Post: #1
Title: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-10-2010, 01:55 PM
Parent: #0
حذر من تأثيرات سالبة على نمو الاقتصاد
د. صابر: الانفصال سيؤدي لفقدان (30%) من إيرادات نفط الجنوب.. المالية تقترح تسريع اكتشاف بترول الشمال وزيادة الجهد الضريبي
الخرطوم: عبد الرؤوف عوض - صلاح محيى الدين
قدرت جملة الفاقد الإيرادي حال انفصال الجنوب من الخزينة العامة بـ (6.7) مليارات دولار أي بنسبة (33%) من إيرادات الخزينة العامة، وكشفت ندوة «الأوضاع الاقتصادية في السودان في حال الانفصال»، التي نظمتها دائرة الأبحاث الاقتصادية والاجتماعية بوزارة العلوم والتكنولوجيا مساء أمس، عن جملة الآثار السالبة على الميزانية حال الانفصال، المتمثلة في حدوث عجز بالموازنة في السنوات الأولى، وشدد المتحدثون على أهمية تبصير المواطنين بآثار الانفصال في الدولتين.
وقال د. صابر محمد حسن محافظ البنك المركزي - بحسب رأيه الشخصي - إن هنالك ثلاثة خيارات الآن تجاه خيار العملة «الجنيه»، منها استمرار الدولتين في التعامل به تحت اتحاد نقدي موحد وفق تنسيق السياسات فيما بينهما لفترة أطول، والخيار الثاني هو اختيار إحدى الدولتين الجنيه والأخرى تبحث عن عملة جديدة، مشيراً إلى أن الدولة الأم تختار العملة الرئيسية في مثل هذا الخيار، والخيار الثالث هو أن تتجه الدولتان لاختيار عملات جديدة غير العملة المتداولة، واصفاً ذلك بالخيار الصعب والمكلف.
وقال إن انفصال الجنوب سيؤدي إلى فقدان إيرادات البترول بنسبة تفوق الـ (30%) من الحقول المنتجة في الجنوب، وأشار إلى أن ذلك سيؤثر سلباً على نمو الاقتصاد، إلا أنه قال إن الفقدان لا يمثل أكثر من نسبة (10%) من الناتج الإجمالي المحلي، وأبان أن قطاع المالية العامة سيتأثر هو الآخر، وأشار إلى أن حصيلة البترول تشكل (45%) من إيرادات الدولة، وقال: إذا لم تقم الدولة باتخاذ اجراءات سيكون هنالك عجز في الموازنة. وشدد على ضرورة تبصير المواطنين وعدم تقليل الأثر كما حدث في الأزمة المالية العالمية، إلا أنه قال إن أثر الانفصال أخف قدراً من آثار الأزمة المالية العالمية. ودعا صابر إلى ضرورة إيجاد المعالجات بتفعيل الصادرات غير البترولية وترشيد الانفاق وتوجيه الموارد وتحديد الأولويات بعناية فائقة واتخاذ سياسات راشدة وتوجيه الموارد نحو الأولويات للخروج من المرحلة التي وصفها بـ «الحرجة» خاصةً السنوات الأولى. وقال الشيخ محمد المك وكيل وزارة المالية الأسبق، إن جملة الفاقد الإيرادي حال الانفصال ستصل الى (6.7) مليارات جنيه أي بنسبة (33%) من إيرادات الخزينة، إلا أنه قال إن إجمالي الصرف على حكومة الجنوب من الموازنة العامة يصل الى (4.5) مليارات دولار في المشروعات والمفوضيات والخدمات أي بنسبة (22%) من الإنفاق، وقال إن صافي الفاقد سيصل الى (2.45) مليار دولار. وعدد الآثار المحتملة في مجالات الديون الخارجية وقضية المياه والبنيات التحتية المشتركة. ودعا المك لضرورة زيادة الجهد الضريبي والاعتماد على وسائل فعالة للتمويل مثل اصدارات الصكوك والسندات وترشيد الانفاق العام والتمويل الخارجي واقناع الجنوب بالاستمرار في الشراكة لعائدات البترول لحين إكمال بنياتهم التحتية، وطالب بضرورة الإسراع في اكتشاف النفط بالشمال.
من جانبه أكد د. محمد يوسف مصطفى القيادي بالحركة الشعبية بأن الوحدة ممكنة بشرط أن يعترف الشريكان بالتعددية التي ستؤدي بهما إلى بر الأمان، ونفى ما يتردد بأن أعضاء الحركة متفقون على الانفصال، وقال في ندوة سياسية أمس، بالنادي الدبلوماسي بالخرطوم: (لا أحد يدعي ذلك لأنه إن حدث ستنعزل الحركة، وستنقطع من أطراف البلاد المختلفة وستفقد تحالفاتها في الشمال مع السياسيين)، وأضاف: ستضيع مكتسبات وحقوق نيفاشا الضخمة، وسيؤدي ذلك لحالة من التخلف والفشل في الطرفين.
_____________________
الرأي العام
|
Post: #2
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-10-2010, 02:12 PM
Parent: #1
Quote: المالية تقترح تسريع اكتشاف بترول الشمال وزيادة الجهد الضريبي
|
زيادة الجهد الضريبى ايها القذر!
طيب موش مسلمين والزكاة ربع العشر يعنى اتنين ونصف فى المية فقط ليه الضرائب تاخزوا جمارك عربات مية فى المية لتكسبوا عشرة اضعاف ما يكسبه المصنع الذى قام بصنعها!
طيب وليه اكتشاف بترول موش كفاية تطبقوا حد واحد من حدود الله خير من ان تمطروا اربعين خريفا !
جنى
|
Post: #3
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد فرح
Date: 06-10-2010, 02:13 PM
Parent: #1
بدون شك الإنفصال ستكون له مساويء إقتصاديه للطرفين شمال السودان وجنوبه
لكن يادينق مساويء الانفصال بالنسبه لجنوب السودان أسوأ وأمر
فالجنوب سيكون دوله مغلقه بدون موانيء وستعانون الامرين في تصدير البترول وإذا قمتم بإستئجار خطوط نقل البترول بالشمال فستفقدون 70% من إيرادات النفط .
|
Post: #4
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: عمر التاج
Date: 06-10-2010, 02:17 PM
30% بس
صابر ده بتاع بلي ولا شنو ؟
|
Post: #5
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-10-2010, 02:33 PM
Parent: #4
Quote:
بدون شك الإنفصال ستكون له مساويء إقتصاديه للطرفين شمال السودان وجنوبه
لكن يادينق مساويء الانفصال بالنسبه لجنوب السودان أسوأ وأمر
فالجنوب سيكون دوله مغلقه بدون موانيء وستعانون الامرين في تصدير البترول وإذا قمتم بإستئجار خطوط نقل البترول بالشمال فستفقدون 70% من إيرادات النفط . |
دى العقلية البتخلى الناس تركب راسها!
مالك ومالهم حل مشكلتك انت وسيبك من الوصاية !
يا اخى ممكن ينهال الدعم عليهم والاستثمارات ويعملوا قواعد امريكية واسرائيلية ويشجغو السياحة والاستثمار انت صحراء بيوضة والعتمور وامتداد الصحراء الكبرى وسلسلة جبال البحر الاحمر دى حتعمل فيها وبيها شنو!
دولة الجنوب على الاقل تمتلك عقلية قبول الاخر بالفطرة بعكس عقلية الشمال الشوفينية المنغلقة الاقصائية التى سيكون مصيره الانتحار فى الاخر!
جنى
|
Post: #6
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-10-2010, 02:41 PM
Parent: #5
Quote: زيادة الجهد الضريبى ايها القذر!طيب موش مسلمين والزكاة ربع العشر يعنى اتنين ونصف فى المية فقط ليه الضرائب تاخزوا جمارك عربات مية فى المية لتكسبوا عشرة اضعاف ما يكسبه المصنع الذى قام بصنعها!
طيب وليه اكتشاف بترول موش كفاية تطبقوا حد واحد من حدود الله خير من ان تمطروا اربعين خريفا !
جنى |
جني أنت طبعا عارف الكلام ده مقصود به المغتربين كأول هدف .
بالمناسبة يا جني . أنت ما داير لك كفيل جنوبي؟
|
Post: #7
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-10-2010, 02:43 PM
Parent: #6
Quote: بدون شك الإنفصال ستكون له مساويء إقتصاديه للطرفين شمال السودان وجنوبه
لكن يادينق مساويء الانفصال بالنسبه لجنوب السودان أسوأ وأمر
فالجنوب سيكون دوله مغلقه بدون موانيء وستعانون الامرين في تصدير البترول وإذا قمتم بإستئجار خطوط نقل البترول بالشمال فستفقدون 70% من إيرادات النفط |
محمد فرح .
لا عودة مرة أخرى للحرب لا عودة مرة أخرى لدولة الاستلاب ولدولة البارتيد الواحدة، حتى لو كلفنا ذلك كل البترول . مافي أغلى من ثمن الحرية .
|
Post: #8
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-10-2010, 02:44 PM
Parent: #6
| Quote: بالمناسبة يا جني . أنت ما داير لك كفيل جنوبي؟ |
جنوبى الهوى!
ما عنكم لوترى!
جنى
|
Post: #9
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: doma
Date: 06-10-2010, 02:49 PM
Parent: #6
| Quote: بالمناسبة يا جني . أنت ما داير لك كفيل جنوبي؟ |
لوووووووول يا دينق ما تنسانا يا اخي
انا وجني عايزين جنسيات وباسبورتات عدييييل
|
Post: #10
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-10-2010, 02:53 PM
Parent: #9
Quote: لوووووووول يا دينق ما تنسانا يا اخي
انا وجني عايزين جنسيات وباسبورتات عدييييل |
حبيبتنا دومة.
أنتي طبعا ما عندك أي مشكلة تعيشي في الجنوب وأمورك ممكن تكون سالكة كويس.
|
Post: #11
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-10-2010, 04:53 PM
Parent: #10
Quote: حبيبتنا دومة.
أنتي طبعا ما عندك أي مشكلة تعيشي في الجنوب وأمورك ممكن تكون سالكة كويس. |
ولد دااا !
اليسمعك يقول حترجع جوبا السنة الجاية!!
يا اخوى من عاشر قوما اربعين يوما صار منهم وانتوا اكتر من اربعين سنة!
حليها فى الصين بتاعتها يا اخوى انتوا امر اض الشمال كلها احدتوا العدوى بتاعتها!
جنى
|
Post: #12
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Nasr
Date: 06-10-2010, 06:04 PM
Parent: #11
| Quote: واتخاذ سياسات راشدة وتوجيه الموارد نحو الأولويات للخروج من المرحلة التي وصفها بـ «الحرجة» خاصةً السنوات الأولى. وقال الشيخ محمد المك وكيل وزارة المالية الأ إن جملة الفاقد الإيرادي حال الانفصال ستصل الى (6.7) مليارات سبق،جنيه أي بنسبة (33%) من إيرادات الخزينة، إلا أنه قال إن إجمالي الصرف على حكومة الجنوب من الموازنة العامة يصل الى (4.5) مليارات دولار في المشروعات والمفوضيات والخدمات أي بنسبة (22%) من الإنفاق، وقال إن صافي الفاقد سيصل الى (2.45) مليار دولار. وعدد الآثار المحتملة في مجالات الديون الخارجية وقضية المياه والبنيات التحتية المشتركة. ودعا المك لضرورة زيادة الجهد الضريبي والاعتماد على وسائل فعالة للتمويل مثل اصدارات الصكوك والسندات وترشيد الانفاق العام والتمويل الخارجي واقناع الجنوب بالاستمرار في الشراكة لعائدات البترول لحين إكمال بنياتهم التحتية، وطالب بضرورة الإسراع في اكتشاف النفط بالشمال. |
واتخاذ سياسات راشدة وتوجيه الموارد نحو الأولويات: أولويات منو الحكومة ولا الشعب؟؟؟ أولويات الحكومة أمن وسلاح وسلاح وأمن وقصر جمهوري وإستعداد للحرب الأهلية وإحتياجات الشعب تعليم وصحة وأمان وعيشة كريمة فبالله أفرز يا صابر
المرحلة التي وصفها بـ «الحرجة»: إعتراف مهم وبنحتاج ليها هنا بعد شويتين كدا. كان ممكن تكون أقل حرجا لو صرفتم أقل من هذه المليارات التي ذهبت لتزوير الإنتخابات وكان الشعب إنتخب ممثليه وعرفوا حل للمشكلة.
إن جملة الفاقد الإيرادي حال الانفصال ستصل الى (6.7) مليارات سبق،جنيه أي بنسبة (33%) من إيرادات الخزينة: بطلوا دجل، أكثر من كدا، أكثر من ستين في المية والتي هي دخل الخزينة العامة من البترول لأن الشمال سيفقد كل الدخل
ودعا المك لضرورة زيادة الجهد الضريبي: وهذا هو بيت القصيد والجهد الضريبي هو إسم الدلع للجبايات عند الإقتصاديين. مزيد من الضرائب والجبايات هو ما سيحدث وهذا تحذير مني لكل المغتربين، دبروا حالكم علي أن الدولة لا مخرج عندها سوي مزيد من الضرائب.
اصدارات الصكوك والسندات وترشيد الانفاق العام والتمويل الخارجي : البشتريها منو؟ ومنو البيثق في سندات تصدرها الدولة والتضخم بهذه الدرجة؟؟؟؟ والناس العندهم قروش ياهم ناس الحكومة والجاب قروش بالطريقة دي ما بضيعها في كدا في بلد ما مضمونة بكرة بكرة يطلعوا ليه قانون من أين لك هذا. وباقي الشعب أكثر من تسعين في المائة تحت خط الفقر. أكثر فئة من الطبقة الوسطي مفترض يكون عندها فوائض تستثمرها في سندات وصكوك هي الأطباء بتضرب ويضربوها مطالبة بزيادة الدخل.
اقناع الجنوب بالاستمرار في الشراكة لعائدات البترول لحين إكمال بنياتهم التحتية: أها وضحت النوايا ووضحت خالص، محتاجين للجنوب عشان دخل البترول. يا الداعين لإنفصال الجنوب من الشماليين تعالوا وشوفوا ويا محللين سياسين تعالوا أسمعوا وشوفوا نذر الحرب الأهلية القادمة ... لن يتخلوا عن الدجاجة التي تبيض دهبا ولو تخلوا عن شرع الله ولو أدت المسألة لحرب أهلية وحتشوفوا. أقرأوا المقابلة مع غازي صلاح الدين في بوست آخر.
وطالب بضرورة الإسراع في اكتشاف النفط بالشمال: ما قصروا في دي ومشوا شرق وغرب وفتشوا وقلبوا الواطة فوق تحت ولكن كل إن لم يك معظم الآبار التي حفرت طلعت جافة.
وشوية شوية تتضح الأمور في السودان
وشوية شوية تتعقد الأمور في السودان
|
Post: #13
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Abd Alla Elhabib
Date: 06-10-2010, 06:06 PM
Parent: #11
Quote: جني أنت طبعا عارف الكلام ده مقصود به المغتربين كأول هدف .
بالمناسبة يا جني . أنت ما داير لك كفيل جنوبي؟ |
lolz
good one ya Deng
thanks for the smile
|
Post: #14
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد حسن العمدة
Date: 06-10-2010, 06:42 PM
Parent: #13
هم حتى في الاحصائيات دي متناقضين ؟
33 % ولا 45 % ولا دا كلو عشان الناس ما تعرف الحقيقة يا وزارة يا مالية ؟؟!!
| Quote: فالجنوب سيكون دوله مغلقه بدون موانيء وستعانون الامرين في تصدير البترول وإذا قمتم بإستئجار خطوط نقل البترول بالشمال فستفقدون 70% من إيرادات النفط . |
خلاص كل دول العالم البتقع جغرافيا في وسط القارات وما ليها منافذ نشيلا نرحلا والا ح تموت لانها دول مغلقة ؟؟
الابتزاز دا في اي شي ؟
تحت تحت كدا قالو الاميركان مستعدين لكل شي شفت البترول دا يخمو في اكياس ويرحلو بالطيران ولا يعملو اطباق طائرة بس زي ما قال احد قيادات الحركة الشعبية ولا جالون ما بتشمو
بترول يدقو بيهو الاطباء ويشترو بيهو الذخيرة عشان يقتلو بيها اطفال دارفور ولا كجبار ما عاوزنو
|
Post: #15
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد حسن العمدة
Date: 06-10-2010, 06:42 PM
Parent: #14
دينق ما عاوزين ليكم قنصل ولا ملحق في السعودية ؟؟
|
Post: #16
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-10-2010, 09:24 PM
Parent: #15
جني وود العمدة وبقية المغتربين.
بعد كده ح تيجيكم ضريبة جديدة أسمها ضريبة فصل الجنوب. والضريبة دي ح تكون قاعدة لكم الى الابد.
بعد العز الضاقوهو الكيزان ده تاني ما ح يرجعوا للفقر. لازم يشفوفوا ليهم مصدر دخل جديد . وزي ما أنتوا عارفين.
المغتربين ديل هم البقرة الحلوب.
|
Post: #17
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Mohamed Suleiman
Date: 06-10-2010, 09:51 PM
Parent: #15
دوما:
Quote:
لوووووووول يا دينق ما تنسانا يا اخي
انا وجني عايزين جنسيات وباسبورتات عدييييل
|
كاااااااك
أرحموا عزيز قوم ذل!!
( الحاجة الواضحة فيكم يا دوما ... إنتو يا الجلابة ناس عمليييين .. يعني من برج : نقعد و نقوم علي كيفنا ... الإنبراش سريعا الي : عايزين جنسيات و باسبورتات ) ...
غايتو إنتي و أخوك الكاشف حضروا طلبات مشابهة عشان تقدموها لمحمد كبر :
Re: مكونات الدولة: غرب السودان من الإستغلال الى الإستقلال
|
Post: #18
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: doma
Date: 06-11-2010, 06:05 AM
Parent: #17
Quote: كاااااااك
أرحموا عزيز قوم ذل!!
( الحاجة الواضحة فيكم يا دوما ... إنتو يا الجلابة ناس عمليييين .. يعني من برج : نقعد و نقوم علي كيفنا ... الإنبراش سريعا الي : عايزين جنسيات و باسبورتات ) ...
غايتو إنتي و أخوك الكاشف حضروا طلبات مشابهة عشان تقدموها لمحمد كبر |
لوووووووووووول محمد سليمان صديقنا اللدود
طلبات شنو النقدمها لمحمد كبر؟؟؟!! محمد كبر ولدنا
ما سمعت في كل بلد سوالو ولد
اضافه لانه كبر ولدنا عندنا اسره كامله هناك وبيت جد نزار ولدي في قلب النهود
اي محل في السودان داير ينفصل عندي فيه وليدات وباسبورتات
محمد كبر ولدنا لزم
شمس الدين السنوسي ولدنا لزم
الرشيد البصيلي وحافظ حسن ابراهيم اولادنا لزم
هاشم نوريت ولدنا لزم وابو الريش تومي
والباشمهندس سيد احمد ابو بكر اخوي لزم .
|
Post: #19
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Wasil Ali
Date: 06-11-2010, 06:20 AM
Parent: #18
Quote: الخرطوم 26/5/2010 (سونا) توجهت وكالة السودان للانباء بحزمة من الاسئلة والاستفسارات وطرحتها علي الاستاذ الزبير احمد الحسن وزير الطاقة والتعدين وجاءت افاداته في نص الحوار التالي :
* ما هو مطلوبات البرلمان لتحقيق الوحدة ؟ - برنامج المؤتمر الوطني كان شعاره الوحدة وبرنامجه سيكون امام البرلمان مبادرات سياسية ومتابعة الاداء السياسي والتنفيذي ببرامج تعبوية وتنموية وادارة حوار مع الاخوة في الحركة الشعبية والجنوب لتحقيق الوحدة وفقا لاتفاقية السلام الشامل بجانب اكمال مشروع السلام في دارفور
* ما هو التحدي الاكبر الذي يواجهكم ؟- التحدي الاكبر ان نلبي طموحات الشعب السوداني من خلال الخمس سنوات القادمة من عمر الحكومة ،ان نواجه التحديات الداخلية والتحديات الاقتصادية العالمية وازماته الجديدة وتواجهنا في الداخل مشكلات اقتصادنا متمثلة في تطوير الصادرات غير البترولية وزيادة انتاج البترول وهذه تحديات تواجه الدورة الجديده من عمر المجلس الوطني بجانب مهام المجلس الرقابية والتأكد من سلامة الاداء ونظافة الايدي وصحة الاجراءات وايجاد التوازن بين القوى والسلطات المختلفة التنفيذية والقضائية والتشريعية
*أهم ما قامت به الوزارة في مناطق انتاج البترول في الجنوب لترجيح الوحدة
- بدأنا باقناع الاخوة الجنوبيين ان تعاملنا مع البترول بشفافية وايضا نستوعب عدداً منهم في وزارة الطاقة والتعدين وانتظام اللجان المشتركة بين الشمال والجنوب لمراقبة ومتابعة الانتاج لان قضية الشك في شفافية البترول احدي القضايا التي تعقد القضايا بين الشمال والجنوب وهذا المنهج الواضح سيستمر في مختلف الوسائل
وهناك مدارس انشأتها وزارة الطاقة والتعدين ومحطات كهرباء بالجنوب للمواطنين تمثل دعماً للوحدة
* ما هو حجم المنتج من النفط في الشمال ؟
بشكل 30% من الانتاج ولكنه يكفي لاحتياجاتنا في الشمال وهناك بترول في البحر الاحمر
* ما هي البدائل لتعويض عائدات البترول اذا انفصل الجنوب؟
- نسعى لزيادة انتاج البترول في الشمال وتطوير وترقية العائدات غير البترولية وسواء انفصل او لم ينفصل الجنوب لابد ان يزيد السودان انتاجه من السلع الاخري في المجالات الصناعية والزراعية والثروة الحيوانية ويعد برامج اقتصادية وتنموية ويبذل جهوداً كبيرة في تنويع صادراته وثرواته وجذب الاستثمارات الكبيرة لان البترول سلعة ناضبة واسعارها متذبذبة واذا انفصل الجنوب فهناك مشاكل ستواجه الشمال والجنوب علي السواء
الوحدة الجاذبة مسئولية الطرفين نتوقع اذا خلصت النوايا وصدقت يمكن ان تؤدي الي وحدة بقدر من التفاهمات في مناطق الشكوك والخلافات والزمن لازال موجوداً واقناع حكومة الجنوب والحركة الشعبية المواطنين بالوحدة امر ضروري واساسي
*برنامج المؤتمر الوطني في الجنوب أليس كافياً لتحقيق الوحدة ؟
- برنامج الوحدة من ناحية شعبية ليس فيه مشكلة ولكن من ناحية سياسية في ظل قيادة الحركة الشعبية الحالية يحتاج لبذل مزيد من الحوار والتفاوض لاقناع الجنوبيين بالوحدة
* هل ما تم تحقيقه من نتائج بالنسبة للمؤتمر الوطني في الجنوب يعبر عن شعبيتكم ؟
- هناك حرق لدور المؤتمر الوطني وتوقيف لدوره في الجنوب ومصادرة للحريات واذا تعاملنا مع الحركة الشعبية بالمثل في الشمال لما كان لها وجود في الشمال ولكن شعورنا تجاه قضايانا الوطنية وتجاه الحريات جعل الوضع يختلف وفي الشهرين الماضيين بعد زيارة الرئيس للجنوب تم السماح للمؤتمر بالعمل السياسي في الجنوب وكانت اثاره ايجابية
|
|
Post: #21
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 06:31 AM
Parent: #19
33% بس؟ ناس الانقاذ الظاهر بيحلموا
انا سمعت انو ح يفقدوا على اقل تقدير %80 من البترول بعد انفصال الجنوب
|
Post: #20
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: خالد العبيد
Date: 06-11-2010, 06:21 AM
Parent: #18
الجنوب لن ينفصل
|
Post: #22
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-11-2010, 06:35 AM
Parent: #20
قراءة ام امنية يا ود العبيد!
جنى
|
Post: #23
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 06:35 AM
Parent: #20
اخ خالد تحية طيبة
كلامك دا امنية ام حسب وقائع لا نعلمها؟
ام دعاء؟
لو دعاء ح نقول آمين
هذا كل ما نملكه
الدعاء
|
Post: #24
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 06:38 AM
Parent: #23
نرجو الوحدة
بس تحت حكومة تانية عادلة
وليس تحت ظل البشير وسلفاكير
|
Post: #26
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: علاء الدين صلاح محمد
Date: 06-11-2010, 06:48 AM
Parent: #24
| Quote: وليس تحت ظل البشير وسلفاكير |
وايه اليجمع البشير مع سلفا
سلفاكير معظم ناسو راضين بيهوا
الراجل حرر شعبه و جاب الحرية لناسوا
خلاهم مواطنين
ما تنسى ان البشير كان يوعد قاتل الكافر الجنوبي بالجنة و الحور العين
و اليوم ذات الكافر يشارك امير المؤنمين الولاية في القصر الجمهوري
و غدا ينفرد بحكم وطنه
انت شوف مشكلتك مع البشير خاصة بعد ذهاب الكفار
|
Post: #25
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-11-2010, 06:43 AM
Parent: #23
Quote: اخ خالد تحية طيبة
كلامك دا امنية ام حسب وقائع لا نعلمها؟
ام دعاء؟
لو دعاء ح نقول آمين
هذا كل ما نملكه
الدعاء |
Quote:
قراءة ام امنية يا ود العبيد!
جنى |
المداخلتين رد على مداخلة ود العبيد فى نفس الوقت 5:35 !
يا ود النيل انت جنيت ولا انا عقلت!
جنى
|
Post: #33
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: MOHAMMED ELSHEIKH
Date: 06-11-2010, 07:11 AM
Parent: #25
southيا جماعة الأنفصال حاصل دي ما فيها كلام الدولة الدينية في الشمال على الأبواب. يعني بعد كدى ما في حاجة اسمهااحقوق اقليات غير مسلمة وما شابه ذلك وأتوقع الطيب مصطفى وزيرا للشئون الدينية(الشئون الدينية دي اسم الدلع لفصل الدين عن الدولة). انتو يا ناس حتى الأن ذقتم (أمر) واحد ومنتظركم الأمرين!!!! بشارة الأستاذ محمود لن تذهب ادراج الرياح بس ....الفرج ات. دولة الجنب المنفتحة سوف تذدهر الدولة الدينية في الشمال سوف تستعدى العالم الحر و غير الحر الخناق سوف يضيق على دولة الشمال حكومة وشعبا. بعد داك... سوف تفرج باذن الله
ياود العمدة بخصوص ممثل قنصلي للجنوب في السعودية ابشرك! ضربنا الصحبة زمااان مع دكتور مجوك south
|
Post: #27
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: munswor almophtah
Date: 06-11-2010, 06:53 AM
Parent: #20
ليس بالبترول وحده يحي الإنسان وبترول السودان ليس بأكثر من بترول ليبيا
ولا نايجيريا والعاقل يتعظ وإنسان السودان أهم من كل المغامرات التى تبنى
على العواطف والعالم يتوحد ككتل إقتصاديه وإستراجيه وعالمنا يحلم بالإنشطار
والإنشطار لا ينتج إلا إنشطارات هلاميه حتى يختفى الجميع ويحل محلهم واقع آخر
واليعلم من لا علم له أن الملح والبصل والسمسم أقيم من البترول وبها يحى
الإنسان فأنظروا إلى ماذا يريد إنسانه ولا تنظروا إلى ما تريدون يا ساسته.................................
منصور
|
Post: #29
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: خالد العبيد
Date: 06-11-2010, 07:00 AM
Parent: #27
الاعزاء جني ومحمد النيل
تحياتي لكم ولتوارد خواطركم المخيف !
الجنوب لن ينفصل وهذه حقيقة وليست امنية وذلك من قراءات معلومة وليست خافية
ساعود بالتفصيل
ساغيب لمدة يومين عن البورد
ولكن ساحاول العودة قدر الامكان غدا
لكم احترامي
|
Post: #30
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 07:01 AM
Parent: #27
| Quote: يا ود النيل انت جنيت ولا انا عقلت! |
والتقينا فى طريق الجامعة
(الكابلى)
|
Post: #31
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: jini
Date: 06-11-2010, 07:05 AM
Parent: #27
Quote:
ليس بالبترول وحده يحي الإنسان وبترول السودان ليس بأكثر من بترول ليبيا
ولا نايجيريا والعاقل يتعظ وإنسان السودان أهم من كل المغامرات التى تبنى
على العواطف والعالم يتوحد ككتل إقتصاديه وإستراجيه وعالمنا يحلم بالإنشطار
والإنشطار لا ينتج إلا إنشطارات هلاميه حتى يختفى الجميع ويحل محلهم واقع آخر
واليعلم من لا علم له أن الملح والبصل والسمسم أقيم من البترول وبها يحى
الإنسان فأنظروا إلى ماذا يريد إنسانه ولا تنظروا إلى ما تريدون يا ساسته.................................
منصور |
لا فض فوك يا ود مفتاح الخزنة
هولندا اصغر من مزرعة دكتور المتعافى ولا يخلو رف متجر قى المعمورة من منتجاتها!
الانظمة العسكرية والديكتاتورية ترى فى شح النفط اكبر مهددات وجودها كما تحتاج الشعوب له فى حياتها اليومية فايضا الطغم العسكرية تحتاج له لاطالة ذراعها الامنية لتمكين قبضتها الامنية للامساك بتلابيب الوطنيين الاحرار!
ابتلينا بقادة تسيرهم شهوتى البطن والفرج كان الله فى عوننا!
جنى
|
Post: #28
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Al-Shaygi
Date: 06-11-2010, 06:58 AM
Parent: #6
Quote:
بالمناسبة يا جني . أنت ما داير لك كفيل جنوبي؟
|
غايتو يا دينق جني ما بيأبى وأنا زاتي جاهز وممكن أسافر جوبا من بكره ويلا بلا قطره بلا عقال...
وكان ما داير تكفلني فصاحبي جمال واني رجع ليه كم سنة وجاهز يكفلني وكمان يعرس لي بته..
أهه رأيك شنو؟؟
أما جماعتك المؤتمرجية (ناس محمد فرح وأخوانه) خليهم ياكلوا نيم...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #32
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 07:07 AM
Parent: #28
| Quote: الاعزاء جني ومحمد النيل |
اخ خالد
لو اتنين قالوا ليك اضانك مافى
دا معناه انفصلت كما الجنوب
|
Post: #34
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: محمد النيل
Date: 06-11-2010, 07:12 AM
Parent: #32
| Quote: وايه اليجمع البشير مع سلفا |
عدم رغبتهما فى استمرار ياسر عرمان فى سباق رئاسة الجمهورية
|
Post: #35
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: MOHAMMED ELSHEIKH
Date: 06-11-2010, 07:13 AM
Parent: #32
يا جماعة الأنفصال حاصل دي ما فيها كلام
الدولة الدينية في الشمال على الأبواب.
يعني بعد كدى ما في حاجة اسمهااحقوق اقليات غير مسلمة وما شابه ذلك وأتوقع الطيب مصطفى وزيرا للشئون الدينية(الشئون الدينية دي اسم الدلع لفصل الدين عن الدولة).
انتو يا ناس حتى الأن ذقتم (أمر) واحد
ومنتظركم الأمرين!!!!
بشارة الأستاذ محمود لن تذهب ادراج الرياح
بس ....الفرج ات.
دولة الجنب المنفتحة سوف تذدهر
الدولة الدينية في الشمال سوف تستعدى العالم الحر و غير الحر
الخناق سوف يضيق على دولة الشمال حكومة وشعبا.
بعد داك... سوف تفرج باذن الله
ياود العمدة
بخصوص ممثل قنصلي للجنوب في السعودية
ابشرك!
ضربنا الصحبة زمااان مع دكتور مجوك
south
|
Post: #36
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-11-2010, 12:03 PM
Parent: #35
Quote: lolz
good one ya Deng
thanks for the smile |
الأخ عبد الله الحبيب.
القصة الظاهر ح تود مرة أخرى للجبايات، وأخونا جني ده رغم أنو جلابي إلا الراجل في الحقيقة بطالب بدستور علماني. لذلك نرحب به وفي أي وقت في الجنوب.
|
Post: #37
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Sabri Elshareef
Date: 06-11-2010, 03:47 PM
Parent: #36
في جريدة اخري قال 70 او 75 في المائه
|
Post: #38
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Nasr
Date: 06-11-2010, 08:05 PM
Parent: #37
الحكاية وما فيها إنه دخل الدولة والذي يأتي معظمه من البترول ثم الجبايات آخذ في التآكل
بسبب الإنفصال
بسبب إنخفاض أسعار البترول عالميا
أو بسبب الإهدار للمال العام الناتج من سؤ الإدارة لجهاز الدولة
وليس في جعبة مهدري المال العام
والمفرطين في الدولة وأرضها
والريعيين 0الذين جعلوا كل دخلهم من ريع سلعة واحدة0
ليس في جعبتهم سوي مزيد من الجبايات
رغم أنه الجبايات الكثيرة بتجيب الهواء
لأن دافع الضرائب لابد من أن يطلب من المشاركة في التصرف فيها
أو علي الأقل يعرف
وهذا ما أدي لتدهور سلطة الملوك في أوربا وتنامي سلطة البرجوازين والشعب
البيدفع بيطالب بالمشاركة في الحكم
ولكن ذلك مقدور عليه حتي الآن بآلة البطش الضخمة والتي أشادتها الديكتاتورية الحاكمة في السودان
ولكن المهم جدا ولعلم الكافة هنا
أن هناك مزيد من الضرائب والجبايات في الطريق
وهذا موضوع لا ينفع معه أي هروب للأمام أو لا مبالاة
وكأن الأمر: البتقع من السماء بتتحملها الواطة
من الممكن ومن الضروري مجابهة أي زيادة في الضرائب بالسؤال المهم عن أين تصرف
والمطالبة بالشفافية والحساب ولد
ما تموتوا موت الضان
شالوا قروش الدهب وسكتوا
شالوا قروش البترول وسكتوا
بوظوا مشروع الجزيرة عماد الإقتصاد السوداني وسكتوا
خربوا السكة حديد أساس المواصلات والإتصال والبنية التحية وسكتوا
كمان ما ممكن تسكتوا علي قروشكم لمن يشيلوها منكم ؟؟؟
ولا كيف؟؟؟؟؟؟؟؟؟؟؟؟؟؟؟؟؟؟؟
|
Post: #39
Title: Re: د. صابر: الانفصال سيؤدي لفقدان (30%) من إيرادات نفط الجنوب..
Author: Deng
Date: 06-12-2010, 03:59 PM
Parent: #38
| Quote: دينق ما عاوزين ليكم قنصل ولا ملحق في السعودية ؟؟ |
ود العمدة.
من شروط الوظيفة . عدم جمع الجبايات من المغتربين.
|
|