Post: #1 Title: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 03:50 PM Parent: #0
الموتمر الخامس للحزب الشيوعي السوداني وسودانيز اونلاين... بدايات وتلويح في الافق مرورا بلحظات ماقبل الموتمر بقليل ثم الاعلان عنه مرورا بايامات الموتمر وفعالياته ثم تداعيات ما بعد الفعاليات وصولا الي اختيار اللجنة المركزية,,, هي سياحة نحلق فيها من هنا وهنووووك (كما يقول هاشم الحسن)... نرصد تيارات الحزب الشيوعي وخطابها الذي طل طيلة فترة هذا المارثون وندلف الي ملامح الخطاب الكيزاني بالمنبر وسماته ثم طلة ايضا علي تيارات القوي الوطنية المنبر وتفاعلها مع هذا الحدث وصولا الي صدي الاحداث الاخري من التهكير وتفاعل سودانيز اونلاين الاتي من امام الاسكرين لاحداث الموتمر الخامس وتداعياته.. ونعود
Post: #2 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 03:58 PM Parent: #1
ماقبل هذا الموتمر كان هنالك بوستين اساسيات وعاليات الدسامة والتجويد خلطتا بين الفلسفة الماركسية التي يستمد منها الحزب الشيوعي اشيائه و زكريات الرفاق,, 1-بوست لابو ساندرا (عن السر بابو ) 2-عاطف مكاوي ثبت سلسلة حكاوي الرفاق في مصر.... تالق فيهما رجلا يجبرك علي التمتع بمباراة جل كتاباته في الفنون والفكر الماركسي (هو الدكتور احمد طراوة)... هذان البوستان الاساسيان الذين عملا لفترة طويلة وباصرار عالي من اهله كانا يبديان كما يثبات امر علي ارض موعودة بنقة قد تدوم اسبوع ونيف عن شيوعيين- شيوعيين.....
Post: #3 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 04:24 PM Parent: #2
بالتاكيد قبل هذا البوستان كانت هنالك موشرات هنا وهنوووك والتاجيل ثم التاجيل لم يجعل من تلك الموشرات الا سحابة تنادي بالموتمر...ولكن الاشارة لبوست ابي ساندرا ومكاوي ضرورية كونهما كانتا في الخدمة الحية .... اول اشارة مهمة عقب ما سبق هو بوست الاعلان..للموتمر وفيه طلت اشياء عديدة ومع انه بدا كاحتفائي الا انه سخن وهيي الارضية وجعل التسخينة امر حتمي وضروري لعدة جهات لذا فيه طلت اشعار-ادبيات حزب- صورة نادرة-اغاني ..وتوجهات راي في القيادة الجديدة وتوجسات واحلام للخط السياسي للحزب...وسخن معه ايضا المناوئين للشغلانة من كيزان ومن اخريين لهم راي في الحزب الشيوعي.. ولكن الشاهد بانه الامر الذي ارسل الاشارة الاساسية للديربي.. ونعود
Post: #4 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 04:34 PM Parent: #3
استنادا لما اعلن من تاريخ كانت الايادي والكيبوردات تتناول مخاوفان 1-التوقيت قد يخلتط مع امطار سحب اوكمابوية جاهزة للهطول في الارض السودانية لتجعل من لوحة الانشطة كلها سياسية وغيره لوحة عالية التصدع,, 2-متاورة الضرس الكيزاني وصقوره لعدائهم التاريخي مع الناس ديل وعدم منحهم فرصة لاقامة موتمر يعيدون به ترتيب اوراقهم المخلوطة..... في هذه الامر قرات اشارة من السيد نقد وان لم تكن قوية ولكنها ارسلت اشارة شيوعية ضد اوكامبو واعتقد بانهم بها امتصو الكثير من النوافذ المزعجة للسلطة كونها في امس الحاجة الان لمثل تلك الاشارة وعلي استعداد للاحتفاء بها حتي وان اتت من الشيطان الرجيم
ونعود
Post: #5 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 04:48 PM Parent: #4
-اولي الملاحظات .. هي ان (الناس ديل بريدو حزبهم ده ريدة شديدةخلاص) ولعل سنين البطش والمنافي والسجون وبالاضافة الي تحدي قيام هذا الموتمر والمساومة المضادة عليه هو من جعل شكل التماسك يبدو عاليا...رغم نفاجات التيارات التي يمكن ملاحظتها بارتياح في المناديين بقيادة جديدة عووضا للحرس القديم والتغييرات في تحالفات الحزب والموقف من اوكامبو....... قد تكون اللهفة الي الاحداث وشحنة الرغبة في الخامس هو من جعل الامر عندهم هتافيا في كثير من الطلات ولكنا كنا نتعشم في اسهام في القضايا الحية... -مستقبل السودان في ظل ظروف دولية -دارفور -قضايا الهامش عموما -الوضع الاقتصادي السوداني في ظل وجود بقرة البترول والازمة العالمية وهو الذين اشتهرو بالاعتناء بالارقام... يمكننا لاحقا وعقب نهاية حمي الموتمر ان نري راي الشيوعيين في هذه الاشياء وغيرها من القضايا التي تهم المواطن والوطن..
Post: #6 Title: Re: ديربي الموتمر الخامس للشيوعيين وسودانيز اونلاين..!!! Author: صلاح ليون Date: 01-29-2009, 04:55 PM Parent: #5
كيكي التفكيكي متابعين معاك لانو فعلا الايام الفاتت دي كان الكم من البوستات والمعلومات كتير وانت قاعد تبسط في الموضوع وشاكرين ..
لكن ذكرتني أيام الجامعة كان لو قلتا ما كوز تُعتبر عند الكيزان شيوعي ولو قلت انك ما شيوعي تُعتبر عند الشيوعين كوز يعني سيك سيك معلق فيك ، وفعلا أذكر قبل كده اتقالت في كتير من المنابر انت يا معانا يا معاهم
حليلنا يا محايدين
Post: #7 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 05:03 PM Parent: #6
Quote: لكن ذكرتني أيام الجامعة كان لو قلتا ما كوز تُعتبر عند الكيزان شيوعي ولو قلت انك ما شيوعي تُعتبر عند الشيوعين كوز يعني سيك سيك معلق فيك ، وفعلا أذكر قبل كده اتقالت في كتير من المنابر انت يا معانا يا معاهم
هلا يا ليون وفعلا كلامك صاح هناك محاولات جادة ومنذ ايام الجامعة لتقطيب الحكاية ولكن وين يازول هوووي الناس قاعدة يا ابوصلاح ومفتحة عيونها سمح من احسن في امور بلادنا قلنا له مبروك وقدمنا له التوت ومن اساء وطبز فله منا النبوت واهو يا ابوصلاح قلنا نلم الشغلة ونشوفها مشت وين وجات كيف كيف
Post: #8 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 05:19 PM Parent: #7
- لو جلسنا قليلا في مظلة بوست الاعلان لكرفس.. نجده ظلل 1-الاحتفائية 2-الخط المناوي طل سريعا وخطابه الذي سنذكر ملامحه 3-ملاحظة طريفة وشاركني فيها العديد من الاخوان فهي تقاطر عضوية كانت غائبة يبدو ان الاشواق للخامس هي من حملتها الينا هنا (بعضهم كتب ومشي...والاخر قبع حتي مرحلة الزناتي ومحمد صباحي وكسحو الي غياهب الغربة والمدارات البعيدة عن سودانيز)....
-الخط المناوئي الاول طل في طلعات كيزانية (علي شاكلة الحب للحبيب الاولي) واتسمت في كل لحظاتها بالمناكفات وخلت من العمق وكذلك نشط التهكميين الكبار في المنبر (ملاسي ومن لف لفهم) وجودو في الامر مولد ومهرجان للنوايا...كما سيظهر لاحقا...
-كنا نحلم ولو بقليل اسهام في الفكر المناوئي للحزب الشيوعي في الفلسفة والدين والتاريخ السياسي ولكن في ضخم حمي المناكفة والمناكفة المضادة واعتقد ايضا تلاحق الاحداث فقدنا هذا الخيط ماعدا اسهام وحيد جلبه الاخ ثروت في كتابات عادل عبد العاطي الذي اعتقد جازما بان سودانيز اونلاين فقده في هذه الايام فعادل في لحظات صفائه خير من يضخ هجوم في دفاعات الحزب الفكرية ...!!!
كابتن كيكي والله سبقتني بي شوية ردود الفعل على الخامس في البورد غريبة جدا و تستاهل إفراد حلقة اليوم من الإستديو التحليلي في خاطرة مرت علي بعد قريت كم تعليق اقرب ما يكون للخلعة و الغريبة من جهات يفترض انها ليست على وفاق إن لم يكن على طرفي نقيض شبهت الحزب الشيوعي بالهلال و الخامس ببطولة خارجية العالم الزمن دا كلو يعايروا في الشيوعيين بعدم عقد المؤتمر و تأجيله كحال الوصيفاب معانا اليوم العقد مؤتمرو أسقط في يدهم و باظت الحجة بقينا في التبخيس و نكت العيوب نافع حضر النسوان شوية مافي عمال ورافضين المحكمة نقد عجوز الجبل والفار .... إلخ يخيل لي لو ربنا فتح على الهلال ببطولة دي نفسها ح تكون رد فعل الوصيفاب ح يشبكونا حمام ميت و تزوير و رشاوي و قدر ما الله يسهل عليهم بأسباب التبخيس من ناحية تانية زي ما كانت 2009 فال خير على الشيوعيين و حلت عقدة الخامس اتمنى انها تكون فال خير على سيد البلد و يجيب ليه كاس من برة يبرد بطنا شوية
كابتن كيكي رجاء تتناول لي الحتة الغريبة الفيها لمة الشامي على المغربي أو على الأصح لمة الحقاوي على الليبرالي على الجبهجي في الضيق من نجاح الخامس باللاي بتفصيل شوية اتفضل المايك يا كابتن
Quote: شبهت الحزب الشيوعي بالهلال و الخامس ببطولة خارجية العالم الزمن دا كلو يعايروا في الشيوعيين بعدم عقد المؤتمر و تأجيله كحال الوصيفاب معانا اليوم العقد مؤتمرو أسقط في يدهم و باظت الحجة بقينا في التبخيس و نكت العيوب نافع حضر النسوان شوية مافي عمال ورافضين المحكمة نقد عجوز الجبل والفار .... إلخ
هلا كابتن ود البشري وحبابك والله في الاستديو والقناة... وياخي حكاية توارد الخواطر دي حكايتو حكاية... في الاستديو ياعمك (ميكانيزم وخطاب التبخيس ده عندنا ليهو حلقة كاملة ولكن مادام جيت انت فالضرورة المهنية تقتضي ان نشوتو حسع دي)... ابلغ وصف يا ود البشري هي ان خامس الشيوعي صار تماما مثل بطولة خارجية للهلال.. ده يا عمك اولا جاي من وعي الممارسة السياسية في البلد دي البشابه تماما وعينا الهلالي المريخي.. -قبل الموتمر كان الصوت المناوي هو(لو الموتمر قام شنبي يقوم في الزلط) -الناس ديل اعلنو موتمرهم(شبكوهم اوكامبو حيفرتقو ليكم صامولة صامولة -قام الموتمر(جايبن نافع لييييييييييه) -اختيار اللجنة المركزية (نقد ليييييه- هنادي ليييييه - جلاكين لييييه- نسوان 7 في المائه لييه) وين العمال..ووين فلانة بت فلان... الكلام ده يا والبشري ما بجي المريخاب براهم بل في ناس عاملين فيها هلالاب اكثر من الطيب السماني زاااتو... لاحقا يا عمك في الاستديو ومع كل مرحلة نجيب نماذج التبخيس (وحنعمل ليها بوربوينت).. طبعا الشاهد ايضا انو التبخسين الكبار في المنبر الموضوع ده وقع ليهم في جرح ولكن مولد لدرجة اني فكرت اشوف باصوريد( لعشة شيلة) تجي تتجدع في الايام الفاتن ديل وتبخس لينا علي الاقل ثوب ثوبين من تياب النسوان الجو حضرو الموتمر ديل
آسفين كابتن كيكي على لخبطة تسلسل التحليل نقطة تانية - من وحي ما ذكرت عن الوعي الهلاريخي - بعض اخوانا الشيوعيين تناولوا الموضوع من الزاوية دي برضو وهللوا بقصة عقد المؤتمر نظام غلبناكم و رشيناكم بل بعض التعليقات جات على طريقة الصحافة الرياضية المهاجم الخطير يبدع في التمرين و يلهب المدرجات و يميل الكشافات و بتاع بصراحة زودوها شوية و كرهونا البورد لولا ان حلانا منهم الهكر
واصل يا كابتن وما تشتغل بملاحظاتي و خواطري ما تخليها تقطع تسلسل افكارك
Quote: آسفين كابتن كيكي على لخبطة تسلسل التحليل نقطة تانية - من وحي ما ذكرت عن الوعي الهلاريخي - بعض اخوانا الشيوعيين تناولوا الموضوع من الزاوية دي برضو وهللوا بقصة عقد المؤتمر نظام غلبناكم و رشيناكم بل بعض التعليقات جات على طريقة الصحافة الرياضية المهاجم الخطير يبدع في التمرين و يلهب المدرجات و يميل الكشافات و بتاع بصراحة زودوها شوية و كرهونا البورد لولا ان حلانا منهم الهكر
انت عارف يا عمك الناس ديل جو رزم رزم وفيهم خلايا نايمة ظهروا من وين انا ماعارف.. وفعلا فيهم ناس شايلهم الهاشمية ودورا ليك مع البشرية ودقو رمبة تشفي هلاريخية تقيلة واتكشفت اوراق كثيرة بتاع وقار سياسي... لكن كمان ندي البعض منهم حقهم المستحق في تعاملهم مع الامر في اطار التسامي العالي والوقار والتهذيب العالي يعلم الله.. الهكر يا عمك بصراحة عمل عملية زي وشووو وشال من المنبر بوستات بالجد كانت مكربة اتفقنا او اختلفنا معها...واخوك ممغوس اتطلش منو بوست فيهو 2500 ونيف مشاهد ديل في تمرين المريخ ما بتلقو عموما ياعمك البوست بوسطك وتقدر تدش وقت ما بدك ووجودك اضافة تحليلية القناة ما بتلاقها باخوي واخوك
باعلان الموتمر كان يتوقع ان تنشط خطابات عديدة خطاب الحزب الشيوعي مطلوب لمحاكمتهم الجنائية 1-السلفيين (والمهتمين بالخطاب الديني) في المنبر...كون الامر الماركسي في نقته يتقاطع تاريخيا مع خطاب الدولة الدينينة...وهنا غياب تام ولم نري شيخ الطقي او فرانكلي او الاخ عماد و اخريين وهذه النقطة بالمناسبة تطل سوال محير شوية (هل تنازلت اولويات مقارعة الفكر الماركسي دينيا لياتي الامر ضد الجمهوريين والامبريالية العالمية في صراعات امريكا ضد الوعي الديني المجاهد)؟؟؟؟ 2-كيزان (موتمر وطني) وكما قلنا سابقا..طلات تهكمية في اطار هلالي مريخي ولاجديد علي مستوي التفكير وطبعا (عند راي المسبق بان النوعية الكيزانية المتواجدة في سودانيز ضعيفة فكريا..ونشطة في الديلي تهكم تو تهكم) 3-اسلاميين (موتمر شعبي- واخريين) كنت ابحث بين البوستات لكتابات علي وزن الاخ صديق عثمان (موتمر شعبي) وحواراته القديمة مع الدكتور احمد عثمان ولكن خاب ظني ولعل اعتقال الشيخ الترابي وسحابة مشكلته هي من جعلت اهل الشعبي بعيدين عن الحدث بالاضافة ايضا الي قلة الدافع السياسي والعقائدي 4-احزاب يسارية استقلت عضويتها في غالبها من الحزب الشيوعي(حق بكل انواعها) وكون منعطف يتهتم بالتغيير كان من احدي الاسباب التي ادت الي خروج قادتها الكبار كمثال وراق-الخاتم عدلان لاحقا سندلف الي روية الاخ طلعت وبدر الدين الامير واتحري كثيرا روية حقية مسبكة..مع الاشادة بالروح التي طلت من مباركات الجميع هنا 5-قوي سياسية وكيانات نشطة في الامر السياسي والفكري علي مستوي الخرطوم راينا كل القيادات شاركت في الافتتاح وعلي مستوي المنبر انعكس الامر في اشارات مباركة ايجابية (لنا مهدي) حزب امة وتسامي باسم القوي الوطنية 6-الهامش وخطاب دارفور.. وهنا التوجس الاوكامبوي والخطاب المبني علي سطوة دولة الجلابة طل به (محمد سليمان) وراينا اراء للاخ الصادق ضرار تصب في نهر ليس ببعيد عن هذا.. 7-القوي المحايدة في المنبر.. ولاحقا سنعود الي ميكانيزم التيارات دي كلها وتفاعلها مع الخامس بتاع الشيوعيين
شول اشوانق دينق __________________________ فعلاً المؤتمر الخامس عمل ضجة عجيبة فى البورد ده
Post: #18 Title: Re: ديربي الموتمر الخامس للشيوعيين وسودانيز اونلاين..!!! Author: عبدالكريم الامين احمد Date: 01-29-2009, 07:34 PM Parent: #14
Quote: فعلاً المؤتمر الخامس عمل ضجة عجيبة فى البورد ده
هلا يا شول هي ضجة نصاااح ياخي صوت النحاس الضربو في قاعة الصداقة داك سمعنا في المنبر ده في شكل بوستات ومداخلات وعيييييك علي قولة الاسطوري بشاشا.. وتسلم ياصحبي وياهو احنا قاعدين نونسو شوية في الموضوع ده ونشوف القصة مشت كيف ويين ولييييه؟؟
Quote: بعرفك انا لمن تمسك حاجة مش تفكفك صواميلها....بترقدها سرير المرض
هلا يا حنين بس ادعو لي معاكي الله يلمني لمة ليها ضل في اخونا حسين خراش داك
تحياتي يا حنين واهو قلنا نلم ما تابعناه هنا عن ضجة الموتمر ونشوف الحكاية اش لون
Post: #16 Title: ديربي الموتمر الخامس للشيوعيين وسودانيز اونلاين..!!! في كشف أحوال المتناقضين!!! Author: هاشم الحسن Date: 01-29-2009, 07:02 PM Parent: #1
يا كباتن سلام، ضحكتوني وأنا شغال !!! وين الوشوش؟؟؟
Quote: من احسن في امور بلادنا قلنا له مبروك وقدمنا له التوت ومن اساء وطبز فله منا النبوت
100 في ال 100 صاح! سرقتا الوشوش!!!
Quote: العالم الزمن دا كلو يعايروا في الشيوعيين بعدم عقد المؤتمر و تأجيله كحال الوصيفاب معانا اليوم العقد مؤتمرو أسقط في يدهم و باظت الحجة بقينا في التبخيس و نكت العيوب نافع حضر النسوان شوية مافي عمال ورافضين المحكمة نقد عجوز الجبل والفار .... إلخ ... كابتن كيكي رجاء تتناول لي الحتة الغريبة الفيها لمة الشامي على المغربي أو على الأصح لمة الحقاوي على الليبرالي على الجبهجي في الضيق من نجاح الخامس باللاي بتفصيل شوية
Quote: قبل الموتمر كان الصوت المناوي هو(لو الموتمر قام شنبي يقوم في الزلط) -الناس ديل اعلنو موتمرهم(شبكوهم اوكامبو حيفرتقو ليكم صامولة صامولة -قام الموتمر(جايبن نافع لييييييييييه) -اختيار اللجنة المركزية (نقد ليييييه- هنادي ليييييه - جلاكين لييييه- نسوان 7 في المائه لييه) وين العمال..ووين فلانة بت فلان... ... لدرجة اني فكرت اشوف باصوريد( لعشة شيلة) تجي تتجدع في الايام الفاتن ديل وتبخس لينا علي الاقل ثوب ثوبين من تياب النسوان الجو حضرو الموتمر ديل
الجاي دا كلام مهم يا كريم و يستحق مبحث براه و الله!
Quote: (هل تنازلت اولويات مقارعة الفكر الماركسي دينيا لياتي الامر ضد الجمهوريين والامبريالية العالمية في صراعات امريكا ضد الوعي الديني المجاهد)؟؟؟؟
أما دا،،،
Quote: الوعي الهلاريخي
فحرام عليك يا ود البشرى ياخي... زمان كان عندنا فريق بالاسم دا و حرّم الوعي فيهو كان أخير من وعي التعويل البلاسبلة مع تفاقم فرط التناقض دا... وين الوشوش؟؟؟
ثم ويل للمتناقضين من الكباتن.... دا يدردق و أخوه يشوت.... اللهم لا تبلينا و لا تمحنا....!
Post: #22 Title: Re: ديربي الموتمر الخامس للشيوعيين وسودانيز اونلاين..!!! في كشف أحوال المتناقضين!!! Author: عبدالكريم الامين احمد Date: 01-29-2009, 08:15 PM Parent: #16
Quote: الجاي دا كلام مهم يا كريم و يستحق مبحث براه و الله!
هلا ياهاشم وحبابك والله وطبعا لو لاحظت (هنووووك) حقتك اتسرقت واتشالت في الخشوم وتاني يا مان لو جبت (اوكمابو) ما بتقدر تلم فيها باخوي واخوك
الخامس يا هاشم ضرب في بركة كانت راكدة وطلع في جوفه حاجات كثيرة كانت مغتغتة علي مستوي الحراك السياسي والفكري.. وبالتاكيد هذا الخيط داير مبحث لوحده وخيوط كثيرة تحتاج الي اضاءة من هنا او هناك فتحولات الصراع قد تحصل وتظل كامنة ولكن تطل اشياء نقيس بها الاشياء التي كانت ثابتة من حولنا وفجاة نتلفت نلقاها سراب بقيع وثوابت مرت تحتها مياه عجيبة.. وخليك قريب ياخي ونتعشم منك في الكثير والمثير
كيكي المكانيكى التفكيكى فرتقا كان نفهم حاجة .... ود البشري شفت على وزن كلامك ده بكتب في حاجة غير صالحة للنشر - سربعة جقر قافله معاهو - اسمها نارية الخامس لانو حيرونى الناس الناريتهم ملهلبة ديل ده حالتو الحزب الشيوعى في واحدة من ادق و احرج لحظات تاريخو, هدية ليك راس بيت واحد:
هى هى الليلة و نارى وانارى الخامس قام اقلب الهوبة و ابقي ليك شتام هى هى الليلة و نارى
لا شيوعية ولا الحاد وسقطت سقطت يا جبر الله وسدنة ديل ما تصوتولم
واصل يا هيكل
Post: #21 Title: مايطلبه الشيوعيين..( من برنامج الطيور المهاجرة) Author: حاتم الياس Date: 01-29-2009, 08:10 PM Parent: #19
ياجماعة نحنا بنكتب بهناااك وحاضرين هنا (كتفكيك) ..حضرنا المؤتمر كضيوف وبعد الحفل مشينا و(عرضنا) فى النحاس الذى يرزم ويدق لسبب صلة جلبه من حلفاية المللوك أخدنا فيه عرضتنا على هامش أفراح المؤتمر..المهم ماالمؤتمر ولاملاسى قال ولا حسنين علق ولاكورالنا كيف.. ولا هذه ولاتلك..السؤال الذى ينبغى أجابته من مشهد المؤتمر العظيم جداً على المستوى الأحتفالى والأجرائى والوجدانى..(فى حذحى المرحلة الدقيقة)..هل الحزب الشيوعى السودانى حالة طافية فوق المشهد السودانى آم هو متجذر فى الأجتماعى والسياسى كحزب جماهيرى..والسؤال ده ماعندو علاقة بمؤتمر ولاحاجة عندو علاقة برغبة القوى الساعية للتغيير فى أن ترى الحزب الشيوعى حزب معافى وقوى ..وبس
Post: #23 Title: Re: مايطلبه الشيوعيين..( من برنامج الطيور المهاجرة) Author: صلاح ليون Date: 01-29-2009, 08:45 PM Parent: #21
كيكي بالله الباصين بتاعين خليل ديل عايزين تفتيت دقيق يلا ارح ما تقصر معانا ومع إنو عشان نفهمهم مطلوب كثير من مداخلات الإخوة بالحزب:
باص أول:
Quote: كثرة الشيوعيين بالمنبر رغم خروج الكثير منهم من تشكيلته بعد سقوط الاتحاد السوفيتي وتشظيا لحزب الي حق ون وحق تو وتحول بعض اعضائه الي (الشيو صوفية)
والتاني:
Quote: ولكن ظل البعض ماسكا علي الزناد مخلصا لي اشواق الماضي عملا بنظرية الاستاذ التجاني الطيب
(من كان يعبد الاتحاد السوفيتي فان الاتحاد السوفيتي قد ومن يعبد الشيوعية فان الشيوعية حية لن تموت)
Post: #28 Title: Re: مايطلبه الشيوعيين..( من برنامج الطيور المهاجرة) Author: عبدالكريم الامين احمد Date: 01-29-2009, 09:18 PM Parent: #23
Quote: ولكن ظل البعض ماسكا علي الزناد مخلصا لي اشواق الماضي عملا بنظرية الاستاذ التجاني الطيب
(من كان يعبد الاتحاد السوفيتي فان الاتحاد السوفيتي قد ومن يعبد الشيوعية فان الشيوعية حية لن تموت)
هلا يا ابو صلاح والنقطة الاولي عند خليل واما امر ظهور مسكة الناس ديل علي الزناد وظهورهم المطري في سودانيز.. الناس ديل يا ابو صلاح كثار خلاص في المنافي دي ومرة قريت لنقد كلام كبير وعريض في حكاية شيوعي المهجر دي وعشان كده ما تستغرب من ظهورهم العاتي في ايامات الموتمر.. فالهجمة والتشريد عليهم في احدي محطات الانقاذ كانت قوية وقاسية... من الملاحظات في الموتمر انو الناس الطلعو من الحزب كانو كثاار خلاص (عبدالله علي ابراهيم) وحتي بعض القيادات في الحركة الشعبية وغيرهم.. الجلسة الافتتاحية كانت وكما بدت لنا يا ابو صلاح احتفاء اجتماعي كبير اكثر من تظاهرة سياسية ونفس الخط بتاع الاشواق بين الحاضرين هناك الملاحظ انو انعكس هنا ايضا...
Post: #27 Title: Re: مايطلبه الشيوعيين..( من برنامج الطيور المهاجرة) Author: عبدالكريم الامين احمد Date: 01-29-2009, 09:10 PM Parent: #21
Quote: هل الحزب الشيوعى السودانى حالة طافية فوق المشهد السودانى آم هو متجذر فى الأجتماعى والسياسى كحزب جماهيرى..والسؤال ده ماعندو علاقة بمؤتمر ولاحاجة عندو علاقة برغبة القوى الساعية للتغيير فى أن ترى الحزب الشيوعى حزب معافى وقوى ..وبس
مرحب ياحاتم وحبابك وبختكم بالنحاس والفعاليات الرهيبة ديك.. وفعلا يا حاتم سوال منطقي وجدير بالنقاش كوننا نحتاج للتامل ليس في الحزب الشيوعي فقط بل في كل احزابنا السياسية الطارحة روحها في الساحة ومستندة علي ارضية الامر الديمقراطي في توجهها... اشياء كثيرة لم تكتمل بل الاساس الاكبر من هذا الموتمر التي ترسل اشارات التحول في شكل الخطاب السياسي لم تصلنا بعد (واقصد التوجهات والخط العام للحزب ما بعد الموتمر).. تكوين اللجنة المركزية تلاحظ تموج التيارات فيه وضجت باصحاب اطروحات كانت بعيدة عن خط الحزب في الماضي..لنا الصبر والتعويل علي المهتمين بالافادة ... وكل التقدير ياحاتم ومرحب بيك في البوست
Post: #30 Title: Re: مايطلبه الشيوعيين..( من برنامج الطيور المهاجرة) Author: هاشم الحسن Date: 01-29-2009, 09:26 PM Parent: #21
Quote: وطبعا لو لاحظت (هنووووك) حقتك اتسرقت واتشالت في الخشوم وتاني يا مان لو جبت (اوكمابو)
هلا يا كريم، يا (زميل) ياخي الحالة واحدة، الكلمة دي من كلام بعض أهلك في طرف ما من المليون ميل ديك، فهي من حقك تماماً تضيف ليها واوات بحسب بعد المسافة. لكن أنا لاحظت لرصدكما الدقيق في حال التناقضات المحرجة دي، و بيني بينك كنتا مغروود لي في شوية أمثلة أستفيد منها في (تجويد) الحالة دي وكركرتها بسوط من مسد... حاتم ألياس، حبابك.. ياخي أسمحلي أقول ليك كلامن إت خابرو تب...
Quote: السؤال الذى ينبغى أجابته من مشهد المؤتمر العظيم جداً على المستوى الأحتفالى والأجرائى والوجدانى..(فى حذحى المرحلة الدقيقة)..هل الحزب الشيوعى السودانى حالة طافية فوق المشهد السودانى آم هو متجذر فى الأجتماعى والسياسى كحزب جماهيرى..والسؤال ده ماعندو علاقة بمؤتمر ولاحاجة عندو علاقة برغبة القوى الساعية للتغيير فى أن ترى الحزب الشيوعى حزب معافى وقوى ..وبس[/blue
غايتو كان قارنت الشيوعي بالأحزاب النوعية متلو، متخذاً القش كمثال في الحتة دي، فتأكيداً ما هو بالقشة الطافية التي يجرفها التيار...بل هو أقرب لأن يكون القشة التانية الممكن يتعلق بيها الغريق. دا لو ما بقى القشة التي ستقصم ظهر الإنقاذ (بأوكامبو) زي ما كانوا قافلين عليهو بعض أهلنا المتناقضين في الأمثلة بأعلاه ...! الجماهيرية... لا أحصيها عليهم، لكن أجزم ليك أكتر من أهلنا (الإنقرياب) أسياد النقارة ذاتا...أما في الدلالة على الأثر و التجذر فلن أجد فيما تيسر خير من هذا... هاك كلام د. بيان دا عندما طاب خاطرها بالطراوة!!!
Quote: العشم في حزب غيرالحياة في مدينتي يوما ان يكون حزب مثالي
Post: #33 Title: Re: مايطلبه الشيوعيين..( من برنامج الطيور المهاجرة) Author: عبدالكريم الامين احمد Date: 01-29-2009, 09:37 PM Parent: #30
تعرف يا هاشم مداخلة دكتور احمد طراوة دي جديرة بان نفرها هنا ده.. ياخ ده فهم عالي ومتسامي وعميق لو لقينا منا شوية صدقني مافي مشكلة تب بتجي للبلد دي..
Quote: بالضبط اخت بيان ، نحاول ، بصدق نحاول ، ان نتخطى عيوبنا الشايلنها من تاريخ و امة السودان ، شايلنها من تعقيدات و سبهللية التربية و التعليم في مجتمع بطرياركي - ذكوري - شبه إقطاعي ، و راسماليتو عرجاء تعشق التدليس و الفشل
نتخطى كل ذلك بالوعي ، و جديد الثقافة و النقد الذاتي ، و النقد المتبادل ، متبادل بعقل و مسؤلية ، مسؤليتنا تجاه انفسنا و الوطن و كادحي شعبنا
.. من حقك يا اخت بيان مقاضاة هنادي ، بيشرف اللجنة المركزية الجديدة ان يكون احد أعضائها مُسائلا قضائيا في قضية رفع ضرر ، لانو الحزب الشيوعي متمسك بقوة بمبدا جبر الضرر و العدالة الإنتقالية .. نحو دولة القانون و المواطنة
.. اما لو عاوزين نحاكم هنادي برانا ، بتجرد و بعقل كبير ، و بمعزل عن سياق الفعل ورد الفعل الحصل من قبل في هذا المنبر ، فحقو :
نتريث و نشوفا في المدى القريب الجاي ، حنتاكد بحق إنها مصادمة بصدق و مبدئية من اجل حقوق البسطاء ، مصادمة شجاعة للدولة الامنية ، و للعقلية الذكورية المتسببة في كِساح نصف المجتمع بتاعنا ، و قادرة ان تكون احسن و افضل
.. و العقلاء داخل المؤتمر ، البشوفوا بعمق و بعد نظر ( بشوفوا الزول في حسناتو و عيوبو ) صوتوا لهنادي لهذا السبب اعلاه
.. تقبلي تقديري اخت بيان ، انا و الله ما شايفك ابدا عدو للحزب الشيوعي ، ( شايفك بس زعلانة شديد من حزبنا و عيوب حزبنا اللي هي ذات عيوب شعبنا )
و للحق ، حزبنا بسير نحو ثخطى ثقافة صناعة الاعداء .. نحنا اصلا ما محتاجين لاعداء زيادة
Post: #26 Title: Re: نارية الخامس Author: عبدالكريم الامين احمد Date: 01-29-2009, 09:02 PM Parent: #19
Quote: اختفت وقلت بشدة في الخطاب الاسفيري ظاهرة العداء التاريخي بين الاخوان والشيوعيين
لا شيوعية ولا الحاد وسقطت سقطت يا جبر الله وسدنة ديل ما تصوتولم
هلا ابوخليل هلا وحبابك وحباب مصادرك في داخل الموتمر.. النقطة الاولي ياخلي حنجاوب عليها عند صلاح الليون ادناه.. واما الاختفاء الاسفيري للخطاب الكيزاني الشيوعي فده امر حتمي يا خليل كما اعتقد لتحولات الصراع في قطار الانقاذ ومحطة الاولويات التي فيها الانقاذ الان لا مكان لها لمثل شعارتهم القديمة... والشحن والاشواق الصراعية الان ذاهبة صوب متمردي دارفور وخطاب الحرب والاستقطاب ضد الجنائية الدولية...ممكن تكون ايضا نيفاشا وما تلاها من اتفاقيات امتصت الكثير من البلاوي دي بالاضافة الي خط الحزب الشيوعي الذي جنح موخرا الي السلام والتعايش ... ولكن بين كل هذا وذلك تطل متاورة الاشواق القديمة في شكل مناكفات هنا وهنا لست ذات اثر يذكر
Post: #25 Title: Re: نارية الخامس Author: عبدالكريم الامين احمد Date: 01-29-2009, 08:51 PM Parent: #17
Quote: كيكي المكانيكى التفكيكى فرتقا كان نفهم حاجة
هلا يا عصام واحنا زاااتنا يا عصام ما فاهمين حاجة واهو بنعافر ونحاول نفهم معاكم الحاصل شنو... وبس لكن اصبرو لينا شوية لانو في محاولة فهمنا ده بندي اي زول مطرف في راسو لفت ورايت وكلو باسم الشعب الفضل
وانت ذاتك يا صحبي عندك معانا مشهد هنا في الورشة دي في ما اسميناه تداعيات ما بعد الموتمر فخليك قريب عشان نديك الفيها النصيب
هلا يا الباقر ومرحب والحزب الحاكم يا الباقر في ورطة تاريخية.. تزقنه الاحداث من كل جهة.. 1-محكمة دولية خيمتها ممكن تدق للريس في اي لحظة 2-حرب مفتوحة الاحتمالات في دارفور ومع تشاد الان 3-شريك في نيفاشا عنيد وضاغط بقوي لانتزاع حقوقه وعكليت 4-قوي ديمقراطية دافرة في اتجاهات حقوقها بمد يوماتي 5-ظروف اقليمية في تداعيات ما بعد غزة (موتمر الدوحة) والموقف المصري.. 6-رفاق انقاذ في الموتمر الشعبي ذاهبين عكس تيار الحزب الحاكم (الترابي) كل هذه الضربات الضاغطة تجعل من الموتمر الوطني حريصا كل الحرص علي اخفاء اشيائه واجرائها في المحيط (الكروبي)... عشان كده مش يعملو في السر حرم هم زااتهم لو لقو طريقة كان اعادوا الحفرة بتاعة سوق الخضار الفي الخرطوم الزمان ديك وخشو فيها
Post: #31 Title: Re: العلنية والسرية!! Author: عبداللطيف حسن علي Date: 01-29-2009, 09:31 PM Parent: #29
لابد من وصول الحزب هناك في مناطق (الغبش ) بفتح الغين مش (الغبش ) المهمشين
بتاعة ناس الحركة الشعبية
وتوضيح روية الحزب
الشعب ده طيب يا خليل وجميل ولكن البقعد يعمل ليهو فيها عشرة بقرش مهما كان شكل خطابه ما بمشو معاهم لقدام... الناس ديل ياخي امام الجامع البخطب فيهم بالعربية الفصحي بكجنو ليك... ونتمني ونحلم باحزاب تعني وتهتم بناس ود تمبك وناس كمبو كتر الدخلو ودر وكمبو الصنيت وهيك امكنة
كيف نقنع ناس مصطفي ابريش وناس ود جروة بالتصويت للحزب الشيوعي في الانتخابات
وانو الناس ديل بتاعين دين ومسلمين
والله يا ابو خليل علمي علمك وده بقي دور الشيوعيين .. يمشو الكنابو ويقعدو مع ناس سوفيت ويضربو معاهم الفطايس دي.. علي كيفم دايرين يمشوا للعمال في المصانع ويشربو مع عمال النسيج (لبن الحكومة) برضو علي كيفم دايرين يمشو مع الجنقو هناااك في ضهاري القضارف ويزرعو معاهم فدان فدانين برضو علي كيفهم.. لكن بالتاكيد القطاعات دي كلها ومعها الناس الفي كراكير الخراطيم والمدن دايرين حزب وناس يفهموهم ويحترموهم وياكلو اكلهم ويشربو شرابهم ويضربوا معاهم مرايس
يازول ده كلام شنو ده...؟؟ عموما انا بتعامل مع المداخلة دي كحالة هكرية ما لم تورينا الكلب ده نوعو شنو وجابو من وين ومتين وكيف..؟؟ البعضي الناس اللحمها مر دي.. لو كنت عبداللطيف فضروري ياخي تورينا ليه الكلام ده والبزعل شنو في الكلامات الفوق دي
Quote: لكن بالتاكيد القطاعات دي كلها ومعها الناس الفي كراكير الخراطيم والمدن دايرين حزب وناس يفهموهم ويحترموهم وياكلو اكلهم ويشربو شرابهم ويضربوا معاهم مرايس
وكدة يضمن الحزب بعض الاصوات والدوائر بعد النتيجة المخيبة للامال في انتخابات86
الان نحن في يوم الموتمر.. وبوستات الاشواق تتطاقش هنا وهناك والرفاق ناس (سلوي صيام وخضر حسين ) يشهوك تبقي شيوعي اوكما قال مرجف المدينة..!! ودي الجزئية الفيها ممكن نقول الناس ديل بريدو حزبهم بطريقة عجيبة خلاص وسمات الكان حاصل في قاعة الصداقة انعكس تماما علي شاشة المنبر من حميمية ومقالدة...لياتي صباحي والزناتي ببواقي الدمعة من صور لكثيرين من نجوم الحزب.. ولكن اكثر الصور اثارة للجدل هي صورة نافع علي نافع (فوجد امره ما يليق به في داخل البوستات) وبين ايضا في تناوله تباين التيارات جووه المشغل الشيوعي ما بين مويد وما بين هاتف اسفيرا بالرفض ليمتزج هتافه مع هتاف ناس هنادي امام القاعة..
وقبل ان تتلاحق الاحداث ما بين شيوعي في باكستان ينقل بالهاتف شوقا ما يدرو في سودانيز وشيوعية في المالديف تكاد تطير الان الي الخرطوم لمعانقة رفاق الماضي..
وقبل ان نعلق علي صورة الكوز السابق(عمار ادم) في زيه الاحمر الكامل الذي بدا فيه كود المطرة ود المطرة للذين ا يعرفونها فهي تظهر في حمرة فاقعة اللون في فترة الخريف وتجول في الفيافي وقبل ان نشوف هنا ما كانت ستجود به كامير المحترف عصام عبدالحفيظ وقبل كل هذا وتلك امتدت يد التهكير الجوكر-1 لتوقف الامر وتفرمل حكاوي وسيرة الموتمر الخامس الذي كانت كورته فووق في العلالي وقبض به الشيوعيين في الاجواء الاسفيرية شعرا ونثرا وغناوي عجيبة خلاس...
الهكر.. اعتقد اعتقاد جازم بان التهكير الذي يجري لسودانيز اونلاين خلفه اجندة ذات دلالة سياسية والعبث بمحتويات المنبر حاصل حتي في فترة اللاهكر.... ولكن التوقف الهكر قفل الزوايا التي كانت ممكن ان تطل 1-خطاب نقد في الافتتاح 2-تفاعل القوي الاخري والصحف 3-حضور نافع 4- كواليس الافتتاح 5- البرنامج المصاحب كورال الحزب والانشطة المصاحبة.. 6-تكهنات اللجنة المركزية فترة التهكير في ايامها تلك كانت الامور الاسفيرية سوف تضرب في هذا الاتجاه ونقاطه الستة.. ولكن عدنا بعض التهكير لنجد امر تكوين اللجنة هو سيد الاحداث..لتشعلق المنبر مرة اخري في سياحة من نوع اخر وهذا ما سنعود اليه..
تداعيات اللجنة المركزية ممكن نجملها في ماثورننا هنا في الاتي 1-رغبات التيارات جووه الحزب الشيوعي (الحرس القديم ودعاة التغيير علي مستوي القيادة) 2- اختيار هنادي الفضل وكونها ذات تاريخ اسفيري هنا وصدي صراعات مع اخريين 3-رغبات من قوي ديقراطيةاخري يهمها كيفية التغير في الحزب علي مستوي القيادة (كمال الزين واخريين)
صاحب هذه الجولة 1- راي يمكن ان يقراء في زاوية راي المثقف السوداني (بوست الاستاذ فضيلي) 2-خطاب دارفوري كما بدا (محمد سليمان والاخ الصادق ضرار) 3-تطلعات يسارييين مهتمين بالتغير في خطاب الحزب الشيوعي 4-فش الغبينة (بدرالدين الامير) 5-محاولة الموتمرالوطني الالتفاف علي الامر (بوست عزالدين بيلو) عن اقامةالموتمر في ظل حكومة الانقاذ وما بين هنا وهنا سنعود وبالتفاصيل
Quote: وقبل ان تتلاحق الاحداث ما بين شيوعي في باكستان ينقل بالهاتف شوقا ما يدرو في سودانيز وشيوعية في المالديف تكاد تطير الان الي الخرطوم لمعانقة رفاق الماضي..
اعتقد يا هيكل انه النيو لوك للحزب الشيوعي ومواكبة الموضة
بقينا نشوف شيوعيين في السعودية وباكستان في مركز الدين في العالم
فعلا ياخلي فشيوعية اليوم ليست كمثل شيوعية الامس.. فلبييا البروستوريكا فتحت خجانين ومجاهل كثيرة.. فما عاد الامر يا خليل في الميدان الاحمر كما زمان..ولاعادت البرافدا هي من تشهق اليها الاحزاب الشيوعية في كل العالم.. عمنا ماركس القصة بقت شبال كده من كلاماتو وباقي القصة كل حزب بتمها من الدوبيت المحلي
Post: #46 Title: Re: العلنية والسرية!! Author: عبداللطيف حسن علي Date: 01-29-2009, 11:24 PM Parent: #44
Quote: ايوه ياخلي الناس دايرة حزب يقعد معاهم في وطاة الله دي وما داير طنقعة من اي جهة مهما كانت ...
Quote: فما عاد الامر يا خليل في الميدان الاحمر كما زمان..ولاعادت البرافدا هي من تشهق اليها الاحزاب الشيوعية في كل العالم.. عمنا ماركس القصة بقت شبال كده من كلاماتو وباقي القصة كل حزب بتمها من الدوبيت المحلي
فعلا يا هيكل
انه زمن كازاخستان والدرع الصاروخي الامريكي في قلب بلد المناضل ليخ فاليسيا
انه زمن جورجيا وسرقة الغاز الروسي (بالكرباوي ) بواسطة اوكرانيا
كدي هاك بروفايلو عدد البوستات: 1435 تاريخ التسجيل: 21-04-2008 عنوان مكتبتى بسودانيزاونلاين دوت كم : اكلات مفضلة: الفول واحيانا السمك والدجاج الاسم الحقيقى: عبداللطيف حسن علي الجامعة/المعهد: جوبا الحالة الاجتماعية: Married العنوان الدائم: الفنان المفضل: مصطفي سيد احمد اللون السياسى: اليسار النوع: Male الهوايات المفضلة: القراءة درست المرحلة الابتدائية فى ......و سنة....: الحارة الاولي 1970 درست المرحلة الثانوية فى ......و سنة....: محمد حسين امدرمان درست المرحلة المتوسطة فى ......و سنة....: الوفاق المتوسطة شاعرك المفضل: درويش
عارفين يا خليل والليون الزول بالتاكيد ما عبداللطيف وشكلو كده هكر راسو مسخن وداير يجنن مع باقي الليل ده وشكلو رايحة ليهو عضة في راسو المدوقس ده لو الجنن حسع بنرسل ليهو القنفذ بتاع الهكر الزمان داك
Quote: حركات والله غايتو المخابرات المصرية دي شاطرة خلاص
غايتو يا خليل عبد اللطيف ده لو طلع ماهكر وشغال تبع المخابرات المصرية يادوبك تعب معاي تعب شديد وحرم اباريهو في المنبر ده من كركور لكركور واشرح ليهو تامينات زي ما عمل صحبك طارق للمصرية ديك ههههه
Post: #60 Title: Re: العلنية والسرية!! Author: صلاح ليون Date: 01-30-2009, 00:05 AM Parent: #58
كيكي غايتو الزول ده حددها معاهو في ليلو ده خلي يورينا عضة الكلب دي قاصد بيها شنو
افتكر انت بكرو ما فاضي ليهو وراك خراااااااااااااااااش
Post: #63 Title: Re: العلنية والسرية!! Author: صلاح ليون Date: 01-30-2009, 00:09 AM Parent: #60
ويا كيكي مع انو مكتوب في البروفايل يساري لكن فيهو صفات صاحبك داك أبو القريص وشايف كتاباته تأخذ نفس صفات زولك
يرمي بدائه وينسل فقط سطر او بالكتير سطرين يا فهمت منها حاجة يا ما فهتمه وفي الحالتين بتجيك رغبة قوية انك تعضيهو
Post: #64 Title: Re: العلنية والسرية!! Author: عبدالكريم الامين احمد Date: 01-30-2009, 00:20 AM Parent: #63
والله ابو صلاح القصة عجيبة فعلا.. وانا لحدي حسع مادي نسبة كبيرة انو الزول ده هكر ..وما عبداللطيف.. ياخي عبداللطيف داك عندو بوست عن جماعة جوبا وفيه اشيائه كلها ظاهرة ماشة لوين.. وبعدين النيران الفتحها لابوبكر صالح دي كلها جايبة من بوست بيان وفي البوست داك عبداللطيف الاصلي ماشي في نفس الخط بتاع ابوبكر صالح.. غايتو بنسبة عالية ابو الشباب ده هكر او في حاجة تاني عاوزة ليها رواقة يا ابو صلاح..
عموما كما قال الهنود خلي يولي وما يشغلنا من نستنا في البوست ده ولو ظهر انو ياهو عبداللطيف الاصلي حراشش ممكن نديهو اجازة مرضية ليوم بكرة ونشوف حكاية طوفي ده شنو الداير يعضو ده
Post: #65 Title: Re: العلنية والسرية!! Author: د.نجاة محمود Date: 01-30-2009, 01:22 AM Parent: #64
هاللو خلي ود امي هاوديونق مان؟
هيكل انت معانا ولا مع الخيانة..
صاحبتي عندها نظرية في الشخصية المتعددة الاتجاهات قالت يا تكون مفصمة يا خاتة باسوردها في السهلة لهموم الاهل والحبان عينة سحبة ياحي كيكي دا ورمنا..
بعدين بوستي يستحق اكثر من تتش اند قو تحياتي
Post: #66 Title: Re: العلنية والسرية!! Author: عبدالكريم الامين احمد Date: 01-30-2009, 08:59 AM Parent: #65
Quote: هيكل انت معانا ولا مع الخيانة..
هلا يا بيان وحبابك والله... وحضورك يا بيان ادي الديربي السودانيزي هنا في الاستديو مادة ضخمة للحديث عنها وضربة البداية في موضوع (هنادي) ساق لينا الكورة في اتجاهات كثيرة ممكن نناضم فيها كثيرا هنا(ولو كنتي ما فيشة كان الموضوع ده زخمو بالتاكيدما بكون بالمستوي ده).... مهما كان الاختلاف والاتفاق يا بيان لكن حالة زي التامل فيها وواجب وربطها مع (سودانيز )... في التنظير في القضايا العامة كون الان الكثيرين من القياديين في الاحزاب السودانية كتاب هنا او كانو كتاب هنا.. وحالة هنادي وغيرها ممكن يكونو سوابق او محطات لتحسس مقدرة القياديين المفترضين للاحزاب اوالاشياء العامة في تفاعلهم مع الراي الاخر عبر وسائط حديثة مثل الانترنت.... ................... امس في زول جاء بالليل وشافنا بناضم هنا (وقال لي انت عاضيك كلب) وهو من الجانب الاخر من النهر وانتي الليلة يا بيان تقولي علي ورمتكم شنو يا جماعة نشيل عيالنا ونفوت من البلد دي ولاشنو..
خليك قريب يا بيان فلسع الموضوع طويل والاستديو ممكن يناديك في حتة تداعيات اللجنة المركزية بس طولي لينا بالك شوية..
Quote: امس في زول جاء بالليل وشافنا بناضم هنا (وقال لي انت عاضيك كلب) وهو من الجانب الاخر من النهر وانتي الليلة يا بيان تقولي علي ورمتكم شنو يا جماعة نشيل عيالنا ونفوت من البلد دي ولاشنو
هيكل
صباحو
اها الراجل طلع شنو
اوعي يكون من الخائنة خائفة وناس ختفن جرن
سليقة قال
ياخي كان يقول بيرغر وللا كافيار ولا ملاح (لخبوت)
Post: #68 Title: Re: العلنية والسرية!! Author: عبدالكريم الامين احمد Date: 01-30-2009, 09:08 AM Parent: #67
Quote: سليقة قال
ياخي كان يقول بيرغر وللا كافيار ولا ملاح (لخبوت)
هلا ياابو خليل ولحدي حسع يا خلو في عدة نظريات 1-هكر 2-ختفن جرن 3-بورادي نفر لكن (طشمة الخميس قامت بيهو طيارة قامت) لكن وراه وراه حتي نراهو...
Quote: 3-بورادي نفر لكن (طشمة الخميس قامت بيهو طيارة قامت) لكن وراه وراه حتي نراهو...
لكن يا كيكي الزول البطشم ما بقول كلب وسليقة مفروض
اختار كلمات منمقة ياخ
الارحج كلام الليون بكون جناح رابع منشق
Post: #72 Title: Re: العلنية والسرية!! Author: عبدالكريم الامين احمد Date: 01-30-2009, 09:21 AM Parent: #69
Quote: الارحج كلام الليون بكون جناح رابع منشق
بيني وبينك الخيار ده راجح اكون حصل ليهو انشقاق ازموزي ومركب مكنة بلشف (ماو تسيانغ).. او يكون شيوعي بمكنة حركات دارفورية تماشيا مع العولمة...
وفعلا حديث الطشمة قامت بمشي للضعف كون الراجل ما لاهت (كوارع- كوارع) او سماني كيكي زيادة مع الليل داك
كيكي زيادة=علي وزن راشد زيادة
Post: #70 Title: Re: العلنية والسرية!! Author: د.نجاة محمود Date: 01-30-2009, 09:14 AM Parent: #68
كيكي خيارتك دي ممكن نستخدمها في قياس هكري؟
يا عمك موضوع هنادي موضوع بيخلي الكيزان يكنكشو في الحكومة زيادة منو البكون عايز ذيت كرشو يعملو بيه زلابية..
اسع كدا نحنا متحضرين قولة كع عفشنا في المطار.. واسع مافي حاجة شردت معتز من السودان الا خوفة انقلاب يوم الجمعة.. قال اودعكم قال تلقى اي ضلامي حفر ليه غرفة سرية في بيتو..
Quote: اسع كدا نحنا متحضرين قولة كع عفشنا في المطار.. واسع مافي حاجة شردت معتز من السودان الا خوفة انقلاب يوم الجمعة.. قال اودعكم قال تلقى اي ضلامي حفر ليه غرفة سرية في بيتو..
بتنا دكتورة بيان
وصلنا سوال من القاري علي ود التومة
لماذا كان الهدوء والسكينة بين اعداء الامس ايام الموتمر ولماذا اكل الذئب مع الغنم
وكاننا في المدينة الفاضلة
والله يا كيكي كلمة سليقة حارقني في (...................)
بقول ليك في التلفون
Post: #73 Title: Re: العلنية والسرية!! Author: خالد العبيد Date: 01-30-2009, 09:24 AM Parent: #70
سلام يا كريم وتحياتي شفت محن السياسة السودانية : نقد رئيس والترابي حبيس ولسه الغريق قدام
Post: #76 Title: Re: العلنية والسرية!! Author: عبدالكريم الامين احمد Date: 01-30-2009, 09:34 AM Parent: #73
Quote: شفت محن السياسة السودانية : نقد رئيس والترابي حبيس ولسه الغريق قدام
الترابي حبيس يا خالد والبشير مع زنقة اوكامبو شغال صفقة ورقيص
محن عجيبة ياخالد وكل التحايا والتقدير
Post: #74 Title: Re: العلنية والسرية!! Author: عبدالكريم الامين احمد Date: 01-30-2009, 09:30 AM Parent: #70
Quote: اسع كدا نحنا متحضرين قولة كع عفشنا في المطار.. واسع مافي حاجة شردت معتز من السودان الا خوفة انقلاب يوم الجمعة.. قال اودعكم قال تلقى اي ضلامي حفر ليه غرفة سرية في بيتو..
غايتو يا بيان لو الانقلاب جاي الليلة معتز قريش ده لو في عرض البحر الاحمر ..يعتبر موضوعو بايظ بايظ وستلقي قوات خفر السواحل القبض عليه...لتفرش له الملايات من سواكن حتي خجانين سجن كوبر في ضاحية بحري...
يا بيان هنادي بشتغل في منظومة فيها خطاب اسفيري زي بتاع (دكتور احمد طراوة) ولو بعد ده خلوها مشت دورت الكورة علي الواقع مثل كورتها الاسفيرية القصة بتكون مافيها فايدة.. وتاني حنرجع الي نفس سنين البشير الاولي وخطابه بتاع البجيك متحزم داك....
Quote: لابد من وصول الحزب هناك في مناطق (الغبش ) بفتح الغين مش (الغبش ) المهمشين
بتاعة ناس الحركة الشعبية
وتوضيح روية الحزب
فرد كيكي التفكيكي :
Quote: وده بقي دور الشيوعيين .. يمشو الكنابو ويقعدو مع ناس سوفيت ويضربو معاهم الفطايس دي.. علي كيفم دايرين يمشوا للعمال في المصانع ويشربو مع عمال النسيج (لبن الحكومة) برضو علي كيفم دايرين يمشو مع الجنقو هناااك في ضهاري القضارف ويزرعو معاهم فدان فدانين برضو علي كيفهم.. لكن بالتاكيد القطاعات دي كلها ومعها الناس الفي كراكير الخراطيم والمدن دايرين حزب وناس يفهموهم ويحترموهم وياكلو اكلهم ويشربو شرابهم ويضربوا معاهم مرايس
Post: #90 Title: Re: العلنية والسرية!! Author: د.نجاة محمود Date: 01-30-2009, 11:50 AM Parent: #88
عمار آدم بالصلصة ما بخلص
يا خلي تعرف انا اول يوم اشوف شيوعين الخرتوم انخلعت
اذكرت عمنا وهبة اعجف وكملان من لحم الدنيا حايم برجل كلب في عطبرة..
شيوعين الخرتوم ديل تريانين وسمحين نوعية ذي في الحتة دي وذي عايز اقول اها عم وهبة ومن لف لفه بيخشو توش في الموضوع
في شيوعي كان في الخرتوم دي بشرب سيقار وحاول يقنعني بديالكتيك الفكرة بت الكلب في ترويج المنتجات الكوبية دعما للاقتصاد الشيوعي.. يا عمك في الخرتوم مافي شيوعين ذاتو.
Post: #89 Title: Re: العلنية والسرية!! Author: خالد العبيد Date: 01-30-2009, 11:39 AM Parent: #87
جلابية عمار الحمرا دي ذكرتني واحد من سكان الخرطوم بحري معجب جدا بالقوى الاشتراكية بالبراري فتح ليه مطعم في الشعبية سماهو وفي يافطة كبيييرة جدا مطعم القوى الاشتراكية بالبراري !!
فعلا ياخلي فشيوعية اليوم ليست كمثل شيوعية الامس.. فلبييا البروستوريكا فتحت خجانين ومجاهل كثيرة.. فما عاد الامر يا خليل في الميدان الاحمر كما زمان..ولاعادت البرافدا هي من تشهق اليها الاحزاب الشيوعية في كل العالم.. عمنا ماركس القصة بقت شبال كده من كلاماتو وباقي القصة كل حزب بتمها من الدوبيت المحلي
سلام للاخوة المتداخلون ما ياهو من زمان ده حال الحزب الشيوعي السوداني لو رجعتو لي برنامجو وخطاباتو الجماهيرية. والماركسية في الحزب الشيوعي السوداني منهج ومرشد لدراسة الواقع والتطبيق حسب الواقع السوداني وليس شيئاجامدا كما كان الحال في الحزب الشيوعي في الاتحاد السوفيتي وغيره التحية لكم مجددا. ... ... ..
و تعني الرشوشة . . . و في جامعات التسعينات - زي ما قالت بيان - بتعني المطوة و الجُقدي
يا شباب فضوها سيرة و خلونا نرجع للاستديو الرئيسي بصحبة المففك القدير كيكي التفكيكي ربنا يواليهو بالعافية و دي عين حمراء ساي - دي على وزن العين السوداء - و ديك عين الحسود و الله اعلم
تحياتي شباب الاستديو .. . ود البشرى . . . خليل . . . ليون
و كان احتجتوا مراسل من جوة الميدان ادونا خبر بس . . . الجو هنا على قولة الرشيد بدوي عبيد : جميل . . . و مشحون
Post: #150 Title: Re: العلنية والسرية!! Author: خضر حسين خليل Date: 01-30-2009, 08:29 PM Parent: #100
Quote: -اولي الملاحظات .. هي ان (الناس ديل بريدو حزبهم ده ريدة شديدةخلاص) ولعل سنين البطش والمنافي والسجون وبالاضافة الي تحدي قيام هذا الموتمر والمساومة المضادة عليه هو من جعل شكل التماسك يبدو عاليا
كلمة انت عاضيك كلب مجرد مزحة تقال للزول البيتكلم كتير
وكلمة سليقة تعني العادية، احترم عادية خليل صاحبك وخليك من الكلام الكبار
انتو الواحد مايهظر في البلد دي ولا شنو؟
هلا بالجميع
وضرس يعلم الله ينتح نتحة عدوك.. ولكن رغم الالام والوجع الصناعي ضروري نجي ونحي الاخوة والاخوات ضيوف الرحمن..زي ماقال صديق في اروقة الجامعة ذات يوم (مرحب بالاخوة والاخوات ضيوف الرحمن من طلاب جامعة جوبا).. وضروري نبداء الجكة ام وجع دي بالاخ عبداللطيف.. اول شي حبابك يا زول والحمد الله الطلعت بتمزح وكده اطمنينا انك في السليم.. فالمخاوف بالامس وحتي الصباح يا عبداللطيف كانت خايفة من تهكيرك ..وقلنا نلحقك ونقول لبكري عووووك... ومادام بتهظر يا عبداللطيف فخلينا برضو نهظر معاك شوية فبالله تاني لم تجي تطشم طشمة معتبرة زي دي قووول لينا عوك او خت لينا (اللنك) في اي بوست من البوستات الحايمة دي ممكن نتحرفن وعبر وسائط قوقلية كيبوردنا يشفط ليهو كاس كاسين ينفعنو مع البرد ده.. وصحبك خليل سليقة ده زااتو ورغم انو توبة نصوحة لكن لو لقي زي صنفك الامس ده بمد كيبوردو وبشفط ... عموما يا زول سلام وعوافي وكن بالف خير.. وما تنسي بالله (اللنك---اللنك___اللنك)
هلا يا الزناتي والصورة دي كويس انك جبتها لانو الاستديو كانت مفتش عليها بكراع كديس.. عمار محمد ادم الزول ده الدفعة القبلنا في الجامعة بزي ديشليون سنة كده ولكن جينا لقيناهو قاااعد ومتحكر في النشاط... واحسن كوز في العالم بعرف يهتف بدون مايكرفون وكان جهوري الصوت ... ولمن يقول الله اكبر دي قالوا الناس الفي عد حسين بسمعوها وعنده سالفة شجار شهيرة مع احدي الطالبات الكانن بلبسن بنطلونات... عمار لبستو دي حيرتني شديد.. ولكن لمن نتذكر انو (مكجن) الكثير من التيارات في الحركة الاسلامية فليس مستبعد انو مرتدي الاحمر ده نظام حقاراات ومغااااز ومكاواة.. استعبد تماما انو تكون حصلت ليهو تغييرات علي المستوي الفكري فلكن عمار احمر فاقع اللون لانه كوز زعلان
لكن زول يكون كوز وابقي شيوعي دي صعبة وما بقدر احللها
لكن خليني اضرب لي عبدالباري عطوان في لندن
ممكن ادينا مساكات
ما تشكر لي راكوبة عبد الباري عطوان ده حسع تسالو يقوم يقول ليك(الشيوعيين يقولون خربوووووووو الوعي الكيزاني) علي وزن مقولته الشهيرة في قناة الجزيرة (امريكا تقول خررربوووووو الوعي العربي) في كيزان قلبو شيوعيين ياخلي ولكن سكتهم بتكون قاسية بالحيل وبقولو ليك فلان ده منو (توجس) طبعا الخوف انو يكون (كورسك) وشغال كرباوي مع بني كوز تحت تحت كده
Quote: شيوعين الخرتوم ديل تريانين وسمحين نوعية ذي في الحتة دي وذي عايز اقول اها عم وهبة ومن لف لفه بيخشو توش في الموضوع
تعرفي يا بيان انا اول مرة اسمع شيوعي وما شيوعي دي في حياتي زماان كان في ترزي في المدينة الكنا فيها..واول حوار حوله سمعت الخالات بتونسن فلان ده مالو يا جماعة كملااااااااان كده,,؟؟؟ نطت واحدة قالت ليهم عشان هو شيوعي فلزمن كبير كان اي زول كملااااااااان فهوعندي شيوعي
Post: #113 Title: Re: العلنية والسرية!! Author: عبداللطيف حسن علي Date: 01-30-2009, 04:23 PM Parent: #109
Quote: جلابية عمار الحمرا دي ذكرتني واحد من سكان الخرطوم بحري معجب جدا بالقوى الاشتراكية بالبراري فتح ليه مطعم في الشعبية سماهو وفي يافطة كبيييرة جدا مطعم القوى الاشتراكية بالبراري !!
تعرف يا خالد جلابية عمار الحمرا فيها نقة كبيرة وعريضة وكلامات (كبار كبار ) شديد عن الممارسة السياسية في السودان والتحولات والرسائل السياسية والتقليعات السياسية في السودان واعتقد بانها (لبسة ماهينة) ودايرة ليها بوست منفصل بالتاكيد لانو فيهانقة عجيبة خلاص.... في احدي انتخابات مجلس الشعب بتاع نميري كان في مرشح رمزه الكدوس في خلال اسبوع كل نسوان احدي الفرقان رسمن كدوس في الملايات والمخدات بالحريروالابرة الكروشي
Quote: سلام للاخوة المتداخلون ما ياهو من زمان ده حال الحزب الشيوعي السوداني لو رجعتو لي برنامجو وخطاباتو الجماهيرية. والماركسية في الحزب الشيوعي السوداني منهج ومرشد لدراسة الواقع والتطبيق حسب الواقع السوداني وليس شيئاجامدا كما كان الحال في الحزب الشيوعي في الاتحاد السوفيتي وغيره التحية لكم مجددا.
سلام وتحايا يامحمد ادريس وحبابك والتحية والتقدير يا محمد لكل الحزب الشيوعي والاحزاب السودانية الشايلة برنامجها من واقع بلدنا دي وتعمل حثيثا لاشاعة الديمقراطية
Quote: خلي و كيكي يشهد الله انكم رباطية اوعااااااااااااا حركة الضرس دي تكون للرجوع للصعوط نهي نهي نهي ما بنستحمل بوست تاني عن الاقلاععن الصعوط مرة بس يا كيكي
هلا بيان انا زول مسكين ياخي والبلاوي دي كلها من المسخوت الاسمو خليل قاسم ده والضرس يا بيان وجع رهيب (وطبعا اوتوماتيكي) خينا فيهو سفة ليها ضل ولكن بعد حلاوة السفة القبيل دي ما بضمن ليك الح يحصل شنو لقدام
لكن شايفك نسيت بوست عبدالحافظ علي شرف الخامس وكان اول بوست ، ليه ماذكرتو في تفكيكك ده ياسيد
واللا عشان نحن ما اصحابكم؟
هلا يا عبداللطيف ومعليش علي التاخير فشايف براك (عضة الكلب بتجيب ردود وضيوف كثيرين لهم التقدير) وانشاء الله ما يعضيك كلب....قول امين البوست بتاع عبدالحافظ يعلم الله ما شفتو تماما والا لوجدنا له مساحة وزمن وبحاول امشي افتشو واشوف الفيهو شنو..وبالتاكيد بنلقي لينا منو نقلة نقلتين كده.. وانت زااتك لو وقع في عينك شوتو لينا كلنك هنا ده علي الاقل تعمل بروفة ليوم الخميس ويا زول حتي لو زماان ما صحبي فابشر يا زول احنا من الليلة دي اصحاب اها رايك شنو
هل كنا سنشهد نفس التشريد في الخدمة المدنية والقوات المسلحة وابدالهم بالكوادر
الشيوعية
هلا ياخلي واها جينا للاستديو الان... تعرف يا ابو خليل لو جرينا من 89 دي عشرين سنة لكدة حنلقي الحزب الشيوعي في نفس الموقف الشمولي بتاع الانقاذ ده رغم انهم افرتقو وكوم مشي مع نميري والكوم التاني ياهو حسع الجاء قاعة الصداقة ده والشيوعيين السودانين زااتهم اتخيل لي خشم بيوت... في اثناء نميري اتعملت مراجعات ويوليو 73 كانت حكاية قاسية عليهم جدا وضربت الحزب ده ضرب تقيل واتخيل لي اختاروا يمشوا في الخيار الديمقراطي بعدها.. ما اظن في 89 نفس الحزب يفكر يكرر التجربة ديك تااني..واتغماسه في التجربة الديمقراطية واناشيدهم السمحة بتاعة (سدنة ديل ما تصوتو ليهم*) وبتوري انو الناس ديل قرروا يمشوا عدل في درب الديمقراطية وتاني لولوة مافي..
الحكاية دي خليل ما عندي خبرها.. وممكن الناس الحضروا يورونا انو وردي والناس ديل جو لا لا.. ولكن في واحدة من صورفي المعرض بتاعهم ده كحلت صورة تكريمية لوردي.. والشاهد هنا الناس ديل في كل فتراتهم عندهم فنان خطير جدا قريب منهم جدا لدرجة يثار جدل كبير حول انتماء الفنان ده للحزب ...راجع مصطفي سيداحمد حتي وفاته.. ووردي ده طبعا معروف شيوعي لكن الحصل موخرا (علمي علمك)
هل كنا سنشهد نفس التشريد في الخدمة المدنية والقوات المسلحة وابدالهم بالكوادر
الشيوعية
سؤالك يا خلي سؤال ابن كلب
لما سنحت الفرصة سنة69 لال شيوع في الحكم حصل التمكين ورفد ناس اليمين واستخدام العنف الثوري بعدين عملو جهازهم حق "الامني" الجا حيرهم بعداك ويا حافر حفرة السو بعدين ساطو الجامعات دي بكونش واتحلت الاتحادات يعني نفس الملامح والشبه بس ديل عملوها ميشان الله وديل ميشان ماركس.. بعداك عرفو درب الديمقراطية اسع بغردو متل ما يريدو مفتكرن الناس مغبية ولا ناسية ما عبجني الا فك البايظ والهظار ياريتني كان كنت راجل..
Quote: يعني نفس الملامح والشبه بس ديل عملوها ميشان الله وديل ميشان ماركس.. بعداك عرفو درب الديمقراطية اسع بغردو متل ما يريدو
انتي عارفة يا بيان احزابنا ده كلها لو الناس اتعاملت معها بذاكرة حية واهتمينا بالممارسة بتاعتها وهم زاااتهم اقرو بالاخطاء بتاعهم في طريقهم الماشين فيهو بدون مكابرة او نظرة ضيقة...من الاستقلال ولحدي حسع كنا نكون في حال ديمقراطي تمام... وما كان الجبهة الاسلامية كررت تجارب الناس السبقوها من عبدالله خليل مع عبود..والشيوعيين مع نميري.. لكن الموسف بعد السنين دي كلها الليلة في الخرطوم لايزال الحكام هناك مكنكشين وبمارسوا في ادوات حكم جربها السودان قبل خمسين سنة (النظرة الحزبية الضيقة وحب الذات السياسية هي اكبر مشاكل السودان ياخي)
في الصين في كوبا في الجزائر في سوريا في العراق في مصر والسودان وهلم جر
والنظرية هي
الولاء قبل الكفاءة
اسواء حاجة في الدنيا قطع العيش
منتهي الوقاحة واللا انسانية
يلا يا فردة
نشوف موضوع الخميس والسهرة
باقي امبارح نمنا ساكت
البعجبني فيك ياخلي (دسك ) دائما كارب شي اسات وشي كم شايب كده وبين هذا وذاك توجد دامة اسود.. المشكلة ياخلي فعلا عامة وكثيرة في العالم وافريقيا والعرب..وكثير من دول العالم الثالث في اسيا وامريكا اللاتنية... ده لانو الديقراطية كنظام حكم لسع الوعي بيهو ني وطريقة حت اروبا وامريكا خاضن سنين عديدة حتن وصلو ليهو... واحنا يا فردة اشكالنا كبير في الفجوة ما بين النخب والشعب ووعي الشعوب بحقوقها ضعيف والنخب السياسية الثقافية قاعدة تعمل علي هدم الوعي عبر موسسسات كاحزاب او جيوش وكلو وصايا وتدجين لحقوق العامة... والدرب طويل ياخلي هنا في السودان وهنووووك ويوم الشعوب دي توعي ناس ود تمبك وكرجول والامين الابريق يعرفوا حقهم ووين حجننو ليك الامة دي جنون قبورة
Post: #132 Title: Re: العلنية والسرية!! Author: عبداللطيف حسن علي Date: 01-30-2009, 06:10 PM Parent: #130
Quote: كيكي وخليل وندام الخميس نهديكم البوست الكارب ده
دي شنو الكتابة الطرشا دي ، كمان جايب لينا لينك عن الخمور ، لا حولا
والله ماشا الله يا سلوي والعين باردة عليكم وتيمكم العامل اسفيرا يستحق وسام الخدمة الممتازة عديل... ولاحظت الايامات الفاتن دي زول لو قال (شيو )وقبل ما يتمها بلقي عشرة ناطين ليهو
كنا عاوزين نكرم الجانب الاخر من النهر ولكن وبمجرد ظهور اسامي مثل(ملاسي) في ذلك التيم ستسقط اللجنة من حساباتها حتي التفكير في الامر
الجماعة بتاعين البلهارسيا والملاريا ديل ما رسلو هايسات وامجادات
خليل دوائراكم دي كلها جريحة ذهب معظم ابنائها الي الجبهة الاسلامية رمز الفرقة والشتات او كما قال الراحل العظيم قسم الباري تاتاي عليه الرحمة (والدك) في ذلك المهرجان الحاشد
Quote: خليل دوائراكم دي كلها جريحة ذهب معظم ابنائها الي الجبهة الاسلامية رمز الفرقة والشتات او كما قال الراحل العظيم قسم الباري تاتاي عليه الرحمة (والدك) في ذلك المهرجان الحاشد
لكن في الحتة دي انا بقول كما الراحل الزبير محمد صالح
اعتقد انتهت الي الابد الديالتيك والدين افيون الشعوب
والدين كوكايين الشعب
Post: #153 Title: Re: العلنية والسرية!! Author: احمد التجانى احمد Date: 01-31-2009, 00:11 AM Parent: #152
كيكى وخليل مجهود جميل يطرح قضايا كبيرة بلغة بسيطة ومفهومة الملاحظ بان البوست لم يجتذب الرفاق ليه ماعارف وحتى الذين اتوا زى ودجبرالله رموا كلمات مجاملات وفرتقوا عايز ارجع بيكم ورا شوية زى عشرين سنة كدة تتذكروا كان فى مجموعة كدة بتدور حول الرفاق من غير اى التزامات لكن مع تقمص كامل للادوار واشهرهم معاوية ديفيد ومصطفى ميرغنى واحيانا كيكى والصادق فيصل والظاهر كيكى الان تتاوره تلك الادوار مع متاورة الضرس عموما الرفاق كانوا حلوين بيتصاحبو وضكرانين بتلقاهم فى الصعاب الا بس الفلسفة وشيلة شنطة الضهر والنمط الواحد فى ادارة الحوارات والتوريث الاسرى ماكانت مبلوعة التحية للداف ومجتبى محسى وال ابوعاقلة وباقى رفاق دفعة 85
Quote: تتذكروا كان فى مجموعة كدة بتدور حول الرفاق من غيراى التزامات لكن مع تقمص كامل للادوار واشهرهم معاوية ديفيد ومصطفى ميرغنى واحيانا كيكى والصادق فيصل والظاهر كيكى الان تتاوره تلك الادوار مع متاورة الضرس
Post: #155 Title: Re: العلنية والسرية!! Author: حيدر حسن ميرغني Date: 01-31-2009, 01:35 AM Parent: #154
Quote: تعرف يا كيكي كان في حلتنا شيوعي واحد مرة اجر
لوري وركب مايكرفون في اللوري ويبشر بندوة للشيوعين
الجماعو جدعوهو بالحجار
دقو الكافر دقو الكافر
والله العظيم جد
عشان كدة مناطق الغباش دي عائزة اضاءات
الدكتور عبد الحليم محمود شيخ الازهر الاسبق اورد في كتابه الاسلام دين الفطرة قصة بدوي في واحدة من بوادي السودان لما شاف خواجة لابس بنطلون ويدخن الغليون وكان دي اول مرة يشوف مخلوق زي ده سأل من حوله عن المخلوق ده وعن سر وجوده هناك ..قالو ليهو ده من بلد اسمها انجلترا... والبدوي لايعرف وين انجلترا دي وماسمع بيها قبل كده المهم لما اتعب جماعتو بالاسئلة جابوها ليهو من الاخر كافر كافر البدوي تقيأ (طرش) عديل كده اليوم مناطق الغباش ياخليل دخلها الخواجة إما لعمل أو معزوم لعرس ولا وليمة وما بعيد يكون هو العريس زاتو.. الناس هناك اتعلمت وولادها وبناتها سايقين عربات منظمات دولية جوواها خواجات ومابعيد خواجيات حلوات كمان يبقى الاضاءات القلتها دي فات وقتها تب والعايز فيهم يبقى شيوعي براهو ببقى
Post: #161 Title: Re: العلنية والسرية!! Author: عبدالكريم الامين احمد Date: 01-31-2009, 07:51 AM Parent: #155
Quote: اليوم مناطق الغباش ياخليل دخلها الخواجة إما لعمل أو معزوم لعرس ولا وليمة وما بعيد يكون هو العريس زاتو.. الناس هناك اتعلمت وولادها وبناتها سايقين عربات منظمات دولية جوواها خواجات ومابعيد خواجيات حلوات كمان يبقى الاضاءات القلتها دي فات وقتها تب والعايز فيهم يبقى شيوعي براهو ببقى
هلا ياحيدر ورغم كده ياحيد تتخيل في السودان ده لسع في ناس مفتكرين البلد دي ماسكها نميري وفي ناس لمن تجي تصلي بقولو كلامات علي شاكلة نصلي صلاتك في وطاتك وما بنقدر علي لباطك
Post: #160 Title: Re: العلنية والسرية!! Author: عبدالكريم الامين احمد Date: 01-31-2009, 07:35 AM Parent: #154
[E] ملاسي ما تفرح كثير ياخي وخلي الاصبع في محلو..وخلي الجرائد العاوز تحرقها في محلها (طبعا اكيد اجراس الحرية خاتيها وش) احمد تجاني قال احيانا....واحنا قلنا ليه لماذا احيانا فانت ياخي زول
Post: #159 Title: Re: العلنية والسرية!! Author: عبدالكريم الامين احمد Date: 01-31-2009, 07:27 AM Parent: #153
Quote: تتذكروا كان فى مجموعة كدة بتدور حول الرفاق من غير اى التزامات لكن مع تقمص كامل للادوار واشهرهم معاوية ديفيد ومصطفى ميرغنى واحيانا كيكى والصادق فيصل والظاهر كيكى الان تتاوره تلك الادوار مع متاورة الضرس
ود التجاني ابو صلعة او شي كدي نلصق ليك الاستحقاقات بتاعتك فانت مالك ياخي من الصباح ده مادي (زولي المرجف ملاسي ده) اصبع تحت طبعا اصبع زي ده بكون مبسوط الليلة واحتمال حسع بكون قاعد يحرق في جرائد..ومفتكر انو اكتشف الذرة... ياخي الصادق فيصل-ومعاوية وانا..كنت بشوفنا مع الناس ديل مرات مرات لانو صاحبنا وفردتنا وود اوضتنا (وليد زكريا) كان مع الناس ديل.. ووليد والصادق محال تلقاهم في اي ركن في الجامعة وانا ما كنت معاهم من البرليم لحدي ما اتخرجو الناس ديل(سفرة-ميدان غربي-ميدان شرقي-ندوة-ركن نقاش)... وبالمناسبة دي هو ديفيد ومصطفي ميرغني (ما مع الجماعة ديل ولاشنو) لاني لحدي ما اتخرجوا قايلهم زملاء وزميلات الناس ديل
طبعا ما قلت الا الحق الجماعة ديل فيهم ناس لطاف ومتواضعين واولاد بلد قلوبهم حارة واخوان واخوات حقيقين بتلقو في الحارة تب وزيد علي ذلك قلبهم حااااار شديد..
عصام جبرالله جاء وفرتق ولكن ياحمد البوست ملاااان يا فردة بالكماسرة خالد العبيد-سلوي صيام- قيقراوي-عبداللطيف-وكثيرين عينهم في البوست ده وعينهم التااانية هناااااك
Post: #158 Title: Re: العلنية والسرية!! Author: عبدالكريم الامين احمد Date: 01-31-2009, 07:14 AM Parent: #152
Quote: اعتقد انتهت الي الابد الديالتيك والدين افيون الشعوب
والدين كوكايين الشعب
هلا خلي وهلا باحسن زول بطلع (دس) في السايبر علي مستوي الماركسية ياخلي الكلامات دي والراي من الدولة الدينية قااااعد والماركسية هي نبراس الحزب الشيوعي السوداني.. والالحان دي ياخلي تطفو علي السطح لمن تكون في حرب فكرية وهجمة تفتيشية علي الجماعة ديل من تيارات ثانية...(القبقبة في حتت الدين دي بتم في لحظات الهجمة المضادة)..
Post: #157 Title: Re: العلنية والسرية!! Author: عبدالكريم الامين احمد Date: 01-31-2009, 07:05 AM Parent: #151
Quote: كيفكم يا ناس الإستديو شايفكم ماشين كويس والعترة الوحيدة كانت هجمة الخميس (هههههههههههه)
هلا يا شول ومشرف الاستديو والله وهجمة الخميس كانت شرشة بيني بينك كده.. لكن امتصيناها وعملنا نيفاشا مع القوات التي غزت في عملية (الازرع السليقة)
والخميس الجاي سوف يتم تقاسم (الثروة) عبر الكيبوردات فعشان كده خلي كيبوردك قريب علي الاقل تلقي ليك باص باصين كده
Post: #156 Title: Re: العلنية والسرية!! Author: عبدالكريم الامين احمد Date: 01-31-2009, 07:00 AM Parent: #149
Quote: الحزب الشيوعي منظم تنظيم اسطوري
هلا ياخلي وفعلا الناس ديل متماسكين شديد وزي ما قلنا بريدو حزبهم ده ريدة السنين وتنظميو عالي دي مافيها شك ودفاعتو كونكريت.. لكن عند الضغط الشديد من الخصم(زي ما كان بعمل الامن)..والهجوم من الاطراف والعمق بتحصل خلخلة في بعض مناطق الدفاع الضعيفة عندهم..والامن بكجم منهم معلومة معلومتين كده
Post: #162 Title: Re: العلنية والسرية!! Author: صلاح ليون Date: 01-31-2009, 08:03 AM Parent: #156
بالله يا كيكي الشروق مرت من هنا وكمان بي اقتباس يعني ما سطرين وبعدين اصابعو كانت وصلت خمسة ياخي زيدهم وزيدهم كمان وكمان
ود التجاني لقيتك متابع كويس يلا يا كيكي منتظرين باقي التحليلات والذكريات وياريت تدينا لمحة عن مواقف الشيوعيين مع المحايدين وبيفيدك اكتر الرجوع لي ودالنعيم كراجل محلل وخبير في الشؤون دي
Post: #163 Title: Re: العلنية والسرية!! Author: عبدالكريم الامين احمد Date: 01-31-2009, 08:11 AM Parent: #162
Quote: بالله يا كيكي الشروق مرت من هنا وكمان بي اقتباس يعني ما سطرين وبعدين اصابعو كانت وصلت خمسة ياخي زيدهم وزيدهم كمان وكمان
هلا يا ابو صلاح والشروق مرت بهنا رمت ليها اصبع فوق وفرتقت (اتاريهازولتنا متابعة ومنططة عيونها من قولة تيت) ويستاهل بيني وبينك صف اصابع تحت من هنا ده لحدي القضارف..
لسع يا ابو صلاح لايزال البوست طفلا يحبو والزكريات جاينها تب والملفات بالكوم..بس خلي خالك خلي ده يصحي ويجي يجدع لينا مساكة مساكتين ونديها الو لابوعفان ناخد نقلة نقلتين كده
تعرف يا كيكي بيان دي كان كانت راجل، كان تكون لو إتخارجت وما حضرت مجموعة هاشم العطاء، تكون جوة شهداء رمضان، الله ده كريم يا كريم علي خلقو __ يا بيان قبل كم يوم كده لقيت لي (كبك) بتاع تسلق جبال، كلو مسامير، الله يسألني إتذكرتك، قلت حقو الواحد يرسلو لي بيان مع عودتها المفاجئة دي الكراع بتكون ماكلاها، وداير تشوت من طرف..
Post: #167 Title: Re: العلنية والسرية!! Author: محمد البشرى الخضر Date: 01-31-2009, 08:52 AM Parent: #166
سلام كابتن كيكي و الضيوف و المتابعين يبدو ان مشكلة ضياع عناوين المداخلات أثرت على مسار الحلقة زي طلعنا برة الموضوع المطروح " ديربي المؤتمر الخامس و سودانيز أون لاين" ودخلنا في ذكريات الجامعة و الديالكتيك و مستقبل الحزب و شنو ما عارف وطبعا لخلّي القدح المعلى في الإنحراف دا بي باصاته الثرو الجهجه بيها زملانه قبل مدافعي الخصم اتمنى ان تعود بينا للتسلسل الكنت ماشي بيه أو على الأقل تتناول النقطة المتعلقة بي تشابه ردود افعال البورداب مختلفي التوجهات نقطة تانية اقترح تناولها لاحقا وهي مواقف اسياد الوجعة ما بعد المؤتمر أو ما يمكن نسميه راحت السكرة وحانت الفكرة , ما عارف لكن حاسي بنوع من الإحباط - او على الأقل - التشاؤم يبدو من ثنايا بعض الكتابات هل كانت النتائج دون التوقعات او شيئ من هذا القبيل أم ماذا ؟ في إنتظر التفكيك و التعليق يا كابتن
ثم سؤال يدعي البراءة قصة ترشيح عصام ديك كانت هظار ولّ شنو؟ ومادام هظار المبدع مين كدا هناي داك حرق رزو شديد كدا ليه؟ (ما شتغل بالسؤال أعلاه يا كابتن , دا محض مطاعنة)
Post: #169 Title: Re: العلنية والسرية!! Author: عبدالوهاب علي الحاج Date: 01-31-2009, 09:18 AM Parent: #167
Quote: ووهبة ما بجينا في زقاقات زي دي ياخي سامع تحت تحت قالوا كوز الزول ده
كيكي شكيتك على الله داير تبقى لي زي دينق الوهم مالك انا يازول زي بوستك دا بجهجه مربوطتي عشان كدا بتاوق ساااااي لكن لو في اي زول عمل كركبة هنا معاك او مع اي عضو من اعضاء الرهط ضقلي جاهز كاحد افراد قوات الانتشار السريع وحسب المواثيق والمهاهدات المبرمة بين افراد الرهط براقب في خراش بهناك شايفو هنا جاك بجاي عمل ليهو مس كول وهسه بتاع الكلب دا بعمل ليهو في سيرش داير اشوفو مالو والي ذلك الحين كونوا بخير يافرد
___
Post: #168 Title: Re: العلنية والسرية!! Author: عبدالكريم الامين احمد Date: 01-31-2009, 09:07 AM Parent: #166
Quote: تعرف يا كيكي بيان دي كان كانت راجل، كان تكون لو إتخارجت وما حضرت مجموعة هاشم العطاء، تكون جوة شهداء رمضان، الله ده كريم يا كريم علي خلقو
بيان لذيذة ياخي وتعرف رجعتها الاخيرة للملاعب دي لقت موضوع وقع ليها في (8 اتو)
وبالله الكبك او مسامير ده ما ترسلو ليهافي اليومين دي خلي حمي الخامس دي تزح كده ولا كده لو معصورة عليه شديد وعاوزة تلعب بيهو ماتش ماتشين كده خليها تقنع دومة تجي راجعة وبعد داك الكبك الجبلي حلال عليها
Post: #170 Title: Re: العلنية والسرية!! Author: عبدالكريم الامين احمد Date: 01-31-2009, 09:20 AM Parent: #168
Quote: أو على الأقل تتناول النقطة المتعلقة بي تشابه ردود افعال البورداب مختلفي التوجهات نقطة تانية اقترح تناولها لاحقا وهي مواقف اسياد الوجعة ما بعد المؤتمر أو ما يمكن نسميه راحت السكرة وحانت الفكرة , ما عارف لكن حاسي بنوع من الإحباط - او على الأقل - التشاؤم يبدو من ثنايا بعض الكتابات هل كانت النتائج دون التوقعات او شيئ من هذا القبيل أم ماذا ؟ في إنتظر التفكيك و التعليق يا كابتن
هلا كابتن عمك وديمة مثري الاستديو وباصات كندورة ما يلعب زيها..(بالذات الباص التحتاني بتاع المغارز ده) فهو باص
الحلقة يا عمك استلمت اتصالات علي الهواء مباشرة من جهات عديدة والخط الساخن الفتحو الاستراتيجي ابو خليل اسال اللعاب كثيرا وحفز الادارة هنا في الاستديو لزيادة زمن الحلقة وتغيير الروية الاخراجية ولو قليلا.. -لسع عندنا استحقاقات ومفاتيح عديدة في الموضوع وبالذات في النقاط القلتها انت دي -عند مرور عصام جبرالله هنضبانه وقلنا ليهو لقدام عندنا كلام تاني..والوقت داك كان العين علي بوسته الفتحو (الذي فرمل مع سبق الاصرار والترصد) -ضروري كمان ندي مساحة وزمن لصدي اللجنة المركزية في التيارات وان كان الاشارات منبعثة ضئيلة لكن حنعالجها ونعمل ليها تقوية -موضوع اختيار عصام جبرالله برضو حنجيبو (وشايف خراش في غمرة حمي التعريض بهنادي قال هو بعتذر علي عدم رضائه في السابق) بجيك يا عمك والموضوع ذو شجون ومفاتيحو راقدة هبطرش...
Post: #171 Title: Re: العلنية والسرية!! Author: عبدالكريم الامين احمد Date: 01-31-2009, 09:30 AM Parent: #170
Quote: كيكي شكيتك على الله داير تبقى لي زي دينق الوهم مالك انا يازول زي بوستك دا بجهجه مربوطتي عشان كدا بتاوق ساااااي لكن لو في اي زول عمل كركبة هنا معاك او مع اي عضو من اعضاء الرهط ضقلي جاهز كاحد افراد قوات الانتشار السريع وحسب المواثيق والمهاهدات المبرمة بين افراد الرهط براقب في خراش بهناك شايفو هنا جاك بجاي عمل ليهو مس كول وهسه بتاع الكلب دا بعمل ليهو في سيرش داير اشوفو مالو والي ذلك الحين كونوا بخير يافرد
هلا يا فردة وشوق والله.. وياخي جموع الرهط ومن لف لفهم عاملين ليهم خيمة كبيرة زي دي وانت ما تجي..؟؟؟ عشان كده قلنا لازم بديك باص اسكرو كده نشوفك بيهو معانا بجاي.. ابشر يا وهبة الرهط ده ديناميت ما يفرتقو وخراش ومن لف لفه من مرجفين سيجدونا مجككين لهم في كل كركور من كراكير الاسافير حاملين (امراق...وهي جمع مرق)... اسمعني زولي بتاع الكلب طلع زول منو فايدة ومنتظرين كلنا حسع الخميس حيث الصفقة والرقيص... كن بخير يا وهبة واضرب علي خراااش بيدا من حديد ولاتاخذك به رافة ابدا ابدا
Post: #172 Title: Re: العلنية والسرية!! Author: محمد البشرى الخضر Date: 01-31-2009, 09:42 AM Parent: #170
Quote: بجيك يا عمك
سمح يا كابتن لكن بي مهلتك دي خايف تلحقنا السادس
Post: #173 Title: Re: العلنية والسرية!! Author: د.نجاة محمود Date: 01-31-2009, 10:32 AM Parent: #172
سلامات يا ياسر تعرف لما كنت صغيرة كنت بتمنى لو بقيت ولد وعرفت انه لو الواطة صبحت وانا في بطن امي كنت بقيت ولد والله لومتها جنس لوم ما صبحت الواطة
ومن الوقت داك اتعلمت كرت الاولاد الى بطن امهم.. اسع بالله وليد فتح نفس البوست مع احترامي ومودتي يا فردة وخوف شديد الشفت مروع بيهم والله وانا قالو لي خيشة ايوا خيشةعديل كدا اها خلي وهيكل قالو ليهم بنهظر وانا هناك فتحو لي بوست استفزازي على مين لكن لما البوست يتأرشف ما بفتحو.. الايام الفاتت دي شلت الكدارة نضفتها وبردت المسامير قلت نجي تلعب دافوري مع الشيوعين..بمناسبة الخامس.. اها اصحابي حذروني تماما لكن اللجنة جد بالغت.. سمح تكون راجل في السودان..
هيكل سوال من القاري عباس ابودحلوب من اولاد شبونا هاشم
بالرغم من الشيوعية حققت طفرات اقتصادية هائلة ومعظم الدول تقريبا كانت عظمي
الا انها فشلت فشلا ذريعا في تحقيق العدالة الاجتماعية
بالاضافة الي انها حكمت تلك البلاد بطريقة العصور الوسطي وقبضت بالحديد والنار علي السلطة
وقمعت المتظاهرين ولعلك تذكر قمع الطلاب في الصين في الميدان الاحمر
وكيف ضرب الهالك شاوسيسكو المظاهرات بالطيران في بوخارست
اضف الي ذلك الفقر المدقع الذي ظهر في تلك الدول بعد انهيار المعسكر الشرقي
واذا ذهبت الي ديسكوهات دبي فان ارخص (اللحم الابيض) هو اللحم الروسي والصيني)
(huderded daraham per shot)
Post: #176 Title: Re: العلنية والسرية!! Author: عبدالكريم الامين احمد Date: 01-31-2009, 11:30 AM Parent: #175
Quote: هيكل سوال من القاري عباس ابودحلوب من اولاد شبونا هاشم
بالرغم من الشيوعية حققت طفرات اقتصادية هائلة ومعظم الدول تقريبا كانت عظمي
الا انها فشلت فشلا ذريعا في تحقيق العدالة الاجتماعية
بالاضافة الي انها حكمت تلك البلاد بطريقة العصور الوسطي وقبضت بالحديد والنار علي السلطة
وقمعت المتظاهرين ولعلك تذكر قمع الطلاب في الصين في الميدان الاحمر
وكيف ضرب الهالك شاوسيسكو المظاهرات بالطيران في بوخارست
اضف الي ذلك الفقر المدقع الذي ظهر في تلك الدول بعد انهيار المعسكر الشرقي
واذا ذهبت الي ديسكوهات دبي فان ارخص (اللحم الابيض) هو اللحم الروسي والصيني)
(huderded daraham per shot)
هلا بيان وحباب كابتن عمك ومرحب ياخليل -بيان اللجنة حاجبة منكم الجائزة مالم تجينا توضيحات حول تواجد ملاسي في التيم المناوي وهو الذي شهدناه عبر القنوات الفضائية يضرب من بيبسي الشوعيين في الموتمر.. -ود البشري ياخي مالك علينا مودينا للسادس الاحتمال يتعمل بعد 70سنة تاني - سوال كبير وعريض ياخي من المواطن عباس ود حلوب.. وده يافردة سوالا ليهو عنقرة ماكنة واخوك هنا محلل ساااكت وشاوسيسكو وبوخارست ده رقيص ماركسي لينيني بلشفي اخوك ماعندو ليهو رقبة.. وداير ليهو ماركسي تندل يروب الموية دي..وينق لينا في دولة البلوتاريا والصراع الطبقي وجدل شنو شنو داك.. لذا القصة محولة برمتها من الاستديو للاخوة والاخوات الشيوعيين باقي عباس ود دحلوب ده مواطن مداوم علي الاتصال بالاستديو وامره يهمنا بالحيل
Post: #177 Title: Re: العلنية والسرية!! Author: عبدالكريم الامين احمد Date: 01-31-2009, 11:51 AM Parent: #176
نجي ياعمك الي ارهاصات اللجنة المركزية ما قبل وما بعد الموتمر ونشوف القصة كانت ماشة بهنا كيف... حكاية اختارو مين في سكرتارية الحزب دي ماكانت تتوارد الا في شكل جدعات هنا وهنوووك.. مع بروز اسامي كالشفيع خضر وسليمان حامد وبالتاكيد الكبير نقد.... -لم تظهر من الشيوعيين كاسامي بل تناولها الاخريين ..... حجر الراي الذي تسرب عن موقف نقد من اوكامبو بعده تماما تمت محاولة اختطاف نقد اسفيرا في بوست(عاش محمد ابراهيم نقد)وكان الصراع حول فكرة تقديم نقد علي انه خيار قريب من نبض الحكومة..والجانب الاخر من الصراع كان يحاول توجيه دفة الاشياء الي التقدير والاحترام لكل تاريخ نقد وانه مهما كان فانه خيار من خيارات الحزب... -اشارات الرغبة علي التغيير علي مستوي القيادة كانت بتلوح بصورة عامة في مقولات علي شاكلة (قيادة جديدة ومزاج جديد) وهكذا لكن الحق يقال ما قرينا زولا منهم قال انا مرشحي فلان الفلاني لكن من حركة البوستات هنا وهنالك يمكنك ملاحظة (المتشددين- والايدلوجيين- والنقديين_والتغيرين) وهكذا...
ترشيح عصام جبرالله الي ورد في سابق احداث (البندر ومركز الخرطوم)كانت الدعابة هي الامر الكامن فيه ولكنه ضخ ايضا موشرات ورغبات ومحاولات تصدي من الحرس القديم...وبين الاشواق هنا وهناك ونعود
موضوع حق ده ياخلي شايفك فرشتو في بوست ليك كم يوم زولا واحد من هنا ولامن هنوووووك جاء قال ليك الكيلو بكم مافي..!!! القصة دي دايرة مباصرة شوية عشان نعرف اش لون... لكن شفنا ناس منهم يعلم الله باركو وقرينا ناس منهم نخسو تحت تحت وشفنا زولنا اللورد بدر فشة غبينتو في السهلة وقعد
السيد كيكي تواجد السيد ملاسي حق بالميلاد العطبراوي حيث رفع شعارالزارعنا غير الله اليقلعنا.. وقد قال مطراشنا ان السيد ملاسي شوهد يقوم بعمل تمارين رياضية في شوارع ام درمان لازالة الكرش خشية ان تبعجه عضو اللجنة المركزية كما وعدت وتوعدت..اليكزان الاسفيرين
جائزة وين يا بيان.. بكلامك ده الجائزة دي يا دوبك حندسها كمان وكمان.. ملاسي كرشو مطلوب لقوات صديقة هنا في المنبر ده اسمها قوات الرهط يمشي من ورانا يعمل جكات من اجل البعج الهنادوي..!!!! لالا يا بيان جائزة مافي نهائي..
Quote: وهكذا لكن الحق يقال ما قرينا زولا منهم قال انا مرشحي فلان الفلاني
ما تنسى يا كابتن أن سودانيزانلاين ليس المنبر الخاص بالحزب الشيوعي ومن ناحية إنضباط تنظيمي لا يصح مناقشة مثل هذه الأمور خارج منابر الحزب المخصصة لذلك سؤالي يا كابتن عن بعض الكتابات بعد إعلان اللجنة ألا تحس ان هناك نوع من التململ او خيبة الأمل من نتائج الخامس - ممكن نقول أم هي مجرد قراءات خاطئة أخرى كابتن ... تناول النقطة اعلاه بحذر - أو تجاوزها إن استدعى الأمر - لو حسيت انها ممكن تجيب هوا
Quote: سؤالي يا كابتن عن بعض الكتابات بعد إعلان اللجنة ألا تحس ان هناك نوع من التململ او خيبة الأمل من نتائج الخامس - ممكن نقول أم هي مجرد قراءات خاطئة أخرى كابتن ... تناول النقطة اعلاه بحذر - أو تجاوزها إن استدعى الأمر - لو حسيت انها ممكن تجيب هوا
هلا يا عمك وفعلا انه منبر عام والانضباط التنظيمي ماشا الله عليهو مية مية لكن بعض مرات طبعا بتجي كور مرتدة كده يمكن للاستديو ان يفهما في اطارها الصحيح... ما بعد اللجنة المركزية ياعمك..فعلا المشهد كالاتي 1-الاحتفائية الشديدة المهرمنةمع الاحتفائية بالموتمر قلت وما شفنا تحليل لالوان الطيف في اللجنة من اهل البيت الا علي عجل.. 2-موضوع هنادي...لو تابعتو شديد بتلقي الجرعة الهنادية في ناس امتصوها علي مضض والشاهد وابان تواجد هنادي هنا في ناس كان عندهم خلاف كبير وراي حاسم وسخن في اداء هنادي الاسفيري.. 3-احساس الاحباط ده انا زاتي حسيتو معاك ولكن ليس عبر شواهد يمكن الرجوع اليها بل من حركة المنبر ما بين هنا ووين وهنووووووووك(والله اعلم قد يكون انطباع)
Post: #182 Title: Re: العلنية والسرية!! Author: بدر الدين الأمير Date: 01-31-2009, 12:24 PM Parent: #177
كيكى اراك تجود دور الجبهة الديموقراطية ... مطلوب حضور الاستاذ: احمد الامين ......
Post: #183 Title: Re: العلنية والسرية!! Author: بدر الدين الأمير Date: 01-31-2009, 12:24 PM Parent: #177
كيكى اراك تجود دور الجبهة الديموقراطية ... مطلوب حضور الاستاذ: احمد الامين ......
Quote: كيكى اراك تجود دور الجبهة الديموقراطية ... مطلوب حضور الاستاذ: احمد الامين ......
اوووه بدر الدين وينك يازول انت مطلوب في الاستديو ومتهم بتهمة (فش غبينة) في السهلة ممتطيا صهوة البيطري نافع وعابر بتخوم جبل ولد فار يازول الجبهة الديمراطية دي الطراها منو حسع احنا هنا يا اخوي ميكانيكية وجنزرجية وبتاعين كوالين