الشرطة السودانية تعتقل 25 عارضي ازياء من الجنسين في السودان بعد حفلة عرض ازياء (صور)

Quote: أ. ف. ب.الخرطوم: بعد اول عرض ازياء مشترك للرجال والنساء اقيم مساء الخميس في الخرطوم القي القبض في ساعة متاخرة من الليل على نحو 20 شخصا بينهم عدد من العارضين الشبان الهواة. فقد نظم عدد من الشبان والشابات في العشرين من العمر مساء الخميس عرضا للازياء في ناد شعبي في الخرطوم شمل مجموعات ازياء غربية واخرى لمصممة سوادنية وذلك امام بعض اهاليهم واصدقائهم. وعقب العرض اوقفت الشرطة التي كانت متمركزة امام المبنى اكثر من 25 شابا وشابة "بعضهم لعدم حصوله على تصريح بالسهر واخرين لانهم سهروا الى ما بعد الساعة 23,00 ت غ او لانهم تناولوا مشروبات كحولية" كما قال شقيق احد الموقوفين طالبا عدم ذكر اسمه. وقال رشاد النميري، وهو عارض ازياء شاب ولد في السودان لكنه يحمل الجنسية الاميركية، "امضيت الليل في السجن. لا نعرف بشكل واضح لماذا قبضوا علينا. انظروا هناك كدمات زرقاء على عنقي". وقد اخلي سبيل الموقوفين الجمعة لكن العديد منهم سيمثل الاحد امام النائب العام. وقد سبق ان اقيمت بعض عروض الازياء في الخرطوم لكنها المرة الاولى التي يقام فيها عرض مشترك مع عارضين من الجنسين في العاصمة السودانية التي تتشدد في تطبيق التعاليم الاسلامية التي تحرم الملابس التي تعتبر غير محتشمة.

Quote: Sudan arrests models after mixed gender fashion show By Guillaume Lavallee (AFP) – 9 hours ago KHARTOUM — Sudanese police arrested more than two dozen people overnight as they emerged from the capital's first ever mixed-gender fashion show, several of those held told AFP on Friday. Around 25 people were arrested, among them male and female amateur models, as they emerged from a popular Khartoum club after the fashion show, they said. There was no immediate explanation from police as to why they were arrested. All were released during the day on Friday, but many were told to appear later before the state prosecutor amid speculation that they could be charged with "indecency," some of those who were detained said. "I spent the night in jail but it is not clear why they arrested us," Sudan-born male model Rashad el-Nimeiry, who holds US nationality, told AFP. "We were decently dressed. There were wedding clothes," he said, pointing to bruises on his neck as he left prison wearing a torn shirt. One young model, among those asked to appear before the prosecution on Sunday, told AFP after his release that he was insulted by prison guards. "In prison, the guards called me 'you gay b(expletive)'," said the man who asked that his name not be published. "In our culture this is a really bad word. It is humiliating. "I don't know what will happen on Sunday. This (fashion show) is a new thing in Sudan and they don't know what to do with us," he added. The brother of one of those held told AFP that there was no single explanation as to why the arrests took place. "Some people were arrested because they did not have a permit to organise a party, others because they partied beyond 11:00 pm and others were detained for apparently drinking alcohol," he said, asking not to be identified. The consumption of alcohol is absolutely forbidden in Khartoum, and President Omar al-Beshir warned in March that making, selling or consuming alcohol will be punishable by the lash under Islamic law or sharia. Fashion shows are not a novelty in Khartoum, but Thursday's event was the first to feature male and female models parading under the same roof in the capital. Journalist Lubna Ahmed Hussein drew international attention to the application of sharia in Sudan following her arrest last July, along with 12 other women, for wearing "indecent trousers." Hussein, a women's rights campaigner who also worked for the United Nations, was jailed briefly last year for refusing to pay a fine and later travelled to France to promote a book about her ordeal. Sudanese law stipulates a maximum of 40 lashes for wearing clothing deemed to be indecent. During Thursday's fashion show, male models showed Western outfits, parading with their shirts unbuttoned, while their female counterparts wore classical party clothes, an AFP journalist said. The show was staged in a popular Khartoum club in front of families and friends of the models. A Sudanese female designer presented wedding dresses as well as her version of the "tob" -- a colourful long piece of material which north Sudan women wear draped around their bodies from head to toe. Islamic law is not implemented in south Sudan, which is home to mainly Christians and animists.

Quote: In prison, the guards called me 'you gay b(expletive)'," said the man who asked that his name not be published. "In our culture this is a really bad word. It is humiliating

غايتو ديل مفروض طوالي علي سجن شالا ....

Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة. وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله. وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان .. وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية. وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.

شتان ما بين الصور الخليعة الخنيعة

وبين صورة الرئيس الزاهد العابد المتواضع

المؤمن ومن معه من الاتقياء

يااخي نرجو سحب هذه الصور

هذا ليس مكانها

Quote: شتان ما بين الصور الخليعة الخنيعة وبين صورة الرئيس الزاهد العابد المتواضع المؤمن ومن معه من الاتقياء

Quote: وبين صورة الرئيس الزاهد العابد المتواضع

وببعضهم يرى الصورة هكذا

التوب الاحمر ده قاتل خلاص ...

Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة. وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله. وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان .. وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية. وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.

ليتهم لو طبقوا الشريعة الحقيقية...فالشريعة الحق فيها العدل والمساواة واحترا م الاديان ومحاسبة الراعي والرعية وفيها حقوق الانسان مصانة ومال الناس وبيت المال(مال الدولة) محفوظ وفيها كل خلق جميل ...ولكن مانراه هو استغلال سيئ للاسلام ولايعبر عن الشريعة السمحة بل هو منافي لها تماماً ...هم اكبر اساءة للاسلام مع الاسف ...

زكريا بركة على الشوفة انت وياي جوزيف ..

يا ود الباوقة,
حاول تكون جادى و لو مرة يا اخى!!!!
المجرمين بكتلو فى الناس فى بيوتهم و الشغل الشاغل الشرطة فى الخرطوم عرض ازياء مختلط... الناس ديل مجانين و لا شنو!!! انا ما بفهم العرض بتاع ازياء و لكن اذا كان الزول البتوصو لسجن نيالا دى يكون ما تظن, موش بنات الناس ديلة بكونن فى ايدى امينة بدل ما تكونن حايمات فى شارع محمد نجيب!!!

Quote: بعضهم لعدم حصوله على تصريح بالسهر

أها ،، وده شنو كمان يا أخوانا ؟؟

سمعنا بتصريح الحفل ،، ولكن لم نسمع بتصريح السهر إلا اليوم .

فإلى هذه التصاريح :

1- تصريح مشى
2- تصريح كلام
3- تصريح عشان تقيف فى المحطة
4 - تصريح عشان تزامل زول أو زولة ( وخاصة الأخيرة )
5- تصريح للذهاب إلى النوم ( وبس ) ما بعده برضو تصريح منفصل .
6- ووووووووووووووووووووووووووووووو

إنها بلد التصاريح .

ماهر

Quote: وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله.

غايتو ما فى حاجة حتطلع دين السودان غير المشروع الاسلامى بتاع تجار الدين ديل!
لماذا يضيعون الفرصة فى ابقاء السودان موحدا!
جنى

يا ودالباوقة هسع الدخل الرئيس فى الموضوع ده شنو عشان تخت صورته
ما كان احسن تكتب ليك ايات قرانية ولا حديث نبوى شريف

اى حاجة بس تقلبوها سياسة

ينى ادم غريب

فايز ود القاضي

Quote: التوب الاحمر ده قاتل خلاص ...

قاتل و بس؟
غايتو شوقنا للعرس

____________________________________________
استغفر الله هي الواحدة دي ساكنة في شقة ايجار
قال اشتاق للعرس قال

ود القاضي
وحامد برقو

انتو ما تحاولو موضوع الهنود الحمر
الله لكم يا احبائي

MOHAMMED ELSHEIKH

Quote: ود القاضي وحامد برقو انتو ما تحاولو موضوع الهنود الحمر الله لكم يا احبائي

حبيبنا ابوحميد
الهنود الحمر عملوا شنو؟؟

Quote: يا ودالباوقة هسع الدخل الرئيس فى الموضوع ده شنو عشان تخت صورته ما كان احسن تكتب ليك ايات قرانية ولا حديث نبوى شريف اى حاجة بس تقلبوها سياسة ينى ادم غريب مصطفي توفيق

تقريبا الغريب انت دا ما ود الباوقة , النزل صور الرئيس الكتااااااااااااااااااااااااااااااااااااااااااااااار هو واصل علي سيد البوست وود الباوقة اعترض زي اعتراضك دا علي انزال صورة الرئيس , سيادتك جاي متجلي وباجندة شخصية واضحة جدا ضد ود الباوقة وتعترض علي انزاله صورة الرئيس !!! اما انك زول وهم جدا وما فارز المكتوب قدامك او انك زول داير تقول كلام واقف ليك في حلقك والسلام وفي الحالتين واضح جدا انك زول بيض

بالنسبه للاحمر وكده
>فعلا يا برقو وود القاضى
اللون الاحمر مثير جدا
وبخليك فى قمة الهيجان
عشان تقرقشو
ولا رايك شنو يا ود الشيخ

.......

لموضوع البوست فبعتبروا
افراز طبيعى لشعب بدأ يبتعد
رويدا رويدا عن موروثاته
الثقافيه المتمتثله فى
العلم ، و جماله الطبيعى
والمتمثل فى لون عيونه
الممتلئ بالحب الصادق ...
بالنسبه لى بعتبر جمال
المرأه متمثل فى خجلها
وصوتها الناعم الممزوج
بالدلع ، ده طبعا مع طولها
الفارع وثقافتها المرتفعه
فى السماء وبث
للتوب السودانى الثابت
التفصيله والثابته ايضا طريقة لبسه
فلا يحتاج ياناس حاكو حاكو لعرض ازياء
من اصله

.........

اما بالنسبه لل ######## فلا تعليق
غير انهم ############ و ####

____________________________________


شكرا لكل من تابع و قرأ مداخلتى من طقطق لسلامو عليكم
واذا كان هنالك اى تعليق فى جزئها الاول او الاخير فمعذرة فاننى
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> لن اعود

حرية الفرد يضبطها ويكفلها القانون

اما المحزن في الامر هو التناقض الكارثي في وطن ان لم تمزقه الحروب فرتقت امو المشكلات الاقتصاديه والعطاله

يعاني ويسحق فيه الفقراء ونحاكي كل اساليب الاستهلاك الممكنه والغير ممكنه ونسال لماذا اخلاق السودانين تسوء والامانه تضيع

(لايوجد ابدا مركز وهامش والطبقه الوسطى لم تزل بخير والانتاج في المشارع علي قدم وساق )

شوف بالله عرض الهديمات ده ايضا في السودان الشمالي (دي عينه في درديب تلقى في الجزيرة تشوف في الشماليه فوق في الانقسا بس الوجع دارفور)










شوف الناس دي مكحله بشنو ( غايتو اولاد العرض ديل 0000000الله يجيرنا من الجاي )





مشروع التمكين الحضاري الاستهلاكي عالم من المتناقضات مدهش

غايتو ناس بتكرة الاشياء الجميلة المهذبة والمنظمة والراقية بشكل , يعنى دة يدل على ان قلوب هولا ما فيها اى نوع من انواع الحب تجاة البشر
الجريمة شنو يعنى هسى والعقوبة شنوا شباب زى الورد بدل ما يشربوا مخدرات وينحرفوا فى مواضيع ######## عمالين ليهم نشاط مع بعض
نشجع الشباب ديل ولا نقبض عليهم
-----------------
كامل التضامن معاهم والله البلد دى الزول يعمل فوقا شنوا يعنى لا يفتح خلوة بس ولا شنوا

Quote: نشجع الشباب ديل

سلامات امير

ليهم التحية........

ومع الجمال والروعة ضد القبح

Quote: شتان ما بين الصور الخليعة الخنيعة وبين صورة الرئيس الزاهد العابد المتواضع المؤمن ومن معه من الاتقياء يااخي نرجو سحب هذه الصور هذا ليس مكانها

ود الباوقة زول زاهد وعابد بيسكن في حوش بانقا كافوري ؟

لو كان لسع ضابط كان في حوش بانقا بود بانقا

من اين له هذه القصور المشيدة ؟؟

ود الباوقة كلامك دا تؤثم عليه

لمْن يا ترى هذا العرض للازياء ؟؟ ومن هى الطبقة المعنية بهذا العرض ؟؟

لابناء زقلونا او الحارات التى اصبحت تحيط بجبال المرخيات و كررى .. ام لاولئك الذين يقبعون فى معسكرات اللجوء ؟؟

مْن فيكم يا ترى بستطيع شراء اين من المعروض لزوجته او ابنه او ابنته او شقيقته ؟

هذا العرض معنى بالطبقات التى نمت كالنبت الشيطانى فى مجتمعنا السمح ..

هذه هى افرازات المجتمع الحقيقى الان لهذا العهد و الذى يتحدث قادته عن الشريعة !!

Quote: كامل التضامن معاهم

انا غايتو مضامن مع الاحمر ده ...مريخاب وكده ....

Quote: انا غايتو مضامن مع الاحمر ده ...مريخاب وكده ....

رغم هلاليتي

فكامل تضامني مع الأحمر لأول مره

الباقيين ما عندي مانع يمشوا سجن نيالا

ود القاضي ,, سلامات

يا أخي مالك علينا ,, نحنا بنحب الازرق لكن والله الاحمر


ما بناباه ,,, قمة الروعة يا حبيب ,, الناس ديل حاقدين.

انا معاك يا فدياس

أفتونا يا اهل العلم البت دي بتعمل شنو للود دا؟
مصيبة لو طلع ظلال ولاّ ماسكرا

Quote: أفتونا يا اهل العلم البت دي بتعمل شنو للود دا؟

ودالبشري

هسه إنت قدرت تفرز البت من الولد كيف ؟؟؟؟؟؟؟؟؟؟؟؟؟؟

آخر الزمن

Quote: أفتونا يا اهل العلم البت دي بتعمل شنو للود دا؟

وينو الود ؟!!!!!

Quote: وينو الود ؟!!!!!

فايز

ماشايف البيظهر في خلفيه الصوره في إحتمال كبير إنه يكون ولد والله أعلم

كامل تضامني مع الورعان

بالنسبة للمرأة
غايتو ده ما عرض ازياء
ده عرض كمال اجسام
اول مرة اشوف لي نسوان بكروشهم بعرضوا في ازياء..وبعدين الالوان زي الازرق واللون الاسمر والجفون الزرقاء بدي احساس انو في سماجة حاصلة
نفس الاشكال الحايمة في البلد يعني مافي جديد...اي زولة جاية من حتة باردة ممكن تجي ماشة كدة وخلاص

بالنسبة للاولاد
الجديد في الموضوع صور الاولاد.. الود أبو شعر جل ده ولا التاني الماسكاه البنية بتمكيج فيه لابس صدفة وفاتح سدره ده ولا التالت الماسك المراية
الناس دي جادة؟؟؟
يعني ده عرض ازياء؟؟؟

وبعدين الحكومة دي مالا بقت ما عندها شغلة ..عليك سهر شنو وقيامة رابطة شنو ...غايتو ذكرني نكتة الابو المشي يطمئن علي بته في الجامعة لقي زملانها اي كلام قال ليها يابتي كان ديل زملانك مافي خوف عليك....فياخي يا حكومة شوفي ليك شغلة...سوقوا العساكر ديل نضفوا بيهم المجاري مادام هم عطالي للدرجة دي ...انا اصلا ما شايف في اختلاط

Quote: اما بالنسبه لل ######## فلا تعليق غير انهم ############ و ####

تمام ياكوتش..

الود دا حلوة ولا شنو؟

Quote: يا ودالباوقة هسع الدخل الرئيس فى الموضوع ده شنو عشان تخت صورته ما كان احسن تكتب ليك ايات قرانية ولا حديث نبوى شريف اى حاجة بس تقلبوها سياسة ينى ادم غريب

غايتو المداخلة دي أحلى من التوب الأحمر ذاتوو مع إني مريخابي ..

Quote: الود دا حلوة ولا شنو؟

المعلمين الكبار ظهروا ...

Quote: الود دا حلوة ولا شنو؟

قال ليك يا حذيفه لمن الجماعه ديل وصلوا القسم

ولمن الشاويش النبطشي قاعد يسجل في محتويات شنطهم لحفظها كأمنات

لقي شنطه فيها ( روج وآستون وبودره وحاجات تانيه كلها بتاعت نسوان )

المهم الراجل حسب طيبته مشي للبنات عشان يعرف ست الشنطه

قام نط ليهو رشاد وقال ليهو دي شنطتي يا عمو !!!

Quote: المعلمين الكبار ظهروا ...

هههههااااي

احي المعلمين البيعرفو المعلمين
















..

Quote: قال ليك يا حذيفه لمن الجماعه ديل وصلوا القسم ولمن الشاويش النبطشي قاعد يسجل في محتويات شنطهم لحفظها كأمنات لقي شنطه فيها ( روج وآستون وبودره وحاجات تانيه كلها بتاعت نسوان ) المهم الراجل حسب طيبته مشي للبنات عشان يعرف ست الشنطه قام نط ليهو رشاد وقال ليهو دي شنطتي يا عمو !!!

اخييييي يافدياس




والله بتاع البوليس بكون جاهو اسهال















..

انه عهد العولمة والقنوات الفضائية

المجتمع السوداني يتجه نحو التغيير

Quote: نه عهد العولمة والقنوات الفضائية

أو الطب إتطور

يا عمك ما نحن جيل العولمه والقنوات مالنا ما إتغيرنا

ده إستلاب ثقافي ( مصطلح بشاشي وكده )

دايرين واحد من ديل بالجلابية والعمة ولو تكرتكم وبنفس المكياج وكدة

Quote: دايرين واحد من ديل بالجلابية والعمة ولو تكرتكم وبنفس المكياج وكدة

كده كيف...!!!!

Quote: سلامات امير

يا عمك معاهم مش وراهم

Quote: استغفر الله هي الواحدة دي ساكنة في شقة ايجار قال اشتاق للعرس قال

بالنية يا خوي حامد ..

خليك زينا كدا بالنية ..

الله كريم ..

الاخ جاد

Quote: بالنية يا خوي حامد .. خليك زينا كدا بالنية ..

شكلك يا اخوي ناوي تحرمني من العشا و الدنيا ويك إند

عموما نحنا مكتفين بتدبيل الشاي




و ربنا يعوضنا

Quote: المهم الراجل حسب طيبته مشي للبنات عشان يعرف ست الشنطه قام نط ليهو رشاد وقال ليهو دي شنطتي يا عمو !!!

ممكن بعد شوية نسمع بعمليات تغيير الجنس ..

من ضكر إلى إنتاية وبالعكس ..


ربنا يستر بس ..

القيامة لو قامت الليلة دي ما في زول حا يندهش ..

اللهم نسألك حسن الخاتمة ..

Quote: الود دا حلوة ولا شنو؟

الود ده وردة...
احي انا من السحسحه

معا مع كل السحاسيح من اجل جمال المظهر السوداني
تاااني يا شوام وبالتحديد اللبنانين السوادنة الحلوين جاينكم

المرايا ذاته وردة...

اللدر الفوق ضهرو الخبوب والطين...!!!!

تمساح الدميرة المابكتلو سلاح ...!!!!!

يا معاذ الفرق كبير جدا

[ياحزيفة والله دي باااااااااااااااالغت فيها صحي ده شنو ده؟؟؟؟؟هههههههههه]]

Quote: أفتونا يا اهل العلم البت دي بتعمل شنو للود دا؟ مصيبة لو طلع ظلال ولاّ ماسكرا

لا لا يا ود البشري الود كان شايلو (عويش) للبقر
وبعدين وقعتلو (وقيعه) في عينو. تهي تهي

Quote: (عويش) للبقر وبعدين وقعتلو (وقيعه) في عينو. تهي تهي

فاروق

يسألك الله هسه رشاد ده يكون بيعرف العويش

أوووووووووووو ياي
ناس بلدي خالص

Quote: شتان ما بين الصور الخليعة الخنيعة وبين صورة الرئيس الزاهد العابد المتواضع المؤمن ومن معه من الاتقياء يااخي نرجو سحب هذه الصور هذا ليس مكانها

كويس انو ما قلت الانقياء برضو كان الواحد زعل منك

بعدين يا ود الباوقه عليه الله الحصل ده مش برضو حصل في ظل حكم المشروع الحضاري ولا أنا غلطان!...

ما ياهو المشروع الحضاري مسيطر 21 سنه , يعني الشباب ديل

Quote: رضعو

مشروع حضاري , فالماطبيعي شنو في زول رضع مشروع حضاري أكيد حيبقى ممكن يعمل عارض ازياء !

بعدين يا ود الباوقه انت مالك عامل فيها مندهش , كده تعال المساء في الخرطوم وتجول في الاحيار الراقيه ليلا لتشوف ليس بنات الليل بل أولاد الليل أيضا! ...


الشعب السوداني ده عرف شريعه المشروع الحضاري الخادعه , المدمره للمجتمع تقول لي اتقياء !

ندين ونشجب الحكومة زاااااتو !

Yosif M Yosif is 100% right

((لمْن يا ترى هذا العرض للازياء ؟؟ ومن هى الطبقة المعنية بهذا العرض ؟؟

لابناء زقلونا او الحارات التى اصبحت تحيط بجبال المرخيات و كررى .. ام لاولئك الذين يقبعون فى معسكرات اللجوء ؟؟ ))

...........................................................................................
......... ((هذا عرض للطبقات الشيطانية فى مجتمعنا السمح .. هى افرازات مجتمع هذا العهد الذى يتحدث قادته عن الشريعة !! ))


But the White with (color) Towb is perfect

ودا عرض أزياء تاني؟؟ في نفس الزمان حرسته الدولة وفتحت له أبواب الهيلتون!!!!؟؟

مهرجان الثوب ، اول عرض ازياء مفتوح ، ابداع و جمال و رفع... صور و صور ثم فيديو

غايتو يا أولاد الهامش ، حقدكم باين!!
إنتو العّرفكم بالحاجات دي شنو؟؟
هسي الناس ديل بيشبهوكم ؟؟ مالكم ومالهم؟؟
ديل من طبقة قااااعدة وموجودة في السودان
مش زيّكم، ناس ضاربها جليد ، وناس ضارباها رطوبة ، وناس ساكنين في الخلاء والصحاري
أمشوا شوفوا أرزاقكم يا فارات ، وخلوا ناس الترف والرفاهية ديل في حالهم..
دي حياتهم شكلها كده ، الحقد العليكم شنو؟؟
ما ياهو إنتو ديل المغترب مغترب ، والمُتكّل في الحفرة مُتكّل، وعاملين قيافات ، وحاشين بناطلينكم
في زول جايب خبركم، واللا سائل فيكم؟؟

حقدكم دفين ، وبعدين ياخي ما يعمل روج واللا يعمل بودرة
واللا إن شاء الله يعمل الحاجات القالها ودالبشرى ، ما على كيفو ياخ!!!
هسي إنتو أخواتكم مش بيعملوا الحاجات دي؟؟؟







وتيب!!!!

Quote: دايرين واحد بالجلابية والعمة

Quote: مصيبة لو طلع ظلال ولاّ ماسكرا

so what ??????????? 3aaaaaaaaaaaaaaaaaaaaaaaaadi

دي مراية بوكسي 78 هايلوكس


مالهم الناس ديل ( شلش) كــدا !!

شلش = مبلقعين ومعولقين ،،

سمعنا كلام عجبا : حكمة الله بيعرفونا وبنعرفهـم !





هشام

و تجو تقولوا ليبراليين وبتوع حريات

عالم شمولية صحيح

!

Quote: Quote: ÏÇíÑíä æÇÍÏ ÈÇáÌáÇÈíÉ æÇáÚãÉ

مشاء الله على العمه والجلابيه

شفت نور الإيمان بيشع من وجهه كيف ؟؟

لا فرق بين هذا وذاك

كله أحمد وحاج أحمد

حلاة شنو الماسكاهو يا معاز؟؟


عليك الله شفتا ليك عارض ازياء بيقوم الصباح


يغسل وشة (ويهة) من نص راسو عليك الله عاين لصلعتة دى سارحة لحد وين ؟


دة اولا ------ ثانيا ياخ فى عارض ازياء بشوف وشة (ويهة) فى مراية عربية


عليك الله اتمعن فى المراية دى شفها لى مراية هايلوكس ولا مراية موتر؟؟


اخ يا مرارتى اخخخخخخخخخخخخخخخخ .



بعدين العلق وقال مش احسن يعرضوا بدل ما يشربو خمرة ومخدرات


ما عندة دراية بعالم عروض الازياء ولا شنو ولا دة تعليق بس مع الجماعة ؟


غايتو جنس غايتو






المهم انا غايتو لو عندى سلطة ما بعمل ليهم شى بس برجعهم العصر الحجرى

علشان لو عاوزين يلبسوا يبقوا رجال ويمشو يسكوا ليهم تيس ولا غنماية ولا لو

جد عاوزين يقشروا يمشوا يسكوا ليهم نمر ولا اسد ارمانى ولا فرساتشى



الله يلعن ابو العولمة الجابت لينا جنس دة ما جابت لينا علماء ومستشرقين.



باى شلة


ولا هو باى اصحاب

برز الثعلب يوما....فى ثياب الواعظينا

فمشى في الارض يهدي ........ويسب الماكرينا

ويقول الحمد لله ......اله العالمينا

ياعباد الله توبوا.....فهو كهف التائبينا

وازهدوا في الطير .......ان العيش عيش الزاهدينا

واطلبوا الديك يؤذن ......لصلاة الصبح فينا

فاتى الديك رسول .....من امام الناسكينا

عرض الامر عليه....وهو يرجو ان يلينا

فاجاب الديك عذرا......يااضل المهتدينا

بلغ الثعلب عني ........عن جدودي الصالحينا

عن ذوي التيجان.....ممن دخل البطن اللعينا

انهم قالوا وخير ..........القول قول العارفينا

مخطىء من ظن يوما.....ان للثعلب دينا

Quote: انظروا هناك كدمات زرقاء على عنقي".

YAAAAAAAAAAAAAAAAII
الرجالة تطير
حقوا ديل بدل ما يعرضوهم على النيابة بكرة الاحد
يودوهم أي مناطق عمليات ولا أحراش ولا معسكرات
عشاااااااان يخشوشنوا شويييييييية

Quote: غايتو ديل مفروض طوالي علي سجن شالا ....

Quote: حقوا ديل بدل ما يعرضوهم على النيابة بكرة الاحد يودوهم أي مناطق عمليات ولا أحراش ولا معسكرات عشاااااااان يخشوشنوا شويييييييية

يعني يا مياده و محمد فرح...
لما تكون عندكم كروت بايظه عايزين تجيبوهم اندنا...
لا ... لا... شوفو حته تانيه... ممكن علميات في فلسطين او سجن كوبر...

الواحد لمن ما يقدر يقول اي حاجة
ياهو دا حالي وانا اشوف البوست دا
والله كتبت كم تعليق ومسحته
قدر ما اكتب الاقى كلامي ما قدر الجواي

عرض أزياء ما عندي معاهو مشكلة .. وممكن يتقري كم قراية كويسة و(إيجابية) ...

بس البودرة وباقي العده الماظريفة الاتلقت دي .. ما في ليها داعي ..

يعني

Quote: "In prison, the guards called me 'you gay b(expletive)'," said the man who asked that his name not be published. "In our culture this is a really bad word

طيب ياخي إنت ما عارف إنو إن أور كلشر برضو البشيل جنس الشلتو إنته ده .. ببقى قاي ونص وخمسة ...
داير العسكري يقول ليك شنو ؟
لالا دي حركة ما ظريفة منك يا (عارض)

المهم غايتو عرض أزياء عرض أزياء أنا مالي زاتو ؟؟

ثم تانياً ..
إنت يا (عارض) يبدو إنك ماعارف ثقافتنا كويس .. لإنو إنو إن أور كلشر أولسو العساكر عندنا عندهم الإساءة اللفظية دي
جزء من صميم عملهم في بسط الأمن والهيبة .. يعني عساكرنا ديل كان لاقيتهم في أي ملف ياهو ده جنس البتسمعو منهم
مش بس لو شايل بدرة أو شايل بنقو .. المهم ده البتسمعو ...
يعني لو مرقت مظاهرة عديل وفلقت القصر الجمهوري ..في رجالة أكتر من كده ...برضو كان لمو فيك ياكا القاي ..
سو .. دونت تاك إت بيرسونال ..
وخليك واسع حبه ...

Quote: وخليك واسع حبه ...

أكتر من كده

تبقى مبالغه

الود ده بيصلح في احمر طماطم ولا شنو ؟





______
بوست مصقرط خالص

إنتوا يا جماعة

التوب الاحمر دا شفاف

ولا عيونى كعبات

Quote: التوب الاحمر دا شفاف ولا عيونى كعبات

هو من ناحيه شفاف

فشفاف لكن مش آوي يعني

بعدين يأخي خليك زول عصري وعاين لأبعد من كراعين العارضه وصدرها

خليك حداثي يا مان

قااااادر الله الولد بمسح في شلاليفو في نفس في هذا الشخص الغريب وكمان البت اللابسه أحمر زي توب الجرتق دي كرعينها كلها ظاهره كان لزاماً القبض على هذه العصبه الفاجره وياالمغتربين أرجو الإهتمام بوليداتكم ديل أكيد ماتربية البلد دي

Quote: ديل أكيد ماتربية البلد دي

أرد عليك وللا أخليك؟

!

طبعاً التعليقات السمجة والسخيفة الفوق دي كلها مقبولة ومرحب بها من قبل الأعضاء الكرام الذين وقفوا وقفةً صلدة قبل أيام ضد عنصرية الأمن اللبناني تجاه السودانيين في لبنان انتهت بتسيير مسيرة احتجاج وغضب صوب السفارة اللبنانية بالخرطوم. ما تفعلونه الآن هو نوع من أنواع العنصرية الكريهة والقبيحة والمستهجنة ضد مواطنين سودانيين كرام، عليهم نفس ما عليكم من واجبات، ولهم ذات الحقوق التي يقرها الدستور والقوانين السودانية. حينما كانت الأصـوات تعلو وتطالب يبمقاطعة لبنان كنت أسأل نفسي : لماذا نقاطعهم ؟ لأنهم عنصريون؟ وهل نحن أقـل منهم عنصرية؟ أهـو الكلام ما تما يوم وجيت لقيت الاثبات قاعد وش. بغض النظر عن موقفي الشخصي تجاه ما يفعله هؤلاء الشباب، وعدم تقبلي لكثير من المناظر أعلاه، إلا أن هذا الرأي يخصني أنا فقط لا غير، ولا يجيز لي الاساءة لأي منهم بكلمة غير ملائمة، أو بتعبير عنصري. هي العنصرية دي كيفنها؟ ما ياها زي عوارتكم الفوق دي. (الآخر) هو (الآخر) وليس هناك أنواع للآخرين، انتو مفتركين هسع الأمـن اللبناني دقاكم عشان لونكم أسـود؟ أبداً وحاتكم الدق الدقوهو للاجئين دا كان بسبب إنهم (آخرين) مختلفين، لا يشبهون الأغلبية، وليس لأنهم سود، أو "فحم". إذا عجزتم عن كبح جماح أنفسكم تجاه مواطنيكم المذكورين أعـلاه، فلا تطالبوا الآخرين بكبح جماحهم حينما تضايقهم وتقرفهم أنوفكم الكبيرة، وشعركم القرقدي، ولهجتكم الخشنة، وألوانكم المقرفة بالنسبة لهم.

Quote: وياالمغتربين أرجو الإهتمام بوليداتكم ديل أكيد ماتربية البلد دي

ده شنو كمان يا محمد فرح
دي تجليات جديدة صاح؟

Quote: أرد عليك وللا أخليك؟

رد عليه

Quote: أرد عليك وللا أخليك؟ !

رشو.....يا عمك

انا قتيل البوست ده ..

Quote: أرد عليك وللا أخليك؟

عليك الله خليه ياخ..

قمربوبا wiyafena ?

الحمدلله لقيت زول بعرفو, عشان نتكلم في الموضوع ده بالعقل
أغلب التعلقيات القريتها مبنية على إفتراض غير مثبت بإنو الشباب ديل في أحسن الفروض (مانجيضين)

ياخ مش الميكانيكية لازم يلبسوا اوفرأوولز و عدة شغلهم المفتاح البلدي والأستاندارد؟ ومش عمال النظافة لازم يلبسو الكفروأولز ابو لون برتقالي داك؟ و الطيارين والعساكر والأطباء و المحاميين وكل مهنة عندها زي وعدة شغل؟

ياخ الممثلين مش بيعملو ميك أب ويصبغو شعرهم؟

ياخ المهرجين مش بيعملو ميك أب و احمر شفايف ومناخير بلاستيك؟

الشباب ديل برضك دي عدة شغلهم, بس, ببساطة

!

صلاح الدين كيفنك مسكاقمي

أنا ما عندي مانع يعملوا عرض ازياء...ولو لاحظت انا علقت علي تلاتة صور بالضبط فيها لانها فيها محلبية زيادة شوية وبتعمل شوية حساسية
بالنسبة لانهم شايلين عده شغلهم دي المنطق بقول كدة يعني مثلا الفنان ..اي فنان قول عادل إمام أو مذيع القناة السودانية ده بكون عامل ميك اب...لكن اهو قدامك بشحمه ولحمه وبتحس بإنو الموضوع طبيعي يعني...يعني ما فيها تلوين جفون وولا قصقصة رموش بالشكل الغريب ده.

وانا اصلا محتار في البوليس الفاضي ده وفي عقلية محمد فرح البقول انو كان لزاما علي الشرطة انها تقبضهم كأنو بديهم تعليمات..مع انو قبل فترة بسيطة جدا كان في عرض ازياء للتياب السودانية وكان منقول في تلفزيون حكومي...طيب المانع شنو ما ديل ما اجرموا في حاجة ...في تلاتة مناظر غريبة فقط
تحياتي

Quote: في تلاتة مناظر غريبة فقط

خلاص المناظر الغريبة انتهت في البلد بقت على التلاتة الفوق ديـل ؟ وليه ما تكون انت الغريب ؟

"صادفني المريخي في الشارع، فخاف من محالي الانساني. كيف يمكن أن يوجد - فكر بينه وبين نفسه - كائن يقوم في الوجود بالغاءٍ للوجود بهذا الحجم؟" (كارلوس درومند دو أندراد، الخيال العلمي، 1969)

O marciano encontrou-me na rua e teve medo de minha impossibilidade humana.Como pode existir, pensou consigo, um ser que no existir põe tamanha anulação de existência? (Carlos Drummond de Andrade, Science Fiction, 1969).




.

Quote: فيها محلبية زيادة شوية وبتعمل شوية حساسية

من حقك, وانا كمان بصراحة معاك إنو المحلبية مبهولة عديل لكن هو في النهاية مجرد رأي

الأوبرا (خاصة الصينية) و البالية والرقص التعبيري فيها حاجات زي دي, والموضوع في النهاية خاضع لخيال فنان

المهم المهم

متن الخبر ولب الموضوع

إعتقال 25 شاب وشابة

!

Quote: وياالمغتربين أرجو الإهتمام بوليداتكم ديل أكيد ماتربية البلد دي

ما عارف ليه جريت لي أولاد المغتربين ؟؟؟


في السودان إتولدوا و نشأوا و ترعرعوا في السودان وفاتحين بيوت أسوأ من عروض الأزياء

ما عارف ليه إخترت أولاد المغتربين ؟؟؟؟؟

كامل تضامني مع مراية الهايلوكس !

Quote: ديل أكيد ماتربية البلد دي

يا زول تربيتها وتربيتها وتربيتها ..

ياجماعة كدي اول حاجة طمنونا على انور التكينة مايكون جوه الجك لوووووولز

سؤال جادي والله الاولاد ديل سودانيين ولا عارضين اجانب عايزين يشبكوا الخمسة مع الخمسة لوولز

تحياتي

زاتوووو

يا جماعة الخير


عندي سؤال حارقني ...

الجنى ابو مراية ركشة دا ... لمن قبضوهو بيتوهو في ياتو حراسة ؟؟؟ مع الرجال ولا النساء ؟؟؟ (غايتو جنس غايتو)

البيغيظ

موافقة البعض منكم على أخذ 25 شخصا بالشبهات و إحتجازهم و الإساءة لهم لفظيا لمجرد الإشتباه في كونهم (مش ولابد)

و ال ح يغيظ أكتر لما تجو تاني وتقولوا الشمولية و القهر و النظرة الأحادية وماعارف شنو

اهو إنتو حكمتم على الشباب من صور و قررتم أن نعم لإعتقالهم وحبسهم و مناداتهم بألفاظ مسيئة

لا أجد فرقا بين أغلبكم و البشير و نافع وقوش

و خللي ودالباوقة ومحمد فرح يقولوا (خير شعب لخير حكومة)

!

الموضوع ماشي لانو يبقي بوست زي المعيار والله اعلم.

شائف العجلاتية ظهرو

يا حميّدة انا غلطان وبعتذر إذا كان الغنية دي مسّت كرامتك وجرحتك...

يا حميّدة أخوي الله يهدينا ويهديك ما في داعي للشتايم....

وين ناس الحريات و ناس اتجه لاقرب سفارة غربية ..
90% من عضـوية سودانيزاونلاين الكضابة عاملة فيها عضوية مستنيرة و بتدافع عن اي حاجة ضد اي حاجة ..
واحد قلب مسيحي قالوا لينا حرية الاديان .. علوية حلفت طلاق تلعب بشورت قالوا لينا قطع الرحط دا بتعمل في الشارع قبل ما تجي الحكومة الرجعية دي ..
دقونا اللبنانيين و وآآآآي وآآي و فكونا .. و جاي واحد عوير هنا كاتب لي مقطع من اغنية سمجة تصور السودانيين انهم ارجل ناس ..
ما نفسها شرطة النظام العام دي هي القبضت الصحفية بتاعت البنطلون في نص مليون سكران .. و ما خارجتها ألا بطاقة الامم المتحدة ..
و يجي واحد موهوم يقول ليك .. الحارة بنخوضا ..

..
..

قوموا لفوا ..

ماليهم حق ناس الشرطة ..عرض أزياء وسودانى مائة بالمائة فى ألبسة البنات ديل يعنى أزياء من البيئة وأستوحت فيها الأزياء السودانية وأشتغلت عليها شغل سمح جداً ألتحية لمصممتها والله فيها جمال شديد وزولة فنانة جداً...بس ملابس الشباب جميلة لكن ماعندها علاقة بالبئة والمناخ واضح أنها نسخ للتصميمات الغربية وأدتنى أنطباع بأنها بتكون (حاره) جداً فى جو السودان...

خلونا من كل الكلام دا الذى يدينه بأسم العادات والدين والشريعة والذى يدينه بسبب تحامل طبقى ساذج خلف هذه العمل فن وتصميم ومصممة قعدت وتعبت واشتغلت من القبح أن نسئ للناس ومن القبح أن نسئ للفن والفنانين

Quote: ماليهم حق ناس الشرطة ..عرض أزياء وسودانى مائة بالمائة فى ألبسة البنات ديل يعنى أزياء من البيئة وأستوحت فيها الأزياء السودانية وأشتغلت عليها شغل سمح جداً ألتحية لمصممتها والله فيها جمال شديد وزولة فنانة جداً...بس ملابس الشباب جميلة لكن ماعندها علاقة بالبئة والمناخ واضح أنها نسخ للتصميمات الغربية وأدتنى أنطباع بأنها بتكون (حاره) جداً فى جو السودان... خلونا من كل الكلام دا الذى يدينه بأسم العادات والدين والشريعة والذى يدينه بسبب تحامل طبقى ساذج خلف هذه العمل فن وتصميم ومصممة قعدت وتعبت واشتغلت من القبح أن نسئ للناس ومن القبح أن نسئ للفن والفنانين

من اكثر المداخلات موضوعية في هذا البوست



---
شكرا حاتم الياس

ياجماعة بعيد عن كمية من التلميحات الماحلوه في حق ناس بالتأكيد ما بنعرف عنهم حاجة
ديل جيل جديد أكيد ليهم هواياتهم وإهتماماتهم ومدام هوايات جميلة وما بتضر زول لازم نحترمه بغض النظر أتقبلنها ولا ....... لا أى جيل بيكون لى نظرتوا البتختلف عن القبالوا وطريقت تعبيروا عن نفسوا وحاجاتوا
ليهم التحية شباب وشابات

وبرضوا لازم نفهم أنو الهوايات الثقافية والفنية والانشطه الزي دي ياها البتعمل ناس بوجدان سليم , ماعوزين ناس بدواخل مشوهه عشان ما نجي نولول هنا من أغتصاب الاطفال في المساجد


-----------------------
وللجميع اطيب تحية

Quote: شائف العجلاتية ظهرو

كدا يا محمد عادل..


شايف العجلاتية ظهرو








هشام

عمل راقي شديد والله ...

ـــــــــــــــــــــــ

...

Quote: عمل راقي شديد والله ...

دة راقى فعلا يا سمرية
كل التصاميم حلوة وخاصة
لبس العروس البلدى بالابيض
والعارضات حلاتن

Quote: ياجماعة بعيد عن كمية من التلميحات الماحلوه في حق ناس بالتأكيد ما بنعرف عنهم حاجة

تحياتي عبدالناصر

انا شخصيا شكرت الصورة التحت دي
وقلت فيها
(تمساح الدميرة المابكتلو سلاح)

Quote: ديل جيل جديد أكيد ليهم هواياتهم وإهتماماتهم ومدام هوايات جميلة وما بتضر زول لازم نحترمه بغض النظر أتقبلنها ولا ....... لا أى جيل بيكون لى نظرتوا البتختلف عن القبالوا وطريقت تعبيروا عن نفسوا وحاجاتوا

انا تقريبا من نفس الجيل ده..والزول ده لابعبر عن جيلنا ولا عن نظرتنا للواقع
ده بعبر عن نفسو بس

Quote: ليهم التحية شباب وشابات

ممكن توريني الزول الفي صورة دي احييهو على شنو بالظبط

Quote: وبرضوا لازم نفهم أنو الهوايات الثقافية والفنية والانشطه الزي دي ياها البتعمل ناس بوجدان سليم , ماعوزين ناس بدواخل مشوهه عشان ما نجي نولول هنا من أغتصاب الاطفال في المساجد

مع احترامي الشديد لوجهة نظرك

لكن مافي علاقة بين الوجدان السليم والبعملوا فيهو الجماعة ديل

يا أخوانا كدي أهدو شوية ..وما تلخبتو الكيمان ..
ما في زول من حقو يعترض على إنو (عرض الأزياء ) ده جزو من حراك ثقافي لي جيل جديد ..جيل من يحقو يعمل الدايرو في حدود المعقول ..
وأنا أكدت على كده وقلت إنو أنا ما عندي مشكلة مع عرض الأزياء .. وفي نفس الوقت الميك أب ما بتتعاب إذا ما طلع من حيز المعقول ..
بس لمن يبقى الميك أب يدخل لي اللامعقول واللي من شأنو يحول ملامح الراجل الواضحه ( لي ملامح ناعمة ما واضحه ) هنا بتبقى المشكلة ..
وده مع تقديري لي القال إنو ده .. فن .. !
وأنا هنا ما فاهم ده علاقتو شنو بي (عرض الأزياء ) .. مش القصة أزياء ؟ الماسكرا والبدرة واللوشن والكحل والليب شاين علاقتهم شنو ؟


ومسيرة لبنان علاقتها شنو ؟

تحياتي للجميع ..

..كاهن ..

Quote: وبين صورة الرئيس الزاهد العابد

ههههههههههههههههههههههههههههه
باقي ليك تقول عليه الملك القدوس
الله ياخدك وياخدو

المرايا .. مش مراية عربية .. واللا أنا ماشايف كويس ؟؟

الكحل وقلنا ( سنة )
الدقن وقلنا سمة من سمات الرجل
البودرة وقلنا .. هدوم شغل
الطلاء الذاتي .. وقلنا الراجل ماراضي فتاة تلونو
والأصبع الصغير قلنا ( بيحك في شلوفتو )
اليد الطولى .. أو الطويلة وقلنا ( طالوشية ) العينة

يبقى مافي شيء غير طبيعي إلا ما كان ظنا

لكن هل هناك من يرى شيئا في ظهر المرآة
أم هو محض ظن زاجر ؟؟
أفتونا

..

Quote: ماليهم حق ناس الشرطة ..عرض أزياء وسودانى مائة بالمائة فى ألبسة البنات ديل يعنى أزياء من البيئة وأستوحت فيها الأزياء السودانية وأشتغلت عليها شغل سمح جداً ألتحية لمصممتها والله فيها جمال شديد وزولة فنانة جداً...بس ملابس الشباب جميلة لكن ماعندها علاقة بالبئة والمناخ واضح أنها نسخ للتصميمات الغربية وأدتنى أنطباع بأنها بتكون (حاره) جداً فى جو السودان... خلونا من كل الكلام دا الذى يدينه بأسم العادات والدين والشريعة والذى يدينه بسبب تحامل طبقى ساذج خلف هذه العمل فن وتصميم ومصممة قعدت وتعبت واشتغلت من القبح أن نسئ للناس ومن القبح أن نسئ للفن والفنانين

شكرا حاتم,,

كثير من المداخلات وقعت فى فخ الاستخفاف وعدم الموضوعية

حتى لو كنا مختلفين مع هؤلا الشباب لماذ رميهم بقبيح اللفظ وكثير من الاشارات غير الكريمة التى تقدح فى انسانيتهم,,,

ممكن نوصل رسالة باننا مختلفين معاكم ياشباب فى كذا وكذا ودا ماعندو علاقة بكذا ممكن فى العرض القادم يقدمو مايتقارب وامزجتنا وان كان صعب,,

لكن الردود محبطة فى معظمعها

ألبِل والبنات
ما مِنهِن فوتات
وعترات الزمن
ما مِنهِن حُودات
البى يبرى الهَرِف
ما بِسلم من الوقعات
والبى ياكل أكل المُشَّرِك ماااااااااااااااااااااااااااااااااات

---

حواشى:
ألبِل: الإبل
المُشَّرِك: الذى ينصب (الشَرَك)

الهم معجب بالتياب , مع انو زوجتي ما بتستخدمه لانها من ثقافة مختلفة ومتمسكة جدا بلبسهم (((( التقليدي )))) مع أنها ممكن مرات مرات تلبس توب مجاملة
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

والله نحترم فيها حتة انها متمسكة جداً بلبسها و ثقافتا .. انا زاتي نفس الشي متمسكة بلبسنا و ثقافتناو بشوف انه لبس الاولاد ده ما من ثقافتنا
و لا بشبهنا.. يعني لفيت و جيت للتمسك بالثقافة و ما ادراك ما الثقافة

وبعدين الشواذ من الرجال ما دايرين ليهم معرفة.. بتعرفوا بي لبسم و المكياج البختوا في وشهم

غايتو عرض الأزياء لو كان راكب عدله ما أظن ناس البوليس بعملوا حاجه والدليل اهه

صور من عرض الأزياء الذي حضره الامام الصادق المهدي

كلنا بنحب الجمال ونحب نشوف حاجه حلوه لكن قال الجواب باين من عنوانه وكان ياهم ديل العارضين عرفنا الحاصل ومافي داعي والله يستر على اولادنا


لكن لو كان على البنيات بس كان يستاهل الحضور يعني لازم يحشرو ############ ديل في العرض


-------

ال############ سويتها براي كوبي وبيست وما كتبت حاجه

Quote: وعقب العرض اوقفت الشرطة التي كانت متمركزة امام المبنى اكثر من 25 شابا وشابة "بعضهم لعدم حصوله على تصريح بالسهر واخرين لانهم سهروا الى ما بعد الساعة 23,00 ت غ او لانهم تناولوا مشروبات كحولية" كما قال شقيق احد الموقوفين طالبا عدم ذكر اسمه.

Disgusting police, rulers, and miserable country which arest models, and allow Omer Elbashir who is wanted by the the ICC to walk free

ود شاموق

Quote: خلاص المناظر الغريبة انتهت في البلد بقت على التلاتة الفوق ديـل ؟ وليه ما تكون انت الغريب ؟

اولا وقبل اي حاجة انا ما لاقيتك في زقاق يوم وجيت شبكتك انت غريب وشنو ما تعرف فحقوا ما دام النقاش عام يا تديني رأيك وخلاص او ما تخاطبني كدة.
دي صور عارضين ازياء من حقي انظر فيهم زي ما انا عايز وببقي مجرد رأي زي ما قال صلاح الدين...ولا حاكمتهم ولا منعت حقوقهم...الدخلني انو الشرطة اعتقلتهم وقلت دي شرطة فاضية ساي.ولسة عند رأيي من الصور التلاتة القلتها وحيكون رأي ليوم الدين كدة...وقلت حفلات عرض الازياء شغالة وبنقلوها في التلفزيون وسألت المانع شنو

باقي كلامك بتاع المريخي والكوت الانجليزي ونقة العنصرية ديل ما قريتهم لانو دا ما موضوعنا

Quote: اولا وقبل اي حاجة انا ما لاقيتك في زقاق يوم وجيت شبكتك انت غريب وشنو ما تعرف فحقوا ما دام النقاش عام يا تديني رأيك وخلاص او ما تخاطبني كدة.

يبدو أنك لم تفهم المغزى يا قمربوبا، كلمة (أنت) لست مقصوداً بها في شخصك، ولكن المقصود أن الآخر يرانا غرباء مثلما نراه كذلك. متأسف يامولانا، ما في حاجة شخصية.

Quote: باقي كلامك بتاع المريخي والكوت الانجليزي ونقة العنصرية ديل ما قريتهم لانو دا ما موضوعنا

لو قريت الكوت بتاع المريخي لكنت عرفت أنك لست مقصـوداً بشيء، ولك العتبى حتى ترضى.

معاذ الهادي ياخي مشكور للاهتمام والتعليق على المداخلة

Quote: انا تقريبا من نفس الجيل ده..والزول ده لابعبر عن جيلنا ولا عن نظرتنا للواقع ده بعبر عن نفسو بس

حتى لو بعبر عن نفسوا او نظرتوا الشخصية للواقع برضوا بتظل طريقة تعبير تحترم
وكان قصدي من التعليق أنو ممكن جيلي وأجيال كتيرة ما تقدر تفهمه ولا تتقبله

Quote: ممكن توريني الزول الفي صورة دي احييهو على شنو بالظبط

الصورة دي جزء من كواليس النشاط البقوم بي الشاب ده ( عرض أزياء ) ديفيليه
ليهوا التحية على نشاطوا في العرض ده كقيمة فنية وثقافية

Quote: مع احترامي الشديد لوجهة نظرك لكن مافي علاقة بين الوجدان السليم والبعملوا فيهو الجماعة ديل

ومع اكيد التقدير لوجهت نظرك بتظل العلاقة وثيقة , أى نشاط رياضي أو ثقافي أو فني
ما متضرر منو الناس بحاجة بيظل من الحاجات البتشكل الوجدان السليم عند الناس البمارسوهوا
وبزيد من رصيد تجاربهم وبنمي قدراتهم


-------------------------------


مع ملاحظتي أنوا للمجتمع السودانية نظره ناقدة وقاسية لاى شي ما مالوف بالنسبة ليهم وممكن دي تكون ناحية سلبية
أنو الناس البتنتقد وما بتقدم حاجة حتعيق الناس البتجتهد عشان تعمل حاجة في حاله انو نقدهم ده يعمل للناس ديل أثر سلبي
ويخليهم ما يستمروا في أنشطتهم


وليك اكيد التحية والتقدير

Quote: لمن يبقى الميك أب يدخل لي اللامعقول واللي من شأنو يحول ملامح الراجل الواضحه ( لي ملامح ناعمة ما واضحه ) هنا بتبقى المشكلة ..

ماهو (معيار) المعقول ؟
و على إفتراض تجاوزهم ذلك (المعيار) هل يبرر ذلك الحبس والإهانة؟ و من ثم السخرية على صفحات السايبر؟


-----------------
السؤال بصورة عامة و ليس لصاحب الكووت بالضرورة, فأعذرني يا حاتم


!

الغالي صلاح الدين

Quote: ماهو (معيار) المعقول ؟ و على إفتراض تجاوزهم ذلك (المعيار) هل يبرر ذلك الحبس والإهانة؟ و من ثم السخرية على صفحات السايبر؟

الحبس والإهانة ما فيها ليها مبرر والله .. والسخرية كمان غير مبررة ( عشان كده أنا بعتذر عن أي شكل بتاع سخرية بدر مني )

أما معيار المعقول ..فلو رجعت لي ردي على الأخ حاتم الياس حتفهمني أكيد ..

مع تقديري أكيد

..كاهن ..

ياحاتم كاهن سلامات وأسم حاتم ده أسم عظيم جداً مابيدوه لأى زول وقد أطلق على شخصيات عظيمة فى التاريخ حاتم الطائى حاتم بن زياد حاتم الياس وهكذا (ههههه) شوف حاتم بن زياد دى كيف..

أصر على أن خلف هذا العمل (فن) وفن جميل كمان يتأسس فى بلدنا وسوف يطلق أمكانياته الجميلة مستقبلاً حين يأتى أليه المبدعين والمبدعات..أما مسألة (الميك أب) زايد أوناقص وعلاقته شنو بهذا الفن الميك أب جزء أصيل من حركة الفنون والفن تجده فى التمثيل والدراما والمسرح وحتى فى تفاصيل الحياة اليومية رجال ونساء يتزينون ويضعون الميك أب وهنالك قبائل سودانية يسرف رجالها فى التزيين أكثر من النساء ويدخل الميك أب فى ملامحهم الثقافية وفى تقاليدهم (قبيلة الأمبررو) كمثال..

من جهة أخرى ويبدو أن البعض ينتقص من هذا الشاب الذى يتزين للعرض بفكرة الرجولة وقيمها ويعتقدوا أن هذا الشاب يقلد النساء او فيهو (نفس) كما تعلمناه فى حارات الثورة..ولكن بصريح العبارة ونحن هسع بقينا ناس كبار ووخرفنا كمان وصلنا بعد هذا العمر الطويل ومعارف وتجارب شتى الى أنو مقاييس الرجولة المرتبطة بالنعومة أو الخشونة دى مقاييس وهمية سااى فكم من اب شنب يرك على شنبه الصقر خشن وبمظهر فارس من القرون الوسطى وعامل ضكر بط يطلع عند الشدائد حنبوكة ساااى..وكم من ناعم أملس وبى ميك أب يختبئ بين نعوته أسداً هصورا

ثم ان الميك أب أو الزينة كما قلنا موجودة فى ساحة العروض والفنون كلها خصوصاً الفنون الأدائية وعرض الأزياء فيه فن أدائى يقوم به العارضين لأبراز فن الحياكة وفن التطريز والتناسقات والألوان المختلفة للأزياء ودى حاجة بتطلب ميك أب مناسب فى ألوانه للأزياء المعروضة..أنتو خليتو المسرح الذى يتم فيهو العرض وجريتو للكواليس عشان تشوفو الزول دا وهو يتحضر للعرض يمكنك أن تجد مثل ذلك فى تلفزيون السودان وقنواتنا الفضائية المختلفة حيث أن هنالك أخصائى للمكياج للمزيعين والمزيعات والممثلين ودورات تدريبية كمان

يعنى هسع أنتو كان جابو ليكم الفاتح الصباغ فى غرفة المكياج حاتقولو قاعد يتسحر !!

سيد الإسم (حاتم الياس ) ..
والله يا حاتم حقو نبطل الفيهو نحنا ده ونقعد نتكلم عن الناس الشالو الاسم ده .. ما أخير ؟ هههههه
لي الشرف والله بمخاطبتك

طيب أنا بعتذر على (إقصائي) للميكب أب من قائمة الفنون وده ما كان قصدي والله .. وموافقك - مع إختلاف الأدوات - إنو الميك أب ما حصر على النساء بس ..
حتى داخل مجتمعاتنا الأفريقية .. الرجل قاعد يلقى براح في مسالة التزين والزينة حتى على حساب النساء أنفسهن في تلك المجتمعات ..
لحدي هنا أنا وإنت متفقين ...

بس كمان يا - حتوم - تسخير الفن ده في إنو يخلق من الوجه الرجولي الطبيعي(حاجيك راجع لي رجولي دي ) لي وجه منعم القسمات ما متوازن مع أصل الفكرة ..
ده هو اللي بيخلف من الفن ده .. مسخ .. وأنا من هنا منطلق من رؤية جمالية والله ما غير ..
بي نفس المنحى .. لو الميك اب أحال ملامح سيده أصلها ناعم إلى ملامح خشنة اقرب للرجولية منها إلى أصلها .. فبرضو .. من ناحية جمالية بيكون في شتارة حصلت ..
إذاً العيب ليس في الفن نفسه .. بل فيما لو إستغل هذا الفن في ضدية مع الطبيعة .. فلابد حينها أن تنتصر الطبيعه ...

أما الرجولة كمواقف إن أردت تسميتها فأتفق معك أن لا صلة لها بالمزاج الجنسي للرجال .. ولولا الملامة لأوردت مثلاً عامياً
يتماشى مع ما أردت صياغته ...ولكن المعايير تحكمنا ...

أنا فقط أدعوك أن ترى الأمر من نواحي جمالية لترى ما رأيت ..

أعتذر لصاحب البوست وزواره إن شاب بعض مداخلاتي بعض الإستخفاف وسوء اللفظ ..

تحياتي

..كاهن..

Quote: ياجماعة بعيد عن كمية من التلميحات الماحلوه في حق ناس بالتأكيد ما بنعرف عنهم حاجة ديل جيل جديد أكيد ليهم هواياتهم وإهتماماتهم ومدام هوايات جميلة وما بتضر زول لازم نحترمه بغض النظر أتقبلنها ولا ....... لا أى جيل بيكون لى نظرتوا البتختلف عن القبالوا وطريقت تعبيروا عن نفسوا وحاجاتوا ليهم التحية شباب وشابات وبرضوا لازم نفهم أنو الهوايات الثقافية والفنية والانشطه الزي دي ياها البتعمل ناس بوجدان سليم , ماعوزين ناس بدواخل مشوهه عشان ما نجي نولول هنا من أغتصاب الاطفال في المساجد

عبد الناصر انت جادي !!!! ما بنعرف عنهم حاجة شنو و في اكتر من الشايفنوا في الصور ده؟؟

هوية شنو و ثقافة شنو و تشويه شنو و وجدان سليم شنو ؟؟ الشايفنوا في الصور ده ياهو التشويه بعينه.. دي استايلات ما بلبسوها اولاد ناس

بجانب انها مقتبثة من ثقافة غربية بتخص البعض من الغربيين و ماكلهم .. نحن عايشين برة و ما كل الغربيين بلبسوا سلاسل و بعملوا مكياج
و بلبسوا الألوان و البناضلين المحزقة و المارجالية دي .. يعني باختصار الاستايلات دي بلبسوها الشواذ من الرجال
وانا عمري ما بعتبر تقليد ثقافة الأخريين -ثقافة - الثقافة بتتخلق من الدين و العادات و الموروثات و لو بقى في تحديث للثقافة بكون
في تجميل القبيح ... يعني زمان قالوا العروس بترقص بالرحط بس قدام الرجال و النساء اسه بقت هدوم العروس ساترة شوية
و بقى الرقص في حضور النساء فقط - ده ممكن نقول عليه تحديث في الثقافة انها متجهة الى الأحسن و عمر الإبتذال و المحاكاة ماكانت ثقافة
بصراحة حاجة تسد النفس

معليش انا لسانى شوية حايكون لازع


واوالا انا ما عاوز ناس ارنب نط ترانى بنط يجوا ويعملوا فيها هم الفاهمين فينا

لانو هنا كل زول برائية ............ نقطة مثبتة .

ثانيا ويـــــــــــــــــن فى مجتمعنا المحافظ ولا فى ثقافتنا الكلام دة كان موجود؟؟

دى العولمة وبعض اثارها الكريهة والغريب العجيب فى العولمة الكريهة دى انة متعاطيها

يسوقون بعنجهية وتعالى ودون دراية وجهل تام لما كتب هنا by way of deception

وترجمتها (طرق الخداع) الكتاب الذى كتبة فكتور اوسترفيسكى عميل الموساد (جهاز المخابرات

الاسرائيلية) السابق والذى شرح فى كتابة مع اشياء اخرى الفكرة السائدة فى التغلب على

العرب والمسلمين دون اللجوء الى الحرب والقنابل النووية, والفكرة ودون اجتهاد وتفكير

هى فكرة الغزو الثقافى والية تدمير العادات والثقافات واركان هذة المجتمعات المترابطة

السلاح الفتاك الذى يدخل حدود كل دولة دون ازير طائرات او دوى مدافع فيخرج بعبدة

الشياطين كما فى مصر وزواج الرجال كما سمعنا فى الكويت والترانس فست كما سمعنا

فى بعض دولنا الخليجية واليوم عرض ازياء فى السودان وانتم اظنكم تعرفون مايصاحب

عروض الازياء واين تنتهى فى دول (المنشاء) وما قد يدور ويؤل الية الحال من المتملقين

والمقلدين فى دول المستجنبون.


عارفين البيحرق الفشفاش شنو

انو اهل الغرب ديل لا يوم اتسابقوا بالجمال ولا لعبوا ام الصلص ولا رقصو حركة ورى

ولا دقو الدنقر ولا النقارة .

والبيهرد الفشفاش انة ناس الغرب ديل فى العولمة دى ختوا كل علمين بين يدينا

علم نافع وعلم ######## وراهنوا وكسبوا الرهان علشان كدة عليكم الله ما تعملوا لينا فيها




علماء نفس واجتماع وحداثة وما ادراك

فقط ندعو ونقول


اللهم اهدى العقول التائهة

اللهم ثبت العقول الحاضرة

اللهم اجعلنا من الامرون كما امرت بالمعروف

والمنتهين عن المنكر

اللهم اهدينا علم ننتفع منة

اللهم .....................


كملوا باقى الدعوات



كل التحايا

دي ركبوها شمال السواق

الباقين

ختوهم في التندة

في لوريكم ده

نفر والسفر...

في معسكرالخدمة الوطنية واحد ذي الوليد البيعملوا ليهو في الظلال دا..




جاء لوكيل العريف وقال ليهو: ياسيادتك انا عندي نزيف!!!
سيادتو ولا رد ليهو ولا حاجة.. طلع صفارته وجمعنا الساعة ٣ صباحا!!!
قال لينا والله يا مستجدين جيبتو لينا امراض ما معروفة!!!
اخوكم دا جاني وقال لي سيادتك انا عندي نزيف...!!!
ياخي انا شايل لي شنطة هنا؟؟!!
بعدين الراجل دا عنده شنو غير البنكرياس عشان ينزف...!!!

الفاتــحة

الظهور علي اي مسرح عام وخاصة التلفزيون يتطلب عمل ماكياج معين

للرجل او المراه وذلك لزوم الظهور بشكل واضح عند التصوير

وهذا يتطلب عمل بودره علي الوجه وهذه العملية تتم بالنسبه لكل المذيعين والمذيعات

وحتي المسئولين جميعا ودون استثناء وليس لذلك صله برجولة المذيع او المسئول

ويبدو ان صور هذا الشاب غض النظر عن رايي فيها اخذت من داخل الغرفه الخاصة بالماكياج

يعني هذا ما لا يجب ان يراه المشاهد ونفس تلك الصوره يمكن ان تؤخذ من اي مذيع

او مذيعه او مسئول بما فيهم الوزراء

ولكن الشقي يقع في القيد

المهم اتمني ان يناقش الامر في اطاره دون الاساءه لاي شاب او شابه ظهروا في هذه الصور

السودان ماشى لمرحلة جديده

وهذه هى البداية

وباقى الحاجات ستأتى تباعاً

وداعاً للبلد الأصيل الإسمو السودان

الجيل الجديد دا صعب

Quote: البيغيظ موافقة البعض منكم على أخذ 25 شخصا بالشبهات و إحتجازهم و الإساءة لهم لفظيا لمجرد الإشتباه في كونهم (مش ولابد) و ال ح يغيظ أكتر لما تجو تاني وتقولوا الشمولية و القهر و النظرة الأحادية وماعارف شنو اهو إنتو حكمتم على الشباب من صور و قررتم أن نعم لإعتقالهم وحبسهم و مناداتهم بألفاظ مسيئة لا أجد فرقا بين أغلبكم و البشير و نافع وقوش و خللي ودالباوقة ومحمد فرح يقولوا (خير شعب لخير حكومة) !

تمام يا صلاح الدين نادر يا صديق.


القبول بالآخر ده ما ساهل ولازم تنضبط تماماً في سلوكك مهما كان رايك وبالذات عندما لا يضرك سلوك الآخر في شئ طالما هو سلوك فردي خاص به.

الناس فكت الموضوع الاساسي الي هو إلاعتقال ومسكت في
الاولاد ديل جاهزين وما جاهزين؟
وهل الزول الأخذ صور الكواليس دي عندو حق النشر؟
غض النظر عن أنها بتشبه عاداتنا ولا لا
شخصياً براه زيو زي الزول البصورك في (الحمام) ويجي يقشر بي صورتك

Quote: بالله ياخوانا أي كوز (شبه كوز، مؤلفة قلوبهم، أنصار بهجة، إلخ) يجي متاوق بي جاي ما ينسى يشيل الفاتحة على المشروع الحضاري، قال منعنا الشيشة والكوتشينة، والله عفيت من الشعب السوداني المعلم ، دا كـلام صاح !

الاقتباس تعليق لود شاموق في بوست حميدة،،
و ده كلام صاح..

Quote: الناس فكت الموضوع الاساسي الي هو إلاعتقال ومسكت في الاولاد ديل جاهزين وما جاهزين؟ وهل الزول الأخذ صور الكواليس دي عندو حق النشر؟ غض النظر عن أنها بتشبه عاداتنا ولا لا شخصياً براه زيو زي الزول البصورك في (الحمام) ويجي يقشر بي صورتك

وعلى رأي عادل إمام :
الله!..إنتو سايبين الشقة كلها ، وقاعدين في أوضة واحدة !

Quote: البت اللابسه أحمر زي توب الجرتق دي كرعينها كلها ظاهره

استغفر الله ،

إنتا يا مولانا - يا راجل يا متدين وفاهم وواعي - مش ربنا قال : (قل للمؤمنين يغضوا من أبصارهم) ؟ هسع قعدتا تكشّف زي صقر الجو لمن عرفتا التفاصيل دي كلها كيـف ؟ وين الإسـلام ؟ ووين الأخلاق والتعاليم الإسلامية الربوك عليها ؟ ولا هو طق حنك وبيع وهم للمساكين والبسطاء ؟ فعـلاً الإسلام في وادي، ومنتسبي الانقاذ في وادٍ آخر .

ود شاموق
تقبل ايضا اعتذاري لازعاجك بحديث جاف ولك الشكر يا حبيب وبرجع اقراهم تاني...لك العتبي

أها يا جماعة أدونا خاتركم...البوست المعياري لو قدر له المسير ننزل منه هنا أحسن
والله الموفق

Quote: يا ودالباوقة هسع الدخل الرئيس فى الموضوع ده شنو عشان تخت صورته ما كان احسن تكتب ليك ايات قرانية ولا حديث نبوى شريف

اخي مصطفى

انا لم اخت الصورة

الصورة ختاها اخونا واصل لشيء في نفسه............

Quote: استغفر الله ، إنتا يا مولانا - يا راجل يا متدين وفاهم وواعي - مش ربنا قال : (قل للمؤمنين يغضوا من أبصارهم) ؟ هسع قعدتا تكشّف زي صقر الجو لمن عرفتا التفاصيل دي كلها كيـف ؟ وين الإسـلام ؟ ووين الأخلاق والتعاليم الإسلامية الربوك عليها ؟ ولا هو طق حنك وبيع وهم للمساكين والبسطاء ؟ فعـلاً الإسلام في وادي، ومنتسبي الانقاذ في وادٍ آخر .

الاسكيرت اللابسة البت دى..تحت ركبتها يعنى اشبه بالميدى لا طويل ولا قصير,,,
مافى حاجة ذاتهايغضو ليها الطرف ياود شاموق ..الناس ماشافت بنات لابسة تياب فى السودان ولاشنو??

والله البنات ديل لابسات ساتر بمقاييس سودانية بحتة والا تكونو عاوزنهم يتحجبو تبقى دى حاجة تانية,,,,

ياجماعة كد ركزو شوية خلافكم على شنو اسي بقى? ولا يبقى استخاف بالناس والسلام

معليش ياودشاموق شلت كوتيشنك لانى مالقيت التعليق الانت معلق عليهو,,

Quote: الاسكيرت اللابسة البت دى..تحت ركبتها يعنى اشبه بالميدى لا طويل ولا قصير,,,

والله يا أمـيرة شايف لي بت لابسة هدمة حمرة ، لكن على الاطلاق ما فكرتا أشوف الشي اللابساهو دا شنو طويل ولا قصير، كاشف ولا ساتر، حلال ولا حرام، فقط ببساطة لأنني لم أجد أن الأمـر يستحق هذا التدقيق والتمحيص الميكروسكوبي ولا حتى التوقف كثيراً لرؤية هذه التفاصيل. وظننت أن الجميـع يفعل هذا، هكذا بالفطرة السوية، ولكنني اكتشفت أن هذه الفطرة السوية لا يملكها بعض الأدعـياء من بني أمية.

Quote: الناس فكت الموضوع الاساسي الي هو إلاعتقال ومسكت في الاولاد ديل جاهزين وما جاهزين؟

THANK YOU VERY MUTCH

!

نسال الله السلامة والعافية

ناس الامبرورو القال عليهم حاتم الياس..ابتدو في عالم الشو بيز ده قبل الخواجات لكن بس البلد ضيقة.

Quote: ناس الامبرورو القال عليهم حاتم الياس..ابتدو في عالم الشو بيز ده قبل الخواجات لكن بس البلد ضيقة.

إنه الجهل يا سيف النصـر ، بنو أمية الجديد اختزلوا السـودان في مثلث حمدي ، وليتهم يعرفونه .

Quote: والله البنات ديل لابسات ساتر بمقاييس سودانية بحتة والا تكونو عاوزنهم يتحجبو تبقى دى حاجة تانية,,,,

ومن قال لك يا أميرة أنني أريدهم أن يفعلوا أي شيء ؟ موضوعي ليس له علاقة بما هو مذكور في الاقتباس أعلاه ، وإنما هو حول الكبت الجسدي والنفسي الذي يعاني منه بعض أعضاء المنبر ، شفاهم الله .

Quote: ومن قال لك يا أميرة أنني أريدهم أن يفعلوا أي شيء ؟ موضوعي ليس له علاقة بما هو مذكور في الاقتباس أعلاه ، وإنما هو حول الكبت الجسدي والنفسي الذي يعاني منه بعض أعضاء المنبر ، شفاهم الله .

ودشاموق,,,,سلاااام,,

انت وانا تقريبا فى تراك واحد ,,انا استعنت بمداخلتك فقط ولم تكن المقصود بماورد فيها اطلاقا,,

كدا حاول اقراها تانى,,,


والله اناذاتى مادققت الابعد جاب سيرة انو البت دى ساقينها فرجعت تااانى للصور وبرضو مالقيت كلامو دا,,,,
شكلنا بقينا مابنستحمل الجمال والسماحة والا ما لماذا ننظر لتلك التفاصيل التى لا تقدم ,,?

[

Quote: دي مراية بوكسي 78 هايلوكس

والاستوديو تكييفو مروحة فتاشة


والله الناس ديل خارقين والحيكومة أخرق منهم زاتو!

فائز ود القاضي : تبكي بس.

البنوت حلاتهن والله لبسن حلو وجميل ومحترم
د الوليدات لبسهم برضو جميل
بس مافي داعي لولد يتكحل ولا يعمل ظلال ولا احمر شفايف ولا ازرق شفايف او بدره نهائي.

معليش انا لسانى شوية لازع


اولا انا ما عاوز ناس ارنب نط ترانى بنط يجوا ويعملوا فيها هم الفاهمين فينا والمقددنها

لانو هنا كل زول برائية ............ نقطة لازم تكون مثبتة .

ثانيا ويـــــــــــــــــن فى مجتمعنا المحافظ ولا فى ثقافتنا الكلام دة كان موجود؟؟

دى يا ناس العولمة وبعض اثارها الكريهة والغريب العجيب فى العولمة الكريهة دى انة متعاطيها

يسوقون بعنجهية وتعالى ودون دراية وجهل تام لما كتب هنا by way of deception

وترجمتها (طرق الخداع) الكتاب الذى كتبة فكتور اوسترفيسكى عميل الموساد (جهاز المخابرات

الاسرائيلية) السابق والذى شرح فى كتابة مع اشياء اخرى الفكرة السائدة فى التغلب على

العرب والمسلمين دون اللجوء الى الحرب والقنابل النووية, والفكرة ودون اجتهاد وتفكير

هى فكرة الغزو الثقافى والية تدمير العادات والثقافات واركان هذة المجتمعات المترابطة

بما يسمى السلاح الفتاك الذى يدخل حدود كل دولة دون ازير طائرات او دوى مدافع ويخرج بعبدة

الشياطين كما سمعنا فى مصر وزواج الرجال كما سمعنا فى الكويت والترانس فست كما سمعنا

فى بعض دولنا الخليجية واليوم عرض ازياء فى السودان واظنكم تعرفون مايصاحب

عروض الازياء واين تنتهى فى دول (المنشاء) وما قد يدور ويؤل الية الحال من المتملقين

والمقلدين فى دول المستجنبون بتاعين حاكو حاكو.


عارفين البيحرق الفشفاش شنو

انو اهل الغرب ديل لا يوم اتسابقوا بالجمال ولا لعبوا ام الصلص ولا رقصو حركة ورى

ولا دقو الدنقر ولا النقارة .

والبيهرد الفشفاش انة ناس الغرب ديل فى العولمة دى ختوا لينا علمين بين يدينا

علم نافع وعلم ######## وراهنوا وكسبوا الرهان علشان كدة عليكم الله ما تعملوا لينا فيها




علماء نفس واجتماع وحداثة وما ادراك

فقط ندعو ونقول


اللهم اهدى العقول التائهة

اللهم ثبت العقول الحاضرة


والمنتهين عن المنكر

اللهم اهدينا علم ننتفع منة

اللهم .....................

Quote: البنوت حلاتهن والله لبسن حلو وجميل ومحترم د الوليدات لبسهم برضو جميل بس مافي داعي لولد يتكحل ولا يعمل ظلال ولا احمر شفايف ولا ازرق شفايف او بدره نهائي.

ياماما دومة دا الكلام النحن بنقول فيهو من الصباح

ادو الناس ديل حقهم وقولو ماهو ايجابى وبعداك تعالو قولو ماعاجبنا مزاج ودا راينا فيهو كدا شان كدا...
ودامابتماشى معانا لانو نحن كدا وكدا,,
ممكن زول فكرة عرض الازياء ذاتها عندو فيها رايئ بس يكون طرحو موضوعى ومن غير تجريح

لكن من البداية لمو فى البنات والاولاد ديل نبذ كانهم مقطوعين من شجرة..

الحريات حزمة لا تتجزأ ايزر تو تيك إت اور تو ليف إت

Quote: الحريات حزمة لا تتجزأ ايزر تو تيك إت اور تو ليف إت

لا اتفق معك


والتوضيح


هو ان كنت تتحدث عما هو جزء من نسيجك الاجتماعى فاتفاقى معك دون حدود


لكن ان تاتى بعادات دخيلة على ثقافتك ويصعب تقبلها وتسعى للزج بها فى غير مكانها


وتقول تيك ات اور ليف ات فهذا الهراء بعينة




تحياتى

العزيز هشام أمين

سلام و محبة

قبل ما نتفق أو نختلف نحنا محتاجنا نعرف عدد من القضايا

شنو النسيج الإجتماعي؟ و مين البحدد النسيج دا؟ و بعدين بحدد ليهو الحاجات الصالحة و الطالحة؟

العادات الدخيلة؟!!!!
دي عبارة صعبة شوية .... انت منتوجك شنو عشان تحدد الحاجات التانية دخيلة؟
البنطلون البنلبسوا انا و انت و كتيرين أجدادنا ما كانوا بلبسوهو هل ممكن يدرج تحت العادات الدخيلة؟
الكمبيوتر و الانترنت الهسي نحنا مستخدمنهم هل دي ممكن تكون عادات دخيلة برضو لانو اصلا في تراثنا الجميل ما كانت في؟
في الأخر يا استاذ هشام انا إتكلمت عن الحريات ... و الهي بقصد بيها حرية الفرد .... انا معاك بختلف مع الشباب ديل في طريقة لبسهم ... و إختلافي معاهم فقط اني ما قاعد البس زيهم
لكن لهم مطلق الحرية ان يلبسوا او يعرضوا زي ما دايرين و حادافع عنهم زي ما استنكرت الاعتداء علي لبني او اي قضية تانية

بجي تاني

هسه دى

انا عايز البنطلون ابو مرايه هايلوكس؟؟؟



الم فقو كيف؟؟؟


نرجو اسعافنا بالعنوان ؟؟؟؟


الخميس عندنا ؟؟ ربة ؟؟؟

Quote: فقد نظم عدد من الشبان والشابات في العشرين من العمر مساء الخميس عرضا للازياء في ناد شعبي في الخرطوم شمل مجموعات ازياء غربية واخرى لمصممة سوادنية وذلك امام بعض اهاليهم واصدقائهم.

الناس شافت الصور وممكن تعلق عليها بإحترام وكونو في شي ما عجبهم أو ما بوافق أفكارهم ما مبرر للإساءة لهولاء الشباب الجزء التاني من الخبر موضوع قايم بذاتو فلماذ تم القبض على هؤلاء الشباب هل تجاوزو القانون وما هو القانون الذي تجاوزوه ؟؟ أم أنهم قامو بفعل غريب بالنسبة لمطبقو القانون ولا يوافق أفكارهم وامزجتهم ؟؟ ولماذا تم ضرب بعضهم حسب ما صرح أحدهم ؟؟

Quote: عبد الناصر انت جادي !!!! ما بنعرف عنهم حاجة شنو و في اكتر من الشايفنوا في الصور ده؟؟ هوية شنو و ثقافة شنو و تشويه شنو و وجدان سليم شنو ؟؟ الشايفنوا في الصور ده ياهو التشويه بعينه.. دي استايلات ما بلبسوها اولاد ناس بجانب انها مقتبثة من ثقافة غربية بتخص البعض من الغربيين و ماكلهم .. نحن عايشين برة و ما كل الغربيين بلبسوا سلاسل و بعملوا مكياج و بلبسوا الألوان و البناضلين المحزقة و المارجالية دي .. يعني باختصار الاستايلات دي بلبسوها الشواذ من الرجال وانا عمري ما بعتبر تقليد ثقافة الأخريين -ثقافة - الثقافة بتتخلق من الدين و العادات و الموروثات و لو بقى في تحديث للثقافة بكون في تجميل القبيح ... يعني زمان قالوا العروس بترقص بالرحط بس قدام الرجال و النساء اسه بقت هدوم العروس ساترة شوية و بقى الرقص في حضور النساء فقط - ده ممكن نقول عليه تحديث في الثقافة انها متجهة الى الأحسن و عمر الإبتذال و المحاكاة ماكانت ثقافة بصراحة حاجة تسد النفس

أختنا / سناء عبد السيد

ليك كتير من التحايا والتقدير




أولا بأكد ليك أني جاد جدا في كل كلمة كتبتها هنا

وما بنعرف عنهم حاجة , معليش لو قلتها بصيغة الجمع عني شخصيا ما بعرف عنهم حاجة هم منوا
وهوايتهم في فن عروض الازياء دي بدوها متين وباقي المعلومات المفروض يعرفة أى وأحد عن شباب عندهم هواية في تقديم فن جديد ده القصد


أكيد ما عندي فكرة أنو دي ملابس شواذ او ما شواذ لانوا ما أتشرفته اعرف شواذ من الأساس فالعتبي لجهلي وعدم معرفتي باذواق الملابس باقي كلامك (((((وانا عمري ما بعتبر تقليد ثقافة الأخريين -ثقافة - الثقافة بتتخلق من الدين و العادات و الموروثات .......... لاب لاب لاب ))))) بيظل ذوقك وتقديرك الخاص ويحترم

عني شخصيا كل الملابس الأتعرضت هنا دي ما عندي عليها أى ملاحظات خاصة الهم معجب بالتياب , مع انو زوجتي ما بتستخدمه لانها من ثقافة مختلفة ومتمسكة جدا بلبسهم (((( التقليدي )))) مع أنها ممكن مرات مرات تلبس توب مجاملة لى لو كنا مدعوين لمناسبة سودانية لكين في الغالب شهرا ما عندها فيهوا نفقة

يبقي كل ما ألقي فرصة بتاوق في البوست والصور ومافي أى حاجة سدت نفسي ........




ربنا يحفظ شبابنا ديل الواضح لى أنو حيعانوا شديد من الناس المهمته في الحياة تنتقد وتنظر وبس
وما بنشوف منهم أى حاجة


ولك التحية وأكيد الاحترام لرائك ,,,

Quote: و في اكتر من الشايفنوا في الصور ده؟؟

والله بعد ما رجعت للصور صورة صورة شائف شباب وشابات زي الورد بعرضوا في أزياء

سعادتك شائفة شنو؟؟؟؟؟؟؟؟؟؟




عالم تحير

Quote: يا ربى الناس ديل بكونوا اكلوا ويكة , تبش بالشطة ولا مصوا دردمة فى حياتهم!!!!

حتي أنت يا بكري

لو ما عملو الحاجات دي يا ريس إنتو المسئولين من الكلام ده.
ايوة إنتو كابهاتم وأعمامهم وأمهاتهم وخالاتهم وإخوانهم الكبار المسئولين.
يعني شابكينهم أيسكريم والحاجات التانية يجيبو ليكم الدوم والتبش والويكة من وين؟



يا هشام أمين يا صديق:
حكاية إنو لو الواحد فينا إتعتر طوااااااالي يقول ده من عين اليهودي الحسود ده والله بقعدنا قعادنا ده إلي أن يرث الله الأرض.


بوست مولع نار منقد بس


سلام

المهندس / بكري أبو بكر

مساء الخير ,,,

Quote: يا ربى الناس ديل بكونوا اكلوا ويكة , تبش بالشطة ولا مصوا دردمة فى حياتهم!!!!

عارف يا ريس دي نظرة سودانية تقليدية و مجحفة للغاية كل جيل بحاول ينحاز لحاجتو ويشوفه هي الامثل
طيب هل جيلكم أو جيلنا _ وممكن نكون من جيل واحد في اخر ثلاثيناتو _

لبسنا المرقع ولا شلنا حراب
ولا ساهرنا في الطوابي ولا سدينا الفرقة في كررى !!!!!!!!!



البجد عوزين نصل لى لى أى جيل حاجاتو
الصعب نحاكمه بنظرتنا



ولك التحية

العارضين والعارضات لا لوم عليهم ولا يحزنون
اللوم على المجتمع الأنانى وعلى الدولة
فطاقات الشباب مهدرة
الجامعات مسيسة
وأهل السياسة يتعكزون على الطلاب فى اسوأ صور الإستغلال
لا توجد مكتبات عامة
ولا مسارح
ماتت سينماء النيل الأزرق
ما تبقى يا هندى يا كاوبوى يا مصرى
الرياضة حدث ولا حرج
حتى نهر النيل طارت أسماكة
للشباب تبقت الفضائيات وعيشة السوق

أبكوا ثم نبكى جميعاً

ولا لوم على العارضين والعارضات

Quote: يا ربى الناس ديل بكونوا اكلوا ويكة , تبش بالشطة ولا مصوا دردمة فى حياتهم!!!!

حتى أنت يا بروتس؟

الناس ديل تم القبض عليهم و حبسهم و شتمهم لتهم ليس من بينها عدم اكل الويكة ولا مص الدردمة


(أقول قولي هذا وحسبي الله في الباسوورد)

موز موز حياة حياة

!

Quote: حتي أنت يا بكري

شايف يا بوص شوب ده بيقول عليك شنو؟

شيل باسويردو هو كمان


-------------------
شول
am not going down alone
P:

!

Quote: Sudan arrests models after mixed gender fashion show Agence France-Presse Posted at 06/26/2010 1:39 PM | Updated as of 06/26/2010 1:39 PM KHARTOUM - Sudanese police arrested more than two dozen people overnight as they emerged from the capital's first ever mixed-gender fashion show, several of those held told AFP on Friday. Around 25 people were arrested, among them male and female amateur models, as they emerged from a popular Khartoum club after the fashion show, they said. There was no immediate explanation from police as to why they were arrested. All were released during the day on Friday, but many were told to appear later before the state prosecutor amid speculation that they could be charged with "indecency," some of those who were detained said. "I spent the night in jail but it is not clear why they arrested us," Sudan-born male model Rashad el-Nimeiry, who holds US nationality, told AFP. "We were decently dressed. There were wedding clothes," he said, pointing to bruises on his neck as he left prison wearing a torn shirt. One young model, among those asked to appear before the prosecution on Sunday, told AFP after his release that he was insulted by prison guards. "In prison, the guards called me 'you gay bitch'," said the man who asked that his name not be published. "In our culture this is a really bad word. It is humiliating. "I don't know what will happen on Sunday. This (fashion show) is a new thing in Sudan and they don't know what to do with us," he added. The brother of one of those held told AFP that there was no single explanation as to why the arrests took place. "Some people were arrested because they did not have a permit to organize a party, others because they partied beyond 11:00 p.m. and others were detained for apparently drinking alcohol," he said, asking not to be identified. The consumption of alcohol is absolutely forbidden in Khartoum, and President Omar al-Beshir warned in March that making, selling or consuming alcohol will be punishable by the lash under Islamic law or sharia. Fashion shows are not a novelty in Khartoum, but Thursday's event was the first to feature male and female models parading under the same roof in the capital. Journalist Lubna Ahmed Hussein drew international attention to the application of sharia in Sudan following her arrest last July, along with 12 other women, for wearing "indecent trousers." Hussein, a women's rights campaigner who also worked for the United Nations, was jailed briefly last year for refusing to pay a fine and later travelled to France to promote a book about her ordeal. Sudanese law stipulates a maximum of 40 lashes for wearing clothing deemed to be indecent. During Thursday's fashion show, male models showed Western outfits, parading with their shirts unbuttoned, while their female counterparts wore classical party clothes, an AFP journalist said. The show was staged in a popular Khartoum club in front of families and friends of the models. A Sudanese female designer presented wedding dresses as well as her version of the "tob" -- a colorful long piece of material which north Sudan women wear draped around their bodies from head to toe. Islamic law is not implemented in south Sudan, which is home to mainly Christians and animists.

http://www.abs-cbnnews.com/global-filipino/world/06/26/...-gender-fashion-show

الصور دى عيبة شنو??

والله سودنة للنهاية

يعنى يعملو شنو مفترص شان ترضو عنهم?

Quote: Quote: حتي أنت يا بكري شايف يا بوص شوب ده بيقول عليك شنو؟ شيل باسويردو هو كمان ------------------- شول am not going down alone P: !

يا صلاح الدين يا عمك... هي مداخلة الزول داك زااااااااااتو وينا

kwaar madeed مشى وين؟

خللي بالك البوست ده مسكون

!

Quote: kwaar madeed مشى وين؟ خللي بالك البوست ده مسكون !

goo long

goo

Jaldwong tog



هوووووووووي يا صلاح ما توديني معاك الخور ساي

Quote: خللي بالك البوست ده مسكون!

مسكون بالروعة والجمال .........





---

كتب العزيز هشام امين الاتي

Quote: وتقول تيك ات اور ليف ات فهذا الهراء بعينة

و الله يا أخوانا أسهل حاجة الاساءة في الحتة دي

Quote: يا ربى الناس ديل بكونوا اكلوا ويكة , تبش بالشطة ولا مصوا دردمة فى حياتهم!!!!

من يكتب باسم بكرى ابوبكر

Quote: من يكتب باسم بكرى ابوبكر

التلج ازانا

الوشوش الخدرا دي بيعملوها كيف ؟

D:
D:
D:

!

يانادر حدد المداخلة وعلينا الوشوش,,,,,

كده:


لا بالجد Jaldwong ماااااااااالو يا صلاح ولا العلم إتطور







كامل تضامني مع الشباب الممسوكين والله

شول خليك جادى ياااااااخ


التلج وين حافظ??

لوووول

الأخ واصل لك التحية ..
من حق أي شخص النقد من غير توجيه أساءة !
ليس من سهل رمي الناس بالباطل!
لقد كان هنا بوست عرض أزياء في المنبر وكان بحضور
حرم السيد عمر البشير لم توجه فيه أي أساءة لعارضات الأزياء !
هل السبب بانه كان للنساء فقط ؟
الحوار الجانبي جعل البعض يتجاهل الموضوع الرئيسي!
لماذا تم القبض على هؤلاء الشباب ؟؟
هل وجهت لهم تهم معينه تحت مواد محددة ؟؟

شول

Raan ده ji waahr ساي

---------------
الديكشنري بتاعي خلاس كمل
---------------

نرجع للموضوع


!

Quote: شول خليك جادى ياااااااخ التلج وين حافظ?? لوووول

جادي يا بت الشيخ إلا التكنلوجيا خلاني استغربت جنس سغربة يعلم الله

كان قاعد
ولا اقول ليكي حاجة سيد الكورة يقوم يحرد يشيل كورتو يا أميرة.



هوي سلام ... انا ماشي من هنا يا أخوانا ولو كترتو بمشي أمسح مداخلاتي شت بعد السكنةالحصلت

يعني يا خوانا باسم باكج الحرية و الآخر و مش عارف إيه ما من حقنا ننتقد أو نعلق على الظواهر الما بتعجب
أمّا عن موضوع الإعتقال فدي يعلّقوا يقولوا شنو فيها
حكومة اعتقلت الدكاترة قريب شهر و فكتهم بدون توجيه تهمة ما بركة ديل اللقوا مادة عدم تصريح سهر

بعدين ياخوانا شنو شبكتوا المعلم حتى انت يا بروتس و من يكتب باسم بكري و بتاع عقدتوه خليتوه يشيلها بي صمة خشمها برة
اي نعم هو البوس وكدا , لكن في النهاية عندو نك نيم ووعايز يشارك برايو - بي شتارتو

Quote: يعني يا خوانا باسم باكج الحرية و الآخر و مش عارف إيه ما من حقنا ننتقد أو نعلق على الظواهر الما بتعجب

بإسم باكج الحرية من حقك تنتقد وتعلق وتطلق أحكام مبينة على إفتراضات أو حتى ساي كده

شفت الحرية دي سمحة كيف؟

و بإسم نفس الباكج أي زول أطلق حكم مبني على إفتراض ساي بنعلق علية وننتقده

شفت الحرية دي سمحة كيف؟

ولما يجي الذي يكتب لعمك و يقول كلام خارم بارم بنقول ليه حتى انت يا بروتس

شفت الحرية دي سمحة كيف؟


----------------
اللذي يكتب لبكري غالبا كان جا يعلق بباسويردو الأصلي, و لما لقى روحو ما عامل لوق أوت من بروفايل بكري
قام مسح المداخلة

(كلام مبني على إفتراضات ساي)


!

Quote: يعني يا خوانا باسم باكج الحرية و الآخر و مش عارف إيه ما من حقنا ننتقد أو نعلق على الظواهر الما بتعجب

محمد البشرى الخضر

ناقد المنبر المتفرد وصاحب الاسابيع الشهيرة ياخي الناس تنتقد زي ما عوزة
بس تنتقد في حدود الموضوع عندك في الكورة الناس كلها بتنتقد وتنظر جوه الموضوع والمستطيل الاخضر
في الموضوع ده تجي الناس تنتقد وتنظر في حدود العرض عندهم أعتراض على الملابس وخطوطه وتصميماته يتكلموا براحتهم
كل المشكلة في أنوا الناس تقوم تنتقد في الافتراضات والتنظيرات الفي خيالهم
دي المشكلة يبقي الايحاءات والتعليقات الماكريمه في حق ناس متاكد غالبيتنا ما بعرف عنهم حاجة لمجرد صور تتبني عليها إنطباعات
ده نقد ظالم ومجحف , وعفوا فقط لاني كنت من النادوا بالاعتدال هنا باسم باكج الحريات والاخر........


ولك اكيد تقديرى

Quote: معليش انا لسانى شوية لازع اولا انا ما عاوز ناس ارنب نط ترانى بنط يجوا ويعملوا فيها هم الفاهمين فينا والمقددنها لانو هنا كل زول برائية ............ نقطة لازم تكون مثبتة . ثانيا ويـــــــــــــــــن فى مجتمعنا المحافظ ولا فى ثقافتنا الكلام دة كان موجود؟؟ دى يا ناس العولمة وبعض اثارها الكريهة والغريب العجيب فى العولمة الكريهة دى انة متعاطيها يسوقون بعنجهية وتعالى ودون دراية وجهل تام لما كتب هنا by way of deception وترجمتها (طرق الخداع) الكتاب الذى كتبة فكتور اوسترفيسكى عميل الموساد (جهاز المخابرات الاسرائيلية) السابق والذى شرح فى كتابة مع اشياء اخرى الفكرة السائدة فى التغلب على العرب والمسلمين دون اللجوء الى الحرب والقنابل النووية, والفكرة ودون اجتهاد وتفكير هى فكرة الغزو الثقافى والية تدمير العادات والثقافات واركان هذة المجتمعات المترابطة بما يسمى السلاح الفتاك الذى يدخل حدود كل دولة دون ازير طائرات او دوى مدافع ويخرج بعبدة الشياطين كما سمعنا فى مصر وزواج الرجال كما سمعنا فى الكويت والترانس فست كما سمعنا فى بعض دولنا الخليجية واليوم عرض ازياء فى السودان واظنكم تعرفون مايصاحب عروض الازياء واين تنتهى فى دول (المنشاء) وما قد يدور ويؤل الية الحال من المتملقين والمقلدين فى دول المستجنبون بتاعين حاكو حاكو. عارفين البيحرق الفشفاش شنو انو اهل الغرب ديل لا يوم اتسابقوا بالجمال ولا لعبوا ام الصلص ولا رقصو حركة ورى ولا دقو الدنقر ولا النقارة . والبيهرد الفشفاش انة ناس الغرب ديل فى العولمة دى ختوا لينا علمين بين يدينا علم نافع وعلم ######## وراهنوا وكسبوا الرهان علشان كدة عليكم الله ما تعملوا لينا فيها علماء نفس واجتماع وحداثة وما ادراك فقط ندعو ونقول اللهم اهدى العقول التائهة اللهم ثبت العقول الحاضرة والمنتهين عن المنكر اللهم اهدينا علم ننتفع منة اللهم .....................

العزيز حافظ

فى حاجة اسمها السوشل اويرنيس والكوم اند سينس هى البتحدد ما هى العادات الدخيلة اولا

ولا اعتقد ان عادة المشى المعوج على انغام المسيقى الناعمة لعرض ملابس اى كان نوعها

عادة متاصلة فى نسيج مجتمعنا الذى تحددة افعالنا ككل .... اما بقية حديثك

اتمنى ان يكون ردى اعلاة قد اوضح واجاب على بعض اسئلتك



تحياتى

Quote: الله ياخدك وياخدو

يا لك من مبتئس مفلس ...

Quote: لماذا تم القبض على هؤلاء الشباب ؟؟ هل وجهت لهم تهم معينه تحت مواد محددة ؟؟

أماني سأت نفس السؤال ولم أجد إجابة وحتى الخبر ما أورد بشكل واضح ليه تم القبض عليهم وهم نفسهم لا يعلمون

Quote: وعقب العرض اوقفت الشرطة التي كانت متمركزة امام المبنى اكثر من 25 شابا وشابة "بعضهم لعدم حصوله على تصريح بالسهر واخرين لانهم سهروا الى ما بعد الساعة 23,00 ت غ او لانهم تناولوا مشروبات كحولية" كما قال شقيق احد الموقوفين طالبا عدم ذكر اسمه. وقال رشاد النميري، وهو عارض ازياء شاب ولد في السودان لكنه يحمل الجنسية الاميركية، "امضيت الليل في السجن. لا نعرف بشكل واضح لماذا قبضوا علينا. انظروا هناك كدمات زرقاء على عنقي".

في إنفصام شخصية مزدوج عند الكثيرين في هذا البوست كما أعتقد...
كدي فكروا فقط في الأطباق الفضائية الشغالة 24/7 في بيوتكم دي...فكروا بالله في المسلسلات المكسيكية
والسورية والمصرية والفيديو كليبات الشغالة عند شبابكم 24/7 وبعدين علقوا...

من المؤسف أن التعليقات مليئة بالتلميحات العنصرية كما تفضل علاء شاموق...وكذلك التلميحات الجنسية كما
أشار المعلم محمد عادل...يعني خلااااااااااااااااااااااص شفوت للدين؟!!!

لا أرى اي مشكلة في ما قام به هؤلاء الشباب...بل المصيبة في نظري هي التعدي على الدستور والقانون
وتبرير شتم رجل الشرطة لأي مواطن مهما كان جريمته...فهو برئ حتى تثبت إدانته!

الواضح أنو موضوع لبنان هبش وتر "الدونية" عند الشمال العربإسلامي بقيادة الحبيب بكري أبوبكر...وشال تارو
ومعه آخرين عبر سودانيزأونلاين...وإلا فما دخل الويكة في عرض الأزياء ومتطلبات ال Industry يا بكري؟

ما أهو فوق في صورة أخرى -رغم الوقار الذي تقترحه، إلا أنها متطلبات Industry السياسة أيضا، منو البيقول بغم؟!

ولا يفوتني التحسر بشدة على مداخلة الأخت الشيوعية (التقدمية) محاسن عبد السيد

Quote: عبد الناصر انت جادي !!!! ما بنعرف عنهم حاجة شنو و في اكتر من الشايفنوا في الصور ده؟؟ هوية شنو و ثقافة شنو و تشويه شنو و وجدان سليم شنو ؟؟ الشايفنوا في الصور ده ياهو التشويه بعينه.. دي استايلات ما بلبسوها اولاد ناس بجانب انها مقتبثة من ثقافة غربية بتخص البعض من الغربيين و ماكلهم .. نحن عايشين برة و ما كل الغربيين بلبسوا سلاسل و بعملوا مكياج و بلبسوا الألوان و البناضلين المحزقة و المارجالية دي .. يعني باختصار الاستايلات دي بلبسوها الشواذ من الرجال وانا عمري ما بعتبر تقليد ثقافة الأخريين -ثقافة - الثقافة بتتخلق من الدين و العادات و الموروثات و لو بقى في تحديث للثقافة بكون في تجميل القبيح ... يعني زمان قالوا العروس بترقص بالرحط بس قدام الرجال و النساء اسه بقت هدوم العروس ساترة شوية و بقى الرقص في حضور النساء فقط - ده ممكن نقول عليه تحديث في الثقافة انها متجهة الى الأحسن و عمر الإبتذال و المحاكاة ماكانت ثقافة بصراحة حاجة تسد النفس

يعني الماركسية مثلا من العادات التي تركها لنا بادي أبو شلوخ؟
أديها صنّة يا أختي العزيزة...فلنبقي على إن بقيتي فاس...ما بتكسري الراس...ولا نامت أعين الجبناء!

-ده ثأر بايت بالمناسبة...والحمد لله الذي يسّر لنا هذه الفرصة...الشكر موصول للحبيب واصل!
المهم...
___________

الرجالة الحقيقية كما أراها...هي أن لا يبيت سوداني جائع ولا مغبون...أن يحدثنا أهل الحكم عن الارقام وما ورائها!


كدي بالله مروا على حبيبنا عبد الخالق السر، مولبورن هنا:
"ثقافة التبخيس" 00 كأحدى مكونات العقل الجمعي السوداني 00 مقاربة

حكمتو بالغة.....والله عضلات تبش لكن....


الزول يجي يفتش ليهو في بوست عزاء تعتر ليهو جنس حاجات

اللهم أحفظنا

المرايا .. مش مراية عربية .. واللا أنا ماشايف كويس ؟؟

الكحل وقلنا ( سنة )
الدقن وقلنا سمة من سمات الرجل
البودرة وقلنا .. هدوم شغل
الطلاء الذاتي .. وقلنا الراجل ماراضي فتاة تلونو
والأصبع الصغير قلنا ( بيحك في شلوفتو )
اليد الطولى .. أو الطويلة وقلنا ( طالوشية ) العينة

يبقى مافي شيء غير طبيعي إلا ما كان ظنا

لكن هل هناك من يرى شيئا في ظهر المرآة
أم هو محض ظن زاجر ؟؟
أفتونا

..

لوووووووووول بالله الكحل طلع سنه؟؟
يا جماعه والله لبس البنات حلو شديد والاولاد برضو جميل
و بما ان الكحل سنه فليتكحل المتكحلون .

انا بعتبر الموضوع دا اختلاف ثقافات ومرات بيكون اختلاف ثقافه اهل البيت نفسه .

تزوجت رجلا غير شرقي
فعجبت انه لا يمتلك قاروره عطر
فسالته فاستعجب من سؤالي قائلا لي: الرجال عندكم بتعطروا ؟؟؟!!
فقلت له نعم هناك عطور رجاليه .
المهم بعد احتجاج واقثناع قبل انه يستعمل افتر شيف After shave فقط
المهم مشينا السوق عشان نختار واحد
اي عطر اشممه ليهو يقول لي لا لا دا ريحتو حلوه .
وانا اقول اللهم طولك يا روح.
ما اصلوا نحن عايزين الريحه تكون حلوه .
اخيرا اكتشفت حكايه انه sehr suess دي
بتعني انه يشبه رائحه النساء لوووووول
بعد روحي قربت تمرق اختار فهرنهايت
ولي تاريخ اليوم دي الافتر شيف الوحيدالذي يستعمله
.اها في بيت متل بيتنا دا يبقي اي تجميل للاولاد غير وارد

مش لاننا بنمنعه لانه غير مالوف
طبعا معظمنا بعرض خارج الموضوع
المهم لماذا تم تو قيف الشباب ديل؟؟
اي جرم ارتكبوه ؟؟!!
كما نوهت الاستاذه اماني العجب ود الاهم

أها الليله الأحد موعد المحكمه

في زول ماشي يحضر ؟؟؟


بالله لو مشيتوا ألحقونا بالصور

وذات الشرطة (المحترمة) التي تعتقل عارضي الازياء ها هي ترعي مهرجانا دينيا كبيرا فيه تهجد وتعبد وذكر لله لصالح دولة المشروع الحضاري!

Quote: [áÍ ÏæáÉ ÇáãÔÑæÚ ÇáÍÖÇÑí!

حفله سجن كوبر

يعني الجماعه ديل جوه السجن

والجوه السجن ما بيهددوا بالقبض أو كما قال

بوست يعكس أزمة الليبرالية في وسط متخلف







الشباب ديل غلتانيين و الغلت لابسهم


من راسهم لي كرعينهم


معقولة عرض ازياء رجالي

في عاصمة دولة المشروع الحضاري !!!


بعدين نحنا شعب اصلا رجاله ما بعرفوا

غير البششتنة المسوح في البرد بشوفوهو عيبا


والرجولة تعني البشتنة و التفف المنقطرة

و الوسسخ و البهدلة


لا تعني الرجولة مكارم الاخلاق و نصرة الضعيف و المحتاج


لا تعني الرجولة قولة الحق في وجه سلطان جائر

ففي هذه الحالة الرجال ماتوا في تيتانيك


انا بعتبر الاولاد و البنات ديل (أرجل) بمقاييس الرجولة الذكورية نفسها

- شفتوا كيف - من كتير من رجال و نساء غيرهم كمان


بساطة ناس مقتنعة بي فكرة في راسها و بتمارس في حريتها الشحصية

شن دخل البوليس و النيابة ، و الناس المتبرعة دا ما راجل و هناي

لو صحي الموضوع دا رجالة و فروسية في حد بيقدر يعمل عملية مشابهة

في دولة المشروع الحضاري ؟! (ههههههههه)


















_________________________

صلاح نادر ازيك
صحي مشتاقين ياخي



انور كيفنك ياخوي ؟




حاتم كاهن و حاتم الياس
عاشت الحواتم ياخي :)

الوشوش الخدر بجيبيوها من وين؟

اولا اخونا واصل بنكتب لي في ظهر الصفحه تحياتنا لاننا في الاولي خشينا بدون سلام

- كمية ماهينه مقام وعينه من الشباب المتداخلين اؤكد وانا مطمئن يمكنني ان اوقع علي بياض في احيان عديده على ارائهم

وهم يكتبون عن حرية الفرد التي اردد ايضا انها يجب ان يكفها ويضبطها القانون او نحمله علي كفالتها

-------------------------------

المشهد من زاويتي (وحرية الشوف متاحه ايضا )

العاصمة والمدن الكبيره تخرج في مظاهرات لمياه الشرب

ليكون الاستحمام شئ من امنيه عندها ما يدعى فن بيسنس مابعد الرفاهيه

يصبح عريان ولابس سديري

---------------------------

رجال الامبررو يتجملون قبل وبعد واثناء السرحه بالبهائم تناغم البيئه والانتاج والعادات

Quote: المهم لماذا تم تو قيف الشباب ديل؟؟ اي جرم ارتكبوه ؟؟!!

أى ذنب جنت فاندلعت ثورة الانقاذ خانهــــا الجلــــد
سوف تنأى خطاها عن بلد حجر عقل سلطانها صلــــــــد

واما انا ..فسأطوى الجراح فى كبدى غائرات ما لها عـــــــــدد

فايز ود القاضي تحياتي ايها المقاتل

الاحمر ده فتح ليك جبهة نضال عديل

ياشقدي ..سلامات ..

Quote: فايز ود القاضي تحياتي ايها المقاتل الاحمر ده فتح ليك جبهة نضال عديل

نحن شعوب مناضلة اينما وجدت ثورة او حرب تجدنا في المقدمة ..

Quote: لوووووووووول بالله الكحل طلع سنه؟؟

زينب الفحل
ياخى اصحى للون نميرى كان عارف ان الكحل سنة
واصل على لكن المحن عندك

نرجع لحق محور البوست
هسه افتونا يا ناس الله
الوردة ده الشرطة دقتو ولا فكتو

وكيف الشرطة تعتقل فنان مبدع زي ده من غير وجه حق

يا بوليس تعال وضح لينا ...


*مصطلح الوردة تعبير للجمال ليس الا...

صلاح نادر يخربني كان فهمتك داير تقول شنو؟

عبد الناصر الخطيب ... نصير الشعوب و الناس الإتفهموا غلط
طيب حدود الموضوع المفروض النقد يقيف عندها هنا شنو؟
يتخيّل لي الموضوع لو نزل بدون الصور كان حيدور كلّو عن الإعتقال و حكاية تصريح السهر و مقارنة العرض دا بعرض الأزياء التاني التم بحضور زوجة الرئيس وكدا
لكن ما دام جات صور وفيها مناظر ما بتعجب من حق اي شخص يعلّق عليها بل و يستنكرها كمان
طبعا دا ما مبرر للإساءات و الإفتراءات وغيرو
لكن بكج الحرية بدي حق النقد و الإمتعاض حتى للتصرفات الشخصية للآخرين بما فيها اللبس و المكياج
و نفس البكج بدي المتمكيجين ديل الحق لمّا يسمعوا النقد يردّوا عليه أو يدّوه الطرشة

يعني لا يستقيم إرهاب الناس الماعاجبهم الحال بحجج الحرية و التقدمية و مش عارف إيه و تسفيه آرائهم
لكن تاني بكرّر إبداء الرأي و النقد لا يعني الإساءة و الإفتراء




عاد دا كلام دا

المشكلة الجماعة ديل كلهم جادين

ومصرصرين من شدة الشغل وضغط الزمن

..

Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة.

وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله.

وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان ..

وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية.

وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.
والله نحن ناس شغالين بالفارغة والمقدودة..
شايف كل المتداخلين مركزين على موضوع عرض الأزياء وده عامل بودرة وداك عامل كحل وديك لابسة احمر وعاملين للموضوع زحمة وهيلمانة فى الفارغ مع انو المسألة مابتستحق كل هذه الضجة..لكن لفت نظرى مداخلة الأخ ودالباوقة اعلاه والتى استفزتنى جدا ولم ينشغل بها المتداخلون كثيرا,وهو حديث عمر البشير عن الشريعة وتطبيق الشريعة ,وانا اسأل سيادته:
عن ياتو شريعة تتحدث سيادتك ؟
هل تتحدث عن شريعة الأنقلاب على حكومة ومنتخبة شعبيا؟
ام عن شريعة تشريد آلاف الأسر بما يسمى الصالح العام وقطع رزقها وعيشهاوتشريد اطفالها؟(بالمناسبة هم يرفعون ايديهم يوميالله سبحانه وتعالى ان يأخذكم اخذ عزيز مقتدر)
ام شريعة الولوغ فى دماء من كانوا بالأمس رفاقكم فى السلاح والدين؟
ام شريعة اخذ اموال الناس من بيوتهم ثم اعدامهم شنقا؟
ام شريعة بيع ممتلكات الدولة التى هى ملك لهذا الشعب بتراب القروش لأركان نظامكم وعشيرتكم؟
ام شريعة بيوت الأشباح التى عذبتم وقتلتم بغير حق كل معارض او مشكوك فى عدم موالاته لكم؟
ام شريعة تمكين فئة طفيلية من الأقارب واصحاب الحظوة من الأقتصاد السودانى؟
ام ياترى شريعة قتل الالأف وتشريد الملايين فى دارفور حتى صارت منظمات الأغاثة الكنسية من تطعمهم وهم فى يوم من الأيام كانوا من مخرجى الزكاة والآن صاروا من متلقييها؟
ام شريعة انتخابات (الخج والرج) التى لم يسبقكم عليها احد؟

واخيرا وليس آخرا هل تتحدث عن شريعة تقطيع اوصال البلد وتفريقها شذر مذر وانت عندما قفزت عليها قد قفزت عليها وهى سالمة تامة وتبلغ اتنين مليون كيلومتر مربع..
تطول الأسئلة ويطول ليل السودان الحالك لكن الله سبحانه وتعالى يمهل ولايهمل وهو القائل فى الحديث القدسى (وعزتى وجلالى لأسلطن عليك الدنيا تركض فيها ركض الوحوش) وهذا ماهو حاصل عليكم الآن انت وحاشيتك وبطانتك.

فعن ياتو شريعة بالضبط تتحدث (ياريس؟).

Quote: جدد الرئيس السودانى عمر البشير اليوم السبت عدم تراجع حكومته عن تطبيق الشريعة الإسلامية ، موكدا تمسك بلاده بالشريعة الإسلامية التى جاءت من أجلها الحكومة.

وقال البشير فى لقاء جماهير لرجالات الدين الإسلامى فى السودان اليوم إن الحكومة لن تتراجع ولن تتخلى عن المشروع الإسلامى الذى جاءت حكومة الإنقاذ من أجله.

وشن الرئيس السودانى هجوما عنيفا على دعاة العلمانية فى السودان واصفا برامجهم بغير المقبولة فى السودان ..

وقال إن حزب /المؤتمر/ لن يلتفت إلى من لا يريدون الشريعة الإسلامية فى إشارة واضحة إلى الحركة الشعبية الشريك الثانى فى حكم السودان والتى تريد أن تكون منظومة الحكم فى البلاد علمانية.

وكانت قيادات من الجنوب السودانى قد حذرت من أن إصرار المؤتمر الوطنى الشريك الرئيسى للحكم بالسودان سيعجل بانفصال الجنوب السودانى عن شماله فى الاستفتاء المقرر له العام القادم.
والله نحن ناس شغالين بالفارغة والمقدودة..
شايف كل المتداخلين مركزين على موضوع عرض الأزياء وده عامل بودرة وداك عامل كحل وديك لابسة احمر وعاملين للموضوع زحمة وهيلمانة فى الفارغ مع انو المسألة مابتستحق كل هذه الضجة..لكن لفت نظرى مداخلة الأخ ودالباوقة اعلاه والتى استفزتنى جدا ولم ينشغل بها المتداخلون كثيرا,وهو حديث عمر البشير عن الشريعة وتطبيق الشريعة ,وانا اسأل سيادته:
عن ياتو شريعة تتحدث سيادتك ؟
هل تتحدث عن شريعة الأنقلاب على حكومة ومنتخبة شعبيا؟
ام عن شريعة تشريد آلاف الأسر بما يسمى الصالح العام وقطع رزقها وعيشهاوتشريد اطفالها؟(بالمناسبة هم يرفعون ايديهم يوميالله سبحانه وتعالى ان يأخذكم اخذ عزيز مقتدر)
ام شريعة الولوغ فى دماء من كانوا بالأمس رفاقكم فى السلاح والدين؟
ام شريعة اخذ اموال الناس من بيوتهم ثم اعدامهم شنقا؟
ام شريعة بيع ممتلكات الدولة التى هى ملك لهذا الشعب بتراب القروش لأركان نظامكم وعشيرتكم؟
ام شريعة بيوت الأشباح التى عذبتم وقتلتم بغير حق كل معارض او مشكوك فى عدم موالاته لكم؟
ام شريعة تمكين فئة طفيلية من الأقارب واصحاب الحظوة من الأقتصاد السودانى؟
ام ياترى شريعة قتل الالأف وتشريد الملايين فى دارفور حتى صارت منظمات الأغاثة الكنسية من تطعمهم وهم فى يوم من الأيام كانوا من مخرجى الزكاة والآن صاروا من متلقييها؟
ام شريعة انتخابات (الخج والرج) التى لم يسبقكم عليها احد؟

واخيرا وليس آخرا هل تتحدث عن شريعة تقطيع اوصال البلد وتفريقها شذر مذر وانت عندما قفزت عليها قد قفزت عليها وهى سالمة تامة وتبلغ اتنين مليون كيلومتر مربع..
تطول الأسئلة ويطول ليل السودان الحالك لكن الله سبحانه وتعالى يمهل ولايهمل وهو القائل فى الحديث القدسى (وعزتى وجلالى لأسلطن عليك الدنيا تركض فيها ركض الوحوش) وهذا ماهو حاصل عليكم الآن انت وحاشيتك وبطانتك.

فعن ياتو شريعة بالضبط تتحدث (ياريس؟).

ياخ الصور دي قاعدين تجيبوها من وين ؟؟ وكيف

خصصا الاخيرة دي

فعلاً شغل ابداعي و جميل جدا

في هذا العمق بالذات يظهر الديمقراطيون الحقيقيون، و في هذا المستوى بالتحديد يسفر الآخرون عن وجوههم

كم يوجعني جدا هذا البلد بكل تناقضاته

محمد البشري خضر أنا أنتقد إذن أنا موجود ( ناقدين بلا حدود )


كتير التحايا والتقدير

Quote: طيب حدود الموضوع المفروض النقد يقيف عندها هنا شنو؟

في اعتقادي البسيط حتنتقد في الموضوع المقدم نفسوا في حدود عرض الازياء ماظن يامحمد يكون من حق الناس تنتقد حسب إنطباعاته
وتخميناته الممكن تكون خطاء في حق ناس ما بعرفوهم أصلا .....فلان ده ( ______ ) وفلانه دي ( _________ ) في السودان شي عادي
إبسط ما عندنا نطلق الاحكام السلبية على الناس حتى من دون معرفة .......ودي مشكلة الناس لازم تنتبه ليها

Quote: و نفس البكج بدي المتمكيجين ديل الحق لمّا يسمعوا النقد يردّوا عليه أو يدّوه الطرشة يعني لا يستقيم إرهاب الناس الماعاجبهم الحال بحجج الحرية و التقدمية و مش عارف إيه و تسفيه آرائهم لكن تاني بكرّر إبداء الرأي و النقد لا يعني الإساءة و الإفتراء

طيب ما ظن واحد من الشباب ولا الشبات ديل عضو هنا عشان يجي يوضح من الافضل يدوها الطرشة
لو طرح الناس هنا قائم على إنطباع إنهم شواذ وانو دي عادات دخلية على المجتمع السوداني
مع انو المجتمع السوداني ده كان من أرقي مجتمعات أفريقيا في تجملوا وملابسوا وأكيد بكون عندك ألبوم قديم
تقدر تشوف في كيف الناس لبست في الخمسينات والستينات وكيف كان ذوقه وتناسق ألوانه


-------------------

في الاخر هل نحنه كسودانيين محتاجين لثقافة زي دي تعلم الناس كيف تلبس وكيف تتجمل الواقع بقول محتاجين على الاقل
الواحد ما بنزعج من منظر بناتنا البشوفهم في النيل الازرق في سهرة الاعراس وهم مرشوشات بوهية بيضاء زي ممثلات الاوبرا الصينية
ولا يقابل سوداني هدوموا سلطه ما بين الوانه اى تناسق وانسجام .......

يعني المسألة ماظن حتكون في عضّمه غلط

Quote: نصير الشعوب و الناس الإتفهموا غلط

ويامحمد الشعوب مقطوعين الطارى ديل والله الواحد لما يتعزم معاهم في مناسبة هنا ولا في بلدهم ذوق لبسهم وتناسقوا مناسب للغاية ,ومكياجهم براعي لون بشرتهم والدرجات البتتوافق معاها وما تكون مزعجة ولا متناقضة

في الاخر الموضوع كلو موضوع أذواق , صعب الناس طوالى تمشي تنظر فيهوا
بكلام بالتأكيد ما حيمثل الشي المفروض يدار بي الكلام في موضوع عادي
بقدر ما بشي بنفسيات أصحابو/تو وتفكيرهم يعني الدنيا لو بتتعاش بالنظرة الحّادة دي في الغير
تبقي دنيا صعبة خلاص





--------------------------------------------

Quote: لكن بكج الحرية بدي حق النقد و الإمتعاض حتى للتصرفات الشخصية للآخرين بما فيها اللبس و المكياج

الناس تمتعظ براحته _ أصلهم ما بعملوا شي غير الامتعاظ _ بس ياريت يكونوا منطقيين في إمتعاظهم ما أكتر


وليك أطيب تحية

Quote: زينب الفحل ياخى اصحى للون نميرى كان عارف ان الكحل سنة

لوووووول يابدر ما تدقسني يا اخي هناك فرق بين الكحل الحجري والدلال
الكحل الحجري لونه ازرق ويقال انه سنه مع انني سمعت ان النبي مكحل خلقه رب العالمين .
بينما الدلال اسود اللون .

..
.

Quote: الناس فكت الموضوع الاساسي الي هو إلاعتقال ومسكت في الاولاد ديل جاهزين وما جاهزين؟

لولا ما بان من الاولاد لما كان الاعتقال ..
وعرض الازياء كعرض وثقافة دعائية للشركات والموضه لا اعتراض عليه
وبما انه شمل ازياء من التراث والثقافة والزى السودانى فهو امر جميل
لكن اساساً لو الاولاد العارضين ديل كانوا قدموا العرض دا من غير حركات الظلال
والماسكرا والمرطبات والميك اب والكحل وشيل الحواجب دا ..
كان الموضوع مر عااادى وما كان فى اعتقال من اصلو ..

بس بصراحة المياعة ووما خفى ديل الهوا زاتوو ..
خربوا العرض وجابت الاعتقالات .. ولسه نشوف السفارة الامريكية
تقول شنو ؟؟

---------

غايتو يا رشاد نميرى عروضك بتاعت امريكا دى
ممكن تعملهامع شوية احترام للمجتمع والعادات
والتقاليد السودانية ..

Quote: الخرطوم (رويترز) - قال سودانيون شاركوا في عرض ازياء إن الشرطة السودانية القت القبض لفترة وجيزة على أكثر من 20 من عارضي الازياء من الجنسين وخبراء مساحيق التجميل ومصممي الازياء بعد عرض نادر في الخرطوم ليل الخميس. وقال عارضون هواة اشتركوا في عرض الازياء لرويترز يوم السبت انه ألقي القبض عليهم في ساعة متأخرة من مساء الخميس بمعرفة شرطة النظام العام في السودان . ولم يتسن الاتصال بالشرطة للتعقيب على اعتقالات الخميس خارج أحد الاندية في المنطقة الثانية بالعاصمة الخرطوم. وقال أحد المشاركين انه أفرج عن جميع الذين قبض عليهم يوم الجمعة لكن تم ابلاغ ستة منهم على الاقل بتسليم انفسهم للشرطة يوم الاحد لمواجهة اتهامات لم تحدد. وقال مشارك طلب عدم الكشف عن هويته "جاءوا الى النادي بعد العرض والقوا القبض على عدد يتراوح بين 20 و30 شخصا -- ليس من العارضين فقط وانما من الاشخاص الذين يقومون بوضع مساحيق التجميل والاشخاص الذين قدموا الملابس." وقال "لم يكن هناك شيء سيء بشأن الملابس. كانت ملابس أفراح وملابس سودانية تقليدية وحلل وملابس من المتاجر المحلية والفساتين السودانية التقليدية." وقال مشاركون اخرون انه كانت هناك عروض ازياء في السابق في السودان كثير منها ينظم في حفلات خاصة. لكن حدث يوم الخميس يعتقد انه كان من اول المناسبات العامة التي يشارك فيها عارضون من الجنسين.

http://www.alrakobasite.com/news.php?action=show&id=1959

Quote: لولا ما بان من الاولاد لما كان الاعتقال .. وعرض الازياء كعرض وثقافة دعائية للشركات والموضه لا اعتراض عليه وبما انه شمل ازياء من التراث والثقافة والزى السودانى فهو امر جميل لكن اساساً لو الاولاد العارضين ديل كانوا قدموا العرض دا من غير حركات الظلال والماسكرا والمرطبات والميك اب والكحل وشيل الحواجب دا .. كان الموضوع مر عااادى وما كان فى اعتقال من اصلو .. بس بصراحة المياعة ووما خفى ديل الهوا زاتوو .. خربوا العرض وجابت الاعتقالات .. ولسه نشوف السفارة الامريكية تقول شنو ؟؟

سلامات تبلدينا يعني الكلام بالأحمر دا سبب الإعتقال !!؟

وكت الكلام مشي لصفحة تالته الناخد تبريدة مع عركي

خطوة وحيدة بيني وبينا لو اسرعتا
خلت طيبا مالي الساحة به اتشبعتا
زيها مافي لا شاهدت لاني سمعتا


وشفته التوب ...........

عمرها السخرية من الآخر ما بتكون رأي
البوست دا ( معيارو) فلت بالمناسبة
فلا الناس قادرة تقيف عند إنتقاد السلوك الشخصي للعارضين
ولا هي قادرة تثمن علي العمل الفني الي في كواليسو تعبو ناس أنتهكنت خصوصيتم
بالمناسبة شخصياً إستفدت من البوست دا جداً في إجاد محصلة لتفكير بعض الزملاء
في منبر منوط بيه القيام علي أمر الحريات وتقبل الاخر

يا نور الدين يا خوي نحنا دايرين سنين ضوئية عشان نتقبل نفسنا ناهيك عن الاخر!

Quote: لولا ما بان من الاولاد لما كان الاعتقال .. وعرض الازياء كعرض وثقافة دعائية للشركات والموضه لا اعتراض عليه وبما انه شمل ازياء من التراث والثقافة والزى السودانى فهو امر جميل لكن اساساً لو الاولاد العارضين ديل كانوا قدموا العرض دا من غير حركات الظلال والماسكرا والمرطبات والميك اب والكحل وشيل الحواجب دا .. كان الموضوع مر عااادى وما كان فى اعتقال من اصلو .. بس بصراحة المياعة ووما خفى ديل الهوا زاتوو .. خربوا العرض وجابت الاعتقالات .. ولسه نشوف السفارة الامريكية تقول شنو ؟؟

يا تبلدينا كان تشيل الكوت حقي كلو ولا ما تحكم علي كلامي ناقص

ثم بعدين الميك اب دا بتعمل في كل مجالات الاعلان والاعلام كمان
كلامي خلاصتو في أنو عرض الكواليس دا إنتهاك لحرية وخصوصية الافراد ديل
فضل يجيب لينا البنات بلبسن كمان
يعني عشان أعالج خطأ (في نظر من يراه كذلك) أخطيء أنا كمان وأسيء لي شخص ولي تعبيرو؟
قول يا خي ما كويسين (وديل مرقوهم من البلد؟) هل دا بدينا الحق نتندر عليهم ونعلن عليهم الجهاد ونهدر دمهم ولا كيف؟
ويعني حسي هم أعتقلوهم عشان عاملين ماسكرة ولا عشان ما عندهم تصريح سهر؟



ـــــــــــــــــــــــــــــــــــــــــــ
شايفك من أستلمت القيد إتقيدت

Quote: وياالمغتربين أرجو الإهتمام بوليداتكم ديل أكيد ماتربية البلد دي

يا محمد فرح....
تسدق و تآآآآآمن ... ديل تربية البلد و كلهم مولودين بعد 89...

آخر المستجدات بخصوص القضيه

تم تحويل مدير النادي وفني الساوند لمحكمه النظام العام

بقيه المتهمين ( أوووبس ) قصدي العارضين ( وفي روايه الفنانيين ) فقد تم تحويلهم للتحري

حتى يتم تلخيص البلاغ وتقديمهم للمحاكمه

علمنا إن هناك شريط فيديو قد تم تصويره لهذا العرض وقد وضعت الشرطه يدها على الشريط

Quote: عمرها السخرية من الآخر ما بتكون رأي البوست دا ( معيارو) فلت بالمناسبة فلا الناس قادرة تقيف عند إنتقاد السلوك الشخصي للعارضين ولا هي قادرة تثمن علي العمل الفني الي في كواليسو تعبو ناس أنتهكنت خصوصيتم بالمناسبة شخصياً إستفدت من البوست دا جداً في إجاد محصلة لتفكير بعض الزملاء في منبر منوط بيه القيام علي أمر الحريات وتقبل الاخر

الخيل الجيدة تظهر عند اللفة يا ممدوح لكن هنا ظهرت بدري شوية

Quote: صلاح نادر ازيك صحي مشتاقين ياخي

حاتم كيفك إنت
محتاج لردك للمسج الرسلتها ليك ف الفيس بوك

وكلامك صحيح, أزمة الليبرالية عندنا, إنو داخل أغلب السودانيين يوجد شمولي صغير (لمتوسط وقد ينشط مثيرا للغبار والأتربة)


ودالبشرى
الخطيب قال كل الأنا قاصدو في تعليقي الما فهمت منو حاجة


!

Quote: آخر المستجدات بخصوص القضيه تم تحويل مدير النادي وفني الساوند لمحكمه النظام العام بقيه المتهمين ( أوووبس ) قصدي العارضين ( وفي روايه الفنانيين ) فقد تم تحويلهم للتحري حتى يتم تلخيص البلاغ وتقديمهم للمحاكمه علمنا إن هناك شريط فيديو قد تم تصويره لهذا العرض وقد وضعت الشرطه يدها على الشريط

شكراً الأخ فدياس نجم الدين..
الأخوة والاخوات المتداخلون لكم السلام والتقدير ..
لقد إنحرف البوست من مساره!!
الأن توجد قضية !
ثقافتنا وكحل الأولاد ومكياجهم كلها أشياء خارج الموضوع !!
هل يوجد نص أو مادة تبيح القبض على الأولاد المكحلين! ؟؟
هل يوجد نص أو مادة تمنع عرض الأزياء! ؟؟
ماذا فعل هؤلاء الشباب ؟؟
هل القبض أصبح ساهل وهين يحق لرجل الأمن أن يقبض ويفرج
كما يشاء من غير أن يعرف المقبوض عليه التهمه الموجة له وتحت
أي مادة أو بند !!
الموضوع ليس بالامر الساهل يجب أن نقيف عنده !!
دمتم بخير ..