Post: #1
Title: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 10:32 AM
يوم الجمعة الماضية كنا فى ليلة سمر ...اقيمت حفلة غدا بمناسبة
شفاء احد الاخوة ...الذين اقاموا الحفلة شباب كالعقد فى النظام
كالجسد الواحد فى التضامن والتعاضد...
حسبتهم زملاء دراسة او من مدينة واحدة, لكنهم كانوا من جميع انحاء السودان بل فيهم المصارى والافارقة. جمعتهم الغربة ووحدهم العمل
جميعهم كانوا يعملون فى بنك الرياض..بصفة دائمة او موقتة
المحتفى به شاب من الشمال ( العابدية) اصيب بشلل وادخل المستشفى الوطنى بالرياض وشاءت قدرة المولى ان ينعم بالحياة ..ولقد رايته والبسمة لا تفارق قامته السمراء والفرحة والسعادة على خدوده الضواية...انا ضيف ولكن زهلت من التنظيم المحكم...وضحكات الشباب مع بعضهم على الرقم من كثرتهم لكنهم كانو يعرفون بعض حتى الدواخل
وكان نوارة الحفل ود الشيخ..ذلك الشاب الفنان الضاحك المغنى يعزف على العود ويغنى بصوته الدافىء ...يشق شفق المغارب..يشاركه رضا ومصطفى الصومالى ..ومحمدالسر واحمد ومخلص والشيخ وبقية الشلة..
قصاد الحلة دى انا تانى ما بجى الشمار كتير انا تانى ما بجى..
بحق كانت لمة جميلة ...فى مناسبة اجمل تحتوى على كوكبة نادرا
ما يجود بها الزمان...لقد نسيت الام رجلى وايام الجبص المظلمة
لهم منى التحية..ولزميلهم دوام الصحة
ودامت الافراح
|
Post: #2
Title: Re: قصاد البوست دا انا تانى ما بجى... الشمار كتير انا تانى ما بجى
Author: Ahlalawad
Date: 03-21-2004, 10:47 AM
Parent: #1
دامت الأفراح يا أب قوتة يا خطير
يا الكراعك حامياك تشوف البوست المكتوب بي اسمك
طيب ما تعمل ليها نضارات تحت الجبس ..
تحياتي
ودامت الافراح
|
Post: #5
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 01:06 PM
Parent: #2
اهل العوض
اهلا بيك ومرحب بيك
وشكرا الطلة
|
Post: #3
Title: Re: قصاد البوست دا انا تانى ما بجى... الشمار كتير انا تانى ما بجى
Author: Shalabi
Date: 03-21-2004, 11:01 AM
Parent: #1
الرائع ابوقوتة ،،
الله يديم السعاده ،، وما احلى لحظات الصفاء في حضرة الاحباب للاحتفاء بعزيز او صديق فالصحة تاج على رؤوس الاصحاء ...
لكن ياابقوتة معقول تكون لزمت الصمت وعملت الود ضيف ؟ وانت من يتفجر شعرا في مثل هذه المواقف ...
تسلم ياغالي ودامت الافراح .
|
Post: #6
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 01:10 PM
Parent: #3
سمؤال اخبارك
والله كنت ساكت ...مش غربية
وبعدين زمن النقة ولى
وهم زاتهم ما بعرفونى
عشان كدا ضربت الكبسة
وحبست الكلام حبسة
ولك ودى
|
Post: #4
Title: Re: قصاد البوست دا انا تانى ما بجى... الشمار كتير انا تانى ما بجى
Author: Ehab Eltayeb
Date: 03-21-2004, 11:14 AM
Parent: #1
الاخ ابوقوتة:
عاطر التحايا..
ياخي نحن نفتش ليك ونسأل عن رجلك..
انت مختفي في حفلة في الرياض ومعديها[جبجبه]
حمد لله علي سلامة الجية وربنا يشفي صاحبكم.
وفوق السلالم دي تانى ما تجي..
الكسير شديد اوعك تجي...
|
Post: #7
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 01:14 PM
Parent: #4
ايهاب ياولدنا
تحياتى
ما سال منك بلا
كسير السلالم ما بالم
من كسير البنات.. الله يسلم
ولك ودى
ياشفيف
|
Post: #8
Title: Re: قصاد البوست دا انا تانى ما بجى... الشمار كتير انا تانى ما بجى
Author: صديق الموج
Date: 03-21-2004, 01:20 PM
Parent: #1
طيب( لما) فيها (لمه) ليه ما بتكلمونا (النتلمه)
عشان كده عمايلكم دى هى البتكسر كرعينكم.
عموما سلامات...لكن تانى ما تعملوها براكم،،،،
|
Post: #9
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 01:30 PM
Parent: #8
صديق الموج
مرحب بيك
حللت اهلا ونزلت سهلا كان من المفترض
ان ارحب بيك لكن سبقتنى وجيتنى براك
داخل ..ودا دائما خلق الناس الطيبين
وما عندك مشكلة انت اترك تلفونك
ولو معانا فى الرياض
بنتلاقا فى البطحاء ام رمالا دقاقا
او فى خان شليلة وميادين النجيلة
او فى السلالم وحراج ابو القاسم
ولك ودى
|
Post: #10
Title: Re: قصاد البوست دا انا تانى ما بجى... الشمار كتير انا تانى ما بجى
Author: Tumadir
Date: 03-21-2004, 03:11 PM
Parent: #9
والحفلة دى كانت "مجتمع ذكورى" ساى ولا فيها "جندر" تانى؟؟
|
Post: #11
Title: Re: قصاد البوست دا انا تانى ما بجى... الشمار كتير انا تانى ما بجى
Author: nazar hussien
Date: 03-21-2004, 04:03 PM
Parent: #10
حمدالله الف علي السلامة
يا ابوقوتة...والجاتك في كراعك سامحتك...وان شاء الله ما تشوف شر..لا كر لا جبس..لا مقص...لا حر...لا مغص...لا أر...والاخيرة دي شفتها مكتوبة في بيكب....يا ناس يا شر كفاية ار...ولا هسي ار دي ما عارفها شنو...الا يا ربي تكون جاية من المصريين....لكن المخليني استبعد انها من المصريين انو البوكس..بوكس لبن
يا تماضر...جندر...تاني مع ناس اب قوتة وفي السعودية بي حجاب واللا بدون حجاب....؟؟
|
Post: #13
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-23-2004, 08:24 AM
Parent: #11
الاخ نزار
وينك ياحبوب ليييييييك وحشة
قلت لى جندر محجب
لابس جزمة لا شبشب
والشراب زى الضب
وجائى من المصب
وبياكل حبحب
وللخروف لبلب
وللكبسة صب صب
نحن عذابة يارب
مافى جندر بتكبكب
وتسلم ياظريف
|
Post: #12
Title: Re: قصاد البوست دا انا تانى ما بجى... الشمار كتير انا تانى ما بجى
Author: abuguta
Date: 03-21-2004, 04:05 PM
Parent: #10
بت الشيخ ياريت لو كنت معانا عشان نسمع منك القمارى قوقن
ديل كلهم شباب عذابة
والجندر الشغال معاهم كلهن لبنانيات
طبعا فى المملكة المرة نحن بنسمها لقم
لو شفت ست جاية بتقول لاخوك ابعد من اللقم داك
عشان ناس الهئية لو لقوها ما نازلة فى اقامتك
بنزلوك على طول فى بورت سودان
قصاد اللقم دا انا تانى ما بجى
بسفرنى بورت سودان خلى غادى منى
وتسلمى
|
|