د. على شبيكة ... إمبراطور الأغنية السودانية .. في ماليزيا .. صور شاعرية

إمبراطور الأغنية السودانية بلا منازع
قدم ويقدم شعر متفرّد له ميزاته وخصوصيته من حيث المفردة والمعنى على السواء
أغنياته تحمل داخلها موسيقاها ولحنها
انه الشاعر الغنائي المعروف الدكتور علي شبيكة
حل بيننا ضيفاعزيزافي كوالالمبور ....
وانتهزتها الجالية السودانية فرصة سانحة
وستنظم له ليلة شعرية وشاعرية
في ارخبيل الملايو
مع دعاش الامطار التي تهطل بغزارة هذه الايام
مرحبا بك يا ضيفنا العزيز

لما ترجع بالسلامة
وترجع أيامنا الجميلة
يا ثنا الروح ويا مداما
ويا عوطفنا النبيلة
تهدي ليلاتنا ابتسامة
من زمان بنقول حليلا
يوم رحيلك ياحبيبي
شفت كل الكون مسافر
لا زهر في روضة غنا
ولا زهر عطر بيادر
لا تلاقي يروي شوقي
لا حديث يجبر بخاطري
الشهور ياريتا تجري
وكل يوم ياريتو باكر
لما ترجع يا ربيعي
للقليب المشتهيكا
وزي عوايدك تحتويني
رعشة من الريد إليك
عيونك الضحاكة تبكي
والمشاعر فايضة بيها
يا حلاتك يا حبيبى
ويا حلاة الدنيا فيك
لما ترجع بالسلامة
وترجع أيامي الجميلة
يا ثنا الروح ويامداما
ويا عواطفنا النبيلة
تهدي ليلاتنا ابتسامة
من زمان بنقول حليلا

من هو الشاعر الدكتور علي شبيكة ؟

هو: الدكتور علي دفع الله شبيكة
مولود في امدرمان (ما معروف بتين ولكن كبار ناس امدرمان بيقولوا سنة البحر (قت) الجروف والعمدة كان ضابح خروف) ويرجع اصله الي منطقة الرباطاب في شمال السودان.
درس الاولية : بمدرسة الاحفاد
وتنقل في المرحلة الوسطى بين: مدرسة الاحفاد ومدرسة حي العرب والمدرسة الاهلية امدرمان
ثم درس الثانوية : بمدرسة الاحفادالثانوية.
اما الجامعة فقد درسها في بيروت: حيث درس صيدلة في الجامعة الامريكية في بيروت وتخرج فيها بامتياز