Post: #1
Title: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 09:27 AM
بدأت اسعار الاراضي والعقارات في تراجع ملحوظ وازدياد العرض وقلة الطلب في انحاء متفرقة من العاصمة الخرطوم وضواحيها وارجع عدد من الاشخاص الامر لارهاصات الانفصال باعتبار ان الارتفاع في الماضي غير مبرر والاسعار كانت خيالية بسبب اقبال عدد من منسوبي الحركة الشعبية على شراء اراض وعقارات في مناقط متفرقة من العاصمة باسعار كبيرة عقب توقيع اتفاق السلام ومن المتوقع ان توالي الاسعار انخفاضها لتعود لحالتها الطبيعية ..
|
Post: #2
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Tabaldina
Date: 06-27-2010, 09:32 AM
Parent: #1
..
.
كلام 100%
-------
بالله شوف لي فيلا باقان اموم
الفى المعمورة دى عارضها بكم ؟؟
|
Post: #4
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 09:36 AM
Parent: #2
Quote: بالله شوف لي فيلا باقان اموم
الفى المعمورة دى عارضها بكم ؟؟ |
سلامات يا عمك ..
مشتاقين والله ..
يا زول اقع الكلاكلات ..
احسن ليك
|
Post: #3
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Deng
Date: 06-27-2010, 09:35 AM
Parent: #1
| Quote: باعتبار ان الارتفاع في الماضي غير مبرر والاسعار كانت خيالية بسبب اقبال عدد من منسوبي الحركة الشعبية على شراء اراض وعقارات في مناقط متفرقة من العاصمة باسعار كبيرة عقب توقيع اتفاق السلام |
طبعا دي الاشاعة الذي أطلقها تجار الجبهة الاسلامية في الخرطوم بعد توقيع إتفاقية نيفاشا. وكانت الاشاعة تقول "الجنوبين جايين ومعاهم دولارات كتيرة وجايين يشتروا الخرطوم" واضح جدا أن الاقتصاد تتحكم فيه الشائعات أكثر من العوامل الاقتصادية العلمية.
|
Post: #5
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 09:44 AM
Parent: #3
| Quote: طبعا دي الاشاعة الذي أطلقها تجار الجبهة الاسلامية في الخرطوم بعد توقيع إتفاقية نيفاشا. وكانت الاشاعة تقول "الجنوبين جايين ومعاهم دولارات كتيرة وجايين يشتروا الخرطوم" واضح جدا أن الاقتصاد تتحكم فيه الشائعات أكثر من العوامل الاقتصادية العلمية. |
جنابو دينق ..
صباح الخير ..
اولا .. فعلا الاقتصاد ( حتى العالمي ) اصبحت تتحكم فيه الشائعات والتوقعات ..
ثانيا ..
ومن قال لك انها اشاعة .. بالفعل ارتفعت اسعار العقارات في ذلك الوقت ارتفاعا جنونيا ولم تعد لصوابها حتى الان مع توقعات بذلك قريبا .. وكنت شاهدا على شراء ( فاولينو ماتيب ) لمنزل في الكلاكلة ( يملكه حتى الان ) بمبلغ تجاوز ثلاثة اضعاف سعره وقتها وهنالك امثلة كثيرة في الطائف والمعمورة وابو آدم وغيرها لا مجال لذكرها ..
|
Post: #6
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: هويدا شرف الدين
Date: 06-27-2010, 09:45 AM
Parent: #3
معتصم سلامات
يسمع منك الله ، يعني الاراضي بقت بي حوالي كم كدا
|
Post: #8
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Nazar Yousif
Date: 06-27-2010, 09:57 AM
Parent: #6
الأخ معتصم
عليه سترتفع أسعار العقارات فى ماليزيا ، تركيا ،
مصر، دبى ، جنوب أفريقيا وعاصمة الضباب . غسيل
الأموال وتجارة السلاح اضافة اى سماسرة الاسلام السياسى
عوامل لا يمكن تجاهلها . عموما شهدت بريطانيا نشاط تجارى
ملحوظ خاصة فى فترة تدنى سعر صرف الاسترلينى مقابل اليورو .
|
Post: #10
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:00 AM
Parent: #8
Quote: الأخ معتصم
عليه سترتفع أسعار العقارات فى ماليزيا ، تركيا ،
مصر، دبى ، جنوب أفريقيا وعاصمة الضباب . غسيل
الأموال وتجارة السلاح اضافة اى سماسرة الاسلام السياسى
عوامل لا يمكن تجاهلها . عموما شهدت بريطانيا نشاط تجارى
ملحوظ خاصة فى فترة تدنى سعر صرف الاسترلينى مقابل اليورو |
تحياتي يا نزار ..
كلامك 200%
|
Post: #7
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: nazar hussien
Date: 06-27-2010, 09:53 AM
Parent: #3
ارتفاع الاراضي براه الغير مبرر يا معتصم؟؟؟
كدي تعال برر لي ديل...!!!
رسوم استخراج جواز السفر بي 250 أل جنيه (كلو بالقديم طبعا) بينما رسوم
جواز السفر ,,,,الهندي بما يعادل الف جنيه....وال .... بي الفين
كيلو اللحم بي 17 الف جنيه...بينما هو نفسه بمصر بما يعادل 12 الف
وفي البحرين بما يعادل عشره الف جنيه...والكمونية مجانا
كيلو الطماطم بي 7 الف جنيه...بينما احسن منها هنا بما يعادل 3 الف جنيه
فردة البامبر بي الف جنيه بينما الشوال كامل فيه 82 هنا بما يعادل 7 الف جنيه
الجدادة...في محطة سبعة بي كم طاشر الف...بينما هنا الكم طاشر دي بتجيب
ليك كرتونه فيها 12 جدادة مكرفسات للاكل...
عداد الكهرباء بي مليونين ونص...تشتريه من حر مالك عشان يحسب لي الحكومه
استهلاكك من الجمر الخبيث...
العربية البرادو والله خليك من البرادو...الكوريلا هنا علي الزيرو
بي ما يعادل 20 مليون
وجماركها بس عندكم بي كم وتلاتين...
طن الاسمنت العفن دا انا اشتريتو بي 700 الف وهنا عندنا بي ما يعادل
200 الف جنيه...وواصل بورتسودان بي 250 الف جنيه...
البوهية...النجف...الرغيق...النبق...
اقول ليك شنو واخلي شنو
بس امرق الصعوط...
|
Post: #9
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: جعفر محي الدين
Date: 06-27-2010, 10:00 AM
Parent: #7
الأخ معتصم هل هي فقط إرهاصات الإنفصال
أم لارتفاع أسعار الدولار علاقة أيضا بذلك ؟
|
Post: #11
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Deng
Date: 06-27-2010, 10:00 AM
Parent: #7
معتصم.
بيت في الكلاكلة؟
بعدين باولينوا ماتيب ده مش كان يقود أحدا ملشيات النوير التابعة للمؤتمر الوطني وكانت تحارب الحركة الشعبية في الجنوب؟
يا معتصم باولينو ماتيب ده مش ياهو نفس الزول اللي كانت قوات مليشياته تروع في أهل الخرطوم قبل إتفاقية السلام؟
بعد التوقيع على إتفاقية السلام تم أستيعابه هو وقواته في الحركة الشعبية لتحرير السودان.
لكن كدي يا معتصم قول لي. لماذا بدأت بعض الشركات والجهات الاستثمارية تصفية أعمالها و الخروج من السودان؟
|
Post: #17
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:15 AM
Parent: #11
| Quote: لكن كدي يا معتصم قول لي. لماذا بدأت بعض الشركات والجهات الاستثمارية تصفية أعمالها و الخروج من السودان؟ |
يا سعادتك..
قصة فاولينو أو باولينو سقتها لك كمثال ويمكنك اضافة فيلا باقان التي جاء بها تبلدنا كمثال آخر ..
اما بخصوص التصفيات وبما انني في وسط السوق فعلى العكس تماما هنالك استثمارات وشركات ضخمة جدا بدأت عملها في الخرطوم وبعض المدن ومنها شركة الراجحي السعودية التي زرعت القمح ( عيييييك )في المنطقة شرق شندي امتدادا حتى ابو حمد وشركات قطرية تعمل الان شمال المنطقة بالاضافة الى شركات اخرى لا مجال لذكرها وابسطها ابسطها ( جوردانو ) اكيد بتعرفا وهي ماركة ملابس شهيرة فتحت لها فروعا بالعاصمة الخرطوم just last week واوزووون لسه شغال..
|
Post: #12
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:01 AM
Parent: #7
Quote: البوهية...النجف...الرغيق...النبق...
|
السمك ,,,,
|
Post: #13
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: nazar hussien
Date: 06-27-2010, 10:04 AM
Parent: #12
| Quote: لكن كدي يا معتصم قول لي. لماذا بدأت بعض الشركات والجهات الاستثمارية تصفية أعمالها و الخروج من السودان؟ |
لأنو حا يقيموا عليها الحد كان بقت...فزمان الاعفاءات والحوافز قد انتهي يا مان
كان عندك شركة الحق صفيها...
|
Post: #15
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Baha Elhadi
Date: 06-27-2010, 10:06 AM
Parent: #12
معتصم كيفك؟
شوف لي ناصيتين جيرانكم هناك
وكفانا خلاص نتلم عليكم
بهاء
|
Post: #18
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:19 AM
Parent: #15
Quote: سلام اخي معتصم
الموقع الرئيسي لسوق العقار في السودان ..
هو خط تلفون ولسان لايخاف القسم الغليظ
لذلك ستظل الاسعار في ارتفاعها حتي يوم القيامة
واقول ليك القيامة ذاتها اكان جات بيرتفع سعرها
سؤال يامعتصم ..
ماهي مصلحة الجنوبي من بيعه بيت في الخرطوم
يدر له الملايين اذا قام بتأجيره |
الاشاعة يا استاذ كما قال لك اخونا دينق هي المحرك الرئيس للسوق
|
Post: #16
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: بابكر عثمان مكي
Date: 06-27-2010, 10:14 AM
Parent: #12
سلام اخي معتصم
الموقع الرئيسي لسوق العقار في السودان ..
هو خط تلفون ولسان لايخاف القسم الغليظ
لذلك ستظل الاسعار في ارتفاعها حتي يوم القيامة
واقول ليك القيامة ذاتها اكان جات بيرتفع سعرها
سؤال يامعتصم ..
ماهي مصلحة الجنوبي من بيعه بيت في الخرطوم
يدر له الملايين اذا قام بتأجيره
|
Post: #19
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:19 AM
Parent: #16
حبيبنا بهاء ..
ما تشوف لينا طوكيو دي والله بتكون ارخص
|
Post: #14
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: فايزودالقاضي
Date: 06-27-2010, 10:06 AM
Parent: #7
يعني لو انفصل اكتر ممكن ترخص اكتر ؟!!!
|
Post: #20
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-27-2010, 10:51 AM
Parent: #14
| Quote: يعني لو انفصل اكتر ممكن ترخص اكتر ؟!!! |
بالضبط كده يا فوفو .. لكل فعل رد فعل مساو له في الانفصال ومعاكس له في الاتجاه ..
|
Post: #21
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: أيمن الطيب
Date: 06-27-2010, 11:10 AM
Parent: #20
سلام يا معتصم,, إنهيار عديل كدا!!!!Quote: لذلك ستظل الاسعار في ارتفاعها حتي يوم القيامة
واقول ليك القيامة ذاتها اكان جات بيرتفع سعرها |
هذا الكلام رغم قسوته ولكنه الكلام المنطقى,,
فلم نتعود نزول فى أسعار اى سلعة أو كما قال عمى رحمة الله عليه منذ مجئ ألإنقاذ لم نسمع بنزول
فى سعر سلعة إلا واحدة!!!هل عرفتها؟؟
يا معتصم الإشاعة كانت تحرك السوق قليلا ولكن يبدو أنه (عضى )عديل كدا وحتى الإشاعة لم تستطع تحريك شى,,
نزول بصورة ملحوظة لا وجود له وقد يكون ولكن ليس ذو أثر فالأسعار فى السما إنفصل أو توحد السودان, نامت
أسعار إيجارات العقارات قليلا نسبة لإخلاء عدد كبير من العقارات لكن الناس ما زالت مؤملة ورامية قدام ,,
بعدين ياخ إشاعاتك دى زى ما هى مفرحة لبعض الناس قد تكون محبطة لآخرين يا حبيب!!!
إنت ما تخليك فى الدهب مالك ومال الأراضى!! 
تحياتى ,,
|
Post: #22
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: محمد على حسن
Date: 06-27-2010, 11:30 AM
Parent: #21
Quote: وكنت شاهدا على شراء ( فاولينو ماتيب ) لمنزل في الكلاكلة ( يملكه حتى الان ) بمبلغ تجاوز ثلاثة اضعاف سعره وقتها
وهنالك امثلة كثيرة في الطائف والمعمورة وابو آدم وغيرها لا مجال لذكرها .. |
و ما شهدت اثرياء المشروع الحضاري و اللا ما عارف ليك شافهم
صحيح الاسلامويين ما بيختشوا يسمسروا في الحرب و السلم الوحدة و الانفصال
الله يخارجنا منكم
|
Post: #24
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: احمد محمد بشير
Date: 06-27-2010, 11:42 AM
Parent: #22
في الدخينات و الفتيح ولا الكلاكلة عملت كم ؟
أدينا مثال ومقارنة كده ........ عشان الناس تتأكدمن كلامك الفي البوسط ده
|
Post: #23
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: عبدالرحيم أبراهيم العبيد
Date: 06-27-2010, 11:34 AM
Parent: #21
و كيف تكون أسعار
الاراضي في الجنوب
|
Post: #25
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معاوية عبيد الصائم
Date: 06-27-2010, 11:54 AM
Parent: #23
والله بشرتنا يا معتصم
يعني بالطريقة دي ممكن يصل الدولار الى أقل من 20 جنيه قبل مقولة صلاح كرار الشهيرة
وفي ذلك الحين كانت الارض 600 متر بالطائف في حدود المليون جنيهومثلها بأركويت والرياض
وهكذا يمكن ان تصل الى مليون تزيد او تنقص قليلاً..!!!
اعتقد في هذا الوطن المنكوب والذي تنعدم فيه الزراعة والصناعة
ويعاني من جحيم الجمارك والضرائب والكهرباء وكل الرسوم
يستحيل ان تنهار فيه اسعار العربات والاراضي .
|
Post: #26
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: مجدى محمد مصطفى
Date: 06-27-2010, 12:42 PM
Parent: #25
| Quote: يعني لو انفصل اكتر ممكن ترخص اكتر ؟!!! |
أوع زول يقفل على كده عشان ممكن يشتري لهو بيت , ناس دارفور قالوا ما دايرين انفصال ! بل دواس حتي استرداد السودان ! .
-----------
بالشايفنو ده انا غايتو قنعت من بيت في السودان , ربنا يحسن العمل ممكن نلقي لينا بيت في الجنه , قولوا أميين
|
Post: #27
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Gaafar Ismail
Date: 06-27-2010, 12:53 PM
Parent: #26
الأخ الحبيب معتصم
سلامات
كدا شوف لينا أسعار العقارات والأراضي عندنا في الكلاكلة القبة بقت كيف
تحياتي ومودتي
|
Post: #28
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: علاء الدين يوسف علي محمد
Date: 06-27-2010, 01:36 PM
Parent: #27
| Quote: واوزووون لسه شغال.. |
|
Post: #29
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: بهاء الدين سليمان
Date: 06-27-2010, 02:12 PM
Parent: #28
| Quote: بدأت اسعار الاراضي والعقارات في تراجع ملحوظ وازدياد العرض وقلة الطلب في انحاء متفرقة من العاصمة الخرطوم وضواحيها |
السلام عليكم
والله إشاعاتكم دي بتشحتف الناس ساكت عقارات الخرطوم شنو التهبط دي , اخوي معتصم الكلام العجيب ده جبتو من وين ادينا المصدر
انا من موقع الحدث العقارات كل يوم زائدة ومافي أي إرهاصات لنزول بالعكس عدم وجود أراضي بالعاصمة ينبي بزيادات متوالية .
انتظار انخفاض أسعار العقارات ده حلم بعيد المنال
وأخوانا بالجنوب ما بيمتلكوا نسبة مقدرة من العقارات ليرفعوها
هاك مصدر توالى ارتفاع الايجارات الذي هو انعكاس للطلب على العقارات من جريدة الراي العام امس الاول يوم الجمعة
http://www.rayaam.info/News_view.aspx?pid=660&id=51419
Quote: تشهد منطقة الديم بالخرطوم ارتفاعاً متزايداً في أسعار الايجارات في القطاع السكني والتجاري لتقفز أسعار الايجارات للمنزل المكون من ثلاثة غرف إلى أكثر من (1200) جنيه بينما يصل ايجار الغرفة الواحدة لـ (400) جنيه وارتفع سعر ايجار المحال التجارية على شارع الصحافة زلط المطلة على منطقة الديم الى أكثر من (1000) في الشهر فيما تراوحت المحال التجارية داخل الاحياء ما بين (400) إلى (700) جنيه، وعزا السماسرة وأصحاب الوكالات العقارية ارتفاع الأسعار لزيادة الطلب على المنطقة من قبل بعض الاجانب خاصة المناطق المحيطة بسوق الديم، يقول أحمد نعمان سمسار بمنطقة الديم ان هناك ارتفاعاً متزايداً في الايجارات بالمنطقة في الآونة الأخيرة خاصة بعد التدفقات الهائلة من الاجانب من شرق أفريقيا وانتشار المحال التجارية والخدمية بالمنطقة مما ادى الى زيادة في الطلب على الايجارات في القطاعين السكني والتجاري، واضاف النعمان ان منطقة الديم اخذت رواجاً واضحاً في السنوات الثلاث الاخيرة خاصة في القطاع التجاري والتطور الهائل الذي شهده سوق الديم في الآونة الأخيرة بعد ان ظل سوقاً تقليدياً لا يتطور.
واضاف السوق والمنطقة أصبحت قبلة للكثير من المناطق المجاورة في سد احتياجات المواطنين من السلع والخدمات، ويؤكد عبد السلام نجم الدين ما ذهب إليه النعمان من تزايد أسعار الايجارات نتيجة لعوامل كثيرة أدت إلى زيادة الايجارات بالمنطقة أهمها قرب منطقة الديم من كافة المناطق بالخرطوم في الناحية الشرقية مطار الخرطوم وفي الشمال السوق العربي بجانب الحراك السكاني المتزايد والتحسن في الحركة التجارية والخدمية على مدار اليوم على شارع الصحافة زلط والذي اسهم كثيراً في زيادة الاقبال من قبل المستثمرين متوسطي الدخل في الاستثمار في الأعمال والخدمات التجارية من معارض وسوبر ماركت وخدمات صيدلية وغيرها، وتوقع عبد السلام ان تشهد المنطقة ارتفاعاً متواصلاً في المراحل المقبلة نسبة الى النمو العمراني الهائل الذي شهدته منطقة الديم في السنوات الأخيرة مما ينبيء بزيادة الطلب عليها في ظل التمدد الواسع الذي ظلت تسجله ولاية الخرطوم.
|
اها وازيدك من الشعر بيت ادخل على جريد الصحافة وخبرها الذي ينسف اشاعة انخفاض الاراضي وانظر الى الارتفاع المبالغ فيه
http://www.alsahafa.sd/details.php?type=a&scope=a&version=154&catid=3#8385
اها ازيدك من الشمارات قالو عشان الخرطوم اتملت ومافيها مساحات دايرين يرجعو تفتيش سوبا ناحية الجنوب 35 كيلو ليشمل حتى الباقير
والان اراضي الباقير وهي خارج الخرطوم بسعر 25 مليون
هبوط وين يا مان
دي اشاعات سااااااااكت
احترامي
|
Post: #30
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: على بدرى حاج
Date: 06-27-2010, 04:36 PM
Parent: #29
لارهاصات الانفصال باعتبار ان الارتفاع في الماضي غير مبرر والاسعار كانت خيالية بسبب اقبال عدد من منسوبي الحركة الشعبية على شراء اراض وعقارات في مناقط متفرقة من العاصمة باسعار كبيرة
تحليل جانبه الصواب ...لو ذكرت ان السبب هو ما قد ينتج عن انفصال الجنوب من اهتزاز فى الوضع السياسى وعدم استقرار فى الشمال وفى والجنوب ولهذا اصبح هنالك ضعف فى الاقبال على شراء العقار... وادت تخوفات البعض من المجهول الى حركة بيع للتخلص من العقار والاحتفاظ بالسيولة للهروب الى الخارج فى حال حدوث ما لانتمناه من مواجهات...لكان هذا تحليلا اقرب للحقيقة
|
Post: #31
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: Mohamed E. Seliaman
Date: 06-28-2010, 06:52 AM
Parent: #30
كتب أخونا الكبير سناتاجر الذهب معتصم :
| Quote: انهيار في اسعار العقارات والاراضي بالخرطوم مع ارهاصات الاستفتاء والانفصال |
فرد أخونا محرر العبيد مجدى محمد مصطفى مجترا من مخزون اللاوعي :
Quote: أوع زول يقفل على كده عشان ممكن يشتري لهو بيت , ناس دارفور قالوا ما دايرين انفصال ! بل دواس حتي استرداد السودان ! .
-----------
بالشايفنو ده انا غايتو قنعت من بيت في السودان , ربنا يحسن العمل ممكن نلقي لينا بيت في الجنه , قولوا أميين |
السودان في مخيلة بعض رموز حركات التحرر والحقوق المدنية يعني الخرطوم .
|
Post: #32
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: محمد الامين محمد
Date: 06-28-2010, 07:03 AM
Parent: #1
دة كلام غير سليم
شكلك عاوز بيت
الاراضي مرتفة ومرتفة جدا
ارجع الصحف الاعلانية
قطعة ارض في الصالحة ب 150 مليون اين الانهيار
كافوري 300 فما فوف
اين الانهيار
| Quote: طبعا دي الاشاعة الذي أطلقها تجار الجبهة الاسلامية في الخرطوم بعد توقيع إتفاقية نيفاشا. وكانت الاشاعة تقول "الجنوبين جايين ومعاهم دولارات كتيرة وجايين يشتروا الخرطوم" واضح جدا أن الاقتصاد تتحكم فيه الشائعات أكثر من العوامل الاقتصادية العلمية. |
الزول دة مرات قاعد يقول كلام صاح
|
Post: #33
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: معتصم محمد صالح
Date: 06-28-2010, 07:47 AM
Parent: #32
الاخ بهاء الدين ..
ده كلام جرايد ..
واغلب الصفحات الاقتصادية في صحف الخرطوم ضعيفة جدا وغير مواكبة وتحليلاتها غير منطقية .. ودليل بسيط على ذلك سعر العملات والذهب والمواد الاستهلاكية التي تنشرها اغلب الصحف في الغالب قديمة ولا تتم متابعتها بصورة يومية مع انها المؤشرات الفعلية لحركة واتجاه الاقتصاد المحلي .. يمكنك مراجعة سعر الذهب اليوم كمثال في اي صحيفة تشاء ستجد ان الفارق بين السعر المنشور والسعر الحقيقي لا يقل عن 10 جنيهات للجرام وهو مبلغ ضخم ..
بجيكم راجع
|
Post: #34
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: هيثم درار
Date: 06-28-2010, 07:58 AM
Parent: #32
Quote: ارتفاع الاراضي براه الغير مبرر يا معتصم؟؟؟
كدي تعال برر لي ديل...!!!
رسوم استخراج جواز السفر بي 250 أل جنيه (كلو بالقديم طبعا) بينما رسوم
جواز السفر ,,,,الهندي بما يعادل الف جنيه....وال .... بي الفين
كيلو اللحم بي 17 الف جنيه...بينما هو نفسه بمصر بما يعادل 12 الف
وفي البحرين بما يعادل عشره الف جنيه...والكمونية مجانا
كيلو الطماطم بي 7 الف جنيه...بينما احسن منها هنا بما يعادل 3 الف جنيه
فردة البامبر بي الف جنيه بينما الشوال كامل فيه 82 هنا بما يعادل 7 الف جنيه
الجدادة...في محطة سبعة بي كم طاشر الف...بينما هنا الكم طاشر دي بتجيب
ليك كرتونه فيها 12 جدادة مكرفسات للاكل...
عداد الكهرباء بي مليونين ونص...تشتريه من حر مالك عشان يحسب لي الحكومه
استهلاكك من الجمر الخبيث...
العربية البرادو والله خليك من البرادو...الكوريلا هنا علي الزيرو
بي ما يعادل 20 مليون
وجماركها بس عندكم بي كم وتلاتين...
طن الاسمنت العفن دا انا اشتريتو بي 700 الف وهنا عندنا بي ما يعادل
200 الف جنيه...وواصل بورتسودان بي 250 الف جنيه...
البوهية...النجف...الرغيق...النبق...
اقول ليك شنو واخلي شنو
بس امرق الصعوط... |
والبنى آدم
|
Post: #35
Title: Re: انهيار في اسعار العقارات والاراضي بالخرطوم مع ارهاصات الاستفتاء والانفصال
Author: بهاء الدين سليمان
Date: 06-28-2010, 08:30 AM
Parent: #34
Quote: واغلب الصفحات الاقتصادية في صحف الخرطوم ضعيفة جدا وغير مواكبة وتحليلاتها غير منطقية .. ودليل بسيط على ذلك سعر العملات والذهب والمواد الاستهلاكية التي تنشرها اغلب الصحف في الغالب قديمة ولا تتم متابعتها بصورة يومية مع انها المؤشرات الفعلية لحركة واتجاه الاقتصاد المحلي .. يمكنك مراجعة سعر الذهب اليوم كمثال في اي صحيفة تشاء ستجد ان الفارق بين السعر المنشور والسعر الحقيقي لا يقل عن 10 جنيهات للجرام وهو مبلغ ضخم ..
|
كون البورصة لم تحدث لا يعني ان الجرائد غير مؤاكبة فالبورصة قد تتطلب تقنيات معينة للمواكبة ولكن
جريدة تقول لفينا السوق بكرعينا على بتاعين العقارات وقالوا لينا كدا . دي تكون غير دقيقة كيف يعني .
ممكن تقول الجريدة كاذبة اما غير دقيقة في لف كرعين اعتقد ان تحليلك هذا هو الغير معقول .
كلام الجرائد سبناهو اخوي معتصم مصدرك شنو لاني اسع دي ختيت التلفون من سمسار وحكيت ليهو الفي بوستك , وقال لي دا كلام زول داير يشتري وقريشاتو ناقصة قال يتمها بالاشاعة دي وقال لي لو ما تماها قروش اسع دي واشترى . بكرة بيجي يلقى السعر محتاج فوق القروش الكان محتاج ليها لي اشاعة تاني يفكها, بيقول ليك كل يوم زيادة في الاسعار وشوية حا نلحق السما ..
مصدرك شنواخوي معتصم
لانو واحد برضو فتح بوست قبل 4 شهور بهذا المنبر وقال نفس كلامك ده وقال بعد شهرين حتصل الاسعار للقاع وبعد شهرين الاسعار كان زادت زيادة كبيرة
ما تشحتفونا وتجهجهوا الناس ساكت
احترامي
|
|