Post: #1
Title: كُج المطوِّل ... (لعناية هارون دياب)
Author: محمد البشرى الخضر
Date: 06-13-2010, 08:02 AM
والله يا أبو أمنية مما قريت بوستك بتاع المسمار الأخير شنو ما عارف كدا عرفتها طوالي
يا عمك دا حظ المطوِّل معقول ما سمعت بيه
حريف الوست لو جا لي طربيزة جديدة عليه بسأل زميلو آخر مرة لعبت متين؟ لو لقاه طوّل بستأذن و يتخارج لأنو السيك في الحالة دي متحمداه متحمداه
وما سمعت بي قصة جنابو الأدوه اسبوعين بس إجازة بعد تلاتة سنة عمليات
جا لقى الجزرة حالّة دي راح فيها اسبوع و الاسبوع التاني نسيبتو جاتهم زيارة و قومي أعيي و أرقدي عندهم
قومن يا بناتها و أخواتها تعالن بشفعكم و اتكسروا عندهم لمن الإجازة خلصت رجع وشّو ينعل قفاه..
يا عمّك حظ المطوّل في الكورة بالذات سرّو باتع
جرّبتو في روحي السنة الفاتت, قول لي كيف؟
طبعا زبطت ليك الإجازة بحيث تغطّي عيد الأضحى و الكورتين - نهائي الممتاز و نهائي الكاس
طبعا أخوك مطوّل و خرمان زي خرمتك دي وأكتر , آخر شوفتي لاستاد الهلال اظن سنة 2003
اول شي قوم يا شداد أخّر الكورتين بحجة العيد مرقت من كورة كاس السودان ببنط , قلت ما مشكلة بنحضر زعمطة الممتاز وأصلنا شايلنه
فالكورة ح تكون قزقزة وكدا
وقلت يمكن نظرية كج المطوِّل تجلّي المرة دي ولاّ حاجة
فإذا بنا نترش بمسمار كلتشي و زاد الطين بلّة ان كورة كاس السودان و التي غادرت البلد صباحها و حضرتها في التلفزيون
دقيناكم فيها دق العيش بقونين سادومبا , اتأكدت هنا أن نظرية الكج ما بتجلّي ولا بتخلّي حقها
فيا عمّك كفارة و تاني أعمل حسابك
|
Post: #2
Title: Re: كُج المطوِّل ... (لعناية هارون دياب)
Author: omer osman
Date: 06-13-2010, 09:08 AM
Parent: #1
 ونحن يا ودالبشري الما مطوُلين ديل مصيبتنا شنو ؟ كل يوم نتزعمط واعصابنا تبوظ ......... الكورة دي بالذات كنت واثق منها شديد لدرجة انو دخلت مقصورة رئيسية بي 100 جنيه والله العظيم قعدت ليك في كرسي جلد فاخر قصاد خط السنتر قلت من هنا بشوف قون الشوط الاول بتاع العجب وقون الشوط التاني بتاع ميدو ............. وعينك ما تشوف الا النور وربنا يعوضنا في الـ 100 جنيه بالله الواحد لو كان مشي اتعشي بيها في امواج ما كان احسن ....... والغايظني ليك زيادة شنو بعد الغلب ده المقصورة حجارة تفلع بيها مافي ....
|
Post: #3
Title: Re: كُج المطوِّل ... (لعناية هارون دياب)
Author: محمد البشرى الخضر
Date: 06-13-2010, 09:31 AM
Parent: #2
ياعمك عادي ما تضايق ليها قدر دا , كورة و بتعدي
أنا داير أشيّل ليك هارون إحساس بالذنب مع وجع الغلب العليه حسادة مني ساي
_________________________
قلت لي داير تفلّق من القصورة 
إنت يا معلم قصة صفوة دي ما شايلها معاك ولاّ كيف؟
|
Post: #4
Title: Re: كُج المطوِّل ... (لعناية هارون دياب)
Author: omer osman
Date: 06-13-2010, 09:34 AM
Parent: #3
Quote: قلت لي داير تفلّق من القصورة
إنت يا معلم قصة صفوة دي ما شايلها معاك ولاّ كيف؟ |
ياعمك صفوة شنو ؟ غايتو الكورة جوه الاستاد تسمع كلام المشجعين تلقاهو كلو مشخت ########## زي منبر بكري
|
Post: #5
Title: لعنايـه ود البشــرى ..
Author: داليا الكباشى
Date: 06-13-2010, 10:13 AM
Parent: #4
عليك الله اعمل لينا (اسابيع البورد) وبطل الكلام البلا طعمي دا !!
|
Post: #6
Title: Re: كُج المطوِّل ... (لعناية هارون دياب)
Author: أبو ساندرا
Date: 06-13-2010, 10:14 AM
Parent: #4
Quote: وما سمعت بي قصة جنابو الأدوه اسبوعين بس إجازة بعد تلاتة سنة عمليات
جا لقى الجزرة حالّة دي راح فيها اسبوع و الاسبوع التاني نسيبتو جاتهم زيارة و قومي أعيي و أرقدي عندهم
قومن يا بناتها و أخواتها تعالن بشفعكم و اتكسروا عندهم لمن الإجازة خلصت رجع وشّو ينعل قفاه.. |
أضحكك الله ماتبقى من عمرك المديد وأسعدك
اليوم بدأ معاي عاضي جدآ
والسكري في العلالي
قلت الندخل المنبر يا ريحنا وإرتحنا
يا كمان رفع السكري ومعاهو الضغط وإنتقلنا وريحنا و إرتحتو
وحظي ماكان زي كج المطول
لقيت سواتك الفوق فهدرت بالضحكة
وتم تعديل كل القياسات
شكرآ ياخ
|
|