باب النائحة ونافخ المزمار وضارب الدف

الكيزان في الكتب الصفراء بتاعتهم عندهم باب زي ده
يجمع بين النائحة ونافخ المزمار وضارب الدف.. والنائحة هى التي تبكي وتولول على الميت وتكيل التراب والرماد على رأسها..
يعني أوكسترا التلفزيون عندهم فيها راي..؟ والحكاية بس تمشية أمور..
هذه هي ثقافتهم وقس على ذلك من البلاوي
إذا سألت واحد فيهم سؤال وقلت ليهو
أيهما أحسن
واحد جاب دكتوراه في طبقات صوت الأكورديوم.. والصوت عامة
وواحد جاب دكتوراه في ( مبتغى الطلبة في مسح الرقبة) راح يضحك فيك ولو جنبو عصاة لضربك بيها
............
هذه هي ثقافتهم وقس على ذلك
ولو قلت لى واحد الغناء
حا يقول ليك ده حرام قطعاً
ولو لقيت واحد فيهم متفلسف شوية راح يقول ليك
الغناء الذي يتحدث عن مفاتن المرأة شعرا وعيونا وجسما وبسمتا ده حرام قطعا والفنان البي يغني ده ويموت مصيرو الي الدرك الأسفل من النار
أما الغناء البي يقول جدودنا زمان وصونا على الوطن.. ده مباح وليس حلال
بعدين لو لقيت ليك واحد فيهم متفلسف شوية وعايز يتحرر يقول ليك
قصة
إنو نبينا عليه الصلاة والسلام مره لقى السيدة عائشة رضى الله عنها عندها جواري حبشيات يغنن ويدقن في الدف.. بعدين سيدنا عمر رضى الله عنو نهرن.. والنبي صلى الله عليه وسلم قالو خلهن يا عمر.. وضحك
هل الحبشيات ديل زمان عندهم ساوند سيستم ومكسار.. ومايك ومحسنات صوتية وأضواء ملونة ورقص وديسكو
يبقى الحكاية ياجماعة عايزة تنصيص جديد وفهم وتطور ومقياس جديد وعقلية جديدة

Quote: يبقى الحكاية ياجماعة عايزة تنصيص جديد وفهم وتطور ومقياس جديد وعقلية جديدة

Yout hit on the right place of the proble. if people understood this concept the world would have been a better place to live without any fight in the name of the sacred...!
thanks


mohamed elgadi