Post: #1
Title: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 10:13 AM
Parent: #0
يعني يا كيكي الناس ديل لو كانو قرو البوست بتاعك الشهير بتاع الرفع المساحي داك كان خلوا ليهم ماسورة قدر الضربة تشيل ليها اربعة انفار بدقونهم
مفتوحة كده في السهلة؟؟
كوبر ده رمز من الرموز السودانية العتيدة و الكيزان كالعادة فرطوا فيهو زي ما فرطوا في بقية السودان.
هسه عليك الله المناضلين و قيادات المعارضة بياتو وش تاني حيعتزوا بتجارب اعتقالهم في كوبر؟
و كيف نعتمدوا كاكبر صك على التضحية و الاقدام؟؟
ياخي الواحد ممكن بعد كده يخجل عديل لو ودوه كوبر!
|
Post: #2
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 10:16 AM
Parent: #1
و اغنية اصبح الصبح نوديها وين مع المواسير الفاتحة على الشارع دي؟
|
Post: #3
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 10:21 AM
Parent: #2
القذافي لو كان عارف حكاية المواسير دي ما كان كلف نفسه و جا حضر المسرحية العملوها زمان ديك بتاعت تهديم جدران السجن و شوية الحركات المصاحبة ليها
و كان وفر القريشات الصرفها عليها.
|
Post: #4
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: محمد الكامل عبد الحليم
Date: 06-11-2010, 03:02 PM
Parent: #3
تحية يا د- سيف--الهروب وارد حسب نظرية الاحتمالات- لكن وفي نفس سياق نظرية الاحتمالات قد يكون الامر تم بتدبير من جهات متوافق فكرها مع فكر الفاعلين--وفي السياق نفسه وفي ظل معالجة الشأن العام بفكر امني كما يحدث في كثير من المعالجات التي يقوم بها النظاميبدو ان التنسيق لحدوث ما حدث قد يخدم واقع ما او قد يصرف الاهتمام او الانظار عن واقع معين حسب بعض نظريات التفكير الامني السياسي ومن ناحية اخري يبدو ان قصر النظر او سياسة رزق اليوم باليوم او استخدام حالة الالتباس بغرض تمرير الاجندة قد لا يجدي علي المدي الطويل
نعيش لنري لاحقا ونيمع عن نظرية مجاري الصرف الصحي--ولك مودتي
|
Post: #5
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 06:10 PM
Parent: #4
سلامات استاذنا ود الكامل
اتفق معك في كل ما قلت و من المؤكد أن للأمر خفايا ستكشفها الايام لاحقا.
|
Post: #6
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: على تاج الدين على
Date: 06-11-2010, 06:43 PM
Parent: #2
Quote: كوبر ده رمز من الرموز السودانية العتيدة و الكيزان كالعادة فرطوا فيهو زي ما فرطوا في بقية السودان.
هسه عليك الله المناضلين و قيادات المعارضة بياتو وش تاني حيعتزوا بتجارب اعتقالهم في كوبر؟
و كيف نعتمدوا كاكبر صك على التضحية و الاقدام؟؟
ياخي الواحد ممكن بعد كده يخجل عديل لو ودوه كوبر! |
ههههههههههههههههههههه| Quote: و اغنية اصبح الصبح نوديها وين مع المواسير الفاتحة على الشارع دي؟ |
يا عمنا سيف السودان ده شكلو طلع كل (مواسير) مع العلم انى ما حبذ استخدام هذه
الكلمة(ماسورة) لكن اغنية اصبح الصبح دى نوديها وين مع المواسير الفاتحة...تكتل بالضحك
ههههههههههههههههههههه.
|
Post: #7
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: عبدالكريم الامين احمد
Date: 06-11-2010, 06:54 PM
هلا يا ابو السيوف ويادوبك والله شفت بوستك ده...
ونداء الوطن حبابو الف ولكن بشروطه وتعقيداته
1- تزبيط الامور في كوبر دي مقاولة وشغل براااهو ومقبول
2- تزبيط الشغل في المجاري والصرف الصحي في اطار الدولة السودانية دي شغلة برضو عندها شروطها الكيكية
--------------
1-تزبيط كوبر
لو نادوني الناس ديل بكرة دي بشيل بقجي والقطرية جاك بلا صوب السودان... وداير لي بس بوكلين وكم عامل يومية
وبعد جمعة جمعتين كوبر ده ازبط ليهم احسن مجاري في العالم ذات مقدرة علي تسريب وتهريب وبنظام الي كمبيوتري لن يتخارج منه الا المناضلين والشرفاء والاخوة المعارضين...
ولكن اي مجرم وقاتل وحرامي وفاسد لمن يخش في المجاري البعملها انا الخرطوم كلها حتسمع اصوات الكواريك التي ستحدثها المجاري
كانذار مبكر....
وشرط اساسي اخر
لو عثمان كبر وكل رهط المواسير ما كانو من نزلاء كوبر وانا بمارس في شغلي المساحي فعلي الحكومة ان تعتبر هذا الاتفاق لاغي
|
Post: #8
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: عبدالكريم الامين احمد
Date: 06-11-2010, 07:03 PM
Parent: #7
| Quote: و اغنية اصبح الصبح نوديها وين مع المواسير الفاتحة على الشارع دي؟ |
مفروض حكاية وردي بتاعة (السجن ترباسو انخلع) تتحول فورا الي
السجن ماسورو انخلع تحت دقون الارهبة
|
Post: #9
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: عبدالكريم الامين احمد
Date: 06-11-2010, 07:18 PM
Parent: #8
الجزء الاساسي في مقاولة تزبيط مجاري (كوبر) هو ان الكونترات لازم يكون مربوط بصرف صحي لسجن (شالا ودبك) وكل السجون السودانية بما فيها سجن الرجاف...!!
ولو عملو لي (اكسترا) كونترات لبيت بيتين من بيوت الاشباح برضو بكونو ما قصروا معاي كمقاول صروفات صحية للسجون اجنبي لوووول
_________________
كل السجون والبيوتات السيئة السمعة دي هي مستحقة تماما لخدمات صرف صحي اساسية تتيح لكل الابرياء والشرفاء والمغضوب عليهم في الارض السودانية بالمخارجة والهروب عبر بوابات صرفية صحية امنة ولكنها لا تتيح للحرامية من اكلي اموال الشعوب والمجارمة الرعاديد بالخروج
فقد نصمم بوابات ومناهيل الصرف الصحي (عبر اليات بيولوجية معقدة)...
----------
|
Post: #10
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 07:19 PM
Parent: #8
| Quote: السودان ده شكلو طلع كل (مواسير) |
غايتو زي ما قال الشاعر يا شيخ علي:
مواسير البلد زادت.
في عهدكم الميمون اتحولت البلد لماسورة كبيرة و لا حول و لا قوة الا بالله.
|
Post: #11
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-11-2010, 07:28 PM
Parent: #10
Quote: وبعد جمعة جمعتين كوبر ده ازبط ليهم احسن مجاري في العالم ذات مقدرة علي تسريب وتهريب وبنظام الي كمبيوتري لن يتخارج منه الا المناضلين والشرفاء والاخوة المعارضين...
ولكن اي مجرم وقاتل وحرامي وفاسد لمن يخش في المجاري البعملها انا الخرطوم كلها حتسمع اصوات الكواريك التي ستحدثها المجاري
كانذار مبكر |
سلامات يا هندسة
متابعين معاك خطة الشبكة العجيبة لكن اعمل حسابك انو الجماعة حيختلفوا معاك من قولة تيت حيث انهم حيكونوا طالبين مواسير على مقاسهم.
غايتو الا تديهم مقلب و بعد ما تتفق تغير في المواصفات.
|
Post: #12
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: Hani Arabi Mohamed
Date: 06-11-2010, 07:33 PM
Parent: #11
أولا: أسجل وأعيد إدانتي لحادث مقتل الأمريكي البرئ جرانفيل وأدين كل الأعمال الإرهابية
ثانيا:
- هل يأتي هروب هؤلاء في إطار صفقات ما قبل الاستفتاء وسيتم التغاضي عنه كما تم التغاضي عن ذات الخجّة ؟
- هل هناك جهة داخل الحكومة ساعدت أو تغاضت عن الهروب؟
- هل هناك جهة تريد إحراج الحكومة ولخبطة وفاقها المؤقت مع بعض الجهات ، وقامت هذه الجهة بالمساعدة في الهروب لهذا الهدف ؟
- هل الحكاية هي مجرد صفقة مادية في إطار ضيق أدت إلى هروب المساجين
- هل الرواية الحكومية صحيحة ؟
- هل هناك فصول في القصة لم يعرف بها الشارع العام من حيث التوقيت والطريقة ؟ فوصول الخبر إلى صحف الصباح التي تطبع منذ المساء يشير إلى أن الخبر ربما حصل في وقت مبكر أو في يوم سابق حتى ....
- هل لهزيمة المريخ أمام الهلال أي علاقة بالهروب ؟
-
|
Post: #14
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-16-2010, 11:41 PM
Parent: #12
اهلا يا هاني
في انتظار الاجوبة على اسئلتك اعلاه.
|
Post: #13
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: عبدالكريم الامين احمد
Date: 06-11-2010, 07:37 PM
Parent: #11
| Quote: حيختلفوا معاك من قولة تيت حيث انهم حيكونوا طالبين مواسير على مقاسهم. |
هلا يا سيف
غايتو بطريقتهم لو جنحو للاختلاف لكن بمواسيرهم الانية دي بكرة بعد بكرة ارهابي من الارهابين المالين البلد دي
بكتل ليهم امريكي كبيررررر ومهم في الخرطوم دي ويتخارج عبر مواسيرهم الموجودة دي...
ونبقي في وااي وااي ويا مارينز لا
ويا FBI لا...
وساعتها انا بررررررررره 
|
Post: #15
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: معاوية عبيد الصائم
Date: 06-17-2010, 05:02 AM
Parent: #13
سيف
ازيك
ياخ مفروض يجى واحد من مترددى فندق كوبر يكلمنا شويه عن كوبر
بعد التحديث والصرف الصحى
عشان نقول كوبر بلا جردال؟
كوبر لاهاى نفس الحال
غايتو ياسيف 0لو ربنا سهل ليك
اختار دبك ولا شالا
كوبر لالالالالالا
|
Post: #16
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-19-2010, 03:28 AM
Parent: #15
Quote:
اختار دبك ولا شالا
كوبر لالالالالالا |
سلامات يا معاوية و منور و الله
تنفع شاعر يا زميل. الاقتباس الفوق ده ممكن يكون مطلع اغنية كاربة .
|
Post: #17
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: عبدالكريم الامين احمد
Date: 06-19-2010, 08:47 AM
Parent: #16
هلا يا سيف واخر التقليعات القريتها في امر الناس دي وضحكتني شديد تفيد بان الناس ديل حفروا نفق في عمق 5 متر وطول 40 متر..
يعني حتي الطول والعمق تم تحديدهم..
وغايتو لو ده فعلا حصل انا ما بقدر اقول بغم تاني وعلي الحكومة الاستعانة بالناس الهربو ديل وتيمهم المساعد
لاصلاح العمل الهندسي في السودان وضخ حراك تقني جديد ...
..
نفق زي ده يا سيف التراب البطلع منو يعمل جبل بكرت علي قولة السطلجية
والموية المتوقع تطلع منو لقربه من النيل ممكن تروي مشروعي السوكي ومشروع ام جر الزراعي...
|
Post: #18
Title: Re: اطالب الحكومة بالاستعانة بالباشمهندس كيكي لتظبيط المسائل.
Author: سيف النصر محي الدين محمد أحمد
Date: 06-21-2010, 02:07 AM
Parent: #17
Quote: نفق زي ده يا سيف التراب البطلع منو يعمل جبل بكرت علي قولة السطلجية
والموية المتوقع تطلع منو لقربه من النيل ممكن تروي مشروعي السوكي ومشروع ام جر الزراعي |
يكونوا استعانوا بالجن المسلم؟؟
|
|