الجماهير النوبية تغادر النادي النوبي بعد حضور المتطفل والي الشمالية للاحتفال بالنابغة هناء

في احتفال ابناء مشكيلة ونوري بالنابغة هناء التي احرزت المركزالاول في الشهادة
السودانية الذي اقيم اليوم بالنادي النوبي بالخرطوم وبالرغم من انه احتفال خاص
لابناء المنطقة ولا يحمل اي صبغة سياسية الا ان بعض ضعاف النفوس حاولواتحويل البرنامج الي كسب سياسي وذلك بدعوة والي الشمالية فتحي خليل وعند حضور فتحي خليل واعتلائه خشبة المسرح تعالت هتافات الحضور المطالبة بالقصاص للشهداء مما اربك الوالي وزمرته وبعد ذلك انسحب عدد كبير جدا من الجمهور واحجم كثيرون عن الحضور عندما علموا بحضور الوالي الذي يحضر احتفالات ابناء
مشكيلة بالتفوق ويغض الطرف عن دماء ابناء مشكيلة.

تلاتة سنوات من حادث كجبار
ولا محاكمة
والوالي بدل تقديم الناس للمحاكمة يذهب للاحتفال
طيب القدمو الدعوة مش المفروض يقولو ليهو وين ملف
كجبار؟؟

هذا المتطفل من الافضل أن يجلس في مكتبه في الولاية الشمالية , ويبداء في الإجراءات ضد من قتلوا الشهداء في كجبار بدلاً عن الذهاب إلي إحتفالات لم يدعي إليها أصـلاً.

التحية لابناء مشكيلة

وهم يتمسكون بالقصاص .











......................حجر.

عالم جلده ميت؟؟


عاشت ذكرى الشهداء00

عامل مسيرة من اجل غزة قبل كم يوم
وناسه في كجبار بيتعذبو

المغسة منو الوجه ليه الدعوة ؟؟؟
هل بعلم المنظمين للحفل ولا خلف الكواليس ؟ وفي الحالتين لماذا ؟؟
ولا جاء براه متطفل ؟؟ معقول شم الخبر فى ضهر ايده !!!!
مع الاحتجاج الكبير للاهالي كانوا يطردوه ويواصلوا حفلهم رغم انف المنحشرين
التحية لابناء النوبة والمجد والخلود لشهداء كجبار

التحية لابناء النوبة والمجد والخلود لشهداء كجبار

التحية لابناء النوبة والمجد والخلود لشهداء كجبار

يا أخى فتحى
رايتك تتصدر المسيرات من اجل غزة ولم يتكرم الله عليك بكلمة حق من أجل شهداء الأرض النوبية فى كدينتكار... ان الدم لا يسقط بالتقادم يا أخى فتحى واكرم لك وانت فى بداية عهدك بالحكم ان توضح للنوبيين اسباب عدم تقديم القتلة للعدالة... من قتل نفسا كمن قتل الناس جميعا... التزمت الصمت فى اغتيال الشهيد مجدى محجوب ( ومن قتل دون ماله او عرضه فهو شهيد)... هل هو حرام ان يسأل النوبيون عن دماء ابنائهم... سألناك وننتظر الإجابة وستخاطبك الجمعيات والمنظمات النوبية رسميا وعبر كل الوسائل المتاحة حتى تتلقى ردا شافيا ووافيا منك..

نورالدين منان

الكيزان دوول ليه بيدخلوا انفهم في أي حاجة
فعلاً ناس حشرية

المجد والخلود لشهدائنا

Quote: والوالي بدل تقديم الناس للمحاكمة يذهب للاحتفال طيب القدمو الدعوة مش المفروض يقولو ليهو وين ملف كجبار؟؟

الاخ عبد الخالق.
تحياتي...
يبدو ان هذا الوالي يسير في طريق من سبقوه عادل عوض وميرغني صالح.
الفرق انو عادل عوض وميرغني صالح كانوا معينين وفتحي خليل مفتكر نفسو فاز في انتخابات حرة ونزيهة.
الجميع يعلم انه لو نزل براهو في هذه المنطقة ما بفوز.
طريقة توليه لهذا المنصب كان الاحتيال.
عشان كده ما متوقعين منو غير انو يحشر نفسو في افراح واتراح النوبيين حتي يجد نفسه في تجمعاتهم.
ومن اهدافه المستقبلية تسير اكبر تظاهرة لمناصرة الشعب الفلسطيني المحاصر في غزة في دنقلا.
اذا حقق الهدف ده ممكن يلم عفشو ويتخارج.

سلامات يا مدحت عثمان ..
كيفنك يا حبيب ..

Quote: في احتفال ابناء مشكيلة ونوري بالنابغة هناء التي احرزت المركزالاول في الشهادة السودانية الذي اقيم اليوم بالنادي النوبي بالخرطوم

كنت ضمن اللجنة المنظمة للحفل والتكريم وكان معى أيضا فى اللجنة اكثر من نفرين من اعضاء البورد ..
وقد شرف الحفل الكثيرين من الاحباب البورداب .. من بداية الحفل الى نهايته ..
فقط اريد ان اثبت هذه الفقرة اقبل الغوص فى التفاصيل ..

Quote: وبالرغم من انه احتفال خاص لابناء المنطقة ولا يحمل اي صبغة سياسية

لم يكن احتفال خاص يا مدحت !!!!
كان احتفال عام شرفه الكثير من ابناء بلدى .. الذين افرحتهم هناء .. بعضهم اتى من ديار الشايقية مخصوص ..
والجعليين ما قصرو ..
والحلفاويين ماقصرو ..
واولاد الغرب ما قصرو ..
واولاد الشرق ما قصرو ..
والبعض اتى من خارج السودان مخصوص ..
والمحطات التلفزيونية برضو ما قصرت ..
والصور لا تكذب يا مدحت ..
وهولاء ليسو نوبة يا مدحت .. ديل ناس فرحو لينا وفرحتهم هناء ..
وبعضهم خلّد ذكر هناء بقصائدهم .. زى حبيبنا حاتم حسن الدابى وشعراء اخرون ..

Quote: الا ان بعض ضعاف النفوس حاولواتحويل البرنامج الي كسب سياسي وذلك بدعوة والي الشمالية فتحي خليل

قبل ان ارد على هذه الفقرة .. فقط اشير الى ان اللجنة المنظمة للحفل .. كان فيها كيزان .. وطنى ومؤتمر شعبى واتحاديين .. ومناهضين للسدود ومؤيدين للسدود .. وطائفة من مثقفى البلد واغلب الوان الطيف السياسى كانو موجودين ..
وتمت دعوة حكومة الولاية بصفة رسمييييييييييييييييية من اللجنة المنظمة ..

Quote: وعند حضور فتحي خليل واعتلائه خشبة المسرح تعالت هتافات الحضور المطالبة بالقصاص للشهداء مما اربك الوالي وزمرته

الكلام ده ما صحيح يا مدحت ..
كل الضيوف الشاركونا فرحتنا جونا مكرمين .. وذهبو مكرمين ..
ومافى أييييييييية زول قال ليهم كلمة ..
مؤسف يا مدحت كلامك ..
ياخ خلينا نفرح ياخ !!!!
المناهضة والمعارضة شىء وهناء شىء اخر ..

Quote: وبعد ذلك انسحب عدد كبير جدا من الجمهور واحجم كثيرون عن الحضور عندما علموا بحضور الوالي الذي يحضر احتفالات ابناء مشكيلة بالتفوق

برضو الكلام ده ما صاح يا مدحت ..

كل اهلى فى مشكيلة ونورى وضيوفنا الكرام من انحاء السودان كانو متواجدين فى تناغم ومحبة ..
ولم يتزحزح احدهم من مكانه .. وبرغم ظروف كاس العالم الكل كان حضور .. ومافى زول اتأخر عن هناء ..

ليتك كنت معنا يا صديقى .. ليتك ..
فقط تابع المنبر وسترى الصور والفيديوهات ..

ــــــــــــــ
يا مدت ياخ افرح .. وخلى أمة محمد تفرح ..

Quote: يا مدت ياخ افرح .. وخلى أمة محمد تفرح

حبيبنا الشاذلي
مسكاقمي.
ياخي انا اول زول فرحت وفرحت امة محمد وبعد اعلان النتيجة مباشرة فتحت البوست ادناه لدرجة انو ناس
البورد اتهموني بانني عنصري وووو كلام كتير
تابع


الاولي علي مستوي السودان محسية 100% احرزت 97.1 مليار مبرووووووك

::::

Quote: وتمت دعوة حكومة الولاية بصفة رسمييييييييييييييييية من اللجنة المنظمة ..

إطلاقاً لم تتم الدعوة بصفة رسمية ..

الشاذلي
اشرف
لكم التحية

وشهد شاهد من اللجنة يا شاذلي.

ومن اهدافه المستقبلية تسير اكبر تظاهرة لمناصرة الشعب الفلسطيني المحاصر في غزة في دنقلا.
اذا حقق الهدف ده ممكن يلم عفشو ويتخارج.

الزول مالو شاغل نفسو بغزة وفلسطين...هو فاكر الفلسطينيين ديل بيعيروه اعتبار ولا حتى بيعتبروه انسان

ياجماعة هو شاف اللمض والزحمة وقال يتاووق يشوف البرابرة دييل بيسوو في شنو من وراه .. ما هو فاكر نفسو بقي الالفة ؟؟؟

لك التحية اشرف ولمزمل والشاذلي ولكل شباب مشكيلة..

فليبقى الهتاف عالياً ومدوياً ومرعباً للمتطفلين
المجد والخلود لشهداء كجبار ..
والخزى والعار ولعنة النوبيين لقاتليهم
القصاص القصاص

الحبيبب مدحت ..
كيفنك يا اخوى ..

Quote: حبيبنا الشاذلي مسكاقمي. ياخي انا اول زول فرحت وفرحت امة محمد وبعد اعلان النتيجة مباشرة فتحت البوست ادناه لدرجة انو ناس البورد اتهموني بانني عنصري وووو كلام كتير

اكيد انت ما عنصرى .. وحاشاك ..
مرات كتيرة الكتابة لا تعبر عن الشخص تماما" .. نقدر انفعالك بقضايا المنطقة وخاصة المشاكل الحصلت ومستمرة ..

لك ان تفرح يا صديق .. ولا تسلب الاخرين حقهم فى الفرح .. حتى الوالى يا مدحت ..
كل الحضور يا مدحت تعاملو مع هناء من منطلق أبوى .. اكثر من منطلق سياسى - على الاقل ده الحسيتو والله - والاشياء الانسانية الجميلة دى حقو الناس ما تعبث بيها..
فلربما تكون مدخل لتهدئة النفوس واحقاق الحقوق ..
ربما ..

صدقنى يا مدحت هناء جمعت شمل الناس .. فدعو الشمل يلتئم ففى جمعنا القوة والمحبة ..

Quote: إطلاقاً لم تتم الدعوة بصفة رسمية ..

يا راااااااااجل

Quote: يا راااااااااجل

صدقنى يا الشاذلى لم تتم الدعوة بصفة رسمية ولا حتى بعلم اللجنة
وعمنا محمد بخيت عندما قدم مقترح دعوة الدستورين وفى مقدمتهم
وزير الدفاع عارضناه والاجتماع قرر بان لا تكون هنالك دعوات للدستورين
وقلنا لى محمد بخيت إنو هو ما مختص بالدعوات كزول لجنة مالية ..بينما
الاختصاص للجنة الاعلامية .. وفقط الشخصية التى قدمت لها دعوة رسمية هو
وكيل وزارة التربية وذلك بمقترح ودعوة عن طريق لجنة الإعلام ..