ناس بحري ما بناباكم لكن معليش وما شاء الله عندكم بوستين يسدوا عين الشمش
ناس امدرمان (هههههه) ياخي اقترح عليكم تقلعوا الكباري وشيلوا حديدو (تبرع وكده) و ومع الفوضى والخرتمية وزير دي حقو تعلنوا عن امدرمان ولاية قائمة بذاتها. شاو
______________________
مقدمة كان لابد منها عشان في ناس (كده) لازم تحسمها من بدري بدري
______________________
الخرطوم المقصودة وبرضو في ناس ح تزعل لكن البوست بقول الخرطوم القديمة وفي عرفنا هي:
1- شمالا الخرطوم غرب والخرطوم وسط (السوق العربي) والخرطوم شرق (او ما يطلق عليها الآن الخرطوم شمال) اي كل ما يقع شمال خط السكة حديد وفيهم ناس توتي
2- شرقا البراري (المحس، ابو حشيش، الدرايسة، الشريف) والجريف غرب
انا عاشق للخر(.........)م بكل احيائها و ازقتها و حواريها و تأسرنى الخرطوم الفديمة بكل مناطقها و امتدادتها المحفورة فى القلب عن شخصى مولود و ترعرت فى الكلاكلات ..... ابى ولد فى الديوم الشرقية و والدتى تربت و ولدت فى الحلة الجديدة و اهلى يعيشون فى الكلاكلات و بعضهم فى الديوم الشرقية و الحلة الجديدة و الامتداد و الصحافة و الرميلة احفظ الخرطوم القديمة جيداً من الكلاكلات و حتى توتى و من المقرن و حتى البرارى ..... و ما بينها من الاماكن و الحياة ! و عسى مع حركة البوست ان نتطرق تدريجياً لاهم معالمها القديمة من الاسواق الى المواقف الى زنك الخضار و اللحمة مروراً بالمدارس و الاحياء الى ملاعب الكرة و السينمات و اين تذهب هذا المساء و عصابة مصطفى الكضمى من كليزيوم و حتى الوطنية غرب ( قريب من بيت صاحبى و حبيبى سيف الدولة ) و من النيلين و حتى سينما جنوب .... هذا طبعاً قبل دخول سينما القاعة الحديثة و لاتنسى البصات و الوانها و خطوط سيرها و انواعها
طبعاً يا احمد انا و صاحبى سيف درسنا الثانوى فى مدرسة المقرن الثانوية العريقة و ده موضوع سنتطرق اليه لاحقاً عند التحدث عن المدارس
المهم .... انا حاجز كرسى فى البوست ده بجانب صاحبى سيف عشان الحكى يكون نضيف.
سيف الدولة
تحياتى يا سيف يا فردة ... وينك ؟؟؟ خلينا عليك الله نعيد ذ
Post: #5 Title: Re: ناس الخرطوم القدامى Author: احمد خليل Date: 06-19-2010, 05:22 PM Parent: #4
تحياتى انت نسيت (حى باريس) ليه,,, kofi
Post: #6 Title: Re: ناس الخرطوم القدامى Author: سيف الدولة كامل Date: 06-19-2010, 06:22 PM Parent: #5
مرحب بالصديق العزيز دكتور صديق( كوستا)
ان شاء الله نعيد الذكريات القديمة للخرطوم
القديمة وفول الفاضل وهيصة الكورة قدام الدكان.
الاخ أحمد خليل ,, حي باريس بتنسي حليل
محمود ود العز وكل أولاد زكريا واولادمامون
حسب الرسول وال الحكيم وكنجاري والفنان
حسن عطية, كنا بنجي من غرب ندخل بالفتحة
في الحيطة بتاعة السكة حيديد ونلعب في
ميدان لولي,,, أيام لها ايقاع ليتها تعود.
مودتي لكم جميعا
Post: #7 Title: Re: ناس الخرطوم القدامى Author: عمرو كمال ابراهيم Date: 06-20-2010, 00:18 AM Parent: #6
طيب
المولود فى الخرطوم غرب وعاش 30 سنو فى شارع البلدية وعلى عبد اللطيف
__ زحوا كده ولا كده
Post: #8 Title: Re: ناس الخرطوم القدامى Author: سيف الدولة كامل Date: 06-20-2010, 00:50 AM Parent: #7
المنشية حي قديم جدا البخلي بري الاماب و الجريف من ناس الخرطوم ( الخرتوم ) و إطلع المنشية شنو ؟؟
بعدين إمتداد ناصر إسمها الحقيقي و الرسمي ( إمتداد البراري )
بعدين كيف نتكلم عن الخرتوم و ننسى منطقة العمدة ود كرم الله آخر عمدة للخرتوم ؟؟ ( المقرن )
أعتقد الريس يوسف محمد يوسف و حيدر أمين سيكون لهما حضور جيد في هذا البوست
تحياتي لكل المشاركين .................................. و صاحب البوست
Post: #43 Title: Re: ناس الخرطوم القدامى Author: عمرو كمال ابراهيم Date: 06-20-2010, 04:58 PM Parent: #8
Quote: ولا جمال عبد الناصر ولا دكان اليماني
ياتو يمانى بالضبط على ما اذكر كل الحلة يمانية تقريبا
عدا دكان اولاد الزبير الذى تغير غرضه من بقالة لشئ احر لا اذكره الان، وبقالة فريد عبد الله بشارع الحرية :)
انا فى عمارة سعد جوار الكلية القبطية ونيابة الخرطوم مقابل رئاسة سجون العاصمة
فى دكان يمانى كان فى تقاطع على عبد اللطيف والبلدية جنب دكان تشارلس الساعتى( كان مركب علامة ساعات سيتزين المشهورة) وفى البيت ده ورشة اخوه البرت بيصلح عربات السفارات والمنظمات الاجنبية).
بالمناسبة دكان اليمانى مشى البلدية قدام فى المربع بتاع حلويات سلا عمارة المغربى حسى، بعد داك بقت كافتريا جي جى فى نهاية الثمانينيات. حسى تكون تحويل رصيد ولا قدر ظروفك ما عارف.
تانى فى دكان يمانى فى على عبد اللطيف قصاد جمال عبد الناصر(الركن الجنوب الشرقى ) مش كده؟
السوق العربي واجهة ميدان النجيلة ( الامم المتحدة) من الغرب للشرق
البنك الصناعي - عمارة شبرقلة- دكان عبد تادرس ثم شارع هاشم بك - جميل كبابة - دكان عم عبدالرحيم للاحذية البلدية -الحاج علي المغربي- حليم شفيق- عبالله سيداحمد - عثمان ملاح- مخازن العامل - زقاق صغير - حسن صالح خضر- باتا- فضل المولي محمد ملاح- شارع الشيخ مصطفي الامين - مكتبة النهضة لمؤسسها عباس ابو الريش- حلواني حمدتو- دكان معمل كريكاب- الزيبق - شارع-
( السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟)
Quote: تخريمة: يا ماضي هل الاسم ليهو علاقة بالشيخ أحمد ماضي أبو العزايم
شيخ الطريقة العزمية؟
يعني يا سيف الدولة كبيت المعلومات دي كلها و تفوت عليك دي ؟
الاسم ليهو علاقة بالسيد ( محمد ماضي أبو العزائم) مؤسس الطريقة
و بالمناسبة كان شيخ جدي للوالد و بيت جدي جنب طلمبة العيلفون
و نادي العمال و الشيخ كان ساكن في بري في بيت شيخ الهادي
وهو المقر السابق لنادي بري المحس الاجتماعي و المعروف بنادي العجائز
و الشيخ أحمد ماضي ابو العزائم هو الابن الاكبر و خليفة العارف بالله الشيخ
محمد ماضي أبو العزائم.
تخريمة: أنا اسمي ماضي إبن ابوالعزائم و اكبر ابنائي اسمو محمد و الثاني أحمد
Post: #17 Title: Re: ناس الخرطوم القدامى Author: أحمد ابن عوف Date: 06-20-2010, 06:53 AM Parent: #16
الاخ سيف الدولة كامل
ياخي الف تحية واسف جدا لاطراري لمغادرة النت فور فتح البوست
Quote: حبابك يا احمد,,,, اها انا ابوي مولود في السوق العربي
وأنا في الخرطوم غرب ترعرت ونشات ,, شارع الاسبتالية.
ودرست في الخرطوم غرب الاولية والاميرية والمقرن ,,,,
اها انت موقعك وين عشان نبدأ؟
الجار العزيز،
الوالد رحمة الله عليه مولود بالشمالية لكن عماتي الاكبر سنا منه ولدوا بالخرطوم والسوق العربي تحديدا
درست في الخرطوم شرق الابتدائية (الله يجازي الكان السبب) وللذين لا يعرفون كانت في موقع برج البركة الحالي، اسسها رفاعة رافع الطهطاوي كاول مدرسة اولية في السودان درس بها والدي بالارعينات ودرست بها في السبعينات
درست سنة في الاميرية وبعدها كان الاغتراب والعودة بعد سنتين الى الخرطوم الجديدة والجامعة في جامعة الخرطوم، يعني يا سيف اخوي انا لافي حياتي كلها في الحتة الضيقة والواسعة في آن.
بيتنا كان وما زال (اعتبره) قرب مطبعة التمدن
شقيقي الاكبر درس معاكم بالمقرن الثانوية 85-88
تحياتي يا جاري وابن حلتي يا ود الخرطوم يا اصلي
للمعلومية وشكرا
بالضرورة والدي ووالد الاخ سيف كانوا ينصحونهم ان لا يعدوا خط السكة حديد جنوبا بعد المغرب
كانت خلا وبعض الديوم العشوائية
Post: #18 Title: Re: ناس الخرطوم القدامى Author: أحمد ابن عوف Date: 06-20-2010, 06:56 AM Parent: #17
ود عمي طارق جبريل
تحياتي
Quote: يا قريبي ياخي بالغت الامتداد كله نسيته الفيك اتعرفت
مااااااااا فرزتو عيشتكم في بوست ما شاء الله ما شاء الله
اها احنا قلنا يا عمك نفتش ناسنا برضو
Quote: تليشة: قبل الامتداد اهلي كانوا ساكنين في الرميلة
بس ياك زولنا
خليك قريب يا قريب
Post: #20 Title: Re: ناس الخرطوم القدامى Author: أحمد ابن عوف Date: 06-20-2010, 07:04 AM Parent: #18
الاخ كوستا
الف تحية
Quote: هلا يا احمد
كيفك ؟؟؟
انا عاشق للخر(.........)م بكل احيائها و ازقتها و حواريها
طالما انت من الخرطوم وجبت سيرة الديوم و الحلة الجديدة والرميلة
فكان لازم تحب الخرطوم وتعشقها وما على كيفك
احكي ليك حاجة عن ناس بتتضايق من الخرطوم
خالي قاعد في المطار وعلى سفر، اها في واحد قاعد جنبو كده وبدأ يتونس معاهو الزول قال لخالنا: ياخي شفت الخرطوم دي بقت زحمة كيف، يعني الناس الجو الخرطوم دي بدري بتعبوا تعب شديد خلاص، خالنا قال لي يا زول عاينت كده ومااااا ياقي لي دا من ناس الخرطوم البنعرفم، لكن النسالو، وانت من بتين في الخرطوم؟ الزول قال ليهو جينا سنة 1992 ؟؟؟؟؟؟؟؟؟
ياخي معقولة
ليك حق تضايق والله
سلام يا كوستا
Post: #22 Title: Re: ناس الخرطوم القدامى Author: omer osman Date: 06-20-2010, 07:12 AM Parent: #18
اولاد قلبا ........... الخرطوم 2
من زمن اوزون كانت نجيلة مفتوحة ......... وبص العشش .......... تمشي الخرطوم تنزل في لفة السكرية .... تمشي شارع الجمهورية ... محلات الصدارة للادوات الرياضية ... والصالون الاخضر للملابس
محلات العامل للزي المدرسي ............ وناس المغربي للراديوهات والتلفزيونات ........... وتجي سوق نمرة 2 ......... طرمبة شل (عمك حسن القاضي) وبار كيت كات وبنك الخرطوم .... وبار ريمون
وبقالة الجمهورية تخصص مزات ........... والبستان ون والبستان تو ........... ومحلات العشا ..... نادي سودانير ......... ونادي الخليج (مطعم ابودقن) ........... وتجي تنفخ العجلة في الطرمبة الكانت في
محل نادي الضباط الحالي ................. والنادي العربي (النادي الوطني حالياً) ....... والنادي الكاثوليكي والنادي الايطالي (المؤتمر الوطني حالياً) والنادي الارمني (نادي النفط + اتحاد الكرة حالياً)
وتمشي العمارات شارع 1 فندق الارز ........ وفندق كيشو وراء مقابر فاروق ........... وبارات العمارات شارع 41 وفندق افريقيا شارع المطار ................ وعيييييييييييييك
Post: #19 Title: Re: ناس الخرطوم القدامى Author: Salah Abdulla Date: 06-20-2010, 06:59 AM Parent: #16
الأخ أحمد بن عوف سلام
من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية .. أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
Quote: بعدين إمتداد ناصر إسمها الحقيقي و الرسمي ( إمتداد البراري )
وناصر دا منو؟؟؟؟
Quote: بعدين كيف نتكلم عن الخرتوم و ننسى منطقة العمدة ود كرم الله آخر عمدة للخرتوم ؟؟ ( المقرن )
افو، كيف ننسى بيت العمدة على شارع علي عبداللطيف الفاتح في المدرسة القبطية، احنا جيل طبعا ما حصلنا عندهم اولاد في سننا
Quote: أعتقد الريس يوسف محمد يوسف و حيدر أمين سيكون لهما حضور جيد في هذا البوست
تحياتي لكل المشاركين .................................. و صاحب البوست
في انتظار الريس يوسف محمد يوسف وحيدر امين
وشكرا للتعديلات اخي ماضي
طبعا الصور بنخليها عليك
Post: #25 Title: Re: ناس الخرطوم القدامى Author: أحمد ابن عوف Date: 06-20-2010, 07:50 AM Parent: #24
الاخ بكري الصايغ
ياكا ود عمنا عوض الصايغ؟؟
Post: #26 Title: Re: ناس الخرطوم القدامى Author: أحمد ابن عوف Date: 06-20-2010, 07:53 AM Parent: #25
الاخ ماضي
Quote: أحمد ابن عوف ياخوي إنت من أسرة إبن عوف شيخ سر تجار
الخرطوم الزمان الواحد ده ولا واحد تاني؟؟؟
ياهو زاتو
تحياتي
Post: #27 Title: Re: ناس الخرطوم القدامى Author: أحمد ابن عوف Date: 06-20-2010, 08:01 AM Parent: #26
جنابو عمر عثمان
Quote: اولاد قلبا ........... الخرطوم 2
قبل ما نسكن السوق العربي، كنا في البيت الكبير في سوق نمرة 2
انتقل جدنا من السوق العربي لنمرة (2) في 1952 (شوفت يا عمر محن ناس جينا الخرطوم 1992) ههههههه
وحتى بيت جدي لوالدتي في نمرة 2 برضو غرب صينية اشراقة التجاني
بعدين يا خوي ما خليت نادي وللا بار، الشيء شنو؟؟؟؟
واتحاد التنس ما تنساهو
قريت سنتين في مدرسة حي عبدالمنعم الابتدائية وبعدها للخرطوم شرق
وين اراضيك في نمرة 2؟؟
Post: #28 Title: Re: ناس الخرطوم القدامى Author: أحمد ابن عوف Date: 06-20-2010, 08:11 AM Parent: #27
الاخ صلاح عبدالله
تحياتي
الأخ أحمد بن عوف سلام
Quote: من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية .. أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
فكرت في اول البوست اقول يا اخوانا زول مافي في الخرطوم قبل الاستقلال بضيع معانا هنا ههههه
كلن قلت خليها مفتوحة، واساسا الناس لو هي فعلا عاشت في زمن الخرطوم الجميل بتعرف بعض بذكر الاماكن وشكل الامسيات شوف هسه جنابو دا لافي كيف ممكن نقبض عليه متلبسا باعتبار احنا بنعرف اي حتة ذكرها بالتفصيل
سلام يا جنابو
الأخ أحمد بن عوف سلام
من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية .. أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
جنابو، نمرة 2 دي كانت ديم سلك قبل تخطيط المنطقة وترحيل الديم جنوبا منها (على ما اعتقد)
لكن اخونا صلاح عبدالله بزبط المعلومة
ديامه يا حطب القيامة
ديل الكانو بحذروا ابواتنا ما يمشوا عليهم بعد المغارب هههههههه
تحياتي يا استاذ صلاح
صلاح عبدالله الديوم الشرقية – ديم التعائشة (حالياً) الديوم القديمة (سابقاً) مناطق جنوب الاستبالية والسكة حديد
Post: #29 Title: Re: ناس الخرطوم القدامى Author: أحمد ابن عوف Date: 06-20-2010, 08:50 AM Parent: #28
الاخ ابراهيم عدلان
تحياتي
Quote: السوق العربي واجهة ميدان النجيلة ( الامم المتحدة) من الغرب للشرق
البنك الصناعي - عمارة شبرقلة- دكان عبد تادرس ثم شارع هاشم بك - جميل كبابة - دكان عم عبدالرحيم للاحذية البلدية -الحاج علي المغربي- حليم شفيق- عبالله سيداحمد - عثمان ملاح- مخازن العامل - زقاق صغير - حسن صالح خضر- باتا- فضل المولي محمد ملاح- شارع الشيخ مصطفي الامين - مكتبة النهضة لمؤسسها عباس ابو الريش- حلواني حمدتو- دكان معمل كريكاب- الزيبق - شارع-
في طريقي من البيت في شارع 15 او شارع السوق العربي وفي فترة تمت تسميته بشارع سعد ابو العلا وهسه ما عارف اسمو شنو؟؟؟
في طريقي من البيت لمدرسة الخرطوم شرق باخد اللفه عن البنك الصناعي وبجي ماشي بمحلات المغربي واتامل العجلات ولكن الوالد كان يرفض شراء عجلة، طبعا بعدين بعد ما بقينا احنا زاتو ابهات عرفنا سبب الرفض والخوف على الابناء من زحمة الخرطوم، ولازم آخد لي دقيقة دقيقتين قدام اكشاك الجرايد
موش للقراية، لكن في جماعة بجو من صباحت الرحمن للغلاط والشكل في كورة امبارح وشكلهم كان ظريف جدا بواصل طوالي بحيطة الجامع الكبير لكن بزح شوية لانو كنت بلاوز من مرضى الجذام شفاهم الله، لكن كنت برجع بالشارع الوراء الجامع عند فندق آراك، ومتعتي كانت الكتب المعروضة في الشمش، ما بشتري لكن بحب اقرأ العناوين طبعا مع بعض البهجة والفرجة على بسطات الفواكة ومنظر يسر الناظرين.
دكان جدنا الاول كان في هذا الصف وما زال
قلت لي بتاع الهايس اتغابا فيك العرفة هههههههه
تحياتي
Post: #30 Title: Re: ناس الخرطوم القدامى Author: omer osman Date: 06-20-2010, 09:03 AM Parent: #29
Quote: وين اراضيك في نمرة 2؟؟
غرب النادي السوري ........... ميدان الحضري ... جوار مدرسة النيلين التجارية ومدرسة دار النعيم
Post: #32 Title: Re: ناس الخرطوم القدامى Author: أحمد ابن عوف Date: 06-20-2010, 09:15 AM Parent: #30
Quote: غرب النادي السوري ........... ميدان الحضري ... جوار مدرسة النيلين التجارية ومدرسة دار النعيم
جنب ناس شبيكة وآل ابراهيم سليمان (جدي) وآل عزالدين السيد؟؟
وياخي نكت ليك اسم (دار النعيم) جيبتو من وين دا؟؟
احنا غرب افراح الشمالية حاليا، جنب السوق وانت ماشي على آل النفيدي وميرغني عبدالرحمن
احنا كنا بنلعب كورة في صينية المهندس ابراهيم احمد حاليا، لكن علاقتي بالكورة كانت ضعيفة ركزنا على الملاكمة والباسكت والفولي في المجمع (مجمع اللواء طلعت فريد حاليا) والسباحة - العربي، الثقافة، الالماني، الاتحاد الاشتراكي، الجامعة واليوناني والامريكي...
وتلقي تعليمه الاولي في المدرسة الشرقيه حاليا عمارة البركة
ثم انتقلوا الي مدينة بحري .
ولا ننسي ان اول من عمر منطقة الخرطوم هم المحس
واستوطنوا بري المحس والمقرن وتوتي
ثم انتشروا في شمبات والخوجلاب وغيرها من المناطق
ارجو ان اذكر ببعض المعالم عندما كان الزمن زين والشعر مغطي الاضنين
السليماني في نمره اتنين
وميدان عبد المنعم والكشك المدور
وبابا كوستا
والجزار البلدي "للمارتديللا والسجق" جوار باتا سوق الخضار
وقهوة كابريس واتحدي اي خرطومي ان يتذكرها ؟
Post: #33 Title: Re: ناس الخرطوم القدامى Author: أحمد ابن عوف Date: 06-20-2010, 09:42 AM Parent: #31
Quote: اخي احمد
رغم اني من اعمدة بحري طراوه
الاخ طارق ميرغني
وهل يخفى علينا دوركم في بحري طرواة، ومعاكم زميلي او مديري بالاصح كمال كرار
Quote: الا ان والدي من مواليد بري المحس
ثم انتقلوا الي القسم الشرقي حاليا القيادة العامة
ولمن لا يعملون اساسا بري موقعها القديم هو الخرطوم شرق حاليا، اي المنطقة الواقعة شرق شارع القصر، لكن عند اعادة تخطيطها بواسطة الانكليز تم ترحيل اهاليها الى المنطقة الحالية
Quote: وتلقي تعليمه الاولي في المدرسة الشرقيه حاليا عمارة البركة
حيث درس والدي واعمامي وانا من بعدهم
Quote: ثم انتقلوا الي مدينة بحري .
يا حظهم
Quote: ولا ننسي ان اول من عمر منطقة الخرطوم هم المحس
واستوطنوا بري المحس والمقرن وتوتي
ثم انتشروا في شمبات والخوجلاب وغيرها من المناطق
انا وكما وصفني الاخ الاستاذ زمرواي بـ شايحلفاكي اي من اب شايقي وام حلفاوية وجزء من اهلنا النوبة قدم الى الخرطوم حتى قبل اسرة الوالد وكانوا في منطقة الخرطوم غرب، ولا ينكر احد ان المحس هم اول سكان الخرطوم
Quote: ارجو ان اذكر ببعض المعالم عندما كان الزمن زين والشعر مغطي الاضنين
تذكر المناطق والمعالم دي ياهو البجيب لينا الوجع زاتو
Quote: السليماني في نمره اتنين
وميدان عبد المنعم والكشك المدور
وبابا كوستا
والجزار البلدي "للمارتديللا والسجق" جوار باتا سوق الخضار
بابا كوستا رجع فتح تاني قبل كم سنة، ولا ادري ان كان يعمل حاليا ام لا
Quote: وقهوة كابريس واتحدي اي خرطومي ان يتذكرها ؟
ما للدرجة دي كمان، هههههههه احنا اولاد صغار يا طارق ولسه في شعر للاضنين ياخي
شوف ناس سيف الدولة وبكري الصايغ من قهوة كابريس
تحياتي لناس بحري كلهم
Post: #34 Title: Re: ناس الخرطوم القدامى Author: أحمد ابن عوف Date: 06-20-2010, 10:41 AM
الخرطوم (القديمة) يمكن ان تصنفها الاولى على مستوى السودان في اي مجال
واحدة واحدة
اولا: الخرطوم كمركز وعي
الجامعات
جامعة الخرطوم جامعة القاهرة الفرع او النيلين المعهد الفني او معهد الكليات التكنلوجية او جامعة السودان مؤخرا
المدارس
مدرسة الخرطوم غرب (2) الابتدائي بنين شارع علي عبداللطيف مدرسة الخرطوم شرق الابتدائية (موقع برج البركة الحالي مدرسة الخرطوم عرب الايتدائية بنات (خلف داخلية كلية الطب) مدرسة الخرطوم الاميرية المتوسطة بنين مدرسة الخرطوم الاميرية المتوسطة بنات مدرسة الخرطوم الاهلية المتوسطة بنين السوق العربي وامام كمبوني مدرسة النيل الابيض المتوسطة بنات مدرسة المقرن الثانوية بنين مدرسة المقرن الثانوية بنات مدرسة الخرطوم القديمة الثانوية اولاد مدرسة الصناعات
المدارس الاجنبية
فيلا جيلدا كمبوني سانت فرانسيس الراهبات او سستر سكول او كما يحلو لنا ايامها سكر اسكول ههههه الاتحاد او ال unity المدرسة القبطية اولاد وبنات جمال عبدالناصر
نواصل ... اي اضافه يا شباب ما تقصروا
Post: #35 Title: Re: ناس الخرطوم القدامى Author: أحمد ابن عوف Date: 06-20-2010, 10:55 AM Parent: #34
المراكز الثقافية
الاجنبية:
المركز الثقافي الامريكي،شارع المك نمر ثم شارع القصر ثم نمرة 2 ثم امريكا المركز الثقافي الفرنسي عمارة النيل الازرق شارع القصر المكرز الثقافي الالماني شارع المك نمر مركز ناصر الثقافي او كما نسميه نادي ناصر مقر وزارة المالية لولاية الخرطوم حاليا المركز الثقافي الروسي نمرة (1) المركز الثقافي البريطاني الخرطوم شرق
الوطنية
نادي الخريجين جوار كلوزيم ابتلعه البنك الفرنسي الآن نادي العمال شارع السيد عبدالرحمن تقاطع الشيخ مصطفى الامين نادي السودان نهاية شارع البرلمان كان وجهة السياسيين والمثقفين السودانيين وبجواره نادي الاكروبول
احكي ليكم قصة حدثت معي بسبب هذا النادي واحداث دارت به
قد يذكر البعض ان في عهد الديموقراطية الثالثة قد حدث اطلاق نار في نادي الاكروبول وفندق صحارى، وقت الحادثة كنت مع صديقي ابن غرب ايمن ابو سمرة في شارع علي عبداللطيف وكان والده حينها لواء بالسجون، فكان ان حضر اليه شخص واخبره بالخبر من غير تفاصيل لم اهتم بالامر كثيرا، بعدها بفترة بسيطة كان عقد قران شقيقتي، وتم عقد القران في منزلنا جوار مطبعة التمدن في نفس الشارع الذي تقع عليه السفارة الامريكية من ناحية الشرق، المهم حصل اطلاق بعض الاعيرة النارية مكان الحفل بعد الصفاح، والوضع الامني عموما كان غير مريح للبعثات الديبلوماسية الاجنبية، عرفنا بعدها ان السفارة اتصلت على وزارة الداخلية تستفتي من امر اطلاق النار (بكثافة) كما قال لي الضابط في القسم الشمالي تاني يوم. المهم البلبلة حصلت، ومشينا العرس في نادي الشرطة ورجعنا، جات الوالدة صحتني من النوم وقالت لي: عملت شنو امبارح (غير في واحد سكران الجماعة كسروه لكن انا ما ااتدخلت) لكن قلت ليها ما عملت حاجة، قالت لي في عسكري بره عاوزك بالاسم وقال احمد، طيب، مشيت على الزول قال لي تعال قابل مدير القسم، مشيت ومعاي واحد قبطي صاحبي دخلنا عليه ضابط برتية عقيد، سلمنا وعاين كده وقال منو فيكم احمد؟ قلت ليه انا، وبنبره مخيفة سال القبطي المعاي، وانت الحرس بتاعو؟؟ لا، خلاص اطلع بره، امك الموضوع دا جادي (كنت حينها لسه طالب في الثانوي) دي شنو الجبخانة الضربتوها دي؟؟ والله يا سعادتك ديل ما احنا، ديل ناس العريس وعندهم اهل من جبل اولياء وجابو معاهم بنادق خرطوش ومشوا واحنا ما بنعرفهم كلهم (غايتو يا ناس الهامش) المهم، وعشان اتخارج قلت ليهو الوالد موجود وممكن يجي يحكي ليك برضو ويؤكد كلامي دا (طبعا الحاجات العملت صوت دي كلها من عندنا احنا الشباب)
المهم رجعت البيت وكلمت الوالد ولانني اعرف طبيعة ابي الذي لا يعرف للكذب سبيلا، لكن قلت برضو اشرح ليهو انا قلت شنو ويمشي يقول زي كلامي دا وانو ديل ناس جبل اولياء (حقيقة كان معاهم بندقية خرطوش لكن باقي الجبخانة حقتنا احنا (مسمدسات صوت)
الوالد مشى واول ما قعد قال للضابط، اصلا ولدي خالد (اخي الذي يكبرني) مشى مصر وجاب معاهو البلاوي دي (الطلقات بتاعت الالعاب النارية) ويتم استخدام مسدس صوت لها) وصوتها عالي جدا، المهم الضابط قال ليهو دقيقة يا حاج يلاقا معاي وساقوا طوالي لكومندان الخرطوم (رتبة عميد) وبرضو ثبت اكلام دا، بعد ساعتين رجع الوالد ومعاه امر قبض لاخوي واداهو ليهو وقال ليه اتصرف يا زول وكان بضحك
والله اتذكره، المدعو خالد ابن عوف، مطلوب حضورك فورا لرئاسة الشرطة وتسليم الاسلحة التي لديك والا سيتم القبض عليك تحت المادة 71أ من قانون الاسلحة وورقة طويلة عرضة
المهم، جو القرايب ما قصروا ومشوا مع اخوي وخارجوه وكان الوالد ما يزال مبتسما من صدقه مع الشرطة في ان يرى اخي (المشاغب) دائما في زرة ###### في طاحونة
Post: #36 Title: Re: ناس الخرطوم القدامى Author: أحمد ابن عوف Date: 06-20-2010, 11:13 AM Parent: #35
المكتبات
مكتبة الجامع الكبير مكتبة السودان او Sudan Bookshop شارع الطيار مراد (الرجاء التصحيح) مكتبة مروي شارع البرلمان مكتبة الحسن شارع البرلمان الدار السودانية للكتب شارع البلدية كتب سوق الشمش جوار الجامع الكبير من الناحية الشمالية
___________________
بعدين بعدين يا عمر عثمان بنجي لمراكز تغييب الوعي ههههههههه
Post: #42 Title: Re: ناس الخرطوم القدامى Author: عمرو كمال ابراهيم Date: 06-20-2010, 04:44 PM Parent: #36
Quote: مكتبة السودان او Sudan Bookshop شارع الطيار مراد (الرجاء التصحيح)
صحيح مية مية
وتقع تحديدا فى تقاطع الطيار مراد مع البرلمان
مكتبة سودان بوكشوب وهى لصاحبهاالأستاذ الطيب...ويعرف فى أوساط الخرطوم بالطيب بوكشوب. يقابلها من الشرق مطبعة نوبار ( وكان يشتهر أيضا ببيع طوابع البريد والعملات القديمة نرتاد المحل ونحن فى المرحلة الوسطى بمدرسة الخرطوم الاميرية) . وفى الركن الشمال الشرقى من المكتبة تقع عمارة الميرغينية أشهر وـقدم عمارات شارع البرلمان والطيار مراد تتألف من طابقين ويشتهر بها المحامون وعلى رأسهم عزيزة عصمت المحامية.
*** (الطيار مراد يمتد من الجنوب قرب محلات حسن صالح خضر بالسوق العربى وينتهى شمالا بشارع النيل، اهم ما به محازاته لسور ميدان الامم المتحدةالشرقى . به أيضا طلمبة شل المحطة الوسطى الخرطوم وكذلك صيدلية كمبال(تقاطع امراد والجمهورية) . به أيضا عمارة السيد على حسبما أذكر والتى صارت الوحدة الادارية لمحلية الخرطوم وبها بالطابق الارضى معرض لمبيعات الاسواق الحرة حاليا
Quote: مكتبة سودان بوكشوب وهى لصاحبهاالأستاذ الطيب...ويعرف فى أوساط الخرطوم بالطيب بوكشوب.
عمنا الطيب محمد عبد الرحمن ، الشهير بالطيب بوكشوب كما تفضلتم ..
جارنا بحي السجانة العريق ، رجل أنيق ومرتّب ، وذو إنضباط ونظام قل أن يوجد مثيله في أيامنا هذه..
ظل ، وحتى يومنا هذا يحافظ يوميا على إرتداء البدلة الكاملة ، وقيادة السيارة المارسيدس !
حتى مواعيد فتح وإغلاق المكتبة ظلت كما هي عليه منذ زمن إنشاءها ، تفتح ابوابها عند الساعة السابعة والنصف ، وتغلق ابوابها عند الساعة الثانية والنصف تماما !
الطيب بوكشوب من أهالي حي السجانة القدامى .. وهو والد الأستاذ وليد الطيب المحامي المعروف وسكرتير الأتحاد العام للكرة الطائرة ، ووالد محمد الطيب حارس مرمى نادي المريخ السابق والنادي الأهلي حاليا..
أعطاه الله الصحة والعافية.
ـــــــــــــــ بي المناسبة وين ناس السجانة ، ذلك الحي المتفرّد.. أنا الوحيد في المنبر ده ولا شنو ؟
بمناسبة البصات دي واحد قريبي جاد من البركل جديد لنج اشتغل كمساري في البصات وطبعا زمان الكمساري بيكورك قبل المحطة بي شوية لمن قرب محطة النجيلة نسى الكلمة دي قام قعد يكورك: السِعدِي السِعدِي السِعدِي
Post: #38 Title: Re: ناس الخرطوم القدامى Author: عبد الدائم سيد أحمد Date: 06-20-2010, 11:38 AM Parent: #37
الصحافة قيافة و فايتة الناس مسافة
انا كان كلمت ناس الصحافة الموجودين فى المنبر هنا والله الا نحتل ليك المكان ده
بعدين يا احمد مافى مدرسة ( قديما ) اسمها المقرن الثانوية بنات دى وين اول مرة اسمع بيها ، تحت كبرى الحرية بتوجد الاميرية المتوسطة بنات ومتلاصقة معاها مدرسة الحلة الجديدة بنات
لما تفتحو سيرة مدرسة المقرن الثانوية بنين بجيكم
Post: #39 Title: Re: ناس الخرطوم القدامى Author: أحمد ابن عوف Date: 06-20-2010, 11:41 AM Parent: #37
Post: #40 Title: Re: ناس الخرطوم القدامى Author: أحمد ابن عوف Date: 06-20-2010, 11:49 AM Parent: #39
اخونا عبد الدائم
تحياتي
والف يلام لناس الصحافات
Quote: بعدين يا احمد مافى مدرسة ( قديما ) اسمها المقرن الثانوية بنات
اها شايف كيف
استلم يا بكري الصايغ ويا سيف الدولة
Quote: لما تفتحو سيرة مدرسة المقرن الثانوية بنين بجيكم
مرحب بيك يا حبيب، بس انا ما من ناس المقرن الثانوية، في الانترفيو، طبعا المعلم مدير المدرسة استاذ عبدالقادر على ما اظن كان بعمل انترفيو لطلبة المقرن (للبجو متأخرين شوية في التسجيل) كنا في سلطنة عمان، والعام الدراسي بنتهي في وقت تكون فيه الدراسة بدات في الخرطوم، اها انا سقطت في الانترفيو لحماقة مني لا اكثر لكن قبل بي الاستاذ المربي رحمة الله عليه عبدالحميد مدني في مدرسة الخرطوم الثانوية الجديدة،
اها كمان عندكم كلام يا اولاد المقرن
عشان ما ندقدق الصفايح ونطلع الفضايح
Post: #78 Title: Re: ناس الخرطوم القدامى Author: ليلى عز الدين Date: 06-22-2010, 06:39 AM Parent: #34
Quote: المدارس
مدرسة الخرطوم غرب (2) الابتدائي بنين شارع علي عبداللطيف مدرسة الخرطوم شرق الابتدائية (موقع برج البركة الحالي مدرسة الخرطوم عرب الايتدائية بنات (خلف داخلية كلية الطب) مدرسة الخرطوم الاميرية المتوسطة بنين مدرسة الخرطوم الاميرية المتوسطة بنات مدرسة الخرطوم الاهلية المتوسطة بنين السوق العربي وامام كمبوني مدرسة النيل الابيض المتوسطة بنات مدرسة المقرن الثانوية بنين مدرسة المقرن الثانوية بنات مدرسة الخرطوم القديمة الثانوية اولاد مدرسة الصناعات
مدرسة الخرطوم الثانوية القديمة بنات
Post: #41 Title: Re: ناس الخرطوم القدامى Author: عمرو كمال ابراهيم Date: 06-20-2010, 04:24 PM Parent: #15
Quote: ( السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟)
صحى انت كنت ماشى الخرطوم!!؟؟
:shy: :shy: :shy:
كتر خيره الما قام جارى والله، يعنى ده كان قلت ليه ماشى حى باريس كان وداك المطار ولا شنو؟
____ لقطة____ ياخ الناس بتقول لى شارع الجمهورية والبرلمان..السوق العربى
مكتبة الجامع الكبير مكتبة السودان او Sudan Bookshop شارع الطيار مراد (الرجاء التصحيح) مكتبة مروي شارع البرلمان مكتبة الحسن شارع البرلمان الدار السودانية للكتب شارع البلدية كتب سوق الشمش جوار الجامع الكبير من الناحية الشمالية
مكتبة النهضة السودانية لمؤسسها محمد عباس ابوالريش بداية من ثلاثينات القرن و كانت في أوقاف الجامع الكبير قرب قهوة الزيبق و حلوانى حمتو ثم إنتقلت في ركن مربع الاوقاف في الجزء المقابل محلات أولاد ملاح و ظلت إلي ان ازيلت لبناء سوق الذهب.
بعدين مكتبة مضوي كانت فاتحة زمان و اغلقت ثم اعيدت تحت إدارة مامون سليمان مضوي في نهاية سبعينيات القرن السابق و كانت غرب البرلمان و ظلت مفتوحة إلي ان إستقل مامونسليمان و أنشاء دار المامون
يعني لحدي هسة بعرّف الأماكن بأسماءها القديمة، وما قادر أواكب. يعني مثلا، بدون ما أحس ألاقي نفسي بتكلم عن نادي الخريجين وأبو جنزير، والمصيبة الأكبر .. كل مرة أجي أصف شئ، ألاقي نفسي قلت (المديرية) ... يقولوا لي ياخ بقت (محافظة) وبقت (معتمدية) وبقت (ولاية) ... صراحة لي هسة ما واقعة لي حكاية (الولايات المتحدة السودانية) دي.
في بوست قديم .. حأبحبت الأرشيف وأحاول أجيبو، لأنو فيهو برضو مجهود مقدر من عدد من الناس، وهو تقريباً في نفس الإتجاه.
أرقدوا عافية
Post: #46 Title: Re: ناس الخرطوم القدامى Author: عمرو كمال ابراهيم Date: 06-21-2010, 01:04 AM Parent: #45
ابو الريش
تحيايا متجددة
البوست البتقول عليه ده تقريبا اخر ايام لى فى البورد منتظم، الكلام ده كان عيد الضحية اخر ايام 2008
قدر ما قعدت بحتاالارشيف فى نهايات 2008 بداية 2009
مافى
حتى مداخلاتى فتشت مافى
__
البوست داك كان قوى ،، كدى جرب حظك
Post: #48 Title: Re: ناس الخرطوم القدامى Author: خالد العبيد Date: 06-21-2010, 01:57 AM Parent: #46
انا من مواليد المقرن البيت القصاد الحديقة النباتية ومن المقرن الى بري اللاماب ثم امتداد ناصر بعد اكتمال بناء البيت كل دراستي في هذه المنطقة الابتدائي بري اللاماب الثانوي العام بري الاميرية الثانوي العالي القديمة الجامعة الفرع
Post: #51 Title: Re: ناس الخرطوم القدامى Author: أحمد ابن عوف Date: 06-21-2010, 08:04 AM Parent: #50
شكرا استاذ ماضي ابو العزائم على الاضافة
Quote: مكتبة النهضة السودانية لمؤسسها محمد عباس ابوالريش بداية من ثلاثينات القرن و كانت في أوقاف الجامع الكبير قرب قهوة الزيبق و حلوانى حمتو ثم إنتقلت في ركن مربع الاوقاف في الجزء المقابل محلات أولاد ملاح و ظلت إلي ان ازيلت لبناء سوق الذهب.
بعدين مكتبة مضوي كانت فاتحة زمان و اغلقت ثم اعيدت تحت إدارة مامون سليمان مضوي في نهاية سبعينيات القرن السابق و كانت غرب البرلمان و ظلت مفتوحة إلي ان إستقل مامونسليمان و أنشاء دار المامون
الآن تذكرتها (مكتبة النهضة)
ولكنني لا اذكر مكتبة مضوي، لم نلحق عليها
تحياتي
Post: #53 Title: Re: ناس الخرطوم القدامى Author: أحمد ابن عوف Date: 06-21-2010, 08:13 AM Parent: #51
وسلام وتحية للاستاذ خالد العبيد ولناس بري كلهم
Quote: انا من مواليد المقرن البيت القصاد الحديقة النباتية ومن المقرن الى بري اللاماب ثم امتداد ناصر بعد اكتمال بناء البيت كل دراستي في هذه المنطقة الابتدائي بري اللاماب الثانوي العام بري الاميرية الثانوي العالي القديمة الجامعة الفرع
وسلام يا ناس لخرطوم
غايتو يا خالد مشوارك اليومي بقى معروف تمسك شارع الجامعة من بدايتة في النيل الازرق وتمرقها في الفرع جنب النيل الابيض
لا تلف يمين لا شمال
عندك علاقة باسرة الراحل عبدالرحمن العبيد؟ كان في الثمانينات سكرتير او رئيس مكتب القبول
ولكن للحقيقة والتاريخ وكما عرفت عن هذه الاسرة انها كانت من الاسر التي انشأت خلوه في الخرطوم غرب
الرجاء من لديه معلومة عن هذه الخلوة توثيقها هنا وعن كل الخلاوي في الخرطوم القديمة
خلوة الجامع الكبير معروفة وعلى ما اعتقد انها ما زالت تستقبل الطلبة
Post: #52 Title: Re: ناس الخرطوم القدامى Author: احمد خليل Date: 06-21-2010, 08:08 AM Parent: #50
تحياتى دفرة بسيطه الجامعة الشعبية!!!! المكتبه اليهودية شرق سينما كلوزيوم (تم تدميرها 1967) مقابر اليهود شارع الحرية مدافن الكمونولث فى الخرطوم شرق حى الغجر جنب كوشة الجبل لسان طلعت (دى مسابقة عديل) الباخرة نوير 0حليل ايامها.!!!! المصيف __شجرة محو بك يتبع kofi
Post: #54 Title: Re: ناس الخرطوم القدامى Author: أحمد ابن عوف Date: 06-21-2010, 08:20 AM Parent: #52
قبل كم سنة في اجازة مشيت عليه بالنهار، المهم لقيت الشارع مليان بصات لليفه، واحد كمساري كورك فيني وقال لي يا زول انت زاتك غلطان، قلت ليه كيف يا زول؟ قال دا موقف بصات وممنوع مرور العربات الصغيرة، قلت ليه يا زول والله واليك هو الغلطان
دا بيتنا باي مشيئة هذا الوالي يقلب شارع بيتنا موقف بصات؟؟؟!!!!!!!!
يا سلام على دكان الفاضل و اخوه عصام الناس الصفوة عشاق المريخ حتى الثمالة و لا انسى ان دكانهم كانت كل جدرانه الداخلية و ابوابه مزينة بمانشيتات هزائم المريخ للهلال خاصة فترة الثلاثيات الخطيرة حيث كان المريخ لا يفوز على الهلال الا بالثلاثة... وين الناس ديل يا سيف الفاضل و عصام ؟؟؟
Quote: كنا بنجي من غرب ندخل بالفتحة
في الحيطة بتاعة السكة حيديد ونلعب في
ميدان لولي,,, أيام لها ايقاع ليتها تعود.
ذكرتنى حاجتين:
1- ميدان لولى لعبنا فيه ماتش تاريخى مع اولاد السكة حديدو كان الحكم زميلنا فى المقرن الثانوية حمزة
2- فتحة حيطة السكة حديدكنا حصة الفطور بالمقرن الثانوية نتسلل منها لفوال السكة حديد الشهير لتناول وجبة فول مدنكلة و رخيصة الثمن و بالعودة
Post: #56 Title: Re: ناس الخرطوم القدامى Author: أحمد ابن عوف Date: 06-21-2010, 08:41 AM Parent: #55
الاستاذ محمد ابو العزائم ابو الريش
ياخي شكرا على اللينكات الجبتها دي
يبدو فعلا ان موضوع الخرطوم قد قتل بحثا في هذا المنبر، ولكن لا باس بتجدد التعارف والتحايا
تحياتي
انا حاليا عندما انزل اجازة، مشكلتي موش بتكون اسماء الاماكن
بتكون انك تقدر تصل الخرطوم ذااااتا كيف؟؟
بقى في Ring حول الخرطوم قاتل بزحمة العربات لاختراقة تحتاج لاكثر من ساعة
وبرضو قالوا بتحدوك لو بتقدر توقف عربيتك في شارع الحرية من غير ان يصيبها سوء من عصابات منتشرة في ازقة شارع الحرية
والعمل كيف؟؟
Post: #57 Title: Re: ناس الخرطوم القدامى Author: أحمد ابن عوف Date: 06-21-2010, 08:44 AM Parent: #56
الاخ احمد خليل
Quote: المكتبه اليهودية شرق سينما كلوزيوم (تم تدميرها 1967)
وين تراجي هههههههههه
Quote: لسان طلعت (دى مسابقة عديل)
دي ما عرفتها
ننتظر باقي الشباب
تحياتي
Post: #58 Title: Re: ناس الخرطوم القدامى Author: أحمد ابن عوف Date: 06-21-2010, 08:49 AM Parent: #57
كوستا
Quote: - فتحة حيطة السكة حديدكنا حصة الفطور بالمقرن الثانوية نتسلل منها لفوال السكة حديد الشهير لتناول وجبة فول مدنكلة و رخيصة الثمن و بالعودة
دا بنجيهو من الجديدة، وفي هذا اليوم يعني قطعا الغياب من الحصة التالتة
حقيقة فول عبدالوهاب في ناصية الجديدة امام بوبة نادي الاسرة لا يعلى عليه في اي مكان في الخرطوم
تحياتي
Post: #59 Title: Re: ناس الخرطوم القدامى Author: سيف الدولة كامل Date: 06-21-2010, 09:32 AM Parent: #58
الاعزاء ,,, سلام ,, واسف علي التأخير كنت مضيوف شديد في الويك اند.
حبيبنا كمال الزين,,, حبابك الف وشكرا علي الاضافة الثرة.
عصام كرم الله موجود في غرب ولسه في جنه ,فاتحين كافتيريا في شارع الجمهورية
جنوب بيتهم زلصق دار التوزيع,, دايما متواجد هناك لكن كبر شوية ,ربنا يمتعه
بالصحة والعافية , طبعا نحن اصدقاء واولاد حلة.
اما اولادالناظر عمنا عبد القادر عثمان عليه رحمة الله متواجدين في بيتهم مقابل
السفارة الامريكية وجميعهم بخير وعافية.
Post: #61 Title: Re: ناس الخرطوم القدامى Author: سيف الدولة كامل Date: 06-21-2010, 10:07 AM Parent: #59
وفي زمن نميري وفي عيد العلم تم عمل نشيد للعلم ووقع علي فرقتنا الموسيقيه ببحري الثانويه عزف النشيد مع بنات الاميريه الخرطوم بنات "كنت باعزف ساكسفون "حينها كان يوجد بص التربيه والتعليم الرمادي الكبير وكانوا يقلونا من المدرسه برفقة الممثل الكبيرالمرحوم يسن عبد القادر لنوقع معهم النشيد وكان يعزف معنا علي العود حينها الفنان المرحوم هاشم ميرغني (لا ادري ما صلته بالمدرسه) وقمنا باداء النشيد بحدائق البلديه بحري لن انسي هذه المدرسه لانو اتعلمنا فيها بدايات الجكيس.
اخي ابراهيم عدلان
السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟
يا ابراهيم
في نهاية الستينيات وكنا حينها لسه" ننو " بامشي لي ابناء عمتي اولاد تميم الدار في نمره اتنين جيران ناس دكتور محي الدين مهدي. النجيله بعد محطة العداد وقبل فندق دوللي كان فيها مراجيح ممتعه كنا نستمتع بها نهاية الاسبوع وابيت مع اولاد عمتي تاني يوم الصبح نقوم بدري لمحل المرجحانيات نجد كميه ضخمه من القروش و"الفريني" عرفت الفريني ده؟؟؟ منثوره في الارض فنبدا بجني المحصول كميه من الدراهم نظفر بها تكفي للعشاء لعدة ليالي.
اخي ابو العزائم
والله دي عقدتنا لي هسع نقول ابوجنزير والمحطه الوسطي ولمن يقولوا لينا ميدان جاكسون واشياء زي دي نقعد نتلفت .
عشان كده خليناها ليهم
Post: #62 Title: Re: ناس الخرطوم القدامى Author: أحمد ابن عوف Date: 06-21-2010, 10:16 AM Parent: #60
الاستاذ طارق ميرغني
تحياتي
Quote: لي ابناء عمتي اولاد تميم الدار في نمره اتنين
اسرتنا تربطها علاقة وثيقة باولاد تميم الدار
والنجيلة دي طبعا ياما ركلسنا فيها لانها كانت جنب البيت تماما
مؤخرا خلال قرائتي للتاريخ السوداني مجددا، عرفت ان كبري المسلمية
دا اسم قديم جدا
اساسا كانت بوابة المسلمية وهي احدى البوابات الرئيسية لمدينة الخرطوم ايام العهد التركي وخصوصا بعد تحصين الخرطوم بواسطة غردون ايام الحصار
وهناك حدثت اول محاولة لقوات الانصار لاختراق البوابة والجنوب من ناحية جنوب الخرطوم
الا ان الهجوم فشل فشلا ذريعا (ساحاول ان احصل على التفاصيل الدقيقة) المهم حدثت بلبلة وسط الانصار لسببين:
1- لانها اول معركة يخسرونها
2- ان الامام المهدي وحسب الاعتقاد ان العناية الالهية دائما بجنب الانصار في قتال الكفار
لذلك تم تغيير الخطة وانتظار انحسار النيل فانكشفت الارض عند الكلاكلة حيث الخنادق والمتاريس لم يكن هناك طريقة لاعادة بنائها
فاسم المسلمية وكبري المسلمية اسم عريق جدا بل وتاريخ نضال وتحرير ودماء سالت عنده ويجب على الناس ترميز هذه المعالم التاريخية وتعريف الناس بها
تحياتي
Post: #63 Title: Re: ناس الخرطوم القدامى Author: سيف الدولة كامل Date: 06-21-2010, 10:17 AM Parent: #60
العزيز \عمرو ,,, الف تحية,, يا أخي انت كنت ساكن في عمارة المعاشات؟
جيرانكم في الوش صديقي ودفعتي ناصر احمد صادق واخوانه نزار ونيازي.
وخلفكم ابناء عمي حسن محمد حسينالعمرابي عليه رحمة الله واولاده التيمان عصام
والان مقدم بالقوات المسلحة وأخوهم الاصغر الصادق, وجيرانكم بالخلف
دكتور جمال واخوه رؤوف وان عمهم سعادة العميد ايمن حسين ابو شنب الروب.
فغلا دكان اليماني في الركن الجنوبي الشرقي ودار الطابع العربي في الركن
الشمالي الشرقي. ورينا دفعتك منو في غرب؟
محبتي
Post: #64 Title: Re: ناس الخرطوم القدامى Author: أحمد ابن عوف Date: 06-21-2010, 10:31 AM Parent: #63
الاستاذ سيف الدولة
تحياتي
عشان كده ما حصلتك انا (اولاد صغار يا عمك) قريت في الجديدة من 86 - 89 وهي السنة 86 التي عدنا فيها من عمان، مكثنا بها سنة واحدة فقط، كنا في روي، والسكن كان في وادي كبير
ولابد وانك زاملت عمنا وقريبنا الشيخ رحمة الله عليه المعلم محمود ابن عوف امام مسجد اللاماب بحر ابيض، وهو زوج عمتي في نفس الوقت
ونعم ابن عوف سليمان هو جدي.
وشكرا لتعريفنا بالتفريق بين عمنا (قلت لي الستينات) بكري الصايغ وآل الصايغ
الاقرب الى عمرنا كان علاء وبحكم العمر كان صديقا لاخي الاكبر، لكنهم اهل في النهاية
امتحان:
في زول بعرف السر وراء اسم اللاماب شنو؟؟
تحياتي
Post: #65 Title: Re: ناس الخرطوم القدامى Author: سيف الدولة كامل Date: 06-21-2010, 10:35 AM Parent: #63
العزيز ود الاعزاء\ ماضي ,,, مليون تحية وتقدير ومددددد يا حبيبنا,
والله انا عاوز اسأل السؤال ده من مدة طويلة وعلي يقين من الاجابة ولكن ليطمئن
قلبي,, أولا جدودي واعمامي تربطهم علاقة قوية ومجبة مع جدودك واعمامك, فجدي
من الوالد وجدي خال الوالد تتلمذوا علي سماحةالشيخ محمد ماضي ابو العزايم
ومعهم تلميذه المدلل الشيخ كامل الارزهلي (سمي عليه والدي) حينما كان الشيخ
محمد ماضي استاذا للشريعة في كلية غردون. وبعد سفره نهائيا لمصر خلف جدي
خال الوالد الشيخ محمد أحمد محمد علي شيخا للطريقة العزمية في السودان
حتي وفاته عام 1965 وخلفه عمي الشيخ سيف الدين أبو العزايم ووالدي عليه رحمة
الله وعمي الشيخ سيف الدين علي علاقة حميمة بال ماضي وابو الريش ببري ومشيت معهم
أكثر من مرة لبيوتكم ببري وشقيقي الاكبر الفاضل كامل علي صلة كبيرة بأهل بري لانة
مقيم في السودان.واولاد مولانا حسن البداني في الحساب أعمامي لانه أمهم خالة الوالد.
وبيت جدي حيث ولد الوالد خلف بيتكم في السوق العربي في الركن الجنوبي الغربي لمدرسة
الخرطوم الاهلية( محمد حمزة) انا سعيد يا ماضي مدددد يا حبيبي مدددد.
محبتي
Post: #66 Title: Re: ناس الخرطوم القدامى Author: سيف الدولة كامل Date: 06-21-2010, 10:45 AM Parent: #65
طيب يا احمد ,, جدك وجدي زملاء في التجارة في سوق الخرطوم.
وعمتك علوية كانت جارتنا واولادها دكتور عاطف وبروف عاصم برهان
Post: #68 Title: Re: ناس الخرطوم القدامى Author: أحمد ابن عوف Date: 06-21-2010, 11:38 AM Parent: #67
وصلت تب يا سيف الدولة اخوي .... اقول اخوي طالما دفعة ابناء عمتي
رحمة الله تعالى على روح عمتنا علوية البروف عاصم لسه في امريكا وما ظنيتو برجع تاني، عاطف وبعد اغتراب طويل في السعودية رجع السودان وافتتح سلسلة صيدليات باسم صيدلية برهان في الرياض
ودكتور علي شريف لم يغادر السودان
البروف دكتور جعفر ابن عوف الآن معاش، ولكن تمت تسمية مستشفى حوادث الاطفال بالخرطوم باسمه (مستشفى الدكتور جعفر ابن عوف)
وبالضرورة بتعرف آل شورة، وحاتم طقس وعادل كدنكه (المقرن) ابن السفير عثمان عبدالله ومنير حمد (المقرن)
احنا طبعا لمن كبرنا كانت تجارة جدنا توقفت، لذلك توقفت علاقتنا بابناء السوق العربي الذين واصلوا التجارة
جدنا اصر ان ابناءه كلهم يتعلموا تعليما جيدا، لذلك واجه موقف صعب ان لا احد من ابناءه مهتم بامور التجارة. زمن كان فيه الخدمة الميري والحكومة تعتبر مكسب كبير لذلك الجيل
اها جينا احنا لا لقينا حكومة ولا ميري ولا تجارة ولا يحزنون، فما كان الا خيار السفر والاغتراب
وعارف يا استاذ سيف، ودي دائما من الملاحظات البشير ليها
ابناء الخرطوم، لا مهن لهم كبقية السودانيين، اعني لا زراعة ولا تربية ماشية، فكان ان امتهنا التعليم وساعدنا في ذلك امور كثيرة، والوظيفة الحكومية هي كانت الملاذ الوحيد لابناء الخرطوم لكسب المعايش وقله قليلة مارست العمل الحر وكان محصورا في الاسواق والمناطق الصناعية.
وجاءت الطامة الكبرى، حكومة وراء حكومة، وفشل وراء فشل وراء فشل، الا ان وصل بابناء الخرطوم الهجرة بعد ان احتكرت السلطة الجديدة الوظائف الحكومية والاسواق كذلك
ياخي نمرة اتنين على تلاتة واولاد السجانة والديوم كلهم سافروا، البيوت بقت فاضية عدييل كده من اولاد الخرطوم
ودي حقيقة واحدة من المشاكل المفروض ناس الخرطوم ينتبهوا ليها، الى متى لا يجدون وظائف في مدينتهم بمئات السنين؟ الحنك بتاع عاصمة قومية وجيبوا ناس الهامش وشغلوهم ما عندنا اعتراض عليه، لكن احنا نسوي شنو؟؟ ناكل من وين؟؟ نعيش كيف، لا عندنا بقر ولا شجر
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا خدموا هذه المدينة وحكومتها لعشرات بل ولاكثر من 100 سنة
جد والله، حقو الناس تمشي للوالي دا وتتفاهم معاهو، هو جاي من وين زاتو؟؟ ونمشي للوزراء ديل واحد واحد
Post: #69 Title: Re: ناس الخرطوم القدامى Author: سيف الدولة كامل Date: 06-21-2010, 11:59 AM Parent: #68
تسلم يا أحمد,,,,, ال شورة ودقس جيرانا ونحن علي تواصل مع بعض
كلنا في امريكا موافي شورة ودقس وعاصم برهان ,,,وكدنكة في بريطانيا ومعاه
سا مي القرد, وايضا منير حمد في بريطانيا, ربنا يرد غربتنا جميعا
تقديري
Post: #70 Title: Re: ناس الخرطوم القدامى Author: أحمد ابن عوف Date: 06-21-2010, 12:30 PM Parent: #69
اها يا استاذ سيف
شوف جنس الحالة دي
Quote: كلنا في امريكا موافي شورة ودقس وعاصم برهان ,,,وكدنكة في بريطانيا ومعاه
سا مي القرد, وايضا منير حمد في بريطانيا, ربنا يرد غربتنا جميعا
لسان طلعت: هي قطعة أرض ممتده في النيل قدّام بوابة وزارة التربية (يعني بينها والوزارة شارع النيل). وأصل الإسم إنو (طلعت فريد) أيام كان وزير، كان واقف قدام الوزارة، ويبدو أنو عندو عادة الإشارة باللسان، فأشار على قطعة الأرض بلسانو وقال: الحتة دي (وأشار) تنفع موقع لمنتزه.
تدور الأيام ويقام في (الحتة دي) على ما أظن إسمو المطعم العالمي.
ياخ بس ما قلتو لينا المسابقة دي جائزتها شنو؟
Post: #72 Title: Re: ناس الخرطوم القدامى Author: أحمد ابن عوف Date: 06-21-2010, 02:43 PM Parent: #71
اخونا محمد ابو الريس
Quote: ياخ بس ما قلتو لينا المسابقة دي جائزتها شنو؟
يحول لعناية احمد خليل kofi
انتابني شك بأن الموضوع ليهو علاقة بطلعت فريد، لكن وين ما عرفت؟؟
ابن عوف سليمان وولده عبده على ما اعتقد ديل تجار بسوق امدرمان مقابل استديو الوادي ومحلات التلج
ايام لها نعناع
تحياتي
زاتوووو
Post: #73 Title: Re: ناس الخرطوم القدامى Author: عمرو كمال ابراهيم Date: 06-22-2010, 00:37 AM Parent: #63
صباح الخير اخ سيف
طبعا الناس البتقول عليهم ديل... اعمامك يعنى :)
انا اكتر اصدقائى ودفعتى فى الاميرية من اولاد غرب: وليد كمال من حوش العمدة احمد كمال الطاهر والده كان عميد معاش ويسكن فى البيت المقابل السفارة الامريكية من الجنوب ( فى الثمانينات كان فى جزء منه كوافير سيدات
ايضا من اولاد ناس شرونى صديقنا هيثم وكنا احيانا بندفر فى حوشهم ( رغم قلة اهتمامى بالكرة).
Quote: قلبي,, أولا جدودي واعمامي تربطهم علاقة قوية ومجبة مع جدودك واعمامك, فجدي
من الوالد وجدي خال الوالد تتلمذوا علي سماحةالشيخ محمد ماضي ابو العزايم
ومعهم تلميذه المدلل الشيخ كامل الارزهلي (سمي عليه والدي) حينما كان الشيخ
محمد ماضي استاذا للشريعة في كلية غردون. وبعد سفره نهائيا لمصر خلف جدي
خال الوالد الشيخ محمد أحمد محمد علي شيخا للطريقة العزمية في السودان
حتي وفاته عام 1965 وخلفه عمي الشيخ سيف الدين أبو العزايم ووالدي عليه رحمة
الله وعمي الشيخ سيف الدين علي علاقة حميمة بال ماضي وابو الريش ببري ومشيت معهم
أكثر من مرة لبيوتكم ببري وشقيقي الاكبر الفاضل كامل علي صلة كبيرة بأهل بري لانة
مدد
الفاضل كامل الشيخ سيف حسن البداني
يازول إنت لجمتني عديل لكن أظرف ما في الموضوع إنو كل الاسماء دي من سكان الخرطوم حتي مولانا الارزهلى وهو جد أولاد مراد ببري الدرايسة
تخريمة: عارف قصة الارزهلى بالامام محمد ماضي ؟؟
Post: #77 Title: Re: ناس الخرطوم القدامى Author: خالد العبيد Date: 06-22-2010, 01:11 AM Parent: #75
سلام يا احمد
Quote: عندك علاقة باسرة الراحل عبدالرحمن العبيد؟
ابدا ليست لنا علاقة بهذه الاسرة الكريمة
تصدق انا امدرمان دخلتها تقريبا مرتين بس " وانا صغير " قبل ما امشي اخطب!! اخوي ماشي معاي للخطوبة واهل زوجتي في الثورة بالشنقيطي اخوي سايق العربية اتلفت علي : انت ما لقيت غير الحتة البعيدة دي !!
Quote: ابن عوف سليمان وولده عبده على ما اعتقد ديل تجار بسوق امدرمان مقابل استديو الوادي ومحلات التلج
اسم ابن عوف منتشر كتير خاصة في الشمالية، لكن ما عندنا علاقة بناس امدرمان نوهاااااااااااااائي
Quote: ايام لها نعناع
تحياتي
تسلم يا حبيب
لكن قول لي تحديدا كنت ساكن وين، في البيت القديم الطابقين المبني بالطين؟؟ دا المكان الوحيد البتخيلو
تحياتي
Post: #81 Title: Re: ناس الخرطوم القدامى Author: ابوعبيدة حسن محمد Date: 06-22-2010, 09:47 AM Parent: #79
Quote:
ودي حقيقة واحدة من المشاكل المفروض ناس الخرطوم ينتبهوا ليها، الى متى لا يجدون وظائف في مدينتهم بمئات السنين؟ الحنك بتاع عاصمة قومية وجيبوا ناس الهامش وشغلوهم ما عندنا اعتراض عليه، لكن احنا نسوي شنو؟؟ ناكل من وين؟؟ نعيش كيف، لا عندنا بقر ولا شجر
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا خدموا هذه المدينة وحكومتها لعشرات بل ولاكثر من 100 سنة
احمد ابن عوف
سلامات ،،
وتحياتي
غايتو (تراجى ) كان شافت الكلام بتاعك الفوق دة ، ناس الخرطوم يشيلوا شيلتهم مع ناس الهامش !!!
تخريمة :
راجع الماسنجر الداخلي
Post: #83 Title: Re: ناس الخرطوم القدامى Author: أحمد ابن عوف Date: 06-22-2010, 10:05 AM Parent: #81
سلام للاخ حسن بكري
وسلام خاص لناس السجانة اهلي
تحياتي
وشكرا على الاضافة دي ومن اجل التوثيق
Quote: عمنا الطيب محمد عبد الرحمن ، الشهير بالطيب بوكشوب كما تفضلتم ..
جارنا بحي السجانة العريق ، رجل أنيق ومرتّب ، وذو إنضباط ونظام قل أن يوجد مثيله في أيامنا هذه..
ظل ، وحتى يومنا هذا يحافظ يوميا على إرتداء البدلة الكاملة ، وقيادة السيارة المارسيدس !
حتى مواعيد فتح وإغلاق المكتبة ظلت كما هي عليه منذ زمن إنشاءها ، تفتح ابوابها عند الساعة السابعة والنصف ، وتغلق ابوابها عند الساعة الثانية والنصف تماما !
الطيب بوكشوب من أهالي حي السجانة القدامى .. وهو والد الأستاذ وليد الطيب المحامي المعروف وسكرتير الأتحاد العام للكرة الطائرة ، ووالد محمد الطيب حارس مرمى نادي المريخ السابق والنادي الأهلي حاليا..
أعطاه الله الصحة والعافية.
Quote: ـــــــــــــــ بي المناسبة وين ناس السجانة ، ذلك الحي المتفرّد.. أنا الوحيد في المنبر ده ولا شنو ؟
السجانة الفن والعلم والثقافة.. السجانة يعني الراحل إسماعيل حسن الشاعر المعروف.. السجانة يعني الراحل عثمان حسين الفنان المعروف.. السجانة يعني محمد علي جبارة ( يامعاين من الشباك ) السجانة يعني عبد الفتاح الله جابو .. السجانة يعني علي الله جابو.. السجانة يعني الجيلاني الواثق.. السجانة يعني بشير عبد العال ( بشير سلوى ).. السجانة يعني علي عثمان محمدطه.. السجانة يعني الصافي جعفر..
أيضا الراحل المقيم سيد أحمد الخليفة ، رحمه الله رحمة واسعة.
Post: #82 Title: Re: ناس الخرطوم القدامى Author: انعام حيمورة Date: 06-22-2010, 09:58 AM Parent: #79
Quote: السجانة
اها نحن من ناس السجانة وزكرياتها
Post: #84 Title: Re: ناس الخرطوم القدامى Author: أحمد ابن عوف Date: 06-22-2010, 10:14 AM Parent: #82
سلام يا ابوعبيدة
ياهو زاتو وشكرا على الماسنجر
كيف احوالك يا رجل
ايام يا صديقي ايام
Quote: احمد ابن عوف
سلامات ،،
وتحياتي
غايتو (تراجى ) كان شافت الكلام بتاعك الفوق دة ، ناس الخرطوم يشيلوا شيلتهم مع ناس الهامش !!!
مرحب بتراجي، تراجي دي فردة يا صديقي
وانا فوق شاغلتها بانو ناس الخرطوم كانت عندهم علاقة بالجالية اليهودية قبلها بزي خرتمية سنة كده
تحياتي
وشكرا لسودانيز التي جمعتنا
Post: #85 Title: Re: ناس الخرطوم القدامى Author: أحمد ابن عوف Date: 06-22-2010, 10:27 AM Parent: #84
هلا هلا ببنات السجانة ومدرسة الام
Quote: اها نحن من ناس السجانة وزكرياتها
سلام للناس الحلوين
ياخي من امبارح لمن قلت لي يا احمد انا راصه القنوات السودانية في الاول وبعدها الامبيسيهات
قلت يا اخوانا اكيد في قاسم مشترك بيني وبين بت الناس دي لانو دا نفس الوضع بتاع الرسيفر عندي
هلا بناس شارع النص، والسوق وزريبة العيش، هلا بناس محطة الغالي وما جاورها
ومدرسة الاتحاد 1 والاتحاد 2، ومدرسة الام وابناء نادي حلفا، ونادي جلاس
وميدان الليق وساحة المولد وحلاوة المولد
وكيف كانت ساحة المولد في السجانة مرتبة ومنظمة ونظيفة، ياخي مرة قلت امشي اشتري حلاوة المولد من امدرمان، لا حولا، والله مرقوني كرعيني بس، لا عرفت كوعي من بوعي
اها يا بكري، سالت من ناس السجانة وجاك انعام حيمورة شخصيا
ودي ملاحظة، اول انثى تزورنا في بوستينا بتاع اولاد الخرطوم دا، ونتمنى ان لا تكون الاخيرة هههههههه
تحياتي
Post: #88 Title: Re: ناس الخرطوم القدامى Author: سيف الدولة كامل Date: 06-22-2010, 11:01 PM Parent: #85
الاخ ماضي\ سلامات
قصة الشيخ كامل الارزهلي بتاعةالكبدة وكأس الويسكي؟
طبعا يا ماضي كل قصص ال العزايم سمعناها من الشيخ.
مدددد يا ماضي مدددد
Post: #89 Title: Re: ناس الخرطوم القدامى Author: سيف الدولة كامل Date: 06-22-2010, 11:19 PM Parent: #88
العزيز \ أحمد ابن عوف ,,, سلام
فرن الزمزمي والعجلة الفيها القفة من قدام.
ومقابل الفرن حوش مصلحة الارصاد الجوي, ومعدات
قراءة الطقس.
الزولزاتوووووووووووو حيرني لامن اتكلم عن تيس القشلاق
الزول حاضر ما داير يورينا كان وين ؟ افصح يا أبوبكر.
مودتي
Post: #90 Title: Re: ناس الخرطوم القدامى Author: omer osman Date: 06-23-2010, 07:10 AM Parent: #89
Quote: ونادي جلاس
للتاريخ ........... والدي محمد عثمان عبدالحليم أو (عثمان عبدالحليم) كما يعرفه اهل الديم والسجانة ...... هو صاحب فكرة قيام نادي جلاس وبمساعدة نفر كريم من اهلنا في الديم والسجانة
تم إنشاء النادي ومقره الأول تقريباً كان في منطقة غرب محطة الغالي وليس موقعه الحالي في الديم قرب جامعة السودان ........... قاموا يايجار المنزل الذي اختير كمقر للنادي ورفض مفتش
الصحة التصديق لهم لوجود بعض الملاحظات الفنية ....... وعدوهو بان هذه الملاحظات ستكون جاهزة غداً ........ وبالفعل اخبر مجموعة من اهل البلد العاملين في السكة حديد حضروا بعد
نهاية الدوام وقبل مغيب الشمس كانت كل ملاحظات المفتش جاهزة ..........
وهو كما سمعنا ونحن صغار كان شريك في مواد البناء مع عمنا تميم الدار وطبعا تميم الدار كان عندو مغلق كبير في صناعية الخرطوم. هسع موش المسيرية ادوهم 2% من بترول ابيي ومعاهم ناس دينكا نقوك برضو 2%
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا خدموا هذه المدينة وحكومتها لعشرات بل ولاكثر من 100 سنة انا معاك لانو تم تمييز ابناء كل الاقاليم بمنحهم نسب في البترول او الوظائف
لماذا لم يمنح ابناء الخرطوم تلك الميزه...ومن منناس الخرطوم الان يحتل أي وظيفه عليا ؟؟؟ يا احمد يا اخوي نحن احالونا للصالح العام يعني قدر الفضل ما خلوهو تقول لي اتنين في الميه اخي خالد العبيد تصدق انا امدرمان دخلتها تقريبا مرتين بس " وانا صغير " قبل ما امشي اخطب!! اخوي ماشي معاي للخطوبة واهل زوجتي في الثورة بالشنقيطي اخوي سايق العربية اتلفت علي : انت ما لقيت غير الحتة البعيدة دي !!
تصدق يا خالد عمي شقيق والدي رحمه الله كان يسكن الثوره بحكم زواجه من ابنة عمه عائشه بنت محمد مصطفي العالم ويقال له العالم لتدريسه القران عنما توفي بالثوره والدي رخمة الله عليه ايضا في الفراش
وانا راجع بحري جاء يركب معي العربيه عشان يبيت في بحري. قلت ليه: يابا انت ماشي ليه.. بكره الناس الصباح بدري بيجو يشيلوا معاك الفاتحه قال لي: يا ابني انا عمري ما بت يوم واحد في امدرمان ولا يمكن ؟؟؟
تقول لي العاصمه الوطنيه !!!
Post: #92 Title: Re: ناس الخرطوم القدامى Author: يوسف محمد يوسف Date: 06-23-2010, 08:43 AM Parent: #91
جايكم بس .. خلونى شوية .. مشغول مع الحزب الاتحادى الديمقراطى ..
الجماعة ديل عايزين " يودونا الخور " كما قال صديقى فتحى مأمون معلا " قرد مأمون " .. بعد ان اشترينا الكونياك الروسى من بار " قوتس " الايطالى - سوق نمرة (2) فى نهاية الستينات .
شوقى لكم
يوسف ابوصلعة
نمرة (3)
----------------------------- * احمد ابنعوف .. انا دفعتى الوجيه عبد الحميد ابنعوف ( الخرطوم الثانوبة القيمة )
Post: #93 Title: Re: ناس الخرطوم القدامى Author: احمد خليل Date: 06-23-2010, 08:55 AM Parent: #92
تحياتى يوسف اب صلعة واسكندر وميدان عبدالمنعم وفريق الدينمو ... وعودة
Post: #94 Title: Re: ناس الخرطوم القدامى Author: Kamal Karrar Date: 06-23-2010, 09:41 AM Parent: #93
الأخ/ أحمد...
أهنئك على البوست الذي بدأ خفيف الظل دسم المعلومات...
الله يوفقك... وكمساهمة بسيطة مني.. عايز أنقر نقرات خفيفة في ذاكرة البعض
بذكر بعض المواقع التي أنحفرت في ذاكرتي عندما تذكر الخرطوم...
- سويت روزانا ربما تكتب Sweet Rosana or Rozana
- محلات عطية للأسلحة النارية...
- أستديو غردون سابقا- أستديو النيل الأزرق...
- عادل ميرزا...
- صيدلية أبو نخلة...
- مطعم الجمهورية...
تخريمة:- لاعب بحري طراوة "طارق ميرغني" حريف في التوثيقات الغير صارمة..
يوسف اب صلعة واسكندر وميدان عبدالمنعم وفريق الدينمو ... حبيبنا كوفى.. يوسف اب صلعة كان من أخطر هدافى رابطة الخرطوم 3 التى كانت تلعب فى ميدان عبدالمنعم قبل انتقاله لميدان الليق بالحلة الجديدة ومدرسة الخرطوم الأميرية ان لم تخنى الذاكرة وفيما يبدو لى انه قد التحق بالكلية الحربية بعد ذلك (الرجاء تأكيد المعلومة)وقد فوجئت به حقيقة بأنه عضو بالبورد.. نرجع للخرطوم 3 وميدان عبدالمنعم وبه كان دكاكين المولد وبوفيه عمنا عبده دهب اشهر شيوعى بالسودان (وموقف عشرة دقايق) ايام بصات البدفورد والفيات (البعيو)والمارسيدس والهنقارى...(تعال شوف الأنحطاط الحالى).ولاتنسى سوق نمرة 3 والمرحوم كبروس الذى كان يصلح العجلات وؤأجرها للأطفال ومنه تعلمنا قيادة العجلات ثم اتجه جنوبا لقسم البوليس الجنوبى واشلاق البوليس وسوق السجانة وتلك الأحياء التى كان تقطنها كثير من الأسر الكريمة لأخوتناالأقباط والأثيوبيين جنبا الى جنب مع الأسر المسلمة فى تآلف ومحبة حقيقية.وقد كانت علاقاتنا وصداقاتناتمتد من منطقة الخرطوم الجديدة (ميدان جاكسون حاليا بعد ان صارت تلك المنطقة اثرا بعد عين وتعيش انت)وحتى منطقة سينما النيلين جنوبا. (لكن بينى وبينك ياكوفى الناس كانوا بخوفونا من الديم والديامة(ديل ناس ابوساندرا) ولكن الديم والحق يقال اخرجت الكثير الكثير من الأفذاذ فى شتى ضروب الحياة الفنية والرياضية والأجتماعية والسياسية فلهم التحية والأعزاز.
Post: #96 Title: Re: ناس الخرطوم القدامى Author: احمد خليل Date: 06-23-2010, 11:19 AM Parent: #95
قلقو الظريف غايتو حنسرق ليك البوست من ولدنا(احمد) نصو من ( عندينا) يعنى حلال علينا!!!!!!! انا كتبت قبل كده عن (اولاد الخرطوم) والكسل كان بالمرصاد !!!البركه فى الشباب!!! انا ايضا فوجئت باللاعب الفنان (يوسف) بيننا !!!واكيد اضافة جميله!!ولا زلت اذكر حتى (امير) شقيق (سمير) حارس مرمانا الدولى الذى (تمصر)!!!!! واكيد هاجت الذكرى فقد درسنا معا (مدرسة الخرطوم غرب 1 ) واسمتعنا بعمك سليمان موسى وهو (يمرمط ) اصحاب العربات (الفاشلة) ونصفق للفائزين من على السور!!! اكيد اكلت معنا فول العم ( طبيز)!!!!هنااااك خلف مخبز الخرطوم الجديد!!! هامش ياابو حميد ابو العزائم من ناس برى واكيد (بيعرف) لسان طلعت فالجائزة محجوبه لأنو فى اللجنة!!! تحياتى kofi
Post: #97 Title: Re: ناس الخرطوم القدامى Author: يوسف محمد يوسف Date: 06-23-2010, 11:22 AM Parent: #95
Quote: يوسف اب صلعة كان من أخطر هدافى رابطة الخرطوم 3 التى كانت تلعب فى ميدان عبدالمنعم قبل انتقاله لميدان الليق بالحلة الجديدة ومدرسة الخرطوم الأميرية ان لم تخنى الذاكرة وفيما يبدو لى انه قد التحق بالكلية الحربية بعد ذلك (الرجاء تأكيد المعلومة)وقد فوجئت به حقيقة بأنه عضو بالبورد..
الحبيب قلقو *
يانى انا ذاتى بشحمة اضانى كما يقولون ..
بعد ما كنا بتشوت بالرجلين .. و نرعب اى حارس بما فى ذلك سبت دودو..
بقينا نشوت بالايدين على الكيبورد ..
اعدتنى الى ماضى جميل نفخر به ..
الجراب مليان .. بس الوقت ..
مودتى
يوسف ابوصلعة
------------------------------------- * بالاحمر لون فنايل الدينمو .. يا حليلو
يايوسف اذكر انو انا وحبيبنا كوفى كنا بنجيب ليكم الكورة من ورا القون..اياما كوفى كان فى خلوة شيخ محمد بابكر وانا كنت فى روضة دار الحنان .ولا الكلام ده ماصاح ياكوفى ؟ لكن ماأكدت يايوسف هل المرحلة الوسطى كنت فى الأميرية ولا الخرطوم الأهلية مع ناس ماضى ابوالعزائم؟
Post: #99 Title: Re: ناس الخرطوم القدامى Author: يوسف محمد يوسف Date: 06-23-2010, 12:34 PM Parent: #98
Quote: لكن ماأكدت يايوسف هل المرحلة الوسطى كنت فى الأميرية ولا الخرطوم الأهلية مع ناس ماضى ابوالعزائم؟
الحبوب قلقو
الخرطوم الاهلية الوسطى " محمد حمزة " .. لا تذكر مدرسة الخرطوم الاهلية و الا يذكر اسم ناظرها الفذ محمد حمزة عليه رحمة الله .
ناس ماضى ديل بالنسبة لينا شفع - مع الاعتذار لاخى ماضى - .. نحن دفعة : 1962 - 1966
عارق يا قلقو .. خارج اسوار المدرسة الاهلية من الجهة الغربية كانت الجهة الشرقية لموقف باصات السجانة و الحلة الجديدة .. هذه الجهة من الموقف محاطة باكشاك العدة .. اعمامك اصحاب الاكشاك كانوا مابفتحوا الا لما يتأكدوا انو المدرسة ما فيها تمرين كورة .. سألهم بعض الطلبة عن السبب فى تواجدهم على سور المدرسة اثناء المباريات و التمارين فكان ردهم : منتظرين كورتكم دى تنتهى و الطالب الفقر الاسمه ابوصلعة يخش فصلوا عشان نفتح اكشاكنا .. دا كسر لينا عدتنا كلها !!
بالله يا ماضى تذكر قهوة الواثق و شايها الصاموطى .. و محلات سمارة .. و اكشاك الليمون و الشعير الباااااااااااااااارد
حبيبنا يوسف .. اذن تخرجنا من مدرسة وسطى واحدة زمازالت سيطان استاذ مصرى بتوجعنى لغاية الليلة. (انا دفعة ماضى ابوالعزائم) بس انا دخلت وانا صغير السن (عشان ماضى ابوالعزائم مايقول انا قدرو وكدة). بالمناسبة الأخ ماضى كان فاتح ليه بوست عن الخرطوم الأهلية الوسطى (التى صارت عبارة عن دكاكين ومخازن وكوشة) ياريت لو يقدر يجيبو لينا من الأرشيف .
Post: #101 Title: Re: ناس الخرطوم القدامى Author: يوسف محمد يوسف Date: 06-23-2010, 02:59 PM Parent: #100
Quote: اذن تخرجنا من مدرسة وسطى واحدة زمازالت سيطان استاذ مصرى بتوجعنى لغاية الليلة.
قلقو ..
هاك ديل و حاول اسعفنى بمن ضاع من الذاكرة من استاذتنا الكرام :
عيسى - قرنى - منزول - الضرير - خضر ( ابو اضان ) - عبد الباسط - سليم - محمد نور - حسن عبد العزيز - احمد محمد الحسن - على مرجان - المصرى - جانو - صديق - الشهلابى - ... الناير .. الدود .. يعقوب
هاك ديل و حاول اسعفنى بمن ضاع من الذاكرة من استاذتنا الكرام :
عيسى - قرنى - منزول - الضرير - خضر ( ابو اضان ) - عبد الباسط - سليم - محمد نور - حسن عبد العزيز - احمد محمد الحسن - على مرجان - المصرى - جانو - صديق - الشهلابى - ... الناير .. الدود .. يعقوب
الرحمة لمن مضى... و طول العمر لمن هو باقى
صديق الزين , زمراوى , عيسى الحلو,
بالله يا قلقو ادينا الاسم الكامل ,,,, صور الخرطوم الاهليه البقت محلات ملابس واحذية واتصالات موجوده ,, فى الطريق
Post: #104 Title: Re: ناس الخرطوم القدامى Author: سيف الدولة كامل Date: 06-23-2010, 09:03 PM Parent: #103
التحية لكل الحبابيب ,,, وتحية خاصة للاعب الفنان والمدفعجي يوسف ابوصلعة.
نحن صغار كنا نمشي نتفرج علي دوري المنازل في الخرطوم الاهلية وكان هنالك
لعيبة كبار في المدرسة ,, ولاأنسي كانت تقدم الدعوي للفرق الكبري للعب مع
فريق المدرسة الاهلية ,,, بشري وبشارة وسليمان والدحيش واولاد العاتي الخخخ.
طبعا يا يوسف نحن اولاد حلة حي جاكسون ود حلتنا واخونا الكبير يوسف مرحوم
ورئيس نادي النيل عمنا جمال عليه رحمة الله . بس نسيتوا عمنا الدود جلاد الطلبة.
في فترة يا يوسف انت وأزهري العمدة عملتوا ارهاب شديد لزغبير والطيب سند بالله
تتذكر تلك الفترة؟.
قلقو أفصح لينا عن اسمك وبيتكم وين ؟ دار الحنان في حلتنا ,, بس نحن درسنا
في الخرطوم الاميرية ايام ناس التاج محجوب وابراهيم عوض عليه رحمة الله,,,
طبعا أجمل ليمون وشعير بيحبوهو اولاد الاهليه كان في كشك عمنا الشفيع,,,
بوست ظريف وفيهو معلومات كثيره عشان كده قلت أدلى بدلوى على قدر حبة المعلومات العندى... الأستاذه المعلم ...ماما سعاد إبراهيم أحمد عضوة البورد هى من سكان نمره إتنين الأصليين وأفتكر والدها المهندس إبراهيم أحمد برضو....زول يصححنى
حى الزهور من الأحياء التى أنشئت فى أواخر الخمسينات عدد بيوتو ما كبير حوالى ميتين كم وسبعين بيت وهو بقع ما بين الديم جنوباً ومقابر فاروق وبيوت الحجر شمالاً... ومن الشرق بفصلو من العمارات مابين شارع 15 وشارع 25......شارع محمد نجيب اللى هو شارع الصحافه شرق سابقاً ومن الغرب حبة بيوت من بيوت الديم قبل ما تصل شارع الغالى... ومساحة بيوتو أصغر من بيوت العمارات وأكبر من بيوت الديم
الناس الإشترو بيوت فى الحى ده غالبيتهم موظفين والدى الله يرحمو إشترى بيتنا فى حوالى سنة 1960 جيراننا ناس حامد العربى...كان منشد فى إذاعة أمدرمان ووالد عبدالله عربى العازف... ناس المهندس المعمارى إبراهيم الأسد جد عضو البورد ود أستاذ معتصم ... بيتهم كان واحد من بيتين من طابقين فى حى الزهور قبل الأسمنت يكتر ناس عبد العزيز بحيرى...الله يرحمو وأولادو ناس مصطفى بحيرى... وأخو بحيرى الكان مدير بنك السودان أفتكر.... ناس عمى عمر الهد الله يرحمو من ناس القضارف.... الفسحه التانيه بعد المركز الصحى فيها ناس مشاوى وناس الليرى
بتذكر زمان قبل نمشى بورتسودان كنا بنمشى نلعب جنب الخرطوم الثانويه بنات...القديمه... وما كان فى مبانى وعمارات جنبها...كانت فسحه فاضيه.... ولقينا شجرة بطيخ قايمه ...كل يوم نشيل الزمزميات ونمشى فى المساء عشان نسقيها بعد كبرت البطيخه وحددنا اليوم ال ح نمشى ناكلها فيه... أخوى وواحد من أولاد الحله قالو ما ماشين... مشينا برانا ....لقينا دم بطيختنا المنحوره على الأرض...وكانت شكله... حسى بنو مستشفى إبن سيناء فى الفسحه القداميه
حى الزهور فيها شيوعيين كتار _______________
يا عمرو... سلام لو ما غلطانه فيك وما أفتكر هل جدك إبراهيم خليل كان أول محافظ للخرطوم...مش؟؟؟...
Post: #107 Title: Re: ناس الخرطوم القدامى Author: يوسف محمد يوسف Date: 06-23-2010, 10:28 PM Parent: #105
يا شباب
كيف حالكم
تلقيت اتصال تلفونى من اخى ( الاصغر ) حيدر امين قبل لحظات .. طلب منى نكب فى هذا البوست كل ذكريتنا فى مدينتنا الام الخرطوم .
بكرة الخميس جاهز ليكم ..
بسرعة كدا :
الغالى سيف الدولة.. حوش جدى / يوسف حسين كان من طابقين فى نفس شارع ناس يوسف مرحوم قصاد دكان عمك الزبير .. من هنا سنبدأ. الحبوب قلقو .. عذبتنا !! دايرين الاسم كامل .. سألت مساء اليوم متوكل مبارك امان ( كولا ) برضو ما عرفك ماضى ابو العزائم و حيدر امين ... الصور بسرعة لانها ستفتح لنا باب كبير للذكريات
ود ابنعوف .. فاتنى ان اشكرك على هذا البوست فمعذرة يا ابن الاكابر ,, مودتى لك
صلحوا لينا البوست بشوية ( جكس ) .. مع بتنا اقبال المرضى .. انت بت منو فى ناس المرضى .. بنعرفهم كلهم ؟
Quote: الناس الإشترو بيوت فى الحى ده غالبيتهم موظفين والدى الله يرحمو إشترى بيتنا فى حوالى سنة 1960 جيراننا ناس حامد العربى...كان منشد فى إذاعة أمدرمان ووالد عبدالله عربى العازف... ناس المهندس المعمارى إبراهيم الأسد جد عضو البورد ود أستاذ معتصم ... بيتهم كان واحد من بيتين من طابقين فى حى الزهور قبل الأسمنت يكتر ناس عبد العزيز بحيرى...الله يرحمو وأولادو ناس مصطفى بحيرى... وأخو بحيرى الكان مدير بنك السودان أفتكر.... ناس عمى عمر الهد الله يرحمو من ناس القضارف.... الفسحه التانيه بعد المركز الصحى فيها ناس مشاوى وناس الليرى
سلام للجميع فى الإنتظار يا قلقو .. يبدو انك اصغر مننا نحن العجايز لذلك ذاكرتك ما شاء الله
هل تذكرون اول مدرسة تعليم قيادة سيارات بالسودان
مدرسة عبد الغني الحاج لتعليم قيادة السيارات
اول مرة نشوف عربية بفراملين وكلتشين .. كانت فرجه بدأت بالمقرن وإنتقلت لنمرة 3 كان متذكر كويس ، ولده محجوب اين هو الان ؟
هل نتذكر الاغاريق السكنوا زمان .. والتلفزيون الختتو حكومة عبود - ابيض واسود- في قهوة عبده دهب وسط ميدان عبدالمنعم، وشاهدنا فية مقتل الرئيس كندي .. مظاهرات اكتوبر والشهيد التنقاري ...
أب صلعة يا اخوى هل تتذكر ايام المدرسة كانت المباريات تقام داخل مدرسة الخرطوم الاهلية والقون قدام الحيطة. اتذكر كنا بنتفادى نقيف هناك خلف المرمى الشايت عليه يوسف اب صلعة او احمد جريمة ..كانت كورة مدراس لكن امتع من الفريق القومي الايام دي
Quote: وعمي الشيخ سيف الدين علي علاقة حميمة بال ماضي وابو الريش ببري ومشيت معهم
أكثر من مرة لبيوتكم ببري وشقيقي الاكبر الفاضل كامل علي صلة كبيرة بأهل بري لانة
مقيم في السودان.واولاد مولانا حسن البداني في الحساب أعمامي لانه أمهم خالة الوالد
شوف الدنيا دى ضيقه كيف يا سيف الدولة تعرف اولاد المرحوم حسن البدانى ديل اولاد عمى عديل كده وخالى كمان ولانسبة لماضى وابو الريش اولاد خالهم ( وهم اولاد خالتى )
يعنى المرحومه والدتهم عائشة حبوبتك ؟؟؟ ,,,, عجيبه يا دنيا
Post: #113 Title: Re: ناس الخرطوم القدامى Author: سيف الدولة كامل Date: 06-24-2010, 00:40 AM Parent: #112
العزيز \حيدر امين ,,, تحية ومليون سلام
سبحان الله فعلا الدنيا ضيقة, نعم حاجة
عائشة خالة الوالد, والد عائشة وحبوبة
ابوي من أمه اخوات,,,والله يا حيدر بتربطنا
ببري علاقات وطيدة بدأها أجدادنا من وقت طويل.
مثلا أولاد الطاهر السيد, دكتور محمد ابراهيم الطاهر
وعمر ابراهيم والمرحوم عصام ابراهيم واولاد الدليل
وناس قسومه ديل اصدقاء الفاضل اخوي من الطفولةوعشنا
ايام طيبة معاهم وكنا نلتقي في حوش العمدة كرم الله
في منزل عمنا المرحوم علي الطاهر السيد والد جنابو
شاكر وماهر ودكتور نادر.
فعلا يا حيدر ناس الخرطوم القدام اهل بحق وحقيقة.
مودتي
Post: #114 Title: Re: ناس الخرطوم القدامى Author: سيف الدولة كامل Date: 06-24-2010, 00:42 AM Parent: #112
العزيز \حير امين ,,, تحية ومليون سلام
سبحان الله فعلا الدنيا ضيقة, نعم حاجة
عائشة خالة الوالد, والد عائشة وحبوبة
ابوي من أمه اخوات,,,والله يا حيدر بتربطنا
ببري علاقات وطيدة بدأها أجدادنا من وقت طويل.
مثلا أولاد الطاهر السيد, دكتور محمد ابراهيم الطاهر
وعمر ابراهيم والمرحوم عصام ابراهيم واولاد الدليل
وناس قسومه ديل اصدقاء الفاضل اخوي من الطفولةوعشنا
ايام طيبة معاهم وكنا نلتقي في حوش العمدة كرم الله
في منزل عمنا المرحوم علي الطاهر السيد والد جنابو
شاكر وماهر ودكتور نادر.
فعلا يا حيدر ناس الخرطوم القدام اهل بحق وحقيقة.
مودتي
Post: #115 Title: Re: ناس الخرطوم القدامى Author: Mutwali Malik Date: 06-24-2010, 01:20 AM Parent: #114
Quote: قريت سنتين في مدرسة حي عبدالمنعم الابتدائية وبعدها للخرطوم شرق
احمد ابن عوف لو ما اخاف الكضب تكون اول الفصل بتاعنا في مدرسة حي عبدالمنعم الابتدائية ارجو ذلك 1971م - 1977م
Post: #116 Title: Re: ناس الخرطوم القدامى Author: سيف الدولة كامل Date: 06-24-2010, 02:48 AM Parent: #115
جنابو\ يوسف ابوصلعة ,,, مليون تحية واحترام
جدك يوسف حسين علم من اعلام الخرطوم وبيتكم في شارع
صالح باشا وجيرانكم من ناس الخرطوم القدام أولاد عمنا
صديق ركابي واولاد عبد الله الزبير دكتورفريد وأخوانه
وولاد حاج نقد الله ( مطبعة مانكو حاليا) وشيخة المضيفات
بالخطوط الجوية السودانية أختنا العزيزة سعاد رسمي
واولاد النحاس وال الدسوقي والباروني والحكيم وكشة
وشروني والسواحلي وما ننسي زملاء المهنة المرحوم ديدي
ومعتصم محمد عبد الحليم طياري الاسترايك ماسترواللاعب الفنان
جون وسعادة اللواء معاش كمال عمر بابكر واخوه الفاتح خواجه
لاعب الاهلي والفنان جنابو جمال يوسف واولاد الجاك طه واسماعيل
البيلي اولاد المنشاوي واولاد تلب واولاد التهامي وال مامون حسب
الرسول وحبيبنا الوجيه الفاتح يس وحليل ميدان الجيل ,ايام.
وين يا أخوانا دينا بنت قلب الخرطوم ما شافت البوست ده؟
واصل يا جنابو ونحن في انتظارك.
Post: #117 Title: Re: ناس الخرطوم القدامى Author: يوسف محمد يوسف Date: 06-24-2010, 08:09 AM Parent: #116
اخوتى ابناء الخرطوم عموم
انتم هنا تعطرون هذا البوست بعبق المحبة و الالفة و السيرة العطرة التى عرف بها اهلنا فى مدينة الخرطوم.. فانتم امتداد لذاك الزخم الذى ميز اهلها عن غيرهم .. لذلك اجتماعكم هنا هو اعادة لنضم العقد الماسى الفريد لاحيائها ولاهلها و لابنائها و ما عاشوه من حلو ايام تزين تاريخ جياتهم باحلى الذكريات . مقترحان صغيران اذا سمح لى صاحب البوست : 1. ان يعرف كل منا نفسه بصورة مبسطة للتوثيق ولتسهيل استرجاع الذاكرة . 2. المداخلات تكون مصغرة sandwich عشان نتذكر اكبر قدر من الذكريات .
لضيق الزمن سأبدأ الى حين موافقة اخونا احمد ابنعوف :
الاسم : يوسف محمد يوسف حسين اللقب : يوسف ابوصلعة المولد: الخرطوم (3) بعد انتقال الاسرة - لكبرها - من الخرطوم غرب الدراسة : الاتحاد الاولية - الخرطوم الاهلية الوسطى - الخرطوم الثانوية القديمة - الكلية الحربية نبذة تاريخية : حياة متكاملة بكل مباهجها و حتى الان فى مدينة الخرطوم و اين ما اكون اعيش نمط حياة الخرطوم .. فانا احبها و لا ارى غيرها الاقامة الان : المملكة العربية السعودية - جدة ( لانها ثشبه الخرطوم الى حد ما) للاتصال : 00966540325353
QUOTE دار الحنان في حلتنا ,, بس نحن درسنافى الخرطوم الأميرية حبيبنا سيف الدولة والأحباب المتداخلين.. حنان مين يابااللى درسنا فيها ده بس كلام انا كتبتو ليوسف ابوصلعة عشان اغيظ بيه كوفى ..فياسيدى الكريم انا درست الأولية بمدرسة الخرطوم غرب الأولية 1 اياميها كان الناظر هو المرحوم على عباس النعمة وبما انو العبدلله كان بليد فقد اعدت سنة رابعة فى مدرسة حى عبدالمنعم ومنها انتقلت للمرحلة الوسطى . اما عن منطقة السكن فكنا نسكن الخرطوم 3 (قرب ناس عارف عفان العضو معنا فى هذا البورد)وقرب قسم واشلاق البوليس الجنوبى (ناس عصام عبدالحفيظ الفنان التشكيلى والمصور الرائع بصحيفة اجراس الحرية)وبالقرب من مدرسة الأم وغير بعيدين عن ميدان عبدالمنعم (الأسرة لاحقا) وسينما الوطنية جنوب وميدان الليق ومخازن وزارة الصحة وسوق السجانة ونادى بوهين وجامع انصار السنة,ولم نكن بعيدين عن ميدان الجيل ناس الريح رضوان واحمد المك (الملحن الحالى)والذى كان يلعب كرة القدم كأبدع مايكون واخوانه فوزى وفتحى المك (الملحن المعتزل) كما لم نكن بعيدين عن منطقة الزهور ناس عمر وبابكر عربى والتى تعرفنا ولعبنا معهم كرة القدم بفريق الأمير بالعمارات وكان يلعب معنا الكابتن فوزى التعايشة والمرحوم صلاح حمدالله شقيق الشهيدفاروق حمدالله كما اذكر كان يلعب معنا بالفريق حسن وصلاح ابناء الفنان الرائع المرحوم عثمان حسين وكذلك ابناء محمد توفيق وسيد احمدعبدالهادى وابناء الطاهر المقبول ومحمد نصر عثمان وبشير محمد سعيد رحمهم الله جميعا. كما لا أنسى كان يلعب معنا (صالح اليهودى) كحارس مرمى ولم نشعر او يشعر هو فى يوم من الأيام بأنه مختلف او غريب عنا فى شيئ وقد سمعت فيما بعد بأنه قد رحل الى اسرائيل آسفا لفراق السودان واصدقاءه بها . وقاتل الله السياسة والسياسيين. وتطول قائمة الأصدقاء والمعارف والأحباب ولكنها سنة الحياة والبركة فى هذا المنبر الذى جعل التلاقى بيننا ممكنا ولو اسفيريا. ولنا عودة ان شاء الله .
Post: #120 Title: Re: ناس الخرطوم القدامى Author: سيف الدولة كامل Date: 06-24-2010, 08:56 AM Parent: #119
الاخ \ طارق ميرغني ,,, تحياتي
نعم هو عمر ابراهيم الطاهر السيد( ود المحافظ)
وهو من قدامي موظفي بنك السودان,. أخ وصديق عزيز
منذ عشرات السنين, وشقيقه الاكبر دكتور محمد ابراهيم
الطاهر عميد كلية القانون جامعة الخرطوم.
ميدان الجيل للداخل شرق كترينا بالقرب من ال الفكي سنوسي
اما ميدان عبد المنعم كان فيهو الليق والمولد والسيرك
الهندي , وبعد تحويله لميدان الاسرة بعد مايو نقل الليق
والمولد للموقع الحالي ,, أما السيرك الهندي حليله ماعاد.
تقديري
Post: #121 Title: Re: ناس الخرطوم القدامى Author: سيف الدولة كامل Date: 06-24-2010, 09:06 AM Parent: #120
العزيز \قلقو,,, سلامات ,,, الحنان اااال.
اكيد دفعتك في الخرطوم غرب 1 المرحوم سيف الدين
بابكر جعفر و محمود واسماعيل زكريا من حي باريس
وسيف الدولة بخيت السيد واولاد تلب واولاد التهامي,
نسيت تذكر ناس فواد نقة كانوا قريبين منكم والمضيفة
ريتاوكمال محمد سعيد ( عمك تنقو) وحلة كوافير برادايس
واولاد خوجلي ابو الجاز الخخخخخخخخ.
نحن يا قلقو الدفعة الوراكم في الخرطوم غرب 1
لكن شقيقي الاكبر الفاضل كامل بيكون عاصركم في المدرسة.
حبيبنا سيف.. نعم بالضبط كدة كان من دفعتنا بالخرطوم غرب ابناء محى الدين تلب وعبدالله التهامى على الزين النحاس ومحمود على ادريس ومعتصم عبدالغفار ويوسف زيدان وصالح محمود اسماعيل واولاد محمد الحاج برى وابنه عبقرى زمانه يسرى وابناء مجذوب البحارى وتطول القائمة ولا ادرى ان كان بوزارة التربية والتعليم ارشيف يحفظ اسماء كل هذه الدفع بكل المدارس واسماء معلميهم..
Post: #122 Title: Re: ناس الخرطوم القدامى Author: أحمد ابن عوف Date: 06-24-2010, 09:17 AM Parent: #119
شكرا لكل الاخوة والاخوات الذين زاروا البوست وعطروه بقلامهم وذكرياتهم
ناس البوست موش طلعوا بس بعرفوا بعض من جدود جدودهم، ولكن طلعوا كلهم قرايب عديييل كده
سعادتك يوسف حسين يوسف
من غير استئذان يا حبيب، تتفضل وشكرا لاقتراحك
Quote: . ان يعرف كل منا نفسه بصورة مبسطة للتوثيق ولتسهيل استرجاع الذاكرة .
أحمد عوض الكريم ابن عوف سليمان
السكن: الخرطوم اتنين ثم السوق العربي ثم الاغتراب (حاليا في الدمام)
المدارس: مدرسة حي عبدالمنعم الابتدائية، الخرطوم شرق الابتدائية، الخرطوم الاميرية (سنة واحدة فقط) الخرطوم الجديدة ثم جامعة الخرطوم مدرسة العلوم الادارية 90 - 95
من الاهل في الخرطوم: من ناحية الوالد آل ابن عوف سليمان، آل كمير من ناحية الوالدة: آل طه محمد ابو زيد او طه بك (الخرطوم غرب) امير طه ومحمود طه وحسين طه (صريف مالية مصر والسودان) آل جاويش، محمد عباس جاويش واخوالي من الرياضيين عبداللطيف محمد عباس (الملاكمة) وعبدالله زاوية (الباكست) ,وآل ابراهيم سليمان
وقطعا تمتد علاقات النسب والقرابة لكل اهل الخرطوم القدامى
تحياتي
Post: #123 Title: Re: ناس الخرطوم القدامى Author: أحمد ابن عوف Date: 06-24-2010, 09:31 AM Parent: #122
الاخ متولي مالك
Quote: احمد ابن عوف لو ما اخاف الكضب تكون اول الفصل بتاعنا في مدرسة حي عبدالمنعم الابتدائية ارجو ذلك 1971م - 1977م
بالضبط كده، درست سنتين فقط اولى وتانية، 76-78
وما شاء الله على ذاكرتك
هل انت من اسره ابراهيم مالك في الخرطوم (2)؟؟ كنا بنرجع بنفس الشارع الى البيت البيت الاحمر والبيت الاصفر والبيت الرمادي (آل النفيدي)
ولي سنتين بفكر في مشروع (تخيل سنتين تفكير) بس الغربة هي السبب، مشروعي يا سيدي انو ارجع المدرسة واطلب الارشيف بتاع المدرسة واحصل على كل اسماء الطلبة في الفصل، ومع سهولة البحث الالكتروني الزول ممكن تلاقيه في فيس بوك او سودانيز او اي ملف آخر، ونحاول على الاقل الاتصال مع بعض ومعرفة مصائرنا، دا حيكون اجتماع بعد كم ؟؟ 35 سنة والبحث عن معلم الفصل استاذ عصام، وتكريمه المهم نعمل حاجة
السنة الفاتت زرت المدرسة، ومعي ابنائي ودخلنا الحوش (يوم جمعة) تصدق وتآمن بالله ان المدرسة الآن كلها فصولها وحيشانها اصبحت تحت ظلال الاشجار، منظر عجيب عندما تدخل، الشمس لا تخترق اي مكان داخل المدرسة
معاي في المشروع وللا كيف؟؟
_________________
الاذن يا شباب، ساغيب تلاتة ايام بغرض مامورية عمل، وسنكون متابعين من البعد
Post: #125 Title: Re: ناس الخرطوم القدامى Author: أحمد ابن عوف Date: 06-24-2010, 09:48 AM Parent: #123
Quote: للتاريخ ........... والدي محمد عثمان عبدالحليم أو (عثمان عبدالحليم) كما يعرفه اهل الديم والسجانة ...... هو صاحب فكرة قيام نادي جلاس وبمساعدة نفر كريم من اهلنا في الديم والسجانة
وللتاريخ ايضا يا جنابو عمر عثمان
احنا بالضرورة قرايب، لاننا من جلاس تحديدا
هل لديك علاقة بسفيرنا في الامم المتحدة محمود عبدالحليم؟؟ لانه من جلاس ايضا
اولي سنتين بفكر في مشروع (تخيل سنتين تفكير) بس الغربة هي السبب، مشروعي يا سيدي انو ارجع المدرسة واطلب الارشيف بتاع المدرسة واحصل على كل اسماء الطلبة في الفصل معقولة دى يا احمد ابنعوف بتفكر سنتين ولسه مانفذت الفكرة؟ويعنى لو ماكنت اول الفصل كنت سويت شنو؟ فى مداخلتى السابقة تسآءلت ان لدى وزارة التربية والتعليم ارشيف يحوى اسماء كل الدفع التى مرت على مدارس السودان ولكننى تراجعت واستدركت بأنو (وزارة التربية والتعليم ذات نفسها وينا؟) لكننى اثنى اقتراحك فى محاولة ارشفة اسماء طلاب ومعلمى ذلك الوقت الكترونياورحلة الألف ميل تبدأ بخطوة وبطل الكسل واترك التفكير وابدأ التنفيذ. مع تحياتى .
Post: #127 Title: Re: ناس الخرطوم القدامى Author: أحمد ابن عوف Date: 06-24-2010, 10:46 AM Parent: #126
الاخ قلقو
تحياتي
الغربة يا حبيب الغربة
Quote: معقولة دى يا احمد ابنعوف بتفكر سنتين ولسه مانفذت الفكرة؟ويعنى لو ماكنت اول الفصل كنت سويت شنو؟ فى مداخلتى السابقة تسآءلت ان لدى وزارة التربية والتعليم ارشيف يحوى اسماء كل الدفع التى مرت على مدارس السودان ولكننى تراجعت واستدركت بأنو (وزارة التربية والتعليم ذات نفسها وينا؟) لكننى اثنى اقتراحك فى محاولة ارشفة اسماء طلاب ومعلمى ذلك الوقت الكترونياورحلة الألف ميل تبدأ بخطوة وبطل الكسل واترك التفكير وابدأ التنفيذ. مع تحياتى .
في السنتين ذهبت اجازة واحدة ولمدة 10 ايام فقط، لكن باذن الله اول اجازة سنبدأ المشروع واهو الليله لقينا واحد اخونا متولى مالك
الأخ طارق ميرغنى .. المرحوم المحافظ ابراهيم الطاهر وهو كان محافظا لمديرية كسلا كآخر وظيفة قبل المعاش وقد سكن الخرطوم 2 قصاد منزل آل ميرغنى محجوب وآل عبدالمجيد القاضى وخلف منزل آل عزالدين السيد وقد كان ابنه المرحوم(عصام ابراهيم الطاهر) من اخلص اصدقاءنا رحمه الله رحمة واسعة. عودة لأقتراح الأخ احمد ابنعوف بخصوص الأرشفة الألكترونية لدفع المدارس فى ذلك الزمان ..انا اقترح لو كان هناك فى هذا المنبر من يعمل بوزارة التربية والتعليم او كان لديه قريب او صديق فيمكن ان يساعد كثيرا.. مع تحياتى .
Post: #130 Title: Re: ناس الخرطوم القدامى Author: يوسف محمد يوسف Date: 06-24-2010, 11:53 AM Parent: #129
اها يا الاحباء جناكم
و بما انه يبدو حتى الآن اننى أكبركم سنا .. ولو انه يراودنى شكك كبير بان أخونا ( بكرى الصائغ ) بيكون ركب تورماج الدوران و كان بنزل منه بالعكس .. و انا ترماج الدوران ما ركبته بس ركبت بتاع المحطة الوسطى مع حبوبتى ( بت الخولى ) لمن تجى تسوقنى اقعد عندها فى ام درمان / الركابية فى اجازة المدرسة . نبدأ من الخرطوم غرب كما ذكرت للاخ سيف الدولة كامل – جاب لى عقابى كامل - .. اقول من الخرطوم غرب لان من ناحية تاريخية فبعد عودة الحكم الثنائى للسودان ( 1898 م ) تم اعادة تخطيط الخرطوم و عادة اليها الحياة من جديد بعد عهد الخليفه عبد الله التعايشى .. هذه مقدمة مهمة عشان انا داير اقول ليكم انا و معظمكم من ابناء الجيل الثالث لابناء الخرطوم كيف : اجدادنا سكنوا الخرطوم بعد عودة الحكم الثنائى كما قلت حيث كانت مدينة الخرطوم كالاتى : الخرطوم شمال خط السكة حديد المقرن .. الخرطوم غرب .. منطقة السوق ( وسط ) .. الخرطوم شرق ( حتى المستشفى ) .. الى الشرق من المستشفى كانت الديوم .. ثم المطار .. ثم برى جنوب خط السكة حديد .. السجانة .. القوز .. الشجرة .. ثم الكلاكلة .. الجريف ثم بعد كبرت الاسر فى هذه المناطق و خاصة الاسر شمال خط السكة حديد قم الانجليز بتخطيط بعض الاحياء : الخرطوم (3) .. الخرطوم (2) .. الخرطوم (1) .. ثم الديوم بعد تحويلها من مكانها السابق الى مكانها الحالى .. اتساع احياء برى فى هذه الاحياء الجديدة كانت بداية الجيل الثانى و هم الذين و لدوا فى الخرطوم القديم و جاءوا لهذه الاحياء و هم على درجة من الوعى و بدأت الحياة تنمو فيها بشكلها المعروف لابناء الخرطوم القديم .. ثم بدأ ميلاد الجيل الثالث ( انتم و نحن ) فى هذه الاحياء وطبعا وضح ان الجيل الثالث هو اخطر الاجيال نتجة عوامل كثيرة كما سنرى ,,,,,,,,,,,,,, نتابع
لسان طلعت: هي قطعة أرض ممتده في النيل قدّام بوابة وزارة التربية (يعني بينها والوزارة شارع النيل). وأصل الإسم إنو (طلعت فريد) أيام كان وزير، كان واقف قدام الوزارة، ويبدو أنو عندو عادة الإشارة باللسان، فأشار على قطعة الأرض بلسانو وقال: الحتة دي (وأشار) تنفع موقع لمنتزه.
تدور الأيام ويقام في (الحتة دي) على ما أظن إسمو المطعم العالمي.
ياخ بس ما قلتو لينا المسابقة دي جائزتها شنو؟
بينى وبينك يا ابوالريش المرحوم طلعت فريد قال الحتة دى فيها قعدة تمام
سلام لاهلنا الرائعين ناس الخرتوم منكم وفيكم .. ولدت بالخرطوم تلاته اوائل اوائل الخمسينيات ( لكنى مصر انى اصغر من يوسف أب صلعة ود دفعتى) فى نفس المنزل بشارع عشرة دقايق بين ميدان عبدالمنعم وبين الليق جنب خلوة شيخ محمد بابكر .. ( صرتي ) مدفونة هناك وحينما ولدت حفيدتي بكندا اصريت وشلت ( صرتها ) معاي سافرت بيها ودفنتها فى نفس البيت بالخرطوم تلاته .. نحن اولاد الخرطوم القديمه... وفى الخرطوم اولاد التعشيقه ( واحد، اتنين ، وتلاته ) شارعنا فيه ناس عمك لاظ والترزي الافرنجي – ترزي الكبارات – عمنا صموئيل جورج وجيرانا ناس القوصي .. درست بالمدرسة الاهلية الخرطوم الوسطى بعد فترة غربة فى الطفولة بسيطة بالجزيرة ثم امدرمان... ثم الخرطوم الثانوية القديمة فجامعة الخرطوم – وحتى الداخلية كنت باختار الاوض الفاتحة على كبري الحرية..
حليل سينما جنوب ........... النجيكم برواقة .. قلقو يا اخوي ما وقع لى الوصف اصلو الكبر حصل
الأخ د.عارف عفان.. كنا ياصديقى نلعب الدافورى فى الميدان الصغير امام منزل الأثيوبيين و خلف منزل عمنا جورج والد ترزى الكبارات كما تقول صمويل جورج (يبدو لى ان ابناءه هاجروا لكندا) ومعناابن دفعتى بالخرطوم الأهلية والخرطوم القديمةالأخ شريف عفان قبل ان ينتقل لوادى سيدنا. ان شاء الله سوف اراسلك عبر الماسينجر لمزيد من الشرح وطبعا لظروف معلومة لديك مع تحياتى لك ولأسرتك الكريمة.
إنا لله وإنا اليه راجعون ,, سيف الدوله بابكر جعفر لا حول ولاقوة الا بالله
خبر شين اول مرة اسمعه ,,, كان دفعتنا وشلتنا ,, هاشم حسن أحمد ( بعيره ) اسامه على عبدالرحمن منصور الطاهر , عصام كامل , محمد عثمان عبدالمحمود ساتى , عباس الياس على كمير, عزالدين احمد المصطفى محمد شريف عثمان ( عـفان) والمرحوم مجدى محجوب (اخوان) , مامون النفيدى , احمد محمد المهدى ( ابوالجاز) , محمد عثمان فتح الله , التاج محمد ابراهيم ( وردى ) ومجموعة كبيره الذاكره خلاص
محمد محى الدين تلب ؟؟؟ جيتونا فى اهلنا عديل كده,,,,
حيدر ياصديقى.. انت ماسمعت بالرقابة القبلية؟ بس ياهو ده قلقو ذاتو.. على مااذكر بدفعتنا بالخرطوم غرب الشقيقان بابكر وحسين جعفر من حى باريس والذى توفى فيهم رحمه الله هو بابكر جعفر ولاأدرى ان كنت تقصده هو لأنو اسم سيف الدين بابكر جعفر ده مامر على . من وصفك لأسماء بعض ابناء دفعتك فى الخرطوم الأهلية يبدو لى انك كنت فى نهر على او عثمان. اما انا كنت فى نهر ابوبكر دفعة (عمر جمال توفيق _عمر قبضة رحمه الله)وامين عبدالقادر هاشم واشرف محمد زكى الحاج وعصام ابارو وسامى سيد محمد احمد ابن عم الشهيد مجدى محجوب الخ...ذلك العقد النضيد. مع تحياتى.
Quote: حيدر ياصديقى.. انت ماسمعت بالرقابة القبلية؟ بس ياهو ده قلقو ذاتو.. على مااذكر بدفعتنا بالخرطوم غرب الشقيقان بابكر وحسين جعفر من حى باريس والذى توفى فيهم رحمه الله هو بابكر جعفر ولاأدرى ان كنت تقصده هو لأنو اسم سيف الدين بابكر جعفر ده مامر على . من وصفك لأسماء بعض ابناء دفعتك فى الخرطوم الأهلية يبدو لى انك كنت فى نهر على او عثمان. اما انا كنت فى نهر ابوبكر دفعة (عمر جمال توفيق _عمر قبضة رحمه الله)وامين عبدالقادر هاشم واشرف محمد زكى الحاج وعصام ابارو وسامى سيد محمد احمد ابن عم الشهيد مجدى محجوب الخ...ذلك العقد النضيد.
مع تحياتى.
الذاكره انتهت صاح لكن سيف الدين بابكر جعفر صحصح ,,
نهر على نعم ,,, وانتو زى ماقلت نا امين عبدالقادر يوسف هاشم ,, واشرف زكى وعصام ابارو طبعا ديل ناسنا بتاعين الكشافة معاكم فى ابوبكر كان تاج السر الشيخ ارباب ( بوردابى من برى المحس معانا ) صحيح انتو دفعت ماضى ( نهر عمر ) يعنى القدامنا بسنة
الأخ حيدر.. يبدو لى ات ذاكرتنا الجماعية صارت خربة.. تخيل مع انى كنت فى الكشافة لكن ماقدرت افرز ولا واحد يمكن العبدلله يكون فى الصورة وماأكون عارف نفسى اما عن الصورة الجماعية للطلبة برضو ما قدرت افرز الا استاذ سيد فى اقصى يمين الصورة واستاذ عوض فى اقصى يسارها لكن غالبا الطلبة يكونوا من تهر عمر..
***- ومن اشـهر العوائل المعروفة والتي كانت تسـكن بـمنطقة الخرطوم غرب في اعوام الستينيات: ----------------------------------------------------------- 1- عائلة المرحوم صـموئيل جرجس، واولاده: رودولف، جورج، نبيل، فليب، ادموند، فكتور.
2- عائلة المـرحوم رياض التوم: واولاده: نبيل، وعاطف واخواته،
3- عائلة عبد السيـد ( صاحب مخبز الخرطوم غرب بشارع الاستبالية) وولده جورج،
4- عائلة اندراوس،
5- عائلة برهي،
6- عائلة جادو، وولده اكرم وسميـر،( بجوار سينما الوطنية)،
7- عائلة هنري رياض،
8- عائلة شفيـق،وولده ادوارد،
9- عائلة ساويـرس،
10- الصـحفية امال عباس ( وكانت تدرس بجامعة القاهرة فرع الخرطوم عام 1964)،
Quote: ولي سنتين بفكر في مشروع (تخيل سنتين تفكير) بس الغربة هي السبب، مشروعي يا سيدي انو ارجع المدرسة واطلب الارشيف بتاع المدرسة واحصل على كل اسماء الطلبة في الفصل
معاك في المشروع واقترح صفحة في الفيس بوك
لك التحية والتجلة اخي احمد ابن عوف اليوم مال بنان الكنانة لايطاوعني وانا الخابر لبناتها والسابر لبنياتها بيراع اصابه ما أراعه فاأراعني بعد 35 عاما ونيف اجد نفسي وانا استرجع ذكريات الطفولة واحد اجمل ملامحها مدرستي حي عبدالمنعم . لا اخفي مدي سعادتي بالالتقاء باحد زملائي واسترجع معه الكثير من الذكريات الحبيبة الي النفس. مدرسة حي عبدالمنعم كانت لنا طقوس ومواقيت قبل الذهاب اليها تبداء في الصباح الباكر بعد اخذ مبلغ العشرة قروش او الريا ل من الوالدة عليها الرحمة وميقاتنا ونحن من ابناء السكة حديد يبداء من دكان العم احمد الحجزي لشراء سندوتشات الفول او الطعمية المضاف لها موية الجبنة بمبلغ قرشين او الفريني الذي كانت له شنة ورنة كما يقولون . او الذهاب الي دكان العم مرغني الحاج سعيد وابنائه الحاج واباذر وشعاره كان الدين مسموح والحرج مرفوع اذا لم يكن للكاش نصيبا. قبل ان استرسل دعني احني راسي وارفع قبعتي لاساتذة اجلاء كانو لنا نعم القدوة والابوة - الاستاذ المرحوم / علي عباس النعمة - ناظر المدرسة. - الاستاذ/ السناري - وكيل المدرسة - وهو من رجال الاعمال الذين يشار لهم بالبنان. - الاستاذ / فتح الله الحلفاوي - مقيم في الرياض بالسعودية. - الاستاذ نورالدائم - قاضي بمحاكم الخرطوم . - الاستاذ / عبدالمنعم الملقب با ابورجيلة نسبة لعرج رجله. - استاذ عصام وله قصص شهيرة سوف اسردها لاحقا. نحن ناس مالك بتاعين العلم مابتاعين القروش زي ماقال عمي احمد مالك.
Post: #151 Title: Re: ناس الخرطوم القدامى Author: سيف الدولة كامل Date: 06-27-2010, 07:33 AM Parent: #150
Post: #157 Title: Re: ناس الخرطوم القدامى Author: سيف الدولة كامل Date: 06-28-2010, 08:50 AM Parent: #156
.
Post: #158 Title: Re: ناس الخرطوم القدامى Author: أحمد ابن عوف Date: 06-28-2010, 11:30 AM Parent: #157
سلام يا شباب
رجعنا بعد سفره مضنيه
اول تعليق على الصور
الشفع ديل بتاعين الكشافة لابسين الكرفتات احسن من مزيعننا في التلفزيون هذه الايام ههههههههه
وثانيا لازم نبدأ بالضيوف عبر الايميل
الاستاذة بدور
تحياتي ومرحب بيك ضيفه وصاحبة بوست
Quote: السلام عليكم استاذ سيف الدولة
ياخي اولا اشكر الاخ احمد ابنعوف علي هذا البوست البديع ماتتصور مااثاره من شجون وذكريات وعاد بي لايام خوالي ياريت لو ترجع تاني
صعب ترجع تاني، لكن لا مستحيل
Quote: اتذكر كنا نطلع في العصريات نمشي حلويات كرم في شارع الحرية وعمك كيشو في كرسيه علي الشارع ونمشي مع خالنا عبدالقادر فرن الزمزمي
نجيب العيش الحار وكان يخوفنا بقصر الفكي الطاير خلف المخبز عشان يزوغ مننا
طيب النحكي ليك يا استاذة بدور عشان تاني ما تخافي لمن تجي جنب قصر الفكي الطائر
هو فعلا اسمه القصر وان كنا في عائلتنا نسميه (القصور) السبب في التسمية ان هذا المبنى قديم جدا، وكان تاني مبنى طابقين بعد القصر الجمهوري، اها الشوايقة بنزلوا في محطة القطر ويقولوا داك القصر الجمهوري وداك قصر ابن عوف، من هنا بدأت تسميته بالقصور، عماتي الكبار اتولدوا في هذا البيت
طيب ايه الدخل الفكي وانا متأكد انو جدي ما كان فكي
عندما كانوا يشرعون في البناء، في جانب دائما ينهار، انهار مرتين من غير سبب واضح، الا ان بعض سكان الخرطوم القدامي والعارفين، دلهم على قبر فكي مدفون هنا، وبالفعل تم استقطاع جزي من ركن البيت وتم عمل ممر خاص به للشارع بباب خاص. وتم بناء البيت على الوضع الحالي
حقيقة انا زاتو كنت بخاف لمن الوالد يرسلني لزول هناك، موش من الفكي الطاير لكن بخاف انه ينهار فوق راسي ههههههه
هذا المبنى يقع على شارع الطيار حسن
Quote: ياسلام علي تلك الايام وياسلام عليكم يا رايعين وشكرا ليكم علي هذا الاثراء
ولنا عودة
دائما سنكون في الانتظار
تحياتي
Post: #159 Title: Re: ناس الخرطوم القدامى Author: أحمد ابن عوف Date: 06-28-2010, 12:02 PM Parent: #158
العزيز متولى مالك
Quote: نحن ناس مالك بتاعين العلم مابتاعين القروش زي ماقال عمي احمد مالك
بالله
يا مفتري بتمشي المدرسة بريال في اليوم وتقول لي ما ناس القروش ههههههههههه
تحياتي
استاذ عصام دا هل هو نفسه الدرسنا في اولى؟؟
اما بالنسبة للمشروع واشكرك للدعم والمشاركة
الفيس بوك وقوقل والمنتديات السودانية ح يكون مجال بحث فقط
لكن الخطوة الاولى والاهم في نظري، ان نحصل على ارشيف المدرسة ونعرف الاسماء الثلاثية او الرباعية في الاول
محتاجين لزول في الخرطوم يقوم بالعملية دي؟؟ عندك زول؟؟
Post: #160 Title: Re: ناس الخرطوم القدامى Author: أحمد ابن عوف Date: 06-28-2010, 12:26 PM Parent: #159
نواصل في تذكر الاماكن
سردنا الجامعات والمدارس والمكتبات
نروح شوية ونتذكر الحدائق
اماكن الترفيه واستنشاق الهواء العليل للعوائل والحبيبين
اول حاجة ما كنا محتاجين نركب ليها عربات، تطلع من بيتكم تتمشى تهوي وتجي راجع لا ركشة لا بكشة ولا كشة زاتو
- حدائق مايو بعدين ابريل وهسه ما عارف اسمها شنو
- حديقة المقرن
- غابة السنط (قديما كانت اختبارات الحصول على الرخصة تتم وسط اشجارها)
- ميدان عبدالمنعم ثم حديقة الاسرة
- جناين الصواني التلاتة في نمرة 2 ( الآن من الشمال للجنوب، اشراقة التجاني، المهندس ابراهيم احمد، اوزون)
- شارع النيل بطوله وعرضه، لكن عموما الناس كانت تفضل الجزء الغربي منه (اي يسار القصر)
- حديثا ملاهي ومنتزه المقرن
- حديقة القرشي
- الـ BEACH في بري
وين لقيتوا ليكم مدينة صغيرة فيها
كورنيش
وBEACH
و غابة
وحدائق منجلة
؟؟؟؟؟؟؟؟؟؟؟؟؟؟؟؟؟؟؟؟؟
الا في الخرطوم
انت ومزاجك ومزاج الاطفال والمدام
او ما يقتضيه الحنك مع الحنان ودرجة الصعوبة فيما يطرح من مكنات (الجلاكين وناس القرون الاولى: مكنات دي بتعني بصريح العبارة الادعاءات الكاذبة للفوز بنصيب قلب البلومه، بعدين مصطلح بلوم دا زاتو اختفى في زمنا، بنعرف جكس، حمام، بلي..... الخ)
وتستخدم في هذا الصياغ:
اها كيف؟؟
يا زوووول مكنتي ما قسمت معاها ههههههههههه
Post: #161 Title: Re: ناس الخرطوم القدامى Author: عبد الدائم سيد أحمد Date: 06-28-2010, 12:28 PM Parent: #159
( 1 )
مصنع لـويــزو للمشروبات الغازية بالمنطقة الصناعية -- ص ب 45
جوار مصنع التلج
والدى اشتغل بالمصنع ما يقارب 35 عاما" بالتوزيع
عربات التوزيع الكبيرة ( كحلية ) اللون ماركة فورد ميركورى
ايام طفولتنا وسكنا بديم التعايشة كنت اركب مع الوالد واتفسح
واكاد اعرف جميع اصحاب الدكاكين بالديوم والسجانة .
يوم التلاتاء بيجى الوالد للدكان الملاصق مدرستنا الابتدائية السجانة المزدوجة ( مدرسة النور ) متذكر كل اصحابى يلتفو حولى عشان اشيل قزازة واحدة من الصندوق واديها ليهم يخمسوها مع بعض ، وبعد داك العندو تسالى ولا ايسكريم بيدينى معاهو
صوت تلاطم القزاز والعربية ماشة امام المدرسة بيخلى كل الطلبة اللفى الحصة يتلفتو نحوى ، يقولو لي ابوك جا ابوك جا ابوك جا .
Post: #162 Title: Re: ناس الخرطوم القدامى Author: عبد الدائم سيد أحمد Date: 06-28-2010, 12:43 PM Parent: #161
( 2 )
مدرسة السجانة المزدوجة الابتدائية ( مدرسة استاذ النور )
يا اخوانا المدرسة دى انا عاوز افتح ليها بوست منفصل
استاذ النور حمد النور ( الناظر )
استاذ حسين الحلة الجديدة
استاذ مصطفى عابدون
استاذ محمد واستاذ طه
استاذ بيومى
طابور الصباح - الاناشيد - طلايع مايو - الدورة المدرسية النتايج الاول عند الله مصور .... التانى ياكل باسطة بالصوانى .... الطيش يدقو بالبراطيش .....
اولاد فصلنا
حيدر عبدالوهاب - مامون بشرى - حاتم عثمان الطيب - ابوعبيدة عثمان ادريس - ياسر عبداللطيف ياسر محمد ابراهيم - احمد على صالح ( قرشى ) - حاتم محمد على - عبدالحميد حسن فرح - عمر الياس عمر سعد - خدر - النجاشى - ربيع يوسف - عاطف حامد - جمال جبارة جابر - فيصل عبدالوهاب - على الله حاج على - معاوية محمد طه - مزمل فضل الله - اسامة ميرغنى - صلاح فندك .. وايييييك
Post: #164 Title: Re: ناس الخرطوم القدامى Author: عبد الدائم سيد أحمد Date: 06-28-2010, 01:03 PM Parent: #162
( 3 )
مدارس الخرطوم جنوب ( حديقة القرشى )
** مدرسة الام الثانوية بنات تحولت عام 1978 الى الخرطوم الجديدة الثانوية بنات ** مدرسة الام المتوسطة بنات ** مدرسة الزهور المتوسطة بنات ** مدرسة الخرطوم جنوب ( 1 ) المتوسطة بنات ** مدرسة الخرطوم جنوب ( 2 ) المتوسطة بنات
** مدرسة الاتحاد المتوسطة بنين ** مدرسة الخرطوم جنوب ( 1 ) المتوسطة بنين او كانت تسمى النموذجية ** مدرسة الخرطوم جنوب ( 2 ) المتوسطة بنين
** مدرسة الخرطوم الشعبية الثانوية بنين ( ام الكوارث والمظاهرات ) ** مدرسة الخرطوم التجارية بنين / بنات يوجد قسم مسائى ** مدرسة النيلين التجارية بنين / بنات يوجد قسم مسائى ** مدرسة دار النعـــــــــــيم الثانوية بنات ولم ينج احـــد
بجيك لبقية مدارس الخرطوم بعد حصة الفطــــــــــــــــور
هوى ياناس الخرتوم انا محسى اولا تانيا من بحرى تالتا من الشعبية بحرى رابعا قريت فى الخرطوم القديمة سنة 73-76 منو منكم من اولاد تلاتة والزمن داك كان عندكم فريق اسمه سلام تلاتة ناس عبد السلام .. يعنى ماجاى ساكى لى كيس ..
اقول ليكم نكتة بمناسبة ساكى لى كيس دى .. قالوا واحد من ناس الخرتوم القدام ماشى فى الشارع وزهجان من الزحمة لاقاهو واحد جاى مهجوم ومطير عيونه وقال ليهو يالخو بالله شارع الجمهورية بى وين؟ صاحبنا زعل شديد واتلفت على الزول وقال ليهو انت جاى من وين؟ اخونا داك قال ليهو انا جاى من (...... ) قام صاحبنا قال ليهو ياخى نحن قاعدين نجيكم فى ( ...... ) بتاعتكم دى؟ جايننا هنا لييييييييييييه ..
اطلبوا من بكرى يسمح بنقل البوست للفترة الجديدة بإرسال ايميل بعنوان الاخ بكرى ..
Post: #165 Title: Re: ناس الخرطوم القدامى Author: Mutwali Malik Date: 06-29-2010, 01:04 AM Parent: #163
اخي احمد ابن عوف نعم استاذ عصام هو ذاتو واذكر مرة قام بجلد الفصل كلو في درس العصر نسبة لقيام احد الطلبة باطفاء نور الفصل ولوجود طالبات معانا فاعتبر الموضوع قلة ادب وكان يصر علي ان يعرف من الذي قام بذلك.
Quote: محتاجين لزول في الخرطوم يقوم بالعملية دي؟؟ عندك زول؟؟
اكيد وفي محاولات للاتصال به عبر الماسنجر وهو دفعتنا في حي عبدالمنعم.
Post: #166 Title: Re: ناس الخرطوم القدامى Author: سيف الدولة كامل Date: 06-29-2010, 10:54 PM Parent: #165