Post: #1
Title: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: أشرف محمد الباقر
Date: 06-11-2010, 02:00 AM
.
أولاً أود أهنئ كل شعب الهلال الأوسع إنتشاراً فى الأرض بالإنتصار الكبير والمستحق على فريق نجمة المسالمة.
وتتواتر الأنباء فى نيويورك عن جرسة الجماعة وفراشم بجامع الإحسان بقيادة الأعزاء صلاح عوض ونصرالدين كديس وأستاذنا الفاضلابى وسمعنا إبراهيم عدلان حردان الأكل من أمبارح. نحزر كل محبى الهلال من عدم الإقتراب من الجماعة ديل عشان إحتمال يكونوا شايلين حجار فو جيوبم والحذر واجب!!! وحكاية الحجار دى ماظريفة والله.. يعنى شنو إتغلبتم!! لاهى أول مرة ولا أخر مرة .. قال صفوة قال!!!
إنتصر الهلال وأفرحنا وأسعدنا نحن وكل عشاق الموج الأزرق المنتشرين فى أنحاء الأرض. نعم إنتصر الهلال لأنه أحترم خصمه وأعد لاعبيه بصورة أفضل وفعلاً لكل مجتهدٍ نصيب. فريقنا كان بأمس الحوجة لهذا الإنتصار ليرفع الروح المعنوية لكل شعب الهلال العظيم بدءً بالمحبين ومروراً بالإدارة واللاعبين.
أما عن رأى الفنى ومن وجهة نظر مشجع عاشق للكيان حتى النخاع وحد الوله أقول المباراة كانت عبارة عن عكٍ كروى فى أحيان كثيرة من زمن المباراة .غياب للجمل التكتيكية والتدريبية ولكن خبرة اللاعبين ودوافعهم النبيلة كانت الدافع الأبرز للإنتصار وقد كان.
نود بأن نرى فريقاً هلالياً شرساً ومكتمل الصفوف ويلعب الكرة السهلة الممرحلة. فريقاً تخشاه وتهابه الفرق محلياً وخارجياً لتحقيق الغاية الأسمى الكأس الإفريقى بإذن الله.
لتحقيق غاياتنا يجب على الجميع أقطاباً ومشجعين مساندة ودعم النادى مادياً وفكرياً بتفعيل عضوية النادى كأولِ الغيث. نتمنى على الإدارة الهلالية تفعيل وتسهيل إجراءات العضوية داخل وخارج السودان لتعم الفائدة.
نمنى النفس برؤية أثرياء الهلال يتقدمون الصفوف للدعم المادى والفكرى وخاصة فى فترة التسجيلات التكميلية والتى يحتاج فيها الفريق للإحلال والإبدال ولإكمال بعض النواقص المهمة والمهمة جداً لتصحيح المسار.
وفعلاً الخيل الحرة بتجى فى اللفة. عاش الهلال العظيم...
الله الوطن الهلال
والكلام كمل....
أشرف الباقر
.
|
Post: #2
Title: Re: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: سيف الدولة كامل
Date: 06-11-2010, 02:20 AM
Parent: #1
حبيبنا \أشرف الباقر ,,, زعيم الاهله في مقاطعة البرونكس
مليون مبروك يا زعيم فوز سيد البلد علي النجم الافل بدري.
الجماعة تلفوناتهم مقفولة الحاصل شنو؟ في نيويورك مقفولة
وفي الخرطوم مقفولة ,,, حالتهم صعبة , سيد البلد هيبة وفعلا
الخيل الاصيلة بتلاقي في اللفة,, خصوصا لفة العرضة جنوب حلوة.
مليون مبروك ..وهاردلك للحبابيب المرادهم ماتم.
معزتي
|
Post: #3
Title: Re: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: أشرف محمد الباقر
Date: 06-12-2010, 01:15 AM
Parent: #2
..
أستاذنا العاشق للموج الأزرق: سيف الدولة كامل
تسلم ياحبيب وربنا يكتر أفراح عشقنا الهلال العظيم...
ولكن المرحلة الجاية دايرة شغل شديد وإنشاءالله الجاى أحلى..
أما حكاية التلفونات الما بتترفع داخل وخارج السودان بقت واضحة وماظريفة. يعنى شنو إتغلبوا ... قال صفوة قال...
.
|
Post: #4
Title: Re: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: ابراهيم عدلان
Date: 06-12-2010, 01:36 AM
Parent: #3
عنتر كتلو اعمي
و المريخ البقي يلبس اخدر دا ذاتو ما مريخنا البنعرفو
المريخ ربنا يفك اسرو بتعرفو براااااكم
و البلقي الهوا بضري عيشو
حليل المريخ يابا
مع تحياتي للدكتور و بلغوا الكلام الفوق دا
سلام مربع للرشاشة الطاهر و آخرين
|
Post: #5
Title: Re: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: مجدي نقد
Date: 06-12-2010, 05:56 AM
Parent: #4
الاخ أشرف سلامات
مبروك للهلال ..
| Quote: نود بأن نرى فريقاً هلالياً شرساً ومكتمل الصفوف ويلعب الكرة السهلة الممرحلة. فريقاً تخشاه وتهابه الفرق محلياً وخارجياً لتحقيق الغاية الأسمى الكأس الإفريقى بإذن الله. |
الكلام الفوق دا اسهل منه نحتله امريكا و نجيب الرئيس اوباما و نحاكمه في الخرطوم..هه.يا اخي بصراحة مستوى مخجل للفريقين!!
|
Post: #6
Title: Re: الف مليون تريليون مبروك لشعب الهلال العظيم والخيل الحرة لاقت الجماعة فى اللفة
Author: أشرف محمد الباقر
Date: 06-15-2010, 01:37 AM
Parent: #4
.
الأخ إبراهيم عدلان:
تحياتى
والله لمن الواحد يشوف الكورة الفى كاس العالم والتطور المستمر للدول المشاركة يتحسر على حال الكرة أو العك الكروى فى السودان..
تخريمة :
الوالد يهديك السلام.. الأخضر دة لون ناس النيل وشمبات وتوتى و قاليك ياحليل المريخ .. ونشوفكم يوم الأحد إنشاءالله..
والسلام موصول من الطاهر الخيام وكل أهل البرونكس..
.
|
|