أمطار غزيرة متوقعة غدا او (و) بعد غدا في ولاية الخرطوم

المصدر : BBC Weather ومواقع ارصاد جوي اخرى

يتوقع هطول امطار غزيرة في في ولاية الخرطوم بعد ظهر الغد بدرجة إحتمال تبلغ 88% او اليوم بدرجة احتمال تبلغ 42% او بعد الغد بدرجة احتمال 92% في حال لم تهطل غدا.

الامطار المتوقعة ستتجاوز العشرين مليمتر مما يضعها في خانة الامطار الثقيلة ، من النوع الذي يغرق الشوارع ويترك برك المياه في كل مكان خصوصا ان الاستعدادات للخريف لا زالت حوالي صفر %.

لكم كل الود وبخت الباعوضة في الايام القادمة،

تحياتي يافضل

اللهم اجعلها امطار خير وبركة

موقع الmsn

جعلها الله أمطار خير وبركة وعمّ بنفعها أرجاء البلاد

رسالة عبر الـ Email من الأخ عماد

Quote: الاخ / ودالصائم السلام عليكم ورحمة الله انا من المتابعين لمنتدى سودانيز اون لاين واليوم تابعت البوست أمطار غزيرة متوقعة غدا او (و) بعد غدا في ولاية الخرطوم وبما ان الموضوع خاص بالامطار واستعداد ولاية الخرطوم لتلك الامطار حبيت ان تنشر هذه الصور بمنتدى سودانيز اون لاين وهي صور منشورة بمنتدى كورة سودانية للاخ مسداري والحقوق محفوظة له . والاخ مسداري نشر تلك الصور بقصد الفائدة وبنشرها بمنتدى سودانيز اون لاين نضمن لها ان تؤدي دورها لان نسبة المشاهدة سوف تكون اكبر والتفاعل سوف يكون اكبر . اخبرك اخي انني ارسلت هذه الصور لاحد الاخوان لكي ينشرها بمنتداكم العامر قبل فترة الا انه لم يفعل . وهذا هو موضوع البوست داخل منتدى كورة سودانية للعضو مسداري أحبابنا الكرام السلام عليكم نستقبل بإذن الله فصل الخريف بعد أيام أو أسابيع .. ونسأل الله ألا يكون كسابقه في المآسي التي ألمت بالبلاد بسبب سوء التصريف مع أن الحال لا يشير إلا لكونه مثله أتناول هذا الموضوع من واقع أثره على صحة السودانيين والشباب والأثر السلبي لتراكم مياه الأمطار على المواطنين والشباب والأثر المباشر على الرياضة والرياضيين خاصة مرض الملاريا الذي ينتج عن توالد البعوض، وإن كان البعض قد يراه تأثيراً غير مباشر موضوع سابق : مافعلته أمطار اليوم بالخرطوم .. من المسؤول .. توثيق بالصور + سقوط ألف منزل ووفاة امرأتين ما جعلني أكتب هذا الموضوع هو خبر قرأته على الشريط الإخباري بالتلفزيون القومي يعلن فيه السيد والي الخرطوم الجديد عبد الرحمن الخضر أنه سيحاسب وبشدة كل من يثبت أنه لم يقم بواجبه في فتح المجاري والمصارف سواء كان موظفاً بمحلية أو ولاية أو كانت احدى الشركات التي نالت العطاءات هذا التصريح في حد ذاته محمدة، إذ لم نكن نحلم سابقاً بسماعه من المسئولين، ولكن بعد الحملات الانتخابية التي كانت في معظمها وعود للمواطن بمحاربة البعوض (للأسف) ماعكس مدى الضيق الذي يعيشه المواطن نتيجة البعوض ومرض الملاريا، يبدو أن هم المسئولين توجه نوعاً ما نحو ايجاد حل مؤقت لهذه المعضلة أرجو أن أشكر الوالي على تصريحه القوي .. هذه أولاً .. وأتمنى أن يكون من يعتمد عليهم في المراقبة والتفتيش بقدر المسئولية ثم أرجو ألفت انتباهه لما يحدث بحي امتداد ناصر فهو التلاعب بعينه الشركة المسئولة ولا أدري إن كانت شركة أم هي المحلية قامت بتنظيف المجاري في الأماكن المكشوفة فقط بينما لم تكلف نفسها بفتح هذه المجاري في الأماكن المغطاة كالكباري وبالتالي لن تنساب المياه بغض النظر عن الجهد والمال الضائع، فالمجاري تظل مغلقة الصور ربما تكون أوضح من الكلمات منقول من موقع كورة سودانية الحقوق محفوظة للعضو مسداري

الصور قيد التحميل!

شكرا للأخ عماد
والأخ مسداري

Quote: جعلها الله أمطار خير وبركة وعمّ بنفعها أرجاء البلاد

يا عمك أمطار خير وبركة دي في القضارف ، هنا بنقول ( حوالينا ولا علينا ! )..

تحياتي للجميع ،

جعلها الله أمطار خير وبركة وعمّ بنفعها أرجاء البلاد

ربنا يبشرك بالخير

ياخ خليها تجي تفكنا من السخانة دي

http://news.bbc.co.uk/weather/forecast/123?printco=Forecast

Quote: ياخ خليها تجي تفكنا من السخانة دي

تفكنا من السخانة ، وتمسكنا في الباعوضة ، والضبّان ، وغاغ غاغ غاغ بتاعة الضفادع دي مش

غايتو لينا الله !

Quote: تفكنا من السخانة ، وتمسكنا في الباعوضة ، والضبّان ، وغاغ غاغ غاغ بتاعة الضفادع دي مش غايتو لينا الله !

عارف يا حسن بكري اصلو الشعب السوداني شعب مبتلي

يتفكا من طامة تجيهو طامة كبري

الله يسهل علينا ساكت بس

Quote: يا عمك أمطار خير وبركة دي في القضارف ، هنا بنقول ( حوالينا ولا علينا ! )..

ما عندكم خور؟

الخيران دي يا مؤمنين


دي مساكن شعبية



بقت ....


ما لتصريف المطر والحكاية دي بقت مكشوفة وباينة ،،





هشام

ود الصائم ،

Quote: ما عندكم خور؟

هي البلد دي زاته ما بقت ( ماخور) كبير !

:QUOTE
أمطار غزيرة متوقعة غدا او (و) بعد غدا في ولاية الخرطوم
الأخ شهاب..
ومنوالقال الأمطار دى متوقعة؟
ياحبيبى الأمطار دى (غير متوقعة) وفى غير مواعيدها المعتادة...وهو نحن وشبكة البى بى سى الأخبارية حنفهم اكتر من الوالى ومسئولى الولاية؟
وسوف تشاهد غدا .

أها جات والا ما جات يا أخوانا ؟؟؟
أخبار الباعوض كيف ؟؟
بدأ شغله والا لسة ؟؟؟
نحن بعد عشرة يوم حنكون بإذن الله في الخور ..
هي بسم الله أقصد في الخروطوم ...!

ماتستعجل رزقك يابوعفان..
كل شيئ فى انتظارك ... ومن المطار.

غايتو امس قررربت
هبوب وشوية غبار كدا وانا واقعة بخوف ليك في ناس البيت
قلت ليهم هشام كرار قال

بس بالجد كدا والله الجو كان سمح

Quote: تفكنا من السخانة ، وتمسكنا في الباعوضة ، والضبّان ، وغاغ غاغ غاغ بتاعة الضفادع دي مش

والله غاغاغا دي قاعد تدبرس بي دبرسه كان لى مراد امسك الضفدعه دي واغوغي فى اضانها ..

ده كله كوم واسلاك الكهراباء المعلقه فى السماء كوم تانى ..

يعنى كان ما وقعت فيك حيطه .. ينيشك سلك كهرباء ..

اللهم احفظ عبادك .. واجعل امطارك خيرا وبركه ..

كان جات لوموني

Quote: والله غاغاغا دي قاعد تدبرس بي دبرسه كان لى مراد امسك الضفدعه دي واغوغي فى اضانها .. ده كله كوم واسلاك الكهراباء المعلقه فى السماء كوم تانى .. يعنى كان ما وقعت فيك حيطه .. ينيشك سلك كهرباء .. اللهم احفظ عبادك .. واجعل امطارك خيرا وبركه ..

عفاف الصادق

عارفة الغاغ غاغ دي مقدور عليها وفي النهاية ما بتكتل ليها زول والحيط ما مشكلة الزول ممكن يزوغ منها

لكن والله أمبارح في امدرمان حبة الهواء الجات ديك عملت ليك جنس عملية في الكهرباء؟؟

ياخ نحن قلنا خليل جا ولا الحاصل شنو يا ناس؟

دووووووووووول بس عبارة عن راجمات وكمان جابت ليها حركة جديدة بقت تقع كور نارية في الارض زي الزول الحارق ليهو لستك تصدقي؟؟

ياخ غايتو والله البلد دي ماشة بي طاعة سيدا ساااااااااااااكت

الله يستر

Quote: والله غاغاغا دي قاعد تدبرس بي دبرسه كان لى مراد امسك الضفدعه دي واغوغي فى اضانها .. ده كله كوم واسلاك الكهراباء المعلقه فى السماء كوم تانى .. يعنى كان ما وقعت فيك حيطه .. ينيشك سلك كهرباء ..

المشكلة انا نسيت الخرطة البصل بيها من الزلط للبيت
وبتاع الترحيل في الزلط بس ما بنزل متر

ياربي الخرطة كانت كيف هي!

يكون قصدكم سخانة غزيرة ...













***
كذب المخبرون ولو كانو بي بي سي
على الاقل حتى الآن