علشان تشوفو الجشع في السودان. صور لمنزل رجل الاعمال الذي أستولى على المدرسة الابتدائية.

كل ده ما كفاهوا وما عرف يفتح مستشافهوا في حته من اراضي
البيت الكبير ده....واصر يقلع مدرسة عيالنا؟؟؟!!

لهم الله اطفال السودان.


شكرا دينق.


تخريمه:
تلفونك ضايع مني ثاني
ممكن ترسله لي في المسانجر تحياتي.

up

اجمل من القصر الجمهورى ..حقو القصر الجمهورى يحولوه هنا ..
والزول دا يمشى يسكن فى القصر الجمهورى ...

تبت لله ....

Quote: كل ده ما كفاهوا وما عرف يفتح مستشافهوا في حته من اراضي البيت الكبير ده....واصر يقلع مدرسة عيالنا؟؟؟!! لهم الله اطفال السودان.

تراجي.

تخيلي زول باني ليهو بيت زي ده ولسه بمشي وبقالع في مدارس الغلابة في السودان وداير يحولها الى أستثمار.

Quote: اجمل من القصر الجمهورى ..حقو القصر الجمهورى يحولوه هنا .. والزول دا يمشى يسكن فى القصر الجمهورى ... تبت لله ....

محمد عبد الرحمن.

ديل ياهم تجار الحكومة. الراجل كان إتحادي وقلب إنقاذي .

شكرا دينق
الفساد في السودان صار هو المثال المتبع ، في ظل هذا النظام (الإسلامي) و ... هي لله ... هي لله .... لا للسلطة ولا للجاه !!!
هل تتكرم بتعرية هؤلاء الفاسدين بذكر المدرسة الإبتدائة المسروقة وأين ذهب تلاميذنا التعساء ؟

يادينق هل انت متأكد من هذا القصر او بالأحرى (المنتجع) موجود بين ظهرانينا بالسودان؟
مبالغة.

يا دينق

يا أخوي أنا قلت دا ، يا بيت محمد بن راشد

والا بيت قابوس !




هشام

Quote: شكرا دينق الفساد في السودان صار هو المثال المتبع ، في ظل هذا النظام (الإسلامي) و ... هي لله ... هي لله .... لا للسلطة ولا للجاه !!! هل تتكرم بتعرية هؤلاء الفاسدين بذكر المدرسة الإبتدائة المسروقة وأين ذهب تلاميذنا التعساء ؟

الأخ خلف الله عبود .

أبحث في الصفحة الاولى من هذا البورد وسوف تجد العجب.

الاستيلاء على المدرسة تم بمعاونة محامي الشيطان الذي يدعي الدفاع عن الديمقراطية وحقوق الانسان
وبعض المرتشين والمرتشات وقد وقفنا مع لجنة المدرسة ولكن كما تعلمون فان صوت الباطل اقوى هذه
الايام في السودان

والله لكن بيت

Quote: يادينق هل انت متأكد من هذا القصر او بالأحرى (المنتجع) موجود بين ظهرانينا بالسودان؟ مبالغة.

قلقو.

أنتو نايمين نوم.

Quote: يا أخوي أنا قلت دا ، يا بيت محمد بن راشد والا بيت قابوس !

هشام إبراهيم.

هذا منزل رجل أعمال فقط.

واضح جدا بأنه أستجلب شركة أجنبية لتنفيذ مثل هذا المشروع الضخم.

الزول منو يادينق ؟
والمدرسة محلها وين ؟

غايتو المحامى الدافع عنو عرفتو ..
من كتابة عبدالمنعم الفوق ..الوصف
دا مابنطبق الا على زول واحد بس ..
وسبحان الله الزول دا من يومو ماداخل
راسى ..

محنك محن يابلد ..

Quote: الاستيلاء على المدرسة تم بمعاونة محامي الشيطان الذي يدعي الدفاع عن الديمقراطية وحقوق الانسان وبعض المرتشين والمرتشات وقد وقفنا مع لجنة المدرسة ولكن كما تعلمون فان صوت الباطل اقوى هذه الايام في السودان

منعم.

محامي الشيطان ده أصلوا شغلوا. إنتهازية في إنتهازية.

يجب أن يخجل جماعة الانقاذ من الذي حدث للمدرسة الابتدائية.

هذه الصور من مجمع سكني يعرف بإسم (الديوان) و يقع في كيلو عشرة طريق مدني بقرب السفارة الأمريكية بسوبا. المجمع ملك لأسرة معروفة بإستثماراتها.

أمسك عن الأسماء برغم وضوح المقصود لعدم معرفتي بالإتهام الوارد بالبوست


!

Quote: والله لكن بيت

محمد الطيب يوسف.

أنتو تبكوا وأطفال المدارس يبكوا.

حريقة تحرق نظام الانقاذ الظالم.

اريته يا يومه بيتى وبيت اخوانى وبيت اولادي ... واصحابي كمان ..


بالحلال البين طبعاً ..



دينق ازيك ..

يبدو ان خليل يلعب خارج الزمن ..بوست (بيت العمر)
بالمقارنة مع هذا يعكس عدم مواكبة خليل لما وصلت
اليه حركة العمران فى السودان ...

خليل لو فكر ارجع السودان الا يمشى (يجلد حجبات)
فى حلتهم ..مابقدر ينافس فى سوق عمل بهذا المستوى ...

شكرا اخ دينق :


نداء من سكان العمارات بخصوص تحويل مدرسة العمارات (1)الى...رى صور وفيديو واوراق

دينق ..
الصـور لمجمع سكني .. تملكه اسـرة النفيدي .. الاسرة المعروفة بعملها في التجارة حتي قبل حكومة الانقاذ ..
لا أعلم اذا كان اتهامك موجه الي هذه الاسرة .. ام الي شخص آخر ..
الرجاء التوضيح يا مناضل ..

طلب ..
ألا أجد لديك صور منزل المسئول ( الجنوبي ) الذي ( لحس ) كوتة السكر ..

Quote: دينق .. الصـور لمجمع سكني .. تملكه اسـرة النفيدي .. الاسرة المعروفة بعملها في التجارة حتي قبل حكومة الانقاذ .. لا أعلم اذا كان اتهامك موجه الي هذه الاسرة .. ام الي شخص آخر .. الرجاء التوضيح يا مناضل ..

نداء من سكان العمارات بخصوص تحويل مدرسة العمارات (1)الى...رى صور وفيديو واوراق

Quote: ألا أجد لديك صور منزل المسئول ( الجنوبي ) الذي ( لحس ) كوتة السكر ..

دا اسمو سؤال فى التنك..
عيب ياحميدة...
بعدين دينق يتزرزر ومايعجبوا الكلام يخلى البوست..
خلى الناس تنداح شوية شكيتك على الله

أصبح جمع المال غاية، وصار مرضاً مزمناً عند كثير من الناس حين يصاب الإنسان بمرض الجشع والرغبة بالاستئثار في كل شيء، وجمع المال بكل طريقة بغض النظر عن نظافته وقد نهى الإسلام عن الجشع والطمع وسوء الخلق والتضييق على الناس فى دنياهم . وقليل من الجشعين الذين لاهم لهم في الحياة سوي جمع المزيد والمزيد من المال‏,‏ وفي النهاية فالضحية وحده يدفع الثمن نداء من سكان العمارات بخصوص تحويل مدرسة العمارات (1)الى...رى صور وفيديو واوراق

ماشاء الله ربنا يزيدهم ويوسع ليهم في الحلال والطيب ويكفيهم شر الحاسدين


عادي لو ربنا اداني نعمة حا اعمل بيت أحلى من دا وافخم وارقى

[B

Quote: ]دينق .. الصـور لمجمع سكني .. تملكه اسـرة النفيدي .. الاسرة المعروفة بعملها في التجارة حتي قبل حكومة الانقاذ .. لا أعلم اذا كان اتهامك موجه الي هذه الاسرة .. ام الي شخص آخر .. الرجاء التوضيح يا مناضل ..

دينق

هل هذا يعني كل من سكن القصور وفتح الله علية فهو اكلاً لاموال الناس بغير حق. يازول اتق الله في نفسك وفي ماتقول عن الاخرين بغير وجه حق

هل يعقل ان يدنس ابناء النفيدي سيرة حياة والدهم الحسن بقتصاب مدرسة لعمل خيري لروح والدهم هل يعقل هذا؟؟؟؟؟؟؟؟؟؟؟؟؟؟؟؟؟؟؟؟؟

يجب عليك بتقصى الحقائق فيما ينقل اليك من الاخرين!!!!!!!!!!!!!!

يجب عليك قبل أن تنتقص من قدر الاخرين التقصى ثم التقصى في الحقائق اولاً.

لا والف لا لكل ظالم لا والف لا لكل جشع لا والف لا كذاب ومنافق لا والف لا لكل حاقد لا والف لكل حاسد لا والف لا لكل خائن.

وَاتَّقُوا اللَّهَ إِنَّ اللَّهَ شَدِيدُ الْعِقَابِ (7)

يَا أَيُّهَا الَّذِينَ آَمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ


اللهم طهر قلوبنا من النفاق والحقد، وأعمالنا من الرياء ، وألسنتنا من الكذب ،وأعيننا من الخيانة إنك تعلم خائنة الأعين وما تخفى الصدور

Quote: هل يعقل ان يدنس ابناء النفيدي سيرة حياة والدهم الحسن بقتصاب مدرسة لعمل خيري لروح والدهم هل يعقل هذا؟؟؟؟؟؟؟؟؟؟؟؟؟؟؟؟؟؟؟؟؟

وانا بسأل معاك نفس السؤال بتاعك .
بس هل اطلعته على هذا البوست


نداء من سكان العمارات بخصوص تحويل مدرسة العمارات (1)الى...رى صور وفيديو واوراق

منتهي الاستفزاز


ناس تشحد حق الدواء في محطة الشهدا وطالبة جامعية جائعة

تبحث في حق العشاء داخل السيارات المظللة وغيرهم يشيدون القصور

طبعا الجماعة ديل افتقرو بعد الانقاذ ولكن بفعل فاعل

اوكلت لهم مهمة نقل البترول وعادت لهم الحياة بعد ذلك

وتتخذون مصانع لعلكم تخلدون

الجشع مرض مهلك للانسانية

.

يا دينق في التمنيات كنت مكان ما تقبل تلقى سكانيات النفيدي اللونهم أحمر وجمسات الروبي اللونهم أخضر وأسرة النفيدي أسرة أقتصادية وراسمالية من زمن طويل وربنا يزيدهم ويوسع ليهم
البيت دا بالنسبة ليهم حاجه بسيطة كمان وكلمة جشع دي كبيرة وما حلوة ناس بتشتغل وبستثمر ومن حقم يمتعوا نفسهم وتظهر عليهم النعمة وبي حقهم كمان بعدين ديل أحسن من الباقين مستثمرين جوه البلد ومشغلين ناس كتار وفاتحين بيوت وبدفعوا ضرائب

أما عن عقد النفط فأصلا خط البترول دا عن طريق قرض وشراكة والشركات المقرضه والمشاركة ما بترضي يكون في تلاعب في العقد وطرح العقد للجميع العنده امكانيات يقدر ينفذه يتفضل واتنافست فيه شركات وهم قادرين ونفذوه

ما صاح وما كل زول غني حرامي وجشع والبتسوي فيه دا ياهو البهتان زاته وأسلوبك ما كويس ما ممكن اجيب لي صورة لي بيت زول واقول الجشع فلان الفلاني لو اي زول عمل كدا والناس صدقته المنبر دا كان اتملى صور بيوت سمحة وضاعت سمعة الناس

عندك مشكلة مع واحد من اسرة النفيدي أدينه بالمستندات والثابته ما كمان تجيب صور بيوتهم وتشهر بيهم عيب كدا والله عيب كبير

الاخ الفاضل عبدالعزيز حسين عبدالرحيم السلام عليك ورحمة الله .
كلامك الفوق دا مافى اثنين بختلفو فيه بس ياأخوى النفوس دخله الطمع .
وقبل ما تجى دافر ساكت عليك الله اقراء البوست دا وبعدين تعال ادينا رايك

نداء من سكان العمارات بخصوص تحويل مدرسة العمارات (1)الى...رى صور وفيديو واوراق

الأخ عبدالمحسن

ليك التحية والاحترام


قريت البوست التاني على عجلة

Quote: أن الذي يقوم به أمين النفيدي اليوم هو شئ مؤسف جدا، وهو يسئء الى عائلة النفيدي العريقة. يجب أن يعلم أمين النفيدي أن الانقاذ لن تبقى الى الابد ولكن السودان والسودانين هم الباقين. من المضحك يا حكومة المشروع الحضاري أن يكون السودان في أشد الحوجة الى مستفشفى أو مستوصف ولكن بالنسبة لكم بناء المستوصفات والمستشفيات تجارة وحتى لو كان "وقف" كما تدعون. أسئل نفسك يا أمين النفيدي . كم مدينة فقيرة ومعدمة في أنحاء السودان تحتاج الى هذا المستوصف أو المستشفى وحتى لو كان أستثماري كما تخفي أنت ذلك . لماذا حي العمارات بالذات ؟ هل لأنه حي "المقتدرين " على دفع تكاليف العلاج أم حبكم لهم ؟ لماذا أختيار مدرسة وصرح تعليمي عريق عوضا عن أختيار منازل وأنت يا أمين النفيدي مقتدر ماديا لشرائها؟ واضح جدا بأن أمين النفيدي يريد أرجاع الاموال التي تبرع بها لحملة ترشيح الرئيس عمر البشير وهاهو الان ينجح في ذلك. بعدين التصديق ببناء المستوصف نفسه وبغض النظر عن أختيار مدرسة لبنائه أو قطعة فارغة، أليس من حق سكان الحي الموافقة على قيام هذا المستوصف ؟ ولا خلاص القصة جاطت وبقت رشاوي في رشاوي؟ يجب على بقية أفراد عائلة النفيدي الكريمة التدخل لوقف هذا العبث الذي يتم بأسمها.

شوف دينق عنده مشكلة مع شخص محدد هو أمين النفيدي OK

وشوف في الكلام الأخضر دا بيصف عائلة النفيدي بالكريمة

اها البيت والتشهير دا علاقته شنو بالموضوع داك وكتير والبيت دا هسع حق أمين النفيدي ولا حق منو ما معروف الناس بتعرف أنو دا بيت أسرة النفيدي والتشهير هنا بطال الناس الوصفهم بالكرام


الأسلوب يا عبدالمحسن ما كريم وما محترم والتشهير الزي دا بيضر بي ناس كتار ما عندهم ذنب

وحتى يا أخي لو أفترضنا أنه البيت دا حق الشخص الأسمه أمين النفيدي كيف عرف دينق أنه بناه بالجشع وحق الناس

المواجهه بالحجه وكشف الأخطاء وأستخدام والمنطق وأحضار الأثباتات شيء مقبول وكلنا حا نقيف معاه

لكن أسلوب التشهير دا ما صاح وغلط وعيب

الأسلوب دا ساهل جداً وهسع دينق دا بعاني منه شوف الناس قاعدين يقولو ليه شنو كدا كوتات السكر

دا منزل دا يا دينق؟؟؟

ياخ قول فصر...قول منتجع...قول اي حاجة...
منزل دي عدلها سريع قبال سيدو ما يجي
يخلي الجاي والجاي ويتنتح ليك في منزل دي...
ويجهجهك ويشغلك غفير..وتارة اخري جنايني...

قصر زي دا لو عندي...يمين في باقي النهار علا اشرب جبنتي
في البيت الابيض...واتعشي في بكين...

اكيد سيدو بتكون عندو طيارة وسواق...ما تدارعن الناس ديل يا دينق...

معسكر ودالبشير فى امدرمان - 25 كيلو من وسط الخرطوم




وقصور ناس النفيدى

وبعدين ما قلت لينا يا دينق الصور دي من السودان ياتو؟؟؟
الشمالي والله الجنوبي؟؟؟

شخصيا حفظتها...ووريتا لي كل الناس المعاي في المكتب...
ونلت علي لقب Sir

اقول لي الفراش جيب شاي
يقول لي
OK. Sir
اقول لي الخواجه ما بقدر احضر الاجتماع نهاية اليوم يقول
لي As you Like Sir

أما اهل الخليج...فاعتبروا انه طالما في سوداني ومن السودان
البسمعوا بيه دا...وبشوفوا ناسو في نشرات الاخبار وببني بالطريقة
دي فأنا By default
عندي اقصر من القصر دا...وهسي بتعاملو معاي بالطريقة دي...
سيد قصر سيد قصر...

الله يخدر ضراعكم يا سيد القصر ويخدر كي بوردك يا دينق...
اللي كان مرقتنا من نظرة المحل الكنا فيه دا

يا زول لو سمحت شيل صورة معسكر ود البشير دي واحفظا
في هارد دسكك...مالك عايز ترجعنا لي المعسكرات

أها عاين واحد جاب مقارنه بين قصور النفيدي ومعسكر نازحين

ربنا بيرزق عباده زي ما هو عاوز ونعمه بيدها لمن هو عاوز


هسع في زول بيت ما عنده وفي زول عنده عشه وزول عنده قصر وزول عنده عماره وكلهم مشتركين في تقوى الله والسعي الحلال والكد والأجتهاد

الزول الجاب الصور دي هسع ربنا كان فتحها عليه وجاته قروش مش حا يمشي يبني زي بيت النفيدي دا ولا الزول الفي المعسكر زاته كان جاته قروش مش حا يصلح وضعه

لو القصر دا بنته الحكومة لأصحابه يكون في الزعل ولو صاحب البيت دا سرق حق الناس الفي المعسكرات ولا غيرهم برضه نزعل

لكن غير كدا والله مافي تفسير غير حسد بس

لو عملنا مقارنات زي دي حا نلقاها في كل العالم

في امريكا تلقى المشردين يناموا في أسوار وحدائق قصور وياكلو من المعونات وفي اروبا وفي كل العالم في فقراء وأغنياء

بعدين السودان ما بلد اشتراكي والنعمة من رب العالمين وسبحانه الواهب الرزاق وربنا يرزق الجميع ويفتحها علينا وعليهم

الأخ دينق ..
اذا كان هذا المجمع السكنى يخص آل النفيدى فهو وكما قال احد الأخوة المتداخلين يقع على شرق شارع الخرطوم مدنى بقرب السفارة الأمريكية وبالقرب من موقف الشاحنات اما مسألة مدرسة العمارات فما زال الجدال والخلاف حولها دائر بين آل النفيدى الذين يريدون ان يبنوا مكان المدرسة بشارع 37 بالعمارات مستوصف خيرى كما يقولون بأسم المرحوم والدهم((ودى عندنا فيها رأى))وبين مجلس لآباء وسكان العمارات .
يعنى يادينق دى غير دى .
نحن مانايمين يادينق ومفتحين ومصحصحين .

Quote: الزول الجاب الصور دي هسع ربنا كان فتحها عليه وجاته قروش مش حا يمشي يبني زي بيت النفيدي

لا طبعا.............

السودان من اكثر الدول فى افريقيا (وليس العالم) يها تفاوت اجتماعى واقتصادى
وهذا ليس نتيجة لتدخل قوى الهيه، بل نتيجة لسياسة ارضيه قام بها بشر
منذ عام 1992 تحت مسمى الخصصه وتحرير الاقتصاد والتى هى الاكثر توحشا فى افريقيا (ادهشت صندوق النقد الدولى)، وافقرت معظم شعب السودان اكثر من 90%.
وجعلت من يستطيع ان يعمل فى اقتصاد سوق قوامه (خارج نفسك) او fend for your self
موبوتو كان عملها فى زائير (انظر ماذا حدث لدولته).
حيث اخر احصائيات الامم المتحده بالسودان تشير الى ان معظم القوى الاقتصاديه النشطه
تعمل فى الاقتصاد الغير رسمى (80%) ستات شاى، سمساسره، باعه متجولين، ............الخ

سلسلة القصور هذه مملوكة لعائلة النفيدي وهذا معروف

والمعروف كذلك ان هذه العائلة من اغنى العوائل السودانية

والمعروف كذلك ان الثروة التي تمتلكها هذه الاسرة من قديــــم الزمان ولديها استثمارات كبيرة في السودان وفي الكثير من دول العالم

والمعروف كذلك ان هذه الاسرة مشهورة بالاستقامة والاحترام ونظافة اليد

والمعروف كذلك ان هذه الاسرة ذات انتماء ختمي صوفي

والمعرف كذلك عن الراحل بشير النفيدي رب هذه الاسرة انه من رجال البر والاحسان

والمعروف كذلك ان ابنه وعميد الاسرة الحالي امين النفيدي من انجح رجال الاعمال في السودان



والمعروف كذلك انك يا دينق حاقد وحاسد

ولو عايز ربنا يديك زي ما اداهم اشحد ربنا



وخلي الحقد الطبقي الانتا فيهو دا


ومن حكم في مالة فما ظلم الناس احرار في قروشا.. تني بيها بيوت ترميها في البحر مالك ومالم















..

المحترم أحمد أمين


بصراحه إيرادك صور معسكر النازحين ومقارنتها بالبيت ما مفهومه

وسالت

Quote: Quote: الزول الجاب الصور دي هسع ربنا كان فتحها عليه وجاته قروش مش حا يمشي يبني زي بيت النفيدي لا طبعا.............

في الحالة دي أسمح لي أهنئك وأهنيء نفسي لانو فينا نبي ونحنا ما عارفين وزي زهدك دا ما موجود إلا في الأنبياء فقط لكن بينا نحن البشر العاديين ديل مافي والله بنحب الدنيا ونطمع في كل حاجه فيها البيوت السمحه والعربات الفخمة والمجوهرات والاراضي وكل ما يمكن امتلاكه في هذه الفانية ودا طبعنا وربنا خلقنا وبنجعل الحاجات دي اهداف نسعى لتحقيقها لكن الفيصل المهم هو الوسيلة لتحقيقها حلال أم حرام مشروع وعادلة أم ملتوية وظالمه
والأمر في النهاية بيد رب العالمين وهو المقدر يجعل دا فقير معدم ودا غني مترف

معليش يا أخ أحمد أمين

Quote: السودان من اكثر الدول فى افريقيا (وليس العالم) يها تفاوت اجتماعى واقتصادى وهذا ليس نتيجة لتدخل قوى الهيه، بل نتيجة لسياسة ارضيه قام بها بشر منذ عام 1992 تحت مسمى الخصصه وتحرير الاقتصاد والتى هى الاكثر توحشا فى افريقيا (ادهشت صندوق النقد الدولى)، وافقرت معظم شعب السودان اكثر من 90%. وجعلت من يستطيع ان يعمل فى اقتصاد سوق قوامه (خارج نفسك) او fend for your self موبوتو كان عملها فى زائير (انظر ماذا حدث لدولته). حيث اخر احصائيات الامم المتحده بالسودان تشير الى ان معظم القوى الاقتصاديه النشطه تعمل فى الاقتصاد الغير رسمى (80%) ستات شاى، سمساسره، باعه متجولين، ............الخ

ما عارف علاقة الكلام دا بالموضوع شنو وعلاقة الكلام دا برضه بي موضوع بيت آل النفيدي شنو؟

مش كان من الأفضل نتكلم عن التشهير وإيراد ال(كلام ساي)

Quote: ربنا بيرزق عباده زي ما هو عاوز ونعمه بيدها لمن هو عاوز )

ده جابو كلامك الفوق ده...

المحترم أحمد أمين

Quote: ده جابو كلامك الفوق ده...

ما فهمت ياريت تشرح لي بصورة أوضح

القصور لأولاد النفيدي .. يعني مش النفيدي
واولاد النفيدي يمكنهم شراء بيت (عمارة) في العمارات (والاراضيهم فيها ما ليها حد) ويبنو مستوصف ليه مدرسة؟

الذين يصرون على المغالطة لا يصبرون على الرابط الذي كرر انزاله عبدالمحسن (المؤتمر الصحفي)
لماذا الاصرار من طرف اولاد النفيدي اذا مواطنى المنطقة لا يريدون استبدال هذه المدرسة بالمستوصف

اسئلة (بصراحة) لا اعرف ليها اجابة
هل المنطقة الموجود فيها القصور (سكنية ام زراعية)؟
اذا كانت سكنية هل اراضي الخرطوم تسمح بهكذا مساحة لتكون بيت واحد لا يتوسطها شارع .. يعني خارج دائرة خارطة العاصمة؟
واذا كانت زراعية فهل يسمح ان يتم فيها بناء هكذا قصور ومنتجعات بدل (العجور والخس والجرير)؟

لا اعتقد ان قانون الاراضي يمنح مساحة هكذا (بخطة اسكانية) للسكن حتى لو كانت قعط لناس مختلفين تم شراءها بواسطة شخص واحد

العارفين بهذا الشأن افتونا لرغبتي في شراء قطعة ارض 3000 متر مربع وتشييد قصوري عليها قريبا

دينق

بطل حسد.

ودا لو ما عاجبك جيب لينا صورة قصر سلفاكير الفي أستراليا....

وهسي إنت دينق الأغبش دا لو إستوزروك ( ملوك أوزار) في حكومة الجنوب

السجمانة دي، أكيد حتبني ليك قصور بامريكا بإعتبارك مواطن أمريكي

وسياتي حاسد مثلك تماما ويجيب لينا صورة قصورك، فكما تدين تدان.


بسم الله ماشاء الله لكن آل النفيدي ديل ما عندهم قصور وما ناقصهم إلا

أن يبركوا ويشكروا الله سبحانه وتعالى، وربما فعلوا .. وبالشكر تدوم النعم...

السيد محمد حلا

Quote: القصور لأولاد النفيدي .. يعني مش النفيدي واولاد النفيدي يمكنهم شراء بيت (عمارة) في العمارات (والاراضيهم فيها ما ليها حد) ويبنو مستوصف ليه مدرسة؟

نعم ودي أي زول عارفه لانه النفيدي الله يرحمه ويغفر ليه ويرفعه بالجنات ويلهم أبنائه بالتصدق عليه والدعوه ليه بالرحمه والمغفرة وندعو ليه نحنا كمان اللهم أرحم عبدك بشير النفيدي وأغفر ليه وأرحم موتانا وموتى جميع المسلمين

Quote: الذين يصرون على المغالطة لا يصبرون على الرابط الذي كرر انزاله عبدالمحسن (المؤتمر الصحفي) لماذا الاصرار من طرف اولاد النفيدي اذا مواطنى المنطقة لا يريدون استبدال هذه المدرسة بالمستوصف

كلامك دا أمشي قولو هناك في البوست وعلاقة بيتهم وصوره وأموالهم بالموضوع دا شنو ليه اللخبطة يعني

Quote: اسئلة (بصراحة) لا اعرف ليها اجابة هل المنطقة الموجود فيها القصور (سكنية ام زراعية)؟ اذا كانت سكنية هل اراضي الخرطوم تسمح بهكذا مساحة لتكون بيت واحد لا يتوسطها شارع .. يعني خارج دائرة خارطة العاصمة؟ واذا كانت زراعية فهل يسمح ان يتم فيها بناء هكذا قصور ومنتجعات بدل (العجور والخس والجرير)؟

Quote: لا اعتقد ان قانون الاراضي يمنح مساحة هكذا (بخطة اسكانية) للسكن حتى لو كانت قعط لناس مختلفين تم شراءها بواسطة شخص واحد العارفين بهذا الشأن افتونا لرغبتي في شراء قطعة ارض 3000 متر مربع وتشييد قصوري عليها قريبا

عادي في واحد أشترى من الحكومه في كافوري قطعة أرض مساحتها 4000 متر وفي واحد تاني برضه في كافوري اشتري اربعة قطع متجاورات مساحة كل واحدة 700 متر
وهسع انت زاتك ممكن تشيل قروشك في شوال وتمشي لي ناس الببيعوا الاراضي وتقول عاوز كدا وتشتري و
وبرضه لو ممكن تشتري مزرعة وتدفع فرق تحسين ولا شنو ما عارف وتحولها لارض سكنية وعندها أجراءات معينه
وشروط محدده

أسرة الوالد الكريم الفاضل المرحوم المحترم الحاج بشير النفيدي من أكرم الأسر السودانية
والله إنه لعيبٌ كبير هذه المحاولات التشهيرية غير الكريمة بهذه الأسرة الفاضلة،
وهذا المجمّع الشامخ هو ملكية خاصة لكل أبناء وبنات الوالد الفاضل بشير النفيدي
رحمه الله رحمةً واسعة بنوه بحرِّ مالهم وعرق جبينهم وهم الأسرة الراسخة
في الإقتصاد السوداني منذ أزمان بعيدة وتجارتهم المتفرّعة في العالم تسد عين الشمس.
إن كانت هناك قضية تخص مدرسة العمارات ومشروع مستوصف الشيخ بشير النفيدي
(ولي رأي فيها لصالح بقاء المدرسة واختيار مكان آخر مناسب للمستوصف
إن كان هذا خيار سكان المنطقة وأوليتهم في الإحتياج)،
فلماذا إذن هذا الخلط الفادح غير الكريم، هذا شئ وذاك شئ آخر، ولماذا هذا التشهير،
ما علاقة مجمع سكن أسرة الوالد المرحوم الفاضل بشير النفيدي، أبناءه وبناته وأبناءهم جميعاً،
بيوتهم السكنية الخاصة، ما علاقة هذا بتلك القضية التي هي أمام المحاكم والقانون أولى بها؟
ولا ضير في نقاشها بموضوعية في البوست الخاص بها دونما سب وشتم كما جنحت فئة قليلة.
أرجو أن نتقي الله جميعاً وأن نبتعد عن التشهير ومن كان له قضية فمكانها
المحاكم والقوانين وليس التشهير في المنابر العامة لاسرة فاضلة وسكنها الخاص.
التشهير وإشانة السمعة في الولايات المتحدة حيث ترد بعض المداخلات يُحاكَم بالقانون
أيضاً وله كذلك ساحات محاكم.
لا حول ولا قوة إلاّ بالله العلي العظيم.

إنه من المؤسف حقاً أن يأتي الإنسان لبرهة وجيزة بعد فترة غياب لتصفّح المنبر والنقاش الجاد
ليجد هكذا تشهير بأسرة كريمة فاضلة، وهكذا خلط بقضية مكانها المحاكم، وحياة الأسرة الخاصة وسكنها.
رحم الله الشيخ البرعي وكلماته الحكيمة:
ولا تكن حاسداً شخصاً على نعمٍ
سَلِ الإله الذي أعطاهُ يعطيكَ.

Quote: والمعروف كذلك انك يا دينق حاقد وحاسد

.

Quote: والمعروف كذلك انك يا دينق حاقد وحاسد ولو عايز ربنا يديك زي ما اداهم اشحد ربنا وخلي الحقد الطبقي الانتا فيهو دا

الذين يتهمون دينق بالحسادة ويدافعون عن الأسرة الثرية ، يجب أن يعلموا أن دينق موضوعه الأساسي هو إغتصاب مدرسة للأطفال والإستفادة من أرضها .
هذه هي النقطة وهناك من تحدث عن محامي وطلب بإبقاء المدرسة .

الأمر ليس هو حق أولاد النفيدي في بناء القصور فهذا موضوع يدخل في التفاوت بين طبقات الشعب ، وهو كما أرى من كتابة دينق ليس الموضوع الأساسي إلا فيما يقصده من عدم حوجة هذه الاسرة لمدرسة فلماذا تصر على إغتصابها ؟؟؟... الموضوع هو : هل إغتصبت المدرسة لأجل بناء مستوصف لذكرى والدهم أم لم يتم ذلك ؟

هذا ما طرحه دينق فناقشوه فقط .

دينق زاغ ولا شنوووووووووووووووووو


اها يا دينق دي الرشاقة الكتلت اشراقة


ما تستعجل

ناس النفيدي الله يذيدهم لهم برضو في اعمال الخير

موضوع المدرسة لو صح ومن اسرة النفيدي يبقى وصمة عار في جبين الاسرة

الأمر ليس هو حق أولاد النفيدي في بناء القصور فهذا موضوع يدخل في التفاوت بين طبقات الشعب ، وهو كما أرى من كتابة دينق ليس الموضوع الأساسي إلا فيما يقصده من عدم حوجة هذه الاسرة لمدرسة فلماذا تصر على إغتصابها ؟؟؟... الموضوع هو : هل إغتصبت المدرسة لأجل بناء مستوصف لذكرى والدهم أم لم يتم ذلك ؟

هذا ما طرحه دينق
100%

Quote: الذين يتهمون دينق بالحسادة ويدافعون عن الأسرة الثرية ، يجب أن يعلموا أن دينق موضوعه الأساسي هو إغتصاب مدرسة للأطفال والإستفادة من أرضها .

والله قصة غريبة !!

في النهاية أطلع أنا حاسد وحاقد لأنني بدافع على حق الاطفال الذين سرقت منهم مدرستهم بواسطة عصابات الجشع والطمع في السودان !!!

بلاشك أنه الزمن الردئ في السودان . زمن التملق لأصحاب المال وزمن التمسح في أصحاب السلطة .

شكرا لجميع الذين يدافعون عن الحق ولا ينافقون ولا يتهاونون في أنتقاد الظلمة

Quote: الأمر ليس هو حق أولاد النفيدي في بناء القصور فهذا موضوع يدخل في التفاوت بين طبقات الشعب ، وهو كما أرى من كتابة دينق ليس الموضوع الأساسي إلا فيما يقصده من عدم حوجة هذه الاسرة لمدرسة فلماذا تصر على إغتصابها ؟؟؟... الموضوع هو : هل إغتصبت المدرسة لأجل بناء مستوصف لذكرى والدهم أم لم يتم ذلك ؟ هذا ما طرحه دينق 100%

والله قصة غريبة !!

الغريب في الامر هو لفحك للاخبار والامور والنظر اليها بعين الحقد والحسد

في النهاية أطلع أنا حاسد وحاقد لأنني بدافع على حق الاطفال الذين سرقت منهم مدرستهم بواسطة عصابات الجشع والطمع في السودان !!!

اذا لم تكن حاسداً وحاقداً ماهو وجه المقارنه بين المدرسة التي لم تتضح الرؤيه فيها يعد وقصور اسرة النفيدي ولم نسمع من الطرف الاخر بعد!!!!!!!!!!!!!!!!!

بلاشك أنه الزمن الردئ في السودان . زمن التملق لأصحاب المال وزمن التمسح في أصحاب السلطة .

نعم انه زمن المتنضلين امثالك. كل اناءً بما فيه ينضح

نعم انك حاقد وحاسد بتصيًدك لسلبيات من تكره فان كنت فعلاً بدافع علي حقوق الاطفال كما تزعم لماذا لم تكتب عن تجاوزات اخوانا في الحركة لماذا لم تكتب عن الفقر والظلم في الجنوب لماذا لم تاتي بقصور مستحدثي النعمة منهم؟

شكرا لجميع الذين يدافعون عن الحق ولا ينافقون ولا يتهاونون في أنتقاد الظلمة

نعم الشكر لكل مناصراً للحق بالحق وليس بالباطل والتلفيق

يا سيد خلف الله

Quote: الذين يتهمون دينق بالحسادة ويدافعون عن الأسرة الثرية ، يجب أن يعلموا أن دينق موضوعه الأساسي هو إغتصاب مدرسة للأطفال والإستفادة من أرضها . هذه هي النقطة وهناك من تحدث عن محامي وطلب بإبقاء المدرسة .

شوف نحنا بندافع عن الأسره الفقيرة والأسرة الثرية وكل إنسان يتعرض للتشهير زي الحاصل في البوست دا


في بوست مخصوص بالموضوع دا ولو كان دينق دا موضوعه كان يمشي البوست داك يتكلم ويقدم خدماته وما يعرفه ووجهة نظرة


وأهالي العمارات ناس واعين ومحترمين وبعرفوا يدافعو عن حقهم ويطرحو قضيتهم بصورة محترمة بعيده عن التعريض والتطرق للأمور الشخصية والناس البتولوا الموضوع دا لو شافوا البوست ما حايرضيهم فنرجو ما تربطو البوست دا بالقضية

ثم دينق برضه دا ماموضوعه الأساسي أغتصاب مدرسة الأطفال لانو دينق دا لابتهمه مدرسة في الخرطوم ولا في الشمال ودي حاجه معروفة وبجاهر بيها والبوست دا اتفتح والغرض منه التشهير والأنتقام وهو أمتداد لحمله شانيها هو وراجع للم######## الفاتحه حا تلقى أنو دينق دا مستهدف الناس ديل
وهاك دا كمثال
عووك يا ناس أمريكا: البشير يجتمع بالكيزان (تجار المؤتمر... بينهم أمين النفيدي.

والمهم نحنا والقراء كلهم ما غنم ومافي داعي تدافعوا عن دينق بالصورة دي والأسلوب بتاع التشهير دا ما كويس وعيب وبرضو ما تخلطوا الكيمان

Quote: الأمر ليس هو حق أولاد النفيدي في بناء القصور فهذا موضوع يدخل في التفاوت بين طبقات الشعب ، وهو كما أرى من كتابة دينق ليس الموضوع الأساسي إلا فيما يقصده من عدم حوجة هذه الاسرة لمدرسة فلماذا تصر على إغتصابها ؟؟؟... الموضوع هو : هل إغتصبت المدرسة لأجل بناء مستوصف لذكرى والدهم أم لم يتم ذلك ؟

أول حاجه تعال قول لي دينق دا عيب البتسوي فيه دا وأمشي اكتب سؤالك دا هناك في موضوع المدرسة

يا دينق يا مدافع عن حقوق الاطفال .. انت في زول قال ليك اطفال السودان ديل عندهم سكري ..
شوالات السكر دي برضو مش حقهم .. ما تدافع عنهم ضد نمل السكر ..

..
..

علي العموم ارسلنا وفد الي حي الزهور لتقصـي الحقائق ..

Quote: عادي في واحد أشترى من الحكومه في كافوري قطعة أرض مساحتها 4000 متر وفي واحد تاني برضه في كافوري اشتري اربعة قطع متجاورات مساحة كل واحدة 700 متر وهسع انت زاتك ممكن تشيل قروشك في شوال وتمشي لي ناس الببيعوا الاراضي وتقول عاوز كدا وتشتري و وبرضه لو ممكن تشتري مزرعة وتدفع فرق تحسين ولا شنو ما عارف وتحولها لارض سكنية وعندها أجراءات معينه وشروط محدده

الاخ الكريم عبدالعزيز حسين عبدالرحيم ... تحيه طيبه .انت ياأخوى متأكد من كلامك الفوق دا. طلبته منك كذا مره تطلع على بوست مدرسة العمارات ولم تفعل وبتقول انك

Quote: قريت البوست التاني على عجلة

يعنى افهم من كده انك ملم بالمشكله الحاصله طيب رايك شنو فى مشكلة المدرسه ..
وهل انت مع قيام المستوصف وله بقاء المدرسه فى مكانه وعندك الخيار تحتفظ بى رايك اذا حبيت

رغم اننى لا املك قطعة ارض فى المليون ميل مربع ده والحكومة عملت نايمه على حقى
ورغم انى لا اعرف اسرة الراحل بشير النفيدى عن قرب
ولكنى فى الثمانينات كنت ارى منزلهم فى الخرطوم ثلاثة واسمع عن دفق الاحسان الذى لا ينقطع من الراحل وعونه للمحتاجين فى كل انحاء السودان وكما قال احد الاخوة كانت الاسكانيات التى قدمت بواسطتهم وملكيتهم تجوب انحاء السودان

فانا استنكر التشهير بمثل هذه الاسرة الكريمة جدا والسخية والخيرة والتى ملأت سمعتها الافاق بالبر والاحسان زمن الدنيا كانت بى خيرها ....

يارب تبارك ليهم فى ما رزقتهم وترزقنا من حلالك ما يغنينا عن الاخرين ....

دينق ياخوى تروى فى نقل الاخبار والصور كمان

Quote: والله قصة غريبة !! في النهاية أطلع أنا حاسد وحاقد لأنني بدافع على حق الاطفال الذين سرقت منهم مدرستهم بواسطة عصابات الجشع والطمع في السودان !!! بلاشك أنه الزمن الردئ في السودان . زمن التملق لأصحاب المال وزمن التمسح في أصحاب السلطة . شكرا لجميع الذين يدافعون عن الحق ولا ينافقون ولا يتهاونون في أنتقاد الظلمة

كضاب



اتحداك يا دينق تثبت انو ناس النفيدي وضعو يدهم على المدرسة الابتدائية

بعدين انصحك نصيحة يا حبة انصحك انك تسحب البوست دا لأنو بي صراخة الناس ديل ممكن يرفعوا فيك قضية في امريكا ولا في السودان ولاااا فارقة معاهم ممكن لو هم فاضين يجندو ليك جيش من المحامين يأدبك ادب المدايح

الأخ عبدالمحسن


أول حاجه أسمح ابدي لي أستغرابي لمشيك في خط دينق في البوست دا لاني شايف بتكتب بصورة متعدلة ومنضبطه وأتعجبت جداً لمن شفتك ماشي في الموضوع

قد تكون زعلان على موضوع المدرسة ودا من حقك لكن يا عبدالمحسن يا اخوي برضه ما بكون مبرر للهجوم بالصورة دي وكل الناس اتعرضت لي ظلم ومظالم والله أنا مستعد اجيب ليك هسع صور بالقوقل ايرث لارضي استولو عليهاناس ساي كدا ميادين ومساحات فاضية استولوا عليه بطرق غير معروفه

ونحنا كان عندنا مركز صحي صغير في كوبر قامت منظمة بعمل مستشفى مكانه وهو مستشفى الأمل وتم تأجيره لجهاز الأمن حصلت مشكلة الناس سكت حقوقها وجابتها وهسع ناس كوبر كلهم بتعالجوا في مستشفى الأمل مجان
قد أكون معاكم في الموضوع بتاع المدرسة وأطالب معاكم بحقوق الناس لكن ما بسمح الموضوع دا يتحول لأداة للتشفي زي البسوي فيه دينق دا هسع

كنت متوقع منكم ومنك تقولو لي دينق دا اقيف وتشرحو ليه انو الموضوع ما عنده علاقه بي مايملك الناس ولا بحاجاتهم الخاصة بل بتدور في إطار محدد يتم حلها خلاله وتشعبها بوديها لي حتات تانية ويفقدها تعاطف الناس معاها وأسلوب التشهير والتشنيع دا ما نهجكم في الحل والتعاطي


بالنسبة لموضوع الأرضي

ما اكذب عليك القطعة بتاعت 4000 دا كلام السماسرة وبصدقه لانو مرزعة كافوري دي تم بعد ما تم استلامها من المؤسسة العسكرية تم تقسيمها بين الحكومة وابناء كافوري وكان عندهم عدد كبير من الارضي والقطع وباعوها والحكومه نفسها حجزت مساحات كبيرة دون توزيع
اما القطع الاربعة نعم متأكد منهم واشتراهم طبيب مغمور مهاجر في الغرب واشتري في الاول قطعتين واغرى الجيران واشتري منهم اراضيهم واشتري عدد كبير من القطع المجاورة وموكل سماسرة يشتروا ليه اي قطعة معروضه كانت

معليش يا أخوي عبدالمحسن

بالنسبة لسؤالك

Quote: يعنى افهم من كده انك ملم بالمشكله الحاصله طيب رايك شنو فى مشكلة المدرسه .. وهل انت مع قيام المستوصف وله بقاء المدرسه فى مكانه وعندك الخيار تحتفظ بى رايك اذا حبيت

أنا أقيف مع سكان العمارات في أي شيء يختاروه أن وافقوا على أن تظل المدرسة معاهم وأن أختاروا ان يقام المستوصف برضه معاهم فهم أقدر على تحديد احتياجتهم رغم أنو الاثنين مهمات لكن هم عارفين هم عاوزين شنو


اها انا وضحت ليك موقفي ياريت توريني هل انت موافق على استخدام قضية المدرسة كوسيلة تشفي ونيل زي البوست دا ؟

وهل هناك علاقة بين البيت المعروض هنا وموضوع المدرسة ؟

Quote: علي العموم ارسلنا وفد الي حي الزهور لتقصـي الحقائق ..

ههههههههههههههههاى
شر البلية ما يضحك

Quote: الوظيفة: انا زاتي ما عارف بالتحديد شغال شنو

كسار تلج

مجرد اكوام من الجلابه مستهبلين
ود ملاح يقول زي ما بقول دينق يتساب ود ملاح ويتشبكوا في دينق يا حاسد
ويا و...ما عارفه شنو.....!!




وحميده الفارغ الما بعرف الله.....مصر يواصل في الاكاذيب الاتصنعت
بهذا المنبر حول اسة دينق.....


ما كان تبقوا رجال وتيجبوا لينا صور قصور الجنوبي بتاع السكر!!


هذه الصور نشرت هنا قبل اكثر من عامين

ما اتقال لناشرها يا حاسد.....اشمعنى دينق....!!

عزيزي القارئ.

علشان نكشف بعض المواقف الانتهازية والنفعية التي تداخلت في هذا البوست ومدافعة عن الظلم.

الدكتورة سعاد تاج السر هي زوجة الدكتور عبد الله جلاب. وعبد الله جلاب هو رئيس ما يسمى بالمركز السوداني بولاية أريزونا وصاحب هذا المركز هو نفسه رجل الاعمال الذي أستولى على المدرسة الأبتدائية. والمركز السوداني هو مركز مشبوه وخطه يدعم خط المؤتمر الوطني.

أما الكوز الانتهازي فيصل حبيب الله هو أحد مؤسسي ما يسمى بالاتحاد السوداني لكرة القدم بأمريكا. ورجل الاعمال نفسه من الداعمين ماديا لهذا الاتحاد الكيزاني وطبعا دعم رجل الاعمال لهذا الاتحاد هو عبارة عن نكاية في الاتحاد الاخر. لذلك نجد الكوز فيصل حبيب الله يستميت هنا في الدفاع على رجل الاعمال هذا لأنه يدعم أتحاده ماديا .

أنه بلا شك زمن الانتهازية الردئ.

Quote: عزيزي القارئ. علشان نكشف بعض المواقف الانتهازية والنفعية التي تداخلت في هذا البوست ومدافعة عن الظلم. الدكتورة سعاد تاج السر هي زوجة الدكتور عبد الله جلاب. وعبد الله جلاب هو رئيس ما يسمى بالمركز السوداني بولاية أريزونا وصاحب هذا المركز هو نفسه رجل الاعمال الذي أستولى على المدرسة الأبتدائية. والمركز السوداني هو مركز مشبوه وخطه يدعم خط المؤتمر الوطني. أما الكوز الانتهازي فيصل حبيب الله هو أحد مؤسسي ما يسمى بالاتحاد السوداني لكرة القدم بأمريكا. ورجل الاعمال نفسه من الداعمين ماديا لهذا الاتحاد الكيزاني وطبعا دعم رجل الاعمال لهذا الاتحاد هو عبارة عن نكاية في الاتحاد الاخر. لذلك نجد الكوز فيصل حبيب الله يستميت هنا في الدفاع على رجل الاعمال هذا لأنه يدعم أتحاده ماديا . أنه بلا شك زمن الانتهازية الردئ.

أنت انسان مريض وعاجز ليس الا لقد ملى وعمى الحقد بصيرتك وكذلك من يمدونك بهذه الاكذيب هم مرضى و احقر منك لقد ملى الحقد والحسد قلوبكم
أمين النفيدي لم يدعم الانحاد وليس هذه من اهتمامته فهات ماعندك من ادله لكي تثبة للقارئ بانك خلاف ماوصفتك به!!!!!!!!!!

اللهم أن كان في ماقلت زرة من الانتهازية او المنفعة فوفق دينق واعونه في فضح امري وأن كان غير ذلك فحسبي الله ونعم والوكيل

Quote: الدكتورة سعاد تاج السر هي زوجة الدكتور عبد الله جلاب. وعبد الله جلاب هو رئيس ما يسمى بالمركز السوداني بولاية أريزونا وصاحب هذا المركز هو نفسه رجل الاعمال الذي أستولى على المدرسة الأبتدائية. والمركز السوداني هو مركز مشبوه وخطه يدعم خط المؤتمر الوطني.

---
يا لسخرية الأقدار: رغم أننا والحمدُ لله، كذلك المركز السوداني الشامخ، لا نأبه لهكذا ترهات ممن لا علاقة لهم ولا معرفة بنا وبالمركز ولا ينتمون لولاية أريزونا، هذا فقط لتوثيق ما يقع تحت طائلة التشهير، التلفيق، والكذب الضار.

رغم بعدي الحالي عن أريزونا، أعلم تماماً أن المركز السوداني الشامخ قادر على حماية كيانه المنتخب ديمقراطياً وبشفافية (والتي شهدتها بأم عيني وشهدها جميع من حضروا إنتخاباته الديقراطية لسنوات) ،كما أنه قادر على حماية أعضائه الأفاضل إذا لزمَ الأمر. ورغم أن السيد الأخ الفاضل أمين بشير النفيدي من أعضاء المركز المرموقين والداعمين له، إلا إنه ليس مالكاً للمركز، كما يدعي أصحاب الغرض، كما أنه ليس عضواً بلجنته التنفيذية. المركز السوداني المسجّل رسمياً في ولاية أريزونا مملوكاً لإعضائه وقد تفضّل السيد أمين النفيدي مشكوراً بالسماح باستخدام المبنى الحالي لتسيير أعمال المركز مؤقتاً إلى حين أن يتمكن المركز من شراء مبنى خاص به.

عضوية المركز الزاخرة في هذا المنبر لا شك تتابع بقدرٍ من الإشمئزاز وتوثِّق بدقّة!

أحزنني جدا التشهير بأسرة رجل البر والإحسان المغفور له بشير النفيدي واولاده .
هذه الأسرة وصلت إلى ما إليها من غنى بالكفاح وبذل الجهود المضنية .. في منتصف الستينات شاهدت المغفور له عمر بشير النفيدي وهو يساعد والده في تسيير العمل التجاري ، شاهدته وهو يتابع استخراج رخص الاستيراد بوزارة التجارة وفتح الاعتمادات في بنك السودان ومتابعة تخليص البضاعة من بورنسودان ..الخ ، ويتناول الغداء مع والده والعمال في متجرهم الذي يقع بالقرب من موقف باصات السوق العربي ، وشاهدته وهو يقوم بالإشراف على شحن البضاعة على اللواري المتجهة لأقاليم السودان المختلفة. ورغم أنني لم ألتق المرحوم عمر منذ مغادرتي للسودان عام 1970 إلا أنني سمعت بالسيرة العطرة لأعماله التجارية واتساع نشاطه التجاري .

Quote: أحزنني جدا التشهير بأسرة رجل البر والإحسان المغفور له بشير النفيدي واولاده . هذه الأسرة وصلت إلى ما إليها من غنى بالكفاح وبذل الجهود المضنية .. في منتصف الستينات شاهدت المغفور له عمر بشير النفيدي وهو يساعد والده في تسيير العمل التجاري ، شاهدته وهو يتابع استخراج رخص الاستيراد بوزارة التجارة وفتح الاعتمادات في بنك السودان ومتابعة تخليص البضاعة من بورنسودان ..الخ ، ويتناول الغداء مع والده والعمال في متجرهم الذي يقع بالقرب من موقف باصات السوق العربي ، وشاهدته وهو يقوم بالإشراف على شحن البضاعة على اللواري المتجهة لأقاليم السودان المختلفة. ورغم أنني لم ألتق المرحوم عمر منذ مغادرتي للسودان عام 1970 إلا أنني سمعت بالسيرة العطرة لأعماله التجارية واتساع نشاطه التجاري .

الاخ الفاضل جعفر أسماعيل

سلام عليكم ورحمة الله وبركاته

والله هذا ما شهدناهو من اسرة النفيدي سباقين لاعمال الخير اسرة لم أقابل فى حياتى بمثل عطائها وروحهم المتسامحه وسعة صدورهم قمة في الاخلاق والتواضع

جيتي كويس تميها اصلها ناقصاك وعارفك زي دي ما بتفوتيها

Quote: مجرد اكوام من الجلابه مستهبلين ود ملاح يقول زي ما بقول دينق يتساب ود ملاح ويتشبكوا في دينق يا حاسد ويا و...ما عارفه شنو.....!!

ود الملاح لو جا قال كلام فارغ زي دا هنا برضه حا نقيف ليه

Quote: ما كان تبقوا رجال وتيجبوا لينا صور قصور الجنوبي بتاع السكر!!

تراجي أحترمي نفسك وعيب كلامك بتاع رجالة وقلة الأدب دا

بعدين أنتي قايله تصوير بيوت الناس وعرضه ياها الرجالة ولا بنخاف من نعمل كدا يا تراجي لو ياها دي الرجالة أنتي ما كنتي دخلتي البورد دا وكنا طاردنا اهلك ومعارفك وبيوتهم وبشعنا بيهم شيئ صور والباقي نتمه كضب ساي

ولا نقعد نتعاور يعني دينق يجيب صور ونحنا نجيب صور ونتبلى على الناس ونزعجهم ياها دي الرجالة عندك

تطير الرجالة بمعاييرك

Quote: وبقالع في مدارس الغلابة في السودان وداير يحولها الى أستثمار.

عبارة وحدوية جميلة....!