أطلب أغنية (فيفيان) للرائع حد الدهشة النور الجيلاني وأهديها لصاحب الإبتسامة العذبة أعلاه ولمن معه علي المائدة . كما أتمني من من تعجبه فكرة هذا البوست من الشباب تنزيل الأغنية هنالو أمكن ..
عيب شول الوحيد أنو بشبه يور ولا عيب في يور سوي أنه : كان حارسا لمرمي فريق الهلال ( الرشاشات ) .. يتبع ..
Post: #11 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-12-2008, 09:08 PM Parent: #6
Quote: بشبه يور
يور يور يور يادكتور انشودة رددها الهلالاب اسياد البلد كثيرا فالرجل كان السبب الرئيسي في بلوغ فريق الهلال العظيم نهائي ابطال افريقيا وبفضل ظلم التحكيم ضاعت الكأس
عدد البوستات: 1371 تاريخ التسجيل: 13-02-2006 محل الاقامة: الخرطوم : Not shown عنوان مكتبتى بسودانيزاونلاين دوت كم : اكلات مفضلة: - الاسم الحقيقى: شول اشوانق دينق التلفون: - الجامعة/المعهد: - الحالة الاجتماعية: Single العنوان الدائم: السودان الفنان المفضل: اللون السياسى: مع الحق النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: ما قلنا single معلومات اضافية: - مكان العمل: السودان مكان الميلاد فى السودان:
اتا عارف يا وهبة ميزة يور الوحيدة في الوقت داك كانت أنو هو الوحيد من بين حراس الهلال الما راح ضحية صواريخ الراجمة ود القوز لكن تاني أمسك : الحارس التنزاني بازي الحارس عوض حسب الرسول الحارس أبشر وعيييييك كلهم وداهم عاطف (الما برحم) برة ..
الاخ طلحة عبد الله سلام وعيد مبارك عليك وعلينا وعلى السودان كلو و خاصة شول وبعدين ياطلحة تعال هنا شول ياتو العندو شبه مع يور حارس فريق الخوارج(الهلال)؟ اخوك طبعا احمر ومامن الحمر بتاعين روسيا(روسيا قد دناء عزابها). ويور بتاعكم دا كان صفايه سامبلا ساكت. قالو يور مرة فى مبارة الهلال والزملاك والاهلى مامتزكر ..كان الوكت داك الثعلب الديفنيس بتاع الهلال ويقوم اللعب الثعلب يقرش الكورة لى يور..يازول يور مالقاها ليك فى التمنيات جوا الكيسص...يقوم جرا للثعلب..ياثعلب ياكوى انت قلبت ولاشنو؟ انت ماكنت معانا فى الهلال...ةالله زول سماك ثعلب ماخلطان-غلطان- كلو كلو. وشول حريف ويلقطها وهى طايرة وكل سنه وكلكم طيبين
يا شول مونق..... آسف يا شول اشوانق خليك عاقل يا زول اكيد انتا بتهظر وما قاصد جد إنك بتشجع الهلال ــــــــــــــــ طبعاً الناس مستغربين شول مونق دا من وين ؟ (اشهر اكول عند الدينكا ويقال بأنه كان يستخدم قرناً مجوفاً لتناول الطعام ولقمته الواحدة يكفي أكثر من شخص).
طلحة ... بمناسبة البروفايل... الإبتدائية ... ماريوسف الإبتدائية - الخرطوم جنوب "St. Joseph لعشاق الإنجليزية" المتوسطة .... الخرطوم الأميرية "قبالو ... أولى وتانية فى الجريف غرب المتوسطة بنين" الثانوى ... الخرطوم القديمة "ب" ... "شوف كويس يا احمد موسى" الجامعة ... جامعة السودان للعلوم والتكنولوجيا - كلية العلوم - قسم الإحصاء التطبيقى - الدفعة الأولى. الــ ـJob: موظف بمنظمة او جمعية "خيرية" بالخرطوم 2 " اسالوا ....... من مكانى "
Post: #20 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-12-2008, 10:05 PM Parent: #1
Quote: كان سنة كم ...؟؟؟ لانو إحتمال اكون قريت معاك ..
يا شول الزول دا ما تديهو فرصة يتجرجر معاك الايامات دي عصبي شوية لانو ود البشرى هجاهو بقصيدة عصماء وانا داير ابرد ليهو يومين كدا وبديهو القاضية ( رائية الوهم المتشاعر من غير فهم ) ترقبوهااااااااااااااااااااا
شوف يا وهبة أنا زول في حالي لكن عليك الطلاق اي زول يجي يتواهم في بوستاتي ويعمل لي فيها هولاكو وجلابة وهامش وكلام فارغ إلا كان الريس الرشاشة دا يفصلني .. اية حاجة بنعرفا يا صاحبك .
Post: #29 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-12-2008, 10:36 PM Parent: #25
Quote: أنا زول في حالي لكن عليك الطلاق اي زول يجي يتواهم في بوستاتي ويعمل لي فيها هولاكو وجلابة وهامش وكلام فارغ إلا كان الريس الرشاشة دا يفصلني .. اية حاجة بنعرفا يا صاحبك .
الاخ طلحة عبد الله سلام وعيد مبارك عليك وعلينا وعلى السودان كلو و خاصة شول وبعدين ياطلحة تعال هنا شول ياتو العندو شبه مع يور حارس فريق الخوارج(الهلال)؟ اخوك طبعا احمر ومامن الحمر بتاعين روسيا(روسيا قد دناء عزابها). ويور بتاعكم دا كان صفايه سامبلا ساكت. قالو يور مرة فى مبارة الهلال والزملاك والاهلى مامتزكر ..كان الوكت داك الثعلب الديفنيس بتاع الهلال ويقوم اللعب الثعلب يقرش الكورة لى يور..يازول يور مالقاها ليك فى التمنيات جوا الكيسص...يقوم جرا للثعلب..ياثعلب ياكوى انت قلبت ولاشنو؟ انت ماكنت معانا فى الهلال...ةالله زول سماك ثعلب ماخلطان-غلطان- كلو كلو. وشول حريف ويلقطها وهى طايرة وكل سنه وكلكم طيبين
محسن طه ... شا بى جالدونق.
يا زول الهلال ده لو إنفصل الجنوب ... انا حاعمل هلال هناك عشان تآآآآآمن وتقتنع ظاااتو
شول اشوانق دينق ______________ سلام للمدام "مالها ابت تظهر هنا فى الدواس الكبير "سودانيزاونلاين""والبنية لو سمحت!.... ما رديت لى رسالتى يا محسن؟!
Post: #26 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-12-2008, 10:29 PM Parent: #24
Quote: لو إنفصل الجنوب
ياشول الجنوب لو انفصل بنحاول نفصلو بطريقة لذيذة انت ودوت مجاك معانا
وناس اكوي وجوك بيونق وبقال وناذر الخليفة مع ناس تراجي
Quote: شوف يا وهبة أنا زول في حالي لكن عليك الطلاق اي زول يجي يتواهم في بوستاتي ويعمل لي فيها هولاكو وجلابة وهامش وكلام فارغ إلا كان الريس الرشاشة دا يفصلني .. اية حاجة بنعرفا يا صاحبك .
الله يسامحك يا طلوح!
بكرى ابوبكر ____________________________ انا ما الهكر ... سمح انا شول والله يا جماعة
محسن طه سلامات وكل سنة وانت والأسرة وجميع الأحباب بخير ولامين وتامين أنا قلت لوهبة الرشاشة انو يور دا هو الوحيد من حراس أبو الهل الطلع سالم وما طلعتو قذيفة من منصة صواريخ ود القوز لكن عليك الطلاق يا محسن حينذاك أي حارس جابوهوا الرشاشات عاطف القوز رجعوا ليهم بي دربو .. تتذكر الحقبة الصاروخية دي يا محسن .. ؟
Quote: أتفق معك يا طلحة. الأخ شول نال احترام الجميع باحترامه لنفسه و للآخرين. شكرا لك طلحة.
العوض ... ياخ صحيتنى من نومى ياخ
Quote: دقيقه .. خلي الخفيف طلحه الوصيف يقول اوكي ..
يافرده ( كع ) ده بقابل ربنا انشالله جوووووووووووووووووووه الجنه والله ما شالله................. بالله من زمن السجارات يا قريبك
احترامي
فى التحته خط ... عندك حق يا كع ... وانا من زمن السجارات زاتو
Quote: شيلو ياخ ..
ليه بس ... كده بس كده بس
شول اشوانق دينق ______________________________ العوض ياخ ... لقد اخجلتم تواضعنا
Post: #47 Title: Re: شول اشوانق دينق .. تعال بي جاي يا خوي .. Author: خالد عبد الله محمود Date: 12-13-2008, 08:25 AM Parent: #1
طلـــوح المهمش عليكـ الله أنتو ليكـم خمسة سنة ما شميتو بطولة الممتاز تهميش أكتر من كده كيف تاني ؟؟ أسه بطولة السنة دي زاتها كانت في إطار تقسيم السلطة والثروة و كده .. بعدين شوف المريخاب بتاعنكـ وين ما ليك دعوة بي ولدنا شول ده .. قال شول رائع قال ... يعني قال نفسكـ جبت حاجة جديدة .. الزول قال ليكـ أنا هلالابي دي معناها إنو زول رائع طوالي و ما دايرة درس عصر ..
شــول : سلام يا فردة تعرف أنا برضو زيكـ درست الإبتدائي في الجريف غرب ( مدرسة الشهيد) و المتوسط في الأميرية و الثانوي في القديمة
Post: #48 Title: Re: شول اشوانق دينق .. تعال بي جاي يا خوي .. Author: اسامه خليفه Date: 12-13-2008, 10:05 AM Parent: #1
Quote: طلـــوح المهمش عليكـ الله أنتو ليكـم خمسة سنة ما شميتو بطولة الممتاز تهميش أكتر من كده كيف تاني ؟؟ أسه بطولة السنة دي زاتها كانت في إطار تقسيم السلطة والثروة و كده .. بعدين شوف المريخاب بتاعنكـ وين ما ليك دعوة بي ولدنا شول ده .. قال شول رائع قال ... يعني قال نفسكـ جبت حاجة جديدة .. الزول قال ليكـ أنا هلالابي دي معناها إنو زول رائع طوالي و ما دايرة درس عصر ..
شــول : سلام يا فردة تعرف أنا برضو زيكـ درست الإبتدائي في الجريف غرب ( مدرسة الشهيد) و المتوسط في الأميرية و الثانوي في القديمة
مسكين طلحة يا جماعة ادوهو نفس شوية يا سلام يا خالد ... تعرف كان كده إحتمال يكون بيننا اصدقاء مشتركين وكده
التحية و التقدير ليكم يا شباب و انتم تزيلون قتامة البورد في ظل وجود الهكر الغيااااااظ ، كل سنة و انتم جميعا بخير و الف عافية ، يا طلحة يا أخوي شايفة الهلالاب ديل اتكالبوا عليك قلتا النجيب نجمتي و أجي اقيف معاك . علي فكرة يا جماعة شول دا بأنسانيته و ظرافته و ذوقه دا بمثل شريحة كبيرة جدا من أخوانا الجنوبيين ، انا عشت فترة طويلة في جنوب السودان و في منطقة جوبا تحديدا و تعايشت مع أخوانا الجنوبيين ديل في جو تسود فيه روح المحبة و الاخاء و الصداقة اللذيذة بحيث انهم و ( أنهن برضو ) يتقبلوا مني الهزار و المكاواة بشكل عادي و من غير تعصب ، لذا لما اقابل أي واحد من أخوانا الجنوبيين ديل و القاهو متعصب و شايل شعار الانفصال و الكلام الفارغ دا بعرف انه كلمة شاذة وسط الجنوبيين و ما بمثل تيار الاغلبية . يا شول ياخي كان نفسي اتونس معاك بي عربي جوبا لكن يا خسارة طلعتا تربية الخرطوم و قارئ من الابتدائي في الخرطوم يعني اكييييد ما بتعرف تتونس بي عربي جوبا اللذيذ داك ، سـلام تـاكـم
التحية و التقدير ليكم يا شباب و انتم تزيلون قتامة البورد في ظل وجود الهكر الغيااااااظ ، كل سنة و انتم جميعا بخير و الف عافية ، يا طلحة يا أخوي شايفة الهلالاب ديل اتكالبوا عليك قلتا النجيب نجمتي و أجي اقيف معاك . علي فكرة يا جماعة شول دا بأنسانيته و ظرافته و ذوقه دا بمثل شريحة كبيرة جدا من أخوانا الجنوبيين ، انا عشت فترة طويلة في جنوب السودان و في منطقة جوبا تحديدا و تعايشت مع أخوانا الجنوبيين ديل في جو تسود فيه روح المحبة و الاخاء و الصداقة اللذيذة بحيث انهم و ( أنهن برضو ) يتقبلوا مني الهزار و المكاواة بشكل عادي و من غير تعصب ، لذا لما اقابل أي واحد من أخوانا الجنوبيين ديل و القاهو متعصب و شايل شعار الانفصال و الكلام الفارغ دا بعرف انه كلمة شاذة وسط الجنوبيين و ما بمثل تيار الاغلبية . يا شول ياخي كان نفسي اتونس معاك بي عربي جوبا لكن يا خسارة طلعتا تربية الخرطوم و قارئ من الابتدائي في الخرطوم يعني اكييييد ما بتعرف تتونس بي عربي جوبا اللذيذ داك ، سـلام تـاكـم
هبة ... كل سنة وإنت طيب وكل السودانيين بخير واشكرك على المداخلة الحلوة أعلاه. ______________________________________________________ كلامك عن الإتربو فى الخرطوم ده مبالغة ... انا إتربيت ومعاى اخ شلكاوى وواحد نويراوى وتانى جوباوى وآخر نوباوى وفيهم واحد شمالى "بحكى ليك عنو فى بوست قريب "
الزعيمة هبة الماحي سلامات وكل سنة وانت وكل احبابك تامين ولا مين وسالمين وغانمين والسنة الجاية كما تتمني شكرا للمرور الطاعم جدا يا ستي وأقيف معاك ساعة خير انشالله شول اشوانق دينق يستاهل كل خير والله أبقي عافية وما تحرمينا من طلتك الواهجة كالمريخ .
طلحة ... ياخ إنت زول فضيحة خلاس "اصلو الزول ما يغلط ليهو فى حرف" يلقاك فى المليان؟! ... معقولة!
شول اشوانق دينق ______________________________________ طلحة ما تحرش البنية وخليها تجاوب سؤالى أعلاه ... ده قصدى هنا يا هبة يا عزيزة "مع إنك نجمة" ... شكراً تانى على المرور.
شول اشوانق دينق الله يسامح الجميع بس الرشاشات ديل مساكين واللا لا .. ؟
Post: #96 Title: Re: شول اشوانق دينق .. تعال بي جاي يا خوي .. Author: محسن طه Date: 12-14-2008, 01:27 AM Parent: #95
Quote: محسن طه ... شا بى جالدونق.
يا زول الهلال ده لو إنفصل الجنوب ... انا حاعمل هلال هناك عشان تآآآآآمن وتقتنع ظاااتو
شول اشوانق دينق ______________ سلام للمدام "مالها ابت تظهر هنا فى الدواس الكبير "سودانيزاونلاين""والبنية لو سمحت!.... ما رديت لى رسالتى يا محسن؟!
___________________________________________________________________________________________________ يا شول....شيباك-سلام ولا ازيك- والترجمه لى صاحب البوست طلحة وعشان مايجى يكوتها لى ويقول الترجمه ياعمك ياطلحة انحنا العربى دا ماتعلمناهو بالدق-سوط نيم وقرنتى- ومن اول الصباح لسسة الزلابيه واللبن ما اتهضمو فى المعدة ومن غير ترجمه كمان وتجى انت داير ترجمه ملح لكلمه عجمية-اقصد سودانية- ياخى ماتجتهد شوية وشوف عون الشريف قاسم يمكن تلقاها فى معجم اللهجات السودانية طالما مافى صوت عنج وارقد والحافظ حافظ والماحافظ احسن يمرق لينا بروة قوام؟.يازول مافى حاجه ملح سامبلا ساكت. بعدين ياطلحة كيفتنى لمن قلت عن شول(شول نموزج للزول السودانى السمح) شفتا كلمه(سودانى)دى ياخى اجمل مفردة بتنقال فى الونسة المتل ونستنا الطبيعية دى من غير الجغرافية(شمالى).(جنوبى)انا سودانى انا انا,وسودانى انا. تشكر يابصحة(ياصاحب)على البوست وعبرك نعيد لى كل لسودانين والسودانيات المشاركين معانا فى البوست دا وبرة البوست كمان. اها ياشول قلت الجنوب لو انفصل حتعمل فريق هلال هناك؟يازول اسمع ماقلنا فريق الهلال دا(الخوارج) والا السودانين القاعدين فى الجنوب مابعرفو يقعدو ساى فى الدنيا دى من غير حركة خوارج؟ ومنو القال ليك الجنوب مافوقو هلال..فى الجنوب فى هلال واو وجوبا وملكال وكمان المريخ فى كل المدن التلاتة دى...يازول هو فى شنو فى الخرتوم مافى فى الجنوب وانحنا غير المحاكة عندنا شنو؟تشترى قميص جديد تقول عاوز تحشش بيهو براك قدام الحلوين-الجكس- صحبانك يجوك بدس ويقولو ليك قميصك ماعينة ولا شديد..تقوم تدقس توريهم اشتريتو من وين..تانى يوم تجى الحفله تلقاهم كلهم لابسين نفس القميص التقول فرقة عقد الجلاد-شايف الجلد دا كيف؟. واسمع ماتنسى الفرق الدوليه بالسودان..ريالمدريد(الامة) وانترميلان(الاتحادى) وبرشولونة(الشيوعى) شايف اى حاجه هنا تلقاها هناك وتجى تقول كان الجنوب انفصل؟ اسمع ياشول تزكر المرحوم كاربينو لمن جا الخرتوم وكوت عملو اتفاقية الخرتوم للسلام فى التسعينات؟ كان عملو ليهو حلقة فى التلفزيون وكان فيها الفنان الكابلى-ويقال معظم قيادين الحركة الشعبيه بيسمعو للكابلى-ماعارف نادر خضر دا عمل ليهم شنو؟التقول كان مجاهد وماناقشين انو نادر خضر هو الوحيد الغنى لينا فى وكت صعب وبيزكرنا-الساعه خمسة انا انا ياحبيب ماتنسا انا-فى الوكت الكان اخوانا بتاعين الانقاذ قامو بالجوباك حق الغنا العجيب داك الانتو عارفنو براكم مافى داعى نخرب الونسة بسيرت الموجوبكين ديل. المهم ياجيك الكابلى غنى لى كاربينو. والمزيع سال كاربينو شنو اطرف حاجه مرت بيكم وانتو فى حركة الانانيا الاول بالمناسبة. فقال:والله كنا فى معسكرات فى يوغندا وسمعنا انو فريق مريخ جا عشان يعلب مع فريق يوغندى...فا طوالى مشينا الاستاد عشان نشجع مريخ وفعلا مريخ لعب كورة صاح وغلب فريق يوغندى اتنين زى السم.وبعد شوية الحكم عمل حركات وادى فريق اوغندا اتنين بلنت-جزاء- سامبلا ساكت من غير سبب.يازول طوالى خشينا عملنا شكلة مع ناس اوغندى شكلة صاح ونسينى انحنا ناس متمردين وقاعدين ضيوف فى بلد حق ناس ديل.شايف كيف ياشول فى عز المعمعات والحروب برضو جوانا هناك حب لبعض مافى زول بيتصورو بس كيف نمرقو الحب دا من الحته الداسنها فيه الى العلن.ولى قدام انا بحكى ليك عن حب الشمالين العاديين ساى لا سياسيين ولا يحزنزن واول مرة لمن جيت الشمال طالب فى بورسودان .ياجيك انحننا كسودانين مانستاهل البيحصل لينا كلو كلو.يازول نفكك عندى كلام عن الكورة مع المونج طلحه
Post: #97 Title: Re: شول اشوانق دينق .. تعال بي جاي يا خوي .. Author: heba Elmahi Date: 12-14-2008, 07:56 AM Parent: #96
أها جيتكم تاااني بعد يوم شغل مليان تعب بس الونسة معاكم بتزيل أي تعب ، تشكر يا طلحة يا أخوي علي البوست اللذيذ دا و النبي تواصلوا الونسة فيهو من هنا و لغاية الارشفة أصلها قربت .
Quote: هبة ... الجبرك شنو تكونى مريخابية؟
وحياة الخوة يا شول مافي أي جبر بس كونو الشخص يكون مريخابي دا الوضع الطبيعي و الفطري ، أما الهلالاب ديل الشواذ عن القاعدة !! لكن إجابة جادة كدا حب فطري نشأ جوانا للمريخ بحكم تربيتنا في حي المسالمة الامدرماني الجميل و الجميع يعلم ان نادي المريخ بدأ في حي المسالمة و كان أسمه سابقا نجمة المسالمة .
عذرا يا طلحة دي من غير ترجمة، واصلوا الونسةيا شباب و انا معاكم علي قدر ما الاقي وقت ، تحياااااتي لكل المتداخلين.
Post: #98 Title: Re: شول اشوانق دينق .. تعال بي جاي يا خوي .. Author: خالد عبد الله محمود Date: 12-14-2008, 08:07 AM Parent: #97
و شهد شاهد من أهلهــا ...
Quote: الجميع يعلم ان نادي المريخ بدأ في حي المسالمة و كان أسمه سابقا نجمة المسالمة .
عشان تاني ما تشبكونا المريخ أنشئ سنة 1927 م .... المريخاب كذبو الكذبة دي و صدقوها .. بأفتراض أن هناك فريق أنشئ سنة 1927 م فهو ليس فريق المريخ ربما يكون نجمة المسالمة أو تيم عباس أو غيرو لكن المريخ بشكلو الحالي ظهر بعد ذلك بكثير ... بس البقنع ناس طلــوح ديل منو ؟؟
Post: #99 Title: Re: شول اشوانق دينق .. تعال بي جاي يا خوي .. Author: heba Elmahi Date: 12-14-2008, 08:12 AM Parent: #97
شــــول: نسيت أقول ليك تدفع كم و أعلمك طريقة الاقتباس عشان تاني ما تحتاج تنقل كل كلام الزول العاوز ترد عليه و تعمل تحته خط و مش عارفة أيه زي ما بتعمل حاليا ؟ ممكن أقبل الدفع بي العملة السودانية ما مشكلة عوضنا علي الله بس عشان خاطر زمالة البورد
============================================================ لو سمحتوا مافيش حد يتدخل في الموضوع دا خصوصا الناس العاملين فيها ولا بيل قيتس و كمان بنشروا في علمهم مجاااااني كدا في البورد أمثال معاوية و من لف لفه ( دي ما حقت تراجي دي واحدة تانية ما تجيبوا لينا الهواء ساي )
Post: #100 Title: Re: شول اشوانق دينق .. تعال بي جاي يا خوي .. Author: heba Elmahi Date: 12-14-2008, 08:12 AM Parent: #97
التعديل بسبب التكرار
Post: #101 Title: Re: شول اشوانق دينق .. تعال بي جاي يا خوي .. Author: heba Elmahi Date: 12-14-2008, 08:12 AM Parent: #97
التعديل بسبب التكرار تاني برضو !! والله البورد دا بقت تحصل فيه حاجات غريبة ربنا يستر علينا من .. ولا بلاش مافي داعي نجيب اسمو هسة يجينا ناطي . أقعدوا عافية بأجيكم راجعة بعون الله
سلام تاكم يا ناس طلحة مشكور على البوست الجميل دا عن الشاب المهذب شول اشوانق هو فعلا بيستحق الكلام الطيب دا لانو زول طيب ونيتو صافية من كان صغير بس يا مونج (شول) شنو قصة الرشاشة دي يا اخوي ما بتفهمونا يا عالم. قبل اسبوعين يا شول انا كنت في الخرطوم بس ما لقيت تلفونك ونسيت يوم داك ما شيلتو منك المرة الجاية ان شاء الله نلاقيك.
الصديق العزيز شول أشوانق لك التحية.. أنقطع الوصل بيننا والرائعين فى المنبر والسبب هو Password.. الذى منعنى من الدخول اليكم بعد أسبوع واحد من حصولى على عضوية المنبر ده حظ النوبة كده..نتمنى من صاحب البيت الكبير بكرى معالجة الأمر وله ولكم التحية مع خالص شكرى..قمر دلمان
Post: #102 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-14-2008, 11:35 AM Parent: #1
سلامات يا محسن طه شخصيا لم يسبق أبدا أن فكرت في أنو دا جنوبي ودا شمالي ودا شرق ودا غرب .. تفكيري منحصر دائما في أنو دا زعيم مريخابي ودا مسكين معدم هلالابي ودائما بدعو لضم الأقلية الباقية من انصار أبو الهل إلى الاغلبية المسيطرة والحاكمة بنادي الزعماء .. ودائما أشفق علي حال المهلهلين وبؤسهم وتعاستهم الكامنة في أعماقهم منذ ثمانين سنة او يزيد بسبب عدم حصولهم علي أية بطولة خارجية يزينون بها سجلهم المجدب المقحط ..
Quote: هلال واو وجوبا وملكال
دا ترهل هلاليش (من بيش ) مضر جدا بالكرة السودانية وسيؤدي إلي هلهلتها وكفاية فضائح الهلال الكبير ..
Quote: النبي تواصلوا الونسة فيهو من هنا و لغاية الارشفة أصلها قربت
وممكن نطلب من الباشمهندس نقلو إلي ما بعد الأرشفة كمان
Quote: كونو الشخص يكون مريخابي دا الوضع الطبيعي و الفطري ، أما الهلالاب ديل الشواذ عن القاعدة !! لكن إجابة جادة كدا حب فطري نشأ جوانا للمريخ بحكم تربيتنا في حي المسالمة الامدرماني الجميل و الجميع يعلم ان نادي المريخ بدأ في حي المسالمة و كان أسمه سابقا نجمة المسالمة
كلام حكم يا سليلة القمم .. شكرا للمريخية الباهية هبة . ما تنقطعي بالله عليك .
Quote: أنتي ساكنة في الخرطوم واللا مغتربة برا السودان ..؟ الرجاء الرد ضروري يا هبة ..
الغريبة الخلاصة جبتو يا المهبب ذى المقصود بالضبط! . . . . . . . . ياخ إنت ما علينا بعدده كلو عايز ترجمة يا راكوبة؟1
شول اشوانق دينق _____________________ هبة ... اجبى على الطلب ياخ
Post: #114 Title: Re: شول اشوانق دينق .. تعال بي جاي يا خوي .. Author: heba Elmahi Date: 12-16-2008, 03:02 AM Parent: #113
تحياتي لكل الذين مروا من هنا .
Quote: الزعيمة الصفوية هبة سلام ليك
لك التحية و التقدير يا طلحة و تشكر علي لقب الزعامة .
Quote: إتا فى بيت تاكن فى خرطوم ولَ قى قينى برا تا سودان؟! ... آآآآآآآآآآجو جواب ضرورى يا هبة
شووول أكو تاي سلام تاك ، أتا بأرفو وين أخر مكان في دنيا دي ؟ بس انا قي سكون هناك انت عارف يا شول انا لو كنتا في الخرطوم والله قندهار واحدة بتفوتني مافي ( مش لو يمشوا عزابة!! )ولا جبل اولياء ولا أي كرامة حج أكيييد كنتا لاقيت كل بورداب الخرطوم الحلوين ديل في كل البرامج الاجتماعية المدورة عندهم دي، قاتل الله الغربة و الاغتراب انا يا شول عايشة في امريكا ولاية فريجينيا ، أي خدمة نحن تحت أمرك .
_________________________________________________________________ يا طلحة بالله خارج لينا الرشاشات ديل من البوست و خلي لينا شول دا براهو عشان نقدر نديهو راسو و نعقله أها كدة كيف يا طلحة ؟ كرهتوووونا الردود زااااتو !
Post: #119 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-16-2008, 11:02 AM Parent: #114
Quote: يا طلحة بالله خارج لينا الرشاشات ديل من البوست
بتعرفي الحسكنيت ياهبة ..؟ ولك ان تتخيلي ..
Post: #115 Title: Re: شول اشوانق دينق .. تعال بي جاي يا خوي .. Author: خالد عبد الله محمود Date: 12-16-2008, 10:19 AM Parent: #113
Quote: تاكن : ساكن
تاكن = بتاعكم!
مريخابي و ساقط ترجمة ؟؟؟ صحيح المصائب لا تأتي فرادي ..
Post: #117 Title: Re: شول اشوانق دينق .. تعال بي جاي يا خوي .. Author: عبدالكريم الامين احمد Date: 12-16-2008, 10:23 AM Parent: #115
اشول اشوانق دينق...
شخص تتمني ان تلقاه ذات يوم في هذه الدنيا ام قدود ولطلحة المريخابي باقة من الاناشيد الهلالية وهدية خاصة مني هي لوحة تخلد زيكو (منتصر الزاكي) وهو شايل الكورة وعامل يااااااااع
Quote: بورداب الخرطوم الحلوين ديل في كل البرامج الاجتماعية المدورة عندهم دي، قاتل الله الغربة و الاغتراب انا يا شول عايشة في امريكا ولاية فريجينيا ، أي خدمة نحن تحت أمرك .
روح تاكى جميل عشان كده إتا قاينو ناس كلهم جميلين ... إنا بليمو لو إتا يوم جا لى كرتوم أخت تاإِ
Quote: يا طلحة بالله خارج لينا الرشاشات ديل من البوست و خلي لينا شول دا براهو عشان نقدر نديهو راسو و نعقله
سيب تاكن حركات مريخاب تاكن ده يا هبة...
شول اشوانق دينق
Post: #118 Title: Re: شول اشوانق دينق .. تعال بي جاي يا خوي .. Author: شول اشوانق دينق Date: 12-16-2008, 10:37 AM Parent: #1
اشول اشوانق دينق...
شخص تتمني ان تلقاه ذات يوم في هذه الدنيا ام قدود ولطلحة المريخابي باقة من الاناشيد الهلالية وهدية خاصة مني هي لوحة تخلد زيكو (منتصر الزاكي) وهو شايل الكورة وعامل يااااااااع
والله يرحمك يا والي الدين
يا طلحة ... أفرش الأرض ورود ... أستاذنا عبد الكريم المشهور بـ "كيكى" وصل.
هلا بيك يا عبد الكريم وإنشالله مصير الحى يلاقى.
أبو الخلد ... الزول ساقط ترجمة وفعلاً المصائب لا تاتى فرادى
يا جماعة طلحة ده ادو راسو وقولو ليهو ... إنضم للهلال سيد البلد ولا نامت اعين الجبناء
هلا يا كيكي كل سنة وانت طيب والاهل والأسرة وجميع الاحباب
Quote: ولطلحة المريخابي باقة من الاناشيد الهلالية
مشكور للمرور يا حبيب لكن بس شايفك حاقر بي .. كل ما تلاقيني في ملف ترميني بالهتش *
* الهتش تم التعريف به في وقت سابق بمكان ما بهذا البورد وهو الأشياء القديمة المجدوعة في الكوش وبراميل القمامة من سفنجات مقطوعة وعلب صلصة قديمة وبناطلين مشرطة وصحون طلس مطرقعة ومصدية وما الي ذلك ..
Quote: يا شول مونق..... آسف يا شول اشوانق خليك عاقل يا زول اكيد انتا بتهظر وما قاصد جد إنك بتشجع الهلال ــــــــــــــــ طبعاً الناس مستغربين شول مونق دا من وين ؟ (اشهر اكول عند الدينكا ويقال بأنه كان يستخدم قرناً مجوفاً لتناول الطعام ولقمته الواحدة يكفي أكثر من شخص).
الأخ قير تور أولاً ياخ كل سنة وإنت طيب والله المداخلة ده يا دوب شفته هسع. متذكر يا قير ... فى بداية الألفينات إتلاقينا فى بيت خالى د. كوال اروب كوال ولَ ما متذكر؟ أخى الكبير أقوير اشوانق افتكر قريتو سوا فى مدرسة واحد "وانا بكتب المداخلة ده هسع ... هو قاعد جنبى" بيسلم عليك وبيقول ليك كل سنة وإنت طيب. شوف يا قير بخصوص الهلال ... ده اكتر حاجة انا جادى فيهو يا زول ... هلال شنو البيهظروا فيهو كمان يا مريخابى إنت
كل سنة وإنت طيب وكل اسرتك بخير ياخ وسعيدين بى طلتك
شول اشوانق دينق ________________________ عظماء الجنوب من أمثال شول مونق يا استاذ قير دايرين ليهم بوست إنشالله واحد فينا يفتحو قريب.
Quote: سلام تاكم يا ناس طلحة مشكور على البوست الجميل دا عن الشاب المهذب شول اشوانق هو فعلا بيستحق الكلام الطيب دا لانو زول طيب ونيتو صافية من كان صغير بس يا مونج (شول) شنو قصة الرشاشة دي يا اخوي ما بتفهمونا يا عالم. قبل اسبوعين يا شول انا كنت في الخرطوم بس ما لقيت تلفونك ونسيت يوم داك ما شيلتو منك المرة الجاية ان شاء الله نلاقيك.
تحياتي للكل
دمبيك
الخال دومبيك شخصياً ... الهلال هلا معقولة يا خال تجى الخرطوم وما نلقاك ... مبالغة ياخ... طيب التلفون ما عندك طيب الإيميل ده مالو ياخ بعدين إنتو شنو يا خال مستخسرين فينى اكون هلالابى مالكم... الهلال مدرسة وفن وكورة وأى شئ إنتو بس اعلنوا الإنضمام وخلوا الباقى علينا يا خال ياخ زول فاهم زيك كده المفروض يكون هلالابى بالجد ... يا خسارة طلعت مريخابى
والله تلفونك ما عندي يا شول لو كان معاي كان زمان ضربت ليك لمن فقدت الباسورد الحاجة التانية زمني في الخرطوم كان قصير شديد حتى ما لقيت فرصة للاميل لكن ان شاء الله اقرب مشية بلاقيك بس رسل لي التلفون في الاميل. انت عارف انا كدا يا دوب فهمت قصة الرشاشة والله انا مريح بالي شديد من قصة الهلال والمريخ دي لا هلالابي ولا مريخابي انا بشجع الفريق البلعب كويس بس زي شهر اربعة الفات الهلال كان جانا لعب مع فريق زيسكو في مدينة ندولا باقليم حزام النحاس على بعد ثلاث ساعات من لوساكا تخيل مشيت هناك رغم اني مع هلالابي ولا عندي قضية مع الهلال لكن الكويس انو لعبوا تمام(كدا مبسوطين يا هلالاب) وفازوا كمان فنظامي كدا يا ابو الشباب مريح بالي للطيش.
انت يا شول ممكن اسألك سؤال؟ كأس السودان فاز بيهو منو ههههههههههههه يوم 30 نوفمبر؟ السؤال دا طبعا لزوم ترضية للمريخاب.
بعدين لو ما عايز تستفيد من منحة الاخت هبة خلينا نستفيد لكن يا هبة انا ما داير اعرف الاقتباس كيف داير اعرف الحاجات قي ضحكوا دي انا بشيل همن كيف عشان كتو في كلام تاي وما تخافي الحساب مع شول
لكم الود
دمبيك
Post: #128 Title: Re: شول اشوانق دينق .. تعال بي جاي يا خوي .. Author: خالد عبد الله محمود Date: 12-16-2008, 05:14 PM Parent: #1
شول يا عمكـ
طلعت الحكاية خربانة من كبارها مش صاحبكـ طلــوح براهو ....
Quote: الصديق العزيز شول أشوانق لك التحية.. أنقطع الوصل بيننا والرائعين فى المنبر والسبب هو Password.. الذى منعنى من الدخول اليكم بعد أسبوع واحد من حصولى على عضوية المنبر ده حظ النوبة كده..نتمنى من صاحب البيت الكبير بكرى معالجة الأمر وله ولكم التحية مع خالص شكرى..قمر دلمان
الصديق قمر دلمان كل سنة وإنت طيب ياخ وإنشالله السنة الجاية حظك وحظ النوبة كلهم وكل السودانيين يتغير للاحسن والله ... نتمنى ذلك بكل صدق. بصراحة ما كنا عارفين الكلام الحصل ليك بخصوص الباسويرد ونرجو من الأخ بكرى معالجة الأمر.
Quote: دمبيك وياي جوزيف شرفتما البوست يا شباب
الزول الكتب بإسم ياى جوزيف ده الصديق الصحفى باجراس الحرية قمر دلمان ياخ... إنت نسيت نضارتك وين
الحبيب قمر دلمان شكرا علي الإطلالة وإن كانت عبر وسيط ... كدا كيف يا شول اشوانق دينق ..؟
Post: #137 Title: Re: شول اشوانق دينق .. تعال بي جاي يا خوي .. Author: جلال عثمان Date: 12-17-2008, 09:37 AM Parent: #1
طلحة عبدالله ... تحياتي ايها الرائع ... رغم انك مريخابي والله منذ حين كنت عاوز اتداخل معاك لكن بما انك جبت سيرة الزول الرائع لدرجة المبالغة ده كان لابد من المشاركة
اتابع كل مايكتب ويصيبني بالدهشة فهو رجل معافي من كل مرض
فالتحية لك ياطلحة على هذا البوست الجميل
والتحية لك اخي شول اشوانق دينق، واتمنى نتعارف اكثر
----------------------- خاصة انو بجمعنا حب القبيلة الزرقاء
سلام للزعيم طلحة ولجميع المتداخلين شكراً أخى جلال عثمان على الود والتقدير واكيد سنتعارف اكثر يا اخى طالما جمعنا حب الهلال العظيم ومن قبله الوطن. كن بخير إنت وأسرتك وكل عام وإنت والأهل بالف خير
شول اشوانق دينق _______________________________ ابو الخلد ... ما اوصيك بالله ...اديلو واحد تانى
Quote: ابو الخلد ... ما اوصيك بالله ...اديلو واحد تانى
هو الواحد الأول الأداني ليهو كان شنو ..؟؟ كدا زكرني لانو نظري ضعيف ..
Post: #147 Title: Re: شول اشوانق دينق .. تعال بي جاي يا خوي .. Author: جلال عثمان Date: 12-17-2008, 05:44 PM Parent: #1
إتلم المكسين علي المعدم الفقير في حب خرابة ينعق فيها البوم ..
وطيب ياطلحة ما يهو ده ذاتو النضال انت قايل ثورة الهامش والمهمشين ده شنو ياخ، شكرا يازعيم على الترحيب
سؤال برئ : الليلة كيف؟؟
شكراً أخى جلال عثمان على الود والتقدير واكيد سنتعارف اكثر يا اخى طالما جمعنا حب الهلال العظيم ومن قبله الوطن. كن بخير إنت وأسرتك وكل عام وإنت والأهل بالف خير
شكرا ليك انت ياشول....... تعرف اكثر ما لفت نظري في جميع الاراء التى تطرحها شيئين المبدئية ... والعقلانية دم على ذلك اخي
شول اشوانق دينق احسن ليك تقلب سافلها عاليها أي : أقلب من الفريق المهلهل للزعيم المريخي بمعني: إنتقل من السفح للقمة ..
Post: #155 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-17-2008, 08:28 PM Parent: #1
Quote: إنتقل من السفح للقمة ..
طلحة يسفحك الجقس اليخلي كرعينك سواسيو انا مراقب البوست دا كويس من ما فتحتو وداير تستفرد بشول دا انا عارفك في النهاية بتطلب منو طلب غريب ولبت ساكت عشان اشوفك داير من الزول دا شنو فاتح ليهو بوست وشابكو مش عارف قريت مع منو وشنو وشنو
ايوااااا اظهر على حقيقتك شول ابقى مارق من هنا وتاني كدي النشوفك حايم في البوست دا امرق تعال بهناك انا بفتح ليك بوست جديد احسن من دا
قال شنو من السفح للقمة ههههههههههههههههههههههههههههههههايا
Quote: بعدين لو ما عايز تستفيد من منحة الاخت هبة خلينا نستفيد لكن يا هبة انا ما داير اعرف الاقتباس كيف داير اعرف الحاجات قي ضحكوا دي انا بشيل همن كيف عشان كتو في كلام تاي وما تخافي الحساب مع شول
سلام تاك خال تا شول انا بوريي لي اتا بس اتا ضروري كلمو شول دا يغير رأي تاو في مريخ تا إنا العظيم دي ، عندك في يمين صفحة الرد بتلاقي (Smilies library) كليك عليها بعد ان تضع المؤشر بتاعك في المكان العاوز تنزل فيه الابتسامة المعينة،بتفتح معاك صفحة صغيرة كدا جانبية علي يسار الشاشة تختار منها الابتسامة الانتا عاوزها، جرب و وريناالشرح المبسط دا نفع ولا لا .. بس ما تنسوو اتفاق تانا .
Quote: شول ابقى مارق من هنا وتاني كدي النشوفك حايم في البوست دا امرق تعال بهناك انا بفتح ليك بوست جديد احسن من دا
انا مش قلت ليك يا طلحة من الاول خارج لينا الرشاشات ديل من البوست هسة لو سمعتا كلامي و عملنا للبوست دا مفتاح نديهو للصفوة بس كان قدرنا علي شول دا ببساطة لكن ما مشكلة خليهم اصلو أي نجاح في الدنيا دي مستهدف و كونه تكون مريخابي دا أعظم نجاح لذا توقع المزيد من الاستهداف. يا وهبة إزيك ياخ والله انا من فترة بفتش لي سبب عشان اتداخل معاك ، دايما بوستاتك لذيذة و ضيوفك ناس حلوين ، بس عليك النبي لو جيتك في بوست ما تشبكني الهلال و المريخ عشان ما نتشاكل باقي انا المريخ دا مااااا برضي فيه كلمة .. بعدين يا وهبة ياخ انت شكلك زول كويس البوديك الزريبة شنو ؟ أقعدوا عافية جميعا و سلام كتير لصاحب البوست و المحتفي به
Post: #162 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-17-2008, 09:35 PM Parent: #161
Quote: يا وهبة إزيك ياخ والله انا من فترة بفتش لي سبب عشان اتداخل معاك ، دايما بوستاتك لذيذة و ضيوفك ناس حلوين ، بس عليك النبي لو جيتك في بوست ما تشبكني الهلال و المريخ عشان ما نتشاكل باقي انا المريخ دا مااااا برضي فيه كلمة ..
ياهبة ياخي انا الناس المابدوروني وعارفهم ما بدوروني بتحكحك فيهم وبريدهم خلي الزول البجي كايسني يا ستي الف مرحب بيك وانا سعيد جدا والله بمعرفتك
Quote: بعدين يا وهبة ياخ انت شكلك زول كويس البوديك الزريبة شنو ؟ أقعدوا عافية جميعا و سلام كتير لصاحب البوست و المحتفي به
الزريبة دي هي العملت المريخ وما قامت ليكم قايمة الا من مشاطيب الزريبة ومدد يالبرعي مدد مدد
Post: #166 Title: Re: شول اشوانق دينق .. تعال بي جاي يا خوي .. Author: dombek yai Date: 12-18-2008, 09:19 AM Parent: #161
Quote: عندك في يمين صفحة الرد بتلاقي (Smilies library)
اخت تاي هبة انا اشكر اتا خالص خالص عشان اتا وري لانا نقلو حاجات قي ضحكوا دي انا ما شوفو كلام فوق دي زمان شكر تاي لاتا
بعدين يا شول اسمع هنا دا هبة قالت ليك ابعد من المريخ يعني تبعد والا انت براااك عارف الخال ممكن يسوي شنو في ود اختو لو زعل منو وكمان ما تنسى تحاسب هبة
يومكم سعيد
Post: #157 Title: Re: شول اشوانق دينق .. تعال بي جاي يا خوي .. Author: جلال عثمان Date: 12-17-2008, 08:55 PM Parent: #1
Quote: طلحة يسفحك الجقس اليخلي كرعينك سواسيو انا مراقب البوست دا كويس من ما فتحتو وداير تستفرد بشول دا انا عارفك في النهاية
ياوهبة .... انت قايل نحن جينا جاريين هنا ساي ... ما عاشان نحمي ولدنا ده من المؤامرة دي
Quote: صديق الموج يا عمك ... كل سنة وإنت طيب. وشنو يا اخوى عامل فيهو تقلية كده يعنى... العيد الجاب الناس ما جابك يعنى؟
ارقد عافية وإنبسط من الفوز على الوحدات الأردنى وارجى منى تلفون يا عجوز
شول اشوانق كيفك يازول يا سمح انا اتاخرت عشان اهنيك بكل الاعياد ما عدا عيد الانقاذ ميرى كريسماس وهبى نيو اير وهلمجر شكرا المباركة وعقبال نعزيكم بكرة مع وفاق سطيف،،،
Post: #165 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 09:17 AM Parent: #1
هي المظاهر زاااتها طلعت مزورة يا طلحة يا أخوي والشكل القلنا كويس أتاريهو شكل أخونا حسين مكاوي وصحبك قااااشر بي صورته حكمة والله و حكاية ..!
ياشول انت أختفيت ووووين ياخ ؟ سمعتا كلام الخال دا ولا لا !!
مرفق تحياتي و ودي للجميع,,,
Post: #167 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 09:33 AM Parent: #1
المسكين جلال عثمان
Quote: عاشان نحمي ولدنا ده من المؤامرة دي
طيب تحموا ولدكم من مؤامرات الزعماء دي يمكن (أقول يمكن) تنجحوا فيها.. أها كيف بتحموه من احكام القدر اللي جعل الزعيم زعيم والمسكين مسكين ..؟؟؟؟؟؟؟؟؟؟ للقدر أحكام لا قبل لكم بها.
Post: #169 Title: Re: شول اشوانق دينق .. تعال بي جاي يا خوي .. Author: dombek yai Date: 12-18-2008, 09:55 AM Parent: #167
يا طلحة رايك شنو نقلب دكانك دا اقصد بوستيك دا لدكان ود البصير نصبح بيهو ونختم بيهو يومنا عليك الله موش فكرة خطييرة؟ ولا كمان فطيرة بي لبن ؟
Post: #168 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 09:48 AM Parent: #1
الزعيم ود الموج
Quote: انا داخل اسلم على العب الاسمو شول اشوانق ومارق فقط
Quote: فيما تكتب مداخلتك اعلاه ولو ما اخاف من الكضب أقول ليك الجميل شول دا قاعد جمبك لزم .. دا لو ما كتب الكلام الفوق دا هو .
الغريبة يا ود الموج كتبت ليك الرد دا أمس وقبل شول ما يجيء يرد عليك لكن ما عارف ما نزل لشنو ..؟ كل التقدير والإحترام لكما معا.
Post: #170 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 10:02 AM Parent: #1
دمبيك
Quote: رائك شنو نقلب دكانك دا أقصد بوستيك دا لدكان ود البصير
لي الشرف والله يا دمبيك العزيز
Post: #171 Title: Re: شول اشوانق دينق .. تعال بي جاي يا خوي .. Author: dombek yai Date: 12-18-2008, 10:11 AM Parent: #170
Quote: لي الشرف والله يا دمبيك العزيز
تسلم يا رائع.
Post: #172 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 10:27 AM Parent: #1
هاك دي يا دمبيك
Post: #173 Title: Re: شول اشوانق دينق .. تعال بي جاي يا خوي .. Author: dombek yai Date: 12-18-2008, 10:50 AM Parent: #172
Quote: هاك دي يا دمبيك
انا ما سامع الصوت يا طلحة ارفعو شوية
Post: #174 Title: Re: شول اشوانق دينق .. تعال بي جاي يا خوي .. Author: طلحة عبدالله Date: 12-18-2008, 11:21 AM Parent: #173
دمبيك
Quote: انا ما سامع الصوت يا طلحة ارفعو شوية
ما سامع كيف يا فردة ..؟؟؟ شوف دا : الزول دا في آخر الشارع سامع وضارب الهجيج .
Post: #175 Title: Re: شول اشوانق دينق .. تعال بي جاي يا خوي .. Author: dombek yai Date: 12-18-2008, 11:40 AM Parent: #174
طلحة الزول دا مالو بيشبه شول ود اختي كدا؟؟؟؟ لكن رأسه مالو زي دا ؟
Quote: طلحة الزول دا مالو بيشبه شول ود اختي كدا؟؟؟؟ لكن رأسه مالو زي دا ؟
وطلحة يجى ناطى ويضحك وجنبو كبايتو:
آمنت بالله!!!
يا وهبة صدقت ... تكالب على الأعداء عايزنى اكون كده:
لن اصير مريخابى ابداً
جاييكم بالتقيلة يا مريخاب "رغم الخسارة المذلة" ... كل المريخاب الهنا بما فيهم الزعيمة هبة بالرغم من المنحة وتدريس خالى المريخابى القاللى ادفع لهبة الحساب .. حادفع تب.. لكن ليكم حساب "إنشالله فى الدورى"
اقسمت إنى عائد ... انا عائد .."راجينى اتم وانتحر سياسياً" ... ما إنى لا ناقة لى ولا جمل فى السياسة ... بس الشعار ده بنعرفو بلحيل
Quote: الفقر الإسمو صديق الموج ده التقول كجَرا!!! ياخ 2-1 ولوفاق سطيف ... حزينة والله وما بنستاهل ده كلو!!!! ماذا يجرى لأمة الهلال؟! لم الهزائم تتوالى تباعاً؟!
شول اشوانق دينق _________________________
شول يا ود القبائل سلامات مش لو كجور قال مطر بنزل فى مكان ده مطر على طول بنزل؟ طيب انا امبارح كلمت الكجور وقال الهلال مغلوب الجاتكم فى هلالكم سامحتكم،،،
Quote: شول يا ود القبائل سلامات مش لو كجور قال مطر بنزل فى مكان ده مطر على طول بنزل؟ طيب انا امبارح كلمت الكجور وقال الهلال مغلوب الجاتكم فى هلالكم سامحتكم،،،
ياخ سامحتنا ... ده ادتنا كف عديل
. . . الله فى!
شول اشوانق دينق ____________________ يعنى مؤنثة؟... قاصد هبة ولَ شنو؟ ... واوعك تقول ... شنو ... لانها قديمة
Post: #183 Title: Re: شول اشوانق دينق .. تعال بي جاي يا خوي .. Author: dombek yai Date: 12-19-2008, 09:18 AM Parent: #182
صباحكم زين يا ناس الدكان هو انت يا شول تاني غلبوكم؟ انا ما جايب خبر والله هاردلكم طلحة ان شاء الله كدا مبسوط؟
سلامات يا جلة انت طالب شول اشوانق دينق شكر لانك عتلت ليهو البوست الحتل دا .. طبعا انا ما في السودان عشان كدا قطعان الكهرباء دا ما نابني منو ضلام وكمان ما بنتمي لفصيل المساكين المعدمين ودا بخليني دائما في حالة معنوية قمة كما المريخ القمة الكلام الناس العايشين موسم حداد ديلاك يا عيني عليهم . وانت عامل أيه دلوقت يا أبو الجل ..؟؟
Post: #188 Title: Re: شول اشوانق دينق .. تعال بي جاي يا خوي .. Author: جلال عثمان Date: 12-21-2008, 07:35 PM Parent: #1
Quote: طبعا انا ما في السودان عشان كدا قطعان الكهرباء دا ما نابني منو ضلام
طلحة تحياتي......
يعني العجاجة الضاربة في شارع العرضة دي مسويها شول براه
------------- شول شوق بحر ياخ
Post: #189 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-21-2008, 07:36 PM Parent: #1
وين ياشفيف مشتاقين وكدا
_________________ الخرطوم قطعان شديد نت وكهرباوموية
وهبة سلامات ياخي كفارة قطعان الكهرباء القطعكم عن المنبر ياخ صورة البروفايل وجيهة شديد عليك الطلاق بالتلاتة بس اوع يكون تحت الطاقية دي ملجة حدادي مدادي ..؟
Post: #192 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-21-2008, 07:55 PM Parent: #1
Quote: بس اوع يكون تحت الطاقية دي ملجة حدادي مدادي ..؟
يا عمك الليل سبح خلاص كدا خلينا هسع نقوم نشخر وصباحاتو بيض بكرة بجيب حاجة آخد فيها ولو عايز تلف لي في ورقة ما عنديش مانع بس لو ادلدق انا ماليش دعوة . اها قلت شنو يا عمك
Post: #220 Title: Re: شول اشوانق دينق .. تعال بي جاي يا خوي .. Author: عبدالوهاب علي الحاج Date: 12-21-2008, 10:42 PM Parent: #1