Post: #1
Title: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-22-2003, 09:03 PM
بونا
اليك يابونا منبع السحر
جئت من شرق ونزيلك نكر
الا تعرفى فتى فى زنجية العرب
ينطق الدضاد ووجناته سمر
فبنت من بعد على تلك الروابى
كانك بكر تبرز الصدر
انى فتنت بجمال الحسان
ونصيبى من ذلك كتابة الشعر
فحدثينى بربك اسوداننا فيك
له منابر وصحف تصدر
فقالت فى وجل وقولها خجل
فكثير من فى وغرائب كثر
اتسالنى عن شباب اشلائه جمعت
فى وحدة كانت وعمنا الخبر
فياليتهم صبروا على عهود ابرمت
فقامت شرزمة تقطع الزهر
فاغلقت دار واشعات نار
فلا تفتنى ياخى مع ذلك النفر
مهما اغلقت دار واصابكم هجر
وصارت ارضكم كلها غفر
رايتكم شمسا شروقها ا فق
وظلامك زاح وعانقتم الفجر
فياروابط تجمعت فى يوما هذا
فاعلنوها ثورة كاثورة الحجر
ابوقوتة
بونا 1994
|
Post: #2
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: سلفر
Date: 04-22-2003, 09:40 PM
Parent: #1
والتحية ليك
يا اصيل
عند حائط المبكي
تتراي كل الرؤي القديمة في لمح البصر
نتوة في المدن الغربية كي نصل
نمل السفر والاختام والحبر
ومااقوي تماسك الاشياء والعبر
حائط المبكي
كان مدرجات ملعب السلة في
واديا كلودج
وزورنا في موقع
http://sudindia.net/
سلفر
|
Post: #3
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-22-2003, 10:27 PM
Parent: #2
شكرا ياسلفر
والمبنى المشجر
وردك المحير
خلانى افكر
ولبلدى اتذكر
متى يكون السفر
ابوقونة
|
Post: #27
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: سلفر
Date: 06-09-2003, 00:27 AM
Parent: #2
http://sudindia.net/[/B]
|
Post: #4
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: EXORCIST7
Date: 04-22-2003, 10:37 PM
Parent: #1
أبوقوتا
بهوت شكرية
أرى يار كايسا هى
كيا هال هى؟
ميرا سيتى ناقبور هى
تم كايسا هى؟
أبى هم جايقا
جليقا
|
Post: #5
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-22-2003, 10:47 PM
Parent: #4
شكرا شكرا
لكن تم كون هى
تحياتى ليك
لكن انت منو عليك الله
من برتاب ولا احباب وسدر او من اولاد الرصيف
لهم جميعا التحية
صرت اجلس وحدى ف الريف
ولم يبقى الا جسم نحيف
وذكريت لشباب قد مضى
فتلاشت كاوراق الخريف
فلا نثر ولا شعر مقفى
فلا رجز ولا بحر الخفيف
|
Post: #6
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: EXORCIST7
Date: 04-22-2003, 11:20 PM
Parent: #5
من فيجى نقر قريبة من سدر
أنا أكشن لو سمعت بيه ، من المحاربين القدامى
ومن أنت يا ترى؟
|
Post: #7
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-22-2003, 11:28 PM
Parent: #6
كيفك ياكشن والله سمعت بيك كتير
من عبد الواحد وحمد بسيونى ومصطفى اب ردا
انا شوية بعدكم وعاشرنا بقايا عواجيز ناس
ارقو وفريد وعباس حسن
وانا كن ساكن سدر
شكرا على الطلة
|
Post: #12
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: EXORCIST7
Date: 04-23-2003, 10:24 AM
Parent: #7
أخى أحمد
أنا طبعا إتخرجت فى أبريل1989 ورجعت شهر 6 فى نفس العام إلى السودان ثم مكثت بضعة أشهر ومنها إلى ألمانيا
بالله كيف ناس عبد الواحد وحمد بسيونى ومصطفى أب ردا والحلفاوى وأرقو وفريد وعباس حسن وين الناس ديل الأن
تعرف يا أحمد والله مشتاق للهند وأقول أرجع ليها ولو سياحة، ياخى لينا فيها ذكريات جميلة
والله العلاقات الواحد العملها هناك مازالت فى صدورنا وأتمنى لو أجتمع بيهم مرة أخرى
أخى أحمد
والله لو حاولت تلم لينا ناس عبد الواحد والعقد الفريد فى البورد تكون عملت عمل عظيم
وإلى لقاء إن شاء الله
سلام
|
Post: #8
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: kamalabas
Date: 04-23-2003, 00:57 AM
Parent: #1
الاخ ابوم قوته تحيه مضمخه بنسائم بونا الحنونه
انا كمال الدين محمد عباس ان كنت تذكرني كنت
سكرتيرا ل s.s.u في دوره 1990 وعضوا في لجنه رأب الصدع
المهم زاكرتي خربه جدا لذا ار جو التكرم بتذكيري
بشخصك الكريم بذكر الاسم وكذلك تذكيري بالاخ اكشن
بذكر الاسم والالقاب
مع جزيل الشكر..
|
Post: #9
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-23-2003, 02:25 AM
Parent: #8
شكرا ليك كمال الدين
انا اذكركم شباب راب الصدع انت ومعاك نجم الدين بتاع الاتحادى وواحد كان اخضرانى كدا من ناس مدراس نحن كنا فى ناغبور رابطة وعام لكن ذايبين فى بعض مش زى المدن الاخرى انا كنت وقتها طالب جديد اما اكشن دا قديم شوية انا ذاتى ما حاضرو لكن بذكرك بشاب الوحدة المشاهير امثال بكرى البووووص وبقية الشلة لكن بعدها انا كنت بجى بونا وبقول شعر مرات فى دار الاتحاد اسمى احمد ابوقوتة وكانت عندى قصيدة عن الوحدة نشرتها فى مجلة الاتحاد وايضا كانت عندى قصيدة عن واقعة الحديقة المشهورة فى بونا عموما شكرا على الذكرى العطرة
ونلتقى فى ذكرى سوداننا الاقر
نلتقى رقم المبادى رقم الاختلاف فى الفكر
نلتقى لازاحة الضرر وبعدها يصبح سوداننا اخضر
ابوقوتة
|
Post: #10
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: elsharief
Date: 04-23-2003, 08:52 AM
Parent: #1
الاخ أبوقوتة
التحية لك ولهذا الاهداء الرائع لبونا الحنونة
|
Post: #11
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: مهاجر
Date: 04-23-2003, 09:07 AM
Parent: #10
شكرا الاخ ابوقوتة
وكيف حالك
شكرا اخي علي هذه الهدية
ويا اكشن يعني بوست الاتحاد القديم ما شفتو
|
Post: #13
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-23-2003, 03:04 PM
Parent: #11
شكرا متولى على الرد انا من شفتك تذكرت دار الاتحادوقهوة بونا
كيف اخبار الشباب واخبار اخونا ادريس شنو زودنا
الاخ مهاجر ياهاجر ليك رسالة اظنك هندى زينا من وين ناس اي مدينة ارجوك زودنا وشكرا على الرد اخوك اكشن دا من ناس ناغبور ودى مدينة ذات زهور حنينة زى بونا
وكت ما كنت فقير والناس مسيدى تزور
دا حب البنات علمنى قول الزور
يارب ياكريم ياجامع الجمال فى الحور
وانا هلكت فى ملكة جمال ناقبور
اكشن اخبار الشباب قبل 4 سنوات ابردا صار رائد شرطة عبد الواحد عنده مطعم فى القضارف واخوه عبد الخالق فى ابوظبى حمد بسيونى اخر عهدى بيه كان مسئول من سفريات السفينة ارقو ما زال فى الهند والبقية ما ادرى اين هم وانا فى المملكة شكرا على الرد ونلتقى
وما اظن فى امكانية يجو على البوست لكن نحاول
|
Post: #14
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: kamalabas
Date: 04-23-2003, 03:09 PM
Parent: #11
الاخ العزيز علاء الدين فداسي
تحيه وشوق
ابعث اليك التحايا بقدر اسهاماتك في الهند فانت تعد
احد رموز النقابه واقطاب السياسه واحد اركان الحياه
الاجتماعيه في الهند بكل خصوبتها وتنوعها
لك الودوالتجله...
|
Post: #15
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-23-2003, 03:22 PM
Parent: #14
الاخ كمال مشكور على التعريف بعلاء الدين فداسى طبعا حقا هو رمز من رموز الاتحاد وعلم من اعلام بونا وينك ياراجل والله مشتاقين وبعدين نحن من الجزيرة كان ممكن اهدى ليك قصيدة الجزيرة لكن احسن تكون عنوان موضوع شكرا كتير
نلتقى
وهاك دى لما اشرب الشاى واجيك
عنكوليب فداسى الاشرق النقاى
وغفرو الحارسوه معروف بخلوه مو عطاى
انا شن بهدينى من فوسيبة البراى
صايل وجافى ومحاربنى وبدوره ازاى
|
Post: #16
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: ايهاب
Date: 04-23-2003, 03:50 PM
Parent: #15
شكرا ابو قوته
كل التحايا والود لكل البوناب
و الهنداب
حقيقه هذا البورد دايما ما ذكرني بالخصوصيه التي تتمتع بها العلاقات بين السودانيين الذين درسو في الهند
و هذا التواصل الدائم و الود المستمر
حتى لو كانو الناس ما اتوجدو في نفس الفتره او نفس المدينه
الا انا هناك رابط سحري يجعلهم و بمجرد المقابله وكانهم
تربو في منزل واحد
حدثونا عن تلك المساله العجيبه
و تلك الروابط
الساميه
دعونا نخبر البورداب عن ذلك السحر الهندي
كل الود والتحايا
|
Post: #17
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-23-2003, 05:12 PM
Parent: #16
الاخ ايهاب مشكور على الرد وعلى الملاحظة السحرية التى توحى عن نظرة رجل ذو بصيرة نافذة وفراسة ثاقبة اظنك شاعر او كاتب او بتكتب خواطر.
فعلا دى الحقيقة :-فى رابط كبير وكبير جد فى الاجتماعيات والمعانة والكفاح والسمو والوطنية وهموم الوطن والنظرة المستقبلة تصور انا اعرف اول واحد وصل ناغبور كان سنة 76 ومشيت وقابلته فى السودان وبقى يحكى ذكرات المدينة حى حى فى واحد اخونا اسمه محمد حسين غادر ناغبور سنة 86 وانا جيت سنة 90 هذا الشاب وله منى التحية قابلنى فىالعلاقات الثقافية وبدون اى سابق معرفة قالى انت ابوقوتة وهاك ياقلد وسلام وواحد اخونا من ناس القضارف لما رجع السودان شباب الهند بقوا بجوه فى الدكان اخوه الكبير قال ليه انت الحاصل شنو لما يجوك الشباب ديل بتنسى اى شى انتم كان الحاصل بينكم شنو دى علاقة غريبة ودا موضوع طويل مفروض يطرح عنوان على البوست عشان كل الهنداب الايهاب يشاركو فيه وفى النهاية بهدى ليك قصيدة اسمها بكاء لما الشباب سافرو وتركونى اجلس وحدى فى الرصيف والرصيف دا مكان تجمع بعد ما نزهج من الدراسة وجلسة المقهى
جلسة فى الرصيف
صرت اجلس وحدى فى الرصيف ولم يبقى الا جسم نحيف
وذكريات لشباب قد مضى فتلاشت كاوراق الخريف
فلا نثر ولا شعر مقفى فلا رجز ولا بحر الخيف
ورياض ذات ازهار تذكر مواعيد لاهل الحب العفيف
واطيار ذات اجنحة تصفق عندما تسمع القول الطريف
واشجار تميل معنا طربا عندما تسمع صوت الدفوف
وامطار ذات بروق تحاكى ضحكاتنا عندما نقتسم الرغيف
سنينا من اللهوى مرت سراعا عاجلة كلمحة طريف
حليف
ابوقوتة
ناغبور 95
|
Post: #18
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: EXORCIST7
Date: 04-23-2003, 09:21 PM
Parent: #17
أخى أبوقوتة
والله هيجت فينا ذكرى الأيام العطرة
ذكرتنى لما كنا فى الأمسيات نجلس فى شنكرنقر جوك وأحيانا نقعد فى قهوة جقد ..وفيها بنشرب الشاى باللبن مخلوط بالهبهان والله ما زلت أذكره جيدا وكان الجرسون يزعل لما يناديه الطلاب السودانيين ويطلبوا منه زيادة سكر...سكرلاو...بيا سكرلاو
ياسلام أراك ذكرت الرجل الشهم محمد حسين وفى جبلبور كان هناك أيضا رجلا هميما يسمى شيخ هشام، وفى ناقبور الأخ عبدالماجد ومحمدحامد وناجى.وبالمناسبة أرقو تزوج بهندية وعنده منها أولاد وسمعت أنه بيحضر فى الدكتوراه
والله أيام كانت حلوة رغم المعاناة
|
Post: #20
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-23-2003, 10:21 PM
Parent: #18
والله ذكريات ياكشن جقت وشنكرنقر لكن نحن حولنا الى قهوة سدر ومنها الرصيف ومنها كونا شلة اسمها اولاد الرصيف وجاءت بعدك الوحدة لكن ناغبور ظلت كما هى وعلاقات الشباب التى لا ترتبط بالميولات السياسية
ودى قصيدة حلمنتيشية كنت بشتغل فيها الشباب وهواياتهم
الا هبى بدالك فاصبحينا
ولا تزرى خمور البنقرينا
وكاساقد شربت بكلكتا
واخرى فى دلى وفى بونا
وانا سوف تصلنا التذاكر
وانا مثلك ياخليجى مسافرونا
وقد اغتدى والناس فى اسرتهم
ببنفسجن خير المواتر لونا
وكم احضرت اللحمة من سدر
فسلقت البصل فصارت مسبكونا
ولقد حببتك يابلومة فافهمى
فان الحب اخره جنونا
ولقد ذكرتك والاسكريم فى يدى
وراس كونج ومنقاه الحنونا
ودت تقبيل الاسكريم لان داعب
شفتاك فى اليوم مليونا
اوتذكرين يوم حضورك حفلة
قبل النهاية قلتى الى جلونا
كل القلوب صارت تدق بدقة حذاك
وصارت كل الكراسى محركونا
وكم غيرت موترى عسى
انال رضاك ياذات العيونا
وكم رهنت جوازى عسى
اوفر وجبة فاكون ضمن الفايزونا
وكم كم ثم كم كم
وكم عزمتك فى المطاعم مثل ارجونا
ولو تركتك عفونا بنيتى
فان قومى فيك مكسرونا
ولقد خرجت وبارتناتى مرة
الى جقت فصار السودنة فينا محملقونا
ففاروا فورة فى من يليهم
وفرنا فورة فى من يلينا
فآبو بالسمبوسة منوعات
وجينا بالهنود مقرنينا
الا لا يعنكبنا احد علينا
فنعنكب فوق عنكبة المتعنكبينا
اذا بلغت البرلومة لنا اسبوعا
صار الكبار فيها مكسرونا
واذا بلغ البرلوم لنا يوما
ركب الياماها واللونا
ناغبور 1992
|
Post: #19
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: سلفر
Date: 04-23-2003, 10:05 PM
Parent: #1
التحايا العاطرات
لشباب الهند
ولنا في شبة القارة الهندية
حياة
غاندي
نهرو
طاغور
دوالي
الجانج
المعبد
الجامع
الكنيسة
ودامتكم ايامكم
|
Post: #21
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: elsharief
Date: 04-24-2003, 07:58 AM
Parent: #1
الاخ أبو قوتة
ما أجمل وأروع قصائدك الهندية والبونية وفى أنتظار المزيد الاخ ادريس موجود بالسودان يسأل منك الخير
|
Post: #22
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: الساحر
Date: 04-24-2003, 08:00 AM
Parent: #1
الاخوة الاعزاء تحياتي
شاعرناالهمام ابو قوته لكل اجمل التحاي
ا
واحي كل الاخوان واذكر النهرو هول هيمان
والدار وبونا كولج وكوارتر غيت والمتون ماركت
ولنا عودة واتمني انو نتعرف علي باقي شباب الهند في البورد هنا
ــــــــــــــــــــــــــــــــــــــ
تعالوا الان نرقص رقصة البدء
ونعلم ان نمد الكف نحو الشمس للدفء
تعالوا ايهاالجوعي تعالوا ايها الفقراء
|
Post: #23
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: مهاجر
Date: 04-24-2003, 08:35 AM
Parent: #22
الاخوة ابوقوتة
الاخ كمال الدين
اخوكم عباس فداسي الاتحادي
وشكرا لكم علي حال
ولي عودة
|
Post: #24
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: ودالعباسية
Date: 04-24-2003, 01:12 PM
Parent: #1
السلام عليكم اهلنا ناس بونا وناس الهند عموما
وتحياتي الي الشاعر ابوقوتة علي هذا البورد الجميل
وكم هو جميل ورايع ان يلتقي كل خريجي الهند في مكان واحد ليعم
التواصل من جديد بالرغم من التواصل الروحي والالفةبيننا التى تسود
كل شخص درس في الهند او زار الهند
وتحياتي لكل الشباب في هذا البورد
بهوووت .... بهوووت شكريا ابوقوتة
|
Post: #25
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 04-26-2003, 02:30 PM
Parent: #24
الاخوة الاعزاء مشكورين على الرد بس كنت خارج البورد متاسف
على التاخير فى الرد
متولى لك التحايا مجددا وين انت الان موجود
الساحر مشكور على الرد الساحر
الاخ عباس فداسى مشكور ومشتاقين وين بقية الشلة معاوية علاء الدين د. احمد كمال
ودالعاسية مشكور كتير كتير بس لازم نتعرف على بعض وانت والساحر
والى الجميع
ايوحشنى الزمان وانتم حبى
ولا اجد فى الرياض ماء وانت جبى
ولو الزمان اطاع لبى
فديتكم من مكاره بقلبى
ابوقوتة
|
Post: #26
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 05-07-2003, 08:51 AM
Parent: #25
كومبيوتر
اى حاجة كومبيوتر
الساعة كومبيوتر
والنضارة كومبيوتر
والجزمة كومبيوتر
ياحليل زمن النقر
كانت الدنيا طايرة راكة
مرة كفر ومرة وتر
بس الليلة كلامن كل بقى
كومبيوتر
الزواج بالكومبيوتر
والطلاق بالكومبيوتر
والحب بالكومبيوتر
والموت بالكومبيوتر
انا مالى والكوبيوتر
انا مالى وعيشة الضر
كنت عايش مرتاح وفى السوق
عامل سيوبر
ديك بضاعة رابحة
وديك خاسرة
مرة تركيا ومرة مصر
بس ابوى اصر وقال لازم
ادرس كومبيوتر
عشان بيتنا فيه كومبيوتر
وامى صاجة بكومبيوتر
وعندها حلة بريجر perjure
حتى حواشتنا فيها كومبيوتر
الزراعة بكومبيوتر
والسقاية بكومبيوتر
والحصاد بالكومبيوتر
عشان مافى حاجة فى بيتنا تخسر
انا لازم ادرس كومبيوتر
جيت لقيت (ناغبيور) ظريفة
ما فيها عيون حاملة شر
لكن القلوب عليمها الله
هى تراها دافنة سر
ما حصل لجان دخلت
ومع اى زول قاعد بهظر
بس لما جيت اتصعد
العواجيز صارت تنظر
مرة قالو عنى كوز
ومرة قالو شيوعى حر
ومرة قالو وقالو قالو
ومرة قالوانى بسكر
ودا كله عشان انى قاعد بدرس
كومبيوتر
مافى ناس عاملين فيه ادميشن
من سنة حفرو البحر
لا دايرين امشو ابوظبى
ولا دايرين يسافرو قطر
بس قاعدين لشغل التنظر
انا ذاتى حاقعد انظر
النشوف مين الفينا يخسر
ما اى حاجة كرهت احمد
حتى حركات البرنتر printer
ولما اكتب برامج
The output equal error
حتى اللونا منى زهجت
وفى النهاية عملت موتر
وعلقت ليه شعار سودانير
بس الموتر بمشى خطوة خطوة
واللستك جديد قاعد يبنشر
ولو الواحد عايز يحب
برضو هنالك من ينظر
ولو دخلت معاههم معاينة
بطلعونى واحد صَغير
بس هى قالت لى عشان
تبقى قيس وابقى ليلى
وتبقى روميو وابقى جولييت
وابقى عبلة وتبقى عنتر
انا لازم تدخل معسكر
انا مالى والمعسكر
ومال وبلدى وحكومة عسكر
عشان كلامك كومبيوتر
وانت ذاتك سى بى يو cpu
وانت ذاتك كومبيوتر
فى مشيك لا كى رايحة ولا كى جاية
ولا كى ماشة ولا كى راجعة
متل حركات البرنتر printer
عشان عيونك يامزرزر
انا اتعلمت الكومبيوتر
كومبيوتر
كومبيوتر
كومبيوتر
ابوقوتة
|
Post: #28
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 06-09-2003, 02:20 PM
Parent: #26
الاخ سلفر
تحياى
شكرا على الطلة
بس ما لقيت تعليقك
واليوم طبعا ناسى النظارة
|
Post: #29
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: oudenoord
Date: 06-09-2003, 03:47 PM
Parent: #1
شباب الهند
سلام عليكم جميعا ,رايح لي اخ وصديق عزيز علي وافاقد الاتصال بيهو فاذا عندكم ليهو عنوان او ايميل او تلفون ارجو انكم تمدوني بيها,اسمو عماد الدين عثمان خريج صيدله دفعه 97وماعارف كان اتخرج اسع ولا لا .
ومشكورين
|
Post: #30
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 06-09-2003, 04:34 PM
Parent: #29
اخوى oudenoord
تحياتى
شكرا على الطلة
الاخ عماد الدين عثمان انا والله ما بعرفه لكن ممكن تذكر المدينة التى درس فيها لو بتعرفها,اغلب طلاب الصيدلة موجودين فى جنوب الهند
منقلور بنقلور واحيانا حيدر اباد
|
Post: #31
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: oudenoord
Date: 06-09-2003, 04:41 PM
Parent: #30
الاخ ابوقوته
تحيه
مشكور علي الرد عماد درس في بونا
|
Post: #32
Title: Re: تحية الى اتحاد الهند العملاق وشباب بونا وشباب ناغبور وشباب البورد
Author: abuguta
Date: 06-09-2003, 06:22 PM
Parent: #31
اخوى
انت تقصد عماد كنوزى البقلد لابراهيم عوض وحضر دكتواره فى الصيدلة ولا واحد تانى
|
|