحنيس و من ثم الحردان
وشراء لاتوب آخر من حر مالها لله ساكت كدا!!!
فإن تفعيل قانون الحقوق تنتزع إنتزاعا و لا تسجدى
يحتاج إلى كثير من الأدوات و التي أمتلك منها ما يفيدهن في المستقبل
لكن ... و يمكن الإستفسار من الدكتورة أم ماجستيرين فيما بعد
إذا كانت هناك شروط موضوعة لي ود الشيخ في تلك الحالة (نتمنى ذلك)
فهذا يحسب لها و لا شك لتستقيم الأمور
أما إذا لم تكن هناك شروط تناسب الوضع السابق
فهنا نقول إنها إستراحة محارب ليس إلا و بعدها لكل مقام مقال
حالة بتنا القهونجية هي حالة جس نبض للطرف الآخر
وهي أدوات فاعلة و فعَّالة
تأتي أكلها متى ما شاءت القهونجية
ودونكم التمائم و الحجابات و الرتينزات القاعد تستعملها من حين لآخر
و لكن تمادي الطرف الآخر و المغرضين في المدينة شوش في الأفق العاطفي
مما رفع درجة الخوف الحقيقي عندما تعطل جهاز GPS في رصد و معرفة الأتجاهات و أفكار الآخرين
فكان الإنحاء للرياح و الكتاحة الجاية من ذلكم النفر
يبقى الهدف الأسمى أن يكنَّ بنات الشيخ ممسكنَّ بزمام الأمور حتى اللحظة
و دونكم جمال فارح

يتبع
رؤية فنية فيما طرح
Weak Husband Organization (WHO)
Post: #6661
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-19-2010, 08:37 PM
Parent: #6660

عارف ياجلا ... بمناسبة الخيل الحرة تجي في اللفة ...
انا تذكرت زمان لما يدوك ساندوتش للمدرسة بتاع فول اوجبنة وخاصة الطحنية ... وتقعد تاكل فيهو من الاطراف وتدور حول المنطقة الدسمة التي يتجمع فيها اكبر قدر من الطحنية لتجعلها للقمة الاخيرة .... او صحن الرغيف باللبن تاكل اوله بمهل وقليل من التلذذ الى ان تصل الى آخره حيث فتافيت الخبز الصغيرة مع خلاصة اللبن والسكر الحاتل آخر الصحن ... وهذه هي اللحظة التي يكون فيها الطالب او الطفل جبارا او طماعا ... لايمكن ان يفرط في آخر الساندوتش او آخر الصحن ولكن لامانع لديه من ان يقتسم مع رفقائه اول الساندوتش ويدعهم مشاركته بداية الصحن ...

هذه هي تهنأتكم جاءت اخيرا بطعمها المركز والتي تحوي خلاصة الجمال والمحبه ... ومعك بتنا القهونجية عفاف والمغترب بعد كبر ... زهير الزناتي الذي تنكر لسمك عوضية وفول البوش ولكن لاعليكم اسألوه بعد سنة واحده بس ... ... لكن والله السودان ده ... اشتاقو ليهو واشتاقو لحاجاتو...
بس ماتقعدو فيهو ....

وبمحبتكم وصلت تهنئة اعمامه موسي عيسي وأحمد اسماعيل ...
وشكرنا موصول لعمو عمر تي والبادي النور الذي لازمنا التشجيع من بداية الشهر الثامن ... والوجيه سامي عبدالوهاب وشكركم مقدر رغم المشغوليات ...
عمر المهدي ... عمار وعمر مابتجي ... نحن بننظر ليها بعدين لما الكبر يحصل والصوت يروح ومخارج الكلام تتضارب ... حيكون الاسم واحد ....

منص ياعجيب فطوركم انت والشلة القلتها لي في التلفون كان بي تعريفة ولاقرش والا الفريني .....
انا غايتو شلن وبعدين ريال ووصلنا للطراده ....


جاييكم تاني ياجبارة
آآآآآآآآآآل ليال آآآآآآآل ....
طارق ياخ ماتفتو ....




Post: #6662
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-19-2010, 10:50 PM
Parent: #6661

الاحباب بدون فرز
شوق بلا حدود
غبت عنكم ولكنكم لم تغيبون عنى ابدا
مبروك اخو احمد وعمار بن ياسر
اعتذارنا لكل من قصرنا بحقه فى الفتره السابقه
وانشاءالله دايما تامين و لامين
Post: #6663
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-20-2010, 02:55 AM
Parent: #6662

يا سلام علي البورد بي الليل..

Quote: جبريلا...انت صاحبك ده مخليهو يسرح و يمرح على راحتو كده مالك...
الغريبة الحكاية بتاعتو دي لا نفيتها و لا أيدتها...

Quote: أها عرفنا السته اللعبهم باليمين...

الستة الليلات الشمال ديل جابم من وين...

رشا يا رهيب.. الحكايه خياليه.. ومادام كدا.. السته لف ممكن تكون باللفت...
بعدين لو انت كنت بتعرف الحب من زمان.. كان وقفت السودان علي رجل واحده..
ليك حق تجي مدردق من اول نظره...

Quote: يا جبارة يا وهم صاحبي ده بقي شيخ كبير وبيغطس حجرك .... ما شايف السبحة دي والله يجرها إلا يخليك تجي السودان تكون السماح

دي سبحه دعوني أعيش والا شنو..
والله الا يشيل ليهو سبحه فيها مليون خرزه..
أل بتحبني أل..

Quote: يا الرشيد زول الدومنيكان دة زول حداث ساي ما سواي
قال ايه قال سينما قال
خليني ساكت ياخي

جبريلا..
ابعد من مديده الرشيد دي.. وما تنسي.. اذا اختلف اللصان ظهر المسروق..
دا احنا دافنينو سوا..

Quote: عجبتنى حكاية ليال , وعجبتنى سهير رمزى زاتا
المراة اللى اسمها سهير رمزى دى ,زمان كانت كاسرة فينى ماسورة
وعشان اديكم ادلة اضافية من شاكلة السوميتة , النالت اعجاب خالة ياسر نجيلة ونسيبته
فانا كنت زمان بقرا مجلة الكواكب , والموعد , والشبكة كمان

وما تنسي يا منص مجله سمر.. مع فرانكو داني وفرانكو كاسباري وميشيلا روك..
هسي رشا يجيك ناطي.. كنت برئ وما باعرف الحب..

جلا يا حلو..
منظمتك دي شايف عضويتها ماشيه في زياده..
في أعضاء سريين..

اثني كلام معتصم..
تامين ولامين دايما..
Post: #6664
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-20-2010, 05:06 AM
Parent: #6663

صبحكم الله بالخير
Quote: بعدين لو انت كنت بتعرف الحب من زمان.. كان وقفت السودان علي رجل واحده..
ليك حق تجي مدردق من اول نظره...


Quote: هسي رشا يجيك ناطي.. كنت برئ وما باعرف الحب..


حاتم يا حبيب...دردقاتك دي ممكن تخليني أعمل مداخلات تفوق مداخلات منصور في وصف ماليزيا...
تفوقها طولا و عددا و لكن نوعا دي بيكون تطاول مني ساكت...
بس انت عارفني خوااااااااف و ما بقدر على الهبباي مع نسمات الشتاء دي...
لكن انت عارف أنا كنت بتمتع بموهبة رسم لا بأس بها...
و كنت أجيد رسم الوجوه بدرجة جيدة جدا...
و كانت الموديل بتاعي هي ميشلا روك بتاعت مجلة سمر...
ده كان كل علاقتي بي مجلة سمر (وش بريء جدا)...
Post: #6665
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-20-2010, 06:26 AM
Parent: #6664

بسم الله
أبدأ من وين؟؟؟
أبدأ من وين يا ربي؟؟؟
و لا أقول ليكم بلاش
Post: #6666
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-20-2010, 06:55 AM
Parent: #6664

030920103217.jpg Hosting at Sudaneseonline.com



030920103218.jpg Hosting at Sudaneseonline.com



صباح الخير ....

قلنا نديكم صورة بتاعت ناس حلوة من الصباح عشان نفتح نفسكم باقي اليوم .... بس عايز يعرفهم لي منو ....

بالمناسبة البت دي قالت عايزه تقرا ... وقالت لي عاملين لي أولادكم الشينين ديل ....
Post: #6667
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-20-2010, 07:09 AM
Parent: #6666

دائماً لمن تجي بلد ما بتعرف فيها زول
يقومو ناس الجيران يعزموك
و أي واحد داير ياخد فيك الأجر
اليعزمك فطور
اليعزمك غدا
و الزول التعبان خالص يعزمك شاي عصر
دا كلو عشان يشوف مويتك كيف
طبعاً في البداية و إنت عزابي
الناس كلها تجفل منك
لأنو العزابة حياتهم مختلفة تماماً عن حياة الناس المعاهم أسرهم
المهم الناس تحاول تقرب منك شوية شوية لغاية وا يطمنو عليك
بعدين تقوم خاشي نوش
و تجعل الحالة واحدة
و تقوم تصور الأطفال بتاعنهم لزوم عم وكدا!!!
أنا لو في محل الزول دا بس من الديوان و غادي
مش كان قريت معاي الزقازيق
وجاي لغاية عندي هنا
حدك الديوان
أقصد عناوين و هواتف ناس الزقازيق و بس
Post: #6668
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-20-2010, 07:16 AM
Parent: #6667

Quote: دائماً لمن تجي بلد ما بتعرف فيها زول
يقومو ناس الجيران يعزموك
و أي واحد داير ياخد فيك الأجر
اليعزمك فطور
اليعزمك غدا


جلا عليك الله البلد دي وين...
عشان نقوم نمشي نتلم عليها...

وينك يا أبو الزوز ياخي...
Post: #6669
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-20-2010, 07:20 AM
Parent: #6668

110920091475.jpg Hosting at Sudaneseonline.com



طيب يا فالح يا ابو العريف ... تعرف لي الناس ديل منو ...؟؟؟

عاملي كده قدر حبوبتي ... يا جلك
Post: #6670
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-20-2010, 07:23 AM
Parent: #6669

(((((((((((

شرائح ... قنابل
الفاتح جـــبرا


18/09/2010 عنوان المجموعة البريدية للفاتح جبرا http://groups.google.com/group/alfatihgabra





طلب منى بعض القراء التحدث عن (الإشاعة) التى سرت مؤخراً حتى إضطر المسئولون إلى إصدار بيان
لدحضها ونفيها بعد أن قامت إحدى الصحف بإيراد الخبر منسوباً إلى (شهود عيان) وهى تلك الإشاعة
(الساذجة) التى تقول بأن إستقبال مكالمة من رقم معين بواسطة الموبايل تصيب المستقبل بالإغماء
والوفاة فى بعض الاحيان إثر تعرضه لصعقة كهربائية . لقد تعجبت جداً من الرواج ونسبة (التصديق)
التى وجدته هذه الإشاعة حتى أن البعض قد قام من منطلق إن الباب البجيب الريح سدوا وإستريح بقفل
(الموبايل) حتى يأمن تماماً شر اى (إنفجارات) ! والمشكلة أن نسبة كبيره من هؤلاء الذى قاموا بتصديق
الإشاعة (ناس متعلمين) بل أن البعض منهم (متعلم كويس) ولا أدرى اين (العلم) وأصغر (طالب ثانوى) يعلم
تماماً أن الهواء (غير موصل للكهرباء) ولو أصلو الهواء موصل للكهرباء كانت البشرية إنقرضت فى ثوان !!
إذن فكيف تنطلق هذه الشحنة الكهربائية (القاتلة) من مصدرها متجهة إلى (هدفها) وهو موبايل قوة بطاريته
لا تقتل ذبابة ؟ وبعدين هى الكهرباء ذااااتا وينا؟

وما دام بدية المقال عن عالم (الموبايلات) فدعونا نتحدث عما هو أكثر خطراً من مثل هذه الإشاعة
الساذجة .. وأعنى بذلك تلك الشرائح (القنبلة) وهى تلك الشرائح المجهولة(المفروشة فى الواطة)
والتى تباع فى قارعة الطريق مثلها مثل أى سلعة غذائية فما أن تدخل إلى أحد الأسواق حتى تستمع
إلى (مكبرات الصوت) وهى (تلعلع) :
- أيوه علينا جاى الشريحة بى جنيه ورصيدها بى جنيهين
- (صوت آخر) : خمسميه بس الشريحة والرصيد جنيهين
- (صوت ثالث) : شريحة بى خمسة جنيه ورصيد خمسة وعشرين جنيه
- (الأصوات مختلطة) : بى جاى جنيه الشريحة الرصيد علينا عشرين بى رصيدها جنيه أيوه .. جاى
بالطبع يمكنك دفع (الكم جنيه) وأخذ الشريحة دون أى إعطاء أى بيانات ووضعها داخل موبايلك ثم
الإتصال بسلطات مطار الخرطوم وإخطارهم بوجود قنبلة داخل متن الطائرة المغادرة إلى (الحتة الفلانية)
مسبباً إزعاجاً فظيعاً للسلطات والركاب ثم رمى الشريحة فى أقرب (خور) ! لا أعتقد بأن هنالك دولة فى
العالم سوى (دولتنا الفتية) تبيح حيازة (وسيلة إتصال) لا يمكن التوصل لمالكها.. ولا يخفى على أصغر
تلميذ (مش مسئول) ما يمكن أن يسببه ذلك من أخطار أمنية وإجتماعية ، إن كانت شركات الإتصال لا تلزم
مراكز البيع والوكلاء و(السماسرة) بأخذ بيانات العملاء المستفيدين من هذه الشرائح (المجهولة) مسبقة
الدفع ولا تشترط التقيد بذلك فيجب على السلطات الأمنية التدخل العاجل والسريع ومصادرة كل الشرائح
المعروضة فى الأسواق ومطالبة الشركات بصورة فورية بإلغاء جميع الشرائح التي لا تشتمل على بيانات
كامله لمالكيها ومعاقبتها إن قامت بهذا الفعل مرة اخرى ..
إن كثيراً من الجرائم التى هزت المجتمع مؤخراً قد تم التوصل لمرتكبيها من خلال تقصى الأجهزة الأمنية
للمكالمات التى وجدت على هواتف الضحايا وهذا يوضح بجلاء أهمية تسجيل بيانات أصحاب الشرائح فلو
أن هذه الشرائح المستخدمة كانت مجهولة الهوية وغير مسجلة ما كان من الممكن عندها التوصل للجناة
ومعرفة الفاعل ، لذلك يجب على الجهات الأمنية اليوم قبل الغد بتر هذه الظاهرة تماماً قبل أن تنتشر
لأن وجود مثل هذه الشرائح المجهولة يساعد على تنفيذ الأغراض المشبوهة والممارسات غيرالأخلاقية من
معاكسات وتحرش وابتزاز وتهديد (وأنحنا ما ناقصين) ..

ولأننا نعلم تماماً مدى تفاعل المسئولين الفورى مع ما نطرحه من قضايا هامة – عزيزى القارئ-
فلن أندهش (لو الله أدانا عمر للسنة الجاية) ودخلتا السوق وسمعتا نفس مكبرات الصوت وهى تنادى :

- أيوه علينا جاى الشريحة بى جنيه ورصيدها بى جنيهين

- (صوت آخر) : خمسميه بس الشريحة والرصيد جنيهين

- (صوت ثالث) : شريحة بى خمسة جنيه ورصيد خمسة وعشرين جنيه

- (الأصوات مختلطة) : بى جاى جنيه الشريحة الرصيد علينا عشرين بى رصيدها جنيه أيوه






كسرة :

بعد ظهور إشاعة (القتل عن بعد) يقال أن بعضهم قام بإستخدام خدمة تحويل المكالمات لتحويل
المكالمات التى ترد إليهم إلى هواتف (زوجاتهم) ! ..... عالم ########ات !!
))))))))))))))))))))))))))




يا رشدي سلامات والله مشتاقين ... عليك الله عاين زي جلا ده وحسادته ... حاسدني في شاي العصر اللذيذ ده ...

هاك الهدية واضحك مع الكسرة ... عالم ########ات .. صحي ... عليك الله ممكن تسموا لي تلاتة من ناس البوست ده تنطبق عليهم الكسرة دي ... غايتو أنا بره
Post: #6673
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-20-2010, 09:08 AM
Parent: #6667

صباح الخير ،،، يا وجوه الخير

أصبحنا واصبح الملك لله وحده،،،

يارَب :-

عَلمّنْي أنْ أحبّ النَاسْ كَما أحبّ نَفسْي
عَلّمني أنْ أحَاسِبْ نَفسْي كَما أحَاسِبْ النَاسْ
عَلّمنْي أنْ التسَامح هَو أكْبَر مَراتب القوّة
وَأنّ حبّ الانتقام هَو أولْ مَظاهِر الضعْفَ
Post: #6671
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-20-2010, 07:24 AM
Parent: #6666

يا صباح الفل للناس العاملين فيها حبــيبين

يا جبارة ورش ايام مجلة سمر الكنا بندسها تحت المرتبة
اذكر كان فى ثنائيات مثلا"

فرانكو دانى مع باولا بيتى
فرانكو كسبارى مع كاتيوشـا
( كان فى اشاعة الزمن داك بتقول كاتيوشا وباولا بيتى اخوات رغم الاختلاف الكبير فى الشبه )

الا ان ظهرت سيمون بيليه و مشيلا روك وبالذات فى عدد ( بين زراعي دايما" )
عندى صاحبى شدة ما كان متأثر بالعدد ده كتب اسم حبيبتو فى سفنجتو
يا حليل زمن الحب البجيب ليك ملاريا ......


،،،،،،،،،،،

زهير انا خارج منافسة الصور دى ، بوووس لي الولد الطاعم ده شديد بالله
Post: #6672
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-20-2010, 07:47 AM
Parent: #6671

النضيف مشتاقين كميات كتيرة كدا
Quote: عليك الله ممكن تسموا لي تلاتة من ناس البوست ده تنطبق عليهم الكسرة دي ...

1) جمال فارح، منصور، جمال فارح
2) منصور، جمال فارح، منصور
Post: #6674
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-20-2010, 11:11 AM
Parent: #6672


انتو باين عليكم قاعدين تستغلوا نومى البدرى
وتقعدوا تقطعوا فينى انصاص الليالى
انا بعد ده , حا افوض ليكم حاتم جبارة وطارق جبريل , لأعتبارات فروق الوقت
عشان يتكلموا بى لسانى بالليل
طبعا انا ما عوير ليكم , عشان ادى لسانى بالليل و لى ناس جلا وزهير , ومن لف لفهم
والله ديل يبلعوك لسانك , كان بالليل ولا النهار
هسى قلت انا زول الكسرة بتاعت جبرا يا ولد يا جلا
تبرا بت شيخى وتستبرا , من زى الكسرات دى
لو عايز تعرف انا برسل ليها الرصيد شايل شنو
يا تسال عبد المحسن دفعة , ولا كمال الشادى , او زهير الزناتى , او حاج الركز
وكان غلبتكم الحيلة , ولا غالطونا , او ما صدقتونا
اسالوا العنبة (الرامية فوق بيتنا )


تليشة تشبه الكسرة
من المرات القليلة التى اتمنى للصفحة , ان لا تنقلب ابدا , ولو انقلبت بسرعة , اقلبوا لينا معاكم الغنية السمحة دى لو سمحتوا
Post: #6675
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-20-2010, 11:30 AM
Parent: #6674

انا سناء الصباغ دى , من زماااان مشتهى لى ونسة معاها
باقى ناس الرشيد ونجاة حوفى , حكو لى عن معركة الناندوز , وافرطوا فى حندكتى بما دار فيها من ونسة
وبما انى مشيت لندن دى مرتين قبل كده (بالله معقول الواحد لغاية هسى ما وراكم صور لندن , هسى الجاب سيرة كيب تاون منو ؟؟)
اها , لمن حكوا لى عن الونسة بتاعت سناء الصباغ , انا اعصابى ما باظت عديييل كده
وكمان لمن اتذكرت انى فوت فرصة الونسة معاها ايام الكلية كمان
اقسمت انو ما افوت فرصة وجودنا فى بوست واحد ومنبر واحد , لأنو الدنيا ما معروفة , وما ممكن ربنا يديك الفرصة تلاتة مرات
وكل مرة ان تفرط فيها , فالفرص الزى ده ما بتتكرر كثير
اها الزولة دى تقوم تجى البوست , اكون انا مافيش
اقوم اجى انا البوست , تبقى هى مارقة
الغايظنى انو مرقتا دائما بى سبب القراية
ما جستير اول , قلنا ما يضرش
ما جستير تانى , الله يطولك ياروح
اها خلصنا من كل الماجستيرات دى , تقوم كمان تجيب ليها حردان
ودقسات بتاعت كيبوردات منزوعة الدسم
وطيب انا كلامى المن زمااان عاوز اتونس معاها , من زمن سيدى الحسن الكان بيلزلز الناس داك
اقولو وين يعنى
سناء الصباغ
عليك الله بطلى حركاتك دى , واكتبى معانا هنا , ان شاء حتى لو بالطريقة القالا ليك دكتور الصادق ديك
خلينا نبتدىء نقاش وونسة جادة وموضوعية , متخذين من ظاهرة (الحردان ومطالبات الأنفصال الماشة فى البلد دى )
نموذجا وموضوعا , لغاية ما نصل لى سيدى الحسن , ولا رايك شنو يا ياسر نجيلة ؟؟؟
اما جلا , فقد وضع نموذجا مشرفا للمناقشة , لا مانع من اعتباره , ورقة نقاش اولى , مع حفظ المراجع المذكورة يا جلا
ولا زالت المطالبات بامتناع حاج الركز وود المجذوب عن التعليق , على الأقل فى هذا المنعطف (الهام والحيوى من تاريخ القضية )
Post: #6676
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-20-2010, 02:02 PM
Parent: #6675

نهاراتكم بالهناء والسرور ...

منصور أول حاجة خلي روحك رياضية .. والجكة المنصورية دي ما تزعلك .. تاني حاجة إنت ذكرت مجلات كتيرة خلاص يعني البريزة كانت رايحة مجلات وثقافة ...

أبوالزوز .. شكلها الإقامة لسع ما طلعت .. والمعقب بتاع الشركة رايح في ستين نومة ...
Post: #6677
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-20-2010, 04:10 PM
Parent: #6676

Quote: أبوالزوز .. شكلها الإقامة لسع ما طلعت .. والمعقب بتاع الشركة رايح في ستين نومة ...


تصدق لسه ...

شايف الوظائف عندكم تش ... اها نجي راجعين ولا كيف .؟
Post: #6678
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-20-2010, 06:36 PM
Parent: #6677

عندما اجبر ابو الزوز على الهرب الى ارض الكفيل
ترك وراءه فجوة لاتسد كيف وهو الدينمو المحرك والذى
يشكل الكمندان جانبه الايمن ويسارا ثقف الصنديده نهله.
يا بخت الكفيل بيك
نفتقدك كثيرا
ونلعن اكثر تلك الظروف القاهره التى اجبرت الكثير جدا
من الاحباب والاصدقاء الى الهجره وننتظر ذلك اليوم الذى
تعودون فيه سواعد تسهم بقوة فى رفعة هذا التراب
وارى رشيد القوم فى ثورة زراعيه يمده المنصور بكل
معينات الانتاج ومحمد عيد يوجه يسوق فى منتجاتكم
عبر العالم و و و
اصلو الواحد ما يحلم ما صنعنا طياره وعربيه
وزيدنا اسعار الخبز وجنهينا اصبح =35,$
وقررنا انو الملابس الجاهزه من الكماليات لذلك
زدنا رسومها الجمركيه ما اصلو بلبسوها المترفين
لان الغلابه بيدفعوا للترزى اضعاف ثمن الجاهز
مش غلابه يعنى شنو ما يفعوا مش بياكلو 25مليون
رغيفه فى اليوم ابقو مبسوسطين او ......




















ز
Post: #6679
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-20-2010, 07:42 PM
Parent: #6678

Quote: حاتم يا حبيب...دردقاتك دي ممكن تخليني أعمل مداخلات تفوق مداخلات منصور في وصف ماليزيا...
تفوقها طولا و عددا و لكن نوعا دي بيكون تطاول مني ساكت...
بس انت عارفني خوااااااااف و ما بقدر على الهبباي مع نسمات الشتاء دي..

يا رشا.. عارفك في موضوع الريدة رجاف..
أها كلام الرجفي عز الشتاء دا أنا متخصص فيهو.. زمان لكن لمن كنت صغير..
تصدق وتآمن.. في الإبتدائي كنت في مدرسه فيللا جلدا..
في سنه تانيه إبتدائي.. كنت بانتظر حصه التربيه الإسلاميه بفارغ الصبر..
باعتبار المدرسه كاثوليكيه.. حصه الدين بتكون في قاعه كبيره..
بيقوموا بيجيبوا فصل تانيه بنات معانا في القاعه..
كنت مكسر في بنت معانا.. إسمها أماني..
الحصه كلها باكون باعاين ليها..
ياللا لو في تسميع.. الفي راسي بيطير..
وظليت على هالحال مده من الزمن طويله..
المهم جمعت شجاعتي.. ومشيت ليك عليها عامل فيها عب كبير..
ولو شفتني الزمن داك.. من شده قامتي ما طويله..
لو جيت ماشي جنب الدرج في الفصل ما بتشوفني..
ما متذكر قلت ليها شنو..
لكن الرجفه الكانت فيني اليوم داك لي الليله ما نسيتها..
ياها زي رجفيك دا..
ولو شفتنا كدا بقينا ناكل الفطور سوا..
ونسمع الآيات لي بعض.. براءة أكتر من كدا مافي..
المهم بعد سنه تالته.. الأولاد بيمشو كمبوني..
وهي مشت سستر إسكول..
وإنتهت قصه الحب..
بعدها رجفت مرات كتيره.. الغريبه احاسيسي ما اتدفقت زيك..
لأني كنت خجول جدا..
الغريبه إتلاقينا نحن كبار مرات كتيره..
إلا الظاهر كل واحد فينا كان راجف في حته تانيه..

طبعا بعد جيت الزقازيق.. لقيت جبريلا أبو الرجاف زاتو..
علا حقتو بدون خجل..


Quote: يا جبارة ورش ايام مجلة سمر الكنا بندسها تحت المرتبة

وما تنسى جيف بلين..
وكلوديا ريفللي.. الكسرت ضلوعي كلها..
آاال إيه.. آاال بيرسم وشها آاال..
Post: #6680
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-20-2010, 08:45 PM
Parent: #6679

مساكم الله بالخير

الريس معتصم ظل مستمسكا بحلمك...يجب عليك و علينا أن لا نتنازل عن أحلامنا...
فقط عليك أن تختار لي شيئا آخر غير الزراعة فلقد جربت ذلك و لم أفلح...
حتى و ان كان محمد عيد من سيقوم بالتسويق...
صحيح ان في ذلك حلا لاحدى طرفي المعادلة و المشكل المزمن للزراعة...
و لكن ستبقى مشكلة التمويل من المشاكل التي ستظل عصية على الحل...

ديدو لقيتك خطير في تقافة سمر...

حاتم لا شك ان أماني هي من علمتك الحب...
لكن يا صديقي تانية ابتدائي دي بدري خلاص...
فأنا بالكاد أتذكرها...
فذاكرتي العاطفية تشكلت بعد ذلك بكثير جدا...
لكن قلت لي جبريلا كان مفضوح...
شكيتو لي الله...


أبو الزوز ...كيف حالك...
Post: #6681
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-20-2010, 09:20 PM
Parent: #6679

الانبراشة والرجفة عندكم
يا حاتم جبارة
على كدة انت جبدت لي ولدي محمد
والذي هو رجافة ورقة بس
سكن جداد في شمبات والجيران جابو لينا اكل
وجوا اتغدوا معانا
هم عندهم بت ضغيرة
الولد محمد لحام ستلين معاها
ورفض ياكل
وعندما ودعونا
الشاب بكى بكى جد
تقول لي حصة الدين


تحياتي للاتية اسماؤهم بدون القاب
منصور
جلة
الزناتي خليفة اتهزم يا رجالة
حاتم
سناء
الرشيد
الريس معتصم
الريس ميسرة
الولة جبريلة
النضيف رضي الله عنه
البادي
Post: #6682
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-20-2010, 10:26 PM
Parent: #6681

Quote: طبعا بعد جيت الزقازيق.. لقيت جبريلا أبو الرجاف زاتو..
علا حقتو بدون خجل..

يا ود جبارة انا ريداتي ماني داسيها وكتبتها في المنبر دة
علي في ويحيدي داسيها حتى من ابوي
يا حبيب خلني انا ان بقيت انطلقت هني في الخرابة دة
يمين تفتشوا في اليفككم مني
Post: #6683
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-20-2010, 11:07 PM
Parent: #6682

يا ود جادين ما بسألك..

Quote: على كدة انت جبدت لي ولدي محمد
... خلاص مرقت روحك وداير ترميها فوقي..

Quote: الولد محمد لحام ستلين معاها
... دي خطه مورينيو.. مان تو مان..

Quote: ورفض ياكل
.. الود دا نبهو.. أي شي ولا يلعب في العضه..

Quote: الشاب بكى بكى جد
... الله.. ضيع روحو.. أدْي نفسو كرت أحمر..

Quote: يا ود جبارة انا ريداتي ماني داسيها وكتبتها في المنبر دة
علي في ويحيدي داسيها حتى من ابوي

يا جبريلا.. الريده ما عيب..
أنا باتكلم عن الرجفي..
وبرضه دس الريده كعب..
هسي الكمندان يجيك يقول الداسي منو..
حلوه يا جبريلا؟
والله أنا ذاتي اتكيفت..
Post: #6684
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-21-2010, 06:09 AM
Parent: #6683

صبحكم الله بالخير

انتهيت من صيام الستة أيام من شوال بفضل الله...تقبل اللله منا و منكم...
و لأنني و منذ انتقالي الى مكاني الجديد لم اتناول قهوتي الصباحية...
و ذلك لأن انتقالي تم في شهر رمضان ثم أعقبتها بالستوت...
و لأن قهوة الصباح هذه أما ان تعدل المزاج أو تخربه فلا بد من الحرص على أن تكون جيده...
اقتحمت المطبخ الصغير المجاور لمكتبي و طلبت من الهندي أن يريني كيف يصنعها...
فسألته أين البن الذي أحضرته بنفسي فأراني اياه...
ثم سألته عن التنكة التي أحضرتها أيضا بنفسي فوقف حمار الشيخ في العقبة...
فلم يعرف ماذا أعني...بالعربي لم يفهم...بالانجليزي لم يفهم...
حتى تدخل سكرتيري الهندي و حدثة بالهندية فأخرج التنكة...
من المحادثة التي جرت بينهما التقطت كلمة (قرمي)...
فعرفت أنها تعني الوعاء...أي التنكة...
فأصبحت استخدمها...قمائلا له قم بنظافة القرمي جيدا...
و لا خليني أقولها ليكم باللغة المستخدمة هنا عند مخاطبة الهنود...
سوي سفاي مال قرمي...سفاي زين...
ركب قهوة...تنين سبون قهوة....واحد اسبون شقر...
بعد ركب ماي حار و خلي شوية فوق هوت بليت...
أل قهوة يجي فوق شيل و ركب داخل فنجان...
قهوة قومت نفسي...
بس ان شاء الله تعدل المزاج...
Post: #6685
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-21-2010, 06:44 AM
Parent: #6684

يا رشدي سلامات .... والله مشتاقين ...

Quote: سوي سفاي مال قرمي...سفاي زين...
ركب قهوة...تنين سبون قهوة....واحد اسبون شقر...
بعد ركب ماي حار و خلي شوية فوق هوت بليت...
أل قهوة يجي فوق شيل و ركب داخل فنجان...


تعرف اللغة المستخدمة لمخاطبة الهنود هنا في الخليج حاجة صعبة خلاص عايزه تعليم زي الانجليزي واحد ... قلت لي سفاي ... هي خليط من العربي والانجليزي ولغة الهنود ... وقليل من لغة الاشارة ... طبعا انا بقيت افهمها .... الا اني لا زلت في بدايات استعمالي لها ....

يومداك حضرت لي حوار بين واحد فلبيني وواحد سيرلانكي علي ما اعتقد ... فلا احد منهم يجيد لغة يعرفها الثاني ... فكانا كالشخص المصاب بامساك ....
Post: #6686
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-21-2010, 06:50 AM
Parent: #6684

صباح الهناء والسرور ...

حاتم جبارة .. جبل الرجاف الما بنشاف ...

نحن قرينا مجلة سمر لكن ما قدر دا ...

أبوالزوز إنت خلاص عبرتا وبقى عندك خبرات خليجية بعد كدا تقعد وتخلف رجل فوق رجل وتقول المرتب اللي إنت عايزو ...

رشيد القوم .. صديق أنا ما في معلوم ...

سعادة العقيد محمد صديق .. تحية وإحترام .. وبعد ...

ياسر نجيلة يا ود أمي البرنس ومرق تاني راجي شنو .. تعال فرح ليالينا .. دي ما ليال حقت حاتم جبارة ...

ديدو .. خلاص الإحتفال بالنضيفة عناب وصل اليوم الختامي .. تعال وجيب شمارات أبوعلي ...

الشيخ المبجل جلا .. ما عرفنا إنت وين وفي ياتو ولاية ...
Post: #6687
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-21-2010, 07:12 AM
Parent: #6686

716.JPG Hosting at Sudaneseonline.com


ده الولد الطاعم محمد سامي عبد الوهاب .... بتاع كورة خطير ربنا يغطيه من كل عين ... ويجعل ليهو الشفاء العاجل ...
Post: #6688
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-21-2010, 07:18 AM
Parent: #6686

717.JPG Hosting at Sudaneseonline.com

ودي المورة منتهي ... شقيقته وصاحبة راي في كل شئ ما شاء الله ... يعني مافي داعي للفلسفة يا جلا .... وشايفك بهناك تلعب في الحريق ...
Post: #6690
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-21-2010, 07:23 AM
Parent: #6688

يلا يا جماعة ... نحصر الناس العايزين نجيبهم البوست ...

1)محسنة ميسرة
2) طارق النور
3) مولانا عادل الحسين


بالمناسبة وين ناس كندا ...

كوثر
حنان
مني
Post: #6699
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-21-2010, 12:43 PM
Parent: #6688

تشكر يا أبو الزوز

على الصور والكلمات الطيبات بحق منتهى ومحمد

وكمان على الدعوات الصادقات

جزاك الله خير

وما طوّل منهم... هم في إنتظارك
Post: #6689
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-21-2010, 07:20 AM
Parent: #6686

صباح الخير ،،، يا وجوه الخير

أصبحنا وأصحب الملك لله وحده

اللهم إنا نسألك
زيادة في الأيمان.
وبركة في العمر ..
وصحة في الجسد ..
وسعة في الرزق ..
وتوبة قبل الموت ..
وشهادة عند الموت ..
ومغفرة بعد الموت ..
وعفواً عند الحساب ...
وأماناً من العذاب ..
ونصيباً من الجنة ..
وارزقنا النظر إلى وجهك الكريم ..
Post: #6691
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-21-2010, 07:30 AM
Parent: #6689

محي الدين على يوسف

[email protected]

الزول ده لو ما اديتو باسورد المرة الجاية بقطع فيكم قصيدة

ضرورى جدا جدا"
Post: #6692
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-21-2010, 09:16 AM
Parent: #6691

Quote:
بالمناسبة وين ناس كندا ...

كوثر
حنان
مني


يا زهير كوثر داؤود ضاع الباسويرد ولم تستطع المداخلة

وسألتكم المساعدة ولم ينجح الأمر ،،،، يرجى إضافتها إلى المجموعة

أو مخاطبة بكري لإصلاح الأمر ،،، والأخت كوثر نشيطة جداً

البوست اليومين دي نشط جداً والمداخلات كثيرة ومن ناس كتار

والدماء الجديدة (المغتربين الجدد) أدت نكهة طاعمة لتوفر الوقت

والبرمجمة الجديدة،،،،،
Post: #6693
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-21-2010, 10:28 AM
Parent: #6692

معــذرة لإنقطــاع الارســـال مؤقتــا ...

عـــوده قهـــرية الى الغـــار ..!
Post: #6694
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-21-2010, 11:36 AM
Parent: #6693

شباب اعزروني بدأت شكر المتصلين والمهنئين ولابد ان اذكر
اسرة حبيبة للجميع اسرة الريس ميسرة رجل الزقازيق الاول والسيدة الاولي مني يونس
واصرار الابنه محسنة على ان تهنئ عمها ياسر شخصيا ... سعادة لاتوصف ...
والريس معتصم ....
ومحمد عثمان حاج الركز الذي شد من ازرعزوبيتي لانه عائش التجربة من اولاده الثلاث وصبرني لأنني اسير على نفس النهج
... وتلفون انصاص الليالي من ناس النخجي والكبكبة من
المغرب طارق "جبرين" وطالب بنصيبة من السماية وقلنا ليهو نرسل ليك لحمة ولا طلح
قال لي الطلع ده لعبة رشيد القوم انت خليك في اللحم ؟؟؟؟؟



==========================================
حاتم جبارة اول مرة اشوفك في الزقازيق حالق شعرك وعامل "خصلة شعر من الخلف" او
شعر طويل من الخلف ولابس الساعة باليمين - قلت الولد ده "قندف" وحبيب ... بس والله
ماقايلك حبيب من سنة تانية ابتدائي ... ياخي في العمر ده نحنا يادوب علمونا نمسك القلم كيف
تقول لي حب واحساس.
بعدين مجلة سمر دي شنو؟؟؟؟
لكن النضيف عجبني لما ذكر "سمونا بيلي" لانها بشبه نورا وبوسي ...

بادي جايك ... ان شاء الله بعد مايخلصو المجلات الحساسة كلها .... بالله زول ذكر مجلة العربي مافي ...
Post: #6695
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-21-2010, 11:41 AM
Parent: #6694

Quote: ده الولد الطاعم محمد سامي عبد الوهاب .... بتاع كورة خطير ربنا يغطيه من كل عين ... ويجعل ليهو الشفاء العاجل ...


سلام لولدنا الوجيه سامي ... واولاده الحلوين ..... ربنا اشفي محمد سامي ... اللهم اشفه من كل داء وسقم ....




===================================
افيدونا بالتفاصيل عن ماورد على لسان زهير أعلاه ............
Post: #6702
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-21-2010, 01:00 PM
Parent: #6695

Quote: سلام لولدنا الوجيه سامي ... واولاده الحلوين ..... ربنا اشفي محمد سامي ... اللهم اشفه من كل داء وسقم ....


===================================
افيدونا بالتفاصيل عن ماورد على لسان زهير أعلاه ............


ألفين سلام للوجيه نجيلة

وتشكر يا سيدي على هذا الإهتمام الذي هو ليس بغريب عليكم أيها الجدعان

كل مافي الأمر أن إبني محمد ومنذ أن كان عمره 10 أشهر أضابه مرض السكري

بس هو الحمد لله بصحة جيدة

سىئلين الله عزّ وجلّ أن يشفيه ويشفي جميع مرضى المسلمين من كل داء

وأن يمتعكم بالصحة والعافية أخي ياسر

وكتر خيرك كتير
Post: #6698
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-21-2010, 11:56 AM
Parent: #6694

Quote: تعرف اللغة المستخدمة لمخاطبة الهنود هنا في الخليج حاجة صعبة خلاص عايزه تعليم زي الانجليزي واحد ... قلت لي سفاي ... هي خليط من العربي والانجليزي ولغة الهنود ... وقليل من لغة الاشارة ... طبعا انا بقيت افهمها .... الا اني لا زلت في بدايات استعمالي لها ....


أبو الزوز (سفاي) دي أظنك لسه ما عرفتها...و لا الصديق الذي استعنت به عرفها...
ان شاء الله لما تكمل الكورس حتعرفها....

Quote: المغرب طارق "جبرين" وطالب بنصيبة من السماية وقلنا ليهو نرسل ليك لحمة ولا طلح
قال لي الطلع ده لعبة رشيد القوم انت خليك في اللحم ؟؟؟؟؟


ياسر نجيلة...كان الزول ده متشبك لحدي حسه خليني أرسل لي واحد بتاني يقطع شجرة الطلح
الفي حزام الغابات بتاع المدينة...
و بعدين ننشفها كويس و نقطعها و نرسلها ليهو...
جبريلا...أدينا مقاسات القطع...قطع صغيرة و لا كبيرة...
و لا مفرومة...
Post: #6696
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-21-2010, 11:50 AM
Parent: #6693

حكايات الريدة الدفقا لينا حاتم جبارة
بتاعت الكمبونى والسستر سكول دى
عجبتنى فى كنكوجى زاتو
وذكرتنى ايام بهية , جميلة , صافية , نضرة وبديعة
فعلا كان زادها ورائدها , قصص مجلة سمر المصورة
من اوائل الصور النشرتها فى البوست بعد ما اتعلمت تنزيل الصور
صورتى انا وحجازى ومدرار فى السن واى لاغون
وانا لابس فيها شورت وفانيلة كت , سوداء وانا جوة الموية
اول ما الرشيد شافا , عارفينو اتصل على وقال لى شنو المطموس ده
قال لى تتذكر مجلات سمر لمن تجى وفيها صورة عايزين يدسوها ناس الرقابة , بيقوموا يظللوها بألأسود
قال الصورة دى زكرتوا مجلات سمر ديك
طبعا الملاحظة غاية فى (الخباثة ) , رغم انها اضحكتنى حتى استلقيت على قفاى
واتضح بعد ذلك ان مجلات سمر , وابطالها المصورين ناس ميشيلا روك وفرانكو كاسبارى وكاتيوشا
هى مكون متخفى لذكريات معظمنا , خاصة فيما يخص المجال العاطفى المبكر
ظهرت الآن امانى عند الواد حاتم جبارة
وظهرت قصص قصيرة على استحياء واتضح ان الواد جبريلا يخفى قصة مهمة قال انه لن يبوح بها حتى ولو لى ابوه
بس كدى الله يلمنى فى حتة واحدة معاك ياجبريلا ومعانا السيد الوالد ربنا يطول فى عمره
وحبذا لو كانت الحتة الواحدة دى , درابزينكم العامر
عندها سأمارس مهاراتى فى الدردقة , واخرج كل فنونى التى اعرفها , واستعين بالآخرين لآخراج الفنون التى لاعرف
ولكنكم وانتم تتحدثون عن ققص (اللقاء الأول )
وتلاحظون ما يفعل الصبى محمد مبارك جادين , من حبكانات جانبية حمته حتى الأكل
فانتم ولا شك تتذكرون حوادث طريفة , كنتم ابطالها فى زمن ما , وفى وقت ما , وفى مكان ما
انا شخصيا , ذكرتنى حادثة كمبونى وسستر اسكول وحصة الدين , بايام خلت ساحاول ان اجكيها لاحقا
ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه
كما وارسل تحاياى , الساخنة الملهلبة , للبادى النور الحبيب , وانا فى غاية السرور لأستمرارك فى الأستشهاد بجكتى الشهيرة
حتى ان سرورى , يدفعنى لتذكرك انت مرة , وجمال فارح مرة اخرى , واستمر فى الدعاء ام يوقعكم ربنا الأتنين فى يد الواد حاتم جبارة
ياوهو راجع من الجيم هسه , ولا يكون راجع مبسوط ومزغطط من سينما قصر الثقافة انصاص الليالى بعد مايكون متع نفسه بمشاهدة البت سهير رمزى
وتقوموا تجوهو كده فى دار الأتحاد وزيغلبكم الأثنين ستة لف
آمنتوا ولا لسه ؟؟؟!!!
Post: #6701
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-21-2010, 12:48 PM
Parent: #6696

Quote: ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه


يا سلام عليك يا منص

والله إنتم فعلا أكثر من أخوان يا ناس الزقازيق... ربنا يديم المحبة بيننا

وأطمنك أخي العزيز فمحمد والحمد لله بألف خير

وحتما تحاياك ستصل لكل من منتهى ومحمد

كن بخير
Post: #6697
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-21-2010, 11:50 AM
Parent: #6693

حكايات الريدة الدفقا لينا حاتم جبارة
بتاعت الكمبونى والسستر سكول دى
عجبتنى فى كنكوجى زاتو
وذكرتنى ايام بهية , جميلة , صافية , نضرة وبديعة
فعلا كان زادها ورائدها , قصص مجلة سمر المصورة
من اوائل الصور النشرتها فى البوست بعد ما اتعلمت تنزيل الصور
صورتى انا وحجازى ومدرار فى السن واى لاغون
وانا لابس فيها شورت وفانيلة كت , سوداء وانا جوة الموية
اول ما الرشيد شافا , عارفينو اتصل على وقال لى شنو المطموس ده
قال لى تتذكر مجلات سمر لمن تجى وفيها صورة عايزين يدسوها ناس الرقابة , بيقوموا يظللوها بألأسود
قال الصورة دى زكرتوا مجلات سمر ديك
طبعا الملاحظة غاية فى (الخباثة ) , رغم انها اضحكتنى حتى استلقيت على قفاى
واتضح بعد ذلك ان مجلات سمر , وابطالها المصورين ناس ميشيلا روك وفرانكو كاسبارى وكاتيوشا
هى مكون متخفى لذكريات معظمنا , خاصة فيما يخص المجال العاطفى المبكر
ظهرت الآن امانى عند الواد حاتم جبارة
وظهرت قصص قصيرة على استحياء واتضح ان الواد جبريلا يخفى قصة مهمة قال انه لن يبوح بها حتى ولو لى ابوه
بس كدى الله يلمنى فى حتة واحدة معاك ياجبريلا ومعانا السيد الوالد ربنا يطول فى عمره
وحبذا لو كانت الحتة الواحدة دى , درابزينكم العامر
عندها سأمارس مهاراتى فى الدردقة , واخرج كل فنونى التى اعرفها , واستعين بالآخرين لآخراج الفنون التى لاعرف
ولكنكم وانتم تتحدثون عن ققص (اللقاء الأول )
وتلاحظون ما يفعل الصبى محمد مبارك جادين , من حبكانات جانبية حمته حتى الأكل
فانتم ولا شك تتذكرون حوادث طريفة , كنتم ابطالها فى زمن ما , وفى وقت ما , وفى مكان ما
انا شخصيا , ذكرتنى حادثة كمبونى وسستر اسكول وحصة الدين , بايام خلت ساحاول ان اجكيها لاحقا
ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه
كما وارسل تحاياى , الساخنة الملهلبة , للبادى النور الحبيب , وانا فى غاية السرور لأستمرارك فى الأستشهاد بجكتى الشهيرة
حتى ان سرورى , يدفعنى لتذكرك انت مرة , وجمال فارح مرة اخرى , واستمر فى الدعاء ام يوقعكم ربنا الأتنين فى يد الواد حاتم جبارة
ياوهو راجع من الجيم هسه , ولا يكون راجع مبسوط ومزغطط من سينما قصر الثقافة انصاص الليالى بعد مايكون متع نفسه بمشاهدة البت سهير رمزى
وتقوموا تجوهو كده فى دار الأتحاد وزيغلبكم الأثنين ستة لف
آمنتوا ولسه لسه ؟؟؟!!!
Post: #6703
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-21-2010, 01:04 PM
Parent: #6697

سنة اولى حب وتانية حب ده نحن ما شفناهو ولا عشناهو
اولى جامعة نحن بنتكبكب تقول لي فيلا جيلدا احيييي انا .....
ولادة العز ورضاعة البز ...
يا جبريلا مدرسة الابتدائى حقتكم كان فيها حوش ....

يا منص تذكر معهد اكتوبر فى الصحافة مربع 16 ، كان معهد تقوية
من العصر حتى الساعة 9 مساء ، الدراسة اختلاط الجكس بقعد قدام
والاولاد بقعدو فى الكنب الوراء ، الالفة بتاعت الفصل حقنا كانت بت
سليطة اللسان بس اسمها كان بضحك ، اسمها ( ست الجيش ) كنا حاقرين بيها
وانا وعادل صاحبى عشان نضحك فى اسمها كل مرة نقول ليها عن اذنك يا ســتو
عاوزين نشرب موية ، تقوم تهيج فينا هووووى اوع تقول لي ستو انا اسمى ست الجيش
طيب ... طيب خلاس يا شوشو معليش .... نشرب موية بس ونرجع

تقول لى امــانى .....

هاك كلوديا ريفللي المكسراك


sudansudansudansudansudansudansudan61.jpg Hosting at Sudaneseonline.com
Post: #6700
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-21-2010, 12:47 PM
Parent: #6693

أبناء المغتربين كيف ظلمناهم

مررت بتجربة غريبة جداً لم أتوقعها ولم تخطر ببالي على الإطلاق ،،، وأفهمتني
كم ظلمناأولادنا المغتربين عن أوطانهم وعن الحياة السودانية البسيطة ،،،،

بنتي مشكاة لها عقل متقد لا يهدأ أبداً وكثيرة الملاحظة وذكاؤها ملفت للنظر
وشخصيتها قوية ، أتوقع لها مستقبل كبير جداً ،،، كنا مسافرين إلى المدينة
المنورة لحضور صلاة عيد الفطر المبارك بالمدينة المنورة وتوجهنا آخر يوم في
رمضان بالسيارة عصراً و في الطريق وبدأ الليل يرخي سيدوله وقد مررنا بالقرب
من مدينة رابغ حيث عادل الجعلي وسامية إسماعيل وبدأت تختفي أنوار الطريق
وظهر الظلام حالك جداً إلا من نور السيارات التي تمر كالصاروخ بجوارنا وبدأ
إندهاش البنت مشكاة ،،،،،،،

إيه ده يا بابا ؟؟؟؟ ليه الضلام الكثير ده ؟؟؟ وكيف بجي الضلام ومن وين يجي ؟؟؟؟
وين مشى النور وليه؟؟؟؟
في البداية لم أستوعب سر إندهاشها وهذه الأسئلة الكثيرة ولكن فوجئت بأن مشكاة
لم تشاهد هذا الظلام في حياتها لأن المدرسة نهاراً ، الذهاب إلى مكة المكرمة
الشارع مضئ من جدة حتى مكة جميع شوارع جدة مضاءة حتى مدن الملاهي التي تلعب
بها كلها مضيئة ،،،،،،،،،،،،

شرحنا لها بشكل مبسط وركزنا على الشمس وهي مصدر الضوء ودلوقتي الشمس مشت عند
ناس تانيين وبترجع لينا بكرة ،،، سألتني الناس التانيين ديل منو ؟؟؟؟ بسط
الموضوع يعني ناس زي عمو منصور وعمو زهير صاحبك ،،،،،

يظهر بأني أخطأت في الشرح لأنه بعد فترة قالت لي بابا تعال نتصل بيهم ونشوف الشمس
طلعت عندهم ولا لسه بصراحة ورطة زيادة ،،، ونسيت قلت لها كيف يا مشكاة نتصل بيهم
وهم هسع بكونوا نايمين ،،،،،
لكن كيف يا بابا الشمس طلعت عندهم وهم نايمين ؟؟؟؟؟ مش الزول بنوم بالليل ،،،، طيب
هم هسع صاحيين !!!! الدنيا عيد ما في داعي نتصل .

خرجت من الموضوع ده بشق الأنفس وذهبنا إلى الحرم لأداء صلاة الفجر والعيد وتجمعنا في
باحة الحرم فاجأتني بطلب ،،،، ممكن يا بابا نقعد هنا ونشوف الشمس بتطلع كيف ؟
وبعدين بيكون الضلام مشى عند ناس عمو !!!! بصراحة عجبني استيعابهاوإستتناجها
بذهاب الظلام عند ناس زهير ومنصور،، و لم نملك غير الإذعان ونحن مرهقين جداً
وعايزين نرتاح ،،، ولكن لابد من الإستجابه لإشباع فضولها الكبير ولإدراكها تركيبة
الكون الربانيه,
sudansudansudansudansudan176.jpg Hosting at Sudaneseonline.com

مشكاة في انتظار ولادة الشمس ونحن جلوس على الأرض


بعد طلوع الشمس كانت فرحانه جداً وسعيدة بصورة لم أتوقعها بأن حضرت طلوع الشمس
يا حليل أيام السودان والنوم في الحوش الكبير داك والطلوع للفرجة على الشارع
واللعب ولو من خلال درابزين عمك جبريل ،،،،،/
sudansudansudansudansudan177.jpg Hosting at Sudaneseonline.com

وطلعت الشمس وفعلاً تابعناها حتى إرتفعت قليلاً وبصراحة كان منظر جميل

هل فعلاً ظلمناهم يا شباب ،،،!!!!
Post: #6704
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-21-2010, 03:57 PM
Parent: #6700

sudansudansudansudansudan180.jpg Hosting at Sudaneseonline.com



ما شاء الله عسل .... ربنا يحفظها ... بس اعملوا حسابكم لو قالت ليكم امتحان .... صعب عديل ..
Post: #6705
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-21-2010, 08:45 PM
Parent: #6704

Quote: معــذرة لإنقطــاع الارســـال مؤقتــا ...

عـــوده قهـــرية الى الغـــار ..!


معــذرة لســوء الإرســـال إلى حين

سفرة عملية لمدينة كادقلي الجميلة
Post: #6706
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-21-2010, 09:19 PM
Parent: #6705

الصفحة بدايتها زقازيقية بريحة كسلا


قلت احضر فناجين قهوتي 0000
Post: #6707
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-21-2010, 09:51 PM
Parent: #6706

أشرقت بها شمس وجدي و ولهي وشوقي
عندما تكون في حضور من تهوى
تسمع خفقات قلبك تنبض محبة و عشق
أنا الآن أرقص رقصة البدء
معك
أو مع الذي هجرنا إلى غد ليته يشرق له وعداً و تمنِّي
أين الرتينزات
أين الحجابات والتمائم
كسلا تشتاق إليك و أنا بها
سألتني
كيف تبدو بنتي
فقلت كما هي شموخ و مفخرة بين الناس
قالت الآن لي أن أنام هادئة البال
فقلت لم تسأليني عن نفسي
قالت يكفي أنك جزء من كل
Post: #6708
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-21-2010, 11:48 PM
Parent: #6707

Quote: كسلا تشتاق إليك و أنا بها


رغم المسافات 000

تحضر000

ازقتها المتربة00

تجاعيد اطفالها الشاحبة000

والشمس خلف ذلك الشامخ00

ايتها المدن الغريبة 00

انساك واذكرها وحدها000

center>sudansudansudansudan21.JPG Hosting at Sudaneseonline.com


متين يا كسلا نتلاقى بالاحضان000



جلا 000 دخلتنا عالم البكايين زاتو((((
Post: #6709
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-22-2010, 06:08 AM
Parent: #6708

صبحكم الله بالخير و السرور

ما تعرض له الريس ميسرة حول تربية أطفالنا في الاغتراب...
و السؤال الذي قام بطرحه في النهاية..هل ظلمناهم أم لا...
كان موضوع الحديث بيني و بين أبو الزوز في التلفون مساء البارحة..
و ان كان في اطار أبنائنا و قدرتهم على تحمل أي قدر من المسئولية...
و ما مدى العلاقة التي تربطنا بهم و ما هي مميزات كل واحد منهم...
و ختمنا بنتيجة أراحتني كثيرا و أعجبتني الجملة التي ختم بها أبو الزوز الحديث...
حيث قال لي تعرف يا رشيد ربما يفيد العلم و النظريات التربوية الآباء في تربية أبناءهم..
و لكن يبقى لكل واحد منا طريقته في التربية بمعزل عن تلك النظريات...
و هذه الطريقة ليست بخطة موضوعة مسبقا و لكنها تبتكرها مع الحياة و الظروف...

الغريب في الأمر ان صديقي في العمل علي الفلسطيني الجنسية كان محور حديثه هذا الصباح
عن هذا الموضوع دون أن يعلم انني أجلس أمامه و أكتب عنه...

ربما يلحظ الريس انني لفيت حول السؤال و لم آتي باجابة و ذلك لاعتقادي
بأنهم ان كانوا مظلومين من ناحية فانهم محظوظون جدا من ناحية أخرى و هذا أمر
يطول الحديث عنه و يسنعصي علي الكتابة عنه باسهاب في هذا الصباح المزدحم...
Post: #6710
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 06:27 AM
Parent: #6709

يا رشدي باعتباري مغترب .... وبعاني في مسالة تربية العيال دي ... لا زلت عند راي بان التربية زي الفن عايزه مهارة ... ونظرية لكل مقام مقال ...ولكل حادث حديث ... بالتاكيد مع الاحتفاظ بالخطوط العامة للنظريات العلمية ... التربوية .... لانه من الاشياء اللافتة في الابناء ان الاختلافات السلوكية البائنة بينهم واضحة ... رغم انك تجد علي سبيل المثال طقلين تربيا سوياً تحت سقف واحد وفي نفس البيئة والظروف الحياتية الا ان لكل منهما سلوكه الخاص ...

نعود لمسالة تربية العيال في الغربة هنا تتضاعف المسئولية علي عاتق الوالدين ... اعتقد من ضمن الاشياء التي يعانيان منها عدم وجود رفقة لهؤلاء الاطفال واصدقاء ... كما ان الابتعاد عن الوطن يجعلهم ينظرون للقيم التي يتشرب بها والديهما بشئ من النفور ... امام القيم التي يشاهدونها في مجتمعهم الجديد ...وهو ما يؤدي لتضارب قيمي يؤدي لاهتزاز شخصية الطفل ...
Post: #6711
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 06:54 AM
Parent: #6710

بعد عودة مندوبنا الكمندان خالد يسن من الزقازيق وكما قال لكم الكمندان محمد صديق .... انه موضوع الدراسة في الجامعة اصبح رسمياً... انتو يا جماعة الرابطة دي مالها كلها بقت كمندانات ....
المهم طلع خطاب رسمي من مجلس جامعة الزقازيق باعتماد منح ابناء الخريجيين لكل الكليات .... وكذلك تخفيض الـ90% للدراسات العليا ...وتمت مخاطبة وزارة التعليم العالي المصري بهذا الصدد ... والآن اللجنة التنفيذية بصدد اعلان ذلك رسمياً وتحديد الآلية التي سوف نتبعها في التقديم ....
كما ان خالد يسن وهو خريج تجارة 83 سجل للدكتوارة وفي الغالب الاعم سيكون مقيم في الزقازيق ... يعني مندوب دائم هناك ....

صدر تحت توقيعي
الكمندان زهير الزناتي
نائب الامين العام سابقاًوالكمندان حالياً
Post: #6712
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 06:56 AM
Parent: #6711

يا سلام عليك يا عفاف ويا سلام علي الجمال ...

يا ريتني كنت شاعر زي جلا ...كنت قرضت القريض قرضاً...لكن معليش ...
Post: #6713
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 07:02 AM
Parent: #6712

لا زال الباب مفتوحاً لكل من يريد ان ينال عضوية منبر سودانيز اونلاين ...

يمكن التقديم عبر البريد الالكتروني التالي :

[email protected]
Post: #6714
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 07:13 AM
Parent: #6712

..
.
صباح الخير يا شباب ..
وكل عام وانتم وعائلاتكم بالف خير ..
ومتعكم الله صحه وعافية ..

الواحد حاسس هنا مشاركاته ضعيفة ولكن بلاشك متابعته لصيقة ..

المشكلة بتتلخص فى انى ما قادر اخش فى المود بتاع الناس الكبار
والمتزوجين ديل ..
غايتو لو قدرنا سجلنا هانئ برعى احتمال الواحد يقدر ياخد ويدى معاه شوية
حالات نفسية وكدا يعنى ..

بصراحة ظهور الدكتورة سناء الصباغ وحكاوى حب اخونا روبرتو باجو فى زمانه ؟؟
فى الابتدائى متعتنى ..

bagio.jpg Hosting at Sudaneseonline.com

bagio2.jpg Hosting at Sudaneseonline.com


---------------------


عارف يا حتومه الواحد كان كل ما يشوف ضفيرتكـ ( زمااااااااااان )
يتذطكر روبرتو دا .. وخصوصا مع ( البكل ) الجابوها ليك وتلمها بيها ..

ياخى والله ايام كأنها الامس ..
Post: #6715
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 07:16 AM
Parent: #6714

..
.
يا ابو الزوز
Quote: لا زال الباب مفتوحاً لكل من يريد ان ينال عضوية منبر سودانيز اونلاين ...

يمكن التقديم عبر البريد الالكتروني التالي :
[email protected]

انت يا راجل .. ابتهاج قالت ليك تغترب عشان الوليدات
ولا تجى تعملها وكالة خدمات وتسجيل عضوية .. ؟؟

----------------

كمان يا زهير لو عقدك اتلغى ولا الوظيفة تقتصر
على متابعة الاخبار فى الشبكة العنكبوتية كلمنا
شنو حاتل هنا ليل ونهار ..
قوم شوف رزقك ..
قرقر قرقر قرقر
Post: #6716
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 07:23 AM
Parent: #6715

..
.
Quote: وكذلك تخفيض الـ90% للدراسات العليا ...وتمت مخاطبة وزارة التعليم العالي المصري بهذا الصدد ...
والآن اللجنة التنفيذية بصدد اعلان ذلك رسمياً وتحديد الآلية التي سوف نتبعها في التقديم ....
كما ان خالد يسن وهو خريج تجارة 83 سجل للدكتوارة وفي الغالب الاعم سيكون مقيم في الزقازيق ...
يعني مندوب دائم هناك ....

دا الكلاااام ..
بالله التخصصات اهم شئ .. طرحنا فى بوست بالمنبر ( منبر الزقازيق بلاشكـ)
سؤال عن التسويق او التجارة الإلكترونية وهل هناك كلية صارت منفصلة ومتخصصة
ام يتم الامر عبر كلية التجارة كما فى السابق ..
نرجو ان تكون تكون هناك معلومات اوفى .. يا زناتى ..
واهم شئ 90% دى يعنى كم دولار بالضبط خالى من السكن والمعيشة ؟؟

--------------

يا جلا اها رأيك شنو فى مشروع الشقة كدا الواحد يأجر ليكم
بالاسبوع و الشهر ما سنوى .. وتبقى قراية واستثمار ..
Post: #6717
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 07:41 AM
Parent: #6716

يا تبلدينا انا خليني ... انت ما عندك شغل دغشومية مداخلة في دقائق ... قال ايه شفت امك في بيت المريسة ... طيب يا حدق انت الودي امك شنو ....ما علينا ... عشان يطمئن الجمهور ... من يوم 1/10 تاني الشوفة الا بليل ...

الدراسة بحوالي 150 استرليني في العام ...وهي غير شاملة لاي مصروفات اخري ...

لمزيد من التفاصيل يمكن زيارة موقع الجامعة ...

http://www.zu.edu.eg/

ونتمني من كل الخريجين التسجيل علي الرابط ادناه حيث تقوم الجامعة بحصر خريجيها ...


http://www.zu.edu.eg/graduates-announce.htm

وهنا تفاصيل الدراسات العليا بالجامعة ...

http://www.zu.edu.eg/highstudysector.htm
Post: #6718
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-22-2010, 07:48 AM
Parent: #6716

صباح الهناء والسرور ...

أمبارح ظلمت نفسي .. فات علي شرف قلب الصفحة عندما نويت الرد على مداخلة الريس ميسرة بخصوص ظلمنا لأطفالنا في الإغتراب ولكن للأسف كنت مشغول .. وجاء المغترب الجديد دا واللي لسه ما عندو إقامة قلب الصفحة .. وكمان مركب لينا مكنة كمندان العنزي ...

الريس ميسرة أنا مع رأي رشيد القوم حيث أن المسألة نسبة وتناسب .. هنالك ظلم وهنالك حسن حظ .. وهي تتفاوت حسب ظروف كل أسرة مغتربة .. ربنا يحفظ ليك بنياتك الحلوات ويجعلهن قرة عين لكم ...

صالح .. كل سنة وإنت بألف خير .. تغيب وتجي علي كيفك .. أول حاجة قوم أدينا فاتحتنا قبل تقعد .. شايفك داير تزاحمنا في القراية شئ تسويق وشئ تجارة خارجية .. إنت مش قريت آداب .. خلاص أمشي إتأدب بعيد مننا يا أخوي .. لو كترت حأستعين بقبيلة التجاريين ناس جلا وأبوالزوز ومن لف لفهم .. أعمل حسابك .. ناس بتاعين صلبطا أكاديمية .. هو إنت قايل الدنيا دي فوضى ساكت وما في حكومة .. هسع أنادي ليك العقيد يشيلك ... وما يغرك إغتراب أبوالزوز يا ود أمي البلد مليانة صعايدة ...
Post: #6719
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 07:57 AM
Parent: #6718

..
.
البادى ..
وانت بالف خير ..
ياخى الدوام لله ..
انت بوست سامى بتاع التلفونات والاتصال دا ..ما شوفتو ؟؟
بعدين فى ذمتك سمعت بادراسة اعلام بتأكل عيش الواحد لو كان قفل على دا
كان حسي قاعد قدام الجامع الكبير وماسك ليهو قرعه ..
اهم حاجة فى الزمن دا ما تضع البيض فى كيس واحد .. لقيت الاعلام ما نافع تلحق نفسك
ببكالوريوس تانى ما نفع تديها ماجستير اول ما نفع تديها ماجستير تانى
ووكل ما تديها موية تديك طراووووووووة ..


------------

غايتو لو الدكتوراة بقت فى كلية تجارة تبقى عوجه
بس العوض فى هانئ .. الواحد ما يقدر يمشى مع الناس الكبااار
Post: #6720
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-22-2010, 09:57 AM
Parent: #6719

غايتو يا صالح وساطتك قوية ونحن هاني برعي دا غالي علينا وما بنقدر علي زعلو .. ومن هنا بنعيد عليه وإنشاء الله كلكم يا العزابة السنة الجاية شايلين ووالين ولادة رجال زي ياسر نجيلة ...

أخونا الوجيه سامي عبدالوهاب كل سنة إنت وأفراد أسرتك الصغيرة والكبيرة في صحة وعافية .. وولدنا محمد إنشاء الله ربنا يديه العافية ويحفظو ويجعلو قرة عين لكم .. آمين ...

إنتو يا جماعة جلا دا شغال شنو .. يوم هنا ويوم هناك .. يا ربي يكون سواق صفصاف ...
Post: #6721
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-22-2010, 10:37 AM
Parent: #6720

انتو تبلدينا ده , يغيب كده ويجى على كيفو يا البادى اخوى
البلد دى مافيها الفة ولا شنو ؟؟
وبعدين يجى داخل توووش كده وكمان يقول ما قاعد يجى هنا لأنو ما لاقى القدرو
وشابكنا ما عارف الرشيد كبير وحاج الركز راسو مشيب
الزول ده كان ما عارف ناس حاج الركز وعبد المحسن دفعة وعفاف على ميرغنى
عملوا شنو فى المصرى بتاع كنتاكى القال ليهم انتو كبار
الزول ده ادوهو راسو يا ابو الزوز
احكى ليهو تانى , عشان يعرف حاجة
Post: #6722
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-22-2010, 10:55 AM
Parent: #6721

وبعدين يا مشكاة يا بتى يا عسل انتى
مال ومال الشمس مرقت وين ودخلت وين
اها لو جات غيوم وحجبت الشمس وما مرقت ليها يومين تلاتة
نطلع ليها ناس يفتشوا عليها ولا شنو ؟؟
فى الحالة الزى دى يا ميسرة , طوالى تعمل نايم , وتقول لى مشكاة
عندنا واحد دكتور فى الجامعة اسمه معاوية شداد
امشى اقعدى معاه راس , يمكن اسئلتك دى , تحت ليهو شعره الكتير الزى اخوهو كمال شداد داك

لكن السؤال بتاع يا ربى ظلمناهم ولا لا يا ريس ميسرة
عقدنى انا زاتى ولا قدرت اجاوب ولا شىء
من ناحية , فان الحياة يبدو انها ماشة لى تعقيد شديد , بينما يعتبر الكثيرين انهم يبسطونها
لما كان الجوال اختراع حديث قبل فترة ليست بالبعيدة
اعرف صديقا كان يردد دائما انه لن يمتلكه , لأنه ببساطة لا يحتاجه
شوف مقياس الحوجة زاتو اتلخبط كيف
حاجتك للجوال , ليست مجرد حاجة شخصية فى كل الأحوال
لا بل ان مفهومها تطور , فاصبح امتلاكك انت للجوال جزءا من احتياج من هم حواليك
ومن ثم اصبحت حوجتهم تلك , تمثل هاجسا وبابا من ابواب احتياجك له فيما بعد
واذا تذكرت ان عدم وجود الجوال فى حياتنا , لم يكن يشكل اى باب من ابواب النقص
فان عدم شعورك بأنه (حاجة زيادة عن حوجتك الآن ) هو التطور والأنقلاب فى مفاهيم الحياة والحاجة الذى اعنيه
لن تستطيع ان تمضى بلا هاتف جوال الآن , رغم اختلاف مقاييس الأستفادة منه
انت تحتاجه حاجة ماسة , لو كنت طبيبا او مهندسا او عامل نظافة اوسباك او ميكانيكى او حتى سائق تاكسى
لنه ببساطة اصبح جزءا من منظومة الحياة
واذا اردت ان تكون ترسا فى ماكينة الحياة التى تدور
فلا بد ان تدبج تروس ما كينتك , بالزيوت اللازمة للدوران
نعقد الحياة بايديينا , ثم نصدق تعقيدنا لها , ثم لا نكاد نجد فكاكا مما صنعنا وصدقنا
يا مشكاة يا بتى , عليك الله ما تخليها تغيب وتطلع زى ما عاوزة
ابوك وامك ديل انتى قايلة لسه عندهم راس لى جنس ملاحظاتك دى ؟؟!!
Post: #6723
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-22-2010, 11:46 AM
Parent: #6722

الكلام الفوق بتاع الجوال , والحاجة ليهو من عدمها
انا باين ذكرتو بالكيفية دى
لأنى عندى معاهو قصة , فدون ما اشعر ضربت بيها المثل
احمد ولدى امتلك اول جوال فى حياته , عند نجاحه وانتقاله لأولى متوسط
كانت ايثار ساعتها يا دوب ماشة رابعة ابتدائى
لاقت الخطوة منها استحسانا باعتبار ان وجود جوال لأحمد , يعنى بالضرورة وجود آخر لها
انا شخصيا اتفاجأت بالفهم ده , ورديت على ملاحظتها بدون تفكير , لمن تبقى قدر احمد , نجيب ليك جوال
يمين التعليق بتاعى كان عفوى , شديد العفوية
وما فيهو اى ارهاصات تفرقة عنصرية على اسس جندرية
لم تتقبل الموضوع فى الأول , اخذت فيه وادت , ولكنها رضخت -على مضض- للأمر الواقع نهاية الأمر
والبنان دائما , بما انهم الطف الكائنات , فان فيهم حساسية مفرطة وزائدة
مضت الأيام بسرعة , وانقضت السنوات , وانتقلت ايثار اللذيذة الى اولى متوسط و وبتفوق كبير كعادتها دائما
تركت لها امر الهدية كالعادة كل سنة , لآختيارها ورغبتها , لا بل واننى لم استعجل لذلك , وباعتبار انها ستبوح بما تريد , لى او لأمها
ولكنها دفنتها جواها , وعملت ما فاهمة حاجة
ولمن الموضوع طول , واخذتنا انشغالات الحياة , اخذت تذكرنى بموضوع الجوال من (طرف خفى )
ولا اخفيكم , حتى تلك اللحظة , انا لم اشعر بأهمية وجود جوال فى حياة ايثار بتى
وهذا -انا اعترف بذلك واقر - من تداعيات استعمال ادوات قياس قديمة ومهترئة , لقياس امور ومواقف جديدة ومتجددة
فالموضوع هو ليس فى احتياجها لأستخدام جوال
ولكن الموضوع -فى القياسات الجديدة والحديثة - هو موضوع شامل يتعلق بامور سايكولوجية ونفسية واعتبارية
يمكن ان لا تتلقى -ايثار ومن هم فى عمرها - ولا اتصال واحد يمكن تسميته مهما فى -تعريفاتنا -
ولكن وجوده واستخداماته , تماما كاستخدام الكمبيوتر كأداة من ادوات المعرفة والتواصل الجديد
ربك ستر وشرحت لأيثار المعنيين , وعندما شرحت لى منطقها ببساطة , اقتنعت واسقط فى يدى
لتعلموا جميعا , الواصل بين النفس البشرية , والنفس البشرية الأخرى , خيط رفيع من التفاهم , حتى ولو بدى لكم -بادىء الأمر -خاليا من الأنسجام واللغة المشتركة -
ولكن ابداوا وفعلوا هذا الخيط وطوروه دائما , لا تدعوه يبلى او يصاب بالقدم والأهتراء
عودوا السنتكم على التخاطب والحوار , وحاولوا ان تطلعوا فى حواركم , ثم تنزلوا درجا ت عديدة
فالحكمة ضالة المؤمن , انى وجدتها فعليك بها
وفى زحمة الحياة قد يضيع هذا الخيط او يبلى او قد تقل عندك اهميته , فلا تنساه فى كل الظروف
ونصيحة اخيرة , نوع اجازاتك , وحاول ان تسافر مع اسرتك بعيدا عن زحمة العمل ما استطعت
فهذا يوفر لك وقتا اطول فى صحبتهم , مثلما لاحظ الريس ان مشكاة لم تشاهد ظلاما طيلة حياتها فى المدينة
وبذلك تتفتح عندهم وعندك و افق حوارات جديدة وعميقة , من شاكلة جوال ايثار , او شمس (مشكاة الشارقة )
هذا واعلن هاهنا , اننى احبكم جميعا , بما فيكم (جلا زاتو )

تليشة اخيرة , ما عارف مشتهى الكوتش ده ليه , فى البداية والنهاية ما مجرد زول عادى حتى ولو كان (عقيد ) !!!!
Post: #6724
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-22-2010, 01:24 PM
Parent: #6723

سلام لاجدع ناس
واله مشتاقين
طله نهارية قلت اشوف الحال
والحمد لله متونسين
سلام خاص يا منص
قلت ادخل اسلم
راجعة ليكم
Post: #6725
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-22-2010, 01:31 PM
Parent: #6723

والله محنكم كتيره..
يعني انتو يا مغتربين السعوديه والإمارات..
عندكم مشاكل تقيله في تربيه العيال?
نحن ناس أمريكا والدومينيكان نعمل شنو يعني..
ننط لينا في بحر نغرق.. والا نقيف لعربيه تدقشنا..
والله نحن تجي خاشي البيت تقول السلام عليكم..
تجيك هآآآي (Hi) من آخر البيت تجلجل..
يا جماعه.. ما تقولو الحمدلله..
تعرفوا.. أمي الله يرحمها بحكم نشأتها بمصر..
كانت حافظه كميه حقت أمثال مصريه كدا مبالغه..
انت كان عملت البيعجبها والما بيعجبها بترشك مثل مصري..
لعلها في هذا الموقف تقول..
اللي يشوف مصايب الناس تهون عليه مصيبته..
إنشاءالله هونت عليكم شويه..
وما تقليل للموضوع.. لكن معاناتنا كبيره..
وفي الآخر نقول كله عشانهم..
ياللا هاكم مثل مصري تاني.. للفايده العامه..
"إن كبر إبنك خاويه".. يعني أبقو أصحاب عيالكم..
Post: #6726
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-22-2010, 01:37 PM
Parent: #6725

فافي وجلا.. وناس كسلا..
الطراوه عندكم..
والجبال عندكم..
ليه حق جلا يلقي شعر..
تخريمه - الفي الشمال ديل دفاع شعبي والاشنو?

نجيله وصالح..
جاييكم للجندفه دي بعدين..
Post: #6727
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-22-2010, 01:53 PM
Parent: #6726

سلام يا ناس
يا رشا ياخي الطلح دة رسلو باي طريقة ان شاء الله بخاخ

صالح دة بقى جنو قراية
الظاهر عليه بدل العرس عملها قراية
Post: #6728
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 02:10 PM
Parent: #6727
Post: #6729
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 02:12 PM
Parent: #6727

يا جبريلا صالح ده قدر ما يبجيبوا ليهو سيرة العرس يجيب سيرة القراية ....
Post: #6730
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 02:13 PM
Parent: #6727

..
.
Quote: صالح دة بقى جنو قراية
الظاهر عليه بدل العرس عملها قراية

ما دام الود حتومه بقى بتاع امثال مصرية
اها قالو يا جبريلا فى المثل المصرى :  
الغلبا راجلا جات تأدب حماها

اخا انا العرس دا غلبنى _ انا والكاشف وهانئ اخوى _
والقراية بقت حماى ..

-----------

الواحد طبعا خجل يقول القراية راجلى
عشان طلات زينب التجانى وفافى دى ..

يا هانئ اعصابكـ وبطل مسكولات ..
Post: #6731
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-22-2010, 02:16 PM
Parent: #6730

إيه دا يا زناتي..
رجعوك الإبتدائي بقيت تفط سطر..
Post: #6732
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-22-2010, 02:22 PM
Parent: #6721

..
.
والله يا منصور
الواحد ما قادر يخش فى المود بتاع الرجال الكبار ابهات الوليدات ديل
شايف عزفو حيبقى نشاز ...
حسي ما شايفى بلصق معاى هانئ لازم اشوف ليهو عضوية
والملم البايرين هنا عشان اقدر اتونس معاهم

---------------

كل سنة وانت طيب والوليدات
والله متلومينزى لومنا مع البادى بس الواحد التقول
شغال فى واشنطن دى سي .. مافى زمن نهائى
Post: #6733
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-22-2010, 02:47 PM
Parent: #6732

يا صالح انت اقعد باري لي ((الصافية)) لمن توديك التوج
Post: #6734
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 04:21 PM
Parent: #6733

718.JPG Hosting at Sudaneseonline.com


صورة طازه للود حاتم جبارة .... البيحب من سنة تانية ابتدائي النصيحة لي الله نحن حبينا من تالتة متوسطة .... بس حليل البكل والباندات ...
Post: #6735
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-22-2010, 04:37 PM
Parent: #6734

لكن السؤال بتاع يا ربى ظلمناهم ولا لا يا ريس ميسرة



والله ده سؤال يا ريس حيرنا 000

تعرفو جيفاراتي في اخر اجازة لينا في السودان

قالو لي(((( يا ماما تجربة عيش سفاري دي تاني ما تكرريها لينا))))

والله زعلت شديد من الكلمة دي ومحرقاني

ومن تاني يوم نزلنا السودان بدا السؤال اللي استمر لغاية ما الطائرة اقلعت للرياض

ح نمشي بيتنا متين 000


والله كنت مستغربة فيهم 00
يمكن لانو تجربتي في الغربة بدات من بدري

لكن مازلت محتفظة بغباشتي 00

وكنت بشتاق متين ننزل السودان لانوفي تراب ودي كان اهم حاجة 00

ولمن الباص يدخل كسلا ذي الدخل الجنة 000

يجو الما غبشانين ديل يقولو ليك ما تكرري سفاري؟؟؟؟

هذا ما جنيته على جيفاراتي 000
ولم يجني علي ابي000
Post: #6737
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-22-2010, 04:49 PM
Parent: #6735

sudansudansudansudansudansudansudan62.jpg Hosting at Sudaneseonline.com


يا ابو الزوز متاكد دا حاتم جبارة ؟؟؟؟؟

لا حولالالالالالالا

ياحليل الباندا

بقى يشبه لي زول كدا يا زهير عرفتو ؟؟؟؟
Post: #6736
Title: Re: ناس الزقازيق ... أجدع ناس ( 3 ) ..
Author: Elsuhaili Magzoub
Date: 09-22-2010, 04:43 PM
Parent: #6734

Salam,
Post: #6738
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-22-2010, 05:38 PM
Parent: #6736

من ظلم من
كان صديق من تركيا فى زياره للسودان بحثا عن الاستثمار
وكعاتنا فى الضيافه تناول العشاء بالمنزل وعندم راى سلمان ابنى شابا جامعيا وزهرة متفتحه
بادرنى بالسؤال عن كيفية قضاء اوقات فراغه واى انواع التسليه المفيده يمارس و..و...و...و
وشعر بالحزن الشديد اتجاه ابنائنا فى هذا العمر ليبقى السؤال قائما هل ظلمت ابنائى لركونى للحياة بالداخل؟؟؟؟؟؟
Post: #6739
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-22-2010, 05:56 PM
Parent: #6738

1262.jpg Hosting at Sudaneseonline.com

يا ربي الصورة الوراء دي بتاعة زولة الابتدائي
Post: #6740
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-22-2010, 06:00 PM
Parent: #6738

Quote: من ظلم من

من كادقلي سلام أيها الريس
طبعاً تناول هذا الموضوع تم بواسطة الناس الكبار
الزناتي و الريسين و الرشيد و منصور و بتاعت الحجابات
المهم هي دعوة صريحة للأخ تبلدينا
بالإبتعاد عن هذا الموضوع
يعني يا تبلدينا أنسي الفكرة
أما الزي كدا زي إتورطو
ما علينا
نلعب معاهم سك سك
و بعدين النشوف آخرتا
ما شايفين البكا بتاع
ولد مبارك جادين؟؟؟؟
حريقة في أمريكا زاتو.....
حاتم زح شوية من الحريقة دي
Post: #6741
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-22-2010, 06:06 PM
Parent: #6738

يا بت يا فافي ما خلعه قدر دا..
طيب تقلي للجيفارات جيوبهم..
عشان ندي بتي ساره لي واحد منهم..
صالح.. خليك بعيد بالله..
جبريلا خللي الضحك والشماته فيهو..
Sarah-3.JPG Hosting at Sudaneseonline.com
Post: #6742
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-22-2010, 06:12 PM
Parent: #6741


ما شاء الله
ربنا يحفظها
يمين لو الواحد كان لسة صغنبوتي كان جكسها ورجف زي الترتيب
Post: #6743
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-22-2010, 06:27 PM
Parent: #6742

ما شاء الله يا جبارة العروس تمام بعد شوية البت تتزوج وتبقي حبوبة ... حليلك يا ود امي زي ما بيقول البادي ... مع الصلعة دي والله استايل جدو لايق عليك ....
Post: #6744
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-22-2010, 06:57 PM
Parent: #6743

sudansudansudansudan176.jpg Hosting at Sudaneseonline.com



الله على سارا لما عبرت المسافة بين القلب والضوء


ربنا يخليها ليك يا حاتم

00 والله الجيفارات يقيفوا صف وتختار

لكن ما ياكلوك حنك 000

واحد فيهم عامل شاعر00
Post: #6745
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-22-2010, 08:16 PM
Parent: #6744

مساكم الله بالخير

أول حاجة تحية حارة للسهيلي و لعودتة الميمونة التي أسعدتني كثيرا...
مشتاقون يا سهيلي....

في محاولة مني لكسر رتابة أمسيات السلع قررت الخروج من البيت...
ليست هنالك خيارات كثيرة...
لذلك أخذت ملابسي الى اللوندري...
ثم قررت الذهاب للحلاق...
قلت في نفسي لن أذهب لذلك الحلاق الهندي مرة أخرى...
فهو قصير القامة و لا يرى قمة رأسي...
لذلك دائما ما يكوجن تلك المنطقة...
ففي آخر مرة بدأ لي رأسي مثل لساتك سيارات الفورمولا ون في الجولة الأخيرة...
فاخترت أن أذهب الى الحلاق الباكستاني طويل القامة...
دخلت المحل و جلست في الكرسي و قمت بشرح ما أريده أن يفعله بشعري...
كان يومي طويلا و لم أنم لفترة مناسبة عصر اليوم...
فألقيت بنفسي في الكرسي ثم أغمضت عيني مسترخيا...
حركات الحلاق زادتني استرخاءا و كنت شبه نايم...
فتحت عيني على صوت الحلاق و هو يقول لي نعيما....
نظرت في المرآة فوجدت نفسي أشبه حاتم جبارة و طارق جبريل...
قلت ليهو شكيتك لي الله حسه أنا بكرة أمشي الشغل كيف...
الا أعمل زي سيف الجامعة و ألبس لي كاب...
Post: #6746
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-22-2010, 11:48 PM
Parent: #6745

Quote: نظرت في المرآة فوجدت نفسي أشبه حاتم جبارة و طارق جبريل...

عفيت منه الباكستاني دة الخلاك بقيت اسطايل زينا
Post: #6747
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-23-2010, 05:54 AM
Parent: #6746

صبحكم الله بالخير

بعد بشتنة أمبارح بالليل دي عدلت رأي عن لبس الكاب...
لكن بقيت رافع نضارة الشمس طوالي لي فوق...
الحقيقة ما عشان أدس البشتنة...
لكن عشان ما أجهر لي زول في عيونو...
قال ستايل قال...

مرات كتيرة جدا تلقاني بعمل في حاجة و أنا ما مقتنع بيها...
بعمل فيها بجد و اجتهاد لا يوحيان أبدا بعدم رغبتي فيها....
و الغريبة اني أواظب في عمل ذلك كل سنة...
و أنفق من المال و الوقت ما أنفق...
من أبرز هذه الأشياء اللوتري و الهجرة لكندا....
فغير هاااي بتاعت حاتم جبارة الاتكلم عنها أمبارح...
الا ان كثير جدا من الأصدقاء و الأقارب بطلبون مني مساعدتهم للعمل في الامارات...
و لهم في ذلك مبررات مختلفة و متعددة...
فمنهم من يريد ذلك من أجل الأبناء...
و منهم من أن يكون قريبا من الأسرة الكبيرة...
و منهم من تعب من ايقاع الحياة السريع و القاسي...
و منهم من يشتهي رمضان و العيد و صلاة الجماعة و عشرة كوتشينة...
و قائمة طويلة جدا من الأسباب الموضوعية...
الا انني في كل مرة أجد نفسي أقدم للوتري و للهجرة لكندا...
Post: #6748
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-23-2010, 06:11 AM
Parent: #6747

موضوع الريس ميسرة فجر حاحات جواي ....

لا ادري لماذا يربط معظم المغتربين بان سعادة أولادهم مربوط بنهج الحياة التي عاشوها أباءهم في وطنهم، وكثير من الآباء المغتربين ودول المهجر يرون ان أبناءهم محرومون من الحياة الجميلة والسعيدة مقارنة بما عاشوه زمان في السودان, أن النوم في الحيشان والشراب من الزير والرقاد في العنقريب واكل الكسرة والملاح والعواسه ولعب كرة الشراب وشليل وينو والرمة الحراسة واللعب بمياه المطر والنظر إلى النجوم والسحاب وغيرها من الحياة التي عشناها نحن ... هي أيضا السعادة لهم كأبناء ... وحرموا منها؟!
لماذا نعتقد أن أولادنا مستمتعون بالحياة طول ماهم عايشين مثل حياتنا السابقة أو هم محرومون من متعه الحياة طول ماهم بعدين عن حياتنا الاولي .....
اُأكد لكم بان أولادنا سعيدين ومستمتعين بحياتهم بالغربة والمهجر أينما سعادة ... وان الطفل يعشق ما تربي عليه ولا يشعر بأي نقص ... بل هو إحساسنا نحن لأننا عشنا حياتين مختلفتين ... أما هم فهذه حياتهم ولا تحاول وان تفخموهم في حياة لا يشعرون بها ... والكثير منكم عنده تجارب مع أولاده عندما يذهبون الى السودان في الإجازات ... والله أولادنا يضحكون من الأشياء التي نستمتع بها ونري فيها السعادة... بل هي مصدر تعاسة لهم ... يعني نوم الحوش الذي تحسر عليه الريس ميسرة ولم تعرفه بنته مشكاة ولم تري الشمس والقمر كان مصدر إزعاج لكثير من أبناءنا من أتربة واهويه وأمطار وحشرات وعدم أمان وقس على ذلك لعب الشوارع والميادين ونوعيه الأكل مثل البوش وما يباع عن طريق النسوان (زي الطعمية بالشطة أو العجور ياطارق جبريل) وهذه أشياء كانت تمثل لنا سعادة لأننا عشناها منذ الطفولة تربينا عليها... ولكن ليس بالضرورة أن يعيشها أولادنا حتي يشعرون بالسعادة ....
اما بخصوص الانتماء للوطن ... قبل أن ينتمي أولادنا لوطنهم السودان علينا أن نجيب على السؤال التالي :
أين نحن كآباء وأمهات من وطننا ... بمعني أين انتماءنا نحن الآباء للوطن ... اغلبنا اغترب ودار ظهره للوطن وصار انتماءنا مجرد تتبع لأخباره والتعبير إما بالرضاء أو السخط ... وهذا لا يسمن ولا يغني من جوع ... أين نحن من مشاركاتنا الفعلية وبصماتنا العملية تجاه الوطن ... حتي مشاركتنا في التنمية والإنتاج ومشاكله الحقيقة ... وبعد أن نجيب عن نفسنا ونجد مكان لنا في خارطة الوطن ... حتما سوف تحل مشكلة انتماء أبناءنا ...
ولكن السؤال المهم وخاصة للمغتربين بالخليج والدول العربية ... حيث ولد وتربي أولادنا بعيدا عن الوطن ... ماذا نحن فاعلون بعد انتهاء عقودنا ورجوعنا للوطن ... مغتربين دول المهجر (الدول الأوربية والأمريكية واستراليا وغيرها) ليس عندهم مشكلة لان بعد مضي مده من الزمن يعاملون كمواطنين لهذه الدول ويعطون الجواز والجنسية أو حتي حق الإقامة الدائمة ... وبالتالي ينخرطون هم وأبناءهم ضمن مواطنين هذه الدول ... ويكون رجوهم للوطن اختياريا... ولكن نحن مغتربين الدول العربية طال الزمن أو قل لابد أن نترك هذه الدول ... حتي ولو وصلنا ارزل العمر ... ما الحل في هذه الحالة ... وهذا هو مربط الفرس ... هل نرجع ونحاول التعايش مرة أخري في السودان ... وسوف نجد صعوبة قصوى في ذلك نهيك عن أولادنا ... أم نهرب لدول أخري ...؟؟
... وخاصة ومنا جزء كبير لم يجهز نفسه للرجوع "امتلاك منزل مثلا" وهو ابسط متطلبات الرجوع للوطن ... ولان ظروف لاغتراب اختلفت وصار المغترب يغطي متطلبات الحياة بالكاد "الأكل والشرب والتعليم" ولا يوجد فائض يؤمن مستقبلنا وهذا حال الأغلبية ... وهنا تختلف وجهات النظر من مغترب لآخر ... منهم من قال "اعقلها وتوكل" إيه ما يحصل يحصل ... ووقتها يحلها ألف حلال ... وأنا شخصيا أفكر في الهجرة ... انه الحل الأمثل (هجرة إلى كندا استراليا بريطانيا أمريكا) أي دولة تستقبلني أنا وأولادي بقية عمري ... لأني لا أملك موضع قدم في وطني .... "وبيزات نهي ... مهداه لزهير الزناتي)


السهيلي مجذوب مرحب بالمتاوقة .... مشتاقين

حاتم ربنا يحفظ ... والله الدومنيكان رهيبة ... يتربو في عزكم ....مافي طريقة نجي جيرانكم ...
Post: #6749
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-23-2010, 07:12 AM
Parent: #6748

السهيلي ... اخانا الذي في بلاد اليانكي ....الف تحية وسلام واشواق ...وليك وحشة ايها الجميل ... سعداء بطلتك مرة اخري .... وليتك لا تدمن الغياب ...وتتواصل مع الآخرين ...

يا رشدي ...والله حالتك تحنن ... يعني من اليوم بقيت ...الرشيد جابكر ....
ياسر نجيلة .... الكلمات الصادقة تجد صدي داخل القلوب ...والتجربة ...مفتاح المعرفة ... واساسه ... كلامك يمس كل اصحاب الوجعة .... وزي الزول النايم كبوا فيه جردل موية بارد .... يفتح عيونه علي حقائق كتيرة ...من المؤسف ان يكون السودان بلد طارد لهذه الدرجة ... صدقني اجد لك الف عذر بل مليون عذر وانا الذي عايشت التجربة منذ ما يقارب العشرين عاماً .... اعرف ما ينتظر الكثيرين حينما يعودون الي السودان ... والنجاح في السودان بعد طوال غياب يحتاج لمهارات عديدة والاهم التوفيق من الله ... الامر يا صديقي اكثر تعقيداً مما نظن ... اعتقد ان الاندماج في المجتمعات الغربية اكثر سهولة من الاندماج في المجتمعات العربية ...وذلك ايضاًَ لاسباب كثيرة .... لذا كثير من مهاجري الخليج ستكون او كانت بالفعل محطتهم التالية هي الغرب ... الموضوع متشعب ويحتاج لمزيد من البحث والاستفاضة ..ومناقشة المسالة من كل جوانبها ... فهنالك اضافة للجوانب السلوكية محددات اخري ... اتمني ان يتحلي الناس بالشجاعة والصراحة في تناولها ... لان الجرح لا يشفي الا بالملح ... مسال دومنيكاني

يا جبارة بمناسبة الامثال المصرية امبارح بقلب في القنوات لقيت صلاح السعدني بيقول زي خرتمية مثل في الدقيقة اتذكرتك طوالي ....للاسف لم يتبقي سوي واحد (البيخت حبل علي رقبته ....الف من يجره)عليك الله شوف الحكمة الشعبية دي ... طبعاً انا من اشد اذيال الاستعمار المصري ...والخديوية وبقايا الترك .. وكارهي ذاتهم لذا معجب بالمصريين ...

اها شايف مجرد ما نزلت صورة الجكس ...جوك اهل العزابة جري ... عفاف ..وياسر نجيلة .... عايزين من هسه يصلحوا المعاملة ... غايتو الله يكون في عونها بعدين الاختيار حا يكون ليها صعب ... شباب قيافة ...واولاد استايلات .... انا بفترح المسالة تكون قرعة ... وتتكتب الاسماء في صندوق ونخلي اكبر واحد يجرها .... وما حنلقي من الالف ولا واحد يجر الحبل ....
Post: #6750
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-23-2010, 07:30 AM
Parent: #6749

..
.
صباح الخيرات ..

شايف الديناصورات ناس رشا ونجيله خاشين قى موضوع تربية الابناء خارج الوطن
وكيفية تربية النشء فى ارض المهجر غايتو ما عندى غير نقول ليكم
علموا النشء علما يستبين به ** وقبل العلم اخلاقا ..
وشدوا حيلكم ..

------------

يا حتومه والله ماشاء الله على الانتاج
وماشاء الله على الاسلاميات .. ما حاجة سهلة ودا انوذج للاجتهادات فى ارض الاغتراب
ربنا يحفظها غايتو مافى زول من ابناء الاعزاء
الا لو ود نادر فاروق ورجاء ..

السهيلى .. حبابك .. بعد الغياب ..
Post: #6751
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-23-2010, 07:56 AM
Parent: #6750

اشمعنا ود نادر ورجاء .... حتي انت يا تبلدينا بقيت تخاف من نادر فاروق .... ولا اقول ليك حاجة كويس انت قلت عايزه لود نادر ورجاء ... وما قلت لي زول تاني ...

ثم قال له ان اللبيب بالاشارة يفهم .... ده مثل صعيدي ... كيه في المرحوم بشاشة




نتمني عاجل الشفاء لشقيق الكوتش محمد صديق ... الذي يرقد طريح المستشفي ... من مضاعفات السكر علي كسر في يده ... وهو الآن يتماثل للشفاء بعد ان تم نقله من مدني للخرطوم .... (تقول لي مدني فيها اسبتاليات).....
Post: #6752
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-23-2010, 09:07 AM
Parent: #6751

..
.
انت بتقالع مالكـ يا زناتى ؟؟
لا عندك ولد مناسب للهاف كاست دى ولا حاجة ..
بتك ومحجوزة .. :)
نادر فاروق ورجا الود بقى ماشاء الله لو فى زول مناسب يتقدم
ويخش المنافسة ونعمل تصويت ..

بمناسبة الخوف من نادر فاروق
يمين محمود الحورى كل ما يتصل على يقول والله
االواحد مفكر يعزم الشباب غداء فى البيت لكن ياخى نادر دا لسانو طوويل
يطلعنا حرامية ..

-----------

الف سلامه لشقيق الكمندان وربنا يوليه صحة وعافية
Post: #6753
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-23-2010, 09:45 AM
Parent: #6752

سلام
غايتو عليكم جنس حالات
اغيب منكم زمن لا سؤال لا سلام
اجى اطلكم واسلم رغم المشغوليات
زول كدى يعبرنى فيكم مافى البركة فى صالح ود بلدى

والله لو ما سارة جبارة وسهيلى ديل ما اجيكم تانى

بس ماشاء الله ربنا يحفظ سارة واختها ويخليهم
سهيلى سلام مربع
Post: #6754
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-23-2010, 10:35 AM
Parent: #6753

ألف حمدلله على سلامة اخو الكوتش محمد صديق
نتمني له الشفاء العاجل .....
ناس السكري ... يعملوا حسابهم ... جلال عثمان ومن لف لفهم ...

نسأل الله الشفاء واللطف لمحمد سامي عبدالوهاب ... ويحفظو يارب ... وسوف ندعو له كل ماتذكرنا


=========================================
بتنا زينب والله كنت عاوز اعلق على دخولك ... واقول
ليك عملنا بتوجيهاتك بخصوص الولاده ... ولسة ماباركتي المولود ؟!
ولكن مداخلة الريس ميسرة .. هبشت فينا اوتار حساسة ... ونستني التعليق

زهير الزناتي ... مرورك وتعليقك ... جميل ... وفكر مليون مرة قبل ماتجيب الاولاد
صدقني كل الخيارات صعبة ... اخير ليك "تهج" الغرب ... الخليج ورطه في ظروفنا دي...


تبلدينا ....
هاني برعي مابحلك ... والقراية مابتحلك
العرس والاولاد راجنك ....
Post: #6755
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-23-2010, 10:47 AM
Parent: #6754

يا اهلنا سلام
الف سلامة لي اخو الكوتش اجر وعافية ان شاء الله


يا نجيلة عشان حركات الجيش دي انا طلعت لي اولادي جنسية مغربية
يا زول السودان دة انا ما عندي فيهو غير درابزين بيتنا
نمشي نتجهجه ساكت يا حبيب
غايتو لو اسامة داوود اداني راتب شحمان برجع
Post: #6756
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-23-2010, 10:51 AM
Parent: #6752

سلام
غايتو عليكم جنس حالات
اغيب منكم زمن لا سؤال لا سلام
اجى اطلكم واسلم رغم المشغوليات
زول كدى يعبرنى فيكم مافى البركة فى صالح ود بلدى

والله لو ما سارة جبارة وسهيلى ديل ما اجيكم تانى

بس ماشاء الله ربنا يحفظ سارة واختها ويخليهم
سهيلى سلام مربع
Post: #6757
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-23-2010, 11:02 AM
Parent: #6756

زوبة كيفنك ياخي
ياخي الناس دي عندها زهايمر ما تعصري عليهم شديد كدة
Post: #6758
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-23-2010, 11:20 AM
Parent: #6757

سلامين
يا نجيلة الف الف مبروك
والله اتلومت تب انا
بس العتب على النت
مقطوعة بعيد عنك وشغالة بتقنية كدة ما معروفة بس الطشاش اخير من العمى
وحنشد ليك سلك كمان
يا جبريلا العيال ممكن بس اوعى تكون انت اتمغربتة
Post: #6759
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-23-2010, 11:24 AM
Parent: #6758

يا زوبة العيال موضوعهم انتهى انا غايتو لسة بعافر
ياخي ما بتقع لي اشيل جنسية تانية
لكن العيال ديل مافي طريقة اخليهم رايحين كدة
Post: #6760
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-23-2010, 12:31 PM
Parent: #6759

زينب التجاني دي تمشي وتجي علي كيفها قايلة الشغلانة سايبة ساكت ... وقت ما في زول قال ليك قومي ادينا فاتحتنا ... ما تعملي نايمة ...وزي ما قال ليك جبريلا اعمامك ديل ما تعصري عليهم شديد .... بعد شوية حا يجيك عمو الرشيد وعمو منصور ... غايتو انا متاكد دي مواعيد عمو منصور ....
Post: #6761
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-23-2010, 01:19 PM
Parent: #6760

نهاراتكم بالهناء والسرور ...

الكوتش محمد صديق ألف سلامة لأخيك .. وربنا يواليهو بالعافية ...

حاتم جبارة .. حليل زمن الصبا الماضي وحليل زهر الشباب وحليل الباندا .. لكن الحال من بعضو .. جيفارتك الدوميناكانية ما شاء الله وتبارك الله وعيني باردة وربنا يحفظها ويجعلها قرة عين لكم .. يا جماعة نحن زاتنا جهال وصغار وما شفنا شئ في الدنيا دي .. يعني يا حاتم جبارة السودان ظروفه صعبة وكدا .. حقيقي ما قادر أعبر عن شعوري .. طيب ما عندكم فصول محو أمية ...

ياسر نجيلة صح لسانك .. والله كلامك درر .. غايتو الله يجيب الخير ...

زهير الزناتي العنزي .. تحية وإحترام ...
Post: #6762
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-23-2010, 02:33 PM
Parent: #6761

يمين بالله يا البادي الزناتي دي مدقرة ما بتجي اي حاجة واراها لا العنزي لا الراجحي ... لكن ممكن تكون بعد محمد آدم النور العنزي شفت الاسم ده قاعد في السهلة كيف مافي حاجة حباساهو بوراء ...

دي حساده عشان اقطع شهر العسل بتاعك مع جلا
Post: #6763
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-23-2010, 02:59 PM
Parent: #6762

زهرة جناين الغابة..
Post: #6764
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-23-2010, 03:59 PM
Parent: #6763

بمناسبة العيد السعيدأتقدم إليكم جميعا بخالص التهاني مع هذه الصور من منتزه القنطرة ببحري
بعد حلة كوكو وأنت متجه إلى سينما كوبر طبعا الوصف بالسينما تمام آآآل سنماتي آآل
ود جبارة والعائلة كل عام وأنتم طيبين وموفقين
enter>sd1.JPG Hosting at Sudaneseonline.com
er>
على اليمين شفق أحمد إسماعيل والثانية/ حدق العيون موسى مهدي (بنت أختي)
Post: #6765
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-23-2010, 04:04 PM
Parent: #6764

موضوع رقم واحد.. الأجيال..
والله نجيله hit the nail on the head..
نحن جيل مختلف تماما عن أولادنا..
واختلافنا معاهم أكبر من اختلافنا من ابواتنا..
يعني معظم أولادنا Generation Y..
ودا جيل ليه فهم مختلف عننا تمام..
وأولويات مختلفه..
وتجارب مختلفه..
وحتى التكنولوجيا وإستنباط المعلومات is a mouse click away..
آخر الكلام..
إنتو دقه قديمه..
أنا لمن أتناقش مع رانيا.. بنتي الصغيره..
وأدور أتفسح فيها بحاجاتنا الزمان..
بتقول لي.. daddy you're old, your time is different, you wouldn't understand..
"أمشي يا بت الكل..."
Well, when you're ready to discuss it, you know where to find me..
تقول لي شطه بي العجور..

حلاوه شديده يابوحميد.. ماشاءالله..
Post: #6766
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-23-2010, 04:21 PM
Parent: #6765

يا ود جبارة عاين لروحك هسه بعيونك وانت صغير لمن كنت بتشوف ابوك ..... ده المنظار البتعاين ليك بيهو رانيا ...يعني لمن تقول ليك يا عجوز ما تزعل ساكت .....


يا ابو حميد ... حاتم جبارة علق علي الصورة ساكت وما حجز .... مسكين عنده مشكلة بتاعت جندر بلس في البيت .... اها نحن حاجزين قبل ما يجي موسي عيسي ويقول ليك انا عندي الاولوية احمد اسماعيل ده صاحبي ودفعتي ...طبعاً جلا ما بينافسنا هنا .....
Post: #6767
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-23-2010, 04:26 PM
Parent: #6763

734.JPG Hosting at Sudaneseonline.com


ضحى أحمد إسماعيل وبنت عمتها
Post: #6768
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-23-2010, 04:44 PM
Parent: #6767

735.JPG Hosting at Sudaneseonline.com


عمر جوة وبرة مع شفق وشاكر على التوالي
Post: #6772
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-23-2010, 07:22 PM
Parent: #6768

سلام ياكرام
ياريس لو ماإغتربنا من الأول بعد ما نعمل العيال ومعدلات الصرف
تزيد مع الدخل المهلهل والجنيه الخافي شنبر ده أكيد حنغترب
ومثلنا في ذلك زهير حتى ولو لم يستلم الإقامة موافقين على الخطوبة

ثانيا االعيال ماشاء الله عليهم ولدناهم في وضعية مميّزة خالص عايشين
طفولة على أعلى مستوى والتي نحن إتحرمنا منها صغارا وتغربنا عن اهلنا
كبارا بالله مين المظلوم فيتا ( نحن ولا العيال)
والبادى باين عليه لو حصّل فيزا بغترب ثاني
Post: #6769
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-23-2010, 04:49 PM
Parent: #6767

زينب التجانى , والله انا مرقت بى هنا , وانتى جيتى بى هنا , اتعاقبنا يعنى
والا , فان المكان الذى ترتادين ,جدير بان نسرج فيه خيول حركتنا ,ويحط فيه رحالنا حتى تغادرين (عليك الله شفتى جنس المكنة دى قريب ؟؟, ابو الزفت )
السهيلى مجذوب , غيابك طال , عشان كده نرضى بمداخلة جس النبض دى , مضطرين
احمد اسماعيل , حباب ابو ضحى , الايسكريم ما عندكم لكن
لكن كلام ياسر نجيلة ده , كلام زول جاهو ولد قرييييب , سمايتو لسه ما عملها , سوميتة بت شيخه لسه ما جابا , والعجب خاتم النسيبة , عاد حاتمشى منى وين ؟؟
عمو منصور يا زناتى و الليلة اختلفت عليهو التوقيتات , باقى انحنا اليوم الوطنى ده , اصلو ما بنلعب فى اجازتو , اجازة يعنى اجازة
يمين ساهرت امبارح فى النادى لغاية الساعة قريب اتنين , وست لليفة , صليت الصبح حتين نمت , وكان ان ضاع على يوم الأجازة كاملا وانا نائم , صحيت صليت الضهر والعصر
ضربت الشاى ابو بسكويت , بعد ما خلصت (سبوعى ) يا الرشيد , ومشيت جبت حاجت للبيت بعد ما اخبتنى بت الشيخ بان البيت (خلا )
رجعت لقيت ايثار بتضرب ليها قراصة رهيبة , اغرتنى لكن لقيت نفسى شبعان للأسف
وبعد ان صليت المغرب , شعرت بان هناك مكانا للقراصة , فهرولت الى المطبخ ولكن هيهات , وشكلتى ما تزال قايمة مع ايثار ومدرار , اذ اجهزا على القراصة حتى انهما غسلا الصحن غسلا
فكان ان اكتفيت بى سندوتش (سلطة اسود ) , بس اقول ليكم , يمين احلى من القراصة , او هكذا اقنعت نفسى , فاقتنعت المسكينة ت تكون فيها
مع ملاحظة ان ملاح التقلية بتاع القراصة كان بايتا , وتعلمون مابينى وبين الملاحات البايتة من ود واعزاز ,
اما البت الدونيكانية الهاف كاست دى و القلتو اسمها سارة حاتم جبارة , فحكاااااية والله
شفتوا الزمن ساقنا وين و لى حتة البت تكون فيها اسمها سارة
والابو , حاتم , دى تجى ازاى يا قماعة ؟؟!!!
وانا مللى ومال رجاء , ومللى ومال نادر فاروق , ومللى ومال محمود الحورى زاااتو
تبلدينا زاتو انا ما عندى بيهو شغلة لو عرس ولا ما عرس
ولو المنافسة بقت بينى وبين الجيفارات التلاثة , فألأمر هين , وهناك مليون طريقة لحله
احمد منصور يا زول يا حاتم , زول خلاص دربو مرق , وممكن من هسة يقرا الججامعة عندكم حتى لو فى الدومنيكان زااااتا
اها قلت شنو ؟؟؟؟
Post: #6770
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-23-2010, 05:03 PM
Parent: #6769

اها عشان نديك فكرة عن الزول احمد ده يا حاتم يا ابو النسب
(تبلدينا لاحظ نحن بقينا نتكلم عن نسب الجيل التانى , انت لسه عاملها لى قراية )
زول هادى ورزين يا حاتم , وشاطر جنس شطارة
وفوق لى ده كلو (امه اللى هى بت شيخى , اسمها امانى )
1269.jpg Hosting at Sudaneseonline.com


خلينا ليك حاجة عليك الله ؟؟؟
حتى اسال طارق جبريل

Post: #6771
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-23-2010, 06:33 PM
Parent: #6770

يا منص الله يحفظ احمد
لكن الشايقية سارة دي حا تجهجه ليك باكاتو





ود اسماعيل ربنا يحفظ الصغار ويخليهم ليك


انا غايتو الولد لسة صغير معناها طلعنا من المنافسة
بس بتي قالت زوبة حاجزاها لي ولدها
Post: #6773
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-23-2010, 07:27 PM
Parent: #6771

الموضوع رقم 2.. الهجره إلى الغرب..
هوي.. هوي.. هوي..
أنا لا باعرف استراليا ولا كندا ولا اليابان حقت حنين..
علا خبرااان بي أمريكا..
إن ما بقيت دكتور شاطر كدي..
والا عندك قريشات تقيله تعملك شركه قابضه..
فكر كويس قبل ما تهاجر..
كلام جد يا جماعه.. أسمعوا مني النصيحه..
البلد دي مشوارها في الهجره طويل..
ما حقت ناس يجوها كبار الا متمكنين..
الحاجات الأساسيه:
1. شغل في مجالك ما بي الساهل.. داير ليك شهاده من أمريكا..
حتى شغل الحكومه.. الا عندك الجنسيه..كتير من المغتربين خلواأوضاع ممتازه.. وهسي في الشغل الهامشي..
ناس بيتزا وتوصيل اسبيرات وعفش.. ودا ما عيب طبعا.. لكن ما بيوفر ليك لقدام.. وما شيتا تخلي ليهو وضع كويس..
2. التعليم في المدارس العامه مجاني تماما لحدي ما تخلص العالي.. لكن طبعا مجتمع المدارس الامريكيه خاصه من الثانوي العام لي فوق بيخوف..
وعشان تدخلهم مدارس خاصه.. بالشئ الفلاني.. اللي هو مابتقدر عليه لو شغال شغل هامشي وما في مجالك..
3. القرايه الجامعيه غاليه غلاء فاحش.. لابد أولادك كلهم يكونوا يا مبرزين في الرياضه.. يا شطار لمن عواره.. والحق يقال أي زول داير يقرأ جامعه بيقرأ.. لو ما عندك قروش ذاته بيقروك بقروض..
4. عندنا حاجه هناإسمها تدي Uncle Sam حقو.. وأونكل سام دا حقو كان محظوظ 30% لي 35% من دخلك.. ولو دخلك كبير شويه.. أقنعلك من 40%..
5. السكن: حسب الولايه والمدينه.. لو في منطقه زي واشنطن دي سي.. إيجارك حوالي ألفين دولار الشهر.. والعجب لو اشتريت ليك بيت.. سلم شيكك للبنك من غير تردد.. ولو مرتك شغاله.. كضاااااب لو قلت يدك ما قاعده في جيبها.. أعمل الحاله واحده ساي..
6. في حاجه برضه إسمها Bills.. ناس التلفون والمويه والكهرباءو التلفزيون والفيزا والماستر كارد والغاز وقسط العربيه و...و..
7. المعيشه: بتعيش مرتاح.. البلد نضيفه.. مافي يزول بيقول ليك بتسوي في شنو وكل زول في حاله..
8. خلاصه الكلام: ما يجيبكم الا الشديد القوي.. تعليم الاولاد.. مشاكل صحيه.. وغيرو.. وإن جاك اللوتري اتصل واسأل قبل ماتشاكل الكفيل..
ممكن سائل يسأل.. أها القاعدين في السودان ودايرين يجوا.. لو جاكم لوتري الصومال إتوكلوا..
الما داير يجي الكلام ما بيخصوا.. ما تجوا تعملوا لي مشاكل..

ياللا بجيكم بعدين بي وش المونساتيه.. شايف صوره ساره جابت دخل كبير..




تعديل رتوش بسيطه كدا
Post: #6774
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-23-2010, 09:50 PM
Parent: #6773

الف مرحب يا سارة بت اخوي
حاتم جبارة
الكلام بتاع الغربة وما ادراك ما الغربة
جميل وجيد ومفيد لينا انحنا ناس
الداخل الذين نفكر بالمخارجة
قبل فوات الاوان


يا ياسر
ما خطته يمينك هو
تحليل منطقي لفروقات التربية بين جيلين
الان ابني الاكبر يحفظ اغاني الراب
ويستطيع استخراجها من اليوتيوب بدون مساعدة
يعني هذا جيل مختلف عننا تماما
انحنا التلفزيون زمان كان ابوي ما جاء من الشغل
مافي زول بيقرب منه
الان هذا الجيل يعرف اكثر مننا في التكنولوجيا


مرحب بالسهيلي
مرحب يا زوبة

الكوتش محمد صديق
اتصل علي بالنهار
وبتهذيبه الجم داك قال لي مشغول
ولا اواصل ؟
حقيقي كنت مشغول
وللاسف لم ارجع له
فله العتبى حتى يرضى عننا
والف لاباس لاخوك
اجر وعافية


احمد اسماعيل
يعني اثبتت بالصورة انك ابو بنات
ربنا يجعلن من بنات الوطن
اللاتي ينقللنن الي مصافى الدول الاولى
Post: #6775
Title: Re: ناس الزقازيق ... أجدع ناس ( 3 ) ..
Author: محمد عثمان عبد الرحيم
Date: 09-23-2010, 10:20 PM
Parent: #6774

حذفت المداخلة 000

لانو من عيوب الباسورديين تكون عايز تكتب باسمك تلقى المداخلة نزلت باسم حا ج الركز 000


لا يفوت على فطنة القارئ انو المداخلة من فافي

حاج الركز ضرب الرز بالبن زمان ونام000
Post: #6776
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-23-2010, 10:44 PM
Parent: #6774

نرجع للقندفه.. أوكما يقول نجيله الجندفه..
نجيله.. رغم رأيك الأول عني إنطباعي من الدرجه الأولي.. (هاك مثل مصري.. اللي مايعرفك يجهلك)
إلا أنك رميت فأصبت.. من ناحيه قندف.. من زمان.. قندف..
باتذكر زمان في اواخر السبعينات أو أوائل التمانينات.. كان في مسلسل أجنبي إسمو "باريتا" (Baretta).. زول بوليس كدا مفتل وظريف جدا.. بتاع أكشن من الدرجه الأولى..
كان بيلبس كاب بني كدا.. وبعدين لمن يكون بيحقق والا جاري ورا زول.. الكاب حقو دا بيقوم يكرفسو ليك بطريقه لذيذه ويعلقو في جيب الجينز الورا..
أهاأخوك قلب الخرطوم دي فوق تحت.. لحدي مالقيت لي كاب زي حق باريتا.. قشرت ليك بالكاب دا يمكن سنه كامله..
لبس الساعه باليمين ياخوي خليناهو.. في أمريكا حركه ما ظريفه..
لكن هاك الصوره دي لساعتي لأنها ما ظهرت في الصوره امبارح.. وعندي قميص أحمر وجزمه حمراء بعمل بيهم ماتشينج..
تقول لي باريتا برضو..
photo.jpg Hosting at Sudaneseonline.com
Post: #6777
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-23-2010, 11:42 PM
Parent: #6776

Quote: > وعندي قميص أحمر وجزمه حمراء بعمل بيهم ماتشينج..


شعبولا وكدا
Post: #6778
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-24-2010, 09:14 AM
Parent: #6777

صبحكم الله بالخير
و جمعتكم مباركة...

سعيد أنا بهذه الصفحة و سابقتها و أكاد من فرحي أطير في الهواء أحلق...

سعيد لأن صالح تبلدينا أصبح يتفاعل معنا و له أكثر من مداخلة هنا...
و هو بلا شك يضفي على البوست شكلا جديدا و رائعا...
بس يا صالح يا أخوي من عاصر الديناصورات فهو بلا شك ديناصور...
بس ممكن نقول عليك ديناصور صغير...و عزابي كمان....

سعيد بالجيل الجميل من الزقازيقاب...
الذين زينوا هذه الصفحة...

سعيد باضاءات حاتم جبارة عن الغربة في أمريكا...
و كيف أنها يمكن أن تكون قاسية جدا للبعض و مرفهة للبعض الآخر...

سعيد بأبو عمر و بأبنائه حفظه الله و حفظهم جميعا...
و نقوم الآن بتجهيز السيرة الذاتية لمهند عشان ننافس باقي الجماعة...
أما السيرة الذاتية لأمنية فهي محجوزة بطرف والدتها...

سعيد بتفاعل مبارك جادين و الذي أصبح أسرع ايقاعا...
و تعددت مداخلاته..

سعيد جدا بكم و أشتاق الى عودة كل من ...
محمد صديق...موسى عيسى...كمال الشادي...السهيلي...جلال عثمان..عمر نملة...
منى عباس...سناء الصباغ...حنان مجمر...

و جمعتكم مباركة....
Post: #6779
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-24-2010, 11:57 AM
Parent: #6778


الأخ محمد صديق نسأل الله لأخوك الشفاء العاجل وإن شاء الله (أجر وعافية)

الأخ نجيلة الف مبروك وصول فارسكم ربنا يجعله من أبناء المسلمين الذين
يشار إليهم بالبنان وألف حمد الله على سلامة والدته وربنا يربيه في عزكم
Post: #6780
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-24-2010, 12:16 PM
Parent: #6779

نهازكم سعيد وجمعة مباركة
أيضا سعيد بالصفحة بضم صوتي لرشيدنا العزيز
واهنئك والأخت نجاة والأبناء بالعيد السعيد
وكل عام وأنتم بألف خير
والتهنئة موصولة لكل المتداخلين في هذه الصفحة
الأخت زينب التجاني والأخ ود عبد الرازق والأخ صالح تبلدينا
وحاتم ومبارك جادين وود جبريل وياسر والأخ السهيلي والأخت عفاف ميرغني
ومحمد ادم والأخ الزيناتي نسأل الله ان يجمعك بإبتهاج والعيال
وكل عام والجميع بخير
Post: #6781
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-24-2010, 12:43 PM
Parent: #6780

حكم وأمثال

كل شيء يرخص إذا كثر ، إلا العلم إذا كثر غلا

لا تضرب المرأة ولو بزهرة

جمال السماء في نجومها وجمال المرأة في شعرها (مثل إيطالي)

الإستقامة مفتاح السلامة

لا يضيع حق وراءه مطالب

كن مع الله ولاتبالي

التدبير نصف المعيشة

أحسن إلى الناس تستعبد قلوبهم

الثروة تأتي كالسلحفاة وتذهب كالغزال

أحب الأعمال إلى الله
الصلاة لوقتهاثم بر الوالدين ثم الجهاد في سبيل الله


الشكر دليل الزيادة ، والزيادة دليل دوام النعم
Post: #6782
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-24-2010, 01:53 PM
Parent: #6781

أحمد ود المنصور أدب و قيافه..
أحمد ود المنصور علم وظرافه..
في ماليزيا متصور فوق الأبراج مابخافا..
زينه الرجال.. مابعرف المضره لا شافا..

ياريتني لو جداع زي عبدالحفيظ..

ألف سلامه لأخو الكمندان..
ربنا يشفيهو ويزيل منو كل داء..
Post: #6783
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-24-2010, 03:39 PM
Parent: #6782

سلام لاجدع ناس
Quote: زينب التجانى , والله انا مرقت بى هنا , وانتى جيتى بى هنا , اتعاقبنا يعنى
والا , فان المكان الذى ترتادين ,جدير بان نسرج فيه خيول حركتنا ,ويحط فيه رحالنا حتى تغادرين (عليك الله شفتى جنس المكنة دى قريب ؟؟, ابو الزفت )

يا منصور بكمتنى عديل
وكنا دايرين نتقدم بمحمد عمر لسارة لكن حرم بعد طلبكم ما يتقدم طلب
يا الزناتى كتر خيرك وبارك الله فيك من بكرة صورة البروفايل بتاعتى دى بغيرا


الرشيد العتب على النظر ولا يكون الزهايمر انا نازلة البوست دة بى شكلة برضو تفطنى كتر خيلرك
حاركب لى زينة علربات عشان ازين الصفحة
Post: #6784
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-24-2010, 03:45 PM
Parent: #6783

يا جبريلا عريسكم عبد الرحمن
ودة للعلم
Post: #6785
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-24-2010, 04:13 PM
Parent: #6783

Quote: والله لو ما سارة جبارة وسهيلى ديل ما اجيكم تانى
بس ماشاء الله ربنا يحفظ سارة واختها ويخليهم

زوبه العجيبه..
كتر خيرك يا رهيبه..
البت طالعه لابوها..

Quote: موضوع الريس ميسرة فجر حاحات جواي ....

Spellcheck يا نجيله.. كرهتنا العربي زاتو..

Quote: نظرت في المرآة فوجدت نفسي أشبه حاتم جبارة و طارق جبريل...

محظوظ..

Quote: مع الصلعة دي والله استايل جدو لايق عليك ..

أمشي حصل...
ردمتك واحد فاتن حمامه عيار تقيل مع البرلوم ونادر..

Quote: يا حتومه والله ماشاء الله على الانتاج
وماشاء الله على الاسلاميات .. ما حاجة سهلة ودا انوذج للاجتهادات فى ارض الاغتراب

مجتهده براها.. صحيت من النوم لقيتها لافه راسها.. قلت ليها مالك مصدعه?
قالت لي No daddy, I want to be hijabi.. (تقصد محجبه)..
قلت ليها أمشي كلمي أمك..
أمها قربت تدوخ..

Quote: حاتم جبارة .. حليل زمن الصبا الماضي وحليل زهر الشباب وحليل الباندا ..

البادي.. يراودني مثل مصري.. لكن إلا في اضانك..

Quote: يا جبارة بمناسبة الامثال المصرية امبارح بقلب في القنوات لقيت صلاح السعدني بيقول زي خرتمية مثل في الدقيقة اتذكرتك طوالي

تعال أحكي ليك دي يازناتي..
زمان.. المرحومه ساقتنا مناسبه حقت أهلنا نمشي نساعدهم لزوم الواجب وكدا..
ياللا ناس العزومه رخوا كدا وقاموا يترقدوا وخلوا الضيوف شغالين.. البتقطع في بصل والبتسوط ليها في حله.. الخ..
أها أمي مابترضى زول يحقر بيها.. والكلام دا ما بتتلفت ليهو وبتقول ليك رأيها مش لو زعلك.. ما بتخاف.. عاينت للجماعه مرقدين وبلهجه مصريه..
"إيه ياختي إنتي وهي سايبين الشغل ونايمين.. قوموا ياللا بلاش حركات.."
وكعادتها.. رشتهم زي السعدني..
"آل جوم يساعدوهم في قبر أبوهم.. رمولهم الفاس ومشيوا.."

يتبع..
Post: #6786
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-24-2010, 06:43 PM
Parent: #6785

Quote: الرشيد العتب على النظر ولا يكون الزهايمر انا نازلة البوست دة بى شكلة برضو تفطنى كتر خيلرك
حاركب لى زينة علربات عشان ازين الصفحة


زوبا...حضورك البهي جهر عيوني و ما خلاني أشوف كويس...
طبعا مزينة الصفحة و مرصعاها كمان...
لك العتبى حتى ترضي...

Quote: محظوظ..


حاتم حظ ايه الانت جاي تقول عليه...

ما لقيت لي مثل مصري قلت أرشك بأم كلثوم...
Post: #6787
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-24-2010, 09:09 PM
Parent: #6786

Quote: حاتم حظ ايه الانت جاي تقول عليه...

خفيف ولفيف..
يمكن قايلني قاصد السماحه والا الشعر الكتير.. الاتنين حقاتك..
بس معليش.. أنا قصدي الرشاقه يعني..

Quote: ما لقيت لي مثل مصري قلت أرشك بأم كلثوم...

واحد قريب..
"أليل البخت.. يلائي العضم في الكرشه"
Post: #6788
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-25-2010, 01:00 AM
Parent: #6787

نحن رجعنا ناس ليل تاني
Post: #6789
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 07:49 AM
Parent: #6788

صباح الخير يا وجوه الخير ،،،

أصبحنا وأصبح الملك لله وحده ،،،

اللهم أحينا في الدنيا مؤمنين طائعين ..
وتوفنا مسلمين تائبين ...
اللهم ارحم تضرعنا بين يديك ..
اللهم لا تردنا خائبين ..
ولا ضالين ولا مضلين ..
واغفر لنا إلى يوم الدين ..
برحمتك يا أرحم الرحمين ..
Post: #6790
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 08:04 AM
Parent: #6789

غيابنا لمدة ثلاثة أيام كان قسري

أخونا الكوتش محمد صديق نتمنى لشقيقك

عاجل الشفاء ،،،،،،،،

نرحب بقوة بظهور السهيلي ، وكذلك صالح تبلدينا

ومبارك جادين ، وأختنا زوبا والله منورين بيتكم ،،،

وعقبال عودة الكثيرين من الأحباب ،،،

شايف حاتم جبارة طالع في الكفر ومسجل حضور خطير،،،،
Post: #6791
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-25-2010, 08:13 AM
Parent: #6788

Quote:
أخونا الوجيه سامي عبدالوهاب كل سنة إنت وأفراد أسرتك الصغيرة والكبيرة في صحة وعافية .. وولدنا محمد إنشاء الله ربنا يديه العافية ويحفظو ويجعلو قرة عين لكم .. آمين ...


حبيبنا البادي

وإنت بألف خير والأسرة الكريمة

وكتر خيرك كتير على السؤال عن محمد... وربنا يحفظ جميع أولادنا

كن بخير
Post: #6792
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-25-2010, 10:21 AM
Parent: #6791

Quote: شايف حاتم جبارة طالع في الكفر ومسجل حضور خطير،،،،



كل برغوت على آآآآآآد دمــو ......
Post: #6793
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 10:26 AM
Parent: #6791

الموضوع الفتحو الريس ميسرة انا ما قريتو لاني يادوب قاعد اراجع في الحاجات القديمة
ولقيت الفاتني صراحة كتثير جداً
وزي ما قلت للرشيد قبل شوية في التلفون
بصراحة لقيت احسن طريقة إني اكلم الناس كلهم بالتلفون واحد واحد
وبعدين ارجع اكتب
فعلا
بديت بالظريف ياسر نجيلة في الامارات
وبعدين عديت على الرشيد
وانا بقرا لقيت مداخلة جميلة للبت زينب التجاني
اديتها تلفون
وعديت على اب صلعة طارق جبريل
سبحان الله يا طارق اكثر اتصال بيمحق الرصيد تلفون المغرب
الله لا كسبك ولا كسب أمير المؤمنين بتاعكم
واللستة تطول لاني ناوي اكلم كل الناس ان شاء الله

خلوني اشارك في الموضوع لان مشاركة ياسر نجيلة عجبتني مع اني لي هسه ما قريت الموضوع الاساسي بتاع ميسرة
Quote: موضوع الريس ميسرة فجر حاحات جواي ....

لا ادري لماذا يربط معظم المغتربين بان سعادة أولادهم مربوط بنهج الحياة التي عاشوها أباءهم في وطنهم، وكثير من الآباء المغتربين ودول المهجر يرون ان أبناءهم محرومون من الحياة الجميلة والسعيدة مقارنة بما عاشوه زمان في السودان, أن النوم في الحيشان والشراب من الزير والرقاد في العنقريب واكل الكسرة والملاح والعواسه ولعب كرة الشراب وشليل وينو والرمة الحراسة واللعب بمياه المطر والنظر إلى النجوم والسحاب وغيرها من الحياة التي عشناها نحن ... هي أيضا السعادة لهم كأبناء ... وحرموا منها؟!
لماذا نعتقد أن أولادنا مستمتعون بالحياة طول ماهم عايشين مثل حياتنا السابقة أو هم محرومون من متعه الحياة طول ماهم بعدين عن حياتنا الاولي .....
اُأكد لكم بان أولادنا سعيدين ومستمتعين بحياتهم بالغربة والمهجر أينما سعادة ... وان الطفل يعشق ما تربي عليه ولا يشعر بأي نقص ... بل هو إحساسنا نحن لأننا عشنا حياتين مختلفتين ... أما هم فهذه حياتهم ولا تحاول وان تفخموهم في حياة لا يشعرون بها ... والكثير منكم عنده تجارب مع أولاده عندما يذهبون الى السودان في الإجازات ... والله أولادنا يضحكون من الأشياء التي نستمتع بها ونري فيها السعادة... بل هي مصدر تعاسة لهم ... يعني نوم الحوش الذي تحسر عليه الريس ميسرة ولم تعرفه بنته مشكاة ولم تري الشمس والقمر كان مصدر إزعاج لكثير من أبناءنا من أتربة واهويه وأمطار وحشرات وعدم أمان وقس على ذلك لعب الشوارع والميادين ونوعيه الأكل مثل البوش وما يباع عن طريق النسوان (زي الطعمية بالشطة أو العجور ياطارق جبريل) وهذه أشياء كانت تمثل لنا سعادة لأننا عشناها منذ الطفولة تربينا عليها... ولكن ليس بالضرورة أن يعيشها أولادنا حتي يشعرون بالسعادة ....
اما بخصوص الانتماء للوطن ... قبل أن ينتمي أولادنا لوطنهم السودان علينا أن نجيب على السؤال التالي :
أين نحن كآباء وأمهات من وطننا ... بمعني أين انتماءنا نحن الآباء للوطن ... اغلبنا اغترب ودار ظهره للوطن وصار انتماءنا مجرد تتبع لأخباره والتعبير إما بالرضاء أو السخط ... وهذا لا يسمن ولا يغني من جوع ... أين نحن من مشاركاتنا الفعلية وبصماتنا العملية تجاه الوطن ... حتي مشاركتنا في التنمية والإنتاج ومشاكله الحقيقة ... وبعد أن نجيب عن نفسنا ونجد مكان لنا في خارطة الوطن ... حتما سوف تحل مشكلة انتماء أبناءنا ...
ولكن السؤال المهم وخاصة للمغتربين بالخليج والدول العربية ... حيث ولد وتربي أولادنا بعيدا عن الوطن ... ماذا نحن فاعلون بعد انتهاء عقودنا ورجوعنا للوطن ... مغتربين دول المهجر (الدول الأوربية والأمريكية واستراليا وغيرها) ليس عندهم مشكلة لان بعد مضي مده من الزمن يعاملون كمواطنين لهذه الدول ويعطون الجواز والجنسية أو حتي حق الإقامة الدائمة ... وبالتالي ينخرطون هم وأبناءهم ضمن مواطنين هذه الدول ... ويكون رجوهم للوطن اختياريا... ولكن نحن مغتربين الدول العربية طال الزمن أو قل لابد أن نترك هذه الدول ... حتي ولو وصلنا ارزل العمر ... ما الحل في هذه الحالة ... وهذا هو مربط الفرس ... هل نرجع ونحاول التعايش مرة أخري في السودان ... وسوف نجد صعوبة قصوى في ذلك نهيك عن أولادنا ... أم نهرب لدول أخري ...؟؟
... وخاصة ومنا جزء كبير لم يجهز نفسه للرجوع "امتلاك منزل مثلا" وهو ابسط متطلبات الرجوع للوطن ... ولان ظروف لاغتراب اختلفت وصار المغترب يغطي متطلبات الحياة بالكاد "الأكل والشرب والتعليم" ولا يوجد فائض يؤمن مستقبلنا وهذا حال الأغلبية ... وهنا تختلف وجهات النظر من مغترب لآخر ... منهم من قال "اعقلها وتوكل" إيه ما يحصل يحصل ... ووقتها يحلها ألف حلال ... وأنا شخصيا أفكر في الهجرة ... انه الحل الأمثل (هجرة إلى كندا استراليا بريطانيا أمريكا) أي دولة تستقبلني أنا وأولادي بقية عمري ... لأني لا أملك موضع قدم في وطني .... "وبيزات نهي ... مهداه لزهير الزناتي)




يا أخي من كلامك انا عرفت ميسرة كاتب شنو
ميسرة ده موهوم والله شنو
جده الهو قاعد فيها دي ما فيها كل الحاجات البيقول عليها دي
الكسرة
والعناقريب
والقعدة الفي السهلا
والزيارات المن غير مواعيد
وستات الشاي
والعرقي
ولك حاجة
هو مشتاق لي شنو
أكان عايز أولادو يعيشو الحاجات دي
يلففهم على حي المصفا في جده
والله حي الجامعة وبني مالك
لكن ميسرة صاحبي وانا حافظو
شايلو الشوق ساااااااااااااااااااكت
لي شارع 15 وناس أبو سمرة !!!!!!!!!!!!!!!!!!!!!!!!!
خطيرة دي يا ميسرة رأيك شنو

شوف يا نجيلة ...
اتفق معاك في كل شيء كتبتو
وانا شخصياً لا أحس ابداً إني ظالم لاولادي نتيجة لظروف الغربة البعيشها
ورأئي دائماً لكثير من الاصدقاء هنا في الرياض
إنو
طالما ما عندنا برنامج عمل وخطة واضحة للغربة
يعني أنا ما عارف كم سنة راح اقعد كمان في السعودية
( وده موضوع يطول الكلام فيهو )
اقول طالما النهاية ما معروفة فخلينا نستمتع بالحاضر
لانو إحتمال كبير الواحد يموت قبل ما تجي النهاية على هوانا
وجزء مهم من الاستمتاع بالحاضر هو الاستمتاع بالاولاد وحياتهم الحالية
غير بعيد عن البال الوطن
لكنه وللاسف أقول ذلك ليس هو الهم الاكبر
الهم الاكبر كيف أولادي يعيشو الليلة واليوم ده وهم مستمتعين بيهو

بالنسبة للاصحاب
أصحاب الدراسة هم في الغالب اللي راح يمشو معاك لحدي باقي العمر
وكفاية المكان النحن فيهو ده لا نحن أولاد عم ولا نحن نسايب ولا كنا جيران
نحن زملاء دراسة
وأولادي مربوطين بأصدقائهم وزملاء دراستهم
صحيح فيهم فلسطيني وواحد جزائري وتاني سوري معاهو الجنسية الكندية وسوداني ومصري وهكذا !!
ده زمنهم شكلو كده
انا ما راح أقدر اوقف زمنهم
لو كل مرة قعدت أتوحوح واقول ليهم القنقوليس وقراصة النبق والراكوبة
تبقى النتيجة النهائية انهم لا شافو الانا حكيت عنو
ولا عاشو الحاجة الحلوة البيت إيديهم

بالنسبة للوطن وإسهاماتنا فيهو
رأئي وآسف للصراحة أنا شخصياً إسهاماتي في الوطن لا تتعدى القروش البدفعها للزفارة السودانية بالرياض ( وانا غير راض عنها )
لقناعتي التامة بأنها أو جزء كبير منها رائح في جيوب بعض الحرامية

مهما حلمت بأن أسهم في ما يسمى الوطن لن أصل ولو إلى جزء يسير إلى ما أسهم به الاخ الفاضل زهير الزناتي
والنتيجة زهير معانا بي جاي
( سوري أبو الزوز )

يا شباب ( الغرابة ) بتاعين الغربة يعني
احمدو الله على الانتو فيهو
وعيشو وخلو أولادكم يعشوا
وإستمتعوا بي نعمة ربنا
من مكيفات وسيارات جميلة وبيوت وشقق حلوة
وسفر لانحاء العالم
وإتصالات
وخلو أولادكم يعيشو معاكم
رجعنا السودان الحمد لله
ما رجعنا الحمد لله
Post: #6794
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 10:39 AM
Parent: #6793

الحبيب محمد عيد
أول بالتبادي
كل سنة وإنت طيب
دي بتاعة رمضان وعيد الفطر
عيد الضحية بتصل عليك اكيد
وشكراً كتير لسؤالك عني
Quote: نفتقد فى هذا العيد كثيرين من الغائبين عن البوست لفترة طويلة ..

الكومندان .. اسامة ابتر

السهيلى

صلاح الأمين

جمال فارح

منى عباس

شـــوش

سيف النصــر وعرفه ..

ابتهاج

موسى عيسى

مشاعر

مجتبى فاروق

والحبيب .. كمال الشادى ( وحتى هذا المساء هاتفه مغلف )

اقسم بالله ما مغلق
الغلقو شنو يا أخوي
رقم هو 0563785231
إبن ال###### ده أكان اداك مغلق راح أغيرو ولا أسفا عليهو
ورقمك يا أخوي العندي الاخر مرة كلمتك فيهو هو
0503763764
اقسم بالله بيديني مغلق برضو
وشكيت الموضوع ده للرشيد ولمنصور وأكدو لي كلامي
عموما شكرا لسؤالك عني
وتحياتي ليك وللاود
وكل سنة وانت بالف خير وعافية أن شاء الله
Post: #6795
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 10:47 AM
Parent: #6794

يا طارق جبريل ده شنو ده
Quote: انتو ود الشادي لليلي يلبس في البرتقالي دة
ما يكون فاكر نفسو صوغوير
ولا فاكر نفسو روبين أليل هولندا


شوف من ناحية صغووووووووووير وما صغوووووووووووير
بالله هسي اليشوف صلعتك البتلمع دي ويشوف شعرب البيهبب ده يقول الكبير منو والصغير منو فينا
ما ترجع لي اسطوانتك القديمة وأمين السمين وطلبة عويضة
زمان كنت اكبر منك
هسي يمين بي صلعتك دي إنت اكبر من خالي الطاهر عباس
وده خليهو ساكت الله يديهو طولة العمر

بعدين ياشقي الحال انا ذنبي شنو إذا انت ما فهمت في مضوع الماشتجج لي الليلة
يا الخرابة دي إسمها القشرة
وده لبس كاجوال
القميص صحيح برتقالي وعشان البيشوفو يقول الزول ده شياكة
عاين تحت يا تعبان الجزمة كمان برتقالي
رغم إني قلت للمصوراتي ركز عليها
لكن الشيكة لي اب أيدن قوية
Post: #6796
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 11:01 AM
Parent: #6795

الرشيد يا رقي
شكراً لانك راقي ولاحظت الجزمة البرتقالي
Quote: جبريلا...
القميص ما مشكلة...
الجزمة دي الشادي جابها من وين...
حسه حنكشة الشادي دي ينافسوها ككيف...

لكنك طبظتها بي الحنكشة
حنشكة شنو يا رش دي لزوم الكاجول ونهاية الاسبوع وكده
ومافي داعي للمنافسة يا حبيب
دي فروقات حسابات قديمة ياما في الزقازيق ما خرتونا ولبستو حاجات ماكنا بنعرف حتى إسمها شنو


يا اللههههههههههههههههههههههههههه
ده شنو يا محمد عيد

Quote: دى ما جزمة .. ده مركوب احمر ( جلد بقر مصبوغ )

زماااان كان بلبسوهو بياعين الترمس والكبكبى ..!!


اول حاجة يا مطشش دي جزمة ما مركوب
وأقول ليك انا شاريها من اليورومارشيه
وللشرح ده سوق فرنسي في الرياض !!
يعني مستحيل يكون مركوب
وكمان جلد بقر
ومصبوغ
على الطلاق إنت قديم جدا
على فكرة يا محمد عيد يعني شنو كبكبي !!!!!!!!!!!!!!
Post: #6797
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 01:04 PM
Parent: #6796

تحليل أخونا ياسر نجيلة عن أبناء المغتربين فيه كثير من الحقيقة والواقعية
ولكن يمكننا أن ننظر إلى زاويه أخرى هي سودنة أطفال الطيور المهاجرة

بما أن كل مجموعة سوف تتأثر بالبيئة التي تعيش بها وتكتسب عاداتها
وبالتالي نساعد في ذوبان الشخص السوداني وكل القيم الموروثة والعادات
السودانية الجميلة ،،، ونحن لا نخاف من الجيل الذي نعاصرة لاننا ولا بد
أن نغرز فيه من روحنا ومحبتنا الحالية ولكن أنباؤهم وأبناء أبناءهم ... ألخ

تجربة الشعب اللبناني الذي هاجر إلى أمريكا اللاتينية لم يفقدوا الهوية اللبنانية
أو العربية فحسب بل فقدوا حتى دينهم (مسلم أو مسيحي) وكارلس منعم الرئيس
الأرجنتيني الأسبق وغيرهم ،،، فقد نسوا حتى الكلام باللغة العربية ،،،
في بعض الدول بدأت الجاليات العربية وخاصة المسلمة تعليم أبناء المسلمين
أساسيات اللغة العربية ومبادئ الدين الإسلامي .

نحن من نقلهم من بيئة إلى بيئة أخرى ،، وتذكرني بحادثة الطفل السوداني في زمن
الإنجليز حين سقطت الخرطوم في يد جيش المهدي وحاولت بعض السفن الحربية
الدخول إلى السودان لإنقاذ غردون باشا ،،، فقد هاجمت مجموعات الدراويش
هذه السفن وفي إحدى المعارك مات جميع المهاجمين في المركب الصغير سواء
طفل صفير وقد أخذوه رأفةً به وطاروا به إلى إنجلترا حتى صار رجلا وانضم
إلى الجيش الإنجليزي بواسطة القائد الذي أحبه ورباه
وتزوج بإنجليزية وله بنت منها وتوفى السوداني مبكراً ولكنه
لم يسأل عن بلد أجداده ولم يسأل أحفاده عن موطن أبيهم ،،،،،،،،،

فمن الذي جنى عليه والده الذي حمله إلى أرض المعركة وعمره خمس سنوات أم القائد
الإنجليزي الذي أعجب به وتبناه ،، فلقد مات الرجل على الدين المسيحي .

في حب البيئة السودانية للأطفال عندما ذهب للسودان قبل أربعة سنوات مع أولادي
لأول مره ولمدة 12يوم تقريباً عجبهم الحال النوم في الحوش ومتابعة النجوم
والنظر إلى السماء ليلاً ،،،،
وطول النهار بالشارع في مطاردة الغنم وركوب الركشة حتى صار بيتنا مربط
لأصحاب الرقشات في انتظار أن يبدأ أولادي الطوفان حول الحارات ضحكاً ومرحاً

وعند بدء العودة طلبوا مني أن أتركهم في السودان وأعمل ليهم إقامة سودانية !!!!!!
Post: #6798
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 02:03 PM
Parent: #6797

الاخ العزيز توأم الروح ميسرة سيد أحمد
أول حاجة البركة فيكم في وفاة خالتكم
اسكنها الله الجنة وصبركم على فراقها
ما عرفت والله يا ميسرة الا قبل شوية وانا بقرأ في البوستات القديمة
معليش سامحني إنت عارف انا مابقصر معاك ان شاء الله
راح اشد ليك سلك بعد شوية
---------------------------

تاني يا ميسرة إنت شايلك الشووووووووووووووق ساكت يا أخوي
مالك الايام دي في شنو ؟

يا ميسرة أذكر زمان لمن كنت شغال في مستشفي دله في الرياض
كان في واحد شغال في السنترال سواداني
وكان السنترال لمن يعمل هولد أون بيشغل ليك القرآن
بيحكي لي على واحد بيتصل عليهو أخوهو من أمريكا
لمن بتاع السنترال يعمل ليهو هولد أون وصاحبنا بتاع أمريكا يسمع القرآن يقعد يبكي ويقول لي بتاع السنترال
خلي أخوي هسي
عليك الله شغل لي القرآن

عارف ده معناتو شنو يا ميسرة
ده معناتو إنو أخينا في الله ده ما بيسمع قرآن حتى
يعني خارج الخدمة تماماً

أحمد الله يا ميسرة صورة بنتك الجميلة دي ( قصدي على بنتك )
الصورة في الحرم النبوي في المدينة المنورة
وهو على بعد ثلاث ساعات بالسيارة من بيتك
والحرم المكي على بعد 45 دقيقة من بيتك بالعربية

وانا عارفك يا ميسرة أكتر من ناس كتيرة هنا
ما بتغيب من الحرم في مكة أكثر من شهر واحد
وأحيانا في الشهر الواحد بتمشي مكة أكثر من أربع مرات
وبتعمل عمرة ليك ولي كل أحبابك
يا راجل النعمة الانت فيها اقسم بالله يحسدك فيها أي مسلم في أي مكان في العام
بعد ده كلو
تقول ملاح أم تقليه
وملاح شرموط
وقنقلوس
وكبكبي ( دي عشان محمد عيد بس )

يا عم حريقة في أي شيء في الدنيا ما دام قادر تقرر الساعة 12 الظهر إنك تزور المصطفي صلى الله عليه وسلم
الساعة 3 ونص تكون عندو
أحمد الله يا ميسرة
ما دام بتلبس الاحرام في الشهر مرة ومرتين وثلاثة وأربعة مرات
في ناس يعيشوا العمر كلو يتمنوا يلبسو الاحرام مرة واحدة في حياتهم وأحيانا لمن يموتوا ما بيلبسوهو
أحمد الله يا ميسرة أنو لمن تضيق بيك الدنيا
بتدور عربيتك وبتمشي لي رب العباد في بيتو في مكة المكرمة

انا عارفك بتربي أولادك على القيم الجميلة دي
وعلى حرمة الدين وحرمة الحرمين
قرض على كده
ولو عايز تعرف إنت خليت وراك شنو
أسأل زهير الزناتي
والله أقول ليك
اسأل موسى عيسى وحسب علمي إنو لسه ما جا من السودان

عندي عمي هنا في الرياض يا ميسرة
راجل عقلاني جدا في نظرتو للسودان
ولدوا الكبير في الجامعة في السودان
زرتو في رمضان وكان جايب لي حلومر من امي في السودان
سألتو كيف البلد ؟
قال لي انا نفسي أي مغترب في السعودية دي يمشي السودان أجازة
عشان يعرف حجم النعمة الهو فيها هنا !!!!!!!!!!!!1
Post: #6799
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 02:31 PM
Parent: #6798

العزيز الغالي
رفيق الايام الجميلة
ميسرة سيد أحمد
تحية وإحترام

مشيت صليت العصر وانا في الصلاة كنت بفكر في موضوعك ده
جيت حاولت أقرأ المداخلات السابقة
لقيت كلام جميل جداً بيأيد كلامي الفوق
كاتبو حاتم جبارة
Quote: والله محنكم كتيره..
يعني انتو يا مغتربين السعوديه والإمارات..
عندكم مشاكل تقيله في تربيه العيال?
نحن ناس أمريكا والدومينيكان نعمل شنو يعني..
ننط لينا في بحر نغرق.. والا نقيف لعربيه تدقشنا..
والله نحن تجي خاشي البيت تقول السلام عليكم..
تجيك هآآآي (Hi) من آخر البيت تجلجل..
يا جماعه.. ما تقولو الحمدلله..



وانا شخصياً لاجل إثراء الحوار بدعو
حاتم جبارة للاجابة على :
- بعد كل مشوار الحياة والجري فيها تخيل إنك عايش في مدينة يفصلك منها ومن بيت الله الحرام في مكة مسافة 45 دقيقة بالعربية ؟ كيف هو شعورك ؟
- يا حاتم جبارة لو قررت في أي لحظة في المدينة الانت عايش فيها إنك تزور المصطفي صلى الله عليه وسلم وتسلم على أبوبكر الصديق وعمر بن الخطاب وتزور البقيع حيث مقابر صحابة رسول الله
لو في اي يوم هاجت بيك المشاعر وحسيت إنك عايز تعيش اللحظات دي تأكد إنك على بعد 3 ساعات ونص من الحلم ده بالعربية ؟ شعورك شنو ؟

ميسرة إنتظر إجابات حاتم جبارة ؟

طبعاً طارق جبريل غير مدعو لهذا الحوار فبلاد أمير المؤمنين التي يعيش فيها ؟ فيها ما فيها ؟ وحدث ولا حرج ؟
كفاية كده يا طارق والله أزيد !!!!!!!1
Post: #6800
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 02:31 PM
Parent: #6798

Quote: لكن ميسرة صاحبي وانا حافظو
شايلو الشوق ساااااااااااااااااااكت
لي شارع 15 وناس أبو سمرة !!!!!!!!!!!!!!!!!!!!!!!!!
خطيرة دي يا ميسرة رأيك شنو


هلا بعودة الحبيب ،،، والله ليك وحشه والبوست

نفسه تنفس الصعداء وحار من الردم الشديد دا

إنت عارف يا باشا أنا من تزوجت لم اسافر إلى السودان

سوى مره واحده ولمدة 12يوم فقط ،،،، ياخي لو تصدق إتعزمنا

غداء في الرياض وخرجنا قبل صلاة العشاء ولم أستطع العودة إلى أم درمان

قالوا ده شارع الستين (يعني الملك فهد) ووقفت في الإشارة يا رب يمن ولا يسار

سألت يا جماعة المطار على وين !!!! طيب معرض الخرطوم الدولي أو نادي الشرطة

في أي إتجاه!!!! وأنا بحاول أجدد البوصلة الذهنية وإشتغل من الأرشيف ،،،

بالعافية عرفت أدخل كوبر ومنها إلى المؤسسة ومن شفت بيت أزهري وقع لي الدرب

يا حليل أيام كنا نعسكر بشارع 15 العمارات إستديو كامير أرتست ،،،

ونصور العرسان والحسان ويا ويل لو كانوا أهل العريس أو العروس حلوين

ننزل فيهم تصوير ولو مجاني الصبايا فرحين ونحن أكثر فرحاً ،،،

كنا نعشق الجمال في عيون النصارى ،،،،

وينك يا منصور عبدالرازق وتلك الفترة الجميلة من

عمرنا وأنت تزورنا في الإستديوا بشارع 15 العمارات الشهير جداً ....

كانت لنا أيام وكان لنا سودان نهواهوا ويهوانا ،،،،
Post: #6801
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 02:37 PM
Parent: #6800

شكراً ليك يا ميسرة يا راقي على ترحابك بي
وشكراً على تلفوناتك وسؤالك عني
الازمة عدت
وأخوك تمام
------------
Quote: كانت لنا أيام وكان لنا سودان نهواهوا ويهوانا ،،،،


ما قلت ليك
شايلك الشوق ساااااااااااااااااكت
يا حليلك

أها ال 12 يوم دي المشيت فيها السودان
إن شاء الله زرت وزارة الثقافة والاعلام !!!!!!!!!!!!!!!!!!!!!!!!!!!!!!!
Post: #6802
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 02:45 PM
Parent: #6801

زهير الزناتي
لمن وصل الرياض في رمضان
وبعد السلامات والسؤالات العادية
ولمن بدأ يحكي حكاويهو الخاصة عن السودان وأخبارو
أنا وهو الاتنين حسينا إننا من عالمين مختلفين !!

بيوصف في أشياء
هو حس إنو معيار الوصف مفقود ما بين ما يحكيه وأبعد مكان يمكن أن يصله خيالي

هذا الحوار يا ميسرة ليس ببعيد عما تحكيه عن بنتك وأولادك هنا !!!
ودي دردقة لزهير الزناتي


Quote: ياخي انا علي بعد أمتار من خليج أصغر سمكه فيهو قدر البادي النور ... عايزني اسيب ليكم البيبسي البارد ده وأجي لقندهار ....

عالم صحيح تخاف ما تختشيش .....

أو عالم وهم كما قال البروف بتاع الدومنيكان ... الشهير بجبارة


حوار جميل
كان محوره عدد الكباري في الخرطوم
وحكومة الكباري
وخلافه مع زهير
إنتهى الحوار إنو زهير قام حسب لينا كل الكباري الفوق النيل في السودان كلو
وطلعت غير كباري الخرطوم حوالي ست كباري بس
الجاب السيرة إنو زهير إنتبه وهو في طريقو من جده إلى الرياض
إنو هناك الف كوبري ( 1000 ) من العيار الثقيل ما بين جده والرياض
وحلف يومها إنو يكتب موضوع عن كباري طريق جده الرياض وكباري السودان
ولكني بحثت عن الموضوع ولم أجده

أرجو الا يكون قد ضاع مع سمك الدمام الماكن يا زهير
Post: #6803
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-25-2010, 02:57 PM
Parent: #6802

عبد الدائم يا نضيف
شوق بحر
زي بتاع أبحر
دي جبتها من وين
أحلف بالله إنك ديناصور كبير يا شقي الحال

sudansudansudansudansudansudansudan66.jpg Hosting at Sudaneseonline.com


مرة نزلت صورة لي طارق جبريل وهو في الزقازيق وما كان متوقعها أبدا
نشر لي تعليق عجبني جدا
قالي لي يمين بي جملة الايمان إنت بتاع أمن

أها الليلة إنت رئيس الامن زاتو يا عبد الدائم
Post: #6804
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 03:18 PM
Parent: #6802

Quote: أها ال 12 يوم دي المشيت فيها السودان
إن شاء الله زرت وزارة الثقافة والاعلام !!!!!!!!!!!!!!!!!!!!!!!!!!!!!!!


وزارة الثقافة والأحلام ياااه ده إنت فقري بشكل

إنت لسه فاكر والله أنا نسيت ،،،،

زيارتي للسودان كانت سريعة وتجهيز زواج آخر بنات

عمك سيدأحمد (الله يرحمه) وبعد العرس على طول ،،،،

بس ما كنت عارف وين بيعملوا الأقامات في الخرطوم علشان

أعمل إقامة للبنت محسنة وأخوها منذر ،،،،

يا جماعة والله أنا أكثر الناس المتحمسين بترك الوظيفه

والإتجاه إلى مكان آخر وفيه عمل حر ،،،، بس إغتراب زهير

والله غير لي كثير من المفاهيم وجعلني أفكر كثير جداً ،،،

وحتى زعيمنا الرشيد بابكر فكر في الهجرة إلى كندا ؟؟؟؟؟؟

وحاتم جبارة هناك قال لينا الحقيقة ،،، بس نشتت وين يا جماعة

ولا نمسك في الشغل الوظيفي ونكبر وعيالنا يكبروا ،،،،

ويصبحوا زي لاعب النصر السعودي ماجد عبدالله الذي لم يتذكر يوماً

بأنه كان سوداني وأبوه ما زال مشلخ .
Post: #6805
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-25-2010, 03:24 PM
Parent: #6804


[B]
BRITISH... AIRWAYS !


قصة حقيقية ....

حصل هذا المشهد على متن احدى طائرات الخطوط الجوية البريطانية ( British Airways )
في رحلة بين جوهانسبيرج بجنوب افريقيا إلى لندن بإنجلترا . و في مقاعد الدرجة السياحية
كانت هناك امرأة بيضاء تبلغ من العمر حوالى الخمسين تجلس بجانب رجل أسود .
و كان من الواضح أنها كانت متضايقة جداً من هذا الوضع ، لذلك استدعت المضيفة
و قالت لها ( من الواضح أنك لا ترين الوضع الذي أنا فيه ، لقد أجلستموني بجانب رجل
أسود ، و أنا لا أوافق أن أكون بجانب شخص مقرف . يجب أن توفروا لي مقعداً بديلاً )

قالت لها المضيفة ( اهدئي يا سيدتي ، كل المقاعد في هذه الرحلة ممتلئة تقريباً ،
لكن دعيني أبحث عن مقعد خال )
غابت المضيفة لعدة دقائق ثم عادت و قالت لها ( سيدتي ، كما قلت لك ،
لم أجد مقعداً واحداً خالياً في كل الدرجة السياحية . لذلك أبلغت الكابتن
فأخبرني أنه لا توجد أيضاً أي مقاعد شاغرة في درجة رجال الأعمال .
لكن يوجد مقعد واحد خال في الدرجة الأولى)

و قبل أن تقول السيدة أي شيء ، أكملت المضيفة كلامها ( ليس من المعتاد
في شركتنا أن نسمح لراكب من الدرجة السياحية أن يجلس في الدرجة الأولى .
لكن وفقاً لهذه الظروف الإستثنائية فإن الكابتن يشعر أنه من غير اللائق
أن نرغم أحداً أن يجلس بجانب شخص مقرف لهذا الحد ، لذلك .... )

و التفتت المضيفة نحو الرجل الأسود و قالت ( سيدي ، هل يمكنك أن
تحمل حقيبتك اليدوية و تتبعني ، فهناك مقعد ينتظرك في الدرجة الأولى ! )

في هذه اللحظة وقف الركاب المذهولين اللذين كانوا يتابعون
الموقف منذ بدايته و صفقوا بحرارة .
Post: #6806
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-25-2010, 03:38 PM
Parent: #6802

الحبيب ود الشادي.. سلامي إليك.. وعودا حميدا..
أحييك على شجاعتك الأدبيه في لبس القميص البرتقالي.. والجزمه الماتشينج الما خمج..
Quote: - بعد كل مشوار الحياة والجري فيها تخيل إنك عايش في مدينة يفصلك منها ومن بيت الله الحرام في مكة مسافة 45 دقيقة بالعربية ؟ كيف هو شعورك ؟
- يا حاتم جبارة لو قررت في أي لحظة في المدينة الانت عايش فيها إنك تزور المصطفي صلى الله عليه وسلم وتسلم على أبوبكر الصديق وعمر بن الخطاب وتزور البقيع حيث مقابر صحابة رسول الله
لو في اي يوم هاجت بيك المشاعر وحسيت إنك عايز تعيش اللحظات دي تأكد إنك على بعد 3 ساعات ونص من الحلم ده بالعربية ؟ شعورك شنو ؟

أسئلتك براها بتهيج فينا الشوق لزياره الحرم والحبيب..
مافي شك نعمه باحسدكم عليها..

كلامكم انت ونجيله وميسره كلو صاح.. بس من وجهه نظر مختلفه..
انا زي ما اتفقت معاك ونجيله..
باتفق برضو مع وجهه نظر ميسره في انتماء الاطفال للوطن..
دايما اقول لي ساره ورانيا.. يعني دايرين تبقوا أمريكان رسمي كدا وتنسوا السودان..
طيب لمن تكبروا ويكون عندكم اولادكم حتلعموهم كيف عن السودان وعن ثقافاتكم البتميزكم هنا..
والا ما دايرين؟ يقوموا يقولوا لي طيب انت مالك مركز علي السودان.. وثقافه امنا وين..
باقوم افقد المنطق واقول ليهم انتو بس دايرين تمشوا البيتش..
والا استنجد بالعاطفه الاسلاميه واقول ليهم بلد امكم دي الله يهديهم..
لو علي اوديهم السودان كل سنه.. لكن صعب من البلد دي..
اكتشفت انو البنتين ديل ما بيلقوا البيسووه في السودان واجازتهم بتكون زهج شديد..
خفت... انو بدل ما احبب ليهم السودان.. ينفروا منو..
قلت اضعف الايمان اوديهم مصر.. انبسطوا تمام..
معادله صعبه يا صديقي..
خطتي الجايه انو احبب ليهم البلد من مفهوم giving back to the homeland
ولمن يمشوا يحاولو يتطوعوا في اي عمل اجتماعي..
فساعدونا بالأفكار يا اخوانا..

سامي.. حمدلله على سلامه محمد..

دودي.. برغوت في عينك.. يا وهم..
Post: #6807
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-25-2010, 08:33 PM
Parent: #6806

مساكم الله بالخير

مرحبا بعودة الحبيب الغالي كمال الشادي..
و كعادة كيمو و رغم غيابه الطويل دخل في المود مباشرة...
لم يترك شاردة و لا واردة الا و عاد ليشارك فيها...
عودة كيمو خير استهلال لهذا الأسبوع...
و رغم قرفي و انشغالي بحال السودان بعد المستجدات الأخيرة...
و عن ما يمكن أن يؤول اليه الحال في الوطن العزيز...
الا أن عودة كيمو استحقت أن يتجاوز الواحد قلقه و قرفه...

شكرا يا كيمو على التلفون و أرجو المواظبة على التواصل...
Post: #6808
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-25-2010, 10:42 PM
Parent: #6807

الله يا كيكم ياخي
جملة الايمان انت زول ماك نصيح ضُمة ضُمة
يا حبيب ان غايتو متفق مع محمد عيد في مركوب الكبكبي

يا جماعة الزول لمن يمشي السودان ويشوف معاناة الناس والله تحن متين ترجع ((بلدك))
هنا في المغرب بدأت تحصل حاجات كدة ما كنت مستوعبة
يعني في واحد من ناس ام درمان متزوج مغربية
بته اتخرجت من الجامعة واشتغلت يا زول اتقدم ليها سوداني عكلتت
كانت مجكسة مغربي قام اهل المغربي جوا يخطبوها وهم ناس كويسين
والولد طبيب اسنان.. اها الابو عكلت ووقف شيطان احمر
والبت عكلتت قالت ما بتعرس السوداني.. مني منك
مشينا عليه قلنا ليه انت ام بتك دي عندك فيها راي
قال ابدا.. طيب اهلها عندك فيهم راي.. قال من اروع خلق الله
طيب قلنا ليه البت دي عندهم فيها النص ما تعكلت ساكت والزول دة زول كويس
المهم اقنعناهو بعد صعوبة شديدة..
والله العريس المغربي دة شدة ما عاجباهو حكاية مرتو سودانية دي
يمين اتحنن زينا ولبس الجلابية والعمة في نهاية العرس
واصر انه النسوان يسوا ليه الضريرة في الجرتك
اتزوج البت وهسي عندهم طفلين
السنة الفات اصر علي مرته لازم يمشوا يشوفوا اعمامها
سافر السودان وقعد شهر وعندها عمها في نيالا مشى قعد معاهو اسبوع
جاء مبسوط شديد من استقبال الناس ليه
تعرفوا قال لي شنو:
يا استاذ طارق انا اكلت فول في الشارع وشربت قونقليز
واكلت ام قضيم واكلت فسيخ كمان
قال لي السودان دة مفروض يكون ارض انباء
قال لي من الله خلقني ما شفت لي شعب طيب زي دة
قال لي عايز امشي السفارة السودانية اشوف هل من حق اولادي
الجنسية السودانية ولا لا..
المهم في الموضوع عمنا دة لو كن عكلت كان ضيع بتو
وهسي بنقول ليه كدة.. بيرد علينا: كنت حا اضيع البت

يا شباب انا مع الطرح بتاع انه الواحد يتعايش مع المكان الهو فيهو
انا غايتو رتبت اموري علي كدة.. اشتريت لي شقة هنا
وطلعت لي اولادي الجنسية المغربية.. ودي يمكن ميزة المغرب عن الخليج
انه اطفالك عندهم الحق في الجنسية المغربية والتعليم الجامعي مجااااااان
وكمان ممكن ترسلهم يدرسوا في فرنسا على اساس انهم مغاربة
السودان جوانا اكيد بس كمان مفروض نخلي اولادنا يعيشوا واقعهم
Post: #6809
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-25-2010, 11:02 PM
Parent: #6808



الاغنيه دي كل ما اسمعها اتذكر الزقازيق...
Post: #6810
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-26-2010, 06:38 AM
Parent: #6809

صبحكم الله بالخير

جبريلا و الله لكن المغرب دي بلد راقي ياخي...
بالله ما بتلقى لينا مغربية كده تكون عايزه تلبس الجلابية و يعملو ليها الضريرة...
أوع تفتكر عشاني أنا...
طبعا لا ياخي...عشان مهند ولدي (وش بريء جدا)...
حسه كان ما كلامي الأخير ده كان التلفونات تطاقش لي نجاة حوفي...
ألحقي الزول بيفتش ليهو على مغربية...
لكن تلقوها عند الغافل...

يا حاتم أنا طول عمري قايلك بتسمع مادونا و كمال الشادي بس...
لكن عبد الدافع و مرت الأيام دي ما خطرت بي بالي أبدا...
صحيح اللي ما يعرفك يجهلك...
Post: #6811
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-26-2010, 06:59 AM
Parent: #6810

صباح الخير ،،، يا وجوه الخير

أصبحنا وأصبح الملك لله وحده ،،،

اللهم اجعلنا ممن يورثون الجنان
ويبشرون بروح وريحان ورب غير غضبان ..

اللهم يا عزيز يا جبار اجعل قلوبنا تخشع من تقواك
واجعل عيوننا تدمع من خشياك ،،،،،،،،،،،،،،
واجعلنا يا رب من أهل التقوى وأهل المغفرة ،،،

آمين،،،،،
Post: #6812
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-26-2010, 07:51 AM
Parent: #6811

حمد الله بسلامة الرجوع يا كيمو


Quote: عبد الدائم يا نضيف
شوق بحر
زي بتاع أبحر
دي جبتها من وين
أحلف بالله إنك ديناصور كبير يا شقي الحال


من تحت المرتبة ، مجلة سمر دى ياما دقونى بسبهها
والعجب اذا قريتها الضهرية وما مشيت الصلاة .

،،،،،،،،،،،،،،،،،،،،،،


كيمو اتمنى ان يتواصل النقاش حول امر الشركة وبالذات من ناس الخارج
وتوضيح بعض النقاط التى ذكرتها انت اخيرأ ، واتمنى المشاركة من الجميع
بصراحة عن اى نقطة غير واضحة

شركة الزقازيق القابضة
Post: #6813
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-26-2010, 07:51 AM
Parent: #6811

العزيز الغالي ميسرة سيد أحمد
صباح جميل إنو الواحد يفتتح بيك يومو
أكيد راح يكون يوم رائع زيك إن شاء الله

QUOTE]وزارة الثقافة والأحلام ياااه ده إنت فقري بشكل[/QUOTE
دي حتة من الماضي وقرض على كده
أحسن الحيطة ليها ودان

Quote: بس ما كنت عارف وين بيعملوا الأقامات في الخرطوم علشان

أعمل إقامة للبنت محسنة وأخوها منذر ،،،،

معليش انا بسألك وانا جاهل للاجابة
يعني شنو إقامات في السودان للاولاد أول مرة أسمع بيها !!!
بقينا جالية في السودان والله شنو ؟

الولد الراقي حاتم جبارة
كل سنة وإنت يا أخوي بخير إنت واولادك
عندي مزاج أكتب ليك مداخلة خاصة بالبت سارة
نزلت صورتها عندي في الجهاز
الله يخليها ليك هي والاسرة كلها إن شاء الله
بعين يكبروا يبقوا خواجات ، أمريكان ، جالية ، ما مهم يبقوا زي ما يبقوا
يا حبيب طالما إنت مقتنع بالحياة الانت أخترتها الله يسهل ليك ويبارك ليك فيهم
بس ختنا في برنامج البيتش بتاعك
على فكرة جده فيها بيتش برضو
صحيح ما بيشبه حقكم داك !!!!
لكن القحة ولا صمة الخشم



Quote: الحبيب ود الشادي.. سلامي إليك.. وعودا حميدا..
أحييك على شجاعتك الأدبيه في لبس القميص البرتقالي.. والجزمه الماتشينج الما خمج..


أشكر تحيتك لي يا حاتم على موضوع القميص والجزمة
لكن تقول شنو للناس الوهم بتاعين المغرب ديل
صاحبك بتاع أمير المؤمنين داك ما فهمها
والله ضربت ليهو تلفون مخصوص أشرح ليهو العلاقة اللحنية ما بين القميص والجزمة
ووحاتك ولا هو هنا
أظنو صاحبك ده مغترب في الكلاكلا


رشيد القوم يا صاحي
رشيد الناس يا الحبيب
Quote: مرحبا بعودة الحبيب الغالي كمال الشادي..
و كعادة كيمو و رغم غيابه الطويل دخل في المود مباشرة...
لم يترك شاردة و لا واردة الا و عاد ليشارك فيها...
عودة كيمو خير استهلال لهذا الأسبوع...

شكراً على حفلة الاستقبال الرائعة العملتها لي في الشبان المسلمين
الله يقدرنا نردها ليك في عيد ميلادك يا حنكوش
وأوعدك أعزمك والاولاد سينما المحافظة ، أصلو فيها اسبوع أفلام أحمد زكي
Quote: يا حاتم أنا طول عمري قايلك بتسمع مادونا و كمال الشادي بس...

تاني رجعنا للعلاقة اللحنية ما بين القميص والجزمة
الجاب ما دونا لي كمال الشادي شنو يا شقي الحال
وعموماً صاحبك حاتم جبارة ده واقف في محطة قديمة جدا
الغنية حلوة
لكن قول ليهو جدد شوية

الولد المطموس الليل المغرب
طارق جبريل
أمبارح ضربت ليك تلفون مخصوص عشان أشرح ليك العلاقة اللحنية ما بين قميص برتقالي وجزمة نفس اللون
إنت ما فهمت
أعمل ليك شنو
تقوم تمشي تخت ورقك كلو مع محمد عيد وبتاعين المراكيب
يمين بالله إنت مغترب في ام بده
وكبكبي كمان
باري لي محمد عيد ده لمن نلقاك سايق ليك رقشه في عيد حسين

الله يا كيكم ياخي
جملة الايمان انت زول ماك نصيح ضُمة ضُمة
يا حبيب ان غايتو متفق مع محمد عيد في مركوب الكبكب
Post: #6814
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-26-2010, 09:23 AM
Parent: #6813

سلامات يا حلوين

اعتقد ان النقاش في مثل هذه الاشياء بهذا الوضوح مفيد وجيد ... اندماج الشخص مع المجتمع الجديد مفتاح لدمج اطفاله في نفس المجتمع ... فلا يمكن ان تعيش بثقافة مجتمع في مجتمع آخر ... ده بيخلي الاولاد عندهم انفصام شخصية ... وجود جاليات كبيرة وعلاقات ممتدة بين افرادها يمكن ان يحل المشكلة لحل ما بحيث يكون الاندماج جزئي مع المحافظة علي توازن الاطفال حينما يعيشوا في مجتمع الجالية ... اما ان يري ثقافة في المنزل تختلف عن الثقافة التي يجدها خارج المجتمع يبدا من هنا الخلل ...
المشكلة الثانية اختلاف رؤية الوالدين لتلك الثقافة عن ثقافتهم الاصلية ... اي لا يكونوا علي قناعة بها ...فمثلاً شخص ما يعيش في الغرب وغير مقتنع بالمنتوج الثقافي الغربي ... كيف يستطيع يدمج ابنه في ثقافة هو غير مقتنع بها من الاساس ... او شخص يعيش في الخليج ذي الثقافة المحافظة ...وهو شخص ليبرالي بطبيعته .. هنا لا بد من اقتناع الاب في البدء او الرحيل لبلد ثقتنع به ...
Post: #6815
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-26-2010, 09:57 AM
Parent: #6814

يا ناس السودان البادى وجلا والكوتش والبرلوم ونادر فاروق
وشاويش وفارح وصديق الصادق وتبلدينا وكلككككم
والله والله عندى ليكم شــمار حار حار من نارو ...

ما بقدر اقولو هسه وافتو ... مراعاة لظروف اخرين

لكن ادونى تلاتة يوم بس والضحك حيشرطكم ... دى ما حصلت ولا
فى الخيال ....
ذكرونى كان نسيت .... سمح
Post: #6816
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-26-2010, 10:51 AM
Parent: #6815

نهاراتكم بالهناء والسرور ...

ملايين الترحيبات برجوع كمال الشادي وقلمه الرائع والراقي ...

يا ود جبارة خلي روحك رياضية وما تزعل .. وحات عينيك ما تزعل لما عيوني تتوسل ...

ديدو يا حلو .. يا أخي بطل بياخة وأدينا الشمار الحار .. لو خايف أو عايز تعمل حندكة خلاص رسلوا لي على الموبايل بتاعي 12177822-9-00249 .. غايتو الله يكضب الشينة ..
Post: #6817
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 09-26-2010, 11:04 AM
Parent: #6815

الاحباب لكم التحايا والامنيات الطيبه

رغم الصوارف لكن بنتاوق والله اليومين

العمليه رابه والمداخلات جابت الجنيات

من جاي وجاي حتي الشادي المحتجب عاد فمرحبا

اولا حكايه مجله سمر عندي معاها قصه طريفه

واحد قريبنا مانع بنتو من مجله سمر ووالدتها

اميه --على حظها امها دخلت محو الاميه جديده

يادوب في الحروف ==البت مطمانه ابوها مافي

بتقرا بمزاج **امها جات داخله وبدات س س م م ر

فصاحت يابت دي مش ابوك قال ليك ماتقريها؟؟؟؟

اولادنا ونحن في اي مجتمع حتي داخل السودان هناك

فروق في كل شي (رغم الشد والجذب لكني اومن بمثل قديم

بقول :عربا تقعد جمبها ياشيل طنجها ياقوم من جمبها

طنجها يعني عاداتها ولكم مودتي
Post: #6818
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 11:19 AM
Parent: #6817

سلام يا اهلنا

يا رشا ياخي ما تلصق المغربية في مهند
خليك واضح ياخي البديرية ديل ما بدسدسوا حاجاتم



يا ديدو فت اللعب ياخ
الشمار كتلنا


يا كيمو ياخي مالها مراكيب ناس الكبكبي عيبها لي
بعدين الحلف مع محمد عيد دة حلف استراتيجي يا زول
ياخي انت في الخرطوم ساكن في الصحافة
اللي هي اقل حضارة من الامتداد
مع العتذار لي منص وديدو



انا غايتو بعد زهير اختار الغربة قنعت من السودان
آخر زول كنت متوقع انه يخلي السودان دة زهير
Post: #6819
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-26-2010, 11:29 AM
Parent: #6817

الاخ العزيز البادي النور
تحيات بطولة قامتك الرائعة
وكل سنة وإنت بألف خير وبركة

Quote: ملايين الترحيبات برجوع كمال الشادي وقلمه الرائع والراقي ...

عارف يا البادي
الواحد حقو كل مرة ياخد ليهو غطسة عشان الناس ترحب بيهو من جديد ويعرف حب الناس ليهو
ما عدمناك يا عزيز
وشكرا لحفلة الاستقبال الرائعة العملتها لي في مسرح الشبان المسلمين
مردودة يا فردة
بعدين تعال
Quote: ديدو يا حلو .. يا أخي بطل بياخة وأدينا الشمار الحار .. لو خايف أو عايز تعمل حندكة خلاص رسلوا لي على الموبايل بتاعي 12177822-9-00249 .. غايتو الله يكضب الشينة ..

الاستعجال عليك شنو
الراجل قال الفتة لمن تنجض بيجيبها ليكم
زول بيحب الخبارات والشمارات زيك ما لاقاني
عموما لو جاتك رسالة من النضيف
تلفوني موجود وايميلي برضو
خلينا في الصورة معاك

عمر المهدي يا حبوب
انا نطيت بي هناك في بوستيك العامر امبارح
انشاء الله قريتو
ليك الاف التحايا والترحيبات سمحة زي روحك وجميلة زي كلماتك
Quote: لعمليه رابه والمداخلات جابت الجنيات

من جاي وجاي حتي الشادي المحتجب عاد فمرحب

شكرا على الترحيب يا عمر

والله يا جنا المغرب يا مسنوح
الليلة ظهر ضربك التحت الحزام
إنت عارف انا محمد عيد ده بخاف منو عدييييييييييييييل
هي كانت مرة واحدة وقلت بعدها التوبة
تقوم تحتمي بيهو
وتعمل حلف إستراتيجي معاهو
انا يمين بعد ده أطلع ليك في اليوتيوب وأقول الكلام القلتو على أمير المؤمنين بتاعكم مع الداتا الكاملة بتاعتك
خليهم يشوفوا شغلهم معاك
ده شنو
Quote: يا كيمو ياخي مالها مراكيب ناس الكبكبي عيبها لي
بعدين الحلف مع محمد عيد دة حلف استراتيجي يا زول
ياخي انت في الخرطوم ساكن في الصحافة
اللي هي اقل حضارة من الامتداد
مع العتذار لي منص وديدو

وبعدين تعتذر لمنصور والنضيف براهم
انا الصحافة دي كانت بتاعة أبوي
والله بتاعة جدي ؟
Post: #6820
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 11:32 AM
Parent: #6819

Quote: وبعدين تعتذر لمنصور والنضيف براهم
انا الصحافة دي كانت بتاعة أبوي
والله بتاعة جدي ؟


اها يا ناس الصحافة رأيكم شنو في كلام الجن دة
Post: #6821
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-26-2010, 11:42 AM
Parent: #6819

Quote: يا رشا ياخي ما تلصق المغربية في مهند
خليك واضح ياخي البديرية ديل ما بدسدسوا حاجاتم


جبريلا يا أخوي هو نحن سمونا بديرية دهمشية من شنو قالو ليك...
ما من الدس الزي ده...
كانت في الأول بديرية دسدسية...عل غيروها عشان القافية...
دي بصورة عامة...المعنى ما تربطوها بكلامي بتاع المغربية لي ولدي مهند...
Post: #6822
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 11:44 AM
Parent: #6821

Quote: جبريلا يا أخوي هو نحن سمونا بديرية دهمشية من شنو قالو ليك...
ما من الدس الزي ده...
كانت في الأول بديرية دسدسية...عل غيروها عشان القافية...
دي بصورة عامة...المعنى ما تربطوها بكلامي بتاع المغربية لي ولدي مهند...


انعل ابو ((خوخو)) ذاته
Post: #6823
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-26-2010, 11:48 AM
Parent: #6822

Quote: انعل ابو ((خوخو)) ذاته


دايما تفهمني غلط...
حسه الجاب سيرة خوخو هنا شنو...
ده حرص ساكت...
أسال حاتم جبارة قول ليهو رأيك المثل ده شنو...
حرص ولا تخونش...
Post: #6824
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-26-2010, 11:54 AM
Parent: #6815

من زمن طويل اوى , ما لقيت نفسى متابع , بألأستمتاع الحاسى بيهو ده
انتو بعد مرات , بتخلصوا فى النقاش وتجضموهو جنس تجضيم
بدات البت مشكاة , حديث غربة الزمان , وبعد المكان , وعلاقة ذلك بغربة النفس البشرية
كل ده كان صبيحة العيد السعيد , وعلى لسان ابوها الشيخ ميسرة و بتاع وزارة الثقافة والأعلام
الكان شايل كميرتو يعمل فى الزووم ان اند اوت , للوشوش السمحة , الزايدة سماحتا بى نورة يوم العرس
وجانا الود حاتم جبارة , صب الزيت فوق الموية , لمن استسهل علينا غربتنا , نحن وناس ميسرة , وقارنا بى (هاى ) بتاعت ناس سارة واخواتا
وكان كلام ياسر نجيلة تلخيص محورى , انصبت علبهو تعليقات الناس بعد ذلك , وما انفكت تدور الدائرة وتستحكم
حتى جاء الشادى كمال , وبعد غيبة , ليزيد حلقاتها استحكاما , حتى بدا ان الفرج الذى ظنناه قريبا , قد بات ابعد بعد (ضاقت زيادة )
عجبنى ايجاز زهير فى عبارة انيقة -تشبهه- ان الأمر - انما هو فى حقيقته , مقاومة طابعنا الليبرالى , لمكنونات التحول الثقافى الذى يلوح فى افق حياتنا الأجتماعية
ان فى شواطىء الخليج , او ضفاف البحر الأحمر , او عندنا فى صحارى نجد
امر ناس حاتم جبارة , يبدو لى هينا لدرجة ما , وما اكتسب (هوانه من هين ان كان التصرف صحيحا )
الا لكونه واضحا شديد الوضوح , فغربة المكونات الثقافية واختلافها البين , تجعلك فى صراعات , ذات درجة تأرجح اقل
فما ابعد الدومنيكان عن السودان
وما اقرب امريكا وكندا اليها
ولكن ما اقرب حاتم جبارة الان من سارة واخواتها , وما افهمه للغاتهم الهجين , وبالتالى لم يكن حاتم جبارة قريبا للدومنيكان من قبل , كقربه لها اليوم
فسارة قادرة على ان تطوى كل هذه المسافات , كطى السحاب للسجل , وان كان التلخيص مربكا حتى لحاتم نفسه , اذ فاجاته ذات يوم , بانها , اعتمدت ضمن ما اعتمدت
الحجاب زيا , والخمار شعارا , اختصرت بهما مسافات الضوء والزمن , حتى اسقط فى يده , بعد ان حولها الى سلطات الدومنيكان العليا
ولكن حات جبارة , نسى , ان الدومنيكان قطعت نفس المسافة , التى قطعها هو ما بين (باندة الزقازيق الملونة ) , وصلعة اليوم التى تجهر وتسر الناظرين , بعد ان كانت جهرتهم للحظة
اذن فالكل (يتحرك ) يا مشكاة , وهو يتخيل نفسه (الثبات ذاته )
المسافة بين شارع خمستاشر وكاميرا ارتست يا ريس ميسرة كمكان قديم العهد طالت به الطيل , وباحة المسجد الحرام فى المدينة المنورة حيث القت مشكاة قنبلتها المستفسرة التى استغرقت من الزقازيقاب صفحتان
هى كا المسافة بين الحاجة (ام حاتم جبارة ) وهى تضاير وتطبخ وتساعد اهل المناسبة بينما هم لا يساعدون انفسهم
وصولا الى سارة واخواتها , وهى ترتدى الحجاب المستنير , ولكنها لا تقدر على ملء وقت فراغها اذ هى فى السودان
المسافة , زمانا وموضوعا , جد بعيدة , بمقاييس الثبات النظرى التى ما زالت (جوانا تعشعش )
ولكنها بمقاييس الحركة الطبيعية المفحمة , والتطور الزمنى اللازم والحتمى , لا تبدو اكبر من (رعشة عين وانتباهتها )
السعيد من لبس لباس الحركة , وتحلى بمقاييس الأنتقال السلس البسيط , وعاش زمان الأنتقال بعقل وقلب مفتوحين
عندها سيكون الماضى , معينا ومخزنا ثريا لمعينات بكرة , وستكون (ابوتك اليوم وامومة بنات الشيوخ ) , سلسالا متصلا ومنتقلا فى (سلاسة )
لذكريات بنوتك الماضية , ومستقبل ابن اليوم اب المستقبل القريب
Post: #6825
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 12:05 PM
Parent: #6824

Quote: دايما تفهمني غلط...
حسه الجاب سيرة خوخو هنا شنو...
ده حرص ساكت...
أسال حاتم جبارة قول ليهو رأيك المثل ده شنو...
حرص ولا تخونش...


انت يا جنى اخو علي بابكر
مالو قليبك دة رهيف كدي
Post: #6826
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-26-2010, 01:11 PM
Parent: #6825

جبريلا يا وهم..
"يا بخت مين وفق راسين في الحلال.."
قلت لي زولك حرن قال ما بدي المغربي..
صاحبك نسى نفسو معرس من وين..
ياللا كلامك دا بيجيب لي الهوا..
يعني ساره والا رانيا إن جابو لي دومينيكاني..
أديه ساي.. مو ياهو..

رشا.. "أسمع كلامك أسدئك.. أشوف أمورك أستعجب.."
بقيت حريف شايفك..

يا اخوانا وين البت حوفي..
تجي تحسم لينا موضوع مهند مع المغربيات دا..
والا لسع مركبه مكنه امتحانات العيال..

ود الشادي.. يا أصلي..
كدي لمن نتلاقى في البيتش حق السعوديه..
بامسكك خيوط كتيره على جبريلا دا..
وبعديها مش حياخد في ايدك غلوه..
ما تشوفو كدا.. مكنتو خفيفه..

دودي.. أخد للصحافه حقها..
شايف منصور اتنصل من المسئوليه..

كتير خيرك علي الترجمه يا ود المهدي..

أب شنب...
هوي من كلام الليبراليه..
انت ناسي نفسك وين هسي..
كدي لمن يدوك الاقامه.. بعدين سوي الداير تسوي..
انت ما شايف موضوع الassimilation دا تاعب المسلمين
في فرنسا وألمانيا كيف؟
أمريكا فيها إختلاف عن كدا..
لأنها melting pot.. الهنود بي ثقافاتهم..
الايطال بي حاجاتهم ومجتمعاتهم والصينيين والسودانيين والاسبان اللاتينيين..
برضو بي ثقافتهم..
والله في كميات من الاسبان هنا الواحد صباح الخير بالانحليزي ما بيعرف..
وعايشين ومرتاحين بل عندهم خدمات الترجمه متوفره.. وغيرو..
بعدين الامريكان من كتره لحم راس بقوا..
ما بقت في ثقافه امريكيه ممكن تحددها..
Post: #6827
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 01:16 PM
Parent: #6826

يا ود جبارة كيمو دة كيسو فاضي ما تراهن عليه شديد
Post: #6828
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-26-2010, 01:20 PM
Parent: #6827

..
.
سلام للجميع ...

والله يا حاتم كتبت ليك رد لمن انا اتكيفت من نفسي
ما عارف هبشت ياتو كى ولا زر .. فتشتو سما واطها ..
ما لقيتو ..

الله يقدرنا نتذكروا ونعيد

------------

جبريلا انت برضو لك فى المخيلة رد ومنصور والرشيد وزناتى
فيما يتعلق بمعادلة تربية الابناء بين الوطن الام والوطن الواقع

نشوف زمن ونبحث فى زوايا الذكرة لنسترجع ما كتبنا ..
Post: #6829
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-26-2010, 01:25 PM
Parent: #6828

يا صالح كدي في الاول سوي المرة انت بعدين تعال اتفاصح
Post: #6830
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-26-2010, 01:44 PM
Parent: #6829

يا صالح ما تشتغل بيهو
انت عارف اصلو ناس الامتداد ديل بيئــة
Post: #6831
Title: Re: ناسالزقازيق ... أجدع ناس ( 3 ) ..
Author: Hatim Gubara
Date: 09-26-2010, 03:20 PM
Parent: #6830

دا الشغل...
Post: #6832
Title: Re: ناسالزقازيق ... أجدع ناس ( 3 ) ..
Author: طارق جبريل
Date: 09-26-2010, 03:34 PM
Parent: #6831

Quote: يا صالح ما تشتغل بيهو
انت عارف اصلو ناس الامتداد ديل بيئــة

اها يا ناس الحزام اللخدر
Post: #6833
Title: Re: ناسالزقازيق ... أجدع ناس ( 3 ) ..
Author: معتصم جعفر
Date: 09-26-2010, 04:51 PM
Parent: #6832

يا ود جبريل بدور اتنى بواحدة مغربيه وحرم مو خايف شن بتقول؟
اصلو خلاص الواحد خلص المؤبد وبدور الحريه
Post: #6834
Title: Re: ناسالزقازيق ... أجدع ناس ( 3 ) ..
Author: طارق جبريل
Date: 09-26-2010, 05:12 PM
Parent: #6833

Quote: يا ود جبريل بدور اتنى بواحدة مغربيه وحرم مو خايف شن بتقول؟
اصلو خلاص الواحد خلص المؤبد وبدور الحريه


يا ريس دة كلام شنو دة
بعد العمر دة شينة يعلم الله
Post: #6835
Title: Re: ناسالزقازيق ... أجدع ناس ( 3 ) ..
Author: مبارك جادين
Date: 09-26-2010, 08:36 PM
Parent: #6834

In the point of the boss
معتصم جعفر
Ihave no comment
Let all walk beside the wall
وده مثل مصري باه يا جبارة
Post: #6836
Title: Re: ناسالزقازيق ... أجدع ناس ( 3 ) ..
Author: مبارك جادين
Date: 09-26-2010, 08:52 PM
Parent: #6834

In the point of the boss
معتصم جعفر
Ihave no comment
Let all walk beside the wall
وده مثل مصري باه يا جبارة
Post: #6837
Title: Re: ناسالزقازيق ... أجدع ناس ( 3 ) ..
Author: الرشيد بابكر
Date: 09-27-2010, 05:55 AM
Parent: #6836

صبحكم الله بالخير
تنقلت مساء البارحة بين القنوات السودانية بحثا عن شيئا ما...
شيئ يجذبني اليها و يفرض علي أن أقضي ساعات أمام الشاشة...
وجدت عدد من الفنانات اللاتي لم أسمع بهن من قبل...
ما عندي رأي بتاتا في أشكالهم و لا لبسهم فلا غبار في ذلك...
و لكن بشتنتهم للأغاني دي الخلتني أحتار في أمري و أمرهم...
هذا لا ينفي أن هنالك أصوات شابة و جميلة و ستحتل مكانتها بقدراتها...
و لكن ما سر هذا الكم الهائل من المغنيين و المغنيات...
كم يفوق قدرات الأجهزة و القنوات المتاحة...
كم يشغل الشعراء و الملحنين لعشرات السنين...
و هذا ما لاحظته أيضا...فالتدافع على أعمال شعراء مثل الحلنقي مثلا واضحا...
فلقد لاحظت ان الحلنقي قد ظهر في تسعة برامج تلفزيونية من أصل عشرة في رمضان...
و ان كان الحلنقي أحد أضلع كثير من الأغنيات الخالدات...
فان هنالك ضلعان آخران في غاية الأهمية و هما الملحن و المؤدي...
فان لم تجد كلمات الحلنقي ملحن جيد و مؤدي مثل وردي و البلابل و أبراهيم حسين..
فانها لن تخلد و ستنسى كما نسيت غيرها من الأغنيات...
و كنت أتمنى و بصفتي مهتم بالرياضة أن تكون هنالم نسخ من نجوم الغد في الرياضة...
كل الألعاب و لا أخص كرة القدم هنا...
و أعرف ان اتحاد التنس مثلا يهتم بالناشئين بصورة طيبة و مفرحة...
كذلك اتحاد ألعاب القوة...
أما غير ذلك فحدث و لا حرج...
القصد ان الرياضة قد تستوعب عدد كبير من الشباب و ترفد البلد بعدد من الأبطال...
شباب توجهوا الى الغناء ليس بحكم الموهبة...
و لكن بغرض الاثراء السريع....
Post: #6838
Title: Re: ناسالزقازيق ... أجدع ناس ( 3 ) ..
Author: زهير الزناتي
Date: 09-27-2010, 06:18 AM
Parent: #6837

جانا الريس خت قنبلة وقام فات ... اها الجماعة بقوا يتضايروا .... وفروا خلوا البوست فاضي ... عالم ########ات بشكل ..... غايتو طارق جبريل جا علق مجبر اخاك لا بطل (مثل فيومي) باعتبار الكلام موجه ليهو ... مبارك جادين جا علي مضض شي بالعربي وبالباقي تم انجليزي ... والخواف ربّ ** عيالوا (مثل دمياطي) .... اما اخونا رشيد القوم بانا عرفت بانه سموه رشيد القوم ليه ... عمل روحه ما شايف خالص خالص وجا فتح موضوع الاغاني ... والبنات البيغنوا .... وكان به حديث الريس قد ذكره اغنية راجل المرا حلو حلا ...

هوي يا ريس ارعي بقيدك ... حرم نحن ام سلمان دي ما بنرضي فيها الضر ... بلا مغربية معاك بلا بطيخ ....

_________________
رب (من تربية) دي غلبتني عديل كتبتها ربا لقيت تشير الي الربا الذي حرمه الله .... كتبتها ربّ وجدتها قد تقرا كاسم الجلالة ... وكذلك بالهاء ... كتبتها ربى بالاف الاسمها شنو ديك لقيتها قريبة من روابي والمسالة جابت ليها كافتريات ....
Post: #6839
Title: Re: ناسالزقازيق ... أجدع ناس ( 3 ) ..
Author: البادي النور
Date: 09-27-2010, 07:14 AM
Parent: #6838

صباح الهناء والسرور ...

أبوالزوز صباح الخير .. شايفك مستفيد من فروق التوقيت .. أنا إفتكرتك بقيت تصلي الفجر في الجامع .. وعلى مشاهدينا في السودان مراعاة فروق الوقت ...

الريس معتصم دا نعتبرو قرار رئاسي أم سنة رئاسية حميدة من أراد أن يتبع فسوف يلقى السعادة ومن لم يتبعها ظل على حاله يترصد الفضائيات العربية ويمتع عيونو ببت عجرم وأخواتها.. وبما إنه عندنا ريسين (ريسين غرقوا المركب) واحد محلي وواحد في السعودية إذن هذا القرار يعتبر رئاسي محلي وينطبق على القابضون على الجمر فقط ومن يريد أن يدخل في مظلة هذا القرار الرئاسي يعمل خروج نهائي ومن غشتا فليس منا ...
Post: #6840
Title: Re: ناسالزقازيق ... أجدع ناس ( 3 ) ..
Author: ميسرة سيد أحمد
Date: 09-27-2010, 08:43 AM
Parent: #6839

صباح الخير ،،، يا وجوه الخير

أصبحنا وأصبح الملك لله وحده ،،،

ده شنو الصباح الصعب علينا ده

بعدين القنبلة دي المزروعة في طريقنا دا

اللهم يا ساتر يا كافي ،،، الشر بعيد وبعيد

عرس شنو تاني يا ناس ،،،،

مش كفاية ،،،،

تآني برضو ،،،

أنحنا رافعين الراية البيضاء ،،، عرس ما كوّّّ!!!!!
Post: #6841
Title: Re: ناسالزقازيق ... أجدع ناس ( 3 ) ..
Author: الرشيد بابكر
Date: 09-27-2010, 09:18 AM
Parent: #6840

Quote: اما اخونا رشيد القوم بانا عرفت بانه سموه رشيد القوم ليه ... عمل روحه ما شايف خالص خالص وجا فتح موضوع الاغاني ... والبنات البيغنوا .... وكان به حديث الريس قد ذكره اغنية راجل المرا حلو حلا ...


أبو الزوز يا فاتن حمامة...
انت عارف يا أبو الزوز فلسفة التعدد دي (لاحظ فلسفة دي) أعتقد انها مفهومة غلط...
و لا أريد أن أدخل في تفاصيل قد تقود الى خلاف كبير...
و لكن أعتقد أن مثنى و ثلاث و رباع كان القصد منها التقليل و ليس الزياده كما هو مفهوم الآن...
لأن العرب في الجاهلية كانوا يتزوجون بعدد كبير من النساء قد يصل عددهم للعشرين...
و لا أريد أن أدخل في مسألة هل الأصل واحدة أم التعدد هو الأصل...
فهذا باب كبير بأربعة ضلف...

لكن أريد أن أؤكد حقيقة واحدة بدون أي كسير تلج...
ان ما قدمته لي بت شيخي و أم عيالي أكبر من قدرتي على رد و لو القليل منه...
فأقل ما تستحقه مني أن تبقى الملكة المتوجة على مملكتي مدى حياتي و حياتها..
Post: #6842
Title: Re: ناسالزقازيق ... أجدع ناس ( 3 ) ..
Author: Hatim Gubara
Date: 09-27-2010, 09:20 AM
Parent: #6840

الريس معتصم..
صبي والله..
Post: #6843
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-27-2010, 09:47 AM
Parent: #6842

ناس حاتم
انتو يادوب صحيتو
ولا يادوب ماشين تنومو

شايفك بقيت تظهر مرتين اليوم

انت يا حاتم فى جبريلا ولا فى جلال عثمان
لقيتو كاتب عنوانو الصحافة شرق
آآآجى يا سنار .... اقصد آآجى يا البادى
غايتو يا الميناء البرى ما عملت فينا خير ....
Post: #6844
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-27-2010, 10:15 AM
Parent: #6843

Quote: انت يا حاتم فى جبريلا ولا فى جلال عثمان
لقيتو كاتب عنوانو الصحافة شرق
آآآجى يا سنار .... اقصد آآجى يا البادى
غايتو يا الميناء البرى ما عملت فينا خير ....


غايتو ... اهو مدخل كويس الواحد يبداكم بيهو ...
رغم انو ماكملت قراية لسة لكن فرصة الواحد يسلم ويؤدي فروض الولاء والطاعة اولا
وبعدين يقبل على ناس الصحافة ديل ...

ونود هنا ان ننقل احر تعازينا لكل من فقد عزيز
وخالص تهانينا لكم جميعا بكل المناسبات السعيدة والاعياد
والامنيات القلبية بشفاء كل المرضي جعلها الله كفارة لهم وادام عليهم نعمة الصحة والعافية

ونفرد التهاني للحبيب ياسر نجيلة ونبارك له المولود جعله الله من الصالحين
وبعيدا عن "المنافسة" نحن ناس بنات ساكت عشان كدة بنمسك في نجيلة دا قوي

وحيث لا يخفي على فطنة القارئ انو هذه المداخلة تفوح منها ريحة النفود
فهي نجدية المنشأ .... نقول رعاكم الله وصلنا الرياض بحمد الله صباح الجمعة بعد رحلة بها من المعاناة ما بها
وبها من الشوق ما بها ... والحمد لله

وحيث ان وايضا كذلك ... نسأل الله ان ييسر لنا من امرنا ما يجعلنا نستطع رد جميالكم علينا
بداية برحلة الذهاب للسودان الشقيق انتهاءا برحلة العودة وجزاكم الله خيرا....

عبدالدايم ما نسيتك بس انتظر انتهي من الدش دا وبجيك صاد ...
قال صحافة شرق قال .... بالله شوف بتاع الحزام اللخدر دا
على رأي اخانا الذي بكازا
Post: #6845
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-27-2010, 10:18 AM
Parent: #6843

آآآجى يا سنار .... اقصد آآجى يا البادى

يا دجانقو أفرز .....

يا ديدو بطل عفانات وجيب الشمار خلاص حرقنا يا أخي ...
Post: #6846
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-27-2010, 10:31 AM
Parent: #6845

Quote: لكن أريد أن أؤكد حقيقة واحدة بدون أي كسير تلج...
ان ما قدمته لي بت شيخي و أم عيالي أكبر من قدرتي على رد و لو القليل منه...
فأقل ما تستحقه مني أن تبقى الملكة المتوجة على مملكتي مدى حياتي و حياتها..


انعل ابو الجمكسين
((خوفو)) ابن لبون يا رشا
Post: #6847
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-27-2010, 10:44 AM
Parent: #6846

يا ابو الجل حمد الله علي السلامة ...

انشاء الله الجيت منهم طيبين ....


هاكم ده يا جماعة يمكن ينفع معاكم


الـلـــــوتــــرى 2012 / DV-2012 Lottery


يا
Post: #6848
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-27-2010, 10:46 AM
Parent: #6847

جلال حمد لله على السلامة


يا ابو الزوز بعد السن دي داير تودينا لي اولاد جون ديل
Post: #6849
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-27-2010, 10:52 AM
Parent: #6848

يا جبريلا دايرين نسهل الامور علي الناس العايزين يخطبوا البت الكاريبية ...
Post: #6850
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-27-2010, 11:02 AM
Parent: #6848

جلة حمد الله بالسلامة
طيب ما كان ترجع بطرق جده تانى


Quote: فهذا باب كبير بأربعة ضلف...

بنعرف الدولاب ابو اربعة ضلف
لكن الابواب عندنا تلاتة بس
ضلفة النص متحركة والاجناب ثابتات

يا جبريلا مرة جيرانا الشوايقة جوهم ناس من البلد
اولادهم صاحبونى حنسونى الا اوديهم السينما بالعربية
المهم وديتم واثناء الرجعة لما وصلنا محطة سبعة بطلت العربية
وقلت ليهم العربية خسرت ، وما بقدر ابيتها فى الشارع
طوالى واحد فيهم نطة قال لي لو البيت قريب نلزها ونوصلها
قلت ليهم قريب يلا لزووووو
ركبت انا وخليتم التلاتة يلزووو ويلزوو لما وصلنا قدام بابنا
قلت للصغير فيهم افتح الباب ( ابو تلاتة ضلف )
بعد ما فتح الباب ، دورت العربية ودخلت البيت
مرقت برة لقيتم التلاتة خاتين يديهم فى راسينم
لا حووووولا ، المصيبة بعد ما تعبتنا دورت ...
Post: #6851
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-27-2010, 11:11 AM
Parent: #6850

يا ديدو دي حركات دناقلة
شوايقة ما بيتغشوا كدة
Post: #6852
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 09-27-2010, 11:28 AM
Parent: #6851

اها يا جماعة اخانا الذي في الرياض .... مختفي ليهو يومين .... والليلة صفحتكم ام قنابل دي لو عندي نية يجي الله تعلم يجي علينا ...

غايتو يا معتصم بالغت مع الناس ديل
Post: #6853
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-27-2010, 11:46 AM
Parent: #6852

شباب حلوه وممتعة ... والله الفرجة من بره أحلي ...
قدوم الشادي .. كان فرحة لكل البوست ... ربنا يديم النعم علينا...
ريسنا ميسرة ... موضوع التمسك بالتعاليم الاسلامية والعادات والتقاليد الجميلة هذه خطوط حمراء في تربيتنا لأولادنا ... يتفق عليها الجميع ...
وكذلك كلام ولدنا الشادي "في التنك" فقط لو استطعنا ان نضمن استمرار هذه الحياة الجمليلة لأولادنا كل العمر ... هو المطلوب ... عشان كده بنحاول نجد مهرب ... لاستحالة الاستمرار بالخليج ....
اما بخصوص المعلومات المفيدة لولدنا "ابوبانده" ... فاني اعرف ذلك تماما وعندي تجارب من بعض الاقارب والاصدقاء في امريكا ... عشان كده عاوز الحق باقي عمري وبقية شبابي عشان احاول اخش الفورما ... بقراية .. ولا... تأسيس الأولاد قبل السنون ماتقع ....
جلال عثمان ... مليوووون مرحب وعودا حميدأ ... ياخوي الاولاد مبروكين عليك ... ولو ماقادر تنتظر حتي يكبرو ويعرسو ... تعال شيل اتنين منهم "وصمهم" لي ببنيه واحده ... والله بيتي كلو بقي رجال ...

شباب التقديم عن طريق اللوتري فيه مضيعة للوقت والمال ... توجد بالخليج فرص الهجرة عن طريق مكاتب قانونية وهي مضمونه بنسب عاليه ... والدفع بالتقسيط ... وبدرسو حالتك من البدايه "وبدوك النجيضه" هجرة وسكن وعمل ... وعندي تجربه شخصية ... ممكن الاتصال للتوضيح اكتر ...
تنويه لعدم خلط الامور:
الاتصال لمد معلومات عن الهجرة فقط ... وليس كما جاء على لسان الريس معتصم ... انا مع مبارك جادين مش نمشي جنب الحيطة ... ده نحنا ماشين "جوووه الحيطه" ذاتا ... مثل دهمشي خالص ...
Post: #6854
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-27-2010, 11:54 AM
Parent: #6852

Quote: غايتو ... اهو مدخل كويس الواحد يبداكم بيهو ...
رغم انو ماكملت قراية لسة لكن فرصة الواحد يسلم ويؤدي فروض الولاء والطاعة اولا
وبعدين يقبل على ناس الصحافة ديل ...


حمد الله على السلامة يا جلجل...و الله مشتاقين ياخي...

أمشي أقرأ كويس و تعال أعمل ليك زي عشرين مداخلة كده أقلب لينا الصفحة

بتاعت التعددية دي...الله لا رداها....
Post: #6855
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-27-2010, 11:54 AM
Parent: #6852

اخاكم اللى فى الرياض
البيجيبوا شنو , فى الكركبة دى
يمين كان ما جية جلال عثمان , كان عملت نفسى اعمى واطرش
الريس معتصم بالغ معانا
انا غايتو قاعد افتش فى تلفون الدكتورة
عشان اسالها , راجلك ده نصيح , ولا معمول ليهو عمل
ابو الجل حمد الله على السلامة
يا طارق جبريل
الصحافة صحافة العظام
من عند جبرة لحدى الحزام (اللخدر )
انتو احمد عوض وينو ؟؟؟
Post: #6856
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-27-2010, 12:22 PM
Parent: #6855

Quote: انا مع مبارك جادين مش نمشي جنب الحيطة ... ده نحنا ماشين "جوووه الحيطه" ذاتا ... مثل دهمشي خالص ...

"إمشي عدل.. يحتار عدوك فيك.."
نجيله وود جادين.. أوع تقعوا من الحيطه بس..

حبيبنا أبوالجل.. حمدلله على السلامه..
دودي دا شايفو نازل فيك ضرب تحت الحزام..

الريس ميسره.. دعواتك الصباحيه زاتها اتغيرت..
الظاهر الجماعه طالبوك ببيان نفي..
ربنا يقبل.. "من بؤك لباب السما"

الرشيد..
حولا.. دي جرسه شديده خلاص..
قلت لي ستي وتاج راسي..

فايده الزواج بأجنبيه..
تسرح وتمرح في البورد.. والأعاجم ما فاهمين حاجه..
بس ما تبقى غشيم وتعلمها العربي..
Post: #6857
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-27-2010, 01:11 PM
Parent: #6856

ناس الحوش السلام عليكم

طبعا الناس الذين مروا علينا في البوست
وقالوا انني قد مشيت جنب الحيط
وذلك في موضوع التعددية
فهذا رقيصا لاشعر لنا حتى ناخذ لينا شبال
وانحنا ناس موحدين
وراجعوا ما كتبه الريس ميسرة فهو ابلغ تعليق



مرحب يا جلال
ودايرين نعرف انضباعك عن السودان الشقيق
Post: #6861
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-27-2010, 03:33 PM
Parent: #6857

Quote: نقول رعاكم الله وصلنا الرياض بحمد الله صباح الجمعة بعد رحلة بها من المعاناة ما بها
وبها من الشوق ما بها ... والحمد لله


حمد لله على السلامة يا أبو الجل ومشتاقين جداً

بس عايزين نعرف الرياض دي دخلتوها كيف (تهريب)

الميناء الغربي هي جدة في مواجهة البحر الأحمر (بورتسودان)

والله يا جلال لو دخلت مدينة جدة دي وعديت فينا أكان نرفع

عليك دعوه ويحكم لينا فيها كمال الشادي ومنصور والرشيد

وأنا راضي بحكمهم ... المتهم برئ حتى ثبت إدانته.

أشرح لينا كيف دخلتم إلى الرياض ؟؟؟؟

إعلان للجميع غير مسموح لأي حد يزور المنقطة الغربية (عمره ، حج ، زيارة)

بدون أن يمر على أهل جدة ، ولا تعتبر العمرة أو الحجة

كاملة بل ناقصة ،،،،
Post: #6858
Title: Re: ناسالزقازيق ... أجدع ناس ( 3 ) ..
Author: أحمد إسماعيل
Date: 09-27-2010, 02:58 PM
Parent: #6840

قبل ماندخل في الموضوع تصدق يا أبو الزوز ولدي شاكر شاف البروفايل
بتاعك وعرف الشنب ده ماصاح طوالي وصف لي في شنبي وقال لي بابا طلعو

على حسب تحليل نجيلة من شبّ على شيء شاب عليه إذا عيال المغتربين دربهم مرق
ولو أنّ كثير منهم عاملين زي الكاستر اللسة مادخلوه الثلاجة محتاجين شمس سودانية
وشوية شقاوة وعلى الأقل يتعرفوا على أهليهم وبعض جغرافية بلدهم وبعد داك يأخذوا
نصيبهم من الإغتراب.
Post: #6859
Title: Re: ناسالزقازيق ... أجدع ناس ( 3 ) ..
Author: زهير الزناتي
Date: 09-27-2010, 03:31 PM
Parent: #6858

sudansudansudansudansudansudansudan69.jpg Hosting at Sudaneseonline.com



نفس الحركة .... من الزقازيق ... قاعد يسمع بمزاج
Post: #6860
Title: Re: ناسالزقازيق ... أجدع ناس ( 3 ) ..
Author: طارق جبريل
Date: 09-27-2010, 03:32 PM
Parent: #6858

مافي حتى رسالة واحدة بيها اتصبر شوية
والوعد بيناتنا انك كل يوم تكتب اليّ
هل يجوز والغربة حارة وبالخطاب تبخل عليّ
***
لم آخر مرة شفتك قبل ما أودع وأغادر
كنت حاسس إني خايف إني متردد وحائر
داير أتصبر أمامك داير أضحك وماني قادر
***
بس دموعك لم فاضت ضيعت صبري الشوية
وصحت موعدنا الرسائل.. وين رسايلك وين خطاباتك إليّ
***
صرت بعدك يا حبيبي ذرة في بحر الزمن
بعت للآلام مواهبي.. بعتها بأبخس ثمن
وحشة ما بتعرف رسائل وغربة عن ارض الوطن
***
بس أمل واحد بيعشو لو رسالة تصل إليّ
بيها اطمن عليكم وتنقذ الموقف شوية
***
من خطابي اظن عرفت ايه مكانتك في فؤادي
انت يا فجر المحبة تستحق شوقي وسهادي
انت صورة ماضي أبيض ولوحة بتمثل بلادي
***
بس حرام تبخل عليّ
وتنسى ما ترسل هدية
حتى لو كلمة احبك في خطاب مسرع إلىّ
ما عارف ليه خطرت في بالي كلمات سيف الدين الدسوقي دي
اتذكر كنت ممتحن للمتوسط وجابوا برنامج مطرب وجماعير في التلفزيون
وكان فيه سيف الدين الدسوقي والراحل احمد الجابري
لمن بدأ سيف الدين الدسوقي يقرأ في الاغنية انتبهت ليه شديد
وحفظت الاغنية دي من السهرة ديك
ومع بداية دخول الثانوي بدأت أولى الحكايات عند حديقة القرشي
وكانت هذه القصيدة حاضرة في تلك الأيام الخوالي
استمرت معي القصيدة حتى وأنا في الزقازيق
وكانت فرمالتي في الكنبة الاخيرة في بص الرحلات
زمن ياخي



تليشة:
ونحن في ثانية ثانوي مشيت العب كرة طائرة في مدرسة الخرطوم الجديدة
واحد عكليت كدة زي كورة التنس عمل معاي شمطة في الميدان
وكان من اولاد حي الزهور...
شكلتنا دورت: دي حتتي لا ما حتتك.. مني منك البونية قربت تقوم
تعرفوا الزول دة منو
حايتم جبارة
Post: #6862
Title: Re: ناسالزقازيق ... أجدع ناس ( 3 ) ..
Author: طارق جبريل
Date: 09-27-2010, 03:45 PM
Parent: #6860


اشرف علوم





الريس ميسرة اي زول يجي جدة وما ياخد الاذن منك
حجتو وعمرتو باطلين
Post: #6863
Title: Re: ناسالزقازيق ... أجدع ناس ( 3 ) ..
Author: الرشيد بابكر
Date: 09-27-2010, 04:23 PM
Parent: #6862

Quote: اتذكر كنت ممتحن للمتوسط وجابوا برنامج مطرب وجماعير في التلفزيون
وكان فيه سيف الدين الدسوقي والراحل احمد الجابري
لمن بدأ سيف الدين الدسوقي يقرأ في الاغنية انتبهت ليه شديد
وحفظت الاغنية دي من السهرة ديك


جبريلا...نحن الوقت داك كنا بنسمع خواطر فيل...
Post: #6864
Title: Re: ناسالزقازيق ... أجدع ناس ( 3 ) ..
Author: معتصم جعفر
Date: 09-27-2010, 05:02 PM
Parent: #6863

يا جماعة ما تتجرسوا..... الاصل واحدة
ولن تعدلو براها كفاية
وفى هذا الموضوع اذكر وانا فى زياره لبعض اهلى
بامدرمان وجدت معهم مجموعه من الجيران كانوا يمازحون
حاج احمد الرجل الذى تجاوز السبعين بانهم لا محاله سوف
يزوجونه
سالت بضع دمعات على خد حاج احمد وهو يقول بعد المرحومه انا اعرس تانى وذهب يعدد فى محاسنها طيلة خمسون عاما
لحظتها كم كبر حاج احمد فى نظرى فقد كان مثالا للوفاء النادر,ولكن يبقى السؤال هل يمكن ان نكون مثل حاج احمد؟
اتمنى ذلك ولو اننى فى لحظات اتمنى ان املك شجاعة البادى....
Post: #6865
Title: Re: ناسالزقازيق ... أجدع ناس ( 3 ) ..
Author: الرشيد بابكر
Date: 09-27-2010, 05:09 PM
Parent: #6864

Quote: يا جماعة ما تتجرسوا..... الاصل واحدة
ولن تعدلو براها كفاية


يا ريس تجهجهنا جنس الجهجهة دي و تجي تقول لينا ما تتجرسوا...

انت حاج أحمد ده بديري دهمشي و لا شنو...
Post: #6866
Title: Re: ناسالزقازيق ... أجدع ناس ( 3 ) ..
Author: طارق جبريل
Date: 09-27-2010, 05:56 PM
Parent: #6865

Quote: جبريلا...نحن الوقت داك كنا بنسمع خواطر فيل...


يعني انت اصغر من علي اخوك
Post: #6867
Title: Re: ناسالزقازيق ... أجدع ناس ( 3 ) ..
Author: عفاف علي ميرغني
Date: 09-27-2010, 06:24 PM
Parent: #6866

غايتو صفحة التعددية دي الواحد ابدا ما كان عايز يدخلها 000

لكن قلنا نقول لجلال حمدالله على السلامة000

وجابني كيتو 000 ود بورتسودان اتمنى انو يكون بالف خير



قال تعددية قال!!!1

انتو منصور في صورة البروفايل بتاعو دا قايل نفسه في تايتانيك!!!!!
Post: #6868
Title: Re: ناسالزقازيق ... أجدع ناس ( 3 ) ..
Author: معتصم جعفر
Date: 09-27-2010, 07:10 PM
Parent: #6867

nPhoto0346.jpg Hosting at Sudaneseonline.com
Post: #6869
Title: Re: ناسالزقازيق ... أجدع ناس ( 3 ) ..
Author: Hatim Gubara
Date: 09-27-2010, 07:15 PM
Parent: #6867

Quote: غايتو صفحة التعددية دي الواحد ابدا ما كان عايز يدخلها 000

طيب ممكن تتخارجي.. وترسلي لينا حاج الركز يقول رأيو?
Post: #6871
Title: Re: ناسالزقازيق ... أجدع ناس ( 3 ) ..
Author: Hatim Gubara
Date: 09-27-2010, 07:18 PM
Parent: #6869

Quote: ونحن في ثانية ثانوي مشيت العب كرة طائرة في مدرسة الخرطوم الجديدة
واحد عكليت كدة زي كورة التنس عمل معاي شمطة في الميدان
وكان من اولاد حي الزهور...
شكلتنا دورت: دي حتتي لا ما حتتك.. مني منك البونية قربت تقوم
تعرفوا الزول دة منو
حايتم جبارة

الله مرقك ساي اليوم داك..
Post: #6870
Title: Re: ناسالزقازيق ... أجدع ناس ( 3 ) ..
Author: مبارك جادين
Date: 09-27-2010, 07:18 PM
Parent: #6867

نعم ده اشرف علوم
صديقي
وخلفه مباشرة ولابس بدلة كاملة بكرفتة هو اخوه اكرم زين
وهم ابناء عمنا محمد زين عثمان من اعيان المعمورة
وراجل شباب اكثر من ا ولاده
وهناك من اولاد ايمن
وهو استاذللقانون بجامعة النيلين الفرع سابقا

لبورداب الزقازيق بامريكا
ده تلفون اشرف محمد زين
او اشرف علوم 0012679915071
ومشكور اشرف اتصل بي من امريكا بعد ما عرف تلفوني
من اكرم اخوه
التحيه لهما ولكل لولاد وبنات عمنا محمد زين عثمان
وللحاجة والدتهم
Post: #6872
Title: Re: ناسالزقازيق ... أجدع ناس ( 3 ) ..
Author: عفاف علي ميرغني
Date: 09-27-2010, 07:40 PM
Parent: #6870

Quote: طيب ممكن تتخارجي.. وترسلي لينا حاج الركز يقول رأيو


جاكم هدية ما من وراها جزية000 (اليقدر على الانفصال اول بعدين يقول التعددية)000


فاتن حمامة يتالق00

0000000000000000000000000000000000000000000000000000000000

بمناسبة قبول اولادنا في الزقازيق حاليا موجود الزميل الفاتح ثابت في الزقازيق

وبدا في اجراءات قبول التحاق ابنه للدراسة هناك نتمنى لمحمد الفاتح كل التوفيق000

ونتمنى تكون خطوة تثبيتية عشان اولادنا يمدوا في السكة 000
Post: #6873
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 06:29 AM
Parent: #6872

يا ريس معتصم
Quote: لحظتها كم كبر حاج احمد فى نظرى فقد كان مثالا للوفاء النادر,ولكن يبقى السؤال هل يمكن ان نكون مثل حاج احمد؟


نحن ما عندنا أي حاجة على حاج احمد على راسنا من فوق
لكني قريت ورا الكلمات كده زي كأنو الدكتورة قاعدة تقرأ وراك البتكتبو هنا
ما مشكلة
كلنا في الهوا سوا
حاج أحمد
وحاج معتصم
وحاج كمال
...
Post: #6874
Title: Re: ناسالزقازيق ... أجدع ناس ( 3 ) ..
Author: البادي النور
Date: 09-28-2010, 06:32 AM
Parent: #6872

صباح الهناء والسرور ...

بالأمس إستمعت وشاهدت وإستمتعت بمحمود عبدالعزيز على قناة النيل الأزرق وهو يشدو ويبدع في أداء أغنية الفات زمان وهي للفنان خوجلي هاشم .. لأول مرة أستمع لهذه الأغنية الجميلة .. جميلة في كلماتها وفي لحنها وفي موسيقاها .. والأجمل إنفعال الجماهير الغفيرة .. هي أغنية تشبه أغنيات المبدع مصطفى سيد أحمد وتشبه كلماته وألحانه ...
Post: #6875
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 07:55 AM
Parent: #6874

الاخت عفاف
Quote: انتو منصور في صورة البروفايل بتاعو دا قايل نفسه في تايتانيك!!!!!

أول حاجة الصورة حلوة جدا
وتشبه التايتانك
والصورة على فكرة من اختيار زهير الزناتي
يوم العيد لمن كان بيعمل منصور كيف ينزل الصور
( ومنصور اتعلم - بعد ده يحلنا الحلا بله )
فقام زهير قاليهو الصورة دي تنفع في البروفايل
وقام صاحبنا ختاها
Post: #6876
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 08:08 AM
Parent: #6875

المساحة دي محجوزة مخسوس
للترحاب بالاخ الفاضل
جلال عثمان
بعد عودته من ارض الوطن إلى ارض الوطن !!!

حمدا لله على السلامة يا طاعم
من هسي أبدا على طول الشغل والتجهيزات

صحيح حفل الاستقبال إتأخر لكن لازم يقوم
قصدي حفل الترحيب بزهير في ارض الوطن !!!!

جيتو كانت في رمضان
ورمضان وقتو خاص جدا

قبل ما نخش في موضوع الشتاء والبرد
خلونا نتلم يا جلال
رايك شنو
---
تخريمة ....
أسعار السكر الايام دي شنو
الرطل بي كم ؟
Post: #6877
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 08:18 AM
Parent: #6876

يا عفاف
Quote: (اليقدر على الانفصال اول بعدين يقول التعددية)

كونو حاج الركز ما قادر على الانفصال
لانو باع القضية
وبادل الخبز مقابل النفط أو مقابل يلقى حتة ينوم فيها
ده موضوعو هو ..
ده لا يمنع في ناس كتيرة هنا قادرة على الانفصال
وما باعت القضية
وعندها الرغبة الجادة في التعددية
أنا ما منهم
واؤكد بشده انا ما واحد من الناس دي
وأؤكد بشده إنو منصور عبد الرازق محمد فضل من الناس ديل
ويؤيد موضوع التعددية
وما باع القضية
رغم إنو بيدور على مشتري جاد !!
هو ومعاهو البادي
وجلال عثمان
والهراش ياسر نجيلة
رغم إنو بيقول غير كده
لكن ما تغرك المظاهر
لكن انا نذرت نفسي للدفاع عن حق المستضعفين في الارض من الرجال تحت سطوة نون النسوة
وميسرة بيشاور في نفسو
موضوع الباسوورد بتاع منى ده عامل ليهو مضايقه
اما زهير الزناتي فشوف عيني
شفتو بيفشت في مواقع الشيعة عن زواج متعة مؤقت
خصوصا انو موجود في منطقة الشيعة في الشرقية
وكان قرارو حكيم ( ده سريعة لغاية ما يجو الاولاد )
ده كلامو هو شخصياً
ونا ما مسئول عن ردود الفعل التي تؤدي إلى اقسام الطواري في المستشفيات

آآآل حاج الركز آآآآآآآآآل
نحن قدوتنا الريس معتصم
القال داير لهيو مغربية داك

بالله شوفو حسادة طارق جبريل
إنت مالك ومالو
قال عايز مغربية
شوف ليهو مغربية وخلاص
عالم ########ات بشكل !!
ما حاتشوف ليهو
نحن ممكن نعمل ليهو شيرنج عشان يسافر المغرب
كل مهامك بعد كده تنخصر في إنو توريهو وين يلقى الحاجات النضيفة
يا مقهور !!
Post: #6878
Title: Re: ناسالزقازيق ... أجدع ناس ( 3 ) ..
Author: البادي النور
Date: 09-28-2010, 08:48 AM
Parent: #6876

جلال عثمان ملايين الترحيبات بعودتك سالم .. شفناك مرة واحدة في وطن الشتات والوعد كان نشوفك تاني لكن بي وين مع ناس سنار أمدرمان الشمالية الصحافة وبالعكس .. ودا حال كل الطيور المهاجرة عند عودتها لوطن الجدود ...
Post: #6879
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 09:03 AM
Parent: #6878

يا زهير
في حاجات في الصورة دي ما قادر افهمها

sudansudansudansudansudansudansudansudan58.jpg Hosting at Sudaneseonline.com


اول حاجة الزول الفي صورة دي لامع وناير ومملس وقاشر بي بدلة فلسوت وجمال فارح كان أغبش
أو كان يريد ان يرسم أنه أغبش

ده جمال والله زول تاني ؟؟؟؟؟؟؟

تاني حاجة السبحة الفينا شنو ؟
الزول قلب والله شنو ؟


ده جمال والله زول تاني ؟؟؟؟؟؟؟؟؟؟؟؟
Post: #6880
Title: Re: ناسالزقازيق ... أجدع ناس ( 3 ) ..
Author: ميسرة سيد أحمد
Date: 09-28-2010, 09:09 AM
Parent: #6875

صباح الخير ،،، يا وجوه الخير

أصبحنا وأصبح الملك لله وحده

يا ودود يا ودود يا ودود ..
ياذا العرش المجيد ..
يا مبدئ يا معيد ..
يا فعالا لما يريد ..
أسألك بنور وجهك الذي ملأ أركان عرشك ....
وأسألك بقدرتك التي قدرت بها على جميع خلقك ..
وأسألك برحمتك التي وسعت كل شيء ..

أن تغفر لي ولأهل بيت ولجميع إخوتي من الزقازيقاب
آمين يا رب العالمين
Post: #6881
Title: Re: ناسالزقازيق ... أجدع ناس ( 3 ) ..
Author: كمال الشادي
Date: 09-28-2010, 09:17 AM
Parent: #6880

هلا
هلا والف مرحب
بسيد الناس
الريس ميسرة

عايز تخش حتتين مهمات جدا

الاولى موضوع الشركة عشان تشرف على جمع القروش بالنسبة لناس الغربية وما حولها في السعودية


والتاني اقرا فوق هنا

الموضوع بتاع التعددية تاني اتفتح
الريس معتصم عايز يتني بي مغربية
وطارق جبريل في المغرب ماداير يساعدوا
وزهير عايز يجرب موضوع المسيار والمتعة وكده

وعفاف تصرح بأن الركز لا يملك قرار إنو يتني

المهم في الموضوع
إنو سيرتك جات
Post: #6882
Title: Re: ناسالزقازيق ... أجدع ناس ( 3 ) ..
Author: زينب التجاني
Date: 09-28-2010, 10:09 AM
Parent: #6881

سلام لاجدع ناس
وسلام مربع للشادى وعودا حميدا مستطاب
ويا الشادى مليون شكر على تلفونك ربنا يديك العافيه
شايفاك راكب امجادى واصل
مليون شكر للسهيلى من امريكا وتلفونك اسعدنى جدا
صديقنا العزيز محمد جعفر من السعودية ليهو الف شكر على الايميل الاكتر من رائع
انشالله ما عدمتكم
جلال حمدلله على السلامة
ويا البادى سلام
فافى سلام
اما موضوع التعدديه ده ما شفتو انا
Post: #6883
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-28-2010, 10:22 AM
Parent: #6882

زوبة سلامات احسن ما تشوفى الموضوع
سمعتى اخر نكتة
قالو فى واحد من خريجى الزقازيق قال ماشى يحضر ماجستير ودكتوراه
مرتو قالت ليهو رجلى فوق رجلك .....
Post: #6884
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-28-2010, 10:42 AM
Parent: #6883

Quote: الموضوع بتاع التعددية تاني اتفتح
الريس معتصم عايز يتني بي مغربية
وطارق جبريل في المغرب ماداير يساعدوا
وزهير عايز يجرب موضوع المسيار والمتعة وكده

وعفاف تصرح بأن الركز لا يملك قرار إنو يتني

انا خليني انت عايز تتني
Post: #6886
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-28-2010, 10:50 AM
Parent: #6884

Quote: انا خليني انت عايز تتني


سراً والله جهراً !
Post: #6885
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 09-28-2010, 10:49 AM
Parent: #6883

سلام يا ابو عناب دى مرة واعية


فى تلفون مع الزناتى اتوفى الى رحمه مولاه سيد الزناتى الاخ تلاكبر لزهير بكسلا
للفقيد الرحمة ولزهير واخوانو والاسره الصبر وحسن العزاء
انا لله وانا اليه لراجعون
Post: #6890
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-28-2010, 10:58 AM
Parent: #6885

انا لله وانا اليه راجعون

الدوام لله

كل من عليها فان ويبقى وجهه ربك ذو الجلال والاكرام

تلفون زهير بالسعودية 566847522-00966
Post: #6891
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-28-2010, 11:00 AM
Parent: #6885

تعازينا الحارة لزهير الزناتي في وفاة أخيه الأكبر سيد الزناتي .. اللهم أرحمه وأسكنه فسيح جناتك .. اللهم إن محسنا فزده إحسانا وإن كان مسيئا فتجاوز عن سيئاته .. آمين ...
Post: #6887
Title: Re: ناس الزقازيق ... أجدع ناس ( 3 ) ..
Author: عصام دهب
Date: 09-28-2010, 10:53 AM
Parent: #6883

تحية و سلام لكافة الزقازيقاب و أصدقائهم ..

و يؤسفني و يحزنني جداً أن انقل لكم خبر وفاة المغفور له بإذن الله تعالى أخانا / سيد الزناتي ، الاخ الأكبر لزميلنا و ركازتنا / زهير الزناتي ، و الذي أنتقلت روحه لبارئها صباح اليوم بالخرطوم ..
أسال الله تعالى أن يتقبل الفقيد بواسع رحمته و عظيم مغفرته و أن يتقبله قبولاً حسنًا و يسكنه فسيح جناته و يجعل البركة في ذريته و أسرته وأهله ..
التعازي الصادفة لزهير و لأخوانه و لأسرة الفقيد و جميع الأهل في هذا الفقد الجلل و المصاب الفادح و نسأل الله تعالى أن يجبر كسرهم و يجيرهم في مصابهم .
( إنا لله و إنا إليه راجعون ) ..
Post: #6888
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-28-2010, 10:57 AM
Parent: #6887

يا الله ياخي
خبر حزين شديد
للفقيد الرحمة والمغفرة
وتقبله الله قبولا حسنا
تعازينا الحارة للعزيز زهير ولكافة افراد الاسرة في الخرطوم وكسلا
Post: #6889
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-28-2010, 10:57 AM
Parent: #6887

انا لله وانا اليه راجعون
التعازي الحارة للاخ زهير ولاسرته
ولاحول ولا قوة الا بالله
Post: #6892
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-28-2010, 11:08 AM
Parent: #6889

إنا لله وإنا إليه راجعون
خالص التعازي للعزيز زهير وكل افراد الاسرة
ونسأل الله ان يتقبل الفقيد بواسع مغفرته وان يجعله مع الصديقيين والشهداء وحسن اؤلئك رفيقاً
Post: #6893
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-28-2010, 11:47 AM
Parent: #6892

إنا لله وإنا إليه راجعون
خالص التعازي للعزيز زهير وكل افراد الاسرة
ونسأل الله ان يتقبل الفقيد بواسع مغفرته وان يجعله مع الصديقيين والشهداء وحسن اؤلئك رفيقاً...
Post: #6894
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 09-28-2010, 12:06 PM
Parent: #6893

وانا بجوار المريديان
صباح اليوم مع أحد عملائي
لدينا مشوار للمحكمة
ذهبت معه لمقابر الرميلة
للمشاركة في دفن أخ صديقه وزميله عبدالمنعم
وبعد العودة ودخول الحوش فؤجئت بأنني قد
دفنت سيد الزناتي
أخ زهير
فله الرحمة ولزهير والأسرة خالص العزاء
الوفاة بالخرطوم الحلة الجديدة
Post: #6895
Title: Re: ناس الزقازيق ... أجدع ناس ( 3 ) ..
Author: Dr. Ahmed Amin
Date: 09-28-2010, 12:15 PM
Parent: #6894

إنا لله وإنا إليه راجعون ...

التعازي الحارة لأخونا زهير ولأسرته المكلومة

في هذا الفقد الكبير

أسأل الله له الرحمة والإكرام والمغفرة من الحي الديان

والصبر الجمبل لأهلـــه
Post: #6896
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 09-28-2010, 12:55 PM
Parent: #6895

خالص العـزاء للأخ زهير الزناتي في مصـابه الجـلـل.
نسـأل الله أن ينزل على الفقيـد شـآبيب رحمتـه ويسـكنه فسـيح جناته مع
الصـديقين والشـهداء وحسـن أؤلئك رفيـقـا

وأن يلـزم الأخ زهـير واسـرة الفقيـد والعائلـة الكريمـة أجمل آيـات الصـبر والسـلوان

وإنـا لله ، وإنـا إليـه لـراجعـون.
Post: #6897
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-28-2010, 12:58 PM
Parent: #6896

يا شباب تليفون زيهر ما بيرد
ورونا الحاصل
Post: #6898
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-28-2010, 01:19 PM
Parent: #6897

إنا لله وإنا إليه راجعون
خالص التعازي للعزيز زهير وكل افراد الاسرة
ونسأل الله ان يتقبل الفقيد بواسع مغفرته وان يجعله مع الصديقيين والشهداء وحسن اؤلئك رفيقاً
Post: #6899
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 09-28-2010, 01:23 PM
Parent: #6897

احر التعازى لزهير الزناتى فى وفاة اخيه سيد
زهير بخير يا طارق جبريل , كنت معه على الخط قبل شوية
سيتحرك ووفد من زقازيقاب الرياض لتعزية زهير فى الدمام , صباح الجمعة
رحم الله سيد الزناتى واحسن قبوله ووسع مرقده وجعله فى زمرة الصديقين والشهداء
وحسن اولئك رفيقا
Post: #6900
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-28-2010, 01:56 PM
Parent: #6899

لا حول ولا قوة إلا بالله

صادق التعازي لأخونا زهير في وفاة شقسقه سيد


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه ولزهير ولكل آل الزناتي الصبر

إنا لله وإنا إليه راجعون
Post: #6901
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-28-2010, 02:24 PM
Parent: #6899

خالص العزاء للأخ/ زهير الزناتي في وفاة

شقيقة سيد الزناتي ، تغمد الله الفقيد بواسع

رحمته والهم أهله وذويه الصبر و السلوان

اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك باسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته

إنا لله وإنا إليه راجعون ،،،،
Post: #6902
Title: Re: ناس الزقازيق ... أجدع ناس ( 3 ) ..
Author: محمد عيد
Date: 09-28-2010, 02:48 PM
Parent: #6901

إنا لله وإنا إليه راجعون
خالص التعازي للعزيز زهير وكل افراد الاسرة
ونسأل الله ان يتقبل الفقيد بواسع مغفرته وان يجعله مع الصديقيين والشهداء وحسن اؤلئك رفيقاً...

ولا حول و لا قوة الا بالله
Post: #6903
Title: Re: ناس الزقازيق ... أجدع ناس ( 3 ) ..
Author: عبد القادر بابكر
Date: 09-28-2010, 03:30 PM
Parent: #6902

التعازي الحارة للأخ زهير
وأسأل الله أن يتغمد شقيقه برحمته الواسعة
وأن يتقبله لديه قبولا حسنا مع الصديقين والشهداء
اللهم تجاوز عن سيئاته
ونقه من الذنوب والخطايا كما ينقى الثوب الأبيض من الدنس
اللهم أبدله دارا خير من داره وأهلا خير من أهله
مع دعواتي للأخ زهير والأسرة الكريمة بالصبر وحسن العزاء
وإنا لله وإنا إليه راجعون ...
Post: #6904
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 09-28-2010, 03:44 PM
Parent: #6903

تعازينا للاخ زهير ونسأل الله أن يتغمد الفقيد بالرحمه والمغفره وان يسكنه فسيح جناته مع الصديقين والشهداء وحسن أولئك رفيقا..
Post: #6905
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-28-2010, 06:34 PM
Parent: #6903

التعازي الصادقة للأخ /زهير الزيناتي في وفاة أخيه الأكبر/ سيد الزيناتي
سائلا المولى عزوجل أن يتقبل الفقيد بواسع رحمته وعظيم مغفرته
ويسكنه فسيح جناته ويجعل البركة في ذريته وأسرته وأهله
وإنا لله وإنا إليه راجعون
Post: #6906
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-28-2010, 08:16 PM
Parent: #6905

العزيز الزناتى
احسن الله عزاءكم وتقبله قبولا حسنا والهمكم الصبر
Post: #6907
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-28-2010, 08:24 PM
Parent: #6905

we share your sadness and offer condolences over the death of your brother
said AL Zanati
We hope paradise will be his dwell by
Allah's mrcey , and ask Allah the
mighty to overstep his sins
Please accept my deepest sympathy

To Allah we belong, and to Him we do return


Mohsina Maysara said ahmed
Email:[email protected]
Post: #6908
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-29-2010, 04:47 AM
Parent: #6907

انا لله وانا اليه راجعون

آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء

العزاء موصول للأخ زهير الزناتي وأسرة الفقيد
وجميع اسرة الزناتي وعموم الأهل بكسلا والخرطوم
Post: #6909
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-29-2010, 05:59 AM
Parent: #6908

صبحكم الله بالخير

أصبحنا و أصبح الملك لله و الحمد لله و لا اله الله وحده لا شريك له له الملك و له الحمد و هو على كل شيء قدير...اللهم انا نسألك خير مافي هذا اليوم و خير ما بعده و نعوذ بك من شر ما في هذا اليوم و شر ما بعده...
Post: #6910
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-29-2010, 06:00 AM
Parent: #6908

اللهم ارحم الاخ سيد الزناتي
واجعل قبره روضة من رياض الجنة
والتعازي لال الزناتي
بالخرطوم وكسلا وبورتسودان
وانا لله وانا اليه راجعون
Post: #6911
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-29-2010, 06:50 AM
Parent: #6910

صباح الهناء والسرور ...

دخلنا خيمة العزاء لقينا في ناس كتار غايبين .. يا جماعة الحاضر يكلم الغائب ...

شايف مبارك جادين جاء الفجر ودخل خيمة العزاء ...

أخونا جلا دا يلقوهو وين .. ممكن نرسل ليه برقية على أقرب حامية عسكرية في كادوقلي ...
Post: #6912
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-29-2010, 07:53 AM
Parent: #6911

تعازي الحارة للعزيز زهير

ولعموم اسرة الزيناتي بكسلا

ورحم الله سيد الزيناتي رحمة واسعة 00
Post: #6913
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-29-2010, 07:57 AM
Parent: #6911

رُزق أخونا عزام أحمد البشرى بنتاً

وهو الآن بالقاهرة مع أسرته الصغيرة

هاتفه بالقاهرة

0020160198845

ألف ألف مبروك
Post: #6914
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-29-2010, 08:04 AM
Parent: #6913

..
.
نسال اله ان يتقبل الاخ سيد قبولا حسنا
ويتغمده بواسع رحمته ويسكنه فسيح جناته
مع الصديقين والشهداء وحسن اولئك رفيقا ..

اللهم اغفر له وارحمه .. والهم اله وزويه الصبر
والسلوان وحسن العزاء ..

انا لله وانا اليه راجعون ..
Quote: تلفون زهير بالسعودية 566847522-00966


---------------

الف مبروكـ للاخ عزام المولدة ونسال الله
ان تتربي فى عزكم وجعلها الله زخرا للوطن
Post: #6915
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 08:04 AM
Parent: #6913

بسم الله الرحمن الرحيم
السلام عليكم أيها البشر
التعازي للأخ زهير
و نسأل الله المغفرة و الرحمة للأخ سيد
و أن يسكنه فسيح جناته
Post: #6916
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 08:10 AM
Parent: #6915

سبق و أن أفردنا بوست العزا بي غادي
لكن الزول الما منظم أصلو ما بتنظم
المهم
كثير هي المواضيع المتناولة و الشيقة
و التي تحتاج إلى كثير من النقاش
وعندما يأتي خبر وفاة لأحد منا
عندها يتوقف الإسترسال إلى حين
و الناس مدفقة دموعا و م....... برضو جارية
و جيب مويه غسل ليهو وشو ...وكدا
يعني تاني نبدأ من الأول
ما علينا
Quote: سيتحرك ووفد من زقازيقاب الرياض لتعزية زهير فى الدمام , صباح الجمعة

إنتظروني أعمل تأشيرة و أجيكم
Post: #6917
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-29-2010, 08:15 AM
Parent: #6916

..
.
Quote: سبق و أن أفردنا بوست العزا بي غادي
لكن الزول الما منظم أصلو ما بتنظم

دا كلام زعل ما بنحملوا ..

-----------

يعنى الواحد يحوم هنا وبره والحوش التانى
يشيل فى الفاتحه ..
عليكم الله حددوا لينا .. او خلونا نتواصل المتاح
وسبق ان ناقشنا هذا الامر وجاب زعل
فلزمنا الصمت .. يا جلا ..

( اسف اعتبروهو نقاش فى بيت بكاء )
Post: #6918
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 08:29 AM
Parent: #6917

Quote: دا كلام زعل ما بنحملوا ..

أيواااااااا جيتني في عبي
و لا أقول ليك
أنا زااااتي عيان و عندي ملاريا
Post: #6920
Title: Re: ناس الزقازيق ... أجدع ناس ( 3 ) ..
Author: Tabaldina
Date: 09-29-2010, 08:41 AM
Parent: #6918

..
.
Quote: أنا زااااتي عيان و عندي ملاريا

حررم ما ملاريا
الا بتدور العرس .. وما لاقى ليك حل

-----------------

ياخى امشى يا الممسوخ حسي عايز
تتونس فى بيت العزاء
Post: #6919
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-29-2010, 08:40 AM
Parent: #6915

صباح الخير ،،، يا وجوه الخير

أصبحنا وأصبح الملك لله وحده،،،


لا اله الا الله عدد ما كان
لا اله الا الله عدد ما يكون
لا اله الا الله عدد الحركات والسكون

سبحان الله و بحمده،،
عدد خلقه ،،،
و رضا نفسه ،،،
و زنة عرشه،،،
و مداد كلماته،،،
Post: #6921
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-29-2010, 09:41 AM
Parent: #6919

و الله يا جلا من أمبارح جاي في بالي...و قلت اليوم من ما تصبح أقوم أفقدك...
قلت لي مملير...ربنا يواليك بالعافية ان شاء الله...
و ما عندي كلام في اتهامات تبلدينا دي...قال عندك مرض حامد...
ناس الداخل أدرى بشعابهم و أنا ما بتدخل في الموضوع ده...
لكن يا جلا قصة الملاريا مشكلة المفروض يكون للفاو ناقة فيها مثلما لل WHO...
لدعم الجهود الحكومية...لكن شايف الفاو ما عندها أي مشاريع تهتم بالموضوع...
رغم أنهم مهتمون بالاستخدام الامن للمبيدات...و التخلص من المبيدات الفائضة..
و لقد شاركت في احدى سمناراتهم هنا في أبوظبي في ما يتعلق بالمبيدات...
و لو كنت غلطان بشأن مكافحة الآفات خاصة الناموس صححني بالله...
ذكرتني يا جلا بيوت البكا في السودان...
الناس بتكون صآنة لحدي ما يجي واحد زيك كده شايل ليهو جريدة كورة...
و يقوم يدخل ليك شمال في الناس...تلقاهو يقول مثلا...
و الله لو انت بتعرف كورة و بتغلبنا و الله أنا شنبي ده يقوم في شارع الزلط...
الجمبو طوالي ينط يقول ليهو منو ده...داك يقول ليهو ما هيثم زفت ده...
التاني يقول ليهو ياخي ده وهم ساكت...
و بعد كده الا تجيب ليك ألفا عشان تسكت الناس...
Post: #6922
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 09-29-2010, 09:46 AM
Parent: #6915

صباح الخير ،،، يا وجوه الخير

أصبحنا وأصبح الملك لله وحده،،،


لا اله الا الله عدد ما كان
لا اله الا الله عدد ما يكون
لا اله الا الله عدد الحركات والسكون

سبحان الله و بحمده،،
عدد خلقه ،،،
و رضا نفسه ،،،
و زنة عرشه،،،
و مداد كلماته،،،
Post: #6923
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 10:01 AM
Parent: #6922

Quote: الجمبو طوالي ينط يقول ليهو منو ده...داك يقول ليهو ما هيثم زفت ده...
التاني يقول ليهو ياخي ده وهم ساكت...

و طوالي تجي مجموعة من هناك
و هاااك
الفاااااتحة
همهمة يقولو شنو الله أعلم
المهم في النهاية الله يرحمو و يغفر ليهو
ثم صنة أخرى
يجي يقول ليك تبلدينا أها موضوع المنح للزقازيق شنو؟؟؟؟
و تدور اللفة لغاية
الراجل قاعد يخاف من المرة
وهكذا دواليك
بالمناسبة أنا متوعك عندي ملاريا
Post: #6924
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-29-2010, 10:02 AM
Parent: #6922

إلى الولد المسنوح
الليل المغرب
المدعو
طارق جبريل ..
نواصل ....
ما إنقطع من حديث
Quote: Quote: انا خليني انت عايز تتني



سراً والله جهراً !
Post: #6925
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-29-2010, 10:12 AM
Parent: #6924

أخونا جلا ألف لا بأس عليك .. وربنا يواليك بالصحة والعافية .. ويبعد عنك الملاريا ويبعد عنك كل شر ...

أخونا عزام مبروكة البنوتة جعلها الله من الصالحات المستورات .. وإنشاء الله تبقى قرة عين لكما ...

كمان ربنا يشفي أخونا علي عبدالمعروف ...

ورينا يشفى شقيق الكوتش محمد صديق ...
Post: #6926
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 10:18 AM
Parent: #6925

Quote: أخونا جلا ألف لا بأس عليك .. وربنا يواليك بالصحة والعافية .. ويبعد عنك الملاريا ويبعد عنك كل شر ...

بس كدا... وخلاص؟؟؟؟
Post: #6927
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-29-2010, 10:19 AM
Parent: #6925

الريس / معتصم ...

أثني قرار التعددية...

التوقيع: محمد آدم النور (جلا)




__________________________

شكلها كدا دي هضربة ملاريا ...
Post: #6928
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 09-29-2010, 11:10 AM
Parent: #6927

كما نهنى زميلنا بكلية الاداب دفعة 88 م الاخ عوض الكريم نورالدين البلولة
الملقب بالمجرى ، ريفى رفاعة بزواج ابنـتـــــه منتمنين لها حياة زوجية سعيدة
الشى البعرفو قبل كم سنة المجرى كان هندو بت شيخين الان ما بعرفو وصلو اربعة ولا لسه

المجرى اشتهر بتوزيع المناشير فى مرة من المرات كان بوزع فى مناشير الجمعية
العمومية ، قابلتو منى يونس قالت ليهو ليه ما جبت لى المنشور حقى ، قال ليها لاقيت ميسرة
وكلمتو ليك ، ردت عليهو بلهجة مصرية : هو ميصــرة كان امى ولا ابويـــا ...


مبروك يا عزام البنوتة تتربى فى عزك وتطلع حلوة زى بنات E هههه
Post: #6929
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-29-2010, 11:45 AM
Parent: #6928

يا جلا

Quote: الريس / معتصم ...

أثني قرار التعددية...

التوقيع: محمد آدم النور (جلا)




__________________________

شكلها كدا دي هضربة ملاريا ...


ما تسيبك من الحركات دي
داير قول داير ( وقرض على كده )
ما داير وبتخاف - خليك في الصف مع ياسر نجيلة وباقي الشلة

لكن تقول داير
وتقول دي هضربة ملاريا

ده طرح مرفضو تماما يا زميل

بت شيخك عندها باس وورد والله شنو يا هرشة ؟
Post: #6930
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 09-29-2010, 12:19 PM
Parent: #6929

الزول يقول داير منحة دراسية
البوست كلو و الناس المتداخلة يقولو عايزن يقرو
الواحد يقول داير يعمل شوبينغ
أي خرخار داسي ليهو حبة فكة
يقول و الله أنا زاتي عندي الفكرة من زمان
زول يقول دايرين نعمل شركة قابضة
الناس كلها يقولو ليك وينا أرباحنا
الزول يقول عندو ملاريا
البوست كلو يهضرب
يا كافي البلا
أنا لا قلت داير أعرس و لا حاجة
منصور ختاها طاااخ كدا
وأنا معاهو

يا شاااادي
أنا مازول المغرب
Post: #6931
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-29-2010, 12:32 PM
Parent: #6930

Quote: سراً والله جهراً !

ود الشادي من زمان عارفك تهادي بالعرس علي زول العرقي
بس ما تمغرب يقوم ينكرش
دحين ان بقت عندك رجالي للعرس تعال سويهو
وانا من هسي في صف ام الوليدات
يمين اتغابى فيك العِرْفي





الف مبروك لحبيبنا عزام
ومبرك للمجري
Post: #6932
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-29-2010, 12:49 PM
Parent: #6931

Quote: مبروك يا عزام البنوتة تتربى فى عزك وتطلع حلوة زى بنات E هههه

والله لكن كلام ... اسمع كان ما اديتني رشوة والله افتوا واقول انت قاصد شنو وبتضحك مالك !!!
المهم ...
خلينا نقول لي جلا دا حمدا لله علي السلامة ...
ونبارك لي عزام البنية جعلها الله من المستورات وجعلها غرة عين لوالديها

اها... نقبل على فاتن حمامة؟
ولا نشوف لينا عرس نعرسوا؟

"يوميات عائد من السودان"
Post: #6933
Title: Re: ناس الزقازيق ... أجدع ناس ( 3 ) ..
Author: مني يونس
Date: 09-29-2010, 01:41 PM
Parent: #6932

خالص العزاء للأخ/ زهير الزناتي في وفاة
شقيقة سيد الزناتي

للَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

إنا لله وإنا إليه راجعون
Post: #6934
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 09-29-2010, 02:03 PM
Parent: #6932

جلجل

حمد لله على السلامة

إتصلت عليك أمس بالليل وأنا بالطريق إلى زهير الزناتي

ولكنك لم ترد... قلنا إمكن لسه فيك من تعب السفر
Post: #6935
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-29-2010, 03:27 PM
Parent: #6934

ابوالسيم ياحبيب ...
تسلم والله لقيت تلفونك دا الصباح الايامات دي النوم من الساعة تسعة
المهم ان شاء الله يوم الجمعة قريبين منك عاوزين نشوفك
تسلم ياحبيب لكن عبد الدائم دا شايفك زي عديتها ليه كدا بنات E دي
Post: #6936
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 09-29-2010, 03:39 PM
Parent: #6934

الف مبروك البنت الجديدة يا عزام



جعلها الله من بنات الوطن الفتيات



طبعا قد يسال احدهم لماذا التهنئة كبيرة
فنرد لمن فاتهم الاستماع
للسندريلا سعاد حسني
ولكلمات العظيم صلاح جاهين


ان
البنات البنات
جمل الكائنات
Post: #6937
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-29-2010, 06:15 PM
Parent: #6936

هووووووى ما تسونى الحيطه القصيرى
وقالو المحرش ما بكاتل
Post: #6938
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 09-29-2010, 06:43 PM
Parent: #6937

اللهم ارحم الاخ سيد الزناتي
واجعل قبره روضة من رياض الجنة
والتعازي لال الزناتي
بالخرطوم وكسلا وبورتسودان
وانا لله وانا اليه راجعون
Post: #6939
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 05:04 AM
Parent: #6938

صبحكم الله بالخير

يوم جديد و أمل جديد و ثقة في الله سبحانه و تعالى لا تحدها حدود...واسعة سعة رحمته...
اذا بدأت يومك ببعض الأشياء التي تشعرك بالضيق فأنصرف عنها بالتفكير فيما هو جيد...
و هو كثير..مثل الصحة و العافية...أنك تملك افطارا..انك قادر على التنقل من مكان لمكان...
أنك تعمل...ان كل أفراد أسرتك بخير...أنك تعيش حيث لا زلازل و لا فيضانات و لا كوارث...

ربنا لك الحمد كما ينبغي لجلال وجهك و عظيم سلطانك...
Post: #6940
Title: Re: ناس الزقازيق ... أجدع ناس ( 3 ) ..
Author: البادي النور
Date: 09-30-2010, 06:52 AM
Parent: #6939

صباح الهناء والسرور ...

رشيد القوم يا ود أمي مالك جايب لينا الزلازل والمحن .. شكلك كدا نائم على نشرة أخبار الجزيرة .. ربنا يوصلك سالم لي وليداتك وترجع لينا سالم ...

جلجل يلا شد حيلك ورجع اللياقة عايزين يومياتك الجميلة ...

محمد عيد دا بس يجي خيمة العزاء لافي عمته وبعد كدا ما بنشوفو .. عمتك خليها منك قريب شكلو كدا حيكون عندنا عقد قريب مع نبرة التعددية والهضربة الملاريية ...

الريس معتصم يا أخوي الناس دي براها كهربتا زائدة ولا عايزين حريش ولا حاجة .. قالو المحرش ما بكاتل .. مثل ياباني ...
Post: #6941
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 09-30-2010, 07:42 AM
Parent: #6940

السلام عليك ياجلا يالذيذ يارايق وألف بعد الشرعليك من الملاريا
تصدق ياجلا العيال وصلوا من نيالا الواحد فيهم عامل زي تختة
الضرب نار من لدغات البعوض

المحرش ما بقاتل ياالبادى خاصة في موضوع التعددية لأن هذا قرار
صعب جدا ومحتاج لاسباب لاتحصى ولاتعد وآثاره بالغة وممتدة لذلك
هذا قرار خطير لايمكن بثه على الهواء مباشرة إلا تكون هضربة ملاريا
وونسة بوست ممكن تؤدي لونسة عائلية
Post: #6942
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 09-30-2010, 07:47 AM
Parent: #6940

سجل عندك يا ريس
Quote: ولا نشوف لينا عرس نعرسوا؟

الراجل الطاعم جلال عثمان
ينضم إلى حزب المؤيدين والمهروشين
جلال
سؤال نظام مسح ميداني
وقراءة للواقع
وحصر للمسئوليات
وكلام كبيييير أويييي

سراً والله جهراً ؟
Post: #6943
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 09-30-2010, 10:07 AM
Parent: #6942

Quote: سراً والله جهراً ؟

عارف ياكمال كنت بتريحني شديد لو اصتصحبت معاك كمان في المداخلة حكاية يوميات عائد من السودان دي
لانو واقع الحال الشفتو خلال الاجازة دي حيرني ليك في ميتيني زاتو ...
يازول الامور تغيرت بشكل جعلت امر التعددية دا زي شراب الموية ...
المهم عندي بوست شحمان في الحوش بهناك ان شاء الله القى الوقت عشان نسرد ليكم انطباعات عائد من الاجازة
يازول السودان الشقيق دا بقي حاجة تاني ...

مالك اسا مدردقناياكمال ...
الخراباااا دي قاعد تقراء البوست دا
Post: #6944
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 09-30-2010, 10:43 AM
Parent: #6943

اولادنا عزام البشرى ومحمد ادم الشهير بجلا ...

للأول ألف مبروك البنيه تتربي في عزك وحنان حبوباتا ...

وللتاني مبروك الملاريا ... الخلت كلامك عن العرس مجرد هضربه ...





========================
الشادي ... اوامر صدرت من بت شيخي
ان اترك الحوش الكبير وانتقل الى
نادي الضباط حتي لو ما فيهو متداخلين
قالت : اقعد براااك بهناك الحوش الكبير
بقي واضح وفاضح
"عليك الله احسبني مع ناس سرا "






E دي شنو الوراها ضحكة ياأولاد تربية ؟؟؟؟؟؟
Post: #6945
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 09-30-2010, 05:26 PM
Parent: #6944

احمد اسماعيل فعلا قال الكلام الصاح
انو القرار صعب جدا خاصه ان له توابعه على الاسره
او كما يقول الاخوه عواقب وخيمه
فهناك حسابات للاولاد والعشره والاسره والاهل
بعدين ما تنسوا حاجه مهمة انو اى محظوظ كانت بت شيخو من الزقازيق ما اظنه يحتاج الى مجرد التفكير فى مثل هذا الموضوع
فالحمدلله مالايات مركزن بل اكثر من ذلك فهن السكن والملاذ وهن الامهات والاخوات وهن شيلات التقيله وهن ...وهن.. حفظكم الله وادام الود ,
واقترح ان ننسى الموضوع عشان ما يجيب زعل , وكل شى الا زعل بنات الشيخ ما بنقدروا ولاما كده يا........................................................
الغريبه اغلبهم طلع حرف ( م )
Post: #6946
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 05:41 PM
Parent: #6945

مساكم الله بالخير

رزق الأخ و الصديق محمد المرتضى عبد العزيز بمولود يوم الأحد الفائت و قد أبلغني ذلك برسالة...
تواصلت مع محمد تلفونيا و لكن يا الكبر...يا الكبر خلاني أنسى أنزل الخبر هنا...
أعتذر هنا لكم و لمحمد عبد العزيز...
و مبروك لمحمد...
Post: #6947
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-30-2010, 05:41 PM
Parent: #6945

Quote: واقترح ان ننسى الموضوع عشان ما يجيب زعل

ما قلتوا نوبة
Post: #6948
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 05:48 PM
Parent: #6945

نعتذر للتكرار

الما بخلينا نكرر الكلام شنو...

الريس زاتو لما يجر واطي تاني فضل شنو...

جبريلا ...لقيت هبوبك...ضري عيشك ساكت يابا,..

و الله قالوا هارشنك بالمغربي كمان...

عل رجالتك دي مسويها هنا ساااكت...
Post: #6949
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-30-2010, 06:17 PM
Parent: #6948

مبروك للشباب عزام وود المرتضي وصول الكريمات..

Quote: واقترح ان ننسى الموضوع عشان ما يجيب زعل , وكل شى الا زعل بنات الشيخ ما بنقدروا ولاما كده

سحبنا منك الصبينه..
Post: #6950
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-30-2010, 06:23 PM
Parent: #6949

Quote: جبريلا ...لقيت هبوبك...ضري عيشك ساكت يابا,..

و الله قالوا هارشنك بالمغربي كمان...

عل رجالتك دي مسويها هنا ساااكت...


مغربي شنو يا حبيب
بت شيخي نصها محسي ياخي من الحاج يوسف كمان
انت لمن زنقناك عملت مجنون
Post: #6951
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 07:01 PM
Parent: #6950

Quote: بت شيخي نصها محسي ياخي من الحاج يوسف كمان


أها هرشة المحس دي أخير منها هرشة المغاربة...
هرشة المحس دي نصها عربي و نصها رطاني...
Post: #6952
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-30-2010, 07:04 PM
Parent: #6951

Quote: أها هرشة المحس دي أخير منها هرشة المغاربة...
هرشة المحس دي نصها عربي و نصها رطاني...


شفتلك شايقي بيتهرش
البديرية ياهم الهراشين
مع الاعتذار لي حاج الركز
Post: #6954
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-30-2010, 07:09 PM
Parent: #6952

بالله ما تقدونا..
الأتنين أهرش من بعض..
Post: #6953
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 07:08 PM
Parent: #6951

يا جماعة السلام أمانة...
يا سمين الملقبة ببطة بتسلم عليكم سلام شديد...
و قالت متابعة و مستمتعة شديد و نفسها يكون عندها باسورد عشان عندها حكاوي كتيرة...
معظمها عن باندات حاتم جبارة...
كنت عايز أوصي زهير يطلع ليها باسورد...
لكن زهير ناس المكتب لقوهو بيقضي الوقت كلو مع سودانيز أون لاين...
قامو سحبو منو الكمبيوتر قالو ليهو عايزين نفرمتو...
و حسه لا متابع و لا مستمتع...
Post: #6955
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-30-2010, 07:17 PM
Parent: #6953

Quote: معظمها عن باندات حاتم جبارة...

دي ناويالها على مشاكل..
أقترح إنو ما يدوها باسويرد..


سلام يا بطه..
Post: #6956
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 09-30-2010, 07:31 PM
Parent: #6955

Quote: دي ناويالها على مشاكل..
أقترح إنو ما يدوها باسويرد..


طول الطريق و أنا راجع أبوظبي يا سمين تحكي لي عن بانداتك و تضحك...
أقول ليها يا بطة ما تشغليني في الطريق ده...برضو ما نفع...
الظاهر عليها لو أدوها باسورد أول حاجه حتفتح ليها بوست عن بانداتك...
Post: #6957
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 09-30-2010, 09:56 PM
Parent: #6956

يا سلااام يا اخ...
والله بطه زميله كفاح..
نتمنى تجينا داخله..

إنت محمد عيد دا نصيح?

في إنتظار يوميات جلال..
الخايف يقولها.. عالم ########ات بشكل..
Post: #6958
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 09-30-2010, 10:01 PM
Parent: #6957

هي الباندات براها
Post: #6959
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 09-30-2010, 11:09 PM
Parent: #6958

مساكم خير 000

مبروك لعزام ومحمد المرتضى ويتربوا في عزهم00






Quote: ]بالله ما تقدونا..
الأتنين أهرش من بعض


صفحة 69 كانت تعددية

صفحة 70 بقت هاروشة




متااابعة
Post: #6960
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 10-01-2010, 05:35 AM
Parent: #6959

صباح الخير عليكم جميعا
وجمعة مباركة

مبروك لعزام ومحمد المرتضى ويتربوا في عزهم00

وسلامتك يا جلا
الباعوضة إن شاء الله ما جاتها حاجة ؟
Post: #6961
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 10-01-2010, 09:08 AM
Parent: #6960

صباح الخيرات
وجمعة طيبة مع الاهل والاصدقاء










مبروك الولد يا محمد المرتضى
طبعا في دراسة بتقول ان صغار السن تكون في الغالب
ولادتهم من الاولاد
عشان كدة الواحد كدة عرفك من الدفع المتاخرة في الزقازيق
تحياتي
Post: #6962
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-01-2010, 11:55 AM
Parent: #6961

جمعتكم مباركة

عشان تعرفوا معزتكم دي كبيرة قدر شنو...حتى الجمعة بنجيكم...
يعني مهما تعدل في توزيع الوقت يومي الخميس و الجمعة بين ثلاثة متنافسين...
تجد أن الوقت ما بيكفي...
و تقوم تلملم عدتك يوم السبت و تتوجه للمنافي مرة أخرى...

شفتو معزتكم كيف...
ده كلو عشان تآآآمنو...
Post: #6963
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-01-2010, 01:03 PM
Parent: #6962

720x300_v2.jpg Hosting at Sudaneseonline.com

جمعتكم مباركه والجمعه يوم استثنائى فى كل شىء
واهم ما يميز هذا اليوم بعد الشعائر الدينيه والاجتماعيه
انه يوم متخم بكل اصناف الاكل ويحلو ذلك وسط لمة
الاخوان والاخوات وابنائهم وكل واحد جاى شايل حاجه
الا ان عصيدة الوالده لايعلوا عليها لاسمك عوضيه ولاغيرو
والغريب انو الناس تاكل اكل الجن من ما يجى الشاى كل
واحد يقول ليك نص معلقه سكر.....بلاى ومال حلة الشعيريه
مشت وين ؟ مطرح ما يسرى يمرى
Post: #6964
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-01-2010, 02:41 PM
Parent: #6963

Quote: وسلامتك يا جلا
الباعوضة إن شاء الله ما جاتها حاجة ؟

ليه يعني يا عبدالحفيظ.. جلا دمو بيسمم والا شنو قصدك..
ملعوبه لكن.. وكيفتني شديد..
بيني وبينـك البلازموديوم زاتو يكون كايس ليه مخارجه..

بموضوع يسمم دا اتذكرت كان معاي في السكشن بنت مصريه إسمها جيهان ومن قريه فقوس..
سماحتها قاطعه.. نوع ما تقدر تتكلم معاها داك..
يوم في الكليه قاعد على سلالم مبنى الإداره.. أها جات ماشيه فيني..
ياللا قلت إلا أشاغلها.. وقمت خففت دمي شويه كدا في المشاغله..
عاينت لي سمح.. وقالت..
"يا سم.. بلاش معاكسه.."
قلت ليها.. "معاكسه إيه بس.. دا أنا غرضي شريف.."
قربت تموت بالضحك...

سلامتك يا جلا..
Post: #6965
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-01-2010, 03:01 PM
Parent: #6964

Quote: اتذكرت كان معاي في السكشن بنت مصريه إسمها جيهان ومن قريه فقوس

دي موش الفي سنة اولى قلت ليك شوف البت دي عيونها رهيبة كيف
تاني يوم جات عيونها محمرة ومنفوخة
Post: #6966
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-01-2010, 03:40 PM
Parent: #6965

ياها..
بالله ما قربت تعميها لينا..

دي عين أهلك الشوايقه..
والا داير تعمل فيها برئ..

إتذكرت لي حاجه زمان..
المرحومه أمي كان عندها حركات كدا لزوم كف العين..
تجيب المبخر وتقوم تدوروا فوق راسك وتقول بلهجه المصريه..
"رقيتك واسترقيتك.. من كل عين صابتك.."
"وخمسه وخميسه في عين اللي شافك.. وما صلاش عالنبي.."
بعد كبرت شويه بقيت أحتج..
"يا أمي دا كلام شنو.. خليك من الخزعبلات دي.."
" إسكت يا ولا.. دي عين أهلك الشوايئه دول تصيب ولا تخيبش أبدا.."
Post: #6967
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-01-2010, 10:31 PM
Parent: #6966

مساكم حلو وجميل منثور ورد ..متمتعين بالعافية والصحة الما تفارقكم للابد
مبروك لكل المناسبات السعيدة واحر التعازى لكل من فقد عزيز لديه...
بصراحة دة عشان ما اكون كذابة والكذاب بدخل النار لا متابعة ولا مستمتعة قريت اخر مداخلة لحاتم جبارة
وضحكت من اعماقى .. دايما ضاحك ومبسوط يا حتوم لا تشوف لا تعب ولا صعب ولا شى كعب..
سمعت من الرشيدالصفحة الفاتت عن التعددية!!!!!!!
بمناسبة التعددية دى عندى عمتى فى ابوظبى ونسانة ولذيذة لا يمل من يعرفها الونسة معاها تمر الساعات كانها ثوانى .. زوج اختاتزوج لانه صار ميسور الحال( عقبالكم كلكم ) مش الزواج يا الخفيفين!!!قصدى الحال الميسور... كانت مغيوظة جدا بعد ما حكت لى التفاصيل قالت لى ارفعى يديك للدعاء معاى وقولى امين: انشاء الله كل الرجال فى الدنيا ربنا ما يبسط رزقهم.. فانا قلت ليها لا لا انا ما معاك ادعى براك
فقالت لى نجاة انا بقول كل الرجالincluding my husband
قصدهها حتى زوجها.. انا صراحة لا اوافقها وما قلت امين...
لكن موضوع التعددية دى بكرة حا اتفرغ لقراة الصفحة واراء المتداخلين.. ونشوف يا دعينا ليكم كلكم انا وبنات الشيوخ يا كمان قلنا على دعوة عمتى امين
تصبحوا على خير ودمتم سالمين وربنا يبسط رزقكم كلكم
Post: #6968
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 10-01-2010, 10:54 PM
Parent: #6967

في نهاية يوم الجمعة الحافل
رجعنا البيت بعد زيارة الاهل والمواجبة
والتي هي قيمة سودانية مهمة وجميلة لكن تستهلك زمن طويل
رجعت لقيت البوست
قد بعد كثيرا عن جديث التعددية
ومنتظر الرد الذي ستكتبه نجاة حوفي
عشان نشوف الدوة حتكون
يا نجاة ادعي لينا بالقروشة
والتعددية خليها فرض كفاية بعدداك
غايتو انا شخصيا
ضامن نفسي وبس
Post: #6969
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-02-2010, 05:44 AM
Parent: #6966

إسكت يا ولا.. دي عين أهلك الشوايئه دول تصيب ولا تخيبش أبدا.."
Post: #6970
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-02-2010, 08:47 AM
Parent: #6969

صباح الخير
صباحاتكم طيبة وندية
صباحتكم فل وياسيمن حاج الطاهر
الجوه والبره
قصدي الجوه السعودية
الفي الغربة فيما عداها

شايف موضوع التعددية ( الحزبية ) سخن يا جماعة
لو في واحد شفت فيكم يعمل لينا ( فورم ) زي حقات بكري ابوبكر ديك
ويكون ساهل للناس المطششة والناس الهارشا
يعني نعم ولا بس
عايز ( نعم لا )
ما عايز ( نعم لا )
أويد التعددية حتى اربع نساء ( نعم لا )
حتى ثلاث نساء ( نعم لا )
حتى مرتين ( نعم لا )
أؤيد التعددية حتى إمرأة واحدة فقط كحد أعلى ( نعم لا )
لا أيود الزواج من اصلو ( نعم لا )

ياسر نجيلة السؤال القبل الاخير ده كيف بالله ؟
Post: #6971
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-02-2010, 08:52 AM
Parent: #6970

اليوم يعتبر رسمياً اليوم الاول في الدراسة
الاولاد لسه مضبوطين على برنامج السهر بتاع الاجازة
لغاية صلاة الصبح ما قادرين ينومو
وانا وأم كريم مشينا معاهم المدرسة
لانو محمد الصغير يفترض ينقلوهو السنة دي من قسم البنات لقسم الاولاد
لانو وصل سنة تانية إبتدائي
والولد يعتبر بقى راجل وشنبو قام

إستلمنا الكتب
وبدينا الجكة
الله يعينا
ويعينكم يا ناس ميسرة ومنصور وجلال ومحمد إسماعيل ...
وكل الناس الطيبة
Post: #6972
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-02-2010, 09:44 AM
Parent: #6971

وانا قضيت الأسبوع الات كلو
مع حجازى ولدى الصغير فى الفصل
باعتباره يادووووب سنة اولى
وبت الشيخ قضت االأسبوع كامل مع مدرار
باعتبارها طالبة مستجدة يا دوبك تقول يا هادى
يمين شلت ليهم هم , مشوارهم طويل جنس طووووول
مبروك لى عزام البشرى وشلفانوف ما جاهم
اما التعددية فانا من انصارها
ولكن بشكل مختلف
وهو ان تكون (بنات شيوخكم ) , جميعهن
زوجات جديدات لكم , كل صباح
وتكون انت , زوجا جديدا لها , كل مساء
بالله المكنة دى , لو قسمت معاكم , ورونى
ولو ما قسمت , انسحبوا تكتيكيا , زى ما عمل الريس
عارفين الريس ده , اول ما بقى يقول , عصيدة الحاجة وما ادراك ما عصيدة الحاجة
معناتها الخميس والجمعة ديل , قضاهم هرش سااااكت
شى من دعاء , وشى من دكتور سلمان , وشى من الحاجة زااااتا
لكن هرش الدكاترة ما عينة يا ريس
قلت لى يا حاتم , تانى يوم جاتكم عيونا منفخة ومحمرة
كان كده الله يستر على البت الحبت (الطلبة ) ديك , يمين لليلى تلقاها عيونها (مكوجنات )
دى عين (الشوايئة ) يابنى , ريئتكم واستريئتكم كوللللكم
Post: #6973
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-02-2010, 10:03 AM
Parent: #6972

تجربتى مع حجازى الأسبوع الماضى
حركت فينى كوامن عديدة
وهيجت فينى اشجان ذكريات قديمة , خلتها نامت وانزوت
فاذا بها تصحو وتجفل , من اول لكزة جادة
تذكرت خطواتى الأولى فى مدرسة الحلة الجديدة المزدوجة (هاشم عابدون )
تذكرت الحصص الثلاث , الحساب والعربى والدين
تذكرت الفسحة الوجيدة بعد الحصتين الأوائل
تذكرت سندوتشات الفول والطعمية من حاجة عائشة , وحاجة (اللضانة )
هكذا كان اسمها
تلقيت تحذيرات رسمية من الوالدة رحمة الله عليها , بأن اركز على الفول والطعمية
وابتعد ما استطعت من ساندوتشات سلطة الأسود , وسلطة الطحينة البيضاء
فكنت اغنى (الحرمونى منك ) وانا اتمطق واشم رائحة السلطة البيضاء , التى احبها حب (المحروم )
ولكن اللذيذ فى الموضوع , اننى كنت احضر حصتى الحساب , التى تتلوها حصة العربى
واطبق الساندوتش الماخمج
وللبيت طوالى
لم اعرف ان التلاميذ يعودون بعد (حصة الساندوتشات ) عشان يحضروا حصة تالتة اسمها (دين )
الا بعد مضى اسابيع عديدة
وتم ذلك بالصدفة البحتة
لأنو فى واحدة قريبتنا بيتهم جار للمدرسة
قبضتنى ليك , اتقدل وانا ماشى (اجضم فى سندوتش فولى المخلوط بالطعمية )
فعملت لى فاتن حمامة مع الجماعة
بعد داك عرفت انو فى حصة تالتة اسمها (دين )
ما ابعد حجازى عن هذه الخواطر
فسندوتشه فى شنطته , ومعاهو عصير وحليب كمان , وابوهو بيوديهو , وبص المدرسة بيرجعوا
والحصص التلاثة البيناتهم فسحة
اتحولت الى حصص تصل للسبعة فى اليوم الواحد , الدين براهو مقسم لى توحيد وفقه وقران وحديث
وما عارف الأنجليزى مقسم لى كم , والعربى , والعلوم , والكمبيوتر والحاسب , وكراسات وكتب ما تديك الدرب
الله يعينكم ياحجازى ومدرار
اما قصة النوم والصحيان واعادة ترتيب وجدولة اليوم ومواعيد النوم والصحيان
فهذا موضوع آخر , وقصة اخرى , ان شاء الله اتذكر واحكيها ليكم
عليكم الله كان ما اديتو البت بطة , باسويرد
Post: #6974
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-02-2010, 10:50 AM
Parent: #6973

Quote: حين وقفت المعلمة أمام الصف الخامس في أول يوم تستأنف فيه الدراسة، وألقت على مسامع التلاميذ جملة لطيفة تجاملهم بها، نظرت لتلاميذها وقالت لهم: إنني أحبكم جميعاً، هكذا كما يفعل جميع المعلمين والمعلمات، ولكنها كانت تستثني في نفسها تلميذاً يجلس في الصف الأمامي، يدعى تيدي ستودارد. لقد راقبت السيدة تومسون الطفل تيدي خلال العام السابق، ولاحظت أنه لا يلعب مع بقية الأطفال، وأن ملابسه دائماً متسخة، وأنه دائماً يحتاج إلى حمام، بالإضافة إلى أنه يبدو شخصاً غير مبهج، وقد بلغ الأمر أن السيدة تومسون كانت تجد متعة في تصحيح أوراقه بقلم أحمر عريض الخط، وتضع عليها علامات x بخط عريض، وبعد ذلك تكتب عبارة "راسب" في أعلى تلك الأوراق. وفي المدرسة التي كانت تعمل فيها السيدة تومسون، كان يطلب منها مراجعة السجلات الدراسية السابقة لكل تلميذ، فكانت تضع سجل الدرجات الخاص بتيدي في النهاية. وبينما كانت تراجع ملفه فوجئت بشيء ما!! لقد كتب معلم تيدي في الصف الأول الابتدائي ما يلي: "تيدي طفل ذكي ويتمتع بروح مرحة. إنه يؤدي عمله بعناية واهتمام، وبطريقة منظمة، كما أنه يتمتع بدماثة الأخلاق". وكتب عنه معلمه في الصف الثاني: "تيدي تلميذ نجيب، ومحبوب لدى زملائه في الصف، ولكنه منزعج وقلق بسبب إصابة والدته بمرض عضال، مما جعل الحياة في المنزل تسودها المعاناة والمشقة والتعب". أما معله في الصف الثالث فقد كتب عنه: "لقد كان لوفاة أمه وقع صعب عليه.. لقد حاول الاجتهاد، وبذل أقصى ما يملك من جهود، ولكن والده لم يكن مهتماً، وإن الحياة في منزله سرعان ما ستؤثر عليه إن لم تتخذ بعض الإجراءات". بينما كتب عنه معلمه في الصف الرابع: "تيدي تلميذ منطو على نفسه، ولا يبدي الكثير من الرغبة في الدراسة، وليس لديه الكثير من الأصدقاء، وفي بعض الأحيان ينام أثناء الدرس". وهنا أدركت السيدة تومسون المشكلة، فشعرت بالخجل والاستحياء من نفسها على ما بدر منها، وقد تأزم موقفها إلى الأسوأ عندما أحضر لها تلاميذها هدايا عيد الميلاد ملفوفة في أشرطة جميلة وورق براق، ما عدا تيدي. فقد كانت الهدية التي تقدم بها لها في ذلك اليوم ملفوفة بسماجة وعدم انتظام، في ورق داكن اللون، مأخوذ من كيس من الأكياس التي توضع فيها الأغراض من بقالة، وقد تألمت السيدة تومسون وهي تفتح هدية تيدي، وانفجر بعض التلاميذ بالضحك عندما وجدت فيها عقداً مؤلفاً من ماسات مزيفة ناقصة الأحجار، وقارورة عطر ليس فيها إلا الربع فقط.. ولكن سرعان ما كف أولئك التلاميذ عن الضحك عندما عبَّرت السيدة تومسون عن إعجابها الشديد بجمال ذلك العقد ثم لبسته على عنقها ووضعت قطرات من العطر على معصمها. ولم يذهب تيدي بعد الدراسة إلى منزله في ذلك اليوم. بل انتظر قليلاً من الوقت ليقابل السيدة تومسون ويقول لها: إن رائحتك اليوم مثل رائحة والدتي! ! وعندما غادر التلاميذ المدرسة، انفجرت السيدة تومسون في البكاء لمدة ساعة على الأقل، لأن تيدي أحضر لها زجاجة العطر التي كانت والدته تستعملها، ووجد في معلمته رائحة أمه الراحلة!، ومنذ ذلك اليوم توقفت عن تدريس القراءة، والكتابة، والحساب، وبدأت بتدريس الأطفال المواد كافة "معلمة فصل"، وقد أولت السيدة تومسون اهتماماً خاصاً لتيدي، وحينما بدأت التركيز عليه بدأ عقله يستعيد نشاطه، وكلما شجعته كانت استجابته أسرع، وبنهاية السنة الدراسية، أصبح تيدي من أكثر التلاميذ تميزاً في الفصل، وأبرزهم ذكاء، وأصبح أحد التلايمذ المدللين عندها. وبعد مضي عام وجدت السيدة تومسون مذكرة عند بابها للتلميذ تيدي، يقول لها فيها: "إنها أفضل معلمة قابلها في حياته". مضت ست سنوات دون أن تتلقى أي مذكرة أخرى منه. ثم بعد ذلك كتب لها أنه أكمل المرحلة الثانوية، وأحرز المرتبة الثالثة في فصله، وأنها حتى الآن مازالت تحتل مكانة أفضل معلمة قابلها طيلة حياته. وبعد انقضاء أربع سنوات على ذلك، تلقت خطاباً آخر منه يقول لها فيه: "إن الأشياء أصبحت صعبة، وإنه مقيم في الكلية لا يبرحها، وإنه سوف يتخرج قريباً من الجامعة بدرجة الشرف الأولى، وأكد لها كذلك في هذه الرسالة أنها أفضل وأحب معلمة عنده حتى الآن". وبعد أربع سنوات أخرى، تلقت خطاباً آخر منه، وفي هذه المرة أوضح لها أنه بعد أن حصل على درجة البكالوريوس، قرر أن يتقدم قليلاً في الدراسة، وأكد لها مرة أخرى أنها أفضل وأحب معلمة قابلته طوال حياته، ولكن هذه المرة كان اسمه طويلاً بعض الشيء، دكتور ثيودور إف. ستودارد!! لم تتوقف القصة عند هذا الحد، لقد جاءها خطاب آخر منه في ذلك الربيع، يقول فيه: "إنه قابل فتاة، وأنه سوف يتزوجها، وكما سبق أن أخبرها بأن والده قد توفي قبل عامين، وطلب منها أن تأتي لتجلس مكان والدته في حفل زواجه، وقد وافقت السيدة تومسون على ذلك"، والعجيب في الأمر أنها كانت ترتدي العقد نفسه الذي أهداه لها في عيد الميلاد منذ سنوات طويلة مضت، والذي كانت إحدى أحجاره ناقصة، والأكثر من ذلك أنه تأكد من تعطّرها بالعطر نفسه الذي ذَكّرهُ بأمه في آخر عيد ميلاد!! واحتضن كل منهما الآخر، وهمس (دكتور ستودارد) في أذن السيدة تومسون قائلاً لها، أشكرك على ثقتك فيّ، وأشكرك أجزل الشكر على أن جعلتيني أشعر بأنني مهم، وأنني يمكن أن أكون مبرزاً ومتميزاً. فردت عليه السيدة تومسون والدموع تملأ عينيها: أنت مخطئ، لقد كنت أنت من علمني كيف أكون معلمة مبرزة ومتميزة، لم أكن أعرف كيف أعلِّم، حتى قابلتك. (تيدي ستودارد هو الطبيب الشهير الذي لديه جناح باسم مركز "ستودارد" لعلاج السرطان في مستشفى ميثوددست في ديس مونتيس ولاية أيوا بالولايات المتحدة الأمريكية، ويعد من أفضل مراكز العلاج ليس في الولاية نفسها وإنما على مستوى الولايات المتحدة الأمريكية). إن الحياة ملأى بالقصص والأحداث التي إن تأملنا فيها أفادتنا حكمة واعتباراً. والعاقل لا ينخدع بالقشور عن اللباب، ولا بالمظهر عن المخبر، ولا بالشكل عن المضمون. يجب ألا تتسرع في إصدار الأحكام، وأن تسبر غور ما ترى، خاصة إذا كان الذي أمامك نفساً إنسانية بعيدة الأغوار، موّارة بالعواطف، والمشاعر، والأحاسيس، والأهواء، والأفكار. أرجو أن تكون هذه القصة موقظة لمن يقرؤها من الآباء والأمهات، والمعلمين والمعلمات، والأصدقاء والصديقات.





قصة بمناسبة العودة للمدارس
من ايميل بعثه قيس جمال الدين
Post: #6975
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-02-2010, 11:14 AM
Parent: #6974

انتو يا زهير ومعاك قيس عاوزين تتدخلوا فى شغلنا ولا شنو

ده الما ( الدش ) القعدنا نقرأ فيهو اربعة سنة

علم النفس التربوى
وعام نفس نمو
وتربية ومشكلات ( المادة اى زول شالا معاهو )
والنورمال والاب نورمال سيكولوجى ....
وكلام كتير راح مع شغل ( المحاسبة ) ده
هسه الواحد لما يقدم للتحضير ما عارف يبدأ بياتو مجال
عشان كده حاحضر ( ماجسترين )

اها يا منص والشادى نحن من يوم الاتنين الفات مع عناب KG1
بعد ما ترجع من المدرسة تاخد ليها نومة ونصحيها للغداء تحلف تقول الا تلبسونى
هدوم المدرسة ، التلاجة مليانة اقلام رصاص والبتوجار علبة الوان
تحت الكنب يا برايات ويا استيكات والكنبة الوراء فى العربية حدث ولا حرج

بعدين ننزل ليكم صورهم مع ( التيتشــرات )
Post: #6979
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-02-2010, 12:00 PM
Parent: #6975

صباح الخير ،،، يا وجوه الخير

أصبحنا واصبح الملك لله وحده

الواحد لو غاب خميس وجمعة تجي تلقى

الكبسيبه في البوست تركناكم في التعددية

لقيناكم بتتراجعوا وبتتهرشوا فضحتونا مع ناس

عفاف ،،، إنتظروا فاتحة نجاة حوفي !!!

حمد لله على السلامة يا جلا والملاريا تطير وتقع في ناس تانيين

سلام كثير وتحية كبيرة لأخونا عزام وألف مبروك البنيه وتربى في عزكم

ونكرر التهنئة لأخوانا محمد المرتضي والمجري .

نرد التحية لياسمين - بطه - ونتمنى أن تتحصلي على باسورد مع الدفعة الجديده

حمد على السلامة - عودة المدارس -
Post: #6976
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-02-2010, 11:18 AM
Parent: #6974

صبحكم الله بالخير

وصلت قبل ساعة تقريبا الى مدينة السلع...
و بارك الله في أمي ونسيبتي سونا(حاجة محاسن) و ابو الزوز...
الوصلوني مسافة مقدرة و ونسوني لحدي ما وصلت...
و انت يا منصور تتذكر سندوتش الفول بالطعمية القبل 45 سنة ما تتذكر انو اليوم السبت...
أبو الزوز لقيتو مردوم فواتير...
الغريبة فواتير أبو الزوز كلها بطاطين...
قلت أبو الزوز ده اشتغل في ملجأ و لا شنو..
حسه طبعا بكون اتهجم قال والله الزول ده تاني كان ضرب لي...
الا أعملها ليهو اممممم...آآآي...امممم عشان ما يلقط ليهو حاجه يمشي يعمل بيها مداخلة...
لكن أقول ليك حاجه يا أبو الزوز أممم و آآآي زاتهم ببتكر منهم حاجة...

بجيكم بعدين...
Post: #6977
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 10-02-2010, 11:23 AM
Parent: #6976

سلامات للجميع ..بس عشان تعرفوا نحنا موجودين ومتابعين ...

يا اخوانا الزناتي وين ..هل في السودان أم السعوديه... إما هو رقم تلفونه في السعوديه
Post: #6978
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 10-02-2010, 11:32 AM
Parent: #6977

كان الأخ عبد الرحيم قد أرسل هذه الرسالة:

Quote: الاخ سامى

السلام عليكم ورحمة الله وبركاته

درست فى الزقازيق من 1889 حتى 1992 ثم كملت الدراسة فى امدرمان الاسلامية

كلية التجارة محاسبة هل نحن مجموعة الطلاب الذين اكملو دراستهم فى السودان يعتبرون ضمن هذا الحصر

اذا كان كذالك سجل عندك

عبدالرحيم مصطفى عبدالرحيم

كلية التجارة

شركة داركا للتجارة والخدمات

مدير مالى

م 0912575708



وبعد ردي عليه أرسل هذه:

Quote: شكرا الاخ سامى
واتمنى من جميع البرالمة دفعتى المبادرة يالتسجيل والمشاركة لانى اجد مشاركاتهم ضعيفة
وحقيقة اتمنى ان اكون احد اعضاء سودانيز اون لاين من اجل مشاركتكم فكريا فى بناء صرح جمعية خريجى الزقازيق
كنت ناوى ان انتقل فى شهر ينابر من العام القادم الى القاهرة للتفرغ للدكتورا فى جامعة القاهرة ولفت نظرى منح جامعة الزقازيق ارجو ان تستفسر لى عن هذه المنح خاصة بالخريجين من الجامعة فقط ام لنا نصيب فى هذه الفرصة النادرة باعتبارنا
درسنا فقط سنتين فى الجامعة
من واقع متابعاتى لهذا المنبر اتوقع ان يكون لكيان هذه الجمعية شان كبير وانشاءالله سوف تكون الشركة من انجح شركات المساهمة كيف ولا والمساهمين قبل ان يكونوا مساهمين مرتبطين وجدانيا بهذا الكيان
كيف ولا والمساهمين يتميزون بهذا الكم الهايل من التعدد فى المجالات العلمية المختلفة والخبرات والعلاقات التى سوف تكون اساس نجاح هذه الشركة
انا حاليا اعمل فى بورتسودان هل هنالك من الاعضاء من يشاركنى السكن فى هذه المدينة الساحرة وذلك بقرض المواصلة
عبدالرحيم مصطفى
0912575708




نرجو من الأخوة في اللجنة التنفيذية تولي الرد عليه بخصوص إستفساراته

وله منّا ألف تحية
Post: #6980
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-02-2010, 01:51 PM
Parent: #6978

هزلول المذهول ... قائد الاسطول "يوميات عائد من الاجازة"
Post: #6981
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-02-2010, 05:52 PM
Parent: #6980

ف وهو ان تكون (بنات شيوخكم ) , جميعهن زوجات جديدات لكم , كل صباح وتكون انت , زوجا جديدا لها , كل مساء
ههههههههههههههاى وين الكلام ده فى ياتو كوكب
على العموم لو مجرد لو.......لو تحققت الاولى
قطع شك التانيه بتحقق اتوماتيكيا
بعدين انت ما عارفين الهرشنى منو
اسالو حاج الركز
==============
بت حوفى الله يكملك بعقلك ويوفقك
ويستجيب لدعاك قادر يا كريم
ويخلى ليك رشيد القوم
=============
الشادى حبابك مرة واحده بس
غير قابله للتعدد
==============
بدات حملة مكافحة البعوض
بلا يا جلا يا حبيب اظهر
الملاريا سلامتك منها
=============
النضيف كرم الحاجه الوالده يفوق الوصف
الا ان ضيق الوقت منعنا من قهوه كاربه
Post: #6982
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 10-02-2010, 07:22 PM
Parent: #6981

سلامات ...

ياسر نجيلة.....
عزام....
محمدالمرتضى ....

الف الف مبروك ويتربوا فى عزكم يا رب
Post: #6983
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-03-2010, 06:45 AM
Parent: #6982

منصور عبد الرازق
Quote: وهو ان تكون (بنات شيوخكم ) , جميعهن
زوجات جديدات لكم , كل صباح
وتكون انت , زوجا جديدا لها , كل مساء
بالله المكنة دى , لو قسمت معاكم , ورونى
ولو ما قسمت , انسحبوا تكتيكيا


إنسحاب
إنسحاب
إنسحاب
ياشباب إنسحاب
تكتيكي والله ما تكتيكي
إنسحاب
Post: #6984
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-03-2010, 06:54 AM
Parent: #6983

منصور الحكاي
Quote: لم اعرف ان التلاميذ يعودون بعد (حصة الساندوتشات ) عشان يحضروا حصة تالتة اسمها (دين )
الا بعد مضى اسابيع عديدة
وتم ذلك بالصدفة البحتة
لأنو فى واحدة قريبتنا بيتهم جار للمدرسة
قبضتنى ليك , اتقدل وانا ماشى (اجضم فى سندوتش فولى المخلوط بالطعمية )
فعملت لى فاتن حمامة مع الجماعة
بعد داك عرفت انو فى حصة تالتة اسمها (دين )
ما ابعد حجازى عن هذه الخواطر

يا أخي عجبتني جنس عجب قصتك دي يا اخي
بس كفاية تحكيها لينا نحن بس أوعى تحاول تحكيها لي لحجازي
مسافة بعيدة جداً عشان يستوعب ده لو ماقاليك إنت جاي من وين يابابا
( إنت فين والحب فين )
بس قصة حصة الدين قصة لذيذة يا منص
إن شاء الله الدين بعد داك ظبط معاك !!
Post: #6986
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-03-2010, 07:03 AM
Parent: #6984

العزيز زهير الزناتي
Quote: قصة بمناسبة العودة للمدارس
من ايميل بعثه قيس جمال الدين

قصتك راقية
لانها منك
ولانها من قيس جمال الدين
ولانو القصة نفسها فيها الكثير من المعاني الجميلة
أمبارح بالصدفة من أصدقاء اتنين كنا بنتناقش نقاش مثقفاتية عن أساليب التعليم وأهميتها
أحدهم أدلي بملاحظة راقية جداً
حيث كان يشتكي وهو صغير من ذكاء مفرط يجعله يحس أنه يجلس مع مجموعة أغبياء
بعض الاساتذة كانو يقدرون ذلك وبعضهم لا
هذا الصديق تخرج من كلية الطب جامعة الخرطوم
إرضاءً لاهله وبعد التخرج
ترك الطب ليعمل في البزنيس إرضاءً لنفسه
يقول
أن طرق التعليم الحالية في العالم العربي ( السودان ) تحديداً
تؤسس لتخريج حمير
كيف ؟
يقول هل تدري أن المنهج إفترض أن فهمي للحصة يجب أن يكون خلال 45 دقيقة
قبل ذلك انا لن أفهم
وفي الواقع انا فهمت من ال 10 دقائق الاولى
ولكنهم أجلسوني باقي الوقت ليعيديو ويكرروا لي
وهكذا فعلوا بي باقي اليوم الدراسي وباقي الاعوام وباقي عمري
النتيجة
يجلس الموظف في المكتب 8 ساعات قسرية لانهاء الاعمال
وفي الواقع يمكن أن ينهييها في اقل من ذلك ولكنه النظام
النظام في النهاية خرج
حمير
( كما يقول )
كان نقاشاً ثراً ومفيدا

أرجعتني خاطرتك الحلوة زهير إلى نقاش الامس
وفعلاً التعليم ( من قبل الاساتذة والجهات الرسمية ) يجب أن ينظر إليه على انه فن وإبداع
ليتمكنوا من إخراج كل الابداع من نفوس الصغار والكبار
لكن
لا حياة لمن تنادي
كل التحية
Post: #6985
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-03-2010, 06:55 AM
Parent: #6983

Quote: النضيف كرم الحاجه الوالده يفوق الوصف
الا ان ضيق الوقت منعنا من قهوه كاربه


شكرا" يا ريس ما عدمناك
الوالدة دايما بتسأل عنك وعن زهير ( الولد الاحمر )
والوالد بيسأل عن الضابط (الكوتش ) وعن شريف عباس الشريف وعمر بسكو
وطلب منى تلفوناتهم وعاوز يتواصل معاكم ويكون عضو فى الجمعية
ولو عرف حكاية الاسهم دى اكيد حيحجز ليهو كم سهم ( بالواسطة ) طبعا"
Post: #6987
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-03-2010, 07:08 AM
Parent: #6985

يا سلام يا نضيف
Quote: ها يا منص والشادى نحن من يوم الاتنين الفات مع عناب KG1
بعد ما ترجع من المدرسة تاخد ليها نومة ونصحيها للغداء تحلف تقول الا تلبسونى
هدوم المدرسة ، التلاجة مليانة اقلام رصاص والبتوجار علبة الوان
تحت الكنب يا برايات ويا استيكات والكنبة الوراء فى العربية حدث ولا حرج

بعدين ننزل ليكم صورهم مع ( التيتشــرات )

عجبني مشوار عناب الاول للمدرسة
الله يخليها ليك وتشوفها عروس ان شاء الله
وانا عارفها بت تفتيحة عملت التلاجة مخزن والبتوجاز درج الدراسة
عافي منك يا عناب


على فكرة أنا تعبت مع الزول الاسمو طارق جبريل وأنا أقول ليهو إنو أحسن بوست في المنبر على الاطلاق هو بوست ملائكة زقازيقاب
الفهيو صور الاولاد
وقلت ليهو في كل مناسبة نادي على الناس تنزل الصور
يعني هسي
نزول الست هانم عناب للمدرسة
وتشريف الاستاذ حجازي للمدرسة
دي مش مناسبات هسي بالله يفترض نصورها وننزل صور العيال عشان نفرح ونضحك شوية

مجرد إقتراح
لو النضيف نفذ
كلنا راح ننفذ
Post: #6988
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-03-2010, 07:20 AM
Parent: #6987

صباح الهناء والسرور ...

كمال الشادي بسحروك يا حلو لو شافو المداخلات البكورية المليانة (ومتمسحة شديد) .. مثل دومينيكاني ...
Post: #6989
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-03-2010, 08:25 AM
Parent: #6988

يا البادي
شوتك ضفاري يمين
Quote: مثل دومينيكاني ...

ما تريحو الزول شوية

يا البادي يعني كوركت ليكم بي هناك ما رديتو على
إنت وميسرة وموسى عيسي
يا أخوانا
الزول الافاكتو بعد كم يوم بس بيخلص شغلو ويقول ليكم خلصنا الحصة
هاتو القروش
ما وريتونا لحدي هسي حاتلموها كيف ؟
Post: #6990
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-03-2010, 08:38 AM
Parent: #6988

صبحكم الله بالخير

بالرغم من أن زهلول لم يدخل في الغريق في يومياته عن اجازة السودان...
الا انو شحتف روحنا عديييل كده..و قمت الليلة من الصباح مشتهي السودان...
قعده في الحوش الصباح تشرب الشاي مع الحاج...قهوة الحاجة المدنكلة...
حفلة عرس...بطيخة حمرااااء...مباراة للهلال...مسالمة الناس و محاننتهم...
و محمد صديق...و ضحكة من القلب مع محمد المرتضى...

من زمان أعرف العلاقة بين طوق ال###### أو الحمار و بين الموبايل...
لكني سأذيعها اليوم..
أينما ذهب ال###### يؤتى به من طوقه...
كذلك أينما تذهب يؤتى بك من موبايلك...
أمبارح تكاثرت علي المكالمات التي لا تصد و لا يغلق دونها الموبايل...
فغنيت للموبايل من جوه قلبي...
أعطني حريتي أطلق يديا...انني أعطيت ما استبقيت شيئا

أخيرا...
أول يوم لي في المدرسة لا أذكره بكل تفاصيله...
و لكن أتذكر أول يوم لأمنية بالمدرسة KG1...
أدخلناها الى الصف و عندما أردنا الذهاب أطلقت صرخة الاستغاثة...
فلم أستطيع و لا نجاة أن نغادر و لكننا وقفنا خارج الصف حتى هدأت...
كان هنالك أستاذ هندي يتحدث اللغة العربية الفصحى...
قال لنا ان أول يوم للKG1 كيوم كربلاء يكثر فيه العويل...
Post: #6991
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-03-2010, 08:49 AM
Parent: #6988

Quote: أؤيد التعددية حتى إمرأة واحدة فقط كحد أعلى ( نعم لا )
لا أيود الزواج من اصلو ( نعم لا )

ياسر نجيلة السؤال القبل الاخير ده كيف بالله ؟




الشادي ياعسل ...
ريحتني في حناني زاتوووو ...
بالله بت الشيخ تضحك الليل الكلو ...
ودعواتا فاتت بتاعة نجاة حوفي ...
الحمدلله التعديدة ممكن تكون في واحده بس ... كما افتي شيخ الشادي ...


البي الاحمر ده بتاعتكم يا تبلدينا ... وهاني برعي ...
Post: #6992
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-03-2010, 10:16 AM
Parent: #6991

أخونا محمد المرتضى مبروك المولود ويتربى في عزكم وجعله الله من الصالحين .. إنشاء الله يطلع زيك كدا زول روحه حلوة وظريف ...

أخونا الحاج جلا .. حمدا لله على السلامة .. يا جماعة جلا دا ولي صالح من أولياء الله يعني دمه دا حيعوق الباعوضة لأنه كامل الدسم وكله بركات .. دا عامل زي تمساح حاج الماحي ...

يعني مدارس الخليج قفلت وفتحت وما إستمتعنا بي نجاة حوفي ولا منى يونس ولا عفاف ميرغني .. وتاني حيجوا يقولوا مشغولين مع المدارس والإمتحانات .. تقوللي تعددية .. وما ننسى التلاميذ الجدد ...

يا ديدو .. إنت خليت التربية وبقيت محاسب .. وفتحت إضنيننا للشمار وخليتنا في الإنتظار .. إنت فاكر البوست دا ما فيهو ريس .. دا نحن عندنا ريسين وعندنا مجموعة عقداء .. وكمان عندنا حركة شعبية .. أحسن ليك جيب الشمار أو حنختطف عناب من المدرسة ...

أبوالزوز شكلو إستلم الإقامة وتاني ما في مداخلات فجرية وفرق التوقيت وكدا .. برضو مشتاقين ليك وتعال بي قيدك أقصد كفيلك .. مثل خليجي ...

زوبة ست الأمجاد تعالي إنشاء الله متاوقة ساكت .. قف .. البوست ليس به بوليس حركة .. يعني ما تخافي من الإيصالات المرورية .. ولو لا قدر الله حصل المحظور الزناتي بقى مغترب وحيدفع ليك المخالفات ...

الكوتش محمد صديق .. وين أيامك وين يا كحيل العين .. مش قلت شقيقك بقى كويس .. وطيب ...
Post: #6993
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-03-2010, 10:35 AM
Parent: #6992

Quote: أخونا محمد المرتضى مبروك المولود ويتربى في عزكم وجعله الله من الصالحين .. إنشاء الله يطلع زيك كدا زول روحه حلوة وظريف ...


يا البادي حرام عليك...

مالك بتدعي علي المولود في باقي شهر شوال ده...
Post: #6994
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-03-2010, 10:43 AM
Parent: #6993

Quote: الوالدة دايما بتسأل عنك وعن زهير ( الولد الاحمر )
والوالد بيسأل عن الضابط (الكوتش ) وعن شريف عباس الشريف وعمر بسكو
"


انت يا ديدو الوالده دي ماله فرازة كده....
عمر بسكو ده بنفسجي...ما برضو أحمر زي زهير...
Post: #6996
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-03-2010, 10:53 AM
Parent: #6994

Quote: أحسن ليك جيب الشمار أو حنختطف عناب من المدرسة


يا بادى روووق ، انت ما عندك صبر يبل الابريه

عناب دخلها شنو ...

الكلام على الناس الختفو العربية ؟؟؟؟

وبرضو ما تدخل الفلم !!!


الاهداء ( لدعاء ) الريس

sudansudansudansudan233.jpg Hosting at Sudaneseonline.com
Post: #6995
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-03-2010, 10:52 AM
Parent: #6992

Quote: بالرغم من أن زهلول لم يدخل في الغريق في يومياته عن اجازة السودان...
الا انو شحتف روحنا عديييل كده..و قمت الليلة من الصباح مشتهي السودان...
قعده في الحوش الصباح تشرب الشاي مع الحاج...قهوة الحاجة المدنكلة...
حفلة عرس...بطيخة حمرااااء...مباراة للهلال...مسالمة الناس و محاننتهم...
و محمد صديق...و ضحكة من القلب مع محمد المرتضى...

الرشيد اموت واعرف الزول القاعد يكشف ليك مذكراتي دا منو رغم انو قاعد اكتب من الذاكرة مباشرة
انعل ابو التكنولوجيا ياخ عقدتونا...
جاييك ياحبيب لكل ذلك وغيره ... غايتو حفلات العرس دي بجضما ليك لانو حضرت لي ذي خمسة حفلات زفاف وخمسة حفلات حنة وعشرة قيدومات وطهورين وثلاثة سمايات وتسعة دفن بالمقابر ودشرمية فاتحة نسأل الله العافية بس ...
ومباراة الهلال يوم العيد والعيد عيدين ونادي الشرطة وعزومة ناس زهير والتي جملتها بالتأكيد ضحكات محمد المرتضى وقفشات الكوتش

الرشيد ... بطل كشف امتحانات بالله
Post: #6997
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-03-2010, 11:27 AM
Parent: #6995

ديدو...ما شاء الله تبارك الله...ربنا يحفظها و ان شاء الله تشوفها دكتورة كبيرة...


Quote: الرشيد اموت واعرف الزول القاعد يكشف ليك مذكراتي دا منو رغم انو قاعد اكتب من الذاكرة مباشرة
انعل ابو التكنولوجيا ياخ عقدتونا...


يا جلجل عشان تآمنو....
Post: #6998
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-03-2010, 11:32 AM
Parent: #6995

الرشيد اخينا الشريف اخدر وعمر بسكو خاتف لونين
مع انو ما من كسلا ....


،،،،،


هاكم القصة دى ويا ريت لو جاء بكورى وجلا ليحكو لينا تجاربهم مع ( الانتشار )


الطيارون المتحدون
الفاتح جـــبرا
ـــــــــــــــــــــــــــــــــــــــــــــــــــــــــــــــــــــ

كنت أتصفح إحدى الجرائد بالأمس حيث وجدت إستطلاعاً تم فى الأسواق يوضح أسعار السلع الضرورية والتى شهدت إرتفاعاً مخيفا حيث جاء أن
سعر كيلو اللحم الضان 22 جنيهاً والعجالى 18 جنيهاً وكيلو الطماطم 20 جنيهاً هذا غير بقية السلع الضرورية الأخرى كالسكر والزيت والبصل والخضروات والرغيف الذى أصبح تحتاج رؤيته إلى (مايكرسكوب) ،قلت لجارى الذى كان يجلس معى وأنا أناوله الصحيفة :
- بالله هسه المواطن العادى .. والناس الدخلها محدود يعيشوا كيف؟
- والقال ليك يا أستاذ الناس دى عايشة منو؟ يا أستاذ الحالة وصلت مرحلة صعبة خلاس
- كيف يعنى؟
- ما عاوزة ليها كيف يا أستاذ ! مافيش أى علاقة بين (الدخل) والمنصرف
- والله فعلاً مافيش أى علاقه
- تعرف يا استاذ تحت وطأة غلاء اسعار السلع الضرورية والخدمات مع ثبات الأجور والمرتبات و(العطالة) بقت فى ظواهر سلوكية (غريبة) مجتمعنا ما كان بيعرفا ولو حكيت ليك عنها ما ح تصدقا
- زى شنو؟
- بتعرف حاجه إسمها (الطيارين) يا استاذ؟
- مش ديل البيسوقو البويينج والجامبو والحاجات دى ؟
- جامبو شنو يا استاذ ... إنتا المصطلح ده ما مر عليك ؟
- لا والله.. معناتو شنو؟
- الطيارين ديل البمشوا يفتشوا مكان (البكيات) و(الأعراس) عشان ياكلو ويشربو وكده !
- والمشكلة وين يعنى؟
- المشكلة إنو المناسبات البمشوها دى ما عندهم بيها أى علاقة وما بعرفو الناس بتاعنها
لما كنت خالى ذهن وليست لدى اى فكرة عن المسألة فقد طلبت من محدثى أن يمدنى بما يعرفه عن هذه الظاهرة حيث إستعدل فى جلسته :
شوف يا استاذ فى نوعين من (الطيارين) ... طيارين بتاعين (أفراح) وديل بتكون حالتهم المادية شويه ما بطاله يعنى شكلهم فيهو شوية (ترطيب) وكمان بيلبسوا كويس ... يعنى عندهم غيار غيارين ما بطالين والواحد أول ما الواطة تمغرب يقوم ياخد ليهو (دش) ويلبس على (سنجة عشرة) ويتظبط تمااام ويا حبذا لو كمان فيها شوية (ريحة) وعلى أقرب صالة أفراح وللا صيوان عرس ... يقوم يضرب ليك (العشاء الفاخر) ويشرب ليهو (كم بارد) ويسمع ليهو (كم أغنية) وإحتمال لمن الحفلة تجوط يدخل جوة (الحلبة) ويقعد (يهز) فى البنات ويشيل ليهو (كم شبال) !
- إنتا يا أستاذ ما قاعد تسمع فى الأعراس دايماً إنو (العشاء ما كفى الضيوف)؟
- أأى مرات يقولوا ليك أهل العريس لسه ما إتعشوا والعشاء خلص
- ده ما من الطيارين ديل .. تكون عازم ليك خمسمية نفر يجوك خمسمية طيار !

ثم واصل محدثى : أما أصحابنا ناس المأتم والبكيات ديل فهم ماشة معاهم (زى العسل) .. الواحد بيكون مجهز (عدة الشغل) .. (جلابية تترون) بيضاء نضيفة و (عمة توتال) وشال ومركوب وما يسمع ليهو بى بيت بكاء إلا يقوم (يتلبس) ويمشى يشيل الفاتحة ويقعد قعدة واااحدة ... الشاى .. القهوة.. الموية البااااردة ... الفطور ... الغداء ... العشاء وكمان (الجرائد) ... ويقوم يرجع عشان يجى تانى يوم .. لحدت ما البكا (يخلص) ويرفعوا الفراش .. ومرات بعد ما الفراش يترفع والناس تدخل (صالون البيت) الطيار بيكون قاعد .. بس دى عاوزة ليها (طيار عينو قوية شوية) !
- والناس دى ما عندها شغل تمشى ليهو؟
- شغل شنو يا أستاذ مع (الأطايب) دى .. أفرض الطيار ده شغال ح يعمل شنو؟ والله إلا يكون طيار أيربص
حتين يلاقى ليهو وجبات زى دى
شردت بذهنى إلى الوراء مستعرضاً صورة (المواطن) عندما كان عفيفاً مترفعاً عن كل ما يشين سمعته وسلوكه ولم يقطع حالة شرودى هذه إلا صوت محدثى قائلاً :
- وكمان يا أستاذ فى (طيارين) نسوان !
- كيف يعنى؟
- بى نفس الطريقة .. الواحد مما تشوف ليها بيت بكا وإلا بيت عرس إلا (تتظبط) وتظبط (الشفع) وتمشى
وده كلو يا أستاذ كوم و(الطيارين المتحدين) كوم تانى
- وديل شركة !
- لا ما شركة .. ديل (أسر) يعنى (عوائل) عديل كده ... بيلعبوا ليك (صالات الأفراح) راس .. الطيار ومرتو وأولادو (يطقموا) ليك وكل يوم والتانى على واحدة من صالات الأفراح .. ياكلو ويشربو وينبسطوا ... وطبعن مافيش زول بيشك فيهم !
- (مواصلاً) : عرفتا يا أستاذ العشاء بتاع الأعراس قاعد يقصر ليه ؟؟ والله يا استاذ الحالة دى لو إستمرت كده الشعب ده كلو بعد شوية يكون (طيارين) !

كسرة :
قيل أن أحد (الطيارين المتحدين) قد توجه نحو أحدى صالات الأفراح الفاخرة .. وعندما دخل ومعاهو الأولاد فوجئ بأن الصالة كوووولها (جلاليب) وعمم .. كما فوجئ بعدم وجود (كوشة) أو (فنان) وللخروج من المأزق قام (قطع ليهو إسم من راسو) مخاطباً الأشخاص الذين أمامه :
- يا جماعه ده مش عرس ناس (عوض عثمان) ؟
- لا والله دى الجمعية العمومية بتاعت بنك التنمية
Post: #6999
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-03-2010, 11:42 AM
Parent: #6998

يا جماعة عندي كسل كتابة
لكن عايز اتشمط مع كمال الشادي
Post: #7000
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-03-2010, 11:45 AM
Parent: #6999

يا ود الشادي تعال لي هنا:
حفرة دخان سكينة بت ود جيب الله
Post: #7001
Title: Re: ناس الزقازيق ... أجدع ناس ( 3 ) ..
Author: Tabaldina
Date: 10-03-2010, 12:26 PM
Parent: #7000

..
.
Quote: البي الاحمر ده بتاعتكم يا تبلدينا ... وهاني برعي ...

قرقر قرقر قرقر
انا دا يا نجلية .. عارف نفسي .. لكن ريحتنى فى حنانى
بادخالك للكاشف هانى اخووووى ..

-------------

اها عملتو شنو فى تربية الاولاد ؟؟
قلبتوهت تعددية .. وتجددية ..
Post: #7002
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-03-2010, 08:33 PM
Parent: #7001

سلام يا شباب ومساءكم فل وياسيمن

Quote: يا البادي يعني كوركت ليكم بي هناك ما رديتو على
إنت وميسرة وموسى عيسي
يا أخوانا
الزول الافاكتو بعد كم يوم بس بيخلص شغلو ويقول ليكم خلصنا الحصة
هاتو القروش
ما وريتونا لحدي هسي حاتلموها كيف ؟


يا شادي طريقة الدفع واضحة جداً ، يتم التسديد مباشرة على الحساب

بمعنى يتم فتح حساب بالبنك والناس البعيدين يتم التسديد في الحساب
Post: #7003
Title: Re: ناس الزقازيق ... أجدع ناس ( 3 ) ..
Author: مني يونس
Date: 10-03-2010, 09:05 PM
Parent: #7002

تحياتي وأشواقي لكم جميعاً
التهنئة لكم جميعاً في أفراحكم
والتعازي القلبية لكل من فقد عزيز لديه
تابعنا صفحتكم التعددية وصفحة الهارشين
والحمد لله تم التراجع من الجميع ،،، سلام وأمان

مرحباً بالعودة إلى المدرسة ومرحب بالعودة إلى العمل ونكرر لكم أحلى صورة في البوست .
sudansudansudansudan236.jpg Hosting at Sudaneseonline.com
Post: #7004
Title: Re: ناس الزقازيق ... أجدع ناس ( 3 ) ..
Author: مني يونس
Date: 10-03-2010, 09:07 PM
Parent: #7003

تحياتي وأشواقي لكم جميعاً
التهنئة لكم جميعاً في أفراحكم
والتعازي القلبية لكل من فقد عزيز لديه
تابعنا صفحتكم التعددية وصفحة الهارشين
والحمد لله تم التراجع من الجميع ،،، سلام وأمان

مرحباً بالعودة إلى المدرسة ومرحب بالعودة إلى العمل
sudansudansudansudan236.jpg Hosting at Sudaneseonline.com
Post: #7005
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-03-2010, 10:35 PM
Parent: #7004

الليل يرخي سدوله ويعم الهدوء

وتسكن المدينة فرحاً بهذا الجميل

أحب الليل وأعشقه لما فيهو من أحاسيس ومشاعر

دعيني أخرج منك بعيداً عنك ،،،
أعرف أنني سأتوه وسأعود لأبحث عنك فيك،،،

دعين أراك بعين أخرى وأحبك بحب آخر،،،
بحثت عنك فوجدتك وبحثت عني فوجدتك ،،،
أنتي ألف روح تسكن جسدي ،،،،

أحب الليل وناس الليل وإلى بيكتوا خواطرهم باليل،،،
ناس النهار ما معانا رسالة للحبيب جلا،،،،
Post: #7006
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-04-2010, 05:15 AM
Parent: #7004

صبحكم الله بالخير و السرور

نمت البارحة نوما هانئا بعد أن أسعدنا الهلال بفوزة على الاتحاد الليبي...
لم يكن الهلال يلاعب الأهلي المصري و لا الترجي التونسي و لكن الحملة الاعلامية أوحت لي بذلك...
و أظن أن جمهور الهلال نفسهم شحنوا و كأن فريقهم لا يلاعب نفس الذي هزموه بأرضه..
على أي حال مهما كان الأمر و مهما كان الفريق الذي يلاعبه الهلال الا أنه أسعدنا...
و أسعد جماهير الرياضه و جماهير الهلال التي تقاطرت الى أرض الملعب...
و التي ظلت في البيوت و أنظارها معلقة بأجهزة التلفزيون...
أو تلك التي لم تصل الى تلك الدرجة من الرفاهية بأن تمتلك قناة الجزيرة المشفرة...
فعرفوا النتيجة عن طريق التواصل مع صديق أو قريب...
أثناء مشاهدتي للمباراة شاهدت أحد المشجعين يكاد يكون توأم زهير الزناتي...
قلت صحي زهير الزناتي ده ولي من أولياء الله الصالحين...
لكن ما للدرجة دي...
المرحلة بتاعت الانتقال عبر الزمان و المكان دي بدري عليهو...
Post: #7007
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-04-2010, 05:47 AM
Parent: #7006

كلمات أعجبتني

رأيت فقيراً يبكي فقلت ما الخبر؟

قال: الأسهم تلاشت وليس لها أثر

وطلبت من الصراف سلفة فاعتذر

وكل شئ زاد سعره إلا البشر

الأغنام والجِمال والدجاج والبقر

والألبان والأ######## والفواكه والخُضر

وابن آدم لايزال ذليلاً ومحتقر

وازداد الفقر بين العوائل والأسر

والراتب ينتهي قبل نصف الشهر

والدنيا تسير من جرفٍ لمنحدر

فقلت له: إذا ابتليت بالهم والكدر

قم وصلِ لله ركعتين قبل السَحَر

فهو يرزق من دعاه بجناتٍ ونهر

وتأمل في الطبيعة وضوء القمر

واستمتع بشذى الورد ولون الزهر

وأعلم بأن الحياة ليست مستقر
*************

ابشر بما يثلج صدرك

يا من يشكو من كثرة الذنوب

يا من يشكو من الهم

يا من يشكو من الضعف

يا من يشكو من الفقر

يا من يشكو من الضيق

أبشر بما يثلج صدرك !!!

قال تعالى:
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}‏

يُرْسِلِ السَّمَاء عَلَيْكُم مِّدْرَاراً{11}

وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

وقال سبحانه على لسان نبيه هود عليه السلام:

وَيَا قَوْمِ اسْتَغْفِرُواْ رَبَّكُمْ

ثُمَّ تُوبُواْ إِلَيْهِ

يُرْسِلِ السَّمَاء عَلَيْكُم مِّدْرَاراً

وَيَزِدْكُمْ قُوَّةً إِلَى قُوَّتِكُمْ

وَلاَ تَتَوَلَّوْاْ مُجْرِمِينَ

{52} هود


وقال صلى الله عليه وآله وسلم:

'من لزم الاستغفار

جعل الله له من كل هم فرجا

ومن كل ضيق مخرجا

ورزقه من حيث لايحتسب'


استغفر الله العظيم الذي لا إله إلا هو الحي القيوم وأتوب إليه

استغفر الله العظيم الذي لا إله إلا هو الحي القيوم وأتوب إليه


=================================================================
مبروك المولود ... يا محمد المرتضي ...

مبروك للهلال ... والله امتعنا وفرحنا ليهو ...
ياالبادي ...قول لود خالتك ده ... (ود خلتو حارس مرمي الهلال المعز محجوب) ...
يوم بتوقف ليك قلب مشاهد ... حتي لو كان مريخابي ...

ومبروك kg1 عناب بت المحاسب النضيف ....
Post: #7008
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-04-2010, 07:43 AM
Parent: #7007

صباح الخير ،،، يا وجوه الخير ،،،

أصبحنا وأصبح الملك لله وحده ،،،

اللهم اجعلنا ممن يسمعون القول
ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة
الدنيا وهم يحسبون انهم يحسنون صنعا ً
Post: #7009
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-04-2010, 08:04 AM
Parent: #7008

صباح الهناء والسرور ...

السيدة الأولى منى يونس قلبتا .. بالرغم من إنه إنقلاب رئاسي لكنه يصب في خانة مسواة المرأة بالرجل في مجتمع الزقازيقاب الرائع .. يعني عندنا المرأة ممكن تقلبا وعادي جدا .. وراء كل عظيمة قلابة رجل .. مثل ماليزي ...

ملايين الترحيبات بياسر نجيلة .. المعز محجوب أنقذ أهداف أكيدة وباقي الحاجات والحركات دي عشان نكف العين عين ناس محمد عيد وأخوانه المريخاب الحاقدين ...

رشيد القوم والله الزول محمد المرتضى دا زول لذيذ جدا وطاعم خالص .. الحقيقة أنا أول مرة أشوفو وأقابلو مان تو مان .. يا ربي يكون دا الحب من أول نظرة اللي بيتكلمو عنو ...

مبروك للهلال ومبروك للسودان هذا الإنتصار الحلو وعقبال كاس الكنفدرالية ...
Post: #7010
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-04-2010, 11:52 AM
Parent: #7009

سلام لاجدع ناس
متاوقه تلبي لطلب البادى
مبروك المولود يا محمد المرتضى
ومبرومك المدرسة لعناب وحجازى وكده حيكونو اولاد دفعه مع دودو
مع مراعاه فروق التقوي

مبروك للهلال ويالرشيد ما شفت فرحة الجماهير فى الاستاد
طبعا فوز الهلال عندنا ليهو طقوص خاصه
عمر بكون كلعادة فى الاستاد
بيتصل بعد نهاية المباراه يقول اجهزو
طوالى يقوم دودو يلبس لبس الهلال ذو الرقم 8 وعبد الرحمن 10
وريل المريخابيه تقشقش فى دميعاتا من المكاواه
فبطيب خاطرا واقول ليها انتى ارح اتفسحى ساى
مجرد ما نتحرك وهاك يا تيت تيت
واعلام الهلال
وحمادة مصرح ليهو يطلع بره العربيه
ومن الاستاد لمعسكر الفريق
ولا زم راجعين بمغانم كتيره
يا سلام يا هلال
Post: #7011
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-04-2010, 06:00 PM
Parent: #7010

مبروك للرشاشات
Post: #7012
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-04-2010, 07:44 PM
Parent: #7011

مساكم الله بالخير

جبريلا يسعد مساك يا الأهيف...
حاولت جاهدا أن أعرف الرابط العجيب بين الأهيف و الرشاشات فلم أستطع...
ربما أستعين بصديقي منصور في ايجاد الرابط...
رغم حيرتي الا انني استمتع بالأهيف...
يديك العافية يا جبريلا...
Post: #7013
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-04-2010, 08:25 PM
Parent: #7003

مساكم ليلكى.. حالم..
شكرا يا منى على مرورك على صفحة التعددية وتلخيصا لى لانى بصراحة لا قريتها ولا اكذب عليك..
خايفة من حاتم جبارة يجى يهرشنى لو قلت ليكم برنامجى اليومى خصوصا انه المدارس عندنا فتحت من يوم 19 -9
امبارح اتصلت بعمتى عشان تقرا الصفحة الفاتت قلت ليها طرف الموضوع قالت لى الله يعرس ركابينهم البجيبوا سيرة العرس ديل .. قالت ليكم مالكم عليها .. هى اصلها الايام دى زوجها منتدب فى مشروع فى السودان قاشر وراكب العربية الما خمج واخواتها خوفوها قالوا ليها والله السودان بس علبة ماكنتوش مشتتة فى كل مكان...
استنادا على ما شهادة منى يونس والثقة الكانلة فى مرورهاو وبما انكم انسحبتوا تكتيكيا كلكم واقريتوا انه التعددية تعنى واحدة
وبما انه منصور سندى قال انه كل يوم يمر هو احلى واجمل واجد فى العلاقات
اقر عن نفسى ونيابة عن بنات الشيوخ كلهن..
ببراءتكم جميعا ودى دعوات خاصة ليكم جميعا..
الله يبسط رزقكم ويعليكم ما يدليكم .. يعلى مراتبكم ورواتبكم.. ويديكم الصحة والعافية والبيت السمح
لا تضوقوا لا تعب ولا صعب
بس ..بس خلوا بالكم انه بت الشيخ
طفلة حين تلعب وعاصفة حين تغضب
وحين تثور تعيد لها البراكين سرها
الله يسعدكم كلكم
تصبحوا على خير ودمتم سالمين
Post: #7014
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-04-2010, 08:30 PM
Parent: #7013

معليش يا عناب يا ست البنات نسيت اقول ليك كل سنة وانت حلوة ونظيفة وربنا يوفقك وانشاء الله يا النضيف
عقبال ما تشوفها فى الجامعة..
ومبروك يا حجازى منصور المدرسة الله يوفق اولادنا كلهم..
نحن فى ابوظبى اسلمنا جدول الmonthly test
انتوا يا دوب فى يوم كربلاء
دمتم سالمين
Post: #7015
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-05-2010, 05:45 AM
Parent: #7014

صبحكم الله بالخير

كنت أهتم زمان بدلالات الألوان...
الأصفر يرمز الى كذا و الأحمر الى كذا و الأصفر ايضا...
و لكن عند ظهور أول شيبة في شعري ذهبت تلك الاهتمامات مع المرحلة....
و أصبحت كل قمصاني باللون اللبني و البيج و الرمادي...
أهدتني بت شيخي قميص بمبي منذ فترة ليست بالقصيرة...
هذا القميص ظل حبيس الدولاب كل تلك الفترة لعدم اقتناعي بأن هذا اللون يناسبني...
قصدي يناسب عمري...
و مع الحاح بت شيخي بالسؤال عن القميص...
انت القميص ده ما عاجبك و لا شنو...
قررت أن أخرجه من محبسه و تخيرت له ما يناسبه من بنطلون...
اليوم أرتدي هذا القميص...لبسته اليوم و أنا أردد يا اللابس البمبي...
دخلت المكتب و شعرت ان الجميع الذين دخلوا ليصبحوا علي علقوا على القميص...
المصريين...أيه القميص ده يا بيه...
الهنود you look younger and smart today Sir....
الباكستانيين...شو هدا كشخة اليوم...
أما السودانيين و الأصدقاء منهم...شنو القميص الزي حلاوة قطن ده...
فتأرجحت مشاعري نحو القميص بين هذا و ذاك...
و يبدو انني لن ألبسه بعد ذلك الا لبت شيخي...
فهي الوحيده التي ستسحسنه علي...

صباحكم بمبي...
Post: #7016
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 10-05-2010, 06:51 AM
Parent: #7015

الصباح الباهي لونكم
تحيات وسلامات لكل الجدعان

رشيدنا يالابس البمبييييييييييييي
انعش روحك خليك رايق والبمبي برضه حق الشباب
ود جبريل دا زول غميس وبقول مافي كاس عندو كرش
كل الكؤوس هيفاء عشان كده الرشاشات بغنو للاهيف الابا مايريم
يعني كاس محموله جوا والمعنى بقلب ودجبريل ونتمنى فوز الهلال بالاهيف
عناب النضيفه وحجازي ودودو ود زوبه الامنيات بالتوفيق
Post: #7017
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-05-2010, 06:54 AM
Parent: #7015

141120092240.jpg Hosting at Sudaneseonline.com
Post: #7018
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-05-2010, 07:03 AM
Parent: #7017

يا رشدي سلامات يا اللابس البمبمي .... مسألة الالوان واللبس دي مسألة بتاعت ثقافة شعوب .... ونحن كشعب سوداني اسيرين للالوان الجادة والكئيبة ... عليك الله عاين الشارع في السودان تلقي الناس كلها لابسه اللون الرمادي ..... ليه ما تعرف ... يمكن عشان لون محايد وما بيشير لاي حاجة ... والتركيبة السودانية غامضة أو متواضعة ما عايزه تبين حاجاتها للناس .... اي زول فيكم ما عنده قميص رمادي يرفع يده .... اها شايف ولا واحد رفع قميصه اقصد يده .... عشان كده انا بعتقد تلبس القميص ده كل يوم .... تغسله بالليلة وتكويه ... وتكشر بيهو الصباح .... ياخي هي الدنيا اساساً رمادي وسوداء .... لازم نحولها للون البمبي والالوان الفرايحية دي .... اتفرج في المشجعين بتوعين الدوري الاوربي تلقي كمية من الالوان الزاهية والجميلة .... وشوف المشجعين عندنا في الاستاد ... الوان غامضة ... وكئيبة ... يلا يا جماعة غيروا من ثقافة الالوان في الشارع السوداني ... والمسألة برضو بتنعكس علي الوان البيوت وكل شئ ....
Post: #7019
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-05-2010, 07:45 AM
Parent: #7018

صباح الخير ،،، يا وجوه الخير

أصبحنا واصبح الملك لله وحده ،،،

سبحان الله , والحمد لله , ولا اله إلا الله , والله اكبر.


* قال رسول الله صلى الله عليه والة وسلم:
' من قال سبحان الله وبحمده 100 مرة
حطت خطاياه وإن كانت مثل زبد البحر '

أعزائي لنبدأ مشوار العمل اليومي بأن نردد
في الطريق سبحان الله وبحمده مائة مره كل صباح
Post: #7020
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-05-2010, 09:07 AM
Parent: #7019

الاخوان الاعزاء
الرشيد البمبي
وزهير الرمادي

هاكم المعلومات الراقية دي عن الالوان
-----------------

دلالات الألوان النفسية
تلعب الألوان دورا مهما في حياتنا وتؤثر في نفوسنا، وبدون الألوان تصبح الحياة كئيبة ومملة .. واختيار المرء لألوان معينة دلالة على ميوله ورغباته واستعداداته وحالته النفسية. ويمكن القول أن الألوان التي نختارها لنلبسها أو نعيش معها, هي انعكاس لحالة مؤقتة أو طويلة الأمد لكياننا. ورد الفعل النفسي لدينا تجاه بعض الألوان يرجع إلى حد ما للمعاني الرمزية التي تحتويها. وقد استخدمت ألوان معينة على مر العصور القديمة كرموز لها دلالات معينة لأولئك اللذين كانوا لا يجيدون القراءة. فمثلاً استخدم اللون الأبيض ليوحي بالطهارة، الأسود دلالة على الشر أو الموت،بينما كان اللون الرمادي يرمز إلى التوبة، وعلى نفس المنوال بقية الألوان.
الأخضر :
إن كنت تحب هذا اللون فأنت إنسان عاطفي تحب خدمة الآخرين وتحب الهدوء وتحنو على كل إنسان وتتميز بطبيعة لطيفة , وإذا واجهتك مشكلة فانك تحلها بهدوء ولا تلجأ إلى العنف والصراخ إلا في أضيق الحدود. يتصفون بالإنتاجية والصبر وبالدقة في عملهم, يعرفون كيف يحافظون على شبابهم حتى سن متأخرة يسيرون إلى تحقيق تحقيق غاياتهم بخطى بطيئة ولكنها ثابتة وكفيلة بأن توصلهم إلى هدفهم المنشود. هم اجتماعيون ونشيطون وفخورون بأنفسهم, لديهم أفكار نموذجية عن الحياة, أن نوع القلق المصاحب لهذا اللون يعبر عن نفسه بارتباكات في المعدة.
اللون الأصفر:
هو اللون المفضل للأذكياء, من يحبه إنسان عملي وموضوعي ويحب كل شيء ينتفع منه, يمتاز بالمرح والانطلاق, تهتم كثيرا بالأفكار الجديدة وتحب التغيير والتنقل من مكان لأخر ومن بيئة إلى أخرى سعيا وراء وجوه جديدة. وهو بالأساس لون التعقل والفكر والأمل, والذين يحبون اللون الأصفر اللامع هم أشخاص يتمتعون بتفكير اصلي ولديهم طاقات مختلفة بمستويات متنوعة, ويرغبون الخوض في مهمات ومشاريع عملية أكثر من خوضهم في الكلام غير الناضج. هم شخصيات متفائلة تستطيع أن تقيس الإحساس والمشاعر الجيدة والناضجة.
اللون الأبيض:
هو لون ذو الفكر الواضح النقي, ودليل على الترف, ومحبوا هذا اللون لديهم رغبة في أن يستحوذوا على الإعجاب وهم حريصون على النظافة, والأقرب للأمانة والثقة. والابيض هو اللون الذي يستحسنه اولئك الذين يفتقرون إلى قوة الملاحظة والبديهة وروح الانتقاد .
الكحلي :
هو لون التدين , يتمع ذوي اللون الكحلي بميل طبيعي إلى مساعدة الناس و وبرباطة الجأش والهدوء وقد لا يتكلمون كثيرا ونشعر بالارتياح معهم , إنهم في الغالب كبار ولطفاء وقادرون على طبع الهدوء والإحساس المريح في نفوسنا .
اللون البنفسجي:
هو لون العظمة والفخامة والتميز , فاذا كنت تحب هذا اللون فانك ذو شخصية صعبة , وان ثقتك بنفسك قوية . قد تكون أحيانا صعب الفهم. أصحاب هذا اللون يحبون أن يكونوا مختلفين.
اللون البرتقالي:
أنت من الأشخاص الودودين المسالمين, تعتز بنفسك وبكرامتك, كثرة ارتداء هذا اللون ( الباهت منه ) يدل على الحزن والضعف والخوف.
اللون الأزرق:
هو لون النفوس الحساسة, وان كنت تحب هذا اللون فانك تأخذ في اغلب الأحيان قرارات غير صائبة في أثناء تفتيشك عما ترغب انك إنسان مخلص وصريح وصادق, وتميل إلى الغوص في الأفكار الفلسفية. تقدر مشاعر الاخرين وتهتم بهم تميل إلى الصداقات الدائمة والمعمرة, وضيافة واستضافة الاحباب, والحياة الهادئة اللطيفة عندما لا تلبي حاجاتك فانك تميل إلى الانسحاب إلى داخل ذاتك واتخاذ موقف الدفاع, ومن غير المرجح أن يكون صاحبه رائدا مشهورا. إذا أردت أن تكون قائدا أو مجددا أو صاحب قوة غير عادية فلا بد من أن تستخدم اللون الأزرق بشكل كبير, لان اللون الأزرق يدل على درجة من برودة الأعصاب وعدم الحزم والقوة, ويفيد لبسه عندما نتحدث في محاضرة أو ندوة.
الوردي:
لون المرح والطفولة والعذوبة والأنوثة والوداعة فينفس الوقت . غير جديرين بالثقة على الرغم من لطفهم وجاذبيتهم يفتقرون لقوة الارادة .
اللون الأحمر:
هو لون الناس الذين يتصفون بالحزم والحيوية الدافقة, قوي شجاع وجريء وتحب المغامرة وتحب الآخرين, وتعشق الإثارة, الأطفال يحبون الأحمر والطائشون أيضا يحبونه, توجد لدى الأشخاص الحمر شهية هائلة للحياة يحيون كل يوم جديد بحماس لا يفتر يميلون بشكل أساسي إلى العيش في ساعتهم الآنية, وكان الزواج قديما يسمى ( القضية الحمراء) وفي الهند والتبت كان اللون الأحمر يرمز إلى قوة الخلق الموجودة في النساء والى طاقة وقوة العاطفة والى المشاعر النبيلة والايجابية, والعرب يصفون المرأة الجميلة بأنها حمراء اللون .
اللون البني:
الشغفون بهذا اللون أناس ذو شخصيات حازمة وقوية, وهم ما ديون أنانيون وميالون للتفتيش عن عيوب الغير, لديهم أذواق خاصة بهم, كما أن إحساسهم من جهة التوفير خاص جدا. صبورون يتحملون المكاره بصدر رحب وعند اخفاقهم لا يدعون اليأس يتطرق لنفوسهم كما أنه يحمل علامة الضجر وعدم الانسجام .
اللون الرمادي:
يختار هذا اللون المتحفظون الشديدوا الحذر, يتصفون بنقدهم اللاذع, حريصون على ألا يورطوا أنفسهم في شيء يأتي لهم بالملامة, والقماش الرمادي الغامق يبطيء الناس.
اللون الأسود:يرمز للتقاليد , ومحبي هذا اللون غامضون ويريدون أن يحترم الغير حياتهم الخاصة . يفضل هذا اللون المتشائمون وهذا اللون ليس لونا حقيقيا لأنه غير موجود في ألوان الطيف, والأسود يمتص جميع الألوان ولا يعيد ولا يعطي أي لون منها, وتدل التقاليد على أن الأسود هو لون الحزن في العالم الغربي وثقافاته, وهو لون تلبسه عندما تحتاجان تتحكم بالوضع والحالة, ولكن لا تتوقع أن تجمع الأصدقاء بسهولة أو أن تستحوذ على مشاعر الثقة عند الآخرين إذا كنت ترتدي الملابس السوداء
Post: #7021
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-05-2010, 09:10 AM
Parent: #7020

الاخوان الاعزاء
البمبي
والرمادي

مرة لبست قميص أورانج برتقالي
وطلعت الصورة
شالو حسنا ناس المغرب الوهم ديلك

تعالو أقرو الكلام ده بالله

كلنا نعرف ان للالوان تاثير على نفسية الاشخاص سواء بشكل كبير او بسيط...

وقد اتيت ببعض الالوان او بالالوان الشائعة وتاثيراتها على نفسية الانسان..

فمثلا:


اللون الأبيض يعني النقاء والوضوح واللون الأحمر يعني القوة والسطوة بينما أن اللون الوردي يعني الحساسية والحب.
ويسبب اللون البرتقالي التحفيز
أما اللون الأصفر/ الذهبي فيعطي الطاقة
في حين أن اللون الأخضر يسبب تناغم العقل، الجسد والروح.
ويسبب اللون الأزرق الشفاء والهدوء

والبنفسجي يعزز الروحانية
بينما يمثل اللون البني لون الأرض والطبيعة .

كما يسبباللون الأسود الاكتئاب والأغراء على حد سواء.



كشفت دراسة أجريت مؤخرا أن لون الملابس الذي يختاره الإنسان في الصباح قد يؤثر على مزاجه بقية اليوم.
.


ويشير الباحثون ........إلى أن
اللون الأحمر يعتبر مميزا للرومانسية والعاطفة الجياشة لأنه يزيد الطاقة وحرارة الجسم، لذا فقد اتسم عيد الحب بالورود والقلوب الحمراء.

وبالنسبة للون الأصفر فهو ينشط الدماغ ويقوي العقل وارتداء الملابس الصفراء من شأنه تحفيز الإبداع وتصفية الذهن وخاصة أثناء الإصابة بالتوتر النفسي. ويعتبر اللون الأصفر رمزا للقدرة الفكرية والذكاء والمرح والإبداع في آن واحد.

أما اللون الأزرق فيمثل الهدوء لأنه يسبب هدوء الذهن ويساعد على الارتخاء. ويمكن أن يساعد ارتداء الملابس الزرقاء في السيطرة على العواطف والمشاعر وخلق إحساس بالقوة والاستقرار النفسي والمعنوي.

ويقول الباحثون إن مزج هذه الألوان مع بعضها ربما يكون أكثر فعالية وإيجابية على نفس الإنسان.

وعلى سبيل المثال......
فإن اللون البرتقالي الذي ينتج عن مزج اللون الأحمر والأصفر يساعد في التمتع بالطاقة العالية عن اللون الأحمر والمحافظة على القدرة الذهنية المنبعثة للون الأصفر.


التأثير النفسى للألوان يستخدم فعلياً
فمثلاً بالطو الطبيب لونه أبيض لتهدئة المريض
و ملابس رجال الاطفاء باللون الاحمر للانتباه و اليقظة و اعطاء طاقة و حيوية فى العمل الذى يحتاج لمجهود بدنى

وكذلك اللون الاحمر لا ينصح باستخدامه فى دهانات غرف النوم لأن اللون منبه ولكن الافضل فى غرف النوم اللون الابيض او الاخضر او الزرق الفاتح لاضفاء جو من الاسترخاء و الهدوء

فى حين ان اللون الاخضر لا يجب استخدامه فى اماكن العمل
لأن الموظفين قد يشعرون بالرغبة في النوم


التأثير النفسى للألوان نحن انفسنا نلمسه لما نكون جالسين على شاطئ البحر
بعد دقائق نشعر بان اذهاننا صافية.
وهذا لأن اللون الأزرق للبحر و معه اللون الأزرق للسماء
يمتص كل الطاقة السلبية والموجات السالبة التي تكون داخلنا.

و نفس الشي لو كنا فى مكان واسع مفروش بالخضرة
يعطينا احساس الهدوء

وتوجد ابحاث عن العلاج بالألوان
الغريب ان الألوان ليس لها تأثير نفسىفقط
ولكن لها تأثير علاجى
يعنى اللون الأزرق مثلا بما انه يوحى بالاسترخاء و الهدوء
يقلل من عملية الشهيق و الزفير
و من ثم يستخدم فى علاج امراض الجهاز التنفسى
و بعض علب الادوية يكون لونها ازرق لهذا التأثير .
Post: #7022
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-05-2010, 09:15 AM
Parent: #7021

الاخوان الاعزاء
المبمي والرمادي
عليك الله زهير ركز في الموضوع الراح انزلو انك تقرأ عن اللون الرمادي
عشان تشوف حالنا وحال حريمنا

----------------------------
المرأة والالوان
-----------------------------
الأسود يجعلك أميرة، والأحمر يمنح الاحساسبالدفءوالبرتقالي يقلل من التوتر بين الزوجي

أثبتت الدراسات أن المرأة من يمكنها أن تتحدث دون أن تنطق وذلك بما ترسله من رسائل من خلال ملابسها ومظهرها الخارجي .... " سيجمان مارتن " - عالم متخصص في علاج المرضى النفسيين بالألوان - أجرى مؤخراً دراسة عن علاقة الألوان بالحالة المزاجية للمرأة وانعكاس الألوان التي ترتديها المرأة في علاقتها بالآخرين.
في بداية دراسته قسم سيجمان مارتن الألوان الى نوعين ... ألوان صريحة وألوان خادعة ... وهي نفسها أنواع النساء وقد جملت دراسته اسم لونك المفضل يعكس شخصيتك.. وبدأ باللون الأسود المتوج ملكا للألوان ويعتبره مصممو الأزياء موضة كل عام وضيف السهرات الأول لذلك ينصح سيجمان مارتن الزوجات بارتدائه عند قضاء السهرات الخاصة ودعوة الزوج لها على العشاء فهذا اللون يجعله يشعر أن زوجته برنسيسة أو ملكة متوجة بهذا اللون الجميل الذي تشع المرأة من خلفه بريقا وفخامة وليس كما يعتقد البعض أنه لون يعكس كآبة الداخل والحزن.
الأحمر.. الشباب.. تشعر ببعض الخمول وسيطر عليك الشعور برتابة الروتين اليومي بعد عمل يوم شاق فدراستنا تنصحك بارتداء اللون الأحمر فهو لون يمنحك الاحساس بالدفء وينشط الدورة الدموية وينعكس في الوقت نفسه على زوجك فيراك مفعمة بالحيوية والشباب كما يمنحك جاذبية لا مثيل لها في المساء.


نقاء الابيض
اللون الأبيض من أهم الألوان الصريحة فهو لون الصفاء والنقاء ويعكس ملامح الزوجة الطفولية وأمام زوجها فهي تبدو زوجة طيبة وبريئة ولا تلجأ للمشاكل فهي تعمل لحلها.. ينضح بارتدائه في الفترات الصباحية ليضفي مزيدا من الجاذبية الممزوجة بالنشاط.

البرتقالي.. المثالي!
تتعرض العلاقات بين أي زوجين لأوقات يشعر فيها الطرفين بأنه متقلب المزاج وغير راغب في الطرف الثاني وهذه الأوقات هي وقت اللون البرتقالي الذي يعرف بين الألوان باللون المثالي لأنه يساعد كثيرا في تعديل المزاج والشعور بالرضا والسعادة كما يساعد هذا اللون على تقوية جهاز المناعة وشعور المرأة بالثقة الدائمة في نفسها مما يقلل من احتمالات الشك التي تتنابها حيال زوجها.


طبيعية الأخضر!
ووصف سيجمان اللون الأخضر بأنه من أجمل الألوان الأساسية وهو لون صريح وطالب بأن تحرص حواء على تواجده بين ملابسها وارتدائه عندما تشعرين بتعب الأعصاب والقلب أو في حالة وجود مشاجرات مع الزوج فهو يخفف من حدة هذا التوتر كما يخفف من حدة الاحساس بالارهاق العام لارتباط هذا اللون بالطبيعة التي نميل اليها كثيرا من حين الى آخر.


عبقرية التركواز!
التركواز هو لون عبقري في مملكة الألوان تتميز في المرأة بالذكاء ويساعد على مهارة التواصل بين الزوجين واستمرار حلقات النقاش والتفاهم بينهما بل واحساس كل منهما بالآخر حتى في عدم وجوده كما أنه يحسن الصحة العامة بشكل مباشر.


عاطفية الفوشيا!
حواء التي ترتدي الفوشيا امرأة شديدة الجاذبية تميل للتأثير على زوجها واذا كنت من عشاق هذا اللون فهو يقوي المشاعر بين الزوجين ويزيد
من الاندماج العاطفي بينهما وهو لون مثير للانتباه ومحفز قوي للمشاعر وتنصح دراستنا المرأة بارتدائه كلما رغبت في جذب انتباه زوجها.

واحة الأزرق!
اللون الأزرق هو لون الراحة والاسترخاء ويخفض درجة حرارة الجسم درجتين على الأقل وهو لون جرئ ومنطلق لذلك يفضل ارتدائه في العطلات والنزهات الخلوية أو حينما تريدين تمضية إجازتك في مكان هادئ للاستجمام وارتباط الفواتح منه بالسماء والبحر يشعرك بأنك جزء من الفضاء والبحر مما يضفي عليك حالة رومانسية تنعكس فيما بعد على علاقتك بزوجك.

صفاء الأصفر!
وأرسل سيجمان رسالة الى حواء قائلا .... سيدتي أنت في حاجة دائمة للصفاء الذهني والفكري وكذلك رغبتك في رؤية الأشياء بواقعية وكلما شعرت برغبتك في تحديد النقاط التي تميزك ونقاط ضعفك مع أسرتك في تلك الحالة أنت بحاجة للون الأصفر الذي سيساعدك على التواصل وتحقيق تلك الأشياء ومن المعروف أن هذا اللون يخلص جسمك من السموم والشوائب

نعومة البنفسجي!
تنصحك الدراسة وبيوت الأزياء العالمية بارتداء هذا اللون سواء بشكل مستقل أو أن تضمنيه ملابسك فهو لون جميل وناعم وارتدائه في أوقات العصاري يمنحك الهدوء ولكن ابتعدي عنه إن لم يكن مزاجك مرتاح تماما لأن كثرة النظر اليه تحرك الكآبة والحزن داخل.

فتور الرمادي!
ننصح حواء بأن تتجنب اللون الرمادي إن كانت تعاني من فتور أو برود في علاقتها مع زوجها فالرمادي لون بارد وبرودته تزيد الفتور بين الزوجين للتغلب على ذلك عليك بالألوان النارية لجذب انتباه زوجك وتحريك المشاعر داخله نحوك.
Post: #7023
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-05-2010, 10:18 AM
Parent: #7022

Quote: اللون الأحمر يعتبر مميزا للرومانسية والعاطفة الجياشة لأنه يزيد الطاقة


يا الزاهي لونك حبيت عيونك ،،،،،،،،

لون المنقة ،،،،،،

يا اللابس اللبني اللبني جنني

تحيات وسلام للابس البمبي وسلام كبير

للزميلة إلى إشترت القميس البمبي

عندما سافرنا للقاهرة بمناسبة الزواج

أهدتني منى يونس قميص سهرة أحمر وقميص آخر أصفر زاهي

ومجموعة كرفتات لا حصر لها مع الشرابات ، مع جزم مصرية ملونه

خلاف الأسود والبني والبيج والهافان ،،

حالياً لا ألبسهم إلا ليلاً ولكن في العمل أتعامل مع جميع الألوان

وعلى شرط تكون ماتشينق مع البنطلوب والكرفته ، وتشرف المدام على

ذلك بنفسها دون كلل ولكن إذا لم يعجبني الإختيار فلا أوافق وألبس مع يعجبني

وأميل إلى الألوان الزاهية الجميلة ،،،،،

مسألة الألوان تأثر في حياة الإنسان وهذا ما نحس به جميعنا

عندما نذهب إلى الحديقة أو البحر أو الملاهي لها لبس ،، والإحرام له

لبس خاص وكذلك الزيارات الإجتماعية ونوع المناسبة تتغير فيها اللبسات

والألوان ،،،،،،،
Post: #7024
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-05-2010, 12:04 PM
Parent: #7023

Quote: ود جبريل دا زول غميس وبقول مافي كاس عندو كرش


والله يا ود المهدي ضحكتني لامن وقعت علي قفاي
ياخي الرشاشات ديل يحننوا قلنا نتمنى ليهم كاس دولي





يا ابو الزوز فتح لينا سيرة الألوان دي
اديت ود الشادي الفرصة عشان يبرر لبس القميص البرتغالي
الشادي دة شايقي عنقالي ساكت ما تشوف الجنصصة دي


مرة حاتم جبارة اشترى ليه جزمة خضراء في الزقازيق
المهم مشينة حفلة في الاتحاد كنا قاعدين قدام بنات زراعة
اتاريهو الشراب مقدود
قامت شوش بت زراعة قالت ليه ياحاتم الجزمة مبالغة
لكن الشراب بقاها عوراء
قام قاليها الشراب حق طارق جبريل
شفتوا ليكم حنكشة زي دي
يعني الشي السمح حقه
والشي الكعب حقي
مع اني ما كنت طارح نفسي حنكوش
عمركم شفتوا ليكم حنكوش كان شغال طُلبة
Post: #7025
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-05-2010, 01:13 PM
Parent: #7024


قلت لى بمبى ...؟؟؟!!!!


www.loogix.com_8058127.gif Hosting at Sudaneseonline.com
Post: #7026
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-05-2010, 01:19 PM
Parent: #7025

يا ود عيد جننت رشا جن
بقى يشبه لي منو كدة روثمان











تليشة:
الرشيد اكلها ساكت غايتو
Post: #7027
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-05-2010, 01:47 PM
Parent: #7026

نهاراتكم بالهناء والسرور ...

رشيد القوم .. يا اللابس البمبي .. لكن ما قمة الأناقة والوجاهة .. ما تسمع كلام الحاقدين والحاقدات ...

آخر مداخلة أمبارح كانت من نجاة حوفي وأول مداخلة صباحية كانت من رشيدنا البمبي .. ربنا يسعدكم لأنكم أسعدتونا تماما ...

الصفحة التعددية جابت دخل كويس وخلت بنات الشيخ يتاوقوا ولو من أجل الشمارات ساكت ...

أبوالزوز العجرمي (شقيق نانسي عجرم) شايف تلاقح الثقافات بدأ يعمل عمايلو معاك .. لكن نحن واثقين منك ومن ذوقك وأهم حاجة واثقين في بنتنا إبتهاج .. لكن ما مشكلة تعال بأي لون برضو حنستقبلك في المطار بكل الأشواق ...

كمال الشادي أحبك وأحب ألوانك كلها .. أنت رجل أنيق ووجيه بكل الألوان .. وبعد المحاضرات اللونية دي ألبس البرتقالي وما في مغربي حيتجرأ ويسألك عشان ما نتهمو بعمى الألوان ...

محمد عيد حلوة الخلطة بين رشيد القوم البمبي وحاتم جبارة بالباندا .. إلتقى جيل البطولات بجيل التضحيات .. أغنية دومينيكانية ...

ديدو رجل بكل الألوان ما شفناك .. إمكن في المدرسة مع عناب .. أو إمكن بتجيب لينا في الشمار الوقفتنا ليه في الحر دا ...

منصور اللذيذ .. كمان رجل بكل الألوان .. وإذا هو ما بيحب الألوان الزاهية كفاية علينا كلامو الحلو الزاهي ...
Post: #7028
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-05-2010, 04:26 PM
Parent: #7027

Quote: محمد عيد حلوة الخلطة بين رشيد القوم البمبي وحاتم جبارة بالباندا .. إلتقى جيل البطولات بجيل التضحيات .. أغنية دومينيكانية ......

البادي يا رهيييب..
شايفك ليك مده بتجر في شكل..
هاك المثل دا.. لعلك تستمع لصوت العقل..
"قالوا يا فرعون ايش فرعنك ؟ قال : ما لاقتش حد يردنى.."

الأبنه نجاه حوفي.. كتر الله من دعواتك الصالحات..
عمتك دي زوله حكيمه والله أسمعي ليها..
نبرك بي مثل برضو..
"يا مآمنه للرجال.. يا مآمنه للميه في الغربال.."
دا للفايده العامه عشان الدهمشي اللابس البمبي مايقلق..
بارجع ليك لي قصه الدعوه حقت عمتك دي..

الأخوات فافي وحوفي وعمتها ومنى والهلالابيه زوبه..
ماتقلقن من موضوع التعدديه..
"دي القديمه تحلى... "
يحجب بقيه المثل لأنولا ينطبق عليكن..

حمدلله على السلامه يا ودعيد..

جبريلا..
Quote: مرة حاتم جبارة اشترى ليه جزمة خضراء في الزقازيق
المهم مشينة حفلة في الاتحاد كنا قاعدين قدام بنات زراعة
اتاريهو الشراب مقدود
قامت شوش بت زراعة قالت ليه ياحاتم الجزمة مبالغة
لكن الشراب بقاها عوراء
قام قاليها الشراب حق طارق جبريل
شفتوا ليكم حنكشة زي دي
يعني الشي السمح حقه
والشي الكعب حقي
مع اني ما كنت طارح نفسي حنكوش

طيب الشراب كان حق منو?
وبعدين شوش ما تخلي اللئامه العليها..
والله يرجع العده للزناتي..
عشان يدي مصطفى محمد الحسن (علوم.. كسلا) باسويرد..
يجي يدينا رأيو في قصه إنك ما كنت طارح نفسك حنكوش دي..
Post: #7029
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-05-2010, 04:43 PM
Parent: #7028

Quote: حمدلله على السلامه يا ودعيد..


ود جبارة الحبيب

الله يسلمك يا ود الخالة ...

اخوك لســه مزنوووووق ...

لكن الا بس اللون البمبى ده جاب لى الكارووووووووشة ..!!

*********

جبريلا .. زولك الظاهر عليهو زول نصيحة ..!!
Post: #7030
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-05-2010, 04:43 PM
Parent: #7027

يا اللابس البمبى تررلا
والمحومر اللابس الاحمر
وووك من الغيره القاتله
حرم يا رشيد الغوم مره كده اخوك قشر بواحد من الالوان الفرايحيه وعينك ما تشوف الا النور
بت الشيخ ما كسرت معنوياتى لكن وحياتك ما اشتغلته بيها الشغله لانى عارف ان الموضوع
غيره ايوه غيره ....اصلوا الوسامه مشكله!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ومن يومه قررت محاربة الرمادى والبيج وان لا اسمح لاحد ان ينزل روحى المعدنيه فى الحديد
وهذا لايعنى ان نلغى حكم عامل السن واحكامه الاجتماعيه فى الاختيار كما لا يعنى البشتنه
ولنعلم اننا نرى الدنيا حسب نظرتنا اليها فكن سعيدا متفائلا فحتما ستجدها بمبى
Post: #7031
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-05-2010, 04:52 PM
Parent: #7025

الحبيب عيد

قلنا بمبى .... ما داقى بستم.....انت ما عرف انو اذا لبست اللبسه دى

فى شوارع الخرطوم بكس النظام العام يرفعك دون كلام!
Post: #7032
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-05-2010, 05:51 PM
Parent: #7031

توفي امس عم الأخ نادر فاروق ..... له الرحمة ولذويه الصبر وحسن العزاء .....


العزاء في بوست العزاء ....

بوست عزاء ....
Post: #7033
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-05-2010, 05:54 PM
Parent: #7031

مساكم الله بالخير

أحبكم و انتو بكل الألوان...
لونتوا الصفحة بألوان زاهية...فانتقلنا من التعددية الى بوهية الشروق...
الصفحة لا شك كانت تحتاج الى تعليقات جلا الساخرة و سرد منصور البنفسجي...

Quote: يا رشدي سلامات يا اللابس البمبمي .... مسألة الالوان واللبس دي مسألة بتاعت ثقافة شعوب .... ونحن كشعب سوداني اسيرين للالوان الجادة والكئيبة ... عليك الله عاين الشارع في السودان تلقي الناس كلها لابسه اللون الرمادي


أبو الزوز يا صديق...مشتاقين...
الغايب من السودان لفترة طويلة يلاحظ التحسن الواضح في الذوق العام في السودان...
و للجنسين كمان...هنالك ألوان جديدة في الشارع و المناسبات المختلفة...
و أصبح الشباب ألوان لم تكن مقبولة سابقا أيام ناس منصور...

Quote: الاخوان الاعزاء
الرشيد البمبي
وزهير الرمادي


يا شادي يا برتقالي...
أحب مركوبك زاتو...شفت يا شادي التأثير السلبي للبوست ده...
أنا متأكد انها كانت جزمة برتقالية لحدي ما جاء محمد عيد شككني...
شكرا يا شادي على الألوان التي دلقتها في البوست فجمله...

Quote: تحيات وسلام للابس البمبي وسلام كبير

للزميلة إلى إشترت القميس البمبي


و سلام كبير أوي للريس الزاهي...
و لمنى يونس التي تشرف دون كلل أو ملل على ريس أكبر تجمع حنين في العالم...

Quote: يا ابو الزوز فتح لينا سيرة الألوان دي
اديت ود الشادي الفرصة عشان يبرر لبس القميص البرتغالي
الشادي دة شايقي عنقالي ساكت ما تشوف الجنصصة دي


يا جنى انت عندك عمى ألوان و لا شنو...
أنا أفتح الموضوع تقول لزهير فتحت الموضوع...

Quote: قلت لى بمبى ...؟؟؟!!!!
لكن الا بس اللون البمبى ده جاب لى الكارووووووووشة ..!!


يا حمادة رغم شمارات جبريلا الا ان الصورة عجبتني عديييل كده....
بغض النظر عن الباروكة الخلتني أشبة........و لا أقول ليك خليك من الشبه...
لكن و الله عجبتني الرشاقة الراحت في حق الله من زمان...
كنت عايز أرفع سماعة التلفون أكلم ليك الحاجة أقول ليها ولدك بشتني...
لكن لما اتأملت الموضوع اتكيفت...
لكن برضو ما بشكرك...يا رمادي...

Quote: رشيد القوم .. يا اللابس البمبي .. لكن ما قمة الأناقة والوجاهة .. ما تسمع كلام الحاقدين والحاقدات ...

أنا من زمان أقول ليهم البادي ده ما شغلوهو واسطة...و بعد ما شفت صورتك ما وجاهة ساكت...
انت يا زول شغلوك عشان فهمك الراقي ده...
الحاقدين ديل بقيادة محمد عيد كان ما أصحابي كان رفعت عليهم قضية قذف...

Quote: دا للفايده العامه عشان الدهمشي اللابس البمبي مايقلق..


يا حاتم ما زي أمثالكم المدمرة دي البتخلينا نخسر حريتنا يوم وراء يوم...
مع أصحاب زيكم ما أقلق كيف...

Quote: يا اللابس البمبى تررلا
والمحومر اللابس الاحمر
وووك من الغيره القاتله


يا ريس لا تتنازل قيد أنملة عن أرضاء نفسك...
شتت الألوان دي خلي المعدنيات ترتفع و تسمو و ترفرف في الفضاء....

Quote: مرة حاتم جبارة اشترى ليه جزمة خضراء في الزقازيق


كان بيشجع عقد الجلاد و لا شنو؟؟؟؟
Post: #7034
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-05-2010, 07:57 PM
Parent: #7033

تحية موف.. تحية مسائية.. ليلكية .. حالمة
تحية من الاعماق بمبية.. لكل الرائعوان بالوانهم المختلفة..
حيرتونامعاكم وشتتوا شوية الافكار البتفضل لينا بعد يوم عملى الطويل صفحة... تعددية.. بعدها هاروشية ( على قول فافى) وحسه بمبية؟؟
وين منص ؟؟ نسيت تحية ابنوسية...
يا محمد عيد ما اروعك انا لازم اجى اخد درس خاص فى الفوتشوب..احلى شى فتحت البوست بعد ما خلصت مذاكرة مع امنية وهنودى..كانوا بتفرجوا فى power rangers
ضحكت بصوت عالى مما اثار فضولهم تركوا كل شى وتلاتنا فى الابتوب امنية عرفت انه ده ابوها وهنودى غالطها اصلا هو غالاط ذ ى امه.. اعجبت امنية بالصورة جدا اما هنودى قال ليها بابا شعره ما كده وhe has a big stomach!!!
ردت عليه مدافعة بشده وزعل واصرار فى الوقت نفسه(يا زكى بابا اصلا شعره كان حلو شديد كده يعنى وكان slim
لما كان صغير وبنظرات استغاثة لدعم وتاكيد منى قالت مش صح يا مامى؟؟؟؟؟) فقلت ليها طبعا اكيد!!!..
مساك بمبى يا شعر جذاب بلا عذاب..
دمتم سالمين
Post: #7035
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-06-2010, 00:57 AM
Parent: #7034

يا رشا شايفك مشيت ابراهيم روثمان دي عادي
Post: #7036
Title: Re: ناس الزقازيق ... أجدع ناس ( 3 ) ..
Author: د.معاويه عمر
Date: 10-06-2010, 01:10 AM
Parent: #4399

سلام ناس الزقازيق احتراما للصديق دهب خشيت زقاقكم طالب العون القانونى منكممطلوب مساعدة قانونية عاجلة فى قضية ضد شركة اتصالات ستحدث دويا هائلاً
Post: #7037
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-06-2010, 06:56 AM
Parent: #7036

تلفون نادر فاروق 00249912209033
Post: #7038
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-06-2010, 07:17 AM
Parent: #7036

غايتو يا الرشيد لو انا فى مكانك طوالى اتضامن مع د/ معاوية عمر وابحث
عن عصام دهب وارفع قضية فى طارق جبريل .... لكن يا جبريلا بالغت رشا ما قدر ده
لا لابس خاتم كعكول ولا جزمة جون ترافولتا ولا بنطلون ابيض


تذكرى يا حوفى انتى وفافى كان عندكم بلوزتين شبه بعض مع اختلاف بسيط فى الالوان ...
Post: #7039
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-06-2010, 08:00 AM
Parent: #7038

صباح الهناء والسرورو ...

Quote: تذكرى يا حوفى انتى وفافى كان عندكم بلوزتين شبه بعض مع اختلاف بسيط فى الالوان ...


لكن يا دودي ما بالغتا عديييييييل ...

مواصلة للصفحة الملونة .. أحيانا الواحد بيكون عندو مزاج يلبس ألوان هو ما كان متعود عليها وهي رغبة للخروج من الرماديات .. زمان في زمن عمو الزناتي كان الواحد لو لبس لون من الألوان الفاقعة يقولو ليهو إنت ج######.. وطبعا أخواننا الج##### مشهورين بألوانهم الفاقعة والمزركشة أحيانا ...

كن جميلا ترى الوجود جميلا .. في السودان حقيقة الوضع إختلف كتير وبقوا الأولاد والبنات بيلبسوا ألوان فرايحية وغير رمادية .. لكن المشكلة أحيانا بيكونو شاترنها وما بيكون في تناسق في الألوان وطبعا دي أخير منها الواحد يلبس رمادي .. أمبارح كنت لابس قميص كاروهات أحمر مائل للكبدي وقد لاقى إستحسان كل الأطراف .. ودا دليل على إنه السودان النظرة فيه للملابس وألوانهاإختلفت كثير جدا .. يعني قميصي الكاروهات دا لو لبستو في زمن عمو الزناتي كان ممكن يزيعوني في نشرة تسعة مع ناس محاكم العدالة الناجزة ...

في الزقازيق كان عندي بنطلون جينز أبيض وقميص أخضر وجزمة بيضاء وشراب أخضر .. وديل ما يتلبسو إلا بالمزاج العالي جدا .. وأعتقد في يوم من الأيام في الإتحاد بكوري الشين كان له تعليق من النوع كامل الدسم لكن حقيقة لا أتذكر ...
Post: #7040
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-06-2010, 11:03 AM
Parent: #7039

Quote: يا رشا شايفك مشيت ابراهيم روثمان دي عادي


طارق يااخوي دي بتاعة ناس امتداد التالتة ... وناس الصحافة العندهم اهل في التالته هههههههاهاهاهاه





غايتو عليك جنس مصايب ... حاتم جباره الزول ده اربطو ياخي ...
Post: #7041
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-06-2010, 11:55 AM
Parent: #7040

مساكم الله بالخير

تعذر الدخول الصباحي لأنشغالي...
نحن نجي نلون ليكم البوست بالألوان الزاهية و بالجمال...
و انتو مصرين تجرجروني لي حتة ما بقدر أجاريكم فيها و ان استطعت...
و لو ذكرت أسبابي و هي كثيرة لفضحت الحتة و ان لم تخفى على الكثيرين...
عشان كده يا ترجعونا لي الألوان و الجمال مرة تانية يا خلونا نفتح موضوع تاني...
و الخلاني ما أفتح موضوع جديد اني منتظر منصور و جلا و جلال ليدلو بدلوهم...
Post: #7042
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-06-2010, 12:35 PM
Parent: #7041

Quote: غايتو عليك جنس مصايب ... حاتم جباره الزول ده اربطو ياخي ...


يا نجيلة لكن اسوي شنو ياخي
رشا داير يلبس قميص بت شيخو البمبي وقاعد يتضاير

يا ديدو خليك محضر خير ياخي




يا منص وجلا وجلال تعالوا حصلوا زولكم البمبي دة
Post: #7043
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-06-2010, 01:08 PM
Parent: #7041

صحى والله يا جماعة , الدنيا الوان متدرجة
قوس قزح , ياهو الدنيا ذاتا
تنتقل دنياك من لون الى لون , وانت تدرى مرة , وانت لا تدرى مرات اخرى عديدة
من يومين وانا مستمتع بتجلياتكم اللونية , مستمتع شنو , منشده عديييل , وما منعنى من (الأنغماس فى علبة الوانكم الفرائحية ) , الا الشديد القوى
قدر ما اتاوق , واتلفت , وامشى واجيكم راجع
واقيس الفم (بودعة ) القى الودع واسع
انا انا فى التمنى , ديمة حبيبى ساجع , ما لقيت لى مغيث ولا لقيت لى (مراجع )
يعنى بقيت زى (خلف الله حمد ) , عايش دور التمنى , وبينى وبين _الكيبورد ) , الف ورقة وورقة و (مراجع )
حكيت لى الرشيد فى التلفون قبل يومين تلاتة قبل (ان ينفجر فينا لونيا ويعمل فيها شرحبيل ولابس البمبى )
انى جيت المكتب , اتخيل لى يوم السبت الفات
حاملا معى جريدتى الخرطوم , وجريدة الأخبار
وعادة ما اقلب الجرائد بعد ان اخفف من اوراقى القدامى
ولكن لأن ذلك اليوم كان الأصدار الخليجى الأول لى جريدة الأخبار
فقد غلبنى فضولى اليها من الصباح , ففضلت ان ابدأ بها يومى , قبل حتى اوراقى ومراسلاتى العملية
وليتنى لم افعل
فقد كانت الوانى الى تلك اللحظة , الوان عادية متراوحة بين منظومة الوان قوس قزح العادية
قريت الصفحة الأولى -او بالأحرى طالعتها مسرعا منتقلا بين العناوين
فما اثرت فى الوانى , ولا فى تدرجها
نفس الشىء مع الصفحة اللى بعدها
حتى وقعت عينى على صفحة , نصفها الأسفل مخصص للأبراج الفلكية
لا يستطيع احدنا ان يتجاوز قراءة ما هو مكتوب فى برجه لذلك اليوم , من باب الفضول ليس الا
وفعلا انتقلت مسرعا صوب برج الثور , فى محاولة تشبه (لزوم ما لايلزم )
هسى عليك الله قصة الأبراج دى , الجرائد كلها خلتا , ناس الأخبار ديل جنو ولا عضاهم ######
قال برجى فى ذلك اليوم , ان الأفلاك (ستعاكسنى فى الفترة القادمة , واننى سأضطر الى الغاء بعض العقود , ونقض بعض المواثيق مضطرا )
شكيتكم لى الله يا ناس الأخبار , يعنى ممكن واحد من المحررين قاعد ليهو فوق كرسى وبيألف فى الأبراج دى
ممكن يغير ليك لونك ولون يومك زاتو , بى شوية كلام فارغ زى ده
بينى وبينكم , انا يمكن لى اكثر من سنة , ما قريت لى برج , وما من عادتى اشتغل بمثل هذه الأشياء
لكنى بمجرد ما قريتو , طوالى طبقت الجريدة , لأنو تلفوناتى كلها بدت ترن
اسكت واحد يفتح التانى , اسكت التانى , يجيبوا لى رسائل فاكس وايميلات
كلها تتكلم عن موضوع واحد , او ممكن تقولوا , مواضيع مختلفة ما يربط بينها جميعا , هى نقض المواثيق والعهود
ومن يومها ان غرقان فى مشاكل العمل , اللى ما بدت تتحلحل , الا اليوم
هسى انا بشترى جريدة الأخبار دى تانى ؟؟؟يا زهير الزناتى ؟؟؟
الله ياذاها كان حمتنى اللون البمبى
بمبى شنو
الرمادى زااااتو , بقينا نشوفوا رهاب رهاب
بس الليلة لو شفتونى , يمين لابس قميص اصفر عديييييل
علا الجزمة الصفراء , الا ارسل لى حاتم جبارة , يرسلا لى
ان شاء الله لو من الدومنيكان زاتو
وعشان نسترجع اللون البمبى
هاكم مدرار بتى اللذيذى دى , بالبمبى كمان , علما بان لونها المفضل الذى تجاهر به دوما
هو اللون الوردى , فشنطة مدرستها وردية , وتحب هانا مونتانا , وجستين بيبر , وتعشق فلة
1517.jpg Hosting at Sudaneseonline.com
Post: #7044
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-06-2010, 01:39 PM
Parent: #7043

الألوان...
لوني المفضل هو الأزرق..
أما اللون الأهيف ما يعجبنيش..

سؤال.. ليه الأبيض لون نقي والأسود عكسه?
شوفو عنصريه وبستر دي كيف..
Definition of BLACK
1a : of the color black b (1) : very dark in color (2) : having a very deep or low register (3) : HEAVY, SERIOUS

2a : having dark skin, hair, and eyes : SWARTHY b (1) often capitalized : of or relating to any of various population groups having dark pigmentation of the skin (2) : of or relating to the African-American people or their culture (3) : typical or representative of the most readily perceived characteristics of black culture

3: dressed in black

4: DIRTY, SOILED

5a : characterized by the absence of light b : reflecting or transmitting little or no light c : served without milk or cream

6a : thoroughly sinister or evil : WICKED b : indicative of condemnation or discredit

7: connected with or invoking the supernatural and especially the devil

8a : very sad, gloomy, or calamitous b : marked by the occurrence of DISASTER

9: characterized by hostility or angry discontent : SULLEN

10: chiefly British : subject to boycott by trade-union members as employing or favoring nonunion workers or as operating under conditions considered unfair by the TRADE union

11a of propaganda : conducted so as to appear to originate within an enemy country and designed to weaken enemy morale b : characterized by or connected with the use of black propaganda

12: characterized by grim, distorted, or grotesque satire

13: of or relating to covert intelligence operations



وشوفو الأبيض دا جميل كيف..
Definition of WHITE
1a : free from color b : of the color of new snow or milk; specifically : of the color white c : light or pallid in color d : lustrous pale gray : SILVERY; also : made of silver

2a : being a member of a group or RACE characterized by light pigmentation of the skin b : of, relating to, characteristic of, or consisting of white people or their CULTURE c [from the former stereotypical association of good character with northern European descent] : marked by upright fairness

3: free from spot or blemish: as a (1) : free from MORAL impurity : INNOCENT (2) : marked by the wearing of white by the woman as a symbol of purity b : unmarked by writing or printing c : not intended to cause harm d : FAVORABLE, FORTUNATE

4a : wearing or habited in white b : marked by the presence of snow : SNOWY

5a : heated to the point of whiteness b : notably ardent : PASSIONATE

6a : conservative or reactionary in political outlook and action b : instigated or carried out by reactionary forces as a counterrevolutionary measure

7: of, relating to, or constituting a musical tone QUALITY characterized by a controlled pure sound, a lack of warmth and color, and a lack of resonance

8: consisting of a wide range of frequencies —used of light, sound, and electromagnetic radiation
Post: #7045
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-06-2010, 01:43 PM
Parent: #7043

الوان مشكلتها , انها لا تبقى على حال
حتى اللون الأبيض , سيد الألوان وكبيرها ,
يخيل لك انه فقد نصاعته - او بعضها على الأقل -
من اندلاق لون ما , وتجرؤه على سيد الألوان , وتطاوله عليه
وبعدين اختلاط الألوان , بعضها ببعض
بقصد او بدون , او حتى لو بالصدفة البحتة
يخلق لونا جديدا , يصل فى اختلافه (عن اللونين المختلطين المتزاوجين ) , بعض احيان
الى درجة ان تشعر بان اللون الوليد , متناقض كل التناقض مع اللونين المتزاوجين
صحى والله لمن قالوا انو النار (تلد الرماد )
فلون البياض فى ام ما , اذا ما اختلط مع لون (البنفسج ) فى اب
قد تتفاجا بان النتيجة (لون اسود حالك السواد )
ولكن ما علينا , خليينا فى الوان الفرح
صحيح جدا , انه من الممكن تلخيص محاولات الفكاك من حالة ما (تتقمصك بعض حين )
يمكن تلخيص ذلك فى ارتداء قميص زاهى , او بنطلون يشع نضارة
فى قمة منحنيات زهجك وضجرك , البس افضل قمصانك واقربهم الى نفسك
او تأمل مياه جارية فى اقرب (ووتر فول water fall)
فهذا كفيل بان ينقلك من لون الى آخر , ومن حالة الى نقيضها
اليوم انا البس قميص اصفر زاه , وبدأت اختفالاتى بالفكاك من الحالة التى وصفتها لى ابراج جريدة الأخبار بداية الأسبوع
وهو اليوم الرابع فى المعرض الزراعى السعودى
ولمن لا يعرفونه , هو محطة الألتقاء السنوية لكافة المهندسن الزراعيين العاملين فى مجال الزراعة فى السعودية من1 سنين عددا
انا لى عشرين سنة فى السعودية
كل سنة ننتظر المعرض الزراعى السعودى , بأعتباره ايعاز رسمى بافتتاح الموسم الزراعى الشتوى
يبدأ المعرض يوم الأحد دائما , لينتهى يوم الخميس
برغم ارهاصات جريدة الأخبار البايخة , ومؤشرات العمل التى صادقت على مؤشراتها (فكذبت وان صدقت )
فاننا جميعا نضع ليوم الأربعاء (وهو اليوم قبل الأخير من المعرض )
نضع له اعتبارا خاصا
اذ يزيد فيه التجمع , ويتكاثر الزراعيون السودانيون القادمون للمعرض من انحاء السعودية المختلفة
رفضت ان اداوم فى استاند شركتنا فى المعرض , امبارح الثلاثاء , وكان يومى قوس قزحى متدرج وبهيج
ورفضى للدوام , كان من باب توفير الجهد لمقابلة زملاء عديدين جايين من القصيم وحائل والجوف وساجر وتبوك والدمام والجبيل ومدن اخرى عديدة
كل اربعاء من كل معرض زراعى , نتجمع هذا التجمع , وبعد ان يغلق المعرض ابوابه العاشرة مساء
يضمنا احد البيوت , او احد المقاهى , او احدى الأستراحات , فنتسامر ونتونس ونسة سنة لى قدام (حسب تعبير اخونا حسين البشير )
اليوم الساعة الثالثة والنصف مساء , وانا ما ازال فى المكتب ,
فقد اضحت تخيطاتنا للقاء اليوم , سرابا
ببساطة , لأن حدث ما , قلب بهجة يومنا الى (تعاسة )
واستطاع ان يحيل كل الوان قوس قزح التى نعرف , الى لون واحد فقط
مات زميلنا عبيد خوجلى , الذى حاكانى بالأمس وامن على لقاء اليوم من مدينة الجبيل
ولكن القدر اختطفه صباحا , وهو يجهز شنطته ليشد الرحال الى الرياض , فى رحلة العشق السنوية -او كما قال
ما قلت ليكم , اللوان بعض مرات ما بتعنى شى ,
ما زلت مرتديا قميصى االأصفر الزاهى
ولكنه يبدو لى الآن , بلون مختلف ,
ضاع لمعانه , وخفت بريقه واضمحل
الأربعاء الأخير من المعرض الزراعى السنوى
بلون وطعم شديى الأحتلاف
انا حزين
يا جماعة  
Post: #7046
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-06-2010, 01:56 PM
Parent: #7043

ظهر منصور بألوان زاهية و غاب جلا و ما زال جبريلا يحاول استدراجي....
و لغياب جلا ما يبرره...فالرجل يجد صعوبات في الدخول بالباسورد الخاص به...
حاول استرجاع باسورده عبر مراسلو بكري أبو بكر ولكنه يطلب العون من زهير...
يا منص قريت ليك برجك اليوم بيقول ليك كل مشاكل العمل ستحل قريبا...
لكن كنت مغطي حتة على الصعيد العاطفي عشان ما تطلع من مشكلة العمل تدخل في مشكلة عاطفية...

جبريلا...تلقاها عند الغافل...أبييييت...ماني رادي عليك....
Post: #7047
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-06-2010, 02:46 PM
Parent: #7046

رحم الله عبيد خوجلى




Quote: جبريلا...تلقاها عند الغافل...أبييييت...ماني رادي عليك....


نان هو الرد دة كيفنهو
Post: #7048
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-06-2010, 05:15 PM
Parent: #7047

يا حاتم جباره
ان اسعفتنى الذاكره فا الشاعر جعل اللون الابيض لونا بغيضا
وهو يوصف ملازمته سرير المشفى فيتشائم من اللون الابيض
فسرير المستشفى ابيض ولباس الممرضات ابيض ولون الاقراص
ابيض منتهيا الى ان كل هذا البياض يذكره بلون الكفن .
مناديا بان البياض يجب ان يكون لون الحداد.
Post: #7049
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-06-2010, 07:57 PM
Parent: #7048

رحمه الله يا منص وأذهب عنكم الحزن..
.......


البت الشربات حوفي..
قصه عمتك الدعايه ديك عجبتني..
بمناسبه الدعاوي..
الأمريكان عندهم حاجه إسمها URBAN LEGEND..
دي زي خرافه بيتنقلوها الناس عن حاجات بتحصل
للزول وعواقبها دايما وخيمه..
وما معروف ذاتو اصل الخرافه من وين..
فمثلا بيقولوا لو الواحد سايق في طريق مظلم وقابلتو
عربيه جايه عليه ما مولعه كشافات فحذاري إنك تجر ليها
نور طويل علشان تنبه السواق..
عملت كدا الله قال بي قولك..
العربيه دي بتستعدل وراك وما بتخليك إلا مع عزرائيل..
مش لو بقيت سواق.. لو بتاع فورمولا 1 مقروض مقروض..
..
أهلنا الجباراب ديل على قدر حالهم.. الدنيا داقشاهم..
وأملهم في الآجله كبير..
لكن عندهم URBAN LEGENDS حقتهم براهم..
واحده منها إنو عندنا حبوبه قالو مداعيانا جنس حق عمتك داك..
سألت مره.. يا اخوانا الكلام دا كيف..
جاتني أيمان مغلظه الكلام دا قطع شك..
طيب منو هي?
تضاربت الأسماء..
يا اخوانا..طيب قالت شنو الزوله دي..
"الجباراب.. يشقو ما يلقو.."
...
شفتي حرفنه أهلنا دي كيف.. رموه كله في حبوبتهم..
.....


الوجيه الريس.. زولك الشاعر جرسه ساكت..
Post: #7050
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-06-2010, 08:17 PM
Parent: #7049

يا ريس القصيدة للشاعر الكبير الراحل أمل دنقل...
و ها هي القصيدة....

فى غرف العمليات ،

كان نقابُ الأطباء أبيض ،

لونُ المعاطف أبيض ،

تاجُ الحكيمات أبيض، أرديةُ الراهبات ،

الملاءاتُ ،

لونُ الأسرة ، أربطةُ الشاش والقطن ،

قرصُ المنوم ، أنبوبة المصل ،

كوبُ اللبن .

كل هذا يشيع بقلبى الوهن .

كل هذا البياض يذكرنى بالكفن !

فلماذا إذا مت ..

يأتى المعزون متشحين ..

بشارات لون الحداد ؟

هل .. السواد ..

هو لون النجاة من الموتِ ،

لونُ التميمةِ ضد .. الزمنْ ،

ضد منْ .. ؟

ومتى القلب – فى الخفقان – اطمأن؟!

بين لونين : أستقبل الأصدقاء ..

الذين يرون سريرىَ قبرا

وحياتى .. دهرا

وأرى العيون العميقةِ

لونَ الحقيقةِ

لونَ تراب الوطنْ !
Post: #7051
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-07-2010, 06:48 AM
Parent: #7050

صباح الخير ,,,,, منصور انشاء الله البركة فيكم .... عرفت ان الدفن سيكون عصر اليوم في الجبيل .... سأحاول أن اكون هناك ....


تحياتي لصديقتي الجميلة مدرار الطغيانة ,,,,,


يا رشا طارق جبريل ده يجيك بجاي تمشي بهناك .... يجيك بجاي تمشي بهناك .....
Post: #7057
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-07-2010, 09:42 AM
Parent: #7051

Quote: مات زميلنا عبيد خوجلى , الذى حاكانى بالأمس وامن على لقاء اليوم من مدينة الجبيل
ولكن القدر اختطفه صباحا , وهو يجهز شنطته ليشد الرحال الى الرياض , فى رحلة العشق السنوية -او كما قال
.
.
.

.
انا حزين
يا جماعة


والله يامنص نحن حزينون لحزنك
رحم الله عبيد خوجلي رحمة واسعة واسكنه فسيح جنانه
انا لله وانا اليه راجعون ...


========================
منصور صديقك ده
مات فجأة ام كان مريضا ام هو حادث
هذه الاسئلة خطرت وانا اقرأ الخبر


عملت مداخل من الصباح ...ولكن شكلها طشت...
Post: #7052
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-07-2010, 06:49 AM
Parent: #7050

صباح الهناء والسرور ...

أصبحنا وأصبح الملك لله ...
Post: #7055
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-07-2010, 07:35 AM
Parent: #7052

منصور البركة فيكم وربنا يرحمه ويغفر ليه ...

منص .. يا الزاهي لونك حبيت عيونك وعشقت طبعك وجمال فنونك .. إيه أسباب جفاك ...

يا منص .. كذب المنجمون ولو صدقوا .. عيش ما طاب لك من الأيام وقل لن يصيبنا إلا ما كتب الله لنا .. ولون حياتك بالألوان الزاهية وعيش أيامك .. العمر كله كم .. ما شوية سنوات ولازم نعيشها ونحن مبسوطين .. دعوة للتفاؤل والأمل ...

رشيد القوم يجهز دابته عله ينجح في تقسيم الحنان على ثلاثة .. على الرغم من أنه لا يقبل القسمة على إثنين ...

محمد عيد ألوانك أصفر وأحمر ...

عمر النملة جاري بالأبيض وأسود .. يعني بدون ألوان لأنه غايب .. الله يردك لينا سالم وغانم ...

بكوري الوجيه بألوانه الرمادية .. برضو عشان هو غايب وطول الغيبة ...

الكوتش محمد صديق .. وين أيامك يا الزاهي لونك ...

أبوالزوز كا كفيل ...
Post: #7053
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-07-2010, 06:57 AM
Parent: #7050

Quote: مات زميلنا عبيد خوجلى , الذى حاكانى بالأمس وامن على لقاء اليوم من مدينة الجبيل
ولكن القدر اختطفه صباحا , وهو يجهز شنطته ليشد الرحال الى الرياض , فى رحلة العشق السنوية -او كما قال
.
.
.
.
انا حزين
يا جماعة


ونحن جد حزينون ... لحزنك يا أبنوسي يا راقي
رحم الله صديقك عبيد خوجلي ... واسكنه فسيح جنانه
انا لله وانا اليه راجعون ...


============================
يامنص ...
صديقكم ده كان جاي وحتي الشنطه جاهزة
هل وفاته كانت فجأة ام كان مريضا ام كان حادثا...
هذه الاسئلة داهمتني وانا اقرأ مداخلتك ....
Post: #7054
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-07-2010, 07:08 AM
Parent: #7053

Quote: الرجاء أبلاغ الجميع.
هناك رسائل ألكترونيه متداوله تحمل في المرفقات صور لشنق أسامه أبن لادن وفي حالة فتح هذه الرسائل فأنها تحطم جهاز الكمبيوتر ولا يمكن أصلاح
أذا وصل لك أيميل يحتوي روابط لألقاء القبض على أسامه أبن لادن أو شنق أسامه أبن لادن لاتفتح هذا المرفق..
هذه الرسالة يتم توزيعها خلال دول حول العالم..
الاخذ بعين الاعتبار وارسال هذا التحذير لمن تتعاملون معهم.
الرجاء أرسال هذا التحذير لجميع أصدقائك وأقاربك وقوائم الأتصال لديك:
يجب أن تكون في حالة تأهب خلال الأيام القادمه.
) بغض النظر عمن أرسل لك.Invitationلا تفتح أي رسالة مرفقة بعنوان (دعوه أو ...-
- هناك فيروس الشعلة الاولمبية يحرق كامل القرص الصلب في جهاز الكمبيوتر الخاص بك عند فتحه.
وهذا الفيروس سوف يتم الحصول عليه من أي شخص لديه عنوان البريد الإلكتروني الخاص بك في قائمة الاتصال ، ولهذا السبب يجب عليك إرسال هذا البريد الإلكتروني لجميع جهات الاتصال الخاصة بك.
الحصول على هذه الرسالة 25 مرة أفضل من الحصول على الفيروس وفتحه.
إذا تلقيت بريد الكتروني بعنوان 'دعوة' ، وإن كان بعث بها صديق لاتفتح هذا البريد وأغلق جهازك فوراَ
وهذا هو أسوأ فيروس أعلنت عنه قناة السي أن أن؛ وقد صنفته شركة مايكروسوفت بوصفها أخطر فيروس مدمر.
واكتشف هذا الفيروس من قبل شركة مكافي بالأمس ولا يوجد حتى الأن أصلاح لهذا النوع من الفيروسات.
هذا الفيروس وببساطة يتلف الملفات الحيويه في القرص

و(الخبر الثاني)
تحذير عاجل لكل من يستخدم
Hotmail وyahoo
الخبر بدوون مقدمات لانه لايحتمل التاخير
اذا وصلتك اضافه من شخص
pavlo _88 @ hotmail .com
pavlo _88 @ yahoo .com
لاتقبل لانه فايروس
يسرق معلومات الكمبيوتر
ونرجو من الجميع التعاون في نشر الخبر
لآن في حالة فتحه فانك ستخسر
ايميلك مع الباسوورد
وستظهر عبارة تقول: انت متاخرجدا فحياتك ليست جميلة ...
الفايروس
اكتشف حديثا من قبل قرصان اسمه مالك الحياة
وهم مجموعة من المخترقين الاسرائليين المراهقين تسمي نفسها
Kill arabs
اي اقتلو العرب
نرجو نشرها بسرعة
Post: #7056
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-07-2010, 09:24 AM
Parent: #7054

توفي والد عماد يحيي خريج معهد تجاري ويقام العزاء بأمبدة له الرحمة والمغفرة ولأسرته الصبر وحسن العزاء ..... تلفون عماد 00249912983611

بوست العزاء
بوست عزاء ....
Post: #7058
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-07-2010, 09:53 AM
Parent: #7056

Quote: فلون البياض فى ام ما , اذا ما اختلط مع لون (البنفسج ) فى اب
قد تتفاجا بان النتيجة (لون اسود حالك السواد )
نظريتك دي يامنصور ذكرتني حكاية الوان الناس في السودان بكل الوان قوس قزح
ده زول أخضر وده زول أصفر وأزرق وأبيض وأحمر وأبنوسي بس إياك أن تقول أسود
في واحد من السودانيين الزرق تزوج واحدة من البيض خلفو خاطفة لونين جاه إبن
عمها عايز يخطبها ، عمه والد البنت رفض إبن اخيه وقال ليه ماممكن نحن ننظف وأنت
تجي ت######.
áå ÇáÑÍãÉ æÇáãÛÝÑÉ æáÃÓÑÊå ÇáÕÈÑ æÍÓä ÇáÚÒÇÁ ..... ÊáÝæä ÚãÇÏ 00249912983611

ÈæÓÊ ÇáÚÒÇÁ
ÈæÓÊ ÚÒÇÁ ....
Post: #7059
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-07-2010, 10:03 AM
Parent: #7056

نعم يا زهير , الدفن عصر اليوم فى الجبيل
تقاطر كل الزملاء نحوها , وهجروا المعرض الزراعى فى يومه الأخير
الا انا , ما تزال تحاصرنى ارهاصات المنجمين الكاذبة
ايوة نعم يا البادى اخوى , صدقت , كذب المنجمون ولو صدقوا
ولكنها حالة , مجرد حالة
تعاقدت شركتنا على شحن كميات اسمدة الى شركة الراجحى الزراعية فى السودان
اشترطوا علينا ان يتم الشحن فى او قبل الأول من اكتوبر
وبناء على تأكيدات شركة الشحن البحرى , وافقنا ووقعنا العقد
سلمنا كونتيراتنا فى الموعد , لا بل قبل الموعد
وهى الدفعة الأولى من شحنة كبيرة
كانت الكونتينرات فى ميناء جدة منذ صبيحة السادس والعشرين من سبتمبر
قبل ستة ايام كاملة من مواعيد الشحن البحرى
ولكن ماذا نفعل اذا ما قرر قبطان الشاحنة البحرية , فجأة , عدم الرسو فى موانى جدة , وسواكن , وجيبوتى
فكان على كونتيراتنا ان (تحتل ) منتظرة ) الرحلة البحرية التالية المقررة لها غدا الجمعة
المتابعة , هى ما اجبرنى على الوجود فى المكتب , تحاصرنى جوالات الوكيل البحرى , وشركة الراجحى من السودان , والراجحى من السعودية
وفاكساتهم وايميلاتهم
وبعد ده كلو , يموت عبيد خوجلى , رحمه الله , وامتنع عن دفنه , ولا اذهب للمعرض الزراعى فى اربعائه الأخير
رحم الله عبيد خوجلى , ادعو ليهو يا جماعة , فقد كان (لونا ) فرائحيا فى حياتنا
ولكنه غمرنا بلون الرماد , وكسا خميس معرضنا الأخير , بلون الشحوب والقتامة
ياسر نجيلة
عانى عبيد خوجلى من اضطرابات كلوية لمدة شهر او شهرين فقط
ولكنك تعلم , ان اللون الوحيد القادر على المداهمة , هو لون (السواد المصحوب بالرماد )
ولكنى ابشركم
انا عازم على استعادة الوان البشريات , فى اول سانحة
خاصة واننى استلم ايميلا تأكيديا الان , من شركة البراك , ان الشاحنة والرحلة البحرية (ميرسك )
قد ابحرت من ميناء ايطالى فعلا , فى الثالث من اكتوبر , صوب ميناء حدة , ويتوقع ابحارها مساء الجمعة غد , مساء
اتجاه سواكن
ياليتنى استطيع ان ابحر صوب الجبيل , حتى اواريك الثرى , يا ابو وضاح
واوارى معك , كل الوان القتامة والعتامة والشحوب
واستعيد لقميصى الأصفر , لونه الزاهى الجميل
Post: #7061
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-07-2010, 10:30 AM
Parent: #7059

اتواصل بشكل مستمر مع زملائى
فائز الشيخ المدير الأدارى لمشروع الراجحى الزراعى فى السودان
والمهندس الزبير حمزة , المدير الفنى للمشروع فى بربر
والمهندس عبد الوهاب عبد القادر , المدير الفنى لمشروع الراجحى فى (توشكى المصرية )
للونسة وتبادل المعلومات تارة
ولمتابعة قصة الشحن المتعثرة , فى الأسبوع الأخير
لا اخفيكم انه كان اسبوعا متوترا , صدقت فيه نبوءات فلكيى الأخبار (وهم من الكاذبين )
فى خضم محادثاتنا امس , والتوتر يعلو ثم يهبط ,
قلت كده ورميت ليهم خبر مغادرة عبيد خوجلى لدنيانا الفانية
بالله الجماعة الكانو عاوزين ياكلونى , عشان تاخير شحنة سمادهم
كانى كبيت فيهم موية باردة
داهمهم اللون الأسود يا احمد اسماعيل يا حبيب
اتصلوا على صباح اليوم
سيرة السماد ما جابوها , الا انا بشرتهم بالاخبار المطمئنة الأخيرة
اللون الأسود , برضو ممكن يطلعك من (مآزق مرات )
انه اللون الأسود لمن يركب مكنة (البمبى )
سأستعيد الوان قوس قزح قريبا , فلا تقلقوا
ورحكمك الله يا عبيد خوجلى , ووسدك (الباردة )
ولا تنسى ان تعيرنا (من علبة الوانك ديك )
وان تمضى مودعا وداعك الخير
Post: #7062
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-07-2010, 10:35 AM
Parent: #7059

صبحكم الله بالخير

منص حبيبنا...حزنك أحزنني كثيرا و أردت أن أشاطرك الأحزان عبر الهاتف...
كنت أقوم برياضتي المسائية أول أمس عندما اتصل بي صديقي أبو الزوز...
فتح شهيتي للرياضه فزودت العيار حبتين حتى طننت انني أبو بكر كاكي...
عدت بعد الرياضة و أنا في قمة نشاطي و حماسي فأديت تمارين البطن الموصوفة من الكوتش...
ثم نمت و قمت صباحا بنشاط و همة للعمل و لكن بعد الدوام بدأت أشعر بالتعب...
نمت بعد صلاة العصر و ظبطت المنبة على صلاة المغرب...
صحيت على الموبايل و هو يرن بالحاح...
كانت السساعة العاشرة ليلا...و كانت تلك نجاة تتصل بي للمرة العاشرة...
يعني يا منص لقد كان ابو الزوز و الكوتش محمد صديق السبب...مش أنا...
ان شاء الله يا منص تنغشع عن سماك سحابة الحزن و يعاود قوس قزح الظهور...
تغسل قلبك الرهيف موجة فرح و تكسو وجهك ابتسامة رضا....
و تعود الفراشات الملونة لترفرف من جديد في حديقتك الزاهية البهية...
و رحم الله عبيد خوجلي و أسكنه فسيح جناته مع الشهداء و الصديقين...
Post: #7060
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-07-2010, 10:14 AM
Parent: #7056

العزاء موصول للاخ عماد يحيي وللأهل
وربنا يتغمد الوالد برحمة
انا لله وانا اليه راجعون ....






==============================
الزناتي ...
انت اخبار الموت دي وراك وراك
Post: #7063
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-07-2010, 11:06 AM
Parent: #7060

الأخ / منصور الدوام لله الواحد الأحد
سائلا المولى عز وجل أن يتغمد زميلكم عبيد خوجلي بواسع رحمته ومغفرته
وأن يقويكم ويصبركم على تجاوز الموقف الحزين هذا
وإنا لله وإنا إليه راجعون
Post: #7064
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-07-2010, 11:12 AM
Parent: #7060

العزاء موصول للاخ عماد يحيي وللأهل
وربنا يتغمد الوالد برحمة
انا لله وانا اليه راجعون ....




يا منص الرحمة لصديقك
ياهو حال الدنيا




ابو الزوز رشا زايق
لكن حدو وين
Post: #7065
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-07-2010, 02:32 PM
Parent: #7064

عايزين مشاركتكم في البوست ده .... ورايكم والمطلب شنو من الصحيفة دي

صحيفة الأخبار في الخليج ما هو الجديد ?? وما المطلوب منها ... مرحباً بها
Post: #7066
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-07-2010, 03:51 PM
Parent: #7065

العزاء موصول للاخ عماد يحيي وللأهل
وربنا يتغمد الوالد برحمة
انا لله وانا اليه راجعون ....

<<<<<<<<<

منصور الحبيب ...

رحم الله صديقك واسكنه فسيح جناته

ما أجمل حزنك النبيل ......
Post: #7067
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 10-07-2010, 04:29 PM
Parent: #7065

الف رحمة لعم اخونا نادر فاروق الياس
وانالله وانا اليه راجعون



والبركة فيكم يا اخ منصور في وفاة
زميلكم في العمل
Post: #7068
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-08-2010, 02:24 PM
Parent: #7067

سلام
وجمعتكم مباركة
لقيت البوست دة فى الصفحة المليون
ندعوك بالأربعه والكتب الأربعة
والسور المية والعشرة واربعة
بالملائكة الستة والكرما الأربعة
بنبينا محمد والخلفا الأربعة
والستة البعدهم والأئمة الأربعة
والفقهاء السبعة وأقطابنا الأربعة
أوتاد الأرض في القبل الأربعة
الابدال والنقبا العشرة في اربعة
احفظ جوارحي الثلاثة واربعة
وتجافي المضجع جنوبنا الأربعة
زيل مرض الجسم في طبياعو الأربعة
بارك اسبوعنا لي يوم الأربعا
ايام السنة التسعين في اربعة
وبحورنا السبعة وأنهارنا الأربعة
نسلم من أربعة ونحشر مع أربعة
,,,,*
المناوبه كانت على منو
كدى نرفعو بمصر المؤمنة
Post: #7069
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-08-2010, 02:36 PM
Parent: #7068

يارب لقد ضعفت ولا غيرك يقويني لقد يئست ولم أفقد فيك يقيني لقد ضللت ولا سواك يهديني لقد غرقت وأنت وحدك منجيني يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي يارب. إلى من أشكي وأنت موجود ولمن أبكي وبابك غير مردود ومن أدعو وأنت فقط المعبود ومن أرجو ورجائي فيك غير محدود يارب.اجعل عفوك عني دائم ورضاك علي قائم واجعلني عن الذنوب نادم ولباب توبتك قائم
Post: #7070
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-08-2010, 03:34 PM
Parent: #7069

اللهم امين ياريس
والبركة السعدتنى فى رفع البوست اما ود جبرين الحايم بلبوستات وخالينا رافعين برانا ده حنديهو ورديه الجمعة الجايه كلها
Post: #7071
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 10-09-2010, 06:22 AM
Parent: #7070

اصبحنا بالصباح وباب الله الفتاح
التحيايا الطيبات للجميع
وياحلاه صبحا تكون انت المصبح
Post: #7072
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-09-2010, 06:27 AM
Parent: #7070

يا جماعة الناس دي بتشمي وين يوم الجمعة ....



سلام وتحية ...... الغريبة يوم الجمعة جوا الناس الماقعدين يجوا ....
Post: #7073
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-09-2010, 07:14 AM
Parent: #7072

صباح الخير ،،، يا وجوه الخير

أصبحنا وأصبح الملك لله وحده ،،،

اللهم أجعلنا ممن يقال لهم
كلوا وأشربوا هنيئا بما كنتم تعملون .

ولا تجعلنا من الذين يقال لهم
أخسئوا فيها ولا تكلمون
Post: #7074
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-09-2010, 07:24 AM
Parent: #7073

Quote:

وقف جان في المحطة مزهوّا ببدلته العسكرية الأنيقة، وراح يراقب وجوه الناس وهم ينحدرون من القطار واحدا بعد الآخر.
كان في الحقيقة يبحث عن وجه المرأة التي يعرفها قلبه، لكنه لم ير وجهها قط.
قالت له بأنها ستعلق على صدرها وردة حمراء ليتمكن من أن يميزها من بين مئات المسافرين.
لقد بدأت معرفته بها منذ حوالي ثلاثة عشر شهرا، كان ذلك في المكتبة العامة في فلوريدا عندما اختار كتابا وراح يقلب صفحاته.
لم يشده ما جاء في الكتاب بقدر ما شدته الملاحظات التي كتبت بقلم الرصاص على هامش كل صفحة.
أدرك من خلال قرائتها بأن كاتبها إنسان مرهف الحس دمث الأخلاق، وشعر بالغبطة عندما قرأ اسمها مكتوبا على الغلاف باعتبارها السيدة التي تبرعت للمكتبة بالكتاب.
ذهب إلى البيت وراح يبحث عن اسمها حتى عثر عليه في كتاب الهواتف، كتب لها ومنذ ذلك الحين بدأت بينهما علاقة دافئة وتوطدت عبر الرسائل الكثيرة التي تبادلوها.
خلال تلك المدة، اُستدعي للخدمة وغادر أمريكا متوجها إلى إحدى القواعد العسكرية التي كانت تشارك في الحرب العالمية الثانية.
بعد غياب دام عاما، عاد إلى فلوريدا واستأنف علاقته بتلك السيدة التي أكتشف فيما بعد أنها في مقتبل العمر وتوقع أن تكون في غاية الجمال.
أتفقا على موعد لتزوره، وبناء على ذلك الموعد راح في الوقت المحدد إلى محطة القطار المجاورة لمكان إقامته.
شعر بأن الثواني التي مرت كانت أياما، وراح يمعن في كل وجه على حدة.
لمحها قادمة باتجاهه بقامتها النحيلة وشعرها الأشقر الجميل، وقال في نفسه: هي كما كنت أتخيلها، يا إلهي ما أجملها!
شعر بقشعريرة باردة تسللت عبر مفاصله، لكنه استجمع قواه واقترب بضع خطوات باتجاها مبتسما وملوحا بيده.
كاد يُغمى عليه عندما مرّت من جانبه وتجاوزته، ولاحظ خلفها سيدة في الخمسين من عمرها، امتد الشيب ليغطي معظم رأسها وقد وضعت وردة حمراء على صدرها، تماما كما وعدته حبيبته أن تفعل.
شعر بخيبة أمل كبيرة: "ياإلهي لقد أخطأت الظن! توقعت بأن تكون الفتاة الشابة الجميلة التي تجاوزتني هي الحبيبة التي انتظرتها أكثر من عام، لأفاجئ بامرأة بعمر أمي وقد كذبت عليّ"
أخفى مشاعره وقرر في ثوان أن يكون لطيفا، لأنها ولمدة أكثر من عام ـ وبينما كانت رحى الحرب دائرة ـ بعثت الأمل في قلبه على أن يبقى حيا.
استجمع قواه، حياها بأدب ومدّ يده مصافحا: أهلا، أنا الضابط جان وأتوقع بأنك السيدة مينال!
قال يحدث نفسه: "إن لم يكن من أجل الحب، لتكن صداقة"!، ثم أشار إلى المطعم الذي يقع على إحدى زوايا المحطة: "تفضلي لكي نتناول طعام الغداء معا"
فردت: يابني، أنا لست السيدة مينال، ولا أعرف شيئا عما بينكما. ثم تابعت تقول:
قبيل أن يصل القطار إلى المحطة اقتربت مني تلك الشابة الجميلة التي كانت ترتدي معطفا أخضر ومرت بقربك منذ لحظات، وأعطتني وردة حمراء وقالت: سيقابلك شخص في المحطة وسيظن بأنك أنا. إن كان لطيفا معك ودعاك إلى الغداء قولي له بأنني أنتظره في ذلك المطعم، وإن لم يدعوك اتركيه وشأنه، لقد قالت لي بأنها تحاول أن تختبر إنسانيتك ومدى لطفك.
عانقها شاكرا وركض باتجاه المطعم!
...............



في كثير من الأحيان ترد الي في الايميل بعض القصص الجميلة .... وهذه واحدة منها .... تستحق أن يتشارك فيها الناس .... اعجبني ان هذا الرجل أتخذ القرار الصحيح في الوقت المناسب في أقل من كسر من الثانية .... متجاوزاً الصدمة .... والكثير منا يفشل في مثل هذه المواقف ولو لثواني تكون كافية أن تغير حياة الناس .... وما أكثر المواقف التي فشلت في أن أتخذ القرار السليم في الوقت المناسب
Post: #7075
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-09-2010, 12:13 PM
Parent: #7074

سلام لاجدع ناس
مالكم كسالى
كده

يا ناس وين جلا
Post: #7076
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-09-2010, 12:44 PM
Parent: #7075

مساكم الله بالخير
غادر مساء أمس الكوتش محمد صديق الى طهران في مهمة رسمية تمتد لعشرة أيام...
اتصل بي الكوتش من مطار الخرطوم مودعا...
أمنياتنا له بالتوفيق في مهمتة و قضاء أيام ممتعة في ايران الجميلة...

أبو الزوز القصة جميلة و قد أحسنت الاختيار...
ان شاء الله الجمعة دي تكون لقيت ليك زول عزمك مفاريك...
يا عزابي...

زوبا...شكلك كده ما متابعة...ما قلنا ليكم جلا يعاني من مشاكل فنية...
و شكلك كمان فاتحة لي...تضرب لي صاحبتك و بس...
أنا زي ما بيقول زهير البفتح لي تفتح ليهو نسيبتو...
Post: #7077
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-09-2010, 03:35 PM
Parent: #7076

Quote: أخفى مشاعره وقرر في ثوان أن يكون لطيفا، لأنها ولمدة أكثر
من عام ـ وبينما كانت رحى الحرب دائرة ـ بعثت الأمل في قلبه على أن يبقى حيا.


هناك قصص كثيرة توجد في الإيميلات وهذه القصة من أجمل

القصص وقد تكون هناك أُخر على شاكلتها ،،، مقترح يا زهير

ويا رشيد والزملاء المتابعين ،

لنجعل من يوم الجمعة من كل إسبوع قصة جميلة نستمع بها

لكي نطرد الخمول المصاحب يوم الجمعة ، وننعش البوست

والسلام عليكم إلى عودة جلا بالسلامة الفنية.

يا كوتش صاحبتك السلامة بس أعمل حسابك قالوا في شيعة كتار

حتى الأولاد الصغار ،،، والسعوديين بيقولوا أجمل بنات الخليج

في بلاد فارس وخاصة طهران وأصفهان .
Post: #7078
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-09-2010, 05:32 PM
Parent: #7077



حكم وأمثال
إذا لم يكن في حوزتك غير مطرقة فستتعامل مع كل شيء على انه مسمار

من يذهب إلى وليمة الذئب ، يجب أن يصحب ك ل به معه

من يطارد عصـفورين يفقدهما جميعا

يظل الرجل طفلا ، حتى تموت أمه ، فإذا ماتت شاخ فجأة

لكل شمس مغرب

الزوج كالمصور يريد من زوجته أن تبتسم

أجعل سرك لواحد ، ومشورتك إلى ألف

من نقله الله من ذل المعصية إلى عز الطاعة أغناهـ بلا مال
وآنسه بلا أنيس ، وأعزهـ بلا عشيرة
ذكر الناس داء وذكر الله شفاء

ماشي أذهب لعقول الرجال من الطمع ( الطمع ودّر ما جمع )

أصلح نفسك يصلح لك الناس


ليس الجمال بمئزر فأعلم وإن رديت بردا
إنّ الجمال معـادن ومنـاقب أورثنا حمدا
Post: #7079
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-09-2010, 06:37 PM
Parent: #7078

مساكم الله بالخير

لست من المهتمين بتفسير الأحلام و لكني من المعتقدين في أن بعضها رؤى تصدق...
شريطة أن تفسر تفسيرا صحيحا من قبل عارفين و ليس من قبل أي شخص...
و الأحلام تتفاوت بين رؤيا صالحة و أخرى غير صالحة و أحلام تكون انعكاسا لأشياء نفسية...
أمور تحدث للانسان أثناء يومة فتخزن في عقلة الباطن ثم تترجم الى أحلام...
كذلك التأخر و الاكثار من الأكل في وجبة العشاء ينتج عنه أرق و أحلام مزعجة...
كانت كثير من أحلامي تصدق سابقا ثم أصبح بعضها يصدق ثم أصبح نادر أن تصدق...
يوم الخميس و أثناء قيادتي سيارتي في طريقي الى أبوظبي اتصلت بي أختي منى...
منى شفاها الله و أتم لها كامل الشفاء تهتم كثيرا بأمر الأحلام كذلك بت شيخي...
كانت منى تجهز نفسها للسفر مساء الجمعة الى الأردن لعمل الفحوصات بعد العلاج الذي تلقته مؤخرا..
هذا الأمر يقلقها كثيرا و قد حلمت انني و أخواني محمد و علي أتينا لرؤيتها...
فاتصلت بي لتخبرني بذلك ثم بعد ذلك ندمت على ذلك خوفا من أن تكون قد أقلقتني أثناء القيادة...
أخبرت والدتي بذلك فاتصلت بي والدتي على الفور لتطمئن اني وصلت بخير...
قالت لي و الله أختك دي جننتني بي أحلامها العجيبة دي...
صباح اليوم و أنا أودع بت شيخي متجها الى السلع حيث عملي...
قالت لي خليني أحكي ليك الحلم ده...حلمت بيهو أمبارح...
حلمت اننا مسافرين السودان...انت و أمنية و مهند ماشين السودان...
و أنا ماشة القاهرة يومين و حألحقكم بعد داك في السودان...
قلت ليها خلاص يا نوال الزغبي...
Post: #7080
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-09-2010, 06:58 PM
Parent: #7079

مساكم ندى وجميل ..
احر التعازى لكل من فقد عزيز
وربنا يصبرك يا منصور على فراق زميلك تغمده الله بواسع رحمته واسكنه الجنة وربنا يلهم اهله الصبر..
يا ابو امنية ما بتنبل فى خشمك فولة.. الواحد بقى خايف يحكى ليك اسرار البيت يجى يلقاك نشرتها فى البوست..
بس يعنى انا فى الحلم ماشة كورس ما بعثة فنية ..
عموما تانى الا احلفك بالخلقنى وخلقك واولادك وامك وابوك حتى احكى ليك شى..
ياصديقى يا زناتى ويا حاتم رايكم بسرعة
دمتم سالمين
تصبحوا على خير
Post: #7081
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-09-2010, 07:06 PM
Parent: #7080

يا أم أمنية الخلاك تحكي لي مراسل البوست بالسلع شنو...
كان حلفتيني تاني أكتب للناس ديل شنو...
Post: #7082
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-10-2010, 00:12 AM
Parent: #7081

الرشيد وحوفي... أقصد ونوال الزغبي..
دا كلام شنو البتسووا فوقه دا..
ما عارف الزناتي رأيو شنو..
لكن أنا مع أبو مهند..
بلا فوله معاها.. فتو ساي..
كان بي حليفتها برضو فتو..


البادي.. وين انت يااخي..
مشتاق لشغلك..
هرشت والا السودان ظروفو صعبه..

عندي فيديو من you tube كنت داير أنزلو..
لكن أسوي شنو مع الوله جبريلا وأغانيه البي الرجاله دي..
حس يا اخي ما دايرين نسمع الغنيه ذاتها مليون مره..

يا أبوالزوز الوحده مجنناك شايف..
بقيت تنزل قصص رومانسيه..
Post: #7083
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-10-2010, 07:36 AM
Parent: #7082

صباح الخير ،،، يا وجوه الخير

أصبحنا وأصبح الملك لله وحده ،،،

يقول الشيطان عجبا من بني آدم ..

يحبون الله ويعصوه ..
ويكرهوني ولا يعصوني ..
فاسأل الله الكريم أن يجعلنا ممن نحبه ولا نعصيه ..
Post: #7084
Title: Re: ناس الزقازيق ... أجدع ناس ( 3 ) ..
Author: اساسي
Date: 10-10-2010, 07:43 AM
Parent: #7083

والله يا ناس الزقازيق نفسي من زمن اعرف بتعملوا في شنو هنا , كل مرة البوست بتاعكم دا بتنفخ سريع ويعمل كم صفحة لما الواحد جاهو احساس انكم بتكتبوا بالمتر ما بالمداخلة , بالله لو فتحتوا باب الانتساب ادونا خبر اصلا عندي واسطات معاكم هنا ما مستفيد منها , الدكتور سيف وابو عناب وراعي البوست ذات نفسه وان كانت واسطاتي لا يتعد بها في البوست زاتو لاني شايفهم مشكلين غياب نوعي , مني ومنك انذرهم وفي النهاية اطردهم
Post: #7085
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-10-2010, 07:44 AM
Parent: #7082

اللهم نسألك خير هذا اليوم
اللهم أجعل أوله صلاحا وأوسط فلاحا وآخره نجاحا

قال رسول الله (ص)
( الا اخبركم بأفضل من درجة الصيام والصلاة والصدقة؟
قالوا بلى يارسول الله. قال: إصلاح ذات البين)

وقال (ص)
( إن أولى الناس بالله من بدأهم بالسلام)

وقال رسول الله صلى الله عليه وسلم
( من جلس جلسة فكثر لغطه فقال قبل أن يقوم من مجلسه ذلك
سبحانك اللهم وبحمدك أشهد ان لا إله إلا أنت إستغفرك وأنوب إليك
إلا غفر له ماكان في مجلسه ذلك)
Post: #7086
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-10-2010, 08:58 AM
Parent: #7085

هلا ومراحب بأخونا اساسي الاساسي
ابقى داخل ضيف وعزيز
نحنا برضو شايفين خطواتك وتعليقاتك في المنبر العام
واسطات عشان تخش لينا هنا ما تنفع
نحنا ناس واضحين وحلوين جدا
وسيبك من واسطه وغيرو
رايك شنو
هسي بيجوك الشباب كلهم
Post: #7087
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-10-2010, 10:25 AM
Parent: #7086

واحد ظريف رسل ليكم النكته دي ....


Quote: واحد بيقول لصاحبه : عيب مراتك تحدفك بالشبشب واحنا قاعدين..

قاله: بس بزمتك جه فيا ؟؟



==========================================
كمال الشادي ياظريف ...
اخبارك شنو ... بالله اظهر ما تنقطع ...
Post: #7088
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-10-2010, 11:02 AM
Parent: #7087

يا اساسى ياخى صاحبك ود الصايم قبل كده صحينا الصباح لقيناهو
فاتح ليهو بوست فى منبرنا الخاص وقاعد يتجدع يا عمك ويا انتى
وباسماء الدلع كمان ، تجى انت بجلالة قدرك تكوس ليك واسطة

البيت بينك واعتبرو زى ( بــرى ) ، وبالمناسبة ناس برى كانو كتار
جدا" معانا منهم حسن برى ( حسن محمد ابراهيم حتيكابى ) وده فردتى
فى السكن ، اسعد مصطفى توفيق ( الحلبى ) ، سهير ابو طيارة ، امال كمال
( منى عباس ومشاعر بدوى امتداد ناصر واعضاء معانا فى المنبر )
نجوى يس واللسـته طويلة .....

اما عصام دهب بالله لو قابلتو بره قول ليهو ناس الزقازيق بسألو منك
وسيف النصر داك اسكت خليهو ....

كنت عاوز اهدى ليك اغنية لمنال بدرالدين ، لكن لقيت صاحبك ود جبرين
هارينا بمحمود ، ابى ما يلين ، ابى ما يلين
Post: #7089
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-10-2010, 01:12 PM
Parent: #7088

أهلاً وسهلاً ومرحب بنوارة جدة

أخونا أساسي ،،،، تدخل حوش الزقازيقاب

ده برجلك اليمين وقشة واحدة ما تعتر ليك

البيت بيتك وبدون إستئذان ،،، زي ود الصائم يا عمك ،،،
Post: #7090
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 10-10-2010, 01:25 PM
Parent: #7089


نحن عشاق الجمال اين ما كان الجمال










--------------------
تحياتي لكل الزقازيقاب بقيادة المايسترو عصام دهب
Post: #7091
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-10-2010, 03:09 PM
Parent: #7090

مساءكم بالهناء والسرور ...

10-10-10 .. يوم لن يتكرر .. اللهم أجعله من أيامنا الطيبات وأجعل لنا فيه الخير كله وأبعد عننا الشر كله ...

حاتم جبارة الله يديك العافية .. موجود بكثرة إلا السودان ظروفه صعبة .. ومرات تجي الصباح تلاقي الدنيا زحمة ومدافرة ولمن تفضى تلاقي الساعة بقت مليون ...

رشيد القوم .. أحلام الفتى الطائر .. طائر مع نوال الزغبي ...

قبل عدة شهور صحيت من النوم وكان يتملكني إحساس غريب وهو إنه أختنا نجاة حوفي حتوريني بي حلم كانت قد رأته لي .. حقيقة نسيت الموضوع لكن الليلة مع أحلام الفتى الطائر دي إتذكرت الموضوع .. عموما يا بت حوفي ما شاء الله عليك أحلامك يمين وشمال غايتو إذا حلمك عني كان فيه حاجات صعبة أو قروش جاياني ممكن ترسليه علي إيميلي الخاص عشان باقي الشباب ديل بتاعين صلبطة وبكرة يقولو عايزين الكوميشن وهلم جرا ... اللهم أجعله خير يا رب ...
Post: #7092
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-11-2010, 07:07 AM
Parent: #7091

صباح الهناء والسرور ...

وين يا جماعة لا وردية الليل ولا وردية الصباح نوع الناس اللي بيستفيدوا من فرق التوقيت ...

لقينا الحوش حاتل في الصفحة التانية .. يا جماعة بعد كدا حتواجهو تهمة التآمر على الحوش ...

مبروك للسودان التعادل بطعم الفوز على غانا السوداء ونجومها المحترفين الدوليين ...
Post: #7093
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-11-2010, 07:39 AM
Parent: #7092

جزاك الله خير ياالبادي أنا تهت بدور عن الحوش الحمد لله لقيتك لميتو

اللهم نسألك خير هذا اليوم فتحه ونصرهـ ونورهـ وبركته وهداهـ
وأعوذ بك من شره وشر ما بعده
اللهم بك أصبحنا وبك أمسينا وبك نموت وإليك النشور
اللهم فاطر السماوات والأرض رب كل شيء ومليكه عالم الغيب والشهادة
أشهد ان لا إله إلا أنت ، أعوذ بك من نفسي ومن شر الشيطان وشركه
اللهم اني أسألك العفو والعافية في ديني ودنياي وأهلي ومالي
Post: #7094
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-11-2010, 09:48 AM
Parent: #7093

صبحكم الله بالخير

انقطعنا عنكم يوم كااااامل غصبا عني...
و الله كانت زنقة ###### في طاحون...
طبعا كلمة ###### حتجي كلها مربعات لكن عارفكم لبيبين حتفهموها من طاحونه البعدها...
لكن الظاهر الناس دي بتتزنق كلها في وقت واحد...
البوست يسخن و يولع و يقوم يهمد كده فجأة...
لو زول واحد لياقته ما أسعفته يكمل تلقى الباقين كلهم نخوا...
و بمناسبة لياقه دي أسمحوا لي أحي لاعبي المنتخب الوطني...
لقد شرفونا مساء البارحة...
ليس لأنهم تعادلوا أمام غانا فقط...
بل لأنهم لعبوا كرة قدم جيده و تناقلوا الكرة فيما بينهم بثقة...
كنت أتفرج فيها و معي صديق قال لي حسه يتعولوقو و يجي فيهم قون...
كان ذلك في الدقيقة 75 ...قلت له لأول مرة أحس باطمئنان و لا أظن غانا ستسجل...
لأول مرة أشعر بأن اللاعبين يتمتعون بخبرة المباريات الدولية..
Post: #7095
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-11-2010, 09:53 AM
Parent: #7094

يا محمد عيد...
الجاني منك و من تباريح الهوى انك الأسبوع ده ساكن في البوست...
نجي نلقى ريحتك ساكت مافي...
و لا كلام أمبارح يمحوه النهارده...
صحيح أنا أخلفت وعدي و ما نزلت الموضوع الوعدتك بيهو...
لكن أنا ما قلت ليك أنا الموضوع الببيت عندي ما بنزله...
عايزكم تقروا مواضيع فريش...

أظهر و بان
Post: #7096
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-11-2010, 10:01 AM
Parent: #7093

صباح الخير ،،، يا وجوه الخير.

اللهم أحينا في الدنيا مؤمنين طائعين ..
وتوفنا مسلمين تائبين ...
اللهم ارحم تضرعنا بين يديك ..
وقوّمنا إذا اعوججنا ..

Quote: نحن عشاق الجمال اين ما كان الجمال


يا سلام عليك يا وليد عبداللطيف

أنت الجمال والحسن البديع ،،،،،

زيارتك دائماً تفرحنا وترفع من معنوياتنا

لكل مني كل الود والتقدير ،،،
Post: #7097
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 10-11-2010, 10:33 AM
Parent: #7096

الاخ ميسرة ... سلامات
Quote: يا سلام عليك يا وليد عبداللطيف

أنت الجمال والحسن البديع ،،،،،

زيارتك دائماً تفرحنا وترفع من معنوياتنا

لكل مني كل الود والتقدير ،،،

يديك العافية ياطيب وتسلموا جميعا
من زمان لازم يكون بوست الزقازيقاب ملاذنا
عند التعب لكي نتصفح جوانبة المضيئة بأقلام الشباب والشابات
Post: #7098
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-11-2010, 10:37 AM
Parent: #7096

سلام لأحلى الحلوين واجمل الطاعمين ...

المــد والجزر الذى ينتاب البوست ما بين صعود وهبوط ... يعكس كمرآة حقيقية لحالنا وحال الجميع - فيما اعتقد -

ما بين الانشغال والجرى وراء هموم ومشاكل الحياة ..!!

وهذا ما تسبب فى نكوث عهدى لك ايها الحبيب رشيد ....

رغم اننى نويت بالفعل تنفيذه ..

وايضا عندما اطللت على الحوش اكثر من مرة .. وشهدت الركود فيه ..

زاد ذلك من تقاعسى .. فالعذر منك ومنكم اجمعين ...

&&&&&&&&&&&&

اود فقط الكتابة عما اشار اليه الاحباء البادى ورشيد ...

وهو الاشارة الى نتيجة ومستوى المنتخب السودانى ليلة امس ...

وحقيقة .. وسط كل الاحباطات الآتية من الوطن العزيز ومستقبل ايامه

والتردى الحادث اقتصاديا وسياسيا ورياضيا و .. و ..

لم اجد فى نفسى رغبة لمتابعة المباراة وهربت منها نحو غرفتى وغفوت لمدة ساعتين واكثر

ولم اصحو الا على اتصال من احد الزملاء المصريين فى العمل وهو يزف لى النبأ المفاجأة ...

وما بين التصديق والتكذيب .. والاعتقاد بأننى ما زلت احلم أخذت ابحث بين القنوات للتأكد منالنتيجة

وحظيت بمشاهدة لقطات عديده منها ...

حقيقة ... لله درهم من ابطال ...

والعاقبة لفرسان الهلال اخوان البرنس فى مسعاهم الجميل نحو التتويج

وقبل ذلك العاقبة للوطن الجريح فى تجاوز هذا المنعطف الخطير ..
Post: #7099
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-11-2010, 10:38 AM
Parent: #7096

بشرب لي في كباية شاي أخضر بي نعناع...
اتفضلوا معانا...
قالوا الشاي الأخضر له فوائد كتيرة...
و لكن رغم فوائده التي سأوردها الآن الا انه مطمم لي بطني مع الجوع بتاع الوقت ده...
وديل بس عشرة فوائد من فوائده الكثيرة...

يساعد على حرق الدهون.إذا شُرب بعد الوجبات.

أما المواد المضادة للأكسدة التي تحمي الجسم من الأمراض، فهي متوفرة بكثرة في الشاي الأخضر. وأحد أقوى هذه المركبات ما يعرف اختصارا بالرموز EGCG الذي يعمل على الوقاية من أشعة الشمس وأنواع متعددة من الأورام السرطانية . يساعد على تسريع عملية الأيض؛ لأن تأثيره المضاد للأكسدة يساعد الكبد على أداء وظيفته بشكل أكثر فعالية.

إن شرب الشاي الأخضر ثلاث مرات يومياً يحرق 200 سعر حراري إضافي يومياً.

كذلك وجد أن الأشخاص الذين يتناولون الشاي الأخضر تعززت الطاقة لديهم بشكل كبير، وعلاوةً على ذلك يخفض الشاي الأخضر مستوى السكر في الدم، والذي يعتبر مسؤولاً عن خزن الجلوكوزعلى شكل شحوم، ولذا فإن تخفيض مستوى السكر يخفض أيضاً مستوى الشحوم المخزونة في الجسم.

يحمي القلب من الأمراض.

يساعد في تقليل مستويات البروتين الشحمي LDL والذي يعرف بالكولسترول السيئ السمعة،فيقي من الإصابة بأمراض القلب وتصلب الشرايين. .

يمنع تشكل الجلطات الدموية غير الطبيعية، وأن له نفس فعالية الأسبرين في هذا المجال.

يزيد مستويات الكولسترول النافع Hdl الذي يساعدعلى إزالة الصفائح الدهنية من جدران الشرايين.

يساعد في تخفيض ضغط الدم.

يحمي من الإصابة بمرض السكري.
Post: #7100
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-11-2010, 10:47 AM
Parent: #7099

يا حماده أثناء ما كنت بورم فيكم بالشاي الأخضر نزلت مداخلتك...
يعني اتعاقبنا في الطريق....
سعيد بتداخلك و نعلم مدى مشغولياتك...
لكن مجرد أمنيات بأن يظل الحلوين أمثالك متألقين في البوست...
Post: #7101
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-11-2010, 11:11 AM
Parent: #7100

الظاهر ان فريقنا الوطني ... جاتو الصحوه بعد مافقدنا الوطن ....




=================================================
البادي يااخوي ماقلنا ليك ود خالتك ده كلمو ...
طلعاتو الماليها داعي دي ... خليو يضبط زمنو ...
في ناس عندها سكري وضغط ....
ومبروك كأس الكنفدراليه مقدما
ومبروك تأهلنا لنهائي الامم الافريقية 2012 برضو مقدنا


محمد عيد شرفتنا بطلتك ...
رشيد القوم ... اليومين ديل الأحمر ... أحلي ...
Post: #7102
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-11-2010, 12:11 PM
Parent: #7101

اً.ن شرب الشاي الأخضر ثلاث مرات يومياً يحرق 200 سعر حراري إضافي يومياً.

منذ اكثر من ثلاث سنوات وبعد ان اصبت بمرض ارتفاع ارتفاع ضغط الدم ملحقا به تأرجحا فى معدلات الكوليسترول

وانا اكثر من تناول الشاى الاخضر ، واحيانا لخمس مرات فى اليوم .. بل اننى فى كثير من الاحيان اشربه بديلا للشاى الاحمر فى مواعيده المعتاده

الا ان ما يجدر بى التنبيه له ان معظم انواع الشاى الاخضر الموجوده فى الاسواق عبارة عن عبوات تجارية للاسف .. والاكثار منها له من الاضرار مثل اضرار

الاكثار من الشاى الاحمر ....

لكن توجد انواع من الشاى الاخضر الصينى الطبيعى لدى بعض العطارين وسعض المحلات الكبرى ...

ورغم ارتفاع ثمنه الا ان الفوائد التى بمكن ان تجنيها منه تحسها مع كل كأســة تنهلها منه ...

&&&&&&&&&

نجيلة الحبيب ...

مشكور على التحية .. والطلـــو على هذه الوجوه الصبوحة هى البلسم من كل الأدواء ...

الظاهر ان فريقنا الوطني ... جاتو الصحوه بعد مافقدنا الوطن ....

عبارتك هذه تهـــز القلوب وتدمى المدامع ...

نســأل الله السلامة للوطن ولأهلنا الطيبين >>


تلييشة :

لا يخفى على فطنة القارىء ان استخدام الالوان اقتضته ظروف استخدام قوقل كروم التى تجعل من الاقتباس كلاما بلغة هيروغليفية الا

يتحدث بها الا جلا ومن لف لفـــه
Post: #7103
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-11-2010, 04:44 PM
Parent: #7102



معذرة للتكرار
Post: #7105
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-11-2010, 05:06 PM
Parent: #7103

محمد عيد سلامات ما تاكلنا حنك ساكت ... وين التكرار ... رجع القصة الظريفة دي ...
انت قايل مافي زول قراها ولا شنو ... لو ما رجعتها بعمل ليها قوقل وبرجعها ...
Post: #7104
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-11-2010, 04:45 PM
Parent: #7102

اخترت لكم من قراءآتى هذا المقال ...


المسلمين الجدد
سيدي رسول الله...
أنا من أحدث أجيال المسلمين، تعرفت علي كيفية أداء مناسك العمرة من خلال مقاطع علي الـYouTube
، ولم أسافر إلي الأراضي المقدسة علي ظهر «ضامر» ولكن علي متن إحدي طائرات الإيرباص، وكنت أقف أمام قبرك للمرة الأولى مرتديا جينز فاتح وتي شيرت كتب عليها بحروف إنجليزية بارزةadidas
، أنا من المسلمين الجدد الذين فرحوا لوجود فرع لـStarbukcs
بالقرب من مسجدك حيث يمكن تناول بعض الأكسبريسو بين صلاتي المغرب والعشاء وأزاحوا عن عقولهم هم البحث عن الطعام لوجود فرع لـKFC
وآخر لـ Pizza hut في المكان نفسه.

أنا من مسلمي الألفية الجديدة استعنت بالـRed bull لمنحي القوة اللازمة لأداء مناسك العمرة مرتين في اليوم واستعنت بال صن بلوك لاتقاء شر الشمس الحارقة أثناء الطواف بين صلاتي الظهر والعصر، وشربت ماء زمزم مثلجا من الكولمنز المنتشرة في الحرم وتوجهت من الفندق إلي الكعبة عبر السلالم المتحركة، مسلم من الألفية الجديدة غلبه النعاس قبل صلاة الفجر وهو يستند إلي أحد جدران الحرم بفعل نسمات الهواء الباردة التي هبت عليه من أجهزة التكييف المنتشرة في كل مكان، وتفكر كثيرا عقب كل صلاة في مهندس الصوت الذي صمم خريطة السماعات في الحرم بحيث يهب عليك صوت الإمام من كل صوب قويا ونقيا ومؤثراً، وسأل عن نوع السماعات فلم يصل إلي إجابة لكنه عرف أن مهندس الصوت فرنسي «أكيد فرنسي مسلم» ، وتجول عقب صلاة العشاء في المولات الضخمة واضعا سماعات الإم بي ثري في أذنيه باحثا عن الهدايا التي طلبها منه أصدقاؤه وأقاربه وهي ليست سبحة وسجادة وقارورة زمزم لكنها آي فون وميموري كارد 50 جيجا وزجاجة بريفيوم دانهيل لندن50 مللي، وأحدث مؤلفات الكاتب الأمريكي جون جريشام من مكتبة جرير، جدير بالذكر أنني اشتريت من المكتبة نفسها أفلاماً غير متوافرة في مصر مثل هيتش لويل سميث وذا سمبسونز الموفي.

أنا التطور الطبيعي للمسلمين أخرجت من ملابس الإحرام فوق الصفا قائمة بالدعوات التي كلفني بها الأصدقاء، لم تكن مجرد دعوات مطلقة بالصحة والستر والرضا لكنها كانت محددة بدقة ...طلب مني صديق أن أدعو له أن يبعد حماته عن شئون بيته ودعوت لآخر أن يعينه الله علي تسديد أقساط بيته الجديد في التجمع الخامس، ودعوت لصديق بنجاح فيلمه الذي سيعرض في الصيف، ودعوت لصديق آخر مطرب أن يصبح «بنص طلبه» أنجح مطرب في مصر، ودعوت لقريب أنه «يلاقي شغل في إيطاليا»، ودعوت لآخر أن يكسب القضية التي رفعها علي المصنع الذي استغني عن خدماته دون مبرر، ودعوت لصديق «حسب طلبه» أن يعينه الله علي الإقلاع عن تدخين الحشيش «لم أكن أعرف أنه يدخنه قبل أن يوصيني بالدعاء..لذلك أخلصت في الدعاء له.. بس شكله هو اللي مش عايز يبطل» ، دعوت لصديقة أن يوفقها الله في قضية الخلع التي رفعتها علي زوجها ولأخري أن يرزقها بطفل لا حبا في الأطفال لكن حتي لا يتزوج رجلها الذي تعشقه بأخري، دعوت لقريبة «حسب طلبها» أن «تخس شوية علشان تعرف تتجوز» ويبدو أن الله استجاب حيث أصيبت بفيروس في المعدة جعلها تعيش الشهرين الماضيين علي الطعام المسلوق والفاكهة الأمر الذي أفقدها عدة كيلوجرامات أغرت قريباً لنا أن يطلب يدها بعد أن رآها في عزاء والدته.

أنا من المسلمين الجدد الذين يقاطعون المنتجات الدنماركية ويطلبون الفتوي بالتليفون ويصلون علي سجاد صيني الصنع مزود ببوصلة لتحديد القبلة ويستخدمون الأدعية المسجلة في الحرم وأغاني سامي يوسف كرنات للموبايل وآية «ولسوف يعطيك ربك فترضي» كخلفية لشاشته ويبدأ الدي جي أفراحهم بأسماء الله الحسني لهشام عباس ويذهبون إلي الحسين من أجل الشيشة التفاح وإلي السيدة زينب من أجل كفتة الرفاعي وكلما ذكرت أمامهم رابعة العدوية تذكروا نبيلة عبيد أو شارع الطيران علي أقل تقدير.
Post: #7106
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-12-2010, 06:25 AM
Parent: #7104

صبحكم الله بالخير و السرور

أبحث هذا الصباح عن الكلمات فلا أجدها و لكني مصر على الكتابة...
فلن أدع قتامة هذا الأسبوع أن تهزمني و تهزم الأمل و التفاؤل...
فاشراقة شمس هذا الصباح تدعو الى التفاؤل و النشاط و الرجاء...
و ان كنت أرجو أن ينقضي هذا الأسبوع سريعا فلي في ذلك مآرب كثيرة...
أهمها أن تنقلب صفحة هذا الأسبوع الذي ربما يمر فيه في سمائي نجم ما...
أنا لا اؤمن كثيرا بهذه الأشياء أو قل لا أهتم كثيرا بها متوكلا على الله و هو حسبي...

أبو الزوز لقد قلت تداخلاتك كثيرا هذا الأسبوع...
هل ثقلت الدفاتر...أم أنك تبحث في دفاترك القديمة علك تجد ونسا...

اندفع باكستاني داخلا على مدير شركة المقاولات التي نشرف عليها و هو يبكي...
الباكستاني متقدم في العمر له لحية بيضاء كثيفة و يبدو عليه انه لم ينم منذ أسبوع...
كان يحرس أحد المواقع الطرفيه...حيث له غرفة مجهزة يبقى فيها لوحده...
قال لمدير المشروع اما ان تنقلني أو أستقيل و على الفور...
هدأه الرجل ثم طلب حاول أن يعرف أسبابه...
فقال له ان مجموعة من الجن أو الشياطين و العياذ بالله لا تتركه ينام...
فهي ترمي غرفته بالحجارة طوال الليل...
هذه المنطقة جزء من صحراء الربع الخالي...

To Be continued
Post: #7107
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-12-2010, 07:38 AM
Parent: #7106

يا رشدي والله جري بره المكتب لأنجاز بعض المهام الشخصية .... والحمد لله قد توفقت البارحة .....
صحوت علي غير العادة صباح اليوم حوالي السادسة والنصف صباحاً .... وبدأ أقلب التفكير ذات اليمين وذات اليسار ولأمر ما جال علي خاطري المثل المعروف ....

مية نطة ولا بعبوص واحد ....

عليك الله عايز رايك في المثل ده ..... وعن الوفاء بالوعد خاصة إذا لم يكن هنالك سوي الإلتزام الأخلاقي
Post: #7108
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-12-2010, 07:55 AM
Parent: #7107

أصبحنا وأصبح الملك لله الواحد الأحد

قيمة الأشياء تعرف عند حاجتها
قال (ص)
أقرب مايكون العبد من ربه وهو ساجد ، فأكثروا من الدعاء

اللهم أجعل خير عمري آخره وخير أعمالي خواتمها
وخير أيامي يوم ألقاك
Post: #7109
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-12-2010, 08:45 AM
Parent: #7108

Quote: صحوت علي غير العادة صباح اليوم حوالي السادسة والنصف صباحاً


كلها اسبوعين بالكتير ، تانى لو دقــو ليك الطار فوق راسك ما بتصحى

لقط ليك كم منبه وختهم فى الاركان زى صاحبك
Post: #7110
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-12-2010, 09:39 AM
Parent: #7109

عملنا المداخلة دي في بوست شركة الزقازيق القابضة ...
ولكن الازقة البهناك المرور عليها قليل ...
لمزيد من الاطلاع ... ورايكم يهمنا ... قنا نجيبا هنا

Quote: شباب الزقازيق ...
واخص اعضاء شركة الزقازيق القابضة
عندي اختراح مشروع .. هين ولين وسهل وسريع وممكن يدر كاش من أول يوم ....
ودرجة المخاطرة تكاد تكون معدومه وخاصة لو تم اختيار المكان المناسب ...
ارجو وان يتم دراسة انشاء "مطعم" أي نعم - مطعم - درجة اولي يقدم وجبات
"فاست فود" برجر - شاورما - مشاوي – سمك ودجاج فرايت وسلطات وكمان فول وفلافل بصورة جيدة جدا –
ده غير المعجنات والعصائر والمشروبات الباردة والساخنة والحلويات
تنتقي الاصناف التي تؤكل طوال اليوم - عشان يشتغل من الصباح للمساء –
ويكون المحل واسع وكبير مع عمل ديكور ممتاز وجلسات مريحة وتشمل الاسر
والله الفكرة دي حارقاني من اول يوم طرحتو المشروع
طبعا لو وافق الأعضاء على هذا الاقتراح او الفكرة ...
ونجاحو مضمون - حتي لو اكلو فيهو اسر الزاقازيقاب وحدهم ...
وبيكون نقطة التقاء لنا ...

عجبتني فكرة مطعم "لذيذ" في العمارات ... تدخل لازم تأكل لو ب ألف أو مليون ...
مع الترتيب والنظافة وجودة الخدمات ...
Post: #7111
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-12-2010, 10:22 AM
Parent: #7110

ابو الزوز يا حبيب ...

القصة الاتمسحت راحت فى حق الله ...

وكان عمك قوقل بيقدر يرجعها ليك .. خليهو بالمرة يطرشق لينا الاستفتاء الجايينا ده ...

&&&&&&&&&&&

نجيلة .. المشروع جميل ومغرى لكن المهم الناس الفى الوطن الحبيب

يدرسوا بدقة وقبل البحث عن الموقع والمساحة .. مسائل واشتراطات الضرائب والعوائد والرسوم والالتزامات الاخرى

لانها بكل أسف هى العبوه الناسفة لاى مجهود استثمارى صغير - وهذا عن تجارب مريرة ..!!!
Post: #7112
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-12-2010, 10:56 AM
Parent: #7111

ولدنا محمد عيد ...
عشان الضرايب والجبايات المختلفة والماليها حد ...
اخترحت هذا المشروع ... قروش كاش ...
كل واحد ممكن ياكل ...
الزبائن تاكل ...
ونحن ناكل ...
وناس الجبايات كلهم ياكلو ...




======================================
عيد ... موضوع العمرة العصرية
حقيقة واقعة ... وفعلا ده الحاصل
لما مشيت العمرة ... واحد وصاني ... دعوه لللوتري امريكا
واولادي ماشين وراي ... وبقولو لي بسرعة يابابا ...
عشان يلحقو فلم اسبيس تون ...
Post: #7113
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-12-2010, 02:00 PM
Parent: #7112

نهاراتكم بالهناء والسرور ...

أبوالزوز يا ود أمي نط وخليك من الإلتزامات المعنوية اللي ما جايبة همها دي ...

يا رشيد القوم الباكستاني دا إلا نجيب ليهو الشيخ جلا يفرتق ليهو ناس شوشو ديل .. وبالعدم ممكن الشيخ جمال فارح أبوسبحة (محايتو بيبسي وحيرانو جكسي) ...

ياسر نجيلة .. شايفك متحامل علي ود أختي حارس العرين .. لكن ما مشكلة لما نشيل كأس الكنفدرالية بعد كدا يحلها ألف حلال .. مشروع المطعم حقيقي جميل والسودان هنا بقى الأكل والأكل النظيف هو أنجح بزنس لكن الجودة والطعامة والنظافة والمحافظة على ذلك هو مربط الفرس ...
Post: #7114
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-12-2010, 06:15 PM
Parent: #7113

Quote: Hi Dear Zenati
Note to Zagazigab adresses
Osama Gad Alla Elnaiem
faculty of law 1988
Sudan judiciary member
Address Niskayuna,Hill crest Village west apt 40C2,New York12309
Mobile 518 512 6329 E.Mail [email protected]
thanks


مولانا اسامة جاد الله غادر السودان مع أسرته وهو مقيم الآن في الولايات المتحدة الأمريكية وهذه العناوين لعناية الأخ سامي عبد الوهاب لبوست ناس الزقازيق ....

بالمناسبة يا ناس الشرقية وين سامي عبد الوهاب ....
Post: #7115
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-13-2010, 06:53 AM
Parent: #7114

صباح الخير ،،،، يا وجوه الخير


لا اله الا الله عدد ما كان
لا اله الا الله عدد ما يكون
لا اله الا الله عدد الحركات والسكون
اللهم إني اسألك من خير ما سألك به
محمد صلى الله عليه وسلم ..
واستعيذ بك من شر ما استعاذ به
محمد صلى الله عليه وسلم ..
Post: #7117
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-13-2010, 07:07 AM
Parent: #7115

Quote: كلها اسبوعين بالكتير ، تانى لو دقــو ليك الطار فوق راسك ما بتصحى

لقط ليك كم منبه وختهم فى الاركان زى صاحبك


كلامك صاح يا النضيف ،،، الخوف من قلة المداخلات

وعدم وجود الوقت الكافي ،،،،،،، وفي إتصال هاتفي

مع أبو الزوز فقد وعد أولادي بقضاء عيد الأضحى القادم

بمدينة جدة كما سعدنا العام الماضي بعائلة منصور عبدالرازق

إستعدوا يا ناس جدة للجميل القادم ،،،،

أوعك تخذلنا يا أبو الزوز!!!!!!
Post: #7116
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-13-2010, 06:58 AM
Parent: #7114

صباح النور ، أصبحنا وأصبح الملك لله

أقوال جميلة نستفتح بها يومنا

كن مع الله ولا تبالي
من كثر إحسانه كثر إخوانه
من عمل بالراي غنم، ومن نظر في العواقب سلم
من أطال الأمل ساء العمل
أمران مغبون بهما كثير من الناس ( الصحة والفراغ)
ليس الذي يقول الحق ويفعله بأفضل من الذي يسمعه فيقبله
Post: #7118
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-13-2010, 07:10 AM
Parent: #7114

والله البوست ده اصبح حاله حال ..... ليه كده يا ناس ورونا الحاصل شنو . بنات الشيوخ قاموا علي جرير الأضنين .. خاصة انه البرد نزل
كر عليكم ..... اللهم احمي اهل هذا البوست من بنات شيوخهم ... واحفظ أضنينهم من الجرير .... ياسر ، كمال ، جلال ومن لف لفهم من أصحاب الأضنين .....

يانجيلة موضوع المطعم طبعاً فكرة رهيبة .... بس المطاعم مستويات .... زي أمواج وغيره عايز راس مال كبير وإدارة محترفة بس عوائده مهولة ..... اما المطاعم الوسط فهي وسط في كل شئ .... مثل هذه الأفكار تشعل التفكير والنشاط في الأعضاء نتابع هذا الموضوع في البوست المخصص للشركة ....

البادي النور والله ود أختك الواحد لو مابلع حبة الضغط صعب عليهو يتفرج علي مباراة للهلال أو الفريق القومي ... صراحة هو حارس ممتاز بس لو خلا الحركات البيعمل فيها دي .... ياخي قول ليهو في ناس عيانيين ....
Post: #7119
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-13-2010, 07:28 AM
Parent: #7118

أخونا ومولانا /عادل الحسين إتصل يسلم عليكم ويسأل عنكم
وماشاء الله قال متابع ومستمتع ويثني على الدور الكبير الذي
يؤديه البوست ويشكر كل القائمين عليه.

سـلام يا أبو الزوز وكيف أخبار الباسويردات ، ماتنسى الأخ/ عادل الحسين
Post: #7120
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-13-2010, 08:04 AM
Parent: #7119

يا ابو حميد سلامات ....... تابعت كلامك عن الشركة وبحثك عن الشقة كلام مهم ليت الناس تأخذ بالها منه ... في بوست الشركة ...

يلا يا ناس عايزين نرسل لباسويردات ... وده النداء الأخير لركاب الرحلة ...... اي زول عايز باسويرد يحصل ويرسل علي الإيميل

[email protected]
Post: #7121
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-13-2010, 03:20 PM
Parent: #7120

سعدت قبل قليل بمكالمة من الكوتش محمد صديق ..... من بلاد فارس طهران حيث يقضي عشرة أيام كدورة تدريبية .... في مكافحة المخدرات .... يغري تحياته للجميع ويسأل عن الأحوال ...... متأكد ما في زول حا يضرب ليهو في إيران عشان كده ما نزلت رقم تلفونه ... شايف الناس عملت ساتر حتي من المداخلة دي ....
عالم ج ب ا ن ا ت بشكل ؟.....


اسرح وأمرح هذا اليوم في البوست لوحدي ... عدا مجاملات أحمد إسماعيل ....

يا أحمد شوفت صورك بتاعت حفلة ود الأمين في نادي الضباط في بوست جلال في المنبر .... غايتو لو بحالتك دي دفعة جلا ... والله الواطة كالت خشمه ... ياخي إنت عجايز أكتر من الريسين ذاتو ....
Post: #7122
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-13-2010, 06:18 PM
Parent: #7121

Quote: يا أحمد شوفت صورك بتاعت حفلة ود الأمين في نادي الضباط في بوست جلال في المنبر .... غايتو لو بحالتك دي دفعة جلا ... والله الواطة كالت خشمه ... ياخي إنت عجايز أكتر من الريسين ذاتو ....


دي الغربة يا أبو الشباب عشان كده نصيحتي لك
حدد هدفك وأحصده بأقصر الطرق وأرجع مع عيالك
وماتغرك عيشتنا دي والمناظر كل بوية ساكت زي
مابقول الباكستاني والبنغالي
والعاقل من إتعظ بغيره
Post: #7123
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-13-2010, 08:25 PM
Parent: #7122

Quote: مصر: غضب ضد الحرس الجامعي.. بعد أحداث طالبات "الزقازيق" (فيديو)


أعلن عدد من الحركات السياسية المختلفة، من بينها الجبهة الشعبية الحرة ورابطة طلاب مصر وطلاب اتحاد أندية الفكر الناصرى، إلى جانب عدد من المدونين ، تنظيم وقفة احتجاجية يوم الاثنين المقبل الموافق 18 أكتوبر أمام وزارة التعليم العالى احتجاجا على الاعتداءات الأمنية التي شهدتها الجامعات الحكومية المصرية بعد قيام الأمن بالتعدي على ناشطات بجامعة الزقازيق.

انتهاكات بلغت ذروتها!


وتسعى الحركة السياسية إلى تقديم 3 مطالب أولها طرد الحرس الجامعى خارج أسوار الحرم الجامعى، وفتح باب التحقيق مع الضباط المتورطين فى الجرائم التى جرى ممارستها ضد الطلاب، والمطالبة بإطلاق حرية الطلاب بما يكفل حقهم فى التعبير عن الرأى وممارسة كافه أنشطتهم السلمية دون قيود. وجاء فى بيان للحركت السياسية أن انتهاكات الحرس الجامعى بلغ ذروته بعد الضرب المبرح الذى تعرض له إحدى الطالبات داخل حرم جامعه الأزهر بالزقازيق أثناء مشاركتها فى إحدى الفعاليات الطلابية، وادى الضرب المبرح إلى إصابة الفتاة بارتجاج فى المخ وجروح خطيرة أخرى في أنحاء متفرقة من جسدها، بجانب الإشاره إلى احتجاز إحدى الطالبات داخل غرفة الأمن بجامعة الفيوم بمفردها بعد رفضها تفتيشه لها ذاتياً، بجانب التعدى على طلاب جامعة عين شمس بسبب المعارض التى يقيموها وأدت لتحويلهم للنيابه فى عدد من المرات.



تفتيش ذاتى بالقوة:


وكان فرع جامعة الأزهر بالزقازيق قد شهد اشتباكات بين حرس الجامعة، وطالبات أسرة المنار، المنتمية لجماعة الإخوان المسلمين، بسبب إصرار الأمن على تفتيش إحدى الطالبات ذاتياً، والإعتداء عليها بالضرب. وشرحت إحدى الطالبات الأمر من بدايته قائلة: "حينما أصر الأمن على التفتيش طلبنا أن يتم ذلك عن طريق موظفة، أو مشرفة أمن، فرفضوا ذلك وقال أحدهم :"هو احنا مش ماليين عينكم"، وحاولوا تفتيشنا بالقوة، وعند ما قاومناهم انهالوا علينا بالضرب ركلاً بالأقدام والأيدي، ثم فتحوا علينا خراطيم المياه".



منع سيارات الإسعاف من الإنقاذ!!


وأضافت طالبة أخرى: "لم يتنه الأمر عن هذا الحد بل منع حرس الجامعة سيارات الاسعاف من نقل المصابات، نتيجة الاعتداءات، إلى المستشفى حتى لايتم تحرير محاضر ضدهم". وأشارت إلى أنهن استمررن فى الضغط على الأمن للسماح بنقل المصابات إلى المستشفى، حتى نقلت الطالبة سمية أشرف، الفرقة الرابعة كلية الدراسات الاسلامية والعربية شعبة أصول الدين، إلى مستشفى "الأحرار" بالزقازيق بسبب اصابتها بنزيف داخلى. وأعلن الطالبات اعتصامهن أمام الجامعة بعد رفض الحرس دخولهن إلى الحرم الجامعي ، ورددن شعارات "يا عميدنا ساكت ليه.. ضرب سمية ده كان ليه"، "يا عميدنا فين المسؤولية.. إنت الراعي ونحن الرعية". ومن جانبها اتهمت الطالبات، حرس الجامعة بالتحرش بهن جنسياً، وطالبن باقالة الدكتور "عبد العزيز جبريل" عميد كلية الدراسات الإسلامية، فرع جامعة الأزهر بالزقازيق، بسبب سماحه للأمن بالتعامل معهن بهذه الصورة الهمجية.



كما طالب المعتصمات بضرورة تدخل الدكتور "أحمد الطيب" شيخ الأزهر، لرفع الظلم عنهن والحفاظ على كرامتهن. فيما نفى مصدر أمني، طلب عدم ذكر اسمه، الاعتداء على الطالبات، وقال إنهن رشقن أفراد الأمن بالحجارة مما أدى إلى إصابة فردين من أفراد الحرس.



تغادر المستشفى .. والنزيف لم يتوقف!


وفى السياق ذاته اتهم والد الطالبة سمية أشرف الصعيدى - إحدى ضحايا عنف الامن-بعدم استكمال علاج الطالبة تحت ضغط أمنى. وقال والد الطالبة إن نائب مدير المستشفى تعليمات للطبيب المعالج بخروجها بعد 10 ساعات من دخولها المستشفى رغم وجود اشتباه فى نزيف داخلى كما هو مثبت فى التذكرة الخاصة بها بعد تشخيص حالتها، وصدر إذن الخروج برقم 14979/2734 مؤقتا بالساعة 8 مساء بالرغم من أن المريضة دخلت المستشفى الساعة الـ10 صباحا. واضاف أن أمن المستشفى طالب المريضة ووالدها بمغادرة غرف المستشفى، ولكن نظرا لأن حالتها الصحية لا تسمح بذلك، فوافق أمن المستشفى على أن تظل فى صالة الاستقبال بالعيادات الخارجية، وبالرجوع إلى أحد الأطباء المتخصصين بالجراحة أكد أن أى حالة اشتباه فى نزيف داخلى تخضع للعناية والرقابة لمدة تتراوح ما بين 24 ساعة و48 ساعة لتظل تحت الملاحظة الطبية المكثفة طبقا للحالة والمعايير الطبية المتعارف عليها.

وفى الوقت ذاته طالبت لجنة الحريات بنقابة المحامين النائب العام المستشار عبدالمجيد محمود، بفتح تحقيق فورى فى واقعة الاعتداء على طالبتى جامعة الأزهر بالزقازيق، ومحاسبة المتورطين فيها وإحالتهم إلى محاكمة عاجلة. وقال جمال تاج الدين أمين عام لجنة الحريات: "إن الجريمة لا يجوز الصمت عليها بأى حال، خاصة مع الغضب المتصاعد بين الشباب، ولابد من فتح تحقيق فورى مع المتورطين من وزارة الداخلية، تجبنا لما لا تحمد عقباه.
Post: #7124
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-14-2010, 07:57 AM
Parent: #7123

يا حنين دي جامعة الأزهر بالزقازيق وليس جامعة الزقازيق .... رغم كده لا بد من إدانة هذا السلوك الهمجي ... من الأمن ولا بد من التعاطف مع هؤلاء الطالبات .... في كل مكان يظل الأمن أمناً ...


وبرضو سعيدين بعودتك للحوش مرة أخري .... أبقي داخل يا حنين ومحلك شاغر
Post: #7125
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-14-2010, 08:20 AM
Parent: #7124

اهو كلو زقازيق X زقازيق يامان
ويظل صراع الطلبة ضد القمع المؤسس واحد
تحياتي
Post: #7126
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-14-2010, 09:02 AM
Parent: #7125

ابو الزوز مرة فى المساء طلعت فوق فى غرف دار الاتحاد الصغيرة ديك
لقيت ناس اداب ملموين ، فى ركن كده قاعدين حيدر حنين واحمد عوض وياسر
عوض الكريم وسيكلوجى واكشن وعصمت الصايغ ومنى عباس وامانى دفع الله
طبعا كلهم دفعتى واصحابى ، افتكرت الحكاية فيها غــناء ، قعدت ادندن
مع احمد عوض وونسة مع البقية ، فجأة كده عوض المفتاح ( قمعنى ) ليك
وقال لى دى اجتماع االاسرة ، لو سمحت ، زووول من اصحابى اتكلم مافى
طلعت بره واحترمت نفسى ...
داك برضو ما كان ( قمع مؤسس ) يا حنين ولا كيف ..؟


مشتاقوووووون
Post: #7131
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-14-2010, 11:28 AM
Parent: #7126

نقلا عن الاستاذ :الفاتح جبرا
فى أيام شبابنا الباكر ظهرت فى العامية السودانية بعض الألفاظ التى لم نكن يعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الضائع) الذى قام بكتابته (واحد من شباب اليومين ديل) .قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.فى مساء ذات اليوم سمعت ابنها الأكبر يخاطب شقيقة :- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية). ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده. - طيب أفرض قال ليك إنتا لسه وعمل ليك (الجزيرة أبا) ؟- ما مشكلة بعمل للموضوع (كمال ترباس) طوالى - طيب وكان ورطك وقال ليك عمل ليكم (إيهاب توفيق) ؟- خلاس أقول ليهو نعمل (عقد الجلاد) بعد ما نتخرج - طيب أفرض قال ليك تعمل (عرس الزين) طوااالى- ما (بدق ليهو جرس) طوااالى - وكان أصر على (عرس الزين)؟- بسيطة بعمل ليهو (الفتيحاب)معانى المفردات :-
الحنان = الحبيبة- أحنك = أقنع - عبدالعظيم حركة = عاملة حركات- الفاتح النقر = بيفتح ليها كناية على عدم الإهتمام - عمر إحساس = يعمل فيها حساس - شرحبيل أحمد = الشرا وعدم الحضور للمواعيد- جوزيف لاقو = مجازفة- محمود الخطيب = الخطوبة- مقندل وماسك كهرباء شديده = مرتاح وعندو قروش كتيره- الجزيرة أبا = رفض- كمال ترباس= يقفل على الموضوع - إيهاب توفيق = الموافقة- عقد الجلاد = عقد القران - عرس الزين = الزواج- دق جرس = للرفض بشدة - الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة بعد أن تحزمت بثوبها وهى تصيح :هووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل) - سجم و كمان عدم فهم ؟!!- (فى صوت واحد) : معقوله؟ الحاجة طلعت تفتيحة !

كسرة :

أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم
Post: #7127
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-14-2010, 09:33 AM
Parent: #7125

صبحكم الله بالخير

حيدر حنين حبابك ألف و برضو بلا كشرة حنى و ان لم تستقيم القافية...

هبت نسيمات الشمال...اليوم بدأت أول بوادر الشتاء...
حيث كان الجو باردا فجر اليوم...
فأخذت أتفقد دفاياتي و أشوف ان كانت لا زالت تعمل بعد خمول دام طوال فترة الصيف...
هي هكذا تشعر بالضيق و أنت تنظر اليها طوال السنة و هي تأخذ حيز في المكان...
و تشعر بالامتنان لها و الحب في الشتاء القارس القصير...
و رغم ان الصيف هنا لا يحتمل و تتمنى أن تكون كل الشهور شتاء...
الا أنه أحيانا في بعض ليالي الشتاء عندما يتسلل الهواء الباااارد من احدى الفتحات...
تسمع صوتا و لا تراها...تقلب نفسك تحت الغطاء ذات اليمين و ذات اليسار...
تحاول أن تجعل الغطاء تحتك و لكنك لا تغلق كل الفتحات...
فيتسلل اليك الهواء البارد يمنعك النوم حتى الصباح...
هذا يوم تتمنى فيه عودة الصيف الذي مهما كان حارا فيمكن التغلب عليه بالمكيفات...
غير ذلك فالشتاء فصل جميل و لذيذ وفي السودان تكثر فيه الخضروات...
و ما ألذ سلطة الطماطم بزيت السمسم أو حتى بالدكوه...
و اللتان لهما في نفسي مكانة كبيرة...
فأنا ممكن تكون كل وجباتي طماطم بزيت السمسم...
حتى شاي الصباح الذي يفضله منصور بالبسكويت....
و هذه مناسبة لنسأل عن منصور...أين أنت يا منص...
عندما هبت النسيمات الباردة هذا الصباح تذكرتك...
و تذكرت الشعيرية الكنت بتجوعنا بيها في الشتاء...
آه...ما أقساها و ألذها أيام...كانت لذيذه طوال الأسبوع الا يوم يكون الميز عليك..
يوم يكون الميز عليك يكون يوما قاسيا...
لا تستطيع أن تنوم من الجوع الا اذا كنت داسي ليك ساندوتش لانشون في الدولاب...

كل شتاء و أنتم بألف خير
Post: #7128
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-14-2010, 09:45 AM
Parent: #7127

يا رشا اليوم الخميس انت لسه ما ركبت الخط

زميلنا احمد السنى كل ايام الاسبوع ما بيمشى الكلية الا يوم يكون
عليهو الميز بمشى حتى اخر محاضرة زوغانا من شغل المطبخ

هو تخصص لحمة فقط وما ليهو فى النشويات ، يوم دخل المطبخ بتكاسل
عشان يعمل العشاء ، اخد ليهو زى ساعة جوة والناس بره ميته من الجوع

جاء طالع بره وسألنا سؤال بصوتو العالى وخاتى يدو فى الحيطة

اسمعوا بالنسبة للشعيرية ، المويه قبل الشعيرية ولا الشعيرية قبل الموية

الناس ختو يديهم فى راسينم ، لا حولالالالالا هو انت لسه ما سويتا ...


اللانشون ما بحلك يا رشا عليك بالفجركى
Post: #7129
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-14-2010, 09:58 AM
Parent: #7128


أصبحنا وأصبح الملك لله رب العالمين

ياخي أنت عجايز أكثر من الريسين زاتو
يا أبو ازوز دفعتنا دي منو الشباب فيهم
الذين شعرهم حتى نهائيا محتاج كتلوج لمعرفته
ولا الذين صلعاتهم وصلت تحت ظهورهم
ولا الذين إكتسو باللون الأبيض ، على الأقل لون التفاؤل كما ذكر الشادي
من ذلك نثتثنى البادى وأنت أما جلا الله يعلم الظاهر لاقي ليه خلطة سريّة من
المنظمات البعمل فيها دي
Post: #7130
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-14-2010, 10:21 AM
Parent: #7129

خميس عينة ... مميز جدا ... على غير العادة
خاصة انو اكتسى بذكريات الاتحاد والميز وظهور حنين واحمد السنى من وراء حجاب
دا على سبيل التحية والاشواق ...
وعلى سبيل الحاجات التانية نفتقد بشدة منصور والكوتش وجلا
منصور نتمنى ان لا يمتد حزنه كثيرا فذلك ينعكس علينا ونحزن ...
ربنا يجعلها آخر الاحزان يا ابو احمد

والكوتش ربنا يرجعوا بالسلامة ... وجلا ربنا يفك اسروا الاسفيري

الباقين ... وخاصة المرابطين (المرطبين لا)
يديكم العافية الرشيد وابوالزوز وديدو وابوعمر
الريس والبادي نفتقد صباحاتكم....















-------
جبريلا اظنو مشغول بأمور السفر اليومين ديل ...
Post: #7132
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-14-2010, 11:44 AM
Parent: #7130

صباح الخير ،،، يا وجوه الخير

تحية صباحية نهديها للمرابطين بالكتابة

وخاصة أسد البوست وحارس عرينه (مش المعز) أبو الزوز

حيدر حنين رجعت بنا إلى سنين خلت وايام مضت ودهر قد

ولا يا حيدر يعودُ ،،،،،،، تذكرت لقطة الفيديو وقد خُيل لي

بأن الباب الحديدي هو باب دار الإتحاد وقد جنزره مجموعة مبارك جادين

قبل أن ٌيخطف الجنزير ويصادر إلى مكان غير معلوم،،،،

الشتاء على الأبواب عارف يا رشيد القوم أن لا أحب الشتاء أبداً

ولكن أحب الربيع والنسمات العليله ولفحة الهواء البارد ولكن

أمقت البرد والزمهرير إستأجرنا شقة ونحن برالمة وبعدم خبره

كانت بالقرب من الزراعية ومكشوفه وهاك يا بعوض

وبرد قارص شربنا فيها كمية من الشاي بغرض التدفئة حتى كرهنا

الشاي إلى يومنا هذا وبالتالي أنا لا أشرب شاي حالياً إلا مجاملة

فقط ،،،، قام واحد زميلنا ومن شلتنا لا داعي لذكر أسمه بإحضار

بف بف ونحن نيام والبعوض يسرح ويمرح ورش البعوش ورش الناس النيام

وإستنشقنا أكبر كمية من البف باف ،،، وقمنا مذعورين من نقص الأكسجين

وريحة البف باف وصارت عندنا حساسية مفرطه،،،،
Post: #7133
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-14-2010, 04:48 PM
Parent: #7132

تخضع الآن والدة الأخ نادر فاروق الياس لعملية في المستشفي الدولي ... بعد أن تعرضت لكسر مركب أثر سقوطها .... نتمني لها عاجل الشفاء ......

تلفون نادر للمرة المليون 000249912209033
Post: #7134
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-14-2010, 04:48 PM
Parent: #7132

قال رسول الله صلى الله عليه وسلم:
( إن الله عز وجل ليرفع الدرجة للعبد الصالح في الجنة
فيقول: أي رب، أنى لي هذا ؟ فيقول: بدعاء ولدك لك)

اللهم أجعلنا من الذين يحسنون تربية أبنائهم
Post: #7135
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-14-2010, 05:06 PM
Parent: #7134

يا ابو حميد والله صحي صحي تربية الأولاد تستحق الدعاء .... ياخي دي صعبة خالص ....


يا جماعة ما في زول يفقد لينا طارق جبريل ده ....
Post: #7136
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-14-2010, 10:17 PM
Parent: #7135

Quote: تخضع الآن والدة الأخ نادر فاروق الياس لعملية في المستشفي الدولي ... بعد أن تعرضت لكسر مركب أثر سقوطها .... نتمني لها عاجل الشفاء ......

خالص الامنيات لوالدة الاخ نادر بعاجل الشفاء ونتمني ان يمن الله عليها بنعمة الصحة والعافية ....
حفظ الله امهاتنا جميعا من كل سوء ...
Post: #7137
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-15-2010, 01:01 PM
Parent: #7136

جمعتكم مباركة

خالص الامنيات لوالدة الاخ نادر بعاجل الشفاء ونتمني ان يمن الله عليها بنعمة الصحة والعافية ....
حفظ الله امهاتنا جميعا من كل سوء ...
Post: #7138
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-15-2010, 02:30 PM
Parent: #7137

سلام




وبس



الكوتش

لا متابع لا مستمتع


بيسال

عن كورة الهلال ...... والسودان وغانا ....


ويغريكم التحايا
Post: #7139
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-16-2010, 06:47 AM
Parent: #7138

يا مونساتية

سلام

سحروكم وادوكم عين .....
وين صباحيات الريس والبادي .... ووين دخلات حاتم وطارق .... وكتابات منصور والرشيد .... وتجليات جلا ونجيلة .... وين احمد اسماعيل وموسي عيسي ...

وكبسولات الكوتش ومحمد عيد ....

يا جماعة نبخر ليكم البوست ده ...
Post: #7140
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-16-2010, 07:35 AM
Parent: #7139

صباحك خير ونور يازهير ، وهي أفتكر أي كلمتين تكفي
سوى دعاء صباحي صالح أو حكمة أو راي الحكاية كلها خمسة قائق
من وقتنا والزادنا بمداخلة شحمانة كل بأجرهـ

قال سبحانه وتعالى
( وقضى ربك الا نعبد إلا إياه وبالوالدين إحسانا)
نسألك اللهم الرحمة والمغفرة والصحة والعافية لوالدىّ
اللهم أرزفنا رضاهم ونعوذ بك من عقوقهم
Post: #7141
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-16-2010, 07:43 AM
Parent: #7139

اللهم رب الناس أذهب البأس أشفي أنت الشافي
لا شفاء إلا شفاؤك شفاءا لايقادر سقما
اللهم داوي أم زميلنا نادر فاروق واشفها بشفائك
وأعنها بفضلك عمن سواك وأبعد عنها كل مايؤذيها

نعوذ بعزة الله وقدرته من شر مانجد ونحاذر
Post: #7142
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-16-2010, 08:59 AM
Parent: #7141

صباح الهناء والسرور ...

اللهم رب الناس أذهب البأس أشفي والدة زميلنا نادر فاروق .. أنت الشافي لا شفاء إلا شفاؤك شفاءا لا يغادر سقما ...

أبوالزوز اللذيذ والله مشتاقين كتير .. لكن زحمة الدنيا كتيرة ...

حنين الحنين وين أيامك وين .. يعني بقيت تظهر بالمناسبات وبس .. يعني لو ما رجال الأمن في جامعة الأزهر ما كننا شفنا مداخلاتك .. نحن لا نتمنى حدوث المصائب حتى نشوفك ولكن نتمنى نشوفك رايق ومرتاح ومبسوط ومن غير مصائب أمنية داخلية أو خارجية ...

التحية للناس الحلوين كلهم الحاضرين والغائبين ...

الشتاء في السودان يعتبر هو فصل الربيع لا محتاج سويتر ولا بلوفر ولا فنيلة .. بس بيكون الجو بارد في الصباح والمساء وباقي النهار كأنك في شهر أغسطس ...
Post: #7143
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-16-2010, 08:59 AM
Parent: #7141

خالص الامنيات لوالدة الاخ نادر بعاجل الشفاء ونتمني ان يمن الله عليها بنعمة الصحة والعافية ....
حفظ الله امهاتنا جميعا من كل سوء ...
Post: #7144
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 09:43 AM
Parent: #7143

يمينا بالله يحبكم
وانا متخيل منظر وشكل ونفسيات جلا , وهو يمشى هكذا (دون باسويرد )
يعنى ممكن الزول الصباح عادى كده يصحى , يلقى نفسه ما قادر يكتب فى بوست الزقازيق
اذا كان الواحد ما قادر يكتب مجبور , لزنقة عمل او لدبرسة عارضة او لمزاج معكر , فان ذلك يستهلك فيك ومنك
فما بالك ان يمتنع كيبوردك عن الأستجابة , وتاتيك الرسالة السخيفة , بانك ضيف , مجرد ضيف , بس تقرا وتشتت
فان تلك حالة اخير منها (حالة العدو ) , كما كانت تردد امى رحمها الله , ورحم امهاتكم اجمعين و كما ميتينا وميتيكم
قبل ما تدى الناس باسويردات جديدة , رجع لينا جلا
والله حتى جلا المبهدلنا داك , وبما انه (نديدى الأسفيرى )
فانه ومنذ اليوم الذى فقد فيه باسويرده , ضليت انا طريق المشاركات الأيجابية
ودخل قمرى حيز المعاكسات , حتى ان عبيد خوجلى (مات ) , ولم يوف بوعده المضروب
وانتفت المواثيق والغيت العهود والعقود , واكتست الدنيا بلون الرماد
الا ان الربيع قادم يا ريس ميسرة , وسنغنى عدت يا عيدى بدون زهور
فوين قمرنا , ووين البدور (الغابوا عنى )
Post: #7145
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 09:57 AM
Parent: #7144

عندى جوع للكتابة , وتتملكنى شهية تواصل مخبف
محمد صديق الكوتش , حتى ولو كان فى ايران
انت البيوديك البلد ديك السيدها حايم ومارقا فى لبنان شنو ؟؟
نجاد قال للجماعة , امرقوا من الحتة , واعتذروا كمان
وانت ماشى لغاية عنده عاوز تدرس اساليب مكافحة القشارات ديك ؟؟!!!!
عد الينا معافى , وانا بتخيل انك مريت بذات دورتى القمرية , ولكن خيالى واملى ان دورات القمر (المحاق )
وولادات (الأهلة المتعسرة )
تنتج شهورا قمرية (خديجة )
فتكون ايامنا المولودات ساعتئذ ( اولاد وبنات سبعة )
فنخاف عليها عندها من الهواء الطائر , فجهاز مناعتها , جهاز خديج غير مكتمل التكوين
ولكن ثقتنا فى (امهات الشهور )
ثقة لا حدود لها
حتى انها تجعلنا , ندعو الله واثقين
ان يعجل بشغاء والدة نادر فاروق
وان يجعل جبر كسرها هينا ومتاحا
وان يعيننا على تربية الأولاد المرهقة
وان يهبنا معالجا مدمجا لفك طلاسم لغاتهم الجديدة
وان يلحقه بالسوفت وير حقنا , حتى لا نحتاج , لترجمان ملحق به
فنفهم ما يقولون اولا
ثم نفهمه , ونعيه , ونتجاوب معه
اللهم اجعلنا , اباءا تفتيحة
وامهات تفتيحات
Post: #7146
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 10:21 AM
Parent: #7145

قمرى المعاكس الذى اهدانى اليه فلكى الأخبار قبل فترة
عاكسنى , لمن فهمنى حاجة زاتو
ولكنى , وبما اوتيت من لداحة , وبما وهبنى الله من ادوات قتال ,اجيد استخدام بعضها
واتهيب حتى القرب من بعضها
واستعين ببعضهم على استعمال بعضها
واكابس فى استخدام بعضها , فاصيب واخطىء فى بعضها عن بعضها
قعدت ليكم للقمر المعاكس ده , قعدة (رجل واحد )
جضمتوا ليكم جنس تجضيم
(حتى ان فلكى الأخبار امتنع عن نشر سيرتها خير شر فى عدد صباح اليوم )
انتو قايلنو الفلكى بتاعهم مالو ؟؟!!!
عيان ؟؟؟ ابدا لا وطبعا لا
مؤجز ؟؟؟ ابدا لا وطبعا لا
ده كلو قابلنو من شنو
اخوكم قعد ليهو , لمن قال الزول ده ما منه فائده وما فيهو (كده , الدال مشددة ومفتوحة )
فابتعد ليس عنى فحسب , بل حتى عن الأقمار والأفلاك الصديقة والقريبة والمجاورة
تانى تجوا المحلة دى ؟؟!!
Post: #7148
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 10:42 AM
Parent: #7146

الأقمار المعاكسة , هو المصطلح الذى يستخدمه الفلكيون لبيان حالة نفسية ما
وممكن بالطبع يستخدموا كمان اللفظة المقابلة فى المعنى , واللى هى اقمار السعد
او الأقمار المتعاونة
هذه المصطلحات قد تجد هوى وتصديقا عندنا , لأنها تصادف معنى , وبالتالى تلبس عندنا لباس (تفسير ما لايحتاج لتفسير )
ياها ببساطة المرادف التفسيرى الباهت , لأنتقال معنوياتنا ما بين الصعود والهبوط
وتحول امزجتنا , ما بين مدار ومدار
مدبرس والدنيا مطقشة معاك , فانت فى نرحلة تعاكس قمرى
مبسوط ومعنوياتك مرتفعة , فانت فى حالة من حالات التوافق والأنسجام الفلكى
بعضهم يمتلك جداولا وارقام , وحتى رسوم بيانية ومنحنيات , لتوضيح حالات الصعود والهبوط
ولكن نمشى ونجى , ولا نقوم ونقع , فان هذه انتقالات حتمية ما بين حالة وحالة , لا تتحكم فيها حتى انت
وليس لك الا ان تدور فى فلكها الى ان تصل الى مستقرها
مرات تتخيل انك ماسك بمقود القيادة
ومرات يظهر ليك انك , مجرد بالونة منفوخة , فى مهب رياح تشرق وتغرب على كيفا
كريستيانو رونالدو , اقماره معاكساهو ليها مدة , ولكن اقمار هيثم مصطفى , تنسجم معه غاية الأنسجام هذه الأيام
لكن عمليتو العملا فى الكتف فى الأردن دى , مجرد (نجمة تايهة ) , هيهات لها ان (تعتر لمسار القمر )
وفمر الزناتى المعاكس , يبدو انه انزوى الى غير رجعة , صبيحة يوم وصوله الى شباك السفارة
واستبداله لجوازه اللاكترونى , بآخر عادى من اللون الأخضر
فقد اكتشف ان المسمار المدقوق للمعاكسة , انما كان محفورا فى قوالب (حروف اسمه الألكترونى فى الجواز القديم )
فتحولت من حال الى حال
من مجرد حروف اسم مكتوبة الكترونيا
الى حروف اسمك
جمال الفال , وراحة البال , وهجعة زول بعد ترحال
ونغم مغزول بخيط النور , وطلة وردة من السور
ونغمة تلالى من طمبور
والله نحن القمر اليعاكسنا , نسوى فيهو سواة , لمن يآمن , ويعرف حاجة فى حنانو زاااتو
Post: #7147
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-16-2010, 10:36 AM
Parent: #7145

صبحكم الله بالخير
رغم ان الساعة قد تجاوزت الواحدة ظهرا الا لأن الأعمال بالنيات فصبحكم الله بالخير...
فأنا طوال الطريق الذي استصحبت فيه معي اذاعة الBBC...
و عبقريتا الكاشف و عصام محمد نور التان ذكرتني بأحمد عجوز كعبقرية ثالثة...
و عثمان حسين و هو يجعل من طريقي الممل الكئيب دربا أخضرا...
ثم وردي و لقد هيج ذكرياتي بأكتوبر الأخضر...و تذكرت يوم أن حضر الينا في الزقازيق...
لقد كنا نغني و هو مندهش لما يرى و يسمع و كدنا أن نكسر المسرح طربا...
لقد كان صباحي أخضرا رغم رماديتة التي تلون صباح كل سبت...
كل هؤلاء كانو معي هذا الصباح ولم يوصلوني الى غايتي...فالطريق طويل جدا...
و كان كل أملي في أن أصل سالما لأكتب اليكم بشوق...
لذلك كتبت اليكم صبحكم الله بالخير...

Quote: اللهم اجعلنا , اباءا تفتيحة
وامهات تفتيحات


عزيزي منص...
نسأل الله أن يستجيب لدعائك...
و لكن بما الأمر يحتاج لجكة منك...
فأنصحك ليس مجرد عمل software updating...
فالأمر يحتاج لتغيرات في الهارد وير نفسه...
لكن المشكلة كيف يلقوا ليك هارد وير يتوافق مع أجهزتك القديمة دي...
عشان كده كتر في الدعاء بس...
آل تفتيحة آل....
Post: #7149
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 11:12 AM
Parent: #7147

آل تفتيحة آل
قطعت بالرشيد مسافة مقدرة وانا اتونس معاهو فى موضوع البوست الفوق ده
كان ذلك يوم الخميس (الفات الليلة يا حليلو )
ها قد اصبح الخميس سبتا
وبما ان درب الرشيد كان اخضرا , ولون معنوياته الحمد لله بمبى
خلونى اذن اشرككم فيما قلت وقال
ملخص الأمر
ان قمرى المعاكس , استخدم او حاول ان بيستخدم معى , من ضمن ما استخدم من اسلحة
سلاحا لم اتخيل فى يوم من الأيام , ان يكون سلاحا
ولكن تتصوروا , ان القمر المعاكس , دقس (دقسة السنين )
انا بطبعى الكعب ده , وبالهارد وير بتاعى الأولد فاشن ده , زول غاية فى الأنطباعية
وفى بعض الأحيان , وفى لحظات تجلى ومكاشفة ومواجهات للنفس
بصف نفسى بانى (ممل )
انا اسير لعادات يومية , بعض الأحيان بلقى نفسى رفعتها ورقيتها لدرجة التقديس
التقديس ليس بمعناه الحرفى المعروف , ولكن بمعنى ان تستعبدك عادة او طقس , لدرجة ان يصيبك القلق من محاولات تأطيرها الزمنى
بمعنى محاولاتك الحثيثة لأيجاد مساحة زمن لها , فى خضم بعض الأيام المكتظة بالمواعيد والأرتباطات الطارئة
فى بلد مثل السعودية , قد تكون هذه الصفة محمدة فى اوقات كثيرة , لأنها ببساطة تخلق لك برنامجا منظما ومرتبا
ولكنها لمن تتحول الى نقمة , او ما يشبه القيد اليومى , تعصف (بروتينك ) , وتسبب القلق لمن عندهم ارتباطات واجبة التنفيذ عندك
وانا استخدم كلمة روتين فى السياق ده , قاصد بيها المعنى الفحواه انو لكل منا تفاصيل حياته اليومية التى يشعر بالسعادة و(الأستقرار النفسى على الأقل )
من تكرار فعلها وانجازها بشكل يومى راتب وليس (رتيب )
والفرق بين راتب ورتيب , كالفرق بين احمد وحاج احمد
مجرد شعرة صغيرة هى ما يفصل بينهما
وانعدام الشعور بهذه الشعرة , هو ما عانيت منه مؤخرا وشرحته للرشيد , واحاول ان اشرككم فى شرحه هاهنا
والسبب فى كل ذلك , هو ان تدخل فى حياة احدكم (تفصيلة جديدة طارئة ومهمة )
فتعصف بروتينك , وتخلط ليك ما بين رتابة وما بين ترتيب
عارفين لمن الزول يسافر اجازة مثلا , فانه يجتهد فى نسف روتينه بيده , ويتخيل ان بين ثنايا ذلك النسف والقصف المقصود
شىء من تجديد قد يكون سببا فى تغيير سعيد
ولكن بعضنا وانا منهم , يتمنى ان تستمر قواعد روتينه فى تفاصيله الراتبة
مع تحول تجديدى يطال ما بين ثنايا ذلك الروتين , دون ان يمس قواعده واصوله
بعنى ببساطة كده لو جلال قدر يشيل سريره بتاع بيته الفى الرياض
والرشيد اصطحب معاهو مكتبه بتاع السلع
والكوتش لو قدر يسوق معاهو عمر وابوبكر لى ايران
وزهير الزناتى لو لقى فى الدمام مساحات المشاوير بتاعت ازقة امدرمان وحواريها
حا يبقوا كوووولهم كده زى الزول الجاهلى القال زمااااان
ياليت شعرى هل ابيتن ليلة بوادى القرى انى اذن لسعيد
Post: #7150
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 11:33 AM
Parent: #7149

السنة الدراسية الجديدة , حملت ما بين ثناياها تغييرا كبيرا وحادا فى روتين حياتى اليومى
اعترف باننى لم استعد له الأستعداد الكافى الذى يستحق
حتى دخولى فى تفاصيل المنظومة الجديدة لشكل روتين اليوم واولوياته
كان دخولا مترددا , بيقدم خطوة , ويأحر خطوتين
استيعابى له كان متأخرا لدرجة شعرت معها بانى (مش زول ممل , ياخى ده انا الملل زاتو )
وعامل فيها بتفهم يا منصور
ده انت طلعت واد اى كلام يا جددع
يا حليلك يا ياسر نجيلة , وانت تحتفل بولدك الجديد , انت لسه شفت حاجة
زى ما قلت ليكم , انا زول انطباعى , ويأسرنى الروتين اليومى لدرجة ان اقدس تفاصيله فى بعض الأحيان
احمد ولدى الكبير ما شاء الله فى تانية ثانوى
وايثار فى تانية متوسط
ومجتبى فى قريد سكس , يعنى سادسة ابتدائى بى لغتنا الزمااان
باتذكر انى قطعت معاهم شوط فى درب بدايات الفصول التعليمية , كان يتركز فى توصيلهم للمدرسة صباحا
والجلوس معهاهم فى مدراسهم اسابيع الدراسة الأولى
ولكن تفصيلات حباتهم الدراسية , كانت وما تزال تبع بت الشيخ (اطال الله عمرها وابقاها يا ياسر نجيلة )
كان دورى فقط دور (السلاح الزاجر الذى تستخدمه بت الشيخ )
لقمع عصلجاتهم وتمرداتهم العابرة
فيما عدا ذلك , فان مقودهم ودركسونهم الموجه , كان وما يزال فى يدها , واشهدوا معى انها طالما وجهته واحسنت قيادته خير نوجيه وافضل قيادة
بوصلتى الداخلية وجهتنى الى ان دورى الجديد , لن يختلف عن دورى القديم
وان موضوعى هين , وسينتهى مع تانى اسبوع دراسة , بعد ما الجماعة (يمسكوا الدرب ويركبوا القطر المتجه صوب محطات التعليم المتناثرة على الطريق )
ولكن , ومن اول اسبوع , شعرت ان الأمر مختلف هذه المرة
فى الحقيقة , كان من الواجب ان يحتلف , وكان من الحتمى ان يبدوا بشكل مغاير
لكن مع قلة فهمى , وانطباعيتى الزائدة , فان بعض الحقائق لا ترى بالعيون المجردة
Post: #7153
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 11:57 AM
Parent: #7150

مع احمد وايثار ومجتبى , رغم انهم ولله الحمد سلكوا دربهم واكملوا رحلة الأعتماد النسبى على انفسهم فى شئون حاجاتهم اليومية
فان انضمام حجازى ومدرار لرحلة قطار المدارس القاصدة , حمل معه مالم استطع تفدير حجمه من اعباء جديدة
لغاية الأسبوع الأول , كنت قايل مهمتى حا تنتهى بمجرد ما اوصلهم المدارس , وتجى بت الشيخ آخر اليوم تدينى ملخص النشاط
مع ملخص التجاوزات ان وجدت , وملخص للملاحظات العابرة والأخرى التى بدأت تاخذ شكل من اشكال الأستدامة
لآعترف هنا , ان تقديرى للمجهود المبذول , كان تقديرا خاطئا
حتى ان العزة باثم ما , قد تصل بك ان ترجع كامل الأمر لجينات (الشطارة الكامنة فينى ) , وتردد , يعنى اولادى حا يطلعوا ما شطار لى منو ؟؟
ولاعترف ايضا , اننى ابتعدت عن الأحساس بتفاصيل الأولاد , بعضا من زمن مقدر
هناك رسالة خاطئة وصلت اليهم جميعا , خاصة الكبار منهم , فحواها ان التفاصيل شان خاص من شئون بت الشيخ
انا بس على التقرير النهائى , على بالنتائج دون التفاصيل
احمد يتناقش معى فى الدورى الأنجليزى والأيطالى وكأس العالم والدورى الأسبانى , ويتناقل معى بعض اخبار السياسة , ومعظم تفاصيل واخبار الرياضة
ولكنه ينقل تفاصيل اموره الدراسية لوالدته مباشرة , فالمسألة (اختساسات ) , او هكذا وصلت اليه الرسالة الخاطئة
انا من تسبب فى ذلك دون ان ادرى
قالت لى بت الشيخ وهى تضحك , الجماعة اعتمدوك زول اجازات ساى
ولمن تجى المدرسة بيقبلوا على
هذه السنة انضم حجازى الى الركب فى قريد ون , بينما التحقت مدرار بقطار الكى جى ون
حجازى له طباع (انطباعية ) كثيرة مثلى
قررت ان اتولى رعايته حتى اجدد نشاطى وفعاليتى العائلية (المسروقة )
ولكن حجازى يختلف عن احمد وايثار ايما اختلاف
وعنده اوجه شبه انطباعية كثيرة مع مجتبى الذى وصل الى الصف السادس الأبتدائى
اما انا فابشركم وبكل فخر
اننى اجلس لأمتحان ملحق الاعادة , بتاعت سنة اولى ابوة ’ الأمتحنتها زمااااان , وقايل نفسى باسيت
الان اجلس لكامل امتحانات الملحق
تلميذى فيها حجازى منصور , واستاذتى فيها , بت الشيخ العظيمة
برضو تقول لى ما تجك يا بادى , والله اجك من هسى لغاية ما ود خالتك المعز ده , يتعلم يطلع من قونه صاح
هذا مع اعجابى الكبير بأدائه الممتاز فى كورة غانا الأخيرة
Post: #7151
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-16-2010, 11:40 AM
Parent: #7149

Quote: انا اسير لعادات يومية , بعض الأحيان بلقى نفسى رفعتها ورقيتها لدرجة التقديس
التقديس ليس بمعناه الحرفى المعروف , ولكن بمعنى ان تستعبدك عادة او طقس , لدرجة ان يصيبك القلق من محاولات تأطيرها الزمنى
بمعنى محاولاتك الحثيثة لأيجاد مساحة زمن لها , فى خضم بعض الأيام المكتظة بالمواعيد والأرتباطات الطارئة
فى بلد مثل السعودية , قد تكون هذه الصفة محمدة فى اوقات كثيرة , لأنها ببساطة تخلق لك برنامجا منظما ومرتبا
ولكنها لمن تتحول الى نقمة , او ما يشبه القيد اليومى , تعصف (بروتينك ) , وتسبب القلق لمن عندهم ارتباطات واجبة التنفيذ عندك
وانا استخدم كلمة روتين فى السياق ده , قاصد بيها المعنى الفحواه انو لكل منا تفاصيل حياته اليومية التى يشعر بالسعادة و(الأستقرار النفسى على الأقل )


منص يا لذيذ يا رايق...
تعرف يا منص هو شعور بالخوف من تغيير هذه العادات أو الروتين...
فكلنا نشعر بالأمان مع ما اختبرناه من أشياء و سلوكيات و كيفنا أنفسنا عليها...
و هذا الشعور بالخوف هو شعور طبيعي يعتري الانسان عند دخوله في أي تجربة جديدة...
حتى لو كانت هذه التجربة قضاء وقت ممتع مع أصدقاء جدد تتعرف عليهو لأول مرة...
يعتريني هذا الخوف أو القلق كثيرا و لكن بمجرد أن أبدأ في هذا الأمر الجديد...
يبدأ القلق في الزوال تدريجيا ثم أبدأ في الاستمتاع بالتجربة الجديدة...
و هذا القلق تتفاوت درجته من شخص لآخر...
أنا أظنني مثلك شديد القلق عند اكتشافي لكل جديد...
و لكني أقتحم التجارب الجديدة مهما كانت النتائج رغم قلقي منها...
Post: #7152
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-16-2010, 11:45 AM
Parent: #7149

يعني يا منص جبريلا اقمارو معاكساهو ليه..
عايز تقنعنا انو زي كريستيانو رونالدو والا قصدك شنو..

ابوالزوز يا حلو.. تسأل منك العافيه والسعاده وراحه البال..

حأرجع ليكم بي صوره صديق من الزمن الحلو..

انتو الكمندان دا جن والا شنو..
بعد دا لو داير يسافر اي حته الا يغير جوازه..
تصوم تصوم وتفطر علي بصله يا اخي..

حنين.. جيب ####...
يا اخي جيت اليابان دشليون مره..
الناس ديل ما بيعرفوك لي هسي..
أريكاتو..
Post: #7154
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-16-2010, 12:00 PM
Parent: #7152

منصور قول بسم الله
موقف الناس نصت نهار فى الشمش وهاك يا دش

اييييك مداخلات طويلة طووول ، طيب خشو اقعدو فى الرسبشن
ما دام جاء الرشيد وجبارة ، نعمل ليكم شاى

غداء ما عندنا

امبارح حلمان قاعد معاي جمال فارح وبعدو جـلا
اقوووول جلا ظاهر لى قصير استغربت فى شكلو
اللهم اجعلو خير ... اها فسر لى الحلم ده

،،،،،،

حاتم داير تجيب لينا صورة منو ...



،،،،،


تمنياتنا بالشفاء العاجل لوالدة نادر فاروق

،،،،،،،،،،،

غايتو يا منصور قربت تفت الشمار المستنيهو البادى اسبوعين
لكن ربنا ستر كيبوردك ....
Post: #7155
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 12:25 PM
Parent: #7152

حاتم جبارة يا باجيو انت , مشتاقين لمن غلط
وبعدين تعرف يا حاتم , الزول الأسمه حيدر جنين ده , الدنيا ما اسعدتنى زيك وقابلتو فى الزقازيق
لكنى سمعت عنه ما يثلج الصدر , واخصه هنا بتحية خاصة , تجبر اى قمر على مصادقته ومصادقتنا
اما ان سألت عن (قمر يعاكس جبريلا )
يمين ننجضوا ليكم نجاض , لمن يفهم حاجة ,
بعدين انت عارف يا حاتم , معاكسة الأقمار لى زى ناس جبريلا ديل
فيها مكسب كبير للواطة , وللشمس , وللقمر زاتو
ما شفتوا لمن حموهو الأجازى قال شنو , ياخى ده وصل لغاية حفرة الدخان زاتا
معاكسة عن معاكسة تفرق يا حبيب (ده مثل دومنبكانى ولا شنو يا ربى ؟؟)
عارف يالرشيد , يمين محاولات تنظيم يوم حجازى حتى اجعله موائما لظروف وتوقيتات الدراسة
دخلتنى فى جنس امتحان , ودرستنى ليك جنس دروس فى الدنيا دى وما تزال
عند حجازى , ما يزال اليوم مخصصا لثلاثة اشياء فقط
هى الألعاب الأكترونية من انواع البلى استيشنات المختلفة , والكمبيوتر , والتلفزيون
تقول ليهو بلى استيشن كفاية , يقول ليك خلاص خلينى اقعد شوية فى اللاب توبر
اما التلفزيون , فالأصل فيه عند حجازى ان يكون مفتوحا , وان يتنقل فيه ما بين الأسبيس تون والكارتون نت ويرك والم بى سى ثرى
بعد حوالى اربع اسابيع دراسة
يا دوب وصلت معاهو لى مرحلة انو البلى استيشن يكون بس ايام الثلاثاء والأربعاء والخميس وجزء من نهار الجمعة
واللاب توب كذلك
هدفى القادم الغاء يومى الثلاثاء ونهار الجمعة من استحقاقات الكمبيوتر والألعاب الأكترونية
ما عارف دى تستغرق معاى قدر شنو ؟؟
التلفزيون يوميا امر حتمى عنده , منعناه من نومة الضهر فاصبح فى مقدورنا ان يكون التلفزيون مغلقا من حوالى العاشرة
الا من تلفزيون واحد وبصوت خفيض فى الصالة البعيدة لمتابعة بعض المباريات
ولو الزول ده جاتو صحية ولقى فى تلفزيون مفتوح حتى ولو عند الجيران
فنجن واطاتنا اصبحت
فالمعيار عند حجازى , تفتحوا تلفزيونكم بفتح تلفزيونى
والله منجضنا جنس نجاض , لمن قلت ليهو ياخ انت اسمك حجازى منصور
ولا انت منصور عبد الرازق زاااتو ؟؟!!!
Post: #7156
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-16-2010, 12:47 PM
Parent: #7155

انت ما شايف حجازى عامل لى شنو فى يومى
امبارح عارف قال لى شنو يا نضيف
قال لى انت يا بابا , الواحد لو ما مشى المدرسة بيحصل شنو ؟؟
قلت ليهو المدرسة مهمة عشان بتعلمك حاجات مهمة
قال لى طيب مش التلفزيون برضو بيعلمنى
قلت ليهو بس التلفزيون ما بيعلمك انت مباشرة
فى المدرسة عندك استاذ , بيعرف انو اسمك حجازى
كل يوم بيشوف الكتب بتاعتك وكراساتك
الزول باين عليهو لسه ما مقتنع
وبرضو تقول لى موقف الناس فى الشمس
ضل شنو البقعدوا فيهو مع زى ناس حجازى ديل
Post: #7157
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-16-2010, 03:07 PM
Parent: #7156

يا منص والضيوف سلامات ....

ناس حجازي ومدرار ديل ولادة كبر ومعروف انه اصغر الولاد يستغلوا حكاية انه ابوهم كورته فكت ويبدوا يلعبوا بيهوا ... يعني زمان احمد لو عمل الحركات دي كان واطاته صبحت اقفل التلفزيون يعني اقفل التلفزيون خلاص الموضوع انتهي .... يلا شوف في كل الناس التعرفهم تلقي الصغار اكثر دلعاً وجديع في الناس الكبار ...

اها ما براك كورتك فكت في ناس هنا كتار كورتهم فكت وفي واحدين اصلهم كورتهم فاكه وكل زول يلبس الطاقية البتريحه
Post: #7158
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-16-2010, 06:14 PM
Parent: #7157

Quote: هذه السنة انضم حجازى الى الركب فى قريد ون , بينما التحقت مدرار بقطار الكى جى ون
حجازى له طباع (انطباعية ) كثيرة مثلى
قررت ان اتولى رعايته حتى اجدد نشاطى وفعاليتى العائلية (المسروقة )

يامنصور لك أنك أضحكتنا وكيفتنا لكن عليك
تحديد السارق وموضوعك ده برفع عديل لجمعية ناس
جلا الخاصة بشئوون بنات الشيخ
ـــــــــــــــــــــــــــ
Post: #7159
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-16-2010, 06:19 PM
Parent: #7158

يامنصور حالة حجازي العندك دي نفس الكذلك عندي مع شاكر
Post: #7160
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-16-2010, 08:35 PM
Parent: #7159

حاتمنا
"سهر الشوق في البلاد البعيدة"
ياخي لما استعديت ليك بالجد أجلت الجية ..
بعدين كنت بسافر للعيال في ماليزيا كثير
خلاص تعال شهر 12 بكون هناك بإذن الكريم
رجعت لبلاد نمور التأميل لمؤازرة "نمرتي" في فقدهم لطرزانهم الاتلحس ضحى
تخيل فجأة ينهد ركن عزيز في حياتهم بعد 30 سنة دواس من اجل الإنفصال
لما كانت في السودان جلبت "بوستر" للراحل قرنق .. سألتني ده منو ..
قلت .. ده كان طرزان بتاعنا .. بس اخد حقو على داير برميل وراح لربو
عموما خبرني برسالة عن جيتك القادمة عشان ارجاك ومعاي عدتي !!!!

_
منصور يا حكاينا الأعظم
 سلامات .. مشكور على التحية وحسن الظن ولك مثلهما
وإن شاء الله نجي ندافر معاكم مرة مرة
Post: #7161
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-17-2010, 02:51 AM
Parent: #7160

Quote: بعدين انت عارف يا حاتم , معاكسة الأقمار لى زى ناس جبريلا ديل
فيها مكسب كبير للواطة , وللشمس , وللقمر زاتو

يا منص يا رهيب.. دا تأكيد الذم بما يشبه المدح والا شنو..

هاكم الوجيه دا..
944.JPG Hosting at Sudaneseonline.com
Post: #7162
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 06:59 AM
Parent: #7161

test
نفسنا إنقطع
...
...
...
دا شنو؟؟؟؟
Post: #7163
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 07:00 AM
Parent: #7162

أها يا جماعة
الموزع منو؟؟؟




و التسمية وين؟؟؟؟
Post: #7164
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 07:02 AM
Parent: #7163

السلام عليكم أيها البشر



الحمد لله فقدت الباسويرد بتاعي


طبعاً دا أحسن من تمشي إيران
Post: #7165
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 07:06 AM
Parent: #7164

طيب نخش في الموضوع

كدي و رونا الموضوع المطروح شنو؟؟؟
رياضة و لا سياسة
و لا جمجرة يا النضيف؟؟؟
طبعاً شدة ما يدي ماكلاني من طبيز البورد
ما عارف زاتو أنا قاعد أكتب شنو؟؟؟
Post: #7166
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-17-2010, 07:33 AM
Parent: #7165

صباح الخير ،،، يا وجوه الخير

أصبحنا وأصبح الملك لله وحده ،،،

سعيد جداً بعدة اشياء ولكن أهمها عودة

المناضل جلا وتعافيه الإسفيري ،،، وجوع الكتابة

الإتملك منصور وكمان تواصل حيدر يا حنين ،،،،،

وجدت نفسي خلال الفترة السابقة مشغول كتير جداً

وكم كبير من العمل المتواصل حتى يوم الخميس كنت في المكتب

ويوم أمس لم أستطع أن أحك راسي أو أقرا كامل البوست ،،،،

هل تصدقوا إكتشفت السبب فجأة ، أنو إثنين من الزملاء بإدارتنا

يتمتعوا بإجازتهم السنوية ،،، أه دي ولادة الكبر البقول فيها ود الزناتي
Post: #7167
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 08:29 AM
Parent: #7166

الحبيب ميسرة سيد أحمد
التحية والاشواق
حمدا لله على السلامة
لي فترة متابع وما بكتب
ولاحظت غيابك عن البوست

كلمني امبارح الافوكاتو عبد الحفيظ من السودان
وقرر يقفل باب بيع اسهم الشركة مع الاحتفاظ بالكمية الباقية كإحتياطي للايام القادمة لاشخاص
نرغب في إعطائهم لها
وهو تكتيك قانوني هو يعرفه افضل منا وانا وافقت عليه طالما هو موافق
طلب جمع مبلغ 100 دولار من كل شخص مسجل في تأسيس الشركة ( بعد ما حسبناها ) بالسوداني
لجمع مبلغ تسجيل الشركة
ارجو الاتصال به
وتفعيل دور اللجنة المالية المكلفة منكم ومن موسى عيسى والبادي في السودان
ارجو الاتصال
تحياتي
كمال
Post: #7168
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-17-2010, 11:01 AM
Parent: #7167

سلام لاجدع ناس
والله متابعة ومستمتعة
وبهديكم محجوب شريف من صفحتو فى فيسبوك
نتمناك موحد..
يوم ما نلقي خيرك علي غيرك مقسم..
وانت كمان مقسم
نتمناك موحد بي نيلك موسم
مليون ميل مربع
تكتب ..تقرا ..ترسم
لا قاعد مكتف لاواقف معسم
طوعا واختيارا
تحت الشمس جهرا
والحريه تنبض
مش تمثال مجسم
حولك فالترفرف رايات التعدد
نمشي بلا تردد
صدقا واعترافا
حقا لاتودد
كلمه بلاتشدد
موسيقي التنوع والغنا والكتابه
نفرح سينما مسرح
كل الارض مرسم
نتمناك موحد بي نيلك موسم..
محجوب شريف
Post: #7169
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-17-2010, 11:16 AM
Parent: #7168

سلام يا ناس .....

حمد الله علي سلامة الجميع .... انا سعيد بعودة صديقي حيدر حنين للكتابة في البوست مرة اخري وارجو الا ينقطع .....

يا جبارة الزول ده نفتوا ولا نخلي شوية ....
Post: #7171
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-17-2010, 11:34 AM
Parent: #7169

Quote: يا جبارة الزول ده نفتوا ولا نخلي شوية ....

ابوالزوز ... كان دايرين يفتوهو كان ميسرة ماقصر ...
المحيرني الصورة دي قطعت المحيط الكبير دا كيف ...

جلا ... ياجلا ... سعيدين بعودتك والله
وايضا كذلك ياصاحب النمور بالله ماتنقطع ...

مداخلات منصور وذلك الالق البديع بل قل تلك الاقمار البديعة
تحمل في طياتها الكثير وحبلى بالمواضيع التى تستوجب النقاش


يا شادي ليك وحشة والله ... المود شكلوا ما تمام
Post: #7170
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-17-2010, 11:28 AM
Parent: #7168


ينصر دينك يا بت النوبة
قريتا قبل يومين فى جريدة الأخبار
فجانى احساس بانى الكتبتها ,
باقى اللياقة الخاليها لى حجازى , الأيام دى قاعد انفقها فى تأمل حال السودان
تعرفى يا زينب و تعرفوا يا شباب كوللللكم
بنتابنى سؤال غاية فى الصعوبة , ومهلوس بى كلام من شاكلة
هل كان السودان موحدا اصلا ؟؟؟
ام ان ما كنا نعيشه , هى الوحدة الكاذبة ؟؟؟
حتى لو الجنوب انفصل
نفس السؤال بينطبق على باقى اجزاؤه , هل ما بينها الان (وحدة ) ؟؟
هل ما يحدث فى السودان الآن , هو (مخاض ) ما قبل تكوين دولة ما ؟؟
هسى الجاب سيرة السياسة منو ؟؟؟
كدى ورونا الزول الجابو لينا حاتم جبارة ده منو ؟؟
كانى بعرفو وشفتو قبل كده
قال ولادة كبر قال !!!!!!
طارق جبريل , يا تظهر يا بقطع فيك سلك لمن تآمن , يعنى اى زول ماشى اجازة
يعمل جنس عمايلك دى ؟؟
بالمناسبة , خروف ضحيتك فى الأمتداد , ولا فى كازا
مربوطة يا جلا , ولا اقول ليك , (سبعة عديييل )
يمين بعد ده الا (تقفلا ) , ويمكن التلتاشر زاتا ما تحلك
Post: #7172
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:11 PM
Parent: #7170

طيب!!!!!
أنا و الأقمار المعاكسة
الأيامات الفاتت ما عندي باسويرد قبلها كانت أيامي ألسطا
بعدها القمر إتعكس
زول زي تبلدينا و أخوهو الكاشف لو خشو معاناو خلو مسألة القراية دي
يكون قمرهم إنعكس لي وجهتين يا كدا..... يا كدا.....
طالما مسألة الإستفتاء جاية
معناها القمر بتاع السودان حينعكس
زي المسلسل بتاع لن أعيش في جلباب أبي
هس رش يجي يقول أها خلاص بدينا
ما علينا
محمد عيد دا قمر معكوس و ين الأيامات دي؟؟؟

أظن مداخلتي دي معكوسة
Post: #7173
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-17-2010, 12:17 PM
Parent: #7172

خلاس جيت
Post: #7174
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:18 PM
Parent: #7172

Quote: مربوطة يا جلا , ولا اقول ليك , (سبعة عديييل )
يمين بعد ده الا (تقفلا ) , ويمكن التلتاشر زاتا ما تحلك

الزول لمن يكون غتيت ما تقدر تدفن ليهو كلو كلو
زول يقول سبعة معناها يا زميل ما تديهو فرصة و زيد العيار
يعني بالمكشوف ورقي تمام التمام
طبعاً موسى عيسى حاجات زي دي ما بفهما
المهم قبولك تقوم تلعبا يدوك سيك
معناها قمرك معكوس
قبولك و آخر فرحة يدوك سيك
Post: #7176
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:27 PM
Parent: #7174

Quote: خلاس جيت

كان لازم أجي
خليني أنا
ما زهير الزناتي جاااكم لغاية عندكم
ومشى قدام منكم
الحصل شنو؟؟؟
بلاش زهير
في زول نطاكم و مشى إيران
مالكم ما قلتو حاجة؟؟؟
خلينا نجيب الفرقة بتاعتنا
أسخف حاجة تكون متابع و ما مستمتع
زي الطالب الأدوهو ورقة الإمتحان و ما عندو قلم
ويقول ليك العندو قلم زايد منو؟؟؟؟
طبعاً في ناس غتيتين كان عندك ما يدوك

شفت القمر المعكوس دا!!!!!!
Post: #7175
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 12:24 PM
Parent: #7170

الراجل الطاعم أبو الجل
Quote: يا شادي ليك وحشة والله ... المود شكلوا ما تمام


الموود حلو الايام دي ومافي مشاكل
لكن يمين لميت ليك في زول في البوست العام بي هناك
مضيع لي زمني الايام دي
وهسي انا فاتح موضوعو
ونقلتو عملت ليهو ملف في جهازي

الراجل كاتب عن علاقة الرجال السودانيين بالحبشيات في الحبشة
وفتاهو فتة مبالغ فيها
جاب ليك الحتات بالاسامي بتاعتها وعدد السودانيين وأيامهم وكم بيصرفوا وكيف بتصرفوا

وقام أخد الموضوع من ناحية علمية بحته يناقش ليهو الرجال السودانيين بيعملو كده بالضبط مع الحبشيات

يا أخي إيدي بتاكلني أخش
أرد عليهو
افتو والله لا

أدوني يومين
أكان ما طليت عليكم بي هنا
بكون جبت ليكم مصيبة بي هناك
Post: #7177
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:34 PM
Parent: #7175

يا جماعة لو توافقوني الرأي
كمال الشادي دا
قمرو معاكس و لا أنا شايف طشاش؟؟؟؟
Post: #7178
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 12:39 PM
Parent: #7177

قمنا للطبيظ والله شنو ؟
Quote: يا جماعة لو توافقوني الرأي
كمال الشادي دا
قمرو معاكس و لا أنا شايف طشاش؟؟؟؟

أنا خشيت غلط والله شنو ؟

أنا قريت غلط الله شنو ؟
والله الكلام القلتو ده ما عجبك يا جلا
مالك في شنو
وبعدين التعبير بتاع قمرو معاكس أنا بالتحديد ما عارفو يعني شنو عشان أكون واضح معاك
Post: #7179
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:47 PM
Parent: #7177

Quote: القمر المعكوس

طبعاً لمن تكون داير تجيب الفرقة
تلخبط الكلام زاتووو
الزول صاحب الأقمار المعاكسة
خلانا نحرف الكلام لغاية ماجينا
قلنا القمر المكوس
فيا جماعة الخير
أقروها القمر المعاكس

غايتو لمن أمسك في حاجة
أجضما لمن تزهجو
بخت الزول الكان لابس بمبي
Post: #7180
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 12:55 PM
Parent: #7179

كده أنا مافاهم أي حاجة !!!
ممكن أفهم ؟
Post: #7181
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 12:55 PM
Parent: #7179

Quote: الأقمار المعاكسة , هو المصطلح الذى يستخدمه الفلكيون لبيان حالة نفسية ما
وممكن بالطبع يستخدموا كمان اللفظة المقابلة فى المعنى , واللى هى اقمار السعد
او الأقمار المتعاونة
هذه المصطلحات قد تجد هوى وتصديقا عندنا , لأنها تصادف معنى , وبالتالى تلبس عندنا لباس (تفسير ما لايحتاج لتفسير )
ياها ببساطة المرادف التفسيرى الباهت , لأنتقال معنوياتنا ما بين الصعود والهبوط
وتحول امزجتنا , ما بين مدار ومدار
مدبرس والدنيا مطقشة معاك , فانت فى نرحلة تعاكس قمرى
مبسوط ومعنوياتك مرتفعة , فانت فى حالة من حالات التوافق والأنسجام الفلكى
بعضهم يمتلك جداولا وارقام , وحتى رسوم بيانية ومنحنيات , لتوضيح حالات الصعود والهبوط
ولكن نمشى ونجى , ولا نقوم ونقع , فان هذه انتقالات حتمية ما بين حالة وحالة , لا تتحكم فيها حتى انت
وليس لك الا ان تدور فى فلكها الى ان تصل الى مستقرها
مرات تتخيل انك ماسك بمقود القيادة
Post: #7182
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-17-2010, 01:05 PM
Parent: #7181

حمدلله علي السلامه.. عوده الابن الضال جلا...
معليش بكري كان مديك سيك..
العب هارت اخير ليك بعد دا..
طبعا صاحبك الكمندان كان اغتت زول يطلع ديس..
مش لو ورقك سمح.. بييشحمك بيشحمك..
هسي كشتينتو بتكون فكت زي كورتو..

منص.. الصوره للوجيه د. محمد شمس الدين.. بيطره 90
اغترب زمن طويل بلندن.. وهسي موجود بأبوظبي..

الصوره دي رسلتها لي أبوالزوز قلت حيتخفف ينزلها لكن خذلني..
IMG_4730.jpg Hosting at Sudaneseonline.com

الشجره دي في بيت جابرييل جارسيا ماركيز.. في شمال كولومبيا..
مصدر الالهام لي شجره ماكوندو..
Post: #7183
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 01:12 PM
Parent: #7182

منص يا حبيبنا
قاااااااااااعد والله
لكن ((مقَهِي)) ما عارف ليه












تليشة:
الخروف في الامتداد ان شاء المولى
Post: #7184
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 01:22 PM
Parent: #7181

وقعت لي ....




لكن برضو رأيك شنو في البوستين ديل !!!!!!!!!!!
ده من باب التركيز في موضوع الاقمار بتاعك ده


الزول السوداني والجنس !!!

بت الغلفا ؟؟!!!
Post: #7185
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 01:38 PM
Parent: #7184

Quote: لكن ((مقَهِي)) ما عارف ليه

يعني شنو؟؟؟
قافلة معاك للطيش ؟؟؟
و لا قاعد في طوبة؟؟؟
و لا قاعد تحفر في حفرة دخان؟؟؟؟
و لا قاعد تفكر في إجازة و خايف يحموك ليها؟؟؟؟
و لا مفكر تجي الضحية للسودان؟؟؟؟

يا شادي
يا فنان
البوستين بتاعنك دي شوف زولك المقهي دا يمكن ينفعو معاهو
Post: #7186
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 01:38 PM
Parent: #7184

ود الشادي
انت اقعد باري لي النصايب دي لامن ((تقهي)) زيي كدة
Post: #7187
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-17-2010, 01:41 PM
Parent: #7184

سلامات
جلا
والله منزر والبوست ده كان ناقص والله لو انا عارفة انو المساله ضياع باسويرد كنت اتبرعت ليك بحقى
من هسة اعتبر باسويردى باسويردك
مريت على الحضور لقيتو منور بود عشة اها ضابح متين ننسق معاك
وبلشادى وعبد الدائم وانشاء الله دايما لامين
منص لك الود رسلت ليك رابط الصفحة
حيدر حنين
والله مبسوطين وما تنقطع
يا حاتم والله الصورة مبالغة
وكمان صورة شمس له التحايا والود
وليكم كلكم
اها ماشين لبدايه تعب ىالقرايه السخيفة
والعايز ياكل والحردان
الله معانا ومعاكم
Post: #7188
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 01:51 PM
Parent: #7187

يا جلا ((التقهي)) دة حالة ما معروفة هي شنو ذاته
ما لقيت ليها تفسير في حاجاتك الفوق دي







يا زوبة جهزي لي سرية في الحوش داير آخد حقي من عمر
بات معانا يومين ياخ
Post: #7189
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-17-2010, 01:51 PM
Parent: #7187

زنوبة بت النوبة
و الله حارقاني تحية منصور ليكي
حكاية ينصر دينك يا زنوبة
و أنا تحيتي يقول لي تاخدها سيك في قبولك
طبعاً بتكوني طاشة شبكة من الكلام دا

ما علينا
أخبارك مقطوعة إنشاءالله يكون قمرك معاكس في إتجاه ما تريدين
شكراً على تفضلك بحلو الكلام



كورنر:
الكفيل قال الدوام إنتهى
عليه إلى حلقة قادمة معاكسة
أترككم في رعاية الله و حفظه
الرشيد و زوار الليل
أحبكم و دمتم
Post: #7190
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 10-17-2010, 02:10 PM
Parent: #7189

Quote: كورنر:
الكفيل قال الدوام إنتهى
عليه إلى حلقة قادمة معاكسة
أترككم في رعاية الله و حفظه
الرشيد و زوار الليل
أحبكم و دمتم

محمد ادم
ياشيق وممتع الكورنر دا بنحولوا ليك في التمنيات محل برك الطير
ينفض غبار التحايا الكبيرة والجميلة ويحقق لينا احلى هدف مع احلى ناس (الزقازيقاب )
Post: #7191
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-17-2010, 02:23 PM
Parent: #7190

يا جلا يا عسل
Quote: يا شادي
يا فنان
البوستين بتاعنك دي شوف زولك المقهي دا يمكن ينفعو معاهو


( المقهي ) عدا بالبوستات الاتنين المذكورات
وكتب فيهن كمان
عدي وشوف

نوع البوستات دي ما بتفوت على صاحبي بتاع المغرب داك
Post: #7192
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 02:27 PM
Parent: #7191

ود الشادي
انا بتاع حفرة دخان بس
شايفك جيت كتبت ليك كلمتين وكسحتا
دة خوف من بت الشيخ ولا شنو
Post: #7195
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-17-2010, 02:59 PM
Parent: #7192

Quote: منص.. الصوره للوجيه د. محمد شمس الدين.. بيطره 90
اغترب زمن طويل بلندن.. وهسي موجود بأبوظبي..

sudansudansudansudansudansudansudansudansudansudansudansudan55.jpg Hosting at Sudaneseonline.com

يا حاتم جبارة لقد مررت على الصورة ولم أعرف صاحبها الراجل ده أخوي إبن عمي
محمد شمس الدين عبدالوهاب سيدأحمد شروني هذا إسم عائلتنا،،،،،،، شوف من الشعر
حتى النظارة ده هو محمد شمس الدين بس من الكضوم وحتى الكرش ده زول تاني ،،،،،

يا شادي فاكر إبن عمي ده لما كان ساكن معانا في 7 آب برلوم ،،،، لم أشاهده من بعد
الزقازيق ولكن الحقيقة الأخ/ محمد تواصل معي بعد ذهابه إلى أبو ظبي ويبلغ جميع الزقازيقات
تحياته القلبية.
Post: #7193
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-17-2010, 02:39 PM
Parent: #7191

العـجاج والكتاحة شــنو ؟؟

رياح الهبباى

شنغلى طوباية ...

جلا ... مراحب كتيرة

بس سؤال : انت باسويردك كان رايح

ولا كنت فى ســجن شالا ؟؟

الكترابة .. الزول التقول كان فى طاشى فى العتمور

ومرقوهو باللوارى فى جناين الباوقة ..!!

عموما .. جيدا جيت ..

حركت الســاكن ... وجقلبت الماكن

وكمان ازحت الغبار عن كل الاقمار المعاكسه ..

&&&&&&&&

ود الشــادى الحبيب ...

يازول ما تقشر لينا بى الجاكت الاحمر والجزمة البرتقالية وتدردقنا للزقاقات دى ...

غايتو النصيحة ... لــف بى غادى .. جنب نادى الشرطة .. أخيــر لييييييك ..!!

لكن قمرك ما معاكس تماااام ..!!
Post: #7194
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 02:53 PM
Parent: #7193

يا ود عيد
ود الشادي داير ينسينا مركوب بتاعين الترمس ديلك
Post: #7196
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-17-2010, 03:07 PM
Parent: #7194

جبريلا ... زولك ما نطا وقال ما بعرف الكبكبى ..!!

غايتو اتغابى العرفة لامن مرقها فى زقاقات أديس ...

وجانا طاير بى ريحة الأقاشى ...!!
Post: #7197
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 03:11 PM
Parent: #7196

يا ود عيد زقاقات اديس دي والله بتجيب كثافتو
خليهو يبعبص بهناك لمن يقول الروب
Post: #7198
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-17-2010, 03:27 PM
Parent: #7197

جبريلا ...

اللذيذ فى الموضوع ...

انو الرشيد وزهير عاملين فيها متغابين العرفة

ومنصور نكر صاحبو ..

لكن جلا .. عامل فيها شايلوا حمار النوم ...!
Post: #7199
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 03:42 PM
Parent: #7198

يا ود عيد الشباب لبدوا كلهم
عملوا اضان الحامل طرشة
هسي رشا يجي يقوليك كنت سايق لي محل الشغل مع اه الليلة ما الخميس
ومنص يجي يقوليك مدرار ابت تمشي المدرسة
ابو الزوز حا يتعلل بالإقامة ما طلعت
عالم ########ة ياخ


ود الشادي مباري الحبش وانا مياريهو غايتو
Post: #7200
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-17-2010, 03:50 PM
Parent: #7199

في زول بيتكلم معاي
Post: #7201
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 04:29 PM
Parent: #7200

Quote: في زول بيتكلم معاي


اها يا ود عيد قول واحد
Post: #7202
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-17-2010, 04:48 PM
Parent: #7200

مساكم الله بالخير

مالكم و مالي يا الشايلين حالي...
جلا و جبريلا و محمد عيد و حتى زوبا زاته الما جابت سيرتي...
مالكم ومالي...
أنا و الله الليلة بس أعاين بي عيويني...
ما قادر أكتب ليكم كلو كلو...
انتو موضوع أديس ده ما قفلناهو زمان مالكم فتحتوهو تاني...
أنا يا جماعة لا مشيت أديس و لا ماشي...
نحن و الله شغاله معانا في أبو ظبي أظرف و أشنى أثيوبية...
من شدة ما هي شينة افتكرت انو نجاة دي ما بتثق فيني...
لكن من ظرفها و حرصها الذي لا يوصف على البيت و على العيال...
اكتشفت اني هجمت نجاة ساكت و الله...
لقد كان اختيارها لها موفق جدا...

لكن كية فيكم كده...برضو ما ماشي أديس...

هو العمر بعزقة...
Post: #7204
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 05:01 PM
Parent: #7202

Quote: لكن كية فيكم كده...برضو ما ماشي أديس...

هو العمر بعزقة...

قول اتنين يا محمد عيد
Post: #7205
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-17-2010, 05:10 PM
Parent: #7202

Quote: معناها القمر بتاع السودان حينعكس
زي المسلسل بتاع لن أعيش في جلباب أبي
هس رش يجي يقول أها خلاص بدينا


موضوع الوحدة و الانفصال ده فاطر قلبي و كبدتي زي ما بتقول حبوبتي...
و ده ما موضوع سياسي يا جماعة...
ده موضوع مصيري...فلكم الحق أن تقولو فيه ما شئتم و هنا..
فبعد أن ألقينا نحن كسودانيين بقضيانا في غيابت الجب...
و جئنا بقميص به دم كذب أسميناه نيفاشا...
حتى يخلو لنا وجه مطامعنا الشخصية ضيقة الأفق...
ها هي تغدو عزيزة على الحل...
و لم نفطن الى صواع الملك الذي وضع في رحلنا منذ زمن بعيد...
ليفرق بينناو يشقنا الى مليون حتة...
حتى ان لم نستطيع أن نتوحد بحب...
لماذا لم توحدنا مصالحنا و مصيرنا المشترك...
لقد استسلمنا منذ زمن بعيد للجام و الرسن الذي وضعه علينا..
سادة وستمنيستر و البيض الأبيض...
الكلام في الموضوع حلال ...حلال ....حلال
Post: #7203
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-17-2010, 05:00 PM
Parent: #7200



ماشاء الله تبارك الله الحوش عامر بالغايبين الحضروا ألف حمد الله على السلامة
وعقبال الباقين ، وهاك ياكورة فكت وواحد ورقوا تمام وآخر مهدد بالسيك
وون تو يبشر بواحد آخر كورته حتفك والسودان في من يربح المزاد
ولازم هناك قائمين وهناك متابعين ومستمتعين ، وإن شاء الله دايما تامين ولامين
Post: #7206
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 05:14 PM
Parent: #7203

ود اسماعيل انت الحبشة كيف معاك
Post: #7207
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-17-2010, 05:58 PM
Parent: #7206

Quote: ود اسماعيل انت الحبشة كيف معاك


جبريلا....آندمن جو (كيف حالك بالحبشي)

مالك عايز تجيب لي أبو عمر انجيرا..قصدي مشكلة...

الزول ده لو فريق سوداني لاعب مع فريق حبشي ما بيحضر الكورة...
Post: #7208
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-17-2010, 06:34 PM
Parent: #7206

سؤالك ياطارق دخلني في حيرة وخلاني أتمتم ثم أضحك

يا طارق واحدة قريبتكم مغربية تزوجت جاري السوداني والنتيجة
خروج نهائي لزوجته السودانية مع إبنها من حياته ، رقم فداحة
رد الفعل إلا إنه أقل بكثير من رد الفعل الذي حيحصل لي في حالة
إقدامي على حبشية ولا قدر الله يصير معي ماحصل لجاري
الواحد تكون كورتو فكت وضيّع عيالو.
المغربية خلت السوداني يحلق شنبو يا أبو الزوز ومن يومها بالجلباب المغربي
Post: #7209
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-17-2010, 06:41 PM
Parent: #7208

Quote: إقدامي على حبشية ولا قدر الله يصير معي ماحصل لجاري
الواحد تكون كورتو فكت وضيّع عيالو.
المغربية خلت السوداني يحلق شنبو يا أبو الزوز ومن يومها بالجلباب المغربي


أبو عمر الله يستر عليك من تعمل شعرك راستا و تلبس الطاقية اللونه أصفر و أخضر...

و تلبس الشدة...

لكن عيب لي الشدة...ماله الشدة...
Post: #7210
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-17-2010, 11:40 PM
Parent: #7209

Quote: المغربية خلت السوداني يحلق شنبو يا أبو الزوز

ود اسماعيل
ياخي توجيه الكلام دة لي ابو الزوز
حا يجهجه باكاته
يعني ابو الزوز دة لو حلق شنبه ساكت كنيو لوك
بت شيخه حا تفتكر القصة فيها مغربية


اما ناس رشا ديل الاتعلموا كلمات حبشية الله يستر من المقشاشة
Post: #7211
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-18-2010, 03:30 AM
Parent: #7210

لا حول الله يا جبريلا..
انت غبت كم يوم البوست كان رايق..
جيت في ساعتين بس.. شعللت نيران ما ليها آخر..
جهز الخروف يا ولدنا وفرش لينا الحوش البي ورا..
عندي معاك جمجرات تقييييله..
يقولون دودي ذاتو حيكون في السودان ايام العيد..
كتر بس من الاستغفار من هسي..
أنا غايتو لو الله سهل ماشي أحج..
و جاييكم على الزيرو..

الوجيه ميسره..
طبعا جضوم شمس دي بيكون عملها بعد جا أبوظبي..
الغريبه اول حاجه علقت عليها لمن رسل الصوره..

بت النوبه.. يازوبه..
المره دي جايينك شله لي شاي المغربيه..

الامهري.. بقيت متجدع كمان..
حوفي عندها امتحانات والا شنو..

رجفي تقيييل يا ود إسماعيل..

سلام يا حلوين..
Post: #7212
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-18-2010, 06:18 AM
Parent: #7211

بسم الله الرحمن الرحيم
السلام عليكم
صباح الخير

وطالما القمر معاكس نحو الحبشة
عليه يمكن أن نقول
أنديت أتراتشو
Post: #7213
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-18-2010, 07:49 AM
Parent: #7212

صبحكم الله بالخير

رغم مشغولياتي قلت أجي أخد لي معاكم خشم خشمين...
قبل جلا ما يجي يقلب البوست سوق جمعة...
مع اثارة موضوع أخوانا الاثيوبيين اتذكرت لي نكتة بيحكيها واحد من ناس الهيلاهوب...
قال الحبشي زعلان من السلبطة بتاعت السودانيين...
أي حاجه تحصل يقولو ليك الحبشي عمل الحاجه دي...
فقام قال...
حبشي يجي ماشي جمب حيطة...حيطه تقع يقولو حبشي رمى حيطه...
ليه هو أسلو حبشي و لا خروف (قاصد غنماية)...

طبعا للجماعة الساكنين في أحياء ما فيها غنم بتتحك في الحيط...
زي زهير الزناتي و حاتم جبارة و زينب التجاني و منصور عشان صاحبي...
الغنم بتتكرش في الحيط...العجب لو لقت ليها حيطة جالوص تقعد تتكرش طول اليوم...
و غنم ناس محمد عيد بتقطع الشارع من خط عبور المشاه...
Post: #7214
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-18-2010, 08:08 AM
Parent: #7212

صباح الهناء والسرور ...

عاد عيني باردة وما شاء الله وتبارك الله ...

نرحب بكل الغائبين الحاضرين ...

منص الله يعينك على رباية الكبر .. دا إسمو قون في الزمن الضائع ودائما القون دا بيكون أحلى قون ...

الشيخ جلا حمدا لله على سلامة الباسويرد .. تعال يا ود أمي والقبول عندك .. ألعب ومتع الناس كلها ولو أخدت سيك من منصور ما مشكلة .. المشكلة ريدك بقت هي المشكلة (أغنية سريلانكية يابانية) ...

محمد عيد يا دوب نحن نبارك العيد .. عودتك بقت هي العيد (مثل شمباتي) ...

يا ود جبرين خروفك دا مغربي ولا سوداني .. برضو ما مشكلة إنت تعال وبعداك نحن بنتفق ...

رشيد القوم .. شدة ولدة وغسيل عدة (مثل دزمينيكاني ماليزي) ...

كمال الشادي مالك ومال حمار سيد اللبن (مثل حبشي) ...

أبوالزوز واي من الكفيل بقينا ما بنشوفك زي الأول ...

والله يا زوبة الله يديك العافية برغم كل المسئوليات العائلية برضو بتاوقي وبتشوفي أخوانك في الديوان ...

فيما يخص الحبشة حقيقي أضان الحاكل طرشا (مثل إيراني) ... هو نحن الدخلت فينا من دخاخين ود جبيرن لليلي ما مرقت نقوم نجيب لينا مصايب تانية .. أبوالزوز أرعا بي قيدك ...

أحمد إسماعيل قلت لي المغربية سيكت السودانية في قبولا .. طبعا دي نتيجة متوقعة لأن كورة المغاربة أحسن من كورتنا .. لكن إنشاء الله الكونفدرالية سودانية ...
Post: #7215
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-18-2010, 09:04 AM
Parent: #7214
Post: #7216
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-18-2010, 09:43 AM
Parent: #7215

يا جماعة
أين تقع إيران من الحبشة؟؟؟؟
Post: #7219
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-18-2010, 10:33 AM
Parent: #7215

ود الشــادى ..

مالك ياخوى عامل لينا انجيرا

الصفحة جاطت مالها ..؟

كدى ارمى عمتك دى فى الغسالة ...

الظاهر ريحة الأنقشــا والمنقشــا جابت للصفحة الهواء
Post: #7220
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-18-2010, 10:43 AM
Parent: #7215

غايتو انا الشتاء اصلي ما قاعد ادورو ...
عشان جنس الحكي دا ...
وزاتو قومة بدري الايام دي صعبة خلاص ... غايتو قاعد افتش لي في ترحيل
عشان يودي الاولاد المدرسة ...

اها بعد داك بنفضى نشوف ليكم حكاية ادس دي شنو ...
Post: #7222
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-18-2010, 10:57 AM
Parent: #7215

يعنى يا احمد اسماعيل بعد ده نغنى نقول
المغربية انتى ما صعبة .. الخرطوم انا منتدبة انا بحب كسلا واديس ابابا

ناس كسلا فى اللحظة دى يقول وروو روووووك وروو رووووك


يا كمال الشادى لكين ما فتلت الصحفة فتلة عدوووك
انت حبشى ولا ود عرب .... سنة يا ولد


ما بتتصلح تانى الا تعمل تعديل وتمسح مداخلتك وبالذات الاقتباس
Post: #7223
Title: Re: ناس الزقازيق ... أجدع ناس ( 3 ) ..
Author: عصام دهب
Date: 10-18-2010, 11:05 AM
Parent: #7215

سلام و تحية لكل الزقازيقاب و أصدقائهم ..

و تحية خاصة و تقدير لجميع الأعزاء الذين حملوا على عاتقهم هم التواصل و لم ينقطعوا من هذا البوست و ظلوا متواصلين على الدوام مع بقية أخوتهم و أصدقائهم الزفازيقاب ..

و تحية أيضاً لكل الغائبين و آمل أن ييسر الله لهم سبل العودة و التواصل عبر هذا البوست ..


و إعتذار لكل من راسلني خلال الفترة السابقة فقد كنت أعاني من مشكلة في بريدي الإلكتروني و تجاوزتها و لله الحمد ..

و لكل الذين ينشدون التواصل عبر هذا البوست يمكنهم الكتابة إلى [email protected]

سلام تاني ليكم كلكم مشاركين و قراء و متابعين و مستمتعين ..
Post: #7217
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-18-2010, 09:48 AM
Parent: #7214

يا شادي مداخلتك التحت اعمل ليها تعديل ....فاتلة البوست ....

احمد اسماعيل حلاقة الشنب عرفناها ... بس الفيك برضو اتعرفت .... الله يجيب موسي عيسي بالسلامة ....


Quote: السادة الأعزاء
تحية طيبة من الإسكندرية
رجاء
من يتواصل مع سمؤل ابو سن السودانى
ابن كسلا
شرق السودان ان يدلنى عليه او على اميله ويبلغه ان هناك صديق له يتظر التواصل معه
من مصر
واشكر الإخوة السودانيون
خصوصا خريجى جامعة الزقازيق منهم كلية الحقوق
وشكرا وهذا اميلى ارجو التواصل معى للعون
cognition [email protected]
Post: #7218
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-18-2010, 09:53 AM
Parent: #7214

Quote: فيما يخص الحبشة حقيقي أضان الحاكل طرشا (مثل إيراني) ... هو نحن الدخلت فينا من دخاخين ود جبيرن لليلي ما مرقت نقوم نجيب لينا مصايب تانية .. أبوالزوز أرعا بي قيدك ...


يا البادي قلت حاكل عديل كده .... الظاهر عليها الحكومة الاخيرة دي قوية جد
Post: #7221
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-18-2010, 10:48 AM
Parent: #7214

كمال الشادي ...
الحق عدل مداخلتك التحت دي او امسحها والله شفرت البوست عديل
عملنا مداخلات بعدها ما ظهرت ...
اعتقد في حاجة غلط في التكويت
Post: #7224
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-18-2010, 11:09 AM
Parent: #7221

انعل ابو الزغني ذاته
بالله اتاري الامة دي قاعدة على الهبشة ((الحبشة))


البوست التحت دة ممكن يساعد ود اسماعيل على حلاقة الشنب:
صور أهل ساره القيافه وغناويهم..


يا ود جبارة يا زول تعال
يمين الدرابزين فاضي وحا نقعد نتجدع زي الترتيب
كمان راشد اخوي جايي من دبي والقصة حا تحلى


يا البادي بالله كلم زولي المعاك داك يشتري لي الخروف وقول ليه الحساب يجمع
الشفع قالوا ما بيعيدوا وانا مافي.. شفتة العوجة دي

يا ود الشادي قابلني بهناك في بوست الحبش داك
اصله القصي بايظي بايظي
Post: #7225
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-18-2010, 11:35 AM
Parent: #7224

انتو اديس دى وين ويعنى شنو ؟؟!!!
(صورة زول كاتلو الأستغراب )
انا غايتو لا بعرفا , ولا بعرف كارامارا ولا فن فنى ولا دبرزيت
بيكوك زاتا ما بعرفا , ولاحتى (البولى رود )
يقطع حريشكم يا مقطوعين الطارى
ابو الزوز قلت لى الحكومة الأحيرة بتاعت صاحبنا بتاع التركترات السودانية كيف ؟؟!!
والله انتو عليكم جنس كلام , اصلو ما بتفهم
التقول اقماركم معكوسة والعاكسا ليكم هيثم مصطفى
(طبعا لو القون ود خالة الزول داك يا ابو الزوز )
معناتا الجهجهة حصلت
Post: #7226
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-18-2010, 12:18 PM
Parent: #7225

أبو الزفت.. الحكومه كيف قلتو لي؟
أبوالزوز ومنص يا جمجارين..
(صوره واحد كاتلو الضحك)
آاال حاكل آاال..
والله عندي زي تلاته والا أربعه أمثال في الحته دي..
لكن المحنه كاتلاني..

بيجو بالله ما تدخل لينا فوقها راشد وما راشد..
ولا الكمندان.. بس دودي..
وداير تقعدنا في الشارع مش كدا؟
والخروف ملح؟
دي حاله دي..
Post: #7227
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-18-2010, 12:30 PM
Parent: #7226

يا ود جبارة ياخي انت بس تعال
بعدين ياخي انت قايل الدرابزين دة ساهل يمين
الدرابزين دة احسن حتة في البيت
خصوصا لمن تتشنقل في عنقريب مطرف كدة
Post: #7228
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-18-2010, 01:48 PM
Parent: #7227

يا جماعة في زول مكتول في الشغل زي ما أظن

ما لاقي نفس لصباح الخير يا وجوه الخير ،،،

هسع سارقين الوقت ده ،،،،

القصة مدوره عن الحبشة وما أدراك ما الحبشة

ما مميزات الحبشة ؟؟؟؟

يعني ما في أجمل من ماليزيا حسب وصف منص

بكون فاضي برجع ليكم ،،،،

ارسل تحياتي لجلال ومحمد عيد الحقيقة طولت منهم كتير،،،
Post: #7229
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-18-2010, 02:08 PM
Parent: #7228

Quote: ارسل تحياتي لجلال ومحمد عيد الحقيقة طولت منهم كتير،،،


يا ريس يا تسلم علي الرعايا كلهم يا بنعمل انقلاب
Post: #7230
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-18-2010, 03:00 PM
Parent: #7229

Quote: يا ريس يا تسلم علي الرعايا كلهم يا بنعمل انقلاب


حاضر يا فندم ،،،، تحياتي لجميع الأحباب الزقازيقاب والزقازيقيات

عجبني تعليقك يا طارق ،،، بس البلد ما فضل فيها حاجة علشان

تنقلب ،،، وكمان ورانا أنفصال لا محال .
Post: #7232
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-18-2010, 03:23 PM
Parent: #7230

يا أبوالزوز الله يجازي محنك ...

قالوا كان في واحد دائما سكران صبح ومساء يعني بتبيت معاهو .. كان ماشي للبار عشان ياخد الحصة اليومية فجأة لقى البار مقفول ودي لأول مرة يجي يلاقي البار مقفول .. رفع رأسو وسأل الجماعة الموجودين .. كان ردهم أن الرئيس أغلق كل البارات وأراق الخمر في النيل .. صاحبنا بكل إستغراب قال يا جماعة الأزهري دا جنا ولا شنو .. يعني يا أبوالزوز الحكومة دي قاعدة من يونيو 1989 يعني كيف يكون في حكومة جديدة .. إمكن حكومة الإنتخابات دي صفرولا العداد ...

يا ود جبرين خروفك جاهز وما تشيل هم .. بس رسل المواصفات اللت الخروف .. لكن ما يكون خروف حبشي ...

يامنصور يا ود أمي جك جكتك وخليك من الحكومات نحن لو فتحنا نار والله إلا تتضايرو .. نحن ناس العملي وما عندنا نظري .. في ناس عاملنها حفر دخان وناس فاتحين جبهة حبشية .. وناس عاملين فاتن حمامة .. وناس دومينيكان ساكت .. يا أبوالزوز أرعى بي قيدك ...
Post: #7233
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-18-2010, 03:23 PM
Parent: #7230

Quote: ارسل تحياتي لجلال ومحمد عيد الحقيقة طولت منهم كتير،،،


ريســنا الحبيب ...

التحية ليك انت والله نحنا المقصرين

لك تحية عسكرية ..

تحية جداوية ...

تحية كاريوكا ظاتها ..!

اصلو انحنا بعد الانفصال الجاى ده ..

ما عندنا ريس الا انت ...
Post: #7231
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-18-2010, 03:21 PM
Parent: #7229

Quote: بعدين ياخي انت قايل الدرابزين دة ساهل يمين
الدرابزين دة احسن حتة في البيت
خصوصا لمن تتشنقل في عنقريب مطرف كدة

ياود حبريل ذكرتني مثل دارفوري بقول
( السروال مقدود ما بتشنقل )
Post: #7234
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-18-2010, 03:24 PM
Parent: #7231

Quote: ياود حبريل ذكرتني مثل دارفوري بقول
( السروال مقدود ما بتشنقل )


يا ود اسماعيل السروال المقدود دة بيجيب لينا الكلام
Post: #7235
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-18-2010, 03:49 PM
Parent: #7234

Quote: يامنصور يا ود أمي جك جكتك وخليك من الحكومات نحن لو فتحنا نار والله إلا تتضايرو .. نحن ناس العملي وما عندنا نظري .. في ناس عاملنها حفر دخان وناس فاتحين جبهة حبشية .. وناس عاملين فاتن حمامة .. وناس دومينيكان ساكت .. يا أبوالزوز أرعى بي قيدك ...

أسد علينا..
وفي الحكومات.. أقصد الحروب..
نعامه..

الله يجازيك ياأبوالزوز..
هسي ممسكنا طرف الخيط دا مالك..
Post: #7236
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-18-2010, 05:21 PM
Parent: #7235

Quote: يا ود جبرين خروفك جاهز وما تشيل هم .. بس رسل المواصفات اللت الخروف .. لكن ما يكون خروف حبشي ...

كلام زي الترتيب
بس حق الخروف ممكن يتراوج
Post: #7237
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-19-2010, 06:27 AM
Parent: #7236

صباح الهناء والسرور ...

ود جبرين تعال وما يهمك .. تعال فرح ليالينا تعال قبل السنين تجري وتعال .. نفسي كدا أجيك ونقعد في الدرابزين وما مشكلة إنت خليك مشنقل فوق العنقريب ...

حاتم بورتو الدومينيكاني .. أمبارح البرلوم محمد حسن قال إنت كمان حتجي تعيد معانا عيد الضحية .. برضو حنقدم ليك عرض خروف بكل المواصفات التي تريدها بس ما يكون دومينيكاني ولا حبشي وكمان من غير قرين كارد ...

أمبارح كنت محتاج للأستاذ بشير علي العبيد في مسألة قانونية مستعصية .. باءت كل المحاولات عشان أتحصل على تلفونه .. يا حليلك يا أبوالزوز وفي الليلة الظلماء يفتقد البدر (مثل حبشي) .. آخر المطاف وجدت ضالتي مع مجتبى فاروق الله يديهو العافية ...

إتصلت على بش بش وتقابلنا بالأمسيات في أم درمان وكانت ونسة ودردشة بطعم وحلاوة الزقازيقاب الحلوين ...

أبوالزوز عليك الله خلينا في حالنا وما تقعد تمارس فينا مهنة الصحافة وتجرب فينا قيدك الصحفي وتقعد تقول الكلمة دي فيها غلط إملائي والكلمة دي ما قاعدة كويس .. لا تنسي إنك قادي عربي ...
Post: #7238
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-19-2010, 06:38 AM
Parent: #7236

أصبحنا وأصبح الملك لله
يارشيد القوم معقول تتلخبط جغرافيتنا وتاريخنا عن السودان
النيل وأجذاؤهـ المختلفة ومناخاتنا المتعددة من الصحراوي إلى الإستوائي
وثوراتنا وإرثنا وبلاد المليون ميل تصير بلاد الكم ألف ميل نسـأل الله أن
يحفظ بلدنا موحدة,
نرجو غـدا وغـد كحامـلة
في الحي لايـدرون ماتلـد
Post: #7239
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-19-2010, 08:14 AM
Parent: #7238

صباح الخير ،،، يا وجوه الخير

أصبحنا وأصبح الملك لله وحده،،،

ترانيم صباحيه،،،

إلهي ! أسألك تذللاً
فأعطني تفضلاً ،،،
أأذكر حاجتي ،،، أم قد كفاني
************
إلهي ما ألطفك بي مع عظيم جهلي
وما أرحمك بي مع قبيح فعلي،،،،

تداعبنا هذه الأيام ليلاً نسمات خفيفة

إعلاناً ببدء دخول فصل الشتاء ،،،،،،

وقلوبنا مع أخواننا الذين ينون أداء فريضة

الحج لهذا العام وسوف تكون منى ومزدلفة وعرفات مكشوفة

والبرد حيكون شديد ربنا يتطلف بهم ونتمنى لهم حجاً مبروراً

بإذن الله ،،،، وعلشان تكون حجتك مقبوله لابد من المرور علينا بجده
Post: #7240
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-19-2010, 08:22 AM
Parent: #7239

Quote: ارسل تحياتي لجلال ومحمد عيد الحقيقة طولت منهم كتير،،،

ولك من التحايا اطيبها واكثرها حرارة ياريس ...
الحقيقة عاوز اكسر تلج للريس دا مش على كيفي ...
بعدين انتو ذاتكم مافاضين لينا ... بعد تجو من اديس بعدين بنتحاسب ...
















------
موسى عيسى وين يا جلا ...
Post: #7241
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-19-2010, 09:14 AM
Parent: #7240

Quote: موسى عيسى وين يا جلا ...

خليني من موسى
أنا زاتي ما عارف نفسي و ين



تحت تحت موسى طرفكم
Post: #7242
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-19-2010, 10:53 AM
Parent: #7241

كمال الشادي جاء ختة ليكم الزغني وكبة الزوغة



يا البادي ان شاء الله بنجي
ربنا يلمنا في ساعة خير
Post: #7243
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-19-2010, 11:16 AM
Parent: #7242

مساكم الله بالخير

مشغول ما كفاية...أنا والله منشده عديل كده...
لكن جيت أشوف تجيهزات جبريلا للسفر وصلت لي وين...
و طبعا بتبقى ثقالة مني ساكت لو قعدت أقول لي جبريلا...
ميزانية الخروف أضربها في اتنين...و ميزانية الاجازة في تلاته...
و أكون بايخ كان قلت ليهو انت قايل في شتاء في السودان...
شتاء شنو يا حبة والله حر تلحم...و الجاكت الماشي تقشر بيهو ده خليهو ما تشيلو..
ما حأقول ليهو كلام زي ده عشان ما يحرد السفر...
و بتبقى ثقالة من جلال لو جاء كمان كمل الناقصة...
نحن عايزين نخلي الوحده...قصدي المشيه للسودان جاذبة...
Post: #7244
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-19-2010, 11:20 AM
Parent: #7243

Quote: نحن عايزين نخلي الوحده...قصدي المشيه للسودان جاذبة...


يا ابو مهند وحاتك تليفون صغنبوتي للحاج طمم بطني
Post: #7245
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-19-2010, 11:29 AM
Parent: #7244

Quote: يا ابو مهند وحاتك تليفون صغنبوتي للحاج طمم بطني


الحاج هين امكن تصدق و امكن ما تصدق...
لكن الوزير القال السنين التلاتة الجايات ديل سنين عجاف..
و الناس حترجع للكسره تاني...هي الناس فارقت الكسرة فلهمة قايلهم...
ما الكسرة بقت أعلى من الرغيف...
يا أخوي ان بقيت مسافر السودان غمض و أمشي...
لا تفتح رادي و لا تشوف تلفزيون و لا تقرأ المنبر...
و أختا التلاته التالية أسماءهم..
محمد أدم النور
جلال عثمان
الرشيد بابكر...
و محمد عيد

ديل كم...تمو تلاته و لا ما تمو
Post: #7246
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-19-2010, 11:33 AM
Parent: #7245

يا رشا يا زول
انا ماشي زول درابزين وبوش
ما مارق من بيتنا حتى تأشيرة الخروج كداري من البيت



خلينا مع صلاح ابن البادية دة احسن لينا:
حبيبي جنني..
Post: #7247
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-19-2010, 11:46 AM
Parent: #7242

بالطريقة دى الخيارات تعددت
تعددت دى , يقوم كمان البادى يفهما غلط , ويودينا فى ستين داهية
الوحيد الحا يفهمها صاح , اليام دى عامل طاشى , زول كده اسمه ياسر نجيلة
كان لى جلا , طاشى شبكة ليهو مدة , وقمره معكوس عكسة عدوكم , لا من ميشو ابى يلعبو كورة الجيش الكانت فى النيجر
هسى الخيار المطروح بتاع الخروف الفى الدرابزين ده , كيف معاكم
طيب كدى خلونا نحسبا
هسى حاتم جبارة ده , جايينا حاج و ولا ماشى للخروف فى الدرابزين ؟؟
وطارق جبرين ده , حاول يفهمنا انو ماشى برااااهو لى خروف الدرابزين
يعنى الدرابزين حايكون فيهو كم خروف ؟؟
يفوم البادى يسعى الخرفان دى من هسى , يقوم يجوهوا ود جبرين وحاتم جبارة بررااااهم , ويخلوا بنات شيوخهم وراهم
شىء فى الدومنيكان وشى فى كازابلانكا
وينضم ليهم محمد حسن البرلوم , ويلموا معاهم بشير على العبيد ومجتبى فاروق
وكمان صالح تبلدينا وهانى برعى , ويتم البادى الناقصة
الزول ده مش قال انا زول عملى
اها , بعد اللمة دى كلها (الما حا يحضرها جلا لأنو عادة بيضحى فى كسلا اجبارى ولا على كيفو )
الدرابزين ده , ياربى حايتحمل الحاصل ده كلو , خاصة وكتيبة الشرطة الكنا معتمدين عليها تحفظ الأمن , مرقتا لينا فى ايران
اقول ليكم حاجة , انا حتة زى دى ولا بجيها ولا حاجة ,
حتة ما فيها جكة يا ود جبرين , اخير منها اديس ابابا عدييييل
يا البادى , اجازة العيد الكبير بتاعتك , بتبتدى متين , وبتنتهى متين ؟؟
خلونا نرقع (المقدود ) , قبال نجيكم , اصلنا ناوين (نتشعلق ) يا احمد اسماعيل
والعجب لو العيد صادف خميس وجمعة , الرشيد عااادى ممكن يخرم للدرابزين من السلع
انا غايتو , ولا معاكم ولا حاجة , خلونا النجك جكتنا , هو العمر (بعزأأ) ؟؟!!!!!!!!!!!!
Post: #7248
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-19-2010, 12:27 PM
Parent: #7247

Quote: يا ابو مهند وحاتك تليفون صغنبوتي للحاج طمم بطني

أعتقد دا سبب كافي إنو التوجه للحبشة هو الخيار الإستراتيجي في مرحلتك دي
أما في ما يعتقد الأبنوسي في لمة الدرابزين الما حا أحضرها
أفتكر جانبه الصواب
ودا راجع لي حتتين
الحتة الأولى منعاً للتعددية المافهمتها و الطاشي منها شبكة
الحتة التانية
الحول الفات العضة كانت سلطة دكوة في مكة
برغم إنو الواحد دافع الميز لكن و لا شفناهو
Quote: يا البادى , اجازة العيد الكبير بتاعتك , بتبتدى متين , وبتنتهى متين ؟؟

في الحتة دي الواحد داير يخش و يعلق على الإقتباس دا
نسبةللإتفاق الإطاري بيننا
آثرت أن أحتفظ بحق الرد حالما خرق الطرف الآخر ذلكم الإتفاق

يا رش التلاتة بتاعنك ناقصة زول
أظن
الكوتش
و مبارك جادين وييييي يييي
و محمد المرتضى
Post: #7249
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-19-2010, 02:59 PM
Parent: #7248

Quote: حتة ما فيها جكة يا ود جبرين , اخير منها اديس ابابا عدييييل


هيييييييييييييييع
انعل ابو الجمكسين


يا جلا بنجيك بي كسلا ونمشي الحبشة كدة كيف معاك
Post: #7250
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-19-2010, 03:44 PM
Parent: #7249

يا جلا حقيقي عجبتني ويفتني في حناني زاتو .. آآي خليك كدا زول صنديد وللعهود صاين ...

يا منص وحاتك يا غالي الدرابزين حق ودجبرين دا حتكون فيهو أم الخرفان (على وزن أم المعارك) .. وبي كل الأجناس ويقوم ودجبرين المسنوح دا يجيب لينا شربوت الليل حبوباتو داك .. عاد أمانة ما تشوفو جنس بلاوي .. والدعوة عامة يا جماعة .. والباربيكيو على الدرابزين مباشرة قصدي على الهواء مباشرة .. ولا عزاء للسيدات لأنه حيكونو معانا أمراء العزابة ناس هاني وصالح وحمحد حسن (الترتيب حسب العمر) ...

أما إجازتي يا منص مالك ومالها مش تبدأ متين وتنتهي متين إنشاء الله تكون تكون مثنى وثلاث ورباع زاتو .. أبوالزفت الجماعة عملو ساتر .. ما تخافو دا بمبان ساكت علا لو فتحتو نار غايتو لا عذر لمن أنذر .. هععععع أنا الكيك ...

يا أحمد إسماعيل قمرك دا معكوس لي متين هسع بكلم ليك ود أختي حارس العرين يقوم يطلع من قونو ويمسك العكسة دي ...

أبوالزوز خليك بعيد وأشخت شخيت ...
Post: #7251
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-20-2010, 06:30 AM
Parent: #7250



أصبحنا وأصبح الملك لله رب العالمين
ربنا آتنا في الدنيا حسنة وفي الآخرة
حسنة وقنا عذاب النار
Post: #7252
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 07:38 AM
Parent: #7251

اصبحنا واصبح الملك لله
صباح الخير

الواحد من امبارح خايف يلمس الكيبورد عددددددديل
تلفونات تتخابت
من زهير
ومن النضيف
عدل المداخلة
فتلت البوست
عدل المداخلة
فتلت البوست


أها كده كيف ؟


يا طارق جبريل

Quote: كمال الشادي جاء ختة ليكم الزغني وكبة الزوغة


ما ياها دي طريقتك طوااااااااااالي
وما جديدة عليك
تولع النار
وتزوغ وبعدين نبقى
في
ده ما أنا والله
شوف مين ولع النار
وشوف من كتب كلام أقرب إلى الكفر بي هناك في منبر ناس الحبشة في المنبر العام
ودعواتك للمغربيات
اتقول عينوك خاطبة للمغربيات
إنت فتحت ليك مؤسسة تجميع رؤؤس في الحلال
لو فتحتها ( قرض على حتة الحلال دي بالله )

شايف في واحد بي هناك جادي يجيك المغرب ويتزوج مغربية
بالله شوف جنس البشتنة دي
عايز تبوظ على نسوانا الرصة

طارق في حتة ما إتقالت ما بين السطور في موضوع المرأة الحبشية
وعلاقة السوداني بها

ما السوداني زيو وزي أي راجل في الدنيا بيعرف كل جنسيات النسوان حوالينو
لكن ليه بالذات الحبشية ليها وقع خاص على كل حواسو

أعتقد ( وبلغة إقتصادية بحتة ) إنها بديل كامل للمرأة السودانية
إتضايروا من الفليق يا شباب ( انا ما أقصد لا زهير ولا ياسر نجيلة ) وطبعا جلا بعيد عن موضوع الفليق ده
شايف منصور عبد الرازق قفل اللابتوب
والرشيد فصل الكهرباء عديل

المرأة الحبشية بديل كامل للمرأة السودانية
يعني شنو ؟

الببسي كسلعة إقتصادية بديل كامل للكوكاولا
والعكس صحيح

لي عودة
Post: #7254
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 07:51 AM
Parent: #7252

البديل الكامل إقتصاديا
يعني السلعة المنافسة التي كل مواصفات السلعة الاولى
ويمكن أن تحل محلها في السوق
وتخرتها عدييييييييييل

وطالما المواصفات الاساسية متساوية أو متقاربة ( زي الببسي والكوكاكولا )
يبقى الفرق وييييييييييييييين

الفرق بسيط في التسويق

البيعرف يسوق لي سلعتو كويس
يبيع كتير
ويكسح السوق

في الحالة دي
ما هي السلعة موضوع البحث
السلعة هي الانوثة !!!!!!!!

يا شباب
الناس البتخاف تتضاير

كثير وكثير جدا من النساء السودانيات يفخرن بإنهن ( مسترجلات )
ونهن أخوات الرجال
وإنها تسوى ألف راجل
هي بذلك تترك مربعها الفطري
وتنتقل إلى مربع آخر لم يخلق لها وهي بذلك تفقد خصوصيات سلعتها التي فطرها الله عليها

والرجل أي رجل في أي مكان في الدنياهو الرجل
يبحث عن المرأة اي إمرا’ في أي مكان في الدنيا
لو لقا الدايرو طوالي يبركن

إستغرب جدا علاقة الرجال الامريكان بالفلبينيات في السعودية

لي أصدقاء امريكان
ولي صديقات فلبينيات

لمن عرفت السبب بطل العجب

رغم عدم التناسق في الحجم بين الاثنين
الامريكي عريض المنكبين شلولخ
والفلبينية عبارة عن سامبل
ولكن هي تعطي إهتماما للرجل ( يقع في خانة الانوثة ) هو يفتقده
إذن حلت المعادلة وإلتقى القطبان

الكلام ليك يا المنطط عينيك

إنتهى كلامي

ويا طارق ما تجي ترمي حججك على
Post: #7253
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 07:44 AM
Parent: #7251

صباح الخير ،،، يا وجوه الخير

[B]أهازيج روحانيه،،،،،

إلهي قسا قلبي،،
وعظم ذنبي ،،
وجهلت أمري ،،
وبخلت بالماء عيني،،

إلهي كيف أدعوك وقد عصيتك !!!!
وكيف لا أدعوك وقد عرفتك!!!!!
حق لمن دعاك بالندم تذللاً ،،،
أن تجيبه بالكرم تفضلاً ،،،،،
Post: #7255
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-20-2010, 08:46 AM
Parent: #7253

قال المدعو منصور الشهير بالابنوسي ...
Quote: تعددت دى , يقوم كمان البادى يفهما غلط , ويودينا فى ستين داهية
الوحيد الحا يفهمها صاح , اليام دى عامل طاشى , زول كده اسمه ياسر نجيلة

واردف البادي ببراءة خبيثة....
Quote: أما إجازتي يا منص مالك ومالها مش تبدأ متين وتنتهي متين إنشاء الله تكون تكون مثنى وثلاث ورباع زاتو .. أبوالزفت الجماعة عملو ساتر ..


بوست بقي فيهو ... شوك ... مش بطعن ... ده شوك بعضي ويملص الاضنين عديل كده ....
ماتسألو مني تاني ... وما جايكم .... قال بفهم صاح ...
انتو خليتو فيها طايوووق ... الضمير ده راجع لمنو ياجلا ...

Quote: أعتقد ( وبلغة إقتصادية بحتة ) إنها بديل كامل للمرأة السودانية
إتضايروا من الفليق يا شباب ( انا ما أقصد لا زهير ولا ياسر نجيلة ) وطبعا جلا بعيد عن موضوع الفليق ده
شايف منصور عبد الرازق قفل اللابتوب
والرشيد فصل الكهرباء عديل
المرأة الحبشية بديل كامل للمرأة السودانية
يعني شنو ؟


في طريقي من السوق للبيت كنت بمر بكافتريا بتاعة حبش بالشارقة ...
وبعد كلام الشادي مش حموني المشي بهناك ...
ديل حموني استخدم حرف الحاء والشين زاتوووووووووووووو ...
ياشادي ياخوي ... عافين ليك ... اوعك تدخل البوست تاني ...

كمان جابت ليها فلبينيات ... نمشي وين نحنا ... ديل مشتتات زي النمل عندنا ...






========================================================
Quote: يا أحمد إسماعيل قمرك دا معكوس لي متين هسع بكلم ليك ود أختي حارس العرين يقوم يطلع من قونو ويمسك العكسة دي ...


البادي ...
شوف عيني ود اختك الليله ملص اقوان بعدد خرفان الدرابزين .... يارب
Post: #7256
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 09:10 AM
Parent: #7255

جلا
كيف ليك
مع
مانيلا ؟

بعد اديس ؟
Post: #7257
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-20-2010, 09:12 AM
Parent: #7255

يمي بالله انتو لا ناس سترة ولا حتين
الرشيد ما قال ليكم السودان ده بيمر بى (منعطف تاريخى )
تخلو المنعطف التاريخى , ويقعدوا ناس كمال الشادى والبادى ومسنوح كازابلانكا (الريتو يحموهو الأجازى تانى كان دى فعايلو )
يودونا (المزلقانات )
خلونا فى منعطف الرشيد التاريخى داك يا جماعة , مالو , عيبوهو لى عليكم الله
يمين يا البادى ما تكلمنى بى مواعيد اجازتك , علا اكلم ليك (اسامة داؤؤد زاتو )
عاد ما انت عامل فيها خبرة ولا بيهمك , ما قلت لينا رأيك فى قصة الأنوثة (السامبل * ) بتاعت كمال الشادى دى
عارف يا كمال , لو القصة (تكامل ) , وكل واحد بيفتش فيما (يفتقد ويريد )
فانت (قومت الكتاحة عديييل )
صحيح ان الرجل يحتاج (لأنوثة طاغية ) , من ضمن ما يحتاج
والعضلات المفتولة والشوارب المبرومة والضراعات (الشلولخ ) , دايرة ليها (سامبل ) يحتويها
ده كلو صاح ,
لكن كمان فى حاجات تانية صاح اوى وكتيييييرة
هذه الأنوثة الموجودة فى شكل غيب وتعال , والأسترجال الذى له بعض المبررات (حينا بعد حين )
ما محتاج ليهو مقابل موضوعى من الرجالة (الفايتة حدها دى ) ؟؟؟
يا اخوانا , الجاى الدرابزين يرفع ايدو , عدد العناقريب محدود ,
عنقريب هبابى ناصية يا , وسروال (مسوجر ) مفتاحه ضايع , علينا جااااااااااى
ياسر نجيلة
عليك الله دكان الشارقة داك فاتح لليلى ؟؟؟؟؟
وانت البيوديك تشرب (البنة ) فى الحتات ديك شنو ؟؟؟
كان كده انت ما زول درابزين عدييييييل
دنيا فرندقس والله
ناس الرشيد عينهم للشارقة , يقوموا يمشوا السلع
حد يشعر بالسعادة , اووول انتا بأأأأأأأأأأه
Post: #7258
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-20-2010, 10:50 AM
Parent: #7257

Quote: جلا
كيف ليك
مع
مانيلا ؟

بعد اديس ؟

شوف يا شادي
نحن ناس موحديييييين
و الناس دي تشمل كل من نجيلة و الزول الإسمو منصور دا
عسان كدا
ناس مانيلا ديل ما بنشوفهم إلا و نحن راقدين سلطة و مركبين لينا دربات و وكامات أكسجين
زولك المقهي داك شوفو و طلعو من حفرة داخانو ديك و سوقو معاك
لكن ما أظن بتاع الدومنيكان يوفقكم الرأي
السودان يمر بمنعطف تاريخي و مفصلي
و الناس ماشا أديس
السودان في مرحلة يكون أو لا يكون
والناس تفكر في مانيلا
السودان ........
و الرشيد يعيط

عشان كدا أفتكر تبقو ناس موحدين و وحدويين
أي كلام غير الوحدة الجاذبة لا يستقيم مع بنات الشيخ
وحدة مع المغرب
وحدة مع الحبشة
وحدة مع أم صيقعون الجاك
ما مشكلة المهم و حدة بدون تعدد
Post: #7261
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 11:23 AM
Parent: #7258

Quote: شوف يا شادي
نحن ناس موحديييييين
و الناس دي تشمل كل من نجيلة و الزول الإسمو منصور دا


هسي الجاب أخوي الكاشف شنو

منصور انا ما بعرفوا في الموضوع ده
لكن نجيلة معاك للطيش أنا عارفو كويييييييييس
الدنيا داخلا شتا وهو عندو أنفلونزا مزمنة في إضنينو
والدكتور قال ليهو أوعك من جرجير الاضنين خسوسا في الشتا
وكمان نوم الكنب ي الصالة الشتا الفات جاب ليهو الروماتيزم
الشتا ده أكان رقد في الصالة تاني ياهو المودع


ما تكبر كومك على حساب الجكة

بيقولو الفرق كبير وواضح بين الجكة للرياضة والتمرين وجكة عوضية
اذا لم تعرف الفرق ( يمكنك الاتصال بصديق ،،، على فكرة تلفون منصور عبد الرازق موجود في البوست بتاع سامي عبد الوهاب )

Quote: ناس مانيلا ديل ما بنشوفهم إلا و نحن راقدين سلطة و مركبين لينا دربات و وكامات أكسجين


عالم ########ات بشكل


Quote: وحدة مع المغرب
وحدة مع الحبشة
وحدة مع أم صيقعون الجاك
ما مشكلة المهم و حدة بدون تعدد



أنت ما سمعت روعتنا في تعددنا الثقافي
أنا جايك من حتة التنوع والتعدد الثقافي دي
Post: #7259
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-20-2010, 11:06 AM
Parent: #7257

صبحكم الله بالخير

ونستكم دي و الله ذكرتني بيوت المناسبات زمان...
يتلمو العجايز في حتة و يقعدو يتونسو زي ونستكم دي...
و تلقاهم يضحكو بأعلى أصواتهم و لما يجي واحد صغير زي داخل يسكتو...
حسه حتتكم دي قررت ما أدخلها تاني الا الصفحة دي تتقلب...
و لا كمان تغيروا الموضوع حقكم...
و لا كمان أجيب ليكم فايز حسن التوم و ياسر لورد يكسروكم لمن تآمنو...
يغسي علي .......
انتو وحات هضربتكم دي هضربت عجايز ساكت...
الشعر و صبغتوهو...اللسان ده ما تلموهو شوية زي الناس الصغار...
Post: #7262
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-20-2010, 11:31 AM
Parent: #7259

Quote: ...اللسان ده ما تلموهو شوية زي الناس الصغار...


رشـــيد ... تعال نلعب قيم صــفرجت ...


الناس ديل خليهم فى الرمــّه وحراسها لامن يجيهم ود ام بعلووووا ..!
Post: #7260
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-20-2010, 11:19 AM
Parent: #7257

اللييييله..
بوستيكم دا نيرانو في السما..
كومبيوتري حصل ليهو كراش بسببكم..

يا ناس السعوديه.. انتو ما قالو وهابيين وكدا..
امسكوا الزول الليلكم دا الاسمو الشادي..
دا جاء رمى ليهو قنابل وصواريخ..
قلت لي المرأه الحبشيه بديله لي منو؟
والفليبينيه مالها؟ شنو.. سامبل؟
وداك بي هناك عامل لينا فيها المغربيه شنو داك؟
وا خساره حفر الدخان والحنه فيكم..
زي الأوطط (الكدايس).. تاكلو وتنكروا..

بدون هظار.. دي هرطقتي في الموضوع دي..
طبعا أنا ما باوافق على التعميم..
ولذلك ما باعتقد انو شعب كامل كل نسائهم شكل واحد..
من الامريكيات او السودانيات من يتقطرن أنوثه..
رغم كدا.. أعتقد..
المرأه والرجل.. يلزمهم إنسجام روحي.. وتفاهم..
ولو كانت جنسياتهم مختلفه..
وبي صراحه للتربيه والعادات ضلع كبير في المسأله دي..
وزي الشادي ما قال الفليبينيات عندهم حنيه وأنوثه بي الكوم..
ودا ممكن يرجع لعاداتهم.. أو لطبيعه احداهن دون الأخرى..
وهناك من الرجال من تعجبهم المسأله دي..
وآخرون قد تمثل ليهم تعلق كتير وكتمه نفس..
قد تكون هناك إمرأه بتقطر أنوثه.. لكن مافي تفاهم مع زوجها..
إيه الفايده في الحاله دي..
في حاجات كتيره لازم نتطرق ليها برضو لأهميتها..
كيف ينظر المجتمع السوداني ككل للمرأه؟
هل المرأه شريكه للرجل؟
طريقه الزواج. عموما كيف بتتم؟
دور التربيه والعادات سواء للمرأه أو الرجل؟
وكتير من التساؤل..

طيب.. إحنا بنطالب انو المرأه السودانيه تزداد إنوثه..
(تخريمه: يعني إنوثه أكتر من كدا كيف)..
عن نفسي.. لا تعجبني أنوثه الحبشيه أو الفليبينيه..
في الحاله دي أعمل شنو يعني..
أمشي الدومينيكان؟
Post: #7263
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 11:47 AM
Parent: #7260

الرشيد

Quote: ونستكم دي و الله ذكرتني بيوت المناسبات زمان...
يتلمو العجايز في حتة و يقعدو يتونسو زي ونستكم دي...


أسمع كلامك أسدأأك
أشوف عمايلك أستغرب

يا أخي الموضوع المولع ده فوق بدأ بي كلام بي لغة الحبوووش
وخشيت إنت رطنت عدييييييييييييييل
الرطانة دي إتعلمت وين
قولي في الزقازيق !!

يا نجيلة إنتو الامارات دي بيوزعوا فيها المفاريك مجانا ( جمع مفراكة )
أنا بعرف إنو نجيلة منع دخول المفاريك بيتو
ده عشان الصحة العامة
خصوصا إنو التأمين الطبي في الامارات لا يغطي إصابات العمل

قلت لي شنو يا الرشيد
ونستنا ما عاجباك
احلف بالله إنك بطلت شغل وقاعد حاتل جنب الجهاز


بس الظاهر في ناس معاك برضو
أنا شخصيا مقدر ظروفك

وجلا كمان مقدر ظروفك

دا أنا غلاباااااااااااان
Post: #7265
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 12:19 PM
Parent: #7263

الصورة دي
الرشيد كان معلقها في شقتهم في الرسيبشن


e18.jpg Hosting at Sudaneseonline.com


والمغالطني يسأل منصور
Post: #7264
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 12:15 PM
Parent: #7260

الظاهر طلعت أنا بليد بشكل

أنا كنت فاكر الكلام عن الدولة الحبشية

طلع الكلام عن المرأة الحبشية ،،، عجيب

أمركم يا شباب إنت يا شادي راميك جمل ولا مالك

إلا نضميك شين خلاص ،،،،،،،،،،، إنتي مقتنع بالكلام المكتوب

ده ،،، إنت عملت ماجستير لو كملت الدكتوراه ح تعمل شنو

Quote: المرأة الحبشية بديل كامل للمرأة السودانية
يعني شنو ؟
يعني السلعة المنافسة التي كل مواصفات السلعة الاولى
ويمكن أن تحل محلها في السوق
وتخرتها عدييييييييييل


بديل من أيه ناحيه كان للسماحه والله بناتنا سمحات وكملن السماحه

وكان للديكور والمكياج والذي منه أمشي السودان وشوف ، إنت عارف واحد

زي حلاتك ما قاعد يمشي السودان راح زيارة السودان ورجع بإنطباع عجيب قال

والله اللفت نظره إن البنات بقن سمحات شديد ما عارف الحصل ليهم شنوّّّ!!!

وكان عجبنكم كم بنيه حبشية كده مخلوطات بالخلطة الإيطالية (في الحرام) السودانية

مخلوطه بالدم العربي (في الحلال) بالإضافة لبعض الشعوب الأخرى التي إختلطت معنا،،،

طيب ما شفتو البينات الحبشيات الشينات والله شنا مره تقطع الخميرة من البيت،،،

بعدين الحبشيات ديل ما هن الشاغالات معانا في البيوت ،،، والسودانيين بيتزوجهم

دي خفه وطيارة عين ساي ،،، ممكن تكون في حبشية وممكن يتزوجها كائن من كان سواء

كان سوداني أو خلافه ،،،،

تتضامن معاي يا شادي في أن الخلل النفسي في تركيبت الراجل السوداني أن الحبشية

سهلة المنال وما بتكلف كتير وأن الرجل السوداني (القديم) إرتبطت في مخيلته

الحبشية وبيوت الدعارة التي أقلقت والحمد لله.

نواصل ،،،

ما دام جلا ترك مهامه,,,,
Post: #7266
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-20-2010, 12:38 PM
Parent: #7264

الريس ميسرة
كلامك فيهو شيء كتير من الصحة
عشان ما نتغالط

يا ميسرة
السمح سمح
ما بتغالطوا فيهو اتنين

بس

قول رأيك في الصورة دي عليك الله
الصورة دي رسلها لي طارق جبريل قبل شوية في إيميلي
وقالي أنزلها في الموقع لانو ماقادر ينزلها هو عشان موقع سودانيزاونلاين تقيل في المغرب

e1000e10000e1.jpg Hosting at Sudaneseonline.com
Post: #7269
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-20-2010, 01:15 PM
Parent: #7266

عييييييييييييييك
ود الشادي قلب ليكم القصي كوكا وبيبسي
جنا الصحافة دة انا عارفه وعارف خبيراته
الخرابة تقول منليك يموت في الحبش
والظاهر عليه جروهوا من اضانو لانه خاتي الصورة المطلعة ايمانه وعامل انا رسلتها ليه
انا ختيت الصورة يا النجيض من بدري
يا سجم الرماد انا ما عندي عقدة حبش
عقدة مغاربة ممكن


الرشيد بايع عليها المفراكة بتلاقيهو من الباب
عشان كدة عمل فيها صغير
مع انه مباراة توديعه بتاعة زراعة مع بيطرة انا كنت فيها صغنبوتي شديد
هسي نظام الولد صبغ شعره
غايتو بديري مهجوم وخواف قدر دة يخربني ما سمعتة بيهو


اما بتاع الدومنيكان داك خلوهوا سكات اصلو راقد رز

والعجب ود جيرانا نجيلة
ياخي نجيلة الكبير رحمة الله عليه كان يهز ويرز في الحلة
ما داير اقول النار تلد الرماد

وجلا يلغلغ عملها لينا وحدة وطناش
دة ما ياهو ((الجبنة)) ذاتها

ابوز باقيلي خاف علي شنبو من الحلاقي


عفيت منك يا البادي كلس

الريس ميسرة ذاته جاري واطي
انعل ابو المقصوصة البيفلقوا بيها ذاتو


ود عيد اتغابى العرفة في الموضوع

يا منص ما تعملها خرفان ودرابزين
ان بقى هرشوك في الصحافة تعال ((قعمز)) معانا في الدرابزين
كله موجود خرفان وصبارة كركدي وعمك جبرين يملاك شِعِر
Post: #7267
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 12:54 PM
Parent: #7264

Quote: الصورة دي
الرشيد كان معلقها في شقتهم في الرسيبشن


يا شادي كانت في صورة معلقة في شقتنا وأنا كنت معلقة

بس هي دعاية للخطوط الأثيوبية ،،، وكانت بتشبه منى يونس

وعصمت السمسار كل مره يقول هذا خطيبتك صاح ،،،،

يا شادي الإثيوبين ناس فاهمين كيف يلعبوا يبحثوا عن بناتهم

الحلوين ويعملوا ليهم صور جميلة وخلفيات رهيبة أنا أقول ليك

هذا الكلام من واقع التجربة لو تذكر إستديو كاميرا آرتس بتاع أهلي

عندنا صور لبنات سودانيات والله جميلة بصورة خرافيه تفوق كثير من الصور

الحبشية الموزعة في الدنيا ولكن السودانيين بطبعهم كانوا محافظين وما بيسمحوا

لنشر صور بناتهم علشان سماحتهم ،،، إنت عارف لمن يكون عايزين يعملوا تجديدات

في الإستديو كان مطلوب مننا أحضار زميلاتنا أو صديقاتنا بعد موافقتهم ليتم تصويرهم

وتعليق الصور على واجه الإستديو والكوافير كان على حساب الإستديو وبعض النثريات

وكنا تستعين ببنات وزارة الثقافة والإعلام ومدرسة اليونيت وهكذا ،،،،،،

القضية تسويق وترويج ما كانت سماحه .
Post: #7268
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 01:03 PM
Parent: #7267

Quote: قول رأيك في الصورة دي عليك الله
الصورة دي رسلها لي طارق جبريل قبل شوية في إيميلي


الصورة سمحة جداً ولكن عامل للأستاذه منى يونس صور أجمل

وأرهب من دي بمسافة بعيده جداً ،،، بنتك الحليوه دي أنا ممكن

أعمل ليك ليها صور بالكاميرا الزوم أطلع عليك ليها صور أخلي بنات

الحبش كلهم يعجبوا (ربنا يخليها ليك وحفظه).

السمح سمح ما فيهو مغالطة بس بالله شوف الشينين العندهم ،،،

حاجة تخوفك ،،، شوف الهنود بقدر ما فيهم جمال فيهم أشكال قبيحة

تخاف منها .
Post: #7270
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-20-2010, 02:10 PM
Parent: #7268
Post: #7272
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-20-2010, 02:31 PM
Parent: #7270

ابو الزوز جننت السمار جن
اريتني عازف كمان انا ياخي
Post: #7273
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-20-2010, 02:47 PM
Parent: #7270

طارق جبريل وكمال الشادي انتو اولاد قليلين ادب وفي رواية اخري من صعاليك العرب ... في داعي تجهجهوا الناس ديل كده ....شوفوا الريس ميسره في مداخلاته الفوق ديل باكاته مجهجهة ..... كيف والله لمن يحنن .... بتاعت زول شايلين ليهو مفراكه كبيرة .... الحمد الله نحن اليومين ديل نتمتع بكثير من الحرية .... لا جرجير اضنين لا مفاريك ... بس خايف في النهاية يكون الحساب بالجملة ... خاصة انه الشتاء داخل ...

يا جماعة صراحة كده الموضوع ده امرقوا منه ... الريس ميسرة ... الرشيد ... منصور .... محمد صديق ....

ثم ياسر نجيلة مع اني ما عارف الجابو مع الجلاكين ديل شنو ....

في زول يا جماعة يتذكر البوستر بتاع الخطوط الجوية الاثيوبية المعلق في شقتنا بتاعت السوق ... هو البوستر التوام للبوستر اعلاه .. القلتوا معلقوا الرشيد في شقته (والجملة للتاكيد عشان الجماعة لو ما شافوها قبيل يشوفها هسه) خاصة بكره الخميس يلقي ليهو كم مفراكه في انتظاره .....

من المفترض ان يصل الكوتش محمد صديق لارض الوطن اليوم .... نتمني الا يجد كمش او مفاريك في انتظاره ....

يا جماعة والله مفتقد الريس معتصم جعفر بشده
Post: #7271
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 02:26 PM
Parent: #7268

Quote: يا شباب
الناس البتخاف تتضاير

كثير وكثير جدا من النساء السودانيات يفخرن بإنهن ( مسترجلات )
ونهن أخوات الرجال
وإنها تسوى ألف راجل
هي بذلك تترك مربعها الفطري
وتنتقل إلى مربع آخر لم يخلق لها وهي بذلك تفقد خصوصيات سلعتها التي فطرها الله عليها


كثير من النساء السودانيات يفخرن بأنهم مسترجلات

ولماذا يعاب على السودانية ذلك القول ونحن نجد هذا

في كل نساء العالم وبطرق مختلفة ،،،، المصرية المعلمة إلي كانت

تترأس مجموعة من الرجال والبطلجية والحرامية وشلة الغرزة،،،،،،

تلك التي تلعب كراتية وتلك التي تلعب حديد وتلك التي تصارع في القنوات

الرياضية الإم بي سي آكشن أو show sport 4 القنوات المشفرة آخر عضلات ولابسات

من غير هدوم الغريب إنك لا تحس بأنها إمرأة ناهيك عن الإنوثة ،،،،،

الفلبينيات والتايلنديات أنحنا نطلق عليهم النوبه البيض ،،،، سبحان الله

ما هو الرابط بينهم لاحظ ودقق في وجوههم يشبهو أهلنا ناس جبال النوبة مع

التغير في اللون والشعر فقط .
Post: #7274
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-20-2010, 03:10 PM
Parent: #7271

عاجل جداً
بالله رسلوا لينا إيميلات بنات الشيخ بسرعة لقراءة هذه القصة

السر بشهر العسل


سمعت الصحيفة المشهورة بهذه الزيجة

استمرت لمدة ستون عاماً ، و زادت الدهشة
عندما وصلت تقارير المراسلين تقول أن الجيران أجمعوا على أن الزوجين عاشا
حياة مثالية ، و لم تدخل المشاكل أبداً إلى بيت هذين الزوجين السعيدين .

هنا أرسلت الصحيفة أكفأ محرريها ليعد تحقيقاً مع الزوجين المثاليين ،
و ينشره ليعرف الناس كيف يصنعون حياة زوجية سعيدة ..


المهم

المحرر قرر أن يقابل كلا الزوجين على انفراد ، ليتسم الحديث بالموضوعية
و عدم تأثير الطرف الآخر عليه .

و بدأ بالزوج
سيدي ، هل صحيح أنك أنت و زوجتك عشتما ستين عاماً في حياة زوجية
سعيدة بدون أي منغصات ؟


نعم يا بني


و لما يعود الفضل في ذلك ؟

يعود ذلك إلى رحلة شهر العسل

فقد كانت الرحلة إلى أحدي البلدان التي تشتهر بجبالها الرائعه ،
و في أحد الأيام ، استأجرنا بغلين لنتسلق بهما إحدى الجبال ، حيث كانت
تعجز السيارات عن الوصول لتلك المناطق .
و بعد أن قطعنا شوطاً طويلا ، توقف البغل الذي تركبه زوجتي و رفض أن
يتحرك ، غضبت زوجتي و قالت : هذه الأولى.

ثم استطاعت أن تقنع البغل أن يواصل الرحلة .

بعد مسافة ، توقف البغل الذي تركبه زوجتي مرة أخرى و رفض أن يتحرك

غضبت زوجتي و صاحت قائلةً : هذه الثانية

ثم استطاعت أن تجعل البغل أن يواصل الرحلة

بعد مسافة أخرى ، وقف البغل الذي تركبه زوجتي و أعلن العصيان

كما في المرتين السابقتين ،

فنزلت زوجتي من على ظهره ، و قالت بكل هدوء : و هذه الثالثة .

ثم سحبت مسدساً من حقيبتها ، و أطلقت النار على رأس البغل ، فقتلته

في الحال ثارت ثائرتي ، و انطلقت اوبخها ،
لماذا فعلت ذلك ؟
كيف سنعود أدراجنا الآن ؟
كيف سندفع ثمن البغل ؟

انتظرت زوجتي حتي توقفت عن الكلام ، ونظرت إليّ بهدوء و قالت :


هذه الأولى ..........!!!!!!


ومن يومها وأنا ساكت .....
Post: #7275
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-20-2010, 03:14 PM
Parent: #7274

ابو الزوز قلة الادب هينة
الكلام علي الكُنش الخاتنوا لي الريس ميسرة والرشيد
Post: #7276
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-20-2010, 05:44 PM
Parent: #7275


يا ود الشادي تاني ما ترسلي النصايب دي في ايميلي
Post: #7277
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 10-20-2010, 06:38 PM
Parent: #7276

اما بعد
والذي اضحك ..وابكى ..
والذي امره ... الامر ..
فانني .. من الذين ... يحبون اهل السارة
القيافة ... واكن لهم .. معزة .... خاصة
ورغم الخرخرة الماشة في هذا البوست
والتعددية التي قام الناس منها صوف
ونزلوا بالدرب ... القبيل ,,, وغيروا الموضوع خوفا .. من مليص الاذنين
والضرب بالمفراكة .. لكن تظل نقطة مهمة اقيف عندها
وهي ان أهل السارة القيافة ... ناس حلويين حلاوة
ومن ارادني في الزيادة
فيلحقني بهناك
في الماسنجر ... عشان اذكر وقائع زيارتي الي بلاد اهل السارة بعد
تلاتين حول

الصور رهيبة


وهاك دي
يا ود جبرين وكمال الشادي ...
مرة كنا في اديس ابابا
وانحنا كاتلين ملف في شارع جانبي
فجاءة وجدت نفسي فيس ... تو ... فيس مع واحدة امهرية ... قحة (على وزن عربي قح)
فقلت من غير ما اشعر وووووووووب علينا
فردت وهي تضحك وووووووووب علينا...


نستسني من هذه النكتة كل ناس
الوحدة الجاذبة
Post: #7278
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-20-2010, 06:39 PM
Parent: #7276



الهبروا ملوا وكثر التفحيط
الظاهر الموضوع ولّع (ألمي حار ولا لعب قعونج)
والله ياود الشادي أصبت القوم في مقتل
Post: #7279
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-20-2010, 08:40 PM
Parent: #7278

مساكم الله بالخير

المساخيط كمال الشادي و طارق جبريل قلبو لينا الصفحة دي قهوة...
انت يا كيمو البت اللافة شعرها زي قندول عيش الريف دي جبتها من وين...
أنا في الزقازيق كنت معلق صورة ميكي و بلوتو في غرفتي...منتهى البراءة...
زي صوركم دي ما كنا بنعرفها...نحن جينا البلد ديك صغار...
صحي اتخرجت قبل جبريلا لكن عالم الله جينا صغار...و مرقنا منها صغار...
و بعد داك من ترعة لي ترعة لحدي ما جينا الامارات...
في الجزيرة ما لاقيت لي اي واحدة عشان أقول ليها ووووووب علي...
و لا ردت علي أي واحدة في الجزيرة قالت ووووب علي من صعاليك الخرتوم ديل...
في الجزيرة كتير من المواليد تم تسميتهم بالرشيد تيمنا باسمي...
شفتو القدوة الحسنة يا مساخيت...
و كنا على قلة مواردنا مجبرين نجيب هدية كاربة للأسرة التي أسمت على اسمي...
هكذا جرت العادة هناك يا صعاليك...

أخيرا...
بت الشيخ بتعمل المقاريك بالخلاطة ما بالمفراكة...يعني ما عندنا مفراكة...
يعني بعد فتنتكم دي و بما اننا ما عندنا مفراكة...
الا تقوم تخلطني...
Post: #7280
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-21-2010, 07:25 AM
Parent: #7279

والله بوست صور نادي الضباط بقي ارحم ...

Quote: انتظرت زوجتي حتي توقفت عن الكلام ، ونظرت إليّ بهدوء و قالت :


هذه الأولى ..........!!!!!!


ومن يومها وأنا ساكت .....

على الايمان ياريس ضحكت لما تذكرت "هرشه" شهر عسلي ديك ... ومنها بقيت زي زولكم ده ......

لكن يا ودجادين ما لقيتك حريف خلاص ... اللعب بقي زقاقات ... وكمان فيها الوووووب ...
جايك عديل وقاصدك ... بس خليها بعد الاستفتاء وحأصلك حتي لو في جوبا ....

زهير الزناتي ... شوقنا مطر ... الاقامة دقوها ...
غايتو عاجبني وانت عاقل كده ....

Quote: بت الشيخ بتعمل المقاريك بالخلاطة ما بالمفراكة...يعني ما عندنا مفراكة...
يعني بعد فتنتكم دي و بما اننا ما عندنا مفراكة...
الا تقوم تخلطني...

رشيد القوم ...
خبرتك تجنن ... دي وزنتها وزنه معلمين ... بالله شوفو الود ده طلع من المطب ده كيف ...
التقول الود حبشي ...

=====================================================================
ياشباب ... طارق جبريل والشادي ... ما يعملو ليكم جاكات ...
فاردين ريشكم عشان بنات شيخكم مابدخو النت ... عندنا بجاي ....
وكمان ما بعملو ليكم مفروك ...
لكن صوركم ماعاوزة بوست منفصل ... عشان مانقعد ندور عليها كل مرة ...
Post: #7281
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-21-2010, 07:38 AM
Parent: #7279

الظاهر هناك فجوة عاطفية جابت مغاربة وحبش وفلبينيات
البعض يكفي يخلطوهم خلطة بسيطة تجيب تايمهم

اما أصحاب الشأن وآخرين الخلط ماكفاية عليهم عايزين يختوهم في مجالس
عديل كدة ويكتبوهم إنذارات وبعض الشروط
ممكن الأخ منصور ونجيلة يختو لينا الخطوط العريضة لهذه الشروط والمحاذير

وزي ماقال الريس ميسرة جلا ماشايف شغلو
Post: #7282
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-21-2010, 07:41 AM
Parent: #7279

يا شباب سلام ....

انا شايف الناس الداقين طار في الموضوع بنات شيخهم بعيدين عن الملاعب .... يعني عاملين لينا كمين ..... عشان كده من هنا ولي قدام حا اعمل نايم .... من الموضوع ده ..... والباب اليجيب الريح سده واستريح ..... والخواف ربي عياله ....


يا جماعة شايف عبد الحفيظ ده مافي زول اشتغل بكلامه .... اقترح انه الناس تكون عملية ... وتبدا تحول عند عبد الدائم .... المية دولار بتاعتها عشان الناس دي تبدا الشغل ....
Post: #7283
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-21-2010, 09:56 AM
Parent: #7282

الاستاذ عبدالحفيظ تحية طيبة
الترتيب ادناه تم بعد مراجعتى للمساهمين اتمنى ان اكون قد جاوبنى الصواب

عليه ارجو ان يتم جمع الــ 100 دولار كل حسب مناطقهم

1 - كمال محمد الحسن عثمان أحمد
2 - عبدالحفيظ عباس صديق عثمان
3 - صالح عبدالرحمن صالح عبدالرحمن
4 - نهلة نجم الدين حسن
5 - د. فاروق نصر علي محمد
6 - البادي النور محمد أحمد خوجلي
7 - عبدالدائم سيد أحمد محمد
8 - إسماعيل سوميت
9 - كوثر إبراهيم يونس
10 - الرشيد بابكر
11 - نجاة حوفي
12 - موسى عيسى
13 - د. جبريل نعمان عبدالله حمد
14 - إبراهيم الشريف
15 - خالد يسن
16 - محمد صديق
17 - عمار رحمة الله
18 - جلال عثمان
19 - د. عبدالله حسين فكي علي
20 - عادل الحسين حاج حمد
21- محمد أدم النور
22 - نزار محمد إبراهيم
23 - سفيان لطفي
24 - د. الطيب محمد أحمد
25 - د. مرتضى محمد العوض أحمد
26 - المنتصر طه
27 - زهير محمد عثمان
28 - إبتهاج عبدالله سليمان
29 - الهادي حسين أحمد
30 - صلاح عبدالمجيد
31- سامي عبدالفتاح
32 - ياسر نجيلة
33 - مدثر طه بلال كور
34 - ميسرة سيدأحمد إبراهيم
35 - منصور عبد الرازق محمد فضل
36 - طارق جبريل
37 - منى عباس المبارك
38 - طارق عبدالمنعم محمد علي
39 - أحمد محمد إسماعيل النور
40 - زينب التيجاني محمد علي
41 - عائشة صلاح الدين محمد
42 - الصادق عبدالله دفع الله
43 - أبرار الهادي أحمد صالح
44 - أحمد الهادي أحمد صالح
45 - السهيلى مجذوب
Post: #7284
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-21-2010, 11:39 AM
Parent: #7283

بالله الأمة دي طلعت ج ب ا نة خلاص
ناس خايفة من الخلاط
وناس اتغابت العرف
وناس عايزة تربي عيالها
عفيت منكن يا بنات الشيخ

ود الشادي خم وصُر
sayte17.jpg Hosting at Sudaneseonline.com
Post: #7285
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 10-21-2010, 01:13 PM
Parent: #7284

يا جماعة ما ترشو الجمكسين بي جاي
عشان عندنا أزمة
و إلتهاب حلق
و حساسية

علي بالشنو؟؟؟؟
الكحة من العطسة ما قدرنا نعرفا
إنعل أبو الحشرات زااااتووووووو
Post: #7286
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-21-2010, 02:36 PM
Parent: #7285

يا طارق جبريل .... فتناك بعافية ليوم السبت ..... الله اعلم خميس جمعة يجيك زول ....


اها يا ناس لو في زول فيكم جا بي جاي ما ينسي موضوع الشركة ..... عليك الله يا عبد الدائم وري الناس ديل رقم الحساب ...


ويوم السبت كمان عندنا موضوع جديد .....
Post: #7287
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-21-2010, 03:11 PM
Parent: #7286

ابو الزوز فتني بي عافية ولا بي ((خوفو))
Post: #7288
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-22-2010, 08:08 AM
Parent: #7287

جمعتكم مباركة
ما أشبه الليلة بالبارحة...
اصرار أمنية و مهند على الذهاب معي لصلاة الجمعة
انما بهدف الذهاب بعد الصلاة الى السوبر ماركت و شراء ما يحبون من حلوى و غيرها...
هذا ذكرني أيام كنا صغارا و كنا نصر على الذهاب مع الوالد...
كنا أيامها في مدني و كان الوالد يذهب يوم الجمعة الى الملجة و هي سوق الخضار...
لم يكن هنالك سوبر ماركت و لا جلاكسي و لا سنيكرز و لا غيرها من هذه الأشياء...
و لكن في الشتاء كان قصب السكر هو السنيكرز و الجلاكسي و المارس بتاعتنا...
نشتري ربطة كبيرة بتاعت قصب سكر و نطلب من البائع تنظيفها و تقطيعها..
ثم نأتي بها الى البيت و نقعد في الحوش الخلفي و نلتف حوله...
ونضع أمامنا وعاء كبير لوضع المخلفات...
الآن اختذلت تلك الربطة أو الكوليقة في قطع صغيرة مغلفة بعناية شديدة...
و بامكانك أن تضع عشرين قطعة منها في كيس صغيرة...
بينما كانت تحتاج ربطة واحدة من قصب السكر الى حمال...
رغم انني أتفق مع علي أخوي في اعجابي بمن ابتكر السنيكرز...
الا انني أشتاق دائما الى كوليقة قصب السكر....
Post: #7289
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-22-2010, 10:43 AM
Parent: #7288

ابو مهند قلبتها عنكوليب
خليت الزغني
Post: #7290
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 10-22-2010, 02:28 PM
Parent: #7289

سلام يا شباب
شنو لقيتو البوست فاضى من بنات الشيخ وسند بنات الشيخ واتفسحتو كمان لما جريتو بلبوست صفحتين
المهم من بكرة برسل نسخ من الصفحات الفاتت دى للكل من المغرب لى بتاع الدومنيكان داك كمان مترجمة
كمال الشادى انت بنرسل ليك فافى بلدرب عدييل
عالم غايتو ذى ما بتقول امى الله يهديكم


غايتو لولا انى طاقاتى ملاريا وهارسانى هرس كان فلفلتكم
الرشيد قلب ليكم الصفحة وحالف يا جبريلا ترجعو للزغنى
زهير عملا ليكم مساهمات
اصلو بهجة حتصل الاسبوع ده
بس البوست ده تانى مانغيب منو كتير
اها فتناكم بعافية
Post: #7291
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-22-2010, 02:38 PM
Parent: #7289

صباح الخير ،،، يا وجوه الخير

أصبحنا وأصبح الملك لله ،،،

تمر علينا ذكرى 21 إكتوبر مرور الكرام وكأنها لم تحدث
sudansudansudansudansudansudan122.jpg Hosting at Sudaneseonline.com

وكل الناس نيام والوطن تنتظره مصائب جسام ،،،،

أحسن لينا ناكل مع الرشيد كوليقة عنكوليب ،،،

ما بنحب الزغني ،،، شطة كتيرة وصلصتة زائده،،،،

جمعتكم مباركة ،،،،
Post: #7292
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-22-2010, 02:45 PM
Parent: #7291

يا زوبة ياخي كيفنك
والف سلامة
ياخي هسي نحن قلنا حاجة
ود الشادي دة هو الجاب المصايب
والله انا لي هسي مسكين والغنماية تاكل عشاي

بعدين الرشيد عاف القصة فيها ((خلاطة)) حتى السلام بالحبشي نكرو
اما الريس ميسرة دة والله انبرش عدييييييييييل وقال بيكره الزغني
والله عفيت من بتنا منى دة الشغل ولا بلاش
Post: #7293
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-22-2010, 05:45 PM
Parent: #7292


كمال الشادي تعال بي هنا ياخي
Post: #7294
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 06:01 AM
Parent: #7293

صباح الخير يا وجوه الخير


وصل يوم الخميس الكوتش من طهران .... وهو يغري التحايا للجميع بدون فرز ....وان كان قد خص محمد عيد بتحية خاصة .....سال منه وقال الزول ده طول شديد .....


اها انا كمان بقول ليهو تحياتك وصلت وبلغ تحياتنا لكل ناس الخرطوم ... وبرضو بنخص بتحية صباحية الريس معتصم جعفر ليهو مدة غائب ....
Post: #7295
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 06:48 AM
Parent: #7294

اتمني ان يقوم الاخ عبد الدائم بانزال رقم حسابه ..... حتي نبدا في دفع المية دولار لكل مساهم التي ذكرها الخ عبد الحفيظ اللازمة لتسجيل الشركة .....

كما اتمني ان نعرف رقم حساب الجمعية والذي عرفت من نهلة بانهم قطعوا شوطاً في ذلك ..... او فتح حساب للشركة لو امكن ... او تحديد رقم حساب لاي من الاعضاء الاخ عبد الحفيظ او معتصم او نهلة ...
Post: #7296
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 07:07 AM
Parent: #7295

لي ملاحظة اخري ... حول المبلغ .... اعتقد ان مصاريف التاسيس يجب ان تقسم وفق الاسهم وبالنسبة ..... يعني يا عبد الحفيظ ما مكن نتساوي مع ناس 100 سهم ديل ياخي

ما تراعوا ظروفنا يا ناس ....
Post: #7298
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-23-2010, 07:27 AM
Parent: #7296

صباح الخير ،،، يا وجوه الخير

ترانيم روحانيه،،،،

إلهي ،،،،
ببابك أنخنا!!
ولمعروفك تعرضنا ،،،،
وبكرمك تعلقنا ،،، وبتقصيرنا إعترفنا

إلهي ،،،،
أنت المحسن وأنا المسئ !!!
ومن شأن المحسن إتمام إحسانه ،،،
ومن شأن المسئ الإعتراف بعدوانه،،،
Post: #7297
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-23-2010, 07:16 AM
Parent: #7295

البت الحديقة
زينوبة
زينب التيجاني

Quote: غايتو لولا انى طاقاتى ملاريا وهارسانى هرس


سلامتك من الملاريا
أنعمل أبو الجمكسين ( زي ما بقول طارق جبريل )

سلامتك من الملاريا وملعون أبو الباعوض زاتو
والله الباعوض ده ما عندو عيون ولا حس ولا إحساس ولا مسئوليةولا دم ولا أخلاق ولا أي حاجة

إنتي ناس جلا ديل قاعدين وين من مسألة الناموس دي

المفروض يتصدوا ليهو
أمال هو لاعب باك على أي اساس
ناس ما عندها مسئولية
Post: #7299
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-23-2010, 07:41 AM
Parent: #7297

البـنــك الاهــلى التجـــــارى

جــــــــــده

رقـم الحســاب : 0 1 1 0 0 0 4 6 1 6 1 7 1 1

عبدالـدائم سـيداحمـد محمــد سـيداحمــد


،،،،،،

لو امكن بعد تحويل اى شخص تلفون صغيرونى كده ما بطال
حتى لا يختلط المال العام بالخاص



زوبة سلامتك الف سلامة
Post: #7300
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-23-2010, 08:21 AM
Parent: #7299

اللهم انى اصبحت بك فى نعمة وعافية وستر فاتمم نعمتك على وسترك يارب العالمين..
احلى صباح بصوت صديقى الجميل زناتى..
بصراحة لا متابعة ولا مستمتعة امتحانات امتحانات.
يا حاتم شكرا على السؤال انت ناس المدرسة رسلوا ليك جدولى بتاع سنة 2011 ولا شنو؟؟
مفكرة احولهم مدرسة امريكية قالوا لا هوم وورك ولا امتحان شهرى ولا شى بس حفلات واعياد ميلاد مع اصحابهم
عليك الله يا حاتم رسل لى برنامج للمدارس الامريكية بسرعة عشان اقدر اتواصل معاكم..
زوبة يا زهرة البنفسج سلامتك من الملاريا اجر وعافية انشاء الله..
يا كوتش حمدا لله على السلامة..
يا ميسرة ومنى طالبنى تلفون طويل..
دمتم كلكم سالمين
Post: #7304
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-23-2010, 08:54 AM
Parent: #7299

زوبه ألف سلامه عليك من الملاريا
أصلاً الباعوض عميان من ناس كتار
جلا ترك مهامه الأساسية ، ندعوا لقيام جمعية عمومية طارئة..0

حساب عبدالدائم بالريال ما بالدولار ،،،،
يكون أفضل لو تم إكمال فتح حساب للجمعية بالسودان
وبعدها يتم فتح حساب الشركة بعد إكتمال الإجراء القانوني

يا كوتش حمد لله على السلامة وأشرقت الأنوار من بلاد فارس
ولمن فاتهم الإستماع .
Post: #7301
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-23-2010, 08:24 AM
Parent: #7295

الاحباب الكرام لكم التحايا و الاشواق الممزوجة بريحة الدعاش

و العزاء لكل من فقد عزيز و التحية للمتداخلين الجدد .


و حنجي برواقة بعد ما نشوف لينا زقني و نجيكم لافينا .

و الفيك اتعرفت يا صحبي بكرة الفولة بتتملي و البقارة بتلموا؟
Post: #7302
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 10-23-2010, 08:36 AM
Parent: #7301

ذى ما قالت ليكم زوبة لقيتوا بنات الشيوخ مشغولات واتفسحتوا.. غايتو بقول ليكم ذى ماما محاسن:
الله يهديكم ..
Post: #7303
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-23-2010, 08:42 AM
Parent: #7301

اغنية النعام آدم المشهورة
مهداة اليوم للعائد
من أرض الاستفتاء إلى ارض الوطن
موسى عيسى

تقول الاغنية

مرحبتين حبابك
اليوم السعيد الليلةجابك
يا فريع البان

فريع البان دي ما شغالة معاك يا موسى
حولها لي طارق جبريل يمكن تظبط معاهو
هو صحيح مصلع
ومكرش
لكن نقول فريع البان
مجاملة فقط لا اكثر


وعودا حميدا يا حبيب

خش في الجو طوالي وشوف القروش القال عليها الافوكاتو دي حا نلمها كيف

تحياتي
Post: #7305
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-23-2010, 09:00 AM
Parent: #7303

زوبه ألف سلامه عليك من الملاريا
أصلاً الباعوض عميان من ناس كتار
جلا ترك مهامه الأساسية ، ندعوا لقيام جمعية عمومية طارئة..0

حساب عبدالدائم بالريال ما بالدولار ،،،،
يكون أفضل لو تم إكمال فتح حساب للجمعية بالسودان
وبعدها يتم فتح حساب الشركة بعد إكتمال الإجراء القانوني

يا كوتش حمد لله على السلامة وأشرقت الأنوار من بلاد فارس
ولمن فاتهم الإستماع .

موسى عيسى فقدناكم لفترة طويلة ،،، حمد لله على سلامة الوصول
حللة أهلاً ورجعت سهلاً ،،، عوداً حميداً ،،،
Post: #7306
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-23-2010, 09:32 AM
Parent: #7305

Quote: و الفيك اتعرفت يا صحبي بكرة الفولة بتتملي و البقارة بتلموا؟

غايتوا بعد فريع البان حقت كمال الشادي دي
نحن ناس المديدة حرقتني ...
وراجين الفولة تتملي والبقارة يتلموا عشان نحرر المديدة...
حمدا لله على السلامة ياموسى ليك وحشة والله
-------
ألف سلامة لزينوبة وماتشوفي شر ان شاء الله
Post: #7307
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-23-2010, 10:43 AM
Parent: #7306

ما تهرشوا من كلام الحبشيات داك , وكمان ما تعتبروا كلام الشادى كمال
وود جبرين طارق , مجرد كلام
ابدا مافى اى مانع من وضع تلك الملاحظات فى اطارها الصحيح , ومناقشتها , بشكل موضوعى
دون ان يتم تفريغها من محتواها
حولوا المية دولار , لحساب عبد الدائم , او لحساب الشركة فى السودان
برهنو على انو حاجاتكم ماشة فى تواز , عندكم امر الشركة ومعايش الدنيا
ما بيفترق عن ملاحظات نفسية تسكن جوانا , ونستعين بيها على مزيد من فهم بنات شيوخنا
النقد الجتماعى لى زى الجوانب النفسية دى , دائما بياخذ الشكل الأخدتو المناقشة فى الصفحة الفاتت
وهو شكل (كاريكتورى ) , يحاول تضخيم الأحاسيس البشرية , ووضعها فى قوالب الكوميديا الأجتماعية
واولاد الشيوخ دائما ما يستفردوا بالساحة
مستفيدين من خصال طبيعية عند بنات الشيوخ , خاصة حقيننا , من شاكلة الخجل والحياء
انا متأكد لو ان احداهن تحررت من مثل هذه القيود الطبيعية
لسلخت آدم السودانى , المتدثر بلباس ود الشيخ وسى السيد المصرى , بمجوعة ملاحظات , من شاكلة (لحاظو كالقذائف ) , وانا من عيونو ياناس والله خائف
فانوثة السودانيات المطعونة بملاحظات آدم السودان
تقابلها عند بنات الشيوخ , العديد من ملاحظات (الرجولة الفايتا حدها ) , عند اولاد الشيوخ حاملى جواز السفر الأخضر غير الممغنط
لذا فان انتقال النقاش الى مثل هذه الخانات , امر محمود ومطلوب
ولكن , تحده دائما وتقلل من فائدته , قوانين الطبيعة وتركيبات نفس البشر اللابسة (للثوب السودانى )
وتتلخص هذه فى كلمات بسيطة قالتها حاجة محاسن , ونقلتها عنها بناتها نجاة حوفى وزينب التيجانى (المورودة , ان شاء الله الوردة والحمى البتجيك يا بت النوبة , تنقص من لغاليها , بالله
عليكم شوفوا جنس الملاريا المطرطشة دى )
لا تتوقفوا عن طرح كل ما تحبون وتشعرون وتحسون , كما لا تتوقفوا عن توريد الدولارات المية الى حساب النضيف , ولا تخشوا من خلط خاصه بعامه , لأنو المكنة دى ما بتقسم عندنا
يا ابو عناب , ببساطة لأنو لأنو الخمسمية ريال الموجودة فى الخاص ممكن تسحبها , وينقلب الحساب لى عام , )
* عليك الله يا كوتش ضمنى لقائمة تحياتك , فانا برضو مشتاق ليك , بس ما بضمنك وانت راجع من طهران )
Post: #7309
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-23-2010, 10:50 AM
Parent: #7307

يا طارق جبريل
عووووووووووووووووووووووووك
الحق
منصور فتحها بحري
Quote: ما تهرشوا من كلام الحبشيات داك , وكمان ما تعتبروا كلام الشادى كمال
وود جبرين طارق , مجرد كلام
ابدا مافى اى مانع من وضع تلك الملاحظات فى اطارها الصحيح , ومناقشتها , بشكل موضوعى
دون ان يتم تفريغها من محتواها


بختك
انا عارف في شوية حاجات كده لسه خانقاك وداير تقولها
أها
ده رئيس الاسرة ذاتو قال ليك قول

أوعى تجي تقول كمال الشادي رسل لي وقالي
انا ما عندي اي حاجة أقولها في الموضوع ده


قبل ما تشوت شمال عليك الله قول لي زينب دي كفارة وسلامتك
وشوف لي ناس جلا ديل قاعدين يعملوا شنو مع الملاريا الحايمة دي
ناس ما شايفا شغلا
Post: #7308
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-23-2010, 10:47 AM
Parent: #7306

ما تفقد عزيز يا ريس والواحد لسع نفسو قايم من الطلعة بتاع العقبة دي بس

خلينا نشيل نفسي دا ساي و بعدين نفتو ليكم فت جد مش بتاع الحبش و الفلبينيات !!!



تسلم ليك عافيتك يا ولدنا الحلو ابو الجل و الله الواحد كان متمني ليه كسحت في الواحد

و عشرين دي انشاء الله بشارع جامسكا و لكن الله في ....عديتها لي كسح للشمالية !


و انت ما تستعجل للمديدة والله هو جنس مدايد و كور و باشري و كمان معاها عدة ؟

هس ما شفت من ما ظهر اب شنب شوفت ليك حاجة حايمة بجاي الكل نطه جبلو و ليك

علي في التاكا بنحصلهم بس الواحد ينضج كوم الشغل القدامو دا و بجيك يا .........؟
Post: #7310
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 02:54 PM
Parent: #7308

سلام يا ناس ....

زوبة بت ام زوبة الف سلامة ليك ... ويا رب ما تشوفي شر ....وحقيقي الملاريا دي ما عندها عيون ....
Post: #7311
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 03:01 PM
Parent: #7308

الف مرحب بولدنا موسي عيسي ..... وعايزين منه ذكريات عن السودان الشقيق في بوست جلال بالمنبر الخاص ....

حتي تكتمل الصورة لمن لم يرجع للسودان منذ فترة طويلة ....

يا جماعة بالله عليكم منبر ناس الزقازيق ده ما تكتلوه .... دي فرصة لابد من اغتنامها ... علي نفسي في الايام القادمة سوف ارفدة باثنين بوست ابو كديس ...

وطبعاً الكلام ده بعد تقريع رسمي من الكمندان محمد صديق .... اتهمني فيه صراحة ودون اي مواربة باني سبب رئيسي في ان الناس هجرت المنبر الخاص ... يعني متهم بتحريض جموع اهل الزقازيق ..... اها عشان كده واثباتاً لحسن النية ساقوم بدعوة لا تكل ولا تمل من اجل احياء البوست الخاص ...
Post: #7312
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-23-2010, 04:01 PM
Parent: #7311

مساكم الله بالخير

موسى عيسى عودا حميدا و حمدا لله على سلامتك...
ان شاء الله تكون قضيت اجازة سعيدة و عملت شحن للمعنويات لفترة تكفيك حتى الاجازة الجاية...
مثلي مثل غيري سعيد بعودتك و نرجو أن تستغل ارتفاع المعنويات ده و تعبي البوست...
كلام جميل و كلام حلو...

حساب ديدو و استلمناهو...
و مبلغ المائة دولار سنقوم بتحويلها...
لكن لا يزال عندي احساس انه لا بد من وجود مجلس ادارة معين...
أو يقوم المجلس التنفيذي للجمعية في اعانة الأخ عبد الحفيظ في مسألة التسجيل دي...
ليقوم بالمسائل المحاسبية حتى يأتي المجلس المنتخب أو المعين أيضا ليتسلم الملف منهم
اضافة الى المسائل القانونية التي يتولاها الأخ عبد الحفيظ....
نرجو الافادة من أهل الاختصاص...
Post: #7313
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 10-23-2010, 04:59 PM
Parent: #7312

السلام عليكم ورحمة الله وبركاته

ألف ألف سلامة للأخت زينب التجاني

وإن شاء الله ما تشوفي شر

_____________________

محمد صديق

حمد لله على السلامة
Post: #7314
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 10-23-2010, 05:04 PM
Parent: #7313

والله أنا غايتو الصفحة الفاتت دي

لا شفتها...

لا بعرفا...

ولا جيت بعندا...

والناس ديل زاتم ما دفعتي ولا بعرف أي واحد منهم

ههههههههههههههههههههههه هيييييياااااااااااااااااااااااا
Post: #7315
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-23-2010, 06:17 PM
Parent: #7314

يا ابو الجل صاحبك صامي ده جا خاشي توش ..... وعمل نايم .... وما ادانا فاتحتنا ....يحول لكم لاجراء اللازم ...


يا جماعة والله كلام مبارك جادين بتاع اديس ابابا ده محرقص لي من يومداك ..... وعايز لي فيهو تك وتكتين .... لكن كدي نخليها هسه بعد ما الناس اتجاوزت الموضوع لكن بحكها معاهو في الايميل ....
Post: #7316
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-23-2010, 10:14 PM
Parent: #7315

سلام يا ناس
حمد لله بالسلامة يا موسى عيسى
وان شاء الله الجيت منهم كويسين

وبرضو سلامة الكوتش
لكن مع تاشيرة ايران دي ما تحلم تجي المغرب

يا جماعة كلام منص دة ما ترموهو الواطة
بعدين ود جادين ما فتاهو عدييييييييل لمن قال ووووووب علي

كدي اسالكم سؤال
منو فيكم بعد اي وجبة تعملها بت شيخو بيقول ليها: تسلم يديك
شكرا على الغدوة ولا العشوة السمحة دي
منو فيكم المشى اشترى ملابس بيت كدة يقشر بيها قدام بت شيخو بس
انتو عايزين بنات الشيخ ديل يسون كل شي سمح
وانتو مندرعين في السروال ابو تكة الشين داك وعامل زي قماش
الطاحونة البينزل منو الدقيق... وتيب
ي زهير اديناك المكرفون ادخل في موضوع الحبشة ياخي ما تلاوز

يا كيمو بالله صورك دي ما تملى لي بيها الايميل
Post: #7317
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-23-2010, 10:19 PM
Parent: #7316

إنا لله ياطارق
المجد لشيطانكم
الحمد لله الذي عافانا من بت شيخ "عربي معلوم"
Post: #7318
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-23-2010, 10:31 PM
Parent: #7317

يا حنين اموت انا في ((التاميل))
Post: #7319
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-23-2010, 10:35 PM
Parent: #7318

خلاص قلبتا
Post: #7320
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-23-2010, 10:51 PM
Parent: #7319

مع اللعبة الحلوة يا حبيب
Post: #7321
Title: Re: ناس الزقازيق ... أجدع ناس ( 3 ) ..
Author: حيدر حسن ميرغني
Date: 10-23-2010, 10:54 PM
Parent: #7320

الصومال لعابين برضو
____________
Charity begins at home
Post: #7322
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-23-2010, 11:01 PM
Parent: #7321

يا حنين ياخي ما تدخلنا في حتة فيها اسامة بن لادن
Post: #7323
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-24-2010, 05:43 AM
Parent: #7322

حمدلله على سلامة موسي عيسي ... بركة الزغني الجابك ...
وعودا حميدا سامي وجلال ... وحيدر حنين
زوبه ان شاء الله ماتشوفي شر ... سلامتك
Post: #7324
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-24-2010, 07:01 AM
Parent: #7323

Quote: كدي اسالكم سؤال
منو فيكم بعد اي وجبة تعملها بت شيخو بيقول ليها: تسلم يديك


انا يا طارق بعمل كده


Quote: منو فيكم المشى اشترى ملابس بيت كدة يقشر بيها قدام بت شيخو بس


أنا يا طارق بعمل كده
Post: #7325
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-24-2010, 07:13 AM
Parent: #7324

Quote: يا كيمو بالله صورك دي ما تملى لي بيها الايميل


رجعت لي عادتك القديمة تعمل العملة وترميها على

ودي يعني انا جبتها من بيتنا
ما إنت رسلتها لي قبل شوية برضو

e21.jpg Hosting at Sudaneseonline.com
Post: #7326
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-24-2010, 07:20 AM
Parent: #7325

في نهاية الصفحة الفاتت
نجاة حوفي قالت
Quote: ذى ما قالت ليكم زوبة لقيتوا بنات الشيوخ مشغولات واتفسحتوا.. غايتو بقول ليكم ذى ماما محاسن:
الله يهديكم ..


عارف يا طارق
الله يهديكم دي
حاسي بيها طالعا كده ومعاها زمجرة
طالعا من بين الاسنان
ععععععععععععععععععععععععععععععععع
وحاسي بت الحوفي بتقولها كده
وأفهومها بأأأ
خلاص بأأ

الله يستر عديل على صاحبك داك
رغم إني عمل حمل
وقال ما بعرف أي حاجة
زي صاحبك سامي عبد الوهاب
إتغابا فينا العرفا عديييييييييييل
وقال الناس ديل انا لا قريت معاهم ولا بعرفهم

عارف طارق عندي كمية بتاعة صور كتيرة جدا
كلها رسلها لي الرشيد بابكر
Post: #7327
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-24-2010, 07:25 AM
Parent: #7326

Quote: عارف طارق عندي كمية بتاعة صور كتيرة جدا
كلها رسلها لي الرشيد بابكر


للناس الفهمت غلط

انا قصدي صور من الزقازيق
السنبلاويين
ديارب نجم
ابو كبير
ههيا
المنصورة

الزقازيق نفر
الزقزيق نفر
الزقازيق نفر
Post: #7328
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-24-2010, 08:25 AM
Parent: #7327

صباح الخير،،، يا وجوه الخير

أصبحنا وأصبح الملك لله وحده

أستغفر الله
حملة المستغفرين
(وما گان الله معذبهم وهم يستغفرون)
وعد من الله سبحآآنه .. الأ يعذب من يستغفره
فأگثروا من الاستغفار حماكم الله ،،،،

Quote: كدي اسالكم سؤال
منو فيكم بعد اي وجبة تعملها بت شيخو بيقول ليها: تسلم يديك


انا يا طارق بعمل كده

منو فيكم المشى اشترى ملابس بيت كدة يقشر بيها قدام بت شيخو بس


أنا يا طارق بعمل كده

وكمان أزيدك من الشعر بيت بنختار أي حاجة سوى وإذا ما عجبت الطرف

الآخر ننساها سواء كانت لي أو بت الشيخ أو الأولاد.

ملحوظه بت الشيخ بتنتظر الإجابة عن الطعام في كل وجبه وبنكون واضحين

في الإجابة.
Post: #7329
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-24-2010, 08:46 AM
Parent: #7328

رب اغفر لي ولوالدي، رب ارحمهما كما ربياني صغيرا
عَنْ أَبِي مُوسَى الأَشْعَرِيِّ رَضِيَ الله عَنْهُ قَالَ: جَاءَ رَسُولُ اللهِ صَلَّى الله عَلَيْهِ وَسَلَّمَ وَنَحْنُ جُلُوسٌ فَقَالَ: "مَا أَصْبَحْتُ غَدَاةً قَطُّ إِلا اسْتَغْفَرْتُ الله فِيهَا مِائَةَ مَرَّةٍ". أخرجه ابن أبى شيبة (7/172 ، رقم 35075) . وأخرجه أيضًا : الطبراني فى الأوسط (4/110 ، رقم 3737) وصححه الألباني في " السلسلة الصحيحة " (4 / 130). وفي هذا الحديث دليل على أن الاستغفار مائة مرة من أذكار الصباح.


&&&&&&&&&&

التحية لقوافل العائدين ...

موسى عيسى والكوتش محمد صديق

وجيدا جيتو
Post: #7330
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-24-2010, 08:57 AM
Parent: #7329

CCB75E46-1490-4057-BC52-CCFE3DCCB5D4.jpg Hosting at Sudaneseonline.com

يا كوتش يا جميل ...

كل الناس بتحبك ...
Post: #7331
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-24-2010, 09:25 AM
Parent: #7330

بالنسبة للحوالات الخارجية

البنك الاهلى التجارى - جـدة

رقم الحساب : 0 1 1 0 0 0 4 6 1 6 1 7 1 1


0 1 1 0 0 0 4 6 1 6 1 7 1 1 0 0 0 0 0 1 3 9 IBAN : SA
عبدالدائم سيداحمد محمد


،،،،،

انت يا محمد عيد خايف من الكوتش ولا شنو اشمعنى موسى عيسى ما ختيت صورتو
حتى لو فى استاد الخرطوم
Post: #7332
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-24-2010, 09:58 AM
Parent: #7331

x2.jpg Hosting at Sudaneseonline.com

يا دودى .. ياخ

موسى عيسى .. حبيب الكل وفى قلوب الناس

بس قلنا نبعده شوية من ريحة الزغنى ..!!!
Post: #7333
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-24-2010, 10:03 AM
Parent: #7331

سلام يا اجدع ناس .... يا حلوين ....

الليلة الواحد مزاجه السمح ده ما تخربوه ليهو ....
Post: #7334
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-24-2010, 10:33 AM
Parent: #7331

طيب , جيتوا لى فى الحتة الدايرا من زمااااان
هناك فرق (كبير )
اكان للسماحة , فبناتنا وبنات شيوخنا , مكملينها يعلم الله
لكن برضو هناك فرق , وفرق كبير كمان
الموضوع ده لا بينفع معاه لبس ثياب الوعاظ , ولا ثياب الكهنة , وبرضو ما بيناسبوا على الأطلاق ان ترتدى ثياب الشيطان الرجيم
كل حتة فى الدنيا دى , عندها خصوصياتا
والرغبة فى الأنفلات , قد تراود الكثيرين , لا بل وانها تشكل مخزونا استراتيجيا , بنتخذ منو (واقصد رجال الشرق بما فيهم السودانيين )
للوصول الى حدود ماكنا بواصليها الا بشق الأنفس
لمن ميسرة اداكم فكرة , مجرد فكرة عن فنون التصوير التى مارسها ايام كاميرا ارتست
دى كانت عينة , عن انو مثلا فى اديس او القاهرة او بيروت , تحتاج الى انك تعمل مسابقة لأختيار فتاة غلاف ما من بين العديد من المتقدمات لنيل هذا المجد
لكنك فى السودان , تحتاج الى جيش جرار فى العدد , وجرار ايضا فى عدد المحاولات لأقناع فتاة ما ان تظهر فى غلاف مجلة
وحتى ولو وافقت وظهرت , فأن صورة المجلة او صورة الغلاف , ستكون مختلفة كامل الأختلاف عن صورها الخاصة التى لا تسمح لأى احد (كائنا من كان حتى ولو كان اخوها )
بمجرد مشاهدتها
والغريب ان تداعيات مثل هذا السلوك المتحفظ , الغارق فى التحفظ كمان , قد تتطور وتصل الى ان تمارس السودانية (خجلها وعفافها هذا المحمود ) , وتمارسه كطقس من طقوس حياتها الزوجية كمان
وهنا خط فاصل , وهنا تبدو قضية , وهنا تصرخ عادة , ظنها الناس (ارادة ) , وهى (استطراد سخيف )
فى وجهة نظرى ان مشروع (الحبشنة المطروح ) يمكن ان يسلك طريقه للنقاش المحترم , ابتداءا من هذا الأستهلال
هل يمكن ان نقول , يا خوانا الجمال موجود فى كل مكان , لكن الجمال الأصلى فى السودان
ولكن اذا ما تزحزح الخط الفاصل , وعاد القهقرى , الى فضاءات التفنن فى اظهار الجمال والمفاتن
فبناتنا , واخواتنا , وعموم السودانيات , مهزومات فيه ولكن بارادة هزيمة كاملة , هى اقرب عندنا للأنتصار (بالضربة القاضية الفنية )
فهن يتعففن عن لعب هكذا مباريات , ويترفعن حتى عن دخول الميدان , محتفظات بكل اوراق اللعب لوقت (معلوم )
ولكن القضية التى تصلح للنقاش , هى ان اسلحتهن هذه (الفاتكات ) , ينبغى ان لا يصيبها صدا السنين , ولا تهال عليها (رمال العمر الزاحفة )
وينبغى كذلك ان لا ننسى ابدا , ان الملاحظة تصلح للقراءة فى اتجاهين متماثلين
انوثة فى خطر الأسترجال الظاهر , قصاد وامام (تجمل مطلوب لا ينال من رجولة فايتة حدها )


*( لو وضعنا صورتين فى بروازين متقابلين , احداهما لأحدى فاتنات الصور المنشورة فى هذه الصفحة او التى سبقتها , وفى البرواز الآخر بنية حاتم جبارة التى بهرتنا بزينة خفية
ظهرت مهما حاولت ان تخفيها , لتبارينا جميعا فى خطبة بنية حاتم الحبيب لأحد اولادنا او اعز ما نملك , دون ان نكترث او حتى نلجأ لمقارنة لا معنى لها بين صورة وصورة
فعندنا نحن , حاول يخفى نفسه وهل يخفى القمر فى سماه , ابدا لا وطبعا لا , شفناه شفناه ) , اما ما شفناه وتأملناه دون اى محاولات تخفى نعشقها , فهو عندنا لا يكفى الا لتعليق عابر
تكاد لا تذكره بعد انقلاب الصفحة , فنحن قوم (نغلى الغالى , ونسترخص الرخيص ولا تلفت انتباهنا الشياه القاصية الا لبعض حين )
Post: #7335
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-24-2010, 11:01 AM
Parent: #7334

يا منص انت كدة ماشي في الطريق ((اللي ما يخرش المية))
يا منص بناتنا شيخنا سمحات لمن مكملات السماحة
لكن مجتمعنا ليه بيحاول يشوه ((الانثى )) جواهن
وزي ما قلت انت الواحد خايف أن ((تصدأ)) الانثى جواهن
النقاش دة حبلو طويل ياخ لكن مفيد
دة طبعا لو ود الشادي خلاني وما ((كتلني)) بالصور






يا شادي
صحبك الرشيد ضرب ((الخوفو))
حتى الصباحية بقى ما بيديها لينا
Post: #7336
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-24-2010, 01:42 PM
Parent: #7335

نهاراتكم سعيدة .. وبالهناء والسرور ...

يا بت بلدي يا فخر أوطاني .. طبعك هادي أصيل ورزين .. يا بت بلدي يااااااا بلدي ...

زوبة يا أخي بعد الشر عليك .. وربنا يكتب سلامتك وما تشوفي شر ...

ود جبرين أول مرة أعرف إنو في مروي حبشية ...

أبوالزوز لكن الجبنة (الجيم مكسورة) عندكم ...

موسى عيسى مراحب بعودتك لي وطن القماري ...

الكوتش الفارسي حمدا لله على سلامة الوصول .. عايزين نشوفك ...
Post: #7337
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-24-2010, 01:49 PM
Parent: #7335

يري عبد الحفيظ في مكالمة قبل قليل ان المساهمة المتساوية في مصاريف التاسيس تتيح التصويت المتساوي في الجمعية العمومية .... والمساهمة حسب النسبة تعني التصويت حسب النسبة ... في راي الشخصي اري بان تكون المساهمة بنسبة الاسهم وذلك مراعاة لظروف ملاك الاسهم الصغيرة فمن ساهم بـ 5 اسهم بقيمة 500 جنيه لا يمكن ان يحمل مصاريف تاسيس بـ 300 جنيه .... اما من ساهم باسهم قيمتها 10.000 او 15.000 الف لن يتاثر بمصاريف تاسيس 750 جنيه او اكثر قليلاً من 1.000 ... اما التصويت المتساوي فاعتقد ان طبيعة الجمعية العمومية وملاك الاسهم تساعد في ان يكون التصويت متساوي دون حساسية ...وحتي لا يسيطر اغراب علي الشركة في المستقبل البعيد اياً كان بقوة الاسهم هذه وجهة نظري ...
Post: #7338
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-24-2010, 02:00 PM
Parent: #7337

من بوست ....

شركة الزقازيق القابضة
Post: #7339
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-24-2010, 02:25 PM
Parent: #7338

ابو الزوز ليك عودة بي هنا وبي هناك


يا جلا
الكوبي والبيست الهنا ده
زي ما بقول الولد الطاعم ابو الجل
مقصود بيهو
المديدة
وتسخينها وكده يعني

Quote: البت الحديقة
زينوبة
زينب التيجاني


غايتو لولا انى طاقاتى ملاريا وهارسانى هرس



سلامتك من الملاريا
أنعمل أبو الجمكسين ( زي ما بقول طارق جبريل )

سلامتك من الملاريا وملعون أبو الباعوض زاتو
والله الباعوض ده ما عندو عيون ولا حس ولا إحساس ولا مسئوليةولا دم ولا أخلاق ولا أي حاجة

إنتي ناس جلا ديل قاعدين وين من مسألة الناموس دي

المفروض يتصدوا ليهو
أمال هو لاعب باك على أي اساس
ناس ما عندها مسئولية
Post: #7340
Title: Re: ناس الزقازيق ... أجدع ناس ( 3 ) ..
Author: مني يونس
Date: 10-24-2010, 09:49 PM
Parent: #7339

مساكم الله بخير ،،،
معليش يا زينب التجاني سحروك والله
أتمنى أن تتماثلي للشغاء العاجل وربنا يديك العافيه
حمد لله على السلامة للعائدين من الإجازة

أحب أن أشيد بالتحليل العلمي والمنطقي الذي
أدلى به أخوي منصور فقد كفيت ووفيت ،،، أتمنى أن تواصل
لتذيل اللبس بين فن صناعة الصور وبين سماحة جمل الطين .
Post: #7341
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-25-2010, 06:52 AM
Parent: #7340

اصبحنا واصبح الملك لله
ولاحول ولا قوة الا بالله

التحية للجميع
ويوم جديد
بعين جديدة
وروح جديدة

اللهم إنا نسألك خير مافي هذا اليوم وخير ما بعده
ونعوذ بك من شر ما في هذا اليوم وشر ما بعده
Post: #7342
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 10-25-2010, 07:04 AM
Parent: #7340

ياحلات ليلا معاك مادرنا يصبح
وياحلاه صبحا تكون انت المصبح
صباحات زاهيه ورائعه روعتكم
امنياتي للجميع بالخير
مراحب بالناس الغابت وجابت
Post: #7343
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-25-2010, 07:11 AM
Parent: #7340

ابتهاج واولادها في مطار المنامة عند السابعة صباحاً .... وفي طريقهم للخبر حيث استقبلهم هناك .... شكري للاحباب اهل السودان الذين لم يتوانوا في تقديم المساعدات الجمة لهم حتي مغادرتهم البلاد .... شكري للكوتش محمد صديق بلا حدود (ودي فيها النكتة) والذي كان معهم حتي مطار الخرطوم .... صديقي اللدود نادر فاروق وحرمه (خلينا دكتوره عشان عندها حساسية من الاعشاب الطبية) .... زوبة بت ام زوبة رغم الملاريا ولفة الراس ... صديقي العزيزين عشي ومحمد حسن .... يا لهما من ثنائي لا استطيع الحديث عنه ... رغم ان البرلوم في كثير من الاحيان يكون في غاية التجزم (ودي من جزمة) [يلا يا فاتن حمامة سريع التلفون] .... طبعاً خالدة وبقية الصديقات لا بد ان تشكرهم ابتهاج بنفسها وبعد ده ما عندها عذر ..... ولمحمود الحوري ... الذي سهل لها اجراءات الاجازات .... وتابع الخرطوم - الدمام - امدرمان رغم مشغولياته الكثيرة في الامتحانات هذه الايام ...وكذلك صديقي البوليس عمار رحمة الله (الصول سابقاً ببوليس السودان) وحتي عبد الله الزبير بمدني ....وكل ناس الزقازيق بالداخل ....


ولي شكر خاص براهو كده للزول الجميل الاسمه عوض المفتاح حينما فتحنا باب الشكر .... عوض المفتاح شخص استثنائي في زمن غير استثنائي ... بعض الناس في الزقازيق كان يكنون عداءً سرياً لعوض ... وسر هذا العداء ان عوض المفتاح كان لا يري والا معه حسان آداب ... (فرد فرد ....وجوز جوز) وهذا ما يثير حنق الكثيرين ... وقد اكون منهم وقد تكون منهم ... سر حب بنات آداب لعوض لم اكتشفه الا حينما عدنا للسودان ... فهو شخص حنون ... ودي من عاطفة وحنان ... عمل عوض المفتاح في مباحث امدرمان جنوب البلدية ... جوار سكني السابق في حي الامراء ... هنا بدات معرفتي الحقيقية بعوض المفتاح .... الرجل الذي لا يتواني في خدمتك مهما كانت قاسية دون تبرم ... لولا عوض المفتاح لم اكن الآن هنا في السعودية ... لا استطيع ان احصي ما قدمه لي عوض ولناس الزقازيق وللرابطة ... عوض الهميم ... لا يكتفي بتلفون لتقضي مسالة مستعصية ... بل ياخذك يد بيد حتي تقضي امرك ... ويمكن بعدها يغمت ليك حق المواصلات .... كل من لديه عقبة في طريقه اول من يتبادر للذهن هو عوض المفتاح .... يعني لمن تكون عندي مشكلة ما ... اتصل بمحمد صديق .... يلا يا كوتش نمشي لعوض ... للحاجة الفلانية ..... نقوم نشرب القهوة في شارع السيد علي لجوار ضريح سيدي علي وبيت الريس معتصم يعني بركات من الجهتين ودي ذاتهاتسهل ليك كل قاسي ... يقوم يجينا عوض والصعب مقضي .... شكراً عوض المفتاح وشكراً الكوتش محمد صديق ... حينما تلفت الجنسية ... ذهبت مع اخي السمؤال كشاهد ... قابلنا محمد صديق ... وكان يلبس ملكي كعادته ... اول حاجة سمؤال قال الزول ده يشبه صاحبك الضابط البيجيك في البيت ... بعد ان انتهينا من الجنسية وفي طريقي للخروج ... قال لي مرة ثانية ياخي ما شكرت الراجل ده ... حينها فكرت فعلاً انه الواحد عامل الحالة واحدة مع محمد صديق لدرجة انه ما في شكر ..... لكن الواحد يشكره علي شنو ولا علي شنو .... في ناس كتار الزول بيحس انه ما في داعي للشكر ... اولاً لحميمية العلاقة .... ولكثير افضالهم .... واذا ما فتحنا هذا الباب ستكون هذه الصفحة مخصصة للشكر والشكر المضاد ....


صباحكم خير ...

عوض المفتاح برضو صباح الخير رغم اميتك التقنية وما قاعد تخش ...
Post: #7344
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-25-2010, 07:39 AM
Parent: #7343

صباح الخير،،، يا وجوه ا لخير

أصبحنا واصبح الملك لله وحده ،،،

أهازيج روحانيه:-

إلهي !
لولا أنك بالفضل تجود ،،،
ما كان عبدك إلى الذنب يعود،،،

إلهي !
لو لا محبتك لللغفران،،،
ما أمهلت من يبارزك العصيان،،،
وأسبلت سترك على من تسربل بالعصيان ،،،
وقابلت إساءتنا منك بالإحسان،،،،
يا كريم يا غفار يا ذا الجود والإحسان
Post: #7345
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-25-2010, 07:56 AM
Parent: #7344

إبتهاج والاولاد في السعودية
حدث كبيييييييييييير
يستاهل كل التبريكات والحمدلات بالكوم ( دي من حمدا لله ع السلامة يا جاي م السفر )
حمدا لله على سلامة وصول اولادك بالسلامة زهير الزناتي
الله يطمنك عليهم
والله يغطي عليكم
وربنا يوفقك في غربتك
ونسأل الله إنها تكون غانمة وظافرة في كل جوانبها

لمن قابلت زهير اول مرة عند وصولو السعودية حاولت أعمل ( كبير ) أنا طبعا اصغر منو
بس كبير خبرة في السعودية
وأذكر قلت ليهو راح تتفأجأ بكمية الوقت الفاضي في السعودية
ودي حقيقة
حيث إنو بمجرد إنتهاء الدوام ( كل ايام الاسبوع عدا نهايته )
ليست هناك مفاجآت حيث لايزورك الناس إلا بمواعيد ( حتى المقربين منهم )

عشان كده قلت ليهو راح تتفاجأ بكمية الوقت الفاضي ونصيحتي ليك إستفيد منه في تعلم مهارات جديدة
وزهير كان ولايزال مقرر إنو يعمل ماجستير
وجود إبتهاج والاولاد نسأل الله إنو يساعدك في تحقيق كل الحاجات الكبيرة في حياتك من خلال وجودك في السعودية

النصيحة الجديدة يا زهير

بيقولو ( خبثاء المدينة )
إنو المرة في السعودية بتلقى وكت في الراجل في السعودية اي بلد تاني ما بتلقاهو
من ساعة ما ترجع من الشغل
لغاية بداية الشغل اليوم التاني
وعشان كده راح تكتشف حاجات جديدة ولذيذة وراقية جدا في إبتهاج
وهي كمان راح تكتشف فيك حاجات جديدة
والاهم من كل ده
إنو في وكت طويل جدا راح يتوفر ليكم تقضوهو مع الاولاد أضعاف وكت السودان
ده اذا كان في وكت للاولاد اصلا في السودان
وكت راح يتيح ليك تتقرب من اولادك وتصادقهم
ومافي مفر تناقش معاهم كل صغيرة وكبيرة
لانه قايمين سوا ونايمين سوا

الله يخلي ليك أولادك زهير ويبارك ليك فيهم
وحمدا لله على سلامة وصولهم
تحياتي
Post: #7346
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 10-25-2010, 08:02 AM
Parent: #7343

يا شباب الرسالة دي هامة جدا:

Quote: الأخ الفاضل سامي
لك التحيه اينما كنت
لقد ارسلت بياناتي للأخ عبد الحفيظ راغبا في تسجيل اسمي ضمن المساهمين في تأسيس شركة الزقازيق بعدد 10 اسهم ولم احصل علي الرد ولا أجد اسمي ضمن القائمه فأرجو المتابعه ما أمكن وإفادتي
ارجو شاكرا تعديل إيميلي في صفحة بيانات التسجيل حسب ما هو موضح اسفل



From [email protected]
to [email protected] (correct)
لك خالص شكري
احمد سليمان



نرجو من الأخ عبد الحفيظ التواصل مع الأخ أحمد
Post: #7347
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 10-25-2010, 08:13 AM
Parent: #7346

حمد لله على السلامة

يا زهير

وصول إبتهاج والأبناء
Post: #7348
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-25-2010, 08:18 AM
Parent: #7346

Quote: ومافي مفر تناقش معاهم كل صغيرة وكبيرة
لانه قايمين سوا ونايمين سوا


عشان كده يا زهير اعمل حسابك ...
الزرزرة بخصوص مداخلات البوست "المشبوهه" حتكون مضاعفة ...
وبتودي في داهيه ...
وده المخوف بوبي ...



======================================
حمد لله على سلامة ابتهاج والاولاد ...
نتمني ليكم السعاده والرفاهية ...
واقامة خير وبركة ....
غانمين سالمين يارب ...
Post: #7349
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-25-2010, 08:53 AM
Parent: #7348

حمدا لله على السلامة يابوالزوز
ومبروك عبوركم بحر العزوبية "المقرف" بكل بسالة
غايتو ما "تركن" كتير على كلام كمال الشادي دا
لانو كلامو دا كلام زول دوامو واحد ...
اها انت كان عندك دوامين واطاتك "صبحت" عديل كدة
كان قمت قسمت وكتك بين الشغل والبيت والاولاد
يازول البيت والاولاد على ابتهاج وانت عليك "بالشغل" بس
وعاش ابوالكفل
Post: #7351
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-25-2010, 09:08 AM
Parent: #7349

Quote: ياحلات ليلا معاك مادرنا يصبح
وياحلاه صبحا تكون انت المصبح

ياسلام ياعمر ياخ .... مالك انت قاعد تحرمنا جنس الكلام البرد الروح دا
وبعدين شايفكم كدا اول ما الكترابة الكانو مقومنها طارق جبريل وكمال الشادي انتهت جيتوا مارقين
انت ومحمد عيد وسامي ... وفي رواية اخري انا زاااااااتي
Post: #7350
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-25-2010, 08:58 AM
Parent: #7348

متابعة على الهواء مباشرة وصول ابتهاج و الابناء

كنت عارف من زهير زمن وصولهم ، لقيتو واقف منتظر ....

قلت ليهم ما تقفل التلفون خليك فاتح الخط وانت بتسلم عليهم

الحقيقة مافى دموع لكين انا حسيت بالرجفي .....

اها يا البادى غنو للزول ده الاتنين ... الاتنين الليلة وين ...
Post: #7352
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-25-2010, 09:12 AM
Parent: #7350

Quote: متابعة على الهواء مباشرة وصول ابتهاج و الابناء

شكرا لمراسلنا من المملكة على مدنا بآخر المستجدات
Post: #7353
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-25-2010, 09:22 AM
Parent: #7350

سلامات يا ناس

وصباحات التفاؤل

لكم الحب جميعاًوالشوق كله

ومضاعفات هذه الأشياء للذين ظلوا يسألون عنى

وتصلنى مكالماتهم التيلفونية...

لم اتمكن من المتابعة وقراءة ما فاتنى...وفاتنى الإستماع

بجيكم برواقة.
Post: #7354
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-25-2010, 09:52 AM
Parent: #7353

مرحبا بالكمندان محمد صديق والله مشتاقين كثير

الأخ زهير ألف حمد الله على وصول وسلامة بت الشيخ والأبناء

بالنسبة لموضوع رسوم تسجيل الشركة الذي طرحه الأخ زهير أنا إتصلت بالأخ
عبد الحفيظ عباس مؤيد فكرة زهير بتخصيص لكل سهم رسومه في التسجيل وكل مساهم
يتحمل رسوم تسجيل بحجم أسهمه وعرفت من الأخ عبد الحفيظ أن كل سهم يتحمل
(5و7) جنيه
Post: #7355
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-25-2010, 10:02 AM
Parent: #7353

حمد لله على السلامة أختنا العزيزة إبتهاج

ومعاكي الأولاد الحلوين ،،، علشان الزول الجميل

الإسمه زهير ترتاح نفسيته ويهدأ بالو ،،،،

يا عبدالدائم أنحنا كنا في طرف الجسر الثاني من السعودية

وصورنا بالكاميرا الخفية وشفنا الدموع السايله ،، مش علشان

إبتهاج علشان الأولاد واحشنو ،،،،

هاتف إبتهاج المؤقت 0540320957
Post: #7356
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-25-2010, 11:04 AM
Parent: #7355

حمد لله على سلامة ابتهاج والاولاد ...
وربنا يجعلها خطوة مباركة عليكم ان شاء الله
Post: #7357
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-25-2010, 11:31 AM
Parent: #7355

وخلقنا لكم من انفسكم ازواجا (لتسكنوا اليها )
هذا تعبير الهى ربانى , اذا ما تجرأنا ووصفناه بأنه (بليغ ) , فاننا لن نضيف اليه شيئا
شفتوا حتة تسكنوا اليه دى , يمينا بالله اذا فتشت لغات الدنيا والعالمين , فانك لن تجد لفظة مرادفة لها لا فى المعنى ولا فى المبنى ولا حتى فى تركيبة اللفظ
انما يسكن البنى آدم , فى البيوت المشيدة والمحاطة بجدر اربع تقيك شر قيظان السموم , وزمهرير البرد
ولكن سكنى البنى آدم , الى بنى آدم اخر , متخذا منه بيتا وجدارا عازلا عن الدنيا والعالمين , هو المعنى الجدير بالتأمل , والجدير بالنقاش
نقاش شنو
ماهى ابتهاج وصلت , وكمان موسى عيسى جانا راجع من سكنه , سبحان الله , ودع موسى عيسى سكنه , ثم ما لبس ان سافر اليه (مستسكنا )
واعنى طالبا السكن من لفظتى التى وضعتها بين ظفرين كما يقول عصام الشوالى وزمرة المعلقين التوانسة
تانى نقاش شنو
مباريات الحبشنة بتاعت طارق جبريل , والفلبنة بالسامبلات بتاعت الشادى كمال , والصوملة والتوملة بتاعت الحنين حيدر , فتحت اقاقا لحوار ثر
ارجو ان تنقلوه من خانة الصور البديعة , الى خانة الكلمة الحرة والشفافة والأنيقة
ارتجف صوت الزناتى زهير اعلى جسر البحرين , فالتقطته كاميرات الريس السرية من وراء حجاب , وفضحه تلفون النضيف عبد الدائم المفتوح على مصراعيه
حتى صوت ابو الزوز الذى حادثته قبل قليل دون ان ادخل الى البوست ودون ان اعرف بقدوم ابتهاج
كان صوتا ذا نداوة مختلفة , كما ان احداثيات اهتزاه , ومخارج الحروف من بين لسانه والفكين , كان غاية فى التجويد والحسن
هذا رغما ان شقته وسكنه الجديد , ما يزالان تحت الصيانة والتجهيز , الا ان صاحبنا قد سكن قبل ان (يسكن )
هذا السكن هو سر الحياة ومفتاحها , هو سر تدفق الدم فى شرايينها التى تضيق لتتسع , ثم تضيق لتتسع , حتى تغدو اكثر اتساعا , فتحتوى , ضمن ما تحتوى
كريات حمراء , وبيضاء , وبلازما دم , وهيموقلوبين , وانتى بوديز , ومشاعر , واحاسيس
هذا فى حالات استقرارها الطبيعى المعتاد , الذى عادة ما تكون فيه شرايينه واوردته واوعيته الناقلة جيئة وذهابا , من قلب والى قلب , دون ان تكون للجفرافيا ولا للتاريخ , ادنى قيمة واقل معنى
ولكن سرطانات الخلايا قادرة على ان تصيب كل شىء واى شىء , فتتلخبط كيمياء الأستقرار , فتتحول سيمفونيات السعادة , الى مجرد نشاز , او على الأقل , الى ما يشبه (شريط الكاسيت المشربك )
ولكن الأرادة , وكيمياء الطبيعة , قادرة على ان تعيد الى الآت موسيقاك نغمتها المدوزنة , فتعود شهرزاد الى الكلام المباح , تغنى فيروز , وتصدح ماجدة الرومى
وتستغرقك خماسيات وردى وعثمان حسين وكابلى والموصلى وطارق ابوعبيدة وابو عركى والبلابل وكمال الشادى
هكذا هى اذن صورة الدم الطبيعى الجارى بين العروق من اعلاها الى الأسافل , لا يعوق سريانها نتوء , ولا تعاكس سيلانها اجسام غريبة


* ساعود الى قصة السماحة , التى هى (خشم بيوت ولا شك ) , ولكن بعد حين
* موسى عيسى من الرياض الى الخرطوم الى الجزيرة ابا الى الخرطوم الى الرياض , بينما ابتهاج من شارع الوادى الى المنامة الى الخبر ,
تعددت المطارات والهدف واحد
* يعنى هسى ندفع كم يا عبد الحفيظ ؟؟كل زول تدوهو اصوات قدر قروشه , بكرة بكرة يجى ابو الزوز فى الجمعية العمومية يعمل فيها قدرنا انا والنضيف والرشيد , ايش جاب لجاب ؟؟!!
Post: #7358
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-25-2010, 12:07 PM
Parent: #7357

Quote: ولكن الأرادة , وكيمياء الطبيعة , قادرة على ان تعيد الى الآت موسيقاك نغمتها المدوزنة , فتعود شهرزاد الى الكلام المباح , تغنى فيروز , وتصدح ماجدة الرومى
وتستغرقك خماسيات وردى وعثمان حسين وكابلى والموصلى وطارق ابوعبيدة وابو عركى والبلابل وكمال الشادى
هكذا هى اذن صورة الدم الطبيعى الجارى بين العروق من اعلاها الى الأسافل , لا يعوق سريانها نتوء , ولا تعاكس سيلانها اجسام غريبة

ورغم اننا "نحن" اصحاب ضغط الدم المرتفع "الحلوين حلا" يصعب علي دمنا احياناً السريان بتلك السهولة الموصوفة، الا ان عقولنا و "قلوبنا" تأثرها هذه الاريحية والتناغم وتدخل الى اعمق "نخاشيشها" هذه الدوزنة "المنصورية"

لله درك يا رجل
Post: #7359
Title: Re: ناس الزقازيق ... أجدع ناس ( 3 ) ..
Author: عبد الحفيظ عباس
Date: 10-25-2010, 01:50 PM
Parent: #7358

سلام ليكم كلكم بدون فرز
وحمدا لله على سلامة العائدين والواصلين
ابتهاج - محمد صديق - موسى عيسى
والكفارات لكل المرضى وعلى رأسهم زينب
وللجميع مبروك إنجاز الخطوة الأولي للشركة
وإليكم التالي :
1/ تلقيت إتصالا من الأخ زهير وأتصلت بالأخ أحمدإسماعيل ولديهم مقترح بأن تكون مساهمة التأسيس
حسب عدد الأسهم للمساهم وعليه يكون نصيب السهم الواحد مبلغ 7.5 جنيه سوداني أي حوالي 3 دولار
يعني مثلا أنا عندي 100 سهم يكون نصيب مساهمتي في التأسيس 750 جنيه ...
وعبدالدائم 100 سهم يعني حوالي 300 دولاروأعتقد أن هذا مقترح يمكن العمل به إذا أجمع عليه الناس ولكن
إذا ساهم الشخص بنسبة أسهمه فلابد أن تكون له أصوات تعادل مساهمته في إختيار مجلس الإدارة ، أما الإقتراح الأول فهو التساوي في مساهمة التأسيس مع التساوي في التصويت .
2/ أومن على ضرورة وجود لجنة في الداخل وأخرى في الخارج للعمل معا بغرض ضبط وتجويد الأداء واقترح في الداخل
الأخوان صالح + البادي + نهلة + محمد صديق + فاروق نصر إضافة إلى شخصي بحكم العمل ...
وللخارج أقترح كمال الشادي + موسى عيسى + زهير + ميسرة + منصور + الرشيد + عبدالدائم وماترونه.
3/ للتوقيعات الحية على الكتيب أمامنا وسيلتين أولاهما عن طريق التواكيل
والأخرى عن طريق إرسال الكتيب للتوقيعات على أن يلتزم شخص بذلك... أرجو الإتفاق على واحدة منهم .
Post: #7360
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-25-2010, 03:13 PM
Parent: #7359

يا جلال ما شفت ود المهدي ده ولا شنو .....


قوم عليهو خليهو يدي الناس دي فاتحتها .....
Post: #7361
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-25-2010, 03:27 PM
Parent: #7360

Quote: إذا ساهم الشخص بنسبة أسهمه فلابد أن تكون له أصوات تعادل مساهمته في إختيار مجلس الإدارة ، أما الإقتراح الأول فهو التساوي في مساهمة التأسيس مع التساوي في التصويت .


النقطة دي حساسة جداً وهي شركة ومستمرة بإذن الله
ولا تضعوا أنفسكم في خانة الأحباء والتصادق والتعاون
التعامل في هذه المسائل بعيد عن المجاملات لأن ما تسطروه
حالياً تتوارثه أجيال أخرى وقد لا يكون ما يربطها ما يربطنا
حالياً وبالتالي لازم يكون الأساس متين صلب يقاوم تضاريس الزمن
القادم وتقلباته،،،،
مبلغ التأسيس ليس مبلغ كبير وبالتالي من وجهة نظري أن تكون مساهمة
التأسيس متساوية والتصويت متساوي و لمن أراد زيادة أسهمه أن يكون
له الحق ،،، لأنه لا يعقل بأن تحرم حد من حق تساوي التصويت بحجة عدم دفع
المساهمة المتساوية،،،

نأمل التوصل ،،،،،،
Post: #7362
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 10-25-2010, 03:44 PM
Parent: #7360

سلام تاني وتالت ورابع
ابو الزوز حمد لله بلم الشمل
وان شاء الله عيشه هنيه ونتمني
للعيال وامهم سرعه التاقلم وايضا نتمناه
للمغترب الحديث
الكوتش نظام المتاوقه مابكفينا
الابنوسي الرائع منصور يانصيرهن نشد من ازرك

وست البيت لايعادل مكانتها اي شي ملمع او مجمل
والموضوع كل زول بعجبو الصارو وايمانا بما اقول
اليكم هذه المرافعه الحلوه لستات بوتنا الله يديهن
العافيه ماقصرن معانا (ونحن قصرنا حاشا )بطلو طفاسه
العين ان زاغت شن بملاها خلاف مولاها وبيتا رملو دقاق

اليكم ست البيت

كلمات الشاعر العملاق شاعر الحقيبة محمد ود الرضي
الحان واداء كروان الحقيبة مبارك حسن بركات...

ست البيت بريدا براها
ترتاح روحى كل ما اطراها
قالت جارتا مزاوراها
تجى شايله وتجى مشاوراها
تلحظ احتياجنا براها
ونشكر سعيها بى وراها

ماقالت بقيت حبوبه
وتركت بوختها المحبوبة
لو جاتك من تجاها هبوبا
بتحي عروقك المحبوبه

ربنا بى الجمال كافاها
لمن قال قوامها كفاها
المحصونه مى تفاها
يا حلاة الكلام فى فاها

لو كان يوم حبيب واصلى
بالكرم العريض توصل لى
معاها خلاف قط ماحصل لى
غير ازعاجها(تذكيره) لى قوم صلى
(دي من عندي )المدح بمايشبه الذم

مابتحسب على كليا
وتكرم كل منسوب ليا
اشفق من جنايا عليا
واطوع من بنانى اليا

مى الشهايه مى الطماعة
لى قول قلنا مى سماعه
لوبس يوم شكيت يا جماعه
بى عرض العيون دماعه

مى العزايه دايما ساده
ومى الغبشه المغبره حاده
ومى اللهفانه بى ورا الماده
دى اللى شبابا ديمه مواده

ان صابحتها ومسيتا
حلوه وناعمه ان مسيتها
ما قاستنى ما قاسيتا
تشكر فضلى كل ما كسيتا

تتلاصف سرور وجناتا
الرايقه الكتار حسناتا
طيبه عشره مى غلاته
ماسابت الشباب لى بناتا

حشيمه سكوته من ميلادا
ومو سكاتا تشوبو بلاده
نضيفه ومهذبين اولادا
دايما عندى حلوه جلادا

مما ربنا انشاها
مابات بى غبينه حشاها
خاتيه الريبه ما بتغشاها
وما قالولا بس حاشاها

كيف ما اشكرها مطاوعاني
حافظه لى متعتى وحافظانى
حاويه من الانوثه معانى
ومهما ابقى مر بالعانى
Post: #7363
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-25-2010, 04:07 PM
Parent: #7362

حمدا لله على سلامة انتهاج والعيال

وانشاء الله يا ابو الزوز بعد كده تررررروق وتقعد فى علبك ..!!


&&&&&&&&&&&

الكوتش محمد صديق ..

اعتقد بعد كده انو تهديدك باستعادة النجم ابو الزوز فى التسجيلات التكميلية

قد ذهب ادراج الرياح ...!!!

ما قلنا ليك ... جمال الوالى رئيس طواااالى ..!!
Post: #7364
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-25-2010, 08:02 PM
Parent: #7363

سلامات يا ناس

ومساكم طاعم

حزنت عميقاً عندما اكتشفت عودة احمد اسماعيل دون ان نقابله بسبب ظروفه

وحزنت بنفس الدرجة لعدم لقاء موسى عيسى بسبب ظروفى انا ...واعمق من ذلك

عقب لقاء جلال والذى جاء عكس ما كنت اشتهى ..كان جسده معنا غير ان احساسه

كان فى مكان ما ...هذا ما لمسته انا ...

جلا وين؟؟؟؟

Quote: اعتقد بعد كده انو تهديدك باستعادة النجم ابو الزوز فى التسجيلات التكميلية

قد ذهب ادراج الرياح ...!!!


يا حبيبنا الذى بالثاوس مول ...لك اكوام من الشوق

التكتيك اتغير....فى التكميلية حنستعيد ابتهاج والاولاد ليكون نجمكم من غير (سكن )

ويا كل الاحبة ...سلام
Post: #7365
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-26-2010, 06:01 AM
Parent: #7364

الاخوان الاخوات الزقازيقاب الكرام لكم التحية والتقدير و لكم مني كل الشكر علي الترحاب

سواء الزملاء بالداخل او بعد العودة فاكرر شكري و اعتذاري عن عدم متابعتي للبوست طيلة

الاجازة و حتى بعد العودة و لكني بجييكم بطايوق كامل مش زي بتاع عمنا ود الصديق (حبيبنا

لك العذر و السماح في ظل السودان الحالي ) و لا زي طايوق جلا علي الحرام طايوق جلا دا الدوكة ما يمسحها !!!!


و الف حمد لله علي السلامة لجمع الشمل يا ابو شنب و الف حمدالله علي سلامتك يا زبوبة

الفيك اتعرفت يا احمد اسماعيل ؟ انا ما جيت قبل ابتهاج يعني فاتحتنا وينها ؟
Post: #7366
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-26-2010, 06:24 AM
Parent: #7365

اللهم إنا نسألك فواتح الخير وخواتمه وجوامعه
وظاهره وباطنه وعلانيته وسره وأوله وآخره
اللهم أعتق رقابنا من النار
وأوسع لنا من الرزق الحلال
واصرف عنا فسقة الجن والإنس





----------------------------

المشكلة في فسقة الانس ديل ربنا يحفظنا منهم !!!!!
Post: #7367
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-26-2010, 07:03 AM
Parent: #7366

Quote: الفيك اتعرفت يا احمد اسماعيل ؟ انا ما جيت قبل ابتهاج يعني فاتحتنا وينها ؟


يا موسى
الحمد لله إنسترنا معاك
والا كان لحقنا أمات أحمد إسماعيل
دي على وزن امات طه


سألت موسى أول ما وصل ما هي أهم شيء حصل في السودان في اجازتك
قال لي في حاجة زمان لو حصلت تقلب أربعة حكومات مش حكومة واحدة
الغريب إنها حصلت وانا في السودان
ولم يهتز شعر أي كائن كان في السودان

ايه رأيك تحكي يا موسى
Post: #7368
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-26-2010, 08:31 AM
Parent: #7367


Quote: احمد اسماعيل حلاقة الشنب عرفناها ... بس الفيك برضو اتعرفت .... الله يجيب موسي عيسي بالسلامة


تعرف ياموسى عيسى ، من كلام زهير الفوق ده قلت أعمل أرضي علشان
زهير وإبتهاج مايشكوني ليك بسبب تعرض شنبهم لبعض المهاترات المغربية
فوقعت في الأدهى وأمر بأن نسيتك سهوا يازعيم

والكلام ده كله من تحت رأس طارق جبريل
Post: #7369
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-26-2010, 08:44 AM
Parent: #7368

قال الريس ميسرة ....
Quote: مبلغ التأسيس ليس مبلغ كبير وبالتالي من وجهة نظري أن تكون مساهمة
التأسيس متساوية والتصويت متساوي و لمن أراد زيادة أسهمه أن يكون
له الحق ،،، لأنه لا يعقل بأن تحرم حد من حق تساوي التصويت بحجة عدم دفع
المساهمة المتساوية،،،


اثني هذا الرأي بشدة ... وادعمه لما فيه من عداله في اختيار مجلس الإدارة ...
والمبلغ اعتقد انه في متناول الجميع
لأن اقل حصة للمساهمين الحاليين تتعدي مبلغ المائة دولار ...
وكل مساهم لابد ان يدفع حصته بالكامل تخصم منها المائة دولار بتاعه التأسيس
حاولو ياشباب حسم هذه النقطة بالسرعة الممكنه ...
حتي يتم التسجيل في وقته ...



====================================
محمد صديق ياكوتش ... حمدلله على السلامه
جلال عثمان ... ماتجي ناطي كتير بجاي ...
كمل ذكريات الاجازة ياخ ...
موسي عيسي قلب حكومة شنو ...
الناس ماقادره تقلب هوبه ...
حمدلله على السلامه ...
Post: #7370
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-26-2010, 09:32 AM
Parent: #7369

شباب سلامات ....
لسه عند راي الزول الاسهمه قيمتها 500 جنيه بالتاكيد صعبه عليهو يدفع 300 جنيه مصاريف تاسيس .... عشان كده ممكن دفع مصاريف التاسيس بنسبة من اسهمه .... وممكن يكون التصويت متساوي في الجمعية العمومية .... يعني المسالة ما مربوطة بانه لازم تكون مصاريف التاسيس متساوية عشان يكون التصويت متساوي .... ودي حاجة بتحددها الجمعية العمومية .... اللي هو نحن ....
Post: #7371
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-26-2010, 03:29 PM
Parent: #7370

Quote: عقب لقاء جلال والذى جاء عكس ما كنت اشتهى ..كان جسده معنا غير ان احساسه

كان فى مكان ما ...هذا ما لمسته انا ...

والله يا كمندان رديت عليك قبيل وراء مداخلة موسى عيسى لكن طفشت وين الله اعلم ...
المهم ياسيدي ...
احساسك في محلو وما لمسته كان هو الحاصل بالضبط وذلك لمجموعة اسباب ومسببات نسألكم اخوتي الدعاء لزوالها
ونسأل الله ان يحقق طموحاتنا كلها ...
انت قايل يا كوتش الشيب دا كبر يعني ...
التفكير ياخ .... التفكير كبرنا قبال يومنا ... وتاني اظنو عرسا ما فينا ...

المهم: نسأل الله ان نلتقي مرات ومرات ونكون عند حسن ظنك

لك العتبى حتى ترضى
Post: #7372
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-26-2010, 03:32 PM
Parent: #7371

سلام يا ناس
يا جماعة الرشيد غايب ماله خير ان شاء الله
بس ما يكونوا ((خليوهوا))
Post: #7373
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-26-2010, 09:01 PM
Parent: #7372

Quote: يا جماعة الرشيد غايب ماله خير ان شاء الله
بس ما يكونوا ((خليوهوا))


جبريلا يديك العافية...
أشكرك يا حبيب على السؤال...
و أشكرك على التلفون الذي أعاد الي اللون البمبي هذا المساء...
أيام مزدحمة جدا هذا الأسبوع حرمتني من المشاركة...
ربما تعود الأمور الى وتيرتها الأولى في الأسبوع القادم وأعود للمشاركة المنتظمة...
يديك العافية يا جبريلا و يسكنك الصافية...و كمل الباقي براك...
لعلها تكون ساعة استجابة...


أنا مع رأي الريس ميسرة فيما يخص المساهمة في رسوم التسجيل...
Post: #7374
Title: Re: ناس الزقازيق ... أجدع ناس ( 3 ) ..
Author: مني يونس
Date: 10-26-2010, 09:57 PM
Parent: #7373

سلام يا شباب اليوم لم يكن البوست

على طبيعته حيث إختفى المنبر العام حتى المساء

يبدوا بأن هناك هكر أو صيانة ،،،،،

حمد الله على سلامة العودة ونتابع مداخلاتكم

والمداخلة المتأخرة دي لرفع البوست
Post: #7375
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-27-2010, 06:23 AM
Parent: #7374

وفاة ابن عم حيدر حسن ميرغني ... عضو البورد الرائد بابكر عبدالمنطلب ...

ولا حول ولا قوة إلا بالله

اللهم اغفر له وارحمه وعافه واعف عنه
اللهم أكرم نزله ووسع مدخله ونور قبره
اللهم تقبله لديك قبولا حسنا وأجعله من أصحاب اليمين .

كل التعازي لأسرته وأهله وأصدقائه وزملائه وجميع معارفه .
التعازي موصولة لكم أخي وللأخ العزيز حيدر حسن ميرغني .

وإنا لله وإنا إليه راجعون .
Post: #7376
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-27-2010, 06:59 AM
Parent: #7375

Quote: وفاة ابن عم حيدر حسن ميرغني ... عضو البورد الرائد بابكر عبدالمنطلب ...

ولا حول ولا قوة إلا بالله

اللهم اغفر له وارحمه وعافه واعف عنه
اللهم أكرم نزله ووسع مدخله ونور قبره
اللهم تقبله لديك قبولا حسنا وأجعله من أصحاب اليمين .

Post: #7377
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-27-2010, 07:03 AM
Parent: #7375

التعازي القلبية للأخ حيدر حسن ميرغني في وفاة

إبن عمه وعضو البورد بابكر عبدالمنطلب،،،،

تغمد الله الفقيد بواسع رحمته وأسبغ على أهله

وذويه الصبر والسلوان ،،،،

إنا لله وإنا إليه راجعون،،،،
Post: #7378
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-27-2010, 07:14 AM
Parent: #7377

نسأل المولى عز وجل أن يتغمده برحمته ويسكنه الفردوس الأعلى ويلهم أسرته
وأهله وأصدقائه ومعارفه وزملائه الصبر والسلوان وحسن العزاء .
صادق العزاء والمواساة لولدنا حيدر حسن ميرغني .


إنا لله وإنا إليه راجعون
Post: #7379
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-27-2010, 07:51 AM
Parent: #7378

نسأل المولى عز وجل أن يتغمده برحمته ويسكنه الفردوس الأعلى ويلهم أسرته
وأهله وأصدقائه ومعارفه وزملائه الصبر والسلوان وحسن العزاء .
صادق العزاء والمواساة للاخ حيدر حنين

إنا لله وإنا إليه راجعون
Post: #7380
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-27-2010, 07:58 AM
Parent: #7378

Quote:
سألت موسى أول ما وصل ما هي أهم شيء حصل في السودان في اجازتك
قال لي في حاجة زمان لو حصلت تقلب أربعة حكومات مش حكومة واحدة
الغريب إنها حصلت وانا في السودان
ولم يهتز شعر أي كائن كان في السودان

ايه رأيك تحكي يا موسى


التحية لك العزيز الشادي و آسف لعدم تمكني البارحة من مطالعة البوست

و الله يا صحبي الواحد اتمنى لو ما نزل اجازة رغم وجود شخص حل مكاني و

لكن الحمد لله برضو تعب الشغل دا احسن لي من القراية ام دق بتاعت حال

السودان و لا ادري ابدا من وين منذ نزولنا من الباخرة الساعة الثامنة

مساءا ومغادرتنا لسواكن الساعة 4.30صباحا من غير عشاء ولا سحور بس بسكويت

و موية شوية من الخور و لا الدفع و المليص و الله احسن منو مليص ناس ياسر

نجيلة و زهير الزناتي يعني ما عليك ان تسأل بس تدفع و انت ساكت و الله

في واحد يا كمال نفخ ريشو و اتكلم مع العسكري عينك ما تشوف إلا النور

العسكري اضارب مع الكابتن و تم ايقاف جميع الاجراءات و سحب المسكين الي

الشرطة لليوم الثاني و طبعا نحن عاملين اضان الحامل طرشه و هاك يا صبر

و هاك يا رشاوي بغرض نتحرك بسرعة و كنا الواحد بمني النفس انه يصل ليه

جزء من الليل علشان يتبل لكن دعوات جلا ما قصرت و تمت المقصرة ،و لا المصاريف

في الشارع من نقطة عبور لنقطة فجور و العجب البنزين الله لا وداك بالبحر !!!

و سوف اقوم بفتح بوست بعنوان رحلتي للجحيم في بوست ناس الزقازيق بس محتاج

لي لوقت سلف ؟ و بالعدم اقترح مد ساعات اليوم ستة ساعات اضافية حتى نستطيع

القيام بالواجب زي واجب اخونا جلا معاي !!!!!!!!!!!!!!!!كاك .....
Post: #7381
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 10-27-2010, 08:42 AM
Parent: #7380

صوتو بح الاستاذ عبدالحفيظ وهو يطلب .....

Quote: نرجو إقتراح أسماء بديلة في حالة رفض الإسم لإنه مستخدممن قبل شركة أخرى أو إسم عمل ( الملكية الفكرية )


يا افوكاتو يا مخضرم ... اقترح هذه الاسماء البديلة في حال موافقة الأعضاء ...

1- شركة الزقازيق للتجارة والإستثمار المحدودة (طبعا الاسم ده تقاتل فيهو حتي لو نرسل ليك معاونين شدو وسبدرات (عارف انا زول قديم بس المعني وصل)
2- شركة بلا حدود للتجارة والاستثمار المحدودة
3- شركة اجدع ناس للتجارة والاستثمار المحدودة
4- شركة الزقازيقاب للتجارة والاستثمار المحدودة
5- شركة البريزة للتجارة والاستثمار المحدودة


اها رايكم شنو ..... وتعالو لينا بهناك "شركة الزقازيق القابضة" .....
Post: #7382
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-27-2010, 09:46 AM
Parent: #7381

يا موسى
Quote: القيام بالواجب زي واجب اخونا جلا معاي !!!!!!!!!!!!!!!!كاك .....


الموضوع القلت ليك أحكيهو
لي هسي ما حكيتو
ورايح تفتح لي طاقات صعبة إنها تتسد مع جلا !!!!!!!!!!!!!!!!!! كاك
Post: #7383
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-27-2010, 11:19 AM
Parent: #7382

أضيف لمقترحات ياسر نجيلة :-

- شركة الزقازيق للتجارة والإستثمار المحدودة
- شركة الزقازيق للتجارة والمقاولات المحدودة
- شركة ناس الزقازيق للتجارة والإستثمار المحدودة
- شركة رابطة الزقازيق للتجارة .............
Post: #7384
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-27-2010, 01:10 PM
Parent: #7383

اللهم اغفر له وارحمه وعافه واعف عنه
اللهم أكرم نزله ووسع مدخله ونور قبره
اللهم تقبله لديك قبولا حسنا وأجعله من أصحاب اليمين .
تعازينا القلبية يا حنين
Post: #7385
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-27-2010, 02:22 PM
Parent: #7384

نهاراتكم بالهناء والسرور ...

حار التعازي لأخونا الحنين .. حيدر حنين في وفاة إبن عمه ...

اللهم أرحمه وتقبله قبولا حسنا .. اللهم أسكنه الدرجات العليا من الجنة .. آمين ...
Post: #7387
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-27-2010, 02:35 PM
Parent: #7385

أبوالزوز حمدا لله على سلامة نصفك الحلو إبتهاج والحلوين الأولاد .. أسعدنا وأفرحنا لم الشمل والسكن .. إنشاء الله ربنا يستر عليكم ويسعدكم ويحفظكم من كل شر ...

أثني إقتراح الريس ميسرة فيما يخص مصروفات التأسيس حيث المبدأ المساواة في كل شيئ .. والمساواة تبدأ من المساواة في تحمل مصاريف التأسيس حتى يأتي بعد ذلك التساوي في عدد االأصوات ...

أبوالزوز بالأمس كنت مع المك العقيد عوض المفتاح .. الزول الرائغ الراقي .. ولعلمك هو من عندنا (الجموعية) ...
Post: #7386
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-27-2010, 02:29 PM
Parent: #7384

للفقيد الرحمة والمغفرة ولاسرته داخل وخارج السودان خالص العزاء ....

العزيز حيدر حنين انشاء الله البركة فيكم
Post: #7388
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-27-2010, 02:47 PM
Parent: #7386

التعازي القلبية للأخ حيدر حسن ميرغني في وفاة

إبن عمه وعضو البورد بابكر عبدالمنطلب،،،،

تغمد الله الفقيد بواسع رحمته وأسبغ على أهله

وذويه الصبر والسلوان ،،،،

إنا لله وإنا إليه راجعون،،،،
Post: #7389
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-27-2010, 05:18 PM
Parent: #7388


صادق العزاء للأخ حيدر حسن ميرغني في وفاة عمه
اللهم أغفر له وأرحمه وعافه وأعف عنه
اللهم تقبله قبولا حسنا وأجعله من أصحاب اليمين

موسى عيسى قال عايز سته ساعات للقيام بالواجب

قالوا الفكي عنده في الخلوة درس القيام بالواجب
فضرب المثال التالي
( ناس خمسة وخيل خمسة وجلك خمسة وعبد الله واحدقال:
هنا القيام بالنفس واجب رغم أن النجاة مستحيل)

Post: #7390
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-27-2010, 05:53 PM
Parent: #7389

حبيبنا حيدر.. خالص التعازي ياولدنا..
ربنا يرحمه ويغفر له ويدخله جناته العلى..
آمين..


إبتهاج حمدلله على السلامه..
أبوالزوز.. يا دنيا ما فيكي أأدي..


موسى عيسى اللعاب..
بركه الجيت..


البادي.. الشمار الأنت عارفو كاتلني..
زولك الأنت عارفو ما خلى ليك جنبه ترقد عليها..
مشتاق ليك والله.. أوع من الزوغه بس..
Post: #7391
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-27-2010, 08:22 PM
Parent: #7390

مساكم الله بالخير

خالص العزاء للأخ حيدر حنين...
نسأل الله الرحمة و المغفرة للفقيد...
Post: #7392
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-27-2010, 08:46 PM
Parent: #7391

مساكم الله بالخير

هوي يا ناس مالكم لبدتو...يعني الواحد ما ينشغل يغيب عنكم...
و لا كمان أقمارو تعاكس و لا كمان يدبرس يجي يلقاكم متغتغتين و نايمين...
كنت عايز أجي ألومكم و أقول ليكم غير طارق جبريل زول واحد سأل مني مافي...
لكن قلت مافي داعي و خفت تتهموني بالكبر...
تقولو الزول ده كبر و عجز و بقى جنو لوم...
Post: #7393
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-28-2010, 06:32 AM
Parent: #7392

سلامات يا ناس ...

يا رشدي خاف الله ...


وين يا ناس جلا - الريس معتصم - الكوتش ....
ناس السودان ... بلد الاستفتاء ... بلد المليون ميل حتي يناير (دي عشان ادبرس بالرشيد)
Post: #7394
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 10-28-2010, 08:55 AM
Parent: #7393

البركة فيكم يا حيدر جنين فى وفاة ابن عمكم
ربنا يصبركم ويرحمه
انتو الليلة مش الخميس ؟؟؟
Post: #7395
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 10-28-2010, 09:07 AM
Parent: #7393


الثقة بالله ازكى أمل ، والتوكل عليه أوفى عمل

أربعة نؤدي إلى أربعة
الصمت إلى السلامة ، البر إلى الكرامة ، والجود إلى السيادة ، والشكر إلى الزيادة

أربعة تمنع الرزق
نوم الصبح ، وقلة الصلاة ، والكسـل ، والخـيانة

أربعة تجلب الرزق
قيام الليل ، كثرة الإستغفار بالأسحار ، وتعاهد الصدقة ، والذكر

من صبر ظفر ، ومن سار على الدرب وصل

الحكماء قالوا
ان ذنـوب الخـلوات هي أصل الإنتكاسات وليس الأقمار يامنصور
وأن عبادات الخفاء هي أعظم أسباب الثبات

وأخيرا
لا تسألن بني آدم حاجة وسل الذي أبوابه لاتحجب
الله يغضب إن تركت سؤاله وبني آدم حين يسأل يغضب
Post: #7396
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-28-2010, 09:21 AM
Parent: #7395

Quote: انتو الليلة مش الخميس ؟؟؟

ايوا ...
بس الخميس الصباح ... بتوقيت فيافي نجد
Post: #7397
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-28-2010, 10:23 AM
Parent: #7393

معللتى بالوصل والموت دونه
عيسى موسى يصل الخرطوم ويغادر عائدا
ابتهاج تصل الى الدمام برفقة العيال
رائحة القهوه الحبشيه تملاء الانفوف والشادى
وودجبريل ورشا يتوسطون القعده ومحمد عيد
مكرا مفرا ومنصور يعلنها داويه منحازا لجمال
بلدى ولكن وياويلى من لكن هذه
وجلا فى ثبات اهل الكهف والبرلوم فى المطار
كل هذا واضان الحا00000000واللوم علينا ام
عليكم
Post: #7398
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-28-2010, 11:07 AM
Parent: #7397

صبحكم الله بالخير

كيف حالكم..ان شاء الله تكونو قيلتو طيبين...

و خلوني أبدأ من حيث انتى الآخرين و نرجع لا قدام..

Quote: كل هذا واضان الحا00000000واللوم علينا ام
عليكم


يا ريس...ما بلاش اللوم ده معايا...
تشتري و تبيع في هوايا...

تمشي علي كيفك و تجي علي كيفك يا ريس...
مداخلاتك يا راجل بقينا نؤرخ بيها..
بقينا تقول للناس تتذكروا مداخلتي الكتبتها يوم مداخلة الريس الرابعة...
الرئاسة دي مسئؤلية يا فندم...
مش أونطه...

يا منص...آآآي الليلة الخميس...
انت عارف يا منص زمان كنت بنتظر حاجتين,,
آخر الشهر عشان الراتب...
و آخر السنة عشان الاجازة...
حسه اضفت ليهم آخر الاسبوع عشان بشوف العيال و أمهم...
و آخر اليوم عشان تخلص من قرف الشغل...
عندك آخر تاني و لا أفك ليك آخري...

أبو الزوز...حتى أنت معاهم...
أصلوا ما حأقول انك سألت مني...
و ممكن أغالطك من هنا لي بكرة...
عارف ليه..
أحسن يقولو علي غالاط..
من ما يقولو علي كبرت وبقيت أنسى...
Post: #7400
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-28-2010, 11:30 AM
Parent: #7398

Quote: ناس السودان ... بلد الاستفتاء ... بلد المليون ميل حتي يناير (دي عشان ادبرس بالرشيد)


و الله يا أبو الزوز أنا أصلي مدبرس و الموضوع ده زايدني دبرسة..
قدر ما قلبت في القنوات عشان ألقى لي حاجة تخليني أتفائل ما لقيت..
زول كده قال كلمة طيبة مافي...
زول ساكت كده قال خلونا نشوف الناس حتصوت لي شنو مافي...
الكل مستعجل لي نتيجة يعتقدون أنها حتمية...
Post: #7399
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-28-2010, 11:08 AM
Parent: #7397

سلام يا اهلنا
معليش يا رشا ياخي
الناس ديل خوتهم لستك

عودا حميدا للريس معتصم
Post: #7401
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-28-2010, 12:01 PM
Parent: #7399

Quote: معليش يا رشا ياخي
الناس ديل خوتهم لستك


وحاتك لستك تيوب لس يا جبريلا...

يلا ودعتكم الله أنا ماشي أهلي...
Post: #7403
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 10-28-2010, 12:13 PM
Parent: #7401

Quote: يلا ودعتكم الله أنا ماشي أهلي...

توصل بالسلامة ياحبيب ... سوق على مهلتك
كان ما "حت القرض" بتاع الاجازة كان وصلناك مسافة مقدرة ....

------
جبرييلا اين انت يارجل ... لازلت في بلاد مولاي أمير المؤمنين ؟

-----
تحية للريس الذي يعرف شوقنا لذلك طلاتو بقت بالقطارة يامعلم ....
Post: #7402
Title: Re: ناس الزقازيق ... أجدع ناس ( 3 ) ..
Author: Tabaldina
Date: 10-28-2010, 12:06 PM
Parent: #7399

..
.
حمدالله على سلامة ابتهاج والولاد يا زهير
بس والله بتعملو حاجات غريبة ياخى المدارس هنا فضل لنهاية العام 5 شهور
والعام بالسعودية يادوب ابتدا وعلى بال ما تسجلوهم ويلحقوا .. الخ
ضيعتوا سنه للاولاد ..!!

احر التعازى لحيدر حنين مجددا فى فقدهم الجلل
تغمده الله بواسع رحمته ..

يا جبريلا اها نقلت الجمال الاثيوبي هنا
ياخى شيل حالك براك كمال الشادى دا ما تورطو

------------

شركة الزقازيق هناك شبه اجماع على التساوى فى رسوم التأسيس
والتساوى فى التصويت ..
Post: #7404
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-28-2010, 12:17 PM
Parent: #7402

Quote: يا جبريلا اها نقلت الجمال الاثيوبي هنا
ياخى شيل حالك براك كمال الشادى دا ما تورطو



ياخي هو كمال الشادي دة انت قايلوا برئ
Post: #7405
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-28-2010, 12:53 PM
Parent: #7402

نهاراتكم بالهناء والسرور ...

رشيد القوم سوق على مهلك سوق وخلي الدنيا تروق .. وربنا يوصلك بالسلامة وترجع لينا بالسلامة ...

حاتم البرتغالي أنا في إنتظاركم بالخرفان البلدية ومافي زوغة .. صاحبك بتاع الشمارات دا خليهو على حأوريهو النجوم في عز الظهر .. لكن حقيقة السودان ظروفو صعبة ...

يا دودي هو الشمار بتاعك داك طرشق والا شنو .. غايتو نحن ما منتظرين ولا حاجتين ...
Post: #7406
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-28-2010, 06:00 PM
Parent: #7405

الناس دي كلها مخمسة
آآآآآآآمنا
يعني انا وود جبارة بس العندنا دوام بكرة
Post: #7407
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-28-2010, 09:01 PM
Parent: #7406

سلامات يا ناس

Quote: الناس دي كلها مخمسة


يا حبيب ...إزيّك

خشيت اجاملك...

لكن يوم الخميس ده تبعد دمّك.
Post: #7408
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-28-2010, 09:17 PM
Parent: #7407

إزيكم يا رهيبين..

أها أنا ذاتي مخمس..

أقطع وشك يا بيجو..
Post: #7409
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-28-2010, 10:19 PM
Parent: #7408

سلامات يا ناس

Quote: أها أنا ذاتي مخمس..


يا عب ...سلام

حليل خميسك.

لما تجى الإجازة (حاهريك ضرب)
Post: #7410
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-29-2010, 07:43 AM
Parent: #7409

جمعتكم مباركة
عجبتني الباصات القصيرة بتاعت الكوتش وجبريلا و حاتم جبارة...
و رغم ان الباصات القصيرة ليها نكهتها..
الا ان الباصات الطويلة زي حقت منصور ديك بتعجب العجايز الزي أنا...
خليني أقول ده كان قيم بنج بونج رغم ان الكوتش محترف كورة...

لكن صاحبي منصور ده زول واحد فقدو مافي و لا سأل منو...
مالك يا منص...أوع تكون قريت برجك تاني في الجريدة...
و بقت الأقمار ما عندها شغلة غيرك باقي السنة دي...
الله يعديها ليك على خير...

و جمعتكم مباركة...
Post: #7411
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-29-2010, 09:46 AM
Parent: #7410

سلامات يا ناس

وجمعة مباركة

جينا المسا نلعب ماتش ...لعبنا قيم بنغ بونغ

واكيد ما كان فى طريقة لقيم بلاى استيشن رغم انو

الخميس انسب يوم .


Quote: عجبتني الباصات القصيرة بتاعت الكوتش وجبريلا و حاتم جبارة...
و رغم ان الباصات القصيرة ليها نكهتها


يا حبيب ..لك الشوق

بس القيم كان قصير.



احياناً قصير الكلام جميل ويكفى ويحوى والعكس صحيح...

شوف صلاح عبدالصبور:

ولأنك لاتدرى معنى الألفاظ،

فأنت تناجزنى بالألفاظ

اللفظ حجر

اللفظ مَنِيَّة

فأذا ركّبت كلاماً فوق كلام

من بينهما استولدت كلام

لرأيت الدنيا مولوداً بشعاً

وتمنيت الموت

ارجوك ...

الصمت...

الصمت !
Post: #7412
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-29-2010, 10:00 AM
Parent: #7411

سلامات ياناس

Quote: لكن صاحبي منصور ده زول واحد فقدو مافي و لا سأل منو...
مالك يا منص...
Post: #7413
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-29-2010, 10:40 AM
Parent: #7412

ناس الباصات القصيرة ازيكم
Post: #7414
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-29-2010, 12:49 PM
Parent: #7413

أجدع ناس... يا حلوين...

بقيت على سفرا قريب..
حاج الى الخالق الغفار..

العفو والعافيه..

سبحان الذي لاينسانا ولا ينساكم..
Post: #7415
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-29-2010, 01:19 PM
Parent: #7414

ربنا يتقبل يا حبيب
حجا مقبول ان شاء الله
دعواتك يا حبيب
ناس شقة الفلسطيني أولى بالدعاء
Post: #7416
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-29-2010, 01:39 PM
Parent: #7415

كاد حجك ان يكون سريا باعلانك له وانت على سفر انشاالله تسبعه حاتم جباره والله يعمى عنك اولاد الحرام[red
]طارق ودجبريل وهو الاقرب الى جبل طارق جغرفيا فى هدؤ ما قبل العاصفه
رشيد القوم ما زلت ابو الشباب والمفهوميه
الكوتش ما زلت اراك باسما فابتسم ليسال من حولى عن سبب تبسمى...عالم ما بتريح
اخر واحد استلم عيالو واخر مغترب فى الزمن الضايع الشوق مطر ومكانك ما بنسده
تجلى يا جلا وارتجل ولا ترتحل
وانداح ايها المنصور فينا نثرا ولحنا وحنينا
احبكم جميعا
Post: #7417
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-29-2010, 02:01 PM
Parent: #7416

فى الصحف تصريح لوالى الخرتوم لازياده فى اسعار الخبز
فى طريق العوده بعد الدوام توقفت عند المخبزفتبسمت كثيرا لتلك الورقه المعلقه بالمخبز
وتخرج لسانها بقوه للوالى معلنه زيادة 20% على اسعار الخبز وكانها تقول للوالى.......
============================================
وحدهانفصالوحدهانفصال
فى وسط هذا الجدل تاتيك بعض الصحف بمعلومات عن التواجد المخيفللموساد فى
السودان وفى قلب الخرطوم لدرجه تظن فيها اننا اصبحنا جميعا ننهش فى الوطن لنبيعه لاول مشترى
ولا يهم من هو, المهم كم نقبض....ولكن مازل الوطن ملئ بالاشراف ويوم الحساب قريب
===========================================
Post: #7418
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-29-2010, 03:59 PM
Parent: #7417

منقووول من الساخر / الفاتح يوسف جبرا


الحاجة طلعت تفتيحة
فى أيام شبابنا الباكر ظهرت فى العامية السودانية بعض الألفاظ التى لم نكن نعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :
- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .
مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الضائع) الذى قام بكتابته (واحد من شباب اليومين ديل) .
قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.
فى مساء ذات اليوم سمعت ابنها الأكبر يخاطب شقيقة :
- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية).
ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :
- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).
بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.
فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :
- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده.
- طيب أفرض قال ليك إنتا لسه وعمل ليك (الجزيرة أبا) ؟
- ما مشكلة بعمل للموضوع (كمال ترباس) طوالى
- طيب وكان ورطك وقال ليك عمل ليكم (إيهاب توفيق) ؟
- خلاس أقول ليهو نعمل (عقد الجلاد) بعد ما نتخرج
- طيب أفرض قال ليك تعمل (عرس الزين) طوااالى
- ما (بدق ليهو جرس) طوااالى
- وكان أصر على (عرس الزين)؟
- بسيطة بعمل ليهو (الفتيحاب)
معانى المفردات :
- الحنان = الحبيبة
- أحنك = أقنع
- عبدالعظيم حركة = عاملة حركات
- الفاتح النقر = بيفتح ليها كناية على عدم الإهتمام
- عمر إحساس = يعمل فيها حساس
- شرحبيل أحمد = الشرا وعدم الحضور للمواعيد
- جوزيف لاقو = مجازفة
- محمود الخطيب = الخطوبة
- مقندل وماسك كهرباء شديده = مرتاح وعندو قروش كتيره
- الجزيرة أبا = رفض
- كمال ترباس= يقفل على الموضوع
- إيهاب توفيق = الموافقة
- عقد الجلاد = عقد القران
- عرس الزين = الزواج
- دق جرس = للرفض بشدة
- الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة بعد أن تحزمت بثوبها وهى تصيح :
هووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل)
- سجم و كمان عدم فهم ؟!!
- (فى صوت واحد) : معقوله؟ الحاجة طلعت تفتيحة !

كسرة :

أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم) !
Post: #7419
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-29-2010, 05:41 PM
Parent: #7418

أشعلت لي ناري..
Post: #7420
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 10-30-2010, 00:31 AM
Parent: #7419

الاعزاء الغالين / وجوه الخير

الف تحية وسلام تسابق الشوق ويسبقها الحنين ليكم بشدة..
حقيقي المسافة طالت والدروب تهكرت...

وطالت علي ساعات المطالعة والتصفح ..واليوم وددت ان اكتب..
لكني فوجئت بتغير اللغات...

اخر لغة ولهجة تركتها في البوست كانت بنت الشيخ..
الا اني اليوم وجدت وقرات لغة الباسات والماتشات ...وال بنج بونق وكورة القدم...والبلي استيشن..

وكان لي ناس ترباس ، وشرحبيل ، والفاتح النقر .. دي الواحد اكيد محتاج لي معجم جديد عشان يقدر يواكب...

لكم التحية والاشواق جميعا...مع خالص مودتي

ود الجيلي
Post: #7421
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-30-2010, 06:41 AM
Parent: #7420

سلام يا شباب ...

نبدا اولاً بعثمان الجيلي ونرحب بيهو من جديد في المنبر بعد الغيبة الطويلة ....ونقول ليهو دعواتنا مع الابلة نوال البلول ... وهي تهم بدخول غرفة العمليات لاجراء عملية لرجلها ... نسال الله لها السلامة والعافية وان تعود اكثر صحة وشباباً....



يا رشدي منص موجود وبتاوق مرة مرة ... بس مش ملاحظ اختفاء حاج الركز وقدورة اختفاء تام عن كل الشاشات ... المحلية والعالمية ...الفضائية والارضية .....


هوي يا ناس الليلة الهلال لاعب مباراة الكاس مع الصفاقصي .... اي نتيجة ايجيابية في هذه المباراة تعني اكثر من 50% من المشوار للكاس ... اليوم اهم مباراة للهلال في هذا الموسم ... ان لم تكن في كل تاريخه ...
Post: #7422
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-30-2010, 06:41 AM
Parent: #7420

وين يا حلوين
Post: #7423
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 10-30-2010, 07:07 AM
Parent: #7422

Quote:
اليوم اهم مباراة للهلال في هذا الموسم ... ان لم تكن في كل تاريخه ...


في دي معاك حق و نحن اليوم نتخلي عن كل لون و لونا

السودان بس و نتمنى من الله ان ينصر الهلال و يصل لما

نريد و هو احراز الكاس .


ود الجيلي الف حمدالله علي السلامة و ربنا يكتب الشفاء للاخت

نوال البلولة و انشاء عافية و هذه الدعوات لها بالشفاء العاجل.


كمال الشادي موضوع ما ناسيه لكن الوقت فيه صعوبة و الصحة عينك

ما تشوف إلا النور و الله وعكان بكحة طرشة و وجع حلق و بلاوي كتيرة

الله لا وراك ليها لكن بعدك بذلك .


ود الجبرين يا شقي وين كلامك السمح داك عموما زهير قال ليك جاب

معاه شوية من العدة بتاعتك المحتاج ليها في حفرتك ديك ابقي اطلب!!!!


يا الوجيه حاتم جبارةانشاء الله حجا مقبولا و ذبنا مغفورا و كنت ما ناوي

هذا العام للحج و لكن بزيارتك للاراضي المقدسة دي بكون في سبب منطقي

لرؤتك الغالية و يكون العيد عيدين نسال الله ان يمتعنا بلقاك.
Post: #7424
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-30-2010, 09:00 AM
Parent: #7423

صباح الخير ،،، يا وجوه الخير

نهدي الصباح للحجاج والمعتمرين وعلى رأسهم

الحاج حاتم جبارة ،،،، نأمل ملاحظة التالي :

8 ذي الحجة (يوم التروية)

- قضاء هذا اليوم في منى وليس فرضاً
- ويمكن للحاج التوجه مباشرة إلى عرفات
- الإحرام مع التلفظ الصحيح بالنية (إذا لم يكن قد أحرم مسبقاً) والتلبية
- التوجه إلى منى وقضاء الليل هناك
- أداء الصلوات الخمس في منى إن أمكن
- التحرك إلى عرفات بعد شروق اليوم ا لتاسع

9 من ذي الحجة (يوم عرفه)

- التوجه إلى عرفة
- قضاء النهار
- وأداء صلاتي الظهر والعصر(تقصر إلى ركعتين وتجمع في وقت الظهر)
آذان واحد وإقامتان
- الإكثار من الدعاء
- النفرة إلى مزدلفة بعد غروب الشمس
- مواصلة التلفظ بالتلبية قدر ما تستطيع

10من ذي الحجة (يوم الحج الأكبر)

- يعرف هذا اليوم بيوم النحر أو يوم التضحية أو يوم العيد
- توجه إلى جمرة العقبة وهي الأقرب إلى مكة ثم أرم 7 حصوات كل
حصاة منفردة عن الأخرى مكبراً (الله أكبر)
- توقف عن التلفظ بالتلبية وأكثر من التكبير قدر الإمكان
- أذبح أضحيتك أو (الوكيل)
- الحلق أو التقصير (الرجال عليهم حلق الرأس أو تصير الشعر
والنساء عليهن جمع الشعر وقص قدر بوصة من مكان واحد.
- الأفعال السابقة (الرمي الذبح الحلق) لا تتطلب الترتيب ويمكن
أداؤها بأي ترتيب.
- ترفع محظورات الإحرام جزئياً (يحظر ممارسة العلاقة الزوجية)
- يمكن الاستحمام والتطيب للرجال ولبس الملابس العادية.
- التوجه إلى مكة إذا تيسر (يمكن القيام بذلك في اليوم التالي)
ثم القيام بطواف الإفاضة وأيضاً أداء سعي الحج
- ترفع جميع محظورات الإحرام بعد إتمام الطواف والسعي
- العودة إلى منى لقضاء ليلتين للمتعجل وثلاث ايام للمتمهل

الركن الأساس في الحج زيارة منطقة جدة للإلتقاء بالإحباب والأصدقاء وإلا
فإن حجك باطل غير مقبول .
هاتف جوال للتذكير 0568340802أو 0508606055
Post: #7426
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-30-2010, 09:08 AM
Parent: #7424

53C15E53-4AA8-42CB-9698-382461B91DDF.jpg Hosting at Sudaneseonline.com
Post: #7425
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-30-2010, 09:07 AM
Parent: #7423

سلام يا ناس

حاتم جبارة حجاً مبروراً .... وبكده مشيت جدة بقت ضرورة
Post: #7427
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-30-2010, 09:10 AM
Parent: #7425



سلام مربع لأجدع ناس ..

لعل شواغل الدنيا ألهت الكثيرين – وانا - على رأسهم عن الانتباه لوصول زورق الابداع الزقازيقى

الى الميل الماسى فى ثالث تواجدنا فى سودانيزاونلاين ...

ورغما عن عدم الاعداد والتجهيز لهكذا احتفال - وقطعا للطريق على من قد يحول الحفلة الى بخور

ورقصه أمهرية ...

نكتفى بالاشارة السريعة لهذه المناسبة العزيزه علينا ..

على ان نجهز لـ عبد العظيم حركة كاااااربة ( يا ريس معتصم ) ... فى المئوية القادمة باذن الله

ويطيب لى هنا ... ارسال التحية للجميع ... ذكورا واناث .. كبارا" وصغار ( انا والرشيد )

قريبين وبعيدين ...

فى كل الأصقاع .. شرقا من بلاد التاميل حيث حيدر حنين .. الى أقصى الغرب حيث الدومنيكانى اللذيذ

الحاج ود جبارة ( حتما بنشوفك انشاء الله ومجهزين ليك شلة بياطرة لم يظهروا من قبل )

وشمالا عند حدود اسكندنافيا حيث نملوز العزيز .. وجنوبا حتى .... ( اتعقدنا من كلمة جنوب دى )

ايها الرائعون .... مبروك عليكم المسيره والسيرة ...

ويا عديلة يا بيضــاء ..
Post: #7428
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-30-2010, 09:15 AM
Parent: #7427

يا ســاعى البريــد ... وصــّل للحبيب .. رسايلنا

35446F60-C5F9-4380-B49F-60385E96A407.jpg Hosting at Sudaneseonline.com
Post: #7429
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-30-2010, 09:30 AM
Parent: #7428

sudansudansudansudansudansudansudan2.jpg Hosting at Sudaneseonline.com

شكراً يا ود عيد أنت الرجل الماسي في هذا البوست

لقد تاهت علينا جميعاً الإستعداد لوصولنا للرقم 75

يبدو أن المذاكرة أخذت من وقتنا الكثير ،،،،،
Post: #7430
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 10-30-2010, 10:51 AM
Parent: #7429

صبحكم الله بالخير

يا حمادة يا أبها..ايه العظمة دي كلها...
يديك العافية يا حمادة...دايما سباق و صياد للمناسبات المهمة...
و ده حالتك بدون تحضير...يعني لو محضر كان عملت شنو..

Quote: كبارا" وصغار ( انا والرشيد )

قريبين وبعيدين ...


انت عارفني يا حمادة اتجاوزت التلاتين...
وبقت عندي حكمة و ذكاء ما بعد التلاتين...
و الحاجة الفوق دي ما مرت علي...بس مشيته ليك بمناسبة العيد الماسي...

أبو الزوز..مباراة الهلال مهمة و الله...
بس نجيب ليها أعصاب من وين...

في واحد تونسي شغال مع واحدة من الشركات هنا...
لاقيتو اليوم و قلت ليهو حنغلبكم اليوم...
شبكني ليك برشه و قرشه ما فهمت منو غير الصفاقصي و الهلال..
قلت المثل بيقول من عرف لغة قوم أمن شرهم...
حسه الناس اللغتهم ما مفهومة ديل يأمنو شرهم كيف...

عثمان الجيلي ألف سلامة للأخت نوال و ان شاء الله ربنا يواليها بالعافية..
و بعدين ما تغيب كتير ياخي...
لأنو المرة الجاية لو طولت الناس ديل حيدقسوك..
Post: #7431
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-30-2010, 11:42 AM
Parent: #7430

نهاراتكم سعيدة وبالهناء والسرور ...


ود الجيلي الف حمدالله علي السلامة و ربنا يكتب الشفاء للاخت

نوال البلولة و انشاء عافية و هذه الدعوات لها بالشفاء العاجل.


الحاج الوجيه حاتم جبارةانشاء الله حجا مقبولا و ذبنا مغفورا .. نشوفك بعد العيد والحج في درابزين ود جبرين ...

يا رب أنصر الهلال اليوم وأجعل كأس الكونفرالية سوداني آمين ...
Post: #7432
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 10-30-2010, 11:55 AM
Parent: #7430

حبيبنا منص جاب كلام السكن الى الزوجات والأزواج..
يعلم الله أسكن إليكم وأرتاح لديكم..
فأنتم أحبتي وأهلي وعشيرتي..
وداعا إلى حين..
وإلى لقاء يا ناس جده..


تخريمه:
قالوا الحج ما فيهو جمجره..
دا قصد عديل كدا.. 
Post: #7433
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 10-30-2010, 12:32 PM
Parent: #7432

اهداء خاص لسهرة خاصة لكم جميعا" بمناسبة الميل الماسى

اضغط open بزر الماوس الايمن على الملف المرفق


http://www.sudanesesongs.net/index.php?showtopic=98670


سهرة سعيدة




حاتم حنستقبلك بطلع البدر علينا
Post: #7435
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-30-2010, 12:38 PM
Parent: #7433

شاهدوا خريطة السودان الجديد بعد تقطيعه

إلى مثلثات وأشكال هندسية وأشكال هلاميه غير مفهومة

New_Sudan_Map.jpg Hosting at Sudaneseonline.com

المشاركة من الزقازيقية الأخت نعمات الجبل
Post: #7434
Title: Re: ناس الزقازيق ... أجدع ناس ( 3 ) ..
Author: محمد عيد
Date: 10-30-2010, 12:35 PM
Parent: #7432



رغما ان حب الوطن ووحدة الوطن وازدهار الوطن صــار بكل أسف لدينا فى مؤخرة الاولويات ...

ورغما عن ثقافة التشرذم التى تطغى على كل الأصوات هذه الأيام ...

ورغم ان التفكير فى الوطن صار غير محبب وأصبح مؤلما تماما مثل الأسى الذى يجتاحنا عندما

نذكر موتانا ...!

الا ان اننا نقف اليوم - قلبا وقالبا - مع هلال الوطن .. فى معركة الكرامة ...

لأنها قد تكون آخر نهائيات نلعبها ونحن فى ظل السودان الذى عرفناه منذ ان ولدنا ...!!

&&&&&&&&

الاحباب .. ميسره والرشيد ...

الروعة والجمال هو ما تأـون به انتم ايها الرائعون ...

خاصة فى تواجدكم الدائم وقبضكم على جمر التلاقى والالفــة فى هذا البوست

&&&&&&&&&&&&&

ود جباره ... ربنا يكتب سلامتك وتوصل للاراضى المقدسة بألف سلامة

وفى انتظار ملاقاتك بجده غير ، وربما زرناك قبلها بمنى الطاهرة

وفعلا فى الحج .. مافى جمجرة ... لكن فى جمره وجمره وجمره ... غايتو الله يعينك على ابليس ..
&&&&&&&&&&&&

Quote: انت عارفني يا حمادة اتجاوزت التلاتين...
وبقت عندي حكمة و ذكاء ما بعد التلاتين...


يا رش ...

الغنــاى دااااك قاعد يقول :

ســـن التلاتين ده حلو حلاه ...!
Post: #7436
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 10-30-2010, 09:41 PM
Parent: #7434

ما زال الوطن يتسع الجميع
Post: #7437
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 10-30-2010, 10:44 PM
Parent: #7436

سلام يا ناس
حج مقبول يا ود جبارة يا حبيب
وزي ما قاليك البادي نتقابل في الدربزين ان شاء الله
ياخي والله شهيتونا جدة دي
يقوم الواحد يجي السودان عن طريق جدة ولا شنو

يا ود عيد لا تفوت لا تموت يا رب

حباب عثمان الجيلي


يا موسى عيسى بمناسبة الطلح دة
قالوا في واحد حاج شبابي كدة
اولاده اتنين سواقين ركشات متزوجين
وساكنين معاهو.. جاء لقى نسوان اولاده يدخنوا
قام قال لي مرتو انت ما تبغري من البنات ديل وتقومي تدخني
الحاجة مشت ادخنت وجات نامت
جاء الحاج يتونس معاها لقاها نايمة رفع يدها وقعت
قام الصباح واحد من الاولاد يغيز فيهو قال ليه:
يا حاج الركشة امبارح شايفها ابت تشتغل معاك شوف ليها عمرة


بعد دة ما اظن اقدر ادخل هنا تاني
Post: #7438
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 10-31-2010, 01:45 AM
Parent: #7437


الاعزاء الغالين...
ناس الحوش الظريفين...الف تحية وسلام

ابو الزوز...ليك خالص تحياتي وللاسرة الكريمة حمدالله الف علي السلامة...

موسي عيسي...الله يسلمك وجزاك الله الف خير...

اووووووووووو... الحاج حاتم جبارة...تقبل الله ...قالوا حجة نظيفة ...وقالوا جبت معاك كلوركس ومنظفات اخري...
عقبال التاسعة...

حبيبنا طارق جبريل...الله يسلمك...مشتاقين كتير...

البادي ...والبادي اظلم... وانت منور يا بيه...الله يسلمك...

رشيد القوم...الف تحايا وشوق ...والله يسلمك ...كيفك وكيف بنت الحوفي وبقيت الاشبال...

المدام اقصد الزميلة نوال البلول..يا زميل ... (حلوة دي يا زهير)...بتسلم عليكم جميعا والشكر لكل الزملاء الذين توالت اتصالتهم

وانشاء الله العملية في بحر الاسبوع ده الي الآن الدكتور لم يحدد يوم بعينه لكن نتوقع في اليومين القادمين

بالله نسألكم جميعا الدعاء لها بالشفاء التام...

عثمان الجيلي
Post: #7439
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 10-31-2010, 07:18 AM
Parent: #7438

صباح الخير ،،، يا وجوه الخير

أصبحنا وأصبح الملك لله وحده ،،

على الرغم من إطلاعي على التاريخ ولكن

تأثرت تأثير عميق لدرجة الحزن من موقف سعيد بن حبير

لثباته وقوة أيمانه وموقف الحاج بن يوسف لجبروته قسوته ،

التابعي الجليل سعيد بن جبير...

كان على عهد الحجاج بن يوسف الثقفي, فوقف في وجهه سيدنا سعيد وتحداه

وحارب ظلمه حتى قبض عليه فجيء به ليقتل .... فسأله الحجاج مستهزئا

ما اسمك ؟(وهويعلم اسمه(قال:سعيد بن جبير
قال الحجاج :بل أنت شقي بن كسير(يعكس اسمه)
فيرد سعيد:أمي أعلم باسمي حين أسمتني
فقال الحجاج غاضبا:شقيت وشقيت أمك
فقال سعيد:انما يشقى من كان أهل النار ,فهل اطلعت على الغيب؟
فيرد الحجاج: لأبدلنك بدنياك نارا تلظى!
فقال سعيد: والله لو أعلم أن هذا بيدك لاتخذتك الها يعبد من دون الله!
فقال الحجاج : فلم فررت مني ؟
قال سعيد: ففررت منكم لما خفتكم
فقال الحجاج: اختر لنفسك قتلة ياسعيد...
فقال سعيد: بل اختر لنفسك أنت , فما قتلتني بقتلة الا قتلك الله بها!
في رد الحجاج: لأقتلنك قتلة ما قتلتها أحدا قبلك...ولن أقتلها لأحد بعدك!
فيقول سعيد: اذا تفسد علي دنياي,وأفسد عليك آخرتك
ولم يعد يحتمل الحجاج ثباته فينادي بالحرس:جروه واقتلوه!
فيضحك سعيد وهو يمضي مع قاتله ..فيناديه الحجاج مغتاظا:ما الذي يضحكك؟
يقول سعيد:أضحك من جرأتك على الله وحلم الله عليك!!!
فاشتد غيظ الحجاج وغضبه كثيرا ونادى بالحراس :اذبحوه!!!
فقال سعيد :وجهوني الى القبلة ...ثم وضعوا السيف على رقبته

فقال -وجهت وجهي للذي فطر السموات والأرض حنيفا مسلما وما أنا من المشركين..
فقال الحجاج غيروا وجهه عن القبلة!
فقال سعيد - ولله المشرق والمغرب فأينما تولوا فثم وجه الله
فقال الحجاج:كبوه على وجهه
فقال سعيد: منها خلقناكم وفيها نعيدكم ومنها نخرجكم تارة أخرى

فنادى الحجاج:اذبحوه!ما أسرع لسانك بالقرآن ياسعيد بن جبير!....
فقال سعيد:أشهد أن لا اله الا الله وأن محمدا رسول الله....خذها مني يا حجاج

حتى ألقاك بها يوم القيامة...ثم دعا قائلا:اللهم لاتسلطه على أحد بعدي.
وقتل سعيد....والعجيب أنه بعد موته صار الحجاج يصرخ كل ليلة:مالي ولسعيد بن جبير!

كلما أردت النوم أخذ برجلي ! وبعد 15 يوما فقط يموت الحجاج...

لم يسلط على أحد من بعد سعيد رحمه الله



--
اللهم آتنا في الدنيا حسنة وفي الآخرة حسنة وقنا عذاب النار
Post: #7440
Title: Re: ناس الزقازيق ... أجدع ناس ( 3 ) ..
Author: محمد صديق
Date: 10-31-2010, 09:46 AM
Parent: #7439

سلامات يا ناس

ومبروك علينا كلناال75

المداخلة الاخيرة بتاعة الريس جهجهت ما كنت انوى كتابته

كيف كان هؤلاء الرجال ...؟؟هذا الإيمان العميق ...وحب الآخرة

اللهم أصلح لنا أعمالنا ...وأكسبنا خشيتك وحبك...

Quote: ناس شقة الفلسطيني أولى بالدعاء


حجاً مبروراً وسعياً مشكوراً إن شاء الله...

فعلاً ناس شقة الفلسطينى أولى ...بالله ما تنسى الود كشرى وبشير الخفيف.
Post: #7441
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 10-31-2010, 12:03 PM
Parent: #7440

مرحب بالعزيز عثمان الجيلي

مرحب بالريس معتصم

مرحب بإبداعات الرائع محمد عيد

يا سلام عليك يا ميسرة بإفاداتك الرائعة في موضوع الحج

يا موسى سلامتك يا أخي من الوعكات
اوعى يسمعك طارق جبريل بعدين يطلع فيك نكتو القاطعا من راسو ديك
ويقوم يقول رقشة وما رقشه

يا ود جبريل
Quote: بعد دة ما اظن اقدر ادخل هنا تاني


أوعي أشوفك لافي بي هنا تاني
Post: #7442
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-31-2010, 03:41 PM
Parent: #7441

Quote: اثبتت التجارب باننا في حاجة لتنظيم انفسنا كل ما سنحت الفرصة لذلك . عدد كبير من الاعضاء مر بظروف اجتماعية عديدة مثل الوفاة والمرض وبعض المناسبات المفرحة ولم يكن وقتها علي اهبة الاستعداد النفسي او المادي ... كنا نعاني كثيراً في جمع مبلغ مالي لاعانة بعضنا البعض وكان علي الدوام اعتمادنا علي بعض الناس بعينهم حتي ارهقناهم ورغم ذلك لم يبدو تذمراً او تواني عن الواجب لحظة ...

تكوين صندوق التكافل الاجتماعي جاء نتيجة لمشاورات عديدة مع اعضاء كثر في السودان والسعودية وكانت حصيلة النقاش ان مبلغ مالي راتب صغير من كل عضو يغنينا عن ارهاق هؤلاء الاعضاء وفي نفس الوقت يعين الحالات الاجتماعية الطارئة ....

Post: #7443
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 10-31-2010, 03:48 PM
Parent: #7442

اتمني ان يكون النقاش في هذا البوست حتي نستطيع ان نخرج بخلاصة مفيدة

صندوق التكافل الاجتماعي
Post: #7444
Title: Re: ناس الزقازيق ... أجدع ناس ( 3 ) ..
Author: البادي النور
Date: 10-31-2010, 07:42 PM
Parent: #7443

مساء الهناء والسرور ...

طبعا شايفين المداخلات أصبحت مرات في الظهر ومرات في المساء ومرات في الصباح وذلك تمويها وتكتيكا حتى لا يتم تصنيفنا مع الفئات المعروفة ...

الريس ميسرة حقيقي قصة سعيد بن جبير قصة قوية وممتازة جدا وتعطينا القدوة الحسنة في قوة الإيمان وقوة القلب في مواجهة الجبروت الآدمي ...

أبوالزوز فكرة صندوق التكافل الإجتماعي فكرة جميلة نتمنى من الجميع المشاركة وربنا يعظم الأجر ...

لم نعرف أخبار أخونا علي عبدالمعروف .. يا كوتش طمنا عليه وأدينا آخر الأخبار .. ولمن فاته الإستماع ...

يا ود جبرين المسنوح يا ود أمي حاتم جبارة الأمريكي الدومينيكاني حيمشي الحج وكمان نحن على بعد خطوات من العشر من شهر ذي الحجة وطبعا دي أيام مباركة .. دحين يا ود أمي جنس محنك دي خليها لمن نتلمى في الدرابزين وعلى الهواء مباشرة .. ولا وجود للجمجارة وفاتن حمامة .. نعيش برانا نعيش في درابزين لا يقولوا قالوا ولا يقولوا قلنا ...

يا ود عيد شايفك مشفرني وكدا .. يعني صورتي ما عاجباك والا شكلي ما سياحي .. بطل حركات الصهاينة دي ...
Post: #7445
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 10-31-2010, 08:12 PM
Parent: #7444

يا محمد عيد
مساء الخيرات الكثيرة
ومبروك الميل ال75
وعقبال الف ميل
سوف اسجل هنا صوت لوم لانني لم اجد طابعي




















يا اخي
جنوبا حتى مبارك جادين
حتى يرضى تبلدينا وعصام دهب
Post: #7446
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-01-2010, 06:54 AM
Parent: #7445

يا بنج مشتاقين ياخ ..... اها معانا ولا مع الخيانة ....


في الكشف الطبي للجماعة كاجراء للاقامة اكتشفت ان ميار وحنا ومزن فصيلة دمهم علي امهم A+ فقط مجد O+ علي والده الفاضل .... اها انا من زمان اقول الاولاد ديل دمهم تقيل كده مالو ... ما اكتشفت المسالة دي الا بعد الفحص الطبي .... والله اتاري ابتهاج دي لابده لي ... وانا اقول الاولاد يشبهوني ومتكيف للمسالة ...
Post: #7447
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-01-2010, 07:48 AM
Parent: #7446

سلام يا ناس ...

الشوق اكوام لكل افراد القبيلة .. السلطان والرعيــّة ..

الاحباب البادى وود جادين ...

والله يا جماعة مافى حاجة مقصودة .. والاختيار كان عشوائى لشغل قديم عامله من زمان ...

وطبعا لأنو الواحد بيمر على المكتب 10 دقائق - ربع ساعة .. يادوب يشوف فيها المداخلات حقت امس

وبعداك نمسك السكة للطائف .. حيث القردة والمجانين ...

والحكاية جات كده .... فلكم العتبى حتى ترضوا ...

وحتما باذن الله - شغل المئوية القادمة لن يفوت ولن يستثنى أحدا"...

بس انتو شــدوا حيلكم ووصلونا ليها قبل تزايد احباطات الاستفتاء ..

وطبعا لا يفوت على فطنة ( وليس قتنة ) القارىء

ان النجمة المصمم بها شعار الاحتفال لم يكن مقصودا بها لا البادى ولا ابو الزوز ولا من لف لفهــم ..!!

تلييشة :

انتو تعالو ... يا رشاشات

مالكم زعلانين ومحبطين كده ... النتيجة ايجابية جدا ... والصفاقصى ليس بتلك القوة

واكيد شغل المقبرة ده حقكم وبتقدروا عليه ...

بس الناس تعمل حساب حكام عيسى حياتو .. الشغل بقى علنى .. واللى ما يشترى يتفرج ...!!!
Post: #7448
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-01-2010, 08:05 AM
Parent: #7447

يا مبارك والله انا من يومداك عايز اقول لمحمد عيد الشغل ما سمح وشين عديل كده .... وفيهو فرز واضح ... اها فتشت لطابعي يمين شمال ما لقيت ... قلت يمكن مع الناس بالقلبة ديلك وما عرفت نفسي ... قمت اتشقلبت في المكتب علي راسي قلت يمكن القي روحي ... يا زول ناس المكتب قالوا السوداني جنه ... اها قمت نزلت الصورة في الكمبيوتر وقلبتها ... عسي ولعل وبرضو مافيش فايدة ... يا زول ولا يهمك نمشي لواحد مصمم هندي يعمل لينا شعار للمهمشين ... ولا نامت اعين الجبناء ... ولن ننتظر المئوية ... عشان ما تبقي علينا قصة الجماعة ...
Post: #7449
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-01-2010, 08:29 AM
Parent: #7448

BF3B3B97-F2AB-4664-B4AB-DC83675DC5C7.gif Hosting at Sudaneseonline.com

يا فاتن حمامة ... أعمل حسابك ...

انحنا هسه فوتنا ليك موضوع فحص الدم بتاع العيال

وما رضينا نحــرّش بتنا عليك ..!!!
Post: #7450
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-01-2010, 09:14 AM
Parent: #7449

الواحد فيكم يزنقوا يقوم يقول بكلم ليك ,,,, وما عارف شنو .... يا زول ما عندنا ليك اي هدنة الا تعمل لينا واحد تاني زي ده ونكون فيهو وانا واخوي الكاشف مبارك جادين وش ..... شايف اخوي الكاشف بتاع الجبيل وش ...
Post: #7451
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-01-2010, 10:17 AM
Parent: #7450

أخش و لا ما أخش؟؟؟
ولا أقول ليكم...
الليلة يوم شنو؟؟؟
Post: #7452
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-01-2010, 10:35 AM
Parent: #7451

صباح الخير ،،، يا وجوه الخير

أصبحنا واصبح الملك لله وحده ،،،

الناس بتقلب في الصور مالا ،،،،

عليكم بالنظرة السريعة لأن الأولى ليك والتانية عليك

دي ذكرتني واحد من جماعتنا مشى منطقة ريفية بعيدة وكان

العشاء لقمة بالحليب صاحبك دخل يده وقطع ليهو لقمة ووجد

نسبة (الحصحاص) كتيرة تضرس السنون ما قدر الجماعة قالوا ليهو

إنت ما تلوك أبلع ساكت حصحاصه واحدة ما تعتر ليك،،،،

أها يا شاب أبلعوا ساكت ،،،،،

دحين يا زهير دور لي معاك في الصور أنا أسمي مكتوب !
Post: #7459
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-01-2010, 11:57 AM
Parent: #7452

إنت عارف يا ابو الزوز طبعا بعد المشية للسودان دي اكتشفت ليك

إني بقيت اعشى عديل بس ما بعرف اقول شعر و شعرا ذاتو بقوا

يعرفوا ناس جلا ديل و بكتبوا دا ذاتوا انا دا طرفي منو !!!

طبعا محمد عيد زمان كنت قايلو صحبي لكن بعدما شفت الاحتفالية

دي كويس و معنت النظر فيها قلت يا موسى انت ما تظلم الراجل

ساكت امشى جيب النظارة بتاعت الشوف القريب و الله قمت عملت

لي مشوار للسيارة وجبت النظارة لكن في الاخرة لقيت الحكاية

ما ياها قلت الجاتك في صورتك سامحتك و ممكن يا موسى تكون

صور الجماعة الفي الاحتفالية دي صور جديدة نزلوها في فترة

اجازتك دي لكن بعد ما شفت ليك صورة منصور الما بتغباني اللابس

فيها الفنيلة و عامل الشعر خنفس ديك عرفت الشغلة فيها انه !!!

لكن ليك علي نحن ذاتنا داخلينا الغابة و كما دارفور ذاتها قالوا

طلع فيها بترول اه الرهيفة التنقد !! بكرة في جماعة حيجوا يقولوا

لينا انا صورتي ذاتها جابوها بالطرف و لا ما واضحة ؟ اي واحد عندو

احتجاج و لا كلام ذي دا نحن نصبنا العريس ابو الزوز امين سر المهمشين

في البوست و مبارك جادين متحدث رسمي و شخصي الضعيف مفوض فوق العادة ؟؟؟



عموما لك التحية اخي محمد عيد علي هذه الذكري و ما عندمناك انت دائما

صاحب واجب و.
Post: #7453
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-01-2010, 10:39 AM
Parent: #7451

كثير من الاخوان سألوني عن اسم مولودنا الجديد ...
بعتذر لعدم اعلان الاسم ... ولكني لمحت به في مداخلات سابقة ...
الولد سميناهو ... فارس
واكتملت العصابة أحمد ... وعمار .... وفارس ...
طبعا الحدث قديم ... والحمدلله ... الولد طهرنا ... وسجلنا في المدرسة
والأهم في الموضوع امو "تمت الأربعين" .....



ومن الاشياء الطريفة ...
عندما رزق ولدنا النضيف عبدالدايم بنته التانية .... عزاري اخت عناب ....
كتبت هذه الابيات ...

قدم السعد بت النضيف عناب اختها هلت .... والفرحة والرقة في بيتهم صارت دائمه
مرحب هلا اخت عناب العذبة ... قدومك بهجة وحبور والاسرة زادت تانيه
عناب واختها وكمان ديك امهم رايقه ورائعه..حاسب اوعك انت ذاتك تقلب تبقي انثي حانيه
اسأل مجرب...أحمد وعمار وانا ابوهم من عدم البنيه والحيصه ... امهم قلبت رجوله جانيه


فكنت اسخر من صديقي الرقيق عبد الدايم بعد قدوم بنته التانيه بالاضافه لامهم يعمل حسابو ما يطبع بطباع الاناث ...
زي زوجتي ماقلبت راجل في وجود أحمد وعمار وأنا ....
وهسع وحاتكم بعد قدوم فارس بقينا خمسة رجال عديل كده ...
الله يستر عليك يالنضيف ....
Post: #7454
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-01-2010, 10:40 AM
Parent: #7451

حذف للتكرار
Post: #7455
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-01-2010, 10:40 AM
Parent: #7451

المداخلة تكررت مرتين ...
Post: #7456
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-01-2010, 10:49 AM
Parent: #7455

يا ود نجيلة مداخلتك دي ثلاثة طلبات فول ولا شنو
Post: #7457
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-01-2010, 11:00 AM
Parent: #7456

نهاراتكم بالهناء والسرور ...

شكرا يا ود عيد على الإعتذار الرقيق بالرغم من إنك دخلت في السياسة شمال لكن برضو مقبولة منك ...

أبوالزوز يا ود أمي مالك فارزني من المهمشين يا أخي أعتبرني عاشة الفلاتية ...

ياسر نجيلة والله مشتاقين ومبروك طهور الفارس .. بعد كدا يا أخوي قشة ما تعتر ليك وتعال أحجز مقعدك بدري وجيب لينا حكاويك وملخصاتك الحلوة ديك ...
Post: #7458
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-01-2010, 11:51 AM
Parent: #7457

وناس عصام دهب يعملو شنو يا نجيلة اذا الحكاية بالعدد

انا غايتو بقيت اقول لامهم يا بت اقعدى ساكت


وما تنسى حاج حاتم جبارة ودكتور الصادق

انت يا ميسرة حجاج امريكا يحرمو من وين ... ابار بووش
Post: #7460
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-01-2010, 12:08 PM
Parent: #7458

يا دفعة مبروك قدوم الفارس فارس وربنا يخليه ليكم

و كنت عايز اقول ربنا يجعله من ابناء الوطن البارين

لكن رجعت مسحتها لانه الوطن ذاتو بقى في خبر كان و الله

الواحد خايف علي شباب ناس فارس ديل الظاهر السودان

حيرجع لايام السلطنة الزرقاء يعني الواحد لو عايز يكسح

لاهله في سنجه إلا يعمل ليه كم تاشيرة دخول وخروج حتى يصل !!!

و ربنا يكضب الشينة ؟


عموما السمايه متين ؟ و نحن جاهزين بس خليها خميس و جمعة لاني

حامر صحبي ابو شنب كبير داك و شتات و ما عليك الرشيد نحن بنجيبه

معانا و بنغني ليك (نحن برانا ما همانا) .


و إنت مالك و مال صحبي النقيب دودي و الله في ناس عقده عديل و مرشحين

للترقيه لعميد !
Post: #7461
Title: Re: ناس الزقازيق ... أجدع ناس ( 3 ) ..
Author: Tabaldina
Date: 11-01-2010, 12:20 PM
Parent: #7460

..
.
Quote: وهسع وحاتكم بعد قدوم فارس بقينا خمسة رجال عديل كده ...
الله يستر عليك يالنضيف ...

قرقر قرقر قرقر
----------
بالغت يا نجيلة يعنى النضيف
يعمل شنو حسى ؟؟
Post: #7462
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-01-2010, 12:57 PM
Parent: #7461

اعمل فيها سماح انور يا صالح

كمان تقرقر ..... سجم خشمك


سوف تدخل زميلتنا نوال البلول غرفة العمليات صباح الغد
بأذن الله دعواتكم لها بالشغاء وترجع لاولادها بالسلامة
Post: #7463
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-01-2010, 02:23 PM
Parent: #7462

Quote: انت يا ميسرة حجاج امريكا يحرمو من وين ... ابار بووش


والله يا النضيف ضحكت ضحك شديد جداً

آبار سيدنا بوش دي ما سمعنا بيها لسه

**************************************

اللهم أشفى أختنا نوال البلول ،،، وسهل لها

من أمر العملية ويسر لها أمرها وردها إلى أولادها

سالمة غانمة ،،، يا الله يا رب العالمين

نوال حالياً ترقد بمستشفى الجامعة - قسم التنويم الخاص
غرفة رقم 129
موبايل نوال :0564063149
Post: #7464
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-01-2010, 02:38 PM
Parent: #7463

اللهم أشفى أختنا نوال البلول
اللهم أشفى أختنا نوال البلول
اللهم أشفى أختنا نوال البلول
اللهم أشفى أختنا نوال البلول
Post: #7465
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-01-2010, 04:31 PM
Parent: #7464

كل الدعوات للابلة نوال البلول بتمام الشفاء ..... ونتمني لها ان تعود باسرع ما يمكن لاسرتها واولادها .... ويا رب العافية لها ...


قلوبنا معكم ....
Post: #7466
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-01-2010, 05:45 PM
Parent: #7465

للهم أشفى أختنا نوال البلول ،،، وسهل لها

من أمر العملية ويسر لها أمرها وردها إلى أولادها

سالمة غانمة ،،، يا الله يا رب العالمين
Post: #7467
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-01-2010, 05:50 PM
Parent: #7466

يا ود عيد لكن الضان الرسلته لي دك
يمين ود جبارة لو شافه يخلي الحج
Post: #7468
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-01-2010, 07:12 PM
Parent: #7467

للهم أشفى أختنا نوال البلول ،،، وسهل لها

من أمر العملية ويسر لها أمرها وردها إلى أولادها

سالمة غانمة ،،، يا الله يا رب العالمين
Post: #7469
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-02-2010, 02:11 AM
Parent: #7468

ربنا يشفي اختنا نوال
وتقوم انشاءالله بالسلامة
يا موسى عيسى والله الموقع بتاع الناطق الرسمي
كويس جدا ومقبولة
ابو فارس مبروك سماية فارس
جعله الله فارس للحمى


يا ود عيد الاعتذار مقبولة لكن الواضح انو المهمشين كتار
بعدانضمام الاخ موسى عيسى
Post: #7470
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-02-2010, 07:30 AM
Parent: #7469

(ربى إن اختنا نوال البلول قد مسها الضُر و أنت أرحم الراحمين )

اللهم اشفها شفاء ليس بعده سقما ابدا..اللهم خذ بيدها اللهم

احرسها بعينيك التى لا تنام . واكفها بركنك الذى لا يرام و احفظها

بعزك الذى لا يُضام .و اكلأها فى الليل و فى النهار .

و ارحمها بقدرتك عليها ّ.أنت ثقتها و رجائها يا كاشف الهم .

يا مُفرج الكرب يا مُجيب دعوة المُضطرين .اللهم البسها ثوب الصحة

والعافية عاجلا غير اجلا ياأرحم الراحمين..

اللهم اشفها اللهم اشفها اللهم اشفها..اللهم امين.
Post: #7471
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-02-2010, 07:41 AM
Parent: #7470

صندوق التكافل الاجتماعي


صندوق التكافل الاجتماعي طريقنا للاطمئنان والثقة ,,,, ومزيداً من التكافل الاجتماعي .... والترابط .... يلا ناس لا تفوتكم فرصة ان تسهموا في زيادة ان يظل هذا الترابط الاجتماعي في نمو وازدياد ...
Post: #7472
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-02-2010, 07:42 AM
Parent: #7469

اللهم أشفى أختنا نوال البلول
اللهم أشفى أختنا نوال البلول
اللهم أشفى أختنا نوال البلول
اللهم أشفى أختنا نوال البلول


الاخوان الاعزاء
صباحاتكم بيض
وفل الفل
Post: #7473
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-02-2010, 07:44 AM
Parent: #7469

صبحكم الله بالخير

نسأل الله أن يعافي الأخت نوال و يتمم لها العافيه و يديمها عليها...

مع اشراقة هذا الصباح و نسماته الجميلة..
سألت الله خير ما في هذا اليوم...و خير ما بعده...
و تعوذت به من شر ما في هذا اليوم.. و شر ما بعده..
و شعرت بكثير من الأمل و التفاؤل..
و قلت في نفسي ان بامكان الانسان أن يجعل من يومه جيدا أو سيئا...
و ذلك بالنظر بايجابية الى كل الأشياء التي تمر به في يومه...
حتى و ان كانت سلبية...و له أن يفلسفها كيف يشاء...
من منظور ديني و هذا هو الأفضل أو فلسفي أو غيره...
و هذه النظره الايجابية تنعكس بصورة موجبة على يومك و ربما حياتك كلها...
و مجرد اليقين بأنه ليس هنالك سعادة مطلقة أو شقاء مطلق في هذه الدنيا..
يكون معينا لك في تجاوز كثير من المعوقات و المشاكل...
كان بامكاني أن أورد الكثير من الأحاديث النبوية و بعض الآيات...
و لكنني ولعلمي بأنكم تعرفونها جيدا لم أوردها...
بل أردت فقط أن أحدثكم من القلب الى القلب..
و بما أوحته الي تلك اللحظة هذا الصباح مع انبثاق أول ضوء...

دمتم دائما طيين و متفائلين...
Post: #7474
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-02-2010, 08:01 AM
Parent: #7473

يا نضيف انت في عصام دهب ...
ولا ولدنا محمد عثمان "حاج الركز" ... قال بتنا عفاف تعبت من لعب الكورة ... بتفتش في نادي تتعلم تاكندو .... عشان كده اخير ليك بناتك ديل ... حنان وحلوات ...
عمايلكم وحركاتكم دي الطفشت تبلدينا وهاني برعي .... جيبو نماذج حلوه عشان الشباب تدخل القفص ... والله صدق السماهو قفص ....
يابادي ياوجيه ... وحاتك بعد العصابة العندي في البيت ... تاني تفتشوني بالفتاشه ... وين القي المزاج ... يارايق انت ... غايتو الله يستر على ود اختك يوم 18 نوفمبر ... انا بضمن واحد من راجي وآخر من "طمبج" ....
حج مبروك وسعي مشكور وذنب مغفور ... باذن الله يا حاتم جبارة ...
طارق جبريل ... كويس انو المداخلة بقت 3 مرات بس ... تخيل عملت المداخلة بعد ما قريت ايميل محمد عيد بتاع "الضان" ....
مبارك جادين ... سمايه شنو يااخوي الجاي تكوس ليها هسع .... زمان عملناها وكمان نصيب ود جبرين رسلناهو "طلح"... الولد طهرنا وسجلنا في المدرسة ... رسل انت مصاريف الفطور بتاعه الولد سريع يا عمو ...
موسي عيسي ... وطن مفقود .. نتمناه مع عمار بن ياسر وفارس يعود ... بقينا مهزله الامم ... بعد ماكنا بنفاخر بهويتنا وثقافتنا ... الواحد بقي يخجل ... واحد من اخوانا العرب قالها لي عديل وفي اجتماع "يازول ... ماعارفين تتفاهمو مع بعض وتحافظو على بلدكم جاي تنظر هنا" سكت وبلعتها ... وكل سكاكين العالم غرزت في قلبي حتي ولو نبرته فيها شئ من الدعابه ... على أمل ان اردها له في مقبل الأيام ان كان هناك ... عمر ...
شباب ولدنا منصور ... مهكر ... ماعارف يدخل الموقع ... شوفو ليهو طريقه سريع ... خبر على ذمه زهير الزناتي ...

================================================
انتو بتنا نوال البلول حتعمل عمليه شنو .....؟!!!
اللهم رب الناس اذهب البأس اشف انت الشافى شفاء لايغادر سقما
Post: #7475
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-02-2010, 08:18 AM
Parent: #7474

الامنيات الصادقة نسوقها للاخت العزيزة نوال البلول بأن يمن الله عليها بالشفاء التام
ونسأله سبحانه وتعالى ان يتمم عافيتها ويعجل شفاؤها .....
اللهم رب الناس اذهب البأس
-------
تلفون عثمان الجيلي ياشباب
Post: #7476
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-02-2010, 08:22 AM
Parent: #7474

يا نجيلة سلامات ... نوال البلول منذ الثامنة صباحاً في غرفة العمليات .... ربنا يكتب ليها السلامة .... لديها مشكلة في رجلها اليمني ... اللهم اشفها ... وعافها ... تلفون عثمان الجيلي 00966563107975


بعدين خبر منصور مهكر ده ناسبو لمصدره كده كانما خبر مشكوك فيه او ان منصور لا يهكر .... والله منصور طاشي شبكة من اول امبارح لمن آمن ذاتو .... قال علي ذمة زهير الزناتي قال .... طيب ما ترسلو ليهو تقني كمبيوتر .... ومختص شبكات يا ناس الرياض .... كبيركم الذي علمكم السحر ... اصبح يحتاج لساحر ... اللهم ابعد عنا شر الهكر ... وطششان الشبكات ....


اها حصلوا بهناك عبد الحفيظ عباس يحمل هراوة وكل من لم يدفع مساهمة تاسيسه خلال اسبوع من تاريخه يعتبر نفسه في عداد المفقودين ... ناس الداخل دفوا وقربوا يكملوا الاسهم .....

شركة الزقازيق القابضة
Post: #7477
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-02-2010, 09:43 AM
Parent: #7476

الحمد لله ان الاخت نوال البلول قد خرجت من العملية بسلام .... وهي الآن في الافاقة ..... ربنا عجل بشفاءها ....
Post: #7478
Title: Re: ناس الزقازيق ... أجدع ناس ( 3 ) ..
Author: مشاعر بدوي
Date: 11-02-2010, 11:10 AM
Parent: #7477

صباحكم خير ........

العزيزه نوال البلول تمنياتى ودعواتى بالشفاء العاجل
وانشاء الله يا رب تقومى بالسلامة ونسمع عنك كل الخير




صديقي الزناتى حمد لله على وصول ابتهاج والاولاد بالسلامة
وتحياتى لهم .
Post: #7479
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-02-2010, 12:12 PM
Parent: #7478

سلام يا شباب
يا عبد الحفيظ ياخي انا عندي مشكلة في التحويل
ودي ما عندها حل كله كله لانه متعلقة بقانون الإرهاب
التحويل من المغرب ممنوع كله كله
يعني تحول للمغرب اوكي
لكن تطلع منه قروش نهي نهي نهي
حتى مصاريف الحاج انا بوصلها بطرق ملتوية شديد
يا طالب بيدرس هنا اديهو قروش يقوم ابهوه يسلم الحاج القروش
يا سوداني متزوج مغربية هنا اديها قروش يقوم راجلها يسدد للحاج بهناك
ودة ظرف انا ما بقدر اتحكم فيه نهائي القروش جاهزة بس التحويل مشكلة
بيبقى الحل الوحيد الامامي هو انه انا جايي للعيد ان شاء الله ودي الحالة الوحيدة المسموح لي فيها بتحويل قروش
ولا حا ادخل في حيص بيص شديد
غير كدة ما عارف اسوي شنو
افيدونا افادكم الله
Post: #7480
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-02-2010, 12:21 PM
Parent: #7479

يا سوداني متزوج مغربية هنا اديها قروش يقوم راجلها يسدد للحاج بهناك

تبقى الجملة الصحيحة هكذا..

يا سوداني متزوج مغربية هنا اديها قروش يقوم راجلها يسدد لعبدالحفيظ بهناك


معنى كده يا جبريلا انك محوووووش فلووووس آآآآد كده على آآآلبك ...



مشاعر بدوى القحة ولا صمة الخشم يا قول واحدة من لكوظ ....
Post: #7481
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-02-2010, 01:27 PM
Parent: #7480

يا النضيف ياخي ما عندي مشكلة
في التحويل عن طريق السوداني المتزوج مغربية
القصة ما ساهلة كدة
يمكن السوداني دة الشهر دة عايز يغنج للمرة دي
في الحالة دي انا اسوي شنو
لانه اسبوع دي ضيقة شديد ياخي
كدي نشوف راي اخونا عبد الحفيظ في الحتة دي شنو
Post: #7482
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-02-2010, 02:50 PM
Parent: #7481

مساء الخير يا زقازيق،،،

أبشر الأخوة بأن الأخـت نوال البلول قد فاقت من البنج

وتحولت من غرفة العناية المركزة إلى غرفتها الخاصة الدور الثاني 129

مستشفى الجامعة - القسم الخاص ،،،،

ونتمنى لها أن تتماثل للشفاء وأن تتكلل نتائج العملية بالنجاح الكامل

يا ناس جدة ،،،، موعدنا اليومي في المستشفى بعد صلاة المغرب ،،،،

تنتهي الزيارة الساعة التاسعة مساءً ..
Post: #7483
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-02-2010, 03:13 PM
Parent: #7482

نرجو تبليغ امنياتنا القلبية بعاجل الشفاء للاخت نوال ياريس
وطمنونا على صحتها بالله ...
عاجل الشفاء وتمام الصحة بإذن الله
Post: #7484
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-02-2010, 03:57 PM
Parent: #7483

الف سلامة لي اختنا نوال
Post: #7485
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-03-2010, 05:31 AM
Parent: #7484

دعواتنا لبتنا نوال البلول
اللهم رب الناس اذهب البأس اشف انت الشافى شفاء لايغادر سقما
Post: #7486
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-03-2010, 05:41 AM
Parent: #7485

اللهم اشف اختنا نوال شفاء ليس بعده سقما ابدا..

اللهم خذ بيدها اللهم احرسها بعينيك التى لا تنام .
Post: #7487
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-03-2010, 07:22 AM
Parent: #7486

اللهم رب الناس أذهب البأس
أشفي أنت الشافي لا شفاء إلا شفاؤك شفاءا لا يغادر سقما
اللهم داوي زميلتنا نوال البلول وأشفها بشفائك وأعنها
بفضلك عمن سواك وأبعد عنها كل مايؤذيها
Post: #7488
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-03-2010, 07:30 AM
Parent: #7486

صباح الخير ،،، يا وجوه الخير

أصبحنا وأصبح الملك لله وحده ،،،

مناجاة وإبتهال :

إلهي !
لو لا أنك الفضل تجود،،،،،،
ما كان عبدُك إلى الذنب يعُود

ولو لا محبتُك للغفران ،،،
ما أمهلت من يُبارزُك بالعصيان،،،
وأسبلت سترك على من تسربل بالنسيان،،،

إلهي !
ما أمرتنا بالإستغفار
إلا وأنت تُريُد المغفره
ولو لا كرمك ما ألهمتنا المعذرة
Post: #7489
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-03-2010, 07:47 AM
Parent: #7488

براعة اللغة العربية

بيتان غريبان

*هذا البيت لا يتحرك اللسان بقراءته‎:

آب همي وهم بي أحبابــي

همهم ما بهم وهمي مابي

------------ --------- --------- --------- --------- --------- ----

*وهذا البيت لا تتحرك بقراءته الشفتان‎:

قطعنا على قطع القطا قطع ليلة‎
سراعا على الخيل العتاق اللاحقي



أغرب شعر:

هذه أبيات من الشعر لكن فيها العجب العجاب و فيها أحتراف وصناعة للشعر:

ألـــــوم صديقـــــي وهـــــــــذا محـــــــــال

صديقـ ـي أحبـــــــه كـــــــــلام يقــــــــــال

وهـــــذا كـــــــلام بليـــــــغ الجمـــــــــال

محــــال يــــــــقال الجمـــــــال خيــــــــال

الغريــب في هذه الأبيات ..أنــك تستطيع قراءتها .أفقيا ورأسياً.!







مودته تدوم لكل هول **** وهل كل مودته تدوم

إقرأ البيت بالمقلوب حرفا حرفا واكتشف الإبداع ...
حيث ان هذا البيت يقرا من الجهتين كلمة كلمة
Post: #7490
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-03-2010, 08:03 AM
Parent: #7488

سلام يا شباب ...

الحمد لله فقد تكللت عملية الاستاذة نوال البلول بالنجاح .... ونتمني ان تعود كما كانت في سابق عهدها نشاط وحيوية ...وان تعود لابنائها الذين بكل تاكيد سفتقدونها في هذا العيد ....
Post: #7491
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-03-2010, 08:13 AM
Parent: #7490

Quote: اللهم رب الناس أذهب البأس
أشفي أنت الشافي لا شفاء إلا شفاؤك شفاءا لا يغادر سقما
اللهم داوي زميلتنا نوال البلول وأشفها بشفائك وأعنها
بفضلك عمن سواك وأبعد عنها كل مايؤذيها
Post: #7492
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-03-2010, 12:46 PM
Parent: #7491


مراحل عمر الانسان‏








مراحل عمر الانسان‏


قيل للحمار
أنت ستكون حماراً وستعمل دون تذمر من طلوع الشمس لمغربها

وستحمل فوق ظهرك أحمالاً ثقيلة، وستأكل الشعير

سوف لن تتمتع بأي ذكاء، وستعيش حياة طولها خمسين سنة

قال الحمار

سأكون حماراً ، ولكن خمسين سنة كثيرٌ جداً ، اريد فقط عشرين

فكان له ما أراد

قيل لل######

ستكون ######اً

ستحرس منازل بني البشر ، وستكون أفضل صديق للإنسان

ستأكل من الفضلات التي يتركها لك ، وستعيش حياة طولها ثلاثون عاماً

قال ال######

ثلاثين سنة كثيرة جداً ، اريد فقط خمسة عشر

فكان له ما أراد

قيل للقرد

ستكون قرداً

تتأرجح من غصن لغصن ، وتقوم بعمل الخدع لإضحاك الآخرين

سوف تعيش حياة طولها عشرين سنة

قال القرد

عشرين سنة!!كثير جداً ،اريد فقط عشر سنوات

فكان له ماأراد

وأخير الإنسان

قيل له أنت الإنسان ، المخلوق الأكثر ذكاءً على وجه الأرض

وستستعمل ذكاءك لتجعل منك سيداً على باقي الحيوانات, وتسيطر على العالم وسوف تعيش حياة طولها عشرين سنة

قال الإنسان

سأكون إنساناً لأعيش عشرين سنة فقط هذا قليل جداً

اريد الثلاثين سنة التي لم يرغب بها الحمار

والخمسة عشر سنة التي لم يرغب بها ال######

والعشر سنوات التي لم يرغب بها القرد

وكان له ما أراد

ومنذ ذلك الزمان والإنسان يعيش

عشرين سنة كإنسان…. حتى يتزوج بعدها

ويعيش ثلاثين سنة كالحمار…

يكد و يعمل من طلوع الشمس لمغربها ويحمل الأثقال على ظهره

وبعدها عندما يكبر الأبناء

يعيش خمسة عشر عاماً كال######

يحرس المنزل ويأكل من الفضلات التي يتركها غيره

وبعدها عندما يشيخ ويتقاعد

يعيش عشر سنوات كالقرد….

يتنقل من بيت لبيت ومن ابن لآخر أو من بنت لأخرى

يعمل الخدع لإضحاك أحفاده وحفيداته!!!
Post: #7493
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-03-2010, 01:00 PM
Parent: #7492

عصرت علينا شديد يا عيد ياخ ...

غايتو وبما اننا لازلنا لم نبرح مرحلة "الحمرنة" ما بنقدر نفتى ليك في المراحل التالية.
غايتو ننتظر الناس الوصولوا المراحل البعد كدة يدونا خارطة طريق ...
Post: #7494
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-03-2010, 02:12 PM
Parent: #7493

Quote: غايتو وبما اننا لازلنا لم نبرح مرحلة "الحمرنة" ما بنقدر نفتى ليك في المراحل التالية.
غايتو ننتظر الناس الوصولوا المراحل البعد كدة يدونا خارطة طريق ...


ابو الجل يا حبيب ...

غايتو الناس كلها ( الكبار والصغر )

حيقولوا .. يادوب ابتدوا مرحلة الحمرنة

طيب منو العدى منها ؟؟

يكونش صالح تبلدينا وهانى برعى ؟؟؟!
Post: #7495
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-03-2010, 05:33 PM
Parent: #7494

ألف ألف سلامة للأخت نوال البلول



ألهم رب العرش...
أذهب البأس واشفها شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـنوال من وجع .
Post: #7496
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-03-2010, 05:58 PM
Parent: #7495

بلا خبر تلقى الخبر مالي البلد
قالوا العريس قام بالأحد
الحلة جاطت والحريم يتهامسن جاي الولد
كوم من بنات للبير ورد يتحدثن جاي الولد
يابختها وشوقنا نحن اللينا جمر الشوق وقد
*****
لامن خلاص الليل دخل
آخر شعاع من الشمس روح نزل
ضو القميره جاء من بعيد بهر قدل
دافر ظلام الحله قدامو وصل
****
ناس البلد النام رقد
والماسك السبحي عبد
مشغول هو بى خبر العريس القالوا قام بالأحد
الليلة هناك بعيد بقادي في آخر الديار
راكوبة ضلها أحر من حر النهار
كوم من بروش وجريد تمر عيدان صغار
دلوق هدوم موروثة من زمن الكبار
تلات عناقريباً صغار كرابه منقطع نزل
والنوم من البى فوقها روح داك جفل
***
راقد هناك كوم من ضياع
مركب مسافرة بلا شراع
وأحلام مسافرة بلا وداع
دموع ضياع تجاره من غير انقطاع
أحرف أنين ما خطتن إيد بيراع
بت البلد عبراتها سدت في الحلق
تبكي تنوح تشرب دموعها تنشرق
لمن حسيس نقارة جاها من الشرق
***
قامت على الحيل صنقرت
شالت طريحتها للدميعات كفكفت
أتذكرت فجاة السنين الفاتو جن
وأيام زمان اتلملمن
أتذكرت كانت تقوم فجراً صباح
لمن يقموا أهل الصلاح
وأبوها شايل السبحي صاح
ياشفعه شدي سريع سوي الملاح
شيلي المناجل وأمشي قدامي الجرف
أتذكر كانت تسبقو تمشي تنـزل بي تِحِتْ
تمسك صبيت التمرة بايده تَحِتْ
تقعد تحش اللوبي لي الكاويق تقش
تصل البحر والموج يداعبها فوق هدومه ينط يرش
وبعدين تشيل القش تفوت واليوم يفوت
وتفوت سنين وتمر سنين يكبر عمير بت البلد
ويكبر معاه كمان حنين
الليله في يوماً صباحو صباح هنا
واحة عبير نغمة غنا
ريحة لبينه مقننه
مر الجنى وسلم على بت البلد
ذي عادتو سلم وأبتعد
تابعاه عين بت البلد
بت البلد سمعت ضريبات القلب
ياالله مالو ده ها القلب
بعد الثبات كيفن خرب
بت البلد عرفت تحب
***
واليوم داك وماجاها نوم
مادام خيال ود البلد يمشي يحوم
بين الخيال شافت وجيهو الهاش وباش
شافت عيونو الفيها فيض أحلامها عاش
شافت سحاب الريدة فوق واديها راش
الليلة تاهت مع الشوق الما عاد ينكتم
والصورة هاد في قليبه صبح وسم
تاهت مشت سايقاها دقات الدليب
لي دار حبيبها منى القليب
لي قعده عصراوية فوق العنقريب
لي الونسة والخاطر يطيب
لي مسكة في أيد الحبيب
***
الوقفة قدم الجنيات
القرمصيص وغنا البنات
ياالله وين تلقى الثبات
والصفقة من تال الولاد
تسمعها جاياها من أخر بلاد
أتذكرت قول حاج مُحُمد والدها
حالف بي يمين ود البلد ما يخدها
لو كان ركع قدامها صلى يعبدها
***
أتذكرت قول حاج مُحُمد والدها
وصف العريس الجاي بقطر الأحد
كتَّر محاسنو عددها ....
راجل موظف عندو مال
يأويك في بيتاً حلال
تبقي لو أماً للعيال
أتذكرت كيف الحبيب ود البلد
في الغربة سافر وأبتعد
بكت لمن الخبر زاع في البلد
أنو العريس قام بالأحد
***
الحلة جاطت والحريم يتهامسن جاي الولد
لكنهن ما عرفن الشوق كيف وقد
ما عرفن هي شوقها تب ما عندو حد
مو للعريس للحبيب ود البلد
دا الراح في زحمة ضياع ما توجد
يا حليلك إنت يا بت البلد


قصيدة تقطع النفس ياخي
Post: #7497
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-03-2010, 07:38 PM
Parent: #7496

مساكم اللهههه بالخير

المشغوليات كتيرة جدا الأيام و حارماني منكم بالحيل...
الواحد من السباح يهنق...سوري قصدي يكورك لمن صوتي اتقرش...

يا حمادة الزمن اتغير ياخي...و فترة الحمرنة دي بقت أطول مما ذكرت...
و يمكن كمان تكون المراحل دي تداخلت مع بعضها البعض...
يعني الواحد فينا يكد و يكد حتى يدخل في المرحلة التالية دون أن يفطن لذلك...
و ان كان طلب العلم من المهد الى اللحد...
فلقد أصبح الكد و طلب الرزق بنفس القدر...من المهد الى اللحد...
فامتدت مرحلة الحمرنة و اختذلت المراحل الأخرى...
و أعتقد ان ده من مصلحتنا ياخي...
مرحلة الوفاء و الحراسة و أكل الفضلات دي ما عندنا فيها كلام...
الكلام في مرحلة القرد دي...

Quote: قصيدة تقطع النفس ياخي


ياخي يا جبريلا تقطع النفس ساكت...
دي وحاتك عايزة الواحد يشيل معاهو زمزمية عديل كدة عشان يقراها للآخر...
لكن قصيدة لذيذة...
بشوفك قاعد تستعد عاطفيا لي مشية السودان...
عل يا أخوي بت الشيخ شافت جنس قصايدك دي...
شكلك كده ناوي ترجع من اجازة السودان و حتشوف ليك واحد في المغرب تدفع ليهو...
و واحد يدي الممحونة القاعدة في السودان القروش...
بس ان شاء الله ما تشيل طريحته تقشقش دميعات ندامه....
Post: #7498
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-03-2010, 10:12 PM
Parent: #7497

طارق
أنت خير مثال للشايقي الجرسة

قالو
الشوايقا قالو أجمل اشعارهم في الغربة
ولمن تجي تباريها تلقاهم إغتربو من مروي لي شندي

كلها خمستاشر كيلو متر

إنت يا أخوي الواحد يباري بوستاتك في المنبر العام
يلقاها كلها وحويح وبكاء ومخاخيت
على الطلاق إنت اكان إغتربت معانا في الرياض
يلقوك تلقط الورق في الشارع

يمين يا طارق في بني آدمين في البلد
دي
يحسسوك بالغربة في كل ثانية
وإنت قاعد في بلد بي جاي بحر وبي جاي بحر
بي جاي جمال وبي جاي خضرة
وقاعد تتوحوح
إنت راجل متمرد عدييييييييييل

بعدين زي ما قال ليك الرشيد
دي شنو الغنية البتقطع النفس دي

تحياتي
Post: #7499
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 11-04-2010, 00:00 AM
Parent: #7498

تحية وشوق لكل الزقازيقاب اينما كانوا

والف حمدآ على السلامة لأختنا الاستاذة نوال البلول


توفي يوم أمس بالسودان شقيق زميلنا محمود محمد آدم ( تربية )

نسأل الله عز وجل له الرحمة والمغفرة وان يتقبله قبولآ حسنآ

وعزائنا للأخ محمود محمد آدم وانشاء الله آخر الأحزان

تلفون محمود 00966508925899
Post: #7500
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-04-2010, 00:30 AM
Parent: #7499

عثمان ازيك

تعازينا الحارة للاخ محمود محمد آدم
وتقبل الله الفقيد قبولا حسنا





الرشيد وكيمو
ادخلون هني:
وحات الله انا كِتِل..
Post: #7501
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-04-2010, 05:45 AM
Parent: #7500

صباح الهناء والسرور...

أصبحنا وأصبح الملك لله ...

اللهم نسألك خير هذا اليوم عاجله وآجله ...

اللهم نعوذ بك من شر هذا اليوم عاجله وآجله ...
Post: #7502
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-04-2010, 05:45 AM
Parent: #7500

تعازينا الحارة للاخ محمود محمد آدم والاسرة
وتقبل الله الفقيد قبولا حسنا
انا لله وانا اليه راجعون ....






=============================================
طارق جبريل شكلك كده نازل الاجازة وناوي... تعيد كل الماضي ...
الله يستر على ام العيال ....


ولدنا محمد عيد ... كل سنة وانت طيب ... جهجهتنا في باقي عمرنا ......
Post: #7503
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-04-2010, 06:06 AM
Parent: #7502

تعازينا الحارة لأخونا محمود محمد آدم ...

اللهم أرحمه وتقبله قبولا حسنا .. آمين ...
Post: #7504
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-04-2010, 06:20 AM
Parent: #7503

سلام لاجدع ناس ...

خالص العزاء للاخ محمود ... رحم الله الفقيد رحمة واسعة واسكنه فسيح جناته مع الصديقين والشهداء ...
Post: #7505
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-04-2010, 06:32 AM
Parent: #7504

Quote: سلام لاجدع ناس ...

خالص العزاء للاخ محمود ... رحم الله الفقيد رحمة واسعة واسكنه فسيح جناته مع الصديقين والشهداء ...
Post: #7506
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-04-2010, 06:40 AM
Parent: #7505

يا جلا سلامات ...

تصدق فتحت البوست للمرة الثانية قلت اسال منك .... اتاريك ليك بركات ... دي ظاهر من الحج السري ...


تحت تحت كده ....


مشتاقين
Post: #7507
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-04-2010, 06:45 AM
Parent: #7506

خالص التعازي للاخ الصديق محمود محمد آدم
ونسأل الله ان يتقبل الفقيد القبول الحسن ويجعل الجنة مثواه
إنا لله وإنا إليه راجعون
...
Post: #7508
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-04-2010, 06:57 AM
Parent: #7507

خالص التعازى للاخ محمود والاسرة الكريمة

انا لله وانا اليه راجعون


الدوام لله
Post: #7509
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-04-2010, 07:00 AM
Parent: #7506



صادق العزاء لأخونا محمود محمد آدم في وفاة أخيه
نسأل الله له واسع الرحمة والمغفرة
اللهم زيد من حسناته وتجاوز عن سيئاته وأحسن مثواه
اللهم الحقه بالصالحين في الفردوس الأعلى وأحعل قبره
روضة من رياض الجنة
Post: #7510
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-04-2010, 07:08 AM
Parent: #7509

Quote: يا جلا سلامات ...

تصدق فتحت البوست للمرة الثانية قلت اسال منك .... اتاريك ليك بركات ... دي ظاهر من الحج السري ...

كان ما أخاف الكضب
كان قلت ليك
أنا في مكة
Post: #7511
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-04-2010, 09:13 AM
Parent: #7510

سلام لاجدع ناس ...

خالص العزاء للاخ محمود ... رحم الله الفقيد رحمة واسعة واسكنه فسيح جناته مع الصديقين والشهداء ...
Post: #7512
Title: Re: ناس الزقازيق ... أجدع ناس ( 3 ) ..
Author: Tabaldina
Date: 11-04-2010, 09:59 AM
Parent: #7511

..
.
احر التعازى للاخ محمود محمد آدم والاسرة
وتقبل الله الفقيد قبولا حسنا
انا لله وانا اليه راجعون ....

-----------

والف حمدالله على سلامة الإستاذة نوال البلول
Post: #7513
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-04-2010, 10:33 AM
Parent: #7512

خالص العزاء للاخ محمود ... رحم الله الفقيد رحمة واسعة واسكنه فسيح جناته مع الصديقين والشهداء ...
Post: #7514
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-04-2010, 10:44 AM
Parent: #7513

يا ود نجيلة ما تجيب لينا الهوا ياخي
Post: #7515
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-04-2010, 11:06 AM
Parent: #7513

صبحكم الله بالخير

في الخليج تستخدم بعض الكلمات الانجليزية و كأنها كلمات عربية..
ليس ذلك و حسب بل و تنطق كما ينطقها الهنود أو الآسيوين عموما...
فمثلا يطلق على السائق درويل و هي مشتقة من الكلمة الانجليزية Driver..
و لأن الهنود ينطقون خرف الV مثل الW فينطقونها Driwer...
كذلك الرجوع الى الخلف يطلق عليه ريويس و هي مشتقة من reverse...
و على رخصة القيادة ليسن و أطنها واضحة هذه...
و هذه الكلمات و غيرها كثير تستخدم بصورة عادية في سياق الكلام...
و أنا هنا بصدد رخصة القيادة أو الليسن...
فالمعروف هنا ان شركات تأجير السيارات تمتنع من تأجير سياراتها للذين
استخرجوا رخص القيادة حديثا خوفا من أن يتسببوا في حوادث للسيارات...
فأصبحت كلمة ليسن جديد كأنك مصاب بالجرب...لا شركة تأجر ليك سيارة...
و لا حتى صديق يسلفك سيارة...
آل ايه...ليسن جديد...
ربطت هذا الأمر و أنا أتكلم مع الأخ عثمان الجيلي مطمئنا على صحة الأخت نوال...
نشر أبو الزوز ان الأخت نوال خرجت من العملية و هي بالانعاش الآن...
لكني عندما تكلمت مع عثمان الجيلي أخبرني بأن نوال لا تزال في العملية..
و لكن زهير قال في الانعاش الآن...
قلت ما مشكلة أبو الزوز ده لسه ليسنو جديد...
يا دوب قيده الصحفي ما كمل شهرين...

ودعتكم الله أنا ماشي أهلي و العايز يرد علي يضرب لي تلفون أحسن...
Post: #7516
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 11-04-2010, 08:14 PM
Parent: #7515

بسم الله الرحمن الرحيم

( وبشر الصابرين الذين اذا اصابتهم مصيبة قالوا إنا لله وإنا اليه راجعون)

تعازينا للاخ / محمود محمد ادم
في وفاة شقيقة ونسأل الله ان يتقبله في الصالحين والشهداء

عثمان الجيلي
Post: #7517
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-05-2010, 01:42 PM
Parent: #7516

خالص العزاء للاخ محمود



اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #7518
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-06-2010, 05:59 AM
Parent: #7517

يا رشدي سلام ...


تصدق مداخلتك لم اقراها الا صباح السبت ..... لذا الرد لم يكن فورياً.... علي العموم يا حبيب .... انا جبت المعلومة من عثمان الجيلي ... شخصياً وعندي تسجيل صوتي .... ليهو .... بس الراجل معذور فهي لحظات عصيبة تفقد الانسان توازنه وتركيزه .... وبتحديد العبارة قال لي (انهافي الافاقة) ودي يطرشني فيها اول مرة اسمعها ....
Post: #7519
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-06-2010, 06:45 AM
Parent: #7518

Why You Should Grow A Mustache

Quote: Why? Because it's for a good cause.
Movember (formerly known as November) is upon us, the time of the year when growing a mustache will be the coolest thing you do. For 30 days men participating in Movember will be required to grow their mustaches to raise awareness and funds to help find a cure for prostate and testicular cancer. Can’t grow a mustache, or you’re not a man? No problem, the charity is open to anyone and everyone..


How can you help? Easy: You can either donate to the AskMen team, create your own “Mo Space” or team and spread the word, or even sign up to join our team and become an AskMen Movember Ambassador (that’s the coolest title in the world, if you ask us).

Sign up or donate now and make a difference -- everything you do will help, big or small!
Post: #7520
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-06-2010, 08:02 AM
Parent: #7519

وصــل بحمد الله تعالى الى مكة المكرمة

الحاج ( العلنـــى ) .. حاتم جبارة ...

ويقيم الآن بالقرب من الحرم المكى ويتمتع بالصلاة والطواف بالبيت ..

وهو يرسل التحايا للجميع ويدعو لهم ...

ويطلب ممن يريد الاتصال به ان يبتعد عن الجمجرة معه حتى لا تفسد عبادته ...

من جانبى .. نصحته بعد الرد على اى اتصال يأتيه من ود جبرين او كمال الشادى .. هههه ..!

غدا الاحد بحول الله سيتم نقلهم الى المدينة المنورة حتى نهاية الاسبوع ....

للتواصل مع حاتم .. هاتفه الجوال : 00966535035389
Post: #7521
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-06-2010, 08:07 AM
Parent: #7519

صباح الخير ،،، يا وجوه الخير


صادق العزاء لأخونا محمود محمد آدم في وفاة أخيه
نسأل الله له واسع الرحمة والمغفرة
اللهم زيد من حسناته وتجاوز عن سيئاته وأحسن مثواه
اللهم الحقه بالصالحين في الفردوس الأعلى وأحعل قبره
روضة من رياض الجنة
Post: #7522
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-06-2010, 10:52 AM
Parent: #7521

صادق العزاء للاخ محمود محمد ادم و الرحمة

و المغفرة للفقيد و نسال الله ان يتغمده بواسع

الرحمة وان يسكنه فسيح جناته مع الصديقين والشهداء.



الف حمدلله علي السلامة الحاج العلني حاتم جبارة وانشاء

الله ربنا يتقبل الحجة و ان يكتب لك و من معك من الحجاج

في كل خطوة بركة و ان يحفظكم و يرجعكم إلي دياركم سالمين

غانمين .
Post: #7523
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-06-2010, 11:02 AM
Parent: #7521

صبحكم الله بالخير

مالكم يا جماعة سحروكم و لا أدوكم عين...
صحي باجيو في الحج و جبريلا بيستعد للعيد و قاعد يحسب...
ده حق الخروف و ده لي خالتي فلانه و ده لي عمتي فلانه و ده لي حاجه فلانه...
يقوم يرفع الميزانية شويه و يقعد يحسب تاني...
نسأل الله انها تظبط معاك يا جبريلا و تبل شوقك شوية...
كما نتمني لي باجيو حجا مقبولا و بقولو ليهو ما تنسانا من صالح الدعوات...
و بالله خصني بالدعاء يا حاتم و عشان ما تنسى أربط ليك بانده في يدك...
كنت عايز أقول ليك في شعرك لكن اتذكرت...
و جلا عيان...ان ربنا يواليك بالعافيه يا جلا و يتم عليك العافية...
منصور يعاني من مشكلة في الكمبيوتر بعد أستهدافه بفيروس...
لكن ده كلو ما سبب يخليكم تنومو قدر كده...
Post: #7524
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-06-2010, 12:07 PM
Parent: #7523

والله يا الرشيد الميزانية دي ابت تزبظ كله كله
اختي الكبيرة قالت لي تعال بل شوقك واتغابى العرفة في الناس
Post: #7525
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 11-06-2010, 02:18 PM
Parent: #7524

الرائعـــــــــــون... والرائعــــــــون جـــــددددددددددددا

ناسنا ناس الزقازيق...

دوما الرائعون مثل الاحجار الكريمة ...
لانصنعهم،،،ولكن نبحث عنهم..
في بعض الاحيان تبحث كثيرا ولن تجد الاحجار الكريمة..
وكذا الرائعون فهم خام نادر..غالي نفيس...
بعض الاحيان تبحث عنهم وهم في اعماقك تحملهم حباً وودا وشوقا...
ولكن مشاغل الحياة تنسيك الكثير ...كالذي يحمل مفتاح السيارة بيده ويبحث عنهم في مكان اخر ...
او الذي يحمل الموبايل ويتحدث به مع طرف آخر ..ويبحث عنه في نفس اللحظة...

هؤلا هم الرائعون ناسنا ...ناس الحوش الكبير...

هكذا كانوا حولي في مرض العزيزة نوال...تقاطروا ودا وتحنانا من كل صوب...

ضربوا المثل في التوادد والتكافل...وليس هذا بالجديد عليهم..فهذا اصلهم ومعدنهم..

هذا العزيز والفريد ...محمد عيد...وزوجته فاطمة ..والاخري زقازيقية نسباً وخلقاً...كانت قمة التآخي مع المدام كانها
هي الزميلة للمدام...(والطيبات للطيبون)...لا ندري بما نوفيهم اجورهم...
وهذا ميسرة ومني يونس...روعة اخري ..مثلي لا يجيدالكتابة ...ولا يملك ناصية الكلمة..لا استطيع ان اوفيهم حقهم..ولو بالاحرف
وهذا عبد الدائم النضيف ..دوما نضيف ..معني وخلقا ..هو وزجته...بكل ود تحنان لم يفاروقنا ...من لحظة العملية الي هذه اللحظة..
وكذا العزيز/ عصام احمد عبد الباقي...والعزيز الودود زهير الزناتي..والذي رغم (دوشة البرلمة في السعوديةـ وحضور اسرته من السودان) الا انه ظل يتابع بكل اشفاق وقلق..

وكل الذين هاتفونا وتواصلوا معنا علي مدار الساعة..من الامارات والمغرب ومن الدمام والرياض وصبيا وجيزان ومن بقاع عدة...
لكم الشكر ايها الرائعون...لن اوفيكم حقكم بالشكر والكلمات...
ادام الله هذه العلائق الطيبة والود المتدفق والمتواصل...
وانااتشرف واعتز , ( واشمر الطاقية) باني من هذه القبلية..

لكم الود احبتي

عثمان الجيلي ــ نوال البلول
Post: #7526
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-06-2010, 02:24 PM
Parent: #7525

حمد لله على السلامة يا عثمان ... واجر وعافية ان شاء الله وفي ميزان حسناتكم ...
وان شاء الله ربننا يتمم شفاء الاخت نوال البلول ...
Post: #7527
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-06-2010, 03:29 PM
Parent: #7526

جرت العادة أن ننبه الإخوة أصحاب الأضاحي بأن يلتزموا

بهدي الرسول صلى الله عليه وسليم :

‏عَنْ أُمِّ سَلَمَةَ، زَوْجَ النَّبِيِّ صَلَّى اللَّهُ عَلَيْهِ وَسَلَّمَ، رَضِيَ الله عَنْهَا
قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ كَانَ لَهُ ذِبْحٌ
يَذْبَحُهُ فَإِذَا أُهِلَّ هِلَالُ ذِي الْحِجَّةِ فَلَا يَأْخُذَنَّ مِنْ شَعْرِهِ وَلَا مِنْ أَظْفَارِهِ
شَيْئًا حَتَّى يُضَحِّيَ". أخرجه مسلم
Post: #7528
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-06-2010, 04:29 PM
Parent: #7527

الف الف سلامة لي اختنا نوال يا عثمان
اجر وعافية ان شاء الله







يا شباب قالوا الحاج الدومينكاني بخم في الرماد في جدة
Post: #7529
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 11-06-2010, 05:52 PM
Parent: #7528

حج يا حاج.. حج يا حاج...

يا طارق ..قالوا الكديس لما ما حصل المشلعيب ...قال ....

خلي الحاج يحج حجو...خلينا نشوف حج المراكشية كيف !!!!

المدام قالت ليك انت مافكرت كان تجي مع حاتم الحج...

طبعا انا مع المدام في المستفي بفرق ليها بالنت...ميرندا نظيفة قال ليك...

عثمان
Post: #7530
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-06-2010, 09:48 PM
Parent: #7529

يا عثمان تحياتنا للشايقيي قريبتي حرمكم
اجر وعافية ان شاء الله

ياخي امشي كيفن مع حاج الدومينكان دة
دة بببب كدة قال لي انا ماشي احج
مع انه حاجاته كلها كان بيقولها لي بدري
المرة دي غنج بيها
ربنا يوعدنا بيها ان شاء الله
Post: #7531
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-07-2010, 07:07 AM
Parent: #7530

صادق العزاء لأخونا محمود محمد آدم في وفاة أخيه
نسأل الله له واسع الرحمة والمغفرة
اللهم زيد من حسناته وتجاوز عن سيئاته وأحسن مثواه
اللهم الحقه بالصالحين في الفردوس الأعلى وأحعل قبره
روضة من رياض الجنة
Post: #7532
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-07-2010, 07:14 AM
Parent: #7530

صباح الخير،،،يا وجوه الخير

أصبحنا وأصبح الملك لله وحده،،،

مناجاة :

إلهي ! ما أعطفك علي وأكرمك
مع عظيم جهلي ، وما أرحمك بي!
مع قبيح فعلي.

وما أقربك مني برحمتك ،
وما أبعدني عنك بجهلي وإسرافي على نفسي
Post: #7533
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-07-2010, 08:15 AM
Parent: #7532

سلامات يا ناس

خالص التعازى للاخ محمود (وإنّا لله وإنّا إليه راجعون )


وحمداً لله على نجاح الجراحة للاخت نوال ..وقومة عثمان الجيلى

من الكرسى الساخن .

وردّ الله غربة منصور الإسفيرية...
Post: #7534
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 08:48 AM
Parent: #7533

صبحكم الله بالخير و السرور

يا كوتش مشتاقين ياخي...
و مالك قاطع موية و نور ياخي...
هل أخبروك وشاية كذبا؟؟؟...
و لا شنو الحصل...

كنت بتسكع في بوست الشركة القابضة في المنبر قبل شوية...
و عجبتني البطاقة الشخصية بتاعت الزول ده...
و عجبتني التفاصيل التي سأوردها فيما يلي
Quote:

الوجبة المفضلة البقبق بالشمار و السلج !!!!

الصديق الصدوق : ما اكثرهم بس في واحد تم تأجيره


عجبتني و الله الوجبة المفضلة بتاعت الزول ده...
خاصة بالشمار...
و العجب لو كان السلج أخضر جميل شارب موية النيل...
و الله يا أخونا لو دي بطاقتك الشخصية...
انت تطلع توأم روحي عديل كده...
يعني لو سلفتني صديقك المؤجرو ده تكون كملت الناقصة...

في محاولة جادة لانقاص الوزن أرجو أن تصمد طويلا هذه المره ..
من الصباح بدرررري قمت سخنت الحليب منزوع الدسم...
و كبيت عليهو خلطة من الشوفات و نخالة القمح و شوية فواكه جافة...
و طلعت الى مكتبي ثم من مكان الى آخر...
أشعر بالنشاط و الحيوية و كل حاجة...
لكن أقول ليكم النصيحة...
المصيبة المخلوطة دي ما بتمسك ليها راجل طول اليوم...
الساعة 11:30 و أنا ميت من الجوع...
Post: #7535
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-07-2010, 08:54 AM
Parent: #7534

وصلت إلى المملكة العربية السعودية

والدة الأخ/ كمال الشادي ،،، وهي الآن

بمدينة الرياض ،،،

ألف حمد لله على السلامة يا شادي وطبعاً

الأيام دي إنتى وأولادك حتكونوا مهيصين

بحضور جدتهم .
Post: #7536
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-07-2010, 09:01 AM
Parent: #7535

سلام جميل أيها الأحباب
يا رش خليك من الوجبة المفضلة
عاين للإقتباس دا
Quote: الصديق الصدوق : ما اكثرهم بس في واحد تم تأجيره

أظن الزول دا قاصد صديق مأجور و ليس مؤجر
Post: #7537
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 09:23 AM
Parent: #7536

Quote: أظن الزول دا قاصد صديق مأجور و ليس مؤجر


و الله يا جلا دي فاتت علي...
و بني و بينك من كترة الايجارات العلينا بقينا الواحد يعمل ما شايف...
و مأجور دي انت عارف بتودي في ستين داهيه هنا...
شفت النقطة دي ترفعها فوق كلهم يحبوك...
تنزلها تحت عينك ما تشوف الا النور..
Post: #7538
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-07-2010, 09:49 AM
Parent: #7537

سلامات يا ناس

Quote: يا كوتش مشتاقين ياخي...
و مالك قاطع موية و نور ياخي...
هل أخبروك وشاية كذبا؟؟؟...
و لا شنو الحصل...


سلام يا حبيب...

انا قاعد ومتابع ...

وبعد العملتوه فى (ولمن فاتهم الإستماع )بقى

ما عندى مزاج (ونسة).
Post: #7539
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-07-2010, 10:13 AM
Parent: #7538

Quote: وبعد العملتوه فى (ولمن فاتهم الإستماع )بقى

ما عندى مزاج (ونسة).

الموضوع دا يحتاج إلى لجنة تقصي حقائق
مش قاعدين تكونوا في لجان؟؟؟
طيب أنا داير أكون لجنة
محمد عيد (رئيساً)
محمد آدم (نائب رئيس)
منصور عبدالرازق (سكرتير)
الرشيد بابكر ( مفوض عام)
زهير الزناتي (مراجع بوستات)
ياسر نجيلة (مدقق لغوي)

تاني في منو؟؟؟ منو يا ربي؟؟؟؟
خلاص
Post: #7540
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 10:56 AM
Parent: #7539

سلام يا ناس
يا الشادي والله ايامك
الف سلامة للحاجة
غايتو اشبع لي في القراريص يا منقة والنقة الطاعمة ديك


يا اخوانا منص دة اصلو ضربو فيروس ولا كلا شنكوف
ياخي اشتروا ليه جهاز جديد
ما بنبقى بلاك
Post: #7541
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-07-2010, 11:06 AM
Parent: #7539

عادة السكرتير بنعرفو (عام )
انت لصقتها فى المفوض , وعومته
اطال بنسب العوم لى , لا نرضى بالظلم , ولا انت قايل ما بنعرف نقلع (فيروساتنا )
هل ترى , هى اشياتء لا تشترى
ارايت حين افقع عينيك واثبت جوهرتين مكانهما
هل ترى
قلعنا فيروساتنا يا اخوى , وضايرناهم كمان , بعد ده شوف ليك صرفة لى لخبتك دى
السكرتير العام انا , المفوض (بس وحافى كدا , اى زول تانى )
وديتو بوست ما يطلبه المستمعون وين ؟؟
تقولوا ولا انادى ليكم طارق جبريل ؟؟!!!
Post: #7546
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-07-2010, 11:30 AM
Parent: #7541

احسن الله عزاء الأخ محمود محمد آدم فى وفاة شقيقه
وربنا ان شاء الله يوالى اختنا وزميلتنا نوال البلول بالعافية العاجلة غير الاجلة
وتقبل الله حجة حاتم جبارة الفجائية , او كما قال طارق جبرين
فكما كان عندنا حاجا سريا , فعندنا الآن , حاجا فجائيا وجد نفسه جنب الحرم , فجاة
كنت اتخيل ان يكون عثمان الجيلى ناصبا خيمته امام غرفة (االأفاقة )
ولكنى لم احظ بمحادثته عند اتصالى بنوال البلول , التى لمثلها تنصب الخيم , وتقام المعسكرات فى المستشفيات يا عثمان الجيلى
حمدا لله على سلامة رفيقة الدرب يا خبيب
اما الحاج بوردو , فقد فاجانى باتصال تلفونى مبهج , ازال عنى غمة فيروسات الدنيا , واستعدل عندى اقمار نوفمبر المعكوسة
ولكن تلفونه عاد الى السكون , وما وجدنا الى محادثته سبيلا
اما الحاجة الشايقية الأصيلة , الحاجة (سيدة ( ام كمال الشادى ) , وامى فى الجيرة , ووالدتى فى وجبات الكسرة الطاعمات
التى ما فتئت تعدها لى مع كمال وصحبه , يوما اثر يوم , وجمعة وراء جمعة , فمن غيرى اولى بالترحيب بها
ومن غيرى اقدر على فهم نفسيات الشادى كمال , وهو يستقبلها فى مطار الملك خالد
وقد تدفق سعادة , وهو يمد جسرا من جسور المودة والبر المتصلان عبره وبه , معها وقربها ,
انا اسعد الناس معك باستقبال حاجة السيدة يا كمال
اسرف فى برها , وامعن فى طلب رضاها , و (عم ) فى بحر حنانها ومودتها الذى لا شاطىء له
واحملها على كفوف الراحة حاجة الى بيت الله الحرام ,
Post: #7542
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 11:08 AM
Parent: #7539

Quote: وبعد العملتوه فى (ولمن فاتهم الإستماع )بقى

ما عندى مزاج (ونسة).


لأنك يا كوتش صاحب نجيب افتكرتك قاصد أونسة...
لكن تاني قلت الجاب أونسة لي (ولمن فاتهم الاستماع شنو)...

عارف يا كوتش ربما يكون الحال في مربع كاي يشبه الحال عندك...
و بيني و بينك كنت زمان أتوقف و أحرد الكتابة لما ما يجيني زول...
و لما لقيت انو الحال لا يمكن تغييره بقيت أجي براي أكتب و أمشي...
رافع البوست بي ايدي و شديدي...و كلما أرفع البوست يعفصوهو تاني...
الحريصين على المرور هم انت و أبو الزوز و نجيلة و منصور وأبو بكر حامد
و جلا و زوبا و ديدو ومحمد عيد و أرجو أن لا أكون نسيت واحد...
يمر أبو الزوز و أبو بكر حامد بكثرة و هم من المواظبين على ذلك...
نجيلة يأتي كل فترة و لكنه يترك أثرا طيبا...
و لأني أهتم بالاحصائيات...وجدت أن هنالك عدد مقدر من القراء يمرون على البوست...
هذا العدد يكاد يصل الى المائة في اليوم...
ربما يدخل الفرد مرتان أو ثلاثة أو حتى عشرة...و هذا لا يهم..
المهم ان هذا الرقم يسعدني كثيرا و يجعلني أكتب باستمرار...
لست بالطيب صالح لأحزن عندما لا يقرأ كتاباتي أحد...
و لكني لا شك أسعد كثيرا عندما أجد ان مائة شخص يقرأون ما أكتب...

عارف يا كوتش أفضل أن يقرأ لي مائة شخص على أن يمر عشرة أشخاص
يتداخلون معي على سبيل المجاملة لا غير...
Post: #7543
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 11:11 AM
Parent: #7542

اوووووه وصل منص حبيب الكل
الف سلامة يا حبيبنا




يا جماعة الحاجة بتاع الدومينكان داك ما يكون كسح بلاجات الدمام
يكون فاكرها جزر الكناري
انا خايفه في الصفا والمرة يقوم يلبس مايوه
Post: #7544
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 11:19 AM
Parent: #7542

يا شادي حمدا لله على سلامة الحاجة...
بعد ده بتتغابى العرفه في وليداتك و تمشي لي أمك تدلعك...
و تقوم تحس بي نفسك صغيييير وتقوم تلبس لي في تي شيرتات كريم...
وبنطلونات الجينز و ما تخلي ليك جزمة برتقاليه و حمراء و صفراء...


يا منص بركة الكمبيوترك بقى طيب...
لكن الظاهر الفيروس ده مكنو مكنه كاااربه خلاص...
القصة طولت شديد...
الزول البتصلح عندو كمبيوترك ده بليد يا منص...غيرو...
و ان شاء الله يكون نزل ليك انتي فيرس مكرب المره دي...
انت عارف انك مستهدف و لا بد من زيادة الحماية...
Post: #7545
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 11:25 AM
Parent: #7544

و الله يا جبريلا قربت تجرجرني لي جنس كلام الا ربك رب الخير لطف...
يا زول انت نعين ليك ألفا و لا شنو..
Post: #7547
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 11:34 AM
Parent: #7545

يا رشا والله حاج الدومينكان داك
انا خافه في رمي الجمرات يقوم يفلعهم بي عناقيد عنب
Post: #7550
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-07-2010, 11:44 AM
Parent: #7547

جبريلا...
يضع سره في أضعف خلقه...
ما تستهون بي حاج الدومنيكان ده..
أنا خايف أقول كلمه فيهو يقوم يدعو علينا يغتس حجرنا...
عشان كده بحاول أتجنبو بأي طريقه...
لكن قول أنا قدرت علي روحي دي...
البقدرني عليك انت شنو...
Post: #7554
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-07-2010, 11:56 AM
Parent: #7547

الاخوان الاعزاء
كلكم
العزيز ميسرة
شكرا ليك كتير بترحيبك بوصول والدتي للرياض بالامس
Quote: الأيام دي إنتى وأولادك حتكونوا مهيصين

وفعلا والله مهيصين الله يديها لينا الصحة والعافية ويخلي ليكم أمهاتكم جميعا

الولد الظريف طارق جبريل
بعد الحج انا ناوي اجيب بوستاتك القديمة كلها اقراها لي امي
هي طبعا شايقية على السكين رغم إنها من سكان الخرطوم من أكتر من اربعين سنة
لكنها لاتزال تحس بالغربة
( جنس جرس بتاعة شوايقا )
وهي عينتك وغادي يا جرسة
كتر خيرك طارق بترحيبك بأمي
الله يديك العافية ويخلي ليك اولادك

Quote: غايتو اشبع لي في القراريص يا منقة والنقة الطاعمة ديك



الايام الاولي دي يا طارق مدينها راحة
وبعدين ناوين الحج
بعد الحج إنشاء الله بندور ليك قراريص خليها في سرك
منصور إن شاء الله وكل شباب الرياض راح ينوبهم من الخير وهم راح يكلموك ان شاء الله

يا منصور عبد الرازق
كتر خيرك
Quote: اما الحاجة الشايقية الأصيلة , الحاجة (سيدة ( ام كمال الشادى ) , وامى فى الجيرة , ووالدتى فى وجبات الكسرة الطاعمات

والله بكيتني بي كلامك الحلو ده
اقسم بالله اول حاجة سألتني منك ومن ياسر إبراهيم
بعد الحج نشوفك والاسرة عندنا أن شاء الله
التى ما فتئت تعدها لى مع كمال وصحبه , يوما اثر يوم , وجمعة وراء جمعة , فمن غيرى اولى بالترحيب بها
ومن غيرى اقدر على فهم نفسيات الشادى كمال , وهو يستقبلها فى مطار الملك خالد
وقد تدفق سعادة , وهو يمد جسرا من جسور المودة والبر المتصلان عبره وبه , معها وقربها ,
انا اسعد الناس معك باستقبال حاجة السيدة يا كمال
اسرف فى برها , وامعن فى طلب رضاها , و (عم ) فى بحر حنانها ومودتها الذى لا شاطىء له
واحملها على كفوف الراحة حاجة الى بيت الله الحرام ,


تحياتي للجميع

العزيز الغالي زهير الزناتي
لك الف تحية وتحية
أشكر اتصالك الرائع عشان وصول الوالدة
والله يخلي ليك أولادك وأمهم
وراجع ليك في موضوع ديمغراطي ده
Post: #7548
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-07-2010, 11:39 AM
Parent: #7545

سلامات يا ناس

Quote: عارف يا كوتش أفضل أن يقرأ لي مائة شخص على أن يمر عشرة أشخاص
يتداخلون معي على سبيل المجاملة لا غير...


يا حبيب ..وانا حزين جداً ..ليس على البوست بتاعى ...ولكنى حزين لاننا بأيدينا هزمنا

منبرنا...بحت أصواتنا ونحن ننادى بأن تُعطى المواضيع حقها من النقاش...كلّت اصابعنا من

كتابة (يا ناس الله العزاء عندو بوست منفصل ...تعبنا من تحنيس الناس البقولوا نحن بى

هناك ما بنقدر نمشى...

اتونسوا بى هنا ماشاء الله لكم ...وتعالوا بى هناك رغم المشقة لتجدوا أشياء فيها المتعة

وفيها الفائدة و(الخبرات )وبرضو فيها الونسة.

هداكم الله
Post: #7549
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 11:40 AM
Parent: #7548

يا جورج نحن قبيل شن قلنا
Post: #7551
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 11:48 AM
Parent: #7549

تعرف يا رشاحبوبتي نفيسي بت بغداد رحمها الله
قالت يوم رمي الجمرات عايزة ليها دُرابة
قالوا ليها لي شنو
قالت ليهم: شيطان الجن دة واجعني في مصاريني ولدي الطيب ابى يخلي العرقي



غايتو حاج الدومينكان داك بيكون مُحرم بي شورت هسي
Post: #7552
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-07-2010, 11:50 AM
Parent: #7549

سلامات يا ناس

Quote: يا جورج نحن قبيل شن قلنا


اول حاجة سلام وعساك طيب؟

انت قلت زمان انو المنبر ما حينجح.
Post: #7553
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 11:53 AM
Parent: #7552

Quote: انت قلت زمان انو المنبر ما حينجح.


ولا زلت عند موقفي يا جورج


يا حبيب اخبارك
Post: #7555
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-07-2010, 11:58 AM
Parent: #7553

سلامات يا ناس

Quote: ولا زلت عند موقفي يا جورج


فشل المنبر بعدم مشاركتك ومشاركة الجميع

ونجاحه بمشاركتكم ولا أرى سبباً وجيهاً لعدم

مشاركة الناس فى المنبر.
Post: #7557
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 12:04 PM
Parent: #7555

Quote: فشل المنبر بعدم مشاركتك ومشاركة الجميع

ونجاحه بمشاركتكم ولا أرى سبباً وجيهاً لعدم

مشاركة الناس فى المنبر.


يا جورج ياخي ما تزعل ياخ
انا قلت رأي ولا زلت مقتنع بيهو
المنبر المنفصل بشتت الكورة
بطفشها عدييييييل
وتجربة ناس هندسة خير دليل
الزمن ممحوق يا حبيب
يا دوب تخش بي هنا وتقطع وشك
والكلام البهناك دة دسم شديد وعايز ليه وقت وحيل ونفس طويل
انا يا جورج لا بقدم ولا بأخر
يا حبيب زي ما عارف اخوك زول ضهبان ساااااااكت
محل ما تجيني الكورة مصرجة بشوتها
شغل باكات يا عمك
لكن انتو شغلكم بتاع ناس حُرفاء

دحين العديل رأي
والعوج رأي
Post: #7556
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-07-2010, 12:01 PM
Parent: #7553

سعيد أنا للعودة للكتابة بالبوست بشكل أفضل مما كان عليه في الأيام الفائتة
وذلك لأنني قرأت من بين السطور لعدد من المداخلات
يمكن أن تساعدني في رد اللياقة التي راحت بسبب مرضي بحمى التايفود (مرض التلوث)
مافي زول يجي يقول لي كفااارة
لأني خلاص بلغت الصحة
ما علينا...
سأكون بالقرب من منبر الزقازيق يا رش
قارئاً و متداخلاً
يا منص
وصية ليك و لي زمانك.... دائماً ما تعمل فيها أبو عرام و تقوم تقول كل الكلام...
يعني تخلي ليك حاجة كدا تكف العين يعني تجغمسها زي ما عايز و تنقصها
عشان الزيك دا يجي يقول ليك أنا معارضة .... و بقترح إنو يكون كذا و كذا
طوالي زي طارق جبريل و الذي لا يوجد له صليح في منبر الزقازيق يجي يقول ليك أنا أثني كلام منصور
فحكاية السكرتير ما تزعجك نخليك سكرتير عام (إنشاءالله تجي الأول و إنشاءالله العام دي تضوي ليك)
و الزول داك مفوض خاص من قبل الكوتش (دي تنفع يا رش)
مسؤولين من الخير الصديق المأجور يجي متين
حمدلله بي وصول والدة كمال الشادي
كلموها ما تطول في بلاد الغربة عشااااان صحباتها منتظرنها هنا في السودان السمح دا
يا كوتش
ما تتعب نفسك مع طارق جبريل
علماً بأن المنبر ناحج ونجاح منقطع النظير
بدلالة طارق جبريل زات نفسو عندو بوست بإسمو
Post: #7558
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 12:13 PM
Parent: #7556

يا جلا كفارة بي أثر رجعي

يا زول انا اعتبرني مافي كله كله
مالك داير تلصق فيني موضوع المنبر دة
بعدين شايفك في لجنتك دي ما اديتني اي حاجة ان شاء الله كركاسة
Post: #7559
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-07-2010, 12:24 PM
Parent: #7558

Quote: جلا كفارة بي أثر رجعي

المكنة دي ما قسمت معاي
Quote: يا زول انا اعتبرني مافي كله كله
مالك داير تلصق فيني موضوع المنبر دة

كلامك دا مابحلك مني و انا لاعب باك يمين
مش إنت طرف شمال يعني حنتلاقا حنتلاقا
Quote: بعدين شايفك في لجنتك دي ما اديتني اي حاجة ان شاء الله كركاسة

اللجنة دي بالمناسبة عشاااانك ....يعني عشان ما كتبنا إنك المتهم
إنت لسع قاعد في حفرة دخانك و ما جايب خبر!!!!
حموك الإجازس و لا لسع
بالمناسبة أن العيد في كسلا
و أتمنى أجي راجع و ألقاك قاعد ...
لأنو عندي مقص ورش على اللاين رايح لي من الكورة الفي الزقازيق ما لاقيهو
يمكن ألقاهو لمن تجي
Post: #7560
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 12:32 PM
Parent: #7559

Quote: المكنة دي ما قسمت معاي


نعمل ليها عمرة ياخي ما تزعل

Quote: كلامك دا مابحلك مني و انا لاعب باك يمين
مش إنت طرف شمال يعني حنتلاقا حنتلاقا

ياخي جورج دة ذاته كنا لاعبين ضد بعض
جينا في التاكسي سوا من لكوظ وفي الميدان قصيتو زي الترتيب


Quote: اللجنة دي بالمناسبة عشاااانك ....يعني عشان ما كتبنا إنك المتهم
إنت لسع قاعد في حفرة دخانك و ما جايب خبر!!!!

يا النبي نوح


Quote: بالمناسبة أن العيد في كسلا
و أتمنى أجي راجع و ألقاك قاعد ...
لأنو عندي مقص ورش على اللاين رايح لي من الكورة الفي الزقازيق ما لاقيهو
يمكن ألقاهو لمن تجي

ان شاء ربك بتلقاني قااااعد معاي الحاج بتاع الدومينكان
Post: #7561
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-07-2010, 12:37 PM
Parent: #7559

هو جلا مالو كان عيان اول مرة اسمع الكلام ده .... يطرشنى يا جلا

لانك بتغيب كتير حسب شغلك وتجى ( فجأتن ) عشان كده اتعودنا غيابك

يا كوتش المنبر ناجح ونص والدليل كل البوستات ما كانت حتنجح لو
اتكتبت هنا
رغم قلة المداخلات احيانا ..

يا جبريلا انت عارف انا جاى من وين هسه ؟
ركن الامتداد مع العشش والسوق الشعبى ( محل الخرفان بتقيف )
كتر الفلــة ، الاسعار نار الله ، والخرفان زعلانة ما بتقول باااااع ..
Post: #7562
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 12:52 PM
Parent: #7561

Quote: يا جبريلا انت عارف انا جاى من وين هسه ؟
ركن الامتداد مع العشش والسوق الشعبى ( محل الخرفان بتقيف )
كتر الفلــة ، الاسعار نار الله ، والخرفان زعلانة ما بتقول باااااع ..


والله ايامك
يا زول الخرفان دي لو غالية
انا بسقط الضحية من حساباتي لانه انا على سفر
Post: #7563
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-07-2010, 01:14 PM
Parent: #7559

تانى نرجع لى قصة المنبر الخاص , والمنبر العام
انا غايتو ما شايف اى مبرر لحساسيتكم الظاهرة فى الموضوع ده
انا شخصيا اتنقل بين الأثنين , كما يتنقل البنى آدم , بين صالون الأستقبال , وحجرة التلفزيون , او ممكن تقولوا اوضة النوم عديييل
وحدة الموضوع هى ما يميز بوستات المنبر الخاص
والأسترسال وطولة البال , هى نكهة المنبر العام
ولا غضاضة ولا حرج , فى (كليهما )
اى من مواضيع طارق جبريل , التى يرفدنا بها فى منبر سودانيزاونلاين العام ’ يمكن ان تكون موضوعا منفصلا
فى بوستينا الخاص
وعشان نفرق وندى كل حتة حقها , فان الأسترسال (لا نهائى )
وهذا طبيعى , لذا فان البوست العام , هو ما خصيناه بصفة الديمومة والأستمرار
اما مواضيع حوشنا الخاص البهناك , فلآنها متصفة بى وحدة الموضوع
فأن النقاش فى اى موضوع فى هذه الدنيا , يتأرجح بين السخونة والبرودة
وصفته اللازمة هى التارجح صعودا وهبوطا , ويمر بمنحنيات طبيعية متأرجحة , ومن صفات المنحنيات الطبيعية
هى الوصول اما لنهايات , او التفاوت والجمود انتظارا لأضافة ما , او لفكرة جديدة
شوفوا البوست بتاع صور الأطفال
وشوفوا البوست بتاع الداتا بتاع سامى عبد الوهاب
من الطبيعى ان يجمدا لفترة ما انتظارا لصورة جديدة , او لداتا جديدة
فهل فى ذلك عيب او نقيصة
وكذا جميع البوستات , مربع كاى ولمن فاته الأستماع ونملوز وحتى البوستات الجديدة بتاعت صندوق التكافل والشركة القابضة
كلها تتأرجح منتظرة لفكرة جديدة او حراك جديد يفرضه (اى واحد مننا لا فرق )
او حتى لو افترضنا ان احد هذه البوستات , بدأ متحركا , ثم ازداد تحركا , ثم جمد وذبل , او حتى مات
فان ما تضمنه من الأفكار والسير , تضمن له ان يكون سفرا مرجعيا حتى ولو مات وشبع موتا
اين الغضاضة فى ذلك
رواية موسم الهجرة للشمال مثلا , هل يمكن مقارنة عدد قرائها وطالبيها الان , بقرائها وطالبيها عند صدورها وعنفوان سيرتها
لو لم يطلب موسم الهجرة للشمال ولا قارىء واحد اليوم , هل يقدح ذلك فى كونها من سيدات روايات العرب فى العقدين الأخيرين ؟؟!!
ليس عندنا فى بوستينا الخاص ولا العام , موسم هجرة للشمال
ولكن عندنا فى بوستاتنا الخاصة والعامة , ما نفخر به ونتزين , لا يضره ولا ينتقص منه ان انصرف الناس عنه وانشغلوا , لبعض الوقت او جله
كل ما كتبنا , اينما كان موقعه , هو من بنات افكارنا
وبنات الأفكار , لا يضرهن ان لم يتشابهن , ولا ينتقص منهن ان احداهم قصيرة والأخرى طويلة
ولا كون احداهم بيضاء , والأخرى سمراء , وثالثهم باللون الخمرى
فكلهم يبقى , بنات افكار
Post: #7564
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 01:25 PM
Parent: #7563

يا منص كلامك سمح ومرتب واتفق مع جزء مقدر منه
بس لا زلت مصر انه المنبر الخاص بشتت الكورة
ودة كان رأي اخونا ياسر نجيلة برضو
انا رأيي انه اي شي عايزين نناقشوا ونتفاكر فيه ممكن يكون هنا
الحاجة لمن تكون ملمومة ساهل تشوفها
لكن لمن تتشتت.. المجهود بيتوزع
والله على المستوى الشخصي نادر جدا ما ادخل بهناك
ومرات كتيرة بعد ما اعمل كلك برجع تاني للمنبر العام
يمكن تعود بحكم انه انا واحد من اقدم الناس في المنبر العام واتعودت عليه
بس ما راكبة لي حكاية منبر منفصل دي..

يا جماعة من غير زعل ((خصوصا حبيبنا جورج)) ما لافقة معاي قصة المنبر الخاص دي
والله ما لافقة معاي... سموها زي ما تسموها.. عكلتة.. تربسة.. جن كلكي
بس ما عارف ما ارتحت لي المنبر المنفصل دة


والعوج رأي والعديل رأي
Post: #7565
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-07-2010, 03:02 PM
Parent: #7564

Quote: لانك بتغيب كتير حسب شغلك وتجى ( فجأتن ) عشان كده اتعودنا غيابك

غايتو المكنة دي كان قسمت معاك ... بنقوم طوالى نفك آخرنا ونقول ليك حمدلله على السلامة...
والله يطرشنا وصوت لوم شديد اللهجة للناس العارفين انك كنت عيان ولم يخبرونا او اقلوا يعلقوا اعلان هنا
انت شوية ولا شوية ... والله انا لو منك اعلن الانفصال واعمل لي ناس الزقازيق اجدع ناس بي غادي كية لي جبرييلا دا
لانو مقصك العاوز تعملوا ليهو دا مابتقدر عليه ... ناس شمال افريقيا ديل حريفين خلاص ...
والهلال كان مرق من الصفاقسي ما بمرق من الفتح الرباطي .... دي على سبيل تكتيك تغيير الموضوع وكدة...

حمدلله على سلامة الوالدة ياكمال الشادي ... والله الحج ما عندك والعيد كذلك ... وكلوا
أسأل مجرب ... بس "الجلاكين" ديل قاعدين يزهجوا من الرياض دي ياخ ... ما تخلي الزهج يتسلل اليها
وبعد الحج ان شاء الله خلي ليها البرنامج مليان ... غايتو الملز دي خلوها في بالكم ...

منص ياخ ...
وعادت لنا الروح ... والله مشتهنك عديل كدا ... انعل ابو "الفيروسات" زاتو الخلتك تغيب ...

والكوتش دا الكلام الداير اقولو ليهو كتبتوا ليه هناك "ولمن فاتهم الاستماع" ... شفتنة مني لعله يرضى عنا

ورضي الله عن الرشيد المثابر ... كلامك عن المداخلات والردود والقراء ريحني في حناني ...




























-----
رضي الله عنكم جميعاً
Post: #7566
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-07-2010, 05:27 PM
Parent: #7565

نقطة



سطر جديد
Post: #7567
Title: Re: ناس الزقازيق ... أجدع ناس ( 3 ) ..
Author: عرفة محمد سعيد
Date: 11-07-2010, 07:21 PM
Parent: #7566

سلام للجميع بدون فرز

خالص التعازي للاخ محمود احسن الله عزاءكم

يا زهير الزناتي
جمعتو ولا لسه ؟





Quote: طارق جبريل


والله يا الرشيد الميزانية دي ابت تزبظ كله كله
اختي الكبيرة قالت لي تعال بل شوقك واتغابى العرفة في الناس


يا جبريلا سلام

مُشكلة الهدايا دي بسييييتة خالص

انت حكاية الشنط ضاعت دي ما جربتها!!!

انت اول حاجة تنشر خبر انك ح تجي السودان ترانزيت و اسأل الراجينك بي غادي عن طلباتهم كلها.. وستــــــــــّـِف ديك يا الشنط وقول ليهم ضاعت في
المطار وافرش عدييل ح تنطلي عليهم...
مُجربه ومضمونة 100%
Post: #7568
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 11-07-2010, 09:12 PM
Parent: #7567

الاعزاء الغالين ...ناس الحوش الطيبين

سلام والف سلام....مساكم الله بالف خير...

اخونا كمال الشادي ...تحياتي
الف حمد الله علي سلامة الحجة...ومقاما طيبا...

العزيز منصور عبد الرزاق... الله يسلمك...والله انا رابط الخيمة ومعسكر داخليها...وما مقصر ...بس سوء طالع
وعدم حظ انا ما قابلتك تلفونيا...

محمد صديق ...الله يسلمك...والله الكرسي ساخن بالحيل ...لكن عشان بنت البلول يهون الكثير..

طارق جبرين...ما مشكلة نتظرك الحج القادم ...سجلناك قبل فك التسجيل في هذا الحج ، اربط حزامك باذن الله مشروع حجة جماعية
زقازيقية العام القادم...

رشيد القوم ...تحياتي مغموزة بي امبقق بالسلج والشمار الاخضر ، مع قراصة شايقية 5 بوصة ...

جلال عثمان ..الله يسلمك يا غالي ...كيف احوالك عساك بخير ...

موسي عيسي ..مالك غائب عن الشاشة ؟؟؟؟
يا اخوانا اين شاعر الحوش...ياربي يكون ما شاعر بحاجة ولا شنو ؟؟؟وينك يا نجيلة انت بعد الاربعين نسيت روحك ولا شنو !!!!

خالص مودتي ليكم جميعا

عثمان الجيلي
Post: #7569
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-07-2010, 10:01 PM
Parent: #7568

عرفة يا بتنا كيفنك
ياخي والله ستيف الشنط دة براهو يمحن
غايتو الواحد شكله حا يعمل ((ميت ابو الكوم))


ابو الزوز سطرك دة حا يبدأ بي شنو
Post: #7570
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-08-2010, 05:59 AM
Parent: #7569

عن خالد بين الوليد رضي الله عنه قال: جاء اعرابي
الي رسول الله صلي الله عليه وسلم
فقال يارسول الله: جئت اسالك عما يغنيني في الدنيا والاخرة
فقال رسول الله صلي الله عليه وسلم سل مابدا لك

قال: اريد ان اكون اعلم الناس فقال صلي الله عليه وسلم: اتق الله تكن اعلم الناس

قال: اريد ان اكون اغني الناس فقال: كن قانعا تكن اغني الناس

قال: اريد اكون اعدل الناس فقال: احب للناس ماتحب لنفسك تكن اعدل الناس

قال: اريد ان اكون خير الناس فقال: كن نافعا للناس تكن خير الناس

قال: احب ان اكون اخص الناس الي الله فقال: اكثر ذكر الله تكن اخص الناس الي الله

قال: احب ان يكمل ايماني فقال: حسن خلقك يكمل ايمانك

قال: احب ان اكون من المحسنين فقال: اعبد الله كانك تراه فان لم تكن تراه فانه يراك تكن من المحسنين

قال: احب ان اكون من المطيعين فقال: اد فرائض الله تكن من المطيعين

قال: احب ان القي الله نقيا من الذنوب فقال: اغتسل من الجنابة متطهرا تلقي الله نقيا من الذنوب



قال : احب ان احشر يوم القيامة في النور فقال: لاتظلم احدا تحشر يوم القيامة في النور

قال: احب ان يرحمني ربي يوم القيامة فقال: ارحم نفسك وارحم عباده يرحمك ربك يوم القيامة

قال: احب ان تقل ذنوبي فقال: اكثر من الاستغفار تقل ذنوبك

قال: احب ان اكون اكرم الناس فقال: لا تشكو من امرك شئ الي الخلق تكن اكرم الناس

قال: احب ان اكون اقوي الناس قال: توكل علي الله تكن اقوي الناس

قال: احب ان يوسع الله علي في الرزق قال: دم علي الطهارة يوسع الله عليك في الرزق

قال: احب ان اكون من احباب الله ورسوله قال: احب مااحب الله ورسوله تكن من احبابهم

قال: احب ان اكون امنا من سخط الله ورسوله يوم القيامة قال: لاتغضب علي احد من
خلق الله تكن امنا من سخط الله يوم القيامة

قال: احب ان تستجاب دعوتي قال: اجتنب اكل الحرام تستجاب دعوتك

قال: احب ان يسترني ربي يوم القيامة قال: استر عيوب اخوانك يسترك الله يوم القيامة
Post: #7571
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-08-2010, 07:04 AM
Parent: #7570

صباح الخير ،،، يا وجوه الخير

أصبحنا وأصبح الملك لله وحده،،،

كفارة يا جلا عين الحسود فيها عود

أختنا عرفه سعداء بعودة للكتابة ومرحب بيك

منصور عبدالرازق أوفى وكفى وشرح وأبان منطق الكلام

وأنا أتفق مع منص في كل ما ذهب إليه ، بس المسألة مسألة

تعود ووقت حتى هذه اللحظة لم أتعود بالذهاب إلى المنبر الخاص

أقوم بزيارة سريعة فقط وأمني نفسي بالعودة مرة أخرى وهكذا.

نتفق بأن المنبر الخاص شئ جميل وممتع وله نكه خاصة وخصوصية

فإن من لم يكتب فيه عليه بالزيارة والقراءة والمتابعة فسوف تستفذهم

بعض الطروحات للدخول والكتابة .
Post: #7572
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-08-2010, 08:09 AM
Parent: #7568



الأخ كمال ألف حمد الله على سلامة الوالدة وإن شاء الله حجا موفقا ومبرورا

بسم الله الرحمن الرحيم
ربنا أفتح بيننا وبين قومنا بالحق ، وأنت خير الفاتحين
رب إني أعوذ بك أن أسألك ما ليس لي به علم
وإلا تغفر لي وترحمني ، أكن من الخاسرين
رب أجعلني مقيم الصلاة ومن ذريتي ، ربنا وتقبل الدعاء
ربنا تقبل منا إنك أنت السميع العليم ، وتب علينا إنك أنت التواب الرحيم
ربنا آتنا في الدنيا حسنة وفي الآخرة حسنة وقنا عذاب النار
ربنا آمنا بما أنزلت واتبعنا الرسول فأكتبنا مع الشاهدين
Post: #7573
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 10:49 AM
Parent: #7572

صبحكم الله بالخير

على فكرة أنا بقيت أكتب صبحكم دي مراعاة لفروق التوقيت بس لكن الساعة واحده و نص...
و دي بتعتبر بعد الظهر و قريب من المساء...
المهم الدنيا آخر سنة...
وآخر شهر و دي لأسباب فنية و الشرح يطول...
و آخر دوام...و اليوم السلبة ده ما شايف ليهو نهاية...
و آخر البطارية في الموبايل و فيني أنا زاتي سيد الموبايل...
و آخر سؤال...
في زول و لا نمشي...
Post: #7574
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 10:55 AM
Parent: #7573

قاعدين يا رشا ياخي
Post: #7575
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-08-2010, 10:58 AM
Parent: #7573

Quote: في زول و لا نمشي...


فى ...

لكن اسمع كلامى ...

امشى أخد تعســـيلتك وتعال راااايق بعدين ...

الكوتش قال جاى بالليل ...

اظنو اشترى كدارة مخصبة باليورانيوم وجايينا بيها ...!
Post: #7576
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 11:08 AM
Parent: #7575

جبريلا..انت يا زول ماخد اجازتك دي من حسه و لا شنو..
أمبارح قلنا الأحد...الليلة مالك...

Quote: امشى أخد تعســـيلتك وتعال راااايق بعدين ...

الكوتش قال جاى بالليل ...

اظنو اشترى كدارة مخصبة باليورانيوم وجايينا بيها ...!


يا حمادة باقي لي ساعة كاااملة...ما قلت ليك يوم سلبه...
و الله الكوتش ده اليومين ديل حفيان ما بلعب معاهو...خلي بي كدارة..
Post: #7577
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 11:12 AM
Parent: #7576

غايتو لمن أصحاب الغار يقومو من نومهم
نحن تشيلنا الهاشمية و نمشي ننوم
يا رش .....
قول لي صاحبك دا أنظر إلى طعامك
لقيتو كيف؟؟؟؟؟
بالمناسبة من غير ذكر أسماء أنا ما قاصد الزول دا
Post: #7580
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 11:21 AM
Parent: #7577

Quote: بالمناسبة من غير ذكر أسماء أنا ما قاصد الزول دا


يا جلا و من غير ذكر أسماء برضو صاحبك جاء نزل ليهو جريدة و فتح لينا...
و لا عبرنا و لا حتى غرف لينا شوية من الملاح القرين...
أنا ما اعتبرتو تجاهل و لا حاجه...قلت امكن الراجل ملاحم كمل...

و الله عندنا مطرة كابة حسة مبالغة عديل كده...
يعني مطرة زي دي بس مطرة من الدمازين و لي وراء...
البلد دي جنت و لا شنو؟؟؟
Post: #7578
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 11:13 AM
Parent: #7576

يا رشا والله قاعد من قبيل مافي صفحة نزلت والصحافيين مدروشين في المواد
قلت افكها معاكم ياخي
قبل ما يجي الكوتش يديني هرشة بخصوص المنبر إياه
Post: #7579
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-08-2010, 11:13 AM
Parent: #7572

صباحاتكم بيض , بيض من اللون الأبيض
فاهمنى يا محمد عيد
ما عندها اى علاقة بالمح والصفار والبياض وكده
وما عندها اى علاقة كمان لا بى عاطف القوز ولا حاج الركز
ده عشان خيالك ما يمشى بعيد
ابو الجل والله مشتاقين
اما انت يا طارق ود جبرين , فانت زول عكليت جنس عكلتة , وانا احب الناس العكاليت
وانت زول ساكنك القلق , مالياك تفاعلات الدنيا , وهذا من حسن حظنا
لأن توتراتك وتفاعلاتك واقعة علينا برد وسلام , نحن نحبك كما انت , قلقا ومتوترا ومبدعا
شاهدناك مرارا وتكرارا فى المنبر الخاص
ولكننا نشاهدك فى العام اكثر
ابوبكر حامد مثلا , ما بتذكر شفته فى العام ده متين , لمن بيجى , بيجى بى هناك , يضع حمله ويمضى
خفيفا لطيفا ظريفا , جميلا وليس كما يروج (المغرضون )
اقول ليك وصفة تطلعك من حالة خصامك المبدئى مع منبرنا الخاص
اولا التحليل المبدئى لحالتك كالآتى
منبرنا العام ده , عندك هو ياهو الخاص زاتو , لأنو منبرك العام , هو بيت سودانيزاونلاين الكبير
ببساطة لأنك من المؤسسين , ونحن نقدر ذلك
وصفتى يا حبيب , بس ادينا كوبى بيست من اى ابداع جديد تفرد له بوستا فى (العام الكبير )
بس لصقه لينا فى بوست جديد ثابت سميهو , طارق جبريل
هسى انا مثلا , البوستات العامة المالية البورد الكبير
نادرا ما اشارك فيها , ليس تعاليا ولا (سلبية )
ولكنها حالة تشبه حالتك مع منبرنا الخاص ,
كثيرة جدا بوستاتك الجميلة وطاعمة والتى تحمل مضمونا ادبيا مميزا
ما عارف لى شنو بلقى نفسى ادخرت تعليقى على عملك الأدبى , لغاية ما يجى ضمن سياق مداخلة ما , فى بوستينا العام او الخاص
ولكن الكثير من التعليقات يسقط منى , اما لعدم وجود السياق المناسب , او للنسيان , ولكنى متابع جيد لما تكتب وتنثر
اما معظم رواد بوست الزقازيق (عامه وخاصه )
فهم من المكتفين به , اما لأنهم يرون فيه كفايتهم , او لأنهم ما دخلوا لسودانيزاونلاين عموما الا من اجل مشاركات ذات طابع زقازيقى
هنا الونسة وتفقد الأحوال والتطرق للمواضيع (اشارة وتلميحا )
وهناك طرق مواضيع معينة وانتظار تعليقات (من يستهويه الموضوع )
بطبيعة الحال ستجد ان مشاركات العام المسترسلة
ستكون اكثر واوفر من مشاركات الخاص ذات الموضوع المحدد والفكرة المحددة
فانت لا تستهويك السياسة كما ارى واقدر , بينما كمال الشادى يستحيل ان يتداخل فى بوست اخبار الدورى الأنجليزى
بينما محمد عيد لو فتحنا بوست عن نانسى عجاج , فانه سيفر منه كما يفر الصحيح من (الجرب )
بينما زهير الزناتى , لو لقى (الجرب ده ) , حا يجيب سريرين , واحد ليهو , والتانى للرشيد , ويختوا لى كرسى جنبهم
وكال هذا لا يضر لا نانسى عجاج
ولا يقلل من منافسات الدورى الأنجليزى
ولن يغير من كون ان السياسة هى اهتمام السودانيين الأول
وكل هذا , لن ينقص محمد عيد ولن يزيد زهير الزناتى ولا الرشيد بابكر ولا طارق جبريل
Post: #7581
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 11:25 AM
Parent: #7579

عليكم الله دي حالة
الواحد يعمل مداخلة صلاة الصبح
يجي يعمل ليه إرسال صلاة الضهر
يعني المداخلة دي كانت بتصلي في الضحى و لا شنو؟؟؟؟؟
Post: #7582
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 11:27 AM
Parent: #7579

Quote: يا رشا والله قاعد من قبيل مافي صفحة نزلت والصحافيين مدروشين في المواد


جبريلا...شيل مداخلة منصور دي و كت صحفينكم ديل ما قادرين يعملوا حاجة..
Post: #7583
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 11:34 AM
Parent: #7582

Quote: البلد دي جنت و لا شنو؟؟؟

هي البلد براها
البلد بتاعتكم دي زي ما قاعدين يقولو ناس الجيش
فاقدة إتجاه و مسافة
يعني
زي زولك بتاع الغار
وزي زولك بتاع حموني الإجازة
وزي زولك بتاع الغار
وزي زولك بتاع البكتب صلاة الصبح و المداخلة تجيك صلاة الضهر
وزي زولك العكس مسيخ داك

وزي...زي .......أنا زاتي
Post: #7584
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 11:40 AM
Parent: #7583

Quote: عليكم الله دي حالة
الواحد يعمل مداخلة صلاة الصبح
يجي يعمل ليه إرسال صلاة الضهر


انت يا جلا حسبت فرق التوقيت و لا بتنضم ساكت...
حسة أقوم أباريك تقوم تمقلبني ساكت...
و يطلع الزول ده صاح و نحن غلط..
Post: #7585
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 11:43 AM
Parent: #7584

يا رشا والله مداخلة منص دي تغنينا عن جريدة كاملة


يا منص بجيك بي رواقة وبفند ليك كلامك دة
شكلي كدة حا اشيل وزر المنبر الخاص مع انه انا اول زول رفضه
Post: #7586
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 11:50 AM
Parent: #7584

Quote: انت يا جلا حسبت فرق التوقيت و لا بتنضم ساكت...
حسة أقوم أباريك تقوم تمقلبني ساكت...
و يطلع الزول ده صاح و نحن غلط..

يا زول ما تلاوز
كب الشطة و أبقا مارق ...
لا تنظر إلى التوقيت
أنظر مداخلة إحمد إسماعيل كانت صلاة الصبح (أسأل بتاع الغار داك)
زولك كتب مداخلتو وقعد نااااااام
و لمن إنت جيت قال كدي نجرب الناس بي دي
بالمناسبة خت في بطنك بتيخة صيفي
ولو باريتني بتكسب
ما تسمع كلام المرجفين و المغرضين و المندسين
Post: #7587
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-08-2010, 12:02 PM
Parent: #7586

و الله يا جلا مع البطارية النازلة دي ما انتبهت للحكاية...
كلامك صاح مية مية...
الزول ده امكن مفتكر عشان صورة البروفايل الرهيبة دي ما حنجيب خبر...
لكن طريقة تخزين المداخلات دي مرات بتنفع يا جلا...
تقوم الصباح تعمل ليك مداخلتين مدنكلات و تخليهم في الفريزر...
و تقعد تنتظر الجماعة...ما تهتم لي كلام آخر زول...
تفك المداخلة الأولى حتى لو كانت عن موضوع في الصفحة الأولى...
و بعدين لو عندك حيل ارجع لي الزول الطنشت مداخلتو ده..
و لا شنو رايك؟؟؟؟
Post: #7588
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 12:13 PM
Parent: #7587

Quote: و لا شنو رايك؟؟؟؟

أقول ليك و ما تكلم زول؟؟؟
الموضوع تم طرحه أمبارح
وزولك كب كلام زي الترتيب لمن أنا إتكيفت
و خلاص طارق جبريل إقتنع مع بعض التحفظات
قلنا خلاص الموضوع أنتهى
و على ما أظن عمل مداخلة تانية و نساها في الفريزر بتاعو
وقووووومي يا المرا موتي
زولك جا يعزي
و تووووووش عمل إرسال
تقول لي شنو؟؟؟؟؟؟؟
Post: #7589
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 12:18 PM
Parent: #7588

Quote: خلاص طارق جبريل إقتنع مع بعض التحفظات

نهي نهي نهي
Post: #7590
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 12:27 PM
Parent: #7589

حقو الواحد يديك في صاقوعك دا بي دقل
Quote: يا منص كلامك سمح ومرتب واتفق مع جزء مقدر منه

وأنا قلت
Quote: خلاص طارق جبريل إقتنع مع بعض التحفظات

الجزء الباقي دا يعني التحفظاااااااااااات
إنت قال ليك نحن ما بنعرف ناكل باسطة و لا شنو؟؟؟
ما بيناتنا
يا رش
غايتو أكاد أجزم إنو زولك الفاقد إتجاه و مسافة داك
بيكون يحضر لي في رد للمداخلات بتاعتي
و الأنا واثق منو حيجي يكبها باكر بعد ما تقعد في الفريزر بتاعتو بي مزااااااج
Post: #7591
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 12:44 PM
Parent: #7590

يا جلا الكلم في الكوتش
يكون مبيت ليه طن مداخلات كدة
ويجي يرشني ليك
Post: #7592
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 01:07 PM
Parent: #7591

Quote: يا جلا الكلم في الكوتش
يكون مبيت ليه طن مداخلات كدة
ويجي يرشني ليك

غايتو لمن تجي السودان
أنا مبيت ليك النية بي طن شكلة
وعشان الواحد يرشك صاح
أسألك جوازك سوداني و لا مغربي؟؟؟
كان سوداني واطاتك صبحت
و كان بقيت أجنبي ياك المرقتا
Post: #7593
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-08-2010, 01:08 PM
Parent: #7591

نهاراتكم بالهناء والسرور ...

يا جلا حمدا لله على سلامتك .. شنو الحكاية مرة ملاريا ومرة تايفويد .. أجر وعافية إنشاء الله .. لكن دي آخرت السفر الكتير ولي مناطق الشدة .. شدة ولدة وغسيل عدة .. الله يبعد عنك الهدربة ...

ود الشادي حمدا لله على سلامة الحاجة الوالدة .. وربنا يمتعكم ببعض ومع بعض وربنا يتقبل حجكم ...

بورتو البرتغالي حجا مبرورا ومباركا ومقبولا إنشاء الله .. حظك كويس السنة دي فيها قطارات وإحتمال مترو أنفاق ...

حمدا لله على سلامة أختنا بنت البلول والتحية موصولة لأخونا عثمان .. وما تشوفو شر ...

يا ود جبرين الخروف حصل مليون جنيه (1000) جنيه بالجديد .. بختك يا أبوالزوز مرقت منها زي الشعرة من العجين ...

منصور والله جكاتك الإسفيرية خطيرة جدا ...
Post: #7594
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-08-2010, 01:13 PM
Parent: #7593

Quote: يا جلا حمدا لله على سلامتك .. شنو الحكاية مرة ملاريا ومرة تايفويد .. أجر وعافية إنشاء الله .. لكن دي آخرت السفر الكتير ولي مناطق الشدة

مكنة قلنا ما مقسمة معااااي
المعاهدة التي بينك و بيني إنتهى عهدها
يعني بي العربي الفصيح أكلتها الأرضا
Post: #7595
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 01:35 PM
Parent: #7594

يا جلا جوازي من جزر الكناري




يا البادي كيفنك
ياخي دة خروف دة ولا «أتوس»
Post: #7596
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-08-2010, 01:52 PM
Parent: #7591

الاحباب لكم التحايا
شادينا حمد لله بوصول الوالده نتمنى لها
اقامه طيبه بين مودتكم واحتفائكم ونسال
الله ان يوفقكم في برها واكمال منسك الحج معها

الخاص والعام
هسه ود جبرين دا اكان حفر لينا حفره دخانو
دي فيحوشنا الخاص ماكان ريحنا من المساسقه
ممكن الواحديلفحو هواء
او جاب لينا الجماعه بتاعين اليوميات جمبنا
برضه كان نجي لابسين هدوم الشغل طوالي ونرتاح من
المواصلات والغيارات
Post: #7597
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2010, 01:53 PM
Parent: #7589

حلوين

والله

بيسحروكم
Post: #7598
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 01:57 PM
Parent: #7597

يا ود المهدي كيفنك
حفرة الدخان دي مشيت كتبتها في منبر اهلي في البركل
اعلنوا علي الجهاد

يا زول بنلقى ليها حل مع منص
بس امسكوا مني محمد صديق دة
Post: #7599
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-08-2010, 02:32 PM
Parent: #7598

والقال ليك انا داير اتحل منك منو ؟؟؟
الشبكة مع الزيك , ما مكسب كبير يا حبيب
انا مش فى الأول قلت ليك انت زول عكليت , وانا غير العكاليت قالوا ليك شن داير
غايتو , الكوتش قال جاييك بالليل
وانا بستلمك تانى من دغش الرحمن
اها المداخلة دى كيف يا جلا , معلبة ولا مجمدة
المداخلة الفاتت , وانا بكتب فيها , قام الضهر اذن
اتوضينا , صلينا , اتونسنا لينا حبة مع الشباب فوق
جينا راجعين للمداخلة , تميناها , شلنا منها شوية التلج , رسلناها
كان وصلتكم زى الآيسكريم , ما بختكم , انتو عايزين اكثر من كده شنو ؟؟؟
يا طارق جبرين والله بنحبك ودايرنك فى كل مكان ,
نعرف انك من (الطيور الما بتعرف ليها خرطة , ولا فى ايدا جواز سفر )
لكن
Post: #7600
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 02:48 PM
Parent: #7599

منص يا حبيب
الله يجبر بي خاطرك ياخي
يا زول انا عندي مشكلة واحدة وعارفها الكوتش دة
انا زول مقلق يا منص
جني وجن اتزنق في حتة واحدة بطفش طوالي
بعدين ممكن تقول علي النوع الما بيحب ((يجازف)) في الحاجات الجديدة
لي هسي مقتنع انه المنبر المنفصل دة ما راكب عدله
ياخي الذ شي في المنبر دة الدفسيبة بتاعة المنبر العام دي
مريحة ياخي وبتلقى تسوط فيها كويس
وبتجي ترتاح في بوست الزقازيق
الشي المكتوب بهناك ياهو الهنا في البوست دة
طيب مع الوقت الممحوق دة المساسقة لي شنو
جورج زول ماااهل شديد بعرفه زي جوع بطني سكن معاي
عنده طولة بال تضيق الخُلق
ياخي جورج دة لو عايز يسلق بيض بيعمل قهوة عشان يسلق البيض

غايتو لو جاء بالليل حا يرقدني خل
Post: #7601
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-08-2010, 03:43 PM
Parent: #7600

Quote: المعاهدة التي بينك و بيني إنتهى عهدها
يعني بي العربي الفصيح أكلتها الأرضا


يا جلا يا ود أمي خليك إنت الكبير .. وبعدين نحن داخلين علي أيام مباركة وعيد وحج .. خلاص ولا يهمك نجيب إسكراتش ونجدد العهدة ...

يا ود جبرين معظم السودانيين اللي كانوا بيضحوا زمان ما حيضحوا هذه السنة يا أخي دا كلام غريب .. تخيل يكون سعر الخروف أكثر من مرتب ملايين السودانيين الموظفين .. يعني الخروف عايز ليه تمويل بنكي بي مرابحة إسلامية ...
Post: #7602
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-08-2010, 03:59 PM
Parent: #7601

والله يا شباب عقدوتنا عديييييييييييييل

شكرا ليكم كتيييييييييير
جلا وعمر المهدي
والبادي
وكل زول سلم على امي
الله يخلي ليكم اولادكم وامهاتكم
كتر خيركم
تحياتي
Post: #7603
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2010, 04:13 PM
Parent: #7602

انا سيم سيم
Post: #7604
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-08-2010, 04:17 PM
Parent: #7601

يا جلا عشان أنت قلت نرمي لقدام ومانرجع للوراء اقول
ربنا يكمل الشفاء والعافية
والله بوستينا مرات كدة الظاهر بشعشع وبلعب كورنات عجيبة
وإلا كيف مداخلتي التي بعد موسى عيسى تكون بعد عثمان الجيلي
في يوم 7/11 ومداخلة منصور التي بعد(7) مداخلات من مداخلتي تكون بعد مداخلتي
وينك يا أبو زوز تفتينا
Post: #7605
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-08-2010, 04:39 PM
Parent: #7604

يا ابو حميد موجود في المدينة ... ويا ناس الرياض اعملوا حسابكم يكون عندكم هكر حايم .... من منصور لاحمداسماعيل وواضحا (((جلياً))) ان الدور علي موسي عيسي والبقية في الطريق .... انا شخصياً بتهم واحد من ناس كسلا وعضو معانا هنا ودفعة احمد اسماعيل وموسي عيسي وكفيله خوجة ... ويسافر دائماً الدمازين وكادوقلي واحياناً يمر في طريقه للدمازين بمايرنو سنار ... وولده اسمه عمر ... وساكن الفتيحاب ... ويلبس نضارة ... وكان عنده تايفود جاتو بعد الملاريا ... واول حروف من اسمه م .آ . ا ...ولقبه يبدا بـ (جلا) عرفتوا


ناس الزقازيق ... شركة قابضة ، منح دراسية و صندوق تكافل
Post: #7606
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-08-2010, 07:16 PM
Parent: #7605

سلامات يا ناس

ومساكم طاعم

ما أظن اقدر ارجع لكل الاتكتب بالتعليق

قدرت اقرأ كل الونسة اللذيذة ...بس داير

اطمِّن طارق...انت ما تخاف لانو ما بتجيك حاجة

منى ...ولو بتجيك حاجة كان جاتك زمان لما كنا

بنمشى ميدان الثانوية العسكرية بتاكسى واحد وهناك

كرعينك الطوال ديل تختهم لى فى راسى وتورِّم بيهم سيقانى

وتجيبنى فى نفس التاكسى ..وبالليل (تبنِجْنى) بالونسة.
Post: #7607
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-08-2010, 11:36 PM
Parent: #7606

Quote: وبالليل (تبنِجْنى) بالونسة
Post: #7608
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-09-2010, 07:44 AM
Parent: #7607

صباح الخير ،،، يا وجوه الخير

أصبحنا وأصبح الملك لله وحده ،،،

اللهم يا حبيب التائبين،،،

ويا سرور العابدين،،،،

ويا قرة أعين العارفين،،،

ويا أنيس المنفردين ،،،،

ويا ظهر المنقطعين،،،

أجعلنا من أوليائك المقربين،،،

آمين يا رب العالين،،،
Post: #7609
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-09-2010, 08:01 AM
Parent: #7608

حبابك الريس
لكنني أفتقد و بشدة
صديقي المأجور و الأجير
و عزيزي و نديدي و رفيقي
و أقول ليهو

ما شكيت شح الليالي
وما بكيت نُح شالو حالي
ومنتظرك

و للطيب المتنبئ عندي حضور
ما الشوق مقتنعا مني بذا الكمد "
" حتى أكون بلا قلب ولا كبد
ولا الديار التي كان الحبيب بها "
" تشكو إلي ولا أشكو إلى أحد
مازال كل هزيم الودق ينحلها "
" والسقم ينحلني حتى حكت جسدي
وكلما فاض دمعي غاض مصطبري "
" كأن ما سال من جفني من جلدي
فأين من زفراتي من كلفت به "
" وأين منك ابن يحيى صولة الأسد
لما وزنت بك الدنيا رجحت بها "
" وبالورى قل عندي كثرة العدد
Post: #7610
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2010, 08:01 AM
Parent: #7607

صبحكم الله بالخير

دي اسمها متاوقه ساكت...
لسه وقت الحكير ما بدأ...
بجيكم بعدين مع نهاية الدوام و نزول البطاريات...
عشان الواحد يعيد شحن البطارية بالجلوس اليكم و الاستمتاع بيكم...
جلا ما تفهمني غلط و تقول دي مكنه...
على أي حال دي قدرتي في الوقت الراهن...
لكم أن تقبلوها أو تطنشوها...
ان بعدين لناظره قريب...
Post: #7611
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-09-2010, 08:03 AM
Parent: #7610

Quote: دي اسمها متاوقه ساكت...
لسه وقت الحكير ما بدأ...
بجيكم بعدين مع نهاية الدوام و نزول البطاريات...
عشان الواحد يعيد شحن البطارية بالجلوس اليكم و الاستمتاع بيكم...
جلا ما تفهمني غلط و تقول دي مكنه...
على أي حال دي قدرتي في الوقت الراهن...
لكم أن تقبلوها أو تطنشوها...
ان بعدين لناظره قريب...


شرحووووووووو
Post: #7612
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2010, 08:16 AM
Parent: #7611

سلامات يا ناس

وصباحات التفاؤل

يا ناس الصباح ...صباحكم خير

طارق...شايف البنج كيّفك لامن وقعت على ضهرك.

يا ريس ...مرورك بى هناك وقع علينا موقعاًكنَسْمْ الخريف.

الرشيد وجلا ...لما تجو تتحكروا كلِّمونى.
Post: #7613
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-09-2010, 10:44 AM
Parent: #7612

يا جورج البنج مريح ياخ
هههههههههه
اها معيد وين انت
Post: #7614
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2010, 10:50 AM
Parent: #7612

Quote: الرشيد وجلا ...لما تجو تتحكروا كلِّمونى.


يا كوتش....عووووك...

جلا...فاضي و لا معشق...

منص...طلع ليك حاجة كده من الفريزر...ان شاء الله تكون بايته ما مشكلة..

أخونا بتاع الملاح القرين...بطل الحقارة و أبقى مارق...

جبريلا...الصحفيين عندهم موضوع اليوم و لا لليلي ماكتبو شي...
خليهم يمشو محل الشرطة كسروا الجماعة في العيون و لا اسمها شنو...
Post: #7615
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-09-2010, 10:55 AM
Parent: #7614

يا رشا والله المواضيع الليلة لمن مدفقة كلها العيون
عشان كدة يمكن اغتس باقي اليوم
Post: #7616
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-09-2010, 12:47 PM
Parent: #7615

حال البوست يسر العدو قبل الصديق

والناس بتتنافس على المداخلات والمشاترات

ناس مبنجة وناس لسه عندها حمى من الملاريا وقايم بنمرة 3

والعربية ما بتقسم معاهم ،، وناس مستعدة للسفر وبتشحن العفش

وناس ورجعوا من إيران وشادين الحزام وناس منصور والرشيد دافرين شديد

وحباب ناس البادي بسخنوا العربية كل صباح ، وناس الشادي مشغولين مع يومه

وعبدالحفيظ بوضب ليكم في البس بس ، وعثمان الجيلي اليومين دي شاغال حارس أمن

في المستشفى ونوال البلول تستعد للخروج يوم الأربعاء لتكلمة الإستطباب ،، الود عبدالدائم

بجمع في الفلوس ، ود الزناتي العجيب بيرسع في الخطط ، ولو تصدقوا بكرة آخر دوام والما بسهر

معانا في النيت نعلن المقاطعة من هسع ،،،، لنعمل ورديت الليل والنهار

كل سنة وأنتم طيبين وعيد سعيد وإجازة ممتعة مع خدمة الحجيج ومنتظرين ناس الدومينكان.
Post: #7617
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-09-2010, 01:13 PM
Parent: #7616

و الله يا جماعة تأتي الرياح بما لا تشتهي السفن...
كان نفسي أتحكر آخر الدوام لكن شغلوني حتى آخر ثانية...
و كمان زدت شوية و بدون أوفر تايم كمان...شفتو الحقارة دي كيف...
لكن لما رجعت لقيتكم كلكم رياحكم معاكسة...
ما عدا الريس ميسرة اليوم لاقي هبوبو و مضري عيشو...
طيب أنا زاتي أمشي أدقس شوية و أجيكم بالليل (مكنة الكوتش)...
و كان ما جيتكم بكون لسه نايم...
Post: #7618
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-09-2010, 01:17 PM
Parent: #7616

اقتراح مقدم للمهندس / بكرى ابوبكر - عناية سودانيز اونلاين

الشخصية القادمة لقاع المداخلات هى ....


من أقوال الدكتور / محمد آدم النور
7fa638ff8b60089f3c2a1ea047921cd522222.jpg Hosting at Sudaneseonline.com
Post: #7619
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-09-2010, 01:24 PM
Parent: #7618

Quote: و الله يا جماعة تأتي الرياح بما لا تشتهي السفن...
كان نفسي أتحكر آخر الدوام لكن شغلوني حتى آخر ثانية...
و كمان زدت شوية و بدون أوفر تايم كمان...شفتو الحقارة دي كيف...
لكن لما رجعت لقيتكم كلكم رياحكم معاكسة...
ما عدا الريس ميسرة اليوم لاقي هبوبو و مضري عيشو...
طيب أنا زاتي أمشي أدقس شوية و أجيكم بالليل (مكنة الكوتش)...
و كان ما جيتكم بكون لسه نايم...

الشكر ليك يا بتاع الغار
بالمناسبة الدكتوراة قربت
بس دقت في العارضة

داير أقول شرحوووووو
تقوم النار تولع
عارفكم و عارف الغتاتة بتاعتكم
ما علينا

شرحو نص مكنة تنفع؟؟؟؟
Post: #7620
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-09-2010, 01:39 PM
Parent: #7619

Quote: بالمناسبة الدكتوراة قربت
بس دقت في العارضة


ليه كفى الله الشــر ..؟

ميشو ما ظبط الخطة ...

ولا فكى الدمازين ما كــرّب الشغلانة ..؟!

* الجايات أكتر يا حبيب ..


Quote: شرحو نص مكنة تنفع؟؟؟؟


ما تمشى بعيد ...

انا والله قاصد بس .. ظهورك - بعد طهورك بحمد الله من المرض -

دايما بيزيد حركة البوست ...

وبرضو بيجيب الهوا !!
Post: #7621
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-09-2010, 02:45 PM
Parent: #7620

Quote: وبرضو بيجيب الهوا !!


شرحووووووووووووو
Post: #7622
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-09-2010, 07:24 PM
Parent: #7621

سلامات يا ناس

Quote: بالمناسبة الدكتوراة قربت
بس دقت في العارضة


ما قسَّمت معاى.
Post: #7623
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-09-2010, 09:38 PM
Parent: #7622

Quote: ما قسَّمت معاى.


شرحو
وزيو بالضبط
Post: #7624
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-09-2010, 10:17 PM
Parent: #7623

دي متاوقة
وكل التحايا للجميع




عتاب واعتزاز
جوني اصدقاء كثر في الوول بتاعي على الفيس بوك
ولكن هنا لم يحرك الجميع ساكنا
الشكر لكمال الشادي
والشكر لجلال عثمان

وسجل دي برضو يا محمد عيد
Post: #7625
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-09-2010, 10:31 PM
Parent: #7624

يا محمد عيد
يا الرشيد

Quote: عتاب واعتزاز
جوني اصدقاء كثر في الوول بتاعي على الفيس بوك
ولكن هنا لم يحرك الجميع ساكنا
الشكر لكمال الشادي
والشكر لجلال عثمان

وسجل دي برضو يا محمد عيد


الزول الرائع مبارك جادين
قبل يومين كان عيد ميلادو الخمستاشر

قلبنا الليل نهار بي هناك
أجرنا صالة نادي الشرقية
وعملنا اقواس من الزهور الرائعة في مدخل النادي
ومن عند بطة ( بتاع الامن )
لغاية نادي الشرقية ولعنا لمبات الفرح
وبعد مدخل النادي لحدي جامع ( عبد الحليم حافظ ) زي ما بقول جمال دفعة
برضو وصلنا لمبات الفرح

رغم إنو جا زاهر الصادق وعاطف على عشان يغنوا وعماد شريف جا من الاسماعيلية
انا ابيت اغني
أخدت لي زوغة على زقاقات مولد النبي
وعديت على رقاصة كانت صاحبة محمد صديق
عرفني عليها ايام ضلالاتو ديك
ووعدتني خير
جات وجابت معاها الرقاصة التانية الكانت مصاحبا طارق جبريل
وهاك يا فت
فتيناهو فت
وفي نص الرقيص
يقوم مبارك يقول لي يا شادي بالله الشباب ديل مش قصروا معاي
منو يا ابو الجود
قالي محمد عيد والرشيد
بالله هسي لو جو ما كان إتخجو شوية مع الرقاصات الدلع ديل
بالله شوف جنس الخج ده


خروج وعودة
Post: #7626
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-09-2010, 10:49 PM
Parent: #7625

عاطف على مندمج في الغناء

يا أغلي من عيني وأحلى من إبتسامي

وفيفي الرقاصة صاحبة محمد صديق
ترمي في أوزانها يمين وشمال
ومنصور بي حجة البشير فوق الواحدة والنص جاي يتحكحك فوق فوفو
رمقه محمد صديق بنظره
خفت على منصور
بحركة دبلوماسية سحبتو لي بره

الزول التعبان محمد صديق ده أكان كان لي عوارتو
الليلة ما بتعدي على خير

لكزني أو الجود صاحب الاحتفالية وسيد الليلة وغمز لي
عاين صاحبك
سالتو صاحبي منو
واتلفت الى مدخل النادي
الاقي ليك ابو الجل الراجل الطاعم
خامش طرف الجلابية بي سنونو
وفوق فوق فوق

كشف تقيل من آخر الصالة
قال يجي يحك شوية مع منصور
غايتو جنس حجج

قلت لي ابو الجود سيد الليلة
بالله لو عملنا الشغلانة دي على ضيق في شقتنا في سفن اب ما كان احسن بدل البهدلة دي

حرام عليك يا راجل بالله كنت تلقي زي ده وين
عاين لي الزول التعبان الاسمو طارق جبريل ده هسي ولي عمايلو البعمل فيها ديك
وين كنت تشوف زي الفضائح دي

خروج نهائي
بلا عودة

تحياتي يا أبو الجود
مبارك جادين
وكل سنة وانت بالف خير
Post: #7627
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-10-2010, 06:59 AM
Parent: #7626

شكرا يا ابو كمال على الاحتفالية الراقية
الرائعة

وان كنا لدينا عشم ان تغني
واحدة من روائعك


ودمتم
Post: #7628
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-10-2010, 07:38 AM
Parent: #7627

الاخ كمال الف حمدلله علي سلامة الوالدة

و القصة والله انا حسبتها واقعية و شرط

نامل المواصلة .


الاخ الدكتور الظريف خالد محي الدين طريح

الفراش منذ اكثر من اسبوع نسأل الله له السلامة

وجواله 0503980115

و ناسف للانقطاع و لنا عودة بعد الحج انشاء الله .
Post: #7632
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-10-2010, 08:52 AM
Parent: #7628

صباح الخير ،،، يا وجوه الخير

أصبحنا وأصبح الملك لله وحده

هدية الصباح :

قال رسول الله (ص)

"إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ
فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ".
أخرجه الطبراني

السلام عليكم جميعاً ، نخص السلام لمبارك الهمام وكل سنة

وأنت طيب وعقبال مائة شمعة ،،، وعمرك يطول بإذن الله تعالى

ألف سلامة دكتور خالد نتمنى لك الشفاء العاجل
Post: #7629
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-10-2010, 08:12 AM
Parent: #7627

Quote: يقوم مبارك يقول لي يا شادي بالله الشباب ديل مش قصروا معاي
منو يا ابو الجود
قالي محمد عيد والرشيد


لكن يا شادي ما تكلمونا...
معقولة تخلونا نتلوم مع بركة ده كده...
الجماعة الجوكم ديل شفتهم قاشرين سألتهم ماشين وين يا جماعة...
قالوا ماشين يذاكروا الامتحانات على الأبواب...

كل عام و أنت بخير يا بركة...و عقبال مائة شمعة...
Post: #7630
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-10-2010, 08:24 AM
Parent: #7629

يا موسى كويس الما مشينا ، قال ليك الحفلة كان عزابة ساكت
منصور شنو وطارق جبريل شنو البرقصو كمان ، حفلة ما رقص فيها
احمد السنى اخير عدمها ...
بعدين اعياد الميلاد بيعملوها فى قصر فرساي ....


كل سنة وانت طيب يا بركة
رغم اننا متعودين من اولاد علوم بيعملو حفلاتهم دكاكينى

،،،،،،،،،،،،،

يا نجيلة تتذكر الصورة دى فى عيد ميلادى الكم ؟ بقصر فرساى


sudansudansudansudansudansudansudansudan22.jpg Hosting at Sudaneseonline.com
Post: #7631
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-10-2010, 08:24 AM
Parent: #7629

الف كفارة لدكتور خالد محي الدين ...ودي اكيد عين .... رغم انه موسي عيسي قال لي ما اظن بعد ده يدوهو عين ...

يا بركة والله نحن زعلانين شديد الربه دي ما تعزمونا ليها .... بعدين ما قاعدين نمشي محلات الاولاد الصغار دي الفيس بوك وما اليه ...

يا زول كل سنة وانت طيب .... وعمر مديد .... بس خمستاشر دي ما كتيرة شوية ....

انا غايتو الليلة جبت كتب سنة سادسه وقاعد اذاكر .... والما مصدق ممكن نعمل ليهو صورة
Post: #7633
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-10-2010, 08:53 AM
Parent: #7631

بالله الواحد لما يغيب عن المنبر ...
يجي داخل ساي بدون حركات ...
مرة يقول عندو ملاريا ومرة تيفويد ... والمرة الجايه شنو ماعارف ... غايتو الصبر بس ...

الشادي ....
عيدك مابقي 4 أعياد
عيد الاضحي ... والحج ... وقدوم الوالده (ألف حمدلله على السلامه ....
والرابعه شنو ياياسر ... ايوه عيد ميلاد بركة عقبال المليون ...

الصورة دي ياعبدالدائم ... صح كانت في قصر فرساي ... وصحيح كانت في عيد ميلادك ...
وانا متذكر كان يا 13 أو 14 غايتو شنبك كان يادوب ... قايم ...

دكتورنا الخلوق خالد محي الدين .... ألف كفارة ليك ... وسلامتك ... وكل اطفال الانابيب كرامتك ...

عثمان الجيلي ... لازمنا جيه عديل كده عشان نكفر ليك وللاخت نوال ... خلى ناس الحج ديل يخفو شويه ...

يازهير ...
وانا بذاكر في كتب سادسة ورابعة كمان .... وصوري جااااهزة ....

===================================================
موضوع يستاهل التفكير

موظف راح يشتكي لسكرتير المدير أنه يستحق علاوة من سنين على مجهوده وانتاجه ..
بينما الموظف سين ياخذ علاوات كل سنة بدون انتاج ..
سأله السكرتير .. انت دجاجة والا سمكة


زعل الموظف وقال انا جاي اشتكي من الظلم وانت ووجهك تنكت معاي ..
جاوب السكرتير وقال ..
يا اخي انا صادق الدجاجة تبيض بيضة كل يوم ..

بس قبل لا تبيض تكاكي وتسمع الجيران وكل الناس الحولينها انها باضت ..

بينما السمكة تبيض مئات البيضات .. تحت حجر في البحر وما يدري عنها اي واحد ..


علشان كذا سألتك انت دجاجة والا سمكة ..
ولكن للاسف طلعت سمكة ومحد درى عنك ..
خرج الموظف من عند السكرتير بدون اي تعليق ..


السؤال للكل كيف تكون دجاجة وما تكون سمكة ..وكل واحد وشطارته ..
Post: #7634
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-10-2010, 09:19 AM
Parent: #7633

Quote: الجماعة الجوكم ديل شفتهم قاشرين سألتهم ماشين وين يا جماعة...
قالوا ماشين يذاكروا الامتحانات على الأبواب...



الرشيد انت راجل تفتيحة
المفروض حركات الدغالة والزوغان بتاعة طارق تفهمها وهي طايرة
وانا من بليل اوصي فيهو يا طارق لازم تجيب الرشيد معاك
لانو الرقاصة صاحبة محمد صديق بتحب الناس الطوال
وميتة في الرشيد موت
بس هو ما شغال بيها
Post: #7635
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-10-2010, 09:42 AM
Parent: #7634

غايتو في حفلتكم دي
شامي لي ريحة هناي
Post: #7636
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-10-2010, 09:44 AM
Parent: #7635

Quote: ايتو في حفلتكم دي
شامي لي ريحة هناي


يا محمد صديق

هناي يعني شنو ؟
Post: #7638
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-10-2010, 09:46 AM
Parent: #7636

Quote: هناي يعني شنو ؟

يعني ريحة دجاج مشوي
ولا ريحة سمك مشوي

ما قلتو نووووبة؟؟؟
Post: #7637
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-10-2010, 09:45 AM
Parent: #7634

النضيف كل سنة وانت طيب ...

دي باثر رجعي اكيد وقتها ما قلناها ليك .....


ربنا اشفي والدة الاخ نادر فاروق والتي تعرضت لانتكاسة صحية من جراء عدم الحركة اثر العملية الجراحية ....وهي الآن بغرفة الانعاش اثر جلطة دموية بالرئة ... عرفت منه انها تحسنت كثيراً ....
Post: #7639
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-10-2010, 09:53 AM
Parent: #7637

اللهم اشفي والدة
نادر فاروق
وارزقها الصحة والعافية


الزول بتاع الهناي وينو

لمن قلت ريحة هناك انا إفتكر ريحة فتة والله شاورما
أوعى تكون إفتكرت حاجة تانية
انا خوفي كلو إنك تفهمني غلط
Post: #7640
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-10-2010, 10:01 AM
Parent: #7639

Quote: انا خوفي كلو إنك تفهمني غلط

زول لو فاهمك صاح
يجيب ليك البوليس يا زهير الزناتي
Post: #7641
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-10-2010, 10:01 AM
Parent: #7639

يا الله يا زهير اتصلت بنادر فاروق الاسبوع الفاتت
وكان يادوب طالعين من المستشفى ، ربنا يواليها بالصحة والعافية
Post: #7642
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-10-2010, 10:32 AM
Parent: #7641

ألف سلامة لوالدة الأخ نادر فاروق و ان شاء الله أجر و عافية...
نسأل الله أن يتمم لها العافية و يديمها عليها...

كذلك سلامات للأخ و الصديق د. خالد محي الدين...
نسأل الله أن يشفيك و يعافيك ويتم عليك نعمة العافية..
Post: #7643
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-10-2010, 10:49 AM
Parent: #7642

صبحكم الله بالخير

اليوم الرياح ما بين هبوب و سكون...
تهب نتاوق... تسكن ننسحب انسحاب لا تهم صفته..
تكتيكيا كان أو غيره...المهم انسحاب و خلاص...
مرات تهب تجي داخل تلقى الوضع يستدعي الهروب عديييييييل كده...
تشيل جزمك في يدك و تكفكف بنطلونك و تجري و لا تنظر خلفك...
و تعمل فيها لا سامع لا شايف...
يا زول أقيف...ديل نحن أقيف...
طنااااااااش شديد...
و كان سألوك ممكن براحة تقول تأتي الرياح بما لا تشتهي السفن...
جاتني مهمة مستعجلة... و لا اضطريت أطلع...
بس ما تحلف...خصوصا الأيام دي...
و كان زنقوك شديد..ممكن تقول كانت مسألة حياة أو موت...
بس برضو ما تحلف....
أها أنا حسة انشغلت بجيكم بعدين...
ما مصدقني...
وحاااااات....وحااااات...
واحاااات الخوه...
Post: #7644
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-10-2010, 10:56 AM
Parent: #7642

ربنا يوالى صديقنا الدكتور خالد محى الدين بشفائه العاجل
ويلطف بوالدة اخونا نادر فاروق ويبلغها تمام العافية وكمال الصحة , خليك جنبها يا نادر وربنا يطمنك عليها
وكتروا ليها من الدعوات كولللكم
اما مبارك جادين , والربة بتاعته بتاعت (الحيط دى )
فيطرشنا ويعمينا
قلتوا لى كانت وين ؟؟غنى فيها منو ؟؟, رقصتوا فيها كيف
كان فيها ريحة شنو ؟؟؟؟
بتحب الناس الشنو ؟؟؟؟
ياسر نجيلة والنضيف فى قصر فرساى
لمن شميت ريحة البسبوسة بالقشطة
وبعدين يا ياسر , الصورة دى مش كانت سنة اربعة وتمانين
اربعتاشر زائد ستة وتلاتين , يعنى (خمسين والجوكر بايظ )
انتو فيس بوك يعنى شنو ؟؟؟؟
Post: #7645
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-10-2010, 11:10 AM
Parent: #7644

حجاج البوست ... سلامات ....

حج مبرور .... كمال الشادي ووالدته .... موسي عيسي .... حاتم جبارة .... محمد آدم النور (جلا)


ربنا يسهل ليكم الحج ويكون حج بارد خالي نزله وتعب
Post: #7646
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-10-2010, 11:13 AM
Parent: #7645

بفضل الله خرجت اليوم نوال البلول من المستشفي ... ونتمني من الله ان يواليها بالعافية ... وان تعود كما كانت في الماضي ... بكامل صحتها
Post: #7647
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-10-2010, 11:21 AM
Parent: #7646

ألف سلامة لوالدة الأخ نادر فاروق و ان شاء الله أجر و عافية...
نسأل الله أن يتمم لها العافية و يديمها عليها...

كذلك سلامات للأخ و الصديق د. خالد محي الدين...
نسأل الله أن يشفيك و يعافيك ويتم عليك نعمة العافية..
Post: #7648
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-10-2010, 11:35 AM
Parent: #7646

الف الف سلامة لي حبيبنا خالد محي الدين
وسلامة لي امنا والدة نادر فاروق
واجر وعافية لي اختنا نوال البلول



يا جماعة الخير انتو كمال الشادي دة ماشي الحج موش
طيب او كان ماشي حتة تانية كان جاب ليه جركانة عرقي مع الرقاصات ديل
الخرابة حج شنو البيحجو



ود جادين لحدي ما اتفارقنا من شقة الفلسطيني كنت كويس
بقيت تسويلك اعياد ميلاد كمان
وحات نضري انت خِرِب ضُمة ضُمة
Post: #7649
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-10-2010, 11:53 AM
Parent: #7648

ألف سلامة لوالدة الأخ نادر فاروق و ان شاء الله أجر و عافية...
نسأل الله أن يتمم لها العافية و يديمها عليها...

كذلك سلامات للأخ و الصديق د. خالد محي الدين...
نسأل الله أن يشفيك و يعافيك ويتم عليك نعمة العافية..
Post: #7651
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-10-2010, 12:01 PM
Parent: #7649

انعل ابوها .... سجن سجن غرامة غرامة
وبما انو نحنا كتلنا الحفلة ف الزول بجي داخل عينو قووووية
ومالوا فيها شنو كان شميتو فينا رحية هناي ولا فتة ...
من الله خلقكم شفتو ليكم حفلة مافيها عشا ولا هناي
والله بركة ماقصر تب ... هججننا واتعشينا ... وهناي
وبعدين تعال هنا ياجلا ياخ انت مالك كدة بتنكت المصايب
يعني عشان ماكتلت معانا الحفلة زعلان
والله معاهو حق محمد عيد ... قاعد تجيب الهوا ...
وياكمال هوي رقاصاتكم ديل كانو قاعدين يرقصوا وين ...
يعمينا غايتو حضرنا "وصلة" عاطف وبعد داك مشينا نقدم الجكس ...

في زول شامي ريحة حاجة ...؟
Post: #7650
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-10-2010, 11:58 AM
Parent: #7648

Quote: يا جماعة الخير انتو كمال الشادي دة ماشي الحج موش
طيب او كان ماشي حتة تانية كان جاب ليه جركانة عرقي مع الرقاصات ديل
الخرابة حج شنو البيحجو

الحاجة الأنا عارفا
أمو هي الماشة الحج
بعدين حسن ملافظك شوية
لأنو قبل كدا قاعد أكتب في مداخلة
بتي جات قالت لي
أبوي إنت شارب شنو...ريحتك دي متغيرة
قربت أقول ليها في زول عنقالي كب لينا صفيحة هناي هنا و مشا
Post: #7652
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-10-2010, 12:14 PM
Parent: #7650

الزول العكس مسيخ
ممنوع تناول الهناي
Quote: بعدين حسن ملافظك شوية
لأنو قبل كدا قاعد أكتب في مداخلة
بتي جات قالت لي
أبوي إنت شارب شنو...ريحتك دي متغيرة
قربت أقول ليها في زول عنقالي كب لينا صفيحة هناي هنا و مشا


شرحووووووووووو
Post: #7653
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-10-2010, 12:29 PM
Parent: #7652

يا جلا براك متسبب تفتش للهناي
Post: #7654
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-10-2010, 01:18 PM
Parent: #7653

نهاراتكم بالهناء والسرور ...

ربنا يوالى أخوناالدكتور خالد محى الدين بشفائه العاجل ...

وربنا يلطف بوالدة اخونا نادر فاروق ويبلغها تمام العافية وكمال الصحة ...

مبارك جادين كل سنة وإنت بألف خير وعقبال تطفي الشمعة المية ...

الخروف إنشاء الله بنقدر عليهو لكن البجيب لينا الهناي منو ...
Post: #7655
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-10-2010, 01:50 PM
Parent: #7654

تحياتي يا البادي وكل سنة وانت ومبارك بألف خير وسلامة
.
..
...
Post: #7656
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-10-2010, 01:56 PM
Parent: #7654

sudansudansudansudansudan23.jpg Hosting at Sudaneseonline.com


بــركة الحبيب ...

العمر المديد ليك انشاء الله

وانشاء الله كمان يكون فى ظل الوطن الواحد ..

بعيدا عن شبهات الصفقات السرية .. والحوافز الاوبامية ...!!!

$$$$$

معليش ما قدرنا نجى الحفلة ...

عشان الجيوب .....( الأنفية ) قايمة اليومين ديل ...

وما بنقدر على ريحة الهناى ...!!


&&&&&&&&&&

تلييشة :

غايتو يا ود الشادى .. أرجى الراجيك

محمد صديق جاييك بالراجمات ..

غايتو نصيحتى امشى على منى من الليله واعتبر بكرة يوم التروية بتاعك
Post: #7657
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-10-2010, 03:29 PM
Parent: #7656

خالص الامنيات لوالده الاخ نادر بالشفاء العاجل
وايضا الانيات كلها لبرلومنا د خالد ربنا يتم ليه الصحه
يالشادي الحكايه خم رماد قبل الحج ولا شنو
Post: #7658
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-10-2010, 03:41 PM
Parent: #7657

سلام يا ناس ....

الرشاوي الانتخابية واضحة ..... محمد عيد عمل صورة رهيبة لمبارك جادين في اول فرصة بعد التمرد الشهير .... يلا ابو حميد اخوك عيد ميلاده يوم 4/4 لكن دائماً بحتفل بيهو في عيد الضحية .... يلا بالله واحدة كده من بيت الكلاوي .... بس اوعك من شبه البنغالة ديلك ...

تعرف مشيت لرخصة المرور .... اي واحد يلاقيني هناك يشبكني ليك رطانة بالهندي يتفاج لمن اتكلم معاهو عربي .... مرافقي قال لي ديل نوع من الهنود بيربو شنبهم زيك كده ... اها بالله واحدة تكون من غير ابو شنب علي الاقل الواحد بعدما يدخل الخمسين بعد ايام ما حا يكون عليهو حرج لو حلق شنبو .... فنشوف لينا بروفة كده ...
Post: #7659
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-10-2010, 04:06 PM
Parent: #7658

Quote: تعرف مشيت لرخصة المرور .... اي واحد يلاقيني هناك يشبكني ليك رطانة بالهندي يتفاج لمن اتكلم معاهو عربي .... مرافقي قال لي ديل نوع من الهنود بيربو شنبهم زيك كده ... اها بالله واحدة تكون من غير ابو شنب علي الاقل الواحد بعدما يدخل الخمسين بعد ايام ما حا يكون عليهو حرج لو حلق شنبو .... فنشوف لينا بروفة كده ...


تعرف يا ابو الزوز لمن كنت معانا فى جده

طبعا مصطفى ولدى شافك ، والظاهر اهتم جدا بهيئة الشنب بتاعك وقعدت مرسومة فى خياله ...

قبل ايام كان قادينا فى التلفزيون بواحدة من مباريات المصارعة الطالعين فيها الايامات دى

وهو عاوز يوصف لى مصارع معين كده انا طبعا ما عارف اسمو ...

المهم قال لى يا بابا عندو شنب زى بتاع عمو الهندى الجانا فى رمضان داك فى المول وكان طوالى ماسك

مشكاة بت عمو ميسرة ..

Post: #7660
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-10-2010, 05:49 PM
Parent: #7659

Quote: عندو شنب زى بتاع عمو الهندى الجانا فى رمضان داك
Post: #7661
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-10-2010, 10:37 PM
Parent: #7660

محمد عيد
يمين مافي حفلة في النت بتنفع بدون فوتوشوبك الجميل ده
بصراحة ربتنا الفاتت كلها كوم ولوحتك كوم تاني

اما حكاية محمد صديق
انا بصراحة شغل البواليس ده ما بحبو
والراجل يا محمد عيد انا ماقلت فيهو حاجة تخليهو يجيب راجمات وناسفات
شوف راجع كلامي انا قلت ايام ضلالاتو القديمة ديك
يعني هو هسي بوليس حلاتو وصلاة النبي فوقو
زمان ديك خليها لي زمان
والله يرحم زمان

عموما اكان جاب راجتماتو
خليك محضر خير عليك الله
Post: #7662
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-11-2010, 05:56 AM
Parent: #7661

صباح الهناء والسرور ...

يا جلال نبرا ونستبرا منكم يا ناس تربية ولغة عربية كمان .. عموما صلحنا الغلط يا مصحح الغلطاوي .. طالما إنكم شفاتا كدا في لغة الضاد كيف تخلو أبوالزوز يقد عربي ...

كمال الشادي الكوتش دا خليهو وخلي الفايلات القديمة المغلقة الحقيقة كل الناس بتنسى فايلاته القديمة إشمعنا جنابو دا عايز تفتو .. في ناس كدا فايلاته القديمة عايزة ليها قعدا .. ما تتحسسوا ساكت قالوا الحرامي في راسو ريشة .. في ناس كتار قاعدين يتحسسوا في روسينم ...

محمد عيد شايفك كترتا المحلبية لي مبارك جادين وعملتا ليهو حفلة .. أنا غايتو إلا تجيبني شايل كأس الكونفدرالية الهلالية ...

كل عام وأنتم جميعا بألف خير وعلى الخير دائما .. أخواننا الحجاج ربنا يسهل عليهم حجهم ويتقبل منهم ويجعله حجا مبرورا ...
Post: #7663
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-11-2010, 06:50 AM
Parent: #7662

Quote: محمد عيد شايفك كترتا المحلبية لي مبارك جادين وعملتا ليهو حفلة .. أنا غايتو إلا تجيبني شايل كأس الكونفدرالية الهلالية ...


يا البادي تلاقيني اتفق معاك للمرة الاولي ..... يكون في واحد فينا اتغير ... بس عليك الله ما تجيب لينا سيرة الكونفدرالية لغاية ما نجي شايلين كاسها .....
Post: #7664
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-11-2010, 08:11 AM
Parent: #7663

Quote: عموما اكان جاب راجتماتو
خليك محضر خير عليك الله


ود الشادى الحبيب ...

والله بالجد انا خايف عليك ...

وخايف انو المسألة تتطور من راجمات الى اسلحة استراتيجية كمان ...

عشان كده باقول ليك الزول ده أختاهو اليومين ديل

ما شايفو من يوم ما رجع من محل التخصيب داك .. اى زول يقول ليهو شىء يحمــّر ليهو

وما قاعد ينطق حاجة .. غير يقول .. جاييكم بالليل ..؟!

اها هسه ده ما تهديد نووى عديل كدة ..!!

Quote: يا البادي تلاقيني اتفق معاك للمرة الاولي ..... يكون في واحد فينا اتغير ... بس عليك الله ما تجيب لينا سيرة الكونفدرالية لغاية ما نجي شايلين كاسها .....


البادى وابو الزوز ...

على الحرام .. وعد منى قدام ناس الحوش ديل كلهم

اعمل ليكم حفلة كااااربة كان جبتوا كاس الفدرالية ...

لكن كان جبتو كاس ( الهناااااى ) .. ما تلومونى غايتو ...!
Post: #7665
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 08:43 AM
Parent: #7664

صباح الخيرات
يا اهل الخير والخيرات

كل الاخوان الاعزاء
وخسسسسسسسسسسسسوسا طارق جبريل
بالله عيشو معاي اللحظات الجميلة دي

الليلة الخميس
دوان نهيي يعني مافي دوام

بت الشيخ يوم الخميس ده البيصحيها بدري بتفلقوا بي اقرب حاجة جنبها

وانا شخصيا كل يوم اربعاء بالليل بحرص انو ما في اي حاجة تقيلة تكون قاعدة جنبها
عشان لو حصل اي غلط الفلقة ماتودي الطواريء

يوم الخميس الصباح عشان مافي مدارس ومافي دوام بت الشيخ بتضرب نومة كده لغاية ما تشبع
( سامع يا نجيلة )
ويازهير خليك واعي وإستراتيجي

المهم صحيت الليلة بدري
لقيت امي صاحية كعادة اهل السودان
وامي بتعبتر النوم المتأخر لغاية صلاة الضهر عدم مسئولية
( مصيرها مع الايام هنا تنوم لغاية صلاة العصر )

المهم قايم ونفسي في قهوة
خشيت عملت لي قهوة ( براي طبعا يا نجيلة بطل تغمز لي صاحبك اب شنب داك )
انا بعمل القهوة لي نفسي يوم الخميس بس في ناس بيعملوها السنة كلها

المهم وعملت ليك شاي بي لبن لي امي
وجبت الصينينة وقعدت معاها في الارض
وقعدنا نشرب ونجيب سيرة الناس

اقسم بالله قعدة بالدنيا
ما قمت منها الا عشان اكتب ليكم الكلام ده

الله يديك الصحة والعافي يا السيدة بت عباس ود السيد

على فكرة راح نتحرك للحج ان شاء الله من الرياض يوم السبت بعد صلاة الظهر
Post: #7666
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-11-2010, 09:09 AM
Parent: #7665

ود الشـــادى ...

الله يهنيك ويســعدك برضاء وجوار الوالده

وزى ما قلت .. القعده معاها فوق الجابرة .. تسوى الدنيا والفيها ...

نسأل الله لكما ولجميع الحجاج القبول والاجر والثواب ...

ولا تنسى اخوانك من صالح الدعاء
Post: #7667
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 10:00 AM
Parent: #7666

يا الشادي
الله يدي الوالدة و الصحة و العافية
و بعدين زح منها بعيد شوية و إتونس
عشان إنت شارب ليك قهوة خالية من ال.......
و نصيحة ليك
الحاجة دي ما تحبسوها
خلوها تطلق كريعاتها ديل شوية
و بعدين ما تصاقرا
بت الشيخ عارفا و نستها
خفف شوية يا....
لو عايز تصاقرا ....تعال معاها السودان
Post: #7668
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 11:14 AM
Parent: #7667

يا ود الشادي الله يخلي الحاجة ويدهيا العافي
لكن بيني وبينك لمن جبتة الصينية وقعدتة جنبها ما قالت ليك:
يا وليدي انت بقيت دِلِق ولا شنو.. كيفن تكون بي مرتك وقوم تسوي الفطور براك
Post: #7669
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 11:31 AM
Parent: #7668

Quote: يا وليدي انت بقيت دِلِق ولا شنو.. كيفن تكون بي مرتك وقوم تسوي الفطور براك


ما قالت لي يا مطرطش يا سجمان يا رمدان
لا نظر ولا قراية
ارجع اقرا كلامي الفوق داك يا مبهدل
انا قلت عملت القهوة والشاي
مش الفطور
والفطور زاتو اكان سويتو مالو
انا اخير بسوي الشاي والقهوة يوم الخميس بس
شوف انت قاعد تسوي شنو ايام الاسبوع كلها
Post: #7670
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 11:39 AM
Parent: #7669

هييييييع عفيت منها بت شيخك يا ود الشادي
باقيلي البمبرز تغيروا للبُطان
عاد وااافضيحتك مع الحاجة
Post: #7671
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-11-2010, 11:46 AM
Parent: #7670
Post: #7672
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 11:46 AM
Parent: #7670

والله يا كمال انا قاعد في المكتب
وبسمع في محمد كرم الله: (مسخت عوم البترطن في جروفها)
واتذكرت الحاجة امك دي
بالله شوف الزول دة وصاف كيفن:

مسخت عوم البترطن في جروفا يا خلايا فجو لي اللشوفا
الصدير رجفاتو ربت لي خوفا خام ثمار أل الله قال دانيات قطوفا
الرقيبة قزازة الروم في وقوفا جرعتنى العلاقم بي صنوفا
فيها طبع الأمو تفهمو بالكروفا وطافرا من الحركة وادي الشين علوفا
بروقيها الدارا لخطبتي لي صفوفا وخلي عزالك عديل تخضع أنوفا
من قليبا عطورا ليها مرايا جوفا دا الجبين الباقي فد من يوم خسوفا
عبيرا كافن كافن المافيها زوفا أنا داير اسكن جوارا ماب تنفعني طوفا
ديسا شوف عينيا منو شكت كتوفا الدلال الفطري فاق لخضاب كفوفا
حاجبا للناس تكوسو كتر وقوفا إلا دائما نافرا يا ناس ما ولوفا
صممن جاراتا قالن لي عطوفا مالا شوفتا ليا تسحب لي سيوفا
العلي والبيا كلو اسباب عزوفا لو تحلو رموز اصابع اليد حروفا


وشوف قريبي دة رقاص كيفن

nadi39.jpg Hosting at Sudaneseonline.com
Post: #7673
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 11:49 AM
Parent: #7669

المطرطش بتاع المغرب ده مشى وين
اوعى تكون مشيت تغسل العدة


نجيلة الزول ده سجول من رواد الكنبة الفي الصالة طوال ايام الاسبوع
Post: #7674
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 11:53 AM
Parent: #7673

كدي شوف القصيدة بتاعة عوم البترطن دي وبجيك صادي
Post: #7675
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 12:04 PM
Parent: #7674

ألحقو يا نااااااس
البوست ماشي لا ورا
أقصد داير يتشلخ لا ورا
Post: #7676
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 12:13 PM
Parent: #7675

هو لليلي ما اتشلخ لاااااورااا
Post: #7677
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 12:19 PM
Parent: #7676

الأحسن أمشي أشوف لي محل
مردوم أو جراري
Post: #7678
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 12:23 PM
Parent: #7676

والله الماشي لا ورا
صاحبك المطرطش بتاع المغرب داك
انا ماشي لا قدام
بعمل شاي وقهوة بس الحمد لله

المشاي لا ورا
القاعد يغسل في العدة
ويمسح في المطبخ
ويقطع في البصل
وفي النهاية يبيت في الصالة
Post: #7679
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 12:41 PM
Parent: #7678

Quote: وفي النهاية يبيت في الصالة

الجملة دي أبت تتبلع لي
يعني واقفة لي في حلقي

وصيتي ليك
يوم التروية بتاعك سويهو بعد المداخلة الأخيرة دي
يعني قوم أمشي أحرم
و الله يعظم الأجر
Post: #7680
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 12:47 PM
Parent: #7679

يا جلا الحاج المستقبلي دة
شايلين ليه المقشاشة
Post: #7681
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 12:59 PM
Parent: #7680

Quote: يا جلا الحاج المستقبلي دة
شايلين ليه المقشاشة

يا ربي ما بكون في هدنة؟؟؟؟
خاصة و أن الحاجة معاهو اليومين ديل
Post: #7682
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 01:02 PM
Parent: #7680

على فكرة كل الكلام الفوق ده وانا محرم
انا اكان فكيت الاحرام
امانا ما بسوي ليكم جنس سوا
Post: #7683
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-11-2010, 01:13 PM
Parent: #7682

Quote: على فكرة كل الكلام الفوق ده وانا محرم
انا اكان فكيت الاحرام
امانا ما بسوي ليكم جنس سوا

ياااا النبي تغشااانا
Post: #7684
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 01:51 PM
Parent: #7683

يا شباب عن اذنكم
الحاجة دي محتاجة ليها شوية حاجات قبل السفر ماشي السوق
بغيب لي كم ساعة وبرجع تاني

اها دي عندك فيها راي كمان !!
السوق هنا على فكرة لا فيهو مقاشيش ولا مفاريك

اتصل يا تعبان الحاجة دي عايزه تسلم عليك
قريت ليها كلامك كلو
قالت لي ده طارق جبريل والله دي حبوبتو
Post: #7685
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 02:06 PM
Parent: #7684

يا الله يا كيمو ياخي
صحي النار تلد الرماد
ياخي دي مرة طاعمة خلاص
الله يديها الفي مرادها
Post: #7686
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 02:10 PM
Parent: #7685

والله يا طارق اتقول شافتك
تشيل وتشكر فيك
أقول ليها يا حاجة الزول ده مازي ما إنتي فاكرا
تقول باين عليهو من كلامو إنو ظرييييييييييييف يا كمال
بختك

كتبت ليك بي هناك
يا الله يا حبيب
خلينا على اتصال
لمن تصل السودان اكتب لينا رقمك عشان نكلمك
وتحياتي لوالدكم الكريم
وبوس لي راسو عليك الله
Post: #7687
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-11-2010, 02:20 PM
Parent: #7686

يا كيمو دي مرة نادرة في زمن عجيب
يمين بالله تتراد من جوة القلب
الله يحفظها ويديها العافية يارب
Post: #7688
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-11-2010, 05:55 PM
Parent: #7687

بسم الله الرحمن الرحيم
رب أدخلني مدخل صدق ، وأخرجني مخرج صدق ، وأجعل لي من لدنك سلطانا نصيرا
ربّنا هب لنا من أزواجنا وذريّاتنا قرّة أعين ، وأجعلنا للمتقين إماما

يضاف لحجاجنا الأخ / محمد إبراهيم (النمس) مع والدهـ القادم من السودان
تجارة الزقازيق من ديار ناس الحاج السري والهندي أبو شنب
Post: #7689
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 09:14 PM
Parent: #7688

يا طارق
امي سألتني
الولد الكلمين جبيل الظريف داك
ما حاجي معانا ؟

أقول ليها شنو ؟
Post: #7690
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-11-2010, 09:56 PM
Parent: #7667

مشكورين يا ناس الزقازيق
على الاحتفالية الراقية
التي لا تكون الامن ناس
راقين زيكم

شكرا يا الرشيد
وما قايلك مع الناس الماشين المكتبة
كان ناغمتك

شكرا جلا على التهنئة
والهناي داخل الحفلة مسؤلية صاحبه

وشكرا لمنصور على التهنئة

اما الفوتو شوب فهو خطير
يعني كدة دخلتنا العولمة
وبقينا عندنا طابع قومي

شكرا الريس ميسرة
شكرا العزيز ابو الزوز

اما يا طارق جبريل لقيت
حكم خاين
يعني لمن احتفلنا بعيد ناس فلانة
ما قلت حاجة
عالم بتاعت ممحاكة (يعني شنو ممحاكة)
وانا غايتو الاحد الساعة اتناشر منتظر المصرية


شكرا البادي النور
والصباح قلت لي ماشي على بشير على الغبيد
وتاني ما سمعت منكم
Post: #7691
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-11-2010, 11:50 PM
Parent: #7690

اهلا بناس الليل
الخميس صابح الجمعة
والساعة واحدة ونص
مافي زول صاحي
والله شنو يا شباب ؟
Post: #7692
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-12-2010, 01:30 PM
Parent: #7691

الناس دي لي هسي مخمسة


يا الرشيد ياخي انا كان حجيت ان شاء الله
لساني دة اعمل ليه شنو
Post: #7693
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-12-2010, 03:17 PM
Parent: #7692
Post: #7694
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-12-2010, 03:21 PM
Parent: #7693

ربنا يوعدنا يا منى
Post: #7695
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-13-2010, 06:41 AM
Parent: #7694

ناس الزقازيق سلامات ....


حج مبروراً لكل الحجاج ...والله سلامات ولدنا محمد ابراهيم النمس ....
Post: #7696
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-13-2010, 08:09 AM
Parent: #7695

صبحكم الله بالخير

طوال الطريق من أبو ظبي الى السلع هطلت الأمطار بغزارة هذا الصباح...
سقت على مهل على أنغام صاخبة و سريعة للفنان عبد العزيز المبارك...
كان شريط قديم أردت اعادة الاستماع اليه و استعادة بعض الذكريات...
سرعة الايقاع تقطع النفس...
و كان صوت عبد العزيز المبارك ما زال شابا و قويا...
أعتقد ان سرعة ايقاع أغاني عبد العزيز هي السبب وراء عدم قدرته على غنائها حاليا...
فبعد أن شاب صوته و فعل الزمن فعلته أصبح غير قادرا على هذه السرعة...
لو كان يعلم أن صوته سيصبح هكذا لما كان قد سرع أغانية...
و لكنه نقلني و بنفس السرعة الى حفلة لرأس السنة...
لا أذكر العام بالتحديد و لكني أعتقد أنها نهاية الثمانينات...
المكان فندق قصر الصداقة بالقرب من حوض السباحة...
و لقد كان الجو باردا للغاية...كنت أخشى ان تزل قدمي و أسقط في الحوض...
لاحظت ان معظم الحضور يضعون أمامهم سرامس الشاي...
قلت لهم و الله ده فعلا جو شاي...
قالو لي شاي شنو...شاي انت...
ده ما شاي يا مسكين ده الهناي...
و الهناي مالو خاتنو في سرامس الشاي...
قالو لي من سبتمبر 83 بقى الهناي يختوهو في سرامس الشاي...
و الله غايتو السودانيين ديل ما بتغلبهم حيلة...طيب الشاي مختوت وين..
كان فريق الهلال حضورا بكامل نجومه...
طارق أحمد آدم و وليد طاشين و الثعلب و جمال كدوس و مجدي مرجان...
أصر معتز ابن صديقي عثمان و الذي كان يبلغ من العمر سبعة سنوات
أن يسلم على كابتن طارق...
صحبته و كنت أنا أيضا أرغب في ذلك..
ذهبت الى حيث يجلس طارق و تعذرت بمعتز...
استقبلنا بابتسامة الكبار هاشا باشا...
لقد كان طارق متواضعا و هو الذي كان يلقب بوزير الدفاع...
كان القميص ذو الخطوط العرضية عند الصدر موضة تلك الأيام...
كان يسمى تحرمني منك لأن عبد العزيز كان يلبسه و هو يغني تلك الأغنية..
لقد كان شابا وسيما طويلا...
اذا كان عبد العزيز المبارك هو من أطلق القميص تحرمني منك...
فلا أدري من الذي روج للجزمة الدبابة...
و التي كلما أتذكرها أشعر بآلام في كاحلي...
هذه الجزمة بامكانها أن تجعل من أي بنطلون يبدو قصيرا...
حتى و لو كان بنطلون شارلستون...
زمن والله...كان زمن عجيب...
بالرغم من أن معظم الحفلات كانت لا تكتمل في بلدنا الكوة...
و العكاكيز و كراسي الخيزران تعلو في الهواء و تتطاير الدماء...
الا انه كان زمان جميل...
Post: #7697
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-13-2010, 09:15 AM
Parent: #7696

Quote: كان القميص ذو الخطوط العرضية عند الصدر موضة تلك الأيام...
كان يسمى تحرمني منك لأن عبد العزيز كان يلبسه و هو يغني تلك الأغنية..


يقال .. والعهدة على الراوى ...

ان موضة ذلك القميص كانت فى اواخر السبيعينات ..

وليس الثمانينات كما قلت ( يا صغيــّر .. يا محيرنى ومتحيــّر !! )
Post: #7698
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-13-2010, 09:47 AM
Parent: #7697

Quote: ان موضة ذلك القميص كانت فى اواخر السبيعينات ..


يا حمادة في مثل مصري بيقول البخاف من العفريت يطلعلو...
أمبارح في سيرتك أنا و نجاة...
كنا في المول بالليل و نجاة شافت ليها بنطلون شبابي كده...
قالت اشتري البنطلون ده...
قلت أنا...أنا خلاص راحت علي يا أم مهند...
قالت لي راحت عليك و لا خايف محمد عيد يجي يقول ليك ياللابس البمبي...
قلت ليها بيني و بينك الاتنين...
حسه حالتي قلت الثمانينات بس لا فيها بنطلون و لا بمبي...
تجي ناطي لي في حلقي...
يا عفريت...
Post: #7699
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-13-2010, 10:17 AM
Parent: #7698

وين عبده قابل بتاع القمصان؟؟؟
Post: #7700
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-13-2010, 10:54 AM
Parent: #7699

توفي إلى رحمة الله قبل يوم أمس خال الريس ميسرة بمدينة كوستي

رحم الله الخال مصطفى وأسكنه فسيح جناته ، وألهم الوالدة الحاجة محسنة

وجميع الأهل الصبر والسلوان ،،،،

إنا لله وإنا إليه راجعون ،،،،
Post: #7701
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-13-2010, 11:55 AM
Parent: #7700

صادق العزاء للريس ميسرة في وفاة خاله مصطفى...
نسأل الله أن يتغمده بواسع رحمته وأن ينزله منازل الصديقين و الشهداء و الأبرار...
و أن يلهم آله الصبر و السلوان...
Post: #7702
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-13-2010, 12:06 PM
Parent: #7701

صادق العزاء للريس ميسرة في وفاة خاله مصطفى...
نسأل الله أن يتغمده بواسع رحمته وأن ينزله منازل الصديقين و الشهداء و الأبرار...
و أن يلهم آله الصبر و السلوان...
Post: #7703
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-13-2010, 01:27 PM
Parent: #7702

سلامات يا ناس

غبت كم يوم كده لمشغوليات جيت لقيت

كمال الشادى داقى لى طار وعامل لى ملفات

مزعومة مع انو ملفى السِّرى الوحيد هو (الذكريات

صادقة وجميلة)...عموماً يمكن الزول كان بيهضرب

بسبب (الهناى )وفى الحالة دى يبقى معذور...وبعد

يجى من الحج نشوف كلامو اتغير ولا حيصر عليه وبعد

كده بجيهو بالليل ( صَحِى صَحِى).

مبارك جادين كل سنة وانت طيب
Post: #7704
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-13-2010, 02:14 PM
Parent: #7703

رحم الله خال الريس ميسرة رحمة واسعة وأحسن مثواه وأنزله منزلا مباركا
مع الصديقين والشهداء والصالحين
وإنا لله وإنا إليه راجعون
Post: #7705
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-13-2010, 02:30 PM
Parent: #7704

رحم الله خال ميسرة رحمة واسعه واللهم آله وذويه الصبر والسلوان ... والعزاء موصول لكل الاسرة داخل وخارج السودان ...
Post: #7706
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-13-2010, 06:25 PM
Parent: #7705

رحم الله خال ميسرة
تعازينا يا ريس




يا شباب انا ماشي المطار
العفو والعافية
Post: #7707
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-14-2010, 05:25 AM
Parent: #7706

صادق العزاء للريس ميسرة في وفاة خاله مصطفى...
نسأل الله أن يتغمده بواسع رحمته وأن ينزله منازل الصديقين و الشهداء و الأبرار...
والعزاء موصول لجميع أفراد الاسرة الكريمة ....
و أن يلهم آله الصبر و السلوان...
انا لله وانا اليه راجعون ....






====================================
طارق جبريل ....
طريقك اخضر ان شاء الله
وتصحبك السلامة
نزلت اهلا وهللت سهلا .... اجازة سعيده ....
Post: #7708
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 06:42 AM
Parent: #7707

بالسلامة يا جبريلا ... واجازة سعيدة ....وانشاء الله الشباب .... ما يقصروا معاك .... اها يا كوتش طارق جاكم وامانة في رقبتكم
Post: #7709
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-14-2010, 08:11 AM
Parent: #7708

Quote: يا شباب انا ماشي المطار
العفو والعافية

الف سلامة ياحبيب ... وان شاء الله تصل وتلقي الاهل بكل خير وعافية
























-----
وربنا يجعل كراعك علينا خدرا ياوصيف
Post: #7710
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-14-2010, 08:16 AM
Parent: #7708

صبحكم الله بالخير

غادر جبريلا الى أرض الوطن بعد غياب...
حسه بيكون ماسك في الدرابزين حقهم و قاعد يجعر...
و يغسل في وشو من موية السبيل و يستغفر...
و كان الله هون ليهو يمشي الشماليه يستعيد ذكرياته..
ما ظنيتو حيظهر خلال أيام الاجازة دي...
لكن أرجو البري الراجيكم بعد ما يرجع...
بري حيكون برا و بحرا...
المقصود يعني في المنبر و البوست العام..

جلا ما عندكم خرفان رخيصة ترسل واحد في طرد...
ان شاء الله يكون طرد مفخخ بس المهم يصلني...
الأولاد هنا ما بيهتموا بي قصة الخروف دي...
لأنو مافي خروف بيشتروهو يوم الوقفة ويربطوهو في الحوش...
و الما قادر يشتري يقوم يجب آخر شريط لخروف الغد و يشغلو...
و لا كمان يقعد هو ذاتو الليل كلو..
باع...باع...باع...
هنا تمشي المسلخ و تجي شايل الخروف في كيس...
لا يا أولاد جيبو الصواني...
و لا أجري جيب المفراكة عشان الضباح ينفخ الخروف...
و جيب ليك حبل عشان تعلقو في الباب..
أمشي أقلع جلابيتك دي عشان ترفع معاي الخروف...
أمشي أسأل الحاجه قول ليها نقطع ليكم الخروف كيف...
و انت راجع جيب معاك الساطور و الخشبة بتاعت التقطيع..
هنا يدوك الخروف في كيس..
تتسائل محتار يا جماعة ده ياهو الخروف زاتو الزي حق زمان...
و لا ده مضغوط شوية...
خروف هيلمانه كبيره و الخروف بيملأ ليهو تلاتة صواني...
و يتلمو فيهو ناس الحلة كلهم...
و برضو يفضل فيهو باقي...
خروف هنا ده مالو ممحوق كده...
و الله اشتقنا لي هيلمانة الخروف...
و المفراكة البينفخو بيها الخروف..
بدل المفراكة التي أصبحت تستخدم استخدامات فيها اهدار لكرامة الأزواج...
Post: #7711
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-14-2010, 08:26 AM
Parent: #7710

Quote: بدل المفراكة التي أصبحت تستخدم استخدامات فيها اهدار لكرامة الأزواج...

ها..ها..هاااااي.
غايتو كان عامل ليك عملة وخايف انو بكرة بكون محضرين ليك المفراكة كلمني
نجاة والله قاعدة تجبر بخاطرنا ... غير انو الدنيا قبايل عيد
ونحن ما بنرضى ليك "الفليق"

كل سنة وانت وحبايبك بألف خير
وان شاء الله السنة الجاية ربنا يحقق الاماني ...
وغاية امانينا ان نلتقيكم قريباً...










التعديل: ((نلتقيكم)) بدل (نلتقيك)
Post: #7712
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-14-2010, 08:40 AM
Parent: #7711

Quote: غايتو كان عامل ليك عملة وخايف انو بكرة بكون محضرين ليك المفراكة كلمني
نجاة والله قاعدة تجبر بخاطرنا ... غير انو الدنيا قبايل عيد
ونحن ما بنرضى ليك "الفليق"


جلجل يا حبيب انا قاصد باقي الأزواج مش أنا...
أنا لا سمح الله البخليني أتفلق شنو..
يعلم الله هدي و رضي...

كل عام و أنتم بألف خير...
يديك الفي مرادك و يعلي شانك...
و يخلي ليك الوليدات و أمهم..
و يطول عمر الحجاج...
Post: #7713
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:46 AM
Parent: #7711

271120092450.jpg Hosting at Sudaneseonline.com
Post: #7715
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:49 AM
Parent: #7713

271120092453.jpg Hosting at Sudaneseonline.com
Post: #7714
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:47 AM
Parent: #7710

271120092451.jpg Hosting at Sudaneseonline.com
Post: #7716
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:50 AM
Parent: #7714

271120092452.jpg Hosting at Sudaneseonline.com
Post: #7717
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:54 AM
Parent: #7714

271120092454.jpg Hosting at Sudaneseonline.com
Post: #7718
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 08:57 AM
Parent: #7717

يا رشدي والله كان عندي صور للخروف من المنشا حتي المنبع .... يعني لغاية ما بقي شية مشت وين الله اعلم .... المهم نكتفي من الغنماية بالاياب ...


يا ابو الجل خليك حريف ..... دائماً اشتري المفاريك المسوسة ..... يعني قولة كع دي تبقي مفراكتين ... بالتاكيد النساء اهم بالنسبة لهن المفراكة من راسك الغليد ده ... واعتبره دي حكمة اليوم ...

بالمناسبة امبارح رسلوني اشتريت مفراكة ...واشياء اخري .... ودائماً خلو حمدو في بطنو ...
Post: #7719
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-14-2010, 09:07 AM
Parent: #7718

ابو الزوز انت الضباح ده مالو كاسر ضهرو كده...
مافي خشم باب و لا شنو...
الخروف ده شكلو كده ما خروف ضحية...
Post: #7720
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 09:19 AM
Parent: #7719

الخروف مسكين شديد صاح ....


احكي ليك نكتة بمناسبة شديد دي قريتها في واحد من البوستات .... قال ليك تركي في النرويج بينادي في واحد سوداني يا اجنبي يا اجنبي ... جاهو السوداني ... قال ليهو ياخي انت ذاتك ما اجنبي ... قال ليهو لكن انت اجنبي شديد ....

النكتة مهداة لعمر نمل في عزلته البلجيكية ....
Post: #7721
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-14-2010, 09:27 AM
Parent: #7719

Quote: بالتاكيد النساء اهم بالنسبة لهن المفراكة من راسك الغليد ده ... واعتبره دي حكمة اليوم ...

والله يا ابوالزوز الليلة ما اخليك كلو كلو ....
اول شيئ نزل لي صورة لي راسك هنا دا عشان نقيس الروسين ... عاين زي دا بالله
بعدين بالله منو الرسل ليك المعلومة المغرضة دي ...
عارف يا ابو الزوز ... و كخط رجعة كدة احتمال كبير جدا انو كلامك دا يطلع صاح
لانو انا اليومين ديل ما عندي رأس من اساسوا عشان يكون في مجال مقارنة بينو وبين المفراكة
.
..
...
المهم ... ما حانشوفكم في العيد
ما تنسق مع اخانا الذي بالجبيل وتجو ناطين

هذا بالتأكيد مع اجمل امنياتنا بالعيد السعيد
ونسأل الله تعالي وببركة هذه الايام المباركات ان يمتعكم بالصحة والعافية
ويجعل ايامكم كلها اعياد
Post: #7722
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 10:08 AM
Parent: #7721

يا ابو الجل ليس المقصود هو راسك انت بالتحديد ..... انت اُخذت كمثال لغلودية راس الرجل ..... ليس الا فما تحك المسالة كتير ...
Post: #7723
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-14-2010, 10:26 AM
Parent: #7722

صادق العزاء للريس ميسرة في وفاة خاله مصطفى...
نسأل الله أن يتغمده بواسع رحمته وأن ينزله منازل الصديقين و الشهداء و الأبرار...
و أن يلهم آله الصبر و السلوان...

وانا لله وانا اليه راجعون
Post: #7724
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-14-2010, 10:37 AM
Parent: #7723

http://ياخوانا انا غلطان بعتذر .... سامحوني
Post: #7725
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-14-2010, 01:08 PM
Parent: #7724

رحم الله خال الريس ميسرة رحمة واسعة
والهم اله وذويه حسن العزاء واسكنه فسيح جناته
مع الصديقين والشهداء والصالحين
وإنا لله وإنا إليه راجعون
Post: #7726
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-14-2010, 01:23 PM
Parent: #7725

عيدسعيد على الجميع

وترحيب بالحجاج في جده نتمنى ان يتم حجهم
وهم بصحه تامه

ابو الزوز مفراكتكم القديمه راحت وين
Post: #7727
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-14-2010, 03:55 PM
Parent: #7726

ود المهدي بعد سؤالك ده لو قلت ما عندنا مفراكة قديمة .... مافي زول حا يصدقني
Post: #7728
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-14-2010, 05:30 PM
Parent: #7727

سلامات يا ناس

Quote: ود المهدي بعد سؤالك ده لو قلت ما عندنا مفراكة قديمة .... مافي زول حا يصدقني


المحيِّرنى ...الجَدَّ على ابتهاج شنو؟؟؟؟؟
Post: #7729
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-14-2010, 05:45 PM
Parent: #7728

المفراكه لو استعملت في الغرض الذي صنعت لاجله مافي خلاف
لكن لو اتعدت حدودها تكون من اسلحه الدمار الشامل
ربنا يكفينا شرها

منور ياكوتش
Post: #7730
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-14-2010, 08:55 PM
Parent: #7729

سلامات يا ناس

Quote: منور ياكوتش


يا حبيب ...سلام وكل عام وانت والاسرة بخير

وين المسادير؟؟
Post: #7731
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-14-2010, 09:03 PM
Parent: #7729

سلامات يا ناس

Quote: منور ياكوتش


سلام يا حبيب وكل عام وانت والاسرة بخير

وين المسادير؟؟
Post: #7732
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-15-2010, 06:26 AM
Parent: #7731

التعازي القلبية للاخ والريس
ميسرو
في وفاة خاله مصطفى

جعلها الله اخر الاحزان

وانا لله وانا اليه راجعون














مرحب
بطارق جبريل والاسرة بالخرطوم
Post: #7733
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-15-2010, 07:02 AM
Parent: #7732

كالعادة انهزم الحلم .....
Post: #7734
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-15-2010, 08:56 AM
Parent: #7733

Quote: كالعادة انهزم الحلم .....


حبيبى .. ابو الزوز ...

يبدو ان كل احلامنا فى هذا الوطن مشوبة بالضباب ...

وان حواءنا ما زالت لا تلد غير الانكسار والانهزام ... والاحباط ..
Post: #7735
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-15-2010, 09:14 AM
Parent: #7734

://صور استقبال طارق جبريل بمطار الخرطوم قبل قليل .. والهندية الشنطتها راحت مع شنطتو
Post: #7736
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-15-2010, 09:39 AM
Parent: #7734

محمد عيد ....

انا اليوم في غاية الحزن .... اعتدنا علي الاحباط والهزائم في كل مناحي حياتنا .... اصبحت في حكم اليومي والمعتاد .... عدا الرياضة فهنالك اشراقات من فريقي الهلال والمريخ والعاب القوي ..... لذا نصاب بالحزن حينما نؤتي من هذا الثغر الباسم .... الهلال رغم انه فريق كرة قدم ليس الا ... الا انه يحتل مساحة كبيرة في دواخل الكثير من ابناء هذا الوطن ... وانا منهم .... لذا تجد ان الحياة قد اكتست بالسواد منذ البارحة .... حزن ..... حزن لا حدود له ....


حينما ينهزم الهلال .... خسارتي اكبر من اي خسارة اخري ...
Post: #7737
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-15-2010, 10:41 AM
Parent: #7736

رحم الله خال أخونا ميسرة سيد أحمد رحمة واسعه واللهم آله وذويه الصبر والسلوان ... والعزاء موصول لكل الاسرة داخل وخارج السودان ...


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله له الرحمة ولذويه الصبر
Post: #7738
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-15-2010, 10:54 AM
Parent: #7737

صباح الهناء والسرور ...

صادق العزاء للريس ميسرة في وفاة خاله مصطفى...

نسأل الله أن يتغمده بواسع رحمته وأن ينزله منازل الصديقين و الشهداء و الأبرار...

وأن يلهم آله الصبر و السلوان...

رحم الله الهلال .. رحم الله السودان ...

وتقبل الله من حجاج بيته .. وكل عام وأنتم بألف خير ...
Post: #7739
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-15-2010, 12:07 PM
Parent: #7738

للجميع وودي وتحياتي .......

كل عام وانتم بخير ..... العيد مبارك .... وانشاء الله السنة الجاية كما يتمني الجميع


ونلتقي صباح السبت القادم انشاء الله
Post: #7740
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-15-2010, 04:22 PM
Parent: #7739

تحية الود والشوق لكم جميعا..
حمد لله على سلامة نوال البلول ونجاح العملية وما تشوف شر يا رب..
احر التعازى للريس ميسرة فى وفاة خاله ربنا يلهمكم الصبر ويدخله الجنة..
واحر التعازى لكل من فقد عزيز لديه..
اعتزر للانقطاع غير المقصود وعدم المتابعة الجبرى لضغط الشغل وامتحانات الاولاد لكم العتبى حتى ترضو جميعا.
اهنئكم جميعا بيوم عرفة المبارك ربنا يتقبل صيامكم جميعا ويبارك لكل الحجاج ويرجعهم سالمين لاسرهم
اخص بالتهنيئة كل الزقازيقين وبالاخص الحاج ابو بانده حاتم جبارة.. وما تنسونا من الدعوات..
لدينا مفاجاءة فى ابوظبى سنعلن عنها لاحقا..
كل سنة وكلكم طيبين وسالمين وتامين.. وربنا يحقق امنياتكم كلها القريبة والبعيدة.
ودمتم سالمين
Post: #7741
Title: Re: ناس الزقازيق ... أجدع ناس ( 3 ) ..
Author: dabeep
Date: 11-15-2010, 05:50 PM
Parent: #7740

التعازي لمن فقدوا احبتهم في سطوة الموت والتهاني لمن زارتهم الافراح
سلام لاجدع ناس
وتقبلوا منا اطيب التهاني والتبريكات بحلول عيد الاضحي المبارك اعاده الله علينا وعليكم بالخير
كل عام وانتم بخير

Post: #7742
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 11-15-2010, 10:09 PM
Parent: #7741

كل عام وانتم بخير
جميع ناس الزقازيق اجدع ناس

وانشاءالله تامين وكاملين











بعد تعب شديد يا رشيد القوم
تحصلنا غلى خروف كامل الدسم

والله ماشى في الضارع بعربة مسرعة
رايت من الشباك
امراة تحمل مفراكة
جاءت على لساني
ان اقول ليها
المفراكة
للخروف والله للراجل
لكن خفت ناس الحافلة يقول الزول جنا
والله يا ناس الحوس بونستكم
يوم بتقتلا ليكم زول عديل
Post: #7743
Title: Re: ناس الزقازيق ... أجدع ناس ( 3 ) ..
Author: عمر نملة
Date: 11-16-2010, 09:37 AM
Parent: #7742

بسم الله الرحمن الرحيم
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
صدق الله العظيم
اللهم ارحم موتانا وتعازيا لكل من توفى عزيز لديه اللهم آمين
كل سنه والجميع بخير وعافيه وربنا يحقق ليكم الاماني.
Post: #7744
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-16-2010, 09:58 AM
Parent: #7743

كل سنة وكوووولكم طيبين نفر نفر

والما حجة السنة الجاية انشاء الله يحج

عيدنا بقى عيدين والله يا سامى الطاهر

انت بتمشى وين وتختفى وما بنعرف نسألك منو عنك ....

عمر نملة يا حبيب ليك وحشة والله وبركة بالشوفة
Post: #7745
Title: Re: ناس الزقازيق ... أجدع ناس ( 3 ) ..
Author: سيف النصر محي الدين محمد أحمد
Date: 11-16-2010, 10:45 AM
Parent: #7744

رحم الله خال الريس ميسرة.
كل عام و الجميع بخير و صحة و عافية و هناء و سرور.
Post: #7746
Title: Re: ناس الزقازيق ... أجدع ناس ( 3 ) ..
Author: سيف النصر محي الدين محمد أحمد
Date: 11-16-2010, 10:46 AM
Parent: #7744

رحم الله خال الريس ميسرة.
كل عام و الجميع بخير و صحة و عافية و هناء و سرور.
Post: #7747
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-16-2010, 04:47 PM
Parent: #7746

الشكر لجميل الأخوةالمعزين والمترحمين ، رحم الله خالنا

مصطفى وجعل الجنة مثواه مع الصديقين والشهداء وحسن أؤلئك رفيقاً ..

التهنئة موصولة لكم جميعاً ،،، وكل عام وأنتم بخير

سامي الطاهر (dapeep) وما أعتقد الناس ما متذكره هذا

السامي الذي كان رئيس المجلس لإتحاد الإنتفاضة 1986م

وينك يا راجل إختفيت بشكل حتى كدنا أن ننسى إنك لك حساب

في هذا الموقع ،،، خليك ياريس سامي قريب مننا..

يانجاة حوفي أنا عارف العيد عندكم مندكل وأصبح عيدين

علشان المفاجأة الكبيرة إلى معاكم .
Post: #7748
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-16-2010, 06:20 PM
Parent: #7747

[
B]hi,all of u how r u I miss u.Iam so happy 2 write again in sudaneseonline
.my parents dont allow my 2 write during exam
May the blessings of Allah fill your life with happiness
and open all the doors of success now
and always. Eid Mubarak

sudansudan5.jpg Hosting at Sudaneseonline.com


This is Mohsina Maysara
Email:[email protected]
Post: #7749
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-16-2010, 07:51 PM
Parent: #7748

EidSaeed.JPG Hosting at Sudaneseonline.com





==========================================
وعيدية خاصة لمحسنة ميسرة ... ربنا يحفظك واخوانك ... بالنجاح ان شاء الله

سامي الطاهر ... تحياتنا
Post: #7750
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-16-2010, 11:53 PM
Parent: #7749

تهنئة بطعم الشــيّة والشربووووت

لجموع الزقازيقاب فى كل مكان ...

ولناس الامارات .. العيد عندكم ... جلسات وحكاوى ..

وياريت تنزلوا لينا التفاصيل ظازة وقبل عودة رائد ادب الرحلات


347033040.gif Hosting at Sudaneseonline.com
Post: #7751
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-16-2010, 11:58 PM
Parent: #7750

الحاج ود جبارة ... بالنيو لووك

sudansudansudansudansudansudansudan58.jpg Hosting at Sudaneseonline.com

جموع زقازيقاب جده فى انتظار وصول الحاج الامريكانى الى عروس البحر ... جده غير
Post: #7752
Title: Re: ناس الزقازيق ... أجدع ناس ( 3 ) ..
Author: زينب التجاني
Date: 11-17-2010, 10:09 AM
Parent: #7751

الاعزاء اجدع ناس
عيد سعيد
العزاء لميسرة فى وفاة خالو والعزاء لكل من فقد عزيز لدية
اللهم تقبل حج حاتم جبارة وكل حجاج البوست
ونا كان المفلروض احصلهم بس ربنا ما سهل
عيد السودان جميل بناسو ولحمتو وشربوتو
فاتك الشربوت يا ود الزناتى
زهير ده كان بنتظرنى اجى اعيد عليهم وعينو فى ايدى لقزازة الشربوت
يا الرشيد الخرفان الهمر هنا الاسعار فى السما كيف يرسلو ليك لكن ممكن ترسل نقوم بلواجب نضبحو وناكلو ليك كمان

اجمل ما فى صباح اليوم اعادة سهرة ابوعركى الفى المسرح القومى بعد طول غياب
ابو عركى ده دهب
صحيت اولادى عشان يسمعو
وينضفو اضنينهم
يا نانى المفاجاة شنو
يا ربى منصور ولا شنو
Post: #7753
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-18-2010, 08:07 AM
Parent: #7752

صباح الهناء والسرور ...

كل عام وأنتم بألف خير ودائما تامين ولامين .. وعيدكم مبارك ...

رشيد القوم ونجاة حوفي عيدكم مبارك شايفكم نايمين بالمفاجأة وما عايزين تدونا الخبر .. إنشاء الله تنفعكم وتتهنو بيها ومعاها ...

أبوالزوز والله ليك وحشة وعيدكم مبارك كيف عيدك مع الخروف العربي ...

زينب التجاني عيدكم مبارك .. ليه الشربوت في قزازة مش كان ممكن يكون في جك أو تيرموس وحفاظة يعني الناس لما يسمعو القزازة دي حيفكروا في حاجات تانية وكمان ممكن الأمجاد بتاعتك تكون هدف مستهدف من شرطة أمن المجتمع .. عليك الله خلينا من الشبهات والواضح ما فاضح ...

نملوز عيدكم مبارك شايفك طولتا الغيبة .. شكلك كدا تكون مشيت القاهرة رايح جاي كداري وبالأحرى جاري ...
Post: #7754
Title: Re: ناس الزقازيق ... أجدع ناس ( 3 ) ..
Author: عمر نملة
Date: 11-18-2010, 08:35 AM
Parent: #7753

ياديمه
اخبارك واخبار حاج حاتم سمعنا انو بيرمي الجمرات بالابينغ والباك هاند( طريقه لعب حاج حاتم في تنس الطاوله)
نور البوادي
والله شوقنا اكتر تخيل عديت شهرين في القاهره ودي اطول اجازه.
Post: #7755
Title: Re: ناس الزقازيق ... أجدع ناس ( 3 ) ..
Author: أبوبكر حامد الأمين
Date: 11-18-2010, 12:42 PM
Parent: #7754

كل سنة والجميع بخير .

أقترح أن نحصر بعض المشاركات وننزلها فى منبر ناس الزقازيق كالتعازى على سبيل المثال لا الحصر ، ترهل صفحات هذا البوست يصعب من مهمة متابعة كل ما يكتب فيه ، إضافةً لتأثير ذلك على حجم المشاركات بمنبر ناس الزقازيق ، والزاد كان ما حاق فى ناس البيت حِرِم على الجيران.
Post: #7756
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-18-2010, 01:38 PM
Parent: #7755

[center]العيد فرحة واجمل فرحة، للأطفال والكبار

sudansudan3.jpg Hosting at Sudaneseonline.com
Post: #7757
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-19-2010, 11:21 AM
Parent: #7756

صباح الهناء والسرور ...

يا بكوري عيدكم مبارك .. نملوز والله منور .. شنو يا ناس مدني جايين مع بعض يعني بي حافلة واحدة ...

الله أكبر .. الله أكبر .. الله أكبر .. لا إله إلا الله .. الله أكبر .. الله أكبر ولله الحمد .. اليوم آخر أيام العيد أعاده علينا بالخير والبركات ...

مبروك للهلال .. ودي برضو ترضية بسيطة للهلالاب ...

الناس شبعت لحم وشربت الشربوت والهناي ورقدوا خل ...
Post: #7758
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-19-2010, 03:11 PM
Parent: #7757

مساء الخير يا وجوه الخير،،،

جمعتكم مباركة يا شباب ،،،

مكنكشين في العيد شديد ، بكرة يبدأ العمل بإذن الله

وصل إلى أرض الحرمين الشريفين ، والد ووالدة أخونا عبدالدائم

يا نضيف ألف حمد لله على السلامة على وصولهم ونتمنى لهم إقامة بمدينة جدة

إقامة طيبه،،،،
Post: #7759
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-19-2010, 03:43 PM
Parent: #7757

مبروك لقبيلة الهلالاب ..

بمقاييس المعقول واللا معقول .. لم يكن من المنطق ان يتوج المريخ هذا العام

وهو الذى ظهر بصورة مهزوزة ومتدنية ملحوظة للكل ( وده الخلانا ساكتين لينا مده ) ..

واعتقد انه وبما تعرض له من ظروف قاهرة للحد البعيد .. يكفيه فخرا انه ناضل من اجل الصدارة

حتى الرمق الأخير ... واعتقد ان هذه صعبة على الآخرين ..!!

الديربى كان مفرحا ومقنعا للجميع ... ومؤشرا - ولو كان ضعيفا - لتطور قادم اذا تخلصنا من بعض

السلبيات المقيتة والمزرية والمخجلة ...

وأعنى بها هنا اصرار برنس الكورة السودانية على اجبار الناس لنسيان جمال موهبته والانتباه لعنترياته

واسلوبه القمــىْ فى التعامل مع زملاءه اللاعبين ...

كما أشير ايضا لاساليب الضرب الخفى والشلاليت القبيحة التى تفنن فيها كل من مساوى وعلاء والزومة والشغيل

باختصار .. لكى نصل لمنصات التتويج باستحقاق .. وقبل البحث فى الاساليب والطرق التدريبية ونظم الاحتراف ...

نحتاج اولا الى دروس فى التربية لكافة قطاعات المجتمع الرياضى .. اداريين ولاعبين والاهم الاعلاميين او السخافيين ..!!

" ابو الزوز ... ابلعها سااااكت ..!
Post: #7760
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-19-2010, 03:59 PM
Parent: #7759

تحية و سلام لجميع الزقازيقاب و أصدقائهم و كل عام و أنتم بخير و يعود عليكم جميعاً بالصحة و العافية و الخير و البركات و إن شاء الله دايماً تامين و لامين ..

ـ

بكل الحزن و الأسى أنعي لكم والدة الأخ و الصديق و الزميل الزقازيقابي / مرتضى إدريس عباس ( أداب الزقازيق ) و التي حدثت بالأبيض في بداية الأسبوع ..
أسال الله تعالى أن يتغمد والدتنا الفقيدة بواسع رحمته و عظيم مغفرته و أن يتقبلها قبولاً حسناً و ينزلها الفردوس الأعلى من الجنان و أن يلهم عزيزنا / مرتضى و كافة أفراد أسرتهم الصبر الجميل و أن يجيرهم في مصابهم ..
الأخ / مرتضى موجود في الخرطوم حالياً و سوف يعود بإذن الله تعالى إلى جدة ظهر غد السبت ..

هاتف مرتضى بالسودان 00249910537511
هاتف مرتضى بجدة 00966504371647
Post: #7761
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-19-2010, 06:27 PM
Parent: #7760

رحم الله والدة الأخ مرتضى إدريس عباس ( أداب الزقازيق )

واللهم أهلها وذويها الصبر والسلوان ،،،،

إنا لله وإنا إليه راجعون

_____________________________________

دعوة زقازيقية هامة جداً

وصل الآن في مطار جدة الحاج حاتم جبارة وسوف يمضي يومين بمدينة

جدة وسوف يكون يوم غد يوم زقازيقي حافي ليلاً بعد صلاة العشاء

من ضمن الحضور والمحتفى بهم الأخ الزقازيقي محمد الفاضل

والذي كان من ضمن الحجاج ،،

هاتف ود الفاضل 0597534804
Post: #7762
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-19-2010, 08:21 PM
Parent: #7761

كل عام و أنتم بخير
و جعل الله كل أيامكم أعيادا...

............................

رحم الله والدة الأخ مرتضى إدريس عباس ( أداب الزقازيق )

واللهم أهلها وذويها الصبر والسلوان ،،،،

إنا لله وإنا إليه راجعون
Post: #7763
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-19-2010, 08:28 PM
Parent: #7762

ديدو حمدا لله على سلامة الوالد و الوالده...
بلغهم عنا التحايا و تهانينا بالعيد...

كان عيدنا مميز هذه السنة...
فلقد كان لنا فيه لقاء بالآحبة...
Post: #7764
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-19-2010, 11:44 PM
Parent: #7763

في إخبارية سرية مرسلة من عصام دهب

وأكدها عبدالدائم وإنطلق في أثرها لواء أركان حرب

عثمان الجيلي ، فقد تم إختطاف الحاج الدومانيكي من مطار جدة

وإحضارة إلى داخل مدينة جدة مكبل ومحاط بالإصدقاء فلقد تم منحنا

يومين كاملين لنستمتع بصحبة الحاج حاتم جبارة الحاج الأمريكي

وسوف تحتفل مدينة جدة يوم غداً في سهرة زقازيقية كبيرة يتقدمها

محمدالفاضل مكي إبن الزقازيق ووجوه جديده لأول مره تحضر لقاء زقازيقاب جدة

الدعوة عامة والتجمع عند الساوث مول بعد صلاة العشاء
Post: #7765
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-20-2010, 00:09 AM
Parent: #7764

71.JPG Hosting at Sudaneseonline.com
Post: #7766
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-20-2010, 00:11 AM
Parent: #7765

72.JPG Hosting at Sudaneseonline.com
Post: #7767
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-20-2010, 00:13 AM
Parent: #7766

73.JPG Hosting at Sudaneseonline.com
Post: #7768
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-20-2010, 07:40 AM
Parent: #7767

سلام يا ناس وكل سنة وانتو طيبين ....

اولاً تهانئ الحج ... لكل من موسي عيسي ... حاتم جبارة .... كمال الشادي ووالدته .... وكل ناس الزقازيق الذين حجوا هذا العام ...

ثانياً .... تهانئ خاصة بالعيد ... لكل من سامي الطاهر وعمر نملة بمناسبة عودتهم للبوست ... في هذه الايام الجميلة ... وسعدت بالتحدث لعمر نملة في ايام بالعيد بمكالمة طويلة ... تردد فيها صوته الذي لم تغيره السنوات .... يا سلام يا نملة وربنا يكتب سلامة الاولاد ...

ثالثاً.... بختكم يا ناس جدة بالحاج الدومنيكاني ... ويا عيد الصورة دي لو شافوها ناس الاف بي آي ... صاحبنا ده الا نكلم ليهو عبد الدائم يشوف ليهو عقد عمل هنا ...

رابعاً... عبد الدائم حمد الله علي سلامة الحجاج .... وتحياتنا ليهم .... ونتمني ليهم اقامة سعيدة ...

خامساً: منصور الخائن العيد مبارك ... تجي ماري بفوقنا في المشية والجية ... رافع القزاز لا بوري لا رفعة يد .... بنلبد ليك في ملف ضيق بعدين ما تقول واي ...

سادساً البادي النور .... وكل ناس الخرطوم عموم .... تهانئ خاصة بالعيد ... ومبروك فوز الهلال ... ويا محمد عيد فريقنا في الفترة الحالية هو الافضل والدوري ذهب لمن يستحقه ... رغم ان هلال مريخ لا تخضع لاي معاييز ..... وهاردلك ونتمني ان يحالفكم الحظ في المستقبل ....


سابعاً.... الاخ مرتضي البركة فيكم وعظم الله اجركم ...ورحم الله الوالدة رحمة واسعة ...وانا لله وانا اليه راجعون ...
Post: #7769
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-20-2010, 08:28 AM
Parent: #7768

صباح الخير ،،، يا وجوه الخير

عدنا وعادت الأيام وإنتهت الإجازة وبدأ معظم الناس العمل

والروتين الأزلي .

يا ناس دبي مبروك عليكم منصور ، وصراحة منصور راجل ممتاز

السنة السابقة تمتعنا بحضورة مع العائلة بمدينة جدة خلال ايام العيد

حاتم جبارة يدعوكم يا ناس جدة لمقابلته اليوم ليلاً في سهرة زقازيقية

عيدكم مبارك
Post: #7770
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-20-2010, 08:50 AM
Parent: #7769

كل الاحبة الاحباب
كل سنة وأنتم بالف خير وعافية
وربنا يحقق كل امانيكم
رجعت بالامس الى بيتي في الرياض
ورغم الكحة الغير عادية
قلت اديها طلة واشوف الناس والاخبار واعيد ع الكل
ميسرة البركة فيكم وربنا يرحموا ويتغمدوا برحتمو خالكم
وتعازينا للست الوالدة
وللجميع التيحة ولك سنة وانتو بالف خير
Post: #7771
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-20-2010, 08:57 AM
Parent: #7769

خالص التعازى للاخ مرتضى كرموش فى وفاة والدته

وانا لله وانا اليه راجعون

،،،،،



سيكون فى ضيافتنا اليوم الاخ على حسن اداب ( مدنى ) ضمن حجاج
هذا العام

الشكر لكل من سأل وبارك وصول الوالد و الوالدة ... وكل عام وانتم بخير

زبوبة تابعى اليوم على تلفزيون السودان ( البلابل ) بعد غيبة اتمنى ان
تكون الحلقة ممتعة كسهرة ابو عركى .
Post: #7772
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-20-2010, 09:40 AM
Parent: #7771

أجمل الامنيات لكم جميعاً وكل عام وأنتم بخير
وربنا يمتعكم جميعاً بالصحة والعافية ...

واجمل التبريكات لحجاج هذا العام ونسأل الله ان يتقبل من الجميع

وخالص التعازي للاخ كرموش ونسأل الله ان يتقبل الفقيدة بواسع رحمته ومغفرته
والتعازي لجميع افراد الاسرة الكريمة ...

ديدو حمدا لله على سلامة الوالد والوالدة وبركة الشفتهم طيبين
Post: #7773
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-20-2010, 09:41 AM
Parent: #7771

يا النضيف

كما لا يفوتني ان اهدي هذه السهرة للكوتش محمد صديق بمناسبة فوز الهلال بالدوري الممتاز والعيد السعيد ...
Post: #7775
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-20-2010, 10:56 AM
Parent: #7773

صبحكم الله بالخير

انقضت أيام العيد سريعا و كأني بها ساعات...
كانت من الجمال بحيث لا ينفع الكتابة عنها يوم السبت...
لذلك فهي مؤجلة الى آن يعود منصور الى الرياض...
و يبدأ في لملمة أطرافه و اراحة جسده الذي انهك تماما...
كانت أماني رحيمة به...
أما أحمد و ايثار و مجتبى و حجازي لم تجد الرحمة مكانا في قلوبهم...
فلقد أرهقوا أباهم الثلاثيني حتى كل متنه...
كان بلا شك مستمتعا بالرغم من تعبه الشديد...
و رغم ان كل عضلة فيه (ان وجدت) كانت تصرخ...
أما مدرار فهي حالة خاصة و لها عالم خاص...
مدرار هي الأصغر و لكنها في رأي الأقل حاجة للرعاية..
و يا أبو الزوز مدرار أصبحت صديقتي و بسرعة...
و ده عشان تعرف ان الدهن في العتاقي يا أبو الزوز...

Quote: كما لا يفوتني ان اهدي هذه السهرة للكوتش محمد صديق بمناسبة فوز الهلال بالدوري الممتاز


طيب ما تهديني ليها أنا كمان...
أنا هلالابي...
و اليوم قاعد في السلع برااااااي...
Post: #7774
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 11-20-2010, 09:49 AM
Parent: #7771

من الخرطوم سلام

تعازينا لكل من فقد عزيز لديه
والف مبروك للحجاج

يا شباب والله انا مقطوع من النيت خالص
هسي بس لقيت لي فرقة في الجهاز بتاع ود اختي
امبارح كتلت لي حفلة دكاكينية بي علي السقيد
ابداع كبير شديد والله
والليلة معزوم في برج الفاتح
وانا الحتات الراقية دي ما قاعد اريدها
انا زول قراريص وشطة بالدكوة سااااااااااااكت
بس الله غالب
لقيت ليك جمال السنوسي في الحفلة الدكاكينية دي خالط زي الورد

يا مبارك جادين ليفونك ما بجمع معاي بطل حركات ناس علوم دي
يا صالح تبلدين بجيني جرس ومافي رد
دة تليفوني يا شباب يمكن ما الم لي في نيت قريب
0909630220
Post: #7776
Title: Re: ناس الزقازيق ... أجدع ناس ( 3 ) ..
Author: عثمان الجيلي شيخ محمد
Date: 11-20-2010, 11:32 AM
Parent: #7774


بسم الله الرحمن الرحيم
(وبشر الصابرين الذين اذا اصابتهم مصيبة قالوا إنا لله وإنا اليه راجعون )

خالص تعازينا للاخ العزيز / مرتضي ادريس عباس ... في وفاة والدته ونسأل الله ان يسكنها فسيح جناته
مع الصديقين والشهداء ...

عثمان الجيلي
Post: #7777
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-20-2010, 11:37 AM
Parent: #7774

سلامات يا ناس

وكل عام والجميع بخير

مرحب بعودة نملوز وسامى الطاهر

Quote: كما لا يفوتني ان اهدي هذه السهرة للكوتش محمد صديق بمناسبة فوز الهلال بالدوري الممتاز والعيد السعيد ...


كتَّر خيرك ياخوى ....سبقتك خالدة وعزمتنى وقلت ليها بعد الشكر ...ما تلزمنيش.
Post: #7778
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-20-2010, 12:11 PM
Parent: #7777

خالص التعازى للاخ مرتضى كرموش فى وفاة والدته


اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ

نسال الله لها الرحمة ولذويها الصبر



وانا لله وانا اليه راجعون
Post: #7779
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-20-2010, 12:17 PM
Parent: #7778

كل عام وأنتم بألف خير

وحجا مبرورا لكل الحجاج من الجدعان

ولكم تحايا جميعا من:


P1010155.JPG Hosting at Sudaneseonline.com
Post: #7780
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 11-20-2010, 12:23 PM
Parent: #7779

والزول دا طبعا كان مقَرّش وعشان ما تقولو الصورة دي من الزقازبق

هاكم الدليل:


P1010157.JPG Hosting at Sudaneseonline.com


الصورة بمدينة الدوحة يوم عرفة

حبيبنا الجميل أسامة إبراهيم (خريج بيطرة 91)

الشهير باسامه طيارة
Post: #7781
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-20-2010, 12:50 PM
Parent: #7780

نهاراتكم سعيدة وبالهناء والسرور ...

حار التعازي لآخونا مرتضى كرموش في وفاة والدته .. اللهم أرحمها وتقبلها قبولا حسن وأدخلها فسيح جناتك .. آمين ...

محمد عيد عيدكم مبارك .. أتفق معك في تربية اللاعبين أخلاقيا .. سفاري قام بحركة مع سادومبا والحكم لم يراها ولا حكم الخط ولا حتى مراقب المباراة لكن حركة النخشمة كانت ظاهرة في التلفزيون ومن المفروض الإتحاد العام للكرة يتخذ إجراءآت عقابية في مثل هذه الحالات .. ولكن للأسف الشديد الإتحاد يحابي الهلال والمريخ كثيرا لدرجة غض الطرف عن سوء الأخلاق وسوء الأفعال ...

ديدو عيدكم مبارك وحمدا لله على سلامة الوالدين وربنا يهنيك بيهم يا رب ...

سامي عبدالوهاب عيدكم مبارك .. أسامة طيارة عدييييييل كدا يا أخي دي مبالغة لكن حقيقي الزول دا ما شاء الله ما إتغير .. التحية لأسامة طيارة أين ما كان وعيني عليك باردة ...

رشيد القوم الله يهنيكم بمنصور الحكاي وفي رواية أخرى الجكاك .. أكيد العيد كان عيدين .. منصورنا عيدكم مبارك وربنا يحفظك في حلك وترحالك ...

ود جبرين عيدكم مبارك .. خلاص لقينا التلفون حنشوفك قريب إنشاء الله ...

الحاج الدومينيكاني وبقية الحجاج وجميع أهل جدة عيدكم مبارك وربنا يهنيكم باللمة الزقازيقابية الثاوث ماولية ...

الكوتش محمد صديق عيدكم مبارك وأكيد حنتقابل ...
Post: #7782
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-20-2010, 01:46 PM
Parent: #7781

يا جمجارين...

صبركم علي..
نيران تقيله.. بس خلوا مفعول الحج دا ينتهي..
Post: #7783
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-20-2010, 02:51 PM
Parent: #7782

Quote: كما لا يفوتني ان اهدي هذه السهرة للكوتش محمد صديق بمناسبة فوز الهلال بالدوري الممتاز


Quote: طيب ما تهديني ليها أنا كمان...
أنا هلالابي...
و اليوم قاعد في السلع برااااااي



Quote: كتَّر خيرك ياخوى ....سبقتك خالدة وعزمتنى وقلت ليها بعد الشكر ...ما تلزمنيش



يا رشدي لازم الكوتش ده نشوف ليهو طريقة يحضر السهرة دي ....
Post: #7784
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-20-2010, 03:56 PM
Parent: #7783

الزول الاسمو البادي النور ده
مسك الناس بالصف والدور
بارك ليهم العيد والحج بارك ليهو حجتو
الا انا فطاني ما عارف انا من عينة ناس
العيد الجاب الناس لينا ماجابك والله شنو
وحجتي دي الظاهر ما عاجباهو
يمين بالله حيجيت في مكة وطفت البيت ووقفت في عرفة وبت في منى
ولقطت الحجار من مزدلفة
يا الله بارك لي يا ظريف
يباركو ليك طهور وليداتك
Post: #7785
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-20-2010, 05:40 PM
Parent: #7784

اليوم 20/11/2010 اكملنا 13 سنة زواج.
Post: #7786
Title: Re: ناس الزقازيق ... أجدع ناس ( 3 ) ..
Author: سيف النصر محي الدين محمد أحمد
Date: 11-20-2010, 06:24 PM
Parent: #7785

خالص العزاء لمرتضى ادريس في وفاة والدته و انا لله و انا اليه راجعون.
و عيد سعيد للجميع و حجا مقبولا للحجاج .
زورونا هنا لو سمحت ظروفكم :
فلنسجل جميعنا صوت شكر وعرفان للاخ/عصام دهب لانقاذه الحاجة فايزة
Post: #7787
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-20-2010, 07:07 PM
Parent: #7786

يا زهير
قبل العيد بي كم يوم
اتصل عليك محمد صديق
وهو زعلان من حال البوست بتاع ( ناس الزقازيق )
ورغم ان شكواه في محلها
رفضت ان اكبر الموضوع له

كان موضوع شكواه ان المنبر محصور على ناس معينة وعلى بوستات معينة
وقال لازم الناس تحرك البوست وتدعو كل الناس عشان تشارك وتتواصل

عليك الله تطل بي سرعة على بوست ناس الزقازيق وشوف انا عملت فيهو شنو

جبت الفوق تحت
والتحت فوق

اذا عجبك الموضوع ساعدني فيهو
Post: #7788
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-21-2010, 06:17 AM
Parent: #7787

صباح الهناء والسرور ...

كمال الشادي عيدكم مبارك .. وربنا يتقبل حجتكم وحجة الوالدة وإنشاء الله حج مبرور .. غايتو اللي يشوف جمجرتكم إنت وجبريلا قبل الحج يقول إنتو حاجين في كلفورنيا .. عموما لك العتبى حتى ترضى ...

أبوالزوز وإبتهاج عيد زواج مبارك وإنشاء الله عقبال تفرحوا بي وليدات وليداتكم وربنا يديكم طولة العمر وتعيشوهو هناء وسعادة ...
Post: #7789
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-21-2010, 06:32 AM
Parent: #7787

بسم الله الرحمن الرحيم
(وبشر الصابرين الذين اذا اصابتهم مصيبة قالوا إنا لله وإنا اليه راجعون )

خالص تعازينا للاخ العزيز / مرتضي ادريس عباس ... في وفاة والدته ونسأل الله ان يسكنها فسيح جناته
مع الصديقين والشهداء ...
========================================
حج مبرور وسعي مشكور لكل حجاج هذا العام ...
والنضيف لحج والديه ... والشادي لحج والدته ...



الرشيد ومنصور برجع ليكم ...


Post: #7790
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-21-2010, 06:55 AM
Parent: #7789

صبحكم الله بالخير

استهدفت مساء البارحة سهرة البلابل و مباراة ميلان في الدوري الايطالي...
مباراة ميلان كانت مملة جدا و ليس فيها سوى هدف ابراهيموفيتش...
أما سهرة البلابل لم تكن بالمستوى الذي تمنيت...
فالتلفزيون القومي كما يسمونه ظبط الديكور...
و أحسن اختيار الأزياء للفرقة و للبلابل...
الا أن السهرة على طريقة المونتاج هذه تضيع الوقت و المجهود و تكلف كثيرا...
أفضل السهرات المباشرة...
مقدمة البرنامج ايناس اجتهدت و لكن امكانياتها محدودة...
أما البلابل فلم يحسنو اختيار الأغاني في رأي المتواضع...
كانت السهرة قصيرة الوقت الأمر الذي لم يمكن البلابل من غناء الكثير..
و أخيرا أغنية أقول أنساك أفضلها بصوت الهادي الجبل...

Quote: الرشيد ومنصور برجع ليكم ...


ياسر نجيلة أمشي شوف مربع كاي و تعال لينا راجع...
Post: #7791
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-21-2010, 07:42 AM
Parent: #7790

الاخ الفاضل الرشيد
التحية والاحترام

وجهة نظرك عن البلابل وسهرتهن جميلة وجرئية ، اتفق في الكثير معك فيها ، ولكني في سمعي للبلابل افرق بين عدة نقاط مهمة :
1- البلابل كارث تاريخي مهم في تاريخ الغناء السوداني الحديث ، حيث انهن يمثلن الضربة الاولى لنوع جديد من غناء البنات يبعد كثيرا عن الاسفاف في المعاني وكذلك يبعد كثيرا عن غناء البنات الذي يتداول في حفلات الاعراس ، هذا العامل يجعل للبلابل قدسية ( الى حد ما ) .
2- صوت البلابل ( كخمامة وقيمة علمية ) ، لا يؤثر فيني العامل الاول في الحكم على خامة صوت البلابل واستطيع بعدل وضاح أن اعرف ان صوت اسرار بابكر مثلا لا يمكن مقارنته بأي واحدة من البلابل حيث تملك اسرار بابكر خامة صوت اقبل مقارنتها فقط ب حنان النيل المتعزلة اما غير ذلك ف اسرار بابكر تعتبر صاحبة الصوت الاجمل في الساحة النسائية في السودان .
3- التوزيع الموسيقيى الرائع الذي يصاحب مجموعة مثل البلابل ، وهو العامل الوحيد الذي صبرني على حضور السهرة بالامس حيث اجتهد الكل في اخراج سهرة رائعة حيث تم رصد احسن الموسيقيين وتم توزيع الصوت بشكل رائع ، كنت الصق اذني بالامس لاستمتع بصوت البيزجيتار الذي كان بالامس غير عاديا ابدا ابدا
4- اوافقك الرشيد ، اغنية اقول انساك لم يوفقن بالامس في غنائها بشكل جميل

لك التحية
Post: #7792
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-21-2010, 08:03 AM
Parent: #7790

صباح الخير ،،، يا وجوه الخير

ليلة أمس كانت ليلة تاريخية من ليالي الزقازيق

الجميلة وعادت بنا الأيام إلى الوراء وكدنا أن نصدق

بأننا في الزقازيق ، وفي الساوث مول لدى محمد عيد

حضر يوم أمس معظم الحجاج الزقازيقين وعلى رأسهم حاتم جبارة

محمد الفاضل مكي ، على حسن - كلية آداب - سوداتل وكما حضر أيضاً

إبن الزقازيق خالد محمدين - زراعة - والذي أستقر بمدينة جدة
Post: #7793
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-21-2010, 08:34 AM
Parent: #7792

سلام يا ناس ...

شادينا ورشدي ... والله نفسي كان احضر السهرة دي واتصل علي محمد صديق اسلم عليهو عشان البلابل يكونوا في خلفية المكالمة لكن للاسف ... ما قدرت احصل .... ولمن اتذكرتها كان (تو ليت) (اهو الواحد بقي يعرف انجليزي) .... بس اكيد حا يعيدوها في يوم ما ....
Post: #7794
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-21-2010, 08:36 AM
Parent: #7793

يا سلام علي جدة وناس جدة ....اقترح انه نقلب الصفحة دي خلاص بقت علي الحركرك عشان نستمتع بالصور بتاعت اللمة التاريخية ... حقيقي ناس جدة غير .... الا بعد المسافة حارمنا الوصال ...
Post: #7795
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-21-2010, 08:39 AM
Parent: #7794

البادي النور يا سلام عليكم دائماً بترفع معنوياتي .... وتخصني بالسلام والتحية .....

بس للاسف ود اختك بقي كيشة ..... واخشي ان يؤتي الهلال من قبله .... قول ليهو شد حيلك شايف جمعة ده مولع نار ... ولو ما رجعت لمستواك بتاع زمان الكنبة محمداك ..... ياخي المعز ده ممكن يكون من احسن الحراس المروا علي السودان في العشر او العشرين سنة الفاتت دي ... الا مطرطش ...
Post: #7796
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-21-2010, 09:12 AM
Parent: #7795

السلااااااااام عليكم
الليلة يوم كم في العيد؟؟؟؟
خلاص كل سنة و إنتو بألف خير
Post: #7797
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-21-2010, 09:31 AM
Parent: #7796

378.jpg Hosting at Sudaneseonline.com

ضحكنا يوم أمس كما لم نضح من قبل

لقد كان العجوز محمد الفاضل نجم اللقاء وقال كلام كتير

وخطير جداً وصدقوني كلمة خطير شوية ،، كلام قد يعجب البعض زي

الحاج كمال الشادي وقد يكش منه البعض زي رشيد القوم بس كلام في التنك

عندنا ليكم جنس بلاوي ،،،يوم أمس محمد الفاضل يحكي ونحن نستمع ونوجه الأسئلة

بصراحة يوم تاريخي وكلام خطير ويا ساتر من الجاييكم ،
Post: #7798
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-21-2010, 10:38 AM
Parent: #7797

حبدأ بالأسماء ....
ليس لاني اكثر معرفة ... ولكن
لأني كيشه ...

جلوسا :
عصام دهب
حسن أبو على
على حسن *********
حاتم جبارة
محمد الفاضل - قالو معرس 4 - وجع
خالد محمدين *******

وقوفا :
الريس ميسرة
ياربي ده تاني يكون على حسن ******
عبدالدايم النضيف وعناب - لو ماعناب عزاري مافي داعي للغلاط
محمد عيد - هاردلك نعوضها في كأس السودان
ياربي ده يكون خالد محمدين تاني ****
الانيق عثمان الجيلي
*******
موظف من الثاوث مول

عموما هي 10 من 13
او بالميت هي 8 من 13 يعني نجاح يا جلا

================================
اسامة طيارة ... عيد سعيد
والله انت الوحيد الماتعبتنا ... ياكا زاتك ... كانو خليناك امس في الزقازيق
ياجماعة على حسن ده - حرق روحي - قدر ما ختيت صورو القديمة وقارنتها - مالقيتو
Post: #7799
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-21-2010, 10:52 AM
Parent: #7798

Quote: جلوسا :
عصام دهب
حسن أبو على
على حسن *********
حاتم جبارة
محمد الفاضل - قالو معرس 4 - وجع
خالد محمدين *******


غايتو يا ولدنا خفت ليك ساكت من "جمجرة" ناس جلا الحق عدل مداخلتك خصوصا ناس جلوسا ديل
كالآتي:
عصام دهب - ابوعلي - احمد سيد عبدالعال - حاتم جبارة - ود الفاضل "معرس 2 بس" - عمر المهدي او عمر T

كل سنة وانت طيب ياجميل
يلا الحق
Post: #7800
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-21-2010, 11:21 AM
Parent: #7799

ولدنا جله ...
والله عدم معرفتي لود المهدي ... دي عوجه كبيرة ...
ياخي الـــ T ماواضحه ... والعمه خداعه ...
لكن محمد الفاضل انا مصر معرس اربعه ...
بيتو 4 طوابق ... وكل طابق حيكون فيهو واحده ....


كدي شوف لي وقوفا ديل .....
غايتو جاتني رساله سريعة ... قالو نسيب حاتم جبارة مع - وقوفا
هو نسيبو ده مش .... دومنيكاني .... ولا انا غلطان ....
Post: #7801
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-21-2010, 12:25 PM
Parent: #7800

Quote: لكن محمد الفاضل انا مصر معرس اربعه ...
بيتو 4 طوابق ... وكل طابق حيكون فيهو واحده ....


ود نجيلة ... عيدك مبارك ... وينعاد عليك وعلى اولادك بالخير

يا حبيب .. ما تستعجل ... اسمع كلام الريس ...

وخلونا مع الصفحة الجديده ... لأنو الكلام تقيل جدا جدا ...

وخلونى أســرب ليكم جزء من المفاجأة ...

هناك عرض رهيب مقدم من ود الفاضل ... وهو مقدم لكافة جموع المهاجرين من الزقازيقاب

خاصة الذين يمكن ان يكونوا على قدر التحدى ...!!!!!!


* على فكرة يا نجيلة .. ود الفاضل مازال فى محطة نمرة 3

ولكنه ليلة أمس أفشى بأسرار المحطة القادمة ومواعيدها ...

انتظرونا .. فى الصفحة القادمة
Post: #7802
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-21-2010, 01:13 PM
Parent: #7801

Quote: انتظرونا .. فى الصفحة القادمة

امعانا منا في حثكم على "فتوا" كلوا، وحيث ان الشمار الحار يستوجب مقولة "حار حار"
اها بقلبا ليكم ان شاء الله
Post: #7803
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-21-2010, 01:18 PM
Parent: #7802

يلا ياناس جدة "المايك" معاكم
Post: #7804
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-21-2010, 01:36 PM
Parent: #7803

Quote: هناك عرض رهيب مقدم من ود الفاضل ... وهو مقدم لكافة جموع المهاجرين من الزقازيقاب

يا الناس المتغربة
عليكم الله ألحقوني بي فيزا سريييييع
إنشاءالله كرت زيااارة

أخوكم في الوطن
جلا
المشهور بي محمد بن آدم بن النور

يا ربي موسى عيسى يكون رجع من الحج و لا لسع برمي في الجمراااات!!!!!!!
Post: #7805
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-21-2010, 01:48 PM
Parent: #7803

سلامات يا ناس

مساهمة :لبلوغ الصفحة التالية

عشان الناس الكاتلاهم القوالات.

يا زهير البلابل مبروكات عليك.(اصلك انت زول قلبو ميِّت)
Post: #7806
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-21-2010, 01:56 PM
Parent: #7805

يلا يا ريس ...

ابدأ ليهم بالمرارة

وكتــّر شوية من الألتى ...
Post: #7807
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-21-2010, 02:53 PM
Parent: #7806

ادوني الراحات الفيا ود الفاضل
واللحس البيلحسوهو في السودان
وانا اعرس ليكم سبعة
اربعة في السلك
وتلاتة احتياطي
ولايمنع ان يكون الدكتور حسن ( الصيدلي ) مستشارا في حالاات ( عسر الهضم )
ده من باب ( الاستعانة بصديق )
Post: #7808
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-21-2010, 08:01 PM
Parent: #7807

رحم الله والد الأخ مرتضى..
رحم الله خال الريس...
وكل من رحلوا وفاتني مواساتهم..

كما حكى عروة علي موسى عن صدبق له..
الحج مغفره ورحمه.. وزياره الحبيب المصـطفى..
ومنافع أخرى..
هي رؤيه الأحباب.. رأي العين أو بالمسره..
عروة.. وعن عروة حديث طويل..
محجوب منقه
أحمد المصطفى
خالد محي الدين
كمال زولوجي
منص
نادر سنبله
فافي
جلال
سامي
الزناتي
قيس
أهل الجود.. ناس جده..
البيحبوا الناس.. والجمجره..
النضيف وناسو.. عجز اللسان ياوهم..
ميسره ومنى والعيال.. الريس دايما ريس..
منى.. إمتحانك لود الفاضل صعب عديييل..
عصام الراجل الدهب..
عمر يحي..
ود الجيلي ونوال الأصيلين.. ..
خالد محمدين.. الذي كان تائها ثم عاد.. بنتك كسرت المطعم عديل..
حسن أبوعلي.. يا له من لقاء.. أدي كيسي النسيتو في الصيدليه لي النضيف..
أحمد السيد الراجل الكبير و بتنا مزار..
عمر تي.. من يخاف الثوره عليه بالتمرد بالدس..
هلا أيوب.. صوتك بيجلجل من وراء حجاب.. مازلت أنت..
الحاج علي حسن.. مفاجأه قويه..
محمد الفاضل.. الذي أضحكنا ثم خوف الجماعه بعروض مغريه..
ولا أنسى محمد عيد.. يا لهامن ليله كلها منافع أخرى..
مطار عمان.. 21/11/2010
Post: #7809
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-21-2010, 08:32 PM
Parent: #7808

سلامات يا ناس

سلام يا حاج جبارة...وحج مبرور وذنب مغفور

Quote: هي رؤيه الأحباب.. رأي العين أو بالمسره..


بالعين عرفناها ...بالمسرة دى شنو؟؟شكلها كده زى الهدية المعنوية

بتاعت شاويش.
Post: #7810
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-21-2010, 09:40 PM
Parent: #7809

عقبالك يا جورج..

Quote: بالعين عرفناها ...بالمسرة دى شنو؟؟شكلها كده زى الهدية المعنوية

حالتك شاعر.. ما بتعرف المسره..
كلموه يا ناس اللغه العربيه..
Post: #7811
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 00:17 AM
Parent: #7810

423.jpg Hosting at Sudaneseonline.com

ياسر نجيلة بالله هسع الـ T ما واضحة

نكمل معاكم بكره
Post: #7812
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-22-2010, 05:52 AM
Parent: #7811

شباب جده ...
خسوسا الريس ميسرة .... تحياتنا الخاصة وعيد سعيد وللاسرة
الشمار حارقنا ...
الصفحة وقلبناها ...
باقي دخولكم ....


=====================================================
الشادي ... مداخلتك قويه ...
هسع يعني انا لو ادوني قروش ... بقدر أعمل زيكم .... آل سبعة آل ... الرجالة تطير ...
=====================================================
محمد عيد ...
انا ما قلت ليك ود الفاضل ... لازم في كل طابق واحده ...
مع انو انا ماكنت معاكم في الجلسة ... احساس بس
بكرة المسا ... حاول بارك لي بالتلفون عديل كده ... قصدي الكورة - كأس السودان
=====================================================
حاتم جبارة ... زمزم ما عندك ... حج مبروك ... حصل ود جبرين ... وكترو الصور ...
ود صديق الكوتش ... المسرة يعني محلات المسرة الفي شارع الجمهورية ... المابقدر يصلا بالمواصلات
يعمل " تلفون " طلبو بصل لحدي عندو ....
Post: #7813
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-22-2010, 06:23 AM
Parent: #7812

Quote: غايتو انا قاعد في الدرابزين
موبايلي:
0909630220

موبايل ماسووووورة
Post: #7814
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-22-2010, 06:48 AM
Parent: #7813

صباح الهناء والسرور ...

يا ناس جدة والله إنتو غير .. ربنا يتقبل من كل الحجاج وعيدكم مبارك ...

محمد عيد عيدكم مبارك .. الله يديك العافية على لمة الناس الحلوة دي والساوث مول دائما عامر .. بس كأس السودان ما تتكلم فيه .. السنة دي صيف عليكم وكل الكاسات هلالية حتى كأس الهناي زاته ...

الشيخ جلا عيدكم مبارك .. عايزين نجدد ورينا الأوراق المطلوبة ...
Post: #7815
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-22-2010, 07:16 AM
Parent: #7814

sudansudansudansudansudansudansudansudansudansudansudansudansudansudansudan7.jpg Hosting at Sudaneseonline.com



كده كيف يا حلو .... يعني ولا زول هبب لي ... كتر خيركم
Post: #7816
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-22-2010, 07:24 AM
Parent: #7815

يا جماعة عدد القراء 104 بس ..... الحاصل شنو يا ربي امبارح كم وستين الف ....


البادي صباح الخير ..
Post: #7817
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 07:25 AM
Parent: #7814

صباح الخير يا وجوه الخير

أصبحنا وأصبح الملك لله وحده

دعاء الصباح :

اللهم إني أعوذُ برضاك من سخطك
وبمعافاتك من عقوبتك
وأعوذُ بك منك ، لا أحصي ثناءَ عليك
أنت كما أثنيت على نفسك .

يا الله ،،،،،
Post: #7818
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 11-22-2010, 08:34 AM
Parent: #7817

Quote: أهل الجود.. ناس جده..
البيحبوا الناس.. والجمجره..

بالله قرض لينا على الجمجرة دي لانستطيع العيش من غيرها
.
.
ناس الزقازيق كل عام وانتم بالف خير











------------------------
الجميل ميسرة سيد احمد كيفنك
Post: #7819
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-22-2010, 10:59 AM
Parent: #7818

SL370604.JPG Hosting at Sudaneseonline.com
Post: #7820
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-22-2010, 11:04 AM
Parent: #7819

SL370605.JPG Hosting at Sudaneseonline.com


د. حسن أبوعلي م. أحمد سيد عبد العال الحاج د. حاتم جبارة
Post: #7822
Title: Re: ناس الزقازيق ... أجدع ناس ( 3 ) ..
Author: عصام دهب
Date: 11-22-2010, 11:11 AM
Parent: #7820

SL370611.JPG Hosting at Sudaneseonline.com
Post: #7821
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-22-2010, 11:06 AM
Parent: #7818

صبحكم الله بالخير

بعد عيد اللحم ده و الاجازة الطويلة نسبيا دي جينا انشغلنا في الشغل...
و كأن الخمسة يوم دي كانت خمسة سنين...
و هذا سبب الاختفاء و المتابعة المتقطعة...
و ربما تكون هي نفسها أسباب اختفاء الاخوة الآخرين...
لكن أبو الزوز ليهو حق يزعل..104 بس و الله شوية...
اذا كنت أنا فتحت و قريت 14 مرة يعني يا زهير بقت 90 بس...
بس ما لاقين الوقت عشان نجيكم برواقة...
رغم ان الواحد بعد غياب عنده أشواق كثيرة...
و حكاوي كثيرة...و تعب كتير عايز راحة...
و ميرندا كتيرة عايزه محافظه عليها...
عشان تكفي لحدي الاجازة الجاية...
و أقول ليكم شنو تاني...

وش البامية كمان ما زي وش البامية بتاعت أمبارح...

أقعدو عافية
Post: #7823
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 02:05 PM
Parent: #7821

463.jpg Hosting at Sudaneseonline.com
Post: #7824
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 02:10 PM
Parent: #7823

465.jpg Hosting at Sudaneseonline.com
Post: #7825
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 02:41 PM
Parent: #7824

467.jpg Hosting at Sudaneseonline.com
Post: #7826
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 02:47 PM
Parent: #7824

467.jpg Hosting at Sudaneseonline.com
Post: #7827
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 02:55 PM
Parent: #7826

468.jpg Hosting at Sudaneseonline.com
Post: #7828
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 03:05 PM
Parent: #7827

469.jpg Hosting at Sudaneseonline.com
Post: #7829
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 03:23 PM
Parent: #7828

471.jpg Hosting at Sudaneseonline.com


472.jpg Hosting at Sudaneseonline.com
Post: #7830
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-22-2010, 04:00 PM
Parent: #7829

نهاراتكم سعيدة ...

الريس ميسرة عيدكم مبارك .. التوثيق جميل لكن عايزين الكلام الظريف المدسوس .. شايف الناس ضاحكة وسنونا برة .. ضحكونا معاكم ...

يا كوتش ويا جلا عايزين نعمل حاجة لي ود جبرين المسنوح دا .. والله الزول دا لسانو طويل وما حيخلينا في حالنا .. وممكن ننتظر قدوم الحاج الدومينيكاني عشان تكون الفرحة فرحتين ...

يا محمد عيد الجماعة ديل ما شاء الله ما خلوا فرخة حايمة .. البيك إنشاء الله ينفعكم .. وبالهناء والشفاء ...
Post: #7831
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-22-2010, 04:41 PM
Parent: #7830

يا سلام عليك يا ميسرة ... وعلي الشباب اقصد الجماعة الحلوين دل لمة والله ما منظور مثيلها ..... بس الجماعة اليجوك ناطين من تجي سيرة العرس ديل .... اها البوست ده ما فيهو ماذون ... العايز العرس داك دربه وداك محمد الفاضل ... بالله يا ميسرة نزل ليهم التلفون ... نشوف الرجالة دي حدها وين .... اها انا ونجيلة والرشيد وميسرة ومنصور وعبد الدائم و محمد صديق ومن لف لفنا امثال من الرعاديد .. هذا الموضوع لن نخوض فيه مرة اخري .... مهما كانت المغريات والفيكم اتعرفت ...
اها لو في زول اسمع جا في اللستة التحت دي يرفع يده والايميله غلط يرسل لينا الايميل الصاح عشان الباسويرد ده لو مشي غلط تاني سيدي الحسن ما بيجيبوا ..... الرسالة ارسلت اليوم قبل قليل يعني في امكانية للتعديل

SDSDSD.jpg Hosting at Sudaneseonline.com
Post: #7832
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 07:45 PM
Parent: #7831

Quote: الريس ميسرة عيدكم مبارك .. التوثيق جميل لكن عايزين الكلام الظريف المدسوس .. شايف الناس ضاحكة وسنونا برة .. ضحكونا معاكم ...


يا البادي النور ويا أبو الزوز اصبروا لي شوية التقيل ورا

بس الوقت هو السبب ،،، اصبروا لحدي بكرة ونديكم المفيد

شدوا حليكم بس ،،، معليش يا منصور اصبر لينا شوية.
Post: #7833
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 08:20 PM
Parent: #7832

480.jpg Hosting at Sudaneseonline.com

حصل لي موقف طريف مع أخونا علي حسن والدكتور حمدي - متزوج أخت حاتم جبارة

بدأت أوصف لهم موقع الثاوث مول حيث انهم حضروا من خارج مدينة جدة

ووصل قبل وصولنا إلى المول وعند حضورنا سلمت على الناس بحرارة وعند جاء

دورهم إفتكرتهم مصريين وسلمت عليهم على خفيف وسلم علينا علي حسن بحرارة ولم أنتبه

وقلت له كيف كان الوصف وهو يقول لي أنا علي حسن أفتكرته هو نسيب حاتم وتذكرت علي حسن

الذي لم يتغير كثيراً سوى زاد وزنه وجلسنا نضحك على هذا الفاول وأعدت السلام على المصريين وهم يضحكوا
Post: #7834
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-22-2010, 08:29 PM
Parent: #7833

483.jpg Hosting at Sudaneseonline.com
Post: #7835
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-22-2010, 09:24 PM
Parent: #7834

يا ناس جده الحلوين
ميسرة
النضيف
عثمان الجيلي
دهب

بصراحة لمتكم جميلة وتبغر
ان الله ما يحرمنا اللمات الزي دي ابدا
تحياتي
Post: #7836
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-23-2010, 06:41 AM
Parent: #7835

الاخوة الحلوين ناس الزقازيق الطيبين لكم التحايا والاشواق و كل عام و انتم بخير وانشاء الله زايدين

ما ناقصين و نسال الله ان يتقبل منا ومنكم الطاعات والحمدالله الكريم الذي جعل لنا مواسم للاجر والخير

متواصلة ينهل منها المؤمن ما استطاع فنبتهل إليه بالدعاء ان يتقبل من الجميع و ان ييسر امر كل

اخوتنا الزقازيقاب بصورة خاصة لمن لم يؤدي فريضة الحج ان يكتب له ذلك في القريب العاجل آمنين .


اولا :نتقدم بصادق العزاء لجميع الاخوة والاخوات في فقدانهم الجلل و نسال لله لهم الرحمة والمغفرة.

ثانيا: نسال الله الشفاء لجميع الزملاء والزميلات من الذين ابتلاهم الله بسقم .

ثالثا : مبروك لكل من كان له فرح او مناسبة عزيزة في الفترة السابقة (انشاء الله خطوبة كتامي ).

رابعا : و الله يا ناس جده عملتوها واضحة اللمه عندكم و محسودين عليها عديل لمه بودالفاضل و الظريف

الحاق حاتم جبارة و الجميل علي حسن نسال الله ان يعطيكم البركة و يزيدكم من عنده صحة وعافية و جمال

كما اثلجتم صدورنا برؤياكم الجميلة و انشاء ربنا يديم علينا وعلي الجميع اللمات الحلوة .


خامسا : ايها الحبيب جلا افتقدك كثيرا في موسم الحج لهذا العام نسال الله ان يكتب لنا اللقاء في

هذه البلاد الطاهرة في العام القادم ان كان في العمر بقية .
Post: #7837
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-23-2010, 06:49 AM
Parent: #7836

ربنا يتقبل منك صالح الأعمال و الدعوات
Quote: خامسا : ايها الحبيب جلا افتقدك كثيرا في موسم الحج لهذا العام نسال الله ان يكتب لنا اللقاء في
هذه البلاد الطاهرة في العام القادم ان كان في العمر بقية .

أنا ناوي من هس.... وربنا يمد في أجلنا إلى ذاك الحين
بس متمني الرشيد يكون حضور معانا
قول آمين
بالمناسبة بعد نهاية مكالمتك
الوالد قال لي زولك دا لاقي الحج دا ملح و لا شنو؟؟؟ كل سنة حاجي
قلت ليهو الفلاتة أصلهم ما بقصرو من رمضان و الحج
Post: #7838
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-23-2010, 07:06 AM
Parent: #7837

صباح الهناء والسرور ...

موسى عيسى عيدكم مبارك وحج مبرور ومقبول إنشاء الله ...

الريس ميسرة نحن في الإٌنتظار بس ما تطول الغيبة ...

أبوالزوز إنت خواف ورعديد كدا مالك هسي في زول جاب سيرة العرس والزوجة الثانية .. قالوا الخواف ربا عيالو .. غايتو المفراكة عندكم ...
Post: #7839
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-23-2010, 07:14 AM
Parent: #7838

صباح الخير يا وجوه الخير

أصبحنا وأصبح الملك لله وحده

وصلني هذا على الفيس بوك

Ask to Join Group
الملتقى السوداني لخريجي كلية الآداب جامعة الزقازيق

ملتقى خاص يهتم بربط الزملاء الذين تخرجوا في كلية الآداب - جامعة الزقازيق
"فرع ناس الزقازيق أجدع ناس " to "الملتقى السوداني لخ...‏
--------------------------------------------------------------------

يا ناس آداب مالكم عايزين تفرزو عيشتكم ، عندنا منبر ناس الزقازيق

خاص لكل كلية إن أردتم والدخول إلى سودانيز أون لاين بالمجان

وكمان زهير ده عمل ملتقي بالفيس بوك لناس الزقازيق قاطبة

الوحدة أحسن من التقسيم ،،، ولا نعمل ليكم إستفتاء ؟
Post: #7841
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-23-2010, 07:38 AM
Parent: #7839

يا أستاذ زهير الزناتي

أرجو أن يكون هؤلأء ضمن المجموعة دي

هلا أيوب :-

[email protected]

مشكلة كوثر داؤود والذي ضاع منها الباسويرد

[email protected]
Post: #7840
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-23-2010, 07:28 AM
Parent: #7838

Quote:
موسى عيسى عيدكم مبارك وحج مبرور ومقبول إنشاء الله ...


الحبيب البادي ربنا يتقبل من الجميع و مبروك عليكم الفوز و الله

الهلال يستاهل في هذه الاونة لا يقارن مع المريخ التايه في كل الخطوط!!


Quote:
بس متمني الرشيد يكون حضور معانا
قول آمين


الرشيد الحبيب لك مني العذر حتى ترضى و كل عام وانت بخير بس صاحبك

عمل خيانة عظمي و ليه منا حساب طويل يعنى ما كان يقول كنا رافقناه

و حجينا بالمره عندكم بدل البهدله بتاعت جلا و كمان ابوه !!!!!

عموما نسال الله ان يجمعنا قريبا قبل حج العام القادم و التحايا للاسرة الكريمة.


Quote:
الوالد قال لي زولك دا لاقي الحج دا ملح و لا شنو؟؟؟ كل سنة حاجي
قلت ليهو الفلاتة أصلهم ما بقصرو من رمضان و الحج



و الله يا جلا انت عارف في حاجات كتيرة حامياني و لكن و الله اليوم كنت فتيتو ليك

فتة لمن ربنا يفرج عليك ناس زهير و خلق الله و الفلاته مالهم ما اهلنا و حججاين

و صلايين و بالمناسبة عندنا في البلد اهلنا الفلاته اغلب شغلهم في البحر فقاموا

سالو واحد منهم قالو ليه بتتمنى شنو قال ليهم بتمنى الشتاء السنة دي يجي بارد

شديد قالو ليه لشنو قال ليهم علشان العرب ما بقدرو يصلوا الصبح !!!!و ليك علي

انا لي زمن ما اتصلت علي صحبي اسامة الطيب لكن اليوم بقول ليه صحبك الياكا بتاع

كسلا بسال منك ؟
Post: #7842
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-23-2010, 01:16 PM
Parent: #7840

يا محمد عيد
كل سنة وانت بخير والف عافية
اللمة ما عندك
الثاوث مول
المااتلم عندك ما اتلم
انت ما اهل الكرم والجود
تحياتي للاسرة الكريمة
Post: #7843
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-23-2010, 02:27 PM
Parent: #7840

491.jpg Hosting at Sudaneseonline.com
Post: #7844
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-23-2010, 02:30 PM
Parent: #7843

DSC00872.jpg Hosting at Sudaneseonline.com

جميع الصور السابقة قامت بها محسنة ميسرة
Post: #7845
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-23-2010, 03:11 PM
Parent: #7844

صلينا على النبي
على بنيات عبد الدائم الله يحفظهم ويخليهم لي امهم وابوهم

وصلينا على النبي على محسنة ميسرة سيد احمد
الاخدت الصور
والله يخليها لي امها وابوها
Post: #7846
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-23-2010, 03:22 PM
Parent: #7845

ود الشــادى الحبيب ...

ياخى كل سنة وانت طيب وربنا يحقق امانيك ويخلى ليك الوالده واسرتك الكريمة

ربنا يتقبل الحج ويزيد من ثوابك ويجزيك كل الخير انشاء الله ..

&&&&&&&&&&&

والله يا كمال قضينا ليله ولا فى الخيال ..

والجلسة كانت كأنها فى نادى الشرقية او قصر فرساى ...

وبالجد بس كانت ناقصاكم ..

لكن عموما .. الحبيب عبد الدائم بيجهز فى لمــّة كبيرة انشاء الله نقدر نلم فيها ناس الرياض كمان ..

&&&&&

ترقب معانا الكلام المدسوس فى حفلة و الفاضل ( زى ما قال البادى )

وانت بالذات الموضوع مستهدفك بصورة مباشرة جدا جدا

وحاولنا نتصل بيك فى لحظتها على الهواء الا انك يبدو كنت نائما ...
Post: #7847
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-23-2010, 03:47 PM
Parent: #7846

ظهرت نتائج القبول للجامعات المصرية .... وكان الابن محمد الفاتح ثابت ....مقبولاً بكلية الطب جامعة الزقازيق .... وفقاً للاتفاق الذي تم مع رئاسة جامعة الزقازيق ..... الا ان المنحة لم تجاز جتي الآن من التعليم العالي المصري ..... وقد قام الاخ الفاتح بدفع حوالي 500 دولار رسوم دراسية لابنه في العام الدراسي الاول .... وحوالي 50 دولار رسوم اعاشة في المدينة الجامعية ... والتي عرفت منه بانها اصبحت ثلاث مستويات ... المستوي الاول الفاخر ... غرفة منفردة للطالب بكل مستلزماتها مع الوجبات الجيدة لا تتجاوز الـثلاثامائة جنيه مصري اي حوالي 50 دولار امريكي كما اسلفت ...... اعتقد ان الامر مشجع لاولياء الامور حتي من غير ناس الزقازيق .... لان هذه هي الرسوم العادية
Post: #7848
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-23-2010, 09:44 PM
Parent: #7847

مساء الخير عليكم ...

يا المريخاب مبروك عليكم الفوز وكأس السودان ...

الهلال كان تائه تماما وما في تركيز وما في يومه وإستحق الهزيمة بجدارة ...

الحكم كان غير موفق في حالات كتيرة وكان ممكن يتسبب في كارثة جماهيرية كمبودية ...

المعز كان خارج الفورمة تماما ويسأل عن الهدفين ...

المباراة كانت ضعيفة ولا تشبه مباراة الممتاز السابقة .. أخلاق وسلوك اللاعب السوداني دائما تحت الحضيض ...

الكرة السودانية متمثلة في القمة غير مبشرة وما في أمل ...

سهران براي شكلكم أكلتو الرز باللبن ورقتوا سلطة زي حال الكورة السودانية ...

وتصبحون على خير ...
Post: #7849
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-23-2010, 10:48 PM
Parent: #7848

عبد الدائم يا نضيف

البنوتة الصغنونة باين عليها لذيذة شدييييييييييييد

اسألك بالله نزل لي صورها في البوست بتاع الشفع الفاتحو الزول اب صلعة بتاع المغرب داك
Post: #7850
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-24-2010, 06:15 AM
Parent: #7849

صباح الهناء والسرور ...

أصبحنا وأصبح الملك لله ...

أبو الزوز صباح الخير .. أخبار الجامعة والله تفرح وباين عليها الرسوم والسكن مناسبة جدا لكن ما في طريقة للضهب والدبايب لأنه داخلية الجامعة فيها إنضباط شديد ومافي حتى طريقة لتوزيع المنشورات من تحت باب الشقة .. يعني حركة طلابية زقازيقابية بمفهوم مصري بحت ...

يا كوتش نحن ما في اٌلإنتظار وكدا ...
Post: #7851
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-24-2010, 07:31 AM
Parent: #7850

صبحكم الله بالخير

حضور و متابعة مع شوية انشغال...

يا جلا صاحبك نساني و جاي يعتذر عشان عارفني أنا طيب و بقبل الاعتذار...

يا موسى تنساني أنا في يوم بالمرة...

بس ان شاء الله ما تكون نسيتنا في الدعوات في الحج...

بجيكم بي رواقة (وش محمد صديق)
Post: #7852
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-24-2010, 07:34 AM
Parent: #7850

صباح الخير ،،، يا وجوه الخير

أصبحنا وأصبح الملك لله وحده ،،،

مبروك لناس الجامعة وعقبال أولادكم

الأستاذة منى يونس عملت مقابلة كاملة مع ود الفاضل

ووجود بعض الحجاج أدى لتأخير إنزال الموضوع ، وبعدها سوف نطرح

مشروع ود الفاضل ويا شادي الراجل ده خصاك بجزء من المشروع وإتصلنا بك

بس يبدو إنك كنت نايم ، اليوم بنفتوا ليكم كله ،

محمد ود عيد وين الفوتو شوب بتاع عمو محمد ا لفاضل لازم نكمل اليوم .
Post: #7853
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-24-2010, 07:45 AM
Parent: #7852

image20.jpg Hosting at Sudaneseonline.com



يا ريس اوعي يكون محمد الفاضل رئيس الجمعية دي .... اللهم حولينا ولا علينا ....
Post: #7854
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-24-2010, 07:57 AM
Parent: #7852

Quote:
سهران براي شكلكم أكلتو الرز باللبن ورقتوا سلطة زي حال الكورة السودانية



يالبادي المسهر شنو و لا كنت بتغني لصحبي ابراهيم حسين ربنا يديه الصحة والعافية

نجمه الليل بعدو و السنين يحليلنا عدو

و انت ما عارف عيونك لما تسرح وين بودو


الحقيقة الهلال اتى مغلوب بنشوة الفرح من المباراة السابقة و لم يعطي هذه المباراة

حجمها الحقيقي و تعامل اللاعبين مع الوضع بانهم غالبين غالبين .

ولكن يا حبيب الكاس دا ماركة مسجله يعني شفو ليكم حاجة تانية !!!


الريس يا جميل فت و نحن في الانتظار و الرهيفة التنقد !!! انشاء ما حد حوش .
Post: #7855
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-24-2010, 08:19 AM
Parent: #7854

Quote: الحكم كان غير موفق في حالات كتيرة وكان ممكن يتسبب في كارثة جماهيرية كمبودية ...


ومتين كان عندنا حكم موفق ولا فاهم ؟؟

عموما هاردلك يا بادى يا جميل ولجميع أهــلة المنبر

خاصة الذين بالغوا فى الفرح الاسبوع الماضى واحتفوا كمن توج بالمونديال

واخص بها اخونا جمال السنوسى الذى سافر للوطن خصيصا لحضور المباراتين ... ونأبه طله على شونة ..!!

****

المباراة ونتيجتها دليل على ما ذهبنا اليه الاسبوع الماضى من تراجعنا وتردينا .. يعنى بالله

ما دايرين وجع الراس ... زعيم البلد وسيد البلد وسيد اللبن ... ( هى البلد ذاتها وين ؟ )

الانفلات الجماهيرى رد فعل طبيعى لاعلام قمــىْ فى الناديين .. يصور لجماهيره فريقها بأنه الذى لا يهزم ..!!

وبالتالى يصبح رافضا لاى اخفاق ..

****

البادى ... بالعكس .. معز غير متسبب فى أى هدف ..

****

مبروك لكل مريخاب البوست .. وفى مقدمتهم ود نجيلة صاحب الفأل الحسن

وكمان ود دهب ومسى عيسى ..

وود جبرين الذى يقيم احتفالا بالفور اليوم خارج الدرابزين ( خوفا من تفليق الرشاشات )

Post: #7856
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-24-2010, 08:46 AM
Parent: #7855

sudansudansudansudansudansudan68.jpg Hosting at Sudaneseonline.com



يا اب شنب الليلة الله يكون في عونك عموما استعين بصديق !!!!

و تشكر علي المعلومة !!
Post: #7857
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-24-2010, 09:48 AM
Parent: #7856

المعنى يا أبو الزوز الشيخ أبو غلوس ده خاطبه شرعية...
على الطريقة الاسلامية يعني...
و من غير أي فوائد...أخرى...
أنا ماشي أصلي الظهر و حأزيد عليهم ركعتين استخارة و أجيكم...
و كان ما جيتكم راجع بيكون بت الشيخ عندها مخبرين في البوست...
أنا عارفهم كووووويس....


موسى عيسى صاحبنا زمان...شايف ما زال مسلسل التطنيش مستمر....
غايتو الأداك بالكوريك يدينا بالمعلقة...
Post: #7858
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 09:55 AM
Parent: #7857

يا ياسر نجيلة
الحق الشباب قننوالشغلانة
وجابت ليها كروت ورقم موبايل وماعارف الشيخ منو ود منو ومأذون شرعي

بختك يا ياسر
مش ايام العيد اتصلت على وسألتني ادعو ليك في ( الجمرات )
ما عارف ليه في الجمرات محل الفليق والخبيط ده
الظاهر ده تأثير( مما جانا )
مش سالتني ادعو ليك المولى إنك تتوفق في ( الخطوة التانية )
انا يومها ما فهمت يعني شنو ( الخطوة التانية )
لكن اذا قصدت الزوجة الثانية
ارجو انو الاتصال بصديق
يكون من خلال زهير الزناتي
الراجل اشتغيل لا مؤاخذة خطابة
اصلو تحت تحت موسى عيسى قال لي الكرت ده بتاع زاهير زاااااااااااااااااتو
Post: #7859
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-24-2010, 10:16 AM
Parent: #7858

يمين بالله ده الذ كرت .... الزول كلما يقرا فيهو يكتشف حاجة جديدة .... غايتو دي ملجة فاتت طارق جبريل ... بختك يا الشادي .... اسرح وامرح .... الظاهر عليها بت الشيخ ما عندها علاقة بموضوع النت ده ..... غايتو انا لو لميت فيها بقول ليها قوقلي اسمي كمال الشادي ... يمين بالله الا تشتري ليك اضنين صناعيات ...
Post: #7860
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-24-2010, 10:46 AM
Parent: #7859

يا أبو الصحب انت انت بتتنسى ما انت روح بوستنا و حبنا

و الله ياالرشيد هو انا المطنش و الناس مطنشاني و لا أنت ولا

صحبك جلا اناما سافرت و جيت ولا واحد فيكم هببوا لي مافي و مش

كده و بس الزول لمن يمشى الحج و يجي بقوموا الناس بدهنوا

ليه البيت بالجير و كلمات كده عجيبة !!!!!!! يعني بالواضح

عملتها ظاهرة في ناس لما رجعوا من السودان اخر ترحيب و حاجات

و نحن لينا الله فاتحتنا ما اديتونا ليها و برضو مسامحين ولك العتبى

حتى ترضى علشان تكتمل انا عازمك اليوم نوسه دقاقة علشان نفت ليك

صحبك فته جد و الله خايفك تخلي صحبته بالمرة عموما موعدنا الساعة

8.30 مساءا عبر السكايبي . و لك مودتي .
Post: #7861
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 11:01 AM
Parent: #7860

ابو الزوز ابو شنب كبيييير

الحكاية مافيها حاجة بتزعل مش جماعتنا المصريين قالو
يا بخت من جمع راسين في الحلال

مش اخير من روسين طارق جبريل بتاعين اديس ابابا

الله يقدرك على فعل الخير يا شيخ زناتي

ههاااااااااااااااااا

صاحبك كلمني امبارح
فارح من السودان
Post: #7862
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-24-2010, 11:20 AM
Parent: #7861

Quote: أنا ماشي أصلي الظهر و حأزيد عليهم ركعتين استخارة و أجيكم...
و كان ما جيتكم راجع بيكون بت الشيخ عندها مخبرين في البوست...
أنا عارفهم كووووويس....


أصبر يا شادي وموسى عيسى أبو الزوز ما يخمكم بالكرت ده

في موضوع أخطر من كده بكتير ،،، بس الليلة دي بالليل بنجيب

خبركم تب وكمان منى بت يونس حجاجه اليوم مسافرين وبتنزل ليكم المضمون
Post: #7863
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 11:23 AM
Parent: #7861

يا شيخ نصري تلحقنا وتنجدنا

من هبوب ودالفاضل
وكتاحات ود الزناتي
تغطيناوتحرسنا

بركاتك يا شيخنا يا نصري
تحلق الملهوف
وتنقذ المزنوق
من نوع ناس نجيلة
وغادي

والمترديين
العازيين والخايفين
النفسهم فيها وهارشين

تلحقهم بركاتك وتغشاهم
ان شاء الله بي مسيار
شحدتك ورجيتك يا مولاي
دعوتي دي تصل لي كل اعضاء جمعية المزانيق ( دي جمع مزنوق )
من ناس موسى عيسي
وجلا
ومنص
والهارشين دي مقصود بيها

البيصلي استخارة ويقول يا رب تظبط يارب تظبط
ويقول في الاستخارة ان شاء الله الباسوورد يضيع منها عشان ما تقرا اي حاجة
هاااااااااااااااااااااااااااااااااها
Post: #7864
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-24-2010, 11:46 AM
Parent: #7863

cd7547dab18c9233b.jpg Hosting at Sudaneseonline.com
Post: #7865
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-24-2010, 11:47 AM
Parent: #7863

انا حدي المداخلة الفووووووق ديك
بتاعة محمد عيد ....
ومبروووووووك فوز المريخ .....

منو الوصاك بالدعوات ده .... والخطوه التانية دي شنو ... وكمان في رمي الجمرات ....
ياشادي ... آخر تلفون معاك كان عيد الفطر ... اتنت نسيت ولا ايه ....
بالله انت حجيت ... اول مرة اسمع الكلام ده ... يا خي حج مبرور
""""" مليوووون مرة قلنا ليكم الزولة دي ساكنه هنا سكنه ...
يعني لو صليت ليها عشرين ركعه ....
الصالة برضو محمداني .......
ياخي حرام عليكم ... ماصدقنا نسينا موضوع الحبشة واديس ... وطارق طار السودان ....
راعو شعورنا .... البرد نزل .....


=========================================
ابشنب ....
التلفون الفي الكرت ماجمع معانا ....
دي وصية واحد اخونا من الهند .... والوصية في الذمه ...
رسل لي الرقم الصحيح في الخاص ... عشان ارسلو ليهو ....
بالله ده حالتو الريس ميسرة ماجاب ... التقيل
تحياتي يا محمد الفاضل ......



راجنكم ... ياميسرة
Post: #7866
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 12:09 PM
Parent: #7865

والله يا محمد عيد
ضحكت لمن صدري وجعني
حاجة في السلك بصراحة
عليك الله لغاية ما الموضوع ده يقفل اتحفنا طواااااااااااالي

-----------

نجيلة
يا نجيلة
مالك

آخر تلفون ما كان في عيد الفطر
من ايوم وانا في الحج وانت بتتصل بي وبتقولي وصلت الجمرات وصلت الجمرات
وانا اقول يا ربي الزول ده صرتي ( مفلوقة ) في الجمرات والله شنو

ولمن وصلت الجمرات
قلت لي لمن تصل الشيطان الكبير اعمل لي مس كول

وبعدين قلت لي ادعو ليك

مالك يازول داير تخليني اشك في نفسي
Post: #7867
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 12:12 PM
Parent: #7866

نجيلة
عليك الله لو اب شنب رسل ليك الرقم الصحيح بتاع الشيخ نصري
ما تنسى ترسلو لي الرشيد على ايميلو الخاسسسسسسسسسسس جداجدا وهو

[email protected]
Post: #7868
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-24-2010, 12:24 PM
Parent: #7867


ملعوووووبه يا كيمو ....

والله بس تقول عليها غمزة راجى للكورة جوه الشبكة ...

اها باكر الـ adress book حيتملى بناس harshaaa.com

Post: #7869
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 12:26 PM
Parent: #7868

محمد عيد
اعدل الصحفة
Post: #7870
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-24-2010, 01:20 PM
Parent: #7869

سلامات يا ناس

التحايا للجميع...

بادى النور ...نعمل على ترتيب لمة لكل الناس

Quote: ملعوووووبه يا كيمو ....


يا عيد سلام...دايرين واحدة لناس هرشة دوت كوم

واقترح يكون النموذج ...نجيلة
Post: #7871
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-24-2010, 05:10 PM
Parent: #7870



السلام عليكم جميعا وكل عام وانتم بخير والف الف مبروك للاخوة الحجاج
إن شاء الله حجا مبرورا وسعيا مشكورا وتجارة لن تبور ، ومبروك اللمة المبركة
بالثاوث مول ، بس إن شاء الله هذه اللمة سبقتها لمة بالحرم ، ولا نقول حرما

والله حكاية غريبة بس قالوا محمد لفاضل قال كلام ، هاج وماج البوست إشرأبت لرقاب
المتاوقة والبتقول حوالين وماعلينا والبدخل وبطلع والبصم أذنيه وده لسع كلام
الراجل ماسمعناه
______________________________

مسئولين من الخير محمد الفاضل نازل مع منو ( الله يكون في عونه)

يا ريس ياخي أقطع العرق وسيح دمه خلي البوست يتنس الصعداء
Post: #7872
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-24-2010, 08:02 PM
Parent: #7871

العزيز ابو عمر كلام محمدالفاضل حسب معرفتي بيك

بجيب ليك الهوى و كمان صحبي البتعرفوا ما شفتوا

من ما الريس قال حافتو زاغ و ما ليهو اي خبر علشان

كده اني لك من الناصحين ان كانت حكومتك بتابع البوست

اعمل نايم و خيلينا نحن وو الشادي و بس !!!!!!
Post: #7873
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-24-2010, 09:36 PM
Parent: #7872

Quote: انا عازمك اليوم نوسه دقاقة علشان نفت ليك

صحبك فته جد و الله خايفك تخلي صحبته بالمرة عموما موعدنا الساعة

8.30 مساءا عبر السكايبي . و لك مودتي .


موسى الحبيب...
لم أدخل من الدخول للبوست الا الآن لانشغالي...
ليك علي نأجل الونسة لمساء الغد ان شاء الله...
و تقبل اعتذاري على التأخير في مباركة الحج...
حجا مبروكا يا حبيب..

موسى تلفيت اتصالك و أنا أكتب في هذه المداخلة...
عشان تعرف ان القلوب شواهد...
نسأل الله أن يديم الود بيننا...
و ربنا يواليك بالعافية ان شاء الله...
Post: #7874
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-24-2010, 10:43 PM
Parent: #7873

قالو في فتة كاربة جايباها منى يونس
عن ود الفاضل
فضلنا راجين
والليل طول علينا
يا شباب
في فتة والله ننوم
---

تخريمة
ياناس السودان
الزول الاسمو طارق جبريل داك اخبارو شنو ؟
Post: #7875
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-25-2010, 06:34 AM
Parent: #7874

يا جماعة الناس الراجين ميسرة يجيب ليكم خبر ود الفاضل واطاتهم اصبحت ...



نسيت اقول ليكم صباح الخير
Post: #7876
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-25-2010, 07:18 AM
Parent: #7875

صباح الهناء والسرور ...

شيخ الزناتي نحن أخوان إبتهاج أعمل حسابك وأرعى بي قيدك .. قف .. مرسل مفراكة ديجيتال لأختنا إبتهاج .. نرجو مراجعة الدي إتش إل ...

منصور عيدكم مبارك يا زول إنت وين رايح .. إمكن الجكة في أبوظبي عملت ليك إنزلاق غضروفي .. عموما سلامتك وما شوف شر .. بس كنا عايزين الحكاوي الطاعمة ...

الكوتش اللذيذ .. إنت نحن في الإنتظار ...

محمد عيد وموسى عيسى وكل المريخاب مبروك الكأس بكل روح رياضية ...
Post: #7877
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-25-2010, 07:31 AM
Parent: #7876

Quote: الكوتش اللذيذ .. إنت نحن في الإنتظار

شوف يا بادي
اللمة دي يا يوم السبت في قندهااااار
أو أي يوم من أيام الأسبوع
على أن يبدأ البرنامج الساعة التاسعة مساء
ينتهي متين ما معرووووف


جضيمة:
جضمتو ليك يا زهير صح؟؟؟؟
Post: #7878
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-25-2010, 08:19 AM
Parent: #7877

سلام ياشباب ...

زهير قبل ما واطاتنا تصبح في انتظار الريس ميسرة ...
كدي جهز ليهو الملعب ..
وعدل مداخلتك الفوق ديييييك ... بتاعة عدد القراء 104 بس ....




=========================================
لكن ياشادي ...
البريد الالكتروني ماعند رشيد القوم .....
غايتو دي بالغت فيها عديل .... كده
Post: #7880
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-25-2010, 09:51 AM
Parent: #7878

صبحكم الله بالخير

نفس الزمان و المكان...
الواحد ما بيلقى ليهو فرقة الا مع أذان الظهر...
و بعد داك شوية زحمة كده و من ثم الى أبو ظبي ان شاء الله...
بركة الشفناكم طيبين وووووووووو....

وفتناكم بعافية....
Post: #7879
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-25-2010, 09:45 AM
Parent: #7877

Quote: يا جماعة الناس الراجين ميسرة يجيب ليكم خبر ود الفاضل واطاتهم اصبحت ...


Post: #7881
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-25-2010, 09:54 AM
Parent: #7879

ميسرة من يوم اللمة قطع من عندى التلفونات
تكون منى مسحت الارقام كلها


ملخص الحكاية بعد محمد الفاضل حكى لما فتر
كان عذر احد الحضور ثم وافقوه فى الراى كل الشلة

(( والله الحكاية دى صعبة هنا فى الغربة ، بس فى السودان فى زمن ))

تخيلوووو .....


غايتو انا يا شادى كنت مشغول مع بتى الصغيرة العاجباك مع الالعاب



فى واحد روووح مفتاح العربية !!
Post: #7882
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-25-2010, 10:27 AM
Parent: #7881

Quote: فى واحد روووح مفتاح العربية !!


معذووور ...

كان لاحقه طرف الســـوط ..!!
Post: #7883
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-25-2010, 10:29 AM
Parent: #7881

اها يا ناس شهد شاهد من اهلها ....


-------------

تعرض هاتفي لجلطة دماغية منذ البارحة اسكتته عن الكلام المباح .... والامر ليس له علاقة بالكرت اعلاه ... نحن الآن في انتظار ان تزول الجلطة دون تدخلات جراحية .... اما اذا لم يكن هنالك بد من العملية الجراحية فيعني هذا ان ارقام مهولة قد راحت في حق الله ... ويعوضنا الله نبدا من جديد في تجميع الارقام ...

غايتو الناس البريدهم تلفوناتهم حافظها ....
Post: #7884
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-25-2010, 10:41 AM
Parent: #7883

Quote: غايتو الناس البريدهم تلفوناتهم حافظها ....

الفرق بين الأحبهم و البريدهم شنو؟؟؟؟؟؟
Post: #7885
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-25-2010, 10:43 AM
Parent: #7883

انت يا أبو الزوز لكن التلفون ده ما شكى و بكى...
التلفون ده فتحت بيهو كم بوست و مليتهم صور عليك الله...
ده أصلو تلفون و لا طارق بن زياد...
انت بقيت محاسب أد الدنيا في شركة كبيرة...
و في المنطقة الشرقية من السعودية كمان...
يعني قريب للامارات حيث الحضارة و كده...
بعد ده بيلزمك آي فون و بلاك بيري كمان...

يعني حسه و أنا ماشي في الطريق ما أضرب ليك؟؟؟؟
Post: #7886
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-25-2010, 11:02 AM
Parent: #7885

البريدهم زيك كده ............ والبحبهم زي ابتهاج


يا رشدي والله الآي فون والبلاك بيري ديل لغاية قريب ده ما كنت قايلهم ممكن يدخلوا فيهم اي شريحة ... كنت قايل عندهم شبكة براهم ولا تقنية لحالها ... المهم يا حبيب لسه ما وصلنا مرحلة البتاعت دي .... يمكن لغاية الساعة اثنين كده ارجع البيت احنس ابتهاج كان تقبل استعمل تلفونها .... غايتو الليلة البقت عليك يا ود الزناتي في السودان الشقيق ما حصلت ...
Post: #7887
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-25-2010, 11:10 AM
Parent: #7886

Quote: غايتو الليلة البقت عليك يا ود الزناتي في السودان الشقيق ما حصلت ...


ما قلنا ليك...

لو حليت مشكلة انك تشيل انبوبة الغاز في كتفك و تطلع بيها...

حتلقى ليك زول وين تستلف منو حق الغاز؟؟؟؟

أحسن ليك تشيل انبوبة الغاز و لا تشيل الصبر...و برضو؟؟؟؟

أمانة شيل الصبر ده ما صعب خلاس...
Post: #7888
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-25-2010, 11:48 AM
Parent: #7887

اها يا جلا كفاية ولا نديك نماذج تاني للبحبهم وللبريدهم ...

يا رشدي ما تخليني الليلة علي جلا ده العب معاهو راس .... لكن الظاهر عليهو كب الزوغة ...


قلت لي انبوبة الغاز .... ولا المشكلة في انبوبة الموية ... ديل دبل دبل كل يومين تلاتة ... الله غالب ...
Post: #7889
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-25-2010, 01:14 PM
Parent: #7888

صباح الخير ،،، يا وجوه الخير

معليش بعد سفر الحجاج كان عندنا جمعية عمومية

أنا والمدام والأولاد وبخصوص مشروع ودالفاضل وإتفقنا بأن

تنزل المعلومات في البوست بتاع منى يونس لأنها صاحبة الحق في

اللقاء الصحفي الهام والإعلان عن جمعية ود الفاضل دوت كوم
Post: #7890
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-25-2010, 01:40 PM
Parent: #7889

سلام يا حلوين..

درس أول.. الواحد بعد جكه الحج..
ما يمشي السودان..
ظروفو صعبه..
Post: #7891
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-25-2010, 01:40 PM
Parent: #7889

سلام يا حلوين..

درس أول.. الواحد بعد جكه الحج..
ما يمشي السودان..
ظروفو صعبه..
Post: #7892
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-25-2010, 03:02 PM
Parent: #7891

يا حاج يا حلو ...

حمدا لله على السلامة

Quote: درس أول.. الواحد بعد جكه الحج..
ما يمشي السودان..
ظروفو صعبه..


معنى كده .. ود جبرين متابع ومستمتع ؟؟!
Post: #7893
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-25-2010, 03:34 PM
Parent: #7892

لقاء محمد الفاضل وعلي حسن تم طرحه لتنشيط منبر ناس الزقازيق وإعادت الحياة
إلى بوست شخصيات وعائلات من الزمن الجميل ، هيا معاً لنتابع ما قيل في تلك الليلة


شخصيات وعائلات زقازيقة ،،،،،،،، من الزمن الجميل،،،(توجد صور)
Post: #7894
Title: Re: ناس الزقازيق ... أجدع ناس ( 3 ) ..
Author: مني يونس
Date: 11-25-2010, 03:41 PM
Parent: #7893

مقتطفات من اللقاء المثير للجدل مع ود الفاضل

سؤال :-


بعض الإخوة لم يتزوج حتى الآن وآخرين اكتفوا بالزوجة الواحدة . ما هو تعليقك ؟

رد ود الفاضل فقال :

اطلب من زوجات الإخوة المتزوجين بواحدة فك الشفرة وترك الزوج يأخذ المقاعد الأمامية مع الرجال
لأن المتزوج بواحدة مازال أعزب أما الغير متزوجين فهم معذبون في الأرض ؟

تابعوا مع ود الفاضل ومشروعة الجديد (الغير مرغوب فيه)
Post: #7895
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-25-2010, 10:18 PM
Parent: #7894

Quote: معنى كده .. ود جبرين متابع ومستمتع ؟؟!

ود عيد...
متابع دي.. ما عارفو..
لكن هو من ناحيه مستمتع..
علي الآخر..
دي دايرالها بوست منفصل ياولدنا..
أو تلفون طويل,,

بعدين خلي الدردقه يا مجرم..
Post: #7896
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-25-2010, 10:43 PM
Parent: #7895

بالله دي كوره دي..
ومتعصبين ليها شنو..
وكاس شنو ودوري شنو..
تاعبين رقبتكم ساي والله..
وما تقولو لي إمكانيات ولا يحزنون..
كورتكم دي في الروابط مافي..
ومستوى تشجيع هزيل..
وتحكيم هزيل..
حتى الإحتفال بي القون هزيل..
وإعلام هزيل..
والمعلق هزيل..
والمحللين بين الشوطين هزيلين..
وأنا ذاتي هزيل القعدت إتفرجت فوقها..


الكمندان أصر نمشي نحضر معاهو الكوره..
خالده برتنا بي شاي بي لبن خرافي..
وبكوري وعمر ظابطين التليفزيون علي قناه الشروق..
وآخر تحفز للمباراه ومنضمه تقيله..
عمر صل العشا بدري وجر سبحتو..
بالله بعد الجون الأول واحد فيهم قال كلمه مافي..
Post: #7897
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-26-2010, 09:39 AM
Parent: #7896

صباح الهناء والسرور ...

الشيخ جلا الله يهديك مالك علي وقايم سداري كدا يعني خلاص المعاهدات الثنائية كلها إتفركشت الله يسامحك .. دي بقت زي قوانين الإتحاد الأفريقي للكورة لما كل العقوبات تنتهي بنهاية الأدوار التمهيدية وكدا .. عموما يا شيخنا اللمة دي لو بقت سحور وفي تندلتي حتلقاني أول زول ودا تحدي عدييييل وإنشاء الله ما حد حوش .. أنا الكيك .. أنا الشافو خلو ...

أبوالزوز براي سويتا في نفسي وبراي جيبتو لي روحي .. إنت اللي خلاك تجيب الكرت الغريب داك شنو .. بعد ما موبايلك إتجلط الله يستر على باقي الحاجات .. لما إنتم ما قدر الحاجات دي البطولات العنترية دي في شان شنو ...

بالأمس إستمتعت بمكالمة هاتفي من الحاج بورتو وشكلو كدا تعبان من كحة الحج .. إتفقنا على الزيارات المتبادلة بعد إنفراج الوضع الصحي ...

ودجبرين المسنوح طلع إشاعة ساكت .. وحقيقة أنا ظروفي لم تسمح لي بزيارته بالرغم من إنه وضعو الصحي طبيعي .. لكن بقولو القدم ليهو رافع ...
Post: #7898
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-26-2010, 09:51 AM
Parent: #7897

جمعة مباركة
وعودا حميدا للمداس بكرة
الجكة بكرة تبدا من صلاة الصبح
والبرد عامل عمايلو
نصف عام دراسي سعيد عليكم كلكم وعلى وليداتكم
الفي السودان
والفي الخليج
والفي اصقاع الدنيا البعيدة اوروربا وامريكا وما جاورها

----

قصة طريفة
امي معاي في البيت الايام دي طبعا بعد الحج
فجأة نزل برد الايام الفاتت

الحاجة قالت
الصقط جا الصقط جا

بنتي منار بتكلم امها
الحقي يا ماما واحد صاحب بابا جا

افتكرت انو الصقط ده واحد صاحبي
Post: #7899
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-26-2010, 10:09 PM
Parent: #7898

****
Post: #7900
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-27-2010, 07:02 AM
Parent: #7899

صباح الخير ،،، يا وجوه الخير

عودة حميداً بعد إجازة الحج للأبناء

وعودة مرة أخرى لمشروع ود الفاضل

يتخلص الموضوع في الزوجة الثانية

الشروط :-

1- أشهار الزواج وإعلام الزوجة الأولى
2- يدرج في قناة النيل الأزرق برنامج أماني وأغاني ولا تهاني ما أدري
3- عدم طلاق الزوجة الأولى والإستمرر مع الزوجة الجديدة
4- يفضل الإستقرار بالخرطوم دون أم درمان أو بحري أو الأقاليم الأخرى
لأسباب تشرح لاحقاً .


الحوافز مشجعة جداً وغير مصدقة .
تابعونا على بوست :

شخصيات وعائلات زقازيقة ،،،،،،،، من الزمن الجميل،،،(توجد صور)
Post: #7901
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-27-2010, 09:55 AM
Parent: #7900

صباح الهناء والسرور ...

يا كيمو الصقط جاء والمداخلات بقت باردة .. وكمان عاملين فيها المدارس بدأت دي شماعة ظريفة .. عموما عام دراسي ناجح وبالتوفيق لي كل الأولاد والبنات ...

الريس ميسرة الله يديك العافية وحانشوف مشروع ودالفاضل الحضاري ونفكر في المزايا والحوافز ولا نامت أعين الجبناء ...
Post: #7902
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-27-2010, 10:03 AM
Parent: #7901

Quote: الحوافز مشجعة جداً وغير مصدقة .
تابعونا على بوست :


يا ريس ... سليت روح الناس

افصح عن المشروع ..

وما تشمت فينا ناس هرشه دوت كوم ..!
Post: #7903
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-27-2010, 10:18 AM
Parent: #7902


539.jpg Hosting at Sudaneseonline.com
Post: #7904
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-27-2010, 10:24 AM
Parent: #7903


شــكســبير الزقازيقى

4dfb7dab16a16143c1.jpg Hosting at Sudaneseonline.com

Post: #7905
Title: Re: ناس الزقازيق ... أجدع ناس ( 3 ) ..
Author: عادل عبدالرحمن إبراهيم
Date: 11-27-2010, 10:53 AM
Parent: #7904

الأخ محمد عيد والأخوة الأعزاء

تحية وسلام وكل عام وأنتم بخير

أخيراً أعاد لي الأخ بكري أبوبكر الباسوورد
ومع أطلالة الصفحة رقم 80 هناك مواضيع كتيرة جداً كنت متابعها عبر البوست ولكني في ذلك الوقت بلا باسوورد
تحياتي لشكسبير الزقازيق محمد الفاضل مكي وتحياتي لكل ناس الزقازيق
وبلا شك لي عودة
Post: #7906
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-27-2010, 11:00 AM
Parent: #7905

سلامة العودة يا عادل عبدالرحمن

وين باقى البرالمة المعاك

موضوع شكسبير حيطلع فى الاخير الكاميرا الخفية

احسن ليك شوف المواضيع التانية الفاتتك ...
Post: #7907
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-27-2010, 11:10 AM
Parent: #7906

الأخ/ عادل عبدالرحمن عودة حميداً

نتمنى دوام التواصل ،،،،،

يا محمد عيد برنامج ود الفاضل ده ساهل

حتى يتم توزيعة بهذه السهولة ،،،،

إذا كان منى يونس عندي في البيت رافضة تنزيل

هذا البرنامج ،،،، يا أخوانا كان رقتوا بوصف السمعتو

ساعة زمن وتلقى البرنامج نازل وربك يستر ، سلام يا بادي يا نور
Post: #7908
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-27-2010, 11:49 AM
Parent: #7907

عيد مبارك وربنا يحقق امنياتكم كلكم وتامين ولامين..
وحجا مبرورا لكل الحجاج بدون فرز.. اعزرونى ما عايزة اذكر اسماء الحجاج عشان ما انسى البعض ونقع فى اللوم..زعلكم ما بنقبلوا
كيف الوالدة يا شادى سلم لينا عليها..
الريس ميسرة والسيدة منى كنا نمنى انفسنا بمفاجاءة زيارتكم لينا ولكن تاتى الرياح بما لا تشتهى السفن ما زلنا فى انتظاركم وامل اللقيا بكم واولادكم الحلوين..
معليش يا جماعة بصراحة مشروع ابو الفاضل ده خلى ايقاعاتى مضطربة وحسه بعد سنين العشرة دى رجعتوالينا ابو الاولاد يستخير ؟؟ يا اخوانا ده كلام شنو حسه الاولاد ديل عندهم امتحانات شتتوا افكرناا الله يهديكم..
يا ميسرة انت ما ريسنا ما فى اى قرارات تحسم الموضوع ده.. محمد الفاضل مرحب بيك وحجتك مبروكة وعليك الله محمد معانا مشروعك انشاء الله لا يجينا ولا يغشانا..
بنات الشيخ ديل نايمات وين
عفاف
زوبة
منى
بهجة
تعالن قبالفاس ابو الفاضل تقع فى الراس
دمتم سالمين من مشروع محمد الفاضل
Post: #7909
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-27-2010, 11:49 AM
Parent: #7907

عذرا للتكرار
Post: #7910
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-27-2010, 11:51 AM
Parent: #7903

فكرة البعد عنكم
فكرة ما فيها من مقومات الحصافة شىء
وفكرة السفر بالسيارة , ما انتقص منها شىء , حتى ولا كونها فكرة ولدت متأخرة مع تباشير العيد
ومع اعلان تمديد اجازة المدارس
كل ذلك لم يزدها عنى الا تألقا ولمعانا
الا ان النزلة اللعينة , والتى توقعنا انها ستاتى من بقايا الحجاج الجايينمن كل مكان
من السودان , وحتى سقط لقط الماهنا
الا انها لاحقتنا حتى حدود مدينة العين الأماراتية
حلفت على اختى , اذا انى قررت اجضم خروف الرشيد ونجاة حوفى فى الأول (اول يوم عيد يعنى )
فانت عارف يا منصور حا اسوى ليك شنو
بينى وبينكم انا ما خفت من سواتها , انا ذاتى كنت مشتاق ليها , ولى منها سنوات اربعة او تزيد, لم اقابلها , ولم اقابل عيالها
لذا فاننى اتفقت مع الرشيد (بينى وبينكم مع نجاة , الرشيد الخلوا فى الخرفان شنو )
على ان يؤجل خروفه لليوم الثانى , خوفا من تهديدات اختى احلام من جهة
وامعانا فى مزيد من التنظيم , وحرصا على لهط اكبر كمية لجم طازج ممكنة
وقد كان , الا ان مفاجات نزلات البرد , وقفت لينا ثيردباك عديييل
بالله التقول الشغيل , وقعت ليكم فى (هيثم ) تكسيرا وتخريبا
وخالد عبد الرحمن , سادى دى بى طينة , ودى بى عجينة
هوالشغيل براهو
بلة جابر داك , تقول دى آخر كورة حا يلعبها
الغريبة يكسر فى الجماعة , ويروح واقع فى الواطة , تقول عليهو ميت
وانتو عارفين , خالد عبد الرحمن شغال بى نظرية , اوعك تطلع كرت لى زول واقع فى الواطة
لغاية ما ربك سترها
وقال كده شلت سادوممبا , وبالغلط كده لقى نفسه لسه واقف
طوالى قالوا ليهو يازول اتوكل , طوبة ما تعتر ليك
هذا حالى مع خرفان العيد , ما ان بدات مستمتعا بها
الا وانبرى لى الشغيل من جهة , وبلة جابر من جهة اخرى , متنكرين فى زى نزلة برد حادة وغريبة ومفاجئة
Post: #7911
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-27-2010, 12:11 PM
Parent: #7910

نبارك للحجاج كلهم , حجتهم وعيدهم
ولمة الساوث مول ضايقنها وعارفين طعمها
لذا فاننا نعاين ليها من بعيد لى بعيد , ولسان حالنا بيقول , هل من عودة هل ؟؟
ونرنو بانظارنا بعيدا , لذلك الدرابزين الكائن فى امتداد الدرجة الثالثة
والذى توقعنا ونتوقع , ان يشهد انفجارات لحنية وبطولية قادمة
خاصة وان الحاج الدومنيكانى , ما يزال هناك , والبادى النور ما يزال فى مرحلة المفاوضات , هو والكوتش محمد صديق
حضروك الكورة فى تلفزيون الشروق يا بورتو
ما قلت ليك كورة اوانطة , هاتوا فلوسنا
احسن كورة تلعبها فى السودان , لازم تكون فى ملعب درابزين الأمتداد
تتوهطوا كده فى نص الدرابزين , تتوكلوا وتسلخوا خرفانكم براااكم
باغاتكم مليان بى شربوت , فلانة الفلانية
سامعنى , شربوت , شربوت بس
شربوت داربزين عمكم جبرين , بى بيبسى ساكت ما ينكسر
كان لحقتوا ختيتوا فوقوا خميرة , ولا كسرتوهو بى بربيكان
بينى وبينكم النظام العام
وخسمتكم بى الله , اول ما تقعدوا , شطتكم بى يمينكم , وشيتكم بى شمالكم , وجبنتكم قدامكم
وشربوتكم تتقاذفه الأيدى والأقدام
الراجل فيكم يضرب لى الساعة ديك
باقى تلفونات الأيام دى , قالوا بى ريحتها
مش زى تلفون صاحبنا زهير , لا لون له ولا طعم ولا رائحة
لون شنو وطعم شنو وريحة شنو
قالوا ليكم عندو يا كافى البلاء , جلطة , كاضم يعنى , لا صورة ولا صوت
وارقامه زاتا لحقن امات طه , طه دا منو يا جماعة ؟؟؟
Post: #7912
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-27-2010, 12:25 PM
Parent: #7911

مبروك علينا عوده الاخ العزيز والشاعر الرقيق عادل عبد الرحمن

ويا كوتش جهز القعدات بى هناك ... الزول ده كلامو طاعم جدا ...

&&&&&&&&&&&


عووووووووووووك يا منصور

والله لكن جيت فى توقيت تمام ...

الا كنت ستحسب ضمن زمرة هرشة دوت كوم ...

رغم انى متأكد انك على رأس القائمة ...

غايتو خلينا ننتظر شحتفة الريس ...

%%%%%%%%


يا منص ...

قلت لى الشغيل مالوا ؟؟؟

.....

... شـفيق يــا رااااجى ...!
Post: #7913
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-27-2010, 12:34 PM
Parent: #7911

تسكن اسرة اختى احلام , فى ضواحى مدينة العين , فى مدينة رماح تحديدا
والمنزل الذى يسكنون , هو من منازل دائرة الزراعة المخصصة للمرشدين الزراعيين
لذا فان فيه من مقومات عيد اضحى كارب , وعيد اضحى سودانى صميم , مالم اضع له حسابا
الخروف قدامنا فى الحوش
لذا فان احتفاء حجازى ومدرار
لا بل حتى ايثار ومجتبى
ايثار ومجتبى شنو , احمد زاااتو وامه وابوه , وجدوا فى الخروف مادة دسمة
وبالرغم من اننا وصلنا بدايات ليل وقفة عرفات , وبالرغم من اننا وصلنا جائعين
بعد سندة فطور خفيف فى احد محطات ادنوك الأنيقة
الا اننا , وكان ما خفنا اللوم , كنا دايرين نضبح خروفنا بى ليلنا داك
مدرار كانت تنظر اليه شذرا ومن بعيد , اما حجازى فوجد فيه مادة لتذكر احد افلام كرتوناته المفضلة التى ابطالها (خرفان خيالية )
الا ان البطل اليوم , خروف حقيقى , اقرن املح (مقرون حواجب )
آه من جور زمانى , مابى من نوائب
تبادل حجازى معه الاهات والباعات , الليل الأوسطوالأول كله
باع من هنا , وباع من هناك
ضربنا كسرة الفطور باقى ناس احلام واسرتها , واستمتعنا بها ايما استمتاع
وبعد ان استقرت الكسرة فى اجوافنا , ما استطعنا ان نطفىء ظمأ احلام اختى للحكايات والأخبار
حتى انها اوشكت ان تقول , لو عارفاكم كده , كان نومتكم بى جوعكم داك
انفردت ايثار بتى بى ملاذ بت عمتها , كما انفرد احمد ابنى بى محمد ود عمته
كنت اسمع ونستهم الدقاقة , تماما كما تلك التى ادمنوها على الأسكاىبى وتابعه الفيس بوك
وشوشات تتلوها ضحكات , وضحكات تتبعها قهقهات
اما انا , فالى شخيرى وسريرى استسلم
حتى اذا ما ايقظنى فيصل نسيبى واخى وزوج اختى , فى الصباح الباكر
كنت فى غاية النشاط , وكاننى نمت الليل كله , وكاننى لم استرق السمع لونسات الليل الجانبية
بين احلام اختى وبنت شيخى امانى من جهة
وما بين احمد ومحمد , وملاذ وايثار
وكأن طرقعات صوت الأم بى سى ثرى ,لم تخترق اذنى الليل كله
وحجازى يقهقه معها تارة , ويبادل الخروف المربوط فى الحوش الواسع الباعات والمأمات والتاوهات
وكأنه يقول , يا يوم بكرة ما تسرع , تخفف لى نار وجدى
Post: #7914
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-27-2010, 01:14 PM
Parent: #7913

ازيك يا محمد عيد
يمين راجى ولد لعاب , وما فيهو اى كلام
لكن المريخ لو اعتمد على انه (فريق ) من نتيجة فوزه على الهلال
فهو يرتكب خطأ كبيرا
المريخ محتاج لفريق كامل وجديد , عدا عنصرين او تلاتة

اصبح صبح العيد علينا , فى رماح العين
فاحسسنا باحساس عيد السودان
انا بجلابيتى , واحمد ومجتبى يرتديان (العلى الله )
ومعنا فيصل ومحمد فيصل , وهرعنا الى ساحة الصلاة
فكانت اشبه بساحات صلاة العيد فى السودان , ومن مدة لم نستمع ونستمتع بتكبيرات صباح العيد
التى كان آخر عهدنا بها , فى السودان الشقيق
كل اعياد الأضاحى التى صادفتنا فى السودان
كانت علاقة اولادى بخروف الضحية
هى علاقتهم مع اللحم المختوت فى كرتونة
نسلم الخروف فى زحمة المسلخ القاتلة , فنستلمه رقما , ثم نستلمه لحما فى كرتونة ومجموعة اكياس
وما ان نصل الى البيت , الا ونضعه فى الثلاجة , وغالبا يا سرير ما جاك زول
الا فى مرات نادرة كان فيها معانا الصادق اخوى , او بعض الأقارب
ولكن العيد وخروفه , كانا مختلفين هذه المرة
فما ان فرغنا واستمتعنا بصلاة العيد مع خطبتيها كمان , مع نسمات باردة ضربت انوفنا والخياشيم
وهى ما اظن انها السبب فى النزلة القاتلة التى (احتلتنى ) لاحقا
حتى غفلنا راجعين للبيت , ولبسنا لبس خمسة
وخرجت السكاكين والسواطير والمفاريك ذات الأستخدام السلمى يا بادى
كنت فى غاية الحرص على ايقاظ حجازى ومدرار تحديدا
استيقظ حجازى وتمنعت مدرار , اما باقى الجكس فاعلنها داوية انو ما معانا فى (قصة الدم الفاشية دى )
قالوا ان دورهم يبدأ مع (السلطات والذى منو )
اما مصارين الكمونية (المضفرة ) , فكانت مباراة اخرى بين احلام وبت شيخى , كان المنتصر الأكبر فيها
انا وفيصل لاشك
ولكن احمد ومحمد ومجتبى , شاركوا بفعالية فى عمليات السلخ وتنظيف الكرشة
وحيث ان الجو المحيط , تكسوه الرمال الذهبية من كل جانب
فان دفن (عشب الكرشة ) كما قال مجتبى , كان حتما مقضيا
واستمتعنا بفكرة محمد عندما طلب منه نفخ الخروف المذبوح , تمهيدا وتسهيلا لسلخه
حينما اقترح معاملته معاملة (الكفر ) , واستخدام المنفاخ
كان جادا فى اقتراحه , لكن نهرة اضافيه من ابوه , ارغمته على ادخال بوزه وبدء عملية نفخ لا جدوى منها
لا منه ولا من احمد ولا من مجتبى , ولا حتى منى انا , والذى من المفترض ان ينفخ (ثور ) بى قرونه ؟؟؟
تبادل احمد ومجتبى ومحمد سلخ الخروف , وتذكرنا ان الضباح دائما ما يطالب بالجلد والراس , فاعتبرناهم ضباحين وتبرعنا لهم بما يطالب به الضباح عادة
ولكن مصير الجلد والراس , لم يكن بأفضل من مصير الكرشة والرئتين , اذا سرعان ما دسوها فى التراب , فوادوها واد الجاهلية (للبنات )
استمتعنا بالشواء الماخمج , وبالشطوط المنوعة , واستغربت كيف ان اولادى جميعا , ضربوا الشية ونجضوها كمان
واخلصوا فى لهط الكمونية ام مصارينا مضفرة
وحلينا بالكسرة وام (رقيقتها ) , وعندما افطرنا حوالى الساعة العاشرة صباحا , كان اهلى فى الخرطوم لما ضربنا ليهم , خروفهم لسه معلق فى الدرابزين
فكنا بذلك من المستحقين للتسجيل والحفظ , عند السيد غينيس , باعتبارنا اصحاب الرقم القياسى فى الذبح والسلخ والوأد والشوى
ثم من بعد ذلك الأستلقاء والتكويعة على اقرب سرير , وتكملة ما انقطع من ونسات
ومع انى هرشت ناس ايثار واحمد ومحمد كم هرشة كده بى سبب المكيف الفاتحينو داك
لكنهم لم يرعووا ابدا , وامعنهم فى غى مكيفاتهم
حتى اذا ما استيقظت من تكويعتى , على صوت بعض الضيوف الجايين يتغدوا معانا
كانت النخرين مقفلة , وحشرجات الصدر توالى افراغ البلغم بكميات تجارية
فلم يعد طعم اللحم هو اللحم , ولا عادت مصارين الكمونية كما كانت , واصبحت الشطة , كأنها معمولة بى موية (قونغليز )
الله يجازيك يا الشغيل كان كسرت هيثم , ويا بلة جابر , اها قوا شلت كأس السودان , وتانى ؟؟؟!!
Post: #7915
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-27-2010, 01:39 PM
Parent: #7913

الليلة
الليلة
واطاطكم اصبحت
Quote: بعد سنين العشرة دى رجعتوالينا ابو الاولاد يستخير ؟؟


نجاة حوفي شافت الاستخارة

انا بررررررررررررره
Post: #7916
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-27-2010, 02:10 PM
Parent: #7915

جيت يا الطاعم يا الكلامك طاعم
احكى لينا واحكى ليهم خلينا ننسى الهم الشيلنا ليه محمدالفاضل وبرنامجه ومريدوه هو وشيخ الجكس
الله يهيدهم كلهم..
انا واولادى لسه ما شبعنا من شوفتكم كل ساعة فى سيرتكم وامبارح هنودى يحتضن مخدته الشيرك هدية عمو منصور النجار الذى يحب الاطفال يسال ابوه انه عمو منصور بست فرند ولا كزن.. قلنا ليه اخو وكزن قال كيف يعنى.
يا عمو منصور لنتواصل دايما حتى يتمكن اولادنا من بناء علاقة بينهم كاباءهم علاقة اخوان لم تلدهم ام واحدة.. التقيناكم ولسه ما بلينا شوقنا منك
تحياتى لام احمد العظيمة وايثار واحمد وزوزو ومجتبى ومدرو ست الكل وطمنا على صحتك
ودمتم سالمين
Post: #7917
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-27-2010, 05:20 PM
Parent: #7916

الاخ عادل عبد الرحمن حمد الله علي سلامة العودة .... وكل سنة وانت طيب .... تحياتي لكل الاسرة وناس الزقازيق بسلطنة عمان ...


نجاة حوفي بالله كتري الطلة .... وما تبقي شحيحة .... بس شايف مشروع ود الفاضل لتعدد الزوجات جابك علي ملا وشك ....


مني ميسرة ... المرة الفاتت ود الفاضل طرح مشروع التعددية هربتي من السودان 15 سنة ... المرة دي ود الفاضل جا لاحقك في جدة بمشروعه الظلامي ... ما عندكم طريقة غير تقدموا للوتري .... والناس ديل علي مسئولتي ما بيمشوا امريكا ...
Post: #7918
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 11-27-2010, 05:28 PM
Parent: #7917

زناتى يا صديقى كيف بهجة والاولاد
والله مشروع محمد الفاضل ده شغلى من قراية اولادى ومن شغل بيتى
قاعدة ممحنة وقلبى يضرب وراسى يودى ويجيب
اسال يا اخوانى ود شيخى ده حبوبته مسمياه رشيد القوم ما ساى وتانى اتذ\كر كلام صديقاتى يا نانى الثقة الفايتة الحد ما ليها لازمة والسلع وغربيتين فى غربة والله يكدب الشينة..
غايتو يا كمال الشادى بعد حجتك ى ادعى للكل بالهداية والزوجة الواحدة لا غيرها.
فتك بعافية وبوصيكم يا البتحبونى والمخبرين النبى فيكم كان تدسوا من حاجة ومحمد الفاضل الله يسامحك فى العملتوه فينا ده
Post: #7919
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-28-2010, 05:40 AM
Parent: #7918

اليوم السعيد الليلة جابك يا عمو عادل و الجاتك في باسووردك

سامحتك و الله سعيدين بالعودة و نتمني التواصل و ربنا يرجع لينا

اخونا التاج الخليل و تحياتنا ليه .


هييييييييييييييييييييييييييع و الله عفيت منك يا ود الفاضل

و نحن ما بنفك اخرنا مع صحبي ود الشادي إلا بعد إنزال التفاصيل

كامله و نامل من السادة اب شنب و الريس عدم التاثير في سير

العدالة و ذلك بتقديم عبارات مشينه في حق التعدد !!!!!!

و إلي الامام يا منى يونس نحن في الانتظار ؟


نجاة حوفي يا بنت الناس ختي في بطنك بطيخة صيف و نوم قفا !!!!
Post: #7920
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-28-2010, 07:18 AM
Parent: #7919

أنت الصباح الصاحي
وانت الغروب الباهي
وانت المياه العذبة
وأنت النسيم الصافي
جميعا لكم مودتي
بخصوص موضوع ود الفاضل
نحن بنشجع اللعبه الحلوه
العاجبو التعدد بنفرح ليه
والعاجبو الصارو برضه بنفرح ليه
بس موضوع المفاريك والاضنين دا ماحبابو
Post: #7921
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-28-2010, 07:37 AM
Parent: #7920

صبحكم الله بالخير

بينما أنا منشغل مساء البارحة بقرعة أمم أفريقيا للمحليين بالسودان...
ثم بعد ذلك مباراتين من العيار الثقيل بالدوري الايطالي...
كانت بت شيخي تجوب البوست معبرة عن مخاوفها التي أثارتها تصريحات ود الفاضل...
و لم يبرد بطنها كمال الشادي...
فازدادت مخاوف على مخاوفها...
و رغم انني مصنف من رواد الهرشة دوت كوم...
الا ان ذلك لم يغير في الأمر شيئا...
الى أن جاء صديقي موسى عيسى هذا الصباح و طمأن بت الشيخ قليلا...
يديك العافية يا موسى و يسكنك الصافية...
بس في بيت غير بتاع الحوافز بتاعت محمد الفاضل...
و الله يا محمد الفاضل بقيت أمير المؤمنين عدييل كده...
بيت حته واحدة و ملك...ما ايجار كمان...
طيب يا طويل العمر ما تشوف لينا بيت كده من غير حكاية الدبل دي...
ينوبك ثوابه...
Post: #7922
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-28-2010, 07:53 AM
Parent: #7921

يا منص والله متابعين و مستمتعين كمان...
لكن بي طريقتك دي قبل ما تنتهي تكونوا جيتونا تاني في راس السنة...
لما تدخل في أبو ظبي أنا حأدعمك فنيا بالصور...
خاصة صورتك و انت نايم في الكنبة...
اتذكرتها و انت بتحكي عن حشرجة الصدر و الشخير...
بس ما رضيت أنزلها هنا..دي صورة خاصة ليست للنشر...
و عشان تعرف الفرق بين صاحب و صاحب...
حسه ده لو كان هناي كان نزلها قبل ما تصحى من نومتك..
Post: #7925
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 08:06 AM
Parent: #7922

صباح الخير ،،، يا وجوه الخير

أصبحنا وأصبح الملك لله وحده ،،،

كلام ود الفاضل عامل لينا حسكنه ،،،

حاولنا التحايل على الدستور ولكن ما لقينا طريقة

كيف ناخد البيت بدون عروس تانيه ،،، دي يحلها الشيخ جلا

تحذير للجميع للموافقين على المشروع ،،،

لو تذكروا زمان نقرأ في جريدة الأهرام أو الأخبار

الراجل البقطعوه وبختوه في أكياس قمامة سوداء ،،،

أوعك تنوم بس .

الكلام ليك يا المطير عينيك ،،، ولا حتى مجرد التفكير

يا جماعة حبيبنا ود الشادي ما لوا تصريحاته قلت ،،، ولا مشغول بالتفكير؟
Post: #7923
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-28-2010, 07:58 AM
Parent: #7920

صباح الهناء والسرور ...

الاخ عادل عبد الرحمن حمدا لله علي سلامة العودة وعيدكم مبارك .. أبقى عشرة على الباسويرد بتاعك عشان نتواصل معا دائما ...

منصور عيدكم مبارك .. حكاويك طاعمة وحلوه منك إدخال مباراة القمة (المصارعة الحرة) في حكاويك الحلوة .. لكن يا منص لما قلت الرئتين حقيقي أنا إحترت وكأن الخروف لا يتنفس ولا يملك رئتين لكن رجعت وتذكرت أن الرئتين هما الفشفاش .. يا ود أمي خليك واضح في لغة الحكي وباقي نحن ناس كبار وما بنعرف اللغة دي .. برضو نحن في إنتظارك وربنا يواليك بالصحة والعافية ...

مشروع ودالفاضل الحضاري فاشل من بدايتو .. ويا بت حوفي ويا بنات الشيخ عموم ما تخافو لأن ود الفاضل بتاع كلام .. وثانيا أخواننا ديل كلهم ما بتاعين مثنى وثلاث ورباع .. ثالثا قالوا السواي ما حداث (مثل دومينيكاني) يعني الموضوع كله على بعضو كدا كلام وبس ...
Post: #7924
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-28-2010, 08:03 AM
Parent: #7919

أصبحنا وأصبح الملك لله الواحد الأحد

سلام يا أحباب
ألف مرحب بالأخ الشاعر / عادل عبد الحمن، والله مشتاقين كثير

موضوع محمد الفاضل مفروض يوكل لشخص آخر غير الأخ ميسرة لرفع الحرج ، لأنه
1- الريس
2- ولأن محمد الفاضل قاصد الريس ميسرة من زمان مع الاصرار والترصد
Post: #7926
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-28-2010, 08:24 AM
Parent: #7924

يا شباب سلام ...


النجيضة جابها ليكم البادي النور ... السواي ما حداث .... الناس دي تنبح ساكت .... والعايز يعمل حاجة بيعملها كتييمي .... غايتو يا نجاة حوفي وبقية العقد الفريد ....نوموا قفا ... والحبه دي ما بتجيكم .....
Post: #7927
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 08:30 AM
Parent: #7926

أولاً
ود الفاضل دا بتاعنا بتاع الزقازيق
و لا ودالفاضل للأثاث و الديكور

جاوبوني و بعدين نشوف
كلام يجيب الوِردة


السلام عليكم من مدينة بورسودان
ود الفاضل دا ما تدوهو باسويرد يا زناتي
Post: #7929
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-28-2010, 08:37 AM
Parent: #7927

سلامات ... يا عادل عبدالرحمن
حمدلله على السلامه ...



===================================
ود الفاضل ده ادوهو باص ورد سريع جدا جدا جدا يازهير .....
ده صاحبي الفي الهند قال كده ...
Post: #7931
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 08:57 AM
Parent: #7927

Quote: ثالثا قالوا السواي ما حداث (مثل دومينيكاني) يعني الموضوع كله
على بعضو كدا كلام وبس ...


صدقني يا بادي الكلام ده ما كلام ساي !!!

الكلام جادي وحقيقي ومش هظار !!!

بس أنحنا ما نعملها وما عندي أي فكرة

وإنشاء الله البيت يطير ويقع في البير ،،،،

والموافقني يعمل شيخط زي بتاع جلا ويجي معانا

لتكوين رابطة لغير الراغبين في الزوجة الأخرى

[email protected]

هو أصلو العمر بعزقة آل أكياس قمامة آل
Post: #7928
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 11-28-2010, 08:37 AM
Parent: #7924

الأخ البادي
المثل بقول ( الخريف الليّن من شـواقيرو بيّن)
يخوي كلام ود الفاضل فوقوا حوافز وعناوين وتلفونات ممكن نلحق حدو
لاكن المشكلة في الفار البيقتل الكديس
وفي ناس يمكن كلام ودالفاضل وقع ليهم في جرح زي ناس موسى ومن لف لفهم
Post: #7930
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-28-2010, 08:50 AM
Parent: #7928

Quote: السلام عليكم من مدينة بورسودان


يا جلا أمبارح فقدتك قلت الزول ده الا يكون طاشي...
أتاريك مرقتها في بورسودان...
ما تجي تقول لي مكنة هينو و مكنة قلاب...
تخليني تاني ما أعبر عن مشاعري بشفافية...
شايف موضوع ود الفاضل ده واقع ليك في جرح...
أعمل حسابك يا جلا مع المفاريك الجديدة الاشتريتها للعيد دي...
حسة بت الشيخ تقوم تقوقل ود الفاضل تقوم تطلع ليها هترشاتك دي...
و الله الا تقوم تقطع البحر عوامه لي ناس محمد عيد...
لحدي ما المفاريك تبقى قديمة و لا كمان يتدخلو الأجاويد...

آل ايه...أدي ود الفاضل باسورد...
Post: #7932
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-28-2010, 08:57 AM
Parent: #7930

منصور اللذيذ ... وصل مع ود الفاضل ....









منصور اللذيذ ... وصل مع ود الفاضل ....
Post: #7933
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 09:03 AM
Parent: #7932

Quote: منصور اللذيذ ... وصل مع ود الفاضل ....


هوي يا شعارنا وما شاعر بينا هسع علاقة ود الفاضل مع منصور شنو

منصور خليك في شغلك وأكتب ساكت وود الفاضل ده إعتبره غير موجود

ما إنت أصلوا معانا في خطنا ،،،

يا زول حمد لله على السلامة وفقدناكم في هذا العيد زي ما فقدتمونا

لأننا كان رغبتنا بزيارة الرشيد ونجاة بس ربك ما أذن لينا ، المره الجايه
Post: #7934
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 09:47 AM
Parent: #7933

سؤوال تم توجيه لمحمد الفاضل

كيفية أختيار الزوجة الجديدة؟؟؟؟؟؟؟؟؟؟

أفاد يمكن أن تأتي بها من طرفك ولكن يحبذ

أن تكون من طرفهم وعنده البوم صور للعروسات

طالبناه بأن نشوف الصور ولكن أفاد بأن الألبوم موجود

عنده في حي الثعالبة بجوار القنصلية السودانية - سابقاً -

ولمن أراد أن يذهب معه حالياً لمشاهدة الألبوم ما عنده مانع

بصراحة أنا رجعت مع أولادي وودعت محمد الفاضل وقطعت العلاقة

المشكلة معاي أرقام الهواتف ،،،، وخيانةً مني لن اسلمها لأي أحد

والرهيفة تنقد.

يا كمال الشادي أوعك تركب تجي جده لأن محمد الفاضل سافر ومعاهـ الألبوم

بتاع الصور.

يا رب ما بكون صالح تبلدينا وهناك داك رسلوا صورهم لود الفاضل !

بمكن يكون في كمان البوم رجالي وأنحنا نسينا ما طرحنا هذا السؤال!
Post: #7935
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 10:34 AM
Parent: #7934

Quote: منصور خليك في شغلك وأكتب ساكت وود الفاضل ده إعتبره غير موجود

ما إنت أصلوا معانا في خطنا ،،،

غايتو المثل البقول الزول يفلق و يدواي
ينطبق على الزول دا
إنشاء الله الزول دا ما يكون الريس!!!!!
Post: #7936
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-28-2010, 10:39 AM
Parent: #7934

والله موضوع ود الفاضل ده وقع للواحد في جرح ...
بس في نقطة مهمة الريس ميسرة نسي يذكرها ... ان البيوت العارضها ود الفاضل محدودة ... عشان كده قلنا نسبق الكل ...
اها ... انا موافق على كل الشروط وكمان بت الشيخ موافقة وقالت لو ظروفها كويسة والله العظيم ح تجرتق العريس والعروس مع بعض ....
والله العظيم .... الله العظيم ... والله العظيم ... الدعوة دي حقيقية وبتخصني طوالي ... ومافي أي مجال للهظار ...
وعليكم الله ناس الزقازيق الجوه والبره الظروفي بتسمح يشرفنا ... وخاصة ناس السودان عشان الفرح حيكون هناك ...
وما عاوز اذكر اسماء بعينها مخافة اللوم والذاكرة قد تخوني ...
ولكن كلكم مدعون مع اُسركم .. وكمان العزابه (الكلام ليك يالمنطط عينيك) ....

دعــــــــــــــــوة
الزمان : مساء الأربعاء الموافق 2010/12/01م
المكان : الخرطوم – شارع النيل – نادي الكشافة
عشاء مع هجيج كارب ...
دي دعوه الحنه

وحفلة الزفاف عند ناس مدني العروس من مدني - واحب ناس مدني –
قريبتنا (مها) من ناس الخانجي بت عم زوجة بكري حامد الامين
وكمان ماتنسو عبدو عابدين جلد – الزقازيق معهد تجاري – اخوها ود خالتها ...
والسيرة من الخرطوم بصات مكيفة ... ذهاب واياب ...

الزمان: مساء الجمعة 2010/12/03م
المكان : نادي الشرطة - مدني
عشاء كاااارب مع هجيج مدني ...
كميه من الفنانين والحلاوه والعسل
أكيد حضوركم حيفرحنا ...







============================================
هئ ... بسم الله الرحمن الرحيم ... من الخلعة نسيت أقول ليكم
العريس اخوي "على" آي اخوي - على أحمد نجيلة اخوي طواااالي ... يعني ما أنا العريس ..
لكن الموضوع بخصني عديل كده ... صح
و انا جاي السودان صباح الأربعاء 2010/12/01م إن شاء الله
وراجع طواااالي من مدني على المطار يوم السبت 2010/12/04م
شرفونا ... بحضوركم تكتمل افراحنا ....
Post: #7937
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-28-2010, 10:51 AM
Parent: #7934

لو الملخص بيقول , بيت جديد , لمن اراد ان يتزوج بتانية
فببساطة , فانت تتزوج (بيتا ) , وبيتا هنا ليس لها اى علاقة بال (معنى )
ما عندها علاقة حتى بالسكن
ما بتتذكروا لمن زهير الزناتى سكن (بدون بيت ) ؟؟!!
وانتو ما عارفين انونجاة والرشيد (ساكنين) , مع انهم قاعدين فى بيتين مختلفين بيناتهم 350 كيلومتر
هذا العرض يخص فقط من يسكنون ولا (يسكنون )
ولكن الكثيرين منكم, اعرفهم , يسكنون من غير (بيوت )
من رضى منكم ان يدفع له المهر (بيتا لا سكن فيه )
فهو فى حاجة فعلية لسكن جديد
لا نمانع ابدا ان يبحث عن هذا السكن الذى يحتاجه
سكن من سكن يفرق يا احباب
اذا كان البيت مهرا (للسكن ) , فليبحث عنه غير (الساكنين )
اما الساكنون , فبيوتهم تحتويهم ولو كانت (اوهن من خيط عنكبوت )
كما ان غير الساكنين , لن تصلح لهم ولو القصور الفارهات (بيوتا ) , لو كنتم تعلمون
Post: #7941
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-28-2010, 11:35 AM
Parent: #7937

مليون مبروك يا ابو عمار زواج على اخوك
ويا بختكم يا ناس السودان بى جية ياسر نجيلة
ربنا يكتب لى اخوك العريس (السكن ) من قولة تيت
سكنا يخلى ليهو كل الدنيا (بيت )
قول آميييين


كنت , وقد تمكنت منى النزلة ليلة العيد الأولى , امنى نفسى بمشوار سريع لى ابو ظبى , شوقا للأحباب الرشيد ونجاة حوفى
ولكن تلفونى معهم , واتفاقنا على خروف بكرة , اعطانى فسحة من وقت , لمحاولة مداواة نزلتى , وتغيير وجهتى مع اسرتى واسرة اختى احلام
لمدينة العين , الأقرب مسافة من رماح , بالمقارنة مع ابو ظبى
قضينا ليلتنا فى ربوع حديقة الجاهلى البديعة , ولكن نزلة البرد وحشرجات الصدر , كانت قد تمكنت منى , وتحولت الى (زائرة ليست تزور الا فى الظلام )
اقرب صيدلية , فليس فى الموضوع هظار , ولقية احباب مثل الرشيد واسرته تتطلب لياقة عالية , وذهن متقد
ولكن الدلائل تقول الآن , اننى سا قابلهم بلياقة منخفضة , وجسم (متقد )
اقوى انتى بايوتيك عندك بالله
هكذا خاطبت الصيدلى الذى استقبلنا استقبال الفاتحين
اول مرة فى حياتى اشوف لى انتى بايوتيك , جرام كاااامل عدييييل
حبته تفلق , وبلعها وتمريرها من الحلقوم , يحتاج الى لترى ماء لا تقل ولا مللتر واحد
عندما عدنا الى البيت فى رماح , وتخلل ذلك تلفونين اوتلاتة مع نجاة والرشيد , كان هدفها التاكيد على الموعد , والتاكيد على الموقع
حتى ان نجاة امنت علينا ان نجى على راحتنا , عندما لاحظت تغييرا حادا فى صوتى
اشتهاء اللقاء , وخوف المرض , جعل من حواراتنا , كحوارات الليل والنهار الأفتراضية
او هى اقرب لمآلات حوار عنق الحسناء , والعقد , حيث ان الضد دائما ما يظهر حسنه الضد
يا لها من مبالغة فى اساءة التوقيت , يا نزلة الجن يا بت الحرام انتى
ما انا قاعد ليكى السنة كلها , اما رضيت من الميعاد , الا ثانية الأعياد , ولقاء الأحباب ؟؟!!
الا اننى استعنت عليها , بجرام انتى بايوتيك كامل الدسم , وبحبتى بنادول كولد ان فلو صفراوتين متينتين
وكوب ليمون دافىء , وكركدى مضافا اليه الزنجبيل
فكان جسدى كالجديد الذى لاقى الحديد
حرارة تخرج , وحرارة تدخل , وشوق ولهفة قوامها وعنوانها , اغدا القاكم ؟؟!!
فيا لهف فؤادى من غد , فصار الهادى آدم انا لليلة , وصرت انا الهادى آدم للحظة
وضحك على الجميع عندما بادرت الى طلب البطانية التى زجرتهم الليلة الفائتة عندما اتوا بها
وعندما اظلمت الغرفة , وصرت انا تحت بطانيتى (مزملا مدثرا ) , كنت اشبه ما يكون بجغرافيا التقاء التيارات (الحارة مع التيارات شديدة الحرارة )
وارغمت الجميع على النوم دون مكيفات , ولم اعر اى اهتمام لآعتراضات مكتومة صادرة من هنا او هناك قوامها
لو ما عايزمكيف , ما يقفل اوضته ويدمدم , ولمنى لن اسمح لتجربة الأمس بالتكرار
فغدا ثانية الأعياد , وخروف الأحباب , والتقاء جيل البطولات بجيل التضحيات
Post: #7938
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 11-28-2010, 11:02 AM
Parent: #7934

انا جايب ليكم كلام علمي ماعندي فيه ناقه ولاجمل

عارف الحريم بودن الخبر وبجيبو لينا الهوى

قد يكون سر الحياة السعيدة والطويلة يكمن في الاقتران بزوجة ثانية.هذا ما توصل إليه باحثون في جامعة شفيلد البريطانية بعد اكتشافهم فوائد الزواج من امرأتين في الوقت نفسه، والاطلاع على إحصاءات أعدتها منظمة الصحة العالمية حول البلدان التي تسمح بتعدد الزوجات والنتائج الايجابية لذلك ومنها أن عمر الزوج الذي يقترن بأخرى يزداد أكثر من غيره بنسبة 12%.وذكرت صحيفة (الدايلي مايل) امس الجمعة أن الدراسة التي نشرت في العدد الاخير من مجلة (نيو ساينتيست) أشارت إلى أن الرجل الذي يتزوج من أكثر من امرأة وتكون لديه عائلة كبيرة يحظى برعاية أفضل خلال مرحلة الكهولة ويعيش لفترة أطول.

وقال الاختصاصي في تطور علم النفس لانس ووركمان من جامعة باث سبا البريطانية إذا كان لديك أكثر من زوجة فقد يعتنين بك وتعيش لفترة أطول، مشيراً إلى فوائد الزواج لأننا نعرف أنه حتى الرجل الذي يقترن بامرأة واحدة يعيش لفترة أطول من العازب.
Post: #7939
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-28-2010, 11:21 AM
Parent: #7938

Quote: وقال الاختصاصي في تطور علم النفس لانس ووركمان من جامعة باث سبا البريطانية إذا كان لديك أكثر من زوجة فقد يعتنين بك وتعيش لفترة أطول، مشيراً إلى فوائد الزواج لأننا نعرف أنه حتى الرجل الذي يقترن بامرأة واحدة يعيش لفترة أطول من العازب.


ود المهدي...
يعني ود الفاضل ده ممكن يلعب دافوري عدييل كده مع ولدي مهند...
Post: #7940
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-28-2010, 11:29 AM
Parent: #7938

سلامات يا ناس

الواحد يغيب اربعة يوم يجى يلقاها

جايطة ...كدى نجرب نجى المسا.
Post: #7942
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-28-2010, 11:54 AM
Parent: #7940

ود الفاضل ما تفكى موصى القرضة وامسكى في



مبروك لاخونا على نجيلة ونتمنى له حياة زوجية سعيدة ( موحدة )
ياسر ماشى مع المدام ولا على حل شعرك
Post: #7943
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 11:56 AM
Parent: #7940

Quote: جايطة ...كدى نجرب نجى المسا.

جاطت فلما استحكمت حلقاتها جاطت تاني
أقول ليك.....
عيش و أنسا و المسا زاتو جليهو
شوف ليك بوش مع الشباب
ولا أقول ليك ...على رأي عادل إمام
خالدة عندها رز بي لبن الليلة؟؟؟؟
أضربو ...و مافيش حد يسألك
بالمناسبة كلمت بكري يأرشف البوست دا
و لغاية هنا و كفاااااااااية
أوع موسى عيسى يجي ناطي
Post: #7944
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 12:05 PM
Parent: #7943

Quote: أوع موسى عيسى يجي ناطي


بالله يا موسى عيسى الزول ده كان ما نطيت ليهو في عبو

عبدالدائم بركه السمعنا كي بورتك ما التلفونات بيناتنا توقفت

منذ حادث الساوث مول بتاعة ود الفاضل بلازا أنا بسببي المدام واقفه

لي في حلقي - أقصد- في خشم البوست وحتى أرقام الهواتف ما تنزل إنت مالك

ما الجماعة الطيبين ما ليهو دعوه بالبوست ولا بود الفاضل بلازا.
Post: #7945
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-28-2010, 12:23 PM
Parent: #7944

فى اتصال عاجل من الزعيم الشكسبيرى .. ود الفاضل ...

أبدى الرجل انزعاجه الشديد - حسب قوله - من ردود الفعل السلبية تجاه مشروعه الرائد - على حد قوله !!

واتهم جميع معارضى المشروع بأنهم ( ماسكاهم خوفه ساااكت !!! )

واعاد تأكيد قوله بأ، قناعاته الراسخة تؤكد بأن كل رجل .. انما هو مزواج

وان التعدد هو ســر ابتسامته الدائمة وسعادته البائنة

ولزيادة بث الطمأنينة فى النفوس التى ملأها الخوف ..

بشــر الزملاء كافة بحصول مشروعه على موافقة ســيدة العالم

وعلى مباركة الرئيس اوباما شخصيا ... وطلب توصيل هذه المعلومة بصفة خاصة للاخ / زهير ..!!!!!!!!!!!1

انتهت الافادة ... وما على الرسول الا البلاغ ...

والكاتل الله ...
937bc7dab1b121123dd.jpg Hosting at Sudaneseonline.com
Post: #7946
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-28-2010, 12:46 PM
Parent: #7944

يا ريس احسن تمسكوني من الزول دا والله انا لو

عملت كده بخشو ليه جو الجهاز بعمل معاه

ما كويسه لكن قلت اخليها بعد زواج اخونا علي نجيلة

علشان ما نبوظ الحفلة و ياسر نجيلة زول

صحبي يقول مقصودة فربنا يتم ليه بخير يا

ياسر والعقبال عندناانشاء الله من ام سنطة !!!!

طبعا يا ياسر اليومين دي انقطعت من البوست لاني

مشغول مع الألبوم بتاع بتاع ود الفاضل الخاص بناس

الخليج بس ؟ و المواصفات خليها علي الله و فيها كمان

اغراءات اكثر من القالها ميسرة و طبعا علي

تواصل مستمر مع ود الفاضل الله يديه العافية رجع

فينا الروح مش زي ناس فلان ... من ما يجيبوا سيرت

ود الفاضل يقعد يلفت ........


انت عارف يا ياسر لمن قريت مداخلتك في البداية

اتكيفت كيف قلت والله الدنيا لسعه بخيرها و نعيمها

لكن طلعت كاككككككككككككككككككككككككككككككك.


منصور يا ابنوسي و الله انت مسطول عديد في الحكي يا

زول الكلام الحلو بتجيبوا من وين واصل الله لا حرمنا منك

يا جمــــــــــــــــــــــــــــــــــيل .
Post: #7947
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 11-28-2010, 01:06 PM
Parent: #7946

كردة فعل سالبة لما يدور هنا ...
تم قطع النـت عن البيت ...
وتم ابلاغ الكفيل بقطعه عن المكتب ...
اتداخل الآن في ظروف بالغة الصعوبة ...
حيث سيتم اغلاق كل ال "نت كافي" في مدينة الرياض ...
وتم ارجاعنا الى عهود القهر والظلام ...

اهتف معي قول يا أخي ...
يعيش ...
يعيش ..
.
.
.
.
.
.
.
.
.
.
.
.
.
.
.
.
.
.
تعيش بنات الشيخ
ولا نامت اعين من يفكرون
Post: #7948
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 01:35 PM
Parent: #7947

Quote: وان التعدد هو ســر ابتسامته الدائمة وسعادته البائنة

طيب ما هو نحن موحدين
و برضو مبتسمين و سعادتنا بائنة
يسقط يسقط ود الفاضل
يسقط يسقط المشروع الفاضلي الأمريكي

يا بنات الشيخ
البوست يمر بمنعطف تاريخي مفصلي
نرجو الإتحاد و الوحدة في هذه الظرووووف الآنية

جلال كلامك فيهو تورية و مواربة
أفصح.....أبن....
ماذا يعني
يعيش ثم تعيش

و لا نامت أعين المندسين بيناتنا
جمعية بنات الشيخ المتحدة و الموحدة
Post: #7950
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 01:43 PM
Parent: #7948

ولأننا في حالة تأهب شديد
من الحالة التي جاطت البوست
فاتنا أن نقرأ السطور الرائعة للمعلم منص
Quote: وصرت انا تحت بطانيتى (مزملا مدثرا )

شفتو الزميل و الدثير دا كيف؟؟؟؟
أسألوهو من الذي زملك؟؟؟
من الذي دثرك؟؟؟
إنها هي.....
و ليس هنَّ

عجبى
Post: #7949
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-28-2010, 01:36 PM
Parent: #7947

الكوتش قال ليكم هنا جاطت لكن

بهناك - بوست منى يونس - ولعت وتدفقت المشاعر جداول

وجلا خربه على كمال الشادي والله ما قايلك كده يا شيخنا جلا

الحق صاحبك يا موسى عيسى طبظه.

مبروك عليكم العالمية لمشروع ود الفاضل بلازا
Post: #7951
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-28-2010, 06:52 PM
Parent: #7949

سلامات يا ناس

Quote: الكوتش قال ليكم هنا جاطت لكن

بهناك - بوست منى يونس - ولعت وتدفقت المشاعر جداول



يا ريس ...سلام

سجلنا ليكم زيارة بى هناك ...ومنتظرين الرد.
Post: #7952
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 11-28-2010, 07:20 PM
Parent: #7949

ان الابتعاد عن اجدع ناس من المستحيلات كلمة حق للمنصور
ولكنه الشديد القوى
حجاجنا تقبل الله والف مبروك
وجبر الله كسر كل من فقد عزيز لديه
وانشاالله كلكم تسكنو السكن القاصدو المنصور
وموسى عيسى جا السودان وما قال عوك والتلفون عندو
حاجه تزعل
اما محمد الفاضل عادى جدا فهو يبادرك عند كل ما تلتقيه
اها دبلته ولا لسه وتفارقه وانت راسك ماكلك انو فعلا عمرك ضايع
وتعود للمنزل وتقتنع ان عمرك احسن يضيع مره واحدة بدل ثلاث او اربع
وياتيك سلمان سائلا بابا كيف يومك وتطبع دعاء بسلامها الحنين قبلة على خديك وتصر على
ان تكملهم ثلاثه فلا تملك الا ان تقول الله يلعن شيطانك يا ابو الفاضل وما ظنيت ان الرجل
يفكر بالزواج الا اذا دفع الى ذلك فاصبح السكن مستحيلا بل جحيمافيا بنات شيوخنا فمهما تقدمنا فى العمركنا احوج الى الحنان والرومانسيه ففى اعماق كل رجل طفل صغير تحتويه الكلمة الطيبه الحنينه
وتاكدى بانها ستعود عليك بالكثير حبا واستقرار وموده
ومحمد ادم قصتو عجيبه نسمع به ولا نراه
والكمندان مما اترقى بقى كل وقته فى الشغل
والرشيد ما زال مسافرا....
والزناتى بالدمام مشكورا فهو معنا دوما
والشايقى بتاع المغرب كان جا السودان ورجع بعمل لينا وجع
الا كان اجازتو فى اديس معليش
وتبقى الان ان اطبع صورة شكسبير االسودانى لاعلقها له على باب مكتبه صباحا
والله استرنا معاك يا محمد عيد
جنس دا ما بنقدر عليه
واليوم كان حافل بالزقازيقاب فنجان قهوه لدكتور الهادى مجذوب البنا
وقببله كان الاخ مختار دفع الله وشاى الصباح مع الزقازيقى يحى قناوه الذى يحل علينا
ضيفا من الدمام.....الم اقل لكم ان المنصور على حق فالزقازيق فى عروقنا
وانشاء الله نلتقى بدار الكشافه مع ياسر نجيله بس مدنى لا مدنى لا مدنى لا مدنى لا
لانو فى العيد واحد صاحبنا مشى مدنى وجا ماسك التانيه فى ايدو والاولى ضاربه
جرسه زوبا مدنى لا
وتستمر الحياة ويبقى بيننا التواصل دوما
Post: #7953
Title: Re: ناس الزقازيق ... أجدع ناس ( 3 ) ..
Author: عادل عبدالرحمن إبراهيم
Date: 11-28-2010, 07:52 PM
Parent: #7952

`جميل هذا التواصل

أنتم دائماً هكذا تحملون الألق الجميل ، منذ أن تركنا الزقازيق ما يزيد عن العقدين وكأننا لم نفترق، أسعدني هذا التواصل الجميل وأسكرني ، سلام لمحمد عيد، الريس ميسرة ومحمد صديق وأبناء ياسر والعريس والبادي، ومحمد أحمد أسماعيل وموسى عيسي ومحمد آدم النور (جلا) وقائد الأسطول زناتي وبقية العقد.
لكم التحية مثنى وثلاث ورباع
ولي عودة
Post: #7954
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 07:57 PM
Parent: #7952

مساااءات الفل يا ريس
بالمناسبة كلامك أتى برداً و سلاماً
من الصباح بساسق في الجماعه ديل
لمن جبت ليهم البوليس
لكن البوليسي قال لي
كدا المسألة جايطة و ما بقدر يحدد أس المشكلة
و قال جاي المسا
الحمدلله مداخلتك جات في وقتها
المهم...تحياتي من برَّ السودان

خرمجة
لو زعلت حاأقوم أطفر من البحردا
و أمشي أعضي ودالفاضل دا في صنقوعو وأرجع

ترحيب
عادل يا لذيذ يارايق
رسل لي الباسويرد بتاعك أحفظو ليك
عشان ماتضيعو وتقعد تجهجهنا معاك
مع العلم أنا زاتي الباسويرد قاعد يضيع منِّي
التعديل لزووووم
نسيت........
Post: #7955
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-28-2010, 08:13 PM
Parent: #7954

سلامات يا ناس

ومساءات التّعدد

يا ريس كيفنك ...تعرف قدر ما اجتهدت

انى الاقيك ما قدرت ...وآخرها كان مغرب اليوم

وانا جاى من التمرين جنب استاد التحرير..طششتنى زحمة الصينية.

سلام ..الشاعر الرقبق عادل عبدالرحمن...(الباسويرد اعملوا عنوان

القصيدة الما اتكتبت زيها)

جلا ...كتِّر من السمك ..اقلوا تنزِّل البوش المتحجِّر
Post: #7956
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 08:22 PM
Parent: #7955

Quote: سلامات يا ناس

ومساءات التّعدد

عميان ومسكوهو الدرب
مساءءات التفاؤل عيبها لي

بالمناسبة يادوب عرفت الزول الهندي
القاصدو ياسر نجيلة
زولكم دا يكون الكفيل قافلو ليك في خانة اليك
Post: #7957
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-28-2010, 08:35 PM
Parent: #7956

سلامات يا ناس

ومساءات السّمك

Quote: مساءءات التفاؤل عيبها لي


قصدك تقول البوش مالو ..عيبوا لى

تخريمة :تحية للبادى النور (يلقاها بكرة بايتة)
Post: #7958
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-28-2010, 08:52 PM
Parent: #7957

Quote: ومساءات السّمك

أكل السمك بالمساء خطر جداً
عادة ينصح أكل البوش مساءً
أما السمك فمن الممكن أن تقول
صباحات السمك بدلاً من مساءات
خليك محدد في جغرافيتك

في الأنكل:
قندهار معانا..... و لا البادي قدم إعتذار؟؟؟؟
Post: #7959
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-28-2010, 09:10 PM
Parent: #7958

سلامات يا ناس

Quote: في الأنكل:
قندهار معانا..... و لا البادي قدم إعتذار؟؟؟؟


حيكون فى تعديل فى المواعيد

عشان البادى ما يكون اظلم.
Post: #7960
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 11-28-2010, 10:44 PM
Parent: #7959

اختنا الفاضله نجاة حوفى انا اضمن لك رشيد القوم .. وهل لرشيد قوم ان يفعل ذلك؟
وليس هناك زقازيقيه بدبلوا فيها ...وده ببساطه شديده لانهم
ماليات مركزم كزوجات وامهات وربات منزل .
وما ظننت ان التعدد الا لاستحالة الحياة مع الاولى
اذن كيف التدبيل فوق زوجه نكن لها كل الود والحب
ذلك الحب الذى يجعل الزوج يعود مهرولا الى عشه
الهادى ببسمه وحنان فيجد الراحه والامان.
حتى فى القران الكريم يجب ان نقف كثيرا فى قولة
< ولن تعدلوا >
المهم ان التعدد ليس الاصل ولا يمكن ان يكون
لمجرد الرغبه ولا بد ان يكون مسببا باستحالة الحياة
والعيش ويجب ان لا ننسى مصالح فلذات الاكباد
ونضحى من اجلهم ولو قليلا .
Post: #7961
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-28-2010, 11:41 PM
Parent: #7960

مساكم فل..
محمد الفاضل دا.. لوى ضراع زول?
كسر رقبه زول?
زول طرحو واضح.. والالبوم معاهو..
وبعدين بيانو بالعمل..
الداير.. طوالي يتصل عشان شهاده البحث بتاخد وكت..
ويا بخت من وفق راسين في الحلال..
أما إنتوالباقين..
الظاهر عليكم بتجسوا في النبض..


حوفي.. دا شنو دا..
دقيتي جرس عالي يابتنا..
زولك دا كان حقو يستخير قبل ماينزل مداخلتو..


ميسره ياريس..
قلت لي أكياس سوداء?
Post: #7962
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-29-2010, 05:59 AM
Parent: #7961

يانضيف ...
حل شعري بتاع ايه ...
حارسني أحمد وعمار ...
احسن تمشي هي زاتا لاني ممكن ازوغ منها ... لكن ديل ازوغ منهم كيف ... لحام بس


Quote: وانشاء الله نلتقى بدار الكشافه مع ياسر نجيله بس مدنى لا مدنى لا مدنى لا مدنى لا
لانو فى العيد واحد صاحبنا مشى مدنى وجا ماسك التانيه فى ايدو والاولى ضاربه
جرسه زوبا مدنى لا


الريس معتصم ...
مدني الجمال ياخي ...
مالك عاوز بت الشيخ تقول لي حدك الخرتوم بس .... سيره مافي
عليك الله ياريس حاول تجمع اكبر قدر من الشباب ...
شرفونا ... ما انتو ناسي وأهلي ...


============================
شوفو كلام حاتم جبارة ده ...
كلام عقل والله
حاتم جيب معاك طارق جبريل ...
Post: #7963
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-29-2010, 06:07 AM
Parent: #7962

[]صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه

ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني

قسم الرجال المصريين عند الزواج: أقسم برب البريه ، أن أكون مطيعا للوليه ، وأن أسلمها المهيه ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل من الست ديه

تحطمت طائرة صغيرة تتسع لراكبين فقط فوق احد المقابر بالصعيد اخوانا الصعايدة انتشلوا 500 جثة وما زال الحفر مستمراً

واحد صعيدي فضل 15 سنة يدعي ربنا انه يرزقه بولد في الأخر نزل له ملاك وقال له " أبوس ايدك اتجوزالاول"



على خفيف ....
مع تحيات منصور الابنوسي ....
Post: #7964
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-29-2010, 07:04 AM
Parent: #7963

صباح الخير ،،، يا وجوه الخير

اللهم يا ميسر كل عسير

ويا جابر كل كسير

ويا صاحب كل فريد

يا مُغني كل فقير

ويا مقوي كل ضعيف

نسألك الهُدى والتقوى والعفاف
Post: #7965
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-29-2010, 09:39 AM
Parent: #7964

تلفون كفيلنا محمد الفاضل بالسودان 00249912905974

آه لقيتني كيف يا ياسر نجيلة قصرت معاك بس بالله لو

الموضوع ظبط معاك خليه ينوبنا عن الكوم جانب انشاء

دعوة كاربة و لو قدرنا بنحصلكم ببص الساعة واحدة

من المطار ومدني جاك بلاء !!!!!!


طبعا يا شباب ياسر نجيلة من البارح معاي علي الخط

بخصوص الالبوم الخاص بالخليجين باعتبار انو ناس جلا

من الغبش !!!!!! و ناس الرشيد ناس المصرايين البيض

اما ناس جده الالبوم بتاعهم مختلف و موجود بحوزة بتاع.............


وو الفاضل بغريكم السلام و بقول ليكم وحيرسل ليكم الهاتف

الخلوي الخاص بيهو عبر الماسنجر فعلي الراغبين ترك الماسنجر

مفتوح و انا الماسنجر بتاعي نسيتو في بيت ناس جلال البارحة

بعد العشاء !!! اما زهير قال الجوال بتاعو متعطل لو في امكانية

يتصلوا عليه في تلفون المكتب علشان ابتهاج بتكون الوقت داك نايمة



الريس معتصم جعفر لك العتبي حتى ترضي والله انا من ما جيت كنت عندي

فروقات و مضاعفات قلت نخلصها اولا و بعدين نشوف الحبايب لكن ناس جلا

ما ريحوني ؟؟؟؟ لكن ليك علي انشاء الله في نية زوغة لمدة عشرة ايام

خلال امتحانات الشهادة السودانية انا خايف اعمل ليك وجع وش .........


شاعرنا وولدنا عادل عبدالرحمن لك التحية مجددا و عبرك التحايا للفردة

ود الخليل انشاء الله تكون وزارة الداخلية رضت عنه ...
Post: #7966
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-29-2010, 09:56 AM
Parent: #7965

تلفون محمد الفاضل بالسودان 00249912905974

ما تتعبو نفسكم الصور كل واحدة اشنة من التانية

يا قول الرشيد وش البامية بتاع الليلة ما زى وش البامية بتاعت امبارح

والزيت الفلت خليناهووووو
Post: #7967
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-29-2010, 10:26 AM
Parent: #7964

صباح الأنوار يا ريس معتصم
عارف , مشتاقين ليك شوق كميات
قلت لى مدنى لا , غايتو نجيلة الا يودى السيرة لى ارض محايدة
الحصاحيصا كيف , ؟؟ ممكن ولا برضو من الممنوعات
وبعدين تعال و ما تمنعوا لينا بورتسودان عشان الزول داك يتكسر ويقعد فى حتة واحدة
احمد وعمار , اجمل حرسين يا ياسر , تسلم ليهم نفسك , وانت فى غاية الأطمئنان
عارف يا ريس معتصم
الدنيا دى فيها قيم كثيرة جدا , مقاساتها ما دايرة ليها لا مسطرة ولا ميزان
العدد والكثرة , سمحة فى الليمون , سمحة فى البطاطس و سمحة فى القروش
لكن ياتو مشاعر سمعت بيها بيبعوها بالكيلو
كان رجال ولا نسوان , امشوا الدكان الجنبكم قولوا ليهو دايرين كيلو حنان , ولا مترين الفة , ولا طاقتين حب ومشاعر
طوالى سيد الدكان حا يقول طش يا زول , شطبنا
حتى انت يا بنى آدم , يكفيك سرير واحد للنوم , وتكفيك وجبة او وجبتان كل يوم , وتكفيك سبعة قمصان تغير بيها صباح مساء
ولكنك تواق دوما , الى دفقة مشاعر فى ميعاد , والى امن نفسى وأمان روحى وسكينة وسكن
فلتجعل من دفقة المشاعر التى تحتاج , وامنك وامانك وسكنك وسكينتك هدفا محوريا يوميا
وهذا موجود عند شخص واحد فى هذه الدنيا , ومع انى لا الومك ان تبحث عنه دائما وابدا
ومع انى افهم ان تخطىء العنوان مرة , او تطش مرات , اوتكون خارج شبكة احيانا
ولكنك ما ان تجده , فهو واحد بطبيعته , فتمسك به وقدم له مهره انى وجدته , وابذل دونه الغالى والرخيص
اخلص له وعنه بحثا وتنقيبا , ولا تكابر ولا تقيدك دون البحث عنه لا محاذير ولا اسباب
ولكن ما ان تجده , اقعد ليهو القعدة الياها , ولا تضيع وقتك فى محاولات تلوينه وتعديده
فهو واحد , ابيض صباحا , قرمزى فى القيلولة , منجاوى عند الظهيرة , اخضر تركواز فى العصارى
احمر قانى عند شفق المغارب , لون زينب عند حضورها , ولون المنقة , لو شايل منقة , لنك زى ما عارف , كيف نحن بنشقى
مهمتك دائما ان تقاوم الوان سواده عندما تبدو للناظرين , وشغلك الشاغل ان تتجاوز رماديته وتحولات ما بين الوانه المتواترة
وعند كل محاولة , احتفل بأنك انتصرت وقاومت واعدت الى حياتك , الوان قوسها القزح
اسكنوا , يرحمكم الله
Post: #7968
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-29-2010, 10:38 AM
Parent: #7967

سلامات يا ناس

Quote: الدنيا دى فيها قيم كثيرة جدا , مقاساتها ما دايرة ليها لا مسطرة ولا ميزان
العدد والكثرة , سمحة فى الليمون , سمحة فى البطاطس و سمحة فى القروش
لكن ياتو مشاعر سمعت بيها بيبعوها بالكيلو
كان رجال ولا نسوان , امشوا الدكان الجنبكم قولوا ليهو دايرين كيلو حنان , ولا مترين الفة , ولا طاقتين حب ومشاعر
طوالى سيد الدكان حا يقول طش يا زول , شطبنا
حتى انت يا بنى آدم , يكفيك سرير واحد للنوم , وتكفيك وجبة او وجبتان كل يوم , وتكفيك سبعة قمصان تغير بيها صباح مساء
ولكنك تواق دوما , الى دفقة مشاعر فى ميعاد , والى امن نفسى وأمان روحى وسكينة وسكن
فلتجعل من دفقة المشاعر التى تحتاج , وامنك وامانك وسكنك وسكينتك هدفا محوريا يوميا


عجبنى والله الكلام ده لامِنْ طَلَبْتَ لَى جَبَنَة.

اقروه صباح مسا ومع كل قرية كباية جبنة ...(زهير عشان عندو الضغط يشرب شاى لبن مقنن)
Post: #7969
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-29-2010, 10:51 AM
Parent: #7968

المشكلة فيني يا كوتش
قدر ما قريت ما فهمت حاجة
قلت يا ربي أنا إتخرجت من ياتو مدرسة
الغريبة الكلام المكتوب
زي أدونا ليهو
و زي ما أدونا ليهو
غايتو إتجهجت
لو عندك مختار الصحاح و لا المصباح المنير
بالله أستعجل و رسل لي
طبعاً صاحبي موسى عيسى بكون مشا قوقل عشان الترجمة الفورية
قول ليهو ما يتعب نفسو الكلام أسباني
Post: #7971
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 11-29-2010, 11:17 AM
Parent: #7969

هو ولدنا الظريف ده مش عاوز يقول ....
واحده تكفي ... والحب والحنان لايباع في الدكان ....
وتغلبات الحياة مهما جارت ... لابد ان تصفي ...
وتيب .......





==========================================
ولدنا موسي عيسي ....
انا بمشي مدني وبحكي ليك ...
وانت امشي جرب ... وكلمني ....

النضيف ....
حكمت عليهم شينات بعد ماشبعت شوف ...
خلينا نشوف .... ونحكم
يا سلااام لو ود الفاضل نشر الالبوم على الهوا مباشرة ....

وجع ....
Post: #7972
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-29-2010, 11:18 AM
Parent: #7969

سلامات يا ناس

Quote: وهذا موجود عند شخص واحد فى هذه الدنيا , ومع انى لا الومك ان تبحث عنه دائما وابدا
ومع انى افهم ان تخطىء العنوان مرة , او تطش مرات , اوتكون خارج شبكة احيانا
ولكنك ما ان تجده , فهو واحد بطبيعته , فتمسك به وقدم له مهره انى وجدته , وابذل دونه الغالى والرخيص
اخلص له وعنه بحثا وتنقيبا , ولا تكابر ولا تقيدك دون البحث عنه لا محاذير ولا اسباب
ولكن ما ان تجده , اقعد ليهو القعدة الياها , ولا تضيع وقتك فى محاولات تلوينه وتعديده
فهو واحد , ابيض صباحا , قرمزى فى القيلولة , منجاوى عند الظهيرة , اخضر تركواز فى العصارى
احمر قانى عند شفق المغارب , لون زينب عند حضورها , ولون المنقة , لو شايل منقة , لنك زى ما عارف , كيف نحن بنشقى
مهمتك دائما ان تقاوم الوان سواده عندما تبدو للناظرين , وشغلك الشاغل ان تتجاوز رماديته وتحولات ما بين الوانه المتواترة
وعند كل محاولة , احتفل بأنك انتصرت وقاومت واعدت الى حياتك , الوان قوسها القزح
اسكنوا , يرحمكم الله


يا سِرِّى ....سلام

اها شوف جنس ده ...المرة دى الجبنة عملتها براى...

الترجمة الأسبانية رسلتها ليك...

لكن المرة دى بالدومينكانى.
Post: #7970
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-29-2010, 11:10 AM
Parent: #7967

ونمت ليلتى تلك , مزملا مدثرا يا جلا يا حبيب
تتقاذفنى تيارات الهواء الساخن الخارج والداخل
وتنتابنى هلوسات الشوق , وانعل ابو الأنتبيوتيك زاتو
مش نجاة قالت تعالوا بى راحتكم ؟؟؟
كان هذا القول , زادى ومعينى فى العودة الى بطانيتى , حينا بعد حين
حتى ان بنت شيخى انتابها شك فى مقدرتى على السواقة لى ابو ظبى , فجاءها ردى قاطعا لكل شكوك
فيه من الحرارة اطنان ,وفيه من الشوق الاف السنين الضوئية
تخيلت للحظة , ان الشمس باتت اقرب , ولكن المحيط المتجمد الشمالى , كان ينجح فى التسلل , رغما عن اقتراب الشمس , لآحيان اخر
كان تلفونى بعيدا منى , يلاقى ويتلقى تغذيته الكهربائية , فى احد محطات الجدار التى تبدو بعيدة
ولكن جرسه كان يصل الى رغم بعده , فانا اراه راى العين , كما استمع اليه يقينا , ولكن الوصول اليه كان يتطلب الخروج من مخبأى الأختيارى
وكان سيقطع على محاولات الأستزادة من راحة خلتها ضرورية , لتوفير لياقة للشوق الاتى
حتى ان بت الشيخ , النائمة نصف نومة , بدت عندها رغبة للعبث بتلفونى النقال , وتحويله الى وضع اللصمت الأختيارى
ولا اعلم يقينا ان افلحت فى ذلك ام لم تفلح , الا ان توالى الجرس وتواتره بعد ذلك , بين لى ان محاولتها باءت بالفشل الذريع
كان الصباح قد شقشق , واحلام اختى تتحاوم حولى , تحاوم الأطمئنان الأثير , المشوب بحذر يابى على الأستيقاظ , الا ان فأجاتها
بتتحاومى كده مالك ؟؟ثم محاولات تحاشى كحة تاتى ولا تأتى , وعطسة تراوح مكانها لا هى اتت , ولا غادرت (مأسوفا عليها )
فاجاتهم بانتفاضة رمت بالبطانية بعيدا , وطلبت من بت الشيخ ان تحضر لى جرعة الأنتيبيوتيك الصباحية , عازما على ان اعود لبطانيتى التماسا لمزيد من لياقة احتاجها بشدة
ليوم قرات عنوانه قبل ان يأتى , بدايته شوق , واوسطه شوق , ونهايته مزيد من (الأشواق فى بعدك , بقينا اكثر من حبايب , من قرايب )
يا الطاف الله يا كمال الشادى
تعرف ان هذه الأغنية الأثيرة , انا والأشواق , اخذت منا مساحات ضخمة فى ايام مضت
فى بص الرحلة الى رأس البر , وفى شواطىء تلك المدينة التى مضينا اليها مستكشفين انا ومجدى عبد الله يا محمد عيد
لقد كانت رحلة لا تنسى ولا تمحى من اى خيال عاشها
وقد كان فيها ومعها ايضا , الرشيد بابكر , ونجاة حوفى , وبطة , وزينب التيجانى , ورفعت نور الدين , واشراقة الشافعى
هل بدأت رحلة سكن رفعت الى اشراقة , والرشيد الى نجاة , يومذاك ؟؟؟!!
هل يمكننا ان نقول ان رحلتهما فى (السكن ) , وأن اتخذت من اوسلو وابو ظبى مكانا و(بيتا )
الا انها , بدأت من فضاءات الأشواق فى بعدك , عندما بدا (البر راسا لحكمة توقعناها فكانت )
تدثرت مليا , وتزملت اكيدا , وسرى الكركدى ابو زنجبيل الى جوفى يقاوم حرارة بحرارة , ولكن تزملى وتدثرى كان (مع سبق الأصرار والترصد )
كان تزملا وتدثرا حاملا لكامل مقاصد التزود باللياقة
حتى اذا ما جاءتنى اشارة بت الشيخ , نحن جاهزين , انت لغاية هسه مصر تسوق لغاية ابو ظبى , ما تخلينا نمشى مع فيصل , واهو اصلا حا نتقابل بكرة فى دبى
كنت قد اخذت جرعات من لياقة مصنوعة , قوامها الأنتيبيوتيك ابو جرام كامل , وحبتى البنادول الكولد اند فلو الصفراوتين , وجرعات الليمون الدافئة والكركدى ابو زنجبيل , ما يكفى لأن
انتفض من سريرى مسرعا الى الحمام ولسان حالى يكاد يقول
(لق لق لق ) , لو دايرنى اسوقكم لغاية الرياض ما عندى مانع
Post: #7973
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-29-2010, 11:30 AM
Parent: #7970

Quote: ما تتعبو نفسكم الصور كل واحدة اشنة من التانية


النضيف ...

اسمع كلامك اصدقك .. اشوف امورك أستعجب

....

صاحبك ده يا نجيلة لسه ما وصل صفحة اربعة فى الالبوم .. رقد غمران ..!!

ولى هســـه بيتحاجج مع واحد اخونا فى واحده من الصور .. ويشيل ويحلف انها من الامتداد ..؟؟!!


،،،،،

يا كوتش ...

انا بعد قريت كلام منصور واستمخيت ...

جريت لى حجر شيشة عمرااااان ..!!

دى حالة شنو يا اخوانا ..!!!
Post: #7974
Title: Re: ناس الزقازيق ... أجدع ناس ( 3 ) ..
Author: عمر هواري
Date: 11-29-2010, 11:40 AM
Parent: #7973

الزقازيقاب الرائعون كل سنة وانتم طيبون وجعل الله أيامكم كلها أعياداً
وحجاً مبروراً للحجاج
وعقبال الزينا اللسه ماحجوا
نرحب بالحاج حاتم جبارة بين ظهرانينا في السودان
ونرحب بالوجيه طارق جبريل الذي جمعتني به الصدفة في إحدي ليالي الإبداع
ونتمنى ان نجتمع بهم في لمة زقازيقية
يلا شدو حيلكم يامحمد صديق
Post: #7975
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-29-2010, 11:55 AM
Parent: #7974

Quote: انا بعد قريت كلام منصور واستمخيت ...

جريت لى حجر شيشة عمرااااان ..!!

دى حالة شنو يا اخوانا ..!!!

غايتو كتابة منصور دي
براهو بكون مدور ليهو منقد بتاع شيشة مش حجر
و الدخان طالع من نخرينو الكبار ديلك
و إيدو في الكيبورد يخليك في حالة برمائية
طبعاً الدخان بتاع الشيشة زيو زي الأنتبيوتك
هس تكون العطسة بتاعت قبيل يا دوب جاتو
Post: #7976
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 11-29-2010, 11:57 AM
Parent: #7974


الحاج حاتم جبارة
والوجيه طارق جبريل

يا بسكو وين انت

شفت الزمن ناس كبرو بقو حجاج وناس كبرو بقو وجاهـ .


يا محمد عيد صورة الزولة العندها فلجة فى صفحة الالبوم التانية
ما طلعت مجـــــــنترة

اها تقوم تقع ليك فى زى دااا .
Post: #7977
Title: Re: ناس الزقازيق ... أجدع ناس ( 3 ) ..
Author: محمد عيد
Date: 11-29-2010, 12:12 PM
Parent: #7976

Quote: فى بص الرحلة الى رأس البر , وفى شواطىء تلك المدينة التى مضينا اليها مستكشفين انا ومجدى عبد الله يا محمد عيد
لقد كانت رحلة لا تنسى ولا تمحى من اى خيال عاشها



sudansudansudansudansudansudansudansudan011.jpg Hosting at Sudaneseonline.com


حقا" لقد صــدقت يا ماركيــز ...
Post: #7978
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-29-2010, 01:21 PM
Parent: #7977

سلامات يا ناس

مراحب محمد عيد وعمر بسكو


************************************

خدمة التوصيل :

ده مصطفى محمد الحسن:
Quote: رياح تشرين
شوية غبشة عند الفجر و احساس مبالغ فيهو انو الدنيا خلاص ماشة علي الحركرك
و ارواح الناس الميتة و ماشين يداقشو
ريحة السمك الميت في حلفا القديمة
و البنات امات مساير الخلاص اتيقنو من الدرب ماسكاتنو براهن
لانو اليل خلاص ضهب درب الراجينو
لمن تحكي احزانك
و الحزن مشرور في الدروب زي وساخة يوم العيد

افلي في الكلمات زي القمل ، ما عندي اي موضوع ، قفلت معاي قلت اقفلا معاك ، الدنيا كلها بقت زي يوم السبت زمان في المدرسة الابتدائية كلها زمزمة ، ما علي كيفك ، زمان كان تهف تيك تركب البص تبيت رفاعة ، تدخل فرشتك في شرابك و يا الدرب جاك زول ، تشتهي الونسة زي آخر سيجارة كيلوباترا نص اليل ، ما اتعس الزول لما حتى الونسة تغلبو و يكوسا كواسة .
اول امس جافاني النوم بالمرة ، كملت كوابيس اليقظة ، لي زمن طويل بقيت ما بحلم ، خلي بالك الاحلام دي عندها علاقة بالحاصل لي الزول في الحياة علي طريقة هذه من تلك ، لما الزول حياتو تبقى زي حواشات الصيف يابسة برضك احلامو بتيبس .
حاولت استدعي البنات الكانن معاي من اتفكن لي طلاسم العشق ، العذبني و ملن سراب عمري حنين ، جاوبني سكات ، وشوشن لاحن لي زي قصايد قريتن في صباي الاول باهتات الا من المطلع ، لقيتن في جملتن لمة ما لاميها غير الغي ، نارن بردت ما زادني الا شرود.
كذلك مات صلاح سليمان
في الليلة الاولى في الخرطوم و انا اتهيأ للسفر الي مصر فؤجئت بان الشخص المفروض يوديني معاهو سافر بعد ان تلكأت في الحضور من كسلا ، وراسي انقطع تماما و فكرت في الرجوع و اصلي كنت متحيل ، و انا اسال في جامعة الخرتوم عن ذلك الشخص، مسكتني يد صلاح سليمان ، حكيت ليهو قصتي ، قال خلاص وصلت ، اتعشينا فول كارب في الجامعة ، و حضرنا هناك فيلم ( ليلة القبض على فاطمة ) ، و يا المحطة جاك زول ، فرشنا في الرصيف ، صلاح جاهز تماما للسفر ، طلع العدة ، المسجل الما خمج ، و زيدان ابراهيم ، سمعت ليلتها ( لو أحبك أنا ) باحساس م عادي ، كيف و انا حينها مليان عشق ، في أولى ساعات الفجر عتمني كيف اتمركز في قطر حلفا و كيف اتهيأ للمدافرة و التي سرعان ما تنقلب الى ود يطول. لما وصلن حلفا القديمة حرنت كفرس أبي الطيب المتنبئ لما قالو لي حنقعد زي اسبوع لانو الناس مكدسة و البواخر قليلة ، ما اشتغل بي حرداني ، مشى السوق جاب الاكل ، و بدا في تجهيز المعسكر في فندق الرمال . ب الرغم من انهو كان طالبا في جامعة القاهرة الا انو اصر مشي معاي حتى المنصورة و سلمني للزول بتاعي و عاد في نفس الليلة.
صلاح سليمان ما ممكن يموت ساكت كدا ، استشهد في حادث حركة عند الشوك الساعة واحدة و نص صباحا وهو في طريقه اللا كسلا للاداء العزاء في كمال رابح المحامي ، واحد من شباب الهوسا المليان استنارة و فهم ، ما قلت ليك أنا لازم أنكد عليك.

لازم و بأي طرية تكوس ( ذاكرة الجسد) المرة دي انا كنت قايلة فاجرة ساكت زي ما بقول (حاج النور)، لكن و الله طلعت جنبة خلاص ، أنا ذات نفسي الكتاب ما قريتو لكن شفت المسلسل ، اللغة عفنة عديل ، و الاحداث حديقة من التورة ، الحب و الاحلام المودة
اظني نجحت بعض الشئ في تكدير صفوك و استثارتك و هذها هو المأمول



من اقوال اللواء
Post: #7979
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-29-2010, 01:50 PM
Parent: #7977

نهاراتكم بالهناء والسرور ...

الكوتش شكرا لقينا التحية البايتة .. قلنا ليكم المرة دي لو اللمة لو سحور وفي بورتسودان برضو حأكون أول الحاضرين إنشاء الله ...

ياسر نجيلة مبروك مقدما لأخوناعلي نجيلة وإنشاء الله حنتقابل ...

عمر بسكو عيدكم مبارك ...

منصور الرائع حقيقة أبدعت في وصف الزواج الناجح ...
Post: #7980
Title: Re: ناس الزقازيق ... أجدع ناس ( 3 ) ..
Author: محمد صديق
Date: 11-29-2010, 07:34 PM
Parent: #7979

سلامات يا ناس

ومساءات التعدد

انا ما عارف منو الطفّش الناس

هل هو محمد الفاضل والالبوم بتاعو

ولا منصور بى كلامو الكلو محلبية

ولا كمال الشادى القرّب يكمِّل لورى تلج

ولا هضربة جلا؟

ورونا الناس دى وين؟؟
Post: #7981
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 11-29-2010, 08:24 PM
Parent: #7980

النضيف و محمد عيد باقى ماشين مدنى
مشكله مافى وكان درتو بوسودان بنمشى بس جلا
يسرع بالتقرير.
يا الشادى النضيف اتفرج لمل وصفن
مطلوب تحديد موقف
بس انتو تعالو وجع الوش هين
الجمعه بالكشافه البحريه ممتعه لان المكان
واسع ويمكن ان يتجمع الزقازيقاب كما لو كانو
بمسطبة الاتحاد ... ومدنى ينظر فيها مدام عندها
رواد....وعلى كل مختفى ان يظهر ويبان وليهو
الامان خاصه الجايين من المغرب.
Post: #7982
Title: Re: ناس الزقازيق ... أجدع ناس ( 3 ) ..
Author: عادل عبدالرحمن إبراهيم
Date: 11-29-2010, 08:38 PM
Parent: #7980

بصراحة كدة موضوع التعدد بجيب ليكم الهواء خاصة الريس ميسرة والرشيد بابكر عشان كده حاولت أحييكم مثنى وثلاث ورباع ، الحكومة لو أطلعت على التقارير المكتوبة هنابتحلق ليكم.
خلوني أحكي ليكم قصة طريفة عندي صديقي كنت دائماً أقول لزوجته أنت الراجل دا ما مهتمة بيهو عشان كده أنا عأعرس ليهوا بأي طريقة، وأنقطعت أخباره عني بعد أن غادرت السودان وعند عودتي في عام 2008 وجدته فعلاً تزوج وقالت لي زوجته إنت السبب في غرس هذه الأفكار في رأسه، وفي واقع الأمر أنا بري براءة الذئب من دم إبن يعقوب.
عشان كده النقاش زي ده نصيحتى ليكم بجهجه دفاعاتكم سادوبا والقون.
Post: #7983
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 11-29-2010, 09:42 PM
Parent: #7982

انفصال...وحده

انفصال وحده..وحده انفصال

موساد...سى اى ايه...وحاجات واسامى تانيه ما بعرفه

وتكديس سلاح....وتصريحات ناريه ومرات هتلريه

والنار تحت الرماد والانفجار اقترب اوكاد

يا ربى نحن ماشين وين ..نايمين ولا صاحين

فاهمين ولا متغابين...اه يا الله

ما الذى يحدث... ومن منو ...هل هم ابناء

صهيون فعلا... ولا براى السويته فى نفسى؟؟؟
Post: #7984
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 11-30-2010, 00:07 AM
Parent: #7983

بالله دي كوره دي?
ناس البارسا ديل عورا عواره..
ما يدوا الناس فرصه يلعبوا معاهم..
التقول كوره المباراه حقتهم..
ما يدوا رونالدو فرصه يحلل قريشاتو دي..
طيب يدونا تشانس نشوف مهارات ناس مدريد..
والا عشان ميدانهم..
حقارين..
90 دقيقه ماسكين الكوره.. وما عاجبهم..
إلا يجيبو أجوان كمان..
حتى الحكم.. ماأدوه فرصه يجاملهم..
العالم كلو يشجع فوقهم..
وما راضين..
حتى الزمن الضايع أبو يدوهو ناس مدريد..
وهم زاتهمناس مدريد قالو مادايرين زمن إضافي..
نسوي بيهو شنو قالو..
أنهوها ليناعليكم الله..
الجماعه ديل لاعبين زايدين..
والا نحن ناقصين..
لا مديننا فرصه نمسك كوره..
لا قادرين نلعب باص..
والله لوحصلناهم كان نكسرهم..
قطعوا نفسنا..
أبو البلعب معاهم تاني..
هي دي كوره دي?
Post: #7985
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 11-30-2010, 05:16 AM
Parent: #7984

يا حاج حاتم حتى اللحظة لم اذق طعم النوم لاني تابعت

المباراة مرتين حتى صلاة الفجر و قمة الاندهاش من المتعة

الحقيقية و هي لم تكن مباراة في كرة القدم بل لوحة موسيقية

او علم يدرس بس مكان التدريس كان المستطيل الأخضر و اعتبر

مباراة الامس مرجع في كرة القدم ، و الله ناس الريال معترفين

لو مغالطتنا اسال العنب الرامي في البوست الرشيد او محمد عيد

لان صحبي ود الزناتي في حالة توهان من لفات تشافي و انيستا

و العجب الولد العجيب ميسي .

بالامس كانت ليلة و لا الف ليلة لم اشاهد مثلها و لم تتكرر

لان برشلونه نفسه لا يستطيع ان يقدم ما قدمه امس !!!!!


فلكم التحية احبتي و جد اليوم انا في مستوى من النشوة

و الفرح لا يدانيه شى ؟؟؟

و التهاني موصولة الي الشابين عيسى موسى و محمد المصطفي موسى

بهذا الفوز والمجهود الرائع ....
Post: #7986
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 11-30-2010, 07:38 AM
Parent: #7985

صبحكم الله بالخير

برشلونة بي 7 لاعبين أسبان...
و تلاتة أجانب...
و مدرب أسباني..
بهدل ريال مدريد بي 7 لاعبين أجانب...
و تلاتة لاعبين أسبان...
و أغلى مدرب في العالم...

طلعت من المباراة دي بي حاجه واحده هي انك لو عايز تبني فريق لا يقهر...
ليس بالضرورة أن تملك المال و حسب...
بل يجب أن ترعى و تصبر على الناشين حتى يكبروا و يصيروا أبطالا...
و أن تبدأ بتنشأتهم على الأخلاق و الروح الرياضية قبل أن يعرفوا كيف تركل الكرة...

عادل عبد الرحمن...
حبابك عشرة بلا كشرة...
ترحيب متأخر...لكن أن تأتي متأخرا خيرا من أن لا تأتي...
بس عليك الله انت معانا ولا مع الخيانة...
و بعد العملتو في صاحبك...
تاني العلاقة البيني و بينك اسفيرية بس...
نحن صلينا استخارة ساكت جابت لينا الهواء...
طيب لو صلينا صلاة حاجة كان حصل شنو...

يا موس التهاني و التبريكات موصولة عبرك...
للدون عيسى موسى و الدون محمد المصطفى...
Post: #7987
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 11-30-2010, 08:05 AM
Parent: #7985

صباح الخير ،،، يا وجوه الخير

خمسة صفر يا مفترين ، حقيقة أجمل ما رأيت

صراحة أقوى من كأس العالم.

===========================

حديث القلب :َّ

يا ويح القلب من نفس قاسية .
اجعلها سكنا لحب الرحمان....
واطرد منه وساوس الشيطان...
وقل الآن تبت يا رحمن ...
فاجعل لي بيتا في الجنان ...
ونوره بالذكر والقرآن ....
وارحم عينيك بالبكاء...
وامسح من القلب ذاك الجفاء..
وازهد في دار الفناء...
وارتق بالروح إلى عنان السماء...
جوهرة النفس التقية،،،،،،،،،،،،،،
ذات الروح الأبية .......
Post: #7988
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 11-30-2010, 09:18 AM
Parent: #7987

الى الريس العظيم معتصم جعفر

Quote: ما الذى يحدث... ومن منو ...هل هم ابناء

صهيون فعلا... ولا براى السويته فى نفسى؟؟؟


اسألك بالله لحدي ما يحصل الاستفتاء القادننا بيهو ده

اطلب منك طلب يا أفتح ليك بوست تكتب فيهو إنت وكل ناس السودان
أو اكتب لينا يوميا عن الموضوع ده

انا شخصيا بقيت ما عارف اصدق منو كل الاخبار مختلفة وكل زول بيعزف على آلة حدباء محمولة

عليك الله يوميا ورينا البيحصل شنو في السودان
ونبض الشارع
وبعيدا عن السياسة
وجوة السياسة
وكل شيء
Post: #7989
Title: Re: ناس الزقازيق ... أجدع ناس ( 3 ) ..
Author: البادي النور
Date: 11-30-2010, 10:04 AM
Parent: #7988

صباح الهناء والسرور ...

توقيت مباراة الكلاسيكو الإسباني جاء في موعده تماما والمباراة شتت أفكار كل المتعاطفين مع مشروع أبوالفاضل .. ما قلنا ليكم القصة كلها طق حنك وبس ...

حاتم جبارة عندو سببين علشان يفاضل مشروع ود الفاضل أولا زوجته دومينيكانية لا تقرأ العربي وثانيا مباركة أوباما ومصافحته لودالفاضل يعني الناس كلها زي بعض كان بقوا في السودان أو في بلاد العم سام ...
Post: #7990
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-30-2010, 10:13 AM
Parent: #7988

ما هذا الصباح , اهو لاح يا حبيب
والبلبل الصداح جا قريب
جاك يحكى ليك جاك يشكى ليكا من شوقوا ليكا
صاح يا حبيب
مطلوب فى هذا الصباح , كشف جينات كامل للعيبة برشلونة , مصحوبا باختبار منشطات مكثف
يطرشنا ويعمينا ما شفنا لينا ضغط ولا برسينج تسعين دقيقة زى ما عملوا العورا ديل
جوارديولا , صنع فريقا يستولى على الكرة بالقوة الجبرية نصف زمن المباراة
ويستولى عليها بمهارات الأفراد, النصف الآخر من زمنها
الفريق المقابل لبرشلونة , يقضى كل زمن المباراة بحثا عن الكورة , واذا وجدها وجد نفسه يسلمها سريعا , من كثرة الضغط
ابو الشغل زاتو !!!!
لم تعجبنى حركة جوارديولا مع رونالدو , ثم لم تعجبنى ردة فعل رونالدو
كانت مباراة لا رحمة فيها , ولم يكن جوارديولا محتاجا لأستفزاز اضافى للعيبة ريال مدريد , كان يكفى استفزازهم بالكورة الغريبة ديك
انه صباح الأكتساح الكتالونى المستفز
ده اولا
وكمان من معالم الصباح ده
اعادة نشر الزخم المشاعرى المكثف , بتاع الزول الأسمومصطفى محمد الحسن ده
انت يا كوتش , امبارح مش كنت بتتكلم عن الجبنة , كان لقيتا ادينى معاك
اما عن محلبيتنا , فحضروا حنتكم ساااااكت ,عندنا منها , اطنان واطنان
ويا حلاة الحنة , البى محلبيتنا , محلبية الهنا والسرور
Post: #7991
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-30-2010, 10:30 AM
Parent: #7990

وتساءل الريس معتصم , الى اين نحن ذاهبون ؟؟
قلت لى تكديس سلاح ؟؟, اظنهم حتى لن يحتاجون له
تأملوا معى ملاحظة البادى الذكية , امسينا ويتنا على مشروع ود الفاضل بلازا
واستيقظنا وافقنا , على حرفنة ميسى , وضغط انيستا واكزافى , ومحاصرات جوارديولا ودافيد فيا
لقد تراجعت عندنا قضايا الحور يا احباب , اصبحنا ممن تتقاذفه امواج الصباح ورياح المساءات الحالكة و شديدة السواد
عندنا مشكلة كيفية تكوين اسرة فى الأساس , لا يجد شبابنا (باءة ) يتزوج بها وعليها
وعندنا تكدس سكانى رهيب فى المركز على حساب الخدمات والتطبيب والتعليم
وعندنا مشكلة امة , تكون او لاتكون
وكل هذه المشكلات , لو رايتم وتاملتم , من متراكمات التطفل الحياتى , والباراسايتس شديد الشراهة (للتكويم )
مشكلاتنا الاجتماعية متفاقمة وتأخذ كل يوم ابعادا جديدة وشديدة الخطورة
وما فتئت قوى التطفل المستشرى , تبتدع كل صباح اساليب تكويم اجتماعى جديدة ومؤثرة , متخذه من المشاكل الآخذة بخاصرة الأمة , راس رمح هجومى فتاك وقاتل
هل يعقل يا جماعة ,ان تكون هناك جائزة (بيت ) , نظير اقبالك على التعدد
ان تركيز ثروات الأمة ومقدراتها فى ايدى (البعض )
انحرف حتى بمشكلاتنا , حتى بمحاولات حلها , لتصب فى المصب الأزلى (التكويمى )
سازوجك باخرى نظير (بيت )
وسافك لك مشكلة عنوستك واهديك رجلا (بى بيته ) , مقابل ان تنضم الى كومى
اسكنوا يرحمكم الله
Post: #7992
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-30-2010, 10:49 AM
Parent: #7991

اتارى البنادول ده ممكن يدور ليهو مكنة عديييييل
يمكن , اختراع غاية فى العظمة
جلابيتى بيضاء ومكوية , وبت شيخى الى جنبى
وعيالى , مع اصدقاءهم اولاد وبنات عمتهم , توزعوا فى كراسى السيارة
وقد بدوا فى ابهى حلة , واجمل منظر
البنون زينة الحياة الدنيا ,ربنا يحفظهم ويخليهم
كانوا لى , اى تجمعهم وانسهم واندماجهم , بمثابة الباراسايتمول الأضافى ,كما وانه كان اكثر من جرام انتيبيوتيك شحمان
كانت ايثار تتبادل ونستها البناتية الشفيفة , مع بت عمتها ملاذ , وقد بدت لى كسيدة صغيرة من ابطال (ليتل ويمن )
احمد منصور مع محمد فيصل , يخالطهم بالكاد مجتبى منصور , الذى يعانى معهم من غربة (عمرية ) بادية للناظرين
وان لم تستفحل كأزمة بعد
فهو ما يزال قادرا على التنطيط كولد صغير , مع مدرار وحجازى , مع احتفاظه بقدرة التداخل كرجل صغير , مع احمد ومحمد
حتى ان قدرته على التداخل مع (الليتل ويمن ) , ما تزال براقة ومتألقة ومقبوله , منه ومنهن , دون حرج يذكر او يلاحظ
يا بختك يا مجتبى , قلتها له وهو القادر على الأستمتاع بمقطوعات جستن بيبر الموسيقية , ومعزوفات هانا مونتانا والهاى ميوزيكال اسكول
المنبعثة من جوالات نسائى الصغيرات
ولا يفوته كذلك حكايات (بظ يطير وال###### بندق والعم دهب والفار توم والقطة جيرى ) , التى شغلت مدرار وحجازى طوال الطريق
اما همهمات احمد ومحمد وتقليعات تسريحة شعر الراس واحزمة الوسط الكبيرة وارهاصات الجيل الرابع من الآى فون)
فمجتبى منها وعنها فى ذات المسافة
عليكم الله ما بختوا الولد ده
Post: #7993
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 11-30-2010, 11:22 AM
Parent: #7992

السلام جاااكم يا ناس
آسف جداً لقطع السرد يا منص
لكن شوف الكلمات الجاية دي
القصيدة دي من كلمات الأخ الرائع رش
تحتاج إلى تلحين
السيناريو ما تتعبو فيهو كتير
المخرخ أنا
خرجت نملة...
أخدت قرمة..
و دخلت..
دوزن في أعصابها الجوع..
و كشف عري الناس الدست...
حتى القرمة...
و برقت في عينيها حقيقة...
كيفن تقدر على فقس الملكة..
القاعده تبيض كل دقيقة...
Post: #7994
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 11-30-2010, 11:32 AM
Parent: #7992

578.jpg Hosting at Sudaneseonline.com


كان النهار فى ثلثه الثانى , عندما تخطينا جسر المقطع مدخل ابو ظبى الجميلة
سيدا , سيدا , سيدا , مضينا صوب شاطئها الكورنيش البديع
رايت ابوظبى واستمتعت بها مرارا وتكرارا , لكنها بدت لى اجمل هذه المرة
ولكن
ان علاقتى بنجاة حوفى والرشيد بابكر , علاقة لم تكن ابوظبى من مكوناتها , الا اخيرا
ان علاقتى بهم علاقة ذات طعم زقازيقى بحت , ثم ما انفكت ان تلونت بلون الحياة ذاتها
منعرجات حياتى , مع ملفات حياتهم , مرت بما مرت , وتأثرت بما تأثرت
بدايات الحياة فى ابو ظبى , للرشيد واسرته , عايشتها ليس بمحض الصدفة , ولكن بارهاصات سبق الأصرار والترصد
بدأ الرشيد بابكر , غربته متأخرا بعض الشىء , وكنت احرص على ملاقاته ايام زياراتى المتكررة للأمارات عموما , بدوافع عملية كنت استقطع منها الوقت استقطاعا
بغية الجلوس اليه , ومعايشة تفاصيل التفاصيل
لذا فاننى وفى زيارتى غير المرتبة هذه , والمقررة فى لحيظات اخيرة و بدت لى زيارة ذات اهداف واضحة
فكثير ما انشغل انا , فى ونستى مع اولادى وبناتى , بالحديث اليهم , لا بل والأكثار من الحديث فى بعض الأحيان
ولكن كان يعوزنى دائما شيئ ما , كنت اشعر ان فى محاولات نقل التجربة المستميتة منى , دائما تفصيلة ناقصة , او عجز عن تعبير
اولها من شاكلة ما قالت نجاة حوفى , is it amatter of cousin or best friend
الأجابة النظرية -لهكذا سؤال , دائما قاصرة , وينقصها خيال ما , تنقصها تفصيلة من شاكلة , طيب والفرق شنو ؟؟؟
لذا فان معايشة محدودة بتفاصيل يوم حياتى ما , خلت انها ستكفينى مؤؤنة اجابة هكذا سؤال
من يعرفنى , سيعرف ان التفاصيل تستهوينى , لا بل انها فى بعض الأحايين تستغرقنى وتحتوينى
لذا فان هذه الخاطرة , اقتلعتنى من نوبة الحمى اقتلاعا , وبدا لى طريق العين ابو ظبى , غاية فى القصر
لا بل , ان اليوم بكامله , كان من فصائل الأيام المتقزمة , المسروقة منها بعض الساعات
لكن برغم ذلك , تعاملت معه تعامل اليوم (المدخل ) , فقد اخبرنى الرشيد ونجاة بترتيب يومين كاملين اسريين , فى دبى
علها تلقى علينا باضاءاتها , وعلها تساهم معنا فى اختصار تاريخ الحكى المضنى
بدا لنا الطريق الى الكورنيش سالكا وقريبا ,
الا ان ملاقاة الرشيد فى ذلك الشاطىء فى مكان ما منه , استعصى علينا , فزاد احساسى بتقزم اليوم وقلة ساعاته
خاصة وان رصيدى المخزن من الباراسيتمول المسكن داخل جسدى (السمين ) , بدا ينقص شيئا فشيا
واصبح لدينا كل الشاطىء مقارا لبنك ابو ظبى الوطنى , وكان فندق شيراتون الشاطىء , يتعامل معنا , تعامل السراب المتنقل كثير الحركة
مع العطشى من امثالى , المتحركين ببركة البنادول وطاقته المسكنة المحركة
يا الرشيد يوصلك لينا اللله , وقد استسلمنا لحلقة من حلقات اغانى واغانى المنبعثة من جهاز الدى فى دى امامى
Post: #7995
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 11-30-2010, 01:33 PM
Parent: #7994

حضور منصور للحكي ... نقعد فراجة ... نستمتع ونتمني ان يواصل .... يلا يا منص ... احكي وخلينا نمشي ابو ظبي ...

اليوم جاء بعض من الضيوف الجدد ... يحملون كلمات مرورهم بيمينهم .... لم اعرف حتي الآن من من القائمة منحه الحظ العضوية ... ومن منهم ... فاته الدور .... ما اعرفه ان احمد سليمان بنواحي ماليزيا اصبح عضواً كامل الدسم ... ليتنا نعرف حال البقية ...
Post: #7996
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 11-30-2010, 08:41 PM
Parent: #7995

الزناتى باص ويرد السبكى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
Post: #7997
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-01-2010, 06:20 AM
Parent: #7996

اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
Post: #7998
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-01-2010, 07:07 AM
Parent: #7997

صباح الخير ،،، يا وجوه الخير

بالله حدي يصحي الناس النايمة دي

يا نايم قوم إسحر ،،، وإستمتع

بمتابعة حكي منصور الممتع ،،،

صباحاتكم نديه ،،،،
Post: #7999
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-01-2010, 08:56 AM
Parent: #7998

يا الحبيب صحينا لقينا السحور خلص وشطب و كمان قفلوا

لكن قلنااخونا الجميل سافر السودان وحرمنا من النكات

لذا نكحى قصة محشش ينصح ولده قبل الامتحان خلونا نشوف كيف ينصحه


قال له : يا ولدي

امتحاناتك قربت وقدامك طريقين : اما تنجح او ترسب .. اذا نجحت خير

وبركة ، اما اذا رسبت فقدامك طريقين : اما تصيع في الشوارع او تسجل في العسكرية .. اذا صعت ما في مشكلة ، اما اذا دخلت العسكرية فعندك خيارين :

اما الشرطة او الجيش .. اذا اخترت الشرطة خير وبركة ، اما اذا اخترت

الجيش فقدامك خيارين : اما يوزعونك في القوات الاحتياطية او على الجبهة ..

القوات الاحتياطية خير ونعمة ، اما اذا حطوك على الجبهة فعندك احتمالين :

اما ترد بالسلامه او تصيبك قذيفة .. اذا رجعت خير وبركة ، اما اذا ضربتك

قذيفه فقدامك طريقين : اما تشفى او تموت .. اذا شفيت احمد ربك ، اما اذا مت فقدامك طريقين : اما تاكلك الكلاب او تتعفن . اذا اكلتك الكلاب خير

وبركة ، اما اذا تعفنت فقدامك طريقين : اما تتحول غاز طبيعي او نفط ..

اذا صرت غاز خير وبركة ، واذا تحولت نفط فقدامك طريقين : اما يصدرونك نفط خام او يكررونك في مصفات نفط .. اذا صدروك خير وبركة ، اما اذا
بيكررونك فقدامك طريقين : اما يحولونك زيت شل او مواد تنظيف ، اذا صرت

زيت خير ونعمة ، اما اذا حولوك مواد تنظيف

فقدامك طريقين : اما تصير صابون او تصير كلينكس ، اذا صرت صابون خير وبركة ، اما اذا صرت

كلينكس ................ > مصيرك الزباله

فاآنـجـح احسن
Post: #8001
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-01-2010, 09:22 AM
Parent: #7999

كلمات و معاني :

بينما يقول المدير: اذهب، يقول القائد: هيا بنا.

* عندما يكون الشخص هادئا تصبح الأمور بسيطة للغاية.

* خوفي من جيش من مئة خروف يقودهم أسد أكثر من خوفي من جيش من مئة أسد يقودهم خروف.

* أول طريقة لتقييم ذكاء الحاكم هي أن تنظر إلى الرجال المحيطين به.

* إحدى مهام القائد الرئيسية هي أن يبقي جذوة الأمل حية..

* ألست أدمر أعدائي حين أجعلهم أصدقائي.

* إذا كانت المطرقة هي الأداة الوحيدة معك، فستعامل كل الأشياء وكأنها مسامير.

* عندما يكون القائد في أزمة فإنه يتصرف بحدسه ثم يبحث لاحقا عن تفسيرات لتصرفاته.

* عندما يصبح البحر ساكنا يصبح الجميع بحارة.

* هناك دائما طريقة أخرى أفضل، ابحث عنها.

* لا توجه الناس إلى كيفية أداء أعمالهم، أخبرهم بالمطلوب وسيفاجئونك بابتكاراتهم.

* بالسلاح يمكنك الجلوس على كرسي الحكم، لكن لا يمكنك البقاء طويلا.

* هناك شيئ يهزني عندما أتذكر أيام شبابي، وهو أن الكثيرين قد أعانوني أو كانو مؤثرين في حياتي دون أن أنتبه لهم.

* الشخص الذي لا يسأل أبدا: إما أنه يعرف كل شيئ، أو لا يعرف أي شيئ.

* لا تجلس وتنتظر الفرصة، قم واصنعها.

* قل لي من تصاحب أقل لك من أنت.

* النسور لا تطير أسرابا بل عليك البحث عنها الواحد تلو الآخر.

* هناك ثلاث صفات ضرورية للقيادة: الوضوح، الشجاعة، والتواضع.

* لكل مسؤول يتولى منصبا حالة من اثنتين: إما يكبر أو ينتفخ..

* أنا رجل ذو مبادئ ثابتة وصارمة وأول هذه المبادئ أن أكون مرنا على الدوام.

* الوقوف على الحياد من الصراع بين القوي والضعيف لا يعني الحياد ولكن يعني الوقوف مع القوي.

* ثمن العظمة هو تحمل المسؤولية.

* إذا لم تستطع قيادة نفسك فلا تحاول قيادة الآخرين.

* تظهر لنا القراءة الممتعة للتاريخ أنه لم يستطع رجل أن ينجح عسكريا دون أن يقنع جنوده بأنه قد وضعهم في المقام الأول و قبل كل شيئ.

يبدأ الشخص رحلة النجاح في اللحظة التي يقرر فيها ذلك.


تذكر أن العبرة ليست بأن تقرأ ما يفيد
لكنما هي بأن تستفيد مما تقرأ

Post: #8000
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-01-2010, 09:11 AM
Parent: #7998

صباح الخير

قول

واحد

صحى


عقبال الباقين
Post: #8002
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-01-2010, 09:26 AM
Parent: #8000

صباح الهناء والسرور ...

منصور يا جميل .. يلا ودينا أبوظبي .. وسواقنا زينة وحالف ما يدلينا ...
Post: #8003
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-01-2010, 09:47 AM
Parent: #8002

قلنا نحسب روحنا مع الصاحين
Post: #8004
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-01-2010, 11:13 AM
Parent: #8003

نرحب بالصاحين (بس )
النائمون يمتنعون, النائمون يحلمون
بالنسبة لى رحلة ابو ظبى ,انا لا احكى يا شباب
جماليات الرحلة , وجماليات العيد , مختلفة تمام الأختلاف , عندى على الأقل ,عن اى رحلة اخرى
حتى ابوظبى ودبى , زرتهم عشرات المرات , مع اسرتى ومفردا , لكن هذه المرة كان الوقع مختلفا
والطعم اكثر اختلافا
حتى يوم السبت , ما قبل العيد بايام ثلاث , كانت خطة العيد مقتصرة على ذبح خروف ووضعه فى كرتونة
ثم اصطياد اكبر كمية من النوم
ثم تعدل البرنامج , مجرد تعديل احتياطى , لقضاء يوم او يومين فى الشرقية , مع امكانية عبور الجسر كتصرف وقائى ليوم او يومين
انجزنا الخروج والعودة يوم السبت , بهذه الخلفية
وكان السودان ايضا فى خطة البرنامج الأسرى , ولكن قصر الأجازة المدرسية , جعله خارج الترشيحات
ثم سمعنا ان الأجازة المدرسية قد مددت الى نهاية الأسبوع
مشكلة السودان عند الأسر وبنات الشيوخ ,انك لا يمكن ان تقرر الذهاب اليه , الا خلال فترة زمنية لا تنقص عن السنة , ولا شنو يا جلال
ثم كانت تلفونات احلام , التى لم تنقطع اصلا , هى العامل المحدد والمؤثر فى القرار الأخير
عندى انا , اضفت اليها , الى احلام طبعا واسرتها , ملاقاة الرشيد ونجاة حوفى واسرتهما الصغيرة
فكان القرار حاسما وسريعا , ومصحوبا بيومين اضافيين اجازة من العمل , جعلت من الأجازة ككل
ملئية ببانوراما الحياة الماضية والآتية , وكان السيناريو فى راسى , مليانا وشحمانا
يبدأ بالسلع , ويمر بالعين ورماح وابو ظبى , ويستقر حسب ترتيبات الرشيد, بعضا من الوقت فى دبى
صحبة ياسر نجيلة واسرته , ولكن قاتل الله النزلة ,
ولكن مع ذلك
نضر الله , وجه ذاك الساقى , انه بالرحيق , حل وثاقى
------ اشرقت بها شمس وجدى , فهى بالحق , جنة الأشراق
Post: #8005
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-01-2010, 11:23 AM
Parent: #8004

1234567896565555555555.jpg Hosting at Sudaneseonline.com
Post: #8006
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-01-2010, 11:34 AM
Parent: #8004

يبدو لى الأمر صعبا , بعض الشىء , هذه المرة على الأقل
فلا انا بصدد وصف مبانى , كما اننى غير مفتون لا بحضارة ولا بطقس
لذا فان الفكرة عندى , لا تبدو مضطربة فقط , لا , انها تناكفنى فتابى ان تتجسد لى بدءا
فكيف لى اذن بتوصيلها اليكم ؟؟
ان المهمة جد عسيرة وعصية
آخر مرة زرت فيها الأمارات مع اسرتى , والتقينا فيها اسرة اخى الرشيد
كان احمد ولدى -اكبر اولادى , صغيرا ما يزال , وكذلك ايثار ومجتبى
لم يكن مهند مولودا كما اذكر , اما امنية , فكانت مجرد طفلة صغيرة , حتى تواصلها مع الآخرين , من امثالى وابنائى
تواصلا ضعيفا بحكم سنها وسن اولادى كذلك
حتى اننى لاحظت , ان الأسم (امنية ) , غاب عن ذاكرتهم الصغيرة , مجرد العودة لروتين الحياة اليومى
مثل هذه التفاصيل , تهزنى انا , تحتوينى وتستغرقنى كما قلت ووضحت وابنت
كل هذا كان فى ذهنى اذ قررنا المضى للأمارات , وخططنا لبرنامج اسرى مشترك , انا والرشيد الحبيب
وعلى فكرة , لمن ااشر واقول الرشيد , فان نجاة حوفى لا تبدو عندى فقط فى الصورة , لا بل انها تتخلل اللوحة
وتبدو فيها ومن بين ثناياها , فى موقع (صميم )
عندما عرضت البرنامج المبدئى لأفراد اسرتى , تذكروا امنية بالكاد ,
كما ان صورة الرشيد ونجاة , كانت تبدو لهم من ضمن واجبات الزيارة , من شاكلة ما يضعه الآباء والأمهات من مهام اسرية واجبة التنفيذ القهرى
فيؤديها الأبناء فقط من باب انها واجبة الأداء
وان اداءها من لزوم ما يلزم , قبل ان يمضوا بخططهم الى برامجهم التى يحبون , من سباحة وسينما ومولات ومدن ترفيه وملاهى
انا كنت اعرف , ان المعايشة هى ما يلزم , لنمو احساس معرفى جديد
لم استعجل له , ولم ابدو دافعا له بقوة الجبر وسلطة الأبوة , ولكنى كنت اعرف شيئين , واثق بهما تمام الثقة
المعايشة اولا
ثم كان رهانى على شىء آخر اهم
الا وهو الشركة القائمة بين الرشيد ونجاة , وامنية ومهند
انها شركة قادرة على جذب الزبائن , وجعلهم من رواد المكان (الدائمين )
Post: #8007
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-01-2010, 12:04 PM
Parent: #8006

لوتمكنت من الدخول الى امخاخ وليداتى , الراكبين معاى فى العربية
ونحن فى رحلتنا من رماح الى ابو ظبى , لقرات ان اهتمامهم بالرحلة ينصب على جزئها الثانى
الذى جهزته نجاة حوفى بليلة ترفيهية فى المارينا مول
ثم استخدمت نجاة حوفى مفردات من امثال , بعد داك نرجع البيت ونجدع المراتب دى فى الواطة , وننوم
عشان الصباح نمشى سوا لى دبى
جديع المراتب فى الواطة , صيغة حميمة بديلة ان يا ناس ( البيت بيتكم )
ما كان لهذا المعنى ان يصل لأولادى , باقصر من مثل هذا الطريق , ولا باوضح منه
انا شخصيا لم اكن احتاجه , كما ان بنت شيخى اعتادت عليه وخبرته كامل سنين معرفتها بنجاة والرشيد , فلم يشكل لها لا المعتى ولا الأسلوب الحميم
جديدا يذكر
كان هذا ما قيل فى التلفون , وما سمعه الأبناء وشنف ىذانهم , وقال لهم برسالة شديدة الوضوح , ان الأمر ليس زيارة مجاملة
ولا هو كذلك من واجبات الكبار (الثقال )
ضاع منا الرشيد فى شارع الكورنيش , واخذ وصوله الينا وقتا مقدرا , خاصة لى انا (المدور بشحنة بنادول )
ولكن لم يكن لهم اى مجال لزهج او ضجر , فهم فى ونسة دائبة ودائمة , البى اس بى شغال , وموسيقى الجوالات تتطاقش
وكرتونات بوجى وطمطم , واغنيات اغانى واغانى , ما تكاد تنتهى الا لتبدأ من جديد
ولا يتخللها الا اضطرارا لتشغيل الجى اس بى , لنعرف مكانا , او نتأكد من وجهة
عندما وصل الرشيد , بعد طول ضهب , كان العناق حارا
ولكن حرارة جسدى , لم تختلط عند الرشيد , مع حرارة اللقاء والترحاب
امنية ومهند تركبوا معاى ؟؟؟ ونحن فى طريقنا للبيت
العوير ده بيقول شنو , كان ذلك لسان حالها وهى تنعم بجوار ابيها المغترب فى (سلعا طيرا عجم )
ومضت السيارتان مسيرة غاية فى القصر , اذ اننا ما كنا الا جوار البيت , ومع ذلك قضينا معظم يومنا الممحوق اصلا , فى الشارع
بالكاد وجدنا موقفا , ثم ركبنا المصعد الصغير على دفعتين , بعد ان حلينا مشكلة البيدوس الزر منو الأزلية , القائمة بين حجتزى ومدرار
بالحل السحرى الدائم , واحد يدوس برة , والتانى يدوس جوة
المصيبة لو ابو الزوز الغتيت , داس جوة وبرة , غايتو مافى حاجة بتسكت مدرار تانى
الا لوحين كندر كبار , ولا ليز بالجبنة الفرنسية و الله يقدرك تشيل منه ولو شريحة واحدة
ومع ان رصيدى اللياقى اوشك على النفاذ , وطعم حلقى بدا يميل الى المرارة , ودرجة حرارتى ما انخفضت اصلا
الا ان حاسة شمى , ما اصابها اى وهن , ولا افلحت فى تعطيلها لا جرام انتيبيوتك , ولا طول الأنتظار فى الكورنيش
يا ربى نجاة حوفى اتعلمت تسوى الأكل ده كلو وين ؟؟؟
البت دى مش كانت مقضياها سندوتشات بلوبيف فى الكافتريا !!!!!
Post: #8009
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-01-2010, 12:33 PM
Parent: #8007

العلاقة بين الرائحة والطعم , علاقة تناسب طردى , بطبيعة الحال
او هكذا منيت نفسى , وانا اخطو اول خطواتى لشقة نجاة حوفى الأنيقة
لاحظوا انى ما جبت سيرة الرشيد !!!
الرائحة , مع انخفاض درجات حرارة الجو , مع جودة المعروض
مع الوجوه الحسنة التى تحيط بك فى كل المكان
محمد بابكر وبت شيخه غادة , عم الريح القادم مع ابنه الطبيب البيطرى الشرطى عمر من الفجيرة البعيدة
والذى عرفت لاحقا انه متزوج من شقيفة زميلنا المنصوراوى العتيد دكتور صيدلى ياسر الطيب ابن عمة الرشيد ومحمدبابكر
ووسط معزوفات اجبارية من مصطفى محمد بابكر
وونسة حميمة , وخروف موضوع فى سرفيس انيق وكبير , شطات ومشهيات من كل صنف ولون , باذنجان مخلل نظرت اليه متمحنا
وكسرة تقع على الأم رقيقة , وقع السيوف على الحسام المهند
وانا بين كل ذلك , واقع فى حيرتى الغريبة ما بين اللون والطعم
انعل ابو الفيزياء زاتا ياخ
ولا اصلا دى كيمياء يالرشيد , مش الطعم المفروض يكون اساسا , وعلى الأقل زى الريحة
لم اعش عذابا كالذى عشت يومذاك , ما بين اغراءات الرائحة , وتمرد الطعم ومرارات الحلق , الذى لم يدع توالى جرامات الأنتيبيوتك له حيزا ليبقى حلقا او حلقوما كما كان
طفت على بوفيه نجاة يحملنى جوعى وتدفعنى الروائح الزاكيات
ملأت من الصحون , ما امتلأ وفاض واندلق وفاح
الا ان الطعم ابى , والحلق تمرد , نقول كسرة يقول الحلق لا , نقول شطة ومخلل , تعيدنى منها نظرات بت الشيخ (الحازمات )
الا اننى اتجاهلها , ولكنى لا استطيع لتمرد الحلق تجاهلا ولا تناسيا
ومن بين ثنايا كل هذا الخضم المتضاد والمتناقض , ومن بين ثنايا ونسة وتبادل حذيث وذكريات ليس اجمل منها الا رائحة الطعام
فتشت على اولادى , ما لقيتهم , كانو موزعين ما بين لاب توب وبى اس بى وبلى استيشن
احمد مع محمد ما يزال , وايثار مع ملاذ تداعبهما نجاة حينا بعد حين , اما مجتبى فكان الأكثر شعبية وطلبا
ومهند وامنيية قد دخلا معه فى ونسة حميمة لا يقطعها الا مدرار وحجازى , بينما بنات الشيوخ يتبادلون معنا وبينهم , حديثا ودودا طيبا جميلا
وعم الريح , يضفى على جلستنا طعما بمذاق الأبوة , وطعم العيد السودانى الجميل
اما انا , فحبتين بنادول حتى ولوكانتا (اكسترا بس )
كافيتين لتدوير الماكنة , ام حلقا (متمرد ومسيخ )
Post: #8008
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-01-2010, 12:09 PM
Parent: #8006

قصة حقيقية .... أعجبتني جداً أصبر على قراءتها


بعد انتهاء مراسم الحج وانفضاض الحجيج كل في حال سبيله اكتض المطار
بالحجاج العائدين الى بلادهم وهم ينتظرون طائراتهم لتقلهم الى الاحباب
الذين ينتظرونهم بفارغ الصبر , جلس سعيد على الكرسي وبجانبه حاج اخر
فسلم الرجلان على بعضهما وتعارفا وتجاذبا اطراف الحديث حتى قال الرجل الاخر :
- والله يا أخ سعيد انا اعمل مقاولا وقد رزقني الله من فضله وفزت بمناقصة اعتبرها
صفقة العمر وقد قررت ان يكون اداء فريضة الحج للمرة العاشرة اول ما أفعله
شكرانا لله على نعمته التي انعم بها علي وقبل ان أتي الى هنا زكيت اموالي وتصدقت
كي يكون حجي مقبولا عند الله .ثم اردف بكل فخر واعتزاز :
- وها انا ذا قد اصبحت حاجا للمرة العاشرة
اومأسعيد برأسه وقال :
- حجا مبرورا وسعيا مشكورا وذنبا مغفورا ان شاء الله
ابتسم الرجل وقال :
- اجمعين يارب وانت يا أخ سعيد هل لحجك قصة خاصة ؟
اجاب سعيد بعد تردد :
- والله يا أخي هي قصة طويلة ولا اريد ان اوجع رأسك بها
ضحك الرجل وقال :
- بالله عليك هلا اخبرتني فكما ترى نحن لانفعل شيئا سوى الانتظار هنا .
ضحك سعيد وقال :
- نعم, الانتظار وهو ما تبدأ به قصتي فقد انتظرت سنينا طويلة حتى احج
فأنا اعمل منذ ان تخرجت معالجا فيزيائيا قبل 30 سنة وقاربت على التقاعد
وزوجت ابنائي وارتاح بالي ثم قررت بما تبقى من مدخراتي البسيطة أداء فريضة
الحج هذا العام فكما تعرف لايضمن احد ماتبقى من عمره وهذه فريضة واجبة .
رد الرجل :
- نعم الحج ركن من اركان الاسلام وهو فرض على كل من استطاع اليه سبيلا .
اكمل سعيد :
- صدقت , وفي نفس اليوم الذي كنت اعتزم فيه الذهاب الى متعهد الحج بعد
انتهاء الدوام وسحبت لهذا الغرض كل النقود من حسابي, صادفت احدى الامهات
التي يتعالج ابنها المشلول في المستشفى الخاص الذي اعمل به وقد كسا وجهها
الهم والغم وقالت لي استودعك الله يا اخ سعيد فهذه اخر زيارة لنا لهذا المستشفى
استغربت كلامها وحسبت انها غير راضية عن علاجي لابنها وتفكر في نقله لمكان اخر فقالت
لي لا يا أخ سعيد يشهد الله انك كنت لابني احن من الاب وقد ساعده علاجك كثيرا بعد ان كنا
قد فقدنا الامل به .
اسغرب الرجل وقاطع سعيد قائلا :
- غريبة , طيب اذا كانت راضية عن ادائك وابنها يتحسن فلم تركت العلاج ؟
اجابه سعيد :
- هذا ما فكرت به وشغل بالي فذهب الى الادارة وسالت المحاسب عن سبب ماحدث وان كان
بسبب قصور مني فاجابني المحاسب بان لاعلاقة لي بالموضوع ولكن زوج المرأة قد فقد
وظيفته واصبح الحال صعبا جدا على العائلة ولم تعد تستطيع دفع تكاليف العلاج الطبيعي
فقررت ايقافه .
حزن الرجل وقال :
- لاحول ولا قوة الا بالله , مسكينة هذه المرأة فكثير من الناس فقدت وظائفها بسبب ازمة
الاقتصاد الاخيرة , وكيف تصرفت يا اخ سعيد ؟
اجاب سعيد :
- ذهبت الى المدير ورجوته ان يستمر بعلاج الصبي على نفقة المستشفى ولكنه رفض رفضا قاطعا
وقال لي ان هذه مؤسسة خاصة تبتغي الربح وليست مؤسسة خيرية للفقراء والمساكين ومن لايستطيع
الدفع فهو ليس بحاجة للعلاج .
خرجت من عند المدير حزينا مكسور الخاطر على المرأة وابنها خصوصا ان الصبي قد بدأ يتحسن
وايقاف العلاج معناه إنتكاسة تعيده الى نقطة الصفر , وفجأة وضعت يدي لا اراديا على جيبي
الذي فيه نقود الحج , فتسمرت في مكاني لحظة ثم رفعت رأسي الى السماء وخاطبت ربي قائلا :
اللهم انت تعلم بمكنون نفسي وتعلم ان ليس احب الى قلبي من حج بيتك وزيارة مسجد نبيك وقد
سعيت لذلك طوال عمري وعددت لاجل ذلك الدقائق والثواني ولكني مضطر لان اخلف ميعادي معك فاغفر
لي انك انت الغفور الرحيم .
وذهبت الى المحاسب ودفعت كل مامعي له عن اجرة علاج الصبي لستة اشهر مقدما وتوسلت اليه ان
يقول للمراة بأن المستشفى لديه ميزانية خاصة للحالات المشابهة .
ادمعت عين الرجل :
- بارك الله بك واكثر من امثالك, ولكن اذا كنت قد تبرعت بمالك كله فكيف حججت اذا ؟
قال سعيد ضاحكا :
- اراك تستعجل النهاية , هل مللت من حديثي ؟ اسمع ياسيدي بقية القصة , رجعت يومها الى
بيتي حزينا على ضياع فرصة عمري في الحج وفرح لأني فرجت كربة المرأة وابنها ونمت ليلتها
ودمعتي على خدي فرأيت نفسي في المنام وانا اطوف حول الكعبة والناس يسلمون علي ويقولون لي
حجا مبرورا ياحاج سعيد فقد حججت في السماء قبل ان تحج على الارض , دعواتك لنا ياحاج سعيد ,
حتى استيقظت من النوم وانا احس بسعادة غير طبيعية على الرغم من أني كنت شبه متاكد اني لن
اتشرف يوما بلقب حاج , فحمدت الله على كل شيئ ورضيت بأمره .
وما ان نهضت من النوم حتى رن الهاتف وكان مدير المستشفى الذي قال لي :
- ياسعيد أنجدني فأحد كبار رجال الاعمال يريد الذهاب الى الحج هذا العام وهو لايذهب دون
معالجه الخاص الذي يقوم على رعايته وتلبية حاجاته, ومعالجه زوجته في ايام حملها الاخيرة
ولا يستطيع تركها فهلا أسديتني خدمة وذهبت بدلا عنه ؟ لا اريد ان افقد وظيفتي اذا غضب مني
فهو يملك نصف المستشفى .
قلت له بلهفة :
- وهل سيسمح لي ان احج ؟
فاجابني بالموافقة فقلت له اني ساذهب معه ودون اي مقابل مادي , وكما ترى فقد حججت وباحسن
مايكون عليه الحج وقد رزقني الله حج بيته دون ان ادفع اي شيئ والحمد لله وفوق ذلك فقد اصر الرجل
على اعطائي مكافئة مجزية لرضاه عن خدمتي له وحكيت له عن قصة المرأة المسكينة فأمر بان يعالج
ابنها في المستشفى على نفقته الخاصة وان يكون في المستشفى صندوق خاص لعلاج الفقراء وفوق ذلك فقد اعطى زوجها وظيفة لائقة في احدى شركاته .
نهض الرجل وقبل سعيد على جبينه :
- والله لم اشعر في حياتي بالخجل مثلما اشعر الان يا اخ سعيد فقد كنت احج المرة تلو الاخرى وانا
احسب نفسي قد انجزت شيئا عظيما وان مكانتي عند الله ترتفع بعد كل حجة ولكني ادركت لتوي ان حجك
بالف حج من امثالي فقد ذهبت انا الى بيت الله بينما دعاك الله الى بيته ومضى وهو يردد:
غفر الله لي, غفر الله لي .
Post: #8010
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-01-2010, 02:39 PM
Parent: #8008

دا منو دا
عضو جديد هل من مرحب
Post: #8011
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-01-2010, 03:06 PM
Parent: #8010

وهذه ايضا قصة أعجبتنى ,,



المرأة المتكلمة بالقران
ذكر بن عباس في كتابه طرائف النساء ....ذكر:
أن الأمام عبد الله بن المبارك خرج ذات مرة للحج إلى بيت الله الحرام وزيارة قبر نبيه - صلى الله عليه وسلم-
يقول عبد الله بن المبارك : وبينما أنا أسير في بعض الطريق إذا بي أرى سواد فتميزته فإذا بها امرأة عجوز
عجوز عليها درع من صوف أسود وخمار من صوف فاقتربت منها فلما اقتربت منها قلت لها
// السلام عليكم ورحمة الله وبركاته .
- فقالت: (( سلام قول من رب رحيم ))
// فقلت : يرحمك الله يا أمة الله ماذا تصنعين في هذا المكان ؟
- فقالت( ومن يضلل فلن تجد له ولي مرشدا))
قال فعلمت من كلامها أنها ضلت الطريق
// فقلت لها : فإلى أين تريدين ؟ إلى أين الذهاب ؟ إلى أين المسير ؟
- فقالت: (( سبحان الذي أسرى بعبده ليلاً من المسجد الحرام إلى المسجد الأقصى))
قال فعلمت من كلامها أنها قد قضت الحج وتريد أن تزور بيت المقدس
// فقلت لها : منذ كم وأنتِ في هذا المكان؟
- فقالت: (( ثلاثة ليالي سويا ))
// فقلت لها : أنا لا أرى معكِ طعام ولا شراب فمن أين تأكلين ؟
- فقالت: (( هو الذي يطعمني ويسقين ))
// فقلت لها : فبماذا تتوضئين إذا جاءك الصلاة ؟
- قالت : ((فإن لم تجدوا ماء فتيمموا صعيدا طيبا ))
// فقلت لها : أن معي بعض الطعام والشراب فهل أعطيكِ منه ؟
- فقالت: (( ثم أتموا الصيام إلى الليل ))
فعلمت أنها صائمة
// فقلت : لماذا لا تكلميني مثلما أكلمكِ؟ لماذا لا تتحدثين معي كما أحدثكِ ؟
- فقالت : (( ما يلفظ من قول ألا لديه رقيب عتيد ))
// فقلت لها : هل لي أن أحملكِ على ناقتي هذه ؟
- فقالت : (( وما تفعلوا من خير فإن الله به عليم))
قال فأنخت الناقة أنخت ناقتي لتركب عليها فلما أنخت الناقة....
- قالت : (( قل للمؤمنين يغضوا من أبصارهم ))
قال فغضضت بصري فلما ركبت
- قالت : (( سبحان الذي سخر لنا هذا وما كنا له مقرنين أنا إلى ربنا لمنقلبون ))
قال فسرت بها قليلاً
// فقلت لها : يا أمة الله هل أنتِ متزوجة ؟
- فقالت: (( يا أيها الذين آمنوا لا تسألوا عن أشياء أن تبدَ لكم تسؤ كم))
قال فسكت ولم أتحدث معها حتى أدركنا القافلة
// فقلت لها : هذه هي القافلة فمن لكِ فيها ؟ هل لكِ فيها أحد فأناديه ؟
- فقالت: (( المال والبنون زينة الحياة الدنيا ))
قال فعلمت من كلامها أن لها أولاد في القافلة
// فقلت لها: وما شأنهم ؟ ماذا عملهم ؟ ماذا يفعلون في القافلة ؟ أهم مسافرون ؟
- فقالت : (( وعلامات وبالنجم هم يهتدون ))
قال فعلمت أنهم أدلاء الركب قال فتحركت بها إلى العمارات والقباب التي يجلس بها المسافرون
// فقلت لها : نحن أمام هذه العمارات فمن لكِ فيها ؟ فمن أنادي ؟
- فقالت : (( واتخذ الله إبراهيم خليلا)) ((وكلم موسى تكليما)) ((يا يحيى خذ الكتاب بقوة ))
قال فناديت : يا إبراهيم يا موسى يا يحيى قال فأقبل ثلاثة من الشباب كأنهم الأقمار قال : فلما جلسوا بين يدي أمهم
- قالت : (( فابعثوا أحدكم بورقكم هذه إلى المدينة فلينظر أيها أزكى طعاما فليأتكم برزق منه ))
تريد أن تضيف عبد الله بن المبارك قال: فذهب أحدهم فجاءنا بطعام وشراب فوضعه أمامي
فقالت لنا العجوز : (( كلوا وشربوا هنيئا ً بما أسلفتم في الأيام الخالية ))
// فقلت : طعامكم وشرابكم حرام علي حتى تخبروني ما شأن أمكم هذه ؟ ما قصتها ؟
فقالوا : أن أمنا هذه منذ أربعين سنة وهي لا تتكلم ألا بالقرآن مخافة أن تزل لسانها فيسخط عليها الرحمن
فقلت : (( ذلك فضل الله يؤتيه من يشاء والله ذو الفضل العظيم
Post: #8012
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-01-2010, 04:15 PM
Parent: #8011

يا جماعة جلال عثمان ده زول يديهو بريزته يخليهو ينزل ركب غلط ....
Post: #8013
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-01-2010, 05:41 PM
Parent: #8012

Quote: يا جماعة جلال عثمان ده زول يديهو بريزته يخليهو ينزل ركب غلط ....

انا زاتي قلت كدة ...
هو داك فاضى لينا من مساككت العربات في الدلالة
.
..
ابوالزوز كيفنك ياخ ووليداتك
Post: #8014
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-01-2010, 05:52 PM
Parent: #8013

يا ابو الجل وانت الصادق ...

محمد الهادي هذا صديق مشترك لي وموسي عيسي من ناس المنصورة .... وهو بلديات موسي عيسي ... راجل سكره ومقيم في الرياض ...


اها قبل ما تخمنا عليك الله قوم ادينا فاتحتنا وبعدين نشوف موضوع محمد الهادي
Post: #8015
Title: Re: ناس الزقازيق ... أجدع ناس ( 3 ) ..
Author: محمد الهادي
Date: 12-01-2010, 08:39 PM
Parent: #8014

التحيه ليكم يا ناس الزقازيق متابع البوست من زمن
وماشاء الله عليكم انشط ناس من طلاب مصر المحروسه
بعدين يا زهير جلال قا صد محمد الهادي بتاع الزقازيق
الراجل ماراكب غلط مرحب جلال انا بتاع المنصوره
Post: #8016
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-01-2010, 09:32 PM
Parent: #8015

مرحب بالزميل محمد الهادي المنصوري و الراجل زقازيقي

الهوى و منصوري الانتماء و الحقيقة الراجل مشتري ناس

الزقازيق و متابع و متاوق من زمن للمنبر الي ان كتب

الله له الحكيرة في البوست بس اعملوا حسابكم من وجع الوش



و شنو يا ابو الجل عاملها شينه مرة واحدة و برضو نحن فاتحتنا

ما متنازلين منها ؟
Post: #8017
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-02-2010, 07:08 AM
Parent: #8016

صباح الهناء والسرور ...

أولا نرحب بأخونا محمد الهادي ود المنصورة والبيت بيتك وخد راحتك على الآخر ...

منصور المنصور الله يديك العافية .. غايتو نزلة الجن دي لو عرفت اللي إنت كتبتو فيها دا يمين تاني ما تجي بي جنبك .. يا أخي إنت إنسان ممتع ومصوراتي أديب بشكل ممبالغ فيهو .. حقيقي الحكي عندك والكلام الطاعم حقك براك .. يا ود أمي أقدل ساكت وقشة ما تعتر ليك وكان داير تجك كلنا حأنجك معاك .. والله من حلاوة وطعامة كلامك قاعد أفكر نعمل ليك شيرنغ وكل مرة تسافر لي بلد جديد بس عشان تجي توصف وتحكي .. زادك الله من نعمه ومن خيره وبالصحة والعافية ...

الكوتش .. لا إنت شكلك نايم في الخط .. ما قلنا عايزين نحبط مخططات الشيخ جلا ...
Post: #8018
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-02-2010, 07:12 AM
Parent: #8016

يا جلال لو الزول ده طلع محمد الهادى حقنا والله والله بكرة الجمعة
تلقوا البوســت ده معروض للبيع فى دلالة الصحافة

كفاية علينا من شقة واحدة سامى وجلال ولو فى باسورد جديد اولى
بيهو عزام

عموما ناس المنصورة برضو حبايبنا يا محمد الهادى ، كدى قول لينا
منو اكتر زول من الزقازيق كان عامل ليكم وجع وش
Post: #8019
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-02-2010, 07:54 AM
Parent: #8018

بسم الله
مبروووك الباسويرد يا ود المنصورة
إنشاء الله يضوي ليك

أها الموضوع شنو يا جماعة؟؟؟؟
Post: #8020
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-02-2010, 07:55 AM
Parent: #8016

صبحكم الله بالخير

اليوم عطلة في الامارات بمناسبة عيد الاتحاد لذلك فأنا بأبو ظبي منذ البارحة...
قمت مبكرا صباح اليوم و كأنه يوم عمل عادي...
ثم لبست ملابس الرياضة بعد صلاة الفجر...
و الى كورنيش أبو ظبي الرائع الفائق الجمال...
تسبقني كرشتي التي تربت على دجاج الكنتاكي و البيتزا هت...
و للملاح القرين نصيب مقدر أيضا فيها...
أضفى الجو الجميل هذه الأيام الى المكان جمالا على جماله...
كنت أظنني سأكون وحدي بالكورنيش في هذا الوقت الباكر...
فوجدته مكتظا...عرب و آسيويين و أوربيين...
شيوخ و شباب و أطفال...نساء و رجال...
عبايات و شورتات و برمودا شورت...
جكسا في خط ستة و في خط تمنتاشر...
غض كل شيء ممكن الا غض البصر...
فأنا أحتاجه للمرور عبر أرتال الماشين و الراكضين...
أستنشق عبير الفل المختلط بنفحات البحر...
فتمتليء رئتي هواءا صحيا...و ترتفع مؤشرات الطاقة في جسدي...
و تحلق روحي في الفضاء...
آآآآخ من أبوظبي...انها مدينة أعشقها...
منذ حضوري الى أبو ظبي في العام 97 و هي لا تبقى على حال...
تتغير فيها الأشياء و المعالم سريعا كل يوم...
تمضي بسرعة الصاروخ الى العالم الخيالي...
و لربما تصبح قريبا من مدن المستقبل...
هذا الكورنيش تم بناءه و هدمه ثلاث مرات...
و ما زال التغيير مستمرا...
قال لي لي أحد زوارنا الأمريكان ان منطقة الكورنيش تذكره بميامي...
أما أنا فلقد ذكرتني اليوم...
ان فترة عملي بالسلع و الغربية قد طالت...
هل من عودة تاني...
Post: #8021
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-02-2010, 08:15 AM
Parent: #8020

جني و جن المداخلة البتخش الفريزر
قبل كدا كلمتك
المداخلة البتكون خشت الفريزر
بتكون بااااردة
ونحن ما ناقصين
Post: #8022
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-02-2010, 09:02 AM
Parent: #8021

Quote: جني و جن المداخلة البتخش الفريزر
قبل كدا كلمتك
المداخلة البتكون خشت الفريزر
بتكون بااااردة
ونحن ما ناقصين


دي ما كانت في الفريزر...
دي كانت تحت الزير...
أنظر للزمن طال عمرك تجد الاجابة...
تمشي بورسودان تمشي كادوقلي...
برضو عكلتك دي ما بتخليها..
Post: #8023
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-02-2010, 09:52 AM
Parent: #8022

Quote: اليوم عطلة في الامارات بمناسبة عيد الاتحاد لذلك فأنا بأبو ظبي منذ البارحة...

يعني موعودين بحكي جميل وطاعم اليوم ..
جلا دا ما عليك منو ... اصلوا "دراريبو" دي مابخليها
نادي ليهو موسى عيسى ... بعرف ليهو تمام ...

الرشيد كيف حالك ياخ
وجلا ان شاء الله كويس ورجعت من بورسودان
Post: #8024
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-02-2010, 09:53 AM
Parent: #8022

ابهجتنى حكايتى الريس ميسرة , والحبيب محمد عيد
وامعنتا فى ابهاجى
الحج فرض على المسلمين مرة فى العمر , وربط بالأستطاعة
والأستطاعة , جوانبها متنوعة ومختلفة , لا بل انها شخصية وغير منظورة فى احيان كثيرة
حتى اخراج الزكاة المفروضة الراتبة , اذا ما اثر سلبا فى استطاعة الحج
فان اخراج الزكاة , خاصة اذا ما كان اخراجا فى موضعه , واسهم فى فك كربة عن عبد آخر
كان اولى عند الله من الحج
كما ان الحج المربوط بالأستطاعة , كان فى المرتبة الخامسة من اركان الأسلام الخمس , فى حديث (بنى الأسلام ---) المعروف
كثرة وتوالى الحج , سنة بعد سنة , وعاما بعد عام , مع انه عبادة مشروعة ولا شك , الا انه وفى الآونة الأخيرة , اتخذ شكل (المتاع الدنيوى الشوفينى )
دون ان ادعى ان ذلك سلوك عام , الا انه وعلى الأقل , سلوك خاص , لم يراعى ترتيب الأولويات
التعدد , والظفر برخصة المثنى والثلاث والرباع , له اوجه شبه كثيرة , بتعدد الحجات وتواليها ,سنة بعد سنة , وعاما اثر عام
حتى خرج عن مالوفه , وسياق سنته الكونية والشرعية , لا بل اتخذ شكل التباهى والتفاخر
كما انه اتخذ شكلا اخطر , الا وهو شكل التنفيس عن شهوات من المفترض كبحها , والأنصراف عنها الى (السكن الربانى ) , وخلقنا لكم من انفسكم ازواجا لتسكنوا اليها
وجعلنا بينكم مودة ورحمة
وحتى التعدد المشروع والمسبب , هو مدعاة فى اوله وآخره الى الأمعان فى التوادد والتراحم
بينما اول وآخر تعدد (البيوت والجوائز واليانصيب وزواج العرف والمسيار )
هى مجرد بدائل لا منطقية لتسهيل الزواج , السهل فى اساسه وحكمته وغرضه ومبتغاه , ولكنه اصبح غاية فى الصعوبة , عند مستحقيه وطالبيه
ومسببات الصعوبة انما نتجت عن طغيان ثقافة التطفل وتركيز الأموال فى ايادى (غير منتجة ) , اكتنزت هذه الأيادى الأموال وعطلت حركة الأقتصاد
فكان من اساليبها التى تخترع كل يوم لزيادة كوم الموالين , هو صرف تلك الأموال المكتنزة والمعطلة لحركةالأقتصاد المنتج
وتحويلها لوسائل تجنيد واسترضاء واستمالة (ممقوتة ) , وصلت لدرجة بنزوجك (وبنزوجك بكسر الجيم ) , ونديك بيت كمان
فيستعبدوا بذلك اسرة حديثة التكوين , ليس لها من مقومات الأنشاء والتكوين , اى شىء يذكر
كل ذلك ومستحقى الزواج الأصليين من الشباب الفاقد لفرص العمل والتعليم , فى غربة عظيمة , ولا تفتح لهم ابواب الحياة الكريمة الا بأساليب مماثلة
ظاهرها تسهيل الزواج , وباطنها الصرف من الأموال المكتنزة , للصرف على هذه الزيجات التى ليس لها من مظاهر التسهيل
الا ان (الشاب والشابة ) لم يدفعا شيئا من تكاليف زواجهما , بل دفعت لهم من اموال التطفل والكسب السريع
فكان زواجهما مهرجانا حزبيا مصروفا ومتعوبا عليه من المخططين لتكبير الكيمان (المتورمة )
هل هناك اسهل من ان نزوج راغبى الزواج الفعليين , بالفاتحة
اصلوا العرس بالفاتحة يا ناس ما حلال ؟؟؟؟!!!
اسكنوا يرحمكم الله
Post: #8025
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-02-2010, 10:23 AM
Parent: #8024

Quote: نادي ليهو موسى عيسى ... بعرف ليهو تمام ...

شوفو بوست ما فيهو جكس
مابنفع مع الزول دا

دايرين تغالطوني
أمشو شوفوهو في بوستات رانية محمد الشيخ
عشان كدا يا جلال إعتبر نفسك حااارق

و بالمناسب الأسباني القاعد يكبو منصور هنا
ما بنفع مع الزول دا
Post: #8026
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-02-2010, 11:28 AM
Parent: #8025

أيهما أسهل كتابة مذكراتك أم وصف رحلة من مكان إلى آخر؟؟؟؟
يبالغ منص في وصف الأمكنة و الزمان مرتحلاً من فجة لأخرى...
قلنا له أنك تحكي و تقص و تبدع في كتاباتك
يقول أنه ليس بكاتب ..... و لكنه يصف فقط
معناها موسى عيسى ليس بقارئ
لأنه يصعب على الآخرين متابعة وصفه .....
ما لم تكن مضادات الأنتيبيوتكية...
المتمثلة في فنجان الجبنة و حجر الشيشة حضوووور
عن نفسي أقرأ ما شئت أن أقرأ
ثم أهرول إلى شاطئ البحر أملأ رئتي من الجهة المقابلة لشاطئ جدة
تحجبني فنارات ميسرة و النضيف لرؤية الفتى الأبنوسي
و طالما هو يصف أبوظبي بمداد البحر
و طالما بحر أبوظبي يختلط بالبحر الأحمر
فأعتبر نفسي محظوظاً...و أعتبر نفسي إلتقيته
و ذلك كون الكلمات مأخوذة من نفس المكان الذي أتواجد فيه
سأمضي إلى الخرطوم عاصمة السودان
و سأجد زادي الواحد المتوحد ينتظرني
و سأنسى منص و رش وجُل و زوز
و البحر زاتوووووووو
ينعل أبو....
Post: #8027
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-02-2010, 01:26 PM
Parent: #8026

والله يا جلا بقيت كتاب عديل ....

غايتو منصور هد فيك شوية
Post: #8028
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-02-2010, 02:44 PM
Parent: #8027

Quote: غايتو منصور هد فيك شوية

قالو من جاور السعيد يسعد
عليك الله شوف
منص، رش، الكوتش، ود المهدي، أبوبكر و بيناتهم مصطفى محمد الحسن و آخرووون
عندي عقدة من ذكر الأسماء
لكن أسوي شنو؟؟؟؟
كل الناس الذين ذكرتهم بتوافقوني فيهم بأنهم كتااابين
بما فيهم زهير الزناتي
عليك الله لو ديل ما هدو فيك
مش أخير تنتحر بس ... يعني حا تمشي وين؟؟؟؟؟
المغصة كاتلاني
ألحق الفتوشوب دا كيف؟؟؟؟؟
محمد عيد و الريس و السيدة الأولى
عليكم الله كان ما هديتو فيني
أما بقية الزقازيقيون البقية
فيكفيني أنني بينهم أتمايل طرباً و عكلتة جوه جوفهم
أنا أحبكم دوماً و لا بد

ينعل جمكسين طارق جبريل زااااتو
Post: #8029
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-02-2010, 03:42 PM
Parent: #8028

انت يا جلا نصيح?
من غير منص ما يهد فيك ما مريحنا..
براحه علينا نحن مدروخين من الأبنوسي..

يا جماعه مفعول الحج كم?
والله عندي جمجرااات على جبريلا..
وماسك نفسي..
أفتوني أيها الملأ..
وبخص النضيف برضو بالسؤال..
لأنو مذهبو متساهل شويه..

البرلوم محمد حسن..
إن وصفت كما وصف منص وازددت فلن أوفي..
لكن البرلوم تاعبني بالشاي باللبن في شارع النيل..
برنامج أساسي..
ياللا امبارح إتمردنا وقلنا ليهو ودينا برنامج تاني..
ودانا أكلنا آيسكريم في كافي في الرياض..
ومنها على شارع النيل..

في ظروف غامضه إلتقيت البادي صدفه..
دي إلا يوصفها ليكم هو..
ظروف الحج وكدا..
Post: #8030
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 12-02-2010, 03:44 PM
Parent: #8028

العزيز جلا
لقد اقحمتنا في زمره المبدعين
رفع الله قدركم وأعلى شأنكم
أطريتمونا بما نحن أقل منه

اللهم لا تؤاخذني بما يقولون
واغفر لي ما لا يعلمون
واجعلني خيرا مما يظنون
Post: #8031
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-02-2010, 10:10 PM
Parent: #8030

مساءآتكم بالهناء والسرور ...

رشيد القوم والله منور يا باشا ...

ودالمهدي يا أخي إنت وين طولت الغيبة .. أبقى أظهر ...

الحاج حاتم جبارة يا أخي بطل جمجرة يعني لو إنت ما حجيت قبل يومين يعني كان ممكن تقول شنو .. غايتو الله يسامحك .. وبرضو السودان ظروفو صعبة .. الحقيقة لا ظروف غامضة ولا حاجة كل المسألة صدفة ورب صدفة خير من ألف ميعاد .. والمكان عام ومشروع لكل الناس ومشروع لأسباب كثيرة ومتباينة وكل يغني على ليلاه ...

مبروك لقطر تنظيم كأس العالم لسنة 2022 والله فرحنا وزي ما بقولوا كلنا قطر ...

الكوتش بكرة زواج أخونا علي نجيلة .. إيه رأيكم نجعلها لمة زقازيقابية حلوة ...
Post: #8032
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-03-2010, 08:00 AM
Parent: #8031

صباح الهناء والسرور ...

وين يا جماعة ناس وردية الليل وناس الليل ...

خليتوني أقدل براي .. هييييع أنا الكيك ...

وتاني مبروك لقطر هذا الشرف العظيم ...

وجمعتكم مباركة ...
Post: #8033
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-03-2010, 07:25 PM
Parent: #8032

جمعتكم مباركة

عساكم طيبين و مجمعين و ملمومين...
انشغلنا عنكم و منيت نفسي أجي أقعد أقرأ...
لكن لقيتكم أديتو البادي ده فرصة يقدل ليهو بمداخلتين يعمل لينا فيها
حرس الحدود و لا انبي ما عارف...
على العموم يا البادي لك التحية و التقدير و منور...
و ليكم جميعا...
Post: #8034
Title: Re: ناس الزقازيق ... أجدع ناس ( 3 ) ..
Author: عمر هواري
Date: 12-03-2010, 10:05 PM
Parent: #8033

الجدعان الزقازيقيون كيفكم والله مشتاقين
أولاً التحية للأعزاء منصور وميسرة ومحمد عيد على مساهماتهم الرائعة
وأهني الحاج حاتم بالحجة ،، طبعاً الحاج حانم دي غريبة شوية
زمان كان نقول حاج أحمد وإبراهيم وأبكر لكن هسه حاج هيثم وحاج تامر والسنة الجاية حنقول حاج زهير
وياحانم انا بنصحك بعد ماحجيت الحجة الجيت ليها من امريكا البعيدة ديك أن تبعد من البرلوم لأنو حيبوظها ليك
وخليك ماسك في ناس حاج جلا والبادي ..
عزيزي زوز كيفك وشايف كتاباتك بقت قصيرة الظاهر بقى في زحمة في الزمن
التحية لك أخي موسى عيسى والتحية للأخ محمد الهادي من المنصورة
وتحياتي أخوتي جلال ,عبدالدائم ,الرشيد
ونتمنى أن تجمعنا بكم الأيام قريباً
Post: #8035
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-04-2010, 07:33 AM
Parent: #8034

اللهم اجعلنا ممن دعاك فأجبته

واستهداك فهديته، واستنصرك فنصرته

وتوكل عليك فكفيته، وتاب إليك فقبلته

اللهم طهر قلوبنا من النفاق، وأعمالنا من الرياء

وألسنتنا من الكذب وأعيننا من الخيانة



الجميل عمر بسكو انت ولد حلال والله البارحة كنا مع الجميل

محي الدين عابدين حتى ساعة متاخرة من الليل و قد ورد

ذكرك كثيرا فلك التحية و علي العموم اخي محي الدين عابدين

ود تجارة ود المفازة دفعة مكي عباس و عبدالمنعم عبدالله حافظ

الشيخ و الشيخ الكناني موجود بالرياض منذ عام و هو يغريكم

السلام و من متابعي البوست بشغف .
Post: #8036
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-04-2010, 07:40 AM
Parent: #8034

صباح الخير ،،، يا وجوه الخير

غبنا عنكم يومين ولكن البيت محروس والبادي

يقدل زي ما عايز وبدأ يسال من ناس الليل ،،،،

بحكم قربنا من مكة المكرمة ذهبنا هناك ولكن ما زالت

مكة ممتلئة بحجاج الخارج (ليست من كلمة الخوارج) لوجود حجاج الداخل

وكل طرقات مكة وشعابها ممتلئة وكأن الحجاج لا يرغبون أو يخافون فراق

هذه الأماكن المقدسة فهم يتمسكون ويتبركون بها ، الحاج حاتم تمسك بحجتك

ما زال الحجاج هنا لم يبرحو أماكنهم.

نرحب بأخونا محمد الهادي - بتاع المنصورة - أحلى ناس وطبعاً جلال ما قدر يخمنا

الشيخ جلا صاحب موسى عيسى شايفك متجلي ، داير تحلق منصور ذاتو،،،،،،

عمر يا هواري صورة البروفايل جميلة ومعبره مع المنظر البديع لخلفية الصورة

إختيار راقي وموفق .

لنهنئ جميعنا دولة قطر لهذا الإنجاز التاريخي ومفخرة العرب حتى نخفف عن صورة

العربي والمسلم الإرهابي في نظر بعض الأروبيون والأمريكان .
Post: #8037
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-04-2010, 07:46 AM
Parent: #8034

سلام وتحيات

يا بسكو ده بقي عصر السرغة ...

كلمتين كفاية ... التالتة بتجيب اللوم ...

وين ياخي مشتاقين ...
Post: #8038
Title: Re: ناس الزقازيق ... أجدع ناس ( 3 ) ..
Author: عادل عبدالرحمن إبراهيم
Date: 12-04-2010, 09:06 AM
Parent: #8037

زهير ياخي خلى الشحتفة دي وكمل حكاية تور الخلا
Post: #8039
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-04-2010, 09:36 AM
Parent: #8038

صبحكم الله بالخير

لليوم الثالث على التوالي و أنا أنعم باجازة العيد الوطني...
ثم راس السنة الهجرية و التي من المفترض أن تكون يوم الثلاثاء القادم...
الا أنه قد تم ضمها لاجازة العيد الوطني...
و رغم طول اليوم الا أن المهام الموكلة الي تجعله يمر سريعا...
فأنا مشتت بين تور الخلاء و تدريس أمنية مادة الاسلاميات...
و لمن يتسائلون عن ماذا تعني تور الخلاء..
فهو بوست في المنبر العام أنصحكم بزيارته...
و قضاء وقت ممتع هناك...
تكفلت نجاة بالمواد الأخرى و تركت لي الاسلاميات...
و لأن الاسلاميات تدرس باللغة الانجليزية قلت ربما تعتقد نجاة انني أحمد ديدات...
مالها مادة اللغة العربية أو حتى English literature....

اللهم لا اعتراض في حكمك يا الله
Post: #8040
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-04-2010, 09:41 AM
Parent: #8039

تشتغل بدون حركات ولا ننفيك لبورتسودان ؟؟؟؟؟؟؟؟؟؟؟؟؟؟؟


كاك كاك كاك ...
Post: #8041
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-04-2010, 09:54 AM
Parent: #8040

Quote: تشتغل بدون حركات ولا ننفيك لبورتسودان ؟؟؟؟؟؟؟؟؟؟؟؟؟؟؟


شن طعمه بورتسودان بعد ما رجع منها جلا...
أقول ليك حاجة....
أنفيني الفتيحاب....
Post: #8042
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-04-2010, 10:02 AM
Parent: #8039

لغاية ما ضغطت على زر (رد )
يمينا بالله ما عارف انا داير اكتب شنو ؟؟
لكن من باب (الدخول لى حرم الجمال , جمال )
فانا اتوكل وادخل برجلى اليمين
خاصة وان الدنيا , سبت
وعمر بسكو قاعد
وعادل عبد الرحمن جا
وجلا مرقها من بورتسودان ماشى الخرطوم
وموسى عيسى كان امبارح مساهر لى انصاص الليالى
والرشيد بابكر مؤجز ليهو تلاتة يوم
وميسرة كان فى مكة
وحاتم جبارة مستعجل على العدة
مش انت اكلت ايسكريم مع محمد حسن البرلوم فى الرياض
عدتك ما انتهت زمان يا معلم
حالتو كمان قال قابل البادى بالصدفة
آل عدة آل
Post: #8043
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-04-2010, 11:05 AM
Parent: #8042

Quote:

أقول ليك حاجة....
أنفيني الفتيحاب....


هي ذاتها بعيدة و مويتها قاطعة طول السنة !!!!!

و مواصلاتها كوارو يعني يومك كله رايح .
Post: #8044
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-04-2010, 04:19 PM
Parent: #8043

سلام يا حلوين ليكم كم يوم فترانيين مالكم البرد دخل في العضم ولا شنو ..؟؟؟

يا ناس اي زول وصلته العضوية يقول لينا عووك .... غير احمد سليمان ما في زول رسل قال وصلته .... عشان نقدر نتابع معاكم ...
Post: #8045
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-04-2010, 08:55 PM
Parent: #8044

سؤال فاجتنى به دعاء بنتى احوله الى
الشادى
رشيد
منصور
ونحن قاعدين بعد الغدا وام سلمان ختت البطيخه الما خمج
ممكن اساءلك يا بابا
اتفضلى
اول بطيخه اكلتوها انته وماما اكلتوها كيف
ضحكت وقلت الشوكه والسكين و فطنت الى
اننى كنت اكل بشراهه
Post: #8046
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-05-2010, 04:52 AM
Parent: #8045

اللَّهُمَّ إِنِّي أَعُوذُ بِكَ مِـنَ الجُبْنِ، وَأَعُـــوذُ بِكَ أَنْ أُرَدَّ إِلى أَرْذَلِ العُـــمُرِ،

وَأَعُوذُ بِكَ مِنْ فِتْنَةِ الدُّنْيَا، وَأَعُوذُ بِكَ مِنْ عَــذَابِ القَبْرِ. اللَّهُمَّ أَلْهِمْنِي

رُشْدِي وَأَعِذْنِي مِنْ شَرِّ نَفْسِي. يَا مُقَلِّبَ القُلُوبِ ثَبِّتْ قَلْبِي عَلَى دِينِكَ.
Post: #8047
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-05-2010, 06:47 AM
Parent: #8046

صباح الهناء والسرور ...

أبوالزوز الكفيل بدأ في مصادرة وقتك .. زمان شن قلنا .. قلنا الكفيل بياكلنا ...

الحاج حاتم بورتو البرتغالي الدومينيكاني أبقى عشرة على نصيحة عمر بسكو ...

الكوتش عامل لمة إحتفالا بالمغربي المسنوح ود جبرين والحاج الدومينيكاني وذلك بعد صلاة المغرب بالثورة الحارة 14 .. والدعوة زقازيقية عامة .. عايزين الحضور يكون كامل عشان المتعة الزقازيقية تكون كاملة وعشان نشحتف المغتربين بالصور وعلى رأسهم أبوالزوز زاتو .. يا الشيخ جلا أظهر وبان عليك الأمان ...
Post: #8049
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-05-2010, 06:59 AM
Parent: #8047

يا كوتش لمتك دي من هسه ما تحسب البادي النور ده .... يا سلام ياخي حليل اللمات ... واللمات المجاورة ... لكن معليش الواحد شوية شوية بقي يلم في الناس هنا في الدمام .... يعني لغاية هسه العدد حصل 7 ... والحساب بتحسب زي ما قال عادل امام ....
Post: #8048
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-05-2010, 06:58 AM
Parent: #8046

sudansudansudansudansudansudan91.jpg Hosting at Sudaneseonline.com
Post: #8050
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-05-2010, 07:10 AM
Parent: #8048

Quote: يا كوتش لمتك دي من هسه ما تحسب البادي النور ده

أنا قلت كدا برضو



سلام يا ناس
Post: #8051
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-05-2010, 08:30 AM
Parent: #8050

سلامات يا ناس

وصباحات التفاؤل(دى عشان جلا)

سلام للجميع

اللمة البادى النور اساسى فيها وهو

المسؤول من الدعوة.

عمر بسكو ...تلفونك طشّ منى ..ولو البادى ما دعاك

اعتبر الدعوة وصلتك.
Post: #8052
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-05-2010, 08:50 AM
Parent: #8051

يا كوتش البادي ما تتكل عليهو .... تلفون عمر 0912273673
Post: #8053
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-05-2010, 09:46 AM
Parent: #8052

يا كوتش رغم اني جاي من السفر تعبان وفتران لزوم زوغة وكده

لكن دا تلفوني 0912319724
او 0912215725


و بالله يا كوتش لازم تكلم معاك عوض المفتاح يجيب معاه ######شات

لزوم ارهاب و حاجات تانية لانو صحبي بخاف من العساكر وررررررورك ..
Post: #8054
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-05-2010, 09:52 AM
Parent: #8053

وكانت ستقول صديقتي التي رد الله غربتها ... (اجي يا موسي عيسي الفي السودان)...
Post: #8055
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-05-2010, 10:12 AM
Parent: #8052

ود جبرين شـلــّخ العاصمة القومية كلها لا ورا ...!!

286441998.jpg Hosting at Sudaneseonline.com
Post: #8056
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-05-2010, 12:08 PM
Parent: #8055

لمتنا الجاية لازم يكون فيها غنــا وسكسكة

مش كل مرة تودونا الساوث مول نطوطح الشفع

ونتعشى جداد وكبسة ونجى راجعين


عرس ناس ياسر نجيلة متين يا البادى
وبعدين ناس قطر ديل معروفين بجنسو الاجانب ودى فرصة لقريبك يلعب فى كأس العالم
لحدى 2022 م اكيد اكيد حيبقى كويس خالص .

حاج محمد ادم شنو يعنى فاتح لينا كده
Post: #8057
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-05-2010, 12:52 PM
Parent: #8056

من قراءآتى



يقال أن اللغة العربية ظلمت المرأة في خمسة مواضع
أولا
إذا كان الرجل لا يزال عل قيد الحياة فيقال عنه انه حي
أما إذا كانت المرأة لا تزال على قيد الحياة فيقال عنها أنها
!!...حية
...أعاذنا الله من لدغتها ( الحية وليس المرأة)
ثانيا
إذا أصاب الرجل في قوله أو فعله فيقال عنه أنه ..مصيب
أما إذا أصابت المرأة في قولها أو فعلها فيقال عنها أنها مصيبة !
ثالثا
إذا تولى الرجل منصب القضاء فيقال عنه أنه قاضي
أما إذا تولت المرأة منصب القضاء فيقال عنها أنها قاضية ...!!
والقاضية هي المصيبة العظيمة التي تنزل بالمرء فتقضي عليه ... يا لطيف!!!!
رابعا
إذا أصبح الرجل عضوا في احد المجالس النيابية فيقال عنه أنه
نائب
أما إذا أصبحت المرأة عضوا في أحد ا لمجالس النيابية فيقال عنها أنها نائبة ...!!!
وكما تعلمون فان النائبة هي أخت المصيبة
خامسا
إذا كان للرجل هواية يتسلى بها ولا يحترفها فيقال عنه أنه هاوي
أما إذا كانت للمرأة هواية تتسلى بها ولا تحترفها فيقال عنها أنها هاوية !!....
والهاوية هي احدي أسماء جهنم والعياذ بالله ..
Post: #8058
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-05-2010, 01:39 PM
Parent: #8057

الحبيب محمد عيد اعمل ساتر لانه هسع بنطلع واحد

من اعضاء جمعيةاللواء الاخضر لمناصرة بنات الشيخ

المهروشين ..............!!!!!


هييييييييييييييع يا ود الشادي الكلس الليلة ما يومك ؟
Post: #8059
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-05-2010, 02:39 PM
Parent: #8058

Quote: الحبيب محمد عيد اعمل ساتر لانه هسع بنطلع واحد

من اعضاء جمعيةاللواء الاخضر لمناصرة بنات الشيخ

المهروشين ..............!!!!!


موسى العزيز وغالى ...

ما تخاف علىّ ..

اى واحد يمد راسو ولا يعمل اى عنكبه او شنكبه ..

طوالى باطلع اللسته بتاعت ( هرشة دوت كوم )..

وموقعة ومعتمدة من الريس ميسره ...
Post: #8060
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-05-2010, 03:37 PM
Parent: #8059

مساءآت الهناء والسرور ...

يا ديدو عرس ناس نجيلة كان يوم الجمعة الماضي وللأسف في آخر لحظة تغيرت خارطة أعمالي بأمر طارئ ولم أذهب للعرس .. لك العذر يا ود نجيلة ...

أبوالزوز والشيخ جلا .. الرد عليكم سوف يكون من داخل الملعب .. ولا نامت أعين الجبناء ...
Post: #8061
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-05-2010, 03:56 PM
Parent: #8060

Quote: .. ولا نامت أعين الجبناء ...


والله تنوم نوم .... ما ياك البادي بتاع زمان البتتغير خريطته في آخر لحظة ....


قال ايه هرشة دوت كم
Post: #8062
Title: Re: ناس الزقازيق ... أجدع ناس ( 3 ) ..
Author: محسنة ميسرة
Date: 12-05-2010, 07:11 PM
Parent: #8061

hii, finally I have got the password from Mr.bakry
thanks alot uncle zuhair
I am very happy 2 be member of zagazigap[/red
]

sudansudansudansudansudansudan92.jpg Hosting at Sudaneseonline.com
Post: #8063
Title: Re: ناس الزقازيق ... أجدع ناس ( 3 ) ..
Author: عمر نملة
Date: 12-05-2010, 07:15 PM
Parent: #8062

منوره المنتدى يامحسنه وعندي ليك مفاجأه
Post: #8064
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-05-2010, 07:22 PM
Parent: #8063

أهلاً بالأمورة محسنة - توووتا-

يسعدنا ويشرفنا وجودكم معنا في البحر الفضائي

الواسع ، وكان لابد من توريث هذا العمل الراقي للأجيال

القادمة من أبناء الزقازيق .

مرحب بالجيل الثاني من أبناء الزقازيق
Post: #8065
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-05-2010, 07:42 PM
Parent: #8064

مرحبا بتوتا...
نورتي المكان و زينتيه لأنك وردة جميلة...
وردة مكانها الطبيعي هذه الحديقة الوارفة...
ننتظر كل جميل من جميلة الجميلات...
Post: #8066
Title: Re: ناس الزقازيق ... أجدع ناس ( 3 ) ..
Author: مني يونس
Date: 12-05-2010, 07:43 PM
Parent: #8064

سعيدة بوصولك ياتوتاإلى بوست ناس الزقازيق وهي أمنية وتحققت
والتهنئة بأن تسجلي نفسك أول شخص من الجيل الثاني
الإبنه محسنة حاصلة على الرخصة الدولية لقيادة الحاسب الآلي
وتجيد عمل الفوتوشوب ، كسبنا شبل جديد لهذا الصرح الكبير

مشكور زهير الزناتي لتحقيقك لها هذا الحلم الكبير
محسنة أرادت بأن تضع صورتها وهي تحمل كأس التفوق الدراسي
إحتفالاً بهذه المناسبه.
Post: #8067
Title: Re: ناس الزقازيق ... أجدع ناس ( 3 ) ..
Author: عصام دهب
Date: 12-05-2010, 08:02 PM
Parent: #8066

سلام و تحية لكل الزقازيقاب و أصدقائهم ..

و مراحب ألوف بكل الذين أنضموا لركب الزقازيقاب في سودانيز أون لاين ..

و شكراً يا زهير و أنت تتصدى لهذه المهمة بكل إقتدار ..

و عقبال ما نشوف كل ناس الزقازيق و نلتقيهم هنا ..

و ترحاب خاص جداً بإبنتنا الأمورة / توتا ..

و سعادتي لا حدود لها بوجودها بين أسرتها الزقازيقابية من خوال و خالات و أعمام و عمات ..

و عقبال أخوانها و أخواتها فلذات أكبادنا ..

و بإذن الله ستبقى علائقنا أنموذجاً بمحبة و مودة دائمة ..

و ستظل رايتنا عالية ..

شكراً لكم و لله تعالى أولاً و أخيراً أن جعل لنا فيكم أروع و أجدع ناس بحق ..
Post: #8068
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-05-2010, 09:58 PM
Parent: #8067

ملايين مرحب بمحسنة تووتا ...

وسلام كبير أوي لهذه الوردة الرقيقة ممثلا للجيل الجديد من الزقازيقاب وعقبال نشوف أولادنا وأولاد أولادنا ...
Post: #8069
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-05-2010, 10:20 PM
Parent: #8068

يا دوب وصلت من لمة الكوتش الراقي وحرمه المصون خالدة ...

أولا الشكر أجزله لهذا البيت الزقازيقي على الكرم الحاتمي الفياض فقد بهرونا بما لذ وطاب وفوق دا كله بالبسمة والمحنة والروح الحلوة .. الله يخليكم ويعطيكم ربنا كل الخير .. آمين ...

دخلت متأخرا بعض الشيء .. وجدت الحلوين الكوتش وخالدة وأشبالهم .. توجهت إلى حيث وجود القوم فوقعت عيني على الشيخ جلا وهو مصيطر على الجلسة وبجواره عمر بسكو وفي مواجهتهم عمار رحمة الله وشاويش وبجوارهم مبارك جادين .. كان سلاما حارا ينم عن شوق حقيقي ولهفة لرؤية الحلوين ...

الشيخ جلا إندهش لقدومي وعشان بقى الأمر واقع وأمام عينيه فقال لي بس جيت متأخر .. يعني كأني ما جيت .. شوفتو الحقارة دي كيف ...

بعد وصولي بفترة ليست بالطويلة دلف إلينا الوجيه أسامة أبتر .. وهاك يا سلام وعناق ملئه الشوق والمحبة ...

جاء المحتفى به ودجبرين بصحبة عبدالرحمن عشي .. وكانت جولات وصولات من السلام والضحك والفرفشة .. وكعادته إستلم جبريلا المجلس بدون منازع وأصبح يحكي ويسرد في الحكاوي والقفشات والمواقف الطريفة ...

سمعنا صوت النجدة والتشريفات كنت أظنه سيارة إسعاف مارة بالطريق حتى دلف إلينا الريس معتصم بهيبة الزعماء وبإبتسامة الأخوان الحنينة وبدأ شوط جديد من السلام والضحك والفرفشة ...

تأخر الوقت وكنت قاب قوسين أو أدنى من الإنسحاب التكتيكي حتى فاجأنا الكوتش وفي يده أحمد عوض بشحمه ولحمه وبمعية أحد الأخوان كان هذا الشوط الإضافي للسلام والعناق بكل المحنة والضحكات تتوالى يمنية ويسارا ...

كانت جلسة ما منظور مثيلا .. إستمتعنا حتى الثمالة وضحكنا وفرفشنا .. وهنا أترك المايكرفون لأحد الحضور ليكمل وصف اللمة الحلوة ...

يا جماعة لو الشيخ جلا جاء الصباح وقال أي حاجة إعتبروه خرف وتعاملوا معه على هذا الأساس .. وزي ما قالوا المجنون في زمة الواعي (مثل دومينيكاني) ...

تعرض الحاج الدومينيكاني لوعكة صحية خفيفة منعته من الحضور .. يا ربي أشفي أخونا حاتم جبارة ومتعه بالصحة والعافية .. آمين ...

وتصبحون على خير .. ولا نامت أعين الجبناء (يا أبو الزوز) ...
Post: #8070
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 06:11 AM
Parent: #8069

ســــــــــلام كبير اوي للامورة الغالية محسنة ميسرة

منورة المنبر و كما عهدناك كنت دائما متالقة

فلك التحية بنتنا العزيزة فانتم الذين سوف تضئؤا

لنا الشموع و انتم زادنا و املنا في هذه الدينا

فنسال الله ان يحفظك و اخوانك واخواتك ابناء الزقازيقاب

الكرام و يرعاكم و يسدد خطاكم .


اكرر تحيتي و ترحيبي بقدوكم بالباب .
Post: #8071
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 06:27 AM
Parent: #8070

Quote: I am very happy 2 be member of zagazigap

me 2
Post: #8072
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 07:12 AM
Parent: #8071

السلام عليكم
الإبنة محسنة حاتدخلنا أنا و صحبي في حسكنيت
بالنسبة لي
الأمر يحتاج إلى جهد مضاعف و مراكز لغات و ترجمة
يعني جيبنا حاينقد
إنشاء الله الواحد يشيل مداخلتو و يمشي يترجمها و يجي
المشكلة صاحبي
عليه لو الرشيد تكرم
و خاصة إنو قاعد يدرس التربية الإسلامية بالإنجليزي
و زي ما قاعدين يعملو أساتذة الجامعات
Intensive courses لفترة شهر واحد بس
يكون ما قصر معانا و برضو فيها ثواب
بالمرة كل خميس عمرة و زيارة الحرم المكي
Post: #8075
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 07:23 AM
Parent: #8072

Quote: كانت جلسة ما منظور مثيلا .. إستمتعنا حتى الثمالة وضحكنا وفرفشنا .. وهنا أترك المايكرفون لأحد الحضور ليكمل وصف اللمة الحلوة ...
يا جماعة لو الشيخ جلا جاء الصباح وقال أي حاجة إعتبروه خرف وتعاملوا معه على هذا الأساس .. وزي ما قالوا المجنون في زمة الواعي (مثل دومينيكاني) ...
Post: #8076
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-06-2010, 07:25 AM
Parent: #8072

ترحيب حار ب توتة
نورتي المكان منتظرين مشاركاتك




كيف انكم ياقوم عساكم بخير
وفي انتظار تفاصيل وصور لمة ناس الكوتش
وشكرا البادي على الشوشوة
Post: #8073
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-06-2010, 07:15 AM
Parent: #8071

صباح الخير ،،، يا وجوه الخير

الحمد لله الغفور الودود
الكريم المقصود،،،،،
الملك المعبود،،،،،
القديم الوجود،،،،
العميم الجود،،،
لا يخفى عليه دبيب النملة السوداء
في الليلة الظلماء ،،،،
ويسمع حس الدود في خلال العود،،،
Post: #8074
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-06-2010, 07:21 AM
Parent: #8071

من حسن حظنا بقى عندنا ( تـوتـين ) بدل واحدة

توتة الكبيرة مشاعر بدوى

وتوتا الصغيرة محسنة ميسرة

عشان نفرق بين الاسمين نكتب واحدة بالتاء المربوطة والتانية بالالف ( الطالعة )

يا توتا الصغيرة ما تشوفى لعناب معاك باسورد
واعملى حسابك من منذر ما يهكر ليك باسوردك ، ومن مشكاة ما تضيعو ليك

انتى عاوزة تدخلى اى كلية يا توتـا ، مصطبة اداب السمحة ولا مربع كاي
لو اخترتى تجارة حتكونى عزابية ما معاك بنات
Post: #8077
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-06-2010, 08:22 AM
Parent: #8074

صباح الهناء والسرور ...

حركة الشيخ جلا ما عجبتني .. وشكلو كدا راقد له فوق راي .. الله يدينا خيرك ويكفينا شرك ...

يا جلال يا لذيذ الصور موجودة وبالكوم عند الكوتش ووعد بإنزالها اليوم أو بكرة ولو تأخر يومين تلاتة ما تزعلو .. مش أبوالزوز العجوز كان بيعمل هيك .. وطيب ...

وبرضو في إنتظار بقية العقد الفريد ...
Post: #8079
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 08:33 AM
Parent: #8077

Quote:
يا جلال يا لذيذ الصور موجودة وبالكوم عند الكوتش ووعد بإنزالها اليوم أو بكرة ولو تأخر يومين تلاتة ما


المداخلة القادمة للكوتش حتكون بعد اسبوع علي النمط :

يا ناس سلامات

معليش الواحد بعتذر طيلة الفترة السابقة لعدم تمكني

من المداخلة علشان النت معصلج السبب هو دخول احد الزوار

للبيت و اصاب الشبكة العنكبوتية في الدار بفيروس خطير

ادى لتعطيلها بالكامل !!!!!!!!!!!!!

يا ربي المفيرس دا يكون منو البادي النور اب صلعة بعد

الحوامة و الهجيج ولا..............الميكروفون بطرف الاستاذ

جلال ..طق طق طق ...
Post: #8078
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-06-2010, 08:27 AM
Parent: #8074

هلا بتي محسنة ... نحن في غاية السعادة بحضورك البهي ... كاول عصافير الجيل الثاني ....اتمني ان يلحق بك بقية الشباب ويكون لديكم بوست هناك في منبر ناس الزقازيق .... يا سلام علي الجيل الثاني ... بس عليك الله يا بتي شوية كدي ما تكتري علي اعمامك ديل في الانجليزي ... الناس ديل اصلهم شهادة عربية ...

مرحب توتا تنضم لتوتة
Post: #8080
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 09:30 AM
Parent: #8078

مدخل أول:
على أية حال
أن تأتي متأخراً خير من أن لا تأتي
مقولة مضروبة ...لا تسمن و لا تغني من جوع
المواعيد نفسها مضروبة .... ماذا يعني الدعوة بعد المغرب!!!!
إذن فهي مفتوحة ويدخل فيها العِشاء و الثلث الأخير من الليل وقبل الشروق
و تجد البوليس ماسكً هاتفه ....أيوا ..إنتو وين؟؟؟ ...المحطة إسمها حميدان ...
صيدلية عبدالرحيم....خليها على يمينك.....
شمال في يمين ....الشارع التاني ....نحن البيت الأخضر... ونحن جننا و جن البيت الأبيض ....
الحمد لله كنت الثالث حضور .....علماً بأنني لم أحظى في طول فترة دراستي أن تحصلت على أول الفصل أو أول دفعتي
بالمناسبة عندنا ميزة نحن ناس الزقازيق كل حاجاتنا إتنين إتنين و فرحنا برضو يتكلم لغتين
ريس الداخل و ريس الخارج ...الفتى الأبنوسي بتاع الخارج.....و الفتى الأبنوسي بتاع الداخل
موسى عيس بتاع الخارج...موسى عيسى بتاع الداخل (دا منو؟؟؟؟؟)
ما علينا....
دائماً عندما أجد الفتى الأبنوسي طوالي أبادره ..... زقازيق وي ياي
يرد بأحسن منها زقازيق وي وي وي وياي....... زاتو
يعني شنو؟؟؟ الله أعلم....
البوليسي عمار رحمة الله ...رد الله شبابه ...يعني لو كنت معاكم في بوليسكم دا يعني حا أكون نفس الملامح و الشبة
لا أعتقد...نصيحة ليك في واحدة إسمها هبة المعتمد عندها برامج تلفزيوني إسمو غيِّر حيااااتك
لا أتحدث عن الرجيم في ذات نفسو ولكن عندها إمكانية ممكن تغير حياتك مع بعض الإضافات و التحسينات
غطست في الكرسي الوثير و فكيتها ضحكة مجلجلة يا جلال
هذا هو المشهد الأول
Post: #8081
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 09:51 AM
Parent: #8080

Quote:
غطست في الكرسي الوثير و فكيتها ضحكة مجلجلة يا جلال
هذا هو المشهد الأول


يا جلال تابع المكرفون معاك و لا تنطلي عليك الحاجات دي

و خليك صنديد .



هذا ما عهدناه في تلك الاسرة الكريمة و هي لا تحتاج لتعريف

فربنا يخدر ضرعاك يا ود الصديق ويا استاذة خالدة و الله لو الخلد كان يدوم

لسالت لك الله دواء الخلد لكن ربنايمتعك بالصحة والعافية و يسكنك

الصافية و يخلي ليك الكوتش و العيال و يهنيكم بيهم .

فلكم التحية مجددا طلما جمعتم ذلك النفر الكريم بداركم العامر

و صحبي جلا اتجدع و سنيناتو مرقت و جضدومو اتنفخت من كل ما لذ

و طاب و مالك ما سجم ما عملت لي مس جول علشان تحشي لي معاك

شندوشتي عموما بكرة الفولة بتتملي و البقارة بتلموا....!!!!
Post: #8083
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-06-2010, 09:56 AM
Parent: #8081

Quote: شمال في يمين ....الشارع التاني ....نحن البيت الأخضر... ونحن جننا و جن البيت الأبيض ....


يا جلا انت الكوتش ده ساكن في نادي النيل بتاع الثورة و لا شنو...

بيت أخضر...يا كوتش المره الجاية ما تدي سيد البيت الايجار و غير اللون...

أعملو أحمر عشان موسى عيسى القاعد يحامي ليك ده يتكيف...
Post: #8082
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-06-2010, 09:53 AM
Parent: #8080

Quote: غطست في الكرسي الوثير و فكيتها ضحكة مجلجلة يا جلال

وانت عارف انا في اشد الشوق لبقية المشاهد
بالله ماتتأخر علينا ...
هذا مع بالغ حبنا وتقديرنا لكل الاجتمعوا في البيت الاخضر و"سيرتنلى" لسكانه















-----
عمار دا ماعصرت عليه شوية؟
Post: #8084
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-06-2010, 10:02 AM
Parent: #8082

Quote: يا جلال تابع المكرفون معاك و لا تنطلي عليك الحاجات دي

و خليك صنديد .

ماتخاف ياموسى ... كلوا مسجل
خلي بس يتم الباقي ونجيبوا ليه كلوا ... مرة واحدة
Post: #8085
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 10:52 AM
Parent: #8084

Quote:
البوليسي عمار رحمة الله ...رد الله شبابه ...يعني لو كنت معاكم في بوليسكم دا يعني حا أكون نفس الملامح و الشبة


Quote:
البوليسي عمار رحمة الله ...رد الله شبابه ...يعني لو كنت معاكم في بوليسكم دا يعني حا أكون نفس الملامح و الشبة



و الله يا صحبي الليلة شيل شيلتك مداخلتك دي الا تمسحها لانها

جابت الهوى سمع اذنيي الكيبورد بتاع الابنوسي سيد الاسم شغاله

و الله صريرها مالي الرياض كلها شوف ليك جنخنون من زهير الزناتي

و انت زاتك زهير ما معمره معاه طيب ياخي انت صليحك منو في الحتة

دي ؟؟؟؟


و كمان عمار رحمة قالوا محرك ليه كتيبة بتاعت احتياطي مركزي و

ماشي علي الخرطوم اه النقول ليك اقع البحر علي طول قبل

الحكاية ما تحصل الجنوب و قتها بكون خبر عييييييييييييييييييك !!!
Post: #8088
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-06-2010, 11:20 AM
Parent: #8085

أجدع ناس

السلام عليكم ورحمة الله وبركاته

نرحب بمقدم الإبنة محسنة ميسرة

وهو ما يبشر بتواصل الأجيال إن شاء الله

_________________________________

والأخوان محمد صديق وخالدة

والله كتر خيركم شديد على جمع هذا النفر الكريم من الجدعان في منزلكم العامر

والله يا شباب لماتكم حلوة ... الله يوعدنا بواحدة زي دي معاكم قريب
Post: #8086
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-06-2010, 11:07 AM
Parent: #8084

سلامات يا ناس

هكذا هى ...وليست كما قال موسى:

Quote: يا ناس سلامات



تشرفنا مساء الأمس بلقاء أحبة طال أمد (لمتهم)فى الفترة السابقة

لأسباب كثيرة...غاب عنّا حاتم بسبب العين التى ألزمته سرير المرض

وغاب البرلوم لسهره حول السرير...(المرجفون فى المدينة يقولون

أن ما أصاب حاتم ليس هى العين إنما هى جلسات الشاى التى كان ينظمها

البرلوم له على شاطىء النيل ..ويقول البرلوم أن الدومينكانى أصبح

(سِنَّة ناعمة) نسأل الله له الشفاء...

اللّمة كانت جميلة ...لا أوصفها أنا ...ولكن هناك من هم أقدر على ذلك.

نأتى لموضوع الصور ...وصَدق موسى عيسى ..يعنى ممكن تكون بعد اسبوع...

بعد تلاتة اسابيع ....حسب التساهيل (يعنى زمان زهير ميكانيكى الكمبيوتر

بنزِّلا بعد اربعة أيام !!وتَيِّب.



************************************************************

مراحب بتوتا السغنتوتة ...واعمامك ديل ما تعصرى عليهم بالإنجليزى ده.
Post: #8087
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-06-2010, 11:09 AM
Parent: #8084

عييييييك
تعرفوا , شغلتكم دى لا كتابة ولا شيتين
ولا حكى طاعم , ولا سكره زيادة , وحتى كمان لو حكى (دايت )
كاندريل , ولا بدون سكر من اساسه
دنيا فيها توتا وتوتة , وكمان ما بتخلص فيهو الحدوتة
بيت اخضر وبيت ابيض , صيدلية عبد الرحيم الغنى ليها مصطفى سيد احمد , ايوا , الجنب المزلقان العمل فيهو الحمار الحادث الشهير
ريس جوة , وريس برة , اما الأبنوس , فمدفق جنس دفيق , مرات سن فيل , ومرات عاج , ومرات حاجات تانية حاميانى
محمد صديق كوتش وكت العصرية , سعادة العقيد وكت النهارية , عامل كمين للجماعة , مع ناس عمار واسامة ابتر , بعد المغرب
الشغلة يبدو لى كان فيها شاى لبن مقنن
القاف الفى مقنن دى , نطقك ليها بيحدد موقفك منها , ايوة من الشاى , ومن (التقنين زاتو ) , كعملية فنية , فى ناس بيدخلوا ليها كلية (القانون)
هسى يا منصور انت داير تقول شنو ؟؟؟
انت مالك ومال طارق جبرين , ومالك ومال سكسكته فى بترى
وما دام فيها احمد عوض , يمين كان ما سكسكتوا زى سكسكة بترى , الغلط راكبكم , من راسكم لغاية رجليكم
خاصة وانو النظام العام كلومعاكم
احييكم واحبكم ,
تتذكروا الشاعر الجاهلى , القال للأمير , انت كا ل###### فى وفائك بالعهد
وكا التيس فى قراع الخطوب
اها , بعد جية توتا ولمتكم دى , وجية جلا (ثالث زول ) , وكونه يلقى قدامو (الكمين ده ) , وتقعدوا تكوركو زقازيق وى وى ولا شنو ما عارف
بعد ده كلو , لو قالوا ليكم مبارك جادين اتجدع كده ومسك الميكروفون وانشد
عيون المها بين الرصافة والجسر جلبن الهوى من حيث ادرى ولا ادرى
بتصدقوا , ولا احلف ليكم ؟؟!!
وبعد ده كلو وقبل ما نمرق
كان ما قلنا يا توتا محسنة , نحن فخورين بيكى , واعتمدناكى حلقة وصل بين جيل ناس بابا وماما وموسى عيسى والرشيد ومعتصم جعفر وكمال الشادى
وجيلى انا
وجيل ناس محمد حسن البرلوم
بتوافقى , ولا عندك اعتراض على التسلسل الجيلى ده ؟؟؟
الأعتراض لو جا منك , حا نناقشوا معاك (بالعربى )
من اى زول تانى , زى ناس زهير وحاتم جبارة ومحمد عيد ومن لف لفهم
اليشوف ليهو شغلة تانى
Post: #8089
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-06-2010, 11:25 AM
Parent: #8087

سلام يا ناس ....

والله بقيتوا حكاية ... وحكاية ثم حكاية ... تصدقوا يا جماعة الليلة مشتاق للابنوسيين ... بتاع جوه وبتاع بره ...
اها عايز اجي واقول تحياتي ليهم ...

يا كوتش ... لا بد من الصور الصور الصور .... الا وحا اكلم ليك سعادة العميد ...
Post: #8090
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-06-2010, 11:44 AM
Parent: #8089

ألو ... على ... ازيك ياعريس ...
عليك الله في الدعوه أعمل حسابك لاصحابي وزملاء الدراسة في الزقازيق
حيجو حفلة الحنه ... واحتمال سيرة مدني كمان ...
طيب ياياسر ... بس قول لي حيجو كم واحد ... تقريبا يعني ...
يازول اعمل حسابك ... اقل شئ عشرين واحد للحنة ... وعشرة للسيرة ...
طيب ... ابشر بالخير ...
اول ماوصلت السودان ... عرفت انه تم عمل ترتيبات 30 واحد للحنه بالخرطوم ... وعشرة للسيرة مدني ...

ومر يوم الحفلة بنادي الكشافة ... وبعده بيومين ... تحرك بص السيرة لمدني ...
ومدرسة النجاح ... لم ينجح أحد ...
آي والله لم يشرفنا أحد ....
سوي محمد الفاضل واسرته ... التي اكملت السهرة في حفلة مجاورة ...
وجلس معي محمد الفاضل .. لمدة الكافيه ... التي احترمت له اهتمامه ومجاملته لى ... وخاصة بعد علمه بعدم حضور أي زقازيقي ...

عموما نشكر كل من هنأنا خلال هذا البوست ... الذي اتحاح لنا هذا التواصل الاسفيري ... ودعواتنا باستمرا من خلاله ...


================================================
بتنا محسنة مليون مرحب .....
Post: #8091
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 12:01 PM
Parent: #8090

علي الطلاق يا ابو احمد الشباب ديل اتلوموا لوم

بس ليك علي إنت اعملها و سوف نكون حضورا يمين

سيرة من الرياض و جده و خليك من ناس الخرطوم ديل


عموما الف مبروك لولدنا علي و ربنا يسعدهم

و العقبال عن::::::::::::::د::::ن:::::ا


و التحايا عبرك للاستاذ الكلس ود الفاضل
Post: #8092
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-06-2010, 12:07 PM
Parent: #8090

عاد لوم الخلا يانجيلة زي ما بتقول الوالدة مساها الله بالخير وإياك
صرها ليهم ولا تأخذنك بهم رأفة خصوصاً .... ولا أقول ليك عارفوا براك

والله يانجيلة واسألنى انا دا السودان الشقيق دا ظروفوا اصلها بقت كدة دا
والله تضرب لي الواحد تلفون تقول ليهو جاييك اسة دي
تلقي روحك مرقتها في "ام صيقعون الجاك" مع حفظ الحقوق

دحين يا اخوي بين الحبان مافي ملامة والشباب ديل اعذرهم ياخي
واهم حاجة احكي لينا العرس كان كيف ... الخرطوم .... مدني
و علي ان شاءالله ربنا يسعده وبيت مال وعيال ...
Post: #8093
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 12:11 PM
Parent: #8092

Quote: عاد لوم الخلا يانجيلة زي ما بتقول الوالدة مساها الله بالخير وإياك
صرها ليهم ولا تأخذنك بهم رأفة خصوصاً .... ولا أقول ليك عارفوا براك


أنا برضو قلت كدا
Post: #8094
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 12:13 PM
Parent: #8093

Quote: علي الطلاق يا ابو احمد الشباب ديل اتلوموا لومبس ليك علي إنت اعملها و سوف نكون حضورا يمين
سيرة من الرياض و جده و خليك من ناس الخرطوم ديل

أنا برضو قلت كدا
Post: #8095
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 12:15 PM
Parent: #8094

Quote: ومر يوم الحفلة بنادي الكشافة ... وبعده بيومين ... تحرك بص السيرة لمدني ...
ومدرسة النجاح ... لم ينجح أحد ...

أنا برضو إتوقعت كدا
Post: #8096
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-06-2010, 12:22 PM
Parent: #8095

Quote:
واهم حاجة احكي لينا العرس كان كيف ... الخرطوم .... مدني



اهم حاجة الصور و كمان صور الحتة بصورة خاصة

علشان الشباب ديل رايحة ليهم حفلة في نادي

الشرقية الما خمج !!!!!!!
Post: #8097
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 12:24 PM
Parent: #8095

لا تبرير لما ارتكبناهو من تقصير
و الدعوة كانت قبل أسبوع وهذا هو المهم
و كلنا على علم
قد يكون إعلامنا ضعيف و وهن
و قد تكون ذاكرتنا النصف قيقا محملة للآخر
تلفون منك وفي وجود جبارة الذي هاتفني
و جبريل الذي كتب تلفونه السوداني في البوست
أذهب عناء إستخدام النصف قيقا والتي هي أصلاً للعيال و أمهم
لك العتبى حتى ترضى .... برضو أسطوانة مشروووخة
لكن نأمل المسامحة
هل ينفع أن نقول مبروووك و بيت مال وعيال؟؟؟

عن الجالية السودانية بالسودان
جلا المشهور بمحمد آدم النور
Post: #8098
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 12:34 PM
Parent: #8097

مدخل ثاني:
لم أكن ثملاً .....
بيني و بينها حواجز و قناعات و إيمانيات و لم يكونوا الذين بصحبتهم كذلك
ولكني أسأل..... هل يفعل الشامبيون مثلها ...علماً أننا تناولنا مشروباً غازياً هو يا لذيذ يارايق
ما عدا المحتفى به ...شاهدت عيونه فإذا بها تميل إلى الإحمرار
و علمت فيما بعد أنها بفعل الشامبيون الذي تناوله مع ودالصائم قبل ثلاثة أيام في ذلك المكان العجيب
ما علينا...المهم موضوعنا
أحسست أن حلقي ملتهب
فقلت إليَّ بأنتبيوتك 500 جرام أيها البوليسي...و بالمناسبة حالتي لا تشبه حالة منص ...
حيث لايوجد من يزملني أو يدثرني هناك
قال نأسف ....إستعماله لدينا بسيط...
و لكن أنصحك بفنجان زيت سمسم أصلي...قام ....ثم جلس...ثم تمتم...
فقال مخاطباً نفسه هذه مخاطرة لأن خالدة ستقوم باللازم لكن بمعايير برستيتجية ...
ملء الفنجان الصيني..على صينية نيكل...ثم منضدة أمامه مع إرشادات في كيفية أن يستخدم هذا المشروب...
وهي كلفة أنا في غنى عنها
فالأفضل له صيدلية عبدالرحيم يمين في شمال بدل ذاك الإرهاق البرستيتجي
بعدين ناس بكري زاتو ما قاعدين
يا ولد تعال أمشي جيب لي عمك دا دوا
ياخ إنت زاتو جاي بي حلق ملتهب ليه؟؟؟؟
طيب ما منصور مشا أبوظبي بي حلق ملتهب و عطسة لغاية هس ما طلعت!!
الفرق شنو؟؟؟؟؟
طيب و بعدين!!!!
يا شباب أنا عملت جبنة بي إيدي أديكم منها
سألت..... القلية بتاعتك و لا بتاعتها؟؟؟؟
طبعاً بتاعتها... لكن النهايات بتاعتي.... فجأءة تذكرت التفاضل و التكامل
المفاضلة بين أن تقعد ساكت وتشرب أي جبنة و خلاص ...
و تكامل ناس كسلا في إيجاد جبنة بي نكهه كسلاوية ...كسلا دائماً مميزة كالزقازيق
أبتر يقول لخالدة و بالدس الحاجة بتاعت دفعتي دي ما خشت راسنا
لا عليك .... أديني خمسة دقائق ....
Post: #8099
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-06-2010, 01:01 PM
Parent: #8098

مدخل ثالث
بعد الزمن الذي قالته خالدة وحضور جبنتها الأصلية كان هذا المشهد
شاويش يحضن أسامة أبتر، عبدالرحمن العشي يفلق البادي و يداويهو،
في نفس اللحظة عمر بسكو خشيت ليك معاهو في تمويل عقاري (مصالح)
و توصيلة لغاية الفتيحاب مربع 17 منزل رقم 70،
البادي ياخد و يدي مع ود جبريل منطط عيونو من الدهشة يعاين لي و يقول هأنذا
(مكنه مجلية....غير صالحة للأستعمال...سأقوم باللازم تجاها...إنتظروني)،
جبريل يحمد ربو أن الدمينيكاني ما موجود الريس يأتي متأخراً خير من أن لا يأتي (مكنة مضروووبة)
هذا كلو ونحن بين المالح و الطاعم...
زولكم داقي صحوبية شيل الحتة دي و هاك القطعة دي ...و كدا..
زول يعمل ليك زي دا ...تأكد من أنها رشوة وقدام 3 بواليس وكم شهووود كدا!!!!
واحد قال بلح الشام دا يا جورج زي المن فوق فيهو برجم!!!
التاني قال و الله بشرتي دهنية لا تستحمل الجاتو!!!
قلت ليهم التفاح فيهو ألياف ما بنفع مع معدتي!!!!!!!!
فقِّيع المرارة بي طريقتين يغيظوووك لمن يفقعوها ليك
أو يضحكوووك برضو لمن يفقعوها ليك
أيوا... إنتو وين؟؟؟ ياخ مشيتو بعيد خلاص
أرجعو تاني و تعالو ......
تقابلو صيدلية عبد الرحيم...شمال في يمين.... البيت الأخضر...
تلقوني سادي ديدبان
ديل منو يا كمندان؟؟؟؟؟
ديل ناس كدا دا جايين...
طيب ...إنشاء الله قطر عم عبد الرحيم دا ما موجود في سكة صيدلية عم عبدالرحيم
صلاح إدريس و المربع الذهبي بتاع الكنفدرالية و صلاح قوش أيضاً كانوا حضور


إنتظرونا باكر
Post: #8100
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-06-2010, 01:08 PM
Parent: #8098

تتذكر الجبنة بتاعت اليوم داك يا كوتش ؟؟
مش كان معاك جلا ولا انا غلطان
غايتو انا فتشت عليها , فى سقط لقط ما لقيتا
محتاج ليها شديد والله , جبنة بس , ولو معاها شيشة
بجيب معاى محمد عيد يغرغرها ليكم
اما الجبنة , ففى موضع لجكى جلا اللذيذ ون مبروك تانى
واما الشيشة , فلتامل حالة ابو عمار , منتظرا مع محمد الفاضل , قدوم ناس راقدين رز
ديل انساهم يا ياسر نجيلة , يمين حفلة فى الكشافة بتاعت على نجيلة وفيها انت و (حراسك )
لو ابلع ليها الهناى داك , واشرب ليها البتاع داك , ما بخليها
بس كدى انت ورينا يا ياسر , جكيت ولا ما جكيت
كان جكيت , فانت راجل عظيم و(ساكن زيى)
وكان ما جكيت , يبقى الحراس شايفين شغلهم تمام
مليون مبروك تانى لى على
وكان السودان حالتو بقت لى درجة زول يفوت فرصة شوفتك مع السكسكة بتاعت الكشافة
(انتو فى الكشافة احسن الزول يسكسك , ولا يكشف ؟؟)
فدا طرفنا منو ؟؟؟
الصور , الصور , الصور يا ياسر نجيلة ويا كوتش
حتى يندم الراقدون فى السراير , والجالسون الى جنبهم , ويمتلئوا (ندما )
Post: #8101
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-06-2010, 02:30 PM
Parent: #8100

ياسر نجيلة اولاً مبروك لاخونا علي ....

قطع شك في زول اتلوم ... مع علي نجيلة ... الزول ده يا انت ... يا ناس الخرطوم .... قول لي كيف ... ناسنا ديل لازم تعمل حاجة مهمة مجرد نزولك ارض الوطن ... تتصل تلفون بواحد من المفاتيح ... محمد صديق ... جلا ... البادي .... البرلوم ....الخ يعني زول يكون قادر يكلم الناس .... اها بعداك تتدرع ليهو العزومة في رقبتو ... منصور لمن جا ... قبل العريس حدد مواعيد وصوله في المطار والناس مشت ليهو في صالة كبار الزوار (عارفه حا يجي يقول كضب) بعدين تم التنسيق ... تصدق منصور اتكلم عن زواج اخو بت شيخه يمكن قبال شهر ... كل يعزم الناس ... الجو اربعة ولا خمسة ... يعني لازم الناس دي تحرجنا كده ... المهم يا زول امسحها لينا في وشنا ... والناس ديل اكيد مسالة العزومة بالبوست بيكونوا صفوا الموضوع وكانوا محتاجين للتذكرة واعذرهم الناس ديل اصغر واحد فيهم جلا فات الخمسين بهناك ... عشان كده يا حبيب ما تاخد في خاطرك ... وحقيقي المثل بيقول الما لامك ما دارك ... والزول البيلومك اكيد عايزك تجيهوا وتشاركوا افراحه ...
Post: #8102
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-06-2010, 02:48 PM
Parent: #8101

سلامات يا ناس

Quote: قطع شك في زول اتلوم ... مع علي نجيلة ... الزول ده يا انت ... يا ناس الخرطوم


الزول ده انا ....

حقيقى انا عرفت المواعيد من البوست ولكن انشغلت وكنت خارج الخرطوم

ولم اتذكر اعلقها فى رقبة زول ...خاصة انو عابدين محمد زين المعاهو

تلفون الزقازيق مختفى ومقفل التلفونات ...

بعدين يا ياسر اخوى زى ما قال ليك زهير الكبر ..(اولادى بيقولوا انو انا ما برفض اعمل

ليهم حاجاتهم وما بقصد عدم الإيفاء بوعد ولكن احتاج الى مذكرات ...حسب تعبيرهم )

مبروك لعلى نجيلة ..

وملانين لوم من راسنا لى كرعينا...


****************************************

ياسر نجيلة :اتصلت عليك نهار اليوم للمباركة ( والجِرْسَة) ولم يَرُدْ تلفونك مما زادنى احساساً باللوم.
Post: #8103
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-06-2010, 04:38 PM
Parent: #8102

نجيلة رشهم ولا تاخذك رحمة فيهم ... بس صاحبي الكوتش ده عليك الله براحه عليهو .... الراجل ما بيقصر ... بس الظروف ... بس من جلا وانت ماشي رشهم رش الجن ... بالله البادي ده بالذات ما تخاف منه ... تقول طول في عرض ... ما عنده اي حاجة ...
Post: #8104
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-06-2010, 04:42 PM
Parent: #8103

نبدا صفحة جديدة ...




في انتظار الصور ... يا البادي ..
Post: #8105
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 05:07 AM
Parent: #8104

صباح الخير

فـي صبـاح ساحــر

مع دعـاء طاهــر

أرســل باقــة ورد عاطـر

لأغلـى مـن مـر علـى الخاطـر
Post: #8106
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 05:46 AM
Parent: #8105

Quote:
بس من جلا وانت ماشي رشهم رش الجن


Quote: بس صاحبي الكوتش ده عليك الله براحه عليهو


Quote:
بس من جلا وانت ماشي رشهم رش الجن


Quote:
أنا برضو إتوقعت كدا


Quote:
بس صاحبي الكوتش ده عليك الله براحه عليهو



Quote:

أنا برضو قلت كدا
Post: #8107
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-07-2010, 06:28 AM
Parent: #8106

الناس ديل لابرشهم ... لابقدر على رشهم ....
خلوهم ... بس خزلوني لحد الاحساس بالمرارة ...
والشباب البطالب بتنزيل الصور ..
كان من الممكن نشرها لو شرفونا "شويه" منكم ... ولكن صارت من الخصوصيات ...
واكثر من نشر الدعوه في البوست ... يازهير ... اعمل شنو ...
والطمني اكتر مداخلات الريس معتصم ... وولدنا بادي ... وكلو موثق بالبوست ارجعو ليهو ...
يعني لمتكم الفي بيت محمد صديق مش كان ممكن تكون في نادي الكشافة .... والتي تزامنت مع ايام المناسبة ...
غايتو .... جنس خيار وفاقوس ...
ياكوتش ... اللوم واقع عليهم كلهم بدون فرز ... وانت كنت قافل يجوك البيت ... صح ... طيب الناس دي اتلمت عندك كيف ??!! ...
اسهل النادي ... ولا البيت الاخضر يا موسي عيسي ... جلال عليك الله ساعدو بالاجابه ...
عشان اخونا داااااك البسافر كل يومين بلد ... يمكن شاف النادي ابعد من بورتسودان وكادقلي ...

=====================================================
حبيبنا منصور ...
والله سكسكنا ... وكشفنا ... نادي الكشافة بسمح بالاتنين ...
بس جكه مافي ... قضيت معظم الوقت "واقف صنم" حارس البوابه لاستقبال الزقازيقاب ...
حتي ضاع الفاصل الأول ... وده المزعلني ...
Post: #8108
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 06:44 AM
Parent: #8107

يا حبيب قولت الحق كان ممكن تكون في نادي الكشافة

و البيت الاخضر و رغم انها ما بتبلغ لكنك انت اكبر

و الجايات اكثر من الفاتت و الجاتك في سكستك سامحتك

و ما بين الاحباب عتاب آمل ان تمسح للجماعة الكل يوم

ناطين في بلد ديل في حنانهم .


و لك العتبى حتى ترضى يا ابو احمد انت برضو اخونا الكبير !!!
Post: #8109
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-07-2010, 07:00 AM
Parent: #8108

يا ناس الزقازيق
كلكم

وتحديدا ناس الرياض

اتصل على الدكتور الفاتح ثابت ايام الحج وانا في منى
لينقاش موضوع دقيق وإعتذرت منه لظرف الزمان والمكان
واتصل بي قبل يومين لنفس الموضوع

الفاتح وفق في إدخال ابنه ألى كلية الطب جامعة الزقازيق
بطريقة غير طريقة اللجنة
وبمجهوده الخاص
ويعتقد أن مجهوده الخاص هذا
وهو مرتبط بشكل اساسي بعلاقته بمدير الجامعة أو عميد كلية الطب هناك بعلاقة شخصية

يعتقد الدكتور الفاتح ثابت بأنه قادر بإذن الله تعالى على تعميم التجربة
وجعلها رسمية
ليستفيد الكل
وليستطيع الكل الحصول على نفس الفرصة التي حصل عليها ابنه
ربنا يوفقه في دراسته ان شاء الله

الفاتح يطلب أن نجتمع كلنا لنناقشه على ما عنده من مميزات وملكات حالية
وكيفية تحويل ذلك ليستفيد منه الجميع

انا وعدته بأن اخبر الجميع وأن نحدد الزمان والمكان
وزدت على ذلك بأن الاجتماع سيضم ان شاء الله
زهير الزناتي
وسامي عبد الوهاب
من الشرقية
الشرقيةبتاعة السعودية مش بتاعة مصر

يا شباب خلونا نلاقي في واحدة من ايام البرد العجيبة الجاية دي
ونناقش الموضوع
ومعانا عبر النت والتلفونات كل الناس من السودان
ومن غير السودان
وعلى رأسهم الريس معتصم جعفر

التحية للجميع وننتظر التوجيهات
Post: #8110
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 07:26 AM
Parent: #8109

Quote: الناس ديل لابرشهم ... لابقدر على رشهم ....
خلوهم ... بس خزلوني لحد الاحساس بالمرارة ...

و الله دي ما قدرت أبلعها
Quote: واكثر من نشر الدعوه في البوست ... يازهير ... اعمل شنو ...
والطمني اكتر مداخلات الريس معتصم ... وولدنا بادي ... وكلو موثق بالبوست ارجعو ليهو ...

كلام جميييل
قلنا ليك الذاكرة الموجودة نصف قيقا وملياانة هموم و بلاوي
Quote: ...
يعني لمتكم الفي بيت محمد صديق مش كان ممكن تكون في نادي الكشافة .... والتي تزامنت مع ايام المناسبة ...
غايتو .... جنس خيار وفاقوس ...

من هذا المنبر أعلن مقاطعتي لأي لمة زقازيقية
لزوم ما في زول يزعل مننا
يا كوتش
إذهب أنت و الريس قاتلا
أنا هاهنا قاعد ولازم الجابرة بتاعتي
Quote: ياكوتش ... اللوم واقع عليهم كلهم بدون فرز ... وانت كنت قافل يجوك البيت ... صح ... طيب الناس دي اتلمت عندك كيف ??!! ...
اسهل النادي ... ولا البيت الاخضر يا موسي عيسي ... جلال عليك الله ساعدو بالاجابه ...

رشووووو
عن الناس إتلمت كيف السؤال دا زاتو أنا المحيرني
Quote: عشان اخونا داااااك البسافر كل يومين بلد ... يمكن شاف النادي ابعد من بورتسودان وكادقلي ...

النص دا ما فهمتو نرجو عدم إعادته مرة أخرى
Quote: بس جكه مافي .. قضيت معظم الوقت "واقف صنم" حارس البوابه لاستقبال الزقازيقاب ..حتي ضاع الفاصل الأول .. وده المزعلني.

إنت في دا
ولا في ناس ضاع منهم الأمس زاتو
و أنا زاتي قلت برضو ليهو حق يزعل

أقول قولي هذا و إستغفر الله لي و لبت شيخي
ودا الخيار و الفقوس الجد جد
Post: #8111
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 07:26 AM
Parent: #8109

و بحكم وجودنا في اقصى الريف الجنوبي من قارة

الرياض العظمي و بالرغم من البرد دخل العضم

بل تعداه لمراحل شتى و اصبح الوضع لا يحتمل

إلا إنني موافق علي طرح الاستاذ كمال الشادي

الغائب عنا منذ فترة !!!!

و من الافضل ان نصطاد عصفورين بحجر و نناقش

موضوع اللجنة بالمرة

و اقترح بأن تكون الجلسة مساء الجمعة القادم

بعد صلاة العصر وين دي اي مكان بس ما شمال الرياض

لأنها قد هبوب !!!!!
Post: #8112
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 07:37 AM
Parent: #8111

يا كوتش
تصدق من أمبارح بفتش في جملة مفيدة ما لقيتها
يا دووووبك الزول دا ربنا فتح عليهو بي طلع البدر علينا

Quote: و ما بين الاحباب عتاب آمل ان تمسح للجماعة الكل يوم

ناطين في بلد ديل في حنانهم .
Post: #8114
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-07-2010, 08:12 AM
Parent: #8112

صباح الخير ،،، يا وجوه الخير

زعلت على زعل ياسر نجيلة والناس غابت

بالإجماع عن عرس أخونا علي نجيلة ده كلام ده

معليش يانجيلة أصلة الشعراء دائماً بيكونوا حساسين

شديد بس أعفي ليهم وتجاوز عن هذه النقطة والجايات أكتر

وخليك إنت الكبير ،،،أنا متأكد بأن لكل واحد ظرف يختلف عن الآخر

المهم في الموضوع كله ألف مبرووووووووك وبيت مال وعيال وربنا يزيدكم

من المناسبات الحلوه .

وما تخلي العريس يعرف طريق ود الفاضل لأنه كان عندكم وسد الفرقة

هو طبعاً الحاجات دي بتعجبوا وكتل ليهو مناسبتين دائماً المتعددين دي طريقتهم

========================================================

هلا يا شادي خلونا معاكم في الصورة لأن ما يطرح مهم جداً

ولازم تعملوا محضر للنقاش (كلموا خديجة همام) ترسلوا منه نسخة

للجنة التنفيذية أو ممكن يتم نسخة على البوست العام يطلع عليهو الجميع
Post: #8116
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 08:19 AM
Parent: #8112

سلامات يا ناس

Quote:
20101205164.jpg Hosting at Sudaneseonline.com



المحتفى به وعمر
Post: #8113
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-07-2010, 08:08 AM
Parent: #8109

عزيزى الشادى
سلام
حقا انه لقول عجيب ان ندعوا لمناقشه امر محسوم صدر به قرار من مجلس الجامعه وينتظر الاجازه من المجلس الاعلى للجامعات
اذن ان كانت هناك مناقشه فلتنصب على استعجال اجازة القرارمن المجلس الاعلى للجامعات
وانا هنا لاادافع عن الجمعيه فهى كيان ميت بحكم الواقع ولكننا يجب ان لانضيع مكتسب جاء تحت اسمها ثم ماذا يمكن ان نقول للسيد
العميد وهو الذى وافق على هذا القرار وبكامل مجلسه ؟
اخى وعزيزى الشادى
انها مجهودات افراد يقودهم محمد الصديق وجلا والزناتى وغيرهم
اذن فلتجتمع مجهوداتنا فى طريق واحد لتصب فى مصلحة جميع الزقازيقاب ولا نفرق الجهود فتتفرق بنا السبل وانا شخصيا اعلم مدى
حرصكم على هذا
مع خالص حبى
Post: #8115
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-07-2010, 08:18 AM
Parent: #8113

الحبيب معتصم
كيفك يا غالي
ليك زمن

في الحقيقية زي ماقلت فوق انا اتصل علي الدكتور الفاتح ثابت وانا في منى في الحج
ومافاضي
قبل يومين اتصل تاني
العرفتو منو إنو
فعلا في قرار من الجامعة
لكنه يفترض يمشي حتات كتيرة منها الوافدين
وادارة الجامعات
وحاجات كتيرة كده
هو دخل ولدو بي طريقتو وبي طريق علاقاتو
وللحقيقة الرجل بيقول
الكتير من الاخوان راح يصلو الخطوة دي يعني اولادنا راح يتاجو للجامعة بعد سنة او اتيني اوتثلاثة بالكتير

وهو رغبتو الشخصية انو يفيد الناس عن السكة
وكيف هو دخل ولدو
وده لايمنع نجتمع
نشوف بعض
نتعشى
نغني
نضحك
ونتصل على معتصم سليمان جعفر في السودان
يا راجل نحن من يوم ما سافرت انت مننا من الرياض تاني ما أجتمعنا
والله ماكده ياعثمان الجدى
وجلال عثمان
وابو عمر محمد اسماعيل
وموسى عيسي

نشوف الراجل عندو شنو
ونزيد ما عندو على ماعندنا
وما عندنا هي مكتسبات
جابوها الرجال أخوان الاخوان
معتصم
زهير
وباقي العقد الفريد

تحياتي يا ريس
Post: #8117
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-07-2010, 08:20 AM
Parent: #8113

العزيز ياسر نجيله
ابو احمد اللوم حاصل وصيوف الجمعه هم السبب
لك العتبى حتى ترضى وامسحى فى وشى وانشاالله نلتقى دوما فى الافراح
فقد اصابنا عتابك فى مقتل
=============
الليل والنهار واحد على العميان
واللوم والشكر واحد على السجمان
===========
انشاالله ما نطلع سجمانين
Post: #8118
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-07-2010, 08:32 AM
Parent: #8117

الحبيب الشادى
انشاالله دايما مجتمعين على الخير والفرح
ما قصدته ان ننمى المكتسب الجماعى ولتكن كل المجهودات الاخرى لدعمه
==========================================
بعيدا عن الموضوع
ياخوى فى جلسة الكوتش انصار ابو الفاضل طلعوا كتار بس خايفين!!!!
انا ما ح افتو لكن ناس عايزه تسافر المغرب وناس ................وكفى
Post: #8119
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 08:46 AM
Parent: #8118

Quote:
يا راجل نحن من يوم ما سافرت انت مننا من الرياض تاني ما أجتمعنا
والله ماكده ياعثمان الجدى


يا زهير الزناتي انت ما جيت في رمضان و لا انا ضهبان !!!!!!

عموما لمتك ديك الشباب ما عدوها إلا تعيد السنة تاني و شوف

جيب معاك شهود علشان حتكون اخر مرة ؟؟؟؟


لان كمال الشادي كان غائب و حالف يغني لينا في اللمة دي !!!!

علشان كده ما تنسى القميص الاحمر (نص كم ) ؟؟؟؟؟
Post: #8120
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-07-2010, 09:04 AM
Parent: #8119



‏​‏​‏​‏​‏​‏​‏​‏​‏​‏​‏​‏​سئل الخوارزمي عالم الرياضيات عن المرأة.. فأجاب




إذا كانت المرأة

ذات (خــــلـــــق ) فهي = 1



وإذا كانت المرأة

ذات (جمـــــال) أيضـــــاً فأضف إلى الواحد صفراً = 10



وإذا كانت المرأة

ذات(مـــال) أيضاً فأضف صفراً آخـــــــــر = 100



وإذا كانت المرأة

ذات(حسـب ونسـب) أيضاً فأضف صفراً آخـــــر = 1000



فإذا ذهب الواحــد,,,, (الخلق)...

لم يبق إلا الأصفار...!!!

&&&&&&&&&&&

انا أخدت لى ساتر يا موسى عيسى

ودعتكم لى الله ... انا طالع لى مشوار
Post: #8121
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 09:15 AM
Parent: #8120

Quote: انا أخدت لى ساتر يا موسى عيسى
ودعتكم لى الله ... انا طالع لى مشوار

و الله فاقدك و مشتهيك
داير لي فيك عضة ما لاقيها
الغريبة ماخد ساتر مكشوووووف
علماً ما ذكرته عن قول الخورزمي نوافقك فيهو الرأي
مرأة بدون خلق
زي سيد البلد بدون بطولة خارجية
يعني زيرو كبير
دي بتكون وقعت ليك (و لي موسى عيسى و الزول الزعلان لي هس) سااااااااقطة
Post: #8122
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 09:16 AM
Parent: #8120

Quote: انا أخدت لى ساتر يا موسى عيسى

ودعتكم لى الله ... انا طالع لى مشوار



طريقك ابيض تمشى و تجي بالسلامة من مشوارك لو علي

رئيس النقابة الليلة راقد رز من العملة بتاعتهم

مع اخونا علي نجيلة ، انت اليوم اتجدع و نحن معاك ؟؟؟
Post: #8126
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-07-2010, 09:44 AM
Parent: #8120

يوم (7) من كل شهر حبيب جدا لي نفسي
ليس لانه يرتبط بمناسبة سعيدة
ولكن لانه اليوم البي قلب قوي الزول بمشى فيه لي ماكينة الصراف
وما بكون خايف انو مافي رصيد
هو اليوم الذي تنزل فيه الرواتب
اها اليوم اضفتم لذلك الحب وجه آخر .....
ماشاء الله .... ماشاء الله
لم ينتصف النهار وسعدنا بمرور احبة
ريسين ونوابهم وريس عموم الرياض ونائبه
واركان حرب الرؤساء ونوابهم. وريس وجالية الامارات
غايتو ياجلا انا مابفسر وانت ماتقصر
شوف عاوز ياتو ريس او نائب وشيل
بس اختا الرياض عشان ما "تتفلق"

اها ...
مجموعة خواطر كدا نتمنى انها ترتقي لتعانقكم بقدر اشواقنا لكم
رغم ان البعض قد اعلن المقاطعة الا ان الامر ليس الا مجرد مزحة
ولا مش كدة يابريش ...

تاني هم ياكوتش بطل شغل القطارة دا بالله
رشنا طوالى او املانا صور عشان نتدفى بالحميمية التى نحسها حين مشاهدة تلك (الاستايلات"
وتشكر ان بدأت لنا ب "المين استايل" بتاع اخانا المغربي الذي هو بالسودان الآن

اها ما دار من "ون تو" بين الريس والشادي لايحتاج لتعليق
كل ما هناك ان تقراء "بوعي" المداخلات ِشادي - ريس - شادي - ريس
وهبا جوة القون هدف غالي ونبيل في سبيل تأمين مستقبل الجيل الثاني
وحلاة الجيل الثاني لما يكون زقازيقي برضو.

وكم جميل ان نلتقي يا شادي ويا موسى ...
انا جاهز والله .

هذا وكل الود لكم
Post: #8123
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-07-2010, 09:19 AM
Parent: #8119

العزيز موسى
سلام ملؤه الود والشوق
الله يجازى شيطانك!!!!
يعنى الواحد ما يجدع شويه
ويظل حبل الود ممدود
Post: #8124
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 09:26 AM
Parent: #8123

Quote: ويظل حبل الود ممدود

داير نصيحتي يا ريس
حبلك دا وصلو جدة و بس
أي زول داير ود منك
يجي جدة و يرجع رافقته السلامة
بس الزول دا ما يجي
Post: #8125
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-07-2010, 09:38 AM
Parent: #8123

1431.jpg Hosting at Sudaneseonline.com
Post: #8127
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-07-2010, 10:41 AM
Parent: #8125

نهاراتكم بالهناء والسرور ...

أخونا الكبير في مقامه ياسر نجيلة .. والله متلومين لوما يهد الجبال لكن تأكد تماما إني كنت متذكر الزمان والمكان لكن وكما أسلفت سابقا ونسبة لظرف طاريء ما قدرت أحضر .. والله لك العتبى حتى ترضى .. وإنت زول كبير في قلوبنا كلنا وما بنقدر على زعلك .. والله أنا أتمنى لو الواحد بيقدر يرجع الزمن لي ورا علشان نصحح غلطتنا .. وبرضو نحن آسفون وسامحني غلطان بعتذر ...

أبوالزوز ما لك معاي إنت شايفني شايل لي كاميرا .. يا أخوي أحسن ليك فك دربي مش كفاية علينا الشيخ جلا اللي قاعد يلوح بالجوكر .. غايتو ربك يستر ...
Post: #8129
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 11:04 AM
Parent: #8127

يا ريس حاشاك الباص ماله ليك بس انت استلمت

الكورة !! عموما حولها لوسط الملعب و اعمل

حسابك من الكدارة !!!




تخريمة ::

قلت لي كيف يا جلال شفت الجرسة دي طيب !! نحن قبيل

شن قلنا ، والله يالبادي الموضوع ما بتحل باخوي

و اخوك والجقلبه دي ما تكمل الناقصة شوف صحبك

الوصلتو الفتيحاب و اعملو شيرنق و رسلو تذاكر

للامارات و اعملوا لمة جديدة و فيهاحت و سكسكه بعدين

نشوف الحاصل شنو ، عموما ما تنسو ممثل الرياض !!


فتكم بعافية ؟
Post: #8128
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-07-2010, 10:55 AM
Parent: #8125

اها ,,,,,, السنة الجديدة بدت ؟؟؟
وصادفت يوم سبعة يا ابو الجا , رصيد ملياااان وشحماااان وسنة جديدة
دى اولا
دعوة لى لقاء ولى غناء وتفاكر , بى موضوع محورى موجود اصلا وشغال وماشى فى مساره
ومعاها مناقشة تجربة الفاتح ثابت والأستفادة منها
ما قلت ليكم السنة الجديدة بدت , وصادفت يوم سبعة كماااان ؟؟؟
اها , بس شوفوا جمعة تانى
لأنى بى صراحة ما عايز اشوف كمال الشادى اليومين الجايات ديل , فى اى حتة تانية غير فى (بيته )
كل نهاية اسبوع اقول اعمل كده , يعترينى عارض ما , والعارض باين عليهو ماشى معاى لغاية الأسبوع ده
اذن , عليكم الله خلوها الأسبوع الجاى , يا موسى عيسى وكمال وابو الجل
ودى ثانيا , وعشان يكون فى تانيا ونص قبل ثالثا , وبما ان الود ابو الزوز مشتاق يشوف ليهو واحد ابنوسى , فانا بتبرع اشوفوا ليكم الأسبوع الجاى
ده طبعا بعد ما تقوموا تحددوا المكان والزمان يا كتيبة التحضير (كمال وموسى واحمد اسماعيل وابو الجا )
يقوم ابو الزوز يجينا , وسايق معاهو ناس بهجة , ومنسق مع ناس سامى ووليدو الكاتلانى ريدتو داك , ويجيبو معاهم اى زقازيقى شرقاوى قريب منهم
عارفين الموضوع شنويا شباب
ابدا ما لمة ساكت
ضيفة شرفنا حاجة السيدة والدة كمال , واستقبال ابتهاج ومعاها عيالها , وبى كده يوم الخميس يكون احسن من الجمعة
ويكون موضوع المناقشة والأستماع , قبل الغنا وبعده وما بينات الفواصل , تجربة دكتور الفاتح ثابت فى ادخال ولده لى طب الزقازيق
ومحاولات الأستفادة من تجربته لتدعيم انجاز اللجنة بتاعت الجمعية الخاص بموافقة ادارة الجامعة لقبول ابناء الزقازيقاب فى كليات الزقازيق
ولا ننسى مواضيع مثل الصندوق الأجتماعى الجديد , وتأطير تجمعات الزقازيقاب هيكليا , وتعضيد فكرة الشركة القابضة
وبعد داك لو لقيتوا فرصة للعشاء , اتعشوا , والا فغناء الشادى كمال , سيملأ ولا شك , اى حيز (فاضى )
قلتوا شنو ؟؟؟؟


* يمين زعلة ياسر نجيلة حارقانى جنس حرقة , امشوا كده عاملين حفلاتكم البتنتهى قبل ما تبدأ دى
بس عارف يا ابو عمار (انا ما عارف ابو عمار دى باقية لى احلى من ابو احمد ليه ؟؟)
ما لاحظت معاى انو الناس فى السودان برنامج حفلات الأعراس دى , زى بقى ما من اولوياتها
هذا مع العلم والتأكيد , بان هذه الملاحظة , ليس لها اى رابط او علاقة بمحاولات ايجاد عذر ليهم , سوى انهم موجودون فى بلد (مجوبك خلقة )
لا يستطيع اى بنى آدم فيه , مهما اؤتى من ترتيب وتنظيم , ان ينجز او يلتزم ببرنامج محدد فيه
Post: #8130
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-07-2010, 11:17 AM
Parent: #8128

لو جيتوني ... او جليتوني ... من زماااان حبكم في الفؤاد اتولد
من قبل الدراسة في ارض الكنانة ... ولما المولي خلقني وبقاني ولد
خبيتو بين اضلاعي طفل رضيع ... وبعشرتكم واحترامكم اتحكر قعد
ما انتو الاهل والصحاب والزعل ما ليهو باب ... حتي للوعدني ولظروفي قام لبد
يبقي الوداد والوصال ... وما الظروف البتخلى حبي ليكم يقلب كمد



===========================================================================================================
موضوع دراسة أبناءنا بجامعة الزقازيق ...
نعلم الدور المهم والمقدر الذي لعبته جمعية الزاقازيقاب بالسودان والتي قطعت شوطا كبير في هذا الشأن ...
ومنها موافقة العميد ومجلس الجامعة .. وتبقي بعض الموافقات لاكتمال القرار ...
ولذا لا يمنع أن يستفاد من علاقات الدكتور الفاتح ثابت واتصالاته
لتسريع أو إنهاء الإجراءات والموافقات المختلفة من المجلس العالي للجامعات وإدارات الوافدين
وغيرها من الموافقات الأساسية التي تجعل القرار نافذا ....
ويا ناس الرياض اجتماعكم مهم لتدعيم العلاقات والتواصل ... يا حبذا لو كان مدعوم بالصور مش زى الاجتماع الفات ...

ولدنا الكمندان بدأ مشوار الصور ... واصل يا حبيب ... متابعين ...

وكل عام ونحنا سعداء بلمتنا هذه ...


Post: #8131
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 11:27 AM
Parent: #8130

Quote: لو جيتوني ... او جليتوني ... من زماااان حبكم في الفؤاد اتولد
من قبل الدراسة في ارض الكنانة ... ولما المولي خلقني وبقاني ولد
خبيتو بين اضلاعي طفل رضيع ... وبعشرتكم واحترامكم اتحكر قعد
ما انتو الاهل والصحاب والزعل ما ليهو باب ... حتي للوعدني ولظروفي قام لبد
يبقي الوداد والوصال ... وما الظروف البتخلى حبي ليكم يقلب كمد

الواحد كان داير يدخل رش نظام واسطة و كدا
لكن بعد دا الواحد يتنفض من ضل الحيطة
ونشوف شغلنا....
ما تمشي بعيد يا رش يمكن نحتاجك
في ناش كتاااااار متلقيين حجج
المهم خليج جمبنا
نحن كنا واقفين وين؟؟؟؟
Post: #8132
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 12:06 PM
Parent: #8131

Quote:
لو جيتوني ... او جليتوني ... من زماااان حبكم في الفؤاد اتولد
من قبل الدراسة في ارض الكنانة ... ولما المولي خلقني وبقاني ولد
خبيتو بين اضلاعي طفل رضيع ... وبعشرتكم واحترامكم اتحكر قعد
ما انتو الاهل والصحاب والزعل ما ليهو باب ... حتي للوعدني ولظروفي قام لبد
يبقي الوداد والوصال ... وما الظروف البتخلى حبي ليكم يقلب كمد



انت يا الابيض ضمــيرك صافي زي قلب الرضيع
في كلامك و في ابتسامك احلي من زهر الربيــع


نحن عارفنك ما زول ساهل بس استعجلت شوية كنا عايزنك

تاخر لينا الموضوع دا لبكرة وكده علشان في ناس لسع ما

جات و كبت حرف الجيم (ينعل ابو حرف الجيم عند عازة آداب)

زاتو .

و الله كنت لسع عايز لي قدله قدلتين في صحبي بتاع بورتسودان

دا لكن ما تخاف بكرة بقع تاني حتى لو اعتزل اللعب الدولي

ظاتتتتتتتتتتتتتو ؟ وراك يا جنى ..
Post: #8133
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 12:07 PM
Parent: #8131

Quote:
لو جيتوني ... او جليتوني ... من زماااان حبكم في الفؤاد اتولد
من قبل الدراسة في ارض الكنانة ... ولما المولي خلقني وبقاني ولد
خبيتو بين اضلاعي طفل رضيع ... وبعشرتكم واحترامكم اتحكر قعد
ما انتو الاهل والصحاب والزعل ما ليهو باب ... حتي للوعدني ولظروفي قام لبد
يبقي الوداد والوصال ... وما الظروف البتخلى حبي ليكم يقلب كمد



انت يا الابيض ضمــيرك صافي زي قلب الرضيع
في كلامك و في ابتسامك احلي من زهر الربيــع


نحن عارفنك ما زول ساهل بس استعجلت شوية كنا عايزنك

تاخر لينا الموضوع دا لبكرة وكده علشان في ناس لسع ما

جات و كبت حرف الجيم (ينعل ابو حرف الجيم عند عازة آداب)

زاتو .

و الله كنت لسع عايز لي قدله قدلتين في صحبي بتاع بورتسودان

دا لكن ما تخاف بكرة بقع تاني حتى لو اعتزل اللعب الدولي

ظاتتتتتتتتتتتتتو ؟ وراك يا جنى ..
Post: #8134
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 12:07 PM
Parent: #8131

Quote:
لو جيتوني ... او جليتوني ... من زماااان حبكم في الفؤاد اتولد
من قبل الدراسة في ارض الكنانة ... ولما المولي خلقني وبقاني ولد
خبيتو بين اضلاعي طفل رضيع ... وبعشرتكم واحترامكم اتحكر قعد
ما انتو الاهل والصحاب والزعل ما ليهو باب ... حتي للوعدني ولظروفي قام لبد
يبقي الوداد والوصال ... وما الظروف البتخلى حبي ليكم يقلب كمد



انت يا الابيض ضمــيرك صافي زي قلب الرضيع
في كلامك و في ابتسامك احلي من زهر الربيــع


نحن عارفنك ما زول ساهل بس استعجلت شوية كنا عايزنك

تاخر لينا الموضوع دا لبكرة وكده علشان في ناس لسع ما

جات و كبت حرف الجيم (ينعل ابو حرف الجيم عند عازة آداب)

زاتو .

و الله كنت لسع عايز لي قدله قدلتين في صحبي بتاع بورتسودان

دا لكن ما تخاف بكرة بقع تاني حتى لو اعتزل اللعب الدولي

ظاتتتتتتتتتتتتتو ؟ وراك يا جنى ..
Post: #8135
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-07-2010, 12:17 PM
Parent: #8134

والله يا موسي عيسي ... ياسر نجيلة بالغ عديل كده ... ياخي ديل مقبوضين بالثابتة ... وما ناكرين ... وكابين الجرس ... شوف عيني جلا عيونه ترقرق ... ومحمد صديق كضم تب ... والبادي بقي يهضرب ................ الخ
Post: #8136
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 12:29 PM
Parent: #8135

و الله يا ابو الزوز كنت في غاية السعادة من الجلجلة

(علي وزن جخانين ) و لكن هيهات لو تاخر ابو احمد

يوم كمان كنت شفيت غليلي ، و الله يا زهير حليل ايامك

وقت كنت عايشنا بالاجر يا ريت ما اغتربت ولا مرق بره !!!!!

حرام يا زهير مشيت عديت المرة دي 52 يوم صحبك غير

تلفون مرة واحدة ما سمعت صوته احححححححححححححححح ؟؟؟؟؟
Post: #8137
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-07-2010, 12:41 PM
Parent: #8136



أعزائــى افراد قبيلة الزقازيقاب واولادهم وبنات شيوخهم


لقد تم تجديد اشتراككم تلقائيا"

ضــمن باقــة ..

الســـاكنين فى القلـــب

لعام 1432هـ

فاللهم أدم وصــلنا ...

وضاعف أجــرنا ..

آميـــــــــــن
Post: #8138
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-07-2010, 01:03 PM
Parent: #8137

Quote: لقد تم تجديد اشتراككم تلقائيا"

ضــمن باقــة ..

الســـاكنين فى القلـــب

لعام 1432هـ


شكراً جميلاً
بس عندي شرط
الزول داك ما يكون جاري
إنشاء الله أدفع دشليون كلمة أحبكم
بس يختاني....
Post: #8139
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-07-2010, 01:36 PM
Parent: #8138

يا ود عيد بالله زي ديل خليهم في الاحتياطي

عشان لو عايز تعمل لقلبك خطة اسكان عشوائي

خارج الفؤاد ممكن تستوعبهم لأنه ::

ممكن ولا ما ممكن
اسيبك اصلو ما ممكن
اسيبك كيف بعد ريدك
صبح من روحي متمكن


ممكن تختفي الابراج
ويبقى النيل بدون امواج
و تبقى الزهرة من غير تاج
عارف شوقي ما بهدن
و اسيبك اصلو ما ممكن
Post: #8140
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-07-2010, 01:39 PM
Parent: #8138

سلام عليكم.. من فراش المرض..

عذرا حبيبي..
هسي خلاص كدا يا نجيله?
العفو والعافيه وكدا?
رش ناس الداخل ديل..
رشاهم الجن..
وأنا زاتو بارش معاك..
بس فارز منهم كم زول..
عارفين نفسهم..

درس تاني..
السودان بدون الزناتي.. شئ تاني..
الإجازه بعد دا في السعوديه..
وماجاورها..
Post: #8141
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-07-2010, 02:25 PM
Parent: #8140

Quote: سلام عليكم.. من فراش المرض..


سلامتك ،،،سلامتك ،،، سلامتك ،،، سلامتك ،،، من المرض

وعليكم السلام يا حاتم ود جبارة ، أي زول مشى السودان

جانا يلعن سلسلفيلو الحكاية شنو ! يعني ما نمشي نشوف البلد

ولو حتى بعد التقسم أو التعديل الجديد ،،، الباقي لينا ود جبرين

داك قالوا شرد اليوم إلى القاهرة ومنها إلى المغرب ،،، ما قلتوا شوايقه
Post: #8142
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 05:07 PM
Parent: #8141

سلامات يا ناس

الصور...الصور
Post: #8143
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 05:25 PM
Parent: #8142

سلامات يا ناس



20101205159.jpg Hosting at Sudaneseonline.com


ما عارف الود بسكو ده القعدو بين اللافتتين ديل شنو؟
Post: #8144
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-07-2010, 05:31 PM
Parent: #8143

اولاد تجارة آخر شتارة
خفة دم وحلاوة بجدارة
Post: #8145
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 05:40 PM
Parent: #8143

سلامات يا ناس

20101205158.jpg Hosting at Sudaneseonline.com



تسريبات ويكيليكس ...جعلت الحاج السِّرِّى يخرج عن وقاره
Post: #8146
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 05:48 PM
Parent: #8145

سلامات يا ناس

20101205168.jpg Hosting at Sudaneseonline.com

وقالوا فى المثل : من يجاور السعيد...يسعد
Post: #8147
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-07-2010, 06:05 PM
Parent: #8146

يمين بالله يا البادي قايلك صاحبي نادر فاروق ... نفس الوجاهة ... ولفة العمة والشاسيه ...
Post: #8148
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 06:11 PM
Parent: #8146

سلامات يا ناس

20101205183.jpg Hosting at Sudaneseonline.com


الريس ...صلوا على النبى.
Post: #8149
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 06:21 PM
Parent: #8148

سلامات يا ناس



20101205182.jpg Hosting at Sudaneseonline.com



عمار...بعد ان جار عليه الزمن

عبدالرحمن عشِّى ...برلوم فى شكل سِنْيَر
Post: #8150
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 06:44 PM
Parent: #8149

سلامات يا ناس
20101205167.jpg Hosting at Sudaneseonline.com

مبارك جادين ....أبو التأمل زااااتو
Post: #8151
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 06:55 PM
Parent: #8150

سلامات يا ناس



20101205175.jpg Hosting at Sudaneseonline.com


عبدالرحمن شاويش ...يطول ويطول ويطول

وعبدالرحمن عشى ...والنِّفيسة فى (حكاوى مراكش)
Post: #8152
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 07:36 PM
Parent: #8151

سلامات يا ناس



20101205189.jpg Hosting at Sudaneseonline.com


احمد عوض : حليل زمن الصبا الماضى

صلاح : صديق لأحمد عوض

ومن هو هذا الذى ضحك حتى بانت نواجذه
Post: #8153
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-07-2010, 07:42 PM
Parent: #8152

سلامات يا ناس

عووووووووووووووك

فتَّكُمْ بعافية.
Post: #8154
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-08-2010, 05:12 AM
Parent: #8153

تعال يا شاب وين لسع نحن ما خلصنا كب الحنك !!!!

نزل باقي الصور و لسع الصلغ دي ما جيهتها لينا

و انت يا محمد صديق معسول من الخير ام درمان

كهربتها قاطعة و لا الناس بقول زورق ساي عموما

صاحبي انا عارفو من يومو كككا طيب الباقين مالهم ؟



و احمد عوض الحبيب وين ايامو وين الشخصية بالله

يا كوتش بلغه التحايا و قول ليه شنو من ديك و عيييييييييييك ؟
Post: #8155
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-08-2010, 05:18 AM
Parent: #8154

sudansudansudansudansudansudansudansudansudansudansudan26.jpg Hosting at Sudaneseonline.com



Quote:
يمين بالله يا البادي قايلك صاحبي نادر فاروق ... نفس الوجاهة ... ولفة العمة والشاسيه ...


و الله يا زهير نفس الشعور ؟؟؟؟

لكن الحلاوة و الوجاهة بس المع بسكو و البادي ما عرفتو النبي كان توريني ليه يالبادي !!!!

يا ربي يكون عبدالرحمن المهدي ؟؟؟ و لا جيسي جاكسسسسسسسسسسسسسسسسسسسسسسسسسسسسون !!!
Post: #8156
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-08-2010, 07:44 AM
Parent: #8155

شاويش ....

مالو قاعد زى بتاع البنقـز
Post: #8157
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-08-2010, 07:53 AM
Parent: #8155

صباح الخير ،،، يا يوجوه الخير

ترانيم صباحية :

إلهي !!

لو لا أنك بالفضل تجود
ما كان عبدك إلى الذنب يعود

إلهي !!

لولا محبتك للغفران
ما أمهلت من يُبارزك بالعصيان

========================

يا ناس السودان الصور ما واضحه
Post: #8158
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-08-2010, 07:53 AM
Parent: #8155

صباح الهناء والسرور ...

أبوالزوز .. لعلمك نادر فاروق ود أهلي ونسيبنا كمان .. ولعلمك لفة العمة دي بصمة خاصة وكثير من أجدادنا القدماء لم يفلح في لفها أمثال منصور الجاك وهلم جرا .. طبعا دا نيولوك إنت ما متعود عليه .. عموما شكرا يا معجب ممكن تقيف في الصف أصلو طويل أوي .. وتعال كل يوم ...

ود نجيلة يا كريم يا أصيل .. وخليك من فاتن حمامة ...

يا موسى عيسى صاحبك نكر كل الإتفاقيات اللي بيننا وقال عايز يفتو .. هو منو .. أظنه جلا أبوجلمبو ...

رشيد القوم وين أيامك وين يا غايب عن العين ...
Post: #8159
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-08-2010, 08:10 AM
Parent: #8158

البادي يا عسل منور و العمة عندك انشاء الله

عيني عليك باردة يالسمحة يالواردة
يافقراء اكتبوني رويحتي هناك شاردة



الحقيقة نفتقدك كثيرا اخي رشيد الكل طولة الغيبة

الحكاية اجازة يومين ثلاثة ولا الموضوع فيه إنًََه !!!


ابو عمر ليك وحشة امل ان يكون المانع خير .

يا شباب الرياض نرغب في زيارة والد محمد ابراهيم

النمس و والدة الجميل كمال الشادي و اقترح الخميس

قبل القرة ما تربط الموافق يرفع يدو انا عارف في

واحد لقيش من الداخل بكون رفع يدو ؟؟؟؟ حذر يكون

منو يا جلال ؟؟؟؟؟

الموافق يعمل رسالة موافق للرقم اعلاه 000000000
Post: #8160
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-08-2010, 08:11 AM
Parent: #8158

سلام يا حلوين ...


موسي عيسي ... اعمل حسابك ... جلا ده ود اهلي وود حلتنا وبعتبره زي اخوي الكبير ... عشان كده ان لازم اقيف معاهو في حملتك المنظمة دي ... ولن تنال منه يا رجل ... ولن يؤتي جلا من قبلنا كما قال اهل المؤتمر الوطني .... خسئت يا رجل وخسئت كل المؤامرات التي تريد ان تنال من رموزنا ...

البادي النور ... نادر فاروق من القامات السامقة ... التي لن تصلوا الي ما وصلت اليه الا بعد سنوات طويلة .. من الجد والمثابرة ... لذا عليك بمزيد من هذه اللقاءات ... واحذر الظروف الطارئة التي توردكم موارد التهلكة ... واللوم ... والله لو لا ان ياسر نجيلة رجل طيب القلب ... ابيض السريرة لنال منكم منالاً عظيماً ... بعد ان قبضكم بالثابتة ... ونحن له شهود ... اعلم يا اخي نحن لا تعيد ونكرر هذا الموقف لشئ في انفسنا ولنوقع بينكم واخانا الذي في الامارات ...وانما للتذكرة والعبرة حتي لا تكرروا مثل هذا السلوك المعيب ...

العبارات اعلاه لمعرفة مدي تحسن اللغة العربية .. والتي اري بانني احتاج لبعض الكورسات خاصة في النحو فمن ينبري منكم اخوتي الافاضل ...

الابن حاتم جبارة - طرف ناس الخرطوم .. المرض ده ما بيشوف ولا ما بيشوف ... الا تقول شنو ... عين واصابت ولدنا الدومنيكاني وما عايز اقول البادي النور عشان ما يقول انا مستهدفه لكن قطع شك ... البرلوم له يد في ما حدث حتي ولو بالتآمر ...

فقدت من ضمن ما فقدت تلفون الاخ عادل الحسين ... علي ثقة من انه متابع ومستمع ... لذا اطمع في اعادة التواصل معه مرة اخري للاهمية ...


جلا قلت لي الجرسلين كيف ...
Post: #8161
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-08-2010, 09:19 AM
Parent: #8160

سلامات يا ناس

وصباحات التفاؤل

وصبحكم الله بالخير (من الرشيد)

تحالف متوقع بين البادى وجلا ....شِدُّو حيلكم.
Post: #8162
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-08-2010, 10:09 AM
Parent: #8161

صباح الهناء والسرور (كلاكيت تاني مرة) ...

صباح الخير عليك يا كوتش .. زي ما غرفة تسجيلات اللاعبين شغالة وفيها مفاجآت كمان أنا والشيخ جلا غرفة الصداقة شغالة 24 ساعة وحنجيكم بإتفاقية وتحالفات وتوأمة .. بس الله يكفينا عيون الحساد ويبعد عننا فاتن حمامة .. في زول جاب سيرة أبوالزوز ...
Post: #8165
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-08-2010, 10:39 AM
Parent: #8162

صبحكم الله بالخير

أنا ما بقطف زهورك
بس بعاين بعيوني
يا الغصن في نهورك
يا البدر في خدورك
مترقب ظهورك
أتأمل في محاسنك
واتمتع بي مناظرك
وأتوسع في فنوني

ده لسان حالي بالنهار في اليومين الفاتو ديل...
متابع و مستمتع و متكيف...
و عيوني تعبوني من صور الكوتش الما واضحه دي...
و لما أجي بالليل ألقى الناس انفض سامرها أقوم أمشي أنزوي في كاي...
قريت الجلسرين كلو و قمت اتصلت بي ياسر نجيلة حرشتو عليكم..

البادي شكرا على السؤال و تأكد تحالفك مع جلا فيه منافع كثيرة...
الطريقة بتاعت لفة العمه بتاعتك...ياتو طريقة؟؟؟
ما تقول لي الطريقة الجلاوية...

موسى عيسى يا جميل يا مدلل..أمبارح بالليل فتشتك في السكايب ما لقيتك...
انت كان متنكر ما تكلمنا عشان ما نمشي نكابس ساكت...
شكرا يا حبيب على السؤال...

يا كوتش كل يوم أقول أجيك بي هناك أقول ليك مستمتع...
انت عارفني أنا زول خرطومي و البطانه دي الجابني ليها شغل و كبدة أبل..
و ما بعرف من الحاجات البختفوها الا قون اندرسون بتاع مانشستر أمبارح...
عليك الله الولد ده مش مضيع نفسو ساكت...
يا كوتش صبحك الله بالخير و السرور...

يا أبو الزوز ياخي ليك مده ما بنت,,,

من بكره تاني حأتبع نظام المداخلات المجمدة بالنهار...
و ده نظام أسألوا منو منصور...
Post: #8163
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-08-2010, 10:28 AM
Parent: #8161

محاولات الربط التتشبيهى بين نادر فاروق والبادى النور
محاولات محكومة بالفشل الذريع
ما العلاقة بين الفتيحاب , والمجاهدين
وبعدين , نادر فاروق ده من معرفتى ليهو , راجل موحد , كان لاقى محمد الفاضل فى الشارع ساكت ما بيسلم عليهو
نادر فاروق كمان راجل لياقته مية المية , زى لياقتى كده
وفى اقوال اخرى , اكثر شوية لمن قربت لى لياقة نملوز فى الصيف
نادر راجل فايتنا فى الجكات , بى غادى ة واحدة
تجوا تقارنوه بالبادى , الكل علاقته بالجرى انو المعز ود خالتو
اها عمركم شفتوا المعز جاكى , ولاجارى حتى , ياخى واقف بين عراضتين , وقرب يجيب لى ابو الزوز ارتكاريا
كان قال كده وجكا , يمين البادى الا يتعاقد مع جون بولت عشان يلحقو
اما عن العمم , حلالالالالالالاتو الريس معتصم , وكمان عيبوا لى عمر بسكو ده
حتى جلا يا بادى , رمى عمتو واطلق ليديه العنان
احمد عجوز ما عرفتك من غير ميكروفون , انت ما جاى تانى ولا شنو يا زول ؟؟
كل الناس موجودين فى الصور , وشايفكم مركزين على (اللقيمات )
طارق جبرين صور ة واحدة بس ؟؟؟
وكمحاولة لأستدعاء فاتن حمامة مرة اخرى
هسى القعدة دى لو كانت فى نادى الكشافة مالو ؟؟؟
فاتن جات ولا لسا ؟؟
Post: #8164
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-08-2010, 10:37 AM
Parent: #8163

Quote: هسى القعدة دى لو كانت فى نادى الكشافة مالو ؟؟؟


وكمان الصور جنس ضلام ... ياكافي البلا كشافات مافي ...
وكمان كان وفرنا ... مرتب محمد صديق وبتنا خالده ...
الحمد لله اتفشيت ......



================================
حاتم جبارة ...
شاي اللبن البتشربو في شارع النيل ...
ونادي الكشافة في شارع النيل ....
سلامتك ... من المرض ...
Post: #8166
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-08-2010, 11:00 AM
Parent: #8164

انتو الظاهر عليكم بقيتو عمايـة
الصورة من شدة ما واضحة انا شايف الزول الواقف وراء الستارة

،،،،،،

نجيلة كدى اوصف لينا الحفلة
والجماعة ديل اديهم العذر يمكن هم عارفين ود الفاضل جاي
قالو احسن ( نطنش ) لانو لو جابو معاهم ( حريمهم ) المتابعات
للموضوع حيدخلو فى احراج ، ولو جوك فرداى حيدخلو فى سوء الظن
برضو من حريمهم المتابعات
Post: #8167
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-08-2010, 11:04 AM
Parent: #8164

سلامات يا ناس

Quote: وكمان الصور جنس ضلام ... ياكافي البلا كشافات مافي ...


الجلسة كانت على ضوء الشموع...(نظام رومانسية)
Post: #8168
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-08-2010, 11:33 AM
Parent: #8167

Quote: الجلسة كانت على ضوء الشموع...(نظام رومانسية)


يا كوتش كان تجيبو ليكم شمع قوي شوية طيب...

انت قايل جلا براهو العكليته...
Post: #8169
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-08-2010, 12:38 PM
Parent: #8168

ياريس ميسره يا رهيب..
هو السودان بعد دق سلسفيلو السابع..
لاعنين ليه شنو?
يازول أنزل شوف أهلك وأحبابك..
وإتمغص حبه..

Quote: حاتم جبارة ...
شاي اللبن البتشربو في شارع النيل ...
ونادي الكشافة في شارع النيل ....
سلامتك ... من المرض ...

دا نظام شغل بي البارد?
شاي اللبن أنا تاني ما بمشي عليه..
ولو حق خالده الشهير..

Quote: الحمد لله اتفشيت ......

عجبي...
فشيك هين كدا?
عشان كدا فتحوا ليك..
وما فاتن حمامه ولا حاجه..

أبوالزوز.. شكرا لسؤال ياحلو..
Post: #8170
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-08-2010, 01:37 PM
Parent: #8169

نحاول نشغل الجنريتور وعدل شويه في الصور

عن إذنك يا كوتش نعدل الإضاءة بقدر المستطاع

783.jpg Hosting at Sudaneseonline.com

784.jpg Hosting at Sudaneseonline.com

785.jpg Hosting at Sudaneseonline.com

786.jpg Hosting at Sudaneseonline.com
Post: #8171
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-08-2010, 01:48 PM
Parent: #8170

787.jpg Hosting at Sudaneseonline.com

788.jpg Hosting at Sudaneseonline.com

789.jpg Hosting at Sudaneseonline.com
Post: #8172
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-08-2010, 06:25 PM
Parent: #8171

سلامات يا ناس

Quote: عن إذنك يا كوتش نعدل الإضاءة بقدر المستطاع


سلام يا ريس

ياخى كتَّر خيرك...

نحن لما نرفع صورة مهما كان شكلها بيبقى ده ذاتو إنجاز

وهسة زهير بيكون مستغرب ..وتِحِت تِحِت حيقول ياربى عملها كيف؟
Post: #8173
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-08-2010, 07:05 PM
Parent: #8172

سلامات يا ناس

يغادرنا فى امان الله مساء بعد غد الجمعة

الحاج حاتم بعد قضاء إجازته بين سرير المرض

وشاى اللبن على شاطىء النيل...

لمّة زقازيقية مساء الغد وداعاً له عند الريس معتصم

الحاضر يكلّم الغائب...

تبلدينا ما لاقى تلفونك ...

ملحوظة: الصور طبعاً حتكون واضحة.
Post: #8174
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-09-2010, 06:39 AM
Parent: #8173

صبحكم الله بالخير

هذه الأيام أصبحت مدينة السلع مدينة الضباب مع حفظ الألقاب...
حيث يجثم على صدر المدينة كل صباح و مساء ضباب كثيف تكاد تنعدم معه الرؤيا..
و تصبح قيادة السيارة أو حتى المشي على الأقدام من الأشياء الخطيرة جدا...
بالرغم من أن الطريق مضاء بأنوار خاصة للضباب و كذلك السيارات....
و ما أن يهبط الضباب ليلا و الا و تنطلق من بعده سرينات سيارات الشرطة...
و أحيانا سيارات الاسعاف...فسائقوا الشاحنات لا يلتزمون بالتوقف الاجباري عند الضباب...
بل يواصلون التقدم...لأن الزمن يعني لهم الكثير فيما يخص الدخل الشهري..
فيتسببون في كثير من الحوادث على الطريق..
طبعا لندن هي المدينة صاحبة الاسم...مدينة الضباب...
و كنت زمان لما أسمع في الأخبار عن حدوث حوادث في أوروبا بسبب الضباب...
كنت بقول و الله الخواجات ديل بيستهبلوا..ديل لو شافو الكتاحة بتاعتنا حيصل شنو..
و لي مع الكتاحة و الأمطار الغزيرة قصص كثيرة..
و لكني أذكر مرة عندما كنا نسكن مدني كنت أنا و أبي عائدين من الخرطوم ليلا...
و عندما وصلنا قريبا من المسيد داهمتنا كتاحة رهيبة..
يكاد يكون مدى الرؤيا لا يتعدى متران...ثم أعقبت الكتاحة أمطار غزيرة جدا...
و ازداد الأمر سوءا و كان أبي لا يرى حتى الأسفلت أمامه...
و كان مواصلة القيادة من الخطورة بمكان فالشارع مرتفع جدا...
و امكانية الخروج عنه و تدحرج السيارة كان أمرا واردا...
و لكن التوقف عند حافة الطريق كان لا يقل خطورة منه...
فلربما قرر سائق شاحنة مجنون أن يستمر في القيادة فلا شك أنه سيدهسنا...
سألني أبي ما رأيك هل نمضي ام نتوقف...
قلت له...و الله الدحرجة أخير من العفيص خلينا نمشي بسرعة بطيئة...
و فعلنا ذلك حتى وصلنا المسيد ثم توقفنا هناك...
هنا مع الضباب أتذكر ذلك اليوم يوميا..
فالأمر نفسه يحدث عندما يهبط الضباب..و الاستمرار و التوقف بنفس الخطورة...
و لكن هنا تنشط دوريات الشرطة على الطريق لايقاف الشاحنات فتكفينا شرهم..
و يبقى علينا تحسس الطريق حتى نصل الى وجهتنا ان كانت هنالك ضرورة قصوى لذلك..
و تحسس الطريق لشباب في الثلاثين مثلي لا يمثل أدنى مشكلة...
فما زال النظر ستة على ستة...
Post: #8175
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-09-2010, 06:50 AM
Parent: #8174

حاتم جبارة أو الحاج الدومنيكاني...
في رعاية الله خليناك..
معاك سلامة ودعناك...
ترجع لعيالك بالسلامة..
طبعا بيكونوا منتظرنك بفارغ الصبر و بكونو ضربوا باب البيت جير أبيض...
و كتبوا ليك بالظهره في جمبه... حجا مبرورا و ذنبا مغفورا و تجارة لن تبورا...
و في الجمبه التانية..يا زوار هذا الدار صلوا على النبي المختار...
بتلاته لغات...الانجليزية و العربية و الدومينكانية...و الدومينكانية أظنها أسبانية..
Post: #8176
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-09-2010, 10:34 AM
Parent: #8175

نهاراتكم بالهناء والسرور ...

بعد اللمة الطاعمة بمنزل خالدة والكوتش .. تلقيت إتصالا هاتفيا من الجميل صالح تبلدينا وكان فحواه عتاب حاد وشديد اللهجة لأن رقاع الدعوة الخاصة بالجلسة بتاعت طارق جبريل لم تصله وبذلك هو يعتبر نفسه مقصر مع ودجبرين .. الحقيقة أخونا صالح لفت إنتباهنا لنقطة مهمة جدا وهي أن لمة الكوتش كان من الممكن أن يكون الحضور فيها بعدد أكثر من ذلك وبالتالي أخونا ودجبرين تم حرمانه من مقابلة عدد كبير من زقازيقاب الداخل .. بكل صراحة أرقام تلفونات جميع زقازيقاب الداخل بحوزة أخونا عابدين محمد زين وللأسف أخونا عابدين تلفوناته كلها مغلقة بما فيها تلفون الرابطة الذي تم تسليمه لعابدين بواسطة زهير الزناتي .. ومن خلال هذه السطور أصالة عن نفسي ونيابة عن زقازيقاب الداخل أتقدم بالإعتذار الشديد لأخونا طارق جبريل ولأخونا صالح ولجميع الأخوان بالداخل ونتمنى ألا تحدث مثل هذه الهنات التي تتسبب في زعل بعض من أخواننا وحبايبنا الحلوين .. وبهذه المناسبة سوف نقوم بزيارة تفقدية للأخ عابدين محمد زين للإطمئنان على صحته وللوقوف على أسباب إغلاق هواتفه .. ولكم فائق الإمتنان والتقدير ...
Post: #8177
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-09-2010, 02:29 PM
Parent: #8176

سلامات يا ناس

يا بادى ...شكراً للتوضيح

لكن مداخلتك حتنتظر لحدى يوم السبت.
Post: #8178
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-09-2010, 02:34 PM
Parent: #8177

لييه يوم السبت ...

فيديو نادر : دخول الطليان مدينة كسلا 1940

عليك الله يا كوتش وري خالده البوست ده ...
Post: #8179
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-09-2010, 03:22 PM
Parent: #8178

مساءآت الهناء والسرور ...

معليش يا كوتش .. إن تأتي متأخرا خيرا من ألا تأتي ...

يا منص كتر خيرك .. على فكرة مدثر كاريكا برضو ود أهلي شوفو بيجري كيف .. عندك كلام .. آل جكة آل .. العمة هذه المرة كانت أنصارية (عزبة) وذلك لزوم الماتشينغ مع لبسة العلى الله (برضو أنصارية) .. يعني ممكن نلف العمامة بأكثر من طريقة ...

يا أبوالزوز الطليان ديل دخلوا كسلا بدون أي مقاومة والكلام دا ما بعيد (1940) يعني إنت كنت شاهد عصر ...

بالأمس كنت في زيارة الحاج الوجيه حاتم جبارة وبالصدفة وجدت معه البرلوم محمد حسن وبعدي بحوالي ربع ساعة حضر الكوتش محمد صديق (وبرضو صدفة) كانت قعدة ما أحلاها .. حلقنا في عالم الذكريات والونسة الطاعمة .. وبينما نحن في خضم الونسة إذا بصينية الغداء .. هل أنا في حلم .. تخيلوا الصينية دخلت علينا الساعة 3:15 عصرا دا من المستحيلات في هذا الزمن .. يا جماعة منذ أكثر من 20 سنة ما في أحد في السودان بيتغدى قبل الساعة 5 عصرا و90% من الشعب السوداني يتناول وجبة الغداء بعد صلاة المغرب وقد تكون هي الوجبة الوحيدة أو الوجبة الثانية والأخيرة .. حقيقي كان إحساس جميل أن نتناول وجبة الغداء مبكرا وبمعية العم جبارة أطال الله في عمره ومتعه بالصحة والعافية ...
اليوم لمة رئاسية على شرف الحاج الدومينيكاني في حضرة الريس معتصم جعفر .. أتتني الرسالة من الكوتش بالمساء فإتصلت عليه وإعتذرت بسبب ظروف أسرية .. في الصباح إتصلت على الريس معتذرا وعلى مضض قبل العذر .. بعدها إتصلت على الحاج المحتفى به وإعتذرت منه .. فكان تعليق الحاج (يا بادي حقيقي تفوقت على نفسك) ودي طبعا شهادة زمالة أمريكية تضرب الشيخ جلا وأبوالزوز ومن لف لفهم في مقتل .. عموما كل الترتيبات الإعتذارية دي تعلمنهاها من موقفنا مع شاعر الحوش ود نجيلة .. وبرضو الإنسان العاقل بيتعلم من غلطاته وغلطات غيره ...

فتكم بي عافية .. ولا نامت أعين الجبناء والفتانين ...
Post: #8180
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-09-2010, 09:11 PM
Parent: #8179

يا عازه غناها محمدعوض ورددها وراءه الجميع
فكانت كانها احدى كورلات الزقازيق الرائعه
صالح تبلدينا كان نجم بلا منازع والاناقه والفل سوت عند جلا تقول لعمة البادى شنو
شينه .....مش اعتزر وابا يجينا
محمد حسن قال شاى شارع النيل برئ من تسمم حاج حاتم والحكايه فبها زغنى
وحكاوى الكمندان الطاااااعمه وبسمات مبارك جادين المطمنه وهو يجاور العشى
والجميع يفتقدون فارس الحوبه الذى اخذته المنطقه الشرقيه خصما من نشاط الداخل
وكنا على محنه
وانشاالله مجتمعين فى الافراح دوما
Post: #8181
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-09-2010, 09:11 PM
Parent: #8179

للتكرار...والرشيد
Post: #8182
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-10-2010, 09:04 AM
Parent: #8181

جمعتكم مباركة

مداخلة لرفع البوست و المعنويات....

بس ان شاء الله مداخلتي ما تنزل مدبله (وش غامز للريس معتصم)...
Post: #8183
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-11-2010, 08:55 AM
Parent: #8182

سلامات يا اجدع ناس

&&&&&&&&&7

سكون وهدوء على كافة الجبهات ... لعل المانع خيرا "

أهالى جده لهم العذر ...

مع ظهور بواكير فصل الخريف .. والعواصف الرعدية الممطرة

قضى كافة اهالى جده ليلتى الخميس والجمعة داخل بيوتهم فى ترقب ووجل

خوفا من تكرار مأساة العام الفائت ..

وكانت العواصف الرعدية قوية ولكن الامطار محدوده حتى الآن ..

نسأل الله ان يجعلها سقيا خير وبركة ...

&&&&&&&&&&

تبقى شهر واحد لولادة الوطن الجديد ..

وانتهاء هذا المخاض العســير ...

....

...

يا محمد احمد .. يا ربى كيف حيكون شكلك ؟؟
Post: #8184
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-11-2010, 09:31 AM
Parent: #8183

صباح الهناء والسرور ...

الريس معتصم والله كنت أتمنى وجودي معاكم لكن للأسف الظروف ما سمحت .. الأناقة خليناها لي ناس جلا وصالح .. ولو الوجاهة بتأتي بالحضور في ناس كتار حيكونو ألن ديلون ...

يا شباب الزغني دا مش وجبة حبشية .. وتيب .. يعني الحاج الدومينيكاني شكلو كدا كان عايز يعمل بروفة لرحلة الحبشة المنتظرة وذلك حسب إفادات ودجبرين وإعلاناته المؤثرة .. طبعا ود جبرين إستخدم مهاراته الصحفية والإعلانية في ترغيب شباب الداخل للهجرة إلى بلاد المغرب وقد أصابهم في مقتل وعزف على الوتر الحساس .. غايتو الله يكضب الشينة ...

يا الحاج الدومينيكاني في وداعة الله خلينا ومعاك سلامة ودعناك ...

محمد عيد صباح الخير شايفك منقطع من التواصل .. يا أخوي الشغل ما بخلص لكن أدينا حقنا وما تنقطع ...
Post: #8185
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-11-2010, 10:04 AM
Parent: #8184

البادى الجميل ...

صباحاتك رايقة ..

يا حبيب والله الاخبار كلها احباطات ...

ومن هنا لغاية يوم 11/1/11

ما اظنك تلقى زول مزاجه رايق ...!!

غايتو ربنا يستر ...
Post: #8187
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 12-11-2010, 10:45 AM
Parent: #8184

احلى ناس

والله ليكم وحشة شديدة خلاص

وعذرآ على الانقطاع والمرور من الحين للاخر , لكن هي مشاغل الدنيا


يا شادينا , الَََّلمة مطلوبة وقبل كم يوم كدة كنت بتكلم مع أحمد إسماعيل بهذا الخصوص

على كل حال نحن جاهزين لأي تعليمات .

فدعونا نلتقي ونخرج من هذا الروتين اليومي ونعيش ولو لحظات من ذلك الزمن الجميل

يلا يا موسى وجلة( والله مشتاقين يا شباب ) يلا قبل ما تجي الامطار ويشتد البرد,,,
Post: #8189
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-11-2010, 11:12 AM
Parent: #8183


Quote:
تبقى شهر واحد لولادة الوطن الجديد ..

وانتهاء هذا المخاض العســير ...

....

...

يا محمد احمد .. يا ربى كيف حيكون شكلك ؟؟




و الله يا محمد احمد؟؟؟؟

يا ود عيد و الله سمعت الشيخ نافع يبشر في ندوة بالدوحة

و هي ان موضوع فصل الجنوب انتهى و نحن الان بصدد دولية

دافور الجديدة و و عيييييييييييييييييييييييييييك يا بلد

و نحن الان في مناقشات لكي نعمل دولة الدومينكان في النيل الابيض ؟؟؟
Post: #8186
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-11-2010, 10:31 AM
Parent: #8182

صباح الخير ،،، يا وجوه الخير

أصبحنا وأصبح الملك لله وحده،،

أخذنا منكم خلال اليومين الماضيين

الفيديو سئ السمعة الخاص بجلد فتاة سودانية

على طريقة طالبان وذاك التشفي والحقد والسادية التي

أدهشت كل مواطن سوداني شريف لا يقبل الذل والهوان ،،،

ولا يمكن أن ننفصل عن الجسد السوداني وما يكابده المواطن البسيط

المفلوب على أمره - إذا سرق الضعيف أقاموا عليه الحد - ويا ليت لو كان

حد من حدود الله حسب ما تقوله السنة الشريفة المطهرة من عبث العابثين .
Post: #8188
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 12-11-2010, 10:57 AM
Parent: #8186

لك التحية والتجلة يا ريس , والتحية موصولة للأسرة الكريمة

نعم والله يا ريس أنا من يوم ما شاهدت هذا الفيديو وأنامصاب بحالة من الدوار والغثيان

ما هذا التهريج الذي يتم في بلادنا ؟

والي أين نحن ذاهبون ؟



حسبنا الله ونعم الوكيل
Post: #8190
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-11-2010, 12:37 PM
Parent: #8188

قلت قبلا , ان تقززى من المنظر , قد غلبنى , حد ان اصبحت معه الكتابة , ضربا من ترف لا جدوى فيه
هذا وانا ما ازال , ولا يهمنى , ما فعلت تلك الفتاة , يستوى عندى الأمر اذنبت ام لم تذنب
فلو كان الجلد الذى نراه تطبيقا لحد , او تعزيرا , ولو فرضنا ان اجراءات اثبات ذنبها كانت اجراءات قانونية صحيحة او لم تكن , فلا فرق
المنظر عندى , جلد لفتاة بصورة وحشية لا مرجعية لها لا فى دين ولا فى شرع ولا فى عرف ولا فى تقاليد
اقول هذا دون ان اكلف نفسى عناء ان اخوض فى اتون الكتب , ولا ان اراجع حيثيات القوانين او بنودها
ولكن الأمر , ليس له علاقة بكل ذلك من بعيد او قريب
الأمر عندى ,اشارة شديدة الوضوح لكيف نحكم (والفعل هنا مبنى للمجهول )
قاضى النيابة ووكيلها هنا , رمز مقيت لحكامنا هؤلاء
يلبس نفس الكرافتة , وهو مستعجل بالضرورة , مع انه لا يهمنا سبب استعجاله
ان كان عايز يلحق المواصلات , ولا عنده قضية تانية عايز يخلصها بسرعة سرعة , لا يهمه كيف حكم , ولكن يبدو بوضوح انه يتعامل فى الأمر بمبدأ كمى شديد الفظاظة
كما انه -وهو القاضى ووكيل النيابة المؤتمن - لا ينسى ان يتبرع بنصائحه فى العلن , الجلد اخير ليك من السجن
كما ان استعجاله وهو الحاكم بأمره , كان امرا غير مباشر لجنود الشرطة الجلادين , ان اضربوا فى كل مكان , فى الرأس او فى القدمين , فى الظهر او فى الصدر
بل وتناوبا فى استخدام اسواط عنجكما , حتى اذا ما امسكت -بت اللذينا هذه - احداهما - عاجلها الآخر بسوط موجع , فاصبح جسدها الذى انهكته سرقات السارقين , مكانا للتوجع والألم , واصبحت صرخات
(الواى والأحى ووب ) , مكان صرخات وامعتصماه التى فتحت عمورية , ولم يتساءل ساعتها المعتصم بالله , ان كانت المستغيثة مذنبة ام غير مذنبة , انما دعاه صوتها المتوجع والمستغيث , لقيادة جيش عرمرم , يرد به مظلمة تلك الفتاة , مذنبة كانت او غير مذنبة
اما (معتصمنا الآن ) , فقد لخص الأمر فى كلمتين , مادام جلدوها , تبقى بت غير محترمة , بالله عليك يا جهبذ , يا محترم ,فقد افحمتنا احتراما , فلو سرقت تلك الفتاة المجلودة او زنت , او ارتدت بنطلونا فاضحا او مشت بين الناس عارية , فقد ابانت كلمتك تلك (عورتك وان اخفيتها بنفيس الثياب والبدل ) , واصبحت عندنا هى فتاة عمورية , وفشلت انت ان تكون (معتصمنا ) ولو لبرهة , هذا مع العلم انك بدأت كلامك (بأنك انما تجهل تفاصيل القضية ) , ولكن حكم الأحترام وعدمه جاهز عندك بالفطرة والسليقة , لم لا وانتم عنوان لسرقة الشعوب ووادها , الم تقتلوا على فضل ؟؟اما كان مجدى وجرجس وغيرهما ضحاياكم لكبح جماح العملة من ان تصبح (اتناشر جنيه ) , ؟؟ الم تقع عندكم العمارات الشاهقات فاثبتم عليها الفاعلين بحفلات التكريم والمناصب الوزارية ؟؟؟؟
الأمر معيب حد الخزيان , ومعتصمنا مطالب بان يترجل عن كرسيه المسروق وليدع الأمر لمن يقدر قيمة الأنسان عند الأنسان , ومنزلة الأنسان عند ربه , فان سرق او زنى او فعل ما فعل , يبقى الأنسان انسانا , ونعرف ان كبار السارقين وعتاولة الزناة , انما يفعلون فعلتهم ثم يلبسون ملابس الوعاظ , كما انهم يرتدون الكرافتات ويسلكزن سلوك المستعجل حامى حمى الفضيلة وظل الله فى ارضه , وما يعلمون ان صانعة الخمر افحمت امير المؤمنين اذ تجسس عليها , فبدا له امر تجسسه اعظم واكبر من صنعها خمرا بليل وخلف حجاب , ليس فيكم (عمر ) , ولكنكم تزايدون علينا حين يسرق ضعافنا , علما بأنهم ما سرقوا ولا اتوا بفاحشة الا من جراء ان حكمتمونا وأساتم حكمنا , لا نقول الا , لكم دينكم ولى دين , ولتعلموا انا احتفاءنا بفاعلة الفاحشة المجلودة , فعلت ما فعلت او لم تفعل ما اتهمت به سيان , اكبر عندنا من مليون كرافتة مدلدلة على صدر نشك كثيرا ان زفيره وشهيقه , من ذات الأكسجين الذى نستنشق

Post: #8191
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-11-2010, 01:36 PM
Parent: #8190

Quote: لا نقول الا , لكم دينكم ولى دين , ولتعلموا انا احتفاءنا بفاعلة الفاحشة المجلودة , فعلت ما فعلت او لم تفعل ما اتهمت به سيان , اكبر عندنا من مليون كرافتة مدلدلة على صدر نشك كثيرا ان زفيره وشهيقه , من ذات الأكسجين الذى نستنشق

بارك الله فيك يا ابواحمد
وفيت وكفيت ...
وجنبتنى ان يولغ كيبوردي في "نعل" عفنهم وإن تمنيت ان يفعل
شكرا
Post: #8192
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-11-2010, 02:03 PM
Parent: #8191

الريس ميسرة ، عثمان الخير ، منصور ، جلال ... لا تكفي كل كلمات الادانة والشجب من ادانة ما حدث ... ولا تكفي كل عبارات الوصف ... وصف ما حدث ... لا يمكن لصاحب فطرة سليمة الا يدين ما شاهده في هذا الفيديو ... انه امر موغل في الوحشية والهمجية ... وهي اشياء بكل تاكيد لم يامر بها الدين الحنيف ... بل ان الرسول (ص) قال لا يكرمهن الا كريم ولا يهينهن الا لئيم ... اتفق معك اخي منصور بان ما تم الا يمت لاي شريعة بصلة ... اعتقد ان قانون النظام العام كارثة يجب ان يتعاون الناس علي كنسها ...
Post: #8193
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-11-2010, 02:31 PM
Parent: #8192

تجربتي الشخصية عندما قبض علينا وتم جلدنا

عندما أكملنا الصف السادس وبعد الإمتحانات عند آخر ورقة

في عهد الرئيس الطاغية جعفر نميري قدنا مظاهرة قوية وإزدات

قوتها بذهابنا إلى المدارس الأخري ورميها بالطوب حتى تخرج معنا

ونحن في غمرة نشوتنا فوجئنا بمحاصرة عناصر الشرطة لنا والقبض على

الطويل والسمين وتم إيداعنا الحراسة حتى الرابعة صباحاً تم إطلاق صراحنا بكفالة

وكنا 6طلاب من مدرسة واحدة وفي اليوم التالي حضرنا أمام القاضي وبدأت المحكمة

ونادى الحاجب وتحن في قفص الإتهام ، المتهم الأول فلم يقف أحد لا أننا بكل بساطة لا

نعرف من هو !!!! والحاجب أمسك بأول واحد فكان هو المتهم الأول وكان القرار النهائي

بأننا أولاد صعاليك وغير متربين ولو لا صغر سننا لأودعنا الإصلاحية وصدرت العقوبة 20جلده

لكل واحد منا وتم تحذيرنا في حالة العودة مرة أخرى لهذا الأمر ، المهم تم تلفيق

أو تكوين قضية ونحن سكمُ بكمٌ وقد إمتلكنا الخوف لأنها كانت التجربة الأولى لنا

كيفية تنفيذ الجلد
Post: #8194
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-11-2010, 03:11 PM
Parent: #8193

كيفية تنفيذ عملية الجلد

جلس القاضي الهمام أعلى المنصة حيث يمكنه مشاهدة عملية الجلد

حضر راجل كبير (صول) وأوضح للمتهم الأول كيفية الجلد تنفيذاً لأمر القاضي

تنام على الأرض (على بطنك) وتمتد يد عمك الصول بخط مستقيم لتكون زاوية قائمة

مع بقية جسدة ولا تنزل يده عن هذه الزاوية ويتحرك مفصل يده فقط لإنزال السوط

والذي لم نحس بألمه وكانت العقوبة معنوية أكثر منها جسدية ، وعمنا الصول صاحب خبرة

إذ كان يقف على يمينك ثم ينزل السوط على الجزء الشمالي من مقعدك والقاضي يحسب

وبعد أن يكمل الخمسة يتحرك إلى شمالك لينزل السوط على الجزء اليمين من مقعدك

حتى تكتمل عملية الجلد .

وبعد إنتهاء عملية الجلد بحث عنا عمنا الصول حتى توصل إلينا وإعتذر لنا

بإعتبار نحن زي أولاده ، ولكن هذه مهنته ،،،،،، فما بال ذلك المدعو قدو قدو

في جلد البنت يضحك ويتشفى ويتلذذ ومعه الآخرين بكل سادية منقطعة النظير

والآخر الذي كان يرفع السوط أعلى من رأسه ، يذكرنا ذلك بدق العيش،،،،،

والمدهش في ذلك القاضي المدعو أحمد عبدالله عبدالمطلب والذي كان حاضر واقعة

الجلد ، قيل إنه تم معاقبته سابقاً بنقله من الكبجاب إلى أمبده ،،،

عجبي !!!!!!!!!!!!!!!!!!!!!!!!!!
Post: #8195
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-11-2010, 03:50 PM
Parent: #8194

قال لى يا ولدى زمان كان كل شى يتم بالاصول والقانون
كنا لما يقبضونا فى مظاهره يجلسك المحقق على كرسى باحترام
لكن ناس قدو قدو ديل بقعدوك فى خازوق واجارك الله من الفاظهم!!!!!!!!!!!!!!!!!!!!!!!!!!!!!!!
ان تنفيذ اى عقوبه لها من الاخلاقيات والمثل والاعراف بما يسهم فى تحقيق الاهداف من العقاب
وليس هناك بكل المقاييس ما يجعل حضور هذا العقاب متعه تضحكنا ملىء الاشداق وهذا مقياس الانسان
الطبيعى
اما تصوير الحدث فهو الفاجعه الكبرى واتمنى ان لايكون لابتزاز المسكينه او اسرتها وبفضل الله
انقلب السحر على الساحر.
اما من يفترض انه العداله والنزاهه فانا لم ارى انحطاط وتردى اكثر من ذلك فهو بحق اساءه لكل
من يمثل العداله.... واااااااااااااه لو تفيد موجوووووووع
Post: #8196
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-11-2010, 06:35 PM
Parent: #8195

منقول من صحف الخرطوم
كيف اصبح البعض ملياديرات بين ليله وضحاها فى بلد اغلب مصانعها معطله
وتجارتها معطوبه وتستورد الحلاوه والطماطم والدقيق والسكر.
-----------------------------------------------------------------
للمرة الاولىيحمل قادة دوله من الدول جنسيات اخرى
سلفاكير جواز امريكى...مشار جواز بريطانى ...وباقان استرالى
والور جنسيه اثيوبيه
---------------------------------------------------------------
ارتفاع اسعار السلاح فى السوق الاسود
يقال ان المشترى الرئيسى الجبهه الشعبيه
وهى لا تتريه لحاجتها اليه فهى تستطيع ان تغرق الخرطوم بالسلاح
وان ما تريده الجبهة هو ان تبقى ايدى المواطنين عاريه...ان حدث شئ
-------------------------------------------------------------
فى محاضره القاها مسئول الامن الاسرائيلى < ديختر>
نجحت استراتيجيتنا فى جنوب السودان سابقا وفى غربه حاليا
ان اسرائيل فكرت دائما بضرورة ان تكون الخرطوم مشغوله بحدودها بدعم حركة جنوب السودان والعمل
على امتداد التمرد لغرب السودان
Post: #8197
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-11-2010, 07:41 PM
Parent: #8196

اخوتي اعذروني لعدم اطلاعي علي النت الخاص بجلد الفتاة الا قبل قليل و ربي اني لحزين و كم سالت دموعي الما عليها و كما قال اخي منصور رغم
اني مررت علي ما كتب كثيرا و لا استطيع مواصلة قراءته لاني جد في غاية الحزن والذي وحده لا يكفي بل حتما علينا جميعا ان نتحرك و بقوة و كفانا
ثبات اخوتي فحان الوقت اختي لمصادمة المنافقين و الحاقدين اهل الحكومة و اني من هنا اعلنها صادقا اختي العزيزة مهما كان جرمك فاني الزم
نفسي جاهدا باني سوف اعمل لرد جزء من كرامتك التي دنسها هؤلاء الخونة سماسرة الدين .

إنه لمحزن ان يقبض علي ولد علي كرتي مع شلته في حفل شواذ جنسين و مثلين و يكون نصيبهم من العقاب هو اطلاق سراحهم و يكون مصيرك انت هذه
الاهانة ؟؟؟؟؟


اخوتي قوموا و وحدوا صفوفكم لرفع الظلم عن تلك المسكينة لان ذلك سوف يكون مصير اختي و اختك و بنتي و بنتك !!!!!!!!!!!!!!!!!!!

فان كنتم لا ترضون ذلك فهيا شمروا سواعد الجد و قاتلوا هؤلا المجرمين
Post: #8198
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-11-2010, 10:21 PM
Parent: #8197

من الرباط سلام
اروق كدة وألملم عضيماتي واجيكم
يمين حا ابريكم بري تقيل
Post: #8199
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-12-2010, 07:16 AM
Parent: #8198

صباح الخير ،،، يا وجوه الخير

صباح مملوء بالتفاؤل بعيداً عن الإحباط والحزن



لاآله الا انت سبحانك اني كنت من الظالمين



لاآله الا انت سبحانك انا كنا من الظالمين
Post: #8200
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-12-2010, 07:17 AM
Parent: #8198

صباح الهناء والسرور ...

طارق جبريلا حمدا لله على سلامة الوصول .. والله مشتاقين شديد .. طبعا الظروف وضيق الوقت لم يعطونا الفرصة الكافية لمقابلتك مرات ومرات .. عشان كدا نحن في إنتظار الحكاوي الطاعمة والبري اللذيذ .. أها أنا حجزت الكرسي الأول وفي إنتظارك ...
Post: #8201
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-12-2010, 08:17 AM
Parent: #8200

Quote: من الرباط سلام
اروق كدة وألملم عضيماتي واجيكم
يمين حا ابريكم بري تقيل


ود جبرين حمد لله على السلامة بعودتك

إلى وطنك الثاني وتطمئن على الأولاد

في إنتظارك ...
Post: #8202
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-12-2010, 08:19 AM
Parent: #8200

Quote: من الرباط سلام
اروق كدة وألملم عضيماتي واجيكم
يمين حا ابريكم بري تقيل


ود جبرين حمد لله على السلامة بعودتك

إلى وطنك الثاني وتطمئن على الأولاد

في إنتظارك ...
Post: #8203
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-12-2010, 11:01 AM
Parent: #8202

حمد الله على السلامة طارق جبرين
مشتاقين الواحدة دى شوية على ما تركت من اثر الغياب
لكن قالوا , الطول الغيبات جاب الغنائم
تعال كبوا لينا هنا كلو
الشفتو والسمعتو والقالو ليك


لكن اثر الفيديو القمىء , ما زال يتاور المخيلة
حقيقة الأمر , عندما رأيته , اصابنى تقزز يقارب الغثيان
ثم غبت عن البوست والأنترنت عموما , معظم الخميس وكل الجمعة
ولو ان لذلك الفيديو القمىء , فائدة او محمدة
فانا اذكر هنا انه كان سببا لأتصال غاضب من اختى الصغيرة , زميلة زمن الزقازيق الجميل
ياسمين حاج الطاهر
جاءنى صوتها متهدجا , فيما يقرب من البكاء المكتوم
ازيك يا منص
انتى وينك يا بطة ؟؟؟
ولكنها - زى الكأنها قاعدة تضرب لى طوالى يعنى
اختصرت كل الأشواق والتحايا والمجاملات , وولجت الى موضوع الفيديو القمىء , ولوج الغاضب الزعلان
فاعادتنى الى لحظتى التى رأيت فيها التسجيل , فكان غضبها الجميل , سببا اضافيا لتنامى رقعة الغضب عندى
قالت بطة , ان تسجيل الفيديو ومنظر الشابة المستغيثة , جعلها تتمنى ان لو كانت تمتلك باسويرد يا زهير
واستغربت صمتنا اكثر من يومين كاملين , واستغربت اكثر عدم تفاعلنا
امنت على حديثها وكلامها ,
اذا كنا بعدنا عن السياسة , للحفاظ على لحمتنا الأجتماعية
فان ذلك لا يعنى باى حال من الأحوال
ان نتنفس ونخرج من صدورنا , ثانى اكسيد الكربون الفاسد
هل تستطيعون ان تعيشو وتتواصلوا اجتماعيا
وكل هذا الهواء الساخن , يملأنا حتى يدفق
قالت الشرطة فى معرض تعليقها
ان الحادثة ترجع الى يوليو 2009
الحمد لله ان خرجت بنا اولا من دائرة التزير والفبركة
وهذه محمدة كبيرة , وبعد ذلك فان تاريخ الواقعة , ما دامت صحيحة , لن يغير من الأمر شيئا
ثم مضى البيان التبريرى لجهاز الشرطة موضحا , انه من اكثر الأجهزة فى السودان , محاسبة لأفراده
وهذه محمدة ثانية لو صدقناها
ولكنه يقول فى سياق التبرير الفطير
ان توقيت النشر توقيت مقصود من الجهات التى قامت به , حتى يتزامن مع اليوم العالمى لحقوق الأنسان
برافو لو كان التوقيت مقصودا , فمثل هذه الواقعة , طالما ان الجلود (تخنت وازدادت تخنا ) , تحتاج الى اكبر قدر من الأضواء
حتى تخترق هذا الجلد التخين , وتسمع هذه الآذان التى امعنت فى استخدام الطين والعجين
ولكن البيان فى حقيقة الأمر لا يقول شيئا , سوى انه قد كون لجنة للتحقيق
وعلينا نحن المتضررين , والمتأذين
ان ننتظر تقرير لجنة هى الخصم وهى الحكم
ثم نأتى لنسمع , بكرة ولا بعد بكرة
ان قدوقدو , قد تم ايقافه من العمل , وحبسه حبسا انفراديا , او جلده تلتاشر مليون سوط من (سعف النخيل المضفر )
وابو كرافتة المستعجل , تم نقله للفاشر , حتى يستفيد اهلها من منهج (الطهارة ) الذى طالما استفاد منه اهل الكبجاب وامبدة
وتتطاير صيحات فتيات عمورية من كل مكان وفى كل مكان
والمعتصم بالله , سادى دى بى طيينة , وديك بى عجينة
وزمن المعجزات لا يعود ولا يرجع
فليس فينا عمر , وتوقفت امنا الرؤؤم الولود عن الولادة
واذدهر سوق اسواط العنج , ولا نندهش اذ ما تولى الأمر فينا
سوق المواسير
Post: #8204
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-12-2010, 12:58 PM
Parent: #8203

sudansudansudansudansudansudan102.jpg Hosting at Sudaneseonline.com


وإذا المجلودة سألت
بأي شريعة قهرت


إمتلات الساحة بالفيديوهات المقارنة لكليفية الجلد

في السعودية واليمن ووجدنا فرق كبير بين ما هو مطبق لحد من

حدود الله وبين ما يحدث في السودان ،،،

هل صرنا قوم حاقدين ، حاسدين ، ساديين ، متشفين في النساء

يا أبو مروه ،،،

وآآه معتصماه،،،،
Post: #8205
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-12-2010, 01:12 PM
Parent: #8204

بعيداً عن السياسة فقد آلمنا هذا الفيديو

سئ الذكر وجعل الجميع يتفاعلون مع قضايا المجتمع

والتي تسئ للدين الإسلامي الحنيف والزول السوداني بتاع زمان

النضيف ، والنخوة والرجولة السودانية من زمن جدودنا لمن تصيح

النساء يا أبو مروه تجد ألف من أصحاب المروءة أمامك .......
Post: #8206
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-12-2010, 02:17 PM
Parent: #8205

Quote: التي تسئ للدين الإسلامي الحنيف والزول السوداني بتاع زمان

النضيف ، والنخوة والرجولة السودانية من زمن جدودنا لمن تصيح

النساء يا أبو مروه تجد ألف من أصحاب المروءة أمامك .......



والله يا ريّس البلد دي لا فضّل فيها رجولة ولا شهامة ولا حتى إسلام

شئ يطمم البطن

ويقرف أكتر من القرف الأصلا نحن فيهو

نسأل الله العلي القدير أن يلطف بنا وبأبنائنا ونساءنا

وربنا على الظالم والمفتري
Post: #8207
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-12-2010, 02:17 PM
Parent: #8205

مكرر
Post: #8208
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-12-2010, 04:11 PM
Parent: #8207

Quote: والله يا ريّس البلد دي لا فضّل فيها رجولة ولا شهامة ولا حتى إسلام

شئ يطمم البطن

ويقرف أكتر من القرف الأصلا نحن فيهو

نسأل الله العلي القدير أن يلطف بنا وبأبنائنا ونساءنا

وربنا على الظالم والمفتري


أخخخخخخخخخخخخخ ...!
Post: #8209
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-12-2010, 09:59 PM
Parent: #8208

السيناريو المرتقب للوطن الواحد
هو ان تتغلب مصالح البقاء فى السلطه لدى الطرفين ويبقى الحال على ماهو عليه اى
تطلق يد الحركه الشعبيه فى الجنوب مع حمايتها مقابل الوحده ويبقى المؤتمر الحاكم بامر الله فى الشمال
ومحمد احمد يا محمد عيد ليهو رب كريم. والعصا لمن عصا
غلط ولا ماصاح
وغدا لناظره قريب
Post: #8210
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-13-2010, 05:46 AM
Parent: #8209

مازال الالم يعتصر قلوبنا من المهانة و الذلة التي مارسها جلادي الشعب في اهلنا

المغلوبين علي امرهم و مازلت اكرر اخوتي حان الوقت لان نقول بل نخرج من

القوقعة التي نحن فيها للنناضل من اجل تحرير بلدنا من هؤلاء المغتصبين هيا

تحركوا و ان للكلمة قوة و و ان للقلم دوي و من دونكم سوف ياخذ لهذا الشعب

حقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ما زالت شهتي للاطلاع او المداخلات منعدمه لما رايت من ظلم حقيقي لتلك الاخت

صاحبة البنطال الثانية و الادهى و الامر ان اللجنة المكون من وزارة الداخلية طلعت

ببيان باهت وهو ان الجلد للفتاة تم في عام 2009 و توقيت خروجه هو في اليوم

العالمي لحقوق الانسان انما جريمة مدبره للوقوع بالسودان منعول ابو السودان الذي

يذل شعبه و يهين كرامته و يعلق الشماعة في ان السودان مستهدف و متى كان السودان

مستهدفا إلا من بعد ما اتى هؤلاء السلطة و طرح شعاراتهم المكذوبة و نندوا بالاخرين

في كل مكان و جلبوا للسودان الذل والعار و يا ريتها كانت شعارات حقيقية لها صلة

بالاسلام و لكن الاسلام بري منكم و من افعالكم .

فلتذهب الشعارات الكاذبة و ليبقى السودان امنا موحدا و لتنعم بناتنا و اخواتنا بحياة

هانئة .

دمتم يا سوداننا رمزا للإباء و السلام .
Post: #8211
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-13-2010, 06:50 AM
Parent: #8210

صباح الخير ،،، يا وجوه الخير

قال أحدهم :-

مررت على المروءة وهي تبكي

قلت !!!!!!!!

علامَ تنتحب الفتاة؟!!!

قالت!!!

أهلي دونَ خلق الله ماتوا
Post: #8212
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-13-2010, 07:26 AM
Parent: #8211

صباح الهناء والسرور ...

كل الذين أعرفهم من كل الطبقات والأجناس مستآئين من فيديو جلد البنت وهو إستياء يصل حد القرف .. منظر العساكر ناس قدوقدو منظر ليس بغريب علينا فإننا نراه يوميا وهذا السلوك المشين هو ديدنهم وما حصل لهذه الفتاة لم يكن لأول مرة ولن تكون هذه المرة الأخيرة فهذا هو السودان للأسف الشديد ...

في جولة على المواقع في الإنترنت كان هذا الفيديو هو حدث الساعة وتناولته جميع وكالات الأنباء وجميع دول العالم .. من ضمن ما قرأت كان تعليق الشعب المصري ساخرا وحسب الرواية المصرية للخبر فإن البنت مسيحية وتم جلدها بسبب لبسها الفاضح .. كان رد أحدهم (يا عم إنت لو جيت مصر دا إنت حتضرب الشعب كله) .. وكان رد آخر (هو إنتم حتجبو المسيحيين كمان) ...

حقيقي أصبحنا مهزلة عند كل الناس ...
Post: #8213
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-13-2010, 11:07 AM
Parent: #8212

وما نزال , نجتر عصارات فيديو التعذيب العقابى المرة
كلمة قالها البادى الحبيب , لا بد ان نقف امامها ونتأملها مليا
هذا هو حال السودان
صدقت يا اخوى , واختصرت كلام كثير يدور فى ذهنى ويراود المخيلة
فان تفاصيل فيديو الفضيحة
تاخذك على حين غرة
حتى اذا ما تخلصت من وقع صدمتها الأولى
فانك تؤخذ مع منظر الحاضرين
لو كانو من (طائفة المؤمنين ) التى تشهد العذاب
او من زمرة الجلادين والقضاة الحاضرين
تتفاجأ بانهم تعاملوا مع الموضوع , وكأنهم يقومون بعمل روتينى راتب
تحلف تقول الزول اللابس كرافتة ده , كل يوم بيقوم من نومو , يمشى مكتبه , عشان يمارس افعاله القبيحة دى
لا وكمان مستعجل
وقدو قدو , وما ادراك ما قدو قدو
يضحك حتى تبين نواجذه , لا ويقرقر كمان , ولا ينسى ان يداعب صاحب الكاميرا
الكاميرا التى كنت اظنها خفية بادىء الأمر
يبدو انها لا خفية ولا حاجة , كاميرا عينك عينك , تؤصل لمعنى طائفة المؤمنين الشهود , تأصيلا الكترونيا جديدا
اذا ظهر فيديو واحد وحيد , فيبدو انه انما ظهر بمحض الصدفة
وبدا لنا هذا الفيديو , وكأنه انعكاس لأحد برامج تلفزيون الواقع الجديد
واالأكثر غرابة كمان , اننى فوجئت بان (مكنة ) الفبركة والتزوير الجاهزة دائما
يبدو انها (ما قسمت ) , او انها غابت عن مخيلة (مبرراتية الوهم )
ووارد جدا انها ما خطرت ببالهم , استخفافا بحادثة عادية , ما عادوا يحتاجون للفها بطى الكتمان
فتهمة الفتاة , تكفى لحجب قبح تنفيذ العقوبة , وقبح الجلادين
فلقد قيل بانها مروجة هيروين , وعاهرة , وقوادة , ولابسة بنطلون فاضح وهلم جرا
زيدوا فى تهمها , ما شئتم
فهى عندنا , ولا نشك فى ذلك ابدا , اشرف من كل من رأى هذا الفعل , ولم يدنه ادانة واضحة وقوية
وغير متبوعة لا بلولوة , ولا بغرض , ولا لكننة ولا مرض
مثل هذا الفيديو , اذا لم يتبعه محاسبة شفافة وعلنية , تبدأ من الفاعلين المأمورين
الى القاضى المستعجل
ووكيل النيابة
وريئس القضاء , ووزير العدل , والداخلية
ومن عينهم جميعا
فأن على (ما تبقى من السودان ) , السلام
ا
Post: #8214
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-13-2010, 11:08 AM
Parent: #8212

وما نزال , نجتر عصارات فيديو التعذيب العقابى المرة
كلمة قالها البادى الحبيب , لا بد ان نقف امامها ونتأملها مليا
هذا هو حال السودان
صدقت يا اخوى , واختصرت كلام كثير يدور فى ذهنى ويراود المخيلة
فان تفاصيل فيديو الفضيحة
تاخذك على حين غرة
حتى اذا ما تخلصت من وقع صدمتها الأولى
فانك تؤخذ مع منظر الحاضرين
لو كانو من (طائفة المؤمنين ) التى تشهد العذاب
او من زمرة الجلادين والقضاة الحاضرين
تتفاجأ بانهم تعاملوا مع الموضوع , وكأنهم يقومون بعمل روتينى راتب
تحلف تقول الزول اللابس كرافتة ده , كل يوم بيقوم من نومو , يمشى مكتبه , عشان يمارس افعاله القبيحة دى
لا وكمان مستعجل
وقدو قدو , وما ادراك ما قدو قدو
يضحك حتى تبين نواجذه , لا ويقرقر كمان , ولا ينسى ان يداعب صاحب الكاميرا
الكاميرا التى كنت اظنها خفية بادىء الأمر
يبدو انها لا خفية ولا حاجة , كاميرا عينك عينك , تؤصل لمعنى طائفة المؤمنين الشهود , تأصيلا الكترونيا جديدا
اذا ظهر فيديو واحد وحيد , فيبدو انه انما ظهر بمحض الصدفة
وبدا لنا هذا الفيديو , وكأنه انعكاس لأحد برامج تلفزيون الواقع الجديد
واالأكثر غرابة كمان , اننى فوجئت بان (مكنة ) الفبركة والتزوير الجاهزة دائما
يبدو انها (ما قسمت ) , او انها غابت عن مخيلة (مبرراتية الوهم )
ووارد جدا انها ما خطرت ببالهم , استخفافا بحادثة عادية , ما عادوا يحتاجون للفها بطى الكتمان
فتهمة الفتاة , تكفى لحجب قبح تنفيذ العقوبة , وقبح الجلادين
فلقد قيل بانها مروجة هيروين , وعاهرة , وقوادة , ولابسة بنطلون فاضح وهلم جرا
زيدوا فى تهمها , ما شئتم
فهى عندنا , ولا نشك فى ذلك ابدا , اشرف من كل من رأى هذا الفعل , ولم يدنه ادانة واضحة وقوية
وغير متبوعة لا بلولوة , ولا بغرض , ولا لكننة ولا مرض
مثل هذا الفيديو , اذا لم يتبعه محاسبة شفافة وعلنية , تبدأ من الفاعلين المأمورين
الى القاضى المستعجل
ووكيل النيابة
وريئس القضاء , ووزير العدل , والداخلية
ومن عينهم جميعا
فأن على (ما تبقى من السودان ) , السلام
ا
Post: #8215
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-13-2010, 11:31 AM
Parent: #8214

صباح الهناء والسرور (2) ...

من يوم الخميس الماضي تم زيادة سعر العيش (الرغيف) فقد أصبح سعر 4 رغيفات بجنيه (ألف جنيه بالقديم) وقد كان 5 رغيفات بجنيه .. حسب رواية عامل المخبز فإن ناس مطاحن سيقا ذهبوا للوزير يشتكون زيادة أسعار القمح عالميا ومن ثم زيادة سعر صرف الدولار في السودان فطلبوا من الوزير زيادة دعم الحكومة للقمح أو السماح لهم بزيادة سعر جوال الدقيق .. كان رد الوزير لا هذا ولا ذاك فما كان من ناس سيقا غير إيقاف جميع المطاحن (ليوم واحد فقط) والذي بدوره عمل ربكة في السوق وقد إنعدم الدقيق من السوق وبالتالي المخابز كمان وقفت وبقى ما عندها رغيف .. قام الوزير مهرولا لي ناس سيقا وقال ليهم زيدو السعر بس شغلو المطاحن .. دارت عجلة المطاحن السيقاوية وبزيادة 26 جنيه (بالجديد) على سعر جوال الدقيق وبذلك نعم أهل السودان الشقيق بالرغيف من جديد .. وأكلو وشربو وعاشو في هناء وسعادة ...
Post: #8216
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-13-2010, 11:44 AM
Parent: #8215

Quote: قام الوزير مهرولا لي ناس سيقا وقال ليهم زيدو السعر بس شغلو المطاحن

نسأل الله يا البادي ان يرفع غضبه ومقته عنا
وان يولى علينا خيارنا ويخسف بمن اهاننا وذلنا سابع الارض
قادر يا كريم ...
يعتريني احساس بأن ساعة الخلاص قد دنت ...
Post: #8217
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-13-2010, 12:15 PM
Parent: #8216

Quote:
يعتريني احساس بأن ساعة الخلاص قد دنت ...



و كيف الخلاص اخي جلال و يجب ان نسال انفسنا ماذا فعلنا حتى يكون خلاص

اهلنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لن نبلغ المجد حتى نخرج من مربعنا هذا و كان ما يحدث في السودان لا يهمنا !!!!!
Post: #8218
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-13-2010, 12:54 PM
Parent: #8217

Quote: و كيف الخلاص اخي جلال و يجب ان نسال انفسنا ماذا فعلنا حتى يكون خلاص

اهلنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لن نبلغ المجد حتى نخرج من مربعنا هذا و كان ما يحدث في السودان لا يهمنا !!!!!

صباحو فل يا اباالعهود
تخبط ملالي الخرطوم هذه الايام واضح للعيان
وما قصدته بقرب ساعة الخلاص هو انهم هبشو "اللحم الحي" وان ماصبر عليه الناس خلال الكم وعشرين سنة الفاتت
وصلنا الحد .. اها هبشوا "الرزق" يعنى ذلك وبعد ان وصلنا الحد دفقت بعد دا ...
وتأكد أخي ان ما يحدث بالسودان وفيه يهمنا ويهمنا ... وان هذى دعوانا صريحة بأن لا ركون ولا استسلام
لحكم فرقنا فصبرنا قسمنا فكشرنا وطلع .....ـا فسكتنا ولكن ان تصل بهم الوقاحة "وقلة الادب" لامتهان كرامة حرائرنا ...
فلا وألف لا ......
Post: #8219
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-13-2010, 04:05 PM
Parent: #8218

يا بادى الرغيف 3 بجنيه ....4كان زمان
شوال السكر 50 كيلو =180 جنيه
فى سوق الخضار بعد ان سحن ملوة سودانى طالب ب8جنيه بدل 5 مش الفول ذاد
الشى النقص الوحيد هو جنيهنا
والمحيرنى
عبدالرحيم حمدى من دعاة رفع الدعم اصبح ينادى بدعم الدقيق
السودان ياما فيك عجايب
Post: #8220
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-13-2010, 04:16 PM
Parent: #8219

ميسرة ، جلال ، البادي ، محمد عيد ، معتصم ... سلامات ...

اري بان الكثيرين باتوا عازفون عن الكتابة هنا هذه الايام ... وذلك لما يحدث في الساحة ... لكن يجب ادانة مثل هذا السلوك القبيح الذي لا يشبه النفس السوية .... قلبي مع اهل السودان الذين تتكالب عليهم المصائب من كل حدب وصوب ... ارتفاع الاسعار يعني دخول مزيد من الاسر في دائرة الفقر .. ومزيداً من المعاناة ... لك الله يا وطن ...
Post: #8221
Title: Re: ناس الزقازيق ... أجدع ناس ( 3 ) ..
Author: بكرى ابوبكر
Date: 12-13-2010, 10:17 PM
Parent: #8220

شكرا لكم جميعا
سوف يكون اخر يوم لهذا البوست هو يوم 28 -12- 2010
ننصح بجزء جديد
Post: #8222
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-13-2010, 10:42 PM
Parent: #8221

هيييييييييييييييع جاكم اللورد شخصيا
Post: #8223
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-14-2010, 06:04 AM
Parent: #8222

Quote:
شكرا لكم جميعا
سوف يكون اخر يوم لهذا البوست هو يوم 28 -12- 2010
ننصح بجزء جديد [/QUOTE

Quote:
Author: طارق جبريل
هيييييييييييييييع جاكم اللورد شخصي


هيييييييييييييع الكيك الكمل بلاده فريك ؟؟؟؟

بعد ما كمل الحته كلو و ما خليت ليك قزازة شامبيون حايمه !!!1 انشاء الله حالنا لكن

هيهات هيهات فقد ولى السودان الذي كنا ننشده و اصبح بلدا اخر نعافه بكل

ما تحمل هذه الكلمة من معنى اخر ، اخي طارق لقد اصبحت في دواخلنا جروحا لن

تندمل ابدا ما داموا فيها و نحن هاهنا قاعدون و اهلنا هنالك معذبون بسياط

جلادي النظام من اهانة و فقر و جوع و ظلم و تفريق بين بنو بلدي هذا يضرب

و ذلك يقتل و اهل الحظوة يتركون دون سبيلهم رغم اغترافهم اكبر الجرم

فاين انتم شرفاء بلدي ؟؟؟؟؟؟؟


اخي طارق نسيت ان اقول لك الف حمد لله علي السلامة و الله من قهري لما يدور ببلدي ؟

لك معذرتي .
Post: #8224
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-14-2010, 06:30 AM
Parent: #8222

ناس الزقازيق صباح الخير ... مرحب ببكري ابو بكر ... وشفتوا الامر المهذب ... ننصح ... ومالوا يلا نبدا من الصفحة الاولي ... وزي ما قال الشاعر ملينا الدفتر وحا نملا الدفتر الثاني ....
Post: #8225
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-14-2010, 07:50 AM
Parent: #8224

Quote: شكرا لكم جميعا
سوف يكون اخر يوم لهذا البوست هو يوم 28 -12- 2010
ننصح بجزء جديد


ومالو ياباشا ...
بس حد يصحي الريس* يوم 29 بدري عشان يقص شريط الجزء الجديد























----
* الريس المقصود هو دهب ولا شك
Post: #8226
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-14-2010, 07:59 AM
Parent: #8225

صندوق التكافل الاجتماعي

يلا يا جماعة عايزين همة في موضوع صندوق التكافل
Post: #8227
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-14-2010, 08:08 AM
Parent: #8224

صباح الخير ،،، يا وجوه الخير

يا هلا بطلة الريس الكبير بكري أبو بكر

مرحب بيك في بيتك الأساسي ،،،،،

نتفق في أرشفة عام 2010م ولنبدأ صفحة جديدة

وعام جديد وكل عام وأنتم طيبين ،،،،،

نرحب بالقادم من بلادي بالله يا ود جبرين أخرنا

من الحزن الدفين إلى مواضيع أخرى ...
Post: #8228
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-14-2010, 08:36 AM
Parent: #8227

ترحاب كبير بـ طلة اللورد الكبير على ديارنا ..

نوافق وسمعا وطاعة لغباتكم المهذبة

ولكن أخى زهير .. هل يمكن ان نطلب من الريس بكرى

ان يمهلنا لاكمال المئوية الحالية قبل الارشفة ..؟

اعتقد ان الفارق لن يكون كبيرا فى عدد الايام ..

وبالعدم يجب استثارة العضوية كافة لاكمال الصفحات المتبقية قبل الموعد ...
Post: #8229
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-14-2010, 08:53 AM
Parent: #8228

المسالة صعبة ... بس نحن نحاول ان نكمل المية قبل الارشفة ... واذا لم يحدث نطلب منه ذلك ... يلا يا ناس عايزين الهمة ... كل زول عليهو من 5 مداخلات لعشرة مداخلات يومياً حا نلقي روحنا عملنا المية في اقل من اسبوع ... علي الاقل نقدر نرجع الناس لقراية البوست مرة اخري
Post: #8230
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-14-2010, 09:25 AM
Parent: #8229

سلامات يا ناس

والسلام لكل القوم

حمداً لله على السلامة الوجيه طارق جبريل

منتظرين حكاوى الإجازة.
Post: #8231
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-14-2010, 09:36 AM
Parent: #8230

وين يا كوتش ... ليك كم يوم في بالي .. عايز اتصل بيك ... بس عوارض الدنيا .....

مرحب بالوجيه طارق جبريل مرة اخري في المنافي .... نتمني ان يكون قد ملا نفسه من هواء البلد العليل ... واعاد شحن المعنويات ... والتقي بالاحباب ... وفي انتظار الحكاوي والقصص ...
Post: #8232
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-14-2010, 09:49 AM
Parent: #8231

ود جبرين ...

عذرا" يا حبيبى ..

فقد تسببت روح اليأس والاحباط المنتشرة مع برودة طقس هذه الايام

فى ان انسى الترحاب بعودتك الميمونة ...

.. دعنى أقرأ فنجانك ...

أعتقد ان شخصا مليئا بالجمال مثلك سوف ينقل لنا انطباعاته الايجابية عن الوطن ..

وسوف ينظر للنصف او الربع او حتى العشــر المملوء من الكوب ..!!

رغما عن كم الســواد الذى يكتنف كل اخباره ...

فاغدق علينا أخى بما تحمل ..

فأنت من اهم واجمل حاملى ناصية القلم وبديع الحكى ...
Post: #8233
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-14-2010, 10:27 AM
Parent: #8232

:// تابعوا كلام والي الخرطوم في موضوع الفيديو الكارثة....فيديو

بالله شوفوا هذا الصــفيق ومبرراته الفقيره ...

حقا" ..

خربانة من كبارها
Post: #8234
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-14-2010, 11:48 AM
Parent: #8233

سلام يا اهلنا
وشكرا على كلماتكم الحلوة
الكلام كتيييييير
والحكي اكتر
بس كدي تنتهي غمة الفيديو اللعين دة
شئ محزن حقيقة
Post: #8235
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-14-2010, 04:00 PM
Parent: #8234

الشعور بالقهر والإحباط شئ بغيض..
يعلم الله أن النفس ملئ بكلام لا يوصف..
وقد عزت علينا أن نأتي لنبكي هاهنا..

بينما في طريقي إلى عملي اليوم..
طرقت أفكر فيما يدور في وطننا..
وكيف إنحدر الكثيرون منا إلى هذه الأفعال الوحشيه..
كيف أصبح الإنسان بلا قيمه..
كيف كنا.. وأين صرنا..
وجدت نفسي أستمع وأردد أغنيه في الراديو..
تحمل الكثير مما كنت أفكر فيه..
ووجدتها تعبر عما أمني نفسي به..

Me and all my friends
We're all misunderstood
They say we stand for nothing
And there's no way we ever could

Now we see everything that's going wrong
With our world and those who lead it
We just feel like we don't have the means
To rise above and beat it

So we keep waiting
Waiting on the world to change
We keep on waiting
Waiting on our world to change

It's hard to beat the system
When we're standing at a distance
It's not that we don't care
We just know that the fight ain't fair
So we keep on waiting
Waiting on our world to change

And we're still waiting
Waiting on our world to change
We keep on waiting
Waiting on our world to change

One day the next generation
Is gonna rule the population
And our future will be bright

So we keep on waiting
Waiting on our world to change

أواه يا وطن..
إلى متى.. ننتظر..
Post: #8236
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-14-2010, 04:04 PM
Parent: #8234

مسآءات الهناء والسرور ...

مسآءات الرضا والتفاؤل والإبتسامات العريضة في وجه كل الأحزان والأشجان والإحباطات .. برغم كل شيء أيامنا فيها شيء ...
Post: #8237
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-14-2010, 04:31 PM
Parent: #8236

حاتم جبارة سلامات ...

الواحد قدر ما عايز يتجاوز المسالة ما قادر .... يبدو ان ما خلفه هذا الفيديو من احباط لن يخرج بالسهولة ... كون ان تري شخص يهان لهذه الدرجة ويتوسل لجلاديه بهذه الصورة ولا تستطيع ان تفعل شئ .... هو امر يصيبك انت ذات نفسك بالذل والمهانة ...

يا زول حمد الله علي السلامة وانشاء الله تكون البنيات وامهم بخير ... تحياتنا لهم ...
Post: #8238
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 12-14-2010, 05:16 PM
Parent: #8237

سلام للجميع

ما زالت الغصة في حلقي وزادها سوءا تصريحات المسؤلين غير المسؤلة

واستبد بي الشعور بالظلم وأنا أتسقط خبر اعتقال اخواتي القابضات عاى جمر
القضية دون ذنب سوى مطالبتهن السلمية باسترداد كرامتهن ورفضهن للقهر.

التحية لكل من أدان هذه الشناعة من الجدعان وياها دي الجدعنة الجد.
Post: #8239
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-15-2010, 06:54 AM
Parent: #8238

حمد الله علي السلامة يا دكتورة .... اعتقد ان ادانة هذا الفيديو هي امر انساني في المقام الاول ... وان كان ذلك يحمل مضامين سياسية فهو ذنب من ارتكب هذه الفاحشة في حق هذه البنت ... لذا تدافع الناس من كل المواقع للتنديد ... لا اريد ان اقول انشاء الله كل يوم يجلدوا بت عشان تجينا ... بس ما تطولي الغيبة ....
Post: #8240
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-15-2010, 07:06 AM
Parent: #8238

صباح الخير ،،، يا وجوه الخير

وعن أبي قتادة رضي اللَّه عنه ،
أن النبي صلى الله عليه وسلم قال:
" صيام يوم عاشوراء، أحتسب على اللَّه أن يكفر السنة التي قبله" .

كل عام وأنتم بخير ، وحمد لله على سلامة الوصول

أخي حاتم جبارة ومرحب بطلة الأستاذة سناء الصباغ
Post: #8241
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-15-2010, 08:23 AM
Parent: #8240

Quote: الواحد قدر ما عايز يتجاوز المسالة ما قادر .... يبدو ان ما خلفه هذا الفيديو من احباط لن يخرج بالسهولة ... كون ان تري شخص يهان لهذه الدرجة ويتوسل لجلاديه بهذه الصورة ولا تستطيع ان تفعل شئ .... هو امر يصيبك انت ذات نفسك بالذل والمهانة ...


احساسى الشــخصى ..

ان كل ما اتت به الانقاذ قبل واحد وعشرون عاما .. كوم

وهذه الحادثة .. وما تجره الآن من مرارات نفسية ... كوم آخر ...


وعلى قول حافظ ابو عاقلة ... آآآآآآآه يا بلد
Post: #8242
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-15-2010, 08:41 AM
Parent: #8241

يقول المصطفى عليه افضل الصلاة والتسليم : ( كلكم راع وكلكم مسئول عن رعيته )

والى الخرطوم .. الذى يفترض انه مسئول عن رعية قوامها 8 -9 مليون شخص ...

لا يكتفى بسياط قدو قدو اللعين ... ويزيد الضحية بسياط الافك والادعاء عليها بالباطل بارتكاب الزنا

وبكل برود يقول ان الامر لا يتعدى تنفيذ عقوبة حدية حسب الشرع ..!!

فـ هل تم تنفيذ الشرع فى اثبات التهمة على هذه المرأة المغلوب على امرها ..؟؟

أخشى ان يكون قدو قدو ورفيقه أسود القلب والبصيره من ضمن شهود الزور فى واقعة الزنا ..!!
Post: #8243
Title: Re: ناس الزقازيق ... أجدع ناس ( 3 ) ..
Author: عمر نملة
Date: 12-15-2010, 09:22 AM
Parent: #8242

سلام تحيه
لاحوله ولاقوه الا بالله العلي العظيم قولا وايمانا بكل ماتحمله من معنى . انفجرت بكاء وارتعشت كل مفاصلي من هول ماشاهدت وتمنيت ان اكون في موقع الحدث وليكن مايكن. والله العظيم صادقا دخلت فيني خوف والم خلاني ماقادر اركز وماقادر اكتب او اعبر عن شئ.
حولت الفيديو الي تسجيل صوتي حتى استطيع ان اتابع كل الحوار الذي دار اثناء العذاب الذي لم تتخلله ولاثانيه من الامن والايمان. هم اسمهم المؤمنين لانهم بيسعوا لتوفر الامن والايمان لهم ولغيرهم. يعني كل الناس التي حضرت وشرعت واقرت ومارست عذاب هذه الموؤده ليس لديه ولاذره من الامن والايمان بل اشد قسوه.


اسمع اعمل ليها سنتين سجن اعمل ليها سجن لسنتين يالله اقعدي خلينا النمشي اقعدي يالله دايره يرموك في السجن ااديها سنتين سجن يالله اقعدي ياالله سريع يااخ خلينا النمشي شوفي الشارع دا فوق وريها الشارع دا اقعدي مددي كرعينك يالله مددي كرعينك ياخي
واي انا واي علي انا براحه ياامي واي علي انا واي انا ياامي انا واي علي انا واي واي يامي واي واي واي واي ياامي واي واي يا يدي يدي خلاص خلاص خلاص واي واي خلاص خلاص
هممه همهمه
زح ياكمال زح
واي انا واي انا واي ياامي انا خلاص
خليها تديني لفته
زحي من العربيه زحي يالله
يااخوانا امروقا خليها تجي لبره بجاي
والله استاد الخرطوم بس عاين الناس ديل لاحوله فليشهد طائفه فليشهدهما ا طائفه من المؤمنين ياجماعه دي ما طائفه خلي نشوف ياجماعه والله طائفه صور الناس دي
يالله هاا
يضحك بصور قمئه
…..... دي تجيب ليك مرض يااخ
يااخ ماتزح يااخ
فليشهد عذابهما طائفه من المؤمنين
ديل ما ناس خليهم يكشفوا بس
واي واي واي واي انا خلاص خلاص خلاص خلاص ياامي خلاص ياامي واي يامي
خليها....
ياقدوقدو ياقدوقدو
واي ياامي خلاص الدنيا صائمه في رمضان واي ياامي خلاص خلاص واي ياامي واي واي يامي خلاص خلاص
هي ذاته خمسين جلده شيل منه الموبايل دا
Post: #8244
Title: Re: ناس الزقازيق ... أجدع ناس ( 3 ) ..
Author: عمر نملة
Date: 12-15-2010, 09:56 AM
Parent: #8243

sudansudansudansudansudan67.jpg Hosting at Sudaneseonline.com
Post: #8245
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-15-2010, 11:23 AM
Parent: #8244

غايتو ياشباب كلامي الفي الرابط ده ...
لابسر لا بعجب ناس التنظيمات والاحزاب والحركات السياسية ...
اخير ليكم اختوهو ...
عشان كده كتبتو في الحوش البره ....

سوف يأتي الفـرج من السماء .... يوجد عـويل وطنـين يصـم الآذان ...



======================================
طارق جبيرل ...
ياخي ألف حمدلله على السلامة
Post: #8246
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 12-15-2010, 11:27 AM
Parent: #8244

إخوتي

والله الواحد محبط وحزين لدرجة الإكتئاب

عندما شاهدت زوجتي الفيديو إنفجرت بالبكاء وقالت لي هذه ليست الطريقة ولا القانون ,,,

وهي خريجة الشريعة والقانون .



حسبنا الله ونعم الوكيل

حسبنا الله ونعم الوكيل
Post: #8247
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-15-2010, 11:57 AM
Parent: #8246

سلام يا شباب ....

اظن ان لعنة الفيديو قد اصابت الجميع ... ولا يمكن تجاوزها بسهولة ...
Post: #8248
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-15-2010, 12:04 PM
Parent: #8247

في يوم الاربعاء 15 ديسمبر 2010 , يجتمع في لوساكا ( زامبيا ) رؤساء دول المؤتمر العالمي لمنطقة البحيرات العظمي ( انجولا , بروندي , افريقيا الوسطي , الكنغو , الكنغو الديمقراطية , كينيا , رواندا , السودان , يوغندا , تنزانيا وزامبيا ) .

وكالعادة سوف يتخلف الرئيس البشير عن المشاركة في هذا المؤتمر !

وأزكي له أن يتخلف ! فسوف يناقش المؤتمر موضوعا مفتاحيا , له علاقة مباشرة بشريط فيديو البت المجلودة !

سوف يناقش المؤتمر سبل ووسائل وقف العنف الجنسي , وكل مظاهر العنف الاخري , ضد النساء والفتيات في منطقة البحيرات العظمي , وبالاخص في بلاد السودان !

سوف تعرض منظمات المجتمع المدني المعنية بحقوق المرأة شريط فيديو الفتاة السودانية المجلودة , وتحكي عن الاغتصاب اليومي للفتيات والنساء في دارفور , وفي مراكز الشرطة في الخرطوم , عاصمة المشروع الحضاري الاسلاموي الانقاذي !

وسوف نستمع , نحن السودانيين ...
نعم ... سوف نستمع , نحن السودانيين , للافارقة , خصوصأ من رواندا والكنغو , يقدمون لنا النصح في حسن معاملة المراة , وعدم جلدها واغتصابها , وحبسها ,
وتعذيبها !

سوف نستمع اليهم , وهم يمتنون علينا بجنودهم , التي تحمي السوداني من ظلم اخيه السوداني !

سوف نستمع اليهم , وهم يمتنون علينا بجنودهم التي تحفظ السلم والامن , وتضمن ان مليشيات الانقاذ الجنجودية لا تعتدي علي المدنيين السودانيين , وعلي النساء والفتيات في دارفور وجنوب السودان !

هذه ليست مبالغات ... بل عين الحقيقة !

فالسودان , وما يحدث فيه من تجاوزات لحقوق الانسان , وبالاخص حقوق المرأة , سوف يكون البند الرئيسي في المؤتمر !

بلاد السودان صارت ملطشة افريقيا في زمن الانقاذ !

* من مقالة للكاتب ثروت قاسم *
Post: #8249
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-15-2010, 12:42 PM
Parent: #8248

وقصيده قوية ومعبره للشاعر والقاص عيسى ابراهيم


نادت أُمَّها وقِنْعَتْ من الباقِين
والسوط داهَمَا من راسا للكرعين
لا خلا الأباط لا النَحْرِ لا الخدين
والحولك وحوش لا زين ولا زينين
فرتاق حافِلُنْ أنا في رجاك لِمتين؟!
بنعيلك رُجال كانوا بيكيلوا العين
أنا ما مِنَّهُم أنا في الخَرابْ كومين
هطَّال للدموع أمسح شمال ويمين

يا شعبي الكريم قشَّاش دموع العين
رحَّام لليتيم لَحَّام كسور البين
لَحَّاق للضُعَاف غَتَّاي عُروض أم زين
ستَّار للعرايا كشَّاف فعايل الشين
انا راجيك دَهَرْ حرَّمت ماك ضنين
أزْأرْ زَأرتك وكسِّر فروع النيم
واطلع طلعتك علِّم بليد وغشيم
شِنْ راجيهو بس؟ باطِل معاهو لئيم
والشيطان يمين في كيدو ما هو عظيم
أهون من هوان ضعيف هزيل وسقيم
والوالاهو زَيُّو ذميم مصاحبو زنيم

البت أم وضيب اتعاوروها عساكر
بي سوط العنج إلا الضمير مو حاضر
داك يضرب شمال والتاني ضربو مشاتر
والمسكينة تصرخ يا يُمَّة دايراك ساتر
ما رحمو البنية "غزال تهاجمو كواسِر"
شقيش ما يقبِّل يلقاهو سوطاً جاسر
والقاضي اللئيم واقف حداهو دساكر
لا سِمعو الصياح لا بجبرولُن خاتر
الجُرم الأكيد قالو اللباس مو ساتر
واللابسين عرايا من الضمير الظاهر

يا شعبي العظيم جاييك عندي شكيَّه
إنت الصبر فُتُّو بقياسنا فُتَّ الميَّه
صابر راجي مين الشينه ما محريَّه
ديل أنجال لهب ما جابتُم مرضيَّه
أكتر من كِلاب طرَّاد أمامو ضحيَّه
في ظاهرو الضحك وفي باطنو ألف أذيَّه
أصحا كفاك صبُر ما تخدِّرك شرعيه
الكِضِب انكشف مو دين هديك دنِيَّه
أكلو الدنيا بي دينك وزادو شويَّه
عَرضَك ما حموهو وطَبَقُولَك إنتَ الكيَّه
Post: #8250
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-15-2010, 12:45 PM
Parent: #8248

حاولنا الخروج من هذه الأزمة ولكن لم نفلح

الحالة النفسية والمزاجية منتهي وفي الحضيض

لأن الإساءة لم تكن للبنت فقط ومهما عظم ذنبها

فقد إساء إلى تعاليم الدين الإسلامي الحنيف ووصية

سيدنا محمد - إستوصوا بالناس خيراً -

فقد اساء إلى الدولة السودانية وأظهرنا شعب بدون شفقة ومتخلف

فقد اساء إلى النظام القائم بالخرطوم وقدم لأعداء النظام فرصة

في طبق من ذهب.

أتمنا أن نخرج من هذا الكابوس وأن يفوق بقية الإخوة من الصدمة

ولنترحل إلى عوالم جديده أخرى فلن تتوقف عجلة الحياة.
Post: #8251
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-15-2010, 03:30 PM
Parent: #8250

تعرف يا ميسرة بقينا زي الناس العندهم بكا .... اها ينسوا المرحوم شوية كده ويقعدوا يتونسوا ونستهم ... يقوم يجيهم ليكم واحد يعزيهم ... يلا يتذكروا المرحوم ويقعدوا تاني يبكوا من جديد ..
Post: #8252
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-15-2010, 03:56 PM
Parent: #8251

Quote: يقوم يجيهم ليكم واحد يعزيهم

الفاتحـــــــة
Post: #8253
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-15-2010, 04:08 PM
Parent: #8252

يا ابو الجل والله الواحد معنوياته في الحضيض ... عايز ليهو ونسة طاعمة تنسينا هم ... لكن تتصل بي زول ... يجيب ليك سيرة المرحوم ... تمشي لي زول لازم يعزيك في المرحوم ... تجي البوست ... تلقي الناس فارشين ... تمشي المنبر بهناك ما تلقي ولا زول ... تسال وين الجماعة يقولوا ليك في بيت البكا ...
Post: #8254
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-15-2010, 06:00 PM
Parent: #8253

من قبيل يا ابو الزوز عايز ارشكم هنا بي كتابات طاعمة عن السودان
لكن والله غلبني
رغم انه الحكي كتيييير شديد
Post: #8255
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-16-2010, 06:54 AM
Parent: #8254

يا جبريلا رش .... ونحن في الانتظار .... خلاص الفراش رفعناهو ... ويبقي الحزن في القلب ...
Post: #8256
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-16-2010, 09:06 AM
Parent: #8255

الحكاية ما هى فراش وبيت بكاء وبس ...

ولا نحن - السودانيين - ناس بتحب البكاء والالم والعذاب زى ما بيقولوا ...

لكن أصلوا الناس كانت متوترة من الاستفتاء والتطورات المتوقعة والصفقات المشبوهه التى تجرى الآن

برعايات اكثر شــبهة ..!

والتصريحات والآراء المتضاربة كل يوم

جعلت مجرد عرض الحادثة يؤدى الى هذه الانفجارات النفسية التى بدت للجميع مثل الحمم المكتومة منذ سنين ...

.. ومع ذلك .. ولاآننا نحب هذا الوطن .. ونعشق داك التراب ...

نناشد اخونا جبريلا بأن يحكى لنا ويؤنس وحشتنا بما عايشه فى النصف الملىء من الكوب ...

ايا كان محتوى هذا الكوب .. سواء كان علقما او حتى شامبيون ..!!
Post: #8257
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-16-2010, 09:14 AM
Parent: #8256

يا ود عيد سلامات .... تعرف ان اكتر زول يكره الحزن والدبرسة ... لا يمكك ان تتصور ما فعله بي هذا الفيديو اللعين ... ولكرهي لاجواء الحزن احاول لي عدة ايام من يؤنس وحشتي فلا اجده ... كلما اختلي بنفسي اجد الحزن والدبرسة حطت رحالها ولا افكر الا في تلك الفتاة .. المهم زي ما قلت نحن في انتظار غزوات جبريلا ... والرقيص ... وشراب الشامبيون ... اكيد جبريلا عندي حكايات ... تختلف عما رايناه ...
Post: #8258
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-16-2010, 10:04 AM
Parent: #8257

سلامات يا ناس

زهير زِح شوية كده ...

خلِّينى أسلِّم على محمد عيد ده

لى منو زى خمسة شهور .
Post: #8259
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-16-2010, 10:16 AM
Parent: #8258

Quote: احاول لي عدة ايام من يؤنس وحشتي فلا اجده


انتا ناس ابتهاج رجعــــوا ولا شنو ...


ازيكم كلكم الناس ال ليها 5 شهور وال ليها 5 يوم ما شفناهم
Post: #8260
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-16-2010, 10:18 AM
Parent: #8259

يا زول الراجل ده قبيل كسح .... ازح ليك شنو .؟؟
اها خبر البرد عندكم شنو ..؟؟

يا عبد الدائم ديل ذاتم قالوا مستوحشين ... وعايزين اليونسهم ...
Post: #8261
Title: Re: ناس الزقازيق ... أجدع ناس ( 3 ) ..
Author: عثمان الخير
Date: 12-16-2010, 11:29 AM
Parent: #8260

سلام لأجدع ناس

ودجبريل حمدآ لله على السلامة ومنتظرين حكاويك بفارق الصبر


وبعدين يا زهير يا أخي شيل العساكر ديل من البروفايل

لانو الواحد كل ما يشوفهم الحالة بتقوم عليهو,,,
Post: #8262
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-16-2010, 04:17 PM
Parent: #8261

الظلم حالة لايحسها الا الذين وقع عليهم الظلم نفسه
فمثلا مهما حكوا ليك عن السجن لاتستطيع ان تتخيل الا ان تعيش التجربة
لذلك قال السيد المسيح اللهم لاتدخلنا في امتحان
والامتحان الكبير هو ان تتذوق مرارة الظلم
ما حدث لهذه الفتاة هو الظلم البين
لكن اظل اقول دائما ان الظلم شئ والاحساس به شئ اخر
فقد شعرنا كلنا بهذا الظلم الذي وقع على البنية
ولكن كانت ردود افعال متفاوتة
كان التفاعل المهم هو انتفاضة النساءاللاتي تم القاء القبض عليهن
من قبل عسس الداخلية
وتفاعلنا انحنا كان ان نكتب هذه الكلمات التي توضح
التضامن الذي نحمله لهذه البنية





مدخل تاني
صابونة الغسيل ثمنها اليوم واحد جنيه
Post: #8263
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-16-2010, 07:42 PM
Parent: #8262

الفاتحة
Post: #8264
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-17-2010, 08:49 AM
Parent: #8263

صباح الهناء والسرور ...

الحاج حاتم جبارة حمدا لله على السلامة وربنا يمتع بالصحة والعافية وبجوار المدام الوليدات ...

جمعتكم مباركة ...
Post: #8265
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-17-2010, 09:16 AM
Parent: #8264

"ترك الدعاء للوالدين يقطع الرزق"

لا تبخل على والديك بدقيقتين من وقتك للدعاء لهما

بسم ‏الله الرحمن الرحيم

اللهم صلي على محمد وعلى آل محمد...

اللهم... يا ذا الجلال والإكرام يا حي يا قيوم ندعوك باسمك الأعظم الذي إذا دعيت به أجبت، أن تبسط على والديَّ من بركاتك ورحمتك ورزقك...

اللهم... ألبسهما العافية حتى يهنئا بالمعيشة، واختم لهما بالمغفرة حتى لا تضرهما الذنوب...

اللهم... أكفيهما كل هول دون الجنة حتى تُبَلِّغْهما إياها، برحمتك يا أرحم الراحمين...

اللهم... لا تجعل لهما ذنباً إلا غفرته، ولا هماً إلافرجته، ولا حاجة من حوائج الدنيا هي لك رضا ولهما فيها صلاح إلا قضيتها..

اللهم... ولا تجعل لهما حاجة عند أحد غيرك...

اللهم... وأقر أعينهما بما يتمنياه لنا في الدنيا..

اللهم... إجعل أوقاتهما بذكرك معمورة...

اللهم... أسعدهما بتقواك...

اللهم... إجعلهما في ضمانك وأمانك وإحسانك...

اللهم... أرزقهما عيشاً قاراً، ورزقاً داراً، وعملاً باراً...

اللهم... أرزقهما الجنة وما يقربهما إليها من قول أوعمل، وباعد بينهما وبين النار وبين ما يقربهما إليها من قول أوعمل...

اللهم... إجعلهما من الذاكرين لك، الشاكرين لك، الطائعين لك، المنيبين لك...

اللهم... واجعل أوسع رزقهما عند كبر سنهما وإنقطاع عمرهما..

اللهم... واغفر لهما جميع ما مضى من ذنوبهما، واعصمهما فيما بقي من عمرهما، وارزقهما عملاً زاكياً ترضى به عنهما...

اللهم... تقبل توبتهما، وأجب دعوتهما...

اللهم... إنا نعوذ بك أن تردهما إلى أرذل العمر...

اللهم... واختم بالحسنات أعمالهما...

اللهم... وأعنا على برهما حتى يرضيا عنا فترضى...

اللهم... أعنا على الإحسان إليهما في كبرهما...

اللهم... وارضهم علينا...

اللهم... ولا تتوافهما إلا وهما راضيان عنا تمام الرضى...

اللهم... أعنا على خدمتهما كما ينبغي لهما علينا...

اللهم... اجعلنا بارين طائعين لهما...

اللهم... أرزقنا رضاهما، ونعوذ بك من عقوقهما...

اللهم... أرزقنا رضاهما ونعوذ بك من عقوقهما...

اللهم... أرزقنا رضاهما ونعوذ بك من عقوقهما...

اللهم... أغفر لهما، وارحمهما...

اللهم... جازهما بالحسنات إحساناً وبالسيئات عفواً وغفرانا...

اللهم... إني أسألك من خير ما سألك به محمد صلى الله عليه وآله وصحبه، وأستعيذ بك من شر ما إستعاذ به محمد صلى الله عليه وآله وصحبه...

اللهم... أرزق مرسل وقاريء هذه الرسالة مغفرتك، بلا عذاب وجنتك بلا حساب ورؤيتك بلا حجاب...

اللهم... أرزق مرسل وقارئ هذه الرسالة زهو جنانك، وشربة من حوض نبيك، وأسكنه دار تضيء بنور وجهك...

اللهم... إجعلنا ممن يورثون الجنان، ويبشرون بروح وريحان ورب غير غضبان...

اللهم... حرم وجه مرسل وقارئ هذه الرسالة عن النار، وأسكنه الفردوس الأعلى بغير حساب...

وصلى الله على محمد
Post: #8266
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-18-2010, 06:27 AM
Parent: #8265

يا ود الشادي و بقية الاعضاء ما زال الفراش قائما عليك ياوطن

الفـــــــــــــــــــــــــــــــاتحـــــــــــــــــــــــــــــــــة
Post: #8267
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-18-2010, 06:55 AM
Parent: #8266

ناس الزقازيق ... أجدع ناس


سلام

يا حلوين
Post: #8268
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-18-2010, 07:54 AM
Parent: #8267

Quote: صابونة الغسيل ثمنها اليوم واحد جنيه


انتو لسه من زمن ( بروة ) الصابون .....
دى على وزن دعاية الماجى ( انتى لسه من زمن العطرون )


يا زهير ما تسمع كلام عثمان الجدى ياخى ...
Post: #8269
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-18-2010, 08:33 AM
Parent: #8268

نسمع ولا ما نسمع

عبد الدائم سلامات ...

الحجاج كيف مع برد جده ... اوعي توديهم الثاوث مول
Post: #8270
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-18-2010, 08:36 AM
Parent: #8267

صباح الخير ،،، يا وجوه الخير

دعاء الصباح :-

اللهم يا عزيز يا جبار
اجعل قلوبنا تخشع من تقواك
واجعل عيوننا تدمع من خشياك
واجعلنا يا رب من أهل التقوى وأهل المغفرة
Post: #8271
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-18-2010, 11:39 AM
Parent: #8270

ازيكم يا كلكم
يا طارق جبرين يا حبيب , اظن ان الملعب اصبح مهيئا لنسمع منك
اوعك تدس مننا حاجة , ولا تسهيف علينا حاجة , ولا تستكردنا فى حاجة
تقول لينا الحصل , والما حصل
من المتداد لى خور جانقى , لى جنائن الشاطىء وقصور الروض الفى بترى
قلت لى حتيتو قرض , شايفنك ياخ
يلا قول , خلينا ننسى العلينا
Post: #8272
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-18-2010, 11:51 AM
Parent: #8271

بمناسبة زيارة بكرى الخاطفة لى حوشتا
خلونا نحاول نقرأ ما بين سطور الزيارة
بوستينا الممتد ده , زى عامل قلق لى بكرى
هذا ما فهمت , واظن ان قلقه ناتج من اسباب تقنية اجهلها انا على الأقل
هل من مصلحة بكرى , ان نجدد بوستينا كل فترة معينة , ونرمى بالمكتوب القديم الى اتون الأرشيف
مثلما فعلنا بالمئة صفحة الماضية
يعنى لو قلنا ليهو ما عندنا مانع نفتح بوست جديد (عام ) كل ربع او نص سنة , الزول ده حا ينبسط ؟؟ ولا القصة ما فارقة ليهو
هل يناسبه ان ندخل ببوست جديد كل سنة , مع اهمية الأحتفاظ بما كتبنا مأرشفا ومحفوظا وقابلا للأستدعاء متى ما اردنا ؟؟؟
الفاهم يفهمنا , وما فى مانع بكرى زاتو , يكتب لينا من وجهة نظر (تقنية ) يعرفها هو افضل منا جميعا
نحن طول البوست وامتداده مصدر فخر لنا ولا شك , ودليل تواصل مشهود
لكن اذا كان لذلك الأمتداد اللانهائى مثالب تقنية , فانه يمكننا ان نجزىء تواصلنا الى اجزاء منفصلة ومتسلسلة , ولا تقدح فى الأمتداد بأى حال من الأحوال
ولو انا ما فاهم صح , برضو قولو لى , بس براحة بالله , وراعوا معاكم جهلى التقنى , واميتى الأسفيرية
وكمان لأنو لو فى زول فيكم قام على ونهرنى , اوريكم بيحصل لى شنو ولا بلالالالالالاش
Post: #8273
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-18-2010, 11:59 AM
Parent: #8272

منص سلامات ...

انا ما فاهم في الموضوع ده شديد ... لكن قدر الفهمتو ... ان البوست كلما كانت صفحاته كتيرة بيستهلك من الباندوث وده شنو صراحة ما عارفه ... وده الظاهر عليهو بقروش كتيرة .... الحاجة الثانية بيتقل المنبر العام ... عشان كده هو كان زمان محدد عدد الصفحات ب15 صفحة علي ما اعتقد او عشرة ... اي زيادة عليها طوالي تتارشف ... بس عمل استثناءات لبعض البوستات الجماهيرية... وبوستينا ده من ضمنها ...

نجيكم بعد الغداء
Post: #8274
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-18-2010, 12:09 PM
Parent: #8272

وكمان من خلال احساسى العبرت عنو فوق ده , جالت بخاطرى فكرة ارجو ان تسمعوها منى
وبرضو , لو كانت ما مناسبة , او كمان مبنية على تخمين طلع ما صاح مرتكز على مداخلة بكرى
القائمة على انو بكرى يفضل ان نارشف ما نكتب كل فترة معينة , ونبدا بعدها ببوست جديد
فنحن ممكن ننزل عند طلبه ده ونريحه فى حنانو ظاتو
ونقوم نتفق معاهو على منحنا باسويرد جديد لشخص نختاره (كل فترة حسب ما نتفق عليه )
هذا الباسويرد نخصصه لأحد اعلام الزقازيق ( وما اكثرهم )
من اللذين لا يشاركون فى البوست الا بالقراءة او ممكن كمان حتى ما بيعرفوه خالص خالص
بس يجى يفتح لينا البوست , ونتونس معاهو شوية , ويبدأ فى التواصل معانا ما استطاع
وده بيتم من خلال مجهود نكلف بيهو ناس معينين
مثلا عصام دهب (باعتباره صاحب فضل على البوست وفتحه من اساسه )
ومنى يونس باعتبارها من المهتمين بالتوثيق والبحث عن شخصيات الزقازيق المؤثرة
اضافة لى لجنة الجمعية الجوة البلد , بقيادة الريس معتصم ومحمد صديق والشباب اتلشغالين معاهم
مرة يجيبوا لينا ادروب يفتتح لينا البوست ونعرف اخباره , ومرة سناء الرضى , ومرة احمد طراوة , ومرة بشير على العبيد , ومرة دكتور امير خليل
مرة صلاح جلال , ومرة زاهر الصادق , ومرة عائشة كروم , والفاتح ثابت , ومحمد الفاضل , وهكذا
وطبعا دى نماذج وامثلة , وليست حصرا باى حال من الأحوال
وده ما بيمنع تواصل مجهودات الحصول على باسويردات جديدة لمن يرغبون حتى بدون مناسبة افتتاح جزء تواصل جديد
ولكن الأفتتاح دائما نخصصه لشخص تتفق عليه لجنة منا , تستعين بمن تشاء , وتكثف اتصالاتها با لأسم المحدد
ثم تلزمه بالأفتتاح حتى ولو لم يكن متواصلا او متابعا , باعتباره رمزا زقازيقيا
لأن مجرد افتتاحه للجزء , ثم تواصله ولو لفترة محددة , فيه مكسب معنوى كبير , وفيه تغذية لروافد تواصل جديد
مصحوب بعمل ومجهود واتصال على ارض الواقع , وتعريف بالبوست وبالجمعية , وهذا يخدم كل هذه التوجهات بما فيها الشركة الوليدة
كلام كويس ولا تدونى تذكرتى انزل المحطة الجاية ؟؟؟!!!
Post: #8275
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-18-2010, 12:15 PM
Parent: #8274

ليك اكتر من سنتين ولسه ما عارف اللوائح
فلاحتك بس تسافر ماليزيا وابوظبى
كان تسأل مدثر ابايزيد على الاقل
هاك اقرأ ....


سلام و تحية الى كل الاعضاء
سوف اقوم يوم 28 -ديسمبر- 2010 بارشفة المنبر العام الحالى ...اخى الكريم/ة اذا كان لديك موضوع تريد نقله الى لمنبر الربع الاول من 2011 المرجو كتابته هنا .سوف يتم نقل موضوع واحد لكل عضو/ة لمنبر الربع الاول من 2011 من منبر ا لربع الرابع لعام 2010 .



1-سوف لن يتم نقل اى موضوع عدد صفحاته اكثر من 15 صفحات اى به اكثر من 1000 مداخلة (ننصح بالجزء الثانى منه) لسلامة الموضوع فى حالة تعرض السيرفا الى اى مشكلة فنية والى ما يسببه الموضوع من مشاكل اتصال ب database و استهلاكه الى كمية كبيرة من الباندوث و العمل على بط الموقع......
3-اى موضوع لا يضع صاحبه URL العنوان الصحيح سوف لكن ننقله للمنبر الجديد



4-سوف يتم نقل موضوع واحد لكل عضو/ة



وشكرا
توضيح للاعضاء/ات الجدد يتم ارشفة المنبر كل 3 شهور للاسباب الاتية
-البحث
-التخزين
-مساعدة الادارة لتحويل المواضيع بين مكتبات الاعضاء
-ترشيد للباندوث
-تسريع الاتصال ب database
Post: #8276
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-18-2010, 02:55 PM
Parent: #8275

يا منص سلامات .... الفكرة ما واضحة كويس ... ممكن تشرحها تاني .... اصلوا الكبسة كبست علي المخ ... علي العموم عصام دهب ده ما بيجي الا يفتح البوست ... ويجينا للفاتحات ... اها كده تاني ما نشوفوا خالص ... علي العموم مبدئياً ما عندي مانع بعد اتفاق الناس علي صيغة معقولة ....
Post: #8277
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-18-2010, 10:45 PM
Parent: #8276

عثمان الخير كيفنك ياخي

يا منص والله بجهز في البوست
ياخي حا اكتب عن اي شي شفتو
من خور جانقي لي معهد الكليات التكنلوجية
ياخي حتى ((الكُدندي)) حا اكتب عنه
ودة اسأل منه جلال عثمان لانه حاتم جبارة من شوايقة كلفورنيا ما اظن يعرفه
يا منص انامشيت الشمالية حتى العواكر ((من عوكر)) قبضتهن
يمين كوجنت لي كوجين
Post: #8278
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-19-2010, 10:05 AM
Parent: #8277

منتظرنك يا ود جبرين ورابطين الحزمة للطيران
اما بالنسبة لى ابو الزوز , واخونا بتاع جدة , المكمل علينا الحنان ظاتو الأيامات دى
حنان مية وعشر
وحنان ميتين وعشرين
شى بالعربى , وشى بالرطانة , وشى عربى زى الرطانة , ولا رطانة تشبه العربى ما عارف
ممكن تقولوا حنان هجين , خاتف لونين يعنى
قالوا ليكم عناب زاتا من كترة الحنان المدفق , لمن ناس المدرسة نسوا اسمها وسموها حنان
الأداكم بالكوريك يا عبد الدائم , بختك بالحنان المدفق ده
واعمل حسابك , اللخبتة بتاعت الحنان ده , بعد مرات بتجيب ارتكاريا
فكرتى الما واضحة دى يا ابو الزوز , قالو ليك انا زاتى فاهما ؟؟؟!!!
كان بكرى ده عايز يخلينا نجدد اجزاء بوستينا ده كل تلاتة ولا ستة شهور , احقوا نقول ليهو ما عندنا مانع
والأقتراح بتاع اننا ندى شرف الأفتتاح النالو اخونا عصام دهب (وسنظل ممتنين ليهو بيهو طالما امتد تواصلنا )
لرموز زقازيقية متنوعة , زى من ذكرت مثالا لا حصرا , كل جزء جديد , حا يدى البوست زخم متواصل , ودم نوعى جديد
ففى الزقازيق لا يوجد الا ادروب واحد , واحمد طراوة واجد , وصلاح جلال واحد , وهبانى واحد , وسناء رضى واحدة وهكذا
لذا فان استقطابهم للكتابة بباسويرد جديد فى البوست كل جزء جديد سيحقق لنا مكاسب عديدة , من ناحية التواصل , ومن ناحية الأتصال والتمهيد لى لجنة الجمعية
وحايدى البوست دائما قوة دفع جديدة ناتجة من مشاركة الشخصية التى يتم اختيارها
غايتو , كان ما فهمتونى بعد ده , معناتا فكرتى دى , مخستكة جنس خستكة , وممكن تعتبرونى كنت بهضرب ساى
ادخل علينا يا طارق بالمفيد ياخ , باين الفكرة دى بيتت البوست زاااتو القوا , يمين اربعة وعشرين ساعة , غير طارق وزهير والنضيف
مافى زول مر على البوست
حولا لالالالالالا
Post: #8279
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-19-2010, 10:57 AM
Parent: #8278

ولدنا .....
موسي عيسي ....
صغر الفاتحة بتاعتك دي شويه ....
فتلت البوست ....



اها يا منص اكتبني مع الناس الدخلت البوست خلال الـ 24 ساعة
Post: #8280
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-19-2010, 11:03 AM
Parent: #8279

صباح الخير ،،، يا وجوه الخير

حبيبنا منصور فكرتك واضحه ومفهومة

ولكن كيفية الحصول على رموز الزقازيقية والتواصل

معهم وإقناعهم بفحوى مضمون الفكرة ،،،

منتظرينك يا ود جبرين وماعايزين فتح أي موضوع جديد، أمرق جاي
Post: #8281
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-19-2010, 11:03 AM
Parent: #8279

السلام عليكم
داير أسأل سؤال!!!
ياخ سيبك
المهم.....
داير أقول شنو يا ربي؟؟؟؟؟
خلاص بعدين...
Post: #8282
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-19-2010, 11:11 AM
Parent: #8281

14363_240323276417_561796417_4629419_4602896_n.jpg Hosting at Sudaneseonline.com


قدرت ما حاولت القى لي سبب لوجود الرشيد بابكر بيني وبين حاتم جبارة ما لقيت
ناس زراعة الواقفين ما عرفت منهم زول
وقوفا: عثمان اوما- مجدي فركش(الشفيع)- عمر- طارق لكوظ
جبريلا-الرشيد بابكر-الولا حاتم جبارة- ياسر لورد-جماع مصطفى- القون دة جليتو- الدرديري
Post: #8283
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-19-2010, 11:26 AM
Parent: #8282

Quote: قدرت ما حاولت القى لي سبب لوجود الرشيد بابكر بيني وبين حاتم جبارة ما لقيت


يا تكونو مطعمين بي...
عشان ترفعو مستوى فريقكم شوية...
من حيث اللعب...و من حيث الشكل...عاملين ناسكم الشينين ديل...
و لا يكون ياسر لورد حنسني أجي ألعب معاكم...
و أجي ألبس فنلتكم الصفراء الشينه دي...
و أنا عشان ياسر لورد صاحبي وافقت...

و الله يا جبريلا أنا زاتي ما متذكر المناسبة شنو و بتين و كيف..

انت قالو ليك تعال أحكي عن اجازتك البوديك تمشي تنكت في الصور شنو...

مشتاقين يا جبريلا و الله...

و ين كنت لابد يا جلا...بركه الجيتنا طيب...
Post: #8284
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-19-2010, 11:34 AM
Parent: #8283

يا رشا كيفنك ياخي
والله بجهز في الحكي
ياخي دة حكي مدعم بالصور ياخي
يعني توثيق
Post: #8285
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-19-2010, 11:41 AM
Parent: #8284

Quote: ياخي دة حكي مدعم بالصور ياخي
يعني توثيق


فيديو ولا صور ساكت؟؟؟؟

يعني الناس الباروك في الاجازة دي حتفضحهم في القبل الأربعة...
Post: #8286
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-19-2010, 11:43 AM
Parent: #8285

يا زول انا ذاتي حا افضح نفسي
Post: #8287
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-19-2010, 11:47 AM
Parent: #8286

Quote: يا زول انا ذاتي حا افضح نفسي


يعني الكلام الاتنشر عنك في ويكليكس ده ما كان افتراء...

على أي حال ترانا منتظرين...
Post: #8288
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-19-2010, 11:53 AM
Parent: #8286

يا جبريلا حمد الله عل السلامة ، المفروض نديك تلفون اها فى الليلة
وفى بكرة الزمن مشى

القووون ده ولدنا عبدالعظيم حسن عبدالكريم تربية ، وزى ما قال ليك
الرشيد عشان يكفو العين ، ونمرة تلاتة وقوفا من اليمين يتخيل لي عصمت
ولد معهد تجارى كسلا

بالله المزيد من الصور ، البوست متعطش ولا اقول ليك ناشف نشاف


ما عندك صورة لجلا وهو فى المدرجات ..
Post: #8289
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-19-2010, 12:32 PM
Parent: #8288

يا رشا والله ويكيلكس يقصر الملح معانا


النضيف يا حبيبنا
كيفنك ابوي
يا زول انا منتظر الارشفة بس وحا ارشكم رش غرائب الابل
Post: #8290
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-20-2010, 05:47 AM
Parent: #8289

ما اجمل ان يبكى الانسان والبسمة على شفتيه وان يضحك والدمعة فى عينيه

احيانا لايستطيع الانسان ان يبتسم لان المسافة بين الشفتين والقلب فى هذه الحالة تكون بعيدة جدا

كن واسع الافق والتمس الاعذار لمن اساء اليك لتعش فى سكينة وهدوء واياك ومحاولة الانتقام

ما مضى فات وما ذهب مات فلا تفكر فيما مضى فقد ذهب وانقضى

ان الامس هو شيك تم سحبه والغد هو شيك مؤجل فهو السيولة الوحيدة المتوفرة لذا فانه علينا ان نصرفه بحكمة

فى كثير من الاحيان خسارة معركة تعلمك كيف تربح الحرب

تكلم وانت غاضب فستقول اعظم حديث تندم عليه طوال حياتك

فاتورة الهاتف هى ابلغ دليل على ان الصمت اوفر من الكلام

الحقيقة هى الشئ الوحيد الذى لا يصدقه الناس

الذاكرة احسن خادم للعقل والنسيان احسن خادم للقلب
Post: #8291
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-20-2010, 07:08 AM
Parent: #8290

صباح الخير ،،، يا وجوه الخير

هدية الصباح :


ٍإذِآ گنٍتِ تِرٍيًدُ آلغَنٍىٍ َفٍألزٍمٍَ ~آلأسِتِغَفٍآرٍ


وٍإذِآ گنٍتِ تِرٍيًدُ آلمَحِبُهُ َفٍألزٍمٍَ آلأبُتِسِآمَهُ


وٍإذِآ گنٍتِ تِرٍيًدُ آلسِعُآدُهُ َفٍألزٍمٍَ آلَقٍرٍآنٍ


يبدأ البوست بالعودة الطوعية إلى وضعه الطبيعي
Post: #8292
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 07:47 AM
Parent: #8291

ده كسير تلج .... في زول عنده مانع
Post: #8293
Title: Re: ناس الزقازيق ... أجدع ناس ( 3 ) ..
Author: salah elamin
Date: 12-20-2010, 08:17 AM
Parent: #8292

DSCN4201.JPG Hosting at Sudaneseonline.com

DSCN4254.JPG Hosting at Sudaneseonline.com



السلام عليكم .
Post: #8294
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 08:25 AM
Parent: #8293

صلاح الامين عليك الله جيب لي معاك شوية تلج محتاج ليهو شديد ... ويكون معاهو طاقية زي دي ...

اكيد الصور في اليمن ما جنيف ... صاح
Post: #8295
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-20-2010, 08:26 AM
Parent: #8293

مرحبتين حباب العزيز شبكشى

وبركة الشفناك طيب ...

بس التقول التلج القاعد فيهو ده زهير شم ريحتو وقام يكسر فيهو ..!!




Post: #8296
Title: Re: ناس الزقازيق ... أجدع ناس ( 3 ) ..
Author: salah elamin
Date: 12-20-2010, 08:38 AM
Parent: #8295

الاصدفاء

زناتي
ومحمد عيد

تحياتي


في صور سرية حقو الزول ينزلها

وسجن سجن
غرامة غرامة.
Post: #8297
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-20-2010, 08:57 AM
Parent: #8296

هسه الصورة دى العاجبك فيها شنو يا زهير
غير ( على الله ) اللابسها دى ما شايف ليها سماحة

زمان فى الزقازيق قلت لاحمد عوض
والله يا احمد عجوز سبب واحد يخلينى اعجب بيك مافى
الا كان انت فنان ما بعرفو ....
قام زعل منى ... تخيل ...


شبكشى بركة بالطلة
نزل صورك ونديك الامان و الضمان
Post: #8298
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 09:06 AM
Parent: #8297

النضيف الراجل صاحبي وعايز اخت صورته دي فيها حاجة ... عالم تحب المشاكل ...

يا شبكش نزل الصور ولا رسلها لي وانا انزلها ...
Post: #8299
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-20-2010, 09:36 AM
Parent: #8298

صبحكم الله بالخير

أبو الزوز لكن البروفايل ما عندك...
من قبيل عايز أدخل وما قادر عشان أهنيك على الصورة...
بس و بشفافية كده أنا كنت قايل الكوتش متلفح ليهو بي ملاية..
لحدي ما جاء ديدو و نبهني لي حته ان الكوتش لابس على الله...
يا كوتش العتب على النظر سامحنا...
Post: #8300
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 10:10 AM
Parent: #8299

يا رشدي .... شكراً علي الاعجاب يا مثقف ما قادر تفرز العلي الله من الما علي الله ....
Post: #8301
Title: Re: ناس الزقازيق ... أجدع ناس ( 3 ) ..
Author: عمر هواري
Date: 12-20-2010, 10:47 AM
Parent: #8300

التحايا للحلوين ،، شبكش ،أبو الزوز ، عيد ، البادي ، الرشيد ، د. سناء ، البادي ، موسى ، جلال
والله وحشتونا كتير ومشتاقين لشوفتكم وطلتكم
النضيف العزيز ماعندك جية قريبة للسودان ،، ولا ناس قدو قدو قفلوا نفسك ؟؟
حمد لله على السلامة طارق جبريل وحاتم جبارة الذى لم أتمكن من وداعه بسبب سفري للولايات .
زهير شايف الجماعة شغالين ليك في صورة الكوتش دي
لكن طبعاً إنت خاتيها بفهم,, مش كدة ؟؟؟
والله ياصلاح الجليد مبالغة .. يعنى الواحد كأنو قاعد جوه فريزر
يتخيل لي لو الواحد رش موية في الجوة مابتجي راجعة
بس طبعاً البلد مهيأة ، ده لو جانا في السودان أكيد حيقرضنا .
طال علينا فراقكم والله مشتاقين ..
Post: #8302
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-20-2010, 10:55 AM
Parent: #8301

سلام يا اهلنا
لكن يا شبكش لسة وجيه


يا ابو الزوز محمد صديق دة لمن عزمنا
عمل لينا باسطة كدة زي العندها ((بُرجم)) سمحة خلاص
الصور في
انتظروني بعد الارشفة
Post: #8304
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-20-2010, 12:10 PM
Parent: #8302

Quote: يا رشدي .... شكراً علي الاعجاب يا مثقف ما قادر تفرز العلي الله من الما علي الله ....


يا أبو الزوز انت عارف نحن لما طلعنا من السودان العلى الله ما كانت زي العلى الله دي...
جسه العلى الله يا طويل العمر بقت تحيرنا...
خليها على الله...

بسكو..تحيات و أشواق...

Quote: يا ابو الزوز محمد صديق دة لمن عزمنا
عمل لينا باسطة كدة زي العندها ((بُرجم)) سمحة خلاص

جبريلا دي ما ياها بلح الشام و لا دي شيتا تاني...

الباسطة أم برجم دي ما أدونا ليها قبل كده...

يا أبو الزوز ما قلت ليك العلى الله ما ياها العلى الله...
Post: #8318
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-20-2010, 06:00 PM
Parent: #8304

sudansudansudansudansudansudansudansudansudan74.jpg Hosting at Sudaneseonline.com



يا حبيب يا طارق و الكابتن المطعم به تيم بيطرة :

1- المكان ميدان الشرقية بالقرب من مسجدعبدالحليم حافظ .

2- الزمان شهر يناير1986 م

3- النتيجة فوز تجارة واحد صفر تسجيل اسامة الطيب في الشوط الثاني .

4- المناسبة الاحتفال بتخريج كباتن تجارة دور نوفمبر 1985 و كان في مقدمتهم :

* كابتن تجارة و الزقازيق احمد اسماعيل اب ناتوله خلف حاتم جبارة .
* كابتن محمود خاطر خلف الرشيد المطعم به (بضم الميم ).
* كابتن عماد عثمان موسى و هو غير موجود بهذه الصورة الان .
*و اخرون .
و الحارس الجليتو هو كابتن عبد العظيم(حارس تربية) المروض من قبل تجارة كثيرا يا النضيف ؟
*كابتن الصياد ابودقن خلف ياسر لورد .
*كابتن اسامة عبدالغفار الاول يمينا خلف الولد الطاعم بطعم رائحة السودان (زمان ).

وسوف نعود بعد ظهور جلال ابو عكاكيز و جنابو و دودي و عثمان الجدي !!!!!!!!!

يا جلا و اب شنب خليك قريب الحكاية محتاجة جكه ؟؟؟؟؟؟

*
Post: #8303
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-20-2010, 11:24 AM
Parent: #8300

أهلاً بالرفيق الكبير أخونا صلاح الأمين

والله مبسوطين جداً بطلتك الجميلة دي

خليك معانا بقدر ما تقدر حتى نكون

على تواصل معكم .

زهير الزناتي عندك أجمل صورة بروفايل

الناس ركزت على الجلابية ولكن الصورة نفسها

جميلة ومعبره وفيها كمية من المزاج العالي.
Post: #8305
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-20-2010, 01:02 PM
Parent: #8303

ما داير أرجعكم للسياسة والقرف تانى ..

لكن داير مساعده ...

قال تانى مافى جغمسة أديان ...

ابو الزوز ... شرحوووووووووو ؟؟؟؟

2mp8ty7mvdo2fnj0gw.jpg Hosting at Sudaneseonline.com
Post: #8306
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 01:46 PM
Parent: #8305

محمد عيد سلامات ...

قالوا هدوها من الطشاش بقت تبيت بره ... ده مثل كانت بتقولوا حبوبتي زمان ....


يلا يا حلوين عندي ليكم كم صورة كده العايز يتفرج يرفع يده ...


طارق جبريل نحن وين والارشفة وين ... رش الصور خلينا نعمل للبرجم ده طين بحر ...
Post: #8307
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-20-2010, 02:14 PM
Parent: #8306

الريس ميسره.. سلامات يا وجيه..
وتحياتي للحلوين تبعك..

وله يا بسكو..
المره الجايه بالشوفه إن شاءالله..
جاي والا ما جاي..

ود عيد يا أصلي..
جبريله دا ما تحرسو..
حيجي يعملها ضحك وتعليقات..
أديهو تلفون يديك المفيد..
وكان أبى راجع معاي بعدين..
نظام حارقاني الجمجره.. وكدا..

البادي.. حليل أيامك..

أبوالزوز.. دا منو الفي الصوره دا?
وياربي مالو? متمحن والا كسل ساي..
رافع يدي للصوره..

رشا يا مرتاااح..
تحس بيك جمجار.. قلت لي لافي ملايه?

عوده الأبن الضال.. شبكش..

الريس معتصم..
يا مجمع الأحبه.. تربت يداك..

حبيبنا عروه.. نشتاقك..
Post: #8308
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-20-2010, 03:43 PM
Parent: #8307

Quote: يلا يا حلوين عندي ليكم كم صورة كده العايز يتفرج يرفع يده ...


يلا شوووووووووووت

ما انحنا برضو هدانا الطشاش ..!


Quote: جبريله دا ما تحرسو..
حيجي يعملها ضحك وتعليقات..


حاج الدومنيكان اللذيذ ...

مشتاقين يا فرده .. وبرضو منتظرين الجمجرة ...

ولا لسه انت صايم ؟؟؟

- صاحبك جبريلا شكلو بيجهز فى الترجمة على الشريط ...

وهو ما عارف انو الوثائق وصلتنا من زمان ..

وبكرة تلقاها فى ويكيليكس ...ّّ
Post: #8309
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 03:48 PM
Parent: #8308

يمين بالله يا محمد عيد الا رجعت للمداخلة الفوق حتين عرفت الزول القال عندو صور ... شفت الحالة دي ...
Post: #8310
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-20-2010, 03:54 PM
Parent: #8309

يا ود عيد ما تخلي ناس الدومينكان يدخلوا بيناتنا ياخي
ديل مغرضين ياخي
يا ابو الزوز ياخي نرش الفي الجراب وبعد اسبوع نقول الرووووب
يا زول نزيل الصور براهو داير ليه شهر
كدي بس انت روق كدة وسلم لي علي ابتهاج و((الدراري))*










ـــــــــــــــــــــ
* الدراري يعني الشفع بالمغربي
Post: #8311
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 04:15 PM
Parent: #8310

اها يا طارق جبريل .... انا عايز اعتزل السياسة وبوستات السياسة لمدة اسبوع ... عايز اتفرغ ليكم ... عندي كم صورة كدي عاجبني من خلال مسيرتي المهنية في مجال التصوير وحتي اعتزالي له قبل فترة ... حا ابدا انزلها ليكم شوية شوية ...
Post: #8312
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:35 PM
Parent: #8311

280820103211.jpg Hosting at Sudaneseonline.com
Post: #8313
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:37 PM
Parent: #8311

280820103212.jpg Hosting at Sudaneseonline.com
Post: #8314
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:38 PM
Parent: #8311

280820103209.jpg Hosting at Sudaneseonline.com
Post: #8315
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:51 PM
Parent: #8314

970.jpg Hosting at Sudaneseonline.com



بت مني فارح اخت جمال فارح ... صاحبتي جداً .... عرفت من جمال ايام العيد انها عيانة ... اللهم اشفها ... يا جماعة ادعو ليها معاكم ...
Post: #8316
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:53 PM
Parent: #8315

070520102950.jpg Hosting at Sudaneseonline.com



مسابقة اليعرف الزول ده ليهو جائزة ...
Post: #8317
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-20-2010, 05:55 PM
Parent: #8316

240420102903.jpg Hosting at Sudaneseonline.com


صورة مكررة بس حلوة
Post: #8319
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-20-2010, 06:23 PM
Parent: #8317

Quote: 2- الزمان شهر ديسمبر 1985 م

هوي يا موسى عيسى..
راجع حساباتك..
ديسمبر 85 دا نحن ما نزلنا برالمه..
لمن بقينا نلعب كوره كمان..
كلامك صاح مهرجان الخريج.. لكن 86..


Quote: مسابقة اليعرف الزول ده ليهو جائزة ...

سامي عبدالفتاح ياوهم..
متين خطب? والا ما دبله?


Quote: صورة مكررة بس حلوة

ياي! صديق دا بياكل في شنو?
كدي اشوف لي ليمونه أمصها..

عجبني البوكسي الرقوه لنقل اللحوم..
Post: #8320
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-20-2010, 06:35 PM
Parent: #8319

يا حاج حاتم الحقيقة التاريخ يناير 1986 و نحن في ثانية

الشي التاني انا ما عارف مداخلتي دي عملتها وين قلت يا رب

جلا دا في البوست و انا ماشايفه ؟؟؟؟؟


لكن يا زهير والله الصورة بتاعت صديق الصادق جد معبره تعبر صادق

ياريت لو كترة لينا من ناس ديل و من ناس ديل بس ما تنسى الجنس

اللطيف و ما عليك من الحيكومة ؟


و يا حاج حاتم هل لديك عنوان في الاسكايبي و لو عندك اضف حسابي

musaeisa1
Post: #8321
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-21-2010, 05:52 AM
Parent: #8320

بسم الله
السلام عليكم
Quote: و يا حاج حاتم هل لديك عنوان في الاسكايبي و لو عندك اضف حسابيmusaeisa1

الفلهمة العوورا ...شيل البطارية في القمرا
مثل حبوباتي
Post: #8322
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-21-2010, 07:43 AM
Parent: #8321

اسمع الظاهر كلام الرشيد فيك صحيح و انا غلطان ، بس انتظر الردم الجاييك !!!!
Post: #8323
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-21-2010, 08:00 AM
Parent: #8322

Quote: اسمع الظاهر كلام الرشيد فيك صحيح و انا غلطان

لم تكن غلطان
الرشيد هو الصادق الصديق في زمننا هذا
و أنه الصدق يمشي الهوينى
و يمشي على قدمين دون إعوجاج
فإن قال فقد صدق
أليس كذلك أيها الفتى؟؟؟؟
إياك أعني و أسمعي يا جارا.....
ما تعاينو لي ...
و ما تقولو حاجة
أيها .... بلاش
Post: #8324
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-21-2010, 08:25 AM
Parent: #8323

Quote: يمشي على قدمين دون إعوجاج


ياخي قول ما شاء الله ياخي...
Post: #8325
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-21-2010, 08:26 AM
Parent: #8323

بسم الله
السلام عليكم
اردم ... اردم ... ابا العهود
بس























----
المديدة حرقتني ...
وتحيات وسلامات خاصة
للواد جبريلا والواد حاتم وحمدا لله على سلامة العودة

لكن والله حكاية تربية تجارة دي حارقاني اوي ... ومنتظر الكوتش يجي
وبعدين تشوفو شوف ياتجارة ياعـ..... الخ الخ الخ
Post: #8326
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-21-2010, 08:38 AM
Parent: #8325

Quote: الفلهمة العوورا ...شيل البطارية في القمرا
مثل حبوباتي


و الله يا جلا أنا وصاحبك امبارح اتفلهمنا جنس فلهمة بالسكايب...
و كمان دخل علينا مولانا عادل الحسين من مدينة الحديد و النار...
و هو يبلغكم تحياته الحاره و قال انو متابع و مستمتع جدا...
و انت عارف الفلهمة بالسكايب ما بتحلى الا لما الواحد يقطع فيك...
أمبارح بالليل ما جاتك قحة شديدة كده و انت افتكرتها من تغير الجو...
ده لا تغير جو و لا حاجة دي كانت قطيعة مفلهمة...
Post: #8327
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-21-2010, 11:05 AM
Parent: #8326

Quote: أمبارح بالليل ما جاتك قحة شديدة كده و انت افتكرتها من تغير الجو...

ليكم حق
أولاً ولدي عمر جا واقع من السرير لمن إتفلق
ثانياً أبكباس يناتل فيني و قدر ما قلت أجري أحصل الحرامي ما قدرت
ثالثاً صحبتك إنتصار تقحقح الليل دا كلو

غايتو بتكونو ورمتوني و رم
زولك طبعاً ضرب تلفون طوااالي و أداني الموجز و الأخبار كلها سوا
تحت تحت في كلام إلا بالمسنجر
وزاتو المسنجر يمكن يكون زي ويكيليكس
عشان كدا أنا متظر إجازتك المامعروفة متين عشان آخد حقي
دحين النسألك ما عندك عرس لأخوك في السودان تجي و بعدين نطنشك ما نجيك؟؟؟
Post: #8328
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-21-2010, 11:33 AM
Parent: #8327

Quote: دحين النسألك ما عندك عرس لأخوك في السودان تجي و بعدين نطنشك ما نجيك؟؟؟




موسي عيسي ياخي ... ماتشوف شغلك ....
Post: #8329
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-21-2010, 11:35 AM
Parent: #8327

Quote: دحين النسألك ما عندك عرس لأخوك في السودان تجي و بعدين نطنشك ما نجيك؟؟؟


Post: #8330
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-21-2010, 11:35 AM
Parent: #8327

Quote: دحين النسألك ما عندك عرس لأخوك في السودان تجي و بعدين نطنشك ما نجيك؟؟؟


الأخوان الما عرسوا عندي لكن يعرسوا بتين دي الله أعلم...
تقول للواحد انت حتعرس بتين..يقول عرس شنو ياخي شوف رطل السكر بقى بي كم...
أنا مفكر أعمل ليهم دعاية يسجلوهم في التسجيلات التكميلية دي...
هلال، مريخ أو موردة ما مهم...المهم يعرسو و بعد داك كان شطبوهم ما مشكلة..
عشان كده يا أخوي نشوف لينا سبب تاني يجيبني السودان و تطنشني...


سؤال بريء...
انت جلال ده مش كان متحالف معاك قبل كم يوم كده...
الليلة شايفو متحالف ضدك...
عليك دي بلد تقدر تضمن انها حتنفصل و لا حتتوحد...
حسه يجيك محمد عيد يقول حتتفرتق لي مليون حته...
زول ما بيطمن كلو كلو...
Post: #8331
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-21-2010, 12:07 PM
Parent: #8330

Quote: سؤال بريء...
انت جلال ده مش كان متحالف معاك قبل كم يوم كده...
الليلة شايفو متحالف ضدك...

إذن إنها الحرب يا هذا!!!!
Quote: حسه يجيك محمد عيد يقول حتتفرتق لي مليون حته...
زول ما بيطمن كلو كلو...

محمد عيد زول بتاع حفلات من زمان و جنو وجن فرتيك الحفلات
و طبعاً كنت داير أفرتك ليهو الحفلة بتاعات الزول بتاااع ويييياي داك
بمناسبة عيد الميلاد بتاعو وهو شمايني لليلة
عشاااان كدا لو داير تزعلو خلي زول يجي عامل زي ط......و يعمل شكلة
طوالي تلقاهو خاتي ليك قوانيين في الحفلة
حكاية ما دايرين أي راجل داخل الدائرة
و الرجال البي غادي يزحو لي ورا
و الناس الفي الجنبة التانية يزحو من النسوان
و الفاصل الجاي بتاع وييييياي بس
عشاااان كدا ....ما سك من حتات الفرتيك دي..
المهم زولك ممغوووص من الفرتكة بتاعت السودان
و طبعاً لا يفوت على فطنة القراء الكرام
إنو السودان بقى زي الحفلة البتنتهي الساعة 11 مساء
غايتو في ناس كدا دا عينك ليهم راقدين سلطة و ريحتهم أسكت خليها
المهم لغاية الآن الشكلة مدورة و هاك يا كع و كف
ونحن ومحمد عيد منتظرين النهاية
عشااان نضع قوانييين جديدة
الزول الطش...الإسمو جلال دا يطلع برة الدايرة أولاً و بعدين ما عايزيين أي عكاز في المكان دا
غايتو الماحضر عرس ناس نجيلة عمرو كلو ضاااايع
Post: #8332
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-21-2010, 01:53 PM
Parent: #8331

.
Quote: حسه يجيك محمد عيد يقول حتتفرتق لي مليون حته...
زول ما بيطمن كلو كلو...


يا حبيب الشوق مطر فى عز الحريق ...

زمان عاطف القوز كان لمن يجى داخل الشقة يلقى هشام عثمان بيكسر كســر الجن وما يمرق من غرفته ابدا

يقوم عاطف تمسكو ليك ام هللا هللا ... ويقول .. غايتو عربى الحصايصا ده ما بيطمن ابدا .. ويوم غايتو يا كتلنى انا يا كتل حاج الركز ..!!

اها غايتو حال البلد هسه .. يا كتلنا كلنا ... يا كتلو فووق ..!!

Quote: محمد عيد زول بتاع حفلات من زمان و جنو وجن فرتيك الحفلات


يا سرى ..

تانى الحفلات كلها حتتفرتك ..

مادام البغنو فيها عوضية بلاغات وفتحية ســجم الرماد ..!
Post: #8333
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-21-2010, 02:53 PM
Parent: #8332

يا ناس الصورة الفوق
رجعتنا ربع قرن للخلف
شكرا على التعليق يا عمنا موسى عيسى
وانحنا خلفك واضرب بيد من حديد على كل من
تسول له نفسه بالنيل منك
او التقليل من مداخلتك القيمة


الي الامام يا رومل

















يا حاج حمدالله على السلامة
Post: #8334
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-21-2010, 03:08 PM
Parent: #8333

يا بنج سلامات ...

اول حاجة ادينا فاتحنا بعدين نشوف موضوع فتح النيران ده .....


















فقدت تلفونك ....
Post: #8335
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-21-2010, 03:41 PM
Parent: #8334

الفاتحة

وما فاتحة كبيرة زي حقت موسى عيسى
التي حسب راي ديدو قد اعاقت البوست
او كما قال
انا الا رجعت الي ذكر ما جرى ختى
قدرت اكتب حاجة
يعني تذاكر في البوست ساعة حتى تقدر تكتب
وبالمناسبة بتاعت القراية وبما اننا ناس قدام شوية انا وصديق الصادق الشايل
صحن ام فتفت حتى لايخاف ناس الزناتي ومن لف لفهم واعني جلا واخرين ممنوعين من الصرف
اقول غلوتيية البحلها نخلي الفة علينا بعد الريس ميسرة لمن يكون غايب
الغلتية تقول
ما هي العلاقة بين المدرسة
ومحطة السكة حديد ؟؟؟؟؟



التحية الكبيرة اووي للاخ صلاح الامين























والتحية ايضا لكل الذين تداخلوا في الصفحة 83 و84
واخص بالتحية المسؤل السياسي للزقازيق اجدع ناس
الرفيق محمد ود عيد
Post: #8336
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-21-2010, 03:48 PM
Parent: #8334

ابو الجل يا حربي..
المديده عندك..
بالكلام والاشاره..

ابوالزوز..
لمن تنسى.. تنسى تلفون الزعيم..
إتغيرت..

ابوعمار..
القصه بقت هامله ساااي..
بقوا يضربو بيك المثل..
والبيشتت مديدتو ويمشي..
يا حليلك..

ياخوانا أين منص..
ووين جيكس البوست؟

واختفاء البادي دا محرقني..
جماعتو كويسين؟

ويا ناس الداخل.. فقدتو عابدين..
Post: #8337
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-21-2010, 04:28 PM
Parent: #8336

Quote: بت مني فارح اخت جمال فارح ... صاحبتي جداً .... عرفت من جمال ايام العيد انها عيانة ... اللهم اشفها ... يا جماعة ادعو ليها معاكم ...


اللهم رب الناس اذهب البأس اشف انت الشافى شفاء لايغادر سقما ...

======================
الدعوات تكون علني .....
وفي السر برضو بتجوز ....
Post: #8338
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-22-2010, 06:05 AM
Parent: #8337

اللهم يا رب الباس اذهب الباس و اشف بنت اختنا منى فارح

و نسالك اللهم ان تعطيها العافية يا كريم يا رب


بالمناسبة افتقدنا السيد الريس ميسرة و الريس معتصم ججفر انشاء الله

هم بخير امل من ود عيد و النضيف و اهل الداخل موافاتنا بالاخبار عنهما .

ابو عمر طولت الغيبة و الجرد دا يا ربي ما انتهى للان و للحكاية اجندة اخري

اللهم اجرنا من شر الاجندة الضيعت السودان و بقوا حكامه الكيزان ؟؟؟؟


الحبيب ود عيد وين الطلة البهية نامل المواصلة في النضال حتى يعود منصور ؟؟


مبارك جادين الراجل جنابو فاتحته لازم تكون بالزيارة للبيت و عمل اللازم و تشوف

موضوع الكراس الموجود مع جلال و تسجل انت مع تجارة و لا ضد تربية ؟؟بعدين نشوف !!

يا 2010 عشرة اول البارحة طلبناك طلب انا صحبي الرشيد و كنا عازمنك شمارات عبر الهوا

لكنك لم تظهر و عملت جمكسين ، فلك التحية و السقط معاكم كيف ؟
Post: #8339
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-22-2010, 06:30 AM
Parent: #8338

يا موسي فتشت البوست في الصفحة الاولي ما لقيته .... مشيت الصفحة الثانية قلت اكيد بيكون هناك في اللحظة دي انت جبته الصفحة الاولي ... اها ما لقيته قلبي دق (ركز لي معاها عليك الله) ... قلت يا ربي يكون في الصفحة التالتة ... جائز برضو .... اها يا زول في التالتة ذاتها لقيتو بح ... قلت يا رب استر بكري ما يكون شال العدة من بدري بدري وخلانا قاعدين في الصقيعة ساكت ... الا اذكرت قلت واحد شليق من ناس الصباح سبقني ... جيت لقيتك فاتح نيران في ود حلتنا ...هوي يا موسي عيسي ... ارعي بقيدك ... والله نحن جلا ده اليرشو بالموية نرشو بالحليب ...


يا رب اشفها ...وعجل بشفاءها ...
Post: #8340
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-22-2010, 06:56 AM
Parent: #8339

Quote:

الا اذكرت قلت واحد شليق من ناس الصباح سبقني ... جيت لقيتك فاتح نيران في ود حلتنا ...هوي يا موسي عيسي ... ارعي بقيدك ... والله نحن جلا ده اليرشو بالموية نرشو بالحليب ...


الشلقاه دي اصلها حقتنا و انت عارف اليومين دي الواحد روحو مكركره من موضوع السودان فاعمل

حسابك و ما تنسى انت بقيت قريب يعني بوكس من الرياض بصلك علشان كده طريق جلا دا فكوا

و اعمل ساتر علشان الدم ما طير فيك !!!!!!

الشي التاني يا اخي ما تدخل لينا واسطة مع صاحبي جنابو دا شكله حردان البوست !!! و مافي مشكله

ممكن بعد الصلح نعمل لينا حفلة في البوست و حيكون المخرج محمد عيد جهز العدة و كمان الشادي

عمل البروفه و احمد عجوز معانا علي الخط في الرابط التالي :

http://الاربعاء وكل اربعاء مع روائع الحقيبة بصوت البوردابي احم...عوض عجوز ببيت الفنون


بس ناس عوج منك و بتاعين فرتك الحفلات غير مدعويين
Post: #8341
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-22-2010, 07:13 AM
Parent: #8340

يا زول انا جنابو ده ذاتي كايس اليصالحني معاهو ... اتصلت علي منصور قلت ليهو ياخي الكوتش صاحبي زعلان مني عايزك تخش واسطة ... قال هسه دي بتصل بيهو واجيك راجع ... يمين الليلة اليوم التالت ... اتصلت بي رشدي قلت الراجل صاحب الكوتش وعنده معزه ليهو .. يا رشدي ياخي الحاصل كيت وكيت وكيت .. قال لي آي الكوتش قال لي وزعلان منكم شديد .... لكن برضو حا اتصل بيهو ... ونخش واسطة ... اها يا زول صاحبي ذاته طنش ... المهم عايز اصبر كم يوم كده ... اشوف نهاية الفيلم شنو ... ولما اتحلت حا ادخل واسطة قوية ... وساطتها ما بتقع الواطة بس ده كرت اخير اخوك ما عايز يفكو بالساهل ...اها انا بنصحك تشوف ليك واسطة غيري ... بس احذرك من جلا بيغتس حجرك ...
Post: #8342
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-22-2010, 07:19 AM
Parent: #8340

يا زول انا جنابو ده ذاتي كايس اليصالحني معاهو ... اتصلت علي منصور قلت ليهو ياخي الكوتش صاحبي زعلان مني عايزك تخش واسطة ... قال هسه دي بتصل بيهو واجيك راجع ... يمين الليلة اليوم التالت ... اتصلت بي رشدي قلت الراجل صاحب الكوتش وعنده معزه ليهو .. يا رشدي ياخي الحاصل كيت وكيت وكيت .. قال لي آي الكوتش قال لي وزعلان منكم شديد .... لكن برضو حا اتصل بيهو ... ونخش واسطة ... اها يا زول صاحبي ذاته طنش ... المهم عايز اصبر كم يوم كده ... اشوف نهاية الفيلم شنو ... ولما اتحلت حا ادخل واسطة قوية ... وساطتها ما بتقع الواطة بس ده كرت اخير اخوك ما عايز يفكو بالساهل ...اها انا بنصحك تشوف ليك واسطة غيري ... بس احذرك من جلا بيغتس حجرك ...
Post: #8343
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-22-2010, 08:26 AM
Parent: #8342

صباح الخير ،،، يا وجوه الخير

أصبحنا وأصبح الملك لله وحده

حضرنا يوم أمس ليلاً ولم نجدكم

وما تحصلت على الفحمة علشان أكتب بيها على الباب

الحبيب موسى عيسى وود الزناتي قابضين على زناد البوست

وسادين فرقة كبيرة التحية للمهاجم القوي محمد عيد والمناضل

الرشيد بابكر ، إنشاء الله تعود بالسلامة يا البادي .

مبارك جادين سأل ما هي العلاقة بين السكة الحديد والمدرسة

- المدرسة فيها جرس الصباح للطابور ، السكة الحديد عندها صفارة البداية
- المدرسة فيها جرس الفطور الساعة 9 صباحاً ، السكة الحديد صفارة الفطور الساعة9صباحاً
- حدي يكمل...............!
Post: #8344
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-22-2010, 09:59 AM
Parent: #8343

sudansudansudansudansudansudansudansudan86.jpg Hosting at Sudaneseonline.com


sudansudansudansudansudansudansudansudan86.jpg Hosting at Sudaneseonline.com


sudansudansudansudansudansudansudansudan86.jpg Hosting at Sudaneseonline.com


خرج الحبيب الموضحه صورته بعاليه و لم يعد حتى الان اوصافه كالتالي :

1- عقيد بالشرطة السودانية .

2- له جلحات تنبأ عن قدوم مليجي جديد لدي الشباب الرياضي .

3- يرتدي ثوب مزركش انيق الطراز تحسبه لاول وهلة لوحة جميلة .

4- شاعر رقيق الكلمة يجذبك باهتماماته الكثيرة .

5- تانس فيه الكفاء ة والمرؤوة من اول نظرة .

6- تجده هاشا باشا دون الحال الذي بالصورة (من حال السودان ) .

علي من يجد من تنطبق عليه الاوصاف والصورة اعلاه الاتصال بمنبر بكري ابوبكر

بوست ناس الزقازيق علي العنوان التالي :

http:// ولمن فاتهم الاستماع .....


نترك الميكرفون للاستاذ منصور عبدالرازق لتكملة الاوصاف ؟؟؟؟و بعد محمد عيد

و ممنوع دخول اب شنب و جلا لانهم هم سبب البلاوي ؟
Post: #8345
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-22-2010, 10:21 AM
Parent: #8344

Quote: يرتدي ثوب مزركش انيق الطراز يحسبه لاول وهلة لوحة جميلة .

و الثوب عبارة عن ملاية مزركشة من الطراز الأول....
Post: #8346
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-22-2010, 10:26 AM
Parent: #8345

Quote: خرج الحبيب

الحبيب من حب يحب فهو محبوب
أم الحبيب بتاعت الصادق المهدي
عشان الواح يعرف قاعد يتعامل مع منو
يتعامل مع بوليسي
و لا يتعامل مع أنصاري


جرجرة:
وييييياي ...وين إنت مشتااااقون
قلت لي لمة يوم السبت قباااال السقط؟؟؟؟
Post: #8347
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-22-2010, 01:00 PM
Parent: #8346

غايتو الشوت الضفاري مشكلة المشاكل عندي
كسير التلج ما قاعد أكتر منو
لكن مرااات الشوت الضفاري قاعد يصيب الناس في مقتل
المهم....
بكامل قواي العقلية و الفكرية و الأيدلوجية
أعتذر و بشدة
في واحد حايجي يقول لي مالك إنشاءالله خير؟؟؟
من غير أي سبب
مش أنا حر

أفتكر دا برضو ما بجيب مريسة تامزين الإنكشحت
Post: #8348
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-22-2010, 01:31 PM
Parent: #8347

حبينـــاك من قلوبنــا ... واخترنــاك يا حلـــو
حبينـــاك من قلوبنــا ... واخترنــاك يا حلـــو


994.jpg Hosting at Sudaneseonline.com
Post: #8349
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 02:18 PM
Parent: #8348

سلامات يا ناس
Post: #8350
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-22-2010, 02:32 PM
Parent: #8349

اهلا
Post: #8351
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-22-2010, 02:47 PM
Parent: #8350

Quote: سلامات يا ناس


حباب الورد ..

حباب العطر والشذى ...

حباب الجمال

6-en-a6c46cabcc8c724b913597dc415fff9esudan1sudan.jpg Hosting at Sudaneseonline.com
Post: #8352
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-22-2010, 04:09 PM
Parent: #8351

قصة جميلة : بركات الشيخ قوقل
Post: #8353
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 05:54 PM
Parent: #8352

سلامات يا ناس

Quote: اهلا


يا صاحب...سلام

ما تتخيل لما اجى عابر بكبرى الحتانة وامر من جنب

الحلوانى السورى واعاين فى اتجاه الزول الراكب جنبى...

ولما اجى راجع بنفس الكبرى واعمل اليوتيرن من تجاه المنارة

واتجه جنوب واعاين على شمالى اشوف الجوهرة ابوابا مقفولة...او

اجى مارى جنب استاد الهلال او الخرطوم او حتى استاد المريخ(عشان

ياسر نجيلة وموسى عيسى ومحمد عيد ودكتور الصادق)...

البيحصل شنو؟؟؟

انعل ابو الإغتراب ذاتو
Post: #8354
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 06:13 PM
Parent: #8353

سلامات يا ناس

Quote: خرج الحبيب الموضحه صورته بعاليه و لم يعد حتى الان اوصافه كالتالي :



موسى ...سلام

شكراً على المشاعر الطيبة...

الخروج دائماً إلى عودة.
Post: #8355
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 06:20 PM
Parent: #8354

سلامات يا ناس

Quote: حباب الورد ..

حباب العطر والشذى ...

حباب الجمال



سلام يا حبيب ...

لو لم تكونوا انتم فى هذا المكان العطر والشذى

والورود...فأين هى

تقديرى لكم جميعاً...وأيضاً إعتذارى...

ومؤكد أننا لا نكون دائماً موفقين فى احكامنا وتقديرنا للأشياء
Post: #8356
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 06:30 PM
Parent: #8355

سلامات يا ناس

Quote: بكامل قواي العقلية و الفكرية و الأيدلوجية
أعتذر و بشدة


يا سِرِّى ....سلام

مكنتك دى مع (الخرطوم عاصمة السودان) ما بْتَقسِّم.
Post: #8357
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-22-2010, 07:00 PM
Parent: #8356

Quote: انعل ابو الإغتراب ذاتو


دي عملية تعمله يا كوتش...
من قبيل ابتهاج بتحاول تهدي في زهير ده ما قادره...
بكى شديد و عيون مورمه وحالتو حاله...
حالف بي ليله ده يرجع السودان...
و بيني و بينك أنا ذاتي جهجهتني في سلع الجن دي...
Post: #8358
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 07:17 PM
Parent: #8357

سلامات يا ناس

Quote: بكى شديد و عيون مورمه وحالتو حاله...
حالف بي ليله ده يرجع السودان...


تعرف يا حبيب ورغم تجربة الغربة الجميلة ونحن طلاب...القصة دى تانى

ابت تقع لى ...كذا دعوة للغربة نفرت منها....

صاحبى ده انا عارفو ...القصة دى ما واقعا ليهو....

هسة دى كان عزمتو لمباريات الهلال الإعدادية ...حيجى جارى جرى

يا حليل المساطب الشعبية ...وكوم التسالى واكياس الموية الباردة.
Post: #8359
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-22-2010, 07:39 PM
Parent: #8358

Quote: هسة دى كان عزمتو لمباريات الهلال الإعدادية ...حيجى جارى جرى

يا حليل المساطب الشعبية ...وكوم التسالى واكياس الموية الباردة.


يا كوتش أنا زاتي كان عزمتني بجي جاري...
الأيام دي يا كوتش كلما أقوم من النوم تلقاني أردد...
لو لحظة من وسن...
تغسل عني حزني...
تحملني ترجعني الى عيون وطني...
يا وطني...
Post: #8360
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-22-2010, 07:50 PM
Parent: #8359

مساء الخير على الحلوين ...

شوق شديد لقعدات انصاص الليالى ...

لكنكم مالكم قاعدين ساى وراشين الطربيزة حنك بس ...

النظام وينو يا رش ..؟

....

ما يجينا زول ملقوف ويقول نظام شنو وهناى شنو ؟؟

انا قصدى الشــعر والكلام الطاعم ...

Quote: تحملني ترجعني الى عيون وطني...
يا وطني...


دايرين نعمل مسابقة ..

لاختيار اسم للوطن الجديد ...

على الاقل الواحد يشارك فى حاجة طالما ما حنصوت مع الجماعة ..!
Post: #8361
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-22-2010, 08:01 PM
Parent: #8360

Quote: لكنكم مالكم قاعدين ساى وراشين الطربيزة حنك بس ...

النظام وينو يا رش ..؟



حمادة يا حبيب...
و الله أنا أشتاق الى تلك الجلسات أيضا...
و لكن و بما ان ليس كل الناس بتحب الشعر...
فالمكان المناسب لتلك الجلسات بيكون المنبر...
فبوستات مثل لمن فاتهم الاستماع..و تمائم صغيرة و غيرها...
بوستات فيها كلام طاعم و ممتع جدا...
و لكن برضو بقول لا بأس من الاتيان ببعض الشعر في البوست العام...

أما فيما يخص الاسم الجديد للسودان لندعه الى وقته...
فأنا من المتفائلين بوحدة السودان حتى يصبح الانفصال حقيقة ماثلة...
Post: #8362
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-22-2010, 08:08 PM
Parent: #8361

Quote: فأنا من المتفائلين بوحدة السودان حتى يصبح الانفصال حقيقة ماثلة...


رشا الحبيب ...

حفظك الله على الدوام

وحفظ لك روحك المتفائلة دوما ...

انت كما كنت .. دائما تزرع الفرح والامل ...

وحقيقة هذا ما يشعر المرء بحاجته هذه الايام ..

وبالفعل صدقت الحكمة .. المأمول خير من المأكول

ودائما اول الشجرة بذرة
Post: #8363
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-22-2010, 08:24 PM
Parent: #8362

حماده الحبيب...
ماذا يتبقى لنا اذا فقدنا الحلم و الأمل...
حتى و ان انفصل الجنوب عن الشمال بسبب غضبهم التاريخي...
سيبقى عندي أمل كبير في أن يعودوا عندما يكتشفوا اننا الأقرب اليهم...
يقال أن الشيخ فرح ود تكتوك أتاه المامور الانجليزي بجمل...
و طلب منه أن يعلمه القراءة و الكتابة..
فوافق الشيخ على ذلك و طلب منه أن يحضر بعد سنة...
و عندما ذهب المامور سأله أتباعه لماذا وافقت على ذلك...
فقال لهم بعد سنة لا يموت الجمل ولا يموت المامور و لا يموت الشيخ...
دحين يا حماده يا أخوي بعد سنة من الآن...
لا يموت الجمل و لا يموت المامور و لا يموت الشيخ...
لذلك تبقى جذوة الأمل دائما متقدة في دواخلي...
Post: #8364
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-22-2010, 09:08 PM
Parent: #8363

سلامات يا ناس

Quote: النظام وينو يا رش ..؟



مساءات التفاؤل....

النظام من حسن طلب :

هاتانِ مهاتانِ...

وليلكتانِ على الضفةِ تانِ...

وتيكَ:

إمرأة تسبح فى مائين

فإذا بدت الأشياء مذكرةً

فالمخطئة العين

هاتان مهاتان تهيمانِ

تظنهما العينان تتيهانِ

ولكنهما تتجهان الى النيلِ

وتنتبهانِ

وعند الشط تعودانِ فتلتفتانِ

فإنهما بالحسن القاتلِ تُتّهمانِ!!
Post: #8365
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-22-2010, 09:17 PM
Parent: #8364

Quote: وعند الشط تعودانِ فتلتفتانِ

فإنهما بالحسن القاتلِ تُتّهمانِ!!


لله درك ايها الجميل ...

ما اتيت به هو الحسن فى زمن القبح ...

والخضرة فى زمن الجفاف
Post: #8366
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 12-22-2010, 10:37 PM
Parent: #8365

مابقدر اجاريكم في الكلام السمح دا
لكن قلت اسلم وابارك العودة للكوتش والحجة لحاتم
والشكر لبسكو على السؤال

ومتابعة ومستمتعة
Post: #8367
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-22-2010, 11:31 PM
Parent: #8366

الدكتوره الرهيبه.. بت الصباغ..
سلامنا وأشواقنا..
والله يبارك فيك ويعافيك..

Quote: يا صاحب...سلام
ما تتخيل لما اجى عابر بكبرى الحتانة وامر من جنب
الحلوانى السورى واعاين فى اتجاه الزول الراكب جنبى...
ولما اجى راجع بنفس الكبرى واعمل اليوتيرن من تجاه المنارة
واتجه جنوب واعاين على شمالى اشوف الجوهرة ابوابا مقفولة...او
اجى مارى جنب استاد الهلال او الخرطوم او حتى استاد المريخ


طبعا يا أبوالزوز..
صاحبك الكوتش لحد ما يعمل لفتو..
ويمر على الحتات الذكرها دي..
يكون سل روحك.. عارف سواقتو كيف..
اليوم داك قال لي إلا نمشى القرير..
حمدت ربي صحيت الصباح عيان..
وإلا كان حيوصلنا تاني يوم..
Post: #8368
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 00:33 AM
Parent: #8367

Quote: ومتابعة ومستمتعة


دكتورة سناء .. منوره

طلتك على الحوش هى فى اساسها اضفاء

لنكهة المتابعة والاستمتاع ..

ما تغيبى علينا كتير

&&&&&&&&&&&

الدومنيكانى الجميل ...

نطيط آخر الليالى ده جايبو من السودان ولا شنو ؟؟

اوعك يكون بخور الحج راح خلاص !!
Post: #8369
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 06:50 AM
Parent: #8368

Quote: لكنكم مالكم قاعدين ساى وراشين الطربيزة حنك بس ...
النظام وينو يا رش ..؟

الرحمة تغشاكم دوني
أتتسامرون ليلاً و أنا بين يدي الرحمن!!!!
فاتتني حرووف ونغم يتمايل طرباً
عشقاً و حباً بالعودة
و العود أحمد للكوتش الجميل
فأنا منكم و لكم
عشقت مظفر النواب في رائعته
جسر المباهج القديمة

ولكن أين البصرة يا مولاي
وما شأني بالبحر
لا يوصلك البحر إلى البصرة ؟
بل يوصلني
لا يوصلك البحر إلى البصرة ؟
بل يوصلني البحر إلى البصرة
قلنا لا يوصلك البحر إلى البصرة ؟
أحمل كل البحر وأوصل نفسي
أو تأتي البصرة إن شاء الله
بحكم العشق
وأوصلها ...

أي أنكبة و ناس مادايرة شغل زي دا عكاكيزنا تقول يا واحد أحد
أحبكم في أي مكان
جوه أو برا السودان
Post: #8370
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 06:58 AM
Parent: #8369

محمد صديق يا صديق

الغربة ليست اختيار ... انما هي امر واقع ... نجد انفسنا مساقين اليه .. كما ان الوطن ليس رقعة جغرافية ننتمي اليها ... انما الوطن هو كل من نحب ... الم يقل درويش ليس الوطن قهوة امي الصباحية وانما الوطن الرفاق ... رغم شكوكي العميقة في ان درويش هو من قال ذلك بل اجزم انها احدي تخريجات صلاح الامين التي ينسبها لآخرين .... مستغلاً ثقتي به وجهلي بالشعر ومحمود درويش ... ذات صباح ارخميديسي اكتشفت ابتهاج الحقيقة عارية ... قالت لي الغربة (ماسورة) ... ولم تنسي ان تتحسر علي مراكبنا التي احرقناها في عرض البحر الاحمر ... حينما تخطو اولي عتباتك خارج الوطن ... تكتسب شيئان ... حب الوطن وسهولة ان تذرف الدموع ... هل تصدق نزلت دموعي بكل سهولة وانا اسمع نحن جند الله جند الوطن للمرة الاولي خارج الوطن ... وقعها مختلف ... في الوطن قد لا تكلف نفسك عناء الوقوف لتحية العلم ...وهنا تبكي حد (النخجي) .... لا تفق من صدمة الغربة الا بعد فترة قد تطول او تقصر ... ثم تصير مغترباً رويداً رويداً .... اطمئن يا صديق فقد بدانا نكتسب عادات اهل الاغتراب ... قنواتنا الثمانية البائسة ... احتلت الارقام الاولي علي التلفزيون .... الا انكم ما زلتم في عمق القلب ... ولكم من الحب ... ما يفيض عن الحاجة ... والشوق لكل المساءات .. التي طالما كنا نترافق فيها لاماكن حبيبة للنفس ... الا تتفق معي بان ستاد الهلال هو المكان المقدس لاهل امدرمان ... طالما اشتهيت ان انتاول الشاي في معيتك ونحن جلوس لدي اول ست شاي نلتقيها ... واضحك حينما تكتشف ان قهوتها ماسورة ... وانت تعلم ان كل قهوة غير قهوة خالدة ما هي الا (وارغو) آخر .... تصدق دائماً ما انتظر اتصالك الصباحي ... لاقول لابتهاج قبل ان ارد (محمد صديق حا يقول لي استناني في المهداوي) ... لاننا تاخرنا علي المشوار ... هو ليس رجم بالغيب ... انما اقتراب من ذهنية الآخر بفعل اليومي والعاطفي .... هي اشياء كثيرة وناس كثر واماكن عديدة تفتقدها ... الا ان لكل شئ ثمن ... واتمني ان نكون قد بعنا بثمن مجز ... وان كنت لا اعتقد ... كن بخير يا صديق تحياتي لخالدة عمر وبكري ... وقل لها كل يوم اذهب لسوق الدهب واعزل لك (اغلد) غويشة علي البترينات ... وكوني علي ثقة سترتدينها في زواج بكري ... وليس عمر لاني غير ثقيل واعرف الواجب ...
Post: #8371
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 06:59 AM
Parent: #8368

استمتعوا بهذه الكوميديا السوداء ...

قصة جميلة : بركات الشيخ قوقل
Post: #8373
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 07:06 AM
Parent: #8371

الناس القاعد تغترب دي
بتجيب الكلام دا من وين؟؟؟
غايتو أجزم...أن الغربة هدت في منص
و منص هد في منو كدا ما عارف
و.........
لغاية جات في أبو الزوز
غايتو الجاتك تختاك

يا جماعة ماتشوفو لي مخاااارجة
ولا أقول ليكم أنا و الكوتش سواااااااء
Post: #8372
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 07:06 AM
Parent: #8368

صبحكم الله بالخير

سناء الصباغ منورة الحله بكسر الحاء ...
لأني متأكد انو التانية البي فتح الحاء دي لا منوراها و لا حاجه...
سمعنا في ويكليكس انك شابكه الجماعة ساندوتشات سااااكت...
بعدين يا سناء والله خلاص تعبنا من كل مره يا سناء نورتي...
و يا سناء شرفتي...و يا سناء ما عارف شنو...
المره دي لازم نديك العين الحمراء...
انتي يا سناء معانا و لا ضدنا...
خليكي واضحة...

يا كوتش...النظام ما عندك لكن...
انت قاعد تجيب الحاجات دي من وين ما عارف...
ياخي ما تبطل الغتاته و ترسل لي حاجه كده لزوم السلع...
حاجه كده تخضر المشاعر...

حاتم جبارة...
مالك و مال سواقة الكوتش...
انت ما عارف انو في التأني السلامة...
وفي العجلة الندامة...
Post: #8374
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-23-2010, 07:32 AM
Parent: #8372

فى شنو .... فى شنو ...

محمد صديق امــس لا عيد ميلادو ولا عيد زواجو

كسير تلج .. وورود و زهور .... وصدف ولآلي .. وساكتب اسمك على الرمال

وغربة و شجن ..... ونشيد العلم


،،،،،

تهانينا القلبية للريس معتصم جعفر بمناسبة عقد قران ابنة اخته
بحياة زوجية سعيدة ... والف مبروك يا ريس وعقبال بناتك ...
Post: #8376
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 07:40 AM
Parent: #8374

Quote: محمد صديق امــس لا عيد ميلادو ولا عيد زواجو

كسير تلج .. وورود و زهور .... وصدف ولآلي .. وساكتب اسمك على الرمال

وغربة و شجن ..... ونشيد العلم

هاهاهاهاهاهاهاهاهاها
هههههههههههههههههههه
قرقرقرقرقرقرقرقرقر
هئ هئ هئ هئ هئ هئ هئ
وووووو يا مصاريني
آه آه يا الله
الله يخت محنك

مع إنو أنا زاتي قلت نفس كلامك لكن قلنا نخش مع الموجة
قلت لي كيف
هاهاهاهاهاهاهاهاها
ويييييييييييييييياي
Post: #8375
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 07:38 AM
Parent: #8372

Quote: حينما تخطو اولي عتباتك خارج الوطن ... تكتسب شيئان ... حب الوطن وسهولة ان تذرف الدموع ... هل تصدق نزلت دموعي بكل سهولة وانا اسمع نحن جند الله جند الوطن للمرة الاولي خارج الوطن ... وقعها مختلف ... في الوطن قد لا تكلف نفسك عناء الوقوف لتحية العلم ...وهنا تبكي حد (النخجي) .... لا تفق من صدمة الغربة الا بعد فترة قد تطول او تقصر ... ثم تصير مغترباً رويداً رويداً


أنا حذرتك يا صديق قبل ما تخطو الخطوة دي...
قلت ليك ما تمرق من السودان ده و ترتكب أكبر أخطائك...
و قلت ليك ان كل الكوكاكولا التي ستشربها في الغربه ستذرفها دموعا...
تبكي عندما تسمع النشيد الوطني و عندما يفوز الهلال...
و عندما يخرج من الكونفدرالية و عندما يفوز أطفال السودان عالميا...
و عندما تقول لك والدتك عبر الهاتف مشتاقين...
و عندما يتبقى لك ألف ريال فقط من راتب الشهر ثم يطلب منك أحدهم أن تحولها له...
هنا ستذرف المزيد من الدموع ولكن ليس تضامنا مع صاحب الطلب...
و اذا كان الانسان العادي ينصح بشرب لتر و نصف من الماء يوميا...
فلا بد للمغترب خاصة الرهيفين الزيك ديل أن يشربوا تلاته لترات...
لأن غالبيتها سيذرف دموعا...
Post: #8377
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 07:50 AM
Parent: #8375

يا رش براااحة عليهو
يمين بالله أنا زاتي دمعتي جااات نازلة من كلامك دا
يعني الدمنيكاني دا لو جا و كب نفس الكلام بتاعك
غايتو أنا بكون في حالة غيبوبة

دمعة سائلة:
عايز لي إعانة لأني محتااااج ليها شديد
يعني زي 5000 ريال سعودي
ممكن؟؟؟؟
Post: #8378
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 07:54 AM
Parent: #8377

Quote: دمعة سائلة:
عايز لي إعانة لأني محتااااج ليها شديد
يعني زي 5000 ريال سعودي
ممكن؟؟؟؟


يا جلا الرقم أعلى من سقف الدموع شوية...
ده بيعمل شهقه و هارت أتاك طوالي....
الناس دي حساسه في الغربة براحة شوية عليهم...
Post: #8379
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-23-2010, 07:59 AM
Parent: #8377

يا جلا
الــذ ما فى الموضوع حكاية انو يجى ماشى بالعربية وفجأة يدق فرامل
جمب صينية الشهداء ولا شنو ماعارف ويفك الدركسون ... والدموع تجى نازلة بغزارة

الا تسكتو ست الشاي ...

وحكاية تلفون الصباح اليوماتى دى كمان حكاية براها


تقصد 5500 درهم
Post: #8380
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-23-2010, 08:09 AM
Parent: #8379

Quote: يعني زي 5000 ريال سعودي


Quote: تقصد 5500 درهم

ريحة المؤامرة واضحة...
هوي يالرشيد قوي قلبك شوية بلا دموع معاك بلا كلام فارغ
-----
فشلت المؤامرة .... نشيد العلم
نحن جند الله ..
..
..
..
الخ الخ
Post: #8381
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:09 AM
Parent: #8379

Quote: الــذ ما فى الموضوع حكاية انو يجى ماشى بالعربية وفجأة يدق فرامل
جمب صينية الشهداء ولا شنو ماعارف ويفك الدركسون ... والدموع تجى نازلة بغزارةالا تسكتو ست الشاي ...

يا ديدو حاولت أسد الفرقة بتاعتو مع جنابو
لكن لقيت المسافة بين الشهداء و الفتيحااااب بعيدة
بعدين حكاية السفة قبل ربط حزااام الأمان ماجات خلال السناريو
أما حكايةالدموع دي خاتنها لي وكتها ما بتنزل ساااكت كدا
عشان كدا جليت الفكرة بتاعت سد الفرقة

قلت 5500 درهم ؟؟؟؟ يعني كم بالسوداني
يا رش سقف الدموع زي سقف التوقعات مثلاً
يعني الواحد يقول 5000 ريال عشان تجي 2000 ريال
يعني زي الميزانة بتاعت الدولة
Post: #8382
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 08:16 AM
Parent: #8381

حدي يصحي موسي عيسي
Post: #8383
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-23-2010, 08:17 AM
Parent: #8381

Quote: يعني الواحد يقول 5000 ريال عشان تجي 2000 ريال
يعني زي الميزانة بتاعت الدولة


قلنا ليكم ريحة المؤامرة واضحة

طيب ... حد يصحي موسى عيسى
قبل سقف التوقعات ما يعلي اكتر
Post: #8387
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-23-2010, 08:23 AM
Parent: #8383

Quote: حدي يصحي موسي عيسي

Quote: طيب ... حد يصحي موسى عيسى


ياخ انعل ابو توارد الخواطر ذاتو يا ابو الزوز
بالله الفرق دقيقة بس والله النت دا لو كان سريع شوية عندي
كان المداخلتين نزلوا في نفس الوقت ...

يلا ياجلا ودودو ... العبوا غيرا
فشلت المؤامرة قبل موسى يصحى زاتو
Post: #8384
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 08:20 AM
Parent: #8381

حدي يصحي نجاة حوفي
Post: #8385
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 08:20 AM
Parent: #8381

حدي يصحي الريس ميسرة
Post: #8386
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 08:21 AM
Parent: #8381

حدي يصحي سامي عبد الوهاب
Post: #8388
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:38 AM
Parent: #8386

حد يصحيني أنا زاااتو
Post: #8389
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:40 AM
Parent: #8388

Quote: حدي يصحي نجاة حوفي

الزولة صاحية مع المدارس مراجعة الدروووس بس بالعربي
Post: #8390
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:42 AM
Parent: #8389

Quote: حدي يصحي الريس ميسرة

خرمان لدعاء الصباح و لا شنو؟؟؟؟
Post: #8391
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:43 AM
Parent: #8389

Quote: حدي يصحي سامي عبد الوهاب

مالك عندك زول داير تخت الداتا بتاعتو
Post: #8392
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 08:47 AM
Parent: #8391

عايزو يفرمتك وينزل ليك ويندوز جديد
Post: #8393
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 08:51 AM
Parent: #8392

ودموعي السايلة مني
أوديها وين بعد الفرمتة
Post: #8394
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 09:56 AM
Parent: #8393

يا جلا .... الله يجازي محنك ضحكت لمن برضو بكيت
Post: #8395
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 10:12 AM
Parent: #8394

Quote: ودموعي السايلة مني
أوديها وين بعد الفرمتة


ياخى .. حننتنا ووجعت قلوبنا ...

نديك المنديل المنقوش جانبه ... ؟

92009.png Hosting at Sudaneseonline.com
Post: #8396
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 10:23 AM
Parent: #8395

محمد عيد ...والله بطريقتكم دي ما عندكم طريقة احتفال بالمئوية .... يعني لازم الناس تشد حيلها ... وتعمل ليها كل يوم صفحة ... انا من عندي متبرع بعشرة مداخلات كحد ادني يومي ... انشاء الله اجي اصحي زول ..... يلا اها ... انا لغاية الآن ما كلمت بكري رايكم شنو نكلمه ولا اعمل نايم ... بعدين في امور كتيرة عايزين نناقشها ...


حدي يصحي منصور عبد الرازق

كمال الشادي

طارق جبريل
Post: #8398
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 10:34 AM
Parent: #8396

Quote: بعدين في امور كتيرة عايزين نناقشها ...


يا صديقى العزيز ...

فى موضوع مهم انا كنت داير اطرحه قبل فترة بس خفت يعمل خلافات

والناس ما ناقصة انقسامات وحركات انفصالية ..

لكن طالما البيت الكبير نفسه اصبح مهددا .. وطالما انت جبت الكلام ... حأتوكل على الله وافول انت دفرتنى ...

انا شايف انو حوالى 50 % من العضوية اصبحت غير فاعلة او غير متواجده منذ فترة طويلة ...

وكنت عاوز اشوف طريقة انو تتعمل لائحة بواسطة الادارة الفنية لسودانيز اونلاين تحدد مدة معينة لابد من تداخل العضو خلالها

والا يصبح حسابه او عضويته مهددة بالالغاء ... تماما كما يحدث فى حسابات الهوت ميل ...

وأعتقد ان مجرد التهديد بهكذا لائحة يمكن ان يستثير ويزيد من حماس الناس ..

رأيك شنو .. ؟؟

أشوف لى ســاتر وارجع الغار ..!!

ابو الزوز .. لو فى أآ عنكبة كلمنى على الخاص ..!
Post: #8397
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 10:29 AM
Parent: #8395

غايتو أقول ليكم شنو...
غير يا حليل رجال زمان...
الواحد يسافر بالسنين و دمعة واحده بتجي نازله مافي...
حسه الواحد فيكم كلها كم ساعة بالطياره...
و تلفونات كل يوم...
و صورة و صوت بالمسنجرات و السكايب و غيرها...
و بعد ده دموعكم نازله مطر...
ما تشدو حيلكم شوية...
Post: #8399
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 10:38 AM
Parent: #8397

أنا غايتو كلما أكون في حته نضيفة كده...
و يكون فيها خضرة و ماء ,.......و بس
و أقوم فجأة أتذكر ليك استاد الهلال...
و زريبة العيش و الخرفان و الدفسيبة و الكتاحة...
بقعد أبكي طوالي..أبكي بي حرقة كمان...

بقول حسه أنا بعد المحل النضيف ده حأرجع للدفسيبة ديك تاني....




واحد...اتنين ...تلاتة ...أربعة....
ودي المداخلة الخامسة و أنا عايز أمشي أبو ظبي خلاص...
جلا ممكن تتمهم لي عشرة...
برجعهم ليك مرة تانية...
Post: #8401
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 10:44 AM
Parent: #8399

Quote: وكنت عاوز اشوف طريقة انو تتعمل لائحة بواسطة الادارة الفنية لسودانيز اونلاين تحدد مدة معينة لابد من تداخل العضو خلالها

والا يصبح حسابه او عضويته مهددة بالالغاء ... تماما كما يحدث فى حسابات الهوت ميل ...


و الله يا جماعة أنا الزول ده محتار أصنفه مع الصقور و لا الحمائم...
Post: #8400
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 10:40 AM
Parent: #8397

Quote: ما تشدو حيلكم شوية...

أنا قلت كدا برضو
خوفاً من نزول الدموع
نحن قاعدين مع حنانا
و أمهاتنا
و أولادنا
وسودانا
لكن أقول ليك حاجة
بعد دا كلو ماشادين حيلنا تعرف ليه
لأنكم بعيدين منا
هاكم الدموووع دي

أغرب حاجة زولي من أمبارح خاتي المخدة في راسو و مقبل على الحيطة
وهاك يا دموع....ما خلى ليهو دمعة حايمة
و الجماعة يصحو فيهو وهو كابي الدموع أولاً و الجرسة ثانياً
في زول تاني جاي خاشي و بيتكلم عن المؤامرة لكن بي تحت دموعو ومخاا....جارية
Post: #8402
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 10:45 AM
Parent: #8400

يا جلا الليلة بالجد افتقدنا موسي عيسي ... انا شكلي كده حا اضطر اصحيهو براي ...


يا رشدي تصحبك السلامة ... تحياتي لصديقتي بت حوفي .... والحليون الصغار ....
Post: #8404
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 10:51 AM
Parent: #8402

أبو الزوز قبل ما أمشي...
بالله الليلة الكوتش ما شهاك الطعمية بتاعت الشهدا...
أنا غايتو ولا مشتهيها و لا حصل أكلتها...
Post: #8405
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-23-2010, 10:54 AM
Parent: #8402

والله تاني نص مداخلة بس كل يوم
اسا من الصباح نقوم ونقع
وتوارد شنو ماعارف وسقوف عالية وواطية
ولا زول ما هببو لينا ...

والله لكن حكم ...
محمد عيد ازيك ياخ ....




















-----
البرالمة ديل خليهم ياخ ... بيكونوا لا اسا بيعافروا
في كيفية الدخول ...
عبدالدائم اليومين دي مشغول منهم بالحاج والحاجة
والله انا قعدتا ثلاثة يوم اكتب وامسح
Post: #8410
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-23-2010, 11:20 AM
Parent: #8402

محمد عيد سلام واشواق

بكري لديه قانون غير معلن ... عندما يضيع باسويردك يرجع لعدد مداخلاتك فاذا ما كانت غير كافية فلن يعيد لك الباسويرد مهما تدخلت الاجاويد ولدينا معه عدد من التجارب ... لذا نتمني ان يفعل الناس عضويتهم حتي ولو في بوستات المجاملات ... حتي انه اذا ارسل لاي شخص باسويرد وكان الايميل خاطئ فايضاً لن يرسل له مرة ثانية وانا الآن اعاني اشد المعاناة من امثلة كهذه ...

عشان كده الناس تعمل حسابها قبل ما يشيلوا العدة
Post: #8403
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 10:50 AM
Parent: #8400

Quote: غايتو أقول ليكم شنو...
غير يا حليل رجال زمان...
الواحد يسافر بالسنين و دمعة واحده بتجي نازله مافي...
حسه الواحد فيكم كلها كم ساعة بالطياره...
و تلفونات كل يوم...
و صورة و صوت بالمسنجرات و السكايب و غيرها...
و بعد ده دموعكم نازله مطر...
ما تشدو حيلكم شوية...


يا اخوانا فى زول قبيل قال صـحوا نجاة حوفى ؟؟

اياك اعنى فاسمعى يا جارة ...
Post: #8406
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 10:54 AM
Parent: #8400

Quote: جلا ممكن تتمهم لي عشرة...
برجعهم ليك مرة تانية...

ناس الهيلاهوب عندهم قصة بتقول
في زول مدّيَّن ليهو قروش من زول
وزولك فرقت معاهو كتير و الدين أبا يتحلا
و الزول كلما يشوف الزول بتاعو ...طوالي يقول ليهو قروشي و ينا
أها مرة الزول جا ماري بالشارع
ولقا الزول المديننو القروش قاعد يزرع ليهو في نخلة
طوالي زولك سألو أها قروشي وينا
قال ليهو أصبر علي
شفت النخلة دي لمن تكبر و تشيل البلح
أول إنتاج...حيكون دينك الفي رقبتي
زولك ضحك بي سخرية
هئ هئ هئ هئ
طوالي داك قال ليهو ما ضمنت حقك ليك حق تضحك

حكاية ترجعم لي دي يا رش
هئ هئ هئ هئ
و لا أقول ليك
أخير أبكي و دموعي تجري
طبعاً الليلة الدموع كتيرة
و نحن بنبكي قايلين عشان شنو
ما عشان البتاع دا ماشي الأرشفة
Post: #8407
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 10:58 AM
Parent: #8406

جلجل يا حبيب ...

البرالمة كان قلنا طاشين وشقق الاستقبال ما فيها سخان ..

الكبار نقول عليهم شنو ؟؟

عليك الله هسه حاج الركز ده .. ما خجلة يصنفوا مع البرالمة ؟؟!

...

...

خلى بالك احسن نقوم عليهم زول زول ..!!
Post: #8408
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 11:14 AM
Parent: #8407

Quote: خلى بالك احسن نقوم عليهم زول زول ..!!

دي بتجيب ليك هوا
جليهم أحسن
و لا أقول ليك
شوووت يا زول
أبدأ بالركز ثم عفاف
أسمع عندي فكرة
قوم على بنات الشيخ في البداية
و ليك علي أقيف جنبك
Post: #8409
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-23-2010, 11:18 AM
Parent: #8397

شُوقـِـى أنا للـبلدْ بى حاله والشُّوقْ لى الترَابله أهلى
مغسـتى أنا لى شَقاوْتى رَحلتَ سَاكتْ مَا قعدْ قـبــَـلـِـى



سَــاكتْ ما صبرْتَ قعَدْتَ وسْط أحبابـِـى وسْـط أهـلـِـى
قمْتَ شَلاقه بسْ سافرْتَ جيتْ للغـُرْبــَـه والــهَــمَــلـِـى


أغرَانى السَّفرْ وأحْوَالو كانْ شايلنـِـى عـَـادْ جـَــهـَــلـِـى
دَحينْ أرْقى الشَّـ رقْ يا حليله كيفْ الشُّـورَه كيفْ حللى


إتذكرْ كوَاريكْ ليلـَى ليــكْ يا شَادْيه قومى تعَالى منسَلى
شقيشْ كتى نانْ وينْ طرْتى هاكْ شيلى الفطـُــورْ دَلـِّـى


فتشـِـى دَانْ صَفيحْ المُويـه شُوفى بكانو وينْ شــيــلـِـى
سَوِّى قدُرْ قدُرْتكْ فيـهُو ناصصـِـى إنـْــتـِـى لا تـَـمْــلـِـى


أوْعى العــِدِّى مَا تـَنسيهَا والوَاقــُـــودْ تقــِــيــلْ خـَلـِّـى
عَشَانْ أنا مَاشى اخرْتْ اللوبى بمشى أغـشَاهوبى عدَلى


نضّفى عيشْنا للطـَّـاحونه عاد لامَنْ يجــِيــكـِـى عـَـــلـِـى
لأنو أبوكى مَاسْكْ المُويه قالو أمـشْ الطـَّحـِـيــنْ بـَـدَلـِـى


مَا شُفـْتـيهُو كـيفْ يا شَادْيه قـالاهو السَّمُومْ دِى قــَــلـِـى
منْ قومْة الصَّــباحْ للـغيبه صَالاهـُو الهجـيــرى صَـــلـِـى


منْ بعـْــدْ التـَّعَـبْ يا الله زيدُنْ فى الهَـــبـُــوبْ مَــهـَـــلـِـى
دِى سَاقة ً لا شجرْ لا غيمَه عدْمَانـِى الضِّلـيلْ سَــهـَـــلـِـى


متـينْ أرْجـَعْ وأعـُودْ يا اللـَّه لـِى قيـزَانـَّـا لـِـى هـَـجـَـــلـِـى
أنزلْ فوقْ قشيـشْ السَّـــابْ أحشُّو وأعدِّمُـــو السَّـبـَـــلـِـى
وأشيلْ طينة الجـُّرُوفْ فى إيدَيْ أنـشَـط ْوتبْ يرُوحْ كسَلى

وأزَغـردْ فى بيوتْ الطـِّـينْ والكـُـونْ كلـُّو يبْـقـَى أهـَـــلـِـى
Post: #8411
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 11:24 AM
Parent: #8409

جيت براااي بدون ماواحد يصحيني ....




بس موسي عيسي جاي وراي .....
شد حيلك ... يا انت ....






=======================
قال شنو ...
ابدأ ببنات الشيخ وانا بقيف معاك ...
انت وين مني عباس .....
Post: #8413
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 11:31 AM
Parent: #8411

موسي عيسي ... قال ليكم ... حيغسل وشو من الدومووووووع ... وجاي


بس انتو اتفضلوا ... اكلو ..... هو بحصلكم

431175325_902f5485b0.jpg Hosting at Sudaneseonline.com


========================================
هذه صينيه موسي عيسي الشهيرة ...
بس في حاجة غلط في الصينية دي ...
البعرفها ليهو جايزة .... 5500 ريال سعودي ..
انا جادي ...
في المسابقة ... بس مش في الجايزة ...
Post: #8412
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-23-2010, 11:25 AM
Parent: #8409

Quote: شُوقـِـى أنا للـبلدْ بى حاله والشُّوقْ لى الترَابله أهلى
مغسـتى أنا لى شَقاوْتى رَحلتَ سَاكتْ مَا قعدْ قـبــَـلـِـى


يا جبريلا عليك الله ما تغش الناس القاعده جوه ديل خليهم يمرقوا..
عشان نلقى لينا نحن فرقه نرجع مكانهم...


يا جلال...مع مسابقة العشره مداخلات دي قال نحن بنقدر نفرز...
كدي خلوني أوصل أولادي ان شاء الله و أرتاح الليلة و بكرة...
و بجيكم يا بكرة يا بعد بكرة ان شاء الله..
Post: #8414
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-23-2010, 11:32 AM
Parent: #8412

يا الرشيد ياخي ما نمشي نقاسمهم بدل نخليهم يمرقوا


مـِـتـِـيــنْ يـَا الـلـَّـه نـَـرْجـَـعْ لـِـى الـبـَـلـَــدْ طـَـوَّلـْـنـَـا مِـنْ أرْضْ الـحُــنـَـان
يـَا حـِـلـِــيــــلْ بــِــلادْ وَادِى الـنـَّـخـِـيــلْ الـعَــالـْـيـَـة تـِـتـْـحَــدَّى الــزَّمَـــان

******
يـَا حـِـلــِـيـــلْ بــِــنـَــيــَّـات الـفـَـريـــقْ والـلـِّـيــلْ يـَـزَغـْـــردْ بــِالــدِّلـِــيــب
الـصَّـفـْــقـَــه والـطـَّــنـْـبـُـورْ يـَــرنْ ... الــشُّــوقْ يـَـهَــوِّدْ بــِالـلـَّــبــِــيــب
الــسُّــــوط ْعـَـلـِـى ضَــهَـــرَ الـبـُـطـَــانْ يــِـنـْـجـَــرَّ زَىْ دَرْبْ الـــدَّبــِــيــب
يـَا حـِـلـِــيـــلْ صَــنـَـادِيـــدْ الـرِّجَــالْ الـحَـاشَــا مَـا خـَــتـُّـولـْــنـَـا عــِــيــب

******
يـَا حـِـلـِــيـــلْ نـِـويــــرَاتْ الــفـَــريـــقْ بــِــتـْــضَـــوِّى زَىْ نـُــورْ الأمَــــل
يـَا حـِـلـِــيـــلْ حـَــنـِــيــنْ الأمَّــهَــــات مُــشْــتـَــاقــَــه لـِـى وَلـَـــدَاً رَحـَـــل
لامْــتـِــيــنْ يـَـعُــودْ يـَـمْــلأ الــفـَــريــقْ بــِالـفـَـرْحَــه زَىْ مَــلـَـكـَــاً نـَـــزَل
يـَـمْــسَــحْ دُمُــــوعْ سَــالـَــتْ كـَــتــِــيـــرْ ويـَـعَـــدِّلْ الــعَــــوَجْ الـحَــصَــل

******
بــِالــلـَّـهِ يـَا سـِــرْبْ الـحَــمَــامْ ......... لـَــمَّــنْ تـَـــرُوحْ دَارْ وَدْ قــَـمَـــر
سَــلـِّـمْ لـِـى بــِالــشُّــوقْ الــكـَـتــِـيـــرْ ...
حـَـتــَّى الــتـُّـــرَابْ حـَـتــَّى الــقــِـمــِــيــريـَّـاتْ يـَـقــُـوقــِـنْ فـِـى الــتـَّــمُــر
حـَـتــَّى الـجَّـــدَاولْ والـنـِّــعَــاجْ ......... الــرَّاقـْـــدَه فـِـى ضُـــلَّ الـعَـصُــر
والـلـَّـهِ يـَا سـِــرْبْ الـحَــمَـــامْ طـَــعْـــــمَ الــفـُـــرَاقْ فـِـى حَــلـْــقـِـى مُــــر
خـَـايــِـفْ مَــغـَــبــَّـاتْ الــزَّمَــانْ ....... بـَـاكـِــرْ وَرَايـَـا يـَـقـُــولـُـوا كـُـــر
Post: #8415
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-23-2010, 12:08 PM
Parent: #8414

431175325_902f5485b0sudan1sudan.jpg Hosting at Sudaneseonline.com


طالما هناك الفول فإذا بالطعمية و البيض حضور
و طالما اللحمة موجودة معناها ضابحين خروف ....فتأكدت من وجود المرارة
الزيتو ن دائماً ما يجاور الجبنة و كلو محدقاااات...الله يطرا عصام جلي بالخير
تيمان برقو المابتفرقو ...النعيمية و ملاح الروب ...أسأل الأستاذة خالدة عنهم بوجود عصيدة الدامرقا
الشعيرية بيكون معاها مديدة البربور...وطالما الأخير ما موجود فيكفي الباسطة للناس المساخ فقط
السلطة الخضرا و الستة من المحسنات البديعية

بس المشكلة في العيشتين القاعدات زي عود نقشلي ...ما قدرت عليها ودي المشكلة يا نجيلة
إنت كان عندكم عرس و لا سماية؟؟؟؟
Post: #8416
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 12:09 PM
Parent: #8414

Quote: أسمع عندي فكرة
قوم على بنات الشيخ في البداية
و ليك علي أقيف جنبك


شفتوا يا اخوانا محن الزول ده ..؟

بعد ده اصبر على ساكت ...

زير اوعك تقول لى ود حلتنا وما عارف شنو ..

موسى عيسى .. كتر خيرك بس انا ما داير تحريش .. جاهز ليهو موية ونور

جلال .. ساعدنا بالتصفيق والموية البارده ... !!!

يا كوتش .. والله انت زول شيخ والله بريدك ...

حقك جاييك باسرع مما تتصور ... !!
Post: #8417
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-23-2010, 01:13 PM
Parent: #8416

Quote: زير اوعك تقول لى ود حلتنا وما عارف شنو ..



زير التحتو خط دا يا اخوانا المقصود بيه زهير
اوع واحد فيكم يجي يقول لي صفقتك شترا
Post: #8418
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 01:28 PM
Parent: #8416

يا نجيله والله صينيه كاربه..
وما شايف ليها مشكله..
صحن اللحم تحتو في شنو?
جوعتنا ياخ..

رش.. صحبتك السلامه..

جبريلا.. أسمع كلامك أسدأك..
السودان دا.. ماجريت منو هسي..
والا إجازتك المره دي سمحه?
(وش غامز)
(وإبتسامه خبيثه)..

جلا يا حبه..
إلا الدمعه الحزينه..

إبتهاج..
الغربه ما ماسوره..
ماسوره القاعد جنبك دا..

حوفي.. إمتحانات شنو?
الدنيا كريسماس.. أبقي مارقه ياخ..

بكره إجازه بمناسبه الكريسماس..
والليله دوامنا نص يوم..
المكتب خلا.. أسرح وأمرح..
كل سنه وإنتو طيبين..
يا حلوين..

موسى عيسى لسه نايم?
Post: #8419
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-23-2010, 01:55 PM
Parent: #8418

ود جبارة بالله ما تشيل حالنا ساكت
Post: #8420
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 02:08 PM
Parent: #8419

سرك في بير يا فرده..
لكن ما غريق شديد..
Post: #8421
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-23-2010, 02:51 PM
Parent: #8420

Quote: سرك في بير يا فرده..
لكن ما غريق شديد..


بير شنو يا فردة والله انت بيرك دي قيفة بس

اليشوف كلامك دة يقول انا الزول الكنت مع البت المجلودة دي
Post: #8422
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-23-2010, 02:56 PM
Parent: #8420

سلامات يا ناس

الواحد تانى كلما تجيهو رغبة نخجى ...

يرجع طوالى ص 84.
Post: #8423
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 03:04 PM
Parent: #8422

Quote: اليشوف كلامك دة يقول انا الزول الكنت مع البت المجلودة دي .

والدليل آلولو..
Post: #8424
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 03:07 PM
Parent: #8423

Quote: الواحد تانى كلما تجيهو رغبة نخجى ...

الله يسألك قاعد تنخج?
أنادي بشير خفه وكشري هسي?
Post: #8425
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-23-2010, 03:12 PM
Parent: #8422

الصينية كاربة يا ود نجيلة
وانا طبعا دفعة وكدة
عشان كدة حانزل بدون رسوم
وحابدا بالعصيدة






التحية لود عيد الذي يدوام على اتحافنا
بالفوتو شوب
Post: #8426
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-23-2010, 03:30 PM
Parent: #8425

سلامات يا ناس

Quote: الله يسألك قاعد تنخج?
أنادي بشير خفه وكشري هسي?


انت ما عِقلت لسة ؟

نفهم من كده انو مافى اى مفعول؟
Post: #8427
Title: Re: ناس الزقازيق ... أجدع ناس ( 3 ) ..
Author: عصام دهب
Date: 12-23-2010, 03:46 PM
Parent: #8425

سلام و تحية ليكم جميعاً ..

و رغم إني لا أغيب عن هذا البوست يوماً ..

مؤثراُ المتابعة بإستمتاع ..

إلا أن أشعار طارق جبرين و صينية نجيلة .. لا صبر لي معهما ..

بس يا نجيلة الباسطة دي مع الصباح ما ليها أي لازمة ..

ـ
مبارك جادين آخر مرة إتخاشناـ في السياسة و الكلام الما جايب همو ـ فالسماح يا أخي و يعلم الله إني أحبك و أحب فرمالتك ذاتا ..
Post: #8428
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-23-2010, 03:55 PM
Parent: #8427

سلامات يا ناس

Quote: مبارك جادين آخر مرة إتخاشناـ في السياسة و الكلام الما جايب همو ـ فالسماح يا أخي و يعلم الله إني أحبك و أحب فرمالتك ذاتا ..


هو ذاتو قال لى سامحك.
Post: #8429
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-23-2010, 03:57 PM
Parent: #8427

يا دهب مرحبتين .. وحباب الظهور ...

بالله خليك قريب وما تخفس ...

عشان مواعيد الانفصال ( اقصد التشفير ) قربت ..

ودايرين ننسق مع زهير الموضوع ...
Post: #8430
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 04:03 PM
Parent: #8427

Quote: انت ما عِقلت لسة ؟

ان جبت للمجنون ميت عقل على عقله ما يعجبوش إلا عقله..
مثل دومينيكاني..

Quote: نفهم من كده انو مافى اى مفعول؟

حليمه رجعت لقديمها..
مثل بلدي..

ود دهب.. سلام..
ومعاهو وداع طوالي..
عارفك مابتجي تاني قريب..
Post: #8432
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-23-2010, 04:33 PM
Parent: #8430

التحية للاخ عصام
وارجو الاتمنعك مخشانة السياسة من الدخول
في هذا
الملاذ الامن
طبعا الفترة القادمة محتاجة الكثير من الملاذات الامنة
فيا اخي ارجو ان تطل
وطايرة السياسة التي تجعلنا نفقدك هنا






التحية للاخ طارق جبريل
والاخ حاتم جبارة
ولصديقي الزناتي خليفة
والذي جعل الكوتش
يرجع الي الملاعب اكثر جيوية
وانا يا عصام مسامحك قبل كلام الكوتش اعلاه
Post: #8431
Title: Re: ناس الزقازيق ... أجدع ناس ( 3 ) ..
Author: سناء الصباغ
Date: 12-23-2010, 04:32 PM
Parent: #8427

انتو يا جماعة محمد النور دا ظلامي ولا (النور) قاطع ولا الحكاية شنو
شوف يا زول يا تتصلح معانا ولا حسة نقوم انا وكل بنات الشيخ بمنبر الزقازيق بتسيير
مظاهرة كاربة لادانة قهر النساء بالمنبر وحا يتضامن معانا كل المستنيرين أو بعبارة اخرى
كل الهارشيىن من بنات شيوخهم.
وبهدين انت حتركب التونسية ولا حدش يسمي عليك ( والله صحي)

رشييتو مووووش

منى عباس ولا يهمك فرمتو ليك.

والتحية لكمال الشادي نصير المرأة والله يا كيمو يا فنان رشتك لمحمد الفاضل ديك لي هسة طعمها في خشمي
أطعم من صينية الفطور القدامكم دي.
الكومندان دا برضو نصيرنا لكن عافين ليهو الراجل مشغول.

وتسلموا جميعا

أها يا رشا مداخلتين في أقل من 24 ساعة كدا وضح اني معاكم ما مع الخيانة.

أنت يا زهير في أي علاقة بين حجة فارح وحجة حلتم جبارة شايفاك ما أثرت الموضوع دا, هو في ايه بالضبط.

اللهم انا نسألك حسن الخاتمة (مركبة مكنة الرييس الحبيب ميسو)

أ
Post: #8433
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 04:46 PM
Parent: #8431

Quote: وانا يا عصام مسامحك قبل كلام الكوتش اعلاه

ما تدوا جلال فرصه..
يشتت مديدتو..
Post: #8434
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 04:51 PM
Parent: #8433

Quote: أنت يا زهير في أي علاقة بين حجة فارح وحجة حلتم جبارة شايفاك ما أثرت الموضوع دا

معقوله يا بتنا..
مافي علاقه.. هناك فرق..
لي صالح منو?
اللبيب بالإشاره يفهم..
Post: #8435
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 07:37 PM
Parent: #8434

مداخلات وتعليقات الصينية ... صينية موسي عيسي العجيبة ...

قال الشيخ السري جلا ...
Quote: بس المشكلة في العيشتين القاعدات زي عود نقشلي ...ما قدرت عليها ودي المشكلة يا نجيلة


الشيخ الدومنيكاني ...
Quote:
يا نجيله والله صينيه كاربه..
وما شايف ليها مشكله..
صحن اللحم تحتو في شنو?
جوعتنا ياخ ...


وعقب شيخ جادين ...
Quote: الصينية كاربة يا ود نجيلة
وانا طبعا دفعة وكدة
عشان كدة حانزل بدون رسوم
وحابدا بالعصيدة


اما مستشارنا الدهبي والماسك مفتاح البيت
Quote: بس يا نجيلة الباسطة دي مع الصباح ما ليها أي لازمة ..


نجي لموضوع المسابقة ..
طبعا ولدنا الدومنيكاني ... جلا ... اقصد طلع اوت .. لاني لااقصد ما تحت صحن الشيه ...
وكمان ولدنا مبارك جادين ... جلا المسابقة ... ولكن كسب الحكومة ... (دي ماسياسة) ..
غايتو بختك ياجله في واحد معاك "في الهوا سوا" وشكلو داسيهو زي ناس كتااااار ...
ربنا يشفي ياعصام دهب ...

وبكل اسف ...
وجينا للكلام البزعل موسي عيسي زاتووووووووووووووووووو
ولدنا جلا ... يكسب ...
وفعلا كل الصينية دي .... والصحون دي ...
تختو لينا عيشتين بس ....
الاولاد ماجابو الرغيف ولا شنو ....
ده عشان تتكلو على النضيف ... اهو شراكم ...



===================================
زهير الزناتي والله كلما اشوف مداخلتك ...
افتكرك محمد صديق ...
جننت البروفايل ... وجننتنا معاهو ...
Post: #8437
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 07:53 PM
Parent: #8435

انا احب التفاؤل ... وناس التفاؤل ....

عشان كده ياعيد .... رشيد القوم ده انا معاهو ....
حاسي انو ...
حنكون موحدين ... مافي انفصال
على الأقل في قلوبنا ....

sudan_political_map.gif Hosting at Sudaneseonline.com


دي عشان .... ولدنا رشا ...
ولو ما حصل تصويت للوحده ... حيكون السيناريو التاني ...
وسودانا ده انا حيتفكك زي لعبة المكعبات بتاعة الأطفال ...
كل جزء حيكون براهو لفترة ...
وبعدين نرجع نركب مع بعض تاني ...
اصلو الناس ديل لصقة مامكن نتخلص منهم الا كده ...



==========================
ياجماعة دي ماسياسة .... دي مناحه
مش الموضوع برضو عن الدموع والنخجي ياودجبرين ...
Post: #8436
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 07:42 PM
Parent: #8434

مادام مافي زول داير يهببو لي..
ننزل ليكم صور..

Moetasimhome002.JPG Hosting at Sudaneseonline.com
Post: #8438
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 07:57 PM
Parent: #8436

انتو الليله مش الخميس
وكمان بالليل ...
طيب ...
منصور وينو ...
وانا زاتي ... الجابني شنو الليلة ....





=======================
حاتم جبارة انا معاك .....
واصل الصور ...
هسع البدلة الاسموكن بتاعة ولدنا جلا ...
بغسلها في السودان ده كيف ....
Post: #8439
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:02 PM
Parent: #8436

نجيله.. إتعاقبنا..
هسي العيش ياكلو بيهو شنو?
ركزواعلى اللحوم والأملحه..
هاك البرلوم العجوز دا..
Moetasimhome005.JPG Hosting at Sudaneseonline.com
Post: #8440
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:08 PM
Parent: #8439

Moetasimhome004.JPG Hosting at Sudaneseonline.com
Post: #8441
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:16 PM
Parent: #8440

دي مهداة لي موسى عيسى..
أتحدى لو عندك صوره وجيهه كدا..
Moetasimhome049.JPG Hosting at Sudaneseonline.com
>
Post: #8442
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:20 PM
Parent: #8441

Moetasimhome022.JPG Hosting at Sudaneseonline.com
Post: #8443
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:26 PM
Parent: #8442

شفت الإعجاب دا كيف يا موسى..
Moetasimhome047.JPG Hosting at Sudaneseonline.com
Post: #8445
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:31 PM
Parent: #8443

فوتوجينيك لكن..
Moetasimhome024.JPG Hosting at Sudaneseonline.com
Post: #8444
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 08:26 PM
Parent: #8440

يا حليلك ... يا صالح تبلدينا ....
كان نفسي يكون عندي بت ...
عشان تخت ليكم الحنه انت وهاني برعي ...
بس يا خسارة نحنا الخمسة طلعنا رجال ....


ود جبارة الصور دي في بيتكم ...
لما جبت الغداء للشباب الساعة اتنين ظهرا
والبادي النور قد يغني ... من المفاجأة والفرح ...
ماعندك صور للزول الوجيه ده ...





=================================
هسع يابت الصباغ في زول في البوست ده نصير لبنات الشيخ
اكتر مني ...
كدي شوفي مداخلاتي القديمة كلها ...
خليك من جلا ... ده حاج ضلالي ... ونحنا واضحين ...
مني عباس ليك وحشه ...
Post: #8446
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:33 PM
Parent: #8444

الصور في بيت الوجيه معتصم..
الباقي بعد الأرشفه..



جلا.. تمسحتك..
Post: #8447
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 12-23-2010, 08:34 PM
Parent: #8444

ياسلااااام يا أحمد عوض ...
انا شاعر برجوعك السودان ..
ستعود اكثر قوة والقا ....





======================
هسع لو جيتو عرس اخوي على ...
ماكان ذكرتونا بأيام زمان ...
ووفرتو علينا حق الفنانين ...
ليك يوم ياريس معتصم ....
Post: #8448
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-23-2010, 08:35 PM
Parent: #8440

الدنيا ليلة الكريسماس وكل سنة
وجميع ناس الزقازيق بالف خير
دي ما دايرة دخلة منك يا محمد عيد
شايف الدنيا خميس لكن البوست فوق
انتوا الحاصل شنو ؟؟؟
سؤال برئ جدا






العلاقة بين المدرسة ومحطة السكة هو
ان المدرسة فيها جرس
والمدرسة برضوفيها جرس
والمدرسة فيها ناظر ومحطة السكة حديد فيها جرس
لكن في المدرسة ان تذاكر تنجح
وفي السكة تذاكر تسافر


انا كنت عارف لغزي بغرف انا والريس
والاستاذصديق الصادق صاحب الصحن الشهير


التحية في هذه العجالة للدكتورة سناء الصباغ
وانا ااسمي مكتوب مع ناس منصور
Post: #8449
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:50 PM
Parent: #8448

ودجادين..
إتقطعت وقطعت لي مصاريني..
كرد لي سؤالك البرئ..
نحن لسع عندناعصر..
Post: #8450
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 08:58 PM
Parent: #8449

Moetasimhome014.JPG Hosting at Sudaneseonline.com
Post: #8451
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-23-2010, 09:11 PM
Parent: #8450

يا حاتم شايف الناس دي
كانا اليوم off



احكي ليك دي يوم وداع طارق جبريل
حكى لينا عن الفائد الخمسين للزواج من المغربية
وطبعا اكثر المنصتين كان البادئ النور واخرين نحتفظ باسماؤهم لظروف
خاصة بالنشر
اخوك ما خفة قمت حكيت الحكاية كلها لامنية (لمن فاتهم الاستماع زوجتي )
امبارح جاي راجع بدري على غير العادة قامت استقبلتني على الباب
وقالت لي على الطريقة المغربية

عليك الله يا عبد الدائم نزل لينا وانت
جاي المغربية
Post: #8452
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 09:31 PM
Parent: #8451

الفوائد الخمسين دي فاتتني..

عفيت منها أمنيه..
جمجاااره..
تعرف يا بركه.. ما خفه منك..
أنت قصدت تكلمها..
كلام المسلط جبريلا عجبك..
Post: #8453
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 09:46 PM
Parent: #8452

Quote: عليك الله يا عبد الدائم نزل لينا وانت
جاي المغربية

والله يابركه كلمو لي..
أنا زاتي داير لي مغربيه..
الدومنيكانيه دي طبعها بقى شين..
يوم داك جيت داخل البيت..
معنوباتي في السما.. قلت ليها
Hi sweetie, I miseed you today
على الطريقه المغربيه..
عاينت لي بي وش مستغرب..
ومعاها صرت حواجب.. وقالت لي
Why?
على الطريقه السودانيه..

خلاص بعد دا.. الله معاكم
Post: #8454
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-23-2010, 10:48 PM
Parent: #8453

هديه أنصاص الليالي...
Post: #8455
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-23-2010, 10:49 PM
Parent: #8453

ياسر نجيله ماقلنا صافيه لبن
بعدين باسطه فى الفطور اطرشنى عايز تودى الجماعه المستشفى
خليك مع الطريقه المغربيه تكسب .
Post: #8456
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-24-2010, 09:25 AM
Parent: #8455

جمعتكم مباركة

أنا طبعا يوم الخميس فتكم الصباح و جيت الليلة لقيتكم ماشاء الله عليكم...
و دي الملاحظات الطلعت بيها...

سناء الصديقة...الظاهر الجماعة مكرمسين فلقيتي هبوبك و ضريتي عيشك...
مداخلتين في أقل من 24 و الله مفروض تدخل جينيس عديل كده...
بالله ما تخليها مداخلتين في أقل من شهر...
لأنك انت يا سناء لما تجي البوست مش بينور و بس...
ده بتضوي فيهو كل الكهارب...
خليهم يعتبروها كسير تلج..و أنا يهمني...

ياسر نجيلة..أمبارح نايم في الصالة...مش؟؟؟
لكن الشكر لبت الشيخ التي سمحت لك باصطحاب الكمبيوتر...

حاتم جبارة...وجودك خلف الكمبيوتر دليل على صمود حجتك حتى تاريخه...
الصور جميلة يا حاتم و نتوقع المزيد...

مبارك جادين...أظنك يا أخوي شغلت لي أمنية انت جاي المغربية...
و مشيت بيت في العربية لحدي الصباح...
و برضو البركة في الكمبيوتر الخليتو في العربية..
و أنا مع حاتم جبارة...أمنية جمجااااااااره...

الريس معتصم جعفر...الظاهر الرقابة شديدة...مان تو مان....
مداخلتو قبل ما يكملها كشفوهو و قوموهو من الكرسي...
عشان تاني تتسلل و ما تستأذن...
Post: #8457
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-24-2010, 10:43 AM
Parent: #8456

جمعتكم مباركة
الصور في السلك يا ود جبارة
الريس معتصم ربنا يجعل بيتك دايما عامر


يا ود جادين القميص دة قدر ما فتشت ليه في السوق ما لقيت زيه
ياخي ينوبك ثواب شوف لي واحد رسله لي
انت بس وافق انا بقول ليك تديه منو يجيبو لي
Post: #8458
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-24-2010, 12:27 PM
Parent: #8457

الحبيب ياسر نجيلة و الله فاتت علي نومة اهل الكهف ما صحاني الا اب شنب

و الله لقيت ليك الناس معيده و الصواني ماليه الدرب و كما هناك كوسة منك

الخبز موجود في الريكه خلف الصنية يعنى الجائزة مرتجعة اعمل ليها قيد ارجاع ؟


و الله يا شباب الواحد رغم عدم حضورة لكن والله مبسوط لعودة البوست لسيرته الاولى

و التحية لك اخي محمد صديق العودة و الحوش منور بوجودك .


يا دكتورة ظهورك مفرح لنا نامل المواصلة و رفع اللياقة و لك التحية .


يا طارق فك الصور و إلا نقوم بعمل اللازم بمصادرة العدة ؟


الحاج الدومانيكي انت صراحة بقيت في البلاك لسته و تعال يا اخي ما في ناس تصورهم

لينا الا جلا و بالمناسبة ما تغرك البدلة فهي مستعارة من اخونا يوسف عبدالله خالد ربنا

يطراه بالخير و لو ركزت في المداخلة بتاعت ياسر نجيلة ...................؟


يا حاتم الكميرا عندك مش زي بتاعت صحبي زهير الخالها لمحمد صديق صورها كلها

مغبشه تصور بيهاحمدي الفضلي تطلع ليك صورة جلا ؟؟ و الله باركه طلعت صورة نضيفة حتى جلا

ما مصدق نفسه لانه ظهر لينا حنكوش !!!!!!
Post: #8459
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-24-2010, 01:19 PM
Parent: #8458

2efn9yq.gif Hosting at Sudaneseonline.com



جمعة مباركة على اجدع ناس
Post: #8460
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-24-2010, 01:26 PM
Parent: #8459

ما شاء الله ... تبارك الله

عودة الروح ممتده حتى الجمعة ...

والجمعة أظهرت الرشيد فى حاله نادرة ...

وأظهرت ود نجيلة وود جادين رغم تلميحات الرشيد والتى اوافقها بنسبة كبيرة ..

ود جباره الصور جميلة واللمه حميمة .. لكن صور جلا دى انا اؤيد كلام موسى عيسى

بحكم الخبرة .. اؤكد ان الفوتوشوب قد امتدت أياديه اليها ..!!

موسى عيسى ... ياخوى شفقتنا ... نومة تقيلة خلاس ...

امس الناس باب بيتكم ده كسروهو لغاية ما صحوا الجيران ...

وناس جابو النوبة والكيتا والنحاس .. برضو بدون فايده ...

اذا كنت مشيت مع منص لى حفلات يوم الخميس الفات الليله يا حليلو ...

قول الحقيقة وما يهمك من جلا ومن لف لفه ...

Post: #8461
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-24-2010, 02:32 PM
Parent: #8460

يا موسي عيسى الصور رااااقدة
بس ننتهي من الكريسماس دة
Post: #8462
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-24-2010, 10:09 PM
Parent: #8461

والله يا طارق جبريل
انت حدد الزول منو
عشان جهزت القميص
خلاص

شكرا على التحية يا الرشيد
والواحد قال يوم الخميس
بتكون انت والمنصور
غياب الواحد يقوم بالبوست
سداري زيكم انتو الثنائي ومعكم جلا
لكن انا فشلت وخليت
الحاج الدومنيكاني مواصل وهو والله العظيم ما قصر
يعني الصور ما عندك يا حاج



يا جماعة انتوا وين البادي النور
في هذه المدة التي
لم نراه فيه في هذا البوست
الزول ده اوع يكون
جاور في المغرب
ايضا سؤال بري جدا
Post: #8463
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 07:56 AM
Parent: #8462

1048.jpg Hosting at Sudaneseonline.com


زواج البرلوم السموال ابو سن مساء البارحة ... الف مبروك الصور من منتدي كسلا الجمال
Post: #8464
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 07:57 AM
Parent: #8462

hh7net_12932173041.jpg Hosting at Sudaneseonline.com



عقد رئاسي بمسجد سيدة سنهوري
Post: #8465
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 07:59 AM
Parent: #8464

hh7net_12931932302.jpg Hosting at Sudaneseonline.com
Post: #8466
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:00 AM
Parent: #8464

hh7net_12932173053.jpg Hosting at Sudaneseonline.com
Post: #8467
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:00 AM
Parent: #8464

لمزيد من صور العقد

http://www.kassalahome.com/php/index.php?showtopic=10891
Post: #8468
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:01 AM
Parent: #8464

صور القيدومة

http://www.kassalahome.com/php/index.php?showtopic=10895
Post: #8469
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:11 AM
Parent: #8468

اها بعد باركنا لولدنا سموال ... نقول عقبال هناي وهناي ديلك ....واللبيب بالاشارة يفهم ... ورنجع للونسة الفاتتنا دي ...

اولاً نبداً بالدكتورة ...

Quote: أنت يا زهير في أي علاقة بين حجة فارح وحجة حلتم جبارة شايفاك ما أثرت الموضوع دا, هو في ايه بالضبط.


الفرق انه ججة فارح جاتو في اوكازيون ... عدا ذلك (الحاج حجه وجا ... شراب البيرة ما خلا) ده مثل من حلة ناس جلا
Post: #8470
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:12 AM
Parent: #8468

يا جبارة الصور رهيبة ... خاصة الولد جلا ... من امبارح نحن شغالين مع موسي عيسي في المكمدات الباردة مرة والساخنة تانية ... من شاف صور ولدنا الوجيه ... بالله لو عندك المزيد توقف الي حيث ارشفة وعودة موسي عيسي لحالته الطبيعية ....
Post: #8471
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:13 AM
Parent: #8468

يا جلا طول عمرك بتناصر في بنات الشيخ ديل ... يوم واحد داير تعمل حركات شوف رشوك كيف ... عشان تآمنوا ....
Post: #8473
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-25-2010, 08:28 AM
Parent: #8471

مبروك يا سمؤال والله فرحت ليك من جوة قلبى

ناس هناي وهناي ديل يا زهير الا تلم ليهم رجال العقد ديلاك يوعوهم

هسه سمؤال ده ما بعمل نفسيات عديل كده .. ماشاء الله عليهو


،،،،،


شايفكم شادين حيلكم انتو بس وصولوها الصفحة 99 وسناء الصباغ بتم ليكم الباقى ....


يا منصور فكرتك سمحة والله بس عاوزة ترتيب من بدرى
Post: #8472
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:16 AM
Parent: #8468

Quote: احكي ليك دي يوم وداع طارق جبريل
حكى لينا عن الفائد الخمسين للزواج من المغربية
وطبعا اكثر المنصتين كان البادئ النور واخرين نحتفظ باسماؤهم لظروف
خاصة بالنشر
اخوك ما خفة قمت حكيت الحكاية كلها لامنية (لمن فاتهم الاستماع زوجتي )
امبارح جاي راجع بدري على غير العادة قامت استقبلتني على الباب
وقالت لي على الطريقة المغربية



باجماعة مبارك جادين ما يعمل ليكم فيها شفت ... الراجل ده من زمان رافع الراية البيضا ... وماشي علي الطريقة المغربية ... اها انا عندي مراجع وشهود ....
Post: #8474
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 08:38 AM
Parent: #8472

صبحكم الله بالخير

التهاني و التبريكات للأخ سمؤال أبو سن..
و العقبه للباقين...


ديدو شايفك متحسر كده...
يا ربي عشان فاتتك الربه دي...
و لا عشان حاجات تانيه حامياني...

أبو الزوز...الليله شايفك مبدر...
Post: #8475
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:40 AM
Parent: #8472

النضيف سلامات ...

فاتح لي كده مالك ...

السموال ده مبارينا نحن الاولاد الصغار ديل فاكر نفسه لسه صغير ... غايتو لحق روحه عقبال ناس هناي وهناي ... وبالمناسبة هناي وهناي ديل ما نفرين هم اربعة في عين العدو ... في واحد فيهم شايل صحن ... والتاني كناري الهوي ... والتالت طويل لمن من الشرق ... والرابع مغترب .... اها ما عايز اجيب الاسماء عشان ما يزعلوا ....

اها يا جماعة انا الليلة تميت الكوتة ...
Post: #8476
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-25-2010, 08:52 AM
Parent: #8475

الف مبروك للسمؤال ..

وصور العرس جميلة وفتحت شهية البعض ... ( ناس هرشة دوت كوم يمتنعون ) !



Quote: اها يا جماعة انا الليلة تميت الكوتة .


وين يا فرده ؟؟ ... لسه باقى عليك حوالى 17 مداخلة ..

منهم 12 كســير تلج باقى عليك ...

والباقى مجاملات

Post: #8477
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 08:58 AM
Parent: #8476

يا فردة الليلة مافي مزاج بتاع كسير تلج
Post: #8478
Title: Re: ناس الزقازيق ... أجدع ناس ( 3 ) ..
Author: عصام دهب
Date: 12-25-2010, 09:01 AM
Parent: #8476

سلام و تحية ليكم كووولكم ..

و ملايين التبريكات و التهانئ للعريس / سمؤل أبو سن و عروسته بمناسبة عقد قرانهما الميمون بإذن الله .. مع صادق الأمنيات الطيبات لهم بحياة زوجية هانئة و مترعة بكل أسباب السعادة و الرفاه و الذرية الصالحة ..
Post: #8479
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-25-2010, 09:16 AM
Parent: #8478

يقوللك لماذا سميت المراة ب (woman) والرجل ب (man ) !! ؟؟

بعد الابحاث والاكتشافات والتدقيق



وجدوا ان سبب تسمية المرأة بــ

(woman)؟؟؟؟


لان الستات دايما يسألن ازواجهن.....؟


من قابلت؟؟؟؟

ومن اتصل بك؟؟؟؟؟

ومن اين جيت؟؟؟؟؟

ومن كلّمت؟؟؟؟؟؟

ومن؟؟؟؟؟؟؟

ومن؟؟؟؟؟؟؟

ومن؟؟؟؟؟؟

ومن؟؟؟؟؟؟



لذلك سميت بالانجليزيه
(ومن) !



ولو جئنا للرجل

ايضاً

ليه سموه مان (man)!!

لانه

دابما يقول لزوجته :

ماني جايب

ماني مودّيك

ماني رايح


ماني فاضي

ماني


ماني


ماني

مع حذف الياء تصبح مــآآآن


وهذي هي الاسباب بعد الاكتشاف..!!
Post: #8480
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 09:22 AM
Parent: #8479

يا ود عيد نديك دي جات علي الايميل طازه ... في اطر كسير التلج لبنات الشيخ

Quote: الرجال مخلوقات غريبه

الرجال :

1. إذا تجادلتي معه قال عنك :

عنيدة

2. وإذا جلستي صامته قال انك :

كئيبه

3. إذا لم تحبيه يحاول أن :

يمتلكك

4. وإذا أحببتيه سوف :

يتركك

5. إذا أخبرتيه عن مشاكلك قال عنك :

مزعجه

6. وإذا لم تخبريه يقول :

انك لا تثقين به

7. و إذا لم تفي بوعدك :

مراوغة

8. أما إذا أخلف هو وعده فحجته :

أنه كان مضطرا لذلك

9. إذا نجحتي في عملك يقول أنه :

الحظ

10. وإذا نجح هو فيقول أن السبب :

ذكاؤه

11. إذا جرحتيه فأنتي: :

قاسية

12. وإذا جرحك فأنتي :

حساسة جدا

13. بآختصار :

1.. الرجال دائماً مشغولون!

2. ورغم أنهم مشغولون، إلا أنهم يجدون وقتاً للنساء !

3. ورغم تخصيصهم وقتاً للنساء، إلا أنهم يهتمون بهن كما يريدون!

4. ورغم عدم اهتمام الرجل بالمرأة، إلا أنه دائماً يريد واحدة إلى جانبه !

5.. ورغم اختياره واحدة إلى جانبه، إلا أنه دائماً يفكر بأن يرتبط بامرأة أخرى!

6. ورغم ارتباطه بامرأة أخرى، إلا أنه يغضب إذا تركته الأولى !



.7 ورغم غضبه من إهمال الأولى، إلا أنه لا يتعظ ويرتكب نفس الخطأ ويفكر في أخرى، وهكذا!


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هي و هو

هي

تضع مولودها بعملية قيصرية، وبعد أسبوع، تجدها واقفة مقصوفة الظهر وهي تحمل رضيعها بيد وباليد الأخرى

تقلب الطبخة، وفي الوقت نفسه تعتني بأطفالها الآخرين، تهيئهم للمدرسة، ترتب المنزل، وتحضر لزيارة أهل الزوج للعشاء.

هو

عند أول عطسة ايذانا ببدء نزلة برد عارضة، تجده وقد لبسه الاكتئاب، فيمتنع عن مزاولة أي نشاط،، ويأخذ اجازة مفتوحة من عمله، يطلب لنفسه وجبات خاصة، وأدوية خاصة، ومعاملة خاصة، ويتأفف ويتأوه ليلا ونهارا.

وبعد كل هذا يتهم الرجل المرأة بالدلع...!

هي

تتابع مسلسلا في التلفزيون، بينما تتصفح مجلة، وتحل واجب الحساب مع ولدها، وتناقش زوجها في العملية الانتخابية، وترد على الهاتف لتهدئ أختها التي تشاجرت مع زوجها، تؤنب ابنتها المراهقة على (طوالة لسانها)، فيما تتابع كل ما سبق بنفس التركيز.

هو

يريد أن يقرأ خبرا اعلانيا في جريدة، فيصرخ: سكووووت.... خلوني أركز

هي

تذهب لوظيفتها صباحا، تعود ظهرا لتحضر الغداء، وتذهب لاجتماع أولياء الأمور لتتحدث مع المدرس عن وضع ابنها الدراسي، تأخذ ابنتها لموعد دكتور الجلدية لحل المشكلة الأزلية (حب الشباب)، وفي طريق عودتها تمر على السوبر ماركت تحضر التموين، وبعدين تعدي علي المكوجي تشوف الهدوم ماجتش ليه، تزور أمها خطفاً، وتعود بوجه مبتسم وروح مرحة لتكمل واجباتها الزوجية.

هو

يذهب الى عمله صباحا. يعود مكفهرا غاضبا لاعنا مديره والوظيفة والمرور. يجد كل شيء جاهزا. يتغدى، ينام، يقوم ليخرج مع اصحابه , يعود متاخرا لتناول العشاء، يشاهد التلفزيون (مركزا) على أي برنامج ينتهي بكلمة «أكاديمي». أخيرا يذهب الى فراشه وهو يقول.. «انتو مش حاسين قد ايه باتعب

هي

لا تنام قبل أن تطمئن على البيت كله، وتضع رأسها المثقل بالهموم على المخدة فتلاحقها الهواجس والمشاكل والتساؤلات: مرض الولد، دراسة البنت، موعد أسنان الزوج، ومباركة الخالة، وعزاء الجارة، , وهاطبخ ايه بكرة .. وطارت النومة.

هو

ينام قبل أن تصل رأسه للمخدة. ويعلو شخيره ليوقظ أهل البيت.. وأحيانا الجيران.

ويقوم صباحا ليقول .... تعبااااااان، ما نمت امبارح كويس

هي

تعيش على الخس والجزر، تواظب على الريجيم والأكل الصحي والرياضة..لا لشيء الا لتبدو جميلة في عينيه.

هو

يعيش ليأكل، ينمو أفقيا.. بنسبة بروز واضحة حول محيط الكرش، مرددا ببساطة مقولة: الرجالة مش بشكلهم.




Post: #8481
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 09:34 AM
Parent: #8480

أبو الزوز عايز ليك مفروكة في الغداء من ابتهاج و لا شنو...
كسير تلج شديد لبنات الشيخ...
Post: #8482
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 09:40 AM
Parent: #8481

يا رشدي سلامات ...

25 ديسمبر 1991م

25 ديسمبر 2010

بينهما 19 عاماً من المفاريك في راسي الغليد ده مش لازم اكسر تلج واقلب هوبة كمان


باركوا للبرلوم

مبروكـ للسمؤال حسان أبو عاقلة أبو سن الزواج
Post: #8487
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-25-2010, 10:05 AM
Parent: #8479

Quote:

حدي يصحي الريس ميسرة


خرمان لدعاء الصباح و لا شنو؟؟؟؟


صباح الخير ،،، يا وجوه الخير

اللهم آتنا في الدنيا حسنة

وفي الآخرة حسنة

وقنا عذاب النار

ما عندي أي مزاج للكتابة ولا حتى القراءة

وأظن أعاني من الحالة التي مرت على رشيد القوم

هذه الأيام كيفت نفسي على

- المذاكرة اليومية والمتواصلة مع الأولاد
- نجتمع يومياً نحن الأربعة (ميسرة ، عثمان الجيلي ، منى ، نوال البلول)
ونتحدث عن الزقازيق وناس الزقازيق.
- متابعة ما يكتب إذا كان في مزاج

بحكم وجودنا مع عبدالدائم بجده تكونت بيننا علاقة عائلية جميلة أقوى
من الزقازيق ،،، بس عبدالدائم ذاته فاتح ليهو الإتصالات متوقفه،،،،،
رأيكم شنو؟؟؟؟؟

قرأت الميل 84 عا########ي مدافرة شيخنا جلا ، شهيتو مفتوحة
Post: #8483
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-25-2010, 09:48 AM
Parent: #8478

خالص التهاني والتبريكات للاخ سمؤال ابوسن
بمناسبة زواجه الميمون وان شاء الله بيت مال وعيال
.
..
...
....

وعقبال عندي يارب مثنى وثلاث ورباع
سجن سجن غرامة غرامة
Post: #8484
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 09:55 AM
Parent: #8483

Quote: وعقبال عندي يارب مثنى وثلاث ورباع
سجن سجن غرامة غرامة


يابو الجل الليلة يا عندك حمي ...

يا مفراكتكم اتسكرت ...

يا النت قاطع في البيت ...
Post: #8486
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-25-2010, 09:59 AM
Parent: #8484

ابوالزوز
تحياتي ...
قال ليك الرياض فيها هواء شديد من الصباح
اها ياخوي قلنا نضري عيشنا...
Post: #8485
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 09:57 AM
Parent: #8483

Quote: وعقبال عندي يارب مثنى وثلاث ورباع
سجن سجن غرامة غرامة


جلال أول حاجه صباح الخير...
ممكن ترسل لي تلفون بت الشيخ في رساله...
عايز أرسل ليها رساله أبارك ليها الكريسماس...
Post: #8488
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-25-2010, 11:45 AM
Parent: #8485

ايوا انا جيت يا
صفحتين يا مفترين
انتو ما بتراعوا للباندوث بتاع بكرى ده ولا شنو
يا دوب عرفت يعنى شنو باندوث البيقولا بكرى ديك
قلت لى بى قروش كتيرة يا ابو الزوز ؟؟؟
ساعود , فى الغالب مبتدئا بصينية نجيلة الفاخرة
اما دعوة جلال الأخيرة
فلا شفتها ولا حتين , هو جلال ده ظاتو منو ؟؟؟
Post: #8489
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-25-2010, 11:51 AM
Parent: #8485

Quote: جلال أول حاجه صباح الخير...
ممكن ترسل لي تلفون بت الشيخ في رساله...
عايز أرسل ليها رساله أبارك ليها الكريسماس...

اها قال ليك من قبيل كايس لي لي مخرج من مفراكة زهير دي
التلفون رسلناهو ليك يابو الشباب ... لكن شيل شيلتك
طوالي فكيتا فيك وقلت ليها صاحبي السمؤال دا عاوز يبارك ليك الاعياد
وهو زول بتاع مقالب وكدا كان قال ليك انا الرشيد ما تصدقي
لانو الزول دا عرس للمرة الرابعة ... وما داير الجماعة* يكشفوا نومتو
لا وكمان قريتا البوست وبتاع ناس كسلا كمان
-----------
* والله نأسف لهذا الخطاب المزرئ ونعت "نجاة" بجلالة قدرها بالجماعة
مابتريح يالرشيد لكن والله في سبيل عودة الجندريات للمنبر لابأس من شوية استفزاز
ولكن بيني بينك شلتا هم من اسا للردم الحا ينوبنا من دكتورة سناء
المهم ياحبيب ما تمسك في الكلام الخارم بارم دا
قال شنو مثنى و.... الخ الخ ...
خرطي ساكت وحاتك بلغة اهل الكفيل
Post: #8490
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-25-2010, 01:14 PM
Parent: #8489

خالص التهاني والتبريكات للاخ سمؤال ابوسن
بمناسبة زواجه الميمون وان شاء الله بيت مال وعيال


نحن في المغرب الشقيق تجاوزنا حتة مثنى وثلاث دي
لانها بقت دقة قديمة
ولو كمال الشادي ماشي الحبشة
بنقول ليه تبراك السلامة
عندي عمي عرس جديد ليه ستة شهور وعمره 79 سنة
ممكن نجيبوا ليكم خبير دولي


يا شباب اكتبوا سطور صغيرة عشان ما تفتلوا البوست
Post: #8491
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-25-2010, 01:32 PM
Parent: #8490

ألف مبروك للشاعر الرقيق

أخونا السمؤال ابوسن وإنشاء الله

زواج ميمون وسعيد

عقبال البقية الرافضة - من الرفض -
Post: #8492
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-25-2010, 02:04 PM
Parent: #8491

مليون مبروك للوجيه السمؤال..
بيت مال وعيال..

يا زهير.. 25/12 يوم شنو؟
مبروك غايتو..

حمدلله على سلامه الريس ميسره..
وتبرا ومن الدبرسه..
تحياتي لبقيه الفرسان الأربعه..

يبدو إنو حتقوم حرب شعواء..
بين رش وابوالجل..

موسى.. سلامتك..
دا الحاله خليت الصور السمحه..
لي بعد الأرشفه..

منصور.. سلام..
أها دايرين نتابع..
Post: #8493
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-25-2010, 02:37 PM
Parent: #8492

Quote: يبدو إنو حتقوم حرب شعواء..
بين رش وابوالجل..

دي من باب المديدة حرقتني
ولا من باب فاتن حمامة
Post: #8494
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 02:39 PM
Parent: #8493

الاثنان معاً
Post: #8495
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 02:44 PM
Parent: #8494

الولد الامريكاني الرقيق ... حاتم جبارة الوحيد اللاحظ انه الريس ميسرة مدبرس ...

حقيقي يا ريس كفارة علي الدبرسة ... وقطه شك طالبنا اتصال ...

وكمان الوحيد اللاحظ لحكاية 25 ديسمبر وبرضو تهانيك وصلت ...
Post: #8496
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 04:07 PM
Parent: #8495

حاتم جبارة...
الحاج حجه و جاء...
ياخي جلال ده زول أخونا...
لكن هنالك سقف للحريات في البوست ده...
و البيتجاوز السقف ده مهما كانت خوتنا لازم نحددوا...
عشان يآآآمن...

Quote: وكمان الوحيد اللاحظ لحكاية 25 ديسمبر وبرضو تهانيك وصلت ...


و اللاحظ و اتغاتت...
فيها شنو يعني ما الليلة السبت....
Post: #8497
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 12-25-2010, 04:12 PM
Parent: #8496

حال هذا البلد بكانى ما سكتنى
ريدتن فيهو كيف مالكانى كيف ملكتنى
نارن فيهو كيف ماكلانى كيف لهبتنى
الاّ ترانى فى العرضة انحسب برانى
والناس البتعرض جوه مما سمعتنى
الاّ ترانى انبح زيي زى إخوانى
والخيل بى عجاجة عمتنى
توبى قصير وما غطانى
والزيفه ام برد شقتنى
قلت اباصر امرق بره من احزانى
وين قبلتا سفكت دمى وإتعدتنى

اجدع ناس لكم كل الموده وربنا
يديم التالق والاندياح ونستكم
ترد الروح وتطفي لهيبنا قلنا
نباصر نمرق بره من الفيهو
Post: #8498
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 04:31 PM
Parent: #8497

عدل من أجل الباندويدث...
Post: #8499
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-25-2010, 04:39 PM
Parent: #8498

يا رشدي كورتك فكت وبقيت تجليها واقف ... ونسيت الحساب .... وحا تخش مع امنية في مشكلة لو قالت ليك سمع لي جداول الضرب

امراءة لا تعرف الدموع
Post: #8500
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-25-2010, 04:55 PM
Parent: #8499

يا أبو الزوز لكن ما جهجتني أعمل شنو...
أعتبر التهنئة دي لي شهر سبعة الجاي...
Post: #8501
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-26-2010, 00:15 AM
Parent: #8500

انا خاشي لامرين لا ثالث
لهما
الاول ارحب بود المهدي والاخ منصور
والثانية اقول للسمؤال العريس بيت مال وعيال



والامر الثالث والذي قلت في البدء لاثالث لهما
هو ان اقول للزناتي وجلال عثمان
على طريقة سبيس تون
سنعود
Post: #8502
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-26-2010, 06:48 AM
Parent: #8501

سلامات يا ناس

وصباحات التفاؤل

تهنئة قلبية خالصة لولدنا السموأل وبيت مال وعيال

وعقبال هناى وهناى وهناى وهناى ...

تانى تهنئة ليكم كلكم للنشاط الملحوظ ..حتى انو

الواحد اتمقلب يعنى يوم الخميس ده انا قلت نهى ما

اجى البوست ...وكذلك الجمعة والسبت ...خلونى اقرا الفات

تالت تهنئة للدكتورة سناء ...والى الامام(الى الامام دى يعنى

عشرة مداخلات فى اليوم).
Post: #8503
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-26-2010, 07:14 AM
Parent: #8502

صبحكم الله بالخير

و تحية صباحية خاصة للكوتش محمد صديق الذي ابتدرنا بالتفاؤل...
فجعلني أشعر بالتفاؤل أيضا...

يومي ابتدأ منذ ثلاثة ساعات و انطلق بسرعة و زحمة متصاعدة...
ثم هدوء تام الآن قلت استغله أطل عليكم و أشوف السبقني منو...
فوجدت الكوتش يوزع التفاؤل...ومجرد وجود الكوتش يدعو للتفاؤل...
ربما يستغرب الكثيرون كسير التلج في الصباح البارد ده...
خاصة الذين يعيشون على ضفاف الخليج العربي...
و ردي ليهم ببساطة....
مش على كيفي...
Post: #8504
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 07:29 AM
Parent: #8503

سلام ياناس ...

اليوم لاول مرة في حياتي امتلك رخصة قيادة ....
Post: #8505
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-26-2010, 08:01 AM
Parent: #8504

مبروك الرخصة (الليسن) يا ابو الزوز...
شكلك كده بعد ما حرقت مراكبك ابتديت تغطس في الغربة لحدي اضنينك...
بعد ده ممكن براحة تجي تشرب معاي الشاي المغرب في السلع و ترجع...
Post: #8509
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-26-2010, 09:20 AM
Parent: #8503

عودة اخوتي بعد نزلة برد المت بي و ارقتني حتى صرت احتاج لشخص

يؤنسني و بالله شوفي لي تلفون ود الفاضل و لا صحبي كمال الشادي رد الله

غربته للبوست علشان موضوع الحبشة دا و كدا ( ربنا يكفينا شر العوارض) بالله

يا جلال انا جبت سيرة جلا في خشمي هي دي الهضربه بتاع حمي النزلة بدات تعمل

مفعول !!!!!!



الريس ميسرة الله لا عاود ليك موضوع الدبرسة تاني و الله البوست من ما وقفت لينا من

دعاء الصباح بقى يجيب لينا المرقود ................................؟ فاهلا بطلتك و خليك قريب

لان الحكاية حيكون فيها جوديات و قعدات صلح لاني البارحة شفت لي واحد من ناس الرياض

حايم بالطرقات و علمت من العصفورة ان الاسباب تعود لمداخلة في البوست ؟؟؟؟؟؟



الشي المهم اضم صوتي لصوت دودي و اطالب زهير بتعديل البروفايل لانه والله عامل لينا

تشويش شديد اي مداخلة لزهير افتكرها من جنابو ، بس بعد شوية القي المكنة متختلفة ؟؟؟؟؟؟


طارق جبريل خليك قريب و بل راسك لحظة ما نخلص من الحاج حاتم تقوم تدخل لينا في الخط

علشان نعايزين نعمل اختيار لاحسن مصور و الاكثرة دقة مقارنة بين صور زهير في السابق

و إنت و حاتم ، حتى الان حاتم متفوق بفارق 8 نقاط بيضاء !!!!
Post: #8506
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-26-2010, 08:30 AM
Parent: #8501

صباح الخير ،،، يا وجوه الخير

أصبحنا وأصبح الملك لله وحده،،،،

دعاء الصباح :

اللهم أجبر كسري ويسر أمري

قال رسول الله صلى الله عليه وسلم:

(أول ما يحاسب به العبد الصلاة:
ينظر الله في صلاته, فإن صلحت صلح سائر عمله,
و إن فسدت فسد سائر عمله )
Post: #8507
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-26-2010, 08:43 AM
Parent: #8506

مبروك أبو الزوز إمتلاك رخصة الإفتتاح

وتشكر يا الحبيب وسؤالك عننا وكمان الود

الحاج الدومينكاني حاتم جبارة ،،،، أصلها

الدبرسة دي زمان كانت تجتاح الواحد قبل نتيجة

الإنتخابات والإمتحانات ،،، دحين أنحنا في إنتظار نتيجة الإستفتاء

رشا يا كحيل سمح مدادك المسكوب عبر الأجواء الإسفيرية .

تبقى يومان وتتم الأرشفة ،،، ولنفتتح أجدع ناس (4)
Post: #8508
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-26-2010, 08:57 AM
Parent: #8507

مبروك الرخصة وعقبال العربى

بس يا رشدى الزول ده ما سايق برادو ولا كامرى

يا دوب ( وانيت غمارتين ) لزوم الشغل ..


ميسرة ده راكب غلط ادوهو حسابو وخليهو ينتظر منصور
Post: #8510
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 09:25 AM
Parent: #8508

يا النضيف الريس ده لو طش ليهو الدرب ... ذنبه علي رقبتك انت ... ما اني ما عارف الحاصل شنو ... لكن وقت انت عارف وما وريته تبقي مشكلتك انت
Post: #8511
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-26-2010, 09:29 AM
Parent: #8510

ما زلنا نطالب زهير بتغير البروفايل والله اخر مداخلة افتكرها لمحمد صديق


يا خلف الله عذبتنـــــــــــــــــــــــــــــــا .
Post: #8512
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-26-2010, 09:31 AM
Parent: #8508

انتو يا ناس حيرتونا عديييل
قلبتوها متين ؟؟؟
بس فالحين فى الصفحات , يا قلابين
تصدقوا , جايينى شعور بالعظمة
تميت قراية ما فاتنى , فزاد شعور العظمة عندى
يعنى انتو تكتبو , وانا عظمتى تزيد
انا اقرا , وكمان عظمتى تزيد
قريت لقيت انو ابو الزوز مركب بروفايل الكوتش محمد صديق , زادت عظمتى كمان وكمان
شفت صور حاتم جبارة , عظمتى لمن دفقت بى غادى
دكتورة جلاسكو العندها (اتنين ماجستير وكم دكتوراة ما عارف , جاتنا مرتين فى يوم واحد , فى عظمة يا اخوانا اكثر من كده )
محمد عيد يجنن لينا فى الفوتوشوب ويعمل تكسير تلج فنى لا قبل لنا به , انعل ابو العظمة زاتا
عبد الدائم غارق فى الحنان ابو مية وعشرة وميتين وعشرين , يا يمة عظمة السرور
مبارك جادين عاوز يرسل قميصه لى طارق جبريل , اها فى زى العظمة دى انا بشاكل عديييل
قلت لى الريس مدبرس , علما بأنه يلتقى يوميا بمنى يونس ونوال البلول وعثمان الجيلى , طبعا قاعدين تتونسوا فى حال السودان , طيب الما بيدبرسك شنو يا ريس
ودبرستك هنا , سبب اضافى لعظمتى التى احس بها بينكم
الرشيد بابكر , رغم انه يواصل اتحافنا فى مربعه بى هناك , بى حكايات ادهشتنى رغم اننى اعرفها , لكنه يرمى بطوب اضافى فى بنيان عظمتى بيناتكم
الوحيد الما عرفتو الزول الأسمو جلال ده , كان فى الزقازيق سنة كم ؟؟
وانا غايتو قبلت اعتذار جلا , وبعد ده احقوا الزول ده , يبتدى اى مداخلة ليهو بى اعتذار سمبهارى , عشان الدنيا ما معروفة
ولمن عرفت انو السمؤال ابو سن عقدوا ليهو نهاية الأسبوع الفات , عاد دى ما العظمة زااااتا ,
ولمن تعرفوا انو ابو الزوز معرس من سنة 1991 (خمسة وعشرين ديسمبر ) , وانا بعده بى سنتين , والسمؤال ابو سن فى ديسمبر 2010
عليكم الله , شفتو عظمة زى عظمتنا دى ؟؟؟؟
حتى ود المهدى , يقول شعرا ما نحاول ان نقوله نحن كلاما وونسة , عظمة على عظمة
وهسى طارق جبريل ده , بعد ما عمو الصغيرونى ده عرس يادوبك , واتلقى هو كان الوزير بتاعو طارق جبرين
اتخيلو انتو عرس فى ديار الشايقية , عريسو عمره ثمانين سنة , ووزيره طارق جبريل , يا ربى يكونو المعازيم شربو شنو
عرس زى ده , فى نهايتو , عمدة الحلة بيكون ادى (الكأس ) للفريق الفائز قطع شك
يميين بالله يا مطموس المطاميس , حكاياتك الحا تبدا فيها بعد الأرشفة , ما يكون فيها حكاية العرس ده , الا انادى ليك قدو قدو شخصانيا
وما فى حاجة حارقانى , ومقللة من عظمتى الحاسى بيها , غير انى حاسى وشامى لى مؤامرة بين جلا والبادى
ماهو واحد من اتنين يا جلا
يا تحكى لينا الحاصل شنو , يا كمان ننالف انحنا من راسنا ده , شاور البادى وقول لينا , بعض مرات الحقيقة مهما كانت بتكون اخف من الحكى والتاليف
اها قلتوا شنو , تحكوا ولا نالف ؟؟؟؟
Post: #8513
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 10:01 AM
Parent: #8512

Quote: عودة اخوتي بعد نزلة برد المت بي و ارقتني حتى صرت احتاج لشخص يؤنسني


تمشي السودان طوالي من غير ما جلا يعرف .. حالتك بقت سعبة ... ومرضك كتر ... والبيغلب الدكاترة ده اسم حامد ومشتقاته ...




Quote: دعاء الصباح بقى يجيب لينا المرقود


ياي سوفاج .... ده بلسان عفاف علي ميرغني


Quote: فاهلا بطلتك و خليك قريب

لان الحكاية حيكون فيها جوديات و قعدات صلح لاني البارحة شفت لي واحد من ناس الرياض

حايم بالطرقات و علمت من العصفورة ان الاسباب تعود لمداخلة في البوست ؟؟؟؟؟؟


اوعي يكون في خسائر بس ..... بالله لاحظ معاك للاضنين كويس ... او وديه الفحص الآلي عند كمال الشادي ..


Quote: الشي المهم اضم صوتي لصوت دودي و اطالب زهير بتعديل البروفايل لانه والله عامل لينا

تشويش شديد اي مداخلة لزهير افتكرها من جنابو


ابيت

Quote: ، بس بعد شوية القي المكنة متختلفة ؟؟؟؟؟؟


حدد مختلفة ولا متخلفة عشان نعرف نرد

Quote: طارق جبريل خليك قريب و بل راسك لحظة ما نخلص من الحاج حاتم تقوم تدخل لينا في الخط

علشان نعايزين نعمل اختيار لاحسن مصور و الاكثرة دقة مقارنة بين صور زهير في السابق

و إنت و حاتم ، حتى الان حاتم متفوق بفارق 8 نقاط بيضاء !!!!


الزول ده متعود علي السيك
Post: #8514
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-26-2010, 10:01 AM
Parent: #8512

اها , صينية يا سر نجيلة ديك , كلامها براااهو , وحديثها كتر
زيها وزى رخصة ابو الزوز
بس الزول الأسمو جلال ده , ايوة , الكان صاحبنا زمااااان , قبل ما لسانو يفلت , جاب لينا كلام , بيجيب الهوا
وكمان ما قصر جاب لينا ابواب جديدة لنج
انت ابوابك دى , ناجرها ليك ياتو نجار يا اخوى ؟؟؟
نحن بنعرف باب عبد العزيز , وباب السلام , لكن باب المدينة حرقتنى , وباب فاتن حمامة , يطرشنا ويعمينا
زماااان ياسر نجيلة جاب ليهو جنس كلام زى ده فى المدرسين وما عارف شنو
من اليوم داك الزول بايت فى الصالة
وانت قايل الناس ما مشوا عرس على لى شنو ؟؟
عاد يمشوا كيف لى زول عازم معاهو محمد الفاضل شخصانيا , وهو اصلا قال متل الكلام الزماااان داك
ناس جلا والكوتش وحاتم جبارة وكل افراد قبيلة هرشة دوت كوم , قعدوا وحاتك اربعتم ديك (اربعتم تفيد التوقيت وليس لها علاقة بالعدد )
حتى طارق جبريل , بداها بى بترى وتماها جنب صيدلية عم عبد الرحيم , يا زول درب السلامة للحول قريب
اها , التداعيات دى كلها انت ما ربطها يا جلجل ؟؟تجى تقول جنس الكلام ده
يمين لو منك , هسى دى وبى دربى ده , ارسل لى بكرى واقول ليهو , ارشف بى سرعة يا زول
ولا اقول ليك حاجة , افتح ليك بوست عن الباندوث , اسعاره فى ظل ارتفاع سعر الدولار , وتأثير بوست الزقازيق على الباندوث بتاع بكرى
تقوم بكرى تشيلو الهاشمية , ويأرشف بوستينا ده , يوم ستة وعشرين ولا سبعة وعشرين ما عارف
اصلو منو القال انو المنبر لازم يتأرشف نهاية الشهر , اصلو منبر ولا ميزانية ياخ
الحق يا زول ,سوى لكلام القلتو ليك ده
عشان تقدر تقعد معانا فى صينية نجيلة ام رغيفتين دى
Post: #8515
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-26-2010, 10:01 AM
Parent: #8512

اها , صينية يا سر نجيلة ديك , كلامها براااهو , وحديثها كتر
زيها وزى رخصة ابو الزوز
بس الزول الأسمو جلال ده , ايوة , الكان صاحبنا زمااااان , قبل ما لسانو يفلت , جاب لينا كلام , بيجيب الهوا
وكمان ما قصر جاب لينا ابواب جديدة لنج
انت ابوابك دى , ناجرها ليك ياتو نجار يا اخوى ؟؟؟
نحن بنعرف باب عبد العزيز , وباب السلام , لكن باب المدينة حرقتنى , وباب فاتن حمامة , يطرشنا ويعمينا
زماااان ياسر نجيلة جاب ليهو جنس كلام زى ده فى المدرسين وما عارف شنو
من اليوم داك الزول بايت فى الصالة
وانت قايل الناس ما مشوا عرس على لى شنو ؟؟
عاد يمشوا كيف لى زول عازم معاهو محمد الفاضل شخصانيا , وهو اصلا قال متل الكلام الزماااان داك
ناس جلا والكوتش وحاتم جبارة وكل افراد قبيلة هرشة دوت كوم , قعدوا وحاتك اربعتم ديك (اربعتم تفيد التوقيت وليس لها علاقة بالعدد )
حتى طارق جبريل , بداها بى بترى وتماها جنب صيدلية عم عبد الرحيم , يا زول درب السلامة للحول قريب
اها , التداعيات دى كلها انت ما ربطها يا جلجل ؟؟تجى تقول جنس الكلام ده
يمين لو منك , هسى دى وبى دربى ده , ارسل لى بكرى واقول ليهو , ارشف بى سرعة يا زول
ولا اقول ليك حاجة , افتح ليك بوست عن الباندوث , اسعاره فى ظل ارتفاع سعر الدولار , وتأثير بوست الزقازيق على الباندوث بتاع بكرى
تقوم بكرى تشيلو الهاشمية , ويأرشف بوستينا ده , يوم ستة وعشرين ولا سبعة وعشرين ما عارف
اصلو منو القال انو المنبر لازم يتأرشف نهاية الشهر , اصلو منبر ولا ميزانية ياخ
الحق يا زول ,سوى لكلام القلتو ليك ده
عشان تقدر تقعد معانا فى صينية نجيلة ام رغيفتين دى
Post: #8516
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 10:20 AM
Parent: #8515

يا منص خليني انا عليك الله انت ذاتك ما حاسي بالكبكبة في مداخلاتك الاخيرة دي ... نسال الله السلامة من الفايروس الحايم في الرياض ...

بعدين صاحبك البادي ده كمل رخصته بتاعت المداخلات قبل نهاية العام ... لو ملاحظ عنده كم يوم كده كان بيدخل تلاتة مرات في اليوم ... يعني عمل سحب من الرصيد ... علي كده شطب تاني الا السنة الجديدة ....
Post: #8517
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-26-2010, 10:30 AM
Parent: #8515

نجى لى صينية نجيلة , ورخصة ابو الزوز
ونحاول نشوتهم فى لعبة واحدة
دبل كيك يعنى
ملاحظين معاى انى بكتب كل تلاثة كلمات فى سطر جديد
مش طارق جبريل قال كده
طيب وانا مالى ومال الباندوث , ما يتملى كان اتملأ
بعدين الباندوث ده اصلو بى كم يعنى , من صندوق الحالات الأجتماعية بتاعتنا , ما ممكن نشترى واحد
كان ما لقينا واحد جديد كرت كرتونة , نشوف لينا واحد نص عمر , ان شاء الله من حراج الكمبيوترات
طبعا كلكم المفروض توافقونى على المقترح ده , عدا ابو الجل , لأن من مصلحته البوست ده يتأرشف بسرعة
واحتمال يكون رايه انو حتى ولا يتأرشف ولا حاجة
ما ممكن يترمى فى الرى سايكل بن , يعنى (الزبالة الأسفيرية ) , او كمان (المخلفات ) ؟؟؟
المهم , الرخصة بتاعت القيادة الأستلمها ابو الزوز , هى اول خطواته فى طريق الغربة المقننة
الأتسرعت ابتهاج وقالت انها ماسورة كبيرة
اها يا ابتهاج , عليك الله شوفى واتاملى معاى صينية نجيلة ام رغيفتين ديك
عارفة الرغيفتين ديل فى امبدة بى كم , وشوفيهم فى الدمام بى كم , وبعد داك قولى الماسورة الغربة
ولا انتى وراجلك اب شنب ده ؟؟؟
وبعدين صينية نجيلة الجابا لينا دى , يمين فيها جنس معانى , وشايلة جنس اسرار (بابكر )
طبعا لاحظتو انو مافى اى تناسب ما بين اللحوم والشطوط والعصائد الفى الصينية , وكونوا انو يكون فى رغيفتين بس معاهم
انا حاسى انو بلدنا بقت (فى تناسبها ) زى صينية نجيلة ديك
آمال عريضة , واحلام لا حدود لها , بيوت تتطاول بنيانا , وعصيدة تتمنع (وهى الراغبة ) , ولحمة مليانة دهن , وبيض وجبنة وزيتون
ولكن , ما باليد حيلة امام (رغيفتين بس )
غايتو يا ابو الزوز
رخصتك دى , عارف عمرها كم , عشرة سنين كاملات , امسك فيها قوى , اوعى تضيع منك , صورها زى مليون صورة كده
اول شى خلى ابتهاج تحفظ منها الف صورة فى شنطة يدها , والفين فى دولابها , واعمل منها سوفت كوبى فى كمبيوترك
وبعدين الغربة دى , اصلها صعبة , لكن فى السنين العشرة الأولى بس
اللوترى متين يا حاتم جبارة
ولا اقول ليكم , شوفوا لينا عمر نملة يسوى لينا خطاب دعوة بسرعة للصيف الجاى
صينيتك دى يا نجيلة , شيل منها الباسطة , ولا اقول ليك خليها , يمكن يجينا زول يقول لينا زى ما قالت ملكة فرنسا للثوار
انتو جايطين مالكم , ما تأكلوا (باسطة )
Post: #8518
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-26-2010, 10:46 AM
Parent: #8517

انتو جايطين مالكم ما تاكلوا باسطة

منص حمد الله على السلامة...
غيبتك شفقتنا و ريحت الباندوث في حنانو...
و العجب غيبة جلا الما طبيعية دي كمان...
تلقى الباندوث حسه بيصلي صلاة شكر...
لكن برضو مشفقانا...يا ربي يكون مشي كادقلي...
و لا الديسك بتاعو مليان ملفات...
لكن و الله الباندوث مسكين...
حتى سناء الصباغ عملت مداخلتين...
و جلال الطول عمرو ماشي جمب الحيطه نفش ريشو...

صحي و الله الباندوث لمن يقع بتكتر سكاكينو...
Post: #8519
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-26-2010, 10:52 AM
Parent: #8518

مشتاقين يا رش
علا مالك ما بتخت صورتى فى بروفايلك ؟؟!!
عندك مهلة يومين
ولا حا اكلم محمد عيد , ان شاء الله يعمل لى فوتو شوب
خلى ناس موسى عيسى , يحوسوا حوسة السنين
لا يعرفوا المتداخل منو , ولا البيقرا منو
حتى فى البرد ده , تكسير التلج ممكن
Post: #8520
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-26-2010, 10:57 AM
Parent: #8519

Quote:
و العجب غيبة جلا الما طبيعية دي كمان...
تلقى الباندوث حسه بيصلي صلاة شكر...



طيب ما كنا مرتاحين جايب لينا سيرة الشاب دا مالك !!!!!!

يا الرشيد مرحب بعودة المايسترو منصور بعد كده نمشى نعقد بعيد و بنقي ناس قراية ساي
Post: #8521
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 11:04 AM
Parent: #8520

يا منص ياخي انا بعد كتاباتك الطاعمة دي
اجي اكتب شنو تفتكر

يا ابو الزوز ياخي ما تطول السطر عشان ما تفتل البوست



يا منص تعرف عمي دة لو حكيت حاجاته هنا
عادي جدا حا اصبح متصفح فقط في منبركم دة


يا ود جادين ما تعمل رايح انا منتظر القميص دة
في زول جايي بعد عشرة يوم ودة تليفون لطفي اخوي
0912296995
شوفتوا ليكم قوة عين اكبر من كدة
Post: #8522
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-26-2010, 11:09 AM
Parent: #8520

منص أنا حارسل ليك خيارات...
يعني مجموعة صور و انت اختار الصورة البتعجبك...
و أنا بنزلها ليك في البروفايل بتاعي...
و لا أنزل أي واحد من الصور و أنا كنت بغلب فيك في البولينغ؟؟؟

Quote: نعقد بعيد و بنقي ناس قراية ساي


كده يا موسى نواياك وضحت...
انت من زمان بتلف و تدور مالك ما تخليك واضح...
أمشي أعقد براك يا زول...
و لا أقول ليك سوق معاك جلال...

انتو جلا ده وين يا جماعة...
Post: #8523
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-26-2010, 11:13 AM
Parent: #8518

انت عارف يامنص
ولا كدي خليني ابداء ليك بريش الرشيد المنفوش دا
ك تكتيت مرحلة وكدا وبما انو الايام دي الصقط نزل في الرياض
فزي نوع ريش الرشيد دا بنفع مع الواحد اليومين ديل
المهم ياسيدي انت تمر على الواحد احايين كثيرة يحتاج فيها
لأن يخلق ثورة جواهو يضع لها تكتيكات وخطوط عريضة وكثيرة من التفاصيل
تسهم مجتمعة او متفرقة في نجاح مشروع ثورته.
اسا مش الجماعة في سبيل مشروعهم "المخستك" شبكونا ليك تمكين تأصيل
تهتدون وشنو كدة ماعارف لمن طيارتنا قامت ... اها بس دا الهدف الانا برمي ليه
من جراء نوعية تلك المداخلات المخستكة يعنى بي معنى تاني
وبما انو تجاوزنا مرحلة التمكين التي لم يصاحبها بيوت اشباح
حيث انو اول بيت لينا كان في الرياض ما في الخرطوم وبالتالي
لم تتوفر لنا مساحة جغرافية للتمكين بواسطة بيوت الاشباح
وخوفا من الرأي العام العيونو مفنجلة في الرياض فبالتالي ما قدرنا "نضبح الكديسة"
اها هنا بتجي ضرورات او تكتيك المرحلة عليه عشان نصل المرحلة بتاعة تهتدون دي
ولقلة الحيلة قمنا استعملنا اسلوب تهددون
اها ارجع ليك تاني لموضوع الرأي العام المفنجل بتاع الرياض .. اها عاين كلامي ماصاح
شوف دا...
Quote: الريس ميسرة الله لا عاود ليك موضوع الدبرسة تاني و الله البوست من ما وقفت لينا من

دعاء الصباح بقى يجيب لينا المرقود ................................؟ فاهلا بطلتك و خليك قريب

لان الحكاية حيكون فيها جوديات و قعدات صلح لاني البارحة شفت لي واحد من ناس الرياض

حايم بالطرقات و علمت من العصفورة ان الاسباب تعود لمداخلة في البوست ؟؟؟؟؟؟

دا دليل عملي على انو الواحد ثورتو دي او بمعنى اصح
اوهاموا دي فشلت فشل زريع زي المشروع الحضاري بتاع الجماعة الطيبين
طالما الليل كلوا حايم في طرقات الرياض
ولا وكمان قال ليك في السقط دا

وعليه الف مبروك لابو الزوز وابتهاج عيد زواجهم ورخصتهم
وألف سلامة لي ابو عهود
وتحياتي لمنصور والرشيد الذين يدفعوننا دفعا نحو "التخلي عن الثورة"
مع تحياتي "جيفارا"


يا اخوانا ما اكون وجعت راسكم
وطلعت ميتين باندويدث بكري
Post: #8524
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-26-2010, 11:24 AM
Parent: #8523

Quote: Quote: نعقد بعيد و بنقي ناس قراية ساي



كده يا موسى نواياك وضحت...
انت من زمان بتلف و تدور مالك ما تخليك واضح...
أمشي أعقد براك يا زول...
و لا أقول ليك سوق معاك جلال...

ايوا قلت لي كدة .... بالله اتاري زولك متضاري ساكت
والله عارف ياموسى وبما انو مشاريعنا الثورية دي بدت تتكشف
اها عارف نحن لازم نتخذ خطوات اكثر ايجابية ونصدر ثورتنا دي لماوراء الحدود

جبرييلا ... ياخ ماقالوا عندكم اجندات ثورية خليها ساكت
اها آآ ود امي رسلنا زيارة ابوي نعملكم ندوة ندوتين ونشوف ردات الفعل كيف

امكن طرحنا يجيب نتيجة
Post: #8525
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-26-2010, 11:38 AM
Parent: #8523

Quote:
حدد مختلفة ولا متخلفة عشان نعرف نرد


يا زهير نحن ما صدقنا جلا مافي انت تقوم تعمل لينا عنكبه مع جنابو انت عارف انا

قاصد اي من الكلمتين بس امور فتن و بس و الله يا جلال الشبك العملتها في البوست دا تاني

ما تمرق منوا الا تشوف البوست دا كلو واحد شايل عكازو وواقف قبل المداخلة !!!!!


الشي التاني يا صحبي قلت لي البرد كيف يا اخي والله الشقة عندي فاضية ما فيها احد كنت

تجي تاخد ليك جمة بدل البهدلة بتاعت الشوارع دي . عموما لو احتجت لمكنة اعتذارات و حاجات

زي دي كب ليك بنزين و علي الدمام علي طول بس خليك شاطر علشان ما تضيع حاجة من الوصية

او شد ليك سلك لجده ( هسى الله يسالكم انا جبت سيرة ريس هنا ) .

عموما التحايا للجميل الابنوسي السرد الرائع و مازلنا نتابع في الحكي فسر و عين الله تراعك يا منصور .؟؟؟؟
Post: #8526
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 12:25 PM
Parent: #8525

اتبو الجل يا حبيب
اجندتنا سلمناها ود جادين
واديناهو المحاسن المغربية ياخي
Post: #8527
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-26-2010, 01:49 PM
Parent: #8526

نهاراتكم سعيدة .. وبالهناء والسرور ...

شكرا يا ود جادين على السؤال إنت الوحيد اللي فيهم ...

ملايين التبريكات للوجيه السموءل أبوسن على الزواج وعقبال الناس اللي عايزين ...

أبوالزوز مبروك عليكم يوم 25/12 وإنشاء الله دائما في هناء وسعادة ...

وكمان مبروك الرخصة السعودية بس أعمل حسابك من المخالفات .. هنا ما في قروش بعصروها للعسكري والمخالفات ما بدفعوها وقتيا يعني لو العسكري لا قدر الله أعطاك مخالفة شيل الورقة وأمشي ما تقوم تتهابل وتدفع ليهو لأنها حتلقاها مسجلة برقم الإقامة في الكمبيوتر .. علم والله ...

يا منصور خلي الطابق مستور والحمد لله البيني وبين الشيخ جلا عمرانة ...
Post: #8528
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 12-26-2010, 02:23 PM
Parent: #8527

تحايا نديه
حكي زي حق منصور دا ولا بنقدر عليه
مراحب بود جادين اجعلها مثني وثلاث ورباع
مش بتاعه الجماع (طلتك )
ابوالزوز الرخصه مبروكه يديك خيرها ويكفيك شرها

التمنيات للعريس السمؤل بالعيش الرغيد
وبيتا يبكر فيه قبل البت وليد

البادي مالك مابادي للعيان

نديكم نكته على الطاير

اتنين مساطيل قاعدين جنب البحر جاهم ديك قاطع جنبهم
قاموا طبخوهو واكلو والريش ختوه جنبهم جات ست الديك
قالت ليهم :ماشفتو لي ديك مر بيجاي قالو ليها
حسي طلع هدوموا وخش البحر يعوم
Post: #8529
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-26-2010, 02:48 PM
Parent: #8527

يا طارق جبريل
انتو الظاهر كلكم عيال جبرين
مقطوعين طارئ
انا طبعا لقيت تلفون لطفي جبريل
وطوالي قدت اتصلت عليهو ودار بيننا الحديث الاتي نصه


الو يا لطفي انا مبارك جادين صاحب طارق اخوك
لطفي :اهلا بيك
انا عندي قميص داير ارسلو لطارق قال اديك ليهو
لطفي :كويس لانو طلحة اخويا مسافر يوم تمانية لكن طارق قال قميص واحد ما اتنين
بالله خليهم اتنين وجيب معاك الف اتنين عشان قاعد ابني

انا: (ضاحكا ) القمصين التاني بنجيبو لكن الف الفين دي ما ذكر لي وممكن نتفاوض فيها
لطفي :عليك الله تقول لطارق ناس معتصم ابو يدوه الامنية الاربعة الف لحد حسع
وكمان قليهو ينشر القصة الاتي بتاعت (النملي الات ام الحسن )_قالها بلسان شايقي فصيح_بالمناسبة
انا مسلط اكتر من طارق بس بكره النيت .قول ليهو ما ينشر القصة وينسبها لنفسه
عليك الله تكتب كلامي ده كله وتورني الرد شنو
انا: جدا مع السلامة يا لطفي احفظ رقمي معاك
لطفي : طيب مع السلامة

القميص جايك جايك ومافي داعي للفضايح يا ود جبريل
Post: #8530
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 03:04 PM
Parent: #8529

لا حولا يا ود جادين
ياخي انت وقعت في زول كارثة خلاص

عنده فيلم كدة ما بيتحكي الا في الماسنجر
في انتظار القميص
Post: #8531
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-26-2010, 03:29 PM
Parent: #8530

Quote: عنده فيلم كدة ما بيتحكي الا في الماسنجر

عليك دين عاين زي الشوشة دي

ود المهدي والبادي منورين والله
ويابركة قمصانك دي بتتكلم فرنساوي بس
الخليج دا مابتمشى عليهو.
Post: #8532
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 03:30 PM
Parent: #8531

يا جلال راجع الماسنجر ياخي ما تفضحنا
Post: #8533
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 12-26-2010, 03:39 PM
Parent: #8532

ياود جبريل سلام
المناوله من تحت الطاوله بتشحتف الناس
ابو الجل ياطاعم كيفك ابو مريم

اتذكرتك لما شفت الصينيه الفيها الباسطه
واتذكرت واحد بلدياتنا طاعم برضه لكن نفيستو
صاقطه وبرجف ورجولو مابتشبلو لما يشوف الباسطه
واخواتها من كنافه بالقشطه وبسبوسه بالسمن البلدي
يوم كان معانا وكان في باسطه الكلتي ذكرت آنفا
زولك راح طابق تلاته حبات مع بعض ولما حمرت ليه
بادرني الحبه دي ماله كبيره كدا ---قلت ليه فتح
عينك كويس ديل 3 حبات ياظريف --يوم بتكتلك باسطه
ربنا يجعل ايامكم حلوه
Post: #8534
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 03:42 PM
Parent: #8533

ود المهدي راجع الماسنجر برضو
هههههههههههههههههههه
Post: #8535
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 03:49 PM
Parent: #8534

الليلة ماسنجر بكري .... بيتملي يا طارق جبريل ...

النبي فيك كان رسلتها لو قلت راجع الماسنجر براي براجعه ...

يعني في داعي للفضائح
Post: #8536
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-26-2010, 03:55 PM
Parent: #8535

راجع يا ابو الزوز
ورسل للمعاك
Post: #8537
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-26-2010, 04:03 PM
Parent: #8536

تصدق يا جبريلا راجعت الماسنجر لقيتو معطل ... ما عارف ليهو ... يا زول ما مشكلة
خليها في الجايات ... لمن نرسل للميكانيكي يصلحلو لينا ...
Post: #8538
Title: Re: ناس الزقازيق ... أجدع ناس ( 3 ) ..
Author: عمر المهدى
Date: 12-26-2010, 04:42 PM
Parent: #8537

ابو الزوز

الماسنجر معطل ولا شربت وقشيت خشمك
Post: #8539
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-26-2010, 05:02 PM
Parent: #8538

يا طارق جبريل مشيت الماسنجر لقيت
فاضي
يحمد ربه
الحكاية شنو
دي ماسورة والله


ود المهدي
زولك بتاع الباسطة
ما بالغ عديل
دي زي صاحبتنا
الجهزت ليها لقمة كبيرة لمن الكهرباء قطعت
وفجاءة الكهرباء جاءت قامت قالت ليهم :اجي منو الختا لي اللقمة دي في يدي



تحياتي يا البادي
ويا ريس ما تنسانا من صالح
الدعوات
Post: #8540
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-26-2010, 10:49 PM
Parent: #8539

مساء الهناء والسرور ...

يا ود جادين الله يجازي محنك ...

ويا جلال إنت بقيت خطير باللبن ...

يا جبريلا راجع الماسنجر بتاعك ...
Post: #8541
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-27-2010, 00:41 AM
Parent: #8540

سلام لكل الجدعان ...

اليوم هو آخـــر يوم لنا فى هذا البيت ...

وابونا الريس ميسره وفقه الله فى الحصول على حوش جديد فى موقع جميل

من باكر الصباح الناس كلها تجى عليهو ...

انا غايتو شايف ناس الزعيم عصام دهب ودودى وود الجيلى ودكتور حسن ابو على

شغالين بيربطوا فى العفش ...

واخونا ود المهدى ابو تى بيسخن فى اللورى الـحـ يـشيل العفش ..

والشباب الصغار ناس احمد السيد وخالد محمدين مشمرين جلاليبهم عشان يرفعوا العفش مع الناس

المهم يا شباب .. ناس الرياض .. موسى عيسى ومنصور وجلال وود الشادى والباقين رسلوا ليهم كم خروف كده

المهم انو دودى بيظبط فى الكورال مع اشبال الزقازيقاب ...

والحفلة انشاء الله حتكون كاربة ..

وهناك كروت دعوة خاصة ارسلت لناس الشرقية والامارات وقطر والبحرين والسلطنة موجوده بطرف الاخ زهير

وناس الوطن العزيز ارسلت لعناية الكوتش الجميل ...

بقية المنافى البعيدة تطوع بارسالها للناس الشتات البعيد الحاج حاتم جبارة

وهو طبعا اصبح يكثر من عبادات التطوع بعد حجته المقبولة وقد اشترط ان يتولى ايصال بطاقة جبريلا بنفسه ..!!

الحاضر يكلم الغايب ...

باكر مافى زول يجى بى جاى ..

اسألوا من عنوان الحوش الجديد ..

واللى بيسأل ما بيتوه ...
Post: #8542
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 06:13 AM
Parent: #8541

سجمنا الناس ديل رحلوا ولا شنو خلو الباب فاتح و الدنيا خلا

كده الواحد يسال ناس الجيران ،

السلام عليكم يا هلنا ناس المنبر الحار كيف اصبحتوا .

مسؤلين من الخير ناس الزقازيق ديل مشو ا وين رحلوا ولا شنو ؟؟

لا والله قالوا عندهم مناسبة عند ناس ود عيد علشان كده كلهم الليلة مقيلين

بنهانك ، اها طيب المناسبة دي مناسبتها شنو ؟؟ و الله ما عارفين لكن سمعنا تحت تحت

قالوا الريس بتاعهم مدبرس و عمالين ليهم بارتي لزوم فك الدبرسة و كدي .

لو كدي احسن نسوق ناس كمال الشادي و مكي و الحلوين كلهم و نحصل العيد دا بس

ناس السودان ديل البصحيهم لينا شنو علشان المشاهدة عبر الهواء و ناس الكبجاب ديلك ما عارف

هسع يكونوا في الخرطوم ولا كادقلي ولا كسلا عموما نحن يا شباب اتقدمن و انتو لمن تجهزوا

و تلبسوا العيال الحقونا .

فتناكم بعافية .
Post: #8543
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-27-2010, 06:14 AM
Parent: #8541

صبحكم الله بالخير و السرور

Quote: باكر مافى زول يجى بى جاى ..

اسألوا من عنوان الحوش الجديد ..

واللى بيسأل ما بيتوه ...


يا حماده ممكن ترسلوا لينا الاحداثيات cordinates...
Post: #8544
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 06:43 AM
Parent: #8543

إنت يالرشيد الكلام دا ما واضح ما محتاج ليه لمحور سيني و صادي

و لو ما عرفت المكان استعين بصديق من الداخل ؟؟؟ ك ......أ......: ك .
Post: #8545
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 06:52 AM
Parent: #8544

السلام عليكم
وكدا...
Post: #8546
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 06:56 AM
Parent: #8545

و عليكم السلام و كده .

في واحد يدعي الرشيد بن بابكر يسال عن بعض الاشياء التي تخصه ؟

فهل تفضلت ايها الشيخ الكريم بالاجابة عنما بدر له من بعض الاسئلة ؟

و جزاكم الله خير الجزاء و ابقاكم ذخرا و فخرا لهذه الامة .
Post: #8547
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 07:07 AM
Parent: #8546

اجل
Post: #8549
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2010, 07:19 AM
Parent: #8547

صباح الخير ،،، يا وجوه الخير

أصبحنا واصبح الملك لله وحده،،،

حقيقة نحن نقترب من إنتهاء العام الميلادي

ونبدأ عام جديد ، أتمنى أن يكون عام خير لكم ولسوداننا

الحبيب.

هل يحق لنا أن نحتفل بعيد الإستقلال ونحن على أعتباب الأنفصال

بكرة يا شباب أول واحد يشوف المنبر العام بتاع بكري موقعه وين

يقول لينا عوووك.
Post: #8548
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 07:07 AM
Parent: #8546

Quote: سلام لكل الجدعان ...

اليوم هو آخـــر يوم لنا فى هذا البيت ...

غايتو في ناس مستجلة إستعجاااااال
Quote: شكرا لكم جميعا
سوف يكون اخر يوم لهذا البوست هو يوم 28 -12- 2010
ننصح بجزء جديد

موسى جاييييك
أصبر شوية
Post: #8550
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2010, 07:21 AM
Parent: #8546

الليلة وين يا عينيه .... بيتكم بوين يا عينيه


Quote: والشباب الصغار ناس احمد السيد وخالد محمدين مشمرين جلاليبهم عشان يرفعوا العفش مع الناس


اذا كده ياكم القعدتو فى البلاط ....


،،،،،،،،،،،،،،،
Post: #8551
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 07:26 AM
Parent: #8550

النضيف ... الاغنية دي صوت ولا صورة ...

بعدين اولاد تجارة ديل اطلع من بيناتهم .... ديل شوتهم ضفاري ... وبيعوق .... خليك مع ناس آداب .... احسن ليك ...

امس اتصلت علي الابلة نوال البلول ووجدتها بحمد الله في اتم الصحة والعافية وتغري تحياتها للكل وشكرها الجزيل للجميع دون فرز .... وهي الآن في مرحلة النقاهة والمشي بحذر ....
Post: #8552
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 07:47 AM
Parent: #8551

Quote:
موسى جاييييك
أصبر شوية


يا فردة جهجهتنا !!!!!

إنت مسعول من الخير الكفيل جاء من روما و لا الحاصل شنو ؟
Post: #8553
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 07:56 AM
Parent: #8552

اللهم البس اختنا نوال البلول ثوب الصحة والعافية عاجلا غير اجلا .

اللهم نسالك لها دوام العافية .

و لك التحية ايها الشامخة .
Post: #8554
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:12 AM
Parent: #8553

يا جماعة الصفحة دي مالها سلت روحا ... نديها ليكم صورتين تلاتة
Post: #8555
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:32 AM
Parent: #8554

من الارشيف ...

251220092607.jpg Hosting at Sudaneseonline.com



اثناء ما برفع في الصورة دي زميلنا مهندس سيرلانكي سالني من صلاح الامين ... قال لي يشبه واحد من قيادات نمور التاميل .... لو عرفنا انه صلاح كان في سيرلانكا لفترة ... ممكن نربط المسائل مع بعض
Post: #8556
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:33 AM
Parent: #8554

091220092479.jpg Hosting at Sudaneseonline.com



دي تحية لصديقي الحاج فارح .... ومهداة لصديق آخر
Post: #8557
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:34 AM
Parent: #8554

يا جماعة وين احمد اسماعيل

110920091475.jpg Hosting at Sudaneseonline.com


الصورة هدية لاخونا موسي عيسي
Post: #8558
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:36 AM
Parent: #8554

141120092251.jpg Hosting at Sudaneseonline.com



النضيفة بقت تمشي وتتكلم كمان ...
Post: #8559
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:38 AM
Parent: #8554

140520102961.jpg Hosting at Sudaneseonline.com


من الزمن الجميل ... عايز زول يمشي معاي السينما ..
Post: #8564
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2010, 08:46 AM
Parent: #8559

الفلم لو بطولة ليلى علوى حادخل معاك السينما يا زهير


عذارى تشكرك على الصورة ، لمة جبل اولياء كانت حلوة بناسها

تحياتى لجمال فارح اينما كان
Post: #8560
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:39 AM
Parent: #8554

يوم الجكة الشهير

050120102668.jpg Hosting at Sudaneseonline.com


القميص ده حاجزه انا ... يمين بالله قبل الفترة الانتقالية ما تنتهي مبارك جادين الا يلبس جلاليب بس
Post: #8561
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:41 AM
Parent: #8554

يا بطة مشتاقين

1118.jpg Hosting at Sudaneseonline.com


الاهداء لزينب التجاني في عزلتها المجيدة
Post: #8562
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:42 AM
Parent: #8554

صورة ياسيمين دي لاول مرة تنشر .. ونشرها هنا بمناسبة الاستفتاء ..... اخذت خلال زيارتها الاخيرة للسودان ...
Post: #8563
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 08:45 AM
Parent: #8554

صور المسابقة ... البادي ما تعمل فيها شفت الصورة دي انت حاضر لما اخدتها ....
120920091503.jpg Hosting at Sudaneseonline.com



020820103154.jpg Hosting at Sudaneseonline.com
Post: #8565
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-27-2010, 08:53 AM
Parent: #8563

سلامات يا ناس

وصباحات الماسنجر

والعفش الدايرين يرحلوا

وهسة ورونا نمشى وين ؟؟
Post: #8566
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 08:53 AM
Parent: #8563

Quote:
صورة ياسيمين دي لاول مرة تنشر .. ونشرها هنا بمناسبة الاستفتاء ..... اخذت خلال زيارتها الاخيرة للسودان ...



صورة ياسمين دي اكل الدودو و لا شنو يا اب شنب ؟
Post: #8567
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 09:12 AM
Parent: #8566

زفاف احلي بوردابيان سمؤال ابو سن و ريل .. الف الف مبروك
Post: #8568
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-27-2010, 10:30 AM
Parent: #8567

وانا كمان مسينجرى شغااااال
اصلو لا قاعد اقفلوا ولا شتين
لكن واحد فيكم رسل فيهو قميص مافى
ولا حتى حكاية الود لطفى جبرين الدايرة ليها مسنجر

1122.jpg Hosting at Sudaneseonline.com




اها كمان , بعد ما تورونى حجازى ولدى المزعلو شنو ؟؟!!
تعالوا وورونى العلاقة ما بين الماسينجر والباندوث
اوع يا ابو الزوز تقول لى الماسينجر ظاااتو غالى
اغلى هو ولا الباندوث ؟؟؟!!
Post: #8569
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 10:42 AM
Parent: #8568

عشان ما عايز يتصور مع مدرار الشينة .... اصلو ولادة الكبر بتكون مدلعة ... اسالني انا


بعدين مافي حاجة بتغلي علي الحبايب ...
Post: #8570
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-27-2010, 10:44 AM
Parent: #8568


هسى يعنى الزول بى صحوا ؟؟؟
خلاص حا يقفل لينا الحتة دى ,
هو حا يقفلا بى شنو بكرى الجن ده ؟؟
عندو طبل وكوانين كتيييرة ؟؟؟
يمكن حا يغير كانون الباب
هسى مافى زول فيكم بيعرف للشغلانة دى
محمد عيد ما شايفو شااااطر فى التصاوير
والجنى بتاع المغرب الجنو مرايس داك , ايوة , العمو الصغيروووونى داك يا دوب عقدوا ليهو بعد ما كون نفسه
مش شغال مصمم فى جرائد مغارب الدنيا ؟؟ ولمن قال كده وقعد فى الطوبة القاعدى فى خشم باب جريدتم , مش جريدتم قفلت لغاية ما حنسوهو وحموهو الأجازى
وبينى وبينكم وتحت تحت كده , قالو كمان غمتولو غمتى
ولا الجنى اللسه رخصتو جدييييدى كرت كرتونة , لسه لا اتغسلتلها مع قميص ولا اتكوتلها مع جلابيى
مش لمن كان بيعلمنى تنزيل الصور , عامل فيها مقدد الكمبيوتر وعارف دهاليزو
طيب مالكم (يا جنون ) (بتشديد النون الوسطانيى ) , لا ساعين ليكم باندوث , ولا اشتريتولكم ماسينجر ؟؟؟
هسى عليكم امان الله ,لو كنتوا زى خلق الله دى
عندكم باندوثيكم الليلكم
وكمان ماسينجركم المن حر مالكم
كان بقيتوا فى جنس الشلهتة دى ؟؟؟؟



منصور مركبا مكنة طارق جبريل الأحتياطية ---------
Post: #8571
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2010, 10:48 AM
Parent: #8570


يا منص راجع ماسنجرك
Post: #8572
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 10:54 AM
Parent: #8571

يا جبريلا منصور ده يادوبك يفك الخط الالكتروني ونزل الصور ... عايز تجهجهوا بحكاية الماسنجر دي مالك... عموماً طلبت من بكري امهالنا اسبوعين ... للاحتفال بالمئوية ... بعدين يا ناس انتوا مالكم طماعين كده ... ما عندنا منبر زي العجب ... ينافس اجعص موقع في السايبر ده ... لو الناس هنا كسلانين يمشوا المنبر البهناك ... ما بالك بموقع جديد كرت كرتونة .... بعدين يا منصور نحن راجين باقي كلامك واقتراحاتك .....

يعني المسابقة بتاعت الصور دي مافي زول اشتغل بيها ... ولا بصوري ذاتها ... معليش لو في صاحبي الكوتش كان هببوا لي ...
Post: #8573
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-27-2010, 11:09 AM
Parent: #8572

Quote: يعني المسابقة بتاعت الصور دي مافي زول اشتغل بيها ... ولا بصوري ذاتها ... معليش لو في صاحبي الكوتش كان هببوا لي ...


ابوالزوز مالك ياخى مجننا بي محمدو وعضم ديل
هذا على سبيل ترك الباب موارباً للى عايز ينداح ..

الشفع الصغنونين ماعرفتهم ...
Post: #8574
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-27-2010, 11:12 AM
Parent: #8572

ازيكم...
عندي شعور كده انو القطر ما حقي...
فقلت قبل ما يدونا قرشنا و ينزلونا نسألكم..
القطر ده ماشي وين؟؟؟
Post: #8575
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 11:20 AM
Parent: #8572

sudansudansudansudansudan91.jpg Hosting at Sudaneseonline.com



الشاب اللابس الطاقية دا محمدو بتاع معهد تجاري لاعب الكورة و لا انا غلطان ؟

التاني جليتوا ؟؟ هسع بيجي ناطي لي في حلقوا ما قلتو و قلتو ؟


sudansudansudansudansudansudansudansudansudansudan28.jpg Hosting at Sudaneseonline.com



أقيف يا زمن وقف شوية انا بهدي ليك لحظات هنية

و بعدها شيل باقي عمري و شيل عيني ..........


و الله زمان يا ياسمين حاج الطاهر و زنوبة الغائبة رد الله

غربتها و لكما التحايا و نسال الله ان يعيد تلك الايام الجميلة

وان يسعدكما ببعض كسابق الايام الدافئة باهلها و جمالهم .
Post: #8576
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2010, 11:24 AM
Parent: #8575

واله يا جماعة ما زعلان من حاجة
الا انه ما قدرت اقابل زوبة
امسحيها لينا في وشنا يا زوبة
السودان دة ما بتقدر تعمل فيه مواعيد كله كله
Post: #8577
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 11:29 AM
Parent: #8576

كل الناس راجعت الماسنجر بتاعها
أنا برضو راجعت الماسنجر
الحاصل شنو
Post: #8578
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 11:33 AM
Parent: #8577

Quote: فقلت قبل ما يدونا قرشنا و ينزلونا نسألكم..
القطر ده ماشي وين؟؟؟

راجع الماسنجر بتاعك
تعرف القطر ماشي وين
Post: #8579
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 11:44 AM
Parent: #8578

Quote:
تعرف القطر ماشي وين


انت الشلاقة الليك شنو !!

قالو ليك راجع الماسنجر و لا لا

يعني لو لقيت في الماسنجر رسالة زي بتاعتنا دي .....؟؟؟

اركب و اتحكر و كمان اطلب ليك قهوة عديل .

و اذا لم فشتت من غير ..........؟

قلت لي يا زهير الكبري عايزه كيف !!!
Post: #8580
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-27-2010, 11:47 AM
Parent: #8578

يا زهير
الولد الصغير شمال الصورة اللابس تى شيرت كـت ولد زينب التجانى
انا شفتو فى صور كتيرة ،، اذن الواقف جمبو حيكون ولد ياسمين
ربنا يحفظهم ... يعنى يا بطة اصلو ما كشكرتى لينا بولدك ده بناتى ديل ما عجبوك
ولا شنو ....


،،،،،،


لكيين محمـــدو ما فايت عبدالدايم رابــــح بهناك ولا غادى ....
Post: #8583
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-27-2010, 12:15 PM
Parent: #8580

نهاراتكم بالهناء والسرور ...

يا أبوالزوز صورة عضم ومحمدو كانت في رمضان لما كنا فاطرين مع عضم في مدينة الشاطئ بأمدرمان لكن كنت داسيها وين ...

عضم هو محمد خير وهو خريج حقوق وهو دفعة السموءل أبوسن وقريب عمر النملة ومن ألطف البرالمة الجدد وهم آخر دفعة للطلبة السودانيين وكمان معاهم البرلوم محمد حسن ...

شيخ جلا راجع الماسينجر بتاعك ...
Post: #8581
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 12-27-2010, 11:53 AM
Parent: #8578

ازيكم00

اتمنيت ان يهديني بابا نويل انجيل ومسبحة وصندوق اقتراع 000








000000000000000000000000000000000000

مشتاقين000
Post: #8582
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 12:00 PM
Parent: #8581

نجمنمنمنجمنج
سوووووالهلهله
بالتنثة ة ؤءنمءئنستاس
إحم إحم
يا موسى هاك الحجاب دا ينفع معااامك

جلكسة
أي زول داير حجاب ما يمشي بعييد
تحياتي بت كسلا
مشتاقون كجبل التاكا الأشم
ولا نامت أعين موسى عيسى
Post: #8584
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-27-2010, 12:15 PM
Parent: #8582

يا بت حارتنا ( الرياض ) طولت الغيبة و عملتوها

باينه انت حاج الركز يعني لو ما بكري كشكر بانو

يوم غدا اخر الايام ما كنت ظهرتي و لا شنو .

عموما منورة .


Quote:
لكيين محمـــدو ما فايت عبدالدايم رابــــح بهناك ولا غادى ....



بتقصد شنو يا دودي إنت فاكر ما في زول من معهد تجاري و لا شنو عموما

مالك موجود في الامارات و موسى الراجل بين ظهرانينا بالرياض و انتظر ؟؟؟

و ينك يا حلو (جلال ) ابقي مارق الموضوع حيسخن !!
Post: #8585
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 12:23 PM
Parent: #8584

Quote: اتمنيت ان يهديني بابا نويل انجيل و مسبحة و صندوق إقتراع

تمنيت أن يهديني بابا نويل سمك و لبن و تمرهندي
Post: #8586
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 12:32 PM
Parent: #8585

بمناسبة السنة الجديدة الجاية
إنتو معزومييين كلكم
المناسبة: عيد ميلا
المكان: جوار الفلل الرئاسية
التاريخ: معليش يا جماااعة الدعوة جات متأخرة
و الله تقعدو قصاااادي تتعبو كتير أوي

شنو يا جبريل وين الماسنجر بتعاي
بلاش......
أرسل ليك البدلة مع قميص يوسف بن مته؟؟؟؟؟؟
Post: #8587
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-27-2010, 12:37 PM
Parent: #8584

يعنى هسى
بكرة الصباح لمن نصحى ونكمل شغلنا
حانفتح البوست ده نلقاهو ولا لا
قولوا لينا
عشان الواحد لو عاوز يقول كلام زى حق جلال داك ياخذ راحتو
Post: #8588
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 12:52 PM
Parent: #8587

يا ناس
إنتو منص دا قلل الكتابة الطويلة ليه
بالله كتاباتو بقت زي الزول اللابس برمودا
التقول كروجر
مط الكلام يا عم
Post: #8589
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 01:32 PM
Parent: #8588

إلهي منكم..
كان كدا حقو بكري يأرشف كل شهر..

ود عيد.. شكيتك..

منص.. اللوتري بقى دقه دقيمه..
قالو قطر فتحت..

البادي يا لذيذ..
حمدلله عالسلامه.. يابو أجمل إبتسامه..
تحس بيك ظروفك صعبه..

والله يا موسى كلامك صاح..
نشيل وننزل ليه في الصور..
شكرا ماقالا..

أبوالزوز.. شكرا على الصوره..
ما ديك.. حقت ياسمين..

جبريلا.. أنا ما راجعت الماسنجر..
لكن بعدين باخش..
لو مالقيت رساله زي الرسلتها للشباب..
ذنبك على جنبك..
Post: #8591
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-27-2010, 01:44 PM
Parent: #8589

Quote: والله يا موسى كلامك صاح..
نشيل وننزل ليه في الصور..
شكرا ماقالا..

فاتت علي و لا يهمك
إتفاق إطاري بيني بينك
دون تدخلات دولية أو حتى بادية
هدنة إلى نهاية العام و بعداك أي زول يشوف شغلو
كسير تلج لمدة يومين....(ما تنسى تجيب الباندات معاااك)
Post: #8590
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-27-2010, 01:36 PM
Parent: #8588

Quote: و ينك يا حلو (جلال ) ابقي مارق الموضوع حيسخن !!

خليك من معهد تجاري ياموسى
هوي يا عبدالدائم انت قايل مافي زول من سنار هنا ولا شنو؟
اعمل حسابك والله ...
وبالله يااخوانا حد يصحي مدثر ابايزيد

.
..
...
عفاف منورة والله وعارفيييين اللوم لابسنو هدم "ادبيات حبوبتى عاشة بت سعيد"
وعشمنا ان نجد تميمة تشفع لنااو "حجاب" كما قال احدهم ...
Post: #8592
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2010, 02:08 PM
Parent: #8590

يا جماعة انا قاعد اتعرض لي تهديدات قوية وشايفك ما اديتوا القضية ابعادها النفسية


يا منصور وزع الماسنجر بي معرفتك
دة توكيل رسمي
Post: #8593
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-27-2010, 02:19 PM
Parent: #8588

..
.
هناى جاكم يقول ليكم :

(1)


ويخص بالتهنئة الاخوة عبر القارات جميعهم ودول الدومنيكان
وحاتم جبارة
وبالله يا 7Tomy
ادينا من صورك شويه وكتر الاشواق علينا ..


(2)
كما نخبركم بأن جلسة الإستماع يوم الاربعاء الاسبق
التى متعنا بها احمد عوض عجوز وجدت حضورا ضعيفا من الجدعان
ولكن حضور عمر بيسكو وبركة وعمار رحمه الله ..
وضيفتنا الاخاذة .. جعلت عجوز يتغنى بالفريد الذى عهدناه به
ويمتعنا بحنجرته التى لم تتأثر بعامل الزمن _ ماشاء الله _
ومما ادى لان تصلنى ذبذبات هاتفية من ساحل البحر الاحمر
من اسامه خضر ( ملك الخفة) وهو يسال من هذه الاخاذة التى حضرت الحفل
واستخدم مصطلح ( نجفة) يعنى الواحد بقى يكون ماشى ويتلفت وراهو ؟؟
ووعدنا بحفل ساهر فى 10 فبراير يشرفه احمد عوض لزواج ابنه اخته
ويدعو الاخوة من الان لهذه الاحتفالية


(3)
لا يفوتنى ان ارسل لكم تحيات خالصة من الاخوات الزميلات
وهم من المتابعات والقارئات بانتظام لاخبار اجدع ناس ..
حنان + هدى ( برلومات تجارة ) ..
فقد شرفنى ان التقيهم فى منزلهم العامر بالعمارات ابان حضور
الاخت هدى من الريا ض فى زيارة طارئة .. وسعدت كثيرا بمكالتهم الهاتفية
ودعوتهم الكريمة ..
وشرفنى ان التقي باسرتهم الكبيرة والممتدة تخللها شرب الشاى المقنن
وحكاوى والده الثرة .. و حركات كديستهم التى تأكل الفيشار والباسطة فقط ..
وايضا ترحيب والدتهم وابنائهم ..
وبالمناسبة كبرى بنات هدى فى خامسة طب ( الواحد ما فضل ليهو لمن بتقول لي
يا خالو انا فى خامسة طب والله قرب ارجع ولا ابقى فيشارة عشان الكديسة تبلعنى ) -
ما شاء الله .. ربنا يحفظها والله دومنيكانية ولا لاتين عددديل .. عينى باردة
حقيقة لم يتركوا شخصا لم يذكروه ويسالو عن اخباره
كما ان الاخت حنان توجه الدعوة للاخوة الزقازيقاب بالداخل لتشريفهم فى حديقتهم
الغناء لشرب الشاى الرائع والذكريات الطيبة..
وعطر الجلسة هاتف من هناى التانى ..الاسمو هانى
والعجيب انه يصرح قائلا بانه وجد لى شخصياً _ هناية _
بالله شوفوا ..
قال الغلبا راجلها جات تأدب حماها .. ولا ما بقولوا كدا يا جلا ..
ولا ابوسنينة يبحث لاجل ابو سنينتين ..

(4)
العريس الوجيه السمؤل بدرالدين وشريكته الرائعة د. هيام
كان حفلهم وعرسهم يصل بك حّد الامتاع .. فقد تغنى بكرى المغربي
وابدع فى اغنيات الراحل المقيم احمد المصطفى ..
لم نشهد حضورا للجدعان ولكن الزعيم بركة والرائعين بسكو والبرلوم
ما قصروا .. وعطروا سماء المكان
ورغم حضورى المتأخر فى العاشرة حيث استقطع الدكتور عبدالقادر سالم وقتا
من زمنى ..
حتى يتغنى بمكتول هواك يا كردفان ..
لاصل واحصل باقى الربه ..

(5)
آماسي الخرطوم
حقيقة احد الفعاليات التى اعدتنا للزمن الجميل والخرطوم بالليل
ذكرتنى مهرجانات الثقافة وحفلات معهد الموسيقى والمسرح
فقد تغنى افتتاحا يوم 17 الماضى الاستاذ ود الامين فاطربنا
ومن ثم فى 21 تغنت عقد الجلاد فابهرتنا ..
وامس تغنى الدكتور عبدالقادر سالم فامتعنا..
وخصوصا عندما شاركه الغناء عوض حمودى فى مكتول هواك يا كردفان ..
ولولا الزيجات التى تتم فى هذا الشهر لكنت ( دقيت خيمة )
ولكن هذا ما اتيح لنا واعتقد بقية الايام لن نجد الوقت للحضور
مع افراح الاحباب والاصدقاء فى العمل والمجتمع الخرطومى ...

(6)
صورة بطة مع زوبا .. عجييييييييييييبة
ويبدو جليا ان زهير الزناتى قد طاب له المقام
وما زال البحث جاريا عن نادر فاروق وحرمه المصون ..


---------

انا قلت ارشكم دفعة واحدة مع الارشفة دى واتخارج
بس والله خايف نجيلة وجبريلا يلاقونى فى زقاق
نعمل شنو ؟؟ كلو بنصيبو ..

والفهم يفهم الما فهم
مودتى الباقية والدائمة ..
والدوام لله ..
ووين عبدالدائم النضيف :)
Post: #8594
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 02:35 PM
Parent: #8593

يا صالح شايفك جاي مستعجل قلت الكلام كله مرة واحدة وقمت جاري ... حنانيك يا رجل تمهل فلا زال الليل طفلاً يحبو
Post: #8595
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 02:46 PM
Parent: #8594

Quote: (ما تنسى تجيب الباندات معاااك)

الباندات بعد دا إلا غوايش..
أو حجل.. كما قال بكري السمح..
Post: #8596
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2010, 02:49 PM
Parent: #8594

يا صالح انا غايتو لو لاقيتك في اي ملف بدقك دق العيش
Post: #8597
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2010, 03:00 PM
Parent: #8576

sudansudansudansudan208.jpg Hosting at Sudaneseonline.com

الملفت في الصورة دي أول مره اشاهد

الأخوات زينب وبطه لابسين تياب سودانية

أظهري يا زينب على البوست الجديد وتحية كبيرة لياسمين
Post: #8598
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-27-2010, 03:22 PM
Parent: #8597

Quote: يا صالح انا غايتو لو لاقيتك في اي ملف بدقك دق العيش


أنت مشيت السودان قابلت قدو قدو ولا شنو
Post: #8599
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-27-2010, 03:59 PM
Parent: #8597

يا الزناتي خليفة مبروك عليك الرخصة
والصور النزلتها غاية في الامتاع
زي ما قالوا اهلنا المصريين
زي مابتحب الشمعدان
الشمعدان بيحبك كمان وكمان (دي افيه بتاع دعاية من الزمن الجميل _لزوم كسير تلج للريس على تعليقه up_)
ارجو تنزيل اكبر عدد من الصور
طالما ديدو لايستجيب لطلباتنا الكتيرة
والله انتو البوست ده جاريين بيهو زي الداير يلحق قون المغربية (ليست العروس المغربية ولكن القون الذي ياتي قرب صلاة المغرب في الدافواري بتاع الحلة زمان .التوضيح لازم حتى لا يخاف اخونا البادي )
عشان كدة الواحد في حيرة حقيقية
يستعمل طريقة صالح الذي رش الناس كلها في مداخلة واحدة
ولا يستعمل طريقة الرشيد ومنصور وجلال والزناتي
ولا حقت محمد صديق التي اشبهها بييياك بتاعت الشفع


طبعا التحية عبر هذا البوست للاخ محمد خير والاخ محمد حسن والاخ صالح وعمر بسكو وجلا والكوتش محمد صديق رد الله غربته
لحضورهم الانيق ليلة زفاف الوجيه البرلوم السمؤال
والذي يدعي الزناتي زورا وبهتانا انه دفعته
الحضور الانيق لناس الزقازيق في الحفل
اوضح ان ناس الزقازيق اجدع ناس



تعازينا القلبية للاخ مولانا طارق عوض الكريم
في وفاة المرحوم له والده
يقام الماتم بالدناقلة جنوب قصاد ميدان عقرب
هذا وصف محمد حسن
واتفقنا ان نحضر جميعا اليوم الاثنين في صلاة المغرب
وانا لله وانا اليه راجعون
Post: #8600
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-27-2010, 04:20 PM
Parent: #8599

فتحت الماسنجر
ياطارق جبريل
وضحكت حتى وقعت من الكرسي
ودي باقي الضحكة
ههههههههههههههههههههه





التحية لمحمدو اينما كان
Post: #8601
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 04:37 PM
Parent: #8600

بوست عزاء ....

لتعزية الاخوين كمال الشادي وطارق عوض الكريم ...
Post: #8602
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 04:52 PM
Parent: #8601

يا بركة سلامات ومشتاقين ...

اليومين ديل ظاهر عليهو المزاج رايق .. دي كانت عايزه ليها شمارات ....
Post: #8603
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:32 PM
Parent: #8602

واضح انه مسابقة الصور كانت ساهلة .... بكره كمان صور جديدة بس اقلبوا الصفحة
Post: #8604
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:38 PM
Parent: #8603

140620103000.jpg Hosting at Sudaneseonline.com



التاريخ 25/1 بس سنة كم ... ده سؤال المسابقة
Post: #8605
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:40 PM
Parent: #8603

030920103220.jpg Hosting at Sudaneseonline.com



صحباني الفي الجبيل
Post: #8606
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:41 PM
Parent: #8603

210920091628.jpg Hosting at Sudaneseonline.com


يا ناس الرياض قدورة وين ...
Post: #8608
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 05:46 PM
Parent: #8606

Quote: التاريخ 25/1 بس سنة كم ... ده سؤال المسابقة

اسأل موسى عيسى..
عامل فيها منقطها وحافظ التواريخ..
Post: #8610
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 05:48 PM
Parent: #8606

Quote: يا ناس الرياض قدورة وين ...

والله قدوره دا حكايتو حكايه..
شيلو العده..
Post: #8607
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:43 PM
Parent: #8603

sudansudansudansudansudan177.jpg Hosting at Sudaneseonline.com



ربنا يقبل .... البت دي تشبه مني يونس .... الغائبة عننا ولا حتي تحايا عبر الريس ...
Post: #8609
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:48 PM
Parent: #8607

يا حلو شايفك عملت حميل من الهدية ... بصرها ليك
Post: #8611
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 05:51 PM
Parent: #8609

Quote: يا حلو شايفك عملت حميل من الهدية ... بصرها ليك

It's nice!
على قول الدومينيكانيه..
لمن تحب تجامل..
Post: #8612
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 05:56 PM
Parent: #8611

Quote: صحباني الفي الجبيل

سلام للحلوين..
وأبوطويله أبوهم..
Post: #8614
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 05:59 PM
Parent: #8612

Quote: الغائبة عننا ولا حتي تحايا عبر الريس ...

العين ماتعلاش على الحاجب..
(كسير تلج)..
Post: #8613
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-27-2010, 05:58 PM
Parent: #8607

1134.jpg Hosting at Sudaneseonline.com




الرشيد الناس ديل اديناهم باسويرد علي ضمانتك .... تجيبهم لينا باسرع فرصة
Post: #8615
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-27-2010, 06:03 PM
Parent: #8613

خالص العزاء للاخ كمال الشادي في وفاة ابنة خاله لها الرحمة والمغفرة وللاسرة صادق العزاء ...

والتعازي موصولة للاخ طارق عوض الكريم والاسرة
ونسأل الله ان يغفر للمرحوم ويدخله جنات النعيم
مع الصديقين وحسن اؤلئك رفيقا وان يتقبله القبول الحسن

والتعازي موصولة للاخ ياسر نجيلة في وفاة جدته
إنا لله وإنا إليه راجعون
Post: #8616
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-27-2010, 06:37 PM
Parent: #8615

سلامات يا ناس

Quote: It's nice!
على قول الدومينيكانيه..
لمن تحب تجامل..


اكلِّم ليك كُشرى؟؟؟
Post: #8617
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-27-2010, 07:31 PM
Parent: #8616

Quote: اكلِّم ليك كُشرى؟؟؟

آي..
وقول ليهو.. شيلوا الميتين اللي تحت..
Post: #8618
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-27-2010, 09:21 PM
Parent: #8617

متابع ومبتسم
Post: #8619
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-28-2010, 00:38 AM
Parent: #8618

إنتو الأرشفه دي بتوقيت أمريكا؟
لو كدا.. حأفتح البوست الجديد أنا..
وما تقولوا لي عصام دهب وسيد الحوش وكدا..
والا أقول ليكم..
نشوفكم في الربع الجديد..
وكل سنه وإنتو طيبين...
أحبكم.. وأوع واحد فيكم يكون صاحي..
ويجي ينزل مداخله..
Post: #8620
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-28-2010, 05:07 AM
Parent: #8619

Quote:
اسأل موسى عيسى..
عامل فيها منقطها وحافظ التواريخ..
Quote:

و إنت المزعل شنو يا حاتم و الله الحجة دي إلا تشوف ليها تدبيل !!!

لانه علي حسب قول الشيخ جلا هنالك قولان ؟؟


التاريخ 25/1 بس سنة كم ... ده سؤال المسابقة


التوقيع يا زهير حق منو علشان نقدر نحدد ليك الزمن قبل حضور الزقازيق ولا بعد ؟؟؟
Post: #8621
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 06:08 AM
Parent: #8620

في ذمة الله والدة عضو المنبر عادل نجيلة
Post: #8622
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 06:19 AM
Parent: #8621

يا حلوين صباح الخير ... لقد تم نقل البوست للربع الجديد ... حسبما طلبنا من بكري ان يمهلنا حتي الصفحة 100 والاحتفال الضخم .... هذه المرة نريده احتفال حقيقي يشارك فيه كل الناس ... حتي ولو بابتسامة مثل ابتسامة الريس معتصم ....
Post: #8623
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 06:40 AM
Parent: #8622

التوقيع للسكرتير الاجتماعي ... يا حلو ... مالك بقيت ما بتشوف ... ؟؟
Post: #8624
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2010, 06:49 AM
Parent: #8623

Quote: يا حلوين صباح الخير ... لقد تم نقل البوست للربع الجديد ... حسبما طلبنا من بكري ان يمهلنا حتي الصفحة 100 والاحتفال الضخم .... هذه المرة نريده احتفال حقيقي يشارك فيه كل الناس ... حتي ولو بابتسامة مثل ابتسامة الريس معتصم ....


صباح الخير ،،، يا وجوه الخير

أتيت مسرعاً أبحث عن ماذا حدث ولكني

وجدت البوست نقل إلى الربع الجديد والعام الجديد

شكراً زهير ، شكراً بكري أبو بكر جزاك الله خير

يلا يا شباب نطفي الشمعة المائة الجديدة

ويا محمد ود عيد الفرصة مواتية للتحضيرات والتجهيزات

ونطلب من الشباب جميعاً أن يجهزوا لأن الصفحة الأولى بعد المائة

لن تصمد طويلاً ، على أصحاب الكلم أن يكونوا جاهزين وكذلك الشعراء

وأصحاب الفوتو شوب .

الحبيب ود جبارة ما تستعجل ساكت علشان ما تبوظ الحجة حقتك

حيكون التنظيم عالي والتوقيت مناسب.
Post: #8625
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-28-2010, 06:51 AM
Parent: #8622

السلام عليكم
مبروووك الإعفاء الجمركي من الأرشفة
Post: #8626
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-28-2010, 07:15 AM
Parent: #8625

sudansudansudansudansudansudansudansudansudansudan30.jpg Hosting at Sudaneseonline.com


ما اروعك يا بكري
Post: #8627
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-28-2010, 07:23 AM
Parent: #8625

خالص العزاء للاخ كمال الشادي في وفاة ابنة خاله

وكذلك العزاء للاخ ياسر نجيلة في وفاة جدته


اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ، وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ


إنا لله وإنا إليه راجعون
Post: #8628
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-28-2010, 07:50 AM
Parent: #8627

خالص التعازى للاخوان ياسر نجيلة وطارق عوض الكريم وللاسرة الكريمة

اللهم ارحم موتاهم واسكنهم جنات الفردوس


انا لله وانا اليه راجعون


الدوام لله ،،،،،
Post: #8629
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-28-2010, 08:03 AM
Parent: #8628

كالعاده دائما ايام التجهيز للاحتفالات الكبيره ...

تنتابنى حالة غريبة ..!!

بينما اكون مقررا الانتباه والصحو باكرا لبدء العمل والمتابعة ...

تشيلنى نومة اهل الكهف وكأننى لم انم من قبل ...

حتى يوم امس كنا فى غلاط مع زهير ان الأرشفة ستبدأ اليوم بينما كان اعتقاده انها ستبدأ بانتهاء اليوم

وعليها ظللت حتى الثالثة صباحا متابعا ..

ولكن ابتسامة الريس معتصم ظلت صامده ..!!

هنا ادركت واهما ان كلام زهير هو الراجح .. فنمت نوم قرير العين ..

وصحوت متأخرا - وقمت كالمجنون وبحث عن ابتسامة معتصم ...؟

وعندما لم اجدها ادركت ان البوست ربما راح فى خبر كان ...

وان بكرى ربما رمى لنا العفش بره الحوش .. والجماعة شتتوا ...

وعندما بحثت عن المنبر العام ووجدت الحوش بشحمه ولحمه على قمة صفحته

وكأنى به جوهر صدر المحافل ...

ادركت بأننا قد نجونا ...

وان القائد الجميل والمحترم بكرى قد استجاب لطلب اخونا زهير وامهلنا لتمام المائة التى حتما كما قال الريس ميسره

نريدها ان يدوى صداها فى كل منابر سودانيز اونلاين ...

شكرا بكرى ... شكرا زهير ...

وشكرا لكم ايها الرائعون .... فان سيرتكم العطرة كانت ترياقنا ضد الارشفة
Post: #8630
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-28-2010, 08:22 AM
Parent: #8629

Quote: تشيلنى نومة اهل الكهف وكأننى لم انم من قبل ...

يا ناس هوي
الزول دا غيرو ليهو السستم
Post: #8631
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-28-2010, 08:26 AM
Parent: #8629

..
.
صباح الخير بتوقيت ربوع السودان ..
نقدم عبره ..
خالص العزاء للاخ طارق عوض الكريم فى وفاة والده
ونبعث بخالص العزاء للاخ كمال الشادي في وفاة ابنة خاله
واحر التعازى التعازى للاخ ياسر نجيلة في وفاة جدته


اللَّهُمَّ اغْفِرْ لَهما وَارْحَمْهما ، وَاعْفُ عَنْهما وَعَافِهما ، وَأَكْرِمْ نُزُلَهما ، وَوَسِّعْ مُدْخَلَهما ،
وَاغْسِلْهما بِمَاءٍ ، وَثَلْجٍ ، وَبَرَدٍ ، وَنَقِّهما مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ،
وَأَبْدِلْهما دَارًا خَيْرًا مِنْ دَارِهما ، وَأَهْلًا خَيْرًا مِنْ أَهْلِهما، وَقِهما فِتْنَةَ الْقَبْرِ ،
وَعَذَابَ الْقَبْرِ وَعَذَابَ النَّارِ

--------

إنا لله وإنا إليه راجعون؛
Post: #8632
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 12-28-2010, 08:41 AM
Parent: #8631

ازيكم 000


شكرا لبكري والعجوز ابو الزوز 000

والى الاحتفال المئوي 00

ومن الان عايزة الاداء الفردي في الكورال 000
Post: #8633
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-28-2010, 08:53 AM
Parent: #8632

..
.
طارق قدو قدو
انت اجازتك وايامك دى ما بتقدر
تشيل بيها سوط ..
اسكت بس

--------

بعدين ما جانى ماسنجر
يعنى توزع فيها والناس تقرقر
وجاى عامل فيها قدود قدو..

ولسه واقف منتظر
Post: #8634
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-28-2010, 09:11 AM
Parent: #8633

أهلاً
Quote: ومن الان عايزة الاداء الفردي في الكورال

غايتو الآداء الفردي بتاعي
نحن جند الله
عشاان عايز أبكَّي لي زول هنا دا
Post: #8635
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-28-2010, 09:14 AM
Parent: #8633

يا شباب الداخل
ياسر نجيلة الان فى الخرطوم لحضور مراسم العزاء

الوصف : امتداد الدرجة التالتة مربع 3
منزل المرحوم / حسن نجيلة

لو جاى من ناحية الشمال متجه جنوبا بشارع محمد نجيب
بعد اشارة شارع 61 العمارات توجد اشارة هى بداية الامتداد
اخد مع الاشارة دى شمالك كانك متجه للسوق الشعبى
اول شارع ... تانى شارع تانى بيت على يدك اليمين


ما تتلومو المرة دى .
Post: #8636
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-28-2010, 09:17 AM
Parent: #8633

صباح الهناء والسرور ...

خالص العزاء للاخ طارق عوض الكريم فى وفاة والده...

وخالص العزاء للاخ كمال الشادي في وفاة ابنة خاله...

واحر التعازى التعازى للاخ ياسر نجيلة في وفاة جدته...

اللهم أرحم موتانا ومتى المسلمين .. آمين ...
Post: #8637
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2010, 09:21 AM
Parent: #8633

صبحكم الله بالخير

مشغول و لكن مبتسم زي الريس معتصم...
Post: #8638
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-28-2010, 09:31 AM
Parent: #8637

صباحو ...

يا محمد عيد المرة دي الإحتفالية لو ماجبت صورتي وواضحة كمان (تعويضا عن الأخطاء السابقة المقصودة) دا إنت حتشوف حاجات عجيبة .. ولا عذر لمن أنذر ...

لو في طريقة عايزين نعمل ثنائي أنا والشيخ جلا في الكورال لزوم تقوية للمعاهدات والإتفاقيات المشتركة .. البروفة .. نحن جند الله جند الوطن .. يا جلا شكلك كدا ما حافظ بالله عليك أمشي أحفظ وتعال ...
Post: #8639
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 09:31 AM
Parent: #8637

يا ناس الخرطوم .... بالله ياسر نجيلة ده ما تتلوموا معاه المرة دي ...
Post: #8640
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-28-2010, 09:41 AM
Parent: #8639

Quote: يا ناس الخرطوم .... بالله ياسر نجيلة ده ما تتلوموا معاه المرة دي ...

غايتو أنا من كسلا
و عارفين نحن متلومين زي عشرومية مرة
و أنا زاتي لو ما لاموني ما بكون متكيف زاتو
و بعدين النوم بجيب اللوم
غايتو الرسائل و المداخلات المحذرة لو ما مشينا ليهو
وااااااطتنا صبحت
بالله واحد يصحي أبو الجل و موسى و أي فاتن حمامة عندكم
إنشاءالله ما نجيكم في كعب
Post: #8642
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-28-2010, 09:53 AM
Parent: #8640

Quote: مشغول و لكن مبتسم زي الريس معتصم...


يعني الواحد اصلوا ما يبقى شاعر معاكم ....
Quote: بالله واحد يصحي أبو الجل و موسى و أي فاتن حمامة عندكم
إنشاءالله ما نجيكم في كعب

مشغول ما فاضى قاعد اكمل في شطر البيت اعلاه ...

والله صحي ... ياجماعة ياسر نجيلة دا ما تتلوموا معاهو المرة دي
والله المرة دي بنقي شعيركم ... مثل زول مزنوق في الجرد السنوي
Post: #8646
Title: Re: ناس الزقازيق ... أجدع ناس ( 3 ) ..
Author: عصام دهب
Date: 12-28-2010, 10:11 AM
Parent: #8640

صادق آيات التعازي و المواساة لأخوتنا الزقازيقاب الأعزاء ..

طارق عوض الكريم فى وفاة والده...

كمال الشادي في وفاة ابنة خاله...

ياسر نجيلة في وفاة جدته...

و أسال الله تعال أن يغفر لهم و يرحمهم و يتقبلهم القبول الحسن و يسكنهم الفراديس العلى من الجنان ..

و يلهم ذويهم الصبر الجميل و يجعل البركة فيهم أجمعين ..
Post: #8641
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-28-2010, 09:45 AM
Parent: #8637

اها ما قلت ليكم الباندوث ده ولا غالى ولا حاجة
اها الحمد لله بكرى برااااهو اشترى لينا واحد جديد
نفهم من كده الزول ده ادانا فرصة تلتاشر صفحة تانية بس
وبعد داك حا يودينا الخور
برضو مكسب
سنة حلوة يا جميل , كل سنة وانتم اكثر تآلفا
طيب , اها , نحن المفروض نعمل شنو ؟؟؟
Post: #8643
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-28-2010, 09:58 AM
Parent: #8641

Quote:
بالله واحد يصحي أبو الجل و موسى و أي فاتن حمامة عندكم
إنشاءالله ما نجيكم في كعب


و ياسر نجيلة غدا حيرجع للامارات .

يعني بل راسك ؟؟ المرة دي الضرب فوق الركب !!!!
Post: #8644
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-28-2010, 10:00 AM
Parent: #8641

كروجر جاكم
أبو برمودا
Post: #8645
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 12-28-2010, 10:00 AM
Parent: #8641

التعازى القلبية لى كمال الشادى وطارق عوض الكريم وياسر نجيلة
طيب كمان اجندتنا تحتوى على الكثير الواجب انجازه
والهدف يبقى ذات الهدف
تقوية اللحمة واواصر التواصل الأجتماعى
ومحاولة ترجمتها لأنجازات تمشى برجلين
اجندتنا تشمل الكثير , نقرا فيها خطوط عريضة تقول

* الدنيا آخر سنة , وبعد اربعة اسابيع تقريبا هناك اجازة منتصف العام الدراسى
* كان هناك كلام جميل واقتراحات جاهزة من ابو عمر (احمد اسماعيل ) عن هيكلة ادارية مقترحة
* امامنا جدول طويل من واجبات اجتماعية مختلفة ومتنوعة
* بما ان آخر الشهر اجازة , وبما ان الرياض عاصمة للسعودية وفى موقع وسط منها
* وبما ان اجازة منتصف العام الدراسة اجازة قصيرة ودرج الناس على قضائها داخل المملكة
* هناك زقازيقاب فى كل مكان , الرياض والدمام والخبر والجبيل والخرج وجدة
* نقترح تجمع زقازيقى (ذات خميس ) , يؤطر كل هذه النقاط , ويجمعها بلحمة التواصل
* هذه مجرد اضاءات مستعجلة , يمكن تهذيبها وتشذيبها لتتطور وتصل لى مرحلة الفكرة والمشروع القابل للتنفيذ
* نتأمل ان يببدع لنا ابو الزوز -بنشاطه المعروف - فكرة احتفال بالمئوية الثانية , تلتحم مع فكرة تكوين جسم خارجى لزقازيقاب الخارج
بحيث يكون ذراعا داعما لجسم جمعية الداخل
وبس
Post: #8647
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 10:14 AM
Parent: #8645

انتو يا جماعة قايلين الشغلانة لعب ساكت ... البتاع ده لو كمل بيقطعوك زي التلفون .... وتجيك الرسالة دي ...

Quote: Bandwidth Limit Exceeded
The server is temporarily unable to service your request due to the site owner reaching his/her bandwidth limit. Please try again later.
--------------------------------------------------------------------------------

Apache/2.2.15 (Unix) mod_ssl/2.2.15 OpenSSL/0.9.7a mod_auth_passthrough/2.1 mod_bwlimited/1.4 FrontPage/5.0.2.2635 mod_perl/2.0.4 Perl/v5.8.8 Server at (اسم الموقع)Port 80
Post: #8648
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-28-2010, 10:19 AM
Parent: #8641

التعازي القلبية للاخ كمال الشادي في وفاة ابنة خالته

والتعازي القلبية للاخ مولانا طارق عوض الكريم وفاة والده
والتعازي القلبية للاخ ياسر نجيلة في وفاة جدته
الهم ارحمهم واغفر لهم واجعلهم من اصحاب اليمين



انحنا حاضرين في العزاء بتاع ناس نجيلة
مع الكوتش وجلا بعد صلاة المعرب

تلفون مولانا طارق عوض الكريم 0907583393 ده لناس السودان
قبل رجوعه يوم الجمعة حسب ما افاد
Post: #8649
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2010, 11:17 AM
Parent: #8648

Bandwidth

قبل كم يوم كتبتها باندويدث كما تفضل بها أبو الزوز...
و قلت لا بد أن تكون كذلك مكونة من مقطعين باند- ويدث...
لكن جيت لقيت الناس كلها بكتبها باندوث...
و بالرغم من اني ما لاقي ليها أي تفسير لكن قلت الناس دي كلها غلط و انت الصاح...
ما ممكن...
لحدي ما جات مداخلة أبو الزوز دي و ريحتني شوية...
لكن قلنا الصاح هو باندويدث...هي زاته معناها شنو..
الله أعلم...

بالنهار زنقة و بالليل عدم مزاج...
و المعادلة دي ما لاقي ليها حل لحدي حسه...
و كان كل ما بالامكان عمله هو الدخول الى محراب مربع كاي...
و الكتابة هناك لأنها مغطية و بي رواقة فتستطيع أن تكتب بأي مزاج...
مدبرس تدبرس بالناس...حزين تملاها ليهم دموع...
مزاجك رايق تملاها ميراندا لحدي ما الناس دي تقول كفانا...
حنين..تقعد تفتش في دفاترك القديمة و تطرى الناس من أيام رفاعة رافع الطهطاوي..

لكن البوست هناعامل زي محلات التيك أواي take away ...
بالنسبة لي أنا طبعا مداخلات سريعة و ذات طابع خفيف...
لكن بالنسبة لي منصور مصعم بالسوق العربي يقعد يتوهط و يطلب البلدي...
و يمكن كان عازم ليهو زول يطلبوا كمونية و لا كباب حلة و يخلطوهم مع بعض...
و يحلوا بي مديدة حلبة كمان (الله من مديدة الحلبة)...
أنا من وزني اتجاوز ال75 و لحدي حسه مشتهي مديدة الحلبة...
حرمت نفسي من مديدة الحلبة و وزني ماشي تصاعديا...

عليكم الله مش كفاية كدة لي زول مزاجو كان ما رايق بالليل؟؟؟
Post: #8650
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-28-2010, 11:36 AM
Parent: #8649

سلامات يا ناس

Quote: Bandwidth


يا حبيب ...سلام

حسب علمنا المتواضع بالترجمة تعنى:

كمية البيانات (فى الكمبيوتر)

مدى الترددات (فى الراديو)

وفوق كل ذى علم عليم...

ونحن خدامين السودانيين.
Post: #8651
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-28-2010, 11:48 AM
Parent: #8650

Quote: وفوق كل ذى علم عليم...

ونحن خدامين السودانيين.


يا كوتش بالحيل فوق ذي كل علم عليم...
عل الفيك اتعرفت...

شكرا على المعلومات و التي أعتقد انها نورتني شوية...
مشيت لقيت بوست عن الموضوع ده لقيت ليك العالم دي كلها بتسأل...
الا ان هنالك معلومات مفيده كتيرة هناك...
و بوست ظريف و دمه خفيف كمان...

أنا في الأول قلت طالما هي Band -Width...
قلت أسأل حاتم جبارة يمكن يكون عارف حاجه...
من أيام كان رقبتو فيها شعر...
Post: #8652
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-28-2010, 11:49 AM
Parent: #8650

كنت هناك... (نِقة وصور)


يا احباب مبروك عليكم استلام العفش في الربع الجديد
اها ننزل ليكم الصور هنا ولا كيف
Post: #8654
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-28-2010, 12:49 PM
Parent: #8652

الي صديقي
الرفيق كمرت صلاح الامين
هذا الخطاب
ونرجو ان يجده بخير
اما اذا دار سؤالك عننا فنجن بخير ولا ينقصنا سوى رؤياكم العزيزة علينا كيف عامل مع اليمن ارجو ان تكون بخير واموركم عال العال
يا صديقي مالك طولت من ناس الزقازيق اجدع ناس ارجو ان يكون المانع خير .الامور هنا ما بطالة لكن يدنا في قلبنا من نتيجة يوم 9 .






تقبل تحيات امنية
واحمد ومحمد
والدور ده جايب ليهم معاك من اليمن .الصباح شفت طاقية طالبان بتاعت محمد فقلت اكتب ليك هذا الخطاب
والذي اهديك في نهايته الاغنية التي سيغنيها محمد وردي في راس السنة من كلمات امل دنقل

اخوك مبارك جادين
الخرطوم بحري - ضاحية شمبات 20-12-2010




شاء الهوى
ان نلتقي سهوا
كم كنت افتقدك
يا وجهها الحلوة
كل الذي سميته شدوا
من قبل ما اجدك
اضحى على شفة
الصب ا لغوي
كوني كما اهوى
امطر على الدفء والحلوى
ويدي تبث ثباتك الشجوى
فتئن مرتعدك
يا حينما اعدك
الصيف فيك يعانق الصحوة
عيناك ترتخيان في ارجوحة
والثغر مرتعش بلا مأوى
وعذابه سلوى
انا جئت انفض عنده السلوى


لا يفوت على فضنة القارئ انني قمت بسحب الجزء الخاص من الخطاب
وتركت العام


شكرا بكري ابوبكر
شكرا الزناتي
ساعود للصور
Post: #8653
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-28-2010, 12:13 PM
Parent: #8648

..
.
للقيام بواجب العزاء للاخوة طارق ونجيلة
تقرر ان يتم التلاقى الساعة السادسة مساء اليوم
بنادى الشرطة والتحرك لبحرى لاداء واجب العزاء
للاخ طارق ومن ثم التوجه للامتداد للاخ نجيلة

--------

هذا حسب التنسيق مع سعاتو الكوتش
والغائب يكلم الحاضر وللتنسيق الاتصال بالكوتش
او شخصى الضعيف :)
Post: #8655
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-28-2010, 01:37 PM
Parent: #8653

Quote: يا احباب مبروك عليكم استلام العفش في الربع الجديد
اها ننزل ليكم الصور هنا ولا كيف


الله يبارك فيك يا ود جبرين ،،،

بس نزل لينا الصور والذي منه ،،،

بسرعة لو سمحت،،،
Post: #8656
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 03:15 PM
Parent: #8655

مبروكة البينة يا حيدر ميرغني

مبروك يا حنين
Post: #8657
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-28-2010, 04:36 PM
Parent: #8656
Post: #8658
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-28-2010, 06:59 PM
Parent: #8657

السلام عليكم ياكرام
أمسينا وأمس الملك لله رب العالمين
اللهم نسألك عدم الغياب والدعاء المستجاب
تحية طيبة للأخ زهير على حرصه لجمع أطراف
هذا التجمع الجميل وذلك عندما نصب شباكه في المنبر
وخلافه لإصطياد كل طاشي من المنبر
Post: #8659
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-28-2010, 09:12 PM
Parent: #8658

سلامات يا ناس

Quote: والتحرك لبحرى لاداء واجب العزاء
للاخ طارق ومن ثم التوجه للامتداد للاخ نجيلة



مشينا وجينا
Post: #8660
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-28-2010, 10:50 PM
Parent: #8659

افو يا اب شنب الوساطات حصلت المرحله دى
احنا مشينا وين؟
Post: #8661
Title: Re: ناس الزقازيق ... أجدع ناس ( 3 ) ..
Author: عمر محمود محمد
Date: 12-29-2010, 02:24 AM
Parent: #8660

السيدات/والسادة زملاء الزمن الجميل ،ناس الزقازيق
السلام عليكم ورحمة اللة تعالى وبركات
تحياتى وإجلالى وشوقى وتقديرى لكم جميعا ،ولما تقومونا به
من عمل عظيم ؛وتوثيق هام لذاك الزمان .
ان عمر محمود خريج تربية-جغرافيه وخريج عام 1987.
ودمتم جميعا
Post: #8662
Title: Re: ناس الزقازيق ... أجدع ناس ( 3 ) ..
Author: عمر محمود محمد
Date: 12-29-2010, 02:24 AM
Parent: #8660

حزف للتكرار
Post: #8663
Title: Re: ناس الزقازيق ... أجدع ناس ( 3 ) ..
Author: عمر محمود محمد
Date: 12-29-2010, 02:24 AM
Parent: #8660

حزف لتكرار
Post: #8664
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 05:23 AM
Parent: #8663

مرحبتين حبابك الاستاذ عمر محمود و طلتك نورت بيتنا و سعدنا بشوفتك

و بطلتك تذكر نفر عزيز علينا و لهم بصماتهم بذلك الزمن الجميل و هم

عمر كشاح و عبدالمجيد عيسى سليمان وعوض الله جاكسون و حقيقة ليكم

وحشة و نامل تواصلك و ان لا تنقطع .
Post: #8665
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2010, 05:39 AM
Parent: #8663

صبحكم الله بالخير

أولا التحية للأخ عمر محمود محمد و أقول له حللت أهلا و نزلت و مرحبا بك بيننا...

سنة 2011 على الأبواب...
أكاد لا و لم أعرف و لآ اذكر الاحتفال برأس السنة منذ زمن طويل...
نقريبا منذ حضوري الى الامارات و أنا لا أحتفل براس السنة...
فهنا ليس هنالك اهتمام كبير الا في أوساط معينة...
أما في الشارع فليس هناك أدنى اهتمام...
فالاماراتيون و الخليجيون بصفة عامة يستقلون اجازاتهم للذهاب الى البر...
و الهروب من المدينة و المدنية...
ينصبون الخيام في الخلاء و يبقون فيها طوال فترة الشتاء...
يتركون بيوتهم الكبيرة و الأنيقة و يبقون في الخيام...
و حتى الخيام ليست بالخيام العادية..
فهي خيام مزودة بالكهرباء و مجهزة أعلى تجهيز...
أما بالنسبة لي فرأس السنة فما هو الا يوم اجازة أقضيه مع أسرتي...
لكن الواحد قاعد يفكر يعمل نيو لوك لي سنة 2011 دي...
نيو لوك في الشكل و في طريقة الكتابة و حتى التصبيحة...
يعني بدل صبحكم الله بالخير أجي الصباح أقول ليكم هاي مثلا...
و طريقة الكتابة لسه مافي أفكار جديدة لكن الواحد ما بيغلب حيلة...
أما الشكل فما زالت أطالع بعض صور الزملاء في البروفايل لعلها تلهمني بعض الأفكار...
لحدي حسه برضو مافي أي صور ملهمة في الناس القدام ديل...
يمكن يجي واحد جديد يكون ملهم...
Post: #8666
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 06:15 AM
Parent: #8665

بسم الله
سلام من الله عليكم
رأيكم شنو في تغيير التحية دي؟؟؟
و التحية للأخ عمر محمود بقدومه إلينا ليزيد من بهجتنا و تواصلنا
Quote: أما الشكل فما زالت أطالع بعض صور الزملاء في البروفايل لعلها تلهمني بعض الأفكار...

ما تعاين في الشكل عاين في المضمون و بين السطور
لو لبست ليك قميص بمبي يخارج معاك
بالمناسبة مشينا أمبارح لي ياسر نجيلة
قام قال لي البدلة الأسموكن ما جيت لابسها ليه؟؟؟
طبعاً دا النيو لوك بتاعي....
بي كدا إنشاءالله أكون ألهمتك
يا ملهم شعوري
Post: #8667
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 06:26 AM
Parent: #8666

عمر قبل الترحيب قوم ادي الناس ديل فاتحتهم ... ورينا انت وين واخبارك شنو ... بعدي نرحب بشدة ..وسط هؤلاء ((((الشباب)))) وطبعً 75% منهم يا دفعتك يا الدفع القبالك ما يعملوا ليك فيها اولاد صغار خاصة موسي عيسي وجلا ديل ... ومرحب بالطلة ونتمناك عضو فاعل معنا هنا .... والي مزيد من التواصل بين كل الاجيال ....

5294411581_f26ed55847_m.jpg Hosting at Sudaneseonline.com
Post: #8672
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2010, 07:22 AM
Parent: #8667

أصبحنا وأصبح الملك لله ، اللهم نسألك خير هذا اليوم
فتحه ونصرهـ ونورهـ وبركته وهداهـ

خالص العزاء للأخ/ طارق عوض الكريم في وفاة والده والأخ
كمال الشادي في وفاة إبنة خاله وياسر نجيلة في وفاة جدته
نسأل الله لهم واسع الرحمة وعظيم المغفرة وحسن المثوى والقبول
ــــــــــــــــــــــــــــــــ
أجمل التهاني وأطيب الأمنيات للأخ العريس السمؤال أبو سن وبيت مال
وعيال وهناء وسعادة .
Post: #8668
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-29-2010, 06:36 AM
Parent: #8666

Quote: ان عمر محمود خريج تربية-جغرافيه وخريج عام 1987.

غايتو في زول تاني مابقدر يتفاصح علينا ... سنيرو جاء
حباب عمر محمود ود كليتنا وسنير عبدالدائم

الرشيد انتو بالله بتاخدو اجازة لرأس السنة
نحن بالله (وربنا يجعلها 2011 خير عليكم)
حتى الجمعة شغالين (الجرد السنوي)
وهكذا نحتفل ... كل سنة وانت طيب

ياجلا ...
كتر خيركم ياخ وان شاء الله تكونو بلغتوا نجيلة تعازينا

وترحيب كبير اوي بابو عمر

.
..
Post: #8670
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 07:20 AM
Parent: #8668

sudansudansudansudansudansudansudansudansudansudansudan47.jpg Hosting at Sudaneseonline.com



تلك ايام الشباب و الآن الصلع ما تديك الدرب .

ياليت ايام الشباب تعود ؟
Post: #8673
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-29-2010, 07:43 AM
Parent: #8668

يا عمر محمود انا واقف لى ربع ساعة عاوز ارحب بيك ما قادر
فى شريط بمر امام عيونى فيهو كشاح وحسن شطة ومحمد على جمعة
وعمر احمد محمد ومعاوية الزبير و ال######ان ونوال البلول وبرى
وطبلة وفش و سوزان ونعمات البشير وانتصار حمد وجاكسون وسكينة
وعثمان الجيلى ويوسف الزبير وكمال ابراهيم وآآآآآآيك ....


وشوية برالمة زى ناس جلال ديل واقفين بعيد

ياخى مشتاقين ومشتاقين ومشتاقين

اكتب تلفونك ومحل اقامتك وخلينا نتصل عليك ونعرف اخبارك


شرفت ونورت المكان ..
Post: #8669
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 07:15 AM
Parent: #8666

يا جلال احمد اسماعيل ده اداكم فاتحتكم ولا قعدت جنب ترمسته وعمل نائم ...
Post: #8671
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 12-29-2010, 07:22 AM
Parent: #8669

ترحيب حار

بسنيرنا الأخ عمر

ونأمل أن يطيب له المقام بيننا في هذا الحوش الجميل
Post: #8674
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 07:49 AM
Parent: #8671

يا موسي بالله الترجمة علي الشريط ضروري ....





---------------------------------
يا سامي ... فاتحتنا وين .... انا قاعد هنا مراقب اي واحد ما جا الدفن بالليل ...
Post: #8675
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 08:00 AM
Parent: #8674

و الله يا اب شنب عفيت منك سيرباك تمام

ما في اي كورة تخش القون ؟ اعمل حسابك من

المرتدات ؟

عموما الصورة وقوف من اليمين :ال######ان - الدرديري حنان - الناير الصافي-

الفاضل الطيب(حارس تجارة البطل ).ادم حميده (تربية ) - من حقوق جليتو -

ابو سكين - ضيف .

2- جلوس من اليمين : مجذوب - عصام الهادي - عمر محمود المحتفي به- احمد حمد النيل

ضاوي ( تربية ).
Post: #8676
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2010, 08:01 AM
Parent: #8671

ألف مرحب بالأخ العزيز عمر محمود ومزيد من الإلفة والتواصل
إن شاء الله
التحايا العطرة لجميع الإخوة المرابطين والمنورين نوّر الله
أيامكم دنيا وآخرة
شكرا أخي الكريم جلال على الترحيب ، ويازهير الفاتحة دي تكفي ولانزيد
Post: #8677
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-29-2010, 08:11 AM
Parent: #8676

مبروك يا حيدر البنيـه السكرية
تتربى فى عزك وتطلع حلوة ودميلة زى بنات اداب



يا اخوانا اموووت واعرف اخبار ادم حميدة هو فى السودان ولا بره البلد


فى كل سكشن كنا بنصلح المعيدين فى اسم حميدة
المصريين ما بعرفو ينطقوهو صاح
Post: #8678
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 08:30 AM
Parent: #8677

sudansudansudansudansudansudansudansudansudansudansudan48.jpg Hosting at Sudaneseonline.com


عموما الصورة وقوف من اليمين :ال######ان - الدرديري حنان - الناير الصافي-

الفاضل الطيب(حارس تجارة البطل ).ادم حميده (تربية ) - من حقوق جليتو -

ابو سكين - ضيف .

2- جلوس من اليمين : مجذوب - عصام الهادي - عمر محمود المحتفي به- احمد حمد النيل

ضاوي ( تربية ).
Post: #8679
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2010, 08:31 AM
Parent: #8676

ألغاز لتنشيط الذاكرة
1-لا أختي ولا أخي لكن ابن أمي وأبي من يكون؟
2- أتيتكم في الشيء الذي لم يكن موجود بالأمس، وولد اليوم ، وغدا يموت فما هو؟

3- قاتل حكم عليه بالقتل ، أرسل ومعه خطاب بيده كتب بداخله
( العفو عنه مستحيل ينقل إلى السجن ويقتل) من دهائه وحنكته لما قرأ المكتوب
أضاف نقطةفعفيّ عنه.
اين وضع النقطة
Post: #8680
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 08:46 AM
Parent: #8679

احمد اسماعيل دا ما تنشيط دا حاجة بسيطه :

1- الإجابة هو المتحدث نفسه .

2- الاجابة هو اليوم .

3- الأجابة تضاف نقطة لكمة العفو فقو العين لتصبح غين و

تصير الكلمة الغفو عنه أي تجاهله و عدم سجنه و قتله .


بمساعدة شاب بالداخل عامل فيها تقيل اليوم ؟
Post: #8682
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 08:53 AM
Parent: #8680

يا ابو حميد

العفو عنه . مستحيل ينقل للسحن ويقتل ...


لقيتني كيف يا موسي عيسي ....
Post: #8681
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-29-2010, 08:53 AM
Parent: #8648

..
.
Quote: انحنا حاضرين في العزاء بتاع ناس نجيلة
مع الكوتش وجلا بعد صلاة المعرب

معاك جلا ..
الزول الظاهر داير على حل شعرو
ولا يكون الامبارح المشى معانا وبرفقة
الكوتش والريس واخونا طارق عوض لعزاء نجيلة
دا زول تانى .!!

---------
غايتو الحمدلله المره دى انسترنا مع الاخوان
ونجيلة ..
Post: #8683
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 09:07 AM
Parent: #8681

عامل لي فيها مبسوط و حليت الامتحان ؟؟؟

اها احمد اسماعيل الان في مؤتمر صحفي قال الامتحان

مكشوف و تم الغاءه و سوف يعاد في وقت لاحق قبل الانفصال ؟؟ كاك كاك كاك ....
Post: #8684
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2010, 09:08 AM
Parent: #8681

Quote: الأجابة تضاف نقطة لكمة العفو فقو العين لتصبح غين و

تصير الكلمة الغفو عنه أي تجاهله و عدم سجنه و قتله .


يا موسى دي اجابة ليك بالله..
عايز تجيب لينا جلا داخل ساكت...
لو ما عارف الاجابة كان تضرب لي تلفون ياخي...

كان قلت ليك أضرب لي زهير..
Post: #8685
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 09:47 AM
Parent: #8684

Quote: الأجابة تضاف نقطة لكمة العفو فقو العين لتصبح غين و

تصير الكلمة الغفو عنه أي تجاهله و عدم سجنه و قتله .

العربي دائماً مشكلة
أول مرة في حياتي أسمع بالكلمة دي
ياتو قاموس الله أعلم

يا أحمد إسماعيل جيب كلام الناس تفهمو
النقطة تكون على السطر
يعني
العفو عنه.
Post: #8687
Title: Re: ناس الزقازيق ... أجدع ناس ( 3 ) ..
Author: Tabaldina
Date: 12-29-2010, 09:52 AM
Parent: #8684

..
.
يا موسى عيسي
قلت لى الزول اللابس السوت بتاع
الجينز ومبسوط للاخر دا منو؟؟
ياخى الشكل دا ما غريب على :)

------

مافى زول للان لقى لى خبر
عن د.حنان ود.زينب ذكرهم الله
بالخير .. ياخى عايز اعزمهم العرس..
Post: #8686
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2010, 09:47 AM
Parent: #8681

صباح ا لخير ،،، يا وجوه الخير

أصبحنا وأصبح الملك لله وحده،،،،

اللهم أعنا على ذكرك وشكرك

وحسن عبادتك،،،،،،،،،،،من دعاء الرسول (ص) عقب كل صلاة

مرحب بأخونا عمر محمود - سنير عبدالدائم-

نزلت أهلاً ووصلت سهلاً والبيت بيتك وممكن تسكن

في جناح كامل ،،،،

التحية موصولة أخونا حيدر حنين ومبروووووك البنوته الجديدة

وتربي في عزكم ،،،،،
Post: #8688
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 09:55 AM
Parent: #8686

Quote: يا موسى دي اجابة ليك بالله..
عايز تجيب لينا جلا داخل ساكت...

كلمتك يا رش قبل كدا
إجابة دراريب...
و الغريبة الزول القاعد يصحيهو من النوم و قال مشغول بالجرد دا
عليك الله مش مفروض ينومو نهاريتهم
الزول دا يكون شغال بي ياتو معجم من المعاجم العربية
أرشو ليكم؟؟؟؟؟
المهم الجملة كاملة
العفو عنه. مستحيل ينقل إلى السجن و يقتل
بعدين يا أحمد إسماعيل فاتحتك دي ما قسمت معاي
شايلها بي القلبة؟؟؟ يعني قالب يدك ولا شنو؟؟؟؟

التعديل لزوم الكلام الكتير الجاي
معليش يا أبو الزوز مداخلتك ماشفتها و هي الصحيحة
التعديل لزوم إعتذار لأبو الزوز
الحقوق محفوظة ليك
Post: #8693
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 10:30 AM
Parent: #8688

Omer1.bmp Hosting at Sudaneseonline.com
5294411581_f26ed55847_m1.jpg Hosting at Sudaneseonline.com




عايز أعمل مقارنة ما لقيت
Post: #8689
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 10:01 AM
Parent: #8686

101020091951.jpg Hosting at Sudaneseonline.com



تحية كبيرة اوي لصديقتي الجميلة اوي رجاء الطيب ... هي تحية صباحية ... لانسانة كاملة الانسانية ... من لم يعرف رجاء جيداً فقد ظلمه التاريخ ... وظلم نفسه ... اختلفنا فكرياً بعد حجتها ... قلت ليها ما تباري لي نادر فاروق ... في الطالعة والنازلة ... حا يضيعك ... لم تسمع وهي مستمتعة بان تضع القطن علي اذنيها ... هي صديقة وكذلك نادر فاروق ... من اعز الناس الذين كانوا جزء مقدر من حياتي طيلة السنوات السابقة ... زادوها القاً ... وخضروا كل المساحات اليباب ... لا استطيع ان اتحدث عنهم سوياً فليس لي القدرة علي ذلك ... خصصتها بهذه الرسالة لانه عندنا معاها امانة ... ويا رجاء بصراحة كدي رجعي لينا الباسويرد بتاعنا ... وما عايزين مشاكل ...
Post: #8690
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 10:04 AM
Parent: #8689

يا جلا رغم العشرة الكبيرة ... لكن الايام دي عند تحالف مع موسي عيسي ... عشان كده اعمل حسابك ...
Post: #8691
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 10:08 AM
Parent: #8689

231220092576.jpg Hosting at Sudaneseonline.com



عاينو لحاتم جبارة خائف كيف ... يكون نادر فاروق بيعمل ليهو من بعيد صبرك ...
Post: #8692
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 10:13 AM
Parent: #8689

270720091300.jpg Hosting at Sudaneseonline.com



يتخيل لي نورا دي برضو عندها معاها باسويرد ....


ـــــــــــــــــــــــــــــــــــــــــــ

من محاسن الغربة ان تكون بعيداً من متناول نادر فاروق .. اها تلفوني قفلتو ... الليلة بس ابلع حبوب الضغط ...

يا جماعة زول يصحي نادر فاروق
Post: #8694
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-29-2010, 10:30 AM
Parent: #8692

ابو الزوز ...
انت اسي قاعد تكسر في التلج لي دكتورة رجاء دي كدا
امكن زعلانة منك عشان ما جبت باسويرد لي نادر
ياخ خلى ليهم دا يشتركوهو ...
Post: #8695
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 10:38 AM
Parent: #8694

لمعلوميتك ابو النور عرضنا عليه العضوية زمان ... الا انه ابي وتمنع ..... وهي انت ما عارف حاجة ساكت ... ممكن تدي ليهو وتقعد من غير باسويرد .... اما عن التلج فهي تستحق ان نكسر لها كل القطب الشمالي ... اما الجنوبي فنتركه لنقسمه بين الآخرين ...
Post: #8696
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 10:40 AM
Parent: #8694

عليكم الله دا هس بروفايل بتاع زول عندو جرد سنو؟؟؟
حكم!!!!!
تبلدينا سأل سؤال عن ناس معينة
عليكم الله و عليكم الرسول (الأخيرة دي لي بنات الشيخ)
كان ما فتشتو ليهو ناس حنان ديل
Post: #8697
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-29-2010, 11:03 AM
Parent: #8696

Quote: اما الجنوبي فنتركه لنقسمه بين الآخرين ...

غايتو .... ان شاء الله في ناس كدا ما يكونوا مع الآخرين ديل

Quote: عليكم الله دا هس بروفايل بتاع زول عندو جرد سنو؟؟؟
حكم!!!!!

تقول شنو مرض واصابنا ... نسأل الله الشفاء
تصور عندي "اوفيس بريك" من 12 الي 1 بدل امشى البيت
قعدت صاقرت البورد .....
Post: #8698
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2010, 11:46 AM
Parent: #8697

مــلامح زمــن
آخر الزمن , زمن الفتن

للكاتبة الإماراتية : شهرزاد ..
المسلسلات التركية:


آخر أنواع المخدرات التي صدرت للوطن العربي
فلا عادات تتناسب مع عاداتنا / ولا مفاهيم يتقبلها ديننا
فلا يكاد يخلو مسلسل تركي من امرأة حامل / تحمل في احشائها بذرة حرام
ونتابع المسلسل والبذرة تكبر !
ونحن نتعاطف مع المرأة لانها بطلة المسلسل التي يجب ان نعيش حكايتها
الحزينة ونترقب الاحداث بلهفة عظيمة
ونتحاور ونتناقش هل ستعود اليه ام لا !
متجاهلين انها زانية تحمل في بطنها سفح
ضاربين بعرض الحائط كل القيم التي تربينا عليها
فمسلسل واحد كفيل بان ينسف بنا من الأخلاق الكثير !
واصبح التناقض يسري مسرى الدم بنا
ففي الوقت الذي نربي فيه فلذاتنا على الفضيلة والأخلاق
ننسف هذه الفضيلة وهذه الاخلاق امامهم في جلسة واحدة
لمتابعة مسلسل تركي بطلته حامل من صديقها البطل
ونحن نصفق ونشجع ونتعاطف ونبكي ... وننتظر ولادتها بفارغ الصبر !


مقال موزون ولقد منعت المسلسلات المكسيكية وكل أمريكا الجنوبية من منزلي وثم
ظهرت المسلسلات التركية ،،، لا عاداتنا ولا تقاليدنا وموروثاتنا.
Post: #8699
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-29-2010, 12:20 PM
Parent: #8698

sudansudansudansudansudansudansudansudansudan92.jpg Hosting at Sudaneseonline.com


اها يا صالح قصرت معاك يا صالح و راجع الماسنجر لتجد

التلفونات ، بس بالله ما تديها للتعبان دينق و انت عارفه منو ؟؟؟
Post: #8700
Title: Re: ناس الزقازيق ... أجدع ناس ( 3 ) ..
Author: عمر محمود محمد
Date: 12-29-2010, 01:41 PM
Parent: #8699

الاخوة الاعزاء الاجلاء/موسى عيسى والرشيد بابكر ومحمد ادم وزهير الزناتى وجلال عثمان واحمد إسماعيل
والاخ سامى عبد الوهاب واخى{الماعرفنى خالص}عبد الدائم سيد احمد والاخ رئس الإتحاد ميسرة سيد احمد
لكم تحايا الود الاخاء ،وشكرا جزيلا لحرارة اللقاء وحفاوة الإستقبال،ودى اصالة الاصل.
اخوتى إنى اعتذر لتاخير الرد عليكم وذلك لفارق الزمن 9 ساعات تقريبا {وانا طبعا زول كبير فى السن بنوم بدرى}
اخوتى يبدو ان كثيرا من الاخوة لم يتمكنوا من معرفتى 23سنة تقريبا،وكما قال الاخ زهير يجب ان اعرف نفسى اكثر.
انا عمر محمود محمد زين درست جغرافية فى كلية تربية الزقازيقعام1983وتخرجت 1987،وطبعا كانت الكلية فى شارع
فاروق مع زراعةوالمعاهد،ثم إنتقلت إلى المجمع اداب وحقوق .
وكان السكن اولا فى شارع فاروق جوار إسيديو سمير معى الاخوة/حسن شطة وعبع الدائم رابح ويوسف الزبير بلولة
وفى اخر محادثة مع الريس ميسرة ذكر لى بانة مستقر فى مكة المكرمة ،تحياتى وحبى لهم ولكم جميعا.
{معليش بس بحاول اذكر اخوتى}ثم إنتقلنا إلى شقة فى شارع المولدكان يسكنها الاخ إبراهيم فش ،وتحياتى لة
وشكرا للاخ محمد ادم النور لمحاولاتة المقدرة.
وقطعا انا فى الصورة المرفقة وجالس شمال الصورة ،وبضحك لذاك الزمان الجميل.
وفى عام 1988 هاجرت إلى الولايات المتحدة الامريكية ,ولسة صراع من اجل البقاء
وقد حضرت للزقازيق فى عامى 1993و1996
متزوج ولى 3 اطفال ،اكبرهم طارق سوف يدرس الجامعة العام القادم بانن اللة.اخوتى اتمنى اكون قربت الصورة ليكم شوية >>>>ودمتم جميعا>>>
Post: #8701
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-29-2010, 01:52 PM
Parent: #8700

Quote: درست جغرافية فى كلية تربية الزقازيق عام1988 وتخرجت 1987ا

عرفنا فارق الزمن بالساعات
بس فارق الزمن بالسنسن دي إلا تعدلا
حبااااابك بالردووووم
Post: #8702
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2010, 02:25 PM
Parent: #8701

Quote: درست جغرافية فى كلية تربية الزقازيقعام1983وتخرجت 1987،
وطبعا كانت الكلية فى شارع فاروق


يا شيخنا جلا دي مالك ما شفتها بقيت للراجل في حلقه

شكراً أخي عمر ومرحب بيك مره أخرى وأنا أستقر في مدينة جدة

وشكراً على السؤال وعلى الهاتف ، وبالمناسبة دائماً نحن نحتفل

إسفيرياً عندما يكمل البوست الصحفة رقم مائة ونسميها مجازاً الميل

فكون قريب معانا ونحن نقترب للصفحة المائة ونجدد معك الإحتفال.
Post: #8703
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 02:39 PM
Parent: #8702

يا جلا باقي للسنير في حلقه مالك ... ما تبطل ثقالة بعد شوية حا تقول ليهو ما قريت الزقازيق ... ده كله عشان موسي عيسي نزل صورته ...

يا سنيرنا المبجل مرحب بك ... وامثال ناس جلا ديل يسموا المغرضين في المدينة ومن لف لفهم ....


يا ريس ميسرة نتمني ان يكون الاحتفال هذه المرة مميز وبه اشياء تجعله احتفال حقيقي وليس اسفيري فقط ... اتمني ان نسمع بعض الاقتراحات ...
Post: #8704
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 02:55 PM
Parent: #8703

دا شنو دا.. هو البوست حي?
حلات أنا فرحان بآخر مداخله..
Post: #8705
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 02:59 PM
Parent: #8704

يييي.. أول مره أقلب صفحه..

مرحب بي السنير الما حضرناهو عمر محمود..
آي.. أنا دفعه رجاء ونادر..
ألحقونا بي التلج..
Post: #8706
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 03:03 PM
Parent: #8705

عندي مزاج أشتغل أهلي..

قالو حب المصاري غريزي عند الشوايقه..
يعني في الجينات وكدا..
ياللا هاكم النكته القديمه دي..

جلس اينشتاين بجانب شايقي في الطيارة
> فالتفت اينشتاين على الشايقي وقاله: ما رأيك أن نلعب لعبة ..
> أنا أسالك سؤال إذا لم تعرف الجواب تعطيني 5 دولار وأنت تسألني وإذا ما
> عرفت الجواب أعطيك 500 دولار، فوافق الشايقي
> سأل اينشتاين الشايقي : ما سبب جاذبية الأرض ؟
> الشايقي طلع جزلانو وأعطى اينشتاين 5 دولار .
> سال الشايقي اينشتاين:
> ما هو الشيء الذي يصعد الجبل بثلاثة أرجل وينزل برجل واحدة ؟
> اينشتاين صار يفكر ويبحث بالانترنت ويسأل إخوانه العلماء ولم يعرف احد الجواب ..
> بعد ساعة تقريبا طلع اينشتاين محفظته وأعطى الشايقي 500 دولار ، وسأل
> الشايقي وريني ما هو الشيء الذي يصعد الجبل بثلاثة أرجل وينزل برجل
> واحدة ؟
> طلع الشايقي جزلانو وأعطى اينشتاين 5 دولار ..!!
Post: #8707
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-29-2010, 03:08 PM
Parent: #8703

Quote: يا ريس ميسرة نتمني ان يكون الاحتفال هذه المرة مميز وبه اشياء تجعله احتفال حقيقي وليس اسفيري فقط ... اتمني ان نسمع بعض الاقتراحات ...


صراحة يا زناتي سبق وأن تم التنسيق فيما بيني وبين

محمد عيد وعبدالدائم وعصام دهب والدعوة مفتوحة للجميع

للمشاركة الجماعية أو الفردية ،،،،،،،
Post: #8708
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 03:14 PM
Parent: #8707

يا ريس انا بقصد الاحتفال يكون متكامل ... يعني مثلاً لو الشركة اكتمل تسجيلها يكون ده ضمن الاحتفال ... وعايزين مداخلة من اي زول من الزقازيق عنده مداخلة ... نعمل ليهم دعوة عديل كده ... يعني احتفال بالمئوية ... يكون قدر المئوية ,,,,


بعدين يا حاتم جبارة نكتتك شديدة .... بس ما ملاحظ انك لم تراعي لشعوري وصورة الوالدة تزين بروفايلي للمرة الاولي ...
Post: #8714
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-29-2010, 03:37 PM
Parent: #8703

سلامات يا ناس

Quote: .اخوتى اتمنى اكون قربت الصورة ليكم شوية >>>>ودمتم جميعا>>>


مراحب يا عمر

الصورة واضحة لكن جلا والنضيف ديل بتاعين جرجرة.
Post: #8709
Title: Re: ناس الزقازيق ... أجدع ناس ( 3 ) ..
Author: محمد صديق
Date: 12-29-2010, 03:15 PM
Parent: #8702

سلامات يا ناس

Quote: .اخوتى اتمنى اكون قربت الصورة ليكم شوية >>>>ودمتم جميعا>>>



يا حبيب مراحب بيك

والصورة واضحة لكن جلا والنضيف ديل بتاعين جرجرة.
Post: #8710
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 03:20 PM
Parent: #8709

Quote: قالو حب المصاري غريزي عند الشوايقه..
يعني في الجينات وكدا..
ياللا هاكم النكته القديمه دي..

وكتأكيد علي كلامي دا..

زمااان.. وأنا شافع في الإبتدائي..
(بس مش زمان أوي)..
أختي الكبيره كانت بتجهز لإمتحانات الجامعه..
ياللا كان في كلام كتير عن العلمي والأدبي..
وأنا أشيل وأسمع.. وراسي جايط..
علمي أدبي.. علمي أدبي..
بعدها بي فتره.. كنا مارقين الأسره كلها..
إمتطينا الفلوكسواجن القعونجه الما خمج..
ومن عادتي الوكت داك.. باركب ورا الحاج وهو سايق..
وباخط راسي علي طرف كرسيهو.. أعاين من شباكو..
عمكم جباره وقف في محطه توتال حقت شارع 15 يكب بنزين..
ياللا أنا مارق راسي جمب الشباك..
بأعاين للزول البكب البنزين..
وشايفو شايل ليهو شنطه ملانه قروش..
الحاج حاسب.. وطلعتنا من المحطه سألتو..
إنت يابوي..
الزول بتاع محطه البنزين دا..
علمي والا أدبي?
Post: #8711
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 03:26 PM
Parent: #8710

Quote: بس ما ملاحظ انك لم تراعي لشعوري وصورة الوالدة تزين بروفايلي للمرة الاولي ...

معليش..
أنا بروفايلك بقيت ما قاعد أعاين ليهو..
من ساعه الصوره اللي بالي بالك..
أهنيك علي الخطوه دي..
فاتني أقول ليك..
الحاجه جيكس..
Post: #8712
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-29-2010, 03:31 PM
Parent: #8711

يا ابو الزوز يمين احلى بروفايل
ياخي كيفني في حناني



zagazig1.JPG Hosting at Sudaneseonline.com

يا جماعة شفتوا ليكم زول في كرامتو حقت الحج يتغاتت

قال للناس فطور
طلع عشاء
Post: #8713
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-29-2010, 03:36 PM
Parent: #8712

zagazig2.JPG Hosting at Sudaneseonline.com

نادر فاروق زهج من انتظار اللهطة قال والله اخير ندور في العصير دة
Post: #8715
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-29-2010, 03:38 PM
Parent: #8713

zagazig3.JPG Hosting at Sudaneseonline.com

عزيزنا جورج وحرمه المصون خالدة اكرموا وفادتنا يعلم الله
انا عجبني الشي المطاول دة وفيه حبوب كدة زي الشافع العنده برجم
بالله يا جروج كلما اجيكم كتروا لي منه شديد
لذيذ ياخي
Post: #8716
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 03:40 PM
Parent: #8712

يا جبريلا ... حاتم جبارة ده كورتو فكت ...
Post: #8717
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 03:41 PM
Parent: #8712

1160.jpg Hosting at Sudaneseonline.com



يا كوتش تتذكر الصورة دي متين ووين ..؟؟
Post: #8718
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-29-2010, 03:44 PM
Parent: #8712

7777777.jpg Hosting at Sudaneseonline.com



كدي نخلي طارق جبريل ينزل الصور الفرش دي والبايته دي نخليها لبعدين ...
Post: #8719
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 05:39 PM
Parent: #8718

Quote: يا جبريلا ... حاتم جبارة ده كورتو فكت ...

هي فكت وبس?
دي بقت مفيش خالص..

جبريلا يا غواصه..
الصور دي جبتها من وين?
اليوم داك بعد إنت مرقت..
والله ناسك صبرتهم ليك بي كشاتين تقيله..
آل جايين ياكلم ويروحوا..

محمد صديق حرخ في شوتين..
Post: #8720
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2010, 05:58 PM
Parent: #8718

تابع للألغاز بطريقة تشيه الإمتحان

الجزء (أ)

ما الشيء الذي لا تراه ولكنه أمامك دوما؟
كيف تحك الزرافة أذنها؟
ما الشيء الموجود في كل شيء؟
الجزء (ب)
سأل القاضي الزوجة عن إسمها فقالت:إسمي سارة.
سأل الزوج فقال: اكتبني بعدها. ففهم القاضي إسم الزوج وكتبه

فما إسم الزوج ؟
Post: #8721
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 06:21 PM
Parent: #8720

ود إسماعيل.. ألغازك ساهله..

Quote: ما الشيء الذي لا تراه ولكنه أمامك دوما؟
البعد البؤري..


Quote: كيف تحك الزرافة أذنها؟
بتستعين بي صديق..


Quote: سأل القاضي الزوجة عن إسمها فقالت:إسمي سارة.
سأل الزوج فقال: اكتبني بعدها. ففهم القاضي إسم الزوج وكتبه
فما إسم الزوج ؟
جادالله..
Post: #8722
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-29-2010, 06:47 PM
Parent: #8721


سلامات أخي الكريم حاتم جبارة ، وأحسن تبطل حركات موسى عيسى دي


مالشيء الذي يجمع بين الزقازيق واليوسفي وواشنطن ؟
Post: #8723
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-29-2010, 07:41 PM
Parent: #8722

Quote: سأل القاضي الزوجة عن إسمها فقالت:إسمي سارة.
سأل الزوج فقال: اكتبني بعدها. ففهم القاضي إسم الزوج وكتبه

فما إسم الزوج


ساراتانا لا يرحم....
Post: #8724
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 12-29-2010, 07:49 PM
Parent: #8722

انت عارف يا احمد اسماعيل
الغازك دي الا تكتب تحتها الحل العدد القادم


يعني العلاقة بين الزقازيق واليوسفي وواشنطن انا حاديك خمسة دولار بتاعت الشايقي
بتاع حاتم
والي اللقاء يا سندباد
Post: #8725
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-29-2010, 10:39 PM
Parent: #8724

صباحات الهناء والسرور ...

والله ألغازكم غريبة .. غايتو حاتم جبارة ما قصر وله أجر الإجتهاد الذكي ...

بالنسبة لسارة جادالله أنا أضيف ساراتوقا ...

ود جبرين الحنين جيب باقي الصور وبطل الغتاتة دي ...

أبوالزوز الشايقي التايواني (يعني ما أصلي) .. الحاجة الحلوة دي كنت داسيها وين .. أمكن يا دوب الصورة تم تحميضها وطباعتها في الدمام ...
Post: #8727
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-29-2010, 10:49 PM
Parent: #8725

صباح الخير يا بادي ياولدنا..
مشتاقين للونسه الطاعمه..
Post: #8726
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-29-2010, 10:43 PM
Parent: #8724

صباحات الهناء والسرور ...

والله ألغازكم غريبة .. غايتو حاتم جبارة ما قصر وله أجر الإجتهاد الذكي ...

بالنسبة لسارة جادالله أنا أضيف ساراتوقا ...

ود جبرين الحنين جيب باقي الصور وبطل الغتاتة دي ...

أبوالزوز الشايقي التايواني (يعني ما أصلي) .. الحاجة الحلوة دي كنت داسيها وين .. أمكن يا دوب الصورة تم تحميضها وطباعتها في الدمام ...
Post: #8728
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-29-2010, 11:03 PM
Parent: #8726




و يبقى الحمار حماراً









غابة فيها حمار ونمر وثعلب . النمر - كالعادة - كان جائعاً وكان معه الثعلب الذي لا يفارقه في حله وترحاله وكأنه رئيس وزرائه .

قال النمر : يا ثعلب هات لي طعاماً وإلا اضطررت لأكلك !!

قال الثعلب : تأكلني؟؟؟!!! لا لا ، الحمار موجود سآتيك به حتى تأكله..

قال النمر : طيب إذهب ولا تتأخر.

ذهب الثعلب في زيارة مكوكية إلى الحمار وقال له : انتبه إن النمر يبحث عن ملك للغابة فاذهب معي حتى تتقرب منه فقد يتوجك ملكاً فتنصبني وزيراً لك .

قال الحمار: هل أنت متأكد يا ثعلب ؟

قال الثعلب : نعم

فأخذ الحمار يفكر بالمنصب الذي ينتظره فرحاً بفرصة عمره وأخذ يبني شكل وهيئة مملكته وحاشيته من الأحلام الوردية التي حلقت به في فضاء آخر .

طبعا وصل الحمار عند النمر وقبل أن يتكلم قام النمر وضربه على رأسه فقطع أذنيه ، ففر الحمار على الفور .

قال النمر : يا ثعلب هات لي 'الحمار' وإلا أكلتك..

قال الثعلب : سأحضره لك ولكن أرجو أن تقضي عليه بسرعة .

قال النمر : أنا بانتظارك.

راح الثعلب للحمار مره ثانية وقال له :

صحيح أنك حمار ولا تفهم ، كيف تترك مجلس

النمر وتضيع على نفسك هذا المنصب ، ألا تريد أن تصبح ملكاً ؟!

قال الحمار : إلعب غيرها يا ثعلب تضحك علي وتقول أنه يريد أن ينصبني ملكاً وهو في الواقع يريد يأكلني .

قال الثعلب : يا حمار، هذا غير صحيح هو حقاً يريد أن ينصبك ملكاً ولكن تمهل ولا تستعجل!!

قال الحمار : إذن بماذا تفسر ضربته على رأسي، حتى طارت أذناي ؟

قال الثعلب : أنت غشيم يا حمار ، كيف ستتوج وكيف سيركب التاج على رأسك ؟ كان يجب أن تطير أذناك حتى يركب التاج على رأسك يا حمار!!

قال الحمار : هه أع أع أع صدقت يا ثعلب ، سأذهب معك إلى النمر الطيب الذي يبحث عن السلام !!

رجع الحمار برفقة الثعلب إلى مكان مره ثانية .

قال الحمار : أع أع أع يا نمر أنا آسف ، لقد أسأت الظن بك !!

قال النمر : بسيطة ما صار شي . ثم قام من مكانه واقترب من الحمار وضربه مرة ثانية على مؤخرته فقطع ذيله ، ففر الحمار مرة أخرى .

قال الثعلب : أتعبتني يا نمر!!!

قال النمر 'متذمراً' : هات لي الحمار وإلا أكلتك!!

قال الثعلب : حاضر!

رجع الثعلب للحمار وقال : ما مشكلتك يا حمار؟

قال الحمار: أنت كذاب وتضحك علي ، فقدت آذاني ثم فقدت ذيلي ، وأنت لا زلت تقول أنه يريد أن ينصبني ملكا ، أنت نصاب يا ثعلب !!

قال الثعلب : يا حمار شغل عقلك ، قل لي بالله عليك كيف تجلس على كرسي الملك وذيلك من تحتك ؟

قال الحمار: لم أفكر في هذه ولم تخطر على بالي..!!

قال الثعلب : لهذا ارتأى النمر ضرورة قطعه.

قال الحمار : أنت صادق يا ثعلب، أرجوك خذني عنده لأعتذر منه وحتى نرتب الأمور .

أخذ الثعلب الحمار معه إلى النمر مرة ثالثة .

قال الحمار: أنا آسف يا نمر ، ومستعد لكل الذي تطلبه مني .

قال النمر : لا تهتم هذه مجرد اختلافات في وجهات النظر .

ثم قام وانقض على الحمار وأطبق بفكيه على رقبته والحمار يصيح 'دع رقبتي !!!... أين أضع التاج..أين أضع التاج..أين أضع التاج؟؟؟!!!!' ولفظ بعدها الحمار أنفاسه الأخيرة .

قال النمر : يا ثعلب خذ اسلخ الحمار وأعطني المخ والرئة والكلى والكبد.

قال الثعلب : طيب.

أكل الثعلب المخ ورجع ومعه الرئة والكلى والكبد .

قال النمر : يا ثعلب أين المخ ؟

قال الثعلب : لم أجد له مخاً يا صديقي !!

قال النمر : وكيف يكون ذلك ؟ !!!

قال الثعلب : لو كان للحمار مخ ما كان ليرجع لك بعد أن قطعت أذنيه وذيله .

قال النمر : صدقت يا ثعلب فأنت خير صديق .



الممثلون حسب الظهور:



النمر : اليهود

الثعلب : أمريكا

الحمار: غني عن التعريف
Post: #8729
Title: Re: ناس الزقازيق ... أجدع ناس ( 3 ) ..
Author: عمر محمود محمد
Date: 12-30-2010, 01:57 AM
Parent: #8728

اخوة الزقازيق طبعا دة دوام الجانب الغربى من الكون .
شكرا للاخ /احمد إسماعيل والاخ حاتم جبارة تحياتى وإحترامى لكم جعيعا ،وشكرا جزيلا لحرارة الإستقبال ،وطيب الخاطر .
الاخ /محمد صديق تحياتى ليك وشكرا ,وطمنتى اللة إطمنك الجماعة بتوع الزقازيق عاوزين إوهمونى شكرا ليك الان احسن
حالا من قبل ساعات ،وعبد الدائم عاوز إجننا.كان ممكن اخت صورة حبوبتى ،زى ما البعض عاملين ،وإنتهى الموضوع بكل هدو.
حقا الاخ محمد صديق طمنى كثير ،واحس الان احسن حالا من زى قبل.
والشكر مجدداللاخ زهير الزناتى ،والشكر موصولا للاخ الريس ميسرة لنقاط النظام ،وإمتصاص نشوة اللقاءوتفريغ المتظاهرين.
وهنا هو عنوانى [email protected]
والتلفون 336.291.6229 .001

يااللة يا عبد الدائم ورينا
ودمتم جميعا
Post: #8730
Title: Re: ناس الزقازيق ... أجدع ناس ( 3 ) ..
Author: نجاة حوفي
Date: 12-30-2010, 04:43 AM
Parent: #8729

اللهم انى اصبحت بك فى نعمة وعافية وستر فاتمم نعمتك على وعافيتك يا رب العالمين..
اعزى كل من فقد عزيز واهنى كل من فاتنى ان اهنيه بمناسبة سعيدة..
تحية ود واحترام لكم جميعا .. واعتزار عن الانقطاع غير المقصود الا ان
مسبباته الكثيرة كانت اقوى من ان تسطر اناملى حرفا..
ما بين قهر النساء فى بلادنا والخوف من ما قد يحدث لاهلنا الطيبين فى حال حدوث الانفصال..
مشاعر متضاربة خوف-حزن امل وتفاؤل كلها انا..وانتم ايضا..
اتمنى لكم جميعا ان تكون سنة 2011 احلى واجمل السنين وان يعم الخير والسلام فى سودانا الجميل..
مرة اخرى لكم جميعا العتبى حتى ترضوعنى
وكل سنة وانتم اروع واجمل
ودمتم سالمين
Post: #8731
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2010, 04:59 AM
Parent: #8730

صبحكم الله بالخير

أن تجد نفسك متداخلا بعد بت شيخك مباشرة فلا شك أنه صباح جميل...
و يدعو للتفاؤل و الانشراح...


صباحات الجمال
Post: #8732
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-30-2010, 06:35 AM
Parent: #8731

بسم الله
والسلام عليكم
مثل صباحي
تداخلك مع بت الشيخ ..... فرصة لإلهماتك في تغيير تحية الصباح
Post: #8733
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 06:38 AM
Parent: #8732

صبحكم الله بالخير ...


كده كيف يا جلا
Post: #8734
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-30-2010, 06:52 AM
Parent: #8733

يا أبو الزوز
داير أقول ليك تحياتي لإبتهاج و العيال
دا في حالة ما قاعدة تقرأ البوست
أما في حالة قاعد تقرأ البوست
رجاءً زح شوية كدا عشان نسلم عليها
كيفنك يا بهجة و العيال
هاك دي يا أبو الزوز و لا أقول ليك راجع الماسنجر
ما سمعت بي عيد الميلاد العملناهو جنب الفلل الرئاسية وكتامي و لاشنو؟؟؟؟
Post: #8735
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-30-2010, 07:27 AM
Parent: #8734

يا عمر محمود .. سنيرى

لو انا ما عرفتك ، اكون عرفت منو
شريط الذكريات الانا ذكرتو انت احد اهم شخوصو
كل تفاصيلك صغيرة و كبيرة انا مذكرها
حتى سفرك لامريكا بعد التخرج مباشرة انا عارفو
وانا دائما باتصال بحسن شطة وفش وسكينة قرشى
ما عدا ا ل و س خان تلفونو ضاع منى منذ فترة

حاول اعمل صداقة مع الحاج حاتم جبارة هو الاقرب ليك
وحتلاقيهو صاحى وقاعد فى البوست منتظرك

حوفى وينك يا زولة سائلين منك

زهير كده بروفايلك ميه الميه
Post: #8736
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2010, 07:54 AM
Parent: #8735

Quote: ما عدا ا ل و س خان تلفونو ضاع منى منذ فترة


يا ديدو عجبتني حرفنتك الاسفيرية دي فقلت أهنيك عليها...
Post: #8737
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-30-2010, 08:02 AM
Parent: #8736

Quote: تداخلك مع بت الشيخ ..... فرصة لإلهماتك في تغيير تحية الصباح


صباح الفل...
Post: #8739
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 12-30-2010, 08:28 AM
Parent: #8737

بعد إجتهادات الإخوة حاتم جبارة والرشيد والبادى
والذين عملوا حميل ( جلا وزهير والنضيف)
ومع راي الأخ مبارك جادين ، بعد مانشوف جكة العامل منقطة موسى عيسى

يامبارك الذي يجمع بين الزقازيق واليوسفي وواشنطن
كلها كانت أسماء أشخاص ، الزقازيق نسبة إلى إبراهيم زقزوق أول من إستوطن الزقازيق
اليوسفي نسبة إلى يوسف أفندي الذي جلب البذور إلى مصر
واشنطن نسبة إلى أول رئيس للولايات المتحدة الأمريكية وهو جورج واشنطن
Post: #8738
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 08:17 AM
Parent: #8734

اكيد تحية وترحيب حار بصديقتي ... نجاة حوفي .... وعليك الله خليك قريبة مننا فترة الاعياد بعدين نديك سماح ....


تصدق قاعد تغشني بابو الزوز .... اقوم اصدق كلامك .... في لحظة كده قمت طلعت فوق اشوف الماسنجر ....


علماً بان المدخلة ستاتس قبل مداخلتي الرشيد ... ودي طبعاً مشكلة ناس الكفيل ... الواحد يفتح نافذة للرد يقوم يزنقوا الكفيل يفتح ليهو ملف تاني ولمن يمشي الكفيل يجي راجع يلقي الجماعة عملوا مداخلة مداخلتين ....


عيد ميلاد سامر صلاح الامين ... صور وصور
Post: #8740
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-30-2010, 08:30 AM
Parent: #8738

يا رشيدى نسوى شنو الا نتحرفن كده ، تكتب كلمة ما ياها تلقى شلوخ #####


يا مبارك جادين والله عندنا جنس جو ، امطار وغيم
جـو ملوحـــــة ... اتفضل معانا
Post: #8741
Title: Re: ناس الزقازيق ... أجدع ناس ( 3 ) ..
Author: ابراهيم محمد موسي
Date: 12-30-2010, 08:44 AM
Parent: #8740

كل سنة وانتو طيبين و تاميين
وربنا يجعل السنة الجديدة سنة
خير و بركة
Post: #8742
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 08:48 AM
Parent: #8740

يا جلا ابتهاج يمين بالله لا متابعة لا مستمتعة ....تحياتك دي حا اغنج بيها واعمل نايم .... الا توصلها عبر موسي عيسي او اي واحد من المغرضين في المدينة .... بس هنالك بعض التجهيزات الفنية قد تكتمل في غضون الايام القادمة وستكون بطرفكم ...

احمد اسماعيل ياخي مالك علينا الدنيا آخر سنة وجرد وحسابات والراس ضارب ... تعرف قعدت افكر كده لمن غلبتني ... قلت لي روحي يا ولد مالك ومال التلتلة ... الامتحانات دي لي متين اصلها جابت لي نفسيات واي امتحان اخشوا الا ادبلوا حتين اباصي ... هاكم الدبل ده


النضيف شايف الخرطوم اليومين ديل رابة ربة شديد وحفلات كل يوم في المتحف ليالي الخرطوم الموسيقية حاجة بهجة شديد .... افتش في الناس قلت يمكن اشوف مبارك جادين ولا البادي النور او صديقي نادر فاروق الا انني لم الحظ اياً منهم ... يبدو لي الناس ديل في الصفوف الخلفية ... امس ابتهاج صحتني الواطة ضلمة ... قلت يا ساتر ما يكون في زول قبض الصباح ده ...عاينت كده الجماعة كلهم نايمين بصحة جيدة ... قلت يا ربي المرة دي جنت ولا شنو ... قالت لي يا راجل قوم النايم ليها شنو ونانسي عجاج في التلفزيون .. يمين بالله قمت زي اللادغاني عقرب ...فنترب في نص السرير ... ما قمت الا وانا ماشي علي الشغل ...
Post: #8743
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-30-2010, 09:02 AM
Parent: #8742

Quote: تصدق قاعد تغشني بابو الزوز .... اقوم اصدق كلامك .... في لحظة كده قمت طلعت فوق اشوف الماسنجر ....


علماً بان المدخلة ستاتس قبل مداخلتي الرشيد ... ودي طبعاً مشكلة ناس الكفيل ... الواحد يفتح نافذة للرد يقوم يزنقوا الكفيل يفتح ليهو ملف تاني ولمن يمشي الكفيل يجي راجع يلقي الجماعة عملوا مداخلة مداخلتين ....

هجمت الزول يا جلا ... انت مالك كدا
Post: #8744
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-30-2010, 09:08 AM
Parent: #8743

Quote: كل سنة وانتو طيبين و تاميين
وربنا يجعل السنة الجديدة سنة
خير و بركة

وانت بألف خير وربننا يحقق كل الاماني
تحياتي الاخ ابراهيم محمد موسى

ومعليش ماتقول الناس ديل طنشوك
بس بخلصو "الجمجرة وبجوك"
Post: #8745
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 10:01 AM
Parent: #8744

اخونا ابراهيم محمد موسي مرحب بيك بيناتنا ... وات ضيف عزيز علي هذا البوست ... ابق داخل وانشاء الله يطيب ليك المقام ... كل سنة وانت طيب والجميع بالف خير ...
Post: #8746
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-30-2010, 10:19 AM
Parent: #8745

ابو الزوز ...


<======= حاكونا حاكونا ... شربوا المريسة وخلونا
Post: #8747
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 10:24 AM
Parent: #8746

يا ابو الجل .... صورة محمد صديق دي زغللت بي انا ذاتي اي مداخلة اتخيل ده الكوتش .... يكون يا ربي جاني رهاب الكوتش .... مبروك يا زول صورة الحاج وربنا يخليهو ويديهو طولة العمر .... بس يكون في علمك الوالدة ما بتفكر في العرس عايزه تقرا ... وشكراً ...

بعدين المثل ده شكلك ناجرو من راسك ولا لاتق ليك مثلين في مثل ... غايتو حالة تحنن ...
Post: #8748
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-30-2010, 10:28 AM
Parent: #8745

Quote: ومعليش ماتقول الناس ديل طنشوك
بس بخلصو "الجمجرة وبجوك"

مع إنو لسع الجمجرة ما إنتهت لكن نقوم نديهو حقو
اخونا ابراهيم محمد موسي مرحب بيك
و إنشاءالله يطيب لك المقام هنا يا سيدي الجميل
Post: #8749
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 10:46 AM
Parent: #8748

هجمني شنو ... ده الكفيل يا عمك
Post: #8750
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 10:52 AM
Parent: #8748

zagazig.JPG Hosting at Sudaneseonline.com

ناس كسلا فرزوا عيشتهم
ابتر وشاويش
Post: #8751
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 10:54 AM
Parent: #8750

zagazig4.JPG Hosting at Sudaneseonline.com

الناس الوجيهة: جلا -بسكو-البادي
Post: #8752
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 10:55 AM
Parent: #8751

zagazig6.JPG Hosting at Sudaneseonline.com


سعادتو عمار رحمة الله زين العبدين
والوجيه عبد الرحمن عشي
يا عمار ياخي مع شعرك البقى زي القطن دة
هسي الواحد يقول دفعتك كيفن
Post: #8753
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 10:57 AM
Parent: #8752

zagazig7.JPG Hosting at Sudaneseonline.com


عبد الرحمن-شاويش-ابتر-جورج
ناس دي بقت جنها رمرمة
Post: #8754
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 11:01 AM
Parent: #8753

يا جبريلا صورة ابتر وشاويش دي اوسكار عديل كده ....
Post: #8755
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 12-30-2010, 11:10 AM
Parent: #8754

حبا" لله كده لو الواحد عايز يرسل لشاويش قميص زى حق جادين
ولا بنطلون يرسلو مقاس كم ؟





الرمرمة ما جايبة حقها
Post: #8756
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-30-2010, 11:23 AM
Parent: #8755

Quote: حبا" لله كده لو الواحد عايز يرسل لشاويش قميص زى حق جادين
ولا بنطلون يرسلو مقاس كم ؟

دي "اوسكار" عديل يا ولدنا
انت مع الجو البديع بتاع جدة اوع تكون "بتلف"



















----
جبرييلا صور في السلك والله
يا البادي ... الجلابية نص كم ماعندك لكن
Post: #8757
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 12-30-2010, 12:32 PM
Parent: #8756

Quote: الناس الوجيهة: جلا -بسكو-البادي

شكراً يا ود جبريل
غايتو لو ما قاعدين نبرمج بالناس البتجي من برا
كان كتاحتنا في السما
غايتو متشكريييين كتير يا مغتربين
ولا نامت أعين المتربصين و المندسين المارقين ال ج ب ا ن ي ن
رأيك شنو يا هناي في السرقة الأسفيرية دي
يا جماعة كل سنة و إنتو طيبين تامين سالمين
غايتو يمكن نجيكم لغاية يوم الأثنين الجاي في السنة الجديدة
وعليكم الله العفو و العافية
Post: #8758
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 12-30-2010, 01:23 PM
Parent: #8757

للجميع بدون فرز ... كل عام وانتم بخير .... انقضي عام ... به الكثير من الاحداث علي المستوي الشخصي وعلي المستوي العام ... به من الاحداث السعيدة ... ما يكفي لان يحيل حياة الانسان لترع من السعادة ... وبه من الشقاء ما يستطيع ان يطلي حياة المرء بلون الحزن ... انها الحياة هكذا تسير ما بين مد وجذر ... ما بين فرح وحزن ... انقضي ذلك العام وكل منا له اماني حققها والكثير ما عجز عنه او كان طموح فوق مستوي الواقع ... نحن نستقبل العام الجديد في لحظات مفصلية من حياتنا ... حيث تشير كل المؤشرات الي ان جزء عزيز من الوطن سيغادرنا ... او كما قال صلاح الامين سرد احداث انفصال معلن ... هي السياسة لم تكن قط يوم اداة لجمع الناس ... بل ما وجدت الا لتفرق الناس لشيع واحزاب ... ودول وقوميات ... لكن وجودها ضروري في حياة الناس ... حيث لم تبتكر العقلية البشرية ما يغني الناس عن السياسة والي ذلك اليوم الذي يصل فيه الناس لاختراع يدير حياتهم دون سياسة ستظل الفرقة هي السائدة ... علي المستوي الشخصي اتمني ان يحقق الجميع احلامهم وامانيهم وتطلعاتهم وطموحاتهم وكل ما يصبو اليه ... فقط لنقف في نهاية العام ونتامل ما مضي ... ونخطط لما هو قادم حتي ولو بقدر بسيط ... مرة اخري كل سنة والجميع بخير ... والا ان نلتقي صباح السبت اتمني لك احتفالات جميلة كل مع من يحب ... وسط اجواء مفعمة بالتفاؤل رغم الضباب الذي يغطي سماء الوطن ...
Post: #8759
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 01:36 PM
Parent: #8758

كل سنة والجميع بالف خير


يا الزناتي ياخي عذبتناااااااااااااااااا
اكتب سطور قصيرة ياخي
فتلت البوست
Post: #8760
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-30-2010, 01:58 PM
Parent: #8759

محمد عيد..
أنا أمريكي..
إذن.. أنا ثعلب..

مبروك النيوبروفايل يا أبوالجل..

حوفي.. عافين ليك يا بتنا..
علا كترتيها..

النضيف...
##### و#####..
رد على التلفون ياوهم..

جبريلا.. غير جهازك..
البوست دا فتلتو عندك..

إبتهاج.. تصحيهو لي نانسي لي شنو؟
عيونو التنقدا..

سلام يا إبراهيم موسى..
بعد الجمجره وكدا..

كل سنه وانتو طيبين..
Post: #8761
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-30-2010, 03:17 PM
Parent: #8760

الثعلب الدومنيكانى الحبيب ...

ياخى كل سنة وانت طيب ..

ماشاء الله عليك ... بعد الحج النشاط فى القمة .. ( وناس القمة بتحبوووووا )

الظاهر تمارين الصفا والمروه وجبل عرفات ادتك لياقة بدنية ...

عقبالك يا جبريلا ...

&&&&&&&&&&

يا اخوانا داير اعلق هنا على الحكى الطاعم والمدهش البيحكى فيهو ود جبرين فى البوست العام

وتوصيفه لاجازته بالوطن السابق ...

انا ما عارف ... لكن باعتقد انو لو فى واحد عاوز يوثق او يكتب تاريخ البلد قبل الانفصال

ويوثق لآثار الانقاذ على البلد .. ما عليهو الا انه يرجع للملازم الكاتبها جبريلا دى ...

حكى سلس ومدهش وعميق المعنى يغنيك عن قراءة كتاب كامل او جريده من الجلده للجلده

وكمان برضو التوصيف للوضع الاجتماعى بهذا الاسلوب الساخر .. يأتى كما الكاراكاتير البسيط

فى عكسه للظواهر السالبة للمجتمع ...

حقا" ... نفخر كثيرا بأن من بيننا مثل هذه العبقرية الجميلة المسماة طارق جبريل

الله يخليك لينا يا مبدع

* التعديل لتصحبح كلمة نشاط التى تحولت - بدون قصد - الى مشاط ..!!
المعذرة منك يا ابو سارة ..
Post: #8762
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 12-30-2010, 04:14 PM
Parent: #8761

Quote: * التعديل لتصحبح كلمة نشاط التى تحولت - بدون قصد - الى مشاط ..!!
والله يا محمد ضحكت لمن الكرسي داير ينقلب بي..
داير تجيب لي جريمه في الشغل..
الناس ديل بيجيبو لينا السيكيوريتي..
بعدين لياقه شنو..
والله شده ما سمنت في الأجازه..
أول ساره بتي شافتني قالت..
Oh daddy, you have a double chin now!

والله صدقت..
المسنوح جبريلا ما ساهل..
إعتراف غصب عني.. بعد الحج وكدا..
Post: #8763
Title: Re: ناس الزقازيق ... أجدع ناس ( 3 ) ..
Author: البادي النور
Date: 12-30-2010, 04:29 PM
Parent: #8761

مساء الرضاء والهناء والسرور ...

كل عام وأنتم جميعا بألف خير وسنة حلوة عليكم وعلى أهلنا وعلى السودان كله ...

يا جلال الجلابية دي إسمها على الله .. لو مكذبنا أسأل العنبة الرامية فوق بيتنا ...

يا حاتم الدومينيكاني الله يديك العافية إنشاء الله السنة الجديدة دي تكون كلها نشاط وحيوية ...
Post: #8764
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-30-2010, 05:26 PM
Parent: #8763

عزيزنا محمد عيد
اخجلتم تواضعنا يا حبيب
الله يحبر بي خاطرك





Quote: والله صدقت..
المسنوح جبريلا ما ساهل..
إعتراف غصب عني.. بعد الحج وكدا..



يا اخوانا انتو الزول دة متأكدين مشى الحج
ولا مشى تجارة
Post: #8765
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-31-2010, 12:09 PM
Parent: #8764

جمعتكم مباركة

اليوم هو آخر أيام العام 2010 ...
و لحسن الحظ أنه صادف يوم جمعة...
يوم للراحة و للأسرة...
يوم تتبادل فيه وجهات النظر مع أمنية و مهند...
فيغلبوني بحججهم لأن حججي لا مكان لها في قواميسهم...
ما زالوا لا يعرفون عبارات مثل دقه قديمة و يا عجوز...
و الا لكانوا استخدموها...
و أنا في طريقي لصلاة الجمعة اليوم و التي أذهب بعدها للتسوق...
و عادة ما أصحب معي أمنية و مهند للتسوق...
اعتقلتهم أمهم هذه المرة لظروف الامتحانات فوصوني باحضار الآتي..
يا بابا جيب لينا معاك..تونكل بوتل...و ساور بنك...و رنق...
كمان جيب معاك شيتوس حار و توستوس...
ما تنسى يا بابا أو كي...
قلت ليهم هو أنا عرفتهم عشان أنساهم و لا ما أنساهم...
و الله غير الشيتوس الحار و التويستوس ديل يخربني تاني ما عرفت حاجه...

من آخر أعمال الخير التي سأقوم به في 2010 هو رفع البوست للصفحة الأولى...
بس ان شاء الله ما أقعد طول اليوم أرفع في البوست...
العايز يعمل خير فيكم في آخر يوم يجي يساعدنا كمان...
Post: #8766
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2010, 02:04 PM
Parent: #8765


263002450.jpg Hosting at Sudaneseonline.com

جمعة مباركة
جمعة مباركة
Post: #8767
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-31-2010, 03:15 PM
Parent: #8766

الف مبروك لمشاعر بدوى وهى تحتفل غدا السبت بدخول القفص الذهبى
والدعوه لجميع الزقازيقاب لمشاركتها الفرحه بنادى القوات المسلحه الخرطوم
لتناول طعام الغدا بالنادى الساعه الثالثه بعد الظهر
نكرر التهنثه للعروسه مشاعر بدوى وانشاالله بيت مال وعيال .
Post: #8768
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-31-2010, 03:29 PM
Parent: #8767

sudansudansudansudan221.jpg Hosting at Sudaneseonline.com

من اجل صحة الانسان والبيئه
Post: #8769
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 12-31-2010, 03:33 PM
Parent: #8768

happy-new-year-2011-odometer_design.png Hosting at Sudaneseonline.com
Post: #8770
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 12-31-2010, 04:56 PM
Parent: #8769

الاخوة والاخوات الاعزاء
تحيات عطرة
آخر لحظات من آخر يوم جمعة في آخر يوم من سنة 2010
كل سنو والجميع بألف خير وعافية
وربنا يحقق كل اامنيكم
ويحفظ بينا الحب والاحترام
Post: #8771
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-31-2010, 05:32 PM
Parent: #8770

كل سنة وانتو طيبين يا احباب
Post: #8772
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 12-31-2010, 05:35 PM
Parent: #8770

الاخوة الاعزاء ...
و 2010 تجرجر خطاويها نحو مصيرها المحتوم...
ونستعد لاستقبال سنة جديدة ...
أود أن اتمنى لكم جميعاً ... ومن كل قلبي
ان تكون سنة خير ...
وسنة محبة ...
وأسال الله العلي القدير ...
ان يحقق كل امانيكم ...
وطموحاتكم ...
وان يحفظكم وعيالكم وأهاليكم ...
وكل عام وانتم بخير ...

986099345.gif Hosting at Sudaneseonline.com

















-------
تهنئة خاصة بالعروس مشاعر بدوي
الف الف مبروك وبيت مال وعيال ان شاء الله
Post: #8773
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 12-31-2010, 06:16 PM
Parent: #8772

الف الف مبروك لاختنا مشاعر
وربنا يتمم علي خير









يا ود الشادي مالك رافع مننا القزاز
Post: #8774
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 12-31-2010, 08:00 PM
Parent: #8773

sudansudansudansudansudan12.gif Hosting at Sudaneseonline.com



لقيتني كيف يا ابو الجل .

عموما نحن غايتو تبع النمر من نكتة محمد عيد بس فتشو عن البديل الثالث انشاء الله ما يكون .....؟


عموما كل سنة و الجميع بخير و لكن الحسرة من هذا العام انه سوف يكون اخر راس سنة للسودان القديم

و نسال الله ان لا ياتي العام القادم و يكون باقي اجزاء السودان في خبر كان! ، امل من المخرج محمد عيد

و باقي الاخوة ان لا ينسوا اظهار الشطر العزيز علينا في الاحتفالية .


و نقول للجميع العفو والعافية في كل ما بدر منا في العام الماضى و نتمنى ان يجمعنا الله بكم في العام

القادم في اجمل اللحظات بس لو جلا فك دربي انشاء الله ما بتجي عوجة طب !!!!!!!!



و التحايا للاخ ابراهيم موسى و يا المشاعر ربنا يتمم بخير انشاء الله .
Post: #8775
Title: Re: ناس الزقازيق ... أجدع ناس ( 3 ) ..
Author: محمد عيد
Date: 12-31-2010, 09:01 PM
Parent: #8774

مشــــأعر العزيزه ...

الف مبروك .... ولا نملك فى هذه العجالة سوى ان نهديك مشاعرنا

Untitled121.gif Hosting at Sudaneseonline.com
Post: #8776
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 12-31-2010, 09:22 PM
Parent: #8775

أول دقائق العام 2011 بالامارات...
كل عام و أنتم بخير....
محققين كل أمنياتكم...
متمتعين بالصحة و العافية..
و الوطن واحد...


التهنئة للأخت مشاعر بدوي...
أمنياتنا لك بحياة زوجية سعيدة...
Post: #8777
Title: Re: ناس الزقازيق ... أجدع ناس ( 3 ) ..
Author: Dr.Elsadig Abdalla
Date: 12-31-2010, 09:24 PM
Parent: #8775

عام سعيد لكل ناس الزقازيق ..واتمنى أن تتحق الأماني ..والف ألف مبروك لمشاعر بدوي والله تستاهل كل خير
Post: #8778
Title: Re: ناس الزقازيق ... أجدع ناس ( 3 ) ..
Author: مني يونس
Date: 12-31-2010, 10:25 PM
Parent: #8777

nnnn2.jpg Hosting at Sudaneseonline.com
Post: #8779
Title: Re: ناس الزقازيق ... أجدع ناس ( 3 ) ..
Author: محسنة ميسرة
Date: 12-31-2010, 10:41 PM
Parent: #8778

mmm1.jpg Hosting at Sudaneseonline.com
Post: #8780
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 12-31-2010, 10:49 PM
Parent: #8779

mmmmmm.jpg Hosting at Sudaneseonline.com
Post: #8781
Title: Re: ناس الزقازيق ... أجدع ناس ( 3 ) ..
Author: عفاف علي ميرغني
Date: 12-31-2010, 11:35 PM
Parent: #8780

a relaxed mind0000

apeaceful soul0000

ajoyful spirit000
ahealthy body000

and aheart full of love0000

that is my wish 4 u in this year and your next coming years00



00000000000000000000000000000
فافي مركبة مكنة محسنة 00 مهند 000 امنية 000 عشان اشوف بكرة بعيونهم

المليانة تفاؤل وجمال 000 احبهم\كم جميعا000
Post: #8782
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 00:09 AM
Parent: #8781

نحصل المولد ...

66.jpg Hosting at Sudaneseonline.com




كل سنة والجميع بالف خير ..

امنياتى القلبية للجميع بدوام الصحة والعافية

والسعادة والهناء
Post: #8783
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 00:14 AM
Parent: #8782

هدية العام الجديد لجموع الزقازيقاب

نتيجة السنة الجديده ..

من أعجبته يمكنه نسخها ووضعها على سطح المكتب

83049456.jpg Hosting at Sudaneseonline.com
Post: #8784
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 00:17 AM
Parent: #8783

1copyz.jpg Hosting at Sudaneseonline.com
Post: #8785
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 00:26 AM
Parent: #8784

لا ننسى فى هذا اليوم ان نحيى الوطن الجريح ...

ونبعث اليه بتحياتنا وأشواقنا وهو يحتفى - ربما لآخر مرة - باستقلاله وهو كامل الدسم ..

قبل ان يجور عليه هذا الزمن .. الذى أمسك بوثاقه حكم أضاع اولا ابناءه وجعلهم يهيمون فى شتات الارض

وانقلب الآن على اعضاء جسده الخائر يبترها واحدا" تلو الآخر ..!!

هل يا ترى يا وطن الجدود سنحتفى بعيدك العام القادم وانت كما كنت ...

SUDAN10.jpg Hosting at Sudaneseonline.com


ام انك ستصبح فى هذا الثوب المشوه متقطع الأطراف ؟؟
2632_01289989056.jpg Hosting at Sudaneseonline.com



لك الله يا وطن الشموخ ...

ولعن الله غربان الظلام ..!!
Post: #8786
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-01-2011, 01:18 AM
Parent: #8785

كل سنه والجميع بخير وصحه وعافيه وربنا يحقق الاماني
ومبروك مشاعر
Post: #8787
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 06:48 AM
Parent: #8786

مشاعر بدوي ... يا بت يا توتة ....الاف التبريكات.... بيت مال وعيال ...تستاهلي كل خير ....
اتمني ان يكون الشباب بالداخل علي معرفة بالمواعيد ...ويشاركوا توتة فرحتها ...
Post: #8789
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 07:00 AM
Parent: #8787

اجمل رسالة تهنئة بالعام الجديد جاءت من السودان ولم اعرف الرقم المرسل :
new year comes every year...
But (2011) is a special year
which will happen once in a live time.
it will start with 1/1/11
after ten days 11/1/11
after ten months 1/11/11
then after ten days again it will be 11/11/11
isn't that fantastic.?
Iwish u and your family a wonderful year .





شكراً ابو الجل ..
Post: #8788
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-01-2011, 06:51 AM
Parent: #8786

كل عام وانتم بخير

الف مبروك للاخت العزيزة مشاعر بدوى
تمنياتنا لك بحياة زوجية سعيدة
Post: #8790
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-01-2011, 07:29 AM
Parent: #8788


صباح النور والسرور
كل سنة والجميع موفقين وأبنائنا في قمة النجاح والتفوق
وربنا يزيد إلفتنا وتواصلنا والسودان إن شاء الله موحد وربنا
مايسمعنا تفرقة ولا إنقسام ولا حتى إستفتاء.

ألف ألف مبروك لمشاعر بدوي وبالهنا والسعادة والسرور
Post: #8791
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-01-2011, 07:30 AM
Parent: #8788

ابو الزوز
Happy New Year 2011


















-----
جلال مركب نفس ماكينة صاحبة التمائم
وقطع شك تهانينا ليها وبعلها وعيالها بالعام الجديد
Post: #8792
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-01-2011, 07:42 AM
Parent: #8788

أجدع ناس

كل عام وأنتم بخير

مع أمنياتي لكم بالتوفيق والتقدم وموفور الصحة والعافية

______________________

الأخت مشاعر

ألف ألف مبروك وبيت مال وعيال
Post: #8793
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-01-2011, 08:02 AM
Parent: #8792

طارق جبريل
كيفك
كل سنة وانت بالف خير وعافية
وحمدا لله على السلامة للعودة الى بلاد امير المؤمنين
طبعا الايام دي اميركم هايص
الدنيا راس سنة وكده
كااااااااااااااااااااااااك



Quote: يا ود الشادي مالك رافع مننا القزاز


ياتو قزاز ؟؟؟؟؟؟؟؟
Post: #8794
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-01-2011, 08:05 AM
Parent: #8788

صباح الخير ،،، يا وجوه الخير

هذا الصباح نهدية لأختنا العزيزة مشاعر بدوي

كل عام وإنتي بخير والف مبروك وأنتي تحتفلي اليوم

السبت بدخول القفص الذهبى ،،، حياة سعيده وحلوه

آخر إحتفال للإستقلال السودان وهو كامل معافى ،،،

أتمنى أن يقف هذا التقطيع حتى هنا،،،،،

تحية مره أخرى للولد ود جبرين للحكي الطاعم والذي

إستمتعنا به في البوست العام ،،،

كل عام والجميع بخير،،،،
Post: #8795
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-01-2011, 08:14 AM
Parent: #8794

الاخ الفنان محمد عيد
كل سنة وانت بألف خير
انت والاسرة الكريمة

شكرا ليك شديد على الصور الرائعة
وعلى الكالندر الجميلة بتاعة ناس الزقازيق
وعلى لوحات السنة الجديدة
Post: #8796
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-01-2011, 08:29 AM
Parent: #8795

سلامات يا ناس

وصباحات التفاؤل

وعام سعيد لكل الناس
Quote: اتمني ان يكون الشباب بالداخل علي معرفة بالمواعيد ...ويشاركوا توتة فرحتها ...


يا صاحب انت نائم وتلفونك برضو نائم؟ ومال الرسالة الرسلناها ليك دى شنو؟
Post: #8797
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 08:38 AM
Parent: #8796

صدّيق يا صديق

والله قريت المداخلة .... انا ما نايم انا طاشي شبكة ... تصدق الليلة شغالين ... وكمان بنمرة اربعة ... حليل عيد الاستقلال ... لمن كنا صغار ننتظر المسيرة تجي ماشة في شوارع كسلا ... تتقدمها المواتر ... الزمن داك ما كان في نجدات ... البوليس علي صهوة الجياد الصافنات (دي كيف) ... لا انسي حينما كنت صغيراً وكان الجو شتاءً ... كان هنالك ضابط يرتدي الزي العسكري كاملاً حتي قفازاته البيضاء ... ويمتطي حصانه كانه فارس من العصور الوسطي ... كان انيقاً ونظيفاً ما ادهشني انها كان يخرج دخاناً من فمه ... خلت ان الامر يتعلق بشجاة هذا الضابط وفروسيته ولم اتبين ان الامر لا يعدو ان يكون بخار ماء ... وفرقة موسيقي البوليس بقيادة عمنا ادروب عازف الايقاع الشهير ... وزوزو عازف الساكس او هي طلمبة او اياً كانت ... فقد كان رجلاً فناناً تشهد له كل المناسبات الموسيقية في المدينة ... كما فرحين ومنتشين ويمر امامنا الموكب ... به كل الون الطيف في المدينة ... عسكريين ومدنيين .... حليلك يا عيد الاستقلال اتلحست زي ما اي حاجة حلوة اتلحست في حياتنا ...

يا جلا عليك الله اعزف لينا نحن جند الله خلينا ننخج ....
**********
عبحتني مداخلة كمال الشادي .... براحة كده ختاه وقام جاري .. زي الراجل بتاع ترمسة الشاي ..

الشادي قوم ادينا فاتحتنا ....
Post: #8798
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 08:40 AM
Parent: #8795

ود الشادى العزيز

تحية لك ايها الفنان الرهيف الشــفيف

وامنياتى لك ولأسرتك الكريمة بعام سعيد وجميل وموفق

وامنياتنا للوطن بالنجاة مما نخافه ونخشاه ...

تخيل ليلة امس حفل وردى بتاع راس السنة ناس النظام العام فرتوقوهو ليهو قبل ما يغنى

اغنيته الجديده بتاعة امل دنقل والتى نشرها لنا الحبيب مبارك جادين ...

الخريف الليـــن .. من بشايرو بيــّن ..!!

******

نرجو ان تواصل قواعد الداخل ادوارها الاجتماعية ويشاركون مشاعر هذا اليوم السعيد ..
Post: #8799
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-01-2011, 09:11 AM
Parent: #8798

العزيز محمد عيد
تحية واحترام

يا أخي عيد الاستقلال السنة دي بالجد طعمو بايخ جدا
طعموا سخيف
والله انا قاعد براي في بيتي قررت اشغل الاناشيد القديمة واسمعها بتاعة وردي غلبني
يا أخي الواحد ما قادر يحتفل بي وطن بعد اسبوع ما عارف شكلو راح يكون كيف

-----------
Quote: اغنيته الجديده بتاعة امل دنقل والتى نشرها لنا الحبيب مبارك جادين ...

الخريف الليـــن .. من بشايرو بيــّن ..!!



يا محمد عيد
انت عارف كل السودانيين الجوه والبرا
المابعرف امل دنقل خلاص الليلة عرف في شاعر إسمو امل دنقل
ووردي لحن ليهو اغنية
والهبل في السودان منعوها
انت عارف لو محمد وردي غناها في الحمام
السودان كلو راح يسمعها وراح يحفظها
الناس دي دايشا والله شنو
نحن في زمن النت
ملعون ابو القدوقدو زاتو
Post: #8800
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 04:49 PM
Parent: #8799

يا جماعة المنبر ده كان وين ... والله العظيم قطع راسنا ...
Post: #8801
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 05:09 PM
Parent: #8800

مرحب بالعودة الميمونة لشادي القوم ... ويا رب تكون متصلة غير منقطعة... وده ترحيب خاص وحار ... رغم انه ابي يشيل معانا الفاتحة
Post: #8802
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 05:47 PM
Parent: #8801

الحاة المحيراني ما في زول في المنبر العام سال قال الحاصل شنو .... الناس دي كلها جات وواصلت عادي ...
Post: #8803
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 05:49 PM
Parent: #8802

الصفحة دي نقنطرها للقلب ... يجي ود حلال يقلبها ...
Post: #8804
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-01-2011, 05:53 PM
Parent: #8803

صندوق التكافل الاجتماعي
Post: #8805
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-01-2011, 07:27 PM
Parent: #8804

انقطاع المنبر العام عن البث ...

تزامن مع تعطل بعض انظمة التصفح ومحركات البحث بسبب عطلة راس السنة ...

توجسنا خبفة من تعرض سودانيز لهجوم هكرى ... لكن عموم المشكلة بعث بعض الاطمئنان ...

لكن يا ابو الزوز حرفنتك عينة ... تقنطر الصفحة وتجى تشوت براك ... ســــــــــيدا ... ســــــــيدا ... !!!

بس والله انت تبرى من اخلاق المتعجرف والانانى ده ...
Post: #8806
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-01-2011, 07:41 PM
Parent: #8805

ابو الزوز العزيز
شكرا كتير لي ترحابك
وصدقني في لغة كده بعد مرات بجليها وما بفهمها
يعني لمن قلت لي ادينا فاتحتنا
والله ما فهمتها
وعموما هاك الفاتحة دي

تحياتي



يا طارق جبريل
اكان عديت بي جاي
امشي اقرأ مداخلتي ليك في نهاية الصفحة الفاتت
تحياتي
Post: #8807
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 00:15 AM
Parent: #8806

مساء الخير ...

نصف حياة

لا تجالس أنصاف العشاق، ولا تصادق أنصاف الأصدقاء، لا تقرأ لأنصاف الموهوبين، لا تعش نصف حياة، ولا تمت نصف موت، لا تختر نصف حل، ولا تقف في منتصف الحقيقة،
لا تحلم نصف حلم، ولا تتعلق بنصف أمل، إذا صمتّ.. فاصمت حتى النهاية، وإذا تكلمت.. فتكلّم حتى النهاية، لا تصمت كي تتكلم، ولا تتكلم كي تصمت

إذا رضيت فعبّر عن رضاك، لا تصطنع نصف رضا، وإذا رفضت.. فعبّر عن رفضك، لأن نصف الرفض قبول.. النصف هو حياة لم تعشها، وهو كلمة لم تقلها، وهو ابتسامة أجّلتها،
وهو حب لم تصل إليه، وهو صداقة لم تعرفها.. النصف هو ما يجعلك غريباً عن أقرب الناس إليك، وهو ما يجعل أقرب الناس إليك غرباء عنك، النصف هو أن تصل وأن لاتصل،
أن تعمل وأن لا تعمل، أن تغيب وأن تحضر.. النصف هو أنت، عندما لا تكون أنت.. لأنك لم تعرف من أنت. النصف هو أن لا تعرف من أنت .. ومن تحب ليس نصفك الآخر.. هو أنت في مكان آخر في الوقت نفسه


نصف شربة لن تروي ظمأك، ونصف وجبة لن تشبع جوعك، نصف طريق لن يوصلك إلى أي مكان، ونصف فكرة لن تعطي لك نتيجة.. النصف هو لحظة عجزك وأنت لست بعاجز..
لأنك لست نصف إنسان. أنت إنسان.. وجدت كي تعيش الحياة، وليس كي تعيش نصف حياة


"جبران خليل جبران"
Post: #8808
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-02-2011, 06:40 AM
Parent: #8807

مالشيء الذي لاتراه ولكن أمامك؟ هو المستقبل

كيف تحك الزرافة أذنها ؟ بلسانها

ما الشيء الموجود في كل شيء؟ الإسم

سأل القاضي الزوجة عن إسمها فقالت إسمي سارة
سأل الزوج فقال اسمي: أكتب ني بعد - ها
إذا اسم الزوج (هاني)
Post: #8809
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 07:02 AM
Parent: #8808

صباح الخير يا وجوه الخير

أصحبنا واصبح الملك لله وحده

مرحب بعودة سودانيز أون لاين يوم أمس تعبنا من البحث

مرحب بالعودة الميمونه للعزيز الغالي ود الشادي ،،،،
Post: #8810
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 07:22 AM
Parent: #8809

يا شادينا .... قيل ان رجلاً توفي جاره والدنيا شتاء ... وعمل نايم من الدافنة ... اها جا الصباح شايل ترمسة الشاي ... وبصوت عالي يا جماعة كيف اصبحتوا ... نظام الولد معاهم لآخر لحظة ... قام ود المرحوم ... رد ليهو : اصبحنا ابونا ميت ... قوم ادينا فاتحتنا (514) والحقوق محفوظة لجلال ....

اما 514 دي برضو نشرحها ليك ...قيل ان اخانا الكوتش ينسي النكت والقصص الحكاها ليك ... عادي جداً ممكن يحكي ليك الحاجة 514 مرة ... اها مرات نص القصة يشوف تعابير وشك انك عارفها ... يقول ليك عارفها 514 بس حا اتمها ....




كنت اتمني ان اتم المداخلة 10.000 مع اكتمال الصفحات المائة الا ان رياح البوست اتت بما لا تشتهي سفني .... كنا عايزين الخروف يكون واحد .... لكن معليش
fghjjkjjjjjjjjjjjjjjjj.jpg Hosting at Sudaneseonline.com
Post: #8811
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 07:30 AM
Parent: #8809

وصلتني الرسالة التالية من ناس الزقازيق فرع

الدوحة بقيادة المايسترو تبيدي :



بسم الله الرحمن الرحيم
الإخوة الزقازيقاب الكرام
الأخوات الزقازيقيات الكريمات
السلام عليكم وكل عام وأنتم بخير
أذكركم ونفسي بأنه عام جديد وعلى عملنا شهيد فلنستبق للخير
ولنقدم لأنفسنا ما ينفعنا عند الحساب
اليوم عمل بلا حساب وغدا حساب ولا عمل
التحيات لكم ولأسركم أينما حللتم سائلا الله لكم كل خير
مرفق مجموعة من الصور لجلسة أنس وبهاء إنعقدت ليلة 31/12
من العام الماضي 2010 وذلك بمدينة الدوحة حي الغرافة مطعم
ديوانية البخاري (حتى المطاعم مؤصلة) وذلك على شرف إستقبال
ضيف الدوحة الزقازيقي العلم البادي النور ود معهد تجاري والذي
ينوي العمل بالدوحة.
حضر الجلسة مجموعة من زقازيقاب الدوحة :
أحمد عمر الباقر - أسامة طيارة - عماد العبيد - أنور حسن خالد معهد تجاري -
محمد حمزة حمودي - يوسف مصطفى الدليل - الفاتح يونس - محمد حامد تبيدي -
وقد إعتذر الأخ الهميم الأمين لظرف طارئ وطارق علي الحسن لزواج ابنته
وسر الختم المدعو لوجوده بالسودان وطارق عوض الكريم لوفاة والده ولم
يحضر آخرون لظروف خاصة بهم
نسأل الله دوام المحبة والتواصل بلا حواجز
تماما كما كنا في الزقازيق الحبيبة
معزتي لكم جميعا

محمد حامد تبيدي
الدوحة 0097433509929

===========
سوف تنزل الصور تباعاً
Post: #8812
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 07:52 AM
Parent: #8811

sudansudansudansudan3.jpg Hosting at Sudaneseonline.com
Post: #8813
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 07:58 AM
Parent: #8812

sudansudansudansudansudan7.jpg Hosting at Sudaneseonline.com
Post: #8814
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 08:05 AM
Parent: #8813

sudansudansudansudansudan8.jpg Hosting at Sudaneseonline.com
Post: #8815
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 08:08 AM
Parent: #8813

والله دي مفاجاة القرن ... لو كان اغترابي مفاجاة الموسم ... حق البادي مفاجاة الالفية الثالثة ...... معقولة يا البادي بعد ما شاب دخله الكتاب ... لكن اكيد تكون جاي مدير كبير ..... والله انا في البداية قلت تبيدي ده جاهو الزهايمر واتلخبطت عليهو البوادي ... خاصة لمن قال معهد تجاري ... وقلت يا ولد ما تستعجل ... خلي الصور تنزل ... القي ليك زولي الما يغباني ... ذاتو بصلعته والجلابية العلي الله ..... غايتو يا السودان محنك ما بتخلص ... كده كويس يا البادي خربت علي الاحتفال بتاع العشرة الفية ... الله يجازي محنك ...


***************
يا شباب بكري قال البوست بتاعكم عمل ليهو بعض المشاكل الفنية وغير الفنية بيستميحكم عذراً في الارشفة ... عليكم الله شدوا حيلكم وعلي نهاية الاسبوع ده يتارشف رايكم شنو .... حددوا يوم للارشفة ونبلغ بيهو بكري
Post: #8817
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 08:19 AM
Parent: #8815

والله ي البادي لكن غتيت كيف
يعنى خايفنا نرسل معاك كرتونة حلو مر لي عزام دا ولا زيت سمسم لي تبيدي
اكون عاملا لينا مفاجاءة ياربي ...
لكن والله الدوحة نورت والله
سوف نكون بطرفكم ان شاء الله عما قريب*





























-----
* في بداية افتتاح مباريات كاس العالم 2022
Post: #8816
Title: Re: ناس الزقازيق ... أجدع ناس ( 3 ) ..
Author: وليد عبد اللطيف
Date: 01-02-2011, 08:15 AM
Parent: #8812

كل سنه وجميع الزقازيقاب بخير
.
.
زقازيقاب احبكم


دوري دوري يا الايام بأشواقنا عدينا ...
انحنا ا الليله يالحبان من بلدا بعيد جينا ...
===
على رمل الطريق من بيتنا جابنا الشوق بي سكتكم ...
صحى الذكريات فينا طواف الغيم في بحارتكم ...
بعد ما كنا نحن نسينا ايه ذكرنا دنيتكم ...
===
صبح رمل الطريق حزنان عليه سحابة حزنانه ...
هناك لاقونا ناس سألونا ايه عاملين في دنيانا ...
وحات سيرتكم الحلوة يا احلى عبير في ريحانه ...
هفّت بينا زكراكم ودنياكم مفارقانه ...
===
وحات عزتكم الفي قلوبنا ياحلوين تطلونا ...
افتحوا لينا احضانكم بعد توهانا لمّونا ...
ماقالو الغربة بتغير وخايفين بكره تنسونا ...
Post: #8818
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 08:23 AM
Parent: #8816

وليد ...
كل سنة وانت طيب يازول ياسمح
وشكرا للكلمات المعبرة ...
Post: #8820
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 08:30 AM
Parent: #8818

Quote: يا شباب بكري قال البوست بتاعكم عمل ليهو بعض المشاكل الفنية وغير الفنية بيستميحكم عذراً في الارشفة ... عليكم الله شدوا حيلكم وعلي نهاية الاسبوع ده يتارشف رايكم شنو .... حددوا يوم للارشفة ونبلغ بيهو بكري

والله يا ابو الزوز بالايقاع البطئ الشايفو دا ما اظن نهاية الاسبوع تكفى
بس بقترح وعشان نسرع من الايقاع نبدأ الاحتفالية ومن الصفحة الجاية
ونخصص كل صفحة للاحتفال بموضوع - شخصية - حدث - الخ ...
وبنهاية الصفحة المية نكون احتفلنا بحاجات كتيرة ...
اسي جلا يجى ناطي يقول لي زي شنو؟
بس انا بكبر الدماغ وبترك الرد عليهو لموسى عيسى...
"ازر وايس" نقول لي بكري اذا تكررت المشاكل الفنية وغيرها ...
أرشف وقشة ماتعتر ليك
رايكم شنو
Post: #8819
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-02-2011, 08:24 AM
Parent: #8816

إنت عارف يا وطن البيني بينك ما شوية
Post: #8821
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 08:32 AM
Parent: #8819

يا ابو الجل وحات خوتك الناس الفي الصور ديل ما عرفت فيهم ولا زول ... الا كان اسامة فرج الله .... خلي بالك الناس ديل يكون دفعتك ...
Post: #8822
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 08:39 AM
Parent: #8821

العزاء لال هباني وال المهدى في فقيدنا العم والخال بدر الدين يوسف هباني


بوست عزاء ....
Post: #8825
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 08:45 AM
Parent: #8822

Quote: إنت عارف يا وطن البيني بينك ما شوية

كمال الشادي ....
اهو ريدك ساقنى ليك ...
وكلنا هذه الايام ملئ بعشق المليون ميل مربع
ولكن ياللاسف .... ياللاسف ...

تسلم ياعم كيمو ويسلم الوطن
Post: #8823
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-02-2011, 08:43 AM
Parent: #8821

التحية لناس الدوحة
ملمومين فى الافراح انشاء الله

يا البادى
بعد ما شاب دخلوه الـ قـــــطر


يا صالح تبلدينا اها خــم وًصـــر بت طاق محمد الحسن عرسوها

هسه تجينى تقرقر ..
تضحك بلا ســــنون اريتك .....
Post: #8824
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 08:44 AM
Parent: #8821

تمنح لشهر وقابلة للتمديد 90 يوماً فقط
تأشيرة دخول فورية لأصحاب «188» مهنة من مقيمي الخليج


2011-01-03
الدوحة - محمد صالح أحمد
علمت «العرب» أن وزارة الداخلية اعتمدت منح أصحاب «188» مهنة من المقيمين بدول مجلس التعاون الخليجي
تأشيرة دخول فورية بمطار الدوحة الدولي.
واشترطت «الداخلية» على الراغبين في الحصول على تأشيرة دخول فورية من المقيمين بدول الخليج
ضرورة أن تكون مهنة طالب التأشيرة بالإقامة من المهن الـ«188» المعتمدة
وأن تكون الإقامة سارية المفعول ولا تقل صلاحيتها عن 6 شهور
وإبراز جواز سفر ساري المفعول لا يقل عن 6 شهور.
وحددت الداخلية الرسوم المطلوبة بـ «100» ريال قطري، تسدد بواسطة البطاقة الائتمانية
وأكدت أن التأشيرة تمنح لمدة شهر عند الدخول، وتكون قابلة للتمديد لمدة 3 أشهر فقط
وفرضت «100» ريال رسوم التمديد عن كل شهر إضافي تسدد بواسطة البطاقة الائتمانية.
ووضعت «الداخلية» غرامة بقيمة «200» ريال عن كل يوم مخالف
واشترطت على طالب التأشيرة الفورية أن يحمل تذكرة ذهاب وعودة.
وتنشر «العرب» قائمة المهن الـ «188» المعتمدة لمقيمي دول مجلس التعاون الخليجي
للحصول على تأشيرة دخول فورية بمطار الدوحة الدولي.

الدوحة مشرعة الأبواب .. للمقيمين في الخليج
Post: #8826
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-02-2011, 09:02 AM
Parent: #8824

عبد الدائم النضيف
بالله
قدام الله وخلقو
وقدام الناس دي كلها
اشرح لي ليه لمن نزلت الاغنية الفاتت دي
ما إشتغلت طوالي
زي حركاتك البتعملها ديك
يعني تفتح الصفحة طوالي تشتغل

المرة الفاتت لمن علمتني كيف انزل الصور والاغاني
دسيت علي الحتي دي عارفك دغييييل
Post: #8827
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-02-2011, 10:01 AM
Parent: #8826

كريم الوعد
كل سنه وانت بخير وعافيه
عجبتني صورة الوالده ربنا
يحفظها. بس شلوخها ما ليليت شايقيه
باقي شلوخها مطارق وقول ليها دعواتك
Post: #8828
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 10:10 AM
Parent: #8827

Quote: يا شباب بكري قال البوست بتاعكم عمل ليهو بعض المشاكل الفنية وغير الفنية بيستميحكم عذراً في الارشفة ... عليكم الله شدوا حيلكم وعلي نهاية الاسبوع ده يتارشف رايكم شنو .... حددوا يوم للارشفة ونبلغ بيهو بكري


شكرا بكرى وما قصرت ابدا ...

رأيى .. ان نطلب من بكرى أرشفة البوست الحالى بنهاية يوم الخميس القادم ...

علــى ان تكون الاحتفالات فى البوست الجديد ومن أول صفحة كى تبقى لفترة وتحظى بنسبة مشاهدة عاليه ..

وكى نجتذب قواعد الزقازيقاب المتابعة فقط بصورة أكبر ...
Post: #8830
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 10:20 AM
Parent: #8828

من أكثر الثقافات التى نجحت الانقاذ فى زرعها فى نسيج الشعب السودانى ..

الاتقان الكامل لأساليب العمل الســـرى ...!

وياحليل الاحزاب والتنظيمات الزمان ... الشغل بقى كلو شغل غواصات ومفاجآت استراتيجية

ابتدينا بالحاج الســرى ثم المغترب الســـرى ... ثم الزواج - او الزواجات الســـربة !! -

وأخيرا وليس آخرا ... هجرة البادى الســرية .. والتى تنطلق من هدف واحد ...

وهو التحضير لمونديال 2022 !!

البادى الحبيب ... هليت ونورت الخليج العربى ... وانشاءالله خطوة خير وسعد ...

Post: #8831
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 10:22 AM
Parent: #8828

اتفق مع محمد عيد .... اي اقتراحات
Post: #8829
Title: Re: ناس الزقازيق ... أجدع ناس ( 3 ) ..
Author: Tabaldina
Date: 01-02-2011, 10:18 AM
Parent: #8826

..
.
كل عام وانتم جميعا بخير
ونسال الله ان يكون عام 2011 عام مشرق بامنيات طبية
وملئ بالافراح للجميع وخصوصا الكاشف اخوى .. الود دا انا قلبي عيه :)
وواتمنى لكل الاخوة والاخوات الزقازيقاب بالصحة والعافية
وكل سنة وانتم بالف خير؛

الود ابو الزوز مع العام الجديد
ظهرت عليه اعراض الخرف والزيهايمر يعنى انا قريت السطور دى وقعدت افتش
فى البادى اللابس الجلابية العلى الله
Quote: وقلت يا ولد ما تستعجل ... خلي الصور تنزل ...
القي ليك زولي الما يغباني ... ذاتو بصلعته والجلابية العلي الله


بصراحة ولا زول فى الصور ما مالابس جلابية.. :)

اخونا البادى
شنو ياخى الخيانات دى مش اتفقنا نغترب سواء
والله خاين .. يا زول ربنا يوفقك ويسدد خطاك
ويجعل ليك رزق فى دوحة العرب .. غايتو انا منتظر
نتيجة الاستفتاء وبعد داك نقرر يا لحقناك يا لحقناك

--------

البتاعه دى عاجبـانى هاكم ليها بكون فى ناس كتار
ماسكين اللحن لكن الكلمات رايحه ..
Enjoy

صه يا كنار
صه يا كنار و دع يمينك في يدي
و دع الملامة للملالة و الدد
صه غير مأمور و هات هواتنا
ديما تهش علي أصيد الأغيد
*****
فاذا صغرت فكن وضيئئا نيرا
مثل اليراعة في الظلام الأسود
و اذا وجدت من الفكاك بوادرا
فابذل حياتك غير مغلول اليد
و خذ المطالب من زمانك و العن
العريف علي الرعاف و لا تد
فاذا ادخرت الي الصباح بسالة
فاعلم بأن اليوم أنسب من غد
و اسبق رفاقك الي القيود فانني
اّمنت أن لا حر غير مقيد
و املأ فؤادك بالرجاء فانها
بلقيس جاء بها غياب الهدهد
فاذا تبدل شمل قومك فاجمعاً
فاذا أبوا فاضرب بعزمة مفرد
فالبندقية في بداد بيوتها
طلعت بمجد لييس بالمتبدد
*****
صه يا كنار و دع يمينك في يدي
فكأن يوم رضاك ليلة مولدي
أنا كم رعيتك و الأمور عصية
و بذلت فيك جميع ما ملكت يدي
و جري فؤادي نحو قلبك سلسلا
لكن قلبك كالأصم الجلمد
*****
لك في فؤادي يا كنار مكانة
أسمي و أقدس من مكانة أحمد
و لدي أحمد كالحياة و كالمني
من كل ممتنع و كل مؤيد
قاسمته ظلم الحياة و ظلمها
و نشأت بين جنانه المتجدد
*****
صه يا كنار فما فؤادي في يدي
طورا أضل و تارة لا أهتدي
و لأنت أعلم كيف أقتنص الهدي
حتي قنصت به سهاد الجدجد
و أري العوازل حين يملكنا الظمأ
فأموت من ظمأ أمام المورد
و أرود أرجاء البيان مداجيا
فأضيق من أناته بالشرد
*****
أنا يا كنار مع الكواكب ساهر
أسري بخفق وميضها المتعدد
وعرفت أخلاق النجوم فكوكب
يهب البيان و كوكب لا يهتدي
و كويكب جم الحياة و كوكب
يعصي الصباح بضوئه المتمرد
أن كنت تستهدي النجوم فتهتدي
فانشد رضاي كما نشدت وجدد
و ان كنت لست تطيق لومة لائم
فأنا الملوم علي عتاب الفرقد
*****
صه يا كنار فبعض صمتك مسعدي
حتي شدوت فجاء شدوك مسعدي
و فضيلة بين التبسم و البكاء
لو تعلمون، تجلد المتجلد
و تأمل ملأ التأمل حسنه
و كساه من حلل الأصيل العسجد
ألم تأجج في ثيابك لم يكن
ليزول دون اهابك المتوقد
غربت به الأيام و هي عوابس
فقضيتهن مودعا في الموعد
*****
صه يا كنار فبعض صمتك موجع
قلبي و موردي الردي و مخلدي
أرأيت لولا أن شدوت لما سرت
بي سارياتك و السري لم يحمد
*****
أنا لا أخاف من المنون و ريبها
ما دام عزمي يا كنار مهندي
سأذود عن وطني و أهلك دونه
في الهالكين
فيا ملائكة اشهدي
Post: #8832
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 10:44 AM
Parent: #8829

أغرب 6 حالات وفاة في العالم
_______________________

الحالة الأولى

في أحد الحقول تناولت أحد العاملات ماء بارد


ولكنها أصيبت بالذعر

عندما لاحظت وجود بعض النمل في الماء
فأسرعت إلى المنزل وشربت مبيد حشري:t100::t100:


فحدثت لها تشنجات ثم توفيت بالمستشفى ...


الحآلة الثآنية

غرق عامل يدعى " روبرت هيرشي "

كان يعمل بمصنع للفطائر في مدينة أوننغتون
بولاية بنسلفانيا ، بعد سقوطه في قدر مليء بالشوكولاته ...


الحآلة الثآلثة

بدأ عامل البناء الإنجليزي " أليكس ميتشل " الضحك

بدون السيطرة على نفسه وهو يشاهد مسرحية كوميدية

تسمى ( ذي غوديز ) وبعد نصف ساعة سقط ميتاً ...


الحآلة الرآبعة

في وارسوا ( بولندا ) غضبت إمرأة غضبآ شديدآ عندما أبلغها زوجها أنه سيتركها

لدرجة أنها القت نفسها من نافذة الدور العاشر ...

وفي هذه اللحظة نفسها كان الزوج

يخرج من المبنى ، فوقعت زوجته عليه وقتلته وعاشت هي ...


الحآلة الخآمسة

تعرض " هنري زيغلاند " من تكساس لإطلاق النار من شقيق محبوبته ،

ولكن الطلقة أصابته بعد عشرين عامآ
فقد أخطأ الأخ إصابة " زيغلاند " واستقرت في شجرة قريبة ....
وعندما قام " زيغلاند" بنسف جذع الشجرة بعد ذلك بعشرين عامآ ،

إنطلقت الطلقة وأصابته في رأسه فقتلته في الحال ...


الحآلة السآدسة

كانت أربع من المشعوذات في مدينة المكسيك يقمن بإعداد جرعة من خليط

يستخدمنه في الشعوذة ،
ولكن أثناء قيامهن بغلي الخليط السحري من الأعشاب والأمونيا في مرجل ،
ماتت الساحرات الأربع بسبب الأبخرة المتصاعدة!!!!!



صدق المثل ( إنقلب السحر على السآحر )
Post: #8833
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-02-2011, 10:50 AM
Parent: #8829

يا كيمو بروفايلك كلو زينة عام 2011

اما بخصوص تشغيل الاغنية الدرس الفات انا قلت ليك
تعال بكره ، تانى يوم انت اعتذرت وقلت كان عندك نزلة برد
من تحت تحت عرفت انك طلعت حفلة الاسكندرية

عشان كده بشرح ليك بالتلفون عشان البرالمة الباقين ما يســتفيدو
( مركب مكنة شايقى (8_8)
Post: #8834
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 11:06 AM
Parent: #8833

بما انو زهير ثنى اقتراح محمد عيد
ولم يجد اقتراحي مثني
.
..
...
اذا فاز اقتراح محمد عيد بالتزكية ...
عليه نطلب من بكري ارشفة المنبر يوم الخميس ...

حسادة كدا بس
ولا اقول ليك ياريس "بكري"
رشو اسا دي
Post: #8835
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 11:17 AM
Parent: #8834

Quote: أرشف وقشة ماتعتر ليك
رايكم شنو


يا جلجل كنت عايز أثني اقتراحك لكن ما فهت الكلام الانت كتبتو ده...

انت لسه ما عملت نيو لوك لي لغتك القديمة دي بمناسبة 2011...

لكن أقول حاجه برضو مثني اقتراحك كيتا في محمد عيد عشان فاتح لينا...
Post: #8836
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 11:26 AM
Parent: #8835

رش ياحبيب
طيب وبي لغة مودرن وكا
ارشفوا ياريس وما تعتر ليك قشة ...
اها رايك شنو في النيو لوك دا

انت في دا يالرشيد ولا عاين للزول العامل فيها دفعتنا دا
Quote: يا ابو الجل وحات خوتك الناس الفي الصور ديل ما عرفت فيهم ولا زول ... الا كان اسامة فرج الله .... خلي بالك الناس ديل يكون دفعتك ...


اجي يازهير ... ماتبالغ انت كمان
انا مش لما جيت الزقازيق لقيتك انت ومحمد الهادي خالطين في شارع القومية

حد يصحي سامي يا اخوانا
Post: #8837
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 11:33 AM
Parent: #8836

تعرف يا جلجل أنا لقيت عندي صور قديمة و في سنة تانية بالتحديد...
لقيت فيها ناس كتار يتهموننا بالجلكنة أنا و منصور و نحن منها براء..
بس ما تقول لي نزلها هنا...
عشان تنزيل صور سنة تانية ده لسه ما عرفتو...
Post: #8838
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-02-2011, 11:33 AM
Parent: #8836

Quote: لحآلة الرآبعة

في وارسوا ( بولندا ) غضبت إمرأة غضبآ شديدآ عندما أبلغها زوجها أنه سيتركها

لدرجة أنها القت نفسها من نافذة الدور العاشر ...

وفي هذه اللحظة نفسها كان الزوج

يخرج من المبنى ، فوقعت زوجته عليه وقتلته وعاشت هي ...

محمد عيد كل سنه وانت والاسره بخير
انا صدقت ياريت الشرطه واولاد الشيوخ يصدقوا
Post: #8840
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 11:37 AM
Parent: #8838

Quote: انا صدقت ياريت الشرطه واولاد الشيوخ يصدقوا


نملوز يا حبيب...
أنا ما مصدق...
برضو كيتا في محمد عيد...
Post: #8839
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 11:36 AM
Parent: #8836

جيت اسلم عليكم
البادي ربنا يعدل الخطوة
Post: #8841
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 11:43 AM
Parent: #8839

يا ابو الجل واحد صاحب سامي ... لمن اتصل بيهو يقول لي برلومك ... شابكني ليك برلومك زيادة من عشرومية مرة والراجل مصر عليها وانا ما عايز احرجوا بس حارقاني شديد .... شوف محن الزمن سنيري سامي يبقي برلومي .... الواحد هسه يقوم علي الصبغة والساونا ولا كيف .... برضو تقول لي حدي يصحي سامي .... انتو الرشيد ومنصور ديل مش دفعة اجدادنا القدماء ..... حدي يصحي منصور وموسي عيسي
Post: #8844
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 11:54 AM
Parent: #8841

Quote: وانا ما عايز احرجوا بس حارقاني شديد

والله يا ابوالزوز كان قلت ليه مابصدقك
انت عارف سامي دا لو ما الطول
كان الجكس يقول ليهو "حلاتو" زي صالح
او في رواية اخرى
ديل الجا معاهم منو ...
Post: #8842
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2011, 11:47 AM
Parent: #8835

بكرى ده انحنا مش اتفقنا معاه ؟؟!!
مالو علينا طيب ؟؟؟
خلاص يوم الخميس يوم الخميس
حكم بكرى على الضعيف نسوى شنو ؟؟!!!







اقترح ان ينقل لنا طارق جبريل , او اى زول تانى , البوست بتاعه عن رحلة السودان كاملا هنا ,على الأقل نحتفظ بيهو فى دولابنا لجماله وبساطته ومباشرته
ونقرب بيهو مسافة المية ميل
وهسى انا البيعلمنى اعمل اسكان لى صورة امى واختها بروفايل زى الشادى وحاتم جبارة وطارق جبرين وزهير الزناتى منو ؟؟؟
Post: #8843
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 11:51 AM
Parent: #8842

اتصل علي اقرب ميكانكي ... زي ما بيقول اخونا زمان الكوتش
Post: #8845
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 11:55 AM
Parent: #8843

يا منصور غالي والطلب رخيص حا اشوته ليك كله هنا بي صوره
بعد الأرشفة
نحن عندنا كم منصور ياخي
Post: #8846
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2011, 11:55 AM
Parent: #8842

يعنى هسى نستفيد من الكلام ده , مقرونا ومقروءا مع نظام الزيارات الجديد لدولة قطر
ومستصحبين معانا فوز قطر بتنظيم كاس العالم 2022
وأخذين فى الحسبان ان البادى غاب من حفلة ناس على نجيلة اخو ياسر لظروف قاهرة
انو كان واقف فى صف التأشيرة ولا شنو ؟؟؟







اما عن نية جلال المبيتة لأرشفة البوست حتى ولو قبل يومو
مصحوبة مع نية هجرة لى قطر بعد (حداشر سنة بس )
فحدث ولا حرج
Post: #8848
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2011, 12:07 PM
Parent: #8846


انت عارف يا وطن , البينى بينك ما شوية
مع بوست الود المسنوح الذى انتزع اعتراف حاتم جبارة انتزاعا
مع هجرة البادى الى قطر
ونيتى مع جلال لحضور كأس العالم 2022
وتهور بتنا ابتهاج وهى تصحى ابو الزوز عشان يشوف نانسى عجاج (فى تصرف لا يمت للحصافة بصلة )
مع امسيات الخرطوم الثقافية التى بدأت بنانسى وانتهت بالبلابل
وناس امنية ومهند العايزين ابوهم يجيب ليهم (المكشن بلا بصل , او كما قال واوضح )
مع جية نجاة حوفى الخطافية
وكالندر محمد عيد الزقازيقى النادر
وعرس مشاعر بدوى الفى نادى (القوات المسلحة )
فنحن فعلا من نفر (عمروا الأرض حيثما قطنوا )
Post: #8847
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 12:02 PM
Parent: #8842

يا منص بعد ما عايز اشرح ليك الطريقة اتذكرت انه عندك صوره في بروفايلك يعني ما محتاج لميكانيكي
Post: #8849
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:12 PM
Parent: #8847

يا منص افتينا
اها نرش البوست هنا ولا نجيبوا بعد الأرشفة
Post: #8850
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 12:13 PM
Parent: #8847

يامنص مشتاقين عديل كدا ...
والربربة الشغالة هنا دي برضوا
امعاناً في نظرية مؤامرة ارشفة البوست
ياخ والله الكمبيوتر بتاعي بقى من اضغط ليك "ناس الزقازيق" كدا
تسمع واي واي واي .... زيتو طلع ياخ
وان شاء الله الناس ديلاك القاعدين يوزعو الاجهزة الحديثة
واعني الاي بود وغيرها ... يحسوا بى معاناتنا دي ياخ
Post: #8851
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 12:16 PM
Parent: #8850

يا جبريلا رشو رشاها البلا .... قبل الارشفة طبعاً
Post: #8853
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:24 PM
Parent: #8851

سلام يا الحبان
هي في المجمل انطباعات شخصية عن زيارة خاطفة الى السودان
انطباعات عن ما شاهدته بام عيني وعن حكايات استقيتها من اهلي وعشيرتي
حا اكتب دون نظام
يعني ممكن تكون مواضيع متباينة ومافي جامع بينها
بس حا اكتب




* الشامبيون:
النصيبة دة مالي البلد بالاعلانات.. محل تقبل تلقاهو قدامك.. يا ربي مبيعاته بتغطي الاعلانات دي؟؟
الشباب بقى يسمي الحاجة السمحي ((شامبيون))
يعني لو جكستلك جكسوية نضيفي وتراري يقولولك: لكن جكسيك ما ((شامبيون))
وحات الله ريحتو علي المريسي.. وماني عارف الناس العاجبهم فيهو شنو
شيتا مصفر كدي ومر علي حناضل القيزان


* الركشات والامجادات:
ياخي ديل علي ((الجقور)) في مخزن العيش..
بالله ينجارن من هني لا هني زي السواسيو الامهن تكاكي قدامن
ياخي ما خلنهن شي للتكاسي..
ما شفتلي زولا بالغلت راكبلو تكسي
والتكاسي ذاتن قُداااااااااام كدي ومصفرات علي ((عيش الريف)) المسلوق
ومعظم الركشات والامجادات سايقنهن اولاد صغار
واي زول ينقنق فوقن: الله ينعلهم ديل سبب الحوادث كلها منهن
الذ شي لمن تركب مع واحد فيهم يقول ليك: جيب المعقول
والمعقول دة ممكن يكون كسر رقبة


*السيراميك:
البيوت كلهن سوووهن سيراميك
وسيراميك الجن دة يسكت يقلم في خلايق الله
نحن يومي في الاسبتاليات نزور في خلق الله دي:
فلان مجبص انزلق في السيراميك
فلانة حصلوها كسرت مخروقتها في السيراميك
الخروف اربطوهوا في الدرابزين لا ي و س خ السيراميك
دايرين نقلع الضفرة نسويها سيراميك
السيراميك دة مالو وس خ ن كدي قومي يا حواء اشطفيهو بالخرطوش
البيت أليلي كمل بس فضلي السيراميك


* الموبايلات:
بالله النصايب ديل هناك هاجسا كبير خلاص
انا من الله خلقني النصيبة دة ما بعرف اعافر فيهو غير الزر اللحمر والزر اللخدر
خلايق الله دي كلها شغالة تكابس في ازرار الجن دي
وكل زول ماهو عاجبه الموبايل أليلو لانه قديم
والعجب الشباب.. باقيلي الواحدي ان حبتلها ولدا سميح
ولقت موبايلو قديم تديهز شاكوشا كارب فشان ما قالها نوع موبايلو
بالله تلقاهم قاعدين مع بعض وكل زولا يبعبص في موبايلو
زي البينضفولم في عدس ولا قمح قبل يدققوهوا
والعجب الرنات: شي مديح وشي محمود عبد العزيز
وشي مهند ونور وشي اغاني واغاني
غايتو ساولهم هيصي في موبايل الجن دة
التقول داير يشيل ((الانقاذ)) من الحكم


اي زول عايز يتونس معاك يعزمك محل اكل
بالله لمن شككوني في نفسي: يا ربي انا وزن الريشة ولا شنو
شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي))..
وشارع المطار بالله مفروض يسموهوا ((شارع الملاهط))
بقى كله مطاعم والناس طابقة وداخلة تلهط
والعجب لو بعد اللهطة ودوك الديم تشرب قهوة حبش
يمين الحبشية دي تزبط ليك البن دة جنبك مع ريحة البخور
وهي بتقلي في البن انت ذاتك تتقلي معاها
والله لمن تكُب ليك الفنجان دة
بالله من سماحتها تشوف الفنجان دة صحن خشاف



في شجرة كدة جديدة مالية الدنيا
بالله أي درابزين تلقاها محاوطاهو
وقالوا بس تديها موية تلقاها في السماء
الشجرة ملفتة جدا خصوصا في الأحياء الشعبية
الشجرة ((ضرا)) للبسطاء
وراء الشجرة دي تقضي معظم الأُسر يومها
ينوموا وراها
ياكلوا وراها
((يقطعوا)) وراها
يحبوا بت الجيران وراها
يتشنقلوا في الضُهرية بي عراريقهم وراها
نسوان الحلة يجيبوا ((الميز)) ويوزعوه وراها
شجرة ساترة الناس ياخي




رشيناهو يا ابو الزوز
Post: #8852
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-02-2011, 12:19 PM
Parent: #8850

Quote: تعرف يا جلجل أنا لقيت عندي صور قديمة و في سنة تانية بالتحديد...
لقيت فيها ناس كتار يتهموننا بالجلكنة أنا و منصور و نحن منها براء..
بس ما تقول لي نزلها هنا...
عشان تنزيل صور سنة تانية ده لسه ما عرفتو...


16102007308R1004.jpg Hosting at Sudaneseonline.com


الرشيد لقيتنى كيف بالله، مش دي برضو في سنة تانية
وإن كانت هي ليست المعنية.
Post: #8854
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-02-2011, 12:30 PM
Parent: #8850

من الارشيف




sudansudansudansudansudansudan8.jpg Hosting at Sudaneseonline.com




sudansudansudansudansudansudan11.jpg Hosting at Sudaneseonline.com







sudansudansudansudansudansudan25.jpg Hosting at Sudaneseonline.com






sudansudansudansudansudansudan28.jpg Hosting at Sudaneseonline.com
Post: #8855
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:42 PM
Parent: #8854


الجرائد في السودان كلهن زي بعض
احمد وحاج احمد
والتصميم ضعيف شديد ومحتاج لي وقفة من اصحاب الجرائد
الهم الكبير ((لمعظم)) مالكي الجرائد هو الكسب السريع
عايزين يغنوا باسرع طريقة
لا يهم الجريدة دي بتطلع كيف ولا العاملين فيها ديل شغالين في ياتو ظروف
ضعف التصميم والمادة الصحفية موش لانه مافي كفاءات بشرية
بالعكس الكفاءات موجودة بس محبطة جدا
تخيلو مخرج ومصمم مضطر يلف على الجرائد كلها عشان يشتغل ليه صفحتين هنا
وصفحتين هناك عشان يقدر يطلع شهرية تعين اسرته على الحياة
وضعية زي دي منتظرين منها تبدع وتصمم بشكل جيد.. لا اعتقد
اتونست لي مع صحفي عن راتبه لقيته بياخد خمسمائة الف جنيه بالقديم
ومطلوب منه يجي من الصباح عشان يطلع مادة صحفية جيدة
عليكم الله قروش ######## زي تعمل ليه شنو
حدثني مدير تحرير عن انه شك في مادة صحفية انه فيها ريحة رشوة
لم سأل الصحفي عن الموضوع لقى انه امه في المستشفى ومحتاجة لادوية بي مائة الف
والصحفي عنده طفلين غير مصاريف ناس بيتهم
قال لي مررت المادة وعملت رايح لانه لو كنت مكانه كان عملت كدة برضو
بعض عناوين المانشيتات كارثة حقيقية
((سلفا كير سلم على رئيس التحرير وقال ليه: وين يا فلان))
تخيلو دة عنوان مانشيت رئيسي
عناوين المانشيتات في الغالب توضع بشكل ما فيه اي نوع من الجمالية
ممكن تكون نص الصفحة الأولى مانشيتات مع لوغو الجريدة
ودة جماليا غير مريح
والتعليل الجاهز: القارئ عايز كدة
اياكم واحد يغروه يكتب مع جريدة او يراسلها
يمين يمطوحوا اهلك في القروش ويذلوهم ذلة الكلاب
في الأول يقولوا ليك كلام سمح ومنمق كدة
أول ما تجي للدفع يتغابوا فيك العِرفة
رئيس تحرير طالبته صحفية بالراتب لانها ستة شهور ما دفعوا ليها راتب
قال ليها: مفروض تفتخري انك بتكتبي في جريدتنا.. دة براهو راتب
الدولة متحكمة في الإعلانات عشان تخنق الناس المزعجين
نادر جدا جدا تلقى ليك مقال ينتقد شركات الاتصالات.. لانها بتضخ اعلانات كويسة
الغريبة انه الصحافة اصبحت صحافة رأي اكتر من انها صحافة خبر
كتاب الرأي الأعلى دخلا في المهنة
وبيتمنوا زي ما عايزين
غايتو الصحافة دي هم على القلب عديييييييل كدة
ربنا يعين الصحافيين والمصممين هناك
رقابة ذاتية
ورقابة مدير التحرير
ورقابة رئيس التحرير
ورقابة مُلاك الجريدة
ورقابة الأمن
المحصلة شنو تفتكروا؟؟
Post: #8856
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:42 PM
Parent: #8855

زمان البلد فيها تلاتة وجبات
الفطور يسولك القراريص بالملحات
ولا فولا كارب ومعاهو بيض
وتقعد تلوغد وتحمد ربك
والساعة تلاتة مع برنامج ((عالم الرياضة)) في الرادي تلقى الصينية مختوتة
وملياني ملحات وسلطة خدرا وكسرة في الجنبات ومختوت فوقها العيش (الطوستة)
وبالليل مع نشرة تسعة يختولك العشاء
يا فول يا شعيريي
يا فطير بي روبا سمح
وان بقت قاطي كله كله يسولك حرِف أليل قراصي
تكبلك فيه سمن وتضرضرلك فيه سكر وتمصمص اصابعينك وراهو

هسي بالله الناس جاري وراء المعايش
البيت كله يطلع من الصباح
الفطور في البيوت لغوه ضومة ضومة
الا ان بقى في حبوبة ومعاها ام وليدات يسوَّن فطورن
زمان ان بقى ما عجبك فطور البيت تمد راسك لي ام النصر ولا بت الجريف ولا الزهرة
تشوفن ساوات شنو ومحل الفطور عجبك تتلب بالحيطة وتفطر
هسي الناس ملهلهة في الوزارات والشركات وفي النهاية ياهو البوش وزيت السمسم والجبنة

والغداء بقى مع صلاة المغرب
لا تعرفه غداء لا تعرفه عشاء
المهم وجبتين في وجبة واحدة والناس تتشنقل تنوم في الدرابزين
حتى الشاي البعد الغداء خلوهوا
والعجب شاي المغرب مع اللقيمات بقى مافي ضومة ضومة

وحات الله تشوف الواحد نازل من المواصلات ماشي علي بيتو مهموم
وشلاضيمو نازلي والوش مغبر ومكندك والعيون علي عيون فارة ام سيسي
وحات ربي ان لكزته بي يدك يقع يموت

الغُبُش زادوا في البلد
Post: #8857
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:43 PM
Parent: #8856


انا غايتو في الصباح إتمَسحتة
ماني جايي جديد من برا
اماني ما لوغدتلي جنس بسكويت وقرقوش
Post: #8858
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:44 PM
Parent: #8857

الجكس في السودان بقى سمح خلااااااص
وحات ربي البنيات يتفدعن في مشيتن علي العرجون
وبقن سمحات ودايما يرارن
حتى الاهلها تعبانين تمشي علي ناس قدر ظروفك
تاخدلها جليطة من ((فير آند لفلي)) وتمسح يدينا بي شوية ((اتريكس))
وتاخدلها بخة بختين من اي ريحة بي فِرِد ألف
وتمرق من المحل حامدي ربها وشاكرة
بس في شغلة حيرتني في نافوخي دة
الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن
وواحدات بالله فسَخَن وِشياتن بقَنَهِن علي الفشفاش
والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي
Post: #8869
Title: Re: ناس الزقازيق ... أجدع ناس ( 3 ) ..
Author: Tabaldina
Date: 01-02-2011, 01:18 PM
Parent: #8858

..
.
Quote: وأصلو الخرابة اللااااقدام داك تلتينه في السهلة
التقول الحفلة فيها رضيع شُفع

-------
انبرشت يا جبريلا

بركاتك يا شيخ عشرى
Post: #8866
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-02-2011, 12:59 PM
Parent: #8856

نملوز يا ظريف
Quote: كريم الوعد
كل سنه وانت بخير وعافيه
عجبتني صورة الوالده ربنا
يحفظها. بس شلوخها ما ليليت شايقيه
باقي شلوخها مطارق وقول ليها دعواتك


الحاجة بتسلم عليك
وبتدعي ليك
ووريتها صورتك الجاكي فيها ديك
قالت لي اريتو ولدي
ماعارف العجبها شنو في جكتك

شلوخ الحاجة مسار جدال عمرها كلها
لانها فعلا زي ما بيقولو جماعتنا ( لا تحت )
مش ( لا ورا ) زي ما بيقول جبريلا

وهي على حس الشلوخ دي بقت تحب ليك الدناقلة حب غير طبيعي
طبعا منصور عبد الرازق من يومو ومن نحنا صغار كان عامل لي مشكلة في البيت
لان امي بتحبو أكتر من اولادها كلهم
Post: #8859
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 12:48 PM
Parent: #8854

يا جبريلا .... انت عايز تغيب عن البلد عشرومية سنة وتجي تلقانا نحن يانا نحن .... السودان دولة فتية وشابة (اوعك تقولوا مؤتمر وطني) عشان كده بتحصل تغيرات سريعة ومرات تكون مريرة ... بس الزول لمن يجي من بره بتكون عينه فاحصة ما زي الزول الفي البلد ... واكيد لو كان كتاب وحكاي بنلقي حاجات سمحة زي الجبتها هنا دي ... بالمناسبة انا البوست تابعت فيهو جزء كبير ... حقيقي جميل خاصة الصور معبرة خالص ... وفيها مفارقات عديدة ... خاصة المصري بتاع العرقسوس ....
Post: #8860
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 12:51 PM
Parent: #8854

يا سلام يا عبد الدائم علي الصور ... رحلة المعرض 13/4/2007م ... كانت اجمل لمة ... واكبر لمة .... الله اعلم تكون في لمة زيها تاني ... قدر ما حاولنا انشاء الله نلم نص العدد الجا المعرض ما قدرنا .... كان فيها كمية من الصور الجميلة ... وناس الزمن الجميل ... بالله يا ريت تنزلها كلها بس كل واحدة براها عشان نعلق عليها ... واكيد العين الشفناها بيها المرة الفاتت ما نفس العين الحا نشوفها بيها المرة دي ... في ناس كان اول مرة نقابلهم ... وفي ناس قابلناهم بعد سنين طويلة ... عشان كده لازم التعليق يكون مختلف ....

حدي يصحي جلا
Post: #8861
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:54 PM
Parent: #8860


البلد اتملت اجانب
هسي الخرابة دة وشايل ((ميضنتو)) دي ما لقى يبيع ((العرقسوس)) دة الا في الخرطوم
الزول دة خلاني سألت نفسي:
الخرابة دة بالعرقسوس دة تراهو عايش في بلدي
وانا متغرب بالسنين ولليلي ما عندي التكتح ولا حتى درابزين
يا ربي ارجع وأعافر مع الناس؟؟؟
Post: #8862
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:55 PM
Parent: #8861


ابو جنزير كسروه
يعلم الله حا يبيعوهوا لي منو؟؟
حليل دكاكين عصير المنقة والجوافة
وتسمع في المصفة يدقوها في جك الخلاطة كك كك كك
Post: #8863
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:56 PM
Parent: #8862


سبح للبيع جنب الجامع الكبير
اتنين بعد صلاة الظهر اتشاكلوا جوة الجامع
لمن جوا جنب بتاع السبح قاليهم: صلوا علي النبي
انت الصليتوا ليه دة قبل دقايق الله ولا حاجة تانية
قعدوا يضحكوا الاتنين واشتروا ليهم سبحتين كمان
Post: #8864
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:56 PM
Parent: #8863


بوابة طب الخرطوم
يا دكاترة يا دايات
Post: #8865
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 12:57 PM
Parent: #8864

*اجزخانة علياء
في واحدا كدي باقيلي عنده قروشا كتااااااااااااااااااااار
الله يزيده من نعيم الدنيا
بالله اي شارع واي حارة ساويلو فيها اجزخانة يقولولا علياء
جنب بيتنا
في الحلة القدامنا
في بحري
في ام درمان
في الشماليي لقيتلي فرع لي اجزخانته دي
هني في المغرب ممنوع نفس الزول يفتحلو اجزخانة في نفس المدينة
عشان تكافؤ الفرص
باقيلكم مع الشفتو دة نحن باقيلنا فرص في بلدنا دي؟؟

واحد قال لي شكلها تابع للقوات المسلحة
قلت ليه القوات المسلحة خلت الكلاشنكوف وبقت متابعة البنسلين
Post: #8867
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 01:04 PM
Parent: #8865

يا جبريلا الصيدلية تابعة لصندوق دعم القوات المسلحة ... ما الحكومة لازم توفر الدواء ولو باي سعر عشان الناس ما تموت بالمرض .... علياء دي مرات في الشارع الواحد تلقي في اتنين منها ...
Post: #8868
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:06 PM
Parent: #8867

يا ابو الزوز يعني شروط منافسة نهي نهي نهي
Post: #8870
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:18 PM
Parent: #8868

* جهاز تعذيب السودانيين العاملين بالخارج..
السلام عليكم
- عليكم السلام
- عليك الله عايز اطلع خلو طرف انا معفي
زولتكم شافت في الجواز وبقت تطقطق في الجهاز طرق طرق طرق
زي عيش الريف لمن يسوهوا ((فشار))
- اسمع ما زادوك الناس ديل
- نان ان بقى زادوني دايري تقسميهن معاي
- (تضحك): يا زول عشان نشوف حق الدولة
- يا زولة ما تكتري الحجي شي.. انا موش من الدول المعفية من الضرائب
- ايوة لكن بس نشوف لو في زيادة راتب
- يعني ان بقى زادوني دايري تسويلي شنو
- نشوف الزكاة يا زول
- في ضومتك شوفتيلك زكاة في شهر وما حال عليها الحول
- (تضحك): لا الزكاة ما حال عليه الحول وكان زايد من حاجة الزول
- نان باقيلك دة شكل زول حال عليه شهرين خليكي من سنة
عمرك شفتيلك زكاة في شهر
- يا زول احمد ربك
- انا حامد ربي علي انتو اختوني
- (تضحك) انت شايقي ولا شنو
- ايي لا يبقى سويتولكم ضرائب شوايقة كمان
- (ميتة من الضحك) يا زول هاك خلو طرفك.. انتو كلكم لسانكم طويل كدة
- لا يبقى ميتالك في شايقي
- (تضحك) معرساهو عدييل يا زول شيل ورقك اختاني
- ان شاء الله ينجمك نجام قبورة
- (ميتة من الضحك)
شلت ورقي مشيت علي ناس التجنيد انا وراشد اخوي
راشد قدامي في الصف دفعوه سبعين الف (بالقديم)
لامن جاء دوري:
- يا زول انت اقامتك دي مدير فني
- ايي يا الحبيب انا صحافي ومصمم وهناك بيسموها مدير فني
- بس دي قروشها كتيرة يا زول
- كمها
- 270 الف
- ليه اصلو دايرين يجندوني لواء طوالي
- يا زول اتكلم كويس
- مالك شايفني قاعد اعوج في الكلام
- يا عمر تعال اتفاهم مع الزول دة
- الحاصل شنو
- الراجل دة اقامته مدير وقلنا ليه الرسوم 270 الف
- ايوة يا زول دي الرسوم
- خلك من الرسوم شوفتة الواقف قدامي ودفع 70 الف دة
- مالو
- دة اخوي.. كيفن هو يدفع 70 وانا ادفع 270.. في شنو يعني
ان بقيت داير اتجند عديييييييل كدة بعدين هو حا تدرشوه في الشمس
وانا حا اسوي الجلالات تحت مكيف
- (يضحك) يا عمك عليك الله ما تكتر الكلام دي القوانين كدة
- نان اصلها قوانين الجن دي ما فيها منطق
- يا زول انا بدخل اوراقك دي للضابط وبعدين هو يقرر
- دخلن يا زول
جاني بعد شوية مارق قال لي يا زول الضابط قال ليك تتحول الرئاسة
في 61 ستين هنا ما عندنا ليك حل كله كله
- باقيلي حا تجندوني مشير هناك
- (صرة لي) يا زول امشي مشكلتك هناك
ربكم رب الخير ولد ظريف كدة دخلني للضابط وطلعت الاعفاء وطلعت
هسي في ضومتكم انا بقدر اشيلي رصاصة خليكم من كلاشنكوف
ياخي اي ورقة في المغتربين تدفع عليها رسوم
باقيلي لو سلمت ساكت وقلتلم السلام عليكم
حا يردوا عليك: 20 الف
يا ناس الله مافي بلد في الدنيا فيها تاشيرة خروج
يا ريت لو يقولولنا رسوم مغادرة وتدفعن في المطار وتمشي
بدل العذاب دة
الله يوقف نموهم ياخي
شاهد الله المغاربة المعاي خاتين جوازاتهم في الدرج
الواحد تجيهو سفرة يلفح الجواز وجري علي المطار
غايتو الله في
Post: #8871
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:19 PM
Parent: #8870

مطار الخرطوم دة فيلم براهو
تجرجر في رجلينك وفي الصفوف لامن تدخل علي بُكان العفش
يكون حيلك اتهدى
والعجب سيور العفش ديك
يا جماعة ناس ليبيا السير داك
الناس تقوم تتجارى زي جنيات القعونجة في موية المطر
يا جماعة ناس القاهرة ما السير دة السير التاني داك
تاني ننجارى زي الخرابات البيكون ساكيهن الاسد ديلك
والعجب ان بقى عفشك ما وصل
لا تعرف تقبل وين
لا تعرف تناضم منو
يمين لايص ساعتين حتى عرفت ابلغ عن عفشي الما جاء دة
وتاني يوم جيت دخلت وشلت عفشي وطلعت
يمين زول واحد سالني انت ماشي وين ولا الشنطة دي حقتك مافي
يعني الورقة الادوني ليها لليلي معاي
يعني ان بقيت داير ارفعلي قضيي فيهن برفعها وعيني قويي
بالله تلات ارباع المطار مقنطر السفة زي الكباريت الفاتحنها دايرين يقدحولن منها عود
وتسمع في: تف تف تف
غايتو خلق الله دي دايشي ونحن دايشين معاها
وصالات المغادرة ديك يمين يهروك تفتيش
ويهبشوك تحت ابطيك وتحت كرعيك
والله لو ما بوليس كنت قلت الناس ديل شيتا تاني
واحد قدامي يمين قلعوه الجزمة والحزام ودخلوه محل بي ستارة كدي
وجاء طالع يلبس في قميصه ويجرجر في بنطلونه
لامن خلاني هبشت لباسي لا يبقى مقدود وبعدين نبقى في الفضايح
خفت اللباس يبقى مقدود من قدام يقوموا يلصقولي تهم تحرش خفي
Post: #8872
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:20 PM
Parent: #8871


نفسي اعرف الببيعوا التلج ديل لو اتأخروا عليهم الزباين
في القلاية دي بيسووا شنو
Post: #8873
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:21 PM
Parent: #8872


مساويك وليَّف
اتسوك وامشك جسمك
وامشي قدر ظروفك اديها بخة ريحة وقابل الجكس
بالله الليفات دي موش علي سمك البُلطي المفقوش نصين
Post: #8881
Title: Re: ناس الزقازيق ... أجدع ناس ( 3 ) ..
Author: Tabaldina
Date: 01-02-2011, 01:54 PM
Parent: #8871

..
.
Quote: لامن خلاني هبشت لباسي لا يبقى مقدود وبعدين نبقى في الفضايح
خفت اللباس يبقى مقدود من قدام يقوموا يلصقولي تهم تحرش خفي

قرقر قرقر قرقر


-------

لا لكن ما تبالغ قدر دا ..!!
Post: #8875
Title: Re: ناس الزقازيق ... أجدع ناس ( 3 ) ..
Author: Tabaldina
Date: 01-02-2011, 01:24 PM
Parent: #8870

..
.
Quote: عمرك شفتيلك زكاة في شهر
- يا زول احمد ربك
- انا حامد ربي علي انتو اختوني
- (تضحك) انت شايقي ولا شنو
- ايي لا يبقى سويتولكم ضرائب شوايقة كمان
- (ميتة من الضحك) يا زول هاك خلو طرفك.. انتو كلكم لسانكم طويل كدة
- لا يبقى ميتالك في شايقي
- (تضحك) معرساهو عدييل يا زول شيل ورقك اختاني
- ان شاء الله ينجمك نجام قبورة
- (ميتة من الضحك)

هى ماتت من الضحك انحنا والله اتكفنا عددديل

--------

تعجبنى هضربتك لمن تبقى رااايق
Post: #8874
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 01:24 PM
Parent: #8854

زهير يا زناتي نثني الأرشفة وبلغ بكري

بأن يكون يوم الخميس صباحاً بتوقيت مكة المكرمة

وليست بتوقيت الولايات المتحدة ،،، هوآخر يوم

ونبدأ برامجنا صباح الخميس نفسه ،،،

عبدالدائم أعمل آخر بروفة للكورال

محمد عيد جهز الرش الشديد

زهير الزناتي كلمة المغتربين الجدد

الرشيد كلمة السناير

جلا ،،، خليك جاهز
Post: #8876
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:37 PM
Parent: #8874

Quote: تعجبنى هضربتك لمن تبقى رااايق

يا حبيبنا عاد انت فضيت لينا عشان نهضرب معاك
Post: #8877
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 01:38 PM
Parent: #8874

جبريلا و الله تابعت البوست بتاعك متابعة لصيقة...
و كنت ضد التداخل لزوم عدم الاخلال بالحكي اللذيذ بتاعك و كده...
و كان مكنتي دي ما قسمت عليك الله كلمني عشان ألحق أتداخل...


Quote: الرشيد كلمة السناير


يا ريس اذا أنا علي كلمة السناير...
أخوي الكاشف ده عليهو شنو طيب...
على فكرة أنا ما قاصد منصور...
و لا الريس معتصم جعفر كمان...
أظن قصدي واضح...
Post: #8878
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 01:38 PM
Parent: #8874

يا طارق جبرين ما دام عندك كتابات

جميلة وطاعمة وساخرة وبتشوق شديد

وتضحك لمن تتعبك من الضحك،،،

ما تقوم تفتح ليك بوست في منبر ناس الزقازيق

وتنزل لينا كل كتاباتك الجميلة دي وتكون مرجع لينا

ونقدر نفتخر بيها نقول عندنا واحد كتاب خلاص ونفتح منبر

ناس الزقازيق ،،،

هل من مثني؟؟؟؟؟
Post: #8896
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 02:24 PM
Parent: #8878

أمطار جدة يوم الخميس كانت مطره طرشة

رعد ، برق ، هواء ، سيول ،،،،،،،

بعض اللقطاط توضيح ربنا لطف بناس جدة

لو زادت تاني المطرة نصف ساعة كان الناس

وممتلكاتهم في خبر كان.

sudansudansudansudansudan11.jpg Hosting at Sudaneseonline.com

sudansudansudansudansudansudansudansudan4.jpg Hosting at Sudaneseonline.com
Post: #8879
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-02-2011, 01:46 PM
Parent: #8874

بصراحة
ابداع وتلقائية تحسدعليهم يا ود جبرين
اتابع هنا , كما تابعت هناك
واندهش هنا , اكثر مما اندهشت هناك
واصل يا جميل
Post: #8880
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:53 PM
Parent: #8879

Quote: انبرشت يا جبريلا

بركاتك يا شيخ عشرى

يا حبة اخوك شاف العجب




ريسنا ميسرة يا زول دة كلام مضهبين ساكت
الكلام الغلاد وسمح حق ناس فارح وود الشادي وجورج ومنص والرشيد




يا الرشيد مكنتك ما مقسمة معاي
Post: #8882
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:54 PM
Parent: #8880


طواقي من كل الأحجام والألوان
Post: #8883
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:55 PM
Parent: #8882


بتاع القصب
كمان جابتلها حنكشة وبقوا يقشروا القصب ويبيعوهوا في اكياس
هو القصب دة ان بقى قشرتو براااك وريالتك سالت بالجنبة كدة
وبقيت تبلع في ريقك ما بيبقى سمح
Post: #8884
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:56 PM
Parent: #8883


الجامع الكبير والعربات
زمان العربات كلهن يابانية
هسي بالله العربات الكورية مالية البلد
شي ((كليك)) وشي (اتوس)) وشي ((سوناتا))
اسامي كدة زي الزول قاعد ليه في ((مُستراح))
والعجب معارض السيارات الفي شارع الستين والفي الكرين وشارع اركويت
يمين تقرب تقول المصانع الكورية دي بقت جنب ابو عشر
والله مرة شفتة لي بتاع لبن سايق ليه بوكسي 78 مليان ((تُمِن)) لبن
قربت اقول ليه صورة للذكرى يا ((تراث))
Post: #8885
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:58 PM
Parent: #8884

Quote: يا ايمن الخرطوم مدينة عجيبة مليئة بالاستفهام
الخرطوم كامرأة لعوب يطلب ودها الكثيرون
لكنها من جهة اخرى حبلى بالألم
نصف يغوص في القاع يا ايمن
اتاح لي خروجي من اسرة فقيرة ان اعايش هذا القاع
حيث البسطاء واحلامهم التي لا تتعدى درابزين يرتمون في عناقريبه
احلام جلها لا يتعدى ((سترة الحال))
وكنت محظوظا ان اتاح لي التعليم المجاني ان ارى الجزء المغناج من المدينة
سأكتب يا ايمن دون احساس بالذنب او الألم
لكن في النهاية اجدني منحاز الى البسطاء
حيواتهم لها طعم مختلف يا ايمن
لها نكهة غريبة
حين يضحكون تحس انهم يملكون الكون باسره


الكلام دة رديت بيه على ايمن الطيب بهناك
Post: #8886
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:58 PM
Parent: #8885


مشروع السُنط
بعد شوية الواحد حا يجي البلد يفتكر نفسه في دبي
بس المشكلة ما لافقة معانا حتة ((طال عمرك)) دي
Post: #8887
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 01:59 PM
Parent: #8886


الدكوة ولوازمها
بس اوعكم من ((البواسير))
نبقى في الخوابير عاد
Post: #8888
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:00 PM
Parent: #8887


دكان وليد في الامتداد
مكان النقة والقطيعة
حيث البوش والونسة في المصطبة
بس ياخي ما لقيت حلاوة حربة ولا كرملا ولا بسكويت كرم
Post: #8889
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:01 PM
Parent: #8888


عم عبد الحميد وعطا وسعيد
قدورة زعيم القطيعة لسة ما جاء
Post: #8890
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:01 PM
Parent: #8889


يمين كمية البوش الاكلته من القدرة دي
كان يسوي لي محل زي بتاع ((لذيذ))
Post: #8892
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:03 PM
Parent: #8890


قلت ليهم في البيت مشتهيلي ((فتة عدس))
يمين شلت الصحن من الصينية وقعدت بعيد من الناس
وكبيت فيهو موية السلطة وزيت سمسم وشوية شطوط
وقعدت ألوغد وحدي
Post: #8893
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:04 PM
Parent: #8892


مشيت لي حاجة عشة الفلاتية
زولة من الزمن السمح
وحات ربي قعدت جنبها زي الشافع الصغير
وضوقتة نصايبها ديل كلهن
مرتا زيني ياخي
وانا ماشي ادتني كيس فول بقيت اقرش فيهو في الحافلة
ودميعاتي قربن يجرن
Post: #8894
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:04 PM
Parent: #8893


ست الشاي
وحات ربي ستات الشاي بقن اكتر من العربات
كنت وكتين انزل الخرطوم اشتري الجرايد واقعد
عند واحدي مقابلة الجامعة الكبير
قالتلي عندها اربعة شُفع ابوهم ميت
يمين دخلت في ضفوري من السؤال
لامن شافتني سكتة قالت لي:
يا ود الناس مجبورين علي المُر دة
ما عندنا حيلة غيره
قلت ليها الله يقويك
قمت من عندها وانا بلعن في القصر الجمهوري
نسوان يكابدن في ظروف منعولة
وحيكومة مرفهة ونايمة في الكنادش
Post: #8891
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 02:03 PM
Parent: #8884

Quote: طواقي من كل الأحجام والألوان


جبريلا المصايب ديل ما تكبرن شوية...
أول ما شفتهن قلت الله كعك...

عليك النبي دي مكنة يرجعوها...
ما تخليها تقسم ياخي...
انت السودان ده خرب طبعك...
زمان كنت هدي و رضي بتقبل أي مكنة...
حسه اتعلمت الغتاتة...
Post: #8895
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 02:09 PM
Parent: #8891

Quote: عليك النبي دي مكنة يرجعوها...
ما تخليها تقسم ياخي...
انت السودان ده خرب طبعك...
زمان كنت هدي و رضي بتقبل أي مكنة...
حسه اتعلمت الغتاتة...


يا رشا ياخي دي النيو لوك
Post: #8897
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-02-2011, 02:35 PM
Parent: #8895

sudansudansudansudansudansudansudansudan5.jpg Hosting at Sudaneseonline.com

sudansudansudansudansudansudansudansudan6.jpg Hosting at Sudaneseonline.com

sudansudansudansudansudansudansudansudan7.jpg Hosting at Sudaneseonline.com
Post: #8898
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 03:03 PM
Parent: #8897

Quote: يا ريس اذا أنا علي كلمة السناير...
أخوي الكاشف ده عليهو شنو طيب...
على فكرة أنا ما قاصد منصور...
و لا الريس معتصم جعفر كمان...
أظن قصدي واضح...


يا اخوانا الزول ده الليله شايلها تقيلة معاى مالو ؟؟

هسه لو ما كان جلال قبيل نزل ليك الدليل آلووووولووو ...؟!

عليكم الله شفتو حاج الركز جنبو مخنفس كيف ..؟؟

كان ما اخاف الكضب حاج الركز ده امه ما شافتو كده ..!!
Post: #8899
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 03:13 PM
Parent: #8898

الريس وناس جدة والله حمد الله علي السلامة ... دي لو في السودان الجماعة يكون في اجازة اسبوع كامل ...
Post: #8900
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-02-2011, 03:33 PM
Parent: #8897

كل سنه وإنتو طيبين..
حدق العيون ليك ياوطن..
أصبح مقر وأصبح سكن..
إنت الملاذ ساعه المحن..
وانت الشموخ عبر الزمن..

مبروك يا بت البدوي..
بيت مال وعيال بإذن الله..

مبروك العوده يا الشادي..
وحمدلله على سلامه الحاجه..
وقول ليها شلوخك لا تحت..
للتمويه وكدا..

Quote: وليست بتوقيت الولايات المتحدة ،،، هوآخر يوم
يا ريس يا حاقد...

جبريلا.. ما تكرر نفسك..

سلام يا ناس الدوحه الحلوين..
وخدو بالكم من الوله البادي..
جاي من السودان..
والسودان ظروفو صعبه...

أنا كومي فارزو..
مادام الرشيد وجلال متحالفين..
أنا واقف مع محمد عيد..

سلام يا منص..
بالله ما تطول..

نمله يا حربي..
يا جيتنا يا جيتنا السنه دي..
أضعف الإيمان.. نتقابل في السودان..
الجديد..
Post: #8901
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 03:39 PM
Parent: #8900

Quote: جبريلا.. ما تكرر نفسك..


يا عمك كل سنة وانت طيب

يا حبيب دة طلب منص ونحن تحت أمره
عادي ممكن نوقفها هنا ونتم بقية الحديث بهناك
Post: #8902
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 03:41 PM
Parent: #8901

يا جبريلا ما تشتغل بالوهم ده ...
الناس كلها مستنياك بهنا ...
اها عشان خاطرك كمان المداخلة
دي عملناها نص سطر ....

حاتم جبارة يا وهم ..
Post: #8903
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 03:43 PM
Parent: #8900

Quote: قلت ليهم في البيت مشتهيلي ((فتة عدس))
يمين شلت الصحن من الصينية وقعدت بعيد من الناس
وكبيت فيهو موية السلطة وزيت سمسم وشوية شطوط
وقعدت ألوغد وحدي


يا حبيــّب .. ما قبيل قلت خايف من البواسير ..

ماشيلها براك مالك ...؟؟!

بينى وبينك فتة العدس دى فى الصقط ده 380 فولت ..

للمرة التالتة بأقرأ فى كتاباتك وكل مرة القاها جديده ...

ناوى انشاء الله أجمعها ليك فى ملف power point خاص وجميل انشاء الله يعجبك ..

ويا ريت زى ما قال ميسرة لو تنزل حكاويك فى نوست منفصل فى المنبر حقنا وممكن كده نجمعها ليك

ونحفظها من الضياع

زى ما ضاعت كتير من أشعار الاديب والشاعر والفنان الكبييييير الرشيد ..

( زهير ده كسير تلج ولا ما باعرف ..؟؟! ) .. الزول ده من الصباح شايل حســى وعقد تحالفات انفصالية

بالله ورينا فك الشفرة بتاعتو ..!!
Post: #8904
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 03:49 PM
Parent: #8903

امعانا فى محاولات تطبيق نظرية كسير الثلج ...

9c6027daad12c111ca.jpg Hosting at Sudaneseonline.com
Post: #8905
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 03:50 PM
Parent: #8903

يا محمد عيد انت الظاهر عليك عايز كورس مكثف بتاع كسير تلج ....
دي ما بتاكلك عيش مع الرشيد غايتو الا يخش ليك منصور واسطة ...
او بت حوفي ... يعني تجيبها لي من فوق ....
Post: #8906
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 03:52 PM
Parent: #8905

يا زول بي صورتك الفوق دي نجاة حوفي ذاتها ما بتحلك ...
الا تسافر للحجة في السودان .... عديل كده ....
انت مالك زي البيهدوها من الطشاش تبيت بره ...
Post: #8908
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 03:59 PM
Parent: #8906

Quote: انت مالك زي البيهدوها من الطشاش تبيت بره ...


طبظتــها يعنى ؟؟

الليلة يحلنا الحلا بله ..!!

يا جماعة صــحوا رفعت نور الدين ..!!
Post: #8907
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-02-2011, 03:54 PM
Parent: #8903

Quote: عادي ممكن نوقفها هنا ونتم بقية الحديث بهناك 
تحس بيك اخدتها شخصيه وكدا..
مكنتك خفت.. واصل من غير تحسس..
حميتنا المشاغله زاتو..
Post: #8909
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 04:29 PM
Parent: #8903

مساءآت الهناء والسرور ...

كل عام وأنتم بألف خير ...

الف مبروك لمشاعر بدوى وهى تحتفل بدخول القفص الذهبى ...

محمد عيد برضو صورتي ما ظاهرة إنت الحقارة دي ما عايز تخليها ...

يا ود جبرين المسنوح والله قمة في الحكي الطاعم ...
Post: #8910
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 04:42 PM
Parent: #8909

البادي احكي لينا قصتك عليك الله ...
Post: #8911
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-02-2011, 04:48 PM
Parent: #8910

مقال للقاصة والصحفية استيلا قايتانو بستحق القراءة ....

عندنا صديق كل ما نقول : يا منعم اصلنا ما سمعناك يوم نبذت الحكومة ؟ يرد علينا بانها ما بتستاهل .! هسي والباقي عشرة يوم او اقل والزول حيبقى اجنبي بقدرة قادر من غير ما يتحرك من بلدو حقوا الواحد يعمل قفشات اخيرة كدا لأنو بعد ما نبقى أجانب ما اظن حيخلونا نتفاصح ونطول لسانا في دولة ما دولتنا ، هسي يوم شفتو ليكم حبشي نبذ الحكومة دي؟ ابداً ! ولا هندي قال "زندكي نهي " لعمايلها ؟ ولا في الاحلام حتى . الغريبة انهم بيكونو مستغربين اننا مجقلبين ليه رغم انو الحكومة ذي العسل وهم يحسون في وطنهم الثاني بالسعادة ، اظن السر في حكاية الوطن الثاني دي لأن كل الاوطان الأولى تكون مضرة باناسها ، والغريبة تطلع بامتيازات في الوطن الثاني تحت حماية الوطن الاول الطفشك بالزندية من البلد.

مفارقات التاسع من يناير 2011 :

- الغريبة أن 9 يناير 2011 هو يوم التصويت للانفصال ولكن هناك احساس انه يوم الانفصال نفسه (عموما ما فارقة ).

- السودان بدل أرض المليون ميل مربع وأكبر دول افريقية مساحة يبقى ارض المليون ميل مربع الا جنوب (اووو ماي قود ) .

- بعد 9 يناير تصحو الواحدة منا الصباح وتكتشف انها متزوجة من واحد اجنبي ( ديم يو مين) .

-الغريبة أكتر انو مافي زول بقول الانفصال سمح رغم انو في ناس دايرنو ، ودا واضح انو اي زول بيتبرى منو ناس الحركة بيقولو ناس الانقاذ السبب في الانفصال وناس الانقاذ بيقولو ناس الحركة هم السبب ، ناس المعارضة برضو بيقولو ناس الانقاذ السبب ، الظاهر الشينة منكورة (عموما اتنين لو قالوا ليك راسك مافي اهبشو).

- الغريبة انا ذي كل الشباب السوداني المعصور ، النفسو يطلع برة البلد للبحث عن وضع افضل حتى ولو كان ثمن ذلك ان تكون اجنبياً ولكن نتيجة" للكج الراكبنا " اذا به سأصبح اجنبية من غير ما اطلع من السودان..!!
في بلد بتريحك ذي بلدنا دي؟ على الاقل سوف تتوفر لي ان اختبر مقولة تصور كيف يكون الحال لو ما كنت سوداني (يمكن يكون عادي زي الزبادي) .

- تاني خلاص نقة نحن جنوبين مهمشين وعبيد والعرب مستعليين ثقافيا وحقارين وبعاينو لينا كيف كيف ، دي خلاص حتنتهي ولكن عند الانفصال هل وفقت نيفاشا اوضاع الجنوبيين الجدد والشماليين الجدد ، يعني ناس سنار والنيل الابيض ديل حيبقو جنوبيين الشمال وناس اعالي النيل وولاية الوحدة حيبقو شماليين الجنوب في زول سألهم علما بان بعد الانفصال مافي جنوبي داير يبقى شمالي ولا العكس حسب نظرة اي واحد للاخر مافي عربي داير يبقى جانقي ولا في جنوبي داير يبقى مندوكورو . (ششيت)

- ولاية الوحدة تؤيد انفصال الجنوب (دي ذي مدرسة النجاح التي لم ينجح فيها احد ) .

-الغريبة لحدي وقت قريب لم يكن يذكر الجنوبيين بدون ان يسبقها كلمة الاخوة ولم يكن يذكر الجنوب دون ان يتبعه كلمة الحبيب الان شدة ما مكجنين حكاية الانفصال دي بقو يقولوا الجنوبيين والجنوب كدا حاف، والغريب اكتر نزحت هاتان الكلمتان الى غرب السودان فبقو يقولو اخوانا في دارفور في غربنا الحبيب، فهاتين الكلمتين كانهما حقنتا تخدير لتصمت وتتحمل التهميش، صدقني لو اصلاً في اخوة حقيقية ما كان دا كلو حصل ولو اصلا كانت في محبة ما كان في زول اتمرد .( ولاشنو؟)

- من اغرب المفارقات انو السياسيين في الدولتين الشمالي والجنوبي ما دايرين اسم السودان ، ولكل اسبابه.. الجنوبيون قد يختارون اسم ليس فيه السودان نسبة لان سمعة السودان عالميا ليست جيدة، وبعض الشماليين يقترحون تغير اسم السودان الشمالي لانهم عرب اقحاح وليس لهم صلة بالسود (بالله شوف).

-بعض التحليلات تقول ان اسرائيل تسعى جادة الى تفتيت السودان الى خمسة ديلات صغيرة وهزيلة ،الآن بدأت بالجنوب.. ودافور هي التالية لانها تطالب بحق تقرير المصير وربما تسبقها النيل الازرق وجنوب كردفان لان الحكومة اصابتها نشوة انها تخلصت من نقة التعددية التي كان ينادي بها الجنوبيون وربما نست او تناست بان هناك زنوج اخرون ما زالوا ملتصقين بدولة الشمال فاعلنت العروبة والشريعة في دولتها الجديدة متنفسة الصعداء، فأثارت غضبة النيل الازورق وجنوب كردفان وقد يعلنون دولتهم قريباً، وبعدهما الشرق واقصى الشمال وربما ولاية الجزيرة ، ولكن قد نكون اذكي من اسرائيل نحقق رغبتها الى حين تحقيق رغبتنا في الانفصال من المؤتمر الوطني ومن ثم اتحاد هذه الدول مرة اخرى على اسس جديدة وبذا نكون قد ضربنا عصفورين بحجر واحد، اولا نكون خدعنا اسرائيل التي تتذاكى على العالم لتحقيق مصالحها مفترضة في الآخرين الغباء، وتحيا فوق جثث مواتها، وثانيا نكون قد تخلصنا من المؤتمر الوطني بان نملُص منو السودان حبة حبة طالما انو مصر يلبس السلطة.

- قريبا سوف ينفض السامر وكل زول يشوف شغلتو العرب بخيتة وسعيدة عليهم العروبة ونتمنى لهم الاتحاد والقوة مع الدول العربية ويتم الغاء كل ما يفرقهم وينعموا بوحدة الارض واللغة والعقيدة وعملة قوية فنسمها (العورو) تيمناً ( باليورو) وتصبح قوة ضاربة في الشرق الاوسط ، ووالافارقة بخيتة وسعيدة عليهم الافرقة ونتمى لهم الاتحاد والقوة مع الدول الافريقية وينعموا بوحدة الهوية واللغة وعملة صعبة فنسمها (الافرو) تميناً (باليورو) وتصبح قوة ضاربة في افريقيا كيتا فيك يا اسرائيل، لان اذا لم يحدث هذا الهدف السامي وهو تحقيق قوة عظمى بحجم ان يكون السودان كبش الفداء رغم انه كاد ان يكون افضل هؤلاء، حينها فقط سيغفر لنا التاريخ، ولكن اذا انشغلنا بالحروب الحقيقية او المفتعلة ولم نتعلم من نيفاشا كيفية الجلوس على طاولات التفاوض سوف نندم كثيرا ولن يغفر لنا التاريخ، لاننا صبرنا كل تلك السنين على جراحات مفتوحة ونازفة، واننا في هذه الفترة بالذات وضعنا ايدينا على العلة ولم نتحمل مرارة الدواء وصممنا آذاننا من سماع صرخات تلك الجروح وهي تندمل ولم نستطع الصبر على آلام الشفاء وبكل بساطة رفضنا الدواء ، ليلتهب الجرح مرة اخرى في النيل الازرق ودارفور وجنوب كردفان .
والله يعلم الى اين سوف تصل الغرغرينة حينها يكون قد فات الاوان ستصبح تضحيتنا بوطن كاد ان يثبت عظمته من اجل دولتين تقلقان المنطقة وقد خسرنا كل شئ من اجل لا شئ . (الله يجازي اللي كان السبب) .

-اخيرا نقول كل سنة والناس طيبين بالذات السنة الجاية دي وربنا يلطف بالسودانيين ويجعل العواقب سليمة .ماري كريسماس .


من بوست طاعم للزقازيقي دينق قوج
قبال ما أبقى اجنبية ..!! استيلا قايتانو ..
Post: #8912
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 05:13 PM
Parent: #8911

Quote: محمد عيد برضو صورتي ما ظاهرة إنت الحقارة دي ما عايز تخليها ...


والله يا حبيب ما حقاره ولا حاجة ...

لكن انت كنت مافى ...

شوف روحك كنت فى صف التأشيرة ولا فى الخطوط ولا قاعد تغير عمله ...؟ ولا امكن بتودع بالدموع زريبة العيش ..!!

عموما .. ما تغير الموضوع ... ابو الزوز قال ليك احكى حكايتك ...

نزل التفاصيل وبعدين تلقى ليك بروفايل فى السلك
Post: #8913
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:17 PM
Parent: #8912

Quote: تحس بيك اخدتها شخصيه وكدا..
مكنتك خفت.. واصل من غير تحسس..
حميتنا المشاغله زاتو..


تحس بيك بقيت عكليت
يعني انت خرفك حا يكون متعب لي بناتك
Post: #8916
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:27 PM
Parent: #8913


دافوري اولاد الحِلة
Post: #8917
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:28 PM
Parent: #8916


ومشينا قندهار
حيث الكوليسترول
Post: #8918
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:29 PM
Parent: #8917


ما عارف ليه غرزتين
ما غرزة واحدة
Post: #8919
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:30 PM
Parent: #8918


ورقدنا كاويق من اللحم والغباشة
Post: #8921
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:31 PM
Parent: #8919


واشتهيتلي كِسري
Post: #8922
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:31 PM
Parent: #8921



... وملاحا أخدر
وقعت فوقوا زي العميان
Post: #8923
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:32 PM
Parent: #8922

يوم قمت الصباح قلت ولاد اخواتي واخواني ديل النمشي عليهم الجامعة
انا قايل الجامعة ياها زي ألتنا الزمان ديك
اها قلتلم اجيكم وين في المين رود ولا في حتة النشاط
شبكوني ليك نشاط شنو يا خال تعال لينا في الكفتريات البرة دي
المهم يا الحبان قمت اتشولقت ومشيت
ضربتلم تليفون قلتلم انا جنب البوابة الرئيسية
جوا ساقوني كافتريا برة كدة
بالله لقيت الكافتيريا كلها شُع
بنات صُغاااااار كدي واولاد زي الشفع
يبقالي فيهم واحدين ماهم بالغين كله كله
حليل زمن ناس الطيب شيقوق بالله الواحد فيهم يبقالي معرس وجايي يا دابوا يقرأ
اها ((شُفع)) الجن ديل يسولوم في جنس نصايب
وحات ود الكرسني انا يبقالي قاعدين يلعبوا سك سك وام الحفر
قلتلم هسي الماسك الاتحاد منو
قالولي اتحاد شنو يا خال ياخي دة حاجة مرض خلاص
طيب اها هسي اكتر زول في اركان النقاش مشهور وركنه بيكون مليان
قالولي عمرهم ما مشوا علي جيهة الحاجات دي وبيلقولم فيها ناس ((فارغين))
عاينتلم كدي ودفعت حق الاكل وقمت وانا ماشي برطمت:
ليها حق الانقاذ دي تقعد فوق راسنا كدة لامن نموت
الجامعات زمان كانت بتأطر السياسيين
هسي بقت زي سهرات الموضة
ناس بي عرباتها
وناس تكابس في سندوتشات الطعمية
Post: #8924
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:33 PM
Parent: #8923


ومشينا حفلة الموصلي والبلابل
كانت حفلة ولا اجمل..
يمين لي هسي عضامي واجعاتني من الكشف

الحفلات العمومية دي بتلقى رواج شديد جدا جدا
الناس ما بتصدق تلقى ليها فرقة عشان تطلع من الغم بتاع الحياة
وحفلات البلابل تحديدا بتكون فيها كل الأعمار السنية
يعني الشباب والوسط والكهول
ما عارف دة دليل علي شنو
من وجهة نظري الشخصية أداء البلابل وأغانيهم التي لا خلاف عليها
استطاعت أن تجذب كل الأعمار
يعني مع كامل احترامي لي زميل المنبر القادم طه سليمان
لكن حفلته ما ممكن يكونوا فيها جميع الفئات العمرية الأنا شفتها في حفلة البلابل والموصلي
يعني ما ممكن امشي نادي الضباط عشان أسمع ((قنبلة))
Post: #8925
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-02-2011, 05:34 PM
Parent: #8924


عمكم جبريل راقد في الدرابزين بعد صلاة العيد
أهم سبب يدعوني لزيارة السودان
المسافة بين المطار والبيت تظهر لك كأنما هي آلاف الأميال
تارة يأتيك طيفه وهو ضاحك
وتارة ترى دموعه حين تحضنه مودعا
احتاج إلى دعواته
احتاج الى حنانه الكبير
فهو عاش ولا زال رغما عن ((الأمراض وفساد الحكام))
ربنا يديه طولة العمر
يحفظ الكثير من أشعار الشايقية
أي ضيف يأتيني يُصر على اسماعه اشعارنا
للأسف خانه الصوت مؤخرا
وخانته يداه إذ لم يعد قادرا على حمل جريدته يوميا
اتمنى من الله أن يرزقه الصحة والعافية
وأجده دائما في انتظاري كما عودني ذلك
Post: #8914
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 05:20 PM
Parent: #8912

مساءآت السنة الجديدة من الدوحة ...

أولا الشكر أجزله لكل ناس الدوحة الرائعين بدون فرز .. حقيقي إنتم أجدع ناس وأحلى ناس ...

وكان أحلى رأس سنة وأحلى إحتفالية من ناس الدوحة الطاعمين وزايدين في الحلاوة ...
Post: #8915
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 05:27 PM
Parent: #8914

مساءآت التفاؤل بالسنة الجديدة ومن الدوحة ...

ثانيا أبعث بشكري وتقديري لكل ناس الحوش الإسفيري الزقازيقاب الوجهاء المرحبين بقدومي لدوحة العرب الغناءة ...

حقيقي تبيدي سبقني وكشف المفاجأة .. وكان تأخيري في كشف المفاجأة ليلة رأس السنة بسبب عدم توفر البوست بكامله ...

لكن برضو تبيدي ما قصر ...
Post: #8920
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 05:30 PM
Parent: #8915

من الدوحة سلام ...

يا أبوالزوز طبعا حاولت أكون قريب منك وما لقيت أقرب من الدوحة ...

طريق سلوى يوصل للحساء في المنطقة الشرقية ...

والدوحة بالنسبة ليكم أقرب من الرياض ...

ويا سلوى قلبي شن سوا ...
Post: #8926
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 05:35 PM
Parent: #8920

سلام من دوحة العرب ...

يا ود عيد حكايتي مع الغرام طالت ...

أعيدها وديمة أتأسف ...

يا ود أمي زريبة العيش ما بتأكل عيش ...

وفي رواية أخرى أتيت لتسويق ولد أختي المعز الراجل ...

عموما ما تهرب من الموضوع وبقى عندك كل أنواع الصور بالجلابية والعمة ...

وبي الصلعة إستايلات الحاج الدومينيكاني وود جبرين المغربي ...
Post: #8927
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-02-2011, 06:22 PM
Parent: #8926

Quote: هسه لو ما كان جلال قبيل نزل ليك الدليل آلووووولووو ...؟!

عليكم الله شفتو حاج الركز جنبو مخنفس كيف ..؟؟

كان ما اخاف الكضب حاج الركز ده امه ما شافتو كده ..!!


يا حمادة للتوضيح بس و ما تفهمها شيل حال...

الاتنين الفي الصورة النزلها جلال واحد صلاح السر و التاني كيمو...

حاج الركز ده جبتو من وين...

الصورة و الله ضحكتني لكن زي ما قال ليك زهير ما بتشفع ليك...

قول أنا لقيت الشعر و العفريتة بتاعت الجينز و الطاقية...

العضلات دي أجيبه من وين...
Post: #8928
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-02-2011, 07:24 PM
Parent: #8927

Quote: العضلات دي أجيبه من وين...


اكيد من منى غرزتين ...

حتى اسأل ود جبرين ...

قالو شعرو بدا يقوم هسه ..
Post: #8929
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-02-2011, 07:57 PM
Parent: #8928

مساءآت الهناء والسرور ...

الحاج جلا .. تحية وإحترام ...

طالما إنك لم تلتزم بكل الإتفاقيات والمعاهدات الثنائية المبرمة مع شخصي ...

يؤسفني إبلاغك بأني سوف أسيب ليك البلد وأهاجر وسوف تتحمل كل النتائج المترتبة على هذا التهور ...

وإذا عندك أي إعتراض نرجو الإتصال على المحامي الأستاذ / بشير علي العبيد المشهور بي بشبش ...

مش الجنوب حينفصل .. برضو نحن حنهاجر ...
Post: #8930
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-02-2011, 10:33 PM
Parent: #8929

مساء الخير وهذه زيارة ليلية

قبل أرشفة البوست وقبل أرشفة جنوب السودان
عندي طلب وتوضيح
نحن بنات الشيخ نعاني من قلة الوقت وكثرة المسؤليات
وخاصة العاملات منا لذا تكون دائماً مداخلاتنا شحيحه

الطلب خاص بالأخت نوال البلول أولاً نوال إجتازت مرحلة كبيرة
من العلاج وصارت تمشي حالياً بعصاية واحده وسوف تتركها بعد ثلاثة أسابيع
والحمد لله تركت الكرسي المتحرك والمشايه وهي حاليًاً في العلاج الطبيعي والذي
سوف ينتهي الإسبوع القادم وقد تتوجه إلى السودان نهاية الإسبوع القادم ، طبعاً
نوال عانت شديد ولكن المعاناة الأكبر بعدها عن أولادها .

نوال تسعد كثيراً بسؤال ناس الزقازيق عنها وتفرح لأي هاتف يأتي إليها
طلبي يتمثل بأن نستهدف عدد (50) من عضويتنا النشطة لنقوم بحملة إتصال
هاتفي أو رسائل sms إلى نوال كدعم معنوي حتى تحس بتحلق ناس الزقازيق حولها

************************************************************************
ممكن حدي يصحي .......... النايم دا !!!!!!!!
أدعم تنشيط صندوق التكافل الاجتماعي
Post: #8931
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2011, 05:42 AM
Parent: #8930

صبحكم الله بالخير

انخفضت درجات الحرارة كثيرا مساء البارحة وحتى صباح اليوم...
لذلك توقعوا مني كل ما له علاقة بالنار...
اشعال حرائق...
اشعال فتن...
و حتى ذرالرماد على العيون...
مش النار تلد الرماد...
و سأكون أبعد ما يكون عن حاجة ليها علاقة بالتلج...
خاصة كسيرالتلج...

Quote: قبل أرشفة البوست وقبل أرشفة جنوب السودان
عندي طلب وتوضيح


يحال الطب و التوضح الى المدعو محمد آدم النور الملقب بجلا...
حيث اننا نتوقع ظهوره اليوم حسبما وعدنا به...
أما فيما يخص مسألة الرسائل و المكالمات للأخت نوال...
هذا طلب نبيل منك يا منى و لا بد أن يلاقى بنفس النبل...
ستجدينني أول المتصلين...
نزلي لينا رقم التلفون...
Post: #8932
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 06:03 AM
Parent: #8931

Quote:

اشعال حرائق...
اشعال فتن...
و حتى ذرالرماد على العيون...
مش النار تلد الرماد...
و سأكون أبعد ما يكون عن حاجة ليها علاقة بالتلج...
خاصة كسيرالتلج...


التحايا للاخت نوال البلول و انشاء اجر و عافية
Post: #8933
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2011, 06:07 AM
Parent: #8932

طيب حيينا نحن برضو ياخي...

التحية للأخ موسى عيسى في غربته...
Post: #8934
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 06:48 AM
Parent: #8933

و التحية للصاحب الرشيد معليش اللياقة مش و لابد و شايف عكاكيزك

واقفة فوق و كمان عندي تحالفات علشان كده قلنا نحجب دمنا و نحني

حتى تمر العاصفة .


و صحبك من يوم راس السنة الظاهر الصنف كان تقيل و عنده ام جيغي

للليلة ما ظهر ربنا يجيب العواقب سليمة .

و نكرر التحية للاخت نوال البلولة ربنا يديها الصحة والعافية .

و يا أب شنب همتك يا محمد احمد و الله بقيت زي لوري عمنا الله علمان !!!
Post: #8935
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-03-2011, 07:29 AM
Parent: #8934

صباح الخير ،،، يا وجوه الخير

أصبحنا وأصبح الملك لله وحده ،،،

طلب الأستاذه منى بالتواصل مع نوال البلول

هو طلب مميز وبه كمية من الإنسانية ، يلا يا جلا

شوف شغلك وإظهار وبان لك الأمان

حبيبنا الرشيد هاتف نوال البلول

0564063149/00966
Post: #8936
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 07:31 AM
Parent: #8934

يا جبريلا صورة الوالد اجمل صورة نزلتها لغاية الآن ... ربنا يخليهو ليكم ويديه الصحة والعافية ...
وهي صورة معبرة .... وفيها كتير من المعاني ... التحية ليهو ولو نسته الطاعمة .... وعليك
الله اكتب عنه ... لانه واضح راجل يحمل الكثير من الحكاوي والقصص والتجارب ...
Post: #8937
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 07:38 AM
Parent: #8934

مني يونس ... السيدة الاولي .... يا سلام عليك وانت تحملين الهم ...
اتفق معك في ان يتصل الجميع بنوال ... لمساندتها معنوياً ...خاصة
بعد ان قطعت شوطاً طويلاً في العلاج .... خاصة وانها عانت كثيراً من
المرض وكذلك من العملية وما بعدها .... وتلفون نوال 0564063149


واتفق معك في صندوق التكافل الاجتماعي .... وده رقم حساب عبد الدائم

بالنسبة للحوالات الخارجية

البنك الاهلى التجارى - جـدة

رقم الحساب : 0 1 1 0 0 0 4 6 1 6 1 7 1 1


0 1 1 0 0 0 4 6 1 6 1 7 1 1 0 0 0 0 0 1 3 9 IBAN : SA
عبدالدائم سيداحمد محمد

ويلا نعمل همة ....
Post: #8938
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 07:40 AM
Parent: #8934

بادي النور ... والله اغترابك ده يشيل الزول هم ... يعني
لو كنت قاعد في السودان كان لقيتوني في مستشفي تجاني الماحي
ياخي ما معقول البلد دي تقعد تنزف كده .... لي متين
Post: #8939
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 08:20 AM
Parent: #8938

صندوق التكافل الاجتماعي
Post: #8940
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 09:26 AM
Parent: #8939

Quote: رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة
وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وانـت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجـعـنـالـك عـشـان يـسـكـت جـرحـنـا الانـت جـارح قـلبـو بجـراحاتـنا آحنـا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى
وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انـت الـجـرف الـفـيـهو شــتلات حـنـة لـفـرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يــفـوح يـكـســـى الـقـبـيـلــة

*
*
*


مهداه للشاب النضيف ؟ طيب يا اخي ما تنزلها لينا بالصوت في الصحفة 90 دي قبل الفراق ؟؟؟

رغم انه الرشيد قال الكسير ما معانا لكننا ما زلنا نحتفظ ببعض التلج !!!!!!! ربنا يكفينا شر العوارض ؟؟


يا طارق جبريل و الله حكيك طاعم و جميل بس واصل و كثر لينا من صور الحبان ديل ربنا يطول في عمرهم

و الله تاملت الصورة مرات كثيرة و بكيت كثيرا نسال الله لهم الصحة العافية و يعطيهم حسن الخاتمة انشاء الله .
Post: #8941
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 09:52 AM
Parent: #8940

بسم الله
السلام عليكم و رحمة الله و بركاته
كل عام و أنتم بخير
بدأت من الصباح قراية ويا دوبك إنتهيت
المهم نحن حضور يا رش
موضوعكم واقف وين؟؟؟
Post: #8942
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 10:05 AM
Parent: #8941

Quote: صندوق التكافل الاجتماعي

ابو الزوز "راجع الماسنجر"
وكذلك عبدالدائم

ترحيب كبير اوي بالمعلم جلا
حمدا لله على السلامة
Post: #8945
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-03-2011, 10:09 AM
Parent: #8942

والله بقيتو مااااااااااااااااا بتتلحقو

قبل ما نقرا الصفحة نلقاها إتقلبت

إن شاء الله دائما متواصلين وملمومين
___________________________

التحية لأخونا البادي

ونقول ليك إن شاء الله بالتوفيق

والدوحة دي نحن عندنا فيها نص لأنها جمبنا بجاي بس

وطوالي بنزورا

يعني المرة الجاية بنلاقيك إن شاء الله
Post: #8949
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-03-2011, 10:29 AM
Parent: #8945

الأخوة الأعزاء

أخونا عثمان عبد الحميد عثمان (عثمان جالية)

والمقيم حاليا بالدنمارك بعد ترك السعودية قبل حوالي الشهرين

إبنه يونس (حوالي 9 سنوات) مريض ويحتاج إلى دعواتكم...

allallagainsudan718-Copy.JPG Hosting at Sudaneseonline.com


يونس عثمان عبد الحميد

ألهم رب العرش...
أذهب البأس واشفه شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بيونس من وجع .
Post: #8943
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-03-2011, 10:07 AM
Parent: #8941

Quote: المهم نحن حضور يا رش
موضوعكم واقف وين؟؟؟


يا اخوانا انتو الزول ده مش اتأرشف يوم 28 / 12 ..؟؟

ابو الزوز .. الزول ده ادوهو قروشو ونزلوهو فى اقرب محطة ..
Post: #8944
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-03-2011, 10:08 AM
Parent: #8941

سلامات يا ناس

Quote: بسم الله
السلام عليكم و رحمة الله و بركاته
كل عام و أنتم بخير
بدأت من الصباح قراية ويا دوبك إنتهيت
Post: #8946
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-03-2011, 10:21 AM
Parent: #8944

صباح الهناء والسرور ...

الشيخ جلا يا ود أمي قوم أدي الناس دي فاتحتا وما تخمنا ساكت .. من السنة الفاتت ما شفناك ...

يا أبوالزوز زي ما قال الحاج حاتم جبارة السودان ظروفو صعبة .. لكن لكل زول قصة مختلفة بس النهاية واحدة ...

لما رجعت السودان سنة 2005 كنت مقتنع تماما إنه دي العودة النهائية لأحضان الوطن لكن تأتي الرياح بما لا تشتهي السفن ...

والآن خرجت من السودان وأنا مقتنع تماما ...

وزي ما بقولو على كف القدر نمشي ولا ندري بالمكتوب ...

وكلو مسطر ومكتوب بس ربك يجيب الخير ...

يا كوتش ليك وحشة والله ...
Post: #8951
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:32 AM
Parent: #8946

ابو الزوز كيفنك
عمك جبريلا الكبير مخزن لحكايات لا تنتهي
طبعا من الصدف الغريبة انه رخصة السواقة حقته طلعت من الزقازيق سنة 1942
كان شغال سواق في مصر وبعدها اشتغل فترة مع الانجليز سواق
مرة احتجزه روميل في صحراء ليبيا
والوحيد الذي تم تسريحه من الذين اعتقلهم روميل
ناس الحركة اخر مرة مشى عشان يجدد رخصته عملوا ليه تكريم
على اسا انه من سنة 1942 ما عمل حادث واعتبروا رخصته دي ارث قومي
ادوهوا رخصة شرفية كدة
للاسف الصحة خانته ولم يعد قادر حتى على قراءة الجريدة
والحتة دي تاعباهو شديد لانه كان مدمن جرايد
Post: #8952
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:35 AM
Parent: #8951


عمنا الريح الجعلي جاء يبارك العيد للحاج
Post: #8953
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:35 AM
Parent: #8952



وجينا من صلاة العيد
Post: #8955
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:36 AM
Parent: #8953


وضبحنا خروفنا
Post: #8956
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:36 AM
Parent: #8955


..وشوينا
Post: #8957
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:37 AM
Parent: #8956


وسام لطفي جبريل: يا عمو ((ارقعني)) عشان اشتري ((بطل)) و((سفن أب))
..ورقعتو
وبقى صحبي شديد كمان
Post: #8958
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:38 AM
Parent: #8957


فنجان جبنة بي شمالو..
بالله الجمُر دة بين خرابات القهوة ديل
موش زي طرود البلح بين الناس في قطر كريمة
Post: #8959
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:39 AM
Parent: #8958


بتاع الجبنة ذاته طلع رشاشة للاسف
هسي بالله زي دة موش كان مفروض يكون في فصل بيدرس
غايتو الانقاذ دي عشان نصلح ما فعلته في السودان
دايرين لينا خرطمية سنة

والأدهى تعليم الأساس
ياخي أبسط شي يتبادر لي ذهنك
كيف تخت ليك ولد مراهق مع طفل
يا جماعة دي مشكلة لمن يكلموك عنها في السودان راسك يشيب
ديل حا يراقبوهم كيف
غايتو الزول الاقترح تعليم الاساس دة
لو لقيت طريقة بعضيه في نص راسه
دة لو ما رشيتو جبخانة
Post: #8961
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:40 AM
Parent: #8959


الجامع دة ((قالوا)) عملوا البشير لي ابوهو
لا تعليق..
Post: #8962
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:41 AM
Parent: #8961




وودتني دكتورة سوسن للزول الزين بالحيل محجوب شريف
قلتلو: يا ضُلنا.. الله يديك العافية
الناس تكرم في رموزها ونحن رموزنا مانا سائلين منهم
قلتلو: يا ((ود مريم)) دحين سامحنا
نحن غلابة ومشدوهين مع رزق الوليدات
قلتلو: دحين لا تزعل مننا
والله مانا قادرين نردلك الدين
الله يرضى عليك ألقالنا العذر
قالي: يا طارق يا ولدي شوفتة جيتك دي
يمين تزيدني عُمُر فوق حقي
قلتلو: يا الزين وكتين تضيقبنا
قاعدين نرجع لي قصايدك
ياها السلوى
قالي: يا ولدي طول ما النيل دة جاري
ومهيرة زي ما ياها ما بتجينا عوجة

سلمت عليه في راسه ومرقت حزين
زول زي دة في دولة تانية كان هسي
عاملين ليه اقامة خاصة وأطباء خاصين

شكرا دكتورة سوسن
شكرا لتلك الساعة الجميلة
التي اهديتني اياها مع هذا القامة

يا ناس هوووووووي رموزكم دي ابقوا عليها عشرة
Post: #8963
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:42 AM
Parent: #8962


وهنا ((ينام)) احبابنا في سلام
Post: #8964
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 10:42 AM
Parent: #8963


ومشيت هناك..
غلبني امشي ضومة ضومة..
رجليني ابت تشيلني وراسي ماهو داير يصدق لليلي..
صريت جلابيتي وقعدت جنب راسها:
يمة انا طارق..
بت ابو دية كيفنك..
دموعي جرن..
قريت ما تيسر من القرآن..
قشيت دموعي بي كُم جلابيتي..
يمة مبروك عليكي العيد..
يمة خليتُن يضبحوا في الضحية..
يمة ماني مصدق انك ماكي قاعدي في البنبر اللخدر وانا تحتك اكسرلك في الخروف..
يمة الصاج الكبير لليلي معلق في المخزن مافي زولا قادر ينزلو..
يمة الكوانين ألاتك لليلي بي هبودن مكومات جنب برميل المريق..
يمة المقصوصة ألتك لليلي معلقة فوق برميل القمح من تالا ناس ام النصر..
يمة المفراكة والكونُش كبسن العنكبوت..
يمة الزقاق الكنتي تشدي فيهو صاج اللحمة ضللناهو وسوينالا فيهو مروحة
يمة علبة الصندوق لليلي قاعدي وبي اوراقها
يمة غلبني اشيل الدهبايات السويتيهن لي ((ريم))
تلاتة سنين كل مرة اجي يغلبني اشيلن
يمة اخواني قالولي ارجع..
بس غلبني يمة..
ماني قادر اصدق اجي ما ألقاكي..
يمة بعد الفطور ماشي علي البلد..
ماشي أقص بيوت ود أبو دية..
ماشي أشوف تميرات الفردوس بت الريح في أوسلي..
ماشي اشوف ود تميم قالوا تعبان ربنا يشافيهو..
يمة دايراتمشى في خور السواعير واترحم علي خالتي ستنور..
يمة وليداتي طيبين ما عندهم عوجة ما قدرت اجيبون فشان المدارس..

غلبني اكمل..
يمة الله يرحمك..
يمة الله يجعلك من الصديقين والشهداء
اللهم تقبلها قبولا حسنا
اللهم اجعل مثواها الجنة
اللهم ابني لها قصرا في الجنة

الله يرحمك يا بت ابو دية
Post: #8947
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 10:24 AM
Parent: #8944

تنزلوني و تخلو محمد صديق
دي تبقا حقااارة

يا كوتش أنا متلوم 24 قيراط
و خليها في سرك

كدي نشوف نوال البلول و بعدين نجيكم
إنتو الدعم الإجتماعي دا نحن ما بدونا منو و لا شنو؟؟
بلاش الدعم الإجتماعي
الدعم المعنوي إنتهى ؟؟؟؟؟
Post: #8948
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 10:27 AM
Parent: #8947

يا جلال ...كدي اختف رجلك وشوف الاخبار الطازه ...

صندوق التكافل الاجتماعي
Post: #8954
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2011, 10:36 AM
Parent: #8948

أنا قلت ما حأكسر تلج أبدا اليوم...
لكن الجو بقى دافي شوية عندنا...

تعظيم سلام للمعلم جلا...
و للكوتش الكبير محمد صديق...
Post: #8950
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 10:31 AM
Parent: #8947

Quote: الشيخ جلا يا ود أمي قوم أدي الناس دي فاتحتا وما تخمنا ساكت .. من السنة الفاتت ما شفناك ...

نحن ما بتاعين فاتحات نحن بتاعين عيد ميلادات و كدا
داير تعرف وين؟؟؟؟
أرشو ليكم؟؟
و لا أكبو؟؟؟
دي تنفع من ناس كد و ناس كدا
Post: #8960
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 10:39 AM
Parent: #8950

يا سامي تاني مشية الدوحة دي معاكم جاك شيراك ..... الحجل بالرجل ..... وقالوا الدوحة فتحت ....


اللهم اشفي يونس ابن الاخ العزيز عثمان عبد الحميد شفاء لا سقم بعده .... والبسه ثوب العافية ....
Post: #8965
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-03-2011, 10:48 AM
Parent: #8960

صباح الخير ...

اللهم اشفي يونس ابن الاخ العزيز عثمان عبد الحميد شفاء لا سقم بعده .... والبسه ثوب العافية ....

اللهم أشفي مرضانا ومرضى المسلمين ...
Post: #8966
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 10:59 AM
Parent: #8960

(ربى إنى مسنى الضُر و أنت أرحم الراحمين )

اللهم اشف ابن اخينا عثمان شفاء ليس بعده سقما ابدا..اللهم خذ بيده اللهم احرسه بعينيك التى لا تنام .

و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .

و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة

المُضطرين .اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه اللهم اشفه اللهم اشفه..اللهم امين.
Post: #8967
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 11:12 AM
Parent: #8966

اللهم اشفي يونس ابن الاخ العزيز عثمان عبد الحميد شفاء لا سقم بعده .... والبسه ثوب العافية ....
Post: #8969
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 11:15 AM
Parent: #8967

Quote: اللهم اشفي يونس ابن الاخ العزيز عثمان عبد الحميد شفاء لا سقم بعده .... والبسه ثوب العافية ....

الليلة إجتماعيات ساااااكت
فمتوقع ظهور ناس كتااار
ما بيناتنا
ختفنا رجلنا لي بتنا نواال و جينا راجعين

أها كنا واقفين وين؟؟؟
Post: #8968
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 11:14 AM
Parent: #8966

الف سلامة للابن يونس ابن حبيبنا عثمان جالية
اللهم اشف ابن اخينا عثمان شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

----------
ياشباب تلفون عثمان بالله
Post: #8970
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 11:25 AM
Parent: #8968

Quote: الليلة إجتماعيات ساااااكت
فمتوقع ظهور ناس كتااار
ما بيناتنا


المديدة حرقتني ...
قال ما بيناتنا قال
Post: #8971
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 11:25 AM
Parent: #8968

السفارة البريطانية تطالب موظفيها بعدم ركوب( الامجاد وال... سوق قندهار بامدرمان

الناس ديل الظاهر عليهم قروا البوست بتاع طارق جبريل وشافوا الصور ....
Post: #8973
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 11:35 AM
Parent: #8971

يا أبو الزوز
لو ما ركبو الأمجاد و الركشااات يركبو شنو؟؟؟
بالمناسبة الموظفين ديل هم زاتهم
أصحاب الأمجاد و الركشات
أما عن قندهار طيب مايمنعو رعاياهم يأكلو في قندهار
كل ما نمشي قندهار نلقى ناس حطب النار ديل هناك
لافين مع مترجمين ناس خواجة أزرق (المقصود نحن زاتنا)
و الله يا جماعة سودانا دا برغم التناقضات الفيهو و الله جميل حد الدهشة
و بعدين هو ما بالسوء القاعدين يحكو بيهو دا!!!!
ألذ حاجة تكون متابع الأغاني الوطنية على الطبيعة
و تتابع الحفلات من نادي لي نادي
و تلقا الناس كيمان كيمان
إنتو بس ما عليكم إلا تبكو بس!!!
أحححححححححححححححححححححي أنا من راس السنة الفاات
Post: #8972
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2011, 11:28 AM
Parent: #8968

اللهم اشف ابن اخينا عثمان شفاء ليس بعده سقما ابدا..اللهم خذ بيده اللهم احرسه بعينيك التى لا تنام .

و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
Post: #8974
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-03-2011, 11:41 AM
Parent: #8972

Quote: فمتوقع ظهور ناس كتااار


انت يا جلا كتار دي بالتاء و لا بالباء...
وضح لينا عشان بس أعرف نفسي معاهم و لا ما معاهم...
عشان لو بالباء أخلي ليك ناس زهير ديل و أمشي أنوم شوية...
Post: #8975
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 11:50 AM
Parent: #8974

Quote: انت يا جلا كتار دي بالتاء و لا بالباء...

بالناء
يعني ناس فافي و منى وكدا
دي تفع؟؟
Post: #8976
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 11:57 AM
Parent: #8975

Quote:
أحححححححححححححححححححححي أنا من راس السنة الفاات



إنت يالرشيد الحاقك شنو ؟


Quote:
بالناء
يعني ناس فافي و منى وكدا
دي تفع؟؟


ينعل ابو العربي ظاتوووو ؟ بالله يالرشيد و لا محمدعيد اديهو قرشو و خلينا نفرتق ؟!!!!!

أحييييييييييييييييييييييييييييييييييييييييييييييي يالبادي قلت الكبري كيف نسوي !!!!

التحايا ليك في دوحة الخير و انشاء الله قريب تلقانا بطرفك بس كبر الحته ؟؟؟
Post: #8978
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 12:02 PM
Parent: #8976

Quote: ينعل ابو العربي ظاتوووو ؟

عليكم الله كان ماصحيتو جلال
قلنا بالناء
ناس كنار
و أكيد كلمة كنار دي متبرية منك
اللهم أشفيه و أرجعه السودان لأهله و بنيه بألف صحة و عافية
قادر يا كريم
Post: #8977
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 12:01 PM
Parent: #8975

Quote: بالناء
يعني ناس فافي و منى وكدا
دي تفع؟؟


معليش ياحبيب ماتاكلنا حنك بالله
بالنا ديل ناس صالح ما الناس القلت عليهم ديل
بطل حركات ...
قلت لي راس السنة كيف بالله
والله كان شفت راس سنتنا نحن...
شفت راس عمك تنقو بتاع مجلة الصبيان الزمان ديك؟
بس ياهو
Post: #8979
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 12:06 PM
Parent: #8977

Quote: معليش ياحبيب ماتاكلنا حنك بالله
بالنا ديل ناس صالح ما الناس القلت عليهم ديل
بطل حركات ...

اللهم طوِّل عليه في مرقده
العجلة من الشيطان
أنا زاتي غلطت و قلت صحووووه
نوم عصريتك وشوف جردك السنوي
البادي صاحي و لا نايم
Post: #8980
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-03-2011, 12:39 PM
Parent: #8979

باين علي عصرت على الناس دي
عشان كدا قامت دخلت مساكنها
عليه أنا ماشي
فأطلعو أنتم الطلقاء
Post: #8981
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 01:00 PM
Parent: #8980

Quote: عليه أنا ماشي

تمشي وين يازول؟
والموانسة الاسفيرية دي تخليها لي منو
Post: #8982
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-03-2011, 01:06 PM
Parent: #8980

سلام يا ناس بعد طول غياب . كل سنة وانتو طيبين. رحم الله الاموات وشفي المرضي ....
قادر يا كريم .... ومبروك لكل من لديه مناسبة سعيدة
حقيقي لا متابعة لا مستمتعة . بس بسمع الاخبار من بعيد كده
لكن من الليلة ولي قدام معاكم سوا سوا
Post: #8985
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-03-2011, 01:13 PM
Parent: #8982

Quote: حقيقي لا متابعة لا مستمتعة

ولا يخفى على فطنة عزيزي القاري انو ابو الزوز عاوز يورط ابتهاج




















-----
مشتاقين ياخ والله
Post: #8983
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 01:10 PM
Parent: #8980

Quote:

فأطلعو أنتم الطلقاء


إذن لا تسريب عليك اليوم يا رشا يا كحيل فلك الامان ؟؟

تقدم يا فتى الطريق امان الجماعة البتخربش كسحت ؟؟؟
Post: #8984
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 01:11 PM
Parent: #8983

حباب ابتهاج
Post: #8986
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-03-2011, 01:32 PM
Parent: #8984

حبابك يا ابتهاج ، وبس بالله جلا قال ليك ارجعي لورى زي كم صفحة قبل الارشفة ؟؟؟
Post: #8987
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 02:04 PM
Parent: #8986

يا ابو الجل ... والله كل زول بي باسويرده .... وانا في المكتب ... بس لسه راكبه اللوري بتاع جلا ... وتفتش في البوستات ... لو عايز تعرفاه هي في امشي شوف الحضور تلقانا الاتنين ولا امشي البد ليها في المنبر ... وعارف محل تلقاها حاتلة ...
Post: #8989
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-03-2011, 02:44 PM
Parent: #8987

الف لا باس عليك يا يونس
وربنا ياخد بيدك
وتكون ليك اجر وعافية
اللهم اشفي ابن اخونا عثمان عبد الحميد(جالية )


كلما ذكر اسمك يا عثمان تذكرت اعتصام قضية المدعو سرالختم
كامل ودي وتضامني الغير محدود وربنا يشفي ابنك
شكرا يا جلال
ومدنا بتلفون عثمان


الاستاذة نوال
نتمنا لك الصحة والعافية
وترجعي اكثر صحة وعافية
امين يا كريم
Post: #8988
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-03-2011, 02:14 PM
Parent: #8986

اللهم إشف يونس عثمان..
اللهم إشف يونس عثمان..
اللهم إشف يونس عثمان..

اللهم إشف عمنا وحبيبنا جبرين..
اللهم إشف عمنا وحبيبنا جبرين..
اللهم إشف عمنا وحبيبنا جبرين..

اللهم إشف عمنا محجوب شريف..
اللهم إشف عمنا محجوب شريف..
اللهم إشف عمنا محجوب شريف..

اللهم إرحم حبيبتي وقريبتي عشه أبوديه..
جبريلا.. مالك علينا..
إنت والغربه والإنفصال..
Post: #8990
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 03:01 PM
Parent: #8988

معليش يا ود جبارة ((عمتك)) خلفت فراغا كبيرا وحزنا عميقا لا حدود له



يا شباب تعرفوا الدنيا دي ضيقة شديد
يوم كرامة حاتم قعدت مع عمته ام دكتور مجدي الشفيع (فركش)
اها
انت شايقي من وين..
انا من كدا..
يا زول انت ما قريبنا عديييييييل كدة
ورتني ليك لحمة القرابة عديل بي تفاصيلها
قام الحاج الدومنيكاني دة
قاليها ما لقيتي الا جبريلا دة يكون قريبنا يا عمتي




يا مبارك جادين انا منتظر القميص
Post: #8991
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-03-2011, 03:03 PM
Parent: #8988

مرحب بالاخت منى يونس
مرحب بالاخت ابتهاج
وبنعاين عشان تكتبي عن اول شهر غربة
كلاكيت تاني مرة وانت مغتربة في السعودية
تقيلي تحياتي وامنية
واحمد ومحمد

يا جبريل اليوم المساء
سوف اقوم بتسليم القمصيين للاخ لطفي جبريل


يا جلا ماعذبتنا


داير اكتب مناشدة للاتية اسماؤهم بانهم طولوا الغيبة
سامي الطاهر
صلاح الامين
عفاف
زينب التجاني
الدكتورة سناء
دكتور الصادق
دكتور سيف
الاستاذة عرفة
حاج الركز
والخطير جمال فارح
Post: #8992
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-03-2011, 03:16 PM
Parent: #8988

على الطلاق انا بوستيكم ده بقيت فيهو جالية

اقرا نص الصفحة اقول بعدين اكمل
وبعدين اعلق على الزول واقول لي كلمتين

اجي افتش انا كنت وين
القاكم قلبتوها مرتين وتلاتة مرات
في شنو
جاكين كده مالكم

والزول الاسمو طارق جبريل ده
بي طريقتو دي يمين ما يقلب الصفحة بس
يمين يقلب الحكومة ذاتا
Post: #8993
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-03-2011, 03:20 PM
Parent: #8986

اللهم اشف ابن اخينا عثمان شفاء ليس بعده سقما ابدا..

اللهم خذ بيده اللهم احرسه بعينيك التى لا تنام .

ظهرت قبل أيام سناء الصباغ ، وعفاف ، ومنى واليوم إبتهاج

الله يكتر من ظهوركم ويديكن العافية وخليكن قريبات

الأرشفة على الأبواب.
Post: #8994
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 03:25 PM
Parent: #8993

يا كيمو ياخي قول بسم الله





يا بركة اتوقعني بي صورة شحمانة بالقميص
Post: #8995
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-03-2011, 03:38 PM
Parent: #8994

اللهم اشف ابن اخينا عثمان شفاء ليس بعده سقما ابدا..

اللهم خذ بيده اللهم احرسه بعينيك التى لا تنام .
Post: #8996
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-03-2011, 03:46 PM
Parent: #8995

غيب وتعال..
Post: #8997
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-03-2011, 04:29 PM
Parent: #8996

Quote: يا كيمو ياخي قول بسم الله

بسم الله
ومشتاقين ليك شوق بحر
وكلامك حلو
واجازتك زي الورد تتحسد عليها
وكتبت ليك بي جاي وبي هناك وما معبرنا

عجبتين اجازتك جدا
وعجبني وصفك ليك

وشايفك ركزت على حتة الجرايد والصحافة في السودان من واقع الخبرة وكده
مرة تانية
حمدا لله على سلامتكم
وعودتكم الى بلاد امير المؤمنين سالما

طبعا عصفورين بي حجر واحد
زي المنشار طالع واكل نازل واكل

رحت السودان حضرت العيد
رجعت المغرب ايام الاعياد

قصدي راس السنة
طبعا راس السنة مع امير المؤمنين قاجي جدا
اخويا هايص وانا لايص

تحياتي
Post: #8998
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-03-2011, 04:57 PM
Parent: #8997

Quote: Quote: انا صدقت ياريت الشرطه واولاد الشيوخ يصدقوا



نملوز يا حبيب...
أنا ما مصدق...
برضو كيتا في محمد عيد...

ياراش انت مامصدق منو؟ انا قصدي المراه الدقت النظر فوق
زوجها مش محمد عيد حاشه من الكذب. وتاني ياعيد كل سنه وانت طيب
حاتم جباره والله شوقنا ليك كتير بس خايف يكون الحال زي لما قابلت زولجي
ياخي رسل لي تلفونه.
ياجماعه انتوا اجرى من الجري ذاتو
تحياتي للجميع
Post: #8999
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-03-2011, 05:41 PM
Parent: #8998

مساءآت الهناء والسرور ...

تدخل الحوش برجلك اليمين تعمل أبواللفيت يمين وشمال لو لقيت الحاج جلا كب الزوغة ...
Post: #9000
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 06:02 PM
Parent: #8999

ليه
Post: #9001
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 06:08 PM
Parent: #8997

يا ابو الجل الليلة حا اجيب ليك هوا ...
Post: #9002
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 06:09 PM
Parent: #8997

دي دعوة للزيارة

قصة جميلة : بركات الشيخ قوقل
Post: #9003
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 06:11 PM
Parent: #9002

جاهزة
Post: #9004
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-03-2011, 06:17 PM
Parent: #9003

45.jpg Hosting at Sudaneseonline.com



الليلة يا جلال بالمستندات ...
Post: #9005
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-03-2011, 07:05 PM
Parent: #9004

سلامات يا ناس

يا زهير ...الحكاية شنو ؟

انتظرت تلفونك ما جا...

يبدو انك شغال معاى بالخطة ب

تحياتى للبادى النور..وسِرّك كان فى بير.

اللهم اسألك ان تشفى ابننا يونس.
Post: #9006
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-04-2011, 05:07 AM
Parent: #9005

صباح الهناء والسرور ...

أصبحنا وأصبح الملك لله ...

يا أبوالزوز شكرا على إحتلالكم العائلي للمنبر .. التحيات لبنتنا إبتهاج ...

الكوتش الراقي .. يا سر مكتوم في جوف أصداف ...
Post: #9007
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 05:31 AM
Parent: #9006

Quote:

ا زهير ...الحكاية شنو ؟

انتظرت تلفونك ما جا...

يبدو انك شغال معاى بالخطة ب


الكوتش يا حبيب انت خطة ب ما كويس و الله نحن خطة ي

الراجل بقي مغترب صحي صحي ؟؟

عموما نحن فكينا الدرب دا و بقينا مع ولدنا البادي بقى قريب و خلا المسسكاه بتاع

ناس جلا ديك ، نكرر ترحيبنا بالبادي و انشاء الديار مرحب بيك .
Post: #9008
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 06:08 AM
Parent: #9007

بسم الله الرحمن الرحيم
سلام من الله عليكم
أما بالنسبة للموضوع داك فخليكم قراب ....و جايييكم
Post: #9009
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 06:43 AM
Parent: #9008

يا جلا قوم لف
Post: #9010
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 07:20 AM
Parent: #9009

Quote: يا جلا قوم لف

بالمناسبة يا أبو الزوز
حكاية إنك بتكتب بالباسويرد بتاع إبتهاج
دي ما بتغالطو فيها درويشين
أما إنك و إبتهاج متواجدون في دفتر الحضور بتاع بكري
دي مكنة عااااضة ساكت
و دا مابنفي تهمة إنك بتكتب بي إسمها
حيث يمكنك الدخول من كمبيوتر الكفيل بي إسمك
و اللابتوب المستلفو من سامي عبد الوهاب بي إسم إبتهاج
الحاجة الممكن تمرقك
أنو إبتهاج تتداخل دون إنقطاع
عشان نفرز بعد داك مداخلاتك عن مداخلاتها
وإنو قاعد تكتب هي شخصياً و بذات نفسها

أفتكر دي القاعدة الأساسية
العليهو الدور منو؟؟؟؟
ود جادييين
مشتااااقون دون إنقطاع (يعني زي كهربةأبوظبي بس)
Post: #9011
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-04-2011, 07:21 AM
Parent: #9009

غياب كامل ليوم الامس


اللهم اشف ابننا يونس عثمان والبسه ثوب الصحة والعافية

ودعواتنا لعمنا جبريل بدوام الصحة والعافية وطول العمر


بالنسبة لتلفون نوال البلول الاتصال من الخارج كالاتى 00966564063149


شدو حيلكم قربتو تصلو الصفحة 99 وانا شايف لو مدينا الفترة لاسبوع او اقل
ممكن نحتفل بالمئوية هنا
Post: #9012
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-04-2011, 07:22 AM
Parent: #9009

صبحكم الله بالخير

هذه النافذة مفتوحة منذ فترة ليست بالقصيرة...
لكن العين بصيرة و اليد قصيرة...
زحمة الصباح المعتادة و الدخول الخشن تعترض التداخل السلس معاكم...
فقلت أكتفي بهذه المداخلة حتى نلتقيكم آخر اليوم ان شاء الله..

جلا عليك الله أعمل لي سبعة مداخلات من مداخلاتي العشرة...
و أنا بتم الباقي عشان ما أتعبك...
Post: #9013
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 07:34 AM
Parent: #9012

Quote: جلا عليك الله أعمل لي سبعة مداخلات من مداخلاتي العشرة...
و أنا بتم الباقي عشان ما أتعبك...

الكلام دا
يا أنا حلمان و قالو حلم الجيعان عيش يا أبو الجل قوم صحي صحبك
يا قبل كدا قالوهو لي و الله يستر من قالو و قلنا
ياكمان الزول دا متلقي حجج
ما بيناتنا


النضيف شلالات مترعة ومتدفقة من الشوق (يعني زي بحيرة فكتوريا و كدا)
Post: #9014
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-04-2011, 07:44 AM
Parent: #9013

38473699.gif Hosting at Sudaneseonline.com


صــباحو ...

سؤال : انتو يا ناس الداخل مافى زول مشى لى مشاعر ولا شنو ؟؟

( ابو الزوز .. كيف فاتن حمامة ده بس ؟؟ )
Post: #9015
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-04-2011, 07:56 AM
Parent: #9014

بحيرة تنجانيقا كيف ...
Post: #9016
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 07:58 AM
Parent: #9015

Quote: بحيرة تنجانيقا كيف ...

كنت عايز أكتب
شلالات نياجارا
Post: #9017
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 08:00 AM
Parent: #9016

Quote: سؤال : انتو يا ناس الداخل مافى زول مشى لى مشاعر ولا شنو ؟؟

أنا من ناس المنطقة الوسطى
السؤال يحول إلى عمر بسكو
Post: #9018
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2011, 08:02 AM
Parent: #9013

صباح الخير ،،، يا وجوه الخير

دعاء العبد التائب

استغفرالله وأتوب إليه
اللهم أني قصرت في ديني
وأسرفت في عملي وغرتني الدنيا
فارحمني يااللــــه وتب علي
Post: #9019
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 08:09 AM
Parent: #9012

لو اول مرة اتفق مع التعبان جلا دينق في موضوع اتسغلالك للباسوورد بتاع

ام العيال من المكاتب و نحن نرفض ذلك و الا سوف نستخدم التكنولجيا لكشف

التزوير يلا يا محمد عيد خليك جاهز ؟

جلا استعد و شغل كل الطاقات المركزية واللامركزية للطرد البييولوجي و نتحتاج

لمساعدة دكتور خالد محي الدين و دكتور سيف النصر و كل المساعدات الاخري

الداخلية والخارجية .؟؟
Post: #9020
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 08:17 AM
Parent: #9019

سا رش
زولك مخمرة المداخلة قبل ساعة
و قام رشاها لينا يادوبك
مداخلة زي دي ....قولا لي زول ما تفتيحة
أنا زاتي غيرت كلامي عن مداخلة إبتهاج
و إبتهاج دخلت بي الباسويرد بتاعها
رايك شنو يا الطاعم

الريس ميسرة
مشتاقوووون للطين (يعني زي طينة السودان قبل الإنفصال)
Post: #9021
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-04-2011, 08:22 AM
Parent: #9020

Quote: أنا زاتي غيرت كلامي عن مداخلة إبتهاج
و إبتهاج دخلت بي الباسويرد بتاعها
رايك شنو يا الطاعم


موسى عيسى .. تستاهل ..

انا قبيل قلت ليك زولك ده اديهو قروشو ونزلو ..!!

الزول ده زى سيلفا كير .. ما زول تحالفات ابدا ..
Post: #9022
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 08:22 AM
Parent: #9019

Quote: يا ابو الجل الليلة حا اجيب ليك هوا ...

ابوالزوز
اها رايك شنو بعد مداخلة المعلم جلا والحبيب موسى
والله الظاهر الهوا جبتو لى نفسك من حيث لا تدري

ابو الزوز رجع لي سامي الابتوب "والعهدة على الراوي"
Post: #9023
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-04-2011, 08:35 AM
Parent: #9022

الأخوة الأعزاء

لكم التحية

في إتصال هاتفي قبل قليل بالأخ عثمان جالية

شكر الجميع على هذه الدعوات الصادقة ويبلغكم جميعا تحياته وتحيات إبنه يونس

وهما الآن في طريقهما إلى المستشفى لإجراء المزيد من الفحوصات

هاتف عثمان: 004527456746

طبعا العديد من العناوين والهواتف موجودة هنا خصوصا في الصفحة رقم 2

كل ناس الزقازيق... عناوين وهواتف
Post: #9030
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2011, 09:49 AM
Parent: #9023

Quote: الريس ميسرة
مشتاقوووون للطين (يعني زي طينة السودان قبل الإنفصال)


شكراً يا الحبيب والله يا جلا تغيب وتظهر

وتخلي البوست أجمل وأحلى وشايفك راشي الناس كلها

بس خليك حنين مع موسى عيسى وأبو الزوز

الأستاذة منى يونس بتحاول تكتب بس خاينه الزمن

قالت لي نوال البلول أمس مندهشة بتقول ليها

إنتي ناس الزقازيق ديل الليله ما لم ؟!

ليه في شنو ؟

والله الليلة جنس تلفونات وفي إثناء الحديث تلفون تاني

وثالث وتدفقت المكالمات وسالت جداول وفاقت أمطار جدة

وهي مبسوطة جداً وفرحانه جداً ،،،،،،،

بصراحة الهجمة الهاتفية التي هاجمت نوال البلول فاقت

كل التوقعات ومن أول يوم ،،، يا كم إنتوا يا السمحين

يا الزينين ،،،

لقد أسعدتموها الله يسعدكم دنيا وآخره .......

بالإنابة عن منى يونس صاحبت الدعوة.
Post: #9024
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-04-2011, 08:53 AM
Parent: #9012

صباح الخير ليكم جميعا سعدت جدا بترحيباتكم سعادتى اكثرانى حا اكون متابعة قلباوقالبامع رفاقاامتلئت جوانحهم وقلوبهم حبا لبعضهم فكان التواصل الرائع عبر المساحة الزقازيقية التي طالما طالعتهاتداخلك وتتسرب اليك احاسيس يصعب علي الجميع وصفها وان تباروا

صديقاتي حالده0 زوبه0رجاء دوجي تحيات خاصه ويااااااااااااالها من شهريييييييييييين
Post: #9025
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 09:05 AM
Parent: #9024

يمين بالله انتو ناس بلاعين ذمة .... انا كنت عايز استشهد بموسي عيسي لانه الوحيد
العارف انه ابتهاج خاشه بذات نفسيها ... ومتاكد من المعلومة دي ... الا انه
بلع السيف متني واتحالف مع المدعو جلا.... لكن ما مشكلة ... دي كلها حسنات
في ميزان الواحد حينما يتهم بالباطل (دي كيف معاك يا جلا) ... الواحد لترتشو
اتغيرت مش كده ... ولسسسسسسسسسسسسسسسسه دي علي طريقة ابتهاج لاني طول عمري
بكتب هنا يوم واحد ما مطيت الكلمة دي كده يا وهم ... وين حاتم جبارة ...
Post: #9026
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 09:28 AM
Parent: #9025

Quote: لاني طول عمري
بكتب هنا يوم واحد ما مطيت الكلمة دي كده يا وهم ...

ابوالزوز ماتزعل ياخ ...
واسا يعني هرشتك لينا دي عاوز تخوفنا ولا شنو؟
خلاص ياخ انا اقتنعتا انو هي ابتهاج الداخلة بحسابها
والدليل ... اهو:
Quote: صديقاتي حالده0 زوبه0رجاء دوجي تحيات خاصه ويااااااااااااالها من شهريييييييييييين

انا عارف انو ابتهاج عميانة ومابتفرز ح من خ
Post: #9032
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 10:05 AM
Parent: #9026

Quote:
بالإنابة عن منى يونس صاحبت الدعوة.


يا شباب فرزوا لينا الكيمان ، و ارسوا لينا علي بر نحن الان نرد لمنى يونس

و لا للريس ميسرة عموما يا جلال نحن اصلو طايوقنا ما ملحق ما بين الكفلاء

و الجرجرة بتاعت العيال و كما ما قادرين نفرز بين مداخلات ابتهاج المزورة و لا

لا مداخلة منى يونس المسلوبة ؟؟

عموما الموضوع لازم يتناقش في الجمعية العمومية القادمة في الرياض ؟
Post: #9027
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 09:30 AM
Parent: #9025

Quote:
مشتاقوووون للطين (يعني زي طينة السودان قبل الإنفصال)



و الله حظك يا ريس تكون رطبت عديل من الكسير دا بالله لو الواطة باردة عندكم ترسل ليك

كم لوح للشرقية لان الجو هنالك مسخن شوية و كده ؟؟

يا جلال محتاج لي لكوم كسير إنشاء الله يكون لمدة ساعتين بس ؟؟؟

عموما حاتم جبارة ما بحلك ، قول يا شيخي في السودان !! إنا طبعا قاصد جنابو ، طبعا صحبك بكون

اتنحنح فاكر الكلام ليك .

بالمناسبة يازهير راجع الماسنجر اقول ليك نكتة اسامة الطيب في صحبك لمن كنا ماشين نعزيه في بنت اخو في الخرطوم ؟؟؟؟

ك/////////////////////////////////////////////////////////////////////////////////////ك .
Post: #9028
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-04-2011, 09:35 AM
Parent: #9027

أول حاجة مرحب ببهجة مرة تانية...
كل يوم حنرحب بيك لحدي ما نتأكد من انك ما حتغيبي تاني...

الحاجة التانية...
قلت أجي أقضي معاكم خمسة دقايق كده من زحمة الشغل...
جيت عاينت ليكم...
قلت أحسن لي زحمة الشغل...
Post: #9029
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 09:44 AM
Parent: #9028

Quote:

انا عارف انو ابتهاج عميانة ومابتفرز ح من خ


يا جلال ما تعصر شديد ؟؟ يعني فاتت عليك ؟؟؟ بس كتب ليك زهير صحباتي

اقتنعت انه الكاتب هو المدام !!يا اخي الكلام دا قولو لزول ما إندو حديدة !!!!


بندوره و كشفنا دوره خليك حدق يا حلو ؟؟؟؟ و ما تهرش خليك صنديد ما شفت الرشيد كبه الزوغة كيف ؟؟

و عمل ساتر انت رش من السودان للشرقية و لا تاخذك رافة و قول لمحمد عيد خليك كما كنت و صدق المثل

البقول البخاوي ال...............................بخربشنو ؟؟؟؟
Post: #9031
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 09:59 AM
Parent: #9029

يا ابو الجل صاحبتك بقي عندها 15 نضارة واحدة للنظر وواحدة للقراية وواحدة للكمبيوتر ... وواحدة لقطيع البصل ..... الخ ... اخوك بيستلف منها نضارة القراية يوم واحد في الشهر اشوف بيها ساعات العمل الاضافي ... لانه الماكنة كتابتها باهتة ... لو نسيتها بطلع الشمس عادي بقرا الكروت ... اها شوف الشباب .... تقول لي دفعة سامي عبد الوهاب ... ولا صاحبه البيقولي برلومك ... اي زول ما عنده نضارة يرفع يده ... شايف غيري ومحسنة وما زول رفع يده .... ما تيييييييييييييييييب ....

صاحبك بتاع الرياض شايفه رجع اتحالف مع صاحبه بتاع الفاو ...
Post: #9033
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 10:21 AM
Parent: #9031

Quote: الا انه بلع السيف متني واتحالف مع المدعو جلا

الكلام دا ما بحلك
و أنه لم يتحالف معي و لن
ثم أنني إتهمتك لمن قلت لي قوم لف
ودا تجني علي
لو داير تنفي إنك ما إبتهاج
تقوم إبتهاج تتواصل في المداخلات زينا كدا
و لو قالت ما بتقدر لزوم حلة الملاح و اللذي منو
طوالي ....عليك بإهتمامات البيت و قطيع البصل و أديها اللابتوب بتاع سامي
عشان نقول ما مشغولة
إنشغل إنت و قشة ما تعتر ليك
قال ما قاعد يمط الكلمة
طيب ديب دي ممدودة ما ممطوطة؟؟؟؟
Quote: ما تيييييييييييييييييب ....



أبو الجل إنت متحالف مع منو؟؟؟؟
Post: #9034
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 10:32 AM
Parent: #9033

Quote: يا شباب فرزوا لينا الكيمان ، و ارسوا لينا علي بر نحن الان نرد لمنى يونس

و لا للريس ميسرة عموما يا جلال نحن اصلو طايوقنا ما ملحق ما بين الكفلاء

و الجرجرة بتاعت العيال و كما ما قادرين نفرز بين مداخلات ابتهاج المزورة و لا

لا مداخلة منى يونس المسلوبة ؟؟

الكلام دا زي الأتفقت فيهو معاك ودي أول مرة
حكاية الكلام العربي دا عارفك مجلي منو
وعشان كدا أنا متفق معااااك
بالنسبة لمداخلات إبتهاج المزورة
برضو متفق معاااك إنها مزورة
غايتو بختك لقيتني متفق معاك

لالالالالالالالالالا
أصبر شوية
حكاية المداخلة المسلوبةأختلف معاااك جملة و تفصيلاً
لا أظن الريس يقدم على شئ مثل هذا
أتسرق يا ريس و أنت قدوتنا؟؟؟؟؟
Post: #9035
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 10:36 AM
Parent: #9034

Quote: جيت عاينت ليكم...
قلت أحسن لي زحمة الشغل...

الحمد لله نجاة ما جات بي جاي
و إلا زولك داك قال مداخلة مسلوبة يعني مسروووقة

يا أبو الزوز داير لي باسويرد لي بت الشيخ
[email protected]
Post: #9037
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 10:40 AM
Parent: #9035

Quote: ابوالزوز ماتزعل ياخ ...
خلاص ياخ انا اقتنعتا انو هي ابتهاج الداخلة بحسابها

المبادئ هي المبادئ
و المواقف هي المواقف
برضو كسير التلج هو كسير التلج

في حاجة نسيتها
المبادئ لا تتجزأ ... دي ممكن تكون في ياتو حتة؟؟؟؟؟
Post: #9036
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 10:38 AM
Parent: #9034

Quote: بسم الله
ومشتاقين ليك شوق بحر
وكلامك حلو
واجازتك زي الورد تتحسد عليها
وكتبت ليك بي جاي وبي هناك وما معبرنا

عجبتين اجازتك جدا
وعجبني وصفك ليك

وشايفك ركزت على حتة الجرايد والصحافة في السودان من واقع الخبرة وكده
مرة تانية
حمدا لله على سلامتكم
وعودتكم الى بلاد امير المؤمنين سالما

طبعا عصفورين بي حجر واحد
زي المنشار طالع واكل نازل واكل

رحت السودان حضرت العيد
رجعت المغرب ايام الاعياد

قصدي راس السنة
طبعا راس السنة مع امير المؤمنين قاجي جدا
اخويا هايص وانا لايص

تحياتي


انت يا ود الشادي باقيلي جنيت
نان انا ما رديتلك بي هني وبي هناك
عاد وكتين تقوم علي ((الفسالي)) اماني ماك كعب

يا حبيب والله كانت اجازة ولا اروع
اتفشيت ياخي شديد

بعدين ياخي امير المؤمنين دة اريتو مؤمنين السرور
انت بس اطلع منها





يا شباب ابو الزوز دة ما تضغطوه كدة
ياخي الزول دة دفعتي وفردة عديييييل كدة
يا ابو الزوز الناس الكبار وسناير ديل ما بتقدر عليهم
تعال نشوف الناس القدرنا نضحك ونقزقز معاهم
Post: #9038
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 10:59 AM
Parent: #9036

عموما دا تحالف مرحلة بس و بعدها كل واحد بطلع جبله بعدما الامور تنجلي و نعرف

المتداخلين الحقيقين و يزول اللبس و طبعا الموضوع ما موضوع نظارات و لا حاجات

زي دي اي واحد تعدي الاربعين يكون لزاما عليه أن تضع عيون إضافية و اخر واحد تخرج

من الزقازيق كان عام 1992 يعني قبل 18 عام مضافا إليها تسع سنين قبل المدرسة لزوم

السرحة و لقيط النبق زي ود جبرين دفعة زهير و كمان لعب ام سكسك و بعدين 12 سنة لزوم مدرسة

و سنتين إعادة قبل البعثات يعني براحة موضوع الاربعين فات روح تعدي و بقينا في عمر الهوهوة ؟

عموما يا جلا خليك في الخط اما موضوع الريس دا طالما ما جاب ليه خرخرة نعيد اللعب بعدين ؟؟؟
Post: #9039
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 11:14 AM
Parent: #9038

Quote: ياخي الزول دة دفعتي وفردة عديييييل كدة

طيب وين إمرأة لا تعرف الدموع بتاعتك
و زكريات و كدا
أطلع منها
التحالف المرحلي لا بأس به

التعديل لزوم إضافة كلمة بتاعتك
بعد الدموع السايلة و لسع ما وقفت دي
و المقصود بها زولو الدفعة
Post: #9040
Title: Re: ناس الزقازيق ... أجدع ناس ( 3 ) ..
Author: ياسر نجيلة
Date: 01-04-2011, 11:17 AM
Parent: #9038

ياسلااااااااااااااام ...
أولادنا ناس الزقازيق ديل عجيبين ... ويحيرو الواحد ...
نزلت السودان عشان افرح واحضر عرس اخوي ... مافي واحد جاني ... فزعلت وحزنت
نزلت مرة أخري وكلي حزن على وفاة عميدة الأسرة... جوني كلهم .. وملوني بهجه وفرح

يعني تمشي تفرح ... يزعلوك
وتجي تحزن ... يفرحوك
دي كيف يامنصور ؟؟؟!!!

اول الحضور للعزاء ولدنا مبارك جادين و معاه أخوه الفاتح
بالله دخلنا في أحضان .. لما الفاتح اخوهو قال لينا ...
انتو ليكم كم سنه ما اتقابلتو ..
وبصوت واحد قلنا ليهو ... كم سنه خليها ... كاتلنا الشوق بس ...

وبعده مجموعة العقد الفريد بقيادة الريس معتصم جعفر
والكوتش الكمندان محمد صديق ...
الذي يبعث فيك الهدوء والطمأنينة بصوته الجزل الهادئ ..
طارق عوض الكريم حقوق ... برغم وفاة والده ... حضر معزيا ...
ومحمد أدم النور "جلا" واخوه كمان ...
وحاول جلا ان يوهمني بانه احد زملاء الزقازيق ...
ومن شبهم فاتو يخلق من الشبه اربعين ... بل اثبتو مقولة "فوله وانقسمت نصين" ...
وصالح تبلدينا وما ادراك ماتبلدينا ...
ياجماعة الزول ده اعفوه من الزواج ... ده عايش زي العصفور
والله شهاني عيشة الحرية ...
من الفجر يتنقل من مكان لى آخر بدون "جكه" او هرولة ..
وكمان بعد أداء مراسم العزاء ... ماشي يقتل حفلة كاربه ...
ده حتي الكافتيرا بتاعتو حولها من الصحافة للحاج يوسف مع انو ساكن في الامتداد ...

ونشكر كل من عزانا عن طريق البوست أو اتصل هاتفيا أو أرسل رسالة نصية
والله في ناس عملوها التلاته ...
مما كان له عميق الآثر في تخفيف مصابنا ...
إن شاء الله يوم شكركم ما يجي ...
وشكرا ...
احبكم ... وتاني كمان احبكم ... وازيد في حبكم ريده اكيده ...


========================
ياموسي عيسي ... المرة دي مافي لوم
خليني اراجع الصفحات الفاتتني .. يمكن القي ليك
ثغرة ...

اكيد جايكم ...
Post: #9041
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 11:21 AM
Parent: #9040

Quote: يعني تمشي تفرح ... يزعلوكوتجي تحزن ... يفرحوكدي كيف يامنصور ؟؟؟!!!

دي زي
نكورك ليكم ما تجو
نجيكم تكوركو
Post: #9042
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 11:21 AM
Parent: #9040

يا نجيلة حمد الله على السلام
وجبر الله كسركم
الامتداد فقد ركيزة من ركايزه ياخي









يا جلا نحن ((لا تعرف الدموع)) حقتنا بنكتبها بالمغربي
Post: #9043
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 11:28 AM
Parent: #9042

يا فردة الف حمدلله علي السلامة و انشاء الله نجيك في السمحات و التحايا موصولة

للعقب و انشاء الله المرة دي ما كان معاك حرس ؟ عموما ليك وحشة بس عجل في

المذاكرة لـأن الكركور حامي و الجخنون مسخن يعني لو ما استعجلت بتلقي الحكاية

جايطة و ما بتعرف تدخل من وين الا تستعين بصديق او بت شيخ ؟؟؟؟؟


لك التحية .
Post: #9046
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 11:49 AM
Parent: #9043

جبر الله كسركم يا نجيلة وحمدا لله على السلامة

جلا بالله امنع هرجلة
Post: #9044
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 11:34 AM
Parent: #9042

Quote: يا جلا نحن ((لا تعرف الدموع)) حقتنا بنكتبها بالمغربي

ليهو حق البادي كان مركز معاااك يوميها
وهس زي كبَّر اللفة
و أظنو و الله أعلم
إنو بتواصل معاااك لزوم الحاجات الكنت قاعد تحكيها وهو كان مركز معاااك
و ذلك حسب إفادة مبارك جادين في مداخلاتو
يعني أنا ماقلت و لا حاجة

يا ربي بعدين الزول دا لمن يجيك بي هناك
حيقر يكتبها بالمغربي
أظن البادي دفعة زهير كماااان

برضو ما ينفي الزول دا دخل بالباسويرد بتاع إبتهاج
قال قوم لف
Post: #9045
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 11:47 AM
Parent: #9044

Quote: ما بتعرف تدخل من وين الا تستعين بصديق او بت شيخ ؟؟؟؟؟

لو عندك باسويردها
بتكون ما عندك مشكلة
Post: #9047
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 11:57 AM
Parent: #9045

Quote:

صاحبك بتاع الرياض شايفه رجع اتحالف مع صاحبه بتاع الفاو ...


يا ربي عوض شلبي دا لسع في الفاو و لا مشى القضارف ؟؟؟

صحبك اتعرى من العملية عمل زوغانات ، عموما والله الا يرفع الراية و لا يبلغ بس و يا دار ما دخلك شر
Post: #9048
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 12:03 PM
Parent: #9047

Quote: صحبك اتعرى من العملية عمل زوغانات ، عموما والله الا يرفع الراية و لا يبلغ بس و يا دار ما دخلك شر

شفت الناس الخشت واسطة و زاتا زاغت منو
قال دفعتي
و فردتي
و معليش يا أبو الزوز
أمسحها لينا في وشنا
و كدا...

غايتو ما يحلو إلا الكمندان يجي
Post: #9049
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:09 PM
Parent: #9048

دكوا الورق ده
انا ورقى ناقص
انتواول مرة توزعوا ولا شنو ؟؟
Post: #9050
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:10 PM
Parent: #9049


معقولة بس
اتناشر ورقة بس
وبت شيرية واااااقفة
Post: #9051
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:12 PM
Parent: #9050

يا طارق جبريل عليك الله ما تكشف اللعب
لمن تقيف زى الوقفة دى
لازم تسمى
انت عاوز ناس جلا ديل يسيكونا ولا شنو ؟؟؟
Post: #9052
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:12 PM
Parent: #9050

يا طارق جبريل عليك الله ما تكشف اللعب
لمن تقيف زى الوقفة دى
لازم تسمى
انت عاوز ناس جلا ديل يسيكونا ولا شنو ؟؟؟
Post: #9053
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:18 PM
Parent: #9052

يا ربى تشفى يونس ولد عثمان جالية
وترجع نوال البلول لى وليداتا سالمة ماشة على رجلينا
وترجع عم جبرين لى قراية الجرايد
او بالعدم نديهو باص ويرد معانا هنا , ونشترى ليهو نضارة اكبر من حقت جلا
العاملة زى قعر الكباية ديك
آآآميييين
Post: #9054
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:20 PM
Parent: #9053

هسى يعنى بكرى ده
حا يدكها لينا متين ؟؟
انا حاسى انو التوزيعة الجاية
حا يجينى ورق تلتاشر عدييييل
Post: #9055
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:22 PM
Parent: #9054

باقى كم مداخلة من العشرة بتاعت الرشيد ؟؟
Post: #9057
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-04-2011, 01:35 PM
Parent: #9055

يا جلا طالما جاء الابنوسي و بقى فيها سيك و دك ورق بقي الحلف فرتك ؟

و كل واحد يرجع لقواعده سالم يعني لا بتعرفني و لا بعرفك ردم بس و دق

فوق الركب و شيل اتفاقات دي بعيد و ما تتصل علي تاني و بيني و بينك الميدان

بس اوعك تعكسها لوب أرضي ؟؟

الحاضر يكلم الغائب !! لزوم الارشفه و كده يعني حلف بابو ...
Post: #9058
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:37 PM
Parent: #9055

لمن توصل القميص لى لطفى يا مبارك جادين
لو لقيت تمرين فى ميدان سلام 11
ولا ميدان الصحراء
اقيف اتفرج ياخ , وبالعدم اقطع خور جانقى
حا تلقى ميدان الجزيرة
الفرجة مضمونة , اصلوا تمارينهم ما بتفرق من كورة المواهيم ديل
هسى يا ربى يا مبارك , بعد تسعة يناير دى
انت حا نلم فيك وين ؟؟
اشتغلوا لينا على قصة الجنسية المزدوجة دى ياخ
انا مغرود لى فى واحدة
Post: #9056
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-04-2011, 01:30 PM
Parent: #9054

طبعاً الزول الخرخار جا
و داير يدكو ليهو الورق عشان يلعب من جديد
و تربيزة فيها ناس خرخارين ما بتنفع معاي
وزاتي أنا ماشي بيتنا

بالمناسبة يا أبو الزوز
لينا لقء بكرة
دس الجوكر و تعال وزع الورق

إنتو لاعبين هارت و لا حريق
Post: #9060
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:52 PM
Parent: #9056

اصلو الحلف بتاع موسى عيسى وجلا ده
حلف ما فيهو اى قواسم مشتركة
وقايم على افتراضات هشة
ويحمل اسباب فناؤه جوا احشاؤه
القاسم المشترك الوحيد فيهو
الجلابية البيضاء , ولفة العمة الكاربة
تقع العمة بتاعت موسى عيسى
تطلع ليك الصلعة تلالى
تقع النضارة بتاعت جلا
الا نجيب ليهو انتصار تقرا ليهو البوست ده
تضيع نضارات ابتهاج الخمستاشر
مافى اى مشكلة
ابو الزوز يطلع يقرأ فى الشمس عاااااادى
بس لكن اليوم داك يعمل حسابو ابو الزوز
لأنو اكيد بهجة تكون قطعت الفلفل الحار , محل البصل
ولأنكم عارفين ان الحلة (بصلة )
ابو الزوز اليوم داك يمشى يتغدى فى الجبيل مع ناس سامى
ولا يختف رجلينو لغاية عند البادى , من يا سلوى (قلبى شن سوا )






والله عودة البادى للأغتراب دى , حارقانى اكثر من عدم مشيتو لى عرس على نجيلة
ودى طبعا محاولة يائسة لأيقاظ فاتن حمامة من نومتها العميقة
Post: #9062
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-04-2011, 02:03 PM
Parent: #9056

يا جبناء..
تلعبو تخلوني نايم..
Post: #9059
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-04-2011, 01:44 PM
Parent: #9052

Quote: لالالالالالالالالالا
أصبر شوية
حكاية المداخلة المسلوبةأختلف معاااك جملة و تفصيلاً
لا أظن الريس يقدم على شئ مثل هذا
أتسرق يا ريس و أنت قدوتنا؟؟؟؟؟


بالله المداخلة دي مسروقة ولا مسلوبة أصلو أخوك

موسى عيسى ده ما بشوف كويس ، منى بت يونس من أمس عايزه

تشكر ناس الزقازيق وتحكي الحاصل شنو وما قدرت أمس

بالليل علشان طلعنا مشاوير مع نوال ورجعنا ناس نوم ساكت

واليوم هي من المدرسة كلفتني أشكر الناس دي على سرعة الإستجابة

يا جلا منى يونس دي مش شاغاله مدرسة كمبيوتر (خريجة إعلام) ،،،وما عندها

نيت في المعمل بتاعها،،، بالله شوف شغلك مع الناس دي ,,,
Post: #9061
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 01:58 PM
Parent: #9059

يا ريس ازيك ياخ
تعال شوف لينا ناس جلا ديل
غتستك دى انت ومنى يونس
تبشر بمئوية كاربة
سلم لى على الحاجة , وقول ليها ادعى لينا
Post: #9063
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-04-2011, 02:07 PM
Parent: #9061

وجود تلغرافات طارق جبريل بتاعت الأجازة
داخل حوشنا ده , ابهجنى جدا
ولا اخفيكم سرا اننى قراتها هناك بمزاج مختلف
واما نية محمد عيد لجمعها فى عمل فنى متماسك ومجتمع
فادتنى قراريط من البهجة الأضافية
طارق جبريل , يكتب السهل الممتنع المباشر البسيط
بتلقائية آسرة وخط مستقيم
لذا فان وصوله من النقطة للنقطة , يأتيك من اقصر الطرق
زدنا استمتاعا يا حبيب ,
Post: #9064
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-04-2011, 02:31 PM
Parent: #9063

أبو الزوز..
لا تثريب عليك اليوم..
ولا تلتفت لي كلام المغرضين..
أمثال موسى وجلا..
فلتكتب بإسمك..
أو باسم إبتهاج..
فأنتما روح واحده في جسدين..
(مركب مكنه جديده حقت الكسير داك)
Post: #9065
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 02:56 PM
Parent: #9064

شكراً ناس لكوظ علي الدعم .... اها يا جماعة انا شايل شننطتي وماشي اسكن لكوظ ...
المساكن دي خليناها لموسي عيسي وجلا واولاد تجارة الوهم ديل
Post: #9066
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:19 PM
Parent: #9065

معاك يا ابو الزوز حتى الممات
واصبحنا رغم البين روح واحدة في جسدين





يا منص الله يجبر بي خاطرك ياخي
بننزل ليك الباقي هنا كان ربك هون
Post: #9067
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:26 PM
Parent: #9066


شبا وعسوم خبارن لا تجيبو
طريت البركل البنقر دليبو

طولنا من أرض الحنان




ومسكنا الطريق لي شبا..
متين نوصل للبلد طولنا من أرض الحنان..
Post: #9068
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:27 PM
Parent: #9067


لطفي جبريل وتجاني جبريل..
ياخي خلونا نرتاح شوية ونشربلنا شاي ولا قهوة
Post: #9070
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:27 PM
Parent: #9068


.. ودخلنا شبا
((البركل))
Post: #9071
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:28 PM
Parent: #9070


خور السواعير وبيت أولاد تميم ربنا يشافيهو
يا جماعة الله البلد دي بقتلي زي الكشت كدي
زمان الخور دة كان كبير..
عشان تمشي من بيت جدي يوسف ابو دية لي بيت اولاد تميم
دايرلك مسافة ورجلينك تغتس في الرملة وتصل مكندك كله كله
وحات ربي من القرونة للسواعير انا ولطفي اخوي جينا دقيقتين
ياخي البلد بقت زي توب الدمورية وكتين يغسلوه ويكِش
Post: #9072
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:29 PM
Parent: #9071


شبا من فوق جبل السروي..
وحات ود الكرسني منظر يسر العين
وان كان لي ماني كنت داير ارجع كله كله
Post: #9073
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:29 PM
Parent: #9072


باب جدي يوسف ابو دية في السواعير..
والله انا صغير الباب دة كنت مجننو جن
دايما مشعلق فيهو..
واول ما يشوفوني ناس ود الدرويش مشعلق في الباب
يقولوا: بُطان الخرطوم جوا
Post: #9074
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:30 PM
Parent: #9073


ابراهيم جبريل..
في الحجر دة لقيناهو كاتبلو تذكار ((ابراهيم جبريل 30/5/1966))
والله لمن العبرة خنقتو
Post: #9075
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:30 PM
Parent: #9074


ودخلت مراح عمي سيد احمد بغداد
وسقينا الغنمايات ألاتو
Post: #9076
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:31 PM
Parent: #9075


هني في العنقريب دة كان بيرقد جدي يوسف ابو دية رحمه الله..
والباب المسدود بالطين دة كان بيودي علي خور السواعير
ويفتح في بيت ناس ود تميم..
والاوضة الصغيري الجنب العنقريب كنت بخت فيها القُمري
في كرتونة عشان اشيلو معاي الخرطوم
زمن كان زين يعلم الله
Post: #9077
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:32 PM
Parent: #9076


الحوش دة ياما لعبت فيه..
شوفتوا الحيطي القصيري ديك.. دة المستراح
وكتين تتزنق تقضي غرضك هناك
لا سايفون لا مراوح يشيلن الريحي
تتقولع في سماء الله دة
وترتاح وتمرق تاني
Post: #9078
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:32 PM
Parent: #9077


زير الفردوس بت الريح
يمين في الحيط ألاتو كتبتلي جنس كتابي
أي بت في شبا حبيتها
جيت كتبت الحرف الأول في اسمها في حيطة الجن دي
Post: #9079
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:33 PM
Parent: #9078


الواقود رااااقد..
والفرن موجود..
بس وينم نسوان زماااااان يا حليلن..
Post: #9080
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:33 PM
Parent: #9079

في شارع كدي علي البحر في ام درمان
ماني عارفه اسمه شنو
اصلو ام درمان دي انا بيني وبينها غير الخير والاحسان
بعرف فيها ثلاثة حاجات.. المستشفى العسكري
والفتيحاب وقندهار
المهم يا الزينين الشارع دة مليان طلح
بالله كل مترين تلقالك واحد مقنطر وخاتيلو كوم طلح قدامه
السر في كدي شنو ماني عارف
باقيلي ان بقى زول رمالو سجاري في الشارع داك
بالله طلح الجن دة كله يولع
الخوف الوكت داك تلقى النسوان كلهن يتجارن
وكل واحدي لافحالا ((شملي)) وعلي شارع البحر ابو طلحا مولع داك

الطلح هسي مع الشقق دي بقى شيتا تاني
خشبايات كدي في البلكونة
وتحتن زير صوغوير كدي وشملة مخيتة
والواحدي تلقاها في البلكونة دخاخينها في السماء
لا تعرف قاعدي تشويلا في لحم
ولا قاعدي تدخِن
باقيلي حا يجي علينا وكت الطلح دة
يبقى زي بخاخ الريحة
الواحدي تديها بخة في اوضة النوم وخلاص
والدلكي حا تبقى مقرطسة زي لِبان ((الكلوريتس))
تراها ((الخومرة)) بقت بي فتايل من زمااااااااان
Post: #9081
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:34 PM
Parent: #9080

* بهناك للمطار.. بي جاي للمطار
يا الحبان الخرطوم بقت مقسومي نصين
بي هني للمطار من الديم وانت نازل لامن تصل جبل أولياء
الناس فقران والواحد تشوفه جايي من الشغل عرقه كابي
زي الزير وكتين يتملي ويبقى يسيل من الجنبات
وتلقاهو شايلو كيس رغيف وان بالغ بطيخايي
ويجرجر في كرعينه زي ولد الطهور الرافع العراقي بي يده
حتى الترفيه ياهو بنبر جنب ست شاي.. كبايي كبايتين وصحن لقيمات
وتلقى الناس تضحك بي باقي حيل كدي
ماهو ضحك شديد لانه حيلهم ميتان
ومن تمغرب ينكبسوا علي فول الجن دة
ومعاهو البوش..
يتعشوا وان بقى في نادي فيه قنوات يمشوا يشوفولم
مباراة للبرصا ولا ريال مدريد
وعشرة دي كان بالغوا تلقاهم مرقوا سرايرهم في الدرابزين
وتشوف في الكرعين مرفوعات بي عراقي وسروال مهلهلين كدي
وطبعا الفول يكون كبس علي المعدة
وتسمع في الوررررررررررر ورررررررر
وخلق الله دي تتنفس من لاااااااتحت

بهناك للمطار
حي الرياض وانت ماشي
صلاتي علي محمد
بالله يا دوب الناس حياتها تبدأ بعد تسعة
المولات والسوبر ماركتات تلقالك فيهم ناس ملللللللللس وناااااعمين
ولازين العربات قدامهم يملوهن بي حاجات ما اظن ناس بي غادي شافوهن
بعداك يا دوبهم برامجهم تبدأ
مرة عزموني في قهوة كدي فيها عربيي قعونجة مركبة في الحيطي
والديكور عامل كدي زي افلام الويسترن
يبقالك بعد شويي كلينت استود حا يجي ناطي بي حصانه كرطب كرطب كرطب
بالله حتي الجوامع بهناك مكندشة لامن يجيك البرد في عضامك
واصلي بالغلت ما شفتلي قدرة فول تغلي وتخرخر من تحت الكيس
الغامتنوا بيها زي الشافع العنده نزلة
شوف عيني حتى الطلح مقرطس في اكياس مختوت في السوبر ماركت
والفحم في اكياس نايلون
يا ربي فحمهم دة يكونوا قاعدين يشوبوا لحما جايي من السماء
ماهو متل لحمنا مع ناس بهناك
والعجب في الموية الصحية
الخرابات الزرق ديلك ماليات الدكاكين
وبهناك الباغات بي مويتن العكرة ديك في ابواب التلاجات في البيوت
ومحلات الاكل ذاتها شكلها براهو ماها زي ناس هناك
قزاز وقدرة فول ودكوة بي ليمون في صحن وسلطة مقطعة في صحن
بهناك الفول لو بقة سفري يدوهوا ليك في باغات بيض وسمحات
والجبنة فوقه تسر العين ماها موية جبنة
وارغيف علي حلاوة قطن ماهو زي رغيف بهناك العلي الجينز

غايتو الحياة تراها بهناك ماشي وبي هني ماشي
بيتلاقوا بس في المقابر
Post: #9082
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:35 PM
Parent: #9081


طريق دنقلا يمر خلف شبا
ومن بعيد جبل البركل يقف شامخا
Post: #9083
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:35 PM
Parent: #9082


حلات شبا وحلات جامعها
وحلات ناسها
وحات الله وكتين طلعت منها العبري خنقتني
Post: #9084
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:36 PM
Parent: #9083


حلات تميراتنا ونخيلنا
وحلات بلدي ورطبها وسواقينا
Post: #9085
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 03:37 PM
Parent: #9084

يا الحبان من وصلت
لا شفتلي زولا شالو مكوة كهرباء فشان يكوي
ولا شفتلي كانون هزوه فشان مكوة الفحم
لا شفتلي بطانية مفروشة وفوقها ملايي
فشان اقول كووا هدومهم ليهم مدة
اتاريهم بقوا يكووا الهدوم بالقطعة
قالوا ويحيدتا تجي ويلمولا الهدوم المغسلة وتقعد تكوي فيهن
في النهاية تحسبن كم قطعة ويحاسبوها
وأصلن الغسالات ريحن النسوان راحة شديدي خلاص
بالله زمان تلقى الواحدي خاتي الطشت قدامها في لستك عربيي
وتلقاها مفرجخي والاوراك في السهلي
والخرطوش مرمي جنبها من جنب الماسورة
وتمشك في هدوم الجن ديل
وجنبها كانون فيهو علبة نيدو في النار وفيها صابون
تسييح فيهو وتشطف في الهدوم
هسي النسوان كلهن بقن بس يأمرن
العندها حبشيي ولا فلبينيي
اماني ما ارتاحن جنس راحي
Post: #9069
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-04-2011, 03:27 PM
Parent: #9066

Quote: شكراً ناس لكوظ علي الدعم .... اها يا جماعة انا شايل شننطتي وماشي اسكن لكوظ ...
المساكن دي خليناها لجلا واولاد تجارة الوهم ديل


الكوتش عرفها قبيل ...

وجاور السعيد من بدرى
Post: #9086
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-04-2011, 03:41 PM
Parent: #9069

بيجو شهيتنا البلد..
لي منها خمسه سنين..
جنابو إجتهد عشان نمشي..
علا حمتني الحمي..
بالله أكتب لينا عن سما البلد بالليل..
ونجومها..
Post: #9087
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 04:07 PM
Parent: #9086

والله يا حبيب نص عمرك ضايع
ياخي احلى عيد قضيته في حياتي يعلم الله
تقوم من النوم تلقى التمُر ممتد حتى الأفق
والناس نيتها بيييييييضة
البلد سمحي يا ود القرير
Post: #9088
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 04:51 PM
Parent: #9087

ولدنا دا عرفتوهو؟
قاعد يتفرج في تمرين الفريق القومي في القاهرة بي مزاج
التحية للاخ الفاضل/ ..............
رغم انو يجلس بجوار مزمل ابوالقاسم
MAJDImajdi_DSC0174.JPG Hosting at Sudaneseonline.com


تلقوهو هنامنتخبنا يجري اول تمرين اليوم (صور بس):
Post: #9089
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 05:11 PM
Parent: #9088

اسمع الزول ده لو لاقيتو قول ليهو رجع لينا الباسويرد بتاعنا
Post: #9090
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 05:15 PM
Parent: #9089

اقلعا منو طوالى يا ابوالزوز
شكلوا طلع مريخابي
Post: #9091
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 05:17 PM
Parent: #9087

يا جبريلا صورة باب بيت جدك يوسف ابو دية دي ... اوسكار ... خطيرة عديل .... الصور بشكل عام توضح الماساة التي يعيشها الريف السوداني ...اعتقد ان كثير من القري قد خلت من سكانها وتحولت لمدن اشباح ... رايت بعض التنمية التي حدثت في السنوات السابقة اتمني ان تعم كل الريف حتي يعود الناس الي مناطقهم ويسهموا في تنمية البلد ... شكراً علي الصور المعبرة ...
Post: #9092
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-04-2011, 05:25 PM
Parent: #9091

إنت ياخوي الأوسكار دا حقك..
توزع فيهو يمين وشمال..
أتقول رئيس ال Academy..
Post: #9093
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 05:42 PM
Parent: #9092

Quote: إنت ياخوي الأوسكار دا حقك..
توزع فيهو يمين وشمال..
أتقول رئيس ال Academy..

اديلو...

براحة ياولدنا على ابوالزوز دا بالله
"الطقش" كتر عليهو الليلة
Post: #9094
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-04-2011, 05:48 PM
Parent: #9093

يا ابو الجل اصلوا الشهرة متاعب ... والاقمار دائماً مستهدفة ... ودي نحن بعتبرها ضريبة لا بد من دفعها ... الله اكبر ولا نامت اعين الجبناء ... لو داير لستة بالجبناء ... خليني اصل البيت وارشهم ليك واحد واحد بالاسم ...
Post: #9095
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-04-2011, 05:50 PM
Parent: #9093

ابو الزوز وزع علي كيفك يا حبيب
ما تشتغل بالغوغاء والدهماء




عجبتني الدهماد دي
Post: #9096
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-04-2011, 06:01 PM
Parent: #9093

إليك المشتكى ...
بالله يا اخوانا دي حالة دي ...
في واحد فيكم بصدق انو انا قاعد في المكتب
من السابعة والنصف ص لحد الان 7:40 م
بدون اي بريك ...
حا يجي واحد عكليت زي (مابجيب اسمو) الهواء بقسمو
يقول لي والاكل ....
والله فطور في المكتب بي 2 سندوتش
وسندوتش آخر بعد الظهر
ومن ديك وعيك

عارفين ... اكتشفت لي حاجة تصبرني
كل ما الجوعة تقرص ...
امشى اعاين لى فتة العدس بتاعة ناس جبرييلا ديك
آخد لي منها لقمة وارجع تاني
وهكذا دولايك ...

غايتو بعد العصر (اقروها زي ماعاوزين) بتزبط بي جميع المعاني
ابرة في خيط ما سويتها ليهم اولاد الهرمة
فاتح ليك على الدسك توب تقرير محاسبي
وتحتو سودانيز اون لاين - فيس بوك - قوقل ايرث
قريت ليك البوستات الفي الصفحة الاولى كلها
وشخبطا في جميع حوائط الفيس بوك
وحمتا العالم بي رجل ###### "ايرثياً"

اها والله اسا جيعان لي جنس جوعة ...
تعرف جنبنا مطعم اسمو التيسير
غايتو البلاقيني هناك بختو

اها الزول العكليت القبيل داك حا يقول لي ماتمشى البيت
تاكل هناك ...
لا...لا...لا
الشفع اولاد الهرمة ما بكونوا ناموا
خايفم يتغاتتو علي وما اقدر آكل.


يلا ... يديكم العافية
اشوفكم في المطعم


قصدي بكرة
Post: #9097
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-04-2011, 06:20 PM
Parent: #9096

أنا إسمي مكتوب في لسته أبوالزوز?

جلال جوعتنا..
آه الريجيم النهارده بايظ بايظ..
زي ريجيم رش المابنقص داك..
إنت أولادك ديل أوع يكونوا زي أولاد سيد الدكان..
مسكم الدكان وطلع مشوار..
جا راجع لقى صفيحه الطحنيه مكفيه على وشها..
يا سلام قال ليهم.. بعتو صفيحه كامله?
قالو ليهو.. لا لا فترنا..
عارف دي رقم 514..
Post: #9098
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-04-2011, 06:30 PM
Parent: #9097

سلام تحيه
ياماشباب عندي خمسه مشاكل بس هم اتنين
Post: #9099
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-04-2011, 09:11 PM
Parent: #9098

مساكم الله بالخير

عارف ما حألقى لي زول حايم زي الوقت ده...
العكليته...الليلة بديك أوسكار العكلته لو زهير سمح لي بالأوسكار...
و الجعان...بكره جيب معاك عمود الشغل بتاع ملاح أخدر...
و البردان...غايتو أنا واحد منهم...دفايتين ما نفعوا...
و المهروش...ده لو جابو اسمو الهواء بيقسمو....
و الحاج الجديد لنج...
كرهتنا بالايميلات بتاعت لا تجعلها تقف عندك و وزعها ينوبك ثواب...
و اللسة جاي راجع من السودان و ما كمل شوقو...
المرة الجاية لما ترجع تلقى باب جدك ده سورهو زي حوش الخليفة...
و عملوهو آثار...
كلكم مشيتو ادمدمتم و نمتو...
دي فرصة الواحد ياخد راحتو في البوست ده...
و أتم المداخلات بتاعتي العشرة...
أربعة من منصور و خمسة من جلا...
صفر معانا الواحد...يعني المجموع تسعة...
شكرا جلا و شكرا منصور...
كده يكون باقي لي واحده بس...
و تكون دي البكتب فيها دي...

تصبحوا على خير....
Post: #9100
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 05:24 AM
Parent: #9099

اها الرشيد كسح نحن نمسك بالبوست قبل الجماعة ما يصحو ؟

عموما وصلت المكتب الساعة 6.20 صباحا بعد صلاة الصبح مباشرة و ما

انتهيت من قراية البوست الان و الله بصورتكم بترفدوا ليكم واحد ، يا طارق جبريل اليوم ضحكت جنس

ضحك و اعجبت ايما اعجاب من الحكي الجميل والصور التي لامست في

دواخلي كوم من الاشواق الدفينة و طوفت معاها مساحات من الذكرى ، فانت

مبدع حقيقة و ليه ضيعت وقتك في البيطرة و الله كنت اليوم في مصافي ناس

الطيب صالح و دومة ود حامد فواصل و نحن نفرد لك الطريق من كل متربص جبار !!!!
Post: #9101
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2011, 06:10 AM
Parent: #9100

بسم الله الرحمن الرحيم
السلام عليكم
أها الورق دكيتوهو و لا لسع؟؟؟
طيب خلاص الموضوع المطروح شنو؟؟؟
و دمتم بألف صحة و عافية
Post: #9102
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 06:44 AM
Parent: #9101

ما زال الهروب و البحث عن المجهول قائما

بيجيكم برواقه و طايوق إلا ربع ، بالمناسبة دي يا زهير

الكوتش داني دخل الغابة و لا شنو ؟
Post: #9103
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 06:58 AM
Parent: #9102

انا ما بجي الا يجوا اولاد لكوظ ....


ياسر نجيلة حضرنا تلفونياً ولم نجدكم ..... مرة ثانية البركة فيكم ...وعظم الله اجركم في الفقيدة الغالية ....وربنا يجعلها آخر الاحزان ....
Post: #9105
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-05-2011, 07:06 AM
Parent: #9103

حكمة اليوم

اقلب الصفحة قبل ان تقرأ







غايتو يا زهير لو مقلبتنى
Post: #9104
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 07:02 AM
Parent: #9102

من رسالة لبكري بخصوص البوست :

.. تشكر علي الاستجابة ... نحن الآن في الصفحة 92 واصبحنا ننجز صفحة كل يوم مما جعل المتابعة لصيقة ... وجاء باشخاص للمشاركة بعد طول غياب ... فلو امكن يمكن امهالنا للاسبوع القادم لانجاز المهمة ...وبالعدم يمكنك ارشفتها مساء الخميس غداً لو لم يكن هنالك بد .... الرجاء سرعة الرد حتي نبلغ الشباب ... ولك جزيل شكرنا
Post: #9106
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 07:31 AM
Parent: #9104

الزميل زهير الزناتي لك التحية

بخصوص طلبك للمهلة يجدني في غاية الاسف لاني سبق وأن ابلغتكم بالارشفة

و تفضلا دون الاحرين سمحت لكم باسبوع أقله و لكن ما شايفت يا زهير زوتوها شوية !!!

عموما الارشفة حتم في الميعاد و الزمان المحددين سلفاً

المفروض كنت تستعينوا بخبراء أجانب لزوم الجكه و الونسة الطاعمة و لكن يبدو انكم كسسسسسا.....


فتكم بعافية ..
Post: #9107
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 07:55 AM
Parent: #9106

تصدق يا عبد الدائم قصدت الليلة اقلب الصفحة بهذا الخبر ... حتي يكون في مقدمة الصفحة ويقراها كل من يدخل البوست ... الا انك مقلبتني .... بدل ما امقلبك ....


يا موسي تصدق ... كذبت نبؤتك ... وقد وصلني الرد سريعاً وجميلاً تحمل نسمات الاطلسي البشارات بانه قد تم التمديد لنا اسبوع كاملاً يلا شدوا حيلكم وبنفس هذا المعدل ........
Post: #9108
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2011, 07:59 AM
Parent: #9107

Quote: يلا شدوا حيلكم وبنفس هذا المعدل ........

أنا حيلي كمل
Post: #9109
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 08:09 AM
Parent: #9108

يا جلا معقولة ... الواحد محل ما يمشي يلقاك في وشه ... ياخي ما ممكن كده ... اوريهم لاقيتك قبل شوية وين ...
Post: #9110
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 08:17 AM
Parent: #9109

Quote:

اوريهم لاقيتك قبل شوية وين ...



النبي يا زهير كان تفتو ان اصلي كايس لي لفتتو لي زمن و كما بغني :

كنت زمن بقتش ليك جيتنا الليلة ( سجمي دا ما اب عاج - هسي بقول سدنة !!!

يا اخي سدنة سدنة و كما من الجزيرة ابا رايك شنو !!! انا عارف جلا من الرد دا عقله مش وين ؟؟
Post: #9111
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-05-2011, 09:02 AM
Parent: #9110

Quote: وقد وصلني الرد سريعاً وجميلاً تحمل نسمات الاطلسي البشارات بانه قد تم التمديد لنا اسبوع كاملاً يلا شدوا حيلكم وبنفس هذا المعدل ........


والله يا زهير .. زكرتنا ايام القراية ام دق ..!

اول ما تجى الامتحانات الزول يقول .. والله لو أجلوها لينا شوية بأقدر أقفــّل المادة ...

ولو تم تأجيلها يقول ليك والله القراية الفى راسنا كلها بتطير .. وهسه تانى نبدأ من جديد ..!

باختصار كده ... ريحتنى فى حنانى ذاتو ... رغم انو الحكاية ســـلت روحنا ...

يديك العافية ويسكنك الصافية .. طول ما الدجاجة حافية
Post: #9112
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 09:17 AM
Parent: #9111

يا موسي خليها مستورة ... ربنا امر بالسترة ....

اها الكوتش ده ... مره يظهر ومره يختفي ... بس واضح المسالة ما فيها تمرد ... بس تعليمات من جهات عليا ... قبل كم يوم برضو شفتو في البوست بتاع عيد ميلاد ولد صلاح بصحبة القائد المباشر .... الظاهر في تعليمات مشددة بعدم الظهور في الاسافير ... بس ياخي الزول ده عايزين ندخله عالم الاسكاي بي ... عشان نعرف نتواصل معاهو بكل سهولة ويسر ... ونقدر نجيب ليكم الاخبار طازه ... وآخر التعليمات شنو ....
Post: #9113
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 09:18 AM
Parent: #9111

يا حمادة شدوا حيلكم وعايزين اقتراحات كتيرة لموضوع الاحتفال ده .... ما عارف رايكم شنو ... في طريقة الاحتفال ... وعايزين ضيوف من بره البوست .... اها انا بقترح بنات الشيخ يخبزو ...
Post: #9115
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-05-2011, 09:52 AM
Parent: #9113

يخيل لى احسن نبدأ توزيع المهام ...

انا غايتو بارشح جلا يمشى يجيب الحنــّانة ..!
Post: #9129
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-05-2011, 12:59 PM
Parent: #9111

صباح الخير ،،، يا وجوه الخير

أصبحنا وأصبح الملك لله

شكراً يا أبو الزوز على الموعد

الجديد ولكن هل التوربيدات القائدة

للدفة تواصل الدفع ولا تهجد ،،،،


المداخلة دي من الصباح ودحين الساعة 2:53 بعد الظهر

مزنوقين في الشغل بس الناس دي بتسرق الزمن ده كيف
Post: #9114
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-05-2011, 09:50 AM
Parent: #9107

ياناس يا رائعه ازيكم وحياتكم انا معاكم

ياسر نجيلة هم دائما يدخلون الفرح في قلوبنا بشوفتهم ولما نسمع عنهم 0ولك التعازي
الرشيد هاي والحلوين تبعك تابعت بعض من كتاباتك وياله من جمال
ياجلال الحال من بعضه00وياجلا حليفك ده اخير تختاه زي ما قالو ليك ... موسي بلعت السيف متني كنا دايرين تشهد لينا
منصور اليوم داك الحلة بتبقي القطر قام ولو ماجيت حيبيبي دا البقشقش لهوديميعاته منو
استاذ مبارك تحايالك ولامنية والحلوين 00بادى النور يا مراحب
الحاج الأمريكانى مكنتك كدا00
طارق جبريل كلامك عن المرحومه خلانى خزلت ناس00اسكنها الله فسيح جناته
منى0ميسرة 0عبد الدائم0اول مهاتفة تلقيتهامنكم خلتنى احس انه بيكم ومعاكم ماحا يكون في غربة مالوقع المهاتفة من تاثير معنوى كبير ففكرتك جميلة جدا وعبركم التحية لنوال وحمدا لله على السلامة0 كيف الأمورات ونهلة
انشاءالله تاني متابعةباستمرار بحقى براي
Post: #9116
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 09:54 AM
Parent: #9114

الحق يا جلا زهير من رفع البوست مره باسمو مره باسم ابتهاج لمن مسكو

شد عضلي وهو في المكتب و المدام نايمة في نومتها السابعة .

عموما احلام اليقظة يا ابتهاج .
Post: #9117
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-05-2011, 10:04 AM
Parent: #9116

خلاص تانى مافى نوم يا موسي واول باول
Post: #9118
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-05-2011, 10:22 AM
Parent: #9117

اخوتى ...

أستميحكم عذرا .. فى ان أشغل حيزا من مساحة اطلاعكم

لأناجى فى هذه اللحظات روح والدى الذى رحل عنا فى مثل هذا اليوم منذ سبع سنوات

فأسمحوا لى بالدعاء له والترحم عليه وانا بين اخوتى واحبتى


Copyof4239F.jpg Hosting at Sudaneseonline.com


اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ،
وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه،
وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #9121
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-05-2011, 10:45 AM
Parent: #9118

اللهم اغفر له واجعل مثواه الجنه رحم الله موتانا جميعا محمد عيد0000آمين
Post: #9119
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2011, 10:22 AM
Parent: #9117

Quote: انا غايتو بارشح جلا يمشى يجيب الحنــّانة ..!

عايز لي كدا في الزول دا ما لاقيها
Post: #9120
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-05-2011, 10:26 AM
Parent: #9119

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ،
وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه،
وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #9122
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 10:46 AM
Parent: #9120

له الرحمة والمغفرة ... اللهم ارحمه واغفر له واسكنه فسيح جناتك مع الصديقين والشهداء وحسن اولئك رفيقا .... اللهم انعم عليه بواسع رحمتك .... واجعل البركة في ذريته حاملين لرايته ولنسله ولقيمه واخلاقه ... آمين يا رب العالمين ....
Post: #9123
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-05-2011, 11:03 AM
Parent: #9122

اللـهـم انه كان لكتابك تالي وسامع فشفع في عمنا عيد القراّن وارحمه من النيران ,واجعله يارحمن .
يرتقي في الجنة إلي اّخر اّية قرأها أو سمعها وأخر حرف تلاه .
اللـهـم ارزقه بكل حرف في القراّن حلاوة , وبكل كلمة كرامة وبكل اّية سعادة وبكل سورة سلامة وبكل جْزءٍ

اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها ابداُُ .
اللـهـم اجعله في جنة الخلد التي وعد المتقون كانت جزاءً ومصيراُ لهم ما يشاءون وكان علي ربك وعداُ ومسئولاً .

أخي ود عيد نسأل الله لكم الصبر .
Post: #9125
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-05-2011, 11:18 AM
Parent: #9123

اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء


الدوام لله اخى محمد عيد
Post: #9124
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-05-2011, 11:13 AM
Parent: #9122

يا حمادة نسأل الله العلي القدير أن يسكن والدك الجنة مع الصديقين و الشهداء و الأبرار...
يعجز اللسان و تتقاصر الكلمات عن التعبير في مثل هذه المواقف...
و لأنك انسان عزيز لدينا و نحبك حبا لا يضاهيه حب و نسكنك في أفئدتنا...
نشعر أنه من واجبنا أن نكون بجانبك و أنت في مثل هكذا مشاعر و انفعالات...
و لكن لأننا لا نستطيع أن نكون بجانبك، نرجو أن تقبل منا الدعاء لله على روح والدك...

اللهم أرحمه و أجزه خير الجزاء....
Post: #9126
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-05-2011, 11:47 AM
Parent: #9124

سلامات يا ناس

لكم جميعاً التحايا والشوق

ولسؤالكم عنى ...الشكر كله

بعض المشغوليات حرمتنى من التواصل ...

محمد عيد...رحم الله والدكم وغفر له واسكنه الجنة.
Post: #9127
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-05-2011, 11:55 AM
Parent: #9126

له الرحمة والمغفرة يا محمد عيد
تقبله الله قبولا حسنا يا رب








يا ابتهاج معليش ياخي سامحينا في مناحة الحاجة رحمها الله
اخوك قلبه رهيف وكان مشعلق فيها شديد
Post: #9128
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-05-2011, 11:59 AM
Parent: #9127



يا نسمة كيف اخبار أهلنا وحينا
احكيلي عاد باقي طولوا مننا
زي ما دوام طارنهم طارننا
زي ما بنشيلهم في القلوب شايلننا
حتى البعاد فتق جروحن زينا
يا نسمة ما تدسي المكتم عننا
تمرتنا كيف يا نسمة عرجونها انتنى
شيلن تقيل فوقه الدباس رسل غنا
لملم عويشه مع الصباح للعش بنا
حضن الجنا

الساقي كيف.. جدولنا كيف.. البوغة كيف..
آآآنسمة ما شفتي المتر سايقنه صيف
عربا بعاد يا نسمة كيف
ما قالوا ليك بيوضة رشاها الخريف
يا نسمة لم غسيتي ما شميتي زيف

يا نسمة قولي بدون بكى
المنقة كيف.. والبرتكان صِح شال وانتكى
آآنسمة مالك ساكتي ما قلبي اشتكى

يا نسمة قولي فتر أنا
أحكيلي عن ناس حينا
شيلي السلام يا نسمة بالكوم مننا
وديهو ليهم في الشمال من عندنا
ان شاء الله توصلي بالسلامة بدون عنا
Post: #9130
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-05-2011, 01:12 PM
Parent: #9128

أخي محمد عيد
له الرحمة والمغفرة ... اللهم ارحمه واغفر له
واسكنه فسيح جناتك مع الصديقين والشهداء وحسن اولئك رفيقا ....
اللهم انعم عليه بواسع رحمتك ....
واجعل البركة في ذريته حاملين لرايته ولنسله ولقيمه واخلاقه ...
آمين يا رب العالمين ....
Post: #9131
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-05-2011, 01:40 PM
Parent: #9130

يمين مستعجل جنس استعجال
قلت امر ساى واودعكم قبل ما يدكوها
لمن لقيت خبر التمديد , قربت اقفل واجرى
قلبى ساى ابى وقال لى واصل قراية
لقيت كلام محمد عيد عن السنة السابعة رحيل
هجدت ورقدت فوق لابتوبى خل
يا سلام يا ابو مصطفى
رحم الله صديقى ووالدك عيد ميرغنى
كان ابا صغيرا , واخا كبيرا
كان نسمة خفيفة تستاذنك حتى قبل ان تداعبك
كان خبرة السنين , وتواضع االأيام , وبساطة الساعات الجارية
بالله تم سبعة سنوات ؟؟؟
اللهم ارحمه واحسن قبوله ووسع مرقده
واجعل البركة فى محمد وهشام وامير وحاتم وهانى
اللهم اجعله ممتدا فى اولاده وبناته واحفاده وزوجته
تعيش وتتذكر حبيبى ابو دعاء
واكثر من الدعاء له , فانت كريم , وابو محمد يستاهل دعاءك الممتد دون وقوف ولا انقطاع
Post: #9132
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 04:34 PM
Parent: #9131

يا منص الناس عرفت انه الشغلانة ما فيها دك ... عملت نايمة ... والاسبوع بعد شوية يجي ماري ... زي الوقت ده امبارح كانت الصفحة قاب قوسين او ادني انها تتقلب ... وين موسي عيسي وجلا ومن لف لفهم ... الليلة جلال يكون الكفيل لعب ليهو باك وجاب كرسي قعد جنبه ...
Post: #9133
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 05:29 PM
Parent: #9132

في انتظار حاتم جبارة بيكون كفيله الخواجة طلع من المكتب ...
Post: #9134
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2011, 05:42 PM
Parent: #9133

محمد عيد ...
رحم الله الوالد واسكنه فسيح جناته
ونسأل الله ان يلهمكم الصبر الجميل على فقده
Post: #9135
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-05-2011, 05:51 PM
Parent: #9134

Quote: الليلة جلال يكون الكفيل لعب ليهو باك وجاب كرسي قعد جنبه

ياريت يا ابوالزوز كان يكون البطن ما فيها مغسة
قال ليك من صباح الرحمن ... من الغرفة التجارية
الى تنمية الموارد البشرية
ثم مكتب العمل
ثم .... ولا اقول ليك
بجيب كثافتك ساكت زي ما طلع ميتيني ..

غايتو ... الله في
بعد شركتنا "تتجيه" برسل ليهو فيزا انتقم منو ...
Post: #9136
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 06:41 PM
Parent: #9135

يا ابو الجل انشاء الله تتجيهوا وتجيهوا معاكم


يا جماعة وين عصام دهب ما شايفنه في البورد نهائي |.... يا ناس جدة افقده الزول ده ما تكون داقاهو مطرة
Post: #9137
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-05-2011, 06:56 PM
Parent: #9136

تعيش وتفتكر يا محمد عيد

اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ،
وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه،
وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
Post: #9138
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-05-2011, 07:06 PM
Parent: #9137

الأخ عثمان عبد الحميد (جالية)

بشكر الجميع على دعواتكم الصادقة بشفاء إبنه يونس

_____________

يا أبو الزوز عثمان يرجو منك المساعدة في الحصول على باسوورد

إيميلو موجود في بست العناوين
Post: #9139
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-05-2011, 07:15 PM
Parent: #9138

ونذكر أحبابنا:

مبارك أحمد عالم

ومحمد أحمد

رحمهما الله رحمة واسعة وأدخلهما فسيح جناته

sudansudansudansudansudansudansudansudansudansudansudansudansudan6.jpg Hosting at Sudaneseonline.com


جلال، عزام، موسى، محمد الهادي، المرحوم محمد أحمد
المرحوم مبارك، سامي
ويظهر من الخلف الأخ أحمد إسماعيل
Post: #9140
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 07:15 PM
Parent: #9138

اولاً نعرف هو معانا ولا مع الخيانة بعدين الباسويرد هين ...

عليك الله يا سامي طمنا علي اخبار ولده ... ونسال الله له الشفاء العاجل
Post: #9141
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-05-2011, 07:20 PM
Parent: #9140

يا سامي والله للامانة انت وجلال اولاد صغار عديل الواحد يستغرب اهلكم خلوكم تجو مصر كيف .... لكن محمد الهادي وعزام الصلاة علي النبي رجال كبار ... النوع البيضحي وبيمشي العقد ... كدي الزول ممكن بقلب قوي يقول ليك يا دفعة ....
Post: #9142
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-05-2011, 08:55 PM
Parent: #9141

مساء الهناء والسرور ...

محمد عيد رحم الله الوالد في ذكرى وفاته .. اللهم أجعل قبره روضة من رياض الجنة .. آمين ...
Post: #9143
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-05-2011, 09:45 PM
Parent: #9142

رشيد القوم خلاص تعال الجماعة رقدوا خل والطريق سالك .. رشهم من طرف ولا نامت أعين الجبناء ...

تصبحون على خير ...
Post: #9144
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-05-2011, 10:10 PM
Parent: #9143

رحم الله العم عيدميرغني
والهمك يا محمد عيد واخوتك الصبر
وحسن العزاء
وتعيش وتفتكر





يا طارق جبريل تم تسليم
القميص للاستاذ طلحة جبريل يد بيد
وقميص اخر للاخ لطفي
يا اخي اتونست مع الاستاذ طلحة ونسة كاربة
الزول دة خسارة يكون برة السودان
والسودان
يبرطعوا فيهو ناس الطيب مصطفى سئ الذكر
والهندي عزالدين



شكرا يا ابتهاج على التحية
وحكاية استاذ مبارك تحس بيها ريحتني في حناني
واحسست بكينونتي
مرة اخرى
شكرا مرة تانية


فافي دي مشت وين
واين حاج الركز
ساعود مرة تانية لباقي الناس العاملة نايمة
Post: #9145
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-05-2011, 11:04 PM
Parent: #9144

يا جلا تجدنا والله نبادلك نفس الشعور
ونتحداك في الشوق
وبالله عبدالدائم لايستجيب لطلباتنا
نرجو ان بنزل انا والاشواق في بعدك
طلبناها مرة من كمال الشادي
لكن واضاح انو مشغول بمتلازمة المغربية
فالرجاء يا عبدالدائم
او طارق جبريل نزلوا لينا انا والاشواق



كامل التحايا للاخ البادي النور
وهو يغترب للمرة التالتة على التوالي
واظن بعد ده حنسمع بيهو في المغرب
الله يكضب السمحة ما الشينة



يا منصور انا وديت القمصان دي ليلا
لذلك وجدت الدافوري مشوا
والناس بقوا بتاعين بوش (راجع رحلة طارق جبريل وانا ما مسؤل عن الريحة المرافقة هذا الجزء من بوست ود حبريل )
اما السؤال التاني
فالاجابة ستجدنا انشاءالله معاك
في السودان رغم بعد الشقة



يا اخونا وين
ابوبكر حامد
وين مجتبى فاروق
وين حنان مجمر
وين كوثؤر داؤد
وين عمر بسكو
اين واين
Post: #9146
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-06-2011, 00:02 AM
Parent: #9145

الاعزاء الاحباب ..

زهير
ابتهاج
جلا
موسى عيسى
عبد الدائم
محمد صديق
جبريلا
ميسرة
جلال
سامى
البادى
ود جادين
والعزيزين رفاق العمر والكفاح المسلح .. الرشيد ومنصور

بارك الله فيكم وجزاكم خير الجزاء ...

ومعذرة للجميع اذا كنت قد تسببت فى انثناء زاوية توجه وانطلاق البوست نحو مربع حزين ...

ولكنها هى الحياة .. نعيشها لنفرح تارة ولنحزن تارة أخرى

وهى مليئة بالأيام التى تستدعى فى دواخلنا ذكريات رغم مرارتها ..

الا انها تسكن مشاعرنا وتتخذها وطنا ...

شكرا لكم ،،،

وشكر خاص لاخى وحبيبى منصور .. فان أحرفه التى خطها فى الحديث عن والدى يرحمه الله

لهى دليل على جمال روحك ايها الاخ العزيز ...

وأكيد ان كثير من الذكريات الجميلة قد ربطت بيننا انا وانت والراحلين : ابى واخيك المرحوم حجازى

لهما الرحمة والمغفرة والاجر العظيم  
Post: #9147
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-06-2011, 04:12 AM
Parent: #9146

Quote: اخوتى ...

أستميحكم عذرا .. فى ان أشغل حيزا من مساحة اطلاعكم

لأناجى فى هذه اللحظات روح والدى الذى رحل عنا فى مثل هذا اليوم منذ سبع سنوات

فأسمحوا لى بالدعاء له والترحم عليه وانا بين اخوتى واحبتى

اللهم يرحم والدك يامحمد آمين يارب العالمين
Post: #9148
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 05:03 AM
Parent: #9147

صباح الهناء والسرور ...

يا منصور التفكير في الإغتراب للمرة الثانية بعد إستقرار دام خمسة سنوات في أحضان الوطن فعلا عملية محبطة لكل الناس لكن هي سنة الحياة .. وزي ما بيقول المثل الجابرك على المر هو الأمرا منو (مثل قطري) ...

ود جادين شايفك توزع في القمصان يمنة ويسارى ومهما كسرت تلج لي ناس المغرب برضو حتلاقيني قدامك هناك .. وزي ما قالوا السمك ما بيخوفوهو بالموية (مثل مغربي) يعني نحن متعودة دايما...
Post: #9149
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 05:05 AM
Parent: #9148

صبحكم الله بالخير ...

يا نملوز شايفك مكبر اللفة شنو لياقة الجري خلاص إنتهت ...

رشيد القوم أمبارك خذلني وما ظهر في وردية الليل البارد ...
Post: #9150
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 05:09 AM
Parent: #9149

من ضمن سخرية المصريين على السودان بيقولوا إنه الواحد لو صحى بدري بيقلب الحكومة ويصبح رئيس ...

أنا الآن صاحي بدري وما قادر أقلب الصفحة .. هسة يجيك أبوالزوز يقلبا بكل سهولة .. وطبعا دا إنقلاب يساري ...
Post: #9151
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 05:13 AM
Parent: #9150

المفروض نتعلم من أبوالزوز سياسة الإنقلابات ...

لكن يا منصور محاولات فاتن حمامة مع ودنجيلة ما بتجيب نتيجة .. والجماعة قامو بالواجب معاهو وزيادة وأنا لو كنت موجود بي هناك حتما كنت حأكون من ضمن الحضور ...

الشيخ جلا لما بقيت بعيد منو مسك في أبوالزوز وموسى عيسى .. الزول دا بتاع مشاكل خلاص ...
Post: #9152
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 05:16 AM
Parent: #9151

أها يا أبوالزوز تعال بي راحتك وأقلب الصفحة ما إنت أصلك شايل مفتاح قلب الصفحة في إيدك .. مش بكري سيد الحوش صاحبك .. وتيب ...

مبروك عليك الإنقلاب ...
Post: #9153
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 06:59 AM
Parent: #9152

البادي الشغلانها بدري عليها من القلب ... غايتو الصفحة دي يقلبها الله وسيدي الحسن ....
Post: #9154
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 07:02 AM
Parent: #9152

يا بركة سلامات ...

صاحبك حاج الركز ده اصلاً ما جا عشان يمشي ... غايتو في وساطة قايمين بيها ناس الرياض ... قدورة رغم غيابه ...ومنصور ... واحمد اسماعيل ...وطبعاً اللجنة حسب الاقدمية والسن ... ناس جلال وموسي عيسي ديل لغسيل الايدي بعد الغداء ... المهم اللجنة ماشه عشان تتوسط ليهو عند الحكومة المحلية عشان يسمحوا ليهو بالكتابة .... غايتو ربنا يكلل مساعي اللجنة بالتوفيق رغم علمنا بصعوبة المهمة ...
Post: #9155
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 07:08 AM
Parent: #9152

والله يا بركة انت زول محظوظ خالص انك قابلت طلحة جبريل ده ... تعرف انا لفترة طويلة بتابع مقالاته في الاحداث ... حقيقي الراجل ده ما هين ومن الصحفيين الكبار ... ياخي الزول ده بيكتب بموضوعية وبلغة جميلة وسهلة وشيقة تخليك تتابع الموضوع من بدايته لنهايته ... ...وفي مواضيع هي نفسها جاذبة ... ويجبرك دائماً تتفق مع افكاره .... ودائماً لمن تقرا ليهو تحس انه قال الكلام الانت عايز تقوله .... وده البيسموه صياغة الراي العام .... ولو بتذكر احمد بهاء في اخيرة الاهرام دائماً كان بيكتب بالصورة دي ... واي موضوع غلبك تخت فيهو راي تمشي تقرا عمود احمد بهاء الدين تلقاها فصل ليك راي علي قدرك ... ولو كان في صحافة في السودان زي طلحة ده بيقعد في السودان ويكون من كبار رجالاتها .... مش زي ناس زعيط ومعيط زي ما قال شداد .... ومعزة تلد سخلة براسين في الحاج يوسف ... اتخيل ده مانشيت جريده ....
Post: #9156
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 07:13 AM
Parent: #9152

امبارح كنا في لمة زقازيقية كاربة ... وونسة طاعمة ... ناس من كل الانحاء تفرقوا علي دول مختلفة .... مولانا عادل الحسين من عطبرة .... موسي من الرياض ... الرشيد من السلع .... نجاة من ابو ظبي ... وانا حرمنا من الدمام ... زي ما تقول كده خالطين في مصطبة الجاويش ... وآخر ونسة وضحك .... وكضب ... بس الجماعة يجيبوا ليك سيرة الدبل ... ودي السيرة التجيب المشاكل ... الا نشوف ليكم موسي عيسي جاهو ابو الشهيق .... واختفي من الحوار حتي انتهي الموضوع ... يا سلام علي التكنولوجيا ... والاسكايبي .... حقيقي العالم بقي قرية صغيرة .... ودي فرصة الناس كل فترة تتلاقي في تجمع اسفيري زي ده ... والماعنده اسكاي بي يا كوتش يمشي يفتش ليهو واحد ... غايتو انا سمعت قالوا رخيص في سوق نيفاشا بتاع شارع الجمهورية لانه الجنوبيين بيصفوا في اعمالهم وماشين الجنوب ... بالله سوق معاك جلا ... يشتري ليهو واحد ....سغيروني كده ....
Post: #9157
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-06-2011, 07:13 AM
Parent: #9152

صباح الخير
يا وجوه الخير (تحية مستعارة من الريس ميسرة -نظام كسير تلج في هذا الصباح البارد)
يعني البادي معانا في السودان نلقاك اول المصبحين
كمان تقطع البحر المالح
برضو انت الاول
يا زول انت بطرودك الصباح من البيت
ولا شنو ؟؟؟؟؟؟؟؟؟
خليك واضح يا جميل
(يا مارق من بيتك بدري تلقا الفرح عند مين ) متل مغربي معدل


مرحب بنملوز

يا سامي
ود عثمان بقى كيف


تحية الصباح للاخت الاستاذة نوال البلول


عودة اخيرة للبادي
اذا داير تقلبها اعمل الاتي :
1.اصح بدري .
2.حضر ليك 300 عسكري ودبابتين
3.صاحب زهير الزناتي



4مقروء مع 5. هذا الانقلاب ستصفه المعارضة بانه
انقلاب وطني من الوطن مش اي حاجة تاني
ولا يفوت على فطنة القارئ انني اعني بالمعارضة
الاخ جلا
Post: #9158
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 07:18 AM
Parent: #9157

يا بركة البادي ده خليهو ... عرفنا بيطردوا من البيت الصباح .... يا اخوي انت ظاهر عليك كم يوم بايت بره البيت ... شوف عيني شايفك في السطوح .... ومتغطي بي بطاني ومعاك اللابتوب .... وبيرسلوا ليك الاكل مع البني .... عالم حالتها صعبة .... يا جماعة عايزين نعمل معاهدة جديدة لحماية الازواج من بطش الزوجات ... ارشح مبارك جادين ومحمد عثمان والبادي ... والباب مفتوح لباقي الترشيحات
Post: #9159
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 07:21 AM
Parent: #9157

يا مبارك طبعاً عارف منصب الرئاسة في الجمعية دي محجوز لمنو دون اي منافسة ... بالله الزول ده اخباره شنو .؟؟
Post: #9161
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-06-2011, 07:40 AM
Parent: #9159

يا الزناتي
والله ضحكت حتى نزلت من السطوح
وصاحبك رئيس الجمعية تمام التمام
يا اخي انحنا الخوف ده غريزة انسانية
وهو شرف ندعيه
ومجد دعينا له



قال الاستاذ طلحة جبريل
انه قلل من الكتابة في السودان بسبب
ان افكاره السهلة الممتعة يقوم الاخرين باخراجها بس بطريقة تانية
وان التعامل معاه لايتم باعتباره كلتب معترف
حقوقه الادبية والمادية يجب ان يتم مراعاتعا
لكن
اضف ان هذه الحقوق المادية لم يهبش منها قرشا
وانها تذهب الي يتامى
شوف العظمة
وبرضو تقول لي صحافة سودانية
ومنشيت رئيسي
ان عنزة ولدت سخل براسين
Post: #9160
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-06-2011, 07:23 AM
Parent: #9152

صبحكم الله بالخير

نهاية الأسبوع و ما أدراك ما نهاية الأسبوع...
عندما كنا في (مرحلة الأساس) كنا نكره نهاية الأسبوع...
لأننا على ما أعتقد كنا نحب أما المدرسة أو اللعب في المدرسة...
خاصة وان الجمعة كانت مملة للغاية حيث كنا وقتها...
و التي ارتبطت عندي بمدايح أولاد حاج الماحي التي تشبه المناحات...
فتضفي على اليوم شيء من الكآبة و الممل...
رغم انني أصبحت من المحبين للمديح بما في ذلك أولاد حاج الماحي..
لم يكن هنالك تغطية لتلفزيون السودان في ذلك الوقت في هذه المنطقة...
لذلك كانت المدرسة أحب الينا من الاجازة...
الآن نحب نهاية الأسبوع حبا جملأنه فيه الراحة و الاستجمام....
و نحنب نهاية الشهر لأنه يأتي بالقنزب...
و نحب نهاية السنة لأنه فيها الاجازة السنوية...

Quote: رشيد القوم أمبارك خذلني وما ظهر في وردية الليل البارد ...


البادي شايف الدوحة نفعت معاك و مداخلاتك كترت...
أمبارح ما دخلت بالليل هو موسى عيسى بريح...
أسأل موسى يقول ليك ليه أنا ما دخلت...
Post: #9162
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-06-2011, 09:07 AM
Parent: #9160

Quote: يا جماعة عايزين نعمل معاهدة جديدة لحماية الازواج من بطش الزوجات ... ارشح مبارك جادين ومحمد عثمان والبادي ... والباب مفتوح لباقي الترشيحات


زهير .. وكمساعده لوجستية منى فى صياغة المعاهده والترشيحات والاختيار

اقدم لك بعض الموجهات فى مانفســتو الحركة التحررية البائدة والتى سادت قبل حين واذ ربما تفيد

الناس المترشحين فى قائمة التجمع ...



​​أقوال الفلاسفة في الزواج


ميلتون بيرل: الزوجة الجيدة هي التي دوماً تسامح زوجها، عندما تكون هي المخطئـة

يقول نابليون: الذي يدع امرأته تحكمه، لا هو رجل ولا هو امرأة، انه لاشيء.

يقول شكسبير: لا تطلب الفتاة من الدنيا الا زوجا، فإذا جاء الزوج طلبت منه كل شي

يقول بارناردشو: تقلق المرأة على المستقبل حتى تجد زوجا، ولا يقلق الرجل على المستقبل الا بعد أن يجد زوجته

فولتير: الزواج هو المخاطرة الوحيدة التى يقبل عليها ال########

هيمانت جوشي: بعد الزواج يصبح الزوج والزوجة كوجهي عملة، لا يستطيعان مواجهة بعضهما ومع ذلك يبقيان معاً

باتريك موراي: أصابني سوء الحظ مع كلتا الزوجتين، الأولى تركتني بينما الثانية لم تفعـل

سقراط: عليك السعي طلباً للزواج بشتى الطرق، فإن حصلت على زوجة جيدة فستصبح سعيداً وإن حصلت على زوجة رديئة فستصبح فيلسوفاً

فيلسوف سعودي: اللي ما يخاف من زوجته ماهو رجال
Post: #9163
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-06-2011, 09:48 AM
Parent: #9162

يا أبو الزوز قول الكوتش ده نزل السكايب... يتكلم معانا وين و بتين...
لما يقدم الطلب قبل أسبوع و تتم الموافقة عليه...
يجي يفتح في اليوم المنشود يلقانا نحن ما فاضين يعمل شنو...

يا بركة و الله مداخلات السطوح بتاعتك دي عجبتني...
غير الأغنية من انت جايا المغربية...
لي وسط السطوح متصور...

Quote: فيلسوف سعودي: اللي ما يخاف من زوجته ماهو رجال

ده أحسن واحد في الفلاسفة ديل كلهم...
كلامو ده بيذكرني بي واحد صاحبنا...
Post: #9164
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-06-2011, 10:02 AM
Parent: #9163

Quote: امبارح كنا في لمة زقازيقية كاربة ... وونسة طاعمة ... ناس من كل الانحاء تفرقوا علي دول مختلفة ....


و الله ونستوني بحق في عزلتي الاجبارية دي...
شعرت و كأني في لمة بنادي الشرطة...
أو في جدة أو الرياض في لمة كاربة...
و كانت حتكون أجمل من كده لو ما أبو الشهيق بتاع موسى عيسى...

أرجو أن يزيد عدد الناس في المرة القادمة..
Post: #9165
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 11:14 AM
Parent: #9164

Quote: يا طارق جبريل تم تسليم
القميص للاستاذ طلحة جبريل يد بيد
وقميص اخر للاخ لطفي
يا اخي اتونست مع الاستاذ طلحة ونسة كاربة
الزول دة خسارة يكون برة السودان
والسودان
يبرطعوا فيهو ناس الطيب مصطفى سئ الذكر
والهندي عزالدين


بركة يا حبيب والله ماز قصرت
ياخي مشكلتي في الدنيا لطفي اخوي دة
اي حاجة في الخرطوم قاسمها معاي



يا مبارك طلحة موجوع لما يحدث في السودان
الى الآن لا يملك ولا مترا مربعا خارج أو داخل السودان
وكل مقالاته في السودان ريعها يذهب إلي أولاد أخي متوكل رحمه الله
ليه ستة شهور بيجدد جوازه لم يستلمه الى الآن
في النهاية اضطر انه يمشي السودان بجواز منتهي
ويبدو انهم خجلوا وادهوا جواز جديد
عرضوا عليه المغاربة مرارا ان يعطوه جواز دبلوماسي
لكنه رفض رفضا قاطعا
ياخي المغاربة ديل يمحنوك في راسك دة
ياخي ديل ادوهوا قطعة ارض في درجة اولى على اساس يستلمها
فيلا جاهزة من كله
لكنه رفض ولا زال يسكن في شقة مؤجرة
انا غايتو ادوني جنسية لي أولادي طوالي شلتها

يا زول ربك يعين بس


يا جماعة انا عندي اسكاي بي ما تعزموني معاكم
Post: #9166
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 11:16 AM
Parent: #9165

zagazig8.JPG Hosting at Sudaneseonline.com

بسكو يضرب في الحلويات
وعمار دفعة ناس منصور قال خايف من السكري
وود عشي مراقب
Post: #9167
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 11:17 AM
Parent: #9166

zagazig9.JPG Hosting at Sudaneseonline.com

الحاج السري يتربص بالأعداء
بينما حبيب المغاربة ينصت لمميزاتهم
Post: #9168
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 11:18 AM
Parent: #9167

zagazig10.JPG Hosting at Sudaneseonline.com

احمد عوض يحكي وبركة وجورج يبتسمون ابتسامات ماكرة
Post: #9169
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 11:19 AM
Parent: #9168

zagazig14.JPG Hosting at Sudaneseonline.com

قبضت ليكم عمر بسكو كاتل حفلة البلابل
عالم خاينة ياخي
Post: #9170
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 01:51 PM
Parent: #9169

سلام.. سلام..

أبوالزوز.. تسأل منك العافيه..

والله البوست بدون جلا.. ما يحصل 95..

شايف في خيانات وخلط في الإسكايبي..

رش.. إيميلك أنا زاتي حأمسحو..
طالما إنت ظابطو إستقبال فقط..

البادي.. طولت العراقي في شكل جلابيه.. صاح?
ياللا ورينا قطر صحي فتحت.. أخوك شنطتو جاهزه..

نملوز.. إتصل بالرقم دا 0096552089937..
إحتمال زولوجي يرد عليك..

جبريلا.. شحته القمصان دي ما داير تخليها..
كرهتنا زمان.. داير تكره بركه برضو..
كمان جابت ليها أخوان?
بالله صوره بالقميص.. ومعاك الحلوين الصغار..
عشان نديك الأوسكار..

مسك الختام..
اللهم إرحم عمنا عيد ميرغني..
Post: #9171
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-06-2011, 02:27 PM
Parent: #9170

تست
Post: #9172
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 02:38 PM
Parent: #9171

يعني ياأبوالزوز شايفك تخليت عن ثقافة الإنقلابات ...
Post: #9173
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 02:41 PM
Parent: #9172

Quote: جبريلا.. شحته القمصان دي ما داير تخليها..
كرهتنا زمان.. داير تكره بركه برضو..
كمان جابت ليها أخوان?
بالله صوره بالقميص.. ومعاك الحلوين الصغار..
عشان نديك الأوسكار..


بدليل انه يوم الجمعة لمن اكوي قمصاني في لكوظ واختها في الدولاب
بجي بلقى زول قاشر بيها في الاتحاد وخالط كمان
Post: #9174
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 03:06 PM
Parent: #9173

خميسك ولو تبيع قميصك (مثل مغربي) ...
Post: #9175
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 03:07 PM
Parent: #9174

Quote: خميسك ولو تبيع قميصك (مثل مغربي) ...


اثني
Post: #9176
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 03:35 PM
Parent: #9175

يا جبريلا إنت عايز قميص مبارك جادين عشان تخمس بيه ...
Post: #9177
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 03:37 PM
Parent: #9176

يا البادي نحن عندنا الجمعة شغل
ممكن تقول عايز القميص لي يوم الجمعة عشان اقشر بيه السبت
Post: #9178
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 03:41 PM
Parent: #9177

غايتو أي كان السبب لازم تعرف إنه قميص بركة مشفر وعشان تفك شفرته لازم تتوجه شطر جنوب السودان .. يعني ما تدقس يا ود أمي القصة فيها لغات أخرى وطلاسم أفريقية .. غايتو الله يعينك ...
Post: #9179
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 04:48 PM
Parent: #9178

كل يغني على خميسو ...
Post: #9180
Title: Re: ناس الزقازيق ... أجدع ناس ( 3 ) ..
Author: مني يونس
Date: 01-06-2011, 05:15 PM
Parent: #9178

أشكركم بنفسي للإستجابة السريعة وكثرة
الاتصال التي إنهالت على نوال البلول من كل الدول
وبالمناسبة هي سوف تسافر الى اولادها يوم الجمعة القادمة
بعد اسبوع كامل نتمنى ان تصل بالسلامة.

اخوي طارق جبريل خليتنا انا ونوال نقراء عن الوالدة
وجلسنا نبكي وربنا يرحمها ويجعل الجنة مثواها.
اللهم أرحم والد محمد عيد وأسكنة جنتك .
Post: #9181
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 05:22 PM
Parent: #9180

رحم الله جميع موتانا يا منى
Post: #9182
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 06:21 PM
Parent: #9181

سلامات يا ناس

Quote: كل يغني على خميسو ...


وطارق على قميصو ...

يعنى امبارح العنوان الكبير فى الجريدة :

قميص طارق فى كف عفريت.

لطفى حيحسبا صاح :

قميصين : مؤكد احسن من قميص واحد.


يا مغترب يا جديد ...سلام
Post: #9183
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 06:48 PM
Parent: #9182

Quote: بدليل انه يوم الجمعة لمن اكوي قمصاني في لكوظ واختها في الدولاب
بجي بلقى زول قاشر بيها في الاتحاد وخالط كمان
عليك الله يا جنابو.. بيجو دا ما خرف..
هسي أنا طولو لمن ألابسو?
الراجل ما بيختشي.. قال قمصانو مكويه..
شوف عيني.. دولابو الهدوم مكومات فوقو..
مكرفسات.. كضاب تفرز قميص من بالطو..
وعشان ماتقول بافتح دولابك لي شنو..
كنت باسرق كريم الشعر الفي العلبه البنيه..
الشكلها زي كاس الدافوري..
آل بدليل يوم الجمعه آل..
بطلو دا واسمعو دا..
Post: #9184
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 07:00 PM
Parent: #9183

سلامات يا ناس

Quote: الراجل ما بيختشي.. قال قمصانو مكويه..
شوف عيني.. دولابو الهدوم مكومات فوقو..
مكرفسات.. كضاب تفرز قميص من بالطو..


اعقلوا يا عالم ...يا ناس شقة الفلسطينى...
Post: #9185
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:13 PM
Parent: #9184

Quote: اعقلوا يا عالم ...يا ناس شقة الفلسطينى...
خلااااص يا ماستر مايند..
Post: #9186
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-06-2011, 07:15 PM
Parent: #9185

Quote: عليك الله يا جنابو.. بيجو دا ما خرف..
هسي أنا طولو لمن ألابسو?
الراجل ما بيختشي.. قال قمصانو مكويه..
شوف عيني.. دولابو الهدوم مكومات فوقو..
مكرفسات.. كضاب تفرز قميص من بالطو..
وعشان ماتقول بافتح دولابك لي شنو..
كنت باسرق كريم الشعر الفي العلبه البنيه..
الشكلها زي كاس الدافوري..
آل بدليل يوم الجمعه آل..
بطلو دا واسمعو دا..

الشهود حيين وقاعدين الله يديهم طولعة العمر
Post: #9187
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:27 PM
Parent: #9186

آمين يا ولدنا..
أسمع.. الأجازة الجايه جاييك..
داير اتأهل..
Post: #9188
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 07:33 PM
Parent: #9186

سلامات يا ناس

Quote: خلااااص يا ماستر مايند..



Quote: الشهود حيين وقاعدين الله يديهم طولعة العمر



خلاص .......المديدة حرقتنى.وحرقت جلا والبادى
Post: #9189
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:41 PM
Parent: #9188

يا جورج ما دام مساهر..
بدل تولعها.. بالله رشنا بالفيتوري..
والا جيب الأوود..
Post: #9190
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 07:41 PM
Parent: #9188

سلامات يا ناس


Quote: داير اتأهل..



السنتر ليق ...تقدر؟
Post: #9191
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:44 PM
Parent: #9190

Quote: السنتر ليق ...تقدر؟
سنترليق شنو يا جورج..
كلام طارق عن الفوائد الخمسين طش ليك..
ديل صعود للممتاز طوالي..
Post: #9192
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:46 PM
Parent: #9191

أسمع الونسه بقت دقاقه..
تعال نمشي الإسكايبي..
Post: #9193
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 07:54 PM
Parent: #9192

Quote: تعال نمشي الإسكايبي..
تلقى الشباب متلمين بهناك هسي..

خليتونا برانا بقينا نقتبس من نفسنا..
الله معاكم.. نمشي نستقبل عمكم جباره..
Post: #9194
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 08:03 PM
Parent: #9193

ونسة الشقق ما معانا .. التأهل ممكن .. لكن أخلص من الدور التمهيدي في الأول ...
Post: #9195
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 08:08 PM
Parent: #9191

سلامات يا ناس

Quote: بدل تولعها.. بالله رشنا بالفيتوري..
والا جيب الأوود..


يا عاصفاً حيث تخطو

لشد ما انت غاضبْ

تكاد تشهق رعباً

وانت آتٍ وذاهب

فى مدنٍ من نحاسٍ

وأمة من عجائبْ

تأنقتْ فى الخطايا

وازْيَنتْ فى الخرائبْ

............................


ده الفيتورى ...

اما الاوود...

اسمع

كم نظرنا هلال ما شاقنا غير هلالو

ما اظنو زلال يروينا غير زلالو
Post: #9196
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 08:17 PM
Parent: #9195

تربت يداك يا جنابو..

Quote: الله معاكم.. نمشي نستقبل عمكم جباره..
باقفل ومارق.. حرقني كلام البادي..

Quote: التأهل ممكن .. لكن أخلص من الدور التمهيدي في الأول ...
هو التمهيدي دا مالو طول قدر دا?
قرب يتم سبعتاشر سنه..
الغريبه تيمين بس اللاعبين..
Post: #9197
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 08:20 PM
Parent: #9195

سلامات يا ناس

Quote: .. التأهل ممكن .. لكن أخلص من الدور التمهيدي في الأول ...


يا مغترب ...سلام

بالله ده كتِّر ليهو من دروس العَصُرْ...

وشوف ليهو ناس الكاف ديل يعفوه من التمهيدى.
Post: #9198
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-06-2011, 08:55 PM
Parent: #9197

سلامات يا ناس

Quote: الله معاكم.. نمشي نستقبل عمكم جباره..


حمداً لله على السلامة

وتحياتى له.
Post: #9199
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-06-2011, 09:16 PM
Parent: #9198


الكريم البنى !!!!!!
آثار الكريم باينة والله
فيكم الأتنين !!
لوووول لوووول
Post: #9200
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-06-2011, 09:21 PM
Parent: #9199

تصدقوا الكتابة فى البيت
يوم الخميس بالليل
لمن تكون قاعد فى البيت
وفنجان جبنة فى شمالو
قالوا حرام وكده
جبنة ---- سا معين ----- جبنة
Post: #9201
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 09:30 PM
Parent: #9200

ناس الليل سلام .. ويا ليلى ليلك جنا ...

الغريبة الحاج الدومينيكاني بيلعب برأس حربة محترف أجنبي وما قادر يتأهل .. هاك سادومبا دا ...

وطيب ناس المحلي داخل عطبرة ديل يمشو وين .. دافوري بس ...
Post: #9202
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-06-2011, 09:40 PM
Parent: #9200

يا البادى هسى انت فى قطر يعنى ؟؟؟
تعرف انا كان عندى فكرة انوالناس الشغالين فى بعض المرافق
التابغة للقطاع الخاص , زى التراكترات السودانية مثلا
بيكونوا مرتاحين , او على الأقل فى وضع مغقول
اغترابك ده ضرب اعتقاداتى دى فى مقتل
كان عندنا على الأقل بصيص امل
انو لمن نرجع , نكابس لغاية ما نلقى لينا موقع قدم
تجى انت تفضى لينا الحتة وتخليها لينا خلا
انعل ابو الأغتراب يا بادى ياخ !!!
Post: #9203
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 10:03 PM
Parent: #9202

والله يا منصور كلامك صاح 100% .. لكن يا جماعة الخير أنا قلت ليكم كل زول ليه حسابات مختلفة ...

يعني لما أنا قررت الرجوع للسودان في 2005 وبكل قناعة كانوا كل الناس اللي حولي مستغربين وقالوا لي إنت جنيت دا شنو دا في زول بيرجع السودان ويخلي السعودية وكمان شركة عبداللطيف جميل ...

رجعنا السودان والفكرة نجحت تماما وبعدها كل الناس قالوا يرجعوا بعد ما شافوا نجاح التجربة .. لكن كانت نصيحتي لهم إنه الواحد لو عايز يرجع لازم يكون عندو دخل شهري ثابت وعالي كمان .. وطبعا الحاجات دي لا تتوفر لكل الناس يعني القصة حظوظ وتوفيق من الله ...

وضعي في دال والتركترات السودانية كان وضع ممتاز لكن تأتي الرياح بما لا تشتهي السفن لأني إختلفت معاهم إختلاف جوهري لا رجعة فيه .. وبعد دال ما في شركة في السودان مؤهلة لإستيعابي مش لأني زول خطير ومافي زول زيي لكن للأسف المسافة بعيدة جدا بين دال وباقي الشركات العاملة في السودان بما فيها شركات البترول ...

عموما الخدمة المدنية في السودان متخلفة جدا وتفتقر للإحترافية .. وللأسف السودانيين أصبحوا أسوأ من المصريين في الغتاتة والدغالة والحفر والضرب تحت الحزام وفي الضلام كمان .. وزيد عليهم الحسد والحقد والنفخة الكذابة ...

لكن أنا قناعاتي واضحة إنه ربنا كاتب لينا رزق في محل آخر أو في بلد تاني ...

فيا منصور لا تقيس على تجربتي لأن كل زول له ظروفه الخاصة جدا وحساباته الشخصية التي لا يمكن أن يتطابق فيها إثنين ...

فيا ود أمي لو لقيت وظيفة كويسة ومرتب عالي وتوفر لك الأمان الوظيفي فلا تتردد في العودة .. لأنه الموضوع كله في النهاية أكل وشراب ومافي توفير لا في الخليج ولا في السودان .. لكن في السودان ميزة إنك في بلدك ومافي كفيل وكمان لو بقى عندك بيت ملك حر أو بيت أهلك ممكن يشيلكم بإرتياح فدي كلها مميزات ...

لكن ميزة الإغتراب إنك بتعيش إنت وأسرتك حياة كريمة وصحة وعلاج ممتاز وإحتمال تعليم أحسن وهكذا ...
Post: #9204
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 10:18 PM
Parent: #9202

شابكننا واك واك والاغتراب..
أي زول مسافتو خمسه ساعات بالطياره أو اقل...
ما يتبكبك ساي..

رئيسنا الكبير خالص..
قال لي كيف تمشي 6 اسابيع اجازه؟
قلت ليهو يا عمك انت قايل السودان دا وين..
نحن دايرين اسبوع عشان نصل..
بنركب باخره ومرات قطر..
ويمكن فوق ضهر جمل..
قال لي really?
قلت ليهو yeah sure!
Post: #9205
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-06-2011, 10:38 PM
Parent: #9204

يييياي قلبها..

استلم يا جلا..
Post: #9206
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-06-2011, 10:40 PM
Parent: #9204

شايفك يا حاتم قلبت الصفحة وتأهلت للصفحة الجديدة ...

وإستفت من اللاعب المحترف ...

يعني أنا من الفجر شغال أدخل وأمرق وتجي إنت بكل سهولة تقلب الصفحة .. زي ما بيقولو الخيل تجقلب والشكر لي حماد (مثل دومينيكاني) ...

لكن دا إنقلاب غير نزيه ونحن ما بنعترف بيه وكمان فيه كوسة ومساعدات خارجية من ناس أبوالزوز الخونة المأجورين ...

غايتو الواحد لو ما روحو رياضية وكدا كان قلت ليك كلام كتير .. لكن معليش ...
Post: #9207
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-07-2011, 05:40 AM
Parent: #9206

صباح الهناء والسرور ...

أصبحنا وأصبح الملك لله ...

أمبارح في قمصان كتيرة ضاعت عشان الناس ما تفرط في الخميس .. لكن أعلم تمام العلم أن قميص ودجبرين المشفر لم يتم التفريط فيه وذلك لسبب واحد أنه لم يصل بعد ...

جمعتكم مباركة ...
Post: #9208
Title: Re: ناس الزقازيق ... أجدع ناس ( 3 ) ..
Author: مبارك جادين
Date: 01-07-2011, 07:19 AM
Parent: #9207

الريس الجديد القلبها
الحاج الدومنيكاني صاحبنا وكدة
عشان كدة
حنجز وزارة التجارة الخارجية
ومن بكرة التصاديق بتاعتنا حتتطاكش
ما تقول السكر بقى
الشوال ب 153 جنيه
طبعا التجمع الوطني للخلاص من التغمة الباغية
برئاسة الحاج السري جلا



صباح الخير
وجمعة مباركة



يا جبريل
يسري محمد احمد قريبك
انا درستو
في الجامعة الاهلية
تقول لي لا يزال الليل طفلا
راحت علينا
ولا عزاء لاب الزوز
Post: #9209
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-07-2011, 07:53 AM
Parent: #9208

صباح الخير
يا وجوه الخير ( اقتباس من الريس ميسرة )
وجمعة مباركة عليكم جميعا
Post: #9210
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-07-2011, 08:00 AM
Parent: #9209

ودجادين وودالشادي فيكم الخير .. وين الحلوين وين راحوا ...

يا بركة يا ود أمي ذكرياتك بقت رهيبة شئ في الأهلية وشئ في الجنوب .. غايتو بركة الشوفة ...

وبرضو جمعتكم مباركة ...
Post: #9211
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-07-2011, 11:46 AM
Parent: #9210

يا بركة يسري ود اختي
يا زول انت كمال شادي كبرتو
انا وابو الزوز دة لسة صغااااااار




يا حاتم تحياتي للعم جبارة بالله



الدخول للبوست دة تحت مسؤولية صاحبه:
العندو بواسير اليموتبها..
Post: #9212
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-07-2011, 02:30 PM
Parent: #9211

إني لكم ناصح أمين..
قبال ما تخشو بوست جبريلا دا..
خطو جمبكم صحن كامل حق ليمون..
لزوم الطمام وكدا..

بوست غير موفق يا أخ طارق جبريل..
Post: #9213
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-07-2011, 02:52 PM
Parent: #9212

Quote: إني لكم ناصح أمين..
قبال ما تخشو بوست جبريلا دا..
خطو جمبكم صحن كامل حق ليمون..
لزوم الطمام وكدا..

بوست غير موفق يا أخ طارق جبريل..
Post: #9214
Title: Re: ناس الزقازيق ... أجدع ناس ( 3 ) ..
Author: معتصم جعفر
Date: 01-07-2011, 04:35 PM
Parent: #9213

Quote: قال لي really?
قلت ليهو yeah sure!
Post: #9215
Title: Re: ناس الزقازيق ... أجدع ناس ( 3 ) ..
Author: سامي عبد الوهاب إدريس
Date: 01-07-2011, 06:17 PM
Parent: #9214

Quote:
لكن ميزة الإغتراب إنك بتعيش إنت وأسرتك حياة كريمة وصحة وعلاج ممتاز وإحتمال تعليم أحسن وهكذا ...


والله يا البادي يا أخوي لخصت وضعنا بعبارة كافية ووافية

وهي الحقيقة المجردة

يا سيدي بالتوفيق في البلد المتطورة جدا جدا (قطر) والله أنا مفتون بيها جدا... بس لازم الواحد يجيها على وضع مرتب شديد من كل النواحي خصوصا توفير السكن

أما حكاية السودانيين بقو زي المصريين دي فانا معاك فيها 100% ومش هناك بس بل حتى هنا

بالتوفيق يا البادي
Post: #9216
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-07-2011, 07:29 PM
Parent: #9215

سامي عبدالوهاب الوجيه الساكن الجبيل ...

الله يديك العافية يا ود أمي ...

الحاج الدومينيكاني بالله سلم لينا على عمنا الظريف الحاج جبارة ...

برضو رتم المشاركة ضعيف ...

أبوالزوز يكون مع المفراكة وكدا ...

الكوتش بيكون أكل الكسرة ورقد خل ...

رشيد القوم ملاح أخدر Green وبالهناء والصحة والعافية ...

منصور الجاك فتح لينا خالص .. يا أخوي لما إنت ما قادر تتواصل بتهابش فينا مالك .. عالم تخاف ما تتختشيش ...

الحاج جلا يوم الجمعة بيكون فل وما في طريقة لي ناس الزقازيق ...
Post: #9217
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-08-2011, 05:02 AM
Parent: #9216

صباح الهناء والسرور ...

أصبحنا وأصبح الملك لله ...
Post: #9218
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-08-2011, 06:09 AM
Parent: #9217

صبحك الله بالهناء والسرور يا بادي النور يا جمل الشيل ما شاء الله يا صحبي طبعا عزابي

بشهادة و مفارقة العفش دي مشكلة كبيرة خلاص و الله يا البادي لي خمسة سنوات

عجاف ضقت فيها الويل وسهر الليل والقيام البدري من دغش الرحمن تلقاني بطاقش

في الدروب تقول ببيع لي لبن اول واحد بجي الشركة و آخر المغادرين ؟

و انشاء الله ربنا يجمعك بيهم و يسعدكم .
Post: #9219
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-08-2011, 06:28 AM
Parent: #9218

تخيلوا ما وصل بنا من استهتار من قبل بعض الشعوب و اصبحنا كما خطط لنا اخوانا

المصريين و صار علي نهجهم الباقية الباقية وها هم السعوديين يقيمون و يصفون بالاتي :


كان هناك عصفور جميل يقف فوق شجرة ويغرد بصوت جميل ومر على هذا العصفور أشخاص من هذه الجنسيات, فماذا سيفعل كل منهم ؟

الفرنسي : يغني مع العصفور ويقلد صوته
الاسباني : يرقص على أنغام صوت العصفور
الايطالي :يرسم هذا العصفور على لوحة كبيرة
الهندي :يقوم بعبادة هذا العصفور وتقديسه
الصيني : يأكل هذا العصفور
الانجليزي : يطلق النارعليه
الياباني : يصنع عصفور الكتروني يماثل هذا العصفور بالشكل والحجم ويصنع جهاز لترديد نغمة هذا العصفور
الامريكي : يصنع فيلم عن حياة هذا العصفور وعن جميع الأشخاص الذين مروا بهذا العصفور
المصري : يقلد الفيلم الأمريكي ويقوم الممثل المصري بتمثيل دور جميع الأشخاص الذين مروا على هذا العصفور
السوري : ينتج مسلسلا عن العصفور وقصة أجداده ( العصفور القديم ) حتى الآن ويقوم بوضع إسقاطات تاريخية وسياسية على حياة هذا العصفور العربي وتاريخه ونضاله القومي . . .
السوداني : ينام على أنغام صوت العصفور
السعودي : يرمي العصفور بالنعلة بينما صديقه يوثق اللقطة بتصويرها بكاميرا الجوال لينشر المقطع بالبلوتوث والمنتديات الالكترونية
اليهودي : يبدأ بالبكاء ثم يقوم بالمطالبة بملكية هذا العصفور باعتباره من نسل هدهد سليمان عليه السلام ويطالب جميع الأشخاص الذين مروا على هذا العصفور بدفع ثمن مشاهدة هذا العصفور و يطالب الصيني و الانكليزي بتعويضات عن قتل العصفور و يطالب بنسبة من أرباح الفلم الأمريكي و المصري و يطالب بمحاسبة سوريا على تشويه تاريخ العصفور اليهودي و يتهمها بالارهاب و يستغل نوم السوداني ليستوطن في دارفور و يطالب محكمة الجنايات الدولية بمحاسبة السعودي كمجرم حرب
Post: #9220
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-08-2011, 07:51 AM
Parent: #9219

موسى عيسى الله يديك العافية ...

نحن نستاهل كل النكات التي تروى علينا ...

المصريين قالوا السودانيين من كثر كسلهم عندهم مدينة إسمها كسلا ...

أها يا ناس كسلا ورونا إسم كسلا دا جبناه من وين ...
Post: #9221
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 08:06 AM
Parent: #9220

موسي ... البادي ... القصة تسخر من كثير من الشعوب بما فيها السودانيين ... ومسالة كسل السودانيين هذه لا بد من البحث حولها ... اما عن مدينة كسلا فيقال ان اصل التسمية ... جبلها الذي يسمي بلغة البداوييت (وهي لغة الهدندوة) بجبل كسلون .... وكانت تسمي فيما قبل بالتاكا ... في العهد السناري ... نشات مدينة كسلا قبل مئات السنين ... بقريتين واحدة في الجنوب الشرقي ... وهي قرية الختمية والتي بها الآن ضريح سيدي الحسن الكبير ابو جلابية ... وقرية الحلنقة في الشمال الغربي للمدينة ... وهذه التسمات اقصد بها شرق القاش حيث ان المدينة غرب النهر نشات حديثاً ... وقرية الحلنقة يسكنها بالكامل قبيلة الحلنقة وهي قبيلة عربية جاءت السودان عن طريق ارتريا واستقرت في تلك المدينة ... واكتسبت اللغة المحلية وهي لغة الحلنقة لاحقاً ... وهي قبيلة صغيرة وتعيش في المدينة بشكل كامل ... عدا بعد الاسر المتفرقة ما بين ريف كسلا وارتريا .... وقطعاً يعرف الناس اسحق الحلنقي ... ومحمد حسين كسلا ...
Post: #9222
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-08-2011, 08:36 AM
Parent: #9221

حلات قالو عاوزين يحتلفوا بالمئوية قبل يوم الخميس
نصهم مسجل غياب والنص التانى بتونسو بهناك

كلو منك يا الاسكايب
Post: #9223
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 09:02 AM
Parent: #9222

76.jpg Hosting at Sudaneseonline.com



عابدين محمد زين .................... قاسم حسين
Post: #9224
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 09:04 AM
Parent: #9222

77.jpg Hosting at Sudaneseonline.com



وين يا ناس .... سيف النصر ... قيس جمال الدين ... احمد عمر
Post: #9225
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 09:17 AM
Parent: #9222

100820091351.jpg Hosting at Sudaneseonline.com


عمنا جبارة حمد الله علي السلامة .... ابتهاج علقت علي الصورة دي قالت ... دي العفريتة وين محمد صديق
Post: #9227
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-08-2011, 10:00 AM
Parent: #9225

صبحكم الله بالخير

وصلنا صفحة كم يا شباب ؟

أعتذر عن تقصير جلا في عمل مداخلاتي...
ما حك جلدك مثل ظفرك فتولى أنت جميع أمرك...
اعتمدت على جلا يعمل لي سبعة مداخلات يوميا و أنا كان فاضي أتمهم عشرة...
لقيتو ما عمل لي و لا مداخلة و أحرجني معاكم...
يلا يا جلا شد حيلك شوية...

Quote: رشيد القوم ملاح أخدر Green وبالهناء والصحة والعافية ...


و الله يا البادي بقيت فكي عديل كده...
و لا نحن جمعتنا بقت مكشوفة...
من بكره تاني نخلي بت الشيخ تغير الخطه ما دام انكشفت...


أبو الزوز...
الباشا لمن يكون لاحق مئوية بفتش ألبوماتو القديمة...

و أخيرا...

وطنا حبيبنا رغم البين هي الأشواق...
حنينا اليك زين يا زين يظل دفاق...
ما حوجتنا وندِّيك
وغيمنا عليك دوَم ساساق
يلاقي البينا بين واديك
أناقي غزيرة ماها أفراق
نحبّك من طرف من جم
برغم قطائع الإملاق
ماب تنذم .. علاقة دم
وفاء وتاريخ على الإطلاق
إذا ما الغربة لمتنا
على ذات الخلق وأخلاق
وطن وين كان في ذمتنا
فكيف يبقى الزمن فرّاق
هي الأشواق ..
Post: #9226
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-08-2011, 09:51 AM
Parent: #9217

صباحاتم بيض ..بادى .سامى.منصور الغربة الله يدينا خيرا..تسود بين كل افراد المجموعات اذاكان في العمل ولا فى الحى او فى اي مجال
اشياء جميلة يعنى زى الصباح ده تمشى الشغل يبادرك عم محمد بالتحيةوتحي كل من تلتقيهو فى طريقك للمكتب ويتسارع تلاميذك كل قبل الآخر بصباح الخير يااستاذه ولما تجيك خالتى سنية في البريك شايله صحن عصيده بملاح نعيميه تقول قلت اضوقكم ..ولو فى زول اشتكى من اى شي تلقى يجيبو ليك لسته شي قرض شي حرجل ووووالخ من العلاج البلدى والعبرة في الشئ والاحساس الجميل والمعنى ..شكله الزول حا يكون تائه فى عباءة وسوداء
اتمنى تتحول لبياض صباحاتكم..
Post: #9228
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-08-2011, 10:07 AM
Parent: #9226

يا بهجه صباحاتك بيض

Quote: خالتى سنية في البريك شايله صحن عصيده بملاح نعيميه تقول قلت اضوقكم


أرقدي قفا يا بهجه...مرقتي في الوقت المناسب...
بعد ده خالتك سنية كان ضوقت ليها زول حاجه لوميني...
Post: #9229
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 10:33 AM
Parent: #9228

يا رشدي بهجة متجرسة من الغربة ... ودي ما زي حقت ناس الزقازيق .... حقيقي الزول بوجود الناس في الزقازيق لم يشعر قط بالغربة ... والواحد عارف انه بعد ما يتخرج حا يرجع ... بس هنا ... الطريق اتجاه واحد .... عشان كده لازم تتذكر خالتي سنية وعم محمد والركشة الصباح للمدرسة ....


الصور قلنا ندي البوست دفرة وشوية موضوع جديد بصور اعتقد انها لا زالت حية في الذاكرة ...
Post: #9232
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-08-2011, 10:43 AM
Parent: #9229

يا أبو الزوز و الله بهجه معاها حق...
أنا حسه لي أربعتاشر سنة غربة كل يوم العصر أشتهي الدافوري في الحلة...
لما رجعت في الاجازة القبل الفاتت لقيت ناس الحلة خلو الدافوري زاتو...
الناس شغلتها الحياة...
الغداء بقى الساعة ستة..
يلعبو دافوري بتين...
Post: #9230
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 10:36 AM
Parent: #9228

صندوق التكافل الاجتماعي
Post: #9231
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-08-2011, 10:37 AM
Parent: #9228

والله يا البادى , ما طمنتنى اصلو
بالرغم من انك حاولت , وبذلت مجهود كبير وواضح فى ان توصل لى رسالة مفادها
انو , ما ابنى خططى على تجارب زول
لكن بالمنطق كده , اذا انت رجعت من وضع ممتاز
فلا شك انك فعلت ذلك بقناعة تامة مبرراتها ايضا , هى انك انتقلت من وضع ممتاز (مغترب ) , الى وضع ممتاز (محلى او داخلى )
اذا فتجربتك تجربة ايديل ومثالية , لأن ممكن القياس عليها ضمن قياسات الحالة الجيدة او الممتازة
اذا ناس الحالات الجيدة او الممتازة , بيلقوا نفسهم راجعين تانى للبدايات الهجروها بى رغبتهم
اليس ذلك شيئا محبطا ويدعو للقلق
اذن , فعلى اصحاب الحالات النص نص , او الماشى حالهم حتى
عليهم ان يمسكوا فى غربتهم , ويعضوا عليها بالنواجز
واذا قرينا حالة عودتك للأغتراب , وقرناها مع تلغرافات طارق جبريل
السؤال البعدو طوالى حايكون
ياربى الشقة فى القاهرة ولا ماليزيا بى كم , وقراية الأولاد فيها كيف
حسبى الله ونعم الوكيل , شوفوا لينا جوازات يا شباب
Post: #9233
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-08-2011, 10:48 AM
Parent: #9231

منص مشتاقين ياخي...

أمبارح عصرية من بيت الكلاوي...
حمزة سليمان و ملاح قرين و سمك هامور...
و الله كانت ناقصاك عديل كده...
لكن جبنا سيرتك في الكلام...
قلت لي حمزة الزول ده وعدتو بالسي دي أبو 32 أغنية...
و جاني لحدي هنا و رجع من غيرو...
Post: #9235
Title: Re: ناس الزقازيق ... أجدع ناس ( 3 ) ..
Author: عادل عبدالرحمن إبراهيم
Date: 01-08-2011, 11:06 AM
Parent: #9233

سلام يا ناس الزقازيق

قلت أتاوق وأشوف لقيت البوست كله أشواق ونعيمية

قبل يومين جاني أتصال من أخونا عصام بابكر ضي النور من جمهورية أرض الصومال وحملنى أمانه أن ابلغكم جميعاً التحايا والأشواق.

زهير شايفك صورتكم الفوق دي مع عابدين ومبارك جادين ومحمد صديق قبضت بيها الجو

وين محمد آدم النور وموسى عيسى
Post: #9234
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-08-2011, 10:59 AM
Parent: #9231

بهجة صباح الخير ومبروك اللاب توب
سعيد جدا باستمرار مداخلاتك , الفيها علاج لى شعورك بالهوم سك
صدقينى يا بهجة , شعور الغربة المتعاظم عندك ده , شعور طبيعى لكل برالمة الغربة الفى حالتك
لكنه موقف عاطفى بحت , ياسر كل مغترب اوائل سنوات اغترابه
لكنه ما يلبث ان يتناقص ويتناقص
حتى تصبح بعده (الأجازات زاااتا فى تلتلة )
كلامى ده حيبقى ليك زى الدراب فى الأول
وما داير اقول ليك كلام مختصر وموجع , من شاكلة
احسن غربة الخارج ولا غربة الداخل
انما يغترب البنى آدم , حتى يرفع من مستوى معيشة اسرته واولاده
وفى بعض الأحيان , حتى يكابد المعيشة نفسها , ولكن بشرف وبراس مرفوعة
والمسألة فى الأول والآخر , معائش , مجرد معائش
مع فرص متساوية للجميع للرفع من مستواهم المعيشى
اليس هذا لوحده سبب كاف يا بهجة
يعنى هسى انتى بتبكى وابو الزوز بيبكى
بس وحاة الله بكى ابو الزوز , طلع احسن من بكاكى كتيييير
اقول ليك حاجة , اخير ابكى زيو ومعاهو
وخلينا نحن نفرق بين الدموع
Post: #9236
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-08-2011, 11:14 AM
Parent: #9234

قول لى حمزة سليمان يا رش
فى حاجة اسمها الدى اتش ال
وارامكس
وفيدكس كمان
اى نعم ديل لا بشيلو الملاح القرين ولا السمك الهامور
لكن السى دى ده
يمين يوصلوهو هواء




* واحد لى وواحد لى بهجة دى عليك الله , قال عصيدة قال
انتو ما عندكم ولا جمبكم زول ببيع مطبق ومعصوب
وتيب
Post: #9237
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 11:31 AM
Parent: #9236

ياعادل بركه بالشوفة ... الصورة دي لازم احشش بيها فيها تلاتة عقداء وسفيرين ...
Post: #9238
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-08-2011, 11:37 AM
Parent: #9236

Quote: والله يا البادى , ما طمنتنى اصلو
بالرغم من انك حاولت , وبذلت مجهود كبير وواضح فى ان توصل لى رسالة مفادها
انو , ما ابنى خططى على تجارب زول
لكن بالمنطق كده , اذا انت رجعت من وضع ممتاز
فلا شك انك فعلت ذلك بقناعة تامة مبرراتها ايضا , هى انك انتقلت من وضع ممتاز (مغترب ) , الى وضع ممتاز (محلى او داخلى )


والله يا منصور ...

كلام البادى ده جاب لى احباط الجن عديل كده ..!!

والحكاية بقى ما بينفع معاها الجرعات الاسعافية والمطببات المعتاده ...

الزول جاتو حالة انفصال حقيقى .. حتى قبل ما يعمل استفتاء ..!!

اها عاد نقبل ويييين ونمشى ويييين ؟؟

جبريلا .. بالله بالماسينجر اعيد لينا حكاية الفوائد الخمسون خلينا نشوف لينا حل ..!!

...

ما باعرف كنت حلمان ولا شنو ...

امبارح سامع لى زول كده قاعد يكورك ويقول .. بعد الاستفتاء حنعمل ثورة جديده ..!!

شرحوووووا يا اخوانا ..؟
Post: #9239
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-08-2011, 12:13 PM
Parent: #9238

صباح الخير ،،، يا وجوه الخير

ما زال حدث هجرة البادي ترن في إذننا

Quote: والله يا منصور ...

كلام البادى ده جاب لى احباط الجن عديل كده ..!!


عندما أعلن زهير السفر قلبنا طار وقلنا يا رب

البلد تعبانه شديد للدرجة دي وأنا من عام 1994 تقريباً

ذهبت إلى السودان إسبوعين في مناسبة زواج ،،،،

هجرة البادي الحديثة بعد عودته بقناعة كاملة إلى السودان

وبقناعة كاملة ترك الجمل بما حمل وسافر لفترة قريبة جداً كنت

من أنصار العودة الطوعية ،،،

نواصل..................!
Post: #9240
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-08-2011, 12:33 PM
Parent: #9239

يا حمزة اوعك ترسل الـ 32

فى ناس قبلك رسلت 32000000 وفتحو ليهم

البوست كلو بقى شحدة فى شحدة
ناس قمصان وناس CDهـات
Post: #9241
Title: Re: ناس الزقازيق ... أجدع ناس ( 3 ) ..
Author: موسي عيسي
Date: 01-08-2011, 12:33 PM
Parent: #9239

Quote:
وين محمد آدم النور وموسى عيسى


عليك الله يا عادل ما لقيت ليك زول تلمني معاه الا جلا ؟؟

مالك ما شايف حاتم جباره و الكوتش و الناس المغتربة جديدة دي و لا شنو

عموما انا محتاج لاعتذار و لازم يكون بقصيدة ؟؟
Post: #9242
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 04:16 PM
Parent: #9241

654321.jpg Hosting at Sudaneseonline.com



الصورة مهداة لياسر نجيلة (وش فاتن حمامة)
Post: #9243
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 04:18 PM
Parent: #9241

100820091356.jpg Hosting at Sudaneseonline.com



الصورة مهداة لحاج الركز ...

يمين بالله حاج الركز ده قدر ما لكزناهو ابي يجي جاي ...
Post: #9244
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 04:21 PM
Parent: #9241

251220092631.jpg Hosting at Sudaneseonline.com




الصورة مهداة لشخصي الضعيف بمناسبة الاغتراب ...
مهداة لمحمد صديق بمناسبة زيارتنا برج الفاتح ...
مهداة لجلا ... بمناسبة اننا نضيفين قبل الاغتراب ...
عشان بعدين ما يجي يشيل حالنا ...
Post: #9245
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-08-2011, 04:57 PM
Parent: #9244

جينا نسلم
Post: #9246
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 05:03 PM
Parent: #9245

مرحب
Post: #9247
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-08-2011, 05:07 PM
Parent: #9245

وأنا شرحو..
Post: #9248
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2011, 08:21 PM
Parent: #9247

عزة في هواك

عزة في هواك عزة نحن الجبال

وللبخوض صفاك عزة نحن النبال

عزة ما بنوم الليل محــــال

وبحسب النجوم فوق الرحال

خلقة الزاد كمل وأنا حالي حال

متين أعود أشوف ظبياتنا الكحال

عزة ما سليت وطن الجمــال

ولا أبتغيت بديل غير الكمــال



***



وقلبي لي سواك ما شفتو مال

خذيني باليمين وانا راقد شمال

عزة ما نسيت جنــة بلال

وملعب الشباب تحت الظلال

ونحن كالزهور فوق التلال

نتشابي للنجوم وانا ضافر الهلال

عزة جسمي صار زي الخلال

وحظي في الركاب صابه الكلال

وقلبي لسه ما عرف الملال

أظنه ود قبيل وكريم الخلال

عزة ما أشتهيت نوم الحجال

ولا السوار بكي في يمينا جال

وعزة في الفريق لي ضيق مجال

قبيلة بت قبيل ملأ الكون رجال



***

عزة شفت كيف نهض العيال

جددوا القديم تركوا الخيال

روحك أم سماح سري كالسيال

شجوا الفؤاد حيوا محسور الليال

عزة في الفؤاد سحرك حلال

ونار هواك شفا وتيهك دلال

ودمعي في هواك حلو كالزلال

تزيدى كل يوم عظمة ازداد جلال



***



عزة في حذا الخرطوم قبال

وعزة من جنان شمبات حبال

وعزة لي ربوع ام در جبال

وعزة في الفؤاد دوا يشفي الوبال
Post: #9249
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2011, 08:34 PM
Parent: #9248
Post: #9250
Title: Re: ناس الزقازيق ... أجدع ناس ( 3 ) ..
Author: كمال الشادي
Date: 01-08-2011, 08:37 PM
Parent: #9249
Post: #9251
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-08-2011, 09:11 PM
Parent: #9250

بكري شال العدة وما ادانا خبر
Post: #9252
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-09-2011, 04:18 AM
Parent: #9251

حاتم جباره
حمدلله على سلامة الوالد وان شاء الله يكون وصل باالسلامه. وتسلم على التلفون واخيرا تواصلت مع الرائع
كمال يوسف.
البادي ربنا يسترك وتحقق امانيك ودا تلفون اختي فاطمه وزجها زاهر 55356372
وهو راجل حبوب وكمان محاسب
ولو احتجت اي حاجه بيكون تحت الخدمه وهو صدبق لحبيبنا انور حسن خالد
Post: #9253
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-09-2011, 04:38 AM
Parent: #9252

سلام تحيه
ااحبابي واخواني واخواتي كم سعدت بتواصلي معكم في الفتره السابقه خاصه داخل الحوش اما في المنبر العام
كنت احاول جاهدا التداخل بس اعترف فشلت في ان اتابع واتتبع لزمني المامكفي لمجاراة السرعه المكوكيه
فيفوتني الكثير وقد فاتني اكثر من مره تقديم واجب العزاء او التهنئه لعدم تتبعي وعدم تنزيل خبر
الوفاه في بوست التعازي او تنزيل خبر التهنئه في بوست منفصل. وممازاد الطين بله اجازتي الاخيره لمدة
شهرين ابعدتني بعض الشي عن تتبع حتى الحوش الداخلي.و في الايام الاخيره خاصه من صفحة 89 حاولت ان لااكون
وتر لايضيف الي النشيد سواء النشاز فتداخلت مع اخي محمد عيد بالمداخلات التاليه
Quote: لحآلة الرآبعة
في وارسوا ( بولندا ) غضبت إمرأة غضبآ شديدآ عندما أبلغها زوجها أنه سيتركها

لدرجة أنها القت نفسها من نافذة الدور العاشر ...

وفي هذه اللحظة نفسها كان الزوج

يخرج من المبنى ، فوقعت زوجته عليه وقتلته وعاشت هي ...

محمد عيد كل سنه وانت والاسره بخير
انا صدقت ياريت الشرطه واولاد الشيوخ يصدقوا


وتداخل الحبيب الرشيد ليزيد الدعابه خاصه بحكم العلاقه المتينه بينه وبين محمد عيد

:
Quote: انا صدقت ياريت الشرطه واولاد الشيوخ يصدقوا

نملوز يا حبيب...
أنا ما مصدق...
برضو كيتا في محمد عيد
...
وانتظرت رد محمد عيد لكن عدى الموضوع فقلت ربما
تحسس فاستدرك
ووضحت قصدي بمداخلتي التاليه
Quote: ياراش انت مامصدق منو؟ انا قصدي المراه الدقت النظر فوق
زوجها مش محمد عيد حاشه من الكذب. وتاني ياعيد كل سنه وانت طيب
حاتم جباره والله شوقنا ليك كتير بس خايف يكون الحال زي لما قابلت
زولجي
ياخي رسل لي تلفونه.
ياجماعه انتوا اجرى من الجري ذاتو
تحياتي للجميع


لست مصدقا للمراه التي وقعت من الطابق العاشر فوق زوجها واضفت مره ثانيه
وبرضو وحتى هنا لم اضع في بالي بان هناك شي
وكانت القشه التي قصمت ظهر النمله الفرحانه بهذا التواصل الجميل عندما ترحمت
على والدنا عيد عليه الرحمه فتجاهلني؟!

Quote: اخوتى ...

أستميحكم عذرا .. فى ان أشغل حيزا من مساحة اطلاعكم

لأناجى فى هذه اللحظات روح والدى الذى رحل عنا فى مثل هذا اليوم منذ سبع سنوات

فأسمحوا لى بالدعاء له والترحم عليه وانا بين اخوتى واحبتى

اللهم يرحم والدك يامحمد آمين يارب العالمين


وهنا اتوقف واسال ربما تجاهلت محمد في مرات سابقه وربما وربما
. على العموم نسبه لظروفي وعدم حبي لعكلنت مزاج اي شخص او عكلنت مزاجي
قررت الانسحاب والانفصال تزامنا وتضامنا مع جنوبا الحبيب
وسلام تحيه
Post: #9254
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-09-2011, 05:53 AM
Parent: #9253

صباح الهناء والسرور ...

خلاص يا بكري شفرتنا وأرشفتنا .. لكن تاني بنرجع وبنعمل المئات من الصفحات ...
Post: #9255
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2011, 05:56 AM
Parent: #9253

صبحكم الله بالخير

تفاجأت بالليل بالبوست داخل الحوش و كنت قد بحثت عنه طويلا بالخارج و لم أجده...
ربما يكون في وجود البوست داخل الحوش فرصة لمتابعة البوستات الداخلية و التي
لا تحظى بنفس القدر من المتابعة...

Quote: على العموم نسبه لظروفي وعدم حبي لعكلنت مزاج اي شخص او عكلنت مزاجي
قررت الانسحاب والانفصال تزامنا وتضامنا مع جنوبا الحبيب


يا نملوز يا حبيب...
تأكد انه لا أنا و لا حتى محمد عيد نتعمد تجاهل أي شخص كان...
فما بالك بشخص مثلك...شخص تحبه للحسن فيه...
و اذا غبت عننا نشتهيك...
لروحك اللطيفه و ظرافتك الدائمة و مزاجك العالي (طبعا مزاج اليوم ما محسوب)...
و ان كان هنالك أي تجاهل فتأكد بأنه غير متعمد و انما يرجع لسرعة ايقاع البوست...
هذه السرعة التي عانيت منها انت شخصيا و فوتت عليك كثير من الأمور...
ثانيا المشغوليات الكثيرة...فأحيانا لا تجد الوقت الكافي لقراءة كل المداخلات...
و تدفعك الرغبة في المشاركة لكتابة أي شيء ثم الخروج بسرعة لضيق الوقت...
و أحيانا ترد على آخر مداخلة من أي كانت...
الأمر الذي قد يبدو و كأن هنالك انتقائية في الردود و هذا غير صحيح...
و لولا معرفتي الجيدة بمنصور و محمد عيد مثلا لقلت انهم يتجاهلونني أحيانا...
و لكن رغم كل هذه التبريرات نعتذر لمجرد الايحاء اليك بأننا نتجاهلك..
و تأكد أننا نحبك كثيرا...
Post: #9256
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-09-2011, 06:58 AM
Parent: #9255

أها و بعدين!!!!!
إحتفالكم طرشق ؟؟؟؟؟
Post: #9257
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-09-2011, 07:21 AM
Parent: #9256

يا جلا ...

يا انا الجنيت يا المنبر ده جن ولا كمان بكري ابو بكر ذاتو جن .... ياخي تصدق مرة اشوف ليك عدد الصفحات 34 في المنبر العام ... ومرات القاهم ليك 34 ... ومره القي ليك الصفحة الاولي دي طوييييييييييييييييييلة .... ومرة القاها ليك نتشة بس ... الواحد لو كان في حتة تانية كان ممكن يقول ده من تاثيرات خارجية ... لكن هنا في السعودية الله اعلم ... اها يا جماعة واحد يصحي لينا بكري ده يورينا الحاصل شنو ...
Post: #9258
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-09-2011, 07:23 AM
Parent: #9256

لكن بيني وبينكم المسالة بقت اسرع .... الا الرشيد لو جا ما يعرف البوست بتاعه ... كان 24 صفحة بقي 34 صفحة .... اها الناس ديل كتبوا متين العشرة صفحات دي ... وهل الرشيد يقدر يرد عليهم ولا دي صفحاته القديمة عملوا ليها اعادة انتشار ...
Post: #9259
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-09-2011, 07:25 AM
Parent: #9256

يا نملة .... الكلام البتقول فيهو ده غريب جداً ... ياخي محمد عيد الواحد ده ما ممكن يتصرف معاك بالطريقة دي .... بس المسالة بتكون صادفت واحدة من سرحاته الكتيرة ديك ... وعادي جداً الواحد يعمل زي مليون مداخلة كده ... لناس بالاسم ويجوا ماشين فيها طوالي ... ولانه الواحد زي ما قال ليك الرشيد عارف الزول ... وبيكون في نفس اليوم داك اتكلم معاهو بالتلفون ... يمكن ما ياخد فيها حاجة ... اها محمد عيد ده جنبو الريس ميسرة ... والنضيف ..اضافة للحكومة المحلية ... خلينا نشد ليك ليهم سلك يقوموا باللازم ...
Post: #9260
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2011, 07:26 AM
Parent: #9256

صباح الخير ،،، يا وجوه الخير

مفاجأة الإنفصال قبل الإستفتاء ،،، البوست شرد

Quote:
أها و بعدين!!!!!
إحتفالكم طرشق ؟؟؟؟؟


بطل حسد !!!!!!

سوف تكون الإحتفالية قائمة ولكن بمفهوم مختلف

بس نتشاور مع أهل العروس ونديكم الرأي .....

يا عمر نملة ياحبيب الكل ، يبدو إنك راجل مرهف الحس

يا حبيبي أنحنا محتاجين لكل زقازيقي أن يكون بيننا وما تجمعنا

هذا إلا ليديم المحبة ويعضد الأخاء ،،،

لا نقبل الإنسحاب أو الإنفصال ،،،،

عود وتعال أنحنا في إنتظارك،،،
Post: #9261
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2011, 07:53 AM
Parent: #9260

أها يا الحبان - على طريقة طارق جبرين -

إتشاورت مع أهل العروس ،،، أعمامها كلهم

إتلموا وقالوا بتنا دي ما بترقص نهاياً ،،،

ولكن ممكن أن تكون الإحتفالية يوم الخميس 13يناير

الموافق 9صفر نفتتح فيه البوست الجديد الساعة 10صباحاً

ونغني ونرقص ونفرح بس كيتاً في محمد جلا
Post: #9263
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2011, 08:08 AM
Parent: #9261

صبحكم الله بالخير

يا جماعة غايتو عدم المعرفة الالكترونية دي مشكلة...
محتارين في زيادة عدد الصفحات...
القصة كلها من الباندويدث...
بكري جرب تقليل عدد الصفحات في البوست الواحد...
نجح في تسريع التصفح و لكن ليس بالمستوى المطلوب...
قام جرب تقليل عدد المداخلات في الصفحة الواحدة....
فنجحت التجربة و زادت سرعة التصفح...
و أنا من هذا المقام أشكر الباندويدث شكرا جزيلا...
و أشكره أيضا نيابة عن الكوتش...
لمساهمته في زيادة عدد صفحات مربع كاي بعشرة كاملات...
و لمن فاتهم الاستماع بأربعة صفحات كاملات...

ان شاء الله بس بكري ما يجي يفضحني و يقول القصة لا باندويدث و لا حاجه..


يا ريس أنا يوم 13 ده ما بينفع معاي (غالاط و عاكاس السلع)...
Post: #9262
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2011, 07:57 AM
Parent: #9260

يا ابو الزوز الصفحة زمان كان فيها ميه مداخلة
الان بقت حوالى 66 مداخلة وتتقلب الصفحة
عشان كده عدد الصفحات زاد ووصل 133 صفحة


اهل العروس ديل من وين يا ريس

نحن اهم حاجة عندنا يجيبو فطور العريس
Post: #9264
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2011, 08:12 AM
Parent: #9260

أها يا الحبان - على طريقة طارق جبرين -

إتشاورت مع أهل العروس ،،، أعمامها كلهم

إتلموا وقالوا بتنا دي ما بترقص نهاياً ،،،

ولكن ممكن أن تكون الإحتفالية يوم الخميس 13يناير

الموافق 9صفر نفتتح فيه البوست الجديد الساعة 10صباحاً

ونغني ونرقص ونفرح بس كيتاً في محمد جلا
Post: #9265
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2011, 08:28 AM
Parent: #9264

Quote: الا الرشيد لو جا ما يعرف البوست بتاعه ... كان 24 صفحة بقي 34 صفحة .... اها الناس ديل كتبوا متين العشرة صفحات دي ... وهل الرشيد يقدر يرد عليهم ولا دي صفحاته القديمة عملوا ليها اعادة انتشار ...


أبو الزوز يا صديق...

ال24 صفحة بتاعت كاي ديل أنا كاتب فيهم 24 و نص (نظام مطاعنه و كده)...
يعني لو بقوا 34 حأحتار في نفسي كتبتهم بتين العشرة ديل...
لكن طالما النجار موجود فلا مشكلة في النجر...
دي ماله بقت زي قصيدة حميد...
كما انه العكار من طين...كمان من طين بجي الرواق...
Post: #9266
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2011, 08:34 AM
Parent: #9265

Quote: ونغني ونرقص ونفرح بس كيتاً في محمد جلا


يا ريس حفلة مافيها جلا ما بتخارج معانا...

أوع تسمع كلام موسى عيسى ده...

هو حسة موسى ده ليهو يومين ما بين في زول عارفو مشى وين...

موسى عندك لحدي الساعة واحدة بس تجي تعمل تمام هنا...

و الا....
Post: #9267
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-09-2011, 08:44 AM
Parent: #9266

كدي اول حاجة شوفوا لينا ولدنا عمر ده مزعلنوا مالكم يا ناس زراعة بعداك نتفاهم .....

التوقيع

موسي عيسي
جلا
ميسرة
ياسر نجيلة
زهير الزناتي
بسكو
وآخرون ....

يعني حا نعمل اضراب ... لغاية ما تعود المياه لمجاريها بين زراعة وتجارة ...

واكيد ناس تربية وآداب مضامنين معانا
Post: #9268
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-09-2011, 08:47 AM
Parent: #9264

Quote: يا ريس أنا يوم 13 ده ما بينفع معاي (غالاط و عاكاس السلع)...


والله يا رشيد القوم كلامك صاح بس جهز لينا مداخلة من بدري

وترميها قبل رحلة العودة للأولاد ،،، وبعدين ممكن تتفرح على

إحتفالات ود عيد وكورالات عبدالدائم وشماتت جلا فينا ،،،

إنتو بكري ده برنامجه الجديد بدبل المداخلات ،،،

المداخلة الأخيرة دي نزلت مرتين كيف؟؟؟؟
Post: #9269
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-09-2011, 09:01 AM
Parent: #9268

Quote: كدي اول حاجة شوفوا لينا ولدنا عمر ده مزعلنوا مالكم يا ناس زراعة بعداك نتفاهم .....


أبو الزوز جنيت و لا شنو...
انت ناسي انو الحتة البتصيد فيها دي مياه اقليمية لمحمد عيد...
و انو الزول ده موساد قديم...
حسي يقوم يطلع ليك وثائق لمن تحتار...
ويكليكس شنو و كلام فاضي شنو...


يا ريس دبل شنو...
انت عايز تجيب الهواء لي روحك مالك...
قول بسم الله ساكت و انت بتضيف الرد...
Post: #9270
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2011, 11:07 AM
Parent: #9269

والله موقف الباصات الجديد ده بعيد خلاس

زى الواحد لما يمشى رمسيس يلقى القطر فاتو

يضطر يمشى برجليهو احمد حلمى يحصل البيجو ولا الاتوبيس


يا ميسرة مشكلة يوم الخميس صابح على الجمعة والسبت والاحد

وفى التلاتة ايام دى المداخلات بتقل لناس الخليج والسوادن

وبلاد بــــــــره
Post: #9271
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-09-2011, 11:37 AM
Parent: #9270

رجعت صفحة 93 وبرضو ما فهمت أي حاجة!!!
هو الجاري منو البوست ولا انتو ولا نملة الزعلان داك؟

نملوز ... ياولدنا
ليس في الامر زعل ... انما نهرب الى هنا (البوست)
من أجل الترويح عن كثير من المعاناة التى تصلينا
ويقيني ان "الرواح" الذي نجده في هذه الارض الطيبة
لا نجده في كثير غيرها
وبالطبع لم يقصد عيد التجاهل او غيره
ولكن هي الذاكرة وربما الكثير غيرها
لك العتبى حتى ترضى
وتعال صاد قول أي حاجة
والا اعتبرت ذلك تجاهلا منك
وسوف ادخل الغابة بدوري حينها

سلام جاكم كلكم ...
Post: #9272
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2011, 11:55 AM
Parent: #9271


اولــى مؤشرات نتيجة الاستفتاء الوخيم الذى بدأ اليوم ..

بانت تباشيره ... بهذا الانفصال ..

انفصال الجزء عن الكل ... البوست عن المنبر العام ...

ليه دايما الانقلابات بتتم بالليل ؟؟ ...

????

العزيز عمر نملة ..
لأول مرة .. أقــر وأعتـــرف .. وعلى طريقة مساديرك الطاعمة

يا نملـــوز ...
أخــوك عجـــوز ..
وضارب فيــوز ..
ومعشعشة فى راسو شواكيش لكــوز ..
والكلام بينى وبينك ...
ما لازم يوصل ناس جلا وابو الزوز ...!!


عزيزى عمـــر ..
ما اجملك وانت فى غضبتك الجميلة ..
بدلا من استخدام الايدى والأرجل .. تفوح ايضا بعتاب مضمخ بالعشم والود ..
الحــق معك .. والعشــم فى مكانه ...
لأننا - قبيلة الجمال من الزقازيقاب - أدعى بأن نكون بالفعل أزهارا عديده
عجينتها هذا العطر الشذى ..
وبالتالى لا بد من نكون أقرب واكثر التصاقا ..
وما بــدر منى لهو أدعى بالفعل لأن يستثير فيك هذا الألم الجميل ..
فلك العتبى حتى ترضى ...
وأصدقك القول بأنه لا يمكن ان أكون قاصدا او مفتعلا ما حدث من تقصير
فمثلك لا يمكن ان ترد تحياته بهكذا شكل ...
وأنوه هنا الى ان عمر نملوز ومكى حمزة هما أكثر الناس طرقا لموقعى
بالفيس بوك والذى لا أزوره الا مرارا .. ..
صدقنى يا عمر وكما قال لك الرشيد .. ان سرعة ايقاع البوست فى الفترة الاخيره
اضافة الى كم من الهموم والمشاغل .. دفعت بى فى كثير من الأحيان
الى القفز – دونما قصد – فوق كثير من المداخلات ..
حيث كانت قوة الدفع من الحبيب زهير بضرورة دفع الصفحات وصولا الى المائة
قبل الموعد المحدد سابقا .. كانت تفرض علينا احيانا التداخل من آخر مداخلة من أجل زيادة العدد
وفتح موضوعات أخرى تجتذب عددا آخر يسهم فى السرعة المطلوبة ..
وقد كان ذلك خطأ منى ..
طبعا اخوك كيشــة شوية فى الكورة ...
يعنى زى البيقولوا ليك .. الفكرة صاح لكن التنفيذ غلط ..!ّ! كوارشى .. تقول شنو ؟؟
أضف الى ذلك توجيهات الريس الصارمة بتجهيز احتفال المئوية ...
ومحل ما يشوفنى حايم لى فى حفلة ولا ساكى كورة فى الليق ولا ميدان عقرب
يقطب حاجبيه ويصيح ... يا ولد انت مش عندك شغل .. الحوامة شنو ؟؟
.. عموما لايرضينى ابدا ان اكون سببا فى جرح روحك الجميلة ..
وأرجو ان تمســحها فى وشــى وكمان وش جلا ..!!!
وأشكر لك - متأخرا - مشاعرك الجميلة وتأكد ان مكانك بيننا لا يحق لك ان تخليه ابدا
ولك حبى ولاسرتك الجميلة ..

وشكرا لخط الدفاع الأمامى رشيد وميسرة وزهير وجلال وديدو وموسى , ... و .... الباقين كوووولهم عشان ما انسى زول

12945973176177447.jpg Hosting at Sudaneseonline.com
Post: #9273
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2011, 12:27 PM
Parent: #9272

بعد الكلام ده يا نملة الا تزيد السرعة


عامل شعيراتك التلاتة ديل ....
Post: #9274
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2011, 12:35 PM
Parent: #9273

عدد المداخلات لكل البوست 9269
مقسوم على عدد الصفحات 133
يساوى 69.69 مداخلة

يعنى المداخلة رقم 70 تقلب الصفحة


تفتيحـــــــــــــة
Post: #9275
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-09-2011, 12:39 PM
Parent: #9274

طيب نطلع بالواحد

= 71


حريف و البلد ضيقة بس
Post: #9277
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2011, 01:11 PM
Parent: #9275

Quote: تفتيحـــــــــــــة


كشفتها للبرالمة يا فالح ؟؟!!
Post: #9276
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-09-2011, 01:06 PM
Parent: #9272

بالنسبة للجو و الرطوبة ما بطااال
أما بالنسبة للبوست
يا دوووب لميت فوقو لكن بعد تعب
Post: #9278
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-09-2011, 01:15 PM
Parent: #9276

بالنسبة لي سامحني غلطان بعتذر
قدر ما قلت أجري زي جريك داك
و ألحق أرشو قبل ما يجي و يعتذر
إلا أن اللياقة الأسفيرية خانتني
و لم أجد خط النهاية إلا بعد ما الزول دا جا و إعتذر
المهم المسألة فيها ترصد من ناس كدا
هس ما قادر أرشو و لا أخليهو
برغم أن الصورة فيها وجاهة
طبعاً صحبي لسع ما بكون عرف الدرب بي وين
النسألكم دحين منصور في زول كلمو
قال ليهو نحن رحلنا بيتنا المسلح دا؟؟؟
Post: #9279
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2011, 03:08 PM
Parent: #9278

نيــاحة وكآآآآآبة ...

1)
سكت القلب.
أحياءٌ كالموتى في جنازة الوطن !
(2)
كيف لك أن تتصوّر أن تكون بين مشيعي الوطن إلى مثواه الأخير؟ وأين ستواري جثته، تحت نخلة أم تحت شجيرة (باباي)؟
(3)
إنه التاسع من يناير: يومُ الحزن الأكبر والفجيعة الكبرى. إنه يومُ هزيمة (الإنسان) في أعماقنا، ونهوض (اللا إنسان). إنه تاريخٌ يدمغنا بالهزيمة التّامة في حقل الاعتراف بـ(الإنسان) في ذواتنا.
(4)
دعني أسمّيه (منقو) ! هل تذكرونه؟ الطفل السوداني الذي كان يزحف - واهناً - باتجاه معسكرٍ للإغاثة يتعقبه نسرٌ كاسر ليلتهم ما تبقى من لحمه حال موته. (منقو) لم يكن هناك، (الوطن) كان ه
ناك يزحف على ركبتيه، لكننا لم ننتبه !
(5)
فلنبكِ وطناً لم نُحسن تقديسه، ولم نُحسن محبته، ولم نُحسن عشقه، ولن نُحسن (دفنه) !
(6)
فلنغدق على أجسادنا مزيداً من كريمات تفتيح البشرة كي نبعد أكثر عن الجنوب.
(7)
ولنتحدث - جهرةً - الآن عن الذي كنا نتفوه به سراً !
(8)
كم مات في حروبـ(نا) ؟ أكثر من مليونين؟ إنهم الثمن الذي كان ليكون لازماً لصحوة ضمير(نا)، لكنهم كانوا الثمن الذي عمّق غيبوبتـ(نا) !
(9)
للكاتبة (السودانية)، ستيلا قايتانو: لن تكوني وحدك الأجنبية في ما تبقى من الوطن. الوطن ذاته أجنبيٌ في وطنه !
(10)
أين سيكون الحد الفاصل بين الشمال والجنوب؟ عند القلب النازف أم الكبد المقروحة؟
(11)
ابنتي ستسأل: ما هي مساحة وطني؟ وستغرورق عيناي بالدموع. ربما سأجيب: إنه بحجم خيباتنا وعارنا ولا إنسانيتنا !
(12)
كم برميل نفط سيُنتج الجنوب؟ بقدر براميل الدماء التي نزفت هناك.
(13)
هل بمقدوري أن أنظر في عيني جنوبي لأسأل: هل في إمكاني أن أعتذر عن كل ما سببناه لكم من آلام لا يتصورها عقل؟
(14)
لن يكون بوسعي أن أتوجه لكلية الطب، جامعة الخرطوم لأستمتع بقهوة (ميري). ولن أنتظر عودة (مايكل) من سفره الطويل؟ أين أنت يا مايكل؟
عُد إلى (واو) الجميلة لنلتقي هناك، هذا بعد أن استخرج تأشيرة دخول إلى مدينتي (واو). هذا ليس عدلاً يا (مايكل)، فأنت لم تفعل ذلك حين ذهبت مع والدك، إبراهيم عويس، في 1976 إلى (القولد) !
(15)
تُرى هل سيتجرأ (النور الجيلاني) على ترديد أغنيته (جوبا)، أم سيدفن أوجاعه في الدموع؟
(16)
(شول)، صديقي في جامعة الخرطوم، هل تسمح بعناقٍ أخير؟
(17)
(فيفيان) ستحزم حقائبها وتغفل عائدة إلى موطنها. إنهم مشغولون عن هذا بمغازلة وزيرة الخارجية الموريتانية !
(18)
كيف سنقضي بقية العمر بعيداً عن (عربي جوبا)؟
(19)
هل سيأخذ الحزب الشيوعي (الجنوبي) رفاة (جوزيف قرنق)؟
(20)
ومن سيُطالب بالحق في رفاة (علي عبداللطيف)؟
(21)
هل ستعيد جوبا رفاة شهداء (فشودة) إلى كيان الأنصار في الخرطوم؟
(22)
(من الأسكلا وحلا) أغنيةٌ ينبغي إعدامها !
(23)
أخذوه إلى (الدروة). صوبوا عليه جيدا. انبثق خيط الدم من بين عينيه. إنه الوطن. كان البعض - في الشمال - يتأهبون لكرنفالات الفرح.
كرنفالات فرحٍ في (مأتم) الوطن.
(24)
(في الفؤاد ترعاه العناية..بين ضلوعي الوطن العزيز)، لم يعد لا في الفؤاد ولا ترعاه العناية. لم يعد بين الضلوع، وإنما بين دفاتر الشيكات !
(25)
نُكس علم الاستقلال - لأول مرة – في بيت الزعيم الأزهري. وسنُنكس قلوبنا في التاسع من يناير !
(26)
دعت الناشطة السودانية، السيدة هادية حسب الله، دعت النساء إلى ارتداء ملابس الحداد حزناً على الوطن. ليس النساء وحدهن - يا هادية -،
الرجال أيضا، الأطفال، الشيوخ. علينا أن نُبدي - ولو لمرةٍ واحدةٍ في حياتنا - احساساً عميقاً بأوجاع هذا الوطن. لا تدعوا الوطن يحزن لوحده. أ
وقدوا الشموع - ليلا - في كل مكان، والبسوا الحداد. إن لم نحزن على الوطن، فعلى أي شيء تجري دموعنا؟
(27)
بالله عليك يا نانسي عجاج، لا تغني ثانيةً (بلداً هيلي أنا..دموعو دموعي أنا). هذه كفيلة بدفننا أحياء !
(28)
لكم جنوبكم ولي جنوبي. جنوب طفولتي، وطفولة جنوبي. هكذا أراه، طفلاً جميلاً وحزيناً. إنه توأم روحي وفيه أودعت شقاوة طفولتي كلها. إ
نني أهوى رائحة الجنوب، رائحة العشب المغسول بالمطر، أعشق أجراس الكنائس وقطعان الأبقار. أحب الطقوس والأغنيات والسماء هناك
والجسور القديمة والأبنية. أهوى أنهاره و(عربي جوبا) !
(29)
أصدقائي في القيادة: باقان أموم وادوارد لينو وأتيم قرنق، سنفتقدكم كثيراً أنتم ورفاقكم. ستفتقدكم أمسيّات الخرطوم السياسية اللاهبة. سأفتقدك - صديقي أتيم قرنق -
في حفل توقيع كتابي المقبل. سأفتقدك حماسك - صديقي باقان - لمساعدتنا في توثيق الحياة في جنوب السودان. سأفتقد صراحتك - صديقي ادوارد - في تشريح الوضع في بلاد(نا) !
(30)
صديقي ميوم ألير: سأبارك لك دولتكم الجديدة وأنا أغالب دموعي. لا تنسى يا ميوم، ليس كل الشماليين سواء. بعضهم يقطر حقداً عليكم وبعضنا يقطر محبةً لكم. الحقُّ يا ميوم إنني
لا أعرف على وجه اليقين هل أنا شمالي أم جنوبي أم (شموبي). قلبي يتقطع، لكني سأسعد لفرحكم.
(31)
صديقي أتيم قرنق: لا زلتُ عند وعدي بشأن الكتب، لكن سأهديك إياها في (جوبا).
(32)
والدي الحبيب، إبراهيم عويس: إنهم - الآن - يفصلون (واو). هل سيبعثون لنا - عبر البريد - ذكرياتنا هناك؟ بعضٌ من روحك تحوّم هناك، فكيف ستلتقي روحانا؟
(33)
يا وطني: هدّنا الوجع، فدعنا - لبرهة - نبكي على كتفك !
(34)
(وطنا البي اسمك كتبنا ورطنا)، لن نرطن بعد الآن يا وردي، فهُويتنا أُعتسفت - بقرارٍ سيادي - في لون واحد وطعم واحد ورائحة واحدة. شيء لا طعم له ولا رائحة
ولا لون. وسيتوجب علينا أن ندفن (بيعانخي) و(تهارقا) في (جوبا) لأن (الخرطوم) لا تعترف بوجودهما !
(35)
فلتستريحوا الآن - قليلا - من حروبكم ومعارككم ال########ة ريثما يتم تهييجكم مرةً أخرى على (دارفور) !
(36)
الوطن: شيخٌ مسن شوى الجلادون ظهره بالسياط في ما (الناس) يضحكون. أليس (الناس) طائفة من المؤمنين؟
(37)
قالوا له: إنهم كمن استغل فرصةً وامتطى ظهر نمرٍ هائج، إن نزل عنه، أكله النمر.
قال: النمر بعد حين يضحي كالقط الأليف !
(38)
قال ثالثٌ: حتى القط الأليف قد يستحيل مفترساً إذا ما تمت محاصرته !
الحكيمُ همهم: من يُقنع النمر بأنه نمر وليس (قطاً) أليفا؟
(39)
قصفتنا (إسرائيل) في عُقر دارنا، وكذا فعلت (واشنطن)، وعشرات الألوف من الجنود (الأجانب) يجوبون سهول دارفور وتلالها، و(حلايب) محتّلة،
وسعر الدولار الأميركي فاق حدّ العشرين جنيهاً الذي تحدثوا عنه باديء الأمر وبلغ نحو ثلاثة آلاف وثلاثمئة جنيه، ووصلت قوات (خليل إبراهيم) الخرطوم،
وتدخلت أيّ دولة حتى النطيحة وما أكل السبع في شؤوننا، ويعيش 90% منّا تحت خطر الفقر، ونسينا شيئاً اسمه (مجانية) التعليم والعلاج، والآلاف منّا
حتى من حملة الشهادات الجامعية يعملون كـ(رعاة) في دول الخليج النفطية في ظل شروط تقشعر لها الأبدان، وبلغ سعر جالون البنزين ثمانية آلاف وخمسمئة جنيها،
وأضحت أربعة أرغفة ضئيلة بألف جنيه، وهاهو (الجنوب) ينفصل. من منكم يذكر (البيان الأول)؟
(40)
(البيانُ الأول) كان يحكي عن أمورٍ هي بمقاييس اليوم كغول والعنقاء و(سيادة السودان) و(محاربة الفساد) و(صون وحدة التراب) و(مكافحة الغلاء). إن كانوا كاذبين، فهل نحن مغفلون؟
(41)
ربما يكون أمامنا خياران: الموت جوعاً أو الموت في ثورة الجياع !
(42)
الخوفُ وحده هو ما يدفع بعضنا هذه الأيام للتهديد باستعمال القوة بشكلٍ مفرط. القوة المفرطة ضد من؟ من هذا الذي سيصوّب بندقيته نحو أبيه أو أخته؟ (لو كان الفقرُ رجلاً لقتلته)،
تُرى هل سمع (محمد عطا) هذا؟
(43)
عجبتُ - يا محمد عطا - لمن لا يجد قوت يومه، ولا يسعه أن يطعم عياله ولا يعلّمهم ولا يداويهم، ثم لا يخرج شاهراً سيفه عليكم ! تُرى هل هذه المقولة - برأي محمد عطا -
مقولة علمانية دسّها فولتير أو جان جاك روسو في تراثنا؟
(44)
تذكروا جيداً كيف كانت تتصرف حكومات بينوشيه في تشيلي، ومنقستو هايلي مريام في إثيوبيا، وهتلر في ألمانيا، وتشاوشيسكو في رومانيا، وعيدي أمين في أوغندا،
ونظام الفصل العنصري في جنوب إفريقيا، بل ونميري في السودان، في أُخريات أيامهم، وراقبوا عن كثب تصرفاتـ(هم) وتصريحاتـ(هم) هذه الأيام !
(45)
الجزائر وتونس اشتعلتا بسبب غلاء الأسعار على الرغم من أن سياسات النظامين الجزائري والتونسي لم تؤدّ إلى فصل جنوب أو شمال !
(46)
هل ستمطر في الخرطوم بعد انفصال الجنوب؟ أعتقد - بشكلٍ طفولي - أن المطر كائنٌ جنوبي.
(47)
النيلُ سيكون مالحاً بعد التاسع من يناير. هذا النهر القديم لن يُداوي حزنه أيّ فرح !
(49)
لا أعرف لماذا أظن أن مصطفى سيدأحمد غادر باكراً هرباً من هذا اليوم !
(50)
لا تُداروا دموعكم، فالحزن - هذه المرة - أكبر من قدراتنا. احزنوا ما شاء لكم أن تحزنوا، لا تُخفوا جزعكم. فها هي (جنازة) الوطن تمر من أمامكم !
ابكِ يا وطني الحبيب، فنحن اليوم لا (أبناؤك في الفرحِ الجميل) ولا (أبناؤك في الحزن النبيل). نحن أبناؤك العاقون الذين بصقوا على ترابك النبيل وعلى عظام الأجداد تحت ترابك !
(51)
وأَنا الغريب بكُلِّ ما أُوتيتُ من
لُغَتي . ولو أخضعتُ عاطفتي بحرف
الضاد ، تخضعني بحرف الياء عاطفتي ،
وللكلمات وَهيَ بعيدةٌ أَرضٌ تُجاوِرُ
كوكباً أَعلى . وللكلمات وَهيَ قريبةٌ
منفى . ولا يكفي الكتابُ لكي أَقول :
وجدتُ نفسي حاضراً مِلْءَ الغياب .
وكُلَّما فَتَّشْتُ عن نفسي وجدتُ
الآخرين . وكُلَّما فتَّشْتُ عَنْهُمْ لم
أَجد فيهم سوى نَفسي الغريبةِ ،
هل أَنا الفَرْدُ الحُشُودُ ؟
(محمود درويش)


خالد عويس
روائي وصحافي سوداني
Post: #9280
Title: Re: ناس الزقازيق ... أجدع ناس ( 3 ) ..
Author: طارق جبريل
Date: 01-09-2011, 03:12 PM
Parent: #9279

يا ناس كيفنكم
اها يلا افتحوا لينا بيت جديد
صراحة انا بيت الملك دة ما واقع لي
Post: #9281
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-09-2011, 03:44 PM
Parent: #9280

جبريلا ...

ابونا ميسره قال سيد البيت ما رضى يديهو المفتاح الا يوم الخميس

عندهم باقى سيراميك بيركبوهو ( اوعى يكون السيراميك الزلق قريبتك ديك ؟؟)

وبعدين قالوا تعليم العروس ما خلص لليلى ..

وبعدين الليله الناس دى مكربنة ... خلينا نكمل قصتك اللات البواسير ديك ...

من قبيل باقرا فيها لامن لاوزت ... وحلفت ابطل الشطة ...

زمان فى الزقازيق كان فى دكتور نسيت اسمو .. عيادته فى ميدان المنتزه ..

غايتو نص ناس الزقازيق ديل عالجهم ..!!

فى داعى نقول اسامى يا ناس الموساد ؟؟

Post: #9282
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-09-2011, 06:05 PM
Parent: #9281

سلام كثير للمتلألئين

قال الحكيم ذقت الطيبات كلها فلم أجد أطيب من العافية
وذقت المرارات كلها فلم أجد أمر من الحاجة إلى الناس

أفتكر نحن بعد هذا الغطاء والظل الوارف من الزقازيقاب إن شاء الله
لانتذوق إلا الطيب وأبدا مانتذوق المر.

Post: #9283
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-10-2011, 07:24 AM
Parent: #9282

ســـــــــارة ....


Scan0020.jpg Hosting at Sudaneseonline.com
Post: #9284
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-10-2011, 07:38 AM
Parent: #9282

صباح الخير ،،، يا وجوه الخير

أصبحنا وأصبح الملك لله وحده،،،

لا شريك له ، له الملك وله الحمد

وهو على كل شئ قدير ،،،،،

أعوذ بالله العليم من الشيطان الرجيم

من همزه ونفخه ونفثه،،،،،،،،،،،
Post: #9285
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-10-2011, 07:44 AM
Parent: #9284

Quote:
يعنى المداخلة رقم 70 تقلب الصفحة


تفتيحـــــــــــــة


يا عبدالدائم المداخلة رقم 80 كانت بتاعتي

وحتى الآن لم تنقلب الصفحة ،،، الظاهر القصة ما قصة

رياضيات وقسمة وضرب القصة مزاج بكري ،،،،،

يا جماعة الما زارنا في بيتنا ده لا بينا ولا بينه

صحوا لينا معاكم كمال الشادي ومنصور عبدالرازق ...........
Post: #9286
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-10-2011, 08:26 AM
Parent: #9285

اب فرار حايم ولا شنو ؟؟

الناس دى مالها لابده من الشمس ..؟؟

الغواصات مشــت صوتت ؟؟

غطينى وصــوّتى ...!
Post: #9287
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-10-2011, 08:41 AM
Parent: #9286

اها يا ناس الزول العايز يقلب الصفحة الا يجيب معاهو آله حاسبة .... طيب 133 مضروب في 70 تساوي 9310 يعني فاضل حوالي 28 مداخلة ... وتقلب الصفحة .... اها بعد ده زول قادي رياضيات ما يجي بي جاي .... وين جلا والبادي قلنا ما نعلق ليهو علي النيولك بعد الاغتراب ... لكن للاسف حتي المداخلة الصباحية بتاعت الصباح بقت مافي ... يتخيل لي الزول ده لسه ما عرف الدرب ...
Post: #9288
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-10-2011, 08:54 AM
Parent: #9286

في الزقازيق كان لدي عدد كبير من الصداقات مع ابناء الجنوب ... خاصة مع اولاد تجارة ... ربطتنا بهم في الجبهة الديمقراطية الكثير من العلاقات الجميلة مع عدد كبير من شباب سوسا .... وعلي راسهم العزيز الراحل ملاي الور شقيق الوزير دينق الور ... وهم ابناء عم فرانسيس دينق ... لذا من خلاله تعرفت علي عدد كبير من ابناء ابيي ... مثل شقيق فرانسيس دينق الاصغر مجاك وهو الآن مدير المواصفات والمقاييس في جوبا بعد ان كان موظفاً بها في الشمال لفترة طويلة ... وكذلك دليهم شقيق آخر في كلية البيطرة وهو مدينق ... ولكنه لم يسكن معهم وانما كان في لكوظ مع ناس بيطرة ... كنت دائم التواجد معهم في الشقة بحكم مسئولتي عن ارشيف الجبهة الديمقراطية الذي كانت شقتهم محطة تامينه ... وملاي صديق حميم لامين محمد الحسن بحكم السن ... رحمه الله كان رجلاً ساخراً ونكتة ... التقيته كثيراً في الخرطوم ... في احدي المرات وجدت معه بعض الاشخاص ... وبعد التحية عرفهم باني زميل دراسة ... داعبته يا ملاي ما توهم الناس ديل انا دفعتك ... فضحك كثيراً ... بعد فترة من ذلك حمل لنا الناعي خبر وفاته ... ابناء سوسا في الزقازيق كثر ... وكذلك بناتها ... امثال سارة التي تظهر في اعلي الصورة .... وام جمعة ودافدقا واليك الجميلة بت بيطرة ... وغيرهن كثيرات من كن في بيت الطالبات ... وكذلك علي مستوي الجمهورية كانت لنا علاقات ممتدة مع رفاق الجبهة الديمقراطية من ابناء سوسا ... امثال الصديق الجميل اوكي اجيبا اوكي ود المنصورة ... ولوممبا في اسكندرية وغيرهم اصبح هؤلاء فجاة من الاجانب ومن دول الجوار ... تحية لكل اصدقائي من جنوب الوطن ...ولا املك الا وان اهنئهم علي ميلاد وطنهم الجديد القديم الذي بذلوا من اجله الغالي والنفيس ... فليس هنالك ما هو اغلي من الدم ... والتضحيات الجسام ... اتمني لهم التوفيق .. ولا ننسي ان نبعث التحيات للاصدقاء ابناء ملكال الفتية دينق قوج عضو البورد ... وكذلك الصديقة عوضية جبريل بت تربية وزوجها خريج طب الزقازيق ... بيتر ادوك عميد كلية الطب جامعة بحر الغزال ... وقبل كل هؤلاء جيمس واني ايقا ابن تجارة ورئيس المجلس التشريعي لحكومة الجنوب ... ونائب رئيس الحركة الشعبية ... ويا ناس الزقازيق لو الظروف ودتكم جوبا نوموا قفا فخريجي المدينة يمسكون بمفاصل الخدمة المدنية هناك ...
Post: #9289
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 01-10-2011, 12:13 PM
Parent: #9288

ملاحظة
بما أن حركة البوست أصبحت شبه واقفة
و الناس مجرجرة كرعينا من الفتر
و في ناس تفتش ما بتلقى البوست
وناس ما واقع ليهم بي جاي
أقترح
أن تتم الأرشفة الآن و نبدأ سي جديد
فهل تكرم الأخ دهب بقص الشريط
دمتم في وحدة و حب
Post: #9290
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-10-2011, 12:59 PM
Parent: #9289

سلامات يا ناس

السلام عليكم ورحمة الله وبركاته
Post: #9291
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-10-2011, 01:09 PM
Parent: #9289

الاهداء الى اخى وصديقى العزيز د/ عمر عبدالله حيث يزورنا هذه الايام قادما" من كندا

كم كنا انا وعمر نحب الاستماع الى زيدان وبالذات تلك الاغنية واغنية داوى نارى


بعد ما اشبع معاهو ونسة بجدع ليكم التلفون












sudansudansudansudansudansudan17.jpg Hosting at Sudaneseonline.com






sudansudansudansudansudansudansudansudansudan16.jpg Hosting at Sudaneseonline.com
Post: #9292
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-10-2011, 03:37 PM
Parent: #9291

النضيف ...... اغنية زيدان دي محتاجة شرح ... حسب علمي زيدان كان طالب في وادي سيدنا في منتصف الخمسينات ...واذا قلنا عمره اقل حاجة 15 سنة .... وقطع الشك الفيديو ده في منتصف السبعينات عشان التلوين ... طيب زيدان في الصورة دي عمره كم ... حاجة تحير ... طيب انا مالي شاغل نفسي بالموضوع ده ... بس الاغنية شديدة .. وزيدان راجل غناي ...


_____________
يا جماعة الزول لو نام يوم واحد العصرية يجي يلقي التلفونات المهمة كلها فاتته ....
Post: #9293
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-10-2011, 03:46 PM
Parent: #9292

هســه كدى انت شوف لينا شنو حكاية الصحفة الصاجور دى ..

مالها ما دايره تقلب ...

نجيب عساكرنا ولا شنو ؟؟

* عدلناها لى صفحة .. ما تكون قريتها صفقة ؟
Post: #9294
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-10-2011, 04:01 PM
Parent: #9293

سلامات يا ناس

Quote: * عدلناها لى صفحة .. ما تكون قريتها صفقة ؟


يا حبيب ...إزيّك

عقلك الباطن بيقول إنك داير تعقد صفقة مع زهير....أَوْعَكْ

وعقلك فى راسك تعرف خلاصك.
Post: #9295
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-10-2011, 05:12 PM
Parent: #9294

النضيف.. الغنيه حلوه..
لكن الصوت ما ماشي مع الصوره..
عشان كدا ما إستمتعنا..
عموما بوس لينا د. عمر امن يصلكم..

عمر نمله.. أنا زااتي طارق جبريل قاعد يفتح لي..
إلا يجي يعتذر..



يا لسواد أيامنا هذه..
Post: #9296
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 06:46 AM
Parent: #9295

يا جماعة صراحة والله بوستيكم ده كاتم لينا نفسنا في الحتة دي ... باعتبارنا من روادها .... عشان كده بالله شوفوا ليكم صرفه فيهو ... وين الريس ميسرة وناس جدة اها احتفالكم جاهز ولا لسه ....
Post: #9297
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-11-2011, 06:46 AM
Parent: #9295

صباح الخير ،،، يا وجوه الخير

أصبحنا وأصبح الملك لله وحده ،،،

اللهم يا الله ,,,,

أرزقنا الجنة ،،،،

وحسن الخاتمة،،،،

وأعذنا من النار والعذاب،،،

آمين ،،،،
Post: #9298
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-11-2011, 07:17 AM
Parent: #9297

جلا وأبو الزوز أصبروا شوية

أسمعوا كلام سلفا كير الموضوع عايز صبر

في آخر مرور لنا بمراكز الإقتراع فإن الريس عصام دهب

والفنان محمد عيد ، والمايسترو النضيف في أتم الجاهزية

حتى البنت محسنة كل يوم بتعمل ليها ساعة قبل النوم بمساعدتنا

لأنجاز أول عمل لها فإنتظرونا يوم الخميس بعد الساعة العاشرة

صباحاً بتوقيت مكة المكرمة آمل أن تكون الصورة واضحة وما مدغمسة
Post: #9299
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-11-2011, 07:47 AM
Parent: #9297

من حكمة الحكيم كانت العصمة للرجل
يروى عن أحد الإخوة حصل بينه وبين زوجته خلاف ومشاجرة ، وهذا الشيء ليس بغريب
ولكن هذه المرة طلبت الزوجة الطلاق من زوجها، الذي أغضبه ذلك، فأخرج ورقة من
جيبه وكتب عليها "نعم أنا فلان الفلاني أقرر بكامل قواي العقلية انني متمسك بزوجتي
تمام التمسك ولا أرضى بغيرها زوجة" ووضع الورقة في ظرف وسلمه الزوجة وخرج غاضبا
كل هذا والزوجة لا تعلم ما بداخل الورقة وعندها حارت الزوجة أين تذهب؟ وكيف تم الطلاق؟
وما تقول ؟ كل هذه الأسئلة جعلتها في دوامة وحيرة.
فجأة دخل الزوج البيت وإتجه مباشرة إلى غرفته دون أن ينطق بكلمة واحدة. ذهبت الزوجة
إلى غرفته وطرقت الباب فرد عليها الزوج بصوت مرتفع: ماذا تريدين؟ قالت بصوت منخفض ومنكسر
أرجو أفتح الباب أريد التحدث إليك
وبعد تردد فتح الزوج الباب وإذا بالزوجة تسأله أن يستفتي الشيخ في الأمر وأنها نادمة أشد
الندم لعل الذي صار غلطة وأنها لاتقصد ما حدث فرد الزوج: هل أنت نادمةومتأسفة على ما حدث؟
ردت الزوجة نعم والله إني ماقصدت ماقلت ونادمة أشد الندم على ما حدث
عندها قال الزوج : أفتحي الورقة وأنظري ما بداخلها
وفتحت الزوجة الورقة ولم تصدق ما رأت ، وغمرتها الفرحة وأخذت تقبل الزوج وهي تقول
والله إن هذا الدين عظيم أن جعل العصمة بيد الرجل، ولو جعلها بيدي لكنت قد طلقتك 20 مرة

عجبتني هذه القصة فأردت أن أنوع بها في البوست
Post: #9300
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 08:14 AM
Parent: #9299

احمد اسماعيل سلامات ...

تعرف فتحت ليك الليلة موضوع شائك جداً ومحفوف بالمحاذير ... حول المراة وقوامة الرجل عليها ... وانها ناقصة عقل ودين ... ومسالة العصمة في يدها وغيرها من الاشياء التي تنال من مكانة المراة في المجتمع ... ودي كلها مفاهيم مغلوطة حتي في راي الدين نفسه ... قول لي كيف ... انا ممكن احيلك لكتابات وآراء زول ما في انسان يقدر يشكك في دينه وهو الصادق المهدي ... بغض النظر عن اتفاقنا او اختلافنا السياسي معه فهو شخص له آراء جيدة في قضية المراة ... حيث يري انها مساوية للرجل في كل شئ ... والاسلام اذا نظرنا له نظرة متعمقة نجده قد انصف المراة كثيراً الا ان بعض الفقهاء ولاسباب مختلفة اخرجوا من النصوص ما يفيد بوضاعة مكانة المراة ... دينياً يمكن للمراة ان تطلب الطلاق وقت ما تشاء ... حتي لو راجلها ده ما عاجبها ساكت ... تمشي للقاضي وتخلعه مع دفعها لكل ما خسره وهي مسالة عادلة في راي ... كما لم يحرم الاسلام ان تكون العصمة في يد المراة ... لاننا نري كثير من النساء العصمة في يدهن ... استحقار المراة لم تكن اسبابه دينية بقدر ما هي اجتماعية ... واحيل كل من لم يقرا كتاب سيكولوجية الانسان المقهور لدكتور مصطفي حجازي وهو عالم نفسي شهير ... لقراءة هذا الكتاب لفهم انفسنا والآخرين وفق الظروف المحيطة بنا ... وسافتح بوست انزل فيه الكتاب وهو غاية في المتعة ومكتوب باسلوب علمي سهل ومشوق ... وبعد ذلك يمكن ان نفتح نقاش في نفس البوست حول النقاط التي يثيرها الكتاب والاسئلة التي تحتاج منا لاجابة ... ولا نامت اعين الجبناء ...
Post: #9301
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-11-2011, 08:22 AM
Parent: #9299

Quote: عقلك الباطن بيقول إنك داير تعقد صفقة مع زهير....أَوْعَكْ

وعقلك فى راسك تعرف خلاصك.


يا حبيبنا .. الشوق اكوام والله ..

ما تخاف على وما توصى حريص .. زولك ده انا خاتيهو تخت المراقبة الدقيقة ومتابعو كويس

ما شايفو بدأ يقشر لينا الايامات دى بى صور برج الفاتح ..

وتحت ..تحت سمعت انو امس بالليل كان فى برج الراشد فى الخبر و ح يصــّبنا بالصور الليلة ...

ومصادر مقربة ذكرت انو بيجهز للذهاب للدوحة لحضور نصف نهائى كاس آسيا - ما مجنون كووره وكده -

ولى هســه خرمة مصاطب زريبة العيش ما مرقا منو ..!!

....


Quote: وفتحت الزوجة الورقة ولم تصدق ما رأت ، وغمرتها الفرحة وأخذت تقبل الزوج وهي تقول
والله إن هذا الدين عظيم أن جعل العصمة بيد الرجل، ولو جعلها بيدي لكنت قد طلقتك 20 مرة


ابو حميد سلامات ..

الله يستر عليك خلاص الليلة فى ناس حيصنفوك مع دعاة الوحدة الجاذبة ..!!
Post: #9302
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-11-2011, 09:19 AM
Parent: #9301

من فؤادي لكل أنثى نصيب ؛؛ فهو عرش عزت عليه النساء
فطيوب الحياة في شـفتيها ؛؛ ما لقلب عن حبها إستغناء
فهي زهرة تنمو وهي مـاء ؛؛ وهي طير يحوم وهي الهواء
وهي إبنة وهي أخت تحنـو ؛؛ وهي أم من نسلها الأنبياء

الأخ زهير أنا ما أختلف معك لكن العصمة للرجل من منطلق الفوارق الخلقية بين الإثنين
من الناحية الجسدية والعاطفية والتحكم والتصرف عند المواقف المختلفة في ظروف إنفعالية
وغيرها كما وضح بالقصة أعلاه.

الأخ العزيز محمد عيد إن شاء الله الوحدة الجاذبة دي تكون في السودان بعد الإستفتاء

اما من ناحية تصنيفي أنا مع الإثنين حسب ماتقتضيه الظروف
Post: #9303
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 10:38 AM
Parent: #9302

يا ابو عمر حتي الفروقات التي تتحدث عنها هي فروق وليدة لظروف معينة ... اي ان الله لم يخلق بها المراة يعني لو بنات الشيوخ ديل لقوا بيئة تربية مساوية للرجل .... حا تتلاشي الفروق والامثلة عديدة ومنتشرة ...
Post: #9304
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 10:45 AM
Parent: #9303

يا جماعة الصفحة ام سبعين دي .... غلبنا نقلبها تلاتة ايام .... وين ناس زراعة .... حدي يصحي البادي ...
Post: #9305
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 11:45 AM
Parent: #9304


كان تكلمونى من زمان ياخ لو ما قادرين عليها
Post: #9306
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 11:47 AM
Parent: #9305

طبعا الصفحة
ومال قايلنها شنو
عالم خيالها واسع
Post: #9307
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 11:51 AM
Parent: #9306

اها ورونا عملتو شنو
فى اى زول مات
فى زول عنده عزاء
تبلدينا عرس ولا لسا ؟؟؟
عم جبارة وصل ولا لسه فى الطريق ؟؟
حفلة زيدان دى متين ؟؟؟
بلاش ولا بى تذاكر
العصمة فى يد منو ...؟؟؟
لو بقت زى البوست ده ,عند بكرى
طيب ما اتجهجهنا
Post: #9308
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 11:54 AM
Parent: #9307

نملوز
معاك اربعة وعشرين ساعة
يا ترد على محمد عيد
يا عدينا ذلك تجاهلا







ودواء البتجاهلنى -عندى منو كتيييير
يجرى على الشاطىء , لمن نفسو ينقطع
Post: #9309
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 12:09 PM
Parent: #9307


مدرار بتى
ذات السنوات الخمس
باين عليها ,متعلمة كلمة اساسا
جديد لنج
اى جملة الأيامات دى منها
فيها كلمة اساسا
وباستخدامات بعضها لافق , وبعضها زى كلام نكتة مرة الجيران القديمة
العاجباها كلمة (فجاة ) وعاوزة تلصقها فى اى حتة
قالت لى جارتها (بينما هى شابة عل الحيطة )
عليك الله يافلانة , ما عندك بصل ابيض الليل سلطة
قومى ادينى منو حبتين غلالالالاد
ومعاهم ليمونة , وشوية شطة خضراء
(وفجاة) كده , قومى ختى لى معاهم , جزرة جزرتين

اها مدرار بتى شابكانا ليك الأيامات دى
اساسا , ما اساسا , لمن حيرتنا زاتو
جاتنا امبارح لابسة ساعة اطفال جديدة فى يدها من المدرسة
يا مدرار جبتى الساعة دى من وين
- هدية
من منو
باسل
باسل منو
باسل المعايا فى الكلاس
والمناسبة شنو
- اساسا مافى اى مناسبة
طيب شلتيها ليه
- اساسا انا قلت ليهو شكرا , لكن هو قال لى الا تشيليها
بكرة ترجعيها ليهو
- اساسا انا ما ماشة بكرة , لأنو تيتشر سعاد قالت لينا خلاص , يوم الأحد آخر يوم
طيب بكرة يا دوب الأربعاء
اساسا انا ما بحب يوم الأربعاء فى المدرسة , وابلة سعاد قالت خلاص ما تجوا
خلاص جيبى الساعة دى , وانا برجعها المدرسة يدوها لى باسل
اساسا انت ما بتعرف باسل
- خلاص حا اديها لى ايثار تديها لى تيتشر سعاد عشان ترجعها لى باسل
- اساسا ايثار زاتا ما بتعرف تيتشر سعاد
ياى
Post: #9310
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-11-2011, 12:15 PM
Parent: #9309

هسى اساسا
البوست ده قصته شنو
مش ابو الزوز قال ادونا فرصة لغاية الخميس ؟؟!!
يعنى ابو الزوز طلع ماسورة ؟؟؟
اقول ليكم حاجة
حلوا ده شغال طوالى بى جاى
وكيتن فى بكرى
افتحوا واحد تانى بى هناك
حاصروا الزول ده ياخ
ان شاء الله با ندوثه ده يطق
هو بى كم الباندوث ده يا ابو الزوز ؟؟
Post: #9311
Title: Re: ناس الزقازيق ... أجدع ناس ( 3 ) ..
Author: Hatim Gubara
Date: 01-11-2011, 12:58 PM
Parent: #9310

أساسا.. أنا عصمتي مشت وين..
وقعت والا ما أدوني ليها..
Post: #9312
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 03:09 PM
Parent: #9311

يا منص شوف الحرفنة ... وخليك من شغل الناس الاربعة (دي خلي واحد من الشباب يشرحها ليك)
Post: #9313
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 03:11 PM
Parent: #9311

اساساً الصفحة دي عايزه ليها معلم بتاع حساب زي ست سعاد ... تضرب لينا 134 × 70 تطلع النتيجة بكم : 9310
Post: #9314
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 03:12 PM
Parent: #9311

اساساً كده الصفحة تكون اتقلبت اتوماتيك
Post: #9315
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-11-2011, 03:20 PM
Parent: #9314

أساسا انت زول انقلابى ...

يعنى بكرى المخطط الرئيسى زاتو ما عرف يقلبها

انت جاى من الجنوب تستلم طوالى

وعرابك يقعد فى المنشية ..؟؟ .

حمدا لله على السلامة ...

دى ولادة الكبــر ذاتها ...
Post: #9316
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-11-2011, 03:30 PM
Parent: #9315

ياخي الصفحة دي رغم انها 70 مداخلة بس وبكري جاب معاها مداخلات اساساً .... لكن بعد ده سلت روحنا ياخي حمد الله علي السلامة ....

يا جماعة الناس دي مشت وين ولا لسه ما عارفه السكة ....
Post: #9317
Title: Re: ناس الزقازيق ... أجدع ناس ( 3 ) ..
Author: جلال عثمان
Date: 01-11-2011, 03:46 PM
Parent: #9316

Quote: يا جماعة الناس دي مشت وين ولا لسه ما عارفه السكة ....

اساسا يا ابوالزوز الناس لو ماعارفة السكة مفروض تسأل
لانو اساسا السؤال عن البوست مش عيب
واساسا حكاية انو الناس ترجا يوم الخميس
زي خلت الناس كسالى وهم اساسا كدا
وبعدين اساسا هو اليومين ديل في زي كسل كدة
.
..
...




































---
جلال مركب مكنة مدرار "يديها العافية"
من قبيل اكتب وامسح اكتب وامسح اخيرا لقيت حاجة مواكبة
Post: #9318
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-11-2011, 05:05 PM
Parent: #9317

وهذا أيضا موضوع طريف
في يوم من أيام الخريف، لمح فلاح عصفورا صغيرا مستلقيا على ظهره
في منتصف الحقل ، فتوقف الفلاح عن الحرث ونظر إلى هذا المخلوق
الضعيف المغطى بالريش وسأله: لماذا تستلقي على ظهرك هكذا
أجاب الطائر: سمعت أن السماء ستسقط اليوم
فضحك الفلاح وقال: أتظن أن رجليك الصغيرتين ستمنعان السماء من السقوط؟
فأجاب العصفور الجريء : على كل منا أن يبذل ما في وسعه.

مدرار ماتجي تقول أصل العصفور أساسا وكدة ؛؛؛؛؛؛؛؛
Post: #9319
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-11-2011, 06:02 PM
Parent: #9317

سكة غير دربكن تفتر
ودنياغير دنياكم..........

اساسا لو فى غيرها
Post: #9320
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 05:34 AM
Parent: #9319


صباح الخير يا إبتهاج ، ماشاء الله تبارك الله من امبارح
مافي زول ولا زولة حتى يسلموا عليك قومي أمشي لعيالك
ديل حالهم بقت تحنن.
Post: #9321
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-12-2011, 05:58 AM
Parent: #9320

أساسا و ابتساسا...صبحكم الله بالخير

ياخي ما عارف الحاصل شنو...
لكن عندي احساس غريب بوجود البوست ده في المنبر الداخلي...
فوجود البوست في المنبر العام كان يعطيني احساس و كأني أكتب في مكانين مختلفين...
الآن أصبحت أشعر و كأني أكتب في نفس المكان حتى و لو كانوا بوستين مختلفين..
لذلك كتبت في بوست أجدع ناس و توقفت عن الكتابة في مربع كاي...
ثم توقفت في الاثنين معا...
شاعر و كأن البوست ده كاتم على نفسي...
مثل الصخرة التي وضعت على صدر بلال لاثنائه عن اسلامه...
فأرجو من السادة أعضاء مفوضية الاحتفالية المئوية...
الاسراع بانجاز الترتيبات اللازمة للاحتفالية...
و التعريف بالجدول الزمني المحدد من قبلهم لها...

أحد أحد....
Post: #9324
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-12-2011, 06:30 AM
Parent: #9321

سلام يا بلال
Post: #9322
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 06:18 AM
Parent: #9320

الأخ عمر نملوز سلامات
قال لك في واحد من زمايلك بتاعين سباق الضاحية في ليلة عرسه
نطّ عليهم حرامي وكانت زوجته في كامل زينتها، الحرامي هدد الزوجة
وأخذ كل الحلي ، عندها شعر الزوج وقام الحرامي جاري وتبعه الزوج وقال
امانة ماوقع راجل وبدأ يلاعب الحرامي بوضع انفه عند أذن الحرامي ، الحرامي
قدر ما يجري نفس الزوج بس في أضانو، الحرامي رمى كيس الحلي ومازال النفس
في أضانو ، الحرامي وقت حيلو كمّل قعد تحت وفال لبتاع الضاحية: ياخي أعمل
فيني العايز تعملو
الزوج قال : أمشي قدامي وشيل الكيس نرجعوا للبيت الشلتو منه
وعند البيت تمم على كامل زينة زوجته وعفى عن الحرامي
Post: #9323
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 06:28 AM
Parent: #9322

الأخ الرشيد صبحك الله بالخير والصحة والعافية

والله فعلا موضوع البوست العام بجاي عامل لينا زغللة
وملخبط الأطر الفكرية تماما.
Post: #9325
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-12-2011, 06:35 AM
Parent: #9323

يا احمد اسماعيل ... باقي ليك عمر نملة ده بيزك لي حرامي ....
Post: #9326
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 06:58 AM
Parent: #9325

الأخ زهير أسعد الله صباحك
الظاهر الحفل جد وكارب لان الناس مشت تجهز للحفل
السافر بور سعيد المشى العتبة والمشى المحافظات الأخرى
يأخذ ليه بدلة شدة وكدة
Post: #9327
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-12-2011, 07:04 AM
Parent: #9326

123..jpg Hosting at Sudaneseonline.com


كده كيف ؟؟؟
Post: #9330
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-12-2011, 07:48 AM
Parent: #9327

كده تماااااام
Post: #9328
Title: Re: ناس الزقازيق ... أجدع ناس ( 3 ) ..
Author: ميسرة سيد أحمد
Date: 01-12-2011, 07:26 AM
Parent: #9326

صباح الخير ،،، يا وجوه الخير

هدية الصباح لشعب الزقازيق

+++++++++++++++++++++++++++++++++++

اتحاد المثقفين العرب يحيي الشعب التونسي البطل

قلوبنا معكم ومعلقة بحركة أقدامكم!

لا تتراجعوا..نريد أن نتحرر معكم!

11 يناير، 2011
Post: #9329
Title: Re: ناس الزقازيق ... أجدع ناس ( 3 ) ..
Author: ابتهاج عبد الله
Date: 01-12-2011, 07:30 AM
Parent: #9320

مش كدا بالله يا احمد صبحك الله بالخير ..شايفه انه السكة بقت متاهة
.... وحتى تكتمل الصورة...
Post: #9331
Title: Re: ناس الزقازيق ... أجدع ناس ( 3 ) ..
Author: الرشيد بابكر
Date: 01-12-2011, 08:14 AM
Parent: #9329

Quote: سلام يا بلال


سلام يا مغترب...

الجضوم دي يا صديقي ماشاء الله زايده بمعدلات أسرع من اللازم...
لا تدع مرايات الغربه تخدعك...اعتمد على بهجة و ان أحبطتك...


أبو عمر صبحك الله بالخير و السرور...
الزغلله حاصلة لكن نعمل شنو يا حبيب...
أصلوا الصبر قاسي و المحبه قدر...

بهجة صباحاتك فل...
Post: #9332
Title: Re: ناس الزقازيق ... أجدع ناس ( 3 ) ..
Author: منصور عبد الرازق
Date: 01-12-2011, 09:52 AM
Parent: #9331

جضم الشىء , بتشديد الضاد , فى اللغة
اى حذقه وعرف دهاليزه واحسن تدبيره
وبما ان ابو الزوز , بقى من ذوى الجضوم
فهذا يعنى
لغة
بس لغة
وما عندنا دخل بى اى حاجة تانية
انو ابتهاج , شايفة شغلها كويس
Post: #9333
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-12-2011, 10:45 AM
Parent: #9332

Quote: جضم الشىء , بتشديد الضاد , فى اللغة
اى حذقه وعرف دهاليزه واحسن تدبيره


جبتو سيرة الجضوم ...

طوالى اتذكرت زولنا القبيل قال بيكون قدر التحدى ...

وين محمد المرتضى ؟؟
Post: #9334
Title: Re: ناس الزقازيق ... أجدع ناس ( 3 ) ..
Author: عمر نملة
Date: 01-12-2011, 12:05 PM
Parent: #9333

سلام تحيه
ازيكم كلكم
اخص اخوي محمد عيد. الحمدلله انت مازعلان لانه انا فاكر عملت
حاجه زعلتك ودا المطلوب . والحمد لله مافي اي زول زعلان وشكرا كتير
على الصوره الحلوه. بس عايز اوضح نقطه قبل مااودع، البوست مسؤليه
وحاسس ضغوط الشغل واوربا مابتيح لي حمل المسئؤليه عشان كدا احسن اترجل
وشكرا ليكم كلكم وزي ماقال شيخ جلا اسف قوقل احبكم كلكم
Post: #9335
Title: Re: ناس الزقازيق ... أجدع ناس ( 3 ) ..
Author: عبد الدائم سيد أحمد
Date: 01-12-2011, 12:36 PM
Parent: #9334

اتصلت عليك ردت واحدة بلجيكية ما عارف قالت شنو

المهم

تجرى وتجرينا وراك الزمن ده كلو وتقطع نفسنا

وفى الاخير تقول المسئولية واوربا ما بتيح

وعاوز اترجل


اهو كده نحن زعلانيين بالجد
Post: #9336
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-12-2011, 02:31 PM
Parent: #9335

ان متضامن مع نملة ... لن اعود حتي يعود ... واذا لم يعد لن اعد ... وهذا وعد ووعيد ... لابو عهود ووعد ...
Post: #9337
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 02:44 PM
Parent: #9336

سلام يا أحباب

عمر نملة الظاهر بقى شبعان زي ناس النملة بتوعين السعودبة دول

عشان كدة التجاهل
اني اتضامن مع عبد الدائم في الزعل
Post: #9338
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-12-2011, 02:44 PM
Parent: #9336

سلام يا أحباب

عمر نملة الظاهر بقى شبعان زي ناس النملة بتوعين السعودبة دول

عشان كدة التجاهل
اني اتضامن مع عبد الدائم في الزعل
Post: #9339
Title: Re: ناس الزقازيق ... أجدع ناس ( 3 ) ..
Author: محمد صديق
Date: 01-12-2011, 04:16 PM
Parent: #9338

سلامات يا ناس

( أساساً) جيت اقول السلام عليكم.
Post: #9340
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-13-2011, 06:48 AM
Parent: #9339

وعليكم السلام والعافية والصحة ياجنابو
سلاما يرفعكم الله به أعلى الدرجات
وسلاما ينجيكم الله به من جميع الأهوال والآفات
وسلاما يبلغكم الله به أقصى الغايات
وسلاما إن شاء الله يقضي الله به جميع الحاجات
وسلاما يطهرنا الله به من جميع السيئات في الحياة وبعد الممات


رجعناللإضراب والإعتصام دي وسيلة ما بتأكل عيش مع الحاقدين والظالمين دول الذين
لا ينتمون للزقازيقاب ولا بشبهونا وتسببوا في تغربنا وقسموا البلد وخلوا البسوى
والمابسوى يشمت فينا وصفونا بالكسل والتكاسل بل خلونا في حيرة من امرنا
Post: #9341
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-13-2011, 07:04 AM
Parent: #9340

ياديجانقو افرز
Post: #9342
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-13-2011, 07:21 AM
Parent: #9341

مبروك للاخ عصام دهب المولود

قبل سيده يجي جاري
Post: #9343
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-13-2011, 07:31 AM
Parent: #9342

يا عالم يا هو .... وين الاحتفال ... الواحد من الصباح مستحمي وقاشر بالبدلة بتاعت بورسعيد ... وقاعد في الكراسي ... غير ناس الساوند سيستم مافي زول جا ... نقوم نقلب المسالة سماية ونريح عصام دهب من مصاريف .... ولا رايكم شنو ...
Post: #9344
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-13-2011, 07:59 AM
Parent: #9343

الف مليووووون تريليووووون مبروك للاخ عصام دهب

جعل الله المولود فخرا وعونا لوالدبه ..

وحفظه الله مع اخوته


*********

ابو الزوز يا دقــة ..

ما ملاحظ انو الصفحات رجعت استعدلت ..؟؟.

بكرى ده مالو بقى زى صلاح ادريس ..؟ كل ما ترتب امورك بديك مفاجأة

Post: #9345
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-13-2011, 08:44 AM
Parent: #9344

والله الواحد طلع فاره .... اتحيل ما لاحظت ... بس ده ما يعني انه الاحتفال تاجلوه ... يعني بكره بكري يغير رايه ... تقوموا تقولوا الخميس الجاي ... اها الخميس الجاي يرجع الصفحات وحا نكون في دوامة بكري وناس الاحتفال ... يا زول الاحتفال ده بقي الليلة بقي ما بقي انا ماشي بلجيكا ...
Post: #9346
Title: Re: ناس الزقازيق ... أجدع ناس ( 3 ) ..
Author: محمد عيد
Date: 01-13-2011, 08:46 AM
Parent: #9345

http://ناس الزقازيق ... أجدع ناس (4) ..
Post: #9347
Title: Re: ناس الزقازيق ... أجدع ناس ( 3 ) ..
Author: زهير الزناتي
Date: 01-13-2011, 10:30 AM
Parent: #9346

يلا ننتقل للبيت الجديد
Post: #9348
Title: Re: ناس الزقازيق ... أجدع ناس ( 3 ) ..
Author: البادي النور
Date: 01-13-2011, 11:10 PM
Parent: #9347

مساء الهناء والسرور ...

شكرا للذين سألوا عني وعلى رأسهم أبوالزوز ...

كان إنقطاعي خلال الفترة السابقة بسبب دخول زوجتي لمستشفى لبخور بدولة قطر للولادة فأهدتني بنوتة حلوة جعلها الله من الصالحات المستورات جاري إختيار الإسم .. أرجو مراجعة بوست اٌلأفراح والتهاني ...

مبروك لأخونا عصام دهب المولود جعله االه من الصالحين ...
Post: #9349
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 01-18-2011, 10:00 AM
Parent: #9348

رحبوا معى بالاخ الدكتور عمر عبد الله عبد الرحيم استشارى الاطفال حديثى الولادة بكندا حيث انه بيننا بالمملكة-الرياض- بمدينة الملك فهد الطبية ولمدة شهر فقط
وهو الحنين و أحد رجالات الزقازيق
نتمنى له طيب الإقامة وقضاء
وقت مُمتع ولحظات سعيدة ببالمملكة .. بإذن الله
Post: #9350
Title: Re: ناس الزقازيق ... أجدع ناس ( 3 ) ..
Author: أحمد إسماعيل
Date: 01-18-2011, 04:23 PM
Parent: #9349

السلامة عليكم الأخ العزيز الدكتور خالد محي الدين
تم الترحيب بالأخ الدكتور عمر عبد الله في الرياض
ارجو مراحعة البوست العام الجديد لناس الزقازيق أجدع ناس
بالمنبر العام ( توجد صور لذلك)
Post: #9351
Title: Re: ناس الزقازيق ... أجدع ناس ( 3 ) ..
Author: خالد محي الدين
Date: 01-18-2011, 05:06 PM
Parent: #9350

الاخ احمد اسماعيل
سلامات
ومشكورين وجدت الصور والصلعة الدلجه وعارفكم ما بتقصروا فالشكر لكم
Post: #9352
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 03-14-2011, 12:59 PM
Parent: #9244

يا زهير الاستلاف ماتخلى يبقى استلاب يعنى بعد ما عملنا معاك الواجب مفروض ترجع لينا هدومنا اصلا لا متنا و لا بقن ضيقات علينا (قال نضافه) وتمشى تطول لسانك تسمع فارغ وما فى داعى للمحاكم والحديث قصره
انتهى
Post: #9353
Title: Re: ناس الزقازيق ... أجدع ناس ( 3 ) ..
Author: محمد آدم النور
Date: 03-15-2011, 06:35 AM
Parent: #9352

الناس الطاشة دي
أدوها ليهم في المسنجر
أو أدوهم تلفون
أو كلموهم في قعداتكم إنو البتاع دا تأرشف من يناير 2001
نحن في ماااااااااااااااااااااااااااااارس شهر الكوارث
Post: #9354
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 03-16-2011, 12:05 PM
Parent: #9353

سلام
بتكلم منه ياجنى ؟. البطش البهايم و المعاتيه الا انا يمكن ضهبان وبعدين شنوا لو عرفنا منكم الدرب
Post: #9355
Title: Re: ناس الزقازيق ... أجدع ناس ( 3 ) ..
Author: موسي الراجل
Date: 03-16-2011, 12:08 PM
Parent: #9353

سلام
بتكلم منه ياجنى ؟. البطش البهايم و المعاتيه الا انا يمكن ضهبان وبعدين شنوا لو عرفنا منكم الدرب و ما قايلين الغفراء حاسين ليهم 10سنه
Post: #9356
Title: Re: ناس الزقازيق ... أجدع ناس ( 3 ) ..
Author: مدثر أبا يزيد
Date: 09-05-2011, 01:35 PM
Parent: #9355

السلام والتحية لجميع الاخوان والاخوات
وكل عام وانتم بخيروعافيه