العيون الطائرة فى الخرطوم...؛؛؛؛ شيل ساطورك

جاء فى الاخبار وفى صفحة الجريمة تحديدا هذا الخبر

Quote: تبادل محام وطبيب الطعنات بالالات الحادة اثناء مشاجرة وقعت بينهما قرب مطعم خرطومى شهير ادت لاصابة كليهما بالاذى الجسيم وكشف تحريات شرطة الدرجة الاولى بان المشاجرة التى وقت بين الرجلين اسبابها ان المحامى البالغ من العمر 36 عاما قد قام بمعاكسة بنات الطبيب البالغ من العمر52 عاما مما كان سببا فى الشجار بينهما وتبادل الطعنات بينهما..وفتحت الشرطة بلاغات بالاذى الجسيم وقامت باسعاف كليهما للمستشفى

وجزئية مطعم خرطومى تشير الى انه مكان محترم..ولكن يبدو ان الفوضى والتصرفات الصبيانية
لم تعد حكرا على الاسواق الشعبية..والزقاقات الجانبية ارقى الاماكن فى الخرطوم
يمكنك ان تجد بها من يبحلق بلا خجل وفى وقاحة لمن ترافقك..لا يمكن تخمين من هى
اختك ..أمك..زوجتك..هم ينظرون نظرات جائعة وشرهة ومستفزة..

الاخ/محمد احمد

تحياتي؛؛؛؛

زمان اهلنا بقولوا :شوف العين ما كتّلو غزال ؛

لكن في زمننا ده بودي الاخره عديل؛



_____

حاجة بالجنبة كدي
المحيرني إسمك المشكّل ده ؛
أظن بكري كان مزاجو عالي جداً في اليوم داك؛

غايتو الله يعينك ؛انا لو منك بعمل كوبي اندبيست ومن مكان آمن..

عيننا بارده والله.

الاخ/محمد احمد

تحياتي؛؛؛؛

Quote: زمان اهلنا بقولوا :شوف العين ما كتّلو غزال ؛ لكن في زمننا ده بودي الاخره عديل؛

مرحبا بيك يا بشير
بس دا ما شوف وبس
دى عيون بتمد فى قرعة عديل..وتخلى سرعة الغزال تبقى صفر
الواحد بعاين ويفتح خشمو..ويملس فى شنباتو
بالله الزول لو ما نهرتو الزمن ممكن يجى
يقبض فى رقبتك انتا ذاتك

_____

Quote: حاجة بالجنبة كدي المحيرني إسمك المشكّل ده ؛ أظن بكري كان مزاجو عالي جداً في اليوم داك؛ غايتو الله يعينك ؛انا لو منك بعمل كوبي اندبيست ومن مكان آمن.. عيننا بارده والله

التشكيل ده منى..براى..
بكرى ذاتو بكون محتار فيهو

لا يمكننى الجزم بما حدث ما بين الطبيب والمحامى بكل يقين..لكن يبدو كل شئ واضحا
فلا يعقل ان يقوم الطبيب بضرب المحامى بلا سبب..
بكل صراحة يجب ان تخرج مستعدا..اذا كانت معاك اى انثى.. وبالذات لو بقت سمحة وطويلة..ولديها بعض الزوائد فى جسدها
لان كلمات الغزل والتعليقات..قد بتلقاها فاتت اضنيك..احد الاصدقاء اخبرنى انه كان يسير مع زميلة له (وهى ذات مواصفات قياسية) فى وسط العربى
قال لى ان الباعة كلهم وبصوت واحد رددو مااااااا شاء الله ماشااااااااء الله.. وبصورة واضحة..ولا علاقه لها الا ( ببضاعته هو)..
عندما مروا بجانبهم الاثنين..! يعنى بعد مرات ممكن مية واحد كلهم يعلقو وعندها تسكت سااااااى..لا ساطور بحلك
ولا غيرو..
النظرات ال######ة والتعليقات السخيفة على المارة وعلى رواد المطاعم والمنتزهات تقود لجرائم كاملة..بلا شك
وعلى الشباب ان يتذكروا دائما ان لديهم حرمات ايضا,,يمكن ان تتعرض لنفس المضايقات

ومافى زول ما عندو يا اخوانا..مهما كان..استاذ التربية الاسلامية زمان..كان بحكى لينا فى الحصة عن انو البتسويهو فى بنات الناس بتلقاهو فى اخواتكـ وانو يا يا جماعى الحكاية دى دين ولابد تدفعو فى يوم..واحد شليق.. نطا.. قال ليهو يا استاذ انا ماعندى اخوات امى بس و كمان كبيرة..خالص..
الاستاذ شايقى.. وما بفتش لى الردود. بس تقول خلقوهو من يومو شان يكون فقيه...طوالى اتلفت قال ليهو والله ياولدى امك دى..بتلقا القدرا
الخلاصة..
اى زول يلم عيونو عليهو بالله..نظرة واحدة وبالجنبة كده..ممكن..بدون ما زول يحس بيك..ولااسلم انك تغض بصرك وفى السودان اصلن لو عاوز تسلم..ابقى اعمل اعمى واطرش..وادفن دقن..ولا امشى براك
وخلى المدام والبنات يغورن براهن..محل ما طايرات..

مُحَمَّدٍ عِوَضٌ احْمَدُ

ما قصرت تب

لكن يا أخوي كُن على يقين انو دا حساب !!

إنت بتاخد من هنا ،، وفي واحد هناكـ بيدفع في الفاتورة حقتكـ دي !

دي ما عاوزه نقاش ولا شكـ ،،

والله يستر علينا وعليكـ عندنا ولايا في التولا

حقتنا دي ( التولا = الرقبة ).




هشام

اهلا بيك يا هشام
النظرات دى ذاتا داخلة فى بند الفاتورة..خصوصا لما تزيد من واحدة
الشغلانة دى قالو اصلوو مافيها دين هالك..
ربنا يسترنا بس دنيا واخرة

Quote: ما قصرت تب لكن يا أخوي كُن على يقين انو دا حساب !! إنت بتاخد من هنا ،، وفي واحد هناكـ بيدفع في الفاتورة حقتكـ دي ! دي ما عاوزه نقاش ولا شكـ ،، والله يستر علينا وعليكـ عندنا ولايا في التولا حقتنا دي ( التولا = الرقبة ).