Post: #1
Title: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-27-2005, 10:51 PM
اسعار السلع...اليوم
الخميس 19 ربيع الاول سنة 1426هـ الموافق 28 ابريل 2005
فى منطقة ابقوتة..فى داخل الاقليم المروى
جوال السكر 50 كيلو ب 71 الف
جوال الذورة 7 كيلات ونصف ب 71 الف
دى اسعار اول السوق... خلينا نشوف بعدين اخر السوق
ممكن يكون فى نزول فى اسعار السكر.على حسب علم خبراء البورصة الابقوتية..
لقلة الطلب من المزارع الذى يلهث لكى يتحصل على كيلة ذرة لقوت عياله
ولقدام
|
Post: #2
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: هشام مدنى
Date: 04-27-2005, 11:11 PM
Parent: #1
صباح الخيرات عزيزى الفاضل ابوقوتة
| Quote: خلينا نشوف بعدين اخر السوق |
ممكن تكون 50% ذيادة
اذكر سنة 1982 ضربنا كلام نصف يوم مع مزارع فى تنزيل 25 قرش
فى جوال فول زمن عجيب الكلام فيه بالف.
مع تحياتى لاهل ابوقوتة
|
Post: #3
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: زول ساكت
Date: 04-28-2005, 01:29 AM
Parent: #2
| Quote: اسعار السلع...اليوم... .فى سوق ابقوتة ...شوال ذرة..ب شوال سكر |
ليهم الله اهلنا ياابقوته
|
Post: #8
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-28-2005, 04:14 AM
Parent: #3
زول مشهور
ياداخل السور
وساكن القصور
والله ملينا الغربة
والعسكر..
وفترنا حتى فتر الفتر
شكرا لك
|
Post: #7
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-28-2005, 03:54 AM
Parent: #2
Quote: اذكر سنة 1982 ضربنا كلام نصف يوم مع مزارع فى تنزيل 25 قرش
فى جوال فول زمن عجيب الكلام فيه بالف.
مع تحياتى لاهل ابوقوتة |
بالله سنة 82 انت كنت فى مكتب ابقوتة...زمن والله ...يومها انا دخلت الثانوى ..الحصاحيصا
لان ابقوته والربع ما كان فيهن ثانويات...والوالدة الله يطرها بالخير كانت بتخت لى الخبيز فى الكرتونة..وبذكر مرة جيت يوم خميس و ابوى ما كان موجود..وهى ما عندها مصاريف ..قلت ادك الى الاتنين..لما يوصل حقى قالت لى لا..انا بدبر ليك الفلوس دى اسى..تصور مشت باعت احدى قويشاتها..عشان انا امشى المدرسة...اسى فرحانة عشان بقيت عب كبير
خالص تحياتى لك
لسع ما وصلتنى اسعار اخر السوق..لكن شباب المنطقة سائرون على ناس المحلية واللجان وقالو عاوزين
لجان شبابية...التغير جائى ياهشام وان رفض الرافضون...تصور سوق ابقوتة قاعد يدلل فى الحصاحيصا
كل عام..سوق الغنم ب 42 مليون سوق العيش والخضار ب 90 مليون والكبارى ب 50 مليون وكل الفلوس دى تاخذها المحافظة...والمستشفى لا يوجد بها ماء..ولا منافع
|
Post: #4
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: Alshafea Ibrahim
Date: 04-28-2005, 03:20 AM
Parent: #1
تعيش الحكومة يا ابوقوتة
تذكر زمان كان بعض المزراعين يوزعوا العيش في مثل هذه الأيام ببلاش يعني شوال بشوال خوفا عليه من التلف ، وعند الحصاد ترد ما أخذت من سلف
والتبراب يوزع مجانا والله يا ابوقوته
والآن مع حكومة المشروع الحضاري وتجفيف الترع العمدي ، وخراب المشروع لا نستبعد حدوث مثل هذه الأمور شوال العيش بشوال سكر وممكن شوال السكر بشوالين عيش
وحسبنا الله فيك يا حكومتنا الرشيدة
|
Post: #5
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: A.Razek Althalib
Date: 04-28-2005, 03:36 AM
Parent: #4
أبو قوته..
يا قبنلة...
| Quote: شوال ذرة..ب شوال سكر |
زمان أيام الرخي..
طلعنا مظاهرة...
وكنا بنهتف...
الملوة جنيه..
نعمل أيه...
والهتيفة...
تنطط...
وتتبر بالحجار...
ياآآآآآآآآآآآآآآآه..
والله زمان...
سبحان الله مغير الأحوال...
من حال إلى حال...
|
Post: #11
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-30-2005, 10:31 PM
Parent: #5
Quote: الملوة جنيه..
نعمل أيه... |
ونحن كنا بنهتف
صلاح الدين
سف التومين
فى الخرطوم
اتنين عقر
غلو السكر
مهدى مصطفى الهادى
ونميرى
شكرا ود الطالب
على غفشاتك الظريفة
|
Post: #9
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-28-2005, 04:26 AM
Parent: #4
| Quote: شوال العيش بشوال سكر وممكن شوال السكر بشوالين عيش |
الشفيع
تحياتى
تصور دا سعر الليلة..لانى اتصلت الصباح على بيتنا وسالت اخوى الصغير قلت ليه اشترى عيش للبقرات
قال لى تصور الا اكلهم ليك سكر..قلت ليه كيف قال شوال العيش ب 71 الف وشوال السكر ب 71 الف
سكر السكر ثابت لكن ممكن الذرة يصل ل90 الف...قلت ليه انا مش قلت ليك تشترى عيش ايام الموسم
قال لى دايرنى اتاجر بالسلع ..التمونية...قلت ليه اشترى مثلهم
خالص نحياتى
|
Post: #6
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: ودقاسم
Date: 04-28-2005, 03:40 AM
Parent: #1
أبوقوتة
أحييك وأنت تتابع أخبار اهلنا أولا بأول ...
هم صامدون ، ويعلمون أن الشمس ستشرق عليهم يوما ما ...
وعلينا أن ندعمهم ..
|
Post: #12
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-30-2005, 10:35 PM
Parent: #6
| Quote: أحييك وأنت تتابع أخبار اهلنا أولا بأول ... |
ياخال لم يبقى لنا سوى الكتابة
هل بقى فينا من يفتح صدرة لبندقية العسكر
خاتم ومضى..وما ترك لنا غير الصدى
لكن لا اذايع لك سرا
شبابنا فى المنطقة هذه الايام سائرون
لتغير لجان الاحياء والمحلية
وسوف انشر لك الخبر لاحقا
ودمت
|
Post: #10
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: Alshafea Ibrahim
Date: 04-28-2005, 04:32 AM
Parent: #1
أبو قوتة
نحن بعنا البقر والغنم ، الجوع والبؤس ، الزكاة ، القطعان ، النهب المسلح ، الجفاف ، طلق القطن والقمح كان زمان ، سنوات عجاف نساءل الله سلامة أرواحنا من المرض
لكن يا ابوقوتة لو باقي عندك فدادين أحفر فيها بئر ممكن ترتاح من شراء (علوق) البقرات ، وانا بعرف أراضي مكتبكم ممكن تنتج حتى العنب والتفاح
الله يكون في عون أهلنا أصحاب المواشي بالجزيرة وعموم انحاء السودان
|
Post: #13
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 04-30-2005, 10:44 PM
Parent: #10
| Quote: الله يكون في عون أهلنا أصحاب المواشي بالجزيرة وعموم انحاء السودان |
الشفيع
احيك وانت تحمل كل هذا الهم والعبء من اجل اهلنا المغلوب على امرهم
عندى فكرة البئر لكن اجراءات واجرات..عاوزة دفع..تدفع بس
شكرا لك شكرا
|
Post: #14
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: Shalabi
Date: 05-01-2005, 00:49 AM
Parent: #1
الغالي غلاوة أهلنا بأبقوتة ،،
أحمد صديق ،،
تحية و شوق كمية ،،
Quote: ونحن كنا بنهتف
صلاح الدين
سف التومين |
أتذكر إحدى هذه المظاهرات و قد كنا في (الروضة) و قد بدأت شرارتها من مدرسة أبقوتة المتوسطة بنين (جوار بيت العمدة) و على مرمى حجر من بيوت موظفي المشروع ... و تكملة الهتافات على ما أذكر
صلاح الدين
سف التومين
واشترى موديل تمانين .. ( يعني عربة بوكس موديل العام ثمانين) آخر موديل ...
شفت الذاكرة دي كيف (الحالة الواحد مهلوس بتجهيزات العرس) ..
|
Post: #15
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 05-01-2005, 01:14 AM
Parent: #14
| Quote: الحالة الواحد مهلوس بتجهيزات العرس |
ها ها ها ها ها ها ها
قال مهلوس قال
يعنى عاوز تقول لى اشتريت الشنطة 50 فى 50 ...يعنى شنو12 فى 12.ما عادى..ما هى تياب دبى
كلها مجانية..والريحة جابها ليك صاحبك من حيدر اباد..3 كيلو صندل سعر الواحد 10 ريالات
ونصف كيلو صندلية ببلاش...تانى فضل شنو فى التجهيزات..اصلا شايل فى الشنطة كامرى
تعال بجاى خلينا من وعودك دى وممكن ندلى معاك..ما معروف
وبكرة يغنن ليك البنات
الفى دبى الماحاسى بى
ولقدام
|
Post: #16
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: محمد عبدالقادر سبيل
Date: 05-01-2005, 02:08 AM
Parent: #15
يا ابو قوته صديقي الحبيب
السلام عليكم ورحمة الله وبركاته
أولا قلبي وهمي مع المساكين، ولعن الله من يضيمهم ويضيق عليهم.
ثانيا البلد مليانة عيش يا ابو قوتة لكن المشكلة اساسا في الجشع الذي اصاب الناس في السودان، وخاصة التجار ، فأنا اعرف العشرات ممن يعتاشون على احتكار قوت الشعب المساكين، من خلال ( تخزينه) اعتبارا من شهر اطناشر ( موسم قطع العيش والسمسم) ثم بيعه في الخريف في عز الحاجة اليه وباسعار لا ترضي الله ولا رسوله ولا الكفار حتى!!
كل العواطلية اصبحوا تجار عيش، وأقول العواطلية، لأنك لا تبذل اي جهد في هذا الامر لا تفكير ولا كهرباء ولا ضريبة ولا عرق جبين ولا اي شئ !! فقط تشتري العيش في الدرت وتبيعه قبل الدرت الجاي بشهر فتكسب السحت كله ومال قارون ومال اليتيم وزيادة ، دون اي مجهود.
ولهذا السبب تجد كل واحد صعلوك او غير صعلوك يرسل لأحد أقاربه في الخارج لكي يموله بمليونين تلاتة او يشاركه النص بالنص.
ظاهرة باتت متنامية ومتزايدة سنة بعد سنة.
والسبب الرئيس في عدم كبحها هو اعتماد ( نظام السوق) والانفتاح وهو ما تدعو اليه اليبرالية الرأسمالية والعولمة بقيادة امريكا وصندوق النقد الدولي وال ( WTO)
ولذلك فان كل من يدعو الى اعتماد الليبرالية السياسية عليه ان يتحمل مسؤولية الليبرالية الاقتصادية المترافقة معها ( الوجه الآخر للعملة ذاتها).. هذه نتيجة الرأسمالية المفروضة عبر مؤسساتها الدولية بما فيها الصندوق ومنظمة التجارة العالمية والوصفة الامريكية للحرية ( حرية السوق ).
وقناعتي ان الحكومة من واجبها محاكمة كل مواطن يقوم بتخزين العيش احتكارا وجشعاً ، وبالتالي رفض الليبرالية الاقتصادية ( الحرية الرأسمالية واقتصاد السوق) من أجل حماية الفقراء.
وبجانب ذلك فان الأمر كان معقولا في السنوات الماضية لأن هؤلاء العواطلية ما كانوا يحققون الاسعار المهولة التي كانوا يطمحون اليها ولذلك باتوا يصابون باليأس ، مما ادى الى انحسار الظاهرة اثر الخسائر التي منيوا بها. غير أن مشكلة دارفور جعلتهم يستغلون الاوضاع ويجهزون انفسهم مبكرا باعتبار ان منظمات الاغاثة ستشتري من المحلي وكذلك الحكومة ، كما ان الزراعة في مناطق العلميات ستتوقف الخ
ومن المهم وضع احتمال كبير لأن يكون تجار الجبهة ( ذووا الخبرة في مجال التخزين ) قد فاقموا المشكلة. فضلا عن ان الظاهرة باتت عامة فعلا .
تعرف يا ابو قوتة
من اكثر المشاكل التي تحتاج الى حل جذري هي مشكلة الانشطة الاقتصادية السائبة والضارة بالشعب وبالاقتصاد الوطني وفي مقدمة ذلك السماسرة وتجار العيش .
|
Post: #17
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 05-01-2005, 02:46 AM
Parent: #16
عزيزى الشاعر سبيل
طبعا راس المال الطفيلى هو سبب هذا الغلا..لكن كان متوقعا...لانه بداء من اول يوم من وصول اول محصول ب 47 الف ثم انخفض بعد ما دفر المحصول الى 40 الف وبعدها طار ..وكان من المتوقع ان ينزل مع موسم القمج لان هذا العام محصول القمح لم يكن موفقا ايضا..على حسب خبرائه قالو ان حبته صغيره...لذا سيكون هنالك شحا..مع بداية حصاده سعره الان 95 الف..
لذا لا تتوقع له نزول ولا للذره ايضا...والسبب زى ما قلت المجاعات والحروب...فمحاربة التخزين صارت صعبة...لان الذى يحارب هو نفسه صاحب راس المال...فلذا لا تتوقع خير من تاجر يريد الثراء
لقد اضفت للموضوع منحى اخر
ولك خالص تحياتى
|
Post: #18
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: Shalabi
Date: 05-01-2005, 03:23 AM
Parent: #1
الحبيب أبقوتة،،
تحية و شوق ،،
قلت لي (شيلة) دبي ابو الرخـا... لووووووووول (ماتخلى روحك رياضية) ..
تعرف أنا من شفت اسعار المواد الغذائية و السكر في سوف أبقوتة قلت ادخل اشوف (شيلة الدكان) حاتكلف قدر شنو .. الواحد اليومين دي بقي يشوف الدنيا كلها بمنظور (الشيلة) و العرس .
| Quote: تعال بجاى خلينا من وعودك دى وممكن ندلى معاك..ما معروف |
أبقوتة ،،
و الله راجيك في التلفون ... بالمناسبة الوعد المؤكد هو مرورى بالرياض يوم 2/6/2005 في طريقي للبلد .. اتمنى لقاء سريع مع الاحبة و الغاليين رفاق الزمن الجميل .. و سأسعد بكل تأكيد بمرافقتك في بقية الرحلة للسودان إذا ما رغبت و يشرفني جدا ان تكون (وزيرى) 9/6/2005 أها قلت شنو ؟ .
|
Post: #19
Title: Re: اسعار السلع...اليوم... .فى سوق ابقوتة ...شوال ذرة..ب شوال سكر
Author: abuguta
Date: 05-01-2005, 04:10 AM
Parent: #18
| Quote: بالمناسبة الوعد المؤكد هو مرورى بالرياض يوم 2/6/2005 في طريقي للبلد |
يعنى بعد شهر
اوكى... جوالى معاك وهشام ومصطفى..طبعا حتنزل مع نزار اخوك
بالمرة جيب لينا الحلفاوى دا عشان نتذاكر مع ايام الطفولة
او اتصل ونحن نجيك مع طريق الخرج واكيد بنعشيك بدال
ولقدام
|
|