منع مرور مواصلات الدروشاب والحاج يوسف امام مجمع النور

اول الغيث قطرة

منعت سلطات المرور صباح اليوم الحافلات المتجهة من الدروشاب الى الخرطوم من المرور امام مجمع النور بكافوري وامرتهم بالتحول الى الشارع بتاع سيقا الى كبرى كوبر
وعندما تحولت الحافلات الى ذلك الشارع تفاجاء السواقين بان شرطة مرور كوبر دفعتهم ايصالات مرتين للمخالفة المرورية بتغير الخط
ـــــــــــــ
مجمع النور هو المسجد الذي افتتح الجمعة الماضية

والآن لا يجد مواطنو الدروشاب مواصلات تقلهم من الاستاد لى منازلهم
ودا بأكد ان مشكلة البلد دي في انعدام التنسيق وزي ما قال الراجل (كل واحد يأكل مما يليهو)

سيدي علي ....

على مواطني الدروشاب الذهاب الى الخرطوم (الاستاد) عبر (ام درمان)

او عن طريق كبري (المنشية) ..

او عليم البقاء في (دروشابهم) منعاً(للإحراج) ؟؟

(مجمع النور) مش موجود في السيارات ؟؟؟

اول الغيث قطرة ... ياخ المطرة ناس (الدروشاب) غرقانين فيها ليهم 20 سنة

..

وتييب!!!!!!


فيها أيه؟؟؟

الممنوع هو شوية؟؟

ياخي نحنا الكلام حمونا ليهو؟؟؟



مافي مطار قريب؟؟؟؟


يديكم دوام الصحة والعافية

اهــا .. ناس الدروشاب عايزين يصلو فى المجمع دهـ ( هل هناك ما يمنع )

ولا دهـ جامــع ( VIP ) تمنع فيهو صلوات غبش ناس الدروشاب وما جاورها ؟

Quote: مجمع النور هو المسجد الذي افتتح الجمعة الماضية

هل كانت الصلاة عند الإفتتاح


بكروت دعوة ولا طلق ساكت؟؟؟؟


((إن المساجد لله فلا تدعو مع الله أحدا)) صدق الله العظيم


يديكم دوام الصحة والعافية

ده مش نفس المسجد اللي جابو ليهو السديس من السعودية؟

طيب لو ركاب البصات ديل بي بصهم ده، عاوزين يصلوا ليهم ركعة ركعتين في المسجد ده كيف؟


الفكي ود اسحق. في زمنكم حتى الصلاة بقت درجة أولى وتانية. الله ليكم يا سكان الحاج يوسف والدروشاب.

أتمنى من جميع المتضررين أن يلعنون الحكومة في صلواتهم صباح ومساء.

ناس الحاج يوسف والدروشاب تطير عيشتهم بنزعج المصليين ولا شنو
طيب ما يسوا لينا طيارات ونوعدهم ما تقع فوق مسجدالنور
ولا يسوى لينا جدار عازل يفصل الحاج يوسف والدروشاب من كافورى وما شابهها حالتنا السنة نوينا نصلى التروايح فى مسجد النور العتيق ونودع مساجدنا العشوائية فى الحاج يوسف ونهاجر يعنى نمشى كدارى ولا شنو ولا ممنوع سكان الحاج يوسف والدروشاب من ارتياد مسجد النور والتسوق فى المول التابع له بدلا من التسوق فى اليونتى مول (سوق ستة حقنا القديم )

تعرف رجعت بالذاكرة لمسجد الحسن الثاني بالدار البيضاء، الذي اقيم
علي جزء كبير للاطلسي. ودفع فيه المغاربة دم قلبهم حتي يتم، حيث كانت تفرض
السلطات، شراء، بوستر فيه صورة للملك، وجزء من اية< وكان عرشه علي الماء>
اكتمل المسجد، وصار اسهل للمغاربة دخول النادي والملهي الليلي المجاور
من دخول مسجد vip هذا.


مودتي

الأخ العزيز / على ميرغني
تحياتي ،

Quote: منعت سلطات المرور صباح اليوم الحافلات المتجهة من الدروشاب الى الخرطوم من المرور امام مجمع النور بكافوري وامرتهم بالتحول الى الشارع بتاع سيقا الى كبرى كوبر وعندما تحولت الحافلات الى ذلك الشارع تفاجاء السواقين بان شرطة مرور كوبر دفعتهم ايصالات مرتين للمخالفة المرورية بتغير الخط ـــــــــــــ مجمع النور هو المسجد الذي افتتح الجمعة الماضية

أتمنى أن يكون (مسجد النور) هذا مثل (مسجد التقوى) .. لا أن يصبح مثل (المسجد الضرار) المذكور في القرآن الكريم في سورة التوبة :

مسجد التقوى: *قال تعالى:
{ لَا تَقُمْ فِيهِ أَبَدًا لَمَسْجِدٌ أُسِّسَ عَلَى التَّقْوَى مِنْ أَوَّلِ يَوْمٍ أَحَقُّ أَنْ تَقُومَ فِيهِ
فِيهِ رِجَالٌ يُحِبُّونَ أَنْ يَتَطَهَّرُوا وَاللَّهُ يُحِبُّ الْمُطَّهِّرِينَ(108)}.

المسجد الضرار: *قال تعالى:
{ وَالَّذِينَ اتَّخَذُوا مَسْجِدًا ضِرَارًا وَكُفْرًا وَتَفْرِيقًا بَيْنَ الْمُؤْمِنِينَ وَإِرْصَادًا لِمَنْ حَارَبَ اللَّهَ وَرَسُولَهُ مِنْ قَبْلُ
وَلَيَحْلِفُنَّ إِنْ أَرَدْنَا إِلَّا الْحُسْنَى وَاللَّهُ يَشْهَدُ إِنَّهُمْ لَكَاذِبُونَ(107)} التوبة.


مودتي ،


( ليمو )

الحمد لله وقفوها وإنشاء الله تطير

بيتي يبعد من المسجد حوالي خمسين متر وخطوات من شارع الشفا البتمر بيه المواصلات

الشارع أصلاً ما شارع مواصلات ولا خط هو شارع يهرب بيه سواقين الحافلات من خط الحاج يوسف ليبيا ويمر بيه حافلات الدروشاب اختصاراً للزمن بعد المرور وسط حي الواحة وهو حلة
والحافلات نوع كبير اكتر من 30 راكب وبسوقوها مجانين حقيقي بصورة ما طبيعية مطاردة ومنافسة في تلقيط الركاب ويساعدهم خلو الشارع وحصلت كمية كبيرة من الحوداث في الشارع وخصوصا للأطفال بالإضافة للأزعاج لسكان الحي لان الحافلات بتمر وسط الحي

كدي يا جماعة فهمونا المسجد دا اسمو مسجد النور ولا مسجد البشير ؟؟؟؟

مش المسجد الفيهو قبب كتااااااااااار دا الفي كافوري؟

غايتو انا كم مرة جيت بي عندو الناس بيقولو انو دا مسجد البشير والله أعلم



زميلي في المكتب ساكن امدرمان وعندو ولدو بيقرأ في كوبر أها الولد يوميا بيركب مواصلات الحاج يوسف الجاية من سوق ليبيا عشان ينزل في التقاطع بتاع المسجد دا ويمشي مسافة صغيرة ويصل المدرسة
عندما تم تحويل المواصلات الولد بقي يمشي مسافة بتاعت نص ساعة بي كرعيهو عشان يصل المدرسة دا طبعا بعد ما ينزل من المواصلات


والله يا جماعة دا عيب العيب زاتو بالله الناس دي مش مفروض يراعو ظروف المواطنين وييسرو ليهم بدل ما يعسرو ؟؟؟

غايتو؟؟

الأخ بكري


أظن أسم تسمية البشير دي سموها ليه الناس ساي كدا لانو مافي لافته ولا حاجه بتدل على أنه اسمه البشير

Quote: زميلي في المكتب ساكن امدرمان وعندو ولدو بيقرأ في كوبر أها الولد يوميا بيركب مواصلات الحاج يوسف الجاية من سوق ليبيا عشان ينزل في التقاطع بتاع المسجد دا ويمشي مسافة صغيرة ويصل المدرسة

أيوه كلامك صاح ودي مدرسة الطيب سعيد وشوف المفارقات المدرسة دي يقرو فيها أولاد زميلك من امدرمان ومن الحاج يوسف ومن الخرطوم وأخوي ساكن جنبها بي خطوات رفضوا يقبلوا ليه أولاده فيها وكل يوم متلتل وتعبان يقطعهم شارع الظلط ويوم يفتش ليهم عربية والمدرسة جنب بيته ومش اخوي بس كل ناس الحلة محرومين من المدرسة دي زميلك دا عنده واسطه قويه الظاهر عليه

QUOTE
او عليم البقاء في (دروشابهم) منعاً(للإحراج)
بـرضـو يـكون أحسـن .

هـــو

ناس الدروشاب والحاج يوسـف ديل في قاموس ناس

الحكومة والمسؤولين بشـر من لحم ودم وفؤاد .. ؟






هشام