Post: #1
Title: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-22-2010, 07:06 PM
اليوم دخل الهلال غرفة التسجيلات
وسجل بكرى المدينه فى مكان احمد الفاضل
واعاد قيد الثلاثى هيثم و المعز و التعاون
وهذا ما اوردته اغلب المواقع و كذلك قناة قون الفضائيه
وهنا ننقل لكم ما ورد فى كفر ووتر
Quote: اكمل فريق الهلال عصر اليوم الثلاثاء اجراءات قيد اللاعب بكري عبدالقادر الشهير ببكري المدينة كلاعب محترف في صفوف الفريق لمدة اربعة سنوات ونصف في خانة اللاعب احمد الفاضل الذي تم اخلاء خانته بالتراضي ، كما قام الهلال كذلك وبحضور رئيس مجلس ادارته صلاح احمد ادريس باعادة قيد الثلاثي الدولي هيثم مصطفى والمعز محجوب واسامة التعاون لمدة اربعة سنوات ونص لكل لاعب ، وحضر توقيع الرباعي جمهور كبير من جماهير النادي ظل يهتف لفترة طويلة باسم الرباعي واسم رئيس النادي كما حضره عدد من اعضاء مجلس الادارة تقدمهم كابتن سيد احمد ومعلا وابوسن بجانب مدير الكرة عبدالمهيمن الامين ومن اللاعبين علاء الدين يوسف ومدثر كاريكا ووالد اللاعب بكري المدينة .
واشارت مصادرنا الى ان كابتن الفريق لعب دورا كبيرا ومقدرا في اعادة قيد حارس المرمى المعز محجوب الذي ترددت كثير من الاشاعات خلال الفترة الفائتة حول حتمية انتقاله للند التقليدي المريخ ، حيث اصطحب هيثم الحارس المعز واسامة التعاون صباح اليوم الى منزل رئيس النادي صلاح احمد ادريس بضاحية كافوري دون اي ترتيب مسبق ولم يستمر الاجتماع الا ساعات ليتوجه الثلاثي برفقة رئيس النادي واللاعب بكري الى مكاتب الاتحاد العام لاكمال اجراءات اعادة قيدهم .
وبذلك يكون الهلا قد حسم ملف اللاعبين المحليين ويتبقى فقط موضوع يوسف محمد اضافة الى الطرف الشمال الذي رشحه لاعب الفريق سادومبا |
مبروك يا هلالاب و نتمنى ان يستقر نادى الهلال
ويكون بكرى المدينه اضافه حقيقيه ......
وبرضو اعادة قيد المعز تساهم فى اعادة
واستقرار مستواه المعروف
وشكرا هيثم مصطفى برنس الهلال الكبير وانت كل يوم تفصح عن معدنك الهلالى الاصيل
|
Post: #2
Title: Re: الهلال اعاد قيد هيثم و المعز و التعاون و سجل بكرى المدينه
Author: وليد محمد المبارك
Date: 06-22-2010, 07:14 PM
Parent: #1
والله حقو يقسم للباشا وسفاري معاه
|
Post: #3
Title: Re: الهلال اعاد قيد هيثم و المعز و التعاون و سجل بكرى المدينه
Author: محمد النيل
Date: 06-22-2010, 07:30 PM
Parent: #2
الحمد لله
يعنى لسع ما فلسنا
خبر كويس
المعز كان زول خترى خلاس
ونجم كبير فى موقعة ذات الاثنتين والتالتة السمحة منقوضة قبل اسبوعين
فليعش الهلال لمغسة الوصيف دوما
ما عايزين كاسات
|
Post: #4
Title: Re: الهلال اعاد قيد هيثم و المعز و التعاون و سجل بكرى المدينه
Author: محمد البشرى الخضر
Date: 06-22-2010, 07:43 PM
Parent: #3
يا كوتش تسجيل المعز و بكري المدينة أوكي تمام
لكن ياخ ما كان يشطبوا التعاون بدل أحمد الفاضل
ثم البرنس اربعة سنة و نص !!!! معقول بس
|
Post: #5
Title: Re: الهلال اعاد قيد هيثم و المعز و التعاون و سجل بكرى المدينه
Author: حيدر بشير
Date: 06-22-2010, 07:47 PM
Parent: #3
لك التحايا و الشكر اخى طارق على هذه الاخبار المفرحة
و سيدا قائد قد لا يتكرر قريبآ رغم ان الهلال قد عودنا ان يبعث مجددآ للكرة السودانية فى كل 10حقبة من الزمن يخلد فيها اسمه للتاريخ
عكس العرق
ان شاء الله ناس الوصيف لقوا ليهم بيعة لى وارغو
و لقوا ليهم اعارة لى الباشا و كلتشى و طمبل وسفارى
لقوا ليهم جنسية لى كاسيروكا و الدافى و المرابط
|
Post: #6
Title: Re: الهلال اعاد قيد هيثم و المعز و التعاون و سجل بكرى المدينه
Author: د.السيد قنات
Date: 06-22-2010, 07:47 PM
Parent: #3
نصف دسته من الأهداف
وفي دارنا!!!!!
عن أي كورة سودانية تتحدثون؟؟؟
الإبداع يفتقد لإبسط المقومات،
هل نملك من الوطنية ما يكفينا للدفاع عن شعار الوطن
والذي نرتديه؟؟؟؟
لن نبكي ونذرف الدموع علي ماض تليد،
كانوا بالأمس قادة الكرة الإفريقية والعربية من أصلاب هذا الشعب،
ولكن اليوم تتحدثون عن تجنيس الأجنبي
وهو ليس له أدني إرتباط بأرص وتراب هذا البلد،
عندما تمتليء جوانبنا بحب الوطن،
فالإبداع سيأتي طوعا في كل شيء
يديكم دوام الصحة والعافية
|
Post: #7
Title: Re: الهلال اعاد قيد هيثم و المعز و التعاون و سجل بكرى المدينه
Author: keiga2000
Date: 06-22-2010, 08:03 PM
Parent: #6
والله كلهم مواسيـــر بتنقط
وخاصـة المعــز
غايتو تباروا جمال الوالي دا بخليكم تجيبـوا مـــرق وريتشارد راجعين تاني
ديل الاربعـة بكون بفلسوا بالإدارة وصلاح ادريس قعد في السهلــه خلاص
كدا يالوالي شغلك تمام عملت ليهم نوم الدجاج في الحبــــل
ابومصطفى
|
Post: #8
Title: Re: الهلال اعاد قيد هيثم و المعز و التعاون و سجل بكرى المدينه
Author: عبدالكريم الامين احمد
Date: 06-22-2010, 08:34 PM
Parent: #7
بكري المدينة ده من اسمو كده زول لعاااااااااب
وله صولات وجولات اتية
|
Post: #9
Title: Re: الهلال اعاد قيد هيثم و المعز و التعاون و سجل بكرى المدينه
Author: معتصم مصطفي الجبلابي
Date: 06-22-2010, 09:51 PM
Parent: #8
خطوة موفقة ماعدا بتاعت المعز ..
انا ماعارف الهلال ليه متمسك بيهو
مع تحياتى كوتش
|
Post: #10
Title: Re: الهلال اعاد قيد هيثم و المعز و التعاون و سجل بكرى المدينه
Author: abas
Date: 06-22-2010, 09:58 PM
Parent: #9
بكره الوصيفاب يقولولك
اعدنا قيد العجب والزومه وما عارف منو تاني
حاكونا حاكونا
|
Post: #11
Title: Re: الهلال اعاد قيد هيثم و المعز و التعاون و سجل بكرى المدينه
Author: Hassan Senada
Date: 06-23-2010, 05:45 AM
Parent: #10
اعدنا قيد العجب والزومه وما عارف منو تاني
انت تقارن مواسير الهلل زى هيثم والتعاون وغيره بعجب والزومة
|
Post: #12
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 06:24 PM
Parent: #11
يا وليد يا شفت
قالوا والقول سمح من مصادرو انو جمال
الوالى بفاوض فى منتخب تونس الغلب السودان 6
فردا فردا وعايز يسجل منو بالجمله ( وش مبسوط و ضاحك )
تخريمه
اخبار وارقو شنو ( نفس الوش الفوق )
|
Post: #13
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 06:36 PM
Parent: #12
محمد النيل
موقف صلاح ادريس المالى يظل غامض
لكن من شكل سياساته الاخيره اما :
- عائز يهمش مجلس الاداره اكثر من ما هو متهمش والدليل بعد استقالة عماد من لجنة التسجيلات
وفى اقل من 24 ساعة قام بخطوة التسجيلات اعلاه وهنالك المزيد كما ذكر
او
- دائر يودع مجلس الهلال بشكل مقبول و التوجه لمعركة الاتحاد العام كما ذكر سابقا
او
- ........ ؟
لكن عموما و بعيدا عن اى اختلافات و كهلالاب بنشكره على ما قدمه من اجل الهلال
ولكن ننتظر الحلول الكامله لخلافات مجلس الاداره ليستقر الهلال حتى ولو بدعوة الجمعيه للانعقاد
واختيار مجلس جديد قوى و متفاهم
|
Post: #14
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 06:47 PM
Parent: #13
ود البشرى
Quote: يا كوتش تسجيل المعز و بكري المدينة أوكي تمام
لكن ياخ ما كان يشطبوا التعاون بدل أحمد الفاضل |
اوافقك تماما
لكن ده >
| Quote: ثم البرنس اربعة سنة و نص !!!! معقول بس |
هى تكريم للبرنس والبرنس لو لعب ليهو موسم تانى بكون ما قصر ،
وعلى فكره البرنس جدد بدون اى شروط ورفض حتى مجرد مناقشة الفكره
البرنس كبير يا ود البشرى وهو قدوه حسنه داخل و خارج الميدان
لزملائه اللاعبين فى حب شعار الهلال و احترامه
|
Post: #15
Title: Re: الهلال اعاد قيد هيثم و المعز و التعاون و سجل بكرى المدينه
Author: khaleel
Date: 06-23-2010, 06:52 PM
Parent: #13
قام الكاردينال بدفع مستحقات المعز
كان يجب شطب هيثم والتعاون والابقاء علي احمد الفاضل
في العرضة جنوب
تم شطب كليتشي وطمبل وحافظ
وتسجيل هنو
لم يجد المريخاب فريق لاعارة وارغو
|
Post: #16
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 07:03 PM
Parent: #15
خليل
لا اوافقك جملة و تفصيلا
الهلال فى اشد الحوجه لمجهودات هيثم فى الفتره القادمه
ياخ شوف فيرون لاعب الارجنتين عمرو 36 سنه وبطقطق كفر ذى السلامو عليكم
الهلال محتاج لمدرب يعرف كيف يوظف و يستفيد من مجهود اى لاعب
والصحيح يا خليل على حسب وجهة نظرى المتواضعه على الهلال تجهيز
بديل ناجح لهيثم كصانع لعب > ولحدى الوقت داك الهلال لا يستطيع
ان يضحى بهيثم كلاعب ممكن يصنع لك الحلول و يقعد يتلفت ويلفتنا معاهو
|
Post: #17
Title: Re: الهلال اعاد قيد هيثم و المعز و التعاون و سجل بكرى المدينه
Author: khaleel
Date: 06-23-2010, 07:10 PM
Parent: #16
Quote: ياخ شوف فيرون لاعب الارجنتين عمرو 36 سنه وبطقطق كفر ذى السلامو عليكم
|
ارجنتين
اكيد ما بتقصد يا كوتش
|
Post: #18
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 07:13 PM
Parent: #16
ود البشير
Quote: ان شاء الله ناس الوصيف لقوا ليهم بيعة لى وارغو
و لقوا ليهم اعارة لى الباشا و كلتشى و طمبل وسفارى
لقوا ليهم جنسية لى كاسيروكا و الدافى و المرابط |
نعم لقد تم : فتح دكان ود البصير بالعرضه جنوب
للبيع جمله و قطاعى مع التنزيلات و البيع بالاقساط
توجد جميع مقاسات المواسير وعندنهم برضو محلبيه نمره 2
وتقبل الشيكات الطائره
وكشكشى
|
Post: #20
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-23-2010, 07:30 PM
Parent: #18
Quote: ارجنتين
اكيد ما بتقصد يا كوتش |
خليل انا بتكلم من حيث العمر
وخلينى من فيرون ميلا قاد الكاميرون و عمره 39 سنه
يا اخوانا المساله فى الاستمراريه بترجع للياقه
بعد اللاعب يجتاز الكشف الطبى وده بعد مدرب اللياقه يعمل شغلو
شوفوا المجهود و الباص اللعبو هيثم فى مباراة الاسماعيليه لسادومبا >
لو فى لاعب هسع فى متناول الهلال بعمل شغل ذى ده > طوالى الهلال يشطب هيثم
لا تحكموا على هيثم بمباراة المريخ الاخيره فهيثم لظروف الهلال دخلها تحت ضغط نفسى و بدون لياقه
وهكذا دائما مستويات اللاعبين الكبار فى السن فى مثل تلك الظروف
|
Post: #21
Title: Re: الهلال اعاد قيد هيثم و المعز و التعاون و سجل بكرى المدينه
Author: haroon diyab
Date: 06-23-2010, 11:03 PM
Parent: #16
| Quote: ياخ شوف فيرون لاعب الارجنتين عمرو 36 سنه وبطقطق كفر ذى السلامو عليك |
ماياهو جنس مقارناتك دي المرجعانا خرطمية سنة ورا
وااااااااااااااااااااااااااااا وجع بطني..........!!!!!!!!!!!
|
Post: #19
Title: Re: الهلال اعاد قيد هيثم و المعز و التعاون و سجل بكرى المدينه
Author: عثمان جلال الدين
Date: 06-23-2010, 07:21 PM
Parent: #15
نوعية أسامة التعاون مهمين بكل فريق يا كوتش وخليل:
فهو صاحب لياقة طبيعية عالية مع مهارات حركية وسرعة فهو الأسرع في دفاع الهلال ويضفي هذه السرعة في حالة لعبه في خانة الارتكاز أو تكليفه بمراقبة لاعب معين بالخصم هذا علماً بأنه لا بد من وجود لاعبين أصحاب مهارات مختلفة في كل الخطوط ..
تبخيس لاعبي الهلال سنة مريخية ومنهج مزملابي لكن الأرباب شفت..
عموماً مستوى اسامة التعاون أفضل من سفاري ورواشة موسى الزومة وطارق مختار وبلة جابر ونعومة لعب الباشا..
تحياتي..
|
Post: #22
Title: Re: الهلال اعاد قيد هيثم و المعز و التعاون و سجل بكرى المدينه
Author: معاوية محمد الحسن
Date: 06-24-2010, 06:31 AM
Parent: #19
Quote: واعاد قيد الثلاثى هيثم و المعز و التعاون
|
طارق
تحياتي
بعد ده حقوا تغيروا اسم الهلال لصندى امدرمان
معقول هيثم يجدد لاربعة سنوات
ياخي ده لعب مع ناس الثعلب التركوا الكورة قبل عشرة سنه
وللعلم صندى ده فريق عواجيز فى بحري اصغر واحد فيهم البروف على شمو
|
Post: #23
Title: Re: الهلال اعاد قيد هيثم و المعز و التعاون و سجل بكرى المدينه
Author: Sayed Bekab
Date: 06-24-2010, 07:03 AM
Parent: #22
شطب عشوائي و تسجيل عشوائي ...... النتيجة ستة للمنتخب و آمال هلالية دائما ما تصتدم بالواقع المرير و هو ان الكرة الافريقية امامنا ب٢٠ سنة علي الاقل ..... وين نحنا من لياقة ومهارة و رشاقة لاعبي القارة السمراء ياخي تشوف لاعبي غانا قدام آلمانيا تقول نحنا فى كوكب آخر .
نتمني التوفيق للهلال دائما.
|
Post: #24
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 05:50 PM
Parent: #23
يوسف هوت فى الخرطوم
وفى حالة اجتيازه الكشف الطبى
سوف يقوم الهلال بتسجيله بشكل رسمى
_________
اما بالنسبه لوارقو فلا يوجد فريق
حتى الآن يرغب فى خدماته من باب الاعاره
وعليه قرر مجلس المريخ استمراره فى كشف
الفريق كماسوره احتياطيه 7 بوصه
خليكم قرااب
|
Post: #25
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 06:15 PM
Parent: #24
د السيد سلامات
ياخ العالم كلو شغال تجنيس عشان المجنونه
عموما نتمنى دائما ان حدث تجنيس بسبب الكوره
ان يكون هذا المجنس فى مستوى فنى يؤهله لكى ينال
الجواز السودانى
وبرضو بالنسبه > Quote: عندما تمتليء جوانبنا بحب الوطن،
فالإبداع سيأتي طوعا في كل شيء |
نتمنى ان تساهم فى ذلك ونحن معاك انشاء الله بفتح
بوستات فى سودانيز اونلاين تنادى بحب الوطن ونعر
التفرقه و العنصريه و بالعدل و رفع الظلم وووو
وتحياتى لمرورك
|
Post: #26
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 07:19 PM
Parent: #25
كيقا
الكديسة لمن ما تلقى اللبن بتقول شنو
و
كااااااااااااااااااااااااااااااااك
|
Post: #27
Title: Re: الهلال اعاد قيد هيثم و المعز و التعاون و سجل بكرى المدينه
Author: محمد البشرى الخضر
Date: 06-24-2010, 08:32 PM
Parent: #26
Quote: يوسف هوت فى الخرطوم
وفى حالة اجتيازه الكشف الطبى
سوف يقوم الهلال بتسجيله بشكل رسمى |
يا معلم ح يتسجل في ياتو خانة و بياتو لايحة؟
ما خلاص بشطب أحمد الفاضل كملنا السبعة خانات شطب
|
Post: #28
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 08:42 PM
Parent: #27
اجراء تجنيس سادومبا يا ود البشرى ماشه على قدم و ساق
والراجل مع وكيله وصلا الخرطوم تماما
وده تصريحاتهما المصوره بحضور صلاح ادريس
من خلال قناة قوون الفضائيه
|
Post: #29
Title: Re: الهلال اعاد قيد هيثم و المعز و التعاون و سجل بكرى المدينه
Author: محمد البشرى الخضر
Date: 06-24-2010, 08:47 PM
Parent: #28
لا أنا قصدي مش عدد المحترفين قصدي كلاعب يكمل الخمسة وعشرين ح يخش مكان منو
الهلال اولريدي شطب السبعة لاعبين المسموح بيهم في الموسم
وحاليا ما عندو غير خانتي بركية وامادو تحت السن
اللهم إلاّ لو دبّروا إعارة من إعارات صلاح ادريس البعرفها براه
|
Post: #30
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 08:59 PM
Parent: #29
| Quote: اللهم إلاّ لو دبّروا إعارة من إعارات صلاح ادريس البعرفها براه |
شايفو امس كان عندو اجتماع مع ايفوسا > حيث ان ايفوسا فترت
اعارته انتهت ورجع البلد > يازول بتدبر على الاقل مزمل ابو القاسم
يلقى ليهو موضوع يكتب فيهو
|
Post: #31
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-24-2010, 10:13 PM
Parent: #30
كيكى
Quote: بكري المدينة ده من اسمو كده زول لعاااااااااب
وله صولات وجولات اتية |
نتمنى انو يكون اضافه حقيقيه
ويجد المدرب الذى يستطيع تفجير امكانياته
التى تحدثت عنها الصحافه و المجتمع الهلالى
|
Post: #32
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-25-2010, 08:02 AM
Parent: #31
Quote: المساس بطه علي البشير والكاردينال وعبدالله البشير مساس بالهلال الكيان
الهلال يمتلك خانتين للتسجيل غير هوت الذي اجتاز كشف الاختبار الطبي
رصد: الطاهر الطيب
عقد الاستاذ صلاح ادريس رئيس مجلس ادارة نادي الهلال لقاءا جماهيريا امس بنادي الهلال وقد جلس في معيته علي المنصة سعادة الفريق محمد عبدالملك الطاش واللواء عثمان محمد الحسن حيث تناول الارباب تسجيلات الهلال في الفترة التكميلية وقال ان اللاعبين الذين انضموا الي كشف قد جاءوا يدفعهم عشقهم للكيان ولم يأتوا من اجل المادة واضاف بان تسجيلات الهلال قد تمت وفق رؤية المدرب الفنية وان لجنة التسجيلات قد اجتمعت مرتين الا ان بعض النقد الاعلامي غير بناء وقال ان الهلال قد ظل دوما يقود الحراك ويغير القوانين وبشر الجموع الهلالية بان الهلال يمتلك خانتين للتسجيل غير خانة المحترف النيجيري يوسف محمد الذي قال انه قد خضع للكشف الطبي امس بمستشفي الامل وقد اجتازه بنجاح تام وسط فرحة الاهلة وعن الحديث الذي تردد بان نادي المريخ سعي للتاثير علي المعز محجوب ويوسف محمد حتي لايوقعا للهلال قال الارباب علي الاهلة الا ينشغلوا بمثل هذه الاحاديث واضاف بان نادي المريخ لايستطيع ضم عروة.
وفيما يخص انتخابات اتحاد الخرطوم قال الارباب ان الخطوة التي اقدم عليها الشاذلي عبدالمجيد بالترشح لمنصب نائب الرئيس لم تتم باستشارة الهلال وان الهلال يتحفظ على علاقته باتحاد الخرطوم الي حين لانه له مصالح مع نادي المريخ وقال الارباب انه باسم مجلس وجمهور الهلال يتقدم بوافر الشكر لاقطاب الهلال طه علي البشير وعبدالله البشير واشرف سيد احمد الكاردينال لدعم تسجيلات الهلال وان المساس بهم هو مساس بالهلال الكيان.
واضاف الارباب بان الهلال سوف يقوم بتوفيق اوضاع لاعبيه امادو وبركية وان المعسكر الاعدادي سوف يبدأ اليوم بالقاهرة وقال انه كان يتمني ان يبدا الاعداد بالفاشر أو نيالا وانه قد زار نيالا مع الكابتن هيثم مصطفي مؤخرا وان نتائج تلك الزيارة سوف تظهر قريباً
|
الكلام الفوق ده جاء فى قوون و الرياضيه
|
Post: #33
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-25-2010, 05:19 PM
Parent: #32
الجبلابى سلامات
Quote: خطوة موفقة ماعدا بتاعت المعز ..
انا ماعارف الهلال ليه متمسك بيهو |
المعز حاس جيد نوعا ما ويعتبر الآن من افضل الحراس فى السودان
من غير منافس > بس مستواه فى الفتره الاخيره بسبب عدم الاستقرار
نتيجة لكاش جمال الوالى ابان التسجيلات الرئيسيه الفاتت
ونتمنى بعد ان حسم الهلال امره ان يعود لمستواه المعروف
|
Post: #34
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-25-2010, 07:04 PM
Parent: #33
عبس سلامات
انت فى قصة المحاكاه ولا قصة سيد وارقو
التى فشلت كل محاولتهم لاعارته واخيرا
قرروا له الاستمرار فى حفرة امدرمان
مع التمنيات له باعاره فى السنوات
القادمه وبيت مال وعيال
|
Post: #35
Title: Re: الهلال اعاد قيد هيثم و المعز و التعاون و سجل بكرى المدينه
Author: طارق الكوتش
Date: 06-26-2010, 01:09 PM
Parent: #34
حسن
| Quote: انت تقارن مواسير الهلل زى هيثم والتعاون وغيره بعجب والزومة |
وكمان مع العجب و الزومه جاينكم الزلمات >
اصحاب الحجاره الجد جد >
الناقصكم تسجلوا ليكم لاعب عندو قلاب عشان تكتمل الصوره
ياخ المريخ ده لظيظ
|
|