محمد وردى يستلم قطعه ارض بمساحه خمسه الاف متر مربع بمنطقه ابوادم

هارون يسلم محمد ورد قطعه ارض بمساحه بمساحه خمسه الاف متر مربع بمنطقه ابوادم

فى اطار الاهتمام المشترك بين وزاره الشئون الاجتماعيه والثقافيه ووزاره التخطيط العمرانى بالبنيات الثقافيه ودعم حركه الابداع قام الاستاذ/هاشم هارون قم الاستاذ/هاشم هارون وزير الشئون الاجتماعيه والثقافيه والاستاذ/عبدالوهاب محمد عثمان وزير التخطيط العمرانى بالولايه بتسليم الفنان العملاق محمد وردى صباح امس قطعه ارض اضافيه بمساحه خمسه الاف متر مربع بمنطقه ابوادم بالكلاكله ليقام عليها مركز وردى العالمى والذى سيتم بناؤه بمواصفات عالميه ويستوعب كافه الانشطه الثقافيه والفنيه

انشاء الله يبقى حاجة بمستوى امكانيات مدينة الانتاج الاعلامى فى مصر !!

المصدر
صحيفه قوون بتاريخ 10/5/2005

Quote: قام الاستاذ/هاشم هارون قم الاستاذ/هاشم هارون وزير الشئون الاجتماعيه والثقافيه والاستاذ/عبدالوهاب محمد عثمان وزير التخطيط العمرانى بالولايه بتسليم الفنان العملاق محمد وردى صباح امس قطعه ارض اضافيه بمساحه خمسه الاف متر

اضافية كيف يعنى فى واحدة تانية..والله ما قصروا اشتروه غالى،،،

الراجل باع


وقبض التمن


ووواسفاي

ابوعرفه يديك العافيه
انامنذ نعومة اظفاري احب واعشق فن العملاق وردي انه لقامه فنيه واحدي
اهرامات السودان .
لاول مره اسمع بهذا المشروع الاعلامي وما في شك انها اضافه للفن والثقافه
في السودان.
سؤالي هل اشتري العملاق وردي بحر ماله القطعه والقطعه الاضافيه, ام
ان الدوله سلمته لانه صاحب المشروع والفكره.فقط اريد المعرفه والالمام
بالمشروع.وفي كلا الحالتين فهو مشروع حضاري وبوابه يمكن الخروج يها الي
العالم ونشر الفنون والثقافه السودانيه
دمت ولك التقدير

والله إن إمركم لعجيب يا أهل السودان. إن لم تمنح الحكومة الأستاذ وردي قطعة الأرض المذكورة رميتم الحكومة بإهمال المبدعين, وإن منحته إياها طعنتم في نزاهةالأستاذ.أتركوا الأستاذ وردي وشأنه, فوالله لو منحوه السودان باسره لما كفوه

حايبنيهو البيحلم بيهو يوماتي

ما ارخص ثمنك يا وردى.

سوء الخاتمة


حليل زمن
من
طواقي
الجبهة
من
دقن
ال****

وردى عرف دربو الحصل حصل والماحصل يعرف خلاصو

اغرب شئ فى قصه محمد وردى سرعه استلام الثمن

إخوتي وأخواتي،

أشكر من يقدر الأستاذ وردي، ورجاء للغاضبين عليه:

رجاءاً فلنتوقف عن قول ما يسئ في حق الفنان الكبير محمد وردي والذي حينما تغني للوطن كنا أطفالا في الشارع وفي النضال وفي السياسة. بل ارتبط النضال في أذهاننا بقمم مثل وردى. وليس المقام مقام سرد لأناشيده وأغانيه ومواقفه في حب الوطن والدعوة للنضال إذا كانت ذاكرتنا ضعيفة.

فأغنية أو نشيد وطني واحد يقف أمام كل ما يكتب هنا للإساءة لوردي.

والذهب يظل ذهبا حتى ولو خالط الترابي.


أريد أن ألفت النظر لممارسة الجبهجية التالية:

ضرب كل القيم الفكرية والمثالية والأخلاقية حتى يصل الناس لدرجة يصعب فيها التمييز بينما هو طالح وصالح وإستهداف رموز المجتمع الفكرية والفنية والثقافية حتى يصبح الناس مرتبكين في موقفهم تجاهها. حينها يتساوى الصالح والطالح، الجبهجي الذي تغنى للإنقاذ والفنان الذي قضى زهرة شبابه في التغني للوطن مشردا مهاجرا بعيدا عنه حتى أصابه المرض بسبب مواقفه الشريفة والتي لا تغيب عن العارفين.

فلنكن عادلين في أحكامنا.

نعم أنا ضد الإنقاذ حتى ولو دعت للسلام وتنادت لنصرة السيادة العليا ضد قرارت الأمم المتحدة.

ولكن أليس من حقق الناس أن يحتفظوا برأي مغاير حسب تجاربهم الشخصية وخبرتهم في الحياة أمثال محمد وردي ومحمد عثمان الميرغني والطيب صالح وإبراهيم الصلحي وغيرهم ممن عاد للوطن أو وقف مع هذه القرارات؟

أنا أنتقد وردي لموقفه مع القرار 1593 الذي وجد فيه نفسه يقف مع النظام الحاكم؛
لكنني لا أعطى أبداً لنفسي أي حق في التشكيك في محمد وردي المواطن الشريف والمناضل والفنان والأستاذ وقمة القمم الفنية في السودان وشعلة نضالنا في شوارع السودان.

أسمحوا لي أن أذكر أنه عندما اعتقلني رجال الأمن من بنك الخرطوم فرع الجمهورية في بداية التسعينيات لأسباب كثيرة من بينها تحية أعياد أكتوبر على أجهزة الكمبيوتر بالبنك (والإمتناع عن عمد عن تحية 30 يونيو، والإمتناع عن حضور أيام الخدمة والإمتناع عن أداء الدفاع الشعبي والخدمة الإلزامية، ثم الإستقالة التي عرفت على أنها تخريب للإقتصاد الوطني) كان وردى حينها وسيظل هو النغم الذي يهدهد في صدري ضد الظلم. فمن أناشيده ومحمد الأمين تعلمت معاني أكتوبر.

دعونا لا نخرب بأيدينا رموز السودان الجميلة ونساويها بالترابي.

الله يكضب الشينه

وردي مغني

اذن محجوب شريف يعطوه الخرطوم كلها

لكن كنا نعتقد ان وردى قدر المبادي الكان بغني بيها

لكن مافي فرق بين نادر خضر ومحمد وردي

آآآآآ ســـــــــــــــــــفاي



بعت شريفك للانقاذ وشين رااجي ياتعيس الحال

بعد ذلك يمكن لمحمد وردي ان يغنى

يايحي فضل الله اهو جاءك لحدى عندك
قلت سيف الجامعة مالو....
يلا داير رايك يااستاذ يحي

كلو كوم الكلام البتقولو فيو ده كوم والاسمو ابوالزيق ده كوم براو بقول يا ناس السودان وكانو هو ما سوداني وانت شنو يا ابو الزيق مع احترامي الشديد ليك لكن الموقع ده سوداني بحت لو انت ما سوداني يا اهلا بيك في السودان وكمان مفروض احترم راي اي زووول سوداني واي زول ليو وجهة نظر براو ولك جزيل الشكر
نسرين

الاحبه المتداخلون.. يبدو ان بعضكم فهم ما كتبته خطا، ولربما تعبيري
خان ما يجيش في قلبي وعقلي .. انا ابدا لم افكر في اساءة من احبه
واجعله هرما من اهرامات السودان، حتي لو اخطا هذا شانه. علي الاقل
وردي لم يقتل ولم يغتصب ولم يعذب ولم يسجن بل نادي بتحطيم السجن
والسجان نادي بالحب والحريه والديمقراطيه.. نادي بكل ما هو اسمي
لللانسانيه. ومهما كتبت لم اوفي هذا العملاق حقه، انه تاريخ انه احد
رموز الفن والحضاره في السودان.
وللعلم انا املك تسجيلات لوردي حتي وردي نفسه لا يملكها ...
ما قلته فقط للعلم والتاريخ لكي نوفيه حقه نقول ان وردي بني هذه
الصرح من ماله الحر او هو صاحب المشروع العظيم .
اتمني ان اكون قد زلت سوء الفهم
لكم وللعملاق وردي محبه خالصه ..

ومنو القال أنا ما سوداني يا أخت نسرين؟ الحكاية وما فيها إني استخدمت التعبير لامتعاضي من طريقة النقد المفصل علي السودانيين وهو النقد الانطباعي. يعني شنو لو الطيب صالح رجع السودان, زي الكأنو رجع إسرائيل. يعني يا ما يرجع يا خائن و ما مناضل؟ الناس نست المشاكل و دارفور والجنوب والشرق والاقتصاد وانصرفت لي أمور ثانوية. بعدين يا أخوانا انتو شفتو الطيب صالح أدوهو وزارة ولا هو محتاج ليها. وانا عائش برة السودان وشفت ناس كتيرين كانوا بدعوا النضال وأول ما استلموا جنسياتهم الأجنبية رجعوا السودان وهاك يا شكر في الحالة المتحسنة في السودان والزهج من الرجعة لي بلاد أوروبا الباردة الحفو قبل كده عشان يجوها. المهم يا أخوانا هونوا عليكم وروقوا المنقة. وعلي فكرة أنا ما معجب شديد بالطيب صالح لكن رضيت أم ابيت هو شخص مميز ولو ما كده ما أديناهو المساحة دي كلها.
مع احترامي لك يا أخت نسرين.

أخوك السوداني أبو الزيق.

معليش انا لخبطت موضوع الأستاذ وردي بي موضوع الأستاذ الطيب صالح لكن الوضع ينطبق تماما علي الموضوعين

وشكرا.

Quote: أنا أنتقد وردي لموقفه مع القرار 1593 الذي وجد فيه نفسه يقف مع النظام الحاكم؛ لكنني لا أعطى أبداً لنفسي أي حق في التشكيك في محمد وردي المواطن الشريف والمناضل والفنان والأستاذ وقمة القمم الفنية في السودان وشعلة نضالنا في شوارع السودان

وطبعا لو ايد القرار كان صلاح قوش اتبرع ليهو بي زنزانة 5 متر مربع بالقرب من شارع الجامعة وهنا يكمن الفرق بين الحكر و الملك الحر يا قريبي!
وردى صرف كل ما يملك على علاجه واصبح يكتسب رزقه بالسياسة فهو معذور!
جني

Quote: معليش انا لخبطت موضوع الأستاذ وردي بي موضوع الأستاذ الطيب صالح لكن الوضع ينطبق تماما علي الموضوعين

الاستاذ/ابوالزيق
لاداعى للاعتذار اطلاقا فالاستاذين تبنا نفس الموقف فالاول منح قطعه ارض اضافيه والثاني وسام من رئاسه الجمهوريه . والاشكاليه ان الطيب صالح ومحمد وردى شخصيات غير عاديه يسعنى مثقييين مناضليين وووووووووووووووووو طيب الفرق بينهم وناس قريحتى راحت شنو

(اجمل من رائحة النضال لم اشم رائحة )




وطن بالفيهونتساوى نحلم نقرا نداوه

ياجماعة الخير وردى قال وطن بالفيهو نتساوى اهو اتساوي مع ناس الجبهه
نحلم اهو بيحلم ان يبنى مركز وردى الحضاري نقرا اهو بيقرا صحف الانقاذ
نداوه اهو مفتوح له اعظم المستشفيات لكي يتعالج
يعنى حله مشكلته

ليك الله يالشعب السودانى الصابر

الاستاذ/طارق اسماعيل
صدقت