Post: #1
Title: هل تورطنا في تشجيعك يا مريخنا العظيم ؟
Author: اساسي
Date: 06-12-2010, 08:04 AM
لست من عشاق الحلم بالعودة الي الطفولة , ولكن انت يا مريخ من جعل هذا الحلم يرافق خيالنا ومبارياتك الخارجية والداخلية المهمة , اصبحنا نحلم بالعودة الي الطفولة ليسهل لنا بسهولة عند الاستيقاظ صباحا ان نقول بكل بساطة انا الليلة بشجع الموردة واستيقظ غدا لاقول انا اليوم اشجع فريق النيل وهكذا الواحد بسهولة ممكن يقول ليك الصباح انه هلالابي والعصر تعيد عليه نفس السوال يقول ليك بقيت مريخابي , لا التزام كبير ولا احد يعير ذلك اهتماما , ولكن كيف لنا ان نفعل هذا الان ! منحتنا في الفترة الاخيرة يا مريخ السودان العظيم احساسا باننا قد تورطنا في تشجيعك , فلا فرح اصبح يعم الديار ولا بهجة انتصار اصبحت ترافق نشاطاتك , فريق يملتك امكانيات مادية بحجم دولة ولا يملك فريقا يفرح حارة !!
كل الفرق الاخري تبهج مشجعيها من بين الفينة والفينة الا اننت يا مريخنا العظيم اصبحت تصوم عن منحنا الفرح حتى كدنا ان ننسى انه من حقنا ان نفرح , ماذا ينقصك يا مريخ لتقصر فينا كل هذا التقصير؟ حتى الهلال الكسيح المتهالك من بين كل تلك الاحباطات المتوالية عليه خسارة في بورتسودان وخسارة في كادوقلي الا انه شق عليه ان يختتم الدورة الاولي من الممتاز ودموع جماهيره منسابة فتفوق علي ذاته المنهزمة ومنح جمهوره ما يسعده ويعيد الامل لهم بعد ان بدأوا يقنطون من الدوري الممتاز لهذا العام لفارق التسعة نقاط المتوقعة هاهم يطمعون في التتويج وامالهم اكبر منك يا مريخ وانت تسبقهم بثلاث نقاط , اي احباط اصبحت تهدينا اياه يا مريخنا العظيم ؟
رغم علمنا في كثير من المرات بصعوبة التبجح الا اننا كنا نفعله من اجلك يا مريخ فنطلق السنتنا لاذعة علي امل ان ينستر معها لاعبينا الا انهم كانوا يساهمون في لذعنا , كنا نجتهد في منح فريقنا التفاؤل والامل الا ان فريقنا اصبح يدوام علي منحنا الاحباط .
هل يا مريخنا العظيم طموحاتنا وامالنا اكبر من امكانياتك؟
ادمنت الصيام كثيرا يا مريخ وصبرنا كثيرا فمتي تكون عند حسن ظننا وتتمثل اشواقنا العراض ؟
ــــــــ
بسببك يا مريخنا العظيم الواحد فينا موبايله بقي (زي كوشة الجبل) من كمية الرسائل الشامتة الغير خاضعة لمعيار. هلا ساعدتنا برد ولو جزء يسير من تلك الرسائل.
|
Post: #2
Title: Re: هل تورطنا في تشجيعك يا مريخنا العظيم ؟
Author: عمران حسن صالح
Date: 06-12-2010, 08:07 AM
Parent: #1
| Quote: كمية الرسائل الشامتة الغير خاضعة لمعيار. |
أحيييييييييييي يا مصاريني
الشاف صاحبي ود الصايم جا خيمتو ما كذب
|
Post: #3
Title: Re: هل تورطنا في تشجيعك يا مريخنا العظيم ؟
Author: محمد عبد الماجد الصايم
Date: 06-12-2010, 08:11 AM
Parent: #2
حي ووب
حي ووووووب!
في الحرم يا كبير!
|
Post: #5
Title: Re: هل تورطنا في تشجيعك يا مريخنا العظيم ؟
Author: tmbis
Date: 06-12-2010, 08:16 AM
Parent: #3
بي صراحة يا جماعة ..
ياخ انا بقرا في الكلام دا .. بعد ما انتهيت .. لقيت ليك .. تررر دموعي جرن .. 
..
إنتو بالمناسبة:
الكورة انتهت كم .. كم ..؟
|
Post: #4
Title: حمدلله على سلامه العوده , وزيـاره الحرم النبوي مبروكه يا أخ أساسي ..ما حضرتا الكوره موش؟؟
Author: داليا الكباشى
Date: 06-12-2010, 08:13 AM
Parent: #1
|
Post: #6
Title: Re: حمدلله على سلامه العوده , وزيـاره الحرم النبوي مبروكه يا أخ أساسي ..ما حضرتا الكوره موش؟؟
Author: اساسي
Date: 06-12-2010, 08:21 AM
Parent: #4
عارف المشكلة شنو ؟
المشكلة ما فيك انت وبس او تمبس او عمران او نوبي او ود البشري , المشكلة في الرشاشة القاعدة معاي جوة البيت ؟؟؟
لسؤ الحظ الشديد , يوم المباراة كنا في المدينة المنورة , وللاسف الشديد اضررت ان ابقي جوالي مع اساسية وذهبت لاصلح جوالها وعدت فقالت لي : محتاج انت يا اساسي للنظر بجدية في قوائم اصدقائك الذين تتواصل معهم عبر sms !! دا شنو البرسلو فيهو دا؟
وتعال اتخيل لي بعد داك رسائل جاياك من ود البشري ومن ود الصايم ومن تمبس ومن نوبي ؟؟
انتو ما عندكم اخوان اصغر منكم تمثلوا ليهم غدوة؟
|
Post: #7
Title: Re: حمدلله على سلامه العوده , وزيـاره الحرم النبوي مبروكه يا أخ أساسي ..ما حضرتا الكوره موش؟؟
Author: tmbis
Date: 06-12-2010, 08:29 AM
Parent: #6
| Quote: كنا في المدينة المنورة |
.. جيب لينا شهادة سكن .. أو جيب (اتنين) شهود.. المرة الفاتت قلت كنت في الصناعية .. فوتناها ليك .. المرة دي ماف طريقة تفويت .. | Quote: محتاج انت يا اساسي للنظر بجدية في قوائم اصدقائك الذين تتواصل معهم عبر sms !! دا شنو البرسلو فيهو دا؟ |
.. رجع ليها الجوال تاني .. عشان نعمل فوور وورد لي رسايلكم .. آخرها ما يتعلق بالاسماعيلي
ما كمان إنتو صفوة قاعدين تعلمونا اي حاجة ونحن قاعدين نرجع ليك في رسايلكم بس 
اقوليك حاجة:
إنت ابه ما تعمل لينا جوال اصدقاء .. افتحو بس يوم كورة هلال مريخ بالليل .. يعني كل كورة نحن نقعد نساكك فيك وتلفونك مقفول .. وتاني يوم تجي تبكي لينا هنا دا
|
Post: #8
Title: نصيحه اخت الى اخيها اساسي واختها اساسيه ..
Author: داليا الكباشى
Date: 06-12-2010, 08:29 AM
Parent: #6
Quote: محتاج انت يا اساسي للنظر بجدية في قوائم اصدقائك الذين تتواصل معهم عبر sms !! دا شنو البرسلو فيهو دا؟
|
يلا عشـان جنس دا,
اختكم (دلـوش) لا تفتح رسائل زميل البورض ابدن ابدن,
مهمها كانت الظروف ومهما كانت الملابسات ,
الرسايل البيشوف زميل البورض انو داير يوريني ليها ,
بيعمل لي منها سي سي ..
اما انا فلا أجـرؤ ابدن ابدن على فتح الانبوكس , حتى لو جرس الرساله دا علق في راسي سنه !
معقوله انا افتح الرسايل عشان القى التحف بتاعتكم دي ..!! أنا ناقصـه !!
|
Post: #10
Title: Re: نصيحه اخت الى اخيها اساسي واختها اساسيه ..
Author: nazar hussien
Date: 06-12-2010, 08:34 AM
Parent: #8
هههههههههههههههههههههههههه:
ادينا نمازج من الرسايل دي يا اساسي...
عشان نشوف...المعيار فيها شنو؟؟؟
|
Post: #11
Title: Re: حمدلله على سلامه العوده , وزيـاره الحرم النبوي مبروكه يا أخ أساسي ..ما حضرتا الكوره موش؟؟
Author: محمد عبد الماجد الصايم
Date: 06-12-2010, 08:34 AM
Parent: #6
حنّنتي والله!
حنكـ بيش!
بيش شديد كمان!
هسي فرقكـ شنو من أبو حروف كبيرة؟
|
Post: #9
Title: Re: هل تورطنا في تشجيعك يا مريخنا العظيم ؟
Author: الوليد عمر
Date: 06-12-2010, 08:32 AM
Parent: #1
....
| Quote: هل يا مريخنا العظيم طموحاتنا وامالنا اكبر من امكانياتك؟ |
لا لا ياخ ، ما كدا يا أساسى ،
المريخ عظيم ولكل جواد كبوة و أملنا فى بكرة كبير،
تداعياتك دى براها هزيمة ، و وحاتك إتا يا الغالى
و جعتنى فى قلبى أكثر من القونين ،
كدى إتشهد و إستغفر و خلى أملك فى المريخ و ثقتك فى التأريخ.
أرفع رأسك فوق ، إنت مريخابى ياخ.
و الأفراح قادمة بإذن الله.
....
|
Post: #12
Title: Re: هل تورطنا في تشجيعك يا مريخنا العظيم ؟
Author: معاوية محمد الحسن
Date: 06-12-2010, 11:30 AM
Parent: #9
معقول يااساسي
ياخى الانهزموا من هلال كادوقلى وحى العرب ماقالوا كدة
دى اول هزيمة فى الممتاز بعد واحد وخمسين مباراة متتالية .
فعلا الغلب من الميت بزعل لكن ده حال الكورة
مصر غلبت ايطاليا بهدف حمص (اى حمص ياود الصائم بتعرفوا ولا مابتعرفوا)
ماتهتم لرسائل الرشاشات دى لذة هلال مريخ
ابنى الصغير اتعلم كلمة زوووط من قراءة رسائل اصدقائي الرشاشات
نسوى شنو هم ماصفوة
|
Post: #13
Title: Re: هل تورطنا في تشجيعك يا مريخنا العظيم ؟
Author: وليد محمد المبارك
Date: 06-12-2010, 11:47 AM
Parent: #12
شيلوه الضُل يا جماعة
_________
يا اسس اسمها لعبة كرة القدم
لعبة يا معلم لعبة
زيها زي الوست والهارت والكونكان
ما تديها اكتر من حقها
|
Post: #14
Title: >>>>>>>>>>>>>>>>>>>>>>>>>>>
Author: Amira Elsheikh
Date: 06-12-2010, 12:26 PM
Parent: #13
.
|
Post: #15
Title: Re: >>>>>>>>>>>>>>>>>>>>>>>
Author: طارق الكوتش
Date: 06-12-2010, 12:49 PM
Parent: #14
وحاة الله بقيتوا تحننوا
يخس عليك يا كاريكا
|
Post: #16
Title: Re: >>>>>>>>>>>>>>>>>>>>>>>
Author: حذيفه ابراهيم الكباشي
Date: 06-12-2010, 01:01 PM
Parent: #15
الذين يحبون المريخ فائزا ويبغضونه خاسرا يحبون الفوز ولا يحبون المريخ
..
|
Post: #17
Title: Re: >>>>>>>>>>>>>>>>>>>>>>>
Author: علاء الدين يوسف علي محمد
Date: 06-12-2010, 02:05 PM
Parent: #16
|
Post: #18
Title: Re: >>>>>>>>>>>>>>>>>>>>>>>
Author: محمد الطيب يوسف
Date: 06-12-2010, 02:23 PM
Parent: #17
ساسا باليود يمين كورتك فكت
الللووووووووووووووووووول لول لول ليا
|
|