Post: #1
Title: الرياض ...ابـوقوتة.....الرياض
Author: abuguta
Date: 01-07-2008, 05:46 AM
Parent: #0
خوتكم خوة قرقر
لا بتفقدو زول ولا حاجة
ولو فى زول سافر للبلد
بقعد وسط اللمة فراجة
غادرت الرياض
وانا تفتيحة محجاجا
نزلت فى الخرطوم
زى اى شنطة ودباجة
الطفل الصغير يتابعك
كانك غنماية ودجاجة
حمت فى سوق ابقوتة
اكلت لحمة الصاجة
شربت ليمون منوت
لا قارورة لا تلاجة
|
Post: #2
Title: Re: الرياض ...ابـوقوتة.....الرياض
Author: معاذ حسن
Date: 01-07-2008, 10:02 AM
Parent: #1
حمدا لله على السلامة
وعودا حميدا انشاء الله انبسطت!؟
كنت انتظر بوست بعنوان
مشاهداتي من الخرطوم
لكن خذلتني يلا ادينا الاخبار في البوست دا.
|
Post: #3
Title: Re: الرياض ...ابـوقوتة.....الرياض
Author: ابو جهينة
Date: 01-07-2008, 10:36 AM
أبوقوتة
حمت فى سوق ابقوتة
اكلت لحمة الصاجة
شربت ليمون منوت
لا قارورة لا تلاجة
و الله إنت صنَّاجة
ما نسيناك ولا حاجة
الغربة خلتْنا لجلاجة
( النس اللي كانوا سبب ... رمونا هنا و صبحوا فراجة )
كل سنة و إنت طيب
|
Post: #4
Title: Re: الرياض ...ابـوقوتة.....الرياض
Author: ود الباوقة
Date: 01-07-2008, 12:03 PM
Parent: #3
ابوقوتة .. اول انت كنت وين ؟؟ الحمد لله على سلامة الوصول ..
ود الباوقة
|
Post: #6
Title: Re: الرياض ...ابـوقوتة.....الرياض
Author: abuguta
Date: 01-08-2008, 07:04 AM
Parent: #4
شيخ الرياض
ود الباوقة
يازول انتو ناسكم ديل مسحو المعالم القديمة
حتى من القرى النائية,,لى اسبوع بفتش فى ابقوتة
عن اماكن دكريات وجدتها مقرية اساميها
شكرا على سوالك عنى
لكن فكينا ليكم حذر اللحوم
|
Post: #5
Title: Re: الرياض ...ابـوقوتة.....الرياض
Author: abuguta
Date: 01-08-2008, 07:00 AM
Parent: #3
ابو جهينة زعيم البورداب
كيف حالك
كتير مشتاقين
بصراحة كدا احسن حاجة لمتنا دى
انا مشيت السودان لا لاقيت ناذر ولا سامى
ديل اسامى وهمية ساى
|
Post: #7
Title: Re: الرياض ...ابـوقوتة.....الرياض
Author: abuguta
Date: 01-08-2008, 09:06 AM
Parent: #5
معاذ حسن
كيفك ياصديقى
الشوق بحر قصاد ود سلمان
منطقة رحلات بعد جبل اولياء,,,بوهت خب سورات
جيت الخرطوم 4 مرات ,حمت كلالكلات حاج يوسف سوق الوحدة,,المايقوما
الشغلة ود دفيعة,,
ثم المغتربين بقت كلها جندر والله تفتش للضكر اب عضلات عشان تحمر ليه
الا تلقاهم فى الالزامية ,,لكن كل المكاتب الاخرى بنات,,اذا ما دفعت خجلا
ستدفع تفرجا لذلك الجمال الغاتس داخل لفات الحجاب,,,
ثم ذهبنا سوق ليبيا على طول,,اكلنا فى سوق الناقة
ودخلنا سوق الجملة,,,صدقنى ندمت على ما دفعت من وزن,,كل الحاجات موجودة بنفس الاسعار
حتى لا توبات اخونا مخلص,,
اما السوق العربى ومحلات الجامع الكبير وما حولها,,كلهم يدعون على الكودة تزمرا
اصحبحت خاوية من زوار وزبائن,,لان تحويل المواقف جنب الاستاد غير معالم الخرطوم القديمة
النيل ياهو
نفس النيل
وطعم الموية...
وخضر مشاتل
تحكى عن لحظات
لقايا...
ما حيرنى ,,دخلت مطعم عشان اكل انا ودليلى,,طبعا بدون خبير سوف تضيع
حتى العملة ممكن يغشوك فيها,,المهم جلست فى نفس تربيزتنا بنت وطلبت شية
اجى ياود امى,,,ما عندكم محل خاص للعوائل
نلتقى
|
Post: #8
Title: Re: الرياض ...ابـوقوتة.....الرياض
Author: معتصم دفع الله
Date: 01-08-2008, 10:17 AM
Parent: #1
| Quote: اجى ياود امى,,,ما عندكم محل خاص للعوائل |
العفش داخل البص على مسؤلية صاحبه ..
وأنا أقول المنبر دا مالو كان مضلم كده ..
يا عمك حمدلله على السلامة ..
في الخرطوم تشوف الناس كتار كتار وزحمة زحمة شديدة ..
|
Post: #12
Title: Re: الرياض ...ابـوقوتة.....الرياض
Author: abuguta
Date: 01-09-2008, 07:39 AM
Parent: #8
| Quote: في الخرطوم تشوف الناس كتار كتار وزحمة زحمة شديدة .. |
وبعدين مستجلين كانهم فى سباق مع انو كل واحد فيهم ماشى على قرنو
لكن للامانة كدا يا معتصم الناس ديل ماسكين جنس مسكة
مافى حلل غير امريكا تدخل ولا اقولك نخليهم يكملو المشوار
تحياتى ليك
|
Post: #9
Title: Re: الرياض ...ابـوقوتة.....الرياض
Author: ناذر محمد الخليفة
Date: 01-08-2008, 02:50 PM
Parent: #1
أب قوتة العريس ..
تجي السودان وما تقول عووك ؟؟!!!
Quote: بصراحة كدا احسن حاجة لمتنا دى
انا مشيت السودان لا لاقيت ناذر ولا سامى
|
بالغت والله يا زول !!!
أي صاح أنا مشهور جدا لكن دا ما بيعني إنك حا تقابلني في أي شارع أو أي زقاق 
|
Post: #10
Title: Re: الرياض ...ابـوقوتة.....الرياض
Author: مهيرة
Date: 01-08-2008, 04:27 PM
Parent: #9
العزيز ابوقوتة
قنبلة الود الموقوتة
يعنى كان ما خايف على نفسك كنت تخاف على الأمورة
بالهنا والشفا ان شاء الله
تحياتى
|
Post: #11
Title: Re: الرياض ...ابـوقوتة.....الرياض
Author: على محمد على بشير
Date: 01-08-2008, 06:27 PM
Parent: #10
Quote: أب قوتة العريس ..
تجي السودان وما تقول عووك ؟؟!!!
|
هو كان فاضى ياناذر لكن
الله يجازيك يا قودوين
عموما
حمد الله على السلامه
|
Post: #15
Title: Re: الرياض ...ابـوقوتة.....الرياض
Author: abuguta
Date: 01-09-2008, 08:01 AM
Parent: #11
Quote: هو كان فاضى ياناذر لكن
الله يجازيك يا قودوين |
ود بشير
ما تسمع كلام ناذر دا رايحة ليه عرسة انا عندى لدن تسرح فى شعرها واخوها يقدل فى بطن امه
لكن كلام صدق كدا,,,مافى زول مشروط بهم السياسة والكرة الا ناس النت,ياخوى ما لاقانى فى ابقوتة زول بشجع هلال مريخ ,كل الناس هناك برشا جلسى ,,,اهلى موردة,,ولقد ركبت معهم فى حافلة لشراء لاعب من احد القرى للاهلى ابقوتة واقنعوه بان راعى الفريق معنا وهو مغترب فى السعودية,,وممكن تدرج معنا وهو يشوفلك عقد فى نادى الوحدة السعودى او سدوس
صدقنى الولد بعرف العب كرة,,,
طبعا اغنى نادى بعد الهلال والمريخ هو الاهلى ابقوتة,, تبع له 35 دكان وكلها مؤجرة
محلات ومعروضات موبايل,,صدقنى فكرت اتزعمه لانه بمجهود بسيط ممكن ان يلعب فى الممتاز بعد
كم ستة
تحياتى لك
|
Post: #14
Title: Re: الرياض ...ابـوقوتة.....الرياض
Author: abuguta
Date: 01-09-2008, 07:51 AM
Parent: #10
| Quote: يعنى كان ما خايف على نفسك كنت تخاف على الأمورة |
د مهيرة
عندنا واحد جاه نزيف انفى قبل العيد بيوم اسعفوه الخرطوم كل ناس المنطقة اتفقت على انه رعاف,,من اجل الا يفسدو فرحة العيد, واخير وصل اخر الليل وطلع عندو رعاف,,اكلنا اللحمة نية ونجيضة وما لاقانى زول ممتنع
نحن الذين فكينا الحظر,,لان نسبة موت البهائم صفر على حسب تصريح شيخ الجزارين ,ان هذا المرض لو موجود بكتل العنم قبل الناس سيبونا من كلام البياطرة
تحياتى لك
|
Post: #13
Title: Re: الرياض ...ابـوقوتة.....الرياض
Author: abuguta
Date: 01-09-2008, 07:42 AM
Parent: #9
| Quote: أي صاح أنا مشهور جدا لكن دا ما بيعني إنك حا تقابلني في أي شارع أو أي زقاق |
انا عارفك مشهور
وساكن جنب حى الزهور
ودائما فى حبور
يازول الاجازة قصيرة
ونحن ناس جزيرة
بنجى الخرطوم يو الاجراءات والسفر
لكن يا ناذر اخر مرة مشيت فيها كرتون كسلا او سوق ليبيا متين
اها انا ديل حمتهم فى يوم واحد
تحياتى للعروس
|
Post: #16
Title: Re: الرياض ...ابـوقوتة.....الرياض
Author: ناذر محمد الخليفة
Date: 01-09-2008, 11:05 AM
Parent: #13
أخر مرة مشيت سوق ليبيا قبل شهر عشان إشتري بطانية الصقط !!
|
Post: #18
Title: Re: الرياض ...ابـوقوتة.....الرياض
Author: abuguta
Date: 01-10-2008, 06:07 AM
Parent: #16
| Quote: أخر مرة مشيت سوق ليبيا قبل شهر عشان إشتري بطانية الصقط !! |
ناذر انا مش قريت معاك فى الهند
خلاص نحن اصحاب,,,بس بطانيتك دى خربت على الصافى جعفر اول محصول
لانى شايفوالسنة دى زارع كان قمح كان نجيلة,,لو قمح صقت مافى
انشاء الله تكون نجيلة عشان يبيعها لناس الهلال
ههههها هههها طبعا المريخ منجل وفى الابطال مسجل
|
Post: #17
Title: Re: الرياض ...ابـوقوتة.....الرياض
Author: الناظر
Date: 01-09-2008, 12:03 PM
Parent: #1
أي صاح أنا مشهور
ياربى مشهور الحقبانى و الله شنو
|
Post: #19
Title: Re: الرياض ...ابـوقوتة.....الرياض
Author: abuguta
Date: 01-10-2008, 06:11 AM
Parent: #17
| Quote: ياربى مشهور الحقبانى و الله شنو |
ابو مكى
بالله كيف الزول دا ,,محيرنى هذا المشهور لا بترقى لفووق لا بفوت الشركة
اصبح زى كلمة اول , مع الاندماج ظلت قاعدة ومع البيعة ما تغير لونها
صحى الشمار دا,,,فرجعننا تانى للثامن,,,كان كدا عمرنا بطول
تحياتى للجميع
|
|