الكل مدعو لزواج شقيقتي بدار الصيادلة الليلة الجمعة

نحتفل بزواج إثنتين من أخواتنا من دار السجانة لرعاية الفتيات (المجهولي الأبوين) وذلك بدار الصيادلة المقدمة لنا مجاناُ

وعلى أنغام حمد الريح الفنان الذي رفض أن يتقاضى مليماً واحداً

والدعوة عامة

.

يا سلااااااااااااام

دي الاخبار البتفرح

عقبال الكل

حاضرين



إنتهازي ازيك

مشتاقوووون كتييييييير كتيير

نشوفك بهناك

.

متابعاك إعلامياً

خليك في دربك الصاح

حاول تقرب من الناس عشان تصحح دروبهم

تحياتي

الف مبروك للعرسان وربنا يتمم بخير


شكرا يا صديق

حقيقي عمل كبير ...شكرا عبير خيري أن لفتت نظري لهذا العمل النبيل

يقيني أن البورداب لم يقعوا علي هذا الخبر وإلا لأعطوه إهتمامهم وجهدهم


شكرا ناظم شكرا عبير

والله إحنا بنعمل العلينا وبندعو الناس

التحية لكل المتداخلين

ياللا ماشين على العرس بعد دا

مبروك للعرسان وربنا يتمم على خير
مشكور يا انتهازي على الخبر الجميل
والشكر للفنان حمد الريح على الموقف النبيل..

والله انا جاية اقول ليك شنو عزومة المراكبية دي ...

ياريت لو نزلت البوست من بدري شوية كان شاركنا والله

عارف الخميس والجمعة ناس الخرطوم بياخدوهم اجازة من البورد الا الامسيات كدة


المرة الجاية خلي الدعوة بدري شوية

والف الف مبروك ليهم يا إنتهازي وكلمنا برضو عشان نواجب العرسان ياخي ..

مبروك للعرسان والعروسات


بس ما كان في داعي ليافطة دار السجانة دي ... كنا نحتفل بيهم عادي وندمجهم في المجتمع ... مش نختهم تحت يافطة دار السجانة

الف مبروك وبيت مال وعيال.

ألف ألف مبروكـ ليهم
بالتوفيق يا رب

شكرا انتهازي

شكراً للمتداخلين

ويا أخ هاني مع إحترامي لرأيك

لو ما ختينا يافطة السجانة كنت كيييف حتعرف إنو في إتنين من الفئة دي إتقبلم المجتمع وإتزوجوا

ويوم الثلاثاء السابق لو بتابع برنامج شراع الأمل إستضافوا الأستاذة نور مديرة منظمة شمعة واللي بكل فخر أشارت إلى نفسها وقالت أنا من خريجي دار المايقوما

وهي الآن متزوجة وأم لطفلين

لابد من الإشرة ولو من بعيد

وعلى العموم الزواج كان مبالغة

كان نفسي تكونوا معانا تشوفوا أهل العريسين آخر هيصة وتقبل للعروسات
والمتطوعين /ات حضور لافت بهيج والعاملين بدار المايقوما ودار المستقبل لرعاية الفتيات

والشكر موصول لأخوانا في حنين المهج وأصنع بسمة وأنا أهتم على مجهودهم الخرافي

بالجد لا زال الشعب السوداني بيخيرو

وبكرة أكيد أحلى على قول النعيم أخوي

إنعام ولا يهمك المرة الجاية بدري إنشاء الله

=== نزف مليارات التهانى للعرسان ونسال الله ان يبارك لهم ويبارك عليهم ويجمع بينهم فى خير

=== نقف اجلالا وتقديرا لكل من ساهم فى هذا العمل الجليل ونسال الله ان يجعله فى ميزان حسناتكم

=== شكرا للدار التى احتضنت ورعت وارضعت وسقت تلك البراعم القيم والمثل والاخلاق الفاضلة

=== شكرا لدار الصيادلة على الاستضافة فقد اكدوا للجميع انهم مصانع الدواء

=== شكرا للراقى ابو الايتام الفنان / حمد الريح وقد لخص بمشاركته كل معانى الانسانية فعلا وقولا

=== شكرا لكل من شرف الحفل حضورا ومشاركة واصلوا قيم التكافل والترابط الاجتماعى

=== شكرا للاخوة النشامى / نظام - انتهازى ، نعيم ، وبقية العقد الفريد الحادبين على فعل الخيرات

=== شكرا للاخوات الماجدات / انعام حيمورة ، عبير خيرى ، داليا الكباشى وكل اللا لئ والدرر ( ينابيع الخير ) اللايئ يزين سماوات الفرح دوما

=======

نسال الله ان يحفظكم جميعا ويسدد خطاكم ويمنحكم الصبر والقوة لمزيد من البذل والعطاء وبارك الله فيكم ..

لكن يا عبدالفتاح ما تقول لي

زوووووم خطير على البوست

أسعدتنا بطلتك

وترقبوا أخباراً جميلة في القريب العاجل

الف مبروك للعرسان وربنا يتمم بخير