الهلالاب مسختوا لي فرحتي ... وحليل أيام زمان

كنت يوما ما هلالابيا على السكين واليوم صرت هلالابي قشرة بل أحيانا لا أهتم بالكورة نفسها لكن الشيء الذي ظل متأصلا في ومحتفظا به هو أنني لا أطيق المريخ والمريخاب والسبب بقولوا ليكم لاحفا علما بأن أعز أصدقائي مريخاب لكن دائما أطلق عليهم السدنة لأن كل العسكريين الذين طغوا وتجبروا وأذاقوا شعب السودان الأمرين كانوا مريخاب .. المهم ما علينا هذا موضوع آخر ...

منذ سنين لم أشهد كورة سودانية على التلفزيون وآخر عهدي بدخول الكورة في الأستاد كانت في استاد الخرطوم في العام 1965م من القرن الفائت وأنا طالب في المدرسة الوسطى وكانت المباراة بين الهلال والموردة ... الهلال يقوده جكسا والموردة نجمها اللامع عمر عثمان وانتهت المبارة التي هطلت الأمطار في نصف شوطها التاني بفوز الهلال واحد صفر ومنذ ذاك الوقت لم ادخل أي استاد إلا في نيالا حيث كنا نحضر منافسات الدوري بحكم اننا اعلاميين ... حضرت اليوم مباراة هلال مريخ فرايت العجب العجاب .. دافوري عديييييييييييييييييل ... لا لمسات فنية لا ابداع ... لا لا لا ..ولكن رغم ذلك فرحت لنصر الهلال عشان أقطع لسان أصحابي المريخاب وهنا أرجع لما ذكرت حول انني لا أطيق المريخاب والسبب الرئيس أن لي ابن عم مريخابي لا يجلس في مجلس إلا ويحوله إلى ساحة سجال بين الهلالاب والمريخاب وأبن عمي هذا شفاه الله وعافاه من أمراض كثيرة ألمت به واقعدته كان لا يرتاح في مجلس لا تأتي فيه سيرة المريخ وأنادائما اقول له كرهتنا في الكورة وكهرتنا في الرياضة وفي هلال مريخ رغم فارق السن بيني وبينه .

أما موضوع طرشقت فرحتي المسخها لي الهلالاب فقددخلت إلى سودانيزأونلاين بعد هذا النصر ظنا مني أنني سأحقق سبقا ضحفيا وجهازي كان مفتوحا ومنشن شديد على نهاية المباراة فإذا بي أفاجأ بسبعة بوستات حسوما تهلل لفوز الهلال ... يا أيادي الله ..

سأل الراحل طه حمدتو ليه لما جناح الهلال يرفع الكورة ويستلمها جكسا بصدره بتكورك قوووووون قبل ما جكسا يوشت قال ليهم خلونا أنا والله الحكم لما جكسا يستلم الكورة بي صدره بيجري على دائرة السنتر طوالي قبل ما جكسا يشوت .

وحليل أيام انت النهار ده ما سبت انت اسبوع بحاله .

أبو قصي

الف مبرووووك ياابو قصي

الله يبارك فيك يا أشرف .. بس مستوى الكورة عندنا بقى يشفق وطبعا الكورة لا تنفصل عن باقي أوضاعنا التي تعلم ..

أبو قصي

Quote: كانت في استاد الخرطوم في العام 1965م

عييييييييييييك ..الرجعك ليها شنو نحن دايرين نقلع عن التشجيع

من زمن لكن طوالي الهلال مملطش المريخ فتذيد الخرمة للكورة

Quote: ظنا مني أنني سأحقق سبقا ضحفيا وجهازي كان مفتوحا ومنشن شديد على نهاية المباراة فإذا بي أفاجأ بسبعة بوستات حسوما تهلل لفوز الهلال ... يا أيادي الله ..

ياعمك ديل بجيبو ليك خبر القون قبال اللعيبة تنزل الميدان

الواحد بكون مجهز عنوان البوست..قوووووووووووووووووون

بس بعد داك يكتب الاسم ..هسه أمس الدعيع من فك الكورة

في الشفوت البكونو كتبو قوون قبل تصل كاريكا..





مع تحيات