بعد سمك عطبرة - خروج ديدان من ماسورة مواطن بالحاج يوسف

Quote: ذكر مواطنون في انحاء متفرقة من الخرطوم ان نسبة التلوث في مياه الشرب زادت باضطراد ، مرجحين ان تكون سبباً رئيسياً في زيادة حالات الاصابة بالاسهالات المائية وسط المواطنين . وقال المهندس احمد ابراهيم السيد ، احد المتضررين للصحيفة امس ان مناطق الحاج يوسف تعاني من تلوث شبكة المياه لأن مياه الشبكة اختلطت بمياه الصرف الصحي مايجعلها غير صالحة للاستعمال لارتفاع نسبة الطين فيها والروائح غير المالوفة فيها وذكر ان ديدان تنزل من مواسير المياه في الشبكة الرئيسية ما اضطر الكثيرين لغلي المياه قبل الاستعمال . فيما شكل سكان بعض المناطق التي تعاني من التلوث عدداً من اللجان من المجالس الشعبية والمختصين في الجانب الهندسي والصحي بغرض حل المشكلة وايصالها للمسؤلين الا ان مساعيهم لم تجد الاهتمام اللازم بحسب رأيهم .

المصدر http://www.sudaneseonline.com/news.php?action=show&id=22394

يعنى خطةالحكومة بالواضح كدا...
تشترى صارقيل من الحاج يوسف تشرك بيهو فى عطبرة

يععععععععععععععععععععععععععععععععع !!

لا لا لا
المرّة دي جيتني عديييييييل!

أفضى بس!

البوست ده مستهدف اجازة ود الصايم عديييل..
جيب معاك فلترك يا عمك ..

كان الله في عون المواسير !

Quote: المرّة دي جيتني عديييييييل

يازول جيتك بى سنارتى كمان...
وحسن مكاوى اسى بيعمل فى اجراءات المغادرة معاهوالطريفى كمان
غايتو معاوية المدير الله اداو...

Quote: يععععععععععععععععععععععععععععععععع

الكلام دا قوليهو للماسورة

Quote: البوست ده مستهدف اجازة ود الصايم عديييل.. جيب معاك فلترك يا عمك

فلتر بس ياعمك؟؟؟
والله القصة بالجد ماشة كويس

انت خبر السمك والدود دا ما يقع الا تحت عينك انت؟؟



حاجة تحير ّّ!!!

Quote: انت خبر السمك والدود دا ما يقع الا تحت عينك انت؟؟

يا شبكه ,
طبنجه دا اصلن مباري المواسيـر !!

Quote: طبنجه دا اصلن مباري المواسيـر

كلامك دا كان صاح كان اكون فى الفاشر الحين

Quote: الحين

شكلك نضمتا مع زميل البورض امبارح كتير يا عمك !!






يا هلا بالربع .. يا هلا بـ محمد اللي جانا في ذا !!

Quote: شكلك نضمتا مع زميل البورض امبارح كتير يا عمك

هو الرادار ادانى طريقة؟ دى الكلمة الوحيدة اللفحتها

Quote: هو الرادار ادانى طريقة؟

والله يا طبنجه , البتاع دا ذبحنـا ياخ,
المشكله , تضرب بالنهار , يذبحك ابو (..) القاعد جمبو
تضرب الضهر تلقاهو في اللنش
تضرب العصر تلقاهو في السياره راجع على البيت
تضرب المغرب تلقاهو نايــم
تضرب بعد العشاء تلقاهو بيششخشخ من الرادار
تضرب بالليل تلقاهو مشغــول !!

Quote: تضرب بالليل تلقاهو مشغــول

اوع يكون بيغش عليك يقول ليك بيتكلم مع ود الصائم بس؟؟...

Quote: اوع يكون بيغش عليك يقول ليك بيتكلم مع ود الصائم بس؟؟

ود الصـايم بتاع فنيلتك ..؟؟
هو لو ما مشغول معاي زاتوو ما كان بقول مشغول .. هيع هيع هيع

يُرفع للنظر في أمره!

Quote: يُرفع للنظر في أمره!

ينظر شنو ياخ ؟؟
اتوكل جيب معاك شوالين بتاعات شب ابيض وبراميل بلاستيك ..

القال لك بعد عطبرة يا طبنجة - اوبس اقصد ابو احمد -

عاين:

كشفت مصادر طبية بمدينة عطبرة، بولاية نهر النيل، عن ارتفاع مفاجئ في حالات الاصابة بالامراض المنقولة جراء تلوث المياه خلال شهر ابريل المنصرم.
وقالت مصادر بمستشفي عطبرة لـ»الصحافة» انه تم تسجيل 120 حالة اصابة بديدان القارديا ، موضحة ان من بين الحالات اصابات لاطفال رضع لم تتجاوز أعمارهم العام،واشارت الى ان حالات الاصابة ارتفعت الي خمس حالات في شهر مارس الماضي ، مقابل حالتين فقط تم رصدهما في فبراير الماضي.
وعزاء مختصون ارتفاع حالات الاسهالات والاصابة بالقارديا الي نقص كميات المواد المنقية والمعقمة المضافة للمياه، مع وصول كميات كبيرة من المياة الراكدة عبر نهر عطبرة.
وقال مواطنون في احياء مختلفة بالمدينة انهم شاهدوا المياه تخرج من الصنابير ملوثة ولزجة وبها ديدان، وابدت مجموعة من الكوادر الصحية في المدينة تخوفها من ارتفاع حالات الاصابة بالاسهالات والالتهابات المعوية ،وقال مصدر طبي من داخل مستشفي عطبرة ان هناك صعوبات ومشاكل صحية تواجة سكان المدينة خاصة الاطفال ، بعد ظهور حالات الاصابة بديدان «القارديا « وسط الرضع..

صحيفة الصحافة

وقال مواطنون في أحياء مختلفة من مدينة عطبرة انهم شاهدوا الديدان تخرج من صنابير المياه بالمدينة، ويقول المواطن عبد الله الحسن انه شاهد المياه تخرج ملوثة ولزجة وبها ديدان وتقول المواطنة مها عبد المنعم من حي السكة حديد في اتصال هاتفي بـ( الصحافة ) ان اختها الصغيرة التى لم تتجاوز الثانية عشر من عمرها قد اصيبت بمرض القارديا لان مياه الشرب تأتي عبر صنابير المياه بالمنازل وتكون ملوثة وذات رائحة وبها طحالب واجسام صغيرة وان الامر يتكرر في اكثر من مكان في احياء المدينة المختلفة. وذكر احد المواطنين والذي فضل حجب اسمه لحساسية موقعه الوظيفي انهم قاموا بأخذ عينات من مياه الشرب من صنابير المنازل وتم عرضها على مختبرات طبية بالمدينة وثبت تلوثها واحتواإها على الحويصلات والطور النشط من ديدان القارديا.
ويذكر أن كثيراً من المواطنين في عطبرة قد اشتكوا من تلوث مياه الشرب في المنازل في احياء تصلها مياه الشرب من محطة تنقية المياه على النيل وهي احياء امبكول والداخلة والحصايا والسكة حديد والقلعة والسيالة والفكي مدني وجزء من الحي الشرقي وان سكان هذه الاحياء يواجهون خطر الاصابة بالامراض المنقولة بالمياه .
وأبدت مجموعة من الكوادر الصحية في المدينة تخوفها من ارتفاع حالات الاصابة بالاسهالات والالتهابات المعوية وقال مصدر طبي داخل مستشفى عطبرة ان هناك صعوبات ومشاكل صحية تواجه سكان المدينة خاصة الاطفال ، بعد ظهور حالات الاصابة بديدان (القارديا ) وسط الرضع .
ويشير التقرير الصادر عن المعمل القومي في عطبرة والذي اعد بشكل خاص وسري عن حالة المياه في شهر ابريل ان المياه تحتوي على (ova) بويضات وديدان القارديا . .

http://www.alhadag.com/investigations1.php?id=1420

كتب خالد الارباب بموقع عطبرة نت :

حبيبنا ماجد ..
كفارة للوالدة الغالية وإنشاء الله عافية سلامة ..

كما أفيدكم بأنني إتصلت منذ قليل بالأهل بالسودان .. ووجدت أخي حاتم منوم في مستشفى الشرطة من أمس .. مصاب بحالة غريبة من تسمم المياه ( إستفراغ ..وإسهال ) ..
كل مايضعه في فهمه لايمكث في بطنه .. وحتى الآن لم يبلغ بتشخيص دقيق لما ألم به .. وعند إستفساري .. كذلك أهل زوجتي .. تقريباً كامل الأسرة .. مصابه بنفس التسميم ..
إتصلت بعدة مصادر داخل عطبرة .. أفادة أن الوباء سببه تلوث مياه النيل بمياه الصرف الصحي .. وأفادو أن منطقة الزيداب تمت ( كردنتها .. وتفشي بها الوباء ) ..
الأمر ليس وليد اللحظة .. لقد تم دق ناقوس الخطر من قبل ( عندما إنحسرة مياه النيل .. حتى أصبح من الممكن عبر نهر نيل مشياً مقابل القصر الجمهوري ) سوف أتيكم بروابط المواضيع التي تناولت هذه الظاهرة المخيفة ..
كذلك تم التنبيه .. عندما تواردة الأنباء عن تلوث بحيرة سد مروي .. وتفشي الأوبئة بالمنطقة .. ولم نسمع حياً ..
كذلك تحدث المهندس/ المجمر ( في موضوع قيم جداً ) .. وافاد بضرورة وضع فلتر مياه أمريكي في كل بيت .. تفادياً للتلوث الذي سيحدث .. لتوفر الظروف المساعدة ( من قدم مواسير التي تؤدي تسمم كيمائي ... حيث أنها تتفاعل مع المواد التي تضاف في الماء .. وتولد مادة سامة .. تسبب في أمراض الفشل الكلوي ) ..

مايحدث في عطبرة محزن .. ومؤلم .. ( نحن هنا في صحراء نجد ) .. تأتينا المياه سائقة للشاربين .. محلاة كأنها معبة من الفراديس .. نسير في الطرقات .. بين الأزهار وأشجار النخيل .. والخضر التي تسر الناظرين ..
ثم نذهب في إجازة إلى السودان .. يملانا الشوق .. فنجد عطبرة كما هي .. ( 3 شوارع + كم قطعة شارع فشخرة كده مجدعة لزوم الإنتخابات ) .. ثم ماذا ..سايفونات عدوة للبيئة وللإنسان ..
ماء أبيار .. يسبب كثيراً من حالات إلتهابات الكلى .. طرقات تفتقد الجمال ( حتى السودنة شاخة) ..
ثم في عام 2010م .. يخرج الماء ملون ( تخيلوا ) .

عطبرة نت

الفاتح جبرا نقلاً عن عطبرة نت :

نوم شنو ياخى الكهرباء قاطعه من صباحت الله بخير
- إنت فى الكهرباء وإلا فى الموية ؟
- ح تقول ليا الموية متسممة مش كده ؟
- أيوه... قلت أكلمك قبل ما تشربو منها .. إنت الكلمك منو؟
- كلمتنى أختك (نعمات) إتصلت فينى هسع من (الحاج يوسف)
- (حموده فى إندهاش) : بس الخبر ده وصلكم فى (الكلاكلة) كيف يامأمون ؟ شنو الحكاية بالظبط ؟ انتا الشئ السمعتو شنو ؟
- والله الناس عندنا هنا هايجه ؛ وبيقولوا إنو المويه مُسمَّمَه وفى حالات كتيره فى المستشفى
ضع (حموده) سماعة التليفون ؛ وازداد الألم فى معدته ؛ وجلس حائرا لايدرى ماذا يصنع حيث تضاربت الأفكار فى رأسه ؛ كان على يقين من كذب الخبر فلا يمكن أن تتسمم المياه فى كل تلك المناطق البعيده والتى تشرب من (صهاريج) مختلفة وبالتالى (شبكات مواسير) مختلفة ولكن ما لم يفهمه هو الوجود السريع والمكثف لتلك الشركات التى تبيع المياه ومناديل الورق وورق التواليت وكل إحتياجات تلك الأزمة المفتعلة !!
تناول التليفون وهَمَّ بفتح (دليل التلفونات) لمعرفة أرقام المسئولين بهيئة المياه ليستفسرهم إلاّ أنه سرعان ما إبتسم فى مرارة وهو يخاطب نفسه :
- هى البلد دى فيها مسئول عشان يشتكو ليهو أو يستفسرو منو ؟

مقططفات من مقال ساخر سبيل.الفاتح جبرا...الرابط أدناه..

ضع (حموده) سماعة التليفون ؛ وازداد الألم فى معدته ؛ وجلس حائرا لايدرى ماذا يصنع حيث تضاربت الأفكار فى رأسه ؛ كان على يقين من كذب الخبر فلا يمكن أن تتسمم المياه فى كل تلك المناطق البعيده والتى تشرب من (صهاريج) مختلفة وبالتالى (شبكات مواسير) مختلفة ولكن ما لم يفهمه هو الوجود السريع والمكثف لتلك الشركات التى تبيع المياه ومناديل الورق وورق التواليت وكل إحتياجات تلك الأزمة المفتعلة !!
تناول التليفون وهَمَّ بفتح (دليل التلفونات) لمعرفة أرقام المسئولين بهيئة المياه ليستفسرهم إلاّ أنه سرعان ما إبتسم فى مرارة وهو يخاطب نفسه :
- هى البلد دى فيها مسئول عشان يشتكو ليهو أو يستفسرو منو ؟


http://atbara.net/forum/index.php?topic=8912.60

وبعد دا كلللو تاملوا في الخبر دا:

Quote: الخرطوم: أماني إسماعيل أعْلنت وزارة الصحة الاتحادية عن مُوافقة حكومة السودان على دعم مستشفيات جمهورية أفريقيا الوسطى بـ (5) غرف عمليّات جراحية مُتكاملة بتكلفة بلغت (150) مليون دولار، تلبية لحاجة أفريقيا الوسطى. ووقف فرانسوا بوزيزيه رئيس جمهورية أفريقيا الوسطى أمس، على تجربة السودان في توطين العلاج بالداخل والنقلة التي أحدثها في تطوير الخدمات العلاجية والتشخيصيّة وإسهامات الدولة في تخفيف معاناة المرضى وتقليل تكلفة العلاج، وَتَفقّد أقسام الأشعة المقطعية والرنين المغنطيسي وأقسام الأطفال حديثي الولادة وغرف التنويم بمستشفيات البقعة العلاجي والتشخيص والتوليد بأم درمان.وطلب بوزيزيه لدى زيارته للمستشفيات برفقة د. تابيتا بطرس وزيرة الصحة الاتحادية نقل هذه التجارب لبلاده، ودعا لإرسال فريق طبي متكامل لتقييم الوضع الصحي والإسهام في تدريب الكوادر الطبية المختلفة، ودعم وتأهيل البنية التحتية للمستشفيات بأفريقيا الوسطى.

http://atbara.net/forum/index.php?topic=8912.105

والله مش تطلع ديدان بعد شوية يطلع ليكم كراي عديل من المواسير

محمد عوض ... وما عايز أقول (طبنجه) .. عشان أول مره اتداخل معاك فيها وكده ...

تحياتي وتقديري ...

شوف يا حبيبنا ماسورة جيرانا بتجيب زيت عديييل ... يالله يا حبيب باقي ليك العيش بس وتكون الحكاية اكتملت ...

غايتو جنس مواسير ....

الله يدي العافيه بس ....

مع خالص تحياتي وتقديري ،،

اول امبارح شميت ريحه جــاز في المطبخ ..
البت (أمينه) قالت لي : دالللييا مويه ما كويس , كتير كتير بعدين اسفر بعدين ريحه جاز !!


جارنا (عمو عبدرالحمن) مشى لي ناس المويه ولا اسمهم شنو ما بعرف ,
قالو ليهو : ما تلاوز يا عمك ! اول امبارح عملنا صيانه للمكنات , بيكون في حبه جاز وزيت كدا جلا بس !!

أول نجيضة:

Quote: بعد سمك عطبرة - خروج ديدان من ماسورة مواطن بالحاج يوسف

المفروض تقول ماسورة (منزل) مواطن!
عشان الأمور ما يكون فيها شبهة وكـدا!


إنتو دايرين تحاسبو المواطن على الخارج من ماسورتو كمان!

بعدين الديدان دي ما تمرق بالطريقة المريحا ليها!
دا كلام شنو دا كمان!!

كـدي حدد لينا في الأول
ماسورة مواطن .. ولّ ماسورة منزل مواطن؟
عشان نجيب عدة الشغل وكـدا!

اذا كان لمن تفتح الماسورة لازم تقفل نخرك


مسكينة الديدان ما تخرج ليه؟

الطريفى انت بتجيب لينا فى المصادر ليه؟
ماتقول انت وسنارتك فى عطبرة وكان الله يحب المحسنين..
وبعدين انت الدلعت الحكومةدى توزع فى القروش يمين وشمال
والناس هنا يحلبوا المواسير حلب للموية وبعد دا تجيب حاجات تانية
دى حاجة تجنن ياقدع

ود الصائم
كدى انت ورينى فى بوست السمك زُغت من تفسير العادم ليه؟؟

ادريس
عادى ياخ...محمد عوض ولا طبنجة كلو ماشى بس انت اختار الما بيعورك

داليا
لو اتصلتى على مسؤل عادى ممكن يعمل ليك زى ادروب بتاع اللبن
يقول ليك شوية جاز من الجنتير كبينا

احمد ابراهيم
فى دى صدقت ياعمك

كدي خلينا من العام هسي
ماسورة المواطن دي شنو؟

مداخلتك دى انصرافية وتدعو
لتشتيت مغزى البوست











ــــــــ
ياعمك الناس اتقدمت وصلتما ما بعد المواسير
انت لسةماسك فى الماسورة؟؟
شوف الطالع منها ياخ... واكب واكب

ياود الزين شيلتك بعد ده الا تزيد عليها اجهزة تنقية او من العدم كرتونتين مياه صحية ...




طبنجة ...سلامات ..

أخ محمد عوض
أولاً الرابط الجبتو ده ماشغال
وسبحان الله قبل ماأفتح الرابط كنت متوقع الحته دي
لأنو الكلام ده لو كان حصل في السبعينات مثلاً كنا نقول معليش يمكن الصارقيله نفدت بي صوره أو بأخرى
لكن إطلاقا ماسمعت بي زول جاتو صارقيله بالماسوره

شغل التأليف ده بتتقبض بيو بتتقبض بيو

Quote: شغل التأليف ده بتتقبض بيو بتتقبض بيو

سبحان الله تانى...
يعنى لو ألفتة القصة برضو ممكن أألف ليك لينك عشان انت تجى تقول لى مابيفتح؟؟
وبعدين حتى لو جربتة اللنكات التانية فى البوس وابت تفتح مامشكلة...
اصلآ البوست اولآ واخيرآ مواسير ليس الا...










ود الصائم
ـــــــ
الزول دا داير يشمٍت فينى الطريفى وحسن مكاوى
اودى وشى وين بعدما الناس دى دقت خروج؟؟







ود القاضى
ـــــــــ
ليك وحشة والله

Quote: شغل التأليف ده بتتقبض بيو بتتقبض بيو

صورة الخبر من الصحافة :







صورة الخبر في رماة الحدق :









ــــــــــ
اييييه حليلك يا وهبة الدايم الله النقوم علي مباراة الكاميرون تنفعنا في يومنا دا ..

يللا يا محمد فرح...
نشوف وشك بخير...















ــــــ
عظم الله أجرك اخى حيدر الزين
ولا نامت اعين المؤلفين

Quote: كان الله في عون المواسير !

والله اليومين دول الشغل كلة مواسير فى مواسير

ود الصائم

النجيضة ياود الصائم تزل اجازة بوايت 18 متر مكعب (6) تبرتك بدل البرادو ابو 70 مليون

ليه ياخ؟؟
مش احسن يملا البرادو دا موية صحة يجيبا معاهو!!
ولا يطلع عندها جمارك كمان تبقى عوجة

Last Updated: Tuesday, 6 September 2005, 19:55 GMT 20:55 UK



Water company fights worm problem



Lesley Gutteridge spotted the larvae in the baby's bath water
Severn Trent says it hopes it will get rid of a midge larvae infestation at one of its treatment plants in Leicestershire by this weekend.
Many residents spotted the tiny worm-like creatures in their household water supplies.

The company said it had had around 230 complaints - and admits 30,0000 homes across the county may be affected.

An investigation is currently underway and employees are doing all they can to flush the worms out.

So far Severn Trent is investigating reports from homes in the south of the county, including Oadby, Wigston, Glenfield and Leicester city centre.


Officials say chironimids are not harmful to humans
Lesley Gutteridge, from Braunstone, noticed the creatures when she was bathing her 10-week-old son James.

"I couldn't believe how many were swimming around in the bath... I noticed they were all in our drinking water in our cups and glasses.

"So I realised that we'd probably been swallowing them as well and I felt sick. You feel just disgusted knowing that you've been drinking worms in the water and that the baby had them all wriggling around him in the bath."

It is understood the chironimids - or midge eggs - got into the water supplied from the Staunton Harold reservoir, and the outbreak has been traced to the Melbourne Water Treatment Centre right next to it.

Oxygen starvation

The water company says they pose no risk to human health.

David Wickens, of Severn Trent, said: "We've not seen anything like this in the Leicestershire area for many years - probably in excess of 10 years.

"We had no advance warning that it was coming and so it's taken us quite by surprise but we think we're on top of it now.

"We think the process we've got here, which is basically to starve them of oxygen by taking these tanks out of commission for a period of days will sort the problem out."

Severn Trent said it would continue to flush pipes out on all streets where these worms have been found.

But meanwhile householders are advised that, in they do find anything unusual in their water, to run their taps for 15 minutes and contact the water company.

التحيه اليكم جميعا .. وقال ليكم :

أصصصصصصصصصصصبروا !!


وانت يا (ماسوره) (طبنجه سابقا) قال ليك المولد دا حاول مددو عشان يلحق انشالله آخرو !!

Quote: But meanwhile householders are advised that, in they do find anything unusual in their water, to run their taps for 15 minutes and contact the water company.

يعنى ياكوستا اذا كانت الماسورة اول مافتحوها
جابت صير وديدان امال بعد 15 دقيقة تجيب شنو؟؟

يعنى لوعندى خط موية 2 بوصة اتوقع اصلة!!!

Quote: يعنى خطةالحكومة بالواضح كدا... تشترى صارقيل من الحاج يوسف تشرك بيهو فى عطبرة

الخطة فشلت يا ماسورة بعد تقارير ود الزين الجابها.
نحن عايزين نصدر الصارقيل بتاعنا عشان سمكنا
بيجي بالماسورة تووووووش وبيتراقص كمان.

اغرب حاجة في الموضوع إنو الدود جاء نازل
بكل ادب وإحترام، مع إنو الدود شيمته الرقص!!!

Quote: الخطة فشلت يا ماسورة بعد تقارير ود الزين الجابها. نحن عايزين نصدر الصارقيل بتاعنا عشان سمكنا بيجي بالماسورة تووووووش وبيتراقص كمان

والله لكن ايامك يامدير
انا بقترح انو ود الصائم دا يجيب البرادو
ونشتغل بيهو ديليفرى للولايات

المراقبه لصيقه .. اعلموا حسابكم ..!!
قال مواسير قال !!

يعني يا طبنجه بعد ده تشيل صحنك وتمشي على الماسوره وتأمرها بكل عنجهية (حلوه عنجهية دي مش؟) .. واحد بيض عيون وصلحو ...

مواسير الهنا يا عمك .. حد لاقي ...

Quote: يعني يا طبنجه بعد ده تشيل صحنك وتمشي على الماسوره وتأمرها بكل عنجهية (حلوه عنجهية دي مش؟) .. واحد بيض عيون وصلحو ...

واديك نجيضة كمان...
عوضية سمك ماشة تفتح فى عطبرة دا خبر مفروض نلحقوا البوست بتاع السمك الفات..
لكن خبر الليلة انو تمبس حيكون الكاشير على حس انو موردابى وبلديات
فبنصحكم بتحسين العلاقات الايام دى معاهو