مواصلة لتوثيق اعمال الفنان القامة وردى و مواصلة للبوست السابق الخاص بالتسجيلات القديمة لهذا الفنان الكبير
نبدا الجزء الثانى باغنية اعز الناس و التى كتب كلماتها الشاعر اسحق الحلنقى..
أعز الناس ..اسحاق الحلنقي
يا أعز الناس حبايبك نحن زدنا قليل حنان دا العمر زادت غلاوتو معاك وصالحني الزمان يا أحن الناس حنان
كنت من قبلك بشيل الليل دموع واطويه هم انا كنت بخشى على الأماني الطفلة يفنيها العدم وجيت لقيتك بين قلبي دموع وغنيتك نغم
يا حبيب ورد الأماني الفي أعماقي فتح وابتدا القلب العاش العمر في آهاتو يفرح والزمن ماظنو بعدك انت يرجع تاني يجرح
نامت أحزان عمري غنى زماني واتلاشت صعاب أنا قبلك الأيام قضيتا سراب يسلمني السراب وبيك طويت من عمري صفحة ماضي مكتوب بالعذاب
Post: #2 Title: Re: وردى... من تسجيلاات اياام زماااان (2) Author: هاشم أحمد خلف الله Date: 04-13-2008, 09:19 PM Parent: #1
محمد عثمان يا اعزا الناس حبايبك نحنا زدنا كتير حنان حضور ومتابعة كالعادة يا هندسة يا جميل
Post: #4 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 09:30 PM Parent: #2
الشفيف هااشم..
شكرا كتيرا و خليك متابع معانا..
يديك العافية..
Post: #3 Title: Re: وردى... من تسجيلاات اياام زماااان (2) Author: انعام عبد الحفيظ Date: 04-13-2008, 09:20 PM Parent: #1
يا حبيب ورد الأماني الفي أعماقي فتح وابتدا القلب العاش العمر في آهاتو يفرح والزمن ماظنو بعدك انت يرجع تاني يجرح
يا أعزّ الناس حبايبك نحن زدنا قليل حنان
من أجمل أغاني العظيم وردي
منتظرين معاك يا محمد عثمان التوثيق والتسجيلات القيّمة
ونستأذنك في حجز ركن ما هنا
Post: #5 Title: Re: وردى... من تسجيلاات اياام زماااان (2) Author: Ahmed al Qurashi Date: 04-13-2008, 09:34 PM Parent: #3
حيثما نجد اسمك مكتوبا نسعد .. لاننا نجد وراءه الجمال والطرب والكلام الجميل ... نحن ننتظرك بفارق الصبر عزيزى محمد لتتحفنا بهذه الروائع
Post: #8 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 09:51 PM Parent: #5
د. احمد القرشى..
لك التحية و التقدير
انتم من تنثرون الفرح و الجمال فى هذا البورد
و معا نحو بورد تسوده المحبة و الوئام و الطرب الجميل,,
شكرا لك وانت حاضرا كالعادة فى واحات الغناء الراقى..
مودتى...
Post: #6 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 09:35 PM Parent: #3
انعاام...
لك التحية و انت حضورا فى دوحة وردى
اعز الناس من الاغنيات الجميلة للشاعر اسحق الحلنقى و التى طرزها وردى بهذا اللحن الجميل,,
و يلا يدكم معاانا..و الدار داركم
يديك العاافية...
Post: #9 Title: Re: وردى... من تسجيلاات اياام زماااان (2) Author: سلمى الشيخ سلامة Date: 04-13-2008, 10:01 PM Parent: #6
اول حاجة حبة حبة يامحمد اخوى نحنا ناس عيانين وباقى عمر براحة علينا خلينا فى اعز الناس وتابع معاى كمية التفاؤل فى هذا النص الغنائى عاين يا حبيب ورد الامانى الحلوة فى اعماقى فتح
والزمن تانى بعدك
يا زمن عجيب وكلام يحير من كثافة الجمال وردى رغم اى حاجة لك حبنا
Post: #11 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 10:19 PM Parent: #9
Quote: اول حاجة حبة حبة يامحمد اخوى نحنا ناس عيانين وباقى عمر براحة علينا خلينا فى اعز الناس وتابع معاى كمية التفاؤل فى هذا النص الغنائى عاين يا حبيب ورد الامانى الحلوة فى اعماقى فتح
والزمن تانى بعدك
الحبيبة سلمى..
يا زولة الف حمد لله بالسلااامة و كفارة انشاء الله جيتك بهناك... و جيتك هنا تفرح شديد والله.. و كل تمنيات ليك بالصحة و العاافية
ربنا يدك العافية و يحفظك من كل شر..
Post: #7 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 09:42 PM Parent: #1
الهوى الأول الجيلي عبد المنعم
أخادع نفسي بي حبك وامنيها واهرب حتى من ذكراك والاقيها دموع الحسرة في عينية اخفيها نار الشوق اقول الصبر يطفيها
اقول انساك وانسى شقاي لو قادر وطول الغربة والحرمان بلا آخر اسيبك كيف وانت الناهي والآمر وكيف اصبر وعارف نفسي ما صابر
شبابي معاك ما أضيع امانيه وعمر هواك ما أقصر لياليه رضيت بي ظلمو أحياه أقاسيه ولو خلاني ما بقدر اخليه
تخاصم وتفتكر إحساسي اتبدل وقايل قلبي مال لي سواك واتحول وحاة ريدتنا وحياة الهوى الأول بنرجع تاني لو زاد الجفا وطول
Post: #10 Title: Re: وردى... من تسجيلاات اياام زماااان (2) Author: انعام حيمورة Date: 04-13-2008, 10:14 PM Parent: #1
محمد عثمان ... يااااااعز الناس
Post: #13 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 10:38 PM
انعااام..
شكر للطلة
تحياات كتااار...
Post: #12 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 10:27 PM Parent: #1
امير الحسن صاؤى عبد الكافى
من صحابك ومن قرايبك يا حبيبي بغير عليك كلو من قال ياحبيبي افتكرتو يشير اليك وأي عاشق لو تغنى قلت لازم شاف عينيك يا أمير
كنت تايه في بحور الشوق وامواج الحنان قلبك انت وحبك انت جابني لي شاطي الأمان والمحبة يا حبيبة أقوى من بدر التمام يا أمير
ياأمير الحسن لو تسمح ظروفك كل ساعة كل لحظة كل يوم محتاج أشوفك وين يا أمير
يحسدوني الناس في حبي كم عذول روج اشاعة انت يا رب المحاسن والبراءة والوداعة بإشارة من جفونك قلبي قال سمعا وطاعة يا أمير
Post: #14 Title: Re: وردى... من تسجيلاات اياام زماااان (2) Author: محمد عثمان Date: 04-13-2008, 10:56 PM Parent: #1
الحبيّب الجيلى محمد صالح
الحبيب قلبو طيب العواذل ضللو يا حبايب اسألو لو تناساني وتبدّل لغرامي ذكرو
أسألوهو ليه نساني حتى من كلمة ملام ليه يخاصمني وعيونو كلموني بالغرام خبروهو باشتياقي لو يحن ينسى الخصام بعيونو حلفو لم يحلف صدقو انا عارف قلبو طيب العواذل ضللو
أسألوهو ليه يخاصم والسعادة بين ايدينا ذكروه بالليالي الأولى أيام التقينا كلموهو قولو ليهو في غيابو كم شقينا بحياتو حلفو لم يحلف صدقو انا عارف قلبو طيب العواذل ضللو
Post: #15 Title: رد Author: Mohamed fageer Date: 04-14-2008, 00:04 AM Parent: #1
يــــــــــــــامحمد عثمان تحية لــــــــــــــــــــــــــنك الحــــــــــــــــفظ أقصــــــــد لنكات الحـــــــــــــفظ
شـــــــــــــــــــكرا
Post: #16 Title: Re: رد Author: محمد خليل ساني Date: 04-14-2008, 00:38 AM Parent: #15
العزيز محمد عثمان ،،،
تسلم يا غالى على الإبداع ،،، والله ما قصرت يا فنان ،،،
يا ريت طلب خاص أغنية (من غير ميعاد) بالعود لو ممكن ،،،
وما تنسى رابط التنزيل ضروري جدا جدا ،،،
والله أسعدتني كتير كتير ،، يا محمد عثمان (وردي)
طبعا حبيب الكل وردي معنا اليومين ديل فى قطر ،،، دعواتك ،،،
Post: #17 Title: Re: رد Author: Osman Musa Date: 04-14-2008, 02:11 AM Parent: #16
الأخ محمد عثمان شنو ؟ اشقق هدومى دى ؟ اتكندك ؟ اتكتح ؟ وردى يا محمد يرتاد القلب من زمان . ... يا سلام الله يديك العافيه ياوردى
Post: #20 Title: Re: رد Author: محمد عثمان Date: 04-14-2008, 05:42 AM Parent: #17
الحبيب عثمان موسى..
تسلم انت من كل شر..وردى فنان قاامة شكل وجدااننا
بجميل الغناء و جعلنا نتفاعل من دواخلنا مع كل اغنية
من اغنياااته...
شكرا ليك كتير و انت عضو ثابت و فعّال فى مجموعة الجمال
و الغناء الراقى الرفيع...
و تاابع معاانا..
كل الود...
Post: #19 Title: Re: رد Author: محمد عثمان Date: 04-14-2008, 05:38 AM Parent: #16
الاخ محمد خليل..
الف مرااحب و نتمى لك اقامة سعيدة فى البورد
و ناسف لترحيب جاء متاخرا و فى غير مكانه..
من غير ميعاد ستكون حااضرة فى هذا البوست انشاء الله..
شكرا مرة اخرى على الحضور الراقى الانيق,,
يديك العاافية...
Post: #18 Title: Re: رد Author: محمد عثمان Date: 04-14-2008, 05:10 AM Parent: #15
الاخ محمد..
نظاام السيرفر لجديد صعّب مسالة اللينكات
لكن اوعدك نلقى لينا حل و تكون كل اللينكات هنا..
و ايضا نرجو مساعدة الاخرين فى هذا الامر..
يديك العاافية...
Post: #21 Title: Re: وردى... من تسجيلاات اياام زماااان (2) Author: محمد أبوالعزائم أبوالريش Date: 04-14-2008, 05:48 AM Parent: #1
مواصلين حضورنا من زمن الهوى الأوّل ... أوووبس .. أقصد البوست الأوّل
يديك العافية
Post: #22 Title: Re: وردى... من تسجيلاات اياام زماااان (2) Author: محمد عثمان Date: 04-14-2008, 11:22 AM Parent: #21
Quote: مواصلين حضورنا من زمن الهوى الأوّل ... أوووبس .. أقصد البوست الأوّل
الاخ محمد ابو العزائم..
لك التحية
و نوااصل مع المحاربين القدامى
و يدكم معاانا...
يديك العاافية..
Post: #23 Title: Re: وردى... من تسجيلاات اياام زماااان (2) Author: أبي بكر سيد احمد Date: 04-14-2008, 01:43 PM Parent: #1
يا سلاااااااااااااااااااااااام عليك يا محمد عثمان يازووووق ....
منتهى الجمال وردي وصوت وردي في الستينات والسبعينات ...
الله يمتع كل أيامك زي ما متعتنا
و:
يا حبيب ورد الأماني الحلوه في أعماقي فتّح وإبتدى القلب اللعاش العمر في آهاتو يفرح والزمن ما أظنو بعدك انت يرجع تاني يجرح
Post: #25 Title: Re: وردى... من تسجيلاات اياام زماااان (2) Author: محمد عثمان Date: 04-14-2008, 05:59 PM Parent: #23
Quote: يا سلاااااااااااااااااااااااام عليك يا محمد عثمان يازووووق ....
منتهى الجمال وردي وصوت وردي في الستينات والسبعينات ...
Post: #41 Title: Re: وردى... من تسجيلاات اياام زماااان (2) Author: محمد عثمان Date: 04-15-2008, 07:48 AM Parent: #1
المستحيل/اسماعيل حسن
لو بإيدي كنت طوعت الليااالي لو بإيدي كنت زللت المحاال والأماني الدايرة في دنياااي ماكانت محااال دي الإرادة ونحن ما بنقدر نجاابه المستحيل دي الإرااادة والمقدر ما بنجيب ليه بديل دي الإراادة أجبرتني في هواااكم من قبيل
غصبا عني وغصبا عنك انت حبيتني وهويتك لو بإيدنا من زمااان كنت خليتني ونسيتك والنهاااااية .. انت عارف وانا عاارف لو بإيدي كان هديتك
أصلو حبي أقوى وأكبر من إراادتي وانا حاااسس في جحيم نااارك سعادتي واللهيب البكوي في روحي في ذااتي هو إنت قلبي داايرك حبي عااارفك في شبااابك في صبااك في جمااالك في وفاك يا المسير ومااك مخير انت يا الصاااابر عند الله جزااااك
Post: #44 Title: Re: وردى... من تسجيلاات اياام زماااان (2) Author: محمد عثمان Date: 04-15-2008, 07:17 PM Parent: #41
Post: #47 Title: Re: وردى... من تسجيلاات اياام زماااان (2) Author: محمد عثمان Date: 04-15-2008, 08:37 PM Parent: #41
خاف اسمااعيل حسن
خااف من الله على قلبي قلبى من غراامك خاف زرعت الشوك على دربو وياااما في هوااكم شاااف قلبي
سنين وايام قضيت عمري في لوعة اناادي الليل واقول ياليل انا المظلوم عساااي دمعة دموعي تسيل وليلي طويل وعايش في مهب الريح.. برااي شمعة انااادي الليل واقول يا ليل يااما.. في هواااكم شاف قلبي
خسااارة قلبي في حبك واخسارة علمتو يحبك ولما سااار في دربك رحت وسبت حبيبك ليه يا خسااارة املي واملك وا خسارة كنا بنبني الجنة ولما خلاااص قربنا رحت هدمت سعادتك ليه يا خسااارة دمعي ودمعك وا خسارة ياااما سهرنا ليااالي ياحليلك يا غالي ويااما في هواكم شاف قلبي
كفى يااا قلبي انسى الفات وعيش من تاااني وحداني ولو حنيت لعهد الشوق اجيب من وين عمر تاني كفى يا قلبي شفت الويل وليل السهد بكاني بعد ما تبت من النااار حرااام تتجدد احزاني يضمك ليل ويطويك ليل ونااار الويل ميهادة يا مظلوم وما ظالم حليلك والعمر فاني وياما في هواااكم شاف قلبي
Post: #48 Title: Re: وردى... من تسجيلاات اياام زماااان (2) Author: محمد عثمان Date: 04-16-2008, 08:29 AM Parent: #47
Post: #49 Title: Re: وردى... من تسجيلاات اياام زماااان (2) Author: محمد عثمان Date: 04-16-2008, 09:08 AM Parent: #47
الصوره اسحق الحلنقى
توعدنا وتبخل بالصورة يا غنوتنا يا بهجتنا ويا مساء عيونا المبهورة ما نحن بطبعنا ناس طيبين غلطاتك عندنا مغفورة
يا نسمة في عز الصيف هبت يا روح الروح يا آمالا إن جيت تطلبنا بضي العين مابنقدر نحن نقول لا لا العين مابتعلا على الحاجب وعزيز الروح مابتعالا لو نحن بكينا على الصورة سامح دمعتنا المعذورة ما نحن بطبعنا ناس طيبين غلطاتك عندنا مغفورة
الكلمة الحلوة الفي قلبك وحياتك ما تعاند قولا خلينا نصابح بيها العيد نرحل لعوالم مجهولة لو نحن مقامك ماقدرو أعذارك عندنا مقبولة
روعة سحر الأسطورة يا سمحتنا الما بنطولة لو نحن مقامك ماقدرو أعذارك عندنا مقبولة
بنحبك نحن وما قادرين أبدا عن حبك نتخلا نتخلا عن الوجه البشبه ضي القمرة الناعس طلا كل الآمال الل يخليك ويحرسك من عين الناس الله
Post: #50 Title: Re: وردى... من تسجيلاات اياام زماااان (2) Author: محمد عثمان Date: 04-16-2008, 11:58 PM Parent: #49
يا نسمة في عز الصيف هبت يا روح الروح يا آمالا إن جيت تطلبنا بضي العين مابنقدر نحن نقول لا لا العين مابتعلا على الحاجب وعزيز الروح مابتعالا
Post: #52 Title: Re: وردى... من تسجيلاات اياام زماااان (2) Author: محمد عثمان Date: 04-17-2008, 08:20 AM Parent: #49
من غير ميعاد التجاني سعيد
من غير ميعاد واللقيا أجمل في الحقيقة بلا اتظار صحّيتي في نفسي الوجود ورجّعتي لعيوني النهار
كل الطيوب الحلوة يا مولاتي والجيد الرقيق واللفتة والخصل اللي نامت فوق تسابيح الغريق وخطاك والهدب المكحل وفتنة التوب الأنيق في لحظة مرت كالظلال تعبر رؤاي إحساس عميق فتحتي جرح الليل عسى من صمتي ما قادر أطيق صحّيتي في نفسي الوجود ورجّعتي لعيوني النهار
لو مرة بعدك يا زمان الغربة تجمعنا الصدف أنا كيف اعود من طيبة أول نظرة للدار منكسف وا ضيعة الوتر اللي ما غنيت معاهو ولا عزف من صدفة عابرة بلا سلام قلبي الغريق في الهم نزف ياريتني ما شفتك ربيع ولا كان يلازمني الأسف صحّيتي في نفسي الوجود ورجّعتي لعيوني النهار
ضاع الكلام ماتت حروف اللقيا قبال اهمسا والله ما غابت محاسنك لحظة لا الجرح اتنسى للّيلة ما وشوش نشيد في روضو وما غرد مسا للّيلة ما سافر عبير في الطيب يغازل نرجسة للّيلة يا حبي الكبير في حرقة لافيني الأسى صحّيتي في نفسي الوجود ورجّعتي لعيوني النهار
Post: #56 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 05:58 AM Parent: #52
Post: #43 Title: Re: وردى... من تسجيلاات اياام زماااان (2) Author: محمد أبوالعزائم أبوالريش Date: 04-15-2008, 01:43 PM Parent: #1
أستاذنا محمد عثمان ... ((سمي محمد عثمان وردي))
عندي سؤال أرجو التكرم بالإجابة عليه ..
أسمع وردي منذ صغري .. ولأغانيه القديمة طعم خاص لدي. ولكني لا أحس نفس الإحساس عند سماع هذه الأغاني بأداء جديد. هل هو تعصُّب للتسجيل الأوّل، أم أن هناك شئ اختلف في الأداء الغنائي والموسيقي؟ مع ملاحظة أني لا أرفض أداء جديد لفنان آخر كمحمد الأمين مثلاً
لكم جميعاً الود
Post: #46 Title: Re: وردى... من تسجيلاات اياام زماااان (2) Author: محمد عثمان Date: 04-15-2008, 08:26 PM Parent: #43
Quote: أستاذنا محمد عثمان ... ((سمي محمد عثمان وردي))
عندي سؤال أرجو التكرم بالإجابة عليه ..
أسمع وردي منذ صغري .. ولأغانيه القديمة طعم خاص لدي. ولكني لا أحس نفس الإحساس عند سماع هذه الأغاني بأداء جديد. هل هو تعصُّب للتسجيل الأوّل، أم أن هناك شئ اختلف في الأداء الغنائي والموسيقي؟ مع ملاحظة أني لا أرفض أداء جديد لفنان آخر كمحمد الأمين مثلاً
الاخ محمد ابو العزائم..
لك التحية و التقدير
واجهتنى بسؤال صعب جدا رغما عن اننى اشاركك الراى فيما ذكرت.. الاذاعة رغما عن شح الامكانيات فى فترة الخمسينات و حتى فترة نهااية السبعينات حيث كانت تواصل تسجيل الاغانى لمختلف الفناين..اعتقد استطاعت ان توظف ما تملك من عازفين مهرة و استديوهات و فنى تسجيل يملكون فدرات عالية استطاعت الاذاعة ان تخرج و تسجل اعمال و اغنيات بصورة متفردة حيث كانت تخرج التسجيلاات بمستوى عالى من الجودة و النقاء فى الجانب الموسيقى و ايضا فى الجانب الصوتى الخاص بالفنان الامر الذى انعكس ايجابا على الكثير من الاغنيات التى سجلت خلال تلك الفترة... اغلب الاعمال الجديدة والتى ايضا صاحبت التوزيع الجديد لبعض الاغنيات القديمة اغلب تسجيلاتها كانت تتم على الغالب من الحفلات الامر الذى كان ينعكس فى مستوى التسجيل و درجة نقاء الصوت سوى ان كان بالنسبة للالات الموسيقية المصاحبة او صوت الفنان نفسه..
وردى اعتقد انه اجتهد كثيرا فى الحانه و توزيع موسيقاه خلال تلك الفترة و دايما كان تواقا للتجديد فى عمل جديد يقدمه اعتقد لهذا السبب ان خرجت اعماله ناضجة فى فترة مبكرة اضاافة الى صوت وردى المسحور و هو فى ريعان شبابه اعطى بعدا اضافيا لكل اغنيااته التى سجلت خلال تلك الفترة..
الاستاذ محمد الامين لا شك قامة فنية كبيرة اثرى متبة الغناء السودانى بالكثير من الاعمال الخالدة..فى اعتقادى ان الكثير من الحان هذا الفنان الكبير كانت سابقة لزمنها لذا لم تجد حظها الكامل من التوزيع الموسيقى فى ذلك الوقت.. مع تطور الموسيقى فى البلد و ايضا وجود عازفين مؤهلين فى الزمن الحااضر خرجت اعماله و اغنياته على حقيقتها...
ما ذكرته اعلاه طبعا يبقى وجهة نظر شخصية فى موضوع يحتااج الى مختصين للتحدث عنه..
تحيااتى اخ محمد ابو العزائم..
Post: #51 Title: Re: وردى... من تسجيلاات اياام زماااان (2) Author: محمد خليل ساني Date: 04-17-2008, 00:08 AM Parent: #46
العزيز محمد عثمان ،،،
تسلم على الحاجات الحلوه دى ،،، الواحد دائما بيسهر معاها طول الليل ،،،
طبعا أنا لسه فى إنتظار (من غير ميعاد) بالعود كما وعدتني ،،،
إنشاء الله ما تطول علينا ،،، مع محبتي.
Post: #55 Title: Re: وردى... من تسجيلاات اياام زماااان (2) Author: محمد عثمان Date: 04-17-2008, 03:28 PM Parent: #51
Quote: العزيز محمد عثمان ،،،
تسلم على الحاجات الحلوه دى ،،، الواحد دائما بيسهر معاها طول الليل ،،،
طبعا أنا لسه فى إنتظار (من غير ميعاد) بالعود كما وعدتني ،،،
إنشاء الله ما تطول علينا ،،، مع محبتي.
الاخ محمد خليل..
تسلم يا جميل..
و شكرا لحضورك المستمر فى دوحة وردى
من غير ميعاد نزلت اوركسترا فى البوست
و برجع ليك بتسجيل بالعود لنفس الاغنية..
مودتى..
Post: #54 Title: Re: وردى... من تسجيلاات اياام زماااان (2) Author: nabielo Date: 04-17-2008, 11:24 AM Parent: #1
الاخ محمد عثمان شكرا علي الترحيب
الحنينة السكرة
Post: #57 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 08:49 AM Parent: #54
Quote: الاخ محمد عثمان شكرا علي الترحيب
الحنينة السكرة
الاخ nabielo
شكرا للاضافة السكّرة
فى انتظاار المزيد...
يديك العاافية...
Post: #60 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 07:45 PM Parent: #1
الحب و الريدة الطااهر ابرااهيم
حرمت الحب و الريدة برضى ما ارضيتك صعبان على وحيااتك يا ريت لو ما حبيت قست الدنيا على و جافى النوم عينى مع هجراانك لى حالفة تغدرى بى فكرى الحيتريهو و قلبى الودرتيهو صونى وعدك ليهو اوعك تخلفيهو ليه صديت ياا ظاالمة.؟ و اتناسيت يا حااالمة يا زهر حيااتى ربيعى انا روحى فيكم هاايمة خليتينى فى حيرة و ما راعيتى الجيرة انا جارك و انت ياا جارى بهوااك رغم الغيرة ريدتنا اتناسيتيها سعاادة استنبدلتيها احلامو بددتيها ظلمتى جنيتى عليها
Post: #61 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 08:04 PM Parent: #60
الحب و الريدة
Post: #94 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 10:48 PM Parent: #61
السلام عليكم متابعين لك الشكر أخي محمد عثمان ولكل المشاركين على هذه المتعة جودة تسجيل ونوادر وخوفاً من إغراق البوست رأينا الاقتصار على المتابعة والمتعة بس إذا احتجتوا قولوا عووك بنجيكم ............... في هذا الرابط
بوست للأخ العزيز أبوبكر سيداحمد فيه مجموعة كبيرة من روائع وردي ولكن أظن أن السيرفر الجديد قد أضاع معظمها ............................. وما الناس إلا هالك وأبن هالك *** وذو نسب في الهالكين عريق
Post: #63 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 10:01 PM Parent: #62
الاخ الزول..
لك التحية و التقدير و انت حضورا و متابعا
لنا فى هذه السياحة الوردية..
انا كنت من المتابعين للبوست الذى ذكرته و لكن يبدو
ان تغيير السيرفر تسبب فى فى فقدان الكثير من الاغنيات
التى نزلت فى هذا البوست اضافة للبوست الاول الذى قدمته انا من قبل..
هذا الامر جعلنا نعبد انزال الكثير من الاغنياات التى اختفت من السيرفر..
نشكر لك متابعتك لنا هنا و الاخ الفنان ابى بكر سجل حضورا انيقا فى هذا البوست
و احسب انه من اشد المتاابعين له..
اكيد نحتاج الى يدكم معاانا هنا و خليكم قريبين مننا..
لك التحية و التقدير...
Post: #64 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 10:03 PM Parent: #63
بعد ايه اسماعيل حسن
بعد ايه جيت تصالحني بعد ما ودرت قلبي الكنت فيه جيت تشكي جيت تحكي جيت تبكي لية ليه اعتذارك مابيفيدك ودموعك مابتعيدك العملتو كان بإيدك انا ما لي ذنب فيه ليه جيت تشكي ليه جيت تحكي ليه جيت تبكي لية ليه
انا خلدتك بشعري في زمانك وياما غنيت وكان كلو عشانك وكان جزاي منك صدودك وهوانك انا استاهل .. انا استاهل وضعتك في مكانا ما مكانك روح .. القدر بي نفسو ما بقسو عليك
جيت تايب ياحليلك والفؤاد ملكوه غيرك ربي يعدل ليك سبيلك كل مناي في الكون عديلك ونهاية الخير نصيبك ليه ... ضيعوك ودروك انت مابتعرف صليحك من عدوك استغلو الطيبة في قلبك وبي اسم العواطف خدعوك حتى من كلمة حنانم وودادم حرموك الله ياخد ليك حقوقك ويجازي الظلموك
Post: #65 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 10:14 PM Parent: #64
بعد ايه
Post: #66 Title: Re: وردى... من تسجيلاات اياام زماااان (2) Author: انعام عبد الحفيظ Date: 04-18-2008, 11:04 PM Parent: #65
بعد ايه!!!!!!
واحة ليلية جديدة
لا نملك سوى ان نستمع ونعيد الاستماع
Post: #67 Title: Re: وردى... من تسجيلاات اياام زماااان (2) Author: محمد عثمان Date: 04-18-2008, 11:15 PM Parent: #66
Quote: بعد ايه!!!!!!
واحة ليلية جديدة
لا نملك سوى ان نستمع ونعيد الاستماع
انعااام..
يا ليل و ليلية و يا نيل و نيلية..
اغنيات الرائع وردى لها نكهة خاصة فى الليل..
شكرا ليك كتير وانتى مداومة على الحضور هنا..
مودتى..
Post: #68 Title: Re: وردى... من تسجيلاات اياام زماااان (2) Author: mohamed osman bakry Date: 04-18-2008, 11:31 PM Parent: #67
محمد عثمان ياخي ده أروع بوست تدي للناس. ربنا يديك العافية. ـــــــــــــــ غنا يرد الروح .
Post: #72 Title: Re: وردى... من تسجيلاات اياام زماااان (2) Author: محمد عثمان Date: 04-19-2008, 07:48 AM Parent: #68
الاخ محمد عثمان بكرى..
لك التحية و انت تسجل حضورا فى واحة الفن المعتق..
مودتى..
Post: #75 Title: Re: وردى... من تسجيلاات اياام زماااان (2) Author: محمد عثمان Date: 04-19-2008, 03:33 PM Parent: #65
بعد ايه..تسجيل اخر
Post: #80 Title: Re: وردى... من تسجيلاات اياام زماااان (2) Author: محمد عثمان Date: 04-19-2008, 08:38 PM Parent: #75
لو بهمسه اسمااعيل حسن
آه لو بهمسة لو ببسمة قول احبك لو بنظرة نظرة حتى عابرة قول احبك لو بتحلم في منامك قول احبك لو ترسل لي سلامك قول احبك يا حبيبي
كل كلمة من شفايفك أحلى غنوة كل نظرة من عيونك فيها سلوى كل نسمة من ديارك فيها نجوى وكل همسة يا حبيبي عندي حلوة يا حبيبي
يا حبيبي عمري كلو اهديتو لحبك يا حبيبي انت عارف والغرام يشهدلو ربك يا بدوري في الظلام والظلام يحجبلي دربك آه .. ناري بعدك والحنان والجنة قربك يا حبيبي والزهور الحلوة تتفتح في قلبك انت عارف أنا يا روحي بحبك
خوفي منك خوفي تنساني وتنسى الليالي يا حبيبي انا خايف ياما بعدك انسى حالي أبقى تايه والغرام يصبح حكاية والأماني الحلوة دي الكانت بداية أبقى اشواق تفضل ليكي في النهاية آه يا حبيبي
Post: #81 Title: Re: وردى... من تسجيلاات اياام زماااان (2) Author: محمد عثمان Date: 04-19-2008, 08:42 PM Parent: #75
لو بهمسه
Post: #83 Title: Re: وردى... من تسجيلاات اياام زماااان (2) Author: انعام عبد الحفيظ Date: 04-19-2008, 10:11 PM Parent: #81
Quote: خوفي منك خوفي تنساني وتنسى الليالي يا حبيبي انا خايف ياما بعدك انسى حالي أبقى تايه والغرام يصبح حكاية والأماني الحلوة دي الكانت بداية أبقى اشواق تفضل ليكي في النهاية آه يا حبيبي
Post: #84 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 09:47 AM Parent: #83
شكرا انعاام و ربنا يحقق كل الامنيات الحلوة للجميع..
مودتى..
Post: #96 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 10:54 PM Parent: #81
Post: #87 Title: Re: وردى... من تسجيلاات اياام زماااان (2) Author: omer abdelsalam Date: 04-20-2008, 10:15 AM Parent: #1
الرائع / محمد عثمان نشكرك على هذه المتعة المتمثلة في قمة هرم الغناء السوداني المعاصر
Post: #88 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 03:18 PM Parent: #87
الاخ عمر..
تكتمل الروعة بحضورك الانيق..
شكرا كتير..
Post: #104 Title: Re: وردى... من تسجيلاات اياام زماااان (2) Author: صلاح الأحمر Date: 04-20-2008, 11:28 PM Parent: #88
يسلم ذوقك يا ود عتمان ياراجل يافنان
ياأمير.شوف شغلك النضيف ده لم الناس
كيفن؟
عليك الله ما ألقى عندك يابدور؟وكده
نكون استمخبنا 24 قيراط. وشكرا على
هذا المجهود الرائع. مع الموده والتقديييييييييييييييييييييير
Post: #107 Title: Re: وردى... من تسجيلاات اياام زماااان (2) Author: محمد عثمان Date: 04-21-2008, 10:10 PM Parent: #104
Quote: عليك الله ما ألقى عندك يابدور؟وكده
نكون استمخبنا 24 قيراط.
تسلم اخ صلاح.. و اغنية بدور حااضرة هنا انشاء الله..
يديك العاافية...
Post: #106 Title: Re: وردى... من تسجيلاات اياام زماااان (2) Author: وصال عالم Date: 04-21-2008, 01:51 PM Parent: #88
بسم الله الرحمن الرحيم
محمد عثمان
سلام ،،،
وينك ياخوي مختفي قدر دا ؟؟
أنا قلت في شنو ياربي تاني !!
تحيتي ومودتي
وصال عالم
Post: #111 Title: Re: وردى... من تسجيلاات اياام زماااان (2) Author: محمد عثمان Date: 04-23-2008, 07:51 AM Parent: #106
Quote: وينك ياخوي مختفي قدر دا ؟؟
أنا قلت في شنو ياربي تاني !!
وصال...
ليك وحشة..!! كثيرا ما يكون الغياب له ما يبرره و لكن احيانا لا..!! و كلنا اصبحنا نغرق فى دوامة معطيات الحياة المتغيرة التى تدفعنا كثيرا الى استلاف لحظات من المااضى نغير بها رتاابة الايقااع و نتصاالح بها مع انفسنا ..
شكرا كتير...بك ازدان المكان و انت تجلسين معنا على دكة الذكريااات و نحن نستدعى اغنياات معتقة و فى الخااطر اياام و ذكريااات تبقى بكل تفااصيلها الدقيقة محفوظة بين الذااكرة و القلب.. و ملامح و وجوه لازالت حااضرة وين بتروح..؟ فهى لا زالت تسكن فى الروح..! و يغلبنا الكلاااااااام...!!!! بعد ان اكتشفنا اخيرا ان الزمن ارشف كل اللآلى الجميلة و تركنا نحدق فى الفراغ...!!!!.
مودتى..
Post: #144 Title: Re: وردى... من تسجيلاات اياام زماااان (2) Author: عصمت العالم Date: 05-01-2008, 10:54 PM Parent: #88
ايها البديع الفنان ...محمد عثمان...
كنا فى غياب..اختفاء..لفتره من الزمن..وعدنا..واخذتنا المفاجاه بتلك الروعه.وهذا الغزل البديع.. وانت بتلك الشفافيه التى تاثر وتطوى كل المشاعر تحت جناح ابداعها وتحلق به الى ذرى من إرتقاء..وطرب..وإرتعاش.. كم اشجانا كل نغم دافى عميق ومسترسل.. واليك..ايها البديع... يا سلام... وهى من عيون الاغنيات التى تختزن الشجن والحنين والحنان.والدفء والهداه..وتدغدق كل المشاعر بفرح الاماسى..وظلال تلك الضفاف... وهذه هى هديتى..اليك..يا رائع...http://www.youtube.com/v/h-nDu-M-700&feature=related
Post: #145 Title: Re: وردى... من تسجيلاات اياام زماااان (2) Author: محمد عثمان Date: 05-02-2008, 11:27 PM Parent: #144
Quote: كنا فى غياب..اختفاء..لفتره من الزمن..وعدنا..واخذتنا المفاجاه بتلك الروعه.وهذا الغزل البديع..
الشفيف عصمت...
ليك وحشة والله سائلين عليك بهنا و بهنااك...
لك التحية و التقدير و شكرا للهدية يا جميل
مودتى...
Post: #102 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 11:18 PM Parent: #1
ارحل التجانى سعيد
قلت أرحل .. أسوق خطواتي من زولاً نسى الإلفة أهوم ليل أسافر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى
عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد آيات وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد
زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معاية لا بندم ولا بقضي العمر تبريح أصلو العمر شوقا حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح
Post: #103 Title: Re: وردى... من تسجيلاات اياام زماااان (2) Author: محمد عثمان Date: 04-20-2008, 11:20 PM Parent: #102
ارحل
Post: #113 Title: Re: وردى... من تسجيلاات اياام زماااان (2) Author: محمد عثمان Date: 04-23-2008, 01:06 PM Parent: #103
جميلة و مستحيلة
Post: #117 Title: Re: وردى... من تسجيلاات اياام زماااان (2) Author: محمد عثمان Date: 04-24-2008, 08:49 AM Parent: #113
جميلة ومستحيلة محجوب شريف
يا جميله.. ومستحيله انتِ دايماً زى سحابه الريح تعجّل بى رحيلها عيونى فى الدمعات وحيله اسمحيلا تشوف عيونك.. اسمحيلا أنا لا الصبر قادر عَلَىْ.. ولا عندى حيله * يامراسى الشوق تعالى لا اليالى تمر بدونك هى الليالى من ضواحى الدنيا جيت.. وعَلَىْ رحالى لمداين فوق عيونك يا محالى ريّحينى.. أسُتْرى حالى فرّحينى عيونى فى الدمعات وحيله أنا لا الصبر قادر عَلَىْ.. ولا عندى حيله * حدّثت عنك نجمة جارة وزرعت اسمك.. حارة حارة فى مناديل العذارى فى مشاوير الحيارى فى لحى الأشجار كتبتو.. نحتّو فى صمّ الحجارة وبحت للشمس البتقدل.. فى مدارها عيونى فى الدمعات وحيله اسمحيلا تشوف عيونك اسمحيلا أنا لا الصبر قادر عَلَىْ ولا عندى حيلة * وانتِ منك لا بداية.. عرفت لسّه ولا نهاية مرّة أسرح.. ومرّة أفرح.. ومرة تغلبنى القراية ولّمن أكتبلك وداعاً.. قلبى ينزف فى الدواية يا صبيّة.. الريح ورايا خلّى من حضنك ضرايا عيونى فى الدمعات وحيله اسمحيلا تشوف عيونك اسمحيلا أنا لا الصبر قادر عَلَىْ.. ولا عندى حيلة
ـــــــــــــــــ
Post: #119 Title: Re: وردى... من تسجيلاات اياام زماااان (2) Author: محمد عثمان Date: 04-24-2008, 10:03 AM Parent: #113
قلت ارحل..تسجيل حفلة
Post: #120 Title: Re: وردى... من تسجيلاات اياام زماااان (2) Author: محمد عثمان Date: 04-24-2008, 12:11 PM Parent: #119
عمر الدوش الحزن القديم
ولا الحزن القديم إنتِ ولا لون الفرح إنتِ ولا الشوق المشيتْ بيهو وغلبْنى أقيف وما بِنْتِ ولا التذكار ولا كُنْتِ
بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه ومن شهقَة زهور عطشانَهْ فوق أحزانهْا متْكَّيهْ بتَطْلَعى إنتِ من صوت طِفلَهْ وسط اللمَّهْ منْسيَّهْ
تَجينى معاكْ يجينى زمن أمتِّع نفسى بالدهشَهْ طبول بتْدُق وساحات لى فرح نَوّر وجمّل للحُزن..ممْشى وتمشي معاي خُطانا الإلفَهْ والوحشَهْ وتمشى معاي... وتْرُوحى وتمشى معاي وسط روحى ولا البلْقاهو بِعْرِفنى ولا بعرِف معاكْ ..روحى
ــــــــــــــــــ
Post: #121 Title: Re: وردى... من تسجيلاات اياام زماااان (2) Author: محمد عثمان Date: 04-24-2008, 12:15 PM Parent: #119
الحزن القديم
Post: #124 Title: Re: وردى... من تسجيلاات اياام زماااان (2) Author: محمد عثمان Date: 04-26-2008, 01:01 PM Parent: #121
بناديها
Post: #126 Title: Re: وردى... من تسجيلاات اياام زماااان (2) Author: محمد عثمان Date: 04-27-2008, 09:34 AM Parent: #124
بناديها عمر الطيب الدوش
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديهَـا والاقيهَـا واحِس بالُلقيا زي أحلام حتصْدِق يوم والاقيهَـا واحْلًم في ليالي الصيف بَسَاهر الليل واحجِّيهَـا ادوبي ليهَا ماضيهَا واطنْبِر ليها جاييهَا وارسِّل ليها غنوَة شوق واقيف مرات واْلُوليهَا بنادِيهَـا...
ــــــــــــــــــ
Post: #127 Title: Re: وردى... من تسجيلاات اياام زماااان (2) Author: محمد عثمان Date: 04-27-2008, 10:47 AM Parent: #124
أسفااى
Post: #133 Title: Re: وردى... من تسجيلاات اياام زماااان (2) Author: محمد عثمان Date: 04-29-2008, 09:02 AM Parent: #127
منو ..؟ منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي
بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل
بِريق البسمة إن لاح لي بتتفتح مشاكل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو
حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي
ــــــــــــــــــ
Post: #134 Title: Re: وردى... من تسجيلاات اياام زماااان (2) Author: محمد عثمان Date: 04-29-2008, 09:19 AM Parent: #133
الطير المهاااجر صلاح أحمد ابراهيم
غريب .. وحيد في غربتو حيران .. يكفكف دمعتو حزنان.. يغالب لوعتو ويتمنى بس لي أوبتو طال بيه الحنين فاض بيه الشجن واقف يردد .. من زمن
بالله ياالطير المهاجر للوطن زمن الخريف تطير باسراع ماتضيع زمن أوعك تقيف وتواصل الليلة للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن
فوت بلاد وسيب بلاد وإن جيت بلاد وتلقى فيها النيل بيلمع في الظلام زي سيف مجوهر بالنجوم من غير نظام تنزل هناك وتحيي ياطير باحترام وتقول سلام وتعيد سلام على .. نيل بلادنا وشباب بلادنا ونخيل بلادنا بالله يا طير قبل ما تشرب تمر على بيت صغير من بابه ومن شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
ــــــــــــ
Post: #135 Title: Re: وردى... من تسجيلاات اياام زماااان (2) Author: محمد عثمان Date: 04-29-2008, 09:27 AM Parent: #134
الطير المهااجر
Post: #140 Title: Re: وردى... من تسجيلاات اياام زماااان (2) Author: محمد عثمان Date: 04-30-2008, 10:22 PM Parent: #135
مرحبا يا شوق
Post: #143 Title: Re: وردى... من تسجيلاات اياام زماااان (2) Author: انعام عبد الحفيظ Date: 05-01-2008, 09:55 PM Parent: #140
مرحبا ياشوق كلمات: الجيلي عبد المنعم غناء : محمد وردي
لم يكن إلا لقاء وافترقنا كالفراشات على نار الهوى جئنا إليها واحترقنا كان طيفا وخيالا ورؤى ثم ودعنا الأماني وأفقنا
بالذي اودع في عينيك إالهاما وسحرا والذي انزل فيك الحسنى اشراقا وطهرا لا تدعني للأسى يدفعنى مدا وجزرا أثقلت كفي الضراعات وما تقبل عذرا
يا حبيبا بت أشكو حرقة الوجد اليه وتوسلت .. نذرت العمر قربانا لديه ماله لو عاد فالقلب رهين بيديه وعيوني ظامئات للهوى من مقلتيه
يالقلبي .. عاد من بعد النوى يطوي شراعا آه بالهوى يبعث في الروح حنينا واندفاعا مرحبا يا شوق اغمرني شجونا والتياعا فوداعا للذي شيدته بين ضلوعي فتداعى
ومرحباً يا شوق
Post: #146 Title: Re: وردى... من تسجيلاات اياام زماااان (2) Author: محمد عثمان Date: 05-04-2008, 08:27 AM Parent: #140
الحبيب العائد صديق مدثر
عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟
***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى
***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً
***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى...
ـــــــــــــــ
Post: #147 Title: Re: وردى... من تسجيلاات اياام زماااان (2) Author: محمد عثمان Date: 05-04-2008, 08:32 AM Parent: #146
الحبيب العائد
Post: #160 Title: Re: وردى... من تسجيلاات اياام زماااان (2) Author: محمد عثمان Date: 05-06-2008, 08:26 AM Parent: #127
الاخ محمد عثمان سلامات اسمح لي ألبي طلب قريبي عمار الحزن القديم
Post: #110 Title: Re: وردى... من تسجيلاات اياام زماااان (2) Author: عمار محمد حامد Date: 04-22-2008, 07:17 PM Parent: #109
نابيلو لك السلام
والله الف شكر على هذه الاغنية التى تعتبر واحده من اجمل الاغانى السودانية
كلماتها جميلة
لحنها اجمل
الاداء هى العظمة بعينها
اما التوزيع الموسيقى فهذه عبقرية
لك الود والاحترام
Post: #114 Title: Re: وردى... من تسجيلاات اياام زماااان (2) Author: محمد عثمان Date: 04-23-2008, 08:41 PM Parent: #109
Quote: الاخ محمد عثمان سلامات اسمح لي ألبي طلب قريبي عمار الحزن القديم
الاخ نبيل..
يا سلاااام الحزن القديم..اغنية من العيار الثقيل
شكرا لتلبية طلب الاخ عمار و فى اتظاار المزيد...
مودتى...
Post: #115 Title: Re: وردى... من تسجيلاات اياام زماااان (2) Author: عمار محمد حامد Date: 04-23-2008, 10:25 PM Parent: #114
محمد عثمان الزول الجميل لك السلام
والله ده اجمل بوست ادخله منذ انضمامى للمنبر .
اغانى قمة فى الجمال
كلام بسيط
واهم شئ بوست بعيد من الاسفاف والنبذ والقيل والقال
علشان كده ارشحك للاحسن بوست فى الشهر والشهر الجاى كمان
لك الود والاحترام
Post: #118 Title: Re: وردى... من تسجيلاات اياام زماااان (2) Author: محمد عثمان Date: 04-24-2008, 09:04 AM Parent: #115
الاخ عمار..
لك التحية و التقدير و الاحترام و شكرا للكلااام الجميل و نتمنى ان يكون الحب و الوئام و المؤدة ديدن الجميع فى هذا الحوش الذى جمع الكثيرين و من مختلف اطراف هذا العالم الفسيح..
معكم و بكم و مع الاخرين دايما نحاول بامكاناتنا البسيطة ان نوثق لرواد و اعمال نحسب انه دين علينا ان نحفظها لاجيال بعدنا..
حبيبنا محمد عثمان ان شاء الله تلبس توب العافيه دوما
هذه درر ..تاريخ للاجيال.. هرم في ساحة الفن السوداني الاستاذ الموسيقار
محمد عثمان حسن وردي
واصل الجمال ياجميل ...
امنيتي ان اسمع ,,اغنية توبة
توبة انا من هواكم توبة توبة ياحبي
ياحبيبي ياالهالكني من غيرك انت مالكني
ياحبيبي بس صدقني بس مرة تاني توبة
*******
ياحبيبي يوم سافرت كم لي قلوب حطمت
اسهرتني وانت نمت ياحبيبي ليلة وعدت
انا من قطاركم توبه...
****
ياالبي هلاكي فرحت ليه بالخصام بادرت
ما ترد علي ياانت بس مرة تاني توبة
لك كثير محبتي وودادي
Post: #132 Title: Re: رد Author: محمد عثمان Date: 04-28-2008, 08:13 AM Parent: #129
الاخ عماد..
لك التحية و التقدير شكرا لحضورك الجميل فى واحة المبدع وردى انشاء الله نرجع ليك باغنية توبة.. شكرا لكلماات الاغنية..
يديك العاافية...
Post: #136 Title: Re: وردى... من تسجيلاات اياام زماااان (2) Author: انعام عبد الحفيظ Date: 04-29-2008, 02:21 PM Parent: #1
Quote: بالله يا طير قبل ما تشرب تمر على بيت صغير من بابه ومن شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
Post: #137 Title: Re: وردى... من تسجيلاات اياام زماااان (2) Author: Osman Musa Date: 04-29-2008, 10:47 PM Parent: #136
الأخ العزيز محمد عثمان سلام شديد الف شكر على البوست الحافل بتسجيلات ايام زمان وردى المتجدد وردى المتمدد وردى فاكهة الغناء العربى الافريقى الف شكر أستاذ محمد عثمان تحياتى ... واليومين ديل انت فى السودان ؟ وخبرك شنو ؟ ..
Post: #139 Title: Re: وردى... من تسجيلاات اياام زماااان (2) Author: محمد عثمان Date: 04-30-2008, 09:23 AM Parent: #137
Quote: واليومين ديل انت فى السودان ؟ وخبرك شنو ؟
الحبيب عثمان موسى...
والله ليك وحشة شديدة و زمن طويل لا حس لا خبر..!!
انا فى السودان الحبيب..لكن قريب انشاء الله بكون فى جهتكم بهناااك انشاء الله بقول ليك عن التفااصيل...
مودتى...
Post: #138 Title: Re: وردى... من تسجيلاات اياام زماااان (2) Author: محمد عثمان Date: 04-30-2008, 09:07 AM Parent: #136
انعاام..
لك التحية
و نوااصل مع اغنيااات وردى...
مودتى...
Post: #141 Title: Re: وردى... من تسجيلاات اياام زماااان (2) Author: عادل التجانى Date: 05-01-2008, 10:45 AM Parent: #1
هي أغلى وأحلى روائع مكتبة الأغنية السودانية
أشكرك على هذا البوست الجميل
Post: #142 Title: Re: وردى... من تسجيلاات اياام زماااان (2) Author: محمد عثمان Date: 05-01-2008, 08:34 PM Parent: #141
Quote: هي أغلى وأحلى روائع مكتبة الأغنية السودانية
أشكرك على هذا البوست الجميل
الاخ الفنان عادل التجاتى لك الشكر الجزيل على حضورك الجميل الذى ازدان به البوست..
يديك العاافية...
Post: #148 Title: Re: وردى... من تسجيلاات اياام زماااان (2) Author: عادل التجانى Date: 05-04-2008, 08:51 AM Parent: #142
أخوي محمد عثمان
أكون شاكر جداً :
(لو بكاي هماك)مع اللنك
عميق الشكر يا مبدع
Post: #149 Title: Re: وردى... من تسجيلاات اياام زماااان (2) Author: محمد عثمان Date: 05-04-2008, 08:59 AM Parent: #148
Quote: أخوي محمد عثمان
أكون شاكر جداً :
(لو بكاي هماك) مع اللنك
عميق الشكر يا مبدع
الاخ الفنان عادل التجانى..
لك التحية و التقدير و طلباتك مجابة.. ساقوم بانزال الاغنية و لينك الحفظ انشاء الله
يديك العاافية...
Post: #150 Title: Re: وردى... من تسجيلاات اياام زماااان (2) Author: عادل التجانى Date: 05-04-2008, 04:33 PM Parent: #149
يلا يا أبو عثمان
أنا في انتظارك
مع الشكر
Post: #151 Title: Re: وردى... من تسجيلاات اياام زماااان (2) Author: محمد عثمان Date: 05-04-2008, 09:47 PM Parent: #150
Quote: يلا يا أبو عثمان
أنا في انتظارك
مع الشكر
الاخ الفنان عادل التجانى..
الاغنية من كلمات اسماعيل حسن و هى معروفة باسم "حنية" الاغنيةالمصحابة لهذه المداخلة بالعود بعود ليك بلينك الحفظ و ايضا بتسجيل للاغنية بالاوركسترا...
مودتى....
حنية
Post: #152 Title: Re: وردى... من تسجيلاات اياام زماااان (2) Author: محمد عثمان Date: 05-04-2008, 10:17 PM Parent: #151
Post: #153 Title: Re: وردى... من تسجيلاات اياام زماااان (2) Author: عامر تيتاوى Date: 05-05-2008, 01:00 AM Parent: #152
ياسلام عليك يامحمد عثمان شكرا كتيرا على هذه النافذة الرائعة على واحدة من الاساطير السودانية تسلم ياوردى وتسلم يااخى
Post: #154 Title: Re: وردى... من تسجيلاات اياام زماااان (2) Author: الطيب شيقوق Date: 05-05-2008, 05:54 AM Parent: #153
الاخ محمد عثمان
Quote: عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟
***** عاد الحبيب فعادت إلىَّ أحلى الليالى ذكراه يقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى
***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً
***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى...
يا ريت لو كانت هذه الاغنية التي نسمعها مجرد ولوجنا الى هذا البوست فهي من اروع ما تغنى به الفنان الكبير وردى فالتحية منا جميعا للشاعر صديق مدثر
Post: #157 Title: Re: وردى... من تسجيلاات اياام زماااان (2) Author: محمد عثمان Date: 05-05-2008, 08:39 PM Parent: #154
Quote: يا ريت لو كانت هذه الاغنية التي نسمعها مجرد ولوجنا الى هذا البوست فهي من اروع ما تغنى به الفنان الكبير وردى فالتحية منا جميعا للشاعر صديق مدثر
الحبيب الطيب ود شيقوق..
الحبيب العائد من الاغنيات الجميلة الفصيحة التى تغنى بها العملاق وردى,, الاغنية جاءت بعد رائعة صديق مدثر مع كابلى الاغنية الشهيرة ضنين الوعد.. كتب ايضا الشاعر صديق مدثر للفنان محمد ميرغنى اغنية سبأ..و له ايضا مع الكابلى نشيد التعاون الذى اشتهر فى فترة الستينات: يا اياادى الخير..يا احلى الاماانى يا امان النفس..من غدر الزماان غنى هاتيك القرى..غنى المدائن لحن حب ..و اخاء وتعااون يا ايادى الخير..حيرت القلوب قد نثرت الحب..و اخضر الجديد..
بالمناسبة الاغنية كانت تعمل لفترة كفاتحة للبوست لكن اوعدك بتشغيلها مرة اخرى...
يديك العاافية...
Post: #156 Title: Re: وردى... من تسجيلاات اياام زماااان (2) Author: محمد عثمان Date: 05-05-2008, 08:30 PM Parent: #153
الجميل عامر تيتاوى..
شكرا ليك كتير
و تسلم على الطلة الانيقة
يديك العاافية....
Post: #155 Title: Re: وردى... من تسجيلاات اياام زماااان (2) Author: عادل التجانى Date: 05-05-2008, 08:17 AM Parent: #152
أنا شاكر ومقدر يا أخي محمد عثمان فهذه الأغنية مليئة بالشجن وقد ترجم اللحن بحق كلماتها الجميلة
لجميع المتداخلين أهدي (حنية) لو بكاي هماك
عادل التجاني
Post: #162 Title: Re: وردى... من تسجيلاات اياام زماااان (2) Author: محمد عثمان Date: 05-06-2008, 01:05 PM Parent: #155
شكرا الاخ الفنان عادل التجانى
يديك العاافية...
Post: #158 Title: Re: وردى... من تسجيلاات اياام زماااان (2) Author: محمد عثمان Date: 05-06-2008, 08:11 AM Parent: #151
حنينة اسماعيل حسن
لو بكاي هماك لو شقاي هماك ما كنت يوم فارقتني خاصمتني عذبتني
ياما دربك كنت بفرشو ورد وحنية واماني ياما عهدك صنتو وما خنت وكام ليك حناني ياما من ليلي ونهاري ودمعي بنسج لك أغاني وكل كلمة من غناي فيها من حبك معاني إن نئيت برجاك وان نسيت بطراك وان قسيت بهواك
جيت اعاتبك واشتكيلك واشرح الحب من بدايتو قلب خادع مافي رافع بس عليك تسمع حكايتو انت حاكمو وانت مالكو وانت في ايدك وصايتو انت لو حكمت قلبك ما اظن ترضى بنهايتو العهود صونوها اوعو لا تخونوها دا حرام تنسوها
تيقى جنبي ونسى كل الدنيا نغرق في الأماني واشتكيلك يا حبيبي منك انت ومن زماني في غيابك ياما ليل الغربة بالآلام رماني ابقى عيني وابقي روحي وابقي قلبي يا حناني يا أمل يا لطفي يا حنية وينك من عيوني لو تعود وتجيني القى فيك حنيني وانسى بيك انيني
ابتساماتك ربيع دنياي ياما عشت فيها فتحت في دربي أشواق الليالي البشتهيها دي السعادة المن زمان بسأل عليها بكياني بشبابي بحياتي افتديها الإله يرعانا هدا الغرام ضمانا ونحن ما أحلانا....
ــــــــــــــــ
Post: #166 Title: Re: وردى... من تسجيلاات اياام زماااان (2) Author: انعام عبد الحفيظ Date: 05-07-2008, 09:17 PM Parent: #158
Quote: إن نئيت برجاك وان نسيت بطراك وان قسيت بهواك
جيت اعاتبك واشتكيلك واشرح الحب من بدايتو قلب خادع مافي رافع بس عليك تسمع حكايتو انت حاكمو وانت مالكو وانت في ايدك وصايتو انت لو حكمت قلبك ما اظن ترضى بنهايتو
تسجيل جميل يا محمد عثمان
تسلم يا ملك
Post: #167 Title: Re: وردى... من تسجيلاات اياام زماااان (2) Author: محمد عثمان Date: 05-09-2008, 09:42 AM Parent: #166
Quote: تسجيل جميل يا محمد عثمان
تسلم يا ملك
شكرا انعاام...
و نواااصل...
Post: #159 Title: Re: وردى... من تسجيلاات اياام زماااان (2) Author: محمد عثمان Date: 05-06-2008, 08:16 AM Parent: #151
المرساال
Post: #163 Title: Re: وردى... من تسجيلاات اياام زماااان (2) Author: عمار محمد حامد Date: 05-06-2008, 11:56 PM Parent: #159
محمد عثمان الزول الجميل لك السلام
حظك جميل دايما تسافرى بلا تصاريح رحلة سفر
وتعودى عبر المستحيل نديانة زى صدف البحر .....
يا نسمة تسجيل قديم لو سمحت
لك الود والاحترام
Post: #165 Title: Re: وردى... من تسجيلاات اياام زماااان (2) Author: عمار محمد حامد Date: 05-07-2008, 09:11 PM Parent: #163
UP
Post: #168 Title: Re: وردى... من تسجيلاات اياام زماااان (2) Author: محمد عثمان Date: 05-09-2008, 07:35 PM Parent: #163
Quote: حظك جميل دايما تسافرى بلا تصاريح رحلة سفر
وتعودى عبر المستحيل نديانة زى صدف البحر .....
يا نسمة تسجيل قديم لو سمحت
الاخ عمار لك التحية و انت مداوم على الحضور فى الدوحة الوردية...
بعود ليك باغنية يا نسمة انشاء الله
يديك العاافية....
Post: #191 Title: Re: وردى... من تسجيلاات اياام زماااان (2) Author: عمار محمد حامد Date: 05-19-2008, 09:59 PM Parent: #163
Quote: محمد عثمان الزول الجميل لك السلام
حظك جميل دايما تسافرى بلا تصاريح رحلة سفر
وتعودى عبر المستحيل نديانة زى صدف البحر .....
يا نسمة تسجيل قديم لو سمحت
لك الود والاحترام
Post: #193 Title: Re: وردى... من تسجيلاات اياام زماااان (2) Author: محمد عثمان Date: 05-20-2008, 07:28 AM Parent: #191
اخ عمّار..راجع ليك بالاغنية
مودتى..
Post: #216 Title: Re: وردى... من تسجيلاات اياام زماااان (2) Author: عمار محمد حامد Date: 05-30-2008, 09:18 PM Parent: #163
Quote: حظك جميل دايما تسافرى بلا تصاريح رحلة سفر
وتعودى عبر المستحيل نديانة زى صدف البحر .....
يا نسمة تسجيل قديم لو سمحت
لك الود والاحترام
Post: #164 Title: Re: وردى... من تسجيلاات اياام زماااان (2) Author: محمد عثمان Date: 05-07-2008, 09:34 AM Parent: #159
براي السويتا في نفسي قلبي الحب ما واعي عشق زولا مجافيهو وما كان للحصل داعي اقول اتناسي حبو يزيد تزيد بالتالي أوجاعي طريق الحب مشيت فيهو تعذر تاني ارجاعي
خطاباتي البوديها تقول لا بتمشي لا حاجة وديت ليهو زول مرسال والمرسال مشى وما جا بقيت انا والنجوم بالليل سوا نساهر ونتناجى والناس اللي كانو سبب رموني وبقو فراجة مسكين .. مسكين..!!
ــــــــــــــــ
Post: #169 Title: Re: وردى... من تسجيلاات اياام زماااان (2) Author: محمد عثمان Date: 05-09-2008, 07:38 PM Parent: #159
بلدى يا حبوب
Post: #171 Title: Re: وردى... من تسجيلاات اياام زماااان (2) Author: محمد عثمان محمود Date: 05-09-2008, 08:03 PM Parent: #169
الأخ محمد عثمان يا مبدع ...
أهنئكم على هذا البوست الرائع .. والحقيقة أنا من زمان متابع، وكم نويت أن أشكركم على إسهاماتكم البديعة والمتميزة في كل بوستات الفن والإبداع والطرب، لقد أفدتنا كثيراً أفادكم الله ونفع بكم عشاق الفن والجمال.
Post: #173 Title: Re: وردى... من تسجيلاات اياام زماااان (2) Author: محمد عثمان Date: 05-09-2008, 08:16 PM Parent: #171
Quote: الأخ محمد عثمان يا مبدع ...
أهنئكم على هذا البوست الرائع .. والحقيقة أنا من زمان متابع، وكم نويت أن أشكركم على إسهاماتكم البديعة والمتميزة في كل بوستات الفن والإبداع والطرب، لقد أفدتنا كثيراً أفادكم الله ونفع بكم عشاق الفن والجمال.
الاخ محمد عثمان..
يا اخى لك التحية و التقدير و حضورك هنا ابهجنا و افرحنا و زان لنا الدوحة الوردية...شكرا للكلام الجميل و حقيقة بمتابعتكم و حضوركم دايما ينتعش جو الغناء الراقى الاصيل..
يا نهر العسل يا بحر الحنان أنا عارف حلاتك جواي من زمان . . أو حاجة بالشكل ده
عندي ليها تسجيل بس ما بالوضوح اللمطلوب ان شاء الله نلقى عندك تسجيل كارب ..
ألف تحية و مودة ..
Post: #172 Title: Re: وردى... من تسجيلاات اياام زماااان (2) Author: محمد عثمان Date: 05-09-2008, 08:12 PM Parent: #170
Quote: ياخي بفتش لأغنية "نهر العسل" البتقول :
يا نهر العسل يا بحر الحنان أنا عارف حلاتك جواي من زمان . . أو حاجة بالشكل ده
عندي ليها تسجيل بس ما بالوضوح اللمطلوب ان شاء الله نلقى عندك تسجيل كارب ..
الحبيب الصحاافة..
منور يا زول.. الاسم يبدو غريبا على لكن برضو انشاء الله نبحث فى الجراب عن اغنية نهر العسل و نفيدك انشاء الله...
يديك العاافية...
Post: #174 Title: Re: وردى... من تسجيلاات اياام زماااان (2) Author: Seif Elyazal Burae Date: 05-10-2008, 06:51 AM Parent: #172
أمير الحسن/الصاوي عبد الكافي يا
من صحابك ومن قرايبك حبيبي بغير عليك كلو من قال ياحبيبي افتكرتو يشير اليك وأي عاشق لو تغنى قلت لازم شاف عينيك يا أمير كنت تايه في بحور الشوق وامواج الحنان قلبك انت وحبك انت جابني لي شاطي الأمان والمحبة يا حبيبة أقوى من غدر الزمان يا أمير ياأمير الحسن لو تسمح ظروفك كل ساعة كل لحظة كل يوم محتاج أشوفك وين يا أمير
يحسدوني الناس في حبي كم عذول روج اشاعة انت يا رب المحاسن والبراءة والوداعة بإشارة من جفونك قلبي قال سمعا وطاعة يا أمير
يلا وتعال يلا/اسحاق الحلنقي
يلا وتعال يلا نهاجر في بلاد الله ننسى الناس ينسونا والله ننسى الناس ينسونا وفوقنا الطيبة تتدلا
نفوت من سكة رواحة ونتوه من واحة لواحة شتيلة ريدنا يا حنين يضون بهجة في الساحة حلاوة الدنيا تلقاها تجينا سحابة شايلاها دروبنا تلم وريدنا يتم وانت تقولي يا آهة
ونرتاح من كلام قالو ومن عينو دمعتين سالو آثار الهم نطويهو نخلي الفرح بدالو
يلا وتعال يلا نهاجر في بلاد الله ننسى الناس ينسونا والله ننسى الناس ينسونا وفوقنا الطيبة تتدلا
بيني وبينك والأيام/اسماعيل حسن
بيني وبينك والأيام قصة حب طويلة شيدناها بالآمال والعشرة النبيلة
قصة حب رواهها للأيام حناني نبع الريد سقاها واخضرت أماني جار قلبك نساها كيف.. في أيام قليلة
كانت في خيالي ألحان في شعوري أسرار المحنة بتعذب ضميري حلفتك بربك آه .. لو في الصيف تزوري
إن طالت ليالي وان جارت علينا برضنا نحن .. أنحن روح وحدة بقينا ومن قول العواذل سيبك .. سيبك ما علينا
ديمة الناس تفرق تمنعنا التلاقي جمر البين يحرق ويزيد في اشتياقي يا مسافر مشرق وين .. أيامكم حليلا بعد ايه/اسماعيل حسن
بعد ايه جيت تصالحني بعد ما ودرت قلبي الكنت فيه جيت تشكي جيت تحكي جيت تبكي لية ليه اعتذارك مابيفيدك ودموعك مابتعيدك العملتو كان بإيدك انا ما لي ذنب فيه ليه جيت تشكي ليه جيت تحكي ليه جيت تبكي لية ليه
انا خلدتك بشعري في زمانك وياما غنيت وكان كلو عشانك وكان جزاي منك صدودك وهوانك انا استاهل .. انا استاهل وضعتك في مكانا ما مكانك روح .. القدر بي نفسو ما بقسو عليك
جيت تايب ياحليلك والفؤاد ملكوه غيرك ربي يعدل ليك سبيلك كل مناي في الكون عديلك ونهاية الخير نصيبك ليه ... ضيعوك ودروك انت مابتعرف صليحك من عدوك استغلو الطيبة في قلبك وبي اسم العواطف خدعوك حتى من كلمة حنانم وودادم حرموك الله ياخد ليك حقوقك ويجازي الظلموك
المستحيل/اسماعيل حسن
لو بإيدي .. لو بإيدي كنت طوعت الليالي لو بإيدي .. لو بإيدي كنت زللت المحال والأماني الدايرة في دنياي ماكانت محال دي الإرادة ونحن ما بنقدر نجابه المستحيل دي الإرادة والمقدر ما بنجيب ليه بديل دي الإرادة أجبرتني في هواكم من قبيل
غصبا عني وغصبا عنك انت حبيتني وهويتك لو بإيدنا من زمان كنت خليتني ونسيتك والنهاية .. انت عارف وانا عارف لو بإيدي كان هديتك
أصلو حبي أقوى وأكبر من إرادتي وانا حاسس في جحيم نارك سعادتي والهيب البكوي في روحي في ذاتي هو إنت قلبي دايرك حبي عارفك في شبابك في صباك في جمالك في وفاك في شبابك في وفاك يا المسير وماك مخير انت ياصابر عند الله جزاك
صدفة/اسماعيل حسن
صدفة وأجمل صدفة انا يوم لاقيتا أسعد يوم يومي الحييتا نور عينية ياما حبيتا
النظرات بريئة وممزوجة بخجل البسمات تضوي زي نور الأمل وجهك بين مسايرك زي بدر اكتمل والشامة في خديدك زي طعم القبل تسكر قلبي وتشعل حبي يشهد ربي انا بهواك
ما قادر اقولك عن حبي الكبير وصفو علي قاسي وعايش في الضمير قدر الكون دا كلو حبي واكبر بي كتير مالكني محيرني شوف قلبي الأسير اسألي قلبك يمكن يقدر يشرح حبي أنا محتار
صدفة عيوني شافت ليلي الباكي نور يا أيام ربيعي عمري معاكي أزهر فيها الطير يغني ومن الحاني يسكر عمري فراشة حولك وانت شبابك أخضر ياما بحبك وبعبد حبك علشان حبك روحي فداك وتر مشدود/ محجوب شريف
سلمت خايف كنت ما يسلم قلب مفصود حلمت قبلك كنت لا بحلم ولا موجود معاك بحلم كأني على فرس طاير بغني على وتر مشدود واطير عبر السما المدود سما الوطن اللي مالو حدود حمامة جناها لا خايف ولا مفقود
واشر الغيمة خيمة على النجم وارتاح أصادف أجمل الغابات واصادق غصنك الفواح واشرب من زوايا القلب جنبك اخر الأشباح وتفتح كلمة من عينيك لي مجرى الغنى المسدود
واخط اسمك على باب الزمان اكليل وردة صبية تلمع فوق صديري النيل وباسمك أغني لي عالم بسيط وجميل
وانادي عليك ملاذا في شتا الأيام وبردا في الحياة وسلام وفي شدة هجير وزحام
جزيرة حنينة بين نهرين حنان القاك عليك اتلم وهودج في صحاري الهم وعالي النخيل عليك اتلم وفي السكة اللي ما بتعود معاك لآخر المشوار نغني على وتر مشدود
نور العين/اسماعيل حسن
قلبي الحابيك ما خان لياليك ما ناسي الماضي ماتقول ناسيك ما بدل حبو ابدا ماتنكر ليك لكن الأشواك والنار حواليك يانور العين يانور العين انت وينك وين
في اللون الأسمر ذوبت شبابي وعشقت الجنة وفي الجنة عذابي صابر وبتألم ولمر دا شرابي ياحليل الراحو ياحليل احبابي يا نور العين يا نور العين انت وينك وين
الشعر الناعم بي عطرو اسرني والوجه الناير بي نورو غمرني عيونو النعسانة برموش تجرحني خلتني متيم وين راحت مني يا نور العين يا نور العين انت وينك وين
انا والنغام والعود في ايدي بحكيلو حكايتي ويعيد ترديدي واشكيلو همسة أوهبتو نشيدي ياما الأوتار تفضحني من ريدي يا نور العين يا نور العين انت وينك وين
الود/عمرالطيب الدوش
أعيشهْا معاكَ لو تعْرف دموع البهجَهْ والأفراح أعيشهْا معاكَ واتأسّف على الماضى اللّى ولَّىَ وراح على الفُرْقَهْ الزمان طويل على الصبر الّى عِشْنَاهو مع طُول الألم والليل زمان كُنّا بنَشيل الوُّد ونَدِّى الوُّد وفى عينينا كان يكْبَر حناناً زاد وفات الحدَ زمان ما عِشْنَا فى غُرْبَهْ ولا قاسينا نِتْوحّد وهسَّع رُحْنا نتْوجّع نعيش بالحسرَهْ نتأسّف على الماضى اللِّي ما بِرْجَع أحبَّك لا الزمن حوّلْنى عن حُبّك ولا الحسرَهْ وخوفى عليكَ يمْنَعْنى وطول الإلفَهْ والعُشْرَهْ وشوقى الليك من طوَّل لسّه معاي ولى بُكْرَهْ مقاطـــع للشاعر / عمر الدوش ( من غناء الفنان وردي )
بناديها ... وبعزم كل زول يرتاح على ضحكة عيون فيها أنا بحلم إني في أكوان بتدخل من مراسيها ... عصافير نبتتت جنحات وطارت للغيوم بيها..
ْ~~~~~~~~~~~~~~~
وفي الود يقول : زمان كنا بنشيل الود 00 وندي الود وفي عينينا كان يخضّر حناناً زاد وفات الحد
~~~~~~~~~~~~~~~~
ويقول في الحزن القديم :-
بتطلعي إنتي من غابات ومن وديان 00 ومني أنا ومن صيحة جروف النيل ومن شهقة زهور عطشانة بتطلعي انتي من صوت طفلة وصت اللمة منسية القمر بوبا/ اسماعيل حسن
الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل
العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل
الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبار يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل
الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل
القديما قديما الحمام الوديزين في موجو عام يا مرايقة قليلة كلام وا حلاتا تقول السلام القمر بوبا عليك تقيل
الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل
الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي النار شافتا معزباني انا ود حلتا القمر بوبا عليك تقيل
الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل
الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل
بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل
المبارك شيخ الضهر العليك ساسكت وفتر قلي جنيت ولا دستر واي أنا المرضان مكنتر جابو لي حكيم خير وشر قلي يا زول مرضك كتر سببك كم شلاخا خضر القمر بوبا عليك تقيل
حنينة/اسماعيل حسن
ياما دربك كنت بفرشو ورد وحنية واماني ياما عهدك صنتو وما خنت وكام ليك حناني ياما من ليلي ونهاري ودمعي بنسج لك أغاني وكل كلمة من غناي فيها من حبك معاني إن نئيت برجاك وان نسيت بطراك وان قسيت بهواك
جيت اعاتبك واشتكيلك واشرح الحب من بدايتو قلب خادع مافي رافع بس عليك تسمع حكايتو انت حاكمو وانت مالكو وانت في ايدك وصايتو انت لو حكمت قلبك ما اظن ترضى بنهايتو العهود صونوها اوعو لا تخونوها دا حرام تنسوها
تيقى جنبي ونسى كل الدنيا نغرق في الأماني واشتكيلك يا حبيبي منك انت ومن زماني في غيابك ياما ليل الغربة بالآلام رماني ابقى عيني وابقي روحي وابقي قلبي يا حناني يا أمل يا لطفي يا حنية وينك من عيوني لو تعود وتجيني القى فيك حنيني وانسى بيك انيني
ابتساماتك ربيع دنياي ياما عشت فيها فتحت في دربي أشواق الليالي البشتهيها دي السعادة المن زمان بسأل عليها بكياني بشبابي بحياتي افتديها الإله يرعانا هدا الغرام ضمانا ونحن ما أحلانا
لو بكاي هماك لو شقاي هماك ما كنت يوم فارقتني خاصمتني عذبتني
الهوى الأول/الجيلي عبد المنعم
أخادع نفسي بي حبك وامنيها واهرب حتى من ذكراك والاقيها دموع الحسرة في عينية اخفيها نار الشوق اقول الصبر يطفيها
اقول انساك وانسى شقاي لو قادر وطول الغربة والحرمان بلا آخر اسيبك كيف وانت الناهي والآمر وكيف اصبر وعارف نفسي ما صابر شبابي معاك ما أضيع امانيه وعمر هواك ما أقصر لياليه رضيت بي ظلمو أحياه أقاسيه ولو خلاني ما بقدر اخليه
تخاصم وتفتكر إحساسي اتبدل وقايل قلبي مال لي سواك واتحول وحاة ريدتنا وحياة الهوى الأول بنرجع تاني لو زاد الجفا وطول
أكتوبر الأخضر/محمد المكي ابراهيم
اسمك الظافر ينمو في ضمير الشعب ايمانا وبشرا وعلى الغابة والصحراء يلتف وشاحا وبأيدينا توهجت ضياء وسلاحا فتسلحنا بأكتوبر لن نرجع شبرا سندق الصخر .. حتى يخرج الصخر لنا زرعا وخضرا ونرود المجد.. حتى يحفظ الدهر لنا إسما وذكرا
بسمك الأخضر يا أكتوبر الأرض تغني الحقول اشتعلت قمحا ووعدا وتمني والكنوز انفتحت في باطن الأرض تنادي بسمك الشعب انتصر .. حائط السجن انكسر.. والقيود انسدلت جدلة عرس في الأيادي
كان أكتوبر في أمتنا منذ الأزل كان خلف الصبر والأحزان أحيا.. صامدا منتظرا حتى إذا الصبح أطل أشعل التاريخ نارا واشتعل كان أكتوبر في نفضتنا الأولى مع المك النمر كان أسياف العشر ومع الماظ البطل وبجنب القرشي حين دعاه القرشي حتى انتصر
بسمك الأخضر يا أكتوبر الأرض تغني الحقول اشتعلت قمحا ووعدا وتمني والكنوز انفتحت في باطن الأرض تنادي بسمك الشعب انتصر .. حائط السجن انكسر.. والقيود انسدلت جدلة عرس في الأيادي
أول غرام/علي ميرغني
أول غرام يا أجمل هدية يا أنبل مودة يا نور عينية
حبي ما هديتو وغيرك ماصطفيتو واجمل من عيونك في الكون ما رأيتو *** لونك أبهى لون وكفاك العيون آه للإبتسامة كالنغم الحنون نظراتك لهيب وتثير الشجون
ليه قلبي سليتو وبالآم رميتو قول لي يا شرود ايه ذنبي الجنيتو *** نسيت ضو القمر في أجمل ليالي وشعاع النجوم يبهر كاللآلي كيف تنسى النسايم وانا حبي المثالي
قول ليه نسيتو مع إنك رويتو جورك يا ظلوم لله اشتكيتو انا ما زلت هايم اذكر طيف جمالك اواصل الليل نهار اسبح بخصالك وماضي الذكرى عاد يسجد لدلالك
تعال يا من هويتو وشوف حالي الأذيتو رفقا بدموعي والحب البنيتو
جمال الدنيا/كمال محيسي
بشوف في شخصك أحلامي ودنيا تفيض بأنغامي وسحر الدنيا في عيونك يبعد عني أوهامي بشوف الكون جميل وبديع مر أيامي يبقى ربيع احب الدنيا لي حبك ويسعد حبك أيامي رياض وزهور على خديك بديعة بتخلب الأنظار تزيد فوق الجمال الفيك معالم كلها اسرار تخلي الدنيا في عيوني جمال وكمال بيتجدد أمل بسام بيحدوني اغني اليك واتودد ولحني الغالي اهدي اليك وانبت للوجود أزهار
ياحبيبي الدنيا ما احلاها بديعة وحلوة بين ايديك فهل أيامي تنساها إذا ما غبت عن عينيك هويتك صرت ولهانك عشقت الدنيا دي علشانك كتير جددت ذكراها كتير غنيت من شوقي إليك المرسال/محمد أبو قطاطي
براي السويتا في نفسي قلبي الحب ما واعي عشق زولا مجافيهو وما كان للحصل داعي اقول اتناسي حبو يزيد تزيد بالتالي أوجاعي طريق الحب مشيت فيهو تعذر تاني ارجاعي مسكين .. مسكين
خطاباتي البوديها تقول لا بتمشي لا حاجة وديت ليهو زول مرسال والمرسال مشى وما جا بقيت انا والنجوم بالليل سوا نساهر ونتناجى والناس اللي كانو سبب رموني وبقو فراجة مسكين .. مسكين
خاف من الله/اسماعيل حسن
خاف من الله على قلبي من غرامك خاف زرعت الشوك على دربو وياما في هواكم شاف قلبي
سنين وايام قضيت عمري في لوعة انادي الليل واقول ياليل انا المظلوم عساي دمعة دموعي تسيل وليلي طويل وعايش في مهب الريح براي شمعة انادي الليل واقول ياليل ياما في هواكم شاف قلبي
خسارة قلبي في حبك واخسارة علمتو يحبك ولما سار في دربك رحت وسبت حبيبك ليه يا خسارة املي واملك وا خسارة كنا بنبني الجنة ولما خلاص قربنا رحت هدمت سعادتك ليه يا خسارة دمعي ودمعك وا خسارة ياما سهرنا ليالي ياحليلك يا غالي وياما في هواكم شاف قلبي
يا قلبي انسى الفات وعيش من تاني وحداني ولو حنيت لعهد الشوق اجيب من وين عمر تاني كفى يا قلبي شفت الويل وليل السهد بكاني بعد ما تبت من النار حرام تتجدد احزاني يضمك ليل ويطويك ليل ونار الويل ميهادة يا مظلوم وما ظالم حليلك والعمر فاني وياما في هواكم شاف قلبي
أصدق كلامك حقيقه وبخاف أخاف الطريق اللى ما بودى ليك وأعاف الصديق اللى ما بهم بيك معاك انتظارى ولو بالكفاف وعنك بعيداً أبيت الرحيل وبيك اعتزاز الصباح الجميل جميع الأغانى اتكالن عليك جميع الأغانى اتكالن عليك ياشعبا لهبك ثوريتك/محجوب شريف
على اجنحة الفجر ترفرف فوق أعلامك ومن بينات اكمامك تطلع شمس أعراسك
يا شعباً لهبك ثوريتك إنت تلقى مرادك والفى نيتك وعمق احساسك بى حريتك يبقى ملامح فى ذريتك
لم تمر النسمة بالليل من ديارم تشفي العليل فيها قصة حبي النبيل فيها ريدك وريدك جميل
يا نسايم احكي الغرام ودي ليهم مني السلام قولي ليهم طال الخصام قل نومي وعز المنام
وين واشوفك وين يا ضنين بس فراقك ليه بالسنين لو عرفت حبيبك أمين مابتخونو وتهجر حنيني
ياما بعدك شفت الألم قل نومي وصبري انعدم شفت دموعي وراك صارو دم كل ما شدتو معاك انهدم كلمة وحدة سقتني الألم
أصبح الصبح/محمد الفيتوري
أصبح الصبح ولا السجن ولا السجان باقي واذا الفجر جناحان يرفان عليك واذا الحزن الذي كحل تلك المآقي والذي شد وثاقا لوثاق والذي بعثرنا في كل وادي فرحة نابعة من كل قلب يابلادي
أصبح الصبح وها نحن مع النور التقينا التقى جيل البطولات بجيل التضحيات التقى كل شهيد قهر الظلم ومات بشهيد لم يزل يبذر في الأرض بذور الذكريات أبدا ما هنت يا سوداننا يوما علينا بالذي اصبح شمسا في يدينا وغناء عاطرا تعدو به الريح فتختال الهوينى من كل قلب يا بلادي فرحة نابعة من كل قلب يابلادي __________________ حبيناك من قلوبنا/اسماعيل حسن
حبيناك من قلوبنا واخترناك يا حلو ماتبادلونا العواطف ليه تدللو
حبينا فيك العفة والدم الشربات والله العيون خلتنا في حيرة وآهات وفي ابتسامتك شفنا جنات وجنات شوف العلينا واحكم كن داير اثبات
كان الدلال من طبعك وعاجبنا فيك غرور ان جرت برضك عادل ظلم الجميل مغفور نهواك نفيك في ريدك شايفين ألمنا سرور نار الغرام تهاجر لقلوبنا توقد نور
أصلو الجحيم في غرامك نرضا عشان يرضيك حتى المحال ان درت بنطوعو ونهديك ارواحنا حولك هايمة حارساك دوام تحميك بيك نورت أيامن والفرحة تمت بيك
بناديها/عمر الطيب الدوش
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
سوات العاصفة/محمد أبو قطاطي
سوات العاصفة بي ساق الشتيل الني وفعل السيل وقت يتحدر يكسح ما يفضل شي دا كان حبك وقت حسيتو شفت الدنيا دارت بي
وقت شفتك .. شعرت الرعشة من صوف راسي لي كرعي ومن الساعة ديك ياالسمحة ولع فيني جمر الغي كتمت الريدة ما شافوها ناس الحي وقلت الجنة عاد انشاالله ما يقسن دروبها علي
ونجم الليل منو العداهو غيري وزاد حسابو شوي وسافر بي خيالو هناك صنقر فوق سحاب الري بنيت في الموج قصور آمال ومديت للرهاب إيدي وشديت سرجي فوق الريح عشان ألقاك بدور أطوي المسافات طي
صعيب وصفك لأنك هالة كلك ضي وفوقك هيبة واجمل خامة واسمح زي جمالك في البنات معدوم شبيهك ما كحل عيني أقدلي .. وسكتي الخشامة وانزلي في العواذل كي ياأعز الناس/اسحاق الحلنقي
يا أعز الناس حبايبك نحن زدنا قليل حنان دا العمر زادت غلاوتو معاك وصالحني الزمان يا أحن الناس حنان
كنت من قبلك بشيل الليل دموع واطويه هم انا كنت بخشى على الأماني الطفلة يفنيها العدم وجيت لقيتك بين قلبي دموع وغنيتك نغم
يا حبيب ورد الأماني الفي أعماقي فتح وابتدا القلب العاش العمر في آهاتو يفرح والزمن ماظنو بعدك انت يرجع تاني يجرح
نامت أحزان عمري غنى زماني واتلاشت صعاب أنا قبلك الأيام قضيتا سراب يسلمني السراب وبيك طويت من عمري صفحة ماضي مكتوب بالعذاب
الطير المهاجر /صلاح أحمد ابراهيم
غريب .. وحيد في غربتو حيران .. يكفكف دمعتو حزنان.. يغالب لوعتو ويتمنى بس لي أوبتو طال بيه الحنين فاض بيه الشجن واقف يردد .. من زمن
بالله ياالطير المهاجر للوطن زمن الخريف تطير باسراع ماتضيع زمن أوعك تقيف وتواصل الليلة للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن
فوت بلاد وسيب بلاد وإن جيت بلاد وتلقى فيها النيل بيلمع في الظلام زي سيف مجوهر بالنجوم من غير نظام تنزل هناك وتحيي ياطير باحترام وتقول سلام وتعيد سلام على .. نيل بلادنا وشباب بلادنا ونخيل بلادنا بالله يا طير قبل ما تشرب تمر على بيت صغير من بابه ومن شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
عذبني/محمد يوسف موسى
عذبني وزيد عذابك يمكن قلبي يقسى وزي مانساني قلبك يمكن قلبي ينسى يازين عذبني وتفنن في ألوان عذابي ما تمسح دموعي ما ترحم شبابي خليني في شجوني يمكن قلبي يقسى وزي مانساني قلبك يمكن قلبي يقسى يازين عذبني وتناسى الكان بيني بينك ما تطرا العشرة والفات من سنيني خليني في شجوني يمكن قلبي يقسى وزي مانساني قلبك يمكن قلبي يقسى يازين عذبني وتنكر للحب والحنان للريد والمودة وكل الكان زمان خليني في شجوني يمكن قلبي يقسى وزي مانساني قلبك يمكن قلبي يقسى يازين __________________ http://www.nubianforum.com/vb/showthread.php?t=3317
ماتخجلي/حسن عبدالوهاب
صبرت .. واستنيت كتير اتمنى أمني نفسي واقول بكرة الجنة .. ومن بعيد ياما من جوا قلب بدعيلك معاي نتهنى .. عطشتي قلبي وكل يوم تتجملي أديني كلمة وسامحيني وطَوّلي ما تخجلي .. يالسمحة قولي .. استعجلي ..
خلاص كبرت وليك 19سنة عمر الزهور عمر الغرام عمر المنى اتمنى يوم تجمعنا جنات حبنا تبقي الأميرة والبطيع قلبي أنا
ماتقولي لي مالي ومال الحب أنا نار الهوى الوقادة والشوق والضنا وحلاوة الأحلام وآمال الهنا إيه يجمعن غير ال 19 سنة
قطر الندى/اسحاق الحلنقي
الريد جو قلبي بحبك بدا ياطيبة حياتي يا قطر الندي ما كان في خيالي تتنكر كدا أيامن الجميلة ليه بتنكدا جربت هواهم قليبي انكوى تاريهم جاروا وماصانو الهوى حاولت اسيبك واتناسى المضى أيامك معاي ساعات الرضى المكتوب علي أنا قلبي ارتضى ياريت الليالي عطفو يعوضا جربت هواهم قليبي انكوى تاريهم جارو وماصانو الهوى الكلمة الحنينة مشتاق اسمعا روحي خلاص جفيتا والشوق لوعا الدمعات عيوني كيفن تمنعا وانا شايف سنيني جورك ضيعا جربت هواهم قليبي انكوى تاريهم جاروا وماصانو الهوى يومي الشفتك انت حسيت بالهنا طويت يا حياتي شمعاتي انا بعد الحب دا كلو يا أجمل منى لي بكيتني تاني عاودت الضنا جربت هواهم قليبي انكوى تاريهم جاروا وماصانو الهوى
جميلة ومستحيلة/محجوب شريف
يا جميله.. ومستحيله انت دايما زى سحابه الريح تعجّل بى رحيلها عيونى فى الدمعات وحيله اسمحيلا تشوف عيونك.. اسمحيلا أنا لا الصبر قادر عليّ.. ولا عندى حيله يامراسى الشوق تعالى لا الليالى تمر بدونك هى الليالى من ضواحى الدنيا جيت.. وعليْ رحالى لمداين فوق عيونك يا محالى ريّحينى.. أسُتْرى حالى فرحينى عيونى فى الدمعات وحيله أنا لا الصبر قادر عَلَىْ.. ولا عندى حيله حدّثت عنك نجمة جارة وزرعت اسمك.. حارة حارة فى مناديل العذارى فى مشاوير الحيارى فى لحى الأشجار كتبتو.. نحتو فى صم الحجارة وبحت للشمس البتقدل.. فى مدارها عيونى فى الدمعات وحيله اسمحيلا تشوف عيونك اسمحيلا أنا لا الصبر قادر عَلَىْ ولا عندى حيلة وانتِ منك لا بداية.. عرفت لسّه ولا نهاية مرة أسرح.. ومرة أفرح.. ومرة تغلبنى القراية ولّمن أكتبلك وداعاً.. قلبى ينزف فى الدواية يا صبيّة.. الريح ورايا خلي من حضنك ضرايا عيونى فى الدمعات وحيله اسمحيلا تشوف عيونك اسمحيلا أنا لا الصبر قادر علىْ.. ولا عندى حيلة بلد رايح/عمر الطيب الدوش
حأسأل عن بلد رايح وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن... لا فح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح أعلق في جناح سفري خطابات لي زمن فجري وادخل من درب سري لكل مضاجع الأحزان واضفِّر من شجر بلدي بروقاً مارقة من صدري حأسأل عن بلد غاطٍ لحدِّ الليلهْ في الوجعة أَنط فوق سرجي واتْحزَّم أقوم من وقعة لي وقعة أخُتْ ايدي البتوجِعْني على السأم البراجِعْني واسأل.. يا وطن يا بيتنا ليه شوقك مواجهني ليه حبك مجهجهني وليه تاريخ زمن خسران موكّر لسَّه في شجني؟ حأكتب لي شجر مقطوع مسادير يمكن يتحرك خطابات لي طفل مجدوع يقوم يجرى يقع يبرُك رسالهة لكل قُمْريّة إذا دم الشقا اتوزع على كل البيوت ما تْرِك واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "!نبيع الطفلة والكراس" واصرَخ ! ياوطن! يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسائل الدفَان؟ حريمة طلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كاف
الحزن القديم/عمر الطيب الدوش
ولا الحزن القديم .. إنتِ ولا لون الفرح... إنتِ ولا الشوق المشيتْ بيهو.. وغلبْنى أقيف... وما بِنْتِ ولا التذكار ولا كُنْتِ بتطْلَعِى إنتِ من غابات ومن وديان... ومنى أنا.. ومِن صحْيَة جروف النيل مع الموجَهْ الصباحيَّه.. ومن شهقَة زهور عطشانَهْ فوق أحزانهْا.. متْكَّيهْ.. بتَطْلَعى إنتِ من صوت طِفلَهْ وسط اللمَّهْ منْسيَّهْ تَجينى..
تـحت الـغمام شـايف مـواكب الـهجرة اتـلاشت سراع ليه يـا عـصافير ليه الاسف مين علمك أسف الوداع وعارف دا ما اول سفر لبلاد بـعيدة بـدون مـتاع زى ما بتخافي مـن الرياح بنخاف كمان انحن الضياع ليه يا عصافير ليه الضنى صفقة جناحك احزنها
غـايـب الـسنين الـليله مالو غنا العصافير غـلبو طراهو زولا كان ولوف كم رضا خاطرو وطيبو سمع قليبو كـلام حـنين هـدهد مـشاعرو ودوبـو الـناس سعيدم فى الـحياة لا ضاق فراق لا جربو وانا حالى فى بعد الوطن دفـعنى ضي العين تمن حاير في أمري معاك/عبدالرحمن الريح
حاير في امري معاك لاقدرت القي وفاك ولا قادر انسي هواك
حاير في امري معاك وعيوني حيرانا في امري والانجم من سهدي غيرانا الغمده تهجرني والليل يسامرني تحمل نسيم شذاك ياروحي ما احلاك
في مشيتك محتار ماقدرت اعرف كيف ياناير الوجنات جسمك رشيق وخفيف
نتلاقي في الخطوات وتقسم البسمات تحمل نسيم شذاك ياروحي ما احلاك
حاير في امري معاك لاقدرت القي وفاك ولا قادر انسي هواك
فتش في ترابك/المكاشفي محمد بخيت
فتش فى ترابك .. قَلِبوُ ذرة ذره.. تلقانا بنحبك أكتر كل مرة نحن أولاد كفاحك رغم وجودنا بره.. رغم الخطوة تاهت.. رغم الغربة مُرة ننشد فى سبيلك عرفانا وجميلك .. ونرحل فى هتافك يا عِشْقْ إستمرّ.. فتش فى ترابك .. قَلِبوُ ذرة ذره..
بى عينيك نعاين عبر الضَلْمَة باكر بكرة الجايى باين فى عودة مسافر أمن قلبو عندك....طاف الريح مهاجر أنفاسك تنومو لما الحزن جاسر وأجراسك تقومو ..يصحى معاك يساهر يصحى الحلم دايماً شعب ضراعو وافر ... فى الأرض التزغرد فى أفق الحناجر... والشمس البتطلع فى أعلى المنابر وزى فى كل مرة أحلى وأغلى ثورة يا وطن الأمانى وشعب إرادتو حرة... فتش فى ترابك .. قَلِبوُ ذرة ذره..
ياما الضفة تشهد يوم غنيت مكانا يوم الغابة شافت فى عينيك زمانا لما الكلمة تطلع منك برتكانه.. زيك نحن نعشق شرط تكون معانا فى توب البنية وفى لمسات حنانا.. فى كل الأماكن وين ماتروح خطانا هو العيد نشيدك 0..واللا الفجر عيدك نحن الفى بعيدك أقرب من وريدك فى ايدينا جمرة... طول الوكت حرى .. ياوطن الأمانى وشعبو إرادتو حرة.. فتش فى ترابك .. قَلِبوُ ذرة ذره..
زرعو خصام جنوبنا ..بى سبب الديانة .. الأديان سماحة وروح الدين أمانة.. طول تاريخنا عايشين فى السودان ضرانا فينا لسانو عربى وفينا لسان رطانه.. مختلفين ثقافة ومختلفين ديانه من كل التباين وحدنا إنتمانا ومتفقين فى حبك يا عالى المكانة.
وا أسفاي/اسماعيل حسن
وا أسفاي .. وحاتكم انتو وا أسفاي إرادة المولى رادتني وبقيت غناي أسوي شنو مع المكتوب أسوي شنو؟ براهو الواهب العطاي منو .. منو البدور يساهر الليل ويسافر فوق جناح الشوق يكوس نجماً بعيد ضواي منو .. إذا وصفولو أرض الحور تلاقي قوافلو طول الليل تشق التيه تجر النم مع الحردلو في الدوباي وا أسفاي ببيع الدنيا كل الدنيا وا أسفاي عشان خاطر عيون حلوين وا أسفاي منابع الطيبة متجاورين وا أسفاي ومتسامحين في السمحين واسافر فوق صُبي العين معاك سلامة يادنياي
بتمدد وبتوسد وسادة شوق وبنوم مرتاح وخالي البال واقالب تاني عهد صباي عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل بِريق البسمة إن لاح لي بتتفتح مشاتل الريد واحسك جوا .. زغرد فيها صوت الناي وا أسفاي وحاتكم انتو وا أسفاي أسفاي إذا ماشفت ناس سمحين يتاتو .. زي قدلة جنا الوزين يتاتو تلاقي قليبي يرمح جاي لما يتاتو زي قدلة جنا الوزين يتاتو حليل الكان بهدي الغير صبر محتار يكوس هداي من ناس ديلا وا أسفاي من زي ديلا وا أسفاي إرادة المولي رادتني وبقيت غناي بنحب من بلدنا/أبو آمنة حامد بنحب من بلدنا ما برا البلد سودانية تهوى عاشق ود بلد بعيون المفاتن شي ما ليهو حد
التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر
مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا
في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا
أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة
في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل
في سنكات بنعشق بت سمرة وأبية ترتاح في الضريرة خصلاتا الغنية عاشت في شعوري أحلى هدندوية
الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة
لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة
لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة
لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو
بلا وانجلى/محجوب شريف بلا وانجلى بلا وانجلى حمد الله الف على السلامه انهّ كتف المقصله والسجن.. ترباسو انخلع تحت انفجار الزلزله والشعب.. بى أسرو اندلع حرر مساجينو اندلع قرّر ختام المهزله يا شارعاً.. سوّا البدع اذهلت أسماع الملا كالبحر.. دواى الجلجه فتحت شبابيكا المدن للشمسِ واتشابا الخلا
شفت البنادق فى السما الظبط والربط انتمى للشعب.. شعب الملحمه الصرخه كانت همهمه والهبه كانت ململه
سداً منيعاً يا وطن يا شعب وهّاج الفطن للظلم يوماً ما ركع مهما جرى تباً لعهد السمسره والنهب.. ثمّ السمسره سداً منيعاً يا وطن صه يا طنين البلبله أبدا ً لحكم الفرد.. لا بالدم لحكم الفرد.. لا تحيا الديمقراطيه كم نفديك يا مستقبلا بلا وانجلى بلا وانجلى حمد الله الف علي السلامه انهدّ كتف المقصله
يا شعبا تسامى/محجوب شريف
يا شعبا تسامي ياهذا الهمام تفج الدنيا ياما وتطلع من زحاما زي بدر التمام
قدرك عالي قدرك ياسامي المقام ياملهم رماحك سناهاالصدام ام در والطوابي في صدرك وسام ملامح كم تسامح تغضب لا تلام همه وعبقريه ذمه وفنجريه ضد العنصريه وتحلم السلام
فداك وفي حواك يامدد الكلام عفوك انت ورضاك وبرنا ليك تام وبحلم بهواك بي حسن الختام دينك كم علينا منك والدينا واجمل مالدينا من يوم السمايه من قبل الفطام
منك كل حته في الخاطر صبابه جنبك نبته نبته نكبر نحن ياما نسألك انت وانت ورينا الاجابه علمنا الرمايه والحجا والقرايه والمشي بي مهابه في الضحي والظلام __________________ حاير في أمري معاك/عبدالرحمن الريح
حاير في امري معاك لاقدرت القي وفاك ولا قادر انسي هواك
حاير في امري معاك وعيوني حيرانا في امري والانجم من سهدي غيرانا الغمده تهجرني والليل يسامرني تحمل نسيم شذاك ياروحي ما احلاك
في مشيتك محتار ماقدرت اعرف كيف ياناير الوجنات جسمك رشيق وخفيف
نتلاقي في الخطوات وتقسم البسمات تحمل نسيم شذاك ياروحي ما احلاك
حاير في امري معاك لاقدرت القي وفاك ولا قادر انسي هواك
مافي داعي/ كجراي
مافي داعي تقولي مافي يالربيع في عطرو دافي لهفة الشوق في سلامك في كلامك وسر غرامك ماهو خافِ
إرتعاشاتك بتحكي قصة أحلامك معاي وكل خفقة في قلبي نغمة تحكي ليكي شوقي وهواي إنت في بهجة شبابك وحبي ليك من غير نهاية مافي داعي ..
قلبي أخضر ولسة في ريعان شبابو في حرارة شوقو بيسطر كتابو شوفي كيف نشوانا بتتراقص حروفو كل لحظة شوق بتتجدد ظروفو مافي داعي ..
عشنا في دنيا الصبابة والسعادة فتحنا بابها بهجت الدنيا وشبابها ابتساماتك حبابها
أسأل قلبك/ اسماعيل حسن
كدا اسأل قلبك عن حالي أسألو تنبيك عن سؤالك اشواقي اسألو كدا اسأل عيونك يا أجمل حبيب واسأل لي خدودك براها بتجيب في عيونك حياتي في حسنك بغيب قلبي الحباك .. اسألو ما حب سواك .. أسألو ما عاش لولاك .. اسألو طول عمرو فداك .. اسألو تنبيك عن سؤالك .. اشواقي أسألو في حبك متيم والشوق ليك رسول من قلبي بيطير ما بخشى العذول وحولك يا حبيبي بيطوف ليك يزور عن آمالي .. أسألو عن أحلامي .. اسألو عن آلامي .. اسألو تنبيك عن سؤالك اشواقي اسألو أنا عايش عشانك يا أملي الوحيد لو ما كان غرامك ما كان صابني ريد ما فجرت لحني وما غنيت نشيد أنا عابد جمالك ولي فنك بجيد عنك وعني .. اسألو طورك ولحني .. اسألو حسنك وفني .. اسألو تنبيك عن سؤالك أشواقي أسألو أنا ضقت السعادة وفارقني الندم قبلك كنت تايه حياتي عدم سلواي كان دموعي وسميري الألم لكين اليوم ياحبيبي دنياي ابتسم هل ربيعي .. اسألو قدت شوعي .. اسألو راحو دموعي .. اسألو تنبيك عن سؤالك أشواقي اسألو أحبك أحبك / محجوب شريف
أحلى فصول العمر حنانك أجمل حتة لقيتَ مكانك أجمل سكة مشيتَ عيونك أحبك أحبك أنا مجنونك ساكن فيني هواك وبريدك جوا القلب النبض يصونك
معاك معاني حياتي تبدا وافتح باباً ياما انسدَّ أشوف العالم ربوة جميلة عليها نسيم الصبح مخدّة وبيني وبين النهر عشانك عشرة بتبدا وبين عينية وخد الوردة تبقى مودة أصالح روحي تبرا جروحي ابشر باسمك اهلل أغني أقيف اتحدى
أديتيني مشاعر حية عوضتيني الزمن الماضي زمن الجرح الأكبر مني وقاسي علية وبيك صادفني ولقى عنواني رزاز الفرح الخلَّى الجية أريت صادفني حنانك بدري لو لاقيتك بدري شوية
وطن مالك زمام أمرو ومتوهج لهب جمرو وطن غالى نجومو تلالى فى العالى إراده سياده حريّه مكان الفرد تتقدم.. قيادتنا الجماعيّه مكان السجنِ مستشفى مكان المنفى كليّه مكان الأسري.. ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه حنبنيهو البنحلم بيهو يوماتى
وطن للسلم أجنحتو ضدّ الحرب أسلحتو عدد مافوق ما تحتو مدد للأرض محتله سند للإيدو ملويّه حنبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم.. نقرا نتداوى مساكن كهربا ومويه.. تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
السنبلاية/ محجوب شريف
السنبلايه/محجوب شريف لّما عرفتك اخترتك سعيد البال.. وختّ شبابى متيقن عليك آمال لا جيتك قبيله.. ولا رجيتك مال ولا مسحور ويوم ما كنت في عينىّ.. أجمل من بنات الحور جيتك عاشق اتعّلم من الأيام ومن سأم الليالى البور ومن أسر الوِلِف كتّال لقيتك فى طشاشى دليل.. وفى حرّ الهجيره مقيل ركزت على ضاكِ عصاى لقيتك فى حياتى جذور بنيّه اتلفّحت بالنور مهجّنه من غنا الأطفال.. ومن سعف النخيل والنيل ومن وهج الشمس موّال
وان اخترتينى إنساناً.. عزيزَ النفس بتمنّى.. وبسيط الحال علىَّ حرَّمت زرعاً ما سقيتو حلال ومافصّد حصادو قفاى وبينى وبينك الضحكه.. ورحيق الشاى وطعم الخبز والسُتْره.. ومساء النور وعمق الإلفه.. بين النهر والنخله وغنا الطمبور وصدق العُشْره بين الأرضِ.. والإنسان وبيني وبينك الفكره.. وجمال الذكرى والنسيان وحسن الظن ومشوار الحيا اليوماتى ما بين الجبل والسهل.. ما بين الصعب والسهل عزّ الليل.. وفى سكّه مطر بكّاى فلا هماً تشيلى براكْ ولا جرحاً أعانى براى ولانا على بعض نمتن
وتزعلى يوم.. وازعل وننفعل مرات تقبّلى منّى.. واتوسّد ضُراعى سكات وفينا حنينه تتشابك موده.. تشابك الغابات ونحن اذا اختلفنا سوا.. بنطيع الصاح ولو بتنا القوا بنرتاح اذا تمن الملح والعيش.. رُضا الشمّات وتتكى سنبلايه على ضراعى.. واميل كأنى غنا الطفوله العذبْ كأن الدنيا طى القلبِّ والمنديل كأنّ الدنيا طىِّ القلب والمنديل كلام كتير ربما فقدت القدرة أو الرغبة في لفظه خارج رأسي حاليا ومش عارف ليه ،،، المهم أنه ما زال هناك العديد من الرائعين ينثرون رحيقا من بعض أزهارهم الندية وهم على العهد باقون ...
الأخ MJH لم يقدم الشاعر العذب التجاني سعيد سوى أغنيتين فقط لوردي ويا لها من أغنيتين...
(من غير ميعاد) كل الطيوب الحلوة يا مولاتي والجيد الرقيق واللفتة ،،، والخصل اللي نامت فوق تسابيح البريق وخطاك والهدب المكحل وفتنة التوب الأنيق
والأخرى (أرحل) عيونك زي سحابة صيف تجافي بلاد وتسقي بلاد وزي فرحاً بشيل مني الشقا ويزداد وزي كلمات بتتأوه تتوه لمن يجي الميعاد وزي فرح البعيد العاد وزي وطناً وكت أشتاقلو برحل ليهو من غير زاد بدون عينيك بصبح زولاً بدون ذكري وبدون ميلاد...
رحلت وجيت في بعدك لقيت كل الأرض منفى
أما أغنية (أعز الناس) فهي من روائع الشاعر الأنيق إسحق الحلنقي (رغم الإختلاف مع الوسيقار وردي) !!!
عذرا سيد الكارو فإنني لم ألحظ أنك تفضلت بإعطاء المعلومة الصحيحة (كالعهد بك) وقمت بتزيل هذا البوست دون استخدام شريط التمرير على يسار الشاشة ... أما أول أغنية باللغة العربية يقوم بتسجيلها وردي فهي بالفعل أغنية يا طير يا طاير (الحب والورود) وأول أغنية يقوم بتلحينها هي أغنية الوصية أما أول غرام فهي أول أغنية (تجربة) يقوم هو بنفسه بكتابة كلماتها وقد أتت بعد أغنية يا طير يا طاير بزمن ليس بالقليل إذ سبقتها للوجود العديد من (الإسماعليات) إن صح التعبير كأغنية لو بهمسة و الحنين يا فؤادي و وسمرا وحبي حبك شاغلني ... طرفك ناعس وغازلني ناسي الشوق وليالي زمان ليالي الحب وكم ضماني معاك حنين فاض من نفسي ونبض القلب ... فرحة/ابو آمنة حامد
بين الريد والهوى ..عشنا ايامنا سوى ما قاسينا النوى ما أحلاك ياهوى ..الهم راح وانطوى عش ريدتنا استوى بين ايديه هنايا .. في عينيه منايا حققنا أحلامنا والعاشق عقبالو بيني وبينو حكاية ..أصلو ماليها نهاية وأحلام دنياية لو شفتوهو معاية ..خطو الحالم آية يروي محاسنو رواية كم ضوت دنياية ..نور دربي براية حققنا أحلامنا والعاشق عقبالو أنا بحبو اكتر ..ياما هواي بيكبر ياما مشاعري بتسكر حبو النامي الأخضر ..راعيناهو أزهر في قلبينا ونوّر والعذال كدناهم ..في لحظة نسيناهم حققنا أحلامنا والعاشق عقبالو الأحباب شافونا ..بالأفراح لاقونا هنونا وهنونا حبيناهم حبونا ..غنو معانا وشاركونا بالأحلام منونا يا عشاق عقبالكم .. قولولنا هنيالكم حققنا احلامنا والعاشق عقبالو قالو بتحبو قتا ليهم مالو ايدو علي ايدي الهنا مشينالو حققنا أحلامنا والعاشق عقبالو
من غير ميعاد/التجاني سعيد
من غير ميعاد واللقيا أجمل في الحقيقة بلا اتظار صحّيتي في نفسي الوجود ورجّعتي لعيوني النهار كل الطيوب الحلوة يا مولاتي والجيد الرقيق واللفتة والخصل اللي نامت فوق تسابيح الغريق وخطاك والهدب المكحل وفتنة التوب الأنيق في لحظة مرت كالظلال تعبر رؤاي إحساس عميق فتحتي جرح الليل عسى من صمتي ما قادر أطيق صحّيتي في نفسي الوجود ورجّعتي لعيوني النهار لو مرة بعدك يا زمان الغربة تجمعنا الصدف أنا كيف اعود من طيبة أول نظرة للدار منكسف وا ضيعة الوتر اللي ما غنيت معاهو ولا عزف من صدفة عابرة بلا سلام قلبي الغريق في الهم نزف ياريتني ما شفتك ربيع ولا كان يلازمني الأسف صحّيتي في نفسي الوجود ورجّعتي لعيوني النهار ضاع الكلام ماتت حروف اللقيا قبال اهمسا والله ما غابت محاسنك لحظة لا الجرح اتنسى للّيلة ما وشوش نسيم في روضو وما غرد مسا للّيلة ما سافر عبير في الطيب يغازل نرجسة للّيلة يا حبي الكبير في حرقة لافيني الأسى صحّيتي في نفسي الوجود ورجّعتي لعيوني النهار
لحظة من وسني/محمد الفيتوري
لو لحظة من وسني تغسل عني حزني تحملني ترجعني الى عيون وطني يا وطني .. يا وطني يا وطن الأحرار والصراع الشمس في السماء كالشراع تعانق الحقول والمراعي واوجه العمال والزراع يا وطني .. أصبح الصبح كأن الزمن الماضي على الماء نقوش فارفعي راية اكتوبر فالثورة مازالت تعيش وانا مازلت في البعد انادي يا بلادي يا مغاني وطني .. أجمل من فراشة مجنحة على ضفاف المقرن الجميل أجمل من نوّارة مفتحة ترقد تحت ذهب الأصيل أجمل من رائحة النضال لم أشم رائحة في صبحك الجليل يا فخر هذا الجيل يا وطني .. __________________ ذات الشامة/اسماعيل حسن
وحياة الأحلام القلبي سقاها وحياة أجمل بسمة عرف معناها وحياة سمر اللون وحاة محياها وحياتك وحياتي عندك وحياة حبي النهار صدك وحياة أول نظرة لمحتك بيها وحياة أجمل صدفة عرفتك فيها وحياة الآمال العشت حياتي عليها وحياتك وحياتي عندك وحياة حبي النهار صدك وحياة الأيام الجايرة وظالمة وحياة حبي الكاتمو براك العالمة أملي وكل منايا هناك يا حالمة وحياتك وحياتي عندك وحياة حبي النهار صدك وحياة لونك انتي وحاة السمرة وحاة حبي اليك من أول نظرة وحياة طهر غرامي انتي القمرة وحياتك وحياتي عندك وحياة حبي النهار صدك وحياة صمتك انتي وحاة الشامة الشامة الفوق خدك نايمة دليل وعلامة تزيد حسنك بهجة تزيدو وسامة وحياة أجمل ريد في الكون يا حمامة وحياتك وحياتي عندك وحياة حبي النهار صدك
وسط الدايرة/اسحاق الحلنقي
وسط الدايرة أجمل نايرة خلي قلوبنا تطير وارحلي بينا فراشة حنينة بين زينات وعبير ولما الخصلة تدور طربانة تبقي حرير في حرير فرحي خلق الله واتّنّي ياشبه القمرة وارقصي رشي عبيرك فينا وفتحي يا زهرة
أرقصي زيدي الساحة سماحة نحن معاك نشيل نغني غناوي ..نحكي حكاوي لما ندوب في الليل لا ترتاحي لا تريحينا لسة الوقت طويل
عمرك كل فرح يا زينة شيلي من الأفراح وادينا راقصي البسمة راقصي النسمة خلي الموجة تدور بينا أوعي تهدي كمان اتحدي يلا جميلك تمي علينا علينا
أرحل/التجاني سعيد
قلت أرحل .. أسوق خطواتي من زولاً نسى الإلفة أهون ليل أساهر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معاية لا بندم ولا بقضي العمر تبريح أصلو العمر شوقا حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى منــــــفـى منــفـى مـنفى __________________ من غير ميعاد واللقيا أجمل في الحقيقة بلا اتظار صحّيتي في نفسي الوجود ورجّعتي لعيوني النهار كل الطيوب الحلوة يا مولاتي والجيد الرقيق واللفتة والخصل اللي نامت فوق تسابيح الغريق وخطاك والهدب المكحل وفتنة التوب الأنيق في لحظة مرت كالظلال تعبر رؤاي إحساس عميق فتحتي جرح الليل عسى من صمتي ما قادر أطيق صحّيتي في نفسي الوجود ورجّعتي لعيوني النهار لو مرة بعدك يا زمان الغربة تجمعنا الصدف أنا كيف أعود من طيبة أول نظرة للدار منكسف وا ضيعة الوتر اللي ما غنيت معاهو ولا عزف من صدفة عابرة بلا سلام قلبي الغريق في الهم نزف ياريتني ما شفتك ربيع ولا كان يلازمني الأسف صحّيتي في نفسي الوجود ورجّعتي لعيوني النهار ضاع الكلام ماتت حروف اللقيا قبال اهمسا والله ما غابت محاسنك لحظة لا الجرح اتنسى للّيلة ما وشوش نسيم في روضو وما غرد مسا للّيلة ما سافر عبير في الطيب يغازل نرجسة للّيلة يا حبي الكبير في حرقة لافيني الأسى صحّيتي في نفسي الوجود ورجّعتي لعيوني النهار ذات الشامة وحياة الأحلام القلبي سقاها وحياة أجمل بسمة عرف معناها وحياة سمر اللون وحاة محياها وحياتك وحياتي عندك وحياة حبي النهار صدك وحياة أول نظرة لمحتك بيها وحياة أجمل صدفة عرفتك فيها وحياة الآمال العشت حياتي عليها وحياتك وحياتي عندك وحياة حبي النهار صدك وحياة الأيام الجايرة وظالمة وحياة حبي الكاتمو براك العالمة أملي وكل منايا هناك يا حالمة وحياتك وحياتي عندك وحياة حبي النهار صدك وحياة لونك انتي وحاة السمرة وحاة حبي اليك من أول نظرة وحياة طهر غرامي انتي القمرة وحياتك وحياتي عندك وحياة حبي النهار صدك وحياة صمتك انتي وحاة الشامة الشامة الفوق خدك نايمة دليل وعلامة تزيد حسنك بهجة تزيدو وسامة وحياة أجمل ريد في الكون يا حمامة وحياتك وحياتي عندك وحياة حبي النهار صدك
قلت أرحل .. أسوق خطواتي من زولاً نسى الإلفة أهون ليل أساهر ليل أتوه من مرفى لي مرفى ابدل ريد بعد ريدك عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معاية لا بندم ولا بقضي العمر تبريح أصلو العمر شوقا حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى منــــــفـى منــفـى مـنفى جيل العطا/محمد المكي ابراهيم
من غيرنا يعطي لهذا الشعب معنى أن يعيش وينتصر من غيرنا ليغير التاريخ والقيم الجديدة والسير من غيرنا لصياغة الدنيا وتركيب الحياة القادمة جيل العطاء المستجيش ضراوة ومقاومة المستميت على المبادىء مؤمنا المشرئب إلى النجوم لينتقي صدر السماء لشعبنا جيلي أنا.. هدم المحالات العتيقة وانقضي سيف الوثوق مطاعنا ومشى لباحات الخلود عيونه مفتوحة وصدوره مكشوفة بجراحها متزينة متخيرا وعر الدروب وسائرا فوق الرصاص منافحا جيل العطاء لك البطولات الكبيرة والجراح الصادحة ولك الحضور هنا بقلب العصر فوق طلوله المتناوحة ولك التفرد فوق صهوات الخيول روامحا جيلي أنا .. جيل العطاء لعزمنا حتما يذل المستحيل وننتصر وسنبدع الدنيا الجديدة وفق ما نهوى ونحمل عبء أن نبني الحياة ونبتكر
في زمن الغربة والإرتحال تأخذني منك وتعدو الظلال وانت عشقي حيث لا عشق يا سودان إلا النسور الجبال يا شرفة التاريخ يا راية منسوجة من شموخ النساء وكبرياء الرجال لمن ترى أعزف أغنيتي ساعة لا مقياس إلا الكمال إن لم تكن انت الكمال الذي يملأ كأسي ويفيض الجمال يا شرفة التاريخ يا راية منسوجة من شموخ النساء وكبرياء الرجال
فداً لعينيك الدماء التي خطت على الأرض سطور النضال داست على جلادها وهي في سجونه واستشهدت بجلال يا شرفة التاريخ يا راية منسوجة من شموخ النساء وكبرياء الرجال فداً لعيني طفلة غازلت دموعها حديقة بالخيال شمسك في راحتها خضرة طرية من زهر البرتقال والنيل ثوب أخضر ربما عاكسه الخصر قليلا فمال يا شرفة التاريخ يا راية منسوجة من شموخ النساء وكبرياء الرجال كان اسمها امدرمان كان اسمها الثورة كان العرس عرس الشمال كان جنوبيا هواها وكانت ساعة النصر من جبال الهلال فدا لك العمر ولولا الأسى لقلت تفديك الليالي الطوال فدا لك العمر فدا لك العمر فدا لك العمر
حبيب القلب/الصاوي عبد الكافي
حبيب القلب ياأغلى الحبايب مالو حبك وراني العجايب أحاول انسى حبك يا حبيبي وارجع تاني مستغفر وتايب
شبابي الغالي أفنيتو عشانو وخلى قليبي تايه عن مكانو أشاور قلبي يتحول حنانو يزيد شوقو ويتمنى احتضانو
نسيت الود والعشرة الطويلة وكيف تنساها ما بين يوم وليلة أشيل من فكري ذكراك الجميلة؟ محال يا روحي ما باليد حيلة
عليك الحب يا رب الوسامة تشيل روحي وتديني ابتسامة ألوم قلبي على حبك ملامة واشوف حزنك واقول يا الله السلامة سلم مفاتيح البلد/محمد المكي ابراهيم
عليك الزحف متقدم وليك الشعب متحزم ومتلملم يقول سلم سلم ومابتسلم رحمت متين عشان ترحم؟ سلم مفاتيح البلد سلم عباياتنا وملافحنا مصاحفنا ومسابحنا جوامعنا وكنايسنا سلم مفاتيح البلد
تراث أجدادنا سلمنا عقول أولادنا سلمنا بنادقنا البتضربنا الموجهة لي صدورنا وبرضو حقتنا سلمنا سلم مفاتيح البلد
سلمنا الزمان الضاع ليل الغربة والأوجاع أحزانا العشناها مع الوطن العزيز الجاع سلم مفاتيح البلد
حتهرب وين من الألم الكبير والجوع من تعليمك المدفوع ومن شعبا سقاك لبنو سقيتو من الهوان والجوع يا ساقي سمك المنبوع سلم مفاتيح البلد
حتهرب وين من الذكرى وعذاباتها ومن لبن الأمومة ومن حساب الرب حتهرب وين وانت ايدينك الإتنين ملوثة دم فصيح الدم ينضم وبتكلم يقول سلم سلم مفاتيح البلد
يا نسمة/مبارك بشير
حظك جميل دائما تسافري بلا تصاريح للسفر و تعودي عبر المستحيل نديانه زي صدف البحر
يا نسمة لا تتأخري عذبنى طول الانتظار قبال تجي رشي المحنه بكل دار كل البيسأل طمني و انا في البعيد مشتاق لهمسه من الوطن يا نسمة
ارتاحي فوق الأمسيات تلقي الحبايب لسه في اريتني لما الليل يضيع في المجلس الدافئ الوفي سارح اغني الذكريات
يا نسمة يا جاية من الوطن بتقولي لى ايام زمان ما برجعن باكر برجعني الشجن و اتهني بيك طول الزمن يا نسمة
الصورة/اسحاق الحلنقي
توعدنا وتبخل بالصورة يا غنوتنا يا بهجتنا ويا مسا عيونا المبهورة ما نحن بطبعنا ناس طيبين غلطاتك عندنا مغفورة
يا نسمة في عز الصيف هبت يا روح الروح يا آمالا إن جيت تطلبنا بضي العين مابنقدر نحن نقول لا لا العين مابتعلا على الحاجب وعزيز الروح مابتعالا لو نحن بكينا على الصورة سامح دمعتنا المعذورة ما نحن بطبعنا ناس طيبين غلطاتك عندنا مغفورة
روعة سحر الأسطورة يا سمحتنا الما بنطولة لو نحن مقامك ماقدرو أعذارك عندنا مقبولة
بنحبك نحن وما قادرين أبدا عن حبك نتخلا نتخلا عن الوجه البشبه ضي القمرة الناعس طلا كل الآمال الل يخليك ويحرسك من عين الناس الله سلام على السودان/محمد الفيتوري
وقالــوا شــدو وراحـوا ،،، وفي المنافي استارحــوا كيــف يا زهـــرة عمرنا ،،، كيف ينسى المناضل كفاحه
وقالوا أرضاً بعيدة ،،، في رحلة النسيان بتسوى موت الزمن
ســلام ســلام ســلام لي أهـلي فــي الســـودان سـلام على الدومـــــة والطنبــور وغصن البــان سـلام على النيـــل وقمـر الليــل وحسنــه الــكان سـلام على الجنــوب والشــمال بـي وحدة الســودان سـلام على البنـات والبنيــن دخـــرينا للســــودان سـلام على الجــوامع والكنائس لي نــصرة الســودان يــا أهلي فـي الســــودان يا أهلي فـي الســـودان ســـلام ســـلام ســـلام
ما بنساك/اسماعيل حسن
لو بالصد أبيتيني ولو بالنار صليتيني أنا لا ... ما بنساك
لو حاولت تهجرني أو تنساني من تاني ترجع يوم تجد حبك بدد شكي وأحزاني بدل همي في الدنيا وعاد بالفرحة ألحاني أنا لا.. ما بنساك
لو تعرفني إني أمين أنا ريدك براعيهُ قلبي الراجي ليك سنين ما ممكن تجازيهُ أكان راجيك وبيتألم وكيف إن كنت ناسيهُ أنا لا .. ما بنساك
لو بس شفت آهاتو ما كل يوم بتتبسم لو تابعت دقاتو ما بتقدر براك تحلم لو حسيت بأناتو وطول أيامو بيتظلم كنت رجعت صافيت ونسيتو الدموع والهم أنا لا .. ما بنساك
مهما جُرت صديتني بدون أسباب وبكيتني على درب الهوى والشوق براي يا ناس خليتني أداري دموعي من الناس وأقول يا ريتني يا ريتني نعود من تاني نتلاقي وآه لو مرة صافيتني أنا لا .. ما بنساك
الوصية/اسماعيل حسن
حلفتك يا قلبي حلفتك بري خليهو الغرام يتنكر لحبك وريهو الخصام ليه تتهان يا غالي ليه والذل حرام
إتعذب لوحدك ليل والناس نيام إن جاك يوم يصالحك قول ليهو الكلام أو آيات حنينة بترد السلام
أوع يا قلبي تنسى في لحظة الوصية أنا عرفك حنين بتشمت علية أوع يا قلبي تنسى أوع يا قلبي
حلفتك يا قلبي الخانك تخونو والفيت غرامك أوع في يوم تصونو وزي ما أبكى عيني سهر لي عيونو أوع تقوللي تاني ما بنعيش بدونو أريت الحب لقينا غير همّو وشجونو أوع يا قلبي تنسى أوع يا قلبي
حلفتك يا قلبي حملتك أمانة الفاتك عهود ما تبكي عشانة حلفتك تقول لي إيه آخرة بكانة الدنيا الجميلة والحزن الحلال الطير في غصونو الساجعة في حنانا كل الناس تغني ليه نحن الهم طوانا ليه ..ليه يا قلبي ليه قول لي بأمانة أوع يا قلبي تنسى أوع يا قلبي ياسلام/اسماعيل حسن
يا سلام منك أنا آه يا سلام ..ياسلام العيون فيها سهام والكلام فيهو كلام في حديثك في ابتسامتك زينة يا أحلى غرام
لديارك جيت يا روحي ليك أزور ومن كلام الناس والله قد ضاع السرور في إيدية ليك هدية سامحيني واعذريني واقبليها يا بدور
العواذل قالو ليك قالو إيه قالو بحب والله إنتي وبس إنتي في قلب المحب هددوني ألموني عذبوني بدلوني الفرحة نار وهيام يوم الغرام
إنتي لونك وإنتي طبعك هادي ما فيهو البشين تشبهي الفل في الجناين حتى عطرك ياسمين ربي يعلم كم قلبي مغرم إنت ترحم بين ضلوعي النار تقيد دا حرام والله حرام
أسعد الأيام /عبدالرحمن الريح
أسعد الأيام مر بي في عام شفت فيه حبيب كالربيع بسام
أسعد الأيام أشرقت شمسو بالسعادة وراق وابتسم صبحو تلهم الإنسان حسنو في نفسو قلنا فيه كلام كل حب وغرام تلاقي فيه نصيب والفراق اقسام
شفت فيه حبيب مالو لو جاني وفي سكون الليل طيفو ناجاني أو عذاب قيثار حبو أشجاني يهدي لي أنغام تسمو بالأحلام تلهب الفنان روعة الإلهام
الجمال في سحر الوجود ضافي والعلي معلوم ليس بالخافي وانت سر حبي وبلسمي الشافي المودة مُدام والتجافي حرام في جفا الأحباب لذة الآلام
الهدية/السردوليب
حبيبي فكر وقدر إيه الجبتو ليك هدية أزاهر؟ لا.. جواهر؟ لا لا .. أغلى وحاة عينية هدية فيها حرفي وحرفك وذكرى حبنا مكتوبة مكانها إيدينك الحلوة تزين لبنانك المخضوبة تخليكي تفرحي وتقولي شوفوني أنا مخطوبة
خلاص يا حبيبي ماعدت أطيق بعدك وانت قريب من قلبي وروحي أخترتك لأيامي شاريك شريك وحبيب قبل العمر يسرقنا ما نلقى في شبابنا نصيب حبايبي وأهلي شاورت غنوني وهنوني بي هواك يا حبيب
قالوا والله والله تستاهل حبي وانشغالي عليك قالو والله والله تستاهل فني الوهبتو إليك وجوك معاي يهنوك يشوفو البهجة في عينيك وكيف بي لهفة الأشواق حلاة الدبلة في إيديك تخليكي تفرحي وتقولي شوفوني أنا مخطوبة الحب والريدة/الطاهر ابراهيم
قست الدنيا علية وجافى النوم عينية مع هجرانك لية حالفة تغدري بية
ليه صديتي يا ظالمة واتناسيتي يا حالمة يا زهر حياتي ربيعي روحي في هواكم هايمة حرمت الحب والريدة برضي ما أرضيت صعبان علي وحياتك ياريت لو ماحبيت
فكري الحيرتيهو وعقلي الودرتيهو صوني وعدك ليهو أوعك تخلفي بيهو حرمت الحب والريدة برضي ما أرضيت صعبان علي وحياتك ياريت لو ماحبيت
خليتيني في حيرة وما راعيتي الجيرة والله أنا جارك وانتي يا جارة بهواكي رغم الغيرة حرمت الحب والريدة برضي ما أرضيت صعبان علي وحياتك ياريت لو ماحبيت
ليه صديتي يا ظالمة واتناسيتي يا حالمة يا زهر حياتي ربيعي روحي في هواكم هايمة حرمت الحب والريدة برضي ما أرضيت صعبان علي وحياتك ياريت لو ماحبيت
الحب والريدة رمز الحب والريدة أنا برضي ما أرضيت صعبان علي وحياتك ياريت لو ماحبيت
ياراجياني/اسحاق الحلنقي
يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحداني
لمّ سحابة تلاقي سحابة وتنزل منها دمعة عشاني لمّ تلاقي مسافر عايد تمشي وتسألي عن عنواني وانا عنواني عيونك انتي وأي مكان تمشيهو مكاني يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحداني
ياالفرهدتي فرح جواية أنا جملتك بألواني أنا علمتك تاخدي المعنى من إحساسي وتدي معاني أنا سافرت عشانك انتي وسبت البلد الما ناسياني كم حاولت أصارحك ياما إلا العزة بقت مانعاني يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحداني إستنيني ولو حاولت تصدي حناني إستنيني ولو حاولت تصدي حنيني ياما حتشقي ماظن تلقي حِنيّن زيي يريدك تاني ألأيام وانا قربك انتي مهما تطول محسوبة ثواني إنتي جمالك ياهو جمالي وانتي زهورك من ريحاني الأفراح بعرف ميعادا وأي زمان تلقيهو زماني يا راجياني وما ناسياني ياما الغربة بتتحداني وانا بتحدى الزمن الجاير لو في بعدك يتحداني
شعبك أقوى واكبر/محجوب شريف
ظلم عمرو اتحدد أيام اكتوبر تشهد الفترة الحالكة الماضية في تاريخك مابتتجدد عهد فسادو واستبدادو الله لا عادو يهدم صرح الوادي الأخضر يابلادي شعبك أقوى وأكبر من ما كان العدو يتصور
أحرارنا دماهم هانت لإرادة شعب وكانت وهبوها بطيبة خاطر ومعالم الزين ازدانت تشفي جراحنا رمز كفاحنا ضد الغاصب المستهتر يابلادي شعبك أقوى وأكبر من ما كان العدو يتصور
من أقصى شمال بلادي لأقصى جنوب الوادي نعمل للوطن الواحد أيادي اخلاص ومبادي إشتراكية سودانية من واقعنا ما من اكثر يا بلادي شعبك أقوى وأكبر من ما كان العدو يتصور
تعاهدك يابلادي حياتي بإخلاصي للحرية أحارب من أجلك ذاتي أعدائك والرجعية تصبحي دار للأحرار ينعم فيكي شعبي الأسمر يابلادي شعبك أقوى وأكبر من ما كان العدو يتصور لو بهمسة/اسماعيل حسن
آه لو بهمسة لو ببسمة قول احبك لو بنظرة نظرة حتى عابرة قول احبك لو بتحلم في منامك قول احبك لو ترسل لي سلامك قول احبك يا حبيبي آه يا حبيبي
كل كلمة من شفايفك أحلى غنوة كل نظرة من عيونك فيها سلوى كل نسمة من ديارك فيها نجوى وكل همسة يا حبيبي عندي حلوة يا حبيبي آه يا حبيبي
يا حبيبي عمري كلو اهديتو لحبك يا حبيبي انت عارف والغرام يشهدلو ربك يا بدوري في الظلام والظلام يحجبلي دربك آه .. ناري بعدك والحنان والجنة قربك يا حبيبي والزهور الحلوة تتفتح في قلبك انت عارف أنا يا روحي بحبك
خوفي منك خوفي تنساني وتنسى الليالي يا حبيبي انا خايف ياما بعدك انسى حالي آه .. أبقى تايه والغرام يصبح حكاية والأماني الحلوة دي الكانت بداية تبقى اشواق في طريقي للنهاية آه يا حبيبي
حبيبي الدنيا دي الفراقة والله الدنيا دي الفراقة المشتاق مع المشتاقة يا الله تاني وين نتلاقى يا ناسينا يا مجافينا حن علينا
حبيب مشتاق اشوف عينيك وشعرك موج على خديك هناي في بسمتك ..في وقفتك.. في مشيك بالغالي العزيز أفديك يا ناسينا يا مجافينا حن علينا
عارف قلبو ما بنساني عزاي في الدنيا بس يطراني تجي للعذول الجاني فرق بينا ليه يا زماني يا ناسينا يا مجافينا حن علينا
كل ما أميل أجد ذكراه بين الروض عرفت شذاه في دنيا الغرام أهواه كن نسايني ما بنساه يا ناسينا يا مجافينا حن علينا
الجو قلبي احتلاه صبحي مساي دوام اطراه فارق دربي ما هماه يا الله تاني وين القاه يا ناسينا يا مجافينا حن علينا
بفرش ليك قلبي وسادة وازقيك من غرامي سعادة لو عاد الحنين يالسادة أقضي عمري فيك عبادة يا ناسينا يا مجافينا حن علينا ياطير ياطاير/اسماعيل حسن
يا طير يا طاير من بعيد فوق الغمام من ربوعي أحمل الشوق يا حمام
انشالله تمشي وتشمي يا طير لي تعود لي حبيبي تحمل الحب والورود احكي عني وقلو يا طير هل يعود من فؤادي ليهو ليك ألفين سلام
يا طير يا طير خوفي بس تنسى الكلام يوم تشوفو هالّي زي بدر التمام في جبينو نور يشع يضوي الظلام في عيونو يرقد الشوق والغرام حِبِّي عارف إنو في صمتك كلام
ياطير يا طاير لي حبيب زي اليمام هادي طبعو زي صغير قبل الفطام ديمة ضاحك ثغره يعلوه ابتسام من فؤادي ليهو ليك ألفين سلام
الحبيب/الجيلي محمد صالح
الحبيب قلبو طيب العواذل ضللو يا حبايب اسألو لو تناساني وتبدل بغرامي ذكرو
أسألوهو ليه نساني حتى من كلمة ملام ليه يخاصمني وعيونو كلموني بالغرام خبروهو باشتياقي لو يحن ينسى الخصام بعيونو حلفو لم يحلف صدقو انا عارف قلبو طيب العواذل ضللو
أسألوهو ليه يخاصم والسعادة بين ايدينا ذكروه بالليالي الأولى أيام التقينا كلموهو قولو ليهو في غيابو كم شقينا بحياتو حلفو لم يحلف صدقو انا عارف قلبو طيب العواذل ضللو
بسيماتك/إسماعيل حسن
بسيماتك تخلي الدنيا شمسية في غمزة طفلة تتشرا تتصرا إذا ضاريتك الأبنوس سنيناتك.. بسيماتك
وحياتك بشم ريحة الجروب مغسولة بي وهج القناديل واشوف برقا يغازل ومضه سرا في عويناتك بشوف شفع يأشرو للقميرة تايهة دورين بالمناديل ويلعبو فوق تلال خديكي ومرجيحة ضفيراتك ..بسيماتك
بسيماتك تخلي الكون خمر عربيد واحة عيد ورعشة نور مكحلة بي ستاير الليل ورنة طبلة رقصت ليك في خير الهوى العم العيش نرسل بشاشاتك برنة طبلة رقصت ليك نحس نشع شبابنا الطويل ولا يوم بدخل آفاق بسيماتك هجرة عصافير الخريف/اسحاق الحلنقي
تـحت الـغمام شـايف مـواكب الـهجرة اتـلاشت سراع ليه يـا عـصافير ليه الاسف مين علمك أسف الوداع وعارف دا ما اول سفر لبلاد بـعيدة بـدون مـتاع زى ما بتخافي مـن الرياح بنخاف كمان انحن الضياع ليه يا عصافير ليه الضنى صفقة جناحك احزنها
غـايـب الـسنين الـليله مالو غنا العصافير غـلبو طراهو زولا كان ولوف كم رضا خاطرو وطيبو سمع قليبو كـلام حـنين هـدهد مـشاعرو ودوبـو الـناس سعيدم فى الـحياة لا ضاق فراق لا جربو وانا حالى فى بعد الوطن دفـعنى ضي العين تمن راية الإستقلال/عبد الواحد عبدالله يوسف
اليوم نرفع راية استقلالنا ويسطر التاريخ مولد شعبنا يا إخوتي غنو لنا اليوم
يا نيلنا .. يا أرضنا الخضراء يا حقل السنا يا مهد أجدادي ويا كنزي العزيز المقتنا يا إخوتي غنو لنا اليوم
كرري .. كرري تحدث عن رجال كلأسود الضارية خاضو اللهيب وشتتو كتل الغزاة الباغية والنهر يطفح بالضحايا بالدماء القانية ما لان فرسان لنا بل فر جمع الطاغية يا إخوتي غنو لنا اليوم
وليذكر التارخ أبطلا لنا عبد اللطيف وصحبهو غرسو النواة الطاهرة ونفوسهم فاضت حماسا كالبحار الزاخرة من أجلنا سادو المنون ولمثل هذا اليوم كانوا يعملون غنو لهم يا إخوتي ولتحيا ذكرى التاريخ يا إخوتي غنو لنا اليوم
إني أنا السودان أرض السؤدد هذه يدي ملأى بألوان الورود قطفتها من معبدي من قلب إفريقيا التي داست حصون المعتدي خطت بعزم شعوبها آفاق فجر أوحد فأنا بها وأنا لها وسأكون أول مفتدي يا إخوتي غنو لنا اليوم
أوعك ياحبيبي/اسماعيل حسن
أوعك يا حبيبي أوعك تاني تزعل كفاية عذابنا المطول
تغمرني بحنانك وتديني بالمحنة أيام عمري جمبك جنة وألف جنة تايهين في العواصف لا صد لا مظنة والصابر بيلقى نصيبو لو سألنا
كل البهجة حولك فرحان بالسعادة غير حبك وحاتك ما داير زيادة إنت عليك توحي وعلي العبادة أصلو فراقنا أول كان قسمة وإرادة
شوف بيتنا بيضوي والنور من شبابك عشك يا حبيبي بيقولك حبابك وإن كان لي فؤادي داير في ركابك والدنيا العريضة في بابك
باكر يا حبيبي تبقى حياتنا غنوة ونزيد بي صغير أو بي زهرة حلوة تاخد من جمالك وتصبح بينا سلوى تقول يابابا شوف يا ماما شوفي الدنيا حلوة
يا بلدي يا حبوب /سيد أحمد الحردلو
عشانك بكاك الريح عشانك فؤادي جريح عشانك أنا مقتول وبموت معاك مقتول عشانك يا حزن نبيل عشانك يا حلم جميل عشانك يا بلد يا نيل يا ليل يا سمح يا زين يا بلدي يا حبوب أبو جلابية وتوب سروال ومركوب وجبة وسديري وسيف سكين يا سمح يا زين
يا وجه مليان غنا مليان عشق وحنين يا بنت يادوب نهيداتا قايمين شايلين تخا وفي رخا شايلين بنات وبنين يا سمح يا زين
يا آهة يا لمة يا مدحة يا عمة يا واحة في الصحراء يا خصلة يا قمرة يا بشارة يا بكرة يا سمح يا زين
يا غابة قمحية مشرورة فوق البلود زي الصباحية يا مزرعة باباي غضبة الهبباي يا نخلة مسقية من ريق دبيشية يا مقطعين دوباي نازلين على الدنيا أشواق وحنية ياسمح يا زين
Post: #175 Title: Re: وردى... من تسجيلاات اياام زماااان (2) Author: محمد عثمان Date: 05-10-2008, 08:34 AM Parent: #174
الاخ سيف اليزل..
شكرا كتير للاضاافة القيّمة لكلمات الاغنياات ما قصّرت تب...
يديك العاافية...
Post: #179 Title: Re: وردى... من تسجيلاات اياام زماااان (2) Author: محمد عثمان Date: 05-10-2008, 02:24 PM Parent: #174
الاخ سيف اليزل..
بمراجعة سريعة لكلمات الاغنيات و الشعراء لاحظت انك اشرت الى اغنية بسيماتك انها من كلمات الشاعر اسماعيل حسن..هذه الاغنية فى الحقيقة من كلمات ابن القرير الشاعر الراحل على عبد القيوم لحفظ الحقوق وجب على ان اشير الى هذا..
لك التحية...و شكرا مرة اخرى لمجهودك المقدّر..
Post: #180 Title: Re: وردى... من تسجيلاات اياام زماااان (2) Author: محمد عثمان Date: 05-10-2008, 02:28 PM Parent: #1
Post: #183 Title: Re: وردى... من تسجيلاات اياام زماااان (2) Author: محمد عثمان Date: 05-18-2008, 07:27 AM Parent: #182
شكرا اخ عماد و متذكرين توبة..
يديك العاافية...
Post: #184 Title: Re: وردى... من تسجيلاات اياام زماااان (2) Author: محمد عثمان Date: 05-18-2008, 07:32 AM Parent: #180
الوصية
Post: #185 Title: Re: وردى... من تسجيلاات اياام زماااان (2) Author: محمد عثمان Date: 05-18-2008, 07:45 AM Parent: #184
الوصية اسمااعيل حسن
حلفتك يا قلبي حلفتك بربي خليهو الغرام يتنكر لحبك وريهو الخصام ليه تتهان يا غالي ليه والذل حرام
إتعذب لوحدك ليل والناس نيام إن جاك يوم يصالحك قول ليهو الكلام أوع يعود حنينك و ترد السلام
أوع يا قلبي تنسى في لحظة الوصية أنا عارفك حنين بتشمت عليه أوع يا قلبي تنسى أوع يا قلبي
حلفتك يا قلبي الخانك تخونو والفيت غرامك أوع في يوم تصونو وزي ما أبكى عيني سهر لي عيونو أوع تقوللي تاني ما بنعيش بدونو أيه فى الحب لقينا غير همّو وشجونو أوع يا قلبي تنسى أوع يا قلبي..!!
حلفتك يا قلبي حملتك أمانة الفاتك عهود ما تبكي عشانه حلفتك تقول لي إيه آخرة بكانه الدنيا الجميلة والحزن الحلال الطير في غصونو الساجعة في حنانا كل الناس تغني ليه نحن الهم طوانا ليه ..ليه يا قلبي ليه قول لي بأمانة أوع يا قلبي تنسى أوع يا قلبي..!
ــــــــــــــ
Post: #186 Title: Re: وردى... من تسجيلاات اياام زماااان (2) Author: محمد عثمان Date: 05-19-2008, 08:47 AM Parent: #184
Post: #198 Title: Re: وردى... من تسجيلاات اياام زماااان (2) Author: عبد الدائم سيد أحمد Date: 05-20-2008, 11:34 AM Parent: #1
الحبيب العاد ما يكون قاصدنى انا اى حاجة لــوردى لازم تكون اعلى الصفحة
خالص المني
Post: #199 Title: Re: وردى... من تسجيلاات اياام زماااان (2) Author: عمار محمد حامد Date: 05-21-2008, 02:15 AM Parent: #198
الى عشاق وردى من النوبين
اى واحد عندو اغنية صوارده شو او شوقرين كنتين على سليم
الرجاء التكرم بها هنا لانو الشوق للنيل و النخيل والجزر كتلنا خلاص
عشروووووووووووووووووون عاما ؟انعال ابو الغربة و الله يجازى الكان السبب
Post: #201 Title: Re: وردى... من تسجيلاات اياام زماااان (2) Author: محمد عثمان Date: 05-22-2008, 08:44 AM Parent: #199
Quote: الى عشاق وردى من النوبين
اى واحد عندو اغنية صوارده شو او شوقرين كنتين على سليم
الرجاء التكرم بها هنا لانو الشوق للنيل و النخيل والجزر كتلنا خلاص
عشروووووووووووووووووون عاما ؟انعال ابو الغربة و الله يجازى الكان السبب
الاخ عماار..
لدى بعض من اغنياات الرطاانة للراائع وردى ساقوم بانزالها هنا..و نرجو ايضا ان يتسجيب الاخوة الكرام لطلبك... يديك العاافية و ربنا يحفظكم و يرجعكم سالمين و تاامين
يديك العاافية...
Post: #236 Title: Re: وردى... من تسجيلاات اياام زماااان (2) Author: محمد عثمان Date: 06-09-2008, 06:39 PM Parent: #199
Quote: الى عشاق وردى من النوبين
اى واحد عندو اغنية صوارده شو او شوقرين كنتين على سليم
الرجاء التكرم بها هنا لانو الشوق للنيل و النخيل والجزر كتلنا خلاص
عشروووووووووووووووووون عاما ؟انعال ابو الغربة و الله يجازى الكان السبب
Post: #200 Title: Re: وردى... من تسجيلاات اياام زماااان (2) Author: محمد عثمان Date: 05-22-2008, 08:30 AM Parent: #198
Quote: الحبيب العاد ما يكون قاصدنى انا اى حاجة لــوردى لازم تكون اعلى الصفحة
خالص المني
الاخ الجميل عبد الداائم..
الف حمد لله بالسلااامة ليك وحشة..و يلا وااصل لينا فى سيمفونية الزمن الجميل..
مودتى..
Post: #202 Title: Re: وردى... من تسجيلاات اياام زماااان (2) Author: محمد عثمان Date: 05-22-2008, 08:51 AM Parent: #1
مافي داعي/ كجراي
مافي داعي تقولي مافي يالربيع في عطرو دافي لهفة الشوق في سلامك في كلامك وسر غرامك ماهو خافِ
إرتعاشاتك بتحكي قصة أحلامك معاي وكل خفقة في قلبي نغمة تحكي ليكي شوقي وهواي إنت في بهجة شبابك وحبي ليك من غير نهاية مافي داعي ..
قلبي أخضر ولسة في ريعان شبابو في حرارة شوقو بيسطر كتابو شوفي كيف نشوانا بتتراقص حروفو كل لحظة شوق بتتجدد ظروفو مافي داعي ..
عشنا في دنيا الصبابة والسعادة فتحنا بابها بهجت الدنيا وشبابها ابتساماتك حبابها
ـــــــــــــــــ
Post: #203 Title: Re: وردى... من تسجيلاات اياام زماااان (2) Author: محمد عثمان Date: 05-22-2008, 08:56 AM Parent: #202
مافى داعى
Post: #204 Title: Re: وردى... من تسجيلاات اياام زماااان (2) Author: انعام عبد الحفيظ Date: 05-22-2008, 10:07 AM Parent: #203
Quote: إرتعاشاتك بتحكي قصة أحلامك معاي وكل خفقة في قلبي نغمة تحكي ليكي شوقي وهواي
يا سلااااااااام يا محمد عثمان
كملّها لينا بـ لنك الحفظ لو ممكن
Post: #205 Title: Re: وردى... من تسجيلاات اياام زماااان (2) Author: محمد عثمان Date: 05-27-2008, 09:46 AM Parent: #204
Post: #206 Title: Re: وردى... من تسجيلاات اياام زماااان (2) Author: محمد عثمان Date: 05-28-2008, 07:15 AM Parent: #205
لو بالصد اسماعيل حسن
لو بالصد أبيتيني ولو بالنار صليتيني أنا لا ... ما بنساك
لو حاولت تهجرني أو تنساني من تاني ترجع يوم تجد حبك بدد شكي وأحزاني بدل همي في الدنيا وعاد بالفرحة ألحاني أنا لا.. ما بنساك
لو تعرفني إني أمين أنا ريدك براعيهُ قلبي الراجي ليك سنين ما ممكن تجازيهُ أكان راجيك وبيتألم وكيف إن كنت ناسيهُ أنا لا .. ما بنساك
لو بس شفت آهاتو ما كل يوم بتتبسم لو تابعت دقاتو ما بتقدر براك تحلم لو حسيت بأناتو وطول أيامو بيتظلم كنت رجعت صافيت ونسيتو الدموع والهم أنا لا .. ما بنساك
مهما جُرت صديتني بدون أسباب وبكيتني على درب الهوى والشوق براي يا ناس خليتني أداري دموعي من الناس وأقول يا ريتني يا ريتني نعود من تاني نتلاقي وآه لو مرة صافيتني أنا لا .. ما بنساك
ــــــــــــــــ
Post: #207 Title: Re: وردى... من تسجيلاات اياام زماااان (2) Author: محمد عثمان Date: 05-28-2008, 07:18 AM Parent: #206
Post: #218 Title: Re: وردى... من تسجيلاات اياام زماااان (2) Author: عمار محمد حامد Date: 05-31-2008, 11:48 PM Parent: #217
Quote: الى عشاق وردى من النوبين
اى واحد عندو اغنية صوارده شو او شوقرين كنتين على سليم [/QUOTE
فى انتظار الاغنية يا شباب
Post: #221 Title: Re: وردى... من تسجيلاات اياام زماااان (2) Author: محمد عثمان Date: 06-01-2008, 08:56 PM Parent: #218
Quote: الى عشاق وردى من النوبين
اى واحد عندو اغنية صوارده شو او شوقرين كنتين على سليم [/QUOTE
فى انتظار الاغنية يا شباب
الاخ عمار..
لك التحية و التقدير و انت مداوم على الحضور فى الدوحة الوردية..
املك مجموعة من الاغنيات بالرطانة و انشاء الله ساقوم بانزالها تباعا بعد الانتهاء من مجموعة الاغنيات باللغة العربية.. البوست ايضا مفتوح للجميع هنا لاضافة اى اغنية بالرطانة و هذه دعوة لجميع الاخوان و الاخوات..
يديك العاافية...
Post: #220 Title: Re: وردى... من تسجيلاات اياام زماااان (2) Author: محمد عثمان Date: 06-01-2008, 08:50 PM Parent: #217
تسلم اخ عماد
اغنية توبة الليلة حااضرة هنا انشاء الله
يديك العاافية...
Post: #219 Title: Re: وردى... من تسجيلاات اياام زماااان (2) Author: سناء عبد السيد Date: 06-01-2008, 00:33 AM Parent: #1
شكراً اخونا محمد عثمان على ألأغاني الجميلة
قدر ما نكتب ما حنقدر نوفي الاستاذ وردي حقه ده فنان تاني البلد ما بتلدي زيو
ليهو كل حبنا وتقديرنا
للبسأل عن اغنية صواردة شو ممكن تٍسألوا منها ألاخ MO ( شعبان شريف ) أكيد بكون
عندو خبرا أو بقية شباب صواردة الهنا ناس محمد يس و اشرف يس
Post: #222 Title: Re: وردى... من تسجيلاات اياام زماااان (2) Author: محمد عثمان Date: 06-01-2008, 09:00 PM Parent: #219
Quote: شكراً اخونا محمد عثمان على ألأغاني الجميلة
قدر ما نكتب ما حنقدر نوفي الاستاذ وردي حقه ده فنان تاني البلد ما بتلدي زيو
ليهو كل حبنا وتقديرنا
للبسأل عن اغنية صواردة شو ممكن تٍسألوا منها ألاخ MO ( شعبان شريف ) أكيد بكون
عندو خبرا أو بقية شباب صواردة الهنا ناس محمد يس و اشرف يس
الاخت سناء..
لك التحية و التقدير و انت تشرّقين البوست بحضورك الباهى الجميل..
البوست مفتوح للجميع لاضافة اى نوع من الاغنياات الوردية و مرحب بكل الاخوة و الاخوات هنا...
يديك العاافية...
Post: #223 Title: Re: وردى... من تسجيلاات اياام زماااان (2) Author: محمد عثمان Date: 06-01-2008, 09:10 PM Parent: #222
Quote: هذه درر ..تاريخ للاجيال.. هرم في ساحة الفن السوداني الاستاذ الموسيقار
الله عليك ياجميل حبيبنا محمد عثمان ياسلام الله يديك العافيه ويحقق الفي مرادك ...
تعرف ياابوحميد وانا بسمع الاغنيه دي بتخيل نفسي في السودان في الحوش بالليل بعد عشرة
وبسمع ما يطلبة المستمعون ....
وكان بغنيها صديقي الفنان محمد عبدالله وردي الصغير الله يطراه بالخير ..
دي كانت ايام اجمل ايام حياتي ...ربنا يحقق كل احلامك ويجعل ليك في كل خطوة سلامة
لك حبي وكثير احتراماتي
Post: #227 Title: Re: وردى... من تسجيلاات اياام زماااان (2) Author: محمد عثمان Date: 06-04-2008, 08:00 AM Parent: #224
الجميل عمااد..
شكرا كتير و تسلم يا حبيب و تاابع معاانا...
يديك العاافية...
Post: #231 Title: Re: وردى... من تسجيلاات اياام زماااان (2) Author: محمد عثمان Date: 06-08-2008, 10:00 PM Parent: #219
Quote: للبسأل عن اغنية صواردة شو ممكن تٍسألوا منها ألاخ MO ( شعبان شريف ) أكيد بكون
عندو خبرا أو بقية شباب صواردة الهنا ناس محمد يس و اشرف يس
Post: #226 Title: Re: وردى... من تسجيلاات اياام زماااان (2) Author: محمد عثمان Date: 06-04-2008, 07:59 AM Parent: #1
الحب و الورود اسمااعيل حسن
يا طير يا طاير من بعيد فوق الغمام من ربوعي أحمل الشوق يا حمام
انشاء لله تمشي يا طير لي تعود لي حبيبي تحمل الحب والورود احكي عني وقولو يا طير هل يعود من فؤادي ليهو ليك ألفين سلام
يا طير يا طير خوفي بس تنسى الكلام يوم تشوفو هالّي زي بدر التمام في جبينو نور يشع يضوي الظلام في عيونو يرقد الشوق والغرام حِبِّي عارف إنو في صمتك كلام
ياطير يا طاير لي حبيب زي اليمام هادي طبعو زي صغير قبل الفطام ديمة ضاحك ثغره يعلوه ابتسام من فؤادي ليهو ليك ألفين سلام
ــــــــــــــــــــــــــــــ
Post: #228 Title: Re: وردى... من تسجيلاات اياام زماااان (2) Author: محمد عثمان Date: 06-04-2008, 08:51 AM Parent: #226
الحب و الورود
Post: #229 Title: Re: وردى... من تسجيلاات اياام زماااان (2) Author: محمد عثمان Date: 06-08-2008, 02:06 PM Parent: #228
أوعك ياحبيبي اسماعيل حسن
أوعك يا حبيبي أوعك تاني تزعل كفاية عذابنا المطول
تغمرني بحنانك وتديني بالمحنة أيام عمري جمبك جنة وألف جنة تايهين في العواصف لا صد لا مظنة والصابر بيلقى نصيبو لو سألنا
كل البهجة حولك فرحان بالسعادة غير حبك وحاتك ما داير زيادة إنت عليك توحي وعلي العبادة أصلو فراقنا أول كان قسمة وإرادة
شوف بيتنا بيضوي والنور من شبابك عشك يا حبيبي بيقولك حبابك وإن كان لي فؤادي داير في ركابك والدنيا العريضة في بابك
باكر يا حبيبي تبقى حياتنا غنوة ونزيد بي صغير أو بي زهرة حلوة تاخد من جمالك وتصبح بينا سلوى تقول يابابا شوف يا ماما شوفي الدنيا حلوة
ــــــــــــــــــــــــــــ
Post: #230 Title: Re: وردى... من تسجيلاات اياام زماااان (2) Author: محمد عثمان Date: 06-08-2008, 02:18 PM Parent: #229
اوعك يا حبيبى
Post: #234 Title: Re: وردى... من تسجيلاات اياام زماااان (2) Author: محمد عثمان Date: 06-09-2008, 11:38 AM Parent: #230
ماتخجلي كلمااات..حسن عبدالوهاب
صبرت .. واستنيت كتير اتمنى أمني نفسي واقول بكرة الجنة .. ومن بعيد ياما من جوا قلب بدعيلك معاي نتهنى .. عطشتي قلبي وكل يوم تتجملي أديني كلمة وسامحيني وطَوّلي ما تخجلي .. يالسمحة قولي .. استعجلي ..
خلاص كبرت وليك 19سنة عمر الزهور عمر الغرام عمر المنى اتمنى يوم تجمعنا جنات حبنا تبقي الأميرة والبطيع قلبي أنا
ماتقولي لي مالي ومال الحب أنا نار الهوى الوقادة والشوق والضنا وحلاوة الأحلام وآمال الهنا إيه يجمعن غير ال 19 سنة
ـــــــــــــــ
Post: #235 Title: Re: وردى... من تسجيلاات اياام زماااان (2) Author: محمد عثمان Date: 06-09-2008, 11:43 AM Parent: #234
ما تخجلى
Post: #237 Title: Re: وردى... من تسجيلاات اياام زماااان (2) Author: عماد شمت Date: 06-10-2008, 01:10 AM Parent: #235
سلام ابوحميد نحن مواصليين المتاوقة
واصل ياجميل .........
يطول عمرك مع العافي ..يطول
Post: #238 Title: Re: وردى... من تسجيلاات اياام زماااان (2) Author: محمد عثمان Date: 06-10-2008, 11:32 AM Parent: #237
الاخ عماد..
لك التحية وانت مداوم على الحضور فى الواحة الوردية واضح البوست داير ليهو نفس طويل..
و نتاابع و خليك قريب.
يديك العاافية...
Post: #239 Title: Re: وردى... من تسجيلاات اياام زماااان (2) Author: محمد عثمان Date: 06-10-2008, 11:46 AM Parent: #238
القمر بوبا اسماعيل حسن
الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل
العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل
الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبار يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل
الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل
القديما قديما الحمام الوديزين في موجو عام يا مرايقة قليلة كلام وا حلاتا تقول السلام القمر بوبا عليك تقيل
الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل
الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي النار شافتا معزباني انا ود حلتا القمر بوبا عليك تقيل
الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل
الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل
بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل
المبارك شيخ الظهر العليك ساسكت وفتر قلي جنيت ولا دستر واي أنا المرضان مكنتر جابو لي حكيم خير وشر قلي يا زول مرضك كتر سببك كم شلاخا خضر القمر بوبا عليك تقيل
ـــــــــــــــــــــ
Post: #240 Title: Re: وردى... من تسجيلاات اياام زماااان (2) Author: محمد عثمان Date: 06-10-2008, 11:51 AM Parent: #239
القمر بوبا
Post: #241 Title: Re: وردى... من تسجيلاات اياام زماااان (2) Author: محمد عثمان Date: 06-18-2008, 09:14 AM Parent: #240
الله ليلي!!
شن تشبه بلا الداسنو فى بطن المطامير ؟؟ لدروبك انتى ما شقن بوابير .. يا قشيش نص الخلا الفوق فى العتامير البكركر رعدو و ديمة سماهو عكير.. السمح مرعاك يا قش التناجير!!
الله ليلي!! الزول الولوف لى قلبى خراب بمشى و اتلفت لما النهار غاب حديثك لى اكيد انا.. ولاا كضاب ؟؟ حد ما لملموهن خاطرى ماا طااب ياا حليل ناس آمنة فى غرب الضياباب!!
الله ليلي!! يا عجو المحس التقيل..التقيل فدع الغراجين انتى ما بدوك لى زولا مسيكين الا واحدا نخلو مقرون فى البساتين.. سواقيهو تصحى الكانوا نايمين يا حليلك يا أم جبين يا بدر دورين!! صديرك عاام تقول غرر الوزازين..
الله ليلي!! جاات تندلى بالوديان عديلة الكاحلة بلاا كحل.. بت القبيلة تمشى قدم قدم فى المشية ريلة!! و تشكى من الطريحة تقول تقيلة نفيسك شمعوه جوة الفتيلة
الله ليلي.. ليلى الله ليلى!! الله ليلى نا ليل يا ليلى تانى ليل يا ليلى نا ليلى نا ليل يا ليلى !!
ـــــــــــــــــ
Post: #242 Title: Re: وردى... من تسجيلاات اياام زماااان (2) Author: الزوول Date: 06-18-2008, 10:58 AM Parent: #241
السلام عليكم عزيزنا ودعثمان شكرنا الجزيل لما تتحفنا به من تسجيلات
Quote: شن تشبه بلا الداسنو فى بطن المطامير ؟؟ لدوبك انتى ما شقن بوابير .. يا قشية نص الخلاا الفوق فى العتامير البكركر رعدو و ديمة سماهو عكير.. السمح مرآك ياا قش التحاجير!!
مطلع أغنية الريلة أظنه كالتالي
شن تشبه بلا الداسنو فى بطن المطامير ؟؟ لدروبك انتى ما شقن بوابير .. يا قشيش نص الخلا الفوق فى العتامير البكركر رعدو و ديمة سماهو عكير.. السمح مرعاك يا قش التناجير!! ........... تخريمة : القى عندك أغنية العزيزة .... فتحي حسين أعرف أن البوست مخصص لأغاني وردي وعذري أن الفنان وردي قال في غير مرة أن هذه الأغنية كان يتمنى أن يؤديها لإعجابه الشديد بها
........... وما الناس إلا هالك وأبن هالك *** وذو نسب في الهالكين عريق
Post: #243 Title: Re: وردى... من تسجيلاات اياام زماااان (2) Author: محمد عثمان Date: 06-19-2008, 08:00 AM Parent: #242
Quote: مطلع أغنية الريلة أظنه كالتالي
شن تشبه بلا الداسنو فى بطن المطامير ؟؟ لدروبك انتى ما شقن بوابير .. يا قشيش نص الخلا الفوق فى العتامير البكركر رعدو و ديمة سماهو عكير.. السمح مرعاك يا قش التناجير!!
الزوول الجميل...
شكرا للتصحيح فى كلمات اغنية الريلة و تم التعديل...
Quote: تخريمة : القى عندك أغنية العزيزة .... فتحي حسين أعرف أن البوست مخصص لأغاني وردي وعذري أن الفنان وردي قال في غير مرة أن هذه الأغنية كان يتمنى أن يؤديها لإعجابه الشديد بها
فعلا كما ذكرت ان الاستاذ وردى ذكر و فى اكثر من مناسبة ان اغنية العزيزة هى اغنيته المفضلة و كم كان يتمنى ان يؤديها...
شكرا ليك كتير..و شكرا للفت الانتباه للخطأ فى كلمات اغنية الريلة..
يديك العاافية...
Post: #244 Title: Re: وردى... من تسجيلاات اياام زماااان (2) Author: محمد عثمان Date: 06-19-2008, 08:05 AM Parent: #241
الريله
Post: #245 Title: Re: وردى... من تسجيلاات اياام زماااان (2) Author: الزوول Date: 06-20-2008, 08:16 AM Parent: #1
السلام عليكم والله يا ود عثمان مرات كدة قعد تحيرني عديل كده يا زول انت بتجيب الحاجات دي من وين؟ تعرف انا لما طلبت منك أغنية العزيزة كنت متأكد انك حا تجيبها بصوت الطيب مدثر وبيني وبينك كنت حامد شاكر لأن التسجيل الموجود لدي هو لصوت إبنة الطيب مدثر بالآشتراك معه ولكن صوت فتحي حسين دي بالغت فوقها الله يديك العافية ....... وما الناس إلا هالك وأبن هالك *** وذو نسب في الهالكين عريق
Post: #246 Title: Re: وردى... من تسجيلاات اياام زماااان (2) Author: محمد عثمان Date: 06-21-2008, 01:14 PM Parent: #245
جـيتك جاري جـري شـديـد قبل مااخـونا بكري ابوبكر يقفـل الدكان!!!
شـوف يامـحـمـد،.... الفنان الكبيـر مـحـمد عثمان وردي عيـد ميـلاده بعـد يوم22 ( 19 يوليو ) القادم، لذلك رايت ان اكتب لك امـلآ وان تقوم بتسـجـيل البوسـت الرائع ده للفتـرة القادمـة بعـد 30 يونيو ، ....وحـرام واللـه مـجـهود كبيـر ومـقـدر زي ده يروح الأرشـيف ومانلقي مساحات كافية للافراح بالمنبـر العام في الفتـرة القادمـة.
اخـونا الحـبيب محـمـد، البوسـت ده عاوزنو يكون هـدية للقراء ...ونزيـد فيه اغاني وردي التانية.
بعد ان نال فيلمه (بيت الله) برونزية مهرجان الجزيرة الأول للإنتاج التلفزيوني، فى العام 2005 عاد المخرج التلفزيونى المخضرم كباشي العوض الى منصات التتويج من خلال الفوز بجائزة الإبداع الذهبي من مهرجان القاهرة للإعلام العربي لأحسن سيناريو للفيلم التسجيلي (الزمبارة ـ احلام صغيرة كبيرة) الفيلم من انتاج قناة النيل الأزرق، وإخراج عادل حسن الياس.
مهرجان القاهرة الاعلامى كرم كذلك الهرم الغنائي الكبير محمد وردي وجاء فى موقع المهرجان على الانترنت ، يكرم مهرجان الإعلام العربى هذا العام الفنان والموسيقار السودانى الأستاذ محمد عثمان حسن وردي هذا الصرح السوداني الشامخ الذي عطر سماء الفن قرابة الخمسين عاما بأغانيه وألحانه الرائعة وبانتقائه أجمل الكلمات لشعراء كبار منهم رفيق دربه الشاعر اسماعيل حسن وايضا أمثال اسحاق الحلنقي و محجوب شريف ومحمد المكي ابراهيم وعمر الطيب الدوش وغيرهم من الشعراء الكبار ..
ولد الفنان محمد وردي في سنة 1932 في بلدة صواردة وشق طريقه فعمل استاذا في شندي وجاء الى الخرطوم ، وفي سنة 1958 كان ميلاد امبراطور جديد ألهب السودان بفنه حتى بات فنان افريقيا الأول .
وكان وردى واحد اً من خمسة فنانين عرب كرموا فى المهرجان هم الفنانة الكويتية حياة الفهد، ورياض نعسان وزير الثقافة السوري، ويوسف العاني من العراق، والفنان والموسيقار السوداني محمد وردى و عبد الله شقـرون احد أهم رواد المسرح الإذاعي والتلفزيوني بالمغرب ، اضافة للفنانين المصريين رشوان توفيق والفنانة احسان القلعاوي والموسيقار عمار الشريعي والاعلامي حمدي الكنيسي والكاتب محمد جلال عبدالقوي.
أقيمت فعاليات الدورة الثالثة عشرة لمهرجان القاهرة للإعلام العربي،خلال الفترة من 2-6 ديسمبر الجاري، بمشاركة (526) عملاً، تمثل( 16) دولة عربية، وقد تم استبدال اسم المهرجان من مهرجان القاهرة للإذاعة والتلفزيون إلى مهرجان القاهرة للإعلام العربي. وشهد حفل الختام تكريم المهرجان لعدد من رموز الفن والفكر في الوطن العربي .
وجاء فى موقع المهرجان على الانترنت ، يكرم مهرجان الإعلام العربى هذا العام الفنان والموسيقار السودانى الأستاذ محمد عثمان حسن وردي هذا الصرح السوداني الشامخ الذي عطر سماء الفن قرابة الخمسين عاما بأغانيه وألحانه الرائعة وبانتقائه أجمل الكلمات لشعراء كبار منهم رفيق دربه الشاعر اسماعيل حسن وايضا أمثال اسحاق الحلنقي و محجوب شريف ومحمد المكي ابراهيم وعمر الطيب الدوش وغيرهم من الشعراء الكبار ..
Post: #257 Title: Re: وردى... من تسجيلاات اياام زماااان (2) Author: محمد عثمان Date: 06-28-2008, 09:07 AM Parent: #254
الاخ بكرى..
لك التحايا و التقدير
عمر مديد و مزيد من العطاء للفنان وردى و انشاء الله سيتم نقل البوست للربع القاادم و الذى يتزامن مع عيد ميلاد الفنان الكبير وردى..
لازالت هنالك مجموعة كبيرة من الاغنيات و الاناشيد الوطنية الخالدة لم يتم تغطيتها فى هذا البوست و سوف تاتى تباعا خلال الفترة القادمة..
شكرا ليك كتير على المتابعة و الاضافة الثرة ..
يديك العاافية..
Post: #258 Title: Re: وردى... من تسجيلاات اياام زماااان (2) Author: محمد عثمان Date: 06-28-2008, 09:18 AM Parent: #257
بنحب من بلدنا أبو آمنة حامد
بنحب من بلدنا ما برا البلد سودانية تهوى عاشق ود بلد بعيون المفاتن شي ما ليهو حد
التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر
مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا
في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا
أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة
في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل
في سنكات بنعشق بت سمرة وأبية ترتاح في الضريرة خصلاتا الغنية عاشت في شعوري أحلى هدندوية
الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة
لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة
لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة
لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو
ـــــــــــــــــــــــ
Post: #259 Title: Re: وردى... من تسجيلاات اياام زماااان (2) Author: محمد عثمان Date: 06-28-2008, 09:26 AM Parent: #258
بنحب من بلدنا
Post: #260 Title: Re: وردى... من تسجيلاات اياام زماااان (2) Author: عماد شمت Date: 06-30-2008, 02:41 AM Parent: #259
سلام حبيبنا محمد عثمان
اه يااخوي نشيل الكنز ده كيف للنصف التاني من الارشفه,,,