Post: #1
Title: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 03:20 PM
Parent: #0
فى اول ينايـر ح نفصل السراير
ح نبطل السجاير
و مافيش سودان جديد
من اول يناير
خلاص ح نبطل نشيل حديد
ومافيش سودان جديد ...
مافيش سودان جديد
قالها شعبولا ..
لو قلنا الاسم ذااااتو للـ سود(ان) فى جنوب البلاد
البلد ما بتشيلنا .....
ـــــــــــــ
حقو فى الشمال (طبعا) تنعلوا ابليس
وتضبحوا واحد تور وتشوفوا ليكم
اسم جديد .. العربان .. البيضان (مش من بيض ) لووووب
من البياض والله ،، القرشياب ،، ال البيتاب ،، مهند
يوسف عبير اى اسم اتصرفوا ! ح ينادونا بى شنو؟ لو انفصلوا بى ى ى
اسمهم دا ؟؟
|
Post: #2
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-18-2010, 03:23 PM
Parent: #1
نحن حا نشيل السودان
موش اصل التسمية عربي
خلاص حقتنا
|
Post: #3
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 03:29 PM
Parent: #2
هو نحن قلنا حاجة يا ولى ياخ !!!!
سودان وعرب مالو ؟
غايتو بالنسبة للمجتمع الدولى محتاجين كاشف
عشان يفرقوا العرب من الما عرب ..
وكلو عند الفرنجة صابون !!
ــــــــــــــــ
قال عرب قال !!
|
Post: #5
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-18-2010, 03:32 PM
Parent: #3
عند الفرنجة هنااااااك
والمجتمع الدولي
|
Post: #6
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: عزام حسن فرح
Date: 06-18-2010, 03:32 PM
Parent: #3
دينا خالد
| Quote: بالطبع هم العرب العاربه فى الشمال |
والله إنتو أرب حقار بِشكل ... ونِحنا نتير ولا ايه يعني؟
|
Post: #4
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: jini
Date: 06-18-2010, 03:31 PM
Parent: #2
عشان نحن وهم تخلى ليهم اسم السودان
ونسمى نفسنا البيضان
ونسمى اولادنا
العباس والقعقاع والمثنى
وبناتنا
هند ونسيبة وام سلمة
يعنى دينا ما معانا!
جنى
|
Post: #7
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Balla Musa
Date: 06-18-2010, 03:36 PM
Parent: #4
سيصبح إسم دولة الشمال السودان فرع مصر..
واسم دولة الجنوب السودان فرع يوغندا..
|
Post: #9
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-18-2010, 03:39 PM
Parent: #7
هم عاوزين بيه شنو ؟
موش هم قاطعنوا مع العربي
واصل كلمة السودان مستمد من اللغة العربية
خلاص خليهم يشوفوا كلمة اسود في اي لهجة او لغة تانية غير العربية
ويشتقوا منو ويسموا بلدهم
السودان مشتقة من السود وهي مفرده عربية خالصة
حقتنا 
|
Post: #38
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: حاتم علي
Date: 06-19-2010, 01:14 AM
Parent: #9
واصل كلمة السودان مستمد من اللغة العربية
تحياتي وليد
السودان في لغة الاعراب معناها الحرفي : (أرض السود) Land of BLACKS
Quote:
تشعر النخبة السياسية والثقافية الشمالية، بالحاجة لترداد أنها عربية. ويشعرون بالضيق من
كلمة "السودان". وقد قال الطيب صالح، الروائي ذو الصيت العالمي، ما يلي :
"تمنيت لو أن قادتنا سموا هذه البلاد سنار. ربما يكون السبب وراء عدم
استقرار هذا البلد أن اسمه (السودان) لا يعنى شيئا بالنسبة لأهله. فما
السودان؟ مصر هي مصر، واليمن هو اليمن، والعراق هو العراق، ولبنان هو
لبنان. ولكن ما السودان؟ فالاستعماريون أطلقوا هذا الاسم علي المنطقة التي
تمتد من أثيوبيا في الشرق وحتى السنغال في الغرب. الأمم الأخرى أطلقت
علي أوطانها أسماء تعنى شيئا بالنسبة لها، وتركنا وحدنا نحمل هذا العبء علي
أكتافنا.
كراهية السواد تنبع من التماهي مع العرب، وتبنى منظورهم للعالم. وهذا الاقتراح بتغيير اسم البلاد ليس جديدا، فقد ظهر مباشرة بعد الاستقلال. والسبب الأساسي وراء الاقتراح هو معنى الاسم وإيحاءاته.
فكلمة (سوداني) يستخدمها الشماليون كمرادف لكلمة (أسود) وكلمة (عبد). وهذه
الكلمات تستخدم للدلالة علي العبودية أو الأصل العبودي، أي لأولئك الذين ينتمون لجماعات غير عربية مسلمة ، سواء من الجنوب أو جبال النوبة.
بالنسبة للشمالي أن تكون سودانيا يعني أن تكون أسودا، وأن تكون أسودا يعني، بدوره، مستوي اجتماعيا أدنى، وأصلا أدنى.
ويتفق أغلب الباحثين الذين درسوا السودان، مثل هيذر شاركي وأحمد شاهي، أن وصمة (السواد) متأصلة في تراث الرق، خاصة وأن كل الأسر الشمالية تقريبا، في منطقة الوسط النيلي، كانت مالكة للعبيد.
ومع أن هذا صحيح، إلا أنني أعتقد أنه لا يمثل كل الحقيقة. فهناك مستوى أعمق تجد فيه وصمة (السواد) أصولها، وهو الثقافة العربية، التي تحتقر السود، كما رأينا من قبل.
فالشماليون لم يدجنوا الثقافة العربية، واللغة العربية والقيم العربية، بل استبطنوها جميعا. وهذا هو السبب في كونهم يرون العالم من خلال العيون العربية، رغم المفارقات، ورغم ابتذال الذات المترتب على هذه النظرة.
ومن الملاحظ بصورة عامة، أن الشمالي كلما تبحر في اللغة العربية والأدب العربي، كلما بالغ في تأكيد أصله العربي، وكلما أمعن في كراهية (السواد) وكلمة (سوداني).
ويحدثناالراحل خالد حسين أحمد عثمان ( الكد )أن أعضاء جمعية "أبو روف" (رفضوا بعد الاستقلال، أن يقدموا لاستخراج الجوازات، لأن الفرد منهم كان مطالبا بتسجيل أسمه كسوداني قبل أن يحصل علي الجواز)،
ولذلك فإن عبارة الطيب صالح تعبر عن تجديد لرغبة شمالية قديمة للتخلص من لعنة اسم (سوداني).
] |
متاهة قوم سود...ذوو ثقافة بيضاء بقلم د. الباقر العفيف
وليد كدي حاول نزل الكتاب الفوق دا و اقراهو كدا بي رواقة
ودي مناقشة هنا لبعض مما ورد به :
هل السودانيين عرب ؟
------------------------
دينا ازيك
بطلي شغب :))
نحنا العرب سياد الاصل و الفصل و الجلد و الرأس
وحانسميها : الجمهورية العربية الإسلامية (دولة دينية)
ناس الجنوب مخيرين في (تورهم) لوووووووووووووول
|
Post: #53
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-19-2010, 12:43 PM
Parent: #38
حاتم علي
شكرا على الكتاب يا راقي
ده كتاب عاوز وكت
ا امشي اطبعو واغلفو
عندي سفرة الشهر الجاي 15يوم بره البلد
وده احسن وكت تقرا فيه كتاب زي ده
ودي
|
Post: #8
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: الصادق سلفاب
Date: 06-18-2010, 03:39 PM
Parent: #4
الأخت دينا
اقترح ان نسميه جمهورية الكان سودان قبل الأنقاذ العربيه المخجوجة العظمي...
ويكون شعارها الزارعنا غير الله اليجي يقلعنا...
والسلام الوطني قسموها وصقيرها طار
|
Post: #10
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: احمد التجانى احمد
Date: 06-18-2010, 03:55 PM
Parent: #8
هوى يادينا خالد
ماتعملى الحركة ديك
بتاعت شنو كدة (السم والعسل والدسم)
غايتو مامعناه مدخلة واحد فى التانى
|
Post: #11
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: khaleel
Date: 06-18-2010, 03:59 PM
Parent: #10
Quote: فى اول ينايـر ح نفصل السراير
ح نبطل السجاير
و مافيش سودان جديد
من اول يناير
خلاص ح نبطل نشيل حديد
ومافيش سودان جديد ...
مافيش سودان جديد
|
يا اخوانا
والله البت دندون دي ممسوخة
حلوة يا دينا وملعوبة
|
Post: #12
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 04:03 PM
Parent: #10
هيييييي يا جنى
قالوا فى الشمال لن يقبل منكم غير الاسماء دينا !!
|
Post: #13
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 04:06 PM
Parent: #10
وووووووووووووووو يا عزام صاحبى نسيناكم
يا نوبة الشمال ,, تجو نلحقكم بحلايب اسهل ...
ما بنقبلكم نحن كعرب عاربة
تعوجوا لينا فى لسانكم ، انكتوا لغتكم دى
واكتبوا بيها وبطلوا اللصيق فينا
ـــــــــــــــ
ابقوا مارقين على نوبة اسوان لا فوق !!
|
Post: #14
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: المكاشفي الخضر الطاهر
Date: 06-18-2010, 04:11 PM
Parent: #13
أقترح تسمية الشمال :
دولة سنار الديمقراطية
حيث أنه في بعض كتب التراث موجود أن الشيخ فلان السناري قد درس العلم على فقيه المدينة الشيخ محمد عبد الكريم
كان السودان يعرف من بين الدول في القرن من السابع الى الثالث عشر الهجري بالدولة السنارية
ورواق السنارية
العالم السناري عبد الله العركي وشواهد كثيرة
الكورة في ملعب المجلس الوطني
|
Post: #15
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 04:13 PM
Parent: #10
خليييل يا خل !!
انت اظنك ماعربى عجبتك كدا وبتتريق علينا ؟
ــــــــــــــــ
انت الهلال دا شمالى ولا جنوبى ؟؟
عندكم ناس ح يمشوا مع الانفصال ؟؟
رتبتوا اوضاعهم ؟؟
|
Post: #16
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 04:20 PM
Parent: #10
وووووووووووووووو ناس سنار قاموا
خلاص بدينا الشكل والغلات
مافى زول يجى يمرق لينا الكتب المعتته ديك ..
دايرين اسم جديييد يا سنارى ياخ
نون سنا او ورود نرجس ياسمين وكدا ...
ــــــــــــــــ
اصلوا سنار دى مطرررفه تعملوا سيك ميك
بتلقوا روحكم بره .. لووووووب
قال سنار قال
يقولوا ليك عرب عرررررررب !!
|
Post: #18
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 04:46 PM
Parent: #10
احمد التجانى الظريف !
لوووووووووووول ياخ
دا اسمو السمن العربى بالعسل
او العجوة البلدى بالعسل
بتلخبت مالك ؟؟؟ امنع الفوضى وكن عربى وامتلك عربية
وانعم بعاااااالم جميل ... فى زول سالك ؟
ـــــــــــــــــــ
مافى زول عندو خريطة السودان البتنفجر دوووووو ديك
ويبدو بعدها السودان حار جاف مبتور الاطراف ؟؟؟
|
Post: #19
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 05:05 PM
Parent: #18
الصادق سلفاب ؟؟
هسه انتو كان ما مصطفى سيد احمد الكان سمع بيكم منو ؟؟
قال سلفاب قال
مش اعراب الجزيرة اهل العوض ,, لا لا ياخ
عرب عرررررررررررررب ..
افهمونا يا عالم
ــــــــــــــــ
السلام الوطنى دا ما مشكلة
بس المهم حاجة ترققص وخلاص ...
|
Post: #26
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: الصادق سلفاب
Date: 06-18-2010, 10:00 PM
Parent: #19
دينا خالد مساء النور...
ياخ البركه في مصطفي سيد احمد ده الخلاك تسمعي بينا وتسمعي بالعوض زاطو.....
بعدين بيني وبينك أسي اسم سلفاب ده اسم عربي ...؟
غايتو نحن ديل رايحين لينا روحه كبيره خلاص
وبعدين ياخي انتي زاتك ما وريتينا عررررررررررررب دي يعني عرب عاربه ولا مستعربه؟
انا غايتو برجح اننا عرب مستغربه !!!!! مستغربه من الحاصل ده.......
ــــــــــــــــــــــــــــــــــــــــــــــــــــــــــــــــــــــــــ
ترمه خارج النص : ياخ هسي ده رد ترديهو لي زول يداخل معاك اول مره
|
Post: #20
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 05:10 PM
Parent: #18
هارون دياااب !!
نحن بنجيكم فى قطر ياخ ؟
مالك معانا ؟
البلد كللللها اسمها الدوحة
طيب قطر وينها ..
لا تنفع تنقسم شمال لا جنوب
ولا بالجنبة دى ولا بالجنبة ديك
محلك سر كدا الدول ولا بلاش ..
بلا عوار راس !!
ــــــــــــــــ
شفت الصفحة الاولى دى ممكن تقعد مية سنة
ما تتحرك لو الكورة شغاله ,, ربنا يدوور كؤؤس العالم
ونتجدع هنا ...
|
Post: #21
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 06:08 PM
Parent: #20
وليد تعال للنقاش بى جاى
كنت بكتب هناك بالغلط ..
قلت لى اللغة واحده من مكونات انك عربى ؟؟
كلامك صاح بس مش لمن تكون لغتك
باختيارك بدون ا تفرض عليك ؟
وذى ما قلت واحده من المكونات يعنى ما كل شىء ؟؟
|
Post: #22
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 06:27 PM
Parent: #21
بلة موسى
حبابك يا قول كبر
جيدن جيت
لو وليد جانى للكلامات دى تعال معاى سمح ؟؟
مش زمان كان فى جزء من السودان اسمه فرع القاهرة بالخرطوم ؟؟
قصدك تقول الجزء جناح موسفينى
والجزء جناح مبارك ؟؟
|
Post: #23
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: abubakr
Date: 06-18-2010, 07:29 PM
Parent: #22
يادينا ..ياتو شمال ؟؟؟ يعني انا مزدوج اللغة الان واتعلمت العربية والانجليزية في المدرسة بينما لساني نوبي ...وهذا ينطبق علي اهلي في النوبة شمالا واهلي في الشرق نوبة واهلنا في الشرق بجا وغيرهم وفي الغرب نوبة وفور وزغاوة ومساليت وغيرهم واهلنا في النيل الازرق .وكثير منهم لم يتعلم العربية بعد ... ....
حتي ولو انفصل جزء من السودان فالباقي متعدد الاعراق واللغات والسنح ومعظمه من اصول افريقية صرفة وبعضها افريقي تصاهر مع اعراق اخري ...الخطا اساسا في التصنيف "شمالي" و "جنوبي" بينما الجميع سودانيون وهذا التصنيف وهو بذرة الانفصال الذي صرنا نلوكه لعقود جاوزت الست دون نستوعب اثاره مستقبلا واضفنا اليه حروبا وقتلا وتشريدا وعنصرية ...اليوم والجنوب يكاد ان ينفصل كارض فالواقع ان من صنف سكانه ك "جنوبيين" وحاربهم وشردهم هو الذي فصل الجنوب وليس العكس ....ان الاسم "السودان" لهم كما هو لغيرهم ولكن العودة الي اسماء لهذه الارض كلها في ماضي تليد او لاسماء الانهار كما فعلت دول اخري كانت تسمي سودان كذلك ربما يطفش النحس .....
|
Post: #24
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: ashraf mukhtar
Date: 06-18-2010, 07:57 PM
Parent: #23
انا بقترح
جمهورية زين
عشان ناس سوداني
يتجهجوا شوية
|
Post: #25
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: الامين موسى البشاري
Date: 06-18-2010, 09:23 PM
Parent: #24
دينــا بت خالد
وضيوفها الكـــرام... ســــــلامي واحترامي
يا دينا تفصلي السراير .. تشيلي حديد ... تبطلي السجاير
تقــولي لووووووووب ... تقولي لوووووووووبين ... ما في فائدة فالأمر محســــــوم
المشكلة تاعبين نفسكم على الفاضي ... لأنه وقبل 9 أشهر من اليــوم قرأت خبر أوردته إحــدى الصحف السودانية بــأن شريكي الحكم المؤتمر الوطني والحركة الشعبية قد تفاوضا في هذا الأمر وقطع شك كدا اتفقوا كمااااان على الموضوع ، ومن سيحمل اسم السودان بعد الانفصال .. مما يعني أن كل الأمور مرتب ليها مسبقاً لكن ادوكم فرصة تتونسوا في الموضوع دا 
مع الأسف بحثت عن الرابط ولم أجده بالرغم من أنني أحتفظ دائما بالحاجات المهمة .. لكن خذلت نفسي هذه المــرة وارجو ممن يجد رابط الموضوع أن يورده هنا ، وما أظن المشكلة في الاسم بس بل المشكلة في أن تصمد الدولتان بعد الانفصال
تحاياي
|
Post: #28
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 10:23 PM
Parent: #25
Quote: ياتو شمال ؟؟؟ يعني انا مزدوج اللغة الان واتعلمت العربية والانجليزية في المدرسة بينما لساني نوبي ...وهذا ينطبق علي اهلي في النوبة شمالا واهلي في الشرق نوبة واهلنا في الشرق بجا وغيرهم وفي الغرب نوبة وفور وزغاوة ومساليت وغيرهم واهلنا في النيل الازرق .وكثير منهم لم يتعلم العربية بعد ... ....
حتي ولو انفصل جزء من السودان فالباقي متعدد الاعراق واللغات والسنح ومعظمه من اصول افريقية صرفة وبعضها افريقي تصاهر مع اعراق اخري ...الخطا اساسا في التصنيف "شمالي" و "جنوبي" بينما الجميع سودانيون وهذا التصنيف وهو بذرة الانفصال الذي صرنا نلوكه لعقود جاوزت الست دون نستوعب اثاره مستقبلا واضفنا اليه حروبا وقتلا وتشريدا وعنصرية ...اليوم والجنوب يكاد ان ينفصل كارض فالواقع ان من صنف سكانه ك "جنوبيين" وحاربهم وشردهم هو الذي فصل الجنوب وليس العكس ....ان الاسم "السودان" لهم كما هو لغيرهم ولكن العودة الي اسماء لهذه الارض كلها في ماضي تليد او لاسماء الانهار كما فعلت دول اخري كانت تسمي سودان كذلك ربما يطفش النحس ..... |
100 % ايا ابو بكر يسلم تمك
شخصت الحالة ووضعت مبضعك على مكمن الداء
رغم الاضراب .. لووووب تسلم
|
Post: #60
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: abubakr
Date: 06-19-2010, 02:15 PM
Parent: #28
دينا سلام
| Quote: رغم الاضراب .. لووووب تسلم |
تسلمي انتي من كل شر ومن الشريرين ... هو المحاميين كمان اضربو طب مين حيدافع عن المضربيين ...
|
Post: #29
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-18-2010, 10:29 PM
Parent: #25
جوك
مشكلتهم العرب عنهم فيهم راى !!
|
Post: #27
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: JOK BIONG
Date: 06-18-2010, 10:17 PM
Parent: #2
Quote: نحن حا نشيل السودان
موش اصل التسمية عربي
خلاص حقتنا |
شيلو اسم السودان بس اطلعو من افريقيا وامشو فتشو لكم قطعة ارض في الجزيرة العربية
ولو بتلقو من يعترف بعروبتكم هناك هههههههه.
سلام بتاعكم
جوك
|
Post: #30
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Amira Elsheikh
Date: 06-18-2010, 10:34 PM
Parent: #27
حقوعمر البشيروسلفا كير يعملو قرعة او حركة طرة وكتابة الزمان ديك والبقع ليه الاسم خلاس
او يعملو تصويت لاختيار الاسم بس يبعدونا من الخج والذى منو
جوك بيونغ بعدما ضمن الانفصال داير يطلعنا من افريقيا ..
لوووووووووووووب...
|
Post: #31
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: JOK BIONG
Date: 06-18-2010, 11:10 PM
Parent: #30
Quote: جوك بيونغ بعدما ضمن الانفصال داير يطلعنا من افريقيا ..
|
لا لا لا
انتو من الارض والارض حلال عليكم بس عيشو مسالمين فيما بينكم ومعنا كمان كجيرانكم.
جوك
|
Post: #32
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد عبد الماجد الصايم
Date: 06-18-2010, 11:35 PM
Parent: #31
أنا شخصيا داير أبيع نصيبي!
|
Post: #33
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد عبد الماجد الصايم
Date: 06-18-2010, 11:37 PM
Parent: #32
الكلام دا طبعا قبل الانفصال!
|
Post: #34
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Amira Elsheikh
Date: 06-19-2010, 00:22 AM
Parent: #33
| Quote: انتو من الارض والارض حلال عليكم بس عيشو مسالمين فيما بينكم ومعنا كمان كجيرانكم. |
ياجوك.....ياخ بعدما تنفصل تانى مالك خلينا بطريقتنا لواتشاكلنا(جلابةلاقوجلابة)
ولوماوصلنا لحل بنجى نعمل نيفاشا عندكم...دا لو ما انتوسبقتونا وعملتو
عشرة نيفشات ....
الليلة وووب
|
Post: #35
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: أسامة البلال
Date: 06-19-2010, 00:43 AM
Parent: #34
يا أميرة إسم السودان دا أصلا هو جايينا مستورد وإتفرض علينا فدي فرصة لا تعوض نتخلص من الإسم المنحوس دا والدولتين الجديدتين حقو يشوفو ليهم أسماء جديدة و يعملو مسابقه في الشمال والجنوب الناس تختار إسم دولتا الجديده وممكن نبدأ من هنا من البورد
أنا غايتو بقترح دولة زعيط ودولة معيط إسمين للدولتين
|
Post: #36
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Amira Elsheikh
Date: 06-19-2010, 00:52 AM
Parent: #35
| Quote: أنا غايتو بقترح دولة زعيط ودولة معيط إسمين للدولتين |
اسامة ....ديل طوالى مفترض يكون رئيسهم كمال شداد
لانو المصطلح دا مرةرماهو رررب فى مؤتمر صحفى ولا تصريح ماعارفة
نحن بعد ما البلد دى تتفرتق يا اسامة مافارق معانا الاسم حنبقى زى اليتمة (ايتام) ولحدى ما نموت
فى القلب حسرة ,,,,,
ياخ خليها مايكون عندها اسم زاتو
|
Post: #37
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: تبارك شيخ الدين جبريل
Date: 06-19-2010, 00:55 AM
Parent: #34
ترى السوادنة هادول ###### وايد ...
ايش لون (غير السواد) يمديهم؟
... المهم ...
|
Post: #39
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: هواري نمر
Date: 06-19-2010, 09:16 AM
Parent: #37
Quote: مافى زول عندو خريطة السودان البتنفجر دوووووو ديك
ويبدو بعدها السودان حار جاف مبتور الاطراف ؟؟؟ |
لووووووووووووووول يا دينا
_
غايتو اعملو قرعة وبس!
|
Post: #40
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد عبد الماجد الصايم
Date: 06-19-2010, 09:32 AM
Parent: #39
| Quote: فى اول ينايـر ح نفصل السراير |
أخرخر ولّ أقفل خشمي؟
|
Post: #41
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد البشرى الخضر
Date: 06-19-2010, 09:45 AM
Parent: #40
| Quote: أخرخر ولّ أقفل خشمي؟ |
أوعك
|
Post: #42
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد عبد الماجد الصايم
Date: 06-19-2010, 09:47 AM
Parent: #41
أوعكـ شنو ياخ!
يناير دا مش شهر البرد؟
|
Post: #43
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: طارق الكوتش
Date: 06-19-2010, 10:10 AM
Parent: #42
المريخ موقعوا وين من الاعراب
ــــــــــ
تخريمه
صاحبت البوست ياناس خليل وود الصائم و الذى منو
طلعت شنو .............
يعنى
لينا
ولا فعلا دينا
واحد ما متابع
|
Post: #44
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد البشرى الخضر
Date: 06-19-2010, 11:31 AM
Parent: #42
| Quote: يناير دا مش شهر البرد؟ |
سو وات؟
هل دا مبرر كافي لعدم فصل السراير؟
|
Post: #45
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد عبد الماجد الصايم
Date: 06-19-2010, 11:36 AM
Parent: #44
أمال السماية ح تكون في سبتمبر كيف؟
|
Post: #46
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Hisham Ibrahim
Date: 06-19-2010, 11:42 AM
Parent: #45
غايتو الشمال ليهو صـقر الجديان
والجنوب ليهو القرنتيه
دا من ناحية الشعارات وكــدا !
،،،،،،،،،،،،،،،،،،،،،،،،،،،،،
(ألحقي يا دينا بوستيك دا مرق بره المدار حقو )
هشام
|
Post: #47
Title: ود الصائم سؤالى انا جادى فيهو عشان ما اتحرج فى المخاطبه بالنسبه لتاء التانيث وكده ( وش طاشى )
Author: طارق الكوتش
Date: 06-19-2010, 11:59 AM
Parent: #46
| Quote: أمال السماية ح تكون في سبتمبر كيف؟ |
بال sms
|
Post: #48
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمود بكر
Date: 06-19-2010, 12:04 PM
Parent: #46
دينا
فشلك في اختيار اسم لكل طرف
هذا دليل لعدم قبولك لفكرة الانفصال
وهذا ينطبق على كل المتداخلين لا احد يتصور
مجرد تصور انقسام بلادنا رغم الظواهر
نسال الله ان لايحدث ذلك
|
Post: #49
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Mahjob Abdalla
Date: 06-19-2010, 12:07 PM
Parent: #46
| Quote: غايتو الشمال ليهو صـقر |
انا دائما اتسأل ... ايه حكاية معظم الدول مع الصقر؟
|
Post: #51
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: فايزودالقاضي
Date: 06-19-2010, 12:33 PM
Parent: #46
| Quote: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال ! |
يعني انتو من غير تفويض وتوكيل تتكلموا بإسمنا ؟!!
نحن كبجا عندنا راي فيكم وعايزين نبقى برانا وياريت يضموا لينا الحبشة (ارتريا واثيوبيا ) وبونا يبقى في جبنتنا وزغنينا في انجيرانا وربنا يفكنا منكم ومن مشاكلكم ومن ويكتكم ومفاريكم جبتوا لينا التلين الكرشي والانزلاق المعوي وحرقتونا بالعرقي ...
اللهم نحن عبادك البجا قد تضررنا في هذه الدنيا من هؤلاء القوم ..
اللهم فكنا منهم وعوضنا عنهم باهلنا الاحباش فإنهم ناس تمام..
اللهم لمنا مع النوبيين في الشمال ومع اولاد على دينار في الغرب
اللهم ناس كردفان جيبهم لينا او وديهم الغرب ..
حل اخير :
نلم بواخر باعبود والسلام ونما وغيرها وننقل اخوانا عرب الشمال بعد نعمل ليهم تكريم كبير وشهادات شكر وتقدير وعرفان ونسلمهم السعودية ونقول ليهم ديل جدهم العباس عم الرسول صلي الله عليه وسلم...ونحن مامسئولين لوما استلموكم ...وبعد داك دولتنا نسميها الامارات الافريقية ( امارة على دينار في الغرب ، امارة كوش في الشمال النوبي ، امارة البجا في الشرق ) وامامنطقة عرب الشمال سابقاً نبقيها منطقة حرة ..
|
Post: #50
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد البشرى الخضر
Date: 06-19-2010, 12:21 PM
Parent: #45
| Quote: أمال السماية ح تكون في سبتمبر كيف؟ |
ياخي إنت ابدا ما اتيت لحوار
____________________________________
بالنسبة لموضوع البوست يادينا
رايك شنو في السرير الشمالي و السرير الجنوبي
أفتكر من زمان من قبل ما الحركة الشعبية تبقى (وحدوية) كان بنادوا بدولتهم ومسمنها الأماتونج
لو طلع الكلام دا صاح تبقى محلولة
|
Post: #52
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-19-2010, 12:41 PM
Parent: #50
Quote: وليد تعال للنقاش بى جاى
كنت بكتب هناك بالغلط ..
قلت لى اللغة واحده من مكونات انك عربى ؟؟
كلامك صاح بس مش لمن تكون لغتك
باختيارك بدون ا تفرض عليك ؟
وذى ما قلت واحده من المكونات يعنى ما كل شىء ؟؟ |
تفرض عليك ؟
تفرض عليك كيف يعني يا دينا ؟
ما فهمتك ؟
الاتراك ما استعمروض ليه ما رسخت لغتهم
الانجليز استعمروك ليه ما رسخت لغتهم
نحري ساااااااكت
تاني عاوزك كده توريني القبايل دي شنو ؟
الشكرية ، البطاحين ، الكواهلة ، المجانين ، المحاميد ، الرشايده ، الزبيدية
عاوزك توريني العادة البمارسها اهلنا الرحل من رعاة الابل في شرق او غرب السودان عادة جنسها شنو جابوها من ياتو عادة افريقية ؟
عاوزه توريني مرابيع الشرق وجراري الغرب وخصوصا الذي يقال في وصف الطبيعة والنياق دي جابوها من وين؟
عاوزك تقولي ري المهاجرية والنهاضين والهماباته والرباطه جابو ثقافتهم دي من وين ؟
انت مفتكره الهوية دي بوست وكلمتين تفتحيهم هنا في اون لاين
قايلاها لون زي حق اللبنانين ونخره عمودها مستقيم
ده ما كلام مثافقة يا دينا .. ده كلام عضم كلام ضارب في تارخ البلد دي .. ما نجري وغُلب مفردات وحجة لغة ..
ما تنجري لي من راسك وتلفحي ليك اي كلمتين كتبهم مثقفاتي هنا وتكنكشي فيها وتركبي الموجه وتعتبريها نوع من التقدم والحضارة والثقافة
نحن خليط .. نوبيين مع ذنج مع عرب
وخليط ممتزج موش مقسم كانتونات كل واحد من المجموعات ديل عايش في معزل
الواحد يتفاصح بلغت الناس البتمثل ليه المظر تنق ويتفاصح عليهم
|
Post: #54
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: فايزودالقاضي
Date: 06-19-2010, 12:56 PM
Parent: #52
| Quote: نحن خليط .. نوبيين مع ذنج مع عرب |
ونحن تمامة عدد في الوطن ده ولا شنو ياولي ؟
|
Post: #56
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-19-2010, 01:38 PM
Parent: #54
| Quote: ونحن تمامة عدد في الوطن ده ولا شنو ياولي |
يا ود القاضي انا خايف نكون انقاهم
جنوب الجزيرة العربية اختلط مع جنوب اسيا وشرق افريقيا شوف العمانيين واليمانيه وانت تعرف
شرق الجزيرة العربية اختلط مع ناس فارس وشرق اسيا خاصة البتان لدرجة عدم الفرز
السعودية نظرة لمنتخبها القومي وللراقصين في رقصتها الشعبية تعرف ان الافارقة زحفوا عليها لدرجة خيالية امشي مكة وجده يوم بتعرفني قاصد شنو
انا خايف تكون انقى الاعراق العربية قاعدة في بطانتنا ووديان كردفان عندنا هنا
|
Post: #55
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: جعفر محي الدين
Date: 06-19-2010, 01:01 PM
Parent: #50
زمان يا دينا
لما مشينا نقرأ في الجنوب
زملاءنا من أبناء جنوب السودان (سابقا)
كانوا بستغربوا لما يلقوا واحد سوداني (برضو سابقا) وما بيعرف أي رطانة
على طول بقولوا ليك إنت ما سوداني أصيل
وبتبسطوا بسطة شديدة من البجا والنوبيين والزغاوة عشان بيرطنوا
أنا من الوقت داك كنت متوجس وقلت الله يجيب العواقب سليمة
نمشي وين نحن ما عندنا رطانة ولا لون عربي
أنا من الآن بطالب باللجوء (غير سياسي) في دولة شمال السودان القادمة
مافي جهة بتقبلنا غيرها ياخي ! نعمل شنو ؟
|
Post: #57
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-19-2010, 01:39 PM
Parent: #50
ود البشرى !!!
لى ى ى ى سبتمبر؟ لقيتك ماهل مهلة
ماااااااااااااهل
ــــــــــــــــــــــ
طبعا ليس على ود الساييم حرج ..
|
Post: #59
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-19-2010, 02:00 PM
Parent: #57
فايز ود القاضى !!
اجددددددددع ناس ..
هشام ابراهيم
ولا يهمك ما مرق ما مرق
فى اتنين بتاعين وزنة بنجيبهم هسة يرجعوا
|
Post: #58
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-19-2010, 01:56 PM
Parent: #50
يا كوتش ياود يا متابع
مافى حاجة احلى من كدا تتابعها ؟؟؟
على العموم لينا دى صغيرة وابوها اسمو غير
دى انا دينا دينا الكبيرة
محمود بكر
مش قالوا تفاءلو الخير تجدوه ؟؟
كلامك صاح والله يكضب الشينة !!
|
Post: #61
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-19-2010, 02:23 PM
Parent: #50
Quote: انت مفتكره الهوية دي بوست وكلمتين تفتحيهم هنا في اون لاين
قايلاها لون زي حق اللبنانين ونخره عمودها مستقيم |
| Quote: ده ما كلام مثافقة يا دينا |
| Quote: ما نجري وغُلب مفردات وحجة لغة |
Quote: ما تنجري لي من راسك وتلفحي ليك اي كلمتين كتبهم مثقفاتي هنا
وتكنكشي فيها وتركبي الموجه وتعتبريها نوع من التقدم والحضارة والثقافة |
| Quote: الواحد يتفاصح بلغت الناس البتمثل ليه المظر تنق ويتفاصح عليهم |
Quote: جنوب الجزيرة العربية اختلط مع جنوب اسيا وشرق افريقيا شوف العمانيين واليمانيه وانت تعرف
|
| Quote: انا خايف تكون انقى الاعراق العربية قاعدة في بطانتنا ووديان كردفان عندنا هنا |
قبل اى نقاش يا وليد لازم تجاوب على حاجة واحدة
شنو الخلاك انت عارف دا كلو .. وانا ما بعرف ؟؟
شنو الخلاك انت متاكد وانا بلفح وبتثاقف وبركب الموجة وبنجر من راسى ؟؟؟
بالله دا رايك فينى ؟
مداخلاتى فى البورد دا بتعكس الشخصية دى ؟؟؟
على الطلاق يا وليد لو كان دا تقييمك لى انت وليد دا دقيقة واحدة
تانى فى البورد دا انا ما بقعدها .....
ــــــــــــــــ
ياخ بالجد هجمتنى ... مالك ؟؟
دا لا انت لا الوصفتها دى انا .. استغفر !
|
Post: #62
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: المكاشفي الخضر الطاهر
Date: 06-19-2010, 05:32 PM
Parent: #61
دينا
لو سمحت يا اختي ممكن تجاوبيني على السوؤال دا
لوووووول يعني شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #63
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-19-2010, 06:00 PM
Parent: #61
| Quote: دا لا انت لا الوصفتها دى انا .. |
سوالك البهناك يا دينا المسحتيه
كان مستفز جدا مستفز شديد
سوالك بتاع اني عارف شنو ؟ عن هويتي العربية غير اللغة البتكلم بيها !!
انا يا ستي عارف كتير جدا عن هويتي كتير شديد .. وفي المنبر ده اكتب بثقة ومعرفة ودراية في حاجتين بس (التاريخ والتوثيق) و(الكمبيوتر) لانو الاول هوايتي والتاني دراستي ومرات مرات الكورة
لمن اشطح وافتح بوست جادي بكون في مواضيع التراث والتوثيق
طقوس العروس
شخصيات سقطت من ذاكرة الوطن ( شغبة الكواهلية )
طقوس الختان
توتي التقليدية
واشارك بنهم وجديه في مواضيع مشابهة
مسدار الخرطوم لبهنس
كوشرونية محسن
وانفعل مع مواضيع حمور التوثيقية عن المهدية تحديدا
المهم سوالك كان ما حلو
هسع انا عارف ليه بدافع عن العروبة في هويتي
لانها فعلا جزء من مكون الشخصية السودانية ما عاوز يسلخها مننا الا غير موضوعي او معقد
ما بنكر الدم العربي فيني ليه .. لاني بكل حمد دنقلاوي .. يعني سوداني مأصل .. مافي زول يقدر يقول لي جيت من وين
كنت في البلد دي قبل الناس الجوها وراء كلهم انا واخواني نوبة الشمال والجنوب ومعانا البجه
باقي الناس دي كلها جات البلد دي وراء
من الدينا في الجنوب الجو قبل 5000 الف سنة نازلين من الهضبة الاثيوبية بسبب الحرب في منطقة البحيرة بعد ما ضاقت المساحة بكثافة البشر لحدي اخر قبيل دخلت الرشايده الزهجت من المد البشري الحصل لمناطقها في الجزيرة العربية وجات قبل 300 سنة وشوية تفتش براح المكان في البطانة حقتنا لحدي ما مرقتها في غرب النيل جنوب المتمه
انت بتنكري الريحة العربية الفينا بياتو منطق وحجة ؟؟؟
وبتسالني عن معرفتي عن هويتي بياتو قصد ؟؟!
|
Post: #64
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-19-2010, 09:48 PM
Parent: #63
المكاشفى خضر
لووووول دى بقا اسال من معناها
اساسى وحسين ملاسى ...
بحبوووو يشرحوها ويوردوا الكلام البختصروها منها
لكن لو قاصد اننا ما عارفين معناها وبنشوتها
ساى .. فانتو اعرفوها ونحن بنكتبها لوووووووووووب .
وليد
يقطع لسانى كان جبت سيرة هوية دى فى خشمى
واقول ليك كلام فى سرك انا هوية دى ما عارفه
معناها ذاتو ،، ولا بحبها ولا بقولها ....
انا سؤالى كان يا وليد امن غير لسانك
فيك حته تانية عربية ؟؟ مش كان كدا ؟
لكن عارف اى كلام تقولوا لى بقدر اتناقش معاك
بى عدم عرفتى دا ...
ــــــــــــــــــــــ
قلت لى الدناقلة عرب ؟؟؟
دناااااااقلة يا رسول الله ..
|
Post: #65
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: Sabri Elshareef
Date: 06-20-2010, 02:09 AM
السودان العربي
احسن او السودان الملكي
غايتو انا لا اعتقد انني من اهل السودان العربي ولا الملكي
ازيييك يا دينا ووهبت لمن يريد او تريد اي حق لي في اي اسم من اسماء الاوطان الضائعه
واقول قلبي علي اوطان ضاعت بسبب بؤس العقول وفساد القوانين
وناس السودان العربي او الملكي مبروك لهم لهن العروبة والاسلام
بعد اضاعة الاوطان
|
Post: #66
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: كمال عباس
Date: 06-20-2010, 02:34 AM
Parent: #65
كتب الاخ وليد مبارك
Quote: بنكر الدم العربي فيني ليه .. لاني بكل حمد دنقلاوي .. يعني سوداني مأصل .. مافي زول يقدر يقول لي جيت من وين كنت في البلد دي قبل الناس الجوها وراء كلهم انا واخواني نوبة الشمال والجنوب ومعانا البجه باقي الناس دي كلها جات البلد دي وراء
من الدينا في الجنوب الجو قبل 5000 الف سنة نازلين من الهضبة الاثيوبية بسبب الحرب في منطقة البحيرة بعد ما ضاقت المساحة بكثافة البشر لحدي اخر قبيل دخلت الرشايده الزهجت من المد البشري الحصل لمناطقها في الجزيرة العربية وجات قبل 300 سنة وشوية تفتش براح المكان في البطانة حقتنا لحدي ما مرقتها في غرب النيل جنوب المتمه انت بتنكري الريحة العربية الفينا بياتو منطق وحجة ؟؟؟ |
كويس أنك أكتفيت بريحة عروبة وشوية مؤثرات عربية !!
بالمناسبة التحدث بلغة ما لايجعل من المتحدث ينتمي للوطن الام لتلك اللغة
فدول أمريكا اللاتينية تتحدث الاسبانية ولكنهم ليسوا بأسبان و سكان كندا والولايات المتحدة يتحدثون الأنجليزية ولكنهم ليسوا ببرطانيين!!
نعم هناك مؤثرات عربية ولكنها لاتغطي كامل السودان قلت في هذا:
Quote: لاأنفي وجود دم عربي في بلادنا ولكني أتحدث عن حجم التأثير العرقي - حيث أصبحت كل قبائل الشمال النيلي جنوب أرض نوبة أقصي الشمال- عرباوأحفاد للعباس وأختفي رجال تلك المناطق وتبقت النساء ليتزوج بهن العرب ! فلنكن واضحين ياحمور- ملامحنا وأنوفنا والوان بشرتنا وشعرالرؤوس
يشبه لدرجة التطابق سكان شرق أفريقياالذين لم يدعو العروبة -إثيوبيا مثلا- نحن ( وأقصد بنحن القبائل التي تنسب للعروبة العرقية )نحن أفارقة ياحمور مع وجود بعضا المؤثرات العرقية العربية القليلة- ....... |
وأضفت
Quote: مسألة العروبة العرقية دي فيها نظرومغالطات تاريخية كبيرة !! دعني
أعود بك للقرن السابع الميلادي - الجزيرة العربية - قبائل عربية متقاتلة ومتتناحرة وطبيعة جافة وقاسية وطاردة !!
------- مصر: حضارة عريقة ومجتمع زراعي وتجاري توجد موارد طبيعية
والعراق : برضو حضارة عريقة ومجتمع زراعي بلاد الشام: نفس الشي
الشمال الأفريقي : حضارةبربرية قديمة توجد موارد طبيعية ... بلاد السودان : ممالك وتاريخ ومياه وزراعة.. عدد سكان الجزيرة ضئيل جدا ومواردها الطبيعية فقيرةمقارنة بسكان البلادالتي عددتها طيب ياحمور دعنانسأل: أذا أعتبرنا أن سكان الدول "العربية" الحالية
عربا فأين ذهب سكان البلاد الاصليين? هل إنقرضوا أم إندثروا ?
كيف يتسني لبضع الالاف من العرب أن يمارسوا عملية إزاحة وإحلال لسكان
البلاد الأصليين? كيف نفهم أن أصل أغلب سكان الشمال النيلي يرجع للعباس بن عبد
المطلب? أين ذهب بقية المهاجريين? وأين ذهب سكان المناطق التي تقع
بين دنقلا والحلفاية? هل إختفوا فجاءة وخلفوا النساء فقط ليتزوج
منهن إحفادالعباس?
------- العروبة مجرد تفاعل لساني وثقافي وحضاري وقليل من الدم
العربي ........... |
محمد الحسن سليمان المغزلن تعال هنا ما تخرب بوستات الناس
|
Post: #68
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-20-2010, 10:07 AM
Parent: #66
مرحب كمال عباس
| Quote: بالمناسبة التحدث بلغة ما لايجعل من المتحدث ينتمي للوطن الام لتلك اللغة |
صحيح
Quote: العروبة مجرد تفاعل لساني وثقافي وحضاري وقليل من الدم
العربي |
غير صحيح
لانه برضو العرق ما هو محدد لوحده للهوية
لو كان العرق محدد للهوية
حدد لي هوية كندا الاشرت ليها فوق
او هوية الولايات المتحده
ممكن نعتمد ياتو عرق عشان نقول كندا هي شنو ؟
ما ممكن طبها
عليه كلامك ده العروبة مجرد تفاعل لساني وثقافي وحضاري يكفي جدا لانه ننقول هويتنا عربية
هو اكتر من التفاعل الثقافي والحضاري واللسان المعبر تاني الهوية شنو ؟
ودي
|
Post: #71
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: كمال عباس
Date: 06-20-2010, 02:05 PM
Parent: #68
سلام ياوليد مبارك :
Quote: غير صحيح
لانه برضو العرق ما هو محدد لوحده للهوية
لو كان العرق محدد للهوية حدد لي هوية كندا الاشرت ليها فوق
او هوية الولايات المتحده ممكن نعتمد ياتو عرق عشان نقول كندا هي شنو ؟
ما ممكن طبها |
العرق أحد مكونات الهوية : نجي لمكونات الهوية القومية نجدها تشمل:
- الجنس والعرق- اللغة- الدين- الكيان الجغرافي- الثقافة- العادات والتقاليد-وحدة المصير- العامل الاقتصادي- التاريخ- الشعور بالإنتماء
الخ
فهناك دول ساعد في تكونها وتجانسها العرق والأصل الواحد كما أن هناك عرق وأصل واحد موزع في عدة دول كالجنس السلافي والآري والهندي كذلك ستجد دول تتكون من عدةأعراق وجنسيات
تقول:
| Quote: عليه كلامك ده العروبة مجرد تفاعل لساني وثقافي وحضاري يكفي جدا لانه ننقول هويتنا عربية هو اكتر من التفاعل الثقافي والحضاري واللسان المعبر تاني الهوية شنو ؟ |
بالنسبة للسودان فإنك ستجد بالإضافةللجذور والعرق الافريقي ستجد تفاعل
ثقافي وحضاري أفريقي-فإيقاعناوسلمنا الموسيقي أفريقي وفينا عادات وتقاليد وموروثات أفريقية -غرب السودان مرتبط ثقافياوحضاريا بالغرب الافريقي وشرق السودان مربوط بدول شرق أفريقيا-والشمال الاقصي تسوده لغات نوبية-أفريقية قديمة- سابقة لدخول الإسلام والمؤثرات العربية وحتي في مناطق الشايقية والبديرية والمناصير ستجد التأثير النوبي في الزراعة وفلاحة الارض.........
......... نعم هناك مؤثرات عربية في السودان ولكنها لاتكفي لتشكيل هوية قومية قطعية لإن هناك عرقيات وجهويات لم يشملها ذلك التأثير كما أن هناك مكون عرقي وثقافي وتراثي أفريقي حاسم بالبلاد!!
|
Post: #67
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-20-2010, 10:02 AM
| Quote: قلت لى الدناقلة عرب ؟؟؟ |
شفتي تبدي الاستفذاذ
يردوا ليك من جنسه تقلبها نواح
انت قايله اتفاقيت البقط دي كانت مع ناس حلتكم
|
Post: #69
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: معاذ الهادي
Date: 06-20-2010, 10:23 AM
Parent: #67
سلام
دينا
والبقية
انا اقترح
جمهورية (...........) النموذجية
اي حاجة بين القوسين مقبولة
|
Post: #70
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: محمد على طه الملك
Date: 06-20-2010, 12:14 PM
Parent: #67
تصدقي يا دينا اول مرة اشوف بوستيك دا..
انت زاتك اخترت الوكت دا عشان الناس مشغولة بكاس العالم ..
| Quote: دناااااااقلة يا رسول الله .. |
عندي صاحبي شديد بروفسير في الجامعة اجنبية والله..
لكن ياهو جعلي..
دايمن بناقره وبناقرني..
قلت لي يا فلان حسع في راجل فيكم يقدر يقيف فوق راس الرسول (ص)..
ويعرفه بي نفسه زي ما نحن بنعمل..
الممسوخ قال ليّ نحن ما محتاجين نعملها لانه عارفنا.. هاهاها
بعدين شنو يابت انت عاملا فيها منكر ونكير؟
خلاس يعني نكرتينا؟
..
وليد الدنقلاوي..
يا خوي الدنقلاوية ماها جنس ..
اي زول عاش في اقليم دنقله القديم ( مملكة المقره ) عرف بالدناقلة نسبة لعاصمتها دنقله القديمة..
الدكتور عبد المجيد عابدين سمى المجموعة الجعلية التى تلاقحت بالسكان الاصليين..
بالمجموعة الجعلية الدنقلاوية تميزا لها عن المجموعة الجعلية في بقاع السودان الاخرى..
| Quote: انت قايله اتفاقيت البقط دي كانت مع ناس حلتكم |
ايوه كانت مع ناس حلتها..
بعدين اتفاق (البقد) كان شرطه أن يأتى العرب عابرين غير مقيمين..
واحتراما لهذا الشرط لما دخلت المجموعة الجعلية العباسية..
مشت استقرت في كردفان زيها وزي القبائل العربية الاخرى ( الجهنيين )..
وماعادوا للمنطقة الا بعد التلاقح ووراثة الحكم عن طريق ابن الاخت تبعا لتقاليد النوبة..
يعني بعد دمهم بقى نوبي..
بعدين تعال انت الانتخابات دي لحستك ؟
مالك مناقر بتنا دي ؟
الخلاصة:
السودان النيلي اعراقة القديمة اسماها علماء الاجناس بالنيليين ( نايلوتكس)..
وبعد تمازجهم مع اعراق مهاجرة عديدة عبر حقب التأريخ تعددت التسميات..
بعدين العرب ديل زاتهم مين هم؟
اذا قاصد مستعربي الجزيرة العربية بوجه خاص القرشيين..
ديل مش حبوبتهم (هجرة – هاجر ) وجدهم ولدها اسماعيل ولا واحدين تانين؟
ما تتغالطوا ساكت..
الناس دي كلها من اندينا.
بس القصير كلامه ما مسموع .. لووول.
امنع الفوضى يا وليد ( او كما قالت).
|
Post: #72
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: حاتم الياس
Date: 06-20-2010, 02:23 PM
Parent: #70
أنشاء الله نسمى ( أتحاد الحرفيين واصحاب المهن الصغيرة العربى)
|
Post: #73
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-20-2010, 03:14 PM
Parent: #70
مرحب محمد علي
| Quote: اي زول عاش في اقليم دنقله القديم ( مملكة المقره ) عرف بالدناقلة نسبة لعاصمتها دنقله القديمة.. |
انت عارف كلامك ده انا وابوي طواااالي عاملين فيه شمطه
هو رائيه من رائيك وانا مختلف معاه
دنقله القديمة وحاضراتها الاخرى عمرها كم سنة ؟
لو رجعت لي الكم سنة دي ما حا تلقى جنس تنسبو زاتو لي زول
الوكت داك الفراعنه ذاتهم ما سو ممالكم
7000 سنة تاريخ لي وراء
ما يقدر ينجارطنا فيها الا البجه والبجه فقط داخل السودان
والامهرة والتقراي خارجه
| Quote: بعدين اتفاق (البقد) كان شرطه أن يأتى العرب عابرين غير مقيمين.. |
معليش يا عمنا
كلامك غير صحيح
الاتفاقية تقول الاتي
| Quote: وعليكم حفظ من نزل بلادكم أو بطرفه من مسلم ، أو معاهد حتى يخرج عنكم |
صححني لو كنت غلطان
| Quote: الناس دي كلها من اندينا. |
خلاس يعني الدم العربي فينا
او نحن فيه
|
Post: #74
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: كمال عباس
Date: 06-20-2010, 03:22 PM
Parent: #73
سلام وليد:
| Quote: وعليكم حفظ من نزل بلادكم أو بطرفه من مسلم ، أو معاهد حتى يخرج عنكم |
ديل ناس الترانزيست والعابريين والضيوف - لاحظ عبارة حتي يخرج عنكم
يعني عبور لاإقامة وهذا ينسجم مع شرط (أن يأتى العرب عابرين غير مقيمين.. ) ولا يناقضه...
|
Post: #75
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: كمال عباس
Date: 06-20-2010, 03:48 PM
Parent: #74
.........
Quote: نص معاهدة البقط بحسب رواية المقريزي:(25)
عهد من الأمير عبد الله بن سعد بن أبي السرح لعظيم النوبة ولجميع أهل مملكته ، عهد عقده على الكبير والصغير بين المسلمين ممن جاورهم من أهل صعيد مصر وغيرهم من المسلمين وأهل الذمة .. إنكم معاشر النوبة آمنون بأمان الله وأمان رسوله محمد صلى الله عليه وسلم ألا نحاربكم ولا ننصب لكم حرباً ، وأن لا نغزوكم ما أقمتم على الشرائط التي بيننا وبينكم ، على أن تدخلوا بلدنا مجتازين غير مقيمين فيه ، وعليكم حفظ من نزل بلادكم أو بطرفه من مسلم ، أو معاهد حتى يخرج عنكم ، وأن عليكم رد كل آبق خرج إليكم من المسلمين حتى تردوه إلى أرض الإسلام ولا تستميلوا عليه ولا تمنعوا منه. وعليكم حفظ المسجد الذي ابتناه المسلمون بفناء مدينتكم ولا تمنعوا منه مصلي ولا تعرضوا لمسلم قصده وجاور فيه إلى أن ينصرف عنه وعليكم كنسه وإسراجه وتكرمته. وليس على مسلم دفع عدو عرض لكم ولا منعه عنكم من حد أرض علوة إلى أرض أسوان. فإن أنتم قتلتم مسلماً أو معاهداً أو عرضتم للمسجد الذي ابتناه المسلمون بفناء مدينتكم بهدم ، أو منعتم شيئاً من الثلاثمائة رأس والستين رأساً برئت منكم هذه الهدنة والأمان وعدنا نحن وأنتم على سواء حتى يحكم الله بيننا وهو خير الحاكمين. علينا بذلك عهد الله وميثاقه وذمته وذمة رسوله محمد صلى الله عليه وسلم ، ولنا عليكم بذلك أعظم ما تدينون به من ذمة المسيح وذمة الحواريين وذمة من تعظمونه من أهل دينكم وملتكم . الله الشاهد بيننا وبينكم على ذلك وكتبه عمرو بن شراحيل في رمضان سنة 31هـ.* |
http://www.mubarak-inst.org/stud_reas/research_view.php?id=92
|
Post: #76
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: أحمد أمين
Date: 06-20-2010, 04:02 PM
Parent: #75
تسميه مناسبه لمايعرف الان بشمال السودان
ويضاف اليها: العربيه الاسلاميه
دولة البيضان العربيه الاسلاميه
وماالابيض يقلبوا ابيض ناس محلات الدنقلاوى دى اصلها معموله للحكايه...
|
Post: #77
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-20-2010, 04:29 PM
Parent: #74
مرحب كمال
كلامك غير صحيح يا كمال
لانه الشرط ده بنفس اللفظ اتوضع للطرف التاني في المعاهدة لفظا وبصورة واضحة
| Quote: وأن لا نغزوكم ما أقمتم على الشرائط التي بيننا وبينكم ، على أن تدخلوا بلدنا مجتازين غير مقيمين فيه ، |
|
Post: #78
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: كمال عباس
Date: 06-20-2010, 04:43 PM
Parent: #77
لا ياوليد
Quote: مرحب كمال
كلامك غير صحيح يا كمال
لانه الشرط ده بنفس اللفظ اتوضع للطرف التاني في المعاهدة لفظا وبصورة واضحة |
نعم ياوليد ليس من حق أطراف المعاهدة الأقامة في بلد الأخر
وأنما كفلت حق الإجتياز والمرور راجع
| Quote: وقد جاء في نص اتفاقية البقط ما يلي:- «....أنكم معاشر النوبة آمنين بأمان الله وأمان رسوله-صلى الله عليه وسلم- أن لا نحاربكم ولا ننصب لكم حربا ولا نغزوكم ما أقمتم علي الشرائط التي بيننا وبينكم علي أن تدخلوا بلدنا مجتازين غير مقيمين فيه.وندخل بلدكم مجتازين غير مقيمين فيه.وعليكم حفظ من نزل بلدكم أو يطرقه من مسلم أو معاهد حتي يخرج عنكم .وأن عليكم رد كل آبق(هارب)خرج اليكم من عبيد المسلمين حتي تردوه الي أرض الاسلام.ولا تستولوا عليه ولاتمنعوا منه.ولا تتعرضوا لمسلم قصده وجاوره الي ينصرف عنه.وعليكم حفظ المسجد الذي ابتناه المسلمون بفناء مدينتكم.ولا تمنعوا منه مصليا.وعليكم كنسه واسراجه وتكرمته.وعليكم في كل سنة ثلثمائة وستون رأسا تدفعونها الي امام المسلمين من أوسط رقيق بلادكم غير المعيب يكون فيها ذكران واناث ليس فيها شيخ هرم ولا عجوز ولا طفل لم يبلغ الحلم. تدفعون ذلك الي والي اسوان(....) فإن أنتم آويتم عبدا لمسلم أو قتلتم مسلما أو معاهدا أو تعرضتم للمسجد الذي ابتناه المسلمون بفناء مدينتكم بهدم أو منعتم شيئا من الثلثمائة رأس والستين رأسا فقد برئت منكم هذه الهدنة والأمان وعدنا نحن وانتم علي سواء حتي يحكم الله بيننا وهو خير الحاكمين.»(7 |
)
.........http://www.hayderibrahim.com/Ar/default.aspx
........ الأتفاقية لم تنص علي إقامة العرب ببلاد النوبة وأنما فرضت حمايتهم حتي يتجازوها.......
|
Post: #79
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-20-2010, 04:53 PM
Parent: #78
مرحب كمال
المصدر النقلت منو الاتفاقية
مصدري انا ما فيه كلامك ده
هاك ليه
Quote: عهد من الأمير عبد الله بن سعد بن أبي السرح لعظيم النوبة ولجميع أهل مملكته ، عهد عقده على الكبير والصغير بين المسلمين ممن جاورهم من أهل صعيد مصر وغيرهم من المسلمين وأهل الذمة .. إنكم معاشر النوبة آمنون بأمان الله وأمان رسوله محمد صلى الله عليه وسلم ألا نحاربكم ولا ننصب لكم حرباً ، وأن لا نغزوكم ما أقمتم على الشرائط التي بيننا وبينكم ، على أن تدخلوا بلدنا مجتازين غير مقيمين فيه ، وعليكم حفظ من نزل بلادكم أو بطرفه من مسلم ، أو معاهد حتى يخرج عنكم ، وأن عليكم رد كل آبق خرج إليكم من المسلمين حتى تردوه إلى أرض الإسلام ولا تستميلوا عليه ولا تمنعوا منه.
وعليكم حفظ المسجد الذي ابتناه المسلمون بفناء مدينتكم ولا تمنعوا منه مصلي ولا تعرضوا لمسلم قصده وجاور فيه إلى أن ينصرف عنه وعليكم كنسه وإسراجه وتكرمته.
وليس على مسلم دفع عدو عرض لكم ولا منعه عنكم من حد أرض علوة إلى أرض أسوان.
فإن أنتم قتلتم مسلماً أو معاهداً أو عرضتم للمسجد الذي ابتناه المسلمون بفناء مدينتكم بهدم ، أو منعتم شيئاً من الثلاثمائة رأس والستين رأساً برئت منكم هذه الهدنة والأمان وعدنا نحن وأنتم على سواء حتى يحكم الله بيننا وهو خير الحاكمين.
علينا بذلك عهد الله وميثاقه وذمته وذمة رسوله محمد صلى الله عليه وسلم ، ولنا عليكم بذلك أعظم ما تدينون به من ذمة المسيح وذمة الحواريين وذمة من تعظمونه من أهل دينكم وملتكم . |
1) http://www.mubarak-inst.org/stud_reas/research_view.php?id=92
لو في واحد عند علم باصح الروايتين يورينا للاهمية
خالص الود
|
Post: #80
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: GamarBoBa
Date: 06-20-2010, 05:04 PM
Parent: #77
والله ما بعرف
لكن لو ادونا فرصة دولة من دنقلا لحلفا الاسماء عندنا كتيرة وبتعبر عننا تماما
يعني كل سنة ممكن نركب لافتة جديدة ونرفع علم جديد
ماشاء الله عليها عليها من اسماء شي كوش،شي نبتة،شي نوبة...وحكمة الله متصالحين معاها بأشكالنا البنبذوها لينا اللبنانيين وأول حاجة نعملها نفتح سفارة للامازيغ وباقي الامم العندها لغات قديمة وتاني حاجة طوالي نرفض اقامة اي سفارة لدولة عربية ما بتحترم لوننا ده.
البترول راقد هبطرش،الواطة كلها قمح،السياحة ممكن تدخل قدر بترول السودان المتشاكلين فوقه و اكتر بكتير
كل اللازمنا سلفية كدة بخمسين مليون دولار نأهل السياحة ونزرع ونصدر
اها ياخوانا مافي زول يدق صدره ويفصل لينا منطقتنا ديك بدون ما يكتل فينا زول؟؟
لو لقيتو ليكم زول بالله كلموني....قرفان الواحد من السودان كله بقي..ما كعب الزول يفكر بطريقة بتخصه برضو
|
Post: #81
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-21-2010, 09:08 AM
Parent: #80
ما ملاحظين انو كل الاقتراحات كانت
لاسم لشمال السودان ؟؟؟ مما يعنى
انو فى موافقه لترك الاسم لاهلنا فى جنوب السودان !!!!!
|
Post: #82
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-21-2010, 09:34 AM
Parent: #81
Quote: ما ملاحظين انو كل الاقتراحات كانت
لاسم لشمال السودان ؟؟؟ مما يعنى
انو فى موافقه لترك الاسم لاهلنا فى جنوب السودان !!!!! |
غير صحيح
|
Post: #83
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: دينا خالد
Date: 06-23-2010, 08:03 PM
Parent: #82
يعنى يا وليد انت مع انو العرب العاربة فى الشمال
ياخدو اسم السودان ؟؟ ..
اذن ماذا تقترح لجنوب السودان ؟ يكون بس جنوب السودان ؟
دا وصف جغرافى لكن ما اسم مش ؟؟
|
Post: #84
Title: Re: بعد الانفصال .. اى الدولتين أحق باسم السودان ؟ بالطبع هم العرب العاربه فى الشمال !
Author: وليد محمد المبارك
Date: 06-24-2010, 06:42 AM
Parent: #83
شوف ليكم اي اسم مشتق من مفردات ما حقت العرب العاربة
سمو البلاكان
|
|