Post: #1
Title: اقتراج.هــام.وعاجل. لبكــرى... حتى لا نفقد الصفوة..
Author: abuguta
Date: 02-21-2005, 01:52 AM
الاخوة الاعزاء
تحية طيبة
اقتراحى هو لصاحب الحوش بكرى ابوبكر ...ان يخصص مكانة منفصلة من المنبر الحر للاساتذة الاجلاء د.بولا, د.نجاة.الاستاذ الخواض ومن ركب قطارهم..حتى يكون ابداعهم تحت عيوننا ونهرهم يجرى بجوارنا بدلا من منبر منفصل..وحتى يوفر لهم الزمن للكتابة والابداع
بدل من يضيع وقتهم هدر فى الجرى خلف مكان استضافة فى شركة مرموقة ومؤمنة ومعاناة تصميم موقع والدعوة للاعلان له والشهرة واضافة اسماء الاعضاء واختبار عضويتهم ..دا من غير الضنى فى العمل الفنى من كومبوترات وراوترات واسوتشات..ومراقبة سرفر وبرامج هكرر ومكافحة قيروسات وتكلفة خطوط مؤجرة من leasd line,frme relay, adsl512 وهذه الاعمال بسيطة للمتخصصين واصحاب المهن الفنية...امثال الريس بكرى ...بدل من هذا الزحم الذى يفقدهم جهدهم ووقتهم الثمين والزمن ليس من صالحهم والعمر محدود لابد من نشر ابداعهم ومناقشة افارهم مع بعض حتى نطلع بخلاصة الابداع
لذا اقترح ان تقطع مساحة كليو بايات من الباندوث خاصة لهم لا يدخل عليهم الا من ارتقى
وهذه الدرجة يحددوها هم..ويكون مفتاح القفل معهم ولا يعطى لغيرهم حفا فى ذلك
الموضوع للمناقشة
والافكار الجديدة حتى لا نفقد الصفوة
ابقوتة_ فى ساعة الدوام
|
Post: #2
Title: Re: اقتراج.هــام.وعاجل. لبكــرى... حتى لا نفقد الصفوة..
Author: محمد حسن العمدة
Date: 02-21-2005, 02:22 AM
Parent: #1
Quote: الموضوع لمناقشة
والافكار الجديدة حتى لا نفقد الصفوة
|
فعلا عزيزي ابوقوته الموضوع محتاج للتفكير والتفكير العميق
جدا ..
جدا
جدن
جدن
|
Post: #5
Title: Re: اقتراج.هــام.وعاجل. لبكــرى... حتى لا نفقد الصفوة..
Author: abuguta
Date: 02-21-2005, 03:08 AM
Parent: #2
فكر ياعمدة فكر
قبل الصفوة
تعمل معسكر
ونحن وراهم ننجر
والبورد يكون زى الكر
ها ها ها
انا بقول يدوهم مساحة من غير كتاحة
شكرا
لجدن...لو شافها محسن برضو بمشى مع الجماعة
تذكر الرجل النحوى القديم..ساى الغراب وقاعد يقول ليه قاق قاق قاق
الى ان كسر رجله...
ولقدام
|
Post: #3
Title: Re: اقتراج.هــام.وعاجل. لبكــرى... حتى لا نفقد الصفوة..
Author: A.Razek Althalib
Date: 02-21-2005, 02:22 AM
Parent: #1
Quote: ابقوتة
قنبلة الودالموقوتة |
ابقوتة
قنبلة الودالموقوتة...
تصدقني أنا أسمك ده عاجبني كيف..!
قلنا ندي طله... قبل ما نبكي على الأطلال...
خالص الأمنيات...
|
Post: #6
Title: Re: اقتراج.هــام.وعاجل. لبكــرى... حتى لا نفقد الصفوة..
Author: abuguta
Date: 02-21-2005, 03:13 AM
Parent: #3
ودالطالب
طلتك لينا فلة
ويبقى البوست بيها حلة
وبيها نحافظ على الشلة
عبد الرازق وموسى بله
هلا هلا هلالنا هلا
ولقدام
يابلد
|
Post: #4
Title: Re: اقتراج.هــام.وعاجل. لبكــرى... حتى لا نفقد الصفوة..
Author: محى الدين ابكر سليمان
Date: 02-21-2005, 02:40 AM
Parent: #1
والله كان كدة غرامشى يشوف ليهو غراب يجزو ويلحس مفهوم المثقف العضوى,هى مشاكلنا كلها ما طالعة من نافوخ المثقف الصفوى والعاجى ( ما ساحل العاج), ساستنا ائمة ولوردات حروب ومثقفينا نخبويين, يعنى نمشى وين بس؟
|
Post: #7
Title: Re: اقتراج.هــام.وعاجل. لبكــرى... حتى لا نفقد الصفوة..
Author: abuguta
Date: 02-21-2005, 03:30 AM
Parent: #4
مجيو
نمشى وين وبس
لما نشوفهم نندس
او نقيف ليهم صف....
ونترك ليهم الملاح
وناكل رغيف حف...
وينومو فى السرير
ونحن ننوم فى الرف....
ويحكمونا كمان
حتى لو كان رف....
ولو قلت كلمة
الحبل فى رقبتك لف....
ومثقف يكتب ابداع
ودونهم الابداع شف
انت ابوك مو شاعر
ولا قريت معهد عالى
واين تعلمت الحرف.....
حتى شعرك منظوم نظم
من زمان قلنا تخلف.....
شكسبير ما قال كدا
ولا دريدا فى كتاب الف.....
وانت ذاتك ماشفت الغرب
ولا هناك لفيت لف.....
كيف تجى للرواية تالف
وفى الشعر قصائدك تخلف....
ارجع وراء اقيف
فى الصف
وين الصف
وين اخر الصف
انا عاوز اكتب حرف
حتى لو من اخر الصف...
عشان انضم لذاك الحلف...
وبكرة تقول عنى الاجيال
انى مثقف......
شكرا محى الدين
على المشاركة الرائعة
|
Post: #8
Title: Re: اقتراج.هــام.وعاجل. لبكــرى... حتى لا نفقد الصفوة..
Author: اساسي
Date: 02-21-2005, 03:37 AM
Parent: #7
ابو قوتة
كلامك ابدا ما مقبول ولا منطقي ولا معقول
كيف يعني النخب والصفوة ياخدو جزءً يسيرا من ارض الرجرجة والدهماء
ان كان الاقتراح بتفريغ المكان لهم لكان الامر معقولا ولكنهم
حين يستجيرون ببعضهم منكم لا تتركونهم حال سبيلهم؟؟
طيب التفرد هنا وين؟؟ في انهم ياخدو اوضتين خلف خلاف والبيت خرابة
؟؟
|
Post: #9
Title: Re: اقتراج.هــام.وعاجل. لبكــرى... حتى لا نفقد الصفوة..
Author: abuguta
Date: 02-21-2005, 11:56 PM
Parent: #8
اساسى الاساسى
انا دائما اتى بالجديد ولكن انت عامل لى تفتيحة كنت مفتكر خلاص لقيت الحل...هم يكونو بجنبنا نعاين ليهم ويعاينو لينا...يدخلو علينا ولا ندخل عليهم حياة برزخ كدا..لكن انت جبت الحكاية كلها هم عاوزين نظافة 3997 عضو بما فيهم عجب الفيا وبعدين شوية شوية يدخلو الناس...ويجيبو ليهم حراس باب لئيم زى اختنا والله دى ياساسى ما تدخلك...ياخوى زمان الكاتب بسهر فى اتحاد الادباء مع اقرانه وشلته المطبلة له يمشى البيت يغيب كم يوم يكتب له قصيدة او قصة صغيرة يقوم يمشى ينشرها فى اى صحيفة يومية...فى الصفحة الداخلية...نحن نقراء الاعمدة الخارجية والرياضة ..والعناوين لكن الخربشات ديك والله ما حصل قريتها...اها مشيت العالى فى الحصا حيصا كنت بشوف ناس مدلدل شعرهم زى بوب مارلى فى دار الادباء ...كنت بلاحظ ليهم لو يوم حلقو شعرهم بمشى اقول ليهم انا شاعر بعرف اكتب رايكم شنو فى كلامى دا...لكن ابوى قال لى ما تبراى الفارقة انا عاوزك تطلع دكتور قلت ليه يابوى انا علمى رياضيات..قال لى مالو لكن ..حصالة العيادة عاوز زول بحسب..قلت ليه انا ممكن اطلع مهندس قال برضو كويس ..بس اوعى من الناس الراكبين موريس..ديل كل يوم مجننى عشان انظف ليهم الشارع..بتاع الحواشة...لكن نصيحتى ليك خلى جنك القديم دا...واوعاك ثم اوعاك تقنب تكتب لى فى شعر مقطع ولو اصلك داير تكتب خلاص اكتب مسادير
مثلا
نحن قلوبنا ما بنزل خلل فى جوارن
وبمشن دغرى فوق الدرب المشوبو كبارن
والبلد المحن لابد يلولى صغارن
واها من يوم داك بقى شعرى زى جرى الموية فى التقانت
اجرى ياموية اجرى
وفى السراب اسرى
وغنى نشيد القمرى
وابوى جايك فى الفجرى
مشيت الهند كنت فاكر نفسى تانى واحدامشى الهند بعد ما ودعمى الجاب لى القبول افتتحها قبالى...لقيت دنيا بحالها كانى اخر واحد جيت ..عالم من كل مدن السودان ...روابط جمعيات
فرق كرة احزاب سياسسية....فقلت لهم
سلام اليكم سلام
سلام عليكم وسط هذا الزحام
من رمى بكم فى هذا الخضم
وجعلكم تتوقو الى السلام
اهى العلوم من جنى عليها
وسط عالمنا المصغر بالسقام
ام الترجل والتنزه
وتغير الاماكن والكلام
اهى ياساسى الفت فيها كراريس سميتها مزتمير الهنود
فكرك كلامى دا بعد عشرة سنوات ما بضمونى لبورد الصفوة
ولقدام
|
Post: #10
Title: Re: اقتراج.هــام.وعاجل. لبكــرى... حتى لا نفقد الصفوة..
Author: أبو أحمد
Date: 02-22-2005, 03:54 AM
Parent: #9
يا عم روووووووح
بلا صفوة بلا نيلة
صفوة ميـــن ؟؟؟؟
خليهم يندرشوا معانا هناااااا...
لانو الدرش بـ....
خلوهم لينا في السهلة
وانتو بس بطلوا نفخ جووووووووووخ
وحركات التدليس والنفاق دي
؟؟
والمنبر ح يكون بالف خير
|
Post: #11
Title: Re: اقتراج.هــام.وعاجل. لبكــرى... حتى لا نفقد الصفوة..
Author: 7abib_alkul
Date: 02-22-2005, 04:19 AM
Parent: #10
يا ابقوته الصفوة الوحيده الانا بعرفها في السودان دا ناس شركه الصفوة الوكيل لسيارت الفلكسواجن والبولو
سلم لي علي الصفوه
|
|