رجل اعمال (بالمعاش) .... يبحث عن وظيفة .. انشاء الله عامل

كرهنا السوق بالله واحد احد
,
,
,
وكرهنا الفن زاتو ..
,
وكرهنا القعدة في البيت
مع الحريم ..
بعدما اخدنا المعااااااش
.
.
.
دايرين نجري الدم في عروقنا
ما اكتر ..
.
.
.
انشاء الله عامل بالوكالة
يومية ما مشكلة
اي حاجة

اخر عمل عملته ...
كان عمل وطني اقتصادي كبير
وفشلوه ؟؟
وشلتوني ؟؟!!
غايتو ....
ممكن اشرح حبة
وانا واثق
الناس بتفهم للعندو قروش
ومفتاح ..
وسوط ..
المهم ..
.
.
.
شوفي لي عمل

بايجاز ..
قدمت ورقة ومشروع من خلاله يمكن تمليك سيارة
لكل مواطن عامل بمصلحة او شركة او الحكومة
با سعار مغرية جدا
بدل ما نشتري الاكسند (الفيرنا) بالاقساط بي كم وثلاثون الف بالاقساط مثلا
يمكن توفيرها ب اربعتاشر الف
وبدل ما ندفع قسط اكثر من الف
يمكن دفع زي اربعمائة قسط
وبدل ما ندفع اقساط لمدة اربعة او خمسة سنوات
اختصرتها لي 18 شهر فقط
وبدل ما يروح مال البنوك في تمويل السيارات (القصير)
يمشي للتمويل الطويل او الاوسط
يعني زول قاصد يقدم خدمة للبلد.
.
.
ترموه الرمية الشينة دي ...

المهم انا ده كله نسيتو خلاااااس
ووالله اعتبروها غلطة انا جبت السيرة دي
.
.
.
.
بس ده اخر عمل (بزنس) قمت به
قبل المعااااش
.
.
.
حاولت اشتغل بالعتالة
الجماعة رفضوا رفض بااااات
قالوا لي
لو داير نحن نعتل ونقسم ليك معانا
دايرين يردعو الجميل
ااال جميل اااال ...
ما عارف ياتو جميل انا عملته فيهم ده

ده ما موضوع شخصي
بل ...
نوع جديد ...
من فن القلم ..
لمن يفهم ..



محبة للجميع

نرفع ونعيد

كي نساعد للفهم

ومن يقدر على فك الطلاسم