الشارع السوداني يقول: موقع (سودانيز اون لاين ) اقوي من كل الاحزاب ، ومن التجمع بتاع المعارضة!

الشارع السوداني يقول: موقع سودانيز اون لاين اقوي من كل الاحزاب،ومن التجمع بتاع المعارضة!
---------------------------------------------------------------------------------------------------

***- هذا العنوان ليس من عندي ولامن بنات افكاري، وانما وصلني عبر مكالمة من الخرطوم!، ويقول صاحب المكالمة:

جمهور الموقع (سودانيز اون لاين ) يزدادون في الخرطوم كل يوم عددا واغلبهم لم يعودوا يـطالعون الصحـف المحلية ويكتفون بمقالات واخبار ومواضيع وصور الموقع، وايضآ محطة (الجزيرة)!!. والموقع ينشر ويبث مالاتقوي اي جريدة او اي جهاز اعلامي اخر بالسودان علي بثه،

***- صاحب المكالمة يقول ايضآ ان وزير الاعلام السابق زهاوي كان وبسبب سياساته لاعلامية الفاشلة وعدم احترامه لمبدأ قومية الاعلام وراء هروب السودانيين من الاستماع ومشاهدة تلفزيونه المضلل وايضآ الامتناع عن قراءة الصحـف المسيسـة. ولهذا لم يجـد السودانييون من حل اخر امامهم لمعرفة حقائق مايدور في بلادهم بعيدآ عن زيف اعلام الحزب الحاكم وكذب المسؤولين بالقصر والحكومة الا وان و يلجأوا لموقع (سودانيز او لاين) ويعرفوا من خلاله حال البلد وناسه في الداخل والخارج!!

***- انه يقول ايضآ، وقبل الانتخابات بزمان طويل ماكنا نصدق اي حرف يصدر من الاحزاب التي خاضت او لم تخض الانتخابات، ولاكنا نصـدق كلام المعارضة ولاالتجمع بتاع الميرغني، وكنا نحترم مايبث ب(المنبر العام) لانها اراء ومقالات لا ضغوطات فيها وتصـدر بحرية كاملة من اصحابها وقابلة للنقاش والنقد عكس ماهو موجود بالاحزاب والاجهزة الاعلامية المحلية!!

***- طلب مني صاحـب المكالمة وان اساعـده في بث موضوعه هذا لانه غير عضـو بالموقع الموقر.

***- وهاانذا افعل.

العزيز بكري.

مؤخرا لجئ تلفزيون السودان لبث مباريات دوري كرة القدم لكي يجذب مشاهدين له بعد أن هجره معظم أهل السودان. واضح جدا أن الذين يشاهدون الفضائية السودانية هم المغتربين الذين يتشوقون لمعرفة أخبار البلد. وواضح جدا أن التكنلوجيا الان قد تجاوزت كل أساليب الاحتكار القديمة التي ظل تمارسها الحكومات الدكتاتورية.

الأخ الـحـبيـب الـحـبـوب،

Deng
تحـياتي ومـودتي،

وألف شكر علي زيارتك الكريـمة.

***- بعد ظهور الفضائيات العالمية والتنافس الحاد بينها ومحاولة كل محـطة فضائية اكتساب اكبر قدر ممكن من المشاهدين، كنا نتوقع وان تدخل المحطة الفضائية السودانية بشـدة في منافسة مع باقي المحطات العربية خصـوصآ وان الحكومة تملك عائدات النفط وممكن بجزء بسيط من هذه العائدات وان يحـسن به الانقاذ من صورته السيئة ولكن الحزب الحاكم اصر علي ان يبقي اعلامه مسيسـآ وتحت رقابة امنية صارمة فكانت نهايته اليـمة وخرج وزير الاعلام من تشكيلة الوزارة لانه كان محل نقد وتجـريح من قبل ملايين في داخل السودان وخارجه.

***- يقول احـد العراقيين وهو يعمل استاذ بجامعة المانية ويدرس مادة الاعلام العربي ان اسوأ ثلاثة محطات فضائية بالوطن العربي هي السودانية والليبية والسعودية بسـبب الرقابة الحكومية الزائدة علي اللزوم عليها وعلي اداءها وخضوعها التام للسلطات الحاكمة!!

***- لك مودتي اخي ديـنق.

أخى الفاضل بكرى الصائغ

لك التحايا الطيبة و الود

محدثك صادق فيما ذهب اليه فلقد لاحظت ان الكثيرين من أهل السودان لم يكن التلفزيون السودانى
جاذبا لهم و لا مقنعا و لا مرضيا لتطلعاتهم و بفضل توفر الفضائيات عبر الدش فى معظم انحاء السودان
فتوفرت قنوات اخرى فيها الكثير الجدير بالمشاهدة بالنسبة للمادة الخبرية و البرامج الترفيهية

موقع سودانيزاونلاين لا شك أنه اصبح مصدرا للاخبار السودانية لمعظم المهتمين بالشأن السودانى
فلا يقارن بالاحزاب لانها لا تملك ناصية الاعلام و لا تمتلك مواقع رائدة و يعتمتد عليها ...

الأعزاء بكري ودينق والطيب ..

السلام عليكم وصباح الخير ..

كان الأستاذ فضيلي جماع قد تقدم بمشروع قناة تلفذيونية للديمقراطية تساهم فيها المعارضة بكل فصائلها ، لا أدري إلى أين وصل هذا المشروع ..

يا ريت لو تضافرت الجهود من كل الحادبين على حرية الكلمة ومستقبل الفكر والسياسة والإجتماع في السودان لتنفيذ هذا المشروع ويا ريت لو كان ذلك بقيادة الحركة الشعبية ...

تحياتي ومعزتي للجميع

صديق أبوفواز

الاستاذ الكبير بكرى الصائغ، تحياتى ن أثنى ماجاء بالبوست وهذه حقيقة نعيشها نحن أعضاء المنبر فكثير ماتصلنى اتصالات من السودان وخارج السودان عن ما أكتب أو مايعرض على سودانيزون لاين ، وكانوا يناقشوا معى مايكتبه الزملاء والتعليقات المتبادلة وأختلاف وجهات النظر، وصدقنى كثير من الكتاب وأنت منهم، اصبحوا مشهورون بدرجة قد لايصدقوها، ودائما للامام، أكيد مودتى .

** الاُستاذ بكرى الصايغ..
** مساءك خير..
## ليس العامه من يعتمدون على المعلومه الصحيحه من هذا الموقع ,, بل المسؤوليين الحكوميين يبحثون عن الحقيقه وعن المعلومه فى هذا الموقع ..
** من هذا البوست إفترعت هذا البوست كفكره :-

** ياسيد الحوش :- هل نطمع أن يتحول هذا الموقع لقناة تلفزيونيه فضائيه ؟؟]

(ودام الود بين الجميع)
(ابو محمد فؤاد) - الماكيكى..

** الاُستاذ بكرى الصايغ..
** مساءك خير..
## ليس العامه من يعتمدون على المعلومه الصحيحه من هذا الموقع ,, بل المسؤوليين الحكوميين يبحثون عن الحقيقه وعن المعلومه فى هذا الموقع ..
** من هذا البوست إفترعت هذا البوست كفكره :-

** ياسيد الحوش :- هل نطمع أن يتحول هذا الموقع لقناة تلفزيونيه فضائيه ؟؟]

(ودام الود بين الجميع)
(ابو محمد فؤاد) - الماكيكى..

الأخ الـحـبـيـب الـحـبـوب،
الطيب رحمه قريمان،
تـحياتي ومودتي،
وشكري علي زيارتك الكريـمة،

***- واوافقك ياأخ الطيب علي كلامك ان غالبية السودانيين لم يكن التلفزيون جاذبآ او مقنعآ لهم بسبب سياسات الانقاذ في تسيس الاعلام بكامله ولم يسمح ولو بقليل من الانفتاح علي الحقائق واكثر من التلفزيون من الكذب ولنفاق بصورة مقرفة جعلت الناس يهربون منه ويتجهون للمحطات الفضائية الاخري. والغريب ان كبار القادة في الحزب الحاكم والحكومة كان وا يهتمون باخبار وبرامج التلفزيونات العربية الاخري ولم ينكروا ذلك وانتقدوا عمل وبرامج تلفزيونهم!!

***- وصلتني عدة رسائل حول موضوع هذا البوست، احد الاخوة يؤكد ان موقع (سودانيزاون لاين) قد سـحب البساط تمامآ من تحت كل الاجهزة الاعلامية والصحف المحلية بالداخل، بدليل ان بعض الصحف الكبيرة اصبحت تسرق علانية من الموقع بعض المواضيع او تقتبس افكار بعض المواضيع وتصوغها بطريقة اخري، الموقع ينشر علانية مايدور في البلاد من سلبيات وتكتب اسماء الفاسـدين والذين اثروا علي حساب النهب العام وخزائن الدولة وتبث ايضآ اخبار المعارك والمجازر التي تقوم بها القوات المسلحة مما يعطي المواطن السوداني فكرة عن مايدور في بلده المنكوب،وهي اشياء ممنوعة من النشر بتوجيهات من الأمن ووزارة الاعلام، لذلك فان المواطن لما كان ويهمه معرفة كل الحقائق فانه يلجأ للموقع (سودانيزاون لاين) الذي لاينوم ولايعرف النعاس وصاحي 24 ساعة ويجد عنه احـداث اليوم السودانية!!

***- ووصلني ايضآ رسالة ظريفة تقول ان الوزراء عندما يستيقظون من نومهم صباحآ فانهن لايستمعون لاخبار الاذاعة وانما يهرلون للكمبيوترات التي عندهم ويطالعون اخر اخبار السودان من موقع (سودانيزاون لاين) وماوقع في في بلدهم من احـداث اثناء نومهم ..حتـي الرئيس نفسـه!!

***- لك مودتي اخـي الطـيب.

الأخ الـحـبيـب الـحـبـوب،

صديق عبد الجبار،
تحياتـي ومودتـي،
وسـررت بزيارتك الكريـمة، ومشاركتك القيمـة الـمقدرة.

***- تعرف ياأخ صـديق، وصلتني سبع رسائل بخصوص هذا (البوست)، يقول احدهم في رسالته:
(المحترم دكتور الصايغ، عارف ليه منبر (سودانيز اون لاين) قدر يصمـد حوالي تسع سنوات ومافشل وانتهي زي ماانتهت مئات المواقع السودانية الباقية?. السبب الاول ان صاحب الموقع السيد بكري وابوبكر نادرآ مايكتب في الموقع بتاعه وبخلي المساحات للاخرين، زمان كانت في مواقع الكترونية ماتلقي فيها الا صورة صاحب الموقع ومقالاته،ومابخلي زول تاني غيره بكتب!!، الحاجة التانية صاحب الموقع اعطي حرية كبيرة للغاية للكتاب بدون ان يتدخل الا في الشديد القوي، وبحترم القاعدة بتاعتو وماقرأنا له مرة وحقر او شتم عضو بالموقع بتاعو.

***- يقول صاحب الرسالة ايضآ، انا قاعـد اطالع كل يوم الموقع ده،وكل يوم بلقي فيه الجديد المفيد،ولكن تعرف يادكتور الصايغ مرات بمشي للارشيف بتاع المكتبات عشان اقرأ المواضيع القديمة بلقي بعض المكتبات دي مافي اي مواضيع جديدة وثابتة بس علي مواضيع من قبل اربعة سنوات وانا بهمني امر المكتبات لاني بعمل بحث في الاعلام السوداني.... وانت ذاتك كتبت في الموضوع ده وطلبت دعم مكتبة الفساد بس، ولكن كمان الباقيات مهمة شـديدة.


***-وعندي طلب للسيد مدير الموقع: (مكتبة الاغاني السودانية بسودانيزاونلاين اغلب الاغاني فيها مشطوبة وبعضها مابنقدر ندخل عليها لاسباب فنية من عندكم فبالله ياسيد ابوبكر عاجل لنا مكتبة الاغاني السودانية، وكتر الله الف خيرك).
------------------------------------------------------------------------------------------

***- شـكرآ لك اخي ابوأمنة علي رسالتك ومشاركتك، ولك مودتي الخالصة.
***- وايضآ لك كل المودة اخي عبدالجبار.

الأخ الـحـبيـب الـحـبـوب،

هاشم محمد الحسن عبدالله،
تـحياتي ومـودتي،

وألف شكر علي كلامك الجـميل وتعليقك الاجـمل، والف شكر تانية علي ثناءك لشخصي الضعيف وجزاك الله عني كل خير.

***- تعرف ياأخ هاشم، وصلتني رسالة من أخ عضو بالمنبر العام يقول فيها:
تعرف ياود الصايغ، ياأخي اجمل حاجة في (سودانيزاون لاين) حكاية البورداب اعضاء الموقع المنتشرين في كل اصقاع العالم، اول ماتحتاج لحاجة ماعليك الاوتقول: (المساعدة ياشباب)، الاوتلقي عشرات الاستجابات الفورية،واجمل شيئ في هـذا العمل التطوعي تلقي المساعدات تجيك من ناس نبذوا الخلافات التعصبية والانتماءات الحزبية ورموا كل الخلافات دي وراء ضهورهم وراحوا ويفكرون بس في مشكلتك وكانها مشكلتهم!!

***- والله ياهاشـم ، فعلآ كلام زميلي في محله، كل يوم تقرأ بالمنبر العام عضـو يقول لبورداب دولة ما (ياشباب انا جاييكم) وما وتلقي الاعشرات الترحيب بمقدمه!!

***- والله غايتو موقع (سودانيز اون لاين)دا هدية من الله سبحانه وتعالي للسودانيين.

***- لك تحياتي اخي هاشـم.

الأخ الـحـبيـب الـحـبـوب،

عبدالكريم أحمد الامين،
تـحياتي ومـودتي،

***- وتشـرفت كتيـر ياجنابو بزيارتك الكريـمة ومشاركتك الـمقدرة بصـورتك البهيـة وتعليقك الجـميل. واطلعت علي مقالتك وهو فعلآ اقتراح معقول وان يتحول هذا الموقع ( سودانيزاونلاين) الي قناة فضائية، وافيدك علمآ بانه من السهل تاجير او امتلاك اشتراك في قمر صناعي مخـصص للاعلام وهناك كثير من المواقع تحولت الي قنوات فضائية ولكن تبقي مشكلة التمويل لمقابلة اوجه الصرف علي القناة. قرأت في احدي المجلات ان فريق الأهلي كان يفكر في امتلاك قناة فضائية اعلامية رياضية تجارية واعتمـد اصحاب الفكرة علي الاعلانات في تغطية مصاريف القناة ولاادري ان توقف مشروع الفريق المصري ام مازالت تواصل ابحاثها حوله،

***- مشكلة الاخ بكري ابوبكر الاولي ستكون التمويل، وفي ظل ان الاقمار الصناعية اصلآ مشاريع تجارية بالدرجة الاولي فالمبلغ لن يقل باي حال من الاحوال عن 4 الي 5 مليون دولار.

***- عـدد الاعـضاء بالمنبر العام حوالي سبعـة الف عضـو ( بحسب كلام سبق ان قرأته من قبل بالموقع)، ولو قام كل عضـو بدفع 100 دولار سنويآ لامـكن انجاح فكرة اقتراحك بتحويل الموقع لقناة فضائية.

***- لك مودتي اخي عبــدالكريـم.

وصلتني مكالمة هاتفية من أخ عزيز يقيم بالدوحة القطرية يقول فيها:
***- ( اخونا بكري الصايغ، ياأخي والله موقع سودانيزاونلاين وقع لنا في جرح، بقينا نلقي فيه كل الاخبار السودانية والحاصل جوه وبرة البلد ومش كدا وبس،وكمان اخبار الافراح والاتراح ومنو عرس ومنو عنده عزاء.

***- والله بقينا نخـصص ساعات من يومنا عشان نتابع المواضيع والاخبار، ورغم ان ظروف عملنا احيانآ مابتساعد للمطالعة خلال النهار بنقوم نساهر معاه مرات للصباح. والله يااخي المنبر هبة من الله سبحانه وتعالي للسودانيين وخصـوصآ المغتربيين.

***- ولكن بعيب علي الاخوة بالمنبر العام البشتموا مصر والسعودية وليبيا، ياأخونا شعوب الدول دي والله ماعندها ذنب في البتكتبوه فعليكم الله ارحـموا من في الارض يرحـمك رب العالـمين في السماء.
-------------------------------------------------

***- لك مودتي اخـي مـحـمد علي مشاركتك الكريـمة.