مامن حقي ,, عليك ,,,, تدينــى الريــد’’’ فرح صغير فراش يطير يحلًق ..بعيد ,,, فوق ..النجوم يسبح ...يحوم يدًي السحاب برق العـذاب وزول رهيف ,, صادق ..عفيف مامن حق الهوي كم بلل قلوبنا وعســل!! يوم فرحنا بيك حتي الخيال مودع جمال قال الفرح من حقنا,,, ودَالفال عديل ماحرم عشق الطيور في عيد الحبور مامن حقنا,,, نفني ونزيل حتي الخرائط’’ من سكة دربنا وأنت وأنا شراكة غرام سمح الخصال مررنا الهوي في دمنا أتنين عفاف حلوين لُطاف ساكنين عديل جو القلوب زارعين أماني وشاتلي أغاني في ظل السحاب بانين عشه القمر من ضئنــا,,, مامن حقنــا!! نعبر فضاء حول البروق تحلي وتروًق دمنــا وكل الكلام ماهمنـا مامن حقي عليك!! تديني ..الريد,,, كواكب ..تنير’’’ كل البدور الحولنا.
,,,,أبوقصى،،،،
Post: #2 Title: Re: ,,,,مش كمان من حقي عليك,,,, Author: هاشم أحمد خلف الله Date: 10-29-2007, 12:51 PM Parent: #1
والله يا مجدي يا خوي الزول بس ماعارف يقول شنو! دحين انت كلما بالذوق كدي زي في الغنيه دي..امكن تقدر شويه.. لكن من ناحية حق..آي والله من حقك ونص..هو اصله الناس بس دايره تحب وتاخد بس!
Post: #4 Title: Re: ,,,,مش كمان من حقي عليك,,,, Author: هاشم أحمد خلف الله Date: 10-29-2007, 01:18 PM Parent: #1
Quote: أتنين عفاف حلوين لُطاف ساكنين عديل جو القلوب زارعين أماني وشاتلي أغاني في ظل السحاب بانين عشه القمر من ضئنــا,,, مامن حقنــا!! نعبر فضاء حول البروق تحلي وتروًق دمنــا وكل الكلام ماهمنـا